ACADEMIC LOVE BY Judy Chhak Chhuak (Completed)

[Ngaia]

Chapter-13



Jemma Malsawmtluangi POV
Dawhkan ah naupang ho paper vel ka check a,Masanga pawh a haw na ala rei vaklo, Remruatpuia lah in call ala thei siloa,message pawh a in two tick theilo,dar sawm vel thleng ka nghah hnu pawh a arawn lan loh avâng in Naupang ho ka en zawk a,ka mu nghal daih a,tlaia kan inbiak avâng khân a thinrim amawni aw ka ti rum rum.




Zîngah ka alarm riin minti harh a,peihlo deuhin ka tho a,tunlai chu ka awm anuam lo thei riau mai,ka tho tur chu ka lu arawn na zawk a,ka mit avai deuh ruai ruai avâng in ka lu dawmin ka mit ka chhing vang vang a,ka men leh chuan tlemin azia deuh.




Tho in ka inphih fai sawk sawk a, Remruatpui-an nizan lama ka message thawn pawh ala seen lo tih ka hmuh chuan ka thin arim ṭun mai,a chhan tal rawn sawi ve tûr ania.




Vawiin chu inrinni ani a,huan lama kal anti deuh anih hmel,naupang ho pawh hostel huan vel tifai tûrin kan hruai vek ang,ka inhnawh puar leh tête a,ka chhûngte bula ka awmlo chiah chu chaw ka ei khat khawp mai,mahni chiah chuan eitui ahar si.




Dar riat velah Rohlu-in min rawn sâwm a,naupang ho erawh an kal hma thung,hetiang a in tih thawven zeuh zeuh te hi nuam anti ve ṭhin a,lehkha zir leh hostel chhunga awm ngawt ngawt kha animai a,chuvang a chhuah pui ve zeuh zeuh kan ni.




"Midang ho an kal tawh ami,"ka tih chuan abu nghut a, Remruatpuia chanchin hre chak hle mah ila zawh ka tumlo,ka zawh reng chuan a nin ve ka hlau ani.




Huan lam panin kan pahnih tê in kan inzui thla a,sawi tûr avâng bawk sia sava hram ri bak hriat tur a awmlo,"han lawn ta che mawle,enge maw i hriat le nizan lamah i che na deuh animaw",kan awmna thlang lam hnim bûk kar aṭang a ti khur khur thawm kan hriat chuan kan ding deuh dat a.




"Mamtea aw ava ang ve,"Rohlu-in ati a,keipawn a ang ka ti thlang lam kan zuk en chuan tumah hmuh tur an awm bawk siloa,"kal ang"Rohlu-in arawn tih chuan ka kal veleh mai a.



"Tunlai chu Mamte-a ang deuh deuh ka hmu a,a aw ang te ka ngaih aṭhalo riau mai", Rohlu-in ati a,a hmel ah pawh chuan a lang thei hialin ka hria.



"Aho lutuk engmah anilo ang,"kalo tive sep a,mau hmun kan thlen chuan avawt leh ruih tawh,"heti lai vêl hi chu ka ṭih deuh tlat zêl,mahni chauh a ka kal phei chuan"Rohlu-in ati a,keipawn nuam ka ti viaulo.



Huan kan thlen chuan hna anlo thawk nasa tawh khawp mai,Mary leh midang ho zawng pawh anlo thleng vek tawh,Mary chuan min en zawk zawk a,a awmdan chu amak ang reng.



"Heti lamah rawn phei rawh u,"Masang-an akut rawn phar zeuh paha atih chuan kan phei ve mai a,"nidanga in hma theih nen vawiin chu inva tlai ve a",ati a.



"Nia kan rawn kal muang lutuk a,"chhuanlam tur ka hriat loh em avang in ka ti thla ve rawih a,alo nui suk mai,rinai takin tha a ngah a,mau phel vêl te chu hnehsawh tak ani,huan kan hung ṭhat dawn avâng in hmeichhe ho in hnim vel kanlo tifai a,mipa ho in an hungna tur mau vel an lo siam thung.




REMRUATPUIA POV
"I mawl emai,chho rawh,"ka kawr ben fai thuak thuak pahin ka ti a,Venghnuai lama ka ṭhian ṭhenkhat te nên serṭawk huanah zu kan in a,serṭawk lawh a awlsam bawk a,a seh hmeh atân a ban zawk zawk theih,tengtere chu lawh ahar emai.




"I bialnu chuan a bialpa duh ve na che nge,"Remawi-an arawn tih chuan ka en zawk a,minlo en ngur mai,engtin nge hetiang thleng thleng alo hriat leh tawh ni,Mamtea tih loh chuan an hrelo ania,hepa hian a ruih laiin a lo sawichhuak ani leh ngei ang chu.




"Ngawi mai mai teh,"ka ti hluk a,zu hi in duhlo viau mah ila keimah a chakna hi ka hneh ngânglo ani,Mamtea pawh arui leh tawh khawp mai,thingkung hnuaiah amu hle hle,"zanin chu kan veng lamah ride ila",Zomuan-an ati a,ka chhang lemlo.



"Ka haw dawn,ka peihlo zanin chu ka chau emai,"Mamtea mutna lama phei pahin kati a,a muhîl amaw ka tih kha arui chatthla lek chu lo niin hepa hi chu zu in a thiam thlawtlo.



"Hey Stung-a tho rawh,ka haw dawn ania"ka tih chuan a in let tual tual ringawt a,zu hi a in thiamlo ve ngawt mai,hruai zen zen chi pawh anilo,a hmuh chhunah a in nghek zêl.



"Tho rawh Stung-a,"pawh thawh lawp pahin ka ti a,ala phu zawk mai,phun hlukin ka kuah chho a arim nam tur tawk vel chiah in ka in ṭhin a,ka rui ve em em hranlo bawk nen bike ka khalh theih mai ka ring.



Bike ka tih nung hnuah Mamtea ka hnungah ka phur a,ka kawng ah arawn la kuah deuh tlat zui,hepa ka nin dan em em hi chu.



Mamtea te inlam panin ka in khalh chhuak a,an in ka thlen chuan anu in kawtah vawk chaw alo chan mek a,min hmuh rualin atum leh hmak tawh.



"Hepa hi chu inkawm tawhlo mai ula aṭha ang,in inkawm ve tawh chuan in rui reng mai,a hahthlâk emai,ka phur arit lutuk,fapa pakhat ka nei ve a,chuta kârah zu ngawlvei ala nizui a,inah lah hmantlak loh",a benga rawn pawh thlâk pahin ati hlak hlak a,Mamtea pawh a harh chiang tawh viau ang chu.




Kan in lamah ka tlân chho a,ka bike pawh sil angai tawh viau mai,inchhung a ka luh chuan tumah ka hmu mailo,roomah lut tlang nghal in khumah ka mu deuh vang vang a, Malsawmtluangi ani ka ngaihtuah leh tawh ni,henu hi chuan ka mumang thleng in kian zai min relsan dawnlo anih hmel.




Ka phone khum bula ka dah chu ka han zeuh a,charge pawh alo tam leh tawh khawp mai,ala full chiah lo na chu ka phawi tho a,ka on chuan message alo tam khawp mai, Malsawmtluangi message pawh a awm ṭeuh na chu ka chhang tawh lemlo,arei tawh em avang ani pakhat.




"Remruatpui i awm em,"ka room kawngka rawn inchum ri bur bur ka hriat chuan ka harh zawk mai,kalo muhil hman ani ngei ang.




"Tunge",vin deuh taka tih pahin kava hawng a,kanu alo ding run mai,"iva pawr ve,i bike saw i sil dawn em,pipe ka lakchhuah lai sawn va khawih tîr thuak thuak rawh,abal emai khawnge maw i kalpui ni,irui leh tawh animaw,"min rawn hnim thuak thuak pahin ati a.




"Ruilo,"room aṭang a chhuah pahin ka ti a,ka chhuak vat lo anih chuan min hau leh reng peih dâwn,bike ka sil mawlh mawlh laiin Mary arawn kal a,ka bike silna bulah arawn ding ve reng a,amah pawh chu abal khawp mai,ka bike nen danglamna an awmlo.




"I insil ve duh ami,"ka tih chuan alu a thing a,"ibal bawk sia ka sil i duh ve amaw ka ti mai asin,"ka tih chuan ala ṭhu tak deuh deuh a.



"Vawiin ah Masanga leh Sawmtei an inzui deuh chawt a,an in ngaizawng amawni ka ti deuh a,"ati sep a,"an inzui ve animai lawm,duh leh Aizawl thleng rakin inzui se a pawina a awm ami,i thusawi hi ka awi mai mai dawnlo,"ka tih chuan anui suk a.




"Awle ka hrilh ve mai mai che,"din pahin ati a,ka pipe ken chuan a mawngah kava phuh deuh hram a,a thinrim ngam chiah siloa,a hmel chu a nuihzatthlâk reuh lutuk.




Ka bike sil zo inchhung a ka luh hnuah ka in ngaihtuah vang vang a,bike silna dawr te hi hawng ila ka hlawk phian maithei ani,Masanga bike saw zantin chirh Mamtea hi tah tîr ziah ila,a sil peih ngai siloa bike silna dawr ka neih chuan arawn dah mai zel dâwn a.




"Ṭha lutuk,"ka tih chuan kanu in min rawn en zawk a,"engmaw ṭha,"ati vin leh hlar tawh,"bike silna dawr ka hawng dâwn,"tukverh bula mei zu khu hlat hlat pahin ka ti a,a thinrim hmel khawp mai.



"Nang khan engmah iti ṭha peihlo,i hawng vel ange,tih miah suh kan buaina leh tûr vek"ati vin hlar a,ka fiam chak tlat.



"Zing i tho hma thei bawk a,zingkar aṭang bike isil anga,hlawh ka hnenah irawn dah lut zêl anga,"ka tih leh phei chuan a meng ling hlar tawh.



"Nupui neila i ṭhat phah ve deuh mahna,Mary hi nei tawp rawh,"atih chuan ka hmui ka tisawi zeuh a,"Sawmtei zâwk pawh ani maithei asin",ka tih chuan alo nui hak mai.




"Sawmtei te ang chu i phulo,phu pawh nila a duhlo ang che,bem te itum vel ange minti zak leh lutuk palh ang,khua ah hian thil sual man vel ah lah nise i hming leh Mamte-a hming a lang tel ngei ngei a,hmanni lawkah pawh in zurui in vengthlang lamah buaina inzui siam animaw vengthlang lamah khuan kal tawh suh u ka tih ziah kha,i ṭhian kawm te lah hi nangmah ang deuh deuh bak i kawm ngailo,"ati duah a,ka chhang peihlo.



"Munga",pawn lam aṭang a Zomuan-an arawn tih chuan ka chhan hma hma in "a awmlo,tui chawi tûrin ka tir",kanu in ati a,pawn lamah ka chhuak fel der tawh.



"Enge,"ka tisup a,khua pawh athim thet thet tawh,"zanin chu kal ila",ati zawi sup a.



"Khawiah maw,"ka ti a,ka ṭawng ring ngam biklo kanu pâwnah alo ding leh vang tawh.



"Venghnuai ah zu tui chi lakna ka hria,"ati sup a,"ka hmanlo zanin chu ka bialnu rim angai,"ka tih chuan min ei loh hmel khawp mai.



"Iho emai,"atih chuan ka kut kalo vai thuak a,"zu kal phawt mai rawh u,Mamtea hruai ula in duh chuan nidangah animai,"ka tih chuan min hnial tawh bik lemlo.



Inchhung a ka luh chuan kapa inbual zo arawn chhuak ve chiah a,kanu pawn min melh leh nasa tawh mai,"zanin chu khua alum riau mai,"kanu en zeuh pahin ka ti a, ka kawrlum ka phelh nghal bawk.



"I â em alawm,khawlum laiin no loh hlau niâwm fahran in kawrlum iha a,khua avawt ta cheng a,kekawr bul nen kawrlum pawh halo in ikal leh vung vung a,"ati leh duah a,kapa chuan hauh enah pawh min en tawhlo,min en liam vel mai mai tawh aniang.




"Inkhawm zan ani sia chaw ei hma ang u,"kapa in ati a,anih chuan Malsawmtluangi a inkhawm ve ngei dâwn chu inkhawm bânah ka leng mai ang.



"Zanin chu khawiah mah chhuak suh,inkhawm ve ang che Zomuan-a te pawh kha rawn kal reng suh se,in awm ho chuan zu in in ziah"ati leh a,achang chuan ka ning ve thei khawp mai,pi kaphrangi ani ringawt.



Chaw kan ei mawlh mawlh laiin kapa in "ngatinge vawiin ah huan lamah min rawn puih loh,rawn kal rawh u in ṭhian ho in ka ti ani lâwm ni,"ati a,engtin mah ka chhanglo.



"Camp te hi siam se,lut ve ula aṭha ang Mamtea nen hian"kapa bawkin ati leh a,chaw ei pawh atui tak tak theilo,min hau peih tawhlo amaw ka ti zo chiah a.



"Ni chiah mai pa-a tunlai ṭhang thar te hi an nundan a diklo tawh sia,an in copy ve ngei a,thil sual hi an zir zung zung a,aṭha lamah an hming alang ngai bawk siloa,"kanu in ati ve a,alo pawm khawp mai,ka chaw thleng chawiin ka kham ta daih a.



Jemma Malsawmtluangi POV
Inkhawm tura ka insiam zawh hnuah Rohlui nên kan inzui chho a,tunlai chu Rohlui nên hian naupang ṭha leh ang maiin engpawh ti dâwn ila kan insawn reng zêl a,mahse kan inpawh phah sawt mai.



Naupang ho pawh an kal vek tawh a,hostel chu an awmloh chuan areh ruih thei,a te nawi deuh ho erawh exam dawnah chuan buaipui an ngai viau ang,a lian ho in an enpui reng hman dawn siloa .



Biak in chhûng a kan luh chuan rinloh deuhin Mamtea leh Remruatpuia ka hmu hlol mai,an inkhawm pawh ka ring chiahlo kha ania,tunlai a mizia hi tlem in a thlâk ve deuh a,zantin deuh thaw rawn leng ṭhin kha ania zanhnih vel dâwn ang arawn lang tawhlo.



"Awi keichu ka buaithlâk lutuk a,inkhawm lai hian ka inthiar a chhuak ve ziah", Rohlu-in ka beng bulah arawn ti sar sar a.



Ṭawngtai leh short sermon chiah anih avang in inkhawm chhûng pawh arei lemlo,"lo pengkawi la,"biakin kawta kan din hnuah Rohlu-i en pahin ka ti zeuh a,"peng kawi tawhlo mai ang,ka nau rual hian kazu haw thla zâwk ang,"ati a,ka hnial bik lemlo.



"Sawmte i haw dawn chiah ami,"Masang-an ka bula rawn din pahin ati sup a,kalo bu nghut nghut mai,"naupang ho lehkha zirpui lawk angai a zanin chu ka rawn peng kawi lawk ang,"ati a,step a kan inzui thlâk lai chuan naupang ho pawh kan hnung lamah an rawn kal a,an bengchheng thei khawp mai.



"Lo lût phawt la,thingpui in phawt ila naupang ho inthlak chhûng"ka tih chuan min hnial lo in arawn lût ve mai a,"zanin chu i in chei vang nge ka hmu ṭha riau che",atih chuan ka nui hak hak a,"chu ka in cheiloh in ka hmelṭha lo itih na mi,"ka tih chuan "nilo e,i hmelṭha reng,i inchei hian i ṭha lehzual,"ati a.



Inchhung a kan luh hnuah "lo ṭhu rawh aw kan inthlak lawk ang,"ka ti a,abu ve nghut mai,ka inthlak mawlh mawlh laiin ka phone ari a,ka en chuan ka u alo ni.



"Aw u"ka lak rualin ka ti nghal a,"mate karleh thawhṭan hian rawn kal kan tum a,kanu leh pa te nên",ati a,"aw lo kal rawh u"ka tive sep a,ka phur ru khawp mai.




Thingpui ka lum te chu keimah in ka nui ka nui a,kanu te ka ngai ve tawh em ani,"Trekhmuam"kawngka lam aṭang a an rawn tih chuan ka hawi vat a, Remruatpuia leh Mamte-a leh mipa pathum vel hi anlo ding a.



"Lo leng rawh u,"ṭha deuhin kalo tive mai a,zanin chu a ṭhiante arawn lenpui ani ngei ang.



"Inva fel ve in rawn leng a,"ka tih chuan Remruatpui-an min eiloh hmel khawp mai, Amawi-a a awmloh chuan Masanga nen pawh ṭha deuhin an inbia a,Masanga hi a sual hranlo a,mi chanchin pawh asawi ve ngailo tluk ani.



Thingpui ka lum belh leh avang in ka chhuang leh a,thingpui ka lumzo kava phei ve chuan phone anlo khawih vek,tûnlaiah chuan ṭhiante nen inhmuh khawm te hi nei ve ṭhin mah ila,mahni phone vek hi kan tleipui tawh a,phone hi chuan mihring zâwk te hi min control ka timai.



"Naupang ho chu ka zu tihpui vat ange,"thingpui a in zawh hnuah Masang-an din hluai pahin ati a,sa angam khawp mai,"awle puih i ngaih chuan ilo sawi mai dâwn nia,"ka ti a,abu ve nghut mai.



"Tunlai chu iva reh ve a,"Remruatpuia ka bula aṭhut avâng in ka tisep a,a ṭhiante chuan min rawn ngaihsak lemlo,"ka reh hleinem"tih zawngin min chhang.




"Eheee ava mak ve,"Remruatpuia ṭhianpa in din hluai pahin ati a,kan en ṭhap mai.


Show post links
Top

[Ngaia]

Chapter-14



Jemma Malsawmtluangi POV
"Enge", Mamte-an atih chuan a phone la bih reng chungin a thaw hak a,adang nghal vek leh nghal a,"ipi"Remruatpuia en pahin ati a,"ngatinge ka pi chu"din hluai pahin Remruatpui-an ati a,"Munga ipi a thi an rawn be theilo che aniang,"ati a "ka phone hi a chianglo a"ati a.



"Kalo phei ve ang lo va kal hmasa rawh u,"Remruatpuia te chhuak tur chu ka ti a,a mittui tling kha ka hmu hman Api nen an in pawh zia ka hria a,apawi ka ti khawp mai.




Thingpui no vel ka sil zawh ah ka insiam a,kawng ka kalh ṭha ka chhuak tur chiah chu "chhiat tawh thu kan han puang ange,pi Lalsangzuali kum sawm sarih pakûa chu tûn mai khan a boral a,a thei thei kal khâwm tûr ani",tih an rawn puang a,engtin emaw tak ka awm,an in a ka kal te hian min be ve siam siam zel kha ania,ka ui khawp mai.




Masanga pawh hostel aṭang arawn chho vat a,mahni a kal ai chuan tiin kalo nghâk a, Remruatpuia te in lamah Masanga nen kan inzui phei a,a ui zia asawi ve dap dap a,nu zaidam deuh mai ani a,a hrisel lo ve bawk em ani.




Remruatpuia te in kan thlen chuan mipawh anlo tam hman khawp mai,Api ruang bulah Remruatpuia leh anu anlo ṭhu a, Remruatpuia pawh mipa mah nise a insum theilo ani ngei ang,api engmah hre tawhlo chu kuah chungin a tap hâwm hâwm a.




Remruatpuia bulah pheiin a hnungah ka chûl a,mi pawn min ngaihsak lemlo,an in chu ṭap riin a khat ani ringawt.



Min rawn en zawk a,ka kutah nghet zetin a vuan a,Api chu a hmel adang bai a,ani chu thlamuang takin a chawl tawh bik sia,kan in hriatna la reilo Mahse nu fel leh zaidam tak ani tih ka hria.



Midang an rawn kal belh tak zêl avâng in ka tho chhuak a,inchhung ka chhuahsan lo thung,khawhar Zairi chu ka bengah aring khawp mai,nakinah chuan hetiang ang a la kal mai tur vek kanla ni sia,nun hi alo vân ho tak.



"Awi ka buai lutuk a,ka rawn kal hman chiah",ka bulah Rohlu-i rawn ṭhut pahin ati a,Mamtea pawh Remruatpuia bulah a ṭhu a,a mit asen ve ram mai.



"Avan pawi tak,pi Sangzuali chu ka ui khawp mai"tiin kan bula nutling ṭhu te chu an phun leh sep sep ṭhin a.



Rei deuh kan ṭhu a,an lumen dâwn avâng in kan tlaivâr ve mai aniang chu,Mary pawh Remruatpuia bulah a tap chawt a,ka tan tih vak ngaihna a awmloh vang ani.



"Kava zung lawk ange,"ka bula ṭhu Masang-an arawn tisup a,kawng kalo kian vat a, principal in anu chanchin tlangpui asawi a,ani chu a insum thei viau mai.



"Naktuk inkhawm ka tum nen mitthi in lamah hian kal zawk ila aṭha ang,"Rohlu-in pawn ah zung tura kan chhuah hnuah ati a,keipawn mitthi in lamah kal ila aṭhat zawk ka ring.



Rin ai takin mi kal an tam a,inchhung an lenloh avâng in pâwnah YMA ṭhuthleng an dah a,keini pawh inchhung lamah lut tawh lemlo in pâwnah kan ṭhu a, Remruatpuia ngaihtuah viau mah ila tih vak ngaihna a awm siloa.




"Thawhṭan ah ka chhûngte rawn kal an tum a,"ka tih chuan "ava ṭha ve,"alo tive sep a.



Dar thum ralah pawh khawhar in zai ri chu ala nung ṭha khawp mai,inah pawh haw mah ila zairi a hriat tho ang,kan in a in hlat vak siloa,naupang ho erawh hostel lamah an awm thung,mahse zairi chu an hriat ve tho ka ring.



"Inchhung ah lah mi an khat vek bawk sia,lut pawh ni ila ṭhutna kan changlo ang,"Masanga kan bula rawn ṭhut pahin ati a.



"Nia a pawilo zawk,tlema tar chaklo deuh zâwk te ho saw a chhûngah ṭhu rawh se,khua avawt sia",kalo tive sep a, Remruatpuia pi ṭhiante pawh an rawn kal nual a,Aizawl lam aṭang Remruatpuia unau te leh an chhûng dangte an rawn kal mek anih hmel,naktuk vuina hun serh hmang hman tûrin.



"Mizo nih hi avan nuam tak,chhiat ṭhat ah pawh kan in kal pawh zung zung a,"Rohlu-in ati a,keipawn ka thlawp viau mai.



Zinglam dar nga ah Remruatpuia u leh naute an rawn thleng a,nau pawm anih avang in naute chu Rohlu-in ala vat a,naute chu a muhîl tui em em mai leh nghal a,chuan Remruatpuia ang deuh mipa motor aṭang arawn chhuk a,inchhung lamah an lut tlang nghal bawk.



Zan lam mu miahlo in kan zai tawh bawk sia ka chau ve reuh khawp mai,"kava pui lawk ang aw,naute hi lo pawm lawk mai,"Rohlu-in atih chuan ka ban ve vat a,naute chu thla nga vel bak anih ka ringlo,ala hmelṭha em em mai leh nghal a.




Inchhung a zairi pawh a reh tawh a,ṭap ri erawh ala awm reng thung,"i mut a chhuak tawh viau em,"Masang-an arawn ti sar sar a,kalu kalo thing ringawt thung,mahse ka pawr deuh fap in ka ring.



Naute arawn chet tak laih laih ah chuan ka dinpui vat a,arit ve tawh reuh sia a hahthlâk ve reuh khawp mai,a chum chu ani bawk nen puak mai ka duh,"Masang ka showl bah hian naute hi minlo puak tîr lawk mai teh a,"ka tih chuan arawn tho ve vat a.




Naute min rawn puak tîr chuan ka hahdam huai thei,ala ṭawn tight em em zui,mahse engmah ka sawi lemlo.



Amawi-a te pawh inchhung aṭang an rawn chhuak a,a hnungah naute nu khan arawn zui bawk,"ala harh nange,a riltam tawh ka ring a,minlo puak sak a ka van lawm tak"ati ve luam a.



"Inchhung lamah reilo te awm leh ka duh sia,bawnghnute bag ah hian ka dah a,a harh hunah minlo pêk sak leh lawk mai ta che,"in thlahrung dekin ati a.



"Awle awle lo dah rawh kalo pe dawn nia,"ka tive a,anu a chhûn khawp mai naute chuan anu pawh nu lianpui mai ani a,a hmel erawh a fai vung mai.



Inchhung a aluh hnu rei vaklo ah naute arawn harh a,afel khawp mai a ṭap miahlo,mahse min en deuh vang vang a,min hmuh ngailoh vang te pawh aniang,bawnghnute ka hnek tîr chuan a rilṭam aniang a hne duak duak mai,mipa tih takah a heh khawp mai.




"Nufa in ang reuh lutuk,"Masang-an arawn ti a,kalo nui ve hak mai,Rohlui pawh chu arawn let leh har khawp mai,inchhung aṭang Mary leh Remruatpuia rawn inzui chhuak chu ka en reng a, Remruatpuia pawh amit abui deuh lâk mai.



"Kalo pawm chhawk dâwn che ami,a hnek zawh tawh chuan,"Masang-an naute rawn melh zeuh pahin ati a,kalo peve mai bawk ka rinai takin azei.



"Ivan zei em em keimah ai pawn i zei daih zawk alawm,"ka tih chuan anui ve suk a,"ka tute ka pawm ṭhang alawm,ka haw chuan pakhat tal ka paw ziah,"intithei fahran hian ati a.



REMRUATPUIA POV
"Tui kha min rawn pe teh,"Mamtea tanky bula ding melh zeuh pahin ka ti a,min rawn peve mai bawk,tui chu ka in khawlh khawlh a,ka zia huai pawn ka hrelo,kapi min enkawl seilian tu leh min hmangaihtu ka chan chu ani sia,mang ramah pawh hetiang hi kala mangphan ngailo.



"Bro inti pachang hrâm hrâm rawh,"Zomuan-an ka hnunga rawn beng thek thek pahin ati a,ka ṭhiante hi ka tan an hlu takzet,mi chuan zurui thle kual mai mai awm ṭha duhlo pawh lo ti mahse ka tan chuan vantirhkoh ang vel anni,chhiat ṭhat ah pawh min kalsan ve ngailo,zankhua in chhing khat pawh chhinglo in ka bulah an ṭhu ve char char.




"Ipi chuan vân aṭang arawn thlir reng ang che", Mamte-an ati ve ngei a,ka rilru hreawm hle Mahse ka ṭhian te avâng hian ka inti pachang hrâm hrâm ani.




"Ka hria alâwm,"ka hmai tuai puatin ka ti a,kapi hmun ruak chu azau khawp mai,zingtin nui Sanga min be ṭhin tu kha ka hmu tawh dawn siloa,anui ri te kha ka bengah acham reng,zu ka in pawn min hau ve ngailo,ṭha takin min hrilh ṭhin kha ania zu ka in chuan keipawh ka in thiamlo ṭhin.




"Kan lut leh dâwn ami,nge i inhnawh puar phawt dawn,"Rempui-an atih chuan kalu ka thing a.



"Mama ka zawng che alâwm,hetah animaw ilo awm daih a,"ka unaupa neihchhun Hudson Lalmuankim-an arawn ti a,ani pawh hi keimah ang tho keimah aiin a sual zawk emaw tih tur ani,a nghawng a tatoo awm avâng hrim hrim sawn miin an ngaina theilo,a awm ve tho misual pâwl a zawm miau a,mahse tûnah chuan ani tawh biklo,afel tawh lutuk a tatoo erawh ala tih reh tirlo,hetia a awm chhan pawh hi a bialnu vang anih ka ring,bialnu christ deuh anei miau a.





"Kan lut dawn,"amah en ngur pahin ka ti a,kapi khan a damlai in ka u hi a hmuh chak thu a sawi reng zêl kha ania,alo haw duh ngailoh avâng hrim hrim in ka haw hluah hluah.



"Kal ang u,"ka ṭhian te en pahin ka ti a,min dang bik lemlo,kapi chu hmuh hreawm ka ti,a thla amuan hmel bik ngawih ngawih,tûnah chuan min ngaihtuah dâwn tawh siloa.



"UMam Api hi ka van lainat tak,"ka nau in arawn ti a,amah kuah chungin ka ṭhu ve reng a,kapi hi ka ngai dawn takzet a kal dawnah min lam ngei awm sia,a bula ka awmlo chu ka in thiamlo a hreawm ka ti takzet, Malsawmtluangi pawh ka ngaihsak hmanlo,atîr a ka hmuh bak kha kala hmu leh miahlo bawk.




Thlan laih naah ka ṭhian te an kal vek a,kei erawh kal an phal velo thung,Mamtea min awmpui tûrin an dah a,ka ṭhianten hetiang taka min ngaihsak hi ka ring pha lo hrim hrim.



Kapi kut vawt thlêr chu ka vuan a,ahma chuan alum thei asin mawle,meilum kan aidun te hian akut a hem a,ka kut arawn vuan leh ṭhin a,alum vung vung zel kha ania tûnah chuan keimah zawkin ka hum lum angai tawh si a,"pi ka mangṭha theilo che,i tel ve lohna khawvel hi aruak lutuk,"ka rilru in ka phun ve mawlh mawlh a,ka ngaih zia tal hi hreve se ka ti.




Jemma Malsawmtluangi POV
"Thlan laih naah lo kal ve la,"Remruatpuia nizan a alo len puipa pakhat in naute rawn chhaih pahin ati a,"kallo mai ang,naute ka pawm bawk sia,"ka tih chuan akal veleh mai a,Masanga thlan laihna lamah akal ve daih bawk sia kawm tur ka neilo,Rohlui lah rawn let tih reng reng anei bawk siloa.




Inkhawm tura kal te chu an rawn lut leh zâwk ṭhin a,"Sawmte ka rei em,sawtah venghnuaiah kan zu kal alawm,an sawi lawk siloa ka rawn hrilh leh hman ta silo che a,"Rohlu-in arawn ti a,ahah hmel khawp mai.




"Imm a pawilo,"ka tisep a,naute chu ka bag a in chahbi ka khalh tir a,a tlei ve khawp mai,"i chau tawh awm va haw la,va mu zuai la,"Rohlu-i bawkin ati leh a.



"Chaulo e,haw rihlo mai ang,naute nu hi rawn kal phawt rawh se"ka tih chuan minti lui biklo,ani pawh a awm ve reng a,ka ril erawh aṭam reuh takzet.



Ka pum ari leh rak rak ṭhin a,thingpui chu in tawh tho mah ila ka rilṭam a hnem lo,"dawrah eitur kan zu lam dâwn ami,"Rohlu-in arawn ti ta nge nge a,ka hnial loh zawng tak.



Naute chu ka paw ṭha sauh sauh a,anu arawn chhuah mai ka rinloh avâng in ka hruai ve a,dawr pawh a hla lemlo,an inkhawm ka rin nen anlo in hâwng hlauh a,a tih zia tak tak ani.




Eitur vel kan lei kan let leh lamah Mary leh Ahma-i kan tawk hlawl a,an hnungah Amawi-an arawn zui bawk.



"Khawnge in kal a,"Ahma-in ṭha deuhin ati a,keini pawn kan kalna kanlo sawi ṭha ve mai a,aruk chuan min ngei leh ngawt ang.



Remruatpuia te in lama kan let leh chuan zairi pawh a awm tawhlo,"Hudson ilo kal ve a,"Rohlu-in Remruatpuia ang deuh ka tih pa kha nuih pahin ati a.



"Nia ka rawn kal ve anih hi,"ati ve mai a,a sual ka rin rin nen a fel phian mai,mihi an landan ngawt a teh chi alo nilo anih hi.



"Khawi kalo la tawh ang,"naute nu in kan bula rawn din pahin ati a,naute pawn anu a ngai tawh aniang anu a hmuh veleh amen pur pur mai.



"Ka lawm lutuk aw,"min rawn en vang vang pahin ati a,"aho lutuk a fel sia awm anuam lutuk,"ka tive luam a,a pasal ni awm tak hian naute chu arawn la a,an kal liam ta chu ka thlir zui vawng vawng mai,naute khan zun anei ka ti dâwn nge ka ngai nghal vawng vawng thei,mak deuh maiin keimah hi ka ruak huai mai.




"I in lamah kan va phei dâwn ami,intih fai te iduh ang"Rohlu-in atih chuan ka hnial tawh bik lemlo,in eipuar phawt te ka duh,ani pawh an in a hlat deuh avâng in ka inah arawn kal ve mai a.




Eitur vel ka siam laiin alo inphih fai a,noodles zingkar a han ei chu atui duh vaklo,kan ei zawh hnuah ar chaw ka pe leh tête phawt a,ka inti fai zawh hnua kan let leh chuan mi pawh anlo tam leh tawh khawp mai,vuina hun serh dar sâwmpahnih ani a,kan puan ken inchhung a kan dah hnuah reilo te a kuang bulah kan ṭhu ve a, Remruatpuia chu hmuh tur a awmlo.




Pawn a kan chhuah leh hnuah Masanga leh Amawi-a kan bulah an rawn ṭhu ve a, Remruatpuia ṭhiante pawh bike in an tlan kual zak zak mai,hemi te hi ka rinai in an inpe zo,an sual viau in ka hrelo.



Masanga pawh a fai leh sar sar tawh khawp mai,tlangval mah nise in vawng fel thlap thlap chi ani a,a in phei chu ka in ai pawn afai zawk a tih theih ang.



"Remruatpuia hi kala hmu leh miahlo,"Rohlui beng bulah ka ti sar sar a,"Venghnuai a kan kal dawn khan ka hmu,Mamtea nen an in bulah sawn an ṭhu deuh reng a,ka ti buai duh lemlo a,ka khawngaih reuh khawp mai,a tuar reuh sia,"ati dap dap a.



Vuina hun serh an hman zawh hnu thleng pawn kala hmulo,thlan thleng kan thlah liam ve a,thlan lamah erawh Remruatpuia leh a ṭhiante ka hmu thung,mahse midang an awm ve avâng in ka be duh lemlo,hun thawl a mamawh ka rin vâng ani pakhat.




Remruatpuia te in lama kan let leh hnu chuan inkhawm pawh an bang fel vek tawh a,chawhnu inkhawm kal tur nên kan intawk a,Mary leh Ahma-i erawh an inkhawm anih hmel,keini chu kan inkhawm ve hman ta siloa,thingpui lum in kan buai leh nghal char char a.




"Awmlo la chuan kawm tur ka nei dâwn siloa,"Rohlu-in ati leh ṭhin a,nula an tam vaklo anih hmel,thingpui lum ah pawh tleirawl deuh vek anni a,Rohlui leh keimah kan nimai, Remruatpuia u Hudson a pawh kha arawn kal leh zeuh ṭhin a,Rohlui nên an innel hmel khawp mai.



"Sawmte khutah khuan Munga a awm,zu hnem ve rawh,"Mamte-an ka beng bulah arawn ti sa sa a,sintex hnunglam a kawk zeuh bawk,Rohlu-i pawn hrethiam takin kal tûrin min ti a.



"Remruatpui", Remruatpuia bula ṭhut thlâk pahin ka tisep a,hnem dân tûr ka hrelo khawp mai,amah zawkin ka kut arawn hum lum vang vang a,"kapi kut ang chiahin alum",ati sup a.




"Ipi chu a awmna anuam tawh bik dawn sia tiro,"ka tih chuan a hmalam a melh ngur a,thing leh mau bak hmuh tur a awmlo,thli arawn thaw heuh heuh a,ngawi reng in rei deuh kan ṭhu a.



"Ipi i ngai ami,"ka tileh ringawt a,"engtik lai pawn,"tih bakin min chhanglo,keimah zawk a hmaah kava ding a,alu ka tuai heuh heuh a,ka kawngah ahmai arawn phûm a,a thaw leh ham ham ṭhin a,a rilru a ipik hmel khawp mai.



"Ka hrethiam che ania,iduh chuan ṭap rawh,a pawilo,"ka tih chuan a ngawi reng a,asam ah ka chûl hliau hliau a,"kapi khan ka nupui neih hun a nghakhlel ṭhin asin,ka fate hmêl hmuh te kha a chak thei asin",ati zawi sup a,min bia pawh a anglo.



"Van aṭang alo thlir reng dâwn che alâwm,"ka tih chuan min nam hla deuh a,a bula ṭhutna a ben thak thak chuan ka ṭhuthla leh a,"midang tan chuan pitar chak tawhlo mai ani ang,mahse ka tan chuan ka khawvel ka neihchhun liau liau ani,ka tetlai khua ka hmuh tirh aṭang a min awmpui chawt tu ania,kanu in min lensan te khan ka ngai ngailo,kapi a awmloh hlek chuan ka zawng ruai zêl a,kanu ang mai ani ka tetlai aṭang a thu ka awi em em a,mahse ka rawn lian chho a,sual kawng ka zawh ve mahse ani chuan ṭha deuhin min hrilh a,kanu ten min hauh vak vak ai khan kapi in ṭha deuha min hrilh khan ka zâwm zawk ṭhin",ati dap dap a.




"Ka hrethiam alawm,"akut hum vang vang pahin ka ti a,ka samah arawn tuai zeuh a,a ṭhiante an rawn kal tâk avâng in ka kalsan rih a,tawrh dan a thiam viau in ka hria,Rohlui bula kava phei leh chuan naute kha alo pawm leh a,a bulah naute nu alo awm ve bawk.


Show post links
Top

[Ngaia]

Chapter-15




Jemma Malsawmtluangi POV
Hun leh nite aral ve zel a,boys hostel pawh an sa zo chak khawp mai,an in dah lut vek tawh bawk nen thawk a veng huai mai,kanu te pawh thla khat dawn an awm a,ka u pawn nuam ati phian a,chawlh a la bawk nen an awm ve reng a, Remruatpuia erawh areh khawp mai,arawn lang zeuh zeuh ringawt,Mamtea sawi danin Api thi a tuar lutuk a nitin a thlan lamah akal ṭhin ani awm e,apawi tak tak ani keilah ka buai ve thei bawk sia,phone a biak ka tum lahin ala ngai mang bawk siloa,arawn len chang lah hian kanu te an awm ve zel bawk sia,mahse kanu te hian kan inkar an hre deuh tawh anih ka ring,an sawi ri zeuh zeuh.




School kal tura ka insiam zawh hnuah kanu in chaw ei tura min tih tlat avang in peihlo deuhin ka ei a,an rawn awm chu chaw pangai ka ei zing malh malh khawp mai.




"Nu ka kal ania,"chhuah pahin ka ti lang lang a,kanu te rawn awm chu naupang ho pawn nuam anti,a chhan pawh eitur ṭha leh tuihnai tin reng an ei reng a,kanu ten Aizawl lam aṭang an rawn hâwn hnem bawk a,keimah tak pawh chuan nuam ka ti.



"Sawmte,"ka bulah Rohlu-i rawn din pahin ati a,tunlai chu Rohlui zawk hi arawn leng zing a,ka u nen pawh an innel tawh viau mai,ka u hi mi nel har chi leh tum hmuk chi hi ania,Rohlui a hmuh erawh chuan anui ve sang zêl.




"Iva rawn thleng hma ve,"ka tih chuan anui suk a, school lam panin kan inzui hnak hnak a.



"Tunlai chu Mamte-a te an reh riau mai,"ka tih chuan abu ve nghut a,"nia kan inah pawh an rawn kal tawh ngailo,"ati a.



School kan thlen chuan rinloh deuhin Masanga alo kal ve tawh ngei a,"nangpawh chu iva hma ve"ka tisep a.




"Nia tunlai chu boruak a inthlak sia,thawh hma a awl khawp mai,"ati a,March thla kan chuangkai tawh a,khua pawh a vâwt vak tawhlo,chuvang te pawh chu aniang.



Class ka neih hma avâng in ka intifel a,class eight room a ka luh hnuah ka explain nghal mawlh mawlh a,exam a hnai tawh bawk sia kan zawh hman loh ka hlau khawp mai.



Ka class a zawh hnu a office a ka phei laiin ka phone ari a,ka en chuan Remruatpuia alo ni,tunlai chu rinloh deuh deuh in thil a kal ka timai.




"Hello",ka tisep a "Sawmte i buai em,"arawn tive ngei a,a awmdan vel chuan ngaih a ti ṭhalo,"buailo e"ka tisep a.



"I hman hunah school inban hunah inhmu lawk ila,"ati a,keipawn kalo hnial bik lemlo,rilru nuamlo deuh ṭunin ka awm reng a,rilru kap tu nei râna awm chu a nuam lemlo khawp mai.



Rohlui pawh naupang lam a zirtir avâng in a awm leh deuh chawt a,Masanga erawh office ah ala awm reng thung,chawhnu lamah chiah class anei ani awm e.



Lunch break laiin Remruatpuia ka call a,alo la rang khawp mai,"ka hman chiah a,"ka tih chuan lehlam ami chu a ngawi deuh vang vang a,"kalo kal dawn ami,"ati thum dut a.




"I duh i sawi theilo ang,ka chhûngte an awm sia, school hnungah khan lo kal mai la,"ka tih chuan "awle"ati ve mai a,in lamah haw lo in school lamah ka chho leh zâwk a,tumah anlo awm tawhlo,tleirawl in hmu ru tur kan ang ka ti deuh tlat a,keimah in ka han nui leh rih ṭhin a.




Remruatpuia chu ka nghâk reng a,arei khawp mai a ṭhian ten Munga an ti pawh hi a awm viau mai,a muang ve em atin ni, school hnung lama thingkung ding thluah chu ka thlir reng a,thli a thaw heuh heuh mai.




Ka bula Remruatpuia arawn din chuan ka en vat a,minlo melh chhuk ve run mai,"sam thar inei animaw,"ka tih chuan anui ve suk a,tunlai a an uar deuh mango cut kan tih ang deuh khan a cut a,a inhmeh phian mai,amah a sang ṭha bawk sia.




"I sawi duh chu sawila,"ka tih chuan thawk ala vang vang a,"Sawmte"ati sup a.




"Immm"amah en zeuh pahin kati a,kan hmalam a en ngur mai.



"Ka kalsan ngailo ang che ka tih kha i hria tiro"atih chuan ka bu nghut nghut a,"mipa mahni thutiam pawh a ding zolo kani,min ngaidam rawh,"atih chuan ka en zawk mai.




"Ngatinge min kalsan itum tihna ami,"ka tih chuan abu nghut a,"min ngaidam rawh,nang chuan hma hun eng tak inei,kei zu ngawlvei mai mai hna thawh mumal neilo,vak mai mai chu itan ka tlinglo,mipa ṭha tak tawngla,chhungkaw hlimawm tak in din dûn ngei dâwn nia,Masanga saw mipa ṭha tak anih saw",atih leh phei chuan thawk harsa ka ti.




"Engtin nge itih theih,"ka ti ṭial ruai a,ka mittui a hnai kuar mai,"Sawmte ka"tih pahin min rawn kuah a,ka chhîpah a fâwp vawng vawng a,"a tawp nan ka fawp thei che angem,"atih chuan engtin mah ka chhanglo,ka rilru ana takzet,ka mittui afar fep fep a.



"I mittui hi ka tan mai mai chuan luang ral tîr suh,"ka mittui rawn hruk hul pahin ati a,ka biang a chûl hliau hliau a,amah zawkin ka hmuiah arawn fâwp vawng vawng a.



"Ka tihpalh Hmelṭhanu,"ka sama rawn tuai pahin ati a,"Remruatpui misualpa engtin nge itih theih zawk,"ka tih chuan akal zet tawh chu ading dat a,akut a hum ruh chu ka hmuh hmaih hauhlo,nuam ati bik miahlo.




A tello chuan ka hringnun hi a ruak takzet,engtin nge khaw khata kan awm reng phei chuan ka hmuh loh der theih ang,akal liam ta chu ka thlir zui reng a,rei pawh kan in ngaizawng hmanlo a,mahse ka duh tawh lutuk tih ka hria,ka duh mai nilo in ka hmangaih hial in ka hria,ka thin a tawt up up a,thawk a harsa takzet.




Ding chhuakin inlam panin ka chhuk thla a,inah chuan tumah ka hmu mailo, bathroom ah lutin ka inkalh hnan a,ka mittui chu ka dang thei thlawt lo, Remruatpuia hian hlim takin min siam a,na takin tûnah hian min siam mek bawk ani.




Puitling avan har tak em,he khua hi theih se chuan chhuahsan vang vang mai ka duh, Remruatpuia chu ka hua a,ka ngai tho bawk si.



"Ms mate nangmah ami,"kanu in bathroom kawngka rawn kik dat dat paha atih chuan ka tho vat a,"imm ka rawn chhuak ṭep,"ka ti ṭial ruai a,ka aw ka thian kharh kharh a,ka hrawk lah chu a thip em em mai leh nghal a,ka hmai ka phih hnuah darthlalang ah ka in en a,ka mit abui deuh lâk mai.




Bathroom a awm reng theih ni heklo,ka chhuak ta nge nge a,"ngatinge a,mate i ṭap emni",kanu in ka chhuah rualin alo ti nghal a.



"Ṭaplo e,ka hritlang dâwn aniang,"ka tih chuan min zawt zui tawh bik lemlo,zawi deuhin ṭhuthleng ah ka mu a,ka engtin tha mah a tholo, school kal a hun leh ṭep a,class ka neih tawh lemloh avâng in ka hmanhmawh lemlo.



"Mate hei eitur ka siam a,rawn ei rawh,"kanu in atih chuan ka ei peihloh thu in kalo chhang a,"khawnge midang,"ka tih chuan an chhuah lawk thu in minlo chhang vat a, principal te nên pawh keimah ai ngawt chuan an inkawm thei zawk,patling nâ nâ chu an titi duh zâwng pawh a in ang a,an inkawm thei phian mai,ka u erawh a chhuak thawveng mai mai anih ka ring.




"Nu ka kal dawn ania,"ka tih chuan alo aw ve vat a,zawi deuhin school lam panin ka kal chhet chhet a,ka phone te chu ka en leh ringawt ṭhin a, Remruatpui-an minlo biak kala ring fan a,min kalsan dâwn khan hreawm atih ve zia ka hria.




REMRUATPUIA POV
"Ngatinge thu dik i hrilh mai loh,"Zomuan-an atih chuan kalo ka thing a,nizan ah anu in makpa atân min duhloh thu chiang takin min hrilh a,ka kalsan lo anih chuan Sawmtei hi pasal kan neih tir ang ati bawk anih kha,a pasal tur pawh Masanga saw ani,tuin nge makpa zurui hna thawh neilo chu duh bik ang le.




Mamtea leh Rohlui pawh an inṭhen a,Sawmtei anu in min tih dan vel engmah ka hrilh loh chhan pawh an chhûngkua an keh chhiat ka duhlo ani.




"Iva dawi ve,iru ngam dâwn nange,"Rempui-an atih chuan ka nui hawk a,"ru ta ila an rawn hruai leh tho anga,hreawm a tuar zâwk palh ang,"ka tih chuan min chhang tawh hlawm lo.




"Hmeichhia vang maia rilru na te chu aho emai,"zu ka lama rawn dah hnai pahin Mamte-an ati a,vawikhat ka tlak pap hnuah "venghnuaiah ka zu kal lawk,"din pahin ka ti a.




"I bialnu pakhat zawk kha izu rim dawn ami,"tiin min rawn fiam nak nak a,ka chhanglo ka bike chu ti nung in ka inkhalh chhuak nghal a,ka kai deuh tawh bawk nen ka hmu phe deuh ruai leh nghal a.




Ka bike chu ti ding datin ka helmet ka phelh a,thawk ka la vang vang a,ni tla tur chu amawi takzet,mahse Sawmtei bawk minti hrechhuak leh,henu hi ka duh mai nilo in ka hmangaih takzet ani, hmeichhia tam tak kalo kawp tawh mahse ani ang em em a duh leh hmangaih hi kala nei ngailo.




Ka helmet khum in Venghnuai aṭang ka chho a,ka lu lah chu a na ut ut leh nghal a,ka thil in vang kha ani ngei ang,a chhungten min duh theih nân hna ṭha tak Sawmtei sawi ang in ka zawng anga,zu hi nghei ka tum bawk ang,kapa hian school hi ka hming in a dah tih ka hria,mahse tûnah chuan keimah ngeia ka din chhuah angai ani.




Ka sir lama horn arawn rik tuar chuan ka break hmanlo,ka bike aṭang ka kang nawlh a,hmeichhe ṭe ri chu ring takin ka hria.



Jemma Malsawmtluangi POV
"Vawiin tlai chu Rohlui chaw eiah kan sâwm a,"kanu in atih chuan ka nui ringawt a,ṭawng pawh ka ṭawng peihlo "mate i dam ṭhalo ami,iva nguai ve",kapa in arawn ti ta chiah reng a.




"Dam e,ka awm anuam lo deuh mai mai mawle,ka chauh vang mai mai aniang,tunlai naupang exam tur vel kan buaipui sia,"ka tih chuan min zâwt zui tawh bik lemlo,in enkawl ṭha turin minti a.



Rohlui alo thlen chuan ka chhungten an be nghal bawrh bawrh a,an in nel tawh bawk a,ka ngaihsak vak lemlo,ka u nen an inbe ser ser reng a,hetiang hian hmeichhia tumah abe siam siam peih ngailo ania,an inkar ah hian enge maw tak a awm ani ngei ang.




Ar chaw pe tûrin ka chhuak a,khua pawh a thim thet thet tawh, Remruatpuia leh Mamte-a ten ka awm tirh a ka ar an rûk lai ka mitthla ah arawn lang a,ka ngai reuh takzet,sunhlu kûng te engkim mai chuan ka lung anti leng.




"Chaw ei ang u i pek zawh tawh chuan rawn lut rawh,"kanu in arawn tih chuan ka lut ve vat a,chaw pawh chu ka ei manglo.



Chaw kan ei mawlh mawlh laiin ka phone ari a,ka en chuan Mamte-a alo ni,"aw Mamte"hlauthawng ang reng takin ka ti a,kanu chuan min rawn en rang khawp mai,chutiang bawkin ka u leh Rohlui pawn.



"Sawmte Munga a accident a,damdawiin ah tunah kan awm,"atih chuan ka nghing lawih thei,"aw kalo kal",tih pahin phone ṭhuthleng ah ka dah a, ka kut sil sawk sawk in kanu te chanchin ka hrilh a,min chhan na pawh nghak tawhlo in a tlân in ka tlân chhuak nghal.




Damdawiin hi a hlat ve deuh avâng in ke ringawt chuan ka thlen zawh ka ringlo,mahse Remruatpuia bak rilru ah a lang tawhlo,ka hnunglam a horn arawn rik tuarh chuan ka phu zawk mai,rinloh lutuk in Remruatpuia u Hudson-a alo ni.




"Lo kal rawh damdawiin ah ka kal dawn,"atih chuan engmah sawilo in ka chuang ve nghal a,a bike hi a seat sang chi anih avang in amah chu ka neklo theilo,zah pawh a sawi theih tawhloh,midang in kan in ngaizawng tih pawh hre mahse pawi tihna ka nei tawhlo,mahse tûnah chuan engkim aman ati tawp tawh sia.




Hmanhmawh deuha kal kan ni bawk a,kan thleng harlo khawp mai,Mamtea minlo nghah na lamah ka phei vat a,a ṭhin dangte pawh anlo awm,a nu leh apa pawh ka hmu nghal a,damlo an tam vakloh avâng in luh nghal an phal a,mahse tamtak erawh a luh theihloh thung, Mamte a ten min hrethiam takin min luh hmasak tîr a.




Ward a ka luh chuan ake leh kut tuam burin alo ṭhu a,a lu lamah erawh hliam aneilo anih hmel,a hmai a pem deuh tih loh chu,"Remruatpui"ka tisep a,ani leh pa ka hmu mailo.



"Ngatinge irawn kal,"alo tihnun a,a lawm loh hmel khawp mai,"Remruatpui ngatinge engmah min hrilh loh,"ka ti ṭial ruai a,alo thaw hak thung.




"Va haw leh zâwk rawh,"ati leh hmuk a,"ngatinge hetia i awm tlat a,"akut na lo lama vuan chungin ka ti a,"hmangaih dang ka nei"tih zawngin min chhang.




"Ka kalsan ve theilo che alâwm,"ka tisep a,ka mittui a hnai leh kuar tawh,ka ṭahbelh lutuk hi chu ka ning ngawt mai,a kut ka vawn chu ala sawn dawrh a,khum aṭang a a chhuk puih ka tum chuan min nam sawn dawrh mai.



A phone banin Mamtea a call a,"Sawmtei hi zu thlah rawh,"atih hnuah adah leh nghal a,ka en tawp ringawt,Mamtea arawn lût a,"Sawmte ka zu thlah phawt ang che,nakinah kan kal ṭha leh zâwk dâwn nia,"ka ban a rawn vuan chungin ati a,min vawnna chu Remruatpui-an a melh ngur a,a rum nghut mai.




Pâwnah Mamte-an min kai chhuak a,bike a ka ṭhut hnuah kan tlanchhuak zui nghal a,rei deuh kan ngawi hnuah Mamte-a chu ṭawng chhuak hmasa ah a ṭang leh nge nge a.




"Hetianga Munga a awm chhan hi i hria em,"atih chuan "hrelo",ka tisep a,bike kawng sirah a tiding a,keipawh ka chhuk vat a.



"Sawmte ka sawi lo theilo,hetia Remruatpuia a awm chhan hi"ati a,a ngawi leh vang vang a,"ka hre biklo,keipawn hetia a awm chhan hi hriat vat ka duh,Rohlui nên kan inṭhen tawh bawk sia",arawn ti daih a,"lo chuang rawh,"a helmet khum ṭhat pahin ati a,keipawh engmah sawi tawhlo in ka lawn ve mai a,ka rilru ah erawh Remruatpuia bak a awm theilo,engtin nge ka tih tâk ang!!


Show post links
Top

[Ngaia]

Chapter-16




REMRUATPUIA POV
"ka bike chu engtin nge a awm,"ka ti hmûk a,ka mood a diklo khawp mai,"ka siam tir tawh,a chhe em em lo a,"Mamte-an ati a,ka kut leh ke ana kher kher chu thinrim tak kani,mahse ka na lutuk lo hlauh a,ka vânnei khawp mai.




"Zu haw rawh u, ngaihtuah ka ngailo,keimah in ka awm thei ka ṭha"ka ti leh hmuk a,"iva han tum bur bur ve,"room a rawn luh pahin Brandon-an ati a.




"Ka tum hmel ve hrim hrim,enge i rawn tih dâwn,"ka tih chuan a thaw hak a,a nuih erawh a zât hmel khawp mai.




"Ka rawn kan ve mai mai che mawle,ka awm rei hmanlo ang,"atih chuan ka chhang tawhlo,ka khum bul dawhkan a ka phone chu ka ban a,Sawmtei thlalak ka hmuh chuan ka thaw hak mai, wallpaper hi thlâk vat angai dawn anih hi.



"Naktuk ah chuan i chhuak thei ang aw,in lamah i in enkawl tawh dawn nia,na em em inilo a,hlauhthawn tur a awmlo ania,"Doctor in rawn luh pahin ati a.



"Ava ṭha ve,"kanu in alo tisep a,kapa leh Brandon-a erawh an haw tawh thung,ka ṭhian ten min riahpui dâwn anih hmel,ka khum bulah khum ruak atam bawk a,kanu erawh haw tura ka tih pawn a haw duh tlatlo.



"Sawtah kan va kal lawk ange,"damdawiin hnung lam kawh zeuh pahin Zomuan-an ati a,kanu bathroom lamah a awm avâng in "kalo kal ve ang,"ka tisup a,min hnial ve nasa viau mahse ka tih luih tlat avang in ka kal an phal ve mai a.




"Damlo zawng zawng ah chuan i dam ber,"Mamte-an fiamthu in ati a,alu a ri nghal fawk mai,"ngawi mai mai teh kal rawh"ka ti hmûk a.




Damdawiin hnung a ṭhutna awmah chuan kan ṭhu thla a,damlo dang pawh an rawn chhuak ve zeuh zeuh,"inei ami"Rempuia en paha ka tih chuan a kawr hnuai aṭang arawn la chhuak a.




"Khawi ami nge ilo neih leh hman a,"Mamte-an atih chuan anui suk ringawt,Rempuia hi anu leh pate an inṭhen tawh a,Api te bulah a awm a,tuman an care lemlo a,zilh tu neilo tih takah asual ve khawp mai,Zomuan-a erawh an chhûngkua an pangai khawp mai.




Ka thil ken lai ka tlak pawp a,ka kawchhung a sa thla nghal vawng vawng thei,tak ṭha tak ani,ka harh kawk theiin ka hria,ka harh fim in Sawmtei bawk ka ngaihtuah a,ka ruih lah in amah bawk ka rilru ah arawn lang leh a,henu hi chuan min va han ti buai tak,ka hnek pawp zâwk dâwn mawnile.




Ka phone arawn rik chuan ka ipte ka zen rawk rawk a,kala mai theilo chu ka phun leh hluk ṭhin a,ka bula awm Zomuan-an min rawn lâk chhuah sak a.




"Aw nu"ka lak rualin ka ti nghal a,"khawnge i awm,damlo si hi zawng reng ingai a,a buaithlâk emai,i ṭhian te zanin bak an rawn riak tawhlo ang,room ah rawn phei vat rawh",ati hlak hlak a,ka nuih aza reuh khawp mai,ka kai ve deuh tawh bawk nen runluih ka chak deuh tlat "inah kan haw thla daih alâwm,nangmah in rawn haw mai rawh,"ka tih chuan a thinrim leh khawp mai,"rawn phei vat mai rawh u"atih hnuah call a dah hmak a.




"Ka va phei ange,rawn phei ve mai rawh u,"ka tih hnuah ka bai phei leh auh auh a,kan room hnungah kawngka a awm avâng in kan chhuahna ṭang bawk ka lut leh a.




"Khawnge i kal a,ehe!!!zu i in leh hrâm alaw,jail ah te hian ka khung tawp dâwn che mawni le,zu in thei tawhlo tur hian,"ka bula rawn phei pahin ati a,min hnim dan dan mai.




"Imm i ke leh kut hi dam phawt se,ipa bulah ram danga dah tur che in ka hrilh ang,lehkha i zir peihlo a,huan kan siam sak che a,i enkawl peih leh siloa,mahni thlai pawh i hralh ru duh ania,i ṭhiante ṭanga hla tawkah kan dah ang che,"ati duah a.



Chhang tawh lo in khumah puan sin ṭha in ka mu a,ala ang hlak hlak reng thung, Whatsapp ah lutin Rohlui kava text a,Sawmtei chanchin ka zawh chuan a seen rang khawp mai,Sawmtei erawh a online lo thung,henu hi chuan min ti buai hneh ve ngawt mai,hetiang reng reng a hmeichhia ngaihsak zui ka nei ngailo,mahse henu hi chu a danglam takzet.




Jemma Malsawmtluangi POV
"A enge na a Remruatpuia chu,"kanu in atih chuan thawk la hawk in ka en ve ta nge nge a",a kut leh ke",tih bakin ka chhanglo, Remruatpuia leh Masanga a biak dan hi a in anglo thei em ani,Masanga alo len chuan a fapa ang maiin a be ṭha hawrh a, Remruatpuia te anlo len ve lahin hreawm ti tawkin a siam ṭhin a,ka ngaihtuah let hian ka tha alo natpui.




"Engtikah nge haw in tum,"ka tih chuan ka u pawn min rawn en zawk a,"ka hrelo,ngatinge min ve ning tawh awm ve,"nui huah huah chungin kanu in ati a.



"Naupang ho ka zu en lawk ang,"din chhuah pahin ka ti ta daih a,ka pum anuamlo bawk nen ka ning takzet,tunlai ka period bawk sia ka mood a fuhlo lutuk ringawt,naupang ho pawh tunlai chu ka vin deuh reng mai.



"Lehkha in zir ṭha em,"hostel chhunga luh pahin ka ti nghal lang lang a,an phu nasa khawp mai,an bu nghut nghut a,a ṭhen anlo muthlu thul,dorm ka fang diat diat hnuah ka chhuahsan veleh mai a.




Ka in bula ṭhuthleng ah chuan ka ṭhu vang vang a, Remruatpuia nên a kan ṭhut dun lai te ka mitthla ah arawn lang uar uar mai,a ṭhutna ṭhin chu ka tuai hauh hauh a,"ka ngai lutuk che"ka tisep a,a hla duh ber "Hmangaihna mittui leh pangpar"tih chu ka phone ah ka play a.




Whatsapp ah lutin Remruatpuia number ka hmet chhuak a,a online kur mai a dp ala thlâk lo,kan pahnih a kan lâk dunna a hmang a,ana te azia tawh angem tunah hian enge atih ve ang tih te ka ngaihtuah a.



"Mate ngatinge pâwnah i awm reng a,"ka bulah ka u rawn ṭhut pahin ati a,"thlifim ka dawng mawle,"ka tih chuan abu nghut a.



"Mate Rohlui hi nei ta ila engtin nge itih ang,"atih chuan ka en rang khawp mai,"enge i sawi awmzia"ka ti hluai a.



"Rohlui hi nupui atân neih ka duh,"ati leh tawp a "duh ngawt mahla aman a duh ve siloh che chuan inei ngawt thei hleinem"ka ti a.



"Kan in hmangaih in ka hria,"ati leh tawp a,"ngatinge min dil kher a,i duh duh chu nei ta che"ka ti a.



"Tunlai chu i mizia i thlâk nasa khawp mai,heta i awm hi ka nau nunnem leh zaidam thei deuh kha ini tawh lo",atih chuan ka nui hak a"ka period vang mai mai anih chu"tih pahin inchhungah ka luhsan ta daih a,keipawn ka mizia hi ka thlak ka tive tho.




Ka roomah lut tlang nghal in khumah ka mu thla hnawk a, Remruatpuia ka ngaih na chu azual telh telh nimaiin ka hria,a tello chuan ka hlim lo a,ka nun hi aho zo vek a bula pangchang te kha anuam ka ti thei lutuk,a farnu ang maiin a chang chuan min en ṭhin a,min duat thei lutuk,ka hriat ah hmeichhe hming Rohlui leh Mary tih loh asawi awm kala hrelo.




A number chu hmet chhuakin ka call ta tawp a,ka insum thei tawh thlawt lo,"hello"arawn ti thum dut a,thawk ka lak leh vang vang hnuah "imu tawh em,"ka tisep a.




"Mutawh,"ati ve mai a,ṭha taka min chhang thei chu mak ka ti zawk "ka ngai lutuk che", ka tisep a,ka mittui pawh a hnai leh kuar tawh,he mittui zet hi chu ka ning khawp mai,a hunlo takzet.




Lehlam ami chu a ngawi vang vang a,a thawk la ri erawh ka hre chiang hle thung,"Sawmte"ati dam thlup a.



"Immm"ka tih chuan a ngawi leh vang vang phawt a,"ka ngai che,kalsan che hi ahar khawp mai"arawn tih chuan beisei na ka nei lian hle.



"Ngatinge min kalsan,"ka ti tham ṭiak a,"ka tihpalh"tih zawngin min chhang "itan chuan ka tlinglo takzet ani,zurui thle kual mai mai hi min hmangaih thei tak tak in ka ringlo"ati anih chu!!



"Vawikhat mah khatiang khan ngaihtuah tawh suh,ka hmangaih che Remruatpui ka tan chuan zurui thle kual ang mai mai ini velo",ka tih chuan anui suk ri ka hria.




"Malsawmtluang ka hmangaih che,"ati sup a,"min hmangaih ve maw"ka tih chuan "aw"ati thum dût a,ka hlim zia chu ka thup theilo hial ani.



"Tûnah chuan eng pawh thleng se ka kalsan leh tawh ngailo ang che,ka thih phah dâwn anih pawn ka kalsan leh tawh ngailo ang che,min ngaidam rawh"ati dap dap a.




Kan in biak zawh chuan ka thaw huai thei,thil rit tak min delh tu lâk sâwn ang huai ani,mahse ka tho tur chu ka pum arawn na zawk a,ka thu leh hnawk mai,khumah ka vial tawp tawp a,ana takzet "nu"thei leh theilo in kati a,anat zia chu ṭawng pawh ka ṭawng chhuak ṭha theilo.



"Nu"ka theihtawp a ringin ka tivak a,room kawngka arawn ri rak a,kanu mangang hmel ka hmu hmasa ber,"engtin nge i awm bawihte awii ka duh theilo!!!"atih ri chu ka hre riai riai,ka meng thei hauhlo na chu an thusawi erawh ka hre vek thung.




REMRUATPUIA POV
"Harsa takin i kalsan a,i hmangaih thu in hrilh leh nghal mai a maw,"Mamte-an ati khur khur a,a lungawi lo khawp mai.




"Ka hmangaih ber chu ka venghim tlat ang,anu in phallo pawh nise pawi tihna ka neilo,a duh chuan YMA Mike ah pawh puang se a ṭha ting animai,ka hmangaih a,a kut ka vuan tlat ang ka thlah leh tawhlo ang,Sawmtei hi ka Hmangaih",ka tih chuan ka khum bulah amu thla a.




"A ṭhat chu i duh dan dan in tirawh,"in leh thawk pahin ati a,ka ngaihsak bik lemlo,ka message aseen har em avang chuan ka thinrim ṭep ani.




Damdawiin pawn lam chu an bengchheng khawp mai,damlo an rawn lut leh anih hmel,Sawmtei message ka nghâk reng a.




Jemma Malsawmtluangi POV
Ka pum na chu areh mai theilo,mi chiu hnu pawh chuan ala na riai riai a,pumna hi alo va han hreawm dâwn tak,ka mit te chu avai riai leh nghal a,zurui ang mai kani.




"Hmarcha vel a ei nasa lutuk anih dâwn hi,insum deuh se ei leh in lamah,apum a ṭhalo lutuk a,eitur ah fimkhur leh angai ang,"Doctor in atih chu ka mang hriat ruai ruai mai.




Zing ka harh chuan ka awmna ka hai ṭhelh ani, damdawiin inah kan la awm ve reng a,a thawl viau mai.




Kan awmna room kawngka arawn ri rak a,chutah ka hmangaih leh ka thlakhlelh em em mai chu arawn lût a,akut tuamna pawh azia deuh nimin a lian deuh ang kha chu ani tawhlo,ake erawh ala bai suih suih a.




"Engtin nge ka awm tih i hriat a,"ka tih chuan ka bul arawn thleng fel der tawh,"ka hre thei alâwm,"kanu en zeuh pahin ati a.



Ka bulah arawn ṭhu thla ve a,min endan mawlh chu aril takzet,"engtikah nge in chhuah dawn,"ati sup a.



"Ka hrelo,Doctor tih dan dan animai,vawiin ah kan chhuah ka ring deuh,ka ṭha tawh tho a,"ka ti duah a,"keini pawh vawiin ah kan chhuak ang,min ngai lutuk a irawn na der anilo maw,"ka beng bulah arawn tih chuan ka beng pawp a,anui huah huah mai.




"Doctor kava hmu lawk ange,"kanu in atih hnuah a chhuak hmak a,a lungawi loh hmel em em khawp a, Remruatpuia ahmuh apiang a khatiang hmel aput ziah chhan hi ka hrelo takzet.



"Hmelṭhanu"atih chuan ka lai leh em em ringawt tawh,"min hmangaih tih ngatinge min hrilh vatloh",ati sup a.



"Ka hriatna ala rei biklo,ka sawi awmzia chu min kalsan itum chiah khan ka hmangaih zia che ka hria a,"ka tih chuan ka kut arawn fâwp vang vang a.



"I englai nge na,na ila nei em"min ngaihtuah hmel zetin ati a,kalu kalo thing ringawt thung.



"I kut leh ke hi enge a an zawk a,"ka tih chuan ati che vel hawr hawr a,"Adam vek tawh,ka tuam mai mai anih hi bike pawh ka khalh leh thei tawh ang"atih chuan a hnungah ka beng pawp a.



"Bike khalh chu ngaihtuah tawh suh,"ka tih chuan anuih aza khawp mai,Mamtea te ka awmna roomah an rawn lut a,midang awm ve te chuan an en duh khawp mai,an hria te pawh ani mahna.




"Hei Remruatpui-an min zu lâk tîr vang vang alâwm,i damlo kan nan", Mamte-an ati a,a ṭhian dangte pawh an ṭhen ṭhu hlawm mai.



"Enge a,"an bâwm min rawn pêk lâk pahin kati a,ṭhi emaw zungbun anih ka ring,a bâwm hi phur deuhin ka hawng a,"hei heihi maw"ka ti hluai a,tih ngaihna tak pawh ka hrelo,zungbun bawmah center fresh pakhat te alo awm anih chu.




"Enge nise irin a", Remruatpuia ṭhianpa lu kawlh deuhin ati a,aho ka ti reuh khawp mai,mahse engmah ka sawilo,ka lung a awilo ve deuh.




"Va chhuak rawh u",a ṭhiante en pahin ati sup a,ka drip khai ala zawh loh avâng in ka che sawn theilo thung,"hmelṭhanu kava phei phawt ang,in chhuah veleh ka rawn kal ang,"ka Chala rawn fawh vang vang pahin ati a,midang an awm ve sia ka zak ve deuh.




"Imm kan chhuah veleh kalo hrilh ang che,"ka tih chuan anui ve suk a,ka sam arawn tuai zeuh hnuah tiang hawl in a kal a,a putar hun tur ka ngaihtuah a,ka nuih aza ang reng.




"Enge arawn tih Remruatpuia khan",kanu ka bula rawn din pahin ati a,ka phone dah meuhin ka en a,"aw min rawn kan ve anih kha,ngatinhe i ngai theihloh em em a,"ka tih chuan min chhang lawklo.



"Drip khai azawh hunah hian ipum anat tawh loh chuan kan chhuak thei ang,"ati deuh hmuk a,hetiang hi kanu mizia ani ngailo.


Show post links
Top

[Ngaia]

Chapter-17



Jemma Malsawmtluangi POV
Tlai lamah damdawiin aṭang kan chhuak a,kanu te pawh kar thar lamah haw an tum anih hmel,"chaw ei ṭha ang che,chaw eiloh tih vel mai mai kha ching tawh miah suh,thil thak ei vak vak lo la,"kanu in ati a.




Remruatpuia pawh ake a nat avâng in akal ṭha hleitheilo a,Masanga erawh zantin deuh thaw arawn leng thung,ka u nen an inkawm thei phian a,Masanga erawh ka u ai anau hret thung.





Remruatpuia te lo len loh vang nge ka lung aleng deuh riau a,a hmel hmulo chuan nikhat pawh ka awm thei tawh meuhlo chu anih ber hi,Masanga pawh ka u nen an inkawm daih ṭhin avang in ka ngaihsak lemlo.




"In awm em,"kawngka lam aṭang an rawn tih lang lang ri ka hria a,roomah ka awm a chhuah pawh ka tum lemlo,ka nute an awm tho bawk a,an kawm thei mai tûrah ka ngai.




"Sawmtei a damlo tih kanlo hria a,kanlo kan ve anih hi,"nu Biakte-in atih ri ka hriat chuan ka chhuak ta nge nge a,"e..ilo tho kher duh a"min hmuh rualin ati a,"ka ṭha tawh lutuk alâwm"ka tive luam a, principal nen an rawn kal a, Remruatpuia a unau te an awm tho avâng in an rawn kalsan thei anih hmel.




"Remruatpuia zawk enge a an a,rawn kan kan tum a mahse kan buai leh deuh sia,a accident tih kanlo hria a,apawi khawp mai kha,"kapa in ati ve dap dap a,"aṭha ani pawh a ṭha mah mah,a awm hle hle theilo a,a buaithlâk zawk,"nui huah huah chungin nu Biakte-in ati a,kanu pawn a be chhe biklo.




Nu Biaktei te awm chhûng chu ka ṭhu ve reng a,"naktuk chu chawl rih mai rawh aw,i nawmloh viau chuan"principal in ati a,mahse ka ṭha tawh a,naupang exam a hnai tawh bawk nen na lutuk ka ni bawk siloa chawlh ka tum lemlo.




Principal te haw tur pawn thleng kan thlah a,an leng rei lemlo an haw hnuah naupang ho ka zu leh zuai a,exam a hnai tawh bawk a,anni pawh an ṭang khawp mai,"hriatloh in neih chuan min zâwt hreh suh u aw,inah khian in rawn chho anga min rawn zawt tawp mai dâwn nia,ka awmloh lai anih pawn ka u khi athiam lutuk a,in zawt tawp mai dâwn nia,"ka tih chuan an bu ve thliar thliar a.





Ka chho lamah ka phone arik chuan ka envat a, Remruatpuia alo ni "aw hello,"ka tisep a,"imu tawh em"ati thum dût a.




"Mulo e"ka tive mai a,"ka ke a dam fel hunah kanlo leng ang"atih chuan "awle naktukah school bânah ka rawn peng kawi ang",ka tih chuan min hnial lemlo,an inah thil dah tur ka nei a,chumi rual chuan arem viau mai.




Rei deuh kan inbia a,kan inbiak chhûng zawng pâwnah ka ṭhu deuh reng a,khua pawh avawt vak tawhlo a,lum lutuk erawh ani lo thung.




Inchhung a ka luh chuan ka chhungte pawh mu tûrin room lamah an lut sap sap a,kanu leh pa mikhual room lamah an mu a,ka u erawh ṭhuthleng ah amu mai ṭhin.




Ka ril aṭam deuh avâng in eitur bâwm ka hai rak rak a,spicy bawk chuan ka mit ala leh chat mai,mahse thak insûm angai bawk sia,kanu in a hriat chuan a thinrim leh dâwn sia,a bula rum pum zâwk chu kala a,chhum lemlo in ka bâwl a,mahse hmarcha chu ka telh bik lemlo.





Thil ka ei mawlh mawlh laiin ka phone message tone ari khep a,ka en chuan Rohlui alo ni "Sawmte hmeichhe khawlo leh rilru nghetlo te pawh minti maithei a,mahse ka thinlung leh ka rilru hi ka control theih ani bik siloa,Mamtea kha kalo hmangaih amaw ka ti ṭhin a,mahse ani hauhlo,i u ka hmuh hmasak ber aṭang khân engkim a dang vek a,i u hi ka hmuh hmasak ber aṭang khân ka hmangaih nghal in ka hria,min ngaidam rawh aw,"tih hi alo ni,an in hmangaih miau chuan engtin mah tih ka tumlo,ka u pawh khan asawi ri zeuh tawh a,innei mahse ka lawmpui viau tho ang,ka u hmeichhia ngaihsak ngai miahlo in a vawikhat nân hmeichhia a nunah aseng lût ve a,ka lawmpui viau zâwk mai,mahse Mamtea erawh ka ngaihtuah ve reng.





"Iho emai,ngatinge min hrilh kher a,"nui lem emoji a tawpa dah in ka thawn let ve a,a seen tawh lemlo.




Ka kut sil faiin mu tûrin roomah ka lut a,alarm ka set leh tête hnuah ka mu a,ka room tukverh a thil kal zuai ang deuh ka hmuh chuan ka thauah min man deuh tlat,ka hlau reuh takzet,ke pen thlep thlep ri niâwm tak ka hre leh a,ka hmul thi te chu ading sur sur thei.




Thin phu dep dep in ka ngaichâng reng a,thawm erawh aring tulh tulh nimaiin ka hria,"Sawmte Malsawmtluang",ka tukverh chhaklam rawn in kik khauh khauh paha tih ri ka hriat chuan ka thlawk lo chauh,hlau chung chung in ka pan hnai a,misual chu nise darthlalang ti keh in an rawn lut mai thei ang.




"Tunge,"ka tih chuan rual in ka phone ari a,rinloh deuhin Mamtea alo ni,"enge"zawi ang reng takin ka ti sar sar a.



"Tukverh hi lo hâwng lawk teh,"atih chuan ka hawng ve mai a,Mamtea leh Remruatpuia anlo ding rûn mai,"enge tun ang zan zanah"ka tih chuan an nui suk a.




"Zu in rui leh nghal amawni"ka tih pawh chuan minla chhanglo,"enge in duh"ka tileh thawr a.



"Sawtah meizial kava zu lawk ang,"Mamte-an ati a,a phei nghal daih leh nghal a,"ike na maw ka tia enge"Remruatpuia en pahin ka tileh a.



"Ka ngai che a,kalo kal"ati sup a,"a awihawmloh emai"ka tih chuan a tum hmuk mai.



"Miin ka ngai che ti nâ nâ ka awilo han tih,ka ngai tawhlo tawp zâwk dâwn che amawni"ati a,a lungawi loh hmel khawp mai.



"Lo lût phawt teh,miin an hmu ang che"ka tih chuan arawn lut ve mai a,ka tukverh hi asan loh avâng in ka hawng zen zen ngailo.



Ka roomah arawn lût a,tukverh khâr lemlo in parda ka zâr phui ringawt a,"ike chu enge a an"ka tih chuan "aṭha tawh"ati a,akut erawh Adam tawh anih hmel,tuam pawh atuam tawhlo.



A bula ṭhutna abeng thak thak a,ka ṭhuthla ve mai bawk,"ka ngai tak tak che ania"tih pahin min rawn hnaih nghal ruak a,ka lu ah alam hawi zawngin min kuai her a,ka hmuiah arawn fâwp vang vang a.




"Ka hmangaih che hmelṭhanu"ati sup a,ka chhungten an hriat kan hlauh ve tho avâng in kan ṭawng ring hranlo.



"Hmeichhia engzat nge i fawh tawh,"ka tih chuan ka zawhna chu mak ati deuh nge angawi deuh vang vang a,"ka chhiar thlap thlap lo a,ka hre senglo"ati a.



"Iva han ler awm em em,"ka tih chuan anui ve suk a,"infawh mai mai te chu ahar lo emai"ati leh tawp a.




"Munga Munga rawn chhuak tawh rawh, Zomuan-a te min nghâk reng ania"Mamte-an parda rawn keu paha atih chuan ka hnuaiah arawn fâwp leh vang vang a,Mamtea a awm ve reng sia nuamlo ka ti deuh.



"Kava phei phawt ange,i chhungten an hre palh ang"atih hnuah an inkuah chhuak a,an kal liam ta chu ka en reng a,hemi te ṭhian dun hi chu anva han in hmangaih tak.




Tukverh kalh ṭha in ka mu a,anuam ve veng veng mai,ka phone sana ka en chuan alo tlai tawh khawp mai,mut tumin ka mit ka chhing vang vang a.




REMRUATPUIA POV
"zawnga i ngam chuan han tileh teh,"chhuat ah apum na tih hmel zetin a dâwm a,ka ke nalo lamin ka chhir zui leh hrâm a,Mamtea ten minlo ṭhelh lo se chuan ka that duh hial ang,Sawmtei zantin a hisâp ṭhin thu leh sex a hmanpui chak zia Zomuan-a bulah alo sawi a,Venghnuai ami ani nghe nghe.




"I ngam chuan khawih chhiat han tum vaih teh,vawikhat mah a in bul hnaiah kal leh tawh suh ang che,ka hmu leh che anih chuan dam in i chhuak tawhlo ang",ka tih chuan abu nghut nghut a,nep leh lutuk mai,zanin pawh khan kan zu in kan haw lamah Sawmtei room bulah a ding kan hmu a,a tukverh kar chhiat alo tum mek anih kha,Sawmtei hi ka venghim tlat ang,ka hmeichhe hmangaih awmchhun ani a,a tawpna ani bawk ang,harsatna a tawh pawn a hmaah ka ding tlat ang.




"Phei san ang u",ka khawih pa en pahin ka ti a,anni pawn min hnial lemlo,"ka sawi chu hre reng ang che,last warning anih hi"ka tih hnuah kan kalsan a.




Kan in kawtah Brandon-an meizial alo la zu khu laih laih a,kan kal phei chu min en zawk a,min ngaihsak lemlo,sana ka en chuan zinglam dar khat ari tawh,hepa pawh hi afel viau tawh amaw ka tia,kalo ring sual khawp mai,ka chungah erawh a sual lemlo,anau ka nih vang te pawh aniang.




"Khawnge in kal"inchhung a kan luh dawnah arawn ti sup a,ka kut amelh zeuh a,ka en chuan athi ve ser ser mai,khapa ka hnek na lamah khan thingkung ka hnek fuh palh kha ania,ka kut a pilh sa bawk nen athi duh khawp mai.




Chhang lemlo in inchhung ah ka luhsan a,ka roomah ka ṭhiante pawh an rawn riak ve mai ṭhin a,ka sawi tawh ang in Rempuia hi chhûngte ngaihsak na dawnglo ani a,a chhuah pawn an ngaihsak ngai lemlo a,a duh duh naah ariak kual vel mai mai ani.



Zîngah thawm bengchheng zetin minti harh a,phun hluk in peihlo deuhin ka thochhuak a,ka ṭhiante pawh an rawn tho sap sap a,"khawnge ka meizial"thawh veleh aṭang an ti leh nghal tawh.




Pâwna kava chhuah chuan kan kawtah batminton Brandon-a leh kan ṭhenawmpa in anlo vua a,an au bengchheng khawp mai.




Inchhung ah lut leh in ka tunu chu ka pawm ve zuai a,arit tawh reuh khawp mai,"uMam chhangban leh thingpui lum sa a awm a,in duh hun hunah in thlit mai rawh u aw,"ka nau Zualte-in alo tih chuan ka bu ve nghut a,naute arawn la nghal bawk.




Jemma Malsawmtluangi POV
Chaw eikham ah school kal tûrin ka insiam a,zirtawp ni ani a,kanu te thawhṭan lamah haw an tum tawh bawk nen keimah tak chuan ka huphurh a,ka u hna chawl reng thei ani siloa,in lamah ka u leh ka nau te an awm ve bawk nen an awm reng thei siloa, Hmangaihzual-in thei rawn thawn tûrin min chah nasa bawk a,naktuk lamah Rohlui leh ka u nen kan zu lo lawk ang.




"Ka kal ania nu,"ka tih rualin ka chhuak nghal a,ka in chhak tengtere bula Remruatpui-an tengtere kûng alo melh chho vang vang ka hmuh chuan ka pan phei vat a,ka school kalkawng ani bawk nen a remchang viau mai.




"Enge itih a,"ka tih chuan a phun hluk a,aphu nasa khawp mai,"ka nau in a eichak a,kan kawmthlang ami lah khu asang lutuk a,"ati a,ka kawmchhak a tengtere kûng hi chu hniam tête ah arah a,a rah pawh alian viau mai,asang tan phei chuan kutin aban mai theih.




"Anih chu"tih paha kal pelh mai ka tum chuan ka ban rekah arawn vuan chawt a,"i pawnfên hi a chhing mah mah,"min enthlak dan dan pahin ati a.



"A chhin vakloh hi,chubakah ka mawza asei tho a"ka tih chuan a kawrlum haklai arawn phelh a,"i kawr pawh hi apan lutuk,i bra thla alang thei",ati a,a kawrlum lian deuh chu min haktîr a,a hma phel ani hlauh zawk a,ka tan chuan alian viau tho mai.




"Hetiang a school ka kal te chuan min nuihzat lutuk anga sin",ka tih hluai a,"midang ngaihdan ah buai suh,"ati thum dût a.




"Mirhing ve tho ka nia,ka buailo theilo alawm,chubâkah alian si aban te hi engtin nge board ah thil ka ziah anga,ka tibal vek ang"ka tih pawh chuan phelh a phal tlatlo,kawr var ka ha a,apân em em pawh ka hre siloa,"ha mai mai rawh"ati leh tawp a,a kawrlum chu a man to tih hriat tak mai ani a,a rim lah chu atui em em lehnghal a.




"Vâwt iti lo ami"ka tih chuan a kawng dâwm meuhin min en a,"kal rawh i tlai palh ang,"ka sama rawn tuai zeuh pahin ati a,a kawrlum ha chungin school lam panin ka kal hnak hnak a, office ah ka phelh tho ang,alian si.




Office ka thlen chuan anlo thleng kim deuh vek tawh a,ka kawrlum hak chu Mary-in arawn en chik khawp mai,ka ṭhuthlak hnuah ka phelh nghal a,ka dawhkan hnuaiah thlep thlapin ka dah a,second period ka neih avâng in ka in enfel thuak thuak a.




"Vawiin chu ka kal khalh tlat che,"Masang-an inti thei zetin ati a,kalo nui ve hak mai.



Class ten ah class ka lâk zawh hnuah office lamah ka let leh vat a,Rohlui pawh alo awm ve tawh,ahma ang lo takin min be siam siam tawhlo a,min en ṭha ngam tlatlo,nizan a a thil sawi vang kha aniang.




"Naupang ho an bang tawh ami,"keimah zawkin ka be hmasa nge nge a,"aw bang tawh e"ati ve sep a,ka biak reng takah chuan ani pawn min be veleh siam siam tawh a,ka u chanchin ka sawi ri zeuh a,a zaidam vakloh thu te ka sawi chuan anuih aza khawp mai.




Chawhnu lama class ka la neih avâng in ka haw thla zuai a,ka roomah lutin Remruatpuia kawrlum chu ka dah a,ka in hnawh puar hnuah ka ṭhu hahdam leh tête phawt a,naupang ho rawn bang pawh an bengchheng leh khawp mai.




"Mate huanah chuan i u nen kan zu kal lawk mai ang,ila dam kawr bawk sia,"kapa in alo ti a,"a pawi hleinem Mahse kawng inbo ange aw,"ka tih chuan "ka hria alâwm",ka u in alo tivat a,ka u tak hi chu ka kalpui ngun tawh avang in ahre ve tawh khawp mai,kapa pawh thintlang lampang mi ani a,ram vah tih vel nuam ati thei khawp a,kanu te erawh khawpui mi anni a,an khawsak a harsa lo bawk nen ram kal lam ati vaklo a,mahse kanu ṭhat ve na chu a thil phal mai bakah mi a duat thiam a,kawm anuam tih pawh a hlawh ve fo mai.




"Nu ka kal leh dâwn ania,chawhnu lamah class kala nei sia",ka tih chuan alo aw ve vat a, principal pêk tur lehkha ka keng tel bawk a,ka chhuah dawn ṭepah Rohlui arawn lût hlawl a,a tihzia khawp mai kan kal rual thei dâwn a, school hi hnai hle Mahse kalpui tûr neih hi anuam ve hrim hrim.


Show post links
Top

[Ngaia]

Chapter-18




Jemma Malsawmtluangi POV
School bânah principal te in lamah ka peng kawi a,an in ka luh dawn hian Api in varanda aṭang minlo be ve siam siam zel kha ania,a awm lo chu areh ve ruih mai.




"In awm em",kawngka luh pahin ka ti a,"awm e tunge,"choka lam aṭang Brandon-a Remruatpuia u in alo ti a,a ṭawng ve te hian thinrim na nei ang reng hi animai in ka hria,ka hmuh tirh phei chuan ka hlau lek lek anih kha,an unau hi tih mai mai chi anni in ka hrelo,min hnek duk vek thei ang.




"Ipa a awm em,"ka tih chuan a awmloh thu alo sawi ṭha ve mai a,a kutah chemtê akeng run bawk sia,ka ṭih deuh tlat "hei ipa ta tur ania,lo pe mai ta che",ka tih chuan arawn ban ve mai a.




Hmanhmawh ru takin ka chhuak a,ka tlanchhuak ani ber amah chiah a awm in ka hre bawk sia,ka awm rei ngamlo ani.




Ka haw kawngah Mamtea leh Remruatpuia ka tawk a,ake te hi ana tak tak lo aniang,a vak reng mai "khawnge in kal a,"ka tih chuan "khutah"tih zawngin min chhang.




"In hawi vual vual a,in rui leh ringawt ṭhin a,in nun hi a hreawm ngawt ang,"ka tih chuan Remruatpui-an a hmui ati sawi duh lek chauh "kan ruilo hrim hrim,"Mamte-an ati pawr ve hlar a,"in rui ka tilo,"ka ti let ve a.




"Zanah kanlo leng ang,"ka sama rawn tuai pahin Remruatpui-an ati a,tunlai chu sama tuai hi a uar riau mai,"awle"ka tih hnuah ka kalsan a,mi veivak an awm ve reng a,huan lama kal an awm ve reng bawk avâng in rei deuh in biak kha a tih chi siloh a tin ni.





In ka thlen chuan kapa leh ka u pawh anlo haw tawh a,"ipa Khum-an min lakpui a,kan zawh hma phah a,a tih zia tak tak ani,"kapa in ati ve luam a,pa Khuma atih hi Rohlui pa ani.




"I hah em pa",ka tih chuan a hah loh thu in min chhang vat a,kapa hi chu pa zaidam tak ani a,a chang hi chuan a awm mai mai te hi ka khawngaih leh ringawt zel,amah hi inthlahrung chi alo ni bawk nen.





Kapa leh ka u ten an hâwn tur vel an tifel a,kanu nên eirawng kan bâwl thung,"mate Masanga hi tlangval fel tak ani a,hna ṭha tak anei bawk a,an chhungkaw khawsak pawh a harsa hranlo ani awm e,enge i ngaih ve dan",ka bula din pahin ati sar sar a.





"Nu Masang chu afel alawm,mahse ka duhzawng anilo,"ka tih chuan a thaw hak a,"thil ṭha hi chu i hrelo ve ngawt mai,i nawmsak na tur ka ngaihtuah pui che a,Masanga pawn a duh che tih a awmdan aṭang hian ka hre thei,ani ang tlangval fel leh hmelṭha i hnawl anih chuan i tisual chiang viau ang,imawl emai,"ati hlak hlak a.




"Ka Hmangaih leh ka duh ber lo chu pasal ah ka nei dawnlo,"ka tih leh chuan min melh rum tawh lutuk,"nangni unau hi chu in hahthlâk emai,aṭha ṭha kan thlan pui che u a,i u pawh chutiang tho,a hahthlâk emai, Remruatpuia saw ka makpa atan engtikah mah ka pawm dawn chuanglo ania",atih chuan ka ding khawng nghal awt mai.





"Nu,chuvang chuan kan kawppui tur kan thlân kawngah chuan lo in rawlh ve suh,kan hmangaih ber leh kan duh ber kan nei ang chu,"ka tih chuan kapa arawn phei ve a.




"Enge nita buan buan a,nangni nufa chu"arawn ti dam thluam a,"i fanu hi en rawh,a nawmsakna tur ka ngaihtuah pui a,Masanga anga tlangval fel saw ka duh lo e te atia, Remruatpuia zurui thle kual vel mai mai,hna pawh nei mumal lo saw inei anih chuan i rethei viau ang,"ati leh a,ka rilru ana ve det Remruatpuia asawi dan chu,"aw i fate kawppui turah hian lo buai vak zel suh ka tih kha,an duh duh an nei ang,an tih sual leh an mahni bawk a tuar tur an nia,an neih fuh leh an mahni tan bawk,hetiang ah chuan in rawlh lo ila afuh ber,ar chaw va pe teh,"kapa in atih takah chuan tum hmuk in ar chaw dahna lamah a phei ve a,kapa thu hi chu a hnial ngam biklo.




"Inu thusawi kha engah mah ngai suh,keipawh ka tlangval lai chuan ka sual ve thei lutuk, Remruatpuia nên hian kan zia a in ang teh mai ania,"kapa in ka dara ben thak thak pahin ati a,ka nui veleh ta hak hak a,ka u erawh chuan min rawn ngaihsak lo thung,hetiang lamah hian a in rawlh ve ngailo hrim hrim zawk.




Chawhmeh hmin hnuah ka inbual a,tih tur em em a awmlo bawk nen "dawr lamah kava kal lawk ange,"ka ti a,ala hma tho bawk nen kal an phal ve mai a,kanu erawh chuan minla be leh lo.




Ka purse leh ka phone la in ka chhuak a,naupang ho ka en leh zuai hnuah dawr lam panin ka phei a,exam a hnai ve tawh bawk nen naupang ho pawh an ṭang khawp mai,a ṭhen thingkung ah an zir a,a ṭhen serṭawk kungah ka hau duh lemlo,lehkha an zir tak tak hi chuan ka in aṭang pawn an chhiar ri hi a hriat theih a,an vaia an zir rual phei chuan thiam ahar viau in ka ring.





"Khawnge ikal dâwn a,"nu Zaite-in min hmuh rualin ati nghal a,a nui leh sang tawh "dawrah kava kal lawk ange,Mesaka chu nuam ava tih hmel ve,"ka ti a,"nia hei pawn lawm tih takah chhuah pui hi chuan nuam ati thei lutuk a,"ati a,"anih chu dawrah chuan kava kal lawk ange,"ka tih hnuah ka kalsan a.



Dawr ka thlen chuan Masanga pawh alo awm ve a,ka be chhe lemlo ka thil mamawh vel ka lei hnuah let leh mai ka tum laiin ",minlo nghak teh"Masang-an atih chuan ka ding leh rih a.



Dawr aṭang Masanga nen kan inzui chhuak a,min fiam tu pawh an awm leh ṭhin a,ka nui mai mai thung "inu te chu engtikah maw haw an tum a,"ati a.



"Karleh lamah hian an tum deuh a,"ka tive sep a "anih chu i khua ava har dâwn ve",nui chungin ati a,"nia..."tih bakin ka chhanglo.



A in kan thlen tâk avâng in min pensan a,keimah in ka inlam panin ka kal hnak hnak a,ka hnunglam aṭang tu in emaw min rawn vawm chuan ka hawi let zawk mai,mahse tumah ka hmu lemlo kal tumin ka inher leh a,angai te bawkin min rawn vawm leh a,ka haw let chuan Brandon-a lek chu lo niin,a mizia hi amak reuh ka ti.




"Enge i duh",ka ti deuh hmuk a,"engmah ka nau ilo hmu em,"atih chuan lu ka thing a,engmah sawi tawhlo in an in lam panin a phei veleh mai a,a chezia hi amak thei tak tak ani.



Ka in ka thleng ṭep tih ah Remruatpuia te ṭhian ho ka tawk a,"ke na chungin ngatinge i len reng a,"ka ti ta thlawt a,a ṭhiante chu an ding bu leh luk luk tawh.



"Ana tawh hleinem,khawnge i kal a,"ati ve ngei a,a ṭhiante a en zeuh hnuah ka lamah arawn phei a,"i u in a zawng che asin"ka tih chuan anui suk a.




"Kalo thlah ang che",ati daih a,"a ngailo ka in a hla vak tawh hleinem"ka tih pawh chuan "kalo thlah ang che,"atih deuh tlat avang in ka remti ve mai a,ka inlam panin kan inzui phei a.



"I kawrlum pawh kala kawl tak asin,"ka tisep a"a pawilo tikhan nei rawh"ati thum dût a,ka suk fai hunah ka pe let leh tho ang.




"Zanah pâwnah lo chhuak lawk la,hrilh tur che ka nei a,"ati sup a,"tûnah pawh min hrilh mai la"ka tih chuan aduh tlatlo,"zanah"ati deuh tlat a,keipawn ka hnial tawh bik lemlo.



Tengtere kûng bul thleng min thlah a,ka luh dawnah ka biangah arawn fâwp zeuh a,ka nui ve var var mai,"chaw ei tui"ati sup a,"chaw ei tui le"ka tih hnuah ka lut a.




"Mate chaw ei nghal ang u,ril aṭam riau mai"kapa in atih takah chuan chaw ei ka siam nghal zung zung a,kanu erawh bathroom lamah a awm anih hmel,chaw kan ei laiin kapa in call adawng a,a biak danah ka u te nupa an nih hmel.




"Ava lawmawm ve,"kapa in ati hluai a,kanu pawn a en zawk mai,phone adah hnuah "i u ten naute an pai thu an rawn sawi a,a lawmawm khawp mai",kapa in ati a,kan tu hmuh hmasak ber tur ani bawk a,kan phur tlang tih a hriat,kanu pawh a hlim ve khawp mai.




Chaw eina ka tihfel mawlh mawlh laiin inlêng an rawn lut ve reng a,kapa te an rawn zin aṭang hian inlêng zantin deuh thaw kan nei a.




Remruatpuia message ka hmuh chuan thleng ka sil zo chiah,"in kawmchhak tengtere kûng bulah ka awm,"tih alo ni "naupang ho ka zu en lawk ang exam a hnai tawh bawk sia"ka tih chuan an awi ve mai a.




Remruatpuia sawina lam ka pan chuan alo awm der tawh,"avawt lo ami"ka tisep a,zanin chu thli athaw vuk vuk reuh sia,a vâwt ve ṭep "vâwt ve tho e",ati sup a,kawrlum hi chu aha ve reng in ka hria.




"Lo kal teh,"atih chuan a bulah ka ding ve mai a,hnunglam aṭang ka kawngah min rawn kuah a,alum vung vung mai,a kawrlum zipper chu a phelh a,alum leh zual takzet,"i sawi tûr chu sawi tawh la"ka tih chuan thawk ala vang vang a.



"Sawmte thil zirin hmun dangah ka awm lawk dawn a,"atih chuan ka phu zawk thei,"engtik thleng nge i awm dâwn"ka ti a,"ka hrelo ka zir zawh hun hun animai,"ati sup a.



"Engtikah nge i kal dawn"ka tileh a,ka ngui ruih thei"thla thar lamah hian aniang"ati a.




"Ngatinge ikal kher dâwn,"amah kuah nghet salh pahin ka ti a,"Sawmte ngaithla rawh,itan leh ka tan vek anih hi,nakinah kan inneih hunah pawh kan fate tan hna ka neih chuan an ṭha dâwn lutuk,pasal hna neilo iduh ami,"ka hmai rawn chul hauh hauh pahin ati a.




"Keiman hna ka nei tho alawm,ka ngai dawn che e"naupangchhia zetin ka ti a,ka mittui a hnai leh kuar tawh.




"Keipawn ka ngai dawn che alâwm,a rei dâwn hleinem,kum thum kum li bak angai lo ang,"min kuah nghet salh pahin ati ve a.



REMRUATPUIA POV
Ka hmaa ka hmeichhe hmangaih tak in hnit feih feih chu ka kuah nghet salh a,ka ngai dawn takzet mahse ama tan vek ani tih hi hria se engtin tak ti ang maw,"bang tawh rawh le"a hnunga chûl sak pahin kati a,hetiang hian tu hmeichhia mah ka thlêm ngailo,mahse henu hi chu a danglam bik takzet.




"Imm i zir ro ro anih chuan ṭha deuhin zir rawh",a rawn ti tham ṭiak a,"awle hmelṭha em em nu"ka tih chuan ka hnungah arawn chum pawp a.




Min en theih tûrin ka kuai dâk deuh a,thla eng hnuaiah pawh a hmel chu chiang takin ka hmu thei,a hmelṭha takzet,a sam sei hniang te hian min hip takzet,a hmuiah ka fawp vawng vawng a,ka hahdam sawng sawng thei.




"Ka hmangaih che ka awmloh chhungin tumah lo melh suh ang che,"ka tih chuan abu ve nghut nghut a,"nangpawh"a tisep a "nangmah lo chu duh dang ka neilo,ka hmangaih nu"a chhîpa fawh vang vang pahin kati a.




"Ka rawn haw zeuh zeuh reng ang,a in hlat em em dâwn chuanglo"ka tih chuan a nui leh var var thei tawh,anuih hian a hmelṭha lehzual,"ka zu haw tawh ang,inlêng an awm sia,ka bo rei lutuk chuan a diklo ang,minlo bia la aw,"atih hnuah amah zawkin ka hmuiah arawn fâwp zeuh a,ka man hman hma in a tlan haw leh nghal daih ka nui suk ringawt a chetdan naupangchhia thei lutuk hi a duhawm takzet.




Ka ṭhiante minlo nghah na lam panin ka phei a,"iva han che muang ve tak aw.."an bul ka thlen rualin Mamte-an alo ti nghal a,hepa hi chu a over ve thei hrim hrim,ka phone arawn rik chuan Sawmtei anih ringin ka en a,mahse Fanghmir-i(Mary)zawk,la lemlo in ka ring ral tîr ṭhak a.




"I awmloh chhungin innu kanlo rim char char ang", Zomuan-an atih chuan alu ah ka beng pawp a,a tuai vut vut mai,"lo veng tlat ang che u,a awmdan vel lo sawi zêl ula"ka ti hmûk a.




Ka phone bawk arawn ri leh a,fanghmir-i bawk ani,a pawimawh anih ringin ka la ta nge nge a,"Remruatpui Venghnuai ah buaina ka tawk a,min pui lawk thei angem,"arawn ti a,"eng buaina nge i tawh a"ka tih chuan a ri sat sat a,"khawngaih in Remruatpui nakinah ka hrilh ang che,tûnah chuan ilo kal rih phawt thei angem"mangan hmel zetin ati a,ka kal tur thu ka sawi hnuah ka ding a.




Ka ṭhiante ka hrilh ve chuan "bike ila khalh theilo,ike kha kan zu kal mai ang"an tih avang in ka hnial bik lemlo,ka bike duat em em chu Rempui-an a khalh a,a hnungah Zomuan-an a bike in a zui bawk,Mamtea erawh a kal ve lo thung.




Kan inah kanlo nghak reng a,an rei reuh khawp mai, Brandon-a pawh inah a awm ve ngei a,zantin a chhuak ve reng zêl a,a ṭhian kawmte pawh an fel bik vaklo khawp mai,kanu pawn a kawng dâwm meuhin min en leh tawh.




"Ike hi bung pawh nise chhuah i bansan chuang miahlo ang,"ati a, Brandon-a leh ka nau anlo nui Tut Tut a,"nangni pawh lo nui suh u, Brandon nangpawh i nau nen in in ang reng,"ati vin hlar a,kan makpa pawn kanu an peih zia ahre tawh a,min rawn ngaihsak lemlo.




"Vawiin tlaiah ipi thlânah in kal ami,"atih chuan "kal"ka tive mai a,Mamtea pawn a ngai pawimawh vak lemlo,"ka ring rengah ipi thlânah in kal anih pawn pangpar ka phun saw lo phawi tawh suh ang che u,in hahthlâk zozai emai,"ati hlak hlak a,"pangpar kan phawi ngai reng reng lo,"ka tih chuan a awiloh hmel khawp mai,kan phawi ngailo reng bawk.




Kawngka lamah ka ṭhiante leh Mary an rawn inzui lût a,an bal khawp mai,"enge awmzia,Mary"kanu in an rawn luh rualin ati a,kei erawh in ka ṭhiante chu kalo en daih thung,thil awmzia ka zawh chuan"khutah venghnuaiah khuan kan in bulah alo awm a,kan zu thlen khan kut min rawn thlâk a,man kan tumna lamah kan bal vek anih hi", Zomuan-an alo tivat a.




"Puihna ngen in ani lâwm ni Min rawn call,ngatinge kut i thlâk leh zâwk si"Mary en ngur chungin kati a,ka lungawi lo khawp mai,"nia nangmah ilo kal dawn amaw ka tia,min tih buai tum te kha maw ka tia,a thim sia mask an vuah bawk sia"ati sep a,kanu te bulah chuan a inla fel thei khawp mai.




"Kan haw nghal mai ang,"Rempui-an ati a,Mamtea pawh ading ve nghal a,pawn lamah kan inzui chhuak a,"khanu dawheh lutuk kha engtikah mah ka pui leh tawhlo ang,"Zomuan-an ati hlak hlak reng a.




"Imm kan pui tawhlo ang,"an lungawi nan ka tive sup a,dawr thleng ka thlah a,meizial ka lei sak hnuah ka let leh a,anni pawh an haw tlang dawn anih hmel,ke in inlam panin ka phei a,meizial ka zu phei va va a.




Ka bul lama thawm a awm chuan ngaihsak lemlo in ka kalpel a,thil ṭhenkhat hi chu ngaihven lo ila aṭha zawk,ka phone arawn rik chuan ka phawrh vat a,ka hmangaih nu Sawmtei ngei ani tawh.



"Hello"ka lak rualin ka ti nghal a,"imu tawh em"ati sep a,"dawrah ka kal lawk a,ka haw chiah"ka tih chuan anui hak a,"zan hi chu i lawm ve hrim hrim in ka hria,chhunah hian hmuh tur i awm ngailo a,khuai chhun mu ang mai",atih chuan ka khi ve suk a,kan in pawh ka thleng zui ve nghal mai a.




"Remruatpui mu nghal ang che,chhuak tawh suh"kanu in min hmuh rualin ati a, ngaihsak lo zetin Sawmtei thusawi ringawt ka ngaithla a,"inu hian a hau nasa ṭhin che sia,nanglah in siam ṭhat itum bawk siloa",ati sep a.



"Min ngai em"ka tih tak daihah chuan a ngawi vang vang a,kanu in min eiloh hmel khawp mai,"bialnu te lah hi i ngah ropui si,sâwn te hi ilo thlâk reu reu ange,"atih chuan ka ning tawh khawp mai.



"Chu bialnu engzat tak nge i neih a,"Sawmte-in ati ta chiah reng a,roomah lutin ka khum bula tukverh chu ka hawng a,"nangmah lo chu ka neilo",ka tih chuan a awiloh hmel khawp mai,kanu sawi kha a diklo hranlo,Venghnuai lama ka bialnu pawh kha kala ṭhen fello ania,mahse ka be tawhlo a,min rawn biak pawn ka chhang ngai lem hleilo a,Sawmtei bak ka rilru ah an awm tak tak tawhlo.



"Kanu khan a sawi ve mai mai anih kha,"meizial ṭan pahin kati a,kawmthlang ah mi veivak an awm leh nuk zêl a,tlangval an bialnu te rim a haw ho anni ngei ang,"room tukverh kha kalh rawh aw,kalh lo in imu leh ringawt ange,"kanu in an room aṭang arawn ti hram a,ka room bul chiah ah an room a awm a,kua tereuh te an room aṭang ka room en theihna a awm a,chuta ṭang chuan arawn la dâk hram a,kanu hi chu a la infit khawp mai,"ka hria ka hria mu rawh,"ka tih chuan Sawmtei nui ri ka hria a.




"I buai hmel emai,ka dah rih mai dâwn ami"atih chuan "angailo"ka tisup a,phone vela inbiak ka peihloh theih nen Sawmtei ka biak chuan ka be rei khawp mai,naktuk school kal angaih avâng in adah hmasa zawkah aṭang a,kamu lawk theilo,zan mut hi chu ka harsat ve khawp mai,tukverh ah dâk chhuakin zai ka play a,Mamtea pawh ala mu bikin ka ringlo,ka phone lahin ka text a,min rawn reply rang khawp mai,"ila nei em"ka tih chuan tlemte ala neih thu asawi a,"ka rawn la ang,pâwnah lo awm rawh"ka tih hnuah ka kawrlum ka la a.




Kawngka dim tê in ka hawng a,ka bike pawh ka tinung lawk ngam biklo,Mamtea te in a hlat vakloh avâng in ke a kal ka rilrûk leh zâwk a,ka phone ah zai play pahin ka in thlang lamah ka phei a,Mamtea te in ka thleng ṭep tih ah an in bula mi lo ding ka hmuh chuan ka ding chawt a,kava pan phei a.


Show post links
Top