KA TA CHAUH NI RAWH BY Mampuii pautu (Completed)

[Ngaia]

Chapter-6 zawmna














Ka pi in chengkawl khawrh a, kal ve a phal loh miau avangin ka ni nen inah kan awm a, inchhung abal zual deuh kan ti fai dun bawk, in hi chu nitin kan tihfai thin avang hian han bal em em hi a awm ngailova, mahse kan ti fai ngei ngei tho thin, ka ni lah chu ala lungawi theilo ani ngei ang, ala phun ala phun a, ngawi rengin ka lo ngaithla ve tawp, kan kawtah bike ding thawm ka hriat chuan, christiana bak anih ka ring lo, ka ngei ru riau tawh, hmeltha viau mahse a chimawm si, a nghal si hmeltha pawh ka ti tawh lo.























"Chukchuk" rawn ti tu vang chuan, ka chhuat nawt lai chu ka tawp chiang viau, kan kawngka bulah christiana chu alo ding reng tawh "eng nge?" Ka lo ti bung nghut a, a nui deuh suk, hetia nuih hi ahrat ve thlawt mahse a ti pa, huis ka ngaihtuahna mai mai thin hi chu aw, a kekawr ipte zen rak rakin, hanky hi a rawn phawrh chhuak a "heihi nizan khan ka chhar a, i ta ani em?" Mit hmul san ak ak chuan ati a, nizan khan ka keng chho tak alawm le, engmah ka lo hre tawh lo reng reng, mahse he mi min pe tur mai mai a, lo kal chu avan ho tak.


























"Vulchukchuk tunge lo kal?" Tihpahin ka ni chu room atang a rawn chhuak a, christiana hanky khai va va chu ka pawtthla rang ngang mai "ehe christian nangmah law?" Ka ni chuan alo ti deuh hluai a, christiana a ner sawk "mipa inleng in nei ngailo ami?Lut tur te pawn min sawm dawn lo maw?" Tihpahin keimah chu min melh deuh kher a, ka va han sawm awm lo tak "nidangah pawh sawm ngai lo in, ilo lut ziah ani lawm ni, rawn lut mai mai rawh" ka ni chuan alo ti hlak a, christiana pawh chu alo lut tak tak, rawn leng lo se ka duh asin le "eng nge ilo tih dawn?" Ka ni chuan alo ti nghal vat a, "nizanah chukchuki hian a hanky athlauh a, ka rawn pe" ati tawi tak a, min puan leh nghal ta vek e "vulchukchuk nizanah i chhuak maw?" Tih pahin ka ni chuan min melh ta ran mai sawi dan mai pawh ka thiam lo.

























"Zan pawh ani tawh chiah lo, zing lam dar 2 vel chu ani tawh" christiana chuan alo la ti ta deuh deuh a, ka va han ngei mai mai tak aw, nidangah a tawng tlem nen eng nge vawiin ataka, a tawngtheih em em chu le.Ka ni chuan min melh no viau lo nuam lo ka ti hle bawk, "vulchukchuk zing dar 2 velah i chhuak ru amaw eng ti turin nge?" Ka ni chuan lawm loh hmel zet hian ati a, "aahh ihh...ni nakinah ka hrilh ang che" ka ti bah nak a, min la melh rulh rulh tho, keiin christiana chu rum zetin ka lo melh ve thung a, in thlahrung lo zet hian ala thu dar dar zui.




























"Atha lawm, thenawm ah sawn ka va kal lawk ang" tih leh ka ni chu a chhuak zui nghal a, christiana thutna lamah chuan thinrim zet hian ka phei "eng nge i hriat a, engvanga kha tia sawi kher kha nge inih?" Ka ti vin hlarh, ka mit a min en deuh ngul hian "dawt ani hleinem, dawt sawi atha lo" te chu ala tive khanglang zui ka ngei lutuk "fel ber awmzia zang khan tawng vel lo mai teh, chhuak tawh rawh" lawm lo zet chuan ka ti a "insawifiah i ngai nasa dawn mang nge" ngeiawm zet chuan min la tih khum zui.
























Anau kimteiin min rawn call avang chauha, kal ka nia ka hmuh rem chan hunah kimtei pawh ka zawt tha leh tho ang, khatianga dawt min hrilh ringawt kha ka lawm lo, a in ngaihpawimawh loh thlak, mahse hemi te unau hi chuan tumah an ngaipawimawh ngailo hrim hrim a, an in hmeh viau mai. "Chhuak vat mai teh ka be chak lem lo che" ka ti deuh hmuk a, "kei man ka be chak che" ka aw ki ang chiah chuan ati ve kher a, a tawng hmuk hmuk thin sia, hrelo tan chuan angeiawm duh viau ang keipawn ka ngei chang atam thin, "nizan ah khan bike race in nei tiraw?" Tiin ka zawt a, "nei e" alo ti tha ve mai bawk "i hlau lo mi?" Ka tih leh chuan chiang zet hian min rawn enin "i hlau ami?" Arawn ti let ve thung, ka ner deuh sawk, zawhna ka zawt a min zawt let daih a "hlau e, ahlauhawm alawm" ka tih chuan a kiai leh deuh suk tawh.




























"Ka bulah i awm chuan hlauh tur engmah a awm lo" tak run hian a ti a, a fiamthu nge ati tak tak pawh ka hre lo, a ding thut avang chuan, ka phu nasa lutuk chu ka zuang tho rang viau, a hmelah chuan nuihzatna ka hmu thei ava han chimawm thiam thin tak aw, ka lamah chuan lo kal hnaiin min hnaih zet hian arawn ding a, ka mitah chiang takin min en bawk, "chukchuk...ka veng him ang che" zawi sup a tiin ka chal ah arawn fawp zeuh a, a chhuak nghal nal nal ka hamhaih lutuk a, engmah pawh tihna chang ka hrelo, ka din ngaiin ka ding tawp, khapa khan tunah khan ka chalah min fawp chuan "ka veng him ang che" ati bawk, athusawi awmzia kha ka hrethiam lo, abialnu ka ni lova thiantha pawh kan ni bawk silo, kha tiang thu a sawi kha mak ka ti, chuan a aia mak leh zual chu ka thin a rim miah lo, ahmelpa zet leh cool zet chu ka mitthla ah alang uar uar mai.



























Ka ni lo lut chu arawn ri deuh hluai a, "vulchukchuk i kaih ami tinge khatia i awm?" Arawn tih chuan ka harh zawk a, ka lu ka thing rang nasa mai, ka bulah chuan rawn dingin "thu teh" tihpahin thutthlengah chuan min nem thu a, ani pawh a rawn thu thla ve nghal bawk, ka rilru chu anuam zan lo "nizan ah chuan i chhuak ru tak tak em ni?" Ka ni chuan chik zet a, min en chung hian ati a, ahrevek tawh a dawt sawi ka duh lo bawk hrelo law law se chuan ka hrilh kher lo ang, mahse christiana vang khan ahriat phah vek ta chu anih hi "imm ka kal alawm" ka tih chuan ka ni chu athaw chhuak hak "eng nge ihan tih, nangte hi christiana nen khan eng nge maw a awm ami?In couple goals in tum deuh ami?" Atih chuan "teuh lo mai" ka lo ti vin hlarh ka ni pawh a phu zawk mai, keipawh ka inring hman bik lo.

























"Ni iti awm ang lo emai, ka kal avang khan christiana nen relationship engmah kan in karah a awm lo" ka ti nang nang a, christiana nen hian tinge min hmehbel hi an tum ve ziah ni, kimteiin min lo phone dan vel leh dawt anih dan vel te chu ka hrilh vek a ka ni chu a thin a rim ngang mai "lalnunkimi khi chu ka la khik double dawn khawp alawm, naupangte si zak theilo lutuk, hei vang hi lawm vulchukchuk hnaih tam suh ka tih, pawn lamah chuan abe tha huam huam ang che, mahse i chhiatna tur bak angaihtuah lovang, amah khi naupang viau mahse a fing ania, tlawn chawp a, biak that ngai chi ang kha ania, han bawl kual la han fak deuh la maw a inti thei ngawt ang, thil tih tir duh pawn bawl hmasak phawt ngai chi kha ania" ka ni chuan ati mawlh mawlh a, keimah hian ka hnaih pawh ani lo amah zawk khian min hnaih ni berin ka hria.




























"Kha nu masiami pawh arawn haw kha, hmeichhia mikhual ala rawn hruai zui, kimberly an ti in ka hria sap hming te lah hi neih phet hi an tum a, tunlai kan zoram ve tak hi chu aw" ka ni chuan ati leh mawlh mawlh "mikhual an nei maw?Engtin nge ilo hriat leh hman a hming te nen lam" mak ti ang reng zet chuan ka ti a, "aw kei hian hriat loh ka neilo, enteh christiana hian a cute tlat che in ka hria" ka ni chuan atih zawm leh nghal a, awm ang lo ti lutuk chuan ka nui hak, engtik lai mahin christiana hian min duh ngailo ang, keipawn ka duh ngai dawn hek lo.
























"Sawilo zawk teh, ani te chu bad boy ania chuan kei nen chuan kan in ang lo lutuk, thian ang nga inkawm chu ka hnial lo, mahse kan in ngaizawng kher lo ang" ka lo ti ve vat ka banah arawn beng ri thlawrh "aw, a en dan che hi ilo chik ve ngai lo mi, a cute chiang che alawm ka hrechiang mah mah, mahse vulchukchuk fimkhur nasa ang che aw, khi numasiami mikhual rawn hawn nu lah khi, hmeichhe nasa chi alo nih phei chuan, kan veng hi sniper nen a ven mai te pawh ka ngai ang" ka ni chuan nui uar uar hian ati leh a, "iti mak thei emai" ka lo ti let nang nang.


























"Teh vulchukchuk, christiana hi hlat rawh chu ka ti bur tawh lo, misual ani lova in kawm mah ula pawi tihna kan nei lo ania, a nunkawng that phahna tur anih phei chuan ngaihsak tha hle rawh, pathian rawngbawlna zel ania pathian hian biakin chhungah chauh rawngbawlna hi min pe lo ania, kawng sir a kutdawh te pawisa i pek pawh kha pathian rawngbawlna vek ania, christiana pawh a thil tih tha lo te zawi zawi a, a sim theihna tur anih chuan hnaih rawh nangmah hmangin pathian khian hma ala pawh ani thei a, rawngbawlna zel ania, mahse in cute kher loh tur" atir lamah thutak zetin a sawi a, mahse atawp lamah a fiamthu leh daih tawh.

























"Ni...i mak e tawng mak deuh deuh lah hi hmang ziah lo teh" ka ti bul hmuk, "aw eng nge ka english thiam ve chhun chhun te ka thusawi ah, awm ang thei ber turin ka zep tel ve zel anih kha, chuti lo zawng ka thiamsa tlemte ho hi an boral zo mai dawn" tih pahin a nui leh uar uar tawh cute atih kha star atihna ang deuh ania, achang leh couple goals ahmang bawk a, ka ni tak hi chu lehkhathiam ani lo emaw in ti ange lehkha thiam tak ania, M.A thleng a kal a lehkha pawh athiam thei lutuk tlat, maths phei chu a thluak atha sia achawk zung zung thei, ka pi leh ka pu ten hna zawng tur emaw eng nge maw sawrkar hna tal thawk tura an tih pawhin a duh thak lo, "chu ai chuan kut hna ka thawk mai ang" atia a chang leh "pasal hausa deuh ka nei anga min chawm mai dawn lawm" ati awlsam et zel, kei ai pawn lehkha a zir sang zawk kei chu lehkhathiam thei zawk zawk ka ni lova ka thiam lo em em chuang lo ka tuina lam erawh ani lo.




























A awmzia berah chuan ka ni hian ka pi leh ka pu te hi kalsan a hreh ni berin ka hria, sawrkar hna tha thawk tur chuan hmundangah a awm ngei ngei angai dawn a, aizawl lam khi ani ngei bawk ang ka pa pawn aizawl lamah chho turin a sawm ngun tawh mahse a duh lo, tuman an ti lui peih tawh lo, hna pangngai thawk lo mahse ka ni hi hmeichhe thatchhia ani lova, eng hna pawh nise thawh hreh anei lo han ang buan buan mahse a tih tur athulh chuang lo ka pi nen pawh hian han in hau nasa thin viau mahse nuam an ti zawk tawhin ka hria in hau lo in an awm theilo.
























"Engpawh nise ei tur siam ang ka ril atam" tih pahin ka tho a, choka lamah ka phei daih, engmah ka ngaihtuah duh lo kimtei ani emaw christiana pawh nise ka hma hunah eng nge thleng dawn ka hrelo, pathian in min ruat sak ang ang a pawm thiam tum hi atha ber, hmalam hun tur ka lo ngaihtuah lawk vak vak chuan keimah ka in ti hreawm mai mai, magie kan leisa chu chhum turin ka siam mawlh mawlh ka ni chu room lamah lutin reilo te ah alo chhuak leh nghal a, akut a V sikret(mizo tawng ngeiin ziak ang aw) a keng vu bawk, mak ti zet hian ka lo en reng.



























Chair ah chuan rawn thu in min rawn melh zeuh a "ka zu ve zeuh zeuh thin alawm" tih pahin pakhat chu a phawrh chhuak a, a zu khu nghal hlat hlat mai, ati thang tih hriat zet hian a hnar atang ten a khu chu an ti chhuak ngei ah "ka pro iti viau lo maw?" Tihpahin chair hnung chu a ngheng ar ar mai a zuk dan vel chu a nawm hmel ka ti lutuk a ka en reng "ni ka lo zu ve chhin" ka ti ta nge nge a ka ni chu anui nghal vak vak "itih ka ring reng ah" tihpahin a sikret chu a hmuiah a pet kawh vu a, sikret bawm chu hawngin tlawn khat hi arawn phawrh chhuak a "kha zu zo vek ang che, a bung tlemte pawh paih miah suh, ka ui teh mai nia aw ato si, bawm khat hi 50 man lai ania, zuk bang loh tur" tih mawlh mawlh pah hian min rawn pe a, ka lo ban vat min tan sak nghal vangin ka hmuiah chuan ka chuktuah ve ta ran mai.




















Akhu ka hip lut chiah chu ka khuh nghal bawrh bawrh, ka ni in ka hnungah alo chum vat a, "vawikhat ah hip lut teuh mah ta che, zawi te te a hip luh tur alawm" ati mawlh mawlh a, kan awm dan hi ka pi leh pu in min rawn hmu se, in atang hian ka ni nen min hnawtchhuak nghal duh mai thei ni, ka magie chhum chu ka off a, sikret chu zawi muangin ka hip leh ka khuh leh nghal bawrh bawrh, ka inchhir tan tawh viau "ni ka ti thei tawh lo, ahreawm lutuk ka hrawk ana vek alawm, ka duh tawh lo kha" tihpahin ka sikret ken chu ka ni ka pe nghal a, tha deuh chuan alo la ve mai bawk."I tih chi ani ve lo ti tawh miah suh, han zei deuh la chuan hnar khu chhuah dan ka zirtir ang che ka tia a sin le" ka ni chuan ati bai bai a.





















Ka mit chu a sen vek tawh ka ring, ka lu pawh ahai vek vawikhat mah ka la zu ngai lova, zuk tumna pawh ka nei ngailo, engtin nge a zu thin ho hian an thiam zawk, akhu lah kha a hreawm tehreng nen ka hrawk pawh a thip vek "ni ka lu ahai e, ka mu lawk teh ang" tihpahin choka atang chuan ka chhuak a, thutthleng ah chuan ka va mu zui zat ka lu ahai vek tak tak ka khuh nasat vang kha niang vawikhat mah ka ti leh tawh ngailovang ka sim hmak."Awi vulchukchuk a double in ka nuih aza, sikret rui ka vawikhat hriatna" tihpahin ka ni chu choka atang a rawn nui chhuak uar uar a, sual thiam reuh zia chu, thil ei lam pawh alang tawh lo ka lu ahai bawk nen.

























"In awm em?" Mipa aw in arawn tih chuan "awm e lo lut rawh" ka ni chuan alo ti vat, uropuia hmel kan hmuh zawm nghal zat, "eheu vulchukchuki chu adam nange?" Arawn ti nghal a, ka ni anuih azat hmel viau "dam e, sikret a rui anih kha" ka ni chuan nui uar uar pah hian ati a , ropuia lah chuan min enchiang tawh ngang mai "eng sikret maw, i ruih avan mak awm ve" uropuia chuan ati a ka ni nuih aza telh telh leh nghal "aw V sikret ang chi kha, ka zuk lai ahmu a azu ve chhin chak sia min dil a, vawihnih a zu a a lu ahai nghal vek alawm" ka ni lah chuan sawi nuam an ti mai mai khawp a, uropuia pawn a awmzia ahriat takah chuan a nuih azat ve hmel viau.























"Ava zia lo aw, vulchukchuki chu i chatthla palh ange aw, sikret rui ka vawikhat hriatna va dangdai ve" uropuia chuan nuihza in sum zet hian ati a, ka chhang peih lo an sual thiam dun mai sia "eng nge ilo tih dawn reng reng ilo len khat nen" ka ni chuan ati a "nia vawiin khan in rawn kal ve leh ta silova hei chengkawl hi ka rawn pe dawn cheu" uropuia chuan ati a "avan in thlahrunawm ve min lo pek kher pawh angai lo sin, ka nu in kal ve angailo ati tlat a" ka ni chuan ati nang nang a, "apawilo kan lo man kep vek cheu lawm" uropuia chuan ati a, chengkawl chu ka ni in choka lamah a keng phei nghal a, bucket ah ava bun ri nghal zat.



















"Chuan vulchukchuk, ka phone number i pek nu kha christiana nau khi, ani maw?" Uropuia chuan ati a, "ni e, christiana i hria law?" Ka lo ti he haw, anui huk a "eng nge ka hriat loh anga, kan khaw VCP fapa ania, chubakah kan khaw celeb ania, mahse kan inkawm ngailo thung, an duh zawng leh kan duh zawng hi a in ang lo va, pa dailova hian kan veng lam arawn len chang hian lo kawm ve turin min han ti tak thin a, amah christiana hi a in la hrang tlat a" uropuia chuan ati siam siam a, ngawirengin ka lo ngaithla thung, he khua ka thlen atang hian christiana chanchin hi atha zawngin ka hre khat khawp mai.
























Uropuia meuh pawn chutianga a sawi anih chuan christiana chu kawng dik kawhhmuh dawn chuan bei ve fe angai tawh ngei ang, "anih kimtei chu eng nge i ngaihdan?" Ka lo fiam pah zeuh, ka lu hai a zia tawh bawk a ka thu chhuak ve ta nge nge a, uropuia chu aner sawk a "ngaihdan vak pawh ka neilo, min lo whatsapp a , ka lo be ve mai" alo ti tha ve mai bawk a, "diktak chuan kimtei khi chu ka lo beisei lo lutuk a, kan inbe ngai bawk silova, amah pawh khian min hriat pawh ka lo ring lova, han duh em em na pawh ka nei hran lo mahse min be duh tu te chu lo biak duh loh ngawt chi ani silova" uropuia chuan ati leh mawlh mawlh.





















A sawi dan hmangah a hriatchian ve hmel phian a, han zawh zui duh viau mah ila ka in thlahrung ve tho bawk si, "kimtei chu i hriatna a van rei tawh hmel, ani lah khan hmanni atang chauh khan hria ang che in a in sawi sia" ka ti nang nang a, uropuia chu thut that sawt sawt pah hian "nia...CVP fanu te ani ve a, hriat te chu hreve deuh e christiana hi ka ui ber han felin ruihtheih thil te hi tilo se, kan khawtlang leh kohhran ah te pawh hian kan tangkai pui ngawt ang mawle, tiang mi hi ani ngailova a uihawm tak tak ani" atih leh chuan hriat belh ka chak lutuk christiana chanchin a sawi dan vel kha "sawi chiang deuh teh uropui" ka lo ti vat ka in sum thei leh thlawt tawh lo.
























"Midang chanchin han sawi vak hi anuam lova, mipa tan phei chuan amawi lo, mahse nang inia ka hrilh ang che christiana hi ahma chuan tiang hi ani ngai bik hleinem, kimtei nen hian darlak a an rawn awmna hi ala rei lova kumhnih vel chauh an la awm ang, a nu leh apa te erawh hi chu kan tet lai atang tawhin darlakah hian an awm daih tawh, an unau an rawn kal tirh pawn christiana hi chu a fel lutuk press kohhran an nia, inkhawm ve zeuh zeuh pawh anei thin, mahse thawkkhat lai khan nu masiami leh vengthar lam mi, pa muana te hian sawi an hlawh riau a, in ngaizawng ang in kha tih lai khan pa muana leh nu masiami pawh kha an in zui ngun viau a, midangin an lo ngaihdan pawh kha a awm lo hran lo, kan khua ang khawte ah phei chuan an thangchak khawp mai, mahse an in ngaizawng tak tak ti turin an chesual lai leh mawi lo deuha an awm lai tuman an hmu ngailo, a pasal ber kan vc lahin engtin mah ati lova an nupa an buai phah lo bawk nen, ti hian a rei a tuman an sawi leh peih tawh chuang lo, mahse christiana leh numasiami hi an in ngeih lo tan a, christiana pawh tlangval fel tak ni thin kha kan khaw tlangval hawk lak deuh deuh ho zui kha a ching tan a, achhan tuman kan hre mumal lo, a nu nen an in ngeih loh zia erawh an hre deuh fur ang" uropuia thil sawi chuan ka ngaihtuahna ati kal thui kher mai.























"Avan mak em em, pa dailova te nupa chu darlakah an awmna a rei tawh sia nangni pawh in la tet chuan christiana te unau pawh kha tih lai khan an la naupang hle dawn a, an kalsan tawp awmsia avan mak" ka ti mawlh mawlh, amak em alawm an nupa karah buaina an nei bawk silo, helamah pa dailovan hna nei pawh nise nu masiami zawk tal chuan a fate awmpui awm tak ania, nu hi chu kawngtam takah mipa aiin kan pawimawh a, kan fate ah phei chuan nu te hian mawhphurna kan ngah zual bik "an la te viau ang, tunah pawh christiana pawh hi kum 23 chauh ala nia, tawng mawi lo nilo se, nu masiami hi nu tha tak chu ani lo ve chiang alawm" uropuia pawh chuan ati a, kan ngaihdan a in ang viau, nu leh pa in then chuang miah lo, buaina nei chuang miah lo in an fate an awmbo san ania, hei vang hian christiana pawh hi anu lakah a hel ve pawh ani mai thei.


















.









Uropuia zawh belh duh ka ngah viau a, mahse ka ni arawn phei takah chuan engmah ka zawh zawm ta lo ka ni hian nu masiami leh pa muana te chanchin vel chu a hreve angem le, ka ni berin ahriat loh chu ka ring lo bur "ropui a double in kan lawm ngawih ngawih ania, tui deuhin kan lo ei ang" ka ni chuan arawn ti bawrh bawrh uropuia pawh alo nui ve suk suk mai "thingpui in rawh aw" ka tih chuan alu athing vat "ka in tawh alawm, angai love ka lawm e" ati a, "kha vulchukchuk i rui chu a reh deuh tawh maw?" Ka ni chuan ati deuh kher a, ka melh rum hrep pawn lamah thawm kan hria a, ka pi leh ka pu an lo thleng ani ngei dawn chu.























Pawn lamah chuan kan chhuak ho dial a, ka pi em phurh chu uropuian alo chawi thlak sak vat, "vawiin chu ava han lum ve aw, ni sa ka rui deuh leh nghal" ka pi chuan hah hmel zet hian ati a, chana arawn phur haw teuh mai, "pi in hah ngawt ang a, khawi pu i ipte pui kha ka lo dah fel ange" tihpahin ka pu ipte pui chu ka laksak vat a, ka ni thingpui siam turin inchhung lamah a luh zawm zat.




















"Ropuia chu iva fel ve, i rawn leng a" ka pi chuan ati a, uropuia lah pui chu, ahaw mai dawn maw tia ka pi te thutna veranda ah chuan athu ve ta reng, inchhung lamah an thil lo hawn ho ka lo dah fel zung zung a, "hei vawiin lama chengkawl kan khawrh ka rawn pe cheu mawle, kan man tam vak lo, kan in sem diat diat a" uropuia chuan ati a, "ani maw...kha hnatlang chuan chengkawl in khawrh tak tak elaw?" Ka pi chuan ati deuh hluai a, ka ni nen kan in melh dun ralh ralh inchhung ah awm mah ila an ti ti thawm chu kan hrevek.
























"Hnatlang love, thian ho in picnic pah deuhin kan kal a" urpuian atih chuan ka ni chu a ner vak vak a "ka ring rengah lalneihpuii lah khan kohhran thalaiin hnatlangin chengkawl kan khawrh dawn ati deuh tlat a" ka pi chuan ati hlak hlak, ka ni chu arawn hau leh tep tawh ang, "lalropuia tawngtheihzia saw ka vel chak lutuk" ka ni in ka pi te hriat hlau zet hian ati a, uropuia chu anui chhuak hawk hawk mai ka pi nen chuan an ti ti zawm mawlh mawlh a "kha...vulchukchuk thingpui hi va pe rawh ka chhuah chuan ka nu thangi nen sawn kan in hnial leh ngei ngei dawn, ka hnial dang leh thei dawn lo va pe mai rawh" tih pahin ka ni chu room lamah a lut daih a, hahthlak ti zetin ka thaw hawk thingpui ka ni in a siam sa chu la in pawnlamah ka chhuak nghal zat.













.....










Eirawng ka ni nen kan bawl dun a, ka pi in chana chu zawrh turin sahar ah a khung mawlh mawlh a, a uluk viau chana huan ka pi te hian an nei zau tha bawk a, chana kan hmeh zing viau mai thei ani.Uropui an a sawi nu masiami te chanchin kha zawh chian ka chak viau na in ka ngam leh ta lo, ka ngaihsak leh lutuk chuan ka ni hian nilo deuhin min ring leh palh ang, "vengthar lamah zuar phawt ila chumi zawhah bazar vengah kan kal leh dawn nia, kan haw hunah school tlangah khian kan han zuar bawk anga kan hralh zo vat mai ang" ka ni chuan ati mawlh mawlh a, a zuar thang tawh tih ahriat zawrhna tur a hre emai.

























Room lama ka dah ka phone ri ka hriat chuan, ka thil tih lai dah sawk sawkin roomah ka tlan lut vat, christiana hming alang chuan, ka la ang nge la lo ang tih ka ngaihtuah a ahnu fe ah ka la ve hram "hello" ka tih chuan lehlam ami chu angawi leh vung vung tawh "hello christian i awm em?" Ka tih leh chuan lehlam chu a ri sawt sawt mai "chukchuk...min ngaihtuah em?" Arawn ti zawi sup, a aw atang ruih anei leh tawh tih pawh ka hre nghal, thu mak pui pui hi tinge min zawh ziah le "christian ka buai ania, eng nge i sawi duh sawi vat rawh?" Ning zet chuan ka ti a, "min ngaihtuah lo maw?Kei chuan ka ngaihtuah che" ril leh awmze nei tak hian arawn ti a, chhan dan tur ka hrelo hepa hi ka be thiam hlawl lo ni berin ka hre thin, uropuian athil min hrilh avang khan hriat chian ka chak zual telh telh leh nghal.



























"A cute chi in i hmeltha" arawn ti leh tawh, tihngaihna pawh ka hre tawh lo, an tawngkam lah hi ka ni nen in an na an nei thin, "ka buai a ka dah phawt ang" tiin min chhan letna pawh nghak lo chuan ka off daih a, christiana hi mipa hmeltha tak ani han fel phei se chuan, amah hi perfect tawp ani mai, mahse kawng a daisual laklawh tawh a, atan chuan sim ahar ve dawn anu leh pa te pawhin tih ngaihna an hriat tawh loh chuan, ka rin dan chuan christiana hian ruihhlo hi anghei theih ka ring bur, a awmdan tha lo zet te hi aduh dan nge anih anga, achhungte a runluihna zawk, amah hi luhlul chi ani sia,a chhungte hian han chik deuh se christiana hi a hlim hlawlh lo tih an hriat ka ring, kan in hriatna la reilo mahse ka chik a mipa dang angin ka en liam ve mai mai theilo.


























Rui ve reng thin mahse, ahlim tak tak ngai lo tih hi a mitmeng hian min hrilh thin, a dam loh pawn amahin a tuar dam tawp a, a nu hian a fapa in damdawi ei a hreh ngawih ngawih tih te hi a hria angem?Pawn lamah hian mipa chak, luhlul leh tih mawh zet angin lang mahse a chhungril nun hian hmangaih a, enkawl tu a mamawh a mah hrethiam tu amamawh, anu ngaihsakna leh hmangaihna dawn pawh a chak ngawih ngawih ka ring, kimtei erawh ka hrelo le ani hi chuan an chhungkaw awmdan hi a pawm thiam aniang chu, hmeichhia anihna angin, a puitling bawk a , a rin tlak viau chuan ka hria, tu man han sawi em em lo mahse an thenawm khawveng te chuan an inchhung buai ruk zia khi an hrevek ang.



















"Vulchukchuk, lo chhuak la atlai tak tak hma in zuar chhuak ang" ka ni chuan ati lang lang a, keipawh room atang chuan ka chhuak vat, chana chu ka pi leh ka ni chuan em ping ah hian an lo khung mawlh mawlh a, "tikhan khai khat kha, eng zat man tur nge?" An bula thut thlak pah hian ka ti a "khai khat hi, sawm 30 man ania mahse sawm 50 in kan zuar ang" ka ni in atih chuan ka pi nen kan en rang nasa mai "engvangin maw sawm 50 in i zawrh anga, i hralh thei dawn em ni?Keimah ni chauh hi he khua ah hian chana huan nei kan nilo tih hre rawh lalneihpui" ka pi chuan ati hlak hlak a.


























"Aw ka hreve tho lawm, ti hian vulchukchuki nen hian kan lo comesion chhawng dawn lawm le" rem luh mawlh mawlh pahin ka ni chuan ati leh a, "lalneihpui awm ngaihna hi hre rawh, tu nge mahni thil comesion chhawng ngai a, comesion tham pawh a awm loh hi, pawisa men hian meng suh ka tih ziah che kha sawm 50 in zuar la tuman an lei lo ang, i hralh zawh hma chu rawn haw suh ang che" ka pi chuan ati leh hlak hlak a "a double in i ninawm ve thlawt ka nu thang, ka thu hian engthil mah min tih tir duh ngailo reng reng, tu nge mahni fanu chawhmeh zuar turte vo lawk ngai a, i rilru hi a chhe double lutuk mai" lawm loh hmel zetin ka ni chuan ati a "vulchukchuk min lo chawi rawh, he in atang hian chhuak vat ang" ka ni chuan atih zawm leh zat keipawh chuan tha deuhin ka lo chawi ve mai bawk.




























"Ni keiman ka phur thei tho lawm" ka tih pawh chuan, "angailo a rit reuh emai ka phur phawt anga kan hralh phawt dawn nia" tihpahin kawngka lamah chuan a chhuak zui nghal a, ka zui chhuak ve vat "rawn haw har suh ang cheu, vawk chaw pek ala ngaih kha ar pawh an la lawi lo" ka pi chuan ati lang lang a "ka ning e, min chhawr hlum hi a tum chiang alawm, i hralh zawh hma chu rawn haw suh atia, tunah rawn haw har suh u ati leh a, comesion chhawng pawh phal mang silo, ka hralh thei lo lui dawn amawn le" ka ni chu amahin a phun nang nang reng a, ka lo ngaihthlak sak tawp






























Vengthar lamah kan kal a, in tinah kan lut a an lo lei ve zel tho, ka ni hi a sumdawng mi reuh khawp mai, thil zawrh pawh athiam tawngkam athiam sia, lei tum miah lo pawn ahan tawng tak tak chuan, an lei nghal hmak ani mai in pakhatah hian kan lut a, kawngka alo in khar "in awm em?" Ka ni chuan ati lang lang a, chhung lam atang "awm e lo lut rawh" hmeichhe aw hian ati a, ka ni in kawngkhar chu ahawng zui zat, hmeichhe naupangte hi amahin alo awm a "mawimawi khawnge i nu leh i pa te" ka ni chuan ati a, "huanah an kal a" naupang chuan alo ti vat "ani maw...hei chana kan zuar a, ta hi ka dah aw, aman chu naktuk zingah ka lo lam mai ang, i nu leh i pa te lo hrilh rawh aw" tih leh ka ni chuan chana khai khat chu la chhuakin an dawhkanah adah sak a, achhuak leh nghal nal nal "ni eng nge i thil tih kha awmzia?A chhungte an awm silo i dah tawp a" ka lo ti vat a "aw in hralh dan tha ber anih kha" ka ni chuan alo ti awlsam et zui.





























Pa hmuna te in kan thleng a, ka ni chuan a phurh lai ami chana khai khat chu la chhuak lawkin pa hmuna te inchhungah chuan alut zui nghal a, ka zui lut ve vat pa hmuna nupui ni awm tak, nu cher deuh lam pang hian ei rawng alo bawl mek a "e nu tanpui i awm maw hei chana kan zuar a" ka ni chuan ati nghal var a "kan lei hrih lo mai ang, neihi hei hman ni ah, kan chhungte an lo zin a chawhmeh leisa kan ngah lutuk a" nutanpui in atih pawh chuan "tah hian ka dah mai aw, naktuk zingah pawisa chu ka lo lam mai ang" tih pahin ka ni chu a chhuak leh nal nal "neihi...ava mak e aw ka lei duh lo ka tih kha, rawn la let rawh" inchhung atang nutani chuan ala ti lang lang a "aw ti khan ba rih mai rawh u, naktuk zingah min pek theih dawn tho chuan apawilo" ka ni chuan ati lang lang a, ka zak bawk si tih ngaihna vak ka hre bawk silo chu, ka hmai ka hup leh thul, kan chana zawrh lai pawh a zo chak lutuk kan pawisa hmuh chu tlem tak ani aba in a pe ral vek a tih theih ang chu, ka pi chu ava han sa tha rem rem dawn tak em, ka ni lah hian mi hriat angah mai sia akalna piangah an hmingin a koh chat chat thei.


























Ka ni in tihdan a thiam bawk a, kan haw pawn ala hma viau ni pawh ala sang tha lutuk, in kan thleng a ka pi chu thuk bulah thu in alo che rak rak a, ka pu in tv ah inkhel alo enve bawk "ee..kha in lo thleng maw in va zo hma ve?" Ka pi chuan alo ti vat a , "ka ni in aba in a pe zel alawm" ka lo ti vat a "eng maw?" Ka pi chuan ati vin hlarh "aw aba in ka pe, au vak angai ami?Naktuk zingah ka khawn leh vek dawn alawm" ka ni chuan alo ti bai bai a "lalneihpuii han at zia hi chu maw, ahma pawn khatiang khan iti tawh, tun thlengin i chawhmeh zawrhna i bat tir pawisa hmuh kim loh kan la nghah lutuk, i thil zuar hian min ti hek lutuk lalneihpui i zuar nge ni a, i sem kual" ka pi chu a sa tha ngang mai , ka pi sawi dan takah ka ni khan a zuar pawh ani lo a sem kual ni berin ka hria.



























"Atirah, nangman i hralh zawh hma rawn haw tawh suh itia, hralh zawh loh ka hlau ve tho lawm, chutah rawn haw hma ru vawkchaw pek angai, bla bla bla...iti leh vel a ti hian avaiin i thu awi vek tho siin ka rem hriat danin ka che ni mai, thinchhe double lutuk mai" ka ni pawh chuan alo ti letve nasa mai "aw anih leh neihropuii ni tawh la atha ang, ka pai lai che khan ei sual ka nei mawni le, sawi tawh lo teh ang vulbawih hei hi school tlanglam ho khi han pe rawh aw" tihpahin ka pi in chana khai hnih hi min rawn pe nghal a, ka lo ban vat "masiami arawn haw tawh a, kha arawn chah nghal anih kha an mikhualnu in chana hring a ei chak ani awm e, han pe la i ni in vawkchaw pek , pahin ar lawi tel bawk se" ka pi chuah ati mawlh mawlh a.





















" Lal ang mai hian, ro hi irel zawt zawt a, kan inchhungah hian raja ni tawh la atha ang, pi raja vawkchaw ka zuk pe ang aw"tihpahin ka ni chu nui uar uar hian, pawn lamah a chhuak daih a "vulbawih Raja chu engtihna nge?" Ka pi chuan ati ru ser ser a, ka nuih aza reuh lutuk ka pi chet dan cute zia hi, leiletah vai chhawr lai ngah viau mahse ka pi hian vai tawng hi a thiam thak lo "pi raja chu maw vai tawng ania, lal tihna anih ber chu aw, a pi raja" tih paha nui va hak hakin pawn lamah ka chhuak zui a, ka pi a phun nasa mai.














NOTE.


He story hi chu, romantic story ni tho mahse, anih loh na chen pawh a awm ve dawn tho aniachangtute lang ngawr ngawr lo in, an chhungte ho pawh hi an lang tam ang aw chuvangin a ziah hmanhmawh ve theih vak lo ang


Show post links
Top

[Ngaia]

By_Mampuii pautu




Ka ta chauh ni rawh





STORY IN CHHIAR HMAIN HEIHI LO CHHIAR LAWK RU AW



Ka story ziah hi, mizo takin thingtlang lam pang ania, ka ziak thiam lo viau ang tih ka hria, mizo tawng hman dik hi angai em em a, tawng upa te pawh zeh tel ve zeuh angai leh thin a, ka ziak ngai silova ka thiam lo ka ti lutuk keipawn mahse ka ziak chak ve si a, ka story ziah hi naupangchhia deuh pawh in ti mai thei a, ka dem lo cheu mahse story pui tak leh atak tak anga ziak thiam tur chuan ka la junior bakah ka kum hian ala phalo lutuk anaupangchhia deuha ziah hi ka nei leh nawlh zel a,a mawl rei chi ang kha ka lo nive bawk nennaupangchhia in lo tih pawn min lo hrethiam hram hram ru awka naupan chhiatna hi alo lang leh thin a











Chapter-7









Lalvulmawii















Chana pe turin school lamah chuan ka chho a, thli athaw heuh heuh sia, a dai nuam lutuk tlat tlailamah hian thli hi atam zual bik thin ahan tlang deuh vang nge ni, christiana te inkawtah hian, kimtei leh hmeichhe pakhat hi thu in an lo nui dun bawk bawk a, kimtei chuan ka kal chu min lo hmu ve nghal vat, "ehe vulchukchuk eng nge ilo tih dawn ka massege i reply duh bawk silo, hreawm ka ti teh mai nia" alo ti vat a, tho chhuakin ka lam arawn pan nghal zat, an mikhualnu chuan min en duh khawp mai "kimte hei in chana tur, i nu in achah a, ka rawn dah zuai anih hi" min biakna pawh chhang fumfe lo chuan ka ti a, biak tam ka duh tawh lo ka tih kha, "ani maw?Uly sawn a ei chak a, chuvangin ka nu in a chah aniang khawi ka lo la ange" ati leh nghal zung zung a, engtin nge a zia hi a thup thiam em em theih.





















"Uly hei, chana hring chu an lo dah tawh, i lawm tawh em i ei teuh dawn nia" kimtei chuan an mikhualnu lam hawi chuan ati a, chunu chu tawite hian anui ringawt, min hmuh tirh atang khan min en duh em em leh nghal "vulchukchuk, lo thu lawk rawh, ka va dah lut a nge , pawisa ka lo la nghal ang" kimteiin atih vang chuan din reng chi ni bik lo, an mikhualnu thutna ah tho chuan ka thu thla ve a, an in leh avel hi chu anuam mawle, thingkung atam a khawlum em em lai pawn a nuam bik dawn lutuk "Vulchukchuki maw inih?" Ka bula thu nu chuan ati a, "ni e" ka lo ti tawi tak "kimberly ka nia, kimtei te nen hian cousin kan nia, min kawm ve tho ru aw" tih pahin a kut arawn phar chhuak a, han vawn sak loh ngawt chi ni bawk silo, ka vawn sak ve ta nge nge a, kei ai a upat ka ring he school tlanga ka chhoh a piang hian eng nge maw thil hi ka tawng ve ziah.






















Kan inbiak zawm lem lo, bike rawn tlanchho thawm kan hre zawm zat a, kimberly chu ahawi rang nasa viau, kei erawh ka hmanhmawh ru viau tawh, kimtei chu rei ka ti tawh viau pawisa la lova haw ka duh bik bawk silo, kawtah chuan christiana leh athiante ho an rawn ding nghal zat kimberly chu a tho rang ngang mai "christian" ti pahin hlim hmel zetin christiana lamah atlan phei a, bike atanga a chhuk fel hma hma in, akuah nghal chung chung mai pa biaka te ho pawh chuan mak an ti nge an en tawp "kalsawn teh kimberly" christiana chuan ati hrawk a, min la hmu lo tih ka hre bawk.


















"Vulchukchuk...ilo awm ve reng alaw?" Duata chuan arawn ti a, christiana chu a rawn hawi rang viau, lu bu zeuhin "aw chana ka rawn dah a, pawisa ka nghak lawk anih hi" ka lo tive mai bawk a, "christian ka ngaih zia che aw nangmah vangin ka rawn zin ve em em a, min pehhel dan ringawt i ngaihtuah a, helai ah bialnu i ngah tih chu ka hria, mahse ka pawisa lo" kimberly in atih chuan mak ka ti lutuk chu ka ka ho mai, eng thil nge a sawi kha, hemi te hi cousin nge an nih a in ngaizawng, christiana chuan keimah chu min rawn en leh tih ka hria, mahse alam ka hawi duh tawh lo ka thil hriat kha mak ka ti lutuk tlat.





















Pa biaka te chu ka thutna lamah rawn pheiin ka bulah an rawn thu ve hlawm a, kimberly chu an ngaithei bik vak lo aniang, "vulchukchuk engah mah ngai suh, saw nu saw chu pakhuamhuam-i ania, a dan ve reng anih saw" pa biakan atih chuan, "i sawi awmzia chu eng nge?" Ka lo ti vat, chutih lai chuan christiana chu bike atanga chhuk in, in lam chu a pan nul nul a, ahnungah kimberly chuan a zui phei rang viau "kimberly saw avawikhat rawn zinna ani hleinem vawihnih vel a rawn zin tawh, cousin an nia mahse christiana hi angaizawng tlat a, christiana hian aning thei viau asin mahse nau ang baka a en loh avangin engtin mah ati duh lo mai pawh a" pa biaka chuan ati leh mawlh mawlh a, "mahse maw vulchukchuk hlauhthawnna tur a awm miah lo ania, christiana tan chuan i tha ber" nunhlua chuan alo ti a, ka nui tawi tak..



















Athiante ho pawh hian, christiana nen a kan inkarah hian eng nge maw a awm tih chu an hreve vek a, biak pawh min be chhe ngailo, in ngaihzawn lam ka sawi lo, christiana damlo ka kan ni atang khan min ngainat thu an sawi ve ziah, min hmuh pawn min be ve ngei ngei zel, keipawn ka hmuh chuan ka be ve ziah, ruihtheih thil duh hlawm viau mahse ka thian fel tak tak te nen ka en dan adang lo, ang khat vekin ka en a, thianah vek ka ngai bawk "kimberly kha chu karhnih khat hnu velah a haw leh mai ang, ka ning ania aw kha nu kha a awm chhung chuan kan kalna hmun apiangah arawn kal leh ngei ngei dawn a" pa biaka bawk chuan ati leh a, mak ka la ti tho tho chriatiana angaizawng tih kha a chhungte ho hian an hria a ngem.





















"Zanin eng nge in tih dawn?" Ka ti ta daih a, "dar 12 atang bike race kan nei dawn, zanin phei chu inchawina atam tham bawk a, ka tel ngei ngei angai" duata chuan ati bul bul a, an mengrum kual vel a, lem hi ka lo ti khawp mai a "mahse zanin te chu, partners neih zan ania nangte chu hmeichhe hruai tur i hre dawn ami?" Nunhlua chuan nui chung hian alo ti a "naaaaa" duata chuan pawi tih hmel zet hian alo ti vawng vawng, "keimah i partners chu ka lo ni ang" ka tih chuan an pathum chuan min en thap, ka nuih aza lutuk "eng nge i sawi awmzia?" Duata chuan alo ti vat a "i partners ka ni ang ka ti, i duh lo mi?" Mit ko san ak ak a, ka tih chuan alu a tuai vut vut mai "duh tho e, mahse christiana hi bakah nangte chu ikal ve na chi ani lo" ati nang nang a, min hnar a hreh bawk si, ka nuih aza zawk.























"Christiana thu ani hleinem keima thu thu zawk ania, chuan engtin tak nge in tih thin, ka hmu ve chak hrim hrim alawm, duata lungngai suh bike chuan ka thiam lutuk" nui chung hian ka ti a , ngaihthat hmel zan lo hian a nui ve suk suk mai "ee duata thiante ta pawh chhuhsak i hreh lo ani maw?" Pa biaka lah chuan a hnungah bengin alo la fiam zuk zuk zui, ahnu ah phei chuan kan nui vek tawh, kimtei pawh hmanhmawh hmel zet hian arawn chhuak a, "ka tihpalh ka nu in min lo tir leh a, ka rei phah vek" kimtei chuan arawn ti phei mawlh mawlh a, a pawi loh thu ka lo hrilh vat pawisa min pek pah chuan "vulchukchuk nizan kha...." Ati dek dek a "ka hmanhmawh tawh a, ka kal phawt ang duata zanin kha aw" ti leh zeuhin ka inher nghal hmak, ka sual pawh ani mai thei mahse ka be chak lo tak tak min tih mualpho pawh hreh lo tu hi biak chakna ka neilo.
























Engvangin nge zanin ah khan ka kalve duh thu sawi nge ka nih pawh ka hrelo, mahse christiana vang hi ani ber in ka hria thil tha lo tam tak atihna kawngah hian tanpui ka duh a, sim thei se ka duh a ka ngaihzawng ani lova ka thiantha pawh ani lo, mahse amah hian min hip ve tawp, vawikhatah nghei vek thei lo mahse zawi zawiin a insiam that ve theih ngei ka beisei tlat ani, amah ah hian ka beiseina ka ti sang viau a nakinah ka tlak leh loh hram ka beisei, ka thlensan tawh hnu a, ka tlak leh vang vang chuan, ka tan hian ana dawn lutuk tlat, ngaihzawng lam hawiin ka sawi lo christiana hi ka ngaizawng lo, amah pawn min ngaizawng lo ang mahse sawi chhuak kher lo mah ila kan inhip tawn tih ka hria, amah pawn a hre ngei bawk ang.



















Ti hian abulah awm zel ka duh tawh a, pathian pawi ka sawi loh chuan ka duh tawk viau, pathian pawh khian min tanpui ka beisei tlat ani, pathian ah ka rinna zawng zawng ka nghat a ani chuan ka rinna ati chhe ngai dawn lova, engkim, thil dang zawng aiin isua hi ka ring a ka hmangaih bawk ka pathian khian engtikah emaw christiana pawh hi kawngdikah ala hruai dawn a, christiana a fel chuan athiante ho pawh hi tha sa an ni mai, mahse an beih nasat chu angai ve viau ang.





















In ka thleng thla a, ka ni pawh a vawkchaw pe zo alo chho ve chiah bawk, "vulchukchuk zanin chu bung hnuai ah khan ka kal leh duh dawn sia engtin nge chhuan lam ka siam ang" ka bengbulah hian arawn ti ser ser a, inchhungah kan la lut lova, pawnah kan la ding bawk, an hneawm dun reuh chiang ania, senior te te in chance kan la e an tia, an zeilo dun ropui si an hneawm zawk "in hmuh ruk kher in ngai ami?Nangni te chu ka pi te pawn an hre thawi vek tho a, bakah official deuhin in ni tawh mi?" Ka ti let ve ser ser a, "kan la official lo, mahse zaninah kan official ang ka ring, inhmuh ruk ve angai lawm i pi thanghniangi saw atawngtheih em saw, han hria se chuan maw, a fanu pawh ni mah ila, min sawi mualpho duh hrep tho ang" ka ni chuan ati hlawih hlawih a, ka lo nui nasa ngang mai, "awle tih dan tur kan ngaihtuah dawn nia" ka tih takah chuan lawm hmel zetin min kuah chung chung leh nghal.























"Inva han rei dun em em ve, lalneihpuii lah dang thler dawn dawn a, ka koh che pawn i rawn ei duh thak lova, lalvulmawii lah khilai pen 10 pawh tling lovah khian, i han thang bo char char bawk a" inchhung kan luh rualin ka pi chuan alo ti nghal hlawih hlawih a, ka ni nen kan in en tawp, vawiin lam hna an thawk chau bawk nen, nisa a rui deuh bawk sia, achau zual aniang a thinchhiat hi a zual vek "ani maw...ka nu thang hawh u chaw chu kan ei dawn em niang, i ril te atam tawh hmel si a, kan thiam lo tak zet zet ani" ka ni chuan ngeiawm deuh hian ati a "lalneihpui mi runluih ziah suh, chaw ei chu siam vat ula ni mai" ka pi chuan ati leh hlarh, ka ni nen chuan kan che nghal sawk sawk.





















Chaw ei lai in ka ni chuan "thenawm nula saw, vawiin khan arawn haw a, ka va kal chhin a ala rai zui mak ka ti lutuk" ka ni chuan ati chhuak deuh hlawlh a, "khawimi maw?Lalzawna fanu zomuani kha mi?" Ka pi chuan alo ti ve vat, thenawm ah chutiang nula an awm awm ka lo hre ngai miah lo "khawimi nge in sawi chu thenawm ah nula an awm ami?" Ka lo ti ve vat, chaw ei laia ti ti hi kan hrat ve hlawm chiang alawm "awm e, ila hre lo ang, phai lam ah hna thawk turin akal a, kum hnih vel a awm a, kha hmanni khan a rawn haw ani awm e, pawn a chhuak vak ngai silova alo haw tih pawh ka hrelo, kan inkawm ve thin a, phai lamah pawh khan kal pui turin min sawm reng a, keichu ka duh lova, a chhungte tan bank ah pawisa a rawn thun reng a, saw tunah chuan a pum chhungah pawh a rawn thun haw tawh a nih saw" ka ni chuan ati mawlh mawlh a.























"Ava han zia lo aw, chaw eikham lamah len phei ve chi anih chu mawle, neihi pa va leng phei ve ila tiraw?Nupui pasal neih hma hi chuan in sum hram hram tur ania, chetsual hi awl deuh mai ania, chu zomuani pawh chu abialpa nen an lo chetsual vang anih ngei dawn chu arawn haw chhan" ka pi chuan alo tive mawlh mawlh a, keichu ka hriat mi anih loh vangin sawi tur pawh ka hrelo ka lo ngaithla ve tawp "an chesual lo, an duh vang renga ti sual lui alawm an nih le,kan chesuala hi an ti tak na thin a, mahse an duh vang reng a, ti an nia, an ti sual lo hrim hrim an duh vang renga chesual lui zawk alawm an nih le, keichu biak pawh saw ka chak tawh lo" ka ni chuan alo ti ve leh a.





















"Lalneihpui i mak thin emai i thu lak dan te hi, biak duh loh chhan tur a awm lo, amah pawn nuam atih loh vang aniang chu, pawnah pawh a chhuak ngailova alo haw tih pawh kan hriat loh hi, i rilru put hmang kha thalai kohhrana in hmang ve tan chuan a mawilo mah mah" ka pi chuan alo ti leh hmarh hmarh a "ka ngei ve hrim hrim phai ah a zuk awm dek dek a, ahma zawng a min be huam huam thin kha, phone call pawn min be duh tawh lo ania, ka biak bik chhan tur ka hrelo min be duh lo tu te chu ka be peih bik reng reng lo, a phai kal rah chu a rawn seng haw anih saw" ka ni chuan ati leh hlak hlak a, a lawm lo ve hle aniang "nangpawh zuk awm ta la, ini ve lo ang tih pawh a sawi theih loh" ka piin a tih leh chuan ka ni chu a teu hlar mai, "ka nu ve lah hi, mi fate atangin kei mah min kangkai ve ziah suh, sawn pai tur chuan min va duh awm ve a, ka pai tak tak mai tur asin" ka ni chuan lawm lo zet hian ati a, "sawn han pai la chuan maw, vawk zawng zawng khu i kawchhungah ka luh tir vek ang" ka pi chuan alo tive leh mi chanchin an sawi a, atawpah an mahni ah bawk an tawp leh tawh.



















"Chaw ei lai tal hi chuan in sum ru ka tih thin cheu kha, neihpuii pawh i nu chhang zawt zawt thin lo la" ka pu chuan ati ve nge nge a "ninawm ka pa lah hi, i tawngchhuah ve chhunah hi chuan min tanna thu te hi sawi ve thin rawh" ti lehin atho nulh a, kan thlir thap mai ka ni tak hi chu aw, anaupangchhia leh thut zel.Ka pu hian a hau khat a, ahauh ve chhunah chuan ka ni hian ala ni zual bik thin a hau khat sia, a awm ve tho mai.


















Chaw eikham lamah chuan, ka ni nen hmun kan ti fel mawlh mawlh a, "in awm em, pi thang" rawn ti tu chu nu masiami ani, ka pi chuan alo chhawn vat a arawn lut zawm zat, ka ni nen kan lo in nerkhum sawk sawk mai "ka rawn leng dawn, hei ka zin na atangin puan ka rawn hawn che a" nu masiami chuan ati a, ka ni nen an inbiakna chu kan lo ngaithla reng, nu masiami hi chuan ka pi hi chu a duhsak tih ka hria, a thinlung tak takin angaina em chu ka hrelo mahse ka pi hi chu abe chhe ngai miah lo thung "awhaw ava han mawi em em ve, a lawmawm rual rualin ava in thlahrunawm ve mawle" ka pi chuan ati a "aho lutuk in thlahrun angai lo, ka nau chiah hian puan zawrhna dawr anei a, ka dil tlawm alawm" nu masiami chuan ati siam siam a, thleng ka sil rak rak a, ka ni in choka chhuat anawt mek bawk.






















"Ti leh daih ila, saw lalzawna fanu saw a rai tih ka lo hria a phai lamah khan hnathawk turin akal emaw tia mak ka ti ang reng khawp mai, va len phei ve te pawh atha ang ka lo zin bo char char a, engmah ka lo hrelo reng reng a mak ka ti tak tak ani" nu masiami bawk chuan ati leh a "nia keini pawn kan lo hrelo va kha neihin a sawi a, kan hreve chauh alawm" ka pi chuan alo tive bawk a "amak tak tak ani, pa zawna saw pa fel leh fate enkawl tha tak emaw ka tia, ti hian an fate phailamah hnathawk turin an kal tir a, atawpah ti hian nu leh pa te enkawl ngaiin an rawn haw leh tho thin sia, an ni phei chu saw zomuani saw an fanu neih chhun ania, kohhranah te pawh a in hman theih teh lul nen, engtin nge a rawn rai daih theih ni tunlai tha lai ho hi chuan sex hman an awlsam tawh si a, kan fanu hi zawng pawn a chhuak khat a helam kawngah hi chuan a fel ve khawp mai" nu masiami bawk chuan ati leh siam siam a.





















Athusawi duh tan chu mak ka ti ang reng viau, fanu nei ve tho ania, a fanu chungah thleng ve thei tho ani tih a hrelo amawn le, a awm loh hlan a afanu awm thin dan zawng zawng hi, thenawm khawveng ho hian an hriat vek ka ring, mahse an lan danah chhungkaw zahawm tak an nia tuman an sawi lo mai mai zawk ni berin ka hria, kan tih fai zawh chuan ka ni nen room lamah kan lut zui nghal a. "Awi ha a fate a sawimawi zia kha ka lo amen lo chauh ani" room kan luh rual rualin ka ni chuan ati hluai a, angei ve ngang aniang "i hria maw, tikhan a mizia alang telh telh mai ang a fate nen khian in khak fek fek thin mahse maw a fate hi a tan teh ania an thilsual tih zawng zawngte hi a thup mawi thiam lutuk ringawt" ka ni chuan atih zawm mawlh mawlh a, keipawn numasiami thusawi duh dan kha chu mak ka ti viau mai.






















Ka ni phone a rik chuan, a la rang ngang mai min rawn melh zeuhin a kalsawn nghal hmak, ka ngei reuh lutuk utawia bak ani awm tawp silova, hemi te pahnih pui hi in ngaihzawn an tum ve tak tak amawn le, ka ni chu a rawn lang leh rang viau "vulchukchuk bungkung hnuaiah tawia a awm tawh ania kal vat ang" ka ni chuan arawn ti hlak hlak a, "aw ava awm hma leh sive" ka lo ti let vat "enteh vulchukchuk, utawia han pa rem rem sia hi, bungkung hnuaiah min lo nghak vel" an ti deuh hluai a, bungkung hnuaia in ngah chu eng nge a pa viau na le, room atang kan chhuak dun a nu masiami pawh alo la leng reng, ka pi hi arawn ti ti pui thin a, akawm hlim thiam a atha viau mahse mi relpui phet a tum thin hi ka duh chuang miah lo, ka pi hi pitar ni mahse mi chanchin a chhe zawng hian a sawi khat khawp mai, michanchin sawi ve ziah thin mahse, achhe zawng a asawi hi ka la hrelo, christiana te pawh heti khawp hian a hrechiang a, anun dan leh a khawsak thin dan pawh a hrevek, mahse ka pi leh pu te hian a chhe zawngin an sawi ngai miah lo, an ngaina emaw tih mai tur zawk ani, kan in be ve zeuh zeuh thin tih pawh an hria engmah an sawi lem lo.






















"Nu...dawrah kan kal lawk dawn ania" ka ni chuan ati a "dawr kal dawnin pahnih kal angai mi, nangmah kha va kal la atawk" ka pi chuan alo ti vat "ngai ve e, min hau double peih lutuk ninawm, kan rei dawn lo keimahin ka kal ngam hleinem" ka ni chuan ati nang nang a, "dawt sawi ziah suh ka tih che kha, i kal ngam lutuk hi ven i ngai zawk, ramhuai pawh i hlau lo nangmah kha ramhuaiin an hlau zawk che i um dawr dawr ani lawm ni, i insawi theih em kha" ka pi chuan alo ti ve hlak hlak mai "thil kal tawh hi sawichhuak ve ziah suh i ninawm" ka ni chuan nin hmel zet hian ati a "neihpui fimkhur ru aw, tunlai nula ho hi a ruk te a, chance lak in hrat riau leh nghal" nu masiami chuan fiamthu tih tak deuh hian alo ti a "kan fimkhur lutuk mah mah, nusiam nangpawh zin tawh suh aw, i awm loh chuan i fate khi an free thei teh mai nia, nuam an ti thei lutuk an su nghauh nghauh zel" ka ni chuan ti letve kherin a chhuak nal nal nu masiami nui hmel chu a tawp chiang viau, keipawh ka chhuak zui ve nghal a ka ni hi naupang chhe zawk zawk ani tawh lova ven reng ngai ani tawh bik lo, atan a tha leh tha lo tur hrethiam rual ani ve tawh a, tawngkam mei nei deuh hlek a, an tih pawhin achhang letve fawk zel.
























"Tawngthei zep zuap lutuk, mei nei deuh hian atawng anga, huat awm tho si, han huat dawn a huat hleihtheih nichiah silo hian mi hi a ti ve ziah, ka chhang let ve zel tawh dawn, a fate pawh eng an ni bik lo emai, diktak chuan keiphei chu senior lam hnaih ka ni ve tawh a, duh ngat ila chuan tlangval in leng pawh kan in khat rei rui in ka nei thiang ve tawh alawm, mahse ka duh lo mai mai pawh a, ka luck double ve chiang emai" kal pah chuan ati malh malh a, kei erawhin zan a ka chhuah ruk dawn tur ngawt ka lo ngaihtuah ka ni hian athawi pawn a hre tawh tur anilo hrim hrim, ka ni chu nu leh pa phalna thlap a, chhuak ania a hlauhthawn awm loh, kei erawh ka zui tur te hi darlak celeb a sual chi a , celeb an la ni zui a hriat tir chi an nilo bur.
























Bung awmna kan thleng a, alo reh thap a thim bawk si, ka tih ru riau bung lamah chuan mipa tawng thum bul bul ri kan hriat avangin ka ni nen kan phei vat utawia leh uvaltea te an lo ni reng a, uvaltea lo kal tel ve chu mak ka ti ang reng "uvaltea chu i kal ve law?" Ka ti deuh hluai a "kal ve anih hi, mahse ka bih thla peih tawh lo, an ninawm hawh hmun dangah thut san daih ang" uvaltea chuan tho chhuak pah hian ati a, an piah deuh hlekah chuan uvaltea nen kan va thu dun a, an tawng ri erawh kan hrethei vek tho, engah mah kan ngai peih tawh lo, kan bihthlak hmasak khan an zei lo dun lutuk a, hemi te in ngaihzawn tum ve hi kan tuipui ve lo ani ber.




















"Darlakah hian awm reng i tum em?" Uvaltea chuan ati a, "la awm reng ang, diktak chuan dawr siam ka rilruk a kum chanve vel awm phawt ila ka siam tan chauh ang, min hretu an la awm vak silova" ka lo ti tha ve mai bawk, "siam tak rawh, ahlawk mai thei in awmna lai bawr velah hian dawr a awm silova sawtah va kal vang vang ngailo in, a rem chang alawm midang tan pawn" alo ti ve ngei a, uvaltea thil sawi chuan min ti phur ve viau mai, ka tawng leh tur chiah chu uvaltea chuan a kut hi a hmuiah dahin tawnglo tur chuan min signal a ka lo ngawi ve mai bawk.




















Ka ni leh utawia inbiak na vel chu kan thutna tang kan ngaithla ru reng "kan tet laia, kan in barbie thin kha ila hria em?" Ka ni in atih chuan ka nui chhuak tep "hria e, a chhia chhia min khalh tir ve thin kha" utawia chuan ati ve bawk a, "vawikhat phei chu min vel tah kha, ka thinrim in kan insual a, min hneh loh kha" ka ni chu a nui leh uar uar tawh "ka hneh reng che a, ka khawih tha duh lo che nihkha" utawia lah chu alo insawi thiam ve nasa "sawilo zawk teh, kan in marble thin lai pawn ka bawt kep ziah che kha i thiam lo lutuk a, i kawt hma theih em kha" ka ni chuan ati ve leh a "ka man hnem theih em kha, ka man sa ilo ruk thin vang anih kha" utawia chuan ati ve leh a "dawt sawi lo mai teh, ka bawt kep ngun lutuk che, i man theih ve deuh hlek chuan i pung laiin i bang hmak zel a, i phakar theih em kha" ka ni chuan ati ve leh hlak hlak a, an in sual mai ang tih pawh a hlauhawm zawk, "i phakar fe" utawia chuan ati a "i phakar feee zawk" ka niin ati ve leh a "phakar lamah chuan tluk i har" utawian a tih leh chuan "aw atawk anih chu, ka haw hmak dawn" tih leh ka ni chu a ding ta hluai mai, an va han hahthlak em an in ngaizawng ve tawh dawn maw tia, an tetlai chanchin an sawi a, an in hau daih leh nghal.




















"Sawmi te pahnih saw, an in khualtelem nge an in marble " uvaltea chuan beidawn hmel zet hian ati ser ser a "dikchiah, an in ngaizawng ve tawh dawn ang chu tih laiin an naupan lai an sawi daih a, in ngaihzawn an duh tak tak lo anih saw" ka lo tive vat, haw daih mai te ka duh rum rum tawh hemi te pahnih chance la ve hi, awmzia an awm lo reng reng tisawn an sawi char char anga an tetlai saw atawpah in ngaizawng hleilo in, an zo ve leh mai ang.Uvaltea chu a tho deuh thut, ka en chho rang nasa mai , "uvalte eng nge itih dawn?" Ka lo ti vat a, "saw mite pahnih saw ka va bem dawn" ati tawi tak, akal phei nghal zat, ka zui ve nghal vat bawk, ka ni te bul kan thleng phei a "tawia...neihi hian a duh lutuk che a, a star na che pawh a rei tawh tih i hriat kha i duh let ve thei angem?" Uvaltea chuan ati deuh phawng a, mak an tih hmel nasa mai "duh ve tho e, keipawn" utawia chuan alo ti vat "kha kha nimai lawm, kha tia naupan laia in barbie khalh thin vel sawi mai mai kha chuan in in ngaizawng har khawp ang, ti khan in in ngaizawng tawh" uvaltea chuan ti tha in ti zet hian ati a.

























Ka ni in a lu ah a kuk fawk "ka bem hmasa duh lo ka tih reng kha eng nge i rawn bem thawt thawt a" ka ni chuan ati vin hlarh ka ner nasa mai "i bem loh kha keiman anih kha bem" uvaltea chuan alo ti vat a, a ngaihna hi an awm hlawlh thin lo "anih ahnu, tawia i bem bawk a ti khan in ngaizawng rawh u, tawia pawn a chhan tawh che kha ka kal dawn" tih leh ka ni chu a tho thut a , akal nghal nul nul ka zui ve vat a utawia nen khan an in hnial mood off sa nen a kal tluang viau mai "ni uvaltea sawi awmzia kha i hrethiam lo anih kha abem sak che lawm" zui ve dat dat pah chuan ka ti a, ka in chhuih khut khut leh nghal ka ni chu a ding thut a arawn hawi let vut "ka duh chuang hleinem, keimah ngeiin ka bem duh alawm, sawi angai tawh lo tikhan valtea leh tawia chu in ngaizawng hmak rawh se, an inkarah ka inrawlh dawn lo reng reng" ka ni chuan ati leh hlak hlak a, hrilhfiah ngaihna pawh ka hrelo ka ni lah hian a la thutak ropui leh nghal.

























In kan thleng a, ka pi in tv alo la en a, ka pu erawh a mu tawh aniang a awm lo, "lalneihpui dawr chu ava hla awm ve" ka pi in alo ti nghal vat, ka pi hian ka ni hi a hming pum lo hian a koh khat tawp a koh lai vawihnih khat vel bak ka la hrelo "hlat ve em saw, hei leh chen i dam tawh a dawr hlat leh hlat loh pawh ilo la hrelova, mawl double thei e" ka ni chuan alo ti ve vat "va mu hmak rawh, ka bula i awm tam leh ka pawi i sawi tam" ka pi chuan alo ti let vat, ka ni chuan chhang tawh lo in room lam apan nghal nul nul, ka pi bulah chuan ka thuve rih a "vulbawih i pa i be ngai em?" Ka pi chuan ati a lu ka lo thing vat "be ngai vak nang, tinge pi" ka lo ti ve vat "ahh eng nilo e, han be ve zeuh zeuh thin rawh, nang lah aizawl lam awm i peih tawh rih silova, i pa in nupui dang anei tawh a, anupuiin fa bik a nei bawk nen, an biakthiam a an tlawn thiam phei chuan i ro chan tur zawng zawng hi, an laksak hreh miah dawn lo che nia" ka pi chuan ati mawlh mawlh a, chutiang lam chu ka lo la ngaihtuah ngai miah lo.


























"Chutiang mi ani dawn mi nuzuali te chu a fel reuh ka lo tia" (Vuli nuhrawn kha zuali aw, in lo theihnghilh tawh takin chuan a fanu bik kha bawihpuii ani bawk) ka ti nang nang a, "mi te hi hetia an lan ang ngawt hi an ni thin lo, i pa rosum leh pai duh vang ringawt pawn an be tha mai mai che pawh ani thei, in thlahdah lutuk lo ang che" ka pi chuan ati mawlh mawlh a, ka chhang let tawh lem lo diktak chuan tiang lam kha ka lo ngaihtuah ngai miah lova, ka pi in asawi takah chuan ngaihtuahna a thui viau, ni e nuzuali te nufa kha ka la hrechiang em em lo, ka pa ka kalsan ringawt chu ka inchhir hnuhnawh leh viau a, awmzia lah chu a awm tawh der lo.






















Room lamah ka lut phei har lo, ka pi pawh mu turin a intin tuah zui a, room ka lut a ka phone massege lo thleng chu ka en rang ngang mai, duata hnen atang hian alo nia "ilo chhuak hman tawh em?" Tih hi alo thawn a, ka seen rang ngang mai ka ni chu khumah alo mu fel than tawh "lawk min lo nghak lawk ru ka lo chhuak har lovang" tih hi ka va thawn letve nghal a, ka pi pawh room lamah a lut fel tawh ani ngei ang, an room lamah a che ri sawt sawt mai, "bung hnuaiah ka lo awm ang" tih a rawn thawn leh chu ka reply tawh lem lo, ka thuamhnaw chu ka thlak zung zung a, ka ni chu a harh ka hlau viau bawk a muhil hman hlauh chu ka lawm ru viau mai.























Room pawn lamah chuan ka chhuak them them a, kan inchhung chu setting room lam a current chiah a eng tawh a, thawm dim zetin kawngka chu ka hawng a, room tukverh atang ka chhuak ngam tawh lo ka ni aharh thut ka hlau a, vawihnih lai ti hian ka sneak out tawh ania, ka tih ngai loh vek ani, pawn ka chhuak chiah chu boruak a dang zar mai zan lama hram thin rannung te pawh an hram ri chiah chiah a, pawn pawh a thim tha viau, school chhohna kawng pengah chuan electrict ban a ding a, a bulah eng an chhi ve bawk.
Bungkung awmna lam pan chuan ka kal nghal vat, ka thleng phei har lo, ka thlen chuan duata chu a bike bulah alo vei kual sek tawh mai min hmuh rual rual chuan "ilo va thleng har ve, min kalsan vek tawh kal vat ang" duata chuan alo ti sawk sawk a, min ti lai zo vek "dar 12 velah chauh in tia, tunah dar 11 ari chauh alawm" ka lo ti let ve nang nang a.





















Min tlanchak pui lutuk chu mit pawh ka meng ngam lo, kan tlan pawh ani lo kan thlawk ni ber hian ka hria, a tawng ve lang lang tak na in, a thusawi pawh eng mah ka hre mumal lo, jacket ka ha hlauh chu ka ti sual lo hlauh e, forest lam ah khan min tlanpui zel a, mahse forest ah tak va lut lo in, kawng pangngai kawng hnuai lamah kan tlan thla a teirei awmna leilawn kha kan tlan pel leh bawk, thui vak lo kan tlan leh hnu chuan, leilet ang deuh awmna lamah hian kan tlan lut a, hetiang ang hmunah tunge bike race nei ngai reng reng le, in kan tlan pel zut zut a, ui an bauh chuah chuah bawk.



























Rei lovah, duata chuan bike a ti ding a, kan kal tumna kan thleng tawh tih hriat zetin mi chu an bengchheng nasa mai, ka rin aiin an ti pui current leh eng dang atam em em a, athenin an bike head ligh an ti eng fur bawk, duata nen chuan athiante ho awmna lam ni awm takah hian kan kal phei a, "christiana sawn eng pawh sawise lo chhang let miah suh aw" ka ti deuh sap a, min melh zawkin a hawisawn leh rang viau, christiana te awmna kan va thleng chu an lo bengchheng hlawm nasa mai, thutna tur a awm dal a, anuam reuh phian midang awm lo in mahni in awm ila anuam ngawt ang, christiana chu hmeichhe pahnih inkarah hian a thu a, akut ah beer a keng vang bawk, min hmu thut chu mak a ti deuh nge ni min melh vung vung mai.
























"Vulchukchuki ka nghak rei lutuk a, kan lo thlen har phah anih hi" duata chuan beer ban zeuh pah hian ati a, beer pawh chu an hniang hnar viau an dahkhawm ruih mai, "vulchukchuki chu i inhmeh lo e, i rawn kal ve tak tak pawh ka ring lo asin" nunhlua chuan alo ti a, diktak chuan ka kal ve hi an lawm lo tih ka hre ru reng, achhan chu tiang ang hmeichhia hi ka ni lo tih an hria a, ka mizia nen pawh a in hmeh lo hrim hrim ka nun ka dai sual ve an hlau niberin ka hria, ka dem hran lova ka lawm zawk mahse ka tih tum hi an hrelo a, hriat tir pawh ka tum lem lo."Eng nge i rawn tih ve dawn?" Christiana chuan min melh ngul chung hian ati a, amit a sen leh ram tawh a, a hnar chu akhat tawkin a khawih leh zeuh thin ka chik lo emaw ka tih pawh hian a rukin ka chik em em zel tho.
























Mit ka lo san khum ak a, "ka rawn kal ve, duata partners turin" ka tih chuan a rum chhuak nghut, hmun dang pawh melh tawh eih lo chuan keimah chu min melh ngur a, alawm lo ngawih ngawih tih chu tumah hian an hai lovang, tawng duah chi ani lova a chezia hian alan tir mai thin niberin ka hria, a thiante hian an hrechiang khawp ang "atul lo khawp mai" ati chang leh hrawk a, duata zawk chu amelh leh vut duata lah chu, pa biaka hnungah a pil lut rang nasa mai ka nui a za lutuk, "ka kal ve chak ani mai a, tiang khawp a nuam intih a in zawngchhang em em thil chu tihve chhin ka chak alawm" ka tih leh chuan "Lalvulmawi" ati chang hrawk, midangho lah chuan min en thap tawh leh nghal.





















"Christian eng nge i thinrim em em a, a kal ve chak ani mai a, amah chauh hmeichhia a awm lova, keini pawh kan awmve tho alawm" tihpahin a bula hmeichhe pakhat zawk chuan a awmvelah chuan a chul kual vel a, ka lo ner kual nasa lutuk tenawm reuh mang nge chunu kut chu christiana chuan phih thla chawrhin "nangni ang hmeichhia ani ve lo" ti chhuak hrawkin a tho thut a, midangho lah chu an phu nasa hlawm em em zui an hlau hlawm awm hi ka tia, mak deuh maiin christiana ka hlau miah lo hi mak ka ti "lo kal teh, nang tereuh hi" tihpahin christiana chuan ka banah rawn vuan in min kalpui nghal nal nal, ka tal lova ka duh loh thu pawh ka sawi hek lo, heihi ania ka tum ber zawk chu christiana hian hetiang ang hmunah hian ka awmve a duh dawn lo tih ka hria, an ni thianho hi kawng dika hruai ka duh chuan an boss pa ber hi ka siam that phawt angai, ka rilru ah "Setana leh a ho te" tih chu alo lang tlat leh nghal hun lo lutuk ka nuih aza ru viau an nih duh hmel tak tak an inhmeh phian ang.


























A bike awmna lamah min kalpuiin kan thlen chuan ka ban a vawn chu a phih thla chawrh a, ka rinaiin a hmerna phian zui "eng nge maw i hriat reuh le" ka ti nang nang a, ka thin erawh a rim lem lo, hmeichhe thinchhe tak ka ni lova, ka thin pawh a rim ve mai mai ngailo ka in sum thei a mi in min tih buai emaw pawn ka ngawi hram hram thin mahse ka tih tawh loh chin athlen chuan ka rilru alian ve a, atawp thleng rakin ka beilet thung ang."Helai hmun hi i awmve na tur ani lo" lawm lo tih hriat zet hian ati a "engvangin nangni pawh in awm a, eng nge ka awm theih loh bik ang" ka ti let ve vat "achhan chu nang leh kei hi khawvel pakhatah awm mah ila, kan khawvel hman dan erawh a dang lutuk" ati chhuak sup, a vin tawh lo bawk "christian ka hrethiam lo" ka lo ti vat a "keini ang ho hi chu, sawifiah vak ngailo pawn i hmuh hian i hrethiam lo em ni?Nang erawh pathian ring mi inia chuan ni reng la danglam ngai suh" ati ve duah a, a tawng thui ve reuh lutuk.

























"Engvangin pathian awm i ring lova, nangmahni anga ka awm ve chu i lawm viau zawk lo em ni?" Ka la ti let fan a, beidawn hmel zet hian a sam chu a tuaichho puat a ka dar tawn tawnah rawn vuanin chik lutukin ka mitah chuan min enkalh "ka sawiawm zia i hrethiam lo tiraw?" Atih chuan lu ka bu zeuh "kei chuan pathian hi a awm ka ring lova, ka nun dan pawh hi i hmuh ang tawp hi ka ni mai, mahse chumi anih vang ngawtin nanghi hetianga awm ve tur hian ka duh lo che a, chuan helai hmunah hian kal turin ka duh lo bawk che" a sawifiah thiam dan ber chuan a sawi ve ngei a, tawngkam erawh a thiam lo tak zet anih hi, "tinge anawm hmel em hi, nangni pawn nuam in tih vangin in kal in kal thin a" ka tih leh chuan thawchhuak hakin "ka thil tih zawng zawng hi nuam ka tih vanga ti ka ni vek bik lo, hlimna ka zawng mai zawk anih hi" ati rumul a, atawng chu a danglam leh tawh viau.























Ka lo nuilui hak a "chu henglai hmunah hian hlimna i zawng maw?" Ka tih chuan tawngka a min chhang lo in, lu a bu zeuh "anih i hlim em?" Amitah tak en chunga ka tih chuan min chhang lo, a ngawi ngul a tawng leh pawh a tum loh hmel khawp mai "christian helai hmunah hian i hlim tak tak lo, a awmzia chu helai hi i awmna hmun tur ani lo" ka tih chuan anui chhuak hawk a, a zat vang erawh ani lo "ka hlim ka thiante bula ka awm hian ka hlim a, chuan ka awm reng bawk ang" atih chuan lu ka lo thing nang nang a "ani lo christian, hlimna i zawng a ruihtheih thil iti a, i ruih lai chuan engmah ihrelo in, nuam pawh iti ani mai thei mahse i hlim loh zia erawh chu nang hian ihrechiang ber ang, i thiante an hlim avangin i hlim emaw iti mai mai anih kha" ka ti let kha kha a.

























Min chhang let tawh lem lo chuan a ding ngawi ngul a, "sawi tur a awm tawh loh chuan ka kal dawn" ti a kalsawn mai ka tum chu ka banah min pawt let sawk a, ka rak nghal that mai thawm a bengchheng a tuman min rawn ngaihven lem lova, chuti nilo se kan in hau emaw an ti hrim hrim ang "ka sawi tawh chu, ka ti ngei ngei thin" tih chhuak hrawkin a helmet chu a khum sawk sawk a, a bike ah chuan a chuang nghal zat, ka lawn hun nghak ni awm takin hnunglam arawn thlek zeuh a, ahmuh loh turin ka nui sak bike ah chuan ka lawn ve nghal zat a, chak lutukin atlanchhuak zui a ka tum vang pawh ni hauh lo in, akawngah chuan nghet zet hian ka kuah a, ahnungah ka bei zui nghal zat.
























Duata tlanchak ka tih te kha chu nepte hi ani ringawt, christiana khalh phei hi chu ka thaw tawh pawn ka hrelo, leilawn atang forest tlang lamah a short cut a, atlan chho a ahma kan kal dun tawhna summer house awmna ah tho chuan kan kal a, a din hnu pawh chuan ka la chhuk thla mai thei lo, christiana zawk chu a chhuk thla a ahelmet chu phelhin nuihzat hmel zet hian min en a, ka melh rum viau vawilehkhatah min hlang thla nawlh a, ka kaihza tha lah chu a khur dar dar mai "ti chung khan bike race na ah khan telve chu i tum ania" nuihzat hmel zeta atih chuan chhan pawh ka chhang let peih lo.






















Summers house lamah chuan min kai chho a, engmah a sawi zawm tawh bik lem lo, thla en hun a pel tawh a athim tha viau, christiana chuan a phone ligh chu a ti eng a, thla eng lo mahse arsi erawh alang tuar mai, ahma a kan thutna ah bawk chuan kan thu dun leh a van lam chu kan hawi chho vang vang "arsi te khi a blur chi in i hmu leh tho em?" Ka tih chuan a nui ri suk a, keipawh ka nui ve tho "i nu leh i pa ten chhan nei miah lo in, an kalsan tawh che em?" Arawn ti chhuak phawng a, ahmel ka en chuan ngaihtuah muk hmel zet hian van lam chu ahawi vung vung christiana ka en hian amahah hian thil tamtak in phumru a awm ang mai hian ka hre thin, sawi tlang tawp ila amah hi alem anun ahlim ngailo niberin ka hria.


























"Chutiang te chu tu nu leh pa mahin an ti ngai lovang, nu leh pa te chuan fa te chu an hmangaih alawm, an fate tana tha ber tur chauh an duhsak thin" ka tih chuan za lo zet hian anui a, "anih chuan ka nu leh ka pa te chu an nive lo ani ngei ang" ati chhuak sup, atawng zawi viau bawk "christian i hrethiam lo anih kha, an hmangaih lutuk ang che nangmah hian a dawnsawn dan i thiam lo zawk ani maithei a sin, keichu ka nu hian kum 13 lek ka nih laiin min boral san a, ka pa hian min tulpui thak a, nu hmangaihna awmzia hi ka hrethiam hman em em lo, mahse ka nu kha chuan min hmangaih lutuk tih ka hria nu hmangaihna kha, dawng tam hman lo mah ila, ka pa hi ka nu leh ka pa ani mai, engkimah min thlahthlam ngailo" ka ti melh melh a, alam ka hawi chuan hmuhnawm tih hmel zet hian min lo en reng.
























"I la vannei zawk hle anih chu, nangchu i nu boral tawh mahse ahmangaih tal che lawm tiraw?Ka nu ve chu la dam reng mahse dam reng chunga thi ang vel ani, nu neih hian awmzia anei in ka hrelova, ka nu min hmangaih dan hi ka dawngsawng thiam lo pawh ani mahna hmangaihna ka tive theilo" ati ve sup sup a, a rilru chu hre kher lo mah ila angaih dan chu ka dem em em hran lo, midang sawi dan leh nu masiami mizia atang hi chuan, christiana din hmun hi ka hriatthiampui ve tho."i rilru chu ka hrelo, inchhungkaw chanchin lah engmah hriatchian ka neilo bawk, mahse christian nu leh pa ila nei hi, i vannei ka ti tho tho khawvelah hian nu leh pa nei tawh lo, neih chak tam tak an la awm a, kei ngei pawh hi ka ni asin, 'nu' ti a koh tur te hi la neive ila ka ti thin" ka ti a, ka nu ka ngaihtuah chhuak a ka lung achhe deuh leh nghal hun lo lutuk.
























"Nang chu i nu ngai mah la, a awm lutuk ka nu hi engtik atang nge 'nu' ti a, ka koh lohna chin pawh hi ka hre tawh lo, koh kher atul pawn ka hre hek lo, ka awmve tih pawh an hre lo ang an tan chuan awm lo ang hmak ka ni" ati leh chuan ka thawchhuak hak, tiang chuan kan inhrilhfiah har khawp ang, mahse nawrluih chi ani silova ka nawrluih vak chuan ka ti sual zo ang tih ka hlau zawk a, amah christiana hi thinrim chunga biak te vin vak vak chi anilo mipa luhlul zet mai ania thatna a hneh chi zawk ani, tharum hmang ni lo in, engtikah emaw chuan ka la hneh ngei pawh ka ring, "anih khalam chu dahtha ila, thian fel tak tak i ngah em hi, pa biaka te, nunhlua te, duata te, chuan bialnu pawh tam deuh" tih pah chuan ka nui hak hak a, ani pawh anui ve tho.





















"An ni chu ka thiante, chuan nanghi ka tan ka eng nge inih?" Thutak deuh hian arawn ti a, ka nui tawp riai riai, ni e christiana tan hian a eng nge ka nih, a engmah ka nilo mahse a nun buaichuar leh hahthlak hmel zet atanga hruaichhuah chaktu chu ka ni ngei alawm "ka hria" arawn tih chuan ka en vat a "eng nge sawi la" ka lo ti letve vat min melh vung vung hnuah "pathian a awm chu ka ringlo, mahse ka tan chuan ka angel ini, ilo lan ve atang hian maw ka nun hi zawi zawiin adanglam telh telh, ka tan chuan ka angel leh ka thian ini" thuk ruih a min melh chung hian ati a, ka lo nuive sen sen.





















Mahse 'Thian' tih thu a sawi khan awmze neilo lutukin ka rilru ati hnual vek mahse pawi ka ti chuang lo "ni e i angel ka ni, i angel hmuh theih" nui sen sen a ka tih chuan alo nui ve suk suk a, "i nuih dan kha, a hmeltha chi in i cute" ati leh tawh he tiang thu, hi a sawi ve ziah mahse ka hlim veng veng zel, christiana hi ka bialpa ni turin ka ngaihtuah ngailo hrim hrim a, nih tumna em em pawh ka nei lo ka duh awm ka hrelova mahse a mah hi ka ngaina in a bul a ka awm hian ka kim bik hliah hliah a, ka hlim veng veng thin, amah pawh hi ka bula a awm chuan thinlung takin a nuive thin chuan ka hria.







Van lam chu hawichho leh vung vungin "lalpa ani hi em ni?Ka tan a i ruat" ka rilru chuan ka ti a.









NOTE.


Sunday hi chuan chawlh ve hram hram ka duh thin a, mahse keimah ber hi a tir atanga ka dah dan kha abuai vek sia, zankhat danah ka dah bawk nen ti hian zanin ah ka dah anga chuan akal dan hi a dik chiah tawh dawnin ka hriasunday a dah loh dan hram hram ngaihtuah angai tawh





Comment leb ads click kha min ngaihpawimawh sak ve hram hram ru aw


Show post links
Top

[Ngaia]

By_Mampuii pautu




Ka ta chauh ni rawh







Chapter-8








VULMAWII









Zing ka tho chu ka phak chuap mai, nizan lam ka mengrei ve deuh bawk nen christiana nen khan kan ti ti rei phian a, a bulah ka awm a sana en na chang pawh hrelek lo in, nuam ka ti hle anih kha, mahse ka lawm tho thil tha lo a tihna tur lakah a fihhlim phah tal alawm, zankhat lek kha tia bike race anei lo pawh kha ka lawm tawk tho tho, ka tho chhuak a mak deuhin ka ni chu alo tho tawh thukah chuan thu in mei chu alo chhawm tha mawlh mawlh a, alu hi alo chan pah bawk "ni iva han tho hma em em?" Ka va ti deuh hlut a ka ni chuan min rawn melh nasa mai ka nui tawp "dawt sawi miah lo in, nizanah i chhuak tih ka hrevek ania, i chhuah lai pawh khan ka la muhil lo aw" atih chuan tho chiah e tilo chuan nikhawhrelo in ka tlu tep ani "ka ni chu i hriatreng chuan eng nge i mutthilh der kher a, i van dawheh reuh tak" ka sawi tur hre mai lo chuan ka ti nang nang a.























"A zawk zahmah che chuan aw, sawi vat teh lo thu teh" ka ni chuan ati leh rum rum tawh thawhak in a bulah chuan ka thu thla a, "diktak chuan christiana te bike race neihna ah ka kal a" ka ti chiah chu "eng maw?" Ati vin hlarh in hmatawn a thu kan ni sia, a au ring bawk si ka mit ka chhing sawk a ka ner sak bawk "awiha ka duh theilo lalvulmawi tah chuan eng nge itih ve nang hi, zu i inve ani lo maw?" Atih leh chuan awm ang lo ti lutukin ka nui hak "teuh lo mai, lo ngaithla rawh ka kal a mahse ka awm rei lo, i hriat vek angin christiana nun dan hi siam that sak ka duh a, ni ngaih loh lamah ngai suh aw, ka ngaihzawn vang emaw ani miah lo thian angin kan in en a, ani pawn min ngaina ve tawh lutuk, amah hi pathianin ka rawngbawlna tur a min pek pawh ani mai thei asin, ka en liam thei tlat lo" ka ti ve mawlh mawlh a "ni e, midangte tana malsawmna kan nih theih te chuan chu bak bak a, tha a awm lo nangmah vanga mihring pakhat lek nun pawh athat phah dawn anih te chuan ka dang miah lo ang che, mahse fimkhur la christiana ani tih hi hrereng rawh, in couple goals kha thiang lo bur bawk ania" atawpah chuan ati tel leh hram ah hahthlak.






















"Anih nangni ve hi, nizan lah khan i ti tau daih sia" ka tih leh chuan ka ni chu anui uar uar a, angaihna ka hrelo lutuk ka pi chu inchhung lama rawn luh pahin "lalneihpui zing kar karah iva han nui ring em em ve, thenawm atang pawn kan hre pha vek a lawm, in sum ve deuh rawh nui vak vak zel mai" ati hlak hlak a, ka ni chu a nui tawp hmak ka pi chu melh let ve karin "mi nui mai mai pawh chu in va ngaithei lo awm ve" ka ni chuan lawm lo zet hian ati a "nang a nuive chu e, i nui mai mai lo i nui ri te pawh naupangin an hriat chuan an tlan haw nal nal zel" tih pahin ka pi chu pawn lamah a chhuak leh vawkin lamah a chhuk thla dawn niang "hneawm hlawm lutuk mai, ka awm mai mai pawh hi min hmu theilo reng reng" ka ni chuan ala ti nang nang a.



















Mipa tleirawl te mai hi kan inchhung ah arawn lut a, "uneih...a pu chhuana hi a awm le?" Arawn ti a ka ni chuan "ehe sawma iva reh ve, awm e hawh lo leng rawh" ka ni chuan alo ti vat a sawma hi ka hmu ve ziah a, kan kohhran a in an vangin mahse kan inbe em em hran ngailo, min zah deuh tlat hian ka hre thin a kei aiin kum khatin a naupang a min la û ve tho vengchhak lama awm khi an nia, amah hian higher akal mek mamit lamah, "eng nga tan nge ka pa chu itih ve ngei che chuan" ka ni chuan ati a, alu a chan zawh chuan kan turin a siam nghal zung zung "hei nimin lam a kan thing lakna ah ka ban ka ti ulh a, nizan ah pawh ka mu theilo rawn zut tir ka tum deuh a" alo ti tha ve mai bawk a, ka pu hi a letling a piang ania, mi zut hi a thiam a an na lai te hi a khawih chuan a hre nghal thei lutuk, tiang ang mi zut dam thei hi chu an chil hi damdawi te an ti thin a, a zut nan an chil te an hmang thin mahse ka pu chuan tel tak hi a hmang mai thin, chil hi chu a tenawm ve reuh em alawm.
























Ka pi inchhung a rawn lut chuan "khawnge i pa chhuana chu a la zo lo amawn le, a tawngtai a nitin a dil ziah tho angai ngawr ngawr hi a dil a, pathian pawh khian a ning zozai tawh zawk ang" rawn ti hlak hlakin room lamah chuan alut phei ve nghal a, ka ni lo nui kur kur chu "ni utawia chu" ka tih leh chuan nui tawp hmakin "eng nge thawh veleh atanga tawia itih reng a, tawia leh valtea te in ngaizawng kha i thik deuh ami a?" Ka ni in a tih chuan ka hmui ka ti pawrh vak "i ha te kha va nawt rawh, thuk bulah i rawn thu a, thut ung vek i tum ami?" Ati leh hlak hlak a , tho tuih tuihin bathroom lam chu ka pan hna hna a, thawh veleh hian ka thut hmasak phawt loh chuan ka thiam lo thin ka ha nawh leh ka hmai phih hi ka ti nghal thei mai thin lo.

























Bathroom atanga ka chhuah leh chuan ka pi leh pu pawh room atang an lo chhuak ve chiah, room lamah lut lehin ka hmai ka hru a, ka sam te chu tawn tha leh sawk sawkin ka chhuak leh vat, thutthleng ah hian thu in ka pu in sawma kut a khawih vel chu ka ni leh ka pi chuan an lo en uluk nasa mai sawma chuan na ati ve deuh nge ni, a tang ve tung mai "sawma tang tung suh, ti kha chuan ka pa tan khan anuam dawn lo ania, i hmel te kha pangngai deuhin dah rawh" ka ni chuan alo ti leh thin a , an bulah chuan ka va thu phei ve vat "enteh sawma, thi la i natna zawng zawngte hi an dam tawh anga, i nung tawh ang" ka ni in atih leh chuan a hnung a ri thlawp mai, ka ni chu aner nasa lutuk sawma meuh pawh anui tawp.





















"Lalneihpui em em che hian, eng nge ilo tawngve sek a, mi thi tawh te , engtin nge nung leh se itih?" Ka pi chuan ati hlak hlak a "ka sawi awmzia i hrethiam lo anih kha, a thi anga anung tawh dawn alawm" ka ni chuan ati leh thin, a sawifiah thiam hlawlh lo "ava mak talh talh e aw, mi nat lai laiin thi la, i nung ang ilo tih chhen chu le, na neih lai phei chuan i bula awm chi pawh anilo, kalsawn rawh " ka pi chuan ati leh khar khar a, "lo in hnial teivet ziah suh u, kalsawn vek rawh u" ka pu chuan ati ta nge nge a, "ka kalsawn dawn lo reng reng" ka pi lah chuan naupangchhia zet hian alo tive bawk a, keini erawh ka ni nen chuan tho in, pawn lamah chuan kan chhuak daih a, "ka nu tak hi chu aw, fiam thinrim hi a nuam ve hrim hrim achang chuan ka ti lui ve deuh thin alawm, tar lam an ni ve tawh sia, hetia han in hauhpui bawrh bawrh te, han tih thinrim ve bawrh bawrh te hi atha ve hrim hrim" ka ni chuan nui uar uar hian ati a.





















Kawngchhak atang, kimtei leh kimberly chu an rawn chhuk thla dun a, "eheu...nangni pahnih chu inva hlim dun hmel em em" tih pahin kimtei chu anui nghal sen sen a, "kan hlim lutuk midang kan ngai bik lo reng reng" ka ni chuan alo tive nghal zat, ka ni leh kimtei hi in upat hleih viau mahse an tawng reng reng hian an in khei ngar ngar zel "kimberly pawh angai ang te te in, ilo zin leh tawh ani maw?" Ka ni chuan nui hak hak hian ati a, an inhaw viau dawn maw ka tia ka ni in ahma asawi dan velah pawh khan a ngei hmel nen mahse ani miah lo, tun a ka hmuh danah hi chuan an in ngaihnat hmel phian "imm i ngaihawm em alawm...arpa hralh ruk leh pawh ka chak tawh" kimberlyin atih chuan ka hawi rang nasa mai, "arpa in hralh ru dun tawh amaw?" Ka ti nghal hu a, ka ni leh kimberly chu nui dun vak vakin "hralh ru dun tawh e, ka sualpuinu anih hi" ka ni chuan ati a, mak ka ti lutuk tlat ka ni chuan angaina viau pawh ani thei mahse kei chuan ka ngaina lo, a bulah hian awm nuam pawh ka ti lo eng nge maw riau hi a awm ka ti.
























Kan ti ti mawlh mawlh lai chuan tlang atang chuan christiana chu bike in chak zet hian arawn ving thla ka ti mai, kan ding thap chu min rawn tlan pel thuak a kimberly chuan hreawm tih hmel zet hian a en zui vang vang "ka nu nen an in hau leh tawh ani ngei ang" kimtei chuan a u tlan liamna lam en zui vawng vawng pah hian a ti a, ka ni nen chuan kan lo ngawi dun kar, "chhunah lo leng ula, inkawm ho mai mai ang u" kimberly chuan nui sang hian ati leh a, ka ni pawh chuan phur hmel lem loh zet hian, alu a bu ve mai bawk kimtei te chu an kalsawn zui a, dawrah an kal dawn ani ngei ang "saw mi te pahnih ka ninzia saw chu aw, an tel lo pawh hian ka hlim asin le" ka ni chuan ati vawng vawng a "ni eng nge maw i sawi le, kimberly nen pawh in inkawm ngeih ani lawm ni" ka tih chuan ka ni chuan ner nang nang hian "ka kawm ngeih der vel mai mai alawm, hemi te chhungkua hi chu e tumah hi an pangngai lo, an mipa te hi an fel a christiana leh pa dailova hi an fel a, hmeichhia hi zawng kan rilru hi alo chhia ania nge mi rel te hi kan peih a, keimah pawh ka bang chuang lo" ka ni chuan ati leh mawlh mawlh a, amah leh a mah pawh a insawisa ziah.






















"Sawma kha a chhuak tawh hawh u, chaw ei dawn ang u bazar kal zuai ka duh" ka ni in a tih vang chuan inchhung lamah kan lut zawm nghal a "nu vawiin tlai chu, kan zo ar khu talh ve ang u" ka ni in chaw ei siam mawlh mawlh pah hian a ti a, " talh lovang, zo arsa hmeh a piangin zanah i tho â ziah" ka pi in a tih chuan, ka ni chu ka en vat a a lo tum lian nasa mai "ni i tho â thin tak tak ami?" Ka tih chuan min rawn melh deuh hrawk a, thil hi ka hrelo ve thei sia ka ni thinrim hmai sen ka hmu zing ania "tho mai mai lo ahma in zo arsa kan hmeh a, zanlai ah kan hmeh bang kan dah that kha, ei turin arukin ka tho chhuak a, pi raja-i sawn min lo man a" ati nang nang a, ka nuih aza ru ang reng viau nula apumpa arsa ei ru tura thawh mai chuh.
























"Nu i mak ve khawp mai aw, vulchukchukin a ei chak vang alawm ka sawi le, a rawn kal atang talh pawh kan la talh sak loh hi" ka ni in atih leh chuan ka hnial tep a, mahse ka ni in mit min rawn siai zeuh avang chuan ka ngawi leh ta zawk a, ka pi leh ka pu chu choka lama lo phei pah hian "ani teh tak e a, vulbawihi pawh kan la talhsak lo tak e, kan tar ve tawh a kan beng te hi avar tawh lo anih hi tlai lamah chuan talh ila atha khawp ang chu" ka pi chuan ati mawlh mawlh a, ka ni a ner ru nasa mai, ka ni nen hi chuan mit hmang hian kan inbe zing ania aw, abikin ka pi leh pu te bulah phei chuan kan thil sawi tur hi kan fimkhur thei viau, tar an ni tawh a ka ni pawh tawng duh viau mahse ka pi leh pu te tana hriat nuam lo tur thil sawi anei ngai lova, an in thlahrunna tur emaw engthil mah a sawi ngailo bawk.





























Chaw kan ei kham a, mahni tih tur theuh kan ti sap sap "vawiim chu leiletah kan va kal zuai ange kan rei lovang, hei kar tawp lamah aizawl lam kal kan rilruk si a, chawhmeh hawn chhoh sak tur ka la pah anga" ka pi in a vaihlo pai tur zial mawlh mawlh pah hian a ti a "pi eng nge in tih dawn?" Ka lo ti vat, ka ni zawk chuan "i pu hi a thearapy lak a hun leh tawh alawm, amah hian mi a zut a zut a a inzut dam ve thei silova" tiin ka ni chu a nui uar uar a "i pa nat dan te chu, ruh tih ulh leh pelh vel anga zut dam nghal theih ani hleinem" ka pi chuan alo tive vat, ka ni pawh bazar kal tur a insiamin room lamah a lut zui nghal a.Kei in thuamhnaw bal suk tur ho ka khawn khawm bawk, tunlai chu tui kan ngah vak silova tui ren angai nen tui khur lama in suk ka tum a, ka in suk turho ka la khawm zung zung a, bucket ah dahkhawmin in su turin ka chhuak zui nghal hmanhmawh loh chuan mi an lo tam leh anga tui ka chang hman lo ang tih ka hlau.


























Tuikhur ka thleng thla chu, kan veng thleirawl pahnih hi an lo awm a, an ni hi Dengi leh Mawii te an nia an inkawm ngei lutuk tleirawl tawngduh hun lai ani bawk a, biak te hi an nuam a an nui bawk bawk zel , midang an ngailo ve lutuk "ehe uvulchukchuk lo kal rawh tumah an lo la awm lova keini pawh kan thleng chiah" mawii zawk chuan alo ti vat a "nia ka rawn hmanhmawh lutuk" nuih let ve pah hian ka ti a "kan khaw tui han van zia hi e, teirei tui pawh a tlem lutuk a chengkawl leh sangha te, kaikuangte ho pawh pem an tum tep tawh ang" dengi chuan alo ti a, an nui dun leh bawk bawk mai "hmanni pahmuna te in hnuai a, kan ar bo kan zawng kha chu e, tun thleng hian min la nghawng a ka pa phei chuan min hauh apiangin a sawi chhuak ziah" dengi bawk chuan ati leh a, "keipawh ka nu in min hauh nan a hman phah ve ziah ninawm ania" mawii pawh chuan alo tive nang nang a."Chu pa hmuna te in hnuaiah chuan ar inti bo ve tho maw?" Ka tih chuan min en rual dun viau "ti bo e, in ti bo ve mi?Uvulchukchuk" dengi chuan alo ti vat a, ka lu ka bu zeuh "ka ni nen kan zawng hrep a kan hmu chuang lo" ka lo ti tha ve mai bawk a.


























"Pa hmunan min ankhum hrep mai mawle, ar ru ah kan puh emaw atia, a rui bawk nen" mawiin ngei hmel zeta a tih chuan ka nuih alo za viau, kan tawn a in ang em alawm "a awm ve tho, kan khua ah ar a bo apiangin pa hmuna te in hnuaiah an zawng ve ziah a, pa hmuna tan chuan a lawmawm viau loh ang" dengi chuan alo tive mawlh mawlh a, chutia ti ti pah a kan in suk mawlh mawlh lai chuan "chukchuk" rawn ti thum bul bul tu vang chuan hnunglam kan hawi thap a, christiana chu in la pa zet hian alo ding reng tawh "eheu...uchrisa chu an pa leh rem rem a kekawr ipte te a zen vel" mawii chuan nui uar uar hian alo ti a eng nge maw tuikhurah te alo tih ve reng reng dawn ni "eng nge ilo tih dawn?" Ka lo ti vat a nuam ka ti chiah lo "sichangneii iang in, ka rawn veh den den che a" fiamthu a thawh ve ngei amawni "eehh uchrisa chu i van pa remrem uvulchukchuki i rawn in sukpui dawn ani maw?" Dengin alo tih chuan christiana chu alo nui suk a, ka insukpui te pahnih lah hi an tawng duh si a, a naupang zawk te e, ti lo chuan min la fiam zuk zuk zui.


























"Anih lo kal rawh, tah khan a fai ah khan lo thu mai mai rawh" ka tive ta nge nge a, haw rawh in tih ngawt chi ani silova, chutia ka in su min nghak peih anih te chuan min nghak mai aniang chu.Christiana chu a thu lem chuang lova in la pa zetin alo ding ve reng "uchris uly kha alo zin leh tawh ami?Kan lo en dawn" mawiin atih chuan christiana nuih a zat hmel viau "sahuana kan dah hunah in la enzawk dawn nia" christiana chuan ati a, "sual reuh e, sahuanah te chuan man chawi angai zel alawm" mawii bawk chuan ati leh nang nang dengi ai mahin mawii hi a tawng duh zawk "anih chuan in duh leh inlo en dawn nia mahse en man tlem tal angai" tih ang reng velin an infiam zui hlawm a, anuam let ling phian mai.
























Ka thawmhnaw suk ho, ka tleuh sa chu dahna mai tur a awm silo, bucketah thawmhnaw ka la chiah bawk si bucket pakhat chiah ka keng bawk nen christiana chu ka tleuh sa ka ken tir zel a, ala zeilo em em leh nghal dengi leh mawii pawh an nui ru pat pat mai, an fiam ngam tawh chiah silo "uchrisa hi mipa insu ka hriatah chuan ala pa ber, a in su tur pawh a smart zaih mai" dengi chuan nuihzat hmel zet hian ati a "ka in su lo" christiana lah chuan alo ti bung nghut thawmhnaw a keng far thluah thluah bawk a, keipawh ka nui a za ru ve tho.Ka in suk zawh chuan ka suk sa ho chu bucket ah chuan ka khung leh te te a, kan ti ti pah bawk nen ka rei a ti nge christiana chu alo thawri leh hak thin a, lo ning vel mai mai teh se a.





















Ka dah fel awrh ang tihah ka bucket chu a rawn chawi sawk sawk a, a kal nghal nul nul chutah kawng nal deuh lai patek awmna lai kha a hrelo ani mahna ke vawr suau in hnung zawng chuan a tlu ta thlawrh mai, tumah kan tawng lova che thei pawh kan awmlo, dengi leh mawii te nen chuan kan in melh kual hruk hruk a, christiana ber pawh chu kan va ngaihsak lo min thawng hlawm lutuk a, chutah "Lalvulmawi min rawn kai tho ta che" christianan a rawn ti pawr hlarh ka hriat takah chuan harh chhuak zawkin ka tlan phei nghal dengi leh mawii pawh an lo tlan phei ve nghal a, "i tha em?Sawh nat lai i nei em?" Ka ti nghal mawlh mawlh "nei mai mai lo, ka balh vek hi" ati pawr leh hlur mai, naupang ti tau a ang zawk.























Dengi leh mawii lah chu an in melh dun ralh ralh hnuah, an han nui tak tak anih kha, keipawh ka nuih aza tho a mahse ka nui ngam lo, christiana chuan min melh rum nasa mai "i nuih ve chuan i chak lovang" tih melh hian min melh a ka hmui ka pet fan fan mai "uchrisa han pa rem rem zia kha, ke vawr suau in a thal tawp vel" dengin a tih chuan christiana a rum nghut a, a thuamhnaw vel chu a en thla a, alo bal vek "hawh tah sawn inti fai rawh, i kal pawp pawp a helai hi patek a awm hi" ka ti nang nang a, abanah ka kai a kalsawn mai ka tum chu keimah zawk ka thal leh nghal thuai, "awi ka nu ana lutuk, ana lutuk" ka ti vawng vawng a, dengi leh mawii lah nuihza insum sa an lo ni tawh nen, ka han thal ve leh tawp mai chu lei beng meuhin an nui dun a, thinrim theih pawh va nisuh.



























Christiana ka en chu nuihzat hmel zet hian min lo en ve leh a, ka ngei lutuk chuan ka melh rum hrep "hmela min kai tho ve ta che" ka ti vin hlarh a, hrechhuak thut ang hrimin min tung tho nawlh mai, na em em a awm lo ka hnung zang hi tlem ana a, nimai "ngati nge i tluk ve duh a?" Christiana chuan aw dam deuh hian ati a, ka melh nghal hrawk "ka duh vanga tlu ka nia mi?Mawl lutuk" ka ti leh hlarh, tui khur lamah chuan pheiin ka inti fai mawlh mawlh inah inbual ngei ngei angai dawn nih hi, "ka han haw anga ka han in bualfai ange" christianan atih chuan en pawh ka en peih tawh lo, amah vangin ka tlu ani ringawt."Uchrisa leh Uvulchukchuki te chu, a double in an thal tawp vel, an in men rum siak" mawiin a rawn ti phei bawrh bawrh a, an nuiza ala reh thei mawlh lo, ka ni tawng dan style lah hi an hre thar hlawm a, hman an hrat hlawm ania aw.


























Ka ngaihtuah let a, keipawh ka nui a za telh telh leh nghal, christiana tluk lai mawlh kha ka mitthla ah hian alang leh thin amah a pa lian sia, a sang sia ke vawr suau in ala thal tawp zui ania keimahni lo midang lo hmu tu awm ta se, a hnek hrep duh mai thei ni, amah lah kha ala ti tau bur bur zui, a thiante ho bulah sawi ila chuan a thinrim viau ang, vau nan la hmang zeuh zeuh ila atha ang "uvulchukchuk khawiah mah kan sawi chhuak lo ang, tawng duh viau mah ila thuruk chu kan zep ve thei ania aw" dengi chuan alo ti ve ngei ka nui hak "aho lutuk christiana kha chu sawi lo mah ula a pawilo keimah kha chu a pawina a awm chuang lo ania, christiana in lo sawi palh chuan midangin an hria anga, a tuikhur kal chhan mai mai pawh kha hriat chakin an sawi leh luai luai mai ang" ka tih chuan lu an lo bu dun ve nghat nghat a.

























"Dikchiah kan haw ho hi chu an tawngthei sia, mi pawi sawi chak reng reng hian an khawsa emaw tih mai tur ania, hei vang hian alawm kan khua hian hma a sawn mawh em em, uchrisa pa phei kha chu kan vcp ani leh nghal a, ho te ah mualpho thei ania, kan khaw tan hian a in pe em em a kan tangkai pui em em bawk, ani ang vcp mahni hna tlin hi chu kan nei khat tawh khawp ang, amah char char hi vc se" mawii chuan alo tive malh malh, an la naupang dun a sawi hreh em em an neilo mahse midang an relchhe ngai lem lo thung, thil hi an hre thei phian a kawm an nuam em em bawk, tu te pawh hi hemi te pahnih hi chuan an kawm thei vek mahse an pawisawi ahlauhawm reuh ngawt ang.

























Christianan ka tleuh fai sa ho, a thlauh darh vek sia ka tleuh leh te te hnuah ka haw ve ta chauh amah lah pui chu ahaw nul nul leh nghal nuih ati za reuh e, in ka thlen chuan ka ni ahaw tawh aniang kawngka chu alo in hawng a ka suk sa ho ka pho leh te te hnuah inchhung ka lut chu tumah ka hmu silo "ni" ka tih chuan room lam atang "vulchukchuk lo lut teh" arawn tih chuan room lamah ka phei vat "eng nge iva rawn haw hma ve" ka ti nghal zat, ka ni chu darthlalang hmaah thu in buai hmel zet hian a mithmul alo siam mawlh mawlh arawn hawichhuak chu insum hman lo in ka nui nghal uar uar mai, mithmul lem a vuah ve chu a vuah sawi vek meng pawh meng tha mang lo hian min rawn en a, a chhing leh sawk thin "i va chhe hlem hluam tak" tih pah chuan ka nui leh nghal char char "lo en teh, eng nge a an vawiin khan bazar a ka kal khan ka hmu fuh a, ka la vuah chhin ngai silova ka lei ve chhin anih hi" meng mang lo hian arawn ti a "ni i vuah sawi deuh hlek anih kha, ka lo siam that dawn che mi?" Ka tih chuan a duh lo nasa mai "ka char vek tawh a, phawi leh vek angai dawn sin, a glue hi a uihawm alawm ti hian a hriat vak chuan loh hi" ka ni chuan ati a, darthlalangah in enin mawi in tih hmel zet hian a nui vur vur leh nghal.

























Ka pi te pawh an sawi ang tak takin, an lo haw har lo vawiin chu an lo haw hma tak tak a, ka ni lah chu a inti thei nasa mai sia, ka pi in veranda tang "neihi ar chu ilo man tawh em?" Athingpui in zeuh pah hian ati a, keipawh ka pi te bulah chuan ka thu ve reng tlailamah hi chuan kan veranda hi anuam bik, a dai nuam a naupangho pawn nuam an ti thei lutuk.Ka ni chu chempui keng hian a rawn chhuak a, "nu chempui hi ka keng thla anga, khutah a lu ka tan nghal mai ang" ka ni chuan arawn ti a, "aw tan nghal mai rawh, tuilum i chhuang tawh em?" Ka pi chuan atih zawm zat "aw ka chhuang mek a, vulchukchuk lo en pah rawh aw" ka ni chuan ati a, kal mai a tum tawh chu "khawmaw neihi lo hawi lawk teh" ka pi in atih chuan ka ni chu a rawn hawi let rang nasa mai.

























"Eheu...kha i mithmul chu a chesawn thei elaw?" Ka pi inchik zet a, enchung hian ati a ka hmui ka lo hup ngar ngar "mithmul ania achesawn thei ve bawk ang chu" ka ni chuan alo ti deuh hmuk a "eheu kha...i mithmul chu thlawhchhuah tum mai ava ang ve, athlawhpui daih che nge aw" ka pi in atih leh chuan ka ni chu tum nasa tawh tak ani, ka pi lah hi a duhna ah chuan anghal thiam ve mai sia, ka ni chu tum bur burin vawkin lamah chuan a chhuk thla a, keipawh inchhung lamah ka lut zui nghal bawk tui a so chuan chawhtawlhah ka bun chhuak a, ka pi te pawh an in bual mek ka ni in zo ar lu atan chu a rawn keng lut a, ati thang tawh a ahnehsawh viau mai.

























Chawhtawlhah chuan rawn dahin a hmul ho chu, a pawt nghal mawlh mawlh ka pawt ve chak si, ka khawih ngam chiah silo ka ni pawt lai chu ka lo en ve reng , kawngkhar lam atang "in awm em?" Mipa aw hian arawn ti a, ka ni nen kan hawi vat utawia leh uvaltea an lo ding reng tawh a, an inthlahrun hmel em em leh nghal "awm lo ila, tah hian kan thu kur dawn mi?" Ka ni chuan alo ti deuh hmuk, ala lungawi thei ngang lo ani ngei ang "kan lo leng dawn a?" Utawia zawk chuan in thlahrung dek hian ati a, "zawt cheu hi kan ang thin" ka ni chuan zawite hian ati a, mahse kan hre pha vek tho "lo leng rawh u, inva reh ve hawh lo thu ru" ka lo ti nghal zung zung a, an rawn lut ve mai bawk ka pi room atang rawn chhuak chuan "ee tawia leh vala te chu inlo thleng maw?" Ka pi chuan arawn ti a, an lu an lo bu dun nghauh nghauh mai ka pi in chaw ei turin a sawm ani ngei ang.




























Kawngkhar lam atang bawk chuan "ka rawn leng dawn" mipa aw thum deuh hian a rawn ti a, kan hawi rang nasa hlawm mai, christiana chu alo ding reng a "lo leng rawh christian" ka ni chuan polite zet hian alo ti vat, utawia ka va en chu a hmui a chip deuh hmuk a, alawm loh ve hmel lutuk ka ni in abe tha duh silova, christiana lah hawihawm zetin alo be leh bawk si a "vawiin tlai chu, chaw rawn ei vek ru aw, christian nangpawh ei nghal law law rawh, saw zo ar kan talh alawm" ka pi chuan alo ti zung zung a, "thingpui ka lo lum ang cheu" tiin ka tho chhuak zui a, choka lamah ka lut phei chu christiana chuan min lo zui lut ve vat, ka ni in engkim ahre tawh a engtin mah min ti tawh lem lo, "vawiin kha" christianan atih chuan "sawi pawh sawichhuak tawh suh" ka lo ti vat, "zaninah kan leng dawn a" atih leh chuan ka hawi let rang viau "khawiah" ka lo ti vat a "kan khaw piah chiah, bawngva lamah sawn ahla lo" alo ti tha ve mai bawk.


























Amah chu chiang zet hian ka en a, ahnar chu akhawih leh zeuh zeuh tawh "christian tinge i hnar kha i khawih ziah, kan in hmuh apiang lah hian i mit a sen ram zel bawk" ka tih chuan min en duh tawh thak lo hian, ahawisawn deuh hmak ka hmu vek tawh tho sia, "zanah chuan lo kal ve ila pawi iti angem?" Ka tih chuan min rawn melh leh zuk hian, "ka bulah chauh i awm dawn chuan pawi tilo" ati deuh kher a, ka ner khum nasa mai, ka ni chu lungawi loh hmel zet hian choka ah chawhtawlh chawi chung hian arawn lut a "a double chi in ka thinrim" arawn ti nghal hlak hlak christiana lah pek chuan "a cute chi in, i chhe thlawt" alo ti hmanhmawh, "Rozamlian nangpawh kha, ka khik double mai tur che sin, ka mod lo ti off belh suh" ka ni chuan ati teuh hlar, sa sah chhan chu la lawkin, chhuatah chuan ar ke chu a tan deuh hmawk a, athinrim lai ni bawk nen a chak khawp mai.
























"Ni uvaltea leh utawia te chu an tluang maw?" Ka lo tih chuan ka ni chuan min rawn melh hrawk a, ka hawisawn rang viau "ehe neihvawk, i mithmul kha a thlawk thei alaw?" Christiana chuan chik zet a, en chung hian alo ti pek "eng nge amak viau ami mithmul thlawk thei chu" ati pawr hlarh a, "mithmul thlawk thei ka la hmu ngailova ka lo enchiang chhin" christianan atih leh chuan mitmei in ka lo khap vat a, chutah ka ni in arke a tan bun chu christiana lamah vawr chho in "kha a ke hi lo rawh, rawh" tih pahin ahan pass a, christiana chu alo awmsawn rang nasa mai "ala nung ami?" Christiana chuan ati chhuak hluk ar ke chu a enthla vung vung leh nghal "mawla...chhar vat rawh a ngap vek dawn asin dawng ta che, ar ke chauh kha engtin nge anun tawh anga" ka ni chuan alo ti vat, lu thing nak nakin thingpui ka siam zawm ta daih.


























Christiana lah chuan hnial ngam tawh hek lo, ngaithat hmel zan loh hian, ar ke chu a chhar a "khawi keiman ka lo rawh ang, christian" uvaltea chuan arawn ti a, christiana chuan ape rang nasa mai, choka ah chuan kan awm hlawm ta reng, utawia arawn phei veleh "tihpui in ngai em?" Arawn ti a, dawhkan ah ka thingpui siam chu ka chhawp chhuak a "lo in mai ru aw" tih pahin chair ah chuan ka thu nghal zat , "chutia tih tur i duh viau te chuan , kha hei ar hi lo rawh , rawh tikhan in nupa in lo ti dun melh melh rawh u" ka ni chuan mei nei zet hian ati a, ka nuih aza ru viau christiana nen chuan chair ah kan thu a, maian ka hik lai chu alo en ve reng, lo tihve atum chuan a kut ka beng sawn rang viau "lo tive suh, i thiam lo ang" ka ti vat a, a kut ala let ve leh mai bawk "neihi ila thinrim ami a?" Uvaltea chuan ar ke rawh pah chuan ati a, ka ni in ar hmul a pawh na vel chu a ti fai ve pah bawk "thinrim chhan tur a awm ami?Kha in inhmeh khawp mai" ka ni in atih leh chuan christiana chuan hriatthiam loh hmel zet hian min rawn en a, tawng lo turin ka signal vat.

























"Diktak chuan maw neihi, tawia hi ka duh chi ani lo" uvaltean ati chhuak hlawlh, ka nui chhuak teuh lutuk utawia lah alawm lo nasa mai "ka duh chi ini bik lo e, nanglo pawh hi ka hmu hnem lutuk" utawia chuan alo tive bawk ka ni ka en chuan min rawn enve chiah a nuih azat ve hmel viau mai uvaltea chu rawn hawi let lehin "ehe neihi i mithmul kha ka lo enchiang miah lova, mithmul thar i nei law?" Uvaltea chuan ati deuh hluai a, ka ni mithmul thar chu alar pui viau mai a hmu apiangin an sawi ngei ngei "neilo...neilo mawla itih lai kha va ti mai mai rawh, mawl double lutuk mai" ka ni chuan alo ti pawr hlarh, ka pi choka lam a rawn lut chuan "eheu inva fel hlawm ve a" arawn ti ve ngei a, kan thutna bulah chuan rawn dingin "christian engvangin nge maian kha ilo sih nawi vel mai mai a, chawhmeh tur anih kha" ka pi chuan ati hlak hlak a, ka en nak chuan christiana chuan ka maian hih sa a kuang chu alo sik nawi nep nep chu niin, ka lo hrelo reng reng.
























"Hihve ka tum a" christianan atih chuan "khangte chu ahihsa anih kha, engtin nge hih i tum reng reng ei tlak lovah i chhuah lo chauh anih kha" ka pi chuan ati leh a "ka nu thangi chu a ninawm chi in, i thinchhia" alo la ti let ham ham zui ka pi chu alawm loh hmel nasa mai "tunlai naupang ho tak hi chu aw, min zahna pawh hi in neilo, veng khat nula senior mithmul thlawk thei tawh chin kawmho hi chu zahna in nei tawh lo vek anih hi" ka pi chuan ati deuh kher a, ka ni lah alo teu hlar mai "min tih chhan kher angai mi?Choka ah hian buaina siam tur chu rawn lut lo ngam ang aw" ka ni chuan ati ve deuh kher a, midangho erawh kan lo ngawi dak hlawm mai.























Kan tih tur kan ti zo a, utawia leh ka ni in eirawng an bawl a, ti khan in sawifel pah rawh se, christiana nen pawn veranda ah kan thu dun bawk, kan ti ti ve malh malh a achang leh min en leh vawng vawng thin, ka thusawi lak lawh lai lai chuan chik lutuk a, min en chungin "KA TA CHAUH NI RAWH" zawite hian ati chhuak sup a, mahse ka hrechiang ngang mai zawh chian ka tum lai tak in "christian" rawn ti tu avang chuan ka ngawi leh ta zawk a, tlangkawng atang chuan kimberly hi arawn chhuk thla a, christiana a phun hluk mai "tah hian ilo leng daih alaw?Ka zawng char char che lawm, call i chhang thei silo" arawn ti a, kei chu min rawn melh zeuh a anui lova alawm loh hmel zawk mahin ka hria "eng nge i rawn tih dawn?" Christiana chuan ati deuh hmuk a "aw sawtah chuan min kalpui lawk rawh ka tih kha" inla pangchang zet hian ati a, min rawn melh deuh kher min thik deuh tlat a, ka hriat chu ka nuih aza zawk.
























"Zanah chuan ka lo lam ang che" ka bengbulah chuan arawn ti sup a, lu ka bu zeuh a bike hun na lamah chuan aphei zui a, kimberly lah chuan min melhrum nasa tawh mai, engah mah ka ngai duh lo lui tlat a, bike chu christiana chuan ati nung vut vut a, kimberly chu ahnungah lawn kaiin christiana kawngah chuan a kuah deuh hmak bawk, darlak hi aizawl ang kha maw a ti deuh nge ni, ti sawn midang hmuh a a kuah chuan mi in an sawi duh leh viau ang, aizawl anga khawlian anih loh bakah thingtlang ania aizawl a kan tih thin tam tak zahthlak miah lova kan ngaihte pawh darlak angah chuan an sawi duh dawn lutuk thingtlang ka hmuhsit vang nilo se, an nundan ala mawl mang ve a, abikin nu leh pa thenkhat leh upa lam deuh tawh phei chu hmanlai rilru la pu tlat te kha an nive hlawm a, tunlai tleirawlin kan tih thin tam tak hrethiam thei tlat lo te pawh an la awm ve a, christiana leh kimberly tlan liamna lam chu ka thlir zui vang vang a.




















"Ava hmuhnawm awm ve?" Hnunglam atanga , rawn ti tu vang chuan ka phu nasa mai, uvaltea chu ka bulah arawn thu zawm zat a, "hman zan kha chu a fuh lo thlawt , neihvawki lah kha tuai chhuahin min chhuah ani ringawt" ati nghal bawrh bawrh a, kan han nui leh rih "christiana nen a in inkarah hian awm chu a awm ve deuh tiraw?" Arawn ti chhuak hlawlh a, chhan mai dan tur ka hre lo uvaltea hi utawia ai hian ka be tamin ka ti ti pui thei zawk a, amah pawh hian min ngaina viau bawk "awm hran lo e, tinge?" Nui sen sen hian ka ti a "i zep anih kha, zep kher angai lo nia" min fiam pah deuh hian ati leh a "ka zep lo, awm engmah a awm lo tak tak, kan inkawm ve zeuh zeuh a nimai kan inkawm hian amah pawh hmun dangah alen tam loh phah a, " ka lo tive mai bawk a, uvaltea chuan lu alo buve nghauh nghauh.
























"Atha lawm, chutiangte chu christiana hi chu mipa luhlul ngang ani ve a, atih mawh ve bawk si anu leh pa thu a awi bawk silova, amah kaihruai tu tha a mamawh alawm, mahse christiana hi chu dem vek theih ani bik lo, anu leh pa te pawh kawng tamtakah chuan an dem awm ve alawm, pa dailova pawh hi, kan khawtan tha hnem angai in fel viau mahse, a fate tan hian pa tha atling tawk lo ka tive deuh thin, christian an a zah theih turin a awm lo nge chu ka hre lova, mahse zahtlak tak tak nise chuan a zah em em ang ka ring, a nu hi chu sawi ngaiah pawh ka ruat lo midang hma ah a fate hmangaih a enkawl tha ber ang hian a awm a, an inchhungah chuan lalber ani ringawt" uvaltea chuan ati ve mawlh mawlh a, he thu hi chu ka hre zing ve viau tawh.





















Ka ni leh utawia chu an rawn chhuak a, ka ni arawn ang chhuak hlak hlak "pi raja-i ka ninzia saw maw, changel hnahah chaw ei tur atih leh deuh tlat tawh saw, tui aren leh lutuk a, min chhawr dan phet angaituah mai ka ning lutuk khawiah nge changel hnah kan sah anga" ka ni chuan ati nang nang a, "bung piah ah sawn a awm alawm lo kal rawh" utawia chuan ati a, an kal dun ve mai bawk an kawngkal dun chu uvaltea nen kan lo enreng, an in chhaih ve deuh nge, an han in nek leh lawp lawp thin a, utawia chuan ka ni chu ava nek deuh pawp a, ka ni a pei deuh khut ding meuhin utawia chu amelh ram a, chutah na mangkhengin ka ni chuan utawia chu a nek pawp a, kawngthlang lamah utawia aliam thla daih, uvaltea nen kan lo nui kiah kiah mai.










CHHUNZAWM LEH TUR....






Comment leh ads click kha, min lo tihsak ve tang tang ru aw a ziaktu nu hian story ah hian tha hnem ka ngai sia, thahnem min lo ngaihpui ve hram hram ula


Show post links
Top

[Ngaia]

Chapter-8 Zawmna












Ka ni in, utawia a nem liam daih chu uvaltea nen tlan pheiin kan va en vat, utawia chu ko pangah hian alo la in vuan tang ve tawk tawk a, ka nuih aza bawk si ka nuih tha ngam chiah silo hreawm duh ve tak ani "ka rindan vel" uvaltea lah chuan alo ti deuh sek bawk a "ee neihi hetiang chuan rei kan daih dawn lo tawp mai" utawia lah chuan ati leh thin, "ka tihpalh lutuk kha ti em em a, anat pawh ka ring lova" ka ni chuan alo ti ve nang nang a, uvaltean utawia chu a pawt chho a ka lo pui vat ka ni erawh ading ngawi reng, "ka bialnu ve chu leh achak hle mai, tih thinrim mai mai chi a ni dawn lo tawp mai, kan in neih hunah phei chuan gas bur pawh ka put ve vak angai tawh dawn lo ani maw" utawia chuan ka ni a fiam zawm zat a, ka ni in a hnungah a chum ri leh awk "awi ka tih palh lutuk, ana viau em?" Ka ni chuan in thiam lo zet hian ati leh uvaltea nen kan lo nui tawp tawh, "rei ka daih dawn lo tawp mai" na tih hmel zet hian utawia chuan ati a "va kal vat mai teh u, khua a thim hma hian pi raja-i thin inti rim leh ange" uvaltean alo ti vat a, ka ni te pawh an kalve nghal mai bawk, an in kal hlat tawh viau.
























Uvaltea nen chuan in lama phei pahin ka ni leh utawia chanchin sawiin kan nui dun char char, ka pi chu veranda ah hian lo chhuakin "vulbawih kha i pa in a be duh che, i phone i chhang thei lo atia" ka pi chuan arawn ti lang lang a, hmanhmawh zetin ka tlan phei a, diktak chuan ka be inthlahrung darlak ka awm hnu hian ka pa hi ka han be khat a, aman min rawn call loh phei chuan ka han be hmasa ngai lem lo, ka ngaih loh vang pawh ani lo ka ngai lutuk zawk a aw ka hriat hian ka lung a chhe zel a ka khawngaih tlat zel a, chuvangin ka be duh lo mai zawk ani, ka thlen phei rual chuan phone chu ban vatin ka kalsawn a, vawkin lamah ka chhuk thla daih bawk."Aw pa" ka ti nghal zat a, ka pa chuan "bawihte iva induh reuh ve" nui hawk hian arawn ti a, keipawh ka nui ve tho.























"Ka in duh ami?Nang zawk feee" fiamthu chuan ka ti let ve leh a, "ka fanu hian, min then emaw ka tia pa dang anei maw ka ti hman lek lek alawm" arawn tih leh chuan ka nui chhuak hak hak a, "awi pa...a fel chi in i cute" ka tih leh chuan "eng nge maw sawi itum reuh le" arawn ti nang nang christiana tawng dan style ka la a, ahrethiam dawn teuh lo ka pa nen hian pafa in pawh tak mai hi kan nia, ka pa hian min fiam leh min chhaih hi a peih em em a, mipa thiante hi han nei ve deuh ila ka ngaihzawng ang mai hian min chhaih thin, kan in fiam bawrh bawrh zel hei vang hi nia ka pa hi ka ngainat em em ni, engtik lai mahin min thlahthlam ngai lova, min hmangaihin ka hlim loh a hlau hle bawk ka pa hi, ka pa ani lo ang tih ka hlau a, ka sual pawh in ti mai thei ka pa hi keima pa, keima pa bik chiah nise ka ti.























"I dam tha maw bawihte, min va be duh love" thutak zawk hian a rawn ti a, "ka dam tha lutuk pa, anuam lutuk ka pi te khua pawh" ka tive siam siam a lo zin ve thut se ka ti reuh lutuk "thian te i nei ngah ve tawh em?Thian kawm nachang lah hi i hre mang silo" arawn ti leh a, a sawi dik thian kawm hi ka harsat a, ka school kal laite chuan neive mah ila ahranpa taka han kawm hi ka nei lem lo ka duhthusam ang thian hi ka tawng lo ani mahna, mahse tunah te chuan thian ka mamawh hleinem ka ni a awm a, ka ni hi ka thiantha ber ani.
"Pa thian ka mamawh hleinem ka ni a awm alawm, ka ni nen kan inkawm ngeih lutuk ringawt, amah tawp hi mi pathum ang vel ani" ka tih chuan ka pa chu anui hawk hawk a, anui ri chuan min ti hlim hle bawk ka ni mize hrechiang tu tan chuan nuih loh chi pawh ani hleinem.
























"Kartawpah i pi te an lo zin dawn a, eng nge mamawh te i nei em?Ka lo thawn nghal ang" arawn tih chuan ka neih loh thu ka lo sawi vat "mamawh hranpa em em ka neilo, pa ka pi te hi thil tha deuh ilo leisak zawk dawn nia an thawkrim thei si" ka ti let vat a "ni e...ni e..lo chho se ka lo bazarpui dawn nia, mamawh i neih chuan rawn sawi hreh lo la, inthawn pawh aharsa lo ania, bank a i pawisa te kha i hmang khat lutuk i duh zawng lei ve pawp pawp zel rawh" ka pa chuan arawn ti leh a, ka nu ang chiah ani mai "ka la dahtha rih anih kha, pa dawr siam hunah ala tangkai dawn alawm" ka lo ti letve vat a "keini pawh naktuk lamah mikhual kan nei dawn a, hei Mumbai lam mi, ka thianpa ka college kalpui thin ania naktuk hian an rawn zin dawn ani awm e" ka pa chuan arawn ti a "mumbaiah thian inei maw?" Ka ti vat mak ka ti viau ka lo la hre miah lo.























"Nei ve e, i pa hi ka bawn ve em" arawn fiamthu leh tawh "naa..pa ilo van in zep thei reuh ve" ka tih leh chuan kan nui dun leh hak hak, "an lo kal hunah thla la ho ula min lo thawn ve rawh aw, ka hmu ve chak" ka tih chuan "tehreng mai, fanu pakhat kum 14 mi an nei bawk a, mizoram lamah rawn awm ngheh dan an ngaihtuah dawn bawk a, ka buaipui ve loh chuan" ka pa in atih leh chuan tha ka tihpui phian mai, kan ti ti deuh char char a, thutak deuh kan sawi a, a hnuah kan infiam leh thul, ka pa chu ka ngai veng veng mai, kan inbiak zawh chuan vawk nguk ri chu ka hre zawm nghal a, vawk chaw bel awmna lamah chuan pheiin an chaw tur chu ka suahchhuah sak nghal zung zung an rawn hap nghal thawih thawih mai.




























Ka pe zo a, ka chho zui nghal ka ni te changel hnah sat zo rawn haw nen kan in tawk a, an bawr dun nasa mai, him dam a an rawn haw thei chu keimah hi ka lo thaw huai, ramhnuaiah te khan an lo va insual ang tih a hlauhawm alawm le, inchhung kan luh rual chuan ka pi chu phone ka pe nghal a "khawnge christiana kha, a awm ve reng emaw ka tia" ka pi chuan ati a, "akal tawh alawm" ka lo ti tha ve mai bawk "chaw ei ve nghal se, ka ti a sin christiana ve hi zawng duhsak vak dawn pawh hian a in la hrang daih zel a " ka pi chuan ati leh nang nang, ka pi hian a sawi dik ve tho han tlangnel tir tum viau mahse amah christiana hi a inla hrang leh tlat thin, a nundan thin vang hi ani pakhat tih ka hria a inthlahrung ve thin a midang bula awm tam vak hi a duh lo thin, a thiante erawh thu hran nise.
























Changel hnah chu chhuatah phahin chaw chu kan kil tlang a, anuam dangdai ve thlawt alawm, changel hnah hian chaw an ei thin tih chu ka hria, mahse ka ei ngailo thung thingtlangah chuan chrismass ruaithehna ah te changel hnah hian an ei mai thin a, khatiang kha aizawl angah chuan an tive ngai lem lo, changel hnah hmuh mai mai tur alo vang bawk nen mahse tunlaiah chuan khawvel alo changkang ve zel a, thingtlang khaw then khatah pawh dispo a ei mai te pawh an awm ve nawk tawh, darlakah hian an ti angem ka hrelova mahse changel hnaha ei hi a nuam daih zawk chhungkua in kil ho dial dial ila, a tui zual bik.

























"Tawia naktuk hi hnatlang ni tur kha ani lawm ni?" Ka pi chuan ati a, chaw kan kil thap a anuam reuh lutuk "nilo e, an la sawi leh lo naktuk tur chu ani a mahse hruai tute lam khan rem an ruat tha leh ani awm e, yma hnatlang chauh ani lova khawtlang in ania hnatlan hi, chuvangin hruai tute hi an pawimawh ve em a, hruaitu tha kan neih loh chuan hnatlan nikhuaah pawh a buaithlak thin" utawia chuan ati mawlh mawlh a, utawia pa hi hruaitute zingah a tel ve a mahse eng nihna nge a chelh kha ka hre tawh chiah lo, "niang chu mawle, thenkhat hian an thuneihna hmang sual an awm ve chawk rual hian, thenkhat erawh khawtlang tana mi tangkai tak hi an awm ve ania, kan khua kan vannei a hei Dailova nikum atang a han vc chiah a , hma kan sawn ve sawt sawt a a lawmawm tak tak ani, thenkhat nihna an nei a an duh tawk em em ringawt thin a" ka pi chuan ati ve siam siam a.


























"Kan ram hi chuan buaina kan la ngah telh telh dawn alawm, tunah pawh buh leh thlai siam aiin pawisa siam duh an tam zawk tawh hi, lockdown lai te khan in hrelo mi ei leh intur an in todelh loh hlawm zia kha, pawisa an nei ringawt alei tura ber a awm leh silova awmzia awm lo, pawisa chu neih tur ani mauh mai, mahse pawisa aiin buh leh bal ei tur hi han hniang hnar em em mai ila, kan hlawkpui daih zawk ang" uvaltea chuan alo tive bawk a, an upa tawh a sawi tur pawh an hria in an thusawi pawh atha a, tawngkam an thiam bawk kei kum 21 pawh la tling ve lo hian, ka ngaihtuahna hi ka hmang phave lo reng reng, khatiang thute kha engtin nge sawi tur an hriat bik thin le ka ti, mahse an sawi tha ka ti khawp mai.


























Chaw eikham chuan, pavalai inkhawm zan ani bawk a ka pu chu inkhawm turin a in siam a ka pi in a pui bawk, keini ho erawh thutthlengah thu in tv kan en thap, thlahrang film a chhuak a, ka ni leh uvaltea an phur nasa mai kei erawh ka en tha duh lem lo, thlahrang film ka en chuan a hnuah ka ngaihtuah leh ziah a, ka hlau leh ziah chuvangin en loh law law ka thlang zawk, "utawia leh uvaltea chu in inkhawm ve dawn lo mi?" Nui ru pat pat hian ka ti a an rawn hawi rang dun nasa mai "pavalai pawh kan nih ve loh hi" uvaltea chuan alo ti hluk a duh lo ve lutuk chu ka nuih ati za "mahni loh maha inlak tlangval ve nak laiin" utawia chuan alo tive nang nang a, ka ni erawh tv a en tui khawp mai, keini pathum lah chuan tv pawh kan en tawh lo, ka ni tv en tang lutuk chu kan en ani tawh mah zawk.



























"Tang rawh...awi a zei loh zia khi, khinu khi engvangin nge an chan tir ve kher a, ani ai chuan ka changthiam zawk fe ang mawle, awiha zawngi khatah kal suh ahmalamah khan a chang che, awi ka ngei lutuk tlan chhe rawh ani lo lamah ala tlan zui, awihaa chanve mai ka chak" ka ni chuan tang lutuk hian ati a, atang lutuk a amah chu a insik nawk nawk vel ani ringawt, chutah "hey" kan ti rual thap chu amah ala phu nasa em em zui "ti chung khan thlahrang film a chan ve i duh chu nia" uvaltea chuan nuihza zet hian ati a, ka ni alawm lo nasa mai "mi thlahrang film en lai laiin khatiangin an inti ngailo, in mawl hlawm leh lutuk mai" ka ni chuan ati hlak hlak , "nakinah kohhran thalai in drama kan chan hunah, thlahrang ini dawn nia" utawian atih chuan ka ni chuan a chum nghal zawt zawt mai, uvaltea nen kan lo in en reng uvaltea bengbulah "hemi te pahnih hi an in ngaizawng tak tak em?" Ka ti sep a lu bu nghat hian "ngaizawng chu a tih kha, tawia khan" alo tive sep a, "kinah ka ni ka lo zawt tha leh hrim hrim ang aw" ka tih chuan alu abu ve nghauh nghauh mai, room lamah ka luhsan ta daih a uvaltea pawh mei zu turin pawnah a chhuak daih.





























Phone khawihin khumah chuan ka mu mai mai a, christiana ka rilru ah alo lan avangin ka text nghal vat 'christian' tih te mai chu ka thawn a, ani leh nilo angin ala online ve ngei zui a, a dp ah hmeichhe kut phe ruai hi a hmang bawk a ka en chiang thin chiang leh zuala ka en ngial pawn tu kut nge ka hre thei lo, a fiah lo lutuk a ka massege chu a seen har lo 'chukchuk min ngai em ni?' Arawn tive ngei a, ka nui hak mai 'in haw tawh mi?' Nui vur vur chung chuan ka va thawn let a, a call alo lut nghal zat, in text a peih lo a alo call har ka ti reng ani ka lo la vat a "hello" ka tih rual chuan "chaw in ei tawh em?" Arawn tive nghal zat a "imm ei tawh i kal daih a ka pi in zawng che nia aw" ka ti nang nang a "min rel leh hrep lo maw?" Nuihzat hmel zet hian a rawn ti a keipawh ka nui chhuak hawk, "rel ve tho e, takah zaninah chuan ka lo kalve thei tak tak ang maw?" Ka va ti leh hnuhnawh a thawchhuak hak hian "ilo kal dawn nia, ka lo hrilh che nga chuan pawnah ilo chhuak dawn nia" arawn ti tha ve mai bawk kalve mai a phal chu mak ka ti ang reng viau.

























"Chaw i ei tawh em?" Ka ti leh ta daih a, a chhungte ho hian an enliam leh lutuk hi ka khawngaih a heivang pawh hi ani pakhat, ka ngaihsak em em ni "ei tep ang" ati zawi sup a "ei teuh rawh aw, i lian thei lo ang" fiamthu a ka tih chuan anui hawk a "fit nga chunglam boruak pawh i hip phalo nia" chimawm zet hian arawn ti zui a, ka nui pawh ka tawp hmak hip phalo mah ila, lei ka rap pha ve tho."Ka dah dawn" ka tih deuh hmak avang chuan "dah dawn lovang" ala rawn ti hram a , "ka dah dawn ang, ka dah dawn" ka ti nawn leh a "iti tau ami?" Nuihzat hmel zet hian arawn ti a "tau mai mai lo" ka ti pawr hlarh, zawhna mi a zawt peih lutuk hi ka ngei tlat zel "i tihtauh khan, a cute chiin i cute" arawn ti leh kher a, thinrim rei theih pawh ani lo.Phone call kan tih tawp hnuah ka ni chu room lamah a rawn lut zui ve nghal a "utawia te an haw tawh mi?" Ka lo ti vat "imm haw chiah" ati ve mai bawk.

























Ahmai ah cream hi a hnawih mawlh mawlh a "ni utawia nen khan in inngaizawng tak tak tawh em?" Ka ni en reng chung chuan ka ti a, alu bu nghauhin anui sen sen bawk, ahlim tih ka hria a mipa duh em em nen an in ngaizawng tawh a, ka hmel ngui zet chu ka ni chuan a hrethiam ani mahna "tinge vulchukchuk i lawm lo mi?Tawia hi min duhpui vak lo mi?" Arawn ti vat a, lu thing nakin khum atang chuan tho in, ka thu tha a "chutiang pawh nilo, bialpa i nei daih anga kan inkawm thei tawh dawn lo asin, thian dang vak ka nei bawk silova ka lungngai" ka tih nang nang a ka ni chu a nuih aza nasa mai "lungngai suh, bialpa neih vang ngawtin eng nge kan inkawm theih tawh lo anga, nangte chu engtik lai pawn number one ini reng alawm, bakah inkhatah kan cheng dun reng dawn a,ka ngaihzawng te aiin ka chhungte ka hmangaih fe zawk" uar zeta ka ni in a tih chuan keipawh ka nui ve leh ta hak hak.




























"Anih ni...pasal neihte hi i chak ve ngai hrim hrim em?" Ka ti leh ta daih, ka zawhna vang chuan ka ni chu anui suk a "ahunlai a awm ve a, tun aia ka naupan deuh laite kha chuan chak zuai lai kha ka nei ve alawm, mahse at lai ania achak hun lai kha a pel tawh a, ka chak tawh lem lo diktak chuan ka senior ve tawh a nei mah ila, ka kumin apha ve tawh tho i pi leh pu te pawh hian min hnial lovang, mahse i pi leh i pu te hi ka ngaihtuah lo thei silova, unau hi pahnih chiah kan nia i pa lah aizawl lamah daih ahna ani bawk si a, an bula awmturin eng ang pawn sawm se, i pi te hian an duh dawn lo hrim hrim a an khua hi an chhuahsan duh dawn lo hrim hrim keipawn ka phal lovang, an mahni hi ka ngaihtuah lo thei silova pasal neihsan pawh ka hreh alawm neih hun te chu ka la neive ngei dawn a, mihring ve tho ka nia, pasal fanau te neia chhungkaw hlim tak din te ka la duhve dawn a, mahse ka nu leh ka pa te hi tar mai an ni tawh a, awlsam taka pasal neihsan mai chu ka hreh lutuk tlat" ati siam siam a, a sawi lai khan a hmelah pasal neih achakve tawh zia chu alang reng tho.



























Ka ni thu chu, hnunglamah kuahin "ni lungngai mah ta che ka awm reng hi, ka la naupang a pasal neih chu sawi loh ngaihzawng pawh ka la neilo ania, ka awm chhung chuan ka pi leh ka pu te hi ka thlahthlam dawn hleinem nangchu pasal nei tawh mah la, a awm lutuk ania i thawk tam tawk tawh a, ka pi leh pu te pawn an dem miah lo ang che" tiin ka thiam ang tawk chuan ka hrilhfiah ve a "kei aiin i nei hmasa daih thei asin" ka ni chuan nuih pah hian ati a "teuh lo..nangmah zawk hi mawle, i upa tawh si easy ve deuh rawh" ka tih leh chuan samkhuih chu la lawkin ka lu ah rem leh rem lo hian arawn khawng fawk a "lalvulmawi nanghi ilo easy ru viau ange aw, ka khik double che ni mai" ka ni in a tih chuan hmui ti pawrh tarhin ka lu ka tuai hauh hauh a, "ka easy lo aw, nangte chu i upa tawh tho a easy ve deuh mah la apawina awm hleinem, i vul lai hun a chuai zo hma in" ka ti leh nang nag a, "ila â ve reuh sia maw, april par pawh may ah a par anih chuan engvangin nge senior hnuah hian ka vul loh bik ang" in tih theih hmel zet hian ati a, ka lo ner nasa phone ami emaw khawi ami emaw tawngkam a hmufuh leh tawh ani hrim hrim.



















.....













Dar 8 velah chuan ka phone massege tone a ri a, ka en chuan ka beisei ruk reng, christiana lo ni ngei a ka ni pawh mut a tum tawh a, bathroom ah ala awm darkarkhat dawn chu a awm tawh, naupangchhia ang mai ti hian a rukin bathroom ah abe ngei anga, tu hriat nge maw ahlauh thin ni ho thei lutuk mai, khum atang chuan ka tho chhuak a thuamhnaw lum lam chu ka inbel vat, ka ni rawn lut chuan ding datin min en nghal a, "khawnge i kal dawn?" Alo ti reng bawk ka sam thlah that mawlh mawlh pah chuan "christiana ka zui dawn" ka lo tive mai bawk ka ni chu ka bulah rawn kalin ka kut a rawn vuan a "vulchukchuk, ka dang em em lo che mahse iti sual ang tih ka hlau ania aw, christiana te chu ruihhlo a khawih a alenna ah zui ve ta la, aruihsan che nga i ngaihtuahawm lutuk angaihsak hman tak tak lovang che" ka ni chuan ati a, amitmengah pawh min ngaihtuah zia ka hmu thei ka dem hran lo.



























A kut chu vuan let ve in, "ni ka hrethiam lutuk i ngaihdan tur chu, mahse maw hlauthawng miah suh, engtin mah ka awm dawn lo, pathianin min awmpui reng alawm eng nge ka hlauh ang, chuan maw christiana hi i sawi ang kha ani miah lo ania ni e, ruihhlo chu a ti ngei alawm ruih pawh a rui thin mahse midangte rui ang kha ani ve lo, mipa fing leh mahni in control thei tak ania, min thlahthlam lovang atir atanga anihna zawng zawng hre chunga ka ngaihsak tlat chhan hi i hre duh em?" Ka ni chu tak zeta melh chung hian ka ti a alu alo bu nghauh nghauh "achhan chu maw christiana ka hmuh tirh khan, a danglam bik tih ka hriat vang ani pathianin ka rawngbawlna tur liau liau a min pek ani ka ti lo theilo, midang nen chuan tehkhin chi pawh anilo, ka ngaizawng miah lo ania mahse adanglam bik zia leh amah ngei pawh hian he atan na lak atanga achhuah chak zia hi a mitmengah hian ka hriatsak thin asin" ka ti chhuak sep sep a, ka ni chuan min en ngawt ngawt.


























Min rawn kuah thut in "ilo van puitling tawh tak, i ni pawh ni mah ila, kawngtam takah chuan ka tluk lo tak zet che ani, ti hi chuan pasal pawh thlamuang deuhin ka nei thei tawh ngei ang" atih chuan a ho leh zo vek ka thlah deuh chawrh "i over double emai ah, ngaihzawng i nei ve dek dek a, pasal neih ringawt i sawi chule" ka ti nang nang a, ka ni pawh alo nui hak hak "ka kal dawn ania, aruk a bathroom a utawia biak kher kha angai tawh lo ang aw" tih pahin room atang ka chhuak a, ka ni chuan min vin leh chiam a chak ngawt ang mahse ka pi te an mu tawh tlat a, a au ngam teuh lo ka ni sawi ang deuh khan, keipawh hian engtin nge rilru puitling tak hi ka put thin le ka ti thin, a zawng zawng chuan ka ti vek kher lo mahse ka kum rualpui dangte ai chuan ka puitling zawk ngei alawm.



























Ka nu tel lo in, ka pa in min enkawl seiliana unau pian pui ka nei lo bawk a, unau zinga upa ber leh naupang ber ka ni mai a, ka pa hian engkimah min suport in min ngaihsak em em a, ka tan chuan ka nu leh pa ani, mahse engkimah atheih vek bik thin lo, ka pa pawh hnathawh ngai ka nawmsak theih nan nitin hnathawkin akal angai thin a, school ka kal lai pawn min thlah reng hman lova, min hruai reng hman bik lo ka school kalpui thin te ho kha chu an chhungte an nu emaw an pa te emaw in an hruai thin ka hmuh khan ka awt ve thei lutuk,mahse ka tan chuan a theih ve loh tih ka hrechiang a ka pa khan karkhatah vawikhat emaw chauh te min chhuahpui hman thin, ka tan pa tha tak ni mahse min ngaihsak vek hman bik lova, mahni a ka in buaipui kha angaihchang atam ve thin khangte khan min chherpuitling hma ka ti mai, ka pa hi ka dem ngai lova ka ngaisangin ka zah lutuk zawk, ani ang pa tha ka nei hi ka lawm a puitling tak ni tura min chher hi ka lawm bawk.





























Pawn ka chhuak chu kan kawtah christiana alo awm reng tawh hepa thin hi chu aw, mi hmuhte ahlau ve lo mawn le ka ti thin alamah chuan tlan phei vatin "i van awm ual au em em" ka va ti nghal thawrh a min en run run chung hian "eng nge a ual au na" alo ti tawi tak ka han en chuan a mit alo sen leh ram tawh, hahthlak thin mang nge aw "hawh teh kal phawt teh ang" akawr banah chuan pawtin ka ti a, a leader jacket hak chu siam tha zeuhin helmet hi min khum tir nghal zat, ka lo dawh ve tawp "avawt mai thei a, ti hian khum ve rawh" ati zawi sup a, ani pawn a khum ve nghal zat abike ah chuan kan in phur leh ta vang mai.
























Chak zetin kan dawk chhuak nghal a, akhalh chak zia ka hre tawh a a kawngah ka vuan lawk thlap tawh, ahma kan tlanna lam tho forest lamah khan kan tlan zel a mahse kawngpui pangngai lamah kan tlan thung, km 2 vel dawn kan tlan hnu chuan kan kal tumna kan thleng a hall ang deuh mai hi ania, mahse hall ani lem lo cement bang ani a, tukverh tih vel erawh anei lem lo a chhung lam chu a ri dup dup a, in a awm mang lo, kan tlan lai khan in chu kan tlanpel nual tho ka chhuk thlak rual chuan "kan kalna lai hi khawilai maw?" Hawi kual hu hu chung hian ka ti a, kalna tur an hrethei mai sia "bawngva anih hi bawngva khua" alo ti tha ve mai bawk a, arawn chhuk hnu ah hall ang deuh awmna lam ah chuan kan phei nghal, achhung kan lut chuleh thalai inti hlim an lo tam nasa mai athen an lam a, athenin zu an in a athen an bu ngawng ngawng hlawm a, mak pawh ka ti em em hran lo na in, henglai hmun angah hetiang tih na chang an hria hi mak ka ti zawk


























"I duh duh danin i awm thei" tih ringawt sawiin christiana chu akalsawn zui daih, ka en zui vawng vawng a thawm bengchheng nen hetiang hmunah hian ka kal ve ngai silova ka thawk a pik vek thei, "christian" ti a ka koh zuina pawh chu a hre tawh lo ani ngei ang, ka umzui ve vat a nuam an ti hlawm bawk nen tuman min ngaihsak lem lo chu ka lawm ru phian christiana chu hmeichhe ho bulah hian thu in, beer alo in mek a, hmeichhe pakhat hian eng nge maw ni hi a pek ruk zeuh hnuah an in kiss nghal bawrh bawrh hmuh hreawm ka ti lutuk chu ka hawisawn vat a, tiang em em chu anih ka ringlo asin le atir a , athusawi dan leh a awm dan chu a inpersan hle mai, mahse vui thei ka nilo achhan chu ka duhthlanna ani tawh a, ka beidawng dawn lo, ka be lova ani pawn min be bik lo an hmazawnah chuan thu in ka melh leh zeuh thin a mahse min ngaihsak ang pawn a awm lo melh pawh min melh zui lo hrim hrim.




























Abengchheng bawk nen ka lu chu na tawh tak ani, zu in ho ai pawn ka rui tawh zawk mai thei, christiana leh hmeichhe pahnih hi an ding deuh hluai a ka tho chhuak ve vat "khawnge in kal dawn?" Ka lo ti vat a, abengchheng bawk sia tawng rin a ngai lutuk ringawt "i hmu lo em ni?Ka buai hi i duh chuan min lo nghak thei , i duh leh i haw thei i thu thu" tihpahin hmeichhe pahnih te chu a kuah a, an kalsawn zui daih an tih tur chu mi â ber pawn an hai lo ang, ka rilru chu ana vawng vawng mahse heichu a bul tanna chauh alawm ti rilru chungin ka in fuih sauh sauh, amah ber a awm siloh chuan tiin pawn lamah nghak turin ka chhuak ta zawk a, pawn ka chhuak chiah mai chu ka thaw kawk kawk mai ka hahdam sawng sawngin ka hria, ka hawi phei leh a an party na in chu hla an play ring bawk nen a su dup dup hian ka hria.



























Khatiang kha anih ka beisei miah lo, christiana zia kha a dang hlak nidang a, a zia nen chuan in ang lo tak ani ka ngaihdan chuan a thiante ho nen a inti hlim vel kha an ni leh dawn maw ka tia, mahse zanin hian a thiante pakhat mah ka hriatve thin ho te ka hmu lo hrim hrim, ka phone chu la chhuakin pa biaka number chu ka dial a, pa biaka hi tlangval ala ni aw pa biak kan tih vang hian pa ni tawh turah in lo ngai ange, a naupan lai atang tawhin an koh fiamna ania tunthlengin a pu hlen a , a nu leh pa te ngei pawn pa biak an ti lauh lauh zel, ka phone call chu achhang har phian a alak rual rual chuan ani pawh chu a ri rum rum mai an party ve tho mawn le "hello" arawn ti lang lang a "khawnge i awm ava bengchheng ve?" Ka ti nghal vat "hmeichhia leh party" ruih hmel zet hian arawn ti a ka nersawk mai "hei keipawh christiana ka zui a mahse hmeichhe ho nen an kal hrang daih" ka tih chuan "engmaw?" Rawn ti tuarin a ri leh rawk rawk a, akalsawn ani ngei ang bengchheng lutuk pawh a zia tawh lawm




























"Christiana i zui tih min hrilh miah suh" awi loh hmel zet hian arawn ti leh a "ka zui alawm, bawngva ati in ka hria ka nghak mek" ka tih leh chuan athawchhuak hak ri chu ka hria "in awm ve dawn maw ka tia" ka ti tawi tak, za lo deuh chuan ka nui bawk "kha tah chuan kan awm lo hmundangah kan awm, tuna in awmna hmun kha damdawi an inpek rukna thin anih kha, chumi la tur chuan in kal anih ngei dawn chu hmeichhe kawp bik anei bawk thin alawm" pa biaka chuan arawn ti leh a, anih chuan nichin a hmeichhia in a pek zeuh kha dawmdawi chu anih ngei dawn kha, "lo hruai i duh em?Haw daih zawk rawh tinge i nghah duh a ka lo hruai ang che" pa biakan min ngaihtuah hmel zet a, arawn tih chuan lu ka thing vak "angailo ka lo nghak zawk ang, a bul ka tan tawh a ka tawp san thei lo, ka thleng laklawk tawh a tlak leh ka duh lo bawk" ka tih chuan "ivan luhlul reuh tak, i â tak zet anih hi, vulchukchuk" tih ngaihna hriat loh hmel zet hian arawn ti leh hak a, ka chhang let tawh lo "anih chuan buaina ineih chuan min lo call vat dawn nia, kan thianpa tan thahnem i ngai chu tha ti tho mah ila, i â ka ti takzet i rilru that lutuk vang hian i â" arawn tih leh hnuah a dah ta daih, keimah chuan ka nui ka nui mai.
































Ni e, hmeichhe â tak ka ni tuna ka awm ang hian hmeichhe dang chu awmse, an chapo na neihve chhun avang hrim hrim pawn an haw hmak tawh ngei ang, mahse keichu chutiang mi ka nilo, awlsam takin thutlukna ka siam ngailo bawk, tuna ka awmdan te pawh hi ka ngaihtuah fe hnu a ti chauh ka ni a tumah dem thei ka nilo, hmeichhe dawhthei tak ka nia eng ang pawn lo awmse eng ang pawn ka thin ti rim mahse ka dawh zel ang, ka in sum theih a ka thin arim pawn ka ti lang nghal buan buan ngailo, atawp khawkah chiah ka che thin mahse ka dawhtheih loh chin apelh tawh chuan ka ke bulah bawk khupin ngaihdam min dil pawh nise, ka hawisan hmak ngam, tuna ka awmdan ang hian vawikhat mah ka la awmngai loh avangin, hreawm chu ka ti ru ve viau, athen rui hmel zeta rawn kal pei chawn chawn te an awm leh thin a, tlangval rui buai tawk au bengchheng zet zet pawh an awm nawk.




























Christiana bike bulah chuan ka ding reng a, thut mai na tur remchang a awm silo, ka ding reng a ka ke pawh akham ve tawh viau, christiana lah chu a rei tawh em em leh nghal, zan a rei telh telh a avawt telh telh bawk si, ka kut ka kuangkuah a, ka ding khur lek lek tawh sual viau mahse min ngaihtuahna tlem tal chu neihve tur ania aw, atawpah phei chuan ka ke akham tawh lutuk vang chuan christiana bike ngheng pah ti tih chuan leiah ka thu ta ringawt, tuna ka awm dan hi ka chhungten min hmuse min khawngaih rual rualin min vaw hrep duh ngei ang, ka pa phei chu a rilru ana viau ang ka phone chu hmet eng zeuhin sana ka en a dar 10 alo ri va va tawh, zanin kan awm dan mai mai chu hma kan sawn lo chiang khawp mai, tiang chuan hma kan sawn mawh dawn hle mai.


























Ka hriat loh karin ka lo muthlu ani ngei ang, ka biangah hian min bek thek thek tu an awm, "chukchuk...lalvulmawi" mipa hlauthawng aw ri chu, ka hre ruai ruai a ka mengchhuak riai riai ka awmna ka hrechhuak a ka harh nghal kawk kawk mai, " i tha em?Tinge i hmai hi avawh vek i khua a sik ami?"Christiana chuan min ngaihtuah hmel zet hian ati a, ka ngei thar leh hnuhnawh viau a kut chu na lo te a lo vei sawn sakin "ka tha kan haw thei tawh em ni?" Ka ti chhuak sep, thinrim anga awm ka duh chuang miah lo thung ka phone ka en leh chuan dar 2 alo ri va va tawh, kha ti chen chen kha nuam tawlin a awm a, kei hetah ka lo awm ania ka ngaihtuah let chuan ka inkhawngaih ru lutuk ka ding chhuak tur chu ka pei deuh dat a, christiana chuan min lo vuan rang lutuk "ngati nge i ât em em le" ati chhuak sup chhan pawh ka chhang peih lo "i tha tak tak em?Tinge pawnah hian ilo awm char char, inchhungah pawh sawn lo awmve mai ta che" ati chhuak hluk a.


























Za lo deuh hian ka nui hak saw inchhung bengchheng zeta awm ai saw chuan, pawn a ka awm hian ka hahdam zawk tih hi ahrelo ani ngei ang "sawi tam vak angailo, ka tha ka tih chu haw tawh zawk ang" vin miah lo chuan ka ti a, thinrim hmel zet hian a thawchhuak hrawk, min rawn en lehin a jacket hak lai chu a phelh sawk sawk a, min rawn hak tir nghal zat lo melh let zeuhin " ka lawm e" ka ti chhuak sep, ka mutchhuak nen ka chau bawk nen ka aw pawh a ring thei tawh lo, an party na pawh a reh thap tawh mi awm chu an la awm nual a, mahse an bengchheng tawh lem lo an chatthla zo tawh niang "ngatinge lawmthu min hrilh" min melh ngur chung hian ati a , "i jacket min hak tir vang hian" ka lo ti tha ve mai bawk "ka duh lo, lawmthu min hrilh tawh suh" ati zawi sup.a, akun deuh tlat bawk si eng nge a hriat reuh ni "ngati maw?" Hrethiam lo zet hian ka lo ti a "lawmthu min hrilh khan, ka lak atanga hla taka awm i ang lutuk chuvangin lawmthu min hrilh tawh ngai suh" ati chang hrawk a, arawn hawi chhuak nghal zat a mitmeng te chher chhur lah hi a muve ngailo mawn le tih mai tur ani.


































"Anih chuan kal tawh ang hmiang" ka tih chuan "min haw lo em ni?" Arawn ti leh a "haw lo huat chhan tur che ka neilo" ka tih chuan a nui hawk a "i rilru a zau hle mai, haw ang" tih pahin a bike ah a lawn tharh a, ka ngei ru reuh lutuk ka ngaihdan chuan ngaihdam min dil ve tal pawh ka lo ring ania a mawiah tal min dil ve awm ania, mahse christiana ani miau a ngaihdam dil chu aharsat vet vet khawp ang, min rawn hmuh khan a mitmengah khan min ngaihtuah zia leh hreawm atih zia chu ka hmuhsak ve alawm, mahse mipa luhlul ngang ania a rilru a awm te awlsam taka ti lang mai mai chi ani lova, tih lan ai chuan a damchhunga zep hlen pawh a thlang zawk hial mai thei ani, ka ni in hrevek tho mahse nuam ka tilo tak zet, min hau ngei ngei dawn tih ka hre bawk mahse a awmve tho tun hi haw hun ani miau hleinem.



















Atawi ti miah suh uword 5000 a chuang daih ania aw, huihem comment leh ads min click sak kha bansan duh miah suh u aw


Show post links
Top

[Ngaia]

By_Mampuii pautu




Ka ta chauh ni rawh








Chapter-9







lalvulmawii







Christiana chuan kan inkawtah min drop a, rang zetin ka chhuk thla vat a jacket min hak tir chu phelh leh sawk sawkin, amah chu ka pe nghal zat a, engmah sawi lova ka inher tawh chu "i thin ala rim viau ami?" Zawi sup hian arawn ti a, ka ding dat bawk party na hmun a, a awmdan leh tun a, a awmdan chu a inthlak leh hlawk tawh a aw ah khan a inthiam loh zia pawh ka hriatsak thei, "ka thinrim lo, haw tawh rawh atlai tawh" ka lo ti let ve mai bawk, tunah tak chuan biak chakna ka neilo hrim hrim "damdawi ei rawh aw, i hritlang palh ang" atih leh chuan chhan pawh ka chhang tawh lo, kan inlamah chuan ka phei nghal ta daih, ka tukhum za mer merah chuan min la en reng tih ka hria, inchhung ka luh rualin kawngkhar ka kalh nghal thlap a, room lama kal nghal mai lo chuan christiana tlanchhuak thawm ka la ngai chang rih a, ala ding char char ani ngei ang, a bike ri ka la hrelo minute nga dawn a reh vang vang hnu chuan a bike chu a rest leh vak vak a chumi hnuah atlanchhuak ri ka hriat zawm zat, mahse an inlamah a chho lo tih a bike rik dan atang khan ka hre thei, hah a nikhan a thiante ho ava zawm leh dawn tih lah chiang reng, ngaihtuah zawm duh lovin room lamah chuan ka lut phei ta daih, ka ni pawh alo mutui tawh ngang mai, kei erawh ka mutchhuak zawng zawng kha a bo vek.
































Zing lamah ka pi leh pu damlo kan turin an chhuak a, naktuk lamah aizawl kal an tum bawk nen, an lengkual char char ringawt, ka ni chuan bai asiam mawlh mawlh a, "pi raja-i lah hi aizawl kal dawn vang mai a, veng chhung mi zawng zawng eng nge tlawhchhuah angaihna rawn haw tawh lo tur ang mai, karkhat vel pawh an cham awm tawp silo" ka ni chu a phun char char, keiin choka chhuat vel ka lo nawt fai mek bawk "vulchukchuk nizan kha irawn haw tlai viau em?" Ka ni in atih chuan, min hauh ka hlau ve tho bawk nen, ka a chhang lo in lu ka thing ringawt a, min ringhlelh deuh nge min la en ngur ngur zui, eng nge maw a hriat reuh ni "i thil tih hi i pi leh i pu in an hre tur ani miah lo ania, kei chuan ka zep pui char char dawn che a, khawiah mah ka sawi chhuak dawn lo bawk keiin thlawp che mah ila, i pi leh pu i pa thlengin an hriat chuan an dang ngei ngei dawn che, aizawl lamah haw tur che pawn an ti leh maithei bawk che, ka pi te hian an ngaihsak che in, an duat che a an tu neihchhun leh hmuh hmasak ber ini bawk a, hetiang bad boy mipa i zuikual reng hi chu an rem ti dawn miah lo ania, nangmah ila naupang bawk nen hmundangah an dah daih ang che tih pawh a hlauhawm a, chuvangin fimkhur hle ang che" ka ni chuan ati mawlh mawlh a, ka haw lo a ka ni sawi kha dik ka ti bawk ka fimkhur nasat hle angai dawn anih hi.





























"Takah vulchukchuk, nimin bazar ka kal khan maw, mawng lem ka lei ve a, atha reuh lutuk hei ka mawng hi enchhin teh alian ve tawh viau lo maw?" In tih theih hmel zet chuan ati a, arukin ka ner sawk sawk, ava han tul lo thin tak, "nalh ve tho tiraw?" Nui var var hian ati leh a, a mawiah ka lo nui tawi tak, ka ni tak hi chu aw a che maksak thei ania "ti hi chuan a double in ka chhelo tawh viau ang, puan pih hunah pawh ka mawng alang lian ve tawh dawn sia" ati leh siam siam a, a hlimna lah hi a ho thei sia kei chu ka mawng hi a te em em lova lian over tih tur pawh ani chuang lo, mawng lem tih ang reng vel hi eng nga tan mah ka ti lem lova mi in mawng lem hmanga an mawng an tih len a, jeans tite deuh an hak te chuan nalh ka tive thin tho mahse ka vuah ve duh chuang miah lo, ka ni erawh hi chu kei aiin a cher daih a a mawng pawh hi a dep ve reuh a, mawng chu a nei ve mauh mai mahse mawngtam hi aneilo ve em ani.




























"Vawiin tih tur i nei em?" Ka ti leh ta daih a, a bai siam chawh mawlh mawlh pah chuan "nei e, khi school ah khian kimkimin vawiin chu ka ai lo kal mai rawh, atia a dam atha vak lo aniang, ka han kalsak mai ang" ka ni chuan ati leh bawrh bawrh a, "hlawh a pe ve ngai che mi?" Ka lo ti ve vat chhuat chu ka nawh zawm pah a "pe ve thin e, nilengin engmah tih loh ai chuan, atha lawm kan leilet lamah lah pi raja-in kalve aphal leh tawh lova, bawng ka hralh ruk ahlau nge pawh ka hrelo, kan leilet enkawl tu te bulah lah 'alo kal chuan in lo hlap hrep dawn nia' alo la ti zui ka ngei zia chu ka nu hrawn hi a ang ngawih ngawih" ati leh nang nang a, kei ka lo nui char char bawk, leilet ka ni kal hi ka pi hian aphal tawh lo reng reng, hmanni an inhnial vak atang khan leilet lam hawi pawh a men aphal tawh lo, an in khak fek fek reng a an in hmuh loh hlek lahin an in zawng leh ruai tho sia."Anih school ikal daih dawn sia, inah keimahin ka awm dawn ani maw?Ka pi leh pu lah an awm leh awm silova" ka tih chuan ka ni chuan "i duh leh lo kal ve rawh, kimtei te inah ileng rih anga, duh leh thingkung hnuai velah ilo awm mai mai anga anuam alawm" ka ni chuan ati leh siam siam a.




























Kal ve chu ka chak mahse nu masiami a awm ngei anga, bakah an in a kal khi ka phur hlawlh lo, an chhungkaw chanchin engmah ka hriatpui lem lo a, mahse an in a kal khian boruak hi a rit vek hian ka hre thin, an in pawh loh hlawm em vang nge pawh ka hrelo, kimtei pawh ka kawm chak chuang lo, a rukin mi a khei ngar ngar tho a min kawm ngeih ber ang hian a awm a, a rukin midang bulah chuan min rel leh hrep tawh mai thei ani, nu masiami lah hian min hmuh chang hian min melh rulh rulh , ziah leh nghal a pawi ka sawi emaw ka ti rum rum zel, kimberly lah ala awm a ka hmuh peih loh vek an la ni zui, a ruk a min er ran chungin min kawm ve mai mai tih hi ka hre ru ve kar sia ka pawh thei tak tak lo niberin ka hria.Ka pi te an rawn haw a ka ni erawh room lamah a awm tawh a, ei rawng a bawl zo tawh a ka ni a awm a, ahman hi chuan keimah hian ka bawl khat khawp mai ka ni hi eirawng bawl tu ber ania, keimah zawkin awl tur ka nih lai hian amah zawk hian min awl char char zel mahse inchhung vel erawh keimah hian ka chang ve deuh chawt thin.




























"Vulbawih khawnge ini hi?" Ka pi chuan dawhkana, a sahar khai lai dah pah hian a ti a, "room lamah a awm kha" ka lo tive mai bawk "tukin chu chaw ei hma deuh ila atha ang, huan lamah kal hma ka duh riau naktuk lamah aizawl kan kal dawn si a, kan zin chhung a inlo ei tur chawhmeh vel la ila atha ang, nimin lamah aizawl a ka ken chhoh tur ka siam fel tawh bawk a" ka pi chuan ati siam siam a, dawr chawhmeh hi ka pi te hian an ei tam lo khawp mai, dal hi ani deuh tawp dal erawh a bag in an la tawp a, chawhmeh dang erawh huan an siam na mi kan hmeh mai thin a, thlai hring vek an nia taksa tan athat bawkah thlai hi chu a hrisel zawk bawk a, dawr chawhmeh ai thlawt chuan a tui zawk bawk, "pi hei eng nge i rawn hawn hi" dawhkana adah sahar chu en dek dek pah hian ka ti a, "kha kan dam lo kan naah, bane (Bal) min lo pe anih kha, atui bawk a chhum ila nakin lama eiah" ka pi chuan alo ti leh vat a , bal ang deuh mahse te reuhte te hi an lo ni a, tiang hi chu ka hreve tawh, aizawl bazar velah pawh an zuar ve leh zeuh thin a, vawikhat chu ka lei ve nghe nghe tawh atui zek leh nghal chawhmeh kher angai lova, chhum ila hmarcha thak nen ei ila a tui lutuk.
























Ka ni room atanga lo chhuak chu kan lo en thap a,jeans tite tha peng pawng hi a rawn ha chhuak a, tshirt dum aha bawk nidang zawng aiin a inchei nasa bawk ka pi lah chuan alo en leh ran tawh "kha khawia kal nge i tum a?" Ka pi chuan alo ti ta chiah reng a, "school ah khian vawiin chu kimkimi ai ka han kal leh ange" ka ni pawh chuan alo ti tha ve mai bawk,ka pi pawh chu alo bu ve nghauh a, "kha pui i mawng chu nimin aia a len tlata ka hriat chu ni, eng nge awmzia a vung em ni?" Ka pi in mak tih hmel zet chuan ati a, ka ni atum leh bar tawh ka pi hian mi a chik thei sia, abikin ka ni hi a chik zual bik ataksa ah dik loh lai leh danglam deuh hlek a awm chuan a hre rang lutuk a ruk hian ka pi hi a fing riau a "ka mawng anih hi, a vung hlawlh lo" ka ni chuan tum bur hian ati a "nimin ai khan a lian tlat alawm, khawnge i mithmul thlawk thei chi te kha" ka pi chuan ati leh deuh kher a, ka lo nui ru pat pat tawh,






























Nizan lama kan chawhmeh thing ho ka ti lum pah a, "mithmul thlawk thei anih loh kha, iti ang lo thei emai pi raja" ka ni chuan ati letve kher a, "ani tak chu a, nimin lamah mit hmul thlawk thei i nei a, tunah lah mawng i nei lian leh thut a naktukah phei chuan, i hnute pawh alian pur tawh hian ania ka rin" ka pi chuan ati hlak hlak a, ka ni mawng lian thut chu a lawm hlawlh lo ani ber, ka ni lahin thudik a hrilh duh der silo, "anih chuan chaw i ei phawt ang u hmiang" ka pu in tho hluai a, atih chuan ka ni pawh chuan chaw ei min rawn siam pui vat a, "mawnglem ka vuah tih sawi ila chuan e, saw raja-i sawn maw thenawm khawveng ho a hrilh darh vek duh ang, afanu pawh ni mah ila min rel hrep mai ang" ka ni in ka beng bul a rawn tih chuan ka nuih aza ang reng viau, chaw ei lai in kan ti ti leh malh malh hlawm a, hei hi chu kan sim thei tawh lo ani ber, "ka pa nen kan inbiak khan, bazarpui tur cheu in ka hrilh vek tawh ania, bazar ngei ngei ang cheu" ka pi leh pu bulah chuan ka ti a "vulbawih bazar kan ngai hleinem, mamawh pawh kan neilo, damdawi man vel lah nise ipa in a tum vek dawn si a" ka pu in inthlahrun hmel zet a, atih chuan ka lo thinrim zawk a.


























"Pu i inthlahrung mah mah anih kha, ka lawm miah lo ania aw hei chu ka pa pawn atih ve tur reng alawm, in fapa ania atul tul ah chuan in mamawh pawh dil hreh suh u, ka pa pawh a lawm zawk dawn a, khilamah in awm duh silova ka pa tan, helama awm a rem leh bawk silova, chuvangin mamawh in neih phawt chuan dil hreh angai lo, in fapa ania in dil tur alawm" tiin ka thiam ang tawk chuan ka sawi a, an inthlahrung thei lutuk hi ka thin a rim zawk thin a, mahse an dem awm bik vek chuang lo, tar mai an ni tawh a tar te phei chu an inthlahrung hma thin a, heivang hian an bula awm phei chuan tawngkam hman fimkhurte angai thin, an rilru ana hma a, ka pi leh pu phei chu inthlahtung chi an ni bawk nen, ka pa lakah hian an inthlahrung thin a ka pa pawh hian ka bulah a sawi ziah thin, pawisa pawh an rawn sawi loh pawn ka pa chuan a thawn ziah tho.






























"Nu...vulchukchuki sawi kha adik reng alawm, ka û chu mihrang ani lova in fapa ania in thisen zawmpui ngei ania nakinah phei chuan amah hi chawm tu tur ber cheu ala ni dawn a, in thlahrun chhan tur in nei lo a nupui leh a fahrawn ten, a pawisa an chen hem hem a helamah in thlahrung deuha inlo awm kha, tuman kan rem tilo, keipawh ka phone anga, thil ka chah teuh dawn ka inthlahrung dawn lo reng reng, mihrang zawk pawh an in thlahrung lova ka inthlahrun nachhan tur hi ka hrelo" ka ni in atih chuan lu ka lo bu nghauh nghauh a, "chutiang ringawt ani thei hleinem, in hrang chang tawh ania, a mawi pawh amawi lo" ka pi in atih leh chuan "amawi lohna a awm lo, a nih dan tur dik tak zawk alawm, pi....in thlahrung deuha in awm khan ka pa zawk hian nuam ati lo thin ania" ka tih leh chuan ka pi chuan "anih chaw kha han ei phawt teh u, in luhlul nufa si a ka hnial hneh dawn chuang lo cheu" ka pi in atih chuan ka ni nen in enin kan nui dun hak hak a, ka pi sawi kha a dik ka ni hi ka chhun nge ni ka luhlul lutuk tlat, chutiang bawkin ka ni pawh zaidam viau mah ila, ka tih tawh chu ka ti ani mai luhlul lamah hi chuan ka ni nen hian kan inchhun khawp mai.






























"Karleh nilai ni hi chaw nghei tawngtai ania, ka nu te chu in rawn haw hman ka ring lo" ka ni chuan ati leh a, "ni e kan telve hman dawn silova, neihi nang chaw nghei tawngtai chu ilo neih mai loh chuan chawngkaw zinga pakhat tal tel loh kha chu a mawi lo ang" ka pi in a tih chuan, ka ni hmel ka en vat a hupphurh hmel em em leh nghal chaw nghei chu a hlau ngang ani, "peihawm loh e, tiffin tal pai ila athat dawn chu" ka ni in ngaihsam fe a, atih chuan ka pi in a melh rum nasa mai "chaw nghei tawngtai ti na na na, tiffin i pai in eng nge awmzia awm anga" ka pi chuan ati vin hlarh a ka ni alo ner nasa "a ho emai, mi pawn a rukin an pai a, biakin hnung lamah te an ei ru ziah" ka ni chuan ala ti hram a "chutiang te chu chaw nghei tawngtai pawh anih tawh loh chu, mi tih dan zela tih hi tum ziah suh" ka pi chuan ati leh hlak hlak a "aw rual pawlna ve alawm" ka ni chuan alo la ti fan "mi chhang zawt zawt ziah suh, chaw nghei tawngtaia tiffin la pai hram kha chu e, i tawngtai khan inchung pawh a thleng pha lo ang, hahthlak lutuk mai" ka pi chuan ati leh hlak hlak, kei erawh ka nuih aza ru bawk nen ka tho ta daih, ka ni tak hi chu a che maksak thei ania aw, chaw nghei tawngtai na a , tiffin pai reng reng, tu tih chhuah tak ni ang maw.






























Chaw eikham chuan ka pi te pawh an hmanhmawh bawk a, an thu rei lo huan kal turin an in siam nghal zung zung a, reilo te ah an chhuak zui mai bawk "vulchukchuk mahni chauha, awm ai chuan lo kal ve mai rawh, in hi kan kalh mai dawn nia, kan bang har dawn chuang lo" ka ni in a tih leh takah chuan ka hnial ta bik lova, reilo te ah keini pawh school lam panin kan chho ve nghal, ka ni lah chu phone hmang pahin ka hma ah, akal a anui leh uar uar thin utawia nen bawk an inbe leh tawh ani ngei ang, a mawnglem vuah lah chu an chhuang mai mai khawpah, akal deuh lah lah a a hnung atang ka lo nui char char thung "enteh maw...tawia thil hrilh tur che ka nei" ka ni chuan in tih theih hmel zet hian ati a, abiakpa tawng ka hreve thei silo, ahnu ah ka ni chuan "thil thar ka nei a, mawng thar ka nei" ka ni chuan ati chhuak phawng, ka lo nui kiah kiah mai "aw lian tehreng mai, a tha lutuk ka mawng thar chu maw, a sukfai theih thlap a a that zia chu" ka ni chuan ati leh mauh mai bialpa te bulah chuan a sawi chi vak lo ee.

































School kan thleng chho a, kawtah kimtei leh kimberly te pawh angai te in, an thu a an lo ti ti dun melh melh an inkawm ngeih fu he mite pahnih hi, "ehe uneihi chu i van chhelo em em, ukimkimi ai i rawn kal dawn ami?" Kimtei chuan alo ti vat a "kal dawn chiang e," ka ni chuan alo ti ve mai bawk a "kha mawng iva nei mawi em em?" Kimberly chuan nuizat hmel zet hian ati a "nia...mawi khawp mai, tu emaw style ka copy ve anih hi, mipa mit pawh ka la ve deuh maithei" ka ni chuan ati leh kher a, kimtei te lam ka hawi leh chu an lo nui tawp dun hmak a, an nui duh tawh lo reng reng, ka ni chuan an sahuat laiah a perh ni ngei tur ani "office lamah ka va lut tawh ange, vulchukchuk lo thu mai mai rawh aw, " ka ni in atih leh chuan lu ka lo bu vat a, ka ni pawh office lamah a phei zui a, hemi te pahnih bul a awm hi ka peih vak lo asin le.
































"Vulchukchuk lo thu ve rawh ti ti mai mai ang u" kimteiin alo tih chuan peih lo ru zet chuan ka va thu ve a, haw leh daih mai te ka duh tawh han haw leh ringawt lah chu a tih chi chiah silo "ka û nen a in inkarah hian eng nge maw ri ret ret chu a awm tiraw?" Kimtei chuan nuisang hian ati a, nuih pawh ka nuih let ve peih lo, "chutiangte tu in nge sawi a, awi awm loh lutuk" ka lo ti ve vat "bike a in inphur lai hi an hmu leh nawlh zel cheu tih sawi tu an awm a" atih leh chuan ka nui tawi tak tawh, tu tak chuan lo sawi ang maw "diktak chuan ka û hi chu i hriat ang in, bad boy ania bialnu tak tak pawh anei thei lo, pakhatah hian alungawi zo silova ahmeichhe kawp thin te lah hian, an lo duh tak tak thin si a anin aduh tak tak ngai silova tumah hian an daih rei lo, uly hian a dawhthei ber a, hei tunthleng pawn ala dawh hram hram a ka û pawh hi uly lakah hian anem sawt khawp mai, ka nu leh uly lah an lo inkawm ngeih tawh bawk nen" kimteiin atih chuan ka lo tang tung tawh.































Eng rilru pu a, chutiang chu min hrilh chiam nge maw anih le, huat tur nisi lo hian mi hi an khei fek fek reng bawk a "i thu sawi chuan kawh te anei deuh lo maw?" Nui lui sang hian ka ti let ve a "nei lem lo, ka hrilh ve mai mai che, nakinah i rilru nat ka hlau em a, ka û hi chuan tumah duh tak tak hi anei silova, uly nen hian an nghet ta berin ka hria" kimtei chuan ati leh deuh kher a "nia, christiana ka dawh ang hian tu hmeichhia mah hian an peih ka ringlo, bakah christiana lah hi alo ler ve bawk nen hmeichhe hrang hrang hi a kawp a, bike ah vawihnih khat a phur te lah hian beiseina an lo nei leh ringawt zel a" kimberly chuan min tih chhan zet a, atih chuan za lo deuh hian ka nui hak atawng lai pawh chu a tawp hmak a "kimberly tiraw inih kha?Christiana te nen hian cousin in ni tiraw?" Nuisang ngeiawm ru zet si chuan ka ti ve ta nge nge a, mi an khei peih bawk a ka thiam ve lo turah an ngai amawni.
































Min melh kar chung hian "ni chiang e, cousin alawm kan nih" alo ti let vat min la ngei hmel em em zui "anih chuan unau in ni tihna ania, christiana hi eng ang chi in nge i hmangaih, mipa anihna ang in nge, i unaupa anihna ang in" ka tih chuan min chhan mai dan tur ahrelo nge angawi vang vang a kimtei zawk chuan "aw a pahnihin mawle" nui uar uar hian alo ti a, school naupang ho an tan tawh bawk a, an infiam bengchheng hriat tur a awm tawh lo bawk kimtei chu ka melh ran a "kimte hmangaihna hi fiamthu mai mai ani lo" thutak zet a, ka tih chuan anui pawh atawp hmak "chu ka û chu ilo hmangaih hman tihna em ni?" Ner ru sawk hian ati a, ka hmu hman vek tho ka lu ka thing a "christiana hi ka hmangaih ka ti lo, mahse ka khawngaih" ka tih leh chuan kimberly chuan min melhrum tawh viau "vulchukchuk eng nge i sawi awmzia hi" hriatthiam loh hmel zet hian kimtei chuan ati a.





































"I û hi i hmangaih tiraw?" Amit taka en chung hian ka ti a, lu a bu nghauh "anih chuan tiang hian ti tawh suh u" ka tih leh chuan ahrethiam lo tih hriat zet hian ahawi hai viau "engtin vak nge ka û chu kan tih a?" A aw ah chuan alawm loh hmel viau bawk "kimte thil zep tit tet mi ka ni lova, ka sawi tlang tawp ang, darlak khua hi ka rawn awmna ala rei lova mahse ka rawn awm tirh phat atang khan, inchhungkua leh christiana chanchin hi ka hre tam ber thin, ka duh vang em em a, hria pawh ka nilo ka tum loh deuha hriat pawh ka nei nual" ka tih chuan min lo pawt chat vatin "chu kan chhungkaw chanchin chu ilo chhui ani maw?" A aw pawh anem tawh lem lo viau "inchhungkua ka chhui cheu ka tih loh kha, midang sawi ka hriat ka ti anih kha, nangmah ngei pawh hian inchhungkaw chanchin midangin an sawi dan hi chu i hai bikin ka ringlo" ka tih leh chuan kimtei chu a ding hluai a, ka pawt thu leh rang viau "kimte ka sawi phawt ang, khawngaihin lo ngaithla rawh, i û hi i hmangaih tak zet anih chuan bel chiang rawh, hetia khawlaia a rui thle mai mai te, a awmdan thalo leh nundan mawi lo zet zet te hi, a hlimpui in a duh vang renga ti ah in ngai ang tiraw?Mahse i û hi belchiang rawh athil tih te avanga anun ahlim loh zia leh anun ruak zia hmangaihtu leh ngaihsaktu a mamawh zia i hmuhsak ngei ang, tawngka a hmangaih chauh kha a tawk zo lo, chet zia a lan tir te ngaihsak that te amamawh a ahma ah hian dinpui tu amah chel reng a, fuih kal tu a mamawh asin" ka ti mawlh mawlh a.
























Kimtei chuan engmah a sawi tawh lo, a ngawi reng a "chuan nichin a ka sawi, in tih dan vel kha ni e nangni chuan in hmu thiam lo maithei, chik deuh ni ula chuan in hmuthiam ang, christiana hi mihring ve tho ani a, hmangaihtu mamawh ve ngawih ngawih tho ani, a nun hi ball angin pet kual sak mai mai tawh suh u, kimberly pawh ka hrechiang lo che a kan inhriatna lah ala rei hek lo, christiana hi mipa angin i hmangaih emaw iti a tiraw?Mahse ani lo amah hi mipa hmeltah leh perfect tak mai ania, ahmelthat vang mai mai hian i hmangaih emaw iti anih kha, mihring ve tho ania thinlung anei a, arilru pawh ana ve thei, in hlim nan chauh christiana hi hmang tawh suh u, in bula a awm laiin in hlim a christiana pawh ahlim ve emaw in ti mai thei mahse in chik lo , nangmah ni in hlim avangin a hlim emaw in ti mai mai zawk anih kha, christiana nun hi pet kual sak mai mai lo in, hruai ngil sak tum zawk ula, in thei lo anih pawhin anun tih hreawm belh tawh suh u" ka ti leh mawlh mawlh min chhang lo ve ve a, kan vai chuan kan thu ngawi ta thap.


























Ka thaw chu a veng hawk mai, christiana vang liau liau hian huaisenna hi ka va ngah tawh tak em, hetiang em em hian ani maw, ka lo ngaihtuah ka ti tawp kimtei chu a rawn in sut ri hlawp hlawp "vulchukchuk ka ngaihtuah chiang a i sawi kha adik vek, dik lo pakhat mah a awm lo ni e ka û hi ka hmangaih lutuk ka unau neihchhun ania, ruihhlo ati nasa em em a, kei chuan a duh vang reng leh a sual vang hrim hrimah ngaihsakin , eng mah ka sawi duh lova ka chik ngai lova a awm ang angin ka en liam mai thin mahse i sawi tak ah chuan ka û hi ka chik tawk lo tih ka hrechhuak, in a, a awmchangin a nui ngailova mahni inchhung lum aiin pawn lama awm nuam ati zawk bawk, ka hrethiam vek tawh" lungchhe zet chuan ati a, ahnungah ka lo chul sak hliau hlau a, kimberly erawh ala ngawi reng thung "kimte inthiam loh angailo, tunah chuan i hrethiam tawh a i û pawh hi chik zel la,engkim ala siam that theih vek ania ala tlai lo" ka ti chhuak ve sep a "mahse ka û hi tunah hian a damdawi tih thin te hian a ei ral mek zel chu anih hi" ati chuai leh raih a, amittui ahru zeuh zeuh reng bawk.






























"Nilo e, damdawi te hian an eiral hleinem, a nun ruak lutuk leh hlimna a zawng nasa lutuk hian an eiral mek zawk alawm, hlim aduh a mahse athei lo, hlimna a zawng a mahse a hmulo, hlimna hi zawn angai lo kan hmaah mai hian kan hmuh phak rengah a awm a, kan hmu thiam lo mai zawk anih hi, christiana pawh chutiang chiah chu ani, anun beidawng lutukin hlimna a zawng a,mahse hlimna ahmuh phak reng a, awm chu hmu thiam lo in khawvel achen a chutah tak chuan kimte christiana tan hian nang leh i chhungte hi in pawimawh tak zet, hlimna hi a bul maiah a awm tih hi in hmuh tir angai a, ahmasa berah chuan in inchhung atang sawn nangman bul i tan angai i nu leh i pa te rilru pawh i hnehsak a, khawvelah hlimna zawng lova pathianah zawk khian hlimna chu a awm ani tih hi i hriat tir an ngai, khawvel ah hi chuan eng ang pawn hlimna zawng mah ila maw, pathian tel ve loh na hmunah chuan hlimna tak tak a awm thei ngai lo" ka thiam dan dan chuan ka hrilhfiah ve a, mahse ka sawifiah thiam lo lutuk chu keimah zawk hi ka in hua.




































Kan ti ti melh melh lai chuan, christiana chu bike in chak zet hian arawn tlan chho a, kan lo en tawp an in bulah chuan a ding ri tuarh a, bike atanga rawn chhukin kan thutna lam chu arawn hawi zawk a, chutah inchhung lamah hmanhmawh zet hian a lut zui nghal, tumah pawh kan tawng zawm lova kan ngawi thap, inchhung lam thawm chu kan ngaithla ani zawk mah, ahnu rei lo te ah chuan nu masiami thinrim au tawn tawn ri kan hre ta ngei a, kan in melh thap inchhung lamah chuan hmanhmawh zetin kan tlan lut ve nghal a christiana chu a lo ding ngawi ngul a nu masiami chuan christiana kawk sawk sawk chung hian, alo ang buan buan bawk "nang hian i nu ka nihna ang tal pawhin min zah derna chhhete mah i nei lo em ni?" Nu masiami chuan thinrim aw khur dar dar hian ati a, keini erawhin kan lo en tawp tihngaihna vak kan hrelo.Christiana chu luhlul hmel zet hian a nui suk a "ka nu inia mi?" Mit sen ram a melh pah hian nu masiami chu a tih khum a, abiang a ri nghal thlawp kan lo te that a , kimtei chu tlan phei vatin a nu chu beng daih atum nghal bawk kei erawh ka dinna ngaiah chuan dingin christiana chu ka en reng.
































Nu masiami chuan thinrim tih hriat zet hian, christiana chu amelh ngar a, a insehruh nasa viau christiana pawn a kut chu a humruh viau mai "keihi i nu ka nih siloh chuan tunge i nu chu ni a?" Nu masiami chuan ati chhuak leh that ngeiawm zetin christiana chuan amelh a "ka fapa ini ve lo, min ti tu kha nangmah ini lo em ni?Chuvangin ka nunah hian lo inrawlh tei vet suh" christianan atih leh chuan mak ka ti lutuk ringawt "maw....maw...chuthu chu engtin nge awlsam taka i sawi theih, nang fahhrah ...." A sawi zo hman lo christiana chu a au tuar a, kan phu nasa hlawm lutuk in hrosa zuiin a rem lai lai chu a ti chhia ka ti mai, an inchhung a pangpar khawi na te pawh a hmuh hmuh chu chhuatah a vawm keh nuai tawh, hmeichhia vek kan nia tuman kan hnaih ngam silo, nu masiami pawn tih ngaihna ahrelo a en tawp tawh, "nang hian, ka chhungte chanchin pakhat mah i hrelo, ka nun min tih chhiatsak tu in nih hi" christiana chuan ati leh tuar a, mi â ang maiin a che buan buan ani ber kimtei phei chu a tap pur tawh.





































A meng â vek a, inchhungah chuan hawikual ruaiin step bula an hun vase lian zet lam chu a pan nghal ka huaisenna zawng zawng sawm khawmin ka tlan phei a, christianan vase vawm keh a tum leh lai tak chuan "christian" tiin ka au that, a tawp nghal chat a chiang zet hian min rawn en nghal run bawk, khur ru dar dar chung chuan alamah ka phei a, abulah chuan dingin amitah chuan chiang zetin ka en bawk, "christian in bengdai rawh" ka ti chhuak sep, a mitmengah chuan anat zia ka hmuhsak thei bawk, rilru mumal a pu lo tih a hriat hle a, ka rilru in nu masiami chu ka dem hle bawk a kut chu ala thla riai riai a "inbengdai rawh le, min ti hlau ania" aw dam zet chuan ka ti nawn leh sup, thawchhuak hakin vase chu chhuatah a nghat chawrh a, a kut a hum ruh tlat chu ka vuan nghal vat, ka vawn rual rual chuan a kut hum chu rang zeta phelhin ka kut tang karah chuan nghet zet hian a hum nghal a, in bengdaih tum tih hriat zetin a thawchhuak ham ham, in hmatawn a kan din avangin kan in melh chiang hle a, kuah a hnem vawng vawng mai chu ka chak tak zet.































Kimtei chu tap pur a, rawn tlan pheiin " û ka tihpalh aw, ka lo hrechiang tawk lo lutuk che a, i nundan te i awmdan zawng zawngte ka lo enliam mai mai thin che avang khan min ngaidam rawh, ka lo chik ngai loh che vang pawh khan min ngaidam rawh" kimtei chuan tap hlawp hlawp hian ati a, ka khawngaih letling zawk a û chu khawih a chak si akhawih ngam chiah silo, a khawngaihthlak reuh lutuk christiana chuan engmah a sawi lo kawngkhar lamah chuan min kai phei a, kimberly chuan min rawn zui vat "Rozamlian, khawi a kal nge ila tum cheu, inchhung itih hnawk zawng zawng hi ti fai nghal rawh" nu masiami chuan ati vin leh that a, christiana pawh a ding leh dat chutah hawi letin "chhiahhlawh i ngah ani lawm ni tih tir mai rawh, chuan kimberly min rawn zui hlek suh" ti chang leh hrawkin pawn lamah min kai chhuak nal nal ,engmah sawi buai lo in ka zui ve mai bawk.

































Pawn kan chhuak chiah chu a thaw chhuak hak, a bike hun na lamah chuan min kalpui a, ngawirengin ka zui ve zel christiana hi ka hrechiang telh telh a, ka khawngaih telh telh mahse mak ka tih deuh chu a nu nen a an in hauh laia an thusawi kha mak ka ti, school tlanga ka chhoh apiang hian thil eng nge maw hi ka han tawng ngei ngei ka hriat duh ni miah lo leh, ka beisei loh tam tak ka hre hnem mah mah tawhin ka hria, christiana hi eng nge maw zawh chu ka duh mahse tun ah chuan chu chu atha ber lo , a bike bulah chuan kan ding dun ta ran, naupang ho pawn lehkha an chhiar ri nak nak hlawm a, engmah sawi ta lo chuan school hnunglamah min chhuk pui leh ta daih, school hnung lamah hian field zau lutuk lo a awm a, naupangho in khelhna turin field ah chuan chhuk thla in thingkung lian zet mai hnuaiah hian kan ding ta ran a, ka kut lak let ka tum chu alo phal lo nasa a vuan nghet sauh sauh a, min en duh lo in hnuailam a en deuh tlat bawk, amah apa lian sia ti tau ang maiin a kun ngul sia a lawmawm reuh lutuk.




























"Min hlau em?" Arawn ti chhuak sup a, ala rawn hawichhuak duh chuang miah lo, ka nui hak a "ka hlau hleinem che christian" ka ti let ve sup, "ka tihpalh" hreawm tih hmel zet hian ati leh a, hepa pui hi eng nge ahriat reuh ni, nichin a achet dan vang khan a inthiam lo ani ngei ang, ka dem lo christiana chet dan kha keipawh ka nu ngeiin khatiang khan min tawngkhum se chuan, engtin nge ka chet ang ka sawi theilo tharum chu ka hmang kher lo anga mahse ka rilru erawh ana viau ang "i hmuh laiin khatiang khan ka awm tawh miah lo ang" naupangchhia zeta a tih leh chuan a cute ka ti lutuk chu ka nui chhuak hawk a, arawn hawi rang viau bawk "christian i thil tihah khan ka dem lo che, mahse chutih rualin thinrim laiin chet buan buan tur ani lo ania, ahnuah kan inchhir leh thin tharum thawh lo zawng in kawng tamtakin chinfel dan a awm em em ang" ka lo ti let ve sup sup a, min chhang ta mai lo chuan ngaihawm zet hian min en vang vang a, ka lai lek lek leh nghal eng nge maw ka laih deuh tut chule "ka insum thei" tihpahin ka piang chu a kut lian zet lum vung vung mai chuan arawn khawih a, ka lo sa pup pup leh nghal.




























"Eng nge i sawi awmzia chu?" Hrethiam lo zet hian ka lo ti a, min nuih suk chung hian "nanghi angel ini tak tak em ni?Tinge i danglam bik em em, tinge hmeichhe dang ka en ang hian ka en ve theih loh che, tinge i lakah hian ka nem em em i hmel ka hmuh hian tinge ka in sum theih em em thin, angel tak tak ini em ni?Ka hmuh che khan ka thinrimna kha a bo tial tial a, ka thinrim ka in sum thei a i bula ka awm hian ka kim bik a, ka hlim bawk ka hmuh loh hlek che chuan ka bulah i awm mai ringin ka zawngkual ruai che a, i hmuh laiin tharum hman ka duh lo bawk a, ka zah che i nunchang mawi em em leh i rilru thatna hian min hneh a, mahse ka hnaih ngam chuang silo che" ati ta duah chu mit tla lo lekin ka lo en reng a, athusawi zawh tak chiah te khan min ti hlim veng veng chutih rualin ka mawhphurhna san zia ka hriat belh zel bawk.






































Christiana nen chuan thingkung hnuaiah kan thu dun a, "christian zawh awm che ani em chu ka hrelo lova, mahse i nu hi tinge i huat em em?" Ka ti chhuak ta nge nge a, ka hriatchakna a rei tawh em ani, thuchiang engmah hre silo hian tlemte in ka hria a, hriat belh zel chakna in min tur et et bawk nen athinrim loh hram ka beisei christiana chu in ngaihtuah muk hmel zet hian a ngawi vung vung a chutah "an fapa ka ni hleinem" za lo zeta nui chung hian ati ta mai, min thawng lutuk chu sawi tur mai ka hrelo ka beisei loh lam daih ania, mak ka ti lutuk tlat "christian" tiin ka phunchhuak sup zawh duh chu ka ngah mahse eng tin nge bul ka tan ang ka hrelo , min rawn en zawkin ahma lam ahawi leh nghal a "kum 9 mi ka nih laiin ka nu leh pa diktak te chuan min boral san tawh, tuna ka nu leh pa te hi chu a lem an nih hi, ka nu leh pa tak tak te nen khan, car accident kan tawk a kan chhungkua inti hlimin kan kal a, kan haw lamah car pakhat nen kan in su a, ka la te em a ka hrechiang tawh lova kha car khan min rawn su lui ani mah zawkin ka hria, nikhawhre lo in ka awm a, ka harh chhuah leh chuan dawmdawiin ah ka lo awm tawh a, ka hriat ngai miah lo nupa hi an lo awm bawk, an ni chuan ka nu leh pa te chu an boral thu min hrilh bawk a, tute nge an nih ka hrelova min su tu car pawh kha tute nge an nih tunthlengin ka la hrechuang lo, chuan khami ni ka nu leh pa boral ni atang khan tuna ka nu leh pa te hi ka chhungkua an lo ni ta a, an ni hian fa atan min la" athusawi lai zawng chuan uluk takin ka lo ngaithla a, ka mittui chu ka biangah a luang ngiai ngiai bawk.


































Christiana ka khawngaih telh telh a, alo tawrh nasat zia leh hreawm atih tur zia te, a nu leh pa a ruala achan te chu ana dawn lutuk tlat, vanduai hle emaw ka lo in tia kei aiin christiana hi avanduai zawk, ani chuan a rualin anu leh pa a chan a, kei erawh min enkawl turin ka pa min hmangaih em em tu leh pi leh pu ka la nei bawk a, ka tawrh chu christiana tawrh lakah chuan anep mah mah ka kut chu rawn hum leh vang vangin a hmer deuh salh a "atir chuan min duat lutuk khatih lai khan, kimtei hi kum 7 mi ani bawk, ka chhungkaw tharte kha ka ngaina em em a, min duat thin hle mahse ka nu leh pa te ka ngaihna a reh chuang lo, thlathum vel dawn an bula ka awm hnu chuan, ka nu mizia chu adanglam telh telh a, min ti duh dahin a fapa ka nih loh thu vawitam a sawi thin a, min ankhum chiam thin ka pa khan lo hau ve thin bawk mahse, ka nu hi ahlau em a, akhap thei chuang lo kum 15 ka nih meuh kha chuan, a rukin mei zuk ka ching chho a schoolah lah thian sual tak tak ka kawm hrat telh telh bawk, school kha nitin deuh thawh ka bunk thin a, school ka bunk tih ka nu in a hriat chuan inchhungah min luh tir phal lo in pawnah min riah tir thin, ka upa telh telh a ka sual tulh tulh a ka nu kha ka hmelma en tawh ani deuh ber" tiin zat loh hmel zet hian anui leh a, sawi tur pawh ka hre lo ka mittui a luang char char a, christiana chuan min rawn enin ka mittui chu a hru zeuh a.






























"Vanneih thlak ka ti dawn nge, ka pa kha ahna vangin darlak lamah hian an sawn ta a, ka nu nen hian an chhuk thla bawk kei leh ka nau kimtei chu inah awmpui te ho bulah min hnutchhiah tawp, ka pa in min ngen nasat em avangin ka thil tihsual te leh ka ruihhlo tih thin te pawh harsa takin ka sim a, mahse college ka kal tan dawn khan ka nu leh pa te hian darlakah hian min hruai thla ta a, an tel lo khan ka nau nen khan nuam kan ti zawk daih, college pawh mamitah ka kal a, pangngai deuhin darlak ka awm tirh kha chuan ka awmve, mahse ka nu nen erawh kan tha theilo ho te te ah kan in khak fek fek reng a, ahnuah phei chuan a mize ngai bawk chhuah leh tanin a fapa ka nih loh thu bawk a sawi leh tan a, mipa mah ni ila ka rilru ana a, pathian khi ka dem a ka nu leh pa min laksak hma lutuk vangin ka dem bawk ka sual leh tan a thian sual kawm ka hrat leh tan bawk, pathian khi a awm ka ring tawh lo bur a, pathian an tih te hi chu dawt mai mai ani, a awm tak tak lo an ngaihruatna mai mai chauh ani, ka nu leh ka pa ka huat em avangin an mahni runluih kha nuam ka ti telh telh a" athusawi chhung zawng chuan uluk takin ka lo ngaithla a, hreawm ka lo tive ngawih ngawih.


































"Christian tinge i pa chu i huat?Ahmnagaih em che hi" ka tih chuan a rum nghut a "hmangaih maw teuhlo, mahni nupui pawh thunun zo lo, ti hian khawtlang tan chuan atangkai ani mahna, mahse mahni inchhung pawh enkawl zo lo pa hi, kei chuan pa tha ka tive theilo, ka nu ahlauh em avangin engmah a sawi ngam ngai lova, chuvang chuan ka hua vawitam chhuahsan ka tum thin a mahse kimtei vang chauhin ka la awm, ka awm lo anih chuan kimtei hi a hreawm dawn lutuk ngaihsak tu anei dawn lo, ka nu leh pa te hian an ngaihsak dawn lo, ni e pawisa ah te ei leh intur silh leh fen ah chuan abuai miah lovang, mahse a pawimawh ber hmangaihna a dawn siloh chuan, a nun zawng zawng hi a chhiat phah ngei ang, chuvang chauha la chhuahsan lo ka ni" ati leh sup sup a, anau ahmangaih zia chu a sawi lai pawh khan a hriat vek, mi tamtakin a an dem rawn, khawtlang tana mi hnawksak ruihhlo duh em em mai, pathian awm ringlo tu mipa hi keichuan ka ngaisang lutuk tawh tlat, tuman athil paltlang an hre lova, apaltlang ang kha mipa mah nise ana tak zet mi tamtak chuan an thei kher lovang.

























A kut min vawnna chu hmer salhin "ka puih i duh em?" Ka ti chhuak sep, ka tap nasa bawk si ka mit a sen vek tawh mai thei christiana chu anui ri suk a "ka duh lo, tuna ka awmdanah hian ka lungawi tawk engthil dang mah ka duh belh lo" luhlul zet hian ati a, mahse beidawnsan ka tum lo ka pathian pawh khi abeidawng lo anih chuan kei achhiahhlawh hi ka beidawng dawn bik lo, rilruih a min en chung hian "nangchu ti hian 'KA TA CHAUH NI RAWH' ka angel thla neilo nu, a cute chi in i hmeltha ka ti" nui hawk chuan ati leh a, ahnungah ka chum nghal vak, ka thutak tehreng nen fiamthu alo thawh daih a.




































Chutia kan nuih dun bawk bawk lai chuan chhak lam atang "khalai a thu te kha" ka ni aw ngei mai hian arawn ti a, kan han hawichho chu class room tukverh ah hian ka ni chu alo dak reng tawh, "in lo in couple goals vel ange aw, achi loh viau ang ka khik double dun cheu ani mai" ka ni chuan arawn ti lang lang a, ka ni tak hi chu aw min va han ti zak thei tak school naupangho lah chu tukverah an mahni class theuh atang an rawn dak sup sup leh nghal naupang pawh ni mahse ka zak tho tho "khumi te khu in hmu em?" Ka ni in kan lam rawn kawk chunga atih chuan naupangho chuan "aw" an lo ti dual a "an ni ang khuan in couple goals ve reng reng loh tur, anih loh chuan double khik in dawng ani mai" ka ni in atih chuan naupangho an nui dar dar mai.













Atawi ti chu ka hnek ang cheu word 5000 (sang nga) achuang daih daih ania aw





Kan la romantic hleithei thlawt lo ani e changtute hi romantic ve tawh se in duh em?





Hemi story hi akal muang in ti em, keipawn ka ti mahse lo chhiar tang tang ru aw, story dang ka ziah anga kal duak duak tir tur ang chi kha ani lova, tlem a awmze nei deuh hlek a ziah tur a ka duan ve kha ania


Show post links
Top

[Ngaia]

By_Mampuii pautu









Ka ta chauh ni rawh









Chapter-10








Ka pi te pawh nimin lamah aizawl lamah an zin chho tawh a, ka ni nen chauh kan ni bawk nen ka pi te awm lo chu inchhung pawh a reh ruih mai, ka ni leh ka pi in hau thawm hriat tur a awm lova, a reh vawng vawng mai tlai lam ani a eirawng bawlin thuk bulah chuan ka thu ran a, ka ni leh utawia pawh sitting room lamah an inkawm bawk an nui ri leh hak hak thin a, ka ni hian ngaihzawng neih chu nuam alo ti ber mai awm e, keiin ka phone ah hla ka ngaithla pah bawk zanin inkhawm zan anih vangin utawia leh uvaltea te chaw ei turin kan sawm phei a, uvaltea erawh alo la thleng lo thung tunlai chu christiana nen pawh phone atang kan inbe zeuh zeuh thin a, a nun dan ngaiin ala nung reng a engmah danglam a awm lem lo, inkhawm hun anih apiang hian inkhawm turin ka sawm ve ngei ngei thin, pathian thu han hrilh luam dan ka thiam silova, ka thiam ang tawk tawk chuan han hrilh ve thin mah ila, amah christiana ber hian a dawnsawn dan ala thiam chiah lo thin a, in tih tauh khum lawp lawp pawh kan ching viau mai.




















Khua chu a dur deuh khui mai a, fur a in tan leh chho tawh dawn a, la fur chiah lo mahse ruah erawhin sur zeuh zeuh chang chu anei ve, ka ni chu choka lamah rawn pheiin "vulchukchuk, ruah hi a sur dawn amawn le thawmhnaw pho ho saw ka seng mai dawn mi?" Ka ni chuan arawn ti a tukverah dak chhuakin ka hawi kual vel a, khua chu a dur deuh khui mai tiang chuan zan inkhawm avan buaithlak dawn ve aw, kawng achiau leh pur dawn anih hi "imm duh leh lo va seng daih la, hei ka bawl zo ani mai uvaltea kha utawian lo call bawk se, rawn phei tawh rawh se" ka ti nghal mawlh mawlh a, ka ni pawh chu hmanhmawh hmel zetin choka atang a chhuak leh nghal a, chawhmeh thing rin tur kan la neih nual avangin chawhmeh ka siam vak lem lo.Ka ni thawmhnaw seng zo arawn luh rual chuan ruah pawh chu a sur nghal seng seng, tam tak a sur lova a tla ser ser ang khan a awm, ka bawl zawh tawh vangin keipawh chu choka atang ka chhuak phei ve nghal ka ni in thawmhnaw ro leh ro lo chu alo thliar mek bawk.





















Thutthlengah chuan thuve nghalin ka ni chu ka pui nghal a, "utawi, uvaltea chu alo phei dawn em?Ei hma daih ila" ka ti nghal zat a, "aw arawn thleng phei tep ang ruah chu aw sur tam lo se atha mawle, zanin phei chu inkhawm ban lamah thalai inhmuh khawm a, thurel ho tur a awm a karleh lama chaw nghei tawngtai vel chung changah pawh" alo ti nghal mawlh mawlh a, utawia te hi chu an fel ve thlawt alawm darlak khua tlangvak ro ro ah chuan, "ka ni chu chaw nghei tawngtai ah tiffin pai a tum a sin" nui vur vur a ka tih chuan ka ni chuan min melh nghal khui khui a utawia alo nui hawk "kan neihvawki hi chu a dangdai thei ania aw" utawia chuan nuihzat hmel zet hian alo tih zawm a, ka ni in athawmhnaw thleh lai chuan utawia chu a vawm tawk mai "tunge mahni bialnu te khatianga au tut tut ngai mawl lutuk" ka ni chuan ati hlak hlak a.






















"Anih engtia koh nge i duh?Ka duat, ka bawihsuk, babe, eng ber nge i duh thlang rawh" utawia bawk chuan ati leh a, ka ni chuan eiloh hmel zet hian alo ner sawk sawk mai "i tenawm hlek hluak e, a double in i tenawm" ka ni chuan ngei hmel zet hian ati a, athawmhnaw thleh fel lai pawh chu a rilru ah a dah thei tawh meuh lo "ehe khawnge a awm a, ka hmulo reng reng" ding hluai in ka ni chuan a ti deuh hlawlh a, thutthleng hnuai chu a bih leh zuk thin "ni eng nge i zawn a?" Ka lo ti he haw a, ka ni chu rawn in siam tha in a kawng adawm a athaw deuh hluai leh nghal chutah keimah chu min rawn en lehin "vulchukchuk...khawnge ka mawng hi a awm a?" Arawn ti chhuak phawng angaihna ka hrelo lutuk chu ka ni chuan min melh kar tawh "eng nge maw i sawi le, i mawng te chu kha a awm reng kha" ka lo tive nang nang a "hemi ka mawng lo zawk hi pakhat zawk kha mawle, ka su fai a ka pho in ka hre sia" ka ni chuan ati leh hluai a, ka seng sak tawh tak e "ka seng daih tawh lawm khumah ka dah" ka lo ti tha ve mai bawk a, room lamah chuan luh phei pahin "huiham mawng thar ka neih atang hian ka hringnun hi a buai vek" ka ni chuan ati deuh lang lang a, a sawi dik chiah reng bawk mawng buaiin a buai ani ringawt.

























Utawia lam chu hawiin ka nui chhuak hawk "i bialnu hi a sial bik tiraw?Mawng suk theih chi te anei thlap ania aw" nui vak vak pah chuan ka ti a, utawia lah pui chu zat loh hmel zet hian alo nui ve bawk a, uvaltea pawh a rawn lut deuh hlawlh a ruah a sur tam vak lova a huh em em lo, inchhungah chuan arawn in thing vak a, ka ni pindan atanga lo chhuak chuan arawn hmu hman ni ngei tur ani "pawnah khan in thing ve mai te che, ka khik double dawn che mawn le" ka ni chuan a ti vin hlarh a, "min lo en liam ve mai mai rawh neihvawk" uvaltea lah chuan ahlau lo nasa mai sia, "ni i mawng chu i hmu em?Khumah ka dah ka tih kha" ka ni en phei zawk pah chuan ka ti a "ava ropui em, mawng in sawn thei nei te kan awm a, mawng suk theih nei te kan awm bawk a " tihpahin uvaltea chu alo nui hawk hawk anih chu, ka ni huat tawk a tling leh viau an in hnial zawm chu ani der mai, ka phone arik vangin pindan lamah ka luhsan ta rih a , tun ang ah christianan alo call chu mak ka ti rilru hle bawk.



























"Hello" ka tih rual chuan, "chukchuk, khawvel hi tinge alo awm kher le" rilru nat hmel zet hian arawn ti a, angaihna ka hrelo viau a aw ah lah chuan a chauh hmel em em leh nghal, ka rilru ati buai leh vek tawh "christian khawnge i awm a?" Ka ti nghal vat hepa pui hi a dam lo leh tawh amawn le "khawvel hi tlansan ka tum a, mahse ka thei miah lo mawle khawvelah tho ka la awm zel" za lo zeta nui chung hian arawn ti a , a rilru nat avanga a aw ri chuan ka chhungril chu ati na ve vawng vawng thei, amah tluk zetin ka lo na ve ngawih ngawih "ilo lan hma khan, thih ka hlau ngai miah lo" tiin a chawl leh dat, hepa hi ka rilru ati hah tak zet tawh, tunah ruah a sur ser ser a khua athim tep tawh leh nghal khawiah chuan nge a awm ni "mahse nang ilo lang a, nangmah vangin thih ka chakna kha zawi zawiin a bo zel a, hnaih che ka chak thin mahse hnaih che ka duh chuang lo, kei ang mi mai mai tan chuan nang chu i sang lutuk, hmeichhe rilru tha tak i ni a tupawn an ngaina bawk che, kei ang mipa mai mai hi min zui kual tur in ka duh tawh lo che" arawn ti leh sup sup a, atawng zawi viau a chu, ka hre pha vek tho.




























"Christian i thusawi te kha a awmzia ka hrelo ania, khawiah nge i awm sawi teh" dawhthei tawh lo zet chuan ka ti leh halh, lehlam ami erawh luhlul zetin angawi tlat a, "ti hian mahni a awm rih ka duh, ngaihtuah ka ngailo i aw ka hre chak mai mai a, ka lo call che" arawn ti leh ringawt a , hepa hi a mumal hlawlh lo ni berin ka hria "i awmna chu sawi ve hrim hrim la" ka ti leh halh, aluhlul lutuk hi a buaithlak kei lah ka luhlul ve tho bawk nen, a awmna ka hriat hma chu ka rilru anuam leh dawn chuang lo nui ri hawk hian "khawvel hi ka tlanbo san dawn ka tih kha" rawn ti leh supin call a cut daih, ka phone chu khumah ka theh thla nghal a, rilru buai ru zet chuan room chhungah chuan ka tei kual chhen bawk, pawn lamah ka ni te ho lah chu an bengchheng phian a, puitling than kin vek tawh awmkhawm an nia, an la au lung lung ziah mai a, naupangchhia an ang zawk mah.




























Hre chhuak thutin, ka phone chu rang zetin ka la kang leh a kimtei number ah chuan ka dial nghal zat ala har phian zui, hman ni a, kan thil in hrilh avang khan kimtei hian min biak pawh hian min zah deuh tut tawh hian ka hre tlat pek a, ahma ang in ka lakah a ri phawng phawng tawh lova, atawngkam hman pawh a fimkhur hmel thei viau, mahse hetia a awm hian nuam ka ti lo thung ahma ang khan ri leh phawng phawng se, min fiam leh bawrh bawrh mahse pawi ka tilo zawk, ka pawi a sawi loh phawt chuan atha vek ani mai, phone chu vawihnih ka call hnuah arawn chhang ve hram a "vulchuk, ka phone ka lo silent daih a, eng nge ni ta" arawn ti zang vah a, ruah pawh abang leh tawh a tawng in hriat ahar lem lo "kimte christiana hi inah a awm mial em?" Zah pawh dawn lo chuan ka zawt ta tawp a , kimtei chuan min chhang mai lo a ngawi vung vung a mak ka ti zawk "kimte ila awm em?" Ka tih chuan lehlam ami chu a ri rawk rawk a "aw ka la awm, englo ania ka nu nen tlaiah khan an in hau a ka pa in ka û kha a beng a, athinrim a chhuak daih a " hreawm tih hmel zet hian a rawn ti a.

























"Maw...i pa in christiana abeng maw?" Ka lo ti deuh hu mai amak em alawm, nu masiami zawkin beng se chuan mak ka ti miah lovang, mahse pa dailova ber kherin a beng chu mak ka ti "imm...ka nu kha a chhang let char char a, hmanni chhun a, an in hauh dan vel ang chiah khan ani mai, an in hau leh a ka pa thin thawk thut khan a beng alawm, vulchukchuk kei chu hreawm ka ti telh telh, nangman a i thusawi vel atang phei kha chuan, ka û hi ka chik telh telh a, anun hlim loh zia hi ka hre telh telhin ka hria a, kan inchhung lah a hma aiin a boruak hi a hreawm zawk, kei lahin tih theih vak ka nei bik silova, an in hau lo en tawp mai loh chu ka tan chuan tih ngaihna a awm lo" arawn ti sup sup a kimtei chu ka khawngaih ang reng viau, tunah pawh hreawm a ti ania thudik tak hi hre phei se chuan engtin nge a awm ang le, ka khawngaih lutuk ringawt, "ka û chu khawnge a awm ang le, alo bia che em?" Arawn tih leh chuan "imm bia...mahse a awmna a sawi suh silova lo lungngai suh aw a awmna chu ka hrethei mai ang" ka thiam ang tawk chuan ka hnem ve bawk a.



























Call kan dah hnu chuan, christiana awm na ang tur ka ngaihtuah ngial pawn ka hre thei lo an thiante nen khawiah nge an awm khawm thin ka hre bawk silo, ka ni in min rawn koh takah chuan rilru khingbai zetin ka chhuak phei ta nge nge a, chaw ei an lo rawt tawh a ka ni chuan alo siam mek a ka pui ve vat "ni zanin chu ka rawn in khawm ve lo mai ang aw" ka tih chuan ka ni chuan min rawn en vat "eng nga ti maw christiana vang bawk em ni?" Lawm hmel vak lo hian ati a, ka in thlahrung ru ang reng viau mai "nilo e, ka phur lo ve hrim hrim khua anuam bawk silova" ka ti nang nang a nuam ka ti bik lo mahse bul ka tan tawh a ka tawp thei tawh lo, atawp thleng rakin ka bei dawn "min hrilh tha mai mai teh, ka lakah zep khan awmzia a nei lo, in inbiak lai kha ka hrereng alawm" ka ni in a tih leh chuan ka hnual nghal vek "ka dang lo ang che ka tih tawh kha, keipawn a zawng zawngin hrevek lo mah ila, christiana hi ka khawngaih a hlim se ka duh a , a sual na atang hian chhuak thei se ka ti bawk chuvangin tang hle ang che" ka rin loh lutuka ka ni in a tih chuan mak ka ti bawk si, ka hlim bawk si ka ni chu ka nuih var var.



























Ni e christiana nen hian in hau reng mahse, an in ngaina dun ve hle a ka ni hian ti hian christiana hi ka bulah han sawi chiam thin mahse a thinlung tak takin ahaw lo tih ka hria, an in ngam tlak bawk a inchhaih thinrim lah an hrat, chaw ei kan siam zawh chuan utawia te pawn an rawn kil nghal a, ka pi te nen a, kan chaw ei ho kan bengchhen theih nen tunah ve lem kan ngawi thap, mipa te hi chuan sawi tur hi an hrevak lo ve em ani "takah zomuani saw inkhawm turin sawm phei ve ang u aw" uvaltea chuan arawn ti deuh hlawlh a kan lo en thap "eng nge sawi sual ka nei ami?" Uvaltea lah chuan alo ti pawr hlarh "chaw ei na hmaah ti khan ring deuhin tawng suh atenawm" ka ni chuan alo tive ngei uvaltea lah chuan eng ngahmah angaih loh hmel nasa mai sia "i sawi takah chuan sawm ve ila atha phian ang chu" utawian alo tive bawk a "ni e kan sawm dawn nia, a rai avang hian a in thlahrung deuh nge ni a inkhawm ngai lo reng reng, ahma in kohhrana in hmang nasa ngang kha ania, a rai avang ringawt hian kan hmusit tur ani bik lo ania, a duh vang renga rai ani bik lo a" uvaltea chuan alo ti ve leh bawk a.
































"Nia...keichu ka ngaihtuah chiang a, zomuani te saw ahuaisen ka ti asin, ti sawn pasal nei miah lo in nau apai a mite sawi dan tur leh amualpho dan tur hrevek chung khan a pai lui a, hmeichhe tamtak chuan an thei kher lovang an nawmsakna tur leh an nulat na, a dal hlauh vanga nau ti tla hi an tam tawh a, an mualpho hlauh lutuk vanga ti tla pawh an awm nual, sawn pai hi a zahthlak na meuh mai mahse paitlang thei tu erawh nu huaisen tak ani ngei ang, tunlai ah chuan sex hman mai te hi naupangte te in ngaizawngte pawh hian an harsat tawh lova, sex hman apianga rai nghal zel tur ni tase, khawvelah hmeichhe rai lo hi kan tlem viau ang , then khat lahin rai lohna an ei bawk a an rai loh avanga nula mai mai pawh hi kan khua ah hian an tam lutuk chuvangin tumah sawi sel thei leh sawi chhe thei pawh kan ni bik lo" ka ni chuan ati ve siam siam a kan lo ngaithla uluk hlawm bawk a ka ni sawi chu a dik viau mai nula tam tak rai loh avanga nula ang a awm mai mai hi an tam dawn lutuk.



























"I thusawi dan vel kha, rai i tum deuh ami nang ni hi" tih pahin uvaltea chuan ka ni leh utawia amelh tawn chhen a ka ni in a lu ah fianin a khawng chawrh "ana e...lalneihpui kut hi mi thlak ziah suh" uvaltea chuan na tih hmel zet hian ati a "i ngaihtuahna hmul leh bal zet te kha paih bo hmak ang che" ka ni chuan ati hlak hlak a "eng nge ka ngaihtuah pawh i hria mi?" Uvaltea chuan ati deuh nang nang a "aw hria i hur lutuk aw lalvalte" ka ni in a tih chuan utawia nen kan lo nui hawk hawk a, "i ngaihtuahna anih kha tenawm zawk chu, hurna lam pang ka ngaihtuah hlawlh lo" uvaltea chuan lawm lo zet hian ati leh a, ka ni sawi tur hre tawh lo lutuk chuan uvaltea chu amelh deuh khai khai tawh, keini chaw ei ve hi kan in hau puar vek dawn anih hi.Uvaltea leh ka ni phei hi chu an thil ngaihtuah amak thei sia, mak deuh deuh mahse in ang lo deuh deuh hi an ngaihtuah thin a an han sawichhuah lah hian, an inhmeh bel dun ve ziah a, an dan pakhat hi ani tawp.


























"Valte, zomuani chu rim tawp mai chi" utawia chuan alo ti fiam zuia, "nangpawh chuh" uvaltea chuan ati leh hluk a "aho e, thlawi law law chhai a fair an tih kha valte lungngai suh, zomuani nen chuan inla ni em em ang" ka ni lah chuan alo tive bawk a, utawia leh ka ni in an hmehbel ta tlat sia uvaltea pawn sawi tur ahre tawh lo aniang tum bur burin chaw a ei tawh.Chaw eikham hnu chuan uvaltea leh utawia te an haw phei nghal a, ka ni pawh room lamah a in siam mek a kei ka inkhawm dawn lo bawk a thleng ka sil mek bawk christiana ringawt ka rilru ah a awm a, ka rilru anuam theilo khawiah nge a awm ang, khawiah emaw damlo in emaw lo awm leh reng ta se, ama thu in damdawi lah a ei dawn der silo ka awm hmunah tih theih nei silo in ka rilru alo hah ve em em ringawt.Thleng ka sil zawh chuan ka phone chu ka hmet eng vat, pa biaka call ka tum zet na in a awm lo tih ka hre chhuak leh nimin lamah mamit ah a zin a alo la haw lo tak alawm, a nu leh pa ten a duh lo chung an zin luih tir an tih tak kha mawle.


































Duata ka call a, reilo te ah alo chhang vat "vulchuk, eng nge nita min ngai em ni?" Arawn ti fiamthu nghal ringawt a, hemi te ho thawveng leh lutuk hi chu a, "duata christiana te nen in awm ho mial em le?" Ka ti chhuak sep a "awmho nang ani te chu nichin pawn an lo kal a, abialnu nuthlawi vengthar lam ami latei nen khan an rawn kal zuai a, hmun dangah an in dawn niang beer can 5 lai an rawn la a, an kal leh nghal daih alawm" duatan arawn tih chuan sawi mai tur pawh ka hrelo, ka lo ngaihtuah em em a, a bialnu nen an awm reng sia ka zak ru chem chem mai, engvangin nge abialnu pawh ka ni lova ka ngaihsak chiam le, ngaihsak dan tawk ka thiam angai anih hi, tlem a tlem a ka in ti mualpho lo chauh zawk anih hi "vulchukchuk ila awm em? Leh lam atanga duatan arawn tih chuan ka harh chhuak zawk " aw ka la awm e, anih christiana athat chuan alawmawm anih chu ka dah phawt dawn ania" tih pahin phone chu ka dah zui daih a, thutthlengah chuan ka thu thla dat, ngaihtuah tur ber tunah rih chuan ka hre rih lo biak loh tawp chi ani lova, mahse christiana hi a luhlul ngawih ngawih hetiang em em a mipa luhlul hi ka hre ngailo a ruihhlo tih hi sim duh lo ang in awm eng ang mahse a mitmeng ah hian a nun hi a hne zia leh hreawm a tih zia chu kei aia hrechiang hi an awm kher lovang.

































Ka pum chu arawn na riai riai a, eng ah mah ngai lem lo chuan phone ka en zui mai a, ka ni pawh insiam zo tawh in a rawn chhuak tawh a, utawia te ala nghak dawn ani ngei ang thutthlengah chuan arawn thu ve a, ka pum rawn na telh telh chu ka dawm leh vang vang thin "vulchukchuk i tha em?I pum ana mi?" Ka ni in arawn tih chuan kâ pawn chhang lo in lu ka bu nghauh nghauh a "va ê rawh, a dam hmak mai ang" ka ni in alo tih chuan, mi nat lai laiin thei leh thei lo chuan ka ni chu ka melh vak a "ek hi pumna damdawi ani lo aw" ka lo ti let vat, ka ni pawh chu anui leh uar uar tawh ka pum na ta lutuk chu a hreawm zawk, ka thlan chu ka bek atang arawn luang thla ngiai ngiai a "ehe vulchukchuk ana tawh viau ami?Awi engtin nge ka tih dawn lo nghak lawk aw, damdawi kan en lawk ang" tih leh ka ni chu choka lamah a phei nghal a, choka fridge chungah damdawi bawm hi kan dah mai thin a,ka ni lah chu a che ri rawk rawk mai kei mah ai pawn a chiai zawk, ka pum lah chu ngati nge mawni ana em em lutuk tlat tiang em em hian ana ngailo ka mittui pawh a tling pam thei ka ni chu tui keng hian arawn phei leh a "kha le heihi ei rawh le" tih pahin damdawi chu min pe a, eng damdawi ber nge pawh ka hrelo, ka lo hmawm nghal hmiah.



































Ka ni chuan ka thlan luang vel chu min lo hrukfai sak zel a "ka van khawngaih tak che , ana viau ami hawh i dul kha ka lo zut sak ang che" ka ni chuan min khawngaih hmel zet hian ati a, ka nat hi chuan ka ni hian keimah ang tluk zet hian hreawm alo ti thin ka na tuar hi an hmu theilo reng reng thutthlengah chuan ka mu ta tawp ka kawr chu ka ni in a rawn hlim chho deuh a, ka dul chu a zut hliau hliau mai "ka inkhawm lo mai ang aw, tiang chuan ka rilru anuam dawn chuang lo" ka ni chuan ati chhuak sep a "angailo, inkhawm rawh damdawi ka ei tawh kha a zia mai ang" ka lo ti chhuak sep a, tawng pawh ka tawng peih meuh lo "hmanni ah pawh i pum hi ana tawh tiraw kha?" Ka ni in atih chuan "imm" tih te mai hian ka lo chhang a, hmanni pawh khan ka pum hi arawn na vak tawh ka pi te ka hrilh duh lova mahse ka ni in alo hre leh tho kha mi tum pawh khan amah tho in min buaipui pumna hi ka nei vak ngailo, mahse ka pum ahan na ve tak tak mai chu hreawm tak ani, nula puitling ve meuh ni tawh mah ila mittui a parawl kuang thei."Tiang chuan ngaihthah chi ani lo ka nu te zin lo haw veleh mamit lamah in entir turin chho ila atha ang" ka ni chu mah ni leh mahni a inbia a ang zawk mah.

























Utawia leh uvaltea te an lo lut a, "neihi kal ila kan tlai tep tawh" utawia chuan arawn ti nghal zat a ka mu bam mai min hmuh chuan an rawn phei rang nasa "ehe vulchukchuki chu a damlo ami a ?" Uvaltea chuan arawn ti a "nia hei a pum arawn na thut mawle" ka ni chuan alo tive mai bawk "eng nge maw ei sual anei ani lo maw kan chawhmeh ah te khan huat deuh anei amawn le" uvaltea bawk chuan ati leh a "ei sual anei lo, damdawi ka ei tir tawh a a zia mai ang, min kalsan mai ru keipawh zanin chu ka inkhawm lo mai ang min hrethiam mai ru" ka ni in atih chuan , inkhawm se ka ti lutuk mahse ka hnial peih ngang lo ka tawng peih lo ani zawk mah "ni e, pi raja-i te an awm silova vulchukchuki chu amah chauhin kalsan lo mai rawh, hei khua a dur deuh bawk si, ruahte pawh a sur leh ang inah lo awm mai rawh u" utawia chuan ati sup sup a "anih kan kal nghal mai ang" utawia bawk chuan ati leh "awle banah thingpui lo in kawi ula aw" ka ni chuan ati lang lang a.




































"Vulchukchuk i zia deuh tawh em?" Ka ni in arawn tih chuan ka lu ka bu zeuh nichin ai chuan a zia viau tawh "nang hi ka ngaih atha tawh miah lo tak tak ania, ka nu te an lo haw veleh mamitah kan kal dawn nia" ka ni chuan ati leh a, a ngaih angam lo tak tak ani ngei ang ka pumna pawh a zia ve tawh viau ka ni chu ka bulah thu in ka pum ala zut hliau hliau a, zawi te te in kan ti ti pah melh melh bawk ka phone massege arik chuan ka en vat ka pa hnen atang ni in thlalak hi arawn thawn nual a , a thiante nupa nen a an thlalak ho kha alo thawn tak tak a, ka pi te nen a an thlalak pawh alo thawn tel ka nui hak a ka ni chuan min en rang nasa "eng nge i nuih bik a?" Ka ni chuan ka phone rawn bih pah hian ati a "hei ka pa in thlalak alo thawn a, athiante nupa thlalak leh ka pi te ho" tihpahin ka ni chu ka phone ka pe nghal a, lo ban vatin chiang zet hian thlalak chu a en hlawm a "ehe...ka û thiante nupa hi ka hmuh hnu an van ang em em khawiah nge ka hmuh tawh ang aw" tiin ka ni chuan angaihtuah zawm ani ngei ang ka phone chu ka laksak a "ila hmulo ang mizoramah an awm ngailo, mumbai lam mi an nia hetah mizoramah rawn in bengbel an tum tan chauh alawm" ka lo ti ve mawlh mawlh "shiii...mahse ka hmuh hnu an ang tawp" ti leh nang nangin ka ni chu a tho zui a, in thlak turin room lamah a lut phei leh.































'In mawiin hmuh in nuam hlawm e' tih hi ka pa chu ka va thawn a, ka phone chu hmet thim zuiin ka mit ka chhing nghal zat, ka ni chu room atanga arawn chhuak leh chuan "vulchukchuk i tha deuh tawh em?" Arawn ti nghal zat ka that deuh tawh thu chuan ka lo chhang a , choka lamah a phei a ava che ri rawk rawk ahnu deuhah arawn phei leh "awiha lalvulchuk" ka ni chuan arawn ti deuh hluai a "eng nge ni, thlahrang i hmu mi?" Ka lo ti ve hluai mak chawng chawng thei lutuk ka pumna pawh a zia ve deuh tawh bawk a ka thu chhuak a, "hei enteh ka damdawi ei tir che kha, keima damdawi zawk alawm chhulchakna anih hi" atih chuan ka meng phawk chiang viau, a damdawi kawr ken chu ka ban vuta , ka en chiang nghal vat chhulchakna chu alo ni tak tak a "i zia tho bawk sia nanghi i chhul a chak lo zawk te hi ani lo maw?" Ka ni chuan ati leh hluai a, a meng phawk mai sia min ti buai zo vek "chhul chak loh vangin pum ana thei ami?Awi awm loh lutuk ka pum alawm na" ka lo ti nang nang a ka ni chuan nui uar uar pah hian "anih tikhan i rinna i dampui ang ah ngai tawh mai ang, ka hmanhmawh nen khan ka damdawi pek che kha ka lo enchiang lo deuh anih kha" nui pah reng hian ati a, "ka ni chu iti awm lo thei e, ka pum ana a, chhulchakna min ei tir daih a" lawmlo zet chuan ka ti leh a "a thawh thawhna ah thawh tir mai rawh" tih lehin amah lah chu anui a za mai sia.
































Inkhawm tan hun ani tawh a, biakin zai ri pawh hriat tur a awm tawh lo, kan in bul maiah chuan mipa au thawm arawn awm thut, ka ni nen kan in en vat a an in sual ani ngei ang, kan awmna lai vel hi chu a reh ka tih tawh kha thenawm kan nei tam lova, insual pawh nise tuman an rawn hre tam kher lovang, "christian duh tawk rawh, kan thusawi a zawm loh chuan a lehpekah chuan tun ai hian ana tawh ang" duata aw ngei hian ati a, inthurual ang hrimin ka ni nen chuan kan tho thut a, pawn lamah kan tlan chhuak nghal "tute nge in sual cheu kha" ka ni chuan ava ti nghal hlak hlak a tlangkawng bulah chuan christiana leh a thiante ho an lo awm bakah midang tlem an awm bawk ka ni chu ava phei nghal a ka zui ve vat, engtin nge tah hian an rawn in sual theih christiana lah a leng daih sia, hepa hi chu a tam ve ngawt mai a mah ringawt pawh hi panga ang vel ani, ka va thlen phei chuan ka ni chuan alo hau mawlh mawlh hlawm tawh a, tuman an chhang let lem lova, christiana hmel ka en chu a mit alo duk churh a, akam sirah pawh thi a kai bakah ahmai vel chu pem neuh neuh a awm nual.






























"Ehe....uropui eng nge itih ve a, tinge i hmai te chu?" Mak ti zet hian ka ti a, uropuia ber kher helai hmun a, a awm chu amak em ani christiana ka en leh chu alo kun ngul tawh "hemi te thianho hi mawle, in in a rawn len ka tum a min lo chang a, min lo khawih rawn nghal mawlh mawlh a" uropuia chuan ati a, ani pawh a hmai vel chu a duk thleh thluah a, na atih hmel ngang mai "eng pawh nise, ropuia pawh i inkhawm lo mi?Christiana te hian an khawih che anih chuan chhan a awm hrim hrim ang, christiana te thianho hi ka hrechiang ve tawk a, mi in an tih buai loh chuan tumah an ti buai hmasa ngailo" ka ni chuan alo ti hlak hlak a uropuia pawh a ngawireng christiana chu rawn kal hnai lehin uropuia kawr awmah chuan arawn tham leh a "tun chiah hi chance ka pe tawh ang che, ka thu awi lova, ilo ti leh anih chuan i nasa lo khawp ang" christiana chuan ati chang hrawk ka ni chuan christiana alo pawt hrang vat a "atawk buaina azo...haw darh rawh u, nangni christian lo lut lawk rawh u, ropui naktukah kan in hmu dawn nia" ka ni chuan ti in inlam chu a pan nghal nal nal a, midang tlem awmve ho pawh an kal darh sang sang mai.


























Duata leh nunhlua te pawh kan inlamah an phei tawh a, christiana nen chuan kan la ding reng "chiang deuhin han sawi teh ngati maw uropuia chu in sual rawn a?" Ka kut kuangkuah pah chuan ka ti a "aphu tawk anih kha" alo ti liam puat ka lu ka thing nang nang a, "kha i hmai lah kha a duk churh a, a pem thleh thluah mai lo kal rawh damdawi hnawih ang" tih pahin a banah chuan ka kaia inlam ka pan pui nghal, han ngei viau thin mah ila hetia ahmel ka hmuh hian ka khawngaih leh thin a chanchin engkim min hrilh hnu phei kha chuan ka ngaihtuah lo thei lo, inchhung kan lut chu ka ni chuan duata leh nunhlua chu alo zilh mawlh mawlh a thutthlengah an thu a, ka ni chu an hma takah a ding bawk, kan lut min hmuh chuan duata leh hlua chuan min lo nuih vur vur a, ka ni in an lu ah a kuk nghal fawk "thutha ka sawi laiin eng nge inlo nuih vur vur" ka ni chuan ati hlak hlak a, an tum dun bar mai ka ni chuan kan lam lo hawiin "nangpa pawh kha rawn phei teh, naupang te te in ka in sual e hi intia in hmel lah hi hmuh tlak awm reng reng lo, nitin pem in nei ngei ngei " ka ni chuan christiana en chung chuan alo ti leh nghal zat a, christiana aner nasa mai.
























Christiana hmai velah chuan damdawi ka hnawih sak a, hlua leh duata erawh an hmai ah pem tih vel a awm ve lo thung, "nangpa hi christiana te nen kan awmho lo iti bawk si, tunah lah kha uropuia in rawn sual rawn leh bawk a, eng nge awmzia?" Chik zeta melh pah chuan ka ti a duata chu ameng buai nasa christiana ava melh zawk zawk a christiana lah chu ngeng zet hian athu luah a, ahmel nen zawng zawng bia ila chuan min hnek thlu nghal tawp duh hmel apu.Ka ni in choka lamah thingpui a lum mek a christiana zawk chu ka melh leh "eng nge in in sual chhan tal chu sawi ula, helaiah daih in rawn in sual zui kan veng hi mi an tam vak lova in vannei khawchhungah te khan inlo in sual ringawt ange, amawilo ania" ka ti ve mawlh mawlh a christiana chuan min en vung vung hnuah "ka angel ka veng" nui suk hian ati a, duata leh hlua te an lo khuh lui vak vak bawk, eng nge maw an hriat reuh ni "darlak khua ah hian fimkhur hle ang che chukchuk" thu tak zet hian ati leh ang lawi a , athusawi hi hriatthiam ahar thin ka tih tawh kha christiana phone chu a ri ral ral a, a kekawr ipte atang a phawrh chhuak vat a pick hnuah a ngaithla zui a, lehlam ami chuan eng tak rawn sawi ang maw, a in sehruh nghal tawlh tawlh mai.




























Phone adah hnu chuan aphun hluk a, tho zui nghal in "duata..hlua...kan kal nghal angai " amit meng chuan engtin emaw a signal pah a mahse ka hrethiam ve lo, ahmel lan danah erawh thil tha tak an ti lo tawp ang "khawiah nge in kal leh dawn haw tawh zawk rawh u" ka lo ti vat, an in sual leh ang tih ka hlau christiana chu ka bulah chuan rawn thu thla lehin mitmeng sen ram hian min en a, ahnar a khawih leh zeuh bawk "kan tha buaina a awm tawh dawn lo, inti hlim turin kan kal dawn alawm, ka haw hunah ka lo bia ang che" ti supin ka chalah a fawp zeuh a , achhuak zui nal nal ka hamhaih lutuk chu ka thu ngawi reng tunah khan christiana khan ka chalah min fawp mawle, ka biang lah chu a sa hat hat leh nghal ka ni chu choka atang arawn chhuak a thingpui arawn chawi phei bawk "khawnge an awm vek a?" Arawn ti deuh hu a , an kal tawh thu ka lo hrilh vat "kan mimawla te ho chu aw, thingpui ka lum vek tawh sin le, an lo kal leh hunah thingpui dai tawk ka in tir khawp ang" ka ni chuan lawm lo zet hian ati a, kei erawhin christiana te chhuak kha ka lo ngaihtuah zawm daih, buaina a awm tawh em lovang chu maw.


























Thil tha tak ti tur chuan an kal dawn lo tih ka hria, ka rilru nawm nan a sawi ve mai mai anih kha, inkhawm an bang tep tawh si a, buaina an neih loh ka beisei ka ni chu ka bulah chuan arawn thu ve a "ni tinge christiana te ho khan uropuia kha an khawih rawn le tiraw?" Ka lo ti vat a " ka hrelo le mahse chhan tha tak a awm chu ka ring, christiana te hi in sual hrat viau mahse tumah an ti buai hmasa ngailo ruihhlo duhin khawtlang tan hnawksak ve thin mahse, an sual lova an rilru achhe lo bawk an sualna ber chu an ruihhlo khawih ve hi ani mai" ka ni chuan ati siam siam a "mahse uropuia ber kher amak e, ani kohhran lamah pawh in hmang em em ania engtin nge atih buai ang le" ka la ti talh mak ka ti ve em alawm christiana te leh uropuia te hi an inkawm awm ka hre ngailova, an in biak lai pawh ka hre ngailo "mi te hi hetia an pawn lam lan dan ang ngawt hi an nilo ania, kohhran leh khawtlanga in hmang tak tak mahse a ruka zu in hrat deuh deuh mai kan khuaah hian an tam lutuk" ka ni chuan ati mawlh mawlh a, chu kher chu keipawn ka awi a ruka in thup hi chu khawtinah hian an awm vek.
































"Yma ho lah hi maw, ti hian khawtlang tan an inti tangkai em em a, khawtlang tan mai bakah thalai te tan pawn an tangkai lutuk tho a, mahse kan yma hruai tute ah pawh hian a ruka zu in thin an tam mai, mi zu zuarho ka check e, an zu kan man sak e hi an tia, mi fel ber awm zia zangin an han man sak a, arukin an in leh tho, yma day day te hi an tia kum tin an hmang a, zu ruih leh buaina siam an phal lova hruai tute ho an han inla khirh vel a, yma day zan lamah chuan an zurui an lam ve suau suau ziah kan hruai tu te ah hian ka hre hnem mai inla yma tawkin an han awm a, an in leh tho sia yma hming hi an ti chhia, yma day te hi a ho zo vek hian ka hre thin a heivang hi lawm yma ah pawh hian ka in hman peih loh" ka ni chuan ati leh hlak hlak a ka ni sawi chu uluk zetin ka ngaithla a, dik ka ti viau mai yma lama ka in hman vak loh avang hian tiang lam hi ka hre tlem khawp mai a, mahse ka ni in a sawi takah chuan a dik viau in ka hria, ka phone a rik vangin pin dan lamah ka lut ta daih a lo call tu ka en chuan kimtei hnen atang "hello" ka tih rual chuan "vulchukchuk ka û kha i be thei ta em?" Arawn ti nghal phawng a "aw kan inhmu nichin deuh lawk khan an chhuak chiah" ka lo ti tha ve mai bawk a uropuia kha kimtei hian a star ve sia an khawih rawn tih hi ahria ngem le.


























"Nichin a an insual vel kha ihre ve em?" Arawn ti ta reng ka lo ngaihtuah lai tak in "aw hria e" ka lo ti awlsam et a "anuam lo tak tak ani, kan lo hre miah lova pa zawna khan ka pa arawn phone a, arawn hrilh a ka hreve chauh uropuia chungah ka inthlahrung tawp" hreawm tih hmel zet hian arawn ti a "uropuia chu i duh viau ami?" Ka lo ti let thung "imm...duh lutuk amah hian min duh em chu ka hrelo mahse, kei chuan ka duh lutuk" arawn ti leh a "mahse maw kimte engmah hrechiang lo in, christiana thiam loh chan tir nghal ringawt loh tur aw, uropuia pawh chu a, nia a zia lo tak tak " ka ti leh luam a "nang hi...ka û hi i duh tan ani lo maw?" Tih pahin anui hak hak min rawn fiam leh tawh keipawh ka nui tho "teuhlo...ka duh lo telh telh zawk" ka tih chuan anuih aza zual sauh "anih dah phawt ang naktuk lamah uropuia te inah pawh chuan ka va kal ange, ka pa te kal an tum tho a ka zui ve ang" arawn tih leh hnuah call kan dah a, huaisen hi kan ti khawpah engtin nge apa te zuive atum ngam ni ka zah zawng tak.Mahse mihring hi kan lo in ang lo em ani pathian hian in ang vekin min siam a mahse kan rilru leh mizia hmel chenin a in ang lo leh vek ang lawi a.






























Zing lamah chuan thawh kan hai avangin ka ni chu a che buai hle , ei rawng abawl chhungin keiin vawk leh ar ho chaw ka lo pe a, ka pek zawh hnuah in bul vel ka phiat fai leh vek bawk pahnih chauh kan ni bawk a eirawng bawl chhung a rei lem lo, kan duh tui lova eng pawh hmeh ila ka ni nen hi chuan kan ei thei vek, school lamah ukimkimi ai ala kal bawk nen paper check fel tur ka la nei nual a, atih vangin a hmanhmawh deuh a , office lamah a theihnghilh daih a a peper check tur ber,chaw kan ei kham hnu chuan ka ni chu a in siam zui mawlh mawlh a, keiin kan eina vel ka lo tifai ve thung dar 8 velah school lamah kan chho a mahni chauha awm hian ka khua ahar tlat zel a, kawm tur em em awm lo mahse school naupangho bengchheng thawm mai mai pawh hria ila a zia zawk ang, kan thlen chhoh chuan ka ni chuan a office lam apan nghal a, kimtei te inlamah kei ka phei thung an kawngkhar chu alo in hawng vek a kawngka pui pawh a lo in hawng tho, school bul mai a awm an nih vangin an in ah hian eng eng emaw pawimawh an dah ve nual a lut chhuak an awm reng vang ani.
































Christiana bike ka hmuh vangin inah a awm ka ring deuha inchhung ka luh lahin tumah an awm silo, kimtei tak ngial pawh hmuh tur a awm lo, christiana chu thawng thut ka chak vangin inchung lamah ka chho a, a roomah hian ka kal zeuh zeuh ve thin vangin ka in thlahrung lutuk tawh lo, christiana room kawngka chu alo in khar phui lova, chhung lamah eng nge maw thawm ka hriat vangin kawngka lo in hawngsa deuhah chuan ka bih thla dek dek a, ka thil hmuh chuan min thawng chiang viau chet sawn ngaihna pawh hrelo in ka en mawl tawp, hei kher chu ka beisei lo lutuk ringawt christiana khumah chuan christiana leh kimberly te chuan sex an lo hmang dun a, kimberly chu a rum nasa viau bawk mak ka ti bawk si ka ten bawk si chuan ka hmui ka hup tawp, mak deuh maiin ka na vawng vawng mai in her a kal mai ka tum chu ka ke ka bilh a, ka tlu bawkkhup thlawrh a ka te nghal that, an hrechiang dawn ropui si min hmuh hman ka hlau lutuk chuan ka ke na pawh chu ngaihsak lo in , step ah chuan ka tlan thla nghal hlawk hlawk mai.



































Pawn ka chhuah rual chuan ka thaw kawk kawk a, ka mittui tling deuh pam chu ka tuai nghal sawk bawk, christiana room tukverh lam ka han hawichho chu kimberly ngei chuan ngeiawm zet hian min lo nuih a, en pawh ka enrei duh lo christianan min lo hmuh hman ka hlauh em vang chuan kan in lamah ka tlan thla nghal nal nal, inchhung ka lut chiah chu kawngka ka kalh nghal hmak a chhuatah ka thu thla nghal hnawk, ka thin zawn chu ka dawm vang vang a khatiang em em kha chu ka beisei lo bad boy ania hmeichhe hrang hrang a kawp thin tih ka hria kimberly nen khan thisen zawm nilo mahse , kimberly kher kha chu ka beisei lo tak zet, chiang lutukin an sex hmang dun lai kha ka mitthla ah ala rawn lang leh nghal ka thin zawn ana vawng vawng a, ka pum a in let but but mai, ka pum ana nghal riai riai a damdawi ei tumin choka lamah ka lut vat, ngati nge ka lo nat ve em em le in ngaizawng kan ni lova thian chauh kan ni, ka khawngaih vangin ka hnaih a mahse khawngaihna hi engtik laiin nge hmangaih na ah alo chan theih ka awi hlawlh lo mahse chiang takin kimberly kha ka thik bawk si.














Ka ni rawn haw lai pawh chu ka hrereng mahse ka chhuak phei peih lo, roomah chuan ka awm reng a hetiang hian engvanga awm nge ka nih ka â tak zet tawh anih dawn hi, a duh duh kawp mahse ka tan chuan engmah anilo, ka bialpa ani miau lo mahse ka thinlung khawi emaw lai ami hian a thik tlat si, nge an awmdun lai ka hmu chiang lutuk khan min thawng viau zawk, a hmeichhe awmpui kha kimberly kher nilo se, tiang hian ka awm tho angem ka ngaihtuah nghut nghut a, ka ngaihtuah tam pauh leh ka thluak hi a buai tulh tulhin ka hria, tiang hian ka awm tur anilo sin a zahthlak ngawih ngawih midangin hre phei se chuan ka mualpho viau ang, ka ni chu room ah arawn lut a "vulchukchuk i pum ana leh tawh mi?" Tihpahin ka bulah hian arawn thu thla a "na lo e ka lo mu vel mai mai mawle in va bang hma ve?" Ka lo tih zawm nghal zat "nia vawiin chu chawhnu kan kal lova, enteh maw min star tu an awm mawle" tihpahin min rawn beng deuh tawlh a, "naa...ni min beng kher lola, min hrilh tha ve mai mai teh" ka ti nang nang a "aw ka hlim ve anih hi, awi anuam ee" ati leh a, ahmui an hup leh vel a naupangchhia nghal loh chuan.






















Tho chhuakin khumah chuan ka thu a, "sawi la tu in, maw lo star che a, ve ngei chuan" ka ti nghal zat ka ni chu alawm loh hmel ngang mai "i tawng dan vel kha min ngai luck loh hmel riau lalvulchuk, darlakah hian i ni hi a double in ka luck aw, sir dawnga khian mawle min lo star a, vawiin khan min bem vel mawle kan hnar sak kha" nui leh uar uar pah chuan ati a, a inti thei nasa mai sia "nge tawia hi ka kawp dawn amawn le" ati leh vel thul ka ni chu ka melh deuh hrawk a, mit khap fak fak hian min lo en ve a "nge kha tia, min en a ka ti tak tak dawn lo, ka sawi ve mai mai anih kha" arawn ti leh ang lawi a, "nangnu hi aw, kawp ilo tum tak tak ange i rilru a uire tan tlatin ka hria" ka tih leh chuan amah zawk zawk chu a pawrah ala tang zui, a ding deuh hluai a thuamhnaw vel chu thlakin "ei tur ka siam dawn ania, ka siam zawhah ka lo koh ang che ti khan lo mu leh rih mai mai rawh vawiin chu ka duat ang che" hlim hmel zet hian ati a, room atang chuan a zai chhuak lang lang a, vawiin kher lovah pawh ka ni hi chuan engtik lai pawn min duat reng zel, ka ni bak bak a ni tha hi chu an vang ve viau ang.



























Ka tho chhuak a, darthlalangah chuan ka hmel chu ka en vang vang, ka mit chu tlem chuan a sen ve deuh ka sam chu ka tawn tha mawlh mawlh ka sam sei leh lutuk hi tan hmak ka chak thin, mahse ka pa hian sam tan hi a phal thak lova hmeichhia chu kan sam hi min chawi tu pakhat ania hmeichhia nih chuan sam hi a sei reng tur ani ati thin a, keipawh hian ka zawm viau ka sam hi ka tan khat khawp mai a hmawr bak ka paih ngailo, sam hi chuan hmeichhia te hi min ti hmeichhia leh zual a samsei hi chu mipa pawh hian nalh an ti in mipa mit pawh ala nge nge thin ka nu ka chhun a ka sam hi akawi lova, a ngil vek a pawh ngil chawp angai hran lova, ka sam na na na hi chu atha ve a uluk pawh ka uluk viau mahse achang chuan a sei lutuk hi ka ning ve thin a, tan hmawk hmawk te hi ka chak thin , ka phone ri chu ka en vat a, uropuia hming alo lang va mai. "Hello uropui" ka ti nghal mai a, "vulchukchuk inah i awm em?" Arawn ti zang vah ka awm thu in ka lo chhang vat a christiana ten an khawih rawn hrep a, engmah ka zawt zui mang silo amah uropuia lah hi tunlai chu hmuh tur avang reuh lutuk a biakin ah pawh kan in hmu khat khawp mai.































"Anih chuan, ka rawn leng phei anga bung hnuaiah khan ti ti dun mai mai ila" arawn tih chuan angaihna ka hrelo viau "uropui hna i thawk na nge?" A zawhna pawh chhang lo chuan ka ti daih a "aw thawk lo ka hmai duk hi ala reh silova ka thawk ta lo mai bakah ka sil lutuk a" arawn tih chuan awm ka tihpui viau nizanah an khawih hrep a dam lohna tham chu ani ve alawm "khua a dur reuh si, ruahte hi a sur ange" ka tih chuan "a sur leh in inah kan tlan haw mai dawn lawm ka rawn kal dawn" nui huah huah chuan ati a, adah daih dik tak chuan uropuia hi ka hnaih tam em em duh lova min lo text chang te hian ka chhan loh hi atam zawk kohhran lamah in hmang viau mahse amah hi a tir kha chuan ka ngaina ve mauh mai, mahse a rei telh telh a amizia adang tulh tulh min lo biak a peih em em a mahse ka be tha duh lo kimteiin alo star ve bawk nen nilo deuh a min ngaih ka duh lo , chutih rual erawhin ka pawi a sawi lova ka lakah mawi lo deuhin a che ngai bawk lova min bia anih phawt chuan tha deuh chuan ka be ve mai , lo biak chhiat ngawt chi lah va nisuh.
































Call kan dah hnu chuan, pindan atang ka chhuak phei a ka ni chuan Hot spicy hi alo siam mek, vawiin ah sir dawngan a bem a , ahlim em em ringawt mai ni tukverah ka dak chhuak a khua lah chu a dur em em a school tlanglam ka han hawi chho a , a reh ruih mai ka rilru ah christiana alo lang leh a duh lo lutukin ka lu ka thing vak vak "lee ei tawh ang, lo kal rawh" ka ni chuan phur zet hian ati a ka phei vat , athu fel awrh tihah ka ni phone chu a ri a, dawhkan maiah adah vangin aban nghal vat ka pi call ani a loud ah a dah nghal bawk "pi raja-i chu thil kan ei dawn veleh ilo call a" ka ni chuan ati nghal zat a "kan la rawn haw thei lawk dawn lova, karleh pawh kan la awm tluan ang ka ring, hei i û hian min la chelh tlat a, ka rawn hrilh cheu anih chu" ka pi chuan arawn ti nghal mawlh mawlh a "awle ava lawmawm ve, oohh ka tih awmzia chu avan lawmawm lem loh" ka ni chuan ati bah nak a ka lo nui hawk, ka pi te an awm lova a free sia nuam ati ve em em a, an lo haw lawk thei lo tur pawh a hlim lutuk a , atawng sual tep free inti viau mah ila thil sual kan ti lem lo bawk a.

































"Kan awm lo chu lalneihpui nuam iva ti ham ham awm ve" ka pi chuan arawn ti hlak hlak a, ka ni chuan alei a chhuah vak "ka ti aw zawng lo mi hi puhchhe thei viau suh" ka ni chuan ati bai bai a, ahmel hi hmuse ka pi chuan akhawng fawk duh mai thei ni "ar leh vawk te kha en tha ang cheu, ar hmul pakhat pawh kha a bo tur ani lo" ka pi in a rawn tih leh chuan ka ni chu a tum nasa tawh viau "iti mak thei emai ar te chu nitin, kan chhuah a ahmul te chu atla ve bawk ang chu, ar hmul pawh ilo chhin chhiah zel ani maw?" Ka ni in atih leh chuan ka pi chuan "chhinchhiah e sava thlawk lai thleng khian tumah hi ka ring zo lo,lo enkawl tha hle ang cheu, ar kha ilo hralh ru leh ange, in te kha chhuahsan mai mai suh ang cheu, pangpar te kha tui lo pe tha bawk ula" ka pi chuan tih tur arawn sawi zuah zuah a, ka ni ngaihdan ani vak tawh lo "aw atawk, em em che hian, i zinna atang leh zel kha chuan tih tur rawn sawi lo teh, em em lutuk a min chhawr hlum thak hi i tum ami?" Ka ni chuan ati pawr hlarh a ka lo nui char char thung "sawi loh chuan tih tum ngai hek lo che" ka pi chuan arawn ti leh a "i daw anih mai chu, i awm lai pawn vawk leh ar te chu keimah vekin anih kha buaipui , talh dawn ah lah a ui berah i tang ve ziah zui, tual pawh zingtin vulchukchukin a phiah fai ziah kha, em em lutuk che hian i hna thawk chak lutuk kha i kaih vel ange" ka ni chuan ati zui mawlh mawlh a.



































"Ka rawn haw hunah ân na tur lo awm miah suh se" ka pi in arawn tih leh chuan "in la rawn haw har dawn em chu, i zin leh hunah chuan kan ar leh vawk ho te hi hruai tel vek tawh la atha ang, in motor chuan na ah in nguk ho dial dial dawn nia" ka ni chuan ati leh nang nang a, call a cut daih ka lo nui vak vak a ka ni pawh anui ve tho "i pi hi chu ani em em thin lo alawm, a zin na atang pawn tih tur min la rawn hrilh zuah zuah kha, a zin leh hunah kan veng chawp hian hruai tel vek se atha law law ang, buaithlak thei emai" nui uar uar chuan ka ni chuan ati leh a, ka pi ang ri kan han hre leh chiah mai chu ka ni nen kan hlimpui phian ka mood off lutuk te pawh a zia viau, khua a dur bawk nen avawt deuh vur mai a, kawrlum ka ha peih bawk silo, kawr ban tlawn ka ha ta ringawt chhuah mai ka tum chu ka ni kan thil eina vel sil zo chu choka atang arawn chhuak a , "khawnge i kal dawn?" Arawn ti nghal vat "ka tei kual mai mai dawn, khaw awm dan hi anuam riau" ka lo ti ve mai bawk a, "awle , ruah in anan che nge i hritlang palh ang, rei lo la aw keipawh nubawihi te inah sam tih kirna ka chah kha arawn thleng a, ka va lam lawk ang kawngka hi ka lock ringawt dawn ania" ka ni chuan ati leh mawlh mawlh.





























"Aw ka kal hla dawn lo, lock ringawt rawh helai vel bak hi ka kal lovang" tih pahin ka chhuak nghal a, school kawng lam chu ka hawi leh hram christiana hmuh mai ka in beisei a ka hawi ka hawi mai, mahse a reh zui hmak min rawn biak loh chuan va biak hmasak ka tum lem lo a thil tih vang khan dem thei ka nilo, in ngaizawng kan ni lo miau a ka lo thinrim ve ngawt kha amawi pawh amawi lo keite chu a thian amah puitu mai chauh ka nia, mahse a thian inti reng chung si hian christiana hian ka nunah hmun a chang thuk telh telh a ngaihtuah loh ka tum pawn ka ngaihtuah zual telh telh hian ka hria christiana hi ka khawngaih vang khan ka hnaih a mahse tuna ka awm dan hi chu khawngaihna chauh ani tawh lo tih ka hria, la upa em em lo mah ila duhna leh thianthatna thliar hrang thiam lo tur khawp a â ka ni bik lo, christiana hi chiang takin ka duh ka duh lutuk ka ni sawi kha a tirah lo awi ta ila tiang hian ka awm kher lo ang, bad boy ania bad boy zuna uai chu ana an tia, an zuna uai pawh ka duh ngai lo mahse tunah chuan hei ka tang chu anih tawh ber hi eng buai na ah nge ka in hnuh luh tak ni.




































Bung ka thlen chuan ahma darlak ka kal tirh a ka thutna ah tho chuan ka thu a, bung piah chiahah chuan naupang ho an in fiam bawk a, an ri laih lai bawk khua a dur sia boruak awmdan te hi a nuam reuh em ani, uropuia chu eng tak sawi duh ang maw tiang hian a hranpa in inkawm turin min sawm ngailo reng reng, chutia ka thut veng veng lai chuan zomuani hi a dawr kal haw ka hmu a , ka lo au vat a dul a puar ve ak tawh a, a inhmeh phian mai "zomuan dawr i kal alaw?" Ka lo ti vat a, min rawn en vatin a nuisang a lu a bu nghauh nghauh bawk, a hranpa in kan inkawm lem lova mahse kan inhmuh chuan kan in be ve zeuh zeuh kan inrual viau a kei ai athla in a upa thung, ka û lem hlei lova zomuani chu ka thutna lamah chuan rawn pheiin ka bulah arawn thu ve nghal a, athil lei ho chu a sirah a hung nghal zat, "eng nge ilei a?" Tiin ka lo zawt a "chawhmeh tur ka va en e ka tia, bazarah pawh angai hlir ani mai athar vak a awm lo, ahneawm ania nitin mai hian chawhmeh ngai hlir hi kan hmeh a, lei tur han zawng kual ve vak thin mah ila atawpah chuan alu bawk hi ka lei leh tho zel" tih pahin a nui hak hak a, a tawngve duh barh barh viau mai.




























"Nang zawk mahni te chauhin eng nge itih a?" Min melh pah hian ati zeuh a "aw uropuia ka nghak lawk mawle hei ruah lah hi a sur dawn aniang" ka lo tive vat a "ropuia maw?" Tihpahin min en phawk viau , min ti hamhaih letling zawk "tinge zomuan i tha em?" Ka ti nghal vat a "aw ka...ka tha e, ropuia nen chuan in in ngaizawng ami?" Thutak zet hian ati leh a mak ka ti ru ang reng viau tawh uropuia hming ka sawi chiah chu a nui hleithei tawh meuh lo "ngaizawng love kan kohhran a in an vang hian kan inkawm ve leh zeuh thin a" ka lo ti tha ve mai bawk a, a awm dan teh thut chuan ka ngaih ati tha lo vek, min ti hlauthawng vek a lawm le ahlauthawng hma chi ka ni bawk nen "ropuia chu kawm tam lutuk suh aw vulchukchuk" zomuanin atih leh chuan ka en rang viau, ani erawhin hma lam alo en daih tawh "eng nge i sawi awmzia chu ?" Mak ti zet chuan ka ti a, ka kut ka ti che deuh sek tawh "aahh sawi dawn chuan sawi tur a tam, be tam lola kawm dan tawk thiam la atawk ani mai, fimkhur hle rawh aw ka kalsan phawt ang che nidangah kan sawi tha leh dawn nia" tih pahin a tho a, akal zui nghal nal nal zawh chian ka duh viau a chu amah khan ka zawh belh a hlau em a, ka zawt ta lo mai mahse ka rilru erawh a nuam chuang miah lo darlak khawho hi an mak hlawm tak zet, zomuani khan uropuia be tam lo turin min hrilh a, mi hlauhawm chu nise ka ni pawh hian ahre ngei anga hnaih lo turin min ti ngei bawk ang, nge ka ni hriat ve loh thil hi arukin a thleng reng zawk.































Zomuani kal hnu reilo te ah uropuia chu arawn thleng ve nghal a, ka bula rawn thut pah chuan "ilo awm der alaw?" Arawn ti zang vah, rim danglam ka hre nghal zat a mak ka ti lutuk chu ka ngawireng uropuia hi zu rim anam deuh tlata hriatna ka nei ka in ngai lova ka hriat sual zawk nge mahse zu rim hre thiam lo tur khawpa naupangchhia ka ni tawh bik lo, mak ka ti hle bawk uropuia ber kher chu ka beisei lo hrim hrim "eng nge ni uropuia chu min hmuh te i duh ve mial a?" Tiin ka nui lui hram hram pangngai deuhin awm tum mah ila ahar lam hret ani, uropuia hi ka hlau ru riau tawh eng nge a chhan pawh ka hre bik lo, a mit pawh ala duk churh a ahmaiah khem a awm nual bawk "engmah em em chu nilo ve kan inhmu khat em a?" Ati nawi niai a, a tawng zawngin zu rim arawn nam tel zel si rimchhia ka ti lutuk ka sawi chhuak ngam chiah silo, zawi te te in ka thut hlat paha "i hmai vel chu a zia ve deuh tawh maw kha?" Ka tih leh chuan anui deuh suk a, atawng zawm lem lo "christiana te thianho tak hi chu an hahthlak anih hi, mi awm mai mai pawh hi en liam harsa an ti ngawih ngawih zel a" atih chuan ka rilru in ka lo ngei ru ang reng viau a thiam channa turin midang pawh a puhchhe hreh lo chu nia.































"Kha lam kha chu sawi tawh rih lovang" ka tih chuan uropuia pawh chu angawi ve mai a, min rawn thut hnaih telh telh leh nghal atha dawn lo tawp mai, "kimtei nen inla inbe tha thei maw?" Pangngai zet chuan ka be hram hram a mahse ahar mah mah, boruak hi a rit tak zet ani "la be ve e mahse ka ning thin, kan in biak apiang hian a rel ngei ngei bawk che a" uropuian atih chuan sawi mai tur ka hrelo, tha deuhin min bia a, tunah phei chuan ahma ai in min be fimkhur tawh a chutianga uropuia bulah kher min lo rel chu mak ka ti hle chutih rualin uropuia pawh hian dawt a sawi ani ve thei tho bawk "engtin nge min lo rel thin a?" Nui tawi tak hian ka ti a, uropuia chu ka lam rawn hawi deuh hian a thu tha a, "nizan ah pawh dar 12 velah min rawn call alawm, christiana hi zar buai reng angah che a puh che a , hmeichhe zahna chang hrelo mi mit hmuh a , in tih fel tum lutuk te, arawn tia mahse ka awilo ania aw vulchukchuk i fel zia ka hre chiang a bakah kimtei ai hian i hmeltha daih zawk bawk" uropuia chuan ati mawlh mawlh, kimtei min lo sawi dan vel chuh uropuia hian dawt a sawi te anih loh chuan ka thin chu arim ve khawp mai, keiin a nat ka hlau a ka khawngaih em em a min biak that ngam loh lai pawn ka be hram hram zel a, nge khangte pawh kha ati der vek zawk ni, an rilru hi achhe hlawm lutuk a ka rilru hi a chhe ve zo vek.

































"Vulchukchuk hrilh duh che ka nei a?" Hnai leh zuala min rawn hnaih pah hian ati leh a, ka tawlh sawn rang viau ahmel ka en chuan a mit alo sen ram a, ka hlau ru ang reng tawh viau , kan awmna lai vel lah chu a reh tawh mai si, naupang infiam ho pawh an haw darh vek tawh ania " ka sawi tlang tawp ang, ka hmuh hmasak ber ni che khan ka star nghal che a" atih chuan ka thawk ka hip let vang vang chhan dan tur ka hre mai lo, hmai chhanah ngei min duh thu a sawi a dawnsawn dan ka thiam lo, uropuia hi tiang zawng hian ka en ngailo hrim hrim a ka hriat tirh te kha chuan fel ka ti ngei alawm fiamthu a duh bawk si, mahse tunah phei hi chuan duh chu sawi loh ka hlau ru riau tawh zu in alo hrat ve reng leh nghal a, mak ka ti mah mah ani "uropui...chutiang thu...." Ka sawi zo hman lo min lo pawt chat vatin "tunah min chhang kher suh, lo in ngaihtuah phawt rawh min duh lo anih pawn ka beidawng dawn lo, christiana nen hian in inkawm tam tih ka hria, christiana ai chuan ka ti hlim daih zawk ang che, ani te chuan ruihhlo bak duh anei tak tak lo" atih leh chuan ka thinrim chu ka inhum ruh ngawt ngawt min biak dan leh a thusawj vel dan hi min ngainep riau.




























Ka ding deuh hluai a, uropuia chuan min en chho vat "uropui thil zep tit tet hi ka thiam ve lova chuvangin ka sawi tlang nghal ang, ka duh ve lo che achiang em?Atir atang mipa ang in ka en ngailo hrim hrim che a thian angah bak ka ngailo che mahse tunah pawh i rilru put hmang kha i thlak vat lo anih chuan thian kan ni zel thei angem ka hrelo, nakina beiseina i neih tawh loh nan ka sawi tlang tawp anih chu min hrethiam rawh, midang ka duh ve ngai miah loh tur beiseina siam sak ka duh lo ahnuah an rilru ana leh dawn a kha kha kei chuan ka duh lo, an rilru nat tak tak hma a thudik hrilh tawp hi tha ka ti ber thin" ka ti ve mawlh mawlh a, uropuia pawh chu arawn ding ve hluai a "i tum chhin tal thei lo em ni?" Ati chhuak sup a kun ngul a tlemin ka khawngaih ve deuh "ka theilo uropui min hrethiam mai rawh, i rilru kha thlak tum vat zawk rawh, min duh ve ngailo tur te nghah hian awmzia anei lo ania, kan rilru ana tam mai mai thin chu ai chuan maw uropui kimtei pawh hian aduh em em che a, amah ah hian rilru pek tum zawk rawh ka tan pawn anuam zawk ang, hetia min duh thu i sawi hian kimtei lakah ka inthlahrung zawk" ka ti ve mawlh mawlh a, khawngaih viau mah ila ka duh miau silova tih ngaihna awmlo































"Ka kal phawt ang, hei ruah a sur mai dawn" tih paha ka in her chu min kuai her leh pawp in ka darah a hmer nghal vak, ana lutuk chu ka mit ka chhing sawk, ka hlau thawng bawk si ka tha akhur ru dar dar mai, tiang hi ka la tawng ngai lova ka hlauthawng tak zet, uropuia ber kher ala ni zui hetiang a, achet hi ka ring hauh lo tiang hian a awm dawn tih hria ila chuan, he lai hmunah pawh hian ka kal hauh lovang "uropui khawngaihin min thlah rawh ka ban hi ana lutuk ania" aw khur dar dar chuan ka ti a, min thlah chu sawi loh a hmerna zual sauhin ka hria mit pawh ka meng ngam tawh lo ka maimit chhing tlat a "khapa mi lawilo zet Rozamliana kha i duh ani tiraw?Ka rinsa vel ania i zui kual reng thin tih hi ka hriat loh ring suh, a zunah ilo uai leh hman ani maw?Khapa ai khan ka tha zawk kha tiang khawlai mi mai mai ai chuan kei hi ka tha zawk" min tih khum phiar phiar anih chu, mak ka ti bawk si ka hlau bawk si , thawk pawh ka thaw tha ngam meuh tawh lo mahse christiana a sawi dan khan ka thin ati rim hle, christiana hi haw mah ila hetia a chanchin an sawi hian ka lawm lo thin "min thlah vat mai rawh lalropui, christiana sawi chhe thei tur hian engmah inih bik loh zia hi, nang ai chuan christiana hi a ngaihsan awm zawk, nang mi hmuh atan kohhranah i in hmang der a, i kalna apiangah pathian thu i sawi dur dur a, tunah han zu i rui tih hi ka hriat loh ring suh" hlau chung chung chuan ka tih khum ve sak.



































"Christiana nen hian engtikah mah in hlim dawn chuang lo, christiana ai chuan, i chhungte hian i tan min duh zawk tih hi hria ang che" ti leh hrawkin min thlah deuh chawrh , ka thaw nghal kawk kawk thei, "tah khan eng nge in tih?" Mipa aw thum zetin kan hnung lam atanga arawn tih chuan ka hawi let vat, christiana chu kan hnung lawkah ngeng hmel zet hian alo ding a, ahmai lah chu athar lam tih hriat zetin akhem nei nuai mai, nichin lawkah kimberly nen an awm dun a engtik laiin nge a in sual leh hman ni, uropuian christiana ahmuh chuan ngeiawm zet hian anui suk a, ka beng bulah a rawn kun hniam chuan ka lo thle sawn vak "ani ai sawn ka tha zawk" ka bengbul setah chuan ala ti hram a, ka ngei lutuk chuan ka melh ram ram mai, christiana chu kan lamah chak zet hian arawn phei a, athlawh in a thlawk ani berin ka hria, uropuia kawrah chuan arawn tham leh nghal chat a, an in sual ang tih ka hlau lutuk chu christiana banah chuan ka han vuan vat, hemi te pahnih hian eng nge an hriat ni an pahnih hian ka haw ve ve, mahse ka huat vang ringawtin in sual tur chuan ka duh chuang lo, en pawh ka en ngam hek lo.






























"Christian thlah vat rawh, in sual tum hlek suh u" ka ti nghal vat, ka rilru in christiana lo kal chu lawm viau mah ila, ka la haw tho uropuia a rui bawk si a, ka hlau bawk nen ka haw tur min dang ang tih ka hlau ber, zu rui te, damdawi rui thin te ho hi ka hlau a, an bulah pawh ka awm ngam ngai lo mahse christiana erawh eng ang pawn rui mahse ka hlau leh chuang miah lo, hei hi lawm ka tana a danglam bik em em na, uropuia zurui erawh ka hlau hle thung.Christiana chuan uropuia chu athlah chawrh a, keimah chu min rawn melh lehin ka banah chuan arawn kai a, min kalpui nghal nal nal, vawikhat mah ka hawi let lo bawk, kan inbul kan thlen dawn chuan keimah zawkin ka ban chu ka phih thla chawrh a, christiana pawh chu ka lam alo hawi vat, angaite in a mit pawh a sen leh ram tawh, vawiin ni hian hepa hi ka be peih hlawlh lo "khapa nen khan eng nge in lo tih kha?" Ati chang hrawk, ka mitah tak chuan rum zetin min la melh zui min hnek thluk tawp duh hmel apu, "i hmu ve reng lo ami?Ka lut dawn" ti a inher mai ka tum chu "min hua em?" Arawn ti chhuak sup, nichin nen chuan a aw chu danglam leh tawh tak ani.






























"Haw lo" ka ti bung nghut a, a nui ri suk mai "haw lo tak tak maw?Nge kimberly kha i thik zawk?" Ngeiawm zet hian min tih khum leh a, sawi mai tur ka hrelo lutuk chuan ka melh ram ram mai "ka thik lo, thik chhan tur ka nei lo" ka ti letve sak a, a kiai leh deuh suk hnu chuan min rawn din hnaih sauh a ka hmai bul chetah chuan arawn kun hniam a "ka zunah hian uai miah suh aw" thu tak zet hian ati anih chu ka nui lui vak a "i inngai tha mah mah anih dawn chu, i zunah hian ka uai lul lo ang, chuan kan in thian thatna pawh hi tah hian ti tawp nghal bawk ang, nang hian ka ngaihsak na hi i mamawh lo tih ka hre tawh, keimah ka in tih mualpho tak tak hma in ti hian tawp rawh se" ka ti let ve ta sak, amitmengah chuan hreawm tihna arawn lang zawk mahse a rei lo, a inthunun thiam mah mah "kan tawp ka tih hma chu nang leh kei hi kan tawp lo" ati chang hrawk a, ka ngei lutuk vang chuan ka nui hak a khua a dur a tumah pawnah awm an awm lem lo bawk a, avanneih thlak christiana nen a hetia kan awm lai hi min lo hmu se chuan min sawi leh luai luai tawh ang chu mawle.































"Kimberly kha ithik si loh chuan tinge kan in thian thatna chu tih tawp i tum si" a ti leh hrawk a "kimberly vanga ti tawp ka nilo, ka ti tawp ve tawp nanghi ka chhungte hian hnaih che an phal tawh lo tih i hria em?Nangmah vanga mualpho hi ka duh reng reng lo nang ang bad boy hi zui kual reng che ka peih hek lo, chuvangin in be tawh lovang ka mualpho tak tak hma hian" ka ti khum leh salh salh a, ahmelah chuan a rilru nat zia ka hmuh sak a, ka thusawi zawh chiah avang khan keimah ngei pawh ka in chhir leh nghal engtin nge kha tiang tawngkam kha ka hman khum theih zawk, christiana chu za lo tih hriat zetin anui lui hawk a "a tir atanga ka rin dan sa reng ania, ka bulah hi chuan tumah an hlim rei thei hleinem, nangpawh hian min la kalsan leh vat kha ka ring tho, keite chu mahni chauha awm hi ngaiah ka nei tawh a" tiin rilru nat hmel zet hian min en reng, ka sawi tur hre tawh bawk silo chuan ka hmui ka pet char char "mahse maw...tunah chuan mahni chauha awm ka duh tawh lo, lalvulmawi tunah chuan mahni chauha awm hi ka hlau tawh i tel ve loh na khawvel chu mahni chauha hmachhawn ka hlau tawh, tinge ka nunah hian ilo lan kher a tir atang khan engvangin nge ka lo hriat kher che, tinge min hnaih?Atir atang khan min hnaih lo law law la chuan, i tel lo pawh hian ka awm thei a sin mahse tunah chuan i tel lohna hmun a mahni chauha awm leh chu ka duh tawh lo ka hlau" rilru nat hmel zet chuan a au tuar tuar a.

































Ruah lah chu a rawn sur ser ser a, christiana au ring lutuk chu thenawm ten an hriat ka hlau bawk si, ka ni in a rawn hriat vaih chuan kan nasa lo dun viau ang, christiana banah chuan ka vuan vat "christian in beng dai teh khawngaihin" hreawm ti zet chuan ka ti a, chiang zet hian min rawn en lehin ka biang tawn tawnah hian a kut hlai hlup mai chuan arawn dawm a "chukchuk...nang hian min hlat dawn lo anih tih hi sawi teh, sawi rawh.I tel ve lo anih chuan aharsa ka ti lutuk nang hi khawvela ka neihchhun tak meuh meuh inia sin" ati rilruih a, achal chuan ka chal chu arawn tauh dat dat bawk, a thusawi zawh tak chiah te avang chuan sawi ve mai tur pawh ka hrelo, christiana awm dan hi ka hrethiam lo min duh ti dawn ila, ka ring bawk silo min duh tak tak nise hmeichhe dang a awm pui hauh lovang, kei chuan sawi chhuak kher lo mah ila christiana hi ka duh lutuk tawh tlat mahse sawi chhuah kher erawh ka tum lo "ni e...bad boy ka ni, hmeichhe hrang hrang ka kawp kual thin a ka lo tih than tawh anih vangin sim pawh harsa ka ti tawh, ka ler tih pawh ka hai lo mahse lalvulmawi nang mah tluk a hmeichhia hnaih hi ka la nei lova, nangmah tluk a hmeichhia min hip tu hi an la awm lo bawk, an awm leh tawh ngai lo bawk ang" ati leh sup sup a, min ti hamhaih zo vek.
































"Christian haw phawt rawh, hei ruah a sur tam dawn ania" alak atanga in lak hran pah chuan ka ti a, naupangchhia zetin a lu a thing nak nak mai "ka tum ang, engkim hi bansan ka tum ang min nghak thei ang tiraw?Chumi chhung chuan ka bulah hian i awm reng ang nga min kalsan lo ang tiraw?" Beisei nei zet hian min en leh vawng vawng a, ka rilru a chawk buai vek, ka ni chu nise christiana a eilo lutuk hi a vaw thlu tawp tawh ang mawle "atha e, ka pui ang che ka pui zel ang che, engtik lai pawn i kiangah ka awm reng ang" nui sen sen a, ka tih chuan hlim tih hriat zet hian a nui chhuak hawk a "ka lawm e" ti leh supin a in her a, an in lam kawngah chuan hlim hmel zet hian a chho hnak hnak a, rawn hawi let leh zeuhin ban min rawn vei khum a, nui sen senin ka lo vei khum ve bawk ruah sur ser ser hnuaiah chuan anui hmel pa zet mai chu ka hmu tha zual sauh leh nghal "chukchuk....kha tia i nuih khan a cute chi in i hmeltha" arawn ti lang lang a naupangchhia ti lutukin ka lo nui hak hak mai.




























"Awi awi awi...lalvulmawi i chhe ver vur lutuk rawn lut mai mai rawh, ka beng dawn che mawn le" ka ni chuan veranda atang hian arawn ti hlak hlak a, min lo hmu reng amawn le zahthlak thei e, ka ni lah hi utawia nen an inbiakin a over theih tehreng nen, mi dang awm dun lai hi a hmu thei lo reng reng, a over ve chiang ania in lamah chuan keipawh ka phei ve mai bawk, christiana nen kan in haw lo bawk a, ka thaw aveng hawk mai, mahse christiana thusawi erawh khan ka rilru a luah nghut nghut mai, kimberly kha a duh tak tak silo anih chuan engvangin nge sex a hman pui kher?In ngaizawng kan ni lova thik thei chu nilo mah ila, ka thik miau bawk si inchhung ka luh rualin ka ni chuan "in lo in couple goals vel alaw?Ka hmu vek cheu nia in tawng ri hre pha lo mah ila in awm dan atang khan in thusawi tur awm ang ka hrevek" ka ni chuan alo ti hlak hlak a, in la pro ve thei mai sia "zanin chu ka inkhawm lo ang, ka thiannu birth day ania kan lawm dawn a, min sawm ve nasa sia ka va kal ve ange" ka ni chuan chawhmeh chawh mawlh mawlh pah chuan ati a "khawiveng ami nge?" Ka lo ti ve vat "venglai ami mawle ila hrelo ang, kan in lamah hian arawn kal khat a, kan in hmu khat phone ah erawh kan in be reng thung" ka ni chuan alo ti tha ve mai bawk.


































"Utawia te nen ami in kal dawn a?" Ka tih chuan ka ni chuan pawr tawkin " ateuh lo mai, in lak free duh ve nak laiin bialpa hruai ka duh teuh lo mai, ka nulat na tur adal" tih pahin a nui leh har har tawh, a lawmawm thin ania aw ka ni hi chu "chawhmeh hi lo vil lawk la, vawk leh ar ho ka zuk enfiah phawt ange" ka ni chuan ati a, pawn lamah chuan a chhuak zui nghal mai bawk, ka ni bulah hian uropuia awm dan vel hi ka sawi duh angem aw, nge zu a in thin tih hi ahre ru reng zawk le, an inkawm thei ve fu a zomuani lah khan uropuia hming ka sawi khan a mitmeng abuai vek a engmah hi ka hre thiam tawh lo hnaih tam lo turin min hrilh a achhan erawh ka hre leh bawk silo, christiana lah hian uropuia a haw em em bawk a, mang hi chu an ti ang ve mawle." In awm em?" Hmeichhe aw in a rawn tih chuan choka atanga chhuah pahin ka lo chhang vat , kawngka bulah chuan zomuani alo ding reng tawh a, bowl hi a keng tel bawk "hei vulchukchuk chawhmeh ka rawn suah dawn cheu, ipi te an awm silova chawhmeh in siam vak peih loh takin a tia ka nu in a suahsak cheu anih hi" tih pahin a rawn lut nghal zat "avan lawmawm em em ve, ka ni nen hi chuan chawhmeh ah hian kan khirh lem lova, a rem rem kan ei thei vek" tiin ka lo chhang let ve bawk.






























Choka lamah chuan kan lut phei dun a "i rawn leng khat si thingpui in ve hrim hrim rawh" ti in thingpui bel hi gas ah chuan ka chhuang nghal a, zomuani pawh chair pawt chhuakin a thu thla ve dat, athaw deuh halh halh a "ka dul hian min ti hah ve tawh reuh lutuk, thla 5 ala tling lova mahse ka dul hi a lian tawp, rai lian chi ka ni dawn aniang" ati mawlh mawlh a, ka lo nuih sen sen thung, zomuani hi a hmel achhe lova, hmeichhe te lam pang ni in amah te hi a nu hnap mai a, mipa ho duh tur chi tak ang kha ania, "phai lamah pawh khan rai chung khan thlahnih khat vel kha i awm ngei awm sia, a hreawm duh ngawt ang a, chhungte i hrilh nghal ngam awm silova" ka lo tive sep sep a zomuani chu tawi te hian anui a "hreawm ka ti thei lutuk ka chhungte hi engtin nge ka hrilh ang tiin zantin ka in ngaihtuah thin a zan pawh ka mu tha thei ngai meuh lo, hlau thawng hle chung khan ka ti tla phal chuang miah lo, thisen zawm ngei te hi chu a dan alo dang anih hi, rawn la piang lo mahse ka pum chhunga a awm tih ka hriat rual khan ka hmangaih nghal ngawih ngawih a, tih tlak tumna rilru ka pu ngai miah lo bawk" ati siam siam a, a huaisen ka ti hle bawk arilru apuitling bawk a.
































Nu din hmun tur hi ka la tawn loh vangin a zawng zawng chuan ka la hrethiam pha kher lovang, mahse hmeichhia ka nihna angin, hriatthiam na chin chu ka nei ve bawk zomuani din hmun angah hian ding ta ila keipawn a tih ang hian ka tih ve tho ka ring, "anih i naute pa hi kan hriat ve te i rem ti em?" Nuih pah hian ka zawt a, min hrilh duh pawh ka ring em em chuang lo mahse ka rin loh deuhin min hrilh ve mai " a pa hi chineese lam mi ania, mak pawh iti mai thei phai a hna thawk tur kan kal khan keimah chauh nilo hmeichhe dang mizoram khaw hran atang a, kal kha kan awm nual a hostelah kan awm mai bawk a, hna kan han thawk tan a mahni buai buai khan kan buai ve lawp lawp zel a, phone khawihna hun pawh kan nei meuh lo, ka naute pa hi ka thawhna hotelah hian arawn chawl a, kha ta tanga in hria kha kan ni ahnu ah pawh rawn chawlh zeuh zeuh kha a ching tan a, kan inkawm ngeih telh telh a, phone number te pawh in pe in kan in be zing ve viau a, ka hun awl neih apiangin kan inbe ngei ngei thin hnam dang daih anih vang khan keipawh ka fimkhur ve lutuk mahse hmeichhia hi chu bum kan lo awl nge, keimah zawk kha ka la fimkhur lo tawk ni, kan in ngaizawng ta ngei a kum chanve vel kan in ngaihzawn hnu khan nupui nei lai ani tih ka hrechhuak a, ka rilru chu na tak ani ka lo hmangaih ve tawh si a, mahse mi nupa in kar ti chhe tu nih ka duh loh avangin ka kalsan a, ahnu thlakhat aral leh hnu chuan ka rai tih ka hre leh chiah, ka beidawng ngawih ngawih mahse ka naute hian chakna min pe ani, a pa pawh ka hrilh duh lo a hre kher lo mahse pawi ka ti lo ka rai tih ahriat chuan abuai mai mai zawk nupui fanau nei lai ani a, an nupa in kar achhiat ka duh lo chuvang ania mizoram ah ka rawn haw tak daih ni" tiin a chanchin tlangpui chu min hrilh ve mawlh mawlh a.





























Han hriatchian takah chuan zomuani chu ka khawngaih thar hle bawk, naupangte ni si in a rilru a puitling khawp mai, ka ni inchhung rawn lut chu arawn ri deuh buan buan a, "awi ha lalvulchuk vawk khu pakhatin a kim lo ania aw, kei chu ka duh thei lo reng reng, engtin nge ni dawn nimin lamah i vawnna lai kha, i nem nasa lutuk a khalai kha a kau a, ta tang chuan a chhuak aniang" ka ni chuan arawn ti nghal mawlh mawlh a, zomuani nen pawh kan lo ding deuh hluai a "ava buaithlak ve engtin nge kan tih dawn khawnge a kal anga?" Tih ngaihna hre bik lo zet chuan ka ti a, "a pawi e, pi raja-in a hriat hma a, kan zawn hmuh vat loh chuan aw keimahni zawk hi vawkin ah khuan min awm tir hmak duh ang" ka ni chuan rilru buai hmel zet hian ati a, "zawn vat chi anih chu akal hla lo tawp ang, zawng nghal ang u" zomuani pawh chuan alo tive bawk a, "nangnu kha i dul lian zet nen lo zawn ve angailo kawng anal hlawm si i che sual ang" ka ni in alo tih pawh chuan zomuani chuan engah mah angai duh thak lo.


































Ka ni in utawia leh, uvaltea te aphone nghal a an ni pawn an rawn zawng phei pah dawn bawk christiana ka call a, alo chhang rang viau "chukchukpui eng nge ni ta?" Thawven hmel zet hian arawn ti a, arui leh tawh ani hrim hrim hepa hi "christian in in lamah khan kan vawk alo kal chho em le?" Ka ti nghal vat a , ala rawn nui hawk zui "ka hmu miah lo, helamah chuan arawn leng lo aniang" nuihzat hmel zet hian arawn ti a, "lo zawng kual chhin teh school hnung leh field velah te pawh khan , i hmuh loh chuan lo chhuk thla rawh aw, kan zawn hmuh vat loh chuan abuaithlak dawn lutuk khua a thim tep tawh si" ka tih zawm zat a "ava mak awm ve" christiana chuan ati bul bul a, nge maw vawk bo pawh chu amak na vak ni "awle, ka zuk en zuai zuai anga ka hmuh loh chuan ka rawn chhuk ang" atih hnu chuan a dah nghal a, ka ni leh zomuani chu ka bulah an rawn ding a, ruah atla tawh lova a zia viau "zomuan inah lo awm mai rawh i chesual ang tih ka hlau" ka tih leh pawh chuan zomuani chuan "ka lo zawnpui ang cheu, tih tur ka nei tawh chuang lo chaw ei ani mai" tih pahin a nui hak hak a.




































Ka ni leh zomuani pawh an inkawm ngeih leh tan viau, atirah han inbe duh lo mahse in thenawm kan nih bakah an inkawm ve nasa a, an in huat rei kha ka ring lo reng ani "engtin nge ni ang aw, hawh u veng thar lamah va zawng phawt mai teh ang u, tiang chuan vulchukchuk zan inkhawm i tlai vek mai ang " ka ni chuan ati a, kei pawn zawn hmuh vat ka duh zanin phei chu inkhawm ngei ngei ka duh nizan lamah ka inkhawm silo, ka inthlahrung tawh, ka ni in kawngka a lock lai chuan christiana te an rawn chhuk a, nunhlua leh duatan an rawn zui tel ve bawk kan bul an rawn thlen rual rual chuan "vulchukchuk min ti mangang em em a, in vawk chu a bo loh tawp hi" nunhlua chuan lawm loh hmel zet hian ati a, angaihna hrelo lutukin ka ni te nen kan in en haw hlawm a, "dawt kan sawi lo, abo tak tak e aw, hei kan zawng dawn mek anih hi" ka lo ti let ve vat "ngawi teh lawkin" duata chuan aban aphar hluai a "vawk tak tak ami bo?" Kan lam rawn hawi pahin duata bawk chuan ati leh "ni e, vawk tak tak abo lohin eng vawk nge bo se in tih reng reng a?" Ka ti nang nang a , nunhlua leh duata chuan christiana an va melh zuk zuk christiana lah chu min en chung hian alo nui vur vur.
























"Kan vawk a bo itih khan, neihvawki zawk hi maw ka lo tia" tih pahin christiana chuan ka ni chu anuih tlawn vur vur a, ka ni thinrim hmel leh lawm lo hmel lutuk chu anuihzatthlak zawk kha vang ani maw, ka zawh lai pawh khan christiana khan mak alo tih em em ni "uneih hmeltha emem-nu cartoon chu nila i beng atang khan khu a chhuak nasa tawh ngawt ang" duata chuan afiam zawm zat a, "mimawl ho...vawk in zawng ang chu tih laiin keimah zawk maw min lo zawn a?" Ka ni chuan ati pawr hlarh a, zomuani nuih alo za nasa mai si tumah kan nuiri ngam silo "aw in vawk nen hian in hming hi alo in ang kher a, abuaithlak anih hi a reng rengah mahni vawk vulh lai, a ina awm tha hle hle lai han tih bo reng reng" nunhlua chuan arawn ti leh nang nang "kan hmuh hma chu kan chawl tur anilo" tih pahin ka ni chu sam phe vawk vawk khawp chuan a in her a, ahnungah kan zui dam dam mai upa ber ani bawk a, a kum hi ahmang thiam thei bik ania.


































"Zomuani chu, i van fel ve nge uneihvawki hian a vau zawk che" duata chuan ati ser ser a "lalpekthar...ngawi reng khan kal rawh ka tukhumah pawh hian mit ka nei" ka ni in arawn tih chuan kan nui vek, christiana nen ahnung berah kan kal a keini pahnih hi kan tawng tlem dun viau a, kan in ngeih viau turah in lo ngai ange, kan pahnih a hriat tham tur tawk lek lek hian kan in hnial ziah, christiana hi a chimawm si a mi tih thinrim a peih si, anghal bawk si thinrim loh tum viau pawn atheih thin loh, kawngpui kan chhuah phei hnu chuan kan in sem darh a, duata leh hlua te dâm veng lamah an kal a kei ka ni , zomuani leh christiana te kan la kal ho thung khawchhung pawh sawi lo chuan ka ni chuan vawk chu a zawng uluk viau mi in hnuaiah chuan a lut kim vek mai thei, achang leh mi inchhungah te ava zawng thul achang leh pawn atang a au a "kan vawk arawn leng em?" Ati thul keini pawn kan zawng ve tho a chu, ka ni hian min zawn kep vek ang ani mai kan zui ve mai mai ani ringawt.




































Vengthar lam kan thleng phei a, utawian vengchhak lamah a zawng bawk a, ka ni nen an in be pah reng uvaltea erawhin an veng lamah azawng nawn mek thung kan vawk bo zet chu aw, min va han ti buai chiang em christiana te thianho meuh pawh an buai ve zak zak mai, christiana chuan akhat tawk hian min chhaih leh thin a, ka lo melh rum apiangin a hmui a ti pawrh vak bawk anga hmun dangah akalsawn duh thak lo a, ka bulah hlir min si chet hian akal char char a kan inkar hrechiang lo tu tan chuan rinhlelh awm tak kan ni, zomuani pawn akhat tawkin min rawn en leh zeuh zeuh zel a, ka ni erawhin engkim ahriat avangin engah mah angai lem lo aniang chu, min rawn ngaihsak vak lo in ngaizawng nilo mah ila hetia kal dun hi nuam ka ti chuang lo christiana ka zahpui vang nilo in , khawchhungah kan kal sia mi te lah hi an tawngthei si a, thil ni miah lo pawh kha tak tak angin an phuah thiam dawn emai.





























Ka bengbulah hian thil ho te te hi arawn sawi reng anga "zomuani saw arai pung mai" tih mai mai te achang leh "neihvawki sawn vawk a zawng mawle" tih vel mai mai te, hahthlak tak ania "chukchuk a cute chi in i hmeltha" arawn ti leh zeuh thin bawk a, hauh chiam chi ani silo ka melh rum ve lahin min hlau lo nasa mai si, ka ni mangang tawh lutuk lah chuan in tinah alut a "kan vawk arawn leng em?" Tiin a zawt phei char char a, khawi a inah nge maw leng se atih reng reng ni, darlak khua kan hel chhuak chu ani der mai, vengthar lam atang hian kan veng lam kalna kawng short cut hi a awm a, veng thar lamah pawh kan hmu chuang lo ramhnuai lamah atlanbo pawh ani maithei ni short cut atang chuan kan haw leh ta tawp a, kan in bul kan thlen chuan kan hah hlawm tawh viau zomuani pawn a dul dawm meuhin a kun a, a thaw hak hak mai ahah ve ngang aniang christiana erawh hah hmel zuk pu thak lova , ka thaw hah lutuk chu ngaihtuah hmel zet hian min lo en vung vung a, ka hmulo der hmak.






































Reilo te ah an rawn thleng hlawm a, uvaltea erawh ala tel chuang lo, tumah lah chuan an hmu bik silo "chu vawk mai mai chu aw, ka va han haw tak em khawnge maw atlanbo dawn ni, min ti hah em em leh nghal" duata chuan hah hmel zet hian ati a "tih ngaihna pawh ka hre tawh lo, a chhuah lai kan hre bawk silo, hawh u i lut phawt teh ang u thingpui kan in dawn nia, hei khua athim anga in khawm pawh a hun leh mai dawn" ka ni chuan ati a, utawia nen inchhung lamah an in zui lut dun nghal a, midangho chu kan in melh kual hrek hrek hnuah kan lut ve chauh "uneih kei chu coffee ka induh ania" hlua chuan alo ti vat "ni e keipawh chaw ei ahun tep tawh tho a, green tea ka lo in mai ang" duata chuan arawn ti ve bawk a, "in va duh tui hlawm ve" ka ni chuan ati vin that a, an phu nasa hlawm em em zui "in duh duh thlang suh u,chutiang chu neih pawh kan nei bawk lo in duh leh haw ula , black tea te, blue tea te, red tea te, va in ula ti nia hetah chuan tuilum chi al bak in in dawn lo" ka ni chuan ati hlak hlak a, vawk bo nen a mood atha vak lem lo, han hau vak mahse tumah hian an haw lova an hlauh phah chuang lo a chang chuan an runluih zawk thin a, ka ni fiam thinrim hi chu christiana te thianho hian nuam an ti khawp mai.



































Thutthlengah kan thu thap a, ka ni in thingpui a lum mek bawk "sawi leh ta daih ila, pa biaka hi engtik nge alo haw dawn?" Ka ti deuh hluai a ka rin aiin a chamrei thei atukah alo haw leh nghal ka ring ania "karleh chhung pawh ala awm ang, a duh lo chung apa in a zin luih tir a, kha ala ti tau char char a, biak that hleih theih pawh ani lo, a pa vangin athiante ho pawh hi min haw vek" duatan atih chuan zomuani nen kan lo nui nasa ngang mai "zan ah i inkhawm dawn ami?" Christiana chuan arawn ti ser ser a, ka lu ka bu zeuh "atha lawm, inkhawm rawh , inkhawm in ban hunah kan lo leng mai thei" atih leh chuan ahmel chu ka en vat , a harhfim lo tih pawh ka hre nghal bawk "lo inkhawm ve zawk ula" ka tih chuan christiana chu aner nasa ngang mai "maw...maw ...atlar hnung berah kan thu dawn lawm" tiin akawr banah chuan ka pawt vak vak a, midangin min ngaihsak lem lo bawk, christiana chuan ka awmdan vel chu anuih suk suk a " atha lawm, mahse kan inkhawm rei hman lo ania keini chu" atih chuan mak ti lutukin ka en tawp ka lawm bawk si, ka hlim bawk si, midang awmve lo phei se chuan ka kuah nawk nawk mai thei ani, minute 5 lek lo thu mai mai pawh nise ka hlim lutuk tlat ang.

































Ka ni chuan , thingpui chu arawn chawi phei a kan lo ban diat diat hlawm a, a thingpui no nen christiana nena kan inkarah kher chuan tawt zet hian arawn in zep lut ka ti mai, "uneihvawktibo-nu utawia bulah kher hian i thu duh em?" Hlua chuan ka ni chu alo fiam nghal a utawia lah pui chu alai em em leh nghal, kan nui ho dar dar a tuna kan awmdan hi nuam ka ti takzet in pawh tlang deuh te pawh kan ang alawm, nia kan thinlung chuan kan in pawh vek alan chhuah tir dan hi kan thiam lo mai zawk ani "valtea pawh chu ava han rei em en ve mawle" utawia chuan ati nang nang a, khawi lamah tak uvaltea chuan zawng ve ang maw " utawia leh neihvawk-i te an in ngaizanwng vel" nuih zat hmel zet hian ka beng bulah christiana chuan arawn ti leh a, ka nghawk deuh chawrh kawngkapui chu arawn inhawng ri thuai , kan hawi rual thap uvaltea chu alo ding reng tawh "ehe inva tam ve, vawk chu in hmu tawh ami?Nge in hmu lo zawk ka hmu emaw ka tia mahse ka hmu leh miah lo" ati bah nuai a, zomuani awm vangin alai tih hriat reng reng.

































Kawngka chu khar tha leh tlapin azahzel ah "in dam tlang maw?" Tiin ban veiin ala nui vur vur zui tumah chuan kan chhang let duh miah lova, "anih kan haw leh tawh ange aw" ti a, a in her chiah chu ama kawngka kharah bawk chuan a in tauh ri pawp mai, na ati ngang aniang a au ve that mai, midangho lah chuan puih pawh tum lem lo chuan uvaltea che buai lutuk leh lai chhe lutuk chu kan lo nuihpui char char "lalvalte lo lut mai mai teh, i rawn lut chiah a haw leh nghal i tum ringawt le, i lai ami tuman kan chhaih loh che hi" ka ni chuan alo ti fiam zui a , uvaltea pawh chu kan thutna lamah chuan arawn thu phei ve ta tho, zaninah chuan vawk chu zawn chi ani tawh dawn lova, khawvar hunah chauh azawn chi tawh ang, naktuk lamah tuman hna an lo thawk dawn lem lo bawk a, min zawnpui leh chu an tum ruh ve viau mai, thei tak ang maw."Keipawh ka va haw phei phawt ange, hei ka pum ami te hi aril atam tawh anih hi" tih pahin zomuani chu atho hluai a "ilo kal ve a, kan lawm ania aw zomuan, inkhawm banah rawn leng leh ang che" ka ni chuan ati zui lang lang mai, ka pi a awm lova mahse ka ni hian ka pi ai chu a awh zo khawp mai.



































Zomuani chhuah fel hnu chuan uvaltea chu arawn dak chhuak ngam ve chauh hepa pui hi alo star tak tak ani maw, ahma khan an fiamthu mai mai turah ka lo ngai a, ropui thin khawp mai , christiana te ho pawh haw tumin pawn lam an pan hlawm a, ka ni nen pawn thleng kan va thlah a "in fel hlawm lutuk ania naktuk zingah in harhfim laiin min zawnpui ngei ngei ang cheu" ka ni chuan ala ti hram a, christiana te ho pawh an nui tawp "chaw te han ei ula, inkhawm turin ka lo nghak reng dawn cheu nia, hlua leh duata hi rawn hruai tel ngei ngei bawk ang che" tiin thu kan in chah ve mawlh mawlh a, an zawm leh ngut ange maw mahse christiana lakah hian ka beiseina ka ti sang a, amah hi han insiam tha chho zel se, athiante ho chu a harsat lutuk ka ring lem lo, christiana hian athiante ho hi a thunun thei ber miau alawm "lalneihpui....mipa inleng thlah chhung chu ava rei ve" utawian inchhung atang arawn ti lang lang a "aw ka lo kal, ka duh duh chen ka thlah ang " ka ni chuan inchhung lamah luh pah hian ati a.
























Utawia pui reuh chu athik thu ati chhe ve ngei amawn le ka nuih an tiza school tlanglam chu ka han hawichho leh a, an thianthum chuan muangchang hian an chho hlawm a, an nui dar dar hlawm mai, ka pum rawn na leh ta riai riai avang chuan damdawi ei turin inchhung lamah ka lut vat a, anat tak tak hma a, damdawi ei khalh zel loh chuan ati buaithkak a, anat tak tak khan ahreawm em ani, ka pum na zing ta lutuk chu keipawh ka ngaih atha lo tan telh telh mai.













ZAWHNA SIAM ANG AW




Vulchukchuk-i hi tinge a pum hi anat reng le?



Angaihnawm in ti em?Comment leh ads click khan phurna min pe nasa ania .




Uropuia hi misual anih in ring em?Tinge chriatiana hian a huat em em le?




Chuan christiana hian vulchukchuki hi a chhaih kual mai mai nge ni anga, a duh ve tak tak zawk le!






LO CHHANG RUaleh pekah nangmah ni in, zawhna min zawh ve na hun kan siam ve dawn nia