WILD TRUTH BY Un Sammy (Completed)

[Ngaia]

MALSAWMTLUANGI & LALREMTLUANGA



"Kei chuan unau ang lo chuan ka hre reng tawh lo che. Nangpawhin chutiang chu tum ve rawh" ka tih chuan, "Ka tum ve alawm. Mahse ka hmangaih che ka tih khan ka sawi mai mai si lova, a theih loh anih hi. Unau kan ni lo tih ka hriat ațang ngat phei kha chuan bansan che hi ka tum ikhaw lo" a ti nghet churh a, min va han ti beidawng tak.

"Remtluang eng pawh sawi la kan inkar hi chu a danglam dawn lo. Ka hmangaih tawh lo che, kan kal hran hi kan pahnih tana ţha ber tur a ni" a mit taka en chung chuan ka ti a, mahse kan mihring luhlul lutuk hian maw, "I thusawi engmah hi ka ngaihthla dawn tawh lo. Ka duhdanin ka kal anga, a țul leh ka ru bo mai ang che. Ka sawi tawh kha, kei lo chuan an nei dawn lo che" a ti leh hmak.



Tlangval pangngai takin a u a ngaizawng a, unau an nih avangin lantir loh a, tih reh dan kawng a ngaihtuah nasa hle a, nupui a nei phah tawp hial bawk. Mahse a rilru put ang chu a duh em em a u chuan a lo put ve bawk si avangin insum har a ti hle a, lehlamah a nupui a hmangaih miah lo a awm a, a lehlamah a u a hmangaih em em a awm bawk a. Puitling tak engkim tih tawp an tum laiin a pa hnen ațanga a thu hriat chuan rilru dang hlak a put tir leh ta zawk si.......


WILD TRUTH
by Sammy



<1>





"Kawngka chu lo kalh rawh..." a room aţanga a rawn chhuah rual chuan a ti a, "Zan riah chhuah fo hi a țha lo asin" ka tih chuan, "Mipa lawm ka nih" tiin a helmet chu a la a, a chhuahpui nghal vut mai.



Kum 19 anih ațangin kan cheng dun tawh a, tunah tlangval pangngai kum 29 lai a ni ve tawh. Heti chung hian a la tal duhdah em em a, zan riah chhuah leh rawn ruih haw te, hliam pilh phung a rawn haw lah a ngah bawk.




Unau ni mah ila a hming mai a unau ni ve kan ni a, he thil ka hriatchian viau na hian a lakah hian unau ang tak taka en theihna kha ka nei lo.




Kawngka rawn sawi thawm avang chuan ka harh a, țhutthlengah t.v en pahin ka lo muhil daih a lo ni.



Kawngka chu an rawn sawi leh nawk nawk a, dar zat ka en chuan dar 1 lai a lo ni tawh.




"Tunge ?" tihpah chuan ka va hawng a Remtluanga chu kun chalin a lo ding a, a bulah chuan hmeichhia a ding ve bawk.




Hmeichhia chu ka thlek ngial a, ka hmuh awm ka la hre ngai lo. Remtluanga chu ka en leh a, "Enge awmzia ?" ka'n ti ngawt.




"Khawmaw kalsawn teh" tiin min nek sawn a, a hmeichhia chu a rawn luh pui.




"Tun ang zan rei tawha enge awmzia Remtluang ?" ka han ti leh a, "Aww tun ang zan rei tawhah chuan kan inru tihna nimai lawm" pawr zet chuan a ti a, ka hrilh hai letling.



A room lamah chuan an lut nghal hmak a, kawngka chu kalh țhain ka room ka pan ve nghal. Han tih vak dan ka hre lo, Remtluangan nupui a rawn ru chu mak ka ti zawk.



Ka room-ah ka lut a, muthilh tum viau mah ila a har țalh țalh khawp mai.



Remtluangate chu ka ngaihtuah a, zan hmasa lama a thusawi leh tuna a chet dan chu inperhsan tak a ni.



Ka room-ah rawn lutin min duh a rawn sawi anih kha! Unau anga awm harsa a tih thu leh a rawlthar chhuah hlim ațanga û anga min en ngai loh thu te thlengin nih kha a sawi. Zu rim anam avangin a ruih vangah khan ka lo ngai ngawt nain a thusawi te kha chuan min ti mur sung sung a, a thinphu pawh a ti rang ve dawt dawt tho mai. Mahse zanina a rawn chet dan en hi chuan a rui țawng mai mai chu anih ka ring nghat ta bur mai.




Zing ka harh chuan a tlai duai tawh a, nizan lamah khan thil ka ngaihtuah leh vak a, ka muthilh lai pawh ka hre lo.



Choka lamah ka lut phei a, Remtluanga chu tui in in a lo in run mai.




"Khawnge i țhiannu chu ?" ka tih chuan min melh zawk ringawt a, min chhang lo. Choka ațang chuan a chhuak zui daih a, a en zui ringawt tawp mai.




Rawng chu ka'n bawl dawn a, nidanga kan ai tam hlek chuan ka siam zel a, chawhmeh hi chi li ai tam kan siam ngai vak loh avangin ka bawl zo har lo.



Remtluangate lah chu room-ah chuan an awm reng a, ko lem lovin chaw eiah ka lo nghak ve tawp.




Bawp phut hlerh hlerh a ka țhut lai chuan an rawn chhuak ve ta nge nge a, "Chaw..." ka ti hman chauh, "Ka va thlah lawk ange" Remtluanga chuan a lo ti vat.




"Enge awmzia? Chaw te kan ei phawt ang chu. Chutin inru an inthlah leh ngawt ngai lo" ka lo ti he haw a, Remtluanga chu ka thusawi ngai pawimawh lo zetin a kaltlang parh a, a hmeichhe te chuan nui sen senin, "UMs nizan khan a fiam che nih kha. Ka chhungte phalna thlapin ka lo riak ania. Chaw chu nidangah a nimai aw" ti a, ani pawh chu a kal liam veleh nghal.




A ngaihna hre lo deuha ka hawi fe hnuah inthingharhin keimahin chaw chu ka ei a, insiam sawk sawkin ka dawr lam ka pan ta daih.



Puan dawr lian vak lo ka nei ve a, mahse kan vengah chuan ka luck ve lutuk. Min pui tur mi panga lai ka chhawr ve a, nula tlawngawl satliah chu ka ni bik lo.




Tunlai chu ka intihawl ve deuh lai a ni a, ka naute an fel hlawm bawk a, reilote va langin ka haw leh daih ţhin. Mahse vawiin erawh la rawn thleng enfel angaih dawn avangin ka chau veleh det ang.




Dawr ka thleng phei chuan an tih tur ang ang tiin an lo phe suau suau a, keipawh awmze nei lem lova storeroom an lo dah hnur parcel lo chu ka en nghal mawlh mawlh.




A ţul ang ang chu Mazami leh Siamin min tihpui a, kan zawh meuh chuan khua a tlai duai tawh mai. Midang an haw vek tawh avangin keini pathum chu kan pen darh hma chu kan kal tlang a, an ni hi la kum rualpui ve te an nia, ka kawm ve theih ber te an ni. Mazami hian pasal nei tawh mah se fa erawh a la nei lova. Siami erawh hi chu mipa ngaihsak lo hrim hrim a ni thung.



In ka thlen hma deuh chuan Remtluangan min rawn phonein chahbi a duh thu a rawn sawi teh thawr ringawt a, in ka thleng țep tih ka sawi chuan a dah nghal hmak.




In ka thlen chuan a zia lo ang takin a lo phun a, "Hmeichhia hetianga tlai thleng thleng an chhuak ngai em ni? A hotu ber i nia, a ai hmaah hian i bang thei lo em ni ?" a lo ti hluk hluk a, tukin ațang tawhin țha takin min biak a la nei lo a, mi chau ve nen chutia a lo phun veleh zel chu ka hna ang reng viau.



Zanah chuan Hruaia a rawn leng a, ka ke te chu ka lo malis tir a. Zan dang ang lo takin Remtluanga chu a țhu ve kur lehnghal.




"Zanin chu i leng lo ve tehkhiah a ?" Hruaian a tih chuan bung hmek hmuk hian, "Aw" a ti tawp a, nuam lo ka lo ti ngawt pek.




Hruaia nen hian kum hnih lai kan inzui ve tawh a, ani pawh hian Remtluanga zia chu a hre ve tawh viau a, tunah pawh hian huat em em vanga sawi a ni lo tih pawh a hria ang.




"Nupui te hi nei vat rawh, kum tawp lamah chuan palai te an rawn leng ve tawh dawn si a" Hruaian a'n tih leh chuan Remtluanga chuan rum mangkhengin min rawn melh phawt a Hruaia chu en lehin, "Naktukah te hian rawn tir zawk la ka va duh ve" a ti nghut a, chutia min ning niawm taka a țawng vel chu ka ngei deuh.




"Chenpui a hahthlak viau a ni maw ?" Hruaia chuan nui huah huah chung chuan a ti a, "Rawn hruai chhuak vat la chu chu ka duh ber" Remtluangan a rawn tih leh chuan ka ngei tawh kher mai. Hetia ka awm ringawt hian a eng pawi mah ka sawi ngai der si lo.




"Nizan ami kha neih dan ngaihtuah vat la keichu out nghal nimai" ka ti veleh kher a, min chhang zui tawh lo thung.




Hruaia a haw dawn chuan kawngpui thleng ka va thlah a, kan inmangțha ril leh viau pek.



Kawngka ka kalh ka inher chiah chu phu zawkin ka tawlh dawr a, "Nuam i va ti ve ?" min melh chhuk runin a ti ngawt.




"A ve ringawt a, khawmaw kal teh" tia kalsawn ka tum chu a, "In infawp em ?" tih pahin min pawt let a, kawngkhar ngheng dawt chuan ni min pawh let ni.





"Ngatan nge maw i tih le ?" ka ti chu, "In infawh leh fawh loh sawi chu ahar ami ?" a ti vin țhat.





"Inngaizawng te chu kan infawp ve bawk ang chu" ka ti leh ve hrawk a, ka sawi zawh rual deuhthawin ka hnung a kawngkhar chu a chum ri bur mai.




"Lalremtluang!!" ka phu nasa lutuk chuan ka ti tuar a, "Țhen ang che" a ti leh nghut. Min rawn hnaihchilh sawt viau a, keichu ka lo tawmip chawih chawih.



"Kalsan vat teh. I rui leh tawh ami ?" tiin a âwmah chuan ka nem a, ka kut chu a lo man hmak mai bawk si.




"Ka rilru put dan ka hrilh che kha ka hmalakna hmasa ber anih kha" a ti zawi ruih a, min hnaih tawh lutuk.




"I thusawi kha zak hle rawh" ti ram hmakin ka melh chho ve kar a, ka hmai zawnah chuan a rawn nui lum hak.


"I khauh ve phian a" tiin a nui sawng a, A hmaia ben sawk chu ka chak lutuk.




"Kal rawh, va mu rawh. Mahse ka sawi kha hre reng la" tiin a awmsan a, ka kal chu ka mawngah chuan a rawn beng zui hram a, thinrim viau mah ila ka room-ah ka lut tlang ta hmak.



Ka room chu kalhin ka mu meng kar a, ka ngaihtuahna chu a buai takzet. A rui thusawi mai mai a ni lo tih a chiang a, ka nau zawk mah ni se tuna a chet duhdan te khan min rap tir riau lehnghal.




Kha leh chen min duhna a lo zep tawh a, tun ataka tinge a rawn sawi chhuah kher? Min fiam mai mai a tum zawk nge ka hre lo. Engpawh tih tum se thil atthlak tak chu a ni phawt mai.




Zing ka harh pawh chuan ka tho chhuak mai duh lova, Remtluanga mizia chu ka la en phawt anga, ka tawrh theih tawh loh chinah Lunglei lamah ka haw san khawp ang.



A ngaite bawkin dawrah chuan ka phei a, Hruaia leh a nu chuan puan hi an lo en vel mek.




Mazami chuan min lo melh ralh ralh a, Hruaia nen hian min hre ve vek a, ka nui deuh tawp.




"Nang i ni bawka tlawm tawkin kan pe ang che, a neitunu hi i biak thiam phei chuan a free a nimai" Siami chuan a ti zat zat a, Hruaia chu ka bula rawn dingin, "Enpui ve la, inneihnaa bih tur puan thar a duh a" a rawn ti sur sur a,




"I rawn kalpui ania enpui ve mai la" ka tih bul bul lai chuan, "Ms hei hi a mawi tiraw ?" Hruaia nu chuan ka lam hawia puan rawn lek pah chuan a ti a, "Aw nia, a nalh lutuk" tiin ka lo enpui ve vat a. A duh khirh bawka darkar khat dawn a en kual hnuah a duhtak a thlang thei hram.




"Nakinah ka duhdan takin min tah ve la a țha ang" a tih chuan, "Nia" tihpahin ka nui tawi tak a, puan man pawh chu ka la duh ta lo.



An chhuah hnu reiloah Hruaia chuan min rawn text in anu chu a lawm viau thu a rawn sawi luam a, ka reply lem lo.




Chhun chawla kan țhut țhap lai chuan Remtluanga leh zan hmasa lama a rawn hruai haw kha an rawn lut hlawl a. A hmeichhia zawk chuan min nuih sen sen mai.




"UMs puan lo en kan tum a" a rawn ti a, "Aw lo en rawh u, eng lam nge i duh a ?" tiin ka lo be sawk sawk a, midang chu thil min lo eisan mai turin ka ti hlawm.




Kan en kual a, Remtluanga chuan min lo zui ve zel a, a pheikhawk lawk zet chuan ka ke hnunglam chu a rawn chhuih fu leh țhin.




"Ka û te inneihna tur ami nia, Rema nen hian lo kal ve ru aw" a ti siam siam a, a țawngduh reuh sia, hmeichhe sual tak chu a ni lo ang.



"Heihi ka la mai ang, mahse tiang hi tah sah in ngah em ?" tiin a sen dal a phei zawnga rang chu a la a, "Pathum vel chu kan nei a" ka ti a, "pakhat dang ka van duh belh" a tih chuan inneih ni tur te chu ka'n zawt a, a la hlat tho avangin ka tah hman tur thu sawiin a awm sa zawng chu a la a, an chhuak lehnghal.




"A mipa kha i nau kha tiraw ?" Mazami chuan a ti a, ka lu ka bu nghat. Ei tur chu ka ei zawm ve nghal a.



"A hmeichhia kha Alice-i nia, ka hmu ve zeuh țhin a an inbulah hian" a tih chuan, "In veng a in anga ?" ka tih chuan, "Imm... a fel reuh asin Alice-i kha. Mahse a rapthlak ve reuh lutuk" tiin a irh uk a, "Ka puar lutuk" tiin tui a in zui khawlh khawlh.




Eng mi pawh ni se pawi lo, Remtluanga nen chuan inkawp tluang se ka duh a a ni ber. Inneih hial se, Remtluanga hi khawsak pangngaiin khawsa se ka duh.




Ka nu hnen ațangin call ka dawng a, pate dam loh thu leh Remtluanga an call tlang theih loh thu min rawn hrilh a, nuteiin Remtluanga chu haw tura a tih thu te a rawn sawi luam a, thil dang neuh neuh kan sawi hnuah phone chu kan dah.



Mut ka tum tawh laiin Remtluanga chu a rawn haw hlawl a, pate chungchang chu ka lo hrilh nghal.




"A dam vat mai ang" a ti liam puat a, "Chutia sawi ngawt chi a ni mi? I pa ania, naktukah haw phei ang che" ka ti ve hmak.



"Ka haw anga nang hetah midang nen in lo awm anga ?" thatchhe zeta a rawn tih chuan ka sa phat a, "Engemaw i hriat a chutiang ngawt i ngaihtuah reng le ?" ka ti vin țhak.



"Tum loh pawhin ka ngaihtuah reng alawm mawle" tiin thaw hak.




"I thusawi zawng zawng te kha inngaihtuah chiang hle rawh. I û ka nih anga min zah der ve te anih ngai chuan unau kan nihna hi hre reng ang che" ka ti veleh fak a.




"Unau chu lo ni lo ta ila kan rem thei dawn i tihna em ni ?" a rawn ti leh chuan, "Teuh lo lutuk !" ka lo ti nghal hluk a, ka thin phut ran zia chu. Thisen zawmna pakhatmah kan nei lo tih hi hre ve ni ngat se chuan tun ai hian a nasa dawn tih ka chiang kuar kuar mai.





☆A hmasa ber a ni bawk a comment pakhat tal hnutchhiah tum ţheuh ang aw.


Show post links
Top

[Ngaia]

WILD TRUTH
by Sammy



<2>





Remtluanga ka tellova a haw duh tlat loh avang chuan kan haw dun ta nge nge a, biak erawh kan inbe tam lo khawp mai.




Ka haw khat bawk a, ka haw chhunah chuan awl hman loin ţhiante an rawn lut zut reng. Nupui pasal nei an ni deuh fur tawh a, an rawn chhangchhe thei khawp mai.




Ma-i highschool kan kal ațanga ka bestfriend la ni ngar ngar phei chuan min riahchilh lo chauh.




"I vah te leh ka fate tan nang chu an ni leh nutei hausa tawk atan ti hian nula reng rawh" tiin Ma-i chuan min fiam reng a, ka nui ka nui ringawt.


Pianpui nuța pakhat ka nei a. Hmangaihtluanga nia, Hmangaih hi kan ti mai țhin. Remtluanga ai hian a nau vel hret a, mahse ani pawhin nupui fanau a nei tawh a, an awm bawk a, ka nu leh pa pawh an khawhar loh phah deuh.




"I hre lo emai.... palai hmel kan hmu vat dawn" ka nu chuan min lo chhan ta țhin a, naupang infiam ri leh nursery rhymes play thawm te nen kan ri chel chul reng.



"I ţhianpa nen chuan inneih lamte hi insawi ve tawh em ?" zanriah ei kham chhungkaw kima kan țhut laiin ka pa chuan a ti a, upa ve viau tawh e ti lo chuan ka lai deuh ringawt.




"Chutiang a pasal neih lam pawh ka ngaihtuah lo..." ka tih laiin Hmangaiha chuan, "Ka awi lo lutuk. Nei vat vat rawh, inneih in tih vat loh chuan nakinah i rai thei lo anga a buaithlak viau ang" a lo ti vat a. "A ve zawt zawt a" ka ti chu, "ka hmangaih vang chein ka hrilh che nih chu. Nakinah ka fate hi min chuhpui ang tihte ka hlau" uang deuh chuan a rawn ti a, ka theihtawk chuan ka'n melh rum a, min nuih mai mai.



"I putea te in lamah va phei ve teh ang u" ka nu chuan a rawn ti chhuak hluai a, kal ve erawh chu ka tum lo.




"Ms nangpawh va inha ţha la, phei dawn ang u. I pu ten an ngai che ania" ka nu chuan ka mala rawn ben taih pah chuan a ti a, peihlo zet chuan ka tho ve țual țual.




Ka pa te hi Lunglei mi hlun a ni a, ka nu erawh hi chu mamit lam daih mi a ni thung a, ka nu lam aţanga kan chhungte nen chuan phone kaltlang lo chuan kan inbe khat viau a, duh angin kan inpawh lem lo bawk.




Ka pute in kan thlen phei chuan an chungkua tih loh chu in leng dang an lo awm lo a, patea Remtluanga pa hi ka pa te unau zinga naupang ber a ni a, ti hian inpuiah ka pu an awmpui a, kan pi erawh hi chuan cancer vangin min boralsan tawh thung.




Patea chu a dam țha tawh viau a, sa țha pui si hian hritlang leh khawsik tih vel hi a la na thei fu a, kan chhung buai leh hrep țhin.




"I nau hian in awm hi a ning lutuk. Aizawl lama awm tinuam deuhtu hi a nei ni lo maw ?" nutei chuan fiamthu deuh hian min zawt a, "Ţhiannu kha chu a nei ve ngei mai a, nakinah amah hian rawn zinpui se a țha ang. A hmelțha teh mai ania" ka tih mek lai chuan Remtluanga chu a room ațangin a rawn chhuak a, min rawn hmu chu, "In haw phei hunah insiam la naktuk zing kara chhuah ka duh" thu min pe zet chuan a rawn ti a, ka lo rum nghut. Nutei lah chuan hrethiam ve lo takin, "Ka tih reng kha, lo țhu teh Bawiha. I țhiannu chungchang chu rawn sawi teh" a tih zawm a, ka lo nui tawi tak.




Remtluanga kalsan hnuah ka nu leh nutei chuan Remtluanga nena kan chanchin chu an sawi a, ka nu lah chuan, "Msi pui hian pasal neih nachang a hre si lo, an awmdun reng si a nupui pasal neih te hi an lo insawi phur lo dun te hi aniang a" a ti a, za lo tawkin ka ţhen sak sak ringawt.




An thusawi ngaihtuah lo chuan ka phone ka khawihsan ta daih a, WhatsApp a ka luh veleh lah chuan Remtluanga message hi a rawn lut nghal a, ka muhil lai thlalak hi a rawn thawn.




Ka reply lo a, out leh nghal daihin phone chu ka off ta daih.




"Hmeichhia hi a ngaihsak lo lutuk hian ka hria a, tunlaiah mahni anpui ngaizawng an tam tawh si nen ka thla te hi a muang lo" nuteiin a tih leh chuan ka lo ţhen ru sak sak a, a fapa hian a anpui a ngaihzawn loh zia hi. A anpui ngaizawng țhin nise a lawmawm zawk maithei a ni.




Dar 11 rik dawn tawhah chuan kan haw phei a, mut hmain Hruaia nen kan inbe leh a, bank cashier nih chu a nin thu leh ban mai a duhthu tein a rawn phun ve nuah nuah a, duh anga hun a neih theih loh thute sawiin inneih te thlengin a rawn sawi kai a, ka mut a chhuah deuh tawh avangin ka lo aw e liam mai mai thung.




Hruaia nen kan inbiak zawh ka muhil țep tawh tihin ka phone chu a rawn ri leh a, phun hlukin en mang lo chuan ka la.




"Rawn chhuak lawk teh" Remtluanga chuan a rawn ti zawi sup a, caller id ka'n en chian chuan a hming chu a lang kulh.




"Ka mu tawh" ti hmakin call chu ka cut nghal hmak a, ham bai baiin ka mit chu ka chhing zui ta hmak.



Mahse minute nga pawh ka chhing hman lo ang tih chuan ring lutuk kan kawngkharpui chu a rawn inchum a, "Pite, Pute...." tiin Remtluanga ngei mai chu a rawn au ta! Ka meng kawk a, ka inperhtho nghal a, ka room ațang chuan a thlawh in ka thlawk chhuak a ni ber.




Remtluangan ka nu leh pa a au mawlh mawlh lai chuan kawngkhar chu hawngin a ka chu ka hup sak a, midang chu an rawn harh leh harh loh ka ngaichang a, tumah an harh hman lo ni a ka hriat hnu chuan Remtluanga chu ka nam chhuak nawk nawk.



"Enge hi nge i ngaihtuah țhin ?" beidawng zet chuan ka ti a, ka rin loh lutukin ka dara a lu nghatin min kuah ta hle hle mai.




"Min zah derna chhete mah hi i nei ve lo anih hi tiraw ?" tiin nam sawn ka'n tum a, min kuah nghet tulh tulh.




Ka nghawng te chu thawk khum lum leh hak țhin a, chutia han awm chu nuam lo ka tiin ka ti a mur hial mai.



"Engtin nge ka tih ang ?" amah pawh chuan beidawn hmel zet hian a ti a, a thaw deuh hak.




"Ka duhna che hi ka dah bo ngawt thei bik lo. Engtin emaw tala ka ta inih theih dan hi a awm ang" a ti zawi leh sap a, ka ngawi reng. Ngun takin a inngaihtuah ve tawh ni a, a û ka ni a, û te laka chutiang rilru put tlat chu hreawm a ti ve dawn lutuk tlat. Unau tak tak kan ni lo tih hi a hre ve si lo. Kei a hre zawk hi a rilru ang ka put ve mai loh nan ka inven a ngai tawh zawkin ka hria.



"Fa lak te lo ni ta ila..." tia a rawn din mar chuan ka lo chek hlak a, "Chutiang an sawi ngai lo" tiin tunah tak hian ka nau ang tak takin ka en.




"A har em a ni Ms. Ka mitthla apiang che a ka û i ni tih hriatchhuah tel ngai țhin hian min ti na. Kei mipa thinlung hi a na vilh ngulh ngulh țhin" zawi tak, fiah tak si a ka mit taka min en chunga a tih chuan thinrim aiin amah khawngaih leh lainatna min pe mah zawk. He nau pui hian min duh satliah emaw ka ti a, mahse ka rin phak bak a ni.



"Chutiang ngawt ngaihtuah lo la, unau pawh ni lo ila kan awmdun thei kher chuangin ka ring lo. Hreawm ti lo la, induhna te chu a reh vat zel alawm" thinrim khum chiam ai chuan awmzia a neih zawk ringin ka hnem ta zawk a, ka biang chu rawn dawmin a thaw hak.





"Thil reng reng hi kan neih theih loh tur kan hmu mawi a, kan ta ni lo tur te hi a thlirtu tan hian an lo mawi em anih hi tiraw ?" a ti a, chhan ngaihna pawh ka hre lo.




"Vawikhat chiah ka fawp thei che ngem ?" aih ka tih hlauh hmel zet chuan a ti a, ka lu ka lo bu nghat. Engvanga a fawh chu duh ngawt nge ka nih ka hre lo, amah ka khawngaihna chuan min hneh ni berin ka hria.




Ka khabe a vuanin min kuai dak a, ka hmuiah chuan dam zetin min rawn fawp, dam leh duhthawh ru tak sia min fawhna chu ka chhang let a, amah chu ka kuah ve ta hial.



Rei ngial kan infawh hnu chuan a inlahrang hmasa zawkah Remtluanga chu a țang hlauh. A âwm a min kuah bei hlu hluin lawmthu min hrilh a, chutia kan din ren rawn hnuah chuan lut turin min ti a, zingah hma taka chhuah a duh thu sawiin ani pawh a inkhalh haw zui nghal.




Khum ka deh leh rual chuan ka harh kawk niin ka hria. Ka zak thar hle a, min fawhna ka lo chhang te chu beiseina ka siam mai mai angem tih tein ka ngaihtuah a, ka thil tih chu dik lo hlein ka hre leh hnuhnawh a, mahse a liam vek tawh. A thusawite ațang kha chuan sual taka a awm zui duh chu ka ring lo a, mahse a rilru dik tak ka hre chuang der si lo. Ka rilru chu a buai leh mep mep khawp mai.




Zing hma lutukah ka nu chuan min rawn kaitho a, phak chuala ka tho chu Remtluangan min nghah tawh thu sawiin peih lo zetin ka intifai zui a, kan chhuah tak tak ka rin loh avangin nizan lamah ka lo inkhung lawk duh lo kha a ni a, ka buai khawp ang.




Ka inpeih chuan ni a chhuak der a, eng sawi lovin Aizawl lam panin Remtluanga nen chuan kan tlan chhuak nghal. Chak zet zetin a tlan a, ka kuah lo thei lo. Ka hriat loh karin ka duh aiin ka lo kuah nghet leh țhin a, keimah zawk chuan nuam ka ti lem lo.




Thil ei a kan chawl zawk tih loh chu tluang takin kan tlan tlang parh a, kan in luah kan thlen leh meuh chuan engdang ti lovin ka room a lutin khumah ka let tawp a, ka pheikhawk phelhin ka mu țha nghal sawt sawt a, zing ka thawh hlim ațang khan mut hi ka chak tawh a, khum chu ka tan chuan vanram a ni ringawt.


Ka muhil sam viau a, ka harh chuan zan dar 9 lai lo ni tawh. Tui in tumin room ațang chuan ka chhuak a, mah se sofa a Remtluanga leh a țhiannu bawk kha inbawhthlu lek lek khawpa an i lo infawp ka hmuh rual chuan rang fahranin ka roomah chuan ka lut leh nghal a, ka mit chu ka nuai nghal chawt chawt.




Amak ka ti dawn nge, a beisei loh lutik anih vangin min ţhawng ka ti zawk dawn pawh ka hre lo.




Chhuah tho ka duh si avangin room chhung ațang chuan thawm ka nei a, bathroom ațanga chhuak niawm takin ka bathroom kawngkhar chu ka khar chawrh a. A ring thei ang bera ham der pah chuan room kawngkhar chu ka hawng a, an lo țhu țha vek tawh.




Remtluanga țhiannu chuan min lo nuih var a, Remtluanga chu a țhu tak run mai.




"I lo leng a ni maw ?" te ka'n ti luam a, "Imm... Rema hian i damlo a tia, rawn kan che ka tum a mahse i lo muhil a" a ti a, Remtluanga chu ka en a, min en duh der lo. Damlo ang tein min lo sawi ngawt a, aaaa..... engpawhnise a pawi lo e, thil dang a ngaihtuah phahna nih te chuan thi ang te pawhin lem ka chang lawp lawp mai ang.




"Nia ka pang a nuam vak lova, lo inkawm rawh u, eitur ka va dap ange" tiin chokaah chuan ka lamah luhsan ta daih a, ka din ve chhung zawnga Remtluanga min en duh lo lui kher erawh chu ka ngei hle.




Siam mai awlsam ber noodles leh artui chu ka siam a, Remtluanga te lam ngaihtuah lek lo chuan ka zai pah rat rat.




Puar peng pawngin chair ah chuan thatchhe zetin ka ţhu awn diai a, ka nu leh Hruaia message lo awm te chu ka reply a. Muang chang chuan ka thil tih hnawk ho chu ka tifai a.




Remtluanga te chu room a an luh mai loh avangin ka ning ru hle a, a chhan pawh kei nula senior hian t.v ka en duh. An inkawmnaah lo țhut ve țut reng lah chu mawi niin ka hre chiah si lo. Ka nin dun reuh zia chu.




"Lo inkawm ru aw...." a tawpah chuan ti leh ta nge ngein ka room lam chu ka pan leh ta hnak hnak a, room kawngka ka khar chiah ti chuan ka insawh deuh chawrh chawrh. Lalremtluanga pui pawh chu zan dan zawnga leng hawh hawh ţhin ataka fel ber anga awm, tunah pawh sawn an inkeih leh mial mial tawh ang.




Ka thil ngaihtuah avang chuan ka khi sak a, ka room kawngkhar chu zimte a hawngin ka bih dek dek. Ka rin ang ngeiin an lo inhnimhnai leh tawh viau a, infawh erawh an infawp em lo. Ka awmdan chu innuihzat ru zet chuan ka khar a. Khumah chuan muin Hruaia ka phone.




A lo lak rual chuan ka thinrimnate chu an hriat phak hlau deuhin ka sawi nghal mawlh mawlh a, an deuh chiam chiam te hi ka nuam tih zawng ve ania. Lungawihloh deuhna pawh nei ila ka an a, ka phun deuh chuan a reh nghal vek zel.


Hruaia nen kan inbiak zawh chuan ka mut laklawh vang nge ka muhil leh mai thei der lova, room ațanga chhuah ka tum chu ka bih hmasa leh dek dek phawt. Remtluanga ţhiannu kha a haw tawh leh tawh loh pawh ka hre lova, ka lo va phawk ringawt ang tih te ka hlau.




Chutia ka bih dek dek chu ka thil hmuh avang chuan ka lawm fahran miah lo, ahma i duhthawin infawh mai ni lovin Remtluanga chuan a țhiannu hnute te chu a țham deuh tawn tawn a, ka thil hmuh hrim hrim vang nge Remtluanga thil vang hrim hrimin tunah hian ka danglam ka hre lo. Nuam ka ti ve ringawt a, nia chutia an awm lai lo bihthlak chu nuam lo ti tur pawh ka ni.




Room kawngka chu kharphui lehin khumah bawk chuan ka ţhu ngawi leh rauh rauh a, nichin maia ka thil hmuh kha ka awih lo lek lek. Remtluanga chuan ka lakah feelings a nei tawh lo niin ka hre dawn dawn a, mahse chu ka ngaihtuahna chuan min ti thinrim ţun lawi bawk si.




Tuna Remtluanga awmdan chu darkar liamta mai pawha ka duh dan kha a ni a, mahse tunah ka lawmpui der si lo. Aa... engpawhnise tui vawt tawkin inbual ila a ka harh kawk anga, ka fim kawk mai ang.




Bathtub-ah chuan inchiah vang vangin ka muthlu lek lek dawnah chuan ka duhtawk a, intifai pangngaiin bathroom aţang chuan ka chhuak a, ka khumah Remtluanga chu a lo țhu lurh.





☆ads te kha min han click sak hram hram ula aw


Show post links
Top

[Ngaia]

WILD TRUTH
by Sammy




<3>




"Enge ?" ka tih teh thawr a, ka âw chu a chang lam mah a ni.




"Inbihthlak tih vel kha i inhmeh lo" a ti chuan ka melh kawk a, min lo hmu vek a ni ngei ang.



"Umm... aa.. nia" sawi tur hre lo chuan ka ti nawi nak a, ka zak ru viau bawk.




"Mahse Ms a țha zawkin ka hria" a tih leh chuan ka en a, chiang zetin min lo en ve reng.




"Unau kan nia tiraw? Ka rilru put hmang hi chu thunun ka tum ang" a tih chuan, "A țha lutuk alawm" ka lo ti nghal var a, chutiang zawnga rilru a siam ta chu a lawmawm lutuk tlat.




"Ahma ang khan unau ang tak takin awm ila, eng buaina mah ka thlen lo ang che. Mahse i laka ka chetdan a dang ta deuh dawn anih pawhin min hrethiam aniang chu" a ti leh a, "A țha vek e, i puitling takzet" ka lo ti ţha mai. Min hre tawh lo tawp dawn mah se mualpho taka awm ai chuan a thlanawm tho tho.




"Muttui le" tiin ka room ațang chuan a chhuak a, keipawh chu Inthlakin ka mu zui.
.
.
.


Hruaia nen a cousin te inneihnaah kan kal a, min sawm nasat em.avangin ka kal ve kha a ni a, a nuam ka ti hran lo. Min hre ve tu hoin min fiam min fiam a, nuih a za lo țhin khawp mai.




Hruaia nen hian inzui rei ve tawh hle mah ila chhungkaw chungchang leh nunhlui tih vel hi kan inhriatpui tam lem lova, kan inzawt ngai lova, kan sawi mai mai ngai lem lo bawk a. Hre ve tura kan inngaih chin ang hi chu kan inhrilh ve thlap țhin a. Mahse tuna a cousin hi chu ka la hre ngai lova, a chhungte dang ka hriat ho pawh an kal miah lo.




Inneih ceremony pangngai a zawh hnu chuan haw mai ka duh tawh a, Hruaia lah chuan nuam a la tih hmel bawk si. Tum burin after party naah ka telpui veleh hram a, Hruaia erawh min ngaihsak lem loin a nui sang reng.




Kan țhuthmun a kan țhut lai ngawih reng lai chuan monu leh a ţhian chu an rawn kal a, Hruaia cousin anih avang chuan ka lo nuih sang.




"I lo kal duh pawh ka ring lova" Hruaia chu en a nuih har har pah chuan a ti a. Hruaia chu za lo tawkin a lo nui a, monu ţhiannu lah chuan min lo nuih ve sawng.




"Ngaihzawng chu i lo thlachham lo anih hi maw le" tiin monu zawk chuan min lo em ve ta nge nge a, min ngaihnep hmel viau lehnghal.



"Chibai, i bialpa hi ka ex ania" nui deuh sawng chuan a ti a, ka ten reuh lutuk.




Hruaia chuan dawt chiang tak min hrilh tih ka hre mai a, a ex inneihnaah hian eng rilru puin nge min hruai reng reng ni? Engpawhnise he hmeichhe naupang hmaah ka zam dawn hlek lo. A pasal nei mek zawk mahin zah a hriat loh teh chuan a! Ani ang mai mai dah nil tur hi chuan ka upa tawk tawh.




"Ka hria alawm. Mahse ka rin aiin i hmelchhe zek" ka tih chuan Hruaia chu a lo nui a, ka nui duh miah lo thung.





"Ka chanchin chu in lo khel nasa viau ţhin a ni maw. A awm tho e, sawi zui ka hlawh ve viau zel ania" inti eng emaw deuha hawikual paha a tih chuan, "Kan sawi țhin ti dawn ila ui hmelchhe deuh kan hmuh changin Hruaia hian a hre chhuak țhin che a, abak chu kan sawi ngai lem lo che" ka ti veleh sak a, "I va zaktheilo ve!" meng bial pap pap chung chuan a ti a, ka hlau der si lo.




"U...."




Remtluanga ka hmu hlawl a, a bulah chuan a ţhiannu kha amah kuahin a ding ve bawk.




Khap fak fakin Remtluanga chu ka en a, ani erawh chuan min ngaihsak hmel eih lo. Ka hmu ve hlawl chu mak ka ti a, inneih hunserh pangngaiah zawng zawng khan ka hmu lo a, tun ataka khawi aţanga rawn hlawl nge maw anih ni.


"U Ms-i chu Rema hian i nawm sam loh thu kha a sawi sia, hmuh che ka lo inbeisei lo a" Remtluanga ţhiannu chuan a ti a, "A ni maw ?" ka ti deuh tawp a, ka hmaa ding hmeichhe zahna hre miahlo ka bialpa bialnu hlui ni bawkin a û a sawi chu a nih leu luau dawn hi.




"In inhria em ni ?" monu zaktheiloi chuan a rawn ti vat a, "Aw, Rema û hi" Remtluanga țhiannu chuan a lo ti vat.




"Khawvel hi a zim anih hi" monu zaktheiloin a tih chuan, "Khawvel nilovin mizoram zawk hi maw le" tiin ka bag ka la a, ka chhuak nghal vang vang.





Hruaia chuan min rawn zui a, "ka thlah ang che", a tih chuan engmah sawi lovin ka zui mai a, kan in kan thlen chuan ngaihdam min dil.





Motor aţanga ka chhuk te te hnuah ințhen ka duh thu ka sawi a, ka rilru dik tak a ni. Khatiang em em a inzahlohna kha ka la hre ngai lova, hetiang taka min zah lo tu mihring hi an awm pawh ka ring ngai lo. A bialnu hlui inneihna chu a cousin anga sawiin min hruai a, chutah a bialni hlui lah chuan min en hniam em em a. Tleirawl naupangte chu ni ila mi zingah ka mualpho erh dawn tihna ania.
Haashhh! Ka awih thei lo zawk e.




"Khatiang vang mai maia inţhen...." a tih lai chuan, "Dawt min hrilh alawm" ka ti vin tuar a, buruak chu a reh duk.




"Dawt min hrilh a, min bum anih kha. I bialnu hlui lakah khan ka mualpho zia kha" âw khur dar dar chuan ka ti a, ka ngaihtuah chian hian ka thin a rim lutuk ringawt.




"Naupangchhia pawh inih tawh lo kha, tiangah...." a ti leh chu, "Naupang ka nih tawh loh vang tak chuan dawt hrilh chu ka duh lo, bum ka duh lo" ka ti a, inchhungah ka luhsan nghal hmak.




Vawikhat dawt min hrilh a, min bum anih chuan nidangah pawh a la ti leh dawn tih chu thil chiang sa a ni. Engtianga lo inzui rei tawh pawh ni ila inbumna kher kher hi chu ka ngaithei lo, kan inzui rei tawh khan kan inkar țhat leh chhiat hi a hril lo.




Khumah chuan thinrim zetin ka ke ka leng vak vak a, ka thin lah chu a rim telh telh. Khanu berkher lah kha Remtluanga țhiannu û a lo ni kher bawk si, a hmunah khan tlawm viau lo mah ila tlawm leh mualpho ka inti tho tho.



Nithum zet a liam hnu pawhin Hruaia call leh message te chu ka chhang duh lo a, ka lo tla na tawk lo a niang dawr lamah emaw inah pawh min rawn kalchilh em lo. Mahse... a țha vek e, a tawp duh tuh ka nia. Ka beisei a sang ngai lo hrim hrim.




Ka nin rilruk em em țhin erawh Remtluanga leh a ţhiannu chu ni. Remtluanga chuan min runluih ta emaw tih mai turin a leng tawh ngai lova, a ţhiannu nen chuan kan inah chuan an awm chawt a, room-ah lut duh lovin sitting room-ah chuan an awm tlat ţhin bawk. An țhu mai mai chu ka nin ber pawh a ni lo, mawi lo khawp khawpa ka awm lai reng pawha an awm țhin vang chu ni. Ka kham hluah hluah a, Hruaia nen buai ve bawk nen an pahnih a hrai hlum daih a ni ka duh.



Ka room-ah ning zetin ka țhu a, Ma-i nen kan inbia a, Remtluanga te ka ning zia vel chu ka sawi a, ka va phun khum a ni ringawt.




"Ms Remtluanga hi i nau angin i en tak tak em ?" a rawn tih chuan, "I mawl ami ?" ka ti vak.




"Ka zawt ve mai mai che lawm" a tih chuan, "Enge ka duh ve ngawt anga ?" ka ti a, ani hi mihring dilchhut, thil chik lutuk mi a ni a, a rinhlelh theih turin ka țawngkam ka chhep sual em ni aw tiin ka inngaihtuah nghal neuh neuh.




"Thinsen zawm in ni lo a, induhna chu piang ve thei ngei ngei ang. Nangmah lam lo ațangin Remtluanga zawk pawh khan a duh che ang ka ti" a rawn ti ta mai, ka thin chu a phu rang viau a. "I ti awm ang lo thei emai" pangngai tak chuan ka ti chhuak a, kan inkawmna rei tawh bawk a, zep leh tih vel kan nei lova, kan chhungkaw chanchin ve ve pawh hi kan inhre chiang viau a.



"Ania lawm. Remtluanga kha ka chik reng a, a en dan che kha maw... a... bakah nangpawh enge a runluih ang che a i hriat reng reng a ?" a rawn ti leh daih.




"An awmdan hi an ngeiawm alawm, ka hmuh lai pawn an insi chat chat reng a. Bakah a ţhiannu pawh hi a hman ka ti, a rawn leng reng a" ka ti niah niah a, thil hi a chik dik thei si a, tunlai chu henu hi be tam vak lo ila țha ang.




"I rilru kawi ţan anih chu. In cheng dun rei bawk a awm tho. Keipawh ni ila..." a rawn tih chuan, "Amak ka duh lo ka tih chu. Eng maw...." ka ti vin vak a, Ma-i chu rawn nui vak vak.




"Nu inih kha midang ngaihtuah loin i fate ngaihtuah rawh. Muttui" tiin phone chu ka dah hmak a, ka dah rual chiah chuan Hruaia call rawn lut nghal zat zui a, ka phone chu ka paih țep a ni.




La thu loin ka thaw hak a, room ațang chuan ka chhuak. Remtluangate pahnih pui chu an lo infawp leh pek tawh a, mahse engahmah ngai duh lovin ka chhuk lui ta tho a, ka hrawk ka then kharhah chuan an rawn hawi chhuak a, an țhu țha sat sat.




"Chhunzawm rawh u" tiin pawnah boruak dang deug dawn tumin ka chhuak a, thawk ka la deuh vang vang.




Inngaihzawnna lam tih leh pasal neih lam hi ka nunah hian a tel ve dawn lo a ni ang. Hruaia pawh kan tluang viau dawn emaw ka tih laiin dawt min hrilh khanglang leh si a. Kei lah hi dawt ngaithei lo zet leh mihring rinna nei chhe lutuk ka nih kha. Mi ka rin tawh loh hi ka ring leh ngai tawh si lo. Ka kum lah a upa tawlh tawlh a. Aaaa.... ti hian awm tlawng ila ka inhmeh ber tawh zawkin ka hria. Mahse, ka tar hunah pasal pawh nei thei lo khawpa ni khirh anih saw min ti ang tihte ka hlau a, kan venga awm ve țhin pi Ruali kha chutiang chuan an sawi ţhin a, pi Ruali ang nih chu ka duh bik lo. Hassshhh.... ka hun a la thleng ve lo ni ah ngai mai teh ang.




Hun a liam leh hret a, Hruaia chu a reh zui hmak a, kan tawp fel taah keipawhin ka ngai hmiah a, ka nun chu a bul ţanga țan țha leh ang riakin ni kan inhriat ni.



Remtluangate pahnih erawh chu inngeih mah mah a, nupa ang vel an ni an awmdan chu. Ka eng hian nge an awm dun hmu hle hle thei lo ka hre lova, mahse ka ngei dun em em a, min runluih ni ang tea ngaiin inah pawh ka awm tam loh phah a, nun chu wow lo tak a ni.




"Ms i nau a lo kal" puan thawn chhuah tur ho ka pack mawlh mawlh laiin Mazamin a rawn ti a, Remtluanga nih ka rin avangin ka lo uksak vak duh lo.



"Min lo lawm dawn miah nange? I dawr te chu rin aiin i ti phuisui tawh lehnghal" Hmangaiha âw zawk chu a rawn ri ta daih a, ka tih lai chu ka chawl ve ta chauh.




An rawn zin tur an sawi lawk lem si lova, ka hmu thut chu ka awih lo zawk. Bakah țul feah lo chuan Hmangaiha hi a zin khat rapthlak mai sia, tuna an rawn kal chhan pawh a țha viau turah ka ngai.



"Inah kan rawn innghat fel vek tawh, Bawihteite nufa an awm a, ka rawn lam dawn che nih hi" a ti a, "Remtluanga leh a ţhiannu kha an awm em ?" ka tih chuan a lu a bu nghat a. "Lo va haw rawh, puan thawn tur ho hi thawnchhuah phawt ka ngai a, ka rawn haw har lovang" tiin puan ho chu ka pack zawm mawlh mawlh a. Min rawn tihpui ve pah chuan, "Remtluanga ţhiannu chu a fel hmel reuh kha, Alice-i inti mi kha..?" a tih chuan, "A hming pawh ka hre hrep lo ve", ka lo ti nghat a, Hmangaiha pawh chuan ka mood a fu vak lo anih a ring aniang min be zawm lem lo.



Hmangaiha nena in kan haw chu ka zawi hle a, ka vahte ho pawh chu ka lawm peih lo, mahse vanneihthlak lutukin Alice-i chu Remtluangan a thlah lai a ni hlauh a, in awm a an hmel hmuh loh chu a thawven thlak lutuk ringawt.




Hmangaiha chuan an nu rawngbawl chu puiin ka vahte ho chu keiin ka lenchhuahpui a, khaw thim dawnah hawin Remtluanga pawh a lo awm veleh tawh thung. Naupang ho chu a lawm ve luam a, kei intifai turin ka room ka lut nghal daih.



Remtluanga hmel hrim hrim hmuh pawh hu ka hne hlei hlui. Ka hmuh apiang lah hian an infawh lai kha ka mitthlaah a lang a, ka mood a off phah zia lehnghal.




Chaw pawh chu ei peih lovin ka mu tlang ta daih a, rei loah ka nin em em mai mihring chu a rawn lang zui bawk si a, lo vuak thluk hial chu ka duh ni.




"I nuamsam lo em ni ?" a tih chuan, "Ka chau deuh mai mai" ka ti țha mai a, "Tunlai chu keimah vangin in i awm țha peihlo niin ka hria" a tih chuan, "Chutiang lam a ni lo" ka lo ti vat a, ka laka a feelings te tihbo a tum ve hram hram tih ka hria a, chuvang chuan chutiang lam chuan ngai miah lo se ka duh.




"Anih eng vang nge ?" tiin khumah chuan a rawn țhu thla ve a, "Dawrah buai a zual deuh a, chuvang mai mai" ka ti a, min rawn hnaih leh tawh lutuk chu keimah zawk chu ka tawlh hla hret hret.




"Alice-i hi nangmah ka theihngilh ve theih ber na che ania" a tih chuan engtin emaw tak hian ka awm a, ka rilru a na ringawtin ka hria.





"A țha lawm, Alice-i pawh a fel a..." ka ti a, ka kutzungpui lehlam lehlam chu ka insualtir vel mai mai a, amah Remtluanga pawh chu ka chuang lo. Kei ka mu a, ani khumah chuan a ke thluang duaiin a țhu bawk a, titi khun khan lem lo takin kan titi bawk a.




"Hahdam tak khan awm la, sual zawnga awm ka tum lo ania" ti a ka sam a rawn chul chuan ka en a, a nui sang a, ka nuih let ve nain a nui hmel rawn danglam avang chuan ka nui tawp hmak a, che phutin ka chungah chuan a awm fel der.





"Ka rilru tak tak ka sawi i ring em ?" tiin a kiai suk a, "Bansan che hi ka tum ngai reng reng lo" tiin namsawn ka tumna kut chu apahniha la in ka lu chungah chuan a manbet hmak.




"I thawh vat loh chuan ka au dawn nia" ka tih chuan min pawisa lo zetin, "Au rawh, pawn lamah sawn i nau te nupa leh an faten zanriah an kil mek a. I naute nupain hetianga min rawn hmuh anih ngat chuan thil thleng tur chu i hriatthiam mai ka ring" a tih chuan thinrim lutukin ka insehchilh nawk nawk a, Remtluanga chu ka haw so bawrh bawrh a ni ber.


Show post links
Top

[Ngaia]

WILD TRUTH
by Sammy



<4>





"LALREMTLUANG!" tih theih nei si lo, thinrim zet chuan ka ti sehchilh leh nawk țhin a, awmzia a nei thui lo țhin hle.




"Unau pianghmun pawh an inneih theih laiin..." a tih mek lai chuan, "Ngawi hmak rawh!" ka lo ti ram hmarh a, "Putea hnenah dil che ila min hnial ka ring lo" tia min rawn hnaih sawt chu a rual a, kan hnar a insi a, kan hmui pawh chu insi teuh tak a ni.




A thaw țha ngam lova, ka ip tawm chawih chawih. Amah lah hi a zak si lo, hneh ngat ila chuan ka hnet let tawp tawh ang.





Min rawn fawp ta nge nge a, mahse ka hmui chu ka lo chip ve tlat. A duh duh dana tih khawih theih tur ka ni lo hrim hrim.





Ka hmui pawn lam chu sehin a rawn nui chhuak a, "Luhlul lutuk, hei vang hi anih hi pasal pawh i la neih loh. Mahse a pawi lo zawk" a tih te chuan ka ten lutuk ringawt.





Ka biangah chuan na zeta fawpin ka nghawng chu a hmui chuan a nul thla kual vel a, ka khabe hnaih deuhah chuan bur ngar ngarin a tawpah a seh a, tal ve chiam mah ila kan inchak hleih si. Ka au ngam bik si lo, hreawm ka van ti tak.




"Min rinna chhete te chu nei ve la, min duh lo pumhlum tawp chu inih bik loh kha" tiin ka mitah chuan a rawn en a, "Nang hi ka duh hlawl lo che" ka ti hmak a, ka melh let ve kar.




"I mitmeng mawi dan hi" min en vang vang hnuah pawisawi lo zet chuan a rawn ti leh lawi a, mahse enginmah chuan ka awm duh chuang lo.




Ka kut chu a la man beh tlat avangin ka awm ngai chuan ka awm reng a, Remtluanga pawh chu ka en duh lo.




"A awlsam zawng hian ngaihtuah ve la, tumah famkim lohna khawvelah hian a famkim tum kher angai lo. Min duh lo bik miah lo tih hi ka hmuthiam asin" a ti a, chutiang a la sawi ngam te chu huaisen ka ti lutuk zawk hial a ni.



"Remtluang he thu hi sawi nawn fo ka duh lo a, țul pawh ka ti hek lo. Ka duh lo che a, unau kan ni a, chu chu engtikahmah a danglam dawn lo", chiang fek fawk chuan ka ti a, thaw deuh suaiin a tho a, keipawh țhu chhuak ve nghalin chhuak tur chuan ka ti a. Engmah sawi lo chuan a chhuak ve mai bawk.




Ka țhu ngawi kar a, ngaihtuah tur ber pawh ka hrethiam lo. Ka dik lo zo vek ta mai hian ka hria.



Hmangaihate chhung an haw hnu chuan a reh huai a, in ah pawh ka awm tam lo khawp a, Remtluanga chu pehhel dan tur ka zawng hram hram a ni ber a. Hruaia lah hian min rawn hrechhuak thut nge min rawn be veleh reng bawk a, tunhnai ka hun hman dan chu ka kham hluah hluah țhin.





Engpawh ti ila kan hlimpui chiam tur ka hre lova, hlim pawh chu ka chak hran lo. Hlimna let tawrhna rawn thleng tur vel kha ka tuar peih lo, thil chu a nihdan tur ang hian lo ni ve tawp tawp teh se.


Ke a in lam pana ka kal hnak hnak laiin Hruaia ka tawk hlawl a, be chak viau lo mah ila mi zingah min biak miau si avangin ka chhang lo thei lova, a hmel te hi ka ngei zo vek tawh.




"Zanah ka rawn leng ang aw" a tih chuan "Enge i rawn tih ang ?" ka ti hmuk a, "Ka rawn rim ang che" a tih chuan chhan pawh ka chhang țha peih lo. Ka kal pel a, min au zui chuang bik lo.




In ka thlen chuan ka rin dan sa angin Remtluanga leh Alice-i an awm a, biak pawh ka be lo. Ka hne hlei hlui.





"Ms Hruaia kha chaw eiah ka sawm a, rawng chu kan bawl zo vek tawh" Remtluanga chuan ti țha intih hmel zet hian a ti a, ka thin a ti rim nghal hlur.





"Tunge sawm rawh ti che a, enge i lo sawm ve rikgawt ?" ka ti vin hlur a, he mihring hian engtiang chiaha min fiam kual a tum nge pawh ka hre zozai tawh lo. Ka duh aiin ka nunah inrawlh thuk a tum mah mah.





"Tinge? I thinrim ami ?" pawisawi lo hmel zetin a ti a, chutianga a awm vel chuan ka thin a ti rim telh telh.





"Thinrim! In hmel te kha hmuh pawh ka hmu peih lo" tiin ka room-ah ka lut a, kawngkhar chu na zetin ka khar a, ka thin a rim em a, Alice-i pawh ka care peih lo. Ani pawh sa mahni inah tih tur nei lo lutuk. Amah ang rual ka nih chuan inah ka che nasa lutuk. Tunlai țhalai ho hian awm awl leh chhungte hnena pawisa demand bak thiam a nei lo anih hi!





Thinrim ipik deuh ka thawmhnaw te chu ka hlip sawk sawk a, ka bag te chu ka theh let tawp.





Bathroom-ah lutin bathtub a inchiah pahin Ma-i ka call a. Enge ka thinrim ipik țun chhan ber pawh hi ka hre hrep lo.





Ma-i'n call a lak rual chuan ka ang nghal chiam a, "Enga ti bawrh bawrh nge ?" a tih chuan, "Ka thinrim!" ka ti hlur.





Ka thinrim a tih reh ngaihna hre bawk si lo chuan ka tum lo deuh deuhin Remtluanga chungchang vel chu ka sawi chhuak a, mahse ka thawl phah ve hawkin ka hria.




"Ka tih reng kha! I'n pha ve kual amaw ?" a tih chuan ka thaw hak a, "Ka rilru hah. Ka in dang mai dawn nge ka dawr hi ka khar anga ka rawn haw daih dawn pawh ka hrethiam lo" ka ti a. Nia ka rilru a hah lutuk ringawt. Remtluanga hetiang renga khawsak a tum dawn chuan in luah tur dang zawn mai te pawh ka duh.





"I rilru tur chu ka hrethiam alawm. Mahse in dang pawh luah la a ti buai dawn tho tho che tih kha hre sa nghal a. Bakah duh lo pawh i ni bik chuang lo a" a tih chuan, "Lalrinmawi" ka ti vak a, "Amak au vak vak zel suh" a rawn ti ve leh hluk.





"Ka duh lo! Engtin nge ka nau chu ka duh thei ang" ka ti a, "Tunah pawh khan Alice-i nen an awm dun pawh i hmuh theih loh kha. I thik anih kha" a rawn ti leh a, a thu rawn sawi chu ka bulah chuan awm se ka hal hlum duh ang




"Amak hle mai maw. Inngaihtuah chiang rawh, i laka a feelings te kha a tih reh theih i ring a, mahse reh tak tak se chuan a hrilhhai leh hreawm ti tur zawk inih kha. Han ngaihsak miah lo che se le i hrethiam mai ang" a rawn ti ta deuh deuh a, ka duh loh thu sawi ngawihna hre lo lutuk chu ka thaw leh hak tawp.





"Ka lo duh ve anih pawhin kei hi chuan engtikahmah tiang hian ka che ve teuh lo ang" ka tih leh chuan, "Awww... i hrethiam lo ţhin. Hei vang anih hi i senior țhak ni. Hmangaih kan neih hian a țha leh chhia pawh kan thliar țhang thiam lo. Chhia emaw ţha emaw zawnga kan awm phah anih hi chuan kan hmangaih viau tihna ania, a hmangaih che anih kha. Remtluanga pawh chu dem thei ngawt i ni lo, Hmangaihna hi thunun a hriatthiam theih a ni ngawt hleinem" a rawn ti dam diai a.





"I sawi hmangaihna pawh chu ka hre hrep lo" tiin call chu ka dah ta rih.





Nutei leh patea inneih lai te chu ka mitthlaah rawn lang a, naupangte ka la ni. Nutei kha a rai sa a, kei a naupang ta chuan khatih lai khan ka hriat thiam kha ka nei ve vak lova. Mahse ka'n tleirawl chho a, Remtluanga pawh naupang pawnto rual bak a la ni lo. Chhungkaw buaiin kan buai a, nutei uire chungchangah a ni.




Chu buaina chuan thudik a rawn irh chhuahpui vek a, Remtluanga hi patea fa a ni reng reng lo. Nutei leh patea hi țhian inkawmngeih lutuk an ni a. An pui duh tlatna hi hman ațang tawh khan a lo nasa tawh viau a ni ang, patea pawh vanduaithlak takin chutiang mi chu a ni.



Nutei hian a ngaihzawng lakah Remtluanga hi paiin a ngaihzawngpa chuan a duh leh si lova, chhungte lam ve vein an duh lo chung an inneih lui tir a, Remtluanga hi a lo piang ta ni.




Mahse pasal tena nupa nun hmanpui duh lo tlat chu nutei tan hriatthiam a, tawrh thiam a har viau a ni ang, a uire ta a, chu chu kan chhung buai chhan chu a ni. A tirah chuan mak ka ti hle a, khatih lai a ka tleirawl chhuah ka la naupan viau vang khan nge mak ka tih kha a zual bawk ni khan ka hria.



Ka intihfai zawh chuan chaw pawh ei ta lo chuan ka mu ta daih a, Hruaia emaw a tute hmel pawh kha ka hmu peih lo.





Ka muhil dawn țepah ka room chu a rawn inhawng a, Remtluanga a ni dawn tih ka hriatchian em avang chuan ka lo ngaihsak lo. A rawn lut a, khumah chuan a rawn țhu.





"I muhil ami ?" a tih chuan ka chhang lo a, ngawi rengin amah hnungchhawn zawng chuan ka inher hmak.





Khumah chuan a rawn mu a, ka puan sin lai chu rawn sin ve hmiahin amah hnungchhawn zawnga ka mu chu min rawn kuah a, engtinmah chuan ka che chuang eih lo. Vin leh chiam pawh ni ila eng atan mah angai leh dawn chuang lo.





"Ka tihpalh" ka beng bulah chuan a rawn ti a, ka la ngawi reng tho. A bulah hian ţawng emaw thinrim pawh ka peih lo.





"I lung ka tih awi loh avangin" a ti leh a, 'ka lung i ti awi ngai reng reng hleinem' ka ti rilru a, engmah chu ka sawi chuang lo.





Ka kawnga kuah a min pawh hnai sauh pah a ban ka lukham theih tura a rawn dah takah chuan ka țhu chhuak ta nge nge a, "I room-ah kal rawh" ka ti deuh hmuk a. Ka lawm lo a ni tih chu ka âw ațang pawh chuan a hriat viau.





"Tinge i lung awih loh em em chhan hi ?" rawn țhu chhuak chuang lo chuan a ti dam dap a, "Ka lungawi emaw awi lo emaw, i buai a ngai lo. A chhan i hriat a țulna a awm lo. Ka bialpa emaw ka pa pawh i ni lo" ka ti vak a, ka kham lutuk.





"Mahse i nau ka nia lawm" a rawn ti dam leh dap.



"Chhuak rawh" ka ti leh tawp a, hetia zaidam taka a ţawng hian eng tactic nge hman a tum leh dawn ni.





"I nau ka nih angin hriat chu ka phu ve a. Ka duhna che vang hian i lungawilo leh thinrim hmel hmuh hi hreawm ka ti bawk" tiin a rawn țhu chhuak ve a, "Remtluang" chiang fek fawka a mit a en chungin, "Tinge unau kan ni tih leh engtikah mah a rem dawn lo hrim hrim tih hi i hriatthiam loh" ka ti a, tlaia Ma-i thusawi zawng zawng nen ka â vek dawnin ka hria.




"He i țawngkam tak hian alawm min beidawn tir thei lo țhin" tiin ka kut pahnih chu a la a, "Vawikhat chiah a rem ve thei tur angin ngai la, engkim a fel vek a ni mai. A rem dawn lo nia i hriat tlat avang hian lawm kan rem theih lo zawk" tiin chiang zet chuan min en let ve kal.





"I ring sual a ni" ka la pha ve phan a, Ma-i thusawi leh tuna Remtluanga sawi hi a dik anih chuan Remtluanga hi ka duh. Ni e, a rem theih lohna chiah ka en a, a rem thei tur angin ngai ve ngat ila chuan ka duh tih ka chiang, mahse chutiang chuan thil a thleng dawn der si lo.





"Keichu ka ni lo, i duhtak tur leh hmangaih tur ka ni lo" ka sawi zawh rual deuhthawin khumah chuan min kuai thlu a, a bawp a min khanin min kuah nghal tlat bawk a, "Engmah sawi ve tawh suh. I thusawi te hi chu engahmah ka ngai dawn chuang lo tih hre phawt rawh. A țul anih leh ka ru bo che nga a ni mai" a tih chuan ka thaw hak a, beidawn chikimin tunah hian ka beidawng.




Intibuai ta miah loin tui deuhin ka muhil a, engtin nge Remtluanga bulah hian thlamuang taka ka muthilh theih pawh ka hre hrep lo.


Show post links
Top

[Ngaia]

WILD TRUTH
by Sammy




<5>






Khami zan ațang khan Remtluanga chu ţawngkam khat pawhin ka khak ngai lova, a che reng reng chu en liam tawp a, ka duh ni a ka inhriatna hi zual lo se ka tih em vang a ni pakhat bawk.


Ka pehhel tawh lem lova, inah ka awm tam ve tawh vang nge Alice-i chu a hma ang em emin a rawn awm lova, mahse zan erawh a rawn riak zeuh țhin. Remtluanga pawh achang chuan riah chhuah zeuh a ching leh ţan a, chutiang anih chang chuan ka thin a rimin thikna hlirin ka khat țhin.




Ka ngaihtuahna a fim poh leh ka rilru put hmang danglam mek chu a țha lo takzet tih ka hria a, mahse duh avanga reh thei ngawt a ni miah si lo.



Rawng ka bawl mawlh mawlh laiin Remtluanga chokaah a rawn lut a, a kal chhuah lai ka hre lo mah se a thawmhnaw aţang chuan a chhuak a ni tih chu ka hre thei.




Nidanga a tih dan ngai lo takin ka biangah a rawn fawp a, keipawh chu min ti phu zawk.




"Remtluang" ka ti a, ani lah chuan engahmah ngaih loh hmelin tui vawt chu a in khawlh khawlh a, engmah pawh ka sawi zui lo. Ka ngaihdan chuan engtinmah hian chhang let lo ila, chutianga ka ngaihsak lo ni a a hriat tawpah chuan a beidawng ve mai ang tiin ka ngaihtuah a ni.




"Vawiin chu ka va interview ve a" tiin ka bul chair chu pawt dawkin a rawn țhu ve a, "Khawiah maw ?" ka lo ti țha ve mai.




"In dawr bula private school-ah khan, english teacher turin" a rawn tih takah chuan a thutak ve anih ringin amah chu ka han en vel thuak a, "Interview dawn chuan inchei dan pangngai chu i hriat ve kha" ka ti leh mai.




"Ka pangngai tawh dawn alawm. Hna ka hmuh nghal mai loh pawn beidawng lovin ka zawng char char anga hlawh ka khawl țeuh hunah kan inneih dawn nia" hmel nung sarh chuan a ti a, a hmel chu ka en vang vang a, engti vang nge chutianga a lawm hmel, a hlim hmel hmuh chu nuam ka ti a, a rilru tihnat ka hlau thar tlat.




Ka duh loh thu sawi nawn tum viau mah ila, "I tling angem ?" ka ti ta zawk a, pangngai tak chuan ka awm zel.




"Hmel an en chuan ka tling anga, pian an en chuan ka tling bawk anga. Eng pawh en se ka tling sa" mahni inrintawk hmel tak chuan a ti a, ka nui sak ringawt. Tunlaiah hna hmuh a har nen experience pawh nei lo chu an lak duh ka ring miah lo.




Zanriah kan ei dun melh melh lai chuan Alice-i rawn lut hlawl. Hetah a tal nasa bawk a a tlangnel tawh lutuk ringawt.



"Ka dam rei dawn aniang in hmelchhiat lai ka rawn nang thei riau" a ti a, sawm hran ngai lovin thleng a la a, a rawn ei zawm ve hmak mai.




Mahse a ruala chaw ei chu nuam ka ti lova, rei loah ka thawh san ta daih.




Min phut miah lovin tihfel ngai chu a tifel sawk sawk a, Remtluanga nen insi chêtin an țhu leh tawh.



Hmuh nuam lo ka tih em avang tv lam chu ka en ngar a, Alice-in min biakna pawh chu a rul tawk bakin ka chhang lo.




Room a ka dah ka phone a rawn rik avangin ka tho vat a, ka han en chuan Ma-i lo ni. Mahse Remtluanga a rawn luh ve nghal zat avangin nakinah inbia ang tiin ka dahsan ta rih a. Remtluanga lah chuan ka hnunglam ațangin min lo kuah chung chung.




"Remtluang..." ka ti dek dek chu, "Ka ko miah lo ania. Amahin a rawn kal ve tawp anih kha" a ti nghal zung zung a, Alice-i lo kal vanga thinrimah min ngai niin ka hria. Ka lawm lo ve ngei a, chupawh ka thik vang, mahse a hranpa a thinrim nachhan ka nei hauh lo.




"Remtluanga ka sawi zing tawh. Alice-i nen in inkar hi engahmah ka ngai lo. Ka duh lo che tih ka sawi tawh kha" ka ti a, ka hma lamah chuan rawn dingin, "Ms..." a ti teh ngawt a, sawi mai tur a hre bik lo aniang a ngawi leh daih lawi a.




"Tv te ka la en duh ka chhuak dawn" amah pawh ngaihven tawh kher lovin, ka chhuak zui a, Alice-i chu a rawn lut veleh chiah a, eng eng emaw a rawn khai lut nual a, dawrah a lo kal hman a ni ang.




"Zanin chu ka rawn riak dawn sia..." tiin a thil khai chu min hmuh a, "A țha phian ang chu......" ka lo ti liam puat.




Remtluanga chu lawm lo tih hriat lutuk hian a rawn chhuak veleh a, Alice-i kuah chuan a rawn țhu chat. Ka lo en chiang ngang bawk si a, ka thaw deuh hak.




Tv chu melh lui ve ngar ngar mah ila ka zawn taka țhu an nih viau avangin ka mitsir leh zeuh lo thei lova, Remtluanga lah chuan min lo en chiang thei ropui mai si. Remtluangan a a khawih neuh neuhna chu ka awm vang nge Alice-i chuan nuam a ti chiah lo tih chu a hriat ve bawk a, ka hrawk ka thian leh kharh ţhin.




Ka rilru a na nge ka thinrim pawh ka hre lo, mahse chutia Remtluanga min run luih chu ka la na viau. Mahni chuan ka inhumruh ngawt ngawt a, theih se chuan a beka vuak chawrh ka chak. Ka va en apiang lah chuan ka en tih hriain Alice-i bek leh nghawng vel te chu a lo nul leh thuak thuak țhin a, Alice-i âwm leh nak nem a awm a kut pawh chu a awm mai mai lo tih ka hmu chiang hle.




Ngawi reng chuan ka ding a, ka room ka lut nal nal. Ka luh rual chiah lah chuan an infawp ri chuk chuk a, ka țap ringawt zui.




Remtluanga hi ka lo duh ve takzet a ni ang, hetiang vanga ka țah hi ka la hre lo. Alice-in insum deuh tura a tih te chu ka hre pha a. Remtluanga chuan min runluih nge a duh ve reng pawh ka thliar thiam lova, mahse eng vang pawhin ni se Alice-i nena an awm dun chuan min ti na tho tho.




Khumah chuan muin puan ka sin hlan a, an hriat hlauin ka țap hliam hliam. Hetiang hian ka rilru a no ngai lo, enge ka awmzia pawh hi ka hre lo.




"Ms...!" ka room kawngkhar hawn tum chuan a rawn ri rawk rawk a, ka țap pawh chu ka bang nghal hmak.




"Ms lo hawng teh" a rawn ti a, kawngkhar chu a rawn chum ri ta bur bur mai. "Malsawmtluang!" a rawn ti vin țhat a, hawng ka tum hman tawh mahse Alice-in, "Hruaia nen an ințhen a a rilru a na aniang chu. Ngaihtuah ve la....." a ti ri chu ka hria a, hawng lo chuan ka ngawi kar.




An ti lui emaw tih tur khawpin an thawm chu a ring a, ka tuar thei ta thlawt lova, dawr lamah riak turin ka phei ta daih.





Mut pawh muhil thei chuang lovin ka meng kar a, ka mit lah chu bui chûk. A hre lo tak chuan Hruaia nena kan ințhen vangah te pawh ngaih theih anga, chutiang anga an ngaih pawh chu a țha zawk.





Chhunah ka haw a, Remtluanga a lo lawm lo nasa. Ka kalna min zawt a, ka chhang lo. Alice-i a lo awm tawh lova, amah chu biak pawh ka be peih lo.





"Ka zawng nasa che tih i hria em ?" a tih chuan, "Min zawng nasa tawk lo anih chu" ka lo ti ve hmak.





"Khawnge i kal ?" a ti leh a, "U zawk ka ni a, ka duh duh ka tih a thiang a, ka kalna zawng zawng i hriat a țul kher lo bawk" ka ti a, "Nizan vang kha ami hetia ka awm" a tih chuan chhang lovin ka room ka luhsan hmak.





Hahdam tawkin ka inbual a, ka rilru ka siamfel hmak bawk. Eng ang pawhin duh ila Remtluanga hi chu ka ta tur a ni lo. Keini pahnih hi chu awmdun tura ruat kan ni ve lo. Engtikahmah rem ve lo tur nena inchar tlat tum ai hian mahni a tlat tlat pawh a țha zawk. Pasal tur ka hmu zo ta ngang lo anih pawhin min enkawl turin vahte ka nei alawm.




Haahhh..... tunlai boruak vel hian ka ngaihtuahna te hi an ti naupangchhia zo vekin ka hria.





Remtluanga chu ka room-ah a lo la țhu reng a, "Ka mu duh nia..." bathroom ațanga ka chhuah chuan ka ti nghal a, "Ms..." a ti leh ngawt a, min en ngawt ngawt.





"Ka thiamloh anih kha. Aw Ms pangngai deuhin awm ang..." a tih chuan, "Kan pangngai lo em ni? Tihsual pawh i nei hleinem" ka ti a, a ngaihsam thei ang bera lan chu ka tum hram hram reng.




"Ms..." min ko mawlh mawlh reng tawp hi ni.





"Remtluang tun chiah ka sawi tawh ang. Ka duh lo che, ka laka i feelings a reh thei dawna i hre lo anih chuan in dang ka zawng mai ang, ngaihtuah ka ngai lo. Nangmah kha inngaihtuah la, Alice-i pawh...."



"Malswmtluang !" a au ring mah mah, ka thusawi lai tawp meuh chuan ka en a, "Min cho chhuah hi i duh tak tak ami ?" a ti ram leh hmak.




"Eng thilah mah cho chhuah che ka tum lo" ka ti leh mai.




"A țha lawm, i duh duh danin awm la. Ka duh danin ka awm ve bawk ang" a ti hmuk a, room ațang chuan a chhuak nghal.




A lung ka ti awi lo ve tak tak angah ka ngai a, a beidawng tawh turah ka ngai bawk.




In luah tur dang pawh ka zawng deuh țan a, ka nu phone in in dang luah ka tum chungchang vel chu ka hrilh a, haw turin min duh viau mah se ka dawr chu han tihtawp mai ka ui ve si a, ka duhdan chu min pawmpui rih ta phawt a. Remtluanga nena kan inkar erawh engmah ka sawi lo.




Remtluanga nen chuan inbe khat vang vang tak kan ni, Alice-i pawh a rawn lang ngai ta miah lova, Remtluanga phei chu Lunglei lamah a haw phei rih ta daih. Mahse pawi pawh ka ti lo.




In luah tur ka zawnna lamah rawlthar fel zet mai ka chhar a, mi a ti hlim thei phian a, college first sem chauh la ni mah se țhian kawm a thiam zek a, dawrah pawh vawihnih vel a rawn leng tawh.




Mazamin a țhiannute inhnuai min kawh hmuh a, chumi en tur chuan ka rawlthar chhar thar Isaac-a nen chuan kan kal a, ka kalpui ang che a ti ve tlat a, a fel reuh khawp mai.





Mazami ţhiannu te in chu a țha viau a, mahse a location chu ka duhthu sam chiah loh avangin a dang en leh phawt chu ka duh.



Dawr lama kan let leh lamah Alice-i nen kan intawk a, ka dawr a rawn kal tum hi ania, min biak duh thu a sawi a, Isaac-a chu dawr lamah a tlang a, keini erawh inbiak nan hmun rem deuh melhin kan kal hla leh hret.




Mario Cafe ah kan lut a. Alice-i min hmuh duh chhan chu Remtluanga lek.





"Inhauhna pawh kan nei lo, min rawn țhen ringawt a. Duh dang ka nei a ti a, mahse chu chu min țhen duh vanga sawi mai mai anih ka ring a. I hriatpui em, min kawp chu ring chiah lo mah ila ka ring ve tho bawk si" a ti a, a țap aniang a mit te pawh a bui lâk mai.





"Ka va hre bik lo ve. Lunglei lamah a haw rih a, mahse chutianga ngaihzawng dang a neih chu ka ring lo. Nangmah chiah a rawn hruai haw che ka la hria" amah hnem ve pah deuh chuan ka ti a, "Inhauh vangin lungawilo chu ni se ka hrethiam a, mahse inkawp hi ka duh lo. Min lo kawp anih vaih chuan amah leh min kawpna mihring chu an chak lo khawp ang. UMs ka fel hmel viau a mahse ka rapthlak teh mai ania" tlang lutuk mai chuan a ti a, kei a upa zawk pawh chu min ti hlau deuh a ni.




"Nia... inkawp hi a ţha lo alawm" ka ti ve ta ngawt a, ka rap rilru lutuk.





"Mahse UMs chu chu ka buain ber a ni lo. Ka raiin ka inhria a" a rawn tih chuan ka phu zawk a, Alice-i hmel ka en a, a thutak hmel bawk si.




☆Kei mihring chau zawi zawr lutuk hian Sunday ah ka dah dawn lo tih ka sawi theihngilh a ngaidam mawlh mawlh hlawm aw ...... Sunday hi chu sawrkar te pawh an chawl vek zel a, rual pawl nan awl ve zuai ka duh 🥰


Show post links
Top

[Ngaia]

WILD TRUTH
by Sammy




<6>





"I intest em ni ?" ka tih chuan a lu a thing a, "Aih, mahse ka luak a chhuak reng a, ka period lo bawk a" a ti a, chutiang anih chuan a rai chu keipawh chuan ka ring bur.



"Remtluanga i hrilh tawh em ?" ka tih chuan, "Ahma khan ka sawi thawi tawh a" a ti a, ka thaw hak. Keimah vang ni lovin hei vang lek hian anih dawn hi Lunglei lama a haw phei chhan.





"In test la, i lo rai hlauh chuan Remtluanga pawh țha deuhin i hrilh anga, keipawn ka lo sawipui ang" ka tih chuan a hmel a nung sarh nghal a, "Tak tak aw UMs. Ka haw pahin test kid ka lei kawi ang. Ka rai chuan ka rawn hrilh hmasa ber ang che" a ti a, ka lu ka bu nghat.



"Remtluanga hi țhen ka duh lo a, neih ngei ka duh" a ti leh a, a rilru tur chu ka hriatthiam pui viau. A lo rai hlauh chuan Remtluanga chu țhen thei a ni lo hrim hrim a, atan chuan neih ngei ngei duhnaah a lian lo thei lo.





Dawr lama ka let leh chuan ka phur tawh lo khawp mai. Alice-i chu a rai ang nge rai lo ang. Ka rilru chu a buai ve em em a, an khawsak duhdan ațangin vawi tamtak sex an hmang tawh tih la a chiang reng mai bawk si.



Isaac-a chu a lo phur leh surh tawh a, a rilru hi a ţha luang parh a, a la naupang bawk nen hei hian a bula awm a ti nuam pakhat.





"Chaw eiah min sawm ve tawh la..." a ti reuh a, "Rawng pawh ka bawl thiam" sawm loh hlauh hmel tawk chuan a ti nghal bawk a, ka nui tawp.





Chutia kan in a chaw rawn ei chak na na chu ka sawm a, kan bazar haw nghal bawk a, a bula awm chu kan nui reng mai.





A inti thiam bawk a, rawng te chu ka bawl tir a, intifaiin ngaihngam takin room-ah ka awm san daih thung.





Ka inbual laiin ka nuin min rawn phone a, inbual pah chuan ka han chhang lawp lawp a, Remtluanga vanga chhungkua an inhauh nasat thu a rawn sawi a, kan Remtluanga chuan eng buaina tak va thleng leh nimaw.





" 'Nupui ka nei duh e' atia, mahse i a phal si lo" a tih chuan ka ding ta vang vang a, "Tunge a nupui tur chu a sawi em ?" ka tih chuan, "Ka hre bik lo. I nutei khan a phallo em em amaw" a rawn tih leh chuan ka ni chhaw mai. Remtluanga pui hian ka lak a a rilru put hmang hi nutei a lo va hrilh pek em ni ang tih chu ka ngaihtuah a, chutianga mawl taka a va chet lah chu ka ring chiah si lo.




Inbual sawk sawkin bathroom aţang chuan ka chhuak a, Alice-i call ka dawng chiah bawk.





Ka chhan veleh chuan, "UMs a positive..." a rawn ti nghal a, ka room kawngkhar chu rawn inhawng ve chiahin Remtluanga a rawn lang hlawl.




"UMs ka sawi i hre thei em ?" ka phone biak laiin a a rawn tih chuan, "A aw... aw... a va lawmawm ve" ka ti bah nawk nawk a. Remtluanga lah chuan lawm loh hmel zetin min rawn pan phei.





"Ka dah phawt ang aw, Remtluanga biak ka'n tum ange" a tih rawn tih chuan keimah zawkin phone chu ka hmet tawp a, Remtluanga chu ka en ngawt ngawt.





Ka laka beisei nei lo tura hrilh fotu ni mah ila tunah tak hian phatsan ni ang maiin ka inngai a ni.



"Tunge choka ami khu ?" a ti a, a phone a rawn ri zawm zat a, a la lo chiang lutuk.




"In lamah eng buaina nge i va thlen ?" a hahdam thei ang ber chuan ka la țawng lui hram a, ani lah chu a rum nghut.




"Ka zawhna pehhel tum suh" a ti nghut.



"Alice-i a rai si a, pate hnenah nupui neih i va ngen thute ka lo hria a" ka tih leh lai chuan a phone chu a rawn ri leh a, a phone chu a vawm darh ta vek mai.




"Remtluang!" ka ti vak a, "Khu mihring nen khuan in inzawmna i sawi lo anih chuan ka that anga, ka chan sawm anga...." a ti phiar phiar lai chuan tawp tur chuan ka ti vak a, hetiang thu rapthlak te hi a sawi ka ring ngai lo hrim hrim ania, a mit meng rum lutuk leh a thinrim thaw ri te chuan a ti rapawm zual lutuk.



"Sawi rawh Ms, mipa dang nena hmuh dun beisei cheu hian ka rawn haw lo ania" nichin ang lo lutukin a țawng dam ta thluam a, ka hrawk thian kharhin a zawhna la chhang ta chuang lo chuan, "Alice-i a rai a, thlahthlam reng reng suh ang che" ka ti a, a rum leh nghut.





"Nang aia kum 10 laia naupang bumin awm suh, ka zawhna chu chhang rawh" a ti chang leh rat a, inbiak chu awmzia a awm lo tih hriain ka thawmhnaw hak tur chu ka zawng ta malh malh.



Ka hnunglam ațang chuan min rawn kuah a, "Min hnar tum eng ang mah la ka nei dawn tho tho che, chuvangin zawimuang zelin insiamrem tum rawh aw" dam tak chuan a ti a. Ka kâ ka ang chiah tiin, "Ka hria, unau kan ni i ti a. Mahse unau pawh ni lo ila kan kum hi min hnar nan i hmang dawn tho. Ka hrechiang che. Kum, hna, leh unauna vel hi chu chhuanlam mai a ni. Vawikhat chiah min duhthu i sawi ka hre duh a, a ni mai" a tih chuan ka ngawi ran.




Ka inthlak duh chhuanlamin ka chhuahtir thei hram a, ka thaw a ipik zual leh ta kher mai.



Ka room ațanga ka chhuah chuan Isaac-a chu Remtluanga chuan a lo din chilh run a, zawhna a zawt niin ka hria. Isaac-a lah chuan țha tak leh nuisang zelin a chhang a, Remtluanga chuan han sawisel tur tehchiam a hre lo aniang a ngaihna hriat loh hmel takin min en haw.





Alice-i be tura ka tih chuan a biak duh loh thuin min chhang a, a be duh lo anih chuan a rai thu patea te hrilhah ka vau(hei hi vo nge ka hre chiang lo khawp mai) a, patea te hriat chu a duh rih bik lo aniang ka phone hmang chuan a bia a. A ngai ho si a, loud ah dahin Isaac-a pawh care lo tak chuan a be ham ham a, lehlam ațang lahin țawngkam a rawn bei tuihnai lo ve si a, ka lo ipchawih chawih țhin.





"Va frank ve" Isaac-a chuan ka beng bulah a rawn ti sar sar a, za lo tawkin ka lo nui.





Remtluanga chuan Alice-i rai chu a awih loh thu a sawi a, Alice-i lah tlawm duh bik silo. An inhnial vak loh nan ka dah sak ta ringawt.





Zanriah kan ei lai chuan Remtluanga chu a ngawi kar a, a ei ve pawh a ni lo. Isaac-a nena kan chaw ei chu min vil a ni mah.





"Naupang chaw kha puar deuhin ei la i haw dawn ni" a ti hmuk mai si a, Isaac-a tan a nuam dawn lo si a, thil ka lo sawi mawi zung zung zel.





Chaw ei kham veleh chuan țhu muang lovin a haw a, thui lo te ka thlah a, a nui suk suk reng.





"Tinge i nuih reng a ?" ka tih chuan, "Mipa khatiang taka thikthuchhia ka la hre ngai lo" a rawn ti.



"Ka bula i nui tawh leh tawh lo thu mai mai te min zawt ania" a ti a, "Aa.... i â mai mai, a bialnu a rai a, a rilru hah nih kha" ka tih chuan, "Ka thil hriat hi a sual leh sual loh fiah ang aw...." tiin ka kut a chu a rawn vuan a, a chul heuh heuh.





"1, 2, 3..." a chhiar zawh rual chiahin ka kut chu Remtluangan a rawn phih thla hlawk a, "In inthlah rei lutuk. Naupang haw la, lehkha zir la mu rawh. I nu rual anih hi beisei suh" a ti hmuk a, i nu rual min ti kher chu ngei zetin ka en a, Isaac-a lahin 'ka ring sual lo' tih melhin min melh a, a nui sung.



"Anih UMs muttui aw" tiin min liam san ta a, Remtluanga chu Alice-i a biak dan avang chuan ka hau nghal mawlh mawlh. Ani pui lah chu ngaithla awm pawhin a awm lova, mahse a rai tawh a, thlahtham ngawt thei anih loh thu te ka sawi a.





"Anih i rilru ana em ?" a tih chuan, "Amak thei lutuk, rilru nat chhan tur ka nei lo. Patea te i hrikh hreh leh keiman ka lo hrilh mai ang" ka ti a, rilru no nem pu thei ka ni lo tih ka chiang a, engkima puitling tak leh fel thlapa chet ka tum hram hram a, heihi thil thlen dan tur diktak zawk a ni a, engkim a buai tak tak hma a ni hi a lawmawm zawkin ka hria.





"In lamah eng buaina nge i va thlen a ?" in chhung kan luh hnu chuan ka ti a, "Ka pa hnenah nupui neih ka va dil" a tih chuan ka thin a phu rang leh tawh viau a, "Imm nia, a hun viau tho. Mahse Alice-i rai thu i la hrilh lo a ni maw ?" ka tih chuan, "Tunge neih ka dil tihte min zawt tel ta che" a ti a, "A chiang mai alawm" ka tih chuan, "Ka pa hnenah neih che ka dil" zamna nei map lo chuan a ti a, ka rin dan sa deuh ka rin ngam chiah si loh anih vangin min țhawng lutuk lo.




"Eng rilru i nge i put ve chiah hi ka hre lo, mahse kei chu ka chiang ka hmangaih che tih hi. Min hmangaih ve ni a ka rin tlatna pawh hi a sual lo turah ka ngai bawk" a tih leh chuan chhang lovin room-ah ka luh san ta daih.





Alice-i a rai tawh si, Remtluangan patea hnenah min neih a lo va dil tak tak chu a ni awm si a. Țha taka thil kal tur pawh he mihring vang hian a kal dik lo zo vek takngial dawnin ka hria.



Ma-i chu ka call leh ta tawp a, Remtluanga awmdan leh Alice-i chungchang te chu ka sawi a, ka rilru hah thu sawi luamin ani pawhin tih ngaihna tak min hriatpui rih lo khawp mai.





Nge ni a, Remtluanga hi a duh angin ka kalpui anga, ka tlanbopui zawk dawn em ni? Ka rilru a buai a, zanah pawh chuan ka mu thei der lo.




Zingah ka tho chhuak hma viau a, darkar khat vel ang bak ka muhil lo ang, a muhil thei thlawt lo.





Ka thawh hma tehlul nen Remtluanga chu a lo tho tawh a, a room ațangin bag nen a rawn chhuak. Tuk dang aiin a hmel te chu ka la hmu țha zui a, enge maw ka awmzia ni.




"Khawnge i kal dawn ?" ka tih chuan, "In luah tur kha zawng tawh suhn lo. Thil hi a nih tur ang ni zo zung zung se nang hi chu ka nei chauh ang che" a ti a, ka thusawi ve pawh nghak lem lovin a helmet a la, in enkawl țha tura min chahin a kal liam nghal daih.




A awm lo tur chu a zia zawk dawn viau chuan ka hria a, mahse mahni a han chen tehtlawng chu tlemin a khawharthlak ve deuh dawn chuan ka hria. Puitling taka thil a ngaihtuah chu țha ka ti a, Alice-i pawh a nei duh ngei turah ka ngai. Mahse ka chungchang a sawi erawh a thutak lo turah ngai ang.




Nilengin dawrah chuan ka buai ve a, vawiin chu Isaac-a pawh rawn lang lo. Min rawn text a, mahse a message pawh ka la chhang hman lo. Keiman ka puan tur kut tah ngei ka duh avangin hmanrua vel chu hawn turin ka siam a, puan thawn chhuah nen ka buai lutuk ringawt.





Phone ka en hman meuh chuan ni a tla tawh, Alice-i call a lo awm țeuh a, ka silent daih avangin ka hre lo a ni ang. Isaac-a a message lo awm chu ka chhang bawk a, zanah ka rawn leng ang a ti ve ngei. A tawp berah Remtluanga message lo awm ve vang chu ka en a, a phone kha a vawmchhia kha ania, a lei leh rang khawp mai.





*I lung ti awi lo zawnga awm hi ka tum ngai lo. Mahse i cho chhuak a, min dem suh ang che* tih hi ni. Ka hrethiam lo hle a, reply pawh ka reply duh lo.





Bawr deuhin in ka haw a, nidangah min lo lawm tehchiam ngai lo mah se Remtluanga a lo awm lo chuan a ti reh ve riauin ka hria a, nge keimah hian ka ngai hrim hrim zawk ni.





Rawng te chu bawl sawk sawkin chaw ka ei a, ka intifai a, ka puan tahna tur vel chu ka buaipui leh malh malh.





Ka tah ţan dawn tih chuan Isaac-a leh a țhianpa ni ngei tur hi an rawn lut a, ka thil tih an rawn hmuh chuan min rawn ngaisang der em em ngei amaw. A bula awm hi chuan nuih reng loh te hi a har ka tih kha.





"Khawnge i nau thikthu chhe deuh kha ?" Isaac-an a tih chuan, a awm loh thuin ka chhang a, uar tawkin a ţhianpa bulah chuan Remtluanga chungchang chu a'n sawi zawm zat a, pathum lek si chu kan nui leh huah huah țhin. Dar 10 vel thleng min lenpuiin an haw a, keipawh zan hmasa lam ka mut loh avangin meng chhunzawm vak lovin ka mu zui nghal a, ka mut tak tak hma chuan ka nuin min lo call leh rih.



Naktuk lama patea te nupa leh ka pa te nen an rawn kal tur thu a sawi a, a chhan ka zawh lahin min chhang țha duh lo. "Remtluanga kha lo hrilh lo la, i patea pawhin a be duh che a, naktukah in lo awm ngei ngei i ngai aw" a rawn ti mauh mai a, eng thu tak rawn keng dawn ang maw.


Show post links
Top