High School Crush BY Lszi Zadeng (Completed)

[Ngaia]

Sneak peak:
S.S class-ah chuan Goldi hian acid a rawn la chhuak hlawl! Eitur a lo lan tawh hi chuan insum theihna ka nei tawh ngai lo! Kan liak si ta thep thep mai a ni... Kan hnunga Chhani ṭhu chuan min rawn dil ve a, kan va pe leh hrih ṭhin a. Chutah leh! Ni dang reng renga kan thil ei hmu ngailo khan, "Lalrohlui leh Lalrohlui, Chhani leh Sangtei pawh! Ṭhu tung u la ban phar rawh u!" Kan Hotupa chuan a rawn ti nghal mauh mai! Tih lih chi ni si lo, phun neuh neuh chungin kan ṭhu tung ṭham a. Ban a va kham duh e aww! "Eng nge in lo tih thawt thawt a?! Mak! Min la tel ve ringawt leh nghal!" Sangtein a tih chuan, "I chawh!" Kan lo ti duh chauh...
Chu chauh chu a la ni lo! Gidion-a leh U Zdi, an class captain leh assistant an nia, school thil pawimawh puangin an rawn la lut zui!!! Ti nge vawiinah ber kher???
Gidion-a chuan zawn ngai lovin min rawn hmu chiang hleee!!!... Chutah min hliah tumin Goldi'n a theih ang angin min rawn hliah a. "Lalrohlu, awm ṭha rawh!" Hotupa lah chuan a la ti zui!
Gidion-a chuan min rawn nuih pet pet reng a, kan ṭhian mipaho lah chuan, "A zak ang chuuuh! Van chawh tak!!" Min lo ti sup sup zui... Ka la beng hlawm ang! Gidion-a chuan min lo la en reng a, ka nuih puat a hnuai lam ka hawisan daih...
C.C.A program lam an rawn puang a, an chhuah pah chuan min rawn la nuih seih zui... Awiii... Zahna tawrh ruama awm reng ai chuan khuk ral daih pawh ka duh zawk!!!
"Ti nge le??? Ti ngeeee?" Tia ka tal ka tal lai chuan, "A mak! I chaw kha ei mai mai teh!" Mer-thangin a lo ti a. "Awiii, min that mai teh u!" Ka tia ka hmai ka hup thul, dawhkanah ka bawk thul, ka ke ka per thul... "Lungngai suh, naktukah chuan tuman an hre leh tawh lovang..." Ka hnung ben theo theo paha Moni-an a rawn tih chuan,"SAHUAINIDOVAN A HRIA ALAWMMM!" Ka lo ti vin hlur... "Mate, insum insum, ka la piang thar lo a nia..." Tih pahin Moni-a chu a tawlh sawn tet tet. Midang zawng chuan min lo nuihzat hlawm hle a... Huiham... Kei pawh chu ka nui leh hrih...
"Lem kha kha a thleng tawh a, a dang lo thleng leh tur lakah i fimkhur hleee a ngai dawn a nia... Min tel ve zel bawk sia mawww..." Sangtein a tih chuan William-an, "Eng maaw?" A lo ti hu... "Aww, he nu hi! A Unlucky Days a nia..." Sangtein a tih chuan, "Engtin nge i hriat?" Vanlala'n a lo ti vat. "A mumangah he nu ha hi a bal a... Chu Chu a hma hunah thil duhawm lo a thleng dawn tihna an ti ṭhin alawm..." Thu tak zet hian a rawn ti a. "Awihawm loh, chutiang ngaihruatna mai mai..." Dudua'n a tih chuan, "A ni tak tak mek chu a nih hi!" Tih pahin Sangtei chuan a kut ka lamah a rawn dah haw... Ka unlucky day a ni tak tak emaw ni le???
School ban thlengin kan fimkhur hle tawh a... Tluang deuhva kan haw chu, khawilai ar ek rawn in spawn nge maw ni? Ar ek ka rap chiang hle... Ka en chiang chu rulhut a lo la awm zuiii!!! "Awiii, ka ten lutuk!" Tih pahin Sangtei a lo uak tuarh tawh... "Va paih vat rawhhh!" Mer-thangin a lo ti bawk a, kan rak leh chul tawh! Kawra ka va tat chu ka uak ka uak pah bawk a.
Chutah leh! Nu Machhungi te in kawtah kan la awm zui! Tui hi chawh tawlh aṭang hian a rawn paih thla a, min fu lo, mahse a tui per chuan min per fuh chiang hle... Ngati ngeee???
"Awi, Bawihi, i awm tih ka hrelo a, tihpalh!" Nui her her pahin a la ti zui! Nu zawngah ka ngei ber a ni ang! Sual leh lutuk mai! "In va beng chheng ve a ti nge ???" A la ti zui... Hnek chawrh a nia ka chak ni a... Awiii, ka ning tawh lutuuukkkk!
Insum zo lova Nu Machhungi ka melh kar chu ka ṭhianten ka kea ar ek a bo tawh leh tawh loh en chungin min rawn pawt a. "Ka tifai tawh!" Ka lo ti vin hlur tawh... "Awle awle, insum insum, nuthlawi a nih khi nuthlawi! Inbeng daisss!" Min lo ti ve hlawm a... Thawk ka la huai a, kan kal ta...
"Eng a silna tui nge tih pawh hriat loh ka kai duai chu a niahhh! Awiii ka ten lutuk!" Tih pah chuan ka mir chuai chuai thei! "A sual ve ngawt mai! Nu Machhungi chu a tiawm ang lo e... I awm tih a hre reng ang!" Titu chu Sangtei a ni. "Ni ngawt mai! He nu hi chu amah leh amah hian hmelma hi a insiam a... Ti nge a sual em em le? Hmanah lah tel a rawn leih baw thul... ' ka sahriak ka tibaw palh e kha eee' a la ti zui!" Goldi'n a tih nauh nauh pah chuan, "Chu lovah kan nu te bulah min rel reng bawk a..." Mer-thangin a lo ti ve bawk... "Engtin nge ma wkan nu te phone number te hi a neih zawk ni???!" Ka lo ti ve hlur bawk...
In ka thleng chiah a, ka room lam pan vat ka tum chu ka la tawlh thlu zui! Ka insum thei tawh ngang lo chu ka ṭap ta hawm hawm a. "Eee, ti nge Mamte... A na em?.." dam diai ka pa'n a rawn tih chuan ka ṭap zual sauh! Ṭap pur chungin, "Paa, i lo haw tawh a law???" Ka ti ṭial ṭhek... "Aw, Mamte tho rawh... Ka-ka lo haw hma a..." Tih paha min kaih thawh thu chuan, "Awii, Bawihtee, Mama chhuat ka nawhtir a, a lo tihuh mah mah a ni maw?!!" A rawn ti phei ve nghal a. Mama chhuat nawt lah chuan insum deuh chung hian, hmui hup pet pet chungin min lo nuih sawh... "Hmela, nge i lo nawh huh em em?!" Ka ti leh hram...
Thil awm dan te ka ṭah zawh hnua ka sawi chuan, ka chhungte chuan ho a ti leh ang viau mai a... Ka sawi zawh veleh ngawi rengin an thil tih ngaiah ṭheuh an let leh... Mama la chuan chek tlak tlak pah hian min en reng a... "I chhuat nawhlai kha va nawt mai mai teh!" Tiin ka vin hrep...
Heiham... Vawiin chu ka Unlucky Day a ni takzet a nih hi...
______________ʕ⁠·⁠ᴥ⁠·⁠ʔ_____________


High School Crush Chapter -1





By: Lszi Zadeng








"Tlan ang!" tih pah chuan min kai a, chak takin min tlanpui ta a... Zan a nih avangin kawng ka hmu tha theilova, a thim ruih avangin ka inchhuih phei pawp pawp. Min kaitu lah chuan min tlan chakpui mai sia!

Kan tlan zel a, min dinpui thut a, mak ti taka kan awmna ka han en chiang chu! Kham pang awih zet hmachhawn hian kan lo ding reng a! Kham aṭang chuan, "Lalrohlu! Lalrohlu!" Tih aw hian min rawn auva, chuan ka harh ta thut a...



Ka hming chu Lalrohlui a ni a, Hlute tih te, Maki tih tein min ko ṭhin... Hlute tih hi duh ber mah ila ka nu chuan Lalrohlu tia min kih hi nuam a ti ber ṭhin...






Chiang mang lova ka meng chu ka nu'n chawhmeh fian nen hian min lo melh ran a... Sana ka en a dar 7 leh a chanve a lo ni tawh!

"Awi! Nu!" Tih pahin ka khum bula ka lehkhabu chu ka keu thuak thuak a, "Nu, ti nge min van kai tho harrr?! Ka la ennawn zo lo asin! Tiang lai hi ka la thiam hleinem, awi, nu!" Tiin ka phili chiam ... Kan exam lai a ni a, nizanah "Ka tho hma ang," ka tia, ka mu hma a ... Tih chi loh tak tak! Ka ti tawh lo chiang ang! Ti ila, zan men hi, a bik takin lehkha zir a ngaih zan chuan ka thei ṭhaks lo...



"I zak em, dar 4 aṭang khan ka rawn kai tho tawh che! 'aw' i tia, i mu leh zel a nih kha! A leh pekah chuan ka vaw Tho zawt zawt tawh ang che! Tho la, chaw rawn ei rawh!" Ka nu'n a tih chuan, min kaih thawh a tum lai ka hrelo reng reng, hria ilang chuan ka tho vang, tia ka inngaihtuah vung vung pah chuan ka phone ka en a, awiiii!



Mer-thangi missed call 30 chuang a lo awmm! Min rawn kai tho rawh ka ti takk!... Silent mode ah ka lo dah pek !... Ka va call nghal vat a, "Thangiii awiiiii, ka theihnghilh, tihpalh, sorry, sorryyyy.... Ka lawm tho aw! Ka lo silent daih aaa," Ka tih chuan, "Ka fel zia hi, lawm hleeeeeeeee rawh! I lak theih loh leh ka ring rengah..." nui put put chungin a ti a... Ani hi a tho hma thei a, a zir nasa bawk a, kan ṭhianho innghahna ber a nia...


"Tihpalh ka tih khaaa!" tiin inthiam loh deuhvin ka chhang a, "Ho tuk... Thiam hnem tawh em?" A tih chuan ka lehkhabu keulai chu ka en... "Chapter thum lawih ka thiam chianglo, pakhat phei hi chu zirlo ang vel ka ni" aw chhang ṭeuh chunga ka tih chuan, " Awiii,Lalrohlu! I ti tak tak emmm?" A tih chuan, zawi te hian, "Aww" ka ti tham raih.

"Keipawwhhh" uang fahran hian a rawn tia, mahse ti hian a rawn top 10 tho zel . Ka nu'n min la khaikhin ziah lehnghal!!!... A bawn ve thlawt alawm he nu hi chu! Kan lenna apiangah lo tel ve thei zel mah se, a fail ve phah ngailo hrim hrim! ... Mer-Thangi bawk chuan, "A nih ka dah aw" a rawn ti a, "Umm, min rawn sawm ula, vawiin chu ka tlai lovang!" Ka tia, phone ka dah a, ka textbook kengin choka ka pan.





Ka thianten min rawn sawm a, tun ṭum chu midang aiin ka hma... Mer-Thangi (a hming tak chu Mary, Mer-Thang ka tia, midangin an lo hre ve a, kan Mer-thangi ta vek mai),ka hmingpui Lalrohlui ve tho mahse Rotei a.k.a Goldi kan tih mai leh Sangtei ten min rawn sawm a... Middle school aṭang tawha inkawm chho kan nia, High School thlengin kan la tluang a nih hi.


Vanduaithlak takin kan zingah Goldi chauhvin bialpa a la nei! A bak chu naupang chhe nunin kan la nung. Goldi a nula eee tihna lam ni lovin, ani hi chu a za her hawr ve a... Mer-thangi erawh hi chu lehkha a zir nasa a, cold-hearted emaw kan ti, star pawh a neilo, mahse a chang hi chuan a nei vein kan hre ṭhin... Amah hian a sawi khat mai pawh a. Sangtei hi kan zingah chuan a hmelṭhain, a hleitling ber a! Mahse BL a en ṭhin a, a buaithlak a nih hi... Chu mai bakah, BTS duh ruhkawl ang kha a ni a, mipaten an bem ngam loh chu sawi loh, amah pui hian an biak dek dekin a lo hnawt zel...

Kan ṭhianho chu kan hahthlak! Intermediate kan nih dawn pawha Senior-a an sawn ṭep kha kan niaaa, chal ve vah vah tak kan nu ang... Kei ve phei hi chu a, eng teh uaaal hi ka ni lova, lehkhaaa pawh hi ka thiam lova, zai ka tui eee ka ti a, zahpuiawm khawpa rak bak ka thiam lova, mahse ei rawng bawl ka thiam... Tlat mai a!


Hmeichhia eee ti lo chuan thawh hreh hi kan neilo ve hlawm a. Gas bur ruak te chu kan chawi ve lawp lawp zel... Veng khata kan awm hi Pathian remruat nge anchhia pawh a sawi theih loh! Sangtei te hi an awm hla deuh ṭhin a, hman ni lawk khan kan vengah an rawn insawn. Kan mizia chu eng pawh lo ni se, mak tak mai hian kan inthurual tlang a. A rual hian kan pen ṭhap ṭhap zel mai a ni!


Ka pa hna vangin hmun hrang hrangah kan insawn ṭhin a, Aizawla kan awm tirh hian Middle School ka kal mek a, kan te ber a la pianglo. Heta kan insawn tirh chuan school thara kal kha ka huphurh lutuk a. Kan zirtirtunu khan min lo hrethiam a, ṭhutna tur te min kawhhmuhin tuna ka ṭhiante bulah hian min ṭhuttir a. Biak hmasak mai ka ngam loh vangin ka nuih ngam ṭawk hlawm a. Goldi hian, mi zak zum lo ve tak tih takah, min rawn be hlauh a ! Ka mizia an hrechiang a, "Ka rin aiin i hot!" An han tiah... School te kan kal hova, biak inah kan inzui chawt bawk a.

Ṭum khat Inrinni bazarah ka nu ka zui a, anniho kha kan piah lawkah an lo awm khawm a, "Hlupsiiii!" Goldi'n a rawn tih chuan anmahni ka hmu mai lova ... Min au min au reng a... An din a ka hmuh chuan, "Swaggg!" Hi ka lo tia, an inen ṭhup a, "Swaggg!" An rawn ti ve ṭhup ! Tiang chuan kan inkawm chho a, tun thlengin engkima thawm nei ring ber pawl kan la ni.


Show post links
Top

[Ngaia]

High School Crush






By: Lszi Zadeng







Exam kan zo fel a, pass chu ka inring mahse ka tichhe viauuu ang!... Ka chian em chhan pawh Matheee ah ka omit chapter a lo chhuak! S.S ah lah kum ka theihnghilh thul... English eee ka thiam eee ka tih pawh zir loh tur puiiii ka lo zir telll, awi a dang ka sawi peihlo ka thi hul vek! A ngaihna a awmlo a ni e... Ka chau a ni... Lalpaaa!




... ... ...




Result chhuah hnu kar hnih hnuah school kan lut ṭan dawn a, kan chawlh chhung chu chhungte tih lawm loh hlau reng rengin an thu ka awih a... Mahni in ngeiah ka inhlawh lo chauh! Mahse! Thu lawmawm! ...Beisei loh puiin, Pathian zarah liau liau! Kan ṭhianho kan pass kim a. Pawl 9 kan zova, pawl 10 kan ni ta chiah! Kan ṭhianhovin class khatah kan awm vek a. Kan lawm lutuk chu kan ri nghal chûl leh peka, kan classmate ten min en ṭhup tih kan hriatchhuah chuan kan ṭhu fel ve ta hram.

A hminga pawl 10 te nih ve chuan kan ti a, kum hmasaa kan ngam loh school fan te kan tum ve a. Canteen panna lamah hian Higher Building hi a awm a, nikumah kan kal ngam ngai silova, tunah pawh ṭi deka Canteen kal pahin kan va en a... Kan dak dek dek tih chuan Plastic-hovin min rawn kal pel fua!

"Mean Girls" movie denchhenin kan school mi rapthlak pathum te chu an hriat lohvin Plastic tiin kan kova. Mahse chu pawh chu a lo darh, a sawi hmasatu kan ni tih erawh an hrelo hlauh a! Nilo se chuan, P.Faye te ṭhianho sawn an ke liak faitu atan min hman an hreh lovang!... Mahse kan hlau teh chiam bik lova, mi nawlpui pawhin an hlau hranlo, anmahni hi an rapthlâk êm avângin mi pawh hian an khawngaih en zawk mahin ka hria...

Vawi khat pawh, pawl 9 kan nihlai khan, new comer e kha e tih lohvah chuan an zak theilo khawpah! Mipa thau ve deuh pakhat hian a Frooti in lai P.Faye, an boss ve ber mawzaah tlem, far khat lek a kai a. Chu naupang khawngaihthlak lutuk chu Plastic-ho chuan P.Faye mawza an suk tir a, tih luihnain Ofiice-ah school uniform mawza an va leitir bawk a... A dang dang pawh an ti ṭeuh mai... An duh neih nan tih hreh an nei lo... An kalna tawh phawt chu an ta emaw an ti ṭhin... A chungchang chu nakinah kan sawi leh ang...



"Lo kal ru, an awm tawhlo, lo kal ruuu..." zawi tea, bân vai meuhva ka tih chuan ka thianten thawm an neilo. Ka hawi let a, an lo bo diak! Hmelho chuh! Khaw nge maw an lo vah hman ni??? Ka kun chu ka thova, ka thiante zawnga ka phi ruai chu mi pakhat nen kan insu dawt!!!

Ka hmaiin a awm a sut nghek chuan a rim chu ka hip lut chiang kher mai! Uaiii ! Ava rim tui eeee! Tih paha muangchanga ka en chhoh chuan kan inmelh chiang kher mai!!!
A hmel lah chuh, ava ṭha chianggg! A êng phet phet thei mai! A mitmeng chu, a no daih a, pa em em siin... Chuan a hmui te chu, a nem hmel em em!

"Ehemm" tia a khuh kherh chuan a awmah ka lo la bei tih ka hrechhuak! Rang lutukin ka kal sawn vat a. Sir lam ka en chuan, ka thianten min lo thlir reng tawh... Ka zak lutuk awiiii! Ka zak, ka zak! Ka zak lutuk ka ner nung nung lai chuan, "Aaah, kha pa kha a bo daih.." ka ti a... Ka thianten min rawn bawm nghal....

Goldi lah chuan," Awiiii, Maki a nuam emmm, k-dramas emmm? A romantic eee keichuuuu! Awii, nuam har har eeee Hlusss!" A lo ti chiam! ... Sangtei nen an phur fâl lutuk!... Mer-thangi erawh chuan, "Mak cheng cheng che u chuan. Nuam hi in ti hawr hawr sia... Eng nge khatia in awm chiam?!" a tih chuan, ka en ngai en reng hian, "Ishhhh..." ka tia ka lai ringawt!

Sangtein,"Awiii, a lai velll!" a ti . Goldi'n, " Kan zawng chhuak nghal ang, bem nghal! Nei nghal! Awiiii!!!" a ti nghal cheng a, Sangtei nen an phur fahran! Mipa lamah hi chuan, phur chu sawi loh an inzuar lo chauh ang! Tih vel... Mer-thangi ve thung chuan, "Mahse a phulo..." a lo ti a, amah chu kan en ṭhup... "Kha pa khan maw leee, a thu eeem khaa, hmelchhe si, a awm dan te lei lui kha a!" A lo ti a... Dawt chu a sawi miahlo... A thu ve deuh a nih kha... Mahse, har ngaihno bei a nih kha...


"Awi bawihte, a hmutu mitah a mawi phawt te chuaaan, sawi buai theih kan nei chuang hleinem, tiraw Hlups..." Min en paha Goldi'n a tih chuan ka lo khi heu thei chauh a, kha pa hlir kha ka mitthlaah a châm...

"Nichin kha chuan mawww, film vela slowmo-moment an neih ang tak tak khan ka awm maw le!... A mak lutuk! A takah a awm theih pawh ka lo ring ngai lova... Kha pa kha a eng phêt phêt mai maw le!..." Sangtei kuah uai ngûl chunga ka tih chuan Mer-thangi a lo chek tlak tlak...

"Woww, eng tikah nge ka slowmo-moment ka tawn ve ang leee???" Sangtein a tih pah chuan kan inthen kan inthen a... "Nang te chuuu, Ruhmawiha i neih khaaa..." Goldi'n uang zetin a lo tih chuan nui ṭeuh chungin kan class lam kan pan.






Break zawh te chuan, class-ah kha pa hlir kha ka ngaihtuah, mahse, " Awiii a hmel ka theihnghilh dawnnn!!!" hlauthawng deuhvin ka ti a. Goldi'n," Theihnghilh suhhhh! Mahse babe, don't worry, ka la hria alawm!" A lo tih chuan ka thla a muang huai... Vawi khat chiah ka hmu si a, a hmel awm dân theihnghilh pawh ni ila, a âwm tho a... Mahse hei hi chu! THEIHNGHILH THIANG A NI LO!




... ... ...



Second period a zova, "short break" kan nei. Library-ah kar hmasa lama ka lehkhabu hawh ka dah dawn a. Library hi Canteen bula awm a nia, mi ṭhenkhat chuan thil ei pah ten lehkhabu an va chhiar ṭhin.

Lehkhabu ka submit fel tih chuan a dang hawh tur ka va zawng. Tun ṭum chu Mizo-Section lam ami chhiar ang ka ti rilru a. Ka bih dek dek lai chuan KA ROSE PAR MK-a tih chuan ka mit a la hle a, ka han chhiar vel chhin a...

Ka chhiar chhin lai mek chuan ka bulah mipa pakhat a lo ding! A rim chu ka hriat hnu a ni chiang!... Ka han en dek dek a, uaiii!!! "Nimin ami khaaa," tih ngaihtuah paha amah ka en reng lai chuan ka lung phu hi a rapthlak lutuk! Tawp tir teh u, stop! Staaaaap! Ka khur vel! Heyyy! Staaap!

A rang lamin KA ROSE PAR MK-a nen Librarian bulah ka va kal, ka lehkhabu ken chu ka hawh vat a, class-ah ka va tlan phei nghal! Kan School hi Aizawl School-ah pawh a changtlung pawl a ni ve a, ka pa pawhin "hetah i luh loh chuan sikul i chawl ang!" min tih ṭhak ṭhakna kha a ni ve a. Nawm pawh a nuam teh e !...

Class ka thleng a, ka ṭhiante ka hrilh nghal vat. A van nuammmm tak! Ka hlim veng veng mai a, ti kha chuan a hmel pawh ka hre chiang sawt!... Ka en hnaih nen, min hmu ve eih lo em maw ni???



"Tunlai chu thil tawn i nei a ni maw??? I hlim thei riau mai! " William-a'n a tih chuan ka harh chhuak zawk! "Eng ngeee?," ka tih chuan, " Khaaa, i nui ver ver alawm!..." a ti a. Tawn thar di ka neia ka hlim ver ver loh takah!

"Eng nge ka nui theilo mi?! Bakah ka nui bawklo!" Ka lo ti hmak ... William-a hi a hma chuan ka star ve deuh ṭhin, mahse bialnu a nei a, star enah ka en ta lo tawp... Rin loh deuhvin kan inkawm ngeih ta phian a... Amah lo pawh Vanlala a.k.a Vanapa, Zakiamlova a.k.a Moni (kan koh chhan ka hre tawhlo), Duhsanga a.k.a Dudua leh Malsawma, a ruh vawi thum lai a tliah tawh avangin, Ruhmawiha kan tih tak te nen, kan inkawm dial dial ve a, kan gang a nih ve chu...

Vanapa leh Moni te pawh hi Middle School atang kan hre tawh, mahse High School aṭang chiah hian ṭhian pangai angin kan inkawm a... Anni mipaho erawh hi chu an luck em em a. Chhe ve te e tilo hian, kan inkawm vang ringawt hian mi hian min thik ang fahran a, an chhiat nen nen! Mahse, an luck zarah Chocolate tui deuh te pawh kan ei ve phah zeuh zeuh... An slam-page te kan chhansak ṭhin a hehe... Keini lah chu min kuai thlu pawp ang tawp tawp a. Hmeichhe en hian a nu ve deuh te pawh hi min en eih lova, chuan kan ṭhianho chu mipa vek kan ni... Mai a na...


Moni chuan,"Ehh, kei pawh ka hria a nia aw!" A tih chuan ka meng phawk ha mai!... "Eng chuuu?" Ka tih chuan, "Star i nei!" A ti a... "Awihawm loh loh Zakiamlo! I duh duh rawn phuah suh!" Ka tih chuan Dudua'n, "Lalrohlui hian star a nei a maw?! Ti nge i pa thu hi i awih loh a?!" A rawn ti...

An uang ve hlawm sia... Dudua lah hi, pa ber emaw hi a inti ṭhin a, awm khawm lai pawn "Pa ber thu chu awih tur!" Te hi a ti leh khurh ṭhin... Goldi'n," A duh leh a star anga, i thu lo Lalduhsang, putarrr!" A rawn ti a, min rawn chhan ve. William-a chuan khi va hian min rawn nuih. A hmel hi chu a ṭha maw le...

Chutah Ruhmawiha leh Sangtei an rawn inkuah phei, Canteen aṭang an rawn phei chiah a, kan ei tur an rawn keng a. Mer-Thangi'n , "In va rei tak, 'appetite' ka neilo zo tawh asin," a tih chuan, Moni-a'n," Eenga? Aphetate a?" Tiin a lo fiam zui.

Goldi bawk chuan,"Ka ei chaklo zo a tihna nih kha mawlhmuar!" A lo ti a... Moni lah chuan ho ti viau mah se tlawm lakah a lo la duh ṭhak lova ,"Ka hre ve reng lal-Golden! Ka hrelo der a nih kha, mi lo joke ve te...I manlo e mai babe!" A lo ti ve hmak...

Kei lah chuan, "Awi minute 25 a la awmm, ei vat ang u a daih hma innn! Chaw khaa Chaw khaa... E, loks, khaw nge ka Dhoi?" Ka tih chuan Ruhmawiha ka en, anin Sangtei a en vat bawk. "In theihnghilh a ni mawww?" Ka ti a,"Khawi... Ka Cheng 10!" Ka tih chuan, Ruhmawiha bawk chuan ka hmai zawnah dhoi chu a rawn keng lang va a ...

"Tadaaa, you turn from sad to smile, hehe..." a ti a, "Huihammm, yes I smile you chhawkung!" Ka ti ve a... Dhoi hi chu ka chah tel deuh ziah a, a tello hian ka awm theilo emaw tih tur hi a ni!... A chang chuan ka Lunch ei lo ten, dhoi ringawt te hi ka ring ṭhin, in diet ve lai kha chuan mawm... Ka thiante hian Dhoi tana ka hmangaihna nasatzia hi an hria a, ka thinrim min thlem nan ber te hian an hmang thin.

Tunlai chu khua a ṭha bawk nen, star-te ka nei bawk nen, khawvel hi a nuammm, mahse KA ROSE PAR MK-a khaaa, MK-a a thi daih!... Chhiar ve ru, very sad... Mizo thawnthu dang a hnuah ka chhiar leh a, a changtupate an thi zel... Ava hahthlak tak!... Lehkhabu dang ka chhiar e ka tia, hmana ka ni min pek a nia, 'Every Storm-Lorri Wick' tih a nia, Christian Love story a nia, ka la chhiar mek a... Huizzz... Zirlaibu pawh ka la chhiar chhuak em lova, chutih rual chuan lehkhabu phek sang chuang chu ka chhiar zo leh vat lawi si thin a...






Lehkha zir a lo hun a, Goldi ka va text phawt:
____________________________________
Goldi
````````````````````````````````````````````````````
You: LalGolden!!!
You: Goldiiii
You: Goiiiiiiii
You: Goldiiiiiiiii
Goldi: Eng ngeeee ni Hlups
You: naktukah zawng anggg
Goldi: a tu chu...
Goldi: e ka hria...
Goldi: Sahuainidova kha mawww
You:haaa???
Goldi: Mer-thangin a tia lawm, a chhe ve ropui sia a tia, Sahuainidova a tia... Mahse mawww... Kei chu a chhiatna ka hre miahlo...
Goldi: hei... Lo thu deuh pawh ni se... Ngo deuh chu an tenawm zawk... A pa ka ti...
You: niaaa... Ka hria alawm hehe
Goldi: kan chang anggg
You: awle smuahsss
____________________________________________
Tih pahin ka dah...


Chuan ka dream char char a...
*Make you mine-PUBLIC background-ah a lo in play...

Engtin nge he pa hi ka ngaihtuah char char theih le??? Ka star hlui te ngaihtuah chuan Ani chu a danglam ve deuh...Mahse ka hriat zawng chu, he pa zûnah hian ka uai chiangggg a ni! Ka khawvel hi a danglam nghal vek maiin ka hria.

Tlai ni tla tur te hi an mawi bika, zing thawh te hi a nuam bik a, ka chaw ei te hi a tui vek theiin ka hria... Khawvel hi a mawi em em ringawt mai a ni! Khawilai animation emaw chu ni se, ka van te hi an senno paw raih anga, pangpar an thawk chuai chuai bawk anga, chhimbal an zam chi chek bawk anga, rimawi lungkuai zet a ri reng bawk anga...











*Hmalam ka hawi a, ka kutah hian min kai a, nghet deuh hian min kai a, "Tlan ang!" A ti leh a, kan tlan char char a, ka hah thei miahlo... Mahse kan hma lamah bang lianpui a lo awm a. A lam ka va hawi a, mahse a hmel ka hmu theilo! "Enteh, kan inhmuhna a rei tawh a mahse-" ka ti hman chauh a, "ka tan i ṭha tawk" a lo ti daih ... "Bawihte, Bawihtee " a tia ... "Bawihteee, Mambawih, Lalrohluuu!" A tih vak chuan ka harh chiang hle...

Ka nu'n min kai tho... Aaah... He mihring fapa hi ka mumangah ka hmu tawh!... Tawh ni lovin ka hmu ngun lutuk. Kan inkai a, kan tlan zel nia!... A van mak tak ... Google-ah ka mumang awmzia ka zawng ve chhin a, Sangtei khan ti rawh a tia...

Ka rin loh lam daih... "I mumangah mi i tlanpui chuan, i hmalam hunah thil ṭha i hmu dawn tihna," tiin a lo inziak kiau! Mak ve... Tunlai hi chu Pathian zarah ka la che chhe lo ve ahh... I lo en ilaaa... Awi, ka Sahuainidova ka hmu dawn sia, inchei ve deuh a ṭha ang tih pah chuan baby powder ka hmaihah ka tat ve chek a, ka hmui te chu tlem tlem ka hnawih sen ve vel ta ni... Sam te chu ka uluk vak ngailoh te lul nen, ka sam ṭawn duh dan te ka thlak vel a mawm...

Nautein,"Au, vawiinnn chu, i vann hmelṭhaa!" Tih heuh heuh paha a rawn dah chuan ka nu'n min lo melh kar. Thil sual tih nei awm taka min en chu leee... Inthlahrung deuhva ka awm chek chek lai chuan ka ṭhianten min rawn ko hlauh !... "Ka kal, bye u awww!" Ka tia, ka phit rang khawp mai...

Kan kal kawngah chuan Sangtei momo kan leipui leh hrih a, momo tel lo hi chuan a awm theilo a ni ber mai. Keiin tui ka lo tih teh chiam loh nen... Momo-ah hi chuan sa hi te se, thak deuh ngei se, chuti ang chuan ka ei ve thei deuh... A nih loh chuan luak a pawt lek lek ṭhin... Ei duh zawng te hi a lo inang lo ve a...
Dudua'n a dhoi chawh kawi veka a hawp puk puk laiin kei chuan a awm dan pangai ang khan, ka fiana ka suah chhuah chin bak chu ka ei duhlo... Chawh kawi kha ka ten leh tlat pek a... Mi ṭhenkhatin an Rum Pum chhum hminlo deuhva an duh laiin, kei chuan hmin thei ang berin ka lo duh ve thung...

"Nakinah momo ka zuar ve ang... Helai ka pi ta ang hian, a tui reuh e mai..." Sangtein a tih bauh bauh pah chuan kan kal pah zel a. Kan school panna lamah hian mini bus a tlan a, mahse kea kal phakna lek a nih tho avangin kea kal kan duh zawk ṭhin...

"Sum dawn I thiamlo e mai, i hlawk lovang..." Mer-thangin a lo tih chuan dawt a sawi miahlo... Hmanah pawh Sangtei chu vur kan zawrhpui a, amahin a chanve dawn a ei zo vek, a ṭhen a sem thul... Second hand zuar se a pe tlawm thei em em leh nghal... A nu'n a hauh hrep tak kha...

"Nang i awm alawm, min zawrhpui anga..." Sangtein nui heuva a tih chuan, "A teuhlo mai! Sum dawn is not my chem kalna..." Mer-thangin a lo ti hmak... "Nang mahin inzir rawh..." A la ti zui...

Chutah kan hmaa kal chu kan va en a, Goldi ka va nghawk nghal zeuh...


Show post links
Top

[Ngaia]

High School Crush Chapter 3





By: Lszi Zadeng







"William!" tia Goldi a au vak chuan midang pawn an lo en ṭhup. "LalGolden, khawlaiah au vak vak zel suh min tizak!" Dudua lah chuan a lo ti. "Lalduhsang, ka au ve hlawl lo che! William-a alawm ka auh!" A tih chuan, Sangtei pawn muang fan raih hian,"Niaaa, William-a alawm a auh, a tizaklo bawk che. Dudu, nang chuuu, i beng a chhet eee mai!", A tia, kei lah chuan, "Nia hei, Moni-a a chhun zo vek tawh a nih hi he pa hi chu a ...!" Ka lo ti hmak... William-a'n kal ila a tih chuan kan kal rual ta ṭhem ṭhem a...


Plastic-ho pawh P.Faye te motor-in min rawn tlan pel fua a, an la nui ring ang tuar tuar zui a!. "Hemi te hi chu aw!!! Zahna chang pawh hi an hrelo... Motor khalhtu pawh kha a zak ve ngawt ang chu..." Mer-thangin a tih chuan, "A pa maw?" Ka lo ti a. "Ni nang, a pa'n a hruai ngai hleinem, driver P.Faye-in a nei thlap alawm..." Goldi'n a lo ti vat...

"Anni te hi chu, an hausa a..." Ka tih chuan, " A! Tih takah te chuan a pa thla khat hlawh chauh sawn an inchawm teuhlo! A bakah lak luhna dang an neih pawh ka hrelo... Ka pa nen an lak a inzat reng a... Lakluhna eng emaw tak a nei ani ang..." Sangtein a lo ti ve nghal... "A pa maw? Heh, a dulah khan a lak luh dan a hriat vek..." Dudua'n a lo ti ve...

School Gate kan thlen chuan Moni-a leh Vanlala te an lo ding vang a, Ruhmawiha'n hnung lam aṭang William-a leh Sangtei a rawn kuah thut bawk a. "Kan kim..." Dudua'n a tih chuan, ka en kual a, an nui sang hlawm a, an hlim hmel chuan min tihlim khawp mai!

Chutah watchman chuan, "Lut ru lut ru, gate ka khar dawn! In va tlai hlawm ve!" A lo tih chuan Sana kan en a, Dar 9 a lo ri tawh! A van mak! Hun a van kal chak tak! School ground tlan pela kan class kan thlen vat loh chuan a pawi viau ang... Vanneihthlak takin keini chiah tlai pawl kan lo ni lo va... Hmanhmawh zetin, nui tuar tuar chungin kan building lam panin kan tlan chiam!





Break-ah te chuan Goldi leh Sangtei te nen Sahuainidova kan veh ta char char a, Mer-thangi chu Quiz atan inbuatsaih a ngaih avangin a lo kal ve lova... Kan duhnaah chuan kan che rang bawk a, bakah senior kawm ve deuh reuh kan nei a, U Lucy a ni a, a fel raaap! Kan hriat duh eng eng emaw te kan hriat phah a. School compound-ah kan common ber ang tih vel tur, kan vak nasa khawp mai!

Chuan Sahuainidova hming tak chu Gidion Laldinmawia hi a lo nia, class 12 a ni a, Arts a la. Kan hriat ruala insum zo lova Goldi nen kan ṭe rual vak chuan mak tiin miin min lo en ṭhup!


Aaaaaaa a ni mai, nuam over singkhawwww! A hming a mawi si, nuam bawk si, hmeltha si! Ka phur lutukin ka khik heee lai chuan ka tawp thut. Goldi ka en a, anin hnunglam min hawitîr nghal, awi lehhh ! Amah a ni! Min rawn kal pêl fua a, a rim chu tui saih saih eee! Chiang tawwkin ka lo en... Hetia ka en hian a hre ve ṭhin awm tho si a, mak a ti ve thei ngawt ang... Nge mi hriat loh der a thiam em em? Mi induh ve tak chu a ni ang...

"Gidion-a tih hming pu te chu an lerh asin!" Ruhmawiha'n a tih chuan Sangtei'n," Gideon-a tih te chu an rinawm alawm, lo ngawi mai teh Mawiha!" A lo ti ve fan. William-a chuan,"Chu, nuam in va ti leh hawr hawr dawn ve!" A lo ti nui sang a. Class room-a rawn luh pahin Moni leh Dudua an rawn inkuah phei, "Tu maw mihring fapa hming chu ni ta?!" Moni hian a rawn ti ṭhaw a, Sangtei bawk chuan a hnungah lo beng ri pawpin, " I ṭawng ring thei lutuk Pawnga! Shhh!" Hi a lo tia... An lo phur ve vak chu mak ti deuhin ka en ha hlawm. Mer-thangi lah chuan,"Awi khatiang a chhiat chhiat nen... Kei chu Justin pro max-a kha ka duh zawk!" A rawn tih ve chuan kan en ṭhup...

Justin pro max-a chu U Zova a ni a, a zai thiam si a, a hmelṭhain a ngo bawk nen, Justin Bieber a ang sia, Justin Pro Max Kan ti daih... A hmain kan inbe ve deuh tawh a, mahse bialnu a lo nei reng a... Hei pawh hi an star luih luih ang kha. Huiham, rilru kha ka lo pe ve hman ṭep!

Mahse bialnu a nei tih kan hriat hnu khan, ka be ṭha duh ta bik lova... ni e, keini ang te chu, second choice mai kan nia, emaw, mi hun awl khawhralna mai ...A mak ve lutuk, ka Romeo ka tawng ve tawh dawn emaw tih pawn kei chu second lead-ah ka chang zel! Forever chatuan second lead ka nih hi.

"Kha pa te chu hmelṭha pawh ni se a lerh em kha Maki!" Min chhan zet hian Goldi'n a lo ti ve... Pakhatah chuan Mer-thangi hi chu a tih tawhah chuan ti tlat mi hi a ni ve a... A ṭawngkam leh mi a biak dan te pawh hi, mi a haw tak tak lo tih kan hriat tawh vang hian kan la thu tak e kha ee vak ngai hranlo...

"Ka duh zawk ka ti mai alawm... Gidion-a pawh chu a fel dawn nge dawnlo pawh kan la hriat loh chu..." Thanginchuan a lo ti ve a. "Ah! U Lucy pawhin kohhranah pawh a inhmang a ti, fapa fel lutuk a nih saw aw!" Ka lo ti ve hmak... An chhungkaw chanchin ka hre vaklo mah ila tunah hi chuan ka duh bera ka chhan a ngai tlat...







Gidion Laldinmawia mawww, IG-ah a hming ka zawng nghal. "Mamte, inthlak phawt la" ka nu'n a tih chuan,"aw, ka inthlak dawn, lawksss, ka zo ṭep!" Ka tia... Ka zawnlai ka la zawng, Gidion Laldinmawia tih tawp chuan ka hmuzo lova. U Lucy kha ka va zawt tawp, ka star dan vel a hre thova ka tia, @gid_ion_hrahsel hi a lo intia, thlalak a post mang lo a, followers za pawh a nei tlinglo.


Story a nei a ka en chu, awiii, Essay a lo ziak ṭeuh! Ka chhiar a, a ngaihnawm reuh phian a... Thu ziah lam a tui a ni maw? A dik dawn. An tag-na vel ka en a, band-ah a tel ṭhin! Uai, noice! Bass a perh hlauh. E mahse, a changin keyboard a hmet a nih hi... Tia ka en malh malh lai chuan, "Lalrohlu! Muang lo khan inthlak vat ṭhin ta che!" Ka pa'n a rawn tih lawih chuan ka phu zawk, a rawn dah leh hmain bathroom-ah rang tawkin ka lut...

"Kan inbual sar sar ang e," tih pahin Spotify-ah hla ka play. Grenade-Bruno Mars te, Make You Mine-PUBLIC te, Let's Stay Together -Al Green leh A dang dang ka playlist ami a rawn ri ṭham ṭham a, inbual chu nuam hawr hawr tak a ni! Tih pah chuan conditioner ka lo nei tawhlo, huiham, pawilo ve, ka va lei ang nakinah...

Ka inbual zo chu a lo tlai tawh ang reng, vaipa-mix kan lei kawi hi chuan kan haw tlai deuh ve ziah, a dang dang hi ka ei tel thin bawk sia, Pani Puri lah kan leina Pi Ṭ-tei lahin a siam thian bawk sia, hmun dangah amah anga siam thian an awmlo, kan dawrh ngun em vangin min belh thin bawk a, kan venga a awm te hi ka lawma ka lawm dan chu! Ka pa'n," Mamte in rawn va haw tlai ve, ngati nge?" A tih chuan ka phu zawk! Thil sual ti awm ang fahran hian chhan fan tur ka hamhaih...

Thil dang eng eng emaw a sawi hmain, "Pani Puri kan lei kawi," ka ti sap a ... Ka pa hi a hmingin kohhran upa te a ni ve a, a tlangval lai chuan Band an nei thin, tun hnu hi chuan sawrkar hna eng eng emaw hi a chelh ve a, Pathian zarah kan awm thei ve viau.

Ka nu hi Lalnunmawii a nia, nu hmeltha deuh ka nei, ani hi chu zirtirtu a ni thin, fa pathum enkawl tur a nei a, awmpui lak an duh si lova, a hna a chawlhsan tawh a. Kan unau zingah a upa ber niin, ka nau chiah hi mipa a nia, ani pawh a aw a rawn inti pâ ve ṭan a, chhia leh ṭha hre rual a ni ve tawh.

Kan naupang ber hmeichhia erawh a ṭawng thei beuh beuh rual a ni a, hahthlak thei lutuk! Ani hi chu a tetlai pawn artui lei sa lo ti keh vek thei, siai pawh hmaia lo tat khat vek, chhuat ka nawt e tia ka pa gamchha ṭha lo hmang thei ngat ang kha a nia, a hahthlak.

Chuan kan unau chu, zanah hian ṭawng vaih ka ching a, kan ṭawng nasa thei lutuk... Ka nau Mama nen hian room hranah mu mah ila kan indaidanna hi plywood pan te a ni bawk sia, a ṭawng vai te hi ka hre thei ṭhin...


Ka pa chuan,"Pawisa hi ren thiam zir teh a, ho te te ah hian i hmang duak duak mai aaa!" Dam et hian a tia, "awle pa, mahseee ... Chutin kan hmang hnem hleinem!" Ka lo ti sam et. "Awle ti ṭha ve hle hle la maw le" A tih chuan ka nu'n min lo melh kar tawh. Ka pa hi a thin a thawh tawh chuan zuam sual awl deuh, mahse mi insum thei tak an tih ang kha a ni a. Ka nu ve erawh hi chu a ti hlut a, mahse a hun a thlen hi chuan mi zaidam leh nunnem ber a ni ṭhin.

Chaw ei ka siam a, Nautein min pui ve, artui te a chawk a, ka pa'n, "Mamte, baiah khan lei-lam-chow kha telh rawh aw," a tih chuan ka phur teh chiam lo, tihfai a hahthlak si. Engtin nge midangin an koh ka hre lova, mahse tetlai atang lei-lam-chow Kan ti ngat ngat a, chu bakin a hming ka hre tawhlo...


Tihfel tur ka tihfel zawh chuan, "nu, conditioner a zo tawh a, ka va lei lawk dawn," ka tia, "i pa pawisa va Dil rawh!" A tih chuan, "pa, conditioner lei a ngai a, pawisa min lo pe, ka rei lovang, nu Faki dawrah a ni mai!" Ka tia, a lo phal ve mai, mak deuh maiin thil min zawt si se lovin tun ṭum chu min chhuah nghal.

Nu Faki dawr ka thlen chuan Moni leh Vanapa an lo awm, an ṭhian mipa dang dang nen an lo awm a, Siama ka hmuh chuan ka phu zawk, Vanapa lah chuan min melh ran pah hian mi khik khum hraw, Moni lahin,"di tam neiin di tam ṭhen tawh mahla!" A rawn ti he...

Siama hian min star ṭhin a, ti ila, min duh huam huam thei lutuk. A fel lutuk, a hmel pawh a ṭha, mahse min duh leh lutuk kha rapawm rawng a kai lek lek ṭhin... Chuan min bem a, ka ṭhiante awm ṭhup laiin, ka tlanchhiatsan daih! A hunlai khan class 8 chauh ka nia, bakah ka thiamlo, ka la naupang sia, bakah ka â lutuk ringawt... Khami hnu kha chuan lerh te hi ka hre ve deuh. Star chu nei ve reng ṭhin mah ila, a bak ka ngaihtuah thui ngailo.

Nu Faki'n," Hlute, eng nge i duuuuh?" A lo tih chuan, "Hair conditioner, a ngai ang kha aw," ka tih chuan a lo hre chat, min laksak pah chuan a che vel chu ka en reng a, nu pui tawh si sa ṭha vur hian a mawi tawk em em a, ngo viau lo mah se hang tih tur chu a ni chuanglo, a hmelṭha bawk a, inleng hi a nei ve deuh reng mai ni.

Mahse a hmelṭha viau e tih lovah chuan a kam a tam ve lutuk, kam tam tih hian a sual e tihna ni lovin, inleng a ngah ṭhin bawk nen, hriat hi a ngah ve a ... A dawr bul lawkah hian bûng lianpui hi a awm a, kan tetlai ata tawh inkawm khawm nan te kan hmang ṭhin...

"Naktuk test tur i thiam em?" Moni-a'n a tih chuan ka phu zawk! "Eng test tur maw?" Hawihhai deuhva ka tih chuan, "Ehe,ṭhiana, Sir-in a sawi vek khaaa, thiam loh Chuan beng a suktir dawn kha aww!" Vanapa'n a lo ti ve.

Hmun leh hmunah Mer-thangi ka va phone, hemi te hi ka ringlo riau. "Nei e, i dairy kha en rawh, i ziah kha." A tih chuan ka hrechhuak thut. Sahuainidova ka ngaihtuah nasa lutuk a ka lo mangphan pek ani ang. Moni leh Vanapa te lah chuan hria inti fahran hian min lo nuih saih, "ka lawm em em e, in fel e!" Ka tih chuan,"mahse in thiam tawh ringawt ami, eng nge nu Faki dawrah te in la len daw daw?!" Ka tia, "thiam diams tawha!" Bu nghat paha Moni'n a tih chuan, "Bakah, keini chuuu, Will-a a awm alawm!" An lo ti sam et. "Tih te chuan kei pawh Mer-thangi a awm ve reng alawm!" Ka tia, "mahse kei chu dik taka pass ka duh, nih loh leh fail!" Ka tih chuan, "i inla Raju a nuh chu a!" Vanapa'n a lo ti hrawk.

Chhuah ka tum chuan Dudua a rawn lang hlawl! "Eh, tah eng nge i tih?" Ka tih chuan, Plastic zing ami pakhat Biaki a.k.a P.Faye (P. F e i i) a lo lang ve nghal. Mak ti deuhva ka en dun reng lai chuan, "ehe, eng nge ka hmuh le!" Moni hian a rawn ti. Dudua te chu kan veng mi pawh a ni lova, Biaki hi chu a nia... An inngaizawng a ni chiang mai ka tia... Eng sawi set set lovin ka duh ka lak chuan ka haw.


"Lalrohlu! I va rei ve!" Ka nu'n a tih chuan, " rei loh em khaa, darkar Chuang ka va thang e pawh ni lo!" Ka lo ti ve vat. "Min la chhang ang pawng pawng a . Nichinah Goldi a lo kal a, i lo awm si lova, a haw leh ta nih kha!" A tih chuan ka ui lutuk. "Test tur te kha a sawi a, i thiam tawh em?!" Min melh kar paha a tih chuan, "thiamlo, ka zir dawn!" Ka ti phung...

Room-ah ka lut a ka lehkhabu ka keu ngat vat!. Rin aiin a lo tlem a,awlsam takin ka thiam thei mai a... Phone ah Goldi ka va bia a, thil dang vanga lo kal a nih thu a sawi chuan, Dudua leh P.Faye ka hmuh thu ka sawi vat. Ani pawh chuan, "Awww, ka hmu lawm! Kan varanda-a ka dah laiin in in lam pana an rawn kal kha ka hmu a, test tur chhuanlamin in inah ka rawn kal tawp!" A tih chuan, chhui zui ngai a awm ta ni. "Naktukah kan sawi dawn nia!" Ka tih chuan, "Awle" a tia, Sahuainidova kan sawi leh nghal. Keima Sahuainidova.




A IG AC ka en pah chuan ka va follow ringawt! Ka zak ve deuh bawk sia,mahse ah, min hre chuanglo ka tia. Ka story ah, All my loving-The Beatles ka hmang a, background ah kan school corridors phei aesthetic deuhva ka lak ka hmang.

Kan ṭhianho WhatsApp Group-ah chuan an lo rak nasa leh hman hle, mahse tuman Dudua leh P.Faye te chanchin kan sawi lo. Test tur lah chu an ngai hi ang reng sia, a hnuah William-a a rawn ṭawng ve, ani hi a ṭawng tlem deuh ṭhin a. Active reng e ti lo hian a ngawi reng zel.

Sangtein,' Dudua hi khaw nge?" A rawn tih chuan a rawn active ve lo tih kan hre chiah... Moni chuan," nichin khan Venghnuai lamah kal a tum thu a sawi a, dawrah kan inhmu a." A tih chuan kan ngaihtuah a inang tlang ang, kan ṭhian te hi rui but si lo hian an dek chi kim ve a, Dudua hi a nasa ber a. Nikum khan rei tak school a chawl a, a chawlh chhan lah a sawi duh lova, amah berin a sawi tak lovah chuan zawh loh ṭha kan ti a, Kan zawt lui ta lo kha a nia...

Vanapa'n," ani hiii, a lo rui â leh ang tih a hlauhawm e a" a tih chuan, Goldi'n," khalam kha chu nakinah Kan sawi dawn nia!" A tia... Nia, Group-a sawi chu Dudua'n a hmu ve thei vek dawn sia... A rilru tihnat te pawh a hlauhawm....

Moni chu a mal malin hmeichhehovin private chat-ah kan lo hau vek ni tur a ni, " in mak eee, khatiang a ho. Ka nu te pawh in ni lo aw. Min hau vek zel aaa!" A rawn tia... Ṭha thei eee!





Ka ṭhianten min rawn sawm chuan sam ka lo la ṭawn lo. "Hmanhmawh rawh che Maki!" Mer-thangi'n a rawn ti chel tawh. Mit siai khum zeuhvin ka room-ah ka lut leh hrih. Kan kal dawn chuan minute 15 lai a lo la awm. "Min lo nghak a in fel e!" Ka tia, "kan kalsan ṭep che A ni! Phût nghal ang u!" Sangtein a lo ti ve.

Kan gate kan pel chiah tih chuan Goldi'n min rawn nvhawk zeuh va. "Teh u, nizanah Dudua leh P.Faye te Nu Faki dawrah an rawn lang rual hlawl a. Mak tawps!" Ka tih chuan min rawn en ṭhup. Goldi chuan," an nih chu ka ring chiah bawk si lova, Moni lah khan Venghnuaiah kal a tum thu te kha a sawi ang lawi a, Kan vengah P.Faye a rawn hmu vel phatw tihna nge maw ni." A tih chuan, Sangtei chuan," an ni lovang tih dawnin Dudua khan P.Faye a star ṭhin a ni lawm ni?!" A rawn tia, Sangtei kan en leh ṭhup. Mer-thangi bawk chuan," hahthlak! Bialnu chu nei se a pawina a awm lovaaa, mahse zaleng zanwg zingah P.Faye kherrr..." A rawn tih chuan kan bu rual ṭhup.

Plastic-ho hi chu, an hmelṭha a, a hleitling bawk. Mahse rul rilru an pu tlat pek. P.Faye hi an boss deuh a laia kal chuh tlat ang kha a nia, Remruati a.k.a P.Zakaii leh Mali a.k.a P.Inn-i te an nia. P.Zakaii hi te reuh te, nghal zet a nia, Ani pawh hi a hmelṭha reuh. P.Inn erawh, P.Inn ni awm reng a ni, Nami te film a an zirtirtunu thil in sual palh vanga hmulo rep deuh kha, kha nu kha a ang lutuk, ṭawng huat thu ni lo se. Mahse an hausa ve thung a, incheina chu a nei ve ngang, a duh duh a nei thei ang tih tur ang kha.

P.Faye, Biaki hi chu, a hma chuan kan ṭhianho zingah a tel ve ṭhin. Mahse pawl 8 kan nih lai bawk khan a hrang ta nawlh a, engtin tin emaw kan intibuai Kan intibuai ve reng. Ama ṭawngkam takah, amah zawk kha a lo "fake" lutuk a. Mak tak a ni. Goldi nen hian an inkawm deuh bik ṭhin a, mahse Goldi rilru a tihnat tak em avang khan, kan hmu ṭha thei tawhlo. Tun thlengin insual deuh titih chang te kan la nei a, a zialo tak tak.

School Kan thlen chuan kan ṭhian mipaho an lo ding bial ṭhup a, Dudua an lo en ṭhup... Mangang tih deuh chunga kan han en ve chu, Dudua chu a lo duk phung a, a mit sirah leh a hmui bul velah bandaid a inbel phung. "I va Han inhmeh tak!" Ruhmawiha'n a lo tih chuan Sangtei'n a luah a beng chawrh! A na ve ngang a niang a ngawi hmak. "Ngati nge?!" Vin hrep a Goldi'n a tih chuan, "ngati mah," zawi fep hian Dudua'n a lo ti a . "Chhan nei lovin ti hian i awm phung lovang!" Ka tih chuan, "niaaa!" An lo ti rual dul.

Sangtei'n an en Chiang vel a, Dudua lah chuan a kut a lo dah thlaksak hmak. Mer-thangi'n," nga ti nge Dudu? Sawi la, i sawi loh Chuan nuam kan ti lo a nia," a tih chuan, "Niaaa!" Kan lo ti rual leh dul. William'an , "zawt lui Suh u!" A lo tih chuan kan ngawi hmak. "A sawi leh dawn chuanglo," a tih chuan mitmei nei deuh hian min rawn en. Rilru chu a hah ve duh ang reng. P.Faye chanchin zawh kan tum pawh Kan zawt leh ta lo. Kan kal kiam deuh hnu chuan William'an Short Break-ah inbia ang a tih chuan ka lo bu auh.

"Dudua khan a sawi lovang!" William-a'n a tih chuan, "eng chu maw!" Hrilhai fe hian ka lo ti a. "Nizan chungchang vel maw le.", "Ngati ngee, an insual ami, tu te nen, chuan engtin nge i hriat daih?" Ka tih chuan, "ka va hruai alawm. Y.M.A Hall kawtah khan thi hnungin a lo ṭhu a... Vawiin pawn school a kal ka ring lova, mahse a rawn kal leh ang lawi a!" A tih chuan mak ka lo ti rap. "Tute nen nge an insual aaa? A van pawi. P.Faye nen kan hmuhlai kha chuan a la ṭha viau asin," ka ti nauh nauh a . "Faye bialpa hlui te nen niin ka hria. P.Faye bialpa hlui kha ruih theih thil vawrh ṭhin a ni leh nghal a!" A tih chuan ka lo kâ hai mai. A van mak tak.

Inrinni a ni a, vawiin chu kan in darthlalang ka hru fai vek. Spotify nen ngat chet loh hi chuan nun a nguai. September -Earth, Wind and Fire hla ka ngaithla pah. Chu chauh chu ka ngaithla emaw in tia nge, hla dang nen ka che haih haih mai. Khua a ṭha bawk a, chet pawh a nuam e.
Mahse ka muang ve a, tihah chuan kan tukverh zawng zawng ka hrufai vek a, ka rang nge ka muang phei chu ka hrelo. 10:30am aṭang thingpui in hun thleng ka hru a. Chuan, ka chhungte pancake ka siamsak a. Ka lo siam tlem deuh aniang an kham lo.

Tlai lamah chuan nu Faki dawr bula Bûng hnuaiah khan kalin ka chhuak harh e ka tia, Nautei ka hruai. Nu Faki dawrah chuan tleirawl rual hi an lo awm ṭhup a, Plastic-ho pawh an lo awm ve kur. Mak ve . Nautei ei tur ka leisak zawh chuan bung hnuaiah Kan va ṭhu a, ka ṭhianteho,an lo awm tawh. "Dudua te ho an lo kal ve dawn em?" Sangtei'n a tia, "ka hre nangg, ka be hleinem.." ka lo ti ngawt. "Saw William-a!" Goldi'n a tih chuan kan en ṭhup.


Show post links
Top

[Ngaia]

High School Crush Chapter 4







By: Lszi Zadeng








"Saw William-a!" Goldi'n a tih chuan kan en ṭhup. William-a, Dudua leh Ruhmawiha te hi an veng a hla deuhva,bike-te, cycle-ten an rawn kal ṭhin. A bak hi chu kan inhnaih hlawm ang reng.

Chawlh ni khua a awm deuh hian kan leng khawm ve mai mai ṭhin a, tih ṭhanah kan nei tawh tluk a ni. Helai bung hi kan spot a ni tawp tawh. Bûngah chuan kan pawl hming ve deuh reuh Swag Squats tih kan ker nghe nghe.

William a rawn thlen hnu lawkah Dudua bike-in a rawn thleng a. "Bawiha khawilam ride nge?" Moni-a'n a lo ti vat. Nui sang pah hian, "Ka bike ve ngat maw le!" Hi a rawn tia, a nui hmel kan hmu khat a, a rawn nui ve sang thei chu kan lawm hle. A bike chu kan zuk bih chiang nghal a. "Di, thla min lo lak teh!" Ka tih chuan Goldi pawn a phone a phawrh rang hle... "Aaa, kha, Mawiha, min lo lak zawk teh, ka tel ve duh!" Tih pahin a rawn kal ve nghal.

"Heyy! Dim rawh u aw in titui ek ang e!" Dudua'n a rawn ti nghal chiam... "A, ka ṭhut chhiat loh takah!" Goldi chuan ner nungin a lo ti let veleh...

William-a chuan Nautei chu a rawn pawm nghal chat a, Nautei pawn a ngaina a. Ka ṭhianteah hi chuan Ruhmawiha a ngaithei lo ber, a chhan pawh kan hre biklo. Midang hi chuan an pawm lawr thei mai a, Ruhmawiha pawm hi chu a duh ngailo reng reng.


"Naute, eng nge i ei a?" Dudua'n a tih chuan Nautei chuan, "Chawkless!" A lo tia. A la naute ve deuh bawk a, ṭawng thei viau e ti lo hian a ṭawng fiahlo khawp. A duh hi chuan a fish ve tawh viau asin lee... "Chawkless mawww? A tui em?" William'an a tih chuan Nautei a lo bu nghauh. Sangtei chuan rin loh deuhvin," Enteh u, nakinah chuan nupui pasal te neiin fa te, Pathianin rem a tih chuannn, kan la nei ve awm sia.." a rawn tih chuan, "nia!" Kan lo tirual leh dul.

Ruhmawiha'n,"kei chu fa neih te hi ka peih lo ve a, an te si an harh si, ka thiam lovang..." A rawn tih chuan keiin,"Aww, i neilo anga a ni mai alawm. Tuman kan phut hleinem cheee!" Ka ti a. " A nupuia pawh hmuhzawh hmaa khatiang i rawn sawi!" Mer-thangi'n a lo ti veleh. " A siamtu tur pawh a hmu zo dawn ami!" Moni-a'n a rawn tih chuan kan nuih ṭhup. "Chutiang te chu ka hmu zo ve eee... Hmeichhia hi ka ngaihsak lo mai pawh a, duh ila chuan ka phone hi zan tin a rawn ri ṭeng ṭeng ziah asin aw! Ve ngata, Val-luck-a ka nuh ve ngat hi!" A tih pah chuan Sangtei a melh zeuh zeuh...

Chutah kei lah chuan ka lo hailo nasa... "Eng nge Sangtei I va melh kher aaa?!" Nui put put chunga ka tih chuan min rawn sik... "A naaah! I â mi? Kha min sik pilh ṭep alawm! Ehhh! Tikhan ka hrethiam mai!" Ka tih leh Goldi, "Ahaaiiii!" A lo inrual a...

"Eng nge i hriat?! Mawl mi Maki?!!" Hmun dang en daihin Ruhmawiha chuan a rawn ti a. Sangtei a star chiang lutukkk!

Kan hlim thei hle a, nuam ka ti. Hei hi ka duhthusam, duhthusam ka lo neih ve ṭhin zing ami kha a ni. Ka tetlai chuan ṭhian nei ve mah ila, an in a hla thei lutuk a, kawm tur ka nei ngailo. Ka chhungten len an phallo bawk nen, school velah kawm tur neilo tawp chu ni lo mah ila, hetianga "ṭhianho" tih tur hi ka duh thei lutuk. Tunah a hmei a pain hlim deuhvin kan nui dial dial a, nakinah kan la ngai viau ang.

Hlim hmel pu vaa ka ṭhiante ka enlai chuan P.Faye hian hnung lam aṭangin, "awi, in va hlim ve Swagg-ho chu!" Nui sang hian a rawn ti. Dudua'n a star tih a hria a, rawn intifel vel. Amah zawk hian a star emaw ni. P.Inn leh P.Zakaii ten an rawn zui. P.Inn hian Will-a a star a, rawn ding mawi vel lutuk!

"Nia a nuam lutuk lo kal ve ru!" Dudua'n a tih chuan kan melh ṭhup. "Aaa, kan hnawk palh ang keini chu, nakinah le!" P.Faye'in a tih chuan ka thaw huai, mahse mi a rawn melh vel dan chu ka lawm teh chiam lo... Zawi te, kan hriat tham hlek hian, " nia in hnawk, kal mai teh u saum-bur-uih-ho!" Mer-thangi'n a lo ti. An inhnawih paw ṭha ve hlawm si a maw, saum-bur-uih an ang tak tak!

P.Inn chuan aw no deuh ngei mai nen hian," William, i dam maw? I naute pawmlai chu a va hmelṭha ve a, i nau ami?" A tih chuan P.Faye'in a lo hmawk. "Dam e. Hlutei nau a nih hi, a fel teh mai a nia." William'an a tih chuan ka lo nui sak. P.Faye chuan, "Ka tih reng kha!" Ti awm takin P.Inn chu a melh kar tawh...

P.Inn chu a lawm loh hmel khawp mai, mahse duhtawk duh biklo hian, "kei pawh nau ka nei asin, nakinah lo leng la, kan awm anga." A tih chuan Mer-thangi'n, "Nanga inah William-a a leng peihlo!" A lo ti hlur. Keini chu kan nui dual a. An inen hrek hrek a, P.Faye chuan min mitmei zet hian, "A nih aw Dudu!" A rawn tia, ha lang ṭhawin an kal liam.

Dudua'n Sangtei mal chunga lu nghat pahin, " hmelṭhat ziaaa kha awiii!" A ti . Mer-thangi bawk chuan, " nang i hmelchhia alawm!" A lo ti hmak. Chutah, Moni-a'n, "Ngati nge Plastic-ho hi in ngei em em a?" A rawn tih chuan, "I hrethiam chuang lovang, tikhan min ṭan zawk zel la kawng dik i zawh a ni mai!" Goldi'n a lo tia. "Sawi ve mai ula, tiang chuan a ṭhalo." Vanapa'n a lo ti. "Nanga pawh chu i lo awm ve reng elo!" Nuihsawh paha Dudua'n a tih chuan, "Aaa, awm ve reng e... Kei te chu hriat ve tlak pawh ka ni lova. Lung te reuh te pet len tawp tawp theih ang mai hi ka nia. Eng mah pawh hi ka ni lova, eng teh ual hi ka ni lovaaa..." A tih zuah zuah lai chuan Mer-thangi'n a bekah a beng chawrh. Ishhhh. A na deuh tak anggg...



Moni-a te ina va len kan rel a, kan va kal chu an in a lo inkalh daih!... An kawmthlangah lah chuan tlai tlaiah zu rui an bengchheng hle bawk... "Moni, in in te chu a inkalh hiii?" Sangtei'n a tih chuan, Moni-a lah chuan bo fe hian, "Hehehe... ih, ka hre biklo..." a tih pah chuan a lu thak mang lo chu a hiat a hiat a...Tichuan an in kawtah chuan kan han ṭhu leh hrih vel a...

"Moni, tu te nge bengchheng deuh chu?" Goldi'n a tih chuan, "Tu dang ni lo veee... Uicho Ruata te maw le..." A tih chuan, "Ehee! Ruata te maw??? Zu a in ve ṭhin ami aaa? A van mak!" A Goldi bawkin a tih pah chuan Mer-thangi kan melh zeuh zeuh... Ruata kan sawi mek hian Mer-thangi hi thawk khat lai khan a star ve ṭhin a, kan u te rual daih a nih vang khan Thangi hian a duhlova, mi fel tak chu a ni lo nain, khatihlai kha chuan zu kher hi chu a la in lo maw le... A zialo tak tak!..


"Eee, Ruata hi maw, a rapthlak tawh lutuk! Drugs te hi a ti lovang tih pawh a sawi theih loh..." Vanlala'n a lo tih ve chuan kan hmui kan lo hup chat... "A van mak em em..." Sangtei'n a tih chuan, "Heart broken a la na deuh a ni chiang..." Tih pahin Mer-thangi ka va melh... "Thangte, i lo chhang lo kha i tifuh!" Goldi'n a lo ti ve bawk a... Moni-a te ṭhenawm chiah an nih avangin an thawm pawh kan hre thei vek a... Kan thawm pawh an hre ngei ang...

"Zawng Ruata sawn hman ni pawn kan ar a lo hralh daih alawm! Ka ngei tak tak a ni!" Moni-a'n a tihlai chu an in kawta rui zeta lo chhuak chiah chuan a hre fuh a, "Heee??? Zawnga engah maw min puh a???!" Ruata chuan a rawn ti chhuak mauh mai! "Engtin mah ti let Suh aw..." William'an a lo ti vat a, Moni-a chuan sawi chak nei zet hian a melh kar ringawt... "Mai mai sala... Min cho leh si na nge Dawihaaa..." Ruata chuan a rawn ti pawng pawng a... Amah zawk chu a kalsawn leh daih...

"A van zak theilo tak..." Goldi'n a tih chuan, "Ṭhianpa chu insum thei ve..." Dudua'n a lo ti huk a, "Khatiang, min hneh lo sa tho," nui chung hian Moni-a'n a lo ti let...



Hmeichhe ṭe tuar ri hi kan hria a, Ruata te in lam aṭang a ni... Ṭhenawm zu ruiho bawk kha an ni!... Kan va phei chuan mipa pakhat hian hmeichhia kan rualpui vel hi a banah a lo man a, hmeichhia chuan tal sawn tumin a lo chum vak vak a. "Hmeichhia kha thlah rawh!" Moni-a'n a tih chuan, hmeichhia mantu leh Ruata ṭhian ni awm tak chu an lo hawi ṭhup a. Ruata pui chuan, "Nauva, I buai lohna turah lo buai suh!" A lo ti. Chutah, tlangval senior tih hriat reng pakhat hi in chhung aṭang a lo chhuak a, "Kan misualnu chu in va hmu ta elo!" A tih ruah chuan pa pakhat hian, "Lo va leng leh de de tawh alawm maw le!" A lo ti a... Tlangval senior bawk chuan, "Tuaia, va hruai lut vat rawh, kha, an en duh lutuk ang che u..." A zial ṭan pah hian a ti a.

"Nangniho kha, haw rawh u!" Rawn ti zuiin inchhung lam a pan ve bawk a, hmeichhia chu a tal nasa khawp mai! Kan hmuhlai reng a nih vang leh, ka hmeichhiatpui thla ka ven avangin ka thin a rim em em ringawt a. Hmeichhia chu ka va kai a, kalpui mai ka tumlai chuan ka banah tlangval senior khan a lo man chat. "Min thlah nghal rawh!" Amah en chik tak chung chuan ka ti a. Zu rim a la nam em em leh nghal... "Eee, ka nauvi chu i tet nen i zaktheilo zek mai!" A ti a. "Engah nge hmeichhe pawisawi lo a duh loh chung in pawh?!" Ka ti let hrawk a, "Aaa, nauvi... Thil awmzia hrelova kan chhungkaw chanchin duh duha i sawi mai leee..." A min sen runa min en chungin a ti a, ka ban a vawnlai reng chu ka pawt thla pawp a. Hmeichhia chu thlah mai ka tum a, chu nu ka va en chuan min lo en reng a, "min thlah suh!" Tih mit meng chuan min rawn enin ka hria...

"Nghaki in tih dan te chu kan hre ve reng e aw ka u Chhuan, thlah la, a nu te inah haw tir zawk rawh!" Moni-a'n a tih chuan Moni-a kan en ṭhup...

Chutah tlangval senior khan, "Nauva, I buai lohna turah I buai a nia aw!!! I pa ka hmaizah vangin ka kut i la tuar lo mai pawh a!!!" A rawn tih chuan, pa pakhat khan, "Hemi te hi zilh deuh an ngai dawn a nih hi!" Tih pahin a inzi mar vel a. Kei lah chuan hmeichhia kha ka la dawm reng...

"Heh, nangni rui ṭawp hnawk mai mai kan hlauh che u in ring emaw ni?!" Vanlala'n a lo ti ve... Sangtei'n zawi te hian, "Heyyy, ṭawng tawh lo mai rawh uuu... In ti thinrim dawwwn... Ka hlau a nia..." A lo ti ve sep sep a...

"Min Cho ami??? Ka fa rual vel te tein chutia mi tih le!!!" Pa pakhat bawk khan a rawn tih leh chuan Kan inen hruk hruk a, kan mitmeng chu a inhre thiam tlang hlein ka hria... Hmeichhia chu ka pawt pawp a, pakhat lah kha a inring si lova, a lo thlah palh. Hma lam enin hmanhmawh takin ka tlanpui dawr dawr a, ka ṭhiante au thawm aṭangin anni pawh kan hnungah an rawn tlan tih ka hre thei! Ka â zo ta em maw ni awww???

Kan tlanchhe rual chiang hle... Rui viau e ti lo chuan an tlan chak phianahh.. An rui lehlo ami le???
Kan veng atang Khatla thleng Kan tlan chiang hle, min la um pha tho! Kawng hnuai lamah kan tlan zel a, Vai kawr kan thleng tawh!!! Sangtei lah chuan chawl lawkkk, a ti zel a... Min rawn um zui tawhlo hlauhvin ka hria!

Mi in relah chuan kan lut thawr ringawt a, kan hah lutuk ringawt! Kan han nui tlang leh hrih ṭhin... "Ṭhiannu chu eng nge i hming?" Dudua'n a lo tih chuan, "Nghaktei..." A lo ti sang a. "Ti nge ti khan an tih che a???" Goldi'n a tih chuan, "Hautu cheu kha ka patea a nia... Aaa, a thui lutuk! An hriat lohvin ka chhuak ru a..." Tih pahin a nui hawr hawr a. Keini chu kan bo khawp mai. Moni-a chuan, "a pawilo, kinah..." Ti awm tak hian mi a rawn signal zauh. Ṭhenawm an ni bawk a, a hre deuh mah na...

"I van huai reuh ve..." Nui sangin Nghaktei chuan min rawn ti a, a mizia chu ka ngaina nghal teh chiam lo... William-a a en duh ropui si... Ka lo nuih let ringawt... "Kan Hlupsi hi chu a bawn ve hrim hrim a..." Min kuah paha Ruhmawiha'n a tih chuan lehlamah William-an min lo kuah ve a, "Kan nusalṭha a nih hi!" a lo ti ve bawk. William-a'n min kuah chiah chu, sawilo mah se Nghaktei chu a lawm vaklo tih ka hre thei...

"I nu te inah chuan kan va thlah dawn che ami???" Moni-a'n a tih chuan, "Aih, a ngailo.... Ta ṭang chuan keimahin ka thleng thei mai ang..." A lo ti huk a. "An lo tibuai leh lo ang che maw?" William-a'n a tih chuan, nui sang hian, "Tibuai lovang. A hla vak lova... Ka thleng phei thei mai ang..." A lo ti heu... Hmeichheho nen chuan kan inmelh hruk hruk tawh, thil awmzia kan hrethiam tlang a ni ang.

"Nia, bawih... Kal ang u, tih tur kan la neih kha..." William-a kuah sawn paha titu chu Goldi a ni... Tichuan kan kalsan ta ṭham ṭham a...

"Euuu, eng nge awmziaa?" Vanlala'n a lo ti heu... "Kha nu khan William-a a star a, ka han awhfik zuai a nih kha!" Goldi'n a tih chuan hmeichheho chu awmze nei deuhvin kan inmelh hrek hrek a.

"Aww, duh leh lo star mai mai se... Pawi vak ami?" Dudua'n a rawn tih chuan, "Aw i ṭan a nih khaaa!" Mer-thangi'n a lo ti ve... "Ih eee, mi vervek a nih kha! Kha hmeichhe tlanbo kan pui a nih rikngawt kha!" Sangtei'n a lo ti ve hrek hrek...

"Nia, Nghaktei chu hmeichhe fel vak a ni lo ve alawm..." Zawi te hian Moni-a'n a lo ti ve... "A pa hi zu ngawl vei a nia, a boral tawh a... Tuna lo mantute kha chu a pahrawn te an nia, tih lemah... A nu'n a kalsan leh tawh a, Nghaktei hi awmna mumal nei lovin a bei tawn sek a ni ber mai... Tunah pawh khan a nu in lo deuhvah a kal ka ring..." A tih chuan kan lo tlek char char... "A van zialo ve aw..." Kan ti vawng vawng...

"Ehe! Nghaktei Nghaktei! Ka hrechhuak! Mawla khanu kha maw???" Vanlala'n a tih chuan Moni-a'n Vanlala hmui a hupsak rang hle...

"Heuuuu! Moni inzep duh suh kan hrethiam nghal vek a niaaaa!" Uar deuhva ka tih takah chuan, "Aaa kha tiang nun hlui sual!" A lo ti ve... Moni-a hian hmanah khan Nghaktei tih hming pu a star thu kha a sawi ṭhin tak!

"Hmanah chuan tun anga chuai kha a ni ngailo... A nu'n a kalsan hma kha chuan a faiin, a hmel te kha a ṭha thei lutuk! Tunah chuan khawilai hnawm hnawk nge a inbel tih tur ang a nih tawh kha... Amah tawp kha a danglam tawh..." Lung khik sawn thep thep pah chuan a ti.






Zanah inkhawm rual tumin hmeichheho kan haw dial a, kan pavalaiho hi chu inkhawm te hi an thlahdah lutuk a, a manganthlak! Kan inkhawm tur chu William'an min rawn phone, "Goldi'n ka inkhawm thei dawnlo a ti, lo sawi mai rawh min tia...", A tih chuan mak ka ti, nichin lawk khan kan inthlah kha a nia. Mak ve. Kei lah ka hmanhmawh sia inkhawm banah ka zawt mai ang ka ti a.

Sangtei ten min rawn sawm a kan kal ta, anni pawn a inkhawm loh chhan an hrelo. "Kei pawh William'an min rawn hrilh a, ti nge William-a daih le???" A ti lauh lauh a. Inkhawm chhung chuan ka hmanhmawh lutuk, rilru sawi zan a nia, sawi an tam lo hlauh. Haw kawnga Goldi kan bia chu, "eh, a ho lutuk!" A ti chauh a. Kan han zawt kan han zawt chu a bialpa nen an inthen vang lek hi a lo nia. Chawlhniah pawh Goldi chu a inkhawm peih lova, kan be thei bawk silo. A hnuah, kan ṭhianho group-ah, "naktukah kan sawi ṭha dawn nia u, min lo ngaihtuah Suh u." A rawn tia . Thla a muang ve deuh.

Class-ah chuan kan ṭhut hual leh a, "Bialnu dang a lo nei a, a tir chuan ka awih bik lova, mahse a hnuah chiang deuhvin a status ka hmu leh sia. Min hide theihnghilh aniang. A mak eee!" Ṭap deuh pura a tih chuan, William'an,"Hmela mai mai chu a!" Tih pahin dawhkan a chum pawp... Kan en ṭhup a. "A van timak em em. Ka khawngaih che eee mai Bawihteee, i duh ve teh reng nen!" Ka tih chuan, "niaa, tun ṭum hi chu i hlim ve tak tak asin le... (Dam diaia a tih hnuah), ka ngei eeeee hmela chu, engah nge maw a inngaih leee. Rulpui luak chhuah hnu a an an nen!" A tih chuan, "heh, kha chu ka vawi khat hriatna!" Nui put pur chungin Moni-a'n a lo ti. Goldi hi chu sawi tawh ang khan a za ve a, mahse kan mi tenawmpa kha chuan a tihlim ve chiang alawmm...

"A chak dawnlo hmela chu!", Tih pahin Vanapa a tho zauh, eng sawi set set lo chuan Goldi ex te class ah a va kal, kan zui phei nghal a. Section lehlam lawka awm a nia. "Uichopa!" Tih pahin Vanapa'n a kawr awmah a va ṭham. Plastic-ho an lo au dual! Anni pawh hi Goldi ex te class ami an nia, kan in classmate lova kan lawmzia chu. "Engah nge i inngaih phiangsen a zawnga!" Dudua'n a lo ti ve.

Ni dang chu ni se William-a'n a ṭhelh ang, mahse tun ṭum chu a en ringawt. An ṭhiannu chu an chhan ve em! "Tu nge uicho zawk chu??? Eng nge in duh a?!" Goldi ex-in a tih chuan, "I zak na nge?! I zak chaih na nge? Kan ṭhiannu rilru i tihnat man hi i hmu dawn khawp!" Vanapa'n a tih chuan, "tu rilru mah ka tina lo aw hmela!" Nuih sawh fahran hian a rawn ti. A hmel ka hmuh khan ka thisen a sa hluah hian ka inhria. Misualpa chu leh!

"Tu rilru mah ka tina lo a?!" Tih leh a hmaia hnek a rual a, chhuatah an nam tlu dawr a, Vanapa leh Dudua'n an sual rawn! Chutah Goldi ex ṭhian ni awm tak hian a rawn pui ve takngial a, mahse chhungkaw tlangval inti ve tawh pui thinrim chu an hnehlo a ni ber mai! An han hnek leh ṭhin, an han pawt pai leh tawp tawp ṭhin. Midangho lah chuan an lo ennawn thlir tawp tawp! Mer-thangi hovin a au ring pawlah kan lo la ṭang... "Aw ti khan, a bnarah tak khan awww!" Kan lo ti dual dual, "Ka duh aiin i la tina lo!" Tih vel te...

"Tawp tawh rawh u, a phu tawk a hmuh tawh kha!" William'an a tih chuan an la duhtawklo, "Tawp rawh uuu!" A tih leh chuan an tawp ta, "Kan la tawp lo a nia, a la tawp lo a nia!" Dudua'n a tih pah chuan kan class ah kan phei.

"A nih, engtin nge i hriatchhuah?" William'an a tih chuan, hman ni deuh aṭang tawh kha. P.Faye-i'n min hrilh tawh a. Ka awih loh vang leh ka ngaih pawimawh loh vangin nangni pawh ka hrilh duhlo cheu a. Amah ka biak lahin 'min ringhlel!' a ti duh chauhva. Inrinni tlaia in ka thlen khan message ka hmu a, a bialnu thar a fawhlai thlalak hi a nia. A tir chuan ka awih biklo. Mahse ka hmuh hmu lawkah kan kawmthlang dawrah artui ka lei dawn a, an pahnih inphur kual ka hmu leh a. Tah kha chuan ka chiang ta. A thleng puat a, min ṭhawng lutukin pum nat chhuanlamin ka room-ah ka inkalh hnan a, William-a kha a lo lang hmasa ber a nih vang khan ka hrilh a, nangmahni hrilh tur khan ka tia..." A ti a.

P.Faye a inrawlh tawhnaah hi chuan thil ṭha hi a piang ngailo reng reng. "P Faye teh hrep chu a!" Mer-thangi'n a lo tih chuan,"Mahse lehlam zawnga thlir chuan P.Faye-i'n a lo pui che a nih chu" ka tia.... " A bialnu thar kha P.Faye cousin a nia." William'an a lo tia... "Engtin nge i hriat?" Moni-a'n a tih chuan, "aww, Will-an a star ṭhin alawm, tiraw?' P.Inn-in a lo tih chuan kan en ṭhup.





Short Break leh a remchang awl apiangah Slam Page, Sahuainidova ta tur kan siam a. Goldi tih phur Nan hrim hrim pawh. Mahse a tu amahin pek Kan ngam lova, keimah min pektir an tum tlatt, "a chi nanggg! Kei te chu secret admirer tur alawm ka nihhh!" Ka tia... "Hmm, a nih chuan keiman ka lo pe ang!" Mer-thangi'n a ti hlauh,"ka hlau hleinem ani Sahuainido mai mai!" A ti leh zui.

Lunch Break-ah chuan kan zawng char char a, mahse hmuh tur reng reng zu Han awm lova... "Banah kan chang dawn nia, vawiin chu kan haw hma ni!" Sangtei'n a tih chuan, ka nun ram chau zo vek a vul leh ṭan. Amah hmuh ka inbeisei lutuk hmu leh si lo vel khan min tizawi vek thei a, chutiang vel chuan ka luangliam. A mak e, tiang em em a duh ruh hi ka la nei ngailo, EXO Chanyeol ang te tih lovah chuan...

Banah chuan gate bulah kan chang a. Higher-ho an rawn ban chuan ka phi cheng tawh. Sahuainidova chu amah tein a rawn chhuak a, Mer-thangi a bulah kan va nem, kei chu ka zak lutuk a ka tlan haw daihh. Pi Ṭ-tei dawr kawtah ka lo nghak.

Ka ṭhiante an lo thlen chuan, "Engtin nge ni taaaa?!!!" Ka lo tia, ban vaiin an bu ngauh ngauh... Chanchin ṭha tihna a ni mai... Awiiii ka phur tawh lutuk! Pani Puri kan ei zawh chuan ,"Engtin nge ni ta, engti nge min pek let dawn?" Ka tih chuan an ka haiii. "A lo thawn let dan tur in sawilo a ni mawwww! Makiiii!" Ka tih chuan," awiiii! Lalṭhian, tihpalhhh!" Goldi'n a tia. "Why you lungngai bawihte, amah kan va Dil leh mai dawn alawm!" Mer-thangi'n a ti sam eeet. Mary hi chu awm lo se keini hi chu thlanah kan liamna a rei tawh ang tih vel tur, kan thluak ber hi a nia!
"Awww a nuaaaam! Thangi ka hmangaih che!" Tih paha ka kuah tluk ṭep chuan, "eh, baiwhte ka ngil aw kei chu, ka ngil... Kal mai teh!" A tih chuan, ka straight a tihnaah ka ngai... Ṭha ve mai mai .

Zanah te chuan a thlalak te chu ka en leh ṭhin a, awiii a hmelṭha lutukkkk, ka tih lai mek chuan notification ka dawng! Notification zinga leng zawng lung lawm tiril fan chiai chiai theitu, tlangval pui khuma tlatchhe taka a mulai mai mai pawh zuan chhuahtir raih thei notification chu!
[gid_ion_hrahsel started following you]
Tih chu a ni! Ka ṭhiante ka va hrilh nghal, kan phur lutuk! Kan group chat chu hmangaihna sticker maksak pui pui leh emoji ten an bawm chiai mai, ṭawng hriat loh nen a inchawhpawlh nuai mai. A nuam lutuk a nuaaaam!

Ka phone ena ka khik ver ver takah chuan, "Mamte, eng nge i phons-ah khan i en a, a va hmuhnawm hmel ve ka lo en ve chhin," ka nu'n a tih chuan, "aaa, puitling hriat ve chu loh" ka phone en malh malh pah chuan ka ti daih. Nakinah ka la hrilh dawn thooo. Mama'n,"ehemmm hemm hemmm!" A rawn tih chuan a bekah ka chhu chawrh. A ngawi chiang asin. Ka nu chu a hnuah zak map lo hian ka va hrilh a, min lo phurpui viau mah se a hnuah sex education lam min sermon khum hrep. Ka tana ṭha tur a nia, ka lo ngaithla ve tawp...

A sawi chanve vel kha chu Sahuainidova ka ngaihtuah daih vangin ka hre hman lo. Khumah te chuan ka let kual tawp tawp a, fake scenarios nen mawww. Zanah ka day-dream char char... Mama'n bang rawn beng ri pawpin, " I bengchheng!" A rawn tih chuan, "mu mai teh nauvahai!" Ka lo tia ka awm awmin ka la awm.

Spotify-ah, All my loving- The Beatles ka ngaithla.





" Tirawh, hmanhmawh rawh!" Mipa aw chuan a rawn ti a. Duh mah ila ka tlan theilo! A thim vek a, chhum lah chu a zing nasa si, ramhnuaiah a ni maw kam awm ka tihlai chuan ka kutah a rawn vuan a, chak takin min tlanpui leh. Chuan ruah hi a rawn sur vak a, chuti chu g pawh chuan Kan tlan char char. "Sawlai chhum saw a chhah deuh dawn a..." Thaw hriap hriap pah chuan a ti a,"min ring em?" A tih chuan, a mitah tak ka en. A hmel hi ka hmuh tawh hnu a ang lutuk! "Aw!" Ka tih rual chuan kan tlan a, a rawn eng pap mai. Men pawh ka meng theilo a eng ta lutuk a .


Show post links
Top

[Ngaia]

High School Crush Chapter 5






By:Lszi Zadeng








Chutah Mama'n torch light nen, ka mitah tak min lo ên... "A mak eee Lalpekhlu!" Ka tih chuan a tlanchhe rang teh e . "I tho theilo a nih kha, i alarm te kha a, a ri rei tawh lutuk!" A tih chuan ka phone ka en, ruk leh a chanve!... Ka ear-phone ka ngaihthla chu hla a lo la in-play !

Two Birds- Regina Spektor hla a lo ri rat rat...

Phang tawkin ka va thova, ka nu'n rawng a lo bawl fel titih tawh a. Ka pa'n,"Kha, tih tur dang i neih loh chuan maian hi rawn hik teh. Bai zuai la a ni mai!" A ti nghal chiam... Ka la tho phang lutuka ka peih lo ṭep!

Maian ka hihlai vel chuan ka nu'n, "Hlute, tunlai chu, leng kawi lovin lo haw nghal ṭhin la a ṭha ang," a tih chuan kan mit a intawng chiang hle. "A thu hrimah Pi Machhungi'n in ṭhianho thawm a ring thei lutuk e a tia, a zahthlak. Nula rual te in ni ve titih tawh a, hawihhawm deuhva awm tum tur a nia!" A ti leh nghal malh malh. Pi Machhungi mai mai chuh, a tat tawh viau e ti lo chuan a beng hi a var khawpah... Kan haw kawngah lah hian mi hi a ko ding anga, min han sermon khum hrep anga.

Kan ṭhianho hi chu kan fel viau hram lo na a, mi pawi sawi zawngin kan awm ngailo, kan nunah kan hlim tawk a, mi nunah lo pawngpaw rak ve ngawt kan tum ngailo. Pi Machhungi hi chuan tleirawl rual a hmuh hi chu a lo tiding a, khawlaiah te a ṭawngṭai sak ang lawp lawp a. Chu vang chuan mi ṭhen khat chuan an hel hram hram ṭhin.

"A! Chutiangin kan thawm a ring ngailo!( A ring tak tak)... Khawlaiah te chuan pahnih te tein kan inziam dial dial ṭhin! (Kan kal rual ṭhup zel)... Pi Machhungi te chuuuu i hriat ve reng kha nuuu, a hmuh apiang hnawk a ti alawm!" Ka lo ti ve ngat. Chutah, "Mamte, i nu kha a dam sam lova, i lo haw hma chuan i chhawk hma thei dawn a.z chu vang alawm lo haw hma rawh a tih. Awle ti ve hle hle mai la!" Zaidam et hian a rawn ti a. A ni tak ang a, ka nu hi, tunlai chu mut a duh riau ka ti reng a ni.





Vawiin chu ka tlai deuhva, ka ṭhiante lo va kal hmasa turin ka hrilh. Hmanhmawh deuhva keimah tea ka kal hlawp hlawp lai chuan bike pahnih chak tawkin an rawn tlan, a thaw fua mai, ka thi ṭhelh! Pakhat zawk chu min ngaihven ve awm tak hian a ding zuai a, mahse a tlan tlang daih. An van mak tak. Thi palh ta ila min hnutchhiah daih duh hmel. "Aaah! Kan uniform ang an ha!" Tih pahin ka pen lauh lauh.

School ka thlen ve meuh chuan minute 10 lai ka lo la nei. A van thlamuan thlak tak... Kan class-a ka lut chu ka ṭhianten min lo nui sang, William-a erawh a nui nge nui lo ka hrethiam lo e a. Kan mitmeng aṭang thil awmzia kan hrethiam tlang.

"Kan felzia hi kan la chhiar miahlo a nia!!!" Goldi'n a rawn ti lauh lauh! A nuam thei eee! "Kha rawn la vat teh! Chhiar ang chhiar ang!" Sangtei'n a lo ti. "Engtin nge in lak let taaak?!" Ka tih chuan, Mer-thangi an kawk. "I va dil ami?" Ka tih chuan a lo bu nghauh a. "Awiii Thangiii ka van lawm takkk! Eng nge i duh?! I duh duh ka lei ang che! Sawi rawh pek i ni anggg!" Te kan han ti lawp lawp a. A nuam eee a hrehawm... "Chhiar vat la a nih mai chu!" A lo ti. Dar a ri hman a, break-ah chhiar kan tum.


____________________________________
[Slam Page<3]
[Name: Gidion Murphy]
[Nick-name: Didi te pawh min ti...]
[D.O.B: Vau thla eng tik tikah emaw]
[Hobby: mut paha hla ngaihthlak]
[Siblings: pakhat chu ka nei ve]
[Aim in life: Chhungkaw hlim tak din... Eh]
[Favourites]
[Bible verse: Jeremia 2:33]
[Colour: A sen ṭial]
[Food:bekang um pherh]
[Snacks: Chaw ṭhing leh chu]
[Drinks: Coke... Thinpui sen hang]
[Subject: Language]
[Sports: Basketball]
[Music instrument: khuangpui leh darbenthek]
[Music genre: Blues, Souls, hip-hop etc.]
[Song: hla hi chu ka duh vek mai a... Duh bik pawh ka nei lo...]
[Movie: genre- (in ka rawn dah aw) horror,ski-fi, action, action, action, science fiction bla bla bla, F.R.I.E.N.D.S for sure]
[Books: genre-science-fiction, biography, history etc...]
[Ideal type: A tlinlohna ka hmuh hmu pawha ka thinlung hneh tlattu by K.Hminga]
[Words for owner: dam takin awm hla, a eng zawngin thil thlir ṭhin ang che. Chuan, zirlai i la nih a rinawm a, (nih loh chuan a pui viau ang haha) i zirlaiah rilru pe la, ho mai maiah rilru pe lo la.]
___________________________________



"Uaiiii!" Kan ti rual dual!.
"A va nice reuh ve kha!" Goldi'n a lo tia, "a unaupa chu sawi ṭha ve mai se awww!" Sangtei'n a lo ti ve thung. "Eng nge i lungngaih? Kei ka awm alawm!" Sangtei kuah pahin Ruhmawiha'n a lo ti. "I ek a nih chu a!" Sangtei'n a lo ti ve hmak. Ka ṭhianten an ngaihdam an sawi an sawi lai chuan ka chhiar tawh sa ka chhiar nawn tluk tluk a. Ka dah chhuah ve chuan William-a a lo awm tawhlo. Khaw nge maw a kal daih ni...

"Rin aiin a chhang ṭha a nih hiii. Kei chu a words for owner hi ka thlawp thlap!!!" Mer-thangi'n a tih chuan ka mitah tak rawn enin,"ti khan lehkha ṭha tawp khawka i zir a ngai tihna a nih kha!"a ti. Nia, ka ṭang viauuu ang! Tuna ka awm dan ang mai mai hi chuan min duh lo palh ang. A duh ngawih ngawih theih tura ka glow a ngai a ni!...

"In hawrawp a van inang mahse nangma hawrawp a lian deuh zawk mai thei..." Sangtei'n a rawn ti zawm. "Hei hi mawww in lawm em em a?!" Vanapa'n a rawn tih chuan," Awiii,! Sawi lo mai teh, chatuan diah hlimna a nih hi!" Phur fahran hian ka ti ve ngat!

Library aṭanga ka chhuak chu ka tih dan pangaiin ka kal leh chhet chhet a, ka awmna zawn chu ni eng sen sarh chuan a rawn en a, a lunglenthlak lek lek zawk alawm! Chutah Gidion-a nen kan inkal pel! Kan inpelhlai chuan khawvel hian thawk a la zuai ang mai hian engkim kha a muang fan raih a, a hmelṭha tak kha ni eng sen siar khan a en phet phet mai bawk si a, midangho lo awm ve pawh khan ka en tih chu min hmu chiang viauvin ka ring a ni...

Kan inpelh pah chuan amah ngawih ngawih chu ka en leh tawh! Amah lah chuan ka en hnaih hnaih nen min hmu ve awm pawhin a lang lo! Lawm ru deuh chung hian class-ah ka va tlan nghal! Ka hawi let zuai a, ka lam hawiin a ṭhiante nen an lo titi tawh! Ka hawi let chiang hleee...

Banah chuan, "Engtin nge hma kan lak ang???" Goldi'n an tih chuan, "Eng a ni? Hma lak a?! Ka ngam teuhhhlo!..." Ka lo ti nghal. Ti awmang lo thei eee Goldi chu ... "Bakah min duh lovang ... Hmelṭha deuh a phu... Kei chu, ka thau si, ka biang te hi a puar si, ka thu bawk si..." Beidawng deuh hian ka ti mauh. "Bawihteee, i hmelṭha reng awww, nang bak bakah hmelṭha... Nang te chu, ngaihno i bei a, zûn i ngah bawk a-", a tih lai mek chuan,"Zûn maw? Engtin nge i hriaaat???"....

"Aw!!! En mai che hian a hriat alawm... Bakah, entirna chiang ber ka pek theih che chu I Zova leh Siama teee.... Aw! Siama mawlhhh kha!" A tih chuan kan nui nasa hle ... Nia, Siama kha chu a che nasa ve alawm! Kalna apiangah min zui chawt anga, thil te hi min rawn leisak reng anga...

Kan tetlaiin vawi khat pawh lehkhabu kawma kan bel ṭhin name-plate ang kha, milem awm tam tawwwk min rawn pe ṭeuh! Ka lawm zawng tak a lo ni hlauh leh nghal, duhawm reuh tawp ta ni... Ka la dahṭha reng. Mahse ngaihzawng enin ka en ngailo... Khatiang lam kha chuan ka en ngailo hrim hrim a. Ka en theih pawh ka ring chuanglo...

"A hunlai kha chuan a che bawn thei eee!" Tih pahin Sangtei'n ka banah nui hawr hawr pahin a rawn beng chawrh! A na ve reng, mahse Kan nuihpui tuar tuar tho. "Mahse Hluss, chet I lak loh chuan 12 an chhuak anga, midangin an neihsan daih mai ang cheee!" A lo ti... "I va thaw dik tak!" Ka ti ve chauh... "Mahse hmeichhe tan chet lak a mawi hleinem... Bakah, chet lak vak ngaihna a awmlo... Aaa, haw phawt ang!" Ka tih chuan kan sawi zui tawh hrih lova... A chhan pawh Siama kan tawh vang a ni. Mi chhe sawi chu koh aiin a hnai an tih kha haha... Ka ṭhianten min rawn kheuh zeuh zeuh a. Ka hlauh ang ngei neiin, "Rovi, i dam maw?" Nui sang hian a rawn ti... Rovi min ti ve ziah hi ka lawmlo... Miin min koh danah chuan ka duhlo ber ang... Rote emaw tal te pawn min lo ta se.

"Aw dam lutuk!" Nui sangin ka lo ti. "Nang eng nge i an a?" Ka tih chuan ka ṭhianten, "eeeeh!" An lo ti... A lai nasa mai! Eng sawi set set lo chuan kan liamsan ta.






Zanah a Baibul chang duh ber kha ka chhiar chhin! Rin ang reng reng a lo ni lo! "Ngaizawngtu hmuh theihna turin i awm dân i va uluk ve!" Tih hi a lo nia! Ka nui nghek. Engtin nge maw tiang te a hriat le? A chhiar hnem ve viau emaw ni ...

Tunlai chu ruah a sur deuh malh malh reng a. A nuam reuh phian! Ruah sur lai hi sik leh sa zingah chuan nuam ka ti ber a. Ruah mal farin lei tihnawnga rim tui tak a rawn chhuah ṭhin te, tui tling khawm tea ruah mal farin rei lo te tak tak, zia mawi tak a chhuah ṭhin te hian thla a timuang a, min tihlim veng veng ṭhin. Ka harsatna zawng zawng te hi an len bo vek ang mai hian ka hre ṭhin. Ruahpui han sur se, inchhungah puan tam tawk nen, movie en emaw, hla ngaihthlak pah emawin coffee han hawp ri kharh ila, nun hi a nuam em em mai a ni! Anṭam tui hang hawp pawh hi a nuam reuh lutuk...



Vawiin chu Chawhnu lam kan chawl a, kan bang hma tihna a nih chu! Kan inthlak zawh veleh coffee ka siam a, varanda thlang lamah dak pahin ka hawp ri leh thlawrh thlawrh tawh... Awm dan mawi a va hrelo eee min tih chuan, mi zingah te chuan ti hian kan in duh bik nang!

Chhum zing ka thlir vauh vauh pah chuan thawk ka han la hak a, a nuaaam! Chutah, "Lalrohlu!" Ka nu'n a rawn ti... Huiham, a mood-ah ka cheng asin le! "Eng nge ka hmingpuma min rawn koh kher!" Ka tih chuan, "Duat taka koh i hre theilo a nih kha! Ka ko ka ko che alawm! Helai hnaiah alu an nei tawh lova, kawnah va lei lawk teh, kha! Hmanhmawh la, che thuai thuai rawh!" Tiin a rap nghal char char. "Ka va inthlak lawk!" Ka tih chuan, " Inthlak inthlak a ngai ami? Nang hi I lerh ve ṭan emaw ni!" A tih chuan, "kekawr bul chauh ka hak hi! Mal lang huin i fanu hi chhuak se min ti ami?!" Ka tih chuan kan mit a intawng chiang hle...

Ruah a sur palh takin ka tia nihliap ka keng a. Boruak chu a dai nuam khawp mai. Kawn ka va thlen chuan rin aiin mi an lo tam. Inrinni pawh a ni si lova, mi chhungkua pawn keini angin an chawhhmeh an heh ve tho a nih hmel.

Alu ka lei bakah chawhmeh dang pawh ka la nual a, ka inkhai veleh ṭeuh mai. Thlamuang deuh hian ka pen heuh heuhva, boruak lah chu an dai nuam mai siah! "Kha kha, kal sawn rawh!" Nu pakhat hian a rawn ti, ka hawi let rualin bike pakhat hi ka hmaah tak a rawn ding chat! Ka hlau lutuk chuan ka thil khailai ka thlauh chiang hle! Ka awm dawr hman a, ka thin a rim lutuk chu ka ang nghal chiam! Nu pakhat bawk khan," awi, mate a na em? A su che em?!" A tih chuan, "Nang kha! Eng nge i hriat a! " Tiin bike khalhtu chu ka en.
A helmet la khum reng chunga bike aṭanga muangchanga a rawn chhuk lai chuan, " ni e, tlem a tlemah pawisawilo nunna i la ṭep a nih kha!" Nu pakhat bawk khan a rawn ti, "thupha chawi emaw nula hi rawn ngaihsak ve deuh eih pawh i tumlo ami a? Tunlai mi ho hi chu a!"

Ka chawhmeh min chharpui paha a tihlai chuan, chu pa chuan a helmet a phelh a, " Ka tihpalh lutuk! Sawlai saw a nal deuhva..." Ti paha alu min rawn chharpui chuan a hmel ka hmu chiah! Ka nghing rup mai, a mak lutuk! Amah bawk chu ka en char char ... Tian tu nge a nih chu in hriatthiam mai ka ring...

Aw! Amah, Sahuainidova ngei mai a ni! Awiii, alu chhar te hi nuam ka ti ta riau mai a ni! Ka bag kenlaiah chuan nu pakhat nen chuan an rut malh malh a, eng eng emaw ni an sawi a, ka hre chang tawhlo! Ka brain tawhlo riau alawm! "Mama chu rin aiin i lo va fel leh si e, I hmel the hi a ṭha reuh sia!" Nu pakhat chuan a lo ti leh daih tawh. A felna vak a awm emaw ni? Ka thih ṭep kha!!! "Nula hi thlah rawh aw, him taka a haw chu i mawhphurhna a ni!" Nu pakhat bawkin a tih chuan ka bag khai te ngawi rengin min laksak a, a bike-ah a va ṭhu zân... "Aaah, a ngaaailo!" Ka tih chuan, "A ho lutuk, va lawn mai mai teh!" Nu pakhatin a rawn ti leh.

Gidion-a chu ka va en a, a lo bu nghauh chauh. Zak deuh, nuam ti ru deuh chungin ka va chuang... "Khawilai nge in in?" A rawn tia, nu pakhat kha chu a awmna ngaihah a let leh tawh. Awiii a aw pa ziaaa chu! Awiii! Min biaaa! Min biaaa a niaa! "Khawlai nge in innn?!" A rawn tih chuan ka harh chhuak thut!
"He-he-hemi veng bul chiahah hian kan awm, phei zel la ka lo sawi ang!" Ka tia a tlan ve mai. A tlan chak vak lova, " Na i nei em?" Tiin thei leh thei lovin a rawn au, "Nei lo ve, mahse ka chawhhmeh an bal vek!" Ka tih chuan a nui huk. Awiii, ka lo ngaihtuah chiang miahlo, ka hmai a mawm siii, ka uih em le? Min phur chu nuam ka ti mahse tianglo deuh hian ni seee! Ka inngaihtuah vauh vauh pah chuan a tlan chak thut! Ka dak dawr a, tum loh deuhvin a kawr ka va ṭham vak!

"Heyy!" Ka tih chuan a nui hak duh chauh... A pawilo a ni ang chu ka tia, nuam ti ru leh deuh tho siin a kawrah ka man... "Saw, sawlaiah sawn chhuk tur." Ka tia, kan in kan hnaih ta sawt. Helai kawng te hi engtin nge a tawi thut theih?!, Ngati nge awww! Kan kawng tawi lutuk chu ka lawmlo khawp mai! Ka tihlai chuan, "Saw, sawilai saw kan in. Gate chhe deuh awmna bul saw!" Ka tia kan in a kawk, "aw, sawlai in hring saw!" Ka tia a bu zauh. Ka chhuk fel chuan, "Ka lawm e aw!" Ka ti hman chauhva a tlan daih... Awiii, ka zak lutuk! Ti nge ka zah leee, zahna tur a awmlo hrim hrim!

Van ka en a, ni tla turin chhum a ên senno saih a, a dik dawn! A fuh vel vek mai! Ka lut chiah chu, "Tu nge rawn thlah che kha?!" Ka nu'n a lo ti... Min hmu hman emaw ni?! "Ka hre biklo.." ka ti daih," ka rawn haw tur min su ṭep a, thupha chawi Nan min rawn thlah a nih kha!", Ka ti a...

"Awihawm loh loh! Bialpa te hi i lo nei ru ang e!" A tih leh chuan... "Naaa, nu! I fapa ka nih hi i hre tawhlo ami?! Bialpa chu ka tuina lam a ni looo, Chanyeol-ah ka lungawi ka tih khaa!" Ka tih chuan, "Khaih khaih, ti kha chuan i nula senior mai ang, star chu neih tur a nia mahse ngaihzawng chu neih loh tur!" A ti leh ang lawi sia... Heiham... Ka rin angin min hau leh vak lo... Patil ka nih a hlau leh si aniang haha... Nih chu ka duh bik teuhlo a... Ka nihnaah hian ka lungawi ve em!

Ka pa a rawn haw chiah a, "Apaaa!" Nautein a lo ban chat. "Aih aih aih! Ka naute hi a van lo lian tawh ve aww! Rit deuh ah tawh mai a!" Tih pah chuan Mama room aṭang a rawn chhuak ve chiah a. Ka pa chuan a pheikhawk phelh sawk sawk pahin, "Mama, i inkhel na nge?" A tih chuan, Mama'n,"Pa, ka boot a chhia a..." Zawi te hian a ti map a. "Ngati nge aww i pa chu, nimin pawn kan sawi tawh kha! Naktukah a thar kan zawng dawn nia I tia!" A ti a, a ang leh ṭeuh tawh.

"Aww! Ka lo manghilh palh a nih chu! Ka hman lawk si lova, Mampui, kan la buai hrih em a ni! Remchan veleh kan lei dawn nia aw!" A tih malh malh pah chuan Nautein,"Apa min lei ve dawn emmm?" A lo tia. "Eeee! Nautei pawh kan lei ve ang!" A lo ti nghal. "A ngailo Nautei chu, engmah lei ve a ngailo!" Ka tih chuan, "Anuuuu!" A tia a ṭap dawn titih ringawt. "Apaaa, min-min lei ve dawn tiawww?!" A tih chuan ka nu'n min lo melh leh kar.

"Eee, au khan a ti mai mai a nih kha! 'Nautei chuan a ṭha ber a nei dawn!' a tihna a nih kha!" Tih pah chuan a dek sauh sauh... "Aih a ngailo reng reng!" Ka lo ti uang leh, "Aaaah! A ngai!","Ngailo!","Ngaiii!","Ngailo!"... "Ngaiiiii!" Tih paha a ṭah tak tak tak chuan ka nu'n, Lalrohlu, i nau tiṭap ziah suh ka tih kha!!!" A tih chuan ka room-ah ka lut daih... Naute velh hi chu u te hna ve a nia. Mahse midang velh chu kan phal chuang miahlo ṭhin... "Ka nau hi tuman vel suh u! Kei lo chuan!" Tih hi "u te" motto...

Ka nu ka room-ah a rawn lut a,"Mamte, khaw nge i nihliap Ken chhuah kha? I keng chhuak tiraw?" A tih chuan ka phu zawk! Bike bengah khan Gidion-a khan a khai tel lai ka mitthla thei... "Awh-awww..." Muang raiha ka tih chuan, "Lalrohlu, i tibo a ni maww?" A tih chuan,"Kha pa khan a hawn daih!" Ka tia... "Tu kha pa?" A tih chuan, "Min rawn thlahtu kha!" Ka tia... "Awi leh! Lalrohlu! Kha nihliap kha kar hmasa lawka ka lei thar a nih kha! A hlui te chu tibo la thu hram. A fimkhur loh thlak eee mai!"

A tih chuan,"Ka fimkhur renggg!" Ka tia, "I fimkhurrr looo!" A ti leh a, "Ka fimkhurrr!" Ka tih leh chuan, nui deuh chung hian,"I fimkhurrr lo Zamanthanggg!" A nia, nui sang bawkin, "Ka fimkhurrr Khiangawiii!" Ka lo ti veleh... Kan han nui leh lawk hrih vel a...








Zanah chuan fake scenarios nen laikhum ka bel... Tunah chuan, 'Lamkawiah' tih nen khan ka mood a inrem riau... "Ka hringnun thlak danglamtu hi ka tawn dan chu- tirit tit tiuhhhh!!" Tih hla dawtah chuan 'Ka thlang che-Lilac' kha a rawn lang, a va han fuh vel tak... A hnua rawn in-play pawh a nalh hlawm... A dik vel vek mai! Khi burrr chungin ka mu... Ava han nuaaam!







... ... ...







Gidion-a POV:


Nihliap... Nihliap maw? Ka keng ngai bawk si lova... Kha nu ta kha a ni chianggg!...."Ava buaithlakkk!" Ka tih chuan Gerome-a a rawn chhuak chiah a. "Eng nge aaa nau?" A tih chuan, "a nuihzatthlak zawk... Hmeichhe pakhat ka su ṭep alawm!" Ka tia. "Eng nge chu chu a nuihzatthlak naaa! Ṭul lo lovah mi nunna i lak ṭep chu mawla!" A rawn tih chuan, "Aw! i kalna turah kal mai teh!" Ka tia ka lut...

Nihliap chu ka dawhkanah ka dah a. Mi haihawt ve tak chu a nih dawn kha...Engtin nge pek let tur aww?! Ni dawn tak! An in ka hria alawm... Hmanhmawh thlak loh eee mai a, ka tih lai chuan, "Bawiha, khaw nge i u kha a kal dawn a???" Ka pi'n a rawn ti lauh lauh a. "Ka hrelo... A sawilo..." Tih tein ka chhang . "Ti nge?" Ka tih chuan, "â... eng ni hran lo ve. Zanriah kil hma hmain a chhuak reng reng a ka ti maw le!" A tih pah chuan a kal sawn. A bialnu a titau leh tawh bak a ni lovang! Hmeichhe atchilh leh lutuk mai... A bialnu khan a la ei zo vek ang thei ang.

Kima'n min rawn call a,"Bawiha, jam chu! Engtik nge in tih tak???" A rawn tih chuan ka hamhaih hle...
"Eh, ka hre nang... In rel ami?" Ka tih chuan," ka hre bik nang, Fiona-i khan min rawn zawt a... I hriat ka ring a!" A tih chuan," ka hrelo reng reng... In sawi fel chuan min lo hrilh la. Tunlai chu, test tur kan ngah lutuk a, board kan ni khanglang bawk nen..." Ka tihlai chuan, "Aw! A nih, ka lo hrilh ang che! Test tur te chuuu, lungngai hmar cha te! Phots!" A tia a dah daih... Kima hi chu aww, a thla hi a muang saih saih a nia, tunah pawh zirlai ni lovin jam bawk a ngaihtuah leh tawh...Choka lamah thawm ka hria a, ka pa a lo haw a nih chu...


Show post links
Top

[Ngaia]

High School Crush Chapter 6







By: Lszi Zadeng






Ka va phei chuan Nemi chhuatah a lo tlu bawk hlawp. Nemi chu ka va kaitho vat a. Ka pa hi a rawn rui haw leh ṭan tawh a ngheina a rei ve tawh asin! "Kai tho suh! Kai tho suh!!" Ka pa'n a tih chuan, "Nemi hi kutthlak ziah duh ka tih kha! I rawn haw dek dek a! Eng nge i buaina?!" Ka tih chuan, "Nauva, min va zahlo sawt ve! Ani hi maww, ani lo pawh hi chaw siam thiam an tam lutuk! A dang pawh ka zawng mai ang! Ho lutuk hetiang ho lutuk!" A tih pah chuan Nemi a kawk a,"Nang kha-" a tih chuan, "Khaih khaih Bawiha, tiangin awmpui te an ti ngai hleinem! A zialo ṭhin e mai! Nemi lo midang khaw nge kan hmuh zawh ang?! A pawi e mai! Nemte, a na em?" Ka piin a rawn ti zui chat.

"Ka pi kei chu ka haw mai ang..." Ṭap ṭuau hian a rawn ti a. "Eee, Nemte, nang i awm loh ten engtin nge kan awm ang... A pawi ee mai! Didi, i pa kha Han hruai chho teh!" A tih chuan ka pa chu ka kai chho va. "Pa..." Ka tih chuan min chhanglo. "Pa, hetianga i awm reng chuan a ṭha lovang..." Ka tih rual chuan, "Ngai hmak rawh, enggg mah i hrelo!" A tih chuan, "Ka hriaaa ka hriaaa pa! Ka hre lutuk!" Ka ti hrawk! "Eng nge tunah i rilruah awm ka hrelo! Mahse hetianga i awm vanga ka nu chan kan nih kha hre reng ang che!" Ti hmakin ka chhuak... "Aww! A va zialo tak! Didi, kha kha sawi tawh suh ka tih khaa!" Ka pi'n ka pa room kawngka zawn aṭang chuan a lo ti a. Nemi chu pawisain kan thlem lungawi hram. Ka nu kha ka pa zuruih vanga chan kan ni ka tih kha, a dik vek lo naa... Mahse a dikna chin a awm...

School ka thleng a, tukin chu ka thleng hma khawp mai... Rin loh deuhvin Dom-a leh Kima an lo awm tawh... "Bruh, skew zuai ang!" Kima'n a rawn tih chuan,"A chi dawn mi?" Ka tih chuan a lo bu nghauh... "Skew ilaaa!"...
Library-ah lehkhabu ka hawhlai chuan ka mit la deuh a awm. Mizo section-a ding hmeichhe pakhat chu! Khaw nge ka hmuh tawhna ka nei chianggg ka tih lai chuan ka lamah, ni lo, lehkhabu hawhna lamah a rawn kal...










... ... ...









Hlutei POV:


'Eng nge i zawn?' tih lehkhabu chuan ka mit a la tlat a, ka chhiar chhin a, thawnthu bu emaw a ni miahlo, Pathian thu lam a ni daih... Chhiar ve reng reng a ṭha e ka tia ka hawh a. Computer bula ka ding chu, "Nihliap-dum!" Hi ka bul lawk ami hian a rawn tia. Khaiii, ka phu chiang kherrr mai. Ka bul lawkah Sahuainidova a dinga, min bia emaw ni... E! Lawk! Ka nihliap! Ni dawn tak!!!

Amah en pawh en ngamlo chuan, "E ni dawn tak! Nimin khan ka nihliap i hawn daih a..." Ka ti dek... "Nakinah ka rawn dah ang..." A la ti zui ! Awiii ka nu Lucknow!!! A kal daih... Ka lehkhabu chu ka hawh fel a, a kal daih emaw ka tia, Library kawtah a lo la awm... A ding ve hrim hrim a ni ang ka tia, kal tlang mai ka tum a. "Nihliap-dum!" A rawn ti leh a... "Nihliap-dumi a ni lo, Hlutei alawm!" Goldi'n khawi khawi emaw aṭanga rawn chhuakin a rawn ti hlawl... "Hlutei maw? Awle..." Nui sanga Sahuainidovan a tih chuan," Kei, Gidion-a..." A tih chuan, ka hria alawm ka ti ṭep... Goldi'n ka beng bulah, "I va che rang leh si ve... ehem..." A tih chuan ka sik zeuh.
"A naaaa!" A la tichhuak zui. Nui zeuh pahin, "A nih u!" Sahuainidovan a tih chuan ka lo ṭhen ṭhaw thei chauh... "Hlute..." A ti leh zauhva a kal... A liam hnu thleng ka en char char a, ka ṭhiannu banah ka tlu zawi hnaaap.

"Nuam kha a ti siaaa, mahse a rit reuh zek!" Tih paha Goldi'n Mer-thangi leh Sangtei hnena thil thleng a sawi chuan ka lo khi ver ver... "Engtin nge in inbiak theih reng reng a lalzeiii!" Sangtei'n a tih chuan, "Ka nu hi ka hmangaihhhh!" Ka ti ṭhuai a, ka chaw pai ka hmuam ṭeuh! "Haa? Eng nge i nu daihhh?" Thangin a tih chuan thil engkim ka hrilh ta vek a.

"Awiii bawihteeee! Ride a la nei zuii! Vawi khat mit intawhnaah couple ride nghal thei chu! What a romantikkkk! Yeahhh yo yo!!!" Goldi'n a ti leh chiam tawh. "Ni e ni eee, bawihte, Hlussss!" Sangtei'n a tih chuan a lamah ka va hawi, "A dik dawn!" An tiah... Nuam hi kan ti eeee... Mahse nihliap min pe let ringawt dawn a, a hnuah inbe zuilo ta ila... Min hre zui ta lo se... Eng nge maw ka ngaihtuah leee... Kei chu khawlaia a sut ṭhelh mai mai kha ka niaaa... Huiham...







Vawiin chu Vanlala school-ah a lo kal lova. "A damlo..." Tih bak Moni-a hnen aṭang kan hre bawk silo. "Ngaihtuah suh u, a ṭha ang..." William'an a tih chuan kan sawi vak ta lo... Will-a hi chu kan ṭhianho pa ber hi a ni ve a. "Samson-a te ṭhianho nen khan an insual leh pek a ni ang chu..." Sangtei'n a tih chuan,"Insual se kan hria ang chu..." Tiin Moni-a'n a lo chhang.

"Ni ve tho mai..." Ka lo ti. "Banah Will-a te nen an inah kan va kal ang" Moni-a'n a tih chuan,"Kan lo kal ve ang" Goldi'n a lo ti. "Nangni chu lo haw hma zawk rawh u... Hmeichhe hriat chi loh te kan sawi thei aaa" uang deuh chunga Dudua'n a tih chuan, Mer-thangi'n a bekah a beng chawrh! "A naaa! I hmelṭhat nen i ben a na zekah!" Dudua bawk chuan a ti ... "Awle! In thu thu alawm keini chu kan lo inthiar fihlim ang!" Tihfel deuhva ka tih chuan, " Duhtea kha a uang a nih khaa, lo kal ve rawh u!" Moni-a'n a tih chuan, "Niah! Hemi te hi chu mipa tho alawm an nih!" Ruhmawiha'n a lo ti. William-a chu a lo ngawi leh kar tawh...

Banah Valala te inah chuan kan kal a. A room-a kan luh chuan a khumah a lo mu bung a, a lo intuam nuk a. "Awi, Vanlal lehhh! Ti ngeee?!" Goldi'n a tih chuan, "A na em? Ti nge?" Tia hmeichheho kan chiai chiam chuan, "Hmuh che ka beisei aiin i na..." Will-a'n a lo tia, kan en leh ṭhup. "I hre sa a ni maw?!" Mer-thangi'n a tih chuan. "Kha vang alawm lo kal lo tura ka tih deuh che u!" Dudua'n a rawn ti.

"In hre lawk sa vek ami?" Ka tih chuan Will-a a lo bu nghauh. "Chuan ngati nge hei hiii?!" Goldi'n a lo tih chuan... "Faye Ex bawk kha maw le!" Ruhmawiha'n a lo ti a. "Hmelho chu an chak lo ang!" Inhrosa luih pah hian Dudua'n a lo ti a," an chak dawn lo alawm! Mai mai a!". "Engtin chiah nge Vanlala hi a awm a? Ruh tliak te a awm em? ENGTIN CHIAH NGE AN TIH CHE A?!" Mer-thangi'n a tih chuan, Will-a chuan, "An lo sual rawn maw le!" Tih pahin Dudua a en. Vanlala nu chu thingpui rawn chawi laih hian a rawn lut a, " Kha â, nangni ang rual hi chu fimkhur nachang hriat hram hram tur a nia... Insual te phei chu tih loh loh tur a nia! Kha thingpui in rawh u, in rawn tlawh thlap a in fel khawp mai!" Nui sang hian a rawn ti malh malh a.

"Kan lawm lutuk Nu Zote!" Sangtei'n a lo ti a. "Nu Zotei maw? Nu Chotei emaw ka lo ti ve char char a!" Nui hawk paha a chhuah liam hnua ka tih chuan, "Kei pawwhhh!" A ṭhenin an lo ti. "Nu Chotei alawm..." Khi deuh vura Vanlala'n a tih chuan Sangtei kan nuih luai luai a. "Awiii! Ka zak lutuk! Ti nge min hrilh looooh?! Ka zak eee!" Tih pahin a ṭhutnaah chuan a let kual a let kual a. Kan han nui leh dar dar ṭhin a.

"Faye Ex nen chuan eng buaina nge in neih aaaa Vanapaaaa!" Thum raih, uang deuh si a Goldi'n a tih chuan, "Faye chungchangah maw leee..." Tih pahin Dudua kan en ṭhup. Dudua leh P.Faye an inhnim hnai deuh tih kan hre vek a. Chu vang chuan Faye Ex khan Dudua leh Vanlala te awm mai mai an lo va tibuai a ni awm a. Dudua lah tlanchhe pawlah a lo ṭang a, Vanlala an lo khawih rawn daih ni awm tak a ni. Mahse mak ve deuh chu inhua awm pawhin an lang chuang hauh lo.
Phuba lak chungchang erawh an sawi an sawi thung a.

"Phuba phuba tih a ngailo! Awm mai mai rawh u!" Ka lo tih chuan, "Ni e, mi â chu mi â ni tluan hlawm rawh se!" Tiin William'an min lo thlawp. "Faye ka duh eee tihna lam ni lovin. Faye a chan tawh loh vang maia hmeh loh sa khatianga han tih !" Goldi'n a lo ti a. "An hneh em hi hei a intuam uk hi!" Uang deuhva Moni-a'n a tih chuan, "A nih tak hi aaa!" Kan ti a Kan nui leh hrih.

"Tak takah, Dudua, mi chaklo leh bawrhsawm, chhan ngai changtupa ka chhanna vek a nih hi!" Nui sang hian Vanapa pawhin a lo ti ve. Dudua chu kan chum rawn luai luai a, "Nepa Nepa!; Nep te; Dawihaaa!;" Te kan ti thul... Amah lah chuan huatah pawh la lovin kan tih tihin a nui liam ve tawp! Sawi tawh ang khan kan squad hi chu a nuam a nia... Kan rilru hi a zau tlanga, ti tawh mai teh ang... Belh chian chuan mize inanglo tak tak vek kan nih a rinawm, mahse kan lungrual tlang em em mai si te hi.

Mûk deuhva eng eng emaw kan han sawi chuan Dudua'n Faye Ex hnen aṭang weed a lo lei chhawng ṭhin tih te kan hre leh a. Faye leh Dudua inhnim hnaih thu Faye Ex-in a hriat khan inhmuh thiam lohna a nei hi a lo ni a... Faye Ex chu nep ka ti khawp mai. "Chuan eng aaa i leisak ṭhin a?" Mer-Thangi'n a tih chuan, inthiam loh hmel tak hian, "Weed maw le... Weed..." Dudua'n a tih chuan, "Awiii ka lal lehhh! Ti tawh reeeeng reng suh! Atna a nih khaaa!" Mer-thangi bawkin a tih chuan, " Eng nge? I lo buai ve na tur a awmlo!" Vanlala'n a lo ti hmak. "Nakinah kan sawi dawn nia!" Tiin Moni-a'n a hrilh ruin ka hria.

Kan vai chuan kein kan haw rual ṭham ṭham a. "Bike in nei thooo sia rawn ken ve awm che u!" Goldi'n a tih chuan, "chuuu chiah! Ni dangah pawh in keng ṭhim thova, mamawh hunah tak hian in thluak in hmanglo thei eeee mai!" Ka lo ti. Kan chhuah meuh chuan khua a thim ṭep tawh a, ni a tla lek lek. Van chu a mawi leh tawh ngang mai! Mipaho chu mawl hmel zet hian an inen dun dun a. "Tia in bula kal ve te hi a nuam aaa!" Moni-a'n a rawn ti zauh. "Chu ai Chuan kei chuuu, chhungten min lo hau ang tih ka hlau... Ka haw tlai si..." Ka tih chuan, "Hau lovang, kan sawi dawn alawm!" A tih chuan Mer-thangi te in kan thleng der. "A nih u! Chaw ei tui u awww!" A tih chuan kan bye-bye rual.

Tiang zel chuan kan veng ami ho chu, keimahni in tih loh kan thlah fel a. Dudua leh William-a te pahnih nen kan la ni. Kan in kan thleng tih chuan pawnah ka nu a lo ding rân! Ka ṭhiante a hrechiang bawka, "Lalrohlu! I va lo haw tlai ve!" A rawn ti ta nghal! Ka ring rengah. "Englo alawm ka nu, Vanlala damlo kan kan a. Hlutei duhlo chung kan pawt lui a nih kha, keimahni thiam loh a nih kha!" Dudua'n a tih chuan, "Bawihi ngati nge chutiang te i duh loh a?" A ti leh lawi sia, kan va melh kar ringawt. Kan inah hian chuan ka ṭhiante hi an tlangnel ve ṭhin a, ka nu pawh hi an nu ve tawp tawp mai a ni. "A nih aw Hlute..." William'an a tih chuan, "Aw, a nih u!" Tiin nui sangin ka thlah liam.

Inchhunga luh leh, "Lalrohlu!" Tih a rual nghal a! "Rawn sawi hmasa ta che! Min timangang alawm!" A tih chuan, ka inthiamlo ve det. Mahse eng nge maw ni, "an sawi vek khaaaa! Vanlala a damlo! Kan va kan lawk alawm!" Tih leh room-a luh ka rual. Khawilai movie emaw chu ni se an fanu khan a nu darah a va kuah anga, "Ka nu, tihpalh. Ka timangang tawh lovang che!" A ti anga, hlim takin an nui dun kar kar emaw a ni anga. Mahse ka nun hi movie zuk han ni tlat heklo... Tih ṭhanah ka nei tawh nge, ka hmangaih te hi chu duat tak hian ka ti vel thiamlo. Ka naute phei hi chu ka vel nitin a ni mai. Hmangaihna ka lantir thiam ve lo a ni.





Mer-thangi'n Moni-a message a screenshot-na min rawn thawn. Moni chuan Mer-thangi hnenah Dudua weed zuk vel kha a lo sawi a. Sawi tahw ang khan kan ṭhiante hi chu an dek ve thei zel a. William-a tih loh phei chuan zu leh mei zuk te chu an ti vek ang. A dang em em chu an tih kan ring lova, mahse tikhan Dudua khan a lo ti sia, a tihna pawh a lo rei ve deuh hlek tawh niin Moni chuan a sawi a.

An chhungkua hi ṭawng mawilo ni lo se, an buai ve a. A pa hian zu a in ve a, a ni hi chu a la dam tih kan hria a, mahse a chungchang a sawi ngailo. An inṭhen tawh emaw ni tih dawn lahin, an inṭhen loh thu amah Dudua'n a sawi leh sia, tih vel a ni. Hei vang hian Dudua hi chu kan duat deuh bik ṭhin a. Moni-a hi vanduaithlak takin a nu a boral tawh a. Sangtei pa leh Vanlala pa pawh hian an in ve zeuh zeuh ṭhin tlats ka hriat. William-a hi chu, hotel changtlung ve deuh hi an nei a, an taima bawk a, Pathian malsawmna an dawng nasa ka ti mai. A pa'n hotel bakah eng farm farm emaw ni hi a siam a, a hlawk phian ni tur a ni. Tiang chuan kan inkawm khawm naw naw a, kan in hi len khawm nan nuam kan ti ber ṭhin. A chhan pakhat pawh ka nu hian ei a siam thiam a, eitur tui hmai deuh deuh hi a lo siamsak ṭhin. Ka chhuang thei a nia!


Chuan topic ngaiah lut ang, Dudua chu. Moni pawh chuan a luh thuk hmaa puih theih a duh thu Thangi hnenah a sawi a, mahse tih vak ngaihna a hriat loh thu a sawi. "Drugs te hial hial hi a nia a khawih ka hlauh ni!" Mer-thangi'n a tih chuan ka phu zawk!, "Aaa, a khawih em lo turah ngai ang. A fel alawm a ni te chu. Bakah inchhungah ka mawhphurhna ka hria a tih kha..." Ka tih chuan, "Nia, beisei tisang phawt ila..." A lo ti ve.

'Eng nge i zawn?' tih lehkhabu ka hawh chu ka hmu a, ka hawhlai vela ngun deuhva min lo enti kha ka hmuh hmain miahlo. Heh, nuam ve reuh eee! Ka chhiar chhin a, a ṭha hlawm tawp. Baibul chang an tarlan te chu ka chhinchhiah a, ka la mamawh dâwn tih ka hriat chian vangin ka ziak thla a, ka Baibulah te ka chhinchhiah vel.

Ka phone-ah hian tu tih hriat loh hnem aṭang hian message ka dawng hlawl! Ka chhiar chian chuan tu nge a nih ka hrechiang lutuk chu ka puak darh lo chauh! Sahuainidova!
____________________________________
Unknown: Nihliap-dum-nu! I nihliap!
----------------------------------------------------------
Tih teeee a ni.


Ka dak thla a, min lo hmu ni tur a ni, ka room-a rawn dak chho chuan ban a rawn vai lauh lauh. Ka mumang em ni??? Hmanhmawh takin ka zuk chhuak nghal a. "

"Engtin nge ka number i neih?!!" Hamhaih zeta ka tih chuan, "I ṭhiannu khan min pe a," a tih chuan Aman a Dil chu ka ring chiah si lova. Goldi bak zu ni suh, a duh thuin a lo va pe ringawt pek a nih chu! "Awiii! A van hahthlak tak! Goldi a nih kha haha!" I thlahrung aw deuhva ka tih chuan ka lo nui seih.

"Kha, nihliap-dum..." A ti a. A bula bike-ah chuan a ṭhu kai a. "Ka lawm lutuk e aw!" Dam diaia ka tih chuan helmet a khum a, "Umm... Photsss" tih pahin sa-lu-teee min pe a a tlan ta ni! Awiiii! "A nuam a nuam!" Tia ka phun ruah ruah paha ka lam kuallai vel chuan ka nu hian tukverh aṭang min lo en reng! Awiii! Lungphu chawlin ka awm lo chauh alawm! Nuho tak hi chu awww! Engtik aṭang khan nge min lo en tawh leee.

Ka lut lawk duh lova... Ka luh chuan eng a sawi se se leh hmain ka va ṭawng khalh vat. "Nu hei, nihliap kha, hman nia min rawn thlahtu, orrr, min su thlu ṭeptu khan a rawn dah a..." Ka tia ka ṭhen heu... Min an khum ka rin nen, "umm... A ṭhat chu..." A ti chauhva... Ka room lam ka pan chiah tih chuan, "Bialpa te hi kan hriat loh hiam i lo nei reu reh ang e!" A ti ta... Ka bu nghauh a ka chho daih...

Awiiii a van nuaaam! Ka mumang em ni?! Ani si looo! Awiii! Butterflies unicorns puppies- vel chuai chuai!!!
A nui seih te kha awiii... A van mak! Khuanu ruat kan ni Ani hrim hrim te kha ka ti tawh vel! Het, Lalrohlu! Het! A ni thei lovang! Te ka tia ka inbeng leh hrih vel. Chutia ka room-a ka chet hawr hawr lai chuan ka darthlalangah ka inhmu chiah... Ka sam te chuh, ka kekawr hak chuh! Ti nge vawiinah he kekawr ṭial eng berkherrr hi ka hak? Ti nge T-shirt senlar ka haaak? Ti nge ka sam hiii? Ka tia beidawng deuhvin ka khumah ka bawk thlawp! Ka rizaiah chuan ka hmai ka phum a, ka au vak. Room lehlam aṭang, "Au a â taaa!" Mama'n a rawn la ti zui...


'unknown' tih aṭang 'Sahuainidova Didi ' tiin ka save ta a!
Tichuan awih lo tho si nuam ti tak tho siin ka lo awm leh ta veng veng a! Hei hi em ni "zuna uai" an lo tih chu, hei hi em ni, "zawlai di tah ang maia bual ât!" An lo tih chu??? Tiang reng renga hlim hi ka neih tawh pawh ka hrelo! A nuaaaam! Khumah te chuan ka let kual tawp tawp a, ka ke khai kangin ka chunga boruak te chu a khik pawp pawp!

Goldi ka va call a. "Maki ti nge ka number i lo pek rikngawt?!" Nui hei paha ka tih chuan, "Ka zei alawm!" a rawn ti fahran!... "Eng nge thleng aaa?" Phur zet hian a rawn ti ve nghal a. Ka aw phawi aṭang thil awmzia a man thiam nghal vek ang. "Nihliap kha a pe ta che emmm??? A rawn bia che ami? A bem che ami? Awiii sawi vat vat teh! Ka hre chak tawh! Lawmthu min hrilh mawlh mawlh rawh!" A lo ti nghal sawk sawk. "Aww aw ngawi ve phawt laaa ka sawi dawn alawm!" Ka tih chuan min ngaihthla kar. "Min rawn bia a..." Ka ti dek dek a, a rawn au ring ṭha khawp mai! A ṭe chul a, awm ngaihna a hrelo ani mai!

"Nihliap kha min rawn pe a mawmm... Chuan kan in kawtah a lo ding a, kan sawi chhuak che a... A nui seih a awiiii a hmelṭhat mai ziaaa. A jaw-line te kha! Ka ha rualziaaa te kha... A mak zâwk!" Ka tih chuan, "Mumang ang mai a ni!" Kan tirual! Kan han hlim dun hawr hawr khawpah ! Naktukah midang hrilh chauh ka tum a, mahse ka insum zo lova, Thangi leh Sangtei ka va hrilh nghal...

Dandelions- Ruth B. hla ka ngaithla a. Hla thlan fuh hian mood nen a inrem a, a dik vel vek mai a ni!






School-ah te chuan kan inhmu zeuh zeuhva. Aman min hmuh loh ṭum pawn ka thlir vauh vauh reng a. Min hmutute chuan amah ka star tih an hre thei hialin a rinawm! Ka thlir nasa bauh bauh thei e mai! Vawi khat chu hmanni ang deuh khan, Library-ah, English section-a ka awm laiin khawi khawi emaw aṭang a rawn lang hlawl! Ka bul lawka a din avangin ka thluak ka process hman lo.

Amah lah chuan lehkhabu chu a dap malh malh a. Eng lehkhabu nge maw a zawn ni. Min rawn en. Ha? Lawkin! Min en maw? Engtin nge niang? Ka nui dawn nge?! Awi engtin nge ka awm dawn??? Tia chhungrila ka chiai chiam lai chuan, "lehkhabu i ngaina ve ani maww?" A tih chuan ka lehkhabu kenlai chu kawk pahin, thumbs up ka hmuh. Ṭawng ve ta che Lalrohlu! Chuan ka harh chhuak hlawl a. Inthup ve cheih cheih ka thiam loh vangin ka ri leh chul tawh. "Aw, lehkhabu te hi chu ka ṭhianṭha ber ang an nia. Ka ṭhiante tih lovah chuan!" Tih pahin ka mitkotlang ka san zauh. Min man hmel deuh hian nui seih pahin a lo bu hnuk. "Eng nge kha i chhiar dawn?", Ka tih chuan ka khur ru deuh tih ka hre thei...

"Ka hrelo le, Novels hi ka en ve chhin a, ka duh ka hre mai lo." A tih chuan, "Eng lam nge i chhiar ṭhin a?" Ka tih chuan, a sawi tum ka hre sa reng... Slam Page ami kha ka by-heart lo chauh alawm... " History leh science fiction lam te hi ka chhiar nasa a... Romance hi chhiar ve chhin ka duh deuh a..." A tih chuan, "Sidney Sheldon lehkhabuho hi kan chhiar chhin teh." Tiin Sidney Sheldon lehkhabuho awmna chu ka kawk a. Pakhat chu a la a, "Umm, chhiar chhin ila... Heh, a ṭhat loh chuan phuba ka rawn la dawn a nia!" A tih chuan, "kha chu romance em em pawh a ni chiahlo..." Ka ti leh zauh. "Hehe, awle awle!" A tih pah chuan a nui mawi tak chu ka hmuh hmain hauhlo. Ka lung chu a phu dut dut mai. Nang ngei i ni- Guru Gee hla kha background music ang deuh hian ka bengah a rawn ri nghal! Class-a ka let leh pah te chuan a hla beat mil khan ka pen phei vel... Ruah hmite a far pep pep a, boruak lah chhu thiang tak a ni.


Class-a ka khi lut vah chu ka ṭhiante lo ṭhu khawm pawh chuan an lo hmu nghal a. "Eh eu eu, library lamah romantic scene a thleng a ni maww?" Goldi'n a lo ti nghal. An ṭhutna bul tukverha ṭhu pah chuan, "Tunlai chu i hlim thei riau!" Tiin William'an min lo chhaih ve. Kei lah chuan, "Hlim thei eee, hlim tak tein ka hlim!" Tih pahin dawhkanah chuan ka han lawn.

Ka ṭhut thlak lehlai mek chuan, "Di rukteee!" Moni-a'n a lo ti. "~Hai der lo la~" tiin Sangtei'n a lo sa zawm. Khami hla kha kan sak zawm nghal vel. A ṭhenin dawhkan an beng a, a ṭhenin part an lo pe a, box te kan vaw thul. A nalh reuh phian a, kan classmate te mit pawh a la ru khawp mai. A tawpah a thunawn kha muang raihin ka sa a, a thuah ka cham ṭha raih raih bawk a, thinlung takin ka sa. Ka sak zawh chuan ka ṭhiante leh a tlem tlemin kut an lo beng.

"Awii ka lalno! Ṭhiannu zai thiam kan lo nei reng a nih hi Bawihaaa!" Dudua'n Ruhmawiha hnenah a tih chuan, "Awiii bawihte! I zai thiaaaam lutuk!" Goldi'n a lo ti nghal. An van uang mai mai tak. Ka zai thiamlo tih te chu ka hre ve reng a. "Min bawl min bawl lo mai teh uuu!" Ka tih chuan, "Va inthup thei ve.." William'an a lo ti. Hmm? Ka zaithiam tak tak ami le? "Heyyy! Ka awih dawn aniaaa! Uang viau suh u!" Ka tih chuan, "Hlute ka ti tak tak! I zaiiiithiam thlawt!" Moni-a'n a tih chuan ka awih ve ta deuh...





Ina ka haw hnu chuan ka inngaihtuah a... Tlemin zai lamah ka phur ve deuh. Phurna leh chakna hian min rawn fan vel ka ti mai. Ka zai ve thei.. mahse ka zai thiam lo a... A chhan chu ring taka ka aw ka hman chhuah ngam loh vang a ni. Helai hmuna kan insawn hmaa kan awmnaah khan, min Bully ṭhin a.

Khang hunlai ami te khan ka huaisenna hi min tihchhiat sak ka ti lo theilo. Ka tetlai ata tawh naupang harh vang tak leh mahni tana din chhuah hrehlo mi ka ni ṭhin a. Khami te ka tawn hmaa ka zai kan ngaihthlak leh te hian, naupang te e ti lo chuan ka aw ka pe dik ve thei lutuk. Tunah chuan khang kha ka ngam tawh teuhlo! Vawiin khan, Gidion-a vang liau liau-in ka aw ka hmang chhuak ve.

Ka khum bula guiter ka dah chu ka va en a. Ni danga ka tih ṭhin danin ka zai. Guiter pawh hi ka thiam fumfe lo naa, kut zungṭang kak ṭhak ṭhak khawpin ka perh ve ṭhin. Ka inbual lai chuan YouTube-ah Pangparhnima ka ngaithla... A changtunu an hawnsan veka Pangparhniman a rawn chhanlai vel kha ka ngaithla mek a. Awiii! Very nice! Sahuainidova nen ka lo dream vel eh... Ka lo inngaihbel vel nasa lutuk ta ni.



Ka phone chu a stand-ah ka dah a, ka phone camera selfie zawnga ka dah hnuin ka hmel lang theilo turin ka dah rem. Ka tlang che- Lilac hla chu ka guiter nen, free-style-in, chang khatna leh a thunawn te ka saklai chu ka record a.

"~Aw zan mutchhin a har,
Ka lunglai luahtu kha maw!
Zantiang tawnmangah ka tawn
Nin loh khan luaithli nul atan min thlang suh aw!

Aw van angel iang
I mawi ngei e ka tan,
Lungchimten indi dun ila!
Lungngaihna te theihnghilha ka kianga
Zantianga, aw theih chang se
Ooo, ooo...~"

Ka ti ta veng veng a. Kan Squad group chat-ah, "hei hi min lo ngaihthlak sak chhin teh u... Dik taka in faksel ka phur ang!" Ka va ti a. Min rawn chhan dan ka en hmain lehkha ka zir san. Mahse ka rilruah a lut hlei thei lova. Ka room-ah hian tukverh pahnih a awm a, pakhat kawngpui lam thlir theihna, a dang chu ka khum bulah. Ka khum bulah hian ka zir mai ṭhin a, helai hi ka duh em em chhan chu ni tla tur ka hmuh theih vang a ni.
Tunah hian ni tla tur ka thlir mek a, a mawi lutuk ringawt!






Zanah chuan mi status ka en kual a, Sahuainidova chuan status a rawn nei ve thut! A nei khat ropui a. Ni tla tur van sen mawi tak thlalak chu a ni. Tiang hi mawi a ti ve tho a ni maw? Tia ka ngaihtuah chuan, mahse heng te chu tuin nge mawi ti lovang? Beisei loh tur beisei suh tih pahin ka hmai ka beng thep thep.

Huihamm! Tihian beiseino duhai ka sam reng chu a ni si a. Tiang hian em ni mi zûna uai te hi an lo awm ṭhin? Hei hi em ni lunglen chu? Tih te ka ngaihtuah malh malh a. Siama te kha ka ngaihtuah a, ka khawngaih leh hnuhnawh... Gidion-a hian min lo ngaihtuah ve ang em aww?





... ... ...







Gidion-a POV:

"Tunlai assignment kan ngah lutuk hi chu aww! Chutah pathlawiho kha puih ve chhen an la ngai zui... Heiham..." Tih malh malh paha ka box ka Hawn chuan letter a lo awm leh tawh. Slam Page ka dawn aṭang khan letter ka bag-ah te hian ka hmu ta zeuh zeuh. Tu dah tak ni maw tih ka ngaihtuah neuh neuh pah chuan ka chhiar a,

[Lehkha them teah thian a lo inziak:

Ka hmuh phaka par,
Ka thliah theih si loh ngei chu nang i ni!
Suangtuahna khawvela min chamtirtu vallungmawl!
I mitin a thlirtu che a tawng lo ve,
Mahse a pawi lo ve!
Ral khat aṭanga i hniak chhui hi ,
Ka tan lunglawm tikimtu!
- I zûnin a dawi ât tei.
tih hi a lo ni]

A hma khan chuan ṭha deuhvin lehkha zir rawh tih vel a nia, ka ṭhiantsn min tihder mai mai emaw ka ti a, mahs hei, a nih hmel loh. Hehe, a duhawm reuh khawp mai...

Kima leh Dominic-a an rawn lut. "Eu eu euuu! Hmangaihna lehkhathawn tih vel i lo chhiar chiang lutuk!" Kima'n a rawn ti nghal pawng pawng. "Tu nge a?" phur zeta Dom-an a tih chuan lehkha them te chu ka en vang vang a, "Ka hrelo... A hming a sawilo..." Ka tih chuan, "Hmeichhia a ni turah ngai phawt ilaaaah!" Kima'n a lo ti.

"Mawlaa!" Tih paha nui hiauva Dom-an a bek a ben chawrh chuan, "Eng ngeee? Tunlaiah hmeichhia chauhvin mipa an duh tawh loh hiii! A hriat ringawt hleinem!" Tiin a lo inchhan. "Hmeichhia a nih hi..." Ka tih chuan, "hei, 'i zûnin a dawi ât TEI' a inti !" Kima'n a lo ti ve. "Khaw nge in note?" Ka tih chuan, "Ih... Englo a nia maw ṭhianpa... Dom-a sawm ka tumna lamah ka theihnghilh daih a... Ih, naktukah ka lo copy..." Khi veua a tih chuan ka room chu a bengchheng nghal hleee... Dom-a chuan engtin tin emaw a rawn keng ve hlawl. Heiham...

Kan zawh hma deuhvin dar 11 a lo ri Dee tawh a, Kima chuan min peih lohsan tawh... "Bro, ka lo riak mai..." Phang fea a tih chuan Dom-a pawh khumah a bet fel diam tawh... A mak a nia, hemi te pahnih vang hian ṭhutthlengah ka mut a ngai ziah.
Mahse haha, nuam ti deuh hian mu teh se...

Mak deuh maiin Nihliap-dumi kha ka ngaihtuahnaah hian a rawn lang hlawl zel. School-a ka hmuh hian an ṭhianho hian an za cheng zel a. Mahse a nui mawi khawp mai... "Het! Ti nge hetiang ka ngaihtuah?! Ehe, Gidion Laldinmawi..." Ka tih chhuah hlawl chuan, Kima a rawn tho â zuai ... Ka khi ver ver ringawt nia maw le... Vawi khat cooler bula a tawlh thluk ṭep te kha ka ngaihtuah chhuak thut... Tuman an hmulo emaw a tia, ka hmu reng sia... Haha...
Hlutei maw kha?... Hlutei...


Show post links
Top