Jemma Malsawmtluangi POV
Ka en reng laiin arawn hawi chhuak a,min hmuh chuan mak atih hmel khawp mai,"nunu ka kal ania,zanah kalo bia ang che"ka bag ka lâk hnuah ka ti a, hmanhmawh deuhin step ah ka tlân thla hlawk hlawk a "Sawmte lo ding teh,"ka bana rawn vawn pahin Remruatpui-an ati sup a.
"Enge ila duh cheu a,pakhat ah i lungawi theilo emni,"ka tih chuan thawk ala vang vang a,"ka bialnu anilo i duh chuan nangmah ngeiin han fiah rawh,"atih chuan ka nui hul hak a.
"Angai kherlo e,"tih paha kal mai ka tum chuan min pawt let hrawk a,"lo kal rawh hetiang ringawt chuan a dik dawnlo,"atih chuan kalo ṭang ve ṭang ṭang a,min pawm nawlh in step ah min pen chho pui pawk pawk a,ka zak bawk si "min dah thla rawh keimah in ka kal mai ang,"ka tih pawh chuan hrelo ang hmak in a awm.
"Remruatpui a zahthlâk emai,min dah thla vat rawh keimah in ka kal ve thei,ka kal ang,"ka tih chuan min dah thla ve mai a,an room awmna kanlo thleng ṭep tawh,ka kutah nghet zetin avuan a,roomah chuan min luh pui a.
Nichin a a awmpui nu khan mak tih hmel zetin min en tawn zak zak a, Remruatpui-an min vawnna chu rilru nat hmel zetin a melh a,a ṭhiannu ati bawk sia ka hrethiamlo.
"Chhuante heihi ka bialnu Sawmtei anih hi,bawihte heihi Chhuante-i"ka kut rawn hmer zeuh pahin ati a,bawihte minti vel khanglang anih chu,ka beng pawp zâwk dâwn amawni.
"Imm bialnu inei hmelṭha hle mai,heihi ka bula i sawi ziah kha,"Chhuante-in atih chuan abu nghut a,"lo ṭhu rawh u"Chhuante-i bawk in ati leh a.
Remruatpuia ka kut ka kalbo hlau ni awm takin avuan tlat a,ka phone arawn rik pawh chuan aman ka bag aṭang ka phone a lachhuak a,Mahlimi alo ni min nghâk rei tawh viau mai, Remruatpuia vang vek "aw Mahlim hei damlo kan kân lawk a,minlo va haw san mai rawh u,zanah kalo bia ang che u,"ka tih chuan "tunge damlo a"alo tivat a,"nakinah ka hrilhfiah vek ang che,"ka tih chuan "awle"ati ve sep a.
Phone ka hmang zo ka hawichhuah chuan minlo melh reng chu niin,"enge a"lai deuh ṭut in kati a,"engmah nilo e,i hmelṭha lutuk a,"Remruatpui-an atih chuan ka hnungah nalo te in ka chum a,anui suk mai.
Nu pakhat kan awmna ah arawn phei ve a,Chhuante-i nu ani ngei ang,"Chhuante inu alo kal tawh tho a,kan kalsan phawt ang che aw tih fel tur kanla nei sia,"Remruatpui-an atih chuan ka ding ve vat a.
"Awle in inneih chu ka hmang hman em ang chu aw,"Chhuante-in atih chuan Remruatpuia ka envat a,"hman lutuk e,inneih hun tur kan sawi fel ṭep lo nghak deuh rawh,kan va phei phawt ange"atih hnuah min kai chhuak a.
"Inneih te ngatinge i sawi ve ringawt a,ka duh ngawt ami"kan chhuah ruala ka tih chuan ading dat a,"min neih duhloh leh ka ru che nga nimai alawm"atih chuan ka en tawp ringawt,hepa hian enge a hriat ni.
"Palai hmel in hmu vat ang"ka bianga rawn fawh zeuh pahin ati a,hepa hian inneih chu ati tak tak amawni,"hey fiamthu na chi anilo ania aw,"ka tih chuan min rawn en a.
"Ka fiamthu reng reng hleinem,lo chuang phawt rawh hruai duhna che ka nei,"atih chuan bike ah ka lawn ve mai a,eng vanga nem hma em em nge ka nih ka hrelo, Remruatpuia hi Chan ka hlau a mahse inneih erawh kala duhlo,kan in ngaihzawn na ala reilo a,chuta kârah kan in ngaihzawn dan hi ala mumal lo em em zui a.
Ka kut rawn la in a kawngah min kuah tîr a,ka thlah biklo bike hi ka chuang zen zen ngailo a,ka hlau hle bawk durtlang lam panin min tlanchho pui zêl a,a tlanchak bawk sia bike mah nise ka rui lek lek ani.
In mal ding kawtah a bike a tiding dat a,ka chhuk ve vat bawk "lo kal la,"a kut ka vawn theih turin arawn dah a,vuan lemlo in a awmna lamah ka phei a,anui suk mai.
Inchhung ah chuan tumah an awmlo,"heihi tute in khawilai nge a,"ka tih chuan min rawn en zawk a,a thaw hak mai "kan in nilo se ka hruai ngawt dâwn che ami"ati a,Aizawl ah in an nei tih ka hre miahlo.
Room pakhat ah min luhpui a,room chhung chu rawng thim lampang in a in chei a,khum lian deuh a awm bawk,varanda zau deuh a awm a anuam reuh lutuk.
"Ka ngai lutuk che,"ka hnunglam aṭang a min rawn kuah pahin ati sup a,a rimtui tak chu kalo hip lût vang vang mai,amah en thei turin min kuai her a,kalo dawh mawl deuh tawp.
"Sawmte min nei duh em,zu pawh ka in tawh ngailo"atih chuan ka nui hak a,"ka fiamthu hauhlo ania"ati a a tum hmuk mai.
"Kan la in ngaizawng reilo e,bakah kan in ngaihzawn dan hi a mumal lo,"ka tih chuan a hmui liak huh deuhin minlo en a,"min ring rawh hreawm in ka dah lo ang che,"atih chuan ka chhang tawhlo,kanu in a duhloh zia a hria a engtin tak ti ang maw.
Ka hmuia arawn fawh chuan ka ding khawng deuh at mai,infawh hi chu azei ve chiang alawm"min nei rawh Sawmte"kan chal leh chal la insi reng chungin ati thawp sap a.
"Kan chhungten an remti ngawt dâwn ami,"ka ti a kanu in a duhlo tih sawi dawt chu ka duh biklo ani,"kan chhungte an innei dâwn hleinem,kan pahnih in alâwm kan inneih dawn,"ati a.
"Min thlah phawt rawh,"ka tih chuan engmah a sawi tawh biklo kan in thleng min thlah a,kan in awmna ka hrilh tawp siloa engtin nge a hriat theih ni.
"Palai hmel in hmu vat ang,inu chuan minlo duhlo mahse nakinah chuan min duh vat ang,"a tih hnuah a helmet a down a engtin nge ka nu in a duhlo tih a hriat theih,hepa hi amak ka ti a awmdan hi.
Inchhung a ka luh chuan kanu in eirawng alo bâwl mek a,ka bag ṭhuthleng ah dahin ka phei ve vat a,min hmuh chuan alo nui ve sang mai.
"Nu pasal nei ta ila engtin nge itih ang,"ka tih chuan min en zawk a,"ngatinge pasal neih itum deuh tihna ami,pasal ineih chuan engtin nge ka tih vak ang,"nui huah huah chungin ati a,a makpa tûr hi tunge anih hria se hetiang hian anui hauhlo ang.
"Iti tak tak ami tunge a,"min rawn awm hnaih pahin ati a,uLydia-i pawh arawn phei ve chiah a,"nakinah i hre mai ang"ka tih chuan a hmel a siam chhe zeuh a,"i inthup vel khanglang ami"atih chuan zalo deuhin ka nui a.
"Awi thei ilo hâwn ṭeuh chu ka van lawm tak,ka naupai vang hi nge thei ka eichak reng zêl a,Aizawl ah hi chuan thlai leh thei man ato sia,ka lei ṭha ngam ngailo a,"uLydia-in arawn ti a,a sawi lai mek pawn serṭawk a vel mawlh mawlh mai.
"Ka awmna ah rawn awmla nuam iti ngawt ang,"ka tih chuan anui ve hak hak a,a mah chu a ngo zualin ka hria,"kalo awm ve chak nichin khan Pasal neih te kha isawi ri zuai in ka hria"min fiam zeuh pahin ati a,kan innel bawk a sawi hreh vak aneilo.
"Pasal ka neihsan daih maithei che mawle,"kuah thuak thuak pahin kati a,anui ve hak hak mai "nang ber in pasal ineih dâwn chuan i thil duh ber ka leisak ang che,"ati a a inhuam khawp mai.
"Khatin i u kha va kuah vak vak suh,hreawm ati ange i mawl thei emai,"kanu in atih chuan ka thlah ve mai a,kanu hi chu a rilru a chhe hranlo, uLydia-i pawh kha an inneih dawn khan a duh vaklo ania mahse tûnah chuan a ngaina tawh lutuk,a fanu te ai pawn a duat zawk.
"Han intifai rawh,"kanu in atih takah chuan ka chho ve vat a,Hmangaihzuali nên kan intawk a aroom aṭang a rawn chhuak ve chiah,"khawnge i kal dawn"ka tih chuan min en zawk a.
"Ka ṭhiannu nên kan chhuak lawk dawn,u i bakkilh i room ami avar kha ka nei daih ania,i hmang ngai chuangloa,"atih chuan "nei rawh"ka tive sep a,roomah ka chhoh san nghal daih a.
Ka in bual laiin ka phone ah zai ka play a,ka sakpui rat rat mai,ka inbual zo ka chhuah chuan Mahlimi leh Eli te ka room a lo awm reng ka hmuh chuan ka phu nasa lutuk.
"Awileh,ngatinge thawm neih miahlo a in awm a,nangmah ni ang lo takin"ka tih chuan an nui hak a,"tumaw i bialpa chu"min rawn awm hnaih pahin anti a,engtin nge anlo hriat hman ni.
"Tunge ka bialpa"ka tih chuan ka hnungah Eli-in arawn beng pawp a,kawr kala ha bawk siloa a thip vawng vawng thei,"ana lutuk"ka ti hluai a.
"Nunu-in min hrilh vek ania sawi mai rawh,"Mahlimi bawkin ati leh a, thawmhnaw ka hak fel hnuah khumah kan ṭhu bial a,ka hrilh ta vek a a chang leh an thinrim a,a chang leh Remruatpuia chu avan mak anti leh ṭhin a,a awm ve tho ka bialpa hmasa ber kha ani miau a.
"Inneih aduh a palai hmel inhmu vat ang te atia,engtin nge ka tih dâwn pawh ka hrelo,"ka tih chuan Mahlimi a ngawi vang vang a,Eli chuan"nei pawp rawh,awi i vânnei bik e i first love i nei thei dâwn a,amah berin a duh a,a inhuam te chuan chhuah reng reng suh"ati leh ṭhin a.
"Mipa chu an zia an thup thei ania aw,Ms aṭha viau na chu a ṭhalo englo in inneih hunah engtin nge a awm zêl ang a hriat miahloh,"Mahlim-in ati a,ka hrethiamlo takzet.
"Aho emai,an inneih hunah an awmdan tur te chu a hriat mai dâwn alawm,neila ka duhpui che naupang chhe zawk zawk ini tawhlo a,kum sawmthum itling ṭep ania,sawmthum tlin hma a pasal neih aṭha ka ti a chhan chu,kan ṭhat lai hian kan mawng a zang a tha kan ngah deuh zâwk bawk a,fa ineih pawn nangmah ila ṭhalai a itan pawn aṭha dâwn,i upat hunah ineih chuan ilo thatchhe ve deuh anga itan thawh zung zung ahar tawh ang,kan ṭhatlaia neih vat vat hi ṭha ka ti zawk,pasal la nei tûr vek kan ni tho sia, Remruatpuia pawh nangmah vangin a insiam ṭha mek tihna ania,a hmangaih tak tak che aniang chu,nilo se chuan zu te pawh ala in awm e,nghei ngawt ahar ania,ka u pawh an inneih hma khan zu a in ve nasa a,mahse nupui anei chiah a a puitling sawt,"Eli-in ati duah a.
"Kum sawmthum ka tling ṭep kherlo aw,"ka tih chuan anlo nui hak hak mai,"Nunui te inneih naah chuan engmaw kan hak dâwn"ka tih chuan kawr mawi deuh thlalak hi min hmuh tir a.
"Heihi analh kan tia, i duhzawng ani em,"Mahlim-in arawn ti a, Mahlimi hi designing lam alo zir tawh avang in thawmhnaw nalh pawh ahre hle a,hetiang nikhua ah pawh amah vêk kan ring ṭhin,"nangman nalh itih kha animai"ka tih chuan abu nghut a.
"Awi kei chu pasal hi neih ka tumlo,"Mahlim-in atih chuan kan en tawp ringawt,kum sawmthum pahnih lai Mahlimi ani tawh a,mahse ala naupangchhia takzet bialpa pakhat bak ala neilo,a bialpa khan nupui an nih lai rengin a neih san daih sia,khata ṭang khan mipa hi a ring leh thei tawhlo ani ber.
"Pasal neilo in fa enkawl tur hi awmse,ka tar hunah pawh min enkawl thei tur,"ati leh a hetiang hian a sawi ve ziah,a tlai deuh tawh avang in haw an rawt a,Eli-in scooty alo keng anih hmel,anva haw hman amawni.
Pawn thleng ka thlah a,an tlan liam thleng chu ka thlir zui reng a,inchhung a ka luh leh chuan kapa pawh room aṭang alo chhuak chiah a,ka u ten hna an nei vek bawk a,kanu leh pa chu hna thawh an phal tawhlo,keipawn hna an thawh ka phal tawhlo,an tar ve tawh sia an chak tawh siloa,an in tih nat kan hlau ber ani,kapa erawh chuan hna thawh loh a awm tawp chu hreawm ati khawp mai.
"Mate hetah rawn kal teh,"kapa in atih chuan ka phei ve mai a,"enge i hnathawh na chu a an,nuam iti maw"atih chuan nui sak in ka bu nghut a,"aw pa anuam lutuk"ka tih chuan alo nui ve hak hak a.
"Nang ber in nuam itih chuan a ṭhat chu"ati a,"kha i fanu khan nichin ah pasal neih te asawi ri ania,"kanu kan bula rawn ṭhut ve pahin ati a.
"Animaw nia a hun ve tawh alawm,tupawh neila kei chuan ka pawm vek ang,mahse pasal hi thlan fimkhur angai ania,i kumkhaw daih tur ani tawh a,"kapa in ka hnunga ben thak thak pahin ati a.
"Imm ni e Mate fimkhur hle tur,"kanu in alo tive sep a,ka bu ve nghut nghut mai,"chaw kan ei dawn ami,i u te va ko lâwk ta che mate,Hmangaihzuali chu a ṭhiannu te inah chaw a ei dawn,"kanu in atih chuan ka tho ve vat a.
Ka u room a ka luh dawn chuan Rohlu-in thil min thawn kha hrechhuak thutin ka roomah ka chho a,ka lak hnuah ka u roomah kik lemlo in ka lut tawp a,a phu nasa khawp mai,"Mate nangmah alaw"ati hluai a.
"Imm heihi Rohlu-in lo pe rawh atia"ka tih chuan arawn ban ve mai a,"chuan chaw kan ei dawn lo chhuak rawh aw"ka tih hnuah min chhânna pawh nghak tawh lemlo in ka chhuak a.
Ka u te nupa rooma ka luh dawn chuan ka kik thlap a,"lo lût rawh"uLydia-in arawn ti a,ka lut ve mai bawk ka u room ka hmuh lohna arei tawh bawk a,anlo ti danglam nasa khawp mai.
"Chaw kan ei dawn a lo chhuak ula,"ka tih chuan anlo phei ve vat a,chaw ei kan siam zung zung a,Hmangaihzuali tello mahse ka chhûngte nên a chaw kan eiho leh thei chu nuam kati takzet.
Chaw kan eikham hnu rei vaklo ah doorbell arawn ri a,kava hawng vat a Remruatpuia alo ding run mai,pangpar lah chu arawn keng hnem em em mai leh nghal a,pangpar huan rawn siam atum amawni.
"Enga tan nge"a thil rawn ken kawh zeuh pahin kati a,min chhanglo chiang hle"Mate tunge,"kanu in arawn tih lang lang takah chuan ka luhtîr vat a.
Kânu leh pa in kan lut chu minlo en run a,ka zam lek lek ani kanu leh pate mah nise nuamlo kati,"e Remruatpui nang alaw lo kal rawh,engtik in nge ilo chhuk a"kapa in rawn din pahin arawn ti a,an in chibai vel thlap anih chu.
A pangpar rawn ken chu kanu ape a,kanu pawn mak ati khawp mai,"ava tam ve"ati hluai a,kanu ngainat em em rose par vek ani bawk,"ava rimtui ve"tih pahin lawm takin kanu in ala ve mai a,kanu hi chu a lawmna hi aho sia,tûnah pawh a nui ver ver thei tawh,"kava khawi nghal ange"phur deuhin ati a,choka lamah a phei nghal bawk.
"Lo ṭhu rawh,thingpui kava lum ange"ka tih chuan kapa bulah aṭhu a,choka ah ka luhsan ta daih a,"amawi tiro Mate,awi a rimtui si"kanu in min hmuh rualin ati a,ka nui tawp.
"Thingpui a duhlo maithei,coffee pawh a awm kha,tui deuhin siam rawh"kanu in ati a,ka nuih aza telh telh,pangpar vawikhat alo kensak dek dek a,a mizia a inthlak nghal vek thei ania,kanu hi chu amak ve thlawt.
Thingpui chawi chunga kava let leh chuan kapa nen anlo titi nasa mai,an thil sawi lah chu a puithu hmel sia,"Matei pawn tlaiah khan asawi zeuh alawm"kapa in atih chuan a ngaihna hrelo zetin ka en a.
"Engtik ah maw palai hmel kan hmuh dâwn a,"kapa in atih leh phei chuan ka meng phâwk tawh khawp mai,"karleh velah aniang"Remruatpui-an ati a,ka bo tulh tulh.
Remruatpuia pawh rei deuh aleng a,kapa nen an inkawm zawk ani ber,a haw dawn chuan pawn thleng ka thlah a,palai chungchang sawi pui ka tum chuan a sawi ṭha duh miahlo,a tlân liam thleng chu ka thlir tawp.
Inchhung a ka luh leh chuan kanu leh pa in min koh avâng in ka phei veleh mai a,"Mate pasal ineih pawn ṭha deuhin awm tur ania,an monu chu asual si an tih te a hlauhawm ania,fel deuhin va awm rawh aw,kan hmuh phakah i awm dâwn bawk siloa,"kapa in atih chuan ka bu nghut ringawt,kapa te meuhin an hriat chuan ṭhulh theih ani dawn siloa,palai rawn kal hun tur chu ka huphurh lawk,ka nei duhlo ka tih chuan an thinrim dâwn sia.
"Remruatpuia chu nia atîr kha chuan a sual viau turah ka ngai a,mahse alo fel phian a,"kanu pawn ati ve a,room a ka chho hnuah Remruatpuia ka call a,alak rualin ka an khum vak a,engtin mah min chhanglo.
Thudang ah pakai phei atum a,a tawpah phei chuan ka ar chungchang ah kan lut tawp,"i ar ho chu nangmah ang chiah in an hmelṭha,"te ati leh ṭhin a atawp ah chuan ka nui ve tawp.
Nunui te inneih ni chuan kan buai khawp mai,an inah kan riak khawm a,min chei tu pawh an tam khawp mai,nula hna nei ani a pawisa ah chuan a buailo bawk a,mahse keini pawn phallo viau mahse min cheitu tur chu kan intum ṭawm a,a chhan pawh ṭhianah kan ṭan vek dawn vang ani,biak in chhûngah erawh keimah in ka ṭhutpui thung ang.
Biakin lam kan pan lai chuan ka kut nghet zetin avuan a,a huphurh takzet tih ka hria,Nunui pasal anei zo chiah anga keiin ka nei veleh dawn sia,palai an rawn kal tawh a,kan inneih ni tur pawh thla thar ni sarih ve tho ani,ka huphurh rualin ka phur tho bawk sia, Remruatpui-an min duat a,ka bulah a awm deuh reng a,achang chuan ka vin leh vak ṭhin a,anui mai mai thung kanu leh pa a ti lawm thiam a,kanu phei chuan a makpa treat tawh,kei ai pawn an inkawm thei tawh zâwk.
Biakin a thu an chham laite chuan uluk deuhin kalo ngaithla a,ka tawn ve tur anih vang ani,alawi luh dâwn chuan "ka haw leh mai dâwn amawni,"ka beng bulah arawn ti sar sar a,ka nuih aza hle thung.
Nunui te inneih kan hman zawh hnu lawkah ka thawhna hmunah ka haw a, Remruatpuia nên kan haw thung,anu te pawn min fiam zuk zuk a,kanu te pawh a tukah ka u te nupa nen an rawn kal ve a,an khaw mipui in kan inneih tur thu an hre tawh a,inlêng kan nei awllo ka ṭhian te pawh karleh lamah an rawn chho dâwn a,Masanga pawn min lawmpui ve hmel khawp mai.
Nu Zaii te chhungkua an ṭangkai khawp mai,kan mamawh tur engkim min buaipui a,Nu Biakte-i pawh ka inah a awm deuh chawt ani ber,kanu nên an inkawm ngeih tawh khawp mai,Rohlui pawn min rawn pui nasa,ka pasal nei tur chu keimah aiin khua ami te an phur zawk amaw tih mai tur ani,Mamtea pawh a bialnu in nau apai tih Remruatpui-an min hrilh a,anla innei lo anih hmel.
"I ṭhiante bulah awm ve la,"Remruatpui-an ka hnunga min rawn zui dawt dawt avâng chuan kawng dâwm meuhin ka en a,ar chaw ka pêk lai lehzêl pawn min zui,"apawi vak ami ka nupui tur inia"atih chuan ka nui tawp.
"Saw saw i phîr pui"ar thau ve lampang pakhat kawh paha atih chuan ka ar chaw pekna thleng in alu ah ka chhu pawp a,a lungawi loh hmel khawp mai,keimah tak pawh chu ka lungawi lo.
"Khawnge i kal leh ṭut ṭut dâwn a,"uLydia-i sunhlu Kunga ding chu Remruatpui-an ati sup a, uLydia-i fiamthu alo duh ve bawk nen Remruatpuia nen an in fiam zuk zuk reng mai,"dul hma hruai deuh khan thing kungah i lawn leh dâwn ami,"Remruatpui-an atih chuan kalo khap vat a, uLydia-i lah chu anuih za ber berah aṭang a.
"Remruat minlo pui lawk teh,"kanu in inchhung aṭang arawn tih lang lang chuan Remruatpuia alut ve vat a, Remruatpui pawh a ti phal tawhlo,Remruat ati deuh tlat tawh a,keimah ai pawn a duhsak tawh zâwk, Remruatpuia nen kan inneih hunah chuan ka hna hi ka chhunzawm thei tho anga mahse warden erawh kani thei tawh dawnlo thung,pawi ka ti vak lemlo,ka chak ber teacher hna kala thawk thei tho dâwn a,Warden hi hetah chuan nula leh tlangval chiah an ni thei a,amak kati reuh khawp mai.
Naupang ho pawh school an lût leh ṭan tawh a,Warden pawh Aizawl aṭang a thar an rawn awm leh dâwn anih hmel,thla thar ni nga aṭang chuan kan buai azual a, school pawh kan chawl rih,ni rûk man hlan anih avang in Aizawl lama chhuk leh a buaithlâk e kanu ten antih avang in ka inah man kan inhlan mai dâwn anih hmel.
Remruatpuia te pawh an buai aniang nileng in kanla inhmu lo,mikhual kan ngah deuh avâng in a ṭhen nu Zaii te inah an thleng a,nu Zaii te anlo inhuam bawk a nuam anti khawp mai,hemi khua a lo kal apiang chuan cham hlen an chak ṭhin,kan khua ka tih tawh mai aniang chu.
Zanah Remruatpui-an call in min rawn bia a,a ṭhiante nen an in bulah ruai ṭhehna tur vel an buaipui anih hmel,Rohlui pawh arawn riak ve tawp ṭhin a,ka u nen pawh an inzui chhuak veleh zeuh ṭhin a,ka ṭhiante nen pawh rinai takin an inkawm thei,Mary leh Ahma-i pawn min lawmpui thu an sawi ve tak na chu an lawm vak hmel loh.
Man hlanni chuan zîng tawkah kan tho a,kan buai nak nak khawp mai,man kan inhlan fel chuan pasal nei tawh ang maiah ka in ngai,"nuam iti e hreawm kati zawk,"Hmangaihzuali ka nau in ka bula rawn din paha atih chuan ka beng pawp a.
"Aizawl lama i thawmhnaw chu kalo nei tawh mai ang,"atih chuan ka nui ringawt,kan tetlai aṭang tawh in ka thawmhnaw leh ka thil hrim hrim hi a awt thei lutuk a,tûnah chuan anei vek tak tak dâwn a,anui deuh reng mai.
Ka pasal neih ni tur chu a rawn inher chhuak ta,min chei laite chuan darthlalang ah ka in en leh ṭhin a,makeup ka hman thiamloh avâng leh ka hman ngai vakloh avâng in ka hmêl chu ka hmu dang riau mai,ka ṭhiante pawh an mawi.
Min chei zo ka chhuah chuan ka u in minlo en nasa khawp mai,"Mate i mawi lutuk"ati sup a,ka nui ve hak mai,ka ṭhiante leh ka chhungten ka mawi zia min hrilh deuh reng a,biakin lam panin ke in kan chho a,biakin ka hnaih em vang ani,naupang ho pawn min en duh khawp mai,"miss i vân nalh em em"an tih deuh reng a,chutiang thu hriat chu anuam takzet,min thlahna pualin naupang ho an zai dawn bawk.
Biakin chhûngah ka u in min kai lût a,ka u Andrew-a pawh kan inneih hmang tur liau liau in arawn chho a,kan inneih zungbun pawh "hei tal chu kalo tih sak ve ang che,"atih avâng in to deuh min leisak a, uLydia-i pawn ka awh em em kawr min leisak bawk a,inneih hma aṭang Gift ka dawng mawlh mawlh reng mai.
Ka u in zamlo tûrin min hrilh deuh reng a, Remruatpuia chuan nuisâng in minlo en a,ani pawh amawi takzet,biak in chhungah Mahlim-in min dinpui dâwn a,Mamtea nen an inmilh vaklo nge an in melh hrek hrek reng zêl a,achang chuan ka nuih tawp zel.
Inneih thu kan chham lai chuan uluk deuhin ka chhûngte leh ṭhianten anlo ngaithla tih ka hria,biakin aṭang a kan chhuah chuan camera arawn de nghal chhuai chhuai a,nu Biaktei pawh analh khawp mai,an khua hi alian vaklo a,an khua mi zawng zawng deuh thaw in kan inneih min lawmpui a,keimah tak pawh chuan nuam kati.
Thla kan lâk laite chuan ka ning phallo hrim hrim,ka tana hun hlimawm leh ka nun a ka hriat reng tawh tur ni ani sia,thla kan lak zawh ah biakin kawt phul hring dup a cake zaina tur an siam ah chuan kan phei tlang nghal a,hei pawh hi Rohlui leh nu Zaii te buatsaih vek ani.
Tlai dar li ah Remruatpuia te inah chuan ka lawi dâwn ta,ka lawi luh dawn chuan an zai ṭhap ṭhap a,ka kal te chu alai zo vêkin ka hria,Nunui thusawi kha ka hrechhuak zawk mai,kalo nui mai mai kha ania ka hun a thlen chiah chuan nuih luih ahar khawp mai,ka zam lutuk chu ka kut te avawt vek.
Ka kut Remruatpui-an arawn vuan a,ka lawi lût ta chaw kan ei hnuah kan room turah kan indah fel a, Remruatpuia room a têt deuh avâng in kan room a thlang lampang ah anlo sawn chu niin,dar sawmpakhat bawr vel thleng chu inlêng an awm reng a.
Room a kan luh hnuah kan intifai a,kan mut dâwn chuan ka zam takzet,"inthlah dul rawh hlauh suh bawihte,"min kuah pahin Remruatpui-an ati thawp sup a,"kan in ngaihzawn dan mumal lutuk lo mahse la hmangaih che a,itan pasal ṭha tak kani zêl ang,"atih chuan ka nui ve suk a.
"Keipawh itan nupui ṭha tak nih ka tum ang,"ka tih chuan min rawn fawp vang vang a.....
A tawp ta....
Hemi story bik hi chu aho tiru keimah tak pawh hian aho ka tia
next story a a u Brandon-a te story ah an lang zeuh zeuh dâwn aw....next story hi lo dah leh vat ka tum ang aw naktuk kan awl anga*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/