THE BAD BOY,CUPID AND ME BY Bee Hlutei (Completed)

[Ngaia]

Episode 1
Translatted by B.Hlutei

English teacher in poetry a sawifiah lai chuan ka malchungah lehkha sendang tereuhte an rawn thlak a

Chloe!
A rem ania,ka lawm lutuk e aw
Inrinni zanah chhuahpuiah min sawm,
La Pierre tih kha ka sawi em?
Awi a nuam e,ka zam ve deuh tho sia,i puihna lo
Chuan ka puitlin thei miah lovang!

I tana awm reng
Emma
P.S-Eng nge ka hak ang?

Ka chhanna tur ziakin ka nui deuh sak a

Em,
I tan thil a kal tluang chu a lawmawm hle mai,
Ka rin lawk sa tho ania,La Pierre chu french restaurant ania,an changkang khawp mai,Audrey Hepburn kawrfual dum kha ha la,cool deuh khan aw,nuih kha theihnghilh lo bawk la hun nuam deuh i hmang dawn nia

I ṭhian
Chloe

Emma nuam ti leh nui ver ver chu ka mit sirin ka va hmu a,Prescott Private School a hmeichhia te rin ber ka nih hi.Inngaihzawn lamah thurawn ka pe ṭhin-mi bik ka nih vang ni lovin Chloe Armel,Cupid puitu tiin min ko mai ṭhin....

Naute chum deuh thal kengin a theihnghilh hi ka tihsak ṭhin;chu chu mite suihzawm a ni

Chhun chawlh chuan Cafeteria ah ka ṭhiante hmu turin ka phei a,tu emaw in ka dar a rawn khawih a,ka hmuh chuan naupan laia ka ṭhian ṭha ber mitmeng pawl riai Charlie a lo ni

"Hi Charles"ka tih chuan a lo ner deuh nang a a lawmawm chiang ania

"Chloe,khatianga koh ka hua tih i hriat kha"

"Chuvang chuan alawm ka koh che"!Min melh rum khawp mai,ka nui a

Charlie hi sam buang,hmelṭha tak a ni.Inchei a thiam a,kei aiin darthlalang ah a inen ngun zawk.Sport a ngaina a,AC awmna Gym ah chuan a kal peih reng.Hmun ṭawp deuh ah chuan a awm ngai lo

"English essay kha i zo tawh em?" Awi ka theihnghilh daih naktuk ni lo hram se aw "Naktuk hi last date ania" Charlie chuan a sawi chhunzawm a

"Zaninah ka zo nghal ang,School banah library ah ka kal ang" Charlie mak ti hmel chu nuihzatthlak zawk,a sawi tur ka hre nghal vek

"Ngawi teh,lehkha zir atchilh Chloe hian homework a ti lo maw?"

"Ka atchilh bik lo ania"

"Chloe math class ah pawh kan zir bak hi chapter sarih in i zir lawk ṭhin,element periodic table pawh i thiam vek kha"

"Tlemte chauh alawm ka thiam"

"A vaiin eng zat nge awm?"

"Za sawmpariat.........."

"History channel pawh tui deuhin i en thei"

"David Attenborough hi ka ngaisang a chuvang mai mai alawm"

"Kum sawmkua a tling em kha?

Sawmriat panga ka ti zawi sap a

Cafeteria kawngka hawngin dawhkan lam kan pan a,Allie ka ṭhian ṭha ber ve tho pawh a lo ṭhu reng tawh

"Allie,Chloe nen kan inkawm chhan min han hrilh nawn leh teh"

"Awm ṭha teh" tih pahin a banah ka hnek a

"Ka hre lo,Charlie i tihluih peih lutuk chuan i hmel ṭha tak khan a tuar phah ang e"

"I sawi dik chiah,ka hmangaih che Chloe,min tina tawh suh"tih pahin ka dar a rawn ngheng a

"Ei tur min lei sak la "pawisa ka pe a,Charlie chuan min hnial lovin a la ve mai

A biangah chuk zeuhin "ka lawm e Charles" ka ti a,reilote chhung chu a hmel a rawn danglam mahse a sam a siam ṭha a a chhuak nghal a

Charlie liam hnu chuan Allie chuan a lu thing paha rawn nui chhuak in "Khatiang khan i ti tur a ni lo asin Chloe...." a ti a

"Eng nge ka tih?"

Allie chuan cranberry juice chu fawh pahin "A rilru i tibuai vek alawm" a ti a

"Edward Cullen ka nih loh hi" nui deuh chuan ka ti a

"I hmu thiam miah lo a ni tiraw"a ti a

"Eng chu?" Ka man hlawl lo

"A ngai lo mai" a ti a

Sawi teh ka tih laiin Chloe an rawn ti a kan hawi chuan Gabby a lo ni,kan thusawi lai pawh kan tawp daih.Ani pawh hi ka ṭhian ṭha te zinga mi a ni,inang min ti thei lutuk,kan sang dun a kan ngo lo bawk,kan pian chu a nalh reng

Inan lohna tam tak kan nei ve tho bawk.Gabby sam chu a kir a a color bawk,ka sam chu a seiin a ngil thung.A mit rawng a uk a kei chu a hring dal

"Hey,chhelo nu,eng nge ni ta?ka kuah a

"Engmah ni lo ve,tunlai chu ka buai ve deuh a,pawnah inbe lawk ila?" a tih chuan Allie chu ka va en a Arden leh Odette nen an inkawm nasa leh tawh mai

"Awle tehreng mai,kal ang hmiang" ka ti a

Field ah chuan kan inzui phei a,ṭhenkhat nisa nuam an ti em em a,thingkung hnuaia lehkha zir an awm bawk,inkhel an awm leh a,Gabby nen ṭhutthleng ah ṭhu in inkhel chu kan en a

"Eng nge ni?" Ka zawt nawn leh a

"Oliver ania" a tih chuan mak ka ti vak lo.Thla hmasa khan an inngaihzawn theih nan ṭan ka la nasa em mai.Induh tho siin an inhnial reng bawk sia ka hrethiam ve chiah lo,an inhmeh khawp mai

"Awle sawi zel rawh"

"Ka be hmasa ziah a,ka text hmasa ziah bawk....min ning ngawt ang.A chang phei chuan inthik tir te ka duh rum rum" a thaw hak a

"I tih tum chu puitlin miah suh,midang pawn an ti fo,ngaithla teh,hahdam deuhin awm la,kan sawi hi Oliver anih hi,a lerh viau na in a bialnu neih hmasak ber i nia,a kawp em loh che hi,hun thawl pe la,a rawn pan mai ang che"

"Engmah ka ti lovang maw?"

"Aw,be lo la,text lo bawk la,buai hmel deuhin awm la,midang be ṭha lo la,cool deuhin awm la,a ngaihven mai ang che"

Gabby chuan bu nghat in zawi sap hian "Ka lawm e Chloe,i ṭha ber mai"

"Ka hria alawm,Chloe Armel ka nih hi" tunlai chu hetia tih hi ka ching riau

"Chloe,Chuck Bass chauhin kha thu kha a inhmeh"

A sawi dik viau ang

Dar a rik chuan school ban a hun a,ka hnual rawih mai,essay in min la hmuak zui

Inah ka ti thei reng nan in tharah boxes chhungah laptop ka dah daih sia zawn ngaihna a awm rih lo.Kan insawn thar chauh a,ka lawm chiah lo.Kan in chu a te deuh a a nuam.Mahse kan insawn chhan hi ka hre tlat lo.Gate lian tak leh tuikhuah kan nei ṭhin kha ania

Tuna kan in hi chu ṭhenawm te nen kan inkar brick chiahin min dang a,ka room tukverh ep chiah ah ṭhenawm te room tukverh a hmuh theih a,kan zalen lo riau a ni

Library ka luh chuan a reh khawp mai,ṭhutna awl a awm ṭeuh computer ruak pawh a tam mai

"Hello" ka ti zo chiah chu a khawk nghal rum rum

Library enkawltu chuan "Library ah chuan ṭawng rin loh tur aw,midang tihbuai a ṭha lova" a ti a

Min hrethiam teh ka pi,helaiah hian nangmah nen chiah kan awm tih ka chak teh e,ngaihdam ka dil ta zawk a computer ah chuan essay ka ziak ṭan a

Library enkawltute hi an hna ah an thutak khawp mai.Essay pawh ka zo ṭep,zo teuh tawh tak ka ni

"Library hi khar a hun tawh" Library enkawltu chuan min lo nghak reng mai,tumah an awm ve loh vang aniang,light chu a ti thim a chahbi a keng bawk

Library aṭang kan inzui chhuak a kawngka kalh ri pawh ka hria.A haw thei tawh tur chu a lawm hle aniang,lawmthu hrilh ka tum chuan pawn a lo chhuak fel der tawh

Zui ve mai ka tum a ka ding chawt,ka locker ah diary ka theihnghilh tih ka hre chiah.Diary ka ti nan ka chhinchhiahna bu a ni zawk mah,ka homework te,timetable leh numbers tam tak ka ziah felna a ni.

Hallway ka thlen chuan a nuam ka ti lo khawp mai.Dar ruk a ri tawh a an reh ṭhap tawh mai si,light a thim lo a,locker lam chu ka pan a,hmanhmawh lutuk in ka diary chu ka la chhuak a

Ka locker chu a hnawk khawp mai....Nakinah ka tifai mai ang ka theihnghilh leh loh chuan.Ka locker ka kalh leh hnu chuan school chu a rawn thim ta vek mai

"Eng nge ni ta?" Ka bag ah diary ka thun a ka zip hman tawh lo,kawngka chu ka pawt a,ka chum a,ka tlawh bawk ka bei nasa.....kawngka chu a inkalh tlat,ka tang der mai

Phone hman ka tum a "I balance hi dollar bial leh cents thum thun vat i ngai"

"Fiamthu chu a ni em lo maw?"bang nghengin ka lu ka dawm a.Dar ruk leh minute sawmli panga a ni tawh a ka chhungte chu dar riat hnuah bak an haw dawn si lova

Hnung lamah thawm ka hria a,tu in emaw ka bo tih hriain min rawn chhan dawn aniang,ka va lawm em,tukverh lam chu ka thlir reng a

Tukverh an rawn tihkeh chuan ka nui tawp hmak.Glass keh ah chuan thla eng a lang kulh mai,chahbi an nei lo a ni ngei ang

Ka biru a,thil awmzia ka man ta-school ah mi an rawn lut ru a ni.Ka bih dek dek a,ka hlau khawp mai

Mipa panga,a dum veka inthuam,pian nalh tak tak,mask vuah baseball bat an keng a,film a kan hmuh ang ni lo hian an hmai an tuam vek lova,mask dum an vuah a an inhmeh viau

Pakhat chu a langsar riau,light a an kah chuan a khi suk in ka hria,Chimawm?Sual hmel em ni?Sawi dan mai ka hre lo

"Ṭhiante u,nuam chen ang u le" a aw chu a va pa tak,Spanish aw phawi dik tak a ni

An vuak rik bur bur chuan ka phu ngei mai,a sawi zawh chiah chuan an hmuh theih zawng zawng chu an khawng ri pawp pawp a,mita hmutu ka ni der mai.Engvanga chutia ti nge an nih le?Kum sawmpariat chu an pel lo hrim hrim ang,kan school a kal an ni em?

"Sawtah sawn chhinchhiahna siam ila,eng nge in ngaihdan ṭhiante u?"

Ka lamah an rawn kal ania,min hmuh chuan min that duh mai ang,tumahin an hre awm si lova,tuiah ka ruang an paih ang a,damdawi lam zir te ka la tum asin.Ka tum engmah ka la puitlin lo asin

Aw lalpa,he thihna hi ka pumpelh hlauh chuan
--Sunday ah ka inkhawm ziah tawh ang a
--Ṭanpui ngaite ka pui ang a
--Khawtlang ah pawh ka ṭangkai tawh ngawt ang

Pawna step chu ka hmu thei,min hmuh hlau deuh siin min man hmain ka tlan bo thei ang em?tih ka ngaihtuah a.Min hnungchhawn vek mai

Tunah ka tlan nghal a ngai,ka tlan a.....ka bag zip loh aṭang ka diary a tla chhuak daih.Marble chhuat ah chuan a ri ring khawp mai,an rawn hawi ṭhap a

Hun hi pawt ding thei ngat ila chu an mak ti hmel leh ka lai hmel mawlh chu nuihzatthlak ngawt ang "Hi,Chloe ka nia,ka kal mai ang e" ka ti hrim hrim ang

Ka tlan phut a min zui thawm pawh ka hria,ka thin chu a phu dut dut mai,ka hah vang pawh a ni lo ka hlau em a ni.Thawm a rawn hnai zel a ka hawi ngam tawh lo,ka pan lam pawh ka hre tawh lo,kawngka a inkalh zel mai si

Ka kal zel hnuah ka tlan ṭanna ah bawk ka awm leh tih ka hria,mipa ho chu ka hmu miah lo,tukverh keh pawh a la ngai reng,tu emaw hian min kuai herin min chelh bet a

A mit chuan zun a nei tlat,a hring dum paw chiai a ni,min zem â thei mai dawn,ka harh chhuak thut talchhuah ka tum a

"Min kaltir rawh"

"Engvangin?Police i hrilh ang maw?" A spanish aw phawi bawk a rawn lang leh ta

"Ka tiam a che,khawngaihin min ring rawh,ka sawi miah lovang" Min en a thawm kan hriat chuan min kaltir a,reilote chhung chu thil dang reng kan hrechang lo.Kan in melh reng a

Tukverh ah chuan zuang chhuakin kawngpui lam ka pan a hnung lam hawi tawh lovin ka tlan char char

Reece POV

Ka tlanchhuahtir hnu chuan ka tisual ang em tih ka ngaihtuah

"Reece,khawiah nge a awm?" Valentino chuan a mask a phelh a

"Ka kaltir"
An vai chuan a rualin "Eng a" an ti a

"Lungngai suh u,tumah a hrilh lovang"

"I chiang chiah maw?" Dennis chuan a huaisenna sawm khawmin min zawt a

"Dennis,ka ṭhian,min ring rawh" a darah ka kut ka nghat a

"Ṭhiante u,kan tihtur chu kan zo ta......A lawmna nei ang u le" Valentino car chu kan pan a

School kan pelh chuan ka rilru a zawhna awm reng chu ka zawt hlawm a
"Tu in nge notebook kha la?

"Heta hi Reece" Jayden chuan seat hnung aṭang rangkachak kawm diary chu min pe a

A phek khatna ka keu a ka nui suk,kan hmeichhia chu a hming ka hre ta

"Chloe.....Chloe Armel"

Chhunzawm tur


Show post links
Top

[Ngaia]

Episode 2
Translatted by B.Hlutei

Nizana ka thil tawn kha hlawmawm ber a la ni lo cheu

"Prescott Private College hi mi fing leh hmakhua eng tak te tan a ni a,nizana thil thleng kha en liam a ni lovang" Headmaster chuan a sawi ṭan a

"Hetiang school bungrua khawih chhe tu hi kan zawng chhuak ngei ang zirlai a ni emaw ni lo pawh nise.In vaiin zawhna zawh in ni ang"

"Naktuk aṭang kan ṭan ang,thu hriat in neih chu rawn sawi zel ula,mawhphurtu kan hmu ngei ang,in kal loh chhan medical certificate in neih loh chuan Prescott Private College aṭang hnawhchhuah in ni ang"

A va hlauhawm chiang tak,tumah kan ṭawng ngam tawh lo.Headmaster zet chuan huhang a ngah a ni,kan thaw ngam ṭawk

Ka khur der der in ka hria,Headmaster lam pawh ka hawi ngam tawh lo,zep ka nei tih a hriat ka hlau

School ah ka tang a,anmahni chu ka hmu thei lo,mask an vuah a,an hotu chu chhelo deuh spanish aw phawi a nei ka ti ang maw teuh lo mai

Prescott Private School hi ka khawvel a ni.Ṭhian ṭha tak tak ka nei a,zirtirtu te nen an vaiin ka hmangaih vek,school activities pawh nuam ka ti,lehkha zir chenin....Prescott hian ka hma lam thui tak a hril,tih chhiat ka duh re re lo

Gabby nen chuan kan ṭhu a,ka thei ngainat ber yoghurt chu fianin ka suak,Charlie pawh kan bulah a awm e

"Ṭhiante u,nun hi a va fair lo em" Allie chu a phun bul bul a "Ni sa ah in awm reng a,in vun a nalh em em tho a kei hi min en teh u,minute thum ka awm a,tomato ṭawih ang mai ka ni" Nuih kan insum nasa teh e min chum leh chawrh mai ang

"Sunscreen in inhnawih si lova,vun cancer in hlat vak lovang" Allie in a tih chhunzawm a

Daihlim lam kan pan nghal

Allie,Charlie leh Gabby chuan Vitamin d tlakchham hi cancer neih awl leh awl loh ah an inhnial a,an hmuhnawm viau mai,Charlie chuan minute hnih danah a vun a en sek,a va thlaphang hma tak e aw

Ka nui tawp chawt,nizana mi panga te kha school building bang nghengin an lo ding a,hriat an awl khawp a bikin ani phei kha

"Chloe,i ṭha em?"

"Gabby,tu nge kawr vut buak ha court a awm saw?Ka kawh lam chu an hawi ṭhap a

"Ani saw maw,Reece carter anih saw,i hre lo a mi?" A mit a siai zak a

"Ka hriat i ring em ni?"

"Engmah ni love....a lar ve em a,a ṭhiante nen sawn buaina an chawk chhuak ziah,a hmelṭha tiraw"

"Bialpa i neih kha aw,mahse a chhelo alawm" Allie chuan a ti a

"A hma in ka va hmu ngai lo ve"

"A ṭhiante nen keini ai kum khat in an senior a" Gabby hian hriat loh pawh a nei lo anih hi

"Eng dang nge i la hriat?" Ka aw a dik thei tawh lo

"Mi enthlak ching hlauhawm tak kan kawl a nih hmel" Allie chuan a ti a,ka chum chawrh mai

"An zah hlawm lutuk,mi hian an ngaina a,mahse a ṭhiante bak a ngaihven lo,ngaihzawng a la nei lo in ka hria" Gabby in a sawi zawng chuan a ngui deuh riauin ka hria.Keimah ah hian danglam a awm deuh tlat,eng nge ni ta ngai?

"Zirtirtute tihbuai nuam a ti lutuk" Gabby in a tih chuan ka harh zawk mai "School aṭang an hnawtchhuak ngai miah lo,mak tak a ni,hrem an tawk ziah bawk sia,an tan bik liau liau ṭhutna an zuahsak"

"An chhungte an hausa aniang chu?"

"Chloe,heta lut hi chhungte hausa lo an awm hleinem" Ka va en leh hlawm a

"Anih midang te saw tute nge?"

"Awle,Reece bula mi saw i hmu em?Reece ṭhian ṭha ber Valentino ania,party nuam a tia,a chhelo bawk.Sam buang ṭhu saw Dennis ania a duhawm reuh ania.Chuan phir an awm leh a,Jake leh Jayden buaina thuah hnih an ni mai,Prescott Private buaina thlentute an nih saw"

Dar a rik chuan mahni class lam kan pan ṭheuh a,locker ka hawng a ka kalh leh nghal,ka diary a awm lo

Math nge Chemistry,English pawh a ni zawk maithei.Niminah English kan lak tak kha,vawiinah kan nei leh ang em?Khawi room ah nge ka kal tak ang?

School ka kal chhuah vek hnu chuan ka lut dik hrim,Kan zirtirtu thlaktu zawk a lo ni

"Miss Armel,i tlai"

"Ka lawm e,Captain"

Room chu a reh ṭhap,ka ngaihtuahna ka lo sawi chhuak chu niin

"Mai mai chuan a"

An reh leh ṭhap chuan ka lo sawi ring leh tih ka hrechhuak,a pawi zo ta

"Eng maw i sawi kha,Miss Armel?"

"Ka tihpalh Miss,ka chau lutuk a ka sawi tum a ni miah lo ania"

"Detention room ah kal nghal rawh"

Eng a?

"Khawngaihin Miss,min ngaidam hram rawh?"

"Class i rawn tlai bakah ṭawngkam mawi lo i hmang a,Headmaster ka koh hma hian kal vat mai rawh"

Kum sawmpasarih ka nih chhungin vawi khat mah hrem ka la tawk ngai lo,a vawi khatna a ni

Ka hmalam hun tur ka ngaihtuah a

Hmeichhe nalh deuhin "Ka lawmpui che,Miss Armel,damdawi lam zir turin i tling e,record ah hian hmeichhe fing leh invawng fel tak i ni a,kan zawn ruk reng chu i ni e"

Kan zirtirtu thlaktu kha a lo lang a "Inhremna room ah a lut tawh asin"

Nula chuan min en a "A thusawi hi a dik em?"

Thlanin min rawn bual a "Ka sawifiah thei"

Min kalsan daih,zirtirtu suali chuan min nuihsawh deuh hian kha kha i chantawk anih kha a ti a.A hnenah chuan "Ngawi rawh,nang misualnu" ka ti a

Ka lu chu ka thing a,ka va ngaihtuah thui hman ve

Room chungah chuan DETENTION tih hi a lo inziak kuau mai

Hei hi anih hi Chloe

Kawngka ka hawng a,zirtirtu chu a lo muhil
Reece Carter,Valentino,Dennis,Jake leh Jayden an kim vek
*****
Chhunzawm leh tur


Show post links
Top

[Ngaia]

A va hrilhhaithlak zawk ve

Mipa ho chuan min en ṭhap mai chiang tawkin

Zirtirtu chu kaihthawh mai ka va duh ve

A dawhkan ah chuan Detention lehkha a awm a,pakhat chu la in ṭhutthleng lam ka pan a.Mipa panga te chu classroom ṭhutna hnung ber ah an ṭhu vek a,Gabby in ṭhutna bik an nei a tih kha ka hrethiam chiah.Tu mah hrem an ngai ve lova

"Awle awle, kan french nu chu enge hetah i rawn tih dawn?"Valentino a ni tih ka hre nghal

Ka chhan hun a nghak a

"Class ka tlai a"

An ngawih hnu chuan in en kualin an nui ta chiam mai

Ka ṭhu tawp a ka chhan dan khawngaihthlak lutuk chu a zahthlak zawk.Zirtirtu ka ṭawngkhum tih te kha sawi ila ṭha tur

Valentino chuan a nuih nasat lutuk avanga a mittui tla chu hru in "I cute lutuk Chloe,cute tak i ni"

Ka hming an hria mawle

"I diary i tihbo vang chu a ni em lo maw?Phir pakhat chu a rawn nui sak a

Ka diary an nei a ni chiang mai,ka hming an hria pawh a awm tho e

"Min pe let leh hram ru khawngaihin"

"Hei ai hian a cute theih tawh pawh ka ring lo a,khawngaihin te a ti ania"

Valentino chu ka melh rum ngang mai a ban chu chung lamah a phar a

"Ka zawhna che u chu hre lo der lo hram rawh u,ka diary chu min pe let thei ang em?"

"Khawngaihin i ti dawn lo mi Chloe duhawmte?" Ka melh rum leh a "Enge?!Tikhan min en suh,ka kawl hleinem"

Phir te chu ka melh leh a,an lu an lo thing ve ve

Dennis ka en leh.Min nuih sak a "Tihpalh Chloe,ka kawl bik hauh lo"

Reece chu ka va en a,itawm,chhelo,hlauhawm,chimawm a fawm kim vek.A thutthleng chu a ngheng a,a ban chak tak chuan a lu a dawm a.A mitmeng mawi takah chuan ka inpumpek thlap.A sam te chu a nem in,khawih a ti chakawm.....mahse tun hun atan chuan mak min ti lutuk ang

"Ka diary i kawl chiang" Zawhna pawh a ni chiah lo,mahse ka chhanna ka hmu tho

A nui deuh suk a
-*-
He thu ka sawi hi ka ring ngai lo.....mahse

Detention hi a nuam phian

Mipa ho hi an hmuhnawm tawp,detention a ka awm chhan ziah ngai ka theihnghilh ṭep a ni

I mizia i siam ṭhat theih dan tur words zanga ziak rawh

"Lungngai suh,lungkham vak a nei lo" Valentino chuan Zirtirtu muhil lai lam chu a hawi a.Zirlaite hremna pe tu tur ber a muhil daih ania

"A mu reng zel a mi?"

"Nupui a nei ve chiah a.zanah an au nasa thei lutuk--ka sawi i hrethiam mai em? A mitko a san zuk a,ka lo meng kual nasa mai

"Pa ve tak chu i ni e"

"Engvangin,ka lawm e C tereuhte"

Kan chhuah leh hnu chuan ngaihtuahna ka nei thut "Naktuka zawhna min zawh hunah ka report che u in ring lovem ni?"

"I ti dawn lo tih kan hria alawm"

"Engati?"

"Reece hian a ring tawk che a,midang hi chuan kan chiang chiah lo"

"Anih,midang ka hrilh i ring em?"

Valentino chuan nui chungin,"Min hmangaih hlawm em mai,min hnawhchhuahtir phal lovang" ka sam a tuai a.A kut chu ka beng sawn a mahse ka sam chu a pawr hman tho

Ka ipte a phone vibrate chu ka hria;message chu ka hawng a

Chloe,
I pa nen kan rawn tlai dawn a,
Kan in tharah bus in lo va haw mai rawh aw.
Chinese ah khan eitur lo chah la,tihpalh aw bawihte
LOL
i nu.

Ka nuih a za ngei mai-ka nu hian LOL lampum hi hmangaihna tam tak nen tihna ah a ngai tlat a
--*--
Bus ka nang hman lo

A tlai ve tawh ruih mai,chawhnu lam dar li chauh a la ni nan.Chhum dum chuan ni a hliah a,Rilru ṭawngṭaina in ruah sur loh nan ka dil chiam

I hria em Lalpa

Traffic light hnungah chuan bus ka hmu a

He nun zinkawng hi hmanhmawh taka zawh a ngai

Uniform leh pheikhawk nena tlan chu a nuam vak lemlo

Bus an rawn hawn chuan ka va lawm em ka ti thei ta

Lalpa ka lawm e

Bus chhung chu ka en kual a an vaiin mak min ti in ka hria--ka thawk a hah em a ni.Exer lak ka ngai a ni

Reece Carter a lo awm reng

Zia lo ve
--*---
Buaina zawk chu hnung lama ṭhu ho in min en ṭhap chu a ni.

Pitarte a chhuk chuan ka thawveng sawt,ka chhuk a hun ve ṭep a,he zahna hi ka tuar chhuak ṭep e

Ka chhuk a,Reece pawh a lo chhuk ve
---*----
Kawngah chuan ka kal zel a.A pen thawm chu ka hria.Ka hawi lahin,a lo awm ve zel

Kan in thar lam chu ka pan a .Reece chuan min la zui zel

"Min zui em ni?" Hre chak deuh si,thinrim deuh bawk siin ka awm a

"I mumang anih chu"

"Inzui ruk hi ka duh miah lo ania,hrem tawk reng tu lak aṭang ngat phei chuan"

"Chhelo deuh i tihna em ni chuan ka zui ru lo che"

In ka thlen chuan inveng deuh pah chuan ka hawi let a

"Ha ha,min zui chiang alawm"

Ka hnungah chuan a awm lo

Reece chu kan ṭhenawm maia in chabi chu a hawng a,a lu thingin a rawn nui chhuak a

"Han ring chhin leh teh,ṭhenawmnu"
***
Episode 4

Thil pahnih chian ka nei
Pakhat chu;Reece ṭhenawmah a awm.
Pahnihna chu;In pawnah ka tang
---*---
Hnung lam kawngka chu a lo inhawn theih hlauh beiseiin ka tlawh a
A va beidawnthlak tak

Lungrem ah chuan ka ṭhu a,ka beidawng ngei mai.Ka ui duhtak,German thlah Oscar chuan min rawn liak a

"Oscar hmuh i va nuam em" Oscar hi kum sawmpathum ka tlin a birthday thilpek ka dawn a ni.Box sen lian tak ka hawn chuan a mei a vai a ka hmai a liak a,vawi khat hmuhna ah ka duh nghal

Minute nga hnuah ruah a rawn sur a

"Ka nu leh pa lo haw hma chu kan pahnih chauh kan nih hmel"

Minute hnih a liam leh chuan,Oscar chuan ui lenna kawngka ah min luhsan daih

"Awle,keimah chauh ka nih hmel"
---*---
Ka inhnial char char hnuah Reece kawngka ka va kik a
Minute khat leh second sawmthum pasarih hnuah a rawn hawng a

Towel chiah a veng engmah a ha lo

Ka ngaihtuahna chu a kal thui leh hman khawp mai,he hun tak hi a va hlu em fuh chai chai lutuk

Enge ka hmuh hi?Reece a ni,a sexy si,a sam huh chu a hmai ah a rawn far thla a,a nghawngah luang lehin a six packs ah a liam thla,aw six packs ngei a ni

Chuanin kei ve chu

Sam chhe lutuk mai ka pu a,vawt ka tih vang pawh ni lovin ka hmaa mipa chhelo lutuk vangin ka khur beuh beuh mai

"Min check zo tawh em?"

Zo lo deuh

"I mumang anih chu" tih pahin a inchhungah chuan ka lut a

A rawn nui a "School ah leh inah pawh kalh khum i tawk reng a ni maw?Dik tak chuan ka hmuh tirh che khan ka ngaihtuah a...."

"Vanduai tak a nih hi" ka lo tih khalh a.Nuih a insum nasa

"Ni chiah e"
---*---
"Kawr i ha thei ang em?"

"Engvangin?Ka six packs hian a tibuai che em ni?

"Ni love"

"A tibuai lo che maw?"

Kan ngawi a

Chhiatloh lutuk pawh hi a buaithlak anih hi a ti a
---*---
"Ka ril a ṭam"

"Reece ka nia"

"Ha ha" ti chungin dawhkan a phone chu ka la a number ka type a
Hmeichhia chuan number pali a hre ngei ngei tur a ni
------A number
------A nu
------A ṭhianṭha ber(Keimah bikah chuan Charlie)
------A tawp berah chuan Chinese ei chawp dawr

Noodles leh dim shim ka chah hnuah chuan a in chu ka en kual a.Painting leh an chhungkaw thlalak chu bangah a lo intar a,keimah ang chiahin fa mal ve tho a lo ni

"I in ang chiahin ngai la aw"a awki a min tih elna chu ka hria,mahse ka hrelo der

"Movies en tur i nei em?"

Reece chu phur lutuk hian a rawn tho thut, "Chick flicks leh Romantic lampang em ni?"

"Aw ni e"

"Teuh lo mai"

"Aw anih,eng nge i neih?"

"Movie hlauhawm lam chi,i en ngam lovang"

"Rawn chhuah ta che Carter"
---*----
Ka sawi loh tawp tur ka sawi a ni

Ṭhutthleng ah chuan hla deuh ah ka ṭhu a ka mumang ah ka hmuh loh hram ka beisei

Lukhum khum pa hian hmeichhia chu chemte nen a um a,hmeichhia chuan bihrukna a zawng a phone pawh a hman theih loh kawngka a hawn chuan mipa chu a lo awm a

Ka zun ka va cheh teuh em

Ka au apiangin Reece chu a nuih a za ting mai.Ka melhrum vak a,a tawp ve mai.Movie chu a bul aṭang a inṭan leh

Movie ah chuan kawngka a ri a

"Nilo,hawng miah suh,mi â nu"

Kawngka chu a hawng a mipa chuan a thut a

Chumi lai tak chuan Reece kawngka chu a rawn ri a

Kan inen a;ka hlau hmel chu a hmu a min siai zak a

"Lungngai suh Chloe,ka venghim ang che" ka thin a phu dup mai.Eng thil nge a sawi tak?

Kawngka a va hawn chuan kan eitur chah kha an rawn keng a
----*-----
Ka noodles chu ka her kual a,"Kan rawn luh hma hian tute nge cheng?"

Reece chuan dumpling chu keihin a ngaihtuah let a a nui bawk

"Pitar nupa"

"Engvangin nge an chhuahsan?"

"Ka hre bik lo"

Ka van awih lo tak

"Zanah music ka play ring thei lutuk a chuvang aniang"

"Ka hrethiam e"

"Zing dar thum ah bike ka khalh ṭhin a"

"Anih loh pawn kei hian"

"Ka man thiam e,misual i ni" ka tinui leh ta.A nui pawh a duhawm e.

Ka phone chu a nghawr leh a

Hey Chloe,
Ka ngaihtuah a,hmeichhia te chet hmasak hi a pawi ang em?
Becca

Ka text let vat

Hey Bec,
Confidence hi mipa ten an duh ania,
A chanve hi chuan hmeichhia te chet hmasak hi pawi an ti lo?Va che hmasa tawp rawh
XOXO
CA

"Thudik a ni em?"

Ka hawi phei a "Eng chu?"

"Ngaihzawng te suihzawmtu an tih che hi"

"Thurawn ka pe mai chauh alawm"

"Tu nge mipa chu?"

"Enge i sawi awmzia?"

"Tu mipa in nge hetianga siam che a?I rilru tina tu leh hetianga siam che a ngaihzawng neih theih loh tir tu che leh mipa te hip theih dan i hriat theih nachhan......"

A van sawi tui em em a subject tui zawng tak ang mai a ni

Kei chu ka tawt up up mai.Ka lu te hi a hai dawnin ka hria.Tumah in mipa a chhan ah an ngai lo re re

Ashton De Ville vang a ni tih tuman an hre lo
*****
Chhunzawm leh tur


Show post links
Top

[Ngaia]

Hmeichhia chuan an star hmasa ber hi an hrereng ṭhin.

Mi pakhat a nuih avanga kan hun hman nuam ve tawp mai te.Hi an tih vang ringawt a kan ngaihtuah nilen chang te,kan thinlung titui zawih zawih tu leh kan min ti zawi vek thei tu chu

Chung ang chiah chu a ni Ashton De Ville chu

A duhawm a,a fel a,fiamthu a duh hle bawk

A pawi ber chu a kawplawr lutuk hi a ni.Mi thinlung infiamnan a hmang ṭhin

Hmeichhe thinlung a lak dan tactic pawh ka hre khawp mai.A chezia zawng zawng ah a lang vek.Hmeichhe thinlung a hneh phawt a,a kalsan leh zel ṭhin

Tichuan min hmu ta a

A game khelh dan ka hre tawh khawp mai

A ngai te bawkin inpawh leh innawr a chetdan a ni.Physics min ti hrechhuak

Pawh luh a,induh tir a,hman hnuah nawr sawn leh

A lerh chuan ka lerh ve a.A tawp leh ka tawp ve a.Amah ang chiah ka ni ve e

A duh belh zel a

A bialnu turin min sawm ta reng a;tumahin an ring pha miah lovang
---*---
"Ka kal a ngai"

Tlan ka tum a mahse step hnih pawh ka pen hman lo.Reece chuan ka ban a man a inhma tawnin kan ding a kan awm chu a insi rial mai.Deja vu dang ka tawng leh a nih hi

A nuam veng veng mai

"Ka tihpalh" A mitmeng mawlh chu,Lalpa leh,a nawm dan a va nasa tak.A thutak in a zauthau..... "I rilru tihnat emaw hriatrengna ṭhalo tak rawn chawhthawh ka tum miah lo ania"

Sawi tur reng ka hre lo.A bu nghauh a.Hun chu a kal zel a a rehin awm dan pawh ka thiam tawh lo

Reece chu a rawn phur leh thut a "Movie chu kan en zo dawn mi niang?"

Ka nui a,thudang a rawn sawi daih vang chuan ka lawm khawp mai

"Teuh lo mai a"
---*---
Kan room chu a inep chiah.Kan tukverh awmna a inzawn

A room chu ka hmu thei a,thingkung aṭang chuan a room ah ka lut thei hrim hrim

Tu in nge hetianga in sa le?Fianrial awmzia hi an hre lo em ni?Pitar nupa in he room hi an luah ṭhin tih ngaihtuah phei chuan......Reece in chhuahtir a tum nachhan ka hre ta mai

Ka va khawngaih tak
----*-----
Ka harh a,mut leh mai chu ka duh.

Vawiin hi kan inzawh hun tur kha a ni a,ka phur hlawl lo

School ah chuan Headmaster puitu chuan a mal te te in a ko a

Charlie bulah chuan ka ṭhu a a zam hmel khawp mai.A kut chu ka chelh a

"Hey,i ṭha em?"

"Aw,mahse room aṭanga rawn chhuak te hmel saw i lo hmu em? Ka lo bu zeuh a.An hmai a dangin an hlauh hmel

"Rilru hahna tur i nei hleinem,Charles,pawi i khawih lo tih ka hria alawm"

"Ni e,i sawi dik alawm". A rawn hahdam deuh a, "Charles tiin ko tawh suh"

"Chloe Armel". Mi te chuan min rawn en ṭhap.Charlie kut chu ka hmet leh vang vang a kawngka lam chu ka pan a

Kalkawng chanve ka thlen chuan,Reece chu room aṭang a rawn chhuak a,a thawven hmel khawp mai

Kan mit a intawn chuan a nui deuh suk a

"Ṭha deuhin aw Armel"
---*----
"Nilai tlailam school banah khawiah nge i awm?" Officer pakhat chuan min lo zawt a.Thing ṭhutthleng ah chuan rem lo deuhin ka ṭhu a,Police officer pathum leh Headmaster chu sofa ah an ṭhu a

"Homework zo turin library ah ka kal"

"Miss Armel,library ah chuan i kal ziah ṭhin em ni?" Kan thu khel lai nen a inhmeh pawh ka hre chuang lo ka chhang ta tho a

"Ni love,mahse in tharah kan insawn a ka laptop ka hmuh zawh loh avangin library ah ka kal a

Ka sawi sual tlat mai

"Dar engzatah nge library i chhuahsan?"

"Khar hun velah aniang----dar ruk velah"

"Mi in i haw chu an hmu che em?" Ka ni nghulh tawh mai

"Aw,library enkawltu in"

Officer te chu an inmelh zak a

"Miss Armel hi thiam thei pawl tak a ni a;hetianga kan inzawh hian khawi ram mah min thlen dawn lo" Headmaster chuan a rawn ti a.Va zuan pawp a pawm vawng vawng ka va chak tak em-min chhan him chiang a ni

"Tehreng mai,Miss Armel,class ah va let tawh rawh"

Vawihnih hrilh ka ngai lo-an rilru an thlak hmain ka chhuak vat
----*-----
English class ah chuan

Nimina zirtirtunu kha ka hmu a ka kal pel hmak

Detention room lam chu ka pan a
----*-----
"Little C,kan va ngai che ve!" Valentino chuan kawngka ka khar rual chuan min lo hmuak a.Zirtirtu mutthlu chu kal pelin ṭhutna ah chuan ka ṭhu a

"An zawt ta che em?" Dennis chuan a ti a.Min la ring lo deuh a ni maithei.Ka sawi dawn lo nasa mai sia.Ka ngawi reng a

"Dawt ka sawi tih an hria a ka hlau lutuk in ka hrilh ta alawm mawle.Man tur che u in an rawn kal ṭep tawh ang"

Ka va bum chiang dawn tak

Reece chuan awih lo tak a ni

Valentino chuan mak a ti deuh,man a tawk dawnah a inngai

Phir te chu an lawm zawk em ni?Hnawhchhuah an chak zawk a ang?Nun nuam tak an hmang lo a ni maithei

Dennis khawngaihthlaka chu a ṭap ṭep

Reece chuan a tukhum ah a beng a,na a ti deuh aniang

"Den,a fiam mai mai che nih kha,pa deuh khan awm teh"

Ka nui chhuak ta hawk hawk a,ka pum te chu a na vek thawk pawh a harsa hial

"A nuihzatthlak loh ania Chloe" Valentino chuan a ti a.Jake leh Jayden pawh an lungawi loh hmel khawp.Ka nuih a za ting mai

"Aw,ni e ni e"
----*-----
Sandwich chu keihin ka ṭhiante thusawi chu ka ngaithla a

"Ṭhiante u,zawhna sawmhnih pathum min zawt ania!sawmhnih pathum!" Charlie chuan a ti a

"Nikhaw hre lo in ka awm ṭep" Gabby chuan Charlie bula ṭhu chuan a ti a

Allie chuan chips leh sauce ei pahin, "Dan leh thupek ni maiin ka hria" a ti a

"Engmah a nih loh kha"

An vai chuan ka â maw an ti aniang min en ṭhap

Reece Carter chu Cafeteria ah lo lutin a ṭhiante lamah a phei a.Min rawn pelh lai chuan a lu a bu zeuh a

Thawk lak ka theihnghilh leh ṭep mai

"Aw lalpa leh" Gabby chu a phur ngei mai, "Nangmah tiraw a rawn tih!Reece Carter khan?"

"Maithei"

"In inkarah eng nge awm?" Gabby chuan min zawt a Charlie awmdan chu ka hrethiam lo

"Eng a?In fiamthu a mi?Ṭhenawm ringawt alawm kan nih"

"Eng maw i sawi?Reece Carter i ṭhenawm maw a nih?I va han vannei tak"

"Bialpa i neih kha" Allie chu a rawn inrawlh a."I inah a rawn kal ngun dawn riauin ka hria" min rawn siai a
----*-----
Chloe,
Ka rilru tina ve lo tu tur mipa ṭhian ṭha ber ang hi nge chhuahpui ṭha ang sual hmel deuh mahse nun nuam min tih tir deuh tu tur zawk-mahse a bulah chuan him lo deuh a inhriat a awl sia,ka hrethiam tawh lo
Tasha

Ka chhan dan tur chu ka ngaihtuah rei khawp mai.Dar sawmpahnih leh a chanve a ri tawh a khum ah chuan mu in chunglam chu ka thlir a,a va lo mawi em em ve

Puan chu hlipin ka tho a room lehlam ah awm chu ka hrechhuak a.Reece chu a muhil tawh,a muhil lai chu hmuh a hahdam-a sual hmel zawng zawngte chu a reh vek

Chhanna ka hre ta

Tasshh,
Vawi khat chiah kan piang a,i nun kha nuam thei berin hmang rawh.
Risk lak ve te a ngai a,i thinlung in a hrilh che chu zawm rawh,i thluak hrilh che ni lovin
Hmangaihna tam tak nen,
CA

Ka thawn zawh chuan ka thaw halh.Ka mut hma chuan Reece room chu thla eng in a kap eng riau in ka hria

Ka diary a ni

Ka thin chu a phu dup dup a,ka awm leh ka thawk dan chu a dik tawh lo.Ka diary chu a khum bulah chiah chuan a awm

Notepad emaw textbook chu nise pawi lo nan,he thil hi chu a hran hlak a ni

Ka nun hlui te,Cupid puitu ka nihdan te leh Ashton De Ville chungchang te a awm vek

A chhan chu ka hriat theih zawng leh......ka hmuhchhuah zawng zawng te chu......diary ah chuan ka chhinchhiah vek sia

Ka lak let leh a ngai

Bedroom tukverh chu fimkhur deuhin ka hawng a,zan thlifim chuan min rawn chhem heuh heuh,ka khur ve deuh

Reece Carter a inah ka luh ruk mai a ngai
****

Chhunzawm tur


Show post links
Top

[Ngaia]

Disney Channel avangin mipa lakah ka bwiseina a san phah a,Hollywood movie vangin mi ina luh a awlsam ka ring ringawt

Ka nghah chhan tur ka en uluk a ngai,thawm chhuah loh leh tlak loh a ngai

Rilru ṭawngṭaina ka neih nasat phah khawp mai

Lalpa,khawngaihin min tlak tir lo hram rawh
Min ṭanpui rawh
Khawngaihin min thih tîr lo hram rawh aw
Tui takin mut tîr la,tukverh lehlam aṭang ka en tih hre lo hram rawh se

A tawpna ber phei chu ka chham uluk leh zual

Ka ti thei ta,glass aṭang chuan ka bih a

Reece chu a mutui khawp mai

Bihthla chu ka ni tho mai a

Ka kut chuan tukverh chu zawimuangin ka hawng a,thawm zawi deuhin bedroom ah chuan ka pen lut a

Ka thil tih hi a âtthlak hle,ka lo inthlak hmasa lo a ni.Vest leh kekawrbul chiah ka ha a,a chhing ve khawp mai

Ka lo ngaihtuah lo a ni

Reece Carter bedroom ah ka awm reng tawh
----*----
A rawn harhchhuah ka hlau zek zek

Eng nge ka tih ang?

A room a diary lak chhuah ka tum a ni lawm ni?A rawn harh chuan engtin?

Ka awi muhil dawn em ni?A teuh lo mai

Tunah hian duhthlan tur pahnih ka nei
1)Diary lak a chhuah
2)Engmah la lova chhuah tawp

Buaina tlem a la awm,chu chu ka tih chuan Reece ka tih harh loh a ngai.Hollywood a changtute ka va ang dawn ve

A chhuar ah chuan ka diary kawm chu a lo eng deuh phet phet mai.Ka tan chuan lawmman a ni alawm

A awmna lam ka pan a-Reece khum chu ka kal lelh a ngai-Diary chu lak a chhuah a ni mai

Ka diary chu hnai deuha awm siin ka va ban phak teuh em

Ka ke ka bilh thut,khumah chuan ka tlu thlawrh,Reece Carter bulah ka mu der mai

A va chi loh ve

Thla eng chuan a hmai a chhun a,a rawn meng kawk mai,a mitmeng hring pawh a lang

A lawm vak lo

Thawk a va harsa ve,kan inen reng a,min pawm bet tlat

Thawh pawh ka tum lova,a rawn nui chhuak a

"Mi ina luh ruk chu i zei lo hle mai,rawngbawl tal chu i thiam ang tiraw?"

Sawi tur ka haihchham der,a thinrim lo a,mak ti awm pawhin a lang lo

Sawi tur ka ngaihtuah fe hnuah za lo deuhin ka nui a, "Min kaltîr teh,i rit ropui si"

"I hria em Chloe,ka inringtawk ve viau na in i thil sawi chuan ka rilru a tina ve det"

Nuih insum tak chuan a awmah ka chum a

Chum chawrh ila min kaltir ang em?nge ni a kan taksa intawh hi nuam ka ti,ka hrethiam tawh lo.Ngawi teh,eng nge ka ngaihtuah a?

"Eng vangin nge kawr i hak loh?" Ka rum nghut a,chhan a va harsa tak

Ka taksa chu a en a,a nui leh suk

"I hur lutuk"

"Tu emaw angin mi bedroom ah ka lut ve lo tal alawm" ka hmai a sen ṭawn ṭawn Reece a'n a hmu lo chu ka lawm

"Ka diary chu min pe let rawh Reece"

Primary school zirtirtu in naupang te a biak dan ang chiahin a aw ki a thlak a

"Chloe,mi thil kan dilin a tawpah eng nge kan sawi ṭhin?"

"Khawngaihin?"

"A ṭha e,hma i sawn e,sawi nawn leh rawh le"

Kan intihluih fe hnu chuan,tlawm zawkah ka ṭang a

"Anih chuan,khawngaihin diary chu min pe let la"

Mit a siai zak a

"Aih"
-----*-------
He pa pui hi brick bang ang mai anih hi,a che eih lo

"Tak tak in min vaw tawh lo teh,ka na vek tawh.....anih loh pawn ka mantîr thei che ania,i hria maw?

"Eng a?" A rawn kun hniam a,a spanish aw phawi chuan zawi sapin ka bengah a rawn sawi a

"I ngam chiah ang maw"

Ṭah tur nge thinrim tur pawh ka hre lo.Chhuah ka tumna ah ka kut a na vek

Lo hmanhmawh lutuk lo ila ṭha tur,chet vut vut hi a lo ṭha ber lo anih hi

Ngawi lawk teh,he zinkawng tawite ah hian duhthlan tur dang ka nei tawh lo.....

Ka lu ka her chho a......ka fawp hmak mai

A tirah chuan mak a ti tih ka hria min nam sawn chuan ka zak ngawt ang

Min nam sawn bik lo.A hmui chu ka chhui kual a a rawn hahdam deuh aniang,a insum ṭang ṭang hnuah,Reece carter chuan min fawp let ve

Kan hmui aṭang chuan rawn inṭanin,halpuah ang mai hian kan ṭek chhawkin ka hria.Kan infawp chu kan duhthawh viau mai

A ke karah chuan na lutuk maiin ka pet a chutia ka che ta mai chu a awihawm loh rum rum zawk

A na ti lutuk chuan min thlah nghal vat

Tunah ka chet nghal a ngai

Diary chu chhuar aṭang chuan ka la vat a tukverh ah chuan ka zuang chhuak a

Ka chet dan chu film ang mai a ni

Ka room ah ka lut leh a,tukverh ka khar a,ka kalh a parda ka zar

Ka hawi let ngam tawh lo hrim hrim

Bedroom bang chu ka ngheng a,ka ṭhu thla riai riai a,ka hmui chu ka khawih a

Min fawhna chu ka hmuiah a la cham reng mai,a va thlum tak
*****
Episode 7

Chloe POV

Ka harh chuan ka nghawng a na ngei mai.Ka massage a,nizana ka mumang vangin ka nui deuh sak

Ka mumangah Reece Carter nen kan infawp a nuam ve tak a ni

A nuam lai ber maw?Reece a'n min fawp let ve

Ka diary pawh ka lo la let a

Ka thawh chhuah hnu chuan chhuat a diary lo let reng chu ka hmu

Anih chuan,mumang a ni lo a ni maw

A ṭha e a ṭha e
-----*-------
Reece POV

Ka harh chuan thil pahnih ngei deuh ka nei nghal
1)Ni sa
2)Chloe

Tuilum ah chuan shower in ka in khawh tir a,ka duh tawk chiah mai,ka luh chiah chuan ka ngaihtuah nghal a

Tu ah nge a inngaih phiangsen a?

A thil duh a hmuh theih nan min fawp a?

Min hmang mai mai a ni

Hmeichhia ang maiin thil ngaihtuah lo teh ang

Ka inbual zawh chuan towel ka la,darthlalang ah chuan ka inen

Kan infawh khan awmzia a nei lo.A diary lak let nan a tih a nih kha

Keimah ah thung chuan

Kan in fawh kha maw.....aw ka tan pawn awmzia a nei lo
----*------

A ngai te bawkin ka tlai leh ta

Serthlum tui chu ka in zo a,kawngka lamah kalin ka bawihtea lam chu ka pan a

BMW K 1300 S

A ni chiah alawm.Ka hmuh tawhah chuan BMW chak ber a ni ang.A engine pawh 129 KW,a rih zawng pawh 254 kg.Intlansiak ah pawh a iai awm loh.Caliber sang bera thuam a ni a,a him viau bawk,motorbike chak ber a ni ngei mai

Ka zirchiang thawkhat viau

Ka khalh ṭan dawn laiin,Chloe bus stand ah hmanhmawh taka a ding chu ka hmu a,a chauh hmel khawp mai

A thinrim hian a duhawm

""Aw tu emaw in guards han ko teh u,Lal fanu hi a lawm lo anih hi......lal fanu hian alarm a set theihnghilh a ni maw?"

Ka motorbike lamah chuan a rawn kal a mawi a tih pawhin a awm tho,an vaiin an thlir ṭhin alawm

Min rawn en a a lungawi lo tih a hriat

"Aw,nangmah vang anih hi"

"Kei hi maw?"Ka in kawk a,hawi kual velin hnim nge dakpu a ni zawk lo maw?

Ka hawi leh chuan a kalsawn daih

"Hey,khawiah nge i kal dawn?"

"I hlat ah ka awm dawn" a rawn au let a.Chloe chu a hawisawn a,mahse a nui lai chu ka va hmu hman

A hma ah tak chuan bike ka tiding a.Muang deuha khalh hi ka ngaina lo

Min en haw a." Tumah in ding turin an ti lo che"

"Ka hria alawm,mahse mite ṭanpui hi ka nuam tih zawng ania"

"Ka lawm e,mahse puih ka ngai lo"

"A nih loh kha,eng bus ber in nge school ah hruai dawn che i hria a mi?"

A ding leh a,Chloe chuan hriatchhuah thut nei hmel a pu

"Hrep chuan a"

"Lalfanu hian ṭawngkam ṭhalo a hmang ania"

Min en leh a,min thah dan tur a ngaihtuahin ka hria

"Min kalsan rawh,Carter"

"Chloe,chu chu nang nen hian kan duh tlang alawm" ka siai leh zak

"A dik alawm,nang mi chimawm lutuk bula awm hi nuam ka ti khawp mai"

"Khuma i lo luh chhan pawh kha aniang maw?" A hmel a dang nghal vek,ka siai leh a "ka ṭhiante ka hrilh hunah engtin nge an awm ang aw?"

A hmel a dang vek nuih ka insum nasa.Ka tih tak tak a ring a maw ni?

"I ti lovang"

Thutak deuh chuan ka awm lui a, "ka sawi dawn chiang"

"I sual em mai aw!Pawi i ti ngawt ang" tunah tak hi chuan Chloe hi zawhte Sakei anga lan tum a ni.A duhawm thlawt

"Eng nge i tih ang?Min chhuahpui ang maw?"
----*-----

"Ka fiamthu mai mai a nih kha" ka ti ta a.Chloe chuan minute thum chhung min be duh miah lo

Hetia ngawih reng hi nuam ka ti lo

"Chloe,chloe,chloe,chloe,chloe,chloe!"

"Eng nge?"

"Min be ta!"

Ka thusawi ber kher chu.Min hawisan leh hmak

Ka bike chuan a kalna tur ka dang a

Chloe chuan chunglamah a ban a phar a, "Eng nge?"

"School hi minute nga ah a inṭan ang"

"Chuan eng nge?!"

A nuih sak a

"Ka lo phur ang che"
****

Chhunzawm tur


Show post links
Top

[Ngaia]

Reece Carter POV

A rawn nui a,a tawp leh a

"I thutak reuh hle mai"

"I hmelṭhat vang hian i vannei khawp mai"

"Mawl min ti deuh tihna mi?"

Zawhte note Sakei emaw in ti tlat kha a rawn chhuak leh ta

"Detention i duh loh chuan bike ah hian rawn chuang vat rawh"

A hlauh hmel khawp mai, "ka chuang lovang"

"Dawih deuh an awm a ni maw?"

Hreh hmel deuh chuan "Aih" a hmelah chuan a lang vek

"Rawn fiah la"

Min en a,bike a en leh,"a ṭhe e" ka hnungah chuan a rawn kal a,a ke ding lam chu khaiin a ṭhu fel der mai

A pawnfen chu a inhlim deuh a,a ke chu a lang thei

Eng nge?Mipa ka nih hi.Ka en ve bawk ang chu

"Min chelh loh chuan a pawi i ti zawk ang e"

"Nuam i ti hle anih hi" A ban tereuhte chuan ka kawng a rawn pawm a

"Nangmah zawk hian hetia inhnaih taka kan awm hi nuam i ti tih a lang reng alawm.Min khawih nasa lutuk lo la aw"

A mit a tikual vel chu ka mitthla nghal "Khalh chak lutuk suh"

"Lehpek ah chuan min fawp tawh suh"

"Min fawp let tawh bik suh"

Aw Chloe,i tan eng nge a nih a?

Ka nui hak a, "Awle,invuan nghet rawh aw Chica"

Chak lutuk mai chuan ka tlan ta vang vang a
----*-----

"Awle,Chloe,min thlah thei tawh e"

A teuh lo mai.Awmzia a awm lo

"Chloe?" School kan thlen chuan minute nga pawh kan tlan hman lo.Chloe in min thlah deuh apiangin ka tlan chak zel a,min thlah ngam tawh lo hrim hrim

"Chloe?Titeh school kan thleng tawh hi" ka hnungzang a ngheng a,a thaw lum ham ham mai.

Zawi muangin a kut chu ka thlak thla a,a bag chu la in bike aṭang chuan ka hlang thla a

Lalpa leh,awm dan mawi diktak ka lantir anih hi

Mailbox a ka chhiar atan lehkha ka inthawn a ngai ang

"Sakei te,fimkhur rawh," Chloe kawng chu a tluk hma in ka vuan vat a.A ngawi rei tawh khawp mai;ka awm chu a ngheng reng a

Reilote hnu chuan min vaw chawrh a

"I va sual em em ve!Engtin nge i theih zawk?tlan chak lo turin ka tih che kha!" Min nam sawn a tum chu a balance a hlauh a

A tluk hma in ka chelh leh hman,
"Min that mai ang e"
-------*---------

Chloe Armel POV

Nileng chuan ka pumpelh char char

A lu a buk zeuh te,a nui deuh suk ṭhin te leh......a mah tawp chu ka pumpelh fai vek

Chuvang chu aniang ka ngui deuh tlat

"Awle,a tawk e" Gabby chuan ka ngaihtuah tui lai chuan min rawn sawi harh "Zing kar aṭang khan ka ngaihtuahna ah zawhna a awm reng a"

"Chuan eng nge?"

"Odette in Reece nen motorbike a in inphur tukin zingah a hmu cheu a.A dik em?"

Allie in a ei tur chu a dah s Charlie chuan phone a khawih lai min rawn en

Ka lai ve reng

"Aw,eng nge ni vak?"

"Motorbikes kha i hlauin ka hre sia?" Charlie chu a tibuai hle aniang

"A dik alawm"

"Ngawi teh,i ṭhenawm a ni em kha?Chhelo deuh kha?Allie chuan min zawt a

"Aw ni e"

Gabby mak la ti reng chu ka kham ta khawp mai, "Eng nge?"

Vawi hnih a mit a khap a

"Eng nge i sawi awmzia?Reece Carter chungchang ka hrilh lo che em ni?Hmeichhe bulah a awm ngai lo tih kha?Reece hian vawi khat te mah a bike in hmeichhia a phur ngai lo.Tu bulah mah a kal hnaihtir ngai lo,eng thil dang ai mahin a duh zawk"

Kan ngawi ṭhap a ka hrethiam bik lo hle mai

Awle,eng mah ka ni bik si lova

"Special deuh ah ka inngai dawn em ni?"

I fiamthu em ni?tih melh hian min melh a?A ni thei lo Sherlock

Gabby chuan a ban phar in, "ka tlawm e"

Oliver nen an inkar ka chinfel ngun zia kha sawi ka va chak ve

"Oliver nen eng nge in chanchin?"

Gabby chu a rawn nui a,a phone min hmuh a

Message pasarih:Oliver

Ka ngai che duat
Hey duat,khawiah nge i awm?
Min rawn be rawh
Gabby,la teh?
I hmuh hunah min rawn be rawh aw?
Duat,i ṭha em?Kan ṭha em?
Min rawn be rawh,ka ngai che
Gabby biak che ka duh,ka hmangaih che
Ka ngai lutuk che ka duatte

"Awi leh,eng nge hetah i la tih reng?Va zawng nghal rawh" ka vin a ni mah zawk

"Eng a?Mahse nangman......"

"Aw,mahse kha te chu ka hmangaih che a tih hma kha ania!i hrethiam tawh em?"

"Anih chu mawle"

"Ni chiah e,tunah thlawk chhuak nghal rawh"

Ka tel lovin engtin nge maw a awm ang le?
----*------

"Cindy May hian min duh ang em? Phula kan mut laiin Charlie chuan min zawt a.Hnah te chu ka lo pawt melh melh a

"Charles,third grade kan nih aṭang a duh tawh che alawm"

"Tak tak maw?"

"Aw ni e.nangmah duh lotu che an awm chuan min han hrilh teh" a biang ka piai a

A va han lawmawm tak

"Ka hria e ka duhawm alawm,thil chiang sa hi sawi ziah suh"

"Ciara kha chhuahpuiah i sawm a maw ka ti?" Allie chuan a zawt a

"Aw,min ṭhen a" Charlie chuan football chanchin sawi ang mai hian a la thutak lo tih a hriat

"Eng a?"

Hetiang hian a sawi a "Charlie kan inbe ngai lova sex chauh hi kan hmang a" a aw te chu a han ti hmeichhia vel a

"Hmeichhia i chhuahpui tawh zawng zawngah a hrechiang ber ang chu" Allie chuan a chhang a

Charlie chu phur zet hian a rawn tho a, "A thusawi awmzia ka man ta,a bulah hun ka hmang tam lo a,kan inbe tam lo a tihna aniang?Awmzia a nei dawn chuang em ni?

"Birthday present i pe tawh em?

Charlie chuan inchhuan hmel tak hian "Pe chiang e"

"Eng nge i pek?"

"Macadamia badam"

Allie chu a thaw hak a, "Charlie,badam a ngeih lo ania"

"Oh"

Ka lo nui a, "Kar tawp hun in hmang dun em?"

"Kan in text ah x leh o kan hman kha a chhiar tel theih ang em?
------*--------

School banah Allie nen kan bazar a

A ngawi lutuk chu ka nghawk zeuh a "i ṭha em?"

"Aw"

"Tehreng mai,kan sawi nawn leh ang e,eng nge dik lo a?"

"Tak tak in engmah a ni lo"

"Allie,ka ṭhian ṭha ber i nia,engkim min hrilh thei alawm"

A mit chu a rawn de ser ser a a kut chu enin zawi tein a rawn ṭawng a "danglamna chu a thlen ka ring lo a,mahse hun remchang nei lo pawh ka ni lova"

"Eng nge i sawi awmzia?" Sofa ah chuan kan ṭhu a.Allie chuan a sawi hreh deuh tih ka hria a a kut chu ka va chelh a "Ti teh Allie,bawihte han sawi teh enge ni?"

"Charlie hi ka hmangaih" ka meng zau kawp.Engtikin nge a thlen?Nge ni a lo rei viau tawh zawk.Ka ngaihtuah let a Charlie a'n ngaihzawng a neih apiangin a lawmpui thu a sawi ziah a,a rilru a lo na ziah dawn a ni maw?

"A ṭha alawm,a ni lawm ni?"

"Aih a ṭha lo"

Min tibuai khawp mai, "Engvangin?In inngaihzawn theih nan ka pui ang che,ka thiam zawng tak alawm"

Allie chuan hmun dang a hawi a a mittui chu a hru a "I man miah lo tiraw Chloe,i hmu thiam miah lo a ni"

"Eng maw ka hmuh ang Allie?"

"Ka hmangaih tih i hmu thiam miah lova chuan Charlie a'n a hmangaih che tih pawh i hre lo"
*****
Chhunzawm tur


Show post links
Top