WILD TRUTH BY Un Sammy (Completed)

[Ngaia]

WILD TRUTH
by Sammy




<7>





Ka nu sawi angin chhuak lovin inah ka awm a, Remtluanga pawh zinga a rawn haw zawk bak a rawn haw lo.




Ka nu te ho chu rin aiin a rawn thleng hma a, a rawn thlen tirh ațangin an hmel lah chu a thutak run a, a nuih hleihtheih der lo.





Chaw ei lova rawn chhuak annih vangin chaw te an han ei leh rih a, Remtluanga pawh a hman veleh a rawn haw turin ka call bawk.





Ka nu chuan ka dawr chungchang te min zawt luam a, nutei chuan min be miah lova, patea nen an nupa chuan an tum bur niberin ka hria.





Tlai rawngbawl hun velah Remtluangan min rawn call a, "Chawhmeh rawn lei haw angai em ?" tiin phur zetin min zawt a, a ngai loh thu a ka chhan hnuin call chu ka dah.





Reiloah Remtluanga chu a rawn thleng a, a nu leh pa chu hmuh a inbeisei lo tih a hmelah chuan a hriat a, a lawm loh hmel hle bawk.




"I ei duh ringin Grape ka rawn lei a" tiin sarang lian vak lo a khai chu min pe a, "Umm ei duh ang, midang pawn an duh ang" ti a lain choka lamah ka luh bo pui daih. An chhungkaw bik inkar hi a țha rih vak lo tih ka hre ve reng a, awm ve reng pawh a nuam lo.





An ţawng ri erawh chu ka hre pha reng a, Remtluanga chu duh aiin a vin mah mah ka lo ti țhin. An titi kalhmangah chuan Alice-i rai chu an hre tawh a ni awm a, Patea chuan, "Hmanni lawkah nupui neih min dil a, tunah hmeichhe i rai leh bawk a" a tih chuan ka ngawi vung vung a, 'ka pa hnenah neih che ka dil a' a tih kha a ti tak tak tihna ami? Ka hrechhuak zawk a, heihi anih hi ka nuin i patea pawhin a be duh che a tih kha.





Ka awm chu a nuam lo ru nghal țun a, ka hmehbel chhoh zelin chumi vang chuan nutei khan min lo be duh lo te pawh a ni ang. Aww... kan Remtluanga chhur lutuk hi chuan chhungkua min la vaw darh vek ang.




Ka nu chuan min rawn auin Patea chuan Remtluanga nen a falin min be duh a, ka room-ah kan pathum chuan kan lut diak.





Ka zam ang reng hle a, a chhan pawh chhungkaw inzilh ang chauh kha ni thei tawh hek lo. A topic a dang tawh a, boruak chu a rit hle bawk.





"Ms i nau rilru chu i hre tawh anga tiraw ?" Patea chuan a ti a, "Aw..." zawi zetin ka lo ti a, "Alice-i a rai tih i hre bawk a" a tih chuan, "Aw...." ka lo ti leh sep.





"Chutiang in zawh awmzia awm lo. Alice-i chu ka nei dawn" Remtluanga chuan a rawn ti fiah fak a, Remtluanga chu ka melh zawk. Alice-i chu a duh lo viau emaw ka ti a, a fa paitu na na na chu a hnar reng thei bik lo a ni ang.




"Anih i nau rilru put ang hi i pu ve em ?" patean min zawh leh chuan, "Aih, chutiang rilru engmah ka pu lo pate..." ka ti vat a, a lu bu nghat nghatin, "Ka hre sa alawm tiang rilru i pu ve dawn lo tih hi. I nau hi chu a la â a, nupui a nei anga, fate an nei anga, a rilru chu a danglam mai ang. Tunah rih hi chuan in lo awmdun rei bawk nen a rilru hi a hrethiam rih lo a ni" patea chuan a ti a, ka rilru chhungril takah chuan ka zak lutuk.




"Pa ka sawi vek tawh kha...." Remtluangan a tih chuan, "Lo va chhuak rih la i û nen hian kan han inbe fal lawk ange" a ti a, Remtluanga chu rum nghutin a chhuak.





"Tinge dawt i sawi ?" Patea chuan a ti nghal a, "Maw ?" ka ti ha deuh tawp.





"I nau laka i rilru put hmang a danglam tih hi ka hmu thiam vek asin" a ti leh a, engmah sawi lovin ka kun chal. "Mahse in awmdanah engmah in kalpui lo a ni tih ka hria a. I chungah hian ka lawm a ni Ms" a ti dam thluam a, sawi tur reng ka hre ve lo.





"I rilru a lo danglam ta anih pawhin ti lang lo hram la. Chuan i nau lakah kha thuruk kha zep reng tum bawk la ka duh. Ka sawi ang khan i nau hi chuan in chen dun rei tawh avangin a rilru a phir kual a, a dik ber a ngaihtuah thiam lova. Nang chu puitling i ni tawh a, a dik chu i hriat kha" a ti leh dap dap a, "Imm, ka hria lawm pate" ka ti sep a, Alice-i chungchang te min zawh leh hnuah room aţang chuan kan chhuak a, reilote an ţhut hnuah haw turin an insiam lehnghal.




Patea chuan Alice-i chhungte nen an inbiak tur thu sawiin Remtluanga chu țha taka awm turin a chah a, an tlan zui nghal.





"Enge ka pa khan a sawi ?" an tlan liam hnu chuan a ti nghal a, "I hriat ve ngai ni se room aţang khan a chhuah tir lo ang che" ka ti nghat a, in ah ka luh san.




Min be reng a, a rul tawk te tein ka chhang zel bawk a, chutiang chauha ka chhang chung pawhin min be lui reng a, min tih thinrim kher a tum zawk nge ni?





"Alice-i nen in inneih hunah helamah nge Lunglei lamah in awm ang" ka ti a, a țawng reng lai pawh chu a tawp ve hmak.




"Alice-i ka room-ah a awm anga, ka i room-ah ka rawn insawn ang" a tih chuan ka thaw hak a, eng pawh sawi ila a la thutak loin a la kawi vel vek.





"Nupui i neih hunah chuan in dang ka luah tawh ang" ka tih chuan, "Chuan kha mipa naupang nen khan in awmdun reng thei anga" a ti a, "Aw" ka lo ti ve hmak.





A rawn nui huah huah a, "Ms mipa dang hi ka duhpui lo che i tan a țha ber ka nih vangin. Chuan kha naupang kha rawn lenpui leh teh, a bula awm a nawm reuh kha" ngaih ho hmel zetin a ti a, a awmdan vel chu ka ngei viau a, engmah erawh ka sawi zui lo.





Zanriah ei khamah ka room-ah ka luhsan nghal a, kal chhuak phawt se duh leh thil dang chu ka ti ang. Ka ning rih emai engmah pawh ka ti tui thei lo.




Isaac-a nen kan intext zeuh zeuh a, ka nui leh vur vur ţhin. Rawn len a chak thu leh lehkha zir ve a ngaih bawk si thu a rawn sawi a, lehkha zir țha tur te chuan ka lo ti ve luam.





Isaac-an lehkha min zir san hnuah status te ka view leh mai mai a, Hruaia sts ka hmuh fuh chu ka nuih a za zawk. Kan pahniha kan thlalak a lo la hmang a, ka nuih zat dan chu. Tu hmuh atan hian nge a lo la tih fako ni. Reply pawh ka reply lova ka en liam tawp mai ni.





Dar 9 rik dawn tawha ka room ațang chuan ka chhuak veleh chauh a, choka ka luh chuan Remtluanga chu a lo che fel vel a, ka lawm phian. Kawngka kalh tum chu a lo inkalh tawh tih ka hmu a, a awmzia chu Remtluanga hi a chhuak lo tihna.





Hmanhmawh deuhin ka room-ah ka lut leh a, mahse ka khumah Remtluanga chu a lo mu fel der tawh.





Min lo nuih vur vur a, "Min hmu chu i va lawm lo ve ?" a ti a, "I room-ah phei rawh" ka ti leh hmak a, kawngka bulah chuan ka ding ran. "Tinge ka awm ve chu pawina ?" Inla fel deuh chuan a ti leh a, ka ngei tawka awm hi a va ţhiam țhin tak em.





"Mut ka duh tawh ania" ka tih chuan, "I mu dawn lawm" tiin khum ațang thoin min rawn pan phei a, chhuak mai tur ang chuan awmin a chhuak duh lawk lo.




"Mahse vawikhat min fawh phawt angai" tiin a hmui a rawn ti kawh vu a, ka nui chhuak teuh kher mai.





"Kal mai mai teh" tia room kawngka khar ka tum chu dangin a ding lui tlat. I duh loh chuan i khumah pawh sawn kan pahnihin kan leng zan zan ania" tiin a hmui chu a ti kawh leh a. Ka tih loh chuan a awm leh reng dawn si a, a pawina awm chuang lo ang tiin a hmuiah chuan ka han fawp zauh a, mahse ka inlakhran leh hma tak takin min man bet a, duhthawh takin min fawp zui.



Nam ve bawk mah ila a chak zawk miau a, ka chhanglet lo chung pawhin min fawp lui ngawng ngawng tho.





Room kawngka chu kalh hmakin a darah min pu lawp a, rum nghutin ka mawng a la beng zui.





"Min dahthla nghal rawh Remtluang" ti a leng vakin vakin ka au tuar tuar a, khumah min nghat thla dawt a, min rawn pawh zui nghal.





Nui suk sukin ka kut pahnih chu a man bet a, a lo inringlawksa diam nge lukham hnuai chu zen rak rakin ka kut a phuarna tur a rawn la chhuak ta nawlh.





"Hey! Lalremtluang i room-ah phei rang rawh" ka ti vak vak a, mahse min ngaipawimawh lo hrim hrim.



Ka kut a phuar zawh hnuah ka ke chu a la phuar leh tak deuh deuh a, min phuarna te chu a ngheh lutuk vang nge a na vek thei.





"Min phelh la i room-ah phei rawh. Mihring nun pangngai ang hian nung ve rawh" thinrim lutuk chuan ka ti a, "Ka phelh ang che maw ?" tiin ka kawr chu ka âwm thlengin a hlim tawk.





Ka rak chel chul a, ani za deuhin a nui bawk a, vuak thluk tawp a ni ka duh ni. "Engtinmah ka ti dawn lo che, mahse hetia ka tih loh chuan i bula ka mut i rem ti dawn si lova" a hnu deuhah chuan tiin ka awm ah a rawn bei hle hle a. "Nangchu thil țha lo ringawt ti turah min ngai a, hetia kuah mai mai che hi ka chak alawm" tiin min kuah nghet sauh sauh bawk.





"Pangngai chutiang chu sawi mai ta che" ka tih chuan, "Ka duh lo che tih țanin i țang leh dawn a. Nupui ka nei har tawh dawn lo. Nupui ka nei hma chu inngeih takin awm ang" a ti a, a nupui nei tur a hreh miah lo chuan min ti na deuh.





"Nupui i neih hunah engtin ?" ka ti ve ngat a, "Mi pa ka nih hnuah te chuan ka insum ve thei deuh tawh ang chu" a ti a, a thaw lum hak.





Ni e Patea sawi ang deuh khan kan chen dun rei deuh avangin a rilru hi a hrethiam lo mai mai a ni ang. Nupui a nei anga, a zia vat mai ang.




"Mahse Ms, ka hmangaih reng dawn che tih hi chu hre reng rawh aw. Ka damchhung hi chuan mipa dang i neih hi ka rem ti dawn lo bur" a rawn ti leh hmak a, mahni hmasialna hlirin he mihring hi a khat anih ber hi.


Show post links
Top

[Ngaia]

WILD TRUTH
by Sammy




<8>





Ni a liam a, kar a liam a, Remtluanga nen chuan inngeih tak zelin kan awm a. A rawn haw apianga ka khuma a rawn mu ve ta ziah erawh țha lo ti viau. Mahse ka dang hleithei țhin si lova, achang chuan ka inphawrh mualpho lek lek ţhin.



Christmas chawlh hunah inneih chu hmeichhe lamin an duh tlat avangin christmas chawlh hunah inneih chu an rel thlu ta a, Remtluanga erawhin ho ang reng taka inhruai mai aduh avangin țul a ti lo lehpek hle a, mahse puitling zawkte thutlukna chu hnial thei bik hek lo i.




Isaac-a nen țha takin kan la inbe zawm a, kei ai nau deuh anih angin nau ang in ka en a, ka duat phakah ka nau leh ka vahte an awm loh vangin an aiah Isaac-a chu ka duat ve a, ka nau ang tak takin ka en a ni mah e. Naupang te ni mah se min hriatthiam viau țhin vang nge a bulah chuan zep ka nei thei der ţhin lo.





Min beidawnpui thei lutuk hian arrange marriage a pasal nei ve tawp mai tur te hian min han rawn ve ngei zel a, ka nuih hi a ti za ţhin zawk.





Sunday a ni a, in ah awmin sitting room a țhutthlengah ka mu der der a, tv ka en pah bawk. Kan rawlthar tirh ațangin korean serial hi ka en laklawh a, ka sim hleithei der lo.




Ka phone rawn ri chu ka ngaihsak duh lawk lova, vawihnih ngawt a ring ral hnuah pawh a la rawn rik fo avang chuan a pawimawh anih ringin ka en a, Ma-i lo ni tehmial. Ama thu hian min rawn call khat viau a, biak hmasak loh chuan phone leh tih vel kal tlanga inbiak peih miah lo ang chi kha a ni ve a, min rawn call hmasa chu a awihawm loh zawk.





Ka lak rual chuan Ma-i țap ri chu ka hre nghal a, țap chung chuan, "Ms bawihtei a serious lutuk, a dam dawn nge a thi dawn pawh a hriat loh !" a rawn ti heu mai. A fanu dam loh awm ka hre si lova, a rawn țap nasa nghal bawk nen ka lo buai deuh.





"Engtin nge awm a ?" ka tih chuan, "A pum a rawn na vak a, damdawiinah kan tlanpui a, ER-ah an lo luhpui nghal a...." a rawn ti leh a, chutianga a sawi vel takah chuan hlauhthawn a pe na hrim hrim tih ka hrethiam chiah.



Thinchhe viau e ti lo hian hlauhthawn pe na ve deuh mai a ni a, thil a ngaihtuah nasat lutuk țhin avang hian amah pawh hian rilru lam doctor pan chang a nei leh ţhin.





"Hlauthawng lo la, a țha em em ang..." eng eng emaw sawi chuan ka hnem vel luam a, rei ngial kan inbiak hnuin kan dah hram a.





Ka serial en fakna a nih chhung chuan choka lamah ka thawh san a, che rawk rawkin eitur vel chu tray-ah ka rem sawk sawk a, fakna a lo zawh mai hman chu ka hlau a ni.





Mahse ka tv en thawm chu a dik ta hauh lo, choka ațang chuan ka inchawi chhuak a, Remtluanga a lo țhu leh vung tawh.





"Tinge i lo hmeh san a...?" ka pawr ţha hle a, ani pawn min rawn en phawk hra.



"Fakna hlir anih kha" a tih chuan, "A zo ţep tawh lawm, ti leh rawh" ka ti hluai a, "Korean mai mai a..." tia phun nuah nuahin a ti veleh mai bawk a, a țhu ngawi ta hle hle. Sunday-ah hian an awl ve avangin mu turin a rawn haw ţhin a, tuna a rawn țhut chhuah peih danah nizan lamah a mu țha ve deuh a ni mahsa.





"Alice-i rawn awm hunah chuan..." a tih mek laiin, "Țawng reng suh" ka lo ti hmak a, engmah ka ngaithla peih lo.




A thaw deuh hluai a, zik mar vel pah chuan a mut chhuah thu a sawi a, kan ţhutna țhutthlengah chuan a mu nghal zawn mai.





"A dangah sawn va mu rawh..." min nek deuh phaha ka kawng a rawn dawm chuan ka ti a, "Mahse i țhutnaah kher hian muthilh ka duh lawm" tiin a mit a chhing zui hmak.




Dik taka sawi chuan kan rilru put hmang a in ang a, ka thlahlel ru ve viau țhin. A chang chuan ka inkhawngaih zawk hial ţhin. Unau kan lo ni kher kher chu a pawi ka ti ve ţhin a, patea thusawi vang lah khan unau kan nihna chu tihchhiat ka hlau a, mualpho ka hlau a ni mah. Ani erawh hi chuan chutiang lam reng a ngaihtuah pha lova, a rilru a lang leh a thil tih duh dan ang hian a che mawp mawp zel a, Alice-i a rawn awm hunah phei chuan keimah zawk hi ka inven thiam viau angai ang.





A muhil em ka hre lo, a chhing tlat a, ka bula mu na na chu ka ngheng lo thei lo. Ka hnungah tv lam hawi tho siin a mu a, ka kawngah min kuah ran bawk nen ka ngheng ve ar ar tawh.





"Lo mu ve law law rawh" a tih chuan ka chhang lova, a muhil lo tih a chiang viau bawk.





Ka kawng a dawmna chuan ka kawr chu hlimin ka dul ama tawka kiar ve takah chuan a kut a nghat lum vung vung. A kut pawt chhuah ka tum chuan ka dul vun nem lai chu a țham tawk a, ka phu zawk.





"Remtluang...." ka tih chuan, "Awm mai mai rawh engtinmah ka ti dawn lo che" a ti nghal ringawt a, "I mut a chhuah chuan i khumah va mu rawh" ka ti a, a rawn meng deuh kawk.





Ka ban lehlam chu la lawkin a seh a, ka lo rak țhat.




"Ka seh chak lutuk che, ka ha hi i ti za vek....." tiin ka ban pawh duhtawk mai lo chuan a rawn țhu chhuak a, ka darah te chuan a rawn reh. Tawp tir tum chuan ka ţe teng tung a, he mihring han mak dan hi chu.






"Ms.... aaa.... i bula ka awm reng pawh hian ka ngai tho che" tiin min rawn kuah leh ngawih ngawih a, enge maw a hriat ni.




A mu leh a, ka kut bawk chu la lehin zungbun hi min bun tir a, "Phelh suh ang che. I phelh tih ka hriat vaih chuan..." tiin a han sawi zo duh lo ngei a, "A va mawi reuh ve" ka ti mai a, phelh ka tum bik lo nia a hriat chuan a rawn nui ve ta chauh.





"Mi rinawm lo nih hi ka duh lo sin le. Mahse ka hmangaih miau bawk si che a...." a ti leh chuan ka nui ringawt a, țawng tawh lovin tv chu ka en zawm.



A rei deuh hnuah chuan ka mu ve leh ta nge nge a, ka tv en chuan ka mut a ti chhuak em em bawk a, ka chhing leh diar diar țhin. Mahse Remtluangan ka kawr a rawn zen chho takah chuan harh zawkin a kut chu ka man a, aban min lukham tir chuan alam hawi tur chuan min kuar her a, kan inmelh ran mai.





"Ms..." a ti sap a, "I kut hi..." ka lo ti hmuk thung.



Ka hmuiah chuan a rawn fawp zauh va, hepa hian a ngaihzawng tak tak angin min ngai anih ber tawh hi.




"Engtinmah ka ti dawn lo che..." a ti a, a nuam lo ka ti pawh a ni lo, a insum theih loh hi ka hlau țhin a, mipa a ni a, duh ni ngat se ka hneh dawn lo.




"Hmeichhia ka nih hi, ka fimkhur alawm...." ka tih chuan, "Lehlam zawnga thlirin i nuța ka nia, lehlam zawnga thlirin nangmah hmangaih ngawih ngawihtu che ka ni bawk a. Ms Ka hmangaih che. Ka hmangaih vang che hian i chungah rilru sual leh eng thil țha lo mah tih duhna ka nei lo" a ti dam dap a, ka awih thlap bawk.





"I kut hi dah chhuak hrim hrim rawh" ka tih chuan thaw hakin a dah chhuak ve mai a, keipawh chu ka mu țha ve leh.





Mahse ka kawr chhanah chuan ka hnute chu a rawn hum lui ta tho a, ka nghawng vel chu a fawp leh zeuh ţhin. Mahse ka senior lutuk tawh vang nge nachang ka hre lo zawk tisa chakna zawngin feeling ka nei lova, ka mut chhuak erawh a rawn kal leh riai riai tawh.





Ka lo muhil ta aniang ka harh chuan khua a lo tlai duai tawh a, ka khumah ka lo mu tawh bawk.





Remtluanga erawh chu ka hmu tawh lova, hostel lamah a kal leh tawh pawh a ni maithei. Chhun lamah a school-ah a zirtir bawk a, zanah hostel duty ngai bawk nen a hah ve viau țhin ka ring.





Tho chhuakin rawng te ka bawl a. Pasal fanau la nei ve lo ta chu ka nitin hun hman hi angai a ni mai a. Achang chuan ka lung te hi a leng ve viau țhin a, ka vahte ka ngai ve țhin.





Rawng te ka bawl zawh chuan ka intifai a, ka hnute a sen duk kalh awm ringawt chu a ngaihna ka hre lo viau. Ka hriat loh karin eng rannung emawin min seh anih ka ring, rannung seh hi ka haw ang reng a, min sehna lai hi chu hriat tak hian a sen tût loh leh a vual vak țhin.




Ka inthlak dawn chuan ka thawmhnaw te chu ka en kual a, hak mai mai tur ang pawh ka nei mang tawh lo. Bazar chu ka ngai ve tawh anih hi.





Ka room ațanga ka chhuak chiah tihin Remtluanga chu nui vur vurin in ah chuan a rawn lut ve chiah ka hmu a, "I va rawn haw leh hma ve ?" ka tih chuan, "Soju a rawn lei che...." tiin a thil khai chu min hmuh.




"A ve leh ringawt a" ka ti chu, "Korean serial en nasa chuan soju an duh e an tia" a ti heu. Soju in chakna lampang ka nei ngai lo hrim hrim a, amah Remtluanga reuh chuan ka nuih a ti za. Sawtiang mai mai a buai rual a ni sawn a la naupan zia a ti lang.




"Khatiang pawisa hek hek a i rawn lei a ?" ka tih chuan, "Lawm takin lo pawm ve mai la, i pawisa pawh a hek ami ?" lungawilo deuhin a ti a, ka nui chhuak teuh lutuk.





Nuih insum tak chuan, "Anih ka lawm e. Mahse ruih theih lam chi chu ka duh lo" ka ti nghal a, "A ruih theih loh. Chaw kha puar deuhin ei la a ruih theih loh" a ti a, amah lah chu a phur mai sia maw, nuih a ti za tlat.




Chaw te chu kan ei a, hostel lamah a kal dawn leh dawn loh ka zawh chuan a awl ve thuin min chhang a, mut hahdam nana hmang turin ka lo ti.





Alice-i nen an inbe ngai em tihte ka zawt a, a biak peih loh thu a sawi tawl. Min hmangaih thu a sawi chamchi a, a hahthlak lam hret chu a ni.





Ka thleng sil lai te chuan ka hnunglam ațangin min rawn kuah thul a, engmah chu ka ti hle hle thei lo.




A soju rawn lei chu kan in ta nge nge a, tui lo hran lo. Khawi lai ațanga a rawn lei nge ni, ka rui ang chuan inhre lem lo mah ila boruak chu lum hat hat tak a ni.





Inthlakin kekawr bul leh spaghetti strap nen chauh ka awm vang tawh. Chhuat daiah chuan kan mu hawn hawn a, eng eng emaw sawiin kan nui leh ţhin.




"Anih Ms, unau kan ni lo angin han ngai ta la. Enge kan pahnih hmalam hunah i suangtuah ve ţhin...." a tih chuan ka tep chap a, "Kan inneih anga, fate kan nei anga. Nangin kan fate leh kei min duat anga, keiin kan fate leh nang. Mahse unau kan nia...." ka ti chiah chu ka harh zawk a, a zawhna min zawh leh ka chhanna chu, ka awk chiang ta kher mai.






Ka biang chu rawn dawmin min kuai thle deuha dam zetin ka hmuiah a rawn fawp. Inlahrangin a nui sun sun a, a a kut zungțanga chul hauh hauhin, "Khatianga i sawi hun kha lawm ka nghah ţhin" a ti. Ka inpuang chiang lutuk chu sawi tur reng ka hre lova, a lum ka ti sa bawk nen ka taksa pumin ka sa chhuak vek, ka beng te hi a ling vut vutin ka hria.





"Hmangaih che mah ila a rem lo tih hi chu ka hrethiam ve tawh ania. Ms ka hmangaih che a, min hmangaih bawk a, hun țha kan neih chhun te hi chu inhnial nan hmang tawh lo ang aw" tiin ka awmah chuan a rawn bei.



Han phat leh ngaihna awm tawh hek lo, ka pawm thiam ta vel vek a. Ni e, hun țha tlem kan nei a, kan hlim dun chu a pawina a awm lo. Remtluanga chu rilru engthawl takin ka kuah ta hle hle zawk a ni.


Show post links
Top

[Ngaia]

WILD TRUTH
by Sammy




<9>





Zing ka harh chuan inkuah rial chungin chhuatah kan lo la mu a, kan mangchhe dun em em lehnghal.




Remtluanga muhil hmel chu ka en reng a, mahse harh chhuak thutin sana ka en a, zing dar 8 lai a lo ni tawh. Remtluanga chu sawi harh nawk nawkin ka tho ve nghal a, ka room-ah ka tlan lut nghal.




Intifai sawk sawkin rawng ka bawl zui a, Remtluanga chu hostel lam bakah school-ah a kal angai tih te ka hriatpui si avangin ka hmanhmawh rilru hle a, ani a hmanhmawh lo bawk si nen choka aṭang chuan hmanhmawh tur a tiin ka au chhen.




Chaw ei ka siam lai chuan ka hnunglam aṭanga min rawn kuahin, "Chaw ei a va chakawm loh ve" a rawn ti sur sur a, "Ei ringawt la a ni mai. I insiam peih tawh em ?" tia ka en nak chuan boxer nen chauh a lo la awm a. "Insiam ta che" ka tih chuan, "Tinge i hmanhmawh em em a, hostel-ah warden pangngai an awm tawh dawn a, ka kal angai tawh hleinem" a ti muang ban chap a, ka va ngei tak. Chungte chu ahma daih a min hrilh tawh tur ania.




"A ṭha hlauh anih chu, i ei peih loh chuan lo seng fel la. Ka han insiam ve nge" tiin ka room ka luhsan ta daih.




Keichu mahni hna a ni tho a tiin ka tlai ta sa sa hmanhmawh lo tak chuan ka che vel a, Remtluanga hna chhuak tur chu ka room-ah a rawn lut rimtui chuk chukin min rawn thlah ve ngei. Zahpuiawm reuh zawk hian a!





Dawr lam pan pahin Ma-i chu ka bia a, ka rin dan ang rengina fanu chu na lutuk a ni lo. ER a an luhpui kha pumna satliah anih leh si avangin him pialin an rawn nawr chhuak leh a, ka nuih te a ti za angreng zawk. A nu chang chiai nasa lutukin doctor te pawh a han ti phi buai vek a ni ang.





"Dinfela rawn haw a, tunah damdawiinah hian a thawk nge thawk lo ka hrechiang lo mahse a rawn vei ve reng zel" Ma-in a tih chuan ka thaw hawk.





Dinfela chu ka bialpa hlui a ni a, ani pawh hi ka chaponain a tlin ngang loh vanga ka ṭhen bawk ka ni. Doctor a ni a, kan inṭhen hnu khan Guwahati lamah a awm daih a, abak a chanchin hriat zui kha ka nei leh tawh lo hrim hrim.





"Min rawn buaipui ṭha ve lutuk. Min hre ropui bawk sia, biak loh ka tum pawn i chanchin te min zawt a min be reng zel a. I number min dil erawh ka pe duh lo" a rawn ti leh a, "Ti khan lo pe duh miah suh. Min rawn biak ka hlau ania" ka ti a, ka ti tak tak bawk.





"Imm... Hruaia nen chuan in tawp hlen em ni ?" a tih chuan, "Aw" ka ti tawp a, "Nia, a ţha mai. Mahse a ţha kha i zawng veleh tlat dawn sia, i hmuh hunah chuan i tar bawih tawh ang" a tih chuan chhang lovin za lo takin ka nui a, a sawi dik chiah.





"Ka neih loh leh i fate an vanneih animai a" ka tih chuan, "I mawl siah! Aw, i nei pawh ka ring lo mahse heti lam kawngah hian duhsakna ka hlan mawlh mawlh che aw" uar fahran chuan a rawn ti a. Dawr ka thlen hnu rei vak lo hnuah call chu kan ti tawp.




Tunlai chu khawdang a thaw chhuah kan ngah lutuk a, kan dawr pawh chu a thawl viau. Puan plain kan neih tawh loh avangin chutiang lam chu buaipui rih hlawm turin ka ti a, ze nei ho erawh la rawn thleng thar leh hlawm phawt se keiman ka buaipui ang.





Ka hna hi nuam ka tih rualin a nawm viauna ka hre lem lo. Hetiang lam hi eizawnnan ka hman ka inring ngai lo hrim hrim a. Ka naupan lai ațanga ka tleirawl chhuah tirh ațangin officer nupui nih kha ka tum viau ţhin a, mahse khatianga ka lo tum nasat lutuk țhin vang kha aniang tun thlenga officer chu sawi loh pasal hrim hrim pawh ka la neih loh ni.





Chhunah Alice-i dawrah a rawn leng a, Remtluanga a nei tur chu a lawm thu te sawiin a insawithei pang pang viau. Inneih hnua Remtluanga chhungte hnena sem atan puan a order a, a man to hlir chi a ni a chah ni.




Alice-i awm lai chuan Isaac-a pawh a rawn lang bawk a, kei leh midang ei tur te chu a rawn keng ve ngei a, nachang te hi a hre zawk ţhin lutuk a.





Alice-i lah chuan Isaac-a hmuh vang chuan Hruaia a rawn sawi chhuak a, kan țha leh turah a lo ngai a, mahse kan tawp tawh thu tlang takin ka hrilh.





"Tinge.... Nangmah vangin ka u nen an inhauh hrep phah asin" mak tih hmel fe a a tih chuan ka beng chak lutuk, ka duh aiin a țawng hnem mah mah. A u leh Hruaia chu engvangmahin keimah vanga inhauh nachhan tur kan nei lo. An lo inhau anih pawhin hetia sawi kher hi angai lo, a mualpho zawnga min sawi a tum ni kherin ka hria.





"I û khan pasal a nei a ni lawm ni ?" Isaac-a chuan a rawn ti zauh va, hepa pui hi engtin nhe maw an lo inhriat ni.





"Aw... professor kha i hria em ?" Alice-i chuan intithei zetin a ti vat.






"Umm.... mahse ka ngaihtuah a, pasal nei lai si tinge a bialpa hlui chu hmeichhe dang vanga a la inhauhpui le ?" zawi si hriat phak tho si chuan a ti a, Alice-i chu a ngawi ta daih. Nuam a ti vak tawh lo aniang rei pawh awm lovin a haw ta daih.





"In inhria ami a ?" Isaac-a ka zawh chuan, "Umm... Alice-i te nen khan highschool kan kal ho...." a ti mai. Ka awih lo lutuk chu ka hmel ka siam chhe vak a, a lo hmu si a a thusawi ka lo chu a ner ve nawng mai.






"Alice-i hian class 10 kha kum 4 vel a beinawn a chuvang chuan kan inrual thei alawm. Class 10 kan pass khan ka hre zui ta miah lova, mahse college ka kal hnu hian mak ka ti, ani chuan B.A a lo graduate daih tawh a" a tih keipawn mak ka ti.




"Anih engtin nge a û te thleng khan i hriat ?" ka tih chuan, "A û pasal kha kan professor pakhat alawm. An mahni an hausa a, thil an tih thei hrim hrim a. Kan professor te pawh chuti bawk. B.A a lo graduate ta daih pawh chu degree lem bak anih amah hretu ten kan ring lo" a ti leh a, Alice-i chu ka rin ang a lo ni miah lo. A fel hmel te kha ka lo tia, chuti lutukin a sualna chu ka la hmu chuang lo nachungin, a lo fel vak miah lo ang.






"Engtin nge in inhriat ve zawk a ?" a tih chuan, "Remtluanga nupui tur ania" ka ti a, "Monu in nei ţha dawn khawp alawm tiraw ?" a ti kher. Naupang nghal lutuk.





Zanriah ei a ka sawm leh tlat avangin a class bang ka nghah hnuin kan inzui haw a, kan thil hmuh hnuhnun apiang chu fiamthu pui zel a, kan nui leh bawk bawk țhin.






In kan thlen dawn hnaih chuan Remtluangan min rawn call a, hruai ka ngaih leh ngaih loh min zawt a, mahse in ka thlen țep tawh thu hrilhin call chu kan dah.






In kan thleng kawngkhar ka hawng chiah chu Remtluanga chuan Isaac-a chu a pawt lut a, a kuah nawk nawk.





"Enge awmzia ?" ti hain ka lut ve a, Remtluangan min hmu leh si chu a meng awk a, ami kuah lai chu a en a, "Hmela leh!" tiin a nawr sawn nghal dawrh.





"Tinge naupang hi i rawn hruai haw ziah a ?" a ti tum vuau a, "Chaw ka rawn ei dawn" Isaac-a lah chuan a insawitheih khum a, lawm lo lutukin Remtluanga chu a rum nghut.





"Lo inkawm ula ka'n intifai lawk ange" nui var vara tiin ka room lamah ka luhsan a, inngeih takin an lo awm thei em ang chu.





Rin ai takin an inkawm thei phian a, Remtluanga mi ti hmuk hmuk chi ni mah se Isaac-a chu a naupang en deuh tlat a, naupang țawng duh zet bula awm nen a inthehkhin ber.





Chaw te kan ei fel a, kan țhut muan leh deuh hnuah Isaac-a chu kan thlah a. Remtluanga chu a'n ngeiawm leh mai mai khawp a. Thlah ve lo tur awm takin kawngka bul ațangin a mangțha a, kan hnungah muang fahranin a rawn kal leh a, kan thusawi a hriat phak loh chinah, "In sawi kha ka hre pha vek ania" a rawn ti kher zel a. Taxi a rawn tlan hlauh avangin Isaac-a nen chuan inmangțhain an tlan liam thleng chu ka en.





"Rawn let tawh ta che" ka hnung hla fe ațangin Remtluangan a rawn ti a, hawilet a nui sakin ka let hna hna.




A bul ka thlen chuan ka darah a rawn kuah nghal zat a, "I senior nen hian mipa hi ka duh aiin i be tam hret" a ti rauh a, ka chhan ngaihna hre lo chuan chal chuar tapin ka en tawp.





"Khati khan min melh suh" ka melh dan te thleng chuan min khak a, "Amak eeee...." ka ti hliai.




In kan luh dawn chuan, "I laka thikthu ti lang thei tur khawpin kan inzawmna chu i hriatchian kha. Kei chuan midang ka care ve vak dawn lo ania" a ti leh mauh a, chhang lovin inchhungah ka lut ta daih.





Ka khumah ka mu a, ka sirah Remtluanga a țhu thluang duai a, ngaihsak lem loin phone ka khawih san daih thung.





A țhu chu a țhu nuam thei thlawt lo nge a che sek a, a mawngah hian hawlhtu an awm zawk nge a chang leh a tho thul.





"I room a i mut duh chuan ka dang hran lo che nia" amah pawh en lem lo chuan ka ti a, rum nghutin khumah a rawn lawn leh.Ka en a, kut kuangkuahin a țhu luau.






"Enge aa ?" ka tih chuan min rawn en a, ka phone chu rawn la lawkin a lukham hnuaiah a dah hmak a, min rawn kuah chunga mu țha sat satin, "Ka bula i awm chuan thil dang ngaihtuah suh" a ti a, ka hnute bul chu a rawn seh!






"Remtluang!" ka ti țhat a, "Nupa ni ila ka ta a siam che ka chak !" nui vur vur a min rawn en chhoh pah chuan a ti a, ka taksa pum chuan min ti mur chum chum thei nia! "Hey! Tho teh, tho teh. Ka duh lo khatiang kha...." tiin amah chu ka nam sawn nawk nawk.





A nui hawk hawk a, "Msss..... i bulah hian dawl zawrin ka zawr. Min sual luih i tum anih loh chuan chutiang chu ka ti dawn lo" uang miah si loin min kuah nghet sauh pah chuan a ti a, "I nau ang ni loin i bulah hian ka pangchang ve chak thei lutuk...." inla cute lutukin a ti leh. He mihring mak lutuk hi chuh!





"Remtluang hetia awm hi thil țha a ni miah lo ania" thutak deuh zawk chuan ka ti a, hetianga awm hi ngaiah neih kan tum dawn chuan Alice-i a rawn awm ve hunah kan buai khawp ang.




"A ţha emaw ţha lo emaw ka ngaihtuah peih lo. I bulah ka hlim a, ka bulah hlim taka awm him ve tawp mai rawh" tiin a țhu chhuak leh a, "Nakin ngaihtuah kha angai lo. Ka hmangaih miah lo mihring nen chuan kan inkawl rei vak pawh kha ring lo bawk la" a ti deuh tawl tawl a.






"Chutiangin ngaihsam ringawt suh. Nupa nih hnuah chuan thil leh rilru put hmang hi a dang dawrh țhin ania" ka ti a, thaw hawkin min en a, "Ms kei mihring hi engmahin min ti danglang dawn lo. Ka danglam i duh avanga i țawngkam te hian ka duh loh dan deuhin min danglam tir hi ka hlau țhin" a ti a, a mitmeng thutak lutuk chuan min ti zam hial mai.





Ka hawisawn tur chu ka khabe a manin amah en tur chuan min kuai lui tlat a, a mitah tak chuan ka en ta kar a, "Min ring tawp rawh. Nang aiin naupang mah ila hmangaihna tih vel hian kum a thliar lo ania" a ti zawi sap a, ka hmuiah duhthawh zetin a rawn fawp zui.






☆Signal ka neih loh avangin information engmah a awm thei lo char char a, mahse hei kan pangngai tawh turah chuan ka ngai aw.... comment leh ads click te kha min han tlawmngaih sak leh ula aw


Show post links
Top

[Ngaia]

WILD TRUTH
by Sammy




<10>






Hun a liam zel a, thlasik pawhin min nangchin ti tih der tawh. Hun chu a kal chak ka tiin nikhatah hian darkar 12 chauh a awm ta mai emaw tih turin zan te chu a ni hma a, khua lah a var hma bawk. Chim buaitu awm miah lova kan awm vanga kan pahnihin chauha awm chu nuam ka ti a, thlasik boruak rawn thleng tur chuan phurna min pe ta hauh lo.




Nakinah keima hreawmna tur tih hre reng mah ila ka indang zo der bik si lo a. Ka thikthu a chhe țan a, ka ta a ni thei dawn lo tih ka hriatrengna chuan min ti thinrim țhin hle bawk a. A harsa ka ti dawn nge, khuanu ruat ve reng zawk pawh ka hrethiam lo.




Lunglei lamah dawr luah tur ka nu ka zawn tir a, Remtluangate hi inneih fel se haw hmak chu ka tum a ni. Chuti ni lova kan awmdun reng chuan thil țha lo zawk a thleng dawn tih ka hmu thiam a, a hreawm ta viau anih pawhin hre sa veka ti ka ti a, ka tuh rah ka sengah ka inngai mai aniang chu.





Alice-ite chhungkuain chaw an rawn ei dawn avangin ka haw hma ve a, mahse fel takin Alice-i a lo che tawh hlauh.




A rawn lang tam viau a, khaw en lai ngau ngau hi chuan kan inah a awm reng ti ila a sual lo ang. Zan riah a tum viau ţhin nain Remtluanga hian a haw luih tir țhin. A chhan chu kan hun neih ve chhun a ni tawh a, dipdal chu tuin nge duh bik ang?





"I va lo haw hma ve? Rema bulah rawng ka bawl tur thu ka sawi kha" a lo ti nghal bawrh bawrh a, ama in ang chiahin a ngai tawh a a țha phian, nakin lawk ațanga a in ni reng tur a ni tho a.




"Min hrilh ve reng reng hleinem" ka ti mai a, "A pawi chuang lo, i hahdam ve deuh a ni mai" a ti a, a lo chet vek tho tawh avang chuan room-ah ka luhsan ta rih.




Alice-i leh a nu leh pa, chumi bakah a û te nen zanriah chu kan kil a, keini unau tehtlawng kan ni a, an inti chhungkhat nghal viau si a, a inthlahrunawm lek lek zawk.




Zanriah ei kham lamah chuan Alice-i bulah chuan a puan chah vel chu kan zawh tawh thu ka sawi vel a, keiman a ka tah sak bik pawh chu ka laktir nghal.





"U neih man a awm dawn hle mai, Ms min tah ve la a ţha ang" Alice-i û Hruaia bialnu hlui ni bawk chuan a ti a, "A tah thei tawh lovang, a kawng ruh hi a ţha lova a ţhu rei thei lo" Remtluanga chuan min lo tih sak vat a, "Nia, ka ta tur pawh hi min tahsak thei țawk ania" Alice-in a lo ti ve bawk chu, "Hmm.... upat lam kawngna ang te hi i nei ve a ni lo maw ?" a ti deuh kher a, kei aiin a naupang bik awm chai si lo, a nu leh pa hi awm lo se inhnialpui hrep a ni ka duh ni.





"A ni maithei. Kan upa ve tawh amaw ?" amah aia inla û fe chuan ka ti ve ta ngat a, min ngai upa ta rau rau a, min u en rawh se.





"Nia, Matei chu a vanneih dawn khawp mai hei. Û fel deuh a nei nghal mai che a" A nu chuan puan han en kual pah chuan a ti a.





"A va nalh ve le.... inneih thilpekah chuan a țhat hi" a rawn ti ta hlawl mai. Ka pe dawn emaw a ti aniang ka pe dawn ser si lo. A tah mah hautak nak laiin a thlawnin ka phal teuh lo. Ka nu takngial pawh ka lei tir ţhin ania.





"Ka nu hi amak ţhin. Hetiang hna hautak lutukin man a nei lo thei nang. Bakah mi ei zawnna ania" Alice-i bawk chuan a rawn ti a, ka haw lutuk. Ka huat leh ngei lutuk avang chuan, "Aman a ngai lo, ti khan inneih thil pek animai. Kan awm loh hlanin in te i lo veng țhin a. I nu pawh hi ka la tah sak ang, hetiang em em a a fanu kan tana a phal mai hi lawmthu sawi nan" ka ti duah a, ka hawi lawrh bawk.





An pa ber chuan boruak chu a dik dawn lovin a hria niang, "Țhiani kan phei mai dawn em ni ang u. Kan innghak chhun te kha an rintlak loh si a" tiin haw a rawn rawt ta a, rei pawh awm tawh lovin an chhuak ta dial a, Remtluanga pawhin a zui ve. Ani de daw pawh hi, zui haw ve nghal hmak rawh se.





An ni chhungkua ngaipawhmawh lo lutuk chuan ka room-ah ka lut ta hmak a. Room kawngka ka khar fel chiah tiin ka phone chu rawn ri. Number lawng a ni a, tunge ni ang tih ka ring thiam lo hle. A pawimawh ve takin tiin ka la a, vawithum vel 'hello' ka tih hnu pawhin a rawn țawng lo.




"Ms..." a rawn ti ringawt a, ka hre chuang lo, "Hello, tunge ni aw ?" ka tih lai chuan ka hnunglam ațangin Remtluanga chuan min rawn kuah a, ka nghawngah a rawn fawp ri chuk chuk.




"Inbiak a khat hle mai Ms..." a rawn tih chuan Laldinfela a ni tih ka hre ta chiah.





"Enge i duh ?" ka ti ta hmuk a, ka âw pek dan danglam a ti deuh nge Remtluanga pawh chu a awmțha ta hle hle.




"I la danglam miah lo a ni maw ?" a tih leh a, eng thu pawimaw mah he mihring hian a sawi dawn lo tih hriain phone chu ka dah ta hmak.




"Tunge a ?" ka hnunglam ațangin Remtluanga lah chuan a rawn ti sar sar a, "Misual turu lutuk tualthah hmang anih kha" ka tih chuan, "Uang ve suh i inhmeh lo" tiin ka nak a rawn piai vak a, ka tum loh deuhin ka nghawk let sawk lehnghal.




"A na lutuk a na lutuk" a nak dawm pahin over lutuk chuan a ti a, khumah chuan a let thla tap.




"I chhe zit zet lutuk...." tia ka tin zui uai uai chu rawn ding mar awtin min rawn kuah hlan a. "Ms engpawh thleng se min kalsan suh aw" nghet zeta min kuah pah chuan a ti a, "Min kuah nghet lutuk ka thaw thei lo" a thu rawn sawi pehhel lutuk chuan ka ti a, a hnungah chuan ka beng dat dat.




"Min ngai lo thei bik lutuk" tiin min kuah reng chung chuan a insawh nghawng nghawng a, amah leh a awmdan inhmeh lo lutuk chu ka nui chhuak hial a, ka nui lah chu a la haw ti tih deuh.





"Mssss....." intipangchang zeta per nghawng nghawng pah chuan a ti leh a, "Aw aw aw... ka ngai che lawm" nui țha chunga tiin ka kuah a, min han kuah let duh lo vel ngei a. Rawlthar awm țha duh lo aiin naupang damlo pangchang zet a ang tawh zawk.






Reiloah inngeih tak chuan kan mu leh ta tho a, a hna chungchang te chu min hrilh ve luam a, țha takin ka lo ngaithla zel mai bawk a. Tiang em em hian a țawngduh hi ka ring ngai lo hrim hrim a, kan awmdun hi chuan sawi tur hi a ngaihtuah ruai reng mai ni.






"Ms min nghak rawh aw" a thusawi laklawh lai chuan a rawn ti leh hlawl a, "Ka lo nghah chhung chein ka tar chhe hman mai dawn asin" uang deuh chuan ka lo ti a, nakin hun tur hi sawi pui vak ka duh țhin lo. Kan awm zel dan tur hi duan sa vek a ni miau a, hei bak thleng turin beiseina ka nei lo.




"Ka sawi anga min awih lovang. Mahse Alice-i hi vawikhatmah kan la mu dun lo" a ti a, a țawngkam leh a mitmeng chu thutak viau mah se ka awih hlawl lo. An thawm kha ka hrechiang țhin em a ni.






"I awih loh thu ka ring sa alawm" ka hmelah chuan ka awihlo tih a lang nge a rawn ti hniam raih a, "Aaa... ka tan chuan awih a har alawm. Ka...." ka tih chuan min rawn fawp leh chawt.




Hamhaih lutukin a inlakhran hnu chuan ka en a, "Ka hmangaih che tih hi hria la, ring tawp bawk la a tawk a ni mai" a tih chuan ka nui ve ta ngawt.






"Kan leng chhuak mai mai dawn em ni ?" boruak thlak tum lutukin phur zet chuan a ti a, sana ka en a, "Dar 10 a ri tawh" ka tih chuan, "Len nan a nuam tawk chiah zawk alawm" tiin a tho tharh a, min kai tho ve bawk.




"A vawh takin kawrlum ha la, chuan heihi bun bawk la" tiin ka hak tur vel chu a rawn la thlap a, pheihkhawk te chu min bun tir thlap bawk.





"Tu mitmei mah ven angai lo ania" kan chhuah hnu chuan a ti a, mi mitmei ka veng lutuk țhin hi min hau țhin. Hlauhthawnna ka nei ve tlat a, miin kan hnunglamah engtin nge min sawi ang ti tein ka ngaihtuah țhin a. Chu chu Remtluanga hian a duh lo em em țhin.




Inkai rialin insi deuh chat chuan kan kal a, zan boruak chu chhun lam ai chuan a nuam viau a, zan a tlai lam a ni tawh bawk nen len vel nana duhthusam chu a ni rih khawp mai.





Mahse vanduaithlak lutukin Hruaia kan hmu hlawl a, mahse min rinhlel nachang a hre lo nge, "Nangni unau tehmial chu in va tlai ve ?" a ti satliah a, "Ms-i mu thei lo hi ka'n tei chhuah pui mai mai maw le" Remtluanga chuan puitling lutukin a rawn ti zaih bawk a, Hruaia pawhin Remtluanga chu a en ha. Amah hrechiangtu kha a ni ve a, a awihawm koh ve ţhin a ni.





"Imm.... keipawh ka haw dawn chiah a mangţha rih phawt u" a ti a, kan inkalsan zui nghal.





"Hruaia nen khan han ințhen lo na ula chuan....." a han ti zui vawng vawng a, "Engtin...." ka lo ti chu, "Aaa ngaihtuah suh, nghet tawkin min chelh la a ni mai" nui var var a tiin ka kut chu a chelh nghet sauh.






Nutei leh patea ten Remtluanga chu an rawn ko sek tawh a, a hun ve tawh hrim hrim reng bawk. Inneih a hnai tawh viau a, ani lah hian an inneih hma hma aţanga awm hran chu a duh miah si lo. Kei lah an inneih hma chu haw ka tum rih bik si lo nen a hna chhuanlamin a la haw lo zel rih.





Ahma zawng aiin Alice-i a rawn lang tam zual bawk a, mahse a pawi hran lo. Remtluanga nen hian inngeih takin awm se ka duh a, an inneih anih chuan eng emaw vel vang mai maiin ințhen lo se ka duh.


Show post links
Top

[Ngaia]

WILD TRUTH
by Sammy




<11>






Vawtin ka ti a rawn țham er er chuan inkhuh țhat tumin meng mang lovin puan chu ka ban da da a, ka bula mu lamah chuan ka tawlh hnai hrat hrat bawk.




Mahse Remtluanga chu a lo harh tawh nge min lo kuah hnai sawtin puan chu min sin ţhat tir a, keipawh chu ka meng chhuak ta nge nge.





"Muhil leh rawh...." a lo ti nghal a, "Dar engzat nge ni tawh ?" ka tih chuan, "A la hma lutuk" tih bakin min chhang lo.





Ka mit chhing leh riai riaiin Remtluanga chu ka ngheng hnai talh talh a, anin min lo kuah nghet ve sauh sauhin min awih mut leh tum chuan ka hnung a beng thek thek a, rei loah ka muhil leh nghal mai bawk.






Ka hmai za leh mer mer avang chuan ka tuai puak a, ka inlet thak. Mahse ka bula mu chuan a ngaithei awzawng lo, ka kawnga rawn kuahin min pawt hnai a, ka darah chuan a rawn seh.




"Remtluanggggg" la meng chuang lo chuan nawr sawn ka tum a, "Tho tawh rawh" tiin kan puan sin chu a hlim hmak mai.





"A vawt ania" tia inher a, amah ka va kuah leh chung chung chu a lawm nge ni nui suk suk chungin min lo kuah leh hle hle a, puan pawh chu min sin țhat tir lehzel.





"Boruak chu duh aiin a vawt tawh lam a ni" ka tih chuan, "A țha zawk. Min kuah ve nachang te i hria a" a ti a, "Hmm.... chutiang ringawt ngaihtuah suh" ka tih chuan, "Ms... a strong mai dawn" a rawn ti.





"Hey... kal rawh. Va ti reh rawh...." ti chulin ka inla hrang nghal a. Zing lamah hian a mipatna hi a rawn strong leh țhin a, ani pui lah hian maw mi runluih nan tak te hian a hmang a, ka ngei reuh țhin. A chang erawh chuan a insum thei hi ka ti phian a, min nawr lui se chuan ka țang zo dawn miah lo. Mahse infawh leh awmbawr tih velah hian a duhtawk mai zel a, a chak thu hi chu sawi ve zeuh ţhin mah se vawikhat ka duh lo thu ka sawi chuan a tum lui ngai chuang lem miah lo.






"Ti hian lo awm ve mai mai se, a ti kimtu ah" te chu a la ti tak deuh deuh a, min la rawn kuah hnai sauh sauh zui.





"Awm a nuam lo emai" ka tih chuan, "A nuam a nuam.... engpawh pawhin a rawn do lo che kha a strong vak lo niang tukin chu" inthlahrung leh tim map lovin a ti bawrh bawrh a, a thil strong luau chu a ngawi pawimawh hran lo reng reng.






"Tho law law teh ang" ka tih chuan, "I bulah ka la mu duh lawm" tiin a bawpin min rawn khan hmak a, a mit a chhing zui hmak bawk





"Rema...." ka'n tih chuan, "Khati khan min ko suh. 'Remtluang' min ti rawh" a ti leh mauh mai" mahse runluih ve hrim hrimin, "Rema tho tawh mai ila" ka ti leh kher a, a rawn thaw hawk.





"Ms, tlanbopui mai che ka duh" a rawn ti daih a, "Mahse chung zawng ai chuan ka țhiana hi ka va bengdai ange" tiin min rawn fawp a, a hnute țham tawkin a tho chhuak zui a.





Boxer chauh a ha a, a pian hi chu amah ka duh hliah hliah vang nge a mawi chiang alawm. Siam chawp ngai miah lovin abs mawi lutuk a nei a, a mawng bawr leh a bawp tlakthlak rual vel dan pawh a dik vek. A thil lah chu thup lem lovin a nih dan ang ang chuan a room lamah a phei pui luau luau.




Keipawh intiharhin ka intifai a, rawng te chu ka bawl leh zung zung.





"Vawiin chu kan inawm nileng a ni maw ?" Remtluangan a tih chuan, "I hna i kal ang chu" ka lo ti vat a, "Inrinniah em em chuan ka chawl ve ang chu" lungawi lo deuhin a ti a, "Keiin ngaihsak dang i nei...." chaw țhial nuap nuap a a rawn ti leh chu ka nuih chhuak hawk a, "Bialpa thar i nei leh em ni ?" a tih chuan ka lu ka bu nghat nghat. A rawn meng zau kawk a, "Malsawmtluang, chutiang thu chu engtin nge ka hmaichhanah i sawi theih? Min hmangaih miah lo a ni maw ?" a tih chuan la nui ţha chung chuan, "Chaw ei laiin an inhau ngai lo. I chaw kha ei mai mai rawh" ka ti a, "Lo hrilh rawh chupa chu, min hmuh hun hun a khawvel a tawp hun a nimai" a ti leh hmak a, chaw ei lai mah ni se chutianga a'n awm vel chu ka lawm tlat. Tih der zeuh zeuh ila a țhat dawn hi.




Chaw ei kham kan han țhu muang rih a. Vawiin chu Remtluanga a awl ve dawn bawk a, in vel hi tihfaipui angai. Hnawk leh han hmuhmawh riau tur awm lem lo mah se hman ni hi chuan ngaihțhat nana tih ve hrim hrim kha angai tlat.





"Nupui ka neih hunah i lungleng awm ?" a tih chuan, "Ka nau nupui nei chu tinge ka lunglen ve ngawt ang ?" ka ti let a. A dik tak chuan nei lo se chu ka ti ru reng. Mahse nau an keng tawh tlat si a, tupawh ni se hmasial takin fahrah a siam chu ka duh miah lo.




"I lungleng mai ni lo zanah te i mu thei dawn lo. Khua a vawt tawh si, i upa ve tawh sia. Kuah lum tur che i mamawh dawn" a tih chuan, "Midang ka zawng ve thei reng alawm" ka lo ti awlsam et a.
"Cut cut.... cancel khatiang lam kha chu. Mipa dang out, keimah in" a ti a, a kut zawng zawng nena sawi a ni bawk a, ka nuihpui leh lo thei lo.





"Ms vawikhat 'nupui hi nei suh' min ti la ka nei lo a ni mai" a ti a, amah vek chuan, "Ka fa a ni lo ka tih kha. Ka thusawi hi ringin 'nei suh' min ti la" a ti leh a, "I fa anih loh tak tak chuan tinge neih i tum kher ?" ka ti a.





"Min ring hleinem. Midang rinna ka duh lo, nangmah chiah hi ka ngai pawimawh che. Nei lo ringawt pawh ni ila min rin loh a, ka fa anih i ring tlat chuan awmzia a awm lo. Chu ai chuan ka fa ni lo mah se mipa taka ka mawhphurhna tur hlen chu ka tih tur a ni si alawm. Chutiang chuan nang pawhin min ngai puitling ve chauh anga" a ti a, han chhan mai dan tur ka hre lo. A fa a nih loh hi ka ring miau si lova, nei lo turin ka ti ngawt thei lo. Amah tak pawh hian a dawn hnai ania a hreh ve leh deuh mai mai zawk niin ka hria.






"Thil hrilh che hi awmzia awm thlawt lo" beidawng lutuk chuan a rawn ti chhuak hrawih a, a buaithlak anih hi. Ka rin a duh bawk sia, ka ring thei bik bawk si lova. Chu tak te pawh chu a țha zawk lawi bawk si. Inneih hi țhulh ngat se chuan chhungkua kan buai dan tur hi ngaihtuah pawh ka ngaihtuah ngam lo.




Nilengin Remtluanga chuan min be ta lova, min be lo mah se thil țul ang angah chuan min chetpui ve zel tho.





Dinfela lahin min rawn call ve sek reng a, ka ning lutuk chuan ka block ta tawp.






Tlai lamah ka nu nen kan inbia a, Remtluanga te inneih chungchangah patea leh nutei an inlungrual loh thu a sawi a. Nuteiin a hun chu sawn hmaa inneih tir vat vat a duh a, patea zawkin an ruat sa pawh chu sawn hlat a, naute pian hnuah law law inneih țha mai se tih chu a duhdan a ni a. An in lungrual hleihtheih loh thu leh inpuahchahna pawh an la neih theih loh thu te a rawn sawi luam a. Ka vahte ho chuan ka haw hunah ka hawn atan an thil duh zawng an rawn sawi tliar tliar hlawm bawk a, rei tawk kan inbiak hnuah kan dah thei hram.






Nutei leh patea pawh chu a eng ti ti a inlungrual lo ngawt nge maw an nih ni. Hun ruat sa anga kaltlang pui mai kha a țhat nen.





"Kan dineout ve dawn em ni ang ?" Remtluanga chuan a rawn ti ve hlawl a. "Ka chhuak chak lem lo asin" ka tih chuan, "Intifai la, hahdam deuhin, hmanhmawh lo deuhin kan kal dawn nia" a ti leh hmak. Min han sawm ve tak na a, sawm pawh a ni lo. Order anih ber kha.





A sawi ang taka muang fahran chuan ka intifai a, make up tih vel pawh ka inhnawih peih lo. A vawt si, intihlum leh vat vat a ni ka duh ni.





Ka intihfai hnuah ka mu leh te te a, ka lo muhil deuh nge ni Remtluanga a rawn mut ve lai pawh ka hre lo. Min kuah hlan a, a pangtilum nghen ar ar chu nuam tak a ni.





"Kan chhuak dawn ta lo ami ?" ka tih chuan, "Chhuak lo ang. I chau anih hi" a ti a, ka sam chu a chul hliau hliau.





"Ei tur ka order a, i ei peih hunah kan ti lum leh anga nimai" a ti dam dap a, mit chhing a nui sukin ka ngheng hnai talh talh a, a pangti ngheng hi ngaiah ka nei dawn tlat.





"Ms..." a rawn tih chuan ka en chho a, ka khabea vuanin min rawn fawp. Min thlah leh mai dawn emaw ka tih laiin a duhthawh telh telh a, duhthawh tho si, dam zet siin min fawp a, keipawhin ka chhang let ve tho.





Min lehthalin ka lu zawnah chuan a kut pakhat chuan a innamkhalh a, a kut lehlamin ka khabe a hmer a, a kutzungpuiin ka hmui a tuai zeuh zeuh.
Chutia a tih vel chuan min ti mur sung sung a, chawplehchilhin boruak chu a inthlak ka ti dawn nge vawt ka ti tawh hauh lo.




"Phal sak ka ni em ?" ka hmui tuai nauh nauh pah chuan a ti a, amah lah chuan ka hmui chu en ngarin a hmui hnuailam chu a pet zauh va, ka thaw hawk.





"Tho teh Remtluang...." min ti zauthau lutuk tawh chuan ka ti a, a awma ka namna chu lain, "Min chhang tlai hret" a nui suk a, ka kut chu a fawp.





Ka ban rek leh kiuah te rawn fawp thla zelin ka hmuiah chuan a rawn fawp leh ta nge nge a, tun țumah erawh a dang zar tawh mai.





Zei lutuka min fawh pah chuan a khupin ka mal chu a nawr kau a, ka nak nem ațangin min chul chho riak riak bawk a, a inlahrang meuh chu ka thaw hawk mai.





Nui sukin min rawn fawp leh a, a kut pawhin ka hnute chu a thleng chho ta nge nge a, ka kawr hak chu a hlim chho tawk a, a kut pakhat chuan mit khapkar lekin a hlip thei nia!





Min en kar chungin a tawlh hniam ruai ruai a, ka hnute hmur chu a zuk hnuam chat. Ka thaw hawk a, a kut lehlamin pakhat a dawm bawk a, ka duh loh vang nge min tih zauthau lutuk vang zawk pawh ka hre lo a darah chuan ka la nem ve ţang țang.


Show post links
Top

[Ngaia]

WILD TRUTH
by Sammy





<12>






Inkuah chial chuan kan mu a, ka awm hle hle tawp mai.




"I senior tawh si a i rai thei lo ang a" ka sam chul hliau hliau paha a tih chuan, "Chutiang sawi hun ania mi ?" ka ti deuh hmuk. Rai leh rai loh lam reng ka ngaihtuah lova, inthiamlohna tlem ka nei zawk a ni.





"Thil thiang lo hul hual kan ti anih kha" ka tih chuan, "A thiang chu anih si kha" tiin ka hnungzang ruak kung chu a chul thla a, "Sim ka tum dawn hlek lo ania" a hmui peh sawih zeuh pah chuan a nui a, "A thleng nawn tawh lo ang..." ka ti hmak thung.




"Ka ti lawm lo che em ni ?" dam zet chuan a ti a, "Chutiang lam a ni lo" ka ti mai a, ngaihtuah pawh ka nei rih lo.





"Ka duh lutuk che vangin ka insum thei lova tihpalh aw" a rawn tih leh chuan ka en a, a hmel leh a ţawngchhuah dan zawng zawng chuan min hnehin ka lung a ti awi hliah hliah. Kei aia a naupanna hi hmu lian viau țhin mah ila kei aiin a che zia hi a naupang ţhin thlawt lo.




"Keiman ka duh vang alawm. Ka hmangaih lutuk che nia aw Remtluang" a vawikhat nan ka hmangaih thu chu hrilhin a hmuiah chuan ka fawp vang vang a, ka inlakhran chuan hlim tih hriat lutukin min en a, min kuah nghet zualin min duh thu chu a sawi mawlh mawlh.





Ka ril a ţam tak deuh avang chuan kan tho chhuak a, a vawt leh var var tawh khawp mai.




Ei tur te chu kan dah lum a, kan nghah chhung chuan eng eng emaw kan sawi leh melh melh.





"Alice-i hi neih i duh lo takzet em ?" ka tih chuan, "Ka fa a ni lo ka tih kha" a ti ringawt.





"I fa a ni lo a, neih i duh tho sia" ka tih chuan, "Ms, ka fa a ni lo. Alice-i hi runluih nan mai mai che ka kawp bawk. Mahse Alice-in min puh takah chuan hnial buai ka tum hran lo. Thudik hre tur bera ka duhin min ring lova, min ring lo pawh ka dem lo che. Hnial ta ila, ka thusawi tumahin an awih dawn lo. Chu aia ka hlauh ber zawk chu kan innei lo anih pawhin i rinna ka hlawh chhuak zo dawn lova, i mita fa te pawh ngaihsak lo anga ka lan dawn ai chuan ka fa ni lo pui chu ka fa anga pawm pawh ka duh zawk. Ms min iai mai loh nan hian famkim lo chung hian i mit a famkim hi ka tum a, i lakah hian maw 'gentlemen'....mipa diktak, mawhphurhna hlen zo anga lan ka duh" a ti malh malh a, kan rilru chu a lo in an loh zia ka hre thar kuar kuar.




Chutiang ngaihtuahna a neih phak ka ring lova, min duhna hi tih mai mai a ni lo tih ka chiang ta bawk. Hetiang mipa hi ka la tawng ngai lova, an awm ang tih pawh rin ngaihna ka hre lo. Mahse ka bul hnai maiah chupawh ka chanpual liau liau ni turin a lo awm reng a, ka lo hmuh kan rei mah mah zawk hi a pawi a ni.






"Ka hmangaih che min tih kha kei chuan ka awih thlap a, Alice-i nen kan inneih ta anih pawhin ka bansan dawn lo che" tiin ka kut chu a rawn kai a, "Ka hmangaih leh duh lutuk che avang bawk hian ngaihtuah miah lo chein hma ka sial țhin a, ka la sial fo bawk ang. A chhan chu ka hmangaih che a, chu chu ka sim theih leh theihngilh ngawt theih a ni lo" ti dap dapin min melh kar a, naupang thusawi awih deuh angin ka lo ngaithla kar.






"He khawvelah hi chuan a rem dawn lo a ni an tih ang kha ka ring lo bur, pialral hi hmangaih te inghahna tur a siam a ni lova. Awm dun lo tur hi inhmangaihin chung lam khian min siam miah lo ang. Chuvangin nang hi chu ka chanpual liau liau i ni" a ti leh dap dap a, ka diam rawn dawmin, "Ka thusawi chu i hria tiraw ?" a ti a, țawngka pawha chhang thei lovin ka lu ka bu nghat nghat ringawt.





A tho thurh a, "Ei ang lem" tiin phur zetin a ei tur dah lum chu a rawn la chhuak a, ka hmaah a rawn chhawp fel vel thlap.





Ka mit a țha taka a lan tum tlatna chuan min ti khawngaih deuh. Ka en reng a, a hma ai zawngin ka duh zual sawt mai. Tiang hian induhna hi a lo pung chak thei anih dawn hi. Eng ang mi pawh ni se ka duh ngawih ngawih reng si a.
.
.
.


Nutei leh patea te an inlungrual theih tak loh avang chuan chhungkaw inhmu khawm leh turin Aizawl lamah kan awm leh dul tawh a. Kan ri nak nak hlawm a, inven erawh angai țhin viau.






Nutei chuan patea hnen ațangin a hre tawh nge ni mi hi a check deuh tlat a, ka hrethiam ve vek si a, a nuam lo țhin khawp mai. Ka nu lah hian thil hi a man lo ţhin si a, țawng leh phawr phawr ţhin. Awm nuam pawhin ka awm ve mang meuh lova, Remtluanga ber lah hi a thawveng em em mai si.






Alice-i chhungte an rawn len leh zan chuan kan buai khawp mai. A hmeichhe lam zawk an nia, min rawn zai chawng chawng danah inneih loh an hlau hle tih a hriat a. Keini lam thusawi chu an awih duam duam khawp mai. Mahse nutei leh patea ber chu an buaithlak a ni.





Sawi tawh angin patea chuan nau neih zawhah law law inneih se a duh a, nutei lahin inneih vat vat se a duh bawk si. Patean, "Inneih hun anih chuan a dul te a lian tawh anga, mo kawr te a duh angin a ha mawi zo lo anga. A duh angin raipuar țeuh chungin a nun a hun hlu tak kha a hmang thei dawn lova" a ti dap dap a. Nutei lahin, "Tunah inneih mai se a ni mai a" a ti ve țung.





A tawpah patea chu a rawn ding ta luah a, a hrawk te thian hmasa kharh kharhin min han enkual a, ti hian a sawi ta a, "In zahawm viau nain ka sawi lo thei si lova. Dik tak chuan inneih rem ka tih mai loh chhan hi ka fapa, a nei tur berin 'ka fa a ni lo' a ti mauh a. Midang zawngin ka fapa chu ka ring a. Alice-i pawh ka ring lo che tihna ni lovin. Nau te han nei fel phawt la, kan fapa hian ngaihngam leh duh taka neih che a duh hunah zawk....." a tih mek laiin Alice-i chu a rawn au vak.





"Chuan ka rai lo angin min puh tihna maw !?" a rawn ti țhat a, ka lo ngaithla chiang khawp mai. Pate an chutiang zawng chuan a sawi miah si lo.





"Chutiang thu kan sawi hauh loh kha" patea chuan a ti dam thluam a, Alice-i chuan, "In chhungkua hian min bum kual vel mai mai in tum em ni ?" a ti leh vak a, ka nu nen chuan kan inmelh ralh.






Midang chu kan ngawi țhap a, Patea bawk chuan, "A ni lo zawngin thu i la lo teh ang u. Kei chuan ka fapa...." a tih leh laiin Alice-i nu chuan, "In fapa chiah in ngaihtuah a, kan fanu ve hi engtin nge? In fa ni lo se kan fanu hian dawt a sawi ngawt bik lo ang" a rawn ti piap piap a. Keini chhungkua a zawldawh chi kan ni a, a thinchhia leh thinram ber Hmangaiha a awm lova, Remtluanga lahin engmah a sawi si lo.





"Engmah loa inchhuah leh tur si chu a tirah khan sawn man min pe zawk mai ta che u" Alice-i nu chuan a la ti tak deuh deuh a, an ngah deuh zawk nge ni.




Ka pa zawk chu rawn ţawng chhuak ve thungin, "Chutiang a a kawi zawnga lak intum tlat chuan keini pawhin kan la ve thei tho ania. In fanu pum kha han en teh u, rai a ni tih pawh a hriat loh kha. Thla li mi dulah chuan a thep mah mah lo maw? Nge ni a, a lo rai miah lo zawk ?" a rawn ti ve ta a, ka nu nen chuan ngawi rengin kan lo melh kual zawk zawk hi nimai.





"In va rapthlak ve leh! In fa ni loin in sawi phawt a, tunah rai der angin min sawi leh a !?" Alice-i nu chuan a ti tuar tuar a, insual ngai dawn pawh nise Alice-i te nufa chu an inpeih at. An pa ber erawh a ngawi thei viau lawi a.





"Thu a ni lo zawng a la hmasa chu tunge ?" pawr taka tiin nutei a rawn ding chhuak a, Alice-i nu chu a rawn cho ti tih.





"Ka nu kha engtinmah ti hlek suh ang che...." tiin Alice-i a lo pawr nghal hle bawk a, boruak chu a luhai thlak hle a ni.





"Țhu phawt teh u...." patean a rawn tih chuan, "Kan țhu lovang, buaina hi induh a ni lawm ni? Enge kan tih theih hi inhre khawp ang aw" Alice-i nu chuan a ti leh sak sak a, an ding ur ur hlawm bawk si.





"Min hriattir la, kan hlau chhe te eih lo che u. In thlen chin chin kan thleng thei" nutei chuan tiin an țawng chapo chho dun telh telh a, a tawpah chuan nuchang pahnih hi an inkek ta mai.





Ţhelh tum chuan ka phe nghal suau a, Patean nutei chu a pawm bet, nutei lah chu a la duhtawk lo nge, "I fanu kha dawt sawi a mi nun chawk buai lo turin zirtir ang che" a ti hmak hmak a, chu țawngkam chuan thil a chawk buai zual ta vek.






"Hahaa... mahni fate pawh hrechiang lo khan chutiang chuan min ti khanglang amaw? Nang pitar kha, in fapa leh in fanu te hi engtin chiah nge an khawsak ţhin i hria em ni ?"Alice-i chuan a rawn ti veleh sak sak a, kei chu ka tha a lo khur nghal vek.






"Ka fate chungchang ti khan sawi hlek suh...." nutei chuan tiin Alice-i chu a va ban leh zuai zuai a, an awm rei poh leh kan buai zual zel dawn tih a hria a ni ang pa ber chuan a chhungte chu a chhuahpui ta hlawk hlawk.





Nutei chu an han thlah a, a thinrim chu a la duhtawk mai lo. Ka nu lam chu rawn hawiin ka nu hmaiah chuan a beng țhuai. Ka phu zawk a, ka tha te chu a khur a, din mai mai pawh chu a harsa.






"I fanu vanga kan mualpho zia kha i hria em ?" Nuteiin thinrim lutuk a tih chuan a ti a. Ka nu lah chu maw a ngawih mai ka rin nen nutei thinrim ti zual tur chuan, "Ka fanu a !? I fapa vanga chhungkuain buaina kan tawh nasat zia hi" a ti let ve kher a.




"I fanu angin unau te ngaihzawn a chin ve hleinem ?" nuteiin a rawn tih chuan ka hlau lutuk chu ka țap pur tawh.






"I fapa hian a nu rapthlak lutuk hi anih hi a lo chhun. I fapa hian ka fanu hi unau an nih hre rengin a ngaizawng asin. Ka fanu hian unau tak an ni lo tih hre reng mah se i fapa anga rilru tenawm a pu ve lo. Mahni hmasial lutuk! Nu siar nu siar" a ti hmak hmak a, țap purin ka nu chu duhtawk turin ka ti chul. Ka upa ve tawh viau a, mahse hetiang taka inhauhna nasa hi ka la hre ngai lo.






"Engmaw in sawi kha ?" Remtluanga lah chuan a rawn ti ve chiah a, ka nu lah chu a ngawi thei lo, "Aw kan chhungkaw zing ami i ni ve lo. I nu sawn i nih kha sawn!" a ti a, Remtluanga chu ka en a, ka rilru na leh inthiamlo lutuk chuan rei pawh ka en ngam lo.





"Tikhan ka fapa sawi suh" tiin nutei lahin ka nu a rawn kek leh bawk a, kei ka lo țap ruah ruah bawk si, kan buai nuai nuai a nimai.





Ka pa leh patea te chuan an pawt hrang a, Remtluanga min rawn pan hnaih tum chu ka nu chuan, "I kut hmawr pawhin ka fanu kha khawih suh" tiin a nam sawn a, "Kan haw nghal ang. Hetiang chhungkaw buai karah hian ka awm reng peih lo" tiin ka roomah min luh pui a, ka thawmhnaw chu luggage ah dah khawm sawk sawkin min kai chhuak leh a, Remtluangan hrethiam lo leh hrilhhai lutuk a min lo en chu ka va khawngaih tak.






"I rawn haw ve nghal lo anih chuan kan ințhen nghalah ngai ang che" ka pa enin ka nu chuan a ti leh hmak a, min kai chhuak dawr dawr.






"Lawk nupui ding teh u. Engmah hi awmzia ka hre lo ania...." tiin Remtluangan min lo pawt ding a, ka nu chuan min vawnna chu phih thlak sak nawkin, "I nu saw i lo zawt dawn ania. Ka fanu nen hian inzawmna in nei lo tih hi theihngilh ngai suh ang che" rum lutuk a Remtluanga melhin a ti a, Remtluanga chuan sawi tur hre lovin kan kal chu min en liam tawp.





Ka pa chu rawn lang ve nghalin kan tlan chhuak chu a ni der. Ka nu leh pa bulah em chuan țah ka insum a, mahse ka mittui chu a rawn luang zel. Ka zak a, ka rilru a na a, hreawm ka tiin hawi chhuak leh ngam tur ka ni pawhin ka hre lo.





☆Comment leh ads click mawlh kha aw. In comment te hian min ti phur ve țhin ania.


Show post links
Top