ACADEMIC LOVE BY Judy Chhak Chhuak (Completed)

[Ngaia]

Chapter-7


Jemma Malsawmtluangi POV
"Aw enge Mamte"kawngka lam hawi pahin ka ti ve lang lang a "Masang i awm ve animo engmah mawle ka rawn koh vel mai mai che i in hnung lamah ka leng zuai a"atih hnuah akal leh mai a,zanah bak arui bik ngailo khaw enlai hi chuan afim ve kar zêl thingpui in pahin Masanga nen kan titi a "kava phei phawt ange naupang ho pawh an inthiar zo tawh ang"din pahin ati a,girls lamah mipa ho an inthiar mek a,an bengchheng khawp mai Masang haw hnuah hostel an tih dan vel ka zu en a,"kitchen hnaih lamah ami in awm dâwn"hmeichhe ho en paha ka tih chuan an bu nghut a "kitchen lampang hi a him zawk a miss"senior ami pakhat in alo ti a.





"Awle naktuk inrinni ani tho a naktuk pawh hun ala awm muangchang in inti fel rawh u zanin chu lehkha zir in duh chuan in chawl rih thei in thawmhnaw vel dah fel tur ala tam sia"ka tih chuan an lawm khawp mai "miss i fel bik e kan warden hmasa kha chuan hna min thawh tir vak a lehkha kan thiamloh in min vua a,zir rawh u ati ngai chuang bawk siloa"anti ve luam a,engmah ka sawi duhlo thung,keimah aia lo awm hmasa tawh ania lo sawi ve vak vak kha ka tan pawn a mawilo,bakah ka mualpho daih thei.




Hostel aṭang a kan chho hnuah teacher ho pawh anlo thleng sap sap a, "eirawng ilo bâwl hman tawh êm Sawmte awi kalo sawi theihnghilh daih a principal te in lamah zanriah kan ei dawn anih chu aw" Mary ka thawhpuinu in alo ti a,a ha nalh ka tih rûk em em leh a biangsum lang kalh in anui a,a sam dum hlap te chu a inhmeh bik ngawih ngawih "la bawllo e"ka tisep a.




"Sawmte tutu nge naupang ho riahpui dâwn nang chu i in a i riah ngei ngei kha angai dawn a,mipa ho chu hostel ah kan riak vek ang dorm a in kal pawh vek theih tho a hmeichhia ho pahnih velin riahpui ve mai mai ula"Masang-an arawn ti a.



"Ka hrelo in tih dan dan hostel ah pawh ka riak hreh chuanglo ania",ka tih chuan minlo hnial vat a "Mary leh Ahma-i hian riahpui maise in hreh em"Masanga bawkin ati leh a,anni pawn an hreh vaklo anih hmel.



"Mutbu vel inlo keng duh a,ka nei ngah asin"ka tisep a "aho emai"Ahma-in alo tive a, hmeichhia vek awm khâwm ṭhin mah ila mi kan rel vak ngailo,an fel ve na ka tia ka awm tirh a Mamtea sawi ang ngawt chu an nilo anih hi ka timai.



"Chaw ei anti tawh ang kan va phei dâwn ami"sir Mammawi-an atih chuan kan tho ve sap sap a,teacher ho hian nupui pasal anla neilo a,riahchhuah tih vel pawh an harsat lo hlawm khawp mai aṭha zawkah turah ngai ang,chaw ei turin principal te inlam panin kan phei sap sap a, principal kan nei fel a,an chhungkua an in hâwng bawk nen keipawn nuam ka ti khawp mai.




"Inlo va thleng hma lehsi ve lo ṭhu rawh u chaw ala hmin chiahlo deuh a,"nu Biakte-in alo ti sawk sawk a,an nula in eirawng alo bâwl mek pawn lamah hian hetiang chaw eikhawm vel a awm dâwn chuan an bawl mai zela,pâwnah eirawng bâwlna tur an siam a,a rem reuh phian mai.



"Kanlo pui ang che u"kan tih chuan an phal tlatlo, Remruatpuia ka zawng ru deuh a ka hmu mailo,inchhung ah a awm anih ka ring ve tawp,a chhan pawh inchhung aṭang "Hmangaihna mittui leh pangpar"tih hla ring zetin a in play a,khaw awmdan zawng zawng nen ka feel veng veng mai, Remruatpuia hla duh ber ani tih Mamte-an min hrilh tawh,ka in a alo len pawn "Hmangaihna mittui leh pangpar"ati deuh reng zêl.




"Inva play ril ve"Masang-an nu Biakte-i bula ṭhut pahin ati a,nu Biakte-i afel bawk a kan fiam bawrh bawrh ngam,"nia Remruatpuia play mawle,a bialnu nen an inṭhen aṭang khan Hmangaihna mittui leh pangpar ati deuh reng mai",nui hak hak pahin ati a,nu Biakte-i hi chu sawi hreh neilo Frank deuh mai hi ania tuna asawi pawh hi a tak tak ani ngei ang.




"Sawmte chaw ala ei theih chuangloh a,khua hi kan fang dâwn ami"Masang-an min rawn en zeuh paha atih chuan ka bu ve ngut a,"imm a pawi chuanglo nu Biakte tih tur a awm chuan minlo call mai dâwn nia aw,"ka tisep a"awle awle va kal rawh u"ati ve mai a.



Masanga nen kan inzui thla ve hnak hnak a,"boys hostel chu i hmu tawh tiro ka quarter nen"atih chuan "aw hmu tawh e"ka tive sep a,"naupang ho an mahni chiah in kan dah sia a pawi emlo ang chu maw"ka tisep a.



"Pawilo e a veng tu tur an awm kha"ati a,keimah ni kan awmloh pawh a lo veng tu tur mi pahnih kan ruai a,anni an awm chuan azia naupang ho field a infiam kan hmuh te chuan ka nui ve hak hak a,an cute em ani,"kan tetlai minti hrechhuak"en vawng vawng pahin ka ti a.



"Nia tiro heti lam boruak hi chu Christmas dawn te hian lung aleng thei ania,single tan ngat phei chuan lung aleng leh zual"ati ve sup a,ka en chuan minlo enve reng chu niin ka nui seih a,ani pawh alo nui ve suk mai,"sawti lamah sâwn kan phei zel dâwn ami anuam ania"atih chuan ka bu ve nghut nghut a.




"Masang inva inhmeh ve kha nupui atân pawn aṭha viau ang Sawmtei chu a fel si"tih a min fiam tawk an awm nuk a,anui mai mai thung "sawlai saw Rohlui te in"ati sup a,a kawhna lam ka hawi asamtype in mal ding hi alo ni "ava nawm hmel ve"ka tisep a,"nia anuam reuh lutuk amah a awm siloa nakinah kanla leng dâwn nia"ati a.




"Ka fang pui ang che ka ti tak na chu chutia han fangkual vak tur pawh a awm chuanglo,khua hi alian vakloa,hmingchhiat te hi a awl ania"ati ve sup a,"anih chuan kan phei mai dâwn ami"ka tih chuan a pawiloh thu in min chhang a,"dawrah peng kawi lawk ang aw kuhva lam lawk ang"atih chuan ka bu ve nghut a.




"Eheu Masanga chu iva kherh thlu hmelṭha bik ve"dawr chhunga kan luh rualin a nghak tupa in alo ti a,ka nui ringawt "nia hei min duh se chuan ka nei nghal pawp duh ang mawle"Masang-an min rawn en pahin ati fiamthu a.




Kuhva leh meizial kan lam hnuah principal te inlam bawk kan pan leh a,"nakinah tlang mawi deuh a awm a,kala kalpui ang che hemi khuaah hian dawr pathum lai a awm ve a,"ati ve luam a, principal te inkawt kan thlen tâk avâng in ka chhang tawh lemlo.




"Inlo va let leh hma sive,"Mammawi-an min hmuh rualin alo ti nghal a,"nia fangkual vak tur a awmlo"Masang-an ati sup a"ila hre zau tawklo anih chu nakinah kanla kal dawn nia Sawmte,"Mammawi-an alo tisup a,chaw ei pawh anlo peih fel tawh anih hmel.




Hmeichhe ho in chaw ei kan siam mawlh mawlh a,"mahni inchawi animai aw inchhung lamah pawh an ei theih mahse inchhung a chêp lutuk a ka tih vâng ania,pawn lamah ka bâwl"nu Biakte-in alo ti a, Remruatpuia chu a mawng phe pawh hmuh tur a awmlo,zai pawh a in play tawhlo,"ei ṭeuh rawh aw Sawmte"principal in atih chuan ka bu ve nghut a,ṭawngkam bungraw nei tamlo chi kalo ni bawk nen chhan dan tûr ka van thei khawp mai.




"Zanin chu kan pahnih in kan riak dûn thei dâwn a,avan tih zia tak"Rohlu-in alo tisep a,midang ho pawh fel tho mahse Rohlui nên hian kan innel bik a,"nia midang nen kan inkawp ang tih keipawn ka hlau lutuk a"ka tive sep a.




Chaw eina kan tih fel mawlh mawlh laiin Remruatpuia arawn chhuak hlol a,min rawn kal pelh chuan zurim anam lo ve ngei a,chu ringawt te chuan minti lawm ve em em ringawt,"Munga khawnge ikal dâwn"nu Biakte-in ati lawng lawng a,ngatinge maw Munga an tih ziah chhan hi ka hrelo an koh duat dan ti dâwn ila ani chiah in ka hre bawk siloa.




"Khawiah mah ka kal dawnlo"a ti ṭha ve mai a, Rohlui nên thleng kan sil a,Mary leh Ahma-in chaw eina vel anlo tifel thung, Remruatpuia pawh Mary bulah a tap chawt mai,an infiam a an nui leh hak hak ṭhin a,keimah ah thikna lian tak a awm "ngatinge hetia ka awm"ka tisep a,"engtin maw"Rohlu-in atih chuan nui tlawn deuh titih in ka lu ka thing ringawt a.




Remruatpuia hi ka duh ani tih ka pha buai tawhlo,a tlai hma in ka duh ve ani tih hi hrilh ila aṭha zawkin ka hria,"Ahma-i saw chu a fel tho na chu,mi rel a hrat deuh a i bulah chuan engmah a sawi ngailo ang,a chhan pawh ilo awmna ala Rei siloa,Mary nen sawn an inkawm ngaih a,kei chu a mawiah minbe ve mai mai zel,"Rohlu-in ati dap dap a,ka khawngaih reuh khawp mai.




"Ahma ka rawn awm hma chiah a warden hi enge a an"Rohlui bulah ka ti sar sar a,zawh nuam chu ani chiah lo,"imm ani pawh a fel tho na chu Ahma-i nen sawn an zia a in ang,an inkawm ngaih lutuk Ahma-i nen an pathum in an inkawp chawt ṭhin a,chubâkah i rawn awm hma a warden kha chu tlem in a senior ve deuh tawh a,a duh khirh ve tawh a,naupang ho chungah pawh an strict ka sawi sêlna nilo se Ahmai te nêna an inkawm chuan mipa chungchang hlir an sawi a,Masanga pawh kha a hmeichhia zawkin a bem a,mahse Masanga khan a duhlo aniang,chubâkah Masanga aiin a u daiha"ati a.




"Anih chu"tih zawngin ka chhang,thleng kan sil zawh hnuah nu Biakte-i bulah meilum ai pahin kan ṭhu ve a,khua pawh unau hmel hai kan tih ang hun vêl kha ani,Mary leh Remruatpuia pawh an in ṭhut hnaih tawh khawp mai,"i ei ve duh em"ka lama kuhva rawn lek phei pahin Rohlu-in ati sep a,kalu ka lo thing ringawt thung.




"Kanva phei hmasa ang aw Sawmte in i kalh lo tiro"Masang-an atih chuan "aw kalh lo va phei rawh u,keini pawh kan lo phei harlo ang"ka tive sep a,meilum chu kalsan kanla phal rihlo ani, Remruatpuia te ṭhutna lam chu kava melh leh zeuh ṭhin a, Remruatpuia chuan phone a khawih a,midang chu a ngaihsak vaklo ani ngei ang,Mamtea a awm velo ngei bawk,khaw thim hunah chuan an inzui leh hnak hnak tho ang,"Remruatpuia te zanin an rawn riak leh dâwn em"nu Biakte-i en zeuh pahin ka ti a.




"Ka hrelo le riak ang,hetiang ah chuan apa hian a riah phei tir ziah a,tlangval dang ho pawh an lo riak pheiin ka ring"ati ve a,"Sawmte dawrah kan zu kal lawk ange aw"Mary-in arawn ti lang lang a"minlo pheisan mai dâwn nia"atih chuan "awle"ka tive sep a, Remruatpuia te nên an inzui thlâk chuan keimah ah thikna lian tak a awm,ka rilru alo na ve veng veng bawk.




"Nangni chu la ṭhu ve reng rawh u",nu Biakte-in ati a,"kan khua chu enge a ang itih Sawmte nuam iti em"atih leh chuan anawm thu in ka chhang a "naktuk ah huan lamah kal kan tum a,chawhmeh kan rawn hâwn ve ang chu"Rohlu-in ati a,amah anglo takin kuhva a ei ve niap niap mai,a ngo in a fai vur reuh sia,kuhva ei chu a inhmeh lo.




Rohlu-i nen rei reuh meilum aiin kan ṭhu ve reng a,"april thla vel aṭang chuan khua pawh alum leh viau ang,January leh febuary hi chu khua ala vawt a"nu Biakte-in ati a,"khawvawt hi chu iti theilo ve ngawt mai nu Biakte-i hi chu"Rohlu-in ati a,"nia thlasik hi chu hreawm ka ti,ruhseh ka nei bawk sia,meilum hi ka ai reng mai,ati a "a hreawm dâwn anih chu kanu pawh hi ruhseh anei a,khua a vawh hlek chuan hreawm ati thei lutuk"ka tive ngei a.




"Nia tar hnaih lamah phei chuan a hreawm leh zual"ati a,"keichuan ila ṭhalai ka tia,i nulat lai phei chuan i hmelṭha ngawt ang"ka tih chuan anui ve hak hak a, Remruatpuia leh Mamte-a pawh anlo inzui phei leh tawh,Mary leh Ahma-i erawh ka hmu tel tawhlo thung.




"Kan mimâwl a te pahnih pawh anlo inzui leh ṭhem ṭhem tawh saw",nu Biakte-i bawkin ati leh a,anui huah huah mai,nuih aduh in a fel ve takzet,a Frank ka tih tawh kha fiamthu a thawh hian anui duh ngai miah bawk siloa,ka hriat tirh phei chuan mak ka ti,mahse Rohlu-i hian thil chinchang vel leh an mizia vel min hrilh tawh avang in ka hre ve chho ve zel.




"Nu khawnge kapa"ka bula rawn ṭhuthlak pahin Remruatpui-an ati sup a,a rimtui lehpek khawp mai,zanin chu an ruilo ve ngei aniang"zanin thla han en dan em em chu light pawh ka mamawh lo reng reng"Mamte-an nu Biakte-i bula ṭhuthlak pahin ati hluai a,"izu in loh vang mai mai anih kha,hetiang anga thla eng i hmuh rêng duh chuan zu nghei la, Remruatpuia pawh thla eng i hmuh duh chuan zu in tawh suh"nu Biakte-in ati ve a.




"Ka tivel mai mai anih kha zanin chu thla a englo,"Mamte-an ati leh ang lawi a, Remruatpuia alo nui suk suk mai,"kanva phei phawt dawn ami,mipa ho kha an mahni chiah in an awm sia,"Rohlu-in atih chuan "nia a pawi hleinem"ka tive sep a,"Mamte rawn phei ve nghal ula"Rohlu-in atih chuan an ding ve mai a.




"Rohlu hrilh tur che ka nei"Mamte-an ati sup a,a hmaah Rohlui leh Mamte-a an kal a,a hnungah Remruatpuia nên kan kal thung,"izu ve duh em"a meizial ka lama rawn dah phei paha atih chuan kalu ka thing a,chhânna tih vel kha chu engmah a sawi tawhlo,la hma viau mahse thintlang tih takah areh ruih tawh a,Thereng hram ri bak hriat tur a awmlo.




"Remruatpui"din paha ka tih chuan arawn hawi ve vat a,a meizial min rawn zuk khum deuh kher anih chu,"awi iva han nghal tak,"ka ti hluai a,kan hmaa mite chuan min ngaihsak tawhlo,"kanu in min pai laiin zawng sa a ei nasa a"atih chuan ka hmui ka tisawi zeuh a.




"Zawng ini tihna mi"ka tih chuan a lu a thing a,"ka ni ka tia mi"ati veleh zêl a,"zawng sa inu in a pailai che in a ei nasa itia nih kha", naupangchhia zetin ka ti a.



"Nizan a i thil sawi kha"ka tih chuan min rawn enve zawk a,"aw"ka tisep a,"enge aw chu tu aw maw i hriat"a meizial a ke a rap hrual nawk nawk pahin ati a,"nizan a min zawh kha a chhânna chu aw, Remruatpui ka duh che"lai deuh ṭut chungin ka ti a,"iti tak tak ami"atih chuan ka bu nghut nghut a,a mitmeng a lawmna chu ka hmuh hmaih hauhlo.




"I hmelṭha zual sawt tikha chuan min duhlo amaw ka tia,Mamtea nen zu nghei a ṭawngtai kan lo tum mai asin"atih chuan ka beng pawp a,"zu nghei chuan ṭawngtai tho ula",ka tih chuan a kekawr ipte zen rung chungin min en a,"ṭawngtai a ngai tawh hleinem,hei min duh tawh hi,"ka dara min rawn kuah pahin ati a.




Ka inlam panin min kuah phei a,"saw sawmi te pahnih saw enrawh",min man ding chawt pahin ati a,a kawhna lam ka en chuan Mamte-a leh Rohlui in hnaih deuhah anlo in en a,an inkai rial bawk,"hmuhnawm iva ti awm ve"Remruatpui-an ati thum dut a,ka en zawk chuan minlo en ngur mai,"nangman en rawh iti anih kha kal ang iho emai"ka tih chuan min rawn kai vat a.




"Hey enge intih a", Remruatpuia ati thum leh dût a,Mamtea te an rawn hawi phâwk khawp mai,"ka mitah thil a lut a,min chhem sak lawk alawm"Rohlu-in ati sep a,a sen deuh ap ap mai,alai ve ngei aniang,"zawnga Munga iva mâwl ve"Mamte-an ati hluai a,kanlo nui hak hak thung.




"Ngatinge Munga antih tlat che a", Remruatpuia en zeuh pahin ka ti a,ka in pawh kan hlat tawhlo,"a muang thei lutuk a,engpawh tise nghah angai ziah"Mamte-a zawkin arawn ti vat a, Remruatpuia pawh anui ringawt "anih ngatinge Stung-a antih che"Mamtea melh zeuh pahin ka ti a.




"Zu heh lutuk a,Stung-a kan ti anih kha"atih chuan Mamte-a aduh lo khawp mai,"zu iheh ve tho kha aw Malsawmtluang Stung-a min tih chhan chu ka mawl lutuk a"ati a,amah pawn a zep biklo,ka in kan thlen zui tâk avâng in engmah kan sawi chhunzawm tawhlo a,mipa ho chu anlo titi ve nasa mai "kan rei em"ka tisep a.



"Rei khawp mai in riak nghal dawn amaw kan ti mai a", Mammawi-an fiamthu in alo ti a,"khawnge midang"Masang-an alo ti thung,"anlo thleng ve mai ang"Remruatpui-an kan chhan hma in ati sup a,"naupang ho chu an intifel ve thei em ang chu maw"ka tih a,choka lamah thingpui lum tûrin ka phei zui nghal a.




"Imm an inti fel ve mek"Masang-an alo ti lawng lawng a,teacher nih hi chuan ṭawng rin angai sia,kan inkawm te hi kan au lawng lawng zêl tawh,"thingpui hi a hâng in nge a thlum in induh ang"ka tih chuan a hâng an ti sap sap a.




"Miss sir thlang lamah khuan thawm arawn awm leh ṭan a,"naupang pakhat in arawn tih chuan mipa ho an ding vat a,a khua hi alian vaklo tih ka hria mahse hetiang em em hian an khaw ṭhenawm te hi an sual ka ringlo asin,hostel a awm vang hian an thik ti dawn ila ani theiin ka hre chiah siloa,mahse a ṭhen in an sawi danah chuan an khaw ṭhenawm tlangval,buaina siam ti nuam ho bak annilo te antia,sawi dan hrang hrang a awm sia keichuan ngaihdan siam dân pawh kala thiamlo.




Hostel a kan chhuk ve chuan "engmah hlauh tur a awmlo,ramsa thawm mai mai anih kha anlo kal ngam tawhlo ang"Masang-an alo tivat a,"ramsa thawm chu a ni tak tak ami"kan chho hnuah ka zawh chuan a bu nghut a,"Kum dang ang kha chuan an rawn che ngam vak tawhlo ang khaw dang tlangval ho chu a hma khan an man sia,an khua saw an mualpho phah vak a,tûnah chuan engtin vak mah min rawn ti ngam tawhlo,hetia kan tih chhan pawh hi ngaih ṭhat nan a ti mai mai kan nia keimah ni lampang boys hostel saw a ṭha vak siloa,sak ṭhat an tum deuh aniang"ati a.


Show post links
Top

[Ngaia]

Chapter-8



Jemma Malsawmtluangi POV
Boys hostel an sak ṭhat dawn avâng in girls nên dorm khatah anla awm reng a,Masanga erawh a quarters lamah a awm thung,naupang ho ên tûr in arawn phei ve zeuh zeuh zêl, Remruatpuia nên pawh kan la in ngaizawng tluang ve zel a,Rohlui leh Mamte-a te tih loh chuan tuman kan in ngaizawng tih an hrelo thung,Rohlui leh Mamte-a pawh an in thlah thei tak tak lo aniang an in ngaizawng ve leh a,mahse inneih lam anla sawi ri lo, Remruatpuia pawn zu a in tawh ngailo a,Mamtea erawh ala nam zeuh zeuh mahse ahma a rui over ang kha chu ani tawh ngailo.





"Trekhmuam"pawn lam aṭang Remruatpui-an arawn tih lang lang chuan ka chhuak ve vat a,naupang ho ka hauh hian ka au ring thei lutuk a,ka ṭawng hrim hrim hi aring ve em avang hian Trekhmuam Mamtea nen minti deuh tlat a,atîr chuan ka duhlo lutuk mahse min koh min koh takah chuan ka sawisel tawh bik lemlo.




"Enge khatia min koh vak vak a,Munga"kawngka bula din paha ka tih chuan avei nuih suk a,hetia anuih hi chuan amah anih vang nge a inhmeh bik ka timai,a lang pa in a lang hmelṭha sawt zêl.





"Huanah ka kal dawn enge kalo hawn ang che"ati sup a,"huanah chuan chutia in hâwn tur thil ṭha deuh a awm ami,"ka tih chuan avei nuih leh suk mai "atam alawm mau kalo hawn ang che"atih chuan ka nui ringawt a,"iho emai zu kal vat zawk rawh nangmah in mi ikal dâwn"ka tih chuan alu a thing a .




"Mamtea nen"ati sup a,"zu kal vat rawh u khua a thim hma in lo lêt leh ula,inva kal tlai reng reng"ka tisep a.




"Tlai daiah hian a nuam zawk alawm,ghost hunting te pawh kan rawn ti haw duh maithei a"ati a,"enge in lâk dawn tak tak in"ka tih chuan a kawr bal a beng fai thuak thuak hnuah min rawn en leh a ",mau kan pu dâwn"ati a.




"Enga tan nge"ka tileh zêl a,a nin tawh hmel khawp mai,"i mutna tur kan siam sak dâwn che mawle,"ati sup a,a ban puamah ka beng pawp a,hepa nghal lutuk hi chu a ngeiawm tak tak ani.




"Kan kal dawn zanin chu kan rawn leng hmanlo maithei aw,Mamtea te mau ka put pui lawk ang"atih hnuah a mit min rawn siai zeuh a,a kal hnu pawh chuan inchhung ah kala lût lawk lo,Mamtea pa hi a boral tawh a,anu in a hmeithai pui ve a,an khawngaihthlak reuh tak tak ani.




"Sawmte i awm maw,"ka in hnung lama mi nu Zaite-in atih chuan kalo chhawn vat a,"lo kal rawh nu Zaite,enge nive teh hlol a"ka ti a,inchhung a kan inzui luh hnuah bowl te hi min rawn pe a.




"Hei ka archangkawm siam hi lo ei ve mai mai rawh,"atih chuan ka en a,a rim chu tui tak ani.




"Avan tui dâwn ve ka lawm lutuk aw,lo ṭhu rawh thingpui te kan lum dâwn nia"ka tih hnuah a thil min rawn pêk chu ka bowl ah ka ruak a.




"Nangmah chiah in i awm sia,chaw i duh hun hunah rawn ei tawp tawp zel rawh aw,nang te chu kan fanu ang inia,"atih chuan ka bu ve nghut a,gas ah thingpui ka chhuangkai nghal a.




Nu Zaitei hi ka inhnung lamah an chhûngkua te in an awm ve a,fapa pakhat an nei a,kum khat leh a chanve chiah ala ni thung,tar lam fa anih vang nge an duat hle bawk midang chu Aizawl lamah hna thawkin an awm anih hmel.




"Khawnge Mesaka irawn hruai tel ve nange"ka tih chuan "aw hruai tello,apa nên inah an awm a an hriat loh in ka rawn kal zawk anih hi",ati a,anpa hi thing mistiri ani a,a zaidam hle bawk.




"Thingpui chu lum duh suh Sawmte,kava phei leh nghal zawk ang,an pafa chiah in ka dah sia ka kalna tur ka hrilh bawk siloa,minlo ngaihtuah lutuk ang"atih chuan ka hnial bik lemlo,"inlêng inei ve deuh reng sia,i khua ahar vaklo ang chu tiro"din pahin ati a"nia har vaklo,khaw mite hi an fel a,ka khawhar hlauin zantin an rawn leng ziah a"ka tive luam a.




Nu Zaitei haw hnuah in vel ka tifel thuak thuak a, Remruatpuia te an rawn luh kawi leh ringin ka nghâk deuh reng a,mahse khua athim hnu thleng pawh a an rawn lan tâk loh ah chuan an rawn kal dawn tawhlo anih ka ring.




Inleng nei ṭhang tih takah tumah an rawn lan loh chuan ka khua ahar dâwn dâwn mai,naupang ho ka en zuai hnuah keimah zawk principal te in lamah len phei tumin ka insiam a,kawngka ka kalh leh tête hnuah ka phei a,an in ka thleng chuan kawtah meilum nu Biakte-in alo ai a.




"Lo kal rawh Sawmte ve teh hlol che chuan,"min hmuh rualin alo ti a,"chaw in ei tawh êm"ka tisep a,"aw ei tawh e Remruatpui-an Api ṭhenawm te inah ava dah a,apa lah a lengchhuak daih sia kawm tur ka neilo lutuk a",alo ti sawk sawk a.




"Anih chu"ka tive sep a, Remruatpuia u pasal nei pawh kha anpa te khaw lamah an let leh tawh,"tun thla pawh azo veleh tawh mai dâwn thlasik lai hi chuan ni hi akal zung zung maiin ka hria"Nu Biakte-in ati a.




"Nia tiro"ka tive sep a,kan awmna thlang lama ṭawng bul bul thawm ka hriat chuan ka hawi thla vat a,rinloh deuhin Mary leh Remruatpuia anlo ni,step-ah an rawn inzui chho a, Remruatpuia an helmet a keng a, Mary-in a bânah inti neitu fahran in akuah than a,min hmuh chuan an phu ve zawk mai,hei vang hi ani ngei ang kanlo leng hmanlo ang atih ni.




"Ehe Munga chu ipi i thlah amaw ka tia,"nu Biakte-in atih chuan kan bul anlo thleng fel der tawh,"thlah e ka rawn let leh tawh zawk"ati ve sup a,en pawh ka en duhlo,ka rilru ana ve veng veng mai,a khawhar hnemtu ang lekah minlo ngai ani ngei ang,"Mary khawnge in kal a"nu Biakte-in ati a,Mary chu nu Biakte-i bulah a ṭhu a,a nel hmel khawp mai,Rohlui sawi kha ka hrechhuak rum rum mai.




"Sawtah Remruatpuia hian min kalpui lawk a,a fel tak tak ani hepa hi chu mamawh lai tak hian arawn lang nawlh zêl a,"ati a, Remruatpuia amelh zeuh bawk ka awm ve vanga sawi chu anilo in ka hria,Mary hi chu a sual em em hranlo Rohlu-in ati a,mahse kan ṭhian kawm a zirin kan mizia kan thlâk ve thei a, Ahma-i nen an inkawm reng anih chuan a zia a kai ve vêkin ka ring,ka ngei reuh takzet.




"Thingpui kan lum ange,Sawmte la awm ve reng rawh aw,inchhung ah lut ila ilo kal apiang in pâwnah ka awmpui ziah che a,"atih chuan ka hnial lo nasa mai,hemi te pahnih hi kalsan vat vat ka duh ani.



Inchhung ah nu Biaktei nên kan inzui lût a,thingpui a lum laiin phone kalo khawih thung,tûnah tak hian ka ṭhiante leh ka chhûngte ka ngai takzet,"kalo kal a ilo awmlo a",tih Masanga message lo awm chu ka hawng vat a.



"Nia hei nu Biakte-i te inah ka leng phei ve lawk a,"tih ka type zawh hnuah ka thawn let ve vat a,a seen rang khawp mai.



"Tunge i biak a"tih ri ah chuan ka hawichhuak vat a, Remruatpuia alo ni"ka duh duh ka bia ang chu buaina inei ami",ka tive kher a.



"Ka bialnu inia mipa dang i biak a rem tawhlo,"atih chuan za lo zetin ka nui hak a",khawnge Mary kha i duhtawk mailo ami,ngatinge keimah leh zêl bialnu ineih reng laia min beisei a,"ka ti a,ka ṭawng ring hranlo,ka rilru a lo lang hmasa ber ka sawichhuak ve phawng a.



"Chutiang anilo,kan inkârah engmah a awmlo,a thil chah alo thleng a,ka lam pui ringawt alâwm,kapi ka thlah ka haw lamah kan intawk a,"ka bula rawn ṭhut pahin ati a.



"Ka awilo emai,i thil tihsual khuh mawi itum na mai mai anih chu"ka tih ve leh a,tûnah tak chuan ka haw lutuk,"chutiang engmah a awmlo,i duhleh amah pawh va zawt la,"atih chuan ka lu ka thing a.



"Min ring rawh Sawmte nangmah lo chu duh ka neilo,"thawk lâk hawk pahin ati a,engtin mah ka chhang tawhlo,"ka kawp phal che iring ami"atih leh chuan phone ka khawih san daih a.



"Kalo phei ang naupang ho lehkha zir ka vêng lawk a,"tih Masanga message alo awm leh vang tawh,"ka sawi chu i hria em,"ka phone rawn lâk pahin Remruatpui-an ati a.



"Hrelo khawi rawn la rawh,mi phone an lâksak tawp ngailo,"ka tih chuan ka phone chu a kawrlum ipte ah a khung hmak anih chu,"ka rei em"nu Biakte-in tray rawn chawi phei paha atih chuan ka ṭhu ṭha vat a.



"E Remruatpui kawm nachang ilo hria maw,khawnge Mary",ati sep a,"a haw tawh"min rawn melh zeuh pahin Remruatpui-an ati a.



"Munga Mary nen in inzui leh tawh tihna ami",nu Biakte-in zawi ang reng taka atih chuan ka nghing lawih thei,ahma a nu Biakte-in asawi kha Mary hi maw lo ni "zuilo"Remruatpui-an ati bul hmuk a.



"Munga Mary hi nula fel tak ania,in inzui leh anih pawn ṭhen tawh reng reng suh,itan chuan a ṭha lutuk,"nu Biakte-i bawkin ati leh a,nuamlo ka ti tawh takzet,nu Biakte-in Mary hi a mo atân a awt zia ka hria a,ka inhmu te rawi rawi mai.



"Amak e nu chutiang engmah a awmlo,Mary nen kan inkârah engmah a awm tawhlo", Remruatpui-an ati ve ṭang ṭang a.



"Anih chu in inzui leh amaw ka tia ka zawt mai mai che mawle,"nu Biakte-in ati ve sep a, Remruatpui-an min enzui reng tih pawh ka mitsir in ka hmu thei.



"Ipi va hruai angai tawh anih chu va kal rawh Munga,i kal nghal loh chuan ahau leh vak ang che",nu Biakte-in atih takah chuan ading ve vat a,ka phone lah a ak daih bawk sia,nu Biakte-i a awm ve bawk nen ka dil ngam bawk silo.




"Mary nen an in ngaizawng ṭhin ami a,"thingpui in zeuh paha ka tih chuan abu nghut a,"imm ngaizawng ṭhin e,kum nga lai an inzui ve hman a,an in ṭhen chhan ka hrelo na chu Remruatpuia thiamloh hi anih ka ring,ahma phei chuan zu mai nilo ruihtheihthil lamah a tlân ve nasa a,Mary hian a buaipui nasa ve ṭhin khawp mai,chuta ṭang chuan damdawi lam chu a thlah hmak a,mahse zu a in nasat phah a,hemi vang bera inṭhen hi anni in ka hria,"ati dap dap a, Remruatpuia nên kan in ngaizawng tih a hriatloh vanga sawi duh pawh ani ngei ang.




"Anih chu apawi hle mai",ka ti zuai raih a,hreawm ka ti ru ve ngawih ngawih,"in awm maw"kawngka lamah Masang-an arawn ti lut lang lang a,kuhva a rawn ei lût leh tuam tuam mai,keipawh chaw eikham ah ka eive ta zeuh zeuh a,mahse midang ang em em chuan ka ei nasa lo,kuhva ei nasa deuh te bula awm chuan minti ei chak velo theilo.




"Sawmtei hi alo awmlo a,rim kan tum nen",arawn ti vei ham ham a,"nangni pahnih hi in inngaizawng ve deuh tihna ami",nu Biakte-in min chhaih paha atih chuan ka nui suk ringawt a.



"Kan tihuk ve ṭep tawh",fiamthu in Masang-an ati ve a,ka awm anuam lo lutuk Remruatpuia leh Mary chanchin nu Biaktei sawi ringawt ka rilru ah a awm a,ka easy minti viau in ka ring,naktukah ṭha deuhin ka sawipui ang,"Sawmte i nuam vaklo ami iva dang ve,"Masang-an atih chuan ka lu ka thing a.



"Nuamlo lo e,"ka tisep a, Remruatpuia alo let leh hma chu kala haw thei bawk silo,"inlêng kan nei animo", Remruatpuia leh Api inchhung a rawn luh pahin Api in ati a,a aw pawh atar ve deuh tawh.



"Heihi khawilam nula nge,Masang innu ami,"Api bawkin ati leh a, Remruatpuia chu a lungawi loh hmel khawp mai,"nilo e nu zirtirtunu anih hi,lo awm thar ania,"nu Biakte-in alo tivat a.



"Anih chu i hmelṭha hle mai,"ati ve ngei a,a cute reuh khawp mai,Masanga nen kan inkar ah Remruatpuia alo ṭhu a,a rimtui lehpek khawp mai,"ka phone min lo pe rawh", Remruatpuia beng bulah ka ti sar sar a,midang chuan min ngaihsak lemlo.



Ka kuta rawn hmehbel pahin ṭha deuhin minpe ve mai a,"kava phei phawt ang aw nu Biakte a tlai ve tawh sia,"din paha ka tih chuan Masanga alo ding ve vat a,"kalo thlah ang che,"atih chuan ka hnial lemlo.



"Sawmtei te inhnung lamah phei ka ngai tho a,keiman ka thlah mai ang itan haw lehna a buaithlâk", Remruatpuia ka bula rawn din pahin ati a,mak tih hmel deuhin nu Biakte-in min en a.



"Anih chuan a ṭhat chu,"Masang-an ati ve mai a,a puitling zâwk tih takah a hnial biklo, Remruatpuia nên kan inzui chhuak a,"Mary nen chuan ngatimo in inṭhen a,"kan ngawih vang vang hnuah ka tisep a.



"A rei tawh emai,kan inṭhen chhan tak pawh ka hre biklo,kan inbe lo a,kan inṭhen chu a nimai",ati sup a,"Remruatpui min kop dâwn ai chuan min ṭhen mai rawh,ṭha deuhin tihian min kalsan tawp rawh,ila duh ani tih ka hai bik hleinem",ka tih chuan a thawk hawk a.




"Ka sawi tawh kha Malsawmtluang nangmah lo chu mamawh ka neilo,Ka nuna ilo lan aṭang Mary chu ka tan engmah ani tawhlo,"ati dam thlup a,ka kut arawn hum lum vung vung a,"ka sawi tawh kha nichin kha chuan kawng lakah kan intawk a,ka kalna lam tur ani bawk nen a remchang em a,"ati a.




"Tun ṭum chu ka ring ang che,mahse a thleng nawn leh anih chuan ka sawi ang tak tak in ka awm tawh ang,"ka tih chuan abu nghut nghut a,a kutin ka biang a khuap run a,"ka hmangaih che chu kala ti theilo,mahse ka duh tawh lutuk che,"ati sup a,ka hmuiah arawn fâwp vang vang a,keipawn ka duh ve tawh takzet.




"Ilo leng dâwn ami",ka tih chuan alu a thing a,"i inhnung lamah kal ka ngai a,thil lâk lawk tur ka nei a,a tlai tawh sia ka rawn leng tawhlo mai ang",ati a,ka hnial bik lemlo.



"Lo lût ve hrim hrim la,"kawngka ka hâwn mawlh mawlh paha ka tih chuan abu ve nghut a,"thingpui in la,"ka tileh chuan anui suk mai,"ngatinge kalo len pawh chu iva duh awm ve,"kan luh rualin banga min nawr phei rawk rawk pahin ati a.



"Chutiang pawh anilo,englo.."ka sawi zawh hma in ka hmuiah arawn fâwp a,light kanla on bawk silo a a thim khup mai,ka taksa a chûl kual ruai a,mahse a fel ka tih ve na chu sex min hmanpui a tum miahlo hi a fel kati,"naktuk zanah kalo leng ang"ati sup a.



"Ka lo len iduh viau chuan kala leng thei reng ania,"atih chuan ka nam sawn dawrh a,anui hawk mai,"hmelṭhanu zun ngah nu kava phei phawt ang,ka thlen hunah kalo bia ang che,"atih hnuah a chhuak zui nghal a.



Remruatpuia akal deuh chiah tih ah ka ar in lamah thawm ari hak a,tuboh la in ka in hnung lama kawngka ka hawng ṭhem ṭhem a.


Show post links
Top

[Ngaia]

Chapter-9


Jemma Malsawmtluangi POV
Kawngka dim tê in ka hawng a,"awi Stung-a enge khatah khan itih", Mamte-a sunhlu kûng bula lo din run ka hmuh chuan ka thaw huai thei,"misual amaw ka ti che alâwm",ka ti leh pawh chuan min chhanglo in min en reng a,sunhlu kûng a melh vang vang a,"lo lût rawh ngatinge khatah khan i din reng",ka tih chuan min chhanglo in ka inhnung lamah a phei nal nal mai,thinrimna anei amawni le ka ti rum rum mai,kawngka kalh ṭha leh a naupang ho pawh en tawh lemlo in ka mu nghal daih a.




Zîngah ka alarm riin minti harh a, school kan chawl tih ka theihnghilh daih,boys hostel kan sak ṭhat avâng in school pawh kan kal rihlo a,kan zawh hma theih nân naupang ho nen school sakna ah kan pui ve ṭhin a,hna erawh a hahthlâk vakloh.




Chaw ka eifel hnuah ar chaw ka pe a,boys hostel lama kan phei chuan dar sawm ari thuak tawh,Masanga pawh alo thawk nasa leh tawh khawp mai.




"I hah tawh êm,"Masanga bula din paha ka tih chuan anui suk a,"ilo kal a ka hahdam sawng sawng mai,"ati sup a,"i over emai,"a hnunga ben paha ka tih chuan anui ve hawk hawk mai.




"Inva in duat deuh ve,"kan bula rawn din ve paha Mamte-an atih chuan a hnunglam kalo en daih thung, Remruatpui-an rum deuhin min melh a,in melh puah theih nise chuan ka puak chiang viau ang.




"Nizan khân ngatinge min chhan duh miahlo a,"Mamte-a en paha ka tih chuan min lo en ve zawk a,"khawiah maw"ati phâwk hra mai,"nizan khan sunhlu lawh itum ami"ka tileh chuan anui hawk a.




"Oiomloh emai,nizan ah i in bulah ka rawn kal lo hrim hrim,Rohlui te inah bak ka lenglo,"atih chuan keimah tak chuan mak ka ti,ka hmu chiang mai bawk sia.




"Ka hmu che alâwm le,sunhlu kûng i melh chho vang vang a,"ka tileh chuan anui tawp hmak a,"a damlai thla i hmu anilo maw,"Masang-an alo tive a.




"Awi Malsawmtluang minlo hmu tawh re re suh,ka duh miahlo ania,khatiang zawnga minlo hmuh",ati khâr khâr a,a lungawi loh hmel khawp mai.




"I biak chuan a chhang che em"Masang-an atih leh chuan ka lu ka thing a,"ummm a damlai thla anih ngei chu,a dam rei dâwn tihna anih chu"ati a.




"Min rawn pui rawh Malsawmtluang,"Remruatpui-an tih pahin min kai phei dawr dawr a,a kal chak bawk sia ka in pal phei nawk nawk mai.




"Sawpa bulah sawn awm tam suh",Masanga melh ngur pahin ati a,midang an rawn thleng tak sap sap avâng in ka chhang lemlo.




"Remruatpuia iva thleng hma awm ve,in inah tuthlawh lam pahin ka rawn kal a,inu in akal tawh alo tia", Mary-in kan bula rawn din pahin ati sep a.




"Sawmte tunlai chu school kan kal bawk siloa,kan inhmu khât riau mai"ati leh sep a,"nia i vang em alawm,"ṭha deuhin ka tive mai a, Remruatpuia nên kan in ngaizawng tih a hrelo a,chuvang a minbe ṭha mai mai anih ka ring.





"Munga min rawn pui rawh,ngatinge in din mai mai,"Mamte-an ati hmûk a, Remruatpuia nên kan in melh ringawt,ala lungawi chiahlo anih hmel.





"Lo hmu tawhlo mai rawh aw,adawi sia a hlau leh tawh aniang", Remruatpui-an ka beng bulah arawn tisup a,"ka duh vang pawh ani bik hleinem,"ka tisep a,"imm a pawilo sawpa bul hnaiah sawn awm tawh lo la aṭha animai,hmelṭhanu",atih hnuah Mamtea awmna lamah a phei a.



"Sawmte Remruatpuia nên hian in zawmna in nei ami,"Mary-in in arawn tih chuan ka en ve zawk a,ani pawn minlo en kar mai ,"neilo e"nui suk in ka ti a,Rohlui arawn thlen takah chuan engmah min zawh chhunzawm biklo.



"Awi ka tlai viau em,kanu a dam ṭha siloa,ka insu leh lawk alawm", Rohlu-in ka beng bulah arawn ti sar sar a,kalu kalo thing ringawt thung,nizan a Mamtea ka hmuh chunhchang ka hrilh chuan mak ati ve khawp mai,"nizan te chuan alo leng char char alawm,"ati a.



"Imm nia aho emai,hawh va pui ve ang"ka tih takah chuan min hnial bik lemlo,"tunlai chu hna atam ve sia,i hah thei ngawt ang,fur lai phei chuan kan khua hi motor kawng a chhe sia khaw ṭhenawm ah buhfai la tûrin ruah sur hnuaiah ke in kan kal ngat ngat zêl alawm", Rohlu-in ati ve hluai a.



"Heti lamah Sawmte min rawn pui rawh u,"principal in rawn au lawng lawng paha atih chuan kan phei ve vat a,"thing ho hi a hmantlak tawhloh a,va paih ta che u naupang ho lah an buai sia,"atih chuan hnial lo in buara ah kan dah khâwm zung zung a.



"Awi ni asa si keichu ka ning tlat, principal hi achang chuan ka ngei thut ṭhin,hlawh fa chhawr belh mai tur ania hetiang ah chuan kan awm avâng hian school kan sa zo hma dâwn pawh nilo,engmah kan tive ngai siloa,kan ṭangkai lo ropui si",ati hlak hlak a,asawi dik ve reng.



"Kan thulo ve bawk sia tiro,"ka tih chuan abu ve nghut nghut a, bawlhlawh kan paih zo kan let leh chuan anlo ṭang hlawm khawp mai,Mary leh Ahma-i pawh an che ve turh turh mai.



"Tih tur em em a awm tawhlo, hmeichhe ho kha chu lo chawl rawh u", principal in ati a,"thingpui lum animai in tih tur chu,adang chu mipa hna deuh vek ani tawh,"ati leh a.



"Thingpui chu khawnge kan lum dâwn,"Ahma-in atih chuan "Masanga quarter ah lum mai rawh u,ahnai ber",ati a, hmeichhe ho thingpui lum tûrin kan chho diak a,kan in daih khawp mai.



"School chawlh kher hi ṭul ka tilo,engmah kan tive thei tak tak siloa,nakinah kala hrilh ang,"Ahma-in ati ve hlak hlak a,an ngaihdan ani vak biklo aniang,"dik chiah naupang ho an khawngaihthlak"Mary-in alo tive leh a,keichuan engmah ka sawilo.



"Sawmte nakina eitur serṭawk kan zu lo lawk ang aw,thingpui hi lo vil lawk mai rawh u,"Ahma-in atih leh chuan ka hnial bik lemlo.



"A chhuanlam hi aho ve thei sia,ka bialpa ka zu hmu lawk ang tive mai se,kan hre vek tho sia", Rohlu-in en zui vawng vawng pahin ati a,Mary nen an inzui thla a,Rohlui nên thingpui kan lum thung.



"Hmelṭhanu i bul hnaiah ka awm siloa,ka tha azawi,ka hmuh loh che chuan hna ka thawk ṭha theilo,"ka hnung lama min rawn kuah pahin Remruatpui-an ati sup a.



"Khawimaw miin minlo hmu ange,"nam sawn deuh paha ka tih chuan anui hawk a,Rohlui kil khatah alo nui kur kur mai.



Remruatpuia POV
"Hei thingpui a so ania,zu chhuk rawh,"Sawmte-in ka awm a min nam pahin ati leh a,a hmai asen vek bawk sia a lawmawm reuh takzet,alai ve ngei aniang.



"Midang pawn minlo hmu mahse apawi vak ami,ka ta ini tih an hria anga,tuman minti buailo anga aṭha daih zawk alawm",ka tih chuan ameng bial nasa mai,"i mawl emai,miin min sawi duh lutuk ang"ati a.



"Chu min zahpui tihna ami",a kawng ka vawnna thlah riai riai paha ka tih chuan alu a thing vat a,"chutiang lam anilo,"ati zawi sup mai,engtin pawn awm se a hmelṭha tulh tulh maiin ka hria,Sawmtei hi ka duh takzet tih ka hria,Mary nen a kan in ngaihzawn lai khan hetiang em em hian ka awm ngailo,amah zawkin minti chung chung zel kha ania.




"Zu chhuk tawh rawh thingpui kan rawn sem ang,"ati leh sep a,a hnunglama thingpui aliam ṭep avâng in amah nek deuh salh pahin kava off a,"min ngaihtuah nasa lutuk anih kha,"a bianga fawh zeuh paha ka tih hnuah ka chhuksan a,Rohlui pawh alo awm tawhlo.



"Khawnge ilo kalbo hman a Munga,"Mamte-an min hmuh rualin alo ti nghal a,hepa hi chu ka tello in a awm rei thei thlawt lo.



"Ka bialnu ka rim,"kal pelh pahin ka ti a,ani pawn minlo zui ve vat a ,"Rohlui hi nupui atân ka dil dawn,min pui rawh aw "atih chuan ka hmui ka tisawi zeuh ringawt a,an inneih leh tak tak pawh ka ringlo vawihnih lai inneih an tum tawh a,an ṭhulh ve ziah.



"Ka ti tak tak tun ṭum chu ka nei tak tak tawh ang,zu pawh kala in leh miahloh hi,hna ka zawng anga ka châwm thei em em ang,"ati ve ngei a,kalo nui ringawt.




"Ka ti tak tak ania aw,zawnga i awilo ami,"min rawn kuah thuak thuak pahin ati a,"nghâk deuh phawt rawh,in inṭhen a,nangmah bawkin ngaihdam i dil leh a innih apiang a inneih isawi reng mai le,kei pawn kala sawiloh hi awm ve mai mai rawh,"ka tih chuan min hnial lo ve ngei a.



Sawmtei leh Rohlu-in thingpui anlo sem a,Masanga chuan a melh nasa leh khawp mai,sawpa saw arawn awm tirh aṭang ka ngaina lo a,tun thleng in kala ngaina theilo,kata min chuhpui anih ngat phei chuan kut tum hmanga kan chingfel angai ngei ang.



"Lo ṭhu ve rih rawh u,"Mamte-an Rohlui leh Sawmtei te hui zeuh zeuh paha atih chuan an rawn phei ve mai a,Mamtea leh Rohlui te in ngaizawng hi chu an hre vek a,Keini erawh Sawmte-in sawichhuah aduh loh avâng in Mamtea leh Rohlui bakin anla hrelo.



"I chau em,"romol min rawn pêk paha Sawmte-in atih chuan kalo ban ve vat a,a rimtui ngei mai,"ka bula i awm hian ka hahdam,ka charger ini ringawt alâwm,"ka tih chuan anui ve seih a,a hmel hi chu a ṭha ve chiang mawle.



"Zanah kalo leng ang,"ka tih chuan abu ve nghut nghut a,"no vel kan va seng lawk ange,"Rohlu-in ati a,Sawmtei pawh atho vat mai.



"Meizial ka nei tawhlo khawmaw minlo peteh,"Mamte-an atih chuan ka peve mai a,an chhûngkua hi an harsa ve a,a naute lah school anla kal bawk sia ho te pawh ni mahse alei ve zen zen theilo a,kata hi min ṭawmpui mai ṭhin,keipawn Mamte-a tan chuan ui ka neilo.



Hna kan thawk leh mawp mawp a,Mamtea a thaw leh hak ṭhin a,aning tawh zia ka hria keipawn ka hne ve tawh takzet,a hahthlâk ropui si chuta kârah hlawh kanla nei dawnlo zui a,kapa school ania kei chuan ka beisei lo mahse Mamtea tal hi chu hlawh pe se ka ti khawp mai.




"Ka mut te a chhuak ka ning,"a tawp a tawp ah chuan ati ta nge nge a, Mamte-a bula ka ṭhu chiah tih ah ka phone ari ral ral a,ka en chuan kanu alo ni,"Munga lo phei vat teh u,ipi hi a diklo riau mai,"kanu in hlauhthawng hmel zeta atih chuan Mamte-a ka hrilh hnuah hmanhmawh deuhin in lamah kan tlan phei Nghal a.




"Engtin nge kapi chu a awm a,"in kan thlen rualin ka ti nghal lang lang a,"Bawiha arawn tlu thut a,ka dâwm hmanlo a,ka sawi a a harh thei bawk siloa engtin nge ka tih ang",kanu in alo ti a,kapi hi ka tetlai a min awm lian tu ani a,keipawn ka ngai thei hle bawk,min kalsan tase engtin nge ka awm ang.




"Hmanhmawh ta che u nurse han koh rawh u,"kanu in atih chuan Mamte-a a tlanchhuak vat a,kapi chu tih harh tumin tui ten a hmaiah kan ṭheh a,a harh thei mailo.




"Kapi te chu engtin nge a awm a,"nurse lo thlen rualin ati a,khumah kan mut tawh thung,"choka a ka awm laiin arawn kal a,atlu thut a kan kai harh zolo anih hi,"kanu in alo ti zung zung a.




"Immm a ṭha leh mai ang,a hb leh a bp a hniam a,damdawi in ka chiu a arawn harh leh vat mai ang,amah hi a chak tawhlo em em a,a kal dawn pawn veng tlat rawh u,"nurse in ati luam a.




Jemma Malsawmtluangi POV
"Ka hre miahlo khawnge an kal leh hman ni"Rohlu-in ati sep a,Mamtea leh Remruatpuia no kan sil laia an bo daih vang ani,"hemi te pahnih vak heh lutuk hi chu"ati ve sep a.



Hna vel kan thawh pui leh zuai a,Mary leh Ahma-i pawh an rawn let tawh,khawi lama serṭawk mah an rawn hawnlo,ka eichak vang nilo in dawt an sawi kher kha ka ngei ve deuh ani.




Hna pawh kan bang hma a, "Sawmte ka pen san mai ang che aw,"Rohlu-in ati sep a,hriat loh kârah an in kanlo thleng der tawh,"immm awle"ka tive sep a,keimah in ka kal hnak hnak a.




Remruatpuia te inah ka leng kawi zuai a,nu Biaktei pawh pâwnah alo awmlo ve ngei,"in awm em,"inchhung a luh pahin ka ti a,"lo kal rawh hmelṭhanu,"ka luh rualin Remruatpui-an alo tisup a,towel chiah aveng a,vâwt te hi a hre ve lo amawni,"inbo daih a,"zah zelah ka tive ta ringawt a.




"Nia kapi a tlusual a,kanu in min rawn call mawle,"atih chuan ka meng phâwk hra mai,"tûnah enge a an,a in sawh na em,"ka tih chuan alu a thing a,"ngaihtuahawm ani lo,"ati ve sup a,amah a anglo dawn dâwn mai.




"Amu ami,kalo enve ang,"ka tih chuan min hnial vat a,"kanu in a awmpui a,aṭha tawh,"rawn kûn hniam pahin ati a,"immm anih chuan kava phei phawt ange,zanah ilo leng dâwn em,"ka tih chuan abu nghut nghut a.



"Inu te anlo chhuak thut ange,"ka tih chuan anui suk a,bangah min nawr bet rawk rawk a,"hmelṭhanu i va induh reuh ve a,"ka hmuia rawn fawh zeuh pahin ati a,"enge ka in duhna,"ka tih chuan sawi tûr a hre leh der siloa.



"Munga khawnge i awm ila in bual zolo ami,"nu Biakte-in arawn tih lang lang chuan min thlah vat a,ka kawngah ala vuan reng thung,"khawi va kal rawh keipawh ka phei dâwn,"ka tih chuan min hnial tawh bik lemlo,"zanah kalo leng ang,"ati sup a.




In ka thlen veleh ka intifai nghal a,haw dawn a ruaiah hna kava thawhpui leh vak sia ka chau ve reuh takzet,eirawng pawh bâwl peihlo in ṭhuthleng ah ka mu hle hle mai,kapa in min rawn call chuan ka harh zawk mai,kalo muhil sek ani ngei ang,"aw pa"ka ti tham ṭiak a.




"Iva mu hma ve,mate i damlo ami,"min ngaihtuah hmel zetin ati a,"dam e ṭhuthleng ah ka mu mai mai a,kalo muhil daih alâwm,vawiin kan hna thawh ka chau ve deuh a"ka tih chuan ari sat sat a.



"In dim rawh aw mate school sak pawh nise thawk vak vak suh,hna thawk tura awm inilo tih hria la,"atih chuan ka aw ve vat a,min ngaihtuah vang ani tih ka hria a,engtin mah ka hnial duh biklo,chaw ka ei leh eiloh min zawh chuan ka ei tawh thu in kalo chhang vat a,ka eilo tih a hriat chuan min ngaihtuah leh dâwn lutuk.



Kapa nen kan inbiak zawh hnuah ka inti harh a,ka pum ari rawk rawk mai,ka rilṭam hi chuan ka luak a chhuak vek zel,inhnawh puar vat vat angai ṭhin.



"Miss phone kalo hmang lawk thei angem,ka chhûngte anlo kal huna mi tur thil chah duh ka nei a,"in a rawn luh pahin naupang pakhat class ten ami in atih chuan a thil chah duh kalo zawt vat a,a chhan pawh ahma in hostel a ken luh phalloh thil anlo chah vang ani,"miss ka inkhawm pheikhawk a chhe daih a,a dang ka chah duh a,"atih chuan kalo hman tîr ve mai a.



Tun chapter bik hi chu a boring deuh maithei aw


Show post links
Top

[Ngaia]

Chapter-10



Jemma Malsawmtluangi POV
"I hmang zo tawh êm,"ka tih chuan arawn hawi ve vat a,"aw miss ka hmang zo chiah"phone min rawn pêk pahin ati a,pâwnah an hmang kher zel bawk sia mahse engtin mah ka ti lemlo,ka rilṭam deuh avâng in eitur ka neih ang ang in ka inhnawh puar a,dawra kal ka ngai anih hi,eitur ka nei tawhlo,thil ka eizawh ah serṭawk vel ka ei mai mai laiin Remruatpuia arawn lût hlol a,"ilo va kal hma ve,"ka tih chuan ka awmna lamah alo phei a.




"I ei ve duh em",serṭawk a lama lek phei zeuh paha ka tih chuan alu a thing a,"huan kal piangin serṭawk minlo hâwn a,ka ngah lutuk a ei char char angai,a chhe hman mai dâwn",ka tih chuan a ngawi deuh ngul a.



"Tuin nge rawn pe ṭhin che,keimah lo"ati nghut a,a lungawi loh hmel khawp mai,"aw...nu Zaitei te leh midang dang ho",ka tisep a,"Masanga a telve em"atih chuan kalu ka thing a,Masanga hi a thik zia ka hria a,runluih hrim hrim ka chak leh si chuan "vawihnih vel chu minlo pe tawh,"ka tih chuan a kal uk uk tawh chu arawn hawi leh let zawk a.




"Khawnge a pêk che chu",ati chang run a,ka thil dahna ka kawh zeuh chuan hmanhmawh deuhin a phei a,"khawi ber hi nge,"ati leh nghut a,a thinrim tak tak anih hmel,"a te pahnih kha"ka tisep a,Rohlui min pêk chu ala a,chutah ka inhnung lama kawngka a hâwng rawk rawk a,a paih keh ta vek mai,a chezia chu mak ka ti lutuk ringawt.




"Remruatpui awi ka ti mai mai anih kha,ngatinge khatia itih,"ka ti hluai a,"engpawh ni rawh se alo pe leh che anih chuan lo la tawh suh,"ka bula rawn din pahin a ti a.



"Iho emai,ngatinge Masanga hi i huat em em a"ka tih chuan alu a thing a,"nakinah ila hre ve mai ang,hnaih vaklo la ka duh,"atih chuan ka chhang tawhlo.



"Khati khan iti kher a,eitur kha a uihawm e...Rohlui min pek anih kha,eitur an sawisa ngailo,"ka tih chuan anui suk ringawt a.



"Lo ṭhu rawh thingpui kalo lum ang,"ka tisep a,thingpui lum tura bêl ka la chiah tih ah Mamtea arawn pai lut nawk nawk mai,choka aṭang pawn zurim ka hre thei,a in leh tawh ani ngei ang.



"Malsawmtluang keimah tak tak ka nih hi aw,ka thla amaw ilo tileh ringawt ange,"arawn luh rual rual in a ti nghal a, Remruatpuia tello hi chuan a tlei tak tak theilo,"enge ilo tih dâwn i bialnu zu rim ta che,"Remruatpui-an alo ti sup a.




"Zu ka in hi a hriat chuan a thinrim dawn lutuk,ka leng ngam hleinem"Mamte-an ati nghut a,ṭhuthleng ah amu awn duai duai mai,"Trekhmuam Munga hian zu a in tawhlo amaw iti vel ange,nizan ah pawh anam thur thur ania,"Mamte-an atih chuan Remruatpuia ka envat a,min melh ṭha ngamlo reng reng.



"Imm a thu alawm,aduh leh in rawh se,ka sawi ka sawi hnu pawha ala in duh chuan in zêl rawh se,engmah ka sawi ve tawhlo ang,"ka tive duah a,ka lungawi bik chiahlo ani.



"Nghei hmak chu harsa ka tive a,"ka bula rawn phei pahin Remruatpui-an ati sup a,in sawithiam chu a tum ve nasa mai,"i thu thu alawm,"ka tih hnuah thingpuife a belah ka telh nghal a.



"Ka tihpalh ka in tawhlo ang,nizan kha chu ka in chak em a,ka insum thei ngânglo alawm,"ati sup a,ka khawngaih ve ang reng,mahse ka inla thinrim ve laklawh bawk sia,ka chhang mai duh biklo.



"Ka tihpalh ka tih kha,hmelṭhanu thinrim tawh lo la,"ka hnung lam aṭang a min rawn kuah pahin ati a,min thlem chu a tum ve nasa mai.



"Va ṭhu hle hle teh,"a kut lakthlak sak pahin ka ti hluai a,ka thusawi hrelo ang hmakin a awm anih chu "Murvate thlawk in lengla"tih hla Mamte-an ring mangkheng in a sa a,a zaithiam lo ropui mai bawk sia,a ruih em avang in engtin mah ka ti duh bik lemlo.



"Stung-a volume down", Remruatpui-an ati sup a, Mamte-a pawh ṭha deuhin a ṭhu veleh mai a,kan chhangchhe ṭhin teh e.



"Khawimaw thingpui aso ania,"ka tih chuan min thlah ve mai a,ka bulah ala ding reng thung,"in awm em,"kawngka lam aṭang a antih chuan ka hawi phei vat a,Masanga leh Mamawi-a anlo ni.



"Lo leng rawh u,"ṭha deuhin kalo tive mai a, Remruatpuia chuan a melh no lemlo khawp mai,"e Remruatpuia leh Mamte-a pawh inlo awm ve reng animo,in bialnu te in rim nange,"Mamawi-an ati a.



"I hmu velo ami,ka ṭhianpa bialnu ka rim pui hi,"Mamte-an atih chuan ka lo ip chawih mai,mahse Masanga leh Amawi-an an awilo hlauh a,thingpui lumsa atam avâng in ka thli chhuak a,ka pek hnu chuan ngawi reng in kan ṭhu a,ṭawng hmasa tu nih kan duhlo vek aniang.



"Inlo leng a,inva fel ve,"areh em avang in ka tisep a,ka bulah Remruatpuia aṭhu run a,Mamtea ṭhuthleng pakhat ah amah in aṭhu a,Masanga leh Amawi-a erawh an ṭhu dun thung.



"Nia lênna tur avâng em a,Mary te lah Remruatpuia an min tih khalh daih sia,"mei nei deuhin Amawi-an ati a,hepa hi ka ngaihtheih zawng ani miahlo,mei nei deuha ṭawng aching,Masanga erawh in engmah a sawi velo.



"Iho emai a,"kalo ti ringawt a, Remruatpuia chu a in sehruh nasa mai bawk sia,midang hmuh loh turin a kut ka vuan a,ka mal chunga lukham in a hliah thung.




"Mary te chu nunhlui ani tawh a,kan duhloh hnu bak in châng ngai hleinem"Mamte-an ati veleh a,a ṭhianpa thlavang chu a hauh ve khawp mai,"nia Amawia chuan fiamthu a duh a,ati ve mai mai anih kha,"Masang-an alo ti hlauh zawk a,nilo se chuan an insual duh hial ang.




Ka kut Remruatpui-an a hmer deuh vang vang a,a insum nasat zia pawh ka hria,"tikhan lo inkawm ru aw,naupang ho ka zu en lawk ange,"ka tih chuan "zu en rawh mipa ho pawh kha lo en nghal mai rawh,"Masang-an alo tivat a.



Naupang ho en tûra ka chhuk hnuah ka phone arik avâng in ka han ding leh rih a,minlo call tu ka en chuan ka ṭhiannu Nunu-i alo ni,ka lak rual rual in "awii enteh Ms Sangzel-an nupui anei dawn,a nupui tur pawh kan batch ami ania,kan inkawm ngai em em lo na chu an sawi ka hria a,an inneih ni tur pawh anti fel vek tawh anih hmel,"arawn ti lang lang a.



"Ava lawmpui awm ve,"ka tisep a, Remruatpuia nên kan intawng aṭang hian Sangzela lam reng reng ka ngaihtuah tawhlo,nupui anei dawn tih ka hriat pawh hian keimah ah engmah nghawng aneilo, Remruatpuia hi ka duh tawh takzet.



"Ngatinge i duh theih theih nen,ka hriat veleh ka rawn hrilh nghal che anih hi",ati leh a,"a nupui tur chu enge a an,a hmelṭha em,"ka tive sep a,ka hre chak veleh deuh tho ani.



"Hmelṭha em em tih tur chu anilo,mahse hmelchhia tih tur pawh ani chuanglo,a pangai a lian a,damdawiin ah pawh an inzui ve reng zêl,an inhmeh reuh lutuk",ati ve duah a.




"Imm a ṭhat chu,"tih bakin ka chhanglo,"i rilru ana miahlo ami,"ati sep a,"ka rilru nase iti ami,"ka tih chuan anui har har a,"awi khata i awm chu i danglam vek alâwm,i rilru anat loh chuan aṭhat chu amah aia ṭha deuh te i hmu anilo maw,Masanga kha ami,"min fiam deuh paha atih chuan kalo hnial vat a.




"Chutiang anilo,minlo duh ve tase,lo in ngaizawng pawh ni ila kan inneih ka ringlo ve tawp,aho emai naupang ho en lawk ka ngai a,ka dah phawt ang aw,"ka tih hnuah ka dah nghal a.



Vanlam ka hawi vang vang a,zanin chu thla a eng riau mai,Sangzela chu ka lawmpui takzet,ahma in kan inbe ve zeuh zeuh ṭhin tih tumah ka hrilh lo a,ka ṭhiante takngial pawn an hrelo.



Naupang ho ka en hnua ka let leh chuan thawm ri deuh bur bur ka hria a, hmanhmawh deuhin inchhung ah ka lut a,"awiileh Remruatpui tawp rawh"tih pahin Remruatpuia chu ka kaitho lawp a,chhutah Amawia hnar thi sungin alo ṭhu a, Remruatpui-an alo hnek mawlh mawlh anih chu.




"Kava haw pui phawt ang,Sawmte"Masang-an Amawia kuah pahin ati a,"a hmai kha damdawi hnawih phawt ila,"tih paha an lama phei ka tum chuan Remruatpui-an ka bânah arawn man chawt a.




"Kava haw pui phawt mai ang,ka inah pawh damdawi ka kawl tho,"atih hnuah a chhuah pui a, Remruatpuia pawh ahmai athi deuh ser ser mai,"enge thil awmzia"Remruatpuia melh ngur paha ka tih chuan min chhanglo.




Ṭhuthleng ah Mamte-a meizial zu khu hlat hlat pahin aṭhu a,an insual lai pawn ṭhelh atum miahlo chu mak ka ti,"an mahni in chet anla hmasa anih kha, Mung-an tumah ati hmasa ngailo,"Mamte-an ati sup a.



Remruatpuia chu a thaw leh hawk ṭhin a,in bengdaih atum ve hmel nasa mai,"khawi i hmai kha damdawi hnawih ang,"tih pahin roomah ka hruai phei a,"ka tih tum pawh anilo,"khum a ṭhutthlak dawt pahin ati a,a mit a chhing vang vang a,ka khawngaih leh ringawt tawh.




"A pawilo"first aid box nen a phei pahin ka tisep a,amit ala chhing tlat thung "a pawilo ania,"a bula ṭhuthlak pahin akut ka hmer vang vang a,minla chhanglo,"i thiamloh anilo,"tih pahin kava kuah a,ani pawn nghet zetin minlo kuah let ve a.



"Ka bula i awm hian ka thla amuang,"ka sama rawn chul hauh hauh pahin ati a,"khawi i hmai kha a thi a khal hma in damdawi hnawih vat ang,"ka tih chuan min thlah ve riai riai a.



A hmai ka hnawih sak mawlh mawlh laiin arawn awn hnai zêl a,kalo awn ve zel bawk nen khumah ka mufel titih der tawh,"tikhan chuan ka hnawih theilo ang,"ka tih chuan anui suk a,"ana lo hetiang mai mai chaw ei ti tui tham lek,ka damdawi mum lian chi ka bulah i awm tawh hi,"ka hmui en ngur pahin ati a,chil kalo lem khalh mai.




"Munga enge itih dâwn,"ka tih chuan a tawp chawt a,"khatiang khan min koh ve ziah suh,i inhmeh velo,"atih hnuah ka hmuiah arawn fâwp nghal chawt mai,ka kut pahnih ka lu chung lamah a dah chho a,azei bawk a ka chhang let lo thei ṭhinlo,"sex i hmang tawh em,"awm hlat deuh pahin arawn ti deuh tawl a,kalu kalo thing ringawt thung,"nang"ka ti chhuak ve phawng a,sawi tûr ka hriatloh em vang ani,"aw hmang tawh ka hmang ngun tawh,"ati deuh dar dar a,a awmdan a diklo tih pawh ka hrethiam chawpchilh nghal a,"inneih hma chuan ka duhlo"ka tih chuan minti lui biklo,"reilo te tihian awm lawk ang,che tawh lo la,"atih chuan a sawi ang ang chuan ka awm mawl tawp a,ka awmah a hmai a phûm vang vang a,alu ah kalo chûl hliau hliau thung.




"Che tawh suh,Malsawmtluang,"ati thum dut a,keipawh ka tawp ve chat mai,rei deuh ka chunga a awm hnuah a tho chhuak a,min kaitho ve nghal zât bawk,"ka hmai chu ila hnawih duh tho em,"damdawi bâwm melh zeuh pah atih chuan band aid chu a hmaiah na deuha nam pahin ka bêl a,alo ṭhen chat chat mai.




"A nalo iti amaw ka tia,"ka tih chuan anui leh ang lawi a,a awmdan hi ka hrethiamlo,room aṭang a kan inzui chhuah chuan Mamte-a pawh alo la awm ve reng a,min ngaihsak lemlo thung,"nichina an insual khân ngatinge in ṭhelh miahloh a,"Mamtea en zeuh pahin ka ti a,Masanga pawh khan ṭhelh a tum hmel loh lutuk.




"Kan ṭhelh thei hleinem,i bialpa kha insual ṭhang ania a thinrim tawh chuan keimah ni pawh min hnek tel pawp pawp zêl,ṭhelh chi ani hleinem,nangmah chiah in i ṭhelh thei",alo ti duah a.



"Chupawh nise,a sawisa hlum mai dâwn alawm,"ka tih chuan anui hawk hawk a, Remruatpuia erawh bathroom ah a awm thung,"zurui ve mai hian ka ṭhelh thei hleinem"ati sup a.



"Chuvang tak reng chuan zu in tawh suh,ṭhenawm khaw tlangval ho in an sawisa leh hrep mai ang che,"ka tih chuan min chhang tawhlo in a zai daih a,hetiang lam sawi dawn hi chuan a ngaithla ṭha duh ngailo reng reng.



Masanga message in Amawi-a a ṭhat leh ṭhatloh ka zawt a,a seen rang khawp mai ,"a ṭha Amawi-a pawh hi a ṭawng hnem mah mah ṭhin a,pawi ka ti khawp mai,"ati a,a chang chuan Masanga hian aning ve ngawt in ka ring,an mahni lo midang teacher mipa thawk ve te lah pa an ni hlawm tawh sia,tlangval awmchhun nâ nâ chu an inkawm lo thei siloa.




Remruatpuia alo chhuah leh chuan ahmai a phih ani ngei ang ala huh deuh chhap mai,"lo kal rawh hmai hruk na kalo pe ang che,"ka tih chuan min zui ve mai a,ka face towel ka pêk hnuah kan inzui chhuak leh nghal a,"kan phei dawn ami Stung-a,a tlai tawh,"Remruatpui-an Mamte-a rawn deuh paha atih chuan Mamte-a ading ve vat a.




"Sunhlu saw kava lo lawk ange",atih hnua ka inhnung lamah a phei a,sunhlu hi kan hostel thlang leh ka in bul tih loh ah chuan khawchhung ah a awmlo anih hmel an sawi danin,keimah phei chuan ka ei ngailo,naupang ho in an rawn lo zeuh zeuh a, Mamte-a hi ani leh mai.




"Naktuk zanah kalo len dawn leh dawnloh chu kalo hrilh leh ang che,"atih hnuah min rawn fawp vang vang a,kawngka a ding chungin Mamtea sunhlu lawh tum chu kan thlir reng a,ka kawngah Remruatpuia akuah run mai.




"Stung-a i damlai thla ani tawhlo maw,"ka tih chuan a thil tih lai atawp chawt a, min rawn melh rum leh tawh khawp mai,"Trekhmuam lo ngawi mai mai rawh ka lawh tîr vek nghal loh ah che,"ati hmûk a,a thinrim na lah hi aho thei sia,a lungawi leh hma viau bawk,fiam hi anuam ve hrim hrim.




"Khati kha chuan engtin kawng zawng mah in ilo theilo ang,akung ah han lawn ta che,"ka tih chuan a hrelo der hmak mai,"a thulo chuan engmah a ti duhlo ang,hrilh pawh ni mahla,"Remruatpui-an nuihzat hmel deuha Mamte-a melh pahin ati a.




Ka en reng tih ahria nge min rawn en ve a,ka hmuiah arawn fâwp zawk a,aha rual deuh lang ṭha in anui leh tawh,a hmel ah hi chuan sawisel na tur ka hmulo ve chiang khawp mai.



"Zawng sunhlu"Mamte-an ati hluk a,arui bawk nen alo ṭha hleithei lo ani ngei ang,"va lawh pui mai teh,"Remruatpuia hnunga nam deuh dat dat paha ka tih chuan a phei ve mai a,awlsam deuhin Remruatpuia chuan alo thei mai.




"A ṭhen chu ka hmu phîr vel,"Mamte-an ati leh hluk ṭhin a,kalo nui hak hak mai,"kan phei nghal mai ang aw hmelṭha nu,"ka bianga rawn piai zeuh pahin Remruatpui-an ati sup a,kalo bu nghut thung.




"Ka thlen hunah kalo bia ang che,"atih chuan kalo aw ve vat a,"muttui aw Trekhmuam minlo ngai lutuk lo la,zan imut hunah i mumang ah te khan minlo hmulo la,"kal bu luk luk pahin Mamte-an ati duah a, kalo nui mai mai thung.


Show post links
Top

[Ngaia]

Chapter-11



Remruatpuia POV
"Nizan khân Trekhmuam-i bulah kanlo leng ang iti ringawt a,zanin te chu kalna tur kan neih kha,"Mamte-an ati sup a,"aho mai mai ka peih tawhlo,khatiang zawnga aṭawng leh anih erawh chuan nizan ai khan ana ang,"ka meizial hip vang vang pahin ka ti a.




"Amawi-a hi chu a senior tawh si,nupui lah neih atum bawk siloa,"atih leh chuan engtin mah ka chhang letlo,midang sawi vel hi ka peih zawng ani velo,ka mi huat ber pawh nise a chanchin ka sawi ka sawilo ang.




"I ho emai,kal ang coconut lawh kanla ngaih kha,"ka tih chuan arawn ding ve vat a,"thingkung lawn hi chu ka chem kalna anilo ve mawle,"coconut kûng en chho vang vang pahin Mamte-an ati sup a.





"Chem kalna inei hleinem,zu inah chiah i Pro,a hnuaiah ilo chang dâwn nia"ka meizial paih pahin ka ti a.




"Rawn tla miah suh,"min dâwm kang paha atih chuan a hmaiah ka zu rap hram a,a thinrim leh khawp ang chu.




"Zawnga ka mit a mim,irawn chhuk hunah i chaklo viau ang,"ati hluk hluk a,ka ngaihsak tawhlo thung.




"Stung-a kalsawn rawh a bawr in ka rawn thlâk dâwn,ilu kha,"ka ti lang lang a,a kalsawn ve vat mai,thingkung aṭanga ka chhuk hnuah coconut kan kheh leh tête a,tui a ngah khawp mai,mikhual lo kal ho in kan khua nuam antih chhan pawh thei leh thlai rah eitur dang atam em vang ani.




"Ruah asur dawn tlat in ka hria,chho vat ang,"Mamte-an ati hluk a, coconut pu luk luk chunga akal chu ka zui ve vat a.




Kawng lakah ruah in min nan tho,"ava vâwt ve,"Mamte-an ati leh hluk ṭhin a,hepa hi chu hmeichhia ang mai "kal mai mai teh,"ka tih chuan min chhang tawhlo,Malsawmtluangi coconut kan pe kawi ve a.




"Awi avan tui dâwn ve ka van lawm tak,ka eichak na arei tawh lutuk a,"alo tive duah a.




Henu hi chu ka duh ve chiang mawle,thil pek anawm na em em pawh alawm thiam thei em ani,ho te pawh nise a sawisel ngailo.




Jemma Malsawmtluangi POV
"Ngatinge ar mawnghawlh ang maia i kal a", Mamte-an atih chuan ka en zawk a,"aw....ka ke hi inchhung rah balh ka hlau alâwm,"ka tisep a,pâwnah huh hnuang in an ding a.



"Lo lût ula,"ka tih chuan an lu an thing a,"zanah kan rawn leng ang,"antih hnuah an kal nghal a, coconut ka eichak lai tak a min rawn pe chu ka lawm tak tak ani.



"Tun ang hunah eng ruah nge sur le,ava han hunlo tak,"phun nuah nuah chungin ka ke ka tifai a,eirawng ka bawl vek tawh avang in chaw ei chiah ka hmabâk tawh,vawiin aṭang school kan kal leh a,teacher ho in principal bulah anlo sawi ani awm e.



Ṭhuthleng a mut mai mai pahin phone ka khawih a,signal a bo a,a rawn awm leh zâwk ṭhin a ruah asur vang te pawh aniang,khawih tur ka hriatloh em avang in thlalak vel ka en mai mai a.



"Hmelṭhanu,"ka beng bula ti sar sar ri ka hriat chuan ka meng siar siar a,tunlai chu ka chau ve deuh aniang mut ka duh emai, Nunu-i ka chhun zo tawh.



"Munga lo ṭhu rawh,"thawh pahin ka ti a,ka bulah arawn ṭhu ve vat a,ka mut chu la chhuak tak ani, Mamtea ka hmu telve lo thung,ruah pawh ala sur buan buan mai.



"Dar engzat nge,"a dar ngheng ar ar pahin ka ti a,ka mit kala meng thei meuhlo,"dar sarih ari ṭep"ati sup a.



"I chau anih kha la mu rawh,"min chawi kan nawlh pahin ati a,ka taksa azawi em avang in ka chechang peihlo "khawnge Mamte-a"ka tizawi sep a.



"A bialnu te inah"alo tive mai a,"khawi thingpui kalo lum ang che,"tih paha thawh ka tum chuan a phallo nasa mai,"thingpui ka ngaina velo,"ati hmûk a,chaw la eilo mah ila ka rilṭam thei miahlo.



"Malsawmtluang ram dangah awmbo ta ila engtin nge itih ang,"thutak deuha atih chuan ka en vat a.



"Enge i sawi awmzia ram dangah i awm dâwn tihna ami,"ka tih chuan "ka zawhna chu chhang phawt la,"alo tisup a.



"Ka ngai ngawt ang che,i kal anih pawn ka danglo ang che"a mitah chiang zeta en pahin ka ti a,danglam ka hmu lemlo.



"Ngatinge i kal dawn ami,"ka ti nawn leh ngat a,alu alo thing ringawt thung,"khawi min dah thla teh, coconut minlo pek kha kan ei dawn nia,"ka tita daih a,hetiang a sawi chhuak thut hi mak ka tive deuh ani.



"I bulah ka awm reng ang,"atih chuan ka hlim ve takzet "khawi min dah thla tawh la, coconut saw ka kheh thiam siloa,min kheh sak la,"ka tih chuan ading ve vat a.



"Trekhmuam ve hle mahla neih che ka duh,ka nupui atân ka duh che mahse ka nghâk thei ang che,"ati leh a,"inneih lam kha chu ala hma,nakinah hna te thawk ve phawt la,"ka tih chuan min chhang lo.



Coconut chu a kheh mawlh mawlh a,a hnehsawh khawp mai,mipa nge nge tha pawh alo ngah teh e"atui hi in rawh,taksa chaklo tan aṭha ania,"atih chuan ka ban ve zât a,tui tak ani.



"Avan tui tak,"ka tileh hluai ṭhin a,alo nui suk suk mai,"kha aia tui kha kala hria alâwm,"atih chuan ka en vat a,"engmaw"ka tisep a.




"Nakinah ila hre mai ang,tuna sawi chi anilo,"atih chuan ka zawt lui biklo,a sawi leh duh dawn chuanglo.




"Ruah chu avan sur duh tak,"kawngka bula din pahin ka ti a,ka hnunglam aṭang min rawn kuah ve a,inhnung lama kawngka ani bawk nen naupang te an rawn kal thut anih loh chuan tuman min hmu lemlo ang.




"Lût ila avawt si,"kawngka rawn kalh ṭhat sawk sawk paha atih chuan ka bu ve nghut a,ṭhuthleng ah in ngheng chialin kan ṭhu a.



"Sawi tur avân vang,"a lama hawi paha ka tih chuan min rawn fawp nghal a,a duhthawh khawp mai "Remruatpui ka sawi tawh kha inneih hma a sex hman ka duhlo,"a awm a nam pahin ka ti halh a,ka awmdan a diklo ang bawkin a awmdan a dik biklo tih ka hria.



"Ka hria alâwm,Sawmte min ring rawh"ati dam thluam a,"min ring rawh sex kan hmang lo ang mahse sex hmanglo in,"ati leh a,"enge i sawi awmzia "ka tih chuan min pawm kâng nawlh a.



"Min ring tûrin ka duh che,"khuma min mutthlak tîr pahin ati a,kalo dawh mawl tawp,"Malsawmtluang engtik ah mah ka kalsan ngailo ang che,"ati sup a,min rawn fawp nghal a,keipawn kalo hnar biklo.



Tlemin heti part hi a sexy deuh dâwn a,aduh tan a skip theih aw...


Min fawh pahin ka hnute a khawih a,a khal niap niap a,khaw awmdan zawng zawng nên ka danglam chak zia ka hria,mihring ve tho ka ni a inneih hma chuan ka duhlo tive mah ila ka insum thei biklo ani,ka kawr haklai a phelh a,ka bra hnunglam aṭang a kut pakhat in arawn phelh a,zei tak ani zei tak a ti ṭhang tawh tih pawh a hriat tâkzet,"Remruatpui"ka ti tham ṭiak a,kan awmdan hi a diklo tih ka hria mahse tawp turin ka phal bawk siloa,"min ring rawh sex kan hmang dawnlo,"ati khur deuh dar dar a,ka hmui aṭang ka nghawng vel arawn fâwp thla dan dan a,ka hnute zâwnah atawp chawt mai,thawk ala deuh vang vang a,ka malah hnuailam in min do rûn mai,"Sawmte ka sawi ang khan engtik ah mah ka kalsan ngailo ang che,ka thusawi ah ka ding nghet bawk ang,min ring tawp rawh,"atih chuan ka bu nghut nghut a,chutah ka hnute arawn hne dek dek a,keimah ah nasa takin danglam asiam "Remruatpui"ka ti halh a,mitmeng phelh phang in min rawn en a,a mitmeng chu a sexy takzet,ka kut rawn la in a mipatna min khawih tîr chuan ka phu zawk thei,"Remruat"chilh lem khawlh pahin ka ti a,alo nui suk thung.




Puan min rawn sin ṭhattir a,"reilo te ti hian awm lawk ang,"atih chuan ka che tawhlo hrim hrim,ka kawngah akuah rûn a,a awm lum vung vung ah min kuah bei thlawp a,ka samah a chûl hliau hliau mai,mipa ani a hmeichhia aiin insum theihna an nei pan zâwk tih ka hria a,a insum thei chu mak ka ti hle zawk,keipawh ka la pangai bik chiahloh avâng in thawk ka la leh hawk ṭhin a,bra takngial pawh ka ha siloa,nuamlo ka tive reng mahse engmah ka sawi ngam rihlo.



"Hreawm iti em,"min rawn en thlâk pahin ati thum dût a,a awmah hmai ka phûm daih a,a nui nghawr deuh dat mai,"ivan rimtui irim hi ka duh chi tak"a kawr hnim vang vang paha ka tih chuan anui hawk hawk a.



"Nakinah kala kap ve ang che ka rim ang inam ve duh chuan,"ati sup a,"Mary nen khan sex in hmang tawh em,"thutak ang reng takin ka ti a,ka hrechak deuh thut ani,"ngatinge"ati sup a.



"Ka hrechak mai mai mawle,"ka tih chuan ka samah arawn chûl hliau hliau a,khua avawt bawk nen lum nuam tak ani.



"Ka sawi theilo,tihpalh sex ka hmanpui ho hi an hming tumah ka sawichhuak ngailoa,ka sawichhuak duhlo bawk,nangpawh ka hrilh theilo che,"atih chuan ka zawt buai tawh biklo,hetiang mipa hi ani ahma aṭang tawha kalo dream ṭhin chu.




Ka nuih hak hak takah chuan mak tih hmel zetin min rawn en thla a,"enge nuih na tur a awm ami"ati hmûk a.



"Awmlo e,kalo dream ṭhin mipa ngei chu ini,story tam tak ka chhiar ve tawh a,story boy te hi ka duh thei lutuk mahse tûnah chuan story boy ang maia pa leh rinawm ka tawng tawh che a,"ka tih chuan ka chalah arawn fâwp vang vang a.



"Keipawn ka nunah nangmah lo chu hmeichhe dang seng luh ka tumlo,ka tan chuan angel hawlh thlâk ang mai ini",atih chuan ka nuih aza tulh tulh.



"Angel a hmai sawh zawnga tla thla ka ni ngei ngei ang,"ka tih chuan anui ve suk suk a,"a hmai sawh zawng nilo in mawng sawh zawnga rawn tla inih ka ring zawk,"ati ve sup a,hetiang ang hian hlim reng thei ila ka ti.



"Ka ngaihtuah mai mai a nupa hi nupa nun an hman hian an in zawmna a nghet phah sawtin ka ring ṭhin a,"ka tisep a.



"Nia i sawi dik mahse an vai chuan an ni ve kherlo ang,"atih chuan ka chhang tawhlo.



Ka room banga sana intar chu ka en zeuh a,dar riat ari thuak tawh,ka pum ari deuh rawk rawk a,ka ril aṭam ve ṭan ani ngei ang,"chaw ila eilo ami,"atih chuan ka bu nghut a.



"Tho rawh chaw ei rawh,"ati leh deuh tawp a,ka bra chu aman min haktîr leh thlap a,ka kawr min haktîr hnua khum aṭang a kan chhuk dawn chuan ka hnute arawn la khawih leh hrâm a,nghal tak ani.



Kawngka vel ka hawng dar a,ruah pawh asur tawhlo,"noodles vel ka chhum anga ei mai mai ang aw,"ka tih chuan alu a thing a,meizial a ṭan nghal zât a.



"Nangmah in ei rawh,ka puar"ati deuh hmuk a,a ṭawng tawi hmuk hmuk thei si,kawngka biang ngheng in meizial azu a,dildar a ei pah bawk, ka en reng vang nge "i duh ve ami,"ka lama a thil zuk rawn lek phei zeuh pahin ati a,kalu kalo thing ringawt thung.



"Kan thil tih lai kha kanla zo miahlo ania,nidangah kan chhunzawm ang,khami aia nuam khan ka siam leh thei che"ka beng bulah arawn ti sar sar a,"hmmm"ka hmui ti pawrh deuh tarin kalo ti a,anui suk mai.



Noodles vel ka chhum laiin ka bulah phone alo en ve reng a, Mamte-a nen an inbia anih hmel,an awm dûn loh pawn phone in an intext leh hrâm ṭhin a,midang chuan in ngaizawng amaw antih ka ring.



Ka phone a rik chuan Remruatpui-an alo ban vat a,"awii Ms call iva la theilo ve,"Mahlim-in arawn ti lang lang a,a aw hi chu ka hai thei mawlh lo,loud Remruatpui-an adah a,"nia kalo silent daih a,inlêng ka nei a,"ka tih chuan Remruatpuia alo ner nang nang mai.



"I phone silent ziah suh ka tih che kha,pawimawh ah pawh i biak theih hleinem"ati deuh hlar a,"enge pawimaw a awm ami,"ka tisep a.



"Angai tawhlo,Sangzela chungchang kha lo hrilh che ka tum a,mahse Nunu-in ka hrilh tawh ati sia"ati a, Remruatpuia ka en chuan a hmui ati sawi zeuh a,min en zawk ringawt.




"Imm hre tawh,imu tawh ami,"arawn sawi belh zêl ka hlauh avâng in thil dang ka sawi daih a,rei vaklo kan inbia a,inlêng ka neih chhuanlam in ka dah vat a,loud ah Remruatpui-an adah sia a nilo lo asawi ka hlau ani.




"Tunge Sangzela chu"ati ta chiah reng a,"kan ṭhianpa mawle,nupui anei dawn a chumi chu"ka tih chuan min zawh belh biklo.



"Tunge kha kha,"a Whatsapp a hmeichhia a text ka hmuh chuan ka tive sep a,"enla"atih chuan ka ban ve mai a,ka en thla dan dan a, hmeichhia pakhat bak a belo,chupawh keimah mahse min save dan chu "ngatinge hetiang hian min save a,"ka ti deuh hluai a,alo nui mai mai thung.



"Pathian mi hriat"tiin min save anih chu,"tuin nge mahni bialnu te hetiang hian save ngai"ka tileh a,"engtia save nge iduh,ahma khan i hming ka hre siloa,hetiang hian ka save tawp mai che alâwm,"ati a,in sawithiam chu atum ve nasa mai.



"Trekhmuam-i tih a save i duh ami,"a tih leh chuan kawng dâwm meuhin ka en a,ka chhang tawhlo thung, Mamte-a leh keimah bak min belo chu ka lawm ve takzet, hmeichhia chuan an be mauh mai mahse amah hian engtin mah a chhanglo,anu a save dan lah chu "mei alh"tiin a save anih chu.



"Tumah hi an hming pangai in i save lo anih hi,inu mei alh anih chuan ipa chu meihawl aniang",ka tih chuan anuih aza khawp mai.



"Meihawl ni nang,dul hma hruaia"atih chuan ka insum thei tawh biklo,apa hi pa thau lampang ani a,adul in hma ahruai ve tak tak bawk nen a inhmeh phian mai.



"Inu leh pa ten hria se engtin tak ti ang maw,"nui hak hak pahin ka ti a,"mi awm loh laia ka koh dan alawm,anni pawh an inhre tawh lutuk,an eih lauh lauh zêl,"ati a.



"Ngatinge inu mei alh itih kher a,"ka tisep a,"zing thawh hma aṭang ka mumang ah te hian arawn lût ṭhin aniang,ka mumangah pawh amah bak ka hmu ngailo,ka ruih lahin min hau a,ka ruih loh lahin min hau a,zu ka in loh chuan piangthar der minti leh bawk sia,mi an awm loh lai chuan a alh char char a meilum ai hi akai aniang,"ati ve duah a,ka bulah sawi hreh anei lo a min ring tawk ve ni turah ka ngai.



A phone chu ka enthla zêl a,an hming a mak hlawm khawp mai,save the date tih te Rolukhumi tih a a save hi Rohlui ani tih ka hre mai,a dp ah pawh lukhum parh deuh a khum na ahmang,huan a kan kal hian akhum ve ziah,Mary number ka neih avâng in a dp aṭang tunge anih ka hre thei,mahse Fanghmir tih a asave daih chhan chu ka hrethiam lo takzet.



"Ngatinge Mary hi fanghmir itih a,"amah en paha ka tih chuan minlo enve reng chu niin,"a no em a,fanghmir pawh vawikhat han rap ila an thi nghal thei ang hian vawikhat han sik chhin teh damdawiin ah luhpui nghal angai ang,"ati a.



Mamte-an arawn call tâk avâng in a phone ka pe vat a,alo la ve mai bawk,"aw ka rawn kal ang,"atih hnuah call adah a,"kava phei phawt ang Stung-a lamkawi angai sia"atih chuan ka hnial biklo,pawn thleng ka thlah a,"hmelṭha em em nu,"ka hmuia rawn fawh zeuh pahin ati a,a thim chinah kan awm avâng in ka dang biklo.


Show post links
Top

[Ngaia]

Chapter-12



Jemma Malsawmtluangi POV
Zing ka tho chu ka ni bur mai,ka awm anuam lo reuh khawp mai, school kal pawh ka phûrlo takzet,ka kawng leh ka tai vel ana deuh ṭhum a,ka thil ei pawh a tui meuhlo.




School kal tura ka insiam zo ka chhuak chiah chu ka hnungah Masanga lo ding rûn ka hmuh chuan ka phu zawk mai,"ilo kal dawn tih i sawi siloa,minti hlau alawm,"ka awm dawm vang vang pahin ka ti a.




"Nia naupang ho en pahin ka rawn sâwm che,a remchang em a,"atih chuan school lam panin kan inzui chho a",ruah asur leh dâwn amawni le"Masang-an ati sup a,"aniang adur emai"ka tive mai a.




"Thlasik laia ruah han sûr tlat mai chuh,amak khawp mai",ka tisep a,"heti laiah chuan kum tin ani ziah alawm, February thla tîr lam hian ruah asur ve ziah"ati a, Febuary thla kan chuangkai leh der tawh ania hun leh ni hi avan kal chak tak,kan thih hun lah ahnai tial tial mai bawk sia.




School kan thlen tâk avâng in engmah kan sawi chhunzawm tawhlo a,minlo chhaih tawk an awm leh nuk zêl a,Masanga nen hian kan in ngaizawng amaw anti deuh tlat a, buaithlâk tak tak ani.




Vawiin chu first class ka neih avâng in ka inti fel vat a,Bell arik veleh ka thochhuak nghal a,hemi tih loh chu class lâk tur ka nei tawhlo,class nine room kawtah ka ding leh tête phawt a.




Ka phone naupang ho ka zirtir mawlh mawlh laiin ari a,ka en chuan ka u alo ni,ani meuhin min rawn call anih chuan a pawimawh viau ni turah ka ngai,"tuna kan chawh sa hi lo chawk chhunzawm ula ka rawn luh leh veleh ka rawn check ang,"ka tih hnuah call hmang tûrin ka chhuak a.




"Aw u enge nita",ka lak rualin hlauthawng ang reng takin ka ti a,"mate kar khat vel cham tûrin ka rawn zin lawk dawn amawni ka tia,"ati sup a.



"Ngatinge teh thut nge,"ka tive a,"nakinah ka hrilh ang che,ka rawn kal phawt anga,i buai lai ani em,"ati a,"buai em em lo e,awle lo kal rawh,"ka tive a.



Kan dah har lemlo,ka u ringawt ka rilru ah a awm a,heta rawn kal duh tur khawpin eng harsatna nge a tawh ang,class a ka let leh chuan anlo bengchheng khawp mai,"in zo tawh êm,hun kan ngah tawhlo,in notebook lo submit ula nakinah ka check mai ang,"ka tih chuan an rawn dah sap sap a,Bell pawh ari zui nghal a.




Office lama ka let tur Amawi-a nên kan intawk a,"ila zo chiah alaw"nui sang in ati a,min haw lemlo anih hmel,"imm zo chiah,"ka tive sep a.



Office ka thlen chuan Rohlui pawh alo awm ve ngei a,naupang lam enkawl chu a hahthlâk zualin ka ring,"class ka nei tawhlo a,"a bul ka thlen rualin alo tivar a.



"Keipawh ka nei tawh bik hleinem"ka tih chuan anui ve sang a,"avan ṭha ve,kan inkawm char char thei animai alawm,tunlai chu kan inhmu khât riau a,"ati a,asawi dik naupang lam a enkawl bawk nen office ah pawh kan in hmu mumal hman meuhlo.



"Class ineih tawh chuanloh chuan kan chhuak daih dâwn ami,"ka beng bulah arawn ti sar sar a,ka bu ve nghut mai.



Office aṭang thlifim dawng tûrin kan chhuak a, principal pawn class neih tawhloh chuan chhuah vah vel mai mai a phal tho bawk nen a zia phian mai,ani pawh a office ah a awmlo aniang,ka hmulo emai.




"Nizan ah Remruatpuia alo leng em",atih chuan ka bu nghut a,"Mamtea arawn lam a,an chhuak daih sia khawnge maw an kal ni ka tia i inah an rawn kal chuan a ṭhat chu",ati sep a.




"Mamtea chu alo leng tel ve lo,dar sarih rik ṭep ah Remruatpuia alo kal a,dar riat leh a chanve velah Mamtea lam angai atia arawn phei,"ka tih chuan mak atih hmel khawp mai.



"Anih chuan zu an in ani ngei ngei ang hemi te pahnih hi",ati a,ka chhang tawhlo,ka rilru ah erawh ka ngaihtuah ve nasa,khawnge an kal ang tih mahse an haw hma te pawh ani thei.



"Kan kal ta sa sa dawrah min kal pui lawk la,"atih chuan ka hnial lemlo,dawr lam panin kan inzui thla a, Remruatpuia te in pawh kan thleng harlo,an in kawt pawh a reh ṭhiap a,amak ka ti reuh khawp mai,in kawtah hian tu emo tal an awm ngei ngei ṭhin kha ania,nu Biakte-i tak ngial pawh hmuh tur a awmlo.



Dawr lam panin kan inzui thla zel a,mi veivak hmuh tur a vang khawp mai,an lo lamah an kal anih hmel,dawrah eitur vel kan lei a,eitur hi chu aduh ve mahse a thau theilo ani.



"Ehe khimi te pahnih khi enteh,"Rohlu-in ati hluai a,a kawhna lam ka hawi chuan Remruatpuia leh Mamte-a te step ah an rawn inzui thla a,chu aia mak leh zual chu an hmai a ṭhen a duk a,a ṭhen pem tharlam an hmaiah a awm a,Mamtea phei chu a meng bui luk mai.



"Munga Stung-a ngatinge in hmai kha,"Rohlu-in atih chuan an rawn hawi phâwk khawp mai,min hmu ve chiah anih hmel,"nizânah bike in kan accident alawm,"a hmai a kuta khuh deuh pahin ati a.



Remruatpuia ka en chuan min lo enve reng a,min biak atum lo anih hmel,mi veivak an awm ve zeuh zeuh avâng in inbiak kan tumlo ve ve anih hmel,"Mamtea phei chu akal bai auh auh mai.



"Munga na nei chung pawn kei ai in kal chak zâwk ania,"step chhaklam aṭang nu Biakte-in arawn ti thla lang lang a,min hmuh chuan anui ve sang mai.



"Class in neilo ami,"ati sep a,"aw neilo"ka tih chuan Remruatpuia te pahnih a en a,"hemi te pahnih hi damdawiin kava kal pui lawk ange,nizan ah anlo va insual ani awm e,a hahthlâk tak tak ani,an insual pui te lah an tam sia, damdawiin a kal kan duhlo anla tive khanglang a,"ati duah a, Remruatpuia chuan aning hmel khawp mai.




"Kal vat ang,mi zawng zawng hrilh leh kher itum ami,"ati khur khur a,ahmai chu a duk velo na chu a pilh ka ti dâwn nge a pem nasa mai.



"Kava kal pui phawt ange,min hnek duk ve hma hian,"nui har har pahin ati a,a ngaih ho hmel khawp mai,"awle keini pawh kan han chho leh ange,"Rohlu-in ati a.



Remruatpuia hmai pilh vel ringawt ka rilru ah a awm leh tawh,a chhan diktak ka hre chak,an insual chhan te,"Sawmte Sawmte"ka bana min rawn sawi dat dat tu an awm chuan ka en vat a,rinloh deuhin Mary alo ni.




"I mut ava chhuak awm ve,ka ti harh che em,"atih chuan ka lu ka thing a,"harhlo e,enge nita,"ka tisep a.



"Eng nilo e,Sawmte zawh duh che ka nei a,"atih chuan ka ṭhu ṭha ve vat a, Rohlu-i pawh arawn hawi zeuh zeuh mai.



"Remruatpuia nên hian in in ngaizawng ami,zawh nuam nilo mahse ka hrechak mai mai a,"atih chuan ka nui hak a,"ngaizawng lo e"ka tisep a,midang in an hriat ka duh rihlo ani,Mary phei chuan a sawi darh lo ang tih pawh a hriatloh a,ka hrilh chuan Ahma-i a hrilh ngei dâwn sia.




"E aw anih chu chute mai chu"atih hnuah a phei leh daih a,"hetah hian Jemma Malsawmtluangi tiin a in ziak sia,ngatinge i sap hmingin tuman an koh ngai loh che le",Sir Muanpui-an ka dawhkan a lehkhabu rawn dah pahin ati a.



"Nia min koh ṭhang tawh a,chuvang aniang"ka ti ringawt a,keipawn ka sap hminga tuman min koh ngailoh chhan hi ka hre biklo,Muanpuia hi pa ani tawh a,a fapa pawh kan school ah a lut a,office ah pawh arawn hruai fo mai,a hmelṭha em em mai leh nghal a,apa a ngo loh nen a ngo puak a,ala nui mawi em em zui a,a len hunah chuan a hmelṭha ve viau ang.




School kan ban hnuah inah ka haw tlang nghal a,kanu te ka call chuan a ring ral ṭhak a,ka call nawn leh chuan arawn la ve hram a,"aw mate kalo insu daih a,kalo hrelo alawm",kanu in alo tivar a.




"Nu uMama kha enge awmzia"ka tih chuan a ngawi deuh vang vang a,"i uMama chu engtin nge a awm a,"ati a,a hriatloh hmel khawp mai.



"Class ka laklai in minlo call hlol a,ka rawn zin dawn ati ringawt a,a chhan ka zawh lahin min chhang bawk siloa,"ka tih chuan anui hak hak a.



"I rilru lo ti hah duh suh,a ṭha lampang anih kha,alo kal hunah i hre mai ang"ati a,rei deuh kan inbia a,phone kal tlang in min zilh ve luam a,thu ṭha min hrilh tu nu kala nei hi vânnei ka inti takzet,kapa pawh ani tho,an tello chuan engmah lo mai ka ni dâwn si a.




"Mary bulah enge ilo sawi,"kanu nên kan inbe zo Remruatpuia message lo thleng chu ka hawng vat a,"engmah ka sawilo,"tiin ka thawn let ve vat a.




"Ka bialnu ini maw ka tia,ilo ni reng reng hleinem,Mary bulah lehzêl zêl angai ami,min zui kual leh reng tawh hi,min zahpui ami,"arawn ti luam a,a call arawn thleng nghal zât bawk.



"Aw hello,"ṭi dekin ka ti a,lehlam ami chuan thawk ala vang vang phawt a,"kei chuan kan inkar hi min zâwt tu apiang bulah chuan a dik thlap in ka chhang,"ati hmûk a.



"Kan mualpho ka hlau ve tho alâwm,"ka ti zawi sep a,"enge mualpho na tur awm nula leh tlangval kan nia,kan in ngaizawng ve animai alawm"ati ve sup a,a vin em em hran tawhlo.



"Anih chuan thudik chu kalo sawi zêl tawh ang,"ka ti a,thil dang ka sawi leh hma in call adah daih a,ka call let leh pawh chuan switch off a inti tlat.



REMRUATPUIA POV
"I lawm tawh êm,thudik i hre tawh a, Malsawmtluangi saw ka bialnu anih saw,min rawn tibuai tawh suh",ka hmaa hmeichhia mittui tling pam a ding chu ka en reng a,ahma chuan a mittui tla ka hmuh hian hreawm ka ti ṭhin a,tûnah chuan engkim a danglam tawh,min kalsan aṭang khan.




"Ka tihpalh ka tih tawh kha,ka kalsan chhan che pawh zu i in nasa êm a,ka thusawi i zawm duh bawk siloa,ka ṭhen che anga zu i nghei ka rin vâng ania,"ati tham ṭiak a,asawi hi a diklo miahlo mahse min kalsan kher avâng hian ka duh tawhlo,Malsawmtluangi ka nun a arawn lan aṭang phei hi chuan hmeichhia dang ka mamawh tawhlo.




"Kal rawh ka sawi tawh kha,Malsawmtluangi lo chu tumah nupui atân neih ka tumlo",ka tih chuan abu ve nghut a, hmeichhe fel tak ani a,ka duhloh chin ah chuan min nawrlui ngai biklo.



"Ka ngai em che a,chuvang mawle ka tihpalh,"ati a,ka bulah ala ding reng tho,ni tla tur chu ka thlir a,ka kekawr ipte ka zen rak rak hnuah meizial ka ṭan a.



"I hmaia pêm vel kha Sawmtei vang tiro,"atih chuan ning zetin ka thaw hak a,ka meizial khu chuan a hmaiah ka phuh a,alo ner nasa mai,"Sawmtei vang anilo,engmah i hriatloh chuan ngawi mai mai rawh",ka tih chuan a ngawi ve mai a.



"Va haw tawh rawh,a tlai tawh,"ka tih pawh chuan ading reng a,ka haw rualpui peihlo,kan khua ami te hi chu mi chhaih an peih ve sia,kan in ngaizawng ṭhin tih anlo hreve bawk sia,kan in renew amaw anlo ti palh ang.



"Ka sawi chu i hria em,Lalnundik"ka tih chuan abu nghut a,"ka la hmangaih reng che ania, Remruatpui ka kiangah ilo let duh anih chuan kei chuan kalo pawm reng ang che,ka nghâk reng bawk ang che"atih hnuah a kal thla a.



Ka meizial ka paih hnuah Mamte-a te inlam panin ka inkhalh chhuak a,nizan ah kan khaw ṭhenawm te nên kan inti buai a,kan intih buai chhan pawh kan khua leh an khua te nên inkhel tournament ah kan intum a,an chakloh avâng in tun thleng hian kan la intih buai phah a,an chak silo kha an tha ana ve deuh aniang,khata ṭang khan kan in haw ve hrim hrim.




"Stung-a,"pawn aṭang ka ti lang lang a,an in kawtah ka bike ka park ṭhat hnuah kava lut tlang nghal a,anau lehkha alo zirpui ve nasa mai,dawt bak a hrilh leh tawp nang.




"Stung-a"alu a ben paha ka tih chuan arawn hawi vung luk mai, damdawiin ah kanu in ṭullo ka ti chungin min hruai lui a, Mamte-a erawh a ngeih viau mai,a hmai vung pawh tlemin a reh deuh a,a hmai duk pawh azia.



"Va ṭhu rawh ka nau ka tih pui lawk ang,"atih chuan ka phei ve mai a,ka phone lah chu a thi daih leh nghal a, Mamte-a charger nen a in milh bawk siloa,tihian in a ka haw hma chu a awm angai rih animai.



"Kan phei dâwn ami,"atih chuan ka tho ve vat a,kawngka ah anu nen kan intawk a,min melh no lo dun khawp mai,"zu in la leh dâwn ami,"ati deuh hmuk a,utûm ang maiin a tum lian "dawnlo dawrah kan kal lawk dawn,thil ṭha deuh kalo hawn ang che u,"Mamte-an atih hnuah kan inzui chhuak a.




"Rohlui hi neih vat angai,kanu in kawm tur aduh thei emai,"atih chuan bike ah ka lawn fel der tawh,nupui neih vat aduh chhan pawh anu a ngaihtuah vang ani.



"Rawn lawn phawt mai teh,"ka ti hluk a,min hnial lo in arawn lawn ve mai a,veng hnuai lam panin kan inkhalh thla a,Venghnuai tih takah kawng a chhuk khawp mai.




Jemma Malsawmtluangi POV
"Zanah pawh chuan Remruatpuia arawn lang miahlo a,min rawn belo bawk,ka call lahin switch off a inti zel bawk sia,rilru nuamlo deuhin ka awm reng a,Masanga naupang en pahin arawn leng thung,"nizan chu inu ten min rawn call hlol a,"atih chuan mak ka ti lutuk.



"Ngatinge an rawn call che a,"ka tisep a,"lo ngaihven deuh rawh anti mawle, hmeichhia ini sia an ngaihtuah che aniang"ati a,ka chhûngte chu ka ngei lek lek.



"Anih chu"tih pahin ka tho a,thingpui no a ka thlit chhuah laiin ar in lam en pahin arawn ding ve a,"vawiin chu ruah asur ka rin nen khua aṭha leh phian sia,arsi pawh an lang tuar mai,"vân lam en chho vang vang pahin ati a,ar in lam a en reng amaw tih laiin.




"I lung aleng deuh animaw,"ka tih chuan anui ve suk a,"leng ve e,mahni khua nge nge chu kan ngailo thei siloa,"ati a,ka hrethiam viau mai,mipa phei chu hmeichhia aiin an lung a leng hma a.


Show post links
Top