REAL LOVE BY Rebec Nunziri (Completed)

[Ngaia]

Chapter-13


Alex Lalhriatpuia POV


Bawihi te thiannu te inkawt chu ka thleng a, phone la chhuakin Bawihi ka call vat a, "Lo chhuak rawh" ka ti a, ka dah lehnghal a, reiloteah kawngka chu rawn in hawngin Bawihi chu a rawn pen chhuak a, motor atanga chhukin a lo luhna tur lam chu ka hawng a min melh chhin eih lovin a lut hmak a, a hmuh loh lamah ka lo nui suk a, a awmdanah chuan lungawi lohna a nei tih chiang takin ka hre thei a, enge a lungawih lohna chhan pawh ka hrechhuak thuai bawk ang.


Car ah thu lutin ka start nghal a, pawnlam hawiin a thu ngawi reng a, keipawhin biak ka tum lo, ka in lamah chuan ka tlanpui a, tumah mah kan tawng siloh vang chuan car chhung chu a reh duk a, a malchunga a kut a hum tawm tlat pawh chu ka hmuh hmaih lo, a rawn thaw chhuak leh hak zel a, ka lam hawi lovin pawn lam a la melh ding ngar tho, grass ka down sak a, a sam thli in a chhem delh delh a, a ngawng chu a rawn lang leh zawk thin a, a sexy in a lang duhawm thlawt ani.


Ka ngaihtuahna avang chuan ka lu ka thing deuh nawk a, chutiang lam ngaihtuah hman ka nih loh zia ka hrechiang a, tun atan chuan kan inkar sawifel phawt kan ngai ani, chuan hetiang a min pehhel a min biak duh loh man hi a hmu dawn chiang khawp, ka in kawtah chuan motor ka ti ding a, a chhuk nghal tharh a, inchhung lam pan chuan a kal nal nal bawk, garrage ah motor ka dah hmasa phawt a, ka zui lut ve nghal a, inchhung ka luh rual chuan sitting room lam ka pan a, couch ah chuan a lo thu ran a, a hmalam chu ding zetin a lo melh ran bawk.


A bulah chuan thuin ka en ngur a, a hrelo der hmak thung, "Engvanga min pehhel tlat nge I nih? chuan engvanga lungawi lo nge I nih?" ka ti nghut a, "I hre sual a nihchu ka pehhel lo che a, ka lungawi lo lo bawk" a ti hlak a, ka nui ro hawk, a awm dan a tang hi chuan a lungawi lo tih chiang takin a hriat vek a, chutah ka lungawi lo lo a ti ania, "Bawihi tha taka thil sawipui che ka tum a, hetiang hian awm suh, chuti a nihloh chuan" ka ti a, ka ngawi leh dat.


"A nihloh chuan enge sawi zo law law la" ngeiawm zetin a rawn ti a, a awmdan chu ka ngaithei lo lam mah tawh a ni, "I lungawi loh chhan chu chiang takin sawi rawh" ka ti ta hrawk a, "Ka lungawi lo lo ka tihkha" a la ti ve fan a, ka thaw chhuak hawk, "Ok.. chutiang a nih si chuan ka duh angin ka che thei tawh angah ka ngai e" tih leh a kawnga man ka rual a, min hnaih theih nan ka pawt dawrh bawk, a lo inring bawk lo nen min rawn bawh rawk rawk a, ka kiai suk.


"I mawl ami, nge khatia min pawh dawr dawr thin" a ti vin hlar a, a lawmawm lutuk chu ka nui suk suk a, ka kun hniam rual chuan a hmui a lo hup a, a mitmeng fiah kak chuan chiang takin min en kiau bawk, "Lungawi lohna I neilo a nilawm ni, anihchuan min dang Suh, hun rei tak ka hmu lo che a,. ka ngai viau che ania" ka ti sup a, a biang vel chu ka khabe hmul tlem to chuan ka nul dan dan a, a thaw chhuak deuh hak a, a kut chu lasawn in a inla hrang deuh a, a mitmeng chu rawn danglam in tah chhuah hmel zetin min melh a.


"Ka haw duh" tha chhuak aw deuhin a rawn ti a, k thaw hawlh a, va khawih mai ka tum chu ka kut a lo thing per nawlh a ka rum nghut, "Engvanga hetia awm nge I nih?, enge tihsual ka neih?" ka ti a, "Dawt min hrilh" arawn ti tiau a, a sawi awmzia ka hriat loh avang chuan ka awm ngai chuan awmin Bawihi chu ka melh reng a, eng dawt nge ka hrilh ka hre hauh lo, "Bawihi, I thil sawi awmzia ka hrelo, ka hriatfiah theih turin sawi rawh" ka ti a.


Rawn hawi chhuakin rum zetin min melh a "Us ah khan hna vanga kal tur angin I insawi a nilawm ni? Engvangin nge dawt min hrilh kher? I thusawi awihin ngaihngam deuhin ka lo awm a, mahse nangchu nuam chen turin I lo kal reng si, hmeichhe â tak chu ka nihhi" a ti a, za lo zetin ka nui hak bawk, "Dawt ka hrilh hauh lo che chuan tuna I thil sawi zawh chiah kha enge a awmzia nuam chen turin ka kal amaw, teuhlo" ka ti ve ta hrawk a.


"Zep buai duh tawh suh, thlalak ka dawn kha chuan ka la ringhlel a, mahse rawn ziah fiah che tumin ka rawn call nghal che a, Sawmpuii ngeiin a lo chhang bawk" a ti hlar a, a mittui chu a biangah a luang thla pap a, rilru nat hmel lutukin min en bawk, chutianga a awm chu hmuh hreawm ka ti takzet ani, "Bawihi" ka ti ta sup ringawt a, sawi leh chuan tur ka hrelo engtik laiin nge min rawn biak a tum ka hre hauh lo, min rawn call na hmuh tur a awm lo bawk tih chiang takin ka hria.


"Min rawn call lai ka hrelo" ka ti a, a nui hak "Nia I hrelo, a chhan chu maw hun nuam tak in hman zawh hnua bathroom a intifai tura I kal laiin ka rawn call che a, chuan Sawmpuii khan a lo chhang bawk, chuan a thu min hrilh I hre duh em?" a ti a, tawng leh a tum chu a thei lawk lo a awm dawn in a thaw chhuak hak hak a, ka lo melh run thung, "In inkara tla zep lo turin min ti, chuan hun nuam tak in hman zawh chiah thu min hrilh bawk" a ti a, a in sût nghal hraih a.


"Chutiang engmah a thleng lo, ni e kan inhmu ngei alawm mahse a lo kal ve tih ka hre hauh lo, shooting nei turin a kal a kan inhmu fuh palh chauh ani" ka ti a, a awih hmel loh khawp mai, "Engtin pawh awm la sawisel theihna che ka neilo, mahse kan inkar inzawmna hi sawifel a ngai ani, kan pahnih inkarah hian inngaihzawnna lam a leng lo tih ka chiang tawh a, chuvang chuan kan inzawmna hi a hma ang kha nise ka duh, ka nu min enkawl sak a, chuan ka taksa hi I ta a ni bawk inngaizawng anga awm chu ka duhlo" a ti a.


Chutiang chu ka duh ve hauh lo, "A theih loh, a hmaa thil thleng tawh kha chu theihnghilh rawh, nang hi ka hmeichhe duh awmchhun chu i ni, chuan hre reng rawh, keiin kan inkar ka ti tawp a nihloh chuan nang hian tih tawp theihna dan I neilo" ka ti hrawih a, ka thinrim lutuk chu ka thaw chhuak hawk hawk a, a zia phah chuang der lo lehnghal, "Alex" beidawng a zetin a rawn ti a, "Engmah sawi tawh suh, chuan ka thusawi kha hre reng angche" ka ti leh hluk a.


Khumah chuan mu in ka ngaihtuahna ah erawh chuan ka room piah chiah a mu chu a awm reng a, ka bula mu tura ka tih hnu fe ah pawh a duhloh thu in min chhang a, ka tilui duh ta bik lo kha ania, mahse a taksa si lo a mut chu harsa ka ti ngang mai, tho chhuakin a mutna room lam chu ka pan a, kawngkhawr chu dim zet a hawngin ka lut a, a mutti hmel tawh hle, rei fe ding chunga ka melh hnuah insum zo lovin a bulah chuan ka inthawlh a, a muhil tui bawk a, a harh eihlo, a taksa chu kuah bet in ka thaw chhuak huai huai a.


Chuan Bawihi bula Sawmpuii thil lo sawi ho kha hriatchian ngei ka duh, Bawihi rilru a lo tih nat vang hrim hrim in a phu tawh hremna chu ka pe dawn khawp, ka ngai mai mai hauh lovang, ka thil ngaihtuah avang chuan ka in hum ruh tawlh tawlh a, ka bula mu nu chu ka lo kuah nghet deuh a ni ngei ang a lo che deuh talh talh a, ka inthlah dul thuai a, a hmeltha zet chu ka en vang vang a, ama samah chuan hmai phumin a rim nu chek chu ka hip lut deuh vang vang a, reilo teah ka mit chu ka chhung riai riai a.


Zing ka harh chuan Bawihi chu tui tih hmel zetin a lo la thaw sak sak a, min kuah betin a ke pakhat zawk chuan min khan tlat bawk, a hmel chu hmuhnawm tih zetin ka thlir deuh vang vang a, engtikah mah ka kaltir phal tawh lovang, min kalsan a tum anih pawhin a thei chuang lovang, a tul phawt chuan ka bul a a awm na tur a nih phawt chuan ka phuar bet tlat mai ang, hetiang em em hian hmeichhe lakah ka rilru ka pe ngai hauh lo.


A rawn che talh talh a, chianglo deh in a rawn meng siar siar a, ka lo en reng tih a hmuh chuan a meng phawk ngang mai, ka lo nuih deuh suk a, "Good morning" ka ti sup a, a inrin hman hmanin a hmui ah ka fawp zeuh bawk, "Tunge hetah I awm?" mak tih hmel zetin a ti a, kiai suk in "I bula lo ka muhil thei hleinem" ka ti a, a ner sawk chu ka hmu reng, "Khawimaw ka tho duh" ti a, thawh mai a tum chu ka lo pawt let vat a.


"Niminah ka lo ve chauh a, nizanah nangmah vangin ka muhil tlem hle bawk chuvang chuan min dut chu phu I ti velo maw" ka ti a, ka ner nasa teh e "Enge keimah vangin I lo mut that loh ve ngawt ka thiamloh pakhat mah a awm lo, I duh leh la mu rawh, hnathawk tura kal a hun tep tawh" a ti tan tan a, "Keimah chauh in ka mu peih lo, chuan vawin chu hna ka kal dawn lova, nangpawh I chawl ang, kan pahnih in kan awm nileng thei a nihchu" ka ti a, rum zetin min melh a.


Ka dan tak tlat avang chuan lungawi lo deuhin ina chuan a awm ve ran a, movie en in kan thu dun a, a thil enlaiah chuah a rilru a pe tih hriat takin a melh ngar a, keichu awm ve lo ang maiin min ngai ni hialin ka hria, a lamah chuan insawn hnaiin a kut chu ka vawnsak a, a thil en lai chu a la en ngar a, a kut chu ka khawihsak niap niap a, a mittui a hru zeuh zeuh ka hmuh chuan mak ti zetin amah chu ka en a, enge a tah chhan ka hrelo ani.


"Tinge I tah?" ka ti supna, ka lam chu lo hawiin "A bialnu khan a thihsan daih a, chuan a changtupa khi a khawngaih thlak lutuk, changtunu a ngai lutuk a" a ti a a tah a la chhuah hmel ngang mai, a awmdan vang chuan ka nuih a za hle a, mahse ka nuih chuan a thinrim ka duh bawk silo ka insum ngar ngar a, "Bawihi film mai mai a nihkhi,, a tak tak ani lo" ka ti a, min melh rawm chungin "Film pawh nise. atakah a thleng ve thei tho" a ti hmak a, ka ngaihtuahna ati kal thui khawp mai.


Bawihi hian min kalsan tur angin ka ngaihtuah a ka awm thei lovang nilo anni hi chu ka kaltir phal hauh lo vang, a kut ka chelh tawh a ka thlah leh mai mai tawh lovang, thlah leh mai mai turin ka chelh lo, kumkhuaa ka bula awm turin ka duh a a awm ngei bawk ang, kan inkara tlak zeh tum apiang chu ka dim hauh lovang, an Phu tawk hremna chu keimah ngei hian ka pe zel dawn ani.



Zohlimpuii POV


Hna thawhna lamah ka kal a, Alex-a nen kan inkar a tha leh vek tawh bawk Nie, a tik kha chuan kan inkar zawng zawng chu a hma ang kha nise inngaihzawn na lam chu dahthat ka tum a, mahse ka hnial thei ngang lo ani, ka duh tawh mah mah, ka thawh pui ho te chuan hnunglam atang min sawi sep sep a, mahse an mih ngaih ang ka nilo tih ka hriat chian avangin engtin ka ti ngailo.


Sawmpuii te thiandun chu an rawn pen lut a, Sanga chuan order va lak a tum a, mahse a rawn let leh a, "Nangma kher an duh anihchu" a rawn ti a ka thaw hak, hniallo in ka kal ve mai a, an dawhkan bulah chuan ka ding ran a, mahse min hmulo derin thil an sawi dun mawlh mawlh a, an awmdan chu ka ngaitheilo lam mah ani, hetianga an awm dawn te chuan nakinah chah mai tur alawm ka ti rilru a.


Ka aw ka thian kharh a an pahnih chuan min rawn en rual ṭhawt a, an hmelah chuan min hmuh hniam zia a hmuh theih, engah mah ka ngai love order ka lak zawh chuan let mai ka tum a mahse an thilsawi avang chuan ka ding chawt a "Alex-a nen a in zin chu a nuam viau lo maw, a duat awm ropui che sia" Sawmpuii thiannu chuan ka hriat kher in a sawi tih chiang reng a sawi ring emai, "Aw.... duat tawp chu lovah, mipa a nihzia hi a hriat ngawih ngawih khumah phei hi chuan amah tluk a min ti lawm tu hi ka la tawnglo" tiin a nui har har a.


Kut hum ruh nghek chungin ka kal a, an ni bulah khan ka chak lohna hi ka ti lang tur anilo, an eitur order ho ka va pe a, hriattham siloh hian thil an sawi a, an nui leh hak thin, ka chungchang an sawi tih ka hrechiang hle thung, tihpalh ni awm takin Sawmpuii chuan a soup hawp tur chu ka kawtah a rawn tibua a, pawi tih hmel deuh in ngaihdam te chu min han dil a, a hmel ah chuan pawi a ti tak tak lo a chiang reng, mahse haider luiin a pawiloh thu ka sawi a, washroom lam ka pan vat bawk.


"Oh... kan hmeichhe khawngaih thlak chu I lo tap em lo maw?" washroom ah chuan rawn lutin ka bulah chuan a rawn ding a, darthlalang atang chuan kan inmelh ran bawk, "Tap love engvang ngawt chuan nge ka tah ang ni?" ka ti let ve sak a, a nui hak a, "Khawngaih thlakin, Alex-a nen kan zin dun tih chu I hre chiang anga, mahse a bula I la awm reng duh hi a mak ka ti nge nia a ni hian pawisa a pe hnem deuh che" nui sawng chungin a ti a, tuia theh ṭhawt loh turin ka insum hram hram.


"Kha chu I ngaih dan dan, chuan thil pakhat ka bialpa hi I bialpa anga i sawi hi ka lawm vak lemlo ani, midangin I thusawi an awih a dawt I sawi tih an hriat leh si che chuan I hmingchhe hlauh ange, ka duhsak vang che a hrilh che ka nihchu" ka ti a, ka nui lui sang bawk, "Eng.. engmaw I sawi kha bialpa a?" a ti bah nawk a, lu bu nghat nghat in "Aw ni e... ka bialpa" ka ti a, a hmai chu a sen vek animai.


"Nangnu hi I va zahtheilove, Alex-a hi I bialpa anga sawi I tum amaw, I nihna kha hrechiang rawh, a hnuai a thawk ve mai mai I nihkha" a ti a, ka nui hak, a huat tawk a tlin hmel em em lehnghal, "Ka nihna hi I sawi ngai lovin ka hrechiang, chuan maw thil pakhat ka hrilh angche, Alex-a hi kata a nihhi, hmania kan inbiakna kha Alex-a ka zawt a engmah a hre hauhlo bawk" ka ti a, a mitmeng chu a buai deuh nak a, ka lo melh let khar thung, a insiam tha leh vat a, nui hak pahin


"Aw.. thudik a hrilh kher lo maithei che asin" a ti a, ka nui suk a "I lo hriat be mai mai atan Alex-a nen hian maw dawt kan inhrilh ngailo mi bialpa tibuai lovin I nun ah chauh khan buai rawh" ka ti a, a ni nen a inhnial reng te hi ka hne, "Alex-a hi I ta a ni ngai hauh lovang" a ti vin hlar a, ka nui leh hak "Tunah pawh hian kata chu a ni sa reng alawm" ka ti a, "Ani nen a kan hun hman tawh te hi I hria em?" a ti a, ka nghing lawih thei mahse tih lan ka tum hauh lo thung.


"Khum laizawlah ngat phei hi chuan mipa a nihzia hi a lang chiang zawk, a lei a hman thiam dan te" tiin a nuisawng a, ka kut chu nghet takin ka hum a, "Oh... anihchu mawle, mahse chupawh chu nang ai ka hrechiang zawk maithei asin" tiin mit ka siai zeuh va,. a thinrim hmel ngang mai, chhuah tuma ka inher rual chuan min rawn nam a, ka tlu mai dawn emaw ka tihlaiin Alex-a a rawn lang thut a, min rawn man hma hram, chiang zetin Sawmpuii chu a melh a, a thinrim tih a hmel rum ul atang chain a hriat hmaih theih hauh loh bawk.


Sawmpuii a melhna atang chuan keichu min melh a, "I tha em?" a ti dam thlap, a hmel lan dan aia a tawng dam daih vang chuan chhan mai nachang ka hrelova, "I tha miahlo" a tih leh sup takah chuan inthing harh vatin ka nuih seih a "Ka tha alawm" ka ti sep a, thaw huai hmel a pu, "Nangnu kha" tih pahin Sawmpuii chu a melh leh ran a keichu a sirah min din tir thung, "Engvanga Bawihi khatia lo ti ngam nge I nih?, tu niah nge I lo inngaih hrep a?" a ti hrawk a, ka lo phu uih thung.


"Alex" a ti sep a, Alex-a chu a ner nawk, "Vawikhat mah I hrechiang maw, vawikhat mah Bawihi hi khawih leh tawh ngai suh angche, chuti a nihloh chuan maw I chungah ka chet dan tur hi I rin phak bak a ni ang, hmeichhia I nih leh nih loh lam ka pawisa hauh lo tih hria angche" a ti leh hrawk a, Sawmpuii chu ngawi rengin a ding a, mittui tling pam chungin Alex-a chu amelh bawk.


"Kan kal dawn em ni?" tiin keichu dam dapin min rawn en a, ka bu nghut, a office lamah chuan min hruai a, washroom kan chhuahsan thleng khan Sawmpuii chu ngawi rengin a la ding ran a, khawngaihna chhete mah ka neilo, a office ah chuan lutin engmah sawi lovin min kuah hlu hluna, ngawi rengin ka awm ran thung, diktak chuan Sawmpui thusawi avang khan ka la pangngai theilo ani, kan I tawn hmaa thil thleng ani tihchu chiang takin ka hria mahse ka na tho si ani.


"Bawihi" a ti sep a, a in la hrang nghal bawk, chik zetin min en a, ka lo nuih lui suk thung "Ka tihpalh" tawng chhuah harsat hmel zetin a ti a, chutia ngaihdam min dil ringawt mai chu nuamlo ka ti zawk, "Eng emaw tak sawi la" a ti sup a, mahse engmah sawitur ka hrelo ani, ngawi rengin ka ding reng a, ngaihtuahna fim hman tum takin mitchhing chungin ka thaw chhuak deuh hawk a.


"Ka tha ania, min ngaihtuah lutuk duh suh" ka ti a ka nui var vat bawk, "Khatiang thil kha I tawng leh tawh lovang ka tiam ache" a ti a, ka bu nghat nghat a, a hmel hmuh pawh a nuam sawt khawp mai, "Ka lawm e, Bawihi" ti supin ka hmuiah a rawn fawp vang vang a, a inlak hran hnuah chuan office atang ka chhuak a, hna ka thawk zawm leh mawlh mawlh Sawmpuii te chu hmuh tur an awm tawh lo an chhuak nghal ani ngei ang.


Ka ban theih tawh avangin inthlakna lam chu ka pan a, ka chhuah leh hnu chuan Alex-a chuan min lo nghak ran a, min hmuh veleh a rawn nui suk a, a lam pan chuan ka kal vat, pawnah kan chhuak a, ka kut ah a Kai tlat bawk, hetianga awm hi nuam ka ti a, a ta ka nihzia tih lan a zaklo ringawt pawh hian min ti lawm tawk em em ani.


Car a ka chuan luh hnu chuan ka phone a rawn ri a, ka nu nurse a nih vang chuan ka la vat, Alex-a pawh chu lo lut nghal mai lovin phone a be kawi leh phawt a, "Hello" ka ti sep a, mahse a thu rawn sawi vang chuan ka mang vek ka phone chu ka thlauh nghal tawp a, ka thut ngai chuan ka thu reng bawk, Alex-a chu a lo lut a, ka awmdan a hmuh chuan min rawn buaipui vat a, thil awmzia min zawh pawh chuan ka chhang theilo, ka hrawk ah hian hnawh tu a awm tlat ani.


K phone chu a rawn ri leh a, Alex-a chuan a la ta vat a, phone an dah hnu chuan ka lam chu rawn hawiin "Bawihi hahdam tum hran rawh, damdawiin lam kan pan nghal dawn nia" a ti a, chak zetin a tlan chhuak nghal, kalkawng tluan chuan ka rilru in ka ṭawngṭai mawlh mawlh a, mahse chhan tlakin ka chham meuhlo, damdawiin kan thleng a, Alex-a chuan min kai chhuakin ka nu awmna lam chu kan pan vat a, ka nu nurse chuan thil awmzia min lo hrilh zung zung a, ka nu chu an check mek thu an sawi a, pawn lamah chuan kan lo nghak a, mahse ka rilru ah kapa a lo awm , phone chu la in ka pa chu ka call vat a, ao kal vat tur thuin min chhang a.


Doctor a lo chhuak a, "Tlang takin ka sawi mai anga, I nu hian hun tam a nei tawh lo ani" a ti a, ka tlu tur chu Alex-a chuan min lo chelh vat, "Mahse, nimin lawkah pawh khan ala tha vek si a" ka ti chhuak sep a, doctor chu rawn thaw chhuak hawk in "Ni e... a natna hian a ei chhe hneh tawh em a, tihtheih kan nei tawh lo ani, lo inpuah chah lawk ula ka duh ani, pawi ka tih pui hle mai che u" a ti a, a kalsawn zui nghal a.


Ka nu room ah chuan ka lut a, tumah dang an awm lo, oxygen vuahin a lo mu bam a, a harh eih lo bawk, a kut chu ka vawn sak a, "Nu min kalsan suh aw... I tello chuan ka awm thei lovang, khawngih takin min kalsan suh" ka ti sep sep a, ka mittui chu ka biangah a luangthla pap bawk.


Rei tawk fang ka awm hnu chuan ka chhuak a, Alex-a chuan min lo chelh vat, ka pa pawi a lo thleng a, min hmuh chiah chu ka lam panin a lo kal a min kuah nghal vawng vawng, "Pa ka nu hian min kalsan dawnlo tiraw?" tiin tah aw tiau in ka sawi a, ka pa chu a thaw chhuak hawlh a, a mitmengah chuan a mangan ve zia chu ka hmuh hmaih lo.


"Bawihte chhel takin a rawh aw, ka fanu chak tak I nihkha" a ti a, kan bul ah chuan Alex-a chu a lo ding ve reng bawk, "I nu chu ka va hmu ve lawk ange" a ti a, ka nu room ah chuan a lut nghal a, "Bawihi" tihpahin Alex-a chuan min rawn kuah a, chhuak zetin ka tap hawk hawm a, ka nu tan beiseina a awm tawh loh zia ka hria a mahse min kalsan turin ka phal ngang lo ani, ka tet te atang ka tan a nun a hmang a, mahse engmah ka tihsak ve hma hauh a min kalsan chuan ka inthiam thei tawh ngai lovang.


"Min kalsan dawn lo tiraw, ka nu te chu nu chak tak alawm, a fanu hi mal taka awm turin min kalsan hauh lovang" tiin awmze neilo zet chuan ka tawng bah nawk nawk a, hreawm tih hmel zetin min lo en reng a, ka thinlung na lutuk hi tih reh dan tur a awm in ka ring lo, ka pa chu a lo chhuak a, a mitmeng ah chuan a tap a ni tih ka hre thei.


Zan a tlai deuh tawh a, mahse kan la awm vek thung, a hma ai chuan ka ziaawm ta deuh a, mahse ka rilru chu ala fim thei meuhlo ani "Bawihte, I thianpa hi min inhmelhrait tir ve la" ka pa chuan a ti a, ka mangang lutuk in inhmelhriat tirna pawh ka la neilo, "Ih... ka pa heihi Alex Lalhriatpuia anihhi, chuan Alex heihi ka pa Lalthanpuia, Pa Than tiin I ko mai dawn nia" ka ti , an in chibai a, thil an sawi dun luam a.


Dar 11:30 a rik chuan ka nu chuan min kalsan ta a, ka kehsawm vek ti ila a dik ber ang, ka na lutuk chu ka tap chhuak theilo zawk hial, Alex-a chuan min kuah a, ka pa chuan ka nu a buaipui thung, ka mang vek a, ka zawi vek bawk, in lama kan inphurh haw lai pawh chuan ngawi rengin ka awm a, ka thinlung erawh a rum vawng vawng thung si.


Cont.


Hei aw... Comment leh click kha min hmeh sak leh theuh ula aw....


Show post links
Top

[Ngaia]

Chapter-14


Zohlimpuii POV


In kan thleng a, khawtlang hruaitute an lo awm thap a, mite pawh an lo pungkhawm nual tawh, ka nu kut chu vuanin ka thu ran a, ka mittui tla leh tur chuang pawh a awm tawhlo, ka chhungrilah hian ka na vawng vawng a, ka thawk thlengin a tibuai thei hialin ka hria, ka nu min hmangaih em em tu chu he khawvelah ka hmu leh tawh ngai dawnlo a, a aw ri hriattur a awm leh tawh ngai dawnlo tih ka hriatna chuan ka chhungril hi a vilh ngut ngut, a na em ani.


Ka nu chu kan vui liam ta a, thih ve daih a, a bula kal ve daih chu ka duh ber ani, engtinge a tellovin nun ka hman tak ang?... 'Lalpa ka nu kha lo enkawl tha rawh aw, he leia a cham chhung khan nuam takin a nung hman lova, vanramah tal kha chuan nuam takin lo awm tir rawh aw, a fanu hi min theihnghilh bik lo turin lo hrilh la, ka ngai em em ani tih min lo hrilh sak rawh aw' van lam hawi chung chuan ka rilru in ka ti mawlh mawlh a.


Alex-a chuan a theih tawkin min buaipui a, ka bulah a awm reng thin bawk, ka nu thawm reh ta vang vang mai te chu hreawm ka ti a, awm ngaihna ka hrelo ani, ka pa chuan a bul a awm turin min ti a, mahse ka nu nen a kan lo chen tawh na in hi ka kalsan theilo ani.


Thla khat lai a liam leh tawh a, inah ka inkhung deuh chawt a, Alex-a a lo kal zing hle a, min ngaihtuah zia aw ka in sawi lo mahse a chetzia ah a ti lang a, chu ringawt pawh chuan min thlamuan ve viau thin, ka pa pawh a lo lang awl lo a, min ngaihtuah em em a, ka nu a ngai ve hle tih a awmdanah ka hailo.



Alex Lalhriatpuia POV


Bawihi chu inah a awm deuh reng a, ka bula awm tura ka sawmin min hnial fithla thak bawk si, ka ngaihtuah thei viau.


Meeting na tur hmun ka thleng a, an lo awm thap tawh, kan meeting nghal mawlh mawlh a, mahse an thusawi chuan ka thin a ti rim kher mai, ka thut na atang chuan ka ding chhuak a, min hlauh hmel takin min en hlawm a, "Engmaw tunah khan in sawi? chuchu engtin nge a thlen theih?" ka ti hrawk a, min melh ngam lovin hnuai lam an bih tlat hlawm a, chuchuan ka thinrimna a belh chhah sawt.


"Sawi ta che u" ka ti thawt a, "Boss chulo chu kawngdang a awmlo ani" pakhat chuan a ti a, thip zetin ka melh a, "Tuin nge min phatsan chhui chhuak vat ang che u" ka ti a, an bu nghat nghat hlawm a, room atang chuan ka chhuak nghal a, office ah chuan lutin ka thu thla deuh hnawk a, ka thinrimna chu tih reh tumin mit ka chhing vang vang a.


Bawihi hmel chu ka mitthlaah a lo lang a,. ka nui ta suk a, a ni chauh hian ani ka thinrimna tireh thei, chuan tunah enge a tih mek ang, hnathawh ka la phalloh vangin hna a kal ngai lova, inah a inkhung deuh tawp a, chhuah pawh a tum ngailo, a pa nen kan inbe ve reng a, a ngaihtuah zia a rawn sawi chamchi thin bawk.


Insum thei lovin ka call nghal a, rei fe ka nghah hnuah a la ta chauh a, "Hello" a rawn ti sap a, a aw ka hriat takah chuan ka hahdam sawng sawng thei.


"Enge I tih?" ka ti sup a, "Ka awm mai mai hna kal I phal bawk silo" a rawn ti nang nang a, ka nui suk "Hahdam I mamawh alawm" ka tih leh chuan "Mahni chauh a ina awm ninawm zia hi I hria em, ka ning naktuk atang hna ka kal tawh dawn ania, min dan tum pawh nila min dang thei tawh lovang" a rawn ti tan tan a, ka thaw hak, ni e a duh a nih phawt chuan thawk se a lungawi loh ai chuan a tha zawk.


"A tha e, I duh phawt chuan I thawk dawn nia" ka ti a, a rawn nui hak hak a, a nu boral atangin a nui ri ka vawikhat hriat leh na a ni, hetiang em em hian a hlim dawn tih hria ila chuan a hma daih tawh khan ka thawh tir daih tawh ang.


Kan inbiakna chu kan ti tawp a, meeting naa an thusawi chu ka ngaihtuah a, engtinge ka tih ang tihah chuan ka buai leh ta viau, a chhan chu ka thil tih tur hian Bawihi a tihnat dawn vang ani, a na lai hmel ka hmu theilo mahse ka tih ngei chu a ngai si.


'Reilote chauh Bawihi reilote chauh ani ang, chuan hlim takin ka siam tawh angche' ka ti sup a.


"Boss Miss Sawmpuii a lo thleng" ka assistant chuan a rawn ti a, lo luh tir turin ka ti sup, a rawn pet lut a, couch ah chuan a thu tharh a, a mitmeng ah chuan beisei a nei tih chiang takin ka hria, mahse chutiang lam chu tihpui tumna ka nei lo hrim hrim ka thinlungah hmeichhe pakhat chauh a awm a, anilo chu tu hmeichhia mah khawih ka tum lo.


"Chuan I thil tihtur chu I chiang ang chu maw" ka ti sup a, "Oh.. Alex hna lam chu dahtha rawh, tunah hian kan pahnih chauh in kan awm a, chuan" tiin a hmui a seh zeuh a, hmeichhe chhelo leh nalh zet a ni tih chu a inhai lo mawle, mahse ka mitah erawh chuan Zohlimpuii aia hmeltha leh nalh an awm lo.


"I nihna hria angche, ka hnuai a thawk I nihna ang chauh khan awm rawh" ka ti hmuk a a ner sawk, "A tha alawm mahse min hant reng thei hauh lovang" zam loh hmel takin a ti a, a chhuak nghal a, hmeichhe zahna hrelo leh nasa tak a ni tih hi chu ka hriatna a rei tawh, ka duh loh zawnga a khawsa a nih vaih zawngin a chunga ka chet dan tur hi a ngaihtuah phak bak ani ang.


In lam pan hmasa lovin Bawihi te inlam chu ka pan a, ka thil tih tur chuan min kap deuh ran a, an in ka thle g a, chhukin kawngkhar chu ka kik a, amah ngei chuan a rawn hawng a, min hmuh chuan a nui sen sen a, "Min lo ngai em?" ka ti a, a bu nghat nghat, "Lo lut rawh" a ti a, kan inzui lut nghal.


Thutthleng ah chuan ka thu a, ka malchungah ka thuttir bawk, ka awm ah chuan a bei hle hle a, a chhipah chuan ka fawp vang vang a, "I awmdan a va diklo ve" a ti sepa , ka awm zawn atang chuan min melh chho kiau bawk a, a duhawm dan chu ka sawithiam lo hial zawk.


"Bawihi engpawh lo thleng se min ring tlat tur in ka duh che" ka ti sup a, hriatthiam loh hmel takin min en a, ka then suk a, "Enge I sawi awmzia?" a ti sep a, "Ka sawi hi hre reng la ka duh ani, min ring tlat ang tiraw?" ka ti a, "Aw ka ring tlat angche" a ti a, ka thaw huai thei, he ka buaina hi a rang thei ang ber a ka chin fel vat a ngai ang.


Zan a rei tak tak hmain ka haw ta a, amah chauh a a awm thin hi ka ngaihtuah viau, chuan engtikah emaw chuan k bulah ka la awm tur ngei ang, nilo nupui ah ka nei vat zawk ang, mahse chumi hma chuan thil tihtur pawimawh tak ka la nei ani.


In ka thleng a, ka room lam panin inbual turin bathroom ah ka lu a, shower hnuaiah chuan dingin ka hun kal tawh te chu ka ngaihtuah let a.


Ka naupan lai aṭangin Us lamah ka seilian a, ka nu a boral hnu khan ka nun a buaichuar em em bawk, ka theirawl tirhte in misual pawl pakhat ka zawm a, tunah chuan hotu ber ka ni tawh, mahse chuchu ka pa pawhin a hrelo, mipa vawt tak ka ni tih an sawi thin a, sawi dikloh an neilo bawk, ka nu lo chu ka nunah hmeichhe dang sengluh ka tum ngailo.


Sex... nie sex chu ka hmang nghun lutuk, hmeichhia te hi nawmchen nan bak ka hmang ngailo, hmeichhe kawp nghet ka nei lova, hmeichhiate hi ka pan ngai lovin an mahni zawkin min rawn pan thin chuan an duh chu ka lo pe mai thin bawk.


Ka naute ho chu chak taka ka enkawl angai tih ka hria, tualthah ka hreh ngai lova, mi pawh ka that tam tawh bawk, min zah em em a, ka thu lovin engmah an ti ngam lo.


Tunah hian buaina kan tawk mek a, ka chinfel vat angai mahse chumi atan chuan Sawmpuii hi ka hnaih a ngai thung, a ni pawh hian eng emaw inrawlhna a nei tih ka hailo ka hai lang vat bawk ang.


Tun atan chuan Bawihi hi ka hlau angai ani, chuti a nihloh chuan a nunna hialin a tawt phah thei si a, mahse chuchu ka thei kher angem ka hrelo.



Zohlimpuii POV


Hna ka thawk leh tur chu ka lawm takzet ina ka awm reng chuan ka a thei mai dawnin ka hria, han kal turin ka insiam a, Alex-a chun min thlah tur thu a rawn sawi a, a lo thleng tep tawh ang, ka sam chu ka tawn tawm tawp a, ka inpeih fel deuh chiah tihah a lo thleng ve nghal.


"Kal ang, a tlai tawh sia" ka ti nghal zung zung a, car a kan chuan dun lai pawh chuan engmah a sawilo nimin atang khan a awmdan a diklo riau in ka hria a, mahse a sawi duh ka rin loh vangin ka zawt duh lo kha ania.


"Ni hman nuam le" tia chhuah ka tum chuan ka banah a rawn man a, ka en nghal vat, "Harsatna I tawk a nihchuan min hrilh vat la aw, kao kal nghal dawn nia" a ti a, nui sen sen in ka lo bung nghat nghat a, a lamah min oawtin min fawp vawng vawng a, car atang ka chhuah hnu chuan a tlanliam lai chu ka thlir a.


"Awiii..... I lo zawm leh tawh dawn a" tiin Sanga chuan min hmuh veleh min kuah chung chung a, ka nui hak hak a, hetiang em em hian min ngai ang tih rin ngaihna ka hrelo, keipawh hian ka ngai ve tawh takzet ani.


Hna kan thawk mawlh mawlh a, hnathawk dangte chuan min tawrhpui zia thu te chu min hrilh ve siam siam hlawm a, an chungah ka lawm takzet ani.


Han ban a hun a, Alex-a nen vawin nilengin kan la inbe lo, zingah min thlah bak kha chu a thawm a reh vang vang a, a buai a nih ringin min rawn lam tur pawh chuan ka ti duh ta lova, Sanga chuan min thlah a hman thu a lo sawi hlauh bawk nen a tihzia phian mai.


In kan thleng a, lenglut tura ka sawm chuan min lo hnial tlat a, "Nidangah a nimai, zanlamah tihtur ka la nei sia, ka haw phawt zawk ang" a tih deuh tlat avangin keipawh chuan ka tilui duh ta bik lova, lawmthu sawiin kan in mangtha ta nghal a.


Zan lam tleng pawh chuan Alex-a chu a la reh vang vang a, ka phone lah in a la thei bawk silo, ngaihtha zan lo chuan khumah ka mu a, min rawn biak hun ka lo ngaichang ta tawp a, dar 12 a ri tawh, mahse a thawm engmah hriat tur a awm bawk silo, ka muhil thei silo a, ka inlet sek a, ka lo muhil a ni mahna ka harh chuan khua a lo eng ut tawh a.


Ka phone chu ka ban nghal a, mahse Alex-a min rawn call na reng reng hmuh tur a awmlo ka hnual nghal rawih thei, 'A buai thu tal te min rawn hrilh ve tur ania' ka ti deuh nang nang a, phur lo zetin ka tho chhuak a, eirawng ka bawl nghal mawlh mawlh, eirawng ka bawl zawh hnu chuan inbual turin bathroom lam ka pan leh a, ka inbual zawh chuan ka insiam phawt a, ka inpeih hnuah pindan atang chhuakin chaw ka ei a.


Hna ka thleng a, Sanga chu ka bulah a rawn tlan vat a, a hmel lah chuan a buai deuh nuaih lehnghal thil diklo a thleng ani ngei ang, "Boss Alex-a nen khan in la tha reng amaw ka tia?" a tihchuan hrethiam lo zetin ka melh a.


"Enge I sawi awmzia?" ka ti ha a, "Nizanah khan party naah ka kal a, chuan Boss pawh a lo kal mahse a mah chauh in a nilo, Sawmpuii nen khan an lo kal a" a ti nghal zung zung a, ka bing deuh mup mup a, nizanah khan ka call a mahse a la theilo a nihkha.


"Mahse, nimin maiah pawh khan tha takin kan la awm alawm" ka ti sep a, thildang sawi leh tur chuan pawh ka hrelo, "AA.... an lo kal din ve mai mai pawh a nithei a, I ngaih ti tawhlo duh chuang suh" a ti leh hnuhnawh a, min hnem a tum tih a mitmengah chuan ka hnu chiang ngang si a.

"Inthlak vat la hei customer an awm tan mai dawn" a ti a, rilru buai nuaih chuan inthlana lam chu ka pan a, mahse ka chhungrilah erawh chuan hlauh na nasa tak a awm a, Alex-a hian min bum a ni mi angem?....


Nileng chuan rilru mumal ka pulo a ni ber, ka awmdan chu hreawm tak ani, tun thleng Alex-a thawm a awm bawk silo, mahse engmah sawi lovin ka ringhlel ngawt tur a nilo.


Zanah chuan Alex-a ka call leh a a la ta hram e "Hello" a ti nghut a, "I buai em ni?" ka aw chu a ri chang chang ani, "Aw... nakinah ka lo bia angche" a ti a, phone a dah nghal, mahse a dah hma lawk a, a hminga kotu kha Sawmpuii a ni tih chiang takin ka hria.


Ka mittui chu a luang ngiai ngiai a, ka awmchhung na vawng vawng chu ka dawm a, engvanga hlim ve thei miahlo nge maw ka nih le?...


Ka nu in min kalsan a, ka tawrh na te a reh dawn chauh tihah ka innghah na ber in min kalsan ve leh a nihchuan ka tuar zo kherin ka ringlo, ka phone chu ka ban leh a, Alex-a chu ka call leh ta a, a la a, mahse a tawng hauh lo thung.


Anitheilo, tuna ka thawm hriat kha ka ngaihtuahna avang chuan ka luak a chhuak nghal em em a, bathroom lam chu ka pan ta vat a, kauh rual rual chuan ka uak nghal tuar tuar a, mittui tla phungin ka chhuak a ka zawi vek bawk, khum ah chuan ka bawk thlawp a, ka taksa a khur nasa em em bawk.


Kha zan Alex-a nen kan in uak bak kha chu kan inbe leh ta miah lo, a reh hmak a min hrechang tawh lo a ni ngei ang, ka inbuhruahna ber thin Arintei lah chu hna a hmuh avangin Mumbai lamah a awm leh tawh bawk si, hreawm ka ti takzet ani.


Ig lamah chuan Alex-a leh Sawmpuii thlalak chu a tam em em a, inhmeh an tihthu te an sawi ansa hle bawk, hmuh hreawm ka tih em avang chuan ka ig ac pawh ka delete ta daih a, fb lam thlengin, tunah chuan WhatsApp bak ka khawih tawhlo.


Kan inkar chu a tawp fel taah ngaiin keipawh chuan biak emaw hmuh ka tum tawh bik lova, a hlim chuan ka hlim tiin ka inhnem chawp a mahse hmeichhe dang nen a hmuh dun chu hreawm ka ti em em thung si.


Vawin lamah hna atang ban ka tum a, a chhan chu ka tan thawh reng a nawm tawh loh vang ani, college kha zo lo mah ila, ka zir chhuah ve tep tho a, hna thawh tur lam pawh ka ngaihtuah fel vek tawh bawk, tuition pek ka tum rilru a, naupang pawh ka hmu ve nual tawh bawk.


Restaurant ka thleng a, bannaehkha ka thehluh zawh hnua chhuah mai ka tum chu Alex-a leh Sawmpuii te rawn inzui lut chu ka hmu a, anni pawh chuan min rawn hmu ve chiah bawk, Sawmpuii chuan Alex-a banah chuan a vuan a, min nuihsawh hmel zetin min en bawk.


Engah mah ngailo awm ang taka lang kalpel mai ka tum a, mahse Sawmpuii tawng avang chuan ka ding dat a "I hresual a nihchu tun atang chuan helaia hnathawk ak ni tawh lo" ka ti a, ka nui lui sak bawk, Alex-a hmel chu a rum deuh ul a, ka hmulo der tlat thung.


Engmah a swi leh tawh tak siloh ah chuan inher in ka chhuak zui hmak a, Alex-a hmel ka hmuh leh avang chuan ka na thar vawng vawng a, mahse min duh lova min kalsan hmasa tu a ni a, chuvang chuan ka ngaihtuah reng bik tur a nilo.


..
Thlakhat lai a liam leh tawh a, Alex-a pawh kha hna ka ban ni bak kha ka la hmu leh lo, Sawmpuii nen chuan an la tha tluang zel tih ka hria a, ka nat rual rualin ka lawmpui ani.


"I chungah hian ka lawm takzet ani, hei kan nau a pawh hian hma a sawn lutuk ania" Hminga chuan a ti a, ani hi ka tution pek thin Dawnga U a ni a, a felin kan inbe ngun tawh bawk a, kan innel ve viau tawh.


"I ho emai, ka tihtur alawm" ka ti mai a, fiamthu thawhin a tawng siam siam a, ka lo nui leh hak zel a bula awm hi a hahdam thlak takzet, a chetzia atang hian min duh tih ka hria a, mahse mipa dang Han hnaih mai chu ka theilo ani.


"Naktuk kha aw" a rawn ti deuh thut a, a ngaihna hrelo fein ka melh a, "I hre leh pek tawh nange, ka nutei fanu birthday ania, a present tur min leipui rawh ka tih che kha" a ti a, ka hrechhuak leh ta chiah, a hma khan min hrilh tawh a, ka hnial fe hnuah pawh min sawm luih tlat avangin ka remti ta kha ania.


"Awi ka lo theihnghilh leh daih tawh alawm mawle" ka ti a, hahthlak min tih hmel fe in min melh a, ka lo nui mai, "Awle, pawilo, mahse naktuk chu theihnghilh tawh lo la" a ti a, "Ka kal phawt ang" a ti a, pawn thleng ka thlah a.


A tuk ah chuan Hminga nen chuan ka chhuak dun ta a, hmeichhe naupang lawm kan en a ni ber, toys zawrh naah chuan kan kal a, a duhzawng tur awmang chu leiin kan pact tir nghal vek a, dawr atang kan chhuak a, fiamthu a thawh lehnghal char char a, ka nui hak hak mai.


Ka nuih hak hak lai chuan kan hmaa dingte ka hmu thut chu ka nui tawp chiang a sin aw.... Ka ding deuh chawt a, Alex-a leh Sawmpuii te bawk an ni, Alex-a chuan thinrim.hmel zetin min melh a, a kut a hum ruh tlat pawh chu ka hmuh hmaih lo.


"Thil diklo a awm ami?" tiin Hminga chuan ka banah a rawn vuan a, amah chu ka melh vat a, ka nui seih a lu ka thing mai, "Kal ang" ka ti sep a, melh pawh melh duh tawh lovin h hai lam en chung chuan ka kal a, kan kalpel mai tur chu ka banah min man chawt tu an awm avang chuan ka ding deuh chawt a.


Ka hawiet a, Alex-a mitmeng dur khup nen chuan kan in melh duh chiang kher mai, "Min rawn zui rawh" tih leh kal a rual a, ka tang ve viau na in a tha chu ka hneh lo kher mai, mipui tamna lai a ni bawk nen ka tal vak ngam bawk silo a, thinrim deuhin ka zui a.


Mi awm lohna lai deuhah chuan a ding a, ka kut erawh a la vuan nghet viau thung "Engthil nge I tihkha" ka ti hlar a, bek pawng tawlh tawlh in min en ngur a, "Khawimaw teh, tihtur ka la nei ania" tiin ka kut ka pawt a, a lo thlah ve mai bawk a.


Kal mai ka tum chu ka hnung lam atangin min rawn kuah thut a, ka phu zawk mai, "Hetiang hian awm suh" a ti sup a, ka mittui luang tur chu ka dang tawk tawk a ni ber, a taksa ka sik leh takah chuan ka ngaiha ka thlakhlelh zia ka hre that uar uar a, mahse ka ta a ni tawh silo.


"Min thlah rawh" ka ti a, min kuah nghet sawt thung, "Min thlah rawh ka tihchu" ka ti leh fak a, zawi muangin min thlah a, ka kutah a la man tlat thung "Hetiang hian awm suh aw Bawihi reilote relote chauh min nghak rawh" a ti a, ka nui hak.


"Eng ka nghah tur chu nilo ka nun atang hian chhuak rawh,. vawikhat mah ka nunah hian rawn lang leh tawh suh" ka ti that a, "Bawihi" a ti sup a, "Tikhan min ko tawh suh" ka ti chang leh fak a, a thaw chhuak hawk a.


"Kha mipa kha tunge?" a ti a, ka chhanglo "Kha mipa kha tunge a nih ka tihchu?" a ti leh hrawk a, "I hriat a ngailo, ka nunah hian rawn inrawlh tawh suh" ka ti a, a nui ro hawk nichin a a hmel beidawn hmel zet te kha a bo vek tawh tuna a hmel hi chu rapawm tak a ni ringawt.


"A teuhlo mai, ka dam chhung hi chuan I nunah k I rawlh zel ang, chuan khapa kha tupawh ni rawh se hnaih hlek suh angche, chuti a nihloh chun maw Bawihi" tiin a nui suk a, "Ka chet dan tur hi I rin thiam phak bak a ni ang" pawisak neih loh hmel zetin a ti a, rap zetin ka melh a.


"I va zaklo ve ka nunah hian I rawlh theihna dan I neilo" ka ti tuar a, ka insum hman tawh lo ani, "Nei e, ka ta I ni muai a" a ti a, rum zetin ka melh a, ani pawn min melh let ve ngur bawk "Misual tak I nihhi" ka ti a, ka kal nghal hmak bawk.


Cont.


Comment leh click a tam chuan naktuk zanah a awm lehnghal ang.....


Show post links
Top

[Ngaia]

Chapter-15


Zohlimpuii POV


Hminga lo ding reng bulah chuan ka kal a, mak tih hmel deuh a min lo melh chuan ka nuih lui suk a, "Kan kal dawn ami" ka ti sep a, a bu nghat a, engmah min zawt lo chu ka lawm hle, Sawmpuii hmuh tur a lo awm tawh lo a, ka thawveng huai bawk, tunah tak hi chuan a ni hmuh emaw biak kha ka peih thlawt lo ani.


In thleng min thlah a, lo lut kawi lovin a. haw nghal a, inchhungah ka lut a room lam panin khumah ka thu thla hnawk a, ka vawin hun hman chuan min ti chau ngawih ngawih, Alex-a te ka hmu leh zel nen ka awm chu nuamlo tak ani.


Ka lo muhil sek a ni mahna ka phone ri vang chuan ka harh zawk a, ka en chuan ka pa a lo ni "Aw... pa" ka ti sep a, "Bawihte I buai em" a rawn ti nghal vat a, "Buai love" ka ti tha leh mai a, "Ka lo kal dawn asin, ka ngai lutuk che a" a ti a, lo kal turin ka ti a, keipawh hian ka ngai takzet ani.


Ka pa hnenah hian Alex-a nen kan chanchin engmah ka la hrilh lova inkawp reng turah min la ngai tih ka hria, a hriat hunah chuan a thawng ve viau ang le, an inbe zing ve a, an inpawh ve hle tawh si a.


Kawngkhar kik ri ka hriat takah chuan ka pa a nih ringin khawngkhar hawng tur chuan ka kal vat a, mahse pawna lo ding ka hmuh chuan ka meng phawk kher mai, ka pa emaw ka hmuh dawn ka tih laiin Alex-a zawk a lo ding a, "Enge I lo tih dawn?" ka ti fak a, dar ti chhing ak chungin "Min luh tir phawt dawn lovem ni?" a ti sup a, zak lo hi ka va han ti tak.


"A teuhlo, let lehnghal rawh, ka hmu peih lo che ania" ka ti hmak a,. engah mah a ngaih hmel lem loh, kawngkhar ka pawt khar tur chu hneh zeta lo dang in a rawn inzep lut nghal a, a rawn luh rual in kawngkhar chu a kalh nghal hmak bawk, "Enge I hriat a" ka ti hlar a, a rum nghut thung.


"Biak che ka duh" a ti sup a, "Keiin ka duhlo thung, chuan nanghi ka hmuh theih ah rawn inlam tawh suh angche, chhuak vat rawh" ka ti a, a kut a hum ruh tlat a, a thaw chhuak hawk bawk, "Min be duhlo pawh nila ka thusawi tur hi I ngaihthlak a ngai tho, chuan kha mipa kha vawikhat mh hmu tawh suh angche, nang hi ka ta I ni a, mipa dangin an hnaih che hi ka duh lem lo" a ti hmuk a, ka lo ner sawk a.


"Ka nun a nia, ka thu thuin ka nung bawk ang, chuan I ta ka nilo, nang nen hian inzawmna pakhat mah kan nei tawh lo bawk, chuchu hre rawh" ka ti hmak a, a lo nui hawk, "Bawihi nanghi ka ta I ni, chuan inzawmna kan la nei reng bawk, kan inrem siamna kha I la theihnghilh em lovang chu maw" a ti a, ka nghing lawih thei.


Ani hian kha kan inrem siamna hmang khan min vo beh a tum tihna em ni, ka mihring hi ka haw ngawih ngawih ani, "Nang hian kha thil hmang khan min vo tihna am ni" ka ti thawt a, a nui mai mai lehnghal, "Kha chu I ngaih dan dan le. mahse hre reng rawh nanghi ka ta I ni" a ti a, "I ta nih ai chuan thih pawh ka duh zawk" ka ti tuar a, bangah chuan min nawr bet nawk a, "Thih I duh a nih pawn min dil hmasak phawt angai ang" tih leh rawn kun hniam a rual a, ka hmuiah chuan na zetin a rawn fawp a, a lian in a tha a tha bawk si nen ka tal chhuak theilo, tih ngaih na ka hriat tawh loh avang chuan a hmui ah ka seh a, a rum hrawk a, a in la hrang ta hram.


Ka mittui chu a luang ngiai ngiai a, ka kut chuan min hruk hul sak a, ka chalah a chal chu. a rawn nghat vang vang a, a thaw chhuak ham ham bawk, "Reilote reilote chauh min nghak rawh" a ti sup a, ka chau hluah hluah ani, "Kal tawh rawh, ka chau ngawih ngawih" ka ti sep a.


A chhuah rual chuan chhuat ah ka thu thla hnawk a, ka mittui chu a ding zung zung bawk, ka na ka na ngawih ngawih ani, engvanga ka nun a lo lang nge a nih, hlim takin ka awm ve dawn chauh a mahse ka hlimna ber chuan na theih tawp in min siam leh si, hetiang renga dam ai chuan thih daih mai ka duh ka nu bula hahdam taka awm ka duh zawk.


Ka pa a lo thleng a, ka hmel a hmuh chuan "Bawihte I dam vak lo em ni?" a ti a, min ngaihtuah hmel ngang mai, "Dam e, vawin lamah ka bazar a ka chauh deuh mai mai a nihhi" ka ti a, mahse ka mit a bui deuh luk a, a ngaih a that hmel vak loh hle.


"Alex-a a lo kal dawn em, biak ka duh asin" a ti a, inzawmna kan neih tawh lo tihhi a hriat vat a tha zawk ang "Pa... ani nen chuan inzawmna ka nei tawh lo". ka ti a, mak tih hmel zetin min rawn melh a, hnuai lam ka lo bih daih thung "Enge maw I sawi le" a ti a, ka thaw chhuak hak a, "Kan inkar a tawp fel vek tawh" ka ti a.


"Bawihte" tiin min ngaihtuah hmel zet chuan min en a, ka nui lui hram hram ani "Pa ka tha alawm hetiang te chu a thleng ve thin a, ngaihtuah ka ngai lo ania, tawrh dan ka thiam lutuk" ka ti nghal zung zung a, ka pa mitmenga min ngaihtuahna chu hmuh hmaih theih chi a nilo, a fanu hi chaklo tak anga min hriat ka duh lo.


"Pa lo riak ve mai la" ka ti a, ngen tak te in ka ngen a ni zawk mah, mahni chauh a awm chu a khawhar thlak mai bakah ka ngaihtuah na ka kawm nasa lutuk a, awm ngaihna min ti hrelo thin ani, ka ngen fe hnuah a pawm ta a, ka lawm takzet ani, ka nu room ah a mu a keipawh ka room lamah ka mu bawk, ka pa in min awmpui tih ka hriat avang chuan ka thla a muang em em tawp mai ni.


Tukin ka tho chu ka nuamlo riau a, ka luak a chhuak em em lehnghal, nidangah pawh ka thawh tirh te atanga luakchhuak hi ka nei fo a, mahse a reh leh vat thin avangin ngaih that lohna ka nei lemlo, tukin hi a zual tlat a, bathroom ah ka tlan lut a ka uak vak vak a, mahse luakchhuah tur ka nei chuang silo, ka awmdan chu hreawm tak ani tawp.


Ka room atang ka chhuak a, ka pa chu a lo tho daih tawh chu niin eirawng a lo bawl zo vek tawh , nuam lo ka ti ngei mai, "Pa min lo kaitho mai lova" ka ti a, "A harsa hleinem, reilote thu chawl la chaw kan ei dawn nia" a ti a, sitting room ah chuan kan thu dun a, ka luak chhuak chuan min rawn tur leh et et tawh a, ka pum in let but but chu ka dawm ran bawk.


"I va nawm loh hmel ve" ka pa chuan a rawn ti a, "Tukin ka tho chu ka luak a chhuak deuh a" ka ti tha ve mai a, "Tunlai chu i hmel pawh a tla dawk a, in entir I ngai ani" a tih chuan ka lo nui maia , a fanu ka ni a, min ngaihtuah em em tih ka hria a, hetia a phili buai chung pawh hi mak ka ti hran lo.


Chaw te kan ei a, tam erawh ka ei theilo, tlai lamah tution ka pe thin a, chun lam erawh ka awl thei viau, naupang ka nei tam tawh bawk a, hlawh pawh ka hmu tha ve tawh khawp mai, keimaha khawsa ka ni bawk a, ka hautak hranlo bawk nen ka thlah atanga a zatve ang hi chu bank ah ka dah thin a nakinah mamawh a awm hun a hman atan ka ti ani.


Ka pa chu tuhchhuan ei kham ah a haw a, a lo kal leh vat tur thu sawiin kan inthlah liam ta kha ania, nizanah khan a hnathawhna ten an sawn thu a sawi avangin thingthlang lamah a awm a ngai dawn a, ka huphurh lawk khawp mai, dan theih lah a ni silo.


Ka luak chhuak pawh a ziaawm ta deuh a, engmah tihtur a awm silo nen lunglen thlak duh khawp mai, ka nu room ah ka lut a, a sulhnu chu ka thlir vang vang a, ka ngai takzet ani, 'Nu I fanu hi van atang khan min lo thlir ang tiraw' ka ti a, ka mittui aluang chhuak ngiai ngiai bawk.


Ka nu thawmhnaw bawm chu ka hawng a, chutah album hlui ve tawh tak hi ka hmu a, la chhuakin ka en a, ka pa nen an thlalak chu a tam ngang mai, ka en zawh chuan dah lehin khar mai ka tum chu lehkhabu pakhat ka hmuh avang chuan ka tawp chawt, ka la a, thawmhnaw bawm chu kharin khum ah ka thu thla dawt a.


Chhiar ka tum a, mahse ka phone a rawn rik avang chuan ka thulh leh a, "Hello" ka ti sep a, "Awii... vawin hna ka kal lova, hei I inkawtah ka ding kawngka I khar tlat bawk si a, ka lo phone tawp che" a lo ti var a, "Ka lo hawng nghal ang" tiin ka phone chu ka dah a, kawngka ka va hawng chuan nui var vat chu gin a lo ding a, ka hmuh lohna a rei ve tawh bawk nen ka ngai tawh takzet ani.


"Han atang I bang a min theihnghilh nghal ringawt, min rawn biak pawh I tum ngai silo, I mak ve e" a rawnuh veleh chuan a ti nghal hlak a, ka dem lo, ka ban atang khan vawikhat mah ka la belo a, kan lo innel ve tawh bawk nen min ngai hlein ka ring ani.


"Ka buai thei ve reuh lutuk a, min hrethiam mai teh" ka ti a, a ner nang a ka lo nuih tlawn vur vur thung a, "Pawilo, ka hrethiam hram mai angche" a ti a, thil dang a sawi leh zung zung a, ka lo ngaithla ran mai, a bula awm hi chuan tawng na hun ka chang ve ngai meuhlo.


"Enteh maw, Boss leh Sawmpuii kha restaurant ah an rawn kal ngun tawp a, Sawmpuii lah a in la no thei sia ka ngei thei tawp" a ti a, an chanchin a sawichhuah vang chuan ka hnual nghal rawih a, "Ka tihpalh I awm tih nawm loh tuma sawi ka nilo ania" inthiam loh hmel takin a ti a, ka lo nui mai, "A ho lutuk enga tan mah ka ngailo ania" ka ti a.


"Ihmaw...." an ti leh te te a, a thusawi tur ka lo ngaichang ran "Boss hi a hlauhawm thei tawp, I ban atang khan hnathawk pawh 10 chuan a ban tawh ang, a mood a duhloh hmel thei sia, Sawmpuii nen an rawn kal chang pawh hian maw a ngaihsak ngailo reng reng" a ti leh a, mak ka ti viau, an induh hmel hle si a.


"Aaa... an chanchin sawi tawh lovang a ho emai" a ti a, thil eitur a rawn keng nual a, noodles chhum tur a rawn ken chu choka lamah a kal a a chhum nghal rak rak a, kei erawh ka thutna ngaiah thu in ka ngaihtuah na ka lo kawm melh melh a, eitur a peih tawh thu a sawi chuan choka lamah chuan ka kal ve vat a, a thilsiam chu a tui hmel ngang mai.


Eitur kan ei tan chiah tih chuan ka pum a in let but a, ka ka ka hup vat a, bathroom lamah ka tlan nghal rawk rawk, ka va uak that that a, chau zetin ka chhuak a, min ngaihtuah hmel zetin bathroom kawngka bulah a lo ding a, "I awmdan a dik miahlo ania aw, I dang bawk si" a ti a.


"Engmah a nilo ang, tunlai chu ka luak a chhuak deuh reng thin a, chuvang mai mai chu a nih hi, a reh leh vat mai ang" ka ti a, "Nilo I awmdan hi a mak tawp ngawiteh nanghi" tiin phawk zetin min rawn melh a, a ngaihna hrelo zetin ka lo melh ve ran a.


"I rai a nilo maw?" a rawn ti a, ka meng phawk vak a, "I mawl ami" ka ti vak a, "Ngaihtuah chiang la, I awmdan hi a diklo,. I luak a chhuak a, I taksa a tla dawk bawk si, tun thlaah I thotin hun bi I nei tawh em?" a ti a, chutah zet zawng ka meng phawk viau in ka ring, kei hi ka la period lo, tunah thla tawp a ni tep tawh a,. thla hmasa pawh ka period tawhlo bawk a.


"A ni theilo ang" ka ti sep a, "Tikhan lo awm rawn test kid ka va lei ange" a ti a, a chhuak nghal a, reiloteah a rawn thleng , ka kutah chuan test kid chu a rawn dah a ka lo melh reng ringawt "Va test rawh" a ti a, muangchangin bathroom lam ka pan a, ka nghah vang vang hnuah ka en a rin sen pahnih a lo awm vang mai.


Bathroom ah chuan ka awm reng a, Sanga chuan kaawngka a rawn kik dat dat a, "Ka lo chhuak dawn" ka ti sep a, ka chhuah chuan ka kuta test kid chu a rawn ban a, chutah keichu min rawn en leh a, ka mittui a lo tling pam a.


"Engtinge ka tih ang?" ka ti sep a, "Boss hrilh vat a ngai a nihhi" a ti a, ka lu ka lo thing nawk nawk ani hian a hrechhuak tur a ni lo, "Aih ka hrilh theilo khawngaihin min zep sak rawh, a hria a nihchuan a tha lo zawk ang" ka ti a,. min lainat hmel zetin min en a, "Awle ka hrilh lovang" a ti a.

...
Ka pa chuan zan lamah min rawn bia a, naktuk mai hi a kal ni a nih tawh thu a rawn sawi a, thlah ve ngei ka duh, nau ka pai chungchang pawh ka la sawi lova a chhan chu a hriat chuan a rilru a nat ka hlau a ni, Alex-a nen inzawmna kan nei tawh lo tih a hre si a.


Ka pum chu ka dawm a 'Naute engtinge kan awm zel ang, I nu hi ka mal em em a, keimah ang maia mal tura lo piang turin ka duhlo che, pa tellova seilian turin ka phallo che asin, mahse I pa chuan hmeichhe dang duh a nei si a' ka ti a, ka biangah mittui a luang ngiai ngiai bawk.


Engpawh thelng dawn mahse ka naute hi ka ti tla dawn hauh lo, pa nei dawn lo mahse nu a nei alawm, ka nu pawh khan tha takin min enkawl seilian a keipawh hian ka enkawl thei em em ang.


Ka pa chu a kal ta a, haw lamah chun ina tlang nghal lovin damdawiin lamah ka kal a, doctor chuan damdawi min lo chawh nual a, chaw ei tha turin min ti a, ka taksa a chak vak loh thu a sawi bawk.


Damdawi dawrah kal damdawi ka lei a, ka I her leh chiah tihah ka mi hmuh avang chuan ka zuang zawk lo chauh a ni, ani hi enge hetah a tih ni, min en ngur a, chutah a mit chu lasawn in ka damdawi ken ho chu a melh leh a, rang zetin ka lo thukru nghal vat a, mahse ka kut chu rawn man ka damdawi lei ho chu min laksak a.


"Engthil nge maw I tih le, min pe vat rawh" ti a laksak mai ka tum chu ka banohak lovah a khai kang a, "Min pe vat rawh nang nen a infiam kual na hun ka neilo ania" ka ti leh hlar a, ka thusawi ngai pawimawh lo zet chuan dawr nghaktu hmaah damdawi chu a dah a, "He thil hi eng damdawi nge?" a ti hmuk a, hlauthawng zetin dawr nghatu chu ka melh a, a thusawi avang chuan ka chhing sawk.


"Engmaw tunah khan I sawi?" tih paha mak tihna a khat mitmenga min rawn en tu chu melh pawh ka melh peih lo, "Nau pai laia eitur a nihkha, in nu hi a taksa a chak vaklo a ni maithei, doctor damdawi chawh ho ah hi chuan" a ti a, thawk pawh ka thaw tawhin ka hre lo.


Ka kutah rawn man chawtin a motor dah na lam chu min pan pui a, "Min thlah rawh" zawite in ka ti fak a, hrelo ang maiin a kal ngai chuan a kal mawp mawp a, mi tam lo se chu ka vin leh hrep tawh ang.


"Lut rawh" tih leh. motor kawngka hawn a rual a, ka lut dawn lo hi a ni tawp mai, "Zohlimpui lut vat rawh" a ti leh hrawk a, "Min ti uai reng suh, ka hneutuk che I hmel pawh hi ka hmu peih lo" ka ti ve tawn tawn a, chunglam hawiin a thaw chhuak hawk a, inher a kal mai ka tum chu hneh zetin ka kawngah a rawn man a, motor chhungah chuan min dah lut a.


A rawn luh ve rual chuan hawn tumin kawngka chu ka sawi a, a lock tlat avangin ka hawng theilo, "Bawihi tum buai duh suh, ka hnen atang hian khawiah mah I kal hrang tawh dawn lo" a ti sup a, thinrim lutuk a lam chu ka hawi a.


"Engvanga min tibuai reng nge I nih?, min kal tir rawh, ka nunah hian rawn inrawlh tawh suh" ka ti tuar a, "A teuhlo mai, tunah lehek phei hi chuan maw ka lak atanga kal hran emaw, ka kalsan che ring suh, nang hi ka bulah I che g tawh dawn" a ti a, rapthlak ti lutukin ka melh a, a thutdan siam remin motor chu a start a a tlan chhuak nghal.


"Hetah hian engvanga min hruai nge I nih ka inah min dah rawh" thinrim takin ka ti a, kawng lakah ka mit ka chhin reng avangin kan kalna lam ka hrelo a, ka in lamah min hruai dawn emaw ka tih laiin a in ah min hruai zawk , thinrim zetin ka melhna chu haiderin a thutna lam chu a hawng a, motor rawn ka hualin ka awmna lam chu a rawn hawng rawp a.


"Rawn chhuak rawh" a ti a, ka chhuak awm hlei lo, "Ka inah min dahet rawh, hetah hian ka kal duhlo" ka ti a, "Ok" ti supin a rawn che but a, awlsam lutuk in min pawm chhuak nawlh a, ".in dahthla rang rawh" ka ti tuar a, min dahthlak chu hnailo, a in lam pan chuan min pawm nawl nawl a.


A inchhunga min luhpui rual chuan ka ta chiam a, "Bawihi nau I pai mek tih chu I theihnghilh bikin ka ringlo" a ti sup a, ka lo hre leh pek tawh lo ani, "Ka haw dawn" tih leh kawngkhar lam pan ka rual a, "Khawiah mah I kal hauh lovang, ka thusawi kha I hrelo em ni, nanghi ka bulah I awm reng dawn" tiih min rawn kuah a, ka tal nghal phat.


"I bula chen ai chuan thih pawh ka duh zawk, min ti uai reng suh" ka ti a, "No... i tello chuan ka awm thei lo, nangpawh ka tello in I awm theilo tih ka hre bawk, chuvang chuan kan pahnih hian kan awmdun reng angai" a ti a, ka nui hak a, ka inlahrang tur chu min dang tawh bik lo.


"I hresual a nihchu I tellova nun dan ka thiam tawh I tellovin ka hahdam zawk chuvang chain ka hmuh phakah awm tawh ngai suh angche" ka ti fak a, a bek a pawng tawlh tawlh a, a kut chu a hum ruh tlat bawk.


"A tah alawm mahse ka bulah hian I awm reng tho ang, chuan pawnlama chhuah kha chu in beisei suh angche, he in hi I chhuahsan dawn hlek lo" ti chang balin ka kutah a rawn man a, a room lamah chuan min kai chho dawr dawr bawk.


"I mi tang ang maiin min khung bet ang maw" ka ti thawt a, a ding chawt, "A Tul anih phawt chuan ka ti hreh hauh lo" a ti hrawih a, a room a kan luh hnu chuan kawngka chu chhunglamah a kalh a, ka hmaah tak chuan a ding ngur a.


"Min rawn hnaih tawh suh" a ti tuar a, a rawn kal hnai zel tho, hnunglamah ka tawlh ve zel a, bang in min lo dan takah chuan kalsawn na tur a awm tawhlo, a ban pahniha rawn in nem khalh in "Kan innei vat ang, chumi hma chu hetah hian I awm bawk a, I duh emaw duh lo emaw ka ngai pawimawh lo, nanghi ka nupui I ni dawn" a ti a, ka hmai chu a chul kual dan dan a.


"Engvanga tiang hi ka chunga ti nge I nih?" rilru na lutukin ka ti chhuak sap a, "Bawihi ka sawi tawh kha nanghi ka duh che, chuan tu ta mah I ni lovang keima ta chauh I ni dawn, chuan ka fa tur he I pumchhungah hian a awm mek bawk, ka fa chu nu leh pa kara seilian a ni ngei tur ani" a ti sup sup a, ka thil tawn vel te chuan min ti chau hlauh hlauh ka lu a hai a, ka awn riai riai bawk, Alex-a min kohna ri chu ka hre hla tial tial a, a hnuah chuan a thim mup a, engmah ka hriat zawm tawh lo.


Cont.

Hla kan zir dawn a, 5:30 tan a ni bawk nen ka duh angin ka type thui hman thlawt lo a ni e... click leh comment kha aw...


Show post links
Top

[Ngaia]

Chapter-16


A ngaihnawm in tih vak loh pawn ka dem lo cheu, ka ngaihtuah ve nasa lutuk ania, story hi a la tawp mai thei lova, buaina neuh neuh a la thleng dawn, ka sawi lawk a nih chu aw,, chuan click leh comment kha aw....hmeltha ho



Zohlimpuii POV


Ka harh leh chuan hmeichhe thinrim ang thawm ka hria a, ka tho chhuak a, room chhungah chuan tumah hmuh tur an awm lo, room atang chuan ka chhuak a, inhnuai lam panin ka chhukthla a, Sawmpuii sitting room a thinrim taka lo tawng mawlh mawlh ka hmuh chuan ka ding chawt a, Alex-a chuan engmah sawi lovin a lo melh ngur a.


"Engvanga I ina hruai nge I nih?" a ti vin leh hlar a, Alex-a chu a rum nghut a, "I buai a ngailo chhuak rawh" a ti hrawk a, chutah Sawmpuii chuan min rawn hmu a, ka lam panin a rawn kal a, ka bul a lo thlen rual chuan ka hmai ah a beng sawk a, ka lo inring bawk silo nen ka tlu chiang kher mai, "Engthil nge I tih phiangsen kha" ti ṭhawt in Alex-a chu kan lam panin a rawn kal a.


Muangchangin ka tho chhuak a, Sawmpuii chu ka melh ngar a, "Nang mi zak theilo nu, Alex-a hi ka bialpa a nihhi I hria em, chuan nanghi kan inkara rawn tlak zeh I tum amaw, ka that dawn che" tih paha min rawn ban leh mai a tum chuan Alex-a chuan a lo man bet chawt a, ka nui lui hak hak a, mak tih hme zetin min en dun a.


"I bialpa hian min hruai lui lo se chu he inah hian ka awm hauh lovang, chuan maw in inkara tlak zeh hi vawikhat pawh ka la tum chhin ngailo, in pahnih hian in lo inhmeh ber a nihhi, mize inang zahna chang hre silo" tiin ka ner sak a, Alex-a chuan ngawi rengin min melh a, Sawmpuii chuan min rawn ben a tum a, inring taka ding ka nih vangin a kut chu ka lo man bet a, a biangah chuan ka beng ve ta thuai a, a te ṭhawt.


"Hre rawh he I kut hi ka lam hawi zawng a I rawn lek leh a nih chuan maw, min kha ih ai na zelin ka khawih ve angche" ka ti fak a, "Nanghian min beng ngam amaw" thinrim hmel takin a ti tuar a, "Nangpawn min ben ngam chuan Engvangin nge ka ben ngam loh angche, chuan hre rawh I bialpa hi vangtha ang che ka nunah ema ka hmuh phakah vawikhat mah rawn inlam leh tawh suh u, ka mamawh hrep lo a che u" ka ti chang fak a.


Kawngkhar lam ka pan nghal a, mahse ka kal thui hman lo, Alex-a chuan a darah min pu nawlh a, in chunglam panin min kalpui nghal pawk pawk a "Hmela min dahthla rawh" tiin a hnung ah chuan ka chum deuh pawp pawp a, enga tan mah a ngailo tih hriat takin a kal dan pangngai chuan a kal mawp mawp a, room kan thlen chuan min nghat thla a, kawngkhar lam bawk pan leh mai ka tum chu min pawt let nawk a, "Khawiah mah I kal hrep lovang, hetah hian I awm reng ang, chhuah lo tum hlek suh angche" tiin room atang chuan a chhuak a.


Kawngkhar lam chu ka pan ve vat a, pawnlam atang a lock daih lehnghal ka sawi vak vak a, ka au tuar tuar bawk, a hnuah chuan ka chau deuh bawk nen chhuat ah chuan ka thuthla hnawk a, ka mittui chu a luang chhuak ngiai ngiai bawk, engvanga harsatna tawk reng bik nge maw ka nih hrep le.....


Rei vaklo hnuah Alex-a chu a lo lut a, melh pawh ka melh peihlo, chhuatah ka la thu nuaih a, ka lam panin a lo kal a, ka hma zawnah chuan a rawn thu hniam run a, ka la en chuang lo, "Tho la va I tifai rawh, chuan thil kan ei dawn ania" a ti a, ka la che chuanglo, "Bawihi a harsa zawngin awm hauh suh" a ti leh nghut a.


"Min kal tir rawh engvanga heta min hruai nge I nih?" ka ti tham chhel a, ka chauh lutuk vangin aw ka vin ka hmang thei tawh lo, "Ka kaltir ngai dawn lo che, I dam chhungin ka hnenah hian I awm ang" a ti a, min rawn pawm tho nghal zat a, tal leh tur chuang ka awm tawh lo, he mihring hi kalbo san vat ka duh ani.


"Bathroom ah chuan min hruai a, min nghah thlak hnu chuan ka kawr phelh mai a tum a, duhlo lutukin ka lo tal nghek a, "Titeh Bawihi ka chau viau ania, tih mawh viau suh" ning tih hriat zetin a ti a, "Hetianga ka awm chhan hi tunge nangmah I nih hi, chhuak rawh keimah in ka intifai thei I puihna ka mamawh lo ve" ka ti hmak a, a thisen zam a pawng deuh tawlh tawlh a, a mitmeng a rum deuh ul bawk, a duh tawkin thinrim rawh se, hlauhna chhan tur ka neilo.


"Ok a tha alawm, mahse ka hlatah hian I awm ngai lovang" tiin a chhuak a, thinrim zetin ka melh ngar a, dimtein kawngkhar a khar a, shower hnuaiah chuan dingin ka tap khur deuh ngat ngat a, hetiang ang em em tawk tur hian enge tihsual ka neih bik ni...


Bathroom atang ka chhuak a, kawr hak tur khumah a lo awm a, Alex-a hmuh tur a lo awm tawh lo bawk, kawng chu ka ha zung zung a, room atang chhuak lo chuan khumah ka thu ngawi kar a, engtinge ka awm zel dawn ka hrelo mahse ha in atanga chhuah vat hi ka ngai a ni, kawngkhar a rawn in hawng a, Alex-a a rawn lut a, "Chaw ei a hun tawh viau ania" a rawn tih pawh chu hria angin ka awm lo.


Ka kutah rawn kai lawk in kitchen lam pan chuan min kai dawr dawr a, ka lo tang ve via nangin mipa tha na na na chu ka hneh lo khawp mai, kitchen kan thlen chuan eitur chu hrang hrang hi dawhkanah a lo in chhawp dal a, eichak na pakhat mah ka neilo, thutthleng a min thut tir hnuin ka bulah chuan a raw thu thla ve nghal zat a, "Ei rawh" a ti sup a, eitur ho chu ka en reng ringawt.


"Bawihi eitur I en reng vang khan I puar dawn hauh lo ania" a rawn ti sup a, ei chakna ka nei hlawl lo ani, "Ka ei peihlo" ka ti nghat a, a rum hawk a "Ei peihlo pawh nila I ei tho angai, nangmah chauh I ni tawh lo, I pum chhungah khan kan fa tur a awm tih hria la I ei ngei ngei a ngai" a ti a, ka thinrim lutuk chu ka puakkeh lo chauh ani.


"Ka ei peih lo ka tihchuan ka ei peihlo ani mai, min tilui tawh suh, he ina awm pawh hi ka peihlo, I hmel hmuh reng te hi ka hne ngawih ngawih" ka ti nghek a, a bek a pawng deuh tawlh tawlh a, "I thu lawilo sawi kha ka ngaithla peih vaklo, tha taka ka sawi lai hian ei rawh, chuti a nihloh chuan tih luihna hmanga eitir che ka hreh hauhlo" a ti ta hmuk a.


Dawhkan a eitur ho chu ka hnawl tla vek a, chutah thinrim hmel lutuk in a ding hluai a, "A tha e, tha taka eitur che in ka hrilh che a, mahse I duh lova, tih luihna hmanga eitir che ka hreh lo ka tihkha" ti hrawkin min kai tho a, room lam pan chuan min kalpui leh dawr dawr khumah chuan min thut tir a, ka tal phat phat a, enga tan mah ngai lovin a chhuak leh hmak a, reilote hnuah eitur keng chungin a rawn lut a, ka hmaah tak chuan a rawn chhawp a.


"Tun chauh hi ka sawi leh ang, eitur hi ei rawh" a ti a, ka che eih lo "A tha e" ti sup in a thawmhnaw bawm dahna lam chu a pan a, hrui a rawn lak chhuah rual chuan ka lo meng kawk a, min rawn pan hnaiin khum lu lamah chuan min phuar bet a, ka lo tal vel te chuan a ti buai eih lo, "Min phelh rawh" ka ti tuar a.


Min phuar beh zawh chuan eitur chu a la a, ka ka zawnah a rawn lek rual chuan ka lo hawi sawn vat a, ka biangah chuan rawn dawmin min an tir a a thil eitur suah sa chu ka ka chhungah a rawn dah a, rang zetin ka lo chhak chhuak leh vek a, a thinrim hmel tawh ngang mai, "Zohlimpui hetiang hian awm hauh suh, engang pawn ei duh lo mahla I ei dawn tho tho" ti ṭhawt in eitur chu a suak leh a, min rawn barh rualin ka ka chu a hum bet tlat a, ka taksa ka tih chet theih loh chu thuhran ka lu tak ngail pawh ka tih chet theih siloh avang chuan harsa ti zetin ka lem a.


Min barh apiangin ka ka a hup zel avangin harsa ti zet chuan ka lem ve ta zel a, min ei zawh tir vek hnu chuan a in la hrang a, ka mittui chu a tla phung a, ka kut a phuar na chu a phelh a, a ding zui nghal "Nidangah chuan tih luih ngai tawh suh angche" tiin a chhuak lehnghal hmak, ka haw ngawih ngawih ani.


Mut hun a nih thleng chuan a rawn lut leh tawhlo, khumah chuan ngawi rengin ka mu a, engtinge he hmun atang hian ka chhuah theih ang tihchu ka ngaihtuah a, ka pa tal be thei ila chu a bulah ka kal mai tur ania, mahse ka phone tak ngial pawh ka kawk silo ka va han beidawng hluah hluah tak.



Dar 11 a rik chuan mutchhuakin min rawn zem chiai chiai a, ka hmai zut kual dan dan tu an awm tihchu ka hria mahse ka mut a chhuah em vangin ka meng theilo, a phun deuh sup sup bawk a, "Ka hmangaih che, reilote chauh a ni tawh ang tichuan hlim takin ka siam reng tawh angche" tih ri chu ka hria a, ka mumang nge a tak erawh ka hrelo.


In leh ka tum a, mahse min kuah bet tlattu an awm avangin ka harh hlawl a, ka meng riai riai a, Alex-a tui tih hmel zeta thawk sak sak chu ka hmu a, ka melh reng, engvanga a bul a min awmtir tum tlat nge ka hrethiam lo, a ni chuan Sawmpuii a nei a, amah vangin kei min kalsan bawk, chuti chunga min ti uai reng chu a hrethiam lo takzet ani.


Min kuahna kut chu dim tein ka dahsawn sak a, bathroom lam panin ka kal nghal, ka inphih fai a, inbual duh viau mah ila thawmhnaw hak thlak tur ka neih miau loh avangin ka theilo a, ka zawh hnu chuan ka chhuak a, Alex-a chu a la muttui hmel khawp mai, inhnuai lamah ka chhuk a, Alex-a a la tho lo bawk nen pawnlama chhuah chu ka tum ta a, pawn ka chhuak a, mahse gate bulah mipa pahnih hi an lo ding run a, chhuah mai ka tum chu min lo dang tlat.


"Min dang suh u" ka ti that a, "Boss thupek ani" an ti tlat a, chhuah luih tum eng ang mah ila ka thei dawnlo tih ka hriat avang chain thinrim takin inchhunglam pan tum chuan ka inher a, Alex-a kawngkhar bula lo ding reng ka hmuh chuan huatna mitmeng in k en a, "Bawihi eng ang pawn tlan chhuah tum mah la I thei lovang" ti fuh in tih hmel zetin a ti a, "Ramhuai dik tak I nihhi" ka ti hlar a, a nui duh lek chuah lehnghal.


"Nang ber in I sawi te chuan ka ni mai a niang chu" a ti awlsam leh then a, "Rawn lut rawh, chaw ei a hun tawh ania" ati a, inchhunglamah chuan amah chu lut nghal a, thinrim engmah ti thei silo chuan inchhungah chuan ka lut a, ei siamtu a ruai a, mahse chaw eikham veleh a haw nghal a, tlai lamah a rawn kal leh mai thin.


"Hna kal ka ngai a, pawn ah lo chhuah tum hlek suh angche" a ti a, ka chhang lo, sitting room ah ka thu ran a, chhuah dan kawng ka zawng reng tho, han a kal veleh chuan pawn lam chu ka bih dek dek a, gate bulah kha mite pahnih kha ano la ding ran a, hetiang chuan ka chhuak thei hauh lovang.


...
Ni li zet a liam leh tawh a, chhuah dan kawng ka zawng reng a, mahse a naute duty tura a tih te khan gate an kalsawn ngailo a, hun tha ka la hmu theilo ani, Sawmpuii vawikhat mah a rawn la lang leh tawh lova, mahse an inzui chhuak reng tih erawh ka hria, a chhan pawh Tv lamah an lan thin vang ani.


Alex-a hna atangin a rawn haw a, nidang aiin a rawn haw hma, mahse amah chauh nilovin Sawmpuii pawh a rawn tel ve a, sitting room lama ka lo thut mai tak ani bawk nen Sawmpuii nen chuan kan in melh ran a, min melh rum em em zui engah mah ka ngai love, ka en reng lai chuan Alex-a biangah a fawp zeuh a, ka chhungril chu a na zawk a, mahse ti lang lo turin ka inhum ruh viau.


Ka awmna lam an rawn pan avang chuan ka tho tharh a, an ni pahnih hmuh reng hi ka peih lo ani, room lamah ka chho a, engtinge an awm zel ang tih ngaihtuah zui loh tumin ka mu a, mahse ka muhil theilo, min mawlh tlat a, ka tho chhuak leh hluai a, dim tein inhnuai lamah chuan ka chhuk thla a, mahse ka thil hmuh avang chuan ka ding khawng lah a.


Alex-a malchungah Sawmpuii chu a lo thu a, a min hniam a, enge an tih tih chu hrilh kher ka ngailo, Alex-a pawh chuan lo dan a tum chuang lo, ka mittui chu a luang thla pap a, rang zetin inchung lamah chuan ka chho va, khumah chuan mu in ka tap khur deuh ngat ngat a, ka lo muhil a ni ngei ang, ka bula rawn mu an awm vang chuan ka harh zawk a, Alex-a chuan min rawn kuah a tum a, rang zetin ka thu chhuak nghal.


"I kut hmawr pawh khan min tawk hlek suh angche" ti fakin ka tho chhuak nghal a, min en reng tih chu ka hnunglam za mer mer atang chuan ka hriat hmaih lo, "Khawiah nge I kal dawn?" a rawn ti sup a, "I hriat a ngai lo" tiin room atang chuan ka chhuak nghal a.


Inhnuai lamah chhukin kitchen ah ka kal a, ei siam tu a rawih chuan min hmuh rual rualin ka mamawh min lo zawt nghal vat a, "Ka ril a tam deuh a, eitur awm ang ang kha min lo pe mai rawh, ka ei thei vek" ka ti a, thutthlengah chuan ka thu a, eitur a siam hi chu a rawn chhawp nghal a, ka ei nghal a, ka eikham chuan tihfai pui ka tum a mahse a phal lo tlat a, "Boss a thinrim ang" a tih deuh tlat avang chuan ka tilui duh ta bik lova.


Kitchen atang ka chhuak a, Alex-a inchung lam atanga rawn chhuk nen kan in tawk a, "Chaw ei a hun" a ti a, a thusawi hrelo ang mai chuan sitting room lamah ka kal a, "Bawihi ka thusawi chu I hria em, tih mawh viau lo teh" nin hmel zetin a ti a, "I duh chuan ei rawh, keichuan ka ei vek tawh" ka ti a, rum nghut hian "Engvang a min lo nghak lo nge I nih?" a ti a, ka ner sawk.


"Ka ei pui peih lo che animai, I bula chaw ei ai chuan ngei pawh ka duh zawk" ka ti a, "Nidangah chuan min ei san tawh ngai suh angche" ti hmukin a kalsawn a, 'Ka thu thu' ka rilru chuan ka ti a, chaw a ei zawh hnu chuan a lo chhuak a, ka bulah a rawn thu a, amah hlat thei ag ber chuan ka tawlh sawn nghal.


Min melh ngur a, ka hma lam chu ka en reng ve thung a, "Eng ang pawn min pehhel tum mahla I thei chuang lovang" a ti a, "Heta tang ka chhuah veleh min hmu leh tawh ngai lovang" ka ti ve sak a, a nui hawk a, "Heta tang chhuah chu in beisei duh suh, nang leh ka fa kha ka bulah in awm reng dawn" a tihchuan rum zetin ka melh a.


"He k pumchhung ami hi I fa a nih I ring chiah amaw?" elhsen zet chuan ka ti a, "Engthu maw tunah khan I sawi?" a ti hrawk a, "Oh... I hrechiang in ka ring he k punchung ami hi I fa a nilo maithei ka ti a nihchu" ka ti leh sak a, min rawn hnaih chilh nghal ruakin ka hrawkah a rawn rek bet chawt a, "Nang hian keilo mipa mutpui I nei em ni?" a ti a, ka taksa chu a khur ru dar dar a, mahse hlau lo awm ang tak chuan ka awm lui tlatin a mitah chuan ka melh reng a.


"Hre rawh, he I pum chhung ami hi ka fa a nih loh vaih zawngin maw, nungdamin a rawn piang chhuak lovang tih ka tiam ache" a ti a, a thusawi chu a ti mai mai lo tih a mitmengah chuan chiang takin a lang a, "Nang Ramhuaipa ka naute min that sak tur hian eng dikna mah I nei hrep love" ka ti tuar a, hlauhawm zetin a rawn nui a, "Nei e, nanghi ka ta I ni a chuan he I pum chhunga awm mek hi ka fa a nihloh chuan maw hre rawh, nung dam in a awm lovang" a ti a.


A in la hrang nghal hlawk a, ka thaw kawk kawk a, pawn lamah a chhuak nghal daih bawk, dar 6 a ri tawh a, Alex-a a awmlo bawk nen gate a duty te chu in tur pe turin ka kal a, a tirah chuan an la duh lova mahse ka tih luih tlat avangin an in hram a, an inzawh chuan inchhung lam panin ka kal a, ka nui deuh suk suk bawk.


An intur ka pek ah khan muthilh na damdawi ka pawlh a reilote hnuah chuan engmah hre lovin an awm ang, ei siamtu a haw tawh a, tumah ven thawn tur an awm lo, darkar chan ve vek ka nghak a, pawn ka chhuah chuan engmah an hre tawhlo tih a hriat, hmanhmawh zetin ka chhuak a, mahse phone ka neilo ka pa bulah kal ka tum a, ka biak phawt loh chuan engtinge ka kal ang tih tak ngial pawh ka hrelo.


Taxi pakhat lo ding ka hmuh chuan ka lut ta tawp a, "Khawi lam ah nge niang" a tih chuan kalna tur hrilh mai k tum a mahse ka ina ka kal chuan min rawn hmu leh vat dawn tih ka hria, chuvang chuan kal chi ka nilo, phone hman ka dil a, a phone min pek dual chuan ka pa chu ka call nghal a, a lo la vat.


"Pa ka lo kal dawn?" ka ti nghal tawp a, ka aw atang chuan thil diklo a awm tih a hrechiang hle in ka ring "Bawihte enge awmzia I aw a va diklo ve" a ti a, "Pa sawi na hun a awm hrih lo ka lo thlen hunah ka hrilh angche, pawisa engmah ka neilo, ka phone awmna ka hre bawk silova" ka ti nghal zung zung a, ka aw a hlauhthawnna a hriat vang a ni ngei ang, motor hmang tawp tur chuan min ti a, a hnen ka thlen huna min lo khulh mai dawn ani.


Taxi driver bulah chuan ka pa awmna khua te chu ka sawi a, Aizawl atang hla lutuk a nilo bawk nen a lo remti mai a, ka lawm takzet ani, Alex-a khan ka pa awmna hi a hrelo a, min rawn hmuh mai ka ringlo.


Ka pa nen kan inhmuh chuan ka kuah thlawp a, ka tap zui nghal hawm hawm a, nghet zetin min kuah a, driver chu a lo chhuak ve a, ka pa chuan inchhung lamah min rawn hruai lut a, a chhuak leh ghal , driver chu pawisa a pe ni ngei tur ani, a rawn luh lehchuan min rawn pan vat a, thil awmzia min zawt nghal zung zung a.


Ka nau pai thu leh Alex-an a ina min awm tur dan te chu ka hrilh fai ta vek a, "Lungngai reng reng suh ka bulah I awm tawh a, I him tawh ania" tiin ka hnungah a zut hauh hauh a, ka pa bula ka awm hnu chuan ka thla a muang huai huai thei.


Kar khat zet a liam leh tawh a, Alex-a a reh vang vang a, ka thla pawh a muang sawt viau ka pa chu hna kal turin a chhuak a, inah keimah in ka lo awm mai thin a, ka pa chuan min ngaihtuah in eitur tha leh damdawi tha tinreng min rawn lei a, chaw ka ei tha bawk nen ka vun pawh tlemin a eng a, ka thau ve deuh kung bawk.


Kawngka an rawn kik dat dat a, hawng turin ka kal vat a, ka hawn veleh a ka mi hmuh vang chain ka ding khawng lah a, "Bawihi I lo dam amaw?" ti sup in Alex-a chuan min melh run a, kawngka khar lehnghal mai ka tum chuan min rawn dang vat a, awlsam zetin a rawn lut nghal.


"Chhuak nghal rawh" ka ti zawi sep a, a nui mai, "Engvanga lo kal chhuak nge I nih?" a ti hmuk a, "I bulah ka awm peih lo, min ti buai reng lovin I nunah chauh khan buai rawh" ka ti a, a nui ro leh hawk a, chuang zeta min rawn enin "I nunah hian ka buai lovang maw, a teuhlo mai, chuan ka rualin I let ang" a ti a, zao ti lutukin ka melh a, "I bulah hian ka awm tawh dawn reng reng lo, Sawmpuii I nei reng a nilawm ni, keichu min tibuai tawh suh, I tello hian ka hlim zawk" ka ti a, a in hum ruh tawlh tawlh a.


"Ngawi hmak rawh, ka rualin I let dawn chu chu hre rawh, chuan Aizawl kan thlen veleh court ah kan innei nghal ang, I duh emaw duh lo emaw nanghian min nei ngei ang" a ti a, "A teuhlo mai, nanghi ka nei ngai hauh lovang che" ka ti tuar a.


"Min nei ngei ang, i pumchhungah ka fa vang pawh khan nang hian min nei ngei ang" a ti a, "I fa a nilo" ka ti a, "Ka fa a ni tihchu nang tluk a hrechiang an awmlo, nilawmni, nang hian keilo mipa dang tumah I mutpui lo, chuti chung chuan ka fa a nihloh thu I la sawi dawn em?" a ti a, "Ka fa hian nang ang mi lerh, mipa intawm theih neih hi ka phallo, nang ang pa a neih ai che chuan pa neilova seilian turin ka k duh zawk" ka ti a, a mitmeng chu rum tak ani.


"Sawi sual ka nei em ni, nang ang mipa hmeichhe pakhat a lungawi theilo hi ka nei dawn hauh lo che, pasal intawm theih neih ai chuan pasal neih lova fa enkawl pawh ka duh zawk e" ka ti leh fak a, "Ngawi hmak rawh" a ti ṭhawt a, ka lo nui hak.


"I tawng tam ta mah mah, tunah hian ka hnenah ka hruai dawn khawp che" a ti a, min rawn man bet nghal, ka tal chiam a, mahse ka tal chhuak theilo, chutia kan lo inpawh buaiai chun ka pa a rawn lut thut a, ka lawm zia chu pui tak ani, "Engthil nge I tihkha" a rawn ti a, Alex-a pawh a tawp chawt.


Min vawnna chu ka thing tla a, ka pa bulah chuan ka kal vat a "Engvanga ka fanu khatia lo khawih nge I nih?" ka pa chuan a ti nghet leh churh a, "Ka pu I fanu hian k fa a pai mek a, ka bulah a awm angai ani" a ti sup a, a kan ang aiin a aw a dam, "Hmeichhe dang lakah I rinawm loh sa chung hian I bulah ka awm tur I phal em ni" ka pa chuan a ti leh a, "Ka pu thu hriat sual I nei ani, kei hian I fanu lo chu duh dang tumah ka neilo" a tieh a, chutia dawt chiang lutuk ka pa hnen a a sawi thei chu mak ka ti zawk hial.


"Bawihte room ah lo va lut ta che" ka pa chuan a ti sup a, room lam pan chuan ka kal nghal a, rei fe ka thut hnuah ka pa chu a lo lut a, "Bawihte Alex-a hi zui haw la ka duh ani" a tihchuan ka pa chu ka melh ngawt ngawt a, "Ani hian a hmangaih takzet che ani tih ka hria, chuvang chuan a ni hi zui haw rawh, tha takin a enkawl ngei angche" a ti leh a ka mittui chu a luangchhuk ngiai ngiai a.


"Pa, ka chunga a thil tih zawng zawng kha I hria a nilawm ni" ka ti a, "Bawihte ani hian tha takin a enkawl angche tih ka ti g tlat ani, ani hi zui la I tisual hauh lovang" a ti a, sawi leh tur chuang ka hre tawh lo, engtinge ka pa a lo hmin ka hrelo, mahse ka pa in a tih miau chuan engang pawn hnial mahila ka thu chu engah mah an ngai dawn lo tih ka inhriat chuan tluk zetin ka hrechiang ani.


Ngawi rengin motor ah chuan ka chuang a, pawnlam chu melhin ka mittui chu ka hru leh zeuh thin a, Alex-a chuan min en reng tih ka hria, mahse ani biak chakna ka neilo, tunah chuan ka tan tihtheih engmah a awm tawh lo, ka pa ber pawh a lam tangah a siam tawh si a.


Kan thleng a ngawi rengin ka chhuk a, inchhunglam pan chuan ka kal nghal, kitchen lam pan chuan ka kal a, tui ka in zui nghal khawlh khawlh a, Alex-a a rawn luh ve rual chuan ka chhuak nghal daih a, inchungah chho in Alex-a room ah lut lovin mikhual room ah chuan ka lut a, khumah ka mu nghal hnawk.


Ka mittui bawk chu a lo luang chhuak lehnghal zung zung a, kawngka a ti rek a, hawi pawh ka hawi lo, a rim atang chuan Alex-a a ni tih chiang takin ka hre thung, "Bawihi I chunga ka chet dan avang hian pwi ka ti mahse I tello chuan ka awm thei lo ani, reilote chauh min nghak hram rawh, chuan khawvel a hmeichhe hlim ber ah ka siam ngei ang che" a ti sup sup a, "Min ti uai tawh lo la ka hlim animai" ka ti tham chhal a, a thaw chhuak hawk a engmah a sawi tawh biklo.


Alex-a hnen a ka kuteh atangin ka mizia ka thlak nasa em em a, tawng phei chu ka tawng ngailo, ka ngai reng a, room ah ka inkhung deuh chawt bawk, Alex-a a rawn lut zing hle a, a rawn luh tawh chuan min be reng zel bawk mahse ka chhang ngailo thung, ka pa in min rawn biak a tum thin a, phone ka kawl loh avangin Alex-a phone ah a rawn call mai thin Alex-an a phone min rawn pek pawhin ka be ngailo, diktak chuan ka lungawi lo ani.


Tun lai hi k luak a chhuak nasa zual a, luak chhuah tur ka. ei ngai bawk silo ka awmdan chu a hreawm hle, ka nau pai pawh thla li a ni ve dawn tawh a, ka pum pawh a puar ve ak tawh mai, khuma ka awm lai chuan luak chhuak in ka awm chu a rawn hnawh a, hmanhmawh zetin bathroom alm ka pan a, ka uak nghal hat that a, ka chau vek thei.


Hlauhthawn hmel zetin Alex-a a rawn tlan lut a, min rawn ban mai a tum chu ka lo in dang vat a, a tawp chat bawk, "Min khawih suh" ka ti sep a, bathroom atang chuan ka chhuak nghal, a rawn chhuk ve nghal a, khuma zawi zeta ka mutna bulah chuan a rawn ding a, mit chhingin ka mu zawi hnawk a, "Bawihi engtik thleng nge hetianga awm I tum?" a ti sup a, chhan tumna ka neilo, ka be peih thlawt lo ani.


Alex-a han a kal a, a rawn haw a hun tep tawh bawk, inhnuai lamah chhuk tuma ka kal lai chuan Sawmpuii rawn pen chho hlawk hlawk chu ka hmu a step a chhuk thlak ka tum tawh pawh ka lo ding chawt a, "Nang hmeichhe zaktheilo nu, engvanga he inah rawn let leh nge I nih" a ti tuar a.


"Theih nise he in hi chhuahsan ka duh asin, he in a awm reng pawh hi ka peihlo, buaina siam lovin I awm mai mai thei em, inhnial mood ah ka awm lo ka chauh lutuk" ka ti a, rum zetin min melh a, "Chhuak vat angche, ka bialpa hi rawn tihbuai tum eng reng suh, chuan he I pum chhung ami hmang tangkai hian ka bialpa hi I lamah pawh pen I tum tih hi ka hai hauh lo ania, hmeichhe hnuaihnung lutuk" a ti leh tawn tawn a, ka lo melh mawl tawp, chhan let ka duh mahse ka chau lutuk tawng ka peih thlawt lo ani.


"Hre rawh, he I fa hmanga ka bialpa hi min chhuh sak I tum a nihchuan maw a lo pian rual rual in mei hian ka that hreh hauh lo ania" a ti zet chu ka che zawk a, chhuatah chuan a bawk deuh thlawp a, "Nang hian ka fa hi tihnat han tum na teh, nangmah zawk hi ka that ang che" ka ti thawt a, rawn tho chhuak in min rawn nek deuh dawrh a, ka lo inring bawk silo nen step ah chuan ka lum thla ta a, ka pum ka sawh a, ka hmeichhiatna atang thisen a chhuak tih ka hre thei, ka zawi tial tial a, a hnuah chuan a thim deuh mup a.


Cont.


Show post links
Top

[Ngaia]

Chapter-17


Zohlimpuii POV


Ka meng chhuak riai riai a inchung var vek chu ka hmu phe deuh ruai a, ka mit ka chhing leh vang vang a, ka mitthlaah Sawmpuii nen kan inhnial lai te leh step a ka lum lai chu ka hre chhuak a, ka pum ka khawih vat, nilo ka pum puar ve ak tawh kha a lo thep vek a, enge awmzia keihian naute ka chhiat tihna em ni?....


Mangang lutuk in ka hawi kual a tumah room chhungah an awm lo, ka thu chhuak a, ka hnuailam na chuan min rawn tham a, ka then sak, kawngkhar a ri rak a Alex-a hmel ka hmu nghal zat a, ka harh tih a hmuh chuan ka lam panin a rawn kal vat a, "Ka naute" ka lo ti ringawt a, a ding dat, hreawm ti hmel lutukin min melh a.


"Enge thleng engvanga ka pum hi thep vek nge a nih?" ka ti tuar a, "Bawihi hahdam I mamawh ania, khatia awm kha I tan a tha lo" a ti sup a, "Ka zawhna che chu chhang rawh" ka ti leh a, a thaw chhuak hawlh a, a thusawi tur ngai changin ka lo en ve ran a, chuta a thusawi zet chu ka chhungril a na vawng vawng thei, ka naute ka pumchhung a awm ka thisen ringa nun ve tawk tawk kha tunah chuan ka pumchhungah a awm tawhlo


"Aih nilo a nilo dawt I sawi" ka ti tuar a, ka tal chiam bawk, ka pum rawn na zawk chu ka hre reng mahse chulam chu ka ngaihtuah theilo, "Bawihi insum rawh, zai I tawk zo deuh chiah a, in dim I ngai" tiin min rawn chelh bet a, rilru na lutukin Alex-a chu ka melh a, heng thil thleng zawng zawng hi a mah vang vek hi ani, a inah khan min awm luih tir lo se chuan ka naute kha ka chan hauh lovang.


"Nangmah vang vek ani, I hnenah min awm luih tir lo la chuan hetiang thil hi ka tawk hauh lovang, nanghi lo hre ngailo tawp che ila a tha tur, ka nun a I rawn lan hma pawhin harsatna tam tak ka lo tawk tawh a, ka nun a I rawn lan chin ah hian a hma aia nasa lehzual in harsatna ka tawng baw chho char char a nihhi" tiin tap chhuak hawm hawm chungin ka sawi a.


Engmah sawi lovin min en reng ringawt a, "Chhuak rawh, ka hmu duh tawh lo che, kha I bialnu nen khan ka mit hmuh ah vawikhat pawh rawn in lan tawh suh angche u, I bialnu kha lo hrilh bawk rawh, ka mit hmuh a a rawn lang leh a nihchuan ka that duh hial ang, nangni pahnih vang hian ka naute ka chan phah a, hlim taka awm hi in phu biklo" ka ti tuar a, hreawm tih hmel lutuk a min melh te chu ka haw hlur.


"Chhuak vat rawh, I hmel hi ka hmaah rawn lan leh tawh suh angche" ka ti leh thawt a, engmah sawi lovin a chhuak a, kawngkhar chu ka thlir zui reng, ka dam chhan tak meuh meuh ka naute chu ka chan tawh, tunah chuan dam chhan ka nei tawh lo, khumah chuan ka mu a, ka mittui a tla reng bawk, ka dul thep vek chu ka chul a, hetah hian naute a awm tawh lo tih ka hriat na chuan min ti na thar vawng vawng a, phuba chu ka la la ngei ang, hlim takin an awm bik hauh lovang.


Kar khat lai ka awm leh tawh a, thil ka ei thei lova, ka ngawi reng bawk, in zai te nau mai a nih avangin ka hliam pawh a dam viau tawh a, Alex-a chu a rawn kal reng a, zanah pawh min riah pui ziah mahse min biak erawh a tum ngailo, vawin lamah damdawiin atang ka chhuak dawn a, Alex-a inah ka let tawh hauh lovang, ka pa hnenah nau ka chhiat thu vel a lo sawi a, ka pa in min rawn bia a, min hnem mawlh mawlh bawk, mahse engtin mah ka chhanglo, a tawng ka ngaithla mawl tawp.


Damdawiin kawtah chuan kan ding ran a, a car a lo thlen chuan min luh pui mai a tum a, "Keimah in ka haw thei, chuan I inah ka rawn let tawh dawn lo tih hria angche, tun atang chuan kan kawng zawh a hrang ve ve tawh a, min ti uai tawh suh" ka ti a, kal mai ka tum chuan ka banah a rawn man vat a, "Min thlah rawh" ka ti hlar a, "Bawihi, ka inah I let a ngai nangmah chauha awm tur chuan I la chak tawk lo" a ti sup a, min ngaihtuah ve tak tak te pawh a ang phian mahse he a hmel a min ngaihtuah na lang chhuak hi chu a lem vek a ni tih ka hrethiam tawh mah mah.


"Min ngaihtuah ber ang khan awm suh, ka lakah chuan a thawk lemlo ania, chuan min dan tum hauh suh, I ina let leh ai chuan thih pawh ka thlang zawk tih hria angche" ka ti a, ka ban chuan muangchangin a thlah a, rilru tawt hmel lutuk in min melh reng a, a mitah chiang zeta ka en hnuah ka inher a taxi ruak lo tlan chu phar dingin ka chuang lut zui nghal a, ka in awmna te chu hrilh in a tlanchhuak nghal a, Alex-a chuan ngawi reng in min thlir liam tawp a.



Ka in kan thleng a, muang changa chhukin driver hnenah chuan min nghak lawk turin ka ti a, inah chuan lutin room lam ka pan a, pawh dawh chu hawngin ka pawisa dah that tlem la awm chu lain driver hnenah ka pe a, lawmthu ka sawi nghal sep bawk, inah chuan lutin khumah ka mu deuh hnawk a, ka chau hluah hluah ani, ka mit ka chhing vang vang a, engtinge ka awm zel ang ka hrethiam lo.


Damdawiin a ka awm lai khan Alex-a khan ka phone min pe a, Arintei hnenah engmah ka la hrilh lo bawk nen ka call a, a la vat, "Min va raw be khat ve, phone lah I chhang thei silo" a rawn ti hlak hlak a, min ngaihtuah na aw ka hriat chuan ka mittui a tling lehnghal pam a, ka in sût hraih a, "Pui thil diklo a awm em ni?" a rawn ti ta vat a.


"Arinte, ka naute ka chan" tih leh thah chhuah chu ka rual a, Arintei hian nau ka pai tih a hria a, mahse ka chhiat thu engmah ka la hrilh leh lo, "Engmaw... engtinge a nih theih?" a rawn ti vat a, chhan ka tum a mahse ka chhang theilo, ka hrawk hi a phui vek nimai in ka hria, "Mate tap tawh suh aw...hreawm ka ti ania, I bulah ka awm thei bawk silo" mangan naa khat in a rawn ti a, mahse ka tap lo thei silo ani.


"Arinte engtinge ka tih ang, ka naute khan engmah pawi a sawi lo asin, ka naute pawh ka chhan him zo lo ania, mi nep tak ka ni" ka ti a, "Mate,, nangmah in dem reng reng suh, Engthil nge thleng chiang takin min han hrilh teh" a ti a, ka mitthla ah ka chet sual lai kha a rawn lang leh uar uar a, ka kut ka hum vak a, ka thaw chhuak hak hak bawk.


Sawmpuii nen kan inhnial dan zawng zawng leh step a ka lum dan vel te chu ka hrilh a a thinrim khawp mai, "Puipui, ka hnenah rawn awm ve daih mai ta che, khata I awm reng kha ka duhlo, ka hnenah rawn a rawh" a ti a, ka inngaihtuah raih raih a, ka thiannu ka unaunu ang hial a ka en ni mahse ka ti buai theilo ani, ka nu dam lai a tang tawhin an chhungkuain min buaipui nasa em em a, tuna tihbuai leh chu ka inthlahrung ani.


"Min ngaihtuah lutuk suh, hetah ka awm thei alawm, chubakah min buaipui nasa tawh si, ngaihtuah awm em em ka nilo a, hun te han kal deuh se, ngai ka awh leh mai ang" ka ti a, min sawm lui nasa viau mahse, ka theilo ani, a hnuah chuan min tilui duh ta biklo a, mahse min ngaihtuah zia chu a tawng ka atang ka hrechiang viau thung.


Chaw pawh eilo chuan khumah ka mu reng a, ka chau hluah hluah ani, ka pa chu biak ka tum deuh ut ut a, mahse ka thulh leh ta zawk a, diktak chuan a chungah pawh ka lawm lo ani, a fanu ka ni a, Alex-a zui ka duhloh zia pawh hrechiang ber tu a ni hial ang, chutiang chung chuan zui turin min ti a, ka naute ka chan phah bawk, ka muhil chu kawngka kik ri avangin ka harh zawk a, tunge ni ang....


Khumah chuan ka mu thu a, zan a rei tawh avangin in leng an nih ka ring silo, hlauhthawnna chuan min rawn luh chilh nghal a, chutah ka phone a rawn ri thut a, ka phu chiang kher mai, ka phone chu ban in ka en a, Alex-a ao ni a, la lo chuan ka off hmak a, a rawn ti nawn leh nghal zat, a rawn tih nawn tlut tlut takah chuan ka silent ta daih a, kawngka bawk chu an rawn kik ri leh a, ka hawi phawk hra a, ka phone chu ka ban rawk rawk, ka hlauh em avangin Alex-a min lo call na chu ka chhang a.


Phone ka lak rual rual chuan "Kawngka hi rawn hawng rawh" a rawn ti sup a, kawngka rawn kik tu kha amah a ni tih ka hriat chuan ka thaw huai thei, mahse hawn sak ka tum lo bur, "Ka lo hawng dawn lo, haw rawh, ka hmu peihlo che" ka ti hmak a, "I rawn Hawn hma chu ka awm reng ang" tum ruh tih hriat zeta a rawn tih leh chuan "I duh duh chen awm la pawi ka tilo" tiin phone ka dah hmak a.


Khumah chuan ka mu a, a rawn kik tawh em lo, mahse pawn ah chuan a ding reng tih ka hre thei a, ka muhil thei tawh lo chu ka inlet tawn sek a, min mawlh tu chhung lamah a awm reng bawk nen ka mu thei tawh thlawt lo chu ka tho ta ringawt a, room atang chhuakin dimte in kawngka lam chu ka pan a.


Thawm a awm tak mai siloh ah chuan a haw tawh leh tawh loh en tumin kawngka chu Hawn ka tum a, mahse ka tawp leh chawt, Alex-a chu a tawng thum sup a, phone ah mi biak a nei tih chiang takin a hriat bawk "Ka rawn kal hman lo ka tihkha" a ti hmuk a, "Vawikhat chiah ka sawi leh ang, min lo nghak suh, ka duh dan zawnga I awm lo a nih chuan maw tunge ka nih tih I hriat kha Malsawmpui" a ti hrawk a, Sawmpuii a bia tih ka hailo.


A tawng ri hriat tur a awm tawh lova, keipawh ngawi rengin kawngka bulah ka ding bawk, ka naute kha hmeichhia vang khan ka chan a, chuan a ni hian a la ve chhunzawm zel bawk a, engvanga min hmuh tuma rawn la kal ngam nge maw a nih le... a duh duh a a tihtheih hmeichhia kha ka la ni reng emaw a ti a nihchuan a ring sual hle ang.


Thawm dim zetin pensawn ka tum a, mahse Alex-a tawh vang chuan ka ding leh dat "Bawihi I awm hnai tih ka hria ania, rawn hawng rawh, inbiak kan ngai" a ti a, zaktheilo lutuk "A teuhlo haw rawh chuan hetah rawn kal leh tawh suh, I hmel, I rim, I awm leh I engkim hi ka hmu in ka hre peihlo, chuvang chuan kal vat zawk rawh, nang biak che ai chuan ka nunna lak pawh ka thlang zawk" ka ti chang fak a.


"Ka beidawng dawn chuanglo, min biak I duh ham chu hetah hian ka awm tlat ang" ala ti fan a, "I duh a thu" tiin room lam chu ka pansan leh hmak a, khumah mu in ka dul chu ka zut a, 'Bawihte ka venghim zawh lo che vangin I nu hi min ngaidam rawh aw, banah khan api nen in inhmu ang tiraw, min lo hnial reng rawh u aw' ka ti sep sep a.


Ka lo muhil a ni ngei ang ka harh leh chuan khua. a lo eng ut tawh a, muangchangin bathroom lam ka pan a, ka hmai te phih in ka chhuak lehnghal vat, kawngka ka hawng a, Alex-a a lo awm tawh lo hlauh mahse ka pawnlam ka en chu a motor bulah a lo ding ngur a, min rawn melh ngur bawk, a hmel atang chuan a chauh hmel hle a, ka in lam pana a rawn kal vang chuan rang zetin kawngka khar lehnghal mai ka tum a, engtik laiin nge a rawn thlen phei hman ka hrelo.


Min zaina avangin ka tang ngam vak bawk silo a awlsam zetin a rawn lut a, kawngka chu a kalh nghal hmak bawr, rum zetin ka en a, mitmeng dul ruihin min en ve bawk a, "I va zaktheilo ve engvanga ka ina rawn la lut ngam nge I nih, chhuak vat rawh" ak ti khur dar dar a, ka hlau lo mahse ka thinrim lutuk vangin ka aw a khur vek a, ka aw mai nilovin ka taksa chhung lam thlengin a khur vek thei hial.


"Bawihi" a rawn tihchaun ka in hum ruh viau, "Vawikhat mah khatiang khan min ko tawh suh, ka luak a ti chhuak ka hre peihlo" ka ti chang leh fak, "Ka thusawi tur hi ngaithla hram teh" a ti leh sup, a hma ang khan min nawr luih a tum tawh lova, mahse chu vang chuan biak ka tum chuang lo.


"Engvangin nge I thusawi chu ka ngiahthlak ang I dawt sawi mai mai ka ngaithla peihlo, nang leh kha I hmeichhia vang khan ka naute ka chan a, in hlim bik hauh lovang, ka la tichhe vek ang che u" ka ti leh tuar a, ka naute ka chan avanga ka na chu rawn chhuak leh in ka mittui chu ka biangah a luang thla pap a, ka hru hul vat a, "Chhuak rawh ka tihkha, vawikhat pawh he I hmel hi ka hmaah rawn lan tawh suh angche" ka ti leh a.


"Ka fa ka chan ve tho asin, ka na lo bik lo helai hi a na lutuk asin" tiin a thin zawn chu a khawih a, ka lo nui hak ka nuih zat vanga nui erawh ka ni hauh lo thung, "Lemchan pawh I thiam e, mahse kha I lemchan kha ka tan chuan awmzia a nei vak lem lo ania, I nihna diktak hi ka hre tawh, ka naute ka chan chhan bul ber chu nang hi I ni" ka ti a, rilru nat hmel lutuk in min en a, enga tan mah ka ngailo, ani ai hian kei hi ka na fe zawk.


"Engvanga kei chu min puh tlat nge I nih? Ka bulah ka awm tir vang che in maw, Sawmpuii kha ben tum lo la chuan I che sual hauh lovang, nau pai lai I ni tih in hre reng chungin I thinrim vangin Sawmpuii kha ben I tum a, mahse a lo indan hman avangin nanghi I chesual ta a nilawm ni, c
chu I chetsual nah chuan keihi min puh amaw" a ti vin ve ta ṭhawt a, engtik laiin nge ka ben hman ka hrelo ka kut chu a na deuh ut ut a, a hmai ah chuan ka kut thla a lang kalh bawk.


Na ti awm pawhin a awmlo, chiang zetin min rawn en a, "Thudik chu a kha reng asin"a. rawn ti zui leh salh a, "Kei hian engmaw ka tih a?" ka ti zui tuar a, "I hrechiang angchu, chuan keihi min dem vek thei I ni biklo, thiamloh a ka nei tih ka hria mahse a vai chuan ka thiamloh a ni lo tih chu I hrechiang ang chu" a ti thum chhak a, engtinge kha hmeichhia khan Alex-a bulah a sawi ka hrelo mahse sawi fiah erawh ka tum hauh lo.


"A tha I ngaih ngaih in ngai rawh, I lakah in sawifiah ka ba lo, chuan chhuak tawh rawh, thudik I hre chhuak a nih pawn keichu min rawn hmuh emaw tum tawh suh ang che, I bialnu dawt sawi hmang zet kha lo veng tha hle bawk angche, chuti a nih loh chuan maw step atang nilovin hmun sang tak atang ka nam thla duh mai ang" ka ti a, "Chiang takin sawi rawh" a ti hmuk a.


"A teuhlo, thudik hriat I duh a mahse I bialnu thusawi I awih vek tawh anilawm ni, chuti chung chuan sawi chiang turin min ti amaw?, mihring pangai zahna he ve I nihchuan chhuak rawh, ka hmel hmu leh ngam tur pawh I ni tawhlo" ka ti a, a hmel chu a inthlak zawk a mahse. areh lehnghal vat "Tun tan chuan ka kal ang, mahse ka rawn let leh ngei ang" tiin a chhuak nghal a, a kal liam lai chu ka thlir reng.


Alex-a rawn kal atang khan hun a liam leh nual tawh a, vawikhat pawh a rawn kal leh tawhlo, zia awm lam ka pan chho ve hret hret a, ka pa chuan min rawn be zing viau bawk, tha takin ka bia a, a laka ka lungawi lohna chu tih lan ka tum lo, a chhan chu ka pa a ni miau si a, engmah ka ti ngai lova inah k inkhung deuh chawt ringawt a, Arintei nen kan in be zing viau bawk.


Thla that kan chuang kai a, ina awm reng thei ka nih loh vangin hna ka dap leh tan a, mahse hna van lai tak a ni nen ka la hmu mai theilo, ka pa in pawisa min rawn thawn thin a, diktak chuan a pawisa min rawn thawn chuan ka inchawm zo viau, mahse puitling nih tawh si a, chhungte chawm hlawm nih reng chu a tha in ka hrelo ani.


Vawin nilengin ka chhuak a, mahse hna ka la hmu chuang lo, inah ka thleng a thutthleng ah ka thu thla hnawk a, mit ka chhung vang vang, nimin piah atangin hna zawngin ka chhuan nileng thin a, mahse tun thlengin ka la hmu thei silo, ka beidawng tawh hle a, eirawng ka bawl a, ka bawl zawh chuan sitting room lamah kal in TV ka en a, mahse chuta an thil rawn puan vang chain ka nghilh deuh dup a.


Alex-a leh Sawmpuii te inneih tur thu chu news ah an lo puang a, tv chu ka thlir mawl tawp, k hriat loh laiin ka mittui a lo chhuak a, haw hle chungin midang ta a ni mai tur chu ka phal chuang silo, diktak chuan Alex-a hi ka hmangaih tawh takzet ani, hlim hmel taka an in en dun lai thlalak an rawn tih lan leh phei chuan ka thing chu chemte a chhun sawk sawk ang mai hian a na a, ka mittui a fir zung zung bawk.


Hetianga ka awm hi tlawm ka in ti a, mahse na ka ti em ani, chaw pawh eilo chuan khumah ka mu a, heta ka awm reng zawngin ka na hnem mai mai dawn, an hmuh phak loh ah awm ila ka na pawh hi ka tuar dam thei mai ang ti rilru chungin Arintei'n bula awm chu ka tum ta a, zan tlai tawh hle mahse Arintei chu ka call nghal a, a lo la vat "I bulah ka lo kal dawn?" ka ti tawk a.


"Awle, atha alawm" a ti a, engmah min zawh loh danah a hre vek tawh tih ka hre mai, rei inbe lovin kan dah a, ticket chu ka cut nghal a, naktukah ka kal nghal dawn a ni, ka insiam a, ka pa pawh ka kl na ka hrilh thei lovang a chhan chu Alex-an a hriat chhuah vat ka hlauh vang ani pakhat a, Alex-a hian Arintei hi a hre vak lova, Mumbai ah a awm tih phei chu a hrelo tih ka sawi chiang ngam.


A tukah chuan Airport lam panin taxi ka hmang a, airport kan thleng a ka muh hma chuan ka hawi let leh a 'Engtikah emaw chuan ka rawn la let leh ang, mahse chumi hunah chuan hmeichhe chaklo tak ni lovin hmeichhe chak tak leh huaisen takin ka rawn let tawh ngei ang, chumi hma chu hlim takin in nun kha lo chen ang che u' ka ti sep a, hawi kir leh tawh lovin chhung lamah chuan ka lut ta a.


"Engmaw I sawi a awo I ti em ni?" ka ti vin thawt a, "Aw... boss a in a inkalh a, an thenawm te kan zawt a, vawin zing lamah khan luggage nen in a chhuahsan tih min hrilh a" an tih chuan ka phone chu ka vawn darh vek a, 'Khawiah nge I awm, kei hi min kalsan I tum amaw' ka ti a, thudik hrait ka duh vangin hnu turin ak kal ngai lova, mahse ka naute chu a in bulah ka awm tir reng thin, vawin khan thil pawimawh a awm vangin an kalsan lawk a chumi hlan chuan in a lo chhuah san ani.


Ka secretary chu ka ko lut a, "Rang takin Zohlimpuii awmna chhui nghak rawh, minute 10 chhungin a awm na chin ka hre tur ani" ka ti hrawk a, hmanhmawh zetina. tlanchhuak nghal, couch ah chuan thu in ka mit ka chhing vang vang a, 'Reilote chauh angai tawh asin, engvanga kal bo nge I nih' ka ti sep a, Zohlimpuii nui hmel chu ka mitthla ah a rawn lang a, ka mengchhuak, chutihai tak chuan kawngka inhawng thawm ka hria a, ka meng chhuak a ka mi hmuh vang chuan ka thinrim na te chu a zual sawt nimai hian ka hria.


"Engvanga ka phalna tello a rawnut nge I nih?" ak ti rum ul a, "Ti teh babe, keite chu I nupui hual ka nihhi" no zetin a rawn ti a, ka lam pana rawn kalin ka dar vel chu a zut kual dan dan a, "Awmsawn vat rawh" ka ti hrawih a, engah mah ngailo chuan a thil tih lai chu a tih zawm zel a ka dawh theihna chin a pel tawh tak zet, che vutin a ngawngah chuan ka rek a, a mengphar nasa ngang mai.


"Min nawr lui hauh suh, helai hmun atang hian chhuak vat rawh, chuti a nihloh chuan maw, ka that angche" ka ti a, ka ti mai mai lo tih chu a hrechiang viau bawk ang, rang zetin a tlanchhuak nghal a, ka thutna ngai bawk ah ka thu thla leh dawt chumi rual chuan ka secretary chu a lo lut a, a thu min hrilh avang chuan ka thinrim ngang mai.


"Engtin ama I tih a, a awmna I chhui chhuak theilo amaw" ka ti thawt a, min hlauh hmel takin a ding a, "Midang ruai la a awmna in chhui chhuak ngei tur ani I chhui chhuak theilo a nihchuan hna atang hian I bang nghal ang" ka ti hrawih a, rang zetin a tlanchhuak lehnghal.


Bawihi thlalak chu ka en vung vung a, mi thiam tak tak te zawng turin ka ti a, mahse a awmna chin an chhui chhuak theilo, a pa ka zawh lahin a awmna hriat loh thu in min chhang bawk si, a ni pawh a mangan hmel viau, 'Bawihi khawiah nge I awm, khawngaihin ka hnenah lo let leh rawh, I'm takin ka siam reng tawh angche' ka ti sup sup a.


Engkim ka chhui chhuak vek tawh a, Sawmpuii ka hnaih chhan ber pawh ka hmelma te lamah kan thil ruahman na vel a lo pek vang ani a, a tirah finfiahna ka neih loh avangin ka hnaih a, mahse amah a lo inven thiam em avangin duh ai thil a kal thui ta a, tunah chuan vawikhat mah Mizoram hi a rawn rap leh tawh ngai lovang, Mizoram leilung a rawn rah leh fual rual in a thi nghal ang, chuan hreawm takin a damchhung zawngin a nung reng tawh bawk ang.


6 months later


'Bawihi khawiah nge I awm, ka ngai lutuk che a â thei mai dawnin ka hria, khawngaihin rawn kik leh tawh rawh, hremna min pe tur talin ka mit hmuhah hian rawn in lan rawh' ka ti sup sup a, ka naute ka la chhui tir reng a, mahse engmah a chanchin hriat tur a la awm lo, a tello chuan ka nun a ruak vek a, awmngaih na reng ka hrelo.


'Ka lo nghak reng angche, I rawn let leh dawn tih hi ka thinlung hian a hre tlat ani, I rawn let leh hunah chuan maw ka kal tir leh tawh ngai lovang che, hlim takin ka siam reng tawh angche' tiin a thlalak chu ka be sup sup a, zu ka in nasa em em a, hna pawh ka thawk mumal theilo, Zohlimpuii lah a rek vang vang mai si a, ka mamawh ani, a tello chuan ka awm theilo, ka chhungril a ruak vek a, a ni chauh khan a hnawh khat leh thei ani.


"Zohlimpuii ka ngai che, a rei I ti ve tawh em em lo em ni, nge nang hian min theihnghilh tawh zawk, ka tello chuan I hlim hle a ni ngei ang maw, mahse keichu I tellovin ka nung theilo, ka lo nghak reng angche, ka hmangaih" tiin van lam chu ka thlir vang vang a.


Cont.


Comment leh click kha aw khawngaihin min han pek sak veleh hram hram ula, chuan naktuk chu kan awl ang aw....


Show post links
Top

[Ngaia]

Chapter-18


(Hmahmawh lutukin ka type a, zan lam ka hman dawn lo bawk nen, a ngaihnawm loh viau in ka ring min hrethiam hram hram dawn nia, chuan comment leh click kha han pe leh sap sap ula aw, hmeltha ho)
Zohlimpuii POV


3 Years Later


Kum thum lai a liam ve ta reng mai, B.A ka pass tawh a, Arintei nen kan cheng dun a, company pakhat ah assistant in ka awm a, ka tui in nuam ka ti hle bawk, ka pa nen kan in be fo a, ka awmna pawh a hre vek tawh a, mahse Alex-a bulah a sawi ka ringlo, a chhan chu a hrilh a nih vaih chuan ka kalbo leh tur thu a ka sawi vang ani.


Alex-a nie ka la theihnghilh theilo, ka hmangaih em a tin ni, min rawn hrechhuak ve thin angem, nge ni a min hre tawh hauh lo zawk, Sawmpuii nen khan chhungkaw hlim an din dun tawh ngei ka ring a, chutia ka ngaihtuah ngaihtuah ringawt pawh chuan ka la na, nep ka Inti a, ka hmangaih thei a nihchuan ka hmangaih lo thei em em ang tiin ka in fuih thin mahse ka thei silo ani.


Alex-a emaw Sawmpuii pawh ni se an chanchin hrim hrim ka hriat duh loh vangin social media reng reng engmah ka khawih lova, Arintei pawhin engmah min hrilh a tum lo bawk chuchu ka duh dan a ni reng a, an chanchin hrelo hian awm ila ka natna te kha tlemin a kian ka rin vang a ni pakhat.


Naktuk mai khian Arintei Mizoram ah a haw dawn a, keimah chauh a awm chu ka huphurh rilru takzet, mahse keichu Mizoram a let leh turin ka la inpeih lo a ni, hetah hna ka nei a, ka theih chhung chu thawh ka tum bawk.


"Ka insiam zo thaw khat tawh a, kan leng chhuak mai mai dawn em ni?" room atang rawn chhuah pah chuan Arintei chuan a rawn ti a, "Awle, kan lengchhuak dun khat tawh dawn bawk si, hmun hrang hrang ah kal ang aw" phur zet chuan ka ti a, room ah kalin ka insiam nghal mawlh mawlh, ka chhuah leh chuan Arintei pawh a lo inpeih fel diam tawh a, kan chhuak nghal.


Kan kal kual nasa ngang mai, park ah te kan kal a, kan pahnih chuan ka hlim dun hle, haw lo mai se ka ti a, mahse a nu leh paten an ngaih tawh vang leh Mizoram lama hnathawh tur a hmuh vangin a haw a ngai tho si a, haw ve nghal mai turin min ti a, ka hnial tlat thung, Mizoram a ka haw lh a nihchuan Alex-an min hmuh vat ka rin vang ani.


Khua a thin thet thet tawh tihah haw turin taxi kan chang a, chutih lai tak chuan car pakhat chuan min lo tlan pel a, nilo ka hmuh sual nge Alex-a ka hmu thal in ka hria, ka en zui vang vang a, Arintei chuan ka bana lo sawi pahin "Enge I en char char a, hei lut ang" tiin kan hmaa taxi ding ah chuan a lut zui a, ka chuan luh hma chuan car tlan liam na lam chu ka en leh hram a, hmuh tur a lo awm tawh lo.


In kan thleng a, in ti faiin chaw te kan ei nghal zung zung a, Arintei nen chuan a. room lamah ka mu dun a, kan ti ti dun melh melh, naktuk lam thawh hma a ngaih vangin rei vak lovah chuan muthilh kan tum ta a, ka mit ka chhing a, vawin lama car ka hmuh kha ka mitthlaah a lo lang a, Alex-a ngei a niin ka hre bawk si, mahse hetah tihtur a neih ka ringlo, ka hmuh sual a nih chu ka ring leh ta zawk a, reilote ah ka muhil ve nghal mai bawk a.


"Tluang deuhin kal rawh aw, chuan I thlen veleh min lo bia la" ka ti a, ka ngai dawn lutuk chu ka mittui a tla a, a ni pawh a bang biklo kan inkuah leh vang vang a, airport chhunga a luh thleng chuan ka en liam a, ka hmuh phak lo a a awm chiah chu ka ruak huai hian ka hria.


Hna lama kal nghal ka ngaih vang chuan taxi lain ka hnathawh na hmun chu ka pan a, vawin chu ka phur lo khawp mai, ka thlen chuan ka awmna hmun tur chu ka pan vat, "Puipui vawin lamah kan partner tur te an lo kal dawn a, chawhnu lam dar 3 ah meeting kan nei dawn aw, lo in buatsaih la, hetah kan neih dawn loh vangin chhuah hma kan ngai ang" Boss chuan a ti a.


Meeting na hmun pan chuan Boss nen car ah chuan kan thu dun ran a, a felin mi hriatthiam na a ngah ka nel viau, nupui nei tawh niin a nupui nen chuan fa pathum an nei tawh a, an lo kal ve fo bawk nen kan in nel tlang hle hlawm bawk.


A hmun kan thleng a motor atang chhuak in meeting na tur lam kan pan a, kan partner tur te chu an lo la thleng lo, file vel kan lo en nawn a, chutih lai tak chuan kawngkhar a rawn ri a, ka hawichhuak nghal vat, ka mi hmuh avang chuan che lovin ka awm char a, a ni pawh a ding reng bawk, enge hetah a rawn tih.


"Mr. Alex in lo thleng thei maw" tiin Boss chuan a chibai a, Alex-a erawh chuan keichu min la melh reng thung tawng tum hmel pawh a pu lo, "Heihi ka assistant Zohlimpuii a nih hi" tiin keichu in hmel hriat tir na te min nei a, a kut chu ka chibai theih turin a rawn lek chhuak a, hreh ru tak chungin ka lo ban a, ka kut lak let leh ka tum chu min lo vuan bet tlat, ka aw ka thian kharh a, min thlah ta riai riai a.


Boss chuan thil a sawi mawlh mawlh a, Alex-a erawh chuan hria ang pawhin a awm lo min en reng a, en let duh lovin ka hmaa file ho chu ka en lui tlat a, ka kut chu dawhkan hnuaiah ka hum ruh viau a, "Nangni nen a thawh ho chu ka pawm e" Alex-a chuan a ti thum sup a, Boss chu a nui nghal vur vur a.


"Ka lawm takzet ani, tha taka kan thawh ho theih ngei ka beisei" a ti a, meeting a zawh hnu chuan room atang chuan Boss nen kan inzui chhuak a, "Mr. Kumar, I assistant hi a fal a biak lawk ka duh a, a rem angem?" kan hnunglam atang chuan Alex-a chuan a rawn ti a, a ni hi biak ka duh lo, Boss chu ka en a, a ni pawhin mai tih hmel zetin min rawn en a, hnial turin ka duh takzet ani.


"Awle, rem loh na tur a awm hleinem, pawnlamah ka lo nghak dawn che nia" tiin keichu min rawn melh a, ka lo bu zeuh ringawt, Boss chu a kal nghal a, "Zawn hmuh I har hle mai" ka hnunglam atang chuan a rawn ti sup a, ka thaw chhuak hak a, muangchang a in her in Alex-a nen chuan kan inhmachhawn ta ran a, ka hmuh loh na a rei tawh hle a, a hma ai mahin a hmeltha zual emaw tih mai tur ani.


"Enge min biak duh na chu?" ka ti nghat a, chik zetin min en a, keipawh chuan ka melh let ve ngar bawk, "Ka ngai lutuk che" tih pahin min rawn kuah thlawp a, kuah let lo turin ka insum nasa hle, ka ngawng a hmai a rawn tih sik rual chuan ka che phat a, min kuah nghet lutuk mah mah, "Min thlah vat rawh, miin min hmu ange" ka ti fak a, muangchangin min thlah a, ka kut ah a vuan bet tlat thung.


"Engvanga kalbo nge I nih?" a ti a, ka ner nak, "Chumi min zawh duh vang chuah chuan maw min biak I duh?" ka ti let hmak a, "Ka zawng nasa lutuk che asin hmuh tur I awm bawk silo, ka hmuh phaka I awm loh lai khan ka a thei hial dawnin ka inhre thin" a ti a, thuk zetin min melh bawk, a thusawi hi ka awih ther te lo ve.


"Duhtawk rawh, chutiang thu ka ngaithla peihlo, nang nen hian eng inzawmna mah kan neilo a, chuan khatiang khan vawikhat mah min khawih tawh suh angche" ka ti a, inher in ka kal nghal hmak, mahse a thusawi chuan min ti ding leh chawt, "Engthu maw tunah khan I sawi?" tiin thinrim zetin ka inher a, a l nui deuh suk ka hmuh chuan ka thinrimna a ti zual ting a.


"I hrechiang lutuk Bawihi, nanghi ka hmu tawh che a kaltir leh tumna che ka neilo tawhlo" a ti leh a, "Hman a I hriat thin hmeichhe chak lo tak kha ka ni tawh lo tih hria ang he, I hnena rawn let leh hi ka tum hauhlo bawk" tiin ka kal nghal hlawk hlawk a, ka thin chu phu rang tak ani.


Boss chu car ah a lo chuang taw a, keipawh ka chuang lut ve nghal vat, kan tlan chhuah hma chuan Alex-a a rawn chhuak a, min rawn en zui reng bawk, "Puipui ka zawh tur che a ni em ka hrelo a, mahse Mr. Alex-a nen khan in lo in hre tawh em ni?" boss chuan a ti a, chhan dan mai tur ka hrelo, ka ngawi deuh ren rawn a, "Umm, Mizoram ah khan kan inhmu fuh ve zuai tawh a" ka ti ringawt a, a bu nghat nghat a, company kan thleng a hna ka thawh zawm leh mawlh mawlh.


Hna ban a hun a, in lamah chuan muangchangin ka haw a, taxi la lovin ke in ka kal , a. chhan pawh inngaihtuah ka duh vang ani, Alex-a hian ka awmna a hre tawh a, a awm mai mai dawn lo tih ka hre chiang, mahse keipawh a hnena kir leh ka tum tawh lo bur a, chak taka ka awm a ngai tiin ka infuih ru mawlh mawlh a.


Min zui tu an awm anga ka hriat tlat avang chain ka hnung lam chu ka hawi leh zeuh zeuh thin a, mahse tumah hmuh tur an awm lo, in ka thleng tep tawh a, ka thla chu a muang thei lo, rang zetin ka kal a, ka tlan lo chauh tawh ani, in ka thle g a, rang taka hawngin inchhung ka luh rual rual chuan ka khar a ka kalh nghal daih bawk.


Room ah ka lut a, khum ah ka thu thla hnawk, ka phone ka phawrh chhuak a, Arintei chu a thlen tawh k ring mahse min rawn la be miah lova , call ka tum deuh ut ut a, mahse a la buai a nih ka ring leh ta zawk a, room atang ka chhuak a, chaw chhum vel ka peih ngang loh vangin ka noodles neih sa chu ka chum a ka ei tawp.


In chu a reh em em a, ka lung a leng takzet, Arintei ka ngai veng veng mai, ka phone a rang ri a, rang zetin ka la ta nghal a, "Puipui ka thlen na a rei tawh aw, ka buai deuh a ka lo be lawk hman lo che a nihkha" Arintei chuan a rawn ti zung zung a, "Anihchu mawle, ka ngai tawp che" ka ti a, "Keipawn ka ngai lutuk che, e hei ka nu in a be ve duh che a" tih leh a nu chu phone pek a rual a.


Nu Muani nen chuan kan inbe ta reng alo haw ve mai turin min chah zing khawp mai, kan inbiakna chu kan ti tawp a, chumi rual deuh thaw chuan kawngka kik ri a rawn aw a, ka phu zawk lehnghal, ka thenawm a awm Maya a nih ringin ka hawng vat a, mahse Alex-a zawk chu a lo ding ran a, khar lehnghal mi ka tum chuan a lo dang vat.


Awlsam zetin a rawn lut a, "I va zak love, chhuak vat rawh" ka ti hlar a, a che sawn eih lo, "Lalhriatpui ka sawi chu I hrelo em ni, chhuak rawh, chuti lo chu ka report ang che" ka ti leh a, "I duh chuan min report thei ang, mahse heta tang hian ka duhthu ngei a ka chhuak a nihloh chuan tuman min chhuah tir hauh lovang" a ti a, rum zetin ka en a.


"Enge I duh?" ka ti a, "Nangmah" a rawn tih chuan zaklo ti lutukin ka en a, "I duh duh a I tih kual theih hmeichhia kha ka ni tawh lo chuam min tibuai suh, I nunah chauh khan buai rawh, ka nunah rawn inrawlh be tum reng reng suh angche" ka ti a, a rawn che deuh phut a, bang ah chuan min nawr betin ka kut chu ka lu chungah a man bet hmiah bawk.


Tawngleh ka tum chiah tihchuan ka hmui chu a rawn khar chilh hmiah a, a lei chu ka ka chhungah thuk zetin a rawn hawl a, ka tal phat phat nangin a tan chuan engmah a nilo tih a hriat hle, ka tih ngaihna hrelo chuan a hmui ah ka seh sak ta vak a, mahse a thil tih ngai a thulh tir chuang lo, ka hmui a thip zawk a, ka ka chhung chuan rawn lum deuh pup a.


Chumi rual chuan a in la hrang nghal a, "Engvanga khatia che ngam nge I nih a, tu ah nge min ngaih?" ka ti vin tuar a ka chhungril a khur dar dar bawk, "Bawihi ka insawifiahna ngaithla rawh aw" a rang tih chuan ka nui hak, ka ngaih thlak loh dan tur chu pui tak ani.


"I thusawi engmah ka ngaih thla peihlo, chhuak tawh rawh" ka tia, kawngka lam chu ka kawk va bawk, "Ka chhuak lovang ka thusawi I ngaih thlak hma chu hetah hian ka awm ang" tum ruh tih hriat zetin ati a, zaklo ka tih dan chu pui tak a ni ringawt, khatiang khawp a ka chungah a che tawh chung khan hetianga a rawn awm ngam ringawt pawh hi mak k ti zawk hial.


"Zahna te hi I nei lovem ni?, khatiang khawp a nunrawng khan ka chungah I che tawh a, in thlahrun na tlem tal I nei ve. anih chuan helai hmun atang hian chhuak rawh, ka hmu peih lo che" ka ti a, rilru nat hmel lutuk a min en na chu ka tan pawh hian a hreawm ve tho, mahse ani vang hian ka nute ka channa kha ka theihnghilh theilo ani.


"Vawikhat chauh chance min pe leh hram rawh aw, chuan khawvela hmeichhe hlim berah ka siam angche" a ti a, ka nui hak "A teuhlo I hria em, ka nunah rawn in lan tawh lo la ka hlim animai, nanghi ka mamawh hrep lo che, hmeichhe hlim ber a min siam maw I tum, ropui lutuk I hnena ka awm chhung zawng khan ka hlimna aiin ka natna a tam zawk khatiang chung khan ka rin theih che I in beisei em ni?" ka ti a.


Ngawi rengin min melh ngawt ngawt ringawt a, "Chhuak tawh rawh, chuan vawikhat pawh ka inah hian rawn kal leh taw suh angche, min hmu fuh palh emaw pawh nila, min hre ngailo angin awm la ka duh" ka ti leh a.


Kawngka ka khar fel chiah tih chuan chhuat ah ka thu thla hnawk a, ka tap nghal hawm hawm bawk, ka natna te khan min rawn luh chilh leh a, ka naute ka chan lai hnua min rin dan zawng zawng te ka naute ka chan kha keima thiamloh a nih thu min sawi khum lai te chu ka bengah a rawn ri nawn leh a, ka awm ka chum dat dat, khatiang khawp a min ti na chung khan ka la hmangaih chu a ni si a.


A tukah chuan ohur lo deuhin hna kal tur chuan ka insiam a, hnathawhna hmun ka thlen chuan an lo awm nual tawh, boss a lo thleng a ka lo wish sap, "Puipui naktuk zanah part a awm dawn a, Mr. Alex-a te nen kan thawhho na tur lawmna party kan nei dawn a, I kal ve ngei a ngai dawn nia" a ti a, ka phurlo khawp mai.


Vawin nilengin Alex-a a rawn inlam lova ka lawm takzet, hmuh leh ka duh tawh lo, chutih rual chuan kan thawh ho vang in ka hmu fo dawn tih ka chiang a, ka huphurh takzet ani, Sawmpuii nen khan an innei ta em tih lah ka hrelo a, hriat pawh ka tum lem lo bawk.


Vawin lam chu hnathawk ho pawh kan bang hma hlawm a, zanin party a nih tawh vang ani, ka in siam vek tawh a, keima tawk ah nalh ka inti ve hle bawk, ka thawh pui nu Preety chuan min lo sawm a, a chhelo takzet ka fak chuan "Kei ai I chhelo daih zawk" a lo ti vat a kan nui dun hak hak.


Party na hmun kan thleng a, mi an lo tam tawh khawp mai, lam tualah chuan partner tete in an lam a, Preety bialpa hi kan thawhpui tho a ni a, lam tura a rawn sawm a, lam tual lam an pan nghal, lam ho chu ka en reng a, ka mut ah wine glass ka keng ran a, ka bula thu an awm pawh chun ka ngaihsak lem lo, ka hmalam ngawt chu ka la thlir a.


"Kan lam ve dawn em niang?" ti a, ka kut rawn vuantu chu ka en vat, ka thawhpui tho Rohan-a a ni, ani hian min duh tih ka hria a, a che zia ah pawh a ti lang fo, mahse ka hrelo lui tlat a, mi fel tak a ni bawk nen kan innel viau bawk, hnial lovin lam tual lam chu kan pan a, "Ka lam thiam vak lo ania" ka tih chuan a nui suk a.


"I chhelo hle mai" a rawn ti a, ka nui seih ringawt, a zei bawk nen lam chu nuam ka ti ta phian a, thil ho te te a sawi a ka lo nui leh hak thin a, nui chunga ka hawi kual vel lai chuan kil khata Alex-a thinrim tih hriat zet in hum ruh tawlh tawlh chu ka va hmu fuh a a ni pawn min melh ve ngur bawk.


Hawisawn vatin Rohan-a chu ka melh leh ta daih a, ka awm a ham tawh hlawl lo, remote hnuah ka thutna ngai bawk ah chuan ka thu a, ka bulah Rohan chu a lo thu ve bawk, Alex-a mit chu ka chungah a fu deuh run a, ka lai huih mai hian ka hria, nuam ka tilo lutuk chu pawnlama chhuah ka rawt ta ngawt a, min lo hnial biklo.


Pawn ah chuan kan thu dun a, mitchhingin van lam ka hawi a, arsi lang pe tuar chu an mawi ngei mai, chutah Rohan-a chuan ka kut a rawn vuan a,. ka lo melh nghal vat, "Puipui ka duh che" a ti a, min guh tih hi chu ka hria a, amhse a sawi lang ngailo, ka en reng ringawt a, chhan mai dan tur ka hrelo ani.


Chutih lai tak chuan Alex-a a rawn lang thut a, Rohan-a min kaih na lai chu a rawn phih deuh sawk a, min pawt tho nghal zat bawk, "Enge I hriat a?" ka ti vin hlar a, kei min en lovin Rohan-a chu a melh ngur a, mak tih hmel zetin Rohan-a pawh chuan kan pahnih chuan min melh tawn zak zak a.


"Ka hmeichhia hi vawikhat pawh lo khawih tawh ngai suh angche, ani hi ka ta chiah a nihhi a bul hnaiah emaw ka hmu leh che. a nihchuan I chan tur chu I rinphak bakin a rapthlak ang" a ti thum chhak a, ka banah chuan kaiin min kalsawn pui nghal dawr dawr a, a car ah chuan min hnawh lut titih a, car kal hual in a ni pawh a rawn thu lut zui ve nghal.


"Engvanga khatianga rawn che kha nge I nih?" ka ti vin hlar a, ka thusawi chu hria ang pawhin a awm lo, chak zetin car chu a khalh a, tihtheih ka neih chuan soh avangin thinrim zeta thuin ka mit ka chhing vang vang a, car a ding deuh dat ah chuan ka meng chhuak riai riai a, in lian tak pakhat hi a lo awm a, I dang hmuh tur a awm lo, Alex-a chu car atang a chhuak a, ka lam pana a rawn kal lai chuan hlauthawng zetin ka lo melh a.


Cont.


Show post links
Top