High School Crush BY Lszi Zadeng (Completed)

[Ngaia]

High School Crush Chapter 7






By: Lszi Zadeng






Hlutei POV:



Zing dar 4 velah ka ril a ṭam lutuk a ka harh hlawl. Ka mumangah Khan lehkha ka lo pawt thler a, ka lo hmawm pawp pawp nia maw le! Rilṭam tak hi ka ni... Ruah a lo sur mek a... Khawpui a ri bawk... Ka van chhuk ngamlooo... Mahse pum lamin ro a rel tawh miau si a.

Blanket sin dul chungin chokaah ka zuk chhuk. Ka phone torch light chu ka hmet eng ngat ngat bawk a. Hmanhmawh zetin fridge ka hawng a, ka hmuh hmuh ka la a rang zeta chhoh ka tum chuan inchung chhohna kailawn bulah tak ka puan ka rap pial a ka tlu bawk thlawp!

Chutah khawpui a la ri zui! Ti nge light te kha ka lo on phawt loh leee?! Thei leh thei lovin ka thova, rang zetin ka chho. Khawpui a ri a ka chhungten ka thawm an hre lovang! Ka pindan ka thleng chu, ka thil kenlai kha chhangthawp leh peanut-butter emaw ka ti a, chhangthawp leh purun var pickle zawk hi a lo nia... Ava hahthlak tak! Huiham...

Ka ril a ṭam tawh em avangin chhangthawp leh ka tui chu ka eiin ka in pawlh pawp pawp. Pickle nen te chuan ei pawlh ka tum ṭhin a, theihai pickle te chu ni se thu hran... Hei chuh, a tih chi vakloh mai thei... Ka duh tawk ka ei e ka tih chuan ka mu ṭha leh te te a. Ka phone ka bih chiang chu ka mi mawlho khan ka video kha an lo status ṭhup hi a lo nia. Group-ah ka va ang nghek. Enchhin turin ka ti ringawt sia, mi hmuha tih aṭang chuan ka la duh chiahlo asin le... Hmu se pawh ka ti lo a... Heiham!An la mu ṭhiap si a, tih ngaihna vak a awmlo. Naktukah an chak lovang!


Zingah chuan ka nu ang vak vak riah ka harh. Ka va en chiang chu chhuatah a puan suk sa a tla hi a lo nia, ka zuk chhuk leh a, bawnghnute hi fridge bulah a lo baw nuai. "Ehe!" Phawk hraha ka tih chuan ka pa nen min lo en. Ka chalah ka hlauthawng tih a inziak a ni mah na... Rin ang ngei ngeiin, "Lalrohlu!" Ka nu chuan a ranw ti nghal ringawt. "Eng ngeee? Zing kar kar aṭang... 'Mamte, i mu tui em?'??? Ka ti nghal pawng pawng... Zing kar kar aṭanga vin nih hi chu a nuam vaklo ve alawm... Mi ṭhenkhat phei chuan nilengin tho nuamlo ho chu an mood a duhlo thei an ti...

"Bawnghnute hi i tihbuak ami?!" Ka nu'n a tih leh chuan, "Ka hrelo, tukin khan ka rilṭamin ka chhuk zuai a... Ka hlauhzia chu khawpui a ri nasa sia. Mahse fridge ka hawnlai khan thil ka tihbuak awm ka hrelo." Ka tih chuan, "A nih chuan amahin ak inti bua ani maw?!" Min en ker pahin a tia. "Ka tibaw lo ka tih chu, midang te hi zawt ve la, apa te kha zawt ve la!" Ka tia, ka pa a lo meng phawk ha mai. Hehe, lal-ka pa hi a ni chiang lutuk! Hman aṭang tawh thil a tihsualin min mawhpuh daih zel... Hmm!...
"A, heng te chu Mamtei nu, Kan tifai anga, a dang Kan lei leh mai dawn alawm..." Phakar zet hian ka pa chuan a lo ti nghal. A va han phakar tak haha... A hma zawngin a ngawi kur a. Aman a hrufai leh vek zui... Hehe... A fel a nia lal-ka pa hi chu! "Lalrohlu! I pa pawisa dil la bawnghnute chu va lei ang che!" A tih chuan ka lo ner hnung ringawt.

Bawnghnute lei tur chuan ka mut kawr nen Nu Faki dawrah ka va kal nal nal a. Siama a lo awm hlawl. Min star mahse ka lak ikhe e vel loh vangin ka inchei dan pawh ka zahpui hran lo..."Eee hei, Nu Fak, zaithiam inthup thei a lo lut a nia!" An tiah. "Eheu! Mamte, i zaithiam elo?!" Nui sang hian a lo ti ve a. "Awii, nu Fak, a ti ve mai mai a nih kha haha..." Tih pah chuan Amul gold bur lian chi pahnih ka la a, a man ka pe sawk sawk. A kir ka nghah pah chuan Siama bawk chuan, "A zai alawm, nakinah a video pawh ka hmuh ang che. Thiam lutuk tak a ni!" A ti leh hram.
"A ngai bawklo a, a zahthlak!" Ka tih chuan, "Aaa, Mamte, i zaithiam a ni ang chu Siampiringa tak ngial pawn a fak che chu!" A tih chuan ka nui hawk. Siampiringa maw... "A nih aw u, kan lawm e aw nu Fak!" Tih pah chuan ka chhuak a. Dawra thil ka lei hi chuan "kan lawm eee" hi ka ti tel ngei ngei a..
Engtik aṭang khan nge ka tih pawh ka hre tawh biklo... Tetlai kha chuan ka tih ngai ka hrelo tawp a. Enga pawh chu lo ni ta pauh se, zingkar boruak thiang tak, hrisel tih hriat reng reng hip vah vah paha ni pawhin tlang lawn sang telh telh paha ka hmai a rawn en chuan, lei thiang kak leh rimtui zetah ka kal chhet chhet. Mi tam tak chuan hetiang boruak thianghlim te hi hip hman lovin tui tak tak ni a tlang san ruih thleng an mu a, tiang boruak hi an hip ve hman ngailo. Heh, chung zingah chuan ka tel ve zeuh zeuh tho.







Tunlai chu school-ah Sports lam atan kan inbuatsaih deuh reng a. Beat Contest-ah kan ṭhianho pawn tel ve kan tum rilru a, mahse kan C.C.A House a lo inanglo hlawm a... Kei, Goldi, Moni-a leh Dudua te Red House kan ni a. William-a, Sangtei, Ruhmawiha te Yellow House, a bak chu Blue House vek. Green House kan awm miahlo. Thil lawmawm deuh pakhat chu Gidion-a hi Red House a lo ni ve hlauh!

Assembly Hall-ah mahni House ṭheuhah kan ṭhu ṭham a .House aiawha item hrang hranga chhuak tur ten hming an ziak ṭham ṭham a. Bana kan han sawiho chu ka ṭhianten Beat Contest atan min lo ziak tel hlauh chu lo niin! Mahse pawl sawm lek ka nih avangin ka tlin pawh ka ring chuanglo va... "Chu i hria em?!" Goldi'n ring zeta a tih chuan, "va chhuak rawh va chhuak rawh!" Min lo ti sup sup a! He??? Ka tling maw? Phawk haa ka ṭhiante ka en chuan huphurh deuh chungin ka va chhuak... Ka zai thiam si lovaaa, dah pawh ka dak chhuak ngamlo.

"Eeh, kan thawk dun dawn ani maw?" Tiin ka bul ami chuan min rawn hrilh ru. Awii! A aw ka hriat rual chuan ka lung a phu dut dut. Ka han en chu! "Aah, Sahuainidova!" Ka ti chhuak hlawl. "Eng maw?" A rawn tih pah chuan a rawn kun a. A sang ve khawp mai a, a dar chen vel ka ni mai thei... "A-a-ahh. Engmah maw le..." Ka ti liam puat. Kan innuih saih a. Ka ṭhiante ka han melh chu, hmangaihna lem hi an lo siam a, min rawn au vak vak vel. "Ka-kaaa-kan ding dun!" Tiin an hmuh theih turah ka han phun a, za zet hian an lo bu ngau ngau! Dudua pawh a tling ve e! Nice! A van nuam reuh! A dik dawn! Banah inhmuh khawm an rel a.





Kan ṭhiante kan thlah liam hnu chuan Dudua nen 12A classroom-ah kan lut a. Ka zak ru hle. Zirtirtu dawhkanah chuan U Kima hi a lo ṭhua kawi va a. Tukverh bulah Gidion-a... U Ben-a, ani hi chu pawl sawmpakhat a nia, thuthlengah dawhkan bawk zânin a lo ṭhu a.

Sir a lo lut a, tih tur ang ang kan tifel a. Kei ka zai anga, a rem remin part an lo la ang a. Kan keyboardist tur hi hmeichhia a nia, meeting-ah eng eng emaw vangin a lo kal theilo a ni awm e. Dudua drummer a nia, U Kima E.Guiter, Gidion-a chu ka rin ang ngeiin Bass a khawih dawn. A dik dawn e. Lengzem pawh, Gospel pawh, eng hla pawh a sak theih a ni awm a. Sir khan kha chu muangchangin kan ngaihtuah dawn nia a tia, kan ṭin ta. Dudua chuan bike a lo keng hlauh a, min thlah a. A bike-a ka lawn tur te chu Sahuainidovan min lo en reng ang hian ka hria, ka hriat sual loh chuan. Chu chuan min tihlim ve angreng... Min lo en ve fahran mai mai pawh a ni thei thova...

Tlaiah chuan ei rawng ka bawl pah hian ka phone a rawn ri chheng a, notification duhawm leh bawk kha a ni! Sahuainidova a inti kar mai! Phur takin ka en nghal a.

____________________________________
Sahuainidova: Hla chu? Lo ngaihtuah ve rawh aw.
-----------------------------------------------------------

Tih hi a ni a, ka chhang rang chiang teh e. Kei chuan ṭha an tih tih kha ka duh a. Hla lo thlang chhin Turin min tia, group-a kan sawi hnu chuan lo thlang khawm chhin phawt turin min ti a, kan sa chhin anga, a hriat mai ang kan ti a. Kan keyboardist tur pawh kha a lo tel ve a, Awmawmi a nia, a fel hmel khawp mai. U Kima te nen an inkawm ṭha ani ang.
Group a kan titi pah chuan Awmawmi chuan ka Sahuainidova chu "Fiona-i hmangaih em em pa" tiin a fiam a, ka duhlo hle a, lo ner nei nui bak chu tih theih ka nei ve si lo! Huihammm heihamm... "Second lead ka ni leh dawn pek a nih hi!" ka ti bui bui ringawt... Mahse lawmawm ve deuh chu U Kima zawk khan Gidion-a a lo chhan a, "khatiang mi hur!" a lo tih chuan ka nui sep. Fiona-i chu tu nge mawn le? A hmelṭha em le? Gidion-a hian a duh ami le? Fiona-i hian a duh hmel sia... Tih velin ka rilru a tibuai hle a. Zanah chuan ngaihtuah leh tawh lovin fake scenarios nen bawk ka mang ramah ka kal...

Chhailai di- Vulmawi hla kha ka ngaithla pah a, Mizo Classic dang pawh ka ngaithla nual...








Ka hma lamah chuan ka pen zel a, kawr mawi tak mai hi ka lo ha a. Ka nu chuan min hmu se hak a phal loh bur tur chi a ni. Ka kal zel a, ka kalna kawng tur chu thil eng mawi tak tak tereuh te te hian kalna tur min lo kawh hmuh zel a .

Zan tho a la ni. Hmun zaulai deuh kan thlen chuan Lower Bazar kawngpuiah hian ka lo ding a, tu mah an awmlo. Ka chheh vel chu thil eng maiw tak takin a khat a, Christmas decoration light ni awm tak ni siin an inzawm hlawm si lova, an che an che bawk a. Mawi ti taka ka thlir kuallai chuan hnung lam aṭang hian,"Mawi i ti em?" Dam te hian mipa pakhat hian a rawn ti a. A aw chu ka hriat tawh hnu a ni... Ka hawi let tur chu kan bula eng te chu a mal te tein an puak phur phut a, pakhat rawn puak chu a eng kher mai!

Tichuan ka harh ta a, ka pindan tukverh parda chu hawngin ka pa'n, "Mamte, tho tawh rawh le! Le le le!" A aw ṭial ṭheng chuan a ti a. "Naaa, paa, mumang a tui dawn chauh asinnn..." Mit nuai nauh nauh paha ka tih chuan, "eee! Nula mut hun a ni tawhlo! I nu a damlo a, tukin chu zing eirawng i bawl a ngai ang..." A tih chuan ka nu te pindanah ka lut nghal. Ka nu chu a khua a lo sik va a, a lu ka pa'n tui vawtin a lo deh sak lui hi a lo nia... A van zialo thei tak!... Kan chhung hi chu kan hrisel lo chhungkua ve a, kan indamloh chhawk reng mai a ni.

Ka kut invuan paha ka lu lamah zi mar chho kakin, eirawng chu ka bawl ta a. Nautein m huin lo puih a tum zet a, ka hmanhmawh bawk nen, T.V lo va en turin ka hrilh a . Master Chief of the House-in eirawng ka bawl mek a ni! Ka chhungten an ei malh malh pah chuan ka en reng a, tui an ti tih ka hria. Ka lawm em em mai ni. Sawi lo mah se ka pa chuan Keima style duhva artui ka kan chu a kham khawp lo tih ka hre thei... Nakinah chuan ka kang hnem deuh tawh ang...






School-ah chuan Fiona-i chungchang chu ka ṭhiante nen kan sawi a, Ruhmawiha'n a lo hre hlauh. "Awi awi awii, kha nu kha maw, ka cousin a nih kha! Ti ila, kan inhlat... Ka cousin piancham kan lawmnaah a lo kal ve a. A tir chuan chhelo ka ti lutuk!" A tih chuan ka beng ka dawh chik tawh hle... "Mahse a lerh lutuk a, a virgin tawhlo anggg tih vel tur!" A tih chuan mak ti deuh chung si hian Goldi nen kan inmelh zauh. Gidion-an a duh lohna tur chance a awm tihna!

"A lerh viau ami? Fel hmel em kha!" Vanlala'n a rawn ti... Kan Vanapa pawh school a lo kal ve leh tawh a.
"I star vang bak va ni suh!" Mer-thangi'n a tih chuan, "A dik chiah! Nang hi! Lerh riauvvvv!" Moni-a'n a lo ti nghal. "I lo va chhai vel ang e! Fanu Kan la buaipui hmanlo a nia!" Ruhmawiha bawk chuan a lo ti ve.
"Mai mai che u chuan!" Tih pah chuan Vanlala'n an chalah a beng thep thep... A ben rik chawrh ka lo ring deuh zawk a, haha. Fiona-i chu buaina Lian a vak a nih dawn loh chu ka ti ve thei ta... Mahse a hriatloh, a chhelo an ti sia... Huihammm ...




Banah chuan Jam Room lam panin ka chhuak a, ka chhungte ka dil lawk vek tawh bawk a, "Fimkhur la aw!" Tiin ṭha takin min thlah kha a ni a. Room hawh man a free a nia, a chhan pawh kan hotupa te ta kha a nih vang a nia, a zia phian mai! He vang hi a ni check ang Dudua pawn, "Sir hi kan House-ah duty se!" A tih a tih... Kan han sa chhin diat diat vel a.

Ka zai pah chuan Dudua nuam ti lutuk nen chuan kan innuih leh ha ha ṭhin a . Kan rilru kan pe tlang bawk a, a nuam reuh lutuk. Kei chuan nuam ka tih chhan ber chu in hria... Haha... Eye- contact zeuh zeuh bawk ta ni, nuam phian. Tichuan, hla chu kan remix kual vel a.

"A chhuak nalh dawn e!" Awmawmi chuan a rawn ti a, a hmelṭha viau e tih loh chuan a pa reuh phian a, U Kima te pawn ṭhianpa an ti hlawp hlawp mai a. "Kan band hi eng nge kan tih ang?" Hotupan a tih chuan, "Undying Souls!" Gidion-an a lo ti zauh, pawmpui tih tak hian midangho pawh kan lo bu hnak hnak a. "A nih chuan a laiah kut dah ang aw!" Hotupan a tih chuan, "UNDYING SOULS!!!" tiin kan au ta vak a, chung lamah ban kan phar dual!




Kan hawn pah chuan, "Dudu, Awmawmi kha i stat deuh tiraw???" Ka ti zauh a, "A, khatiangggg... Kei ai upa ka ngaizawng ngailo!" A lo ti rum ran. "Keini ai a pawl sang ringawt a, kan inrual tho kha!" Ka tih chuan, "Niahh..." Tih tein min chhang... "Lungngai suh, ka tihpui ang che!" Ka tih chuan, rang zeta rawn haiw let deuh pah hian, "Tak takkk?!" A rawn ti heu a. "Awiii, i duh reng kha a... Aw, aw! Khalh ṭha laaa!" Ka tih chuan a nui veng veng tih ka hre thei... Hmalam a hawi ṭhat chuan chak tawwk hian min tlanpui nghal!
"LALDUHSAAAAANGGGG!"





... ... ...







Gidiona:


Ka phone ka en a, Fiona-i bawk a ni. Ka bula Gerome-a ṭhu chuan ka ner nung chu min hmu a, ka phone a en zeuhva, "He nu hi chu awww! Beidawn a tumlo emaw ni?" Nui hei hian a ti a... "Aniang..." Ka ti chauh... Ka ṭhian ṭha deuh ex hi a nia. Hmelṭhain, itawm hle mah se ka chhang theilo a ni. Chu Chu thu hran lo ni ta se, he mi tenawmnu ber kher hi chu ka duhlo. "Chhang ve tawh mai la..." Uang deuh paha ka uin a rawn tih chuan, "A, teuhlo mai!" Ka tia... "A ho eee, Rema thihna pawh a rei tawh tho a..." Uang deuh tho hian a rawn ti leh a... "Aaa, u... Rema ka zah vang a nih rual rualin... NANG PAWN HE NU HURZIA TE CHU I HRE VE RENG AAA!" Ka tih pah chuan, "Shhh! H tih thu mal khaaa!" Gerome-an a lo tia, ka pi kan va en nghal... A lo hrelo hlauh... "Tunlai chuuu, i hlim thei riau..." Tih pah hian min rawn en a, "Tu nge kan monu hual chuu?" Awmze nei deuhva min en pah hian a rawn ti a. Ka khi va ringawt... "Duh ve deuh i nei chiang lutuk! Eh eh eh! Piiii! He nau hian star a nei a niaaa!" A tih pah chuan a luah ka khawng lawlh... Ka pi chuan min rawn melh zeuh duh ringawt a.

Star maw? Hehe... Star ka nei ami le??? Ka bulah chuan Dede-a hi a lo bawk ve reng a. "Dedeee? Apa hi star nei ang min ti em??" Nui sanga ka tih chuan a lo bauh ve zauh... Thawk lak huk pah chuan khumah ka let tawp! Ka pindan inchung chu ka thlir reng a... Kha nu bengchheng zet kha ka mit thlaah zu han lang nghal a... Ka bialnu hlui te ngaihtuah chuan a mawi bik hranlo... Mahse amahah hian midanga ka hmuh ngaihloh thil eng emaw chu ka hmu a ni. Kan Jam thlalak vel chu ka en a, a nui mawi reuh phian tak a nih hi... Dudua kha a bialpa a ni ang em le? Aaah... Laldinmawiii! I star ami??? Khatiang ngaihtuah suh!!! Ka tal ka tal chu Dedea a rawn bauh hluai a. Kan inen char char a. Ka nui nghuk... Ka hlim ve tak tak a nih hi, henu hian min tihlim riau tak tak em ni???

Kima'n min rawn bia a, video min rawn thawn. Engmah dang a sawi si lova, ka en pangai tawp a. Hmeichhe pakhat zai a ni, a hmai lang lo mah se Hlutei a ni tih ka hre thei... A aw hi a mawi reuh phian a... Ti nge tiang em Ema zai thiam si Jam te khan a zai ṭhat duh loh le?... A zaithiam khawp mai! Ka va call a, "Kim... Engtin nge i neih theih?" Ka tih chuan a lo Bo leh haww tawh. "Eee, Hlutei zai kha maw? Ka ṭhianla status ka ruk... A viral deuh reuh a..." A tih chuan ka lo phur ve vah ringawt.





... ... ...





Hlutei:

Tun ang zan zanah eng nge maw ni tih pah chuan ka phone ri chheng chheng chu ka en a, ka meng phawk leh ha tawh.


Notification:-
____________________________________
Sahuainidova: (video)
-----------------------------------------------------------

Tih hi a lo ni a... Uaii... Ka video kha a nih hi... Ka lai ve det... Ti nge i laih??? Lalrohlu, tiang a ho! Tia ner nung pah chuan phone chu ka la vat a, ka zai lai video kha!
____________________________________
Sahuainidova
````````````````````````````````````````````````````
You: Engtin nge i neih theih aaa???
Sah: Engtin tin emaw... Thil hi ka ti thei a...
You: Awiii zahthlak eeee
Sah: zahthlak hleinem, I thiam em kha... Kha, tiang tak khan zai thin ta che lol...
You: aaa, ka thiamlo ropui si... Kha pawh kha ka thiante lo sts a nih kha... Huizzz
Sah: A viral a, thiam an ti hlawm lutuk che a nia!

(A tih chuan ka phu zawk tak tak!)

You: Khawiahhh??? Awiii.. ka mualphooo
Sah: IG ah khan, en rawh... IG account i nei tiraw kha???
You:aw...

(Ka follow tih kha a hrelo e maw
ni???)

Sah: Kha, ka lo share tawh che.
You: ehe! Loks kan en ang e aw... (Tih ka type zuai hman a, mahse kan la inbe laklawh nakinah duh tawkin ka la enchiang thei dawn... Comment te thlir ve zuai ka duh...)
You: Awii lehhh...
Sah: Lar tawh khawp mai! 13.9K a ni tawh a nia! I lar hunah min hre reng la
You: eh... Lar lo nasa ni ...
Sah: I la mu na nge?
(A ti daih...)
You: mut te chu mu tawh e... Ka mu meng kar lmao...
Sah: ehe, i mutui lai ka rawn tibuai che a ni maww?
You: tibuai nanggg...
Sah:umm... A that chu...
(A tih pah hian kan Sir Vaipa awmna sticker hi min rawn thawn a... Emoji a uar vaklo a nih hmel...)
You: awiii, nei tha ve kha!!! Lmao!!!
Sah: a dang pawh ka la nei
(A tih pah chuan kan zirtirtute sticker ṭhing deuh deuh hi a rawn thawn ṭeuh a)
You: Aan va han hmelṭha hlawm eee
Sah: chuti mi? An tar chhe hlawm ka lo tia...
You: hmm ka sawi awmzia i hre ve reng...
Sah: haha... Tak takah... An fel...
Sah: a nih, phots...
You: awle... Phots
(Kan in reply rang dun khawp mai!)
____________________________________

" Eheu! A dik dawn!" Tih pah chuan ka khumah ka let leh tawp tawp tawwh. Kan inbiak danah khan chuan engmah phurna tur vak a awmlo... Mahse kan inbia a... Inbiak loh tawp ai chuan a lawmawm daih zawk! Chutah min la be hmasa zuiii! Kei chuan ka be hmasa ngam dawnlo hrim hrim a... A sam siam dan nalh tak te, a dar khauh var te, a pen zawnga a ban vai dan zawng zawng te kha ka mitthla nghal vawng vawng a... Kan jam-hova Bass a tum paha a khi seih te kha, awiii! Pa bawk si... A bike-a ka chuanlai te! Ka ui te lem chu ka kuah nghet sauh sauh a... "Naute! A van nuam tak! A nuam tirawww!" Tiin ka biak hre ve thei miahlo uitelem chu ka bia ka bia a...

Ui vulh hi ka tet te aṭang ka duh tawh a, mahse ka chhungten vawi khat ka dil khan, "I len hunah!" An tih deuh tlat avang khan ka dil zawm duh ta lova... Ka pianchamah uite lem hi min pe ta, tih vel ... Ka duh hi ka nei mai mai lo, ka chan tawk pawh a lem emaw, second lead nih emaw a ni zel!

"Chance a awm a nih chuuuu!" Tih paha Goldi zuang lauh lauh chu hmuh a nuam phian... "Insum deuh teh kawnglaia kan awm hi..." Ka lo ti ve a. Sangtei chuan," mahse chutia in romantic vak loh te chuan..." A lo tih chuan ka thaw huk ringawt... "Awww! I hmanhmawh a nih khaa! Muangchang muangchangin kan duh tak chu a thleng mai ang! Helamah hi chuan mi thiam ka ni alawm..." Inchhuang tak chunga Goldi'n a tih chuan, "Ni e... Bakah a lo biak hmasak kha." Mer-thangi'n a lo ti ve.


Kan kal ṭham ṭham lai chuan bike pahnih hian min rawn pel fua a. Pakhat zawk chu Gidion-a a ni tih ka hai miahlo, a dang leh kha chu U Kima a nih ka ring... "A nih chuan hman nia min tai fua tute kha-" ka tih chuan Goldi'n," hmm? Sawi i nei eem?" A lo ti a... "Aih nei lo," ka lo ti ban chat... A hma ami te pawh kha khami te ṭhian dun bak kha an ni tawp lovang... An va han tlan chak thei em em. An ngaihtuah awm lek lek alawm le... "Tun ami te kha, Sahuainidova te an nih kha." Ka tih chuan min lo en ṭhup a. "Euuu, i la chuan ve na tur chu nuam dawn fua fua vee..." Aw vervek deuh nena Goldi'n a tih chuan, "Hlau thlabarin a hmingah ka ber reng anga a ni mai haha!" Ka ti ve...

Kar a liam a, thla a lo liam leh meuh chuan kan Sports pawh a lo hun ve der a. Engah vak mah ka tel lo, tel tlak pawn sports lam hi chu ka thiam ṭhaks lo... Harhvang viau ve ti lo chuan, ka hrisel loh mai bakah ka tui hranlo. Hmeichhe football khel te hi ka ngaisang a nia! Sangtei tih loh... Sangtei hi, infiamna lam hi a tui ve ang reng a, tunah pawh a theih ṭheuhah chuan tel kim a tum ka ti mai a... Kan ṭhianteho an tel suau suau laiin "kotlang ATM" pawlah kei chu ka ṭang... Mahse an chawlh chhunga vur supply tute ka lo nia haha... Volleyball-ah te, Football-ah te an tel a, a dang dangah pawh, a tel ho ber pawh Mer-thangi Chess-ah a tel... Beat Contest-ah ka che sawn alawm! Ni nga chhung kan sports dawn a, a ni nganaah result kan puang ṭhin... Ka Sahuainidova pawh basketball-ah leh badminton-ah a tel ve a, ka ṭhian tute emaw hnen aṭangin lemziah lamah pawh a lo tel tih ka hre leh... William-a inkhel leh Gidion-a inkhel a lo inrual chiah a, Basketball leh Football en kawp chu har ve det a ni... Gidiona te inkhel hmasa ka en a, William-a te Final an luh hlauh avang leh ka ṭhianten "Hman ni lawka i tawn a duh ve che nge pahw i hriat loh nge i ṭhian?" An ti hlauh tawh bawk sia, Gidion-a te Final en lovin William-a te ka en ta zawk a. Kan chhungkua chu kan au ring ṭha map map e! House hran vek ni mah ila, "Yellow House, William!!!" Tiin kan au suau suau. Red House nen an intum a, ka Red House puiten "Phatsantu!" Tiin min rawn au fiam vel a... Mahse kan ṭhianho inṭanzia chu tu pawhin an hria ang! William-a te chu Football Champion an ni ta hlauh a, Gidion-a te pawh an lo cham tih ka hre leh. Lunglawm a kim duh her her khawp mai!

Ni 4-na a ni a, banah chuan a tawp nan Kan zai chhin leh a. "Eee, aw, a ṭha mai e... Physical lam in chau em a nih kha!" Kut beng chung pah chuan hotupa chuan a ti a. Amah hi mi thil chik mi hi a nia, felfai thlap thlap leh famkim taka thil tih hi a duh ṭhin a, pa fing a ni bawk a, anin thiam min tih chuan kan thiam ve viau turah kan ngai... An inah kan Jam mai ṭhin avang hian an inah kan tal tam a, kan tlangnel viau tawh. Fanu naupang te te pahnih a nei a, pakhat chu Nautei rual deuh a nia, pakhat chu a la kal thei sawt sawt chauh... Gidion-a hi an ngaina thei khawpah, an duhawm thei lutuk a, vawi khat chu thla ka lak ruksak tawh. Chuan, kei pawn a Nautein zawk chu awm nuam ka ti tawp a, naute leh ran hi chu ka chak lohna an ni ve pakhat a!

A nausen zawk ka pawmlai chuan, U Kima khan, "Didi, Hlutei bulah khan ṭhu teh thla ka la dawn. Hriatrengah pawh a ṭha reng reng..." A tih chuan naute chiah chu ka en... Ka hawi chhuak ngam teuhlo. Ka bulah chuan a rawn ṭhu a! Dudua ka va en chu min lo nuih sang mai...

Ani pawh hian Awmawmi hi a bem deuh ni tur a ni, tunlai an indian nasa thei e mai... A chang chuan an insual deuh titih ṭhin hial. "A darah khan kuah rawh..." U Ben-a chuan zawi te hian a lo ti a... Gidion-a pawh chuan min rawn kuah ve mai bawk a! Ka chhungril chu a puak dawn ang mai te hian ka hria! An sawi ṭhin dan takah ka pum chhungah hian phengphehlep a thlawk chiam chiamin ka hria! Ka data a kuah chuan a lamah min pawt deuhva, "Min en reng lo khan cameraman khi nuih rawh!" A lo tih chuan amah ka en leh reng tawh tih ka hrechhuak chiah! U Kima lam ka hawi vat a, nuih dan ka theihnghilh vel! Dudua chuan, "Nui ṭha rawh Maki!" Hi a rawn tia, ka ner nung lai chu U Kima chuan a la a, bu nghauh nghauh pah hian," umm hei hi a ṭha a..." A tia kal daih a tum. "U Kim!!! Heyyy! Ka la inring hleinem! Lo la ṭha leh rawh!" Ka tih pah chuan ka insiam ṭha sauh sauh a, Gidion-an naute lu lam a lo vuan ve a, ka kut a vuan tel ve deuh... Tak takah a si ṭawk ṭawk... Ka nui ve ta sang a, lungawi tak hian naute chu Gidion-a nen kan chhaih nui vel...

U Kima bawk chuan, "Te, i hla viral kha..." A tih chuan, "Heyyy, a zahthlak sawi suh!" Ka lo ti vat. "Sawi loh chi nang, kha kha a zan tawpna te a ni sia, sa la..." A tih chuan midang pawn an lo pawmpui hle. Ngawi renga jam room ka pan takah chuan "Huaiii!" An lo ti a, kan lut tlang...

Ka hlim bawka, Ka thlang che- Lilac hla chu kan sa dawn ta... Ka nervous deuh tih Dudua'n a hmuh chuan Drums a lo roll nghal a, min chhan chiang hle...Nuam kan ti thlang bawka, Awmawmin part a lo la a, lam hawr hawr pah hian kan zai a. Guiter Solo lai pawh Gidion-an a hnehsawh khawp mai! A solo dawt chiaha ka solo part-ah chuan zawi muanga inhmatawnin Gidion-a ka bul hnaiah muang changin a rawn pen a, kan luh leh chiahah kan inkalsan rang hle...Ka lai ve det...Ka sak mawi chhan ber a awm tlats, ka aw pawh duh tawkin a chhuak..."~Run rempuia'n ih e, ka thlang che, ka thlang che~" ka tihlai chuan Gidion-a nen kan inmelh chiang lutuk! Ka lai chuan "oh oh" lai vel kha nui sang chungin mit ka chhing daih! A nalh a nalhhh!







Zanin kha chu mumang ang mai a ni! Ka awih theilo zawk! Dudua ka va be nghal chiam! "I ninawm! Kei leh Awmawmi te kha min lo hmu ve zawklo ami le?!" A rawn ti hrawk daih. Mahni di te nen ve ve kan lo buai a nih chu! "In ni tawh em?" Ka tih chuan, "Ni deuh reuh chu ni mai, min duh loh thu a sawi lova... Ka bem khan 'i thu thu a ni mai' a ti ringawt a. Ka hrethiamlo hmeichheho hi a, in hahthlak, hriatthiam in har..." A ti nghal hnuk hnuk... "Aww, i thu thu alawm chu! In ni tikhan! Mipa nih ve daih hi ka chak a nia, nang ai ka star hmasa daih zawk sia..." Ka tih chuan min rawn nuih sawh duh chauh... "Bem ve mai la..." Awlam hmel zeta a tih chuan va ben chawrh ka chak tak tak... "Hmeichhia ka nih hi! Bakah... Min duhlo ang... Nang pawn hmeichhiain bem ta che se i duh ami?" Ka tih chaun, "Duh e..." Tih zawngin min chhang..."Naktuk atan mut hma i ngaih kha, nang lo biak tur ka nei..." A tia a dah daih... Lalduhsanga hi chu aww!!!

Group Chat-ah chuan kan lawm thu te kan sawi mial mial hlawm a. Mer-thangi Chess-ah a chaka, pahnihna Red House... William-a te football an cham bawk a, Moni-a Badminton-ah an cham bawk a, Volleyball-ah leh High Jump-ah Dudua te an cham bawk a, Volleyball hmeichhiaah leh Football hmeichhia ah Sangtei te an cham bawk a, Goldi hi Volleyball-ah pahnihna an lo ni a. Lam intihsiaknaah, naktuk ami tur tho, Goldi a tel dawn bawk a. Lemchan lamah Ruhmawiha a tel dawn bawk a, tihluihna hmanga tel tur a ni awm e... Chutih rual chuan Vanlala telnaah Chamna an nei miahlo tih kan hre leh a, amah zawk chuan midang a la puh a la puh zui! Hahthlak hian...


Naktuk atan ka phur tawh khawp mai!




...........................................................................





Chapter-8






Gidiona:

"Ka nu, i hlim ṭhin maw? I awmnaah khan i hlim viau ka ring a ni. Ka pa pawh a zia ve leh tawh a... Gerome-a pawh a bialnu nen an inṭhen daih. Ka pi pawh a nula lutuk... Hei, Dede-a pawh ka bulah chil thlo far hlawp hlawpin a awm, haha... Nu, ka ngai che..." Tia ka lo phun malh malh lai chuan Gerome-a ka bulah a rawn lang hlawl... Inchungah ka awm daih a, a rawn chhoh peih pawh ka ring lova...

Pangpar tui pek a ngaih laia sang ka hlau ti ti kha, a lunglen meuh chuan a hlauh ber pawh a hlau tawhlo a nih hi, haha ... "Nau, zai ang!" Tih pahin ka Guiter a rawn keng a. "I rui ami???" Ka lo tih haww chuan zawi zet hian a li a lo thing... "Umm, eng nge sak i duh? Saw, ni a tla dawn..." Ka tih pah chuan ni tla ṭep chu ka kawk a. A mawi khawp mai. Thla la leh ang, tu emaw khan mawi a ti thei e mai... "Phuloh lengi kha!" A tih chuan ka perh ṭan a. "~Aw phuloh lengi i zun ngaih hi a na ngei mai~" ka ti dek dek a, "Niaaa!" A rawn ti vak.
"A naaa!" Ka tihlai te chuan, "Na tak a ni!" A rawn ti chhuih chhuih... Nui a tiza ang reng. Kan bengchheng dun khawp mai ani ang, khawmchhaknu pawn, "Dite, in va ri nasa laih laih ve..." A rawn ti vin hlur... "Pi Rorelthanng! Min lo hrethiaaam lawk teh! Ka heart hi a broken into keh nuai!" Tiin Gerome-an chung lama kut suih meuhin a lo chhang. Ava mawl tak!

"Nanga chu! I rui em ni? Naute bulah leh nghal!" A tih chuan, "eeee! Ka pi Relthangg! Ka nau hi chuuu, ih eee, ka duat alawm! A heart hi a broken into kek daaarh ka phal ve reng reng hleinem haha!" A tih chuan, "aww, bengchheng tawhlo Ula a ni mai, Gerome, i zaithiam loh lutuk vangin kan vawk tak ngial pawh a chaw ei a tui lo!" Pi Thangin a tih paha an inchhunga a luh chuan ka lo nui zeuh... "Mi nui elo!" Min en kar pah hian ka u pui chuan a la ti zui... "Eh, nuih lo eee nuih lo e... Tirawh chhuk ang..." Ka tih chuan, "A va han hmelchhe tak, amah vangin kan ar an tui theilo pahw tih mah zawk a. Ka zai vanga an vawk chaw ei tui lo te mai mai! Thui! Thui thui thui!" A tih neuh neuh pah chuan kan chhuk.





Zanah chuan Group-ah mu hma turin kan inchah sap sap a. Nihliap-dumi chuh a dak leh nasa tawh khawp mai! Sticker te hi a rilru ang mil tur chiah chiah hi a ngah khawp ah. Kan thlalak te chu ka en kual a, ka nui leh nghek zel. Hemite hi chu ka theihnghilh tahw lovang...







... ... ...






Hlutei:

Nizan chu mut 'Undying Souls'-hovin kan ngai pawimawh em a, ka mu hma a... Mu tui tak hi ka ni! Zing aṭang ka aw ka dik hle a, tui lum te in ka aw ka sawizawi bawk a. Ka pa chuan, "Mamteee, i huphurh eeem?" Tia min zawh chuan, "Pa, ka huphurh tawp! Huphurh let tawp tawp! Mahse ka phur tho... aaa, ka huphurh a ni tawp mai!" Ka tih chuan min lo nui sang a,.

"In inbuatsaih nasa a, in tiṭha lutuk ang!" Dam diaia a tih chuan ka thla a muang veng veng thei. Ka nu pawh chuan,"In thawh rim rah in hmu ang... In zir nasa bawk a, ṭawngṭaiin kan hlan bawk a. In zai hma te khan ṭawngṭai te kha theihnghilh lo ula aw!" A rawn ti ve malh malh a. Ka hlauthawng dawn tih an hre ve ve a, an theih tawpin muanga miin awmtir an tum ṭhin... Mama tak ngial pawn, "U, good luck!" Min nuih seih pah, lai chung deuh hian min rawn ti ve. "Au chu, a bialpa te nen an zai dawn ahh!" Nauvi hrep chuan a rawn ti chhuak! Ka chhungten rinhlelh hmel deuhva min en chuan Nautei ka va melh rum.

"Naute, bialpa ka nei ami???" Dam diai ino hmel deuhvin kan ti vel phawt, "Nu, Nauvi hian bialpa min neihtir hmiah a nia..." nui her her paha ka tih chuan za lo deuh hian ka nu chu a lo nui ve. Tichuan, rin ang ngei ngeiin an sermon an ṭan leh ta a... Lawmthu chu Nautei bulah awm rawh se! An sawi zawh hmain ka ṭhianten min rawn ko, ka tlan chhuak rang khawp mai! "Make up te, kah rimtui te, samkhuih teee, tui bottle te, I keng em? Khawmaw, ken loh te hi i lo nei reu reh em?" Tih malh malh paha Goldi'n ka bag a endiklai chuan ka ken vek thuin ka lo chhang. Ka lan ṭhat loh hi an hlau a ni ber... Kan la kal dawn chauh emaw tih laiin School kan thleng der! Ka huphurh khawp mai, Lalpa min pui ang che!







Kan House chu Gallery-ah kan ṭhu a, kan phur tawh hlawm khawp mai! Chawhma lamah zai intihsiak te, Lemchan leh neuh neuh tiin kan intihsiak hlawm a. Beat Contest chu Chawhnu lamah kan ti dawn... Goldi leh Ruhmawiha te stage-a an din meuh chuan kan mit an la fal hle... Ruhmawiha zei lutuk chuan mittui tla purin min nuihtir hlawm a! Goldi lam chu a chhelo khawp mai a, a ex kha chu a inchhir ve hlei hlui hian ka ring. Goldi bak baka zei hi maw, ka chhuang a nia ka ṭhiannu khu!

Chawlhlawklai chuan Band kha thil ei vat a lo zuk insawizawi lawk kan tum a. Kan ei tur kan eiho vel, chhungkua ang mai kan ni... Dudua leh U Ben-a inkarah ka ṭhu a, Dudua bulah Awmawmi... Ka hma zawnah Gidion-a a ṭhu ngei... Ka ṭhianten hria sela chu, awiii a ni mai!

Thil kan ei zawh chuan Chawhnu hun ṭan hmain darkar chanve dawn a la awm nia! Kan duh dan tein kan tichhin vel a, hotupahovin kan ṭawngṭai bawk a. Thla a timuang khawp mai!

House hrang hrang an din chhuah chuan an thiam hlawm si a, ka zam ang reng lutuk a... Ka kut suih zawm reng pahin ka kut ka seh ka seh a... Awii, engtin nge ni ang, zai sual palh ta ila? Tia ka inngaihtuah neuh neuh lai chuan, "Hlauthawng suh, i tiṭha dawn chiang sa a, mahse i tihṭhat leh ṭhat loh ai chuan maw, nuam ti deuh pah khan zai la, mipui rilru tur kha veng ṭhawng lo la!" Ka hnung lam aṭanga rawn ti malh malh tu chu Gidion-a a ni! Ka hailo reng reng. Ka lawm ru hle a, duhpa berin chutia a tih te chuan ka ti a, ka inringtawk raih raih khawp mai! Ka hawi let chuan a kut humin ka lamah a rawn dah a, kan in-stock zauh a... Ka inringtawk chu thu dang, nuam hi ka ti veng veng, ka phur sawt bawk! "Ka lawm e aw!" Ka tih pah chuan a mitah ka en chho reng a, min lo nuih sang.

"RED HOUSEEE I LO LAWM ANGGG!" Host-in a tih chuan kan va hot chhuak khawp mai! Kan hla thlan te chu mi nawlpuiin an sakpui theih tur a ni tlangpui a, ka hla thlan a nih hlawm vang pawh chuan ka chhuang hle!... A nuam hle ringawt mai a, Stage chu kan ta bik tur liau liaua siam ni awm tak a ni! Ka la sawi miah loh chu Gidion-an Solo part a nei a, tah chuan keiman part ka la, tihah, kan insak chhawk a ni mai...

Chutianglai vel te chuan mipui an lo au dul dul a! Kan che vel reng reng te chu khawilai Disney series emaw ni a ang rum rum... Zai pah te chuan kan innuih sang hlawm a, mipui pawhin thawm an nei ring ṭha khawp mai! Hotupa pawhin a camera nen chhuan hmel takin min rawn en ve hlawm a! Chu chuan min tipbur leh sawt bawk! Rilru ṭawngṭai reng chungin kan zo fel ve thei ta hram a. Tunah chuan results nghah chiah kan hmabak ta!

Vanneihthlak takin Red House Pakhatna kan ni! Kan hruaitute an taima bawk a, Pathianin mal a sawm hle a ni ka ti lo theilo! Beat Contest-ah kan chak bawk aww! Nuam tak a ni! Result puan zawhah a tawp khar nan kan zai leh a, concert teh nau kan nei a ni ringawt a. Khuanu Malsawmna tih te,Lunghlu tih te kan sa a, a nuam reuh khawp mai... U Ben-a hi rap a lo thiam khawp mai, chawpchilh takin rap part a rawn la thei zel a,a lo inthup thei khawp mai!

Kan zai pah chuan tun kar kal ta chhunga kan hun hman dan te ka ngaihtuah a, ka lung a leng lawk. A nuam khawp mai a, mang Rama cheng ang mai ka ni. Ka suangtuahna te an thleng dik ni mai hian ka hria! Ka duh ber hi han thleng leh mai sela... Band chak lawm nan Hotupan an ina chaw eiah min sawm a. Dudua bula ka kal dawn chuan Awmawmi a bike hnungah a lo ṭhu chiah a, hrilhhai zeta ka en veng veng lai chuan Awmawmi chuan, " Didi, kha, nau duati kha lo phur mai rawh aw!" A tih leh Gidion-an ka dara min rawn kuah pahin, "Tehrenggg!" A lo ti a.

Ka thluak ka process hman lo! Ka meng phawk leh kuau tawhin ka ring... "A pawi em?" Ka ti dek thei chauh a. Bike a chuan leh,"Lo ṭhu rawh le..." Tih a rual a. Ka awih lo lutuk chu ka ding mar chat ringawt. Ka harh chhuak zawk a, rang takin ka lawn. Ka zak bawk si a, a bike seat a te ve deuh e ti lo chuan kan inkar awl a zau reuh phian, ka tawlh hma ngam teuhlo!... "I ṭhu hnung lutuk, i tla ang e!" A tih leh ka bana min pawh a rual a, a hnung zangah ka bei chiang lutuk! Ka awm ṭha leh te te a, mahse a camis-ah ka pawt tawh...

Kan tlan pah chuan ni tla tur kan hmu thei! Ka suangtuahna a thleng dik mekin ka hria... Korean film chu ni se background music nalh tawwwk, romantic deuh a lo in-play ngei ang!
Ka lu-ah hi chuan Duhthusam- KHAI leh Sabina Sawmi te hla kha ka ngaihtuahnaah a awm... Kan inphurh lai chuan Goldi te ho kan tlan pel, ka hawi let chu Goldi a lo zuang leh hawr hawr tawh!

Hotupate inah chuan an ni hian eirawng a lo bawl vel mek a, Awmawmi nen kan va pui nghal. Mipaho chu Jam room-ah an lo va zai a, a ṭhenin naute an awm a, Gidion-a ngei a ni... A u zawk nen khan an lo inbe malh malh a, naute a kawm thiam hle mai. Ka en reng lai chuan min rawn melh! Min nuih sang a, ka hawi sawn rang hle...

Hotupa nupui chuan eirawng an bawl thiam mai mai khawpah! A tauh bawl te chu eee, French Kiss pawp pawp a ni mai! Smuahs! Ei thei min ti khawp a ni ang U Kima bawk chuan ka hnelchhiatlai thla chu a la duh khawp. Ka chhiatlai zawng zawng an hmu tawh thova ka tia engah vak mah ka ngai duhlova... Gidion-a pawhin min duh loh phah nan a hman dawn chuan ka tana ruat a ni lo tihna a ni mai ka ti... "He nu hi chu aww, Maki insum ve rawh! Min ti zak!" Uang tak pah hian Dudua'n a lo ti a, "Aw ei puk puk rawh se! A thawk rim bawk a!" Hotupan a lo ti a.

Kan hlim tlang hle a, Gidion-a nen kan ṭhu dun lova, mahse ka zawnah tak a ṭhu thung. Mipaho an lo va jam leh lai chuan hmun kan lo tifai a, hotupan "eh eh eh! Hmeichhia chauh tih tir loh tur aw! Rawn chhawk vek rawh u!" A tih chuan Awmawmi nen awmze nei deuhva inmelh chungin kan nui put put! Thleng sil ka chuh ve tlat a, rin aiin sil tur a tlem. "Ti nge nauvi hi amah chauhva in sil tir a?! Didi va pui rawh le!" U Kima bawk a ni. Gidion-a chu a rawn kal ve mai bawk a, "Ti nge nangmaha i sil kher a?!" Peih loh hmel deuh, uang chung hlein a rawn ti a. "Aww, i duh leh sil lo mai laaa, kei chu ka cho chhuah a nia!" Ka tih chuan, "Khawi ka lo tleuh ang..." A ti hmak a. Kan sil dun chhung chuan kan ṭawng mang lova... A hnuah, Facebook hla kha ka sa a, rap part a nih veleh Gidion-a a lo rap! Thleng sil pawh a nuam sawt a, kan zai dun har har a, ka khi nasa lutuk a ka biang a na vek! Hmelchheho kha ka hrilh chak tawh lutuk!!!

Kan sil zawh veleh Jam room-ah kan va kal ve nghal a. "Di, va zai ve thung rawh le! Ben, lo pui la!" A tih leh, ka pa'n a ti tih hla kha an Han sa ngei a, a nuam reuh phian! An van zai thiam reuh tak! A thunawn a sak lai te chuan ka Sahuainidova chu ngun zet hian ka lo en char char a, "I mit a tla ang e aww!" Hotupa meuhvin min rawn tih chuan, heee? Ka tilang viau em ni le??? Gidion-a chu ka en a, a hr etahw ang em le??? Aaa, tunah chuan a mood-ah cheng phawt ang...

Banah chuan Gidion-an min thlah leh a, a camis-ah bawk ka pawt leh vang tawh... Kuah ngam heklo, a bialnu pawh ka ni lova... Zan a nuh tawh avangin a vawt ve ser ser... Kan in lamah min hawnpui mai dawn emaw ka ti a, "Kual zuai ang!" A tih ri chu ka hre phak ṭawk ṭawk... Kei mi rilru hah hma chu chuan, "Min kidnap dâwn ami? HEYY! Khaw nge kan kal dâwn???!" Ka ti thil a. "Heh, i hlau ami?" A rawn tih chuan ka ngei khawp mai! A bek chu ka melh rum rut ringawt! Eng dang ai chuan ka haw tlai chuan ka chhungten min lo hau ang tih ka hlau...

Tlangah hian min hruai a, Aizawl khawpui eng mawi tak chu a hmuh theih a, thla a eng hle bawk. Mahse ka hlau ru riau a, a chhan chu a thim em vang a ni... "Chhuk rawh le..." A tih chuan ka chhuk ve mai a, a bag hmalama a ah aṭang chuan Ukulele hi a rawn la chhuak hlawl a. "Kha kha i lo ak char char tawh ami?" Ka tih chuan a nui huk duh chauh. Khua thlir theihna lam chu kan pan zel a, ṭhutna a lo awm a, a rawmawl chuan a hei fai sauh suah a, a ṭhut chuan ka va ṭhu ve a.

Bo deuh chunga, "Eng nge kan tih dawn tian?" Ka tih chuan a a ukulele chu perh tum zet hian a pawm a. "Someone You Like- The girl and the dreamcatcher hla kha i hria em?" A rawn ti huk a, ka hriat thuin ka lo chhang. "Mahse ka thiam chianglo..." Ka ti a. "A lyrics lo zawng rawh, hmeichhe part kha i sa dawn nia" a tih pah chuan ka phone ka la chhuak nghal a. Kan awmnaah hian signal a chhe ang reng a... Ka hmuh chuan ka screenshot nghal a, "Gallery aṭang hian ka en dawn..." Ka tih pah chuan a lo bu nghuk a, a sa ṭan der.

~I saw you
With that ribbon in your hair
Think that I began to stare
Maybe I'll love you for a while

A tih pah chuan min rawn en! Ka pum chhungah phengphehlep an thlawk chuai chuai mai!
~ A stranger at a table in a place
And a really pretty face
I wonder what happens when you s smile
I might never be your hero
Never been one to fight
That don't mean that I can't be your Valentine
A tih leh chuan lai deuh si mak ti deuh chungin ka en char char, min nui deuh saih pahin a sa a.
~ I won't be your savior either
Couldn't even if I tried
But I think I could be someone you like
Someone you like...
A tih chuan phawk tawwk hian ka en. Ka phone mitmei zauh pah chuan zai ve turin min ti...
~ Reading in a coffe shop we share
Hiding shy behind my hair
Watching our movie in my mind
I promise
Promise not to fly alway
Make a story of today
Come on, give me a try
I might never stop your sorrow
Fix you up good as new
But that don't mean that I can't hold your hand in mine
I might never say I'm sorry
Even if I done you wrong
But I think I could be someone you like
Ka tih chuan a la perh zel a... Kan innuih seih a... Lai hmel deuh ki ka duet dun ta a.
A tawp a, "~Someone you like~"
dawtah chuan min en char char a.

"Hlute... Ka duh che..." A tih chuan ka meng phawk leh haaa tawh... Eng a? What the! What in the world?!!! "E-eh-heh! Lawkin!" Tih pah chuan ka kutin ka va nem. "Heyyy, tak tak a ni em? Ka mumang a ni lo tiraw??" Tih pah chuan leiah chuan ka let leh tawp tawp tawh... Min lo en reng tih ka hriat chuan a hmai ka kut pahnihin ka va dawm a, "A tak i ni tiraww? A lem a ni lo maw?!" Ka tih chuan a lo bu nghauh nghauh! Awi Ka Lalpa! Ka awih theilo! "Lalpa-ka-ṭawngṭai-min-chhansaka-ka-lawm-e!" Rilruin ka ti char char... "Chuan..." A tih chuan ka phu zawk... Helai scene hi ka huphurh hle... "Hlute, mumang a ni lo. Ka ti tak tak a. Mahse i ngaihdan ka hre duh..."

A tih chuan ka harh ta a... Lawkin, KA MUMANG MAWW?!! Awiii! Ka ui lutuk!!!! Ka nu'n min lo kaitho a ... "Nu vawiin eng ni nge?!!" Ka tih chuan "Inrinni..." Chu a ti ve mai bawk sia... A dik tho... Tichuan ka hrechhuak zuk, a rawn lang uar uar mai... Nizana ka thil tawn thonka mang phan a ni, mahse fake scenarios nen a inpawlh... Gidion-a khan min thlah ngei aaa, hmun dangah pawh kan peng kawi... A unaupa ni awm tak chu ka ko va, a unau pa pawh chuan bike-in min rawn zui kha a nia... In ka thlen chuan an lo mu vek tawh a. Heiham...

"Nuu, mumang duhthusam ka lo mang mek asinn..." Meng chek chek paha ka tih chuan, "Mumang a tam pauh leh thu lawilo a tam tih a nih kha!" A lo ti hmak... Heiham... Ni e, a dik ang. Ka suangtuahna ramah hian ka cheng leh mah mah ṭhin...

Goldi ka ka call nghal a, call lai mek mekin ka pindanah a rawn lut nghal! "A mak, zing zing aṭang I va hman veee!" Ka lo hrawk . "Aww nimin lam te ka hre chak tahw lutuk a, nangmah vangin ka tho hma... E chuan maw, tunlai P.Faye a piang thar a... Dudua'n bialnu a nei ami?" A tih chuan Awmawmi ka hrechhuak nghal. "Aw... Nei a ni mai... " ka tih chuan, "kha khaa, P.Faye-in a lo hre ve a, Dudua a duh loh theih theih nen!
A thik ve a mawm... Mahse a piang thar daih... A fel tawh rapthlak... Mahse min rawn tlawn nasa tawp a mawm... Awmawmi a rawn sawisel reng bawk a, mahse i hnen aṭang Awmawmi chungchang kha chu ka hriat tawh vang khan ka awih sak duh vak lova..." A tih chuan, "A van mak reuh... A peih mai mai a nih chu, ho e mai... Dudua vangin a be ṭha mai mai che a nih chu..." Ka lo tihsan hmak a. A tawp kan thlenpui vat loh chuan nileng pawhin sawi tur a hre mai ang...

"Aw... Ni chiah e ... A nih, ti nge tunah khan min rawn call le?!" Ka khuma rawn ṭhut sawt awk pahin a ti a. Kei ka tho ve thung a, ka sam khuihlai leh hmai phihlai, ka zunlai thlengin ka thil sawi ngaithla pah chuan min zui vek a... Engkim tak tak ka hrilh vek. Ka mumang ka sawi zawh chiah phei chuan, "Awiii, a va han pawiiiii!" Lu dawm vawng vanwg pah hian a ti vawng vawng... "Ka ui lutttttttttuk!!! Awi bawihteee leh... Mahse mahse mumang mai mai alawm! Tiraw.. heiham... Huiham... Trust the process an tih kha... Trust. The. Process!!!" A tih pah chuan ka nuih a tiza ru hle. "Vawiin chu William-a te in kan tih kha aw..." A tih chuan ka bo hle... "Eng chu maw...?" Ka ti he. "Lenho maw le..." A tih chuan ka theihnghilh chiang lutuk! Band vang khan Dudua nen thla khat dawn chu kan ṭhianho zingah kan tal tam vak lova, lenho loh pawh ngaiah ka nei hman lek lek alawm le.

Ka inthiamlo ru ang reng... "E-e-eee, aww... Awle... Min lo sawm ula..." Ka tih chuan a lo bu nghuk... "A nih Sangtei te kha engtin nge ni ta?" Ka tih chuan bo hmel taka min en hnuah a hrechhuak leh zawk ni tur a ni. "Mawihthanga nen khan maww? Aw aw ka hrechhuak! An ni..." A tih chuan mak pawh ka ti vaklo... A hma aṭang khan an inhnim hnai deuh khan ka hre reng a. "Oho ho hooo! Awi leh! Ka duh thei eee. A nuam reuh eee, mahse kan ṭhiante an nih vang hian a mak!" Ka tih pah chuan kan ri leh chûl tawh. "Awiii, chu chu lawmm... I buai thei lutuk a, kan sawi hman ṭhin lova... A awkward lai vel i hmu ve hman lova, ka uipui khawp mai che!" A ti leh nghal char char a. "Sangtei thlem a har har nen, engtin nge maw kan Ruhmawiha mawlh chuan a tih le?!" Nui her her paha ka tih chuan, "Nia tiraw..." A tih leh te te a. "Ih englo, ka hrelo... Khuanu ruat ang kha ni deuh tawp maiin ka hria... Bem pawh am inbem pawn ka hrelo... Hman nia ka rawn sawi kha chuan ka chiang ngam bik lova... Mahse Ruhmawiha ka dawp chhuak a. Hehe, an induh hmel khawpsss!" A ti ta. Thil hi a hre khawp a, a thluak hi a muang ve deuh e tih mai loh hi chu...

"Vawiin chu Spicy ka rawn thawh ang..." Ka tih leh Goldi'n min kuah thluk pawp a rual a, "Yesss! Tak Tak aww!" A tihlai chuan Mama a lo lut. "Sus... Ch ch ch... Sus!" A tia a chhuak daih... Ngaih loh lamah a ngai chiang lutuk... Huiham... "Khawmaw tho teh Maki! Phur hluai zel suh i ei ngun em kha!" Ka tih chuan, "Awle... Bye phots..." A tih leh chhuah a rual nghal! Ei tur kan sawi a a duh tawk der... Lawmawm ṭhin e.

Chhunah chuan len ka duh avangin ka theih anga rangin in ka tifai a. Ka insiamlai mek chuan ka ṭhiante an rawn thleng. "Mamte, khawi lamah nge?" Ka pa'n a lo ti a, kan ṭhianho hi chu, engti angin len phal loh mah se petek chhuah dan kan hriat leh zel tho avangin a phal lo duh hran tawh lova, mahse fimkhur turin min chah mawlh mawlh ṭhin.

"William-a te inah... Bye aw u!" Ka tih chuan, "Bye" tih tawh hnu minute nga hnu velah bak ka chhuak ngai lo, "Mamte, fimkhur la! Miin an duh duha an khaiwh theih turin awm lo la-" a tih lai chuan a sawi ai ka lo sawi ve, "Chuan tlai dar 4 hmain rawn haw la, buaina siam lo turin insum thei la, i phone silent lo la..." Ka tih leh ka nu'n choka lam aṭanga min rawn hlap a tum ka lo dang. Ka tlan chhuak nghal a. Ka nu pawh a thinrim tak tak lova, kan nui leh dar dar hlawm a...

William-a te hi an nei nung ve ang reng a, an in pawh a nuam khawp. Tichuan dawrah te kan kal leh hrih a, kan han inzui ṭham ṭham hi chuan mi awm ṭha duh vaklo inzui vel te pawh kan ang a. Mahse, ih, kan ni deuh tho...

T.V lianpui hi an nei a, tah chuan Ramhuai Film en pahin thil kan ei a, an Sitting room chu Movie theatre ang mai a ni. Puan sin dul chungin a ṭhen chhuatah te kan ṭhu a. Sangtei leh Ruhmawiha te pawh Kan chhaih deuh reng a, Dudua lah phone a khawih malh malh reng. Anmahni en deuh vang vang pah hian, "Anni dinhmuna ka din ve lai te kha!" A ti deuh malh malh a. Moni-a chuan, "Ngawi mai mai la khi khi en rawhhh!" A lo ti hrawk... Chhuatah chuan William-a leh Mer-thangi te inkarah ka ṭhu a, ka hlauh deuh apiangin an kut ka hmai zawnah ka dah zel a, Thangi chuan a ti hlei thei lova, "Khawimaww, mak... " tih pah hian a kut chu a la sawn hmak a. William-a erawh ka tih dan danin a awm hlauh! Mi hlau ve te... "Ka va suah belh lawk...", Ka tih leh, "Min lo suah kep; tui bottle kha lo la nghal; khawmaw kal sawn vat teh!" Tih a rual a... Ka la en ve duh tho avangin fridge a tui bottle pahnih chu lain, eitur chu a bel chawpin ka va keng phei hmiah... Chumi hnuah thla te kan han la leh hrih ṭhin a, The Sangmawih couple thla lak dun tir loh kan hlau tlang hle... An hleitling dun a, hmuh an nuam khawp mai! Inhmeh tak hi an ni ringawt!

"Will, kawrawh la ve ang!" Ka tih chuan ka kaihna lam lamah a rawn kal ve mai, ani hi chu uite fel deuh ang mai hi a nia, kan Golden Retriever ve a ni a. Sun Kiss-in a awm sia, a nalh reuh lutuk!






... ... ...






Gidion-a:

Gerome-a pindana ka lut chu, Suihlung leng ve ang maw- Vulmawi hla hi a lo play a, thiam lo zet hian a rakpui a rakpui a. "I va zai thiam ve..." Ka tih chuan zu rim a Nam deuh emaw ni. "Mawla, zu i in ami?" Ka tih chuan, "Nauuu, i u hian mawww, zu ka in lo. Ka in lo reng reng... Suuihhlung-lengg-ve-ang-maaa!" A ti phung...

"U, i rui a nih hi! Hetiang chuan a ṭha lovang... " ka tih chuan, "Naupang, eng nge maw i hriatthiam ve le? I-i-i, i hrethiam ve hauh lavanggg! Thinlung hliam natzia hi maa, i hre-hrethiam lo ang!" A tih chuan rilru a tihah ang reng... Chutah, "U, bialnu thar i duh em??" Ka tih chuan, "Mawinaa, tun ṭum ami hi chu maaa, tiaaang mai mai khan a theih loh ahaaaaaa!" Tiin a ṭal ringawt! "NEPA-A, i ṭap ami!!!?" Ka tih chuan a a ṭah au chiam ringawt!

Ṭah a bân hnu thlengin a bulah ka awm a. Tih tur dang nei vak heklo..."Nau, chhuk ang..." A tia sitting room lam kan pan a...
Gerome-a chuan min lo en vung vunga. Hotupate ina kan thlalak vel kha ka en mek...

"Mawla, i lai ami?! Ehe! I lai Chiang lutuk!" A tih pah chuan ka phone chu ka hmet thim nghal a."Ka hre vek aw! Hlutei tiraww?!" A rawn ti hlawl... "Min chhang ve la... Ka hre vek alawm." Hria inti taka a chhin vel ser ser lai chuan a lukhum lo khum chu a hmai zawnah ka dah thlaksak hmak a. "Vawiinah ka hmu a, a ṭhiante ni awm tak nen Kawnah an kual an kual a, a bialpa awm tak a bulah a kal ve reng bawk a," a tih chuan, "Dudua a nih dawn chu..." Ka lo ti a... "Dudua a ni lo..." A tih chuan, "Dudua i hre ve ngawt ami?!" Hamhaih fe hian ka ti a.

"Hriat ve loh ten... Bawiha te ho nen ka thurualpui ber te alawm an nih... Mitmeng mawi taka ka awmpui ṭhin te maw le...!" A tih chuan Dudua'n chutiang a lo ti ang tih ka beisei miahlo... A hmelah chuan a tih duh hmel ve tho na chungin... "Aaa, Hlutein bialpa a nei lo!" Ka tih chuan, "I thik a nih khaaa!" Min lo ti vat... Vervek deuhvin min la melh nuih zui...

"Bawiha, eng nge ni? In va hlim hmel ve a" ka pi'n a rawn tih chuan, "Englo a nia maw pi..." Kut suih meuhva min rawn en chunga Gerome-an a tih chuan, kan lo en ringawt a. "Ka pi duhtak!" Ti te tein, "I tupa, i duat em em hian maww!" A tih chuan ka melh reng chauh... "Aw eng nge ni?" Ka pi'n a tih chuan, "hei pui hian mo a pe dawn cheee!" A lo tih chuan kan ṭe leh chel chul tawh. Hlim taka kan lo nuih ver ver lai chuan ka pa a lo haw. A rui leh tawh a nih hmel. Inhauh vel ka peihloh avangin ka chhohsan daih a. "Mama, didi... Ti nge mi-mi-min chhohsan daih aaa??? I pa hi min ngai velo ami???" Ka pindana rawn luh pai chhek chhek paha a tih chuan ka chhang lo. Chhan tlak ni heklo. A ruih ṭhin avangin ka lungawilo tih a hria...
Kan inhau leh dawn tih Gerome-an a hriat avangin ka pa chu a pindanah, ka pa duhlo chung a hruai a. An pai dun chhah chhah mai...Ka pa khan min titi pui a duh tih ka hria, mahse rui lo se ka duh... A ruih chuan kan hun kal tawh ka hrechhuak a, ka insum zo lovang tih ka hlau a ni...

Ka khumah bawk chuan ka bawk a, Dede-a hi khaw nge maw ni?
Ka tho huai a, Dede-a ka zawng nghal. Inah a awmlo! "Pi, khaw nge Dede-a?" Ka tih chuan a lo bo khawp mai... Gerome-a ka zawt a, a lo hre teuh bik si lo! A leng chhuak leh tawh chiang lutuk! A thim vek tawh awm si a! Ka ngaihtuah em avangin ka va tlan chhuak nghal a, ka zawn vak vak hnu pawhin ka hmu mai lo. Mahse, Dede-a kha, a bo thei lovang! A bo tur a nilo!

A tlai deuh tawh avangin khawlaiah pawh thawm a awm mang tawh lo va... Ka sana ka en chuan dar 10:30pm a lo pel deuh tawh a... Pangai takin thil ka ngaihtuah thei tawhlo! Dede-a! A bo thei lovang! Ka zawn pah chuan ka tetlaia ka thil tawn kha ka hrechhuak a... Ka ṭah kerh kerh laia ka nu'n Dede-a a rawn hruai luhlai kha ka mit thlaah a lo lang!

Ka mittui a tling pur tawh. Khaw nge! Mipa ka ni alawm le! Ka khaw hmuh pawh a vai ruai tawh... Chuan ka awmna bul lawk aṭang chuan Dede-a ka hmu! Hmeichhiain duat hmel takin a lo chul mek a ni! Tu pawh ni se lawmthu bang lova ka hrilh a ngai ang! Huh?!! Hlutei...

"Gidion!" Ban vai lauh lauh paha min rawn tih chuan Dede-a ka bulah a rawn tlan nghal a!


Show post links
Top

[Ngaia]

High School Crush






By: Lszi Zadeng







Chapter 9





Hlutei:

Goldi nen kan inbe rei lutuk a, ka mu lawk thei lova... Kan awmna hluia ka ṭhiante nen kan inbe bawk a, a nuam reuh lutuk! Zanin chu ngati nge maw ni, ka thaw a hah lek lek a, chhuah vah ka ngai a nih hi ka ti a. Ka khum bul tukverh aṭang chuan ka chhuak a, ko pang aṭang chuan ka lawn thla a, ka tih lohna a rei ve deuh tawh a, kawngkapui chu hawngin a ri bengchheng thei lutuk a, ka nu beng a var si... Thim ka hlau ka tih tawh kha... Mahse a chang hi chuan nuam ka ti ṭhin, tun ang hun angah te hian... Zan thli chu a thaw herh herh a, earphone nen hla ka ngaithla bawk.


Nu Faki dawr zawn vel thleng ka va tei ka va tei a, mi ṭhen khât pawh an lo la eng a, eng chu an tam vak tawhlo... Kan veng hi a lun vak lova, chu vang chuan a him ka ring ve hmiah... Thim zing aṭang hian thil mak deuh hi a rawn vak chhuak a! Ka kal sawn ngam tawhlo! Ka hlau tlat pek!

Mahse a lo kal hnai zel a. "Aahh, ui ka hmu!" Tiin keimah leh keimah ka inbia a.Min lo hmu ve ni ngei tur a ni... Tlem Chuan ka hlau ve det... Ka lam a rawn pan a, a mei a vai a vai takah chuan a hlauhawm loh tih ka hre thei a. Ka bulah chuan a rawn kal ve zel a, street light pakhat chauh eng ka bul hnaiah hian a awm avangin ka hlau ve det... Mahse hla ka ngaithla a, ui hi ka bulah a awm bawka, mak deuh hian ka thla a muang... "Ui tee, ah, ui pui i ni tawh ang... Ui pa zawk ami le,?" Ka tih chuan a lo bauh zauh... "Umm, a pa ngei i ni! Pa em em pa a i ni!" Tih pah chuan ka chul ka chul a, an enkawl ṭha a ni ang, a hmul pawh a nem khawp mai.

Mahse enkawl ṭha si, ti nge khawlaiah tun angah an kalsan mai mai le? "Nge, nang uite hi i lo sual lutuk zawk! I pu thu awih lovin I chhuak a ni maww?!!" Ka tih chuan a lo bauh zauh... A fing viau mai he ui hi... Ka la ipik em avangin ui nen chuan kan la titi leh hrih a... Titi tihah, mi hi a hrethiam ve vek ang mai hian ka hria a, ka be ve lawp lawp a. Fel deuh hian min ngaithla kar.

Chutah, "Dede!" Tih ri hi ka hria a. Mi pakhat hi a kal kual a kal kual a, kan awmna bul deuh a thlen chuan min rawn en run run a, ka hlau ang reng... Mahse ka en chiang a, Gidion-a maw??!... "Gidion!!" Ka tia ka au mawl ve ringawt... Ka bula ui chuan aw lo chhuahna lam chu a pan vat a, Gidion-a ta emaw ni??? Ui nen chuan an rawn phei a, ka dang leh heuu tawh!!!

Min rawn en reng pah hian ui chu a tuai a tuai a, ui chu a bia ni awm tak a ni. A dam ṭhat leh ṭhat loh te a ensakin ka hria. Chumi hnu chuan kan lamah an rawn phei a, Gidion-a kekawr bul nen ka vawi khat hmuhna.
"Hlute, ka lawm lutuk e aw!" A tih pah chuan ka bul a rawn thleng der. "Ngati maw?" Bo feah ka tih hnu chuan, "hei, Dede-a hi, ka zawng nasa lutuk a... A bo hlen ka hlau eeem a ni!" Thawk la heuh heuh pah hian a ti a. A tlan nasa deuh a nih hmel.

"Dede-a maw?" Ka tih chuan a lo bu nghauh chauh. "Dede! I pu chu kan veng thleng thleng i rawn tibuai a ni maw?! Tih tawh niah loh tur aw!" Ka tih chuan a lo bauh leh. "Heh, a pawilo daih zawk..." Gidion-an a tih pah chuan min rawn melh. "A reng reng thuah, tun ang zan tlaiah hetah eng nge i tih a?" Min en he ha woah chuan a ti a... "I hlau lo ami?" A ti leh nghal zat. " Hlau ve tho e... Ka mu thei lova... A mak lutuk, min mawlh tlattu hi a awm a... Ka tei chhuah loh chuan ka awm thiam lo a..." Ka tih chuan ngun zet hian min lo en. "I chhuak ru ta a?" A tih leh chuan lai deuh chung hian ka ner nawng! Ka ipik deuh kha a reh daih tih ka hrechhuak leh a! Sahuainidova, ka damdawi mum Liana a awm miauva!

Ka ṭhut rengna ngaia ṭhu leh pah chuan, "Dede-a hi, ka tei mai mai lai nen kan intawng aa, a fel ka ti tawp a..." Ka tih chuan ka bulah a rawn ṭhu ve mai. "Nia, a fel alawm ka Nauva hi chu!" A tih pah chuan Dede-a chuan min rawn hnim min rawn hnim a. "Ka tetlaiin..." A tih pah chuan min rawn en zauhva," aa, ngai lehlo..." A tih pah chuan a hawi sawn diah.

"Hmm? Eng nge i tetlaiin? Beng I tivir!" Ka tih pawh chuan a sawi duh mai lova... Ka luhlul ka chhuah a, a sawi ta. "Ih... Ka tetlai chuan kan hausa vak ngai lova maw, tunah kan nei e ka tihna lam ni lovin... Chuan ka pa hian zu a in ṭhin a, ka pa zu in vangin ka ṭhianten min kawm duh lova... Ka nu a hrisel lo bawk si a. A thih hmaa a la hrisel deuh laiin Dede-a hi ka bulah a rawn pawm a, 'Hei hi mihring ṭhianṭha ber a nih hi' a tih chu ka bengah a cham reng... December thlaa kan lak a nih avangin Dede-a kan tia..." A tih chuan, "December-a tihna a ni maw??? Heyyy, December! I hmingpum ka hre tawh a nia aw!" Ka tih pah chuan ngui hmel deuh hian a lo ngiu kek kek a.

Ka hriatchhuah chuan Gidion-a nen kan inṭhut hnaih tawh hle! "Eng nge i ngaihthlak a kha?" A tih chuan ka earphone lehlam chu a bengah ka va dahsak a. Nang ngei i ni-Guru Gee kha ka ngaihthlak fuh lai tak a nia.Ngaihthlak pahin kan bu rual vel...
Chuan kan zaipui vel a. "~I was so happiii~" Gidion-an a tih pah chuan kan innuih seih. Kan hlim dun khawp mai! Kan sak paha kan nuih dun her her lai chuan kan mit a intawng chiang hle! Kan inmelh ṭek chhuai mai!

Chuan... A mit a la sawn duh bik lova, kei chu lak sawn nachang ka hre lo tawp! Street Light hnuaia hian a hmelṭha sawt emaw tih mai tur a ni! Ka thlang che- Lilac bawk kha a ni rawn ri. Ui a lo bauh chuan kan hawi lohna lamah ve ve kan hawi chiang hle! Zahzelah van chu ka thlir leh a, van mawina chuan ka mit a la leh tawh khawp mai! Ka melhna lam chu Gidion-a pawhin a lo en ve a... Arsi chanchin ka rin aiin a lo hre phian a!

" Khi khilai arsi eng deuh khi i hmu em?" A tih chuan a kawhna zawn ka en vat a. "Sirus a nih khi... Brightest star..." A ti malh malh a, "Dog star an ti bawk..." A tih chuan, "An van ko mak reuh..." Ka lo ti ve leh he haw... "Si ruk khi i hria em?" A tih chuan, "Hre ve e khi chu hehe..." Ka ti ti puat... "Siruk khi hmanlai chuan lên rei hun leh mut hun teh Nan an hmang ṭhin... Vanlaizawl a thlen hian mut hunah an ngai ṭhin..." Van en hauh hauh pah chuan a ti a... "I van hre em em? Science la awm tak i ni..." A tih chuan, "Astronomy lam hi ka tui ve a..." A ti huk... Chuan Kan titi chhunzawm zel a... Dam diai hian zawhna mawl mang tak tak ka zawh pawhin min lo chhang zel a.



Zan reh takah chuan ka duh em em pa nen arsi kan thlir dun a, ka hlim veng veng mai a ni! Mahse, ka duh tih a hrelo lai vel tak hi... A vawt telh telh a, mahse nuam ka ti telh telh a. Kan hla ngaihthlak te chu a fuh thei em em leh nghal! Tunah chuan Tawnmang Lasi tih hla hi a in-play a...
Nuam ka ti takzet! Chuan ka bulah a rawn ṭhu hnai a, insi chetin kan ṭhu tawh... Ka darah min rawn nghen chuan ka phu zawk! "Hmm?" Tih pah hian ka en a, a mit a lo chhing dar dar tawh.

"Ka lo kham lawk che, a pawi em?" A tih chuan a pawi loh thuin ka lo chhang. A sang ve hle si a, a kun dûr ang hian ka hria... A sam rimtui chiai te chu ka hnar hian a hriat hnaih hauh lo. A thawk paha a taksa che ri riai te chuan chhungrilah min tihlim veng veng mai a ni. Chutah, 456 Days hla kha a lo in-play. Gidion-a chu muangchangin a tho a, min rawn en veng veng chuan ka hamhaih lutuk a ka tho daih! Ka din lawih takah chuan ka banah a lo man chat a, ka earphone lehlam kha a beng aṭang a lo tla tawh a. Ka bana vuan reng pahin a rawn ding a, min en reng chungin earphone chu a vuah a. Thawk leh khatah a bul hnaiah min pawt thut!

A awm leh ka awm chu a insi riai tawh... Ka hamhaih lutuk nen chuan chet nachang pawh ka hre tawhlo! Ka mit leh a mit chu an intawng chiang hle a, a mit meng mawi tak te chuan sawi eng emaw an nei a ni... Chutah ka biang a rawn dawm a, a rawn kun hnai a. Chutah ka harh chhuak zawk! "A tlai tawh... Ha wka ngai..." Ka ti a, ka kal nal nal. Chutah ka bulah a rawn kal ve nghal a, "Ka lo thlah ang che..." Zawi muang te hian a tih chuan kan pen chhaih chhaih mai... Nu Faki dawr leh kan in inkar te chu a tawi ta hle hian ka hria!

Chutah ka ngaihtuahna ramah ka lo cheng leh veng veng tawh. Ti nge haw ka ngai ka tih??! Min duh ve ami le??? Mahse min fiam mai mai pawh a ni thei... Naaa, ti nge ti nge Lalrohlu!!! Tia ka inngaihtuah vel paha ka men ka men chu Gidion-an kut meuh hian min rawn en a, a nui leh huk ṭhin a. Kar lovah kan in kan thleng der! Ko pang lam ka pan chuan, "Eh, kawngka puiah luh an phal na nge???" Nuihzat hmel zeta Gidion-an a tih chuan, "eh, phal e... Mahse zanah hi chuan, chêt ninja a ngai a..." Nui sang chunga ka tih chuan, "Aw a nih... Ka lo en ang che." A tih chuan, a van ngailo tak... Ka posi a ṭhing dawn si... Ka kekawr maang te kha a pawp em?!!! Ka pindan ka thlen thleng min lo la en char char a, kawngpui hawi theihna lam ka tukverha ka dah chuan Dede-a nen hian an rawn hawi chho va a, chung lama ban vai meuhvin ka zuk bye a, ban rawn vai letin Dede-a nen chuan an in lamah an tlan...








Zanina ka thil tawn chu ka ngaihtuah let a, ka bo ang reng... Harh reng chungin kan inchung chu ka thlir char char ringawt...

Chawlhni a nih avangin zing aṭang ka sawi chak tak pawh Goldi bulah ka sawi vat thei lova ... Ka pa hian Chawlhni zing chu phone khawih lovin ṭhut khawmna pindan lamah awm khawm tur a ti ṭhin a. T.V ah Pathian hla kan en loh leh Khristian film kan en ṭhin...

Kan ṭhianho hi Senior department-ah kan awm khawm a, a rem veleh ka ṭhiante ka hrilh nghal char char! Ka rin ang ngei ngeiin an insum theilo leh pek a, zirtirtute mitmei veng reng chungin ka hau ka hau... Ban veleh chuan kan rak nghal chel chul a. "Awiii hnapi! A duh che a nih chuuuu!" Goldi'n a tih chuan thawm dim turin Mer-thangi'n a lo khap nghal. A phur lutuk hian insum nachang a hre ngai lova... Buaithlak ṭhin khawp. Kan in lam kan pan pah chuan kan sawiho leh a, hnung lamah ngawi rengin Moni-a, Vanapa leh an mipa tu tu emaw an lo kal ve...

"Ka â eee!" Ner nung chunga ka tih chuan ka lu zawnah kut a rawn thlawk fua fua mai! "Chu chiah chu chiah! I chhaw deh duh lutuk aaa!" An lo ti nghal sap sap. "I mawl veh vuah vang vekin i first-" Goldi bawkin a tih chuan a hmui kan lo hup rang hle...






Kan inah chhun thingpui kan in a, Chawhnu inkhawm Turin kan inring leh vah tawh. Ka nu te an awm ve avangin nizan thil kha chu inah kan sawi lang lova, kan inmitmei hlawm dan erawhin thil tam tak kan sawi.

"A leh pekah chuan maaa bawihte, lo inpe tawp tawh rawh!!! Mahse inpe tih khan fimkhur chin kha chu hriat tur a nia... Hrethiam em?? I hrethiam tirawww?!" Sangtei'n a tih chuan, "Kha mimawlo khan a hre dawn em maw chuu..." Mer-thangi'n a lo ti... A dik reng, ka â chhel chhup lutuk a... Ka hahthlak... K-dramas deuhvin ka che thiamlo... "Huiham, ka rawn smuah leh dawn che chuan kal sawn daih tawhlo ka a ni maiii!" Sangtei'n a lo ti ve, Goldi a lo bu ngauh ngauh...

"Naktukah nihliap pai ngei ngei rawh aw, midang pawh khan pai ang che u..." A phone en pah chuan Mer-thangi'n a ti a. "Ngati maw?" Goldi'n a tih chuan Sangtei'n," Ruah a sur dawn tihna a ni mai alawm..." A lo ti a. "Umm a dik ... Chuan, Lalrohlui nihliap tuman kan inzawntir tur a ni lo!" A tih chuan, "eeeee..." Kan lo ti rual. Hrethiam awm tak hian kan innuih leh sar sar hlawm a. "Mahse bike a pai ṭhin alawm..." Ka tih chuan, nizan khan a bike a siamtir thu a sawi kha ka hrechhuak leh thut... "A siamtir khaa... Tiraw Hlups... I ti em kha???" Goldi'n a tih chuan ka lo bu zat zat. "Nih te chuan, buaina khaw nge?" Nui sanga Sangtei'n a tih pah chuan biak in lam kan pan hah hah.







Mer-thangi'n a sawi ang ngei ngeiin ruah chu a sur chiang hle... Mahse break lai vela khua a ṭhat deuh chuan ka ngui viau ang reng...

Lunch Break-ah chuan Library-ah ka kal leh a, tunlai chu lehkhabu vang ngawih ngawih pawn ka kal lova, mawm... Library kawtah chuan Undying Souls ho kha an lo awm khawm a, Dudua pawh a lo ṭhu zan leh hman tawh! "Euu, ka tel lovin in lo awm khawm a ni maww? Fair lo veee..." Ka tih chuan an nui huk ringawt. Gidion-a pawh a lo nui mawi leh hle tawh. Hmelṭha sur sur lutuk!

U Kima chuan, "Kan band kha, zai ṭha min ti lutuk a, inter-school competition-a tel turin min rawn sawm a..." A tih chuan tlai fe hnuah ka lawm ve huai ringawt! "A van lawmawm tak! Thlan bik chauh a tel theih a ni lawm ni???" Ka tih chuan an lo bu rual ngauh ngauh. "Weiiiii! Nice nice!!!" Ka tih leh chuan, "Kan bawn hle tur hi a ni ringawt!" U Ben-an a lo ti. Hnung lam aṭang Hotupa hi a lo kal a, "Eee, kha, in lo kim tahw a ni maw? Kima, i lo sawi tawh em?" A tih chuan, "Sawi chiang eee le yooo!" A lo ti. Ka huphurh ruk ang aiin ka chak...

"Mahse board in ni hlawm sia," Hotupan a tih chuan, "aaaa!" Kan lo ti ṭhap! "Sir, kan thei ang!" Awmawmi dara kuah vâng pahin Dudua'n a tih chuan Hotupa pawh a lo bu nghuk. A nuam dawn e... Kan awm khawm chhung chuan Gidion-a ka en duh miahlo a, mahse min rawn en reng tih chu ka hria... Ka 6th sense hian min hrilh!!!

Khuanu hian min pui nasa khawpah... Banah chuan ruah a sur ngei! Chuan, ka ṭhiante nen hian kan pen lauh lauh phawt a, Gate zawn kan thlen hma deuh chuan ka hnung lamah hian mipa pakhat hi a rawn thlan tih ka hre thei. Ka nihliap hnuaiah chuan a rawn kun dâwr a, "Hlute, min lo zawn ve..." A tih chuan ka Sahuainidova ngei mai a ni!... Ka theih anga sangin ka keng nghal a. "I tet tet nen nihliap i va nei lian ve!" A la ti zui... "Te pawh ni ila huh zuar te chu ka duh bik hleinem..." Ka lo ti ve mai... Amah zâwn hisap deuhva nihliap lian keng kha ka ni miauva... Ka ṭhiante nen amah zâwn dan tur pawh kan sawi lo, a ngaihna kan hrelo... Mahse hei, Khuanu zarah kan inzawn... Ka ṭhiante chuan min lo en a, min lo nuih khi va va mai... Chhe hlawm tak hian a!

Kan kal pah chuan kan titi liam liam a, kan titi tihah, ka ṭawng theih a chhuak a, ka thu sawi chu ngun deuh hian min lo ngaihthlak sak... "Chuan, ka zawhte chu a-" ka tih leh lai tak chuan, "Khawimaw, i nihliap hi ka lo kensal ang che, i te emai..." A tia min laksak nghal... Ka nihliap ken khan a luah a lo tauh a lo tauh a nih ka ring... Ka te em bawk a ni! Tihpalh Didi...

"Umm, sawi zawm rawh..." A tih chuan lai deuh hian ka lo nui put put... Ka ṭhiante kha kan hmaah an kal ve reng emaw ka ti a, an lo bo daih tawh... An va kal chak awm em em!... Chutah ruah chu a rawn sur vak a, kan bula in saklaiah chuan hman hnawh tawkin kan tlan lut nghal. "A van sur nasa em em! Zingah Khan khuana ṭha veleh hman viau sia..." Ka tih chuan a lo a bu ngauh ngauh... A la sur nasat em avangin ka hawkdakin inchhungah chuan ka lut a, insa lai pawh an lo awm lo... "Saklai sak tawh loh a ang ber a nih hi..." Gidion-a chuan ka hnung lawkah hian a rawn ti ve... Chutah a camis dar lehlam huh deuh thep thep chu ka hmu a, "Heyy, ti nge?? Kan hul ṭha ve ve emaw tia!" Tih paha ka rawmawla ka hruksak tawp tawp lai chuan, "I te em alawm..." Nui seih pah hian a lo ti sam êt! Ka lai leh ringawt zui... Ka la hrilhlai chuan a lu a rawn kûn hniam a, ka mitah chuan chiang takin a en leh tawh! "I biang hi a van puar reuh em em..." Tih pahin a kut lehlam lehlamin ka biang a rawn piai neuh neuh. Ka chil ka lem ri dawk! A ri kha a hria ang em le???!...

Ka kut chu a dar lehlamah an la awm ve ve a, mahse ka hru tawhlo... Ka kut chu a la a, a hnung lamah a pahnih chuan min suihtir a, amah ka kuah chu a ni titih tawh! Umm... Ka kuah a nih hi! A cher loh hmel nen a hnung zang chu rin ai daihin a ria... Min la en char char a, ka ngawi dap... A kut chuan ka sam phir si chu ka bengah a rawn zep a, a kut lehlamin ka biang a piai leh a, a rawn kun hnaih chuan a awmah ka lu ka phum leh ṭhuai!

"Hlute..." Zawi tea a tih chuan la bei reng chungin sir lam ka hawi a, a lungphu ri ka hre thei! A duhawm lutuk ringawt! Ka pumah phengphehlep an thlawk leh suau suau tawh! "Ka duh che..." A tih chuan lehhh! Ka meng phawk Chiang lutuk!!! A lam ka han en a, duh hmel tak hian min en a... "Lawks! Ka mumang a ni em? Ka mumang a nih leh vaih chuan awww!" Ka zawt zawt pah chuan min rawn fawp ta a... Chhan let dan pawh ka thiamlooo, ka la meng kar zui! A kut lehlam chuan ka mit a rawn hup a, ka lo awm mawl ve tawp. Mak leh deuh chu ruah hii, a la sur nasa khawp mai! Ka inla hrang a, amah ka en chuan lai deuh hian min lo en ve reng a... "I uanglo tiraw??? Tak Tak ami?!!! Ka mumang a ni lo maw??? Gidion-a i ni tak tak em???" Ka tih chuan min pawt hnai leh a,"A lem ka ang viau em ni?" Tih pahin min nui seih...

Tuna ka thil tawn hi a tak a nih tak zat Chuan, ka mumang a nuh loh chuan, ka nuna ruah sur ni nuam ka tih ber ṭum a ni ang! Ka hmaah hian a ruka ka star em em ṭhin a ding a, min duh ve hmel taka min enna mitmeng chuan mang rama ka hmuh fo ṭhin kha tak ramah min chansak mek! Amah ka en pah chuan ka ṭhiante nen an classroom -a lut ru meuhva a school iptea letter kan dah ruk lai vel te kha ka mitthlaah a lo lang nghal chuai chuai mai! Amah pui hian keimah ka ni tih a hre tawh ang em le??? He pa hian min lo duh ve tak tak a nih ngai Chuan, ka thlah ngai lovang! Hmangaihna a ni nge ni lo nge chu ka hrelova, mahse hei zet hi chu eng emaw chu a ni! "Chuan, min-min duh ve-" a tih lai tak chuan, ka kut pahnih chuan a nghawng zawnah ka kuah a, ka han fawp ta a! Ka thiam nge thiamlo nge pawh ka hrelo e a. Mahse chu chu a pawimawh ber lo!
Chuan kan han innuih leh hrih ṭhin...

"A tak a ni maw?" Ka la ti ṭalh, kan mit a intawng reng a, kei lah chuan, "Mahse nang te chu i hmelṭha sia, kei chu ka thau si, hmelchhe bawk si, midang kei ai ṭha deuh deuh duh tur i nei... Min fiam mai mai a nih chuan ka duhlo a nia, chuan-" tia ka dâk leh zat zat tawh lai chuan nuihzat hmel zet hian min lo en char char a, ka ṭawng neuh neuh lai chu a hmui chuan min rawn ngaiwhtir ta a. Ruah a lo hân deuhva, hawn zai kan rêl ta a, kan ṭawng tlem dun ta hle...






Kan in kawt kan thlen hma deuh chuan ka beng bulah hian, "Ka bialnu i ni tawh aw..." A rawn ti a. Ka nihliap chu a la a, "Naktukah ka lo keng ang!" A tia a tlan daih!... Mak leh deuh chu ka nu'n min lo hmu miahlo kha a ni! A ni em em lo! Ka mumang a ni ang! Mahse kan kawngkaa ka lu ka tauh chhin vel pawhin na ka hre tho si a... "Mamte, i lo haw tawh elo..." Ka nun dam diai a a tih chuan, "Nu, tunah hian ka mumang a ni lo tiraww?" Khi va hian ka ti a... Min rinhlelh hmel deuh, nui sang chung hian," Eng nge vawiinah thil thleng lawmawm deuh a awm em ni?" A lo ti a, ka zah zelah Inter-school competition chung chang vel kha ka sawi daih... "Eee, ava lawmawm ve! Mahse I zirlai hi A tibuai ang tih ka hlau lek lek mai Mamteee..." A tih lai chuan a thil sawi dân ki vêl chuan ka lung a tiawi chiah lo... "Aa, nu, ka la tihchhiat phah miah loh hi... Ka buai lo ang, promise!" Tih pahin za lo deuhvin ka nuih sang ...

Lai deuh ṭawt ṭawt paha ka pindan ka pan lai chu Mama'n min lo hmu ngeiii... "Eee, au Mami chu star i nei chianggg!" Ka nu hriat tur kher hian a rawn ti a, a lua ka ben chawrh hnu chuan a ngawi ve ta. "Ka hmu vek cheu..." A rawn ti hram... A englai tak kha lo hmu ang maw...




Ka pindana ka luh chuan keimah tiat zet darthlalangah chuan ka inen a, ka inen chik khawp mai... "Ka englai hi nge maw i duh leee? Ti nge min duh ve lee? Lalrohlu... Mumang a ni si looo..." Tiin ka hmai khawih vel pah chuan keimah ka inbe neuh neuh a... Thau em em chu ka nilo naa, ria tia sawi tur chu ka ni lo... Awm phek zet nei mah ila, ka kawng hnuai lam hi ka chhuang ve a...

Ka hmel hi chu a, biang puar tak mai hi ka nia, sam ka ṭawn phei chuan ka chhe chhip chhap! Chuan ka hmui chu ka va en ta, hmmm... Lalrohlui hmui hi fawh a ni tawwwh! A fawp hmasa bertu lah sawiselbo! "Huaaaiiii" tiin chhuatah te chuan kan tal let leh tawp tawp hrih ṭhin a... Chutah, "Mamte, i lo la inthlak na nge? Tui ka lum tawh aw, lo inbual la..." Titu chu ka nu a ni! Engtik aṭang khan nge ka pindanah a lo dah tawh ang hriat a ni lo... Pawi engmah a thleng lo turah ngai phawt ila...

Kan bual pindan hi chu ka concert-na hmun hi a ni ve a, mawm! Loverboy- A-Wall hla nen te chuan hla dang dang ka phone-a play pahin ka zai nghek! Nuam har har tak a ni!

~Yeah you can call me lover boy!!!


Naktuk ka chak tawh khawp mai!

Chaw eiin dawhkan te kan han kil dial a. "Mamte, i va hlim hmel ve..." Ka nu bawk chuan a rawn ti leh! Ka nu hi a suspicious riau! Sus khawp mai! "Inter-school competition kha maw le, ka phur tawh lutuk a..." Ka ti leh ringawt ... Ka pa pawh chuan min lo hmu ve ni ngei tur a ni, min en duh khawp mai! "Auin star a nei..." Nauvi chuh! Ka va han chhu chak tak!!!! "Nia Mamte, Chanyeol hnenah ka thinlung ka pe tawh!" Inringtawk hmel zet hian ka va ti a, zahzelah "kan pa" hi ka hman zet loh chuan... "Korean Korean hi in ti reng maiah..." Ka pa'n chaw ṭhial luam luam pah hian a lo ti ve. "Anni bak bak hi chu!" Ka lo ti ve leh hmiah... Mama lah chuan min nuih sen sen reng a, hamhaih deuhvin ka melh ringawt... "Nauvi, nangmah zawk khan star i nei a ni maww? Star pawh i hria ami lee... Khawi aṭang nge star te hi a zir aaa?!" Tih pahin midang ka va en ve nghal. Ka sawi ngai lo, ka chhungte phei chuan an sawi lo nasa... An school aṭanga a zir chhuah bak va ni suh! School aṭang te hian thil ni lo lo hi kan thiam chhuak tawh chu a nih ber si hi...

"Ka neilo... Miin min star zawk.." a la ti ve khanglang zui! "Tun nge star che aaa?" Ka nu'n nui sangin a lo ti, zah hmel ve khanglangi lah chuan, "kan class ami..." Ti ve khang khalang... "Eee, kan te ber pawh a lo nula tawh a nih hi, pitartei tak ngial pahw hian star tu te a nei vel ah..." Ka pa'n uang thiang tak hian a lo ti ve... Kei chu ni ila, min melh kur pahin "Tu nge?!" An ti anga, min sermon khum leh hrep emaw a ni anga... Huiham...

Thleng ka sil zo ka phone ka en chu, Goldi leh Dudua, midang dang pawh, vawi tam tak min rawn missed call -na hi a lo awm tuar a! Ti nge maw ni? Ka va call let vat a. "Maki! Ti nge i lak theih loh???" Goldi'n hah hmel zeta a tih chuan hamhaih zet hian, "Ka lo silent pek a nih hi... Ti nge? Thleng a awm ami???" Ka lo ti thuai! "William-a te an accident!" A tih chuan ka awm hi a tla thla daih ang mai hian ka awm! " Enga??? Engtin???" Ka tih chuan, "Amah leh a nau mipa kha an nia, ruah a sur nasa sia, sumo nen an insu an ti... Hei, rawn kal vat rawh! Inzaina pindanah an awm mek!" A tih chuan, "Awiii, a van pawi tak! Aw ka lo kal nghal!" Ka tih pah chuan ka chhungte thil awm dan ka hrilh a, ka insiam laiin Moni-a kan inah a lo thleng a, a bike-in kan va tlan nghal... Ruah chu a la hmu ser ser a.

"Ti nge an chhuah reng reng a???" Ka tih chuan Moni chuan thei leh thei lova rawn auvin, "A pi a zual thut a, damdawi an zawng nge maw ni... A pi a ngaih pawimawhzia chu i hriat kha!" A rawn tih chuan ka lo bu ngauh ngauh... A pi hi a upa ve tawh hle a, a hrisel lo bawk nen Damdawiinah an peng kawi reng ṭhin... William-a tan chuan a pi chu a nu ang mai a ni. A chhan chu, a nu hi a hna vangin hmun dang dangah a zin kual ṭhin a, chu vang chuan a pi bulah hun tam zawk a hmang a...

A harsat leh mangan lai zawng zawnga awmpuitu, a mittui hruksaktu leh tuna William-a a nih theihna tura puitu ber chu a pi hi a ni! Tunah chuan a nu chuan chhungkua ngai pawimawhin a hna a chawlhsan tawh a, an hlim tlang hle tihah a pi chu natna eng emawin a tlak uak ta thut a, tih vel a ni...

Damdawi in kan va thlen chuan OR kawtah Goldi'n William-a nu a lo kuah mek a, midang dang pawh an lo awm tawh... "Nu Mapuiiii, eng nge chanchin?" A kuta va dawmsak paha ka tih chuan a lo ṭap hnang pur a. Goldi chuan lo chhansakin, "A mal veilam ruh a tliak aaa... An zai mek... Nu Mapui, lungngai reng reng suh, a ṭha leh vek mai ang..." Tiin a hnem nghal pah. "A nih, a nau kha..." Ka tih chuan, "Ani chu a ṭha, a insawh nat ve deuh avangin ani pawh an buaipui mek...

Vun kak neuh neuh a lo nei ve alawm maw le..." Dudua'n a lo ti vat... Sangtei leh Ruhmawiha an rawn phei a, in tur eng eng emaw an rawn khai a, a lo awm tawh sa ten an han la malh malh a... "E, Hlups, in lo thleng tawh elo? Call i chhang thei lova an tia..." Aw khur deuh pah hian Sangtei'n a rawn ti a... An mitmengah chuan an hlauthawng ve tho a ni tih hai rual a ni lo. "Awii, ka laimat eee mai ka fapa hi!" Nu Mapuiin a tih pah chuan Goldi'n a ṭahpui nghal hlawp hlawp. Kei chu rilru na viau mah ila, ka mittui chu chhungrilah a luang zawih zawih, mahse pawn lamah ka mittui luang tur a awm hauh lo!

Midang chu en pahin," A nih, Sumo kha, engtin nge???" Ka tih chuan, "Khaa sumo khaa, Mali te Sumo a lo la ni zuiahh!" Moni-a'n a tih chuan P.Inn-i a sawina a ni... "Awii maw?? Chuan engtin??? An chawi dawn em? Sumo-a chuangte engtin nge an awm??" Ka ti vat a. "Sumo service lai pawh a ni lo... A khalhtu lah kha a rui deuh emaw ni...Ama side lo lamah a tlan reng reng a... Police lamin an man nghalin ka hria..." William-a pa Pa Dikan a lo ti thuai... "Police-in an man chuan a tihzia chu, hriat hleih lovin a lo tlanbo daih a nia ka hlauh ni!" Pa pakhat, William-a te chhung ni awm tak hian a lo ti ve a.





Darkar hnih leh tih vel kan nghah hnu chuan Doctor a rawn chhuak a, "Pathian zarah ṭha takin kan zai thei a, amah pawh a ngaihtuah awm lo ve... Awm hah dam hrih se la, nurse ten rem an tih hunah a hmuh theih ang..." A lo ti mai a. Kan thaw huai mai. A nak ruh te a tliah tel te ka lo ring deuh zawk a, mahse a mal ruh chiah a ni hlauh va...

Tui taka a mulai chu an lo en ṭham a, ka va pan hnaih chuan hmuh thianglo hmu ang mai hi ka ni, ka khawngaih lutuk chuan ka mittui a rawn luang ve ta nge nge a! "Aww, ṭhianpa..." Ka ti vawng vawng ringawt. Moni chuan ka darah vuanin ka hnung a rawn beng thep thep a.

A mit a rawn men dek dek takah chuan ka inhru hul thuai a. William-a chu a rawn nui chhuak sang a, "Aww, bawihteee, ka duat, hetiang hunah pawh i la nui thei a ni mawww?" Tih pahin a nu chuan a chûl a chûl a. Dam diai hian, "Engah nge maw ka nuih lovang le???" A rawn ti ve a. Hmuh a nuam khawp mai... Ani hi chu a pachang a, a entawn tlak takzet! Rin loh puiin Ruhmawiha chu Sangtei darah a bei lâwp a, a ṭap emaw ni! "Nepaa, mahni bialnu te thlem ngai zawka han ṭan!" Moni-a'n a lo ti vat... "Tihpalhhh, ka khawngaih lutuk aaa..." Hnap tui nen a rawn tih chuan kan lo uak khum dual... "Awiii leh, tenawm pa! Insum ve deuh teh!" Mer-thangi'n a tih chuan, "Nia!" Kan lo ti rual dual. William-a nuih za chu a rawn nui huk a, mahse a na a tih deuh avngin a indawm leh hrih ṭhin... "Bawiha hi nuih pui tawh hrihlo mai teh u..!" A nu chuan a lo ti hrawk. "Aa, nu, a pawi hleinem..." A tih leh keini min rawn nuih a rual a... Heiham, a chhel mah mah a ni! Keiniho chu school kal ngai kan la nih avangin kan haw a, ban veleh kan tlawh leh tur thuin William-a chu kan thlah.






In ka thleng chu chhungten thil awm dan min lo zawt liam liam a, inah inleng kan neihlai tak a ni bawk... Haa? A tlai tawh nen tun angah tu nge lo leng a? Ti nauh nauh paha ṭhutna pindan ka va en dek dek chuan ka beisei loh pui ka va hmu! Ka tetlaia kan awmna ami, zai ka ngainat chhan ber, ka nuna rimawi hlutna min hriattirtu ngei chu! Min awm nasa ṭhin a, hla te hi kut beng thep thepin min zakpui a, kawng sirah te hian kan ṭhu anga, kan zai dun kherh kherh ṭhin! Khang hunlai pawh khan a pitar tawh sia, tunah pawh a la pitar reng nia...

"Awiii, pi!!! I lo zin ami? Hetah eng nge i tih aaa???" Ka ti a, kan inkuah nghal! A rim te chu ka theihnghilh theilo! Umm, a sahdah rim ngei kha! A hmuia a khuavang te chu ka khawih ka khawihsak ṭhin kha a nia... "Api Kung, i la ngai reng a nih hi!" Ka tih chuan min lo nui sang a,"Ka naute hi a lo van nula tawh tak em! I ṭhang ṭha khawp mai! A tihzia e!" Dam diaia min chul neuh neuh pah hian a ti a.A vun chu tlemin a lo chuar belh tawh a nih hi, mahse a dang chu a la ngai vek.

"Khaa, I pi Kungi kha a la nula khawp aa, zin kual tur khawpin chakna a la nei a nih kha! A fel asin aww, keini te min rawn tlawh ve duh a!" Ka pa'n hlim hmel pu va chung hian a rawn ti a, kan bulah a rawn ṭhu ve nghal. Chutah ka nu'n thingpui rawn chawi lutin eng eng emaw a rawn chhawp tel bawk a.

Ka tetlai chanchin te kan sawi a, kan video hlui te ka pa'n a dah ṭhat reng thu te ka hrilh a. Kan zailai te hi ka pa hian a lo la ṭhin a, a lunglenthlak duh khawp mai! William-a chanchin te kan sawi chhuak leh an ṭhin a.

"Api Kung, i cham rei dawn em?" Ka tih chuan, "Kar khat vel chu ka cham ang..." A tih chuan ka lawm hle a. Kan ina thleng tur a ni emaw tih laiin a tu te in thlen inah a lo hmang tawh chu niin! " Eee pi, a leh pekah chuan i lo thlen ngei a ngai tawh ang!" Ka ti ve he haw a.

Ka pi Kungi ka pa'n a va thlah meuh chuan 11:30pm a lo ri tawh... Hmanhmawh takin ka phone ka en a, ka single lo tih ka hrechhuak thut!





...........................................................................






Chapter-10



Ka phone ka en chu ka ṭhiante missed call tam tak bakah khan Gidion-a message leh missed call a lo inzeo ve nual hi a lo nia... Damdawiin pan tur khan an in kan lo tlan pel hi a lo nia, "Hmanhmawh tawka in tlan kha ka hmu cheu a..." A lo ti a. Khawilai ber kha nge maw ni an in chu ni dawn ni???

Ka va biak chuan rang takin min rawn chhang nghal a, thil awm dan te ka hrilh te te hnuah an in awm dan te ka zawt vel ta a...A sawi dan chuan an inah chuan Sharon par a tam lutuk a ti a, a nu pangpar hnutchhiah te an nih thu te a sawi a. Kan tlan liam puat paha Sharon khuh diai gate awmna kha a nih ka ring ta ber, zan mah ni se an in kha a mawi em avangin ka en zui vawng vawng kha a nia... An chhungkaw chanchin chu Practice-naah khan tlem tlem min hrilh tawh ṭhin...

William-a chanchin kan sawilai chuan a thiam ang angin min hnem ve a. Chuan min rawn call thut! Ka chhang ngamlova, ka reject daih... "Tihpalh, lo ti leh rawh..." Ka huaisenna zawng zawng sawm khawmin ka ti... Mi call hi chu ka ti zen zen lo asin... Ka ṭhian hnai vai te nen pawh kan inbe ṭawk a... Mahse tun ṭum hi chu a dân a dang ve a, ti tawh mai ang...

"I mu dawn tawh em?" A aw thum tham raih chuan a rawn ti a.

"Ka mu chu a ni mai hei... " nui aw deuh hian ka chhang a...

"A nih chuan, i mu tur ka tibuai che a va ang vee..." A rawn ti te te a...

"Aih ka la muhil dawn chuanglo" ka lo ti a... "Ka mut theih pawh ka ringlo..." Ka ti chuai raih...

"A nih chuan ka lo menpui ang che!" A rawn ti ve... Mmmm! Mi a tihlim ve lutuk! A thu sawi ho te te pawh hian min tihlim chu a nih si hi!

"Nang, mut i la tumlo ami?" Ka tih chuan,

"Umm.. Kei pawh ka thil ngaihtuah vang hian ka mu thei lovaa..." Aw tham raihin a ti lehh...

"Eng nge i ngaihtuahaaa..? Beisei nei ru deuhvin ka ti veeel..

"Ka sava perh thlak maw leee..."a ti daihh!

"Naaa!" Ka lo ti nghal... "Ti nge tun ang zanah i sava tihhlum mai mai te?" Ka tih chuan a nui huk...

" Nihliap-dum-nu, nangmah kha ka sava perh thlak chu!" A rawn ti huk! Ka nui chhuak chianggg... Ka lai vel, awii...

"Tih palh... Ka brain hi a brain lo lutuk a..." Ka tih chuan,

"A pawilo... Ka brain hi a brain chuan a tawk..." A lo ti nghal chat! A va han lawmawm chiang si eem! Lum si lo vawt si lo hian vanah ka thlawkin ka hriaaa!

"Hlute..." A rawn tih chuan ngun deuhvin ka ngaithla...

"Ka hmu leh chak tawh che..." A tih chuan, chhan loh aiah...

"Keiiii pawnnn..." Zawi tein ka ti... Ka zak tlat alawm! Ngaihzawng nei ngailo tih takah, ka hahthlak tih chu keimah pawhin ka inhai lo!

"Hlute..." A rawn ti leh a...

"Kyaa!" Ka lo ti.

"Letter hi ka bag-ah te, ka box-ah te ka hmu ṭhin a maw..." A tih chuan ka lung a phu dut dut mai! A puak dawn tak nghialll!

"Aw-awww..." Ka ti ban chat...

"Chuan, a duhawm thei tawp a..." A ti te te a... "Nangmah hi i ni tih ka hria!" A tih chuan ka khum aṭang ka zuang thla chiang lutuk! Ka inrap piala ka la tlu bawk thlawp zuii! Ka phu chiang lutuk! Awi Lalpa!

"Teee, eng nge thleng??? Hlute! Hlute!" A rawn tih chuan, thei leh thei lovin,

"Ka chhaaa!" Ka han ti chhuak... "Thil ka thlauh palh a..." Ka tih chuan a nui huk!

"Buaina i tawk emaw ka ti hman dawn alawm..." A tih chuan ka phone ka melh rum ringawt...

"Eng-eng-engtin ngeee???" Ka tih chuan,

"Kima nen kan ka bag in khawihlai kan hmu fuh tawh cheu alawm... A tir chuan midang-" a tih rual chuan sawi sual nei awm fahran hian a tawp daih.

"Midang eng ngeee??" Ka lo ti vat... Eng ngee, ka hre chak ve tho alawm maw!.

"Eh... Ih... A tir chuan midang emaw kan tia... Chuan vawi khat kha in lo fimkhur lo deuh hlek nge... Drill kan bang ṭum kha a ni bawk a, kan hmu che u alawm!" Nui hawk hawk pah hian a ti a...

Kei chu ka nuih pawh a za ve hauhlo... Ka zak over bawn let tawp tawp a ni mai!!!

"Chuan min lo en reng ta a?" Ka tih pah chuan nimin thleng pawh khan kan la dah reng asinnn!!! Kar hmasa te pawh khan awiii!!!

"A van zahthlakkkk!" Ka tih chuan,

"Zahthlak lo e... I lo ril phian leh nghal a..." A la ti zuiii... Ka zak eee, phone hi ka dah san daih mai dawn emaw ni?!

Tichuan zanah chuan ka titi ta char char a, engtik laiin nge ka muthilh pawh ka hrelo... Tukin chu ka harh hma ve teh thlawt a, hma deuhvah ka inbual sar sar a, ka nu a la tho lo bawka ka tia ,eirawng te ka lo bawl diam...
Ham bui bui chunga ka nu'n choka a rawn thlen chuan phu deuh zawk chung hian min en haww phawt a, "Lalrohlu! I va tho hma ve! Ti nge???" A ti... A lawm viau dawn emaw tia... Asian mom's -ho hi chu a...

School pana kan kal ṭhim ṭhem lai chuan Sahuainidovan min rawn thlan pel a. Kan zawn a thlen chuan a rawn pit zuai a, min pelh hnuah ban a rawn vai a, a bike vuan lovin hmangaihna lem hi a rawn siam! Chuan chak zetin a tlan zui nghal a, U Kima'n a rawn zui...

"Haaa???" Ka ṭhianten bo tak paha an en chuan ka lai hmel chu an lo hmu a. William-a kan buaipui nghal char char avangin kan chungchang pawh ka la hrilh hman mang lo! Chuan, ka hrilh ta hlawm a, ng kiawi rengin an lo ngaihthlak kar miahlo! Kawng lai laiah kan rak leh chul tawh! Nu Machhungi te in kan pel tawh hlauh zawk a...

"Awiiii bawihteee! Ka tih khaaa!" Tih leh, "Dream come trueee!!!" Tih leh ṭawng hriat loh nen kan rak tuar tuar ringawt! "Mahse ti nge a phurh loh che aa?" Sangtei'n a rawn ti heu... "Awhfik che u ka duhlo a!" Hmel chapo zet hian kan ti vel phawt a... "Tak takah, nang pawh Ruhmawiha'n a phurh ziah loh thi che kha... Ho tuk... Nizanah min phur Suh ka tia... Ka number 1 che u alawm!" Ka tih chuan, "Awww, kei te chu kan veng a inan loh vang alawmmm!" A lo ti sam et. "Awwi, hahthlak hian... Mahse a pawi loh chu... Chuuu, thu a awih a nih chuu!!!" Goldi'n phur zeta a tih chuan kan za leh cheng tawhhh!

A mak ve em asin! Biak pawh ka biak ngai loh tura ka ngaih, ka duh em em si, sawiselbova ka ngaih, hmelṭha em em mai, ka first love tih theih tur kha ka bialpa a ni ta hmiah mai sia! Mak ve tak chu a ni! He thil thleng hi chu tak rama thleng tura ka suangtuah ngam ngai loh kha a ni ve a... Ka ṭhiante pawh hian ka duhzia an hria a, min hlimpui khawp mai!






Kan class kan thlen meuh chuan kan tlar dawhkan hi an lo bial ṭhup a, kan class captain tuai ve deuh hian, "Awiii! Hlupsiiii I vannei lutuk! Bialpa i nei amiii?? Awii" a lo ti siam siam... Kan va en ve meuh chu notelem chocolate leh letter keng hi a lo awm!
"Euuuu!" Ka ṭhianten min beng lawp lawp pahin an han tiahh... Pakhat chuan, "chhiar ang, chhiar anggg!" Hi a lo tia... Ka bag ka nghat te te a... "Chhiar ila..." Ka ti a:

~I saw you
With that ribbon in your hair
Think that I began to stare
Maybe I'll love you for a while

~ A stranger at a table in a place
And a really pretty face
I wonder what happens when you smile
I might never be your hero
Never been one to fight
That don't mean that I can't be your Valentine
~ I won't be your savior either
Couldn't even if I tried
But I think I could be someone you like
Someone you like...

Tih hi a lo ni a, a Someone you like tih hla kha a ni! Ka mumanga min saksak chiah chiah kha!

Lehkha dang hi a lo awm leh a, hei chu a ruka chhiar chu! Ka ti a, ka ṭhiante nen inthiarna lam kan va pan vat!
"Biang-no-te, riakmaw iang vala lunglawm i kim chiang e!
"Ka mawi si lo!" I ti maw?
Ka tan rose par mawi ber ai pawhin i va mawi si em!
Vala lunglai nghin rual loh I nghin tak hi!
Ka hmangaih Hlutei ianga nui mawi kil tinah ka zawng,
An awm mawlh lo ve!
Nang, nang ngei i ni!
Tichuan bawihte, nui hiauvin ka lamah lo leng la,
Chuai ngai lo tur hmangaihnain ka lo vuan nang che!"



"Awiii! A ril reuh lutuk!!!" Sangtei'n a tih chuan, " Bawihte in inhmeh lutuk!" Goldi'n a lo ti a, " Khuanu ruat!!!" Mer-thangi'n a lo ti ve vat! Nuam kan ti leh hawih hawih tlang khawp mai!

"Mahse a cringe ṭep..." Titu chu tu dang ni lovin Mer-thangi bawk a ni. "Nia..." Ka lo ti ve than ringawt a... "Aaa, old school style a nih hi! Modern pipulllho hi chuan an hrethiam ve lo vang!" Sangtei'n a lo ti hlauh! "Bakah, i . Dawn. Ve. Loh. Vang. A . Nih . Kha!" Goldi'n a tih fak fak chuan a uang tih chu hre tho mah ila, mahse maww, lai kha a awm ve deuh hehe...





Break-ah chuan Undying Souls kan inhmu khawm a... Kan inhmuh khawmna tur ka pan lai chuan ka zam vel maw le... Dudua hnenah chuan, "Aaa, ka lo kal ve lo mai ang ..." Ka ti thul... "I ho set sut, bialpa neih tak vang maia han zah thar..." A tih pah chuan min nam phei dawr dawr...



Kan va thlen chuan an lo kim vek tawh a... Gidion-a chuan nui pet pet pah... Lai deuhvin an bulah Chuan ka pen chhet chhet a, U Kima'n a hrawk a lo thian ri kharh kharh bawk a. Kan item neih leh tur chungchang kan rel.

"A nih chuan, vawiin thlak aṭang kan zir nghal dawn ami?" Hotupan a tih chuan Dudua ka nghawk zawk a. Phu zawk pah hian, "Sir, vawiin chu, kan hman lovang... Hlutei nen hian, kan ṭhianpa Damdawi Inah tlawh a ngai a... " a tih chuan, "Aaa, a ngailo, in tlawh na lutuk ang!" Tiin hotupa chuan uang thiang tak hian a lo chhang a. "Ah, kan... Kan kan dawn..." Zak bawk si lai deuh put put chung hian Dudua chuan a ti ban chaih... Awmawmi lah chuan a lawm hmel phian a... An pahnih insi riaia an awm ka en vel lai chuan Gidion-an min lo en reng tih ka hrechhuak! Awiii, tum loh deuhvin ka lai ve leh ringawt!

Hotupa lah chu, khawia mi â mah a ni biklo nen, kan mit meng velah engkim a hrethiam nghal vek ang chu! "Eee kan nula te pahnih min chhuh zawh sak vek mai chuan, Kimbetuaia leh kan Benjamin Suma te an riang lutuk ang aaa!" Min rawn melh hrek hrek pah hian a ti a, a uang tih chu hre tho mah ila, ka chil ka lem puat! "An pahnih hian kan sawi rem mai dawn alawm!" Gidion-an a tih chuan kan han nuih leh dar dar vel a... U Kima leh U Ben-a lah chuan an lo haw lo nasa, an han inkuah vel leh hrih ṭhin a! " khaiii, a tawk a tawk! In tenawm lutuk!" Hotupan a tih leh si takah chuan an tawp ve ta...

"Ben-a, keini chu tihian leng tar mai ang hmiang..." U Kima'n a tih chuan U Ben-an," ka duh teuhhhlo mai! Bakah, bialnu ka nei!" A tih chuan mak kan tih hmel leh U Kima beidawng hmel chu a nuihzatthlak lek lek zawk! U Ben-a khan bialnu chhelo deuh a nei tak eee, an inhmeh reuh lutuk! Hman ni ka bazar khan ka hmu dun ngei alawm, U Ben-a lah chuan a duat hmel teh e... U Ben-a hi a fel sia, kohhranah pawh hla hruai zat zat thei ang kha a nia, la naupang viau e ti lo chuan a puitling khawp mai!

Gidion-a chu U Kima bulah va kal vatin U Kima darah a beng thep thep a, "Kim, lungngai hmar cha te! Nula an tam!" Tih pahin a rawmawl te chu an pe vel a... Che ngeiawm ve ngei!

U Kima lah chuan lawm lo tih hriat tak hian Gidion-a chu a mit-sir-men khum ran a, a rawmawl chu a laksak a, hnap awm mang lo chu an hnit vak kher a. An chet dan vel chuan nui a tiza reuh khawp mai!



Meeting chu kan zova, Garage lamah Kan inzui thla a. "Te, Awmawmi hi ka va thlah zuai ang, ka lo zui nghal ang che u.." a tih chuan Gidion-a chu a bike-ah chuangin helmet a lo khum mek... Min rawn en a, a hnunga chuang tur awm tak chuan min rawn mitmei... "Umm..." Tih pahin Dudua lamah chuan ka bu nghauh a, an tlan liam lai chuan Awmawmi nen awmze nei deuhvin kan inmelh chiam!
Kan sawi dun nasa ve ṭhin a, band a hmeichhe awm chhun ve ve chu kan lo inkawm ngeih a, kan "score" apiangin kan lawm dun chiam zel! Kan star ten min rawn melh hlek pawh hian keini chu kan score pawp pawp zel a, Dudua'n a melh tirh te khan kan ṭe dun chel chul a!

Gidion-a chuan a aw a rawn thian kherh kherh a. Rang takin a bike-ah ka va lawn nghal... Ka tih ṭhin danin a kawrah chuan ka pawt a, "Min rawn vuan nghet rawh..." A tih chuan, "Ka duhlo, a zahthlak..." Ka lo ti duh chauh... Ka zak miau hek! A pawilo ti awm tak hian hmalam a en zui a, a tlan thut a, a hnungah ka bet thlawp!

"Kha kha ni mai lawm..." Tih pahin a rawn nui huk... Zahzelah a hnungzangah ka beng a, a kawngah chuan ka va kuah ve ta. Ka la awih thei lo cheu a ni! Thawnthuah chiah thleng ṭhina ka ngaih kha a thleng mek a, kan tlanlai te chuan rimawi hi ka bengah a rawn ri a, mawi tak a ni!

Damdawi In kan thlen chuan William-a chu kan ṭhianten an lo awmpui a, kan lut chiah chu "Euuuu!" tih te, "An rawn inzui lut veeel!" Tih te, "rawn inla nupa nghal!" Tih te a ri nghal chiam... William-a chuan min lo nui sanga, Gidion-a chu melh pawh a melh lo. Gidion-a chuan Will-a kan Nan tiin intur te a leisak a, a pek pah chuan Nu Mapuii chuan,"Mama chu i va fel ve aw! Hei khawilam mi nge ni? Ka va hmu ve ngailo ve..." A tih chuan, "Lalrohlui bialpa a nih kha!" An lo ti nghal tuar... A va han ṭul te chiam lo tak... Gidion-a chuan zak hmel pawh pu hran lo hian, "Gidion-a ka nia!" Nui sang hian a lo ti. An han in chibai leh ang hnuhnawh a. Chutah Nu Mapuii chuan, "Kan Hlutei hi chu a fel teh mai a nia aw, lo duat hle ang che! I duat loh hlauh chuan an ṭhianho hi zuam sual an awl ve a nia!" A lo ti nghal siam siam a. Ka lo zak ru hle ringawt! Ṭhiante lah chuan min rawn sik sep sep ang hlawm a, mak cheng cheng hlawm hian!

"Duat ang..." Gidion-an a tih huk phei chuan, "Uaiiiii!" An tia min rawn sual rawn tih mai tur hian an thil hmuh apiangin min rawn vawm sup sup tih mai tur a ni! Frooti kawr te, phone case te... Ka ke bula an thil paih chu a mal te tein ka chhar a, "A mak eee, awm dan make te hi hre teh u! Nu Mapui tihpalh aw, ka fate hi zilh ṭhat an ngai a nih hi!" Ka tih rual chuan, "Nia, kha, pa an nei tawh a, an fel ve mai ang!" Nu Mapuiin a lo ti nghal! "Eisss!" An lo ti rual leh! Nu Mapuii hi chu a zei riau a nia! Nu Hot tih takah!

Dudua a rawn thlen chuan, "I va tlai ve!" Ruhmawiha'n a tih chuan Sangtei'n, "Awww, ani chu a bialnu te a duat thiam a, a va thlah thlap a nih khaaa!" A lo ti nghal chat a. Kan Mawihtea hi chu bialnu duat ngailo pawh a ni lo, a zeilo ve em atin ni! Kan hau ve zeuh zeuh reng a... "Ka duatlo bik che ami?!" Ruhmawiha lah chuan a lo ti hrawk... "Bhaiii!!!" Tih pahin Vanlala'n Ruhmawiha nghawngah a lo kuai... "Ṭhingaaa!" A tih leh Duduan lehlama lo kuai a rual a... "I mawl e mai a!" Dudua'n a ti sep... "Hei hi a nia mawww, Mawihtea hi chu a hahthlak lutuk a..." Goldi'n a lo tih ve siam siam chuan Sangtei thlawp hmel takin a lo bu...

William-a khum bulah chuan kan ṭhu ve a. "William, lungngai reng reng suh aw, school lam pawh kha engmah rawn ngaihtuah lo la, i dam leh vat mai ang!" Ka tih chuan chuai raih hian Will-a chuan min rawn nuih a. Bedrest a ngaih dawn avangin thla eng emaw zat chu school a rawn kal thei dawn lo a ni awm e... Amah hi chu zirlai ngai pawimawh mi hi a ni ve a... "Tah pawh ka zir char char thei alawm... Ka lu lam a harh tho a..." Tiin min rawn chhang ve a. "Nang kha, lo veng ṭha ang che!" Tiin Gidion-a chu vin chiah si lo, nui Chuang si lo hian a va ti a. Gidion-a chu a lo bu nghauh. William-a hi chuan mi hi a veng ve a, kei pawhin ka unaupa ang chiahin ka ngai...

Kan hawn meuh chuan a lo tlai ve tawh ang reng a, van pawh a sen mawi leh tawh hle... Gidion-an min thlah leh a, kan haw lamah chuan kan in pengah peng lovin kawng chungah min tlanpui daih! "Ti nge he lamah kan kal???" Ka tih chuan, "Dede-a kha, a damlova... A damdawi tur lei zuai ang..." A tih chuan ka hnial hranlo... "Ti nge Dede-a chu???" Ka tih leh chuan, "Nizan khan a luak vak a... A thil ei velah ngeih loh a nei a nih kan ring a..." A ti a. "Kum engzat nge ni tawh a??" Ka tih chuan ui upa ve tawh tak chu a niin ka hria... "Kum sawm ka nihin ka nuin min pe a, tunah sawmpakua ka nia, Kum engzat nge a nih i rin???" A rawn tih chuan ka thil huphurh zawng tak min zawt a ni! Tiang mahni bialnu te han zawh! "Ka hre nanggg! Calculator ka nih loh hi!!!" Ka lo ti duh chauh... "Maths ka thiam lo... Min chhuttir Suh, ka buai vek zel..." Ti ten kan insawi fish leh hnu hnawh... Chhiarkawp hi chu muangchanga chhut chuan ka thiam, mahse tiangah hi chuan ka bo vek zel... Amah chu a lo nui ve huk a. "Aww a, a harlih teh reng nen! Thuakmawihnu!" A rawn ti kher a... "Aww, sawi ṭha ve hle hle laaaa... A har viau ami???" Ka tih chuan ka ner nunggg tawh... "Kum kua kum kuaa... I thluak hi tih tliak a ngai a nih hi!" A tih chuan, "Nia kei chu ka thluak hlawllo alawm... Bialnu thluak thawl deuh I nei a nia!!!" Amah hnaih deuh chet chung chuan ka han ti a, a rawn hawi deuh a, "Ka duh daih zawk... Keiman thluak ka nei tho..." A rawn ti a... Kan nui sen sen mai! "Dede-a chu a van upa reuh tawh ve..." Ka tih chuan min chhanglo... Min chhan loh danah a ngaihdan tur ka ruat thiam... A upa ve tawh si a, engtikah emaw chuan a ṭhian ṭha ber hian a la liamsan thuai dawn tih Gidion-a pawh hian a hriat vang a ni mah na... Chuan, Gidion-a chu ka va kuah a, nghet deuhvin ka kuah, a darah chuan ka bei a, a awmah ka beng thep thep... A awma ka kut chu a kut lehlamin a lo vuan ve bawk...

Vet Clinic-ah hian kan kal a, Siama a lo awm hlawl! Gidion-a nen min hmu chu mak tih hmel takin min en haw a, a hmel awm dan thlak leh thuaiin min rawn nuih sang... "Ehe! Siama chu, hetah eng nge i tih a???" Tih pah chuan a bula hmeichhe ṭhu chu ka en a, Gidion-an hmeichhia chu damdawi a dil takah chuan damdawi zuartunu chu a nuh ka ring hmiah... "Rotee, eng nge in tih zawk a???" A tih pah chuan ka bialpa chu a en duh hle... "Rote..." Tiin min nuihsawh deuhvin Gidion-a lah chuan ka beng bulah min rawn hrilh ru...! A kawnga ka va chum pah chuan, "Hei, he pa hi damdawi ka rawn leipui..." Ka ti a... "Kha, i nula rim lai kan rawn tibuai che a ni maw???" Ka tih chuan, "Aa, tibuai hran lo ve... Ka cousin a nih hi!" Lo ti sam hmiah. Sawi lo mah se a bula hmeichhia chu a lawm vaklo tih ka hre thei!

Kan chhuah chuan Gidion-a chuan, "Rotee," tiin min chhaih zui nghal... "Heyyy, tikhan min ko hlek Suh! Ka duhlo tehmai a nia! Kha pa khan hmanah min star ṭhin a... A hmel chhe si, lerh bawk si!-" ka tih pah chuan lawm hmel deuhvin min lo en reng tih ka hre chiah... "Chuan i lo duh ve reng a ni maww..." Nui heuva a tih pah chuan ka va chum leh chawrh! "I tet tet nen hian i kut thlak hi a na zen ! Hmarcha te te a thak an tih hi a dik a nih hi!" A la ti ham ham zui! Bike-a chuang mai lova kan han intibuai lai vel chu Siama chuan min lo thlir char char tih ka hria...

Kan haw lamah chuan kawng dang aṭang vek kan haw a. "Hei hi kan in a nih hi!" A tih pah chuan Sharon tam deuh a in mawi deuh kha an in a lo ni ngei a. "Woooowww! A van mawi tak ve!" Ka lo ti vat a. "En uluk vak duh suh, hne khawpa i tihfai tur a nih khi!" A tih chuan ka lai ve det! Kan tlan tlang zel a, kan inah min thlah ta... Kan in kawtah din ka phal lova, kan in bul lung rem zawnah chuan kan inthlah fel ta... In lam ka pan pah chuan,"Rotee!" A rawn ti leh hram! Chimawm lutuk mai! Ka va hawi let chuan min lo la en reng a, flying kiss ka va pe, ka hmangaihna a thlawk phei thep thep a, anin a lo man chat, a thinking chhungah a dah nghal a, a awm a dawm nghal vawng vawng! Heh, kan Inman khawp mai!








Nui sanga in ka thleng chu ka nu'n min lo melh leh kar tawh. Ni dangah hian hlim hmel deuhvin in hi ka lut ngailo emaw ni chu? "Mamte, William-a chu eng nge a lo an a???" Min tih chuan, "Amah chu a harh ṭha, a nau pawh in lamah an enkawl a... Bedrest hrih a la ngai dawn a..." Ka tih chuan, "Amah a harh ṭhat chuan a tihzia chu! Kan ṭawngṭai pui reng dawn a, a lunglen hnemah in va kan ṭhin bawk angaa..." Ka pa'n chhuata chhawhchhi den pah chuan a lo ti ve... Kei lah chuan a den sa ka zuk kawm a, "ummm, a tui lutuk!" Ka tih chuan ka pa chuan a tarmit tla ṭep ṭep tawh chu siam ṭha pahin min rawn en hrawk a. A thil siamlai laklawha lo tem hi a phal ngailo reng reng... Thei pawh vel se, a vellaia lo ban dek dek a phal lo reng reng! Chil lem dawk dawk pahin kan lo en reng ṭhin maw le! "Engah nge maw i rawn liah ni?! I kut te kha i sil tawh ami???" A rawn tih hrawk pah chuan in chungah ka tlan chho daih... Kan naute background music-ah a lo nui hawr hawr bawk a!

"Pa, naktuk aṭang kan band khan kan zir leh ṭan dawn a, mahse nitin kan zir tawh lovang..." Chaw ei dawhkan kan kil lai chuan ka ti a. Ka pa chuan a tih dan ngai te tein chhawhchhi chiah a chawm a, chawhmeh dang chu tlem te te a sik neuh neuh ringawt, a la tui hmel em em zui! Hmarcha chu a liak zauhva, si ham ham pah hian, "Um... Tui lutuk!" An tiah.... "I zirlai a tihbuai loh phawt che chuan a pawilo reng reng!" Chaw ṭhial ṭun pah chuan a han ti a. "Mahse Mamte, mipa an tam sia ka ngaihtuah reuh che..." Titu chu tu dang ni lovin ka nu a ni... "A, chutiang mai mai, mipa kawm ngailo pawh ni hleilo kan fapa a nih hi!" Ka pa'n bai tui hawp thlarh pahin a lo ti ve. Ka pa hi chuan min ṭan ve a, min ring zo ve khawp! Min ngaihtuahlo tihna ni lovin, mahnia inbeng thei turah min ngai ve tawh tlat a ni! "Ka fanu te hi chu eee, kawlhrawng hlerh hlawrh kha a ni ve a..." A ti leh pung pung a... Ka nu'n a lo melh leh kar tawh...

Nautein chhawhchhi a ei duh miah loh laiin, Mama ve thung chuan ka pa tlukin a heh em em a. "Nauvi, chhawhchhi i ei loh chuan apan a hau dawn che a nia!!!" Mama'n a tih chuan, "Nia, Naute, apan chaw ei duh loh neih a phallo!" Ka lo ti ve nghal. A ni miauva! Kan tetlai chuan kan duhlo chung te min ei luihtir ṭhin kha a nia... Nautei hi a chhang a khat deuh bik a, ka nu leh pate pawhin an duat! Mahse keini hunlai ang khan an hau ngai tawhlo, an phal tawhlo... Chutih rual chuan an duat sual ang tih ka hlau lek lek ṭhin... "Aaa, a pawilo a duh leh ei lo mai rawh se!" Ka nun a tih chuan Mama a lawmlo khawp a ni ang," A, ei luih tir ang u! In phakarrr!" A lo ti hlur a... "Eng nge kan phakar Naa??" Ka nun nuihza deuh chung hian a lo ti a. "In duat bik! Hau ve ula... A sual tawh em hi!" Mama'n ner nung chungin a lo tih chuan ka thlawp reuh khawp mai! Chutah ka pa'n,"Ni e, Naute, ei theih loh neih ka phal lo alawm... Ei theih vek tur aw!" Dam diai hian a lo ti a. "Aihhh! In sual!" Nautein ṭap deuh pur hian a lo ti... "A mak e aw, ngawi mai mai teh u! Kha in tiṭap ringawt a nia!" A tih pah chuan Nautei a rawn hre chul tawh... Mama lung ni tawhlo lutukin a kham hmak a, eng kan sawi zui ta lo... A awm ka ti ve tho...

"Mama kha kei chu ka ṭan tlat Maa, Nautei hi, kan duat sual palh ang e... Kan duat sual titih riau... Mama kha chu ei duh loh a neih pawhin in vaw deuh titih ṭhin kha a nia, a fair lo ve deuh alawm..." Ka lo ti ve a... "Ni e, Nautei pawh hi, ei kan zirtir a ngai a nih hi..." Ka pa'n dam diaiin a lo ti ve... Ka nu chuan Nautei chu chaw te a barh leh hnuhnawh vel a... Ka nuih a za ru lek lek zawk! "Mama chu nakinah ka zilh ang..." Ka pa chuan a ti leh bawk a...

Chaw Kan ei kham chuan ka nu'n kawr a ṭhuitir lam turin min tir a, a la hma deuh avang leh khawlai pawh a la en ṭhat avangin ka kal ve mai a, veng chhung chauh a nih avangin kan scooty chuan ka kal. Phur deuhva ka chhuah chhan chu Gidion-a te in pelh ka tum vang a ni pakhat... Veng ṭhenawm lawk kan nia, a hla vak chuanglo ka tia... An in kawt ka pelhlai chuan uluk deuhvin ka en kual a, an in chu a eng reng, mahse tumah pawn lamah an awm lo.

Ka tlan zel a, puan ṭhuitunu te in chu ka thleng a, in chhunga ka luh chuan mipa ṭhianho hi an lo awm a. Ni dangah pawh ka kal fo va, kawr kan ṭhutirnanu hi Nu Hruaii a nia, fapa a nei tih ka hria a, mahse keini ai an upat deuh avangin engah vak mah ka lo ngai ngai lova... Nu Hruaiin an pindana ka nu kawr a lak lai chuan mipaho chu an rawn khuh kherh kherh a, ka ngei ru hle... Lerh hlawm lutuk mai! Chutah Nu Hruaii pindan aṭanga a lo chhuak chu ka va lehhawi a, mipa rual zingah chuan Gidion-a hi a lo awm kur.

Phawk zeta ka en lai chuan min lo nuih sen sen a. Eng nge maw a tih ker kur ni? Awmze nei deuh hian a bula ṭhu Turin min rawn mitmei a, ka duh teuhlo! A bula awm te kha an ruih hmel si... Amah lah chu a fai ang var a... Kawr man te ka pek fel hnu chuan hmanhmawh tawkin ka chhuak a, ka haw vang vang...

Khumah ka mu chiah tihah Gidion-an min rawn call leh thut... Lak loh chi ni si lo!

"Ka ngai che!" A rawn ti nghal vel ta ni!

"Euu, kan inhmuh zawh chiah khaa..." Nui her her pah hian ka ti a.

"Min ngai ve lo..." A ti huk...

"Eng nge Nu Hruaii te inah khan i tih a?" Ka tih chuan,

"Ka leng ve mai mai nih kha... Kha, nu Hruaii fapa kha maw, Etea a nia, Kan inkawm ve a..." A tih chuan mak ka ti deuh...

"Khang hun chhung zawng khan kan veng velah te i lo tak i lo tak tawh tihna mawww???" Ka tih chuan a nui huk...

"In veng te chu kan veng tluk alawm..." A tih phei chuan ka ka heu...

"A van mak... Ka hmu ngai silo che a... Kan vah nasat theih theih nen..." Ka tih chuan,

"Nia, keini te chu, mi hmuh loh ruama leng kan nia... Nangni ang mi lar te chuan min hmu hmaih fo alawm..." An tiah ... A sawi awmzia pawh ka hre lo e a... Chhan dan tur pawh ka thiamlo ahh...

Pehhel deuhvin, "Dede-a chu eng nge a an???" Ka ti daih a...

"Anuin a ngaih loh vangin a ṭap mek..." A tih chuan ka khi va ...

"Dede-a chu ka ngai tih lo hrilh tawh! Ka hmu leh chak tawh lutuk a nia!" Ka tih chuan,

"A nih, Dede-a pa hi i hmu ve chak em?... Dede-an a ti..." A nui tih hriat aw taka a rawn tih chuan,

"Umm... Hmu chak eee..." Lai aw deuh hian ka ti ve...

"A nih chuan ka lo kal ang..." A tih chuan ka phu deuh reuh...

"Chi nang..." Ka tih chuan,

"Lo dak teh..." A ti a, kawngpui ka zuk en chu a lo dak vang tawh... Kan inbiak pah Khan inchhunga awm kha a anglo reng a ni! Ka ban ka zuk vai ve a...

"Eng nge khatah i tih??? Ka nuten an hmu che ang eee!" Ka tih chuan

"In inhnuai a thim vek tawh tho a... Min hmu dawn ami???" A ti a... Nia ka chhungte pawh an pindanah an awm tawh ang... Sana ka en a, 10:30 pm a lo ri tawh... Gidion-a ka zuk en leh chuan a lo bo daih!

"Khaw nge i awmmm? Heyy! Laldinmawii! Khawiah nge i awm? Ka ṭawng i hre thei em??? An kidnap che ami??? Ka tih chuan...

"Kidnap lo eee... Tukverh lehlam hii, lo en rawh!" A tih chuan ka tukverh pakhat zawkah a hmai a rawn nem bet thlar tawh... Inchhunga ka hruai luh chuan Mama'n thawm a hriat ka hlau sia, ka va chhuak a, ka chhoh ṭhinnaah khan a lo chho ni ngei tur a ni!

"I thei ve elo?! Lo va in-fit ve aaa..." Ka tih pah chuan min lo pawt hnai chat!

"Kawrawh helai lovah hian awm ang!" Ka tih pah chuan kan inchungah ka lawnpui... Ni tla tur ka thlir paha ka ṭhut ṭhinna laiah chuan ka ṭhutpui a.

"Wow, i spot chu a va nuam reuh!" A ti huk..."Nuam deuh mai asin... Helai aṭang hian maww, ni tla tur ka thlir ṭhin..." Ka tih pah chuan kan hma zawna tlang chu ka kawk a. Reiek tlang a ni!

"Reiek tlangah i lawn tawh em???" Min tih chuan ka la lawn loh thu hrilhin ka lu ka lo thing. "Haa?? Kei chu ka lawn tawh bik bik!" Intih theih hmel zeta a ban thluang pahin a ti a... "Min la hruai ve ngei a ngai tihna!" Amah en reng pah ka tih chuan, "Umm... Ka la hruai ang che!" Phur hmel zet hian a ti a. Min rawn en ve chuan van lam ka thlirsan a, arsi an lang chiang ngei mai!

"Woww! Enteh khi arsi an tam lutuk!! Awii! An lang chiang si, a mawi eee!" Vawt tih vanga aw khur deuh chiai pah chuan ka ti a. "Khing arsite ai khian, ka bialnu hi keichu mawi ka ti zawk..." A tih chuan amah ka han en a, van lam a lo thlir ve tawh... Ka dar zawna a ban a rawn thluang vang chuan, a rem em a ka tia, a darah ka va bei... Insi chata kan ṭhut takah chuan a pangtilum te pawh ka hre thei nia!

"Arsi thlawk i hmu tawh em?" Ka tih chuan, "Umm... Hmu tawh e..." A tih chuan ka ṭhu ngil sauh sauhva... "Maw? A mawi em? Film ami ang hian a ni em??? Duhthu te i sam em???" Ka tih chuan mawl min tih hmel zet hian a nui huk a. "I la hmu ve lo a ni maww???" A ti duh chauh. "Duh thu chu ka sam ve ṭhin alawm..." Van en pah chuan a ti chuai raih a. Van en reng chung chuan a dara bei leh tur chuan min rawn pawt hnai a! "Tian a nuam..." A tih pah chuan, "Ka nunah vawi te khat mah ka la hmu ve lo a..." Tih pahin ka thaw huai...

"A nih... Eng nge i sam ṭhin???" Tih paha ka han dah chuan a rawn hawi thla a, a sang ka tih tawh kha, a rawn kun hnai a, min rawn fawp zeuh a, "Hei te hi..." A tih chuan awih loh hmel zetin ka ner nang... "Awihawm loh eee! Kei min smuahs hi i lo sam hman a maw??? Awihawm loh loh a!" Ka tih chuan a ha lang ṭhawin a nui seih a. "Ani alawm... Hlute, nang te reuh hian ka rilru i tihbuaina a rei tawh lutuk..." Aw tham raih hian a ti a. Ka la awih duh chiah si lo, nuam ti ru deuh si hian ka awm. Ani ang te hi chuan a duh duh a nei thei ang tih tluk kha a nia... Kei chu min duh ve tak tak pawh ka la ring lo... Ka chhe ve em bawk a ni... Maw... Ka phu lo he pa hi!

"Ti nge... I awih chiah na nge???" Min en reng paha a tih chuan ka bu huk... "Ih e, ka bialnuuu, inring tawk rawh! Ka duh che ka tih tawh kha! Ni lo seng chuan tunah hian i bulah ka awm lovang... Hmeichhia hian ka rilru an tibuai khat teh mai a nia! Nang hi chu i danglam... I at chheih chhuih vang te pawh hi a ni mai thei...Chu vang chuan midangin an neih hma chein ka neih vat che a ngai a..." Dam diaia min kuah nghet sauh sauh pah hian a ti a...

"A mak em alawm... Ka star pain min lo duh ve ringawt a..." Ka tih chuan a nuih ka tiza hle... Ni e, mi hipna eng emaw hi chu ka nei ve chiang alawm! "A zûna ka uaina pa hi ka zûnah a uai a..." Ka tih chuan min rawn fawp thut! Ka la zah deuh avangin nam sawn ka tum a, mahse min lo kuah nghet sauh sauh a, kei erawh pek chuan chhan dan pawh ka thiamlo... Heiham... "Hlute, Val lungmawla hi i zûnah ka uai der der..." A rawn ti sap a.

Tichuan, a nghawngah ka han kuah a, ka han fawp ve ta a. "Heh, min fawp let ve..." Lai deuh hian a ti zuai a, a mit ka hupsak a, kan in smuahs ta a... Kan inthlah hnu chuan amah ka en reng a, dak chho meuhva ka en reng avangin vana arsi eng phet phet te nen chuan ka en reng a, chutah a mit zawn vanah chuan arsi thawk ka hmu!

Phur zet hian ka zuang chhuak a, "Aaaah!!! Arsi thlawk ka hmu a niaaa!!! Arsi thlawk!" Tih paha phur zeta ka zuang chu a rawn ding ve a, High Five tiin min lo lawmpui lutuk! Ka phur hmel chu lawm hmel zet hian min lo en reng... Phur zetin ka kut ka suih a, duh thu ka sam ta a! Ka men chuan, "Congrats!" A lo ti ve sang...

Engkim hi a fuh vel vekin ka hria, arsi thlawk ka hmuh hmasak ber zan chu ka duh ber nena kan awm laiin a ni! He zan hi ka theihnghilh ngai tawh lovang! Kum khuain...








"Awiii! A ni maw?!" Ring fea classmate te en ṭhup ngai khawpa titu chu tu dang ni lovin Goldi bawk a ni. "Shhh! Insum teh! Tlangah kher a ngailo a niaa!" Ka tih chuan hmui dawm paha nui pet pet pah hian a ṭhu ṭha te te a. "What a magicall!!! Awi Hlupsiiii! Mi vannei tak i ni!" Sangtei'n a lo ti ve reng bawk a. Chutah hnung dawhkan chu ka nghang a, tui a rawn baw tlawrh! "Heyyy!" Tih paha ka hawi let chuan ka hnunga Boris-a thil ei chuan pawi tih hmel zetin min lo en. Chuan Boris-a ka tih hi chapter hmasa lama Plastic hovin an chhaih nawmnah kha a ni...

Keiman a tui in lai ka su bua a ni maw?! "Awiii! Tihpalh Boris, a van zialo tak! Ei leh tawh rawh, ei leh rawh..." Ka tih lai chuan a rawmawl a lo zawng ve mek a. A chet pah chuan dawhkan leh a dul a insik reng avangin dawhkan pawh a nghing sawn a nghing sawn a, ṭawng tam vaklo a nih vangin eng sawi lo mah se a rilru a buai ve viau tih chu a hriat theih... "BORIS! Boris... A pawilo ka tih kha, aw?! A pawi lo..." Ka tih chuan min lo nuih sen a, a duhawm ang reng phian a.

Washroom-ah chuan, "Zing zingah thil lo ei reng reng..." Tih pahin Goldi chuan ka kawr hnung chu rawmawlin a hru pah reng a. "Heihamm... Keimah ka fimkhur lo a nih kha..." Ka lo ti ve huk a... "Teh ka mumangah ka ha a lo bal ṭeuh aaa..." Ka tih chuan Sangtei lo lut chiah chuan mak deuh hian min en haw a. "Ka ha a bal i ti ami???" A rawn tih chuan, "Aw-aw... Ti nge?" Ka tih chuan, "Broo... It's your bad luck dayyyy! Pakhat chu kha, a thleng phawt... A dang i lo thlir ang... Fimkhur hleee rawh!" Min rawn tih chuan ka chil ka lem dup...





S.S class-ah chuan Goldi hian acid a rawn la chhuak hlawl! Eitur a lo lan tawh hi chuan insum theihna ka nei tawh ngai lo! Kan liak si ta thep thep mai a ni... Kan hnunga Chhani ṭhu chuan min rawn dil ve a, kan va pe leh hrih ṭhin a. Chutah leh! Ni dang reng renga kan thil ei hmu ngailo khan, "Lalrohlui leh Lalrohlui, Chhani leh Sangtei pawh! Ṭhu tung u la ban phar rawh u!" Kan Hotupa chuan a rawn ti nghal mauh mai! Tih lih chi ni si lo, phun neuh neuh chungin kan ṭhu tung ṭham a. Ban a va kham duh e aww! "Eng nge in lo tih thawt thawt a?! Mak! Min la tel ve ringawt leh nghal!" Sangtein a tih chuan, "I chawh!" Kan lo ti duh chauh...


Chu chauh chu a la ni lo! Gidion-a leh U Zdi, an class captain leh assistant an nia, school thil pawimawh puangin an rawn la lut zui!!! Ti nge vawiinah ber kher???
Gidion-a chuan zawn ngai lovin min rawn hmu Chiang hleee... Chutah min hliah tumin Goldi'n a theih ang angin min rawn hliah a. "Lalrohlu, awm ṭha rawh!" Hotupa lah chuan a la ti zui!

Gidion-a chuan min rawn nuih pet pet reng a, kan ṭhian mipaho lah chuan, "A zak ang chuuuh! Van chawh tak!!" Min lo ti sup sup zui... Ka la beng hlawm ang! Gidion-a chuan min lo la en reng a, ka nuih puat a hnuai lam ka hawisan daih...
C.C.A program lam an rawn puang a, an chhuah pah chuan min rawn la nuih seih zui... Awiii... Zahna tawrh ruama awm reng ai chuan khuk ral daih pawh ka duh zawk!!!

"Ti nge le??? Ti ngeeee?" Tia ka tal ka tal lai chuan, "A mak! I chaw kha ei mai mai teh!" Mer-thangin a lo ti a. "Awiii, min that mai teh u!" Ka tia ka hmai ka hup thul, dawhkanah ka bawk thul, ka ke ka per thul... "Lungngai suh, naktukah chuan tuman an hre leh tawh lovang..." Ka hnung ben theo theo paha Moni-an a rawn tih chuan, "SAHUAINIDOVAN A HRIA ALAWMMM!" Ka lo ti vin hlur... "Mate, insum insum, ka la piang thar lo a nia..." Tih pahin Moni-a chu a tawlh sawn tet tet. Midang zawng chuan min lo nuihzat hlawm hle a... Huiham... Kei pawh chu ka nui leh hrih...

"Lem kha kha a thleng tawh a, a dang lo thleng leh tur lakah i fimkhur hleee a ngai dawn a nia... Min tel ve zel bawk sia mawww..." Sangtein a tih chuan William-an, "Eng maaw?" A lo ti hu... "Aww, he nu hi! A Unlucky Days a nia..." Sangtein a tih chuan, "Engtin nge i hriat?" Vanlala'n a lo ti vat. "A mumangah he nu ha hi a bal a... Chu Chu a hma hunah thil duhawm lo a thleng dawn tihna an ti ṭhin alawm..." Thu tak zet hian a rawn ti a. "Awihawm loh, chutiang ngaihruatna mai mai..." Dudua'n a tih chuan, "A ni tak tak mek chu a nih hi!" Tih pahin Sangtei chuan a kut ka lamah a rawn dah haw... Ka unlucky day a ni tak tak emaw ni le???





School ban thlengin kan fimkhur hle tawh a... Tluang deuhva kan haw chu, khawilai ar ek rawn in spawn nge maw ni? Ar ek ka rap chiang hle... Ka en chiang chu rulhut a lo la awm zuiii!!! "Awiii, ka ten lutuk!" Tih pahin Sangtei a lo uak tuarh tawh... "Va paih vat rawhhh!" Mer-thangin a lo ti bawk a, kan rak leh chul tawh! Kawra ka va tat chu ka uak ka uak pah bawk a.

Chutah leh! Nu Machhungi te in kawtah kan la awm zui! Tui hi chawh tawlh aṭang hian a rawn paih thla a, min fu lo, mahse a tui per chuan min per fuh chiang hle... Ngati ngeee???

"Awi, Bawihi, i awm tih ka hrelo a, tihpalh!" Nui her her pahin a la ti zui! Nu zawngah ka ngei ber a ni ang! Sual leh lutuk mai! "In va beng chheng ve a ti nge ???" A la ti zui... Hnek chawrh a nia ka chak ni a... Awiii, ka ning tawh lutuuukkkk!

Insum zo lova Nu Machhungi ka melh kar chu ka ṭhianten ka kea ar ek a bo tawh leh tawh loh en chungin min rawn pawt a. "Ka tifai tawh!" Ka lo ti vin hlur tawh... "Awle awle, insum insum, nuthlawi a nih khi nuthlawi! Inbeng daisss!" Min lo ti ve hlawm a... Thawk ka la huai a, kan kal ta...

"Eng a silna tui nge tih pawh hriat loh ka kai duai chu a niahhh! Awiii ka ten lutuk!" Tih pah chuan ka mir chuai chuai thei! "A sual ve ngawt mai! Nu Machhungi chu a tiawm ang lo e... I awm tih a hre reng ang!" Titu chu Sangtei a ni. "Ni ngawt mai! He nu hi chu amah leh amah hian hmelma hi a insiam a... Ti nge a sual em em le? Hmanah lah tel a rawn leih baw thul... ' ka sahriak ka tibuai e kha eee' a la ti zui!" Goldi'n a tih nauh nauh pah chuan, "Chu lovah kan nu te bulah min rel reng bawk a..." Mer-thangin a lo ti ve bawk... "Engtin nge ma wkan nu te phone number te hi a neih zawk ni???!" Ka lo ti ve hlur bawk...

In ka thleng chiah a, ka room lam pan vat ka tum chu ka la tawlh thlu zui! Ka insum thei tawh ngang lo chu ka ṭap ta hawm hawm a. "Eee, ti nge Mamte... A na em?.." dam diai ka pa'n a rawn tih chuan ka ṭap zual sauh! Ṭap pur chungin, "Paa, i lo haw tawh a law???" Ka ti ṭial ṭhek... "Aw, Mamte tho rawh... Ka-ka lo haw hma a..." Tih paha min kaih thawh thu chuan, "Awii, Bawihtee, Mama chhuat ka nawhtir a, a lo tihuh mah mah a ni maw?!!" A rawn ti phei ve nghal a. Mama chhuat nawt lah chuan insum deuh chung hian, hmui hup pet pet chungin min lo nuih sawh... "Hmela, nge i lo nawh huh em em?!" Ka ti leh hram...

Thil awm dan te ka ṭah zawh hnua ka sawi chuan, ka chhungte chuan ho a ti leh ang viau mai a... Ka sawi zawh veleh ngawi rengin an thil tih ngaiah ṭheuh an let leh... Mama la chuan chek tlak tlak pah hian min en reng a... "I chhuat nawhlai kha va nawt mai mai teh!" Tiin ka vin hrep...
Heiham... Vawiin chu ka Unlucky Day a ni takzet a nih hi...


Show post links
Top

[Ngaia]

High School Crush







By: Lszi Zadeng






Chapter 11


Ka zah luatah, Gidion-an min rawn biak takin ka ti a, phone pawh ka en mai ngam lova... Chaw ei khamah erawh chuan rilru pangai ka put ve deuh avangin ka en ve hram a.

Rin ang ngei ngeiin message a lo awm nual... William-an a chanchin ka zawh kha min lo chhang a, Goldi leh Sangtei ten Group-ah Nu Machhungi an lo rel chiam bawk a, Group ka awmna dang dang leh Gidion-a...
Ka rilru a hah a, ka ipik up up bawk nen, ka va phone ṭhuai!

"I buai em???" Zawi tea ka tih chuan phur hmel zet hian min lo chhang a,

"Buai lo veee... Thleng ka sil zo chiah... Dede-a damdawi ka pe tawh bawk a-" a tih lai chuan ka lo inhnit hrut a, a thil sawi lai chu a tawp thut a. A aw pa zet, thum raih chuan,

"Ti nge? I ṭap ami???" Tun hi ka ṭah a vawi khat hriatna leh, min ngaihvenna hmasa ber a ni ang... A zawhna ringawt aṭang pawh chuan ka hlim veng veng thei!

"Aih ṭap lo... Mahse, ka rilru hi hah... Ka hrelo... Ka overthink leh tawh a ni ang..." .... Chhungkaw ṭha pangai aṭanga chhuak ni mah ila, ka rilru lam hi a dam chiahlo a... Anxiety leh stress tih neuh neuh ka nei a... Chu chu Gidion-a pawh hi ka hrilh tawh...
Ho yeah hian ka mittui hi a tla vat zel a, ka rilru a nat deuh chuan thil thleng miahlo thlengin ka ngaihtuah a, ka chau em em ringawt ṭhin... Ka chhungte hi chuan an ngai pawimawh vak lova, min ngai pawimawh lo tihna ni lovin, an hunlai ngaihtuahin, an hrethiam ve lo a ni ber mai ang chu, doctor pawh ka pan ngailo... Ka theih ang angin ka ṭawngṭai ve tawp a, a ni mai...

"Sawi la... Ka lo ngaithla ang... Ka ning lovang, promise... Sawi tawp rawh..." A tih chuan thil thleng zawng zawng ka sawi vek a, kan han nui leh hrih ṭhin a, ka chhungte an kal sawn daih laia ka rilru a bangbo raih lai vel te ka sawi a, eng atan mah min ngailo anga ka buai lek lek hman thu te ka hrilh bawk... Chutah a ngaiw veng veng a,

"Nihliap-dum-nu, ti nge hrem ngaia i awm a??"

"Aaa! Sawi lo ang... Ka sawi vek tawh khaa... Bakah, Nihliap-dum-nu min ti tawh suh... Ka hmelchhiat hmel lutuk... Ka hmelṭha chuang lo nain..." Hnap hnam pur chungin ka ti a.

"A nih, ka duat ka ti dawn che ami???"

"A-a-ahh! A ngai chuanglo..." Hepa chuh, ti ve lutuk...

"Chumcheknu!" A rawn tih chuan,

"Aaa ka thau hmel-" ka ti hman chauh a,

"Aw kha kha a ṭha, Chumcheknu-i i nih kha! Ka Chumchekcheki" a rawn ti nghal!

"Naaa! Ka thau hmel si..."

"Thau hmel hleinem... I thau hleinem Chumcheknu! I khal alawm..."

"Naaa, chu ka thau alawm!"

"Ka duh daih zawk..." A tih chuan ka lai ve det... "I dul kiar ping peng te kha ka piai chak a nia..." A rawn tih chuan ka ngawi vung vung... Haaa???

"Ehh... A ni lo lamah i ngai a ni chiangg... Ehe! A nu zawk a che na dawn tlat!"

"Naaa, ṭhingaaa! Tu nge rilru kawi zawk chu?!"

"Ka bula i mut theih hun chu ka duh tawkin i dul kiar ping peng kha ka ei thei anga, I biangno puar peng te kha ka khal thei anga..." A tih chuan awm hmunah ka lo ner nung tawh... Ka dul te chu ka en a, kiar reuh phian bawk sia... Ka biang te chu ka piai chhin vel a... Aaa!

" Ṭhingaaa! Ka hnek mai ang cheee!"

"Aaah, min hnek suh... E ka hria , min hnek theilo..."

"Ngati maw ka hnek theih loh ang che? Ka ngam rapthlak a nia!"

"Ngam mah la, min hnek i phal lo! Min hnek tur chuan min duh lutuk mah mah..." An tiahhh, awii ka lai chiang a ni! Ni e... Ka duh lutuk tlat he pa hi...

"Naaa, mimawlpa!" Ka ti thei chauh...

"I tan te chuan ka mawl mai a ni ang chu... Keima Chumcheknu-i tan vek..." A tih leh chuan,

"Naaa, ka hnek tak tak tawh ang cheeee!" Ka ti leh a...

"Haha... Tak takah... Kha, tikhan i ṭah a la chhuak em??"

"Chhuak tawh miah lo... Ahh... I van thiam!"... Ka ṭah a chhuak tawh miahlo!

"I bialpa ka ni miau alawm..." Inti thei taka a tih lai chuan ka lai ve det ...

"Ishhh...", ka tih theih chauh lai chuan,Keima vanlalzeia a nih hi ka ti rilru nauh nauh...

"Ka bialnu kha a rilru a buai em aw???" A rawn ti leh a,

"I bialnu hi a rilru a buai tawhlo..." Tiin ka lo chhang...

"Umm... Khati tur kha a ni... Ka Chumcheknu-i..." A ti leh huk a...

"E chuan, naktuk aṭang kan ṭan tak tak tawh dawn kha aw..." A rawn tih chuan ka bo hle...

"Hmm? Eng maw? Eee e e! Band kha maw! Yassi!" Ka tih chuan,

"I lo theihnghilh leh hman tawh a ni maw??? Thluakloteiiii!" A rawn ti leh a,

"Ninawmmm! I duh apiang min lo ringawt suh!" Ka lo ti hrep...

"A nih, Chumcheknu chiah ka ti tawh ang che ha ha ha ha!" A la ti vang vang... Hepa tak hi chu...

Chutah ka nu ka room-ah a rawn lut thut, ka phone chu ka off rang khawp mai! "Awii! Nu! Min tipbur alawm! " ka tih chuan min en vung vung a, ka room a en kual thul... "Eng nge i duh???" Ka ti leh a, "Aa, ka tarmit ka rawn zawng maw le..." A tih chuan ka thaw huai...

"Awww, hetah a awmlo! Engtin nge ka room-ah te a awm theih ang???! Ka dairy i lo chhiar ru leh te a nih loh chuan..." Tiin ringhlel deuhvin ka va en kar... "Hmm, ka chhiar bawk lo ve..." A ti a, a kal sawn zui nghal...
Huiham... Kik hmasa rawh tih dawnin ka nu meuh kha a ni ve si a...

Gidion-a chu ka va be leh vat a, "Awiii, tihpalh, ka ama a lo kal thut a..." Ka tih chuan mittui nena nui vak vak emoji kha min rawn thawn ṭeuh ringawt... A buai a ni ang ka ti a, thil dang ka tihsan leh hrih...

"Tun ṭum chu a hmasa aia bawnin in che tak tak teh anggg!" Aw ṭeng deuh nena titu chu U Kima a ni...
Tun ṭum chu school dang, band chang tlung zawk tam tak nen kan intum dâwn avângin kan huphurh ru ve ang reng a, chutih rual chuan kan phur viau hlawm a. Mahse pawi ta chu, inbuatsaih nan kar hnih chiah kan nei...

"Kar hnih chauh maw???!" Dudua'n tih haw chuan Awmawmin a lo khawih zeuh. "Zir nan, hla thlan te, a dang zawng zawng pawh. Ngawrh zawka kan ṭan a ngai dawn tihna a ni mai!" Hotupan a tih chuan kan lo inseh ru nasa hlawm hle a.

"Kan ti thei em em ang!" Tih pahin Gidion-a chu a ding huaia, "Kan tan harsa engmah a awm hleinem! Chung lamin min pui bawk anga, kan thei em em ang!" A tih chuan, "Ni e! Keimahnia a ṭha ber kan kan chhuahtir ang!" Tiin U Kima'n a lo zawm ve...

A tir aṭangin phur takin kan che tlang a, a nuam phian... Eng dang zawng aiin ka ṭawng vel paha hmuhnawm ti taka min lo thlirtu chuan a tinuam a ni!

" Chuan a kalsan ringawt che aaa??? Awiii, Lalduhsanga hi chu aw! Zeiloliana!" Tih paha Awmawmi nen Kan nui ker ker chu Dudua'n min rawn melh hraw hraw tawh... "Lalrohlu! Awmawmi kha i lo hruai sual ang e!" A rawn ti hrawk a. "Awi awi awiii, i bialnu hi hruai sual a ngai lo... A sual saa... (Awmawmi ngam tak chungin ka ti a), a reng rengah ngati nge i bialnu i lo hawnsan daih a?! Mawl lutuk!" Ka tih chuan thil dang min ensan daih... "A inthiamlo ve tho a ni maw???" Nui her her paha Awmawmi ka en chuan ani pawh nuihza insum ṭun hian a lo inhup ve put put a.

"In va hlim dun ve..." Tih paha ka dara rawn kuahin, "I hmelṭha lutuk!" Gidion-an ka beng bulah a rawn ti! Eng sawi lovin ka melh kak ringawt...

Engtik laiin nge Awmawmi Dudua bulah a lo va kal hman pawh ka hrelo... Tukverha mawng hungin Awmawmi nen khan kan ṭhu a, kan awmna thlang lam chu ngaw vek a ni...

"Heee??? Awmawmi chu a va chak!" Tih pahin Awmawmi leh Dudua nui lai chu ka en reng a. "Ti nge? La awm ve reng se i duh zawk ami? Kan ko phei leh dawn ami?" A tih chuan Awmawmi auh a tum hman tawh. Rang fahranin a hmui ka han hup a, "Ti leh bawk si..." Tih pahin min nuih sen a. "Eng ngeee?... Awm se ka ti kher hleinem... Nangmah Khan awm se i ti a nih kha!" Ka ti hut a.

Van chu a sen eng lamin a eng phet a, lunglenthlak lam lek lekin a paw chiai bawk a, chhum kar aṭang chuan ni zing chu an rawn chhuak dek dek hlawm bawk a. "Whoaaa! Van mawi zia khi!" Tia van ka kawklai chuan, "Van hi chu i ngaina ve a ni tiraw?" A rawn ti a. "Ni e... Van hi chu mawi ka ti... Ih maw, van ka en hi chuan ka thla hi a muang veng veng ṭhin... Thla nei ila, thlawk thei ila ka ti ṭhin bawk... Van khi chu eng ang pawhin awm se, chhum a zing emaw, ni tla tur sakhi ni a eng chiai emaw, arsi an lan tuar leh thla amah mal te chauh pawha a en pawhin, ka chhungril hi min tihlim veng veng ṭhin... Thlamuanna mak tak hian min chen chilh a, ka thinlungah hian muanna mak tak a awm ṭhin... Ka hlimna leh ka tan chuan thil hlu tak an ni!" Ka tih chuan ka darah min kuah nghet sauh suah a... "Ka tan i van sawi ang chiah chu i ni!" A rawn ti ve suk a...

Chutah a tho huai a, "Le, Kim, Ben, lo kal teh u lem! Dudu, Awmi..." A tih chuan an rimawi tum ṭhin ṭheuh an dawm a, "Ka thinlunga Chumchekcheknu! Hei i tan!" Tih pahin min rawn kawk a! A faifuk ta ret ret mai! A sak tum chuh! Len ka nuam -Benjamin Sum maw?!!! Awiii, a nuam reuh lutuk!
A zai ṭan a, ka phur lutuk chu ka za cheng tawh! Ka khi var reng mai! An va han thiam hlawm tak! Benjamin Sum chu tluklo mah se, a zai thiam thlawt! Part lah chu Awmawmi leh U Ben-a ten an lo la zei fahran!
" Ka di duat hmelṭha! Nang hmangaih hian chin lem a nei lo ve! Keii vala hian khuavel mi hmaah ka puang e, ka hmangaih che!" A tih lai vel chuan ka nuiza, lawm ru bawk si ka ip chawih chawih! Amah lah chu a confi em em khawpah!

A zai zo chu min rawn kuah a, midang an lo au rual dul! Hotupa a awm lova, an inla awl ve hlawm a nih hi! A rawn kun a, min en der der tawh! Chutah ka hmui a rawn en leh a, a rawn kun leh chiah tih chuan Hotupa hrawk thian riah kan darh chiang hle!

"Practice hunah hi chuan insum hram ila..." Nui sep pah hian a rawn ti a. Min hrethiam viau a nih hmel... Hotupa rilru zau tak kan nei a ni!

"Ka lawm e aw!" Tiin Gidion-a ka va hrilh ru... A biangah ka fawp zeuh a, tuman min hmu hman lovin ka hria...

"Nuam ti fal hi kan awm ṭhin aaaa!" U Kima'n a rawn tih chuan, "I neih ve loh vang maia..." Hotupan a rawn ti! U Kima tih loh chu kan nuih a za thlang hle!

Ka duhthusam mipa chu ka nei ngei mai! Ka lawm lutuk tlat! Tiang em em a hlim hi ka nei lovang, nakin zelah pawh... Mahse, engtik thleng nge ka hlim ang le???




...





Vawiin chu Inrinni a ni bawk a, Restaurant-a kal Gidion-an a rawt a, kan phur tlang hle! Rin aiin a hla phian a, mahse a hmun kan thlen chuan a nuam khawp mai a. Rimtui cheeek mai leh nghal! Eitur duh reng reng mi nih takah chuan ka phur hle ringawt!

"A man kha chu intum mai ru aw!" U Kima'n a ti daih! "Aww, kan inthawh khawm ang chu!" Ka lo ti ve nghal a. "A teuhlo a! Tam deuh in ei anga, tlem ka ei laiin ka ei zat ve man ka pe awmlo!" U Kima'n a tih leh chuan Gidion-an a hmui a va hup sak a... "I pek ai ka lo pe mai ang... Rethei ber awm zía zang a!" Khi seih chung hian a ti a... U Kima pawh a ngawi ve...

"Awi teh! Waiter hi tuai!" Awmawmin ka beng bulah a rawn tih chuan ka lo sik sawk! "Aiah!" A la ti vak zui... Ṭan viau mah ila kan order a ziah vel paha Gidion-a a en dan chuan ka mit a tikham ru khawp mai... Gidion-a bulah meuh rawn dingin order a rawn la zel a... A hming thui thui ka va order teuh kha! Pawisa ka nei tho! Ka ei zo vek thei dawn tho! Mai mai shala!

Ka order vel pah chuan midangin min lo nui put put a, an sawisel hran lo... An ei chak chi tho a ni tih ka chiang em! Dudua'n, "Em em aaa... Maki! Insums!" A lo ti ve ṭawk a...
A VA TUI TAK!






... ... ...





Gidion-a POV:

K.Hminga Zan Zai Ri hi chuan lung a len reng chu a nih hi... "Dede-a pawh a upa tawh hle a, min kalsan hun a nei ve mai thei a ni..." Tia ka ngaihtuah neuh neuh pah chuan Hlutei Arsi mawi tak te chu ka han en a, an mawi ngei mai! "Dede, nakinah chuan maw, khilai arsi angah khian min la chan san anga... Huizzz... E! Ka nu i lo han hmu anga, ka ngai tih min lo hrilhsak anga!" Ka tih chuan a lo bauh ve zauh a... Kan ṭawng te hi i hrethiam ve em leee???

Hehe... Chumcheknu-i khan a hre ve der si lova... A letter min pek zo zai kha ka la dah ṭha ve reng hlawm a, a dah lai kha ka hmu reng ṭhin... Engtik aṭanga ka nuna lo lang nge maw ni? Mahse, Chumchektei hi kha naupang kha a ni thei ang em???
Kha naupang kha...

Ka tetlai, ka nu a boral tirh kha, ka la hre reng ... Dede-a a bova... Ka zawng vak vak a, thim zingah khan... Ka hlau em em a, mahse Dede-a leh zel kha ka chan theilo a ni... Ka hlau lutuk khan ka hmul thi a ding vek thei a, thim hnu dai vawt tak chuan min fan chhuak a, thli a thaw nasa hle bawk... Naupang te kha thim zingah a bova, a hlauh em avangin a ṭap a, mahse thin zing aṭang khan hmeichhe naupang lo chhuakin, a rawn thlamuan ta a...


"Ngati nge i ṭah a??? Kei ai i lian zawk sia... Mipa leh nghal! Ṭah belh lutuk!" Tiin min hau vak a... Kei lah kha, lo ṭap tawh sa nen, "Ka ṭah belh lauuu!" Ka lo ti pur a, ka ṭap min thlem nan a zai a... Min kuah a, ka hnunga Ben thep thep pahin, "Ka naute hi mu hle hle se bei hle hle, ka naute hi a ṭap lo bang se, hei hle hle rawh se..." A ti a, a zai rit ret a... Ka ṭap ka ban hmu chuan Dede-a kan zawng dun ta kha a nia... Mahse ka hmu leh ngai tawhlo... Tuna kan in hi kan luah ta a, zawn ngaihna a awm tawh si lova... A bulah khan ka thla a muang em em a, ka la thawk ṭang ṭang chhung hi chuan kha hmeichhe naupang kha ka hre reng ang... Ka zawng hmu thei hlauh a nih chuan...

"Hmm Hlutei maw??" Min rawn call a ni... Dar engzat nge ni tawh le? Dar 1 a ri tawh... "Ka nauvi hi a mu theilo a ni mawww?!" Ka va ti a. "Umm... Mu thei thraks lo... Ka harh telh telh! I la mu bik na nge???"... "Umm ... Ka ngai che a,"... "Umhm mm, kei pawnnn..."... "Hei, Dede-a pawhin min mutsan der..."... "A upa ve tawh awm sia, duat hleeee rawh! I duat tih chu hre tho mah ila..." A rawn tih chuan ka nui sep.

"Eee, enteh maw..."

"Umm..."

"Ka mumangah hian maw, mipa pakhat hi ka hmu ṭhin a maw..."

"Ehh, min hmu ṭhin chiang!"

"Aih chu lam a ni lo! Ka sawi dawn alawm!"

"Awle, awle... Ka ngaithla..."

"Ih maww... Ka mumangah hian mi pakhat hi ka hmu ṭhin a mawm, ka kutah hian a vuan a, kan tlan dun chiam a, a chang leh ka lo duh hmel thei em em a, a chang leh aman min hruai kual vak a... Zan a la ni zel zui! A chang chuan den ka ti a, mahse a mak lutuk, ka mumangah khan chuan a bula ka awm kha ka hlim thei rap..."

"Ehemm..."

"A-a-aihhh, ni lovin... Ka mumang chauh alawm! B-ba-bakah, nangmah pawh i lo ni theiii aaaa...hehe"

"Chu pawh ni se, ka thik a nia aw! Mai maia! Tu uicho nge maw lo lang ni?!!"

"Heyyy... Huiham... Ka sawi ve mai mai nih khaaa, a tak pawh a ni lo!"

"Um.. a nih, tak takah... Chu vang chu maw i mut theih loh???"

"Aih... Ni lo ve... Ka mut theih loh chhan pawh ka hrelo e a..."

"Min ngai a nih kha aw ka di te!"

"Tu zawkin nge mi ngai chu?!"

"Hehe, tak takah... Ni e, kei chu ngaih thlak ka ni lo alawm..."

"An tiah, he pa chuh! E, chuan... Zirtawp hi Goldi piancham a nia, a lawm ve ngei dawn bawk sia, thil ṭha tawwwk bazarah min leipui rawh aw! Min hruai anga... I bike-in..."

"Eh... Ehem... Um... Tehreng mai! Anything for my Chumchektei!"

"Ka lawm eeee!"

"Class kan bang dawn ami Nilai thawh ṭan chu???"

"Haaa???"

"I bag-ah kawr inthlakna i pai ang... Kan chhuak ang, kan bazar nghal ang!"

"En-eng- eng maw i sawi a?! Mawla, I Chiang chiah em???"

" I duh loh chuan, a pawi hleinem... Chhuahpui che ka lo rilruin hman tawh a..."

"Mahse a ṭhalo alawm!!!"

" I duh loh chuan a pawilo ka tih kha, chhuahna hun kan neih loh hmel em a ka ti..."

"A remchang vel thlawwwt em bawk a nih chu! Tirawwm!"

"Umm... Chu taka ka sawiii!"

"Ka lo inngaihtuah ang..."

"Naktuk tuk leh a nih chu... Naktuk hun ka la nei... "

"Keimah chiah ka ni lovang... Lunch Break-ah Canteen-ah bang nen i lo kal ang, chuan bang chhelai aṭang kan chhuak ang, Kima leh kan ṭhianpa pakhat pawh a lo awm ve ang a... Bike in kan chhuak ang!"






... ... ...






Hlutei POV:


"Awi ka lo suangtuah nasa rapthlak!" Goldi pui chuan a rawn ti zawk a... Min lo phurpui leh hle... Sangtei leh Mer-thangi hrilh ve chu tlema a derthawn deuh avangin, Anni chu eng ka sawipui lova... Ka rin loh vang ni lovin, Sangtei hi chu, a duh duh hi a pawt chhuak ṭhin a, Mer-thangi hi chuan a theih tawpin min dang dawn tlat a, tih vel... Goldi erawh hi chu ka phirpui ang mai hi a ni a, min hau ve ṭhin mah se, min phurpui loh thil tih ka neih awm pawh ka hrelo... Ka Sahuainidova aṭang reng rengin...

"A nih chuan, date i nei dawn nih chu, nuam viau ang! Once in a life chime alawm maw le! Hmmm?! Nuam dawnnn!", "Shhh! Thawm dim rawh! I che sus mah mahhh!" Ka tih chuan kun dek dek pah hian kan bul ami te chu a melh kual zek zek a, "Tuman min hmu lovang! Don't worry! Smuahs!".... "Chu pawh ni se fimkhur a ngai! Tunah kha chuan 'thuruk kan nei a nia min lo en ru!' I tih duh hmel!" Nui put put pah hian ka ti a.

"Tunlai William-a ka be khat lutuk a, eng nge a an?" Ka tih chuan Goldi'n a va tlawh ngun thu ka hriat avangin sawi tur a ngah ka ring a, "Ahh... Ka hrelo... E a..." A sir lam melh ret ret pah chuan a ti chauh!

" Ti nge? A dam ṭha vaklo ami?" Ti he hu pahin a hmel hnai tawkah ka va en, phawk fe hian min lo en chuan, "A-a-ahhh, a ṭha... Duh leh va zawt laaa!" A ti phi chung! "I awm dan chuh! Eng emaw chu, haha, a awm chiang alawm!" Amah nuih sawh deuh pah hian ka ti a. "Engmah a thleng lo aw!" A ti pung tawh... Anni hi chu, chu e kha e vak turah hian ka ruat lova, mahse nuam ka tih vangin ka chhaih dun nasa ṭhin... Tunah phei chuan kawppui an neilo ve ve bawk nen...

I wanna hold your hand- The Beatles ngaihthlak paha Home Work ka tihlai mek chuan, ka hnungah hian mi pakhat a ding tih ka hre thei a, hei, kan bulah mi an lo kal a kan lo hriat chat theih ang hi a ni mai. Ka hawi let chuan ka phu zawk! Ka pa,a dul kiar zet nen a lo ding lung chu niin!

"Awiii! La-a awiii! Lal Apaaa! Awi! Huiiiiham! Min tiphu alawm!" Ka tih chuan min lo nuih ver ver... "Kya he meri papa?" Ka tih chuan, min tirh a tum tih ka hre thei... A nuih ver ver danah hian tum a nei tih chu chiang sa!

"Ih e, Mamte, englo a nia!" A tih dek dek lai chuan, "Eng nge ka tih dawn?!" Inringtawk deuh hian ka lo ti. "Ih... Tun Inrinni hi, i nu nen kan Anniversary a nia... Tun kum chu ka va day out pui teh ang ka tia..." Tih paha a rawn kun dek dek chuan a pavalai thaw ka hip chiang lutuk!

Hmui hup dek chungin, "Paaa, dine out an ti ngai!" Ka lo ti vat a... "Aw aw! Dine out maw le! Chuan, chhuak lova I naute i lo awmpui a ngai dawn a..." A lo tih chuan ka Phu ve zawk! "Leh-" a tih leh chiah chuan ka ṭhu ngil tawh hle!

"Leh- eng nge???" Ka lo ti vat a. "A ruk thei ang ber a tih ka duh vangin, pangpar lo ngaihtuah la ka duh... I nu duh zawng chu i hre zawk ang... Hman ni ka kawr leisak te kha, a duh zawng a lo ni vak si lo va..." Ka thaw de de pah hian a ti a.

Ka pa hi chu aw! Tun ang kumah pawh tiang khawp hian ka nu thinchhe ve tak pawh hi a duat em em thei a! Hmeichhia chu rei lo te vul chuka chuai leh mai ṭhin kan ni a, mahse, chuai tawh pawh a tir ang taka la hmangaih leh theitu hi, an vang hle ang! Ka pa chu chuti ang chu a lo ni hlauh a... Ka pain ka nu a hmangaih tluka min hmangaihtu hi ka ṭawng ve thei ang em le?

"Umm... Pa, kha chu ka kutah dah vek rawh! I lung lo ti ngai reng reng suh aw Romeo!" Ka tih rualin ka nu a lo lut! "Tu maw Romeo chu?" A lo ti vat a. Ka pa nen kan ding ngil nghal chiang hle! "A ih englo, Mamtei hi... Ih..." Ka pa, khawvel hel chhuak vek pawha date sawi thiamlo berin dawt sawi a tum ve chuan ka lo ip chaiwh chawih a. "Englo, bialpa neih min phal a, mahse Romeo ka la zawng ka lo ti a..." Ka ti hlawl! Ka pa'n a mit sirin min rawn melh kar bawk a, ka va suk zeuh... "Aihah! Ah! Ih, ni e... Ni e... Bialnu neih, ah, bialpa neih ka phal!" A ti ve ṭawk ṭawk!

"Enga?! Mamtei pa, i ti tak tak ami? A la naupang deuh ka lo ti asin... Hei pui hi chu kan fapa ang pui a ni na hian..." A ti vawng vawng a. Ka pa nen chuan mak an ti dun hle ringawt a, a rukin ka lo nui pet pet...
Ka nu a chhuak chiah tih chuan, "Yooo! Bialpa neih i phal avangin ka lawm em em e!" Amah va kuah pah chuan ka ti puat a... "Engtik laiin nge ka phal ka tih?!" A rawn ti buuur a, "hmm! Tun lawk khaaan! Mahse ka nei dawn tihna a ni kher lo aw!" Tih paha nui pet pet pahin bathroom lam ka pansan daih...

Ka pindana ka let leh hnu chuan William-a rilruah a lo lang a. Anu pui hi, a dam ve tawh ang em le? An in lamah inenkawl Turin an chhuak kha a nia... Wheelchair nen, thei leh thei lovin lehkha a zir ṭhin a. A thei bik khawp mai! Keini dam ver ver chung pawhin kan lehkhabu chhah tak keuna chang kan hre hauh lo thung a...

"Hello!" A aw harhvang tak chuan min rawn chhang vat a.

"Awii! Rin aia i thawven le... A la na em???" Ka tih chuan,

"Na lo ve... Mahse hetia awm reng hi chu a hahthlak!"

"Um... Ni e ... A dik ang... Kan rawn tlawh hman ṭhinlo lutuk che a, ka inthlahrung ve reng ..! Zan practice hi kan nei ṭhin sia, lehkha zir nen... Kan lo kan thei tep che a nia aw... Chuan lo lungngai lo la... Kan ṭawngṭaipui reng che a nia. Kan chunga harsatna lo thleng te hi, Pathianin kan tan a ruat vek a ni tih theihnghilh lo la. Kan Pathian khian kan tana ṭha lo turin rem a ruat ngai lo a nia... Umm?!"

"Awle, ka lawm e, Hlute. Ka mamawh hunah tak ka mamawh tak min tihsak ṭhin a." Thum run hian a ti huk a. William-a tan te chuan engtik lai pawhin ka inphal alawm. Gidion-a ka tawn hma kha chuan ama tan ka inhuam thui thei lutuk... Ka duh deuh te tan hi chuan ka che na ve hle ṭhin... Umm... William-a pawh hi ka spy nasa thei lutuk! Mahse letter vel kha chu ka ti ngailo... An pahniha ka atchilhna nasa ve ve mah se, Gidion-a ang renga ka thinlung luahtu hi an awm ngailo...

Gidion-a, a hmel eng phet phet te hian ka lunglai an luah a. Mipui tam tak zingah pawh amah hi chu ka hmu chat thei zel a. A thlalak pawh ka ṭhiante phone-ah te, ka phone-ah te, ka ngah tawh mai... Phe deuh deuh, amah a ni em tih pawh hriat lohna khawp te, heh, ka lo duh ve hle a ni he pa hi chu!

"A nih, ka dah phawt aw! Lo dam rawh!"

"Umm... Awle... Hlute," a ngawi vang vang a...

"In ngaihawm hlawm lutuk!"

He pa hi, eng nge maw a hriat ni! Phone ka dah hnu chuan Goldi nena an chungchang ka zawh theihnghilh tih ka hrechhuak! Hahthlak hian, ka haihawt lutuk luat vang vek! Mahse a pawilo, a la lang chhuak leh vat mai ang chu...

Thlamuang zeta hla ngaihthlak paha Gidion-a ka ngaihtuah lai chuan tun kar tawp ka tih tur ngahzia ka hrechhuak! Awiii! Naktuk ni se Gidion-an min hruai chhuak ang, a tuk Goldi party, a tuk leh ka chhungte! Leitur a tam si, huihammm.... Keimah hi sawm vel awm ila! Lehkha ka zir hman dawnlo! Tichhe pawl chu ni mah ila, ka zir ve a ngai thova... Heihamm...






...........................................................................








Chapter 12





"Nu vawiin chu ka lo haw tlai maithei aw..." Ka naute tiffin pack paha ka tih chuan,

"Hmm? Eng atan?" Thleng sil malh malh pahin a ti a.

"Goldi Birthday kha, naktuk a nia... Thul leisak ka ngai a..."

"Haw tlai kher a ngai ami? I lei zuai angaa! Leh kawi i tum vang bak va ni suh!" A ti vin leh hlur tawh!

"Aaa, kan haw rual ṭhin sia, a awm laia lei ka duhlo alawm... A ruk tein ka lei dawn alawm... Bakah, ih maw, nuu!" A beng bulah ka hrilh ru se se , "Ka pa'n min tir a, in anniversary ami tur! Shhh! Lo hawi suh!"

"E e eee! Awleee!"
Kha kha tactic ṭha em em a nih kha! Thil thlen dan chuh, rin aiin a awlsam daih maw le... Huiiiii!




"Vawiin chuuu!" Goldi'n ka beng bulah a rawn hrilh ru se se a. "Shh! I che langsar thei lutuk Makiii!" Tih pahin a chalah ka beng thek...

Vawiin chu ni pawh a sa ṭha khawp mai a, tluang takin kan hmang thei turah ngai ang... Mahse, diktak chuan, ka huphurh ve reng... Kan thil tih tum hi a ṭhat loh rualin, ka chak ve si a... Pakhatah chuan, once in a lifetime thil a ni ve a...

"Ahhh! Saw tu nge?" Min rawn melh reng paha Goldi'n a tih chuan midang an lo uoooo rual dual!

School Gate bul ka thlen chuan mipa pakhat, bang ngheng leh ipte vei lam zen paha min lo en rengtu hi a awm a, Gidion-a ngei a ni! A nui duh miahlo leh nghal! Ngawi renga min rawn seh thut duh tur a ang...

"Va tlai ve Chumcheknu!" A rawn ti mauh! "Chumcheknuuuu a?!" Tih paha ka ṭhiante min nuih sawh lai chu ka lo melh bui ringawt a. "A nalh!!!" Sangtein a lo ti chiam bawk...
Heihamm...

"Kan tlai lo, i hma nih khaaaa!" Tih pahin a banah ka chum chawrh!
Kun mulh mulh pah hian hian, "A naah!" An ti velah! "A lem lutuk khati em mmin ka hnek a na lo! Get up my brada!" Ka tih chuan ngil deuhvin a ding nghal a, "I brada chauh maw ka lo nih tak a?! Umm ... A awm alawm. Ka hruai lovang che..." A tih pah chuan School Building lam min pansan nghal daih!

"Va thlem ta che in pa sawww Maki!" Tih pahin Goldi leh Sangtei'n min nawr phei hrut hrut a... Ava ho reuh tak... Ka va tlan vat a, thei leh thei lovin a nghawng ka han ban. A inring lo ve bawk nen ka kuah kun dawr thei ve ngei!

"Brada, in class-ah kal rawh." A lo ti hlur... "Kha te vang khan tihian i awm a?! I van pa lo tak! Kei ai lian zawk leh nghal!" Ka tih chuan a che a tawp huk a, a ding thut a, min en vung vung pah chuan a ṭawng tawh dawn lo emaw ka ti hman a.

"Lo inring rawh aw! I lo phur leh lutuk ang e! Bye, ka hmangaih che!" Tih huk pahin a kal daih...Lawkin! "Ka hmangaih che," a tiiii! A ti tak tak em? Ka khawvel a nghing leh dur tawh! Ka lung a phu det det a, a ri ring lutuk chu ka bul ami te pawh hian an hriat ka ring hial a ni...






Chhuah kan tih hunah chuan Goldi ka signal zeuh a, min lo siai keuh! Ka bag chu kawm thlangah ka paih thla a, Gidion-a ṭhianpa ni awm tak school form ha lo hian a lo man chat! Gidion-a vei lam pang aṭang a rawn chhuak a, chu pa awmna lamah chuan a rawn tlan phei a, min rawn hmuh chuan zawi tea chhuk turin min ti a. Muangchangin mi hriat loh tur ang berin ka tlan thla a, ka hmanhmawh bawka, an bul ka thleng vat.

"Muang fan lovin kal nghal ang u..." Titu chu U Kima a ni! "Ehhh! I lo awm tawh a?" Ka va tih chuan a bu nghauh a, midang pahnih School Building hnuai aṭang an rawn chhuak phei ve bawk a, an van chhelo hlawm! Mahse ka Gidion-a a chhelo ber tho!

Sawi muangin School bang kan zut phei a, hnung lamah nichina ka bag lo dawngtu khan min lo veng reng bawk. Thing lianpuiin School bang a tihchhiat kar aṭang chuan kan chhuak thla a, an "mewati pandara" pawh a lo inhung vung tawh...

Public toilet chu kawkin, "Tah sawn va inthlak rawh..." Gidion-an a ti a, ka va inthlak thuai. Ka inthlak vat dawn vangin ka kawrlum pawh Goldi ka kawl tir a. Ka bandage crop top dum chungah camis vun rawng lam ka ha a, bush pants dum nen, canvas ka bun thuai thuai bawk a, School building bul lawka awm kan nih vangin ka muang theilo! Mahse school form nena ka chhuah chuan kan langsar dawn lutuk a, Gidion-a ṭhiante inah kawi dawn mah ila inthlak phawt a ngai!

Toilet aṭanga ka chhuak chu an lo inpeih diam tawh hlawm a, ka sam ṭawn phelh paha ka sam ti thur nawk nawkin an lam ka va pan. Thli a thaw veng veng bawk a, ka confi phei lutuk!

"Va thlang thiam ve Di," Pakhat chuan a lo ti hlauh. Ka nuih seih laiin, "Ka ta bik liau liau a nih hi..." Tih pahin ka helmet tur min rawn pe a, khum pahin a hnungah ka chuang ve nghal. Kan tlan chhuak nghal thuai a, khaw en lai a ni vang a ni ang, an tlan chak pangai... Khawpui chhungah chuan dan an zawm ṭha hle mai! Mahse, pawn lamah tiang reng hian tlan tak maw? Ka ring miahlo...

Kan tlan pah chuan ka thin a phu dut dut reng a, thil sual lian tak ka ti a ni tiraw? Aaa... Once in a lifetime alawm... A pawilo... Tiin ka inhnem.leh hnuhnawh a. Helmet ka khum bawk a, Gidion-a chu ka kuah nghet hle a, ka lungphu nasa zet hi a hre thei ang em le?

Kan tlan kan tlan hnu chuan Gate lianpuiah hian kan lut a, in mawi leh lian tak a ni! Mipaho kalnaah chuan ka zui ve zel a, Gidion-a kawr ka pawt chawt ringawt. Inchhung kan luh chuan hmeichhe pahnih hi an lo ṭhu ran tawh a.

Pakhat chuan, "Rin aiin in hma, ve ngei a..." A lo ti var a, an van tlanbo ngun hmel... Amah bawk chuan, " E, hei hi maw nau duat tur chu?" Tih pahin min rawn chibai a, a kan dan aiin a nelawm... Nula bawn deuh, min beng thli lawp thei ang kha a nih duh hmel. Chil lem dap pahin ka nuih sang a.

"Merabi ka nia, saw saw Fiona!" Tih pahin a hnung sofa-a hmeichhe ṭhu lam chu a en a. Fiona-i an tih chuan min ngainat hmel teh chiam lo, min rawn nuih sang eng ang mah se a mitah a hriat vek!

"Chuan midang hi i hre tawh em?" A tih chuan ka lo ka lo thing a. "Kan thluak thawla chu sawina chang pawh a hre pek na nge?!" A tih pah chuan an hming a sawi diat diat a, nichina ka bag pawmtu kha Rinawma a nia, inhnuai aṭanga rawn vak phei pakhat zawk kha Fira an ti mai a, pakhat kha Tima a ni bawk a, hming mak dun pahnih... Hriat a har dawn loh chu...

Tima chuan, "Lo va kal ru, keichu Lily Veng lamah ṭuan ka nuam!" Tih pahin a chhuak nghal a. "Rawn hruai la..." Gidion-an a lo ti nghal. "Aaah! Tunlai chu, hruai chhuah a har lutuk! Kan inhau zo chiah leh nghal a... Ka liam ang e... Phots!" Tih pahin a chhuak nghal... Bialnu hahthlak tak a nei ve a nih duh hmel... A lu kir danah, amah pawh a duailo viau ang...

Rinawma khan, "Kei pawh, Ruthi a damlo... Kal nghal mai dawn..." A ti huk a. Merabi khan, "Ruthi bawk maw? A duh loh che khaaa!" Nui her her pahin a ti a. Rinawma chu a tum huk ringawt. "Duhten min duh let loh hi chuan a hahthlak a nih hi..." U Kima'n a lo ti ve zuk... "Duh deuh a nei a, mahse an buai ve nuaih a nih hi!" Gidion-a chuan ka beng bulah a rawn ti a, ka lo bu ngauh... A hmelṭhat nen tu nge lo duhlo mai mai aww, ka ti vawng vawng ...

"Khaw nge kan kal dawn tak?" Ka tih chuan, "Ni a tlang san lai hian bazar ila, chumi hnuah kan leng kual dawn nia..." Merabi chuan a lo ti nghal. Ka tih duh Gidion-an a lo hrilh tawh a nih hmel.

Kan chhuah hmain Merabi te pahnih nen kan inchei leh hnuhnawh a. Merabi'n make up hnawih sak a, a thiam bawk a, ka vul chuk mai!

"Tadaaa!" Merabi'n a tih chuan, "whoaaa!" An lo ti ṭhup a. Gidion-a chuan, "Wowww! Hmelṭha tawh sa hmelṭha leh sawt!" Tih pahin min rawn piai vak... A na reuh khawp...
"A naaah!" Ka tih chuan a beng dawmin, "Tihpalh, Mambauhbauh!" Tih pahin inchung lamah a chho daih a. Mambauhbauh a?

Mambauhbauh tih chu ka tetlaia, kan awmna hluia ka ṭhiante min kih ṭhin dan kha a ni a...Merabi leh Fiona-i nen Kan titi zui avangin ka ngaihtuah zui ta lova, ka manghilh a ni ber mai...

Tichuan, kan chhuak ta a, veng chhungah na na na chuan an tlan chak ve deuh... Bazar Pui kan thleng a, dawr hrang hrangah kal kualin Mall hrang hrangah kan kual bawk a. Ka nu pangpar tur ka leisak rualin, Gidion-a a lo hawi kual bui bui a, a ruk te chuan, min leisak ve se ka ti a nia aw! Mahse ka dil lovang... Bialnu mahni bialpa te pawisaa inchawm mi nih ka duh lo tlat. Bakah, ka duh chu a to reuh e mai! Lily hi mawi ka ti a, William-a kha chu ka hrilh tawh, ka ṭhiante chuan an hre fur ang... Lo hrilh se, min lei se, ti vawng vawng pahin ka va thlir leh zeuh ṭhin a.

Fira leh Merabi hi an ni ni awm tak a ni! An inphur chhuak a, hei tunah pawh Merabi pangpar a pe mek. "Lian deuh ang saw chu nakinah ka la leisak ang che!" Tih pah chuan inthlahrun hmel zetin Fira chuan Rose par sen mawi tak chu Merabi a pe a. Merabi chuan, "hei bak I lei thei hleinem! A pawi lo, hei hi ka duh tawk..." Tih pahin rimtui tih hmel zetin a rose ken chu a hnim a. Ka pa pangpar tur chu an deliver theih tho avangin ka pa te office ah ka thawntir a. Kan kal pah chuan Merabi rose a bag khaia lawr vang chu ka melh zeuh zeuh...

Goldi gift tur ber chuan ka rilru a tibuai ang reng a, dawra kan kual kan kual hnu chuan ka duh tak ka hmu ta a! "Ṭhi maw?" Gidion-an a tih chuan, "umm, enteh lei, arsi lem a awm hi i hmu em? A chhungah khuan en chianin thu a inziak a, tah hi chuan, "If you wish on a shooting star, your wish will come true!" Tih a nih hi, nui ver ver pahin ka ti a. "Hriatchhuah i nei..." Ti huk pahin min rawn nek zeuh! Kan lai dun lutuk chuan, kan bul sir vela en tur awm mang lo chu kan en kual vak...

"Hemi bakah hian lehkhabu ka leisak anga, chuan William-an a pek tur, Pink Panther lem ka chah sawlai dawrah sawn en lawk a ngai." Tih pahin ka piah lawk dawr chu ka kawk a. "Pink Panther maw?" A lo ti leh huk a, "Um... Will-a hian a pek tur hi a chiang ang ka ring, Goldi hian Cartoon a ngaina lutuk... A tetlaiin a en nasa a, tun thlengin a nunah an la bet... Original ngei a pe dawn alawm..." Ka lo ti malh malh a.

Pink Panther kan lak zawh chuan, kan ral lehlam aṭang chuan U Kima leh Fiona-i an rawn phei ve a. "Vawiin chu U Kima pawh kawppui a nei a ni maw?" Tiin ka bula ding pa chu ka nghawk zauh va, "Aih, an ni lo!" Tiin nui huk pahin Gidion-a chuan min rawn hrilh ru... Eee, awle awle ti awm takin ka mit ka lo khap bawk a.

"Sawlaiah sawn an ei tur a tui lutuk! Va ei lawk ang u, chhuah leh tak tak hma!" U Kima'n a tih chuan, "A mak e! Fiona-i te Restaurant-ah kan chawl dawwwn! Insum ve rawh!" Merabi'n a lo ti nghal thuai a, U Kima chu uite naute velh hrep hnu ang maiin a kun dul...

"Fiona-i ten restaurant an nei maw? Wow! Nice!" Ka lo ti ve vat a. Kan vah kual pahin kan inbe ve zeuh zeuh a, rin ang em em a nelawm loh chu a ni lo ve... Mi an lan dan ang ngawtin teh suh an tih kha!

Merabi nen kan inkai chawt a, dawrah chuan kawr kan en chhin nasa ngang mai! Mipaho chuan phun miahlo hian hmeichhe pathum kawr en lai chu min lo nghak reng a, U Kima ber ber pawhin a rawn hai ve liam... "Hmeichheho tak hi chu..." Fira khan a lo ti huk a, kan nuih dial chuan U Kima'n amah kan nuih tih a hre miahlo! Gidion-a chuan U Kima chu a rukin a nuihzat ve reng bawk a.

Mipaho tihbuai nan hrim hrim kan ti a, kan vakpui hrep a, kawr te kan ha chhin vel a, anmahni te kan haktir thul, ka phone-ah chuan kan thil tih te chu ka lo la ve reng a, Gidion-a phone-ah ka la thul bawk a.

Vai pa kan bawl hrep laiin pitar pakhatin min lo hau va, kan ṭhu mai mai lai, "hetah chuan ṭhut kan phal lo!" An lo ti bawk! Security-in U Kima zial zu ru a man thul, Mall chhungah a lo zu pawt pawt a... Heihamm... Ka phone kan kal tawhna dawr Pakhatna ka theihnghilh thul... Dawr neitu la naupang te khan min rawn um vang vang a, min rawn pe leh hlauh bawk a! Ka awm a nawm chiah loh rualin, nuam ka ti phian a!

Tichuan, Fiona-i te Restaurant lam pan chuan kan inkhalh chhuak ta a, khaw pawn deuh hleka awm a ni awm e. Rin ang nge ngein, khaw pawnah nge nge chuan an tlan chak a, ka hlau hran lo. Ngampa sa tih reng rengah, nuam ka ti lutuk chu ka au ve chiam a, Gidion-a nui huk pawh ka hre reng...

Fiona-i te Restaurant kan thlen chuan van pawh a paw sen chiai ṭan leh tawh a. An dawr chu a pui khep khep khawp mai! Ei tur an lo chah sa ni awm tak a ni, kan thlen chuan min lo chhawpsak nghal sawk sawk hlawm a. A changkangin, ni dangah chuan ka chawlh zen zen loh hmel! Fancy tih chiam tur ang kha chu ni lo mah se a changkang a, a pui bawk a, an ei tur pawh a tui hmel khawp mai!

Dawhkan khat kilin, inhma tawnin kan ṭhu hlawm a. Lai pet pet pah hian Gidion-an min lo en ve reng bawk a, a hawi sawn pah chuan min rawn pet sek bawk a, a ke ka rah sak chawrh! Na tia a kiu vawng vawng pah chuan dawhkan a khupin a vaw chawrh bawk a... Ka lo kuangkuah hnan hmak a, midangin an lo hlimpui hle!

Ka ei tur ei puk puk chu min lo en ṭhup a! "Eng nge?" Tih pahin ka en hu hlawm a. "I ei tui hmel em a..." Firan a lo ti... Heh, ka tui ti lutukin ka lo hao leh chiam tawh a ni ang chu! Sawi leh sawi hnu, chaw hi ka nunna a ni a, ka hlimna an ni bawk a, a thak phei chuan ei thei tak ka ni! Chuan ka lo insum leh pek lo a ni ang chu! Gidion-a lah chuan pawi a tih hmel teuhlo bawk a, umm, a dik dawn! Fiona-i ka va en chuan a lo nui duh miah lo a...

Kan inkhalh hawn pah chuan tlangah kan kal a, Gidion-an min hruai hrang a, ni tla tur thlir pahin, a ang chhungah ka bei der der! Chuan hnung lamah hian Rinawma a rawn kal a, Gidion-a chu paper bag lianpui a rawn pe a. "Kinah a man ka pe ang che!" Gidion-an a tih pah chuan Rinawmna chuan rawn signal zuai pahin hmun dang a pan leh nghal.

"Eng nge a?" Ka tih chuan bag chu ka malah a rawn nghat thuk a. "Aiahh!" Tih pahin ka ṭhu ngil sauh sauh a. Bag chhung ka en chuan, Haa??? Lily kha! "Lily maw?!" Ka tih pah chuan a lo khi var tawh a. A hawi sawn te te a, "A-a- a dang pawh... A awm kha... En rawh .." a ti huk a.

Lily bouquet duhawm zet ka lakchhuah hnu chuan bawm hi a lo awm reng a, ka hmuh veleh ka hawng vat a, "Ṭhi maw?" Tih pahin a mitah tak ka han en a, "A chhung kha..." Tih pahin ṭhi chiah chu a en reng a. Ka zuk en chian chuan, "Ka hmangaih che!" Tih thu mal ṭawng hrang hranga inziak hi a lo awm a!

"KA LAWM EEE!" Tih pahin ka kuah let tawp! "I-I-i la hmu kim lo!!!" Thei leh thei lovin a rawn tih leh chuan ka ṭhu ngil sauh va, ka en leh chuan sazupui lem duhawm zet hi a lo la awm a! Ka hmuh chuan mak ka ti ve reng!

"Ahh! Engtin nge i hriat ??? Engtin nge heng zawng zawng hi ka duh tih I hriat?!! Pangpar hi chu ka en duh em bawk a, a awm a, mahse sazupui hi?!" Ka tih chuan hawi miahlo hian min lo en reng a. Ni tla tur chu a en leh a, "I rin aiin ka hriatna che a rei tawh ang, Mambauhbauh..." A lo ti huk!

"Mambauhbauh a?! Chu te chu ka tetlaiin... Maww?! Adidia chauhvin min ko ṭhin... Adidia.. Adidia! Nangmah hi maw?!" Tih pah chuan mit tui tling purin amah ngawt chu ka en nghal a, min lo nui seih a!.

Kan tet deuh laia ka pa an post-na pakhatah hian, zan khat chu, ka vak chhuak a. Naupang te e ti lo chuan ka hlau miahlo a, ka naupanlai khan ka lo huaisen zawk a ni ngei ang! Naupang pakhat hi a lo ṭap a, a uite a bo vangin... Ka la chiang khawp mai! Naupang te ka la ni! Chuan zanah chuan Naupang tahbelh deuh chu ka buaipui a, a hnuah kan inkawm chhova... Mahse kan insawn daih avangin kan inhre zui ta lova...


Adidia: Hei en la!
Mambauhbauhi: aaah! Sazupui in nei tak tak alawww a! Woww!
Adidia: An hmelchhiat em hiii...
Mambauhbauhi: Aaaih, keima sazupui a thi tawh... I ta ve hi duat rawh aw!!! Rei deuh dam tir rawh aw!
Adidia: Ti nge i ṭah a?
Mambauhbauhi: (a la ṭap reng a)
Adidia chuan Mamtei chu a kuah a, Mamteiin a hnem dan ang chiahin hla a sak sak ve a ...

"Kha ka sazupui kha, ka tan chuan a hlu lutuk! Keimah vangin a thi emaw ka ti ṭhin a, mahse a lo ni lova... Heh... Engtin nge i hriat theih zawk??? Engtin nge i la hriat?" Tiin Gidion-a chu mittui tling purin ka en reng a. Ka mittui min rawn hruksak a, "Ka zawnna che hi a rei tawh asin!" Tiin ka chal a rawn fawp a. "Khang hunlai ata tawh kha, ka hmangaih zawngin nitin hun ka hmang ral ṭhin asin!" A ti a. "Hmm, awihawm loh! Tetlaiin hmangaih tuman an hre lo!" Inhnip sawih sawih pahin ka lo ti ve. "A mak! Ka sawi chu a ni mai!" Tih pahin a hawi sawn saih!

"Heh! Hman hmanah khan ka hmangaih pa hian min lo hmangaih tawh a!" Tih pahin a khabe a ka dawmsak a. "I-i-i, i hmangaih pa maw?" Lai duh miahlo hian a ti a, "hmmm... Um... Ka hmangaih pa..."

Min rawn kuah nghet sauh sauh va, ka chalah a rawn fawp a, ka biangah, ka hmuiah a rawn fawp leh a.

"Mambauhbauh, ka lawm e aw..."

"Eng vangin maw Adidi?", Kan innuih leh seih a, "Ka ta i nih vangin!"...

Ni chuan liam a duh tawh a, mahse hun kal lai mek a tawp hrih ang maiin, ni tla ṭep tawh chu a la eng chiai a. Vana chhum te chu an sen paw chiai a, ni zung inkhawh chhuak te chu an mawi em em vek a. Thli chu muang tein a thaw a. Kan chheh vela thing leh hnah te chuan kan hlimzia min hriatpui a! Ka hmangaih chuan min kuah nghet sauh sauh a...




Haw lamah chuan a hmaa kan kalna inah khan kan kawi a, school form hak leh te te ka duh a... "Ti nge inthlak kher i duh?" Gidion-an min tih chuan awmze nei deuhvin ka han melh kak a. "Eeee... Awle awle! I fing e!" Tih pahin ka sam a rawn nuai thur kher...

Kan awmna in hi Merabi te in a lo ni reng a, hemi in tak hi chu an luah lo a ni awm e... An hausa phian a ni ang chu! Veng dangah in an nei a, an chhungkua chu khaw hrang hrangah, phai velah te an vak darh a ni awm e.

Hemi in hi chu tihian len nan te an hmang ṭhin a nih duh hmel... Club House a nih vel dawn hi a...

In ka thlen chuan khua a thim fel tawh a, ka chhungte pawhin ka thil tih an hria a, min hau lem lo... An hre kim lo tih mai loh chu!

"Mamte, i lo va haw hma ve?" Ka nu zawk chuan a rawn ti hlawl! Mak ve... Ka lo leng rei deuh lo a ni ka ti leh hnuhnawh... "Ka tlai viau ka lo ring zawk a... Um... A ṭha e..." Ka tih pah chuan ka chho nghal a, ka pa corridor-ah a lo ding zun. "Pa, i lo hmu em?" Ka tih chuan nui sang hian a lo bu nghauh a. Ka room ka pansan nal nal...

Thaw huaiin ka khumah chuan ka mu hnawk a, hahdam thlak! Heh, vawiin chu a nuam kherrr mai! Ka inchhir lo! Ka inchhir lo... Ka phone chu ka en a, charge pahin vawiin lam hlimthla te ka thlir let a. Step- kal theia kan inpawh chhoh zul zul lai leh miin min lo en ṭhup lai te, lapaw chini hmuihmul anga kan siam lai te...

An ṭhianho WhatsApp Group-ah min rawn tel ve a. The Watermelon maw? Heh! an uang ve hlawm khawp mai. Midang pawhin an thlalak an rawn dah ve hlawm a, kan hriat loh hlana Gidion-a nen kan kal dun lai an lo lak te chu ka hmu a. Merabi chu a lo zei reuh khawp mai! A kut chhuak pawh a duai lo...

Chutah ka status a hmuhin Goldi'n min rawn call nghal a.

"Awi bawihteeee! A van nawm hmel! Engtin nge ni ta? Han sawi tehhh! Ka hre chak tawh!" A ti leh chung tawh...

"Aw aw, ka sawi dawn! Ka sawi dawn alawm..." Tih pahin ka kawngkhar ka va khar leh hrih...

"Sawi vat!"

"Awww! Ihmaw..." Vawiina thil awm dan zawng zawng a kip a kawiin ka hrilh vek a.

"Ni tla tur chu a tla hlei thei mawlh lo a ni maww?" A rawn tih chuan ka nui huk...

"Umm... A mawizia chu e! I hria, ni tla tur ka ngainatzia leh, hetiang lam ka suangtuah nasat theihzia te!"

"Yes girl! Ka hria alawm! Ka hre lutuk tlat! Suangtuahna vak vel thleng dik ringawt ang kha!" A tih pah chuan kan ṭe ring dun hle!

"A dik! Nawmzia leh van mawi si ziaaa chu!"

"Aww Bawihtesss ka va thik tak che!" A ti leh huk a...

"Eee, hman ni Will-a ka biak khan ka dawp theihnghilh..." Ka tih chuan a ngawi reng a.

"Aaa, sawi lo ang... Ka ngei a nia!" A tih chuan ka bo viau rualin a sawi awmzia ka hre chak hleee!

"Hmm... Ti nge? Zep in nei dun chiang!" Ka tih pah chuan mipa khuh huk thawm hi ka hria a.

A ngawih vang vang hnuah. "Aih ... Neilo e..." A rawn ti a.

" William-a bulah ka awm a, rawn kal rawh ..." Ka tih chuan,

"A awihawm loh eee, hetah ka-" a tih chuan a ngawi leh daih a.

"Awiii, ka man che u!" Ka tih chuan nichina khuh bawk kha a lo nui huk a.

"William! Lo duat rawh aw bawihsuki kha!" Ka tih chuan,

William-a chuan, "Tehrengs..." A lo tih leh ben rik thap ri hi ka hria a.

"Will-a, i bialnu chuan a zahpui che a ang khawp mai!" Nui her her pah hian ka va ti a.

"Ka-ka .. Ka zahpui bawk lau!" Kan Goldi chuan a lo ti huk... Ka lu thing hnukin phone chu ka dah a. "Hemi te hi chu a, ka ring reng a ni... Goldi'n Pink Panther a duhzia chu ka hriatpui. A dp-ah te, a wallpaper-ah te a hmang a, pink a ngaina viau e ti lo chuan Pink Panther lem awmna hlir hi a duh a... Mahse a tilang zen zen lo, a naupang chhia tawh a ti ve ṭhin a, mahse chhungrilah chuan a la duh lutuk tih ka hria... Naupanlai thil atchilh deuh ang kha a nia... Keiin Sazupui ka atchilh ang hian...

Nui sepin Gidion-a nautelem min pek chu ka la chhuak a, ka kuah vawng vawng a. A hming tur ka zawh khan, ka duh duh hmang turin min ti bawk aaa!

"Adidi-i ni rawh aw! Adidi..." Tih pahin ka nui sep a.




... ... ...





Gidion-a POV:



"Ka hmangaih pa," min tih kha ka rilruah a cham reng... Ti nge a duhawm em em mai le? Engtin nge he nu hian heti taka min fan chhuah theih le? Mambauhbauhi... Ka ta, ka ta bik liau liau!

"Hmela eng nge i nuih ver ver aaa?!" Rawn ti thuttu chu Gerome-a a ni.

"Min tiphu alawm mawla!"

"Eh... Phut vakna tur a awm lo ve eee... I mawl zawk a nih kha, mawlaaa!" Min rawn ti ve hlur a.

"Vawiinah Hlutei leh midangho nen khan ka hmu che u a... A nuam viau lo maw?"

"Nuam... Nuam tehreng!"

"Ehh, a lai veeel! Nuam viau a ni maw braaa?! Fiona-i kha a tel veleh bawk sia, Hlutei i kalpui sia, a che na leh viau lo maw?"

"Che lo... A che ngam tawh lovang..."

"Umm... Nia..." Tih pahin ka khumah a mu duai a...

"Heyyy, mu ringawt suh! I bal!"

"Ka bal lo ve eee! Fai sa ka nih hi, fai sa!!!" An tiah...

"Kal mai teh!"

"Ih e nau! Dede-a ai mah chuan ka fai!"

"Mawla, Dede-a chu sawi lo zawk mai teh, nang ai a fai! Tirawh Dede!" Ka tih chuan a lo bauh ve huk a. A fel a nia!

"A la zar buai che em?"

"Tu? Fiona-i maw? Aih... Mahse min la beisei ve reng tih chu ka hailo..."

"Nia ka ring... Vawiina ka hmuh che u pawh khan a hlim hmel te har lo...'

"Ka zûna uai hi maww, a na!" Nui hiauva ka tih chuan,

"Min chhun vang a nih chu!"

"Teuhlo! Nang zawng i bialnu zawkin a ṭhen che kha aw!"

"A... Kh-kh-kha te chu!!! Patilin min chhuhsak vang a nih kha... Patil khan a lo chukha kual vel alawm!" Tih pahin a chhuak daih leh nghal. Patilin a chhuksak tih ka hre ve chauh... Ava hahthlak tak, patil pawh han hneh loh!

"Engtin nge i hriat?!" Hlutein a tih kha ka hrechhuak a... Heh... Mambauhbauh, engtin nge ka hriat loh vang che? Min thlem dan aṭang te, mi a ngaihsak dan te, zana a chhuah te, leh a bag leh box ilo zawng zawnga sazupui lem awmna a hman te... Heh... Hai rual a ni lo... Ka pek hma kha chuan ka chiang ngam lova, mahse ka pek hnu khan amah zawk khan... Heh, keima Mambauhbauhi liau liau a ni... Ka thlah ngai lovang!

"Dede, ka fapa duat! I nu vawiinah ka tihlim ve a... Ka tiṭha i ti em? Heh... Min tihlim a, min hrethiam bawk a... ... ... Chuan, min hmangaih bawk!"

"Didi! Didi! Di, ka pi, ka pi!" Gerome-an a rawn tih chiam chuan inhnuaiah ka chhuk thuai a, ka pi chu ṭhut khawmna pindanah nikhaw hre lovin chhuatah a lo tlu a, Nemin athei leh thei lovin auh harh a lo tum ve mek bawk a. Rang takin ka paw vat a, Gerome-a lah a lo chiai nasa!

"Ka pa khaw nge?" Ka tih chuan Nemi chuan a lo la Hawn loh thuin min chhang vat a.

"U! Motor lo va start rawh! Nemi, in lo nghak la, lo hlauthawng suh!" Tih leh chhuah kan rual a.

Ka khaw hmuh chu a zing riai a, ka pi, ka pi! Min kalsan thei lovang! A la hma lutuk! Amah pawh a la nula asin! A la theih loh!

"U hmanhmawh rawhhhh!"


Show post links
Top

[Ngaia]

High School Crush







By: Lszi Zadeng







Chapter 13




"Traffic a jam, engtin nge ni ang???" Tlan luang zawih zawih paha Gerome-an a tih chuan ka rilru a buai tawh hle a... "Ngati nge maw kan veng tet tet nen tun ṭumah kher a lo jam aaaa?! Hrep tak hian! A hun lo!" Thinrim ṭap aw ṭuauvin Gerome-an a ti a.

"A pawilo! U! Lo awm la, kan thleng ṭep tawh tho! Ka han paw mai ang! Ka pa lo va be rawh! Ka ni lo hrilh bawk la!" Tih pah chuan ka pi chu ka pawm chhuak a, ka pi pawm zo tur khawpin ka lo lian ve tawh a nih hi, heh!

"Kha kawng min lo kian lawk teh u! Damlo damlo!" Tia au chiam pahin kawng chho takah chuan ka pi ka pawm chhova, hah a sawi theih loh, hah pawh ka hre lo! Ka pi hi ka thlenpui a ngai a ni! Engti kawng zawng pawhin!

Thlanin min bual vek tawh a, ka pi pawm ṭha pah sauh sauhvin... Kan thleng ṭep aw pi! Lirthei pit ri luai luai leh mihring che vel thawm te chu ka bengah zing ruaiin an ri a, hmuh fish mang pawh ka nei tawhlo!

Damdawi In ka thlen chuan Casualty lamin min lo chhawn vat a.
"Ka pi hi Kum engzat nge?! Eng nge a hming le?!" Nurse pakhat hian a lo ti zung zung a...
Doctor-ten an en vel lai chu ka thlir reng a, ka pi tlir reng pah chuan,

"Kum... Kum 68... Thangmawii..."





... ... ...





"Didi! Awi Bawihaaa! Ka va lainat che em!" Tih paha a mittui hru kulh kulh tu chu ka ni ngei a ni! Chanchin a hriat veleh rawn kal vat mah se ka pa zawk a nih loh vangin a rilru tak chuan a lawmlo hlein ka ring!

"I pi chu engtin nge ni ta?" Rinawman a rawn tih chuan, "ICU..." Ka ti thei ṭawk... Ka pi hi heart attack neia hetia awm a ni tiin Doctor te chuan an sawi a... Chutiang nei thutthei khawpin ka pi hetia a awm hi ka ringlo hrim hrim! Heti em em a der thawnga a awm ka hre ngaihlo!

Ka hnunga beng thep thep pah chuan, "Bawiha, a ṭha leh vek mai ang!" Tiin Rinawma chuan aw hahdam tak nen min thlem a.

A tlai bera ṭangin ka pa leh Gerome-a an rawn lut a. Ka pa en reng bak chu tih theih ka neilo... Ka lawmlo a ni! A nu ngei pawh hetia a awm laiin tlai berah a ṭang thei a nia! Hoh hmel viau mah se, engtin emaw tal hian a chhungkua a ngaihsak lohzia hi a lang fo!

"Bawiha, min hrethiam rawh! Traffic a jam nasa lutuk a..." Hah hmel taka a rawn tih chuan ka rilru a khawih eih lo!

"ENGTIN NGE I THEIH ZAWK?!" Tih paha ka pa lam ka pan chuan midangin min lo dawm thuai a. Ka en ngai ka en reng.

"Traffic a jam a tih kha maw le! Mawla! Em em a che!" Gerome-an a lo ti ve...

"Mipui tamna Kara awm kan nih vang chauhvin ka ngawi ang!" Kutzung chal lek kawh ngei hian ka ti a. Mahni nupui pawh duat dam zo lakah hian eng teh lul nge maw ni ka lo beisei ni?!

"Mai mai salllla!" Tih pahin ka bula ṭhutthleng chu ka pet leng dawr a, midang chuan mak ti takin min lo en chiam ringawt... Heh, a awmlo hran lo ve...

"GIDION! A tawk!" Titu chu ka patea a ni... Heh, ka pa ni lovin... Min hau turin theihna a nei tawklo tlat! Min lo en hu bak tih theih a neilo!

"Awi a pawi e mai!" Tih pahin ka ni chu a lo inhrut keuh keuh a.

Ka pi mawlh chu a ni ka ngaihtuah! Heart attack a neih ka hriat ve kha chu ka tet deuh lai kha a ni a... Ka ni hi kan inah a lo kal a, ka pa nen an inhnial ta hrep a. To chungchangah nge ka hrelo... Ka nu chungchang te pawh a ni mai thei. Ka ni leh ka pa te inhnial ṭhelh a tumna lamah khan ka pa khan ka pi kha a nam thlu palh a, ka pi kha damdawi Inah an kalpui vat kha a ni a.










Ka phone ka en chuan Chumcheknu missed call tam tak a lo awm hman tawh a. Ka nauvi hian min lo ngaihtuah ve ngei a ni maw?... Duhawm lutuk!

"Eng nge i pi chu a an? Ka nuten chhuah an phal si lova... Ni lo se chu ka lo kal ang maw le! Tihpalh aw!" A rawn ti nghal zung zung a.

"I lo kal thei dawnlo tih ka hria alawm... Ka phut lo che..." Tih pahin ka nui huk a.

"I la nui der thei a, a ṭha e..." a tih chuan ka khi sek.

"Nang biak che chuan kan dam huai mai ṭhin reng alawm! Mmmm... Ka dam sawng sawng mai!"

"I va han uang tak! Hehe! Chuan i pi chu engtin?"

"Heart attack a nia... Kan chhan hman... Mahse-"

"Mahse eng nge???"... ... ...

"Ka ngai che..."

"Hmm... An ti daih ah... I pi chu a la harh theih chuan a lawmawm chu! Lungngai lo la, ṭawngṭaina chhang ṭhin Pathian kan neih kha! Aw?!"

"Awle..."

"A ṭha leh vek mai ang..."

"Nia..."

Ka phone ka dah chuan ka bul hnaiah Rinawma a lo kal a, "Ṭhianpa, lungngai suh aw! Hei, doctor te pawhin rei lo te chawl hah dam se an ti a nih kha... A ṭha vek aw!" A rawn ti a. Ka lawm rualin, ka lawm a famkim lo!



Zanlai thli thaw buk vuk karah chuan ka ngaihtuahna a leng vel a. Ka pi hi ka nu ang chiah a ni a. Tun min thlenpuitu chu, ka pa ni lovin ka pi ngei hi a ni! Ka pi hian Biak Inah te min hruaiin, hla te min sakpui ṭhin a. Rimawi ka ngainat chhan pakhat a ni!

Hmangaih taka ka piin min enkawllai khan khaw nge he mite hi an awm le? Tunah lem rilru hah hmel takin ka pi an thlir ṭhup se... Tenawm hlawm lutuk!







... ... ...






"I pi chu engtin maw a lo awm a?" Ka pa'n a tih chuan, "Nikhaw hre lovin a lo tlu a... Gerome-an min rawn au vat a... Tian, kan han chho kha a nia. Pa..."aw khur deuh ṭuau chunga ka tih chuan... "Didi, lungngai suh, a ṭhat leh vek tawh hi... A la dam alawm..." A tih chuan mipa e tilo chuan ka mittui a rawn luang zung zung a... Ka chân ve ang tih ka hlau em a ni!

"A reng reng thuah, heart attack a neih thut chhan hi eng nge maw ni reng reng le?" Ka patean a tih chuan Gerome-a ka en vat a. Amah hi lo hmu hmasa bertu kha a ni a...

Ka patea bawk chuan, "I pi hi chu, a upa ve tawh a... Thihna te pawh lo chal tawh thut thei dinhmunah kan ding tih hre tlang ila, rilru pawh kan insiam rem hret hret a ṭul ang... Aw, Didi!" Ka darah rawn vawn pah chuan a ti a... Ka aw pawh ka chhuah theilo, ka bu nghuk ringawt... A ni thei lovang!

"Ni e,Bawihte, tunah chuan a la dam ṭha a, mahse a kum a upa ve tawh bawk nen, duat viau a ngai ang aw!" Aka ni chuan a rawn ti ve a. Hemi te hian thil min hrilh loh an nei ang tlata hriatna hian min mawlh tlat!
Ka pi hi heti ngawta chuai mai tur chuan a la nula lutuk! Hriatloh eng emaw chu ka nei a ni!

Ni e, ka pi hi chu a upa ve tawh viau a... Mahse, ka la hrethiam thei chuanglo a ni.





... ... ...






Hlutei POV:

Gidion-an a pi a ngainatzia chu a sawi ve tawh ṭhin... A ṭawng tlem viau laiin a rilruah thil tam tak a awm ang tih ka ring a, mahse puih ngaihna ka hre si lo... Lalpa, ka hmangaihna kha lo thlamuan rawh aw!




... ... ...




"Hlute, Gidion-a chu a rawn kal thei dawn em?" Awmawmin min tih chuan, "Ka hre lo... Lo kal kha chu... A tum a..." Chuai raih hian ka ti a ...

"Saw! A changtupa chu a lo thleng alawm!" Harh vang taka titu chu U Kima a ni.

Gidion-a chu a Guiter hnung lama ak chungin a rawn phei zan zan a. School form ha lova, Hoodie grey a rawn hak chhuah chuan a rawn chhelo phei vah vah khawp... A cap phelh paha min rawn nuih sang chuan, a zûnah ka uai leh sawt!

Awmawmi chuan min rawn nghawk zeuhva, "Ahem, hemmm!" Nui pet pet pah hian a ti bawk a.

"Ṭha maw?" Tih pah hian amah chu ka en reng a, min rawn en reng pah hian a bu nghuk bawk a. Ka beng bulah, "Ka ngai chee!" Kun chungin ka beng bulah a rawn ti a... Va han over tak!

Awmawmi chuan, "Ewww, ka hre phak vek a niaaa!" A rawn ti a.

"I bialpan a tih ve ngai loh vang mai a!" Hawi pawh rawn hawi let lova Gidion-an kal vah vah paha a tih chuan Awmawmi chu a lungawi lo ve hle...

"Bawiha, i pi chu engtin nge?" U Kima'n a tih chuan Gidion-a kan en ṭhup a. "An admit a... Heh, min bosan ṭep tawh mai thei..." A tih paha hnuai lam a thlir reng chu kan lo en ṭhup a.

A bulah va kalin, a kiangah chat chuan ka va ṭhu a. A kutah chuan va vuanin, ani pawhin nget takin min lo dawm ve a.

"Lungngai suh aw! I kiangah kan awm a nia!" A hriat tham leka ka tih chuan U Kima'n," kan hriat phakin sawi rawh! Kan hre ve chak!" A rawn ti vat a...Ava hahthlak tak!

"Aw ka lungdi ka ngai che ka ti a nih kha!" Ka lo ti daih...

"Awi awi awiii! Tunlai naupang hi zahna chang pawh an hre tawhlo!" Kawng dawm vawng vawng pahin Hotupan kil khat aṭang a rawn ti hlawl..."E, kha! A changtupa chu rawn thleng ve hram a? Good!" Tih pahin a kut leh a kut a nawt a nawt a... "C'mon! Let-si start!"


Rimawi hi, mi tam tak chu ri mawi tak satliah mai a ni theiin a rinawm a. Mahse keini, rimawi tui chilha kan dam chhan atana hmangtute tan chuan, eng harsatna karaha pawh dam sawng sawngna a ni! Rilru na ila, rimawi kan tum a. Thinrim ila rimawi kan tum a. Hlim em em ila, rimawi kan tum leh a.

Rimawi hian kan thinlungah hmun a chang tlat a, khawi hmunah pawh kal ila, rimawi hi a ni mite tihlim a, hruai khawm ṭhin chu!

Kan practice lai pawh chuan Gidion-a chu ka en reng a... Midang rual chuan a hlim ve hlein a lang... Mahse a chhungril a chuai raih tih erawh hai rual a ni lo...





Chawlh lawk lai chuan Gidion-a, tlang lam ena a lo dak vang vang chu ka va hmu a. A pi a ngaihtuah a nih ka ring... "Heyyy, a changtupa, khawilam lanuin nge i lung tileng a? Ha?" Tih pahin a ngawngah ka va kuai duai a. Min lo nuih sen ringawt. A mitah chuan a rilru a hah ve hle tih ka hre thei...

"I pi ami?" Ka tih chuan thlang lam en bawkin a bu nghuk a. A kawngah chuan ka va kuah a, "Lungngai reng reng suh, a ṭha leh vek mai ang..." Tiin hnem ve ka tum a. "Thil awm dan tur chu a chiang tawh alawm tiraw..." A rawn ti ve huk a. Amah chu ka en reng a, a huphurh hle tih ka hria. A tan chuan amah hringtu a nu ang mai a ni si a.

A dahna tukverhah chuan ka va ṭhu that a, ka tla ṭep a, Gidion-an min lo man hman hlauh! "Hey, fimkhur rawh!" A ti nghat vat.

"Tihpalh!" Tih pahin ka han nuih sen a," kha min lo chhan hman tho alawm!" Ka tih chuan a ngui leh bui tawh! "Midang ka chhan hman lo..."A lo ti daih a... A dik dawnlo riau!

"Bawihteee, ka duaaat!" Te ka han ti vel te te a. Ka mitah min rawn en ve thei ta a. "Um, min en rawh!" Tih pahin a darah ka dawm a. "Ih maw, tian ti ang... I pi chu a upa ve tawh a, min en la! A kal pawh hi a tan a hah dam thlak zawk mai thei asin! I pa pawh a ṭha ṭan tawh aaa. Kei min nei bawk aaa... Bakah i pi pawhin I pu a hmu ve chak tawh ang, kan lo dan theih pawh a ni ringawt lovaaa!" A mitah tak enin ka nuih sen a. "Min ngaih tluk hian I pu khan a lo ngai ve dawn aaa..." tiin a biangah ka va chuks zeuh a. A rawn nui chhuak ve ta.

"Aw khati tur kha!" Ka tih chuan ka kawngah a rawn dawm chat a, midang chu sawi ngai lovin an lo chhuak diam tawh nia! Engtik laiin nge maw ni? Ka kawngah chuan vuanin min pawt hnai sauh va. Min fawp dawn tih a chian reng vangin, a hmuiah tak chuan ka va fawp hmasa a. Lai tet tet pah hian, "Ahh! Min fawp hmasa ve!" A rawn ti chhuak hlawl! "Heh! Mawla!" Tih pahin a awmah ka chum a. Min rawn en reng pah chuan min fawp leh a, min tih dan kha ka lungawi lo! Ka meng reng a, ka meng lui tlat! Mahse a kut chuan ka mit a rawn hup a. Ka meng tih a hria ami le? Cringe...

Ka hnung lam chu tlai ni nem chuan a rawn chhun a, a lum nuam veng veng. Gidion-a chuan chimlotein min fawp a, min fawh nat danah a rilru hah chu a la kiam lo tih ka hria. Ka taksa hmun dang a khawih miah loh vang chuan ka zah ru em em bawk a. Tun thlengin ka duh loh danin a la che ngailo, chet pawh a tum hranlo...

Min fawh pah chuan a sam nem tak chu ka kut zungṭang te chuan an fang vel a, nghet takin anin min lo vuan thung.

Chutah thawk a la huk, "Chumcheknu, nang awm lo la chu engtin nge ka awm ang le?" Tih pahin a nui leh sek a. A va han hmelṭha chiang tak! "Ni e, kei tluk hi chu i hmu lovang! Hmm!" Ka lo ti ve hmak...

"Eng nge i rilruah awm a, engtia tih chi nge tih zawng zawng ka hrelo nain... Rilru tihah lo la ka ti a..." ka tih chuan,

"Um... Nangin i tih te chuan..." a ti ve mai.

"Aih, tak takin..." Tih pahin a awmah ka kut ka dah a, " Helai hi thlamuang deuhvin awm se, a thil tawn te, ngai thiam se... A nat ka phallo a ni... Thil ṭha lo tak a thleng dawn lova... I pi pawh, a damna tur zawk a nia..." Ka tihlai chuan min lo en reng a... Ka han kuah a,"Ih e, ṭawngkam thiamlo viau mah ila maw, i bialnu ve te hian maw, theih tawpin i nat loh nan a pui ang che..." Ka ti a. "Chu chu ka sawi awm zawk tak a ni a ... Tihpalh aw... Kuah lum ngai zawka ka ṭan avangin." Min kuah nghet sauh sauh pahin a ti a. "Ka hmangaih che..." Ti hukin ka awmah a rawn bei nghal put put a, a lai ve deuh a ni mawww?!.

"Hmmm... Keipawhin..." Ka tih chuan a ding ngil huk a," ka sawi ang khan sawi ve rawh le..." A ti kher a... Ka zah tawh nen... Mahse, "A nih, ka hmangaih che... Adidi!" Ka ti ve a...






... ... ...





Inter-school Band Intihsiak Ni a lo ni ta a, ka tho hma ngei mai!Zing hma takah ka thova. Ka tho hma hle mai, khua pawh a la var lo... Tui ka lum te te a, ka kawr te ka en fel a. Ka inbual khu chem chem mai, duh tawka inbual pahin ka aw ka sawizawi a. Ka chhungte an harh phah leh, vawiin chu ni bik a ni tih an hre tho!

Ka inbual zawh chuan midang ka va call hlawm a. Mipaho hi chu aww, an tho tlai thei lutuk a, heiham... U Kima khan Group-ah khan min lo kai tho kha a ti ngei a, call vawi 5-naah a la thei ve hram... midang ka insiam pahin ka group call nghal a.

"Guys, tho rawh ru le! Awmawmi nen chuan kan inbiakna a rei tawh a nia! Lem lem! Les Gooooooo! Pipul!" Tiin phone-ah ka au chiam a, mipaho chu an lo ner neng nung ve bawk a, heh, mipaho...

Ka pa'n,"Mamte hruai i ngai dawn em?" A lo tih chuan pawnah an rawn pit chiah a, "Pa, ngai lo ang... Gidion-a uin min hruai dawn a an motor-in... Nih aw u, bye u!" Tih leh chhuah ka rual nghal a. "Ṭha deuhvin aw bawihte!" Tiin ka chhungten min thlah...

Ka chhungten Gidion-a nen kan chung chang an la hrelo nain, ka nu hi chuan min ringhlel ve ṭhin a... Hria chu an ang ṭhin... Eng an sawi lem lova, lo hre ta pawh ni se a pawilo a ni ang chu! Gidion-a leh midang hi chu ka sawi nasa a, fel an ti hlawm bawk a... Kan tih ṭhin ka sawi miau lova....

"Heee? Adidi, i khalh dawn maw???" Tih pahin a hma seat-ah chuan ka va ṭhu nghal chat a. "Bawihte, tlangval ka ni ve alawm!" Confi deuh hian a rawn ti let a. "Whoaaa, i va han chhelo bawihteee!" U Kima'n min rawn tih chuan Gidion-a an motor a tiding thut a, hawi let meuhvin U Kima a va en, " Bawihte tih kha chu ka loh dan tur..." Tih huk pahin hmalam a hawi a, a tlan leh nghal a. "Euuuu, tu emaw chu a thik thu a chhe riau!" U Ben-an a rawn ti bawk a... "Awmawmi leh Dudua an intuam rual a ni maw?" Ka tih chuan an lo bu nghuk hlawm a.

A hmun kan thlen chuan Dudua te nupa pawh an lo awm tawh a. "Awiii ka lal no! I va Han chhelo tak emmm!" Awmawmin min rawn ti nghal a. Kha daih chu asin! Inla pa fahran hian Dudua'n,"Nih kha! Mahse ka bialnu i la tluklo tlat!" An rawn tiah!

"Kha in inring tawh hlawm a ni maw?" Nelawm lo zeta rawn titu chu P.Faye a ni! Hnung lama ka va hawi chuan Fiona-i teho nen an rawn phei ṭham ṭham a. "Eh, Fiona, i dam maw?" Ka lo ti vat a. Min nuih ve duh eih lo maw le... Kan innel ve tawh viau emaw tih laia...

"Ṭha deuhvin aw!" Min kuah paha Gidion-an Fiona-i hnenah a tih chuan thil awmzia ka hrethiam chiah! Fiona-i te school band nen kan intum dawn a nih tak kha a... An thiam phian an ti bawk a... Mahse P.Faye nen daih engtin nge an lo inhriat???

Chutah Awmawmin, " Fiona-i saw i hria maw???" Tiin min rawn hrilh ru vat a. "Hmm? Engtin nge i hriat zawk?" Ka tih chuan, "Cousin an nia... An inmil vaklo... Mahse hei... Hmu dun hlawl..." A rawn ti leh sep sep a. Thil awm dan chu tlem tlemin ka hre ve deuh e...

"Bakah, Biaki... Engtin nge in koh kha?"

" P.Faye..."

"Aw, saw nu sawn... Min rawn be ṭhin a... Min be ṭha vel tawps ta ni... Dudua chanchin te min rawn zawt vel..."

"Dudua nen an in star ṭhin alawm! Mahse Dudua'n a star vaklo zawk... P.Faye saw a lerh a..." Tih vel paha Fiona-i teho leh ka bialpa te inbe lai en paha kan inhrilh ruk sep sep lai chuan, " In ṭawng ring ṭep Chhiai!" Dudua'n a rawn ti ve hlauh bawk a...

Chutah Hotupa a rawn chhuak a, lem! Undying Souls kha kan dressing room lam pan ang aw!" A rawn ti a. Gidion-a leh Fiona-i inbe tui lutuk chuan Hotupa rawn a rawn phei tih pawh a hre lo! Huiham... A benga va pawh a, kun phei tir tlawk tlawk a nia ka chak ni!

Chutah Dudua'n a drum stick-in a va vawm a, Gidion-an lo man chat pahin a rawn phei ve nghal. Ka Dara min rawn kuah a tum chuan ka lo dah thlak sak hmak...

"Ti nge?" Bo he hua a tih lai chuan ka lo melh hraw ringawt a. Ka kalsan nghal hlawp hlawp lai chuan Dudua'n a luah a khawm dawk ri leh Awmawmin, "Lerha!" A tih ruin a zui a. Adidia chu a nui sep duh ringawt...

Hun thlem te kan nei chungin kan inbuatsaih ṭha ve tawkin kan inhria a... Mahse kan zâm ve hlawm hle... Ṭawngṭaina te kan hmang a, kan infuih tlang bawk a. Gidion-a chu tlemin ka hlat ve deuh a, nuam ka ti vaklo... Mahse ka thik thu a chhe ve em a... Mawm...

Chutah min rawn en reng a. Ka lam chak tawka rawn panin ka banah a man chat a, varanda thlang lamah min pawt chhuak a. Ni chu a sa ṭha ngeiiii mai!

"Ti nge I induh?" A rawn ti huk a... Ka ham haih lek lek zawk... Ti nge ka induh?

"Ka induh lo aw!" Ka ti thei chauh...

Chutah ka biangah a kum lehlam lehlamin a rawn dawm a, ka mitah min en reng a. A nui sep a... A hmelṭha reuh e! Ni sa hnuaiah chuan a thu eng sep sep mai... Heh... A thu miau hek... A hmel ṭhatziaaa hi!

"Chumcheknu! Hlauthawng suh aw... Ṭha deuhvin kan ti dawn alawm... Pakhatna kan ni ngei ngei dawn ka ti lova... Mahse Pakhatna aim reng chungin kan ti dawn nia. Nang ai zai thiam an awmlo! Kan tiṭha dawn lutuk! Aw!" A rawn tih takah chuan a zûnah ka uai leh hne hne tawh. Ka zai mawi chhan ber kha amah a ni miau a!

Chutah min rawn kuah a, min fawp dawn emaw tih laiin inchhungah min luhpui a tum daih. Min kaih phei mai a tumlai chuan ka lo ding nghet bur a. A rawn hawi let rualin amah ka lo en reng. Ka hmel ner nung leh hmui ti pawrh vel a hmuh chuan a rawn nui sep a. Ka kawngah rawn dawmin min rawn fawp! Ka rilru a chhiar thei ami le? A rimtui eeem em leh nghal!

"Ka duhpa, hmelll ṭha lutuk pa! Ka hmangaih che!" Tiin ka hrilh ru a. Ka sawi ang chiah chuan, "ka duh em em nu! Ṭha chung chuang nu! Ka hmangaih che!" A rawn ti ve a. Um... Ti kha chuan ka lungawi em em!

Fiona-i te band che vel ka en chuan ka huphurh ru ang reng... Engkim a dik vek! An din dan te, an rimawi an khawih vel dan te, Fiona-i aw chenin! A mawi lutuk! Ka tluk dawnlo a nih hi ka ti rilru a ... Ka rilruin ka ṭawngṭai neuh neuh a...

Darkar a liam zel a, kan hun a ni ve ta chiah e!

Stage-a ka din chhuah rual chuan ka zam ve ang reng... A eng vek a, mi tumah ka va hmu theilo... Ka hriat zawng chu ka bul velah hian ka Band-pui te an awm a, kan inring tawk tlang tih hi a ni!

Hla chu kan sa ṭan ta a, mipui thawm ri a ṭhat phian avangin, ka inrin tawkna a sang telh telh a, ka ṭhiante hlim hmel ka hmuh pah chuan a mawi lai tak ka sa dawn chiah! Mahse, ha??? A thim vek! Ti nge? Light chu a rawn eng ngei a, mahse instrument an nung theilo!

"Tihpalh! Ka rawn siam nghal ang!" Sound duty ni awm tak chuan a rawn ti nghal a. Mipui thawm a ri leh nghal vung vung tawh... Midang ka biak pah chuan ka Mike a la nung tih ka hre thei...

"Adidi, acoustic!" Tih leh zai ka rual nghal a, Dudua'n min rawn zawm nghal! A mawi vaklo maithei... Mahse, ka confi tawk a ni!

Tichuan, current a rawn awm ta emaw ni? A hunah tak instrument dang pawh an rawn ri nghal! Aw a mawi lutuk! Kha bak bak!!! Mipui thawm lah a mawi! Light leh Awmawmi part zawng zawng nen! Aw! Aw! Hei tak hi alawm ka duh!

Gidion-a a rawn lang leh chiah bawk a! Ummm ... A mawi! Duhthusam a ni! Engkim mai chu a mawi vel vek a, mipui chu kan rimawi remin an che dar dar bawk a. Ka band-pui te ka va en kual chuan anni pawh ti fuh inti takin an lo nui ve sang bawk a. Lalpa, ka lawm e!



...


Ka beisei mahse ka ring pha lo! Pakhatna kan ni! An puan paha mipui au thawm leh khuang ri te chu! A mawi lutuk tlat!


...




Banah chuan Fiona-i leh Gidion-a inbiaklai ka hmu a, Fiona-i chu a lawm vak loh hmel khawp mai... Mahse Gidion-a chuan min hmuh chuan ka lamah a lo kal thuai a, Fiona-in dan tum angin lang mah se, Fiona-i ban chu a paih thla hmak. Ka bulah rawn dingin min nuih sang a, "Le! Chumcheknu! Kal ang le!"




Hotupa te inah kan chak kan lawm nghal a. Hotupa nupui ei siam chu tuiiii tak a ni! Ka lei ka lem lo chauh!

Kan hlim viau laiin Gidion-an call a dawng a, a rei lo hle... U Kima a va phei ve nghal a. A rawn chhuak chu rin loh lam daih a ni!

Hmanhmawh takin min kai a, a bike-a kan chuang chu kan tlan chak hle! Sawi lo mah se thil awmzia chu a chiang mai. A pi a boral...






...........................................................................





Chapter-14 (last of S1)




Gidion-a pi a liam hnuah thla tam a liam tawh a. Amah pawhin a pawn thiam hle... Gerome-a leh a pa an ṭah hawm hawmlaia a mittui tla tur a dang zo bik te kha a huaisen ka ti lutuk!

Ka la hre reng, an vui ni khan, luang bulah a awm laiin keinin thingpui lum ten kan lo pui a... Kan buai em avangin kan inbe hman meuh lo... Tlaiah khan kan inbe ve hman chauh kha a ni a...

"Hlute, awm lo ta la engtin tak awm ang i maw?..." Chuai raiha a tih paha a mittui dar ve fep kha ka hailo... A bula ka awm reng the thu ka tiam kha a ni a...






Tunah chuan a College kal turin min thlah pah ziah tawh a... Ka chhungte pawhin an sawisel lem lo.

Umm, ka lung chu a leng ve ṭhin... Band anga kan zaiho lai te, school library date kan neih ṭhin te, zirtirtuten min hrem laia min lo hmuh fuhlai te...

Mahse tunah pawh kan la jam ve reng tho a, lunglen chu rin ang emin a na lo... Min thlah ziah tho a... Ka intithei ru thei lutuk!
Hehe... Chapopui tham bialpa ka nei miau a!

Chuan khang thil zawng zawng a thlenlai khan William-a leh Goldi ker kawr hi an lo ni reng a! Inthup zo pahnih! Heh... Tak takah... Ka ring sa vek!

Ka hlauhthawn ber chu Fiona-i leh Adidia te College a inang a... Mahse an inhnawih vak tawh lovin ka hria... Eng pawh chu ni se, High School Crush ka nei ve a... Rin loh deuhvin ka bialpa a ni ta a... Chu ai rin loh leh zualin min lo duh hmasa a! Chu ai rin loh leh zual nasa zawkin ka tetlaia ka bestfriend a lo ni bawk a! Kei anga duhthusam nei kim hi an awm ka ring lo ve!

Sangtei leh Ruhmawiha pawh an la ni tluang a, tluang tihah, an tluang lo! An inṭhen a, an ni leh a, an inṭhen leh thul! Inthlah thei si lo, awm dun thei si lo ang kha an ni! Huiham...

Dudua leh Awmawmi maw... Tenawm dun lutuk zawk he mi te hi chu!

Mer-thangi, Moni-a leh Vanlala erawh U Kima iangin an la single...

Ka tih laiin U Kima'n bialnu a rawn hruai lut! "Eu eu euuu! Khawilam lanu chhelo nge a Kima?! I va phulo deuh awm ve aw!" Gidion-an a va ti nghal mauh a... "Eeee... A ve lutuk a chees! Mahse. Nia. Ka phuloh di ka awk hlauh mai!" Tih pahin a bialnu chu a va piai vel... Vel hian a! Huiham........ A duat hle turah ngai ang!





Chuan, tunah hian kan jam leh mek a, Ka thlang che - Lilac ngat kha kan sa a... Ka hlim hle ringawt!

Tunah chuan Hotupate inah ni lovin, Gidion-a jam room-ah ngei kan jam jam!

Kan hlim viau a... "Phone ri chu tu ta nge???" Awmawmin a tih lai chuan Gidion-an phone a la a,

"Eng a?! Nemi a rai a?!"



... ... ... ... ... ... ... The End S1 ... ... ... ... ... ... ...


Show post links
Top