KA TA CHAUH NI RAWH BY Mampuii pautu (Completed)

[Ngaia]

.By_Mampuii pautu






Ka ta chauh ni rawh






Chapter-17






Vulchukchuki






Nu mapuii te in ka thlen chuan an kawngka chu an lo inkhar thap,zia lo tak ani ka kal tawh ta sa sa an veranda ah chuan ka thu ta reng han phone dawnin nu mapuii number hi ka lo neilo reng reng a,ka ni kha chuan anei a mahse ka dil duh lo ka dil chuan eng nge ka kal chhan tih vel min zawt leh dawn zawhna a tam mai mai ka ni phei chu a dil chhut thei si,zep pawh ka tum chuang lo nakinah ka la hrilh dawn tho a mahse tunah hi chuan keimah chauha hriat phawt hi ka duh thil ka ngaihtuah char char lai chuan ka hma a naupang nui thawm ka hriat avang chuan ka hawi chhuak vat nu mapuii leh bibi chu ka hmuh zawm zat ka tho chhuak vat an ni pawh chuan min rawn hmu ve nghal "ehe vulchukchuk-i chu" nu mapuii chuan ati deuh hluai a,chhang lem lo chuan ka lo nui ringawt "yes,auvulchuk ilo kal alaw?Min lo kawm dawn mi?"Bibi chuan ka kut arawn kai nghal zat,ka nuih sen sen ringawt a nu mapuii pawh a rawn thleng chawpchilh " vulchukchuk eng nge ilo tih dawn?I awmna a rei tawh em?Avan zia lo tak pawnah ilo thu reng ami?Hawh u lut ang u" nu mapuii chuan ati nghal sawk sawk a kawngka hawn mawlh mawlh pah chuan "Bawihtei kha,a dam sam lo lutuk a an teacher ten min rawn phone a,ka va hruai tawp anih kha" atih chuan bibi chu ka en vat a pang ka deh chuan alo sa vur ti chung hian ala hlim thei ania naupang tak hi chu aw.























"Bibi....idam lo maw?Pathian hnenah tawngtai la adam vat mai ang" nui sen sen chuan ka ti a inchhungah kan lut zawm zat "tak tak ami?"Dak chho vah a min en chung chuan ati a,"imm" tih paha ka lu ka buk chuan hlim hmel zet hian "anu ka room ah ka kal anga ka tawngtai dawn" tihpahin bibi chu inchung lamah atlan chho ta daih,naupang thuawi tak chu ani,"Hawh lo thu la,pawimawh a awm em ni?Ilo kal vang vang" nu mapuii chuan ati a,kan thu dun nghal zat ka sawi tur chu sawi nghal mai ka duh a mahse harsa ka ti deuh bawk si pehhel deuh a sawi chu ka thiam leh bawk silo ka ni kha ka lo hruai ve lo ni ka ti rilru leh vel a nu mapuii lah chuan thutak zetin min en reng a ka zam vek,ahrethiam nge "vulchukchuk pehhel lo in i sawi duh chu sawi tawp rawh in thlahrun angai lo ania" nu mapuii chuan nui sang hian ati a ka lo khuh kharh "aw....ahh...nu mapui anih chuan ka sawi tlang tawp mai ang,ahma in fapa in nei thin em?" Amah melh ngar chuan ka ti chhuak ta phawng inchhung chu a reh nghal vek ni maiin ka hria "aahh...i zawhna min zawh chu ava mak teh daih ve" rilru nawm loh hmel zetin nu mapuii chuan ati a.


































Keipawh chuan nuam ka ti bik chuang lo "nia a pawimawh lutuk a,hriat ngei ngei ka duh ani" ka tive leh tho tunah hian engkim hriat vek law law ka duh,ka in rawlh ve na tur chu a awm miah lo mahse ka mipa hmangaih tan a chhungkaw dik tak te hi hmuhsak ngei ngei ka duh ani "ka hrilh ang che" nu mapuii chuan ati a,ading chhuak nghal zat ka lo en chhoh vah "room lamah min rawn zui lut la,kan sawi dun dawn nia" nu mapuii bawkin a tih leh chuan ka tho chhuak rang viau an room lamah chuan kan in zui lut nghal a nu mapuii chu an closet lamah lutin reilo te ah arawn chhuak leh vat a kutah chuan thlalak album hi arawn keng chhuak ran bawk khumah chuan thu in a bula thu ve tur chuan min ti nghal zat keipawh chu ka thu ve vat album chu roh hmel zetin a kut chuan a chul a "i zawhna kha,a dik vulchukchuk keini hian fapa kan nei alawm mahse kum 9 anih in a boral tawh a car accident avangin kan fapa naupangte kha a boral ani" nu mapuii chuan ati ta mai,ahmel ka en chuan a mittui alo tling pam a album chu a keu zawm zat "heihi kan fapa nausen lai ania,ahming chu Christian Rozamliana ania" tiin nu mapuii chuan min en a,naute thlalak chu ka en ka nui hak a chumin a cute lutuk tlat.
































"Ahmeltha tiraw?Ka fapa hi tunah te hian la dam se chuan tlangval ani ve tawh ngei anga,ka fapa hi ka ngai tak zet ani" ati leh a,nu mapuii chu ka khawngaih lutuk a aw atang pawn christiana angaih zia chu ahriat vek " car accident kan tawh lai kha a pi te khua champhai a kan zin kan haw lam ania,car nen kan in su a,nikhaw hrelo in kan awm nghal vek a hnuah ipa ruata nen a kan rawn harh leh meuh kha chuan thlathum dawn kha alo liam tawh a damdawiin ah engmah hrelo in kan lo awm char char tihna anih chu,kan chhungkua kha Mizoram ah kan awm ngailo hrim hrim a i pa ruata hna vangin Delhi a awm char char kan nia kan fapa pawh kha delhi a piang leh seilian ania,kan harh meuh kha chuan engkim kha alo danglam vek tawh mizoramah pawh awmlo in Delhi ah kan lo awm daih tawh hi alo nia kan chhungten damdawiin tha zawkah min lo hruai hi alo nia kan fapa kha aruang kan hmulo hrim hrim a,nasa takin kan zawng bawk zawn lohna pawh kan neilo mahse ka fapa khawngaihthlak tak chu tun thlengin ka la hmu ta chuang lo chu anih hi atawpah chuan athi tih chu rilru dam lo zet a ka pawm angai ve ta a,mahse tun thleng hian ka fapa chu ala dam tlat a ngaihna hi ka la nei thin" chu thu chu nu mapuii chuan tap teuh chung chuan a sawi a ka khawngaih kher mai.

































Thlalak album chu keu zelin "heihi a kum 9 na birthday a,athlalak anih hi" nu mapuiin atih chuan rang zetin ka en vat thlalak ka hmu chiah chu ka lung a phu nghal dup dup,a ni hi ka christiana ngei anih hi,tak tak ka rinna hi a dik ka ring sual lo ti rilru mawlh mawlh chungin ka phone bag a ka ah chu ka phawrh chhuak rawk rawk a,ka chet dan teh thut chu nu mapuii chuan mak atih hmel viau ka phone chu hmet engin zing lama christiana'n min lo thawn athlalak chu album a thlalak nen chuan chiang zetin ka en kawp a engmah danglam a awm lo reng reng "he...he thlalak hi vulchukchuk engtin nge....nilo ka fapa...ani hi ka fapa anih hi vulchukchuk engtin nge ineih?"Nu mapuii chuan ka kut a ka ken ka phone chu pawt thla in thlalak chu rilru nat hmel zet hian a en ngawih ngawih tunah chuan engkim a chiang ta,ka hmabak chu thudik hailan chiah ani tawh hlim zet leh mittui luang chung chuan nu mapuii chu ka en a "nu mapui ani kha,i fapa i zawn reng thin Christiana anih kha" ka tih chuan mit sen ramin nu mapuii chuan min lo en vat.































Nui chungin lu ka lo bu nghauh nghauh a "i rinna kha a dik chiah alawm,i fapa chu ka thianpa christiana kha ani e,kha thlalak kha zingah khan christiana ka va dil a chuan min lo thawn anih kha,he thil hi zawh chian che ka chakna a rei tawh em a,chubakah christiana hian a chhungkaw diktak te hi hmu ngei ngei se ka duh pui em ani" ka tih leh chuan nu mapuii chu a tap chhuak ta hawk mai,hrethiam zetin ka kuah nghal vat "Ka nu,ka pa tunah chuan ka fapa ka hmu tawh a sin in hreve tho tiraw?In ngaihnat em em leh hmuh leh in chak em em thin in tupa kha ka hmu let ania" tiin nu mapuii chu atap hawm hawm a,keipawh ka mittui atla ve tho ka rilru in pathian hnenah lawmthu ka sawi mawlh mawlh Christianan ahriat huna a hlim dan turte ka ngaihtuah a ka hrilh chak tawh lutuk ani pawn a nu leh pa te a zawng reng thin anih kha nu mapuii chu a inbengdaih hnu chuan kan ti ti leh a christiana chu la be lo turin ka hrilh bawk a,tin tuna a nu leh pa te nilai mekte bula a awm dan leh christianan ahma a min hrilh tawh anaupan laia accident an tawh dan Chanchin min hrilh te chu nu mapuii bulah chuan ka sawi chhawng ta vek a.



































Thudik tur awm ang chu ka hrethiam ta uar uar mai mahse engmah ka sawichhuak lo thung,christiana kha anaupan lai khan anu leh pa te kha car accident ah an boral tiin an hrilh anih kha,naupang â tan chuan alo awi ve mai pawh kha a demawm hran lo,mahse kha an car accident kha tihpalh nilo in tum reng vanga thleng ani tlat a hriatna ka nei a chuan he thilah hian nu masiami leh pa dailova te hian thil zep chu an nei ngei dawn tih pawh hi ka chiang khawp mai eng vangin nge christiana kha dawt an hrilh a nu leh pa te kha an la dam tih kha an hria tih hi chiang takin ka hria ni.Thil eng nge maw in phum ru chu a awm ngei ang kan haw hma in nu mapuii te nupa hi felfai taka biak that leh pawh an ngai ngei ang hmaichhanah chiah christiana hi thudik hrilh ka duh ani,ka hriat duh ber ka hriat tawh avangin haw mai ka duh thu chu ka sawi a nu mapuii chuan min ui viau "vulchukchuk hetah chaw ei ve mai ta che,i ngaihawmin ka thlahlelh riau che a sin nangmah vangin ka fapa chu tunge anih ka hre tawh a,ahma pawh khan ringhlelh tho mah ila chiang takin engmah kha ka ring ngam thlawt lo ani,hetia ka bula i awm hian ka fapa bula awm ang chiahin ka in ngai ka fapa in ahmangaih em che vang pawh ani mahna" nu mapuii chuan ati a,keipawn la len chu duh viau mah ila ka damdawi ei a hun leh tawh dawn tlat,pawn thlengin nu mapuii chuan min thlah a bibi pawh ka mangtha ta lo mai.































Nu mapuii te gate pawn ka pelh rual chuan thawchhuak hakin hlim lutuk chuan ka tah nuih hak kawngah chuan ka kal pah a,ka phone chu phawrh chhuakin christiana ka call nghal zat,alak rual rual chuan "Christian" tap tuau chung chuan ka ti a,kawng a kal lah chuan min enduh hlawm nasa mai "duati eng nge thleng,i tap em ni?I tha em?"Min ngaihtuah hmel zet a,rawn titu avang chuan ka nui hak "nilo e ka tha ka ngai em che a" ka ti niah niah "Duati leh,min ti mangang hman tih ihria em?Chuan ka bialnu hian min ngaih avangin atap amaw?"Nuih zat hmel zeta a rawn tih chuan ka mittui chu ka hru hul sawk sawk a "min nuihzat suh ka ngai tawh lo tawp mai ang che" ka ti nang nang a,taxi pawh lak tum chuang lo chuan ke in ka kal pah char char bawk "ka bialnu cute deuh mai hi ka duh lutuk tlat" arawn tih leh chuan keipawh ka nuive ta nge nge a,ka thil hriatchhuah takte kha hrilh chak viau mah ila tunah chuan ka zep ala ngai "christian kumkhua in lo haw tawh dawn lo ta ila engtin nge itih ang?" Ka ti chhuak sep a "aizawlah khan ka rawn kal ve anga ka rawn luhkhung ang che" atih chuan ka nui hawk "chutiang nilo in,i hmuh phak tawh ngai lohna tur hmunah kumkhua in awm dawn ta ang ila" ka ti leh "duati ngatinge chutiang thu i sawi a,ka hmuh phak lovah i awm dawn hleinem,ka bulah chauh kumkhua in kan thawk tawp thlengin ka awm tir dawn che lawm,i tel lo in hringnun hman dan ka thiam dawn lo tih ihriat kha" arawn tih chuan tah khum vak mai chu ka chak,ka thusawi hian awmzia anei tih ahre der silo.




























"Duati,ava bengchheng ve khawnge i awm a?"Arawn ti leh ta daih a "hei,kan in piah ah ice cream lei turin ka kal lawk a" tiin dawt ka hrilh daih ka chhuak tih sawi chi ani teuh lo mahni chauh leh nghalin "ka ngai tawh hle mai che ka duatnu" aw thum leh pa zet a,arawn tih leh chuan ka lo mur sung sung thei a aw ringawt pawh hian zun anei ve chiang alawm "keipawn ka ngai tawh lutuk che" nui sen sen chuan ka ti a "naktukah mamitah ka lo nghak ang che,ice cream kha ei teuh lola ihritlang palh ang aw,pawnah mahni a chhuah loh bawk tur chaw ei that tur" arawn tih leh mawlh mawlh chuan "ka pa ang mai" ka rilru chuan ka lo ti a, "awle boss ka hrethiam e,anih nang eng nge itih?"Ka ti let ve ta daih "hei,mi kan en thla a,camera hma ah kan thu mek" arawn tih chuan a fiamthu ah ngaiin ka nui hak a "i fiamthu tiraw?"Nuihza zet a ka tih leh lai chuan "christian,phone kha dah teh hei an rawn lut e,an tawng ngaihthlak uluk angai dawn ania" duata aw ngeiin atih chuan ka ding dat,christiana hian dawt a sawi miah lo "anih duati zanah ka lo call ang che ka dah phawt ang" atih rual chuan a dah nghal daih,kal zawm ta lo chuan ka la ding reng engthil tak enthla ang maw,ka hawikual a ka rinaiin ka kal thui hman viau taxi lo tlan chu ka phar vat ka bula arawn din rual chuan ka lut nghal zat kan in ala hla a ke a haw mai nan chuan a chi loh bakah damdawi ei ahun tawh a.

































In ka thleng chu nu zuali chiah alo awm a,alo in su mek chu ni in "vulchukchuk ilo haw der alaw?Thil i ei tawh em?"In sukna bathroom atanga rawn chhuah pah hian ati a,kan inah hian insukna hi ahranin kan nei a pawn lampangah in nen a in zawm vek tho si hian kan siam tir a,arem chan zawk vangin "la eilo e,puih i ngai angem?"Ka ti vat a "ngailo e,hei i pa thawmhnaw bal ka dahkhawm ho alawm ka suk ei tur ka siam anga kan ei dawn nia" ati nghal vat lu ka bu zeuh a "ka ni hi" ka tih leh chuan "aw ani pawh i chhuah hnu lawk aniang achhuak ve nghal thenawm ah ka kal lawk a i chhuah lai pawh ka lo hre hleinem" atih chuan "imm anih ka han in thlak lawk ange aw" tiin inchhung lamah ka lut a inchung lamah ka chho tlang ta daih,kan in hi alian viau na in a chhung a chengte hi kan tam loh bakah puitling vek kan nih vang nge bengchheng leh ninhlei rual kan awm tawh lo bawk a,a reh thei em em zel ka ni leh bawihpuii an awm hian a zia a mahse kan awmkhawm chuan room lamah kan inkawm ho daih thin avangin ka pa leh nu zuali hi chuan bengchheng hi an hrevak lovang keimah hian an bengchheng hi ka ngaithla tawp zel.
































Ka room ka luh rualin phone call alo kal a,khum lama phei pahin ka phone chu bag atang ka la chhuak pah lo call tu chu ka ni alo nireng mai ka chhang pah chuan khumah ka mu thla hnawk "vulchukchuk i haw tawh em?"Arawn ti lang lang mai,khawiah nge maw a awm ni a bengchheng em em leh nghal "in ka thleng deuh chiah khawnge i awm?"Ka ti ve nghal zat "hei,doctor-a nen kan lengkual a intih hlimna ah te kan kal a,anuam reuh khawp mai" arawn ti leh lang lang mai a aw atang pawn a phur zia ahriat,nu mapuii nen a kan thusawi te kha nakinah ka hrilh ang "imm...i hlim ngawt ang a doctor-an a special in a lenpui bik bik che sia" ka tih chuan "hlim lutuk tlat mahse maw doctor-a hi ache zia vel atang hian e,misual anih ka ringlo telh telh vulchukchuk" ka ni in arawn tih leh chuan ka thawchhuak hak "engpawh nise lo haw vat la,sawipui duh che pawimawh ka nei a bakah in pack kan ngai ania" ka tih leh chuan "Bass...bassh....ka hria ka rawn haw vat ang"atih rualin call a cut hmak,chunglam chu en in naktukah darlak kan haw tawh dawn tih ka ngaihtuah chuan ka nui sen sen christiana ka ngai tawh tak zet,nikhat lek chauh la ni mahse ataksa lian leh lum vung vung thlamuanpui awm zet mai kha ka ngai tawh lutuk tlat.






























"Engtiang a nasa in nge christiana hi i hmangaih?" Tiin min zawt ta se "Christiana hi tawp chin neilo in ka hmangaih" tiin ka chhang ngei ang,ka hmangaih ber ni tur a,alo piang hi ka lawm a piangnawn leh thei dawn ta ila,amah tho hi ka thlang zel ang ka hmangaih hi hlim turin ka duh a,ni e keichu reilo te ah ka ral thuai anga,ka vun nung sarh thin te hi nakinah chuan an chuai in an la vawt vek anga,keichu mi nung ni tawh lo in mithi ka ni tawh anga lei hnuai thuk taka min la phum anga,ka taksa leh vun te chu ani telin an tawih ral anga,kar lovah kei vaivut a siam ngei mai hi vaivutah ka kir leh dawn si a,thihna hi chu a tawp chiang em a mihring ten a kan lo tihve theih a awm lova eng ang pawn pumpelh tum mah ila mi tin chungah ala thleng vek dawn,pumpelh theih ani dawn chuang lo ka awm loh hunah pawh christiana hian tun ang nun hi neireng se ka duh a,chhungkua dinin fa tamtak nei se ka duh a,afa te tan pa tha tak nise a nupui tan pasal tha tak ni ngei turin ka duh bawk,chu chu ka duhthusam ani fa te nei se afate chu nu leh pa karah ngei seilianin Kristian chhungkua dik tak din ngei bawk se ka duh ani,keimah avang a nupui nei lova a awm ka duh lova keichuan nupui nei ngeise ka duh ka lo suangtuah thin christiana nen a nupa nih a kristian chhungkaw din te,kan fate nen a tlai tin an kut kai chunga len te,sunday ni a chhungkua a biakin lam pante kha ka chakin ka suangtuahna ani thin mahse chu chu keichuan ka tih hlawhtlinpui thei dawn ta silova engpawh nise christiana hi ka hmangaih em em a,eng pawh thleng se kan tawpna chu tawpna hlimawm tak ni ngei se ka duh ani,ka ngaihtuahna vang chuan ka mittui aluang zung zung ka thi tep tawh mahse chuti chung chuan christiana nen a kan hmalam hun suangtuah erawh ka thulh thei silo anih hi.



































Nu zuali nen thil kan ei zawh chuan inbul velah ka tei kual mai mai a,reilo te ah kan gate bulah car var nalh zet hi arawn ding a,ka ni arawn chhuak nghal zat keipawn gate lam ka pan vat,driver seat atang doctor-a ngei mai chu arawn chhuak ve bawk a,min hmu chu min nuihsang mai "vulchukchuk i dam tha zel maw?"Atih chuan bu zeuhin "aw ka dam lutuk,doctor kan va inhmu khat ve" ka ti let ve a,ka ni lah chu doctor-a bulah dingin alo nuive vur vur eng nge ahriat reuh ni "tunlai chu damlo leh,accident tih ang reng vel hi an tam zual lutuk a kan buai ve thei khawp mai" atih chuan "aw anih tak chu mawle,i chawlhni ve turah pawh ka ni in alo pawt peng daih che sia,avan zia lo" ka tih leh chuan ka ni in min melhrum nasa mai kan doctor-a chu anui hawk hawk a "min ti buai hleinem,ani te chu a pawimawh alawm" doctor-a chuan ati leh "doctor in thlahrun angai miah lo ania,in ngaizawng ni mah ula in hmuh reng tur tihna ani lova,tiraw?"Tihpahin ka nuilui vak vak,ka ni leh doctor-a chu an lai dun tawh nasa mai ka ni phei chu tap mai tur hmel hi apu a "kan in ngaizawng hleinem vulchukchuk" doctor-a chuan lai ang reng tak hian ati a,mak tih hmel zetin ka mengphawk vak "hahh...in inngaizawng lo maw...mahse ka ni in..." Ka tih leh lai tak chuan rang lutuk a,ka ni in ka hmui chu rawn hup vatin doctor-a chu a en nghal vat.
































"Ahhh....Thana (Doctor-a hming hi Thana anih kha aw Lalthanliana inlo theihnghilh tawh hlawm takin) haw tawh mai rawh tih tur ila neih kha" ka ni chuan ti lui zeta nuichung hian ati a,ka hmui a hup tlat a ka tawngthei tawh der lo "awle anih,ka kal mai ang ka lo bia ang che,vulchukchuk anih lo damtha zel rawh aw" atih chuan thei leh theilo in lu ka lo bu ve bawk,doctor-a atlan liam rual chuan ka ni chuan ka hmui a hupna chu athlah nghal vat ka thaw nghal kawk kawk a "Lalvulmawi eng nge i hriat,tinge vawiin hi iva tawngthei ve" ka ni in lawm loh hmel zet a,atih chuan kei ka lo nui char char "huiham....tlem a tlem ah min ti mualpho lo chauh anih kha Lalvulmawi nui tawh lo teh" ka ni chuan ati vin leh hlarh "aw eng nge nangman,in ngaizawng tawh ang maiin isawi vak zel anih kha" nuihza in sum zet hian ka ti a, "chu pawh nise khatia lo tih kher,awi ka mualpho lutuk" tih deuh hluai pahin gate chu ahawng a,akal nal nal a hnungah zuiiin ka nuive char char ava han over thei chiang tak a eng laiah mah khan a mualpho tawp silo,khatiang em em a ka ni che buai leh che lai kha ka la hmu ngailo reng reng takah doctor-a bulah khan Elen-i chanchin ka lo zawt lova achanchin ka hre khat riau a an number lah kha ka phone ka reset avangin a bo daih bawk sia,Eleni cancer vei pawh hi ka hrethiam ve ta uar uar mai mahse eleni erawh adam chhuak ngei ang.
































Zanlamah chuan ka ni nen kan in pack mawlh mawlh a kan bulah bawihpuii chu alo thu tum ve bur bawk,kan haw san tur hi a hupphurh lutuk a la haw lo turin min ti char char a chang leh rawn kal ve a tum thul college an la kal bawk si a,ala zin ve thei bawk silo akhawngaihthlak reuh tak tak ani "khawmaw lalbawihpui i bul a parcel kha rawn nawr phei teh,i tum ang vuau ah" ka ni in atih chuan bawihpuii lam chu ka hawi ve vat "ka peih bawk lo,rawn kal ve pawh in phal loh kha duh leh nangman rawn la mai rawh" bawihpuiin atih chuan ka nuih a za ngang mai avan naupangchhia reuh tak "aw eng nge maw aw,a va buaithlak thin" ka ni chu phun nuah nuah chungin ala ve mai bawk a,dar 9 anih chuan kan in pack zo thawkhat viau darlak lama thiante ho in naktuk lamah kan haw thla dawn tih an hria a,min rawn call deuh chhen bawk a kimtei pawn min rawn bia,kimtei nen hian kan in haw hran lo na in kan in ngaina em em lo,tha deuhin han inbe thin mah ila kan thinlung chhungril tak hi a in pawh lo hle tih erawh kan hrechiang ve ve,mahse mi â lo ve ve ta chu han inbiak chhiat chiamna tur a awm lo,keiphei chu uropuia khan min duh ve deuh thin avang khan kimtei hi chuan min mil vak tawh lo tih ka hria,pawi erawh ka ti em em hran lo.






























"Ka phone pawh hi ahah zo zai lutuk tawh min rawn call tawh suh u" ka ni chuan ti pawr hlarhin a phone chu ahmet thim hmak,"ni....iva thinrim hmel ve a?"Ka tih chuan ka ni chuan "naktukah kan lo nghak dawn cheu,tih sawi vel mai maiin an rawn call chhen a ka ning em alawm" ka ni chuan alo ti a "kawng lehlamah an Darlak khaw hotunu ka haw dawn a,ka zin rei ve tawh sia min ngaive tawh aniang a" ka ni chuan ati leh hnuhnawh a ka eilo nasa darlak hi chu a inti ta tu ve chiang alawm,darlakah ka ni hi hrelo an awmlo atih theih hial ang ka ring rapthlak hian "keipawh christiana te thianho in min lo nghah an tum a,mamit ah" nuisang chuan ka ti a "yeh...naktuk chu ava nuam dawn em ropui takin haw ila nimai lawm" tihpahin ka ni chu a au chiam a ban a phar hluai bawk,haw a chak lo hle maw tia mahni khua nge nge anuam emaw a hreawm emaw mahni khua aia nuam hi alo awmlo an tih thin chu alo dik ngei dawn anih hi ka ni pawh a phur leh tawh emai darlak han haw thla chiah ila ka pi nen an inhau leh char char anga,reilo te ah "ka tlanbo san daih dawn cheu" atih loh leh "pasal ka umsan dawn cheu" ati leh reng anga kan nitin hun hman dan tur ka ngaihtuah lawk pawh hian ka nuih a za "vulchukchuk i damdawi kha i khung tha maw?"Ka ni in atih chuan ka khung that thu ka sawi vat aman a endik leh thlap tho "hawh u,inhnuai lamah chhuk ve phawt tawh ang u,ka ning e in hlim bik lutuk" bawihpuiin atih chuan "ehe bawihpui i awmve tih ka hre leh chiah" ka ni chuan ati a "aw a tawk anih chu" tihpahin bawihpuii a chhuak tau hmak "amak e ifiam peih lutuk,a lawm loh sa tawh nen kha a thinrim leh tawh kha" ka ni chu ka lo khap vat,tiangte chuan a ti tau tlaivar thak thei ang lalbawihpuii hi.


















KAL DEUH DUAI ANG DARLAK KAN THLENG HMAN DAWN LO TLAT



















Ka ni nen mamit ah kan awm ta vang mai,kan driver umapuia ahman loh avangin sumo in kan haw ta kha nia han kal tak tak chuan ka pa,bawihpuii leh nu zuali te pawh an ngaihawm ve vawng vawng mai,bawihpuii pawh nizanah ati tau rei phian a college achawlh veleh alo zin ve theih thu kan sawi takah chuan a lungawi ve ta hram kha nia,thlaleh mai hian college an chawl tawh dawn a,a awmzia chu karleh hi tihna ani chu karleh hian thla a tawp tawh dawn a,mamit field bulah kan chhuk a,field bula chhuk mai hi a awlsam ber "Lalneih,vulchukchuk" an rawn tihna lam kan hawi chu kan piah dawr bulah hian,zomuani alo ding reng chu niin aban arawn vai nasa mai,nau a paw bawk ka ni nen chuan kan pan vat a,Zomuani ka hmu chu ka hlim ru veng veng mai darlak nen a in kaihhnawih hrim hrim tawh hi chuan min ti hlim vek "Zomuani chu le,i nau ala sen si eng nge awmzia?"Abul kan thlen rual chuan ka ti vat,ka ni erawhin zomuani naute chu alo en thung "nia,hei kan in entir a christiana te nen kan in hmufuh a,in rawn haw dawn tih min hrilh a ka lo nghak pah cheu in entir kan zo tawh tho a" ati mawlh mawlh "anih tak chu,khawnge christiana te chu?"Ka ti leh vat hmuh tur an awm bawk silo "an awm deuh reng a ,Duata leh hlua te nen an rawn kal a,mamit lama an thianpa khan thil ei turin arawn sawm a,min sawm tel ve a chu inlo thlen har ka ring tawh lova ka lo nghak cheu,christiana te chu an thianpa te inlamah an in zui anih kha" zomuani chuan ati mawlh mawlh.































"Amak ni keu vak vak suh ala sen si,hritlang te akai hma dawn a sin" ka ni naute en chu ka lo khap deuh a,akeu nasa lutuk a,ala sen ropui mai sia zomuani ber lah hian afanu chu achhuang hmel em em zui tun atang achhuang nghal em em ringawt angaihna awmlo nghal "hetia thian te nau pawm ka hmuh hi chuan ka pasal neihve chakna te hian min kalsan leh vek hian ka hre thin,hetia an fa te ho ensak hi ka duh tawk em em ringawt" ka ni in atih chuan zomuani nen chuan kan in melh dun ralh "hrim hrimin thil i ei tawh em?Tah hian ilo ding char char ami?"Ka ni chuan ati a "ei tawh e,ka thu reng a ka ding leh tawh zawk anih hi " zomuani chuan alo tive vat keini erawh kawngah thil kan ei a,motor chuan tawh hi chuan thil ei tih vel hi ka ni nen hian kan harsat hrim hrim a ,zomuani nen a kan ti ti mawlh mawlh laiin ka ni erawh kan dinna dawr bul piah chiah restaurant ami te nen chuan in au lang langin ka ni chu a phei ve ta daih,athiante ho an awmve nual anih hmel athlen phei hma in arawn let leh thut "zomuan naute kha rawn la teh,ka lo paw ve teh ang" ka ni chuan ati a "ni a awm ang lo,duh leh khuaah i paw dawn nia tunah te chuan a muhil daih ang" ka lo tivat "naute te chuan mutthil loh lai an nei hleinem,imm anih ka va kal lawk ange" tiin a phei ve leh mai zomuani nen chuan kan en zui vawng vawng "Lalneihpuii tak hi chu" zomuani chuan ati vawng vawng.































"Eng nge kan awm loh chhungin,thil thleng a tam viau lo maw?"Zomuani bulah chuan ka ti a,ka ni bulah ka awm nasa bawk a,news zawng zawngte hi hriat ve vek hi ka tum zel tawh bakah ka beng hi avir zo vek "awm ve nual e,teh maw amak tawp Ropuia leh Kimtei hi an innei dawn an ti asin"zomuanin atih chuan min thawng ve viau zomuani chu ka en reng "tinge i awih lo mi tak tak alawm" atih leh chuan "chutiang anilo nangmah zawk hi ibialpa hlui ani sia irilru te ana em?"Zawite a ka tih chuan zomuani chu alawm loh hmel nasa a nui lui vak a "uiiii...i sawi a ka bialpa hlui ani tih ka hre leh chiah,ka engah mah athawh loh zia hi e ka ek ai pawn ropuia kha ka ngaihlu lo zawk" an ti deuh kher ah "amak reuh,kimteiin a duh viau tih kha chu ka hria mahse ahma in Uropuia khan khawih alo tum ve hman tawh sia,kimtei duh lo chung kha,ti chung chuan ala duh tho amaw?"Ka ti nang nang mak ka ti lutuk tlat engtin nge amah pawngsual lo tum tawh tu chu pasal a neih atum theih zawk "kimtei te chu ihrechiang mai lo mi?Tawngthu chhe lo ah ropuia hian thah pawh tum tehreng se,athen phah chuang lovang a zunah a uai hneh emai a dawi emaw tih mai tur ani tawh,keimah ai pawn kimtei ala mawl leh chhawng a inlak fin teh lul nen" zomuani chuan ati leh bawrh bawrh a.





























"Aman lo duh ta pawh nise a chhungte nu masiam in aphal ami?"Ka tih leh chuan "achhungten duhpui lo eng ang mahse anei tu berin a duh miau te chuan tih ngaihna a awm hleinem,nu masiami pawh hi ala chawh dawn alawm mifate chanchin a sawi peih em em a,atawpah chuan ama fanu ngei pawh engmah anih bik loh zia chu arawn lang mai dawn lawm,ala zak chuang lovang arapthlak emai makpa an nei ropui dawn khawp mai,Ropuia chhungte tan pawh malsawmna a ni ringawt dawn a" zomuani chuan ngaihnep hmel zet hian ati leh awm ka tihpui ve tho zomuani tan chuan nuihzat pawh kha a awm alawm,an hmusit thei em a nu masiami te nufa khan kei erawh eng rilru nge ka put pawh ka hrelo mak ka ti em em a chu zawng chu christiana hian engtin nge atih ve ang le kimtei hi chu ahmangaih ve viau a "zomuan anih christiana hian eng nge sawi anei em?"Ka tih leh chuan "christiana hi chuan a duhpui lo sa hrim hrim a,ropuia nen chuan an in ngeih loh zia ihriat vek kha mahse kimtei berin a duh miau sia christiana pawn engmah a sawi lo...mahse hlua hnen atanga ka hriat dan chuan christiana'n ropuia avo lawk ati eng lam pangah nge phei chu ka hrelova" atih leh chuan ka ngaihtuahna akal thui lutuk eng lampangah nge a vo ang,Uropuia leh christiana hian a rukin buaina hi an la nei reng em ni tih chu ka ngaihtuah nasa khawp mai.





























"Anih zomuan christiana rawn haw thla hian eng nge atih thin ihria em?"Ka tih leh chuan zomuani chu aner nasa mai "arawn haw atang vawikhat chiah ka la hmu alawm,hlua hnen a ka hriat dan chuan eng nge maw chhui lai chu an nei ani awm e,an buai hmel hlawm thei khawp mai kha pi raja in vawkbo kha zawng turin alo tir lui ani awm e,an thianho in pi raja-i rilru dam nan an zawng sak leh ani awm e"zomuani chuan nui uar uar hian ati a,a nui ring lutuk a anau puak lai chu arawn che a,rang zetin a awi leh vat "ibialpa chuan engmah arawn hrilh lo che mi?"Atih leh chuan lu ka bu zeuh "kan hriat chin a in ang reng,thil an chhui tih chu ka hria mahse eng nge an chhui ka hrelo asawi duh lova" ka tih chuan "nghak la,a zep hlen lovang ala hrilh em em ang che an la zawh loh vang aniang bakah midang hnen atanga hriat ai chuan ama ka ngei atang a hriat kha tha ka tihpui che"zomuanin atih chuan keipawn lu ka lo bu vat dik ka tive tho ka hre chak lutuk tawh hi ka in sum hleithei lo chu ani.





























Zomuani chu ka melh leh deuh thut min rawn en ve vat "eng nge ihriat khatia i hawi thut thut a,min ti hlau alawm min enreng suh"zomuanin atih pawh chuan ka la enreng "nangte hi,Hlua iti rengin ka hria in in ngaizawng ami?Sawi nghal rawh" mitko san ak ak chung hian ka ti a "ateuh lo lutuk"uar zeta atih chuan mit hmul ka san leh ak "tak tak alawm,mahse naute hi alawm reuh lutuk a tunlai chu a rawn leng ve leh zeuh thin"atih leh chuan "anih Uvaltea alo leng ngai em?"Ka ti leh "eng....eng nge maw ihriat reuh le Valtea te i sawi chhuah tak"bah nak chuan ati a "zep tum lo maiteh uvaltean a star che tih hi kan veng thalai ho hian kan hriat vek kha"chimawm zet chuan ka ti a zomuani chu alaih hmel tawh viau "aw rawn leng ve thin abak min zawt tawh lo teh,ka ning ka sawi peih tawh lo"alo ti deuh hmak nakinah tu emaw zawk zawk ka la zawt tho ang,keichuan midang kan thiante ho hi Û tih tel vekin koh mah ila zomuani chuan akoh ve ngai lem lova khawkhat leh vengkhat bakah tette atanga inhria a inkawm an nih vangte pawh ani mahna mahse christiana thiante ho erawh ka û hran lem hlawm lem lo û tih tel a koh an duh lo ve khanglang an inla naupang hlawm ve hlawm em em ringawt "pa biaka arawn tel ve lo maw?"Ka tih leh chuan nau awih dur dur pahin "imm....ani pawh tunlai a damsam meuh lo athil tih thin hi ihre mai anga,tunlai chu sim atum ve lutuk a pawnah pawh a chhuak lo tluk ani,tiang kawngah hi chuan christiana hi afakawm berin ka hria ka lo hriat ve tawh thin ho ah chuan"atih zawm zat,pa biaka chu ati tha ka tiin ka thinlung takin ka lawm lutuk ringawt "anih chuan pa biaka chu kan tawngtaipui reng angai dawn anih chu" ka tih chuan zomuani pawh chuan apawm hmel viau mai.





























Kan bulah bike arawn ding ri tuarh a,christiana te thianho lek chu ni in "ehe inlo thlenna a rei tawh em?Min lo call mai ta che u"Duata chuan ati a,kei erawhin ka lo nuih ringawt christiana chu a bike atanga rawn chhuk thla in min rawn kuah mai a tum chu hlua zawk chuan min lo kuah nulh "Vulchukchuk iva ngaihawm ve,i bialpa ai pawh hian kan ngai zawk che lawm"atih leh chuan christiana alo rum nghut zomuani alo nui nasa mai "awmsawn vat mai rawh,ikuah lai mek hi ka bialnu anih hi" tihpahin christiana'n hlua chu a nemsawn rawk rawk a,ka kutah nghet zeta rawn vuan nghalin dam zet hian min melh nghal bawk "inlo thlen na a rei tawh em?Min lo call mai ta che" min enreng chung chuan ati a,en let ve in ka nuih sen sen "kan rawn thlenna ala rei hleinem" ka tive vat ka sam hnawk niai mai chu a siam tha pah a,"hawh u,uneihi bulah va kal ang u"zomuanin atih chuan "nidawn tak,lalneihvawki hrilh tur ka ngah lutuk" tih pahin duata a tlanphei nghal zomuani leh hlua chuan an zui ve nghal a,kan thiante ho an kal chiah tihah "ka bialnu tahbelh em em nu" christiana'n atih chuan ka zak lutuk chuan rum zetin ka melh tawp "suala...ka tap lo ka tap emaw iti mai mai anih kha" ka tive deuh tlat a ani lah chu a nuih azat hmel nasa "ka bialnu tahbelh cute deuh,ka duatnu" ti a nui leh sukin ka hmui a rawn seh zeuh anih chu rang zetin ka hawikual nghal ahnungah ka chum leh nghal awk ti zahthlak thei mang nge.





























Darlak kan thleng thla ta,kan bungrua chu darlak atang taxi kan chah chuan a phur haw tawh a,zomuani pawh nau pawm a nih vangin taxi chuan a haw nghal a christiana nen kan in phur a,ka ni erawh duatan a phur thung kan inbulah chuan kan ding ta vang mai ka pi chu kawtah alo awm a kan bungrua ho pawh chu an lo hlang thla mek aizawl atang khan thil min hawn tir nasa ve ang reng a kan bawr phian a "ka nu i fanu duat ka rawn thleng ania" tihpahin ka ni chu bike atang chuan a tum thla tharh keipawh ka chhuk thla ve bawk "iva han zak lo tak lalneihpui vawkin ah i awm dawn ka tih vek tawh kha" ka pi chuan alo ti nghal pang pang "amak e,mi zin haw ve te,ahrim hrimin thil kal tawh te chu theihnghilh tawh la nuntharin nung tawh ang" ka ni chuan ati leh "ka vawk bo ta itih bo tak kha ka theihnghilh ngailovang" ka pi in atih leh chuan "ka tihbo pawh ani bik tawp silo athu hrimin hmelma en hian min en bik tlat" ka ni chuan ati nang nang a,"vulbawih i chau em?Ei tur tui deuh ka lo siam ania hawh u lo lut vek rawh u christian nangni pawh lo lut ru" tihpahin ka pi chuan min kuah nghal hlu hlu mai,ka hahdam nghal sawng sawng ka ni hmel ka en chuan ka pi nen a kan inkuah chu hlim tih hriat zet hian min lo en ve reng.



























Inchhung lamah kan lut tlang dial "pi...khawnge ka pu hi?"Inchhung kan luh hnu chuan ka ti a,"kha huan lamah akal leh ta nih kha,chawl rawh tih pawn a awm hle hle thei thlawt lo" ati hlak hlak a, "keini chu kan kal leh nghal dawn tih tur pawimawh kan nei a" hlua'n atih chuan an din na lam chu ka hawi vat a,christiana ka melh nghal chat "engmah tih angailo thil ei phawt rawh u" ka pi chuan ati talh a "mamit ah kan lo ei teuh tawh a,kan ril pawh atam lo"duata chuan alo tive bawk pawn lama an chhuak leh nghal chu ka zui ve vat duata leh hlua chu bike ah chuan an chuang nghal zat "eng nge intih dawn?"Christiana bulah chuan ka ti a "nakinah zanah bung hnuaiah kan thu anga,kan sawi dawn nia aw tunah chuan chawl hahdam phawt rawh" ka chalah chuan arawn fawp nghal vang vang tunah chuan engmah kan sawi thei dawn chuang loh avangin ka lo pawm ve mai bawk,an tlan liam thleng chuan ka thlir a zomuani chu an in atang arawn chhuak a kan in lam arawn pan nghal zat "nau ka mut lawk a,hawh thil ei ang pi raja-i khan ei tur tui deuh a siam kha" rawn tih pahin inchhung lamah min kuah lut nghal ka pi thil siam hi chu ei loh an hlau thei ania,zanah christiana chu engkim ka hrilh ang a nu leh pa te diktak ka hriat thu hi "Uvaltea leh utawia pawh zanlamah an lo leng ang" tih paha zomuani ka melh chuan "Hmmmm" tih deuh hmak pah hian ahawisawn deuh hmak ka lo nui hak.


























Tunah chuan Darlak khua chu ka thleng leh ta engkim mai an la ngai vek a,a nawm ngaiin ala nuam reng bawk ka awm loh chhungkha reilo te mah nise,kum tamtak hnua haw leh ang mai ka ni,engkim mai chu ahma aiin an thar surh mai a ahma ai zawngin nuam ka ti leh zual dawn tih pawh ka hria mihring nunah hian ahlim reng theih lova,tahna te,lungngaihna te,harsat mangan buaina te chu hringnun in a,aken tel anih miau avangin kan tawn tur ve reng ani Khawvel ah hian ka la awmreilo tih ka hria,ka pi leh pu dam chanve pawh ka la damlo chuti chung chuan ka nunah hian thil tamtak ka tawng ve mawlh mawlh a,mi chi hrang hrang tawngin hmangaih pawh ka tawng ve hial,ka hringnun ah hian pathian tel lo tase ka hringnun harsat tur zia leh bumboh tur zia hi ka ngaihtuah ngam lo zawk pathian telve lohna hmun chu engmah lo mai ani dawn si a,ni e pathianin khawvelah min awm tir a hmangaihna awmzia hrethiam tur khawpin ka puitling ve tawk tawh bawk,mahse chutih rual chuan natna hrikin a ei ral mai tur ka ni a,ka la boral thuai ang engtik ni ah emaw chuan darlak a ka thian lo kawmve thin te leh hmelhriat ve te chuan "Vulchukchuki hmeichhe ngawichawi ve deuh kha" tih te pawhin min la sawive mai thei,an fate bulah ka chanchin hi sawiin min la nuihpui ve ngei pawh ka ring ka awm loh hnu thleng pawh a,an awmdan tur ka lo ngaihtuah lawk hian ka lung ati lengin ka thiante leh christiana ngei hi ka ngai hlawm dawn lutuk.












A story hi akal muang in ti em?Akal muang intih pawn lo chhiar hram hram tho ula aw,story hi youtube lama chhiar leh tur te ani sia a zawng zawngin ziak thei lo mah ila kimchang ve thei ang ber a ziah ve hi tha si a.






(COMMENT LEH ADS CLICK KHA LO TIVE HRAM HRAM ULA)


Show post links
Top

[Ngaia]

By_Mampuii pautu







Ka ta chauh ni rawh







Chapter-18






(Atawp lam kan hnaih tawh bawk a comment kha inthlahrung lo ila)




Vulchukchuki







Zan lamah chuan thenawm khawvengte an rawn leng lut nak nak hlawm a,ka lawm ve tak zet min ngai pawimawh a min hriat ve hrim hrim avang pawn ka ni chu thingpui lumin a vir buai deuh char char bawk a,kei erawh pawn lamah utawia te ho nen kan thu khawm ve luih mai zomuani arawn leng phei bawk a,kimtei pawh beisei loh deuhin arawn thu ve reng christiana te hi khawnge an awm ka hrelova zanah inhmuh kha a sawi a tunah ala hma tho a kan inhmu thei tho turah chuan ka ngai,inchhung lamah puitling ho an ti ti nak nak bawk "in zin rei lutuk a,Valtea pawn nupui anei hman tep alawm" utawia chuan ati fiamthu a,zomuani leh uvaltea an lo lai em em ringawt "tawia pawn bialnu thar anei"uvaltean atih chuan utawia chu ka melh vat "maw...khawi mi nge?"Phur lutuk chuan ka ti deuh hluai "aw veng tawp ami,pi hlimi kal kuala mi pawisa dil kual thin kha mawle,neihi nen kumtluang kan daih ta silova atia" uvaltean atih chuan kan vaiin kan nui vek veng tawp ami,mi ang chiah lo ania uvaltea sawi chu utawia pawh anui ve tho "neihi nen chuan tiam tlat e ka ti peih teuh lo,ka tlin lovang" utawia chuan alo tih zawm zat "alunglen thlak reuh,an in ngaihzawng tan tirh dawn lai vel a vulchukchuk kan lo enthlak kha"uvaltean atih chuan ka lo nui hak hak,"an zei loh dun zia kha,kan thin alo rim zawk theih zia kha" nuihza zet chuan ka lo tive bawk zanin chu anuam ani.























"Ti daih ila,kimte uropuia nen chuan eng nge in innei dawn tak tak ami?"Kimtei phone khawih chu ka va melh a,midang pawh an lo ngawireng angawih vung vung hnuah "imm...nei dawn tehreng mai,min chuhpui duhtu an awm ka hlau" mei nei zet a tiin min rawn melh deuh ralh ka chhan let hma in zomuani zawk chuan "Kimte,thil i sawi reng reng hian mi khei zawng leh mei nei deuh a tawngchhuah kher angai thin lo,mi huat loh tur pawn thu hi asawi theih"zomuani chuan alo tivat nuam lo chu ka ti lutuk "tu huat tur mahin ka sawi hleinem"aw ka nem zet chuan kimtei chuan ati leh "i sawi reng kha,mi â kan awm lo,ropuian vulchukchuki a star tih ihriat vang anih kha" zomuanin atih leh chuan abanah ka lo vuan vat,kimtei pawh athinrim hmel tawh lutuk "Lalropuia kha vulchukchukin a duh ve bawk lo,bialpa anei reng khatiang tuman thingtlang angah hian an chuhpui lovang che sawi pawh sawi tawh suh lalropuia kha ka x ka duh loh hnu anih kha duh leh va in nei nghal teu,tuman kan thik lo cheu" zomuani chuan atih khum piap mai,khap ngaihna pawh a awm lo kimtei lah chu athinrim hmel lutuk a insehruh nasa mai midangho chu kan lo ngawireng ringawt ka lo zawt ta kher kher ani.





























Kimtei chu ading thut "ila hre khawp ang,Zomuan" kimtei chuan tih pahin a inher hmak "haw vat vat mai teh"zomuani chuan ala ti hram kimtei chu an inlam panin a chho nal nal,akal liam ta maw tihah "awi...awi...awi....anawm zia kha,ka thawl hawkin ka hria"zomuani chuan ati deuh hluai a "kan zomuani chu i rapthlak reuh"utawia chuan fiamthu in alo ti vat "khatia tawng kha ka chakna a rei tawh lawm,ka thawl hawkin ka hria kinah a awmdan a zirin ka la ti leh ang" zomuani chuan nuam tih hmel zet chuan ati a,athinrim na up beh alo khawl ve tang tang paih chhuak ang mai ani,"uvalte in nu tur hi a bawn,nupui i nei bawn dawn bawk a nangchu i vannei e" tiin uvaltea chu ka fiam a,tawng pawh atawng lo,zomuani chu a en ngawt ngawt ringawt a ahnuah "Zomuanawm nakinah kan inbiak angai" ati deuh ngei zomuani chuan lei alo chhuah khum duh lek kan ti ti leh mawlh mawlh laiin ka ni chu inchhung atang arawn phun chhuak hlak hlak kan bul arawn thlen rual chuan "ninawm hlawm lutuk,an thingpui inchak leng bak ani tawh lo zak lo hlawm lutuk an la len rei loh nen tunah thingpui no 2 an in tawh,athlum an tih loh leh ahang an ti thul ka van lum tawh awm lo tak" ka ni chuan ati hlak hlak a.
































"Lo thu ve phawt la,in bengdai phawt rawh"zomuani chuan alo ti vat,ka ni pawh chu kan bulah chuan arawn thu ve mai bawk "khawnge kimmawnger-i kha?"Atih chuan "kan um haw daih"uvaltea chuan nuihzat hmel zet hian alo ti a,zomuani nen a an inhauh dan vel chu ka ni bulah chuan ka sawi nghal zat ka ni chu anui vak vak "zomuan ivan ti tha em em,awi anuam reuh e in lo record lo ni"ka ni chuan ati a,anui nasa mai sia nichin ah a mood a fuh loh nen tunah chuan a dam leh vek tawh "sawi tawh lo ula,kha abialpa nau anih kha aw athinrim hmel tawh lutuk vulchukchuki kha"utawian alo tih chuan ka lo ner vak,awiawm loh lutuk ka bialpa nau pawh nise ka ngaina lo hrim hrim chutih rualin ka va haw hran miah lo midangin an haw viau a chu ka pawisawi em em aneilo bawk a,tawngkam mei nei deuh a tawng chang nei mahse ka haw ngai lemlo,a zia ania mi phut khatah ngai ila mi â thil sawi chu huatsak loh law law chi,bakah kimtei hi hmeichhia hian an ngei theih viau rualin mipa ho hi chuan huat enah vak an en lo nge,mipa an ni miau a amah kimtei hi an fiampeihin an chhaih peih a,an bawl deuh thin bawk mipa an ni miau a mipa ho tak hi chu.





























Chutia kan ti ti mawlh mawlh lai chuan inchhung atang "Neihi"ka pi in arawn tih chuan "ka peih lo,duh leh tuisik kha in ula atawk chiah" ka ni chuan ati pawr hlarh a,kan lo nui dar dar mai "keiman ka va lum sak ang aw" ti a thawhchhuah mai ka tum chu ka ni in min pawt thu leh vat "angailo,lumsak angai tawh lo duh leh an mahni in lum se,an peih loh leh tuisik in mai rawh se"ka ni chuan ati deuh hmak,keipawh chu ka thu tha leh utawia ten aizawl kan awmlai leh damdawiin kan awmlai velte min zawt a,aizawl kan awm chanchin te kan sawi nasa ka ni leh doctor-a chungchangte ka sawi chuan ka ni chuan nuam alo ti hawr hawr vel lutuk midangho in kan lo nuih leh hak thin ka pi pawh arawn au zawm lova tuisik chu an in ta nge,thingpui no hnih lai an in tawh sia an imthlahrung nge an rawn tur lui lo emai.



























Kan ti ti nak nak lai chuan christiana te thianho chu school tlang lam atang an rawn chhuk thla sup sup,an ni ho hi an leng emaw tih laiin an lo awm reng ani maw "kha ava nuam awm ve" duata chuan arawn ti a,an rawn thleng chawpchilh chu ani mai "nuam e lo tel ve ru" ka lo ti vat,an rawn thuve ta sup sup rin loh deuhin pa biaka pawh atel ve a "pa biak i tha tawh em?"Ka lo ti vat,ahmel chu adawldang reuhin a mit khur pawh atla ve duk mai,ka khawngaih reuh lutuk "zia hmel pawh ka put loh hi mahse inlo haw tawh bawk a,neihvawki ka tir kual char char thei tawh ang" pa biakan atih chuan ka ni in chum a tum deuh uai uai tawh chu a thulh leh adamlo tih ahre leh hnuhnawh aniang,"duati inbe lawk ang hmiang" Christianan atih chuan min lo chhaih nghal sap sap hlawm mai,min va han ti zak mai mai hlawm tak "christian,ka vahnu hi pasal nei rual ala nilo ania" ka ni chuan alo tifiam nghal zat "kal tir mai mai teh,kan veng a couple awmchhun an nih hi"hlua chuan alo tive vat a "awiawm loh loh lutuk emai"utawia lah chuan zomuani leh uvalte melh pah chuan ati kher a,midangho an lo nui pat pat mai "anih kal ru,danin aphal chin chiah ti ang che u" ka ni chuan ati leh kher a,christiana chuan ka kutah vuanin min kai tho a "kan thil tih danin arawn hre kher tawh dawn lo" christiana chuan ati leh kher,min fiamin an nui ta vak vak hlawm,a la tlai lo bawk a ka ni in ahre tho bawk a ka pi engmah ka hrilh ta lo.
































Kut inkai rialin christiana nen chuan bung awmna lamah kan kal a,thla pawh a de leh tan tawh a kan veng boruak chu anuamin tun a kan awmdan hi a romantic tak zet "thla bial hunah forest ah khan kal ila"christiana bulah chuan ka ti a "kan kal dawn nia,thla bial hun kher nghah angai em ni?"Ka kut akaih lai mek hmer salh chung chuan ati a "imm....thla bial hian kan pahnih nunah hian awmze thui tak anei alawm,darlak ka lo awm tan tirh a thla a bial hmasak ber zan khan forest ah min hruai kha" ka lo ti vat,christiana nen kan hun hman dun zawng zawng te hi chu ate ber atanga a lian ber thlengin ka theihnghilh ngailo "ka duat,iva hrerei thei ve" tihpahin a nui ri ve suk,bung awmna kan thleng a,rinaiin athim thla de eng ve che che chuan bung zar vel chu rawn en in a hnah kar atangte chuan a rawn eng chiai chiai a,zombie an lo chhuah thut duh hmel lutuk ka ngaihtuahna vang chuan ka nui hak christiana chuan ka dar a rawn kuahin "nangte hi engthil nge i ngaihtuah reuh a?"Ati thum ve dut mai chhang lem lo chuan ka nui ka nui mai,min biak dan te lah hi naupang biak deuh hian min be thin a ka tet avang hian ka bialpa hian min ngai naute em em ringawt mai ni.




























Thutna tur an lo siamah chuan in ngheng rialin kan thu dun a christiana chuan ka kut te ve tak chu a khal deuh nuap nuap bawk "christian sawi duh ka nei a" ka ti chhuak sup,bul tan dan mai tur hi ka van hrelo thin tak,ka bula thu pa lah hi a lianin a huhang ana ropui mai sia ka bialpa mah nise achang chuan ka lai leh tlat zel,christiana ka chhuan leh em em na chu engtiang a hmunfal leh reh deuhah pawh awm dun mah ila,rilru kawi leh chhia a pu ngai lova a tenawm zawngin min be ngai hek lo,tiang hi mipa dik tak chu an ni tur ani mipa tamtak in an theih loh tur hi christiana chuan a thei athui berah inkiss hi ani mai a ka hn*te a khawih dawn pawn min rawn thlap zel a hei chu in ngaihzawn in a,achhawm tel ani miau a,rilru tha lo kan pu ngai lem lova keipawn ka phal ve mai bawk a aia thui erawh kan kal ngailova ka duh bawk hek lo.




























"Duati i sawi duh chu sawi hmasa phawt la" min ngaichang reng chung chuan a ti a,ka thawchhuak leh hak chu "cute lutuk" alo ti sup, "englo christian i nu leh pa diktak te kha ila zawng reng em?"Inthlahrung ang reng zet chuan ka ti chhuak sep,min chhang lova ka kut erawh a hmer leh salh thin min chhan loh avang chuan nuamlo ka ti ru viau "englo ania....i chhungte diktak ka hria....." Ka tih chuan christiana chu ka melh vat,amah ah engthil danglam mah a awm lova mak ti hmel pawh a pu chuang lo,keimah zawk ka hawi lawl lawl mai "ka sawi chu ihria em?"Ka ti leh "ka hria lawm" ati tawi tak "eng nge awmzia?"Ka lo ti vat keimah zawk hian mak ka ti tawh zawk "ka nu leh pa ka chhungte kha ka hre daih tawh alawm,aizawl kan awm lai pawh khan" atih leh chuan mak ti tawh tak ka ni alo hrevek tawh amaw "mahse....christian eng nge awmzia?Engmah i sawi silova" mak ti ang reng zet chuan ka ti a "aizawlah khan engkim ka chhui chhuak alawm"ati leh "anih chuan tinge engmah i sawi siloh" ka aw atang chuan ka lawm lo tih ahriat vek ka ring engkim ahria a ka lakah alo zep reng amaw.
































"Duati....thil chhui lai ka neih vang ania engmah ka sawi loh" ati dam leh dap,"chu pawh nise,keimah tal min hrilh thei lo em ni?Min ring miah lo ani ti raw christian" lawm lo zet chuan ka ti leh a,kha leh chen ka lo zawng ve char char a,anin alo hre daih tawh a engmah min la hrilh lo zui "anih engthil chiah nge i chhui?I hriat vek tawh si chuan ngatinge darlakah i let leh" ka ti leh ngatinge maw zanin hi a cool zual riau a ka hriat chu ni "achhan chu darlak hi kan khua anih bakah ka chhungte an nia lawm" atih chuan mak ka ti lutuk chu engmah ka sawi thei tawh lo a sawi awmzia chu nu masiami te hi achhungte atihna ni e chhungkua chu an nia lawm an fapa tette atanga lo enkawl tute an nia christiana tan pawn haw viau thin mahse ahmangaih tih ka hria mahse thisen zawm an nilova a thisen zawm diktak te engmah a hrilh lo hi mak ka ti."Sawi vat teh christian eng chiah maw i chhui?"Ka ti nawn leh a thawchhuak hakin "ka nu leh pa te hi" tiin za lo zet hian anui a,"a awmzia chu,heta i nu leh pa te hi maw?"Ka ti deuh haw a "aw ni e,min bum alawm ka nu leh pa tak tak te an thi tawh tih khan min bum a,kei lah khan ka lo ring thlap kha ania,mahse tunah chuan engkim ka hrechhuak vek tawh"ati leh sup sup a.

































A jacket hak lai ip te chu zenin a phone arawn phawrh chhuak a,hmet eng zuiin eng eng emaw hi a enkual hnuah phone chu min rawn pe in video chu a play nghal zat,uluk zetin video chu ka lo en vat ka mengbial kawk kawk thei video a,an thusawi engkim thudik chu rapthlak ti zetin ka en reng engtin nge anih theih zawk,hei vang chiah hi alo nih dawn hi christiana bulah pawh dawt sawi a,anu leh pa te an boral tawh an lo tih,video ka en zawh chuan christiana chu ka en leh angawi ngul a "christian...he video...nilo he thil hi...."ka ti zawi sep,a rilru ana tih ka hria hnem dan vak pawh ka thiam lo a jacket chhungah chuan zet lutin a taksa lian leh lum vung vung chu ka kuah nghal hlun a,nghet zetin min lo kuah let ve bawk "engtia tih nge itum?"Ahnung a chul hauh hauh pah chuan ka ti a "ka puang chhuak vek ang tun atanga reilo te ah"atih hnu chuan a ruahman na te chu min hrilh mawlh mawlh a,uluk zetin ka lo ngaithla bawk he thil achhui vang hi anih ngei dawn hi abuai theih em em darlak ah pawh alo haw thlak daih ni,ka khawngaihthlak viau maw ka tia kei aiin christiana hi a khawngaihthlak zawk mipa pawh nise arilru nat dan tur ka hria,ahmangaih ten an hliamin an bum a christiana hi nung reng chung siin a thi ani.































"Tunah chuan nang leh ka thiante chauh hi ka rin awm chhun in ni" ati thum leh dut a,ka khawngaih bawk si tah khum chiam mai chu ka chak a "engkim atha leh vat ang,thudik arawn lang chhuak anga in inngaidam tawn anga christian hlim deuhin ila awm thei em em ang" ka ti ve niah niah a,"kan awm ang ti zawk rawh,kalbo tur ang maiin thil sawi ziah suh" atih chuan,ka nuichhuak hak ngawireng chuan kan inkuah ta hle hle a,"i mak,Lalbiaklian mi rawn ngheng vak vak kher suh" ka ni aw ngei mai chuan bung phen atang chuan ati ta mai,christiana nen kan inthlah vat a ngawirengin kan thu reng "ana lutuk,hling ka rap ania awi ana lutuk khawmaw min lo paw lawk teh hlua" zomuani tawng riin a zawm nghal zat "i mawl em ni?Engvanga ke lawnga kal nge inih?"Hlua chuan ati a,kan hriat hlau zetin an tawng ve chu ani awm sia kan hrevek tho sia min han enthla vel a an va han naupangchhia tak "min delh per dawn ania,tawia ka thaw theilo awmsawn rawh"uvaltea chuan ati veleh "an mahni pawh an lan loh saw,athim vek ramhuai thu dun mai mai an ang"Duata chuan alo tive bawk "i tawng ring an hre pha ange" ka ni chuan ati vat,christiana nen chuan kan lo nui char char "ka ke hi ache thei tawh lo rulin min chukin ka hria" zomuani chuan ati leh "dawheh viau suh khawiah rul mah a awm lo"pa biaka chuan alo tive bawk.































"Khatah khan rukru ang mai a,ngati nge in phun ser ser a" ka tih chuan "awiiii ka nu....Lalvulmawi" ka ni chuan ti deuh thatin an ri ta buan buan phone light kan on a kan va en nak chu lei ah hian an lo in baw thlu nuai mai "Rozamlian en vak vak suh i mawl em ni?"Duata chuan ati hluk christiana chu a chek hluk a, "ana lutuk lalvulmawi irawn tawng thut a min ti phu lawm"zomuani chuan ati pawr hlarh an tho nghal sap sap mai,an va han buaithlak hlawm mai mai tak "eng nge intih?"Christiana chuan a ti bung nghut kan thutna lamah chuan an rawn phei ve hlawm "eng nge tise min tih ghost hunting neih kan tum anih hi" pa biaka chuan alo ti vat a ka awilo lutuk chu ka lo nuihak "khawi a ramhuai mah an lo kal ngam teuh lo neihvawki a awm reng hi an hlau alawm" hlua chuan alo ti a "in va han zak lo tak,nangmah nin anih kha min hruai lui" ka ni chuan alo tive vat a "ghost hunting neih kan tum naah kher hian tinge in lo awm a?"Uvaltea chuan ati a dawt an sawi peih lutuk chu chhan pawh ka chhang peih lo "min nghak ru ka tia,in kal nul nul a ka hmanhmawh lutuk a chapal pawh ka bun hman loh hi ka ke ana vek"zomuani chuan ati nang nang a "nau pawm lai inih kha lo awm mai mai rawh tih pawn duh hek lo che"uvaltea bawk chuan ati leh an in hnial zawm nak nak hlawm a.Christiana nen pawh tih ngaihna kan hrelo kan lo ngawireng ringawt.




































Atlai ve deuh tawh avangin in lamah chuan kan in zui hlawm a puitling thiau e tilo hian kan awmkhawm chuan kan bengchheng thei ania,heihi lawm darlak ti nuamtu pakhat chu thiante hian nun hi an ti hlim alawm bawihpuii ka hrechhuak zawk awm ve se nuam ati dawn lutuk,christiana chuan ka kutah min kai run a rei pawh a falin kan inhmu hman lo ti buaitu kan ngah lutuk a,"nangni pahnih hi in inkai reng bik mai,inlo couple ber mai"Uvaltea chuan ati nang nang a "i kaih ngam ve loh vang"christianan atih chuan "min hmer tel ve suh u"zomuanin alo ti vat "i hming tuman kan sawi loh kha" christiana chuan ati leh alai leh tawng sual inti lutuk chu zomuani ahawi lawl lawl mai "keini chu kan kalsan dawn cheu aw,tih tur kan nei a "duata chuan ati a "tun ang zanah hian eng nge in tih dawn?"Ka ni chuan rinhlelh hmel zet chuan alo ti vat "aw zan te chu misualte chet hun alawm hawh kal ang" tihpahin hlua chuan duata chu a kuah a an let leh nal nal "pa biak i kal ve dawn nange?"Ka lo ti vat a "min va ngaithei lo awm ve lalvulchuk " pa biaka chuan an ti nghal ringawt a,hahthlak thin mange "ani te chu,adam lo a khawiah mah akal thei lo"utawian alo tih chuan "adam lutuk a ka pawi a sawi zawt zawt kha nichinah pawh tawngthei si" ka ni chuan alo ti hlak hlak.






























Kan thleng phei "awi....keipawh ka lut dawn ka fanu aharh tawh mai thei zan lamah men leh hrep angai dawn anih hi"zomuani chuan ati a,min mangtha hlawmin kal mai atum "ka rawn kal ve dawn" uvaltea chuan alo ti pek kan lo nuihawk hlawm a zomuani arawn hawi let rang nasa lutuk "ave ringawt che chuan,eng nge irawn tih anga?"Zomuani lah pek chuan ati a "naute ka lo en mai mai dawn" uvaltea chuan zawite hian ati leh a, "haha....tuman zanah naute an en ngailo,athu hrimah nitin i en ziah a tul tawh lo mawl teh tuh lutuk" zomuani chuan ati a,an inlam chu a pan nghal nul nul kan vai chuan kan inbulah kan ding thap kan in chhung pawh alo reh thap tawh an haw hlawm tawh anih hmel "tunah khan zomuani khan ahnawl zo chiah che tih na mi?"Pa biakan nuihzat hmel zeta a tih chuan uvaltea alo rum nghut "ateuh lo,zan anih tawh vang anih kha" alo tive bai bai a "kan hrevek ahnawl che tih chiang tak a,a sawina anih kha" ka ni chuan alo tive leh uvaltea chu tap mai tur hmel apu kan lo nuih hak hak hlawm a "anih,keini pawh chho ila" pa biaka bawkin christiana bulah chuan ati a "i riak dawn maw?"Pa biaka en chunga ka tih chuan lu a bu zeuh christiana chuan ka kut a vawn na chu thlahin "pawnah awm reilo la aw,mengrei lo bawk la kan inbe tha leh dawn nia" ti supin ka chalah arawn fawp a ,ka bula ding ka ni lah chu alo thaw hrawi hrawi mai a eilo ngang aniang.




































Christiana leh pa biaka school tlang lama an inzui chho chu kan en reng "christiana'n a nun asim thei hi a ropui in a lawmawm tak zet ani" utawia chuan ati a,lu kan lo bu nghauh nghauh hlawm a "nia,alawmawm tak tak ani vulchukchuki hi vanneihna keng tel tu ini ringawt"uvaltean atih chuan hrethiam lo zet hian ka en deuh hu anui hawk a "aw kan khua a ilo awm atang hian kan veng hi ahma aiin anuam alawm,ahma te chuan christiana te thianho nen hian kan inkawm ngai reng reng hleinem biak pawh kan inbe ngailo an kawng zawh leh kan kawng zawh a in anglo hlawm em a,mahse nang ilo awm a mak deuh maiin christiana hian angaina em em che a,i awm rei a in inkawm ngeih chho telh telh bawk a,athiante ho lahin an ngaina vek che a nang leh keini kan lo in ngaina bawk nen tunah chuan nangmah vang liau liau in kan in pawh hlawm tawh em hi" uvaltea chuan ati deuh duah a,chutiang zawng chuan ka lo ngaihtuah ngai miah lo "adik chiah,christiana te thianho phei kha chu haw hran lo mah ila kawm enah pawh kan en ngailo kha nia,bakah ruihhlo kha an tih nasat ve em avang khan tha thei turah khan kan ngai tawh lo hrim hrim kha nia mahse vulchukchuki hian arawn thlak danglam vek" utawia pawh chuan alo tive bawk min ti hlim veng veng mai.

































"Ni e,tunah chuan in pawh tlang deuhin kan awm thei tawh ania,vulchukchuki leh christiana pawh an lo in ngaizawng ve ta hial a" ka ni in alo tih ve chuan "single hial te pawh inlo awm ve tawh a" ka lo tih ve chuan,kan vaiin kan nui ta vek "in mawl em ni?Thla de in chhiar nge in rilru akim lo zawk,eng vanga khawlaia nui vak vak nge in nih?"In chhung atang ka pi in arawn tih chuan kan nui tawp hmak "ala hma em hi" ka ni chuan ati let vat a "mi zawng zawng an mu vek tawh,ahma tawh lo puitling thiau awmkhawm mawl hlawm lutuk" ka pi chuan arawn ti leh "nangpawh kha eng nge inih bik,pi tar ve si,eng nge mi mut tawh hnuah chuan i au chiam chiam"ka ni chuan ava ti let ve leh a,midangho chu kan lo ngawi thap hlawm "lalneihpui pawn atang khan mi rawn tawng tei vet suh,vawkin ah ka thawn thla palh ang che"ka pi in vin zeta arawn tih leh chuan ka ni a phun nang nang "inchhung atang aman min rawn tawng hmasa reng sia"ati deuh nang nang a,reilo te kan ti ti leh hnu chuan uvaltea leh utawia pawh an haw zui ve mai bawk a,zanin chu ahlimawm tak zet kan naupang tha leh ni maiin ka hria ka ni nen pawh in chhung lamah kan in zui lut nghal a.

































Mut hmunah chuan ka ni nen kan ti ti dun mai mai,midang hmuh a,hlim zet leh thawveng zetin lang mahse keimah vang hian ka ni hi a rukin a rilru ahah hle tih ka hria,a awm lutuk engkim hrevek chung chuan engtin nge a hlim tak tak theih ang ,keipawh ka inthiam chuang lo hreawm ka ti lutuk zep lova sawichhuah vek ka chak mahse sawichhuak ta ila,engkim hi abuai vek ani mai keimah vangin tumah an hlim lo anga,min ngaihtuah avangin tumah an nui thei kher lo anga bakah damdawiin tha zawkah min kalpui an tum ngei bawk anga,mahse keichuan kha kha ka duh lo awmzia awm lova ka chhungte pawisa tih hek ka duh lo a tawpah engmah ani dawn chuang lova atawpna,chu mittui bak ani dawn chuang lova beidawn leh zualna ani mai.

































"Vulchukchuk khawvel hi amak tiraw?Ti hian khawvelah kan awm chu ania,engtikah tak khawvel hi tawp ang maw" ka ni chuan in chung melh vung vung chung hian ati a,kei erawh ka lo nui hak,ka ni tak hi chu ngaihtuahna anei mak thei ania "ni....khawvel tawp hun chu e,kan thih hun hi kan khawvel tawp hun chu ani mai,keipawh reilo te ah ka la thi vat anga chumi hun chu ka khawvel tawp hun ani mai" ka lo tive sep ka ni chu ka lamah arawn in her vat "chu tiang sawi suh kan dam dun zel anga,pasal ka neih hun thlengin i dam dawn alawm ka fate min pawm sak te pawh ala ngai dawn" ka ni chuan ati leh sep sep,min en reng bawk nui hakin "fa ineih ve hunah chuan aw,ithinchhe sia i faten an ti buai nasa dawn si che a,i au khum vak vak ania ka rin" nuihza zet hian ka ti a "aw i awm alawm,ka fate min awmsak thin ang a ka chhawr nasa thei ngawt ang che hlawh neiin nau ka awm tir che nga" ka ni pawh chu anui ve tho "awi ah...sawi tawh lovang ka ningah pasal tur pawh la hmu ngawt loh hian naute chanchin te kan sawi vel chu le,ka la peih reng reng lo" amah ber ber chu a in hau leh thul kan mut ala chhuak silo thil ho te te sawiin kan nui deuh char char.



































Zing lamah chuan a ngaite bawkin ka pi a ang leh hlak hlak tawh "lalneihpui tho la,vawk chaw zuk pe rawh an te rin tawh em khu" ka pi chuan ati leh hlak hlak tawh,kei choka lamah eirawng ka bawl mek a "i mak e tuk khat lek pawh min awl ve thei lo ami?"Ka ni chuan pindan atang arawn tive bawk nizan ah kan muhil har sia mut ala kham lo ngawt ang keipawh ka mit a na thum " min phut ziah suh ka tih che kha rawn hnuh chhuah i duh loh chuan rawn tho nghal rawh" ka pi in atih leh chuan "ka zin chhung zawng pawn i pe ziah tho ani lawm ni,ka awm tak avanga ka kutah dah tum bik ziah suh" ka ni chuan arawn ti teu leh hlarh, chutia ka pi leh ka ni an in hnial bap bap lai chuan pawn lamah in hau thawm ka hria a,tukverh ah ka dak chhuak vat zomuani te in kawtah chuan zomuani nu leh nu masiami te an lo in hau nasa chu ni in zomuani pawh a awm bakah kimtei pawh a tel ve bawk.



































Gas off in pawn lamah chuan ka chhuak a,ka pi in min rawn zui chhuak ve nghal bawk zomuani te nen hian kan inhnaih ka tih tawh kha an ni chu kawng lehlam kan in hma zawnah an in hi a awm a,kan in au phak vek bawk nu masiami leh zomuani nu chu an in hau nasa veranda ah ka pi nen chuan kan ding ve reng ka ni pawh meng mang hlei lo hian sam hnawk niai in arawn chhuak ve bawk "i fanu hian nizanah ka fanu alo tawngkhum dan kha ka duh lo reng reng min hmusit lutuk" nu masiami chuan ati piap piap mai,nizan a zomuani leh kimtei in hauh vel chungchang kha ani maw kimtei chuan a nu ahrilh ni awm tak ani "nangni chhungkua baka mi hmuhsit ching in awm lo in pa vcp anih vang hian ka hlau turah che ngai suh" zomuani nu pawh angawi mai mai bik lo kan veng nu tawngthei leh nasa an ni bawk a an incho khawp mai zomuani nu pawh hi nu nasa deuh kan tih ang chi ve tho kha ania mahse mi ahmusit ngailo thung "kan pa kha rawn sawichhuah angailo,i fanu sawn pawm mai mai in ka fanu pasal tur hi alo sawi ve vak angailo" nu masiami chuan ati leh "Ava han rapthlak tak" ka ni chuan alo ti nang nang "ka fanu hian a duh leh sawn sawm pawh pawm se nang nga lo sawi phak a awm lo,i fanu kha eng ani bik lo a pasal tur pawh zu heh ifanu lah mi dukdak lo,nau pai loh avanga nula mai mai anih kha,thenawm khawvengte hian kan sawi peih lo mai mai pawh a,aruk a a khawsak thin dan zawng zawng hi hrelo kan awm lo,mi fate sawichhe thei ini bik lo"zomuani nu chuan atih khum ve tawn tawn mai.

































"Nu hawh lut ang a zahthlak" zomuani chuan a nu bnah apawt tawng tawng a,anu lah chu ala tang tlat zui kimtei lah chuan zomuani amelh rum nasa mai,nuam lo ka ti lutuk ringawt abul ber chu keimah ka nia nizan khan kimtei kha engmah lo zawh loh tawp tur ania azia lo tak tak ani ka pi chu an lamah chuan pheiin ka zui ve vat ka ni pawh arawn kal ve "zing...zingah ngatinge nutling a pumpa in in hauh mai a,amawilo emai khawlaiah leh nghal thenawm khawveng kan nia tumah hi in huat loh tur a sin" ka pi chuan ati dam dap,tar thusawi anih vang nge an chhang let lem lo thung "ila hre khawp ang,he veng atang hian ka la hnawhchhuah tir ang che" nu masiami chuan ati leh hram a "tum chhin la,kan hria ang chu nang nga hnawhchhuah mai mai theih ka nilo helai hi kan ta kan inhmun anih hi,chuan i fanu i chhan ang bawk hian nu dangho pawh hian kan fate hi kan chhan ve tih hrerawh i kal kual vak vak a,i duh duhna hmunah mifate irel kual a i fate hi engmah an nih bik loh zia hi hre teh" zomuani nu chuan ati let ve leh a zomuani chu a zah hmel tawh lutuk "eng pawh nise,khawmaw zomuani nu inchhung lamah in be zawk teh u a mawilo emai" tiin ka pi chuan zomuani nu chu inchhung lamah akai lut a tha deuh chuan a lut ve mai nu masiami te nufa erawh school tlang lamah an chho ta daih nu masiami ala ang chho nasa mai.



























Zomuani te nen chuan kan la ding reng "zomuan eng nge thil awmzia" ka ni chuan phak chuap hian ati a,a sam lah chu phung a ang ropui mai sia "nizan a kimtei nen a kan inhnial deuh kha,anu a hrilh aniang zingah an nufa in an rawn kal a kan inchhungah nu masiami arawn ang chiam a ka pa a awm silova ka nu dawr kal rawn haw nen khan an inhauh zawm a ka nu in pawnah a nem chhuaka "zomuani chuan thil awmzia a sawi mawlh mawlh a nu masiami chu rapthlak ka ti tak zet "a awmlo hran lo,nu masiami te zawng a rapthlak em alawm lo vaw thlu tawp ta che u,ati mah mah ani lalrinkimi lah hi ava han tawngthei zep zuap tak ala chawh ngawt ang" ka ni chuan ati mawlh mawlh ka ni thin lah pek hi, "anuam lo tak tak ani,atawng a chhe thei sia ka tawngchhuak ve lek lek tep a,mahse puitling in hauhna a lo inrawlh kha ka duh chiah lova" zomuani chuan ati nang nang a "iti tha lutuk lo tawngchhuak la chuan a sosang zual mai mai dawn a" ka lo tive vat,ka pi chu zomuani te in tang arawn chhuak "lalneihpui iva han rapthlak ve,dang thler dawn dawn a ka koh che pawn itho duh eih lova tunah mitek nen irawn chhuak leh tho amaw?"Ka pi chuan arawn ti nghal hlak hlak.































"Aw in hau an awm a,ka en ve chak ani mai a" ka ni chuan alo ti liam puat "nula senior inih tawh hi thil ho deuh deuh buaipui rual ini tawh lo,chher chhur che hian va inti fai la vawk chaw zuk pe rawh ar pawh kan la chhuah lo" ti hlak hlakin ka pi chu inlamah a phei zui a,phun nang nangin ka ni in an hnungah a zui ve bawk,zomuani anu in a koh chuan inchhung lamah a lut vat,kei pawh haw ve nghalin ka eirawngbawl lai ka tih zawm mawlh mawlh a,ka phone dawhkan a ka dah arik chuan ka la kang nghal vat,bai chawh pah chuan ka chhang zui nghal a "duati...kan vengah in hau an awm ami?"Aw thum zetin christiana chuan arawn ti nghal "aw nu masiami leh zomuani nu an in hau a ,khawnge i awm?"Ka tih zawm zat,"hei pa biaka te inlamah kan kal lawk a,chhun lamah ka lo leng ang,sawipui duh che pawh ka nei" atih leh hnu chuan call a cut zui a,ka phone chu hrilh hai deuhin ka en reng hepa tak hi chu,in ngaizawng ni mah ila thian ang chiahin kan inkawm ngeih bawk a,kan in ngam ve tawh viau mai ka ni vawk chaw pe turin a chhuak zui a,ka pum rawn na leh riai riai avang chuan hman hmawh zet a ka bai siam lai chu suanin roomah ka tlan lut vat,ka damdawi chu ka hmawm nghal zat bawk.
































Khumah chuan thu in ka kun tlawk tlawk a,engtik laiin nge ka mittui atlak ka hrelo "lalpa ahreawm emai" ka rilru chuan ka ti mawlh mawlh,ka pum chu ka dawm vang vang tunah chuan damdawi tel lo chuan dam pawh ka dam tha thei tawh lo ania,thawchhuak hakin ka mittui chu ka hru a "lalpa iti dam mai theilo em ni?"Ka hriat tham lek chuan ka ti a,abulah hun ka hmang tam telh telh a kalsan ka hreh telh telh asin,tunah phei chuan ka hmuh phak lova a awm ringawt pawn ka ngai nghal em em zel a,ka hmuh ngun pauh leh ka hmangaih telh telh a,a bula ka awm tam pauh leh ka thlahlelh zual thin amah ka en changte, a aw ka hriat changte hian ka rilru hi ana veng veng thin ka kalsan hunah ana hmel tur ka ngaihtuah te hian min ti na,khawvel a harsa ka tih ber chu christiana kalsan hi ani ngei ang.






















Darlak kan awmna pawh nithum dawn aliam leh ta hun te hi an kal chak takzet anih hi hriat loh karin an lo liam zung zung zel,ani telin ka na a zual zel thin nikhatah ringawt pawh damdawi hi ka ei zing malh malh thin viau ka ni in min ngaihtuah thei em em a,arilru hah lutuk te hi atla dawk dawkin ka hria ahma aiin acher leh zual ka pi pawh hian a khawngaih ve deuh nge ahma angin a chhawr vak vak tawh ngailo bawk ka ni nen tlailam eirawng kan bawl dun a ka pi leh pu pawh huan lamah an kal an la rawn haw lova ka ni nen chuan kan ti ti melh melh kimtei leh uropuia te in nei tur chungchang vel chu kan sawi mai mai,kan haw atang uropuia hi vawikhat chu ka hmu tawh a zanah inkhawm naah ni in min be ve tho keipawn tha deuh chuan ka bia zu rim erawh a nam reng a ka hriat tan tirh lai nen kha chuan in ang tawh lo tak ani,"ti leh daih ila vulchukchuk tunlai hi ka hmu dang (pale) zual che ania" ka ni chuan ati a,ka lo nui tawi tak a sawi dik miau keipawn ka hrethei bakah ka damdawi ei nasa lutuk hian ka ka ati tuilo vek a chaw ei pawh harsa ka tih phah.






















"Ni nangpawh i cher zual ve tho ania aw" tiin ka nui a,athusawi te kha fiamthu a lak hram hram ka tum ani ber mahse ka ni chu a nuih a zat hmel teh chiam loh,"tiang chuan a dik lo tak tak dawn,vulchukchuk kan chhungte hi engkim hrilh tawh mai ang" ka ni in thu tak zet hian ati leh ka thil tih lai pawh ka chawl dat "ni....thil thleng tur chu ihriat vek kha" ka ti zawi sap a "thil thleng tur ti reng suh,lalvulmawi anih chuan ti hian nitin in ithih hun tur hi ka nghak tawp dawn tihna mi?Ka rilru nat zia hi ihria em ka vahnu inih bakah ka thiantha tak ini tel bawk a,zantin hian i muhil hmel te hi rilru na zetin ka en thin che tih ihria em?Hlim ang takin nui chiam thin mah ila,ka thinlung chhungril na leh hlauhthawn na a,khat hi i hria em?Nitin hian thlamuangin ka awmlo a sin i na achhuak thut anga,min kalsan thut ang tih hlau reng rengin ka awm thin a sin zan a i mutthil chang lahin i thawk leh thawk loh hi vawitam tak ka check ziah asin,chu vangin ala tlailo vulchukchuk khawngaihtakin,in enkawl hi duh hram rawh "ka ni chuan ati a,atir lamah au ring viau mahse atawp lam erawh ka hre chang chang chauh ani a mittui atling pam a,keipawh ka bang bik lo.



























Ka ni chu chhang let lem lo in hnuailam chu ka en reng ka mittui aluang zung zung a,ka ni pawh a in sut leh zeuh zeuh thin "ni....keipawn hreawm ka ti lutuk a sin ni e atir kha chuan thih hi ka hlau miah lo,lo thi pawh ni ila ka kalna hmun tur ka hrechiang em a,mahse maw in bulah ka awm tam telh telh a nitin thiante nen hlim deuhin kan nuiho a christiana nen ani telin kan in hnaih zual zel a,tunah chuan maw kalsan cheu hi harsa ka ti telh telh ka hupphurh lutuk" tiin ka tap zawih zawih mai,"engthu nge in sawi kha?"Rawn ti tu avang chuan ka ni nen kan hawi rual vat,kawngkhar bulah zomuani chu mit sen ram hian alo ding reng tawh ka ni nen pawh kan hamhaih lutuk chu kan ngawireng zomuani chu rawn lut zuiin "tun a inthusawi kha eng nge awmzia?Vulchukchuk nanghi ithi dawn inti em ni?"Aw khur dar dar hian zomuani chuan ati a,kan thusawi te kha alo hre hman ani ngei ang zep theih ni tawh hek lo ka ni chuan ka chanchin chu zomuani ahrilh ve ta vek a,zomuani chu amittui aluang zung zung mai.






























"Ani thei lovang vulchukchuk in enkawl rawh maw....khawngaihtakin engtin nge awlsam taka thih itum theih zawk awi awm loh lutuk,engtin nge kan awm ang i ngaihtuah ve lo em ni,i pi leh pu i pa chuan christiana engtin nge an awm ang,tihian awlsam tak a beidawn mai itum em ni khawngaihin treatment la rawh " zomuani chuan mittui luang zung zung hian ati a kan pathum chuan kan in sut hraih hraih hlawm mai, "zomuan...awmzia a awm tawh chuang hleinem ka rilru ka siam fel vek tawh,ka sawhsawn dawn lo" ka tih chuan ka ni leh zomuani chu an beidawn hmel tak zet mahse ka rilru ka siam fel tawh miau a,sawhsawn tumna ka neilo tak tak bawk,chu ai chuan ka taksa la chak that lai ngei hian ka chhungte leh thiante bulah ka hun tam zawk hman ka duh ani,pawn lamah ka pi leh pu thawm arawn awm takah chuan kan vai chuan kan insiam tha sawk sawk a pawn lamah chuan kan chhuak ho dial ka pi te chu veranda ah an lo thu leh vang tawh a,chawhmeh pawh an rawn hawn leh teuh tawh ka pi in kan pathum a chik zeta min en hnu chuan "ngati bei bui nge in mit chu ava sen hlawm ve,inlo insual hlawm ami a?"Ka pi chuan ati a kan in melh ralh ralh hlawm mai "sual teh nang,game kan lo khel a mittui kan ti tla lawm"ka ni chuan alo ti zaih a.






























Zomuani chuan min en leh vang vang hnuah ngawirengin an inlamah a phei a,ka en zui reng ka ni in thingpui a lum laiin keiin ka pi te thil lo hawn vel chu ka lo dahfel mek bawk,zanin hi thla bial zan ani tawh a,christiana nen zan lamah forest lamah len kan tum bawk,kan inkar hi ka chhungten an hriat vek tawh avangin zep em em kan nei tawh lova christiana pawh arawn leng zing thei viau ka pi in hnah ah hian maian hi funin "vulchukchuk heihi school tlang lamho khi han pe rawh aw" ka pi chuan ati a,roomah lutin ka phone ka la a,chhuak leh nghalin maian dawhkan ami chu ka la a school tlanglamah ka chho zui nghal kan thlai thar te reng reng hi chu ka pi hian thenawm khawvengte hi a sem ve ngei ngei thin kawng a chhoh pahin ka phone chu ka khawih pah a,nu mapuii chu ka call nghal zat,an ni pawh hian engkim an hre tawh a christiana te nen pawh an inbe pawp ve tawh ani awm e,nu mapuii hian min ngaina em em a min lo call ve deuh reng zel keipawn ka ngaina tho nu mapuii chuan phone chu alo chhang vat a "hello,vulchukchuk" aw zaidam zet hian arawn ti nghal a "aw nu mapui eng nge intih a?"Ka ti letve sep a "engtilo e hei eirawng ka bawl a,bawihteiin min lo puive a" arawn ti tha ve mai bawk "anih chu englo ania ka rawn phone chhan che chu naktuk ah chuan rawn chhuk in tum ta em?"Ka tih chuan "aw tum e,i pa ruata hna a chawl dawn tho a nithum lai chawlh ala a,kan rawn chhuk ang"atih chuan ka nui ta ver ver "awle,chu chu mawle lo zawh chian leh che ka duh mai mai a,anih ka dah phawt ang" ka ti a "awle,kan inbe zel anga chanchin kan inhrilh zel dawn nia" alo tive bawk.

































School tlang ka thleng chho a,kawtah hian christiana leh hlua hi an lo inkhel anih chu ka kal chu min hmu miah lo an inkhel chu nuih insum zetin ka en reng hemi te hi an school kal lai pawn an inkhel ve ngailo amawn le,an thiamlo dun lutuk ringawt an in nem leh deuh sawk sawk thin phakar dun tak an ni,ka nuih tak vak vakah chuan ka thawm hria in an rawn hawi rang dun nasa mai "inva han thiamlo dun mai mai tak"la nuireng chung chuan ka ti a "inkhelh hi alo ahar em ani,ka peih tawh lo ka sim hmak fiamthu pawn ka khel peih tawh lo"hlua chuan hahhmel zet chuan ati hluam hluam mai christiana chu ka lam lo phei pahin "eng nge ilo tih dawn?"Atih chuan ka maian ken lai chu ka hmuh zeuh ka bul arawn thlen ruala min kuah nghal a tum ringawt chu ka lo namsawn vat "hey....hey....min rawn hnaih hlek suh ithlan atla nasa si thlan rim ka nam vek dawn ka peih lo" ka lo tivat,atum nghal bar bar "duati ka kuah chak che lawm,bakah kan inneih hunah phei chuan nangman min bual vek angai ang" atih chuan naupangchhia ti zetin lu ka thinkhum vak.




























Nu masiami pawn a rawn chhuak ka hmuh takah chuan alam chu ka pan phei vat,"nu masiam hei in maian tur ka pi in han pe rawh atia,ka rawn pe cheu" tih pahin maian chu ka pe a,alo la ve vat "avan lawmawm thin,ipi hi chu afel ve ngawt mai chawhmeh te hi min rawn pe reng zel mai" lawm hmel zet chuan alo tive bawk a,kal leh nghal mai ka tum chu "hawh inchhung lamah reilo te inkawm lawk ang hmiang" nu masiamin atih chuan,angaihna ka hrelo viau inlam pan chuan a kal leh nghal a,christiana te lam ka va hawi chuan hlua nen chuan muk hmel zetin an lo ti ti daih,keipawh in lamah chuan phur lem lo tak hian ka phei a,ka lut chak em em hran lo kimtei hmuh ka peih lo ani zawk mah christiana nen a kan chanchin hi an hrevek tawh a,engmah phei chu an sawi ngai lem lo,nge an sawi tho anga ka beng ala thleng lo zawk pawh ka hrelo inchhungah chuan ka lut a tumah pawh ka hmulo "helamah lo phei rawh" kitchen atanga nu masiamin atih lang lang chuan ka phei ve nghal mai bawk.





























Arapthlak zia leh a tawngtheih zia ka hriat vang nge ka tim deuh tlat zel,mi pawisawi ahreh em em bawk silo nen ahlauhawm ru riau alawm nu masiami hi chu "thingpui in la"atih chuan lu ka thing vat "chaw kan ei tep tawh sia ka inlo mai ang" ka lo ti tha ve mai a,thutna tur chu pawt chhuakin nu masiami chu athu thla a thu tur chuan min tive nghal zat,chair chu pawt chhuakin ka thu ve nghal a inhmatawnin kan thu ta ran mai "englo ania vulchukchuk,ka haw miah lo che ania,hmeichhe fel leh rilru tha tak inia pathian itih hle tih pawh ka hria,mahse ka sawi tlang tawp anga christiana hi khawngaihin kalsan rawh" ati ta mai hamhaih lutukin nu masiami chu ka en mawl tawp sawi mai tur pawh ka hreve lo "eng...eng nge i sawi awmzia?"Ka ti bah nak "christiana hi kalsan rawh ka ti anih chu,a nupui tur hi kan hual lawk vek tawh a i hria anga a hma pawn alo zin tawh kha kimberly kha,anupui turin kan hual vek tawh a" atih leh chuan min thawng kher mai nu masiami chu ka melh tlawk tlawk kimberly te chu christiana tan a cousin ania thisen zawm ni kher lo mahse mak ka ti tho tho "nanghi kan mo ni tura kan duh loh vang em em che pawh anilo ania,mahse in chhungkua leh kan chhungkua hi chu kan in rem lo,kan chhungkaw tana hlawk theihna tur kan ngaihtuah ve angai sia "atih leh phei chuan mak ka ti tawh lutuk.






























Eng ang nu nge ni ngai,christiana chung a an thil tih zawng zawng te kha an la duh khawp lo em ni,tunah an hlawkna turin christiana nupui neih tir leh an tum amaw,chu pawh kimberly leh nghal tiang em em hi chu an ti mah mah ani,hmeichhe dawizep deuh ang nga christiana hi kalsan ka tum reng reng lo "nu masiam ka zah viau che a mahse christiana hi ka kalsan theilo,bakah a nupui tur chu ama duh thlanna tur ni in ka hria" ka tive ta hmak nu masiami chu a mitmeng a danglam nghal hlawk dawhkan abeng ri thuai a "engtin maw?Tha te te in ka hrilh che a i awih duh lo amaw in inthen dawn tho tho tih hre rawh nang ang hi mo atan kan duh reng reng lo che zaktheilo lutuk" min tih khum ta piap piap mai,ka kut chu dawhkan hnuaiah ka humruh tlawk tlawk "hei chu christiana nen a kan inkar ani,khawngaihin lo inrawlh ve lo zawk rawh engpawh sawi la christiana hi kalsan tumna ka neilo" ka tive deuh tlat min melhrum zia chu rapawm tak ani kut min thlak mai duh hmel a pu tawh "i kalsan vat lo anih chuan,apawi khawp ang i chung a ka tih tur hi ka sawi theilo" atih leh lai mek chuan "eng thil maw,achungah chuan itih dawn?"Hnunglam atanga rawn ti tu chu christiana ngei ani ka thutna tang chuan ka tho chhuak vat,christiana leh hlua chu kan hnungah an lo ding reng chu ni in.






























Nu masiami chu arawn ding chhuak ve nghal a "he ibialnu tlaktlai lo zet bulah hian then tur che in ka hrilh" nu masiami chuan ati vin hlarh a,christiana anui hawk chutah a nu chu rum zet hian amelh a "ka nuna lo inrawlh tur hian ka tilo che,ka nunah hian lo buai suh chuan ka bialnu hi itih nat tur thu i sawi leh anih chuan ka nu ini tih theihnghilh thakin ka che ang" christiana chuan ati chhuak hrawk nu masiami chu thinrim tih hriat zet hian athaw hrawk hrawk mai "he hmeichhe thing lutuk hian adawi â zo tawh che anih hi Rozamlian" nu masiami chuan ati leh a "ani aia pawimawh hi ka nunah an awmlo khawvela ka hmangaih ber anih hi" christianan atih chuan "engtin maw?"Nu masiami chuan alo ti that,kan thawm chu a ring tawh viau "he hmeichhia hi ineih ka remti dawn chuang lo Rozamlian" nu masiami chuan ati vin leh that " i rem tih kher angailo,keiman alawm nei dawn ani hi ka nunna pakhat anih hi,tawng lo ila chuan he khawvelah hian ka awm tawh kher lovang,ka tan chuan ka vantirhkoh anih hi ti chuan ka hmangaih zia chu ihrethiam em?I nun hi thlamuang takin i hmang rei tawh lovang" christiana chuan ti chang leh hrawkin pawn lamah min kaichhuak nghal nawk nawk.






























Nu masiami chu ala ang nasa lutuk,thingkung bulah chuan min dinpui a "engvangin nge ani kha ilo biak a,a rilru chhiat zia i hria ani lawm ni?"Christiana chuan min vin chiam hnuailam en in ka mittui atla tih pawh ka hria "aman min biak duhthu asawi a,ka tan lo hnar ringawt kha anuam hleinem" tap tuau chung chuan ka ti a,ka hma a ding pa chu akawng dawmin a thawchhuak hawk a min kuah zui nghal zat "ka vin che a,ka tihpalh tap tawh suh le duati,chan che ka hlau a engkim ihriat vek kha,chuvangin afalin ka nu hmu tawh suh aw,engmah tih hreh anei dawn lo ania engtin emaw i awm anih chuan maw awmngaihna ka hre dawn lo ka rilru hi a buai vek thei hial ang,chuvangin ka thu awih ang che" dam dap hian ati a,in sut fuih fuih chung chuan christiana chu ka kuah let ve bawk "aahh....iihh ehem ka la awmve tih hi inhria ang chu maw" hlua chuan inthlahrun hmel zet hian alo ti a,christiana rum hawk ri a hriat takah chuan "aw nia ka va haw phei a nge inbual te ka duh tawh sia" lai hui hian ati a,christiana awm a hmaiphum chung chuan ka lo nui char char "ihh....muttui u" te ati leh vel "kal mai mai rawh lalnunhlu" christianan atih leh takah chuan nui lui tih hriat zeta nui vak vakin achhuk thla ve mai bawk.


























Zanah chuan ka ni pawh kan kohhran in thalai sum tuak nan an hnatlan dawn vangin utawia te nen an kalho a,keipawh christiana nen len kan tum bawk hnatlan duh viau mah ila,forest ah khan kal ngei ngei ka duh sia tun bak hi chu ka kal leh tawh kher pawh ka ring lova zomuani pawh hnatlan a duh ve viau a,mahse nau pawm lai ani bawk nen akal theilo thung dar 6 leh tih chauh ala nia ala hma ang reng viau thla bial zan ani bawk nen thla pawh a rawn chhuak muang ang reng viau a,thlabial zan anih hi chuan thla hi an chhuak muang tak tak zanlai hi a en hun lai ber ani thin,zomuani nen kan inkawt ah chuan kan thu a kan ti ti mai mai vawiin tlai a thil thleng vel erawh tumah ka hrilh lo thung ka ni phei chu hrilh chi anilo leh zual ahan kalh chilh duh hial ang,zomuanin ka chanchin engkim a hriat tawh vang nge ngawireng hian min en leh vung vung thin amak thei ania "lo inhrelo law law ila tha tur ania" ati chhuak sep,"engvang chuan" ka lo tive vat "nakinah chuan i awm tawh lo anga,kan inhria a kan inkawm ngeih ve tan dawn chauh a nang ibo leh daih dawn si te chuan ahhh ngaihtuah pawh ka ngaihtuah duh tawh lo" ati leh hluai a,ka lo nui suk suk ringawt.



























"Ti leh daih ila,vulchukchuk pa biakan neihi a star tih hi ihria em?"Zomuanin atih chuan "mawww...." Ka ti deuh hluai zomuani a nui hak a "pa biakan mawle neihi hi a star alawm,hlua hnen tang ka hrevek mahse an in upat hleih ve ang reng em a,aizawl atanga in rawn haw khan pa biaka hian neihi hi bem atum daih tawh ani awm e,mahse amah pa biaka ber kha a dam tha leh silova bakah aizawl lamah khan neihi kha bialpa nei deuh reuh ang khan in sawi vek sia a bem leh lo anih kha" atih chuan ka nui ta hak hak mai,ava han mak ngai vele pa biakan ka ni daih maw alo star a "engtik atang nge teh daih chuan" nuihza zet hian ka ti a "hlua sawi dan chuan a rei tawh ati,mahse pa biaka hi ala naupang em a neihi lah a senior ve tan tawh bawk nen a bem ngam chiah lo anih hmel" atih leh chuan ka nui pat pat mai "kan lalpabiaka reuh chule" ka ti deuh hluai "bem ve hrim hrim se,bakah doctora leh ka ni te chu an in ngaizawng tak tak hleinem,an in kawm ngeih lutuk duh pawh an induh ve ve chuan ka hria mahse an la in ngaizawng miah lo tak tak ania" ka tih chuan zomuani a phur hmel ngang mai "anih chuan neihi leh pa biaka hi sawirem dan ngaihtuah ila atha ang,doctor in tihpa pawh chu duhpui viau mah ila,pa biaka hi chu mahni khua ami nge nge bakah kan thian alo ni bawk nen kan duhpui zawk lo theilo" zomuanin atih chuan keipawn ka thlawp viau.



























"Nia....keipawh doctora kha chu a fel viau hna pawh anei tha,mahse i sawi ang in thiante rilru na hmuh te chu kan duh teuh lo mai pa biaka chu keipawn ka duhpui zawk" ka lo tive vat a "bakah pa biaka pawh ahranpa in hna la neilo mahse lehkhathiam ania,tunah hei atha chho ve zel bawk a ngai a awh hunah phei chuan hna tha deuh ahmu thei dawn lutuk,neihi te chu a chawm zo dawn lutuk" zomuani chuan uar zet hian ati a,ka ni leh pa Biaka chanchin chu kan sawi char char,ka ni chu a bialpa turte keimah nin kan lo thlansak thul zomuani nen a kan lo dream ah phei chuan ka ni leh pa biaka te phei chu kan lo inneih fel tir hmak tawh,ka ni in hria se alawm lo leh ngawt ang chu ka sana bun lai chu ka melh leh zeuh christiana arawn chhuk har phian "thla pawh ala en loh em hi hmanhmawh viau suh" zomuani chuan ati a "chu pawh nise ka kal chak zek zek tawh alawm" ka lo ti vat "ninawm ngaihzawng in nei fur a,kei ve lah hi ti hian nau ka la pawm dawn chauh ania,in vai hian unsingle vek teh u" atih nang nang chuan ka lo nui hak hak "eng nge unsingle chu" ka lo ti vat "aw in ngaihzawngte ho hi thianah insiam leh vek rawh u tihna anih ber chu" atih chuan ka nuih a za lutuk "chuti chu uvaltea nen hian unsingle inla ni tihna nia,couple goals vat ru" fiamthu chuan ka ti leh zomuani pawh anui tawp.





























Kan ti ti mawlh mawlh lai chuan,uropuia hi arawn lang deuh hlawlh,kan thutna bulah chuan alo ding a,apei leh deuh khut thin zu a rui tih hriatreng "hepa ve lah hi,hmuh apiangin nam deuh ther ther zel" zomuani chuan zawite hian ati a keichuan ka hre pha vek,uropuia erawh chuan a hre kher lovang "in lung ava leng awm ve?Keipawh ka lung a leng deuh a kan inve sak anih hi" uropuia chuan bah nuai hian ati a "zawt che hi kan ang thin"zomuani chuan ner sawk hian ati a kei erawh ka lo ngawi reng "Zomuanawm,nanghi min tlanbo san vel a tiraw?I rilru chuan nupui ka nei tur pawh hi ithik tih ka hria" uropuian atih chuan,zomuani chu thinrim hmel zet hian a nuichhuak hawk "ka thik cheu nga maw?I ti zahthlak emai ropui nang hi chu e ka nun a natna hrik tenawm tak ang mai ini" zomuani chuan ngei fe a melh chung hian a ti a,"zomuanawm min bem hmasa tu kha tunge nangmah inih kha" uropuia chuan ati leh,a rui bawk sia a tawng ring bawk nen ka pi ten an lo hria ang tih ka hlau viau "haw la,va mu la atawk nupui nei ve dawn si,han ruih reng" zomuani chuan ati liam puat,chutah uropuia chu a inthing deuh nawk akal mai dawn maw tih laiin "nangpawh Lalvulmawi" pawr zeta a tih chuan ka in ring lo nen ka phu nasa lutuk ringawt.




























"I mawl deuh tak tak tawh anih hi" zomuani chuan a ti bak hluk "nangkha ka be lo che" zomuani kawh sawk pah chuan uropuia chuan ati a,ka thutna ah chuan a rawn thu thla ve nghal zat,zu rim anam huam huam bawk sia ka pum a let nghal but but mai,rang lutuk chuan ka tawlhsawn vat hetiang chuan a dik dawn lo reng reng buaina a chhuak ang tih ka hlau khawp mai kei lah taksa chak loh lai ani bawk nen "Lalvulmawi min duh lo vel a tiraw?Ila inchhir dawn chauh ania,kha ibiapa laktlak loh lutuk drugs ngawl vei leh nghal" atih chuan ka sa ta phat mai,christiana Chanchin a chhe zawng a,an sawi hi ka ngaithei thak lo "nangpawh zu ngawl i vei tho a,adanglam na a awm lo uropui min ti buailo in haw la va mu rawh" ka ti deuh hmuk,"adik chiah va haw rawh" zomuani pawh chuan alo ti vat thawh mai ka tum chu uropuian ka banah min pawt ta tlat,ka tal nghal phat bawk "min thlah nghal rawh,iva zam lo ve a" ka ti vin ta that "nanghi ka nupui tur zawk inia sin,kha Christiana kha awmlo se chuan nanghi ka ta ini tawh ang,zantin nangmah suangtuah chung che hian ka muhil thin asin lalnunkimi (Kimtei hming pum aw )nen a sex kan hman lai reng pawn nangmah mitthla chung che in ka che thin" atih chuan phawk lutukin ka en a,ka ten lutuk chu ka uak nghal vak vak mai.

























"Ramropui thlah vat rawh,tenawmpa iva han zak theilo em em ve khatiang thu kha engtin nge i sawi ngam zawk,mihring pawh ini lo" tihpahin zomuani chuan ka kut chu arawn pawt ve tang tang a,uropuia lah chu zurui e tilo chuan a chak phian ka ban lah chu athlah duh thak lo kan pawhna lamah ana vek tawh, "eng nge thleng?"Aw thum zet in arawn tih takah chuan ka che lai pawh ka tawp hmak,ka hawi chhuak a kan piah deuhah christiana alo ding reng tawh "aw changtupa alo thleng e" uropuia chuan ngeiawm zet hian alo ti a,chutah ka kut avawn na chu christiana chuan a melh run run chak zet a rawn kal pheiin uropuia thu chu a kawrah tham tho pawp in ahnek nghal pawp,uropuian ka kut avawn tlat avangin ka tlu ve mai dawn emaw ka tia,mahse christiana chuan ka kawngah alo kuah hman " ani hi hnaih lo tur che khan ka ti che ani lawm ni?"Christiana chuan ti chhuak leh hrawkin uropuia chu khawih leh mai a tum a ka lo kuah bet vat,buaina tam zawk a chhuah ka hlau ani uropuia chu a rui bawk nen christiana khan a hnek na bawk a,chet pawh a che hleithei tawh lo.




























"Engthil nge thleng,ani hi engvang a heta awm ve hi nge anih?"Christiana chuan min melh run chung hian ati a,ka hlauthawng lutuk chuan chhang pawh ka chhang mai theilo zomuani zawk chuan thil awmzia chu alo sawifiah vat a,kimtei nen a an awmdan a sawi erawh zomuani chuan a sawi chhuak lem lo min biak dan vel kha hria se chuan uropuia hi a that duh hial mai thei, "zomuan apa number kha inei tiraw?"Christianan atih chuan zomuani alo bu vat,a aw pawh anem deuh tawh,ka kutah chuan ala kai run bawk "phone la rawn hruai rawh se,an fapa hi damdawiin thleng rak khawp a ka sawisak hma hian lo hruai vat turin hrilh rawh" christiana chuan ati chang leh hrawk,zomuani pawn a phone ah lai chu a phawrh chhuak ve vat,ka pi ten thawm engmah an hrelo chu ka lawm an tar ve deuh tawh avang hian an beng hriatna hi achak tawh lova,zomuanin phone ahmeh mawlh mawlh lai chuan "zomuanawm rawn haw rawh,ifanu atah reng tawh hi leng dawk dawk ziah mai,zanah lah hian i vak ang de de a nula pawh inih tawh loh kha"zomuani nu chu an in kawngkhar atang arawn au tawn tawn mai "ka rawn haw dawn" tihpahin zomuani chuan phone chu a bengah a chuktuah nghal zat.































Christiana nen chuan kan la inbe lo hrim hrim a ding ngawi run a,rum zetin uropuia chu a melh leh thin uropuia chu khawih leh a chak hmel ngawih ngawih zomuani phone hmang zo chuan " an rawn hruai dawn anih chu,in kalna turah nangni pawh kal tawh rawh u keipawh ka haw dawn ka fanu in hnute a hne chak tawh ang" ti deuh sawk sawkin an inlam ah chuan a phei zui nghal ta daih christiana chu melhchho in min lo enve chiah kan mit a in tawng chiang lutuk chu ka hawisawn rang nasa a nui risuk chu ka hre zawm zat,"englo....kan kal dawn nge uropuia saw engtin nge ni dawn?" Inthlahrung ang reng zet chuan ka ti a,"ngaihsak angailo,thawmhnaw lum va ha la kal ang,nakinah a vawt iti palh ang,ka jacket hi ka hak tir dawn miah lo che nia" atih chuan hmui ti pawrh vakin "min duat lo si" ka ti nang nang,chutah ka inrin hma hauhin ka tukhumah chuan rawn vuanin duh thawh lutuk hian min fawp nghal buan buan anih chu ka hamhaih lutuk chu ka meng chiang viau chhan letna chang pawh ka hrelo,a duh tawk hnu a min thlah meuh chuan ka thawchhuak ham ham thei anih chu "mawla" ti vin thatin a hnungah ka chum vak "khatia i hmui itih khan ei zawh vek che ka chak thin alawm" nuihza insum zet hian ati a "anih thawmhnaw lum hak pahin ka pi te ka hrilh lawk ang khawnge i bike?"Ka tih zawm zat,a lu chu a thle zeuh a hrethiamin keipawh inchhung lamah ka lut ve nghal.































Roomah lut tlangin thawmhnaw lum chu ka nghal sawk sawk ka sam chu ka thlah deuh tawp bawk ka chhuak leh vat,ka pu chu room lamah a awm aniang ka pi chuan vaihlo zial pahin tv chu ngawireng hian a en a "pi kan kal dawn ania aw,kan rei lo ang" ka tih chuan ka pi chu arawn hawi a "awle,va fimkhur nasa ang cheu zan ani bawk si a chak deuhin tlan lo ula" ka pi chuan alo ti dam dap a "awle" tihpahin pawn lam ka pan ta nghal a,christiana chu a bike ah alo thu vung tawh mai uropuia lam chu ka melh leh zeuh a chatthla tih hriat zetin a hnar nasa tawh mai,tlangvala pumpa ava han zahthlak tak a nu leh pa kohhran lamah rawngbawl tu an nive bawk nen an zak ve thei ngawt ang,christiana kha a sual thin viau na in hetianga a awm hi ka la hmuh ngailoh bakah buaipui ngai khawpin engthil mah a rui ve ngailo,ruihtheih thil ti thin theuh theuh ah pawh alo in an loh theih ngei mai "khalai a,zurui chatthla kha i thlir reng dawn nge i bialpa hi tah hian ka thu reng dawn?"Christianan arawn tih chuan ka harh chhuak zawk inthiam lo ru zetin ka pan ve ta nghal vat.































Thla pawh a rawn eng tan tawh a,a tlanchak lo bawk nen anuam tak zet boruak lah chu a thiang kak mai a,thlasik intan chho nen zawng zawng a hrisel ngawih ngawih vawiin a nu mapuii nen a kan inbiak chungchang vel leh naktuk lamah rawn zin an tum thu vel chu ka hrilh melh melh "tlaiah khan kan in bia a" christiana chuan alo tive bawk,darlak ah chuan duty an awm ve ngai loh avangin helmet khum hi chu an duh leh duh loh ani mai a,atlangpuiin christiana te thianho hi chuan an khum tha peih meuh lo tunah pawh helmet a khum lova a sam buk zet leh a jel hman rimtui lutuk chu ka hnim leh vang vang zel,kan kal tumna kan thleng a anawm zia chu ka au deuh chel chul mai zanah hi chuan mi kal an awm ngailova mahse zomuani sawi dan chuan urlawk zanah leh chrismass bawr vel ah hian nula leh tlangval an leng nasa thin atia,sunday ah erawh an leng ve nasa thei viau forest tih avang hian ramhnuai ani kher lova,darlak khawchhung a awm tho ani a mahse tlemin afianrial deuh a,chuan summer house piah ah hian a forest enkawl tu te an awm bawk,abul vel hi phul vek ani a an enkawl tha bawk a afai nuam viau zan thla enlai phei hi chuan a romantic zual ngawih ngawih.




























Summer house ah chuan chho nghal mai lo in phul chungah chuan kan thu dun a,christiana kap karah chuan thu in a awm chu ka ngheng ar ar a,thla eng bial zet chu kan thlir dun reng maimit chhingin boruak nuam zet chu ka hip vang vang a "christian maimit chhing la boruak hi hip vang vang rawh anuam ahahdam thlak lutuk ringawt" ka tih chuan "ka duh lo i sam hi a rimtui daih zawk" tih pahin ka sam chu a hnim leh vang vang thin,"vawiin tlaia ka nu thusawi kha engah mah ngai suh aw" ati chhuak sup, a rilru anuam lo ve ani ngei ang ka nuihak "ateuh lo mai,ka theihnghilh leh daih tawh,midang thusawi avang mai maiin hlat tumna che ka nei ngailo" ka lo tive vat "ka rilru hi ala buai engtin nge ka nu leh ka pa te hi hremna ka pek ang tih ah hian" ati chhuak halh a ni e christiana te chhungkua an tih danah khan hremna pek ngei chu keipawn an phu ngawih mgawih ka ti mahse ngaihdamna aia hlu hi a awm lo.
































"Christian ka lo sawive theih chu a awm miah lo mahse maw atheih chuan ngaidam la ka ti,ngaihtuah chhin teh hremna pe ta la,i hlim phah dawn chuang lo kum tamtak itawrhna te kha an dam phah dawn lova engmah angai angin a awm leh thei dawn chuang lova,tunah chuan engkim ihre chhuak a ithisen zawmpui ngeite i zawngchhuak tawh bawk a,ngaidam rawh tunah chuan maw hlim chiah i hmabak tawh i nu leh pa te hi ngaidam la,i hlim anga chuan i thawveng hawk mai ang,ngaihdamna aia ropui a awmlo phuba la tu nih ai chuan ngaidam tu nih hi aropui zawk ania pathian pawh khian kan sualna avang te hian min ngaidam duh miah lo ta se nang leh keihi engtin nge ni ang?"Ka ti chhuak sep sep a "nangte chu khawvela hmeichhe ngilnei ber leh fel ber inia lawm" christiana chuan nui suk suk chung hian ati a ka lu ka lo thing nak nak "nilove ka fel famkim bik kher lo tlin lohna ka ngah lutuk tlat,ka hriat miah loh pawh hian mitamtak pawi ka sawi tawh ngei ang,tumah hi kan fel famkim hleinem" ka ti chhuak leh sep.



























"Iti dik phuba la ta ila ka hlim kher lovang mahse thudik engkim ka hrechhuak tawh ani tih hi chu kan sawi chhuak tur ani" atih takah chuan kei pawn ka hnial ta bik lo ka bialpa rilru that dan em em hi hlim a phu ngawih ngawih,ngawirengin thla chu kan en dun ta reng "kan inhriat tan tirh lai vel kha angaihawm ka duh lo chung helai hmunah hian min hruai lui anih kha" nui hak hak chuan ka ti a,"nangpawn min zui ve tho kha" nui pah hian alo tive bawk a "aw tlangval khawhar hmel deuh kha ka khawngaih alawm" ka tih leh chuan kan in nuih suk suk mai thla bial eng zet chu kan thutna zawnah chuan arawn lang ta vang mai thla hi chu ka ngaina tak zet "christian tu emaw zawk zawk hi kan boral hunah chuan maw thla a ên chang hian kan inhre chhuak thin anga,ka lo boral hmasa anih chuan thla ên apiangin min lo hrechhuak thin anga,tun ang hian ibula awmreng angah min ngai thin dawn alawm" ka tih chuan christian chu alo rum nghut "keiaia ithih hmasak ka duh lo,nang aia thih hmasak ka duh zawk" thutak zet hian ati a "engvang kher chuan maw ?" Ka lo tivat "achhan chu ithih hmasak daihte chuan engtinnge ka awm ang itel lo in ka awm thei silova chuvangin kan thi dawn ro ro anih chuan nang aia thih hmasak ka duh zawk" ati nih chu chhan let ngaihna pawh ka hre tawh lo,thla eng thlir chuan kan thu dun rei viau lengrei lo tura insawi kha dar 12 velah kan haw ta chauh a.












Ti thleng hi ni teh se angaihna a awmlo ka phone hi tunlai chu ahrang deuh a,atang chut chut a a type hleihtheih loh reng reng min hrethiam teh u,kal thuai+ duh nen duh angin akal chak hleihtheih thlawt lo chu nih hi🥲next chapter atang chuan a tawp kan hnaih tawh tak tak ang


Show post links
Top

[Ngaia]

By_Mampuii paitu







Ka ta chauh ni rawh






Chapter-19






Lalvulmwii






Zing ka harh chuan ka sana bun lai ka en vat,dar 5 leh tih chiah hi alo la ni a,rin aiin alo la hma phian nizan kan mengrei nen christiana nen lah khan kan haw har sia tunlai chu zingah hian ka harh hma thei hrim hrim ka ni lam ka hawi chu ka mengphawk chiang lutuk,ka ni chuan la mu reng chung chuan ngawireng hian phone enin alo nui kur kur anih chu ka mumang emaw la tiin ka mit ka nuai leh nawk nawk vel,ka ni chu ka lam rawn hawi zeuh hian "eng nge?"Tihpahin a phone chu a melh leh nghal a,"ni i tho tawh tihna mi?"Hrilhhai zet chuan ka ti a,ka ni lah chu phone en chung hian a nui leh vur vur ka ni chungah hian eng nge thleng ang le "ka harhna a rei tawh lawm i muhil lai pawh kha ka thlir char char tawh che" ka ni in atih leh phei chuan mak ti tawh tak ka ni,ka ni tho hma ve hi mak tihna tham a tling ve chiang em ani,pathian pawh lo kal thut se,engmah a hre ve hman lovang tih tur khawp a tho theilo hian tunah hian min thawh khalh ve ngei ania "ka muhil lai min lo enreng maw?"Ka ti leh hluai ka ni chuan min melh leh zawk "aw eng nge,mak iva ti awm ve?"Atih chuan "ti hran love,ni nanghi min ngaizawng ami a?"Ka tih chuan ka ni nui lai chu a tawp nghal hmak "lalvulmawi ila harh chiang lo nge?I tho â zawk?"Ka ni in atih chuan keipawh ka nui ta var var,kan tho hma dun bawk nen room atanga la chhuak ta mai lo chuan kan ti ti ta reng.




























Ka ni nen chuan kan room tukverh bulah chuan ding dunin zing ni rawn chhuak tanin a,kan piah tlang hring mawi zet mai a rawn chhun deuh siar siar chu kan thlir dun reng,zingah hian tho hma thin viau mah il zing ni chhuak tak hi chu keipawn ka hmu khat viau,thingtlangah phei chuan ni hi alang hma bik a,a chhan chu aizawl angin building in lianpui pui leh sang deuh deuh zing ni lo chhuak tur hliah tu a awmve lova,kan in awmna phei hi chu ni chhuahna lam ala ni zui zing ni rawn chhuak tur chu ka enreng ka nunah thil tamtak sawi ang mai ani a,ka hriatthiam siloh hian ka lung a leng ringawt leh nghal saw ni rawn chhuak mek sawn nithar duhawm tak min pe ani tih chu ka ngaihtuah zawm nghal bawk"nizan lam chu nuam bawk aniang maw?"Ka ni chuan min rawn nek deuh salh chung hian ati a,hmui seh zeuh pahin "imm" ka lo ti deuh tawp ka in ngaihtuah muk lutuk a,ka tawngchhuak maitheilo "eehh engtin nge in awm a?In tawngtha duh lo velah,engtin nge in awm maw...maw min han hrilh teh?"Ka ni lah chuan min fiam nghal char char min tih laih phet atum anih chu "anuam ve tawp thla eng kan thlir dun a,chuan in pawh deuhin kan ti ti bawk a,chung zawng chu ani mai anuam" ka lo ti tha ve mai bawk ka ni lah chuan min rinhlelh hmel zet hian min melh zuk zuk "iti tak tak amaw?Thla eng hian in kiss achhawm tel ania" atih deuh hnap chuan ngei lutukin "ka ni" ka lo vak a,ka ni lah chu a nuih aza ang reng viau ngaihtuahna nei mak thei lutuk mai.




























"Anih nangni nizan chu eng hnatlang ber nge in tih tak?" Ka lo tive a,ni pawh tlangkarah a rawn lang ve tan ta "sangha zawrh hnatlang kan nei a,kan kohhran chu thalai kan tam ve ang reng bawk a,group nga ah in siamin kan hralh zo har lo,bakah mite hi an fel a kan kohhran mi nilem lo te pawn kohhran lamin a,sum tuak nan a thil kan zawrh hrim hrim hi chuan min dawr lo hi an awm mang ngailova,a lawmawm tak tak pathian hi chu atha ngawt mai" ka ni in atih chuan a thusawi inhmeh lo ti zetin kei erawh ka lo ner sawk ,ka ni hi pathian tihin inkhawmte hi taima viau mahse,midangte bulah leh chhungte bul ngeiah pawh pathian that thu hi a sawi khat ve thlawt,a duh loh vang pawh ani chuanglo a sawi ngailove tawp "takin nizan khan ,ropuia kha a rui tawp kan group ho kha ropuia te veng lamah kan kal a,an inah kan va lut chu maw,apa nen an lo inhau a chhuatah alo ding bu lawp lawp mai mawle" ka ni chuan ati a nizan a rui chatthla chu an lo hruai ngei anih dawn chu "ahmai lah kha a duk deuh chur bawk a,an insual nge maw ni" ka ni in atih leh chuan nakinah ala hre dawn tho bawk a,tiin nizan lampang chanchin uropuia rawn khawsak dan vel ka ni bulah chuan ka sawi ta vek.


























Ka ni chu a thinrim nasa tawh mai,"hmela mai mai chule,chutiang chuan a khawsa tih lo hre hma ila chuan nizan a,a ding thle lup lup te kha ka tlawh thal tawp tur ania" ka ni chuan ati hlak hlak,ka lo entawp nichin ah pathian that thu a sawi zo chiah a,tunah ve lem huiham hi ani tawp ka ni chu sawi pawh ka sawi zawmpui peih lo vawiin a nu mapuii te lo zin an tumthu chu ka hrilh ta daih ka ni lah chuan inti thei zet hian "ka hre daih tawh,nu mapuii khan min rawn hrilh daih tawh" inti thei zet hian alo ti vel a,ka nui tawp chuan ka sawi hmaih miah loh tur ka ni hian christiana te leh nu mapuii te chanchin hi an hrevek tawh bawk "ni buaina a awm angem le?Nu mapuii te an rawn kal dawn sia nu masiami khi" ka tih chuan ka ni chuan ngei hmel zet hian "aho emai,nu masiami rem lo ruat phak ani hleinem,tih tak emah chuan christiana hi an fa tak pawh ani lova duh leh chhuak daih pawh nise sawi theih an nei lo,mahse christiana hian a hmangaih em avangin a chhuahsan duh lova,bakah nu mapuii te chhungkaw tan pawn a awm lutuk tho an lo kal tur hi kum tamtak an fapa thi tawh emaw an tih,tunah beisei lo zetin an hmu leh a an tan chuan hei baka hlimna hi a awm tawp nang" ka ni chuan zawi te te hian a ti a,keipawn dik chu ka ti viau mai.




























Ahnu chuan room atang chuan kan chhuak dun ta a,ahma atang tawh a ,kan tih fo ang in ka ni in ar ho a zuk chhuah a mahse ala hma deuh vangin vawk erawh chaw ala pe lo thung thingpui kan in zawhin keiin pawn lam ka ti fai a,ka pi in in sir vel a,apangpar phun ho pawh an tha hlawm tawh kher mai,ka ni in eirawng abawl mek bawk a ka pi te erawh an la tho lo ve teh khiah mai,nu mapuii te chhung an lo zin dawn vang nge ka ni nen chuan kan mood tha dun tak ani ka ni pawh eirawng bawl pahin a zai pah a keipawn ka hriattham lekin ka lo zawm ve bawk inchhung ka luh leh chuan ka pi room atang a rawn chhuak ve chiah ka ni choka a lo che sur sur ahmuh chuan a en deuh vung vung ka ni lah chuan nuisangin ka pi chu alo en reng a ka pi ngaih a that loh hmel viau purun var dawhkana kheh tur a ka ni in adah chu thutthlak pahin ka kheh nghal zat, "nu thingpui i induh em?"Ka ni in atih chuan ka pi chu ka thutna bulah hian a rawn ding a "aahh....aw...aw duh e" ka pi chuan alo ti sual nawk nawk a,thingpui a siam zawh chuan ka ni chuan "kha nu" tihpahin thingpui chu dawhkanah ka ni chuan a rawn nghat a ka pi lah chuan muangchang hian no chu alo dawm ve bawk.



























"Enteh vulbawih,nizan lamah i ni hian eng nge maw damdawi ei anei mi?"Ka pi chuan ka bengbulah hian a rawn ti ser ser ka ni hriat chu a hlau ve khawp mai,ka lo nui hak "engmah eilo e pi,ka ni hi chuan mi thawn thut nuam atih em kha" nuihza zet chuan ka lo tive bawk "nia,a dik ang min thawng chiang emai tiang chuan ka ngaih te pawh ati tha lo dawn dawn alawm le" ka pi in a tih leh phei chuan nuih vak vak a chakawm lutuk ringawt ka pi chuan a thingpui no chu la kangin "neihpui,naktuk atang chuan tho hma duh tawh suh....aaahh ihh....thawhhma hi chu tum lo law law tawh zawk mai rawh i thawhhma hian ka ngaih ati thalo lek lek,i hlauhawm riau" ka pi in atih chuan ka ni nen kan nui dun ta vak vak ka pi pawh pawn veranda lamah achhuak phei ta daih "ilo hmu em?Vulchukchuk ipi hmel mawlh kha aw,ka nu tak hi chu ka thawh har leh min aukhum tawn tawn anga,ka thawh hma ve lah hian angaih atha lo leh zel bawk si,ka nu tak hi chu aw"nuihza zet chuan ka ni chuan ala sawi zawm char char.


























Chaw kan ei lai chuan ahma ang tho in kan ti ti leh nak nak tawh,heihi chu kan sual sim theih loh pakhat ani ringawt chaw eilaia tawng hi chu amawilo viau a,mahse midang an awmloh bakah chhungkua a inpawh tlang taka kan inkawm ve theihna hun ang kha ani ve tho a,"eee pa...vawiinah nu mapuii te chhung an rawn zin dawn ania aw" ka ni chuan ati a, "aw nu mapuii itih chu i û thiante chhungkua kha an ni tiraw kha" ka pu chuan alo ti vat a "aw ni e,an rawn zin dawn a" ka ni chuan a ti leh "helamah daih daih eng nge an rawn tih dawn a?"Ka pi chuan alo tive vat "pawimawh ah an rawn zin zuai dawn a,bakah kan khua hi an hmu ve chak a" ka ni chuan phur hmel zet hian ati a "athat chu mawle lo zin rawh se,helamah chhungte an nei awm silova kan inah an in nghah mai angai ang a" ka pu chuan ati dam thluam a "imm...angaih ka ring" ka ni bawkin alo ti leh "keini in ve teh lul ah te" ka pi chuan alo ti zawi sap,"aho e pi...kan in anawm em hi an ni pawn nuam an ti dawn tih ka chiang" ka lo tive vat,an inthlahrung ve deuh aniang kan in hi dap (Mau) in ani si a ,an ni khawpuia awm thang tan chuan tiang inah hian an la awm ngai awm silova,mahse ka zahpui miah lo achhan chu anuam em a,bakah zahpui tur chhan a awm lo dap in mai mai mah nise a hlu ve emai bakah dap in mah nise inchhia ani lova darlakah phei chuan ka pi te inhi chu a lian ve pawl tak ania building in tih vel chu darlakah hian a awm ve teuh mai,mahse building in ai chuan anuam daih zawk.





























"In awm maw?"Rawn ti tu aw kan hriat rualin utawia hmel kan hmu nghal zat "ehe in hmelchhiat lai ka rawn nang ani maw?"Atih zawm zat,hna thawh thawmhnaw nen a rawn ni deuh tup mai "tawia lo thu rawh,eng nge itih dawn a?"Ka pu in alo ti vat utawia pawh chu a thu a "nia...hmanni a ka thing dah ka pu lawk dawn e ka tia,neihi hi ka rawn sawm deuh mawle" utawia chuan ati a "ninawm laltawia lah hi min rawn sawm ve ziah" ka ni chuan ati nang nang a "athat nasat chu thing chu kan ngah a,mahse vawkchaw lak pahin lo kalve mai mai rawh se" ka pi chuan alo ti vat "ka rin dan chiah" ka pi hriattham loh turin ka ni chuan a ti a "ka kal hman lo nu mapui te ngah an ngai dawn" ka ni chuan a ti hmuk a "vawk chaw lak chhung a reilo,an rawn thleng hman chuang lovang" ka pi chuan a ti a ,ka puar tawh avangin ka tho zui a "ninawm vawkchaw kan la ngah em khu" ka ni in atih chuan "kal mai mai rawh,inlak khawl a pawilo thlasik ahnai tawh a thlasik a vawk chaw zawnte kha a peihawm loh daih zawk,thatchhe viau suh" ka pi in atih chuan ka ni a teu hlar mai "ka thatchhiat loh zia hi darlak khawho hian an hrechiang emai" ka ni chuan inti thei zet chuan alo ti a "i thatchhiat loh chuan kal ang che,thatchhiat hi chu natna chi khat ang ania,mi thatchhia reng reng an hlim theilo" ka pi in atih chuan "deuh duah thin ah" tihpahin ka ni pawh atho zui nghal a.





























"I ei kham chuan insiam nghal la,kal hma ila kan haw leh vat dawn nia" utawia chuan alo ti vat,ka ni lah a tum vuau a ,arawn sawm tupa lah hi a inthlahrung lo nasa mai sia,vawiin chu nu mapuii te an rawn zin dawn bawk nen ka ni a phur tawh em a,vawkchaw zawn tih vel kha alo ngaihtuah lo ve dawn em ani "ni ka lo kal ve ang aw" ka tih chuan "angailo,lo awm mai mai rawh inah pawh lo che vak vak suh" ka ni chuan in siam mawlh mawlh pah chuan a ti a,ka ni hi chuan min awl hneh ve thlawt ka hnathawh hi a phal ngailo reng reng,amah hi ataima bawk a mi thatchhia pawh a hmu peih thak lo ,ka ni te chu reilo te thu lehin an kal zui nghal mai a,keiin kan chaw eina hmun vel ka ti fai bawk ka pi leh pu chu an insiam leh tawh "pi khawnge in kal ve dawn?"Ka tih chuan "keini pawh vawiin leilet lam kan va thlithlai ange kan kal khat emai" alo ti vat a "awmve mai mai ula,leiletah te chuan hnathawk an awm reng a,an ngaihtuah thei alawm awmve mai mai teh u" ka lo ti vat,awm mai mai hi an thei thlawt lo "kan reilo ang ,lo awm mai mai la lo che vak vak suh" ka pi chuan ati daih,an phakar thei ania.































Tumah an awm silova,mahni te chuan ka che rek rek a,inchhung bal hi ka hmu theilo bawk a inchhung vel ka ti fai a,ka zai pah rat rat bawk "vulchukchuk" pawn atanga rawn ti tu chu,kimtei ani arawn luh zawm nghal a "ehe chhuat i nawt alaw ka rawn rap dawn a pawi em?"Atih chuan a pawi loh thu ka lo sawi vat a ,"eng nge ni ta kimte" tih pahin ka chhuat nawh na chu,ka dah nghal a "eng nilo ka rawn leng thla mai mai mawle,khawnge an awm a midang ho hi" atih zawm zat,"an ramchhuak hlawm a" ka lo tivat "thingpui in la" ka tih zawm zat,"ai ka chaw eina ala reilo emai ka in chak lo hawh lo thu ve lawk la" atih chuan keipawh ka thu ve nghal a "englo ania,nizan ah khan ka û in ropuia a khawih ami?"Kimtei chuan a ti a,min en chik hle bawk chumi min zawt tur chuan alo kal tihna mawn le "khawih e" ka lo ti ringawt ka sawi peih vak lo uropuia chungchang vel ka ngei tlat tawh "nga ti nge le?Ropuia kha tukin khan ka hmu a,ahmai a duk chur sia ka û in a hnek thu a sawi a,ka û hi chu a kut a ram ve ngawt mai mahni makpa tur pawh ti hian a ti duh ania,min ti zak ngawih ngawih" kimtei chuan ati nang nang,amah zawk hi a zahpui awm zawk chu ani reng sia,uropuian engtin nge a chanchin a sawi pawh a hreawm tawp silo a tan hlur ringawt mai.





























"Zomuani nen an inhmu ami?"Atih leh chuan ka ning ru tawh viau,midang chanchin sawi hi ka peih viau lo zomuani nen hian min la thik dun em em zui pakhat uropuia bialnu hlui ania kei lah uropuian min lo duh ve deuh bawk nen "aw hmu e,nizan ah kawtah kan thu a,rui deuhin alo kal a uropuia kha a chet dan amawilo deuh a,christiana khan alo hmu hman a,ahnek anih kha" dam lem lo zet chuan ka lo tive ta hmak "engtin nge a chet a?"Kimtei lah chuan ala ti tang tang "amah uropuia zawt mai rawh,kimte tiang lam kha sawi ka duh lo ania,midang chanchin ka sawi peih lo" ka tih chuan min ngei ve hmel deuh hian min en a "i sawi peih ka ti hleinem,a hrim hrim in nangpawh ka nu i chhan dan zawng zawng kha ka hre leh vek ania,ka û nen a in chanchin te pawh hi kan hrevek engmah kan sawi loh avangin kan duhpui che tihna anilo" atih chuan zak theilo hi ka ti tawh khawp mai,mi huat hi ka nei khat ania kimtei erawh ka mil thei thlawt lo "min duhpui lo tih te chu ka hria lawm,mahse nangni nilo in christiana zawk hi nia ka bialpa chu min duh lo mah ula awmzia a awm vak lo ang" ka tih khum ve ta sak mak tih hmel zet hian min en reng "ilo va mak ve,ka lo hrechiang lo hle mai che i tawngkam te kha,i zak lo hle mai" te chu min la tih khum ngam zui ka nui tawp "min hrechiang lo maw kimte,kei chuan kan inhriatna hi la reilo viau mahse ka hrechiang viau tawh che a sin" ngeiawm zet chuan ka ti a,hengho hi ka dawh reng chhan tur ka hre bik lo an ni pawn min zahna an nei bik lo,ka mihring rilru chhiatna an chawk tho ka ti mai.































"Engtikah mah in innei thei dawn chuang lo,ka nu pawn a duh lo bawk che,ka û hi kalsan vat zawk rawh" min tih khum leh ta piap piap mai,zak theilo hi ka van ti ngawih ngawih tak kan inchhungah ngei ti hian a rawn tawng ngam ania,a nu chiah chiah "kan in nei dawn tih thu ka sawi reng reng ami?Chutia tihah chuan i û hian uropuia hi a duhpui bik che in iring em ni?I chhungte hian uropuia hi an duhpui ngawih ngawih che in ihria em ni?Zawt ta ila ichhungte hian uropuia nen hian in nei turin an duhpui bik lo ang cheu mahse nangpawn neih luih itum tho ani lawm ni,chu pawh uropuia mizia zawng zawng hre vek chung leh nghalin" ngeiawm zet chuan ka tih khum ve a,mit meng thip zet hian min en tawh kei erawh ka pangngai viau "i va han nasa reuh tak" a sawi tur hre tawh lo lutuk chuan min ti ta ringawt ka duh na ah te chuan keipawh ka tawngthei lutuk alawm, "diktak chuan kimte,ka rin aiin i mawl hmeichhe fing takah ka lo ngai thin che a,mahse ilo nilo reng reng uropuia hi a sual chu ka ti miah lo mahse a awmdan te hi i hai bik chuan ka ringlo ti chung hian pasal a neih ila tum tho ania,i hmangaih lutuk vang nge i ât vang ka ti zawk dawn nei suh chu ka tilo ka sawi theih pawh a awm lo,mahse lo in nei ta pawh ni ula in hlim ka ring chuang miah lo chu vangin pasal a ineih hma in uropuia hi siam that tum phawt zawk rawh,hmeichhe tan chuan pasal kan neih hian kan hmalam hun tur hi a hril thui ania,tihsual tawh hnu a siam that theih tawh loh,chuvangin ngaihtuah chiang rawh" ka ti a,ka huat vanga sawi ka nilo atan tho ani uropuia hi tunah nei ta se ala inchhir dawn chiang em ani.































Kimtei chu a ding hluai "i thurawn min pek chu alawmawm e,mahse ka nun ania ka thu thu"ngeiawm zet hian ati a "anih chuan keini pawh kan nun ania kan thu thu,christiana nen a kan inkarah hian lo inrawlh suh u" amah pawh en lo chuan ka ti a,"inla fel si,alo nih vel tak chu" ti hlukin achhuak zui nghal nal nal,arawn kal chu a inchhir mai thei a duh duh a min tawngkhum thei turah a in ngai deuh ani ngei ang a hman hman tawngkhum tur ka ni bik hleinem huat loh ka tum hram hram a,atawngkam mei nei thei zet te pawh ka hrelo der hram hram zel a,mahse min zuam phah tlatin ka hria room lamah lut pheiin ka phone chu ka zawng nghal a khuma ka phone lo awm chu la in ka hmet eng nghal zat,christiana call alo awm nual ka call back vat ala rang ngang mai "christian" ka tih rual chuan "duati call iva la theilo ve" arawn ti thum nghal dut a "nia in ka lo ti fai daih a ,ka hrelo va" ka ti vat "hei mamitah kan kal dawn a,bawngva ah kan la awm" arawn ti daih "eng nge intih dawn engmah i sawi silova" hrilh hai zet chuan ka ti a "nu mapuii te kha kan lo han hak dawn a" ati thum leh dut "ni dawn tak,atha phian ang min hrilh ve la chuan ka lo zui ve tur che ania" ka ti nang nang a.




























"Kawng a khu si,i hritlang palh ang lo awm mai mai la atha zawk" nui ri suk chung hian a ti a,ka hmui chu ka ti pawrh vak ahmu thei dawn tawp silo "tinge 'awm mai mai rawh' min tih vek hlawm le" ka ti leh nang nang a "duati ihriattham lekin phun suh" arawn ti leh "aw anih tluang deuhin kal ula,fimkhur hle ang che bike chak deuha khalh loh tur" ka tih leh chuan "awle,boss ka duat ni bawk,ka naute ni bawk ka vantirhkoh ni bawk ka hmangaih zia che hi lawmthu min hrilh lawk teh" uang zet a,arawn tih chuan ka nui ta hak "keipawn ka hmangaih che vangin lawmthu ila sawilo" ka tih chuan "keite chu ka lawm sa reng alawm" arawn ti let vat "kan in ang chiah anih chu" ka tih leh chuan kan nui dun hak hak "hei kan tlanchhuak tawh dawn a,ka dah ange kan thlen hunah ka lo call leh ang che" atih hnu chuan phone chu kan dah zui a,christiana hi chu ka ring tawk a mah hi mipa rilru nghet tak leh thutiam hlen mi ania heivang pawh hi ani mahna ka rin em em ni,hmeichhe lamah pawh lo bad boy thin viau mahse ka hlauthawng chuang lo achhan chu a thilsual tih thin a sim atang khan engkim akalsan nghal vek tih ka hria,kan in ngaihzawn hnu hian hmeichhe dang lakah min la rinawm loh san ngailova hmeichhia lah angaihsak tawh hek lo,keipawn ka ring tawk viau bawk.






























Tih tur awm ta lo chu zomuani te inlamah ka lengphei ta ringawt,ani pawh achhungte tumah an lo awmlo afanu nausen nen chuan an lo in awm ve rek rek mai "vulchukchuk lo leng rawh" alo ti vat a,akhumah chuan thu thla ve nghalin anaute chu ka chhaih nghal zat,a hmeltha reuh tak tak ani thlah pawlh anih vangte pawh ani maithei "apa in hreve ta se engtin nge atih ang le?"Ka ti chhuak sep naute chu a tap zui nghal ta mai a hnute chu zomuani chuan a pe nghal vat "a hrelo hi a lawmawm zawk,mi chhungkaw buaina mai mai ani dawn a,ka fanu hi a len hunah pawh nise apa diktak hi hrelo law law se ka ti zawk" zomuani chuan alo ti ve bawk a "mahse zomuan pa neilova a awm tawp tur hi chu akhawngaihthlak ka ti,alian ve zel anga nakinah chuan a zawhna tam ber ala ni dawn ania" ka tih chuan zomuani chu a nui sak "tunge pa anei dawn lo ti" tihpahin anui vur vur anih chu,henu hi eng nge angaihtuah le "i sawi awmzia chu pasal neih itum ami?Maw tunge i neih anga?"Ka lo ti vat min la melh rawm rawm zui eng nge a hriat ni "min va han ngai luck lo em em,lalvulmawi ka luck zia hi ihrelo" an ti deuh hmak a,chutah uvaltea ka hrechhuak zawk ka nui ta hak hak.

























"Ni dawn tak,uvaltea ka lo theihnghilh tep alawm" ka ti deuh hluai "eng nge in neih in tum hnai deuh ami?"Ka tih zawm zat "awi lalvulmawi mifingah chang teh,ngaihzawn pawh la in ngaizawng hawt loh chuan,engvangin nge kan in neih ringawt anga" ati leh ang lawi a,ka lo ner sawk sawk "anih chuan kan mawimawii te hian pa avan nei har awm,hrim hrimin in induh ve ve tho a,in ngaizawng ve tawh mai ula unsingle ho hi in ninawm" ka lo ti vat, "duh chu ka duh alawm,mahse hlauhthawn na ka la nei tlat a hriatchian leh zual ka duh alawm keimah chauh ka in ngaihtuah theilo ka fanu hi ka ngaihtuah tel angai alawm ka fanu min hmangaihpui a,fanu ang tak tak a min hmangaih pui thei tur mipa lo chu ka duh dawn silova" ati ve sup sup mai a sawi dik pawh ka tiin zomuani hian nu nih a tlin dawn hle hian ka hria "i sawi dik khawp mai,mahse ulvatea hi chu a rintlak ka ring mipa fel leh taima tak ania,pathian atih em em bawk kohhranah a in hmang a ruihtheih thil atilo bawk a khawtlang leh yma ah lah an tangkaipui em em bawk a" ka lo tive bawk "i sawi dik khawp mai,mipa rintlak tak chu ania lawm mahse ka tan chuan awlsam deuha mipa rin hi harsa ka ti tawh keiphei chu ngaihzawng lamah ka vanduai thei sia hei tunah pawh ka fimkhur tawk loh vang leh ka ât vangin tihian ka awm phah a,mahse ka fanu erawh ka nei hi ka inchhir lo pathian malsawmna ropui tak anih bakah nunthar min pe tu ania" ative mawlh mawlh mai kan zomuani hi zawng hmeichhe pakhat nih atlin e nu tha tak pawh ala ni ngei ang.



























Anaute ka en leh chu alo muhil kak tawh,ka seh nawk nawk chak han seh sak ila a nu thinrim dan tur mawlh hi ka nuih a za "neihi chu eng nge atih a?"Atih chuan "utawia nen an ramkal vawkchaw te a zawng dawn a kha" ka lo tivat " an ni pahnih hi tihian an in zui an in zui anga an lo in ngaizawng leh daih ange" nui pat pat chung chuan ati a,keipawh ka nui tho "ngaizawng tawh suh se,an ni chu an buaithlak emai bakah pa biaka rilru ana dawn emai" ka tih chuan kan nui dun hak hak "tukin hi christiana ala rawn lang miah lo" atih leh chuan "nia mamit lamah nu mapuii te an lo han nghak dawn a" ka ti tha ve mai bawk a "nidawn tak christiana chhungte tak tak kha an rawn zin dawn itih tak kha mawle,hmuh ve an chakawm tawh hle mai tiang em em a fapa hmeltha nei thei nu leh pa te chu hmuh an chakawm"a tih chuan ka lo melhrum nasa "christiana hi ka bialpa anih hi aw" ka tih chuan a nuih aza ngang mai keipawh ka nuih aza tuna ka thusawi kha ka in hmeh lo em alawm,zomuani hian kan chanchin hi engkim ahreve vek tawh a,kan hrilh ve vek thin khawiah mah a sawichhuak dawnlo tih kan hrechiang bawk a tunah phei chuan ka thuruk ril ber thleng a hretu ani ve tawh bawk a,mirinawm tak ani bawk a keiman engmah ka sawi loh chuan engmah a sawichhuak dawn lo tih hi ka hrechiang bawk.




























Ka ni leh utawia rawn inzui haw chu zomuani room tukverh tang chuan ka hmu a,ka rin aiin an rawn thleng hma "saw,ka ni leh utawia an rawn thleng anih saw ka va phei ange zomuan" thawh pah chuan ka ti a "awle,keipawh christiana te rawn thlen hunah ka rawn phei dawn nia" atih hnu chuan room atang chuan ka chhuak nghal a ,ka ni chuan a vawkchaw phurh chu veranda ah dahin utawia pawn a thing put lian zet chu,kan kawtah chuan adah a,veranda ah hian an lo thu fel than tawh kal phei hlawk hlawk pah chuan "ka rin aiin in reilo daih mai,ni i van la hnem ve vawkchaw chu a rit viau ang a" ka ti nghal vat,aphur hnem ve em ani ,a em ah ahnawh teuh a,chuti chung chuan satha ip khat vekin ala chherchhuan bawk ania "a rit em em lo,dawl vek ania dawl chu a zang alawm" athlan hruk pah chuan alo ti a "thingpui kan lum ange,utawi nangpawh in ve nghal rawh aizawl atanga kan rawn hawn thlak cake pawh kan la ngah lutuk" tihpahin inchhung lamah ka lut zui a choka ah pheiin gas ka on a,thingpui bel ka chhuang nghal zat ka ni chu choka ah rawn lut ve in tui a rawn in a "in hah viau ang khawilamah nge in kal a" ka ni bulah chuan ka ti a "kan kal hla vak lo lingrawt kawngah kan kal a,tawia khan athingput tur dahsa aneih vangin vawkchaw tur min lakpui hnuah kan rawn haw nghal ang chu ani mai" ka ni chuan ati a.































"Utawia hi chu a fel ve ngawt mai,ka makpa kha ani hman tep a sin mawle " Tihpahin ka nui nghal zat,ka ni chuan ka fiamthu tih hria in "chu chu lawm,vulchukchuk ka kherh tha leh mai dawn mi?"Nui hak hak hian ati ve bawk thingpui so chu suanin ka siam zawm a "ti leh daih ila,doctor-a nen khan inla inbe zel maw?"Ka ni melh zeuh hian ka ti a,ahmel ner nak chu ka hmu hman "be zeuh zeuh,a buai ve em a kan inbe em em lo ka rilru ah pawh a awm leh tawh em em lo" atih chuan ka lo chek tlawk tlawk ka ni tak hi chu aw,a ler telh telh hian ka hria tu chiah hi nge maw a duh dawn ni diktak chuan ka ni hi chu senior ve deuh tawh mahse amah hi ahmelchhe hran lova,hna thawk nasa in thingtlang mi pawh ni mahse a vun analhin a mah hi ango veng mai a,naupang tleirawl te te hmeltha ti tu pawh hi angah mai,amah pawh hi zep lo chuan a luck a hmel a chhelo bawk nen hmanlai angah khan piang se chuan 'Khawkhat nula hmeltha' an tih tur ang chi kha ania mahse tunlai angah chuan khawvel achangkang tawh a khatiang tawngkam kha an hmang tawh ngailova ka ni hi chu ahmel hi chu achhelo alawm.






























Cake chu plate ah dah lehin "ni kha heihi keng la hawh,chhuak ang utawia kha a ril atam tawh viau ang" ka ti a,ka ni in plate chu la in achhuak phei nghal a keiin thingpui chu ka keng chhuak ve bawk verandaah chuan kan thu ho a "aw zomuani kha kan koh lova,amah chiahin a awm tho sia ahranpa a insiam ngailo in hetah lo in ve law law se tha mai tur ania aw" ka ti hluai a,chutah utawia pek chuan "monu hual....hualte...zomuan" ati lawng lawng mai ava han buaithlak thin tak "zomuan thingpui lo in rawh" keimah zawk chuan ka au leh a,reilo te ah zomuani chu pawr zet hian arawn chhuak "laltawi khatiangin min koh tawh reng reng suh,mawla" tih pawr hlarhin kan inlamah chuan a rawn phei a "aw...sa free ei te pawh kan chak ve tawh a,tute mah hi in neih in tum hlawm silo anih hi" utawia chuan ala fiam zawm char char,zomuani arawn thleng chawpchilh "nangpawn neih itum bik loh kha,a upa ber pawh tiang hi ila nia,monu neih kan chak lo bik lo"zomuani pawh arawn fiamthu zawm a, "engpawh nise,thingpui in ve law law rawh flash ah ka siam bang ka dah va inthlit mai rawh hei cake ala tam Mai" ka tih chuan zomuani pawh inchhung lamah a lut zui a.



























"Vawiin tlai chu,nu mapuii te an rawn zin bawk a kan ar pa pakhat talh ila atha ang,ka nu pawn min hnial ka ring lo aizawl atang in an lo zin sia zo ar ei te pawh an chak ang" ka ni in atih chuan tha ka lo tihpui viau.Thingpui in ho pah chuan kan ti ti mawlh mawlh hlawm a ka ni in utawia hriatthiam ve siloh thil thleng eng eng emaw athen a zar chu a hrilh ve bawk,tin nakinah an la hriat tho dawn bakah an bo lutuk loh nan nu mapuii te leh christiana te chanchin tlem a zawng chu a hrilh bawk a ,zomuani nen hi chuan kan inhrilh ve deuh reng avang hian zomuani hi chuan a hrethiam vek tawh a ,hetia kan sawi chhan hi kan tawngtheih vang ani chuang lova mi zawng zawng bulah kan sawi chuang miah lo ania kan thiante leh christiana thiante in ngaihsak zual ve ho hi kan hrilh ani mai a,chu pawh a zawng zawngin kan sawi bik lova athen a zar leh a tlangpui ani mai a,kan rin ngam chinchiah kan hrilh a midang erawh kan hrilh chuang lo "chu ,utawi nangni pawh tlaiah uvaltea nen chaw ei turin lo phei ula,ar pawh chu min rawn puahpui ang chu sa free ei i chak em kha" ka tih chuan "aa mikhual in nei dawn sia,anuam lo emai nidangah kan eikhawm zawk dawn nia"utawia chuan alo ti vat "mikhual an ni hleinem,christiana nu leh pa te lawm an nih,alawmna ni pah fawmin lo ei ngei ngei rawh u" ka ni chuan alo tive vat a,atawpah chuan utawia pawn a pawm ve ta nge nge a.


























Ka pi te pawh an rawn haw tawh a,christiana nen pawh kan inbia a,an rawn thleng thla tep tawh anih hmel utawia leh uvaltean ar chu an puah a ka ni in zomuani fanu puak pahin atul tul alo tive bawk,zomuani nen keini choka ah eirawng kan bawl bawk a,christiana thiante tlem a zawng an awm bawk,kan ri nak nak a anuam ang reng phian mai zomuani nen eirawng bawl pahin kan ti ti a fiamthu sawiin kan nui leh thin,ka ni pawh naute awih hla sak pahin a insawi ve nasa mai,ka pum na riai riai avang chuan ka hlauthawng tan "nilo tunah chuan nilo" ka rilru chuan ka ti mawlh mawlh,ka pum hi ana zing viau a,ana chak em em leh nghal ana a chhuah tawh tak tak phei chuan ka â vek a chet pawh ka che thei ngailo chuvangin damdawi ka ei khalh vat thin ka awmdan chu zomuani chuan alo hmu nge "vulchukchuk itha em?Engtin nge i awm?"Hlauhthawn hmel zeta tiin ka bulah a rawn ding a,kan piaha awm ka ni pawh arawn hawi phei rang viau "ka pum hi ana deuh..."ka ti bah nak a ka dawm leh vang vang zomuani lah a chiai ti tih der mai ka ni chu arawn kal phei vat "hawh roomah damdawi lo eivat rawh,zomuan chiai lo la lo tih zawm lawk rawh aw"midang hriat hlau zetin ka ni chuan ati a,room lam kan pan dun nghal ka ni hi chuan min buaipui ngun tawh a,a chiai tawh em em ngailo.






























Ka damdawi natchhawkna chak ber chi chu min laksakin min ei tir nghal a,ka pum chu arawn khawih "thu hahdam rawh nge i mu lawk duh em?"Atih chuan lu ka thing vat "christiana te an lo thleng tep ang,ka tha leh mai ang" tiin khumah chuan ka thu a "vulchukchuk tunah tak hi chuan midang ngaihtuah lo in nangmah chauh in ngaihtuah rawh" ka ni chuan ati a,alawm vak lo tih ka hrethei bawk "ka hria lawm ni,ana em em lo damdawi ka ei kha a zia mai ang" ka ti zawi sap a,"keichu engtia tih chi nge inih pawh hi ka hre tawh lo" ti hlakin tukverh lamah chuan a phei daih,a va in sut leh hraih tawh a din na lam ka hawi chuan anaupuak lai lah chu rem leh remlo zet hian alo muhil ve nasa a paw tunu saw a zeilo ve em ani.Inbe chuang lo chuan ka ni nen roomah chuan kan awm deuh reng ahnuah zomuani chu roomah a rawn lut a,kan lo ngawi reng bawk nen mak atih hmel viau "vulchukchuk i zia tawh em?"Arawn ti nghal vat ka bulah chuan a rawn thu zui nghal a "aw ka zia tawh e" nui sang chuan ka lo ti a zomuani chuan min lainat hmel takzet "vulchukchuk nanghi chu i awhawm ngawt mai tiang din hmunah pawh hian hlim hmel ila pu reng thei ania,keichu ni ila a der pawn ka thei lovang" zomuani chuan ati a,ka chhang let lem lo keipawh hian harsa ka ti lutuk ringawt har tak ani mahse beidawngin indawm kun mai mai in awmzia anei dawn chuang lova,engkim anih tur ang ani vek tawh a,chuvangin lungngai deuha awm ai chuan hlim hi anuam daih zawk.



























"Vulchukchuk i zia tawh chuan chhuak ila an rawn thleng dawn tawh ang" ka ni chuan a rawn ti a,a hmel ka en chu a mit alo sen leh ram tawh "ni e,chhuak ang u eirawng bawl chu ka zo tawh a,tawia leh valtean zo ar kha chu keimah nin kan siam ang an ti tlat sia ka kian ta mai,an ni chrismass ni apianga fatu thang an ni bawk a,an siam thiam alawm" zomuani chuan ati a, tiang em em a thian fel leh tha min ngaihtuah em em tute pathian in min pe hi ka vannei takzet,kawtah chuan kan awm thap ka pi te pawh an thian thenkhat te nen veranda a thut pahin an ti ti hlawm a ,inchhung lam ah uvaltea te ho in chawhmeh an siam bawk tlai lam boruak ani tawh bawk a,a nuam ang reng viau reilo te ah bike ri kan hre ta,christiana te thianho an rawn tlan phei sap sap an hnung berah car var nalh leh changkang zet hi arawn tlan ve bawk a,kan lo nghak thap kan in bulah chuan an rawn ding ta vang mai,kan lo nui var var hlawm a chutah beisei loh lutukin bawibpuii ka hmu pa biaka hnungah alo chuang reng chu ni in "surprise" tih pahin mikhual e tilo chuan bike atang chuan a rawn zuang thla thak,ka ni chu a khek nghal chel chul mai.






























Car atang nu mapuii te an rawn chhuaka ,kan inchibai sap sap "ee in rawn thleng tluang a,alawmawm hle mai lut ang u hmiang" ka pu chuan chibai pahin alo ti a,puitlingho chu an inchibai leh sap sap "lalbawihpui min va thawng chiang em em ve a" ka ni chuan hlim zet hian a ti a "nia min surprise chiang khawp mai" ka lo tive bawk "ilo kal ve chu lawm viau mah ila,biaka bike kher a i rawn chuang saw chu ka lawm lo" ka ni chuan midang hriat hlau zet hian a ti a,mahse ka hre phavek ka ni hian pa Biaka hi a star chiang lutuk,aizawlah khan an in hmuh tawh avangin pa biaka te leh bawihpuii te pawh an in hre tawh a ,chuvang a rawn in phur thla pawh an ni ngei ang " ti rawh u kan lut dawn em niang bawihpuii pawh irawn zin ve nghal thei a,alawmawm hle mai" ka pi chuan alo ti a ka ni nen an la inkuah deuh chung mai "lalneihpui khatin mi hi pak huam huam suh ka tih ziah che kha,kha nau i paw leh nghal i nau puak kha ngaihsak deuh ta che" ka pi chuan a ti leh hlak hlak tawh, "raja-i lah hi hneawm ve chhen min hauh na tur hi alo hre bik ziah" ka ni chuan ati nang nang puitlingho chu inchhung lamah an lut hlawm a keini pawnah kan la ding khawmuang rih a christiana te ho lah chu an rawn thlen tirh khan kan in piahah pheiin mei an va zu nghal sup sup an chiri hman loh chauh alawm le.
























"Takah,heihi mi zomuani in sawi ziah thin chu?"Bawihpuii chuan zomuani chu a en a,"aw anih hi" ka lo ti vat "chibai bawihpuii ka nia" tih pahin a kut a phar chhuak a,zomuani pawh ahlim hmel viau "Chibai le,min lo sawi thin amaw vulchukchuki te chuan heihi ka fanu anih hi" tih zawm nghalin ka ni naute puak lai chu a melh pah zeuh "anih tak chu fa ivan nei hmeltha em em" bawihpuii chuan zomuani naute muhil lai chu a en ngawih ngawih,ahmeltha ve reuh em ani "inkhua hi anuam e,awm hlen mai a chakawm" bawihpuiin atih chuan "rawn thleng ve chauha i over emai" ka ni chuan alo ti a "aw,anuam dawn tih ahriat vek alawm tlangval pawh an chhe lo phian ang" bawihpuiin atih leh chuan "hey...hetah chuan ler kan phal miah lo ania aw" ka lo ti fiamthu nghal a kan nui hak hak, "ati mai mai anih kha,bawihpui ani pawh arawn awmthla chiah chu a ler em hi,hei kan khawtlangval hmeltha leh luck ber a rawn kherh thlu nghal chat thei ania,chutah abialpa lah hi vulchukchuki zunah hian ala uai hneh em em zui" zomuani chuan alo ti a,min fiam zawm char char "engtin nge i rawn kal ve theih,i nu leh pa in an phal ami?"Ka ni chuan ati a bawihpuii chuan nui uar uar chung hian "atir chuan phal love ka pa chuan a remti ve mai a,mahse ka nu zawk hi a inthlahrung thin sia,aphal lova mahse tlanbo ah te ka vo a,aphal ta nih kha" uar zet hian ati a,nu zuali tak hi chu inthlahrun na tur a awm loh tehreng nen.





























Utawia leh uvaltea te chu inchhung atang an rawn chhuak,bawihpuiin alo enchik nasa lutuk "utawia leh uvaltea an nih saw,mahse uvaltea zawk saw chu melh tai lola midang ta ani tawh ania" ka lo tivat "nia,atawi deuh zawk saw valtea anih saw"ka ni in alo tih ve chuan zomuani chuan "hmmm...in va han tawngthei dun mai mai tak" min ngei hmel zet hian ati a,engah mah kan ngai duh thak lo "an va hmeltha dun ve" bawihpuii chuan alo tive a ,kan bulah utawia leh uvaltea an rawn ding "hei ka nau bawihpuii anih hi" ka lo ti vat,an inchibai a "eee valte,mikhual nula hmeltha kan nei leh tlat mai a,darlak khua hi kan vannei thei riau" utawia chuan ati fiamthu a ,bawihpuii alai em em ringawt inchhung atanga ka pi in lut tawh tur a min tih takah chuan ka ni in christiana te a koh a,inchhungah an luh zawm nghal christiana te chu ka lo nghak thung a an rawn thlen phei chuan midangho chu inchhung lamah an lut tlang nghal a ,christiana nen chuan pawnah kan la ding "ka duatpui vawiin min lo ngai em?"Tih pahin ka hmuiah a rawn kiss zeuh a,"naa...i meizuk rim kha a chhe si" ka lo ti hlak,"ngai hman che pawn ka khawsa lo hrim hrim" ka tih zawm nghal a "keiin ka ngaih tehreng che nen vawiinah pawh i thlalak ka en ngun tawh lutuk" ati deuh bai bai reuh hian aw, "min ngailo aniang ilo thlen tirh pawn sawtah mei iva zuk nghal hluah hluah kha" tum bar chuan ka ti a christiana anuih a za ngang mai.





























"Aw min be hman dawn chuang hleinem,kha in rik nghal char char kha,bakah nangte chu ka ta bik bik inia chuvangin keite chuan ka duh duh hunah pawh ti hian ka chuk thei che a" tihpahin ka biangah a rawn chuk leh zeuh "chuan tihian ka duh duh hunah ka kuah thei bawk che a" tihpahin alamah min pawt hnaiin ka kawngah min rawn kuah ta mai,a awmah ka beng ri thlawp "i mak min thlah teh mawl reuh lutuk" tihpahin midang min hmuh hlau zet chuan ka tal chhuak vat ala nui suk suk zui "anih eng nge a an,nu mapuii te i hmu chu?"Phur zet hian ka ti hluai a ,ahmel ah chuan danglam em em a awm hran lo mipa ania, mipa hi chu an inthunun theive bawk em ani "ka sawithiam lo,awm thiam chu ahar ve deuh a chuan tlemin ka lai ve deuh,mahse ka kuah khan ka thla amuang sawng sawng" christiana chuan amah anglo zet chuan ati a,amitmeng atang pawn a hlim zia ahriat vek ni e thisen zawm nge nge chu adan pawh adang deuh alawm "mamit ah nu mapuii khan min tahkhum hrep a" ati leh chuan ka lo nuihak,atirin 'nu mapui' tiin alo koh ve tho bawk nen atan chuan 'nu' 'pa' ti a koh thut chu aharsa maithei mahse ala koh vat turah ngai ang.





























Ka nui hak hak chu min enchik viau "christian i nu leh pa diktak an nia,tunah chuan koh nghal an harsa mai thei a,mahse itum ve angai ania aw nu mapuii te hi mihrang nilo in i nu leh pa diktak nangmah hringtu ngeite an nia,nel tak leh pawh taka biak te tum hram hram la aw" ka tih chuan ka biang chu a kutin a rawn chul a "ni e ka tum ve mek chu ania,harsa chu ka tive reng mahse ka tive thei mai ang" atih chuan ka lo nui var var "tha lutuk tunah harsa deuh mahse,iti thei em em ang" ka lo ti ve bawk a,chutah "hmelthanu ngatinge i hmel hi athat bik em em a?"Tihpahin ka biangah chuan arawn piai leh nawk nawk ka te ve ang reng sia ani lah apalianin asang sia ka dak chho vah bawk nen ka ring akham vek thei "ana vak vak a che,naute ka nih loh hi bianga piai sak rual ka nilo" ka ti hlak a "mahse ka tan chuan,ka naute,ka duat,ka hmangaih ka engkim inia khawvelah hian ka tan ihlu ber a,ka lei vantirhkoh ini bawk a" hlim hmel zet chuan ati a,christiana hlim hmel chuan keipawh min ti hlim veng veng.





























"Anih i nu leh pa te hian Chanchin an hre tawh em?"Thutak zawk chuan ka ti a ,ka sawi chu ahrechiang viau bawk ang "an hre thawi tawh ang,avai chuan an hrelo ang naktukah engkim a chiang tawh ang ka lakah chuan ngaihdam dil ka phut lo,achhan chu keipawh fapa fel tak ka ni ngailova tin keipawn an lakah hian ba tam tak ka nei ve tho a,min enkawl seilian tu an ni bawk mahse,nu mapuii te bulah erawh ngaihdam an dil ngei hi ka phut a tin an tih ngei ngei tur ani bawk,chutih hunah chauh chuan keipawn an lakah pangngai takin that ka chhuah ang" christiana chuan nghet charh hian a ti a,mipa rilru nghet tak ani bawk a,a sawi tawh chu ati ngei ngei dawn tih ka hre bawk "nangni couple ve mai mai kha,in rawn lut dawn nge ka rawn chhuak dawn" kawngkapui atang ka ni chu arawn au lang lang kan hawi dun vat "rawn lut rawh u,chaw nghei in duh ami?Athu hrimah kan inkawt hi romantic scence neih nan hian hman in hrat lutuk nangni pahnih hian" ka ni chuan arawn ti bawrh bawrh,christiana'n ka kutah kaiin kan inlam min panpui "Bawihpui,ngatinge doctor-a kha inlo hruai tel ve loh" ring zeta christiana'n atih chuan ka ni a zak lutuk "Christian Rozamlian" arawn ti pawr hlarh chutah inchhung lam chu hawi letin "Dawt vek anih kha" an ti thla rawk a,inchhung lam ami ho an nui dar dar ri in azawm a,eng ber kha nge dawt atih chu ni ang maw,ka ni leh christiana te mitah chuan in dona a chhuak leh tan tawh.




















Huiham ka ningtih tawp dan tur ka thiam tawh silova tihian chrismass thlengin ziak char char mai ila,changtunu thih in duh lo bawk nen ziak char char ila a dam reng anga ,atha nimai lawm🥲eng pawh nise in vaia chungah ka lawm nawn leh e


Show post links
Top

[Ngaia]

By_Mampuii pautu






Ka ta chauh ni rawh






Chapter-20






Vulchukchuki








Mikhual kan neih vang nge ka ni pawh zingah a tho hma ang reng viau,tukin chu kan tho hma tlang vek ani ber nimin tlailama kan ei bang chawhmeh ala awm nual avangin eirawng bawl em em angai lem lova a zia phian bawihpuiin tualhmun a phiat fai a,a inla fel vel tak tak ani abulah ka ni in pangpar bul vel a ti fai keini erawh inchhung lamah kan awm a,bibi lah chuan nuam ati nasa khawp mai kan in hi nuam ati lutuk tlat nu mapuii pawn "aizawl aiin nuam ati daih zawk anih hi bawibtei hian" ati deuh reng mai,"nizan lamte in mu thei maw?Kan in hi chu aizawl lam ang kha ani silova " ka pu chuan dam thluam hian ati a ,"eee kan mutui lutuk ringawt,hei bak bak a awm chuang hleinem in lah in nei nuam nasa mai si" pa ruata chuan a lo ti a "niang chu,thingtlang lama rawn awmve daih hi ka chak ta rum rum mai" nu mapuii pawh chuan alo ti a "in va ti lawmawm ve aw,hei tunkum chu lo kan nei lova,lo te nei ila chuan kan feh ho anga thlai tharte pawh in hawn teuh thei tur ania" ka pi chuan alo tive bawk a "aw pi...kan huanah thlai kan ngah alawm" ka lotive vat "ni e,nakinah mapuii nen hian ka huan lamah va kal dun ila a tha ang" ka pi in atih leh chuan ka ner ru sak,ka pi tak hi chu aw.


























Eng eng emaw sawiin an ti ti reng a,keipawh an bulah ngawirengin ka lo thu ve bawk,darlak an rawn kal chhan kimchangin ka pi leh pu chu an hrilh a engmah zep nei miah lo in an sawi tlang nghal vek bawk,thudik an han hriat takah chuan ka pi leh pu pawn pawi an ti vawng vawng viau,"khatiang kha kan ni ta si a,hei vawiin lamah hian han len chhoh ve hrim hrim kan duh a,nangni nupa pawn min rawn telpui ve loh chuan" pa ruata chuan a ti a "ni e,ava han zia lo em ve aw,Dailova ngat phei chu darlak khua hian kan tangkai pui asin,mahse ti sual theilo kan awm lova mihring chu in siam that an duh anih tak tak chuan an nunhlui te hi hriatsak reng loh tur ania" ka pu chuan dam dap hian ati a "ni e,i sawi dik alawm pu chhuan keini nupa chuan kan ngaidam vek tawh a,kan haw tawh hran lo mahse kan fapa vang zawk hi ani ,ka khawngaih lutuk hi ka hriat atang zantin ka tap thin kha leh chen naupangte anih laite khan mihrang bulah in thlahrung reng rengin alo awm,dawn a ni si a keini lah chuan engmah kan lo hrelova nu leh pa laktlak loh tak kan ni" nu mapuii chuan lungchhe zet hian ati a.




























"Akhaih....khaih nangni bak bak a nu leh pa tha an awm hleinem,nasa takin in zawng a pathian remruat zawk ah ngai ila,hei tunah chuan dam takin in inhmu leh thei a,pathian that vang liau liau anih hi" ka pi chuan nu mapuii hnungah a beng thak thak,chutih lai chuan inchhungah christiana arawn lang hlawlh bibi lah chuan "a û Chris" tih pahin apan phei nghal vat,christiana'n alo pawm nghal vat a "lo kal rawh chrisa hei kan lo ti ti mek anih hi" ka pu chuan alo ti vat a,kan thutna lam chu christiana chuan a rawn pan nghal "kha,i farnu chuan angaina hle mai che a" ka pi chuan nui hak hak hian alo ti a "i sawi dik pi....bibi hian keimahni ai pawn christiana angaina zawk" nui sen sen chung chuan ka lo tive a ,"hei duati hi kal chhuahpui lawk ka duh deuh mawle" christiana chu ka melhchho vat,khawiah chuan nge maw zing zingah min kalpui a tum ni "eee chu lam biahthu zawk chu maw?"Ka pu in atih chuan kan nui dar dar mai,"anih va reilo ula hei chaw ei a hun tep tawh a,tlanglamah len chhoh te kan tum chuan" ka pi pawh chuan alo tive a keipawh ka tho chhuak nghal,bibi chuan kan kal tur chu min ngen tlat a,kan chhuah dawn thleng chuan nu mapuii nen an la inthlem nasa mai


























Pawn kan chhuak chu,hlua chu kan inkawtah alo awm ve reng,bawihpuii nen chuan an lo ti ti dun ve nasa mai "khawnge in kal dawn?"Ka ni chuan arawn ti a,athawk nasa bawk aniang athuamhnaw ah lei akai nuai mai "sawtah kan kal lawk dawn" ka lo tive mai,"huiss ka û leh nau ka then leh rualte hian eng nge in hriat ngatinge christiana te thianho hi in nel em em le" ka ni chuan ati a,bawihpuii leh hlua thut na lam chu a hawi phei ngei bawk,amah pawh a bang bik tawp silo "aw kan chhelo hlawm em alawm" christiana chuan alo ti vat ka ni chu aner kual vel nasa mai,engmah sawi tawh lo chuan kan kalsan a "khawiah nge kan kal dawn kal hlat chi vak lo ania aw christian" ka tih chuan "kal hla dawnlo thlanmual lamah khian han lengkual mai mai ang" alo ti a ho hi kan ti mai mai khawpah "thlanmual a leng mai mai turin min rawn sawm ami?"Ngei lek lek chung chuan ka ti a "aw ni tho a,chuan adang pawh ala awm" alo tive leh angal a sei si akal pawk pawk a,tlan deuh ti tih chuan ka kal ka hah si zia hi "kal muang ve deuh ta che Rozamlian" ka ti vin that ding chawtin arawn hawi let,anui vur vur a "ka tihpalh bialnu tereuhte ka nei tih ka lo theihnghilh a" atih chuan ka melhrum nasa mai,ka huat tur tawk a thil sawi lah hi a peih.





























Kan kawngkal chu thenkhatin min lo en leh hrek hrek thin ka bula kal pa chuan hrelo ang hmakin a kal mawp mawp,keipawn engah mah ka ngailo kan in ngaizawng tih hi darlak mi chuan an hre fur tawh ,christiana hi ka zahpui ngailova ka hmangaih mipa hi ka chhuang takzet zawk,thudik engmah hreve lo engthil nge a tawrh a,apaltlang tih hrelo ho chuan duh duhin lo sawivel mai mai teh se,thlanmual chu kan thleng a anuam lutuk tlat thingkung pawh a awm nual a sava an hram ri chuah chuah bawk athenin bung rah chu an lo tlan bawk a,bung rah hi sava thenkhat hian chaw atan an lo hmang thin tih hi darlak ka awm hnu chiah hian ka hria,chawlhna tur hmun an siam bukte nuam zetah chuan kan thu dun a "kan pahnihin kan awm dun khat em a" christiana'n atih chuan keipawn dik ka ti a fal hian kan inhmu khat ve khawp mai,"thil pek tur che ka nei a" tihpahin ka hma ah hian thi a uai nghal nel nel a,ka mengphawk chiang viau christiana alo nui suk suk a "heihi...eng nge awmzia?"Ka hma a,kraws thi sin te nalh zet mai chu ka en reng "i ta tur anih hi,nalh iti em thil ka pek hmasak ber che anih hi" christiana chuan alo ti a.


























"A mawi lutuk christian engtikin nge i lei hman a?"Ka tih chuan "ka sawi duh lo e ah" ala ti tlat zui ka nui hak "ka bialpa hi ava romantic sawt reuh ve a" chhaih paha ka tih chuan christiana chuan a lu a hiat mual mual a lai ve reuh amawni cute lutuk,"min awrh tir la" hlim zet chuan ka ti a,thi chu christiana chuan min awrtir nghal in "KA TA CHAUH inih zia lan tirna anih kha,phel ngai suh ang che" tihpahin ka thi awrh lai ami kraws chu arawn khawih a,"he kraws hi ka hming chhinchhiah na anih bakah,awmze thui tak a nei ania" atih chuan lu ka bu nghauh nghauh " ka phel ngai lovang,a mawi lutuk thi ka neih tawh zawng zawngah chuan a mawi ber chuan i hming pawh hian awmze tam tak chu anei alawm christian" ka lo tive bawk a,ka hnarah chuan a rawn khawih zeuh "ka hming hi nalh ti viau suh" min fiam zawm nghal "tak tak alawm i hming hian awmzia angah a lawm,christiana inia,chuan keini hi Kristian kan ni bawk a bakah kumtin isua birthday hi Chrismass ani bawk a,ngaihtuah la pathian nen a in kungkaih thil leh i hming hian in an na an ngah teh mai nia" hlim zet chuan ka ti a "i sawi dik hle mai a,ka duatnu" alo tive bawk a.



























Reilo te thu lehin haw chu kan tum a,"i in ring em?"Christiana'n
Atih chuan angaihna hrelo lutukin ka melh chho hu chimawm zet hian min lo enreng chutah vawilehkhatah min pawm kang nawlhin min tlanpui ta vawk vawk mai ka te nasa mai "Rozamlian min dah thla rawh,mawla...mawla itlan chak si" tiin ka tal vak vak ka sawi zo hman chiah kan tlu ri thlawrh,"ana....awi ana lutuk Rozamlian" thinrim lutuk chuan ka ti vin that,christiana lam ka hawi chu bawkkhup chung hian a lo nui hawk hawk anih chu,keipawh ka nuih a za ang reng kan tlu chiang lutuk kha,tuman min hmulo mahse ka zak tho tho "Rozamlian hmela nui tawh suh,mawla" ngei lutuk chuan ka ti a,kan na lova kan vannei tho chhuakin ka kalsan zui hmak ka hnungah chuan lo kalve nghalin "duati nangmah anih kha,tal vak vak lo la chuan kan tlu miah lovang" ala tawng ngam ka ti,hawi pawh hawi let duh loin ka kal mawp mawp "tunge mahni bialnu te tluk pui ngai,eng nge ka inrin hma a,min pawm thut mawla" ka ti leh hlak hlak a," i mawl fe zawk,tal vak vak lo la chuan ka tlu lovang" athiamthu ala sawi zuah zuah zui "min pawm thut lola chuan ka tal vak vak lovang" ka ti ve leh a, "nangmah vangin ka bal vek" ala ti zawk mah anih chu "aw atawk anih chu,hmelchhepa" ngei zet chuan ka ti vin hlarh a "alo nih tak chu,hmelthanu min hmangaihnu" atih leh chuan chhan pawh ka chhang peih tawh lo ho te te sawiin in chu kan inhnial thleng ta thak.





























In kan thleng a,chaw ei turin min lo la nghak hlawm chu niin a inthlahrun awm duh ngei mai,christiana pawh ka pi ten an sawm luih tlat avang chuan a ei ve nghal a,chaw eikham chuan christiana an inlamah a chho nghal a,nula kan tam bawk a,chaw ei hmun pawh kan ti fel nghal zung zung thleng ka sil laiin "vulchukchuk i phone a ri reng ania lo la rawh" ka ni in room atang a rawn ti lang lang a "va pick rawh ka lo tih zawm ang" bawihpuiin atih vang chuan keipawh room lamah ka phei ta nghal,duata lek chu lo niin ka la nghal vat a "Duata eng nge nita?"Ka ti nghal zat "vulchukchuk tlangah rawn chho vat teh u,hei christiana'n ropuia kut a thlak leh a an in sual nasa khawp mai,an in hau bur bur bawk si a tih ngaihna kan hrelo" duatan arawn tih chuan ka lungphu arang leh nghal dup dup tawh " kan rawn chho nghal ang" tih pahin call ka cut zui a room atang ka tlanchhuak nghal puitlingho thutna ah chuan ka phei vat "pi....tunah school tlangah kan chhoh vat angai,christiana leh uropuia an insual an buai nasa lutuk" hlauthawng zet chuan ka ti a "awi ka duh theilo,chho vat ang u ka fapa ka ngaihtuah emai" nu mapuii chu a chiai nghal vek "avan zia lo thin tak aw,ni e han chho ila inah bawihpuii leh bibi lo awm rawh se,naupang hmuh ve chi pawh anilo" ka pu chuan alo ti vat,pawn lamah chuan kan chhuak nghal a.




























Ka rilru chu hmanhmawh tak ani,ka kutah ka ni in akai bawk a,min ngaihtuah viau vawiin hian engpawh thleng se engmah ka hlau tur anilo tiin ka infuih ru mawlh mawlh,tlang kan thleng chho chu duata sawi ang tak takin an lo bengchheng nasa hlawm lutuk school kal loh ni ani bawk a,naupang hmuh tur an awm lova an inkawtah uropuia thi hnuang in alo ding reng christiana pawh abang bik lo ahmui athi nasa viau,ka khur ti tih der leh nghal christiana ka ngaihtuah lutuk nu masiamin christiana a ankhum buan buan a,kimteiin uropuia thisen kai vel chu alo hru ve mek bawk,an vaiin pawnah an awm vek a,christiana chu a ding ngawi ngul achhungte hnen atanga ngaihsakna leh tanna a dawnglo lutuk chuan ka rilru chhungril hi ati na tak zet nu mapuii chu christiana lamah a tlan phei vat,keipawh ka bang bik lo "ka fapa....ka fapa khawngaihthlak i tha em?Na i nei em awi ka van lainat tak che em" nu mapuii chu a tap nasa mai christiana taksa vel chu a enkual ruai " i tha tiraw?Ka hlauthawng lutuk alawm" tihpahin a hmui thi chu ka hruk fai sak pah a "thisen min chhuah man hi i hmu dawn khawp ania"uropuia chu ala pawr viau.



























Uropuia lam chu ka hawi a "nangpawn thisen i chhuah nasat em hi" ka ti vin that ka insum thei tawh lo "zak lo hian,Rozamlian an ni hi tute nge?Nangni ho hi kan chhungkaw buaina ah rawn in rawlh suh u" nu masiami chuan a ti buan buan a,ka pu te ho chuan engmah an la sawilo christiana kut hum ruh tung chu phelh luih sakin nghet zetin ka kai nghal a,"in bengdai la,hahdam rawh" zawite chuan ka ti chhuak sep,nu mapuii chu a thin a rim ve hmel ta ngang mai nu masiami din na lamah chuan a phei a,nu masiami nen an in melh ta siah mai,rin loh lutukin nu mapuii chuan nu masiami hmaiah abeng ri ta thlawp kan vai mai chuan min thawng vek,nu masiami meuhin ben atuar ania mak tih lohna chi anilo darlak nu tamtakin an hlauh kha ani miau a "ka hmel hi chiang takin min en la,Lalrosiam chuan tunge ka nih ila hrelo fo em?"Nu mapuii thinrim na a,khat a aw ri a rilru natna inphum tamtak nen chuan a ti a,nu masiami pawh a meng bial ta pawp pawp mai,mi thi tawh a angaih chu tunah hian a hma ah ngei a ding miau a,mak tih lohna chi ani lo "na...na..nanghi Lalsangzuali...nilo mapui nangmah ini lo" nu masiami chuan aw khur dar dar chuan ati a.



























"Ni e,keimah ngei i thah tak ngei kha,chuan saw ka pasal pawh chuan Lalrosiam christiana hi ka fapa ani bawk" nu mapuii chuan a ti vin leh that,kan ngawi dak hlawm mai "nu eng nge awmzia,eng nge a sawi awmzia kha an ni hi tute maw an nih?"Kimtei chuan mak tih hmel lutuk chuan alo tive a,tuman an chhang lem lo thung "eng pawh nise,a zia lo hle mai Ropuia pawh in inlamah lo zuk haw thla phawt la,hei thil pawimawh sawi khawm tur kan nei tlat mai a,nakin ah christiana nen a inchungchang pawh kan sawi tha leh anga,christiana pawh kan lo zilh dawn nia" ka pu chuan dam zet hian a ti a " a haw lovang,i duh leh nangmah kha haw zawk rawh" kimteiin ka pu zah lo lutuk a,atih chuan tawng chhuah ka tum chu ka ni alo tawng hman "Lalnunkim i tawngkam kha uluk rawh,aw ka vin in ka pa hi chhang tawh hlek suh,ka beng vir nawk mai ang che hmeli" ka ni chuan alo ti vin ve that,"ka duh leh ka vin ang,ropuia hi ahaw lovang"kimtei chuan a ti leh ka ni insum zo lo kimtei chu apan phei rawk rawk a,ahmaiah ava beng ri ve leh thlawrh an nufa in kut an tuar ta der mai rum zetin ka ni chuan amelh kalh "keipawh hi sualin thinchhe viau mah ila,ka pa hi aw ka vin ka hman khum ngailo tih hi lo hria ang che,nangni chhungkua ang kan ni ve lo" ka ni chuan ati ram hmak.




























"Lalneihpui ka fanu engtin nge ka hmuh laiin kut i thlak ngam zawk a?"Nu masiami chuan thinrim hmel lutuk hian a rawn ti a " i fanu sawn,ben mai nilo in vuak hrep a phu aia upa zahna tlachham lutuk i zirtir ngai lo em ni?Tunah hian aw ka vin hmang thei ini lo" nu mapuii chuan alo tive leh midang ho chu tumah kan la tawngchhuak leh lo hrim hrim "engpawh nise ngawi tawh ru,puitling vek kan nih hi a zahthlak emai dailova pawh phone haw ula inchhung lamah ti ti phawt teh ang u" ka pi pawh chuan arawn tive ta nge nge a,kimtei tawngchhuak ngam tawh silo chuan ka ni a melhrum viau,"tunah chuan ka haw ang,mahse Rozamlian heihi atawpna anilo ania"Uropuia chuan a ti a,a inher nghal hmak "kal mai mai rawh,ramropui zaktheilo pa,mahni bialnu nen a in awm dan zawng zawng midang bula sawi vek thin mipa inih kha i ropui lo lutuk,christiana hi i thik lutuk a irilru abuai tawh nihkha rilru buai ho awmna ah awm rawh" ka ni in atih chuan uropuia thinrim hmel zia chu a rapthlak zawk mahse engmah sawilo chuan akalsawn zui a,kimteiin a um nghal vat bawk.






























Inchhung lamah kan inzui lut hlawm a,nu mapuii hmel mawlh chu a khawngaihthlak tawh zawk,tawng pawh a tawng ngam tawh lo hrim hrim,sofa ah chuan kan thu thap reilo te ah pa dailova arawn thleng a,kan lo thu thap chu mak atih hmel tawh nen a rin loh deuh ahmu leh phei chu a mengbial ta pawp pawp mai "Dailo,helamah hian lo phei ve la" ka pu chuan alo ti vat,pa dailova pawh arawn phei a anupui bulah chuan thu in pa ruata chu in thlahrun hmel zetin amelh zeuh zeuh bawk,"mak inti viau em?In that emaw in tih hetia kan thu ho leh mai hi" nu mapuii chuan ati a "eng...engthu nge i sawi reng le,dawt nga tinge i sawi reng engtik lai mahin kan that lo cheu" nu masiami aw khur dar dar chu tuman kan hailo christiana chuan ka kut chu a hmer leh salh thin a "finfiahna zawng zawng kan nei chung pawn ithiamthu chauh maw ila sawi dawn lalrosiam" nu mapuii chuan ati vin that "eee...zaidam takin le,mapui in sum rawh kan fapa a awm reng hi" pa ruata chuan alo ti dam dap,pa zaidam tih takah pa ruata chu a inthunun thei viau.
































"Hah....dawt sawilo mai teh,eng finfiahna mah in neilo,nangni nupa hi engvangin nge in hnawksak em em a infapa kan enkawl sak cheu lawm zawk tur in nia sin" nu masiami chu ala pawr tulh tulh leh nghal, "ani maw?Kan fapa hi e nangmahni vang khan accident lo ila chuan nu leh pa karah hmangaihna nen a seilian ngei ang,engkim kan hrevek itih dan thin zawng zawng,ilo enkawl pawh ani mahna mahse ka fapa hi hmangaihna nen in enkawl ngailo" nu mapuii rilru na hmel leh a fapa ahmangaih lutuk chuan ka chhungril akhawih tak zet,"engpawh nise finfiahna chu en ho ang u hmiang" tiin pa ruata chuan side table ah chuan phone chu dahin video chu a play ta a,chu video chu ahma a christiana'n min lo en tir tawh min thawng em em tu video ngei kha ani,pa dailova leh nu masiami in biakna a ruka christiana ten an lak ngei ani bawk anu leh apa hi christiana hian a rinhlehna arei tawh a mahse finfiahna aneih loh vangin alo ngawi reng thin hi alo nia an thusawi an han ngaithla chiah mai chu tute pawh chu an mengbial pawp pawp ka ni ngei pawn mak atih hmel lutuk ringawt.


























Pa dailova leh nu masiami te in biak na ah chuan engkim an sawi vek,christiana nu leh pa thah an tum dan zawng zawng,ahma chuanin pa ruata te chhung leh pa dailova te chhung hi thian inkawm ngeih leh in pawh tak an ni thin,nu mapuii leh nu masiami pawh nulat lai atanga college kal dun leh inkawm deuh chawt an ni a,bestfriend hial an lo ni thin college ah khan pa ruata hi nu masiamin a duh in a star thei hle a,mahse pa ruata hian nu mapuii hi a duh zawk daih thung ngaihzawn pawh an in ngaizawng ta reng bawk,nu mapuii hian paruata nu masiamin a ngaizawng ani tih engmah a hrelova pa ruata pawh hian a hrelo bawk,nu masiami chuan a ruka thik hle chung khan lawmpui ang takin lem alo chang reng a,ahnuah pa ruata thianpa pa dailova leh nu masiami te pawh an inngaizawng ve ta nge nge a,inkawm chho zelin engkim an ti ho thin pa ruata chu vannei ah tang hlauhin an hna dil chu ahmu hlauh mai,pa dailova erawhin ahmu ve ta lova,chutah an hna vanga Mumbai a an awm tur chu nu masiami chuan a thik zual hle bawk.


























Hun akal zel a,nu mapuii te pawn fapa hial an lo neive ta reng mai,pa ruata hna vang chuan mizoramah an haw thei silova mumbai ah chuan kum tam fe an awm ta a,vawikhat chu pa ruata chuan ahnaah thlakhat chawlh anei ve ta hlauh mai chu chu remchangah la in,mizoramah an zin chho ta a champhai ah nu mapuii nu leh pa te khuaah an han awm ta reng,khatih lai khan christiana chu kumkua ani ve tawh nghe nghe,pa dailova te nen chuan in pe pawp rengin aizawl lamah zin phei ve turin nu mapuii te chhungkua chu an sawm a an ni pawn an thiante kumtam an lo hmuh tawh loh chu an ngaihve tawh em vangin an lo remti ve mai bawk,mahse an lo hriat miah loh chu nu masiami te nupa chuan an lo itsikin an lo thik hle ani tih hi,pa dailova hi chuan a tir chuan a itsik lo an hna hmu pawh kha thinlung takin alawmpui mahse ahma kan sawi tawh ang khan nupui te hlau chi leh nupui te fuihpawrh thei a awm ang chikha niin pa dailova chu nu masiami chuan a fuih pawrh nasa thei hle a,athianpa chu a huat ngei theih nan a chhe thei ang berin a pasal bulah chuan a sawi thin ti chuan pa dailova pawh chu a nupuiin a fuihpawrh nasat em vang leh a tur nasat tak em avang chuan a thianpa te chhungkua in tawhsual an tawh ngei theihna turin ruahmanna an siam dun ta ani.



























Pa ruata te chhung chhamphai atanga aizawl lam pana an tlan laiin,an ni pawh an mahni tawk ngei turin an nupa chuan an inkhalh chhuak ve a,chutah chuan a ni accident chu an tawh tak,tum reng vangin pa dailova chuan athianpa chu a su ta chawrh mai,pa dailova te nupa pawh an inhliam ve tho dawt an sawi a,midangin an rin theih nan angai miau a vawikhat mai duh tawk lo chuan,an accident tawh hnu pawhin an la su thuai thuai tho,pa ruata te chhungkua chu nikhawhrelo chuan an awm ta vek a,car chu halral nghal vek nu masiamin aduh laiin chu em chu pa dailova chuan alo duh lova khatih lai khan pa dailova hian fapa a awt thin em em a mahse nu masiami hi a rai thei tawh silova,ti chuan pa dailova mit chu christiana chuan ala ta em em a,nu masiami phal lo chungin an fapa anga lak chu a ti tho a,accident anga an lan tir miau avangin report te pawh theh lutin tihsual palh vang liau liau ani tiin court ah pawh an sawi a,an ni nupa an lo in hliam ve tho bawk nen court hial an bum ani court pawn an chungah eng action mah an la lova,nu mapuii nu leh pa bulah pa dailova te nupa chuan dawt sawiin an tupa christiana chu carah a chuan ve loh thu leh an hmuh zawh loh thu chu dawt bawk an hrilh leh bawk a,chuta tang chuan tun hi an lo thleng ta ani,pa dailova te nupa khan pa ruata te nupa chu an boral tawh ah ngaiin ngaihngam takin ngaihsak pawh ngaihsak zawm lo chuan an awm a,mahse mumbai lamah enkawlna tha zawk dawng turin an hruai tih kha an lo hrelo ani.




























Engpawh nise,thudik chuan eng anga rei pawh nise lanchhuah hun a awm leh nge nge thin,dawt hi a tlo lova dikna hian a tawpah hnehna a chang leh tho thin pa dailova chu pa ruata te nupa hmaah chuan a thingthi hnawk a mak tih hmel lutukin kan lo en thap, "thianpa min ngaidam lul teh,kei hian thil sual rapthlak tak ka ti a,in chunga kan thil tih avang khan,vawiin ni thleng hian ka la inchhir a sin in ngaihdam tlak pawh ka nilo e,in duh duh danin hremna min pe thei e,ka in peih vek ani damchhung a jail tan ngai pawh nise lawm takin ka pawm ange,mahse ka nupui erawh khawngaihin ngaidam ula ani erawh engtin mah tilo hram teh u ani leh zelin jail atan chuan kan fanu hi engtin nge a awm ang anun hi a hma aiin a chhe leh zual ngei ang" pa dailova chuan inthiam loh hmel zet hian a ti a,nu masiami pawh alo tap ve nasa pa dailova chu a mittui hial a tla a pa tling meuh a tah tawh chuan a rilru ana hle tihna ani dawn a,pa dailova phei chu darlak khaw vcp khawtlang pawhin a kan tangkai pui em em kha ani a,a nupui suahsual rah chu a tuar phah ta anih hi.



























Pa ruata chuan pa dailova chu a kai tho a,tu pawh mai chu kan mittui atla a hreawm kan tivek "eee....thianpa ka ngaidam daih tawh cheu lawm eng mah inchungah kan ti dawn hleinem,hethil hi chu tihian hetah hian tawp rawh se,pathian hmingin kan ngaidam tawh cheu alawm tunah chuan thlamuang takin awm rawh kan fapa ilo enkawl seilian a,tlangval puitling takah ilo chhuah hi kan lawm lutuk zawk" pa ruata chuan lawmthu a hrilh let zawk hetiang em em a pa tha hi,an tam lo tak zet ani "ni e...dailo kan ngaidam cheu lawm,thlamuangin awm rawh u,mahse lalrosiami erawh tun thleng a,mize ngai alo la pu reng hi chu ngaihdam harsa ka ti" nu mapuii chuan nu masiami chu mit sen ram hian a melh a,nu masiami chu a inthlahrun hmel tak zet "min ngaidam rawh,ka zak tak zet zet ani ka lo sualin ka rilru kha a lo chhe em ani,vawikhat lek thilsual ka tihna khan a aia duham zual zel turin min siam a duhtawk chin neilo in ka duh belh zel a,keimah avangin ka duham luat ah kan chhungkua pawh kan hlim ngailova" nu masiami chu a tap rawng rawng mai.




























Christiana chuan ka kut chu a hmer vang vang,ahmel ka en chuan mit meng nung sarh hian min lo en ve a,a nui suk ahlim hmel chu ka hmuh hmaih lo thawveng huai hmel a pu bawk a,tunah mai khan ngaihdamna ropui tak kan hre zo chiah a hlim lohna chi ni hek lo "avan ropui tak em,Ruata i rilru thatna leh ngilneihna pathian i rinzia te a ropuiin pathian hming a Dailova te nupa in ngaidam thei hi pathian hnathawh ropui tak ani a,chutih rualin dailova te pawh in thil tihsual avanga in inchhir a,ngaihdam in dilna kha a ropui a pathian pawn angaidam vek tawh che u ania,hethu kan buaina hi chu tah hian tawp tawh rawh se,amah erawh chu ti sual nawn tawh lo turin fimkhur takin pathian ringchhanin kal zel tum ula,duham na hian chintawk anei ngailova itsikna te pawh hian tual hial thah hreh lohna min pe thin ho te pawh ti sual mah ila,pathian mit hmuhah chuan tual thah nen ang khat reng ani tih hi hriat tur,mahni chanah lungawi zir ila mahni neih ang tawkah hian lawm thiam ila pathianin kan mamawh ang tawk leh kan eikhawp chu min pe zel a,chuvangin kan malsawmna dawn te hi dawngsawn dan thiam ve angai tih hi hriat atha e,mi itsik reng reng a nung leh mi te haw reng reng a nun kan hman chuan kan hlim theilo ania chuvangin rethei te pawh ni mah ila kan chan tawka kan lungawi chuan khawvela mihlim ber kan ni mai,tin hausakna hi sumte,intha tak tak neih a motor changkang tak tak neihah hian teh loh tur hausakna chu chhungril lam zawk hi ani a,pathian kan rin a amah a kan in nghahte,kan neihchhun anga kan lungawi te hian khawvela mihausa ber chu kan ni mai"ka pu thusawi tha tak chu kan vaiin kan ngaithla thap a dik pawh kan ti hlawm viau.


























"Khaw nge a ropui emai,kan zavai hian inchibai ila chuan thiana nangin tawngtaina te hmang bawk la" ka pi in atih chuan, "ka nu deuh hluai thin lah hi ah" ka ni in alo tih chuan kan nui vek hlim zet chuan kan inchibai ta hlawm a, "khawnge kimtei kha a awm a,thingpui te pawh inho atha alawm le" pa dailova chuan a ti a ka ni a ding chhuak vat "keiman kan va lum ange" atih chuan nu masiamin "aw kan monu hual hian va lum se,monu hual thingpui lum in a chakawm alawm le" alo tih chuan christiana nen kan in melh nghal ralh ralh a,chutah min tlukpui lai kha hrechhuak thutin ka ngei leh hnuhnawh chuan lei ka chhuah khum vak "ani tak e ,monu hual thingpui lum te chu in achakawm alawm" paruata alo fiamthu zui nghal a,kan nuiho dar dar choka lama ka kal chu christiana chuan min rawn zuilut rang ngang mai thingpui chu gas ah ka chhuang a,ka hnung lam atang christiana chuan min rawn kuah nghal hlun mai "tunah chuan in neih chiah kan hmabak ta" ka bengbulah hian a rawn ti sup,ka lo ner nak a "hunlo rapthlak ah,sawi pawh kha i zak nange,min pawm zolo tu hi pasalah neih ka duh bawk lo" ka tih chuan christiana anui chhuak hawk hawk mai.




























"Duati...min neih duh loh chhan kha a case aho iti viau lo maw?Chu ai chuan in neih vat a fa neih vat vat ka duh" atih leh chuan ka nghawk sawk "engtin nge min chawm anga?Eng hna mah ila thawh loh hi" ka ti vin hlak a ka bengah rawn seh zeuh pah hian "lungngai suh ka duat,sipai nupui ini tep tawh" uang zet chuan ati leh,nuih loh hi ahar thin christiana hian hman ata tawh sipai nih alo tum thin tawh a mahse a nun lo daisual ve na khan,eng mah lo mai ah a chhuak ta kha nia mahse tun hnai hian sipai lam hi a sawi a sawi leh ta mai a,atum leh tan tawh aniang sipai anih chuan kan awm hran angai ngei dawn a,ngaihtuah zawng ringawt pawn ka lung aleng lawk,a awm loh hunah chuan keihi engtin emaw lo awm hman ta ila,"duati eng nge i ngihtuah vung vung a,i thingpui chhuan a so char char ania" christiana aw ri chuan min ti harh zawk gas chu ka off nghal thuai a thingpui chu ka siam zawm a engmah pa dailova te chungchang kan sawi zawm lo,achhan chu kha thu kha chu tun mai khan kan ti tawp tawh a vawikhat mah sawi chhuah leh tawh loh tur tihna ani "nichin khan duata khan min lo call a,uropuia nen in insual thu arawn sawi a amah lah chu ka hmu leh bawk silo" ka ti nang nang a "midang pun tur in akal anih kha" christiana'n atih chuan "eng nge awmzia?"Ka lo tivat "ele,ropuia sawisak rawn turin midangho pun a tum" atih leh chuan ka nui ta chiam hemi te ho tak hi chu aw uropuia khawih rawn tham a ni lo e,a cher sia.




























"Christian....khawnge christiana hi....in vaiin lo chhuak rawh u pa chhuan,in inkawtah ropuian kimtei a sawisa nasa lutuk" thlaphang zeta rawn ti tu chu zomuani aw ngei ani,christiana chu engtik laiin nge a tlanchhuah pawh ka hrelo ka thingpui siam lai pawh ngaihsak tawh lo chuan ka tlanchhuak vat kan vaiin kan inlamah kan tlan thla nghal,mi an lo tam tawh ang reng viau a kan zuk thlen thlak meuh chuan uropuia chu christiana chuan thut betin ramsa ang mai chuan a che buan buan ka ti mai,thisen a chhuak nei nuai a kimtei chu athenin an buaipui a,christiana pawh tlangval then khatin an lo vuan bet bawk an chelh hneh lo lek lek chu a ni,kan buaina zozai chuan min ti chau in ka thawk ahah vek ka zawi lutuk chu din pawh ka ding tha thei tawh lo ka lu lah chu ahai riai riai mai zomuani chuan min rawn vuan vat "vulchukchuk titeh in chhungah lut ang itha miah lo" atih pawh chuan ka duh bik silo,pa Biaka leh midangho chu rawn thlengin christiana chu an chelhbet ta tlat ,uropuia chu nikhawhrelo in leiah chuan thisen nen a mu nuai a "hei atha dawnlo tawp mai,kimtei hi ropuia khan a vit anih hi thisen a hlauh hnem lutuk kan inchhan hman lo ang" ti tu ber chu tunge anih pawh ka hrelo ka ngaihtuahna abuai vek uropuia chuan chemte alo pai reng tihna em ni?

























Christiana'n anau lam chu apan vat a,"Damdawiin kan thlengpui hman dawn chuang lo,tunah hian sub-center ah kalpui angai,doctor rawn kal lai ania a thisen chhuak nasa lutuk hi tih tawp dan ngaihtuah hmasa ang u" ka ni chuan a ti mawlh mawlh "ni e,a dik duhtak car ah sawn dah lut ang u,christian i nau kha pawm la carah luhpui rawh" nu mapuii chuan alo tive bawk,nu masiami pawh a phili buai a tih tur ber hrelo chuan alo tap char char christiana chuan kimtei engmah hre tawh lo zawi vek tawh chu pawm kangin,carah chuan a luhpui a,nu masiami leh ka ni an kal ve bawk an tlanliam chiah tihah uropuia chhungte an rawn thleng ve leh nghal,uropuia nu pawh a tap nasa ngang mai ,a khawngaihthlak zawk, "bawiha...ngatinge kan thu hi i awih loh em em mai le aw" anu chuan beidawn hmel zet chuan ati a,tlangval then khatin carah an dah luhsak hnuah uropuia pawh mamit damdawiin lam an panpui nghal a,uropuia chan tur chu ana mai lo viau ang hmeichhe kutthlak case ani miau a,nu masiami hian FIR atheh luh ngei pawh ka ring heihi kimtei laka,uropuian athil tih sual vawikhatna ani tawh bawk silova ahma khan warning an inpe tawh miau ani uropuia hian tun hi a vawikhat kutthlakna anih ka ring lova a thlak fo pawh ka ring mahse kimtei hian a atchilh hlum lo chauh mai si a,akhawngaihthlak zawk.


























Mithen khat ho an kal darh sang sang a,duata te ho pawn christiana te kalna ah an zui ve nghal a,ka pi leh nu mapuii te nen keini pawh kalve duh viau mah ila a rem ber silova chanchin ngaihchan ani mai,inchhung kan lut chu ka zawi lutuk ringawt ka pi te hian ka damlo emaw min ti ang tih ka hlau si,zomuani chuan min ngaihtuah zetin min chelh deuh run mai,room lamah kan lut tlang dun a damdawi ka ei nghal vat room pawn lam a,bibi in a nu te ho a biak lang lang ri chu kan ngaithla reng, "vulchukchuk ilakah hian ka lawm lo lutuk ania i in enkawl tha lo mah mah tumah ngaihtuah thei inih loh hi" zomuani chuan tawng ring ngam silo chuan min hau char char ,a sawi dik chiah kimtei te chuan sawisak tawkin damdawiin hial thleng pawh nise,an ni chu doctor ten an enkawl anga an dam leh mai anga,mahse kei ve hi le engtikah mah dam theilo tur natna in min bawm mek chu anih hi,ni e kei chauh hi tun dinhmunah chuan ngaihtuah awm ber chu ka ni,ka la thi thuai dawn si a kimtei te ang khan sawisak hrep a damdawiin a in enkawl a dam leh theih ka chak lutuk tlat,"engpawh nise kimtei chu athat beisei ila" ka ti chhuak sep "atha em em ang,darlaka doctor rawn zin lai tak ania avanneih thlak tikhan a thisen chhuak te an tireh anga mamitah an kalpui nghal thei ani mai" zomuani pawh chuan ati a.





























"Ngatinge uropuia khan a sawisak reng reng a?"Ka ti chhuak leh sep a "school tlang atang khian kimteiin ropuia arawn umthla lai kha chu ka hmu a,an inhnial bawk ropuia kha a rui deuh hrim hrim bawk,an pahnih kha chu ka mi ngeite an nih vang hrim hrim khan ka hmu peih lova roomah ka lut daih,ahnuah kimtei te tuar tuar thawm chu ka hre ta mai hmanhmawh deuhin ka tlanchhuak a ropuian kimtei alo khawih chu niin kimtei pawh khan a tir chuan a sual let ve aluhlul hrim hrim a amah pawh kha,ka tlanchhuak vat a bawihpuii leh bibi rawn chhuak ve chiah pawh chu inchhung lamah lut leh nghal tur chuan ka ti bawk,mi hnathawh reh lai ni bawk nen tumah thelh tur awm silo thelh ka va tumna lamah an pahnih hnih khan min vai leng deuh pawp pawp a,thelh chu khawilamah ani ringawt min hmulo ang mai khan an insual a,kimtei chu ropuian ahnek ta chawrh mai ka mangang lutuk kha ka rawn tlanchho tawp anih kha,kan let thlak leh hnu kha chuan kha kimtei kha alo na hman hle mai" zomuani chuan ati mawlh mawlh a.


























"Hmeichhe tan chuan nat lohna chi pawh ani hleinem uroouia te ang mipa lian pangngai lutukin vawikhat lek pawh min hnek se kan thi dang nghal thei ang chu hmeichhia te chu" ka lo tive nang nang,an pahnih ah khan a tu ve ve mah kha tan bik tur pawh an awm lo uropuian hmeichhia kut athlak erawh kha chu a demawm viau rualin kimtei pawh a thiam vek bik chuang lo hmeichhia ania mipa a zar huam huam zel a,mi in ninawm an tih tur khawpin a che thin a tu mitmei mah ven na chang a hre silova bakah a luhlul ve bawk nen,mipa an thinrim tak tak tawh chuan ngawih ve mai tur ania nakinah an thinrim reh hunah tha taka sawipui leh mai kha afinthlak zawk daih, "vulchukchuk,zomuan thingpui lo in rawh u" nu mapuii chuan ati lang lang a,keihi ka van â tak engmah ngaihtuahna chang reng reng ka lo hre tawh lo kan buai lutuk vang vek nu masiami te inah khan thingpui kan in hman reng reng lo tih ka hrechhuak chiah "awle,nu mapui kan lo chhuak" ka tih rualin ka phone chu arawn vibrate chur chur ka en vat,hlua hnen atanga call ani.



























"Hello,hlua kimtei chu eng nge a an tawh?"Ka ti nghal vat,zomuani pawn alo ngaithla ve reng "ahliam an buaipui a,a mangan thlak khawp mai vulchukchuk kimteiin thisen a hlauh hnem lutuk a,doctorin a rang thei ang ber a thisen pek nghal angai ati bawk si a,kan thianho ah tumah a blood type kan awm siova kimtei blood type hi 'AB'ani a,tuman kan pe theilo christiana nen hian an blood type chu a in ang a,mahse ani pawn a pe theilo a damdawi ngheina ala rei silova a thisen ala thianghlim tawk lova, kimtei blood type hi darlakah an vang lutuk a,zawn kualna hun a awm tawh silova mahse nangmah kha 'AB' ve tho ini tiraw?Nangmah ah kan in nghat ania aw tunah pa ruata hruai tur che in alo kal mek ania" hlua chuan rawn ti mawlh mawlhin phone chu a off leh nghal daih,ka kut chu a zawi thla hnak,zomuani nen chuan mangang lutukin kan in melh ta reng engtin nge kimtei chu thisen ka pek theih anga,keihi ka thisen hi cancer vei lai mek thisen anih hi.













Zoumuani nen chuan sawi mai tur pawh hrelo in kan ngawi reng hlua'n "nangmah ah kan in nghat" ati ri chu ka bengah a ri nawn tlut tlut a,ka mittui ka dang zo tawh mawlh lo zomuani pawh a tap tho engtin nge ka tih ang eng chhuan lam nge ka siam ang,ka natna hi tumah ka la hrilh theilo tun din hmunah ngat phei chuan,achi lo leh zual midang rilru hahna a pun belh ka duh bawk silo chutih rualin chhuan lam tur reng reng ka hre bawk silo,ni e kimtei chu ka hua a lawm ngeiawm zet zet a min tawngkhum te kha ka la theihnghilh ngailo,mahse chuti chung chuan alakah rilru chhia ka pu ngailo hrim hrim a,thi tur phei chuan ngaihtuah pawh ka la ngaihtuah chhin ngailova thi tur in ka duh lo tak zet bawk,cancer vei lai nilo ila chuan midang damna tur anih phawt chuan ka thisen zawng zawng pawh hi hip kang vek dawn mahse phal takin ka pe ngei ang.

































"Zomuan eng tin nge ka tih ang?Eng chhuan lam nge ka sawi tak ang?"Mangang zet chuan ka ti a,zomuani pawn tih ngaihna a hriat vak hmel loh "vulchukchuk engkim sawi chhuak tawh mai rawh,an hrethiam em em ang che" atih chuan ka lu ka thing nak nak "nilo,zomuan tunah hian sawi chhuak ta ila,midang rilru ahah zual ngei ang tunah pawh kimtei vangin tu pawh mai kan buai vek ani si a buaina thlen belh ka duh tawh lo" beidawng zet hian ka ti a,kan mittui lah chu a luang char char bawk "mahse vulchukchuk tunah pa ruatan arawn hruai dawn che a,arawn thleng tawh dawn ang chhuan lam siam ta la,tute pawh mai hian nanghi mak an ti che nga,an haw vek maithei bawk che asin" zomuani pawh chu a beidawn hmel tak zet,"a pawilo,sawi chhuah ai chuan min haw vek zawk mai rawh se" ka ti chhuak sep christiana ka rilru ah a lo lang nghal a,a farnu thisen ka pe duh lo tih ahriat chuan min haw ngei ngei dawn tih hi ka chiang ani.





























"Vulchukchuk lo chhuak rawh u le,hei i pa ruata a rawn thleng a,thisen i pek tur thu a sawi ani awm e" nu mapuiin a rawn tih lang lang takah chuan ka lungphu chu rang nasa tawh tak ani "vulchukchuk hetiang iti ta ro ro anih chuan chiai lo in,hlauthawng lo la huaisen takin awm tlang law law rawh aw,kimtei pawh thisen pe thei tur an hmu vat turah ngai ila" zomuani chuan a thiam ang tawk a min thlamuan hnu chuan room atang kan chhuak a,"kal vat vat rawh,vulbawih ipa ruatan car ah a nghak reng tawh che ania" ka pi chuan alo ti vat,"keichu ka lo kal lovang ka fanu aharh hunah a buaithlak lutuk palh ang" zomuani chuan a ti a,min lainat hmel viau bawk pawn lamah chuan phur lo zetin ka chhuak a ka rilru hi ahreawm ngawih ngawih cancer ka lo vei chu a vawikhat nan tak meuh meuh in pawi ka ti vawng vawng,ka vei tih ka hriat tirh pawh khan ka rilru chu ana ngei alawm mahse dawnsawn dan kha ka thiam hle a,rilru na viau chung khan ka la hlim lui thei tal a,tun ah erawh midang nun na ka kutah a in nghat ang ania,pawi ka ti vawng vawng.






























Sub-center kan thleng a,kawtah chuan mi an lo awm nual ka ni pawh pawnah rilru buai hmel zetin alo vei chhen tawh a,kan thleng min hmuh rual chuan min rawn pan vat "vulchukchuk engtin nge kan tih ang,ka rilru abuai vek ngaihtuah tur pawh ka hre tawh lo" alo ti zung zung a "ni engmah lo sawi lola eng pawh thleng se,eng thu mah ilo sawi tur anilo" ka ti chhuak sep,midangin min rawn pawh zui a nu masiami chu ka bulah tap pur hian a rawn ding nghal zat christiana pawn min rawn pan ve nghalin "duati,ka tihpalh mahse ka nau hi i kutah a awm,thisen i pe thei tih ka hria" christiana chuan alo tive bawk a ka chhungril chu a rum vawng vawng mai,an vai a min rinna ka ti chhe mai tur hian min ti na takzet "thisen pe tur kha alo thlen tawh chuan hmanhmawh ava tha ve damlo din hmun ahniam zel ania" achhung atang doctor ni ngei tur chuan a rawn ti a,christiana te thianho leh ka hmel hriat ho chu an awm kim vek.






























"Thisen chu ka pe thei lovang" harsa lutuk chuan ka ti chhuak ta,areh nghal duk a an vai mai chuan mak tih hmel zetin min en thap,christiana pawh a bang chuang lo "in blood type a in ang a,engvangin maw i pek theih lovang" duata chuan alo ti vat "engvangin nge ka pek ringawt ang,ani sawn min tih dan zawng zawngte tenawm taka min tawngkhum dan te kha ka theihnghilh thei lo,min haw em em tu saw thisen chu ka pe ang maw?Teuh lo mai ka pe ngai lovang" ngeiawm thei ang ber tur chuan ka ti a,an vai mai chuan ka thusawi in a thawng bawk aniang an ngawi thap ni e tiang mi kha ka ni silova min hrechiang tu tan chuan mak tih lohna chi anilo nu masiami arawn tap chhuak leh hawk ka hmaah chuan a thingthi nghal hnawk a,ka ke chu a vuan bawk ka in pet ru fan fan a hreawm ka ti lutuk hi ka puak keh mai dawnin ka hria "vulchukchuk khawngaihin ka fanu hi chhan him rawh,ni e ilakah ka fel ngailo tih ka hria ngeiawm takin ka tawngkhum bawk che a,ka fanu pawh a fel lo tih ka hria i duh chuan min haw thei eng hremna pawh min pe la,ka tuar vek ang mahse ka fanu hian thih ala phu bik lo asin,khatiang mi inih ngai loh kha hmeichhe rilru tha tak leh pathian tih mi inih kha khawngaihtakin vulchukchuk pathian hmingin ka fanu hi min chhan sak rawh" nu masiami chu a tap khur ngat ngat a midang tumah an la tawnglo hrim hrim bawk.




























Ka ni pawh angawi reng a,mahse ani chuan ka thil tih engkim ahriat avangin keimah zawk chu min lainat hmel tak zet "ka rilru ka sawh sawn dawn lo,ani thih leh damah sawn ka buailo,ka tan tangkaina anei lova ka chhanhimna chhan tur ka hrelo,ka lakah rilru tha pu ngailo tu hi ka pui ngailovang min ngaidam rawh u" ti lehin kan awmna tang chuan ka kalsawn nghal vat,kan in lam kawngah chuan ke a kalin ka tap char char,nu masiami in ngaitlawm lutuk a khawngaih min dilna te,christiana mitmeng a mak tihna leh min huatna mitmeng te kha,kan thiante ho in a awi loh hmel zeta min en na te chu ngaihtuahin hreawm ka ti lutuk chu tunah la la hian ka nun na hi tawp nghal hmak thei se ka ti tak zet,ka hnung lam atanga min kuai her pawp tu an awm chuan ka inring lo nen ka te that,christiana chu ka hmaah mit sen ram hian alo ding a,ka ban chu ahmer na hle bawk "Lalvulmawi tun lawk a,ithil tih kha ihrechiang maw?"Awih loh hmel zet chuan a ti a,a mitah pawh ka en tha ngam lo " ka chiang viau chuan ka hria" pangngai thei ang ber tur chuan ka ti a,min huat hmel zet a min enin a nui hawk a zat vang erawh anilo tih ka hria.





























"Nanghi Lalvulmawii kha ini chiah em?Engtin nge tiang rilru chhia kha i put theih zawk hmeichhe mak tak ilo ni,itenawm hle mai hmeichhe fel takah ka lo ngai thin che a mahse ilo tenawm hle mai" min tih khum phiarin ka ban chu ahmer na zual sauh ka mit ka chhing sawk tunah chuan christiana ka hmangaih em em mipa in avawikhat nan min hua a,tenawm min tih thu a sawi bawk ka rilru chu ana mahse ka dem lo atawn ang hi tawng ve ta ila keipawh hian min tih ang chiah hian ka tive tho ang "min thlah vat rawh Rozamlian" tih pahin ka ban a hmer mek chu ka phih thla chawrh a mitah chuan chiang zetin ka en chho a min huatna bak ka hmulo "ni e i sawi ang khan,keihi hmeichhe tenawm tak ka ni ilaka thu tha hrilh thin tu che hian tunah hian midang chhan nan ka thisen ka pe phal lo bawk a,i duh duh danin min ngai la hmeichhe tenawm leh rilru chhe zet ang pawn min ngai reng rawh pawi ka tilo,mahse kha i nau kha keihian ka thisen ka pe lovang,mipa duh duhin a an mutpui theih hmeichhia kha kei hian ka chhan lul lovang dam pawh a phulo" ka sawi zo chiah ka biang chu a ri nghal thlawp,christiana'n ka biang a ben na chu ka khawih nghal vat ana nghal veng veng thei, "tenawmnu,nanghi vawikhat mah ka mit hmuhah hian inlan leh tawh ngai suh ang che,chuan kha i ka bawlhhlawh taka ka nau i sawichhiatna thu kha ka hre leh anih chuan ka kut ngei hian ka that ang che" ti chhuak hrawkin min hnung chhawn a,akal zui nghal nal nal.




























Christiana chu mittui luang zung zung chung chuan ka thlir reng ka rilru na lutuk chu,tah pawh ka tap thei tawh lo hialin ka hria akal liam hnu chuan leiah ka thu thla hnawk "christian min ngaidam rawh,khatia ka tilo anih chuan nang hian min haw lo anga,min kalsan itum dawn silova" ka ti chhuak sep,ni e min haw rawh se min hua se min ten se atha zawk reilo te ah ka kalsan vat ala ngai anga,chutih huna a rilru na turte hreawm ati turte ka ngaingam ngang lo chuvangin tihian min lo hua se,min then se atha zawk ka tan pawn a awlsam zawk ang,anih loh chuan christiana hi mahni hmasial takin ka chelh reng mai dawn a sin mahse chu chu ka duh lo kal tir harsa ka ti takzet nakinah hmalam pan thei lo tur a,a awm ai chuan min hua se atan pawn hmalam pan a awl zawk ngei ang,ngawireng chuan leiah ka thu reng tho chhuak leh tur tak ngial pawn chakna ka nei tawh lo ka chau tak zet.



























"Vulchukchuk" tih paha ka ni ka lam pana lo tlan chu mitmeng phe ruai chung chuan ka lo en reng ka bul a rawn thlen rual chuan ka bulah a rawn thu thla ve nghal vat,min kuahin a tah zawm nghal a,kan awmna lai hi in awm lohna lai ania,a reh viau bawk "ka van lainat tak che em,vulchukchuk hreawm ka ti ngawih ngawih tih theih neih ka chak tak zet,i natna tawrh lai mek pawh tih tawh laiin tinge tiang hi i chungah a thlen tunah chuan midang zawng zawng huat ini tawh,mahse vulchukchuk ka dem lo che nia i huaisen lutuk i din hmun angah ding ila chuan kei chuan khatiang khan ka tive thei lovang ka chhuang tak zet che nia aw" ka ni chuan lungchhe zet chuan a ti mawlh mawlh "ni engtin nge kimtei chu nita,athi lovang tiraw?Keihi hmeichhe sual tak ka ni he natna hi kailo ta ila chuan ka thisen zawng zawng pawh hi ka pe phal a sin,hmeichhe laktlak loh tak ka ni" lungchhe zet chuan ka ti a ka ni chuan ka hnungah min beng thek thek chung chuan "ni love,cancer i vei hi ithiam loh ani reng reng hleinem,tu thiam loh mah ani lova thisen ipe theilo pawh kha ithiam loh ani chuang lo ania,i demawm loh hmeichhe fel leh rilru tha tak ini,kimtei chu angaihtuah awm tawh loh ania i kal hnu khan,thisen pe thei tur an zawng leh nghal char char a,chuan vengchhak lama pa biaka hmelhriat pa in pe thei tur alo hre hlauh mai a tunah chuan thisen an pe a damdawiinah pawh an hruai vat anga,atha nghal vek ani mai" ka ni chuan ati siam siam a,ka thaw chu a veng nghal huai huai bawk.






























Kan boruak vang nge ka taksa chu a chauin a zawi vek hi ani ber ka lu lah chu a hai muai muai a ka awm anuam lo hle bawk "ni...khawngaihin inah min hruai haw rawh" chau zet chuan ka ti chhuak sep a,min kuahna chu phelh vatin ka ni chuan ka chal a rawn khawih nghal "vulchukchuk ikhua hi asik nasa lutuk,i tho thei angem kan haw vat angai" ka ni chuan chiai zet chuan a ti a,ding chhuakin min ngaichang zet hian min kai tho ve nghal bawk ka ni rin chhan tak meuh meuh chuan ka kal a,ka ni hi awmlo se chuan ka kal theih pawh ka ringlo "tunah chuan ka hun tawp lam ka hnaih ve tawh te pawh ani mahna" ka rilru chuan ka ti mawlh mawlh ka pum pawh ana leh tan riai riai tawh a,mahse ka ni bulah chuan ka sawi lem lo thi vat zawk ila anuam tawh zawk maithei hetia thi silo dam chuang silo,engtik lai pawh a hlauthawng leh rilru na reng reng a nun reng ai chuan vanram kal hun chu ka nghakhlelh tawh zawk ka ni tan phurrit tam tak ka siam belh mai mai.





























In kan thleng a,ka pi leh nu mapuii chu an lo ti ti a bawihpui leh bibi choka lamah an lo inchhaih rak chel chul bawk,"vulbawih,ngati nge i dam lo em ni?I hmel a dik miah lo mai" ka pi chuan min ngaihtuah hmel zet chuan alo ti vat,tawite tak takin ka pi chu ka nuih a ka chau em a men pawh hi harsa ka ti tawh,nu mapuii chuan "thil thleng kha,i pa ruatan phone atang min lo hrilh tawh a,eng nge awmzia?Vulchukchuk khatiang hmeichhia kha ini lo tih ka hria eng nge maw chhan a awm ani tiraw?"Alo tih chuan ka ni zawk chuan "damdawite ei se mu phawt rawh se,nakinah thil dang chu kan sawi tha zawk dawn nia" ati a,room lamah chuan min kalpui nghal,nu mapuii kha chuan ka thil tih khan chhan eng nge maw aneih a ring kha nia,mahse ngati nge christiana khan min rin ve loh nu mapuii aia min hrechiang zawk tu ania,mahse dem a vui thei ka ni chuang lo atha...atha zawk ka ni chuan damdawi min eitir in min buaipui nghal char char a "vulchukchuk tunah chuan eng thil dang mah ngaihtuah lo la,hahdam deuhin muhil phawt rawh hahdam deuha awm i mamawh ania,i na a zual palh hlauh ang tui deuhin muhil phawt rawh aw" ka ni chuan ka sam a chul hliau hliau pah chuan ati a,lungchhe zetin ka lu ka bu nghauh nghauh ka ni hi ka tan chuan ahlu tak zet ani.























LALNEIHPUII POV. (Henu hi hemi story ah hian apawimawh ve em ani)


Karkhat lai a liam ve leh ta reng mai,kimtei pawh a tha tawh viau a,nimin khan damdawiin atangin an rawn chhuak tawh bawk nu mapuii te chhung pawh aizawl lamah an haw leh tawh a,bawihpuii erawh ala cham ve thung engkim mai hi a buai chuar nuai nimai hian ka hria khami ni khan christiana leh vulchukchuki te khan eng nge an sawi chu ka hrelo mahse an in then tih erawh chu ka hre thung christiana leh vulchukchuki te in kar a chhiat chiah khan midangho pawh kan darh vek nimaiin ka hria christiana te an rawn leng tawh ngailova,len chu sawi loh kan in bul leh a chhehvelah tak ngial pawh hmuh tur an awm tawh ngailo,athiante ho tak ngial pawh an rawn in lan ngai tawh lova,a ruk a ka lo duh ruk em em mipa,Lalbiakliana (Pa biaka) tak ngial pawh a reh hmak phone atang tak ngial pawn kan inbe tawh ngailo,zomuani te nen hian kan inkawm chawt tawh ani ber,christiana ten eng nge an tih thin chu ka hrelo mahse thil sual erawh an tih chu ka ring tawh lo bur,pa Biaka nen khan pangngai takin kan in be chho ve dawn chauha mahse tiang hi kan thleng leh si a.



























Khami ni atang khan vulchukchuki pawh ala damlo char char a,pawnah pawh a chhuak ngailo khum hi a thawhsan lo ani ber akal hlat ber chu kan choka ani mai ani telin anatna rawn lang chhuakin a chang phei chuan tlaivar thakin kan in buaipui thin,nikhat lek pawh hi ka mittui tlak loh lai a awm lo ka nu leh pa in engkim vulchukchuki natna te pawh an hrevek tawh a,mahse amah vulchukchuki berin sawichhuah a duh loh miau avangin tumah midangin an hrelo ka hah zia hriain zomuani hian chhun lamah min rawn awmpui thin a,ani pawh nau pawm lai ania,ahah ve thei ngawt ang tawia leh valtean engkim an hre tawh bawk a kan vaiin vulchukchuki kan ngaihtuah vek min kalsan thut ang tih hlau reng rengin kan awm ani ber,amah lah hi a luhlul em em a tuman kan ti lui theilo vawi tam damdawiin kal kan tih pawn a duh thak lova,ka nu pawh vulchukchuki angaihtuah lutukin chaw a ei thei lova tunlai chu a cher sawt viau tute mai pawh hi kan rilru ahah ani ber.





























Pawnah chuan,ka thawmhnaw suk ho chu barel bulah ka tleuh fai mek a,bawihpuii field lamah valley ball beng turin akal thung hmeichhe harh vang leh tawng duh tih takah vulchukchuki ang lo takin thian angah tawh viau karkhat dawn chauh ala awm ania thian sawi tur a ngah tawh viau tlai eirawng bawl angaih vak loh avangin a kal chu ka phal sak a,hlim deuhin an kal tak kha tlailamah thuamhnaw hi ka su a chumi zawh ah ka spin leh a chuan atuka pho turin ka dah mai thin tunlai chu vulchukchuki damlo bawk nen chhun lamah hi chuan engvakmah hi ka tihsan ngam meuh lo chutia pawna thuamhnaw tleuh a ka awm lai chuan beisei loh lutukin christiana te thianho chu an in lam atang chuan an rawn chhuk thla chu ka hmu ta mai,ka hmu khat bawk a mak chu ka tive deuh pa biaka chuan min en reng a min biak a chak tih pawh ka hria,mahse tuman min biak hmasak loh chuan biak hmasak tumna ka nei bik lo ka rin dan chiahin pawn a ka ding min hmu reng chungin min be lo chuan min kal pel hlawm a,hawi pawh ka hawi let duh bik lo.

























Engmah an hrelova vulchukchuki lakah an thinrimin an lungawi lo hle tih ka hria,thil awmzia hrelo tan chuan awm pawh ka tihpui viau mahse vulchukchuki an huat avanga kei mah ngei pawh min be duh lo hi ka lawm bik lova an ti mah mah ka ti bawk,christiana chuan min be duh lo mahse ka hrethiam mahse pa biaka thleng in min be duh lo chu lawmlo tak ka ni an rilru achhia ka ti hlawm viau bawk mipa pawh an ni nek lo christiana pawn vulchukchuki natna chu hre kher lo mahse a damlo tih chu a hria tih ka hria vawikhat tal a Chanchin min zawhte pawh ka beisei ania mahse vawikhat mah min zawt lo,kha leh chen hun harsa tak kha vulchukchuki hian alo pal tlangpui tawh a tunah vulchukchuki natna khumah a awm mek a christiana angaiin a thlahlelh hle tih pawh ka hria mahse christiana lah chuan vawikhat mah angaihsak lo chu chuan ka rilru ati na zual thuamhnaw ho ka tleuh zawh chuan bathroom lamah keng lutin ka spin nghal a chumi chhung chuan,chaw chhum tur ka siam pah bawk chaw bak chhum angai lova aharsa lem lo.





























Kimtei pawh arawn chhuak tawh tih hre tho mah ila,ka la han tlawh lo hrim hrim ka nu leh pa te an han lang zuai ringawt a han tlawh pawh ka tum lova ka chak hek lo,ropuia pawh FIR an theh lut a,tunah hian jail ah a awm mek bawk a case pawh a sang viau ang mahse a sawisak hi anupui hual alo ni bawk nen a tang rei vak lo maithei tiang an thleng tawh chung pawn kimteiin ropuia ala ngaidam thei anih chu,mihring pawh a nih hi ka ring nek love tiang chuan lo innei ta pawh nise zanah thlamuangin amu ngam dawn reng reng amawn le,an in neih hma tang athat lo chauh ania an inneih hunah phei chuan ka sawi peih lo zawk e ah,chaw chu gas ah chhuangin room lamah ka lut a vulchukchuki chu khumah alo thu awn diai a,phone alo en mek ka lut min hmuh chuan atap tih hriat takin a mittui chu ahru hul sawk sawk a,min lo nuih nghal ver ver mai "eng nge i an?I awm anuam em?"Khumah chuan ka thu thla ve nghal a "imm...vawiin chu ka zia tawp hei ka zang huai in ka hria" alo ti var a,athi awrh lai chu a khawih neuh neuh bawk.



























Ahmel chu a dang bei mai a,nula hmeltha leh hlim thei tak kha a ang tawh lo,mu tha lo tih hriat zetin a mitkhur atla duk a,zanah christiana angaih vangin a mu theilo tih ka hria a vun nung sarh thinte chu an dang vek nimai hian ka hria ahmel en mai pawhin nasa takin a damlo tih ahriat vek "vulchukchuk ipa te hi engkim hrilh tawh ila tha iti em?"Ka ti chhuak sep a,a sam chu ka chul hliau hliau bawk angawih reng hnu chuan "nia...ka lo ngaihtuah a keipawn hrilh chu pawi ka ti em em tawh lo,ka pa inchhir lutuk tur ka ngai ngam ngang lo a tawp thleng a engmah hrelova a awm tur ka ngaihtuah a ka kal hunah chuan ala hre ngei dawn a,damchhunga inchhir a a awm tur hi ka ngaingam ngang lo" ati ve niah niah a,a dam loh vang in duh angin a tawng ring thei lova,atawngtam deuh chuan a thaw hi a hah hma hle bawk "lungngai lola,ila dam thei ania pathian khi thil mak thlen tir tu alawm" ka lo ti let sap a,za vak lo hian anui a "ni ka hria asin....kei hian rei tak khawvelah hian ka awm tawh dawn lo tih ka hrethei,rei ka daih tawh dawn lo tih hi chiang takin ka hria ka kal a hun tep tawh" zawi te te chuan a ti a,ka mittui chu chawp leh chilhin a luang nghal zung zung thei.




























"Eng thu lawilo nge maw i sawi le,khawiah mah ikal dawn hleinem hetah i awm reng dawn alawm,pasal ka neih huna ka fate min puaksak a,min awm sak tu tur inih kha" lungchhe zet hian ka ti a "naa...ni nangchu pasal tur i hmu zo silova ala rei dawn e,pa biaka lah ka duhlo iti tlat sia" fiamthu ala thawh thei ania,he nau hi chu ka tah nuih hak a "engtik laiin nge ka duh loh thu ka sawi reng reng a?"Nuih pah chuan ka lo tive bawk "eeehhh...chu ilo duh ve tho a,in lo in dirukte tawh chiang ang a?"Nuih sen sen chung hian a ti leh a hlim hmel hian rilru natna bak min thlen silo "la in di chuang love,tun din hmunah chuan Lalbiakliana hi ka haw tak zet zet tih hria la,a Chanchin sawi tawh suh" ka tih chuan nui tet tet chung hian "awle ,awle boss" alo tive mai bawk,room ah chuan ka nu leh pa an rawn lut a "vulbawih i awm anuam em?Hei kan lenna ah damdawi tha deuh mai kan va hmu hlauh a ram damdawi ania,in rawh aw cancer tan atha lutuk e an tia" tiin ka nu chuan no lian zet hian damdawi ni ngei tur hi arawn pe a ka pa pawh alo ding ve reng "nu,in va zawt tawp nge engtin nge in hriat a?"Ka lo ti vat a "aw aizawl lama kan thiante cancer vei an awm a,kan tia min lo hrilh anih kha vulbawih in zo vek rawh aw" ka nu chuan atih zawm zat,damdawi chitin reng hi chu kan in pe ngun tawh alawm mahse that lam erawh pan lo tak ani,vulchukchuki pawhin an lungawi loh hlau hian alo laksak ve mai thin bawk.




























Room atanga kan chhuah hnu chuan ka nu chuan a mittui chu a hru hna hna a,ka en reng tar hnu lamah tiang hi an tawng a,rilru hah reng rengin an awm a chaw an ei thei bawk silo,an hriselna in atawrh phah ka hlau tak zet vulchukchukin engmah sawi alo duh ngailo te kha ka hrethiam tawh viau mai "akhai....neihinu tap mai lola,hetia nang ber i awm te chuan kan tunu pawn hreawm ati dawn emai inti pa chang hram hram teh" ka pa chuan ka nu a hnem ve mawlh mawlh "ni e tiraw,mahse ka tunu saw ka khawngaih em ani kan tu neihchhun ve liau liau asin ,engtin nge ani ang hmeichhe tha lutukin tiang natna hi aneih theih zawk,ala naupang a hma hun eng tak ala nei a sin le" ka nu chuan lungchhe zet hian a ti a,ka tah leh mai ka hlauh em avangin bathroom ah chuan ka lut ta daih,ka thawmhnaw spin ho chu ka la chhuak nghal bawk.


























Zan lamah tawia leh valtea te an rawn leng a,vulchukchuki hlim loh hlau in zantin an rawn leng ngei ngei thin ahma angin vulchukchuki achak tawh silova room lamah chuan kan inkawm ho mai thin bawk kan ti ti leh nak nak tawh a vulchukchuki pawh a nui anui leh tawh thaw hluam hluamin zomuani chu room ah arawn lut a "ehe,min lo tan san alaw?In boss ber tel lo te chuan in kim nang" tih pahin arawn thu ve nghal a "eng nge i thawk hluam hluam kher a,hmun hla deuh a tanga lo kal pawh ini tawp silo" valtea chuan alo ti a,hemi te pahnih hi an in ngaizawng tawh a an inneih har pawh ka ringlo mahse an awm dun tawh chuan engtik lai pawn an in hnial "khawnge mawimawii?"Vulchukchuki chuan alo ti ve bawk a "ka rawn tlan phei thut a,ka inchhuih palh a ka hah vek alawm,mawimawii chu a pi in a lenpui anih kha" atih zawm zat,a fanu pawh a pi hian a âtchilh bawk a,a chang hman meuh thin lo. "Nau pawm lai ve si lengheh lutuk" valtean atih leh chuan zomuanin a melhrum nasa viau "nau pawm avanga ka len theih loh chhan tur ka hrelo" alo ti let ve bawk "zanin tal chu in hnial lo ula aw,khawngaih takin zanin chauh in ngeih deuhin awm ula" tawian atih chuan "i chhe mai nih chu ah" zomuani chuan alo ti leh kan nui tawp.
























"Utawia hi i senior tawh ropui mai sia nupui hi nei vat vat tawh rawh" vulchukchuki chuan nuihzat hmel zet chuan a ti a "neih chu ka duh alawm,mahse nangmah ber hi i dam phawt angai alawm,i tel lo in nupui neih ka duh teuh lo mai"tawian alo tih chuan zomuani nen kan lo ner ru sak sak,khawi a nupui mah hmu awm tawp silo."Lalneihpuii pawn pasal neih a tum bik chuan loh hi" tawia chuan atih zawm zat a "ani te chu vawk leh ar angah em khu,pasal nei hman anilo"zomuanin alo tih chuan ka nui nghal uar uar a "i sawi dik zomuan pasal ka nei hman lo,ka vawk leh ar ho khu pasal ka nei anih chuan chhawm tel vek ka duh dawn sia,tuman mo atan min duh lovang kan hautak dawn emai" ka tih chuan mawl min tih hmel deuh hian an vaiin min en thap,chu chuan ka nuih ati za zual sauh kan ti ti nek nek a,dar 9 alo ri der tawh tawia te pawn haw zai an rel a zomuani pawh reilo te a awm leh hnu chuan a haw ve nghal mai bawk.


























Damdawi ei tur chu vulchukchuki ka pe a,achauh hmel viau leh nghal a pang chu ka khawih sak a,mahse alo dai diak mai akhua chu asik lo "vulchukchuk muhil siai siai rawh,i nui nasa bawk sia i chau ngawt ang" ka ti a,a puan sin chu ka siam that sak pah mawlh mawlh,"ni...ka lawm lutuk ania aw chutih rualin min ngaidam dawn nia" chauh hmel zet hian a ti chhuak sep a ka thil tih lai pawh ka chawl hmak amah chu ka en a "ngatinge ngaihdam min dil a?"Hrethiam lo lutuk chuan ka ti deuh haw "aw,nula inia thiante nen len chhuah a intih hlim te pawh i chak ve dawn tih ka hria kei hetah buaipui ngaiin ka awm si a, ka lawm rualin ka inthiam lo em a" atih chuan ka lo ner nak "â viau suh,i ni ka nia eng din hmunah pawh ding la,buaipui tur che ka nia lawm chuan thian te chu ihriat vek kha,nangmah hi ka thian tha ber inia midangho chu ihriat kha huau huau kan lawm lo,len chhuaha in tih hlim tih vel kan mamawh lo nangmah hi tiang hian awm lo mahla ka leng chuang lovang ihriat vek kha,chuvangin inthlahrunna ineih kha paihbo hmak rawh" lawm lo lek lek chuan ka ti a.



























"Ni nang hi chu khawvel a,ni tha ber leh ka thiantha ber ini" nui var var a ,atih chuan keipawh ka lo hlim viau "ani daih ang,keite chu kha kha nimai " ti a ka hawi champ deuh vah chu vulchukchuki chuan min lo nuih char char mai,zanin chu zan dang aiin a nui nasa daih ahnu chuan abulah ka mu thla zui ve a "ni vawikhat...vawikhat chauh tal christiana hmel hmuh leh ka chak tak zet" tah aw tuau hian vulchukchuki chuan a ti a,inchung chu a thlir char char bawk "ka hma ka sial tih pawh ka hria...ani chuan tunah pawh min huat zia ka hrevek mahse ani kha Khawvel a ka mipa hmangaih hmasa ber ani a,a hmel vawikhat mah hmu lova ka kal hi ka hlau tak zet a,ka la nghak ni berin ka hria vawikhat tal ahmel hi hmuh leh ka duh a,chumi hunah chuan ahmel theihnghilh tawh lo turin uluk zetin ka en anga nakinah ka kalna hmuna arawn kal ve hunah pawh ka lo hriat nghal chat theih nan,a rilru ka ti na hle tih pawh ka hria mahse chuti chung pawh chuan mahni hmasial takin vawikhat chauh tal a hmeltha tak kha hmuh leh ka chak ani" ati sep sep a ka chhang let lo ngawirengin ka ngaithla tawp,achhan chu athusawi kha chhan na pek dan ka thiam ngang lo chutih rualin vulchukchuki ka lainat bawk si christiana ka haw bawk si chu ka in sehruh ngawt ngawt thei.
























"Eng pawh nise,naktuk lamah doctor-a lo zin thlak atumin ka hria a dik em?"Vulchukchuki chuan ati leh daih engtin nge alo hriat chu ni "aw rawn zin thlak atum alawm engtin nge ihriat zawk a?"Ka lo ti he haw mai nui hak hian "bathroom a zawi te te a,i phun ri kha ka hria alawm" atih chuan "i van chimawm reuh tak" ka lo ti let vat kan nui dun hak hak mai "pa biaka nge,doctora zawk hi i thlan dawn?"Atih leh chuan ka nui ta uar uar mai min zawh dan kha ka luck hmel leh lutuk a ka zak lek lek alawm le "lalvulchukchuknu doctora nen te chuan thian a kan insiamna a rei tawh lawm"nuihza zet chuan ka ti a "alawmawm anih chu,chutih rualin pa biaka hi chu chhuah hlek suh ang che" alo tive ngei,a thi awrh lai chu akhawih pah reng bawk "awi...lalbiakliana chanchin ka sawi peih rih lo ka mood ati chhe vek dawn sawi tawh lovang" ka tih chuan ani pawn a sawi zawm tawh bik lo "takah kha,vulchukchuk ahma aizawl a kan awm laia kan thil ngaihthlak recorder kha,hmanni ah doctora ka zawt a" ka tih chuan a beng alo chhi rang ngang mai "tak tak..eng nge a sawi?"Alo ti rang nasa mai "ih maw,keimahni min chhuina lampang thil anilo,christiana zawk hi ani awm e,christiana hian higher akal lai khan doctora nau mipa nen hian an inkawm thin hi alo nia,vawikhat chu bike race an neihna ah doctora nau christiana thianpa chu che sualin a boral zui a" ka chawl dat a "sawi zel teh" alo ti vat.
























"Chuan a nau boral kha doctora hian a tuar em em a,khatih lai khan ani chu mizoramah pawh a awm lo doctor hna vel training a,a awmbo lai alo ni anau nen khan an inkawm ngeih viau ani awm e,mizoram arawn let hnu kha chuan christiana hi chu darlak lamah arawn awm a,mamit ah college akal daih tawh,christiana haw deuh deuh tute ho in doctora nau chu christiana thah angin doctora bulah an lo hek a,chuan atlanbo an lo ti ani awm e,christiana lah darlak lama arawn chhuk daih vang khan a rinhlelhawm chu alo tive tho a police ah pawh report ta lem lo chuan amah chuan christiana chu a zawng ta ngat ngat a,christiana hian doctora kha a thianpa û ani tih ahrelo hrim hrim bawk keini te nen kan inhre chho a christiana nen in inngaizawng tih doctoran ahriat atang khan christiana chu doctora chuan alo chhui tan daih tawh hi alo nia.






















Khami ni,KFC a kan kalho ni pawh khan christiana leh a thiannu kha an kal ve tih ahriat vang ania an hnaih theih ang ber a min lo thutpui an thusawi record zel a duh vangin chuan atum loh deuhin khatiang khan kan buai leh nuai ta sia,recorder kha on sa reng a a dah vang alo nia kan aw kha achian em em ni,mahse a chhui zel a christiana kha rinhlelhna tur engvak mah kha ahmu ta silova,ahnuah phei chuan khang miho khan christiana an huat vangin doctora chu dawt an lo hrilh ani tih ahrechhuak leh ani awm e,khangho kha hremna pawh ape ngei bawk anau kha thah ni lo in vanduai palh vang liau liau a accident alo ni christiana pawh hian athianpa boral ta kha alo tuar viau ani awm e"
























"Doctora chu akhasngaihthlak reuh hle mai,anau ruang pawh kil ve hman lo in a awm sia" vulchukchuki chuan ati sep a "nia,anau kha a duatin ahmangaih hle tih pawh ahriat engpawh nise atlai tawh muhil tawh ang le" ham bai bai chung chuan ka ti a,christiana hi engti kawng zawng emaw tala ka biak angai,vulchukchuki hian ahmu chak em em a,a tawp nan tal pawh a ahmangaih em em hmu lova aliam mai hi ka hlau em ani,christiana chu biak vat dan ngaihtuah ka ngai ani,vulchukchuki akal chu duh lovin engti kawng zawng pawn chelh luih tum mah ila,kan chelh din zawh rual ani silo chuvangin hmangaihin la thlahlelh viau mah ila hahdam taka akal theih nan kan thlah zalen ala ngai dawn tho tho mahse harsa ka ti ngawih ngawih vulchukchuki khawvela a awmve tawh lo tur anga,ka suangtuah ringawt pawh hian Khawvel hi aruak vek nimai hian ka hria,damchhung a khum bet a awmin enkawl reng ngai pawh nise pasal neilo pawn ka enkawl ngei ang.



















VULCHUKCHUKI POV.








Ani telin ka taksa pawh a chau zual zel tih ka hria,keimahah hmasawn na engmah hmuh tur a awm tawh lo ka cher em em a,ka hmel lan dan tur phei chu darthlalangah tak ngial pawh ka en duh lo hrim hrim treatment ka lak miau loh avangin ka sam erawh atla lova,keimah avangin ka chhungte an rilru ahah tih ka hria a bikin ka pi chaw a ei thei lova tar hnu lamah phei chuan in enkawl uluk angai em em a,keimah avangin engtik lai mai pawh hian a tap deuh reng zel,ka chhungte fel em em na pakhat chu engkimah min hrethiamin min ngaihtuah hlawm em em a,ka awm nawm lohna tur tawngkam chu sawi loh ka mit hmuhah hlim lo hmel min hmuh ngailo hrim hrim bawk,tin ka thiante zomuani leh utawia,uvaltea te pawh an felin ka chungah an tha em em a,damlo treat in vawikhat mah min treat ngailova hetia ka awm hnu pawh hian zantin rawn lengin min rawn kawm hlim thin a,min hmuh dan leh ngaihdan a dan phah chuang lo.


























Christiana nen kan inbe ngailova,biak chu ka chak tak zet zet ka ngai lutuk ringawt mahse,biak tumna ka neilo tunah ngat phei chuan tiang din hmun a ka awm lai hi hmuh tir ka duh lo bawk,he cancer nunrawng tak mai hi ka hua ani he cancer hi kai lo ni ila chuan christiana nen tunah hian kan hlim ngei anga keimah vangin ka chhungte pawh an rilru ahah lo tur,ka thiante leh ka ni ngei pawn christiana chanchin an sawi ngailo,in hnaih viau mah ila ka tan hmuh ngaihna a awm lo pawnah ka chhuak ngailova tunah chuan ka khawvel chu he room zim te hi ani mai,thisen ka pek duh loh vang khan tute mai pawhin min sawi duh em em a,darlak khuaah phei chuan an ti ti ber ani hial ang,christiana leh a thiante ho zawng zawngin min hua a,kei chauh nilo in ka ni thlengin an be duh lo vek tih ka hria ka ni in pa biaka hi a duhin biak a chak hle tih pawh ka hria mahse keimah vangin an inkar a zauh phah a ka inthiam lo tak zet,tih sak theih engmah neilo chungin keimah zawkin ka la ti buai em em chu nia,ani telin ka chau a ka chau zual zel tunah chuan ka thi tak tak dawn tih ka hria mahse engkim ka pawm thiam a,kal ka chak tawh tak zet zawk ani ka kalna hmun tur nawm tur zia leh min lo nghak reng tute ka ngaihtuah phei chuan ka taksa hi chhuahsan vang vang a na tuar tawh lo tur a kal tawh mai ka chak mahse atawp nan tak takin christiana hmel hi vawikhat chauh tal hmuh leh ka duhna hian ka la tuar ani ber.


























Ka dam loh atang thlakhat lai aliam ve tawh ania,hun hi pawh din zawh rual alo nilo roomah ka ni a rawn lut a thuamhnaw a rawn pawm lut teuh "khua a dur lutuk a,ka seng vek ta mai an ro tawh tho" ati nghal bawrh bawrh a " ka pi te an lo la haw lo maw?"Ka lo tive vat "aw an rawn haw tep ang vawiin chu khua atha lo sia,an rei pawh ka ringlo" ka ni chuan alo tive vat a ,huan lamah thlai an chin belh nual avangin nitin huanah an kal thin ka pi phei hi chu ka ni pawn a khap ngun lutuk tawh chaw a ei tha silova taksa chak loh nen,nakinah a na thut ang tih a hlauhawm em ani "vulchukchuk i inbual duh ang tiraw?Niminah i inbual silova thuamhnaw hi kan thlep zo anga,tui ka lum anga i in bual dawn nia" pangngai zetin ka ni chuan a ti a,lu ka lo bu ringawt "ni...christiana i hmu ngai em?"Ka ti chhuak phawng,ka ni chuan athil tih lai chawl meuhin min en a ni e tun hi ka nat atanga christiana hming ka sawichhuah lehna hmasa ber ani "hmu vak ngailo" tih pahin a tih zawm leh nghal a "eng nge a tih thin ang le?"Ka ti chhuak sep ka zawt pawh anilo keimah ka inbia ani zawk mah,mahse ka ni chuan "an sawi dan chuan sipai lam hna a training dawn e an tia,vairam lamah akal vat ka ring hmanni ah biak ka tuma ka dawr kal laiin ka au a mahse hawi pawh a rawn hawi duh lo anih chu,ka huat zia chu" ka ni chuan a ti hlak hlak mai.



























"Ni pawi ka ti,keimah vangin christiana te thianho pawn an be duh lo che a,pa biak pawh hi...." Ka sawi zo hman lo "an ni thianho kha sawi suh,min be duh lo tu chu eng nga tan mah ka ti bik lo,zak theilo hlawm lutuk ka tlawn huam huam chhan tur hi ka hrelo vawitam biak ka tum tawh a,mahse tuman min be duh lova tunah chuan ka chapo na leh dawhtheihna hian biak a duh tawh bik lo" ka ni chuan ngei hmel zet hian a ti a,ka inthiam lo zual sauh "ni ka tihpalh,tiang hian awm lo ila chuan pa biaka nen pawh in tha daih tawh ang mawle" zawite chuan ka ti a,ahma angin tawng vak vak leh ring deuha tawng kha ka harsat tlat tawh "eng nga tan mah ka tilo,khatiang mipa rilru te lutuk ka duh lo,bakah keiai aletin ala naupang zui ka duh loh zia hi e ka sawi peih lo zawk" uar zet hian a ti a,ka duh lo ti eng ang mahse ka ni ania ka hrechiang ve tawk a,pa biaka a duh zia chu ka hre vek keimah vangin tiang khan a sawi mai mai tih ka hria nuam lo ka tih ahlau a,mahni inthiam lo deuha ka awm kha a duh lova mahse ka hrethiam vek tho.


























"Anih doctora nge pa biaka hi i duh zawk ?Doctora kha chuan a duh viau che chuan ka hria nangmah vang liau liau in darlak thlengin a rawn zin kha nia" nui suk suk chung chuan ka ti a,ka ni chu alo ner nawk "ka duh lo ve ve,sawi tawh lo teh" tihpahin thawmhnaw ho chu a bawmah a dah zui a thlakal ta mai khan doctora hi darlakah alo zin a karkhat vel lai a cham nghe nghe,arawn zin lai khan ka ni bialpa emaw an lo ti deuh fur hlawm a thenkhat ho lahin ka ni a rawn luhkhung emaw ti tawk pawh an awm ka ni lah pek hian "doctor ania min rawn luhkhung alawm,ka luck zia hi" ti chung hian a nui uar uar zel a,midangte ngaihdan ah chuan buai ve lo tak ani,bawihpuii pawh darlakah thlakhat chuang lai a awm ve ta reng mai nuam a ti laklawh a bakah darlak hian zûn anei deuh nge college an la lut lo bawk a,ahaw duh thak lo khua a vawh ve tawh avangin thuamhnaw hlum kan ha ve thap tawh bawihpuiin a thuamhnaw lum engmah arawn ken loh avangin aizawl lam atangin a la in thwn tir sauh sauh a haw mai chu ala tum loh hmel nasa bakah min kalsan hi harsa a tive hle tih ka hria "thisen zawm unau nilo mah ila,ka nu leh ipa an innei tawh a,chuvangin unau kan ni a ka unau nu neihchhun ini bawk ka unau nu natna khum ah mu in,nasa taka adam loh lai hian engtin nge ka kalsan theih ang che" atih hnu kha chuan vawikhat mah aizawl lama haw chho turin ka ti leh tawh lo ahaw dawn lo tih ka hrechiang em ani.

























"I pa te hi,hrilh chu a hun viau tawhin ka hria vulchukchuk bakah ipi leh pu pawh an lungawi tawh miah lo ania hetia i zep reng hi chuvangin hrilh tawh mai rawh vulchukchuk" ka ni chuan a ti a,keipawh ka in ngaihtuah nasa atir kha chuan hrilh mai kha ka duh tawh a,ka ni bulah pawh ka sawi nghe nghe mahse ka ngaihtuah chiang a,ka pa hmel ka mitthla ah alo lang a,harsa ka ti em ani ka nu a awm tawh lova kei hi min hmangaihin keh thei dawm tak meuh meuhin min enkawlin min duat a,tun atanga reilo te ah keipawh ka nu bulah ka kal leh daih anga,ka pa mal lutuk tur hi ka ngaingam lo chhungte neiin nupui hial a nei ngei alawm,mahse kei ka awm loh leh zel chuan ka pa hi a rilru ana dawn lutuk tih hi ka hrechiang em ani," ni e,hrilh chu atha alawm tunah chuan ka in peih tawh,ka pa chu hrilh tawh tak tak ila atha zan ah ka pu kan biak tir dawn nia" ka ni bulah chuan ka tive ta nge nge a kei chuan ka hrilh ngam ngang lo ani ka ni chuan ngawirengin ding chung hian min en vung vung a,min khawngaih hmel tak zet bawk ka pi te an lo thleng aniang an thawm ahriat takah chuan engmah sawilo in room atang chuan a chhuak ta a.























LALNEIHPUII POV.





Sunday zan chu inkhawm ngei ngei ka duh avangin bawihpuii nen chuan kan inkhawm a vulchukchuki ka ngaihtuah viau a,mahse zomuani a awm a ngaihtuah lo tur leh alo awmpui theih thu a sawi vangin rilru nuam lo zetin ka inkhawm dawn anih hi,bawihpuii pawh a fel khawp mai mikhual mah nise inkhawm ni hi chuan a inkhawm ve ngei ngei zel,zan lamah hi chuan boruak hi avawt leh zual bawk nen inkhawm dawn pawn kawrlum kan ha deuh thap zel,kan kal lamah chuan bungkung bulah hian an lo ri deuh laih hawi pawh ka hawi peih lo christiana te thianho bak an nilo tih ka hria,thlasik anih tawh hi chuan kan veng bungkung hi chu an thianho ta ani ringawt bung hnuaiah mei te chhemin an awmkhawm anga,an zai bawk thin kum dangah chuan keipawn ai puive zeuh zeuh chang chu ka nei thin mahse tunah chuan an ni ho melh nan mai mai pawh ka mit hi ka ui tawh.


























Khua a vawt tawh bawk nen zanlam inkhawm chu kan tam lo viau a,puitling aiin thalai inkhawm kan tam zawk mah aizawl atang a pastor lo zin lai ani bawk a pathian thu a sawi pawh ngaihthlak anuamin kan nun a chawm viau kan pastor hi afel em em a,thalai ho pawh hian kan nelin kan kawm ngeih hlawm viau,kan khuaah hian anghetin lo awm se ka ti tak tak ani kan inah pawh vawihnih arawn leng ve tawh a vulchukchuki hi rawn kawmin arawn tawngtai sak thin bawk pastor fel tak mai ania vulchukchuki chanchin pawh ahrevek a,mahse khawiah mah a sawi chhuak lo thung nupui nei lai ani a,fa pakhat nei tawhin a nupui fanau te erawh an rawn zin ve lem lo pastor tawng tlem tak mai leh inthlahrung mi tak ani a,ahmel erawh atha viau a sangin a sa pawh atha a kan khaw tleirawl te te ho hian an star thei hlawm lutuk nupui leh fa hial nei tawh mashse a la luck phian zui,kan khua ah hian anghetin lo awm ngat se chuan,kan khaw nula zaktheilo tak tak an tam si a,nupui neilai pawh ni mahse lo chhai duh chu an awm leh tho ang (A duh tan Rinchuta in ngaihbel thei ang).























Kan haw lam chuan,bawihpuii a ti ti siam siam a kei erawh ka rilru ahmanhmawh ru viau,vulchukchuki ka ngaihtuah em ani zomuani awm tho mahse nau pawm lai ania ka nu leh pa lah an chak tawh silova buaipui ngaiin lo awm thut se,atih dan tur lah an thiam dawn lo bakah ka nu phei chu a chiai leh nghal vek ani mai bung awmna kan thleng chu kan kal lam aiin awm an lo tam tawh zawk a an bengchheng viau,hmeichhe nui thler duai duai ri pawh ka hria kan kal pel mai tur chu "Lalneihpui" min rawn ti tu avang chuan ka ding chiang khawp mai,tunah khan lalbiakliana khan ka hming pumin chiang zetin min rawn au kal luih ka tum leh chu "iva dawizep ve hmuh pawh min hmu ngam na nge?"Pawr zet leh min hmusitna tel tlata ka hriat avang chuan an thianho awm thapna lamah chuan chak zet hian ka phei a ka hnungah bawihpuiin min lo zuive vat,an vai mai chuan min lo en thap a christiana erawhin min en lem lo hian alo thu ngawi reng thung.


























"Lalbiaklian tunah khan eng maw i sawi ka dawizep iti em ni?"Ahma ah tak chuan ka va ding a,a mitmeng atang chuan a harh fim chiah lo a ang,ka awi theilo ruihhlo a nghei tawh maw tih laiin zu rim lah chu anam huam huam a an meichhemna bulah chuan zu bur leh dispo no a awm nual bawk.Abul hnaia ka ding chu min en tha leh ngam silo chuan sir lam hi amelh leh daih,"Lalbiaklian zawhna ka zawh che kha?Ka dawi zep min tih chhan sawifiah rawh chuan min en bawk la" nem lem lo zet a ka tih chuan a khuh vak a "ka en chak lem lo che" sir lam la hawireng chung hian a ti anih chu ,midang awmho chu an lo nui huk hlawm "eehh...pa biaka chu zâm leh si ani maw?"Tu emaw ber hian a rawn ti a,kei chuan biaka ringawt ka en thung "haw ta che u,hetah eng nge in lo kal haw rawh u" min la en duh chuang miah lo hian a ti a,chhang pawh ka chhang let peih tawh lo "ehe,uchris kha kha ibialnu thar ami?"Bawihpuiin atih chuan christiana lam ka hawi vat.


























Abulah chuan venglai ami,Lalrintluangi nula ler leh zah hre miah lo kan tih thin chu alo thu a,christiana chu angheng deuh chial,ka rilru ah vulchukchuki alo lang nghal a,ani natna khumah mu in christiana ngai reng rengin atap thin a hetah christiana ve thung chuan nula alo awmpui a,ka haw hluah hluah an thutna lamah chuan ka phei a za lo zet chuan ka nui hak "heihi maw,vulchukchuki aia i thlan hmeichhia chu?"Ngainep lutuk chuan ka ti a,min chhang duh miah lo en pawh min en duh chuang lo "ilo tenawm hle mai Rozamlian,mipa nep tak ini" ka ti chhuak leh that,ka thinrim lutuk chu ka thaw hrawk hrawk thei,chutah christiana chu arawn ding chhuak zawk "ka tenawm maw?Ka nep maw?Tunge tenawm a nep zawk chu ahriat mai lawm,ka nau thi chhawng a ,a awm lai khan Lalvulmawii khan a thisen tlemte pawh pek a phal lo anih kha" christiana chuan ati chhuak hrawk "ni e,ape lo pawh ani thei,mahse kha vang mai khan lalvulmawii hi a tenawmin anep tihna anilo,i laka a thil tih zawng zawngte,tiang din hmun ithlen chhante hi ngaihtuah rawh" ka ti vin leh that.



























"Hah...lalvulmawii ka nun a alo lan hma pawh khan ka awm thei,tuna alo lan tak avanga atel lova ka awmtheih loh chhan tur ka hrelo,lalvulmawii nen a kan inkar chu atawp vek tawh,ka nu in inngaitlawm taka ahma a thingthi meuha ngaihdam a dil lai leh,khawngaih adil lai pawh khan ahrelo der hmak thei a,khatiang hmeichhe tenawm leh rilru chhia kha ka nun a tel turin ka duh tawh nek love" aw kâ vin hauh lo mahse chang zet si chuan ati a,ka mittui luang chu ka hru zeuh midangho chuan christiana nen a kan in hau chu an lo ngaithla tawp "ni e,vulchukchuki tello chuan i awm thei tur ani,i awm theih angai hetia i awm pawh hi atha zawk tho alawm,hua la i damchhungin haw rawh a chhan chu reilo te ah chuan i damchhungin vulchukchuki zawng ruai ruai mah la i hmu leh tawh ngai dawn silova" ka ti chhuak sep,ka thusawi chuan athawng deuh nge min en chiang viau mai "adam loh vang chuan a thi dawn tihna maw?Hah nep lutuk" hmuhsit hmel zet chuan christiana chuan ati leh.
























"Vulchukchuki hi i ngaih ang kha anilo asin,ka hmangaih itia ihrechiang hle maw ka lo tia mahse ilo hrechiang tawk lo hle mai,kimtei thisen a pek loh vangin ti khawp hian i haw ta a" ka ti chhuak leh halh,"chuti taka hmeichhe fel si chuan engvangin nge ka nau kha thisen a pek mai loh,tute pawh mangang reng reng a kan awm lai khan ngatinge thisen kha a pek loh,amah vangin ka nau ka chan tep zawk anih kha" vin zet chuan ati a,ka thinrim tawh lutuk chuan "achhan chu vulchukchuki khan cancer a vei a,engtin nge thisen kha a pek ang,engtin nge cancer vei lai thisen chu damlo hnenah a pek theih ang" a au in ka au ani ber engkim mai chu a reh nghal duk a,christiana pawh athawng tih hriat lutukin keimah chu min en tlawk tlawk,tumah reng chu tawng thei pawh kan awm lo kei erawh rilru na zetin ka mittui aluang zung zung thung.


























"Dawt,dawt i sawi dawt anih chu,cancer hi fiamthu na chi ani em ni?Engtin nge dawt hmangin lalvulmawiin cancer avei itih ngam zawk a?"Christiana chu a au ani ber a hmel a,achiai zia chu tuman kan hmuh hmaih lo "nilo,duati....ka duati..kha ka beng a sin,khami ni khan he ka kut ngei hian ka beng a sin,adam lo tih hre miah loin kut ka thlak " tihpahin christiana chu a che buai vek a,a sam chu atham leh vak thin midangho pawh chuan zawhna an ngah hlawm tawh viau mahse tumah ka chhang lo an ni ho hi ka haw vek,vulchukchuki na an hriat tak avanga min rawn ngaihsak leh hluak kha ka duh lo bawk "christian inchhir hian awmzia aneilo,tunah chuan i hmangaih chu athi mek zel a,atel lova i awm theih thu kha i sawi ani lawm ni,ni e i awm thei ngei tur ani duh lo in phal lo mah ila vulchukchuki chuan min kalsan vat dawn,a tel lova nun hman kan zir angai,chuvangin nang pawh tuna i awm dan hian awm reng la,vulchukchuki pawh rawn ngaihsak angai chuang lo ania,achhan chu eng ang pawn enkawlin damdawi chitin reng pawn enkawl mah ila awmzia a awm tawh lo vulchukchuki hi tunah chuan muang chang changin a thi mek zel ani" christiana chu ka melh ngawt ngawt,a insehruh nasa hle a,amitmeng pawh a sen vek eng nge angaihtuah pawh ka hre lo.
























Midangho min biakna pawh chu ka chhang tawh lova christiana pawh atawng tawh lo,ngawirengin mi â ang maiin a ding tlawk tlawk "bawihpuii haw ang le,vulchukchuki akhua alo har lutuk palh ang" tihpahin an thianho chu ka kalsan ta a,ka hnungah bawihpuii chuan min lo zui ve vat bawk,christiana kha engmah hrilh ka tum miah lo mahse ka thinrimin ka in sum thei ngang tawh lo ani,natna khuma a awm mek lai pawh a christiana'n nilo zet a angai kha ka rilru ana em ani,bakah christiana pawh khan engtikah emaw ala hrechhuak anga,chutih hunah chuan a inchhir dan tur chu tunah ringawt pawh khan a chiai vek anih kha hrilh chu ahun tawh viau tho e,tu te pawn vulchukchuki natna hi hre tawh mahse pawi tihna ka nei ta lo,ka vahnu khawngaihthlak zetin a boral hnu thleng a mi ten misual tak ang nga an ngaireng tur hi ka duh lova chuvangin anatna diktak hi hre mahse apawilo,vulchukchuki hian thih hi a phu lo asin a naupan tet atang hmeichhe naupang fel leh tawngtlem tak mai ania.






















Anu a boral avangin a pa in kehthei dawm tak meuh meuhin a enkawl seilian a,tunah kum 22 pawh ala tling em lova ti hian natna tih baiawm zetin atlak buak leh a,ka khawngaih tak zet,ahma lam hun tur suangtuahin hlim zetin min hrilh thin anih kha,darlakah hian dawr te ka siam ve anga,kan pahnihin kan nghak thin anga,kan hlawk viau chuan kan ti lian telh telh anga,tih te kha min hrilh thin a pasal ka neih hunah chuan fate neiin ka pasal leh fate nen kristian chhungkua kan din anga,hlim takin ka awm ngei ngei ang tih thu min hrilh laite kha ka theihnghilh theilo,"lalpa vulchukchuki hi khawvelah hian ahnawksak viau em ni?Ila dam tir mai theilo em ni" ka rilru chuan ka ti mawlh mawlh.















Next ah chuan kan last chapter tawh mai thei aw🥲





NOTE.Chhiar ngei ngei tur aw





Khawvelah hian,tute pawh hi pathianin kan tan a ruat anei sa vek a,athen erawh nupui/pasal nei lem lova boral te pawh an awm a,kan hmangaihte kiangah kan awm arem loh chang a awm ve fo a,in hmangaih em em chung si a inkalsan angaih changte a awm thin,kan hmangaih a kan duh ngawih ngawihte pawh kan tan a ruat an ni vek kher lova,eng ang pawn nupui/pasal pawh lo nei ila,kan tana khuanu ruat dik tak an nih loh chuan,engtikah emaw inthen chang a awm leh nge nge thin kan tana khuanu ruat dik tak chu maw eng hunah pawh nise,kum 40 kan ni emaw kum 50 kan ni emaw pasal neiin fa neiin nuthlawi/pathlawi hial pawh ni mah ila khuanu khian min la in tawn tir dawn tho tho chuvangin ngaihzawng kan neih kawngah fimkhur ila,hmeltha kan tih leh fel kan tihna zawng hi awlsam taka duh kher loh tur,ahunah pathianin kan ta tur diktak chu min la pe dawn tho tho.









Ka story ziah khian awmzia leh zirtir tamtak anei a,a awmzia hrethiam lem lova chhiar pawh in awm maithei tin,ngaihtuah chiang lova chhiar liam mai mai pawh in awm maithei bawk,mahse a awmzia hrethiam te tan erawh angaihnawm piah lamah zirtir tha tak anei tih in hrethiam ngei ang,pathian chunga rinna nghah apawimawh zia chu alang teuh a,story ah khian alang tam ber hial ang mahse chumi phen ah chuan thil tamtak a awm a,thiantha te hlut zia te,tin mi tu pawh awlsam taka rin mai mai loh tur,chubakah sawn hial pawh kan lo pai ani thei,pai in awm ka tih na ani kher lo aniazomuani atang khian huaisen taka sawn pai ngam kha ,pai ru tihna anilo awi tawngkam hi ka thiam lo siaka ning ka sawifiah thiam tawh lo e ahka peih tawh lo ka sawi ho zo vek dawnin ka hria,ka sawi tum chu in hrethiam vek ang ninawm


Show post links
Top

[Ngaia]

By_Mampuii pautu







Ka ta chauh ni rawh







Chapter-21








LALVULMAWII POV.









Ka ni te rawn haw chu,zan dang aiin bawihpuii nen chuan an ngawichawi riau hian ka hria a,an inthlak lai chu ngawirengin ka lo en reng,ka thin zawn na nghut nghut chu a hreawm tawh tak zet bawk,ka thawk chu ahah ru viau bawk a mahse engmah ka sawi duh lo,ka ni te an inkhawm hlan in zomuanin min awmpui reng a,mahse ani pawh nausen pawm lai ania tih buai reng chu nuam ka ti bik lo,ka ni te lo haw hma hretin a duh lo chung ka haw luih tir a,ka ni leh bawihpuii inthlak zo chu ka bulah chuan an rawn thu ve ve,keiin aruk thei ang berin boruak chu zawi muang muangin a tam thei ang ber ka lo hip lut ve bawk a,mahse thawk chu a harsa telh telh hian ka hria "vulchukchuk ilo tha em?Duh aiin kan rei a"ka ni in atih chuan kâ pawh a chhang lo in lu ka lo thing ringawt bawihpuiin ka chal a rawn khawih a, "vulchukchuk ka ni hian engkim a sawi chhuak vek tawh" bawihpuiin atih chuan ka hrethiam lo hle,eng chu nge a sawi chhuah chu "ni...eng..eng maw i sawi?"Harsa zet hian ka ti chhuak a,ka ni chuan ka sam a rawn chul hliau hliau a.

























"Kan rawn haw kawngah christiana te bung bulah sawn an awm a,tah chuan kan in hau deuh a ka thinrim em a ka insum zolo in ka sawi chhuak ta tawp,vulchukchuk pawi ka ti lutuk mahse chutih rualin christiana hian hreve tawh mahse apawi lo ania" ka ni chuan ati chhuak sep,ka tawng ve dawn a ka thaw hah tawh lutuk vang chuan ka tawngchhuak theilo,ka thaw nghal kawk kawk a ka ni leh bawihpuii chu an chiai nghal vek ka bek a ka mittui luang pawh chu ka hai lo "ka duh theilo vulchukchuk,i tha em?Nu,pa lo kal vat teh u vulchukchuki hi atha miah lo" ka ni chu a au nghal tuar tuar a,chutah room chhungah chuan an rawn lut huk christiana te thianho pawh engtik laiin nge an lo kal ni,ka thawk hah em avang chuan tumah pawh chu chiang takin ka hmu theilo ka mit aphe vek hian ka hria "Duat....nilo...nilo engtin mah ka awm tir dawn miah lo che,duati min ngaidam rawh...itel lo in ka awm theilo,chuvang chuan hetiang hian awm suh" christiana aw ri hlauhthawn na a khat pawh chu chhang let turin chakna ka nei tawh lo.















LALNEIHPUII POV.








"Motor alo thleng tawh em?Damdawiin kan kal nghal angai" christiana chu a au hian a au tuar tuar a,ahlauhthawn zia chu a chet dan atang ahriat vek vulchukchuki chu a kuah bet tlat a,kei ngei pawn tih ngaihna ka hre tawh lo vulchukchuki chu christiana chuan a kuah bet tlat a,tap kher lo mahse a mittui tla chu ka hmuh hmaih lo "le,motor alo thleng christian hmanhmawh rawh" pa biaka chuan room pawn atang a rawn ti a,rang lutukin vulchukchuki chu a pawm kang a,a tlanchhuah pui nghal bawk kan zui chhuak ve nghal vek a "bawihpui,nang chuan i pi leh pu lo awmpui rawh aw,keiin ka zui ang tha deuhin lo awmpui rawh" bawihpuii bulah chuan ka ti a,lu a bu nghauh nghauh christiana te thianho an tam si a,kan in bulah chuan kan ri nuai nuai ani mai car ah chuan hlua a chuang tel ve a,chuan ve mai ka tum chu tu emaw hian ka kutah alo vuan ka hawi let chu lalbiakliana lek "mawla...min thlah vat rawh" ka ti vin that "nang chu ka bulah....leee akal theih e kal ru" ring zeta atih hnu chuan an tlanchhuak nghal daih.

























Lalbiakliana chu rum zet hian ka melh a "neihi....ngatinge inla din reng,kal ve nghal vat ta che u" ka nu chuan aw khur dar dar hian a rawn ti a "nu...kal chu ka duh alawm mahse hepa rual kher a kal hi ka duh lo" tihpahin lalbiakliana chu ka la melh rum viau a hma zawng zawng a min be duh lova min pehhel tu ania,tun ataka min rawn be tha leh hi ka duh lo an toys mai mai ka nilo "aahh...kal mai mai teh,duh thlan hun pawh anih loh hi" ka nu chuan a rawn ti leh " pi raja-i khan a sawi dik,i rawn chuang dawn nge ka kalsan dawn che" lalbiaklianan atih leh chuan ka huat zia hi thu in ka sawifiah zo kher lovang,mahse tunah chuan duh thlan tur nei hek lo ,zanlai ani mai dawn a kalna tur dang a awm dawn lova vulchukchuki ka ngaihtuah tak zet bawk.Duhthlan tur nei ta hek lo chu lalbiakliana bike ah chuan ka lawn ta nge nge a, "min vuan nghet rawh" atih rual chuan chak zet hian a tlanchhuak nghal a,ka te that akawngah chuan ka tum vang reng pawh nilo in ka kuah a,hemi hring ka huat zia hi chu aw.




























Mamit damdawiin kan thlen chuan vulchukchuki chu doctor ten en turin,an lo hruai lut daih tawh damdawiin kawtah chuan an lo awm nual keini pawh damdawiin chhungah luh teuh an phal silova,zanlai anih tawh vangin pawnah chuan kan lo nghak reng tumah tawng pawh kan tawng lo christiana erawh damdawiin chhungah ala awm thung,midangho chuan keimah chu min en leh thin an hmel a inthiam lohna leh hreawm an ti hmel chu ka hmulo der hmak a,an vai chuan min biak an chakin zawhna min zawt chak tih pawh ka hria pa biaka ngei pawh mahse an inthiam loh avangin min be ngam lo in min melh leh vung vung hlawm a,ka phone ri chu rang takin ka la vat bawihpuii hnen atang "hello" ka tih rualin ka nu aw chuan "eng nge a an?Aharh em?Atha em?"Arawn ti nghal sawk sawk a "nu...hahdam rawh tunah doctor ten an en mek a,oxygen an pe mek atha mai ang hlauthawng lo ula hahdam deuh khan mut lo tum ru" ka theih ang tawk chuan ka hnem ve a,ahnu chuan bawihpuii aw zawk chuan "ni....atha ang tiraw?Vulchukchuki kha?"Arawn ti ve leh "tehreng mai a tha leh dawn alawm,chuti maiin min kalsan dawn hleinem,bawihpui ka nu leh pa bulah khan aizawl lam phone turin leh kan chanchin hi lo hrilh turin tila mahse naktuk lamah aw,chuan i pi leh pu kha ikutah an awm ania lo enkawl tha la" ka tih leh chuan "tehreng mai,helam chu rawn ngaihtuah angailo,chanchin min rawn hrilh leh rawh aw" atih hnu chuan call chu kan dah a.




























Christiana chu damdawiin atang chuan arawn chhuak a,chak zet hian ka din na lamah chuan a rawn kal ka bul a rawn thlen rual chuan ka dar tawn tawn ah min hmer nghal chawtin min thing deuh nawk "engtik atangin nge anat?Engvanga engmah min hrilh lo nge inih?"A au hian min au khum ani ber,"Christian min thlah phawt teh" zawite chuan ka ti a,ka chau in ka rilru ahah bawk nen au tur tak ngial pawn tha ka nei tawh lo "ni e,christian thlah phawt rawh ani pawh hi a chau in a rilru ahah em hi" pa biaka chu ka bulah alo ding a midangho pawhin min ngaichang thap "anatna chu a rei tawh aizawl kan awm lai khan kan hre chhuak tawh,mahse vulchukchuki khan sawichhuah a duh lo a,min ngen nasat em vang in ka zeppui a tuman an hrelo,keimah chiahin ka hria vawitam tak,treatment la tur pawhin ka tur nasa mahse a duh lo,doctor khan enkawlin awmzia anei tawh dawn lo a mahse treatment erawh kan la thei ati chung pawh khan treatment lak kha a duh tlat lo alawm" ka mittui chu a luang zung zung thei.


























Christiana chu leiah chuan a thingthi hnawk "nilo...engthil nge ka tih hi,kei hi mipa nep tak ka ni,ka nep tak zet engtin nge ka hmeichhe hmangaih hi nasa takin a dam lo ani tih hi ka hriat loh theih zawk" christiana chuan ati chhuak sup,a aw ah chuan a rilru natzia leh a inthiam loh zia ahriat vek "vulchukchuki chu aw,ngatinge engmah kan hriat loh le,keini ho lah khan engmah hrelo in amah kha kan lo haw ve em em a,arukin na alo tuar reng sia" duata chuan ati deuh vawng vawng, "nilo e,in thiam loh engmah a awm lo in hre miau lova hria ula chuan tikhan in awm bik nang" ka lo tive vat,ni e ngei hlawm viau mah ila an hre miau lova hrelo tan chuan tih ngaihna a awm ngang lo ani, christiana chu rawn tho thutin, chak zet hian akalsawn a,hmanhmawh lutuk chuan ka umzui nghal vat,"christian lo ding teh" ka tih pawh chuan hrelo ang hmak chuan a kal mawp mawp "Rozamlian ding rawh ka tih chu" ka ti vin leh that,a ding nghal chat bawk damdawiin compound chhungah kan awm tawh loh avanga vin ka ni bawk.



























Hawi pawh rawn hawi let lo chuan,"min rawn zui suh,let rawh" ati chang hrawk a,"nilo,christian khawiah nge kal itum?"Ka ti chhuak leh sep,hepa hi amaha awm tir chi anilo hrim hrim "thih ka duh,keihi mipa laktlak loh tak ka ni duati,khum bet a adam loh laite khan,kei chuan ati der vekah ngaiin ka haw em em a,kimtei thisen apek duh loh avangin na tak a,tawngkhumin ka kut ngei hian ka beng anih kha,khatih lai pawh khan a dam lo reng tawh awmsia,keimah zawk hi dam tlak ka nilo" christiana chuan hreawm tih hmel zet chuan ati a,abulah chuan ka ding ve bawk "vulchukchuki khan a dem ngai miah lo che nia,christian chuvangin inthiam lo in awm tawh suh,vulchukchuki ngaihdan pawh ani dawn miah lo ania" ka ti chhuak ve sep,kan piah a pa biaka ding chu ka mitsir in ka hmu reng bawk "ka inchhir tak zet,min kalsan ta se,engtin nge ka awm ang,keihi atel lo in engtin nge ka awm ang,atel lo chuan nun dan tur pawh ka thiam dawn lo asin,min kalsan thei lo" beidawn hmel zet hian ati a.




























Adarah chuan ka beng thak thak "christian,kal tir tawh zawk mai ang u" ka tih chuan mit sen ram hian min en a "engtin nge ka kal tir theih ang,ka theilo....kal tir ka theilo ani nen sawn rei tak dam dun a,fa neih a chhungkaw hlim tak din te ka suangtuah thin a sin,ani saw khawvela ka hmeichhe hmangaih hmasa ber ania,ka nun thlak danglam tu ani bawk,akiang a hun hman ka la kham lo amah nen a thil tam tak tih dun ka lo suangtuah ve thin kha,amah nen ngeia tih dun vek saw ka duh min kalsan ka rem tilo" a au hian a au ani ber,a mittui tla pawh ka hmuh hmaih lo tunah hian christiana hi ana tak zet zet ani "christian,mihring nun na te chu kan chelh din zawh rual an ni hleinem,tuman akal hi kan phal bik reng reng lo,mahse anatna tawrh hi ana em a eng ang pawn chelh lui mah ila,pathianin a hnenah vulchukchuki chu awm turin a duh tawh alawm,chuvangin thlamuang taka akal theih nan keini pawh hian,ngai dawn hle mah ila kan kal tir angai" ka ti ve sep, "nilo...ka thei lo ang,adam leh dawn alawm ka kal tir thei lo,ka â thei mai ang" christiana chuan aw zawi sup hian a ti a,ka mittui ka dang zo lo "lalpa,khawngaihin heng naupang pahnih te hi,reilo te tal ila awm dun tir thei lawm ni?"Ka rilru chuan ka ti mawlh mawlh.




























Min lo koh tak avangin damdawiin lamah chuan hmanhmawh ang reng tak hian kan phei dun a,doctor vulchukchuki en tu,ka thianpa ni bawk Rema chu pawnah alo awm reng tawh kan thlen phei rual chuan "atha em?"Christiana chuan ati nghal vat,doctor chu a thaw chhuak hak "tunah chuan ala tha rih e,oxgyzen kan pe a mahse engchen nge adaih dawn kan hrelo ani" beidawn hmel zet hian a ti a christiana chuan a kawr awmah a tham nghal pawp "doctor ini lo em ni?Ti dam ta che eng ang doctor nge inih?"Ati chhuak hrawk a,kan lo dang vat "apawi ka ti,doctor thiamna phak bak ani tawh a,tunah chuan pathianah chauh in nghat tawh ula,atan tawngtai sak zawk rawh u rei a daih tawh kher lovang,damdawiin a in enkawl in awmzia vak anei tawh lo" doctorin a tih leh chuan tumah pawh tawng chhuak thei kan awm tawh lo, "nilo...ani lo....doctor mawl tak ini,engtin nge duati saw a thi dawn tih kha i sawi ngam zawk?"Christiana chu atal buai vek ani ber,"keiman damdawiin dangah ka hruai dawn,athi dawn reng reng lo" ti tuar tuar pahin damdawiin lam chu pan atum nghal a,midangho chuan an lo dang a an vuan bet ani ringawt,tih ngaihna ka hrelo lutuk hi ka tawt vek hian ka hria.




























"Anih tunah vulchukchuki chu a hmuh theih em?"Doctor bulah chuan ka ti leh a "aw alo harh tep tawh a,in hmu thei ang in duh chuan in lamah pawh in inenkawl thei tawh a kha chu in thu thu ani tawh e,min hrethiam dawn nia" ti lehin akalsawn zui nghal a "min thlah rawh u,hmelho saw doctor saw ka that dawn,doctor dawheh tak ani" christiana chu ala au tuar tuar a,damdawiin pawn lamah a duh lo chung chu midangho chuan an hruaichhuak lui a,an kalpui loh chuan christiana kha an dang zo dawn silova police hial phone angaih thut ahlauhawm ani,kei mah ngei pawh hi ka â ruai hian ka hria damdawiin sir lamah chuan ka phei a,ka va tap nghal hawm hawm,ava han hreawm vawng vawng tak em vulchukchuk ithi dawn tak tak em ni,nilo ka phal thei lo ka tahna lamah ka mit pawh a vung vek tawh hial ang,pa biaka chu ka bulah arawn ding hlawlh ngawireng a min en hnu chuan min kuah nghal vawng vawng a,min thlem atum ve tih hriat zetin ka hnung chu a chul hliau hliau bawk,ka duh lo viau a mahse tunah tak chuan he thil hi ka mamawh min hnem a ka bul a awm tur ka mamawh ani,midang hmuh ah chak tak leh chhel tak angin lang mah ila ka rilru chhungril erawh a rum vawng vawng.
























Midang rilru na hnem reng mah ila,kei ngei pawh hian hnem tu ka mamawh ve tak zet ani "Engtin nge kan tih ang,tunah chuan vulchukchuki kan kal tir tak tak angai tawh dawn ania" ka ti chhuak tiau a "lee...tap tawh lo phawt la,i tah chuan ka lung iti zing vek ania aninawm tap tawh lo teh ,abengchheng" lalbiakliana chuan ati nih chu,kan hun tawnin zir se chuan ka nui chiam maithei ani,min hnem ve dan chu leh "anih khawmaw min thlah teh" tih paha tal chhuah mai ka tum chu min kuah nghet sauh "angai kher hleinem,i duh leh tap leh si mai rawh" atih leh chuan rem leh rem lo in ahnungah ka chum pawp,hahthlak lutuk mai hepa tak hi chu,min hnem lo chiang lutuk hi ah.Mahse a bula ka awm hrim hrim hian ka thla amuang em em a,ka rilru hah leh tawt lutuk pawh a zia hawk hian ka hria ,ka awi theilo kei aia kum nga ngawt a naupang bulah hian ka thla amuang maw lalneihpuii ka ang lo zawk.

























Rei fe chutia kan awm hnu chuan kan kalsawn ve ta a,damdawiin chhung lamah kan lut nghal bawk,zanlai anih tawh vangin kan thian thenkhat te,an chhungte in a riak turin an kal hlawm a,pa biaka,duata leh hlua chu kan awm thung a ,christiana kha khawiah nge an kalpui tak pawh ka hrelo vulchukchuki doctor hi ka thianpa anih vangin vulchukchuki awmna ah chuan kan vaia min luh tir chu min phalsak a vulchukchuki hi damdawiin chhung private roomah a awm bawk,vulchukchuki hmel ka hmuh chuan tap mailo turin ka insum nasa viau,kan lut min hmuh chuan alo harh tawh a thei leh theilo hian keini ho chu min lo nuih tawk tawk a,oxgyzen mask avuah miau avangin a tawngthei meuh lo abulah chuan kan va thu vat,Duata phei chuan a rukin a mittui ahru zeuh chu ka hmu a,an thianho zingah ro ro chuan duata hi vulchukchuki hian a ti buai tam ve ber a nel pawh an innel berin ka hria,"vulchukchuk kan vai hian i ngaihdam kan ngai tak tak ani,min ngaidam rawh aw kan lo be duh lo vel che a i damlo tih hre chungin tuman kan lo kan duh lo bawk che a,engmah i natna hrelo in kan dem ve em em che a kan mawl hlawm tak zet thian nih hi kan tlin lo hle ani min ngaidam ang che" pa biaka chuan ati mawlh mawlh vulchukchuki chuan angaidam tih hriat nan chauh hmel zet hian a nuih sen sen bawk.




























A mit chu achet kual leh thin christiana a zawng tih ka hrethiam nghal a "christiana chu akal chhuak lawk a rawn kir tep tawh ang" ka lo ti vat a,thei leh theilo hian rawn tawng a tum a,mahse tawnglo tur chuan ka ti vat a mask chu lak thlak a duh thu chu harsa zet hian a rawn sawi a "alak thlak theih loh i thawk ahah leh dawn asin" ka lo ti vat "apawilo,neihi lak thlak sak mai rawh film velah pawh an tih ziah kha" lalbiaklianan atih chuan rum lutuk hian ka melh khai khai a "lalbiaklian,film kan chang loh hi mawl lutuk mai,ka kuk fawk dawn che mi?"Ka tih chuan a lu chu a tuai vut vut ringawt a,mawl lutuk doctor rema chu kan awmna roomah arawn lut a "ilo kal hlauh chu ka van lawm" tih pahin doctor rema bulah chuan ka ding nghal vat lalbiakliana chuan min lo en chiang ngang mai chutah kan dinna lamah chuan rawn pheiin Urema nen a kan inkarah tak chuan chep zet hian a rawn ding luah anih chu,apa len tehreng nen "ehem...ehem....Pu doctor kan dam lo hian a mask hi phelh a duh sia a pawi angem?"Biaka chuan atih zawm a urema pawh anui tawp "ee phelh theih tawh e,a harh tawh chuan alawmawm e in duh chuan naktuk lamah in chhuak thei aw" urema chuan ti lehin a chhuak zui a "chhuak su pawh ti mahla,kan chhuak tho ang"lalbiaklianan zawitea a sawi ri chu ka hrereng hepa hi a thik thu ati chhia tihna mi buaithlak thin hian.




























Vulchukchuki oxgyzen mask chu kan lak thlak sak a,"i tha chiah maw?"Ka tih leh chuan "imm" ati zawi sep,ahmel chu hman a vulchukchuki kha a ang tawh lo tak zet,acher em em a,ahmai leh taksa pawh adang (pale) vek bawk a,ka khawngaih ngei mai "ka tha min ngaihtuah miah suh u" ati chhuak leh sep a tiang din hmun a,a awm tawh chung pawn ka tha ala ti thei ania "vulchukchuk min ngaidam rawh aw" duata chuan a ti deuh tiau a,tap mai tur hmel hi a pu bawk vulchukchuki chuan a nuih deuh sen sen hlawm a "ngaihdam in ngai hleinem,engmah inti sual lo ania aw nangni ho hi ti khan lungngaih hmel deuhin awm suh u,in inhmeh ve lo ania" vulchukchuki chuan hreawm an tih hlau zet hian ati leh a "eng ang hmeichhia nge maw inih le?Tiang din hmuna i awm chung pawn keini ho hi min la ngaihtuah thei amaw?"Hlua chuan ti chhuak hlukin room atang chuan a chhuak daih,hmuh hreawm ati ani ngei ang keipawn hmuh har ka ti lutuk tlat,reilo te hnu ah kan awmna roomah chuan christiana chu a rawn lut ve hlawlh,kan lo en thap khaw dang reng reng hawilo chuan vulchukchuki ringawt chu a melh tlawk tlawk mai "ti rawh u,lova chhuak ila coffee lova in ang u avawt emai" tihpahin pa biaka chuan min kaiin min chhuah pui nghal a duata pawh kan hnungah alo kal ve nghal bawk.



















VULCHUKCHUKI POV.






Christiana ka mipa hmangaih em em chuan ngawireng a dingin min en tlawk tlawk,nuih sen sen pah chuan "christian" ka ti chhuak sup,ka hmuh lohna thlakhat chuang lai ani ve tawh a,alo cher ve deuh a hmuihmul pawh anei ve deuh alan dan chu hman ang khan pa ka ti in min la hip reng,he mipa hi ka ta ani ngai dawn silova,"lo kal ta che" ka ti chhuak leh sep,ka lamah chuan muangchang hian a rawn phei chair ah chuan a rawn thu thla dat "duati" rilru nat hmel zet a ti chhuak supin ka kut cher ve tawh tak chu a hum nghal veng veng a,christiana chuan ka thla ati muang huai huai bawk ka ngaih em em mai mipa ka hmu chu ka hlim tak zet "tinge engmah i sawi loh?Tinge i zep ka inchhir zia leh ka rilru nat zia ihria em?Dam leh rawh min kalsan suh aw i tel lo in ka awm theilo tih ihria ani lawm ni?"Ati chhuak leh hawk a,ka chhang lo a awmdan atang a inchhir zia chu ka hmu vek mahse christiana hi vawikhat mah ka dem chhin ngailo.

























"Ngatinge,hmuihmul te i zuah a,putar i ang teh mai nia" nui sep a,ka tih chuan anui ve lo min enreng ringawt a ka kut chu la kangin a fawp leh vang vang thin, "min kalsan suh aw,duati nang nen a puitlin tur duhthusam ka la ngah lutuk" ati chhuak leh sup,"christian,keichu reilo te ah ka kal tawh dawn khawngaihin hlim deuhin min thlah zawk rawh aw,chuan hahdam deuhin ka kal thei dawn alawm kum 22 chauh ila nia hmalam hun eng tak ila nei kei ka awm tawh loh hunah pawh puitling taka awm zel turin ka duh che a keimah vangin nupui nei lova i awm ka duh lo ania,nupui tha tak nei la fate neiin kan pahnih a kan puitlin theih loh kristian chhungkaw din ngei ngei turin ka duh che ania" ka ti chhuak sup sup a alu athing nak ," ka theilo nang hi ka rilru leh ka thinlung a ka nupui dik tak chu inia lawm,nanglo hmeichhe dang melh tumna ka nei ngailova ka duh lo bawk" luhlul zet a ti tu chu ka en reng engpawh sawi ila a pawm dawn lo tih ka hria ka hlauhthawn ber chu ka awm loh hunah a nunhluiah a let mai ka hlau ani.































Ka hmui ro zetah chuan christiana chuan min rawn fawp vang vang,a mittui tla chu ka biangah arawn far fap a a inlak hran hnu a,ahmel ka en chuan amittui atla tih hriat zetin a mit ahnawng chap,"christian,kan pahnih chauhin thla ên apiang a kan kalna thin forest ah khan kal leh ka chak hle mai" ka ti chhuak sup "Kan haw ve leh ka hruai ang che,i duhna hmun apiangah ka hruai zel ang che ka kalsan leh tawh ngai lo ang che" ati chhuak sup sup a,"christian,keichu ka nu bulah ka kal tep tawh a,ka lo ngaih em em thin ka nu ka hmu thei tep tawh a,ka hlim lutuk a sin hlim deuhin ka kal dawn a nangpawh ihlim ve angai ania" ka tih chuan,beidawng tih hriat lutukin a thawchhuak hak "i kal daih anga,anih chuan keihi engtin nge ka awm ve tak ang,i tel lo in maw?Engtin nge itel lo in ka awm ang?"Kun ngul chung hian a ti a " i thei alawm i thei tih ka hria,keini chu khawvel a awm dun tur a ruat kan ni lo alawm,khitah van ah ilo kal ve hun ka lo nghak reng dawn che a,ka thlir reng dawn che tih hria la i nundan thin ah khan i let leh anih chuan ilo kal ve hunah pawh ka be duh miah lo ang che" ka tih chuan min chhang lo in min en tlawk tlawk.
























"Hmangaih tur che in min siam a,ka hmangaih tak zet bawk che,mahse i tel lova awm dan tur min zirtir tel silo,hmangaihna awmzia nun hlut pawimawh zia min hriat tir tu ini a,mahse nangmah berin min kalsan leh dawn si chhungkaw hlim tak din a,kristian chhungkaw tha tak neih kha kan duhthusam ani thin a mahse,nang ber i kal daih chuan engtin nge kristian chhungkua ka din ang,pathian a awm ngei ani tih min hriat tir a,a awm ngei ani tih pawh ka hria,ka ring a ka ringhlelh ngai lo bawk mahse khi pathian ring tlat tur a min duh i rin em em leh i hmangaih em em pathian khian nang hi min laksak atum leh si" ka kut chu ahmer vawng vawng a,mittui luang ngiai ngiai chungin christiana chu ka en reng "christian khawvelah chuan pathian khian awmdun turin min ruat ve lo alawm,nanghi pathian in a awmpui reng che a,chhel tak leh huaisen takin awm la amah phatsan leh tawh ngai suh aw" ka ti chhuak sep,min chhang tawh lo chuan min en reng ka mittui luang ngiai ngiai chu akut a hru in ka mitah chuan a rawn fawp leh vang vang.

























Ka thi awrh lai kristiana min pek chu ka khawih neuh neuh ,"christian,thi hi min lak thlak sak lawk thei angem?"Ka tih chuan,mak atih hmel viau ka lo nuih sen sen thung min chhang chuanglo chuan dim zetin ama thi min awrtir ngei mai vawikhat pawh ka la lakthlak miah loh chu min phelh sakin ka kutah chuan min pe nghal a "duati eng nge tih itum?"Alo tih chuan a kut ah chuan ka thi ken chu ka vawn hnan a "christian,he thi nangman phal tak leh hmangaih taka min pek ngei hi nakinah fa i neih hunah i fa hmasa ber mipa emaw hmeichhia emaw pawh nise ilo pe ngei ngei dawn nia,he thi hi i fa te bula ka thil pek theih awmchhun ani dawn si a,uluk tak leh roh taka ka enkawl ang khan nangpawn i fa hmasa ber hnenah hmangaih tak leh duhsak takin pe la,roh hle turin ihrilh bawk dawn nia" ka tih chuan "duati eng thu nge i sawi,ka theilo min kalsan tak tak itum Ami?Ka thei lo" ahmel a chiai na chu ka hmuh hmaih lo.

























"Kalsan che chu ka duh hleinem mahse,christian ka kal ala ngai dawn tho tho,min tiam rawh ka awm loh hunah chuan nupui neiin fa i nei ang tih hi,chuan he thi hi i fa hmasa ber hnenah i pe ngei ngei bawk ang tih min tiam rawh" amah en kar chung chuan ka ti a,christiana chu a insehruh ngawt ngawt "ka tiam ache duati" harsa tih hmel zet hian a ti chhuak sup,keipawh chu ka hahdam sawng sawng a ka nui nghal sen sen bawk,thi chu christiana chuan la in a ak nghal bawk.












LALNEIHPUII POV.







Tumah pawh mu lo chuan damdawiin ah kan tlaivar thak,mu lo mah ila tumah chuan mutchhuak hmel lah kan pu hek lo christiana chu vulchukchuki bulah chuan tlaivar thakin a thu a,chhing khat te mah achhing eih lo mi â ang mai ani tawh berin ka hria,tuman kan be tawng zo lova tumah min en lova vulchukchuki muhil lai chiah chu a en reng ringawt zing kar ani tawh a,damdawiin bul thingkung bulah chuan kan thu a lalbiakliana zet zawt lah hi alo vei chhen ka ning tawh lutuk chuan "Lalbiaklian" ka ti that,ala phu nasa em em zui "min ti phu alawm,lalneihpui" atih chuan rum zet hian ka melh a "nang aia upa ka nih hi ka hming pumin min au khanglang suh" ka tih chuan ner nakin "bialnu te û tut tut ngai ka hrelo" atih chuan duata leh hlua an lo nui huk "engtik lai khan nge ibialnu ka lo nih a,maw?I mumang ami i sawi?"Ka tih chuan ding meuhin min en vung vung "ka bialnu na che a rei tawh emai" ati nih chu,ka melh khai khai a "min lo bialnu tawh reng reng suh,mawla" ka tih leh chuan ngeiawm zetin anui a "ka duh leh ka bialnu che nga,ka thu thu i aia ka naupan zawk vang maiin i thu in ka awm lovang" atih leh chuan mawl ti lutukin ka en tawp chhan pawh ka chhang peih tawh lo.

























Ka phone arik takah chuan ka kalsan hlawm a,damdawiin sir ah chuan ka kal phei a ka û hming ka phone a lang chu thinphu dup dupin ka en reng,biak chu ka hupphurh tak zet mahse ka biak ngei ngei angai si atawpah chuan ka la ve hram a ka û aw vulchukchuki pa ngei chuan "mate" arawn ti nghal zat "aw û ka ngaithla e" ka ti ve nghal zat."Bawihi chu eng nge a an?"A aw a ka û in a fanu angaihtuah zia chu phone atang pawn ahai theih loh."Aw tunah chuan atha,a muhil a chaw eikham lamah kan haw thla ang"lungchhe zet hian ka ti a "avan pawi vawng vawng tak em,ka fanu chu aw engtin nge maw ni,awmdan tur pawh min ti thiam lo" ka û pawh chuan arawn ti a,ka û rilru nat dan tur hi ka hriatthiam pui lo zawk hial,a fanu neihchhun ngawih ngawih kha ania "hei keini pawh,i nu zuali nen darlak lam panin kan rawn chhuk thla mek,min hrilh har chu a pawi tak zet zet ani" ka û in arawn tih leh chuan,ka inthiam lo lutuk tlat.

























"Engpawh nise,keini pawh rawn thlen vat kan tum ang aw" ka û chuan ati leh "awle,fimkhur deuhin ikhal dawn nia" ka tih hnuah call chu kan dah a,ka nu ten thil awmzia an hrilh vek tawh ani mahna min rawn zawt vak lo emai darlak lam ho phone lehin chanchin ka hrilh leh hnuah ka kalsawn zui a vulchukchuki hruai turin darlak lam atang rawn kal an tum nual a pa zawna zomuani pa bakah,pa dailova leh nu masiami bakah kimtei pawh rawn kal atum nghe nghe a mahse ala dam chiang lo nen rawn kal kher angaih loh thu ka sawi a, tawia leh valtea pawh,ahma in kan rawn kal ve thei tawh bawk silo an tia rawn hruai ve chu an tum khawp mai zomuani erawh arawn kal thei dawn lova,apawi lem lo kan haw thla dawn tho a helamah kal kan tam bawk nen rawn kal vak lo mahse pawi ka ti em em lo zawk,a inthlahrun awm mai mai bakah christiana hian a duh ka ring chiah lo mithi tawh ang mai a,vulchukchuki lo treat lawk vel kha aphal dawn lova keipawn ka duh hek lo.


























Damdawiin sir thingkung bulah chuan ka thu rih mai mai a,duata vulchukchuki awmna room lamah a lut phei a lalbiakliana pawh eitur lei turin akal chhuak thung ka bulah hian christiana arawn thu hlawlh chu mak ti deuh hian ka en a ,a mit khur atla ve duk mai christiana pawh " i tha em?Christian" ka lo ti vat,alu chu a bu nghauh a ral lehlam chu ngawirengin kan thlir dun ta reng "ka kal tir thei ang" arawn ti chhuak hlawlh chu ka en leh vat "eng nge i sawi awmzia?"Ka lo ti vat a "ka kal tir thei ang,Lalvulmawii hi" akut hum ruh tungin harsa tih hmel zet chuan ati a "atel lova awm chu,har dawn hle mahse ka hmangaih na tuar reng hmuh ai chuan,kal tir mai chu ka thlang zawk" atih leh sup.Ahnungah chuan ka lo beng thak thak "christian iti tha lutuk ania,vulchukchuki pawh a thla amuang huai ang,Khawvel hi chu kan khual zinna ram mai ania,mikhual kan nia mikhual te chuan haw leh hun an nei thin alawm chuvangin vulchukchuki pawh akalbo hlen dawnah ngailo la,tunah chuan a in diktakah a haw tawh dawn a,nangpawh nakinah i haw ve hun tur alo nghak reng dawn che tih kha hrereng la,khawvel a i awm chhungin i nun uluk leh zual la,anih loh chuan nakinah vulchukchuki bulah i awm theilo palh ang" ka tive sep sep.

























"Vulchukchuki hian,nupui fanau nei ngei ngei turin min duh a,ka nei ang tih ka tiam bawk mahse ka thei kher lo maithei duati,hi ka nunah hian apawimawhin ka rilru hian amah chauh hi angaihtuah hneh em em a,ani lo hmeichhe dang hmangaih pawh ka neih tawh kher ka ring lo,KA TA CHAUH ni reng tur a ka duh hmeichhia kha,khawvelah hi chuan ka ta ani thei tawh ngai dawn lova,engtikah mah ka ta ni ngailo tur hi ka nun zawng zawng thlak danglam tur a pathianin arawn tir hi ka lawm tho tho,khawvelah ka ta ni ngai dawn lo mahse nakinah thih hnu piah lam emaw kan piang nawn leh te anih chuan KA TA CHAUH NI KUMKHUA TURIN KA CHELH HLEN TAWH ANG" christiana thusawi chu mittui luang chungin ka ngaithla a,hetiang em em a in hmangaihna ropui leh mawi hi a awm leh tawh pawh ka ring kher lo,naupang te an la ni a vanglai hun an hmang chho ve dawn chauh a sin le "ni e,christian vulchukchuki chu khawvelah i ta ni dawn lo mahse pialralah chuan I TA CHAUH ni turin i chelh tlat tawh dawn nia" ka rilru chuan ka ti mawlh mawlh Pa biakan min rawn koh a,thil ei tur a min rawn tih takah chuan christiana chu ka sawm a,"lova kal rawh" atih vangin amah a awmrih a duh ah ngaiin ka kalsan zui a,vulchukchuki pawh hruk fai leh angai dawn si a thil kan ei vat vat ang nge.














Sawi ho lawk ang u awa tir atanga ka lo duan lawksa anih vangin Vulchukchuki hi a thi ngei ngei dawn a🥲min ngaidam rawh u


Duh thlan theihna aw


1.S2 awm tir leh.

2.S2 awm tir tawh lem lova,tih tawp.

3.S2 ah Christiana story nge Neihpuii story in duh.

4.Tun a,story kal lai ah hian changtunu thi hman silova tih tawp.




In duh thlang ru aw


Show post links
Top

[Ngaia]

By_Mampuii pautu







Ka ta chauh ni rawh








Chapter-22 Last chapter








(Vulchukchuki pov.a awm tawh dawn lo aw)







LALNEIHPUII POV.






Nihnih lai chu aliam ve leh ta reng mai,engmah kan la ang thei lo,vulchukchuki pawh ani telin a chau ani ber tute mai pawh kan lungngaiin vulchukchuki vang a mittui tla lo pawh kan awm lo,christiana lah nise an inah pawh awm duh lo in hetah arawn awm chawt a vulchukchuki hi akalsan lo ani ber ka û pawh a fanu na hmel chuan a mittui a koh chhuak lo theilo te pawh ani mahna afanu hmuh laiin patling takin lang mahse a ruk a,a mittui hru lai hi ka hmu ziah vengchhung mi leh sa te an felin mi an ngaihtuah hlawm em em a kan inah hian an rawn leng lut deuh reng mai a,kohhran lam pawhin min tawngtai pui nasa hlawm hle tih kan hre bawk engtik lai pawn kan thiante an awm reng a,kan in hi an kal hlat san theilo ani ber,vulchukchuki pawh achau tawh em em a tawng pawh a tawng hleithei tawh meuh lo,christiana hian abulah awmin a buai pui chawt hi ani ber mai,chawlhahdam tur a kan tih pawhin kan thusawi chu ngaithla lo ve chiang tak ani.



























"Vawiin huanah kal ila,atha ang thlai thar an awm leh nual tawh a,maite pawh a rah a awm leh tawh ang,vulbawihi ei ah ka it emai" ka nu in atih chuan ka chaw chhum tur ka sil mek chu ka tawp hmak,ka nu leh nu zuali te in be ri chu ka ngaithla zawm reng,vulchukchukin maite a duh thin zia a sawite chuan ka lung ati chhia vulchukchuki hian maite a duh em em a,kan hmeh chang hian kan in chuh ngei ngei thin keichuan ka duh em em pawh anilo amah fiam nan ka lo chuhpui ve thin a,maite hmeh tawh hi chuan vulchukchuki ei turah kan dah tawp zel,mahse tunah chuan a ei tu tur ber vulchukchuki lah ti mai saw ani tawh bawk si,darlak a arawn kal tirh laite chu ka ngaihtuah a,tunah kum 22 em pawh ala tling lova hetia a kal mai tur hian rilru ati na em a sin,arawn kal tirh laia a hlim zia te kha,ka in marble na ah te ka hruai a ar bo te zawnpuiin mi in hnuaiah te ka luhpui a,arawn kal tirh lai vel a,athil hrelo lutuk ât hmel deuh a thil min zawh hu hu laite,vawkbo zawng a ka vah kualpui hrep te chawhmeh ka zawrhpui lai te,thil eng nge maw hlek a,a hlauthawng thei em em hmelte,mei ka zuk ruk laia zuk ve min dil a,alu hai mu tawp te kha,avaiin vulchukchuki hun ka hmanpui dan thin leh kan inkawm ve nasat zia te chu ngaihtuahin ka mittui atla zawih zawih,midangin min rawn hmuh hlauin ka chaw chhum tur chu ka chhuang vat a,choka atang chuan ka chhuak zui nghal.






























Room chhung chu lut lem lo in kawngka chu ka hawng zuau a,christiana chu vulchukchuki mutna khum bulah chuan angaite in a thu leh tawh a,a sirah ka û a thu ve bawk an pahnih hian vulchukchuki hi an kalsan lo ani ber ka û hi chu ala zia zawk a,christiana phei hi chuan thil a ei tha lo em em a ,tui tak ngial pawh hi a in khat tak zet bathroom akal chhungte emaw tih loh hi chu akalsan lo tluk ani mut lah hi a mu thei ngai meuh silo ti hian vulchukchuki hmel hi a en reng a theihnghilh hlau zet hian,han ti luiin thil ei tur a han tih pawh hian a mah zawk hi a thin a rim a,vulchukchuki alak atanga lakbo sak kan tumah angai zel si tuman an ti lui theilo,a nu leh pa te pawn an ti lui theilo,nu mapuii te chhung pawh an rawn chhuk leh a,an ni erawh tlang lamah christiana te inlamah an awm thung kan in hi chu awm kan tam em a,an inthlahrung pawh ani mahna.



























Ka chaw chhum chu bawihpuii bulah chuan en tur a tiin pawn lamah ka chhuak zui a,mi kan tam ka tih tawh kha kan in hi an kalsan theilo ani ber thlasik anih tawh miau avangin kawtah chuan mei an chhem hluah a,an ai khawm laih laih mai zing kar boruak hi avawt leh zual bik pawn ka chhuak min hmuh chuan min lo be sap sap "khawnge i kal dawn?"Hlua chuan min lo ti vat a,"khawi kal dawn em em love,ka tei harh mai mai dawn flash ah thingpui a awm kha aw,in induh hunah in in mai dawn nia" tiin ka kalsan a kan veng a vulchukchuki kal tamna ber bung kung lamah bawk chuan ka kal leh kan veng hi chu pangpar an tam em em a,kawng sirah te hian an ding thleh thluah mai a,chutah bung kung lian zet ala awm zui bawk nen zingah phei chuan sava an tam thei si anuam thei tak zet,kan veng hi chu in tam em em lo mahse veng dang miho hian nuam an ti ber thin tleirawl te te in ngaizawng phei chu an rawn leng nasa hlawm thei viau,christiana thiante pawh an rawn tal tam theih em kha,khawi hmun mai pawh hi kal ila vulchukchuki sulhnu hmuh tur atam em em a mittui koh chhuak tu mai an nih hi.




























Bung hnuaiah chuan ka thu vang vang,ngaihtuah ber tur hi ka hrelo ani,vulchukchuki lo chu rilru ah a awmlo thei lova akal kan phal lo vek ,mahse chutih rualin ana tuar hmel hmuh erawh ahar tak zet,chutia ka thut vung vung lai chuan ka darah min rawn khawihtu an awm a,ka phu nasa lutuk chu ka te that nghe nghe ka hawi let chu tawia alo nui vur vur ka melh rum zia chu ah "min va han ti phu nasa em em ve a,mawla" ka ti vin that,amah lah chuan engah mah ala ngailo zui " i aw vin ri ka hre ringawt pawh khan lung ati chhe thei,aw ri i nei tawh lo maw ka ti hman alawm" an ti deuh kher a,kei mi thinchhia lo nive bawk nen tunlai ka vin khat deuh te pawh ani mahna "eng nge nangmah chauhin itih a?"Tih zawm in arawn thu ve nghal a "eng em em mah,boruak tha ka dawng e ka tia" ka lo ti tha ve mai bawk."Nia kan veng hi chu anuam ani tiraw?"tih pahin boruak chu a hip ve vang vang a ,lu ka lo bu nghauh nghauh.































"Neihi,vulchukchuki hi kal tawh zawk mahse keichu pawi ka tilo" kan thut ngawih dun vung vung hnu chuan a rawn ti chhuak leh phawng,tawia chu ka en vat a "eng nge i sawi awmzia?"Hrethiam lo lutukin ka lo tivat "vulchukchuki hi,kal tawh mahse pawi ka tilo,a tun dinhmun en hian min la kalsan ngei dawn tih chu a chiang reng a,kan vaiin kan ngaiin kan thlahlelh alawm mahse vulchukchuki na tawrh hi,ani ang nula naupangte tan chuan ana em a,vanah kal tawh zawk se adam tawh zawk dawn si a,he Khawvel hreawm takah hi chuan pathian pawhin vulchukchuki ang hmeichhe fel lutuk hi chu awm aphal tawh lo ani ngei ang,keini mi sual te erawh ti hian kan la awm tlawk tlawk dawn chu ania" atih ve nuah nuah a,tawia sawi pawh adik ve reng vulchukchuki hian hreawm atuar nasa tawh em a,kal tawh se atan pawn anuamin na a tuar tawh lo anga,khitah vanah chuan a hlim em em dawn tih hi kan chiang vek si ani.
























"Bakah vulchukchuki hi darlak khaw ho....." a sawi zo hman lo hnung lama "Lalneihpui" pawr zet a rawn ti tu avang chuan tawia nen kan hawi let rang nasa lalbiakliana chu kan piahah hian alo ding luah a,ala meng rum em em zui "eng nge vak vak che chuan" angaihna hrelo zet hian ka lo ti he haw mai,kan lam rawn pan pah hian "chaw ei tawh tur an ti" pawr zet hian arawn ti leh ,nuih te pawh ati za zawk alawm le,kan bul arawn thleng chawp chilh nghal a "aw pangngai deuhin rawn sawi mai ta che,eng nge irawn pawr em em kher a" ka lo tih chuan " ka duh leh ka pawr ang rawn tho nghal rawh" tih chhuak hluk hian ka thu lai chu min pawt tho hmak anih chu tawia ka en lah chuan anuih hi an zat hmel mai mai khawp ah ,tawia pawh chu arawn ding chhuak ve nghal mai a "neihi,chu thikthu pe chhe deuh i zun a uai an awm ani maw?"Tawia chuan nui pat pat a,tiin akal nul nul athusawi awmzia lah chu ka hrethiam lo viau,eng zun nge a sawi vel ni kal ve mai ka tum chu min pawt let nawk "lalbiaklian" ka ti vin ta that,rum zet chuan ka melh zui nghal rawm rawm a kei aia rum zawk mah chuan min lo la melh let zui.


























"Tawia nen khan eng nge inlo tih vel kha,inlo thu dun vel amaw?"Chang zet hian ati a "aw eng nge apawi ami?" Ka lo ti liam puat,"min ngai pawimawh lo viau suh,ani kha i bialpa hlui anih kha" pawr zet hian ati leh "aw ka bialpa hlui anih mai bakah,chu aia ril zawk ka thiantha tak ani bawk tah chuan buaina i nei mi maw? Maw?....Hneawm reuh lutuk,zing kar kar atanga min au khum vak vak le" tih pahin ka kalsan nghal nal nal a,ka hnungah min rawn um ve in "hey...lalneihpui ka la thinrim tho ania aw,kha tawia ve chhen kha in inthut hnaih dan te kha,thian pawh ni mah ula ibialpa hlui ani tho lawm" ala rawn ti phei nang nang a,kal pah chuan ka nui vur vur tawia sawi kha ka hrethiam ta chiah,lalbiakliana thikthu chhiat zia hi,ngaihzawn em pawh kan la in ngaizawng lova athikthu ape chhia in min ta chei em em chu ania a mizia ah hian ka duh thin mizia chu a awm meuh mai,mahse tunah rih chuan lalbiakliana hi rin ngam ala ni chuang lo,naupang chhe zawk zawk ka ni tawh lova lalbiakliana erawh kum 23 awrh chauh ala ni ala tlangval dawn chauh,kei chuan senior lam ka pan tawh,chu vangin naupangchhe deuh a ngaihzawng nei vel mai mai thei ka ni tawh lo,ngaihzawng ka nei anih pawn pasal tlak ani tur ani,ka nu leh pa min hmangaihpui thei tur ani,chutiang mi anih loh chuan tun lai tleirawl ang nga,ngaihzawng neive mai mai hman ka ni ve lo.



























Tukthuan kan ei kham chuan,kan che sap sap athenin chaw an ei a,athenin an ei duh lo bawk a an in thlahrun vang ni berin ka hria,christiana te thianho phei chuan an ei mang ngailo,nu masiami ten chawhmeh tui hnai tak tak min rawn suah reng bakah zomuani te pawn ei leh in tur hi chu min duhsak em em a,hetiang lamah hi chuan kan hniang hnar khawp mai,ka nu in huan kal atih tlat vangin nu zuali leh nu mapuii te nen an kal dawn a,nu mapuii reilo te hnu a arawn chhuk thlak hnu chuan an kal zui mai bawk,kan dang ta lo mai huan ahla chuang lova kal mawlh teh se an kal chakna arei tawh alawm le,bibi chu kan in lamah a rawn chhuk thla bawk a bawihpuii nen an in nel bawk a a tlei viau mai kan khua nuam alo tisa bawk nen,bawihpuii thiante ho pawh an rawn leng reng a,christiana te thianho nen hian an inkawm thei hlawm khawp mai,tleirawl awmkhawm tih takah an in hnial bap bap hlawm zel.Room lamah chuan ka lut phei a christiana pawn vulchukchuki alo hru fai mek bawk "christian thil ei ve phawt la" ka tih chuan lu alo thing ringawt ka û pawh achaw ei kham room lamah a rawn lut phei ve leh chiah.


























"Pa..." Vulchukchuki aw zawi zetin atih chuan,amah chu kan en nghal thap,kei leh christiana leh ka û room chhungah chuan kan awm bawk "aw bawihte,eng nge mamawh inei em ni?"Ka û chuan ati vat a,a fanu chu rang zetin apan nghal bawk an bulah chuan ka ding ve ta reng vulchukchuki chuan thei leh theilo hian a kut chu a pa lamah chuan aphar chhuak a,a kut cher riak mai hmuhte chuan tah ati chhuak nghal rum rum thei ka û chuan vulchukchuki kut chu alo vuan ve vat a,christiana leh apa chu a en tawn zak zak a bekah chuan a mittui chu aluang ngiai ngiai a "pa...ka nu bulah ka kal tawh dawn asin,min nghak reng tawh a....iihh...nangchu hetah awm dawn tawh lo mah ila...nupui leh fanu fel tak ineih hi aw...ka ...ka nu ka ngaih em em khan min nghak rei tawh lutuk" vulchukchuki chuan bah deuh nak zawi zet hian ati a,ka û chuan sawi mai tur ahrelo a ngawi vung vung mai "pa...ka....ka hmangaih lutuk che nia...vanah ka..nu nen kan awmdun ve...tawh dawn a ...ka hlim lutuk" vulchukchuki thusawi chuan ka mittui ati luang zung zung a,tun a ka rilru a awm mek chu vulchukchuki hian min kalsan tawh dawn.






























Christiana lam chu ahawi leh a,dam lo ni mahse a mitmeng a christiana ahmangaih zia chu ahmuh hmaih theih mawlh loh christiana chuan vulchukchuki kut chu ahum vang vang a,"chris...christian...pathian vantirhkoh ten min lo hruai tawh dawn asin....i vantirhkoh ka nih thu i sawi thin kha tunah chuan keipawh ka vantirhkoh ten min lo hruai tawh dawn a...ka kal ahun tawh ani i hnen a ka thil sawi thin te kha theihnghilh ngai suh aw,christian tah hian thawnthu...hi ala tawp lo ania...ka tel lo in...thawnthu chu i chhunzawm thei tih ka hria....pathianin ala hmang dawn che...ahma ilaka ka lo tih tawh thin ang khan....tu emaw hmeichhia a nun chhanchhuah tur ila nei dawn...chunu tan chuan avantirhkoh ila ni ngei bawk ang....christian ka hmangaih lutuk che tih hi theihnghilh ngai suh aw" vulchukchuki thusawi avang chuan ka mittui hi ka dang zo lo,vulchukchuki chuan keimah chu min rawn en leh atawpna ti ni awm takin harsa tih hmel zet hian min nuih tawk tawk a,chutah rawn thaw leh kawk kawkin VULCHUKCHUKI KAN HLAKHLELH EM EM CHUAN A NUN ATHLAH TA.
























"Duati meng rawh nilo,duati atheih loh ka la phal lo" christiana chu mi â chiah chiah ani mai,keichu ka chawmawlh vek a tah tak ngial pawh ka tap theilo,christiana au ri ah chuan pawn lama awmho an rawn tlan lut a,keichu ka dinna ngaiah dingin vulchukchuki nuihhmel ka hmuh hnuhnun ber chu ka mitthla ah a awm reng,kan bul vel leh chheh velah chuan eng nge thleng tih tak ngial pawh mengreng mah ila ka hrelo,christiana tal buai vel an buaipui chu ka hre rei ruai mai.



























Ni khawhrelo in ka tlu ani ngei mai,ka harh leh meuh chuan kan inchhung chu nu tling tap ri in alo luah khat vek tawh a,khua chu alo thim tawh bawk ka bulah chuan zomuani chu alo thu a,a lo in sut char char bawk "zomuan khawnge vulchukchuki hi" tih pahin ka room chhung chu ka en kual a "nilo,zomuan khawnge vulchukchuki hi an hruai bo em ni?"Mi â ang mai chuan ka hawikual leh ruai a "neihi vulchukchuki chu a awm tawh lo,khawvelah a awm tawh lo tih ihriat kha tiang khan awm suh" zomuani chuan tap chung hian ati a,thil thleng zawng zawng chu ka mitthla ah hian chiang zetin an lo lang leh uar uar a,vulchukchukin min nuih lai chu ka la hmu uar uar thei ka tap chhuak hawk a,zomuani chuan min rawn kuah vat "zomuan,vulchukchuki a awm tawh lo engtin nge ni ang,zomuan vulchumchuki chuan min kalsan tawh" tihpahin ka tap hawm hawm mai,"inti pachang hram hram rawh nang tal chu,neihi vulchukchuki chu tunah chuan a dam tawh alawm" zomuani chuan ati a,in kuahin kan tap dun hawm hawm mai,vulchukchuki chu akuang tur an lo siam zo tawh hi alo nia nikhawhrelo khan ka lo awmrei hle mai,ahnu chuan kan lungchhe lutuk pawh chu azia deuh a "zomuan...khawnge christiana hi?"Ka ti chhuak phawng.

























"A tal buai nasa lutuk a,athiante ho khan an kal chhuahpui tawp a,an hruaichhuak lui ani zawk mah tih ngaihna a awm ngang lova an lo letpui leh tep tawh zawk ang,kan va thu chhuak ve dawn em ni?"Atih zawm zat a,vulchukchuki thi lai hmel hmuh ringawt pawh khawvel a thil nunrawng ber ni hialin ka hria,mahse vawikhat mah ka hmu leh tawh ngai dawn silova,hmu miah lova kal liam tir mai chu ka ngaingam silo zomuani nen chuan phur lo zetin kan chhuak phei ve a kan in leh achhehvel chu yma nula leh tlangvalho in an lo singsa fel deuh vek tawh hi alo nia,an zai khawm dur dur mai,vulchukchuki ruang bulah chuan ka û chu kun tlawk tlawkin a thu reng a,ka nu chu atap reng a achang leh eng eng emaw hi arawn sawi leh thin ka hawi kual a mi chu ka rinaiin an lo thahnem tawh ang reng viau tiang dinhmun kan thleng ta mai hi mak ka ti tak zet,a kuang bulah chuan kal pawh ka la kal duh lo zomuani nen chuan kilkhat atang kan en reng,nu zuali leh nu mapuii pawh an bang chuang lo an tap nasa viau.Vulchukchuki hi darlak khua chu ani miah lo mahse aman asawi ngei darlak khua a phum a duhthu a sawi kha,kan tih puitlin sak lo theilova an mahni khua nilova darlak khua a in phum a duh chhan kan zawh khan "ka tel lo in,christiana a awm theilova a hlatah ka awm theilo....bakah darlak hi christiana nen a kan tan hian a ropui a,thingtlang khaw te takte nimahse kan tan chuan kan thinlungah alian ber a,chuvangin darlak a in phum hi ka duh midangho in min ngaih hun hunah pawh min rawn tlawh reng thei zawk anga" atih laite chu ka ngaihtuahna ah chuan alo lut zut zut Mai.






























Ka nu chu atap chhuak leh hawk,vulchukchuki hmel chu a en ngawih ngawih bawk a "ka tunu neihchhun,ngati nge min lo nghah loh,i chawhmeh duh em em mai pawh i ei hman lova ngatinge....bawihte tuar thiam avan har tak em ipi hian ka lo duat tawkin ka lo ngaihsak tawk lo che ani tiraw?Ngatinge min kalsan mai le,Ruati (vulchukchuki nu diktak hming) i fanu pawh i bulah alo kal tak kha aw,ilo hmuak ngei ang tiraw?Reilo te tal chu kan bulah hian la awmve se ka van ti tak em aw Ruati...bawihte...vulbawih...in bula lo kal ve mai ka van chak em" ka nu tah hla chuan abul atang min vel tap leh hi ani ber mai,mi thenkhat chuan an mittui an lo hru ve sap sap a,nu mapuii pawh abang bik chuang lo " vulchukchuk....tihian christiana hi i kalsan mai dawn maw?Hrilh avan hai duh ve ka fapa hi nangmah avang chauh a hlimna nei thei kha ania sin itel lo chuan engtin nge a awm ang...enteh vulchukchuk ka fapa hi a buaiin a â zo vek dawn asin...i hmangaih em kha ngatinge kal iva duh hma em em ve" nu mapuii leh ka nu chu an inkuah a,an tap dun hawm hawm mai vulchukchuki thihna avang chuan darlak khawmi te mittui pawh atla ve nasa hle a,a khawngaihthlak rual rualin naupangte a thi anih vanga ui tu pawh a angah hle bawk tahna leh mittui nen zan hun chu kan hmang liam a.




























Atuk lam vulchukchuki kan vui ni tur pawh alo thleng ta, vulchumchuki thihna dar ri chuan ka mittui ava ti tla nasa si em,christiana pawh zankhua in ka hmu lova kan thiante athen erawh an rawn inkal chhawk deuh reng thung,aizawl atang mikhual an rawn thleng thla sap sap a,ka û thawhpuite pawh an rawn kal hnem viau mai,tin vulchukchuki college kalpui thin te leh school akalpui thinte ho an rawn thleng thla rak rak bawk a,an veng a thenawm hnaivai leh thenrual tha te leh chhungkhat laina te pawh rawn kal an tam viau mai,khaw hrang hrang a kan chhungte an rawn kal a doctor thana ngei pawh arawn kal ve,mak deuh maiin champhai lama christiana chhungte nu mapuii te ho chhungte pawh rawn kal an awm nual mai,darlak khua nilo mahse darlakah chuan vulchukchuki chuan thlahliam tu leh amah uitu ngah ber ani hial ang,amah avanga lo kal zawng zawng mihring chu ka en leh thin an tam tak zet,heng zozai hi vulchukchuki khan amah avanga lo kal an ni tih rawn hmu ve ta se ava han hlim dawn em,pathian hi chu chhiat kan tawh ber lai pawn alo va tha em thenrual tha leh chhungkhat te min pe in kan khawhar min hnem turin heti zat zozai mipui hi min pe ani si a.




























Vulchukchuki kuang bulah chuan thu in a hmeltha tak chu ka en ngawt ngawt mai,tah pawh ka tap tawh lova ka mittui te hi luang tur pawh a awm tawh lo ni berin ka hria ,ka chawmawlh zo vek ani ber mai,ka bulah mihring lo thu chu ka en vat,christiana chu mit sen ram leh bui ve chak mai hian alo thu anih chu ka awilo hial zawk,ka lawm em ani ka rinaiin apangngai viau a, vulchukchuki engmah hrelo nunna nei tawh lo chu a en ngawt ngawt mai,pastor in akawm a chu chuan abengdai ve ta deuh pawh ani mahna vulchukchuki hmai chu a zuk chul hliau hliau a "ka hmangaih...ka duat tunah chuan ka duatin ka ngaihsak phakah i awm tawh lova,vanah i pathian chuan alo duat che in ka pek theih loh che hmangaihna nasa tak alo pe ngei ang che tiraw?Ka ngai lutuk che a sin,tunah chuan i ngaih em em i nu kiangah i awm tawh a,natna leh lungngaihna te awm tawh lohna ah he leiah khan natna chitin reng i tuar fo a tunah chuan i dam tawh ang tiraw?I awmna ah chuan an lo duat lutuk che nga nuam iti viau ang mahse he khawvel a i kalsan tak i hmangaih te hi min theihnghilh bik lo la,i thu min hrilh thinte kha ka theihnghilh ngailova i laka ka thutiam pawh ka hrereng ania" abula thu ka nih vangin a thu sawi zawng zawng te chu ka hre chiang viau,a tawpna turin christiana chu kun hniamin vulchukchuki hmuiah chuan a zuk fawp vang vang a,achet dan avang chuan mittui tla lo reng pawh an awm lo.



















KAL TIR DEUH ANG AW.












Vulchukchuki boral atang karkhat dawn aliam leh ta reng mai,ngai kan la awh hleithei lo chu ani ber engkimin vulchukchuki min hriatchhuah tir lo thei lova,hmalam pan chu avan har si em,mikhualte pawh an haw hlawm tawh a vulchukchuki boral laia khati zat lo kal mi zawng zawngte kha a mimal takin lawmthu chu kan hrilh seng vek kher lo maithei,mahse pathianin a let tamtakin mal asawm ngei ang ka nu pawh a dam tha meuh lova mahse tunah chuan a zia ve tawh viau mai ka û te chu an la awm reng a nu mapuii te chhung pawh ka nu hian an haw hi ala phal meuh lo ani ber a khua ahar em a,an haw vek chuan kan inchhung hi a ruak dawn em ani,vulchukchuki ralna pawisa leh thil dang dang chu uluk deuhin keiman ka dahtha zel a nakinah tih dan tur ka la ngaihtuah ang,ka û chuan rinaiin vulchukchuki boral chu atuar thiam a,achhan chu a nu nen an in hmu anga an hlim dawn tih ahriatchian em vang ani.


























Christiana chuan an in ala chhuahsan leh miah lo ti ila,a room ala chhuahsan leh miah lo ani zawk mah engmah a ei in a in ngai lova tumah abe ngai hek lo a room chu akalh reng a tupawn bia ila,tumah min rawn chhang let ngailo tumah chu ti luilo tur chuan ka hrilh a christiana hi hun kan pek ve deuh angai a,mipa luhlul leh mahni thu duh ve tak mai ani a hetia kan lo tur chhen chuan a luhlul zual mai mai dawn a chuvangin tih luih loh atha ber,vulchukchuki kha atan chuan a khawvel tak meuh meuh kha ania,an bul tan dan engkim hriatpui vek tu ka ni bawk a kei chuan christiana hi ka hrethiam lutuk tlat,kan inah chuan vulchukchuki ral turin kan kohhran thalai ho chu zan lamah hian an rawn leng a,inkhawm taima ve tak mai kha ani reng bawk a,kan kohhran thlalai te pawn vulchukchuki kha an ui zia an sawi reng thin.



























Ka û chuan thu tawite alo sawi ve a "kan fanu kha,nu tel lova ka enkawl seilen ani a,ka hmangaih hle bawk kum tir lampang khan hei darlak lamah hian a pi leh pu te bul a,a awm chak thu hi min hrilh a keipawh khan rem ka lo tihsak ve mai a,helam hi aizawl ai khan nuam ati daih zawk tih hi ahriat ngawih ngawih a,aahhh...in lo felin in lo kawm hlim thei hle tih pawh ahriat mai,darlak khua tho hi ni mah ila ka awm ngai loh avang hian hriat mang hi ka nei reng reng lo mai a,hei hmanni lawkah ka fanu khan accident atawh vang khan aizawl lamah kan in enkawl char char kha nia,mahse a dam leh hnu pawh khan darlak khua a awm athlang leh tho a angainat zia leh nuam atih zia chu ahriat vek mai a,akhaw mipuite pawh hi in fel khawp mai aizawl lam ai khan helamah hian thiantha tam tak asiam a ,thian fel leh amah ngaihsak tak tak tu angah hle mai,phone atanga kan inbiak changte hian darlak nuam atih thu te,an fel a an ngaihsak thu te kha min hrilh hnem ber ani thin a,mahse hei tiang hi kan lo thleng leh ta si a,darlakah ngei phum a duh a,a duh ang ngeiin keini pawn kan tihpuitlin sak ta ani" ka û chuan ati a,atawngkam thiam loh dante chu vulchukchuki nen pafa ni awm reng an lo ni vulchukchuki khan a pa ngei anih hi alo chhun ni,mahni te chuan ka nui hak mai.



























Thlakhat zet aliam leh ta reng mai tlemin hma kan sawn a hmalam kan pan ve ta hret hret mai,ka nu pawh adam tha tawh viau a,athiante hian an rawn kawm hlim reng bakah huan lamah te an kalpui reng thin a,a khawhar lutuk tur pawh a zia viau e,ka û te nupa an haw tawh bakah nu mapuii te chhung pawh an haw tawh a,bawihpuii erawh ahaw duh thak lo,college an lut leh daih tawh a mahse online in akal rih karlehlam ah chuan ani pawh ahaw chho ve tawh turah ngai ila Hlua nen hian an in hnim hnai deuh riau a ,an in ngaizawng ru reng tawh maithei bawk ani keini pawn kum thar lamah in sak that kan tum vangin kan in khawl nasa ve viau a ,in chu building in kan sa dawn a chutah chuan vulchukchuki awm tawh lo mahse,a room tur siam tir ngei ngei ka duh bawk dawn ani,tah chuan amah vui na a athil dawn hrang hrangte hi ka dahsak ang.Thiante ho an rawn thlengkhawm tak tak a vawiin hi vulchukchuki thih atanga thlakhatna athih ni chiah kha ania,a thlanah kan kal dawn a zomuani pawh anaute atlei ve tawh bawka ,azia phian valtean naute arawn paw lut a ,zomuani lahin a kutah naute thil eng eng emaw akeng bawk nupa hi an ni har ngawt mai.
























Lalbiakliana te ho an rawn thleng leh a,angaite in christiana hmel kan la hmu leh ta chuang lo ,room ah chuan a in khung tlawk tlawk tawh lova mahse an in hi a chhuahsan lo ani ber sipai nih tum reng kha ania mahse tunah chuan eng rilru nge aput pawh kan hrelo ,atlai mai kan hlauh avangin thlan lam pan chuan car in kan kal a,tawian car akhalh a kan hmaah lalbiakliana chu bike in atlan ve bawk ahma lam seat ah ka thu sia tawia athik sia,kan hmaah tlanin a chimawm achhuah char char a,tawia pawh anui tawp zel kan hnungah zomuani leh valtea te an thu bawk a zomuani lah chu aphun leh nang nang thin "Lalbiakliana saw ka tlawhthlu zawt chak e" ati leh hlak thin keipawh ka nui tawp rei lovah thlan chu kan thleng a vulchukchuki thlanah chuan pangpar chi hrang hrang a awm teuh a,analh tak zet an dah nasa tih pawh ahriat bakah keipawn pangpar hi chu ka dah nasa khawp mai duata chuan a pangpar ken bawr lian tha zet chu adah a,keini ho pawh chuan kan pangpar ken chu kan dah ve theuh lalbiakliana zet zawt bik chuan a pangpar ken dah pahin " Vulchukchuk happy 1st RIP day" atih chuan a hnungah ka chum nghal awk a,a eu nghal zawk mai.




























"Lalbiaklian zet zawt che hian mawla,khatin tuman an ti kher lo" ka ti chhuak hlak a,midangho pawh chu an lo nui hak hak mai,"huiham....vulchukchuki pawh tunah hian van atang alo nui ve tho ang,pa biaka chu a mawl ngaiin ala mawl reng ati hrim hrim ang" tih pahin zomuani anui leh uar uar bawk a,ni e vulchukchuki pawn hlim zetin min lo thlir ve ngei ang,athlan hmaah chuan kan ding thap hlawm a a thlan lah chu a hming nen a in rem zet maiin avul chek chuk mai "vulchukchuk ilakah hian lawmthu sawi sen loh abikin kan thianho hian kan ba ani,nangmah avang chauh a he tleirawl ho nun hmangho ve tak tak ho hi tha ve thei chauh kan ni kan nun a ilo lan avang leh kan thian ni tur a ilo pian avang khan kan lawm e"Duata chuan ati ve sup sup mai beisei loh zetin christiana hmel kan hmu a,tuman kan lo be lem lova ani pawn tumah min be hlawm lo mahse a thinlung erawh kan hritathiam pui viau a kutah chuan vulchukchuki pangpar duh ber Rose sen mawi zet chu akeng bawk a,ahmangaih an zalhna thlan chu darkar chanve chuang fe ngawireng a,a en hnuah a rose ken lai chu adah a "KA TA CHAUH INI ,THAWNTHU ALA TAWP LO" tih thu chu sawiin tumah pawh min be lo in thlan atang chuan akal liam leh nghal vang vang.




























Tunah chuan kumkhat hial alo vei ve ta reng mai,engkim mai chu adang zo vek tawh hmalam kan pan zel dawn maw tih laiin beisei loh thil tamtak a thleng a ,hmalam chu kan pan a mahse kan hmalam pan dan erawh kan darh zo ani ber khami ni vulchukchuki thlan a kan kalni a christiana kan hmuh kha,amah kan hmuh tawp ber ni chu ani khata tang khan tuman christiana kan hmu leh tawh ngailo,ngawirengin abo a,khawnge a awm a khawnge akal tak ngial pawh tuman kan hrelo biak theih lohin a reh zui vawng vawng a,tumah arawn be ngai hek lo khawiah nge a awm ang tih rin ngaihna tak ngial pawh kan hrelo zomuani leh valtea an in nei tawh a zomuani fanu mawimawii pawh alian ve tawh khawp mai nau erawh an la pai lo thung a,keini kan pangngai viau laiin christiana te thianho erawh an danglam zo tawh christiana a kalbo chiah khan,midangho pawh kha an bo ve nghal duak ni ber hian ka hria duatan college kal zawmin aizawl lamah a awm daih a,hlua erawh darlakah ala awm mahse a inla hrangin thian dang a kawm tawh a tumah min be duh lo thung.Chuan lalbiakliana pawh mamitah awmin eng nge atih thin tak ngial pawh ka hrelo min be ngailova ka be ngailo bawk arawn haw ngai hek lo,tumah an in kawm tawh ngailova hmelma emaw tih mai turin biak pawh an inbe tawh ngai hlawm lo.



























Nunhlui te kha ka ngai thin,vulchukchuki dam laia kan hlim hlawm zia te kha,tunah chuan kan keh darh zo tawh a,a zawm khawm leh thei tur ber christiana erawh a reh hmak si ka room tukverh bulah chuan dingin thla eng mawi zet chu ka en reng "vulchukchuk irawn hrevek ani tiraw?Kan nundan hi la awmve nila chuan tiang hian kan awm lo ang mawle mahse nang erawh kan tih buai phak ini tawh silo,tun a thla eng hi christiana khan alo thlir ve iring em kei chuan khawiah pawh awmse alo thlir ngei ka ring thla eng i ngahnat zia hrechiang tu ania lawm,khawiah nge christiana hi a awm ihria ang tiraw?Khawiah pawh awmse adam that ka beisei eng nge atih ang,eng hna nge athawh sipai ah chuan atang ta em ni achanchin chu sawi loh khawnge a awm tuman kan hrelo ania vulchukchuk i hmangaih mipa hi aluhlul tiraw?Mahse adam tha ngei ang amah leh nangmah ngei pawn in sawi 'thawnthu ala tawp lo' in tih kha.Thil hi adanglam tawh lutuk asin,valtea leh tawia pawn nupui an nei tawh a tawia phei chuan fapa anei tawh ania aw.

























Mahse maw vulchukchuk ini hi chu hman ang tho khan ka la single reng,anuihzatthlak tiraw?Mipa tamtak tawngin mipa tha tak tak tamtak an awm bawk a mahse ini hi hmangaihna lamah hian ka vanduai hle ani ngei ang,ka mipa hmangaih ber lah hian min ngaihsakna chhete mah anei ve bawk silova pasal chu ka la neih har hmel khawp mai amah lo chu neih ka tum bawk silo" thla eng enin vulchukchuki chu awm tawh lo mahse ka be char char,engtik ni ah emaw chuan kan la awmkhawmin kan la in zawm khawm leh ngei ang engtikah emaw keipawh ka hmangaih ber mipa nen fa neiin vulchukchukin alo sawi fo thin angaihhlut em em kristian chhungkua ka la dinpui ve ngei anga,tin christiana ngei pawh engtik ah emaw chuan arawn in lan leh ngei ang mahse chutih hunah chuan amah chauh ni tawh lo in,vulchukchukin athih dawn a,a sawi ahmeichhe chhan chhuah leh christiana ang mipa hmeltha leh rintlak in nghahna tlak tak vantirhkoh a,nei thei tu vulchukchuki duhthusam hmeichhia ngei chu ka hmuh tel ve tawh ka beisei.












(A duh tan christiana awmdan tur a,zeldin theih vek aw achanchin hriat zawm ani tawh silova keipawn a Chanchin hi ka hre bik lo khawnge a awm anga,eng nge atih ang ngaihtuah zawm peih tan)







RIP

LALVULMAWII
KUM:21
THIH NI:24/10/2023
THIH CHHAN:CANCER



ATAWP TA.


(Last chapter ani tawh bawk a,comment theuh ila vulchukchuki thlahna thu nen aw,story thar nen ka rawn let leh vat ang)



Thlang nawn leh ang aw duhthlan kha in ang lo in a awm nual a.Tin vulchukchuki a boral vangin min ngaidam bawk ula🥲



1.S2 awm tir leh in duh em?


2.S2 ah Christiana story emaw Neihpuii story?


Show post links
Top