Young Lady and Gentleman BY Kimkimi Tlau (Completed)

[Ngaia]

#Ramance #Pathlawi #Zun
Imanuel Lalhriatpuia & Amelia Lalruatpuii
(Pathlawi lam hrut ve zeuh ang aw)
#Prologue
" I hming hi ka favaurite colour " Uang deuh a ka tih chuan a kiai ve suk a
" Min fiam ve deuh tihna ami? " A ti a, a hmuihmul ṭo siar siar chu a tuai pah zeuh
" I fate pawh hi ka favaurite food " Ka tih leh chuan a nui chhuak hawk a, ka hnar a lo tawk pah zeuh
" Ve ham ham che hian aw " Ti sup a Ka lu ah a chul chuan ka ter ve nghal at
" Hmela, i fanu ang in min treat tawh suh " Ka ti hlar a, ka thiam ang tawkin ka duhna ka ti lang ve a, a fanu ang maia min treat chu ka lungawi bik ṭhaklo, tu fa mah an lungawi bik in ka ring lo.

" Lalruatsak, engvangin nge ka eitur indah ilo ei leh a " Ka u games khel lai chu ka sawi nawk nawk a





" I ninawm, i ei chuang lo a kalo ei ve ani mai " A ti hluk a, a sam ka kehsak chu a na ati aniang, a ner nasa mai




" I duh chuan inlei ve mai ta che " Ti leh vak in ka kek uar sauh a, a tuar thei ta ngang lo aniang ka sam ah min kek let ve, Tenawma hi





" Ehe! Awi awi, Piani, i fate an insual leh tawh " Kapi in a ti lawng lawng a, keini unau erawh kan la in kek ngar ngar




" Mipa ve si hmeichhia insual pui " Thei leh thdilo chuan kati a




" Hmeichhia ve si mipa kutthlak hreh lo " a ti ve halh, thawk ala kawk leh nghal, ka nu lo alo lut ani ngei ang thawm a awm ṭak ṭak a





" Nangni pahnih hi chu aw " tih leh min pawh ṭhen a rual a, kan unau in thawk kan la dun halh halh





" I pa lo hawn hunah hauh tir hrep in ngai " Kanu chuan ati leh hmarh hmarh a





" Ka eitur dahṭhat alo ei anih kha " Lungawi lo zet chuan ka ti a




" I u ka nih hi i hria em? Duh ni ila ka hnek thei che " Ti hluk in min kalsan a, ka ding ngawi reng





" Ti teh ṭhap nge " Kapa alo hawng ve chiah a, kanu leh kapi te nen kan lo la ding reng chu mak atih hmel khawp mai





" Engmah anilo " Kanu chuan ati sep a, min kaihsawn mai a tum chu kapa'n alo dang




" Eng chu ani deuh aniang " Chhuata eitur baw nuai chu a en kual a





" An unau an in hau leh deuh a " Kanu in ati sep a, kapa chu a rum nghut




" I u kut i thlak leh hmasa ami? " Min melh run a, ka chil ka lem khalh





" Ka eitur dahṭhat alo ei anih kha " Ka tih sep chuan




" I u alawm, a ei thianglo ami? He in ah hian ta bik bik a awm tur anilo, ka ta ka tih ve vek chuan nuam iti miahlo ang " A ti fak fak a, kanu in alo khap chuan kanu pawh a hau tel veleh




" Naupang ka hauh laiin lo ṭan tawh suh, enkawl an har ting ani mai. Lalruatpui i u ngaihdam dil ang che " A tih leh nghut nghut hnuah room ah alut ta daih a




" Mate, thinrimna tur a awm loh kha, chhuat hnawk kha tifai rawh le " Kapi in a ti dam diai a, keipawh chu ka che ve nghal vat. Chaw eilai pawn kan unau chuan kan la inbe duhlo a, hun danga ṭawng thei ber si kha ngawi rengin chaw ka ei mial mial. Thleng te ka sil zawh chuan room ah luh mai ka tum a




" Mate, thleng i sil zawh tawh chuan ṭhu ve teh " Kapa'n a tih avang chuan ṭhutkhawmna ah chuan ka phei a






" In kum pawh a upa ve tawh a, naupang chhia deuhin awm ṭhin tawh suh u, Mama pawh i nau zawk ani a, a duh loh dan ang a awm luih zel te hi sim a hun tawh " Kapa in a tih chuan ka u chu lei ka chhuah zeuh a





" Matei pawh i u hi i ngam mah mah ṭhin, hmeichhe tan mipa kutthlak hmasak te kha a mawi ngailo, ti let ve tak tak che se tha ah i hneh dawn miahlo ania" A tih veleh chuan U rsa chu a hawisang vah tawh






" Unau pahnih chauh in ni a, in ngeih takin awm ula kan duh ber " A ti dam leh dap





Ka hming chu Amelia Lalruatpuii ani a, Ka naupang chhe tawh biklp, u mipa ka nei a inhriat ang in kan in ngeihlo ve viau, unau dangte pawh hi keimah ni ang tho an nih ve ka ring ṭhin, in ngeih lo viau mahila midangin min hauh chang chuan Ka u hian ka thlavang a hauh bur ṭhin. Kapa hi mistiri ani a, furniture te asiam ṭhin, tunah chuan furniture workshop te pawh a nei ve tawh a, khawsak hausa lua kan nilo mahse, kan nghei ngai biklo. Kanu pawn a theih theih hna a thawk ve a, pickle te siam in a zuar a, sum deh chhuah dan a hre ve lutuk, Kapi pawn kan in bulah chuktuah huan anei ve a, kum tin in thlai a ngah thei em em mai ani. Ka u pawh kapa hnung zuiin kapa a pui ṭhin a, kapa pawh a chhawk ve tawh viau, kei erawh hmani lawk khan class12 result a chhuak ve chiah a, first ah ka pass ve nghe nghe. Ka chhungten collage zawm turin min ti a mahse, ka duh bik ṭhaklo Fashion designing zir ka dil a, aw min la pawh duh hlawm lo leh nghal





" Nu, pa, pi, Fashion designing zir chu " Beisei nei deuhin ka hawi kual a, Kapi leh kanu chuan kapa an melh ralh ralh





" Eng nge in phalloh em em, tuina zawng tih tluk a hlu a awmlo, zir rawh se " U rsa chu vawr lawp lawp mai a ni ka duh, ka zo der bawk silo a





" Ni e, Aizawl a ka ṭhiannu te hian Fashion company an nei a, an hnuaiah designing zir duh tan pawh a zir theih alawm, hmani khan ka sawipui zuai a " Ka ṭhen ṭha reng tawh, thleng ka sil lai vel kha chuan ka tum nasat nen





" Mi ah in nghah lutuk loh tur " Kapa chuan ati nghut




" I mak ṭeng ṭung ṭhin mang e, collage pawh kal se Aizawl ah a awm a ngai tho alawm, thingtlang aṭang hian engmah a tih theih tak tak loh " Kanu'n ati ve hlak hlak





" I duh i thlang tawh anih chuan a laklawh ah ' Ka peih tawhlo ' tih a thiang dawnlo ania neih chuangliam a zirtir tum che kan nilo tih hria la, chuvangin ngun deuhin zanin chu in ngaihtuah leh phawt rawh, naktukah pawh Fashion designing zir ila duh tho anih chuan ka phalsak ang che " kapa'n a tih chuan ka bula ṭhu kapi chu ka kuah chung chung a, ka awmdan avangin ka chhungte pawh an nui hawk hawk.




Zanah chuan ka ṭhiannu Kimkimi hnenah ka hrilh ve a, a lo phur ve khawp mai, ani pawh nurse training a tum ve a, duhthu te sam dun in kan ṭhiandun chuan kan hlim ve lutuk, ka phur ngang aniang Kimkimi nen kan in mangṭha hnu pawn kala mu ve mai theilo, ka nui leh vur vur zel. Hmeichhe enghelh nei lo ve tak kani a, rilru hahna tur neilo ka ni biklo mahse, thil reng reng a eng zawnga thlir hram duh mi ka ni, ka ti ṭhin reng bawk







" Ṭhabelh, Kapa'n lo chhuak teh ati " Ka room ah U rsa alo dak lut a, min koh dan avang chuan ka lo melh ram ram





" Aw i hmelchhia " Ti vak in ka tho tharh a






" Pa, eng nge " Kapa bul set ah ka ṭhu thla a, ka nuih var var bawk





" I nu in aṭhiannu chu a be tawh a, Mama nu, han sawi teh" Duat deuh in Ka sam ah a chul hliau hliau a






" An hnuaia training te hi hostel ah an awm ṭhin a mahse, nang chu an mahni in ah i awm thei dawn anih chu " Ka peihlo nghal




" Hostel ah chuan ka awm ve mai theilo ami? Mi in a awm chu anuamlo e " Ka ti niah niah




" Hostel ah i awm an phallo alawm, ka ṭhiannu te chhungkua hi an fel a, an fapa upa ber Company enkawl mek tu leh a fate pahnih bakah an fanu pakhat bak hrawn an ngai dawnlo, an fanu chuan tuna Fashion designing zirna hi a buaipui bik a " A ti leh zung zung a





" Mi in a awm berkher chu " Ka ti leh sep a





" Min buaipui vek a, an thu lo hnial leh zel kha chu nuam ka ti tawh biklo alawm, Imanuel pawh mipa sual anilo a, a zaidam in a damthlup reng a, kum2 kalta khan a nupui in a boral san a, a fate pahnih a kalsan bawk nen Saii hi a buai ve ṭhin a, i hunawl a naupang ilo khawih chhawk ve te kha aṭha alawm " Sawifel viau mahse, inhriat ringawt leh in chenchilh hi chu a dang hlak, ka sawi ṭiat leh chuan ka zir an phalloh leh mai ka hlau ve tho bawk si. Engpawh ni rawh se, anni chhungkua chuan ka zir chakna an ti bo phalo, inhrawn ve nawk nawk ila, tunge hria ka ngaina phian maithei asin, a thim zawngin thil thlir lo phawt ila.



.....




" Ka tunu hmelṭha, ka van ngai dawn che em " Vawiin hi Aizawl ka kal ni tur ani tawh a, Kapi chuan ka kut chul hliau hliau in min ngaihtur zia a sawi reng a, kal min ti huphurh leh vek tawh





" Pi, ṭha deuh in ka zir ang a, Fashion designer chhelo leh hmelṭha tunu i nei thuai dawn alawm, i ṭhiante hnenah chhuang taka i tunu hi i sawi ve theih nan sang takah ka awm angai alawm " Ka thiam ang tawk chuan ka hnem a, fiamthu ka tel leh zeuh zel





" I tum ah chiang la, heta i awm anga ho deuh khan awm a thiang tawh dawnlo ania, i fel phawt chuan tuman an ngeih lo theilo ang che, i nu sawi danah i awmna tur te chu an sual dawnlo in ka hria. Eng pawh nise hei hi vawng tlat rawh ' khawi hmunah pawh awm la, i mit in a hmuh a piang zawm lo in, i rilru in thlifim hmasa zet se, chumi hnuah a dik a aṭha anih chuan ti ve chauh ṭhin ang che, I nu leh pa i pi leh i u te min hre reng la, midang anga tih vel mai mai kha a remlo bawk ania, kan neih chuangliam nilo in kan neihchhun in i zir tih hre reng ang che " Kapa chuan ati mawlh mawlh a, kanu erawh in engmah a sawilo in min kuah vang vang





" I tan theihtawp in hna ka thawk ania, kan tan hlawhtling ngei ngei ang che " Ka u chuan ati ve thlup a, in ngeih lo viau ṭhin mahila kan in ngai ve ṭhin ania. Kimkimi nen Kan khua chhuahsan in Aizawl lam chu kan pan ve ta chu ania, Kan khua ah zirna aṭhat ve tho avangin hmun dangah zirna kan zawmlo a, zin satliah tur nilo a kan khua ka chhuahsan chuan ka hnim ve ruih mai, Kimkimi chuan min fiam leh zuk zuk zel a, rilru kal ding lutuk tur pawh a zia ve deuh...






Kanu ṭhiannu Nu saii te chuan min lo lam turin driver anlo tir a, Kimkimi nen chuan kan kalna tur a in an loh avangin counter aṭang chuan ka kalsan hmasa, Aizawl khawpui motor insul pel suau suau leh mihring zi nak nak chu ka thlir dauh dauh a, Siamtu thil duan dan mak leh ril ropui zia hi ka ngaihtuah vang vang, ngaihtuah chhuah phak rual loh in a ril ani.





" Piani fanu i ni ang maw? " In lian leh changkang zet gate chhungah chuan kan tlan lut a, an kawtzawl pawh chu kan in zau zawng nen a in ang reng ang chu mawle, ti em em hian mi hausa te hi an lo hausa ani maw!




" Aw ni e " Min lo chhawn tu chu kanu in ka ṭhiannu atih Nu saii ani ngei ang




" I va lian tawh ve, lokal rawh " Ka kut ah a vuan a, inchhung luhna kawngka lamah chuan min kai phei dat dat a, kan hnungah driver khan ka bungrua alo keng ve bawk, an inchhung kan luh chuan ka hawi kual vual vual a, ka at hmel ngawt ang mahse, mak ka ti em a hawikual loh chi pawh anilo, keini ve in lian vaklo assam type ah kan chen laiin anni erawh hall ang mai a zau ah an cheng a, an thik awm rum rum alawm maw le, khawvela awm ṭheuh ṭheuh alo in an loh theih ngei mai. An va taima bik pawh ani biklo ang, an vanneih vang aniang, tih te ka ngaihtuah kual hman vek.




" Emily, hei Dina hi Amelia room turah han kawh hmuh rawh " Choka ni ngei tur aṭang chuan nula la upa vak lo tih hriat deuh hi alo chhuak a, Nu sai in Dina a tih pa chu in chung lamah a chhoh pui





" Inthlahrung reng reng suh aw, I nu in hostel ah awm ve rawh se alo tih khan ka phallo a, ka fate hian min ngaihsak ṭha hman tawh silo, ka tu te hi awmlo phei se chuan hlimna tur hi avang viau ang, kawm tur i awm zeuh zeuh tur pawh hi ka phur tawh lutuk " A ti seuh seuh a, a hmel leh a ṭawngdan aṭang reng in misual chu ani dawnlo. In lian deuh ah cheng mahse, khawhar reng reng in hun a hmang ve tho anih hmel e.




" Lokal rawh, i room turah ka hruai ang che, Inti fai la " In chungah min chhoh pui ve a, ka thlen aṭangin a zawhna ka chhang tih loh chu amah char char ala ṭawng. Ka room tur chu amawi ka ti takzet, a chhung a engkim mai chu a purple rawng deuh vek an hmang a, ka rawng ngainat ber anih avang nge ka mit ala nghal em em vek mai ani, Nu Saii'n min chhuahsan hnu chuan khumah ka mu thla tap a, ka taksa na te chu a dam suai suai in ka hria. Bathroom ah ka lut a, bual kuang lian leh zau zet a lo in hung ran bawk, shower pawh a awm a, shower kala hmang ngai bawk silo, a on na ni a ka rin chu ka khawih zeuh a, tui alo in phuh chhuak thut bawk nen ka phu zawk a ka ṭe ṭhat bawk, ka awmdan chu keimah bawk in ka lawm a keimah in ka nui hak hak.




Ka intih fai zawh vek hnuah chuan room chu ka chhuahsan ve leh a, step ka kal lai chuan naupang nui ri ka hre thei, a tu te anlo hawng tawh ani ngei ang, ka chhukthla min hmuh rual in Nu saii chu alo nui ver ver a




" Khi au thar tur chu alo lang alawm " A tih rual chuan a tute pahnih chuan min lo en dun nghal chat a, Mipa naupang leh hmeichhe naupang in fiah leh khap eih lo a min en reng chuan ka zam lutuk ringawt




" Phir an nia, an in ngeih lo teh mai ania aw, Noah leh Sammy te an nih kha " Nu Saii'n alo tih leh chuan nui ve sen sen in Naupang pahnih chu ka pan hnai a




" Hii " Ka tih chuan 'hello ' anlo ti ve ngei a, an lawmawm lutuk chu a nuih loh theih loh




" Api, hei hi kan u tur maw, a hmelṭha e " Noah in atih chuan lai zetin ka nui a, naupang chuan dawt an sawi ngailo an tih kha, Hmeichhe naupang tih takah Noah chuan ka kut ah a chelh tlat tawh a, Sammy chuan min pawh ṭha duh der lo





" Bawiha te pawh anlo hawng ṭep tawh ang, i rilṭam tawh em? " A ti a, ka rilṭam loh thu ka hrilh ve sep




" Au, Kawt ah apa hmuak ila " Noah chuan ka kut chelh in a vai leuh leuh a, min sawmna chu hniallo in ka chhuahpui ve mai, Kawtzawl a pipu ah chuan kan ṭhu a, Sammy pawh alo lang harlo




" Sammy, keichu au ka nei " Noah in inti thei deuh a, a phirpui a melh ve kiau chuan ka nuih hak hak a




" Au ka mamawh velo " Sammy chuan a ti ve tlat, an unau chuan an inhnial chu ani der, naupang chhawnchhaih thiamlo ang kha ka ni velo, ka ngainat ang chiahin fiam kual leh thlem vel chu ka thiam lutuk. Chutia an unau a an in hnial zat zat lai chuan kawtzawl ah motor alo tlan lut ruai ruai a, Ka bula naupang pahnih chu an au rual ṭhawt, min ti phu ṭep alawm le




" Daddy " Ti leh vak chungin Motor lam pan chuan an tlan phei a, che chang lo in an awmdan chu ka thlir ve reng, Motor kawngka chu alo in hawng a, hmuhhmaih hlau deuh in motor aṭanga lo chhuak chu ka lo en chik





" In lo fel em " A ti thum chhak a, a hmel landan rum zet kar ah a fate a biak dan chu a dam thlup lawi a





" Kan fel, tiraw au ? " Ring deuha ti pahin Noah chuan min lo en a, chupa chuan a fanu hawina lam chu alo hawi phei ve vut, a mitmeng a rum deuh ul a, a landan chu ka sawifiah thiamlo tunlai ṭawng takin Pathlawi chhelo tak chu ani ve chiang.




" Nu piani fanu chu emni inih " Min biak ka rin loh nen a fate kai ve ve chungin ka lam alo pan a, min be ve sup




" Aaa...aw.. aw ni e " Ka ti bah niai a, nalh zetin a kiai suk, A va hmelṭha mai mai e aw! Mipa ka hmuh in tiang hian kala zam chhe ngailo, ngaihzawng nei ngailo ka nilo a, ka khua ah pawh ka nei ve fo. Noah chuan apa kut thlah in min lo vuan leh chawt a, An unau chuan ṭawng an in chuh nak nak





" In chhungah lut ang u hmiang " A tih leh chuan Noah kai chungin inchhung lam chu ka pan leh hnak hnak a




" Ilo hawng tawh ani maw Bawiha " In chhung kan lut a, Nu Saii'n a fapa chu alo chiau hlut





" Umm, ka lo thleng chiah, vawiin lam te ilo ṭha em? " a ti sup a, Nu Saii chuan nui var var chungin a pangai thu in a chhang a, a nu a duat dan vel chu a hmuhnawm





" Hei hi i nu Piani fanu Amelia ka tih ka sawi kha anih hi " A tih zawm leh a, A fapa chu a bu nghat ringawt





" Bawiha kha chu amah kha nelawm loh chi ani a i hrethiam dawn nia, a sual lo ania ka fapa ani chung hian ka fak ve thlawt " A ti bawrh bawrh a, Nu Saii fapa Imanuel te pafa thum chu inchung lamah an chhoh diah diah kha





" Nu sai, khawnge i pasal " Ka tih chuan anui hak hak a, ka zawhdan chu keipawh ka nuih a za





" An ṭhian ho in an lengchhuak ve khanglang anih kha, Pa hruai iti dawn nia aw" A ti a, ka lo bu nghat nghat, rin aiin nuam ka ti daih a, ka chhungte phone na chang pawh ka hrelo, Ka chhungte biak tum in ka room(ti tawh mai ang) lam chu ka pan chho ve chhat chhat a, U Ima nen kan la in tawk zui





" Ruatpui, i nau te kha lo veng lawk rawh aw, ka lo chho leh thuai ang " A ti dam thlup a




" Aw le " Ka ti sep, Ka hming hma a min koh loh avang khan ka bo hu ṭep alawm, kan in kal pel a, a rim tui hman rim pa hrak chu hnar arh vek khawp in ka hip. Kan khua a Pathlawi te an ṭawp theih nen, ka ngaihtuahna mai mai chu'h.





Cont..


Zantin dah ka thei dawnlo a mahse, regu thei ang ber a dah chu kan tum dawn nia aw, in mi support na ka mamawh leh dawn ania. Ziah dik loh leh hriat dik loh ka neih pawn in hrilh hre hrehlo ila.

[Ngaia]

Ka chhungte chu ka bia a, Noah leh Sammy pawh ka room ah an awm a, khumah lawn in lukham in an in vaw leh mek ani, Kapi chuan min ngai fal khawp mai, kanu chuan a hreawm kati em tih te min zawt luam a, nuam ka tih hrih thu in ka chhang. Nakin hun hrelo mahila tun atan chuan nuam ka ti khawp mai, nakin hun ngaihtuah avanga tun a lo hlim loh ngawt thu awm bik suh.




" Chaw a ei theih tawh " Kan pathum chuan kan hawi phei ṭhap, U Ima chu ka room kawngkhar bulah alo ding run a, min ti phu ṭhelh alawm mawle, Noah leh Sammy chu an tho tharh a, keipawh tho vatin Noah leh Sammy ten min vuakna avanga ka sam thur zet chu ka siamṭha sawk sawk a





" I lungleng ami? " Kan chhukthla dun a, a bula ka awm hian boruak danglam deuh hi a awm ve tlat




" Lungleng lo ve, tinge " Ka tih chuan anui suk a





" Aṭha, lunglen miah loh tur " A ti a, chhan let ngaihna ka hriat loh avangin ka nui tawp. Choka kan luh ve meuh chuan an lo kil ṭhap tawh a




" Lo kil ve nghal ru Amelia, inthlahrunna tur a awmlo ania" Nu saii chuan ati nghal zung zung a, U Ima nen kan ṭhuttlan ala ngai dawn zui, vawiin lama ka hmuh thar te nen dawnkan khat kil ho chu thilnuam tak anilo alawm.





" I nu leh pa te an dam maw? " Pa hruaia chuan ati a, U Ima ang chiah in a hmel chu a nelawm vak loh mahse, a sual ka ringlo ve ringawt




" Aw, Damṭha e " Ka ti sep a, ka chaw chu ka ei leh mial mial




" Api in chawhmeh thlai rah tharlam deuh deuh alo kentir a, alawmawm tak tak ani, hei kan siam nghal a, a tui viau ang " Nu saii chuan ati leh a, kapi khan thlai rah ka kentur kha min siamsak tak alawm. Ngawi reng in chaw ka ei mial mial a, Noah leh Sammy te chu An awmpui pakhat in hmun dangah chaw a eipui, Eikham ah chuan tihfel pui ka tum a, Nu saii'n alo phallo nasa mahse, nuamlo ka ti a hmun ka phiah pui tho, an awmpui nula Emily nen chuan kan titi a in rual viau a, kei lah hmeichhe harh chi kani bawk nen kan ri bawrh bawrh





" I awm na a rei tawh em? " Ka tih chuan




" U Ima nupui boral hma hlek in ka awm " A ti ve mai a




" Anih chu, Naupang te hi an khawngaih thlak " Ka tih chuan alo belhchhah ve vat a, choka ah chuan rei deuh ka awm phah




" Au, Api ten lo kal rawh anti " Choka ah Noah alo lut a, keipawh ka tho ve ṭiah ṭiah




" Lo ṭhu rawh " An chhungkua in an lo ṭhu ṭhap a, U Zuali chuan thil pawimawh leh nihphung a sawi mawlh mawlh a, ngun deuh in kalo nghaithla. Zan ah chuan ka mutna ka sawn avang nge ka muhil theilo a, ka let tawn sek mai, room changkang leh nuam deuh hian mut tuina a nei tello anih hi, ka mutthilh theih tak loh ah chuan room aṭang chuan ka chhuak a, in chung chhoh na step ah chuan dim te in ka pen chho, inchung ah chuan thli a thaw heuh heuh a, boruak chu a nuam takzet ani. Ṭhutthleng sei in hung ah chuan ka ṭhu a, van lam chu ka hawi chho vauh vauh, thawveng halh anga lang si hian ka thawveng bik lo a, harsatna te buaina te lo thleng ṭhin hi in hneh tir ka tum lo zawk ani. Chutia rilru ka kawm melh melh lai chuan thawm ri rak ka hriat avangin ka hawi phei a, ka beisei loh deuh ka hmuh avang chuan au chiam mai ka duh, lo kal hnaiin ka bulah alo la ṭhu thla ve zui





" I mu theilo ami? " A ti sup a, ka lu ka bu zeuh ringawt, mu thei ilang chuan hetah awmlo in khumah ka mu dar dar ang chu




" Mutna sawn hian mutthilh mai hi ahar alawm " A ti ve leh mai a, tun ang dar 11 pelh hnu lamah hetah alo la chho anih chuan ani pawh a muhil theilo tih aniang, a nupui a ngai te pawh ani maithei




" Nang chu mutna i sawn silo a, i mu theilo ve tho ami? " Ka tih chuan min lo en a, kalo en ve reng lai ani bawk nen lai zet in ka hawisawn




" Ka mu theilo chu ni tho mahse, hna ka thawh vang ani pakhat " A ti a, a aw chu ngaihthlak a nuam, thum bengchheng deuh ang kha ani velo, kei aiin kum 10 dawn in a upat ka ring, ka kum zat chu ka sawi dawn chuanglo




" Naktukah zirlai i zawm dawn kha, muhil theilo mahla i mit tal hahdam tir rawh " A tho vut a, keipawh ka tho ve ṭaih ṭaih





" Ruatpui " A tih chuan Ka room ah ka lut tur chu ka ding leh dat a




" Muttui " A tih sup chuan nui var var in ' Muttui le ' ka ti let, ka room piah hlek ah hian a room leh a fate room a awm, ka mutui viau tawh ang. Zingah chuan ka harh hma ang reng a, zan ah mu theilo mahila zing thawh hi ka harsat ngailo, reilo te khumah phone ka khawih leh hnu ah Bathroom ah ka hmai te phih faiin inhnuai ah ka chhuk a





" Ilo va tho hma ve, i mu theilo emni? " Nu Saii alo tho leh diam tawh a, Common room ah Pa hruaia pawh chanchinbu pharh duai chungin a ṭhu






" Mu thei vaklo " Ka ti ve mai a




" I mutna i sawn vang mai mai aniang " A ti var a, anih ka rin thu sawi ve sep




" Nu sai, eng nge ka lo tih ve ang " Tihtur min hrilh dawt loh chuan thil tih na chang hi ka hrelo, ka peih loh avang pawh anilo mi in ah hi chuan chet zung zung hi alo har deuh ani






" Choka lamah chuan chet vak tur a awmlo, i peih leh Naupang pahnih han ngaihven la, an ha nawhpui leh an thawmhnaw thlaksak ani mai " A nui pah sang a, nuih let ve sang in in chungah chuan ka chho, step ka kal laiin ka phone ah lai a ri a, ka ipte zen rak rak in ka phone chu ka la chhuak a Kimkimi hming alang va va mai





" Min ngai ami? " Ka lak rualin ka ti a, a lo nui vak




" Ngai lo che " a lo ti ngei a, min ngai tih ka hre reng sia




" Anih chuan tinge i lo call " Ka tih chuan a chek tlak tlak




" Lalruatpui eki, be tu pawh i neih loh kha, be tu nei hleilo hi inlak luck i tum ve sia msg te hi in reply duhlo ngei a " A lo ti leh lawng lawng a




" Zanah chuan maw i msg hian a hmalam a luah phalo, a tawp ber ah a awm ṭhin " Ti let in ka nui vak a, kan in ah ka awmlo tih ka hriat chhuah leh rualin ka hmui ka hup rang lutuk





" Engpawh nise Naupang ka kaitho dawn a, ka dah hrih phawt ang " Ka tih chuan thildang alo sawi a, a ṭawng laklawh laiin ka dahsak hmak, phone chu ak ṭha leh mai lo chuan kal pah chuan msg te chu ka en kual a, chutia phone ka bih ngar ngar lai chuan tu emaw ka su dawt a, ka hawi chhuak rang lutuk




" Awi! " U Ima nen kan in melh ran, sawi mai tur pawh minti hrelo




" Kal pah in phone khawih tawh suh " A ti sup a, ka ner nak thung



" Aw le " Tiin ka kalpel a, a fanu ang in min treat deuh tlat in ka hria, huizz engvanga lungawi lo nge maw ka nih le





" Good morning " Phir te room ah chuan ka lut a, ka aw ri an hriat rualin an tal ve ṭalh ṭalh, naupang si thawh an hrelo reuh mang e





" Au " Noah chuan a ti tham ṭiak a, mit pawh ala meng ṭha theilo, an chezia lawmawm zet chu ka nuih seih a




" Tho ru le, Sammy, Noah " Ka ti a, an closet ni ngei tur lam chu ka pan nghal




" I sual " Sammy chuan ati hmak a, hawi let in ka nuih var var




" Au sual deuh hian i thawmhnaw tur kalo thlansak ang che aw " Ka tih chuan min ner khum ve nang nang nia maw le






" Bathroom ah an lut a, ka zui lut ve nghal




" Sam, i nau kha laksak ve ta che " Sammy chuan awlsam deuhin a toothbrush leh toothpaste chu a ban a, Noah erawh a khan a hniam zawk avangin a u tih ang chuan ati ve theilo




" I awm alawm, laksak mai rawh " Zuk han ti hmuk a, naupang luhlul zet hi ka ngaina ngailo, ka ni fate ho pawh a luhlul deuh chuan min hlau vek mahse, Sammy erawh hauh bawrh bawrh ngam ala ni bik lo tlat, Noah chu a mamawh ka laksak a, min nuih var var mai, ti hian nu neilo chu an ni ta mai si a, ka lainat phak chu nilo mahse, ka lainat tho. A hmai te phih puiin a thawmhnaw ka thlaksak thlap a, Sammy chu a mah in a inbuaipui vek, a thawmhnaw hak tur ka dahchhuah chu a ha duh ṭhaklo, pawi tawp hleinem ka hahdam hlei hlei.





" Tinge engmah min pek ve loh " An unau in dawhkan an kil a, Noah chu chhangthawp butter tah sa thlap leh Bawnghnute ka chhawp a, Sammy erawh engmah ka chhawp lo




" Nangmah in i in buaipui vek alawm, thawmhnaw ka dah chhuah pawh i ha duhlo a, eitur pawh nangmah in i in lak leh ang chu kalo ti a " Ka ti ve kher a, naupang chutianga ka chhuahchhal vel chu naupanchhiat thlak viau mahse, kala upa lutuk biklo a ka inthiam ve tlat, Emily pawn min nuih min nuih mai




" Buaina a awm ami " U Ima ṭawng ri ka hriat rualin ka phu deuh zawk, Sammy chu chanṭha inti zetin a nui a, ka va kuk chak mai mai e




" Awmlo e " Ka nui lui a, Noah chu ei thuai thuai turin ka hrilh




" Daddy, henu hian eitur min pe ve duhlo " A ti ngei a, ka thengthawng ah a thawklo ve chiang e




" Sam, Henu nilo in Au aw " Sammy chu ka mit ko ka san khum ralh a, min melh rum ve ngang mai




" Chuan " Ti fan raih in min lo melh run a, ka ip chaih mai




" Eng nge, ka thil tihsak a duhlo a, eitur pawh Noah chiah ka pe anih kha " Ka kut phar kual meuh chungin ka ti a, U Ima hmel ah chuan nuihzatna a lang




" Eitur ka duhlo ka tih loh kha " Sammy chuan alo ti leh hram




" I duh ve thu pawh i sawi chuang hleinem " Ka ti leh a, rum deuhin kan in melh



" Ruatpui, i aiin kum tam fe in a naupan kha, khin khin chi pawh anilo. Sam, nangpawh i u hnial pang pang tawh suh" Vin hauh silo khauh deuh si chuan ati a, Emily chuan U Ima chu coffe a duh leh duh loh alo zawt var a, a fate bula ṭhutthlak pah in a duh thu a sawi sup, keipawh chuan Sammy eitur chu ka siamsak ve nghal a




" Ei vek rawh " Ti kher in a hmaah chuan ka chhawp sak




" Emm, Mai hi kan tur ami? " An pafa thum chuan ka inhersan daih a, Emily chuan a nih thu a sawi vat a





" Kalo kang ang, kan duh dan bik te an nei em? " Ka ti mawlh mawlh a, Mai chan zawh sa diam chu ka sil rak rak




" Kan tawp ani mai, Sammy hian tui ati lutuk a " Emily in ati zo deuh chiah Noah in ' keichu ka ei duhlo ' alo ti ṭung a, naupang tih takah




" Mai chu hmelṭhatna alawm, hmelṭha sa tan ei ve angai hleinem, Noah keipawh ka ei duhlo " Hawilet meuh in ka ti a, U Ima chu a nui chhuak hawk, a lu a thing pah nawk leh nghal, Sammy chuan min tih ngaihna a hre tawh biklo aniang a ngawi ve hmak, a sual a chhuah nasat poh leh ka nghal ve thei. An pafa thum chuan an chhuak thuai a, an thil ei na bal vel chu ka sil rak rak




" Amelia, i buai loh chuan min lo zui lawk teh " U zuali chu choka ah alo lut a




" Aw ka hman " Ka tih chuan a chhuak leh nalh a, keipawn ka zui chhuak ve nghal





" Kanu in Driver hruai tir che a tum pawn hnial la, kan in ah i awm tih leh keini nen kan in hnaih tih hi sawi lang suh ang che, Imanuel emaw keipawh min hria ang in awm suh" U zuali chu ka melh tlawk tlawk, a thilsawi vel chu ka rin loh thil vek ani




" I tana ṭha tur anih chu ka sawi, taxi fare tur i nei em? " ati dam leh thlap, chhan mai ngaihna pawh ka hrelo e a, nula senior mahni lu zo vah ani tih ka hria a mahse, chuti taka min zahpui chu amak kati, vui thei ka nilo a vui tur lah ka nilo





" A ngailo ka lawm e " Ka ti a, ka kalsan nghal daih. Tukṭhuan eilai chuan Nu saii'n ka kaldan tur a sawi siam siam a, U zuali sawi ang ngeiin Driver min hruai tir atum




" Nu sai, keimah in ka kal mai ang " Ka tih chuan U zuali tih loh midang chuan min melh ṭhap



" Inthlahrunna tur a awm lo ania " Nu saii chuan ati leh sep a, lem zet a nui in



" Chutiang lam pawh anilo, chinchang hriat ve te ka duh a" Ka ti a, U zuali'n alo belhchhah ve zeuh hnuah taxi a ka kal chu an remti ve hram, Driver inhruai tir ka duh vang hrim hrim anilo, ka chak bawklo. Taxi chuan kan zirna tur building lam chu ka pan a, An company compound chhung ah tho ani a mahse, building hrang ani thung, an company chu a lian in a ropui khawp mai. TLAU FASHION COMPANY tih lian zeuh in a in ziak a Ka thlir dauh dauh.





" Designing zir ve tur tho ami inih " Hmeichhe pakhat hian min lo bia a, ṭawngka chhang lemlo chuan ka bu nghat




" Keipawh ka ni alawm, kal dun ila " A ti a, anui pah sang bawk, Zirna tur building lam pan chuan kan kal a, Company a thawk bakah company chhung mall a bazar tur lokal te nen, mihring an zi nak nak mai




" Seat ruak chan fuh hi a har asin, ram pawna zir chhuak leh heta zirchhuak hi an danglam na a awmlo, zirtirna an pe uluk an tia, kum2 dawn heta zir tur hian ka bei tawh, State pawnah ka zir duh silo a " A nui har har a, nuih pui ve mahila thildang daih ka ngaihtuah, Kanu ṭhiannu te Company ni kherlo se keipawn seat ka chang kherlo ang. Inbe pah in kan kal vel zel a, kan zirna tur building chhung kan luh chuan zir ve tur dang ho anlo awm nual tawh avangin a rehlo khawp mai. Hall ah luhkhawm tur anti a, hall lam chu kan pan sap sap




" Group hrang hrang ah kan inṭhen dawn a, thla hnih danah zel intihsiakna kan nei ṭhin ang " Ti tu chu U zuali ngei ani, Design zirtir lam hi buaipui bik an tih tak kha mawle, Ka ṭhian chhar thar hi Dangsangi ani a, Dandan min ti rawh ati a, kan ti mai aniang chu. Group khatah mi paruk zel kan awm a, Dandani nen group khatah kan awm chu anuam kan ti lutuk a, midang ho chu kan tunge awm ve pawh kan hrelo. Designer pakhat zelin group pakhat min vil dawn a, kan room bik tur min kawhhmuh takah chuan Kan ṭhian dun chuan kan inzui ve dat dat, ṭhian ka nei nghal mai te chu ka lawm takzet.



" Designer nih hi chak vang ngawt a nih theih anilo a, zirliam satliah chi anilo, Mi te hak tur thawmhnaw design tu kan ni dawn a, kan thawmhnaw design chuan kan rilru a pho lang tur ani, design chhe deuh chu an rilru a chhia ani mai " Kan zirtirtu in a tih chuan uluk deuh in ka ngaithla a




" In mit chhing vang vang ula, in suangtuahna aṭang khan kawr design ru le, in hmaah khan paper a awm a, khatah khan in suangtuahna chu in draw chhuak tur ani " Ati leh a, kan teacher sawi ang chuan ka mit ka chhing vang vang a mahse, a thim vek haha. Kan kawr design chu kan teacher chu kan entir sap sap a




" Hei hi i suangtuahna ani takzet em? " Ka thil draw chu a thlek vang vang a, anih thu in kalo chhang ve vat





" In suangtuahna a changkang hle mai, aṭha lutuk mahse, inzir tur in la ngah ania, tun bak hi chu ka fak tawh kherlo ang che u, in thiam theih nan sawisel na tur ka zawng char char tawh dawn nia " A ti a, huphurh awm mang e. Rin ang anilo a awlsam lo khawp mai, min zirtirtu chuan a uluk bawk si




" Vawiin class chu tikhan a zo e " Ma'm in a tih chuan ka zi mar nghal ṭalh ṭalh




" Awi, ka ring a tliak dawn " Dandani pawh chuan ati ve niah niah a, kan ṭhian dang pali chu an chhuak diam tawh, min biak an tumlo a biak kan tum biklo




" Pathlawi mah nise a chhelo tlawt " Kan bang rual vek ani maithei building pawnah chuan midang anlo ding khawm ṭai a, an ṭawng bawrh bawrh hlawm




" A hot e " An ti leh ṭhin a, an mi sawi chu tudang nilo in Imanuela ani. Dandani nen chuan kan kalsan a, Dandani'n ka awmma a hriat ka hlauh avangin ka kal hmasak tir a, taxi in Nu Saii te in lam chu ka pan ve leh, Dandani pawh an mahni in aṭangin a kal a, aṭhen la awm khawmuang ho kha chu hostel ah an awm.





Nu Saii te in ka thlen chuan Naupang pahnih pawn school an lo bang leh tawh a, Ka hawng Noah in min hmuh chuan a phur khawp mai Sammy erawh ngeng zetin ala ṭhu reng




" Au vawiin ah lam kan zir a, ka thiam ber ania aw " Inti thei deuhin ati ve lang lang reuh a, nui var var chungin ka pawm kang a, a biangah ka fawp zeuh




" Min zirtir ve dawn em? " Ka tih chuan uar deuh in a bu nghat nghat




" I fel lutuk " Ka tih chuan a ha lang ṭha in anui a




" Keichu ka fel, Sam chu a sual, vawiin ah pawh naupang pakhat nen an insual " Noah in a tih laiin Sammy chuan 'Noah, ngawi mai mai rawh ' a ti ve hluk anih chu! Inla pa ve reuh lutuk





" Sam chu a insual ziah ṭhin ami? " Ka ti hram a



" Aw, vawiin a mi nen chuan an insual ziah " Noah lah chuan zep a nei bawk silo, Sammy chu ka enchian takah chuan a hmai khem ve deuh chu ka hmu thei, Noah chu chhuat ah nghatin Sammy chu ka pawt hnai a, alo ṭang ve nasa mai




" Tunge chupa chu, i hnek let ve ngailo ami? " ka ti hlak, ka thinrim ti tih nghal der mawle




" I hriat pawh a ngailo, mipa ka nih hi duh leh ka insual ve ang chu " a ti a, a hmai ka khawihna kut chu a vai per ngei a



" Kut kan thawh ro ro anih chuan pa takin min khawih nawn leh ngam tawh lo turin kutthawh tur, insual te hi aṭhing tawh, eng emaw hlek a kutthawh ziah te hi a Mai heh thlak " Ka tih chuan min nam vak a, a chak ve reuh sia kei lah a te chi ka ni ve bawk nen ka pai ve khat khat




" Bawihte, tinge khatia i u itih " Nu saii alo lang ve nawlh a, ka ṭhat thu ka hrilh hnuah Noah chu pawm leh in room ah ka chhohpui, ka fiam na mah mah ṭhin em tih te ka ngaihtuah, A nu in a thihsan in engmah hrethiam chiahlo mahse, kum2 lai anni ve tawh a, an ngai ve ṭhin tho in ka ring, a pi ten duat viau mahse, nu mamawh ngawih ngawih chang an nei ṭhin ang


Cont...


Inkhawm zan kan awl zel dawn aw, a bakah chuan regu hram kan tum dawn nia.


Show post links
Top

[Ngaia]

Noah nen chuan ka room ah kan awm a, rilru a kal thui reuh lutuk, Noah chuan eng eng emaw hi a sawi ve siam siam a, vawiin lam a an lam zir te chu a ti chhin a, kan nui dun nasa mai



" Noah, au sualpui pa chuan au chu engtin nge atih ṭhin " Khumah thatchhe deuhin kan mu a




" Nu pawh i nei velo a ti ṭhin a " Ati reuh a, ka rindan sa deuh mah nise an ti tak tak ṭhin tih ka hriat chuan ka kawchhung hi a sa pup pup mai





" Nakinah keimah kala sawisa hrep dawn nia " Ka tih chuan, a mutdan a siamrem ve sat sat a





" Au apa in anu chu vanram ah akal tawh atia " a ti sep a, a hmel ka thlir vang vang hnuah ka kuah a, a hnungah ka chulsak hliau hliau, han hnem dan tur mai ka hre biklo, rei vaklo ka kuah hnu chuan ka inla hranga mahse, Noah chu tui zetin alo muhil hman tho, nichin aṭang khan a ngui ka ti deuh reng ani, a letling zawnga kan mut avang chuan kan mutdan chu ka siamrem a a harh bik lo. a bulah mu ve chung chuan kanu te ka call a





" Aw Mate " U rsa zawk in alo chhang a




" Khawnge Kanu " Ka tih chuan nghal zetin ' khawnge kapa' alo ti veleh kher a, nuih rin hlau deuhin ka nui nghawr dat



" I biak tlak si loh a maw " Ka ti leh a



" Min be chaklo zawk anih kha, min lo biak i tum ve reng reng hleinem " a lo ti ve ngei a, awm tlang ilang chuan min tihbuai dan ngawt a zawng leh awm sia




" Be chak e, ka lunglen ka hlau alawm " Ka lunglen ka hlau tak tak, U rsa nen hian awm tlanin in tibuai reng mahila ka zinchhuah chang chuan ka ngai ber zel





" Lunglen ngaihtuah suh, ṭha deuh khan zir la nau designer ka nei ṭep tawh em? " te alo ti uang leh vel a, nuih za viau e tilo chuan ka nui ring ngamlo



" I bulah mi an awm ami? Nuih rin iva hlau ve " Alo ti ta ngei bawk




" An tunu ka bulah amuhil a " Ka tih chuan




" Ehhh,, a pa i hmu tai deuh anilo maw, pathlawi ngaihzawn duh chuan an fate an be ṭha hmasa ṭhin an tih kha " Zuk han ti a! Hepa hi chu aw




" Lalruatsak hmelchhepa " Lawmlo zetin ka ti a, a nui hawk hawk leh nghal, rei vaklo kan in biak leh hnuah kan dah a, vawiin lam ah ka chau ve deuh bawk nen Noah kuah tura in siamrem in ka mit ka chhing ve riai riai. Ka lo muhil ve ni ngei tur ani, ka harh leh meuh chuan khua alo tlai duai tawh, Noah chu tui deuh in alo la muhil. A mu laklawh sia zanah a mu theilo hrim hrim ang, kawngka ri rak ah chuan ka hawi phei a, U Ima alo lut mek




" Ilo harh tawh maw? " Ti sup in ka mut lohna lam sir ah chuan alo ṭhu thla a




" Umm " Ka ti ṭiak




" Heite chu zanah a muhil theilo khawp ang " A fanu sam chu a chulsak a




" Tih mut ka tum miahlo ania, khumah kan mu zal mai mai a, alo muhil ringawt " Ka lo ti ve niah niah a, min lo en zawk a, nui suk chungin a fanu bawk a en leh




" Ka hria alawm, kan ti harh tawh ang e " A ti a, ham bai bai chungin ka tho chhuak a, ka sam pawr phang chu ka chul mam thuak thuak



" Duatte " A ti dut a, Noah chu a tal eih lo, a taksa sawi che dat in a ko leh sup a, Noah pawh alo tal ṭalh ṭalh, a tho pangai mai dawn emaw tih laiin a ṭap a, a pa in pawm mai a tum chuan a leng nasa mai




" Keiman kalo thlem ang e " Ka ti sep a, khumah chuan ṭhu thla leh in Noah chu ka ko ve sep a




" Keiman ka pawm daih ang che aw " A mu lai chu pawm tho in ka malchungah ka nghat a, ka awm ah a bei nghal hle hle, ka hmai a za mer mer a, ka hawichhuah chuan U Ima nen kan in melh chiang ngei mai




" Ruatpui lo chhuk pui mai rawh aw " A tih chuan ṭawngka pawh a chhanglo in ka bu nghat a, a chhuah hnu chuan thawk kala ham ham, ka thinphu rang deuh dawt dawt chu tu vang nge tih ka hrechiang khawp mai. Noah chu a hmai te ka phih pui a, a nuih leh var var hnu chuan inhnuai ah ka chhukthla ve chauh




" Inla chhuk ve tawh maw, Laklawh deuh a amut hian nuar a ching ṭhin a " Nu saii'n alo ti leh barh barh a, Sammy chu a pa bulah aṭhu ve ran a, min nam avang khan a in thlahrung ve nge min melh ṭha ngamlo





" Noah te chu a fel tawh alawm, a nuar lo hrim hrim " Ka tih chuan Noah chu a nui ve hek hek reuh a




" Au bula awm chu nuam ati viau aniang, a mu rei emai " Pa hruaia chuan alo ti ve ngei a, amah nen a inrem lo ka tih vang nge mak ka lo ti, uang deuhin a ṭawng ve thiam pawh ka ringlo ania





" Zanriah ka peih tawh asin " Emily in alo ti a, ei an rawt nghal takah chuan Emily pui turin choka ah ka lut ve nghal, Noah lah chu a pi bulah awm duhlo in min zui kawi ve zel a





" Emm, ilo buai em? Kalo muhil daih a " Ka ti a, ka inthlahrung tak tak





" Buai teh nang, eirawngbawl chu maw ka t*l then na tak alawm " A ti kher a, kan nui dun kar kar





" Naktukah chuan ka pui leh vek tawh ang che " Ka ti ve leh tho




" I lo tih ve sek kha anuamlo zawk, min lo pui zeuh anih chuan thuhran nise " A ti a, eng emaw lai ah chuan a dik ve reng, awmpui a an lak ani a, ka lo tih ve sek khan a tan aawh anuamlo zawk maithei ani mahse, ka tan pawh awl deuha awm chu anuam biklo. Huizz mi in a awm hi a buaithlak anih hi, venthawn tur an tam emai, Noah chuan ka bula chaw ei kher a ngen leh tlat a, A pi in a thlem viau pawn ka kawr hmawr ah a pawt tlat




" Lalruatkim, sual rawng bawl reng reng suh, i u zui la chaw va ei rawh " U Ima chuan khauh zetin ati hmuk, Noah chu ka en thla a, ṭap mai tur hmel a pu




" Ka va eipui ang " Ka tih chuan U Ima bawkin min lo khap




" Naupang anih kha, in thunun tir lo in kan thunun tur anni " A ti leh hmak a





" Ka rilṭam em em hleinem, ka va inchawi pui ang " Ka ti leh hram a, Nu saii chuan min lo pui vat, ka chaw thleng siamin an chaw eina ṭhin ah chuan ka kalpui a, Sammy chuan alo ei mial mial tawh, min hmu ve thut chu a meng kawk a aṭhawng ve deuh aniang. ka rilṭam lo tak tak a, ka eitam hranlo Noah pawh chuti tho




" Tihpalh " Sammy chu ka en dawrh



" Engtin maw? " Ka tih chuan




" I hre reng " Ti vak in a chhuak leh nghal daih, tihpalh tih chu hreh ve ngar ngar khawp mai. Zanah chuan Noah chu a mu duh reng reng lo a, ka bulah a awm deuh chawt, A pi in thlem a mahse, ka bulah mut a tum tlat tho




" Midang bula mut a hreh theih nen, A ni bulah pawh a mu duh ngai miahlo ania " Nu Saii chuan ati a, ka nuih liam mai




" A mut duh leh mu ve mai rawh se " Ka tih chuan a inthlahrun hmel ngang mai




" Nu sai, inthlahrunna tur a awm hleinem " Ka ti a, Noah kai chung a kalsawn kan tum lai chuan




" Noah, khanu " Sammy in atih lai chuan a pa in alo pawt chat a ' Sam, Au ' a lo ti khauh, Sammy chu a ngawi vang vang a, au min tih chu a hreh ngang aniang




" I u khan, a riahpui reng dawnlo che ania, nakinah pawh ka bulah mut tum tawh miah suh " Awi he naupang sualthiam ve reuh zia hi, I u ati kher chu a pi leh pu bakah a pa chuan an nuih pui a



" Tinge maw au tih pawh chu i hreh tlat le " A pi in ati vang vang




" Sam, i duh chuan ilo mu ve thei ania " Ka tih chuan




" Ka duh lo ve " a ti vei hmak a, nui vur vur chungin Noah nen chuan step ah chuan kan chho hnak hnak, tlai ah a murei bawk a, ala meng fiah ngang mai keipawh chuti tho




" Noah, Home work te i ti tawh em? " Tih tur a awm bawk silo, Noah chuan lu a thimg nak nak a



" I bag ka va la ang e aw, kan pahnih in kan ti dawn nia " ka tih chuan a mu lai chu a tho hliai a, hlim zetin anui sen sen




" Min tihpui dawn maw " a ti a



" Tihpui dawn e, tinge i duh vaklo ami? " ka tih chuan



" Ka ṭhiante chu annu ten an home work kha an pui ṭhin a, ka ṭhiante khan school ah an sawi ṭhin " a ti leh a, phir mah nise Noah hian Sammy a phaklo zual in ka hria, ṭawng leh thil tih hrim hrim ah pawh, Sammy chu mipa inla pa chi luhlul zet ani bawk nen athil tih engkim a felfai thlap reuh a, Noah erawh chutiang chu a ni leh chuang miahlo, a ṭawng pawh a la bahlah nuai ṭhin a, a sawi short cut thei viau bawk




" Au hian ka tihpui ṭhin tawh ang che " Ka tih chuan a khek raih a, a bag la tur chuan ka chhuahsan, an unau room bikah chuan Sammy chiah a awm ring in ka kik buai duhlo a mahse, U Ima ka hmuh chuan ka ding deuh dat





" Eng nge ni, mamawh i nei ami? " Amah anglo deuhin alo ti ve zung zung a, Sammy nen chuan dawhkan an kil dun a, Home work a tihpui ve ani ngei ang




" Noah bag ka lo la dawn, Home work ka tihpui dawn a " Ka tih chuan Noah bag awm na chu min kawh hmuh a




" Zanah a ti buailo ang che maw, a mutthilh hun ah ka lo hruai dawn mi? " Ka chhuah leh dawn lai chuan alo ti leh a



" A ngailo, mahni a mut tlawng ai chuan anuam zawk ang" Ka ti ve mai a, ka chhuahsan leh nghal, Noah nen chuan home work kan ti dun a, kan pahnih chauh pawh chuan ian nui leh hawk hawk zel. Dar10 velah a muhil ve chauh a, kei erawh ka mut ala chhuaklo lutuk, Noah bula mu chung a Fb vedeo vel ka en lai chuan Whatsapp msg alo thleng a, Fb chu chhuahsan in Whatsapp ah chuan ka lut



' A mu thei em? ' tih a ni a, Number lawng tawp mah nise tunge tih ka hrechiang khawp mai, a fanu chu a ngaihtuah ve ngang aniang

' A muhil deuh chiah, lo ngaihtuah suh i fanu hi ka ei lovang ' ka reply a, a number chu ' Pathlawia' tiin ka save

' Noah ai chuan ka ngaihtuah zawk che ' a msg chu ka chhiar nawn tluk tluk, mak deuh in ka thinphu a rang nghal dawt dawt maw le, ka en reng lai chuan a dang alo thleng leh a ' Noah chu naupang ania a muhil mai thei dawn a ' tih ani


' Ka mu thei ka tih kha, Noah hian min ti buai miahlo ania ' ka ti let a, Min ngaihtuah vang hrim hrim pawh anih loh hi, ava ho tak ka thinphu lah alo rang hman leh nghal.


' Aṭhat chu, nangpawh mutthilh tum rawh, zanah a mu chhe ve ṭhin ania ' a lo ti leh duah a, a inthlahrung ve hle mai, Pathlawi inthlahrung tak anih hi, ka ngaihtuahna avang chuan ka nui tet tet

' Aw le, muttui ' tiin ka reply a, Emoji ham lai ka thawn tel bawk

' Mangnuam ' Ṭawngkam chu bei maksak ve hle mai, Pathlawi maksak tak anih hi.




Aizawl ka awm aṭang pawn thlakhat dawn aliam tawh a, nitin Designing class kala kal ve zel, ka tuina tak ani bawk nen hma ka sawn ve viau chuan ka in hria, Dandani nen kanla inkawp chawt a, engkim kan ti dun ṭhin. Tuman Company neitu te in ah ka awm tih an hrelo a, ka inthup ve ṭang ṭang Dandani tak ngial pawn a hrelo. Vawiin chu class kan nei reilo a, Nu saii'n naupang va hruai tur a min tih avangin Naupang pahnih school lam ka pan leh mek a





" Au " Noah in min hmuh chuan a hlim khawp mai




" Fimkhur rawh " ka ti zo hman chiah a tlu bawk thlawp a, rang deuhin ka tlan phei ve nghal




" Ana em? " Kaitho pah chuan ka ti sawk sawk, a mittui parawl kuang mahse, a nui ver ver a




" Ana lo " A ti ve tlat, a khup a tauh na chu a pilh a




" Ka pawm ang che " Ka pawm kang a, waiting shed ah chuan ka ṭhutpui



" Khawnge i u " Ka hawikual a




" Ka hrilh che kha au, khami te nen khan " a ti a, ka hrethiam ve nghal




" Noah, khawiah nge chumi te chu an awm " Vawiin hian hmuh ve ngei ka duh ani




" Saw lai ah sawn an kal ṭhin " Kum5 an tling ve dawn chauh a, insual han hrat nghal em em mai chu'h, Noah chu ka pawm a asawi na lamah chuan kan kal, Naupang pa3 hian Sammy chu anlo din hual ve khanglang anih chu! Khawvel han mak tawh zia hi




" Hey, nangni ho kha " Ka tih chuan an lo hawi hra hlawm a, Sammy pawh a meng bial kawk alawm




" Ek cheh rual lek si, in zak em? " Ka ti Khar khar a, hlauhawm deuh turin ka aw ka ti danglam ve deuh





" Kapi, tunge inih " Pakhat chuan ati ve reuh a




" I pi hian ka ben hrep che i duh loh chuan, insual tawh reng reng suh ang che " A chal ah ka kawk sawk a




" Eng nge ilo tih dawn " Sammy chuan alo ti ve ngei



" Lo ngawi rawh " ka ti ram hmarh




" Naupang ka kut khingkhat pawh hi i hneh lovang, midang tibuai ve khanglang tawh suh u, kal nal nal ru " Ka ti a, min melh rum ve hlawm lutuk, ka ngei lutuk chuan an tukhum ah ka beng leh ṭheuh a




" Ka buaina ah lo inrawlh suh " An kal hnu ah Sammy chuan ati leh a




" Lokal mai mai teh " Ka tih ve hmak laiin ka phone alo ri a, Pathlawia alo ni zui



" Aw, hello " ka tih chuan



" Naupang ho i hruai ami? " A lo ti let nghut a, a thin ka ti rim ta emaw ka ti mai dawn alawm le




" Aw hruai e, kan lo hawng ṭep " Ka ti let ve mai a




" School kawt ah ka awm, khawnge in awm " a tih leh chuan 'kan lo kal ang ' ti zung zung in phone ka dah




" I pa in min nghak tawh, lokal ru le " Noah chu ka pawm leh a



" Sam, ka bag hi lo khai teh " Ner nang chungin a la ve mai, kan pathum chuan kan inzui chhuak hnak hnak a





" Eng nge intih " U Ima chuan kan chhuahna lam kawk zeuh in ati a, chhan mai ngaihna pawh ka hrelo, Sammy chu ka en zeuh a hrelo ang hmakin motor ah a lut daih leh nghal




" Kan kal kual mai mai " Ka tih chuan awih loh hmel deuhin min melh run a




" I chhe ren run khawi teh " Ka ti hlak a, Noah chu motor ah ka ṭhut luh pui ve nghal





" Au, ka ke khu a thip sep sep " Noah chuan a pa hriat hlau deuhin ka beng bulah a ti ve sar sar a



" In ah damdawi kan hnawih ang a, a dam vek mai ang " ka tih chuan a ngawi veleh mai.




" Noah khup pilh chhan leh khata ṭanga inlo chhuah hlawl dan chu han sawi teh le, dawt ka ngaina lo ania " Noah khup ah damdawi ka hnawih zawh ah ka room ah ka lut a, ka beisei loh deuhin U Ima alo ṭhu run




" Noah kha chu a tluk na ania, Kan vak kual ve mai mai ka tih kha " Za lo zet in ka nui a




" Ruatpui " Khauh zet a atih leh nghut chuan thawk kala hap a




" Aw anih, englo.. Naupang dang in Sammy kha anlo tibuai ṭhin a, tibuai tih lemah an lo insual ṭhin a, naupang ho kha ka hau mai alawm, Pakhat leh pakhat chu nise ka inrawlh miah lovang, inrawlh chhan tur pawh ka neilo mahse, Pathum leh pakhat chu a fair lo a, thil fair lo deuh chu ka enliam theilo alawm " Zai zir meuh in ka ti duah a




" Ṭha deuhin atir ah min hrilh mai tur alawm " A ti dam leh thlup a




" Min hauh ka hlau alawm " Ka tih chuan anui chhuak hawk




" Mim hlau ami? " A tih chuan amit a en let kar chungin



" Hlau lo " Ka ti sep mahse, ka tha hi a khur der der amah ka hlauh vang erawh ani mawlh lo



" Min hlau suh, Noah leh Sammy i buaipui ṭhin avang in ka lawm e " U Ima chu ka en reng, hriatthiam har deuhin min melh ve reng a




" A ho emai " In thing harh vat in ka ti a, tih ber tur hrelo in ka meng kual ralh ralh, ka kut ka khawih pah niap niap bawk




" Inti fai rawh " Ding vut in a chhuak nghal daih a, min ti hrilhhai dawn alawm le, ka intih fai hnuah lu tuam bur chungin inhnuaiah ka chhukthla a




" Au, a nutei alo kal a " Noah chuan phur zetin min lo au a, a nui sen sen bawk, hmeichhia kala hmuh ngai loh pakhat hi alo awm ve reng bawk, a nui sang a ahmelṭha khawp mai




" Ani maw! Anuam i van ti awm " Ka tih chuan a bu lap lap mai, an hlim tho a tiin choka ah chuan ka tlang daih a, Common room ah khan U Ima pawh a ṭhu ve ngei a mahse, phone a bih ngur ngur anih kha





" Bawihna nupui unaunu anih kha " Nu saii chuan min lo zui lut ve tih ka hre miahlo




" Umm anih chu " Ka ti sep a, sawi vak dan tur ka hrelo




" Naupang ho hmangaih pui thei ber tur niin kan hria a, innei se kan ti, Zomuani hi chuan a hniallo a " A tih leh chuan ka khawng awt in ka hria, nupui a nei leh dawn maw!?





Cont...

Whatsapp grp link (Hetah hian chanchin kan in hrilh thin)
https://chat.whatsapp.com/JqCElOo0p1K68ZyBa8EeWZ


Show post links
Top

[Ngaia]

" Nupui maw? " Ka ti chhuak sep a, U Ima hmel chiang deuh in ka mitthla zui nghal



" Umm, naupang hi an khawngaih thlak a, midang zawng aiin Zomuani hian a hmangaih thei ber dawn a, chuvang chuan kan nawr ve deuh a mahse, Bawiha hian a duh tlat lo a " A sawi tawp lam chu thawk huai huaina tur thil ani



" Tunlai ah chuan mihring hi kan fel tawh a, nuhrawn te pawh an sual kher tawh bik hleinem " Ka ti khawmawi ve a, Nu saii pawh a bu nghat nghat




" Ani reng mai, Bawiha hi chu mi rilru nghet chi hi ani a, 'Ka nupui nau neih ka tumlo, an duh chuan naupang pawh hmu rawh se ka hniallo, inzawmna siam kher ka duh lo' a ti hmak zel a, ka sawichhuak tawhlo " ati leh bawrh bawrh a, an chhungkaw thil lutuk min hrilh mai danah min enhrang lo hle tih ka hria. Choka aṭang chuan a chhuak leh thuai a, Emily chu tih tur a awm leh awm loh ka zawt




" Awm em em lo, salad siam ani mai " A ti a, fridge hawngin salad tur chu ka la chhuak ve mai




" Kapi hian a ngai fel ve sia, ka chungah chuan aṭha lemlo" Emily chuan ati a, ka melh vat



" Zomuani saw maw? " Ka tih chuan za lo zet a nuiin abu nghat a




" A fel hmel ka lo ti asin " Ka ti mai a, midang rel chiam hi ka ti ve ngailo a, mi in ka bulah midang an sawisel chiam te hian hreawm kati ṭhin




" I hrelo anih chu " A ti a, ka sawizui pui vak loh avang chuan nuamlo ati deuh aniang gas bulah a ding sawn leh daih a, dawhkana ka phone dah chu alo ri ve mek



" Aw, kimkim " Ka ti nghal tawp a, tunlai chu Kimkimi nen pawh kan in be khat khawp mai




" Naktuk class i neilo ang tiraw? " A lo ti zang vah a




" Nei dawnlo " Ka tih chuan alo au deuh chiam a, ka phone ka dah hla rang lutuk




" I mawl sia maw, Laltlankim " Ka ti hlak a, ala nui uar sauh leh nghal, eng chu hria nimaw





" Naktuk chu dine out ila " A lo tih leh chuan ka ngawi vang vang




" Ka hrelo, Nu saii te pawh ka hrilh ve phawt loh chuan " Zep loh chuan ka chak ve reng




" Thlakhat chuang i awm tawh a, vawikhat pawh kan la inhmu lo, naktuk chu ka ring dawn che nia " a tih hnu ah a dah leh hmak a, salad chu ka chan chhunzawm mawlh mawlh. Zomuani chuan chaw a ei ve nghal dawn a, kei aiin upa daih mahse, ka u buai peih lo. Dawhkan an lo kil ve tak tak hmain ka chaw tur ka siam mawlh mawlh a, an lo lut leh ka choka chhuahsan tur kan in tawk




" Inchawi i tum alaw? " U Ima chuan ati nghut a, nui ver ver in ka bu nghat




" A va ṭullo ve " ti leh mahse, ka kalpel a Noah te bulah chuan ka ei ve leh mai, Noah chu a ṭawng leh siam siam a, Sammy chuan inla puithu deuh in a khap leh ṭhin, an unau chuan ka tibuai lo a, ka chaw eilai ka ei mawlh mawlh, mak min ti ve deuh aniang an pahnih chuan min melh leh zeuh zel. Zanriah eikham pawh chuan Zomuani chu ala awm ve reng a, eina ka tihfel pui hnuah ka room lamah ka chho nghal daih, ka va mil loh vang pawh ani hranlo. Kimkimi chuan min lo txt leh a, Dine out chungchang bawk min sawipui, Nu saii kala dillo ka tih chuan Emoji thinrim sen vek chu alo thawn leh tuar a, keimah chuan ka nui hak hak




" I nuam sam lo deuh emni? " Nu saii leh Noah an lo lut a




" Ka ṭha alawm " Ka tih chuan anui ve leh sang




" I bulah mut ati veleh tlat a, a ti buailo ang che tiraw? " A ti zung zung a, min tihbuai loh thu ka hrilh ve mai




" Englo.. Nu sai, naktuk ah ka ṭhiannu in Dine out ila ati a, kal ve i remti em? " Ka huaisen na zawng zawng sawmkhawm in ka ti a, Nu saii chhuah tum pawh a ding leh dat




" Phal loh tur a awm hleinem, chhuak harh ve rawh " A ti a, ka lawm ngei mai Noah chu a muhil har lo a, min kuah chial a a mut ṭhin avangin phone khawih pah pawh hi a rem vak ngailo mahse, harsa deuh chung pawn ka online ve reng zel, whatsapp ah sts ka view mai mai lai chuan Pathlawia msg alo thleng a, hawng nghal mai lo turin ka insum hram ani, ka hawn nghal chuan a msg ka chamg emaw atih ka hlau, min3 vel ka nghah hnu ah ka hawng ve chiah a

' I rilṭam em? ' tih alo ni, min3 chhung ka nghak ve ania, a ho chu ka ti ve khawp mai


' Chaw ka ei ṭeuh alawm ' tiin ka reply a, ani chuan a seen nghal chu te mai mai chuan min ti hlim nia maw le


' I ei ṭeuh lo tih ka hria, Zomuani vang kha ami? ' a msg chu engtia han chhan tur nge ka hrelo, chhan dan ka ngaihtuah reng lai chuan typing a in ti leh nghal a


' I online reng chuan min ignore miah suh ' a lo ti leh reuh anih chu, huiham hepa pui hi a awmdan hi ka dawngsawng thiamlo, msg a type ve keuh keuh tur ka mitthla a, Noah en zeuh pahin ka nui seih


' Zomuani vang anilo, ka rilṭam lo hrim hrim alawm ' tiin ka reply a


' Muhil tawh rawh ' a lo ti leh daih a, ka hmui ka ti pawrh tarh ringawt



' Aw le ' a seen a, min reply tawhlo, la mu mai lo chuan Dandani msg te chu ka reply ṭha leh vel a, engmah ti em em lo chuan kala online ve reng


' Online tawh suh, mut a hun "' Pathlawia hnen aṭang bawk in ani, a thu lo ve e

' Ka thu thu ' Ka ti ve kher a, a msg lo thleng leh nghal chu ka hrelo der hmak, ka online rei tawh biklo a, ka muhil ve nghal daih.





A tukah chuan Dar11 velah Kimkimi'n pawn ah kan awm alo ti a, keipawh ka insiam peih thlap tawh avangin Nu saii hrilh in ka chhuak ve nghal a, Pawnah chuan car dum hi alo ding a



" Kan pahnih chauh in amaw ka tia " Car chhungah chuan Mipa pahnih an tel ve a, Kimkimi chu ṭawng rin hlau deuh in ka chhuahchhal




" Car an nei a, an sual lo ania lokal rawh " Min pawt nawk nawk a, ka lo kal lo mai ang tih leh mai ka duh mahse, Kimkimi tih hnual ka hreh avangin ka ngawi ta zawk a




" Tlai kha i theihnghilh ang e aw, ka ring che ania. Kan in hmu leh dawn nia " Bazar thleng min thlah a, an tel velo tur chu ka hlim ngei mai, motor chhungah khan mipa pahnih an ṭawng tam ber a, mipa ṭawngthei zet hi ka ngaina lemlo. Kimkimi nen chuan kan kalkual chiam a, lei tur a pui a tam si, bazar ah hian kal zen zen chi pawh anilo anih hi. kan ṭhiandun a kan len chhuah chuan thla kan la sek zel, tunah pawh thla kan la eh ṭeuh tawh.



" Kan pum hnawhpuar ve phawt ang " Rei fe kan kalkual hnuah ati a, ka pawmpui khawp mai





" Engtin nge khami te kha i hriat " Kan thil chah kan nghah laiin ka ti a




" Phone aṭangin " Awlsam zetin ati a, ani pawh hi ri phawr phawr ang kha ani a, thil reng reng aṭhalo em tih lam ngaihtuah lo tih chhin zel tum ang chi kha ani.




" Keichu ka ngaina lo " Ka ti a, ka zep buai peihlo nileng in an bulah khan awm ila an ṭawng ka rui thei hrim hrim ang.




" Ka ngaina biklo, bawl an nuam a pa te thawhchhuah ring a chapo an nih kha, duh duh naah min hruai thei a, sum save na atan a ṭha lutuk " A ti leh mai a, a ngai awlsam ve ngawt mai, ka awmna te chanchin min zawt ve a, an fel thu leh naupang pahnih pawn min ngainat thu ka sawi ve sep sep




" Pathlawi zunah ilo uai ringawt ang e aw " Ati a, anui pah har har bawk, ka uai ṭan der in ka hria. Thil kan ei zawh hnu ah kan leng kual leh a, ke a kan kal kual leh hrep hnuah taxi a phar a, min hruai tumna pawh ka hrelo e a




" Khawnge kan kal dawn " Kimkimi chu a ngawi reng a, a awmphung hi ka hrethiamlo





" Vawiin a ka ṭhian khan a bday ah min sawm alawm, chaw hlui kan kilpui ve lawk ang a kan hawng dawn nia " a ti a, ka phawk nghal hra




" Ka hawn a ngai tawh, chutiangah ka tel ve duh hleinem " Ka ti chiam a, min rawn hmasa lo a min hruai atum pawh chu ka lungawi lo




" Kan rei dawnlo, vawiin ah min pui a, a bday a chawhlui kil ve te chu a pawi hleinem " Ngaihsam zet in ati leh hmak, Kimkimi te hi an khawsak a hniam hranlo a, a pa hi kan khua Middle school principal ani, keini nen chuan tehkhin chi pawh kan nilo, lungawi lo ru deuh chuan ka ṭhu ngawi ta kar a, kan khua a ka ṭhian Kimkimi kha ang tih na pawh ka nei tawhlo. kan kalna chu in lian vaklo ani a, a fal ang reng. Music ru dup dup a a bengchheng ngei mai



" Kan thleng tawh bawk a, keichu taxi hian ka let leh dawn" Ka tih chuan



" Amelia, a rei dawnlo " Min pawt a, a ṭhiante hmaah tih zah ka hlau ve bawk si, ka zui ve ta zel a




" Inlo thleng tawh maw? Chaw ei pawh kan peih ani mai" Vawiin a motor khalh lo tu zawk khan alo ti zung zung a, Kimkimi chu mipa pakhat hian alo kai hrang daih, chulai hmun chu nuam ka tilo takzet, zu rim a nam ham ham bawk a




" Ṭhiannu in ve rawh " Vawiin a mi bawk kha ani




" Ka duhlo " Ka tih chuan anui sawng a, ava hmelchhe tak, U Ima hmuh ngun phei chuan hepa hi chu hmuh ṭhat a har khawp mai



" Hnar kual vel lo teh, tunlai hmeichhe ho hi chu ka hrechiang ve tawk che u, sum a awm chuan khum min ṭawmpui hreh ngailo " A ti ham ham a, ka luak ati chhuak lutuk



" Nuai1 pawh min offer la i hmel fahrah leh pian ṭhing lutuk bulah chuan ka mu chuanglo ang " Ngeiawm zetin ka nui ve hak, a thin ka ti rim ani mahna min melh rum sawt a




" Nang hmeichhe lep chiah " Min tih chuan ka ngaithei bik der lo



" Nang mipa pawh tling zo lo " Ka ti ve hlak, ka ṭawngkam chu a haw ngang aniang kan bula dawhkan chu a tlawh thlu ṭhuai a, min lo man a tum chuan kalo tawlhsawn a, kan thawm chu tuman an hrelo nge min ngaihsak lo, kimkimi pawh a bo hmak, ka thinrim dan chu pui tak ani




" Mipa ka ni nge nilo chu ka hmuh tir ang che, i ṭhiannu remruatna avangin ilo kal theih nan ka bday pawh zanah ka lawm loh phah tih i hria em? Chuti mai chuan ka kaltir dawnlo che " Ti chhur chhur in min lo pan a, ka tawlh hnung ve zel bang ka ngheng dawt takah chuan ka mangang ve ta khawp mai, nui sawng chung a ka biang a khawih chuan ka tha neih zawng zawngin a awm ah ka nam a, alo rui ve tawh bawk nen a kat dawrh a, a tlu ri rum rum mai, music ring deuh pawh chu a tawp nghal a, kan thawm chu a ring ta viau aniang awm ve ho chu anlo hawi ṭhap, hmeichhia pawh an awm nual a mahse, an mitmeng adiklo vek tih ka hre thei, Kimkimi chu khawi aṭangin nge ka hrelo alo lang leh nawlh a





" Eng..eng nge awmzia " A ti buh niai a, thinrim lutuk in ka melh ngawt ngawt




" Ka rin ang i nilo khawp mai Kimkim, min hralh ani ringawt alawm " Ka ti chhuak nghek, thinrim zetin ka bag ka hai rak rak a, ka phone chu la chhuakin ka hriatchhuah hmasak ber U Ima number chu ka dial nghal a, ka awmdan chuan a ṭhawng nge anla chechang lo




" Hello " U Ima aw ka hriat chuan ka hahdam sawng sawng thei



" Min lo hruai thei ang em? " Ṭah chhuah hlau zetin ka ti sep a



" Khawiah nge i awm? " Zawhna min zawt chiamlo chu ka lawm a mahse, Kan awmna hi ka hre hauh lo




" Kan awmna hi sawi rawh " Phone chu ka hup a, Kimkimi chu ka melh kar, zawi te chuan kan awmna chu a sawi a, U Ima chu ka hrilh ve nghal, ka tihbuai vak hlau mahila amah bak biak tur ka hrelo ani.




" Amelia, ding teh, heyy " Ka chhuak chu Kimkimi'n min zui chhuak a, Min koh na te chu ka hrelo der hmak, ka kut ah min chelh din takah chuan rum zetin ka en a




" Eng nge ila duh, i nundan ang khan ka nung ve theilo, keichu neih chuangliama heta awm hi ka nilo aw " Ka ti kha fak




" Ka tihpalh " a tih chuan ka nui hawk a




" Ka ngaidam theilo che, ka ṭhian emaw kalo ti ṭhin che a mahse, rul anga fing, bak anga phakar ilo nih hi " Ka ti chiam, a hmel hi hmuh reng pawh ka chaklo, Kimkimi'n ka kal ve dan a ngaihtuah a, khami te bulah khan eng ang in nge min sawi ang, khati khawpa min ngam te kha, ka ngaihtuah let phei chuan ka kaw chhung hi a so bulh bulh thei.




" Ka tihsual vawikhat anih kha, a thleng tawhlo ang " Ala ti ngam nia mawle



" Min hralh ṭep anih kha, engtin nge i ṭhian ni leh lo i mihringpui chu pawh i hmeichhiatpui chungah i tih theih " ka ti leh nghek, ka sawi zawh rual deuh thaw in kan bulah U Ima motor ngei chu alo ding dawt a, amah alo chhuak nghal bawk




" Kal ang " A ti hmuk a, Kimkimi chu melh nawn tawh miahlo in motor ah chuan ka lut ve nghal, a ngawi reng a, ṭawng chak lemlo mahila a ngawih reng chuan ka ngaih aṭha chuanglo




" Khatah khan eng nge itih " In kan thleng a, motor aṭanga ka chhuak tur chu min be leh tho sia, a hma zawng zawng pawh a ṭawng duh hleilo




" Ka ṭhiannu khan min bum " Ka ti hmak, zep kual ṭit ṭet kha ka peih velo




" Bum tur in awm tawh suh " Tih chauh a sawi, ka hmui petsawi zeuh in ka chhuk a, inchhung ka luh rualin Noah in min lo ko leh nghal chul




" I lo hawng tawh maw? " Nu saii'n min lo nuih leh var var tawh, Nu saii leh Noah hmaah nui sang mahila ka chhungril hi a hreawm ve lutuk, mahni a awm ka chak ngawih ngawih, inti fai tura room ka chho tur chu Noah in min ngen lo teh tlat a ka lawm ngei mai, room ka thlen rualin khum mawng lamah ka ṭhu sawp niai a khum chu ka bawh thlawp, Ka tette aṭanga ka kawm ka ṭhian tak tak anga ka ngaih leh ka rin in min tihdan chu paidam harsa ka ti ve thlawt, ka mittui alo luang ngiai ngiai a

' Kha chen ṭhian kan ni a ṭah chu a awm alawm mahse, tun bak hi chu amah avangin ka ṭap tawh lovang ' ka ti chhuak sep.


Zanah chuan ka mutthilh theih ngang loh avangin Noah mutthilh tawh hnuah thawm din deuhin, in chung ah ka chho leh a, kapa thu min hrilh la hrechhuak uar uar, ka duh avang rengin kal lo mahila ka awm anuam thei chuanglo, thawm awm rak ah chuan ka hawi phei a, U Ima alo ding leh luah tawh hepa hi min enthla ṭhin aniang




" Min zui ru ani maw? " Nui ṭha chunga ka tih chuan ka bulah alo ṭhu thla ve leh a




" Misual lo chu ka zui ru ngailo " Hmmm, ve ngei hian a




" Anih vel chu " Ka tih chuan



" Mi pakhat rinawm loh avangin mi zawng zawng hi an rinawm lo ta tih na anilo ania, vawiin thil thleng kha chu ka zawt dawn lo che, nangpawn hriatreng loh tum rawh" a ti a, ngun deuhin kalo ngaithla




" U Ima, nupui neih leh i tum em? " A thilsawi nen a in tu ha lo deuh ka sawi avang chuan a hamhaih ve deuh aniang




" Ka leng tar tawh dawn " A ti anih chu! Ka tan beisei a bo nghal lutuk



" I ti anglo emai a " Kan ti ngawt a, ka chhipah chul in min nuih suk, min tihdan hi pa in fanu chunga a tih ṭhin ang chiah ani, kei lahin chutiang mai mai chuan ka ngai ve der silo, ka duh huam phei chu anilo mahse, ka vei ani.





......


" Ka lo thlah ang che " Vawiin ah class kan ṭan leh tawh dawn a, gate aṭanga ka chhuak chu ka bulah U Ima car alo ding ve dat




" A ngailo, taxi in ka kal thei alawm " Chuan ka chak ve reng mahse, U Zuali thilsawi ka ngaihtuah thlenglo thei biklo ani, a tlan mai dawn emaw tih nak laiin motor aṭang chuan alo chhuak a




" Tinge ka ruala kal chu i va hreh ve, i awmdan hi amak riau, Company ah lah nise min pehhel char char a, ka hrelo tur ah i ngai anih chuan i tisual viau ang " A ti nghut nghut a, ṭi deuh in ka nui ringawt. U zuali thusawi ka hrilh theilo a, min hrelo anga awm tura hrilh turin ka ngam der silo chutianga ka tih phak pawh anilo, pehhel mai loh chu tih theih ka nei tlat lo ani.




" Chutiang anilo " Ka tih pawh chuan min melh ngur a





" I lo chuang lo anih chuan vawiin ah in class ah kalo kal ang " A ti hmak mai le, hepa hi a sual ve zia




" Aw, a nih " Min thlah ringawt chuan tuman an hmu chuanglo ang, a thilsawi hi ati leh duh tak tak dawn tih ka hria, nam nul mai mai chi pawh anilo




" Min hlau chu ani em lo maw? " A ti sup a



" Hlauh chhan tur che ka nei ami? " ka ti ve hmak, anui suk leh ta nghal a, ṭawng thei chi ni mahila han sawi chiam tur ka hre bik tlat lo




" Hetah hian kalo chhuk ang " Company thlen hma deuh chuan ka ti a, a hrelo der hmak thei maw le




" Lo chhuk ve duh suh aw, bye bye ni hman nuam " Ti zung zungin ka chhuak a, motor chu kalsan thuai thuai ka duh




" Ruatpui " Phawk hra in ka hawilet a, alo chhuak ve leh tak tak, ka hlauthawng nghal der




" Eng nge i hlauh " Ka hmel landan chu a hrethiam aniang



" Hlauh ka neilo, bye " Ti leh sep in ka kalsan daih a, ka awmdan chu keipawh hian mak ka inti, min thlah ve ani mai a U zuali thusawi ka zawm chiam chhan tur pawh a awm in ka hrelo, tun aṭang chuan peih lo mahse, ka inthlah tir zel tawh ang, ka tan ṭan lak nan aṭha ting, ka ngaihtuahna chu ka nuihpui eh ang vur vur a, ka mawl hmel viau ang, Dandani alo la thlenglo aniang kan in nghah na ṭhin ah chuan alo la awmlo a, ka nghak ve ta zawk a, hun dangah chuan min nghak ziah.





Cont...


Show post links
Top

[Ngaia]

Dandani lo thlen hnu chuan class lam kan pan ve leh a, Dandani a ṭawng bawrh bawrh a, Kimkimi lam pawh ka hrechhuak khat mahse, tette aṭanga ka kawm tawh ani a, theihnghilh tawp chu ahar ve viau ang


" I va nawm loh hmel " Dandani chuan a ti sar sar a



" Nuam e, tinge? " Ka ti let ha



" I nuih dan kha alem " Ati leh mauh mai, a va buaithlak ṭhin tak, Ma'm in min hmuh kan hlauh avangin kan inbe reng ngamlo a, kan thil tih lai ah chuan kan rilru kan dah leh vat




" Amelia, kanu'n i ṭhiannu chu leng turin sawm rawh atia, tun ṭum chu min hnial theilo ang, thil hrilh tur che ka nei bawk ania " Hawng turin ka insiam a, a in peih leh hma ber aniang ka bulah alo ding leh vang tawh




" Englam nge " Ka dawhkan tihfel pah chuan ka en zeuh a




" Inpuanna kan ti thei ang " A hmel chu a serious ve lutuk, eng tak niang maw, kan inzui chhuak chu midang ho chuan min melh hrek hrek in ka hria, an phun par ser ser bawk sia, hetiang hian a hma zawngin an awm ngai ka hre lo




" Min en hrek hrek hlawm in ka hria " Dandani chu ka hrilh ru a, a hawikual nghal thuak




" A ho e, an mit a hah ting ani mai " A ti sam then a, keipawn ka ngai pawimawh biklo, Nu saii chu bia in ka tlai deuh tur thu ka hrilh a, ka tih tur te min zawt luamin in lam chu ngaihtuah lo turin alo ti a, a fel ve ngawt mai





" Eng nge i sawi tur chu " Taxi ah kan chuang dun a, a sawi tur chu hrechak tawh tak ka ni




" Kan in ah " A ti kher a, ka hawi tau deuh hmak chu min nuih nasa mai




" I inhmeh lo lutuk " Tih ringawt in a nui chiam thei, Dandani te in chu a changkang hle a, ka rin loh dan deuhin ka hmu, ka kut ah chelh in min kai lut dawr dawr a, an kawtzawl pawh a zau nuam khawp mai, pangpar a vul chuk hlawm leh nghal, Nu saii pawn inchung ah leh kawtzawl ah pangaar a neih ṭeuh tak kha






" In lo thleng tawh ani maw? " Doorbell a hmet a, Nu pakhat hmel dang lap leh hrisel loh hmel deuh hian alo hawng a



" Nu, hei hi ka ṭhiannu Amelia chu anih hi " Dandani chuan ati zung zung a, A nu chuan kan luhna tur kawng min kiam thuai, a nui sang bawk




" I van fel ve, Dandani hian i hming lo chu sawi tur a hre thlawt lo a " A ti sep sep a, a ṭawng pawh a zuai ang reng khawp mai




" Min ngaisang ve alawm " Ka tih chuan Dandani'n hmui a ti pawrh tarh mai




" Dandan, i room ah han chhohpui la, eitur kalo pe ang che u " A nu in a tih zawh rualin min kai leh nghal dawr dawr, Dandani hi kei aiin kum1 in a naupang




" I nu kha a damloh hmel e " A room chu Nu saii te in a ka room nen a zau zawng chu a in ang vel ang




" A damlo alawm, tunlai chu a hrisello zual a, Hospital ah pawh an kal zing " a ti a, a nu chungchang a sawi chuan a hmel a nguai ve ruih mai




" A van zialo " Ka ti ve mai a, han tih vak dan tur ka hrelo, midang ka hnem thiam dan ber chu fiamthu thawh ani mai mahse, tun ṭum chu fiamthu na chi a ni bik tlat lo





" Kanu lam chu sawilo ang " Khum ah chuan a let thla tap a, a sir ah chuan ka ṭhu thla ve




" Unau dang i nei em? " Ka tih chuan mit hmul min san khum ralh a, a lu ah ka nam dawt




" Mipa pahnih ka nei " Nui ṭha chungin ati a, henu nghal zia hi chu aw





" Nui ṭha reng suh " Ka ti hlak




" Ka u te chu maw nupui an nei ve ve tawh, kan upa ber chuan in hrang a chang tawh a, ka u chiah erawh inpui chang tur ania " A ti leh mai a




" Taka, i thil sawi tur kha " Ka va theihnghilh hman teuh tak



" Theihnghilh tir che ka tum ania, kan in ah ilo kal theih nan ka fiam mai mai che alawm " a tih chuan a hnungah ka beng dawp ' Ana ' ala ti vak zui, kan ṭhiandun a kan nuih vak vak lai chuan kawngka alo ri dat a, Dandani chu tho in ava hawng, a nu chuan kan eitur min lo pe a, a chhuk leh nghal daih. Dandani te in ah chuan ka awm rei hranlo




" I lo buai em? " In ka thlen chuan alo reh ruih a, Naupang pahnih bakah Nu saii te hmuh tur an awmlo, Emily chu choka ah alo che rak rak a, min hmuh chuan min nuih var var




" Buai vaklo e, i lenna chu anuam em? " a lo ti var a, a nawm thu in ka chhang ve mai, Dandani nu kha ka mitthla ah a cham ve reng a, engvang nge maw ni dawn ni





" Khawnge nu saii te hi " Ka hawi kual leh thuak a




" Ka va hre mai lo ve, an awm reng emaw ka ti asin " A hawikual ve thuak



" E tak in, U zuali khan a zawng che a " A ti hluai a, ka phawk hra mai




" Tinge a " Ka tih chuan a hriat bik loh thu a sawi leh mai, chutia kan awm lai chuan U zuali chu choka ah alo dak lut leh nawlh a




" Amelia, min lo zui lawk teh " A tih hnuah a kal leh nghal a, ka zui chhuak ve nghal vat





" Vawiin ah Imanuela'n a thlah che ami? " Ka room ah kan awm a, mitmeng fiah kalh in min melh




" Aw, thlah e " Ka ti ve hmak, inthlahrung deuh anga lan dim dem ka tum biklo




" Ka hrilh chiang viau che in ka hria asin " A mah hrim hrim hi a nelawm loh vek, engtin nge min thlah tih pawh chu a hriat le, min hmu an awm pawn ka hrelo ania





" Kan class ah lokal atum a, chu ai chuan inthlah tir kha azia zawk in ka hria alawm " Ka ti ve nghat




" I tana ṭha tur ka tih kha " Ka tana ṭha tur anihna lam ka hrelo




" Buaina a awm ami? " U Ima alo lang nawlh chu mak ka ti khawp mai, kawngka kha ka khar nghet in ka hre sia




" Aw, buaina chu nangmah kha " U zuali chuan ati nghek a, U Ima chuan a ngaihna a hriat loh hmel khawp mai



" Buaina ka nih chhan chu sawi reng ta che " A ti ve ta hmuk




" Engvangin nge Amelia i thlah " Kan thu khel chu a ho ka ti ang reng, a senior ber in a sawichhuak miau bawk si





" I lo Vau/Vo lawk anih ka ring reng a, min hel char char ṭhin te, taxi a kal a duh tlat zel te kha nangmah hian ilo Vo/Vau tih ka hrethiam e " A ti ta chher chher mai, U zuali chu a zam loh hmel lutuk





" A tana ṭha tur ka hrilh lawk ani, mi hmakhua kan ngaih vanga kan thusawi hi in Vau/Vo na ani tih ka lo hre hauh hleinem " a ti ve leh then, kei chu ngawi rengin an sir ah ka ding zum zuih




" Chutiang i sawi angailo, in rawlh tawh suh " U Ima in ati leh hmuk a





" Vawiin a i thlah ringawt pawh an sawi nghal luai luai a, naktuk ah chuan ahma zawng aiin hreawm ati dawn chu chu ka hre lawk vek, Duhsakna avanga seat chang ang in an sawi vek tawh bawk, mite hian kan nih na bak bak in min sawi ṭhin, chumi a pumpelh theih nan chuan ka hrilh lawk anih kha, ka huat vang hrim hrim ani lo " Ti duah in room chu a chhuahsan a, a chhuah hnu chuan kan ngawi dun vang vang, U zuali thusawi chu ka ngaihtuah zui a, vawiin kan hawng tur min en chunga an phun ser ser te kha U Ima in min thlah tih an hriat vang anih dawn chiah hi, U zuali chu ka haw lo a, ka hmakhua a ngaihna chu amak ka ti zawk daih





" Ngaihtuah buai suh, thil tisual ang maia bihruk reng angai hleinem, a thlawnin i zir pawh anilo " Ka dar ah min chelh a, tim daiin ka en chho




" A nuamlo " Ka tih sep chuan, Hahdam rawh ti ang hrimin mitmeng dam thlap in min en vang vang a





" Nitin ka rualin i kal tawh dawn nia " A tih leh hnu ah a chhuak a, ka rilru a buai ve zek mai, chhuk ta mailo chuan ka inti fai a, Kanu te rei ang reng deuh ka be bawk




" Au, kalo lut duh " Pawn aṭangin Noah in kawngka alo ti ri rak rak a, hawnsak tur in ka tho chhuak vat




" In leng ami? " Kawngka ka hawnsak rualin kati a, ka zawhna pawh chhang lemlo chuan khumah a lawnkai leh tharh




" Au, i khum hi anuam bik " A ti a, a ke a leng kual nasa mai, a mutthilh leh ka hlauh avangin ka chhuahpui thuai a, chaw ei anlo siam mek tawh chu niin, Noah chuan min zui kual leh dat dat tawh. Zanah chuan Kimkimi'n min lo call a, ka la duhlo msg pawh min lo thawn ṭhin mahse, ka chhanglet duh ngailo, ka thin ati rim ve em a biak ka chak hlawl lo. Keichu lem deuh a nun hi ka thiam velo a, kan ngaihdan anih loh chin pawha la nuih liam maite ngawih chuh tlat ṭhin ka ni velo, ka ngaihdan anih loh chinah chuan ka ti lang mai a, ka ngawi mai mai ngailo, hei tak hi kapa'n min hauh fo na ani, ṭawngtam hi min ti thei lutuk a.



.....

" Bawiha, tukin chu Sammy te unau hi va thlah ta che " Class kal turin step ah ka pen thla chhet chhet a




" Ruatpuii nen kan kal rual dawn, Noah te chu lo chhuahpui mai rawh se " U Ima in a tih chuan ka ding dat, nimin khan inthlah luih tir chu tum viau mahila U zuali thusawi kha ka ngaihtuah chiang a thil tih chi ber ani in ka hrelo





" Ee Amelia, Naupang nghak lawk rawh aw, an lo chhuk thla ve ṭep ang " Nu Saii'n min hmuh chuan alo ti thuai a, hnial mai dan tur pawh ka hrelo, ka chhan let hma in step ah thawm a awm ṭak ṭak a, an unau in anlo in um thla leh tawh aniang





" I pa'n a thlah dawn che u kha, thu awih tur aw " Naupang pahnih chu an bu nghat nghat, Noah chuan min vuan leh chat tawh a, Sammy erawh inla pa deuhin a chhuak leh hmak tawh





" Taxi in ka kal mai ang " Noah chu motor kawngka ka hawnsak a, ka thusawi avang nge U Ima chuan min melh run run




" Lut rawh, naupang thlah nen hun kan nei tam tawhlo " A ti hmuk a, a awn sa ka ni bawk nen ka tlu leh ta nge nge





" Au, kan banah min lo hruai leh dawn mi? " Noah in ka pawm a duh tlat avangin ka pawm a, a pa'n khap viau mahse, a khap hneh chu anih hi




" Ka hrelo le, apa hian a peih lovang" Ka tih chuan a tum ve hmak reuh a, lawmawm ti zetin a biang ka piai sak zeuh




" Apa, Au nen min lo hruai dawn tiraw? " Phakar reuh e, apa tan hnial ngaihna awm lo zetin zawhna a siam ve kher reuh a, Noah hi ka ṭangkai pui reuh viau ang, ka ngaihtuahna ṭawmkailo zet hi ava buaithlak ṭhin tak





" Aw le, class ah zirtirtu te thu awih tur aw " A pa in a tih chuan a au ve chul a




" Noah, rak chul suh " Sammy pawn inla puitling zetin alo hauh leh tawh hi, chhungkua te pawh kan ang alawm le, Noah te kan thlah zawh tawh hnu ah Company lam kan pan veleh a





" Lungngai suh kalo chhuak dawnlo " Company kan thlen chuan ati sup a, nui hak in ka chhuk nghal




" Amelia " Dandani min lo au lang lang a, hmanhmawh deuhin ka tlan phei ve nghal




" I thlenna a rei tawh em? " ka tih chuan a lu a thing a





" Lokal rawh lut ang, i tlai ṭep ania aw " Ka banah a kuah a, kan class lam kan pan dun, Noah leh Sammy kan thlah kawi avangin kan tlai ṭep tih chu sawichhuah chi pawh anilo, class kan thlen hnu lawk ah Ma'm alo lut ve nghal a, Lunch break ah chuan Canteen ah thil ei turin Dandani nen kan kal ve a





" Pu Imanuel in a khawngaih avangin seat a pe mai mai alawm, Aizawl veng chhung aṭang a dil te pawn an chan loh lai a, thingtlanga mi in a chang thei hi amak kati reng a, Induhsakna vang mai mai anih hi, a fair lo e " Ka piah a ṭhu te thusawi chu ka ngaithla kar, ka hriat tur reng a an sawi ani tih ka hrethiam ve reng, ka thengthawng ah a thawklo, duhsaktu neih te chu a ṭha ani mai alawm, a thlawn in min duhsak pawh ani bik lo




" Eng ah mah ngai suh aw, an ka a kaw lutuk anih hi " Dandani chuan ati sar sar a




" Ka theng thawng ah a thawk lo, an chil per a uih awm ka lo ti zawk " An hriat tur kher chuan ka ti veleh a, Kan class a awm ve pawh mi pahnih lai an tel ve, class chhungah pawh khan min sawi sep sep tih ka hria





" Zahna tlachham lutuk " An ṭawng ring leh zual a, nui sang chunga an mahni en phei chung chuan




" Boruak ka tlakchham loh chuan a tawk mai " Ka ti ve kher a, an zinga pakhat chuan rum zetin min melh




" I van zaktheilo, thingtlang nula mai mai " Dandani'n chhanlet atum chuan ka khap a




" Thingtlang nula hian khawpui nula kha ka ngaisang lo che, ka zah vak chhan tur che pawh ka hrelo " Ka ti fiah ve kalh




" Duhsakna avanga zir ve thei mai mai inih kha " Min ner khum ve ngei, kan aw ki kan dimlo bawk a Canteen a chawl ve ho zawng zawng chuan min en ṭhap tawh




" Duhsaktu i neih loh avangin min thik anih kha " Thinrim duh miahlo in ka ti dam leh thlap a




" Ṭawngthei reuh lutuk " A tih chuan Dandani nen kan nui chhuak hak




" Kan ṭawngthei lutuk, min hnial duh tawh suh bulṭan hmasa tu ah pawh ṭang tawh ngai suh, min hnial hneh lo ang " Dandani'n ati ve kher a, kan thil eilai kan ei zawm leh, midang nen inhau zo chiah mahila eitur chu a tui ngaiin ala tui reng, ka thil ei pawh an ti tuilo phalo.





" Sangkimi anih kha, a pa hian company a shoping mall pakhat hi a enkawl a, a pa hming in a inti thei ve anih kha" Class kan pan leh laiin Dandani chuan min hrilh mawlh mawlh a, a hming takngial pawh ka hriat loh ka in hnial pui chu ania





" I sawi a ka hre chiah, engtin nge i hriat zawk " Ka tih chuan anui vak a, a mizia hi Kimkimi nen a in ang ka ti ṭhin, abula ka awm hian Kimkimi ka hrechhuak fo mai




" Keichu ka news alawm " A ti mai a, a zau tihna ani mai, in a tawm reng chungin a news vak theih loh, kan khua a Pi lawmi pawh kha a chaw ei lai leh a mut lai bak in ah a awm lo ang tih tur ani a, thuthar reng reng ama hnen aṭangin ka hre ziah, Pi lawmi tawp kha Youtube channel




" Duhsak avanga lokal ka ni a, midang ang khan min ngei ve miahlo ami? " Class ah kan awm a, Ma'm alo la luh loh avangin Dandani chu ka be sar sar




" Eng nge ka ngei ve ngawt ang che, ṭhiante chu eng dinhmunah pawh ding se ka tlanchhiatsan ve ngailo, ka in sawi rinawm thil anilo ania, nangpawn min ring lo tih ka hria mahse, ka vui lo kan in kawm zel anga min rin ve zel mai ang " Kimkimi avang khan midang rin harsa chu ka ti ngei mahse, Dandani hi ka rin loh phah chuanglo



" Kanu leh U Ima nu hi ṭhian an nia, an in ah ka awm bawk a " Ka tih chuan a mitmu a ti che kual ralh a, a chal ah ka nam dawt




" Pathlawi zun a uai chiah i hmabak " A ti mauh mai a, ka nuih vak





" Pathlawi bem dan ka zir mek " Ka tih chuan kei aia ring mah in a nui veleh, engmah zep ṭit ṭet a ngai tawhlo chu ka hahdam huai thei maw le, Kan group a tel ve pahnih min sawi sep sep tu te pawh an lo lut ve a, an lo luh hnu reilo te ah Ma'm pawh alo lut ve nghal. Ma'm in thil asawi mawlh mawlh lai chuan ka phone chu ka hmet eng leh pek a, U Ima msg ka hmuh chuan Ma'm in min hmuh hlau deuhin Dandani phenah phone kengin msg chu ka open

' Naupang te min lampui hman ang em? ' Hmmm, a fate tih hnual chu a hreh ve pur pur hle mai


' Aw hman ang ' ka ti a

' Ka lo nghak ang che ' ka chhanlet na tur ka type leh mek lai chuan ka chal ah Ma'm in chalk a lo thlawh phei a, ka chalah tak a fuh ka phu zawk leh nghal, rang zetin ka hawi chhuak a




" Amelia, rilru pe rawh, i phone kha off nghal rawh " Ati fiah fak a, ka phone ka dahṭha zal zal ka chal chu ka tuai ka tuai mai



" U Ima in min lo hruai dawn a " Mithmul ka ti che zeuh a, min ei lo deuhin a hmui a ti sawi




" Pathlawi chu bawng ek nen an in ang reng " A ti kher anih chu, ngeiawm ve asin aw





" Anih tlangval pangai hi " Ka tih chuan nui kar kar chungin



" Ar ek " A ti leh mauh mai




" Bawng ek chu a rim ana lo a, lei ṭha tak ani bawk, Ar ek chu lei ṭha ni mahse, a khawihtu tan a rim a chhia, hrethiams Pathlawi hi midang tan an hnawksak lo, pathlawi chhelo phei hi chu an tan hian midang hi an hnawksak zawk " Ka ti ta duah a, min hnial ngaihna a hre tawhlo aniang, ka kuta min chelh chungin min chhuahpui daih.




" Va kal rawh, chhiate " Kan in vai liam a





" A hrehawm em? " Ka ṭhutluh rualin ati a, ka lu ka thing nak nak





" Hreawm lo, an awm ang zelin ka awm a " Ka tih chuan thawk ala hluai a, a tlanchhuak nghal, min ngaihtuah ve deuh ni a ka hriatna chuan min ti hlim veng veng thei, mihring hlimna hi avan ho tak, ka hlimna hi a ho zual mahse, aṭha daih zawk tih hlim harsa lutuk ka nih chuan U Ima a hah thei lutuk ang. Ka ngaihtuah na vel mai mai chu aw, a va han hahthlak vet vet tak em!



Cont...


Show post links
Top

[Ngaia]

Noah te chu kan hruai a, Noah chu hmeichhe naupang tih takah a ṭawng siam siam reng a, hmeichhia te ti lang mawitu a nui hmel pawh a bo hleitheilo, Sammy pawh a pa chuan a be dut dut reng a, a chhan ve sep sep hi




" Au, Sam in bialnu a nei " Noah in a tih chuan Sammy chu ka en vat a




" Lalruatkim, i daw thei lutuk " A ti hmuk a, ka en reng avang chuan lai zet in a hawisawn





" Tunge " Ka tih chuan rum deuhin min lo melh ṭha leh a, ka nui chhuak hak hak, ala naupang nen a in la fing lutuk hi a lawmawm.




....


Class pawh ṭha takin ka kal ve zel a, thla hnih danah test kan nei ṭhin, Dandani nen chuan kan in kawp nghet ve tulh tulh a, Kimkimi pawn min biak alo la tum zeuh zeuh zel mahse, ka hel ve tlat a ka chhang duh ngailo, class leh a chhehvel ah pawh ka hriat laia min sawichhe bawih bawih pawl anla awm reng a, Dandani nen erawh kan ngawihsan chang a tam, khin let zel ka tum loh ang chiah in an thusawi mai mai avanga hnual ka tum lo. Nimin khan kan test zo leh chiah a, kan test hian ni3 chawlh kan nei ve ṭhin





" Amelia, ka bai chhuan hi min lo vilsak lawk teh aw " Chhunah tihtur a awm lo lutuk a, Emily puiin in te ka tihfai pui a, pangpar te siamṭha in an pot te kan ti fai vek a, tunah eirawng bawl kan ṭan veleh chiah ani, Naupang pahnih an awm loh hi chuan a reh ngawih ngawih




" Aw le " Emily chu choka aṭangin a chhuak a, gas bulah ding in bai chu ka vil ve ran, Dandani nen kan in txt pah avangin Phone chu ka bih leh zeuh zeuh, U zuali pawh ka lakah a sual hranlo mahse, amah hi a nelawm loh chi ani ve hrim hrim aniang kan inbe luam ngai chuanglo, Sammy nen pawh kan in hnial leh bap bap ṭhin, Nu saii leh Pa hruaia erawh ka lakah an sual lo a, Zomuani chu ninawm khawpin ka hmu tam, U Ima in a ngaihsak ngailo a mahse, Nu saii te hian an nawr ve reng tih ka hria, ka rilru a hah ve tawp zel, nitin mai hian ka vei telh telh a, ka awmdan aṭang hian a hriatthiam ka ring ṭhin, a hrethiamlo der mai mai anih ka ring.






" I va ngaihtuah muk awm ve " Ti dut ri ang chuan ka phu chiam, ka ngaihtuahna ka lo kawm leh veng veng tawh anih hmel




" Min van ti phu ve " U Ima chu ka ngam nat dan ber a rum in ka melh ve ngei a




" I bai chhuan aliam ṭep " Hrechhuak zawkin bai chu ka chawk nghal rawk rawk a, ka off nghal bawk




" Min ti phu tur hrim hrim in ami ilo luh " Ka sir a ding chu ka melh kiau a




" Ni lo ve, i phu mai mai anih kha " a ti sam then leh nghal





" Nidang aiin ilo hawng hma " Ka kut ka lek kang hman uk tawh sana ka bun lo tih ka hrechhuak leh thut a, ka dahthla leh riai riai




" Sam te kalo lam kawi a " a ti zo deuh chuan Noah in ring zetin min ko ri ka hre nghal, U Ima nen chuan kan nui dun hak a, ring deuh a ka auh let chuan U Ima a ner nang mai




" Au, lo chhuak teh hei hi eng nge " Noah chu a rak ruai a, hmanhmawh deuhin ka tlanchhuak nghal mahse, Noah bul ka thlen hma chuan thil ka rap, Ka thil rah ka zuk enthla chu, rak ṭhat a tawlh let in ka zuang a U Ima in min lo pawm chat, kan in melh hnai dun ngang mai




" A lem anih hi, i in la no e " Sammy in atih chuan Dim te in U Ima chuan min dahthla a, Rul lem chu Sammy an a khai kual vel





" Noah min phatsan ani maw? " Zak ang a lang suh hauh lo chuan ka ti a, Noah chuan inthlahrung deuhin min melh




" Hmmm, i naupang chhia e a, Ka nau chungah ṭuan daih suh " a tih chuan U Ima a nui hawk a, rum zeta ka melh chhoh chuan ahmui a chip hmak mahse, a mit vun chuar tap aṭang chuan a nuih a za tih ka hre reng




" In ngeihlo deuh chu an innei duh anti ania aw Sam, ka nghak lian dawn che " Ka tih chuan a meng ve kawk reuh a, Emily lo lo lut chuan ka thusawi chu a hre hman aniang min lo nuih lut vur vur




" I zaklo lutuk " A ti hmak a, ka nui ve hak




" Zak rual pawh kan ni tawh biklo, zanin aṭangin i bulah ka lo mu tawh ang " Ka tih chuan rul lem in min lo vawm a, ka taksa a deh hma in U Ima in alo man hman, inti thei deuhin Sammy chu ka en a, Noah kaiin a chhohpui ta daih




" Upa ber nih te hi thiam ve deuh ta che " Ti sup in Rul lem chu min awrh tir a




" Sawwwtah la bo teh, ka hlau tak tak ania " Ka ti hlar, Upa ber te min tia a fanu emaw ka nih ati a maw ni




" Ve hlir hler reuh che hian " A tih laiin Choka ah ka luhsan daih





" In inkhing tawk thei lutuk hi in lawmawm " Emily chuan min lo nuih hak hak




" Sam nghal zia khi " Ka ti ve mai a




" Kan lakah chuan a nghal miahlo, a duh ve deuh che aniang " ati mauh mai




" I ti anglo e " Ka tih chuan



" Hei hmelṭha tih ang chi kha ka sawina ania, naupang amah ang rual hian an nei ṭhin alawm, kan khua ami naupang pakhat pawn ka nau hi a duh tlat a, a nuihzat thlak ania " A ti barh barh a





" Awi! Fiam ziah chi anih chu " Nui vak chungin kati a, kan pahnih chuan thildang dang sawi kai chho in kan nui leh vak ṭhin. Naupang pahnih pawh an reh ve hmak mai, Zanriah eilai chuan Nu saii'n



" Fur inṭan tak tak hma in family picnic neih an rawt a, hun insiam ru aw " A ti a, ka tana pawimawh a ni ve vak lo



" Ni e, picnic tih loh ah hi chuan inhmuhkhawm te hi a harsa " Pa hruaia pawh ati ve sup




" Naktuk hi kan hman tlang ber ang, zanin ah hrilh hlawm rawh, kar thar aṭang chuan kan buai dawn a " U zuali chuan a ti a, an pawmpui aniang engmah an sawi tawhlo




" Amelia, kal loh te kha ilo tum ang e, kal vek tur aw " Pa hruaia chuan ati leh a, Nu saii pawn alo belhchhah ve vat, Dandani nen tihtur kan neih tawh avangin kal ka tum chuanglo, an family pawh ka ni chuanglo a, ka tel khan chhungkaw dangin an lo duh lo thei, ka awm aṭangim an chhunghnai te hi anlo la leng lut lo a, an sawi danah chhungkaw hung tak chu an nih hmel tho






" Emm, ka phone ilo hmu em? " Choka ah chuan ka zawng kual a, ka hmu mailo, phone hi ka awmna apiang ah ka dah tawp zel a, ka zawng leh nge nge ṭhin




" Ka va hre mai biklo ve, dawhkan ah khan i dah maiin ka hria ania " A ti ve chul a, min zawnkual pui thuak thuak




" Ka hria e " Emily in atih vak chuan ka phu dawrh thei




" Eng chu maw " Ka ti ve vat a, ala nui vur vur leh nghal




" Pawna i chhuh lawk lai khan Sam alo lut, ala lai phei chu ka hmulo mahse, tihbuai che a chak ve hrim hrim a, a thukru pawh ani maithe " A tih chuan thawk kala hak, he naupang hi chu aw, a tuar theih tawka hnek hrep ala ngai ani, nghal leh lutuk mai






" Ehe! U Ima " Sammy te room ah cham zet in ka lut a, U Ima alo awm kur avangin ka phu deuh zawk




" I va thinrim hmel ve " Alo ti khauh a, Sammy chuan min en ṭha ngam miahlo, Idea ṭha deuh ka nei nghal bawk




" U Ima, ka phone ka dahna ka hrelo a, min call sak thei ang em? " Ka ti a




" A va mak dawn ve, i zawngkual tawh em? " A ti a, ka bu nghat nghat, a phone a phawrh a




" Zuk chhuk la, heta ṭang chuan a ri i hre theilo ang " A tih chuan ka nui a




" Call tawp rawh " ka tih chuan, a bo hmel khawp mai, a call ta aniang ka phone ringtone ngei mai chu Noah khum aṭangin alo ri chhuak ral ral a, U Ima chuan mak a tih hmel nasa




" Noah vawihnih min phatsan na ani ta, zanah ka bulah pawh i mu thei tawh lovang " Thinrim derin ka phone Noah lukham hnuaia mi chu ka la a, ka chhuak nghal hmak, ka chhuah hnu ah U Ima chu ka call a, naupang pahnih kha a hauh chiam ka hlau ani




" Eng nge awmzia " Ka call a lak rualin alo ti nghal a, ka nui chhuak leh hak, a fa te pahnih leh keimah avang hian a a ṭep tawh ang





" U Ima i fa te kha hau suh aw, ka thinrim der mai mai anih hi " Ka tih hnuah ka dah leh nghal daih, Choka ah Emily chu thil thlendan vel ka hrilh a, kan han nui dun leh hrih, Zanah pawh chuan test leh hun atan ka inzir ve mawlh mawlh a, Ka phone alo ri ve mek Kapa te an nih ka ring a mahse, ka rim loh zawk U Ima ani




" Aw " Ka ti mawl tawp a, Noah ṭap ri ka hre nghal




" I buai loh chuan naupang room ah lokal teh " A ti halh, a aw aṭang chuan a inthlahrun hmel viau




" Aw, kalo kal " Ti sawk sawk in ka tho a, ka tlan chhuak ti tih, room ka chhuahsan chuan Noah ṭap ri pawh ching deuhin ka hre tawh, room a awm hian room hi a uap a pawnlam thil hi hriat ahar deuh bawk nen a ṭap ri ka hrelo pawh chu a awm reng.





" Tinge a " Naupang room ah chuan ka lut a, Noah chu chhuat ah a ṭhu sawp niai a, a ṭap vak vak bawk. Nu saii leh U Ima chuan an lo dinchilh a, an piah ah Sammy pawh a ding ve





" I bulah mut a ngen a " Nu saii chuan alo ti vat a




" Aw, lo phei mai tur alawm, zan dangah pawh ilo kal ziah kha " Dam diai a tiin Noah bulah chuan ka ṭhu tung a



" Ka hruai ang che ka tih pawn a duh tlat lo a " Nu saii bawk in alo ti leh, a chhan awm ang tur ka hria, tlaia ka thinrim der vang kha ani ngei ang




" Naute, bang tawh rawh le, room ah phei ang aw " Ka ti a, kaihthawh ka tum chuan a leng ve bat bat reuh a




" Lalruatkim, tih mawh suh ṭha deuhin i duh chuan kal mai rawh " U Ima chuan alo ti hluk hluk tawh, a leng tawh lo a, ṭah deuh chuan ka pawm kang a




" Tlai ah khan ka thimrim der a " Nu saii chu ka hrilh a, alo nui hak hak




" Va in mutpui leh phawt mai teh u " A ti deuh hap, ka nuih sang a




" Lo ngaihtuah su, Sam ilo mu ve duh em " Ka tih chuan




" Duh bawklo " A ti leh hmak, tinge maw min ngainat loh em em mai le, Noah chu ṭap tawhlo mahse, ala in hnit feih feih a, Nu saii chuan Sammy chu a buaipui a, Noah pawm chung chuan ka chhuahsan ve leh mai, kan hnungah pen ri khap khap ka hria a, ka hawilet chuan U Ima in min lo zui ve reng chu niin, laklawh deuhin kan nuih leh tak ngawt kha, ka room kawngka chu min hawnsak a, Noah chu khumah mut tirin a sir ah ka mu thla ve nghal, U Ima pawh chu lo la lut ve zelin dawhkan a ka thil chhawp hnawk niai chu a enkual a




" Kan ti buai ngawt mai che " Hriatthiam har deuh in Min en vang vang a, min melh vung vung ṭhin hi chuan ka lai ṭhin takzet, tunah pawh ṭul hleilo ah Noah sam ka chul ka chul leh ringawt hi




" Min ti buailo, khatiang kha sawi tawh suh " Ka ti ve sep a




" Kan tibuai che alawm, i thil zir ah pawh i ngaihtuahna zawng zawng i pe ve hmanlo a " A ti leh nghut, a thinrim ta emaw tih mai turin a hmel landan chu a danglam




" Mark ka hmu sang ber tho alawm, min ngaihtuah suh " Ka tih chuan rit deuhin thawk ala a, khum lamah lo kal hnaiin a fanu sam chu a chulsak a, Noah pawh a muhil tawh anih hmel




" Tui deuh in mu ru " A chhuak a, room a chhuahsan hnu chuan a ruak nghal huai in ka hria. Family picnic tur chu zing aṭangin kan in buatsaih a, kal tum velo mahila ka buaipui ve char char tho, zankhat riak in an ti kher leh mghal a, Naupang pahnih ka buaipui a, Nidang ang lo takin Sammy pawh a nghal lo ve teh tlat





" Tinge i insiam ve loh " U Ima chuan ati sup a, han chhan mai dan tur ka hrelo




" Englo, ka ṭhiannu nen dine out kan lo tum tawh a " ka ti sep, Dandani'n lenpui a min sawm hian ka hnar ziah a, tum ṭum chu hnar chi pawh ani tawhlo




" I theih hrih loh thu in chhang mai rawh, i tello chuan naupang in nuam anti lovang " A ti ngei a, ka fiam ve chak tlat




" I tello chuan nuam ka ti lovang ti mai la, naupang zahzel a hman te chu " Mit ti zim san in ka en a, a lai ve deuh nge a hawisawn deuh hmak , Emily in chaw ei a siam peih tawh thu a sawi avangin engmah sawi chhunzawm lo chuan a kalsawn daih a, ka fiamsual em maw ni le





" Nu, Ruatpuii'n kal ve loh a tum " Awih lo lutuk in Imanuela chu ka melh tlawk tlawk, a nu a pun ka ringlo hrim hrim chupawh chaw ei lai ani leh nghal




" I kal ve ngei tur ani, chhungdang te hnenah pawh inhmelhriattir che ka duh " Nu saii'n alo ti nghal a




" Ni e, i kal ve ngei angai ang, I tello chuan Noah a tlei lovang " Pa hruaia'n a sawi chhunzawm a, ka tan hnial vak a nuam tawhlo, a vawikhat nan Imanuel Lalhriatpuia hi ka haw so bawrh bawrh





" Tinge khatia i sawi kher " Ka tih chuan min nuih suk ringawt a, chhe sek suk lutuk mai, ka insiam veleh ta nge nge, zan khat chiah riak tur kan ni bawk a, in ken tam vak pawh a ngaih hmel loh, Inthlahrung deuhin Dandani chu ka call a, min lo hauh vak leh a lungawi loh pawn ka thiam loh vek ani, sawi theih ka neilo tih chu ka inhrilh mawlh mawlh mahse, rin loh deuh in Dandani chuan ' Keipawh pawimawh a awm thut a, lo biak che ka tum lai tak ' a ti then a, rilru chu a nuam deuh huai mai. Nu saii te nupa chu driver in a hruai a, Kei leh Naupang pahnih chu U Ima motor in kan kal dawn aniang, Nu saii te an kal hmasa a, Noah chu a phur leh bik khawp mai motor chhungah te chuan a unaute hmuh a chak tawh thu a sawi sek a, Sammy in a khap leh zeuh tih loh chu kei leh Imanuel chu kan ngawi reng





" Mi hausa ho hi chu aw " Picnic na tur an chhungkaw ta liua liua Tlau picnic spot chu kan thleng a, Noah leh Sam te chu an tlan lut tawh, bungrua tlem kengin an hnungah kan zui lut ve a






" Duh lo mahila chhungdang te duhdan ang a awm aṭul hun a awm ve alawm, a chang chuan midang nundan anga nung ve turin insiamrem ve te hi angai ṭhin " Ka phun sep kha ania, a hre pha ani maithei pawi ka ti em em hranlo




" Ka sawi mai mai alawm, sum neih chuan hman mai tur, mi hausa kan han ti thla zen a keini pawn sum nei ila kan tih ve tho tur hi kan neih loh avang hian kan sawisel leh mai ṭhin " Ka ti ve thliam a, engmah sawi chhunzawm tawhlo in kan kal ve zel




" Inlo thleng tawh aw, Heihi emni Saii'n a chhuan em em chu " Kala hriat ngai loh deuh vek an ni, Nu lian lam hmel fai veng hian nui huah huah chungin min chibai a, Nauaang ho pawh kan piah ah an ri chel chul mai, ka ding reng chu U Ima chuan a bulah min pawt ṭhu a, ka nuih heu ringawt, hetiang ni nuai nuai hi ka ngaina lo. Kapa hian unau aneilo a vanlai tla kan tih ang kha ani a, kapi pawh kanu nu ani, Kanu pawh unau pakhat chiah anei a, chhungkual kan tam loh avangin hetiang nuai nuai hian kan awm ngailo, kapa hian kan khua ah pa ang a zawn chu anei a, an fel in min ngaihsak ve ṭhin kan inpawh ve viau bawk.




" A nuamlo iti ami? " Ka bengbula alo phun ser ser chuan ka ip chawih mai, ka mur chhuak vek bawk




" A nuam ka tilo a, a nuam lo pawh ka ti chuanglo " Ka ti a, ngaihdan zep ṭit ṭet mi ka ni ve tlat lo




" Nuam iti thuai mai ang, mak ti lutuk lo la " A tih hnu ah a nui leh suk a, ka bo deuh hu mai athusawi awmzia zawh ka tum lai tak chuan




" Kan lo thleng ve hram e" Ti ri ka hriat avang chuan ka hawi chhuak rang teh asin, Dandani nen kan in melh ran a, anu leh apa bakah a unau te nen an lo ni, mak ka tihzia chu thup buai miahlo in ka meng bial kawk kawk




" Ehe! Eng nge awmzia " Ka ti chhuak sep a, Ka mit ka nuai nghal nawk nawk, Ka mit ka nuai zawh hnu pawn ka thil hmuh chu ala danglam chuang lo, Dandani chuan nui var var in min lo pan a




" Ka thuruk chu hei hi anih hi, ka hrilhfiah vek ang che " Ka kut ah chelhin min kaitho lawp a, khawi lamah nge pawh ka hrelo min kalpui dat dat, thil thleng chuan min la ṭhawng em a awmdan mai tur pawh ka hrelo.




Cont...


Intih phur nan, comment pe hram hram ang u


Show post links
Top