KA TA CHAUH NI RAWH BY Mampuii pautu (Completed)

[Ngaia]

"Ani saw tunge?Tinge kan hmuh a piangin a hlat ah awm ang che in tih ve ziah?" Tiin ka ni, min ngaihtuah em em tu hnenah chuan ka zawt a,
"Ani saw maw, engtik lai pawha buaina nei, buaina awmna hmunah reng reng, a hming alang tel ngei ngei, a hmelthat em vanga, bad boy nge a nih a, a bad boy avanga hmeltha zawk ani pawh ka hre nek lo, amah hnaih a awmte reng reng chu, mi pangngai lo vek an ni mai, atheist chu anilo, mahse ani sawn pathian a awm a ringlo" ka ni chuan ati mawlh mawlh a, senior lam ani tawh a, thil zawh pawn zep then vak anei lova, a sawi pawp pawp zel, thil zawh a nawm rual rualin a chang chuan dawnsawn a harsa thin.
Bike tlanliamna lam kawngpui chu ka thlir reng a, "Christian" tiin ka phun chhuak sup.
........
"I lakah hian ka beidawng tawh christian, engtik lai pawn i bulah ka awm a, ka zui zel che in thil tha lo tak tak itih pawhin, ka enliam zel che a, ka chhungte pawn nangmah vang hian vawiduailo min hau tawh a sin" tiin ka hma a, ding mipa chu ka au khum tuar tuar.
Tul lo lutukin, khawpui a rawn ri a, ruah a sur zawm nghal buan buan, minute reilo te ah kan huh zawr nghal vek "nanghian engtik lai mahin min umzui rawh ka tilo che, ka bula awm turin ka sawm ngai lo che a, min umzui tur pawn ka ti hek lo che, engkim hresa chunga ka bula awm thlang tlat tu zawk kha nangmah ini, chuan ka bialnu ini lo engtik lai mahin, ka bialnu ni turin ka sawm ngailo bawk che" min tih khum salh salh tu mipa chu, ka melh ngawt ngawt.
Ruah sur leh ka mittui chu a inchiah piah nuai tawh, ka hma a mipa luhlul zet ding ngul chu a tawp nan a mitah tak chuan enin, ka nui hak "ka hmangaih che, christian" ti chhuak sepin ka inher nghal, ka thusawi kha ahre kher lovang, tunah chuan he mipa lakah hian ka tlawm tawh, ka chau tawh tak zet, engkim huamin a that beiseiin ka pan zel a, mahse a tawp a ka chan chu natna chauh ani.
Ruahsur buan buan hnuai ah chuan ka kal mawp mawp, engmah ka ngaihtuah thei lova, ka hmalam kawng thim tak pawh chu hlauhna chhete mah ka nei lo, vawilehkhatah ka hma lamah chuan thil eng zet hi chak zet hian arawn tlan tih ka hria, mahse min aikaih nge ka awmsawn theilo, chak zet hian a rawn tlan a, "Duati" ti a hlauhthawn hmel zeta mipa au tuar chu ka hriat hnuhnun ber ani, truck lian zet chuan min su per lawp mai.
........
Christian Rozamliana
Mipa vawt tak leh mahni thu duh tak, a nu leh pa te pawhin a, an siam that theih loh mipa, pathian awm ring lo tu, mipa luhlul leh tih mawh tak anihna phen ah hian, a rilru chhungril erawh chuan hmangaih a, abula awm a dawmtu mamawh ngawih ngawih mipa ani, bad boy niin a duh zat zat bialnu anei thei, mak deuh maiin a bialnu te lah chu an la inthik ngai hauh lo zui, chutiang mipa mahni thu duh leh enkawl harsa tak mai chu, hmeichhe pakhat hmangaih a nei a, anihna nen a, in mil lo zetin a hmeichhe hmangaih chu kristian tha tak ala ni zui, ahmangaih tan a nun sual zet chu a sim ang nge, akalsan zawk ang.
Lalvulmawii
Hmeichhe tereuhte, mahse rilru lian zet mahni inring tawk zet leh mahni lu zo tak ani a, kristan tha tak ani bawk nu hmangaihna dawng hman em em lo in, anu in a tet laiin a boral san a, apa chuan a nulat thlengin a tul pui thak, mamawh nei em em silo in, a rukin a chhungril nun chu a ruak em em a, tu emaw mamawh ngawih ngawih, mahse amamawh ber hre chuang silo, nun ruak ngawih ngawih hmeichhia ani, mipa angaihsak lova ngaihzawng tih lam vel phei chu a buaipui ngailo, mahse aizawl khawpui atang a pi leh pu te bula awm turin thingtlang lamah chuan akal ta a, chutah chuan a rin phak loh leh a ngaihtuah phak ngai miah loh mipa hmangaih avawikhat nan atawng a, a mipa hmangaih chu kawngdik ah ahruai thei angem, nge chu mipa rilru sak leh luhlul zet chu beidawn sanin a kalsan zawk dawn.


My_Mampuii pautu




Ka ta chauh ni rawh





Chapter-1





"Hey...Vuli lalvulchuknu lo ding teh, iva han induh em em ve a" rawn ti tu an awm avang chuan ka ding chawt, ka chawhmeh khai lai chu siam tha zeuhin ka inher a, ka lam panin, Aiden ka bialpa hlui chu alo phei mek, ka hmu peih vak lo asin le, tun ang khawlum lai phei hi chuan, ka peih lo leh zual, khawlum vanglai tak ani bawk nen, aizawl pawh lum tha hem hem tak ani, chutah nisa hnuai ah chawhmeh ka la khai pur pur zui nihliap ken na chang ka lo hrelo chu ka inchhir rum rum.



















Ka bul arawn thlen rual rual chuan, anui deuh vur vur a, nisat nen a hmel lah chu niin a chhun chiang sia, hmuh pawh ka hmu tha thei meuh lo "khi reng lo khan eng nge i sawi duh, sawi vat rawh ka hmanhmawh viau ania" ka lo ti bak hluk, khawlum bawk nen ka thin a chhe vek, ka thlan lah chu ka nghawngah te aluangthla tawhin ka hria, thlan lah hi ka ngahfal bik riau hian ka hre thin.






















"Tunlai chu iva in duh ve, min be duh tawh silova" zak map lo chuan ati a, ka thawchhuak hak, "ka pe peih lo che pawh ani mahna, i number pawh ka nei tawh lo" ningzet hian ka ti a, ka thil khailai lah chu a rit tawh si, ning tawh tak ka ni "kha eng lam nge i khai a?" Arawn ti leh ta daih, ka ning lutuk chuan chhang pawh ka chhang peih tawh lo, ka in her hmak.





















"Vuli" tih leh ka banah chuan arawn vuan leh nghal a, "laltlanmawi min ti buai renglo hian, i tih tur chu ti mai mai rawh, ka ning lutuk khawmw" tih vin thatin, ka kut a vawn chu ka phih thla sawk a, ka kalzui nghal nal nal, mi kawngkal ho lah chuan min la enzui vawng vawng hlawm a, a zia lo tak tak ani, bus pawh ka nghak peih tawh lo taxi la in, ka haw nghal vang vang.























Inchhung ka lut chu angaite bawkin a reh leh thiap mai, pawn lamah thawm bengchheng tak tak ka hrezo chiah a, inchhung ka luh leh chiah chuan boruak a dang nghal vek, kan in ve hi chu engtik lai pawn a reh thin, in lian tak ani a achhungah pawh awmlo a awm lo, a awm vek mahse acheng te ho hi kan inpawh lo ve em ani.Inchung lam atang chuan ka unaunu hrawn chu arawn chhuk thla thauh thauh a, ani hi Bawihpuii ani a, ka pa nupui fa rawn chhawm ani a, kei aiin athla in anaupang, kan inbe ngailo ang tluk vel ani a, kan in haw lo a, kan inkawm ngeih chuang lo bawk.



























Ka nu hi, kum 13 mi ka nihin, bp sang leh zunthlum vangin min boralsan a, ka pa hian kum 20 ka tlin thlengin min tulpuiin nupui pawh a nei lo hrim hrim, kum 21 tunah hian ka hmang mek a, ka nu hrawn leh a fate hi an awmna pawh ala rei lem lo, ka pa chu a awmdan engmah ka sawisel ngai lova, nupui arawn hawn pawh khan, engmah ka sawi hek lo a chhan chu ka pa hian ka tetlai atang khan min tulpuiin engkimah keimah min dah hmasa ber thin, a ruka ka nu ngaia a thlalak enchunga a mittui tla hi ka hmu zing viau ka khawngaih thei hle, chuvanga sawisel lo pawh ka ni.






















Ka pi leh pu ka pa nu leh pa te hi, thingtlang lam khua an ni a, ka pa pawh hi an rawn ngaihsak bakah, keipawh hian hreawm ka ti ang tih an hlau thei hle, vawitam tak an bula awm turin min sawm tawh a, ka awm chak mahse ka pa hi ka dil ngam rih lo ani, ka pa hi sawrkar hnathawk ania, kan khawsak pawh a harsa lo khawp mai, ka pi leh ka pu te erawh thingtlang lamah, lo neiin ei an zawng a, bawng leh kel pawh an vulh ve nual a, fa hi pahnih an nei a, ka pa leh ka pa nau, nula senior lam kaive lek lek tawh hi a awm bawk.
























Tlaiah chuan angaite in ngawireng chuan, dawhkan kan kil thap, chhungkaw in pawh lo ve tak chu kan ni in ka hria, ka nu hrawn hi a sual lem lova, kan inbiak khat vang hi nge ka nel em em lo, amah pawn min nel ka ringlo mahse hnawksak turin kan awm ngailo thung, ka pa chu ka melh leh zeuh thin a, dil chu ka duh mahse ka ngam leh chiah thin silo.





















Atawpah chuan ka huaisenna zawng zawng sawm khawmin, ka pa chu ka melh ta ngar a, "pa" ka ti chhuak sep, ka pa chuan a chawbar thulh meuh hian min en a, ka lo zam em em ringawt, ahreawm ve em ani pa ten kan mitah thutak zeta min melh tawh chuan, a zamawm ve duh em asin





















"Bawihi sawi ta che, tinge i ngawih leh daih?" Ka pa tho chuan dam zet hian a ti leh a, dawhkan hnuaia ka kut chu ka sik ka sik tawh chaw eilam alang tawh lo reng reng. "Englo ania, ka pi te khaw lama han awm chhoh a, dawr han siam ka rilru ve deuh a, ka pi in karhmasa daih khan min rawn phone tawh a, an bula awm turin min sawm reng tawh a, ka lo rawn phawt tur thu che ka hrilh a" inthlahrung zet chuan ka ti ta nge nge a, ka thaw huai mai.





















Ka pa chu a thawchhuak hak a, "bawihi anih i pu te, khua a awmchu i duh tak tak maw, darlak khua chu aizawl ang hi ani lo ania, engkim a dang vek ania" ka pa chuan ati dam leh dap a, ka pa nupui leh afanu erawh an lo ngawireng thung "pa hreawm ka tih ka ringlo, college kal ka peih tawh chuang lova, thingtlang lama dawr tereuhte han siam pawh kha, achakawm ve reng reng alawm" phur zet chuan ka ti a, ka pa chuan "anih chuan zanin lamah i pi leh i pu chu ka lo be ve phawt dawn nia" atih chuan lawm lutukin ka lu ka bu nghauh nghauh a.






















Ka pa leh ka pi te an inbiak hnu chuan ka pa pawn kalchu a rem ti hlauh, ka lawmzia chu puitak ani, khawpui nun hi tlansan a, thingtlang lama awmve hrim hrim ka chak, ka nun ruak ru riau pawh hi a zia ve mai thei a sin, ka nun hi chhan awm silo hian aruak ngawih ngawih, tu emaw mamawh deuh ka nei mahse tunge ka mamawh chu ka hre bawk silo, ka nu chu ka mamawh ngei mai, mahse ani chu aboral atang kum tam aliam tawh a, ka thinlung in a, a mamawh hi ka hre bik lo.





















Ka pa chu ka roomah alo lut a, ka khumah chuan arawn thu thla nghal a, ka phone khawih lai chu ka dah vat a, ka pa chu ka en nghal bawk "bawihte kan in hi hreawm iti em ni?" Ka pa chuan ati chhuak sup a, nupui dang nei tawh mahse ka nu angaihna kha ala reh lo tih ka hria, ka pa aiin ka nu ka chhun zawk a, ka hmaifangte ka samah leh ka pianah pawh ka nu kha nu lian tak anilo va, keimah pawh hi ft 5 vel awrh chauh ka ni ka pa ka chhun na chu ka mitmeng hi a dum fiah kak a, alian deuh bakah ka mithmul hi siam chawp ve ngai miah lo hian, a er tan a asei bawk hmeltha min ti tu pawh an awmve nual zel.























"Pa hreawm ka ti hleinem, zin khawthawn ve hrim hrim ka duh a, ka rawn haw zeuh zeuh dawn tho lawm, darlak khua ah ka kal anga dawr ka han siam anga, pawisa ka khawl teuh dawn lawm, chuan fanu hausa tawk i nei vat mai ang" ka tih chuan ka pa nen chuan kan nui dun hawk hawk a, ka lu ah chuan rawn chul hauh hauhin "i pi leh i pu thu han awi la, puih an ngaihna apiangah han puive zel ang che, pawisa i mamawh chuan min lo phone vat zel rawh aw, tunah i bank account ah pawisa chu ka dah belh tawh a, i mamawh ang angte pawh i lei dawn nia" ati leh dap dap a.

























Dik tak chuan pawisa hi ka heh lo em em a, ka pa hian thlakhatah vawikhat tal hi ka bank account ah hian pawisa hi min dahsak ngei ngei thin, ka hmang ngai lem lo mamawh hi ka nei tam lem lova, incheina tih vel ka lawm vak silova, tihian ka lan dan ang ang hian simple deuha lan hi nalh ka ti zawk daih, unau ka nei lova keimah chauh hi ka nu leh pa fa neihchhun ka ni, unau mipa emaw hmeichhia emaw neih ka chak thin, ka rilru hah changa ka kianga awm turte, ka rilru a awm ka sawichhuah ve ngamna turte hi nei ve ila ka ti thin, ka nu hrawn fanu bawihpuii nen lah hian kan inbe ngai der lo.
























Ka pi te khua a, ka awm tur chu ka pa chu ka ngaihtuah ang reng viau, vawikhat mah ka tellova la awm ngailo ani a, ka pa hi ka awm loh chuan zanah pawh a mu tha thei ngai meuh lo, kum 17 ka nih laiin vawikhat chu nithum chhung school trip nei turin kan kal a, atukah ka pa in motorin keichu min lo hruai haw nghal daih, ka tel lo a, amuttheih loh thu te a sawi a,ngaihtuah chian chuan ka nuih hi aza zawk, mahse ka pa chu ka khawngaih tho bawk.





















Thawh lai em em ka neilo bawk a, ka pu te khuaah chuan kal vat ka duh ve tho nen, naktuk lawk hian ka kal dawn a, zanlamah thenrual tha leh chhungkhat hnaite ho in min thlah nan chaw kan ei khawm bawk, ka thiante ho pawn min ngaih tur thu chu an sawive hlawm nasa mai, an rilru tak takin an sawi nge sawi lo chu ka hrelo mahse keichuan ka ngai hlawm khawp ang, thian hi ka kawm tam lova thian han tih bik tur riau pawh ka neilo, ka school kalpui thin ho te ka classmate ho te hi an vaiin ka kawm thei vek.










.......






Ka kalna tur khua darlak hi, thingtlang anih vang hian, aizawl atang direct a, kalna mai tur sumo hi a vang ve reuh em em a, sumo service hi ala awmve meuh lova chuvangin kan driver fel tak mai umapuian darlak khua thleng min thlah anga, ani chu ahaw leh nghal ang, aizawl atang hian darlak khua hi ahla ve em em a, mamit lam atanga kal mai chu tha kan ti tlang bawk nen, mamit lam atangin kan kal dawn ani.

























Ka kalni tur chu alo thleng a, ka bungraw ken turho, chu car lamah kan thiar malh malh hlawm a, thawmhnaw ka keng tam em em hran lo, ka kal dawn meuh chuan ka pa nupui nuzuali ka ti mai thin a, ani pawh chuan tluang taka kal turin min chah bawk, kan in be tam lova, ka nuhrawn mah nise nu rilru chhe tak anih ka ring hran lova, ka pa pawh tha deuha min enkawl sak turin ka chah nghe nghe.
























Ka tlan liam thleng chuan, kut kan in vai lauh lauh a ka lung aleng nghal veng vengin ka hria, "eheu, kan vulchuki chu i lung a leng nghal dawn ani maw?" Nui hak hak chuan ati a, keipawh chu ka nui ve tho "leng ve dawn tho, ka pa tel lo hian ka awm khat a, ka pa ka ngaihtuah deuh alawm mawle" tha deuh chuan ka ti ve mai a, umapuia hi chu ka tette atanga kan driver tawh ania nel pawh kan in nel ve viau.





















"Ni e...sawi takah chuan i pa pawh chu a lung aleng ngei ang, mahse in zirna zel alawm nakinah chuan pasal i neih hunte pawh ala awm ngei dawn a, i pa chu i kalan ala ngai dawn tho a, lo in puahchah lawkna ani mai lawm tiraw?" Fiamthu pah deuh chuan ati a, pasal neih lam chu ka la ngaihtuah ngai loh bakah kum 21 ka hmang mek chauh ani a, neih tumna em em pawh ka nei lem lo.


























"Darlak hi ka tet lai bakin ka la kal miah lo, nang i hrechiang viau lo maw?" Umapuia bulah chuan ka ti leh a, ka bo lutuk ka hlau ani, thingtlangah hian ka la awm ngai silova, mahse ka tawn hriat ve atang te leh phone a, ka en ve thin atang te hian thingtlang khua hi a nawm hmel ka ti a, ka awm chak thei lutuk, khawpui nula tam tak chuan ramkal te, lo lama feh a, hnathawh peih lo tam tak an awm ngei ang, mahse kei chu ramhnuai a kal te, lo lama hna thawh a, thlan tla bawrh bawrh a, thawh ve te hi ka chak daih zawk thin, ka thiam kher chuang lo anga, mahse ka zir ve chak hrim hrim.
























"Ni e, i pi te khua darlak hi, mamit district a awm ania, thingtlang khua ni mahse, in atam tawh a kan tleirawl lai khan kan kalve nasa thin khatih lai kha chuan in tlemte bak ala awm lo, mahse tunah chuan in tam tak a awm tawh a, building in pawh hmuh tur tam tak a awm tawh bawk, thingtlang khuaah ro ro pawh, darlak khua hi chu a nuam bik asin, thingtlang nawm lehna pakhat chu maw, khawmi te kan in pawhin, kan in lung ruala, chhiatni leh that ni ah pawh kan in lawmpuiin kan in tawrhpui thiam bawk a, lo nei mi kan nih phei chuan kum tin thlai thar tui hnai tak tak ei turte kan thar chhuak a, hrisel pawh kan hrisel thei asin" umapuia chuan ati mawlh mawlh a, thingtlang khua an ni bawk a, thingtlang lam chanchin chu a hre viau mai.














"Nangpawh i awm char char phei chuan thingtlang tlangval zunah i uai daih ange aw" tiin min fiam zui a, duh lo lutukin ka ner vak "awi awm loh, ngaihtuah pawh ka la ngaihtuah chhin ngailo, thingtlang tlangval ka duhlo tihna nilo in, ngaihzawng lam pang hrim hrim hi chu ka ngaihsak lo" ka ti zui bawrh bawrh a umapuia lah chu a nui aza nasa mai, "thingtlang tlangval zun a uai hi ana teh mai nia aw" atih zui hram a, ka chhang peih tawh lo, ka uai dawn lo tih hi ka hre chiang em ani.


















Rawpuichhip kan thleng a, zing ah chaw eilova kan kal avangin rawpui chhip hotelah chaw kan ei a, an siam tui takzet, an bai siam te chu tui tak ani hmarcha thak hi ka ngam vak lo mai pawh a, mahse an bai siam chu tui ka ti lutuk a, thak ti chung chungin ka ei lui char char ka si hliam hliam chu umapuia bakah, hotel a chawl ve dang thenkhat ho chuan min nuih nasa hlawm mai, ka zak ru chem chem mai.




















"An siam tui thei asin, ka kal apiangin ka chawl ngei ngei thin a, athawk te ho pawh hian min be tlangnel ve tawh lutuk" umapuia chuan ati siam siam a, keilah chu thak ti bawk si chuan "nia, a zawngchhang tlak em anih hi" ka thak ti lutuk mittui tling pama ka tih chuan umapuia chu anui nasa ngang mai.













......







Darlak khua kan lut tan ta, khaw tawn tirh ah chuan lei sei ve ang reng tak hi a awm a, ahnuai ah chuan tui aluang del del a, "khulai lui khu teirei anih khu, khu khuan bairabi tlawng a pawh leh vek bawk a" tiin umapuia chuan min lo hrilh nghal zung zung a, hmuhnawm ka ti leh nuam ka ti bawk si, chu ka hawi kual vak vak leh nghal a zia lo thin mang nge.























Ka pi te in bulah chuan car chu a ti ding a, ka pi te chu veng chhak lam, thlan mual bul ah hian an awm a, an in chhak lamah chuan school ni ngei tur hi a awm bawk, mahse eng school nge anih ka hrelo, zingkarah kan chhuak a, chawhnu lamah kan thleng chauh ka chau viau bawk.



















"Ka ni, Lalneihpuii, neihi ti a, an koh mai chu in atang chuan arawn tlan chhuak nghal a, a au deuh chel chul leh nghal naupangte pawh a ang zawk alawm le, car atanga ka chhuah rual rual chuan, awi an lo thleng ta, nu, pa lo chhuak teh u, hei vulchukchuki te an lo thleng ania" ati deuh kher a, ka ni nen chuan kan inhmuh lohna a rei ve tawh bawk nen kan in ngai bawk a, kan in kuah chung chung mai.






















Ka pi leh ka pu te chu an lo chhuak vat a, an inah chuan an thiante ni ngei tur, upat hmel deuh deuh hi an leng nual a, "ehe hei, kan tunu alo thleng tawh e, lalneihpui lo awmsawn rawh, cheng chawng zel che hian, mi hi pak huam huam ziah suh" ka pi chuan arawn ti chhuak nghal bawrh bawrh a, ka lo nui nasa mai, ka ni lah chu a tum kawh vu leh nghal.






















Ka pi chuan min kuahin ka chalah a fawp zeuh a, ka pu pawh chuan min chibai a, ka len tawh thu chu asawi luam mai, ka hmuh lohna an rei tawh bawk a, an lo tar ve ta bawi bawi mai, an inleng thenkhat ho chu rawn chhuakin min rawn chibai ve ang luam a, nuam ka ti ve reuh lutuk.

























Umapuia chuan ka bungrua ho chu min thiar sak zung zung a, tihpui ve kan lo tum chu aphal thak lo leh nghal "i chauh em kha, ti khan lo awm mai mai rawh" ati deuh tlat sia, "hawh, vulchukchuk, an in marble va tel ve ang" tih leh ka ni chuan min kai a, min kalpui mai atum chu ka pi alo vin leh hlarh.





















"Amak zo zai e aw, lalneihpui ka sawi zo chiah ani lawm ni, i vahnu kha alo thleng chiah a, engvanga in marble pui tura sawm nghal nge inih a, in marble rual pawh ini tawh lo, za hawr hawr suh, pasal neih tum mang silo" ka pi bawk chuan ati leh hlak hlak a, ka ni chuan chhang lo in a phun nang nang "ka nu ve hi chu a, nula senior te kan ni ve tawh a, tihian min hau ve ziah mai ninawm lutuk" ati bai bai , ka pi te in kawt chu a zawl nuamin a fai tha hle a, in ding thenawm pathum vel an nei a, in dang chu tlemin an hlat leh deuh.






















Ka pi te in piah chiah ah chuan, naupang tereuh te te ho hi, an lo in marble a, hmeichhe naupang pawh an tel, athenin kawr an ha lo a, kekawrte chauh ha te pawh an awm, an lawmawm hlawm reuh phian zui, "mate...i nu sawi ang khan, awm teh, chaw lova chhum phawt la, kha vultei inbualna tur tui kha lum sak nghal bawk la" ka pu chuan ati dam thluam a.
























"Hawh...vulchukchuk i inbualna tur tui ka lum sak ang che" tihpahin inchhung lamah chuan min kai lut dawr dawr ka ti mai, ka ni chu hmeichhe harh vang tak ani chiang e, a sang lutuk lo a, mahse a te chuang lo a pangngai viau ka pa nen an hmel a in ang hle bawk, nula senior ka tih vang khan senior deuh turah in ngai ange, kum 30 ala tling lova, pasal neih lam hi angaihsak vak lo nge tianglam hi kan in biak chang pawn a sawi ngailo reng reng, keimah pawh hian mipa ka ngaihsak lo lutuk hi, ka ni ka chhun na lai ani maithei, bialpa pawh pakhat chiah ka la nei ania.



























Ka pu te in chu, building ani lova, dap in ani mahse alian tha viau a, ka pu hi Sipai pention tawh ani a, an khawsak aharsa bik lova, an in chu dapin niin, achung lamah rangva an hmang a, an kawmthlang lamah chuan ar in leh vawk in hi a awm bawk a, ar in chung atan chuan D hi an hmang bawk, thutthleng ah chuan thu in tukverh ah chuan ka dak chhuak a, ral lehlam a, tlang hring dup chu ka thlir vang vang, in hmuh tur engmah awm lo mahse tlang ringawt pawh chu ahmuh nawm tham, mahse thli tleh hunah chuan ka pi te in hi chu ana duh viau mai thei.






















Ka ni chu ka bulah lo thut pah chuan "vulchuknu iril atam tawh em?" Arawn ti zang vah a, "tam lem lo rawpuichhip ah khan ka ei hnem lutuk a" ka lo ti vat a, "i inbualna tur tui ka lum mek a, a so veleh i inbual dawn nia aw" ati leh nghal a lu ka lo bu nghauh "naktuk lamah khawchhung ka fan pui ang che, kan awmna lai vel hi chu thlanmual veng ania, in hi ala tam lutuk lova, mahse anuam tawk chiah, chhun lamah naupang school kal ho an bengchheng thei a, a reh em em ngailo ania" ka ni chuan ati mawlh mawlh a.


























"Ni khilai school khi eng school nge?" Tiin ka zawt ta nge nge a, "khilai khi primary school 1 anih khi, chuan sawtah veng tawn tirh lamah primary school 2 a awm bawk a, middle school pakhat a awm a, private school hi pakhat a awm bakah, sawrkar school high school pakhat a awm bawk, i awm rei anga ila hre chho ve zel mai ang" ka ni chuan ati mawlh mawlh a, khua chu ka fang chak tawh viau.






















"Ka nu te pawh chu, nge maw pawnah an awm reng le, mi hi ahau vak vak a, amah hian pawn a lawm tehreng nen, thingpui pawh ka lum so vek tawh sia, ka nu thang in thingpui tur a so e, lo in rawh u" ka ni chuan atih zawm lang lang a, ka pi hi thangi ania ka ni hian fiam nan ka nu thang ati ziah.






















"Vulchukchuk lo inbual rawh le, chumi zawhah saw kan in piah a, bungkung lian deuh awmna ah sawn kan va awm vel mai mai dawn nia anuam lutuk, thli atam a" ka ni chuan arawn ti a, "ni in awmna lai vel hi thlanmual a awm nual sia, in hlau lo mi?" Ka sam tawn lai phelh pah chuan ka ti a ka ni chu anui deuh uar uar mai.




















"Hlau teh nang, thlahrang phei chuan min hlau mawle, hmanni zanah pawh thlahrang ka um hrep alawm" tih pah chuan anui leh vak vak a, keipawh chu ka lo nui tawp "tak takin kan hnaih deuh a, thlan awmho hi chu thlan hlui ang an ni tawh a, a rei tawh alawm, athen phei chu kan pian ve hma a, an phumna te ani tawh a, tunah tak phei chuan thlanah an hmang tawh lo, thlan thar kan nei tawh a, khitah veng chhak lamah khian a awm, kinah kan la leng dawn nia" thingpui chawh mawlh mawlh pah chuan ati a.





















Ahnu ah, ka pi te leh umapuia te ho chu an rawn lut a, kei pawh in bual turin ka lut zui ve nghal bawk, vawiin kan tlanna khu nen , ka lu ka su bawk a ka in bual rei lem lo ka va chhuah leh chuan thingpui pawh an lo inzo tawh a, umapuia chu kal mai tum hian alo in siam tawh a "umapui zanin chu riak ve mai rawh , zan zanah mahni chauh te chuan anuam lovang" ka lo ti vat a.



















"Riah chu a chakawm alawm, mahse mamit lamah chhungte ho in riakchho ngei ngei turin min sawm sia, kan lo inbe vek tawh si a, mamit lamah ka riak law law mai ang" umapuia chuan alo ti vat a, umapuia chu pawn thleng chuan kan thlah liam a, alan theih chhung chu ka ban ka vei char char, umapuia pawh angaihawm dawn tak tak ani.

















Kan thlen thu, ka pa ka la hrilh lo tih hrechhuakin inchhungah chuan ka lut vat a, room hi ka ni room a zau tha bawk a, kan intawm dawn a, khum pawh alian tho a an dah belh lo bawk, ka ni lah chu a phur phurah ala tang zui, ka phone ka charge chu ka phawi a, ka pa number ah chuan ka dial nghal zat bawk.













Ka pa chuan ala har lo, kan thlen tawh thu te nuam ka tih zia te chu ka sawi mawlh mawlh a, ka pa chuan tha deuha awm tur leh a rem rema, pui ve zel tur hian min hrilh mawlh mawlh a, kan inbe rei em em lo phone ka dah hnu deuh lawk chuan "vulchukchuk lo chhuak rawh, bungah chuan va kal ang" ka ni chuan room pawn atang arawn ti lauh lauh a, "khawiah mah kalpui angailo, arawn thleng chauha, vahchhuahna tur zawnpui nghal reng suh, nangmah kha i vah chak vang anih kha" ka pi ti hlak hlak ri chu ka hria room atang chuan ka chhuak a.

















"Vak chak ila, chuan kan kawt pawh zau tha deuh ania, ka vak nileng thak ang chu, mahse maw ka vak peih lo" ka ni chuan alo ti letve vat "khawiah mah kal angailo, mi hnialna tur lah hi i hre ropui si, i za lutuk lalneihpui" ka pi chuan ati vin leh hluk hluk a, arukin ka lo nui char char "sawlai bunghnuaiah ringawt sawn lawm kan kal dawn" ka ni chuan ati deuh nang nang a, "engmah sawlai bung hnuaiah sawn tih tur inei lo, awke ke vawm i chak vang bak va nisuh, eirawng kha bawl la atawk, awke ke vawm rual pawh ini tawh lo, naupang tereuh te te ho i kawikhawm a, i bawl â vek hi kan ti reng a, nangmah zawk hi naupangho hian an bawl â vek che nih hi" ka piin atih leh chuan ka ni chu ke per tan tan hian roomah alut vei hmak a.



















Ka zuilut ve vat ka ni chu, darthlalang hmaah hian alo thu tum bar a "ni awke ke chu khawnge a awm a?" Ka ti deuh sa sa a, ka tawng ring ngamlo, ka tawn rin chuan tawng hi a inhriat pawh ve vek theih sia, "saw lai bungah sawn a awm alawm, a kak karah hian a cheng a, a ke leh mei hi ati lang thin a, kan vawm thin alawm awi anuam ve reuh thei lutuk" ka ni chuan ati siam siam a, ho ka ti lutuk chu ka nui vak vak, awke ke lo vawm sak mai mai te chu aw.
























"Awi ka hmelthat dan em em hi, ka inzahpui hial" tihpahin a insiam cute vel a, darthlalanga a hmel lang chu tha tih hmel zet hian a en reng "darthlang, darthlalang darlak khua ah hian tunge hmeltha ber keimah ka ni em?" Ka ni chuan pitar aw deuh hian ati a, amah vek chuan aw thum deuh hian "Vulchukchuki a hmeltha ber, nangchu hmeltha list atang itla thla tawh" ti thum leh dutin a nui uar uar a, "eheu chu kan vulchuki chu apple kan ei tir nghal ange" tihpahin min rawn en a, anui nghal vak vak.























Ka ni naupangchhia lutuk chu ka nuih aza ngang mai, ka ni chu kuahin kan nuidun ver ver a, a inrin loh lai takin a zakah ka dek thut chu "awi ka nuthang" tih leh a tho deuh uai ka lo nui uar uar "lalneihpui mahni nu te tikhan koh ziah suh ka tih che kha" ka piin arawn ti pang pang a, ka nuih chu aza zual sauh.












(Story hi zankhat danah zel up tur ani e aw)



Chapter-1 na chauh ani bawk a, ngaihdan leh duhdan thawh te kha in thlahrung lo ang u aw





Thingtlang lam hi ka la ziah ngailoh vangin ka thiam ang tawk leh ka hriat ve dan tawkin ka lo ziak a, a dik loh laite emaw, chutiang zawk chu ania tiin a dik lo lai chu min lo hrilh zel ula, chuan thingtlangah chuan chutiang khatiang chu ani thin a, ti a min hrilh belh duh in awm anih pawn ka lawm viau ang, ka hriat chin hi atlem ve reuh lutuk , kan naupan laiin kan khua thingtlang atang khawpui lama kan pem daih vangin ka hre tlem lutuk a


Show post links
Top

[Ngaia]

By_Mampuii pautu



Ka ta chauh ni rawh




Chapter-2




Lalvulmawii pov.




Zingah chuan ka harh hma viau, khumah chuan ka thu chhuak deuh hlawlh a, ka ni ka en chu tho chiah e tilo chuan ka nui nasa ngang mai, a mangchhiat zia mai chu, alu chu khumah a awm tawh lo hrim hrim, atla thla hnuanga, a sam nen zawng zawng ala ang huau zui a, chutah ala hnar bawrh bawrh zui engtin nge tiang em em a, mangchhia a, amut thiam ni, a puan sin lai pawh chhuatah a awm daih tawh.
























Khum atang chuan tho chhuakin ka sam ka tawn mawlh mawlh, ka sana bun lai chu ka en a, dar 5 leh tih vel chiah hi alo la ni, ala hma lutuk chu mak ka ti zawk, pindan pawn lamah chuan thawm ri rak rak ka hriat vangin ka chhuak phei vat a, ka pi chuan thukah hian mei alo chhem mek a, "pi ivan tho hma em em?" Ka ti nghal zat "ehe mate nangpawh chu iva tho hma ve nimin lam i chauh dawn nen va mu tha leh rawh" alo ti vat a.












Ka pi te hian gas an nei reng, mahse thingtlangah chuan thuk an nei deuh fur a, gas hi an ren thiam hle tul deuhah lo chuan an hmang mai mai ngailo, ka pi te pawh an kawtah pawh thing an dah vum thur thur mai









"Ka chau vak lo, mut ka kham lutuk tawh zawk, ka hmai ka va phih lawk ang aw" ka ti zui zat a "awle kha, bathroom ah pawh tui ala awm lovang, pawn lam barel ami saw lova hmang mai rawh, nakinah khai luh ani mai" ka pi chuan atih zawm zat, bathroom ah chuan lut pheiin ka ha nawhna chu ka va la , no kengchhuakin pawn lam barel bulah chuan ka va ding nghal a.





















An inbul ah chiah hian, barel pahnih lai an hung , ka pi te inbulah hian pangpar atam lutuk tlat, mawi tak ani an vul chek chuk mai a, hmuh an nuam tak zet ha ka nawh pah chuan, primary school kawngchho lam pang chu ka thlir reng a, kawngchho sir velah chuan midum pangpar an tih ang chi hi atam hle a, a intlar chho put mai, an school ah chuan thingkung atam tih pawh ahriat viau mai.






















Ka ha ka nawt zo ka kam ka thuah lai chuan, bike pali lai mai hi, school lam pan chuan an tlanchho dam dam a, mak ti ang reng zet chuan ka thlir vung vung tun ang zingkarah eng nge an tih dawn le, school ah leh nghal, hmeichhia an la phur vek zui a, thil sual an ti dawn ti ila, tun ang zingkarah ber kher chuan an tih ka ring chiah silo.




















"Vuli...vulbawih" ka pi in arawn tih chuan ka ner sawk min koh dan ber kher chu aw, hming thar min pek atum leh ringawt tawh aniang, inchhungah chuan ka lut zui a, ka ha nawhna chu dahtha leh thlapin chair ah chuan ka thu a, ka piin thingpui leh chhangthawp hi alo chhawp vat bawk, ka pu pawh a rawn chhuak zui ve nghal a, ka pi in thingpui alo siam ve vat.


















Ka pu hi chu ka pa nen an in ang chiah an tawngtlem dun em em a, an fate an hmangaihin an ngaihsak hle, thinrimin thil an ti buan buan ngailova ahunah pa takin an che mai thin hei vang hi lawm ka pa pawh kha ka zahin ka ngaihsan em em.










"Pi nichin khan school lamah khian, bike an tlanchho sap sap mawle" ka ti chhuak phawng, mak ka ti em ani tun ang zingkarah khatiang a, an tlanchho tawp kha eng tih tur pawimawh nge an neih le, kei pawh chu nge maw ka buai em em le.



















"Aw...pu ramdailova fapa leh athiante ho an nih leh ngei dawn chu" ka pi chuan alo tive mai bawk a, maian a hih lai chu thingpui in pah chuan ka tih pui pah a "tunge?Pu ramdailova chu" ahming te reng reng pawh chu, a commont love chiang e "kan khaw vcp hi anih bakah, khi primary head ber khi ania, helai school leh ram vel hi chu an chhungkua khian an enkawl chawt ani mai, pa fel tak leh mahni hna tlin ngang hi ania, school naupang pawh angah asin, mahse khi fapa anei fuh love deuh a, abuaithlak ve anih khi" ka pi chuan ati malh malh a.

























"Mi chanchin achhe zawngin an sawi an sawi ngai love" ka pu chuan ati dam thluam a "achhe zawngin ka sawi loh chu mawle aw, nge maw ilo lak kawih hman ni" ka pi chuan ati hlak hlak a, engmah pawh ka zawt zui ngam tawh lo, thingpui ka in zawh chuan bathroom ah leh inchhungah chuan tui ka khai khat vek a, inchhungte ka phiah fai zawh hnuah, tual vel chu phiah tumin ka chhuak nghal a.























Ka pi chu a ang hlak hlak mai, hei chu pitar dan ve reng ania, ka ni pawh chu aharh kur tawh mai thei ani "lalneihpui tho nghal rawh, khu i fate pawh an rak an rak tawh khu, nula ve si tho har thei lutuk mai, ar lah hi i chhuah har thei zingkar , boruak tha leh thianghlim pawh hi an dawngve hman ngailo" tiin ka pi chu a ang hlak hlak a, tual phiah pah chuan ka lo nui char char.
























Ka ni aw chu ka hre zawm zat a, atho ani ngei ang "ininawm thei e, ka nu thang, vawk ho khu ka fate an nive ziah lo, mi zingah lah hian ifate min tih sak ziah a, min ti zak zozai lutuk, ar te pawh boruak tha an dawn i duh chuan nangman zuk chhuah ve mai ta che" ka ni pawh chuan ati pawr hlarh , pawn ah rawn chhuakin aha arawn nawt zui nghal a, ka lo nuih char char mai.


























"Mi hi chhang pawng pawng ziah suh, i upat tawh nen hian" ka pi in, inchhung atang chuan arawn ti a, " ka kum ngaihtuah chuan chhangve pawng pawng rual che chu ka ni ve tawh alawm" ka ni chuan ati let ve leh, an zingtin tih dan ani tih ahriat mai, an tawk dun viau, chutih lai chuan bike pakhat hi school lam atang bawk chuan arawn tlan thla a, kan in kawtah tak chuan arawn ding bawk.






















"Ehe...christiana chu, kha nizan lam ilo haw ve ngai alaw?" Ka ni chuan chupa chu alo be vat a, chupa chuan ahelmet chu phelhin, anui deuh suk, a hmeltha lutuk chu mak ti zetin ka en tawp, ka thil tih lai pawh chu ka hre chang tawh lo, "zing kar atang tlangau ngaihthlak chuh, aman hla hle mai" chupa chuan ka ni en reng chung chuan ati a, tui hmuam pung chungin ka ni chuan amelh kha kha mai.





















Atui hmuam lai chu paih chhuakin " sual viau suh aw, nangni pawh, in in bauh ve tuar tuar ziah tho kha" ka ni chuan alo ti letve vat, an inbiak dan atang an in nel hmel viau leh nghal, "i fate chaw pek ahun tawh ani lo mi?" Chimawm zet chuan ati leh a, chutah ka lam chu avawikhat nan arawn hawi ve ta nge nge a, ka lo lai deuh hui mai.






















"Ninawm ka nu vang vek, tute pawh hian, i fate hi inti vek hlawm ziah mai, ka la talh vek dawn alawm" ka ni chuan lawmlo zet hian ati hlak hlak a, chupa chuan ka lak atanga amit la sawn eih lo hian "hei, neihvawk mikhual in nei alaw, khawilam mi nge?" Chupa chuan min melh deuh ngur chuan ati a, a mitmeng chuan zun anei "mikhual tih kan phal lo, ka vahnu anih kha, khawpui nula anih kha aw, i melh ve eih pawh kan phal dawn miah lo ania" ka ni chuan alo ti fiamthu nghal , ka zak ru viau.

























"Zanin chu, khawpui nula rim tur kan kawmthlang lawkah, a awm bawk a, a va phur awm tawh ve" ti pahin ahelmet chu akhum a, abike chu rest leh vakin chak zet hian atlanchhuak nghal a, ka thlir zui vawng vawng mai "ekhai...i mit kha atla nge" ka ni in arawn tih chuan ka harh chhuak zawk, "ni khapa kha tunge a?" Ka ti deuh haw a, "khi kan kawmchhak school bul lawkah building lian deuh ding khi an in anih khi, Christian Rozamliana anih kha, mahse khapa kha hnaih lola, chuan biak tam loh bawk tur aw,ka sam ka khuih lawk anga vawkin lamah kan chhuk dawn nia" tih zawm zatin, ka ni chu inchhung lamah a lut nghal a.























In nel deuh leh tha deuh khan an in be sia, hnaih loh turin min ti leh bawk si, ka hrethiam lo hnaih ka tum tihna erawh ani chuang lo, mahse amah khan zun anei thingtlang tlangval ah chuan ahmeltha pawl tak ani, aizawlah pawh ka vawikhat hmuhna a, mipa ngaihtuah zui vawng vawng ka nei ngailo, hmeltha tih ka neih awm pawh ka hre ngailo, mahse khapa kha chu ahmel kha atha thlawt, ka pi khan a sawi zuai tawh , chuti anih chuan khapa kha darlak khaw vcp pu ramdailova fapa atih kha ani ngei ang.
























Ka ni chu arawn phun chhuak hlak hlak a "hawh, vulchukchuk chhuk ang, ipi ve saw ka ning lutuk ka hmel ahmuh tam leh min hau ngun ani mai, ka ar hralh ruk lah hi tun thlengin ala sawi ve ziah zui, ninawm hlek hluk lutuk pasal ka la neihsan vang vang ang mawle" phun hlak hlak chuan vawkin lamah chuan achhuk a, keipawn ahnungah nuiza insum zet chuan ka zui ve zel.

























"Ni ar i hralh ru tawh maw?" Ka ti vat a "aw hralh ru tawh e, a rei tawh lutuk kum 5 dawn aliam tawh, tunthlengin ala sawi chhuak anih chu, thiante ho nen picnic na mi tur pawisa thawhkhawm kan tia, min pe duh lova ka thinrim in kan arpa pakhat hi ka hralh ru tawh alawm" ka ni chuan ati ve mai bawk, a kum tam tawh viau mahse amah hi puitling har chi ania, fanu neihchhun anih bakah, unau hi ka pa nen chiah an nih vang hian nge amah hi a puitling har, kan inkawm thei fu a, kan kum rual tawk ang leka awm athiam, naupang pawn an ngaina hlawm viau ang.



























"Vawkchaw hi ka pe lawk ang, ar kawngkhar kha lo hawng la, hei buhfai hi leiah ilo theh dawn nia" tihpahin vawkin lam chu apan phei a, ka la ti ngai silova ka hupphurh ru viau leh nghal, ar inlamah chuan ka kal a, an tam tham tih hriat zet hian chhung lamah chuan an ri chhuah chhuah a, athen an khuang bawk, hlauthawng ru zet chuan ar in kawngkhar chu ka hawng dek dek a, ka hawn rual rual chuan, an rawn thlawk chhuak ta sup sup mai ka inring hman lo nen, lei lamah chuan ka tla thum dup a, ka mawng ka la sawh zui, ana reuh phian a.






















Buhfai chu theh tumin dut no chu ka la kanga, chutah arpui ano hruai lai chuan min rawn um ta thut mai, ka hlau lutuk chu ka khek tuar tuar a, awmze neilo zet chuan ka tlan kual vak vak "awi ka ni ka duh theilo, min rawn chhan vat teh, ar in min um ania" ka ti deuh chel chul a, arpui lah chu akawlh em em leh nghal athla ati kau vek mai, ka ni chu hmanhmawh zet hian arawn tlan phei a, rawn dingin ka tlanchhe lai chu min kawkin a nui vak vak anih chu ka ngei zia chu.





















Ka ni lamah chuan tlanpheiin ahnungah chuan ka ding a, ka ni chu ka kuah chawt, arpui pawh chuan min um tawh lova, ka thaw kawk kawk mai, ka lungphu ran zia chu pui tak ani, ka pian tirh ata ar hlau a, ka vawikhat tlanchhiatna ani, "i mawl ami?Min lo chhan vat tur che lawm nge ilo nuih vak vak a?" Lawm lo zet chuan ka ti hlak a, ahnungah ka la ding reng.
























"Vulchuk...inchhan vak dan tur kha avang em alawm a um tu che lah kha, ar mai ani bawk sia, a fate saw lak i tum emaw tiin a um che nihkha, i tlanchak hlauha i vannei chuti nilo se chuan a lim hrep ang che mawle" nuih uar uar pah chuan ala ti ta deuh deuh a, min hnem ahnekin ka ngei reuh zia chu a, "ahrim hrimin ava han kawlh reuh em em, ka ngei reuh lutuk, zak lo reuh e nge min lo um ve ngawt le, chaw pek ka tum ani ve mai a" ka ti nang nang a.
























"Chutin ar mai mai an rel vak vak ngailo, tawng pawh an tawngtheih loh saw" ka ni chuan nuihzat hmel zet chuan ati a, "ar mai mai pawh nise min um hrep kha" ka lung hi a awi thei thlawt lo, ar zawkin mihring zawk min um hrep kha ka lawm hlawl lo, chutah kan inlam chu ka han hawi chho a, kawngbul atang mai chuan, khapa ka ni in christiana atih pa khan a bike a thu chungin min lo thlir reng chu niin ka hawi let rang viau, ka zak lutuk ringawt.





















Vawkchaw leh ar chaw kan pek zawh hnu chuan inlamah kan chho nghal a, ka piin chaw ei alo siam mek chu kan tihpui ve zung zung, thingtlang mi chu, lo nei mi kut hnathawk mi an ni a, tlai takah tumah an che ngailo an taima hlawm em em a, chaw ei tlaite hi an ti ve vak ngailo, chaw ei pahin ka pi leh ka pu chu an ti ti malh malh a.




















"Vawiin chu ka chul hlui lamah khan kal ka duh, bawkbawn te pawh an lo rah leh teuh tawh ang, chul bawkbawn bai ei te pawh a chakawm leh tawh alawm" ka pi chuan ati malh malh a, " a awm pawh ka ring lo, vengchhak lam naupangho khi sava veh pahin an kal ziah a, an lawh ziah ka ring" ka ni chuan alo ti vat a "lo ziah pawh nise eikhawp chu a awm em em ang, vulbawihi pawh khitah aizawl lamah vai bawkbawn lian pui pui chiah in ei thin sia, thingtlang chul bawkbawn hi atui bik ania" ka pi chuan ati leh siam siam a.























Ka ni chu alo nui lui vak kher a "nu ho tak hi chu aw, thil hi in fak over thei ka ti" ka ni chuan ngeiawm zet hian alo ti hram a ka pi lah chuan amelh rum mai mai "lalneihpui i chaw kha ei hle hle rawh, nu te thusawi lo hnial ve hman ziah ringawt mai, nangmah kha nilengin ka vai tir nghal loh che" ka pi chuan ati leh hlak hlak a, "chaw ei lai tal hi chuan ngawi ve teh u" ka pu pawh chuan beidawn hmel zet hian alo ti ve bawk.

























"Ani tak tak, vulchukchuk nu ho thusawi hi chu rin tur chin leh chin loh hi a awm ania aw, saw kan thenawma pi vari pawh saw maw, aizawl mi mo anei a, makimi ania an monu pawh saw arawn awm tirh chuan aizawl nula tih takah a ngo in ahmeltha sia, avun te kha anung sar asin, mahse thlahnih khat an awm chiah mai chu , athu dum vek mai mawle, chuti chung chuan a pizawn pi vari lah sawn an fak thiam mai mai khawp asin 'kan monu chu maw, thingtlang angeih lutuk arawn awm tirh a, a dum nen a thu thei si, karkhat vel a awm chiah mai chu a vun te hi a mam in a ngo chak a sin aw' ati ve ziah a, tumah pawn kan awi ngailo, alo awm tirh leh ahnu lam a in ang lo em alawm" ka ni in a chaw eilai thulh meuha atih chuan ka pi pawn tih ngaihna ahrelo alo en tawp, kei ka lo nui char char bawk a.

























Chaw kan eikham chuan keiin thleng ka sil a, ka ni in chaw eina vel ati fai bawk, "in awm maw, pi thang" nu la valai aw deuh mai hian arawn ti a, ka hawi let lem lo, ka pi chuan lo chhawn vatin "aw awm e, eng nge nita, Masiami chu lo leng rawh" ka pi chuan alo chhawn vat a, thleng ka sil zova ka kut chu ka hru ro leh thuak thuak hnuah ka in her ve ta chauh, kan inleng nu chuan mitmeng fiah kak mai hian min lo en reng.






















"Ekhai....khawilam mikhual nge in neih a?" Kan inleng nu chuan ati deuh hluai a, ka ni chuan min rawn enin a rukin aner sawk sawk mai eng nge ahriat ni "aahh...kan fapa aizawl lam ami, fanu ania kan tunu neihchhun anih ve hi" ka pi chuan nui hak hak hian ati a "anih chu tu in va han nei hmeltha em em ve mawle, a fel hmel em em leh nghal" chunu chuan ati leh a, nuam ka ti em em lo keichu mi in hmaichhan a min fak vak vak hian nuam ka ti ngailo. "Kimtei te nen an inrual hmel viau mai a, an inkawm thei phian ang" atih zawm zat a, "ni e han awm tlangnel ve se, leng te pawh ala rawn lengve ang chu" ka pi chuan alo ti mawi ve bawk a.
























"Englo ania ka lo kal chhan chu, vawiin chhun lama naupangho chawhmeh tur artui hi hei in fanu, neihi te hian min lo laksak leh se kan tia, bawiha bulah zing lamah khan ka sawi reng mawle alo chhuak bo leh hman hmawh a" atih leh takah chuan christiana nu anih ngei ka ring, ka ni peih lo hmel chu ka khawngaih zawk. "Tirh tur mai an awm silova, neihi hi alo hman remchang ve thin si a, athlawn ani dawn chuang lova poket money tur te pawh kan in pe anga" atih leh chuan ka ni tum bur chu chawp lehchilh hian areh nghal hmak nuih vak vak ka chak zia chu.























"Aa poket money pawh angai hleinem, engmah tih tur anei chuang lova, va kal rawh se aho lutuk ahahthlak hleinem" ka pi chuan hawihhawm zet hian alo tive bawk a, christiana nu a chhuah hnu chuan "ninawm lutuk nge poket money angailo te ilo tih athlawnin ka kal peih hleinem" ka ni chuan ati hlak hlak a "phun ziah suh, phut let neiin thil hi tih tum ziah suh, mizo tlawm ngaihna zel anih hi" ka pi pawh chuan alo tive nghal a, "mifate hrawk puarna turah khan ka tlawmngai awmbik lo emai, ani pawn fapa anei a, fanu pawh anei a, tir ang hmiang an fate an dah hahdam leh lutuk a, engmah tih nachang pawh an hre tawh lo anih khi, poket money tur chu ka dil awm tho emai" tihpahin pindan lamah alut tau sawk a.

























Achang chuan kei ai daiha naupang hi a ang thin, mi hi han sawi vak vak thin mahse, a rilru erawh achhe chuang miah lo.












Chhunah chuan tih tur em em ka nei lo bawk a, ka ni chu artui alakna ah chuan ka zui ve a, khawchhung chu anuam ka ti phian khawpui ang in motor jam tih vel a awm ve silova ka zalen bik riau hian ka hre pek a, ka ni lah chuan hmelhriat an ngah mai mai khawp ah, an nel hlawm viau leh nghal, darlak bazar chu a phuisui viau chawhmeh tlai leh sa lam chi thengin achikim viau mai, bazar atang chuan pengin, dawrlian deuhah hian kan lut ta a.





















"Artui plate nga, kan duh" ka ni chuan ati nghal vat, dawr chu, mipa pakhat pa valai ve deuh hian alo nghak a, athawk ni awm tak, mipa tho pahnih an awm bawk a, customer tlem an awm bawk, "lalneihi hi ka pawisa i ba a, i rawn kal duh tawh reng reng lo mai a" dawr nghak tupa chuan alo ti a "awi...pa roa chu uikawm viau lo teh chenghnih bak ka bat loh che kha, installment in ka rul ang che ka tih kha" ka ni chuan alo tive vat, mak ti ang reng deuhin ka ni chu ka en reng, "i mak thei e chenghnih lek vawikhatah min rul ve nghal mai la, installment a pek tham pawh anih loh chu" dawr neitupa pa roa chuan ati ve bawk midangho dawra awmho chu an nui aza hlawm ngang mai.























An in ngamtlak dun hmel viau leh nghal, "i uikawm anih mai chu ah, mihausa ho uikawm zia hi chu maw chenghnih vang lek khan itla chhe dawn lo chiang emai, min dil reng suh" ka ni lah chuan ati deuh deuh a, thinrim ang phei chuan an awm chuang miah lo, artui kan lei tur chu an siam zo a, pawisa te kan inpek hnu chuan, dawr atang chuan kan chhuak vat.




















"Ni tinge chenghnih lek pawh chu i bat re re a?" Ka ti a, ka ni lah chu anui nasa ngang mai "hmanni ah tawh mawle, ka pawisa hman bangin magie ka lei a, aman zat alaklawh si a, chenghnihin alo daih lova ka ba lawm" nui vak vak pah chuan ati a, a thusawi ah lah hian anui nasa thei mai sia.





















Kawng kan kal lai chuan kan bulah bike hi arawn ding ri tuar min la tai teuh em em zui ka ni chuan alamah min pawt phei vat a "Christian Rozamlian ka vahnu kha tlem a tlema i that lo chauh alawm" ka ni chuan ati chhuak that, amah lah chuan engah mah ngaih loh hmel zet hian anui suk duh chauh leh nghal.




















"Khawnge in kal a?" Ati ta daih, in tuha lo ve mai sia "i thil tih peih loh kan ti anih hi" ka ni chuan ati bak hluk a, lum ati ngang aniang athlan chu ahru leh zeuh thin a "in lamah ka haw lawk dawn, in lo chuang ve duh em?" Christiana chuan keimah min enchung chuan ati deuh kher a, "kha i bike midangte tana tangkaina nei vak lo khan, engtin nge min phur se, itih chu ai chuan, kha heihi school ah lo dah zawk rawh an siam duh tawh ang nidang aiin vawiin chu ka tlai deuha" tihpahin ka ni chuan ka artui khai lai leh ama khai lai chu christiana chu a pe a, alo hnial bik lo.




















Artui vel chu dahthat pah chuan, "ka kal ania" tihpahin min rawn en leh deuh kher a, nge maw ahriat reuh ni, a huhang nat zia mai lah chu a, ka bul hnaia a awm apiangin ka thaw tha thei lo hian ka hre thin.










"Ani kha hnaih tam suh aw, vulchukchuk" ka ni in atih leh chuan, ka ni chu ka en vat "Ani saw tunge?Tinge kan hmuh a piangin a hlat ah awm ang che i tih ve ziah?" Tiin ka ni, min ngaihtuah em em tu hnenah chuan ka zawt a,























"Ani saw maw, engtik lai pawha buaina nei, buaina awmna hmunah reng reng, a hming alang tel ngei ngei, a hmelthat em vanga, bad boy nge a nih a, a bad boy avanga hmeltha zawk ani pawh ka hre nek lo, amah hnaih a awmte reng reng chu, mi pangngai lo vek an ni mai, atheist chu anilo, mahse ani sawn pathian a awm a ringlo" ka ni chuan ati mawlh mawlh a, senior lam ani tawh a, thil zawh pawn zep then vak anei lova, a sawi pawp pawp zel, thil zawh a nawm rual rualin a chang chuan dawnsawn a harsa thin.














Bike tlanliamna lam kawngpui chu ka thlir reng a, "Christian" tiin ka phun chhuak sup.













Darlak hi kan khawhlui ka tih tawh kha, ka la hriat dan ang ang leh darlak khaw awmdan ka la mit thla theih ang angin ka ziak a, school awmna tih vel te pawh kha a dik vek tak tak ania awmahse a rei ve ta em a tunah chuan darlak khua pawh adang tawh viau ang tih chu ka ring a, mahse story anih angin phuahchawp te pawh awm ve nawk nawk mai teh se


Show post links
Top

[Ngaia]

By_Mampuii pautu




Ka ta chauh ni rawh






Vulmawii pov.






Ka ni nen a, in kan thlen hnu chuan a lum lutuk chu, awmngaihna ka hrelo, ka in bual ta tawp a, ka pi chu chul hlui lamah a kal a, ka pu lahin "ka thing put tura ka tih kha midangin an lo la palh ang, vawiin chu kan pu ange thingkha ani sia a alh duh chi ani bawk si" tiin ramlamah a kalve ta kha nia, an kum upat ngaihtuahin an la chak tha a, an dam phawt chuan, ram kal te hi an thulh ngailo reng reng.














Tuntum chu lo an neilo ani awm e, kum dangah erawh chuan an nei ziah tho, mahse tuntum chu ran an vulh nasa , ka pi te hian leilet an nei bawk a, an leiletah chuan bawng leh kel tih vel an vulh nual bawk a, vaiho an enkawl tir ni awm tak ani, kal ve reng reng pawh a chakawm. "Vulchuk i inbual zawhah, thil ei ang aw, hei momo ka lei teuh a, kan ei dawn nia" ka ni chuan ati lang lang a, engtik laiin nge alei hman ni.














Ka inbual zawh chuan ka chhuak nghal a, ka ni chu chair ah hian alo thu a, phone en in a nui hak hak mai, momo ei tura atih pawh chu dawhkanah alo chhawp sa diam a "min lo eisan mai lo nihkha ka inbual rei si" thut thlak pah chuan ka ti nang nang a, "hawh aho lutuk ei tan ang, vawiin tlai chu in marble naah ka tel ngei ngei tawh dawn, ka marble a tlem tawh lutuk, apa hian alo la ru thin aniang a ram kal pah hian sava a veh pah zeuh zeuh thin a" tihpahin momo chu a hmuam nghal pung pung a.


















"In marble chu i thiam ve reng reng ami a?" Ka ti a, ho ka ti ru viau, mahse in marble chu ka thiam ve chuang miah lo "awi thiam rapthlak kan veng naupangho hi ka training chhuah vek an nih hi" tihpahin a nui uar uar a, chutih lai chuan pawn lam atang mipa naupang aw hian "au neih" arawn ti lauh lauh a, ka ni lah chuan "lo lut mai rawh ka chhang hman lo che" alo ti awlsam et a, mipa naupang pathum hi an rawn lut a, form kawr an ha bawk, an bal hlawm reuh sia an lawmawm hlawm tawp.

















"Auneih, kan madamin maw, artui kha plate khat a kim lo atia" mipa naupang pakhat chuan ati a "engmaw a kim lo ah, awiawm loh lutuk, christiana kan rawn hawn tir vek kha, hepa hi a hralh ru ani lo maw, achak lo viau ang" ka ni chuan atih zawm nghal zat, "han chho ula, artui chu christiana ka hawn tir vek tih han sawi rawh u" ka niin mipa naupangho melh kual dan dan chuan ati a, an chhuak ve mai bawk "hah....numasiami chu ka la ru maw ati deuh amawn le, zak lo lutuk mai, ar kan ngah ngah nen artui eng nga tan mah ka tilo, ar ek rim anam ropui si" ka ni a ang zawm nghal hlak hlak a.



















Keiin momo chu ka lo ei pah a, ka ni ang ka ngaithla pah bawk, "vulchukchuk an chhungkua khi hnaih tam lovang che, an fanu phei khi chu kawm reng reng suh ang che" ka ni chuan arawn ti leh ringawt tawh, mak ka tih vang chuan amah chu ka en deuh ngul a, "an chhungkua khi maw, mi maksak an nih khi, an pa ber khi chu a zia, abikin numasiami leh kimtei an fanu phei khi chu hnaih hauh suh, an rawn awmna ala rei lo achu, khinu vang khian kan khuaah mualpho pathum lai an awm tawh ania" ka ni chuan ati mawlh mawlh a, mahse a thusawi awmzia chu ka hrechiah lo.


















"Darlak khua an nilo mi?I sawi awmzia hi ka hrethiam lo, ni" ka lo ti vat a, "nilo, aizawl khua an nia, an pa hnathawh na vang hian darlakah hian an rawn awm a, ahnuah pem lehkha an la daih alawm, an fate hi pathum an nia hmeichhia pakhat chiah an nei a, kimtei ka tih chu an naupang ber ania upa ber hian nupui anei a, kawrthah ah khian an awm, nikum atang chauh khan alawm Christian leh Kimtei phei chu an rawn awm ni, numasiami leh padailova tak hi chu an awmna a rei tawh lutuk" ka ni chuan ati deuh duah a, ka hmelhriat te pawh nilo, ka lo ngaihven lutuk hi keipawn mak ka ti zawk.


















"Mahse ni christiana nu chu a fel hmel em kha" ka lo tive vat a, zing a arawn kal a, a awm dante atawng dan velah te kha chuan nu zaidam tak leh biak nuam tak anih ve hmel em alawm "khitia an lan ang ngawt khi an nilo, a rukin mi tu pawh an rel thei an nufa khian, an be tha huam huam che nga mahse a rukin tih mualpho dan che an zawng phet mai ang, nangphei chu khawpui nula inia, in veng fimkhur hle rawh" ka ni chuan ati leh mawlh mawlh, a thutak viau amaw ka tia amah lah chu anui leh vak vak bawk si, rindan tur thiam ahar thei e.
















Hmeichhia hi chu mipa ai hian atlangpuiin kan tawngthei a, mi sawi leh mi rel zuah zuah hi kan peih zawk a, mipa hi chuan atawp khawkah lo chuan thil te hi an sawi ve mai mai ngailo, mahse tunlai kan khawvelah chuan hmeichhia aiin mipa an tawng tam a, an tawngthei a mirel zuah zuah an peih pawh tih tawh naklaiin mithen khat hi chuan midang tih mualpho phet tum te hi an lo awm leh nawlh thin.

















Tlaiah ka pi feh alo haw a, eirawng chu atam zawk kan bawl tawh a, ka pi chul bawkbawn rawn hawn chu kan bai leh bawk, ka ni in abai lai chuan abulah ka lo ding ve reng a, ka chil ati put ka ei chak tawh lutuk, pardi atelh a arim tui zia chu, ka pi inbual zo chu, roomah lut tlang nghalin a inthlak nghal a, ka ni nen chuan ti ti pahin kan nui dun leh hak thin a.














"Neihi....khawnge ka phone ri chheng chheng thei kha, a awm ilo hmang low leh vek tawh em ni?" Room atanga ka pi rawn chhuak chuan ati a, ka ni pawh a inher vat "i phone ri chheng chheng thei kha, eng nga tan mah ka tilo, phone ri ve chheng chheng theilo chi ka nei" ka ni chuan alo ti let vat a, "ni, eng phone ri chheng chheng thei nge in sawi a?" Ka ti deuh sa sa , ka pi chu room lamah zawng turin a lut phei leh a, "aw phone ri chheng chheng thei chu, keypat phone ang chi kha, a sound aring sia, ahmeh zawngin a ri ve ziah bawk si a, phone ri chheng chheng thei atia lawm ka nu in" atih chuan ka lo nui vur vur.



















"Ipi ve hi chu e, phone ah pawh kan ta ang hi a duh lo reng reng, keypat ah pawh tunlai tak tak a tam tawh a, a duh zawng ve chu maw, phone chhuak hmasa pawl eng phone nge an tih kha aw, motorawla phone ang chi, sangha pian nen a, in ang deuh chi kher kha aduh anih chu" tiin anui vak vak a, a awm ve tho hmanlai mi deuh tan chuan ahlu ve dawn em a.















"Mahse atlo reuh teh mai nia aw, current hi karkhat chhung pawh awm lo mahse, a bettery a low ve mai mai ngailo, a daih rei lutuk" atih zawm leh nghal bawk a "i kensak ve thin ani maw?" Fiam zeuh pah chuan ka ti a,ka nui kar kar bawk "awi sawilo zawk teh, vawikhat chu ration laknaah ka phone battery a low vek sia, ka nu phone zawk chu ka keng alawm, ka ak a, ahnuah ring zet hian arawn ri ta mai, ka zah zia chu e, ka hawichhuak ngam tawh derlo, a music ring lutuk khan min ti zak ani ber kawngsir lehlama ding ho pawn an hre phavek ang mawle, ka zak lutuk khan ration la lova haw leh te kha ka chak rum rum alawm" a sawi lai chuan a kutin a hmai a zap pah, a zak ve hle ani ngei ang a sawidanah a hriat vek.

















Eirawng vel kan bawl zawh chuan alo tlaive duai tawh, ka pu ram kal pawh a rawn haw a, ka piin alo buaipui vat, sava pahnih a perh thla ni ngei ang, dawhkanah hian ka piin a rawn dah a, ka pu thing put ka en chuan a lian ka ti ngang mai, a sei bawk si ka pu chu pawn varenda ah hian hahhmel zet hian a thu a, ka pu bulah chuan ka va thu ve nghal a, ka khawngaih reuh lutuk "pu i hah ngawt ang a, i thingput khu alian tha si" ka ti a, ka pu chuan a lukhum lak thlak pah hian "hahthlak em em love tiangte chu kan tih thang ania, a nuam zawk, fur a rawn in tan leh anga, thing hi chu kan mamawh dawn chauh, vawkchaw chhum nan pawn atangkai dawn a, chuvangin a theih lai hian lo in lak khawl zel hi a tha" ka pu chuan ati siam siam a.




















"Pu thing khu engtin nge in tih leh dawn?" Ka ti leh vat, alian tha sia, atih dan tur ringawt ka lo ngaihtuah leh pek a "nakinah valtea leh tawia te thian dun, kan koh anga, an nin an rawk ek, mai ang khu ar in lamah khuan keng thla se, in bulah hi chuan ek chi anilo, tual vel tihfai leh a buaithlak" ati ve siam siam a, ka pu hmel chu ka en leh thin, a tarve ta bawih bawih chu ania, a sam pawh a tuak alang ve pheuh pheuh a, ahmel en ringawt pawn pa zahawm tak ani tih a hriat hliah hliah.

















"Vulchukchuk, hawh kal ila ka man hnem hman lo palh ang" tihpahin ka ni chu pawnah a rawn chhuak a, bag tereuhte hi arawn ak chhuak a, akal ri chheng chheng mai "lalneihpui khawia kal nge i sawi leh tak?" Ka pi chuan thingpui no rawn ken chhuah pah hian ati a, ka pu chu ape nghal zat bawk "ka nu thangi lah hi, ka body guard ang mai hian ka tih tur lo hriat ve zel itum mai ninawm ah, hawh kal ang" tih leh leiah chuan a tum thla thak a "i fate rual hi, i in marble pui ziah mai, ila phakar ber ziah zui, rawn haw har hlek suh ang cheu" ka pi chuan ati ve mai bawk a "pasal ka um nghal dawn, ka thuamhnaw min lo pe dawn nia" ka ni chuan ala ti hram a, "nangve kha kan khuaah hi chuan pasal i hmuzo dawn chuanglo, an hrechiang hlawm lutuk che a, tuman nupuiah pawh an duh lo che" ka piin atih leh hlak hlak chuan hmui hupin ka lo nui char char.




















"Duh leh min neih duh lo thak se, ka nula char char nga nimai lawm, tihian ka in marble ziah anga, marble in ka la sumdawng daih ang" ka ni chuan ti deuh duahin a in her deuh sawk a, abanah chuan ka kuah nghal chat, "i telve duh em, ka lo thawh kep ve ang che aw" ka ni chuan ati a lu ka thing vat "a awmzia pawh ka hrethiam lo ka ti hek mai mai ang che" ka lo ti tha ve mai bawk a "anih nangchu bunghnuai velah khan ilo awm mai mai dawn nia, abul lawkah khan kan in marble dawn tho, i duh leh thla te ilo la kual anga, i duh leh awke ke te i lo vawm dawn nia" ati a, kut beng meuhin anui leh vak vak, nula pumpa in a, awke ke vawm chu ka duh teuh lo mai, tih tur hriat loh thlak lutuk.


















Ka ni chu naupang ho te nen an in marble a, a awmzia pawh hrelo chuan ka lo en liam ve tawp, ka pi sawi ang tak takin, ka ni chu a phakar reuh lutuk,rin bial chhung atanga a chhuah miah loh pawn a chhuah tir dan phet a ngaihtuah a, naupangho lah chu a bawl hnehsawh nasa mai si, naupangho lah chuan an ngaihsan hmel em em khawpah, an sirah dingin ka lo nui hak hak, heihi em ni thingtlang nun chu ahahdam thlak tak zet, thil ho te te pawh an ni chuan nuam deuhin an siam thiam, hah hi a dam veng vengin ka hria, khawpui angin motor horn ri tuar tuar leh mipui au thawm hriat tur awm ve lo mahse naupangte infiam a, an hlim a an nui thawm hriat chu a nuam zawk daih.


















Ka pi te in lam pang hi, thlanmual hlui ka tih tawh kha, thlan pawh a awm thlehthluah a, athen chu hlui ve tak tak te pawh a awm, kawngpui sirah an awm ve lova, kawngpui atanga peng angai a, mahse kawngpui chu an hlat em em lo, kal chu angai ve deuh tho, ka ni te in marble na piah chiaha bungkung lian zet lamah chuan ka phei a, naupang sairawkherh kenga lo awmte pawh an awm ve nual, ahnuai ah chuan thutna tur nuam deuh hi an siam a, bungkung chu lian tha hem hem tak ani.
















Naupangho chu ka thutna lamah hian an rawn phei a, mahse min hmuh chuan min rawn kal hnaih ngam chiah lo, an hmuh ngai ka nisi lova an zak deuh ani mai thei, "mama lo kal ta che u, eng nge in tih a?" Ka lo ti vat a, in thlahrun hmel zet hian an rawn phei ve mai bawk "sava kan veh a" mipa naupang hmeltha deuh hian alo ti a, athiante pahnih erawh an ngawi dak "hetah sava an awm thin em ni?" Tiin nui sen sen chuan ka zawt a "awm thin e, helai bung rah hi an tlan thin alawm tlailamah hian an tam thei lutuk" ati reuh a, a tawngkam a felfai reuh lutuk "eng nge i hming?" Ka ti leh ta daih a "Sawmsanga ka nia sangsang min ti thin" tiin tha deuh chuan min chhang a, "anih chu sava chu perh thla teuh ru aw" ka tih hnu chuan, ka piah lamah chuan an phei tham tham a.

















Ka phone chuan thut hmun atangin ka ni te ho in marble lai chu, video in ka cover a, a upa ber a au ring berah atanga achang leh anui leh uar uar thin, ka awm hmun atang ka lo nui ve suk suk mai, ka video lakah chuan mipa ruangam lian zet mai ka hmuh chuan ka phone chu ka la thla rang ngang mai, ka hma ah chuan khapa christiana kha alo ding luah anih chu.













Ka melh deuh haw a, anui suk ka thutna bulah chuan min si lek lek hian, arawn thu thla ve nghal a , amah hlat thei ang berah chuan ka tawlhsawn nghal, anui leh suk, tinge maw a nuih suk suk ziah le, min hmuh apiang hian anui ve ziah a inthuam dan chu chhun lam nen khan a in ang tawh lo, a pangngai tawh viau tshirt leh kekawr pangngai zet hi aha a.














"Ka zawng che" atih chuan, mak ti zetin ka melh nghal haw, engvanga min lo zawngve ngawt nge maw anih le, "ngati maw,?" Hrethiam lo zet chuan ka lo ti he haw a, "aw mikhual nula rim tur ka zawng" thutak deuh hian ati leh a, amah athutak sia, athu sawi aho sia han nuihpui vak chi lah ani der silo, ka ni khan hnaih loh tur khan min hrilh ngun ang reng sia, nuam ka ti chiah lo.















"Chukchuk-i tiraw inih kha?" Min tih chuan alam chu rum zetin ka hawi nghal, a aw ah nuihzatna lang kha ka hai reng reng lo, "ka ni mai mai lo" ka ti deuh hmak a, anui chhuak hawk "i ni khan vulchukchuk ati reng che sia, chukchuk-i inih ka lo ringve tawp a" ati leh phei chuan ka ngei ru ang reng tawh viau, "nangpawh christiana inia, isua ini chuang hleinem" ka lo ti let ve kher a, a hnar akhawih zeuh chu ka hmu hman bawk.















"Engpawh nise chukchuk" min rawn melh deuh kher a, ka lo en let ve ngar bawk "khawpui nula ini sia, thingtlangah hi chuan fimkhur rawh aw, khawlian tak ani lo a, hmingchhiat ahlauhawm ania, an hre darh nghal vek anga, darlak celeb ini mai" atih chuan asawi awmzia ka hrethiam lo hle engvang ngawt chuan nge maw, ka mualpho ngawt ang ni, awm ang lo lutuk mai.














"Ka hria" ka lo ti tawi taka, kal sawn tawh se ka ti thu mak deuh deuh sawi a peih emai "inleng tlangval phei chu nei duh miah suh" thutak zawk hian arawn ti leh a "engvang chuan chu chu ka nun ania" ka lo ti let vat a ding nghal hluai a, alen zia lah hi ka hmai bul setah chuan arawn kun hniam a "achhan chu maw, keimah angin an hmeltha ve lo" nuisuk a tiin mit a siai zeuh a, a kekawr ip zen chungin akal nghal nal nal, hnunglam atang hian atukhuma vawm chawrh ka chak zia chu, hmeltha viau mahse a chimawm ka ngei zawng tak ani.















A mitmeng kha ka sawithiam chiah lo, eng nge maw ruih nei a ang ka ti, zu rim anam silova, damdawi a rui ti dawn ila, ka awi chiah bawk silo, a hnar lah kha a khawih reng bawk si, achin than ve hrim hrim nge ni dawn ni, mipa pa tak chu ani chiang ani.
















Ka ni in min rawn koh chuan hmanhmawh zetin ka tlan phei nghal a, a bul ka thlen chuan anui vur vur ahlim hmel viau, christiana kha a hmuve lo ani phawt anga, a lawmawm lamah ngai ang, "enteh vulchukchuk, ka man hnem zia hi, vawiin chu ka vannei tawp" tihpahin a nui uar uar a, chutih lai chuan mipa naupang hnap tawlh deuh pur hi kan bulah arawn ding a "au neih, ka marble kha min pe let leh rawh" ati deuh tiau a, ka lo en ve vat tap mai tur hmel apu leh nghal a.
















"Ka man tawh a, engvangin nge ka pek let ang che, lallawmawm phakar thei viau suh ka vel hrep mai ang che" ka ni chuan ati ta mai, mipa naupang ka ni in lallawmawm ti a, akoh chu atap ta bai bai mai "i phakar thei si, a nu bulah ka sawi vek dawn" tap bai bai chuan ati a, ka ni lah chu naupang an nih hi tih tum bik lo "i duh leh va sawi la, zak lo reuh e ka hlau mai mai lo, ka man vek tawh ka pe let tawh dawn lo che" ka ni lah chuan ati deuh deuh a, "ni pe mai rawh, a ho e marble mai mai anih kha, naupang anih hi" ka tih pawh chu a hrelo der hmak.

















Mipa naupang chu a inher a, atap deuh ruah ruah bawk, rawn in her lehin "au neih, phakarnu, i sual sual nen" tap pur hian ala rawn ti a, "kal mai mai rawh, i hnap tawlh anih chu a, hnap heh" ka ni chuan ati let zui ve kha kha a, tih ngaihna ka hrelo ka nui tawp, naupang mai mai pawh a khing tawk ania, hnap heh ala ti zui.

















Kan haw kawngah te chuan ka ni chu a hlim vur vur viau naupang ang maiin, a su leh auh thin a, a marble ah lah chu a ri chheng chheng bawk si, a bulah kalin ka lo nui leh sen sen thin, Christiana ka hmu tih kha chu ka sawi duh ta lo mai, "hnaih suh" min ti tawh bawk si, min hauh ka hlau ve tho ka hnaih dawn tihna ni chuang lo in, amah ka hmuh khan ka awmdan hi ka hrethiam lo, hriatchian a, belhchian hi ka chak tlat zel anih chu.

















In kan thleng chu, ka pu in pawnah hian hnang alo hlai a, inchhunga lut nghal ta mai lo chuan pawnah ka pu hnang hlai chu ka en ve rih a, "pu khawnge ka pi hi ava reh ve?" Inchhung lam a, hawi phei pah chuan ka ti a "thenawm lamah a, aleng phei aniang kha" ka pu chuan alo ti ve mai bawk, school kawnglam ka hawi chuan, pa lian ve deuh mai hi a rawn chhuk thla a, lukhum a khum a a sam chu a sei deuh a, atawn bawk.
















Ka lo en reng, ka pu hnang hlaina bulah chuan arawn ding a, "kha, pu zara chu engtur nge ni a?" Zangkhai vah hian arawn ti a, "hei ar in ban phuar nan khuan ka ti mawle, a phuarna hlui ho khu a mawih tawh lutuk a" ka pu chuan alo ti ve bawk a, keichu ka lo ngawi reng, puitling tak tak an han inbia hi chu, keini ang naupang tan hi chuan sawi tur hi avang ngawih ngawih.
















"Hei...in nula chu, ava hmeltha ve a khawilam ami nge ni?" Chupa bawk chuan ati leh a, "kan tunu anih ve hi, aizawl khawlam ania, hei thingtlang lamah pasal arawn zawng dawn anih hi" ka pu leh chupa chu an nui huah huah a, ka lo lai ve ri ngawt, "ti leh daih ila, Dailova chu karhmasa lam khan, field thlang lam pang khu in sam tir nasa sia, engtia tih nge in tum deuh" ka pu in a tih chuan chupa chu christiana pa anih tih ka hre chiah, a pa len danah pafa ni awm reng an ni.

















"Nia...kan sam tir na lai kha, private ram ani tawh a, khu mi hmun vel khu kan lei vek tawh a, tuna kan awmna lai khi chu sawrkar ta anih vangin, kan awm reng thei dawn silova, in sak lam te hi kan han ti tan dawn emaw ni kan ti deuh a, nakinah upa ho hian rem te pawh min la ruatpui ula atha ang" ati siam siam a, pa fel leh biak nuam tak ani ngei ang , atawng a zangkhai vah a athusawi a felfai thlap bawk.
















"Ee kan la ruat ho ang chu le, in pawh in sak theih chuan alawmawm ngawt ang chu, nangphei chu hei kan khua a VC inih atang chiah hian kan khua hian hma asawn nasa teh ania, i awm lo ang tih hi ahlauhawm khawp mai" ka pu chuan alo ti let ve bawk a "mate...thingpui hang han lum ta che" ka pu in atih takah chuan, arang arang a tho in, inchhung lamah ka lut nghal, ka veng hawk mai, ka ni chu room atang alo chhuak chiah.
















"Teh...vulchukchuk, marble 200 ka nei tling tep tawh, ka pa hian lo la ru then thin lo se chuan ka ngah tawh ngawt ang mawle" a rawn ti nghal bawrh bawrh a, gas on in ketli bel chu ka chhuang nghal zat "tunge thingpui in dawn inkhawm zan ania, chaw ei hma kan ngai asin" ka ni chuan ati zui zat "school head pa kha alo leng a, thingpui hang ka lum dawn anih hi" ka lo tive mai bawk a "pu dailova maw?Ve teh mial chuan an chhungkaw zinga pangngai awmchhun ania, pa dailova hi chu ka khawngaih thin" ka niin atih leh chuan ka hrethiam lo hle.
















"Ni ngati maw chhungkhat pa ber alawm anih?" Hrethiam lo zet chuan ka ti a "i rawnawm chauha, ila hrelo mai mai anih kha, ila hre chho zel mai ang, pa dailova hi chu pa zaidam ngang ania, an inchhung hi e nu ber rorel na in ang kha ania, tiangah chuan chhungkua an hlim theilo, an nu hi atawngthei ve si a, christiana apa in a, in ngahna tur aneih chhun lah hi tiang mai mai hian a awm a, inah a awm khat si, a awmchhunah lah a nu nen hian an in bakaih reng a, christiana lah tleirawl ngeng lo luhlul ve laklawh tawh ani bawk si, a nu leh pa te pawh hian an siam tha thei lo anih ber hi, atirah a nu zir loh vek hi lawm, apa hi chu atawng tlem a christiana hi hauh pawh a hau khat mahse ahauhve chhunah christiana hian a chhang let ngai miah lo, mahse athusawi a zawm leh chuang miah lo" ka ni chuan ati deuh duah a, a sawi nghal pawp pawp theih danah, an chhungkua chu an thenawm te chuan an hrechiang ve thawkhat hle tih a hriat.



















"Vulchukchuk, ka ek a chhuak lutuk, thingpui kha i lum so hunah, va pe la chaw kan lo ei daih dawn nia, inkhawm kan tlai palh ang, awi ka ek achhuak tawh lutuk, i hman em arawn tih tawh" ka ni chuan ati phawr phawr a, ka nui nasa lutuk bathroom lamah chuan akal bai auh auh a, akhat tawkin a mawng a chum leh thin, nuih hi ava ti za thei tak.














ZAWM LEH TUR....







Comment te, ads click te uar deuh deuh ang u aw


Show post links
Top

[Ngaia]

Chapter-3 zawmna






Zanlamah ka ni nen kan inkhawm a, salvation kohhran kan nia, ka pi te in atang biakin chu ahla em em lo, ka awmna ala rei silo, ka inkhawm chu mikhual ka ni bawk nen ka zak ve det mahse ka ni chuan athian te ho fel tak tak ho min inhmel hriat tir a, an felin biak an nuam hlawm si a, ka tlangnel har lem lo, zanlam inkhawm te ani bawk a, kan inkhawm bang har lo.














Inkhawm kan ban chuan pawnah kan ding khawmuang rih a, "vulchukchuk, hei tenu-i hian pheikhawk ka chah min lam sak a, ka va la lawk ang ka reilo ang, min lo nghak lawk rawh aw" ka ni chuan ati a, ka lo aw ve mai bawk biakin gate bulah chuan dingin phone ka khawih a, dar 8 leh achanve alo ri tawh, inkhawm bangho pawh an haw darh hlawm tawh a, ka bulah chuan mipa pakhat hi alo ding a, athim deuh nen ka dinna lai hi current hian arawn chhun che che chauha,chupa chu ka hmu chiang mang lo, thla chu a de tan chauha, eng tham erawh ala nilo.




















"Vulchukchuk-i kha ini tiraw?" Ka bula rawn ding mipa chuan ati a, "aw ni e" ka lo tive mai bawk, nuam ka ti chiah lo "ropuia ka nia, inkhawm lai a in sir lama thu kha" atih pahin a kut arawn lek chhuak a, ka lo chibai vat ka ni nen khan biakin kan luh hma khan an in fiam bawrh bawrh a, ka lo theihnghilh hman pek."I hming hi analh reuh e, vulchukchuk" tihpah hian anui hak a, fiamthu chu a duh ve hmel lutuk "chutia mi? Chhungte leh thiante ho hian min koh fiam nan hian hman an hrat lutuk a" ka lo tive vat "i inhmeh alawm, i hmel nen pawh, eng nge i hming pum ni reng reng a?" Atih zawm zat mipa ah chuan tawng duh ve pawl tak ani ngei ang.



















"Lalvulmawii ka nia, vuli tih te pawn min koh mai" ka lo ti tha ve mai bawk, ka ni lah chu rei ka ti ru ang reng viau tawh, ka pheikhawk bun hi tlemin a sang deuh sia, ka ke ana ut ut tawh mai "vulchukchuk tih kha, i inhmeh alawm ti khan ka koh mai ang che" atih leh chuan "aw i duh duh danin min koh mai rawh" ka lo ti let vat "i number min pe la, chuan rawn inkhawm ve ziah rawh aw, thalai sport pawh kan nei leh tep tawh ania" atih leh chuan "nia" ka lo ti tawi tak ka hmelhriat vak loh te bulah hi chuan sawi tur hi ka hre thlawt thin lo.
















"I number chu" tihpahin a phone chu ka lamah a rawn dah hnai a, hrilh loh chi pawh ani tawh lo ka phal lo tih tawp lah anuam silo, khawpui nula ania a in la reuh e min ti ang tih te pawh ka hlau, christiana sawi kha a dik dawn riau hian ka hria, thingtlang leh khawpui chu a in ang lo em a, thil ho te te pawh nise, kan nun dan leh kan thiam zawng te a in ang lova, chapo min ti ang tihte pawh a hlauhawm alawm.















Ka ni alo let hnu chuan, ropuia pawh chu akal ve nghal mai bawk, ka ni nen chuan ti ti pahin kan kal a "nichin khan ropuia nen khan eng nge insawi a?" Min chhaih pah ti tih deuh chuan ati a "engvak mah ka number te min dil a, ka pe ta mai nih kha" ka lo ti liam puat, "hahai...ka rawn hmu reng cheu, lawm a thim chinah khan ka ding reng a, hun ka pe romantic lawk cheu nih kha, khatia in ding dun mai mai pawh kha couple goals in ni ringawt " atih chuan, ka ngei reuh zia chu "ka ni chu iti mak thei e, lo kal ve mai tur che lawm" ka ti nang nang a, anui deuh uar uar a, "aw chance ka pe cheu ka tih kha, ka nuih hi a double in a za" tihpahin anui leh vak vak a, atawngkam te lah hi bei maksak thei sia.



















Kan inpeng kan thlen dawn chuan, kan piah chiah a dawr bulah hian mi hi an ri laih laih a, inti buai chu an awm chiang alawm, "awi vulchukchuk, hawh va en ve lawk ang, ka en ve chak lutuk" ka ni chuan ati deuh hluai a, awm lo ka ti khawpah mi inti buai lai lo en te chu a, ahman thlak lutuk ka ni kal mai tum chu ka pawt let sawk sawk a, atang ve tlat zui ahnuah phei chuan a dawk chhuak deuh zawk ka ti mai, ka ni chu ka um phei ve nghal vat a.


















An ri deuh laih laih a, tute ber nge inti buai pawh ka hrelo, ka ni lah chu, a bibo daih leh nghal "ala hnek ve lo, christian hnek rawh, ala pawr ngam ka ti" mipa aw hian vin zet chuan ati a, ka thin alo phu nghal dup dup anih chu, christiana te an ni tih ka hre zawm zat bawk an in hnek ri deuh siah siah chu ka hria, ka hlau thawng viau bawk athenin thelh an tum ni awm tak ani, an ri luai luai mai zah pawh dawn lo chuan mi zingah chuan ka in zep phei ve ta tawp a.


















Christiana leh mipa sang tha pangngai zet hi an lo indin chilh run a, an in sual hrep tawh tih an hmelah pawh chuan ahriat, "nang hian ilo beisei leh tih ka hriat chuan, i nasa lo khawp ang" christiana chuan ati chhuak hrawk a, chupa lah chuan hlauh loh hmel zet hian anuihkhum suk "i ta ania mi?I thinkual hrep hnu ania, ka lo thing ve ani mai a" chupa chuan ngaihnep hmel zet hian ati a, christiana chu a thinrim hmel takzet, a in sehruh ngawt ngawt mai "ala nui ngam ka ti, christian hnek leh rawh" mipa pakhat hian alo tive bawk a, mak ka ti hlawm tak zet.



















Chutih lai chuan nutling thau pui mai hi, mi kar atang chuan arawn lang deuh hlawlh, christiana leh a insualpuipa chu rum zeta melhin a hauh zawm nghal "kan dawr kawtah hian vawi engzat nge inti buai tawh lo tura ka hrilh cheu, in zahpui awm emai, in insual duh anih chuan hmundangah in sual mai ta che u, lalbiakliana pawh kha i thianpa kha lo fuih pawrh char char lo khan, lo thelh ta che mawl lutuk mai" chunu dawr nei tunu ni ngei tur chuan arawn ti hlak hlak a, tumah chuan an chhang let lem lo.


















Christiana chuan a insualpuipa chu, athlah deuh chawrh a, chupa chu chau tih hriat zet hian a pei khut bawk, chutah ka din na lamah chuan christiana chu a rawn hawi thut, ka lo inring bik lo min melh deuh ngur a, min ti hlau lek lek zawk alawm le, "pa biak, kal ang" tih leh christiana chu a kal nghal nal nal a, a thianpa lo fuih pawrh tu khan a hnungah a zui ve nghal bawk.















Ka hawi kual a, ka ni chu kan piahah hian alo ding ve reng, kan haw kawngah chuan ka ni chu atawng leh siam siam tawh a, "khatiang vel kha an nia maw, kha vang kha lawm be tam suh ka tih, bad boy ani bawk si, a hmel chhe lo bawk nen a zunah i uai ka hlau a, bad boy zuna uai phei chu ana duh an ti leh nghal, mahse christiana hi chu a pa double ve chiang ee" atih zawm leh mawlh mawlh a, engtin mah chuan ka chhang lem lo, christiana min melh dan ngawt kha ka rilru ah a awm.

















Inchhung kan lut chu, ka pi te chuan in leng an lo nei nual a, kan luh rual rual chuan "kha in rawn thleng thei maw?Neihi thingpui lo lum nghal teh aw" ka pi chuan arawn ti zui nghal a, ka ni chu roomah a lut deuh hmak ka zui lut ve nghal a "ninawm in thlak hma hma in, thingpui tive ziah hlawm mai, hneawm hlei hlui lutuk, ka lum ngun lutuk hi in pawh ka in peih tawh lo, lum reng ngailo hian kum khat tla tawp tur hi dekchi lian tawkah hian lum lawk sak ila, ka duh rum rum zel thingpui lum kher kher hi chu a, ka ning triple tawp" ka niin a tih chuan ka puan bih thleh that pahin ka lo nui char char.















........






"Vawiin chu, second hand vel thin ka duh a, ka thiannu in ala thar a, vulchukchuk ilo kal ve duh em?" Ka ni chuan ati a, ka lu ka thing vat "kal lo mai ang, thuamhnaw ka mamawh vak chuang lova, vawiin chu inah ka lo awm mai mai rih ang" ka lo ti tha ve mai bawk a, "awle apawilo ka rei vak chuang lo ang" ati tha ve mai bawk a, pawn lama ka pi pangpar tuipe chuan "lalneihpui second hand thin a tul lo, vawk chaw tur zawng la, ahlawk zawk eng nga tan mah iti lo hak sen lohin i nei" ka pi chuan arawn ti lang lang a, "ninawm ve sek e ka nu thangi lah hi, inrawlh double thei lutuk mai" ka ni chuan ati hlak hlak a.















"Hei...kumtluang te hi a hnah ilo pawt kawlh vek ani maw?" Ka pi chuan arawn ti leh a, "pawt kawlh e nangman hman niah, ti fai vek rawh iti anih kha, ka pawh kawlh mai loh in engtin nge ti se min tih" ka ni chuan ati let ve leh a "ti fai rawh ka tia, a hnah hi pawt kawlh rawh ka ti lo che, pangpar hnah leh hnah lo te chu hrehrang ve ta che, hei i pawngsual ani ringawt alawm" pawn lam atang ka pi chuan ati lang lang a, ka ni leh ka pi bula awm chu, nuihna tur hi an ti tam thei e.
















Ka pi inchhung a, lo lut chuan "vulbawih i numasiami te khi, saisu bai kha han suah sak lawk rawh aw, hei zing karah khan arawn dah a, ka bai siam hi tui an tive thei sia min bai tir anih hi" tih pahin ka pi chuan akut a sil sawk sawk a, bai chu a suah zawm nghal, ka kal hupphurh reuh lutuk chu amak zawk, vawikhat mah ka la kal lo a, mahse kal chakna em em ka nei lem lo, christiana kha ka hmu ang tih ka hlau.













Hnial chi ni bawk silo chu, bowl ah chuan saisu bai chu ka keng a, ka chhin thlap bawk school tlang lamah chuan ka chho nghal a, ahmun vel hi chu anuam mawle, christiana te inlam chu nilo phei se keimah pawn ka leng ziah ang mawle, hepa ka hmuh hreh em em chhan pawh hi ka hrelo, a huhang hi ana em a, ka zolo ani ber.













An kawtah chuan pangpar hi atam khawp mai, thingkung atam hle bawk a, primary school chu alian em em lo, mahse apangngai viau, an in kawngka pui chu alo in hawng huau a, a inhawn sa miau avangin ka lut ve nghal tawp, an in chu alian hle a a chhung pawh a changkang viau, ka hawikual a, an reh thap mai amak zawk."In awm em?" Zak deuh chung chuan ka ti a, choka atang hmeichhia keimah ang rual vel tur hi arawn chhuak a "ehe, lo kal rawh eng nge nita?" Polite zet hian alo ti nghal a.















"Hei, chawhmeh ka rawn suah dawn cheu a" tihpahin alamah chuan ka phei ve nghal a, "ani maw?Uneihi te chhung kha ini tiraw?Hawh lo kal rawh avan lawmawm ve chawhmeh min lo suah a" atih zawm malh malh a, choka lamah chuan kan lut dun nghal, bowl la in ka chawhmeh suah sak chu a chhung nghal a, ka bowl chu asil nghal bawk "lo lengve ziah ta che, kawm tur ka neilo thei sia, a khawhar thlak alawm, eng nge i hming kha?" Atih zawm zat a, a tawng duh ve hle mai "Lalvulmawii ka nia" ka lo ti let vat a "aw, keichu lalnunkimi ka nia kimte min ti mai rawh aw" nui sang hian ati a.




















Pen thawm rawn awmin, christiana hmel ka hmuh zawm zat, nuam lo ka ti lutuk chu haw nghal nal nal mai ka duh a, kimtei lah chuan ka bowl chu ala hru ro te te phawt a, christiana hmel ahmuh chuan kimtei chu aner sawk "û in insual leh tawh ami a?" Ati deuh nang nang a, alungawi hmel loh hle, christiana lah chuan, chhang lo in keimah zawk chu min rawn melh zawk a, ahaw lo tih hriat zet hian nizan a, athuamhnaw ngai tho kha ala ha bawk.
















"Min cho a, kan insual" ati tawi tak a, a tawngte reng reng hi angeng lutuk chu ka ngei tawp, ka ni tih dan takah ka ngei double lutuk, "in sual ziah suh, kan tih ziah che kha, hahthlak e, takah engtin nge an koh thin che min hrilh ve hrim hrim teh" kimtei chuan ati leh ta daih a, ka chhang dawn chiah tihah "chuki...chukchuki anih kha" christiana chuan alo ti vat a, ka ngei lutuk chu ka melh rum hrep.













Kimtei chu alo nui bawk bawk a, "inlo inhre leh hman ani maw, ka û tak hi chu aw" nui uar uar hian kimtei chuan ati a, athusawi dan khan awmzia anei tih ka hria, christiana hi bad boy ania, a û nen hian kan in kawp emaw ati pawh ani mai thei "anih ka han inthlak ange, chukchuk lo leng tam vak duh suh aw, kan in hi ahrang ania kimi coffee min lo siam rawh" tihpahin choka atang achhuak nghal nal nal angaihna ka hrelo lutuk chu ka hawi lawl lawl mai, athusawi kha afiamthu nge athutak pawh ka hrelo, amah anui bawk silo.















"Ka û tak hi chu aw hrethiam rawh aw, bialnu hi angah leh lutuk a, angei vang che pawh ani lovang, abialnu te ho hian an uai rit em ani, nang pawh han be tam la in innel vat thei mai ang" kimtei chuan ati siam siam , athusawi dan ki vel chu ka duh ta hauh lo, kimtei ngaihdanah chuan christiana hi ka duh a, zar buai ka ang ka star tak tak emaw ati ani ngei ang, a zia lo thin e a sawi danah lah khan a ring nghal thlap tih ahriat reng mai sia.















Ka bowl min rawn pek chuan, ka lo ban vat "anih kan lawm lutuk ania, lo leng ziah rawh aw chawhmeh te pawh min lo suah ziah mah la, a pawilo ania nangphei chu khawpui nula inia, kinah ka û awm loh hunah a room ka fan pui ang che" nui uar uar hian ati a, engkim kha angai kawi vek tawh ni berin ka hria, christiana vanga chawhmeh suahsak emaw min ti ani ngei ang "kimte, i û kha ka star miah lo ania, i ngaisual mai mai anih kha, chawhmeh pawh kha zingah i nu in ka pi bai siam a ei chak sia, siam turin arawn dah thla a, ka pi siamsa ka rawn pe cheu nihkha aw" pangngai zet hian ka ti a, sawifiah nghal law law hi ka duh thin, mikhual ka ni bawk si nilo deuha min ngaih ka duh lo reng reng.



















"Ee chuti zawk maw ka lo hrelo anih chu, engpawh nise rawn leng ziah tho rawh, darlakah hi chuan khawpui nula kawm tur an vang sia, kan pahnihin kan inkawm thin dawn nia" atih leh chuan chhan enah pawh ka en tawh lo ka chhuak zui nal nal, atawngkam hman dan velah chuan thingtlang khua ahmusit tih chu ahriat vek a, mahse tun thlengin ala awm duh tho bawk sia ka hrethiam lo.Ka ni khan asawi dik kimtei khi hnaih tam vak chi ani dawn miah lo, a nun hi alem hmel emai.

















Ka haw lam chuan, school naupangho break neih lai tak ani bawk si, an lo infiam nasa athen an in um a, athen thingkungah an lawn bawk, hmeichhe naupang inrawbar zuan tawk an awm bawk a, an hmuhnawm letling phian mai, in ka thlen thlak chuan kan inbulah tlangval pahnih hi an lo awm a, veranda ah thu in an lo ti ti melh melh bawk, ka chhuk thla chu min lo en duh nasa ngang mai, ka lai lek lek alawm le.
















"Ee...vulchukchuk i rawn thleng maw, chaw kan ei mai dawn mi?Hei i pu ten , tih tur an nei sia ei an rawt tawh a" ka niin thingpui no hnih rawn chawi chhuah pah hian ati a, mipa lo thu te pahnih chu a pek zawm zat, ka ni tawng dan vel chu nidang nen hian in ang lo hi ka ti riau a, a inla mitak leh inla puitling ta thut chuan ka ngaihte ati thalo dawn dawn mai, "ni tinge i tawng dan chu?" Ka lo ti he haw a "lalvulmawi va lut la, chaw ei kha va siam mai mai teh engtin nge ka tawng vak?" Ati pawr hlarh a, ahma aiin mak ka ti leh zual.















Inchhung lam atang ka pi chuan, "lalneihpui, star te awm vangin, engvanga i vahnu kha hau daih nge inih?I zak anih pawn ngawi ve hle hle mai ta che" ka pi chuan arawn ti lang lang a, ka hrethiam ta chiah helai mipa pahnih thu zingah hian tu emaw zawk zawk chu a star chiang a, ka pi lah kha atawng ring ang reng sia, mipa pahnihte pawh chu an nuih azat hmel viau, tawng in hriat pawh hi a awlsam ang reng sia, ka ni zak hmel chu ka awilo hial zawk star anei tih ka hre phei chu mak ka ti zual.

















Inchhung ka luh rual rual chuan "pi saw mite saw tute nge a?Tu zawk saw maw, ka ni chuan a star?" Ka ni hriat hlau zet hian ka ti ser ser a, ka pi chuan "thing min ek sak turin i pu in asawm anih kha, tawia leh valtea an nih saw, tawia zawk saw ini hian a star ve reuh amawni, tawia an tia amah lah saw asang ang reng si" ka pi chuan ati nuah nuah a, nui pat pat chungin chaw ei chu ka siam tan nghal a.















Chaw kan ei kham chuan, ka pu te leh tlangval pahnih te chu ar in lamah an chhuk ta daih a, "awi ka thawve thei ta, ka va lawm em" ka ni chuan ati deuh hluai a, ka lo nui sun sun "i zak ve hle ani maw?I van ho reuh tak, in pahnih a in inbe mai mai pawh kha couple goals chiah chiah" tiin min fiam ang chiah khan ka fiam let ve a, a lai chhe viau leh nghal ka nui ati za reuh lutuk "ka kum anga star neih te chu zahthlak tawh deuh mai nia, i hrethiam lo mai mai anih kha, tawia te nen khu chuan school pawh kal ho vek thin kan nia, ka starna pawh arei tawh lutuk amah pawh khuan ahrevek" ala ti ta deuh deuh a.

















"I star tih a hriatte chuan bem mai ta che, tinge in in ngaihzawn mai lo ang" ka lo ti ve vat, "awi iti awm ang lo e, ka zak double e ah" tihpahin athleng sil lai chu adah ri deuh thuai a, ka pi arawn teu leh hlar tawh mai, ka rilru ah kimtei thusawi vel kha a awm reng avang chuan ka ni chu ka hrilh ve ta nge nge a, "fimkhur rawh ka tih kha aw, khimi te chhung khi hnaih tam chi an nilo nia, tur an nei, abikin kimtei khi zaktheilo double ania, keipawn ka khik double tep tawh ahma in, tikhan a kawm tlangnel che nga, midang bulah a sawi zui hrep mai ang che, mi lah hi a pak deuh huam huam anga, a tawngkam chu maw chini ai pawn athlum, a thinlung erawh changkha ai pawn akha zawk" ka ni chuan ati mawlh mawlh a, keipawn hmun phiah fai pah chuan ka ngaithla uluk viau mai.




















Tih tur ang ang kan tih zawh hnu chuan, ka ni chu second hand thing turin ka pi phal lo chung chuan akal lui ta tho a, keiin in ka lo nghak a, ka pi pawh huan ah ka kawl dawn e atia, a awm hle hle thei lo reng reng, ka pu ten kawmthlang lamah thing an la ek bawk a, alian tha bawk a an beirei tawh viau mai, ka pu te nen chuan an inkawm ngeih hmel khawp a, tlangval fel leh tlawmngai thei deuh chu an ni chiang ang.















Sana pawh hi alo kal zung zung mai, chhunah chuan ka pu te ho chu an rawn chho a, lum an tih hmel hlawm ngang mai, thingpui ka lo lum sak mek a, fan hnuai ah chuan thu in tuivawt chu ka va chhawp sak nghal a, "apa zara chu tunu i nei hmeltha e, a fel bawk si neih mai chi" pakhat zawk hian alo ti a, an nui ho dar dar mai thingpui chu aso a, ka va pe ve vat a, an hmeh tur chhang ka pe tel bawk "lo thu ve rih rawh kawm tur pawh i neih loh kha" a sang zawk ka ni in a starpa zawk ni ngei tur chuan ati a.Keipawh chuan hnial lem lo hian ka thu ve mai bawk


















Ka pu chuan tv on in a en daih a thingpui no a keng run bawk "ivan fel em em, khawpui nula tiang thingtlang khawlum lutukah te ilo zin duh a" uvaltea zawk chuan ati a, ka lo nui suk "anuam daih zawk khawpui ai chuan, thingtlangte chu ka ngaina lawm" ka lo ti tha ve mai bawk a "eheu...valte hei chu, kimmawngeri ai chuan, a fel daih mai zanlam lenna hi thlak daih chi" utawia zawk chuan alo ti leh kan nui hak hak mai, fiamthu an duh reuh sia, an jocker ka ti mai ka hriatna ala rei loh nen kan nuiho nghal bawrh bawrh thei ania.

















Chutia kan ti ti mawlh mawlh lai chuan, kawngkhar ri chawrh thawm kan hria a, kan hawi rual thap ka ni chu kawngkharah chuan arawn in bin lut ka ti mai, ka nuih za lutuk chu, ka nui nghal vak vak a, "eheu, kan neihhmeltha-i chu iva kalna ah chuan englam nge an lo hrilh che, i kawchhunga ramhuai an lo hnawhchhuah sak che ani chiang mai" uvaltea chuan alo ti vat a, a second hand thin ni awm tak chu chhuatah a darh nuai a, kan nui nasa hlawm lutuk a, puih mai nachang pawh kan hrelo.


















Ka ni lah chuan "awi...awi..ana lutuk, a double in ana" ati leh thin a, ahnunglam atang "khawi nge, lalneihpui awmsawn rawh, pangngai deuhin lut ve mai ta che, in bin luh kher kha angai em ni?" Kawngkhar bulah ding chung hian ka pi chuan alo ti a, em aphur bawk nen ahah hmel viau, uvaltea chu atho vut a, keipawh ka tho ve nghal uvaltea zawk chuan ka pi em phurh chu alo laksak vat a, keiin ka ni chu ka kai tho bawk, vawiin chu zahna triple a dawng ani ringawt.

















Uvaltea te pawh chu, haw ta mai lo chuan an thu ve deuh reng a, kawm an nuam a biak an nuam bawk si, keipawh chuan ka nel sawt viau, ka ni in second hand athin ho chu kan en pui ve a, rinai takin athing tha hlawm phian a, tshirt pakhat chu min pe ve hram tho, "keichu ka thin arim e ka rilru hi adam thei mawlh lo" ka ni chuan arawn ti chhuak phawng a.














Kan en nghal thap, "ngati maw?" Ka lo ti vat a ka ni chu ahawikual leh te te chutah ka pi leh ka pu te ahmuh tak lohah chuan a in siamtha sawt sawt a, "kan neihpuii thil sawi tur te hi kan nghak rei thei bik ania" utawia chuan alo ti a, ka ni chu alo ner kual vel nasa, ka ni in a star sia pakhatin a star tih ahre kur sia, nuam lo tih hmel pawn an awm chuang silo, an la inkawm ngeih em em zui amak zawk.
















"Teh...vulchukchuk naupangho artui kan leisak kha ila hria tiraw?" Atih chuan lu ka lo bu zeuh a "kha kha...christiana kan hawn tir vek sia, abo an rawn tih vel kha, christiana khan ahralh ru tak tak amawn le ka ti, nu masiamin alo sawi darh leh hman pek aniang, vawiin ka kalna ah khan min lo hrilh a, ka zak bawk si ka thin arim bawk si" ka ni chuan ati nang nang a.














"Aw i lak anilo tih i sawi lo mi?" Ka lo ti ve vat, nu masiami chu mak ka ti ru ang reng viau "sawi ve tho e, mahse awmzia awm nang, nu masiamin dawt abelh hnem dawn emai, tlaiah ka han kal anga ka han chhuahchhal dawn nge mawn le ka ti, hetianga rukru anga in puh te chu a, nge christiana zawk hi ka hau hrep zawk dawn le" ati nang nang a.















"Chutiang te chu, chhuahchhal let hmak chi, ar in nei ve reng a, ei sen lohin artui te chu in nei reng alawm" utawia chuan alo tive vat a, keipawn mak ka ti ru viau, awlsam taka rukru a in puh tawp mai chu, thenawm khawveng kan la ni zui " a tawngthei mai sia maw, tunah phei chuan veng tawntirh leh vengthar lam ho pawn an hre leh vek tawh mai thei ani, kan veng phei hi chu reporters veng ka ti mai, abikin kan colony hi tawngthei colony kan nia, kan vengah hian damlo awm ta se, venglaiah chuan athi tep tawh an tia nga, sawtah veng tawn tirhah phei chuan athi tawh an ti ang , chutiang khawp chuan an tawngthei" ka ni chuan ati hmarh hmarh a.














Lungawi lohna kan sawi e tilo chuan kan han nui leh rih, a sawi tunu ber pawh hi atawngthei lutuk a, a thawk achham lo chauh, tawngthei colony chu an ni chiang alawm "christiana chuan alo hralh ru reng reng amawn le, ati awm ang lo hle mai a" uvaltea chuan ati a "amah kan hawn tir a, amah bak tunge ni anga, ati awm ang lo thei ngawt mai" ka ni chuan ati leh a, alawm lo hmel ngang mai "christiana hi chu ka ui thin, atlangval tan dek dek a, ruihhlo lamah a tlan nghal ngawt a, inkhawm turin han sawm ve deuh ila athinrim emaw tih tur hian a awm anga, sawm pawh kan sawm peih tawh lo, kha nizan ah lah vengthar tlangval alo sawisa leh chiam bawk a, apa hming thatna pawh hi ala tih chhiat sak vat ang tih ahlauhawm, ruihhlo lah hi anghei theih tawh hmel loh nasa mai si" utawia chuan ati bawrh bawrh a.


















Ka sawi chhuak chuang lo achu christiana an sawi dan vel chu, ka lo ngei ru ve ngawt nia, engmah hrechiang lo in, christiana an ringchhe nghal ngawt ania, utawia thusawi duh dan lah kha, an ngaih asam phian ruihlo anghei thei tawh loh te a ring a, mak ka ti ru ang reng viau hetiang vang hi lawm thalai tam tak, ruihhlo bawi atanga an chhuah theih loh thin, keini kristian thalai ten fel ber leh tha ber awm zia zang hian, a sual zawk te, an that lohna lai leh an chhiatna lai ngawt sawi tur kan zawn sak a, keini fel in ti tak tak ho pawh hi han sawi dawn tak tak ila chuan, vanram kai tur hi kan la tlem viau mai thei, ruihlo an khawih a an nghei thei tawh dawn chuang lo tiin kan beidawn san nghal ringawt thin a.


















Inkhawm turin vawihnih khat kan sawm a, an duh lova min lo hnial chuan kan duh tawk em em ringawt a, pathian hian keini ho zawng zawng hi ang khat vekin min en a, tumah khu mifel famkim an awm lo, an thafamkim thei tak tak dawn chuang lo, ti ta tlat se tumah hi vanram kan kai lovang, chuvangin ruihhlo khawih ho te pawh, an nghei thei tawh dawn chuang lo ti a, kalsan tawp lo in, an nunah sim duhna rilru an put ngei theih nan beiseina siam sak ila, cho na thar pe ila.
















Tin inkhawm ve ngailo ho te pawh kal pel tawp lo in, beidawng mai lo in biakin kawng chu kawhhmuh bansan lo ila, a ruka inkhawm ve chak ngawih ngawih, mahse mahni in sit vanga biakin kawng pan ngam lo hi, a ruk chuan an tam khawp ang, keini kristian in ti, piangthar in ti te hian fel leh tha piangthar inti reng chungin, arukin pathian panna chang hrelo, te kan rel leh zuah zuah tho a, pathian pawi kan sawi hnem zawk daih.












Ruihhlo ti te,misual tam tak te chu, in thup tit tet neilo in, an nihna ang angin an langchhuak a, sual viau pawh lo nise dawt an sawi ve lo tal alawm, inla kristian deuh deuh nisi a ruka sual deuh deuh pawh an tam tho, atam zawk hi chu kan ni zawk hial maithei.

















Uvaltea leh utawia te haw hnu chuan ka ni nen ei kan rel tan a, ka ni pawh alawm lo ngang aniang ala sawi zawm char char a, ka pi leh pu te erawh hrilh lo turin min ti thung, an rilru anat ahlau a, keipawn ka pawmpui zawk bakah thenawm khawveng te kan nia, intih thiam loh te ahlauhawm.













"Nu masiami bulah chuan ka sawi lovang, mahse christiana chu ka hmuh hunah ka zawt dawn tho, a thleng nawn leh anih erawh chuan nu masiami pawh, ka tawngkhum tawh ang, nula senior lamah rukru anga than ka duh reng reng lo, chu pawh, ka chawhmeh ei peih loh ber artui case ah leh nghal, awi ka thinrim double emai han bomb darh pawp chi" atir lam athu tak nen atawp lamah uvaltea te tawngdan style ala a, ka nuih aza leh vek tawh.















changtute an lang tlema, ala ngaihnawm vak loh mai thei a, an rawn changtute ve bek bek dawn nia


NOTE.


Chuan thil ka sawi lawk duh, hemi story hi ka ziahna arei tawh a, march thla vel daih khan chapter-5 na thleng chu ka ziak tawh, mahse khatih lai khan story post lam kha ka rilru ah a awm loh bakah, post tumna em em ka nei lova, ka rilru a awm reng, ziah ka chak em vanga ziak ve mai mai chauh kha ka nia post tumna em em ka neilo, darlak kan khawhlui ka ngaih em vanga ziak pawh ka ni pakhat tho a, chuan tunhnai khan zunneitea s2 kha ziak leh tura min rawn ti tu kha an rawn awm ve leh nawlh thin avang khan, zunneia s2 kha inthlahrung deuhin ka lo ziak leh a,kha khan phurna min pe lehin, zunneia s2 ka ziah tawp veleh khan hemi story hi ka rawn post zawm leh ani e




Dik tak chuan, ka phone bo avang khan story hi ziah phurna ka nei tawh lo hrim hrim a, ziah tumna pawh ka nei tawh lo, mahse nangmahni min lo fuihphur tute vang liau liauin ka rawn ziak veleh ani e, ka lawm double nawn leh mawlh mawlh e






Khi khi lo sawilan ve ka duh hrim hrim a, ka lo sawive ani e


Show post links
Top

[Ngaia]

By_Mampuii pautu







Ka ta chauh ni rawh







Chapter-4







Vulmawii pov.








Darlak khuaah pawh karkhat zen zawn chu ka awmtling ve ta reng mai, keimah pawn nuam ka ti sawtin ka tlangnel sawt viau, kan veng bawrah hi chuan hmundangah hian ka kal em em lova, ka ni ka zui ve zeuh zeuh tih loh chu tunlai chu christiana ka hmu ngai meuh lova, artui bo chungchang velah khan ka ni in a hau deuh hrep a, christiana chuan engmah a sawilo, alak anih thu leh, a lak ani lo tih thu pawh a sawi chuang lo, angawi reng mahse ka ni nen hi chuan an in ngeih lo ve thlawt ani.





















Pawn kawt a, pangpar leh a chhehvel chu ka ti fai mawlh mawlh a, tlai dai lam ani tawh a anuam ang reng viau, ka ni in, inchhung lamah eirawng bawl pahin a zai pah rat rat bawk a, keimah ni tawkah kan buai dun ve viau mai "chukchuk" ka hnung lama ti tu avang chuan ka ding chhuak a, ka in her vat christiana chu ka hmaah alo ding run tawh "eng nge khatiangin min koh ziah suh ka tih kha" ka lo ti letve vat hepa hian duh aiin min nel mah mah tawh.





















"Zanah thianho intih hlimna kan nei dawn a, lo kal ve rawh" ati deuh hmuk, min sawm nge thu min pe pawh ka hrelo, ka en deuh haw mai zu a ruih leh ruih loh chu hriat tumin chik zet hian ka melh a, mahse a ruilo tih ka hria zu tak hi chu christiana hian a ruih lai ka la hre miah lo, a hmeichhe phur ka hmu ngun em em a, chu zawng chu ani mai.
















"Eng nge chutah chuan ka rawn tih ve anga?" Ka kut bengfai thak thak pah chuan ka ti a "ilo kal ve ang" ati leh deuh tawp, thu tawp a siam hi ani ringawt "chutak rengah, in thianho bulah chuan eng nge ka tih ve anga?" Ning zet chuan ka ti a, min enchik thei lutuk te hi zam rum rumna tham a tling thin, inchhung lama ka ni zai lah chu a reh hmak sia, ngaih ati thalo alawm le.




















"Nula te ini ve sia, i lengchhuak khat sia, hruai chhuah ve mai mai che ka chak" ati leh deuh tawp a, atawng hmuk hmuk zel sia, amak zawk ti chung hian bad boy an ti bawk si engtin nge hmeichhia a bem thin le "len chhuah mai mai ka peih lo" ka tih chuan ahmel ner sawk chu ka hmu hman a, ahnar a khawih leh zeuh bawk "a rei dawn hleinem ka lo sawm ang che" tih pahin an inkawngah chuan a kal chho nghal nal nal, auh let a, sawi that duh viau mah ila ka niin alo hrevek dawn si, ava han luhlul reuh mai mai tak aw.





















Inchhung lam ka hawi chuan ka ni chu, nui thaw hian veranda ah hian alo ding anih chu, ka phu nasa lutuk chuan ka awm ka dawm vang vang a "ni eirawng i bawl zo tawh maw?" Ka lo ti nghal vat "zo tawh ang chu ani mai christiana khan eng nge a sawi a?" Atih zawm zat a , engmah kan inbiakna ahre hman lo chu ka lawm ru viau "engvak mah a sawilo" ka lo ti liam puat, "hawh ar vel zuk lawi tawh ang, i pite an lo haw leh tep tawh ang, arawn ang double leh anga, ka ning double leh dawn mang nge aw ka nu thangi chu ka lo in puahchah lawk loh chuan, hawh zuk lawi vat ang" ka ni chuan leia rawn chhuk thlak pah hian ati sawk sawk a, ka lo nui char char.





















Ar ho lawi tur chuan kan chhuk thla dun a, ar ho chaw kan theh sak leh a, ahma ai thlawt chuan keipawn ka thiam ve tawh lutuk, "lawk, vulchukchuk kan ar hi a kim miah lo an la rawn haw kim lo anih hi" ka ni chuan a ti deuh hluai a, ka ni chu ka en vat ar ho buhfai chuk chu chhiar ni awm takin, a en char char a, amelh kual leh zuk zuk thin "engzatin nge kim lo a, ni" ka lo ti ve vat a, "pakhat ala kim lo, ehe apa sualhuai naktukah in sual tir tura ka tih kha, a awm miah lo" pawi tih hmel zet hian ati a, ka ni chu ka en chiang ngang mai "ni ar i insual tir thin ami?" Ka lo ti haw a, in tih theih hmel zet hian "tih loh ka nei lo, ka ti thei vek" alo ti deuh hluai a, ka nui chhuak tawp.























"Awi...a zia lo e hawh ar ho hi, lawi ila zawng vat teh ang, a bo palh ang cheng 300 hlawh chhuak thei tur anih kha aw" ati nang nang a, tha te te in ar ho chu an luh hun kan nghak dawn emaw tih laiin, a man lawk a an inchhung lamah chuan a vawm lut ta pawp pawp mai, tih ve tur pawh ka hrelo, ka lo en tawp "min ti hah double thei bawk a, ka hrem ve dan an nih hi" tih pahin anui pah uar uar bawk a, ka ni tak hi chu aw a hmelma nih ahlauhawm ngawt ang.




















"Hawh kal vat ang, eirawng kan bawl zo tawh tho, hmunzuruia te in lamah akal ani mai thei" tihpahin ka ni chu a chho nghal a, a hnungah ka zui ve hnak hnak, veng tawn tirh lam ah kan phei a, kan kal hla ka ti lutuk chu mak ka ti zawk "ni tinge kan va kal hla ve heti lam em em ah a kal dawn mi?" Ka ti ta nge nge a "aw, an tla hla ve thei alawm, hmunzuruia te inlamah hian an kal thin a, an in hnuaia chawmal tla an chuk thin" ka niin atih chuan lu ka lo bu ve nghauh nghauh.























Thil hriat hi ka la nei tlem ve sia, ka ni ka zawt hu hu reng mai, tu in hnuaiah emaw min luhpui a, an in hnuaiah chuan chawmal leh biri bung atam em em khawpah, "heng lai velah hian a awm tur ania sin le, ka hmuh hun chu aw achak lo viau ang" ka ni chuan ati nang nang a, anin tawh hmel viau keipawh ka pi te an lo la haw lo nen in lah kha, kan kalsan tawp si, ka ngaihtuah ang reng viau "tunge kan in hnuaiah khan lut?" Pa tling aw pawr zet hian a rawn ti a, atawng dan atang pawn a harh fim lo tih a hriat, kei ka hlauhthawn nen ka ni chuan "keimahni kan lut, kan ar a bo a kan zawng anih hi" ka ni chuan ahan ti pawr ve hlarh a.





















"Chu in ar kan ru ah te min puh ani maw?In va zak lo ve chhuak vat rawh u, tui so a leih in duh loh chuan" patling chuan arawn ti vin leh pung pung a, ka ni chu athinrim hmel ngang mai "ava han mak e aw, hmunzurui kan ar in ru kan tih loh kha, kan ar abo a kan zawng kan tia lawm, zuheh" ka ni chuan a han ti pawr leh hlarh, keiin ka hlauh nen ka ni lah chuan ahlau lo nasa mai "ni hawh chhuak mai ang, a sual hmel si, tuiso chuan min leih duh tak tak mai ang" ka lo ti sa sa a, "hlau suh, i ni ka awm hi ka awm chhung chuan tuman engtin mah an ti lo ang che, khi hmunzuruia ve khi chu e, aruih lai chuan atawng chiah ahuai engpawh sawi ila, akawi zawngin ala vek dawn tho ka ngei double ania" ka ni chuan ati hlak hlak a.


























Ka ni ka kawm ngeih nachhan leh ka ngaihnatna chhan em em chu hei hi ani pakhat, a vahnu ka nia tu lakah pawh min chhanin, min hauh em em a min hau phal ngailo reng reng, min chhan over ani mai, ka nat hi ahlau em em bawk a engkimah min ngaihtuah ka ti mai, ka ni ang hi chu an vang ngawt ang, ni special deuh ka nei hi ka vannei bik darlak ka kal atang pawn tumah thian ka la neilo ka ni hi ka thian chu ani mai, thian dang ka mamawh lem lo, ka ni nen hian kan in kawm chawt zel..

















"An la tawng ka ti, inla chhuak na nge?" Inchhung lam atanga a rawn tih leh chuan ka ni chu thinrim hmel zet hian a chhuak a, ka zui rang viau bawk pawn kan chhuah hnu chuan ka ni chuan "hmunzuheh iva han sual mai mai tak aw, ar kan zawng kan tia ni lawm ni, zuhehdouble pa, in in hnuaiah khuan chawmal leh india perek bung tam tam nen" tih vin thatin ka ni chu akal nghal nal nal ahnungah nuihza zet hian ka zui ve a, india perek atih chu biri bung ho kha, biri hi india perek ati thin.





















Ar lah chu kan hmu ta bawk silo, ka ni chu a mood a off ngawih ngawih ka ti mai, in kan thlen thlengin aphun char char a, biak ngam pawh ani lo in kan thleng chu ka pi leh ka pu an lo thleng chawpchilh ve nghal a, utawia chuan arawn zui haw bawk "ehe utawia chu ivan fel em em, ilo pui alaw?" Ka lo ti vat a, ka ni pawh thingpui lum turin a lut zawm nghal, a starpa lo kal vangin "nia, hei i pu thingput hi a rit reuh sia, puih tawp mai chi, ka tia ka hmu fuh nen ka rawn put sak anih hi" utawia chuan alo ti tha ve mai bawk a.























"Ivan fel em em, thingpui tuitawk mai tu emaw in alum sak mek che nia" ka ti fiamthu nghal a, utawia pawh anuih aza ve ngang mai, ka pi te thil rawn hawn ho chu ka dah fel zung zung a, an ram kal haw hi thingpui an in hma chuan inchhung lamah an lo lut nghal ngailo, tih theih tur ani pawn veranda ah hian, an thlan tla tih daih pahin an thu hmasa phawt zel."Neihi iva rei ve in bual vat ka duh nia, rawn hmanhmawh ta che" ka pi chuan ati leh khur khur tawh a, ka ni pawh arawn chhuah zawm nghal, nidang zawng aiin a hmel chu adanglam ka pi te chuan an hrelo maithei mahse kei chuan ka lo hre leh vek, a inchei leh hman ani ngei ang.






















"Nu...kan arpa sualhuai kha kan hmu miah lo ania" ka ni in thingpui rawn chawi chhuah pah hian ati a, keiin ka lo sem kual zung zung thung "ava mak awm ve, ilo hralh ru leh tawh te hi ani lo maw?" Ka pi chuan vin lem lo hian ati a, ka nuih aza ru ngang mai, ka ni lawm lo hmel zet chu "mi hi ring chhe thei viau suh, kan zawng hrep alawm vulchukchuki nen pawh, hmunzuruia pawn min ankhum hrep phah a, nanglah chu hralh ru ah te min lo puh vel a, ka thinrim double" ka ni chuan ati pawr hlarh, alawm lo ngang aniang ahmel zawng zawng nen chuan, a insum thei thawt lo ani.
























"Ka zawt mai che nih kha, eng nge i thinrim nghal buan buan a, i rinhlelhawm telh telh" ka pi lah chuan alo la ti deuh deuh a, ka ni chu ka khawngaih tawh zawk midangho kan lo ngawi thap a ka pi leh ka ni inhnial chu kan lo ngaithla ani ber "aw atawk anih chu, ka hralh a ka hralhna pawisa pawh ka dawlh daih tawh, i lawm tawh em?" Ti leh hlakin ka ni chu inchhung lamah a lut nal nal, alawm lo ve ngang aniang, a awm ve tho keipawh ni ila star te awm lai chuan ka zak ve ngawt ang "aa...neihpui nge maw ithinrim chiamchiam chu aw, ka zawt ringawt che lawm, i hralh ruk ka ring chuang hleinem" ka pi chuan ka ni tlawn ti tih chuan ati lauh lauh a.






















"Nia...pi ka ni khan ahralh ru hleinem, tlaiah ar kan lawi dawn khan, alo kim silo a kan zawng nasa lawm veng tawntirh lamah te pawh" ka ni thlavang chu ka lo hauh ve vat a, ka pi pawh atawng zawm tawh lem lo, ka ni chu tawng buan buanin, han ang hlak hlak mahse a thinrim khat a, athinrim tawh chuan biak tawng hi ahar thin si a, tlawn deuh huam huam angai thin, utawia chuan thingpui chu a in ri leh hrawk thin a.



















"Nge maw...laltawi thingpui pawh chu i hawp rik kur kur le" ka pi chuan ati ta nge nge a, utawia alo phu nasa mai "ka inthlarung a, chuvang alawm ka in ri khur khur anih kha, ka hawp lo" utawia chuan alo tive vat a "inthlahrung tak tak ni la, khatin i in lovang, dawt hi heh hlawm viau lo teu" ka pi chuan ati leh pung pung, a ram kal haw chau nen a thin chhe viau mai "ka nu thangi chu, buaithlak thei e i bulah hi chuan in bin let tawp tawp mai chi" utawia lah chuan ala fiam zuk zuk tho ka pu chu a tho deuh hluai a "ramkal haw veleh tang, in hnial khur khur ziah suh u, hah inti dam lo emai" vin hauh lova tiin inchhung lamah a lut zawm nghal a.Ka pi ala phun hlak hlak mai.





















"Keipawh ka phei ange, vulchukchuk, naktuk zan inkhawm ngei ngei tur aw" utawia chuan alo ti a keipawn lu ka lo bu nghauh nghauh, utawia chu akal nghal nal nal, akal pahin a zuang leh auh auh thin a, amah a sang sia anaupangchhia si hnunglam atang ka lo nuih kur kur mai thingpui an in na no vel chu ka sengkhawm zung zung a, ka pi chu inchhung lamah arawn lut ve mai dawn maw tih laiin ar inlamah bawk chuan fimkhur hmel zet hian a chhuk thla a, a zuk enfiah dawn aniang, "ka pi tak hi chu aw" ti nang nangin inchhung lamah ka lut zui nghal a.





















Zanriah kan eikham chuan ka ni chu room lamah in khawm turin a in siam zui nghal a, zanin chu thalai ho inkhawm ban lamah, hnatlang neiin sangha an zuar dawn a, ka inkhawm ve dawn ta lo mai, kal ve chu duh viau mah ila zanin chu ka peih thlawt lo ani e, ka ni pawh chuan min sawm lui lem lova, a chhuah dawn chuan "ka lo haw har deuh mai thei a, sangha kan zuar leh dawn bawk nen, vulchukchuk min lo mut san mai rawh aw" ka ni chuan ati a, lu ka lo bu nghauh nghauh.

















Zanlam riltam hi ka neih zeuh zeuh avangin dawrah kal ka tum a, "pi atlai hma in dawrah ka kal lawk dawn ania aw" ka tih chuan "aw va reilo la, takah i nufaki bulah khan kuhva ro rawn la haw rawh aw, vawiin ah ka sawi vek tawh kha ka theihnghilh daih alawm le, a chehnawi sa ho pawh a awm chuan lo hawn nghal la" ka pi chuan ati zui bawrh bawrh a, ka sam ka kawng thlenga sei chu ka thlah tawp a, ka tawn peih lo tlaiah ka su a, ala ro chiang silo.
























Pindan lamah lutin pawisa ka va la leh phawt a, "pi ka kal aw, thingpui in induh chuan siam sa in dawhkanah hi ka dah ania" tihpahin ka chhuak nghal a, ka pi leh ka pu chu an ti ti zui mawlh mawlh, ka vanneih ve na chu ka tette atang hian hlauh em em hi ka nei lova, misual lam pang ka tihna nilo in zan velah chhuah angaihna ah pawh hian, keimah pawhin ka kal tawp zel, darlak phei chu ka ni bak thian ka kawm ngai silova, ka ni a awm loh chang leh a hman loh chang phei chuan keimah tawp hi ka ni mai, kan thenawm velah nula kawm tur an awm ve silo naupang te te an ni hlawm a, ka ni erawh chuan a kawm ngeih viau.




















Bungkung bul ka thlen phei chuan, bung lamah chuan rum thawm hi ka hria, ka ding deuh chawt ka va hawi lah chuan, a thim hmuk bawk si, ka phone ligh en dawn ila, nuam ka ti chiah bawk silo, ka kal muang lui deuh a mipa tawngthum dut dut chu ka hre ta "hmela ani kha ilo enthla thin maw?Eng nga tan nge athla ilak thin?" Mipa aw thum zetin thinrim zeta, atih chuan ka ding chiang tawh viau, a aw kha christiana aw ani tih ka hai lo, hepa hi tinge buaina aneih reng le zanah leng tura min sawm lah chu ka hrechhuak zawk.





















"Khalaiah khan eng nge in tih?Christian" ka va tih chuan an thawm a reh zui hmak, mak ka ti lutuk chuan ka phone ligh chuan bung lam chu ka en ta nge nge a, thla pawh a eng bial ve tawh viau a, mahse chhum in a khuh deuh chiai a, arawn chhun eng lo, bung phen atang chuan christiana ngei chu arawn chhuak deuh hlawlh mai, mak ka ti lutuk chuan ka lo en char char "i thil ken kha dahthla rawh" ati chhuak hluk a, hrechhuak thutin, ka phone chu ka la thla rang ngang mai.
























Ka bul arawn thleng chawpchilh nghal a, tak deuh ngul hian a awm a, a thutak ang run bawk si biak pawh a inthlahrun awm "khawia kal nge i tum?Tinge nangmah chiahin i chhuah?" Ati bung nghut a, ka hawi chho vat a hmel erawh ka hmufiah lem hlei lova, "dawrah ka kal dawn khawnge ka kal vak anga" ka lo ti let vat, hepa hi engvanga hlaulo em em nge ka nih ka hrelo, amah hi a danglam bik ngawih ngawih "eng nge sawlai thingkung phen ah sawn itih, tunge i awmpui kha?" Ka ti leh chuan, ka banah min kai thutin min kalpui dawr dawr anih chu.




















"Christian, eng nge maw i hriat reuh le, min thlah teh" ka tih pawh chuan hrelo ang hmak ani, bung hlat zeta min dinpuiin "ramhuai nen kan insual alawm" ati chhuak deuh hlawlh, phawk zetin ka meng nghal kawk a, kawngpui kan hnaih tawh a, mi inkawt current eng vel chuan kan awmna lai vel chu a rawn chhun eng deuh tawh, ahmel pawh ka hmuve thei deuh tawh.













"Huiham...i dawtsawi hi ka ngaithla hman lo" tih leh kal mai ka tum chu ka banah alo vuan rang nasa mai "fimkhur la, mahni in pawnah chhuah mai mai loh tur, chuan ilo in ngaihtuah ta em?" Mit meng hriatthiam har zeta min en chung hian ati a, sawi mai tur pawh ka hre lawk lo leh nghal.






"Eng...engah chuah maw?" Ka ti deuh haw a "zaninah leng tura ka sawm che kha" atih rual rual chuan ka ban ka thingthla rang ngang mai, "teuh lo, chutiang ka theilo dawr kal tur chauhin ka chhuak" tih leh kal leh mai ka tum chu, min pawt her sawkin a awmah ka in tauh chiang viau, rang lutukin ka awmsawn nghal bawk, kan che reng reng chu kan che rang dun lutuk kha min hmu tu awmse min nuih nasa viau mai thei.


















"Khawngaihin...." Ka mitah tak en chunga, atih leh chuan ka che sawn thei tawh lo, a mitmeng thuk ruih chuan min en a, tuna a awmdan hi chu, mipa ngeng leh luhlul zet a ang lo reng reng, eng nge ka awmzia ni a mitmeng te chuan min aikaih nge pawh ka hrelo, ka chhang theilo a chutih rualin hnial harsa ka ti tawh viau thung, zanin a hepa awmdan hi a mak tak zet, in hre tho mah ila inkawm em em kan ni bawk silo, tunge thim thama alo vin hrawk hrawk kha ni ang le.




















"Anih ka reilo hman miah lo ania aw, inkhawm ban hmaa haw leh ngei ngei ka ngai ania" ka tih takah chuan, naupang ang mai hian lawm hmel zet hian a lu a bu nghauh nghauh a, acute let ling phian a, a hlim hmel chuan mak deuhin ka awm alo ti nuam ve veng veng thei, he mipa hi ka hrechiang miah lo ni e kan kawmchhak school tlangah an awm a, a hming chauha in hria kan ni, ahranpa in kan inkawm ngailo, mahse amah ka hmuh tirh phat atang khan, a danglam bik zia hi ka hre nghal, an khuaah chuan mipa sual luhlul leh ngeng zet, ruihhlo duh zet, khaw mipui te leh khawtlang hruaitu te pawn a, an zilh reng thin bad boy la ni tel cheu, hi kei hian tinge ka ngaihsak tlat ni.






















Ka kutah chuan min kai leh lawkin, dawr awmna lam min pan phei pui, dawr bul thim lai deuhah hian abike alo dah chu niin, ka hawi kual zuk zuk midangin min hmu ang tih ka hlau ve tho, mikualte ka la ni bawk si a christiana nen min hmu dun anih chuan, ngaihdan nilo deuh deuh an lo nei ang tih ka hlau zawk mah, a helmet a khum chuan apa zual ngawih ngawih hnunglam chu a thle zeuh a , "chuang rawh" atihna ni hmiang adarah chuan han vuanin ahnungah chuan ka chuang ve ta nge nge a.





















Ataksa sik tam hlau zetin ka thu ve em em a, vawilehkhatah a tlanchhuak thut, a kawngah ka kuah rang mah mah min ngaihchanna nei map lo in, chak lutukin a tlan nghal a, meng pawh ka meng ngam tawh lo ka mit ka chhing tlat a, khawnge kan kal dawn ka hrelo, hepa hi engvanga ring nge ka nih le ka mawl tawh niang, tunah hian a vawikhat nan ka chhungte hriat miah lohin mipa ka zui ania ka bialpa pawh nilo leh nghal.




















Forest an tihna lamah hian min tlanpui a, in pakhat mah hmuh tur a awm tawh lo, thla lah chu a eng paw deuh chiai bawk si a, a hran duh hmel ka ti rilru viau a kan venglam kha thlanmual hlui ni mahse, helai hi ka hlau daih zawk a ding chawt a, ka meng chhuak vat in pakhat mah awm lohna ah hian kan lo awm a, thingkung erawh a awm thliah thluah mai, "chhuk ta che" nuihzat hmel zet a, arawn tih chuan a kawng ka kuahna chu ka phelh rang ngang mai.





















"Khilai khi summer house anih khi tah khian kan awm dawn nia" atih chuan mak ka ti viau "khawnge i thiante chu an awm a?" Mak ti deuh hian ka zawt a, an thiante nen a inti hlim tur ang khan a sawi miau a, anui chhuak hawk "chukchuk zawhna hi chu i ngahve ngawt mai, ka fiam mai mai che nihkha zanin chu ka thiante an tel dawn lo" atih leh phei chuan mak ka ti zual sauh.





















"I thiante tel lo in, kan pahnihin tah khian kan awm dawn maw?" Ka ti vin hlarh, angaihna ka hrelo em ani nula tlangval chance lak tum te pawh kan ang a lawm "eng nge ilo ngaihtuah vaka" ti tawi hmukin min kal pelin summer house lam chu a pan nghal nul nul a, lawm lo ru zet chuan ka zui ve nghal, summer house chu anawm hmel ka ti reng, step ah han chhoh angai a, anuam lutuk thla eng thlir pawh a rem viau, christiana nen chuan thutna an siamah chuan kan thu ngawi dun reng.



















Thla eng chu ka thlir reng, hepa hian eng nge a ngaihtuah ve ang le, sawi tur lah chu ka hre der lo, min hruai ve em em a atawng leh bawk silo, a tawng mawh ve ang reng si a, hepa bula awm hi chuan tawngtheih angai ngawt ang, ka ke chu ka then lauh lauh a, tawng atum loh em avang chuan ahmel chu ka en ta nge nge a, ngaihtuah muk hmel zet hian ahmalam chu athlir char char.













"Christian" ka han tih sep chuan, muangchangin a lu chu ka lamah hian arawn her a, a mit chu a sen deuh ram mai adam lo amawn le tinge le "ehe christian i mit chu tinge a sen vek i dam lo em ni?" Tiin a pang chu ka han dek a, a dai deuh diak bawk si, ka kut te ve tak mai chu a kut lian zet lum vung vung chuan rawn vawn hnanin, kan mit a in tawng chat, zu rim anam silo, ruih nei a ang ka ti eng nge maw rim chu anam, an zuk thin a ruih theih ang chi kha, ahming ka hre leh tawh lova, a zu ve ani tih ka hre chawpchilh nghal a.






















Harhchhuak zawkin ka kut avawn chu ka pawt let vat a, lai zetin ka insiam tha sawk sawk, ka khuh nghal kharh kharh a alo nui ri suk mai, ani chu bad boy ania kei ang mai mai lakah chuan alai dawn lo tih hi ka chiang lutuk tlat, hmeichhia te chu bungraw pakhat ang lekah bak angai dawn lo, ngaihtuah zawm duh lo in, thla chu ka thlir leh ta daih.













"Thla eng khi amawi iti ve em?Christian" ka ti chhuak sep a, van lam chu a thlir chho ve vang vang a, chutah ner sawk hian "amawina pawh ka hrelo, a blur vek khi" arawn ti chhuak phawng "thla eng a blur ngai ami?Chhum in a hliah a apaw deuh chiai anih khi" lawm lo zet hian ka ti a, thla hi ka ngaina em a, midangin mawi an tih loh thu an sawi hian ka thin alo rim thin.












"A paw pawh anilo, a blur anih khi" ati leh hram a, "i van â tak bad boy ve si, romantic lo emai" ka ti nang nang a, anui ri suk "thla eng blur deuh, romantic i hre ngai ami?" Ati leh deuh kher a, "hmm...a double in i romantic hlawlh lo" ka ni tawng style in duh thawh zet hian ka ti a, anui chhuak hawk hawk mai, ka hriat tirh atanga he tianga a nui hi ka vawikhat hmuhna kan awm dan chu in ngaizawng in hnial kan ang.




















Ka tum deuh hmuk chu min rawn en in, "anih chuan nangmah te chukchuki hi, a blur chi in i hmeltha" atih chuan ka hamhaih lutuk a, sawi tur pawh ka hre lo min en reng bawk si, a nui tawh bawk silo, chhan dan mai ka hre lo lutuk chuan "ka khik double ang che aw" ka ti pawr hlarh, van lam bawk chu en in a nui suk suk a, a hmelah chuan lungleng hmel te a pu in ka hria a ruih vang nge ni " nun ruak ngawih ngawih a, in hriatchang i nei ve thin em?" Thutak zawk chuan ka ti a, min chhang mai lo chuan a ngawi reng.



















"Ka nun chu engtik lai pawn a ruak, tumah mamawh a neilo thung" ati thum dut a, amah chu ka en vat, hmalam chu bing zet hian, athlir a engtak chu ngaihtuah ve ang maw "khawvel mihring tute pawh hian mamawh kan nei vek a sin, christian" ka ti chhuak leh sup, a thil ngaihtuah dan khan engtikah mah hmalam a panpui lovang, "ka mamawh ve lo" ati tawi leh hmuk a, ngeng ti lutuk chuan ka thawchhuak hak.




















"Pathian hian, mihring te hi chhan nei lo in, min siam ringawt lo asin" ka tih leh chuan anui chhuak hawk, mak ka ti lutuk ka thusawi ah khan eng kha nuihzatthlak ka hrelo reng reng, chutah alu chu ka lamah rawn herin chiang zet hian a mitmeng sen ram chuan min en a "pathian hi a awm tak tak lo, a awm ngai bawk lo ang chuvangin ka bulah hi chuan pathian hming kha sawi tawh ngai suh" ati chhuak hrawk a, a lawm loh hmel em em mai leh nghal.

















"Christian, engtin nge chutianga i ngaih theih zawk a, nang i awm chhung chuan pathian chu a awm ani tih, ring tawp rawh...." Ka sawi zawh hma hma chuan "atawk" ati vin that, ka phu nasa lutuk hlauthawng zetin christiana chu ka en nghal a, alo insehruh nasa ngang mai "pathian thu min hrilh turin helai hmunah hian ka hruai lo che" atih vin that, ka tah chhuak ve ringawt chu eng nge a chhan ka hrelo, ka hmui ka pet fan fan a, ka thinrim tho bawk si.

















"Atawk anih chu, anih chuan engvangin nge ka duh lo chung, min hruai a" ka ti vin ve ta that, ka insum thei tawh thlawt lo helai hmunah hian mikhual ka nia, midangin dik lo deuha min hmuh ka duh loh vangin ka thil tih engkimah te pawh ka insumin ka in veng ve em em thin, mahse tunah chuan ka laka an awmdan ang zelin ka awm ve tawh dawn, hmingchhiat hlauh vanga engkim tawrh ka peih reng bik lo.



















"Engtik laiin nge tih luihna a ka hruai che" ngeiawm zet hian ati leh a, ka ngei bawk si sawi tur ka hre tawh lo, amah chu rum zetin ka melh ngawt ngawt "atawk anih chu" ti chhuak tiau in, ka tho thut a summer house atang chuan ka chhuk thla a, ka hmalam kawngah chuan chak zetin ka kal, ka mittui lah chu arawn hnam tiam tiam leh nghal, sual lutuk mai min umzui ve te ka ring ania mahse a teuh lo kha mihring hnen atang khan eng thil nge ka beisei vak a, za lo zet chuan ka nui chhuak hawk.








Christiana nen kan in hauh atang nihnih aliam leh der tawh, ka be ngai lova ani pawn min be zui lo, biak chakna pawh ka nei hek lo, ka huat ala reh lo ani ber kan intawh chang hian min en vung vung thin tih ka hria, mahse hmulo ang hmakin ka kal hmak zel a, keimah hian ka pehhel ani zawk mah in be tam lo ila, in hnaih tlem hi ka duh a ka theihna apiangah chuan ka pehhel hram hram zel.


















"Neihi....eng nge maw vaihlo hi ava hnawng em em ve engtin nge ilo tih leh tak" ka pi chuan thutthleng a thut pahin vaihlo a zial mawlh mawlh a, a phun pah bul bul mai tukthuan kan la ei lova, ka pu thenawmah aleng bawk a, ka ni in eirawng a bawl a, keiin pawn lam tual ka phiat bawk " i mak e, ka nu thang, i vaihlo ah leh zel chuan nge maw min puh ngawt le, kha tia i awm mai mai pawh kha maw a double in i ninawm" ka ni chuan ati nang nang a.






















"Sap tawng te chu ka hmang e tive lo mai teh, han hau che ila mi hi i chhang zuah zuah ziah mai, sap tawngte chuan min chhang let ngam tawh ka ti" ka pi chuan ati leh hlak hlak "nangve khan min hauh loh lai i neih pawh ka hrelo, ka piantirh a, ka tah ve nghek nghek pawn min vin hrep hrep ania ka rin ni, nakinah ka pa la zawt chiang ila atha ang" ka ni in atih leh chuan tual phiah pah chuan ka lo nui char char mai, "eheu, vulchukchuk kha i va hlim hmel vur vur ve" utawia chu arawn lang deuh hlawlh mai, chutah inchhung lama ka pi leh ka ni inhnial thawm a hriat chuan, ani pawh a nuih a za ve tho.























"Utawia chu lo leng rawh, iva rawn leng zing ve a" ka lo ti vat a, "nia...vawiin chu neihi saw thingphurh puia rawn sawm ka tum deuh a" atih chuan mit ka lo chetkual ralh ralh a, "eehh...thingphurh na ah inlo va in couple goals vel ange" ka fiam zui hlak a, alai ve deuh nge a lu thak lo pui chu a hiat mual mual mai, utawia hian tlemte tal chuan ka ni hi a duh ve chiang alawm "hawh teh, i lai reuh sia maw in chhung lamah lut ang" ka ti ta zawk a inchhung kan luh dawn lai tak chuan, school lam kawng atang, uvaltea arawn chhuk thla hlawlh mai utawia nen kan lo en dun reng.






















Chutia kan lo endun reng chu, tih ngaihna hrelo lutuk hian a zai ta ringawt a "mi nu mah ni la parte, hang mah la lalngo" tih hla maksak deuh deuh mai hi a sa a "valte khatiang hla kha khawi atanga i hriat nge?Mi nu ilo ngaizawng ani maw?" Utawia chuan alo ti nghal vat, uvaltea lah chuan sawi tur ahre thak lo zui "uvalte school tlang lamah khian eng nge itih, zing zingah" ka lo ti nghal vat "nge maw zawhna pawh chu min lo zawh ve ve a, ka nu in pa dailova seal a duh sia ka han kal lawk anih hi, min rinhlelh hmel deuh khan min en tawh suh u" lawm loh hmel zet hian ati a.























"Ka thaw huai mai, pa dailova nupui khi i ngaizawng emaw ka ti hman alawm" utawian atih chuan uvaltea aner nasa mai, hemi te pahnih hi chu mipa mah nise, an felin kawm an nuam a, an bulah pawh ka tlangnel ve tawh lutuk, ka ni tih lohah chuan he khuaah hian ka kawm ve ber te an nia "mi nu mah nise, ahmel hi a chhe vak silova, rim ve tawp mai chi" uvaltea chuan ati fiam zui a, ka lo nui suk suk mai "hawh u, in lo kal ta sa sa, thingpui lo in nghal law law rawh u" ka ti a, inchhung lamah kan inzui lut hlawm a.
























Choka lamah pheiin utawia leh uvaltea chu setting room lamah an thu a, "ni utawian thingphurh puiah sawm che atum ania aw" abengbulah chuan ka ti ser ser a, anui deuh seih chu ka hmu hman "i hlim tih ka hria nia, i rilru te te in" ka chhaih zawm nghal a, ka ni chuan min melh kha kha mai utawia leh uvaltea te chu thingpui ka pe a, an bulah chuan ka thu ve nghal zat, ka ni pawh eirawng bawl zo in arawn thu phei ve bawk a.





















"Kha tawia te chu zing zingah eng nge nita?" Ka pi chuan alo ti a "nia...neihi hi thing phurhpuiah ka rawn sawm dawn a, ka thing hual lawk ania a ro tha lutuk a, phur tawp mai chi kan tia" utawia chuan ati zung zung a "ni e va phurh rawh u, atha khawp alawm, neihi vawkchaw rawn la haw nghal rawh aw" ka pi in atih chuan ka ni chu a ner nasa mai, "thingphurh hian chhawm a ngah thei ka ti, vawkchaw kan zawng dawn lo thing alawm kan phurh dawn" ka ni chuan lawm lo zet hian ati a.




















"A pawilo, ka lakpui hman tho ang che, lak chhung a rei hleinem" utawia chuan alo ti vat a, uvaltea alo khuh kharh "kan va inpe zo sawt ve, interview neih nghal tawp mai chi" alo tih chuan kan nui nghal dar dar mai "ka nuthangi ve hi chu ah, mi hi tir double ve ziah mai" ka ni chu ala phun char char tho, "takah Christiana khian thingkung lawn a thei tiraw?" Ka pi chuan arawn ti chhuak hlawlh anih chu mak ka ti ang reng viau.






















"Thei ve e, an inbul vela thing zar te pawh khi a thlak ziah alawm" ka ni chuan alo ti vat a, christiana ber kher thingkung lawn thiam chu mak ka ti, ka nuih a za deuh bawk si, athingkung lawn lai hmuh a chakawm "tlailam chu, khu kan kawmthlang a kuhva kungah khuan min lawnsak se atha ang, kuhva rah ho khu atlak zawh hma in lawh an ngai tawh" ka pi chuan a vaihlo zial mawlh mawlh pah hian ati a "ka nu chu iti ang lo thei e, christiana lo midang sawm mai la, amah ber kher inah pawh a awm dawn mi?" Ka ni chuan alo ti vat a.






















"Kawmchhakah tlangval thingkung lawn thiam awm reng , midang zawn vel kha a buaithlak, vulbawihi nen hian an in be thei riau in ka hria anin lo sawm se atha ang" ka pi in a tih leh phei chuan ka meng phawk tawh viau ava han ti awm ang lo thin e aw ka pi tak hi chu "eheu...vulchukchuk chhui chian in ngai dawn riau, inlo in couple goals vel ange aw" uvaltea chuan min fiam zui zat a, nuam ka ti lo lutuk ringawt ka ni ka en lah chuan min lo la en kar zui.























"Pi iti awm lo emai i duh leh nangman sawm la, biak pawh kan inbe ngailo ka sawm duh teuh lo emai" tih pahin ka tho nghal vat, min tih luih hma in room lamah ka lut zui daih, kha pa kha biak ka duh tawh loh vangin ka pehhel hram hram ania, awm lo lutuk christiana hi ruihhlo duh viau mahse kan veng ti tawh mai ang, an ngaina hlawm a thenrual kawm athiam bawk a, ka pi pawh hian a be chhe ngailo a mihring ang zawngin a sual pawh anilo, asualna chu ruihhlo ati ve thin leh anu leh pa te pawhin tih ngaihna an hriat tawh lohna hi ania, abakah chuan a sual hran lo mipa rilru chhia ani lova, atawng tlem a, miin an tih buai hmasak loh phei chuan buaina a siam hmasa ngailo, mi tanpui a hreh lova tlangval tlawm ngai thei tak ani bawk.
























Ka ni leh utawia te thingphur in an kal a, kei inah awmin a tul ang ang chu ka ti ve mawlh mawlh bawk, chhun ah chuan alum ve em avangin fan on reng angai, kei phei chu thlan ngah chi ka ni bawk si a, fan hnuai a ka awm reng chung pawn ka thlan hluam thei, thli thaw a awm lo nen fan thaw pawh a uap vekin ka hria, chutih lai chuan "in awm em?" Hmeichhe aw hian arawn ti a, room lam ka tih fel lai tak alo ni a, ka chhuak phei vat.




















Kimtei chu kan kawngkhar bulah hian alo ding reng chu niin "kimte nangmah law?Lo leng rawh" hawihawm zet chuan ka lo ti vat, in kawm ngai em em chu kan nilo bakah kan mizia a in ang lova ka kawm theih chi pawh anilo, mahse biak chhiat a tulna a awm lova naupangchhia kan ni tawh lo bawk, ka pawi ala sawi em lova huat chhan tur ka nei lem lo.




















"Vulchukchuk nangmah chiahin law i awm?" Inchhung lo luh pah hian ati a, lu ka lo bu vat ka ni hian vulchukchuk min tih thin vang hi nge ka hming hre ve tawh hi chuan vulchukchuk min ti tlangpui, "aw ram lamah an liam diak a eng nge ilo tih dawn, nang meuh ilo len khat nen" ka ti tha ve mai bawk.



















Thutthlengah chuan kan thu dun a, "tih tur em em ka nei tawh lova, ka khawhar nen ka lo leng mai mai, nanglah ilo leng duh mang silova" nui har har chuan ati a "leng duh lo pawh anilo, midang ramah an kal vek hi chuan in ngah hi angai ve thin a" ka lo ti vat a, "nive tho mai, tunlai ang ah chuan inchhuahsan ngam ngawt chi ani lo lawm" alo ti ve mai bawk "takah" ati deuh hluai a, ka lo en nghal vat."Eng nge?" Ka lo tive vat dik tak chuan a bulah hian thusawi fimkhur angai nasa a, thu ho te pawh sawisual nei palh ila, kan mualpho vak ang tih ka hlau a, ka in veng run mai.























"Kha...in kohhran ami Ropuia kha i hria em?" Arawn ti phawng a, mak ka ti ang reng viau, "hria e, uropuia maw itih?" Ka lo ti let ve vat "aw ni chiang e, teh kha pa kha a number neih dan min lo zawnpui teh a chhelo ka ti lutuk a" nui uar uar hian ati leh tawh, uropuia ber kher chu kimtei hian a star ka ring miah lo, uropuia nen chuan kan in nel ve viau tawh whatsapp atang pawn kan inbe ve zeuh zeuh, mahse a number ka nei tih ka sawi duh miah lo, anei tu phalna lo a midang number lo sem kual vel hi ka duh loh zawng tak ani.

























"Nang ber kherin uropuia daih i star chu ava mak awm ve, i type pawh ani dawn mi nangte chu, khawpui tlangval ngei bialpa i neih ka ring asin" fiamthu pah chuan ka ti a, amah hian thingtlang hi angaina lo ve em a, thingtlang tlangval chu a duh ka ring miah lo hrim hrim, mahse uropuia hi chu ahmel achhe lova, apa lianin a sa atha bawk a kimteiin a star pawh hi ngaihtuah chian chuan amak em em hran lo kei erawhin ka mipa duh zawng ani leh miah lo.























"Ropuia te chu, adan adang alawm, ka hriatna pawh ala reilo, hmanni ka bazarin ka thil khai lai ka thlauh a, min lo chhar pui a chhelo ka ti lutuk khan ka bel chiang deuha, in kohhran a in ang tih ka hria, a number chu min ngaihtuah pui rawh" atih leh mawlh mawlh, dik tak chuan min kawm chak vang em em a, rawn leng pawh anilo uropuia number a duh vanga rawn leng niberin ka hria.






















"Ni e ka lo ngaihtuahpui dawn che nia" ka ti tha ve mai bawk a, "yes ka vawn lawm, ka nu awm loh lai ani bawk a, ka free thei tawp a, i neih theih chuan atha ngawt ang" ati leh hluai a, ahlim hmel em em leh nghal, a duh ve hle aniang "khawnge numasiami chu akal a?' Ka ti ta daih a " aizawl lamah in entir pahin, chhungte ho atlawh kual dawn a, kartawpah chiah alo haw ang, in a awm kan tlem sia nawm pawh anuam lo, ka û lah hi, zingah chauh te a rawn haw , a in thlak hnuah a chhuak leh daih zel bawk si, tunah pawh nizan aleng alo la haw lo, tunlai chu vengthar ami, nuthlawi Latei an tia mi khanu nen khan an in kawp an ti leh nghal a" atih chuan ka rilru chu anuam lo ve ringawt anih chu.
























Christiana hian bialnu angah tih chu ka hria, mahse nuthlawi em chu angaihzawn duh ka ring lova, hepa hian duh loh pawh anei lo anih hi, ka ngawi reng a kimtei thil sawi pawh chu ka chhang let lem lo, diktak chuan a chanchin chu hriat ka chak rualin hriat ka duh chuang silo, ka awmdan hi ka hrethiam bik lo "Teh...nuthlawi zun a uai chu ana an ti leh nghal a, tuna a kawp nu hian, fanu kum 5 mi vel ala nei zui, awi kei chu ka û hian min ti beidawng thin ania aww" ati leh deuh vawng vawng a.























Kimtei hi, kei aiin kum 2 in anaupang zawk, achanchin tha zawng in hre ngai em em lo mah ila, aruk chuan tlemin khawngaihna ka nei ve deuh, a u vangin a rilru ahah ve dawn tih chu hriatsa ania, chutah an inchhung lah nu ber lalna ani bawk si, anu in a fate a hmangaih lo ka tihna nilo in, a ngaihsak dan leh ahmangaihna alan chhuah tir dan hi, a dik chiah lo, nu masiami hian a fate thatna tur a duh luatah a fate hi ati khawlo ni berin ka hria, fate chu kan thunun in kan zilh tur ani, mahse chin tawk a awm ve angai, nu leh pa then khat chuan an fate thatna tur a, an duh luatah an ti sual daih thei, christiana ah hian a chiang viau in ka hria, kimtei chu hmeichhe awm nem zawk ania, a û ang emin ruihhlo khawih ve lo mahse, midang hmu hniam a, amah aia rethei zawk te a rel nasa thin a.























Dar 1 bawr velah, kimtei chu a haw chho a, kan han ti ti ve hrep chu le, mi pawi erawh kan sawi lo thung, ka phone massege ri ka hriat chuan, ka phone chu la kangin ka en vat a, number hlang ringawt whatsapp ah nilo in, inbox atang massege chu alo thawn a 'Min ngaihtuah ve thin em?' Tih hi ani a, mak ka ti lutuk chuan ka chhiar nawn sek, tunge ni ang le number chauh ani bawk si 'Tunge inih?' Tih chu ka thawn letve nghal a, a reh leh vang vang minute 10 dawn hnuah chuan 'Keimah kawmchhakpa' arawn ti anih chu ka thin phut ran dan em em chu, a chhuak mai ang tih ka hlau zawk, reply pawh reply let duh lo in, ka phone chu ka hmet thim hmak.
























Christianan ka number aneih dan ngawt chu ka ngaihtuah a, mahse ani ang bad boy tan chuan aharsa vak lo ang, tu tu te emaw a dil ani mai thei, nge ka ni hian ape zawk mahse ka ni chuan hnaih lo tura min hrilh nasat em vang khan a pek ka ring chiah silo.Pawn lamah thawm ka hre zui ka chhuak vat, ka ni te thingphur chu an lo thleng a, utawian satha ip ah hian, vawkchaw ni ngei tur hi a darah a pu a, ka niin thing a phur teuh bawk.





















"Ehe inlo thleng maw, in chau ngawt ang a?" Ka lo ti nghal zung zung a, ka niin a thingphur chu in bulah chuan a keuh a, utawi an a avawkchaw put chu, veranda ah hian arawn dah ve nghal zat, "utawia chu iva han fel tak em aw, makpa a lak tawp nghal mai chi" ka lo fiam zui zat, an la lai dun em em leh nghal ka awi thei lo zawk, "anih zanlamah ka lo leng ang ka kal nghal mai dawn?" Utawia chuan ati a "ehe thingpui te pawh i in ve phawt ang chu" ka lo ti vat, alu a thing a "in lo ang zanah ka in zawk mai ang, ka hmanhmawh " nui vur vur a, tiin ka ni lam amelh zeuh a akal zui nghal nal nal.



























Ka ni hmel ka en chu, ka nui chhuak vak vak mai a thingphurna nge, a sam chu a pheng vek, sawi ngaihna pawh a awm lo, ahmai ah lah chuan thil dum akai nei nuai bawk a, athlan a tla hluam bawk nen, achhe ngawih ngawih "lalvulmawi min nuih khanglang suh, ka lan dan hi e, a triple in ka zak" tih leh inchhung ah alut nghal a, ka la nui hak hak mai, ka niin a thing keuh ho chu ka rem tha zung zung a, ka tih zawh hnuah tual vel chu ka phiat leh nghal, ka pi lo haw a, a an loh nan lo tih lawk vek angai.





















Inchhung ka lut chu, ka ni pawh alo inbual zo tawh a, ahmeltha leh veng tawh mai, alu chu towel in atuam bawk a, "awi...vulchukchuk vawiin ka thingphur chu e, ka thing phurh tawh zawng zawngah ka hlim ber ang" tih pahin thutna lamah min pawt phei dawr dawr a, "eng ngati vak vak nge?" Ka lo tive vat, "awi tawia, han fel zia leh pa zia chu e, vawk chaw turte kha aman ala vek mawle, ka thingphurh turte lah kha, aman min tih sak vek a, anawm zia chu" ati deuh vawng vawng a, "thingphurah chuan inla romantic ber hial lo maw?" Nuih sen sen pah chuan ka fiam zawm a.






















"Romantic ve tho e, thing tang zawng tur ang deuhin ka kal a, thingkung phen atang ka bih thla a, an han pa rem rem zia chu e, vaihlo zial ngei mai hi, phawrh chhuakin apak khu hlarh hlarh mai chu e, a double in ka star tawp tawp" atih chuan ka ner kual nasa ngang mai, pa an ti mai mai khawpah ka nuih hi aza thin "khatia kan thing phur dun mai mai pawh kha, couple goals tawp kan ni mai" tih pahin anui leh uar uar a, a kut a beng vak vak bawk.























A hnu deuh lawkah ka pi leh pu te ram kal an lo haw a, ka ni nen kan lo buaipui zung zung, pawn veranda ah thu in thlithaw an inchhem tir a, ka ni nen kan va thu chhuak ve vat "neihi chu thing iva hmu tha ve khu atih zia khawp mai" ka pi chuan ati ve ngei a, ka ni hi afak khat ve ania aw "phurpui tu khan a zir em alawm" tiin ka lo fiam zui a, kan chhungkua te chuan kan nui ve dar dar mai.





















Chutia kan thut lai chuan, bike hi arawn tlan lut a, christiana ngei ani bawk ka pi chuan alo koh vat a, christiana pawh chu a ding ve mai bawk helmet a khum lem lo bawk a, keimah chu min en chiang ngang bawk "thingkung lawn kha i thiam tiraw?" Ka pi chuan alo ti vat a, "thingkung lawn te chu ahar lo, nangpawh i lawn thiam ang" christiana chuan alo ti let zeuha "naupang chimawm lutuk" ka pi chuan ati hlak, an in ngam tlak ka tih tawh kha, ka pi hian kan veng nula leh tlangval ho hi, tumah angeih lo, a inhnial pui thei vek, mahse an in haw ngai lem lo.























"Khu, kan kuhva khu lawh angai tawh si a, nang ila in fit bawk a, i rawn lo dawn emaw ni ka lo tia" ka pi chuan ati tha ve leh mai bawk a "kuhva ka ei ngai lo e ah" christiana chuan naupangchhia zet hian alo ti a, ka nui chhuak teuh kher mai, ka ni lah chuan ka beng bulah " amitmeng saw chiang deuhin en rawn, a meng khawngaihthlak leh tawh lutuk" ka ni chuan ati ser ser a, athil sawi dan chu ka nuih a za ang reng, ruih an neih a, an mitmeng awmdan vel meng please an tih ang chi kha ka ni hian , meng khawngaihthlak ati ve ziah.

























"Ava mak e aw, rozamlian luhlul viau suh, kuhva i ei ngai ka tilo, lawhsak kan ngai a min rawn lawh rawh ka tihna anih kha, nge maw ilak khawih zel chu le" ka pi chuan ati hlak hlak a, "ka ngai kawi lo e ah" christiana chuan alo ti leh a, ka pi ateu hlar tawh mai, ka pi hi chu tih thinrim hi nuam an ti hlawm ve em a.























"I hman dawn em sawi mai mai rawh" ati pang pang tawh "hman e, naktuk ah te chuan" christiana chuan ati leh a, ahmel chu ka en duh miah lo min en leh zeuh thin tih ka hria, mahse hepa hi ka ngei laklawh em avangin biak pawh ka be chak lem lo, hmuh apiang lah hian harhfim lai anei khat si.























"Vawiin tlai ah, ka duh asin le mahse apawi loh chu, naktuk tlailamah chuan ani mai" ka pi chuan ati ve ta nge nge a "ka nu thangi chu, nichin khan khatia tih daih tawh tur kha lawm, ka hun i khawhral hnem zia hi" tihpahin christiana chuan a bike chu a rest zui chiam a "kal mai mai rawh, ka vawm hrep mai tur che asin" ka pi chuan ala ti ve hram bawk "anih neihvawk, bye bye aw" tih leh chak zetin an inlamah chuan atlanchho zui a, awmze awm lo lutukin ka lo lawm lo ve ringawt, akal dawn a min en duh miah loh vang pawh kha ani mai thei.






















Zanah chuan ruah a sur avangin ka ni nen a inkhawm kan tum pawh chu kan thulh leh a roomah awmin phone kan en dun mai mai, ani in youtube a en a keiin IG lamah reels ka en mai mai thung, "awi naktuk chu mi prank tur zawng ve ila atha ang, kan veng naupangho hi ka prank dawn mawn le" tiin ka ni chu anui kur kur reng a, amah leh amah a inbia a, anui char char, mi â ang mai.





















"Ni christiana khian, ig a khawih awm i hria em?" Ka tih chuan ka ni nuilai chu atawp hmak, "khawi ngai lo ang, khawih hman hmel pawh aput loh khi, triple bialnu anei a a buai awm emai" tiin anui leh vak vak, athusawi chu ka lo ner sawk sawk mai, a sawi dik ve tho bawk si. "Takah ni, vawiin khan kimtei arawn leng a, uropuia kha a star a a number min lo dilsak teh atia, ka nei reng mahse ka sawi duh miah lova" ka ti a, ka ni chuan min rawn thut hnaih in "khanu kha be tam suh ka tih kha aw, vulchukchuk, tunah pawh a nu masiami a zin a, a inlak free leh tawh em kha, tunah pawh mipa tu emaw tak chu a hruai lut leh tawh mai thei" ka ni chuan ati mawlh mawlh a.






















"Chutiang em em chu ani bik dawn mi?" Ka lo ti ve vat, ka awi lo ve em ani, chu tiang kher kher a a awm duh chu ka ring chiah lo "sawi lo zawk teh, a nu masiami a awm loh chuan an free thei lutuk, christiana lahin an inchhungah party a buatsaih mup mup zel, achang phei chuan anawm hmel thei lutuk a, han kal ve ka duh rum rum zel" nui uar uar chuan ati a, ka ni ve hi zawng a thusawi hi atir lamah thutak deuh hian a sawi a, atawp lamah a ho leh vek zel.




















Chutia kan ti ti mawlh mawlh lai chuan ka phone chu ari a, lo call tu ka en chuan, number hlang ania mahse tunge anih ka hrechiang mah mah, la duh lo in ka off daih a arawn call nawn tawh lo, mahse massege arawn luh zawm zat a, christiana hnen atang tho, ka ni in a hmuh hlau zet chuan ka ni lam chu ka hawi a, mahse a ni pawh phone khawihin alo nui vur vur.
























Inbox massege chu ka open nghal a, 'call i pick duh lo vel ah, atha lawm eng nge ka tih dawn hi lo en ang che' tih hi arawn thawn a, a mawl deuh emaw ni hepa pui hi, a bialnu pawh ka ni tawp silova, min rawn vo ve khanglang amawn le, atir ah a ma thiam loh hmasak ania, ka be duh tawh lova, mi hi ala rawn ti buai char char, min rawn biak tawh emaw hi chuan ka lungphu hi thlawk chhuak tur ang mai hian a awm leh nghal.


















A massege pawh chu reply ta lo chuan, phone chu ka hmet thim hmak, engmah a ti thei dawn tak tak lo, min mamawhna anei lo bawk, athu a ka awmchhan tur lah ka hre hek lo, ka phone chu ka mutna bulah dahin ka ni phone khawih paha nui vur vur chu ka kuah thak a, ka mit ka chhing zawm daih.

[Ngaia]

By_Mampuii pautu







Ka ta chauh ni rawh







Chapter-5







VULMAWII







Zing lamah chuan keiman eirawng ka bawl a, ka ni erawh ala mu thung, ka pi in pawn lamah adan ngaite in pangpar leh a chhehvel ati fai leh melh melh tawh a, ka pu pawh pawn veranda ah thu in, eng eng emaw akhawih ve mual mual mai, "lalneihpui tho nghal rawh, nula si hi mu rei thei lutuk zahna te hreve deuh teh" ka pi chuan arawn ti leh lang lang tawh, aphun zui mawlh mawlh a chana ka kheh a kan turin ka siam zui zat bawk.






















Pawnlamah chuan "vulchukchuki a awm em?" Tih thawm chu ka hria a, a aw atang chuan kimtei ani tih ka hre thei nghal, eng nge maw a hriat deuh le ahma zawng a min rawn kawm pawh tum ngai hleilo "aw awm e va lut rawh" ka pi chuan alo ti vat a, "vulchukchuk" tih ri in a zawm nghal zat, "aw kimte lo leng rawh zing zingah pawimawh a awm em ni?" Ka lo ti thuai a, ka eirawngbawlna bulah chuan arawn thu ve nghal zat, ahmel hi chu a tha mawle "vawiin i inkhawm dawn em?" Atih chuan lu ka lo bu zeuh a, aphur hmel viau leh nghal "yes, uropuia number chu min lo dilsak rawh aw" ati leh tawh.























"Awle, kan inhmuh rem chan chuan ka lo dil dawn nia" ka ti ve mai bawk, dik tak chuan ka ning hetia mi a rawn tlawn huam huam vel hian nuam ka ti lo, mahse ka ni in a asawi ang em em a, sual chu anih hmel siloh ka la hriatchian loh vang nge chu ka hrelo, mahse kei tak hi min be chhe ngailo hrim hrim a, ka pawisawi zawngin a awm ngailo bawk, "thingpui te inla irawn leng khat si" ka tih chuan alu a thing nasa "ka in tawh a, keichu inkhawm pawh ka inkhawm ve hman lovang, ka û buaipui angai reng si hahthlak" thaw la ham ham hian ati a.

























Athusawi chuan ka beng a verh viau, nizan a christianan min lo biak atum pawh khan ka chhang duh miah loh kha nia, mi te chu ala rawn vau ang khar khar a, amawl deuh nge maw ni "ngati nge, i û chu atha maw?" Ka lo ti vat a "tha lo rapthlak,nizan atang a khua ala sik char char a, damdawi a ei duh silova, a luhlul nen ka tih luih deuh pawn a duh thak lo, ka ti lui ngam tawh lo, kut min thlak mai ka hlau bawk sia, ka pa thusawi lah engah mah angai der silo, tih ngaihna pawh ka hre tawh lo ka û hi chu nizanah pawh a tlun char char" rilru hahhmel zet hian ati mawlh mawlh a.


























Nimin tlai lawk pawn a damtha viau sia, ka eng mah ani lo mahse ka ngaihtuah em em si, eng nge a chhan ka hrelo tinge hepa hi a luhlul em em mai le, "lalneihpuii chu ala tho nange?Khawmaw kan va hnuk chhuak ange" inchhung a rawn luh pahin ka pi chuan ati a, kimtei nen kan lo in melh ralh ralh mai "lalneihpui tho rawh ka ti che ani lawm ni?Sunday pawh sawi lo in, vawkchaw ka zawn tir mai tur che asin, tho vat rawh" ka pi chuan a ti vin hlarh a, ka ni chu aharh chiang viau ang "iva han ninawm tak aw, ka tho tawh reng khumah ka meng mai mai anih kha" ka ni chuan alo ti vin ve hlarh a "khum a, men mai mai kha eng nge a tulna ila thawh loh tawp kha, i meng ringawt a nih chu" ka pi chuan ati leh a "khumah mit exer ka la nih hi" ka ni in atih chuan kimtei nen kan lo nui ruh ruh mai.

























"Min chhang zawt zawt suh, tuman mit exer an la ngailo, i rapthlak lutuk thawhhlim atang dawt i sawi nghal thei ania, kha vang kha nihkha pasal pawh i neih theih loh" ka pi chuan ati leh hlak hlak a "kha tin min tive ziah lo mai teh aw, ka nu thang, ka vai bik lawng e, pasal pakhat leh thingphur khat te mai mai" ka ni chuan ala ti deuh ham ham a, 'i mak zozai emai, sunday ah tal hi chuan tho hma ve rawh" ka pi chuan ati a, "sunday te chu mutrei ni alawm le" ka ni chuan ala chhang let ve zel "thawhhlim atang dawt sawi ziah suh ka tih kha, khawiah mah sunday anih vanga mutrei tur tih a in ziak lo, tho nghal rawh, i fate ho khu zuk bualfai rawh, an bal tawh lutuk" ti lehin ka pi chu arawn chhuak nghal a.



























Heichu an zingtin dan ania, ngaiah ka nei tawh reilo te ah ka ni pawh chu pawrfap hian arawn tho chhuak a, kimtei nen a kan lo thu ahmuh chuan mak atih hmel viau "uneihpui i tho ve thei ta maw?" Kimtei chuan nuihzat hmel zet hian alo ti a, ka ni alo ner nasa "tho ve thei ta e, zing kar kar atang a double in ka mood a off" ti nang nangin bathroom lam apan zui nghal a, "anih keipawh ka han chho ange, ka pa in chaw ei a duh tawh ang" kimtei chu a ding hluai a "anih inkhawm ban lamah i û chu kan rawn tlawh ve dawn nia" ka lo tive vat ka rilru ah a awm reng a, ka rilru anuam thei lo.























"Tehreng mai, lo kal tak tak ru aw thil tui deuh kan siam dawn nia, vawiin chu" kimtei chuan phur hmel zet hian ati a, ka lo nui tawi tak, achhuak zui nghal a ka ni pawh bathroom atang arawn chhuak zui ve nghal mai bawk "kimmawngeri khan eng nge arawn tih a?" Ka ni chuan ei loh hmel zet hian ati a "uropuia number kha vawiin ah min lo dilsak teh atia, arawn kal" ka lo ti tha ve mai bawk "hmm...chutiang mai mai phone atang pawn a sawi theih reng sia" ka ni chuan ati bai bai a, "ni vawiin inkhawm banah christiana han tlawhve ila kimtei khan a damlo atia" inthlarung ang reng deuh chuan ka ti a.

























Ka ni chuan min melh ralh ralh mai "nangni pahnih hi, in couple goals inlo tum ngawt ange aw, ka sawi vek tawh kha, inkawm kha chu a pawina a awm lo mahse in couple goals kha chu atheih loh ania, chuti lo chu in pahnihin ka khik double ang cheu" ka ni chuan ati hlak hlak a za lo zet hian ka nui ringawt, nuam ka tilo ka ni in hetia a sawi chang hian hreawm tihna riau hi ka nei thin.



















"Ni e, inkhawm banah chuan kan leng dawn nia, tinge maw kan christiana chu alo dam loh ni, abialnu te ho an va buai awm ve aw" tihpahin ka ni chu anui leh uar uar tawh, athu tak rei thei lo ka tih kha, ka pi bawk chu inchhung lamah arawn lut leh a "lalneihpui dang thler dawn dawn a, nuilo khan vawkho khu zuk bual rawh, inkhawm kan tlai mai dawn" arawn ti lut leh nghal a, ka ni nui pawh a tawp hmak "thanghniangi hi chu ava han ninawm ve chiang tak aw, lo zuk bual ve mai ta che" ka ni chuan ati pawr hlarh.


















"Mi phut khangkhalang lo mai rawh, vawk leh zel khu chu i buaipui vek tur an nih khu, i fa te diktak angin en la duat hle mai rawh" ka pi chuan vin hauh lo hian ati a "ninawm lutuk, vawkchaw ka la tawh a, ka chhum bawk a achaw ka pe leh bawk a, abualfai leh zel te chu lo tive thin mai ula, pasal neih hma a, min chhawrhlum thak hi i tum chiang alawm ka nuthang" tih leh ka ni chu pawn lamah a chhuak tau nghawng nghawng mai.
























Sunday te anih avangin tuk dang zawng aiin kan in peih hma a, chaw kan ei lai chuan ka pi leh pu chu an ti ti pah mawlh mawlh a, "naktuk chu, kan leilet lamah kal ka ti deuh a, ran te ho pawh eng nge an an tih hriat a chakawm" ka pu chuan ati a, ka pi lah pek chuan "naktuk te chu, dailova te ho nen, sawi ho tur in neih kha, kal lo mai rawh duh leh neihi hi va kal zawk rawh se" ka pi in atih chuan ka ni chaw bar leh tur chiah chu a tawp hmak.
























"Engtik laiin nge leiletah ka kal duh ka tih?" Ka ni chuan lawm lo zet hian a ti a, "i kal duh ka ti hleinem keiman va kal la, va thlithlai zawk rawh ka tia lawm, i pa a hman dawn lo" ka pi chuan alo ti leh zung zung a "engkimah ka hming lam tel lo hian, i awm thei thlawt lo in lamah vawk leh ar min vulh tir tawh a, leilet ah em chuan bawngin lei min leh tir em lovang chu tiraw?" Ka ni chuan ngeiawm zet hian ati a "lalneihpui lei i let dawn ka tia mi?I va thlithlai dawn ka ti mai chauh anih kha nge leileh chu i chak viau zawk, va riak ve nghe nghe la atha ang" ka pi chuan ati zui hlak hlak a "aw, ka va en ang ka va en khawp ang, a double in ka hralh nghal dawn" ka ni chuan nin hmel zet hian ati a.


























"Athat nasat chu, i rochan ai la ah, in ngaila i duh leh bawng chu a double in ihralh dawn nia" ka pi in a tih leh chuan nuichhuak lo turin ka insum nasa viau, an inchhun nufa dan hi, an luhlul dun a mi hnial an thiam em em bawk a,pawi khawih ta se, thiam lo zawk pawh nise tawngkam an thiam em avang hian, thiam zawkah an ngai tho ang, sawi tur te lah hi an hre thei mai sia, an in hmangaih loh vang anilo, an in hmangaih lutuk zawk, ka pi leh ka ni ang hi chu an vang ngawt ang, unau ang chiahin an inhnial bawrh bawrh thei ania.


























Chaw eikham lamah chuan inkhawm turin kan in siam sang sang hlawm a, "vawiin chu ka chhelo hle tur ani, tawia hian min bem ngei ngei theih nan ka siam dawn" tih pahin ka ni chuan lipstick hi a inhnawih pah mawlh mawlh kei chu ka inchei nasa lo, simple lam hi ka ngaina a over deuh chuan ka inchei ve ngailo, "ni utawia hming hi amak e, amah a sang sia tawia ani daih sia amak tiraw?" Tihpahin ka ni chu ka nuih vur vur a, ka ni lah chuan min rawn melh ralh ralh mai.
























"Hming te mai mai a ho emai, kum pawh number mai mai an ti tho lawm, chuvangin khalam chu theihnghilh la vawiin chu kan chhelo double hle tur ani" tih pahin ka ni chuan ka hmuiah lipstick chu min rawn hnawih nghal mawlh mawlh, dan hman pawh ani lo water proof ani sia, lungngawi zan lo chuan ka pu ve ta mai niang chu.






















Kan chhungkaw te chuan inkhawm turin kan kal hnak hnak a, ka pi leh ka pu chu kan kalsan daih, an ni chu tar lam an ni tawh a, kawng lakah an thiante inkhawm tur ho an tawk a, muang te te in an kal a, keini ang thalai tan chuan an ruala kal kha ninawm lamah akal tawh zawk, ka ni lah hi eng nge ahriat deuh ni inti chhelo zet hian akal hawh hawh mai , akhat tawkin "darlak model ka nih hi" tih pahin a sam phe vawk vawk khawpin a lu chu a her leh thut thin, tih ngaihna tak pawh ka hre tawh lo.






















Biakin kawtah chuan mi an lo awm nual tawh a, achhung lamah pawh an zai dam dam tawh, ka phone bag a ka ah chu a rik avangin ka ni chu lut hmasa turin ka ti a, ka phone lak chhuah pahin biakin sir lam ah ka phei leh rih lo call tu ka en chuan, christiana lek hepa hi eng nge ahriat deuh ni min tih buai hi nuam ati ve hrim hrim ni ta ber hian ka hria, a duh duh hunah min thinrim khum a, a duh duh hunah min biak leh a tum a, ka ngaihdan anilo.




























Mahse call chu ka chhang ta tho, "eng nge sawi vat rawh" ka ti nghal tawp a, lehlam ami erawh areh vang vang mak ka ti letling zawk, phone chu ka melh zeuh ala dah bawk silo "christian i awm em?Eng nge pawimawh a awm em ni?" Aw dam deuh zawk chuan ka ti leh, athawchhuak hak ri chu ka hre zawm zat bawk "ka dam lo" arawn ti teh tawl a, ava han buaithlak thin em aw "chuan" ka lo ti let nghal vat "min rawn kan dawn lo em ni?" Aw dul zet hian arawn ti leh a, achauh hmel ang reng viau.
























"Ka inkhawm dawn biakin kawtah ka awm" ka tih chuan lehlam ami chu a reh leh vung vung tawh, "chuan" arawn ti zawi sap a, biakin chhung a zai ri a bengchhen deuh avang chuan ka kal hla leh hret a, "chuan eng nge nivak" ka ti let ve leh, "min hua mi?" Arawn ti leh tawp a "ai" tiin ka chhang leh tawp, kan in biak dan hmuk hmuk chu anuihzatthlak zawk, ka ngaihtuah a, adam lo bawk nen ka khawngaih thar leh hnuhnawh a, kimteiin damdawi a ei duh lo te kha ati bawk sia.
























"I englai nge na?Damdawi i ei em?" Aw dam thei ang ber chuan ka ti a, "ka pum ana, damdawi ka ei duh lo" a rawn tawng dan vel chu, naupang ti tau aw ang mai "ngati maw damdawi chu, i ei duh loh?" Tiin ka zawt let nghal a "ka duh lo, atui lo ka hrawkah a tang zel alawm" arawn ti bai bai a, ka nui chhuak teuh lutuk "thil thalo tak tak itia, i rui thin a, i insual thin bawk , thil tha lo awlsam takin timna nei miah lova, i ti thei anih chuan engvangin nge, i damna tur chu i ei duh lova" ka thiam ang tawk chuan ka zilh ve malh malh.

























"A in ang hleinem, damdawi te chu adan adang alawm" ala rawn ti bai bai, ei rawh, i pum anat chuan kimtei bulah khan damdawi ei tur dil la" ka ti a, lehlam ami chu angawi vung vung kei ka hmanhmawh ru ang reng viau tawh, inkhawm tur a, kal ka nia phone ka hmang kawi leh a, amawi lo "anih inkhawm banah ilo leng ang, tih min tiam rawh" inla pangchang zet hian arawn ti a, ka nui chhuak hawk "awle tehreng mai" nui ver ver chuan ka ti a, call chu ka cut zui nghal.

























Kal ta mai lo chuan ka nui deuh vur vur, christiana nen a kan awmdan hi ka hrethiam lo, mahse hei erawh chiang takin ka hria, amah ka biak te a bula ka awm changte hian ka hlim a, chuan ka kim bik hliah hliah hian ka hre thin, ka nun ruak ngawih ngawih a, ka hriat thin te mamawh nei ngawih ngawih anga, ka in hriat thin te kha christiana bula ka awm chuan abo vek zel.
























Kal mai ka tum tawh chu, ka hma sir lam deuhah hian thil ri sur sur ka hria, ka hawi phei chu ka au that ka mit chu rang zet hian ka hup nghal bawk, ka sirah chuan uvaltea alo zung anih chu, min rawn hmu chu ani pawh aphu ve nasa mai, ala zung zo hman silo "uvalte eng nge i hriat a, tinge hetah i rawn zun?" Ka ti vin hlarh a, "hey...bengchheng suh, ka zak ve tho zunin ah mi an zung sia ka zun a chhuak tawh em alawm" ati vei nang nang a, "chupawh nise, ka awm tih hi i hmulo em ni?" Ka tih leh chuan "hmu che ila ka zung ngawt bik lovang aw, ka neih rohlu ber hi ka nupui bak hmuh tir ka phal bik lo" ala ti ve tang tang "iva han tenawm ler luar tak aw" ning zet chuan ka ti a.


























A zun zawh chuan biakin lamah kan phei dun a, akut lah chu akawrah ala tat zui ka ner sak sak mai, ani pawn min ngei tih hriat zet hian min melh tur khai mai "tun a thil thleng kha zep tawp mai chi, khawiah mah sawi chhuak suh ang che" midang hriat hlau zet hian ati a "lungngai suh, ka sawi chhuak peih teuh lo mai, ka ten zia hi" tih pahin ka kalsan nal nal ala phun zui nang nang mai, kawtah pawh awm an lo awm vak tawh lo, biakin ah chuan lutin ka ni bulah chuan ka thu ve nghal zat, ka thutna tur hi min lo hauh sak ve ziah min ngaihtuah thei ania, thian dang ka kawm ngailo tih ahria a, ka ni hian ka thian leh ni nih hi atlin khawp mai.




















.







Sermon kan ngaihthlak lai chuan, ka hawi kual a nu thenkhat ho chu an muthlu lawp lawp mai, patling pawh an awm nual tho mi thenkhat hian biakin a inkhawm chang hian mutthluk tur emaw ti tlat hi an awm thin, muthlu tur a lo kal tawp te hi an ang ka ti thin, karkhatah amah pathian biak nan hian nikhat chiah kan nei a, ama be turin kan kal khawm a, chu mi chhung pawh chu reilo te chauh ani, mahse chumi hun chhungte pawh a, ngaithla tluan thei hi an awm meuh thin lo, hei hi chu mizoram khawi hmunah pawh an ching vek sim tur hi kan la ngah tak zet ani.


























Tin sawmapakhat pek chungchangah pawh hian, pe thei lo tam tak leh pe duh miah lo te kan la tam a, pathian hnen a kan tawngtai in nitin kan eikhawpin min pe ang che kan tia, kan ei khawp bak bakin nitin hian min pe a, hna kan thawk a pawisa kan hlawh a, chumi kan hlawh atang chuan pathian chuan sawmapkhat te chauh kha kan lak atang aphut ve a, tam tak nei chung pawhin pe duh miah lo kan awm thin, pathian hian kan lakah hian aphut tlem a, kan thawchhuah atanga tamtak pawh phut lo in, sawmapkhat chauh ania aphut pek hram hram zel hi tum tlang theuh ila, pathian pawh hi ava lawm dawn em.
























Inkhawm ban anih meuh chuan, mu thlu lawp lawp te pawh chhuah hman loh hlau ni awm hrimin, achhuak rang rangah an tang leh ang lawi a, keichu thil ka chik a ka fing e chu ka tihna ni miah lo in, mi awm dan leh an chezia te hi ka chik thei lutuk a, sim ka ngai thil nilo pui pui ka ngaihtuah tam phah a, azia lo emai.

























Biakin kawtah athalai zual ho kan la ti ti khawmuang rih a, ka ni ka nghak ani zawk mah, dik tak chuan ka hmanhmawh ru ang reng, haw vat a christiana te in a han kal vat chu ka duh ka rilru anuam theilo reng reng, uropuia chu ka bulah arawn ding a "nangnu te hi, ka massege i reply tha duh lo riau" min rawn ti a, ka lo nui tawi tak a sawi dik ka reply zen zen lo, thian bak nih ka duh lova thil dang beisei aneih ka hlau ani "takah uropui star deuh tu che an awm a, i number min dil a ka pe duh angem?I phal em?" Ka ti ta daih a.



























"Aw chutia keini akarah min star duh tu an lo awmve anih te chuan pe la" nui hak hak chuan ati a "tunge anih te min zawt dawn lo mi?" Ka lo ti let haw, aphal leh lutuk chuan ka ngaih ati tha lo zawk alawm le "ka hre lawk duh lo, hmelchhe deuhte anih phei chuan ka hria anga, a bum vek palh ang" an ti ngeiah uropuia hi chu fiamthu a duh ve ngawt mai, tlangval fel tak ania, kohhran pawn an tangkai pui viau bawk.


























"Takah, lalneihpui" uropuia chuan ati deuh hluai a, ka ni chuan amelh ram ram "ka hming pum kher kha chuan min koh lo teh, ka nu in min koh nasa lutuk a ka hming pum pawh hi ka hlau vek tawh" ka ni chuan ati nang nang a, kan lo nui hak hak hlawm a, "aw anih, neihhmelthanu naktuk chu teirei lamah chengkawl khawrh ang u hmiang, picnic pah deuhin" uropuian atih chuan ka ni chu a phur leh ngang tawh mai, "tak tak, khawrh ila nimai lawm teirei lam kal pawh akhat tawh alawm, tawia leh valtea sawm bawk ila" ka ni chuan ati nghal zung zung a "keiman ka sawm che a, i duh duh ilo sawm kual ange aw, naupang i kid te ho kha rawn hruai te itum ange" uropuia chuan ati leh a, "teuh lo mai, min ngai mawl double viau suh, lalropuilopa vulchukchuki pawh lo kal se anuam dawn emai, " ka ni chuan ati leh a keipawn ka hnial lem lo.

























Teirei hi an sawi ve ziah a, ka kal atang vawikhat mah ka la kal ve lova, kal ve chhin chu ka chak hrim hrim mahse chengkawl erawh khawrh ngaihna ka hreve dawn lo chiang sa a, tui hleuh pawh thiam ngawt lo chuan engtin nge chengkawl te ka khawrh ve reng reng ang ni, ka ni utawia leh uvaltea te nen chuan kan haw ho a, kan inlam kawng hi a in ang vek a, ka ni leh utawia te kan hma ah an kal a, ka ni lah chu eng nge an sawi ni, anui leh uar uar thin star te bulah han nuih uar uar mai chuh.
























"Ini hi a phungzawl thin em?" Uvaltea chuan ka bengbulah arawn ti ser ser a "teuh lo, engtin nge phungzawl chu an awm thin a?" Ka lo ti let haw "aw ini awmdan hi mawle, a phungzawl thut ang tih ka hlau thin, anui ring thei sia, chhun reh lai phei chuan maw, ini nui ri hi kan colony ah hian a khawk rum rum zel a, naupang thenkhat phei chuan an hlau thei lutuk" uvaltean atih leh chuan ka nui ve nasa mai, ava han ti awm ang lo thin em aw, ka ni in hria se chuan athinrim leh ngawt ang.
























Chutah "lalvalte, min rel dan kha ka hrevek ania" ka ni in arawn ti thut, uvaltea a ding chiang viau bawk ka ni lah chuan ala rawn melh rum nasa mai "ka sawi ve mai mai nihkha, lalneih kal mai mai teh" uvaltea chuan ati bah nak a, utawia nen kan lo in melh ralh ralh a, kan nui aza sia kan insum ani ber "khati khan min rel ve ziah suh aw, ka tih thaih hrep mai ang che, ramhuai pawh um dawr dawr ngam ka nih hi, ka nui ri te phei chu kan veng nu ho hian, an fate kawhmawh bawl ching deuh ho tih thaih nan te an hmang thin ania" ka ni in hlauhawm hmel zet a, atih chuan uvaltea pawh zalo tih hriat zet hian anui tawi tak ah.
















Atawpah kan insum thei tawh lo chu, utawia nen kan nui dun ta vak vak mai, khawlai pawh sawi lo chuan kan nui ring em em leh nghal, ka ni pawh anuih aza ve tho uvaltea erawh ngaihthat loh hmel zet hian athen ve sak sak mai, akhawngaihthlak reuh lutuk.
























In kan thlen chuan ka in thlak sawk sawk a "ni kimtei te inah chuan, han kal ila" room a kan awmlai chuan ka ti a athuamhnaw hak tawt deuh chu hlih pahin " lo han chho la, i pi te ho saw inleng an ngah si, thingpui te ka lum sak phawt anga, valtea leh tawia lo phei hunah kan rawn chho ve ang" ka niin atih chuan ka hnial duh ta lo, kal vat vat ka duh tawh miau a, ka ni hi a awm lovang tih ka hlau thin engkimah min awlhneh em em a, keimah zawk hian awl tur ka nih laiin engpawh tih se, min phut ngai lova, ka pi in atirh pawh phun reng thin mahse, keimah min phut zawng in eng tawngkam mah ahmang ngailo reng reng, min duat em em hi ani tawp, avah neihchhun ka nih vang te pawh ania nga, ka tan pawn ka ni neihchhun tho ani bawk.





























School tlang lamah chuan keimahin ka chho hnak hnak a, sunday anih vang nge nula leh tlangval leng hmuh tur an awm pheuh pheuh a, tleirawl te te thian ho a lengte thla la tawk te pawh an awm fur mai, ka han thlen chhoh chuan ka lut hreh leh tlat pek, an in kawtah bike pathum lai mai hi a inhung a, athiante an leng tih chu ka hre nghal abialnu tu emaw berte lo leng palh ta se, ka ngaihtuahna vang chuan nuam ka tilo telh telh leh nghal, ka phone chu la kangin kimtei chu ka call ta ringawt, abuai deuh nge a pick har viau leh nghal.































"Aw, vulchukchuk hei thil ka lo siam laklawh lutuk a" arawn ti nghal lang lang a, "englo ania...kimte in inkawtah ka awm a?" Nuam lo ti ru zet hian ka ti a "aw haw, ani maw?Lo lut ta che i zak ami?Ka û thiante ho bak an awm lo ka pa pawh a awm hleinem hawh lo lut rawh" tih leh phone dah arual daih, kawngkhar lamah amah zawk chu arawn lang zui zat, nui var var hian a kut chu ahui zeuh a, keipawh chu ka phei ve ta nge nge a, ka kal tawh ta sa sa ti rilru chungin.




























Inchhungah chuan tumah an awm leh bawk silo, mak ka ti ang reng viau, choka lamah kimtei chu ka zui phei a "khawnge inva reh leh si ve?" Ka ti nghal zat "ka û room lamah an awm anih hlawm kha, ka kut kan sil lawk kan chho dawn nia" tihpahin a kut chu a sil zung zung a, kimtei hi midang sawi dan leh ka ni sawi dan ngei pawn an in ang lo ka ti telh telh, kan inbe tam ve telh telh a atawngdan leh a mizia vel pawh ka hre chho ve zel mahse, an sawi ang em em a, hmeichhe chapo anih loh hmel ka ti, atirah chuan keipawn khatiang tho turah khan ka ngai hman anih kha, mahse a nilo telh telhin ka hria.

























Inchung lamah chuan kan chho a, kimtei chu a ti ti chho bawrh bawrh mai, christiana room ni ngei tur hmaah chuan kan ding a, a rukin thawk ka la vang vang kik lem lo chuan, kimtei chuan ahawng thut a, achhung lam ami ho chu an phu nasa lutuk, chhuatah an lo thu bial laih a, card an deng tih hriat zetin an card chu an thukru rang nasa hlawm mai, kan hmu hman vek tho sia, christiana erawh atel lova, khumah chuan awn diai a, thu in chauh hmel zet hian kan lam chu arawn hawi ve a, min hmuh chuan a nui deuh suk bawk.



























"Eng nge inlo tih leh tak kha?Card in deng ani maw kan hmu hman vek cheu" kimtei chuan room chhung luh pah chuan ati hlak hlak a, an lo pha nasa hlawm mai min hmuh chuan min en duh nasa hlawm ngang mai min la hmu ngailova mak pawh ka ti em em hran lo " eeuu....hei khawilam nula nge ava han hmeltha em em ve kimte i thian chhar thar ami?" An thian zinga pakhat hian ati a , ka ding tlawn zurh ringawt kimtei chuan ka kutah kaiin christiana khum lam min pan pui a "ngawi mai mai rawh u, ka û thiannu anih hi vulchukchuki anih hi, tawngkam mawilo deuh kha hmang miah suh u" kimtei chuan ti hlak hlak pahin christiana bulah kher chuan min han thut tir ah, zam nak laiin aw.


























"Tak tak maw...wow..bro iva bawn ve engtin nge hetiang hmeichhe hmeltha hi ihmuh theih nangpa hi hmeichhe hmeltha hi i tawng thei bik e" nichin a pa tho chuan ati a, an thianho chuan an nui dar dar a, christiana erawh anui ve lem lo "lalbiaklian, ngawi mai mai rawh" christiana chuan a ti chang hrawk a, athiante ho nui pawh chu an tawp nghal vek, lalbiaklian atih pa saw chu ka hre tawh, a insual vak zana fuih pawrh char char tu kha ani.























Kimtei chuan "ni e...lalpabiak vulchukchuki hi chu inthian hmeichhia in kawp a, in duh duh a in tih kawi theih ang kha ani ve miah lo ania aw, bakah uneihi vahnu ania uneihiin vawk anga atalh cheu in duh loh chuan mawilo deuhin chhaih miah suh u" kimtei chuah nuihzat hmel zet hian ati a, an mengphawk nasa hlawm mai min en duh zual sauh in ka hre leh nghal "ekhai lalneihvawki vahnu maw, ka va thi hman teuh ve" lalbiakliana chuan ati a, ka ni chu an hriatchian hmel hlawm ngang mai.























"Anih christian, i thiannu thar chu min inhmelhriat tir ve la" midang pakhat chuan ati a, "eng nge a tulna?" Tum hmuk hian christiana chuan alo tive bawk, "iva han uikawm reuh tak" chupa bawk chuan ati leh a, ka nuih aza ru ang reng viau "vulchukchuk...heihi lalbiakliana ania, ba biaka chuan hei cher deuh ruhkawl ang deuh hi, lalnunhlua ania chuan khalai thau deuh vawkpui ang deuh kha, lalpekthara ania duata tiin an koh bawk a, chuan in hriat angin ani saw chu lalvulmawii ania vulchukchuk an ti thin.Ti khan in lawm tawh em?" Kimtei chuan a kut zei zir meuh a sawi hian ati a.

























"Ka lawm lo nasa, kimmawngernu eng nge vawkpui chu ka an viau na, " tih pahin duata chu atlanchhuak daih a, pa biaka leh nunhlua te pawh chuan ,"kimmawnger" ti a fiam zuiin an tlanchhuak ve nghal, kimtei chu lawm lo zet hian a tlanchhuak ve nghal a, in hnuai lamah a au thla ruah ruah mai.A reh vek hnu chuan christiana chu ka melh zeuh a hmalam chu alo thlir char char "tinge pa biaka in tih pa kha, tlangval ani sia, pa biak in tih a ?" Tiin ka zawt nghal a, ka lam arawn hawi rang ngang mai "ka that leh that loh pawh min zawt hmasa lo in, chuthil mai mai chu maw min zawh?" Lawm lo zet hian ati a, kei pawh chu ka inthiam lo hnu hnawh viau.























"Oohh...anih i tha tawh em?" Kan ti tha leh hnu hnawh a, ahawisan rang viau, ahmel en reng reng in a damlo tih a hriat ngawih ngawih a, a mitmeng a dul vek a, apawr fap leh nghal, a chal chu ka kutin ka han khawih dek dek a, asa lutuk chu ka kut ka la sawn rang viau, ka meng phawk chiang viau bawk, "i pang ava han sa em em ve, khawnge damdawi, damdawi ila ei lo em ni?" Tiin ka ding hluai a, ka phi nghal chung, ani lah chuan ka che buai vek chu hmuhnawm tih hmel zetin min en vung vung leh nghal.
























Ka lawm lo tawh lutuk "christian tinge damdawi ei rawh ka tih che kha, ti hian ilo la tuar char char amaw?" Mak ti bawk si, lawm chiah silo chuan ka ti leh a, a kiai deuh suk "ka tuar thang tawh, ngaiah ka nei tawh ahreawm lo" atih te chuan ka thin a rim lek lek tawh, ka phone chu ka phawrh chhuak a, kimtei chu ka phone nghal vat alo la rang viau "hello" atih rual rual chuan "kimte...natchawkna hi khawnge a awm lo keng teh" ka ti nghal vat a, "natchawkna te chu ka û roomah...lawkin ka û khan damdawi a ei duh ami?" Mak tih hmel zet hian arawn ti a "chutiang sawi ahun lo khawnge damdawi chu" ka ti leh nghal vat "lawk keimah ka rawn chho ang" tih leh phone chu adah a, a duh emaw duh lo emaw damdawi ka ei tir dawn tho tho.





























Kimtei chu arawn thlengchho vat, amah chauh emaw ka ti dawn a, athiante ho pawh chu an rawn chho leh vek, christiana lah chu a phun nang nang reng a, "khawnge damdawi chu?" Ka lo ti vat kimtei chuan damdawi chu ka kutah arawn hmeh bel nghal a, khum lamah pheiin damdawi pakhat chu ka la chhuak a, christiana chu ka pe nghal zat, lak pawh a tum lo damdawi chu a melh a, keimah min rawn melh leh a, ka dawhtheihna in a tlin leh tawh lo, abula tui a inchhawp chu la in a chhin ka hawng sawk sawk a, alamah ka dah hnai nghal vat "tunah damdawi hi ei nghal rawh" melh ram ram chuan ka ti a, sawi chhuak lo mahse na atuar a, ahreawm dawn tih hi ka chiang em ani.




























"Kimte chawhtawlh ah, tui dah la towel thianghlim nen min lo pe rawh aw" ka tih chuan kimtei chu thu awi zetin a chhuak nghal a, athiante ho chuan min rawn hnaih nghal sap sap "christiana damdawi ei lai hi kan la hmu ngai lova kan hmu ve chak" nunhlua pui roh chuan ati a, ka chhang lo hreh hmel zet hian christiana chuan damdawi chu ala a, "ava lian ve" ati deuh sup "kha aia lian pawh i dawlh hnem lutuk" ka lo ti vat a, tui ka ken chu arawn ban leh a, ei a tum zuau zuau tawh chu a thulh leh a hreh ngang tih chu a hriat, "kan bad boy hian, damdawi ei a hreh zia hi" tih pahin pa biaka chu a nui vak vak a.
























"Damdawi kha i dangah han dah la, chuan tui kha in nghal rawh" ka tih chuan, hreh hmel zet hian damdawi chu a dangah chuan adah ve ta nge nge a, tui chu a in nghal khawlh khawlh, botle khat a in zo vek, ka nuih a za ru ang reng viau "wow...ava ropui ve christiana khan damdawi a ei zo chiah, chu pawh hmeichhe tereuhte in a ei tir ania, ava han mak em em" duata chuan ati deuh hluai a, hengho hi an tawngthei hlawm phian a, a dawlh zo chu aner nasa lutuk a hnung ka tuai sak a, a uak thut ang tih ka hlau.























Kimtei chuan, chawhtawlh te ah hian tui chu arawn keng lut a , "kimmawnger i û in damdawi a ei zo chiah ania aw" nunhlua chuan alo ti vat a, ka hawi phawk hra eng nge maw christiana damdawi ei pawh chu an phul hlut le, amah ber lah chu alawm loh hmel ngawih ngawih, damdawi a ei a, athinrim tih hriatreng a damna tur ania, ala thinrim ngam ka ti , ka chum zawt chak.
























"Ani maw tinge alo ei hman a, min lo nghak ta che u, ka en ve duh asin" kimtei ber lah chuan arawn la ti deuh deuh a, engmah pawh ka sawi peih tawh lo, towel chu tuiah chuan chiahin achal chu ka deh sak a, amit alo chhing vang vang, a pang asa si, hreawm a tuar char char awmsia ka khawngaih reuh lutuk "hawh u, chhuk ang u thil ei ahun vulchukchuk kinah ei tur ka lo pe ang cheu aw" kimtei chuan ati a, lu ka lo bu zeuh ringawt.






























An chhuak ta dial hlawm a, christiana damdawi ei chu an la sawi zui char char, an chhuak fel maw tihah christiana chuan akut sa ham ham mai chuan khuma ka kut dah chu a rawn hum nghal chat a, amit chu arawn meng chhuak riai riai a, kan in melh chiang viau bawk "ka bulah awm rawh aw" zawi sup hian ati a, a aw ah pawh a chau tih a hriat "ka awm dawn alawm" ka lo ti let vat a "khawiah mah, ka muthilh hunah pawh lo kalsawn suh aw" ati zawi leh sup, ka nui sen sen a "ka kal dawn lo, muhil rawh le chuan damdawi khan a chhawk vat mai ang che" ka tih takah chuan hahdam hmel zet hian athaw chhuak siai siai a, amit chu a chhing riai riai a, ka kut erawh ka kalsan hlau ni awm takin a vuan nghet sauh sauh thung.












NOTE.



Ka sawi lawk tawh angin, zankhat danah zel story hi post tur ani aw, chuan comment te, ads click te kha min lo phurpui ve ru awa ziaktu te tan phurna nasa tak a thlen ve thin a


Show post links
Top