THE BAD BOY,CUPID AND ME BY Bee Hlutei (Completed)

[Ngaia]

Bathroom darthlalang a ka inen chuan lungawi zetin ka nui ver ver

Ka fai tawh a chirh ka kai tawh lo

Ka sam ka chhem ro a hmuh nuam deuh tura inlan ka tum meuh chuan Mr Carter a lo haw daih tawh kawngka chu a lo inhawng bawk.Ka va bih zeuh a,Reece leh Valentino motor khalhna fawng vuan chunga nuam ti deuha a lirthei duat tak chhunga lo ṭhu diai diai inbe lai chu ka va hmu

"I hria em?Dawihzep ve tak i ni"

"Awm ṭha teh,ka ni lo aw!" Reece chuan a ha a seh chilh rap rap.A chal te chu a tichuar chap a,a tihrawl pawh a kut a hum lai chuan a rawn pawng ṭawl ṭawl a lungawi vak lo aniang

Valentino chu a nui a, "I sahuat lai ka khawih a va ang ve Hmangaihna a luangliam pa?" A fiam leh zeuh a "Reece hian a rilru no a rawn chhuah em ni?"

Hmangaihna a luangliam maw?Engtik aṭang in nge Valentino hian Reece tiang hian a koh le?

A awmna hmun aṭang pawhin Reece in rum lutuk a a ṭhianṭha ber a melh chu ka va hmu thei,Valentino lah chuan engah mah a ngaih hmel loh viau "Insum teh.I ui ka that ta mai melh khan min melh reng suh"

"Ka ui i nia lawm"

"Ka ni tak ang mai mai hian"

Ka inrin hma chuan ka nui chhuak hawk,Reece leh Valentino chuan ka lam an rawn hawi phei nghal vat

"Hi" zah hmel deuh chuan ka nui a ka ban ka vai

"Engtia rei nge khatah khan i lo din?" Reece chuan ringhlel deuh hian min melh.Ka khap fuk,a inveng lutuk leh danglam hman tawh lutuk chu mak ka ti deuh.Nichin lawka tui a ka infiam pui pa kha a ni chiah em?

Thinur hmel deuh chuan "Hahdam teh ka lo thleng ve chiah alawm"

Reece chu a rum nghut a hawisawn daih.Valentino chu a la ṭhu reng,Reece a hmel lan dan chu a en reng.Engmah thleng lo ang mai chuan ka kut tin ka khawih melh melh

"Chu lo ah i rilru no chungchang chu tuma hnenah sawi ka tum hleinem"

Ka mithmul kar aṭang chuan ka hawi chho a ngeiawm deuh chuan ka nui bawk

Reece hmel chu a van nuihzatthlak tak

Valentino nen chuan kan nui a "Kan inhmuh loh chhungin ka ngai dawn hle mai che Little C.I awm loh hi chuan khawvel hi a nuam vak lo"

Hrethiam vak lo chuan ka chal ka tichuar a "Khawiah emaw kal i tum em ni?"

Valentino chu a bu zeuh a phur deuh chuan a kut a ti che zeuh zeuh "Kan zin dawn.Kan panga in kan chhuak ṭep tawh ang"

"Ngawi teh,tak tak maw?"

Valentino chuan Reece a kawk a "Reece championship khelh tur kha i la hria em? A hmun thlen nan ni hnih leh zan khat a ngai a.Kan camp nghal bawk ang chuan kan lo haw ang"

"A nuam dawn hle mai" ka sawi chhuak thei hram. Lungawilo deuh anga lan ka duh lo alawm

Chiang deuhin ka hlawhchham

"I lo kal ve duh em?"

Chhan tuma ka ân lai tak chuan awka rum zet hian "Aih" a rawn ti.Reece chuan a remti lo anih hmel.A aw ah chuan thuneihna a lang tel "A rawn kal ve lovang"

Ka tawlh hnung dawrh a ṭawngkam chuan min va tina ve

Min tibuai lo anga lan tumin ka ban ka phar a inveng deuh pahin "Awle a ṭha e.Min sawmna pawm pawh ka tum chuang hleinem.Min duh loh hun chu ka hre ve bawk" Valentino chu ka melh zeuh a inchhungah ka tlan lut nghal

Choka ka thlen chuan ka alh chhuak lo chauh,A va han sual reuh tak! Khatia tih kher ka ngai lo asin. Duh leh Camping ah kal se? An bula kal ka chak bik thlawt lo

Thudik lo deuh ani maithei

Anih na takah chuan camping in ka la chhuak ngai lo.Zin chhuah maw? Mumang ah bak ka la kal lo. Mahse ka hrethiam e,anmahni a kal an duh aniang.Ka tibuai mai mai ang.Harsatna thlentu chauh ka ni palh ang e.Reece a ruka ka duh em em ngat phei chuan ka bul hnaia awm pawh a peih lo ang

Ka va han ngei tak

"I hria em? I thinrim hian i duhawm reuh"

Ka inher chuan kan misuala chu bang nghengin a kut a kuangkuah a a nui deuh suk mai

Ka hawisawn leh a ka hre lo der hmak

Eng nge a rawn tih re re ni? Nichin lawk mai khan ṭawngkam na tak hman nuam a ti anih kha.Eng nge a duh le?

Kut pahnih chak tak hian ka kawng a rawn vuan a,ka hnungzang in a awm a deh rual chuan ka phu deuh zawk

Ka beng bula a rawn kun hniam lai chuan a nui fawn der der "Aw,Chloe ka chungah i lungawi lo em ni?"

Tal chhuah ka tum a min pawm nghet telh telh,ka khup te chu a zawi vek.Hnung lam aṭang chuan min kuah a a khabe chu ka darah a nghat,kan biang a insi ṭep

Ka lu ka thing a "Thinrim love ka rilru a na"

A hnu deuh lawkah a lamah min kuai her a dawhkan ah chuan min ṭhuttir a ka ke inkarah chuan a ding a tih ṭhin dan ang mai a ni.Ka thinlung ve thung chuan eng nge ṭha a hrethiam tawh lo,a chet dan ang ang chuan ka lo insiamrem ve zel, ka thin pawh a phu leh dut dut tawh.Choka dawhkan a ka ṭhut chuan kan inchen vel chiah,kan inen reng a kan hmai awmdan vel pawh kan bel tawh ngawt ang

Reece chuan a ka a ang zuau engemaw sawi a tum aniang a chip leh daih.Hnuai lam ka melh daih a bula hnaia awm turin min duh lo ni a ka ngaih chuan ka hnual vek,insawifiah pawh a tum lo ania

"Ka tihpalh"

Ka hawi chho rang ngei mai,mak tih vangin ka kâ hau

Ngawi lawk teh

Tak tak em ni....?

Reece a'n ngaihdam min dil

'Ka' a ti lehnghal.Tyler a party na a ka ṭhui kha chuan ka hriat theih chinah a hmang duh der lo ania.A sawi zen zen lo ani tih ka hrechhuak mahse tunah hian ka hmaa dingin a sawi ngei chu anih hi

Ka biang a rawn sen leh tawh,ka bu zeuh hnuai lam ka bih leh daih

"Inchhungah lut rang lutuk lo la chuan kal tur che a ka duh loh chhan i hre ngei ang mawle"

Ka en duh lova thaw ka la halh "Engmah i sawifiah a ngai hleinem.I bul hnaia awm turin min duh lo tih te chu ka hria alawm a pawi lo.Chuvanga lungawi lo pawh ka ni lo i ṭawngkam na lutuk zawk vang kha alawm" Ka thusawi tawp lam phei chu a ri thei chang chang Reece chuan ka kâ a hup a,min ngawih tir

A meng kual a "I over em mai" Reece chu a phun deuh sup "Hahdam teh,ka bul hnaia awmah ka duh reng che alawm"

A kut chu ka paih thla a "Anih leh tinge?" Ka vin hrep

Ka thinrim so chhuak phut chu hre lo ang hmak hian a nui a

Min en leh a a thutak hmel khawp mai.A sam a hui leh pap a min hrilh chiah a

"I hlauh ka duh lo alawm"

"Eng a?"

Reece chu a thaw halh a nuam ti vak lo in a che a "School a kan insual zawh leh party naa thil thleng ah khan tharum hi i ngaina lo tih hre turin fin kher a ngai hleinem" A hawi sawn a a zak ve aniang "Insual dang i hmuh leh chuan i hlau dawn sia hmuhtir che ka duh tawh lo"

Sawi tur reng ka hre lo

Ṭek den ang mai ka ni

Tunah tak khan

Ka insum hman hma in a biang chu ka dawm a,min en reng mai.Thlah ta mai lo chuan a vun nem tak chu ka la khawih reng,a hmui te chuan min va sawm tak em

Kan in chawi kha

Engvanga kha dan kha siam nge ka nih re re le?

A hmui leh a mit chu ka en tawn zak zak

Kiss tur che in min ti mai rawh,mawla!

Ka sawi chhuak ang maiin Reece chu a rawn hnai ṭawng tumin a ang

Ka thinphu ri te hi a hre thei hrim hrim

Hei hi anih ngei dawn hi,a thleng dawn ta

Reece chuan min zawt ngei dawn anih hi

Ni e Khawvel hian min tihbuai hun hi a hre thei ngawt mai

"Chloe?"

Reece chu a kalsawn a,chhia a chham leh tawh,keipawh dawhkan aṭang ka chhuk thla a ka insiam ṭha mawlh mawlh ka ṭhianṭha ber hmela hriatthiam lohna awm chu ka hmu chiah

Ka sam chu zam deuh hian ka khawih a, "Charlie" ka thaw halh a, "Eng nge i rawn tih dawn?"

A mit pawl ralh ah chuan hriatthiam lohna a lang "Kawngka hi a lo inhawng a" a kawk a "Ka rawn bia che a i la thei si lova a mak vak love" A nui a

Inthiamlo deuh chuan ka nui ve mai ka kuah a.kan inkawm lohna hi a van rei leh ta ve,ka inthiamlo zawk e,hun ka insiam lo ve bawk a ni. "Tihpalh Charles eng nge i an? Thil thar te a awm em?"

Ka dar a san ak a a ipte a zen "Engmah a ni lo,kar leh ah Swim competition ka nei dawn a lo kal ve la?"

Ka lu ka bu rang khawp "Tehreng mai i fan number one ka nih kha i hria tiraw?" Ka nuih a ka kawk pah pah

A thaw deuh huai mai,a insiamṭha vat a min nuih let

"Oh,Reece i hmu tawh em?" Kan hnunga lo ding ngawi reng chu ka hrechhuak thut. Ka nui a, "Reece hei hi Charlie king ka ṭhian ṭha ber a ni" Chhuan hmel deuh in "Chuan Charles,hei hi Reece Carter"

Pa deuhin an lu an bu zeuh

"Hey Chloe,inbiakna hun fal min pe lawk thei ang em? Kan han inbel chiang ang e?" Charlie chuan a ti a

"Tehreng mai pawnah Valentino bulah ka awm ang"

An thusawi chu ngaihthlak ruk ka chak khawp mai choka pelh pawh ka phur lo mahse ka inti chak hram a Valentino chu ka va chibai

"Hey,Val,min lo ngai hman em?"

"Lutuk tlat,lutuk ringawt Little C"

~*~

Reece Carter POV

"Kalsan vat rawh"

He naupang te hian min melh rum lutuk hi ka nuih a za "Engvang ngawtin maw hmelṭhapa?"

"A chhan chu a tan hian i ṭha lo,nang aia ṭha a phu" Sam buanga te hian thudik awm sa an sawi chu le

"Chuan nang hi a phu tihna aniang maw?" Ka nuihsawh phawt a a thinrim ngei mai "Ka hriat chinah chuan ṭhian ang bakin a en lo che"

A mitah chuan a vei zawng zawng chu a lang chhuak deuh vek "Bawlhhlawh ang bak i ni lo" ka thusawi pawh a ngai pawimawh lo "Mi rethei neih engmah nei lo i nih kha. Nang ang lo takin Chloe chuan hmabak eng tak a nei.A nun i tihchhiat sak hi ka phal lo"

Ka thinrim lutuk chu ka inseh ruh ṭeuh tsunami rawn tleh ang mai a ni "Chloe ṭhian ṭha ber i nih vang hian lawm hle ang che i vanneih phah khawp mai"

Chuti ni lo se chu i hmai kha brick in ka vawm duh hrim hrim

Haha ka ti leh lovang

Ka kuttum ka hmang zawk ang

A rawn pen hnai a "School a kal loh chhan kha i ni tih ka hria.Thil ṭha lo zirtir suh. Midang hlak ah i chhuah ania"

"Ani hleinem,Mawla.A chak zawng tak a phawrh chhuah ngam loh ka tihpui mai zawk alawm"

Sam buanga chuan min nuihsawh deuh hian "Chloe chu ka hriat loh i ring em ni,ka hriatna a rei tawh alawm,Mawla"

Ka lu ka thing a "Aih" ka hnial a "Nang chuan mi zawng zawng in an duh dan ang in a pawnlam lan dan chiah i hria anih chu"

He nau hmel hian Dennis min ti hrechhuak;an derthawng in na an tuar thei.Engemaw sawi a tum a a ṭhulh leh ṭhin chu ka lo en reng.Nidangah chuan amah ka en in khawngaihthlak ka ti ang mahse ka ver ther hmel dawn si a,a tihdan ka zir zo chiah a ni bawk si nen

...Chloe hnena min kiss tura ka tih dawn lai takin a ni lehnghal

"Tina suh ang che"

Ka hawi rang ngei mai.A thusawi chuan ka ngaihtuahna aṭang min tiharh zawk.Sam buanga hian a sawi tak tak em ni?

Tihian a beidawn san mai dawn maw?

A va han dawih tak

Fing deuha chhan ka tum deuh nan ka insum leh a,ka lu ka bu zeuh ringawt.Ka hmel chu ring lo deuh hian a bel chiang a min melh deuh rulh rulh chungin a kalsawn

Engpawh ni teh se a

~*~

Chloe PoV

Charlie chuan mangṭha tih pawh sawi lovin a haw daih

Reilote hnuah Reece chu ka bulah a rawn ding a.Enge thleng ka zawh chuan a dar a chhin ringawt

Dennis Jake leh Jayden pawh an bag nen an rawn thleng der.Ka kal chakna a zual leh tawh a hnung seat an siam rem a room a ang lutuk

An zawh ṭep chuan Valentino,Dennis leh phir te chuan Reece chu beisei nei takin an en ṭhap

Keimah min rawn en leh a

Reece bawk an melh leh

Reece chu a rum nghut "A ṭha e"

A thusawi chu hrethiam lo deuh hian zam deuhin ka nui a "Eng nge?"

A mit a chhing a a rawn sawi leh tur hian a tina a ni mai thei "Minute nga"

"Min lo hrethiam teh?"

Reece chu a thaw halh a "Minute nga i nei anih loh chuan i tello in kan kal ang"

Ka mak ti lutuk chu ka meng zau kawk.A fiamthu a ni hrim hrim ang

"Tak tak maw?"

"Minute li leh second sawmnga...."

Ka thin chu a phu ṭha leh

Reece chu a nui suk

Ka tlan a

Ka phur lutuk chu olympic pawh rawn thleng se pakhatna ka ni thei hial ang

Ka room ah ka lut a,kekawr pahnih,jeans,kawrlum lukhum chhawm,kawr chung,leh mamawh tur chi hrang hrang ka makeup leh phone chu Zin bag ah ka khung

Awi leh mipa ho nen chuan kan zin tak tak dawn e

Tak tak in ka......

Beeep

A ring lutuk chu ka van phu chiang tak.Bedroom tukverh aṭang chuan Reece a'n Valentino Car chu a lo hmet a

"Minute khat" Reece chuan ka phu lutuk tih a hriat chuan a nui a

"Sual lutuk" tih pahin inhnuai lamah ka tlan thla ka converse ka bun bawk.A tawp nan darthlalang ah ka inen a,kawngka chu khar in ka bag nen Reece a awmah ka bei thlawp,min lo chelh a

Inmelh in kan nui reng mai kan tawp thei lo

Beeeep

Valentino a lo ni ka hlau lutuk chu ka tlu ṭep

"Vawiinah khawngaihin" A siai a a nui sen sen

Ka meng kual a a chhungah ka lut "Hahdam teh Val,awm mai mai i mamawh anih kha ṭhianpa"

A reh deuh ni ṭhin kha mipa te chu inchhuang deuhin an rawn nui a min en vek

"Ni e" Valentino chu a rawn ṭawngchhuak a "Kan zinga mi i ni tawh"

*******

Chhunzawm tur


Show post links
Top

[Ngaia]

"Wow,i va han zei lo tak"

Reece chu ka melhrum khawp mai,Skateboard ah chuan din ka tum a second hnih pawh ka awm thei lo fiamthu ah ka inchhuah lo chauh

Ka hlawhchham chiang alawm

Ka ti ṭha leh a

Skateboard ka rap lirh a ka mawng ka sawh dawm lai chuan hun hi a kal muang vek maiin ka hria

Yay khawvel tak hi chu

Ka zak lutuk chu ka hmai a sen vek mipa ho chu an lo nui vek.Dennis chu mipa hawihawm tih takah min rawn kaitho a

Reece ve thung chu a nui nasa lutuk a a thawk a buai vek

Hre lo der hmakin tui bottle chu ka ban a,a chhin hawngin hmanhmawh deuhin ka in bawrh

Ka tui in chu ka hrawk ah a rawn sa chho pup pup ka hak bawrh bawrh

Ka khuh hrep hnu chuan meng zau kawkin ka melh hlawm a "Eng nge maw ni? Hei hi eng nge a nih?"

Valentino chu pawisawi loh hmel deuhin a nui a "Tui hi maw?"

Ka khuh leh a,ka thinrim lutuk chu ka puakkeh lo chauh "Saw saw" bottle fim kar mai chu ka kawk a "Tui a ni lo"

Reece a ka en leh chuan induh hmel hi a pu a nuam tih hmel deuh hian min rawn en let

Inthiamlo hmel a rawn pu leh a "Chloe kan bottle kan inthleng palh a va nih hmel ve" Ka tui bottle dik tak zawk chu min pe a "Vodka i in hmasak ber ania ka lawmpui che"

"Ka lawm e"

"Engmah a nih loh kha"

"Ka hua che"

"Min hmangaih tih ka hria"

Ka hawisawn daih,ka en reng chuan a mitmeng chimawm lutuk ah hian ka tang reng mai ang.Tunah tak phei chuan a chunga lungawi lo tur ka ni

Mahse engvanga thinrim thei lo nge ka nih?

Lirthei hnung chu hawngin a sirah chuan ka ṭhu a,kan chhehvel hmun mawi lutuk chu ka thlir.Kawng bul ah chuan kan ding a,Gas station awm chhun pawh kan hmu ta hram.Vanneihthlak takin fast food an lo nei hlauh a,phir te chu ei tur lam turin an chhuak

Valentino iphone aṭang chuan facebook ka lut a message ka lo dawng

Chloe!
Eng nge i an ka hmangaih? Kan inbiak lohna a rei ta hle mai
Hrilh tur che ka ngah lutuk ania inhmuh tum vat ang aw
I la hria em? Kan in a i rawn kal a ka mipa duh zawng ka hrilh che kha?
Mi rawlring,inringtawk,mit hring ka tih kha?
Khami ep chiah zunah ka uai a.Biology class ah mipa khat a awm a ani chu a....(sawi dan tur pawh ka thiam lo)...a danglam tawp!
Buaina a siam ziah a a pa lutuk.Mshse tumah a kawm ngai lo.Amahin a awm reng zel,miten an biak duh loh vang ni lovin nuam a ti zawk a.Miten biak an tum lai ka hmu ziah ṭhin,mahse bul hmuk a a chhan loh leh a hrelo der hmak ṭhin.A nui lai pawh ka hmu ngai lo.Kei ve thung chu a mizia let thawk ka ni.Sawi lawk theih loh mizia a nei hian a ti duhawm ṭhin.Nuam leh deuh chu midang a be zen zen lo nan min hmuh apiangin 'i ṭha em?' Min ti ziah
Chuan niminah kan inbia a ka nuih tir mawle(thil thleng zen zen lo a niin ka hria a lawmawm tawp) ka nuih tir ve thei ania.Awi leh ka ziak hnem tawh viau tih ka lo hre lo a tihpalh! Inrinni hian i hman chuan thil ei chhuak ila
I ṭhian
Hasti
(Thubelh zuai: 'Hasti' hi hemi thawnthu ziaktu a ni a,hei hi a tawn tak tak a ni )

Ka nui ver ver a chhan ka tum lai tak chuan camera hmet ri chuan min rawn tibuai.Phone dah a ka han en chhoh chuan Reece chuan thla a lo la mawlh mawlh a thlalak ken pawh a mawi khawp mai

Min rawn nuih a

A chetdan mawlmang tak si ah chuan ka thin a phu rang leh tawh khawp mai ka awm te chu a hnawh vek ka nui ve tawp.A hlim tak tak tih a hriat ngawih ngawih

"Chuan" Reece chuan a rawn thlek a, "I zu in hmasak ber kan ti thei ang em?"

A sam tla in a mit a rawn hliah chu va ban a siamṭhat sak ka chak khawp mai.Ka en reng tih a hriat ka hlau bawk si chuan hmun dang ka melh leh daih ka biang a sa pup pup mai

Duhtawk teh Chloe.Mipa i be ngai lo awm khan awm lo teh.Puitlin tum teh!

Ka ti mai mai anih kha

Ka hawi chho a ka nui seih fiamthu deuhin ka nam a "Chimawmpa"

Kal ka tum lai chuan min pawt let a kan hmaah camera a keng a a lens chuan kan lam a hawi "Hey,lo che suh" A kut lehlam chuan min chelh a lehlamin camera a keng. Kan inhnaih leh tawh lutuk chu ka thawk a buai leh vek tawh, a rimtui si. Reece chuan hria ang pawhin a awm lo.A thil ken chu a rih em vangin a che ang tih hlau takin a dawm a,a lehlam ka chelh pui ve a a dik ta thlap

Reece chuan a hmet a thlalak a rawn chhuak nghal.Leia a tlak hma chuan ka lo chhar vat a ka thing vak a thlalak a rawn lang chiah.Nghah ve deuh a ngai ṭhin a,ka kal pel a mipa ho ṭhutna lamah kawng reh deuh lam ka pan.Jake leh Jayden burger lak chu an ei mek.Reece chuan ka hnungah min rawn zui a,zawi tein ka nui a burger pahnih chu la in pakhat chu ka pe ve, ka kut a rawn ban lai te chuan ka mur chuai chuai mai tihlan loh hram chu ka tum

Kan ṭhut a midang kan va zawm hnu chuan, kan nun inthlak kual nasat dan chu ka ngaihtuah neuh neuh.Championship khelh turah an panga bulah ka zin ve ang tih rin harsa ka ti deuh.An fel hlawm em em a,an zinga pakhat phei chu ka duh lehnghal

Thlalak ka hmuh chuan ka meng zau kawk a lo lang chiang viau mai

Kan duhawm lutuk chu ka nui lo thei lo.Phengphehlep te chu an thlawk chuai in ka hria,kan va inhmeh reuh tak. Mi â ang maiin kan lo nui a,kan ha lang te chuan lungngaihna nei lo hlim tak angin min rawn hmu ang

Kan ni deuh tho in ka hria

Mahse chumi chauh chu ka mit la tu a ni lo,ka mit la ber tu chu camera lam ka hawi laia Reece min lo en reng chu a ni.Min duh ve ni tlatin ka hria

A theih lovang tiraw?

Reece chuan min duh tak tak lovang.Ni lawm ni?

"Chuan eng nge ang i tih mawli?"

"Eng maw?"

Reece chuan a lu a thing a "Theihnghilh daih rawh"

Ka hmui ka ti pauh a "Eng nge? Nilo ti miah suh! Min hrilh rawh!"

"Aih a pawi hle mai.Lo ngaithla la ṭha mai tur"

A banah ka beng a "Reece sual suh aw! Miten thil an sawi uk a an tawp leh daih hian ka haw ṭhin!"

An vai chuan an nui a, ka lungawi lo chuan a ti lawm aniang. Reece chuan chimawm deuh hian "Hmmm,ka hre lo...." ngaihtuah nei hmel deuh in "Magic thu sawi la ka hrilh mai thei che"

Magic thu maw?Tak tak in kum nga vel sawi awm a ni

Ka mitko ka san a hrethiam lo deuhin "Uh,khawngaihin?"

Reece chuan beidawn hmel deuhin a awm vel a mahse a chimawm hmel chuan a kalsan thei lo "Kha kha chu a ni lo"

Ka ngaihtuah nasa lutuk hriat ka chak bawk si

Ngawi teh

"Ti teh Chloe, i theihnghilh em ni?" Reece chuan lei min dai tir ṭep min fiam pah a

Ka hre chhuak zawk Reece nen kan infiam laia ka tlak ṭep khan a sawi tawh tak ka lo theihnghilh daih alawm le.Kan inhnial nasa viau anih kha

Ngawi reng a a hmel ka en vang vang hnu chuan a hmui sen suah chu chimawm deuh hian a nui a.Ka hawisawn a Jake leh Jayden chu an phur hmel khawp mai.Valentino pawh sawi tur nei hmel a pu.Dennis ve thung chu a lo ṭang ṭauh mai

Ka meng kual a ka thaw halh ka chaklo anih hi.Ka hriat chakna in min hneh ta

"Reece hi a chhelo" ka phun sap a

Reece chuan a beng a hup a a hrelo der tlat "Tihpalh,eng maw i sawi? Ka man chiah lo duat sawi ring ta che"

Ka melh ralh a "Reece hi a chhelo" zawi te hriat theih tho siin chiang deuhin ka sawi a

Valentino chu a rawn nui ṭhawt

"Tihpalh Lal fanu,ka la hre thei lo,i hre chak vak lo niin ka hre ta...."

"Reece hi a chhelo,Mai mai a"

An ngawih deuh hnuah an rawn nui ta chuah chuah mai,a va han bengchheng tak

"I va zei tak" Reece chuan min fiam a

A bana hnek pahin ka lu ka thing a "Ka hua che"

A lu a thing ve thung a rawn nui chhuak a min siai zeuh in "Min hmangaih alawm"

Ka meng kual leh a "Chuan i thusawi tur kha sawi rawh le?"

Reece chuan car kawngka chu nghengin a ban lukham angin a hmang a "Jayden min lo pui lawk ta che?"

Jayden chu ka en a bag dum a rawn keng phei

"Thil ṭha lo tih kha i tihtur i ziah zingah khan a tel tiraw?"

An thil tih tum hi ka duh lo ṭan riau

"Aw" ka ti zawi sap a ka lungngai deuh khawp mai "Chuan eng nge?"

Jayden chuan min siai a bag chu a hawng a thil spray na bur a lo ni

"Thil mawi suasam turin kan inring hlawm em?"

Ka mak ti lutuk chu ka meng zau kawk ka awih thei lo hial mai "Min fiam a ni chiang mai"

Mahse an ti tak tak. Prescott Private a awmṭha duh lo rual an ni tlat alawm le

Buaina an siam ṭhin

Gas station ah chuan kan let leh a brick bang chu kan lemziahna ang mai a ni. Reece chu ka bulah a ding a rawng dum a keng. A chhin a hawng a an ṭial tak tak anih kha

Midang te chuan a hnung an zui a second reilote ah bang bawlhhlawh tak mai kha rawng mawi deuh ah an chhuah

"Ti teh mawli, i kut hnu kan hnutchhiah ve teh"

Reece fiamthu lutuk chu ka melh a rawng sen ka ken chu ka hawng a ka kut khur chungin ka kap anih kha

Ka tihtur ka ziah zinga mi chu tikhan ka thaichhe leh thei ta

*******
Chhunzawm tur


Show post links
Top

[Ngaia]

"Hetah hian camping kan nei dawn maw?"

Lei ka en chuan rannung chi hrang hrang nen zana kan awm ho tur ka ngaihtuahin ka ṭim uaih uaih. A lehlam zawnga ngaihtuah chuan field zau lutuk ah kan awm a,tlai lam ni tawhin van pawh a pawl ruih mai tlai ni tla tur sen phut nen a inchawih mawi lutuk

Valentino chuan min nuih a "Five star hotel i beisei deuh em ni,little C?"

Ka lai a, "Beisei love" ka phun sap a

Ka hawi kual a, Dennis,Jake leh Jayden chuan puanin an kaih zo der a.Ka chal ka ti chuar a; puanin pathum chiah an siam anih hi

Anih chuan, phir te'n puanin an inṭawm anga Valentino leh Dennis pawhin an inṭawm ang a chumi awmzia chu.....

"Khawiah nge ka mut dawn?" Ka sawi chhuak phawng mai,ka thinphu a rang leh tawh teh e. Puanin kan inṭawm ka ring bawk si lo

"Pawnah" Reece chuan mei tuah tur thing a rawn fawm a. Min kal pel a min siai zuk bawk a ṭhingṭhi a mei chu a chhem alh

A bulah chuan ka ṭhu a ka tum bur "Nangmah zawk pawnah mu rawh"

"Mahse ka hritlang dawn sin" thil lang chiang sa chu a sawi a

Ka nui a lu thing pahin "awihawm loh hle mai"

"Awihawm loh khawpin ka chhelo"

Chumi lai takin Valentino kan inkarah a rawn inhnawh a "Awle awle Camp na tur mei pawh a fel ta a awmzia i hria em Chloe?"

Hriatthiam loh hmel deuhin ka en a "Ei tur kan rawh dawn mi?"

"Thlahrang thawnthu sawi hun" Nui chungin a kut a nuai a

"Kan ti leh dawn ta" Reece chuan zawi sapin a meng kual vel a

Valentino chuan Reece a melh a, "Kha kha eng nge ni?"

"Engmah ni love,i thawnthu hriat hrang ber kha han sawi teh Val, school naupang ang maia han hlauh leh te kha ka chak ania" mei nei deuhin a ti a "Ka kut hi vuan tlat la aw chuti lo chu hlauh lutuk vangin a bung daih palh ang"

Valentino chuan a ṭhianṭha ber thusawi chu engah mah ngai lo in a kut chu a vawn sak a "Tehreng mai Reecey,ka venghim ang che duat"

Min va han ti nui nasa tak

"Engpawhnise" Valentino chu a ṭhu ṭha sauh a "Lo hnai teh u naute u, he thawnthu ka sawi tur hi chu in hrereng tawh ang"

Dennis chu ka piah ah a ṭhu a,phir te a dawtah an ṭhu leh bawk a. Valentino chuan a hrawk a thian a. Reece ve thung chu nin hmel deuhin a ṭhu

"Hmanlai hian, hmeichhe naupang naute lem duh deuh mai hi a awm a" Valentino chuan a sawi ṭan a, kan ngaihthlak ṭhap lai chuan a phur khawp mai. "A room ah chuan tam tawk mai a dah a. Ni khat chu dawra amah chauh a a kal laiin naute lem mawi deuh mai a hmu a...."

"Tinge hmeichhe naupang chu amah chauh a dawrah a kal, khawiah nge a chhungte?" Reece chuan tihbuai tum ranin a lo zawt a

Valentino chuan a nin hmel viau, "Dora zin chhuak ṭhin te pawh kha a ni mahna, ka hre bik hleinem, ngawi la thawnthu hi lo ngaithla tawp mai rawh"

Reece chuan a ban a phar a "Awle awle inbengdai rawh"

"Engpawhnise ka sawi tak ang khan" Valentino chuan a chhunzawm leh a "Naute lem mawi deuh naupang duh tur tak mai hi a hmu a"

"Dawr lo nghak Pitar chu a man zat a zawt a,mahse chu nu chuan zawrh lai a nih loh thu a hrilh a. Naupangte chuan naute lem a duh zia a hrilh a mahse pitari chuan naute lem chu anchhe dawng a ni tih a sawi leh a"

Valentino chu a chawl zeuh a music te chu an siam vel a. Reece chu bang nen danglamna an nei lo engtinmah a awm lo

"Mahse naupangte chuan a duh em a, a naute lem lakkhawm tawh ho chu a tikim dawn riauin a hria, Pitar hnenah chuan pawi a tih loh thu a hrilh a"

"A va duh awm ṭiah ṭiah" Reece chuan a lo tibuai leh a

Valentino chuan hre lo der hmakin a chhunzawm leh a "Chu nu chu a beidawng a hralh tur a ni lo tih a hrilh leh a, mahse a duh tak tak anih chuan a nei thei ang tih a hrilh, mahse a chungah engpawh lo thleng se mawh a phurh loh tur thu a hrilh tel bawk"

"Naupangte chuan naute lem chu a la a dawr aṭang chuan a chhuak, naute lem thar a neih leh vang chuan a phur em em a, an awmna a thlen chuan, in chung kai chhohna chu a nghak a. A rawn inhawn chuan a naute lem nen chuan a lut a"

"Inchung kai chhohna kawngka chu a inkhar a mahse a che eih lo" hlauhawm hmel deuhin a sawi a

" 'Awi lalpa leh!' Naupangte chuan a ngaihtuah a 'Naute lem anchhia chu a nih ngei ang a?' Naute lemin a ban a rawn zawh chho a muangchangin a rawn inher a,a mit te chu a khap a, hmeichhe naupang chu a rawn en a a ka a ang a tihian a sawi a"

Valentino chuan a tawp a thleng dawn tih hriain a chawl leh det

"Inchung chhohna tur hmehna kha hmet ta che Mawli!"

~*~

Kan nui chhuak vek a, kan titi a enghelh engmah kan nei lo. Zanlai a ni ṭep vanah chuan arsi a lang phut a kap eng suau mai

Valentino chu a ham a insangmar pahin "Ka mu dawn mangṭha vek u"

"Phir te pawh chuan a hnung zuii "Mangṭha u ṭhiante u" an ti rual a

Dennis pawh a tho ṭuah ṭuah a,inbeng faiin "Ni lo ka chuang duh bik teuh lo muttui u"

Chutichuan Misualpa,Cupid leh Kei chauh kan ni ta

"I chau lo em ni?"

Ka lu dakin Reece chu ka en a "Aih chau love"

A ngawi reng a mahse la inbiak zawm zel chu ka duh

"Naktuk chu i zam em?"

Ka thil zawh chu a lo beisei lo lutuk aniang "Eng a?"

Intihlum tumin mei ka hnaih a "Championship in khelh tur chu mawle i zam em?"

A nui a "Zamna tur a awm em ni?"

"Chak loh mawle"

A nui suk a "Ka chak lo dawn hleinem Chloe" inringtawk tak chuan a sawi a

Ka ban ka phar a "Awle hneh theih loh pa,ka hria e pro i nih chu"

Ka lamah a rawn tawlh hnai a mei chu a rawn hnaih a a kut a tilum pah bawk

"I hria em? I bialpa hlui pawh kha a tel ve mai thei"

Ka mak ti lutuk chu ka zuang zawt ka kut a kang ṭep

"Eng a? Engvangin?"

Reece chuan ka che deuh phut chu mak ti awm pawhin a lang lo "Inhnek a intihsiak a hi chuan ka hmu zeuh zeuh ṭhin. A lo kal ve pawhin mak ka ti vak lovang"

"A ṭha e" ka ti sap a ka hlim viau

A nui leh a "In in ṭha ṭhen lo niin ka hria"

"Tawlh hnung teh,mifing kan nei alawm"

"Haha i nuihzatthlak" Computer angin a ṭawng a a hlim viau

"Ka nuih zeuh a "Ashton chungchang chu sawi lovang"

Reece chuan ngaihtuah loh hmel deuhin a dar a chhin a "Eng nge sawi i duh ang?"

Reilote ka ngaihtuah hnu ah "I bialnu hlui te"

"Aih" min chhang nghal vat

"Maw titeh!" A ban chu na lo te in ka chum a "Khawngaihin"

"Aih"

"Titeh min hrilh la"

Ka ngaihtuah thut a. Reece chu a mawi a, bialnu tam tak a nei ngei ang, ka mitthla ringawt pawhin ka na vek thei. Inpawm duh lo viau mah ila a hmeichhe kawp tawh ho hmelṭha tak tak te chu ka thik tlat

Hun ka nei ve dawn maw te ka lo tia

Beiseina beidawnthlak mai a ni e

Reece chu a thaw halh a "An awm lo"

"Eng a?"

"Bialnu ka la nei ngai lo hrim hrim"

Ka awih lo lutuk chu ka meng zau kawk "Wow,zan khat chauh mutpui ṭhin lerh deuh i ni tih ka lo hre lo a Reece"

"Ni love Mawli" Reece chuan min hnial a "Ka sawi tum zawk chu hmeichhia hi ka la hnaih ngai lo hrim hrim"

Ka thi a hlimna khawpui ah kalin Chhimbal rawng ki nei sakawr te ka han hmu ta a

Ngawi lawk teh

"Mahse chumi awmzia chu i fawh hmasak ber chu....." ka ti zuih raih ka la awih thei lo

"Nangmah i ni" Reece chuan a rawn chhunzawm a a zak chu a hawisawn daih

Kan ngawi leh vang vang a

Ka thin chu a phu rang lutuk.Ka thusawi chu ka awih thei lo hial zawk mai

Reece a fawh hmasak ber ka ni

Aw keimah hi

A hmeichhe fawh hmasak ber ka ni chu rin harsa ka la ti viau mai

Kan infawh tawh zawng zawng chu mitthlaah a rawn lang a ka inthiamlo khawp mai

"Awi ni lo! Ka tihpalh lutuk"

"Ka chhanna beisei a ni miah lo..." a ti sap a

"Min ngaidam rawh" ka ṭap deuh ṭuau a

"Eng nge?"

"I duh lo chung ka fawp che a"

"Aw ka hria alawm"

"Chumi zawh ah ka pet bawk che!"

"I che ṭhing ve khawp mai ka theihnghilh tawh lovang" a ti leh a

"Ka tihpalh lutuk ringawt!"

~*~

Chhunzawm tur


Show post links
Top

[Ngaia]

Movies ah chuan camping chu nawm hmel deuhin pui takin Adventure ropui tak angin an lantir ṭhin

A takah ve thung chuan camping hi ka tawn tawh ah chuan a la nuam lo ber ang,kum sawmpasarih chhung khum dup nuam takah ka mu ṭhin a tuna puanin kaih a ka mut nen hi chuan a danglam hlak. Zing dar nga leh a chanve a thawh a ngai a chhan pawh sava hram ri chuan mu rei thei lovin min siam

Mahse thil pakhat min tibuai vak lo tu a awm tlat,chu chu kut chak tak maiin ka kawng a kuah a a awma min pawm bet tlat chu a ni

Reece tui taka a muhil hmelṭha tak mai chu nidang ang bawkin thu hian ka sawifiah thiam lo. A hmai tlang te,a mithmul sei tak te leh a sam rawn tla in a mit a khuh te chu. Ngaihtuah miah lo chuan a sam chu ka siam ṭha a

A rawn meng nghal vat,min rawn en a

Second reilote chhung chu ka lungphu a chawl detin ka hria,min en reng vang chuan lai lo turin ka insum nasa. Min ti phu ber zawk tu chu engmah a sawi lo chu a ni; Reece chuan min la thlek char char a ngaihtuah awm ang a hriat loh. Ngawi reng chuan kan mu a

"I sam ah hnah a lo kai a" ka ti ta hram chhuanlam siam a ngai alawm

"Anih ka ring"

Ka hmui ka ti sawi a "Tak tak alawm!"

"Awle, lal fanu" A ham a a inzi mar bawk "I sawi ang chu ni rawh se"

Fiamthu miah lo in "Awle,min man e, hnah a awm lo"

A meng kual a a nui char char "Tak tak maw?"

"Maimawm zawk ania" ka ti leh a

A rawn meng zau kawk, "Min fiam suh aw Chloe" a in hrosa a "A tak tak anih vaih chuan aw...." a rawn ṭhu chhuak a a hawi vel a

Ka nui a, "Tih hlauh dan che chu ka hre ve em mai a" ka siai zak a

Reece chu a khap fuk a, ka fiamthu chu a hrethiam aniang

Ka inrin hma chuan ka chungah a rawn ṭhu a,kan hmai pawh a insi lo chauh

"Aw Chloe" a aw chu a thum in a zawi raih a, ka hrawk a hnawh vek "Min fiam lo turin ka tih che kha" ka nghawng bulah a rawn thaw sap a, a hmui in ka vun a dai zeuh "Kei pawhin au tir dan che ka thiam ve tho ania" a fawp vawng vawng a, nuam ka ti lutuk chu ka thaw hak

"Hey Carter, i tho tawh em ṭhianpa? He sava hi a bengchheng lutuk a" Valentino chuan puanin chu a rawn zip thla a Reece a tho hman lo a rawn che rang lutuk a Valentino hmel chu a dang nghal "Wow"

Ka mit ka chhing tawp ringawt. Ka meng leh de de a Valentino mak ti hmel chu nuihza hmel in a inthlak

"In buai niin a lang a Dennis zing chaw ka va siampui ang e"

"Val..." Reece chuan a ko a a tho nghal vat zing boruak vawt tak chu a rawn thaw heuh heuh

Valentino chuan a ban a phar a, pawisawi lo hmel deuh hian a awm a "Eng nge?" A nui a "Ka kal dawn inbengdai teh" a kal hma chuan min rawn en zeuh a "Nuam deuhin aw little C" A siai leh a puanin chu a zip chho leh

Ka inher a lukham ah chuan ka au chiam. Valentino hnen aṭang hian a tawp dan ka hre hauh lovang

"I thiam loh vek" Reece chu ka kawk a a lo nui mai mai

"Ni love. Nangman maimawm i rawn sawi anih kha. I thiam loh zawk"

"Ngawi rawh" ka phun zui bul bul

Reece chu a rawn nui leh hak dar ruk vela ka hriat duhawm ber aniang

Ngawi reng chuan kan awm leh a, reilote chhung chu thil ngaihtuah a ang, a mitko a tichuar a a khabe a che hlarh hlarh hetiang hian a ti ve ziah

Min rawn melh a "Chloe?"

"Aw, eng nge?"

Engemaw sawi a tum a, min zawh tur nei a ang mah. Ka thin phut dan aṭang hian ka hre thei nghal mai

Mahse a ngawi leh daih a

"Kal tawh ang" ka jumper chu min rawn pe a "A hmun thlen nan darkar tlem kan la nei"

Hmanhmawh deuh chuan ka ha sawk sawk ka lu ka bu zeuh. A sam chu hrilhhai zeta a hui pap chu ka en reng. Enge sawi a tum chu ka hre chak khawp mai, mahse Reece chu a lo chhuak hman daih

Reece eng nge ka chungah hian i tih le?

~*~

Ashton De Ville POV

Ṭhutna dup nuam takah chuan ṭhu in ka nuna ka hmeichhe duh ber mai stadium kawngka aṭanga a rawn lut chuan ka mit a la tlat

Chloe, ka chloe

Mahse ka ta a ni tawh dawn lo tih ka hria

Ka awmna aṭanga hla ve deuh ah a ṭhu a waiter in intur a pek chu hawihhawm deuhin a lo hnial a. A nui hmel te chu a va duhawm tak. A awm ve tih a la hre lo

"Champagne i duh em? Ka pu?"

Chloe hmelṭha tak lak aṭang chuan ka hawisawn a Champagne fim kar mai chu ka la a. Ka in rual chuan ngaihtuahna ṭha deuh mai ka nei

Ka ta a ni tawh dawn lo tih ka hria mahse midang in an neih bik ka phal lo

Waiter naupang tak chu ka au a

"Saw laia hmeichhe ṭhu saw i hmu em? Kawr pawl ha saw?"

Naupang te chu a bu zeuh a, ka mitmu uk deuh chuan Chloe a en a, ka sawi zawm leh "Hemi kan zawh hunah ka be dawn a, Reece Carter a'n room a a lo nghah thu leh Championship ṭan hmaa biak a duh thu hrilh rawh aw i hrethiam em?" A ipte ah chuan pawisa tam tham tak ka dah a

Mipa chuan thuawih deuhin a zawm mai a

"A ṭha e" ka phone la chhuakin call chu ka hmet a. A lak ka nghah chhung chuan ka lo ngaihtuah a

"Eng nge i duh?" Chantelle chu a rawn ṭawng a

"I phir pui biak dan tur a ni em ni?"

A thaw halh chu ka hria "Eng nge ni Ash?"

"Thil min tihsak turin ka duh che"

"Eng thil?"

Ka tih tum ka hrilh hnu chuan dawhthei takin a sawi ve hun ka nghak a

"Aih"

"Eng maw i sawi?"

"Aih, ka ti dawn lo" a thutak khawp mai

Ka nui leh a "Duhthlan tur neiin i inhria mi?"

Sawi tur a haihchham deuh aniang "Eng maw?"

"Unaunu duhtak, i hriatthiam ka ring lo, min tihsak tur a ni" zawi muangin ka ti sap a Chloe chuan a sam a khawih lai chu ka en reng. Kuah leh te ka chak, a hmel ṭha tak mai te hi duat taka khawih ka chak. Hun hi her let leh thei ila chu ka siam ṭha ngei ang mahse ka thei lo

Chutiang tih theihna power ka nei lo chuan min tina

"Ti lo ta ila eng nge?" Chantelle chuan min cho khawp mai ka harh pawp

"Andre a thi ang"

"Ngawi teh eng a? Ashton Andre chu kaltir rawh. I ti thei lovang Ash"

"Ka sawp hrep a a hriatna a hloh a ni lawm ni kha?"

Phone chhanah chuan a thinphu ri ka hre thei,ka nui sak a

"Ash khawngaihin kaltir rawh ka ngen a che"

Kum hnih kalta kha chuan ka phirpui rilru na hian min tina ve ṭhin mahse tunah chuan engmah hian min tibuai tawh lo. Ka ngaihtuah thei tawh lo

"I hmangaih a mi?"

A ngawih vang vang hnuah Chantelle chuan zawi sapin min rawn chhang a

"Aw"

"Anih chuan he thil hi min tihsak la i hmangaih chu ka zuah ang" Min chhanna pawh nghak lovin ka dah hmak

Ka hnar chu ka tuai a thawk ka la halh. Ka taksa chu a mar ṭeuh ka kut pawh a khur hlawk hlawk. Ka mizia ni ṭhin chu ka mitthla ah a rawn lang. Ka hlim theih zia kha. Khawvel kha a nuam tawp a ni mai. Engkim ka nei a

Mahse tunah chuan engmah ka nei tawh lo. Ka duh tak te pawh ka chan vek. Ka neih zawng chu huatna leh hmelmakna chauh a ni. Keimah pawh hi ka inhre tawh lo

A hmaa ka ṭhian ṭha ber Andre chu ka puh fai vek

Amah hi Chloe thinlung tikeh sawm tura min nawr tu a ni miau a

~*~

Chloe POV

Tunlaia radio a an play ziah hla chu ka sak pui a ka sam khawih pah chuan ka thaw halh. Valentino khan ticket ka rawn pe ang che a ti sia darkar chanve a ni tawh nin lutuk vangin ka thi thei ang

"Tu emaw chu nuam a va tih hmel ve" ka hriat ṭhin aw a ni, ka bulah a rawn ṭhu a ka taksa lum chu a rawn ngheng. Ashton chuan min nuih a, a hmel duhawm tak hi a hma ang kha chu nise ka luangliam tawh ngei ang

Ka thaw halh a ka nui lui a. Hun kal tawh chu kal tawh a ni. Ashton nen kan inkar chu ka theihnghilh vek tawh. Reece ka nei tawh a, ka bialpa hlui hi ngei reng tur pawh ka ni lo. Min tina thei tawh lovang

Ni lawm ni?

"Hey, French i hmang lo maw?" English a min bia chu mak ka ti deuh ka nui a

Ashton chuan mak ti hmel a pu, inthiamlo hmel deuha ka en a lo beisei aniang. A rawn nui ve a a dar a chhin zeuh

"Chuan eng nge hetah i lo tih?" Ka zawt a

"Leonardo Scarletti Reece beih tur hi ka ṭhian kawm ṭhin ania" A sam chu a chhem leng a

"Anih chu"

A dar a chet leh a "A ṭha zawk an chak ang chu"

Ka bu zeuh,ka ngaihtuah chhunzawm a, rilru ṭawngṭaina nen Reece a chak ngei theihnan leh zaninah na lutuk lo a a awm theih nan

Ka mithmul kar aṭang chuan ka en zeuh a, Ash mitah chuan rilru natna leh thinrimna a inchawhpawlh "A zunah i uai tak tak niin ka hria"

Zawhna ni lovin nem nghehna a ni, mahse chhanna ka pe ta tho

"Ka hmangaih alawm"

Ka aw chhuak nem lutuk chu mak ka ti zawk, stadium chu tawt viau mahse Ashton chuan ka thusawi a hre tho

"Mipa vannei tak a ni Chloe. Ani pawhin a hriat a, a duat che ka beisei. I thinlung a nei hi lawmman ṭha ber a ni tih a hriat a ṭha ang"

Ka thaw hak, ka biang a sen leh vek tawh

Ash chuan ka kut a rawn vuan a a lum vawng vawng "Ka tihsual ang kha rawn ti ve lo se ka duh, ka hmangaih ber ka chan phah kha"

A mit pawl ruih mai chuan min dawi leh tawh thawk a har ṭalh "A tak tak a ni tiraw?"

"Eng chu?"

"Keimahni" Ka thin a phu leh dup dup "Kan la naupang a, tihsual pawh kan nei... mahse kan in hmangaih ṭhin tiraw?"

Ashton a'n min en nasa lutuk chu reilote chhung in, min zem leh hman ṭep. Kan hun hman tawh ṭhin kan hlim lai leh kan nuih dun lai te chu hriatrengna ah a awm reng tawh ang hmangaih ka neih hmasak ber a ni a

"A tak ngei alawm Chloe, kan pahnih inhmangaihna ang kha chu tihluih theih a ni lo"

A rawn kun hniam a ka mit ka chhing ka thaw ri chu ka hria. Ka chal chu a rawn fawp zeuh a. A hnu chuan ka meng a, Ashton chu ka bulah a lo awm tawh lo. Inmangṭha nana infawh a lo ni tih ka hrechhuak

"Min lo hrethiam teh ka pi" waiter ka kum rual vel hi a ni ang "Reece Carter a'n championship khelh hma in a room ah a hmu duh che"

Waiter chu ka nuih a "Awle ka lawm e"

Ka pawnfen chu siam ṭha in corridor lam ka pan. Reece a'n min hrilh duh a nei aniang. Ashton kal hnua ka biang tai kha a la reh lo. Ashton hnenah Reece ka hmangaih thu ka hrilh kha ka la awih thei lo hial. Thudik ka sawi tlat a, mahse sawi chhuah chu a lo dang lutuk

Reece hnenah pawh sawi ila a ṭha ang

Kawngka ka thlen chuan ka inring tawh ngei mai. A hmai ka khawih anga kan inchawina theihnghilh ṭhakin ka fawp ang

Ka nui a kawngka chu ka hawng

Ka nui hmel a tawp hmak

Ka hmaa ka thil hmuh hian min va ṭhawng em

Chantelle DeVille chuan Reece kawr ha lo chu a lo kuah a, Reece pawh a hmuiah lipstick a kai, a kawng a lo vuan a

Sawi mai tur pawh ka hre lo, ka â vek maiin ka hria

Ka thinlung chu a keh vek, zawi te na takin

Hetiang hi ka tawn tawh kha

Ka va han na tak

Reece chuan Chantelle chu a nam sawn a ka lamah a rawn tlan, inchhir hmel a pu "Chloe min ring rawh, i hmuh ang hi a ni lo ania"

"Chutiang te chu an sawi dan vek alawm" ka aw chhuak pawh chu ka hre thei lo

Chantelle chu a ding reng inchhir hmel pawh a pu lo, room ka chhuahsan lai chuan ṭah loh ka tum nasa mai

Ka khawvel hi a kehchhe vek a ni ber. Ashton a'n hmeichhia a lo mutpui ka va phawk ang kha ka tawng leh a ni ber mai. Hun kal tawh a mi ang kha ka tawng nawn leh anih hi

Ka va han â tak! Mipa te hian duh ang deuha langin ldm an chang ṭhin tih zir chhuak tawh tur ka ni asin. Engvangin nge Reece hi a danglam bik ang? Engvanga danglam bik tura ngai nge ka nih?

Reece chuan min rawn au a mahse ka hawi let ngam lo. Kawng lai kan thlen chuan Reece a'n min rawn chelh a a awmah ka bei thlawp

Tal chhuah ka tum a. A ang chhunga bei hle hle chu ka chak alawm mahse ka thei lo "Min kal tir rawh Reece! Keimah in min awm tir rawh"

"Aih" min rawn hnial a "Min rin a ngai Chloe. I rawn hmuh ang kha a ni lo tak tak"

Ka lu a hai vek; ngawi tawh rawh se; Ashton sawi ang chiah kha sawi suh se. Ka thaw a ipik vek. Helai hmun hi ka chhuahsan a ngai. Mahse min kawp pawh a ni lova kan inngaizawng pawh a ni hleinem

Ngati nge ka thinlung hi a lo nat ve em em mai ni. Reece nen kan inngaizawng lo chungin ka thinlung hi a na em em mai a ni

A inthiamloh nachhan tur chu a zuna min uai tir vang a ni, min duh ang deuh a a awm vang bawk a ni

Mahse mipa tihdan ve reng a ni mahna

Ka kham tawh lutuk ringawt

Na deuhin ka chum a "Engah mah ka ngai lo" Chantelle leh Reece kha ka mitthla ah a la cham reng "Engmah a ni lo tak tak" keimah inhneh ka tum a ni mah

Tunge tihder ka tum le?

Ka chhuah a ngai tak tak boruak ṭha ka mamawh

A kut chu ka paih a "I hmuiah khan hmeichhe lerh lipstick i la kai ania" School kan kalh loh ni a Chantelle makeup a sawi dan ang chiahin ka sawi leh

Hepa dawheh zia hi

Reece chuan a lamah min pawt leh vat a min thin harh tumin min sawi. Thinur deuh a ka melh lai chuan he thu hi a rawn sawi a

"Ka hmangaih che Chloe"

Ka mit ka khap sawk

Min hmangaih tih thu a sawi em ni?

Rilru na deuh in awm mah ila phengphehlep rawn thlawk sep sep ang mai hian ka awm. A thusawi dan chu a tih tak hmel ngawih ngawih, engtin nge mi hian dawt hi awlsam deuh a an sawi theih le?

Dawt a sawi ang em?

"Anih chuan fiah rawh"

Ka ngaihtuah hma in ka kâ aṭang a chhuak tawh. Reece chu hriatthiam loh hmel takin a awm a. Inthiamlohna in ka khat nghal. A tih tak hmel em mai. Min hmangaih tak tak anga ka ngaih chuan ka phur sawt, mahse ka chian phawt a ngai. Thudik a sawi ngei tih ka hriat a ngai

"Mai mai chuan Chloe, engtia fiah tir nge min duh?" a ban chu van lamah a phar chho a a hriat loh hmel tak tak

Thaw a la leh hak a ka lo en reng. A sam nem tak chu a buai nuaih a mit chuan min hip khawp mai. A khabe a mar vek a a taksa pawh a ṭang ṭauh, kan sulhnu ka ngaihtuah let a, kan inhmuh hmasak berna hmun school te, Bella vanga tuia kan tlak te, Reece a'n Tyler party a min rawn chhan te, a motorbike a min phurh te, school kan kal loh te, a lungawi loh a inchung khuh a kan ṭhut te, math class a kan hun hman nuam tak te leh ka fawh lai zawng zawng te, tum nei rana fawp ka ni na in

Ka hmaa ding a zuna ka uai pumhlum na hian min aikaih vekin ka hria ka ding tawp ringawt

Chutih lai tak chuan engtianga thui nge a inhuam tih hriat ka duh ta tlat a

"Zanina Championship khelh turah hian chak lo turin ka duh che"

*****

Chhunzawm tur

A thawnthu pawh a tawp ṭep e


Show post links
Top

[Ngaia]

Ka tider mai mai a ni sia

Reece a'n a hmu thiam lo chu mak pawh ka ti vak lo

Championship a chak loh tir emaw keimah min hloh chu ka duh bik lo

Ka sawi chhan pawh Championship hi atan chuan engkim a ni tih ka hria. A chak lo ang tih sawi se ka fiamthu tih ka hrilh anga a lu kuai kun in ka fawp hlak ang mawle

Mahse khawvel chu chutiang a ni si lo. Mi zawng zawngin fairy tale thawnthu hi an nei vek si lo a

A harsa zawnga ka tawn a ngai dawn a ni

"Aih"

Chumi thumal tawi te chuan min kap darh vek maiin ka hria

Ka hnung tawlh dawrh mai

Ka va khawngaihthlak tak

Reece chuan a lu a thing vak a, "Chloe Championship ah hian ka chak lo dawn lo ka fiah kher pawh a ngaiin ka hre lo. I awih duh leh duh lo chu i duhthlanna alawm"

Zawi te chuan ka thaw hak a. Hei hi kan tawp dan tur chu a ni em ni?

"Awle" zawi te a ti sapin ka ke chu ka en a, "Kan dinna chu kan hriat dun ka ring"

Reece chuan lunghnur deuh in min melh a min puh deuh ti tih hian "I hria em min hmangaih ve ni la chuan duh min thlan tir miah lovang"

Chu chu maw a ngaihdan ka hmangaih ve lo maw?

Inveng pah chuan ka melh a "Aw khawngaihin min hmangaih tak tak ni la chu duh i thlang bik kher lovang. Mangṭha Reece"

"I hria em? A ṭha e engpawhni teh se" ka kalsawn a min chelh din pawh a tum tawh lo

Ka mittui a rawn tla a min rawn umzui se tih baka duh ka nei lo. Mahse kan inkar chu a zau telh telh si. Reece chuan min ban san a duhthlan tur ka nei tawh lo kal zel mai loh chu

A chhan chu hmeichhia zawng zawng in an hria ang mipa in an umzui loh chuan an kal mai a ngai tih hi

Ka mittui chuan ka khaw hmuh a tifiah lo vek, thil chi hrang hrang ka ngaihtuah a, tu emaw ka su chawrh mai. Ngaihdam dil tumin ka dak chho a min lo kuah ringawt

"Hey Little C, eng nge dik lo?"

Valentino chuan min ngaihtuah hmel lutuk, a mitah chuan manganna a khat. Ka lu ka thing a kal ka tum, mahse min thlah duh miah lo. Min kuah ṭha leh a, pawi pawh ka ti em em lo tuna ka mamawh ber a ni

Reilote chhung chu amah chu ka chelh reng a engmah pawh min zawt lo ka lawm zawk viau mai

Ka thawk a pangngai hnu chuan ka hawi chho a ka mittui ka hru fai, final an ṭan dawn tih an rawn puang a, Championship chu an ṭan tak tak dawn e

"Ti teh kal ang hmiang" Valentino chu a rawn ṭawng a

Ka bu zeuh a, stadium chhung chu mipui au thawmin a khat a ka khup te chu a zawi vek. Valentino chuan engemaw min rawn hrilh a mahse mipui thawm nen chuan hriat a har. Tlar hma lam kan pan a kan ṭhian dangte pawh an lo ṭhu ṭhap tawh

Championship pawh an ṭan nghal mai

"Nula leh tlangval te he 31st Annual Cambyses Championship ah ka lo lawm vek che u" speaker chu a khawk rum rum mipui pawh an sahawk hlawm khawp mai

"Dollar nuaih nga a ni, nula leh tlangval te u, 31st Cambyses Championship a an dawn tur hi, tunah he ring chhunga infiammi naupang ber Reece Carter, Reecellius i lo lawm ang"

Mipa ho chuan ding chungin an lo lawm a keipawh an tihdan zirin ka lo ding ve bawk, kawngka aṭang a rawn tlan lut a, a ban a phar a a inringtawk tih a lang thei. Mipui chu an au dur dur a, hmeichhe ho chuan khawih theih ngei tumin an lo au ve bawk. A ropuina zawng zawng nen ring chhungah chuan kekawr bul dum nen a lut theuh theuh

A hlim hmel lutuk a, nichin lawka kan inhnialna khan awmzia a nei lo emaw tih mai tur a ni. A tan hian engmah ka lo ni lo zawk emaw ni?

"Tunah kan nghahhlelh em em kum hmasa lama lo chak tawh Lion, Leonardo Scarletti i lo lawm ang u"

Reece chuan min en miah lo tih hre mah ila a lam ka hawi reng a tum pui tur lam chu ka hawi leh a

Ka hlau lutuk chu ka meng zau kawk mai

Awi

"Awi leh" Valentino chuan ka ngaihtuahna a rawn sawi chhuak a ni ber mai Ring chhunga lut mek inringtawk tak chu kan en a

A va lian tak

Hulk ang mai a ni a danglamna chu a hring ve lo tih mai a ni

A lan dan chuan vawikhat a ṭhut palh chuan chak nghal mai tur hmel a pu

Reece chak lo tura ka lo ti kha ka inthiamlo leh rum rum mai. Eng nge ka lo ngaihtuah le? Chak loh tir tak tak te chu ka duh tawp si lova, he Leo hi hneh theih loh a ni ngei ang a sam buang phiar te nen Lion an tih nachhan pawh ka hmu thiam mai

Reece ka en leh chuan hlau hmel pawh a pu lo chu ka thawveng leh huai mai

"A inringtawk thei ania saw kan ṭhiana saw" Valentino chu a nui a "Kan hun kal tawh min ti hrechhuak alawm le" amah te chuan a phun sap a. A chhuang tih a lang reng a hriatreng tur thil a ni ngei ang

Mak ka ti lutuk chuan ka en tawp ringawt "Wow, Reece hi i ngaina takzet tiraw"

Valentino chuan min nuih a "Reece hian kan intawn dan a hrilh che em?"

Ka lu ka thing a, Charlie leh kei ang deuhin naupan lai aṭanga inkawm an nih ka lo ring ve tawp mai "Aih engtin nge in intawn?"

Valentino chuan Reece a en daih a "Heti hian sawi ila junior school ah chuan tihrawl ka nei vak lova" a mitko a ti che rulh, "Ka thau ṭhin Chloe, chumi vang chuan tihduhdah ka tuar nasa"

Valentino fiamthu duh tak kha ni lovin tuna ka hmaa ding hi chu tihduhdah tawk ṭhin naupang a ni tlat

"Vawi khat chu, PE kan nei a tlan kual a ngai a - kei ang naupang thau tak tan chuan hrehawm tak a ni ringawt. A tawp ber ka ni reng a mak pawh ka ti vak lo, mak ka tih zawk chu an vaia inthurual a mipa room a min bei chu a ni"

Thawk ka la halh a ka mit chu a rawn hnam riai riai

"An punching bag a ka ṭan lai tak chuan, Reece Carter hian a bag a theihnghilh a a rawn lut. Ka chunga an thiltih a hmuh chuan chung ho chu a rawn bei nghal a, a hmain kan inbe ngai pawh a ni si lova. Ka nun hman tawh ah hian miten min en liam tawp loh leh an hrelo der ṭhin, mahse tuman min pui ngai lo, Reece chiah hi a ni min ṭanpui awmchhun chu"

Valentino chu lawm avangin a nui a, "Chumi hnu chuan min puih chhunzawm ta zel a, gym te kan kal a, school ban apiangin kan training ziah bawk. Thla riat chhungin kan school a tlan chak ber ka ni. Ka thau chhia ka paih a, tihrawl ka nei ta. Tumahin min tibuai tawh lo. Reece Carter nen chuan ṭhian ṭha ber kan ni ta a, unau ang maiin kan in enkawl ṭhin"

Ka nui nasa lutuk chu ka biang a na vek ka mittui ka hru a "Awi leh Val, sawi mai tur ka va hre lo em"

Valentino chuan a dar a chhin a "Sawi tur a awm hleinem. Hmeichhe ṭha tak a tawng che hi ka lawm" Dennis ei tur ken chu a va ban a "A duh zia che hi i hria tiraw?"

Aih, Val min duh lovang

Mahse ka chhang ta lo, a chhan chu Championship an ṭan a, a bengchhen tak em vang a ni

Reece Carter POV

Pathau a rawn hnek chu ka lo bum a Lion tih chuan ka ko ve dawn lo hrim hrim, Lion an tih chhan pawh hi ka man lo

Lion maw?

Tak takin?

A tuai em mai

Kei te chu Greek pathian hming a ang asin

Chloe chuan virus hming ang a ti viau nan

Ka ngaihtuah leh ta. Ka duh thu ka hrilh kha ka van â tak. Min duh ve thu pawh a sawi miah lo. Chloe rilru nat hmel lutuk te kha. Thil hi a inthlak danglam vek thei dawn asin le

Pathau a chu a khabe ah tak ka hnek siah a, ka thinrim bawk a a tawlh let chiang

Ka nam tlu a second nga a tlu der

Round 1 chak chiah ka ngai tawh

Mipui au nasa lutuk chuan ka beng a ti na vek. Ka hawi kual a mipui zingah chuan mi pakhat chiah ka hmu chiang

Mi chhahnu

Hneh lotu

Lal fanu

Chloe

Ka nuih a, mak a ti deuh aniang a rawn nui let ve

Ka kim der mai

Pathaua chu ka en leh a round 2 turin a lo inring tawh, ka insiam rem ve nghal, "Awle bawiha tun round hi chu ka pe ang che - ka hmai chu tum suh aw" ka in dang nghal a

Chloe Armel POV

Ni lo, ni lo, ni lo, ni lo, ni lo! Enge maw a tih le?"

"CARTER, ENG THIL NGE I TIH?" Valentino chu ka piah ah a rawn au a ka beng a na vek

Min hmangaih tih fiah nan chak loh a tum emaw ka tih chuan ka hmai a sen vek

"Tinge a tawlh let a?" Lion a'n Reece puma a hnek lai chuan Jayden a'n a rawn ti a. Reece chuan a bei ve lo a lo indang ringawt

Ka hrawk te hi a tawt vek. A na tuar ka hmu thei lo. Lion chuan leiah a hnek thlu a

5
4
3
2
1

Dar a ri a Lion chu Round 2 na ah a chak ta

A chak loh kha ka ring lo asin. A vawikhat chak lohna a ni ngei ang. Ka lu a hai mup mup. Ka inthiamlo a, ka inten a ka inhaw hle bawk

Eng nge ka tih le?

Reece chu a tho a a coach chuan tui bottle leh towel a pe a. Tui chuan a kam a ṭhuah a. Round 3 bei turin an inring leh nghal zat

A hmai bawk a veng leh a, Lion chu a inhnek tir leh char char

Ka inrin hma chuan an bulah ka tlan phei a

"Reece tawp teh eng thil nge i tih?" Reece a lo indang leh Lion a'n khawih a tum mek chu ka va au a

"Kan picnic anih hi Lal fanu eng nge ni se i tih?" A hmai lama a rawn bei chu a lo inveng leh a. Reece chuan a tum pui pa chu melhin "Pathau, hmaiah chuan nilo ka tih kha"

"Reece duhtawk teh, i chak a ngai ania, chak lo thei i ni lo"

Min rawn en a a lu a thing "Tihpalh Chloe ka hmeichhe hmangaihin fiah nan a duh tlat si a pangpar leh chocolate tih vel hi chu a ho lutuk"

A thaw a hah vek, min hmangaih thu min hrilh leh anih hi

"I hmeichhe hmangaih hian a hmangaih let che alawm mahni hmasial tak a ni pawi a ti bawk Championship ah hian chak ngei turin a duh che"

Reilote chu a thh hriat chuan a ṭhawng lutuk nge a tawp chawt a Lion a lu chu a chelh bet a a lock hmiah mai

A hmelṭha tak maiah chuan thlan a rawn luang a "Sawi rawh"

"Eng chu?" Ka thin a phu leh dup dup mai hlauhna chuan ka khat a. Lion chu a tal ṭiah ṭiah Reece a'n a hneh lo ang tih chu ka hlau ber

"Kha thu kha sawi rawh Chloe" thu pe deuh chuan a ti a ka mur chuai in ka hria ka hmai te chu a sa pup mai. A laka ka rilru put hmang hi thumal pathum in ka sawi a

"Ka hmangaih che"

A nui suk a, "Kei pawhin ka hmangaih che" Lion chu a hnek thal der mai a chechang tawh lo hrim hrim

Reece a ban referee in a chelh a a phar tir lai te chu ka hre riai ruai, a chak tih lantirna a ni

A chak ta

Reece Championship ah a chak ta

Kan bul vela au thawm chu a ring ngei mai, Valentino pawhin "I ti thei ta bawiha" a tih ri pawh ka hria

'Nula leh tlangval te u' speaker chu a khawk leh rum rum a '31st Annual Cambyses Championship a pakhatna hneh theih loh Reecelius Reece Carter tan kut i beng ang u'

Reece chuan a kut min rawn pe a ka lo ban vat, ring chhungah chuan kan lut a. Gold medal a awrh a a awm a awm sa ang mai a ni. Mipui tam tak pawh chu ka hrechang tawh lo, a chhan chu ka bula mi hi ka tan chuan ka engkim a ni

A awmah ka bei thlawp a a kawng ka chelh a kuah pahin "Ka tihpalh lutuk aw"

"Inthiamlo tur i nia lawm" a rawn ti sup a

Ka â lo chauh dawnin ka hria

"Ania lawm"

"Fiah rawh"

Ka tawlh hnung a min rulh let a tum ngei anih dawn hi ka hrethiam lo ngei mai

"Lalpa leh Reece engtia fiah tir nge min duh?"

A rawn nui suk a "Min fawp rawh"

Ka ang huau ringawt thawk pawh lak nachang ka hre lo

Min chak loh tir a tum chiang mai

Mi ho chu ka melh kual a,kan ṭhiante pawh an lo nui ver ver

Mi tam deuh awm laia in fawh

Ka tihtur ka ziah a awmchhun ni tawh

Reece chu ka en a, a lu chu kuai thla in a sam chu ka zut a kan hmui a intawk chat mai

Kan hmui a intawk chiah chu meithallawn chu a puak chuai chuai ni berin ka hria kut beng hluah hluah thawmin a zui bawk. Mahse chung zawng zawng chu tun hun nen khaikhin pawhin a hlut zia a khaikhin zo lovang

A tawpah chuan Mi awm herh, Cupid leh Kei zawng kan ni e

A tawp ta

Hemi zawh hian Epilogue leh Bonus a la awm dawn a in lo nghak leh dawn nia


Show post links
Top

[Ngaia]

"Jasper chu engtin nge niang?" Reece chuan ka nghawng a fawh lai chuan ka thaw sap a. A kut chuan ka hnungzang a zut thla a ka kawng ah a nghat a, a lamah min pawt hnai a, kan insi chat mai

A nui tih ka hre thei a za riai riai mai "Hmm?"

Ka meng kual vel a ka nam sawn, Bella no pasarih zinga awm chhun ni tawh chu ka pawm a. Paruk chu kan hralh a, pakhat chu ka ngen ngawng ngawng vangin kan chang hram. "Reece ti teh! Ngaihtuah rawh! Engtin nge kan koh ang?" uite beng chu ka zat sak a

"Rex ti ila?"

Ka hmui ka ti pawrh a "A nelawm loh em mai"

"Fred?"

"Reece, uite hi Fred ka ti dawn lo hrim hrim"

"Milo?" Reece chuan hnung lam aṭang min rawn kuah a. Reece a'n ka dar a fawp a, ka nghawng ah bur leh in ka beng hnung chu a rawn seh leh a ka mit ka chhing daih

"Reece" vau deuha tih ka tum chu nuam ti aw in a chhuak daih "Hetiang anih chuan hming kan vuah thei lovang"

"Pawi ka ti hleinem, sofa ah hian nang nena awm dun ka thlang zawk"

Ka nui a, uite chu ka la pawm reng Reece hmui chu ka chuk zeuh a "Kan hming ve ve hi la kawp ila Ceece te ni ta se?"

Reece chuan a mitko a san a, nui deuhin "Ceece maw?"

"Aw,Ceece anih chiah loh pawhin - "

"Roe"

Ka melh chho a "Roe maw?"

"Reece leh Chloe"

Uite chu pawmin ka chul heuh heuh a "Roe,ka duh e" ka sawi nawn chhen a

"A ṭha e. Tunah chuan hun kan hmang dun thei ta"

Ka lu ka thing a nui pahin "A hun rih lo, Charlie a tui inhleuh siak kha i la hria em?" Roe chu ka dah thla a amahin a kal kual vel a

Reece chu a tum bur mai

A va han chhelo mai mai tak

Ka nui a, kan hmui chu ka in daitir zeuh a. Reece chuan min chhang nghal vat, a dul aṭang chuan ka zut chho a,
a nghawng ka chelh leh a sam chu ka tuai thur sak a. Reece fawh chu ka la tawn ngai loh ang mai a ni, kan in fawh apiang hi a thar ang vek a ni - a thil a tlawh leh tlanchhiat ngai tawh lovin. Mumang ang mai a ni, a tak tak anih theih te hi ka ring lo hial zawk - ka ta a ni, ka ta chauh

"Infawh i thiam tawh hle mai" ka fiam a

Reece chu a hnar nuih a "Min zirtir ṭha em alawm"

"Ka hmangaih che" a ka chhungah ka thaw set set a

"Keipawhin ka hmangaih che chhahi"

A awm ka beng a, "Tikhan min la ko dawn em ni?"

"Chak lo tih i duh zawk em ni?"

Ka tum a "Lal fanu tih kha ka duh"

"Ah" Reece chu a nui suk a, "Ka tihluih lai choh in chutiang chuan ka ko ang che lal fanu"

Ka melh hraw a "Ka hria e kal tawh ang" a banah kaiin kawngka lam ka pan pui a....Allie leh Dennis chu Reece car thar a pawisa dawn a a lei chhungah chuan an lo awm dun a

Reece chuan a chahbi rawn let kang in chimawm deuh hian min rawn melh a, nuih ka insum khawp mai a thil tih tum chu ka man khiau mai

Reece chuan car alarm chu a ti ri phut a

A ring ropui si

Allie leh Dennis chu in thlah in an rawn zuang chhuak nghal an tlu ṭep mai Reece nen chuan za lutuk in kan lo nui a

Allie hmai chu a sen vek Dennis chuan min melh khur khur "Kha thil kha a ngai kher em ni hmel va rung?" Reece chu a zawt a a hnuah chuan a nui leh tho

Reece chuan pawisawi loh hmel deuhin "Tihpalh ṭhianpa, ka kut a lo nal a"

"Aw, ka awih hle mai" Dennis chuan nui chungin a lu a thing a

Allie lai lutuk chu ka va kuah a "Awi kan rawn tibuai cheu em?" Ka fiam zuk a

"Nang leh Reece hi misual in nih hi"

Reece chu a nui suk a min rawn kuah a "Keini hi thilsual tih lama inkawp fuh tak kan nih hi"

"Aw Reece" Valentino a rawn ṭawng a "Ka rilru i tina" a awm chu a chelh a "Kan inkawp fuh ber emaw ka tia sin"

Ka nui a, "Tihpalh Val, tunah chuan ka ta a ni tawh"

Reece chuan a ṭhianṭha ber chu inthiamlo deuh hian a en a "Tihpalh bawih"

Valentino chuan a lu a thing a, lungawiloh hmel deuh hian "Nang nen hian kan inzawm leh tawh ngai lovang"

Ka nui nasa lutuk a ka biang a na vek, engkim hi tun kar reilote chhung khan a ṭha vek. Reece hi hmeichhe tan chuan bialpa ṭha ber a ni ang, Allie leh Dennis pawh an inhlat thei lo, Jake leh Jayden pawhin phir tho an ngaihzawng a, Charlie pawhin Prescott Private a rawn lut thar tui hleuh pawl a rawn awm thar a duh bawk a

Valentino chiah a bang ta in ka hria

"Eng nge i ngaihtuah?" Reece chuan min rawn zawt a

"Val" ka rilru tak tak in ka chhang

A nui hmel a dang nghal vek lawm lo hmel a pu a "Chhanna ka beisei loh tak a ni"

Ka nui a, "A ngaihzawng tur ka lo ngaihtuah a"

Reece chuan reilote a ngaihtuah ve a a rawn nui a "Ngai lo, ngaihzawng ka nei tawh bawk si a, Val hi hmeichhe ho in an duh rawn dawn alawm"

"Intithei mai maw?"

Reece chuan a dar a chet zeuh a, "Ka dik lo em ni?"

Ṭawngkam thiam deuhin a lo sawi anih hi ka chhanna a hre reng sia

"Aih" Ka kut in ka chelh a "Hmeichhe ho in an duh che alawm" intithei deuh chuan a nui a "I sang a... i mit rawng a hring a....six pack i nei bawk -

"Eight" Reece chuan min rawn ti dik a

"Eight pack..." ka bu zeuh a ka hmui chu petin ka nui a "i ngo lo bawk"

"Ka pian hi min duh chhan niin ka hre tlat mahse sawi zel rawh" Reece chuan nuam a ti mah mah

"I fing a i nuihzatthlak a chuan....."

Ka nui ve suk a

"Chuan?" Reece chuan a hriatchak hmel khawp mai

Thuruk hrilh tur ang mai chuan a lamah ka kun hniam a

"Maimawm i hlau bawk"

A rawn ang zau deuh a, min rawn melh kawr in "I ti lo"

Chimawm deuh chuan ka nui a "Ka ti chiah a ni"

Muangchangin ka lam a rawn pan a, ka tawlh hnung a "Pawi i ti dawn mange"

"Keipawhin ka ring"

Ka tlanchhia a, ka nui leh au ri a inpawlh Reece chuan min rawn um a

Khawvel hi

A vawi khatna atan nuam ka va ti em

*******

Bonus

Allie & Dennis Date

Allie POV

Ka car a chhia a

Pizza Plaza ka thlen nan traffic light pathum a la awm, ka contact list ah Dennis a hming Chloe in a lo dah chu ka lawm tak tak pawn boruak vawt takah hian ka inthuam chhing si a

I chak lo ngawt ang Chloe

Ka vanneihna hi ka ring pha lo. Ka nuna thil sual ka tih rulh letna em ni zawk dawn? Ka duat em em Arbutus unedos tui ka pek loh vang em ni?

Justin timberlake a'n a hla a 'What goes around comes around' a tih kha a ni zawk aniang a?

Anih chuan karma hian ka nuna inrawlh hun a hre hle anih hi

Ka thin a phu rang khawp mai, Call tih chu ka hmet a ka chhuahpui tur pa in a lo lak hun tur chu zam deuhin ka nghak tawp. Diktaka sawi chuan ka inthiamlo khawp mai. Blind date tih vel hi chu a atthlak khawp mai. Chloe ka inhneh tir pawh kha mak ka ti viau. Dennis DiCaprio maw? A hun ka khawhral sak mai mai ah a ngai ngei ang

"Hello?"

A rawn la chiah chu ka thawk a buai nghal vek

Ka awm a hnawh nghal in ka hria rei tak ang maiin ka hria. A aw chu a va mawi tak

Phone aṭang pawhin a hriat theih ruak mai

Dennis hi school ah ka hmu zeuh zeuh a, hla deuh aṭang hlir a ni - a hmel awmdan pawh ka hre chiah lo, mahse Chloe sawi danin a chhelo a, a mizia pawh a fel a nih hmel

"Hello" a rawn tih nawn leh chuan ka harh kawk mai

Allie engemaw sawi vat rawh mai mai a

"Dennis?"

"Allie?"

"Hi" ka ti sap a, a aw aṭanga ka hming a rawn lam chu nuam ka ti veng veng

Awi leh phur lutuk anga lan ka duh miah lo. Pangngai deuhin 'Hi' lo ti ila ṭha tur. Anih loh pawhin 'Hey' lo ti zawk ila ṭha tur a nalh daih zawk ang

"Hey!" Phur deuh chuan a rawn ti a "Khawiah nge i awm?"

Tunah tak hian ka thin a phu rang lutuk. Min lo lawm hmel vang nge a zawhna ka chhang zak pawh ka hrethiam lo

Ka mit ka chhing a, mi â ang maiin "Xerxes ah ka awm. Ka car hi restaurant thlen hma minute sawm kal vel tura a chhe hlauh mai a"

A hun ka paih sak hnem tawh bawk sia a rawn ṭhulh mai ka ring deuh a engemaw a sawi hun ka nghak tawp

Mahse rin loh deuhin a rawn nui hak a

A nui ri chu a van dam tak, kan naupan laia kan phur theih zia te kha min ti hrechhuak, min tihlim phian mai

"A pawi hleinem ka rawn hmu dawn che nia"

"Eng a?"

"Ka rawn pan mek che, lo kal phawt la kan intawk dawn nia" Dennis car chhunga thawm pawh ka hre mai restaurant pawnah a awm aniang

"Tak tak maw? Min hmuh chu i la duh tho maw?" Ka sawi chhuak pawp ka biang tai lutuk hi a hmu lo chu ka lawm, kawng lam pan chuan kein ka kal a

"I duh lo a mi?" Min zawt a a aw ah chuan min ngaihtuah tih a hriat "Oh" thil man thiam chiah ni awm tak hian "Cancel tura min rawn call anih chuan ka hrethiam lutuk ania"

"Ni love!" phone ah chuan ka au phut, ka zak leh hnuhnawh khawp mai. Awi leh sawi rin vak kher a ngai lo asin

"A ṭha e" a thawveng sawtin ka hria

Taxi ka lampan a rawn tlan chuan horn vawi hnih a hmet a line lehlam aṭang pawhin a hriat theih chumi awmzia chu Dennis a rawn hnai tihna

Kan inhnaih tawh

"Dennis?"

"Aw, Eng nge?"

"Eng kawr nge i hak?" Nui chungin ka hmui ka seh a

Min chhang har khawp mai amah chauhin mi dang a hamhaih tir bik lo anih hi

"Uh?" Traffic light ka pel a. Kawtthler chu mipui tam lutuk vangin kan in su nawk nawk mai. Mi ka sut chawrh chu ngaihdam ka dil a line a ka biak pa bawk lamah ka rilru ka pe leh

"Ka..." min chhan dan tur a ngaihtuah aniang "V neck paw ka ha"

Mipui karah Dennis DiCaprio ka hmu chuan ka ṭhen sak, ka piah lawk meter tam pawh ni lo ah chuan a ding a, mi te chu a kiangah an tam khawp mai. Mipui zingah chuan min la hmu lo aniang, a beng bulah a phone a ngaithla a ka lam panin a rawn kal

Sual hmel deuhin ka nui a "I chhelo hle mai"

Dennis chu a ding chawt a, ka thusawi chu mak a ti deuh aniang. Nidangah chuan ni se zah vangin ka thi tawh ang. Mahse kan school a chhelo pawl tak in hamhaih deuh tak maia mipui kara min zawng chu hmuh a nuam ve bawk em a ni

Chuan min rawn hmu ta chat mai

A rawn nuih suk chuan dawi at in ka awm hman dawn alawm le a phone chu a la hum reng

"Nang pawh i chhelo hle mai"

A lam pan chuan nui ver ver in ka phei a kan inkar a zim telh telh, "Eng nge ka sawi ang? Mit la tura inthuam a ngai alawm" ka inringtawk ta lutuk chu mak ka ti zawk

Boruak a kang delh delh ang mai ka ni

Oxygen, Carbon dioxide leh Nitrogen nen ania ka tih

"A dik alawm" a tih chuan ban phak chen velah kan awm tawh

Kan phone chu kan hmet tawp ta chauh a, hmun dang kan hawisawn tawh lo re re kan ṭhen deuh reng bawk

"Hi" a mitmu pawl ruih mai chuan min va hip tak, a sam dum, a khabe kual lai leh a hmui nem thap mai chu min nuih sak a

Min chhang ve leh a kan thaw deuh halh mai

Kan din reng hnu second a tling maithei ka hre tawh lo

"Chuan Pizza hmunah chuan kan kal dawn em nge ni...." a zuzi kual vel a ka hrechak khawp mai

"Chuan eng nge?" Ka mitko ka san a

Dennis chuan a jean ipte chu a zen a,in sawi deuhin a rawn nui suk a, "Ka hre lo.....thil nuam deuh ti ila?"

Ka mithmul kar aṭang chuan ka en a hei hi Dennis DiCaprio Prescott Private a awm ṭha peih lo pawla mi a ni tih ka hrechhuak zawk

"Nuam kan tih chu a inan ka va ring lo em" ka nui a ka meng kual vel mahse chhungril lamah chuan chak vet vet tak ka ni ringawt

Dennis chu a rawn kun hniam a, a hnai bawka a mit pawh ka hmu chiang khawp mai, a fel hmel na chu a lang tawh lo va, chimawm deuh kha a rawn chhuak ta zawk

"A chhan chu nuam ka tih ang hi i la tem chhin hleinem Allie" A ti zawi sap a a aw chu a thum in a fiah ṭhak, ka khup a zawi nghal ti tih "Mahse hmuh tir che ka duh"

Zanina a vawihnihna atan ka pumah hian phengphehlep an thlawk chuai chuai in ka hria ka thawk a buai leh vek

Ngaihtuah leh chuan phengphehlep maw?

Sahuan ang vel a ni mah zawk

"Chuan engtin nge ni ang Allie?" A ban a rawn phar a "I hriatreng tur thil ti ang hmiang?"

Ka thin phut dan hi a chiang lo, ka lu chhunga aw hi a insual but but mai ka hmaa ding pa hi ka hrechiang si lova 'nuam' a tih chu eng nge ni ang. Drugs a nih vaih chuan police nen thubuai an neih ang a, Dennis leh a ṭhianṭe hian buaina bak an thlen ngai lo. Chu chu hrechiang em em tur ka ni

A mit chuan min aikaih a ni ber mai ka sawi tur pawh ka buai vek. A mawi em a ni. A nui hmel te chu kawtthler a eng an chhit ai pawhin a eng daih zawk

Hreh deuha nui chungin ka lu a aw chu zawm lovin, a kut chu ka vuan a, kan kut a in dai chiah chuan ka ṭek chhuai mai. A lum nuamin a lian sia ka tana siam emaw tih mai tur a ni

"Tehreng mai" Ka inringtawk tawk tawh khawp mai "Min ti beidawng suh ang che Dennis DiCaprio" ka vau lawk vela ka ṭhen reng mai

Kawngpui kan pan lai chuan kan dar a in dek leh ṭhin "I suangtuah phak bak a ni ang Allie Harper"

***

Minute sawmhnih hnu chuan Dennis a'n khawvela tacos an siam tuina ber hmun a tih lam chu kan pan a

Room kan luh chuan a nuam reuh khawp mai Mexican thil siam chuan chil a ti put

Latino hmeichhia kum sawmruk vel tur hi a rawn lut a, Dennis biangah a chuk a

Dennis hmai sen chu ka hmuh hmaih lo re re a duhawm reuh lutuk

"Dennis i lo kal chu ka lawm lutuk!" A sap ṭawng chu a pai ve lutuk "Eng nge i pa a an?"

"A ṭha e,hna a thawkrim" a dar a chet zeuh a "Eng nge i an Ana?"

A nuih ver ver hnu chuan "I rawn lang thei a ka ṭha sawt mai!" Ka awm ve tih a hre chiah aniang "Tunge hmeichhe hmelṭha deuh hi?"

Ka lai viau mai "Hi Allie ka nia" chibai tumin ka ban ka phar chhuak a

Chu nu chuan min kuah daih ka phu lutuk

"Hmuh i nuam hle mai" dawhkan pahnih lamah min hruai phei a "Hetah hian lo ṭhu rawh u, i ngainat ber ka rawn la ang e Dennis" Ana chu a kalsawn dawn laiin a rawn hawi leh a

Ka nui nasa lutuk chu ka biang a na vek "A van duhawm tak!" Dawhkan ah chuan kan ṭhu a

Dennis chu a rawn nui ve a a lu a bu zeuh a "Ania lawm"

"Hetah hian i kal ziah a ni maw"

"Tacos hi a tui lutuk a" inthiamlo deuh chuan a hmui a seh a

A thusawi chu ka hre lo ṭep a hmui ringawt chu ka lo en pek a ha a var nalh si

A chhelo thlawt

"Allie?"

Ka harh leh zawk ka lai leh viau "Eng nge ni ta?"

Dennis chu a nui suk a "Ka hmel ṭha lutuk hian a tibuai che ni maw?"

Aw

Boruak ka hak dawnin ka hria, "Eng a?! A teuh lo"

"Tehreng mai"

A rawn nuih chuan ka rum nghut a "Chloe khan i zakzum a tiin ka hre sia"

"I duhdan a zir a ni mai Allie" a rawn kun hniam a zawi deuh sup hian "Mipa zakzum i ngaina em? A phur hmel viau mai

Ka thinlung hi ka hrethiam leh tawh lo

"Duh tawh lo" Ana in plate pahnih a rawn chawi luh lai chuan ka phun sap

Dennis hmaah pakhat a dah ka hma ah a dah bawk lawmthu ka lo hrilh a "Tui deuhin ei rawh u, mamawh in neih chuan min hrilh dawn nia"

"Ka lawm e Ana" Dennis chuan a nuih sak a "I ṭha ber"

Ana liam hnu chuan plate chu ka en a a tui hmel lutuk. Tacos chu a bu ang thlap a ni

Dennis chu ka lam a rawn hawi a "Jalapenos i duh ka beisei"

Jala - eng maw?

Zawt lem lo chuan ka bu zeuh a "Tehreng mai ka duh alawm"

A ṭhen sak a, "Tak tak maw? Kei pawhin ka duh lutuk"

A nui hmel chu a tak raih mai

A thil sawi chu hre lo mah ila kan tacos ei tui lutuk hi a awm phawt chuan ka duh em em ang tih ka hria

Ka dar ka chet zeuh a, dawt var tlem sawi chu a pawi dawn em ni?

Fian thum ka hawp hnu chuan ka thi mai dawnin ka hria

"Aw, ka duh lutuk alawm" Dennis chuan a awki a san vel a

Kan hmai a sen vek a kan mittui a tling puau mai. Kei chu Hmarcha vang a nia; ani thung chu minute sarih chhung min nuih tawh

A van ngeiawm tak

Tui vawi nga ka in hnu chuan ka hmui chu puak tur angin a awm tawh lo

"Halpuah aiin a pui zawk tiraw?" Nuam a tih hmel lutuk

Ka bu zeuh a "Ka ring mahse halpuah hi a takah ka la hmu lo re re - "

"Eng a? Tak tak maw?" Dennis chu a meng zau kawk mai

"Aw, ka khawngaihthlak, ka hria alawm, tv ah chauh hian ka hmu a a inang kher lovang"

"Inang nang, Halpuah te chu a pui lutuk ringawt! I la hmu lo chu a mak zawk"

Rilru nat hmel deuh chuan ka awm der a "Ka lawm e Dennis khatia sawi pawh a ngai lo nan"

A hmel chuan ka nuih tir ker ker mai

A mitah chuan engemaw a rawn lang thut, a wallet chu a zen a, dawhkan ah chuan pawisa a dah a ka kut rawn vuanin, "Kal ang, hmuh tur che ka nei"

"Eng a? Tunah maw?" Restaurant aṭanga kan chhuah chuan ka thin a phu leh tawh

"Aw tunah"

"Khawiah nge kan kal dawn?"

Min rawn en zeuh a nui suk pahin "I hriatreng tur ka tihpui ang che ka tih kha i la hria em?

****

Dennis thil tih tum ka hmuh chuan ka hlau lutuk

"Dennis, nilo! Buaina ah kan inbarhlut dawn anih hi"

"I ngaihtuah nasa lutuk anih kha"

"Nang chuan engmah i ngaihtuah lo"

A thil tih lai chu dahin min en a, ka lam ah a rawn kal hnai

A thaw a sa hat hat mai. A rawn hnai telh telh lehkha pawh kan inkarah a leng lovang, a rim tui tak chu ka hnim vang vang. A mit chuan khaw dang a hawi lo hrim hrim ka sam chu ka beng ah a zep a

"Zanin hian i mawi hle mai" thla engin min rawn chhun chuan ka taksa pum hian ka mur chhuak vek. Ka thin pawh a phu dup dup. Lungphu chawlin ka thi mai ang tih ka hlau rum rum. Min ti â zo dawn

"He hun hi alawm ka lo nghah reng chu" a ṭhen sak a ka sam a ka bahkilh chu a rawn la daih a ka hit nghal vek

Dennis chuan bawn deuhin in rauhsan tawh kawngka chu hawn tumin a bei a, Second reilote hnuah kawngka kalhna chu chhuatah a tla bawl mai

Ka hmui ka seh a, "Hei hi dan phalloh anih hi"

"Mahse bawihte hei tak hi alawm a nawmna chu" a nui hmel a bo thei lo. A chimawm hmel hian a kiansan thei lo kawngka a hawng a, boxes tam deuh mai hi a lo nia

"Puak thei thil maw?" Dennis a'n bur sen a ban chu ka awih thei lo "I â em ni?"

"I ti alh duh em?" A phur lutuk

"Eng a?" Teuh lo mai"

"Aw ti teh, Allie nuam i ti viau ang"

"Kan nuam tih zawng a inang lo tih kha kan sawi chiang viau in ka hria"

Dennis chu a meng kual rulh a, "Chuan eng nge nuam i tih chu ni ta? Thlalak intihsiak a inngaizawng te thla lak sak maw? Kum tin i chak ziah tho a, eng nge i buai em em?"

Ka nui chhuak phut "Thla ka lak ṭhin i hria maw?" Ka thu hriat hi ka awih thei lo hial

Dennis chuan min nuih sak a a dar a chhin ak "Aw a nalh hlawm em alawm" A hnu deuh ah a lu a thing a "Chu chu ka sawi tum a ni lo Allie"

"Eng nge nih le sawi i tum Dennis? Zaninah jail kan tang thei asin! Hriatreng chu ka duh hauh lo"

"Ka tum tak chu khawvel hi i chen tak tak lo i nung ṭawk a ni"

Hrethiam lo zetin ka mitko ka san a "Eng a?"

"Nangmah kha inzawt la Allie, i nung tak tak nge i thaw ve mai mai?"

Ka ding tawp, sawi tur ka hre lo ngaihtuah chi hrang hrang ka nei zut zut

Engvangin?

A chhan chu ka thaw ve ṭawk ṭawk tih ka hria

"Hei hi i sawi tur zawk a ni : Aw Dennis chhelo leh finna a khat pa, engtin nge ka lo rinhlelh theih che?"

"Ngawi rawh" ka hawisawn a a nui nasa mai

He pa hi a nui ri zawng zawng nen hian ka duh telh telh

"Chuan? Khatah khan i ding reng dawn mi..... "ka nam sawn a lighter chu ka ban

A mitah tak en in ka vau a "Man kan nih vaih chuan.... "

"Min man dawn lo"

"I chak lo ngawt ang"

"He kan khawvel hi planet dang ni ta se?" Thil chhui zau deuh ang chuan a awm vel a

A â ta emaw ti chuan ka en tawp ringawt "I mak em mai"

"Mahse....?" Dennis chuan min hnial ṭang ṭang

"Engmah a ni lo. I mak a ni tawp chu zawng chu"

"Mahse.... min duh thu sawi i tumin ka hria" a nui vur vur a

"Awihawm loh"

"Anih kha i rilru in i ngaihtuah" a bu zeuh a ka rilru hria ang maiin "Keipawhin ka duh che alawm"

Ka hmai a sen vek. Ka awm a tawt vek

Engtin nge ka thawk tak ang?

Zak deuh chuan ka nui a light chu ka kap alh daih

"Hei le kan ti ang e" a hmawr chu a alh kai a

Dennis mak ti hmel chu ka hmu, ka tihdan a zir a ni hrim hrim ang, ka ban ah a rawn chelh a min tlan pui daih "Tlan ang"

Kan va tlan chak tak a nuam in a hlauhawm bawk si, Dennis chuan ka kut a la chelh reng ka tlu lo chauh a ni

Metre 100 vel kan tlan hnu chuan Dennis chu a ding thut a a awmah min pawm bei thlawp, min venghim tlat a kutin min kuah bet tlat

"Tunah en rawh le"

Ka han en chuan pakhat te te in a rawn puak sap sap

A mal te te in rawng chi hrang hrang chu vanah a puak dur mai. A va mawi tak, khap pawh ka ui ka hmuh tawh ah chuan a la pui ber ang. Ka mit chuan thla ka la a ni ber, ka hriatrengna ah a cham reng tawh ang, a dang pawh a rawn lan zel chuan a van hmuhnawm tak

He hun tak hi a nuam. Chelh din reng theih se ka duh

Police thawm kan hria a

Dennis chuan min kai leh a "Allie kan kal nghal a ngai, tlan ang"

Ramhnuai lam kan pan a, siren a rawn hnai zel, kan tlan tawh loh hnu chuan kan thaw a hah vek

Dennis chuan min rawn en a, kan han nui dun tak tak anih kha

"I ṭha em?"

Boruak la hip kawkin "A pui hle mai" ka ti chhuak thei hram "Awi leh, a tirah kan tlan a Boom a rawn tia chumi hnuah Police an rawn thleng leh a"

"Ka hria ka awm ve kha"

Ka la phur lutuk "Dennis a pui hle mai"

Dennis chuan min nuih a "I hrereng tawh ang tiraw?"

"Ka theihnghilh tawh ka ring lo Dennis" thudik tak ka hrilh "Zanina thil thleng hi ka hrereng tawh ang"

A rawn pen hnai a ka sam chu a tuai sawn

"A ṭha e anih chuan hei pawh hi hrereng ang che"

Min rawn hnaih a min fawp zeuh. Chet nachang pawh ka hre lo. Ka mumang a maw ka ti. Mahse Dennis chuan ka biang a khawih a lehlamin min pawt hnai. Ka chhang ve nghal

Ka fawp let a, zawi tein a tirah mahse a rawn thuk telh telh. Dennis fawh chu thlalak intihsiak a pakhatna nih ang reng a ni....homework neih loh ang vel a ni

Dennis fawh chu nutella ei ai a tui zawk

Boruak kan hip zauh a. Min chuk leh zeuh a kan chal a insi chet

"Tih leh ka duh"

"In fawh maw?" Ka lu te chu a vir muai muai

A lu a thing a a nui "Chhuah pui leh che mawle"

"Min fawh i duh lo maw?" Ka fiam zeuh a

"Ka tawpsan ngai lovang" min rawn hnaih in min fawp leh zeuh

****

Zan hun chu a zo ṭep, ka curfew pawh a thleng ṭep, Dennis chuan a Mustang dum chuan min hruai haw a. Thil chi hrang hrang kan sawi dun a, inanna kan ngah viau, kan inhnial leh thul, ka hriatchian pauh leh a mizia chu ka duh telh telh. Chloe vang ka ti lo thei lo, high school ah inbe lovin kan awm tluan chhuak parh dawn sia

"Saw tah sawn aw" ka ti zawi sap a kan in lo lang kuau mai chu ka lawm lo zawk

Dennis chuan a car a ti ding a, car aṭang a rawn chhuak. A hnu chuan ka kawngka a rawn hawng a a kut min pe a ka chhuak ve bawk

Kan invuan reng a, kawngka kan thleng der, min thlah chiah a a ipte a zen nghal. A jacket min haktir chu ka pe let a, a vawt ka tih vang ania lawmthu ka hrilh nghal

"Keiman ka inhmeh zawk tih hi i pawm a ngai" ka thutak khawp mai ka hmui ka seh a ka nui bawk

"Khawngaihin. Pathian thilsiam ropui tak hmaah i ding ania, thawmhnaw te chu engmah a ni lo"

"Awle i sawi ang chuan le" kan ngawi leh vang vang a

"Ruakin min mitthla tiraw?"

"Eng a? Nilo!"

"Anih reng kha"

"Awihawm loh!" A awm ka chum a

A rawn nui leh hak a "ka rawn be dawn che nia"

"Awle" ka phur lutuk ringawt

Min rawn fawp leh a ka thin a phu leh dawt "Bye Allie"

"Bye Dennis" ka hmuiah a cham reng

Car lam a pan a, kawngka ka hawng vat ka ding reng zanin thil thleng ka ngaihtuah reng mai

Ngaihtuah lem lo chuan ka phone number hriat ṭhan em em chu ka call a, min chhan hun ka nghak

A la tawh dawn lo emaw ka tih lai chuan ka ṭhianṭha ber chuan a rawn la a, "Hello?" Chloe chu a thaw a hah hmel lutuk

Engvanga hah hmel deuh nge ani tih ka ngaihtuah zuai mahse thil dang pawimawh zawk sawi tur ka nei tlat

"Chloe!" Ka au lo chauh "Awi leh hrilh tur che ka ngah lutuk!"

*****
A tawp tak tak ta ka thatchhe arbawm khai a,a vaiin ka rawn ti ta vek mai thawnthu dang nen ka rawn let dawn nia min chhiar sak avangin ka lawm lutuk e


Show post links
Top