Lâpui BY Cck Lalchhuanawmi (Completed)

[Ngaia]

Lâpui
Chapter-7
Ziaktu:Cck Lalchhuanawmi

"Lâpuii chanchin sawi ta che, a behbawm ringawt sawi loin, thawnthu hmingah Lâpuii hming kan put tir dawn a, Lâpuii chanchin chauh sawi rawh", ka ti tawn tawn.

Thinrimna bengdai tura ka ngawih ren rawn hnuah, "Kohhran a kawra hmanga a ruka khawvel mi tak an awm nameuh mai. Mahse, inchhungpui nu leh Kohhrana inhmang leh nihna hial chelhin chutiang chuan lo awm pawh nise, a pasal tal chu a zah ka ring",

"Chutiang a ni si lo a nih hi", Pu Sanga pawhin beidawn hmel zetin a ti a. Sawi leh mai tur ka hre lo.

Ka ṭhiannu bawk ka hre chhuak lo thei lo. Ka ṭhiannu aia rapthlak fe fe an lo tam ni pakhat ngat mai a.

Nu changpui leh tawh nghal, Kohhrana inhmang viau si, Kohhran hmuh phak loah erawh, ka suangtuah thui ngam hlawllo.

Pu Sanga enin, hnuai lam a bih ngur, "Min hrethiam la, kha kher kha chu ka ring thei lo a ni e",

"A nih, thildang ho kha?", chhâng loin ka ngawi vung vung, tukverh lam hawiin, "Ka hre lo, hetiang te chu, a taka thleng ngai lo tura ka duh a ni. Phuahchawp atan chauha mawi a ni", tukverh lam ka la hawi reng.

Patling pui ina thudiklo min hrilh ka ring bawk si lo. A thu min hrilh lah, phuahchawp atan chauha mawi niin ka hre tawh si.

Ngaithlain ka la ṭhu reng dawn nge, "A tawk ta e", tia thawhsan mai tur ka ni em tih lah ka hre lo.

Tui lai rapin ka awm ni maiin ka hria, "Ka hrethiam e, hei erawh min hriatsak rawh, phuahchawp ka ni hauh lo, mi tin hian Saltanna a rukin, sawi chhuah ngam loh khawp kan nei ṭheuh a.

Chu kan Saltanna ata chhuah tumin kan bei ṭang ṭang, ka Saltanna kawng inṭan dan leh a tawpin min thlenna ka hrilh mai che a ni.

Ngati nge Chatuan daih hial tura min ziahsak tura ka tih che? A chhan chu, ka inpuang a ni.

Khang i thu hriat tlem tê aṭang pawh khan, Pathian ngaihdamna ka chang theiin i hria em?", tukverh lam hawi tawh loin, Pathianin a ngaidam thei a ni tih ka hrilh duh taka beisei taka min en chu, en rei har ka ti ngei mai.

Ka mit ka la sawn thuai reng a. Pu Sanga pawh a ngawi reng.

A tawpah, "Chhunzawm leh tawh la, ka lo ngaithlain ka lo chhinchhiah ṭan leh tawh ang", Pu Sanga chuan min awih chiah lo hian min en a.

Mahse, a chhunzawm ta tho, "Alex-a pawh chuan a ring thei lo. Chu nu chu dawta puhah min ngai tlat a. Rei fe chu kan inhauh phah nghe nghe.

Lo ngawi mai mai tur ka ni tih ka inhre har lutuk a, a pawi tur ang chu a pawi zo vek tawh.

Alex-a pawhin, "Ka rinna chhetê min tihmihsak vek, thudik a ni tih ka la ring thei hlawllo", a ti vawng vawng.

Chu nu ṭhatna leh a Pathian mi-na chuan a lo hneh kâwi vek tawh nen, a ruka a thiltih ka sawi ta mai chu, kei ai mahin Alex-an a tuar thiam loin mak a ti.

A sawi ang takin, a rinna chhetê chu a mit chiang ngei mai.

Chuta ṭang chuan eng mah pawisak.a nei tawh lo. Insualpui a neih zauh ṭhin avangin lock-up-ah a riak ta zauh reng bawk a.

Tin, hmeichhe lamah pawh a la duhtui viau chungin, sum tam tak lak chhuah tumin a customer te a tlawn ta ṭhin a.

Kar loah, lirthei changkang tak tak bakah, incheina thlengin. A tawpah, khawpui chhung aṭanga hla ve tawk tak, khawpui pawn a ni mah zawk.

Tah chuan ram leiin, in a sa ta a. Chu erawh a chhungten an hre hauh lo. Chutah chuan, hmeichhia, zu leh sa nen an tawm ta ṭhin a.

Kei erawh, min sâwm hlawhtling thei ṭhak lo thung. A luahlum hma deuhin vawihnih ka kal a, ka duhtawk der", Pu Sanga chu ka en a, thil inthup lian tak awm tlatin ka inhria.

"Chutiang a nih chuan, i ṭhianpa chu a thih vat ka ring, a ni em?", ka ti a. Mi pawh en loin, hnual ruihin a meng a.

Min daidangtu dawhkan lai tak chu a en ngur, "Thi vat lo e, ka lo thurualpui duh ngai lo te kha ka tan vanneihna a ni e.

Amah ka rin luatah, thil pawi tak a thleng. Tin, he hmuna ka awmna chhan bulpui ber a ni bawk a, callboy lipuia chhuak thei lo leh, ka Saltanna bu ka khuarna tur min kawhhmuhtu a ni bawk", Pu Sanga chu a thinrim thar thur ni tur a ni.

Mit chhingin thâwk a la ham ham, a hmel aṭangin a thinrim tih tu hai rual a ni lo.

Kei pawhin chhui kirin, Alex tih hming pu a thah avanga jail tâng a nihte chu ka lo chhiar tawh a.

"Alex-a tawpna chu ka hre mai, Lâpuii ve thung le?",

"Lâpuii maw, Van Vohbik ngang hi a ni a, Van lam khian an hauh na em a. Tunah hian, min ngaidam thei ang em le?

Min ngaidam ngai dawn lo pawh nise, ka pawm thlap. A kal tur thlah kha a har asin.

Chelh rual a ni si lo, thlamuang leh hlim takin, rilru hahna reng reng nei loin a awm thei dawn a. Ka kaltir kha a ngai a ni!

Lâpuii kaltir mawlh zawng, a harsaiin, min hmangaih thu asawi laia ka kalsan kha chu aww!

Alex-a chutianga a awm aṭang kum khat a vei hman.

Mahni ṭha tih leh duhna ang angin ka kal ve mawp mawp. Chhungril nun a tlabalin, hlimna chuan min luhchhuah khât thei khawp.

Zawi zawiin chhuah duhna chuan min tuam leh ta a, ka nun chu a hma zawng aiin hlim lo vet vet tak a ni.

Betu ka neih avangin a awmna lam ka pan a, doorbell hmet ri pahin, "Zanin chauh, zawi muangin ka thlah tial tial ang a, ka thlah hlen kumkhua tawh ang", ka ti rilru a.

Mahse, kawngka a lo hawng chiah mai chu, zawi muanga thlahna tura rilru ka lo put a hnawt kiang ṭha ngei mai.

Pasal la nei lo se zawng, nula siniar tiha dem fiam hlawh ṭan tur tih ang a ni a. A hmel pawh upa deuh hlek mah se, a no nalhin sen suah, thianghlim tak a ni a.

A pian lah a dik thlap, a dul pawh thêp mawi tak a ni. Ani pawhin zankhua a beisei a, ka hnial lo chiang lutuk.

Kum khat tehmeuh a pasal aṭanga eng mah a hmuh loh avanga chutia min rawn be ta mai a nih thu te chu a sawi siam siam.

Zankhua a beisei pawh awm ka tihpui ta hliah hliah.

Ka haw ta chu, nu nu chuan min chiah hneh ta tlat a, min lo koh apiangin phur takin ka kal ziah.

Midang ho chu keiman phur taka ka thawhpui loh laiin, ani erawh, a hming chu Linda-i a ni a.

Linda erawh, a dang bik. Keimah zawk ka duhthawh tlat zel. Min man chiang lutuk.

"I taksa mawina leh hmelṭhatnain min zêm thlu a, nang chauh hi phurna min petu leh, loh theih lohna bawhpela, duh vang reng zawka ka mipatna kaithotu i ni", tiin, ka hrilh vei rawk a.

A duh hun hunah min lo ko ta hmiah hmiah mai, sum ka duh zat zat ka sik chhuak thei a.

Mahse, sih(sik) chhuah loh ka ngah zawk.

Linda pawhin min hmel duh ve thlawt, "I lo kal hmasak ber aṭangin ka vei tawh che, nang lo chu tu mah ka vei thei tawh lo. Ka pasal ai thlawtin i zeiin i hmelṭha bawk", a ti a.

Min fakna chuan hremhmunah min tlak nawn awn awn tir.

Linda nen chutia thla thum dawn kan awm hnu, tlai khat ka bazar leh chu, hmeichhe pakhat hian Ngun an lo khai a dap kual dun dun a.

A hmel ka hmu thei chuang lo, rawng senin ka mit a lak em avangin ka va pan hnai.v

Linda kuta ka bun tir paha thu thlum tak ka faha, chumi hnua a nuam thei ang bera kan rik awr awr zawm dan tur ka mitthla neuh neuh.

Chutia Ngun pawh thlaa a zuartunu hnena a man zawh ka tum laiin, ka bula ding hmeichhia, ngun dap kual dun dun chuan ka kun deuh tur chu ka hmai a rawn khawij fuh palh ta hlauh.

Engah tehvak ka ngai chuang lo, Ngun man ka zawt a, ka hmai khawih palhtunu chu ka lam hawia ding ngawi rengin, zawn nei hmel hi a pu a, a kut chu ka hmai a khawih fuha keimah zawk ka thlek sawn ang angin a la awm.

Ngun man pea ka kal tur, ka inher chiah chu, "U Sang?", hawilet loin ka ngawi phawt. "U Sang, nangmah i ni em?", chu âw chu ka hriat ṭhan a ni.

A âw a puitling tawh hlek tih loh chu.

"Lâpui, eng nge ni ta a?",

"U Sanga, hetah a awm, ka khawih, a hmel a la pangngai reng, u Sang?", a âw aṭang a lawm tih a hai theih meuh lo.

Ka inher ta a, min khawih fuh leh tum takin atih fo angin, ka hmai a kutin a zawng leh rak rak.

Muangchangin ka pan a, ka hmai a khawih fuh theih turin ka va inpe.

Chuta le, "U Sang, nangmah i ni, i ni chiang lutuk. I hmaifang awmdan a la dik vek, u Sang, nangmah i ni tiraw?", bazar lun pawh sawi thei loin, a ṭap ta hawm hawm.

Chalsam a la nei reng a, a hmel pawh ka hmuh hnuhnun ber aiin a lo ṭhain, nula puitling tak tak pumrua a pu tawh.

"Lâpui!", lungchim taka ka ko chu, min lo hnaihchilh sauhin, keiin ka lo kuah bet hmak thung.

Ka âwma a hmai phumin, ṭap tawh lo tura inthlem ngai hial khawpin a ṭap ta hawm hawm.

Min en duh hlawm ngang bawk, chu zawng, eng he hu-ah ka ngai lo.

Lâpuii ka kuah ta chu, hremhmunah pawh hmun laili lutuk ka tan dahin a awm tih ka hrechiang ngei mai.

Ka kalbona kawng a thui tawh lutuk, kawng chanve aiin a thui leh tawh zawk a, a tawp ka thleng ṭep tawh tih a ni!

Lâpuii chu hmun reh deuh laiah hruaiin, chutah pawh ka kuah bet tlat, ka kalsawn tir phal hlawllo.

Ani tak pawhin min kuah nghet, "U Sang, ka lawm lutuk, heti hian ka kuah leh thei che a, ka lawm lutuk hi sawi chhuah dan tur pawh ka hre lo",

"Lâpui, kei tak pawh hian ka lawmzia ka sawi thei lo. Nangmah zawng tur chein khawpuiah ka lo kal a, kum tak hnuah chauh ka hmu thei che a, min ngaidam rawh aw",

"U Sang, min zawng turin i lo kal tak tak maw?", ka âwm kawr ṭhamin a ṭap leh hawm hawm.

"Kal e, Lâpui, mahse, tunah chuan thil a danglam zo tawh. Ka hmu har lutuk che a, a tlai zo ta vek a nih hi", ka ti a.

Ka pu damdawi in an lo kalpui hma khan lo hmu ta ila, mahse, a thleng si lo, a thleng tur a thleng vek tawh.

Lâpuii chu ka kuahna aṭanga awm hrangin, insut ri hrawih hrawihin, ka kut vuan chungin, "U Sang, min zawng tura i lo kal ringawt pawh chuan min tilawm lutuk.

I hmelṭhain i hleitling a, hmeichhe zâi ngai mi tak i ni tih ka hria. Kum 27 kan ni tawh a, nupui leh fanau nei tawh tur tak pawh i ni.

Ka lawmpui lutuk che, mahse, khawngaihtakin min hmu ta sa sa, min thlahthlam hauh suh aw, i farnuah min chhiar mai rawh.

He hmuna kan lo thlen tirh aṭang khawlaiah mahnia vakvai tura hnutchhiah ka ni a, ka nu leh pa chin ka hre tawh lo.

Khawpuiah hian an awm ve em tih lah ka hre lo. Khua ka hmu thei bawk si lo, Police ten Home-ah min dah ta a, tun thlengin ka la awm ta reng.

Ṭangkaina ka nei si lo, inthlahrun a na duh lutuk.

Zantin ka ngaihtuah ṭhin che, mahse, min lo zawng tur ang chuan ka ngaihtuah ngam ngai lo thung che.

U Sang, i farnu changchawi tal pawhin min ngaihsak leh rawh aw", ka insum thei ta lo chu ka âwmah ka kuah vawng vawng.v

Van Vohbik, an duhlai ngawih ngawih, khawvel sual tinrenga khatah an lo tir thla a, duat taka enkawla hmangaih tur kan nih laiin.

Theitawpin a thinlung thianghlim tak tihnatsakin, sualna hre lo kan kai tir a. Vakvaiin kan siam a.

A pian chhuah aṭang rengin hrehawm takin a nun a hmang a. Van Vohbik ni si, heti taka a chhuanchham ta mai ka hrethiam lo.

Van Vohbik a nih avangin Van lamte khian lo enkawl zui tur an ni dawn lawmni?


Show post links
Top

[Ngaia]

Lâpui
Chapter-8
Ziaktu:Cck Lalchhuanawmi

Van Vohbik a nih avangin Van lamte khian lo enkawl zui tur an ni dawn lawmni?

Lâpuii bazara hruaitunu hnenah, "Khawngaihtakin zanin chu ka hruai haw thei ang em, naktukah ka lo hruai leh ang tih ka intiam e", ka ti a.

Chunu pawh chuan a lo remti ve mai, Home awmna te min hrilh a. Lâpuii sam hnawk siam ṭha pahin, "Lâpui, min zui ang tiraw?", a bu nghauh nghauh.

"Mahse, i nupui nen inhauh phah miah suh u aw", a ti a. Thinlung thianghlim pu ka hriat chhun a ni tawh.

Bazara Lâpuii hruaitunuin min kalsan dawn chuan, "U Sanga hi a ti deuh reng mai a, i chanchin sawiin tawpintai a nei thei lo. In inhmu leh tawh bawk a, hlim deuhin in inkawm dawn nia", a ti a.

Lawmthu hrilhin, ka in lamah Lâpuii ka hruai haw. Taxi chhunga kan awm laiin, "U Sang, naupang lawm tur leisak ang",

"Lâpui, chutiang a ngai lo",

"Leisak ka duh alawm, pawisa pawh ka nei, mawh, u Sang, lei ang aw", kan inhmuh aṭangin ka kut a la vuan char char.

"In bul retah dawr a awm a, chutah chuan kan lei dawn nia", ka ti a. A bu zeuh.

Nui hmel a pu reng a, ka en ning thei lo, ka en kham thei thlawtlo. Angel hmel ang tur zawng ta ila, Lâpuii kan thlan ngei ka ring.

Ring chauh ni loin, kan thlang ngei ngei dawn!

Dawrah nepnawi kan lei ta a, a pawisa kawl a hmang zo ang tih ka lo hlauhpui lutuk a.

A lungdamna tur a lei zawhin a khai va va a, khai chhawk pawh a duh lo.

In hawn tuma chabi ka lakchhuah laiin ka kut a vawn(vuan) a thlah ta! Ka ruak nghal rawih rawih.

"Lâpui?", a kut ka va vuan, "U Sang, in chhunga kan luh aṭangin kuah che chu sawi loh, i kut takngial pawh ka vuan thei tawh dawn si lo.

Keimah zawk hian lo zawng zawk che ila a ṭha tur. A nih loh pawhin, keimah zawk lo let leh ila. Tunah, nang pawhin a tlai zo tawh i ti si a, in chhunga luh hmain reilotê ka kuah thei che ang em?", ka hmaah ka kuai her.

Inhmachhawn ranin kan ding a, a bek tawna dawmin, ṭap lo tura a ṭang hmel chu hmuhnawm ka ti tlat pek.

Kan hnar a insi ṭep, "Lâpui, kawngkhar bulah kan ding a, eng thawm nge hriat i neih?",

"Kan pahniha ṭawng ri leh, lirthei tlan ri leh, naupang ṭawng ri te", a mitmengah erawh, naupang ṭawng ri a hriat chu ka fate ni lo tura a duhzia a de chuai chuai.

Lâpuii vek chuan ka kâwnga min pawmin min hnaih sauh, "U Sang, reilotê chauh aw", ka âwmah a bei nghal.

"Ka ngai thei lutuk che", keipawhin ka kuah vawng vawng.

"Lâpui, in chhungah lut tawh ang hmiang, pawna awm reng chu a tihchi loh",

"In chhunga luh ka huphurh ṭum ber a ni hial ang", ka nui deuh tet tet. Thinglung thianghlim tak hi chu aww.

Nupui ka nei tura a ngai tlat chu, khawi aṭanga a ngaihtuah chhuah nge ni ang aw!

"Lâpui, tirawh, lut phawt ang, ṭap bang tawh rawh le", ka ti a. A sam bakah, a hmaite chu a tuai heuh heuh.

In chhungah ka luhpui ta a, thawm engmah a hre lo chu, mak a ti deuh nge, "Chibai u", a ti chhuak a.

Nui chhuak ngam si loin, ka nui sun sun. "U Sang?", min zawng a. A kut ka va chelh.

"Min hruai hawna hmun hi a dik maw?",

"Lâpui, nupui nei tura min ngai tlat hi ka hre thiam lo", a hmel chu a inthlak hlawk. A hma zawng aiin a hlimim ka hria.

A mittui a sur leh nghal zung zung, "Lâpui, i ṭha em? Lo kal teh", ṭhutthlengah ka ṭhutthlakpui thuai.

"Lâpui, na i nei em ni?",

"Nei lo", a ti a. A mittui a hrufai leh thuak thuak. Ka kut chu a hmer na ngei mai. Mahsela, hmer tliak dawn pawh nise, ka phal vek.

"A tlai zo tawh i ti si a, nupui leh fate i nei tawh tih i sawina angah ka ngai a",

"Ka fiam che a nih kha", ka kut a hmer er vak. "Ka kut a bung dawn", ka rak deuh ṭhat.

Lungawilo tak hian, "Infiamna chi pawh a ni hleinem, kawng tluana ka rilru hahzia te kha i hre thiam lo ang. Nupui i nei ta emaw ka ti alawm", ka nuih rah rah.

"U Sang, a nih, bialnu te i nei em?", ka kut a hmer leh vawng vawng. Fiamthua chhân chi a ni hauh lo.

Fiamthu pawha ka chhâng a nih vaihin, nupui ka nei anga a ngaih avanga a buai tawh nak laiin, a buai thui zual palh ang.

"Nei lo e, nitin hnathawh tur zawng reng te chu, melh pawh min melh peih lo", ka ti a. Nui ar arin ka hmai a dap kual dun dun.

Ka hmui khawihin, a kut pakhata a hmui khawih bawkin ka inring hman lo, ka hmui a rawn bawhthuah!

A awm hrang leh thuai, a zak chu a sen ṭawn ṭawn. Lehlam a hawi ta daih, ka lamah ka kuai a, nui sen senin hnuai lam a bih.

A khabea dawma kuai dakin, "Lâpui?", a mit a chhing si a, "Meng rawh", ka ti a. Nui varin a lu a thing nawk nawk.

"Ka zak alawm", a ti a. A biangti ka sehsak vak, "A na lutuk", ka awm hrang thuai.

A biang ka sehna tuai vât vâtin, "A na lutuk, i tiawmlo thei em mai",

"I meng duh lo a nih kha", ka ti a. "Ka zak ka tih kha", min beng chawrh. "I rilṭam tawh ang, ei rel ṭan ang aw", ka ti a.

Ka bulah dingin, ka kawr tlâng a chelh, "U Sang, ka rilṭam tawh, engtikah nge chaw kan ei dawn?", naupangchhia takin ka kawr tlâng a chelh chu a tiche dat dat.

"Kan ei thei ṭep, min tihbuai reng erawh chuan, kan ei har ngawt ang", ka ti a. A lei chhuah tutin a nui ar ar.

Chaw ei hmain ka inbualsan leh phawt. Chumi hnuah chaw kan ei ta a.

A chaw ei pawh, a kut pakhata a hmui khawih a ngaih avangin, a bulah ṭhuin fianin ka barh a.

"Chaw i ei ve em?",

"Ei e a, fian khat lek i ṭhial chhungin bar nga vel ka bar hman", ka ti chu, a duh lo nasa mai.

Hmun ilo hnawk leh thleng ka sil chhung zawng pawhin ka kawr tlâng chelhin, min dinchilh reng.

Ṭhutthlengah kan ṭhu fel thei ta hrâm, "Reilotê ṭhu chawl ila, chuan ka thlah dawn che nia", a hnual nghal rawih rawih.

"Pawi lo mai", hreh tak hian a ti a. Thlah haw a duh lo tih chu kan pahnihin kan hre chiang ber.

"Lâpui, khawpuia in kal chhan leh tun kan inhmuh hma, nimin hun thlengin min hrilh rawh", ka ti a.

A mittui luang tuai sakin, "Vawiin chu ka ṭap reng dawn a nih hi a", a ti a. "Ṭah hi a pawi reng reng lo, min hrilh tawh rawh, ka lo ngaithla ang", ka kut hmerin a mit a chhing vang vang.

Rawn meng chhuakin, "Khatia, lo aṭanga kan haw, kan ina min thlaha i haw hnu lawk khan ka nu leh pain khawpuia kan kal tur thu an sawi a.

An rui lungpuamin an sawi mai maiah ka ngaihsak a. Mahse, chaw te kan ei khamah bungbel bakah, kan thawmhnaw te khunga an buai laih laih takah leh, kan in kawta motor ding thawm ka hre zui zat nen.

Khawpuiah zanah kan kal dawn tih chu ka hre ta thuai. Ka nu leh pa kha ka hnial nasa. A chhan chu maw, u Sang, i bula ka awm duh vang a nia.

Ih, nang chuan i hre miah lo ang, i bula awm kha nuam ka ti thei lutuk.

Min ning tih pawh ka hria, mahse, ka ngainat em che avangin ka zui lui ṭhin che a. Ka ngaina tak tak che",

"Chuvang em ni min hnial duh loh, thlamah khan?", ka kut hmerin a mit a chhing leh vang vang.

"Min ngaichhe dawn tih pawh ka hria, i bula awm kha ka duhber a ni a. Chumi atan eng pawh ka inhuam.

Thlama kan awmdan ka chhuikir ziah, min ngaina ve lo pawh ni la, i tan ṭangkaina aiin buaina thlensaktu che ka ni zawk nen.

Khatianga i hlimna ka thlen dawn a, chumi avanga i bula ka awm i phal tluka duh ka nei lo",

"Lâpui, tuin nge ka ning chea, ka tan ṭangkaina aia buaina min thlentu i ni tih sawi. Kei pawhin ka ngaina lutuk che",

"Tak tak maw?", mittui tla zawih zawihin min en. "Tak tak e, a ruka min ngainat tluk zetin kei pawhin ka ngaina che.

Thlamah erawh kha chuan, insumtheihna ka tlachham takzet a ni.

Nang lah, ka hmaah ruak vekin i awm a, mipa ka ni bawk nen. Intitlangval tir, thisen lum ṭan tir ka ni bawk nen.

Ka insum thei ta ngang lo a nih kha, nangin min hnial chuang lo nen, kha kha chu Lâpui, khawngaihtakin min ngaidam rawh aw, ka thlen nawntir tawh lo ang", a biang dawmin ka ti a.

Lâpuii ṭap chu ka han thlem bang leh rih, ṭawng chhuak theia a ṭah ban hnuah, "Ngaihdam dil a ngai lo, min ngainat thu i sawi a, a der pawh nise ka lawm lutuk",

"Lâpui, a der a ni lo. Ka ngaina tak tak che. Chuan, khawngaihtakin min ngaidam rawh aw", a bu nghauh nghauh. Hnara hlit phawi huai ang niin ka inhria.

Lâpuii chuan, "Ngaihdam min dil si a, ka ngaidam a che. Ngaihdam min dil lo pawh ni la, ka ngaidam tho che. Ngaihdamna tur eng mah tih i nei lo.

Keimah zawkin ka sâwm che a nih kha", a ti a. Ka nui hak.

"Tunah pawh, khatih laia ka rilru put kha a la danglam miah lo asin. I tan chuan eng pawh ka inhuam.

Ka sawi kha, i tan chuan ui ka nei lo. Ka thinlung leh taksa chen hian i ta vek a ni a. Thlama phal taka ka inpekna rilru kha, tun thleng pawhin a la pangngai reng.

Vawikhat tê pawh a la nghing chhin eih lo, ka taksa aiin ka thinlung ka pe hmasa che a, chumi hnuah ka taksa.

Min ngaihdan tur chhui miah loin i lakah ka inpumpek a. U Sang, khawpuiah kal lo ta ila, min hmusitin min thlauhthla ngei ngei ang tiraw?", beisei nei takin min en a.

A biang ka sehnaa fawp zeuhin, "Ka hmusitin ka thlauhthla lo ang che, i hre nange, a thiamlo zawk leh, bul ṭan hmasatu ka nih kha?

Nang mah zawk hian asin, min hmusit ang tih ka hlauh", ka ti a.

Lâpuii chu a nuih a za ngang mai. Ṭap tawh loa kan nui zawk chuan min tihlim.

Eng ka hria nimaw, ka tan a la inphal reng em tih fiah ka châk ta tlat. Ka lamah pawt hnaiin, a kâwngah ka pawm chawt.

A hnutebu ṭha zet, kawh lahin ka âwm a do run. Kuai dak deuhin ka fawp ta a. A sawi angin ka tan a lo la inphal ṭha ngang mai.

Kei lah, tawp mai tum loin a hnute khawih theih turin ka taksa ka siam rem sauh sauh.

Phone lo ri ral ralah tawp chawtin, ka lo kalthui hmanzia chu(h). Chu kan ṭhutna ṭhutthlengah bawh bet fel derin, a underwear phelhsak ka lo tum mek chu niin.

Phone riin min chhan ta hlauh a ni. Min lo betu tur phone hmaia hming chuang ka hmuh erawhin chhân ka tum lo.

"U Sang, i chhâng dawn lo em ni?",

"Vainuin, "Balance a awm tawh lo, chaw pe rawh", min lo ti dawn a. Chhâng lo mai ang", ka ti a.

Min nuih chho vur vur, thawh tirin, "Naktuk hnathawk tura ka chhuah rualin ka thlah mai dawn che nia", ka ti chu, a au hluai.

A kâ ka hup rang lutuk, "Khatin an au ngai lo", ka ti a. A bu nghauh nghauh. Ka kut lasawnin, phone chu silent-ah ka dah a.

Khum lamah ka pawm phei, nghatin, "Tihian i mu tawp dawn nge, kawr i ha ṭha leh dawn?", sen vit vet tê hian, "I tshirt min hak tir phal chuan", a ti a.

Ka tshirt neih zingah lian ber la chhuakin ka hak tir. A underwear hak a khuh chang chang.

"I kut min khamtir rawh", ka kut ka khamtir a. Nui sângin min lo en chho ha. A sam zût hliau hliauin nui sângin ka en chhuk ve bawk.

Ngawi rengin kan awm naa, kan hlim tih hai rual a ni lo. Lâpuiin min hmu thei lo mah se, ka hmelah ka hlimna a lang chhuak vein ka hria.

Lâpuii hmel hlim chu a êng phêt phêt hian ka hre mai, "Lâpui, muhil tawh la",

"Ka thlir tlaivar ṭhak dawn che", ka piai hlak. "Ka hmelṭha tih ka hria alawm", a ti duh chauh lek. Ka piai zui ta lem lo.

Chu zan zet chu, a taksa chul kual riak riaka, a hnutein min ngawk leh zauh ṭhinte, ka kut lahin chul kual tur leh zût heuh heuh tur a chham loh teh lul nen.

Ka mipatna a tho miah lo. Rilru a harh thlawt lo. Kum khat chuang nasa taka nuam chen leh, min dawrtute inphelh ruah nghal phat aṭanga thisen lum ṭan tawh kha ka ni a.

Chu zan erawh, a danglam. Danglam tak a ni.

Lâpuii meng kuau chu thlek ṭhinin, "Ka kalthui hle tawh na chu, nang mah avangin beiseina thar ka neih leh phah ta", ka ti rilru a.

A hnuah zawng, a muhil ve thei ta hrâm. Duh taka kuah chungin kei pawh ka muhil ve ta a",

"Tu nge lo call tu che chu, i la hre thei em?", ka lo zawt hmanhmawh. "Linda-i mawle?",

"Ngati nge a lo call che?", ka sawi zawh rualin Linda-n Pu Sanga a call chhan inzawh buai ngai loin a lang vek.

Ka zawhna chu âtthlak tak a ni, âtthlak tak!

"Min lo call chhan maw, a pasal nen zin chhuah an tum a, chumi inthlah nana keimah nena zan hman dun a duh a", Pu Sanga chuan a ti a.

Lâpuii nena an hun hman a sawi chu, amah ngei pawh chutah chuan a la chêng.

Khawpuia a kal chhan ber, Lâpuii nen intawng tawhin, an pahnih chauhin han hlim kumkhua thei se aw!


Show post links
Top

[Ngaia]

Lâpui
Chapter-9
Ziaktu:Cck Lalchhuanawmi

Khawpuia a kal chhan ber, Lâpuii nen intawng tawhin, an pahnih chauhin han hlim kumkhua thei se aw!

"Ka kâwngah min kuah bet tlat, nui sângin min en chho a, hnathawk turin ka tlai mai dawn.

"Lâpui, kal a hun",

"Khawiah mah ka kal duh lo, i bulah ka awm duh", a hmel nui sâng chu a dur leh vek.

A hnar piai zeuhin, "Ka bulah i awm reng dawn alawm, hnathawh ka ngai sia, ka tlai palh ang", min thlah ta nge nge.

Ka kut erawh, a thlah phal mawlh lo. Kei ai mahin kan inhmu leh kha a lawm zawkin ka hria.

A awmna Home thlengin, ka rin lawk ang chiah a nih avangin mak ka ti lem lo. Lâpuii ang erawh an awm lo thung.

Lâpuii chauh chu khaw hmu thei lo awm chhun a ni. Ka hlauthawng ta deuh a, remchangah lain Lâpuii chu an lo tibuai ṭhin ang tih ka hlau.

Kan tet laia a chunga zurui ho tih ang kha, an ti leh ang tih ka hlau.

"Lâpui, ka kal tawh ang, tlaiah ka lo tlawh haw ang che", a hmel a dur khup. A hnar piai leh zeuhin, "Ka lo kal leh dawn alawm", a ner nûng a.

Ka kuah ta ngawt, "A nih aw", ka chhuahsan ta a. Chuti lo chu, ka kalsan thei lo palh ang.

Alex-a nen kan hnathawhna a inang tawh lo a. Kan hnathawhna hmasa kan zawh tawh avangin, hmun dangah ve ve kan thawk tawh.

Lâpuii ka tlawh haw a, min zui haw a duh tih ka hriatna chuan min tilungngai. Hre lo angin ka awm hmak thung.

"Chaw ei ve nghal mai ta che", Nu Puiin a ti a. Ka hnial thung. Lâpuii pawhin ei ve turin min ti naa, ka hnial ta tho.

Pawn thleng min thlah a, "Chaw ei ve mai la",

"Nidangah zawk le", min kuah bet tlat a, ka kal ṭha hleithei lo.

Kan inthlah thei hrâm, mittui tla purin min thlah a, ka ngaih a tiṭha lo zawk.

"Lâpui, ka lo kal fo dawn alawm, tui deuhin lo mu rawh aw", a mittui ka hrufai a.

Lâpuii awm ta lo chu, ka ruak ngawih ngawih. Ahma aiin ka nun a ruak.

Khingbai taka ka awm, Lâpuiin min hnawhkhahsak niin ka hria.

A chungah thil ṭha lo tak ti lo hrâm sela. Chumi avangin ka tlaivar phah.

Zing hma takah ka kal reng bawk a, pawnah a lo ṭhu, "Lâpui?",

"U Sang?", ka kuah a. Ka kim leh chiah, ka ruak lo a, ka khingbai tawh hek lo.

"La mut tur che alawm, a la hma em hi",

"Nang pawh, la mut tur che alawm", a ti a. A ṭhutna bulah ṭhutpuiin, mi kawng kal kan chhiar tlauh tlauh.

Lâpuiin ngawi renga ka dara a biang sia min en chho chuan, ṭha takin min awmtir thei lo.

An hotunu, Nu Puii hnenah hawpui leh lawk ka duh thu leh, a tuka hruai leh turin ka dil a.

Ka dil nasat em avangin min phalsak ta a. Lâpuii chu bazarah te hruaiin, a duh apiang sawi turin ka ti a.

A duh chu eng pawh nise, leisak inhuam renga ka awm thu ka hrilh pawhin, a duh pakhat mah a sawi duh lo.

"Lâpui, inthlahrung miah loin i duh apiang sawi rawh, ka leisak dawn che alawm", a nui ringawt.

Zing lam tih takah, mi veivak an la ṭhahnem lutuk lo a. Dawr pawh an la hawng mang lo.

Dawr an hawn loh vang pawh a ni mai thei a ni. Ka hawpui ta a. Chhun lama lênpui ka tum leh tho.

Ka bulah awm leh rengin, a ngawi reng mai si a. Ngaih han tiṭha dawn lo ila, a nui reng bawk si.

"Bai hi a tui leh tui loh lo tem la", phur takin a ding a. Chhem dai hmasa phawtin ka tem tir a.

A hmel hlim sar chu a dur leh khup, "A tui lo em ni?",

"Ni lo e, a tui lutuk, ei rawng bawl ve te hi ka châk. A nuam awm bik e",

"Tlaiah i bawl dawn nia, tukin chu keimah hian ka bawl phawt ang a", ka ti a. A hmel dur pawh a kiang leh sawt sawt.

Hnathawhna lamah ka kal theih loh thu hrilhin, Linda-i message, an zin thu min lo hrilhna paih boin, silent-ah ka dah leh daih.

Missed call a intlar thla pût, tu mah chhân ka peih lo. Lâpuii a awm tawh a, thildanga intihbuai ka tum tawh lo bur.

Linda tana ka lei Ngun phawrh chhuakin, Lâpuii zawk ka buntir a. A hlim ṭe chul chu, tun thleng hian ka la hria.

Ka ngaithla kham thei lo", Pu Sanga chu mit chhingin a han nui deuh sun sun a.

Lâpuii Ngun a buntir lai a mutthla tih ka hre mai.

"Lêng turin ka chhuahpui leh ta a. Insi chetin kan kal. Min en hrek hrek lah bo lo.

Chu erawh, ngaihmawhawm a ni lo. Lâpuii a hlim a, chu chu a tawk.

Thingpui dawrah chawlhpuiin, Lâpuii chu en duh hlawm tak an ni. Rum tak hian ka melh hlawm a.

Ka melh lai chuan an mit an la sawn, nimahse, an lo en leh ṭhin. A kut lehlama a hmui khawihin, lehlamin a thil ei tur a keng a.

Keiman ei tir ka tum lahin a duh bawk si lo. Lassi No a ban chu ka dah hnaisak a. "Ei leh ang, a tui ka ti e", ka chah nawnsak a.

A va han hmuhnawm tak, a sam a ṭawn sang vah a, a mitmeng a fiahin a fîm kâk a. A hmelṭha hluah hluah. En nin a har.

Chumi vang lekin, mi pawhin an en duh em em.

Chawhmehte leiin kan haw ta a, tei kual reng a peih tlat lo. A hriat lohin thawmhnaw ka leisak a.

In thlen hnuah chauh ka hrilh, a lungawi dawn lo emaw ka ti a, mahse, "Thawmhnaw thar nen ei rawng ka han bawl ang e aw", a ti a.

A inthlak thuai thuai. Ka kap karah ṭhuttirin, Alu ka velpui a, a tana siam awl ber tur a nih avangin.

A kut vawn hnanin, ka velpui a. A tawpah phei chuan ka thawhsan ta daih.

"Ka thiam chak i ti em?",

"Ti lutuk, kan pahnih chauha ei tur a ni dawn a, vel tam vak a ngai lo ang. I vel chhungin chawhmeh dang ka lo siam ang e, chaw pawh ka la chhum lo", min lo hnial leh vat.

Amahin a tih duh thu a sawi tlat a, ka hnial hneh lo. Ka tlawm ta nge nge.

Ka ṭanpui ta zawk a, a changin chemte vawnpuiin, bawlhlo te thlak puiin, naupang an kut vawn hnana kan tihpui ang chiah hian a ni mai.

Kan zo a, keimah zawk ka thawl hawk. Lâpuii lah a khi vur vur.

Chaw kan ei a, barh chu a duh bik tawh lo. Amahin a ei a, "Ka ei rawngbawl chu eng nge a an?",

"I bawlsa hlir ei a chakawm mang e", ka ti a. A lawm em em. Thleng sil a chuh leh tlat a, kan insilpui leh.

Hmun hnawk lah kan tifel dun a, ka phal loh chuan min nuarkhum vak loh leh, min hnial char char.

"Ka chau tawp", min nghêng ar ar a, min lo en chho vah. A chalah ka fawp zauh. Keiin bang ngheng thungin ka kap karah a ṭhu a.

A kâwngah ka pawm chawt, "Mu tawh ila?",

"Ka duh lo, hetian awm rih ang", ka hnial duh ta lo.

"U Sang, i lungleng ve ṭhin em?",

"Lungleng ve ṭhin e, kan tet lai ka ngai", ka ti a. "Kei pawh", a lo ti ve vat.

"Ih maw, min paw(pua) chunga min lênkualpui ṭhin lai ka ngai ber, Anṭam Par laia a hmuna min kalpui lai kha i la hria em? Khata kal leh kha ka châk ber", ka pawm ṭha a, a kâwngah nghet takin ka kuah.

"Chuan maw, luia kan kal te, rama kan kal te, kan infiam lai te, kan tet lai hun kha chu ka ngai vek. A chhan pawh maw", a chawl dat a, a insut faih.

Ka lama kuai herin ka fawp a, "Ka nu leh pa te nen kan awm ho a, tunah khawiah nge an awm ang le? Khawlaiah min hnutchhiah ringawt a", ka lainat lutuk chu ka pawm vawng vawng.

"U Sang, ka nu leh pain min ngaihsak lo mah se, chhungten min ngaihsak tur an ni ve asin. Mitdel ka nih avang hian an tan hna ka thawk thei dawn si lo a, chuvang chuan a ni tiraw, tu mahin min ngaihsak loh?",

"Ni lo e, chutiang a ni lo. Nang chu, Van Vohbik i ni a, keini aia thianghlim i ni a. Kan tan chuan, i thianghlim mah mah a ni", Lâpuii chu a ṭap chhuak ta.

Ka pawm ṭha leh sauh sauh, "Chuti a nih chuan, thianghlim ka duh lo, thianghlim ka duh lo", tal chhuah a tum chu ka pawm bet tlat.

"Lâpui, Lâpui, min ngaithla teh",

"Ka duh lo, min kalsan dawn ai chuan thianghlim ka duh lo, Van Vohbik nih pawh ka duh lo", min nam ṭang ṭang a.

A dinhmun ka hriatthiam avangin ṭawngkam vin hman ka tum lo.

Pawm bet chungin ka fawp a, tal chhuah tum mah se, ka thlah duh lo. A chet tawh lo takah ka thlah a, mahsela, ka la pawm bet reng tho.

"U Sang, nang mah hi Van Vohbik ni zawk tur i ni. Ka tan i awm reng a, hnawksak mai ka nih tehreng nen. Min kalsan duh pawh ni la, ka hnial miah lo ang che.

Nupui i neih duh pawhin ka pawm thlap. Kei chu maw", ka hmai tawkin a dawm a, "Kei chu maw, ka lo awm reng ang. I duh hunah lo kal la, i mamawh apiang ka lo tihsak zel ang che. I mamawh phuhrukna chauh ka nih dawn pawhin, chu ringawt pawh a ṭha lutuk", ka hmui khawihin min fawp a.

Min hmangaih a ni, sawi chhuak lo mah se, min hmangaih a ni. Ka hmangaih aia nasain min hmangaih!

"Lâpui, eng thu nge maw i sawi le?",

"A chhan chu, ka hlau alawm, min kalsan ve ang tih ka hlau a ni. Ṭangkaina tak tak ka nei si lo. Kan chaw ei lah, min pui chung pawha ka thiam lohzia kha.

Kei aia hmelṭha leh nalh tak tak an awm ṭeuh a, an zei zawk bawk a. Kei chuan, phurna pawh ka pe thei lo che", a sawi zawh rualin ka thing nawk.

"Lâpui, eng thu nge maw i sawi le?",

"A ni lawm, khua hmu thei lo mah ila, hriatna ṭha tak ka nei asin. I kut ka chelh ringawt pawhin ka hre thei. Kum sawmparuk ang reng ka ni thei si lo a, ka kum a tam poh leh ka mawina pawh a chuai zel a, kum 30 ka ni ṭep tawh lehnghal.

Kei hian ka hip tawh lo che, mahse maw, mamawh phuhrukna atan chuan ka tlak lutuk tho a nia aw", Lâpuii ka en a.

Kei hi ka thiamlo let der a ni, "Lâpui, hmangaihna hi nawmchenna ringawt a ni hleinem?", a ṭap chu a bang vat.

Zawhna hlirin a khat, "Lâpui, kum sawmparuk angin tu mah kan awm reng thei lo. Kha hun kha kan ât lai ber a ni ang.

Tunah chuan, taksa a puitlin lehzual bakah, rilru a puitling tawh a. Nawmchenna hi hmangaihna lantirna ringawt a ni lo tih ka hre tawh a.

I hria em, vawiin nilenga nawmchenna pakhat mah awm loa kan awm ang kha a ni, hmangaihna chu, a ni em?",

"Min hmangaih maw?",

"Hmangaih e, nang mah vangin khawpuiah ka lo kal a, ka hmu tawh che a, ka kaltir leh tawh miah lo ang che", min kuah a.

"Lâpui, hmangaihna hi nawmchenna ringawt a ni lo asin. Insit reng rengin awm tawh ngai suh. Ka tan i ṭha ber a, i ṭha ber reng zel ang, ka hmangaih tlat si che a", ka ti a.

Thlamuang leh lungdam taka muhil Lâpuii chuan, keimahah beiseina thar min siam a.

Ka kir leh tawh tur a ni lo a, Lâpuii ka kaltir tawh lo ang.

Lâpuii vanga khawpuia kal ka ni a, ka lo kal pêng tawh naa, ka kir leh thei a ni. Lâpuii chauh ka ngaihtuah tawh ang a, ka bulah ka awm tir tlat bawk ang.

Dim têa thoin ka phone aṭangin Chhani number ka la chhuak a. Phone chu ṭhiat darhin sim card nen bawlhhlawh bawmah ka paih.

Phone nei lo pawh ni ila, ka lawm.

"U Sang, u Sang?", pindanah ka lut vat. Lâpuii chuan khum a lo dap ruai, "Lâpui, eng nge ni ta?", a banah ka chelh a.

"I kalbo emaw ka ti alawm",

"Kalbo lo e a, muhil leh rawh, zanlai chauh a la ni", ka muttir leh a. Kei pawh ka mu thla thuai.

Nu Puii hnenah Lâpuii hruai chhuah ka duh thu ka sawi a. Chu erawh, a lo phal lo nasa lutuk, "Kei hian chutianga phalna pe tur chein thuneihna ka nei lo.

Kan pi ber hnena i dil a ngai zawk, helaia awma anmahni enkawl tura tih mai ka ni. Ka hruai haw tir ṭhin che tih te hi hre ta se, min ban a nih loh pawhin min hrem ngei ngei ang", Nu Puii chu a hlau deuhin ka hria.

"Nupuia neih ka duh a, chuti chung pawhin a rem lo em ni?", ka ti leh ngat.

"En teh, helai aṭanga tu pawh hruai chhuah i duh chuan kan pi i biak a ngai.

A nih loh chuan ruk a ni mai. Mahse, ru pawh ni la, Police a zawn tir che ang a, a man tir ang che u", Nu Puii chu an vo a nih ka ring.

"I hlau a nimaw?",

"Hlau e, nu rapthlak tak a ni, rapthlak tak", Nu Puii chu ka hriatthiampui.

"A nih, biak theihna tur ka duh, min hrilh ngam ang em?",

"Nang hi, i tum tak tak reuh em ni?",

"Tum tak tak e, biak ka duh, a lo phal lo a nih chuan, ka ru tawh anga a ni mai", Nu Puii chuan min beng hlak.

Fimkhur tur ka nihzia min hrilh nghek, "Amah biak theihna tur min pe la a ni mai, ka hlau hleinem, mipa ka nih hi", Nu Puii chu beidawng tak hian lehkha têah eng emawni hi a ziak a.

Min lo pe ka han en chiang chu, Nu Puii chu awihlo zet hian ka en. Linda-i Address a ni tlat!",

"Linda-i chu, ih, i englo kha maw?", Pu Sanga chu ka zawt thuai.

"Nu Puii hnenah, "A dik tak tak maw?", ka ti thlawt. Ka ring lo lutuk.

Linda-i bakah, midang ho nena inhmuh leh ka duh tawh lo.

Ka kal hmain Lâpuii ka hmu leh phawt a, "Chhun lamah hetah i lo awm ṭhin ang a, tlaiah lo hruai leh chein, hna ka thawh hlanah hetah i lo awm ṭhin dawn nia", ka ti a.

Thuawih taka min enin, "I bulah ka awm char char dawn tihna maw?", a ti a.

"Dawn e, hetah chuan chhunah chauh i awm tawh ang. Ka pa hnenah kan inneih vat theih nan ka lo dil ang a.

A phal loh leh, hmun hla takah kan tlanbo daih dawn nia, min tlanbopui duh ang em?", a nui sèih.

Bu nghat pahin, "I kalna apiangah ka zui zel ang che", a khabe dawm kangin, ka fawp vawng vawng.

Ka hmangaih aia nasain min hmangaih a, min hmangaih aia nasain kei pawhin ka hmangaih.


Show post links
Top

[Ngaia]

Lâpui
Chapter-10
Ziaktu:Cck Lalchhuanawmi

Ka hmangaih aia nasain min hmangaih a, min hmangaih aia nasain kei pawhin ka hmangaih.

Linda hmuh leh ka duh tawh lo a, chu loah, kha hna kha thawh leh ka duh tawh lo, kir tawh lo turin ka let tawh a.

Kir thei ka ni tawh lo!

Lâpuii hruai chhuah ka duh erawh chuan, Linda-i ka hmuh ngei a ngai dawn. Ka hmu a nih zawngin, ka kir leh ang tih ka hlau.

Lâpuii nen ka inhmelhriattir thei lo a, Lâpuii hmangin min tân tir ang tih ka hlau.

Chungte chuan ka thauah min man a, ka ru chhuak tawp mai dawn em ni le?

Tlaiah Lâpuii ka hruai haw leh a, "A lo kal ngai lo", nu Puiin a tih avanga hruai haw thei ka ni a.

An kim leh kim loh erawh phone kaltlanga a zawh thu a sawi a. Linda-i chu hrechiang thawkhat vein ka inhre bawk.

Pawisa a hmuhna tur a nih phawt chuan, tih hreh a nei dawn lo. Nawmchen a duh avanga kei min lo bia a ni reng bawk.

Va haw tawh ta che, naktuk lamah kan zawm dawn nia", Pu Sanga chu a tho hmasa a.

Ka hnial duh ta lo, kei pawh ka haw a. Naktuk bak hun ka nei tawhin ka ring lo. Naktuk chauh hi Msan ka awm a phal tawh ang.

"Bible min lo ban", ka pe a. A bulah min ṭhuttir. Ka hrilh ve mai dawn em ni le?

"Lawmthu sawiin Ṭawngṭai ang hmiang",

"Tehreng mai", ka ti a. "Lalpa, mal sawmna tinrenga min vurin, tun thlengin dam takin min awm tir a, min tidam leh dawn tih kan rin avangin, i hnenah lawmthu kan sawi e. Ropuina chang la, nang chauh chu Chatuanin Chawimawiin awm ang che. Amen", ka hawisawn nghal.

Ka mittui ka hru a, rinhlelhna ka lo nei te kha, âtthlak lutuk.

Msa hi chu, a danglam bik.

"Naktukah hian haw la ka ti deuh a, i tan helaia awm reng a mawi si lo. Dama awm chuan ka chhuak thei ṭep tawh tho a",

"Eng lo, naktuk chu ka la awm thei ang em? Naktuk chauh a ni mai, a chhan chu..", Pu Sanga nen kan inhmuh ṭhin thu sawi ka tum a, ka thei der lo nia!

Kan ngawih dun reng hnuah, "Ni rawh se, Kachhuan, i awm hi ka duh lutuk. Miten kan awmdan an lo hre kil kel tawh si lo, mipa leh hmeichhe mualphona hi a inang lo em a, tunah pawh, kei aiin sawi sep i kai tawh mai thei a ni. Chumi avanga haw tura ka tih che",

"Ka hria alawm, naktuk chauh a ni mai", ka ti a. A kut ka hmer ngawt ngawt.

Nupaah lo insiam hman ila, mualpho leh sawisep kan ni lo mai tur!

Bawkkhupin a mu leh a, a bul retah ka mu. Muhil loin kan inen kar. A changin ka mit ka la sawn leh ṭhin a.

Rei loah Msa ka en leh nge nge zel. A mitmeng lainatawm tak aṭanga inlak hran chu, har duh tak a ni.

Kan muhil chuang lo a, ngawih reng aiah tiin, "Ms, thil pakhat ka zawt thei che ang em?",

"Min zawt la",

"Khawpuia i awmna a rei ve angreng a, kan khaw lam nen a inang em?", a ngawi deuh vung vung a.

A hnuah, "Inang lo tak a ni. Ṭulna vang ni lo se chu, kan khuaa awm reng ka duh zawk.

Khawpuiah chuan lungawina tak tak a awm lo a. Mahni ṭanghma chauh hai vek an ni.

Midang tana Mal sawmna tih a awm lo, kan hlawkna tur a nih phawt chuan, midang tihchhiat pawisa lo te kan ni.

Pathianin min hmu reng tih hre lo ang maiin, kan duhna hmun hmunah kan kalin, kan eiin kan in a. A rapthlak takzet a ni", Pu Sanga sawi kha a dikna chen a awm a ni.

Msan a sawi zel a, "Ka hrilh duh lo che a nih kha, hnathawk turin ka kal a, Pathian hi a ṭha a ni.

Kan lo ralkhat hriat aia nasa daih a ni. Kum 16 pawh la tling lo inzuar ka hmuh te khan, min tiṭap thei", a mit a chhing a.

Msa chu rinhlelhnain ka khat leh a, "Chuvang chuan, inah awm char charin, Inkhawm hun tih lohah ka chhuak ngai lo", ka rinhlelhna te an bo leh duak.

"I hria em, nitin thlêm ka ni reng reng a. Biak ina kal ka thlan zawk tlat avanga i bula awm thei mai chauh ka ni.

Thlêmnaah tlu ila chu, nang hi, Biak in kawngah ka hruai ngam hauh lo ang che",

"Ka lawm e, ka lawm tak tak a ni", a hnung tuaiin ka ti a.

Msa hi chu, a danglam bik ka tih tawh kha, Lâpuii ang chiaha Van Vohbik a nih hi.

"Pathian hnenah lawmthu sawi zawk rawh, nitina lawmthu hrilh hi a phu ber",

"Nitin, Pathian hnenah lawmthu ka sawi ziah ang. Bialpa ṭha tak min pe a, nang ni lo la chu, Biak in ka ngainain ka ring lo.

Mite bula i chanchin inchhuang taka sawi thei tura min siam avangte hian ka lawm lutuk, ka lawm lutuk", Msan thei leh thei loin min kuah a.

"Kei deuh ka lawm, bialnu thinchhia leh titau bur bur ka nei lo a", ka ṭhen sak.

"Hmun danga i awm daih avangin zaidam angin min ngai a nih kha",

"Aa, ka lawm tho tho", Msa ka en a. Kan nui ringawt.

Thinchhiata tihtau bur burte hi ka châk ve. Kan inhmuh chhuna chutianga awm a theih loh.

Krismas leh Kum thar hmang tur ringawtin a lo haw ṭhin a.

Chumi hun tawitêa inhauha, intihtauhkhum atan hun a uiawm lutuk.

Pu Sanga mawlh chu, Msa hi ka hrilh thei si lo. Sawi tuma ka kâ ka ân apiangin, ka hrawkah min hnawhtu a awm ziah.

Ka ṭah a chhuah vang a ni si lo. Pu Sangan a sawi zawh hunah chauh a ni ang, Msa ka hrilh theih dawn.

Linda-i huang chhungah Lâpuii a awm a, Pu Sangan callboy bansan a tum tawh a.

Tunah, khawiah nge Lâpuii an dah ang le?


Lâpui
Chapter-11
Ziaktu:Cck Lalchhuanawmi

Tunah, khawiah nge Lâpuii an dah ang le?

"Nizanah, Lâpuii an dahna tur ka ngaihtuah a",

"Dah a?", Pu Sangan mak ti deuhin min en, "Aw, takin, a tir lamah min liamsan i ti a, a thi lo ang tiraw? A la dam a nih chuan, ka zawng chhuak ang", zawn chhuah inhuam takin ka inlantir a.

Sawi dawt lo mah se, a beidawng, "Lâpuii a thi lo turah ka ngai", Pu Sanga ka tibeidawng hle a ni.

"Naktukah ka haw dawn a, vawiin chauh kan inhmu thei tawh",

"Ka ngai dawn hle mai che", Pu Sanga chu ka nuih a. Min ngaih tak tak ka ring lo.

Msa nena kan inkar min zawt leh, "Inneih kan tum i tia, in la tum tak tak em?", e he!

Inneih maw? Kan la tum em le? Msan a sawi tawh si lo, inneih maw?

Ka ṭhu ngawi reng, inneih lam reng ka ngaihtuah tawh lo. Msan a la tum ang em? Msan a la tum a nih chuan, kei chu ka inpeih reng.

"Sawi loh tur ka sawi em ni?",

"Sawi lo e, inhmangaihtakte hi an innei thei kher lo an ti ṭhin a, chutiang chu kan chunga a thlen ve ka hlau", hlauhnain min man.

Ka hlau takzet a ni.

"I thluak ka tibuaiin ka hria, a dik em?",

"Tibuai deuh, inneih lam sawi tawh lo ang", tukverh lam ka hawi a.

Harsatna kan tawh laiin kan tana rinawm leh min hmangaihtu te an hriat ṭhin an ti a.

Msan harsatna a tawh laiin ka kalsan tur a ni lo. Min kaltir tum dawn pawh nise, ka kalsan miah lo ang.

Pu Sangan min ko a, "Va haw zawk ta che, inbiakna hun a awm leh ngei ang, ka tichi-ai tlat chein ka hria",

"Ni lo e, a theih chuan vawiinah, a theih ang em?", Pu Sanga a bu zeuh.

Ka beng ka chhi ṭan leh kar, "A tawi zawngin ka sawi ang e. Ka pa hnenah nupui atana Lâpuii neih ka duh thu ka sawi a, min phalsak hlauh.

"Lo hruai haw la, a chhungte pawhin an ngai tawh ang", Lâpuii hmel a hnual rawih.

Lâpuii hriatah a ni, nupui atana ka neih duh thu ka pa ka dil. Phone ka lei a, ka lei zanah ka pa ka be nghal.

Phone ka tihchhiat hmaa Chhani number ka lak chhuah avangin ka be thei a ni a.

Ka pain nupui atana ka neih min phalsak chu, Lâpuii pawh a khi vur vur. Ka kâwnga min kuahin, ka darah a bei a.

Ka pain hruai haw tura min ti leh, a chhungte pawhin an ngaih a rin thu a sawi chuan, Lâpuii a tihnual.

Lâpuii biang dawmin, "Ka hrilh ang aw", a beng bulah ka phun a. Ka biang lo dawm vein, "Ṭha i tih angin aw", ka pa chu ka hrilh ta a.

"Ka pa, khawpui an thlen rualin Lâpuii khawlaiah an hnutchhiah tawp a. Police hoin Home-ah an dah a. A chhungte pawh khan an ngaihven si lo. Bazarah inhmu thut lo ila chu, Lâpuii hi kumkhua pawha kan hmuh ka ring tawh lo", Lâpuii nena insi chet kan nih avangin, a chhungrila natna ka hre thei.

"Dawt i sawi lo maw?",

"Dawt a ni lo, Lâpuii ngei pawh i zawt thei ang, ka bulah hian a awm alawm", ka ti a.

Ka pain Lâpuii a bia a, ka pa zawhna ṭha takin a chhang ve zel.

An inbiak zawh hnuin ka âwmah ka kuah bet a, a duhtawkin a ṭap ta!

Kha chen fahrahin a awm a, mal leh khawhar takin a awm a.

Hmangaihna leh thil ṭha zawng zawng ka pe ang. A tet lai aṭang renga a dawn loh zawng zawng, kei hian, ka pe dawn a ni.

"Lâpui, muthilh tum ta che, i ṭap nasa si a, i mit hahchawlhtir rawh", min hnaihin, min kuah a.

"U Sang, khaw hmu theiin awm ila chu, ka nu leh pain min kalsan khan ka lo pan ang che", a biang ka chul a.

"Min lo pan tak tak ang maw?",

"Pan tehreng e, min lo duh lo pawh ni la, ka awmchilh tho ang che", mit chhing chungin a nui sen sen.

"Ka lo duh ang che, nula hmelṭha tawkin min lo pan te chuan, ka hnar phal dawn teuh lo", lungawi hmel takin a nui leh sen sen.

Hmelṭha tih hian a sawifiah zo lo, "Ka mit a na lutuk mawle, ka meng thei miah lo",

"Muthilh hnan la, i harh hunah a na tawh lo mai ang", ka fawp zeuh a. A nui leh sen sen. Ka va han duh chiang tak. Thlir nin har ka ti!

A tawi zawngin, ka pain inneih a phal tawh bawk a. Lâpuii nu leh pa awmna kan hre si lo.

Police zawn tir ka rawtin, "Heta a chhungte ka lo bia ang", ka pain a ti a.

A hnua ka pa min lo hrilh danin, "In duh dan danin awmtir rawh u min lo ti a", ka thinrim lutuk chu, ka tei sek.

Lâpuii ka hrilh lo a, hrilh ka duh hek lo. Hre lo se, a tan a ṭha zawk.

"Ka chhungten engtin nge an lo tih?", phur taka min zawh pawhin, "Ka pa a la hman thei lo a, khuaah hawin, keiman ka be tawp dawn", ka ti ziah.

Lâpuii lahin, "A ngai lo, i pain tifel rawh se", min dang ve ṭhin a.

Ka hna ka chawlhsan tawh a, buaina pakhat erawh, ka thin la tiphu ṭhintu chu, Linda-i a ni.

Linda-i hnuaiah Lâpuii a awm a, a lak aṭanga tal chhuah a har dawn tih ka hria.

Tlai khat, Lâpuii ka hruai tur chu, ralkhat aṭangin ka hmu a. A nalh ngaiin a la nalh reng.

Chungte chu ka it tawh hauh lo. Hmangaihna ka chhar tawh a, chungte chuan min hip lo mai ni lo, ka lo khawsakpui dante khan, min tizak!

Linda-i haw hnuah Lâpuii ka hruai a, "En teh, hetia awm reng lo hian, kan Pi be mai rawh, ṭha deuha i dil chuan a phal em em ang",

"Min dilpui pah la", ka fiam zauh a. Nu Puii erawhin a la thutak lutuk. Hmun rehah min kalpui a.

"En teh, ka hrilh tlang tawp mai ang che. Lâpuii hi a khawngaihthlak lutuk, helai hmun aṭanga i hruai chhuah theih chuan, Zalenna dik tak a hmu tihna a ni mai",

"Zalenna dik tak a?",

"Kan Pi Pasal hi MLA a ni a, he Home hi Central-ah chhinchhiah niin, Rualbanlo awm ho te enkawl nan Pawisa tam tak a lo kal ṭhin.

I hmuh angin, pawisa an nei vek a, he Home leh a chhunga awmte enkawl chu a hnai lo lutuk. A bikin, Lâpuii hi an ṭangkaipui zual.

Mitdel awm chhun a ni a, Sawrkarin ngaipawimawhin, a pual bika pawisa lo pek lah an ngah.

Lehkhazir leh mitdel ni chung pawha mahni intodelh a nih theih nana ṭanpuina tur pawisa te pawh, an ei zo zel.

Lâpuii hi mitdel ni chung pawhin a fingin a themthiam a, ei zo vek zel lo se chu, changkang tawh tak a ni ang. Tih theih ka nei ve si lo.

Ka fate enkawl nan pawisa ka mamawh a, chuti ni lo se, ka ngawi mai mai lo ang. Mahse, kan pain min boralsan tawh si a, ka fate enkawl nan pawisa ka mamawh ve tho si a", Nu Puii chu hriatthiamna nen ka en a.

"Min hrilh avangin ka lawm e, ka lawm lutuk, zanin chu ka hruai haw lo mai ang", Lâpuii bulah ka kal a.

Haw inpeih deuhin a lo awm tawh, "Naktukah inhmu ang u aw", hlim takin a ṭhiante a thlah a.

"Hawpui mai rawh'", Nu Puiin min hrilh ru a. Ka hawpui leh ta nge nge. Ka hawpui ziah a, hawpui loh chuan, thil ṭha lo a thlengah a ngai ang tihte a hlauhawm zawk.

Ei rawngbawl a chuh ziah a, a bulah dingin ka enpuiin, ṭanpui a ngai ngei ngei.

Khua hmu thei lo mah se, a sawi angin hriatna ṭha tak a nei a ni. Hun reilotê kan awm dun emaw tih laiin, in chhungkhur awm dan a hre vek.

Khawiah nge bawlhlo a awm tih te, bualin awmna te, thleng leh bel awmna te, engkim chu a hriain, kei ai mah pawhin a hrechiang.

In chhungkhur mai ni lo, kei ngei pawh min hre chiang lutuk.

"Thil dik lo a awm em ni, i ngui riauin ka hria?",

"Awm lo e a, ka ngui hleinem", ngaihṭha vak loin a pawm ve mai a.

Ka taksa a tawh ringawt aṭangin a hre thei. "Thil hlimawm deuh i hre duh em?",

"Han sawi la",

"Mahse maw, mumang a nia", ka kuah nghet sauh a, a chhipah ka khabe nghatin, "I mumangah lehzel chuan min kalsan lo ang tiraw?", Lâpuiin ka hnung lam kawr chhung zenin a chul a.

"Kalsan lo e, ka mumangah chuan maw, ka mit a del lo a, chuan maw, Anṭam hmun zau deuh kan lo nei a, chuan maw, kan fanu naupangtê hi i lo pua a, keiin kan fapa ka paw thung a.

Chuan maw, Thlam lam kan lo pan a. Anṭam par hun lai a ni tawh a, i la hria em, Min paw chunga min fanpui ṭhin kha?

Eng nalh deuh deuhin an par a, an par vanglai tak a ni nen. A mawiin kan nalh chhungkua lutuk ringawt. Chuvang a nia, rawng Eng hi ka ngainat em em! A hlimawm i ti em?", a thusawi chuan ka mittui a titla thei dawn.

A mumangin a tihlim em em chu a ni si a, "Mumang hi chu, mumang atan chauh a ni a, a takah a thleng ngai lo",

"I ring em ni?",

"Ring e, ka mumangah hian khua ka hmu thei a, beiseinain zing ka tho ziah. Mahse...", a lu-ah ka hmui ka nawr a.

Insut faihin, "Kan naupan lai ka hmu ziah bawk",

"Ka hria e, Anṭam hmun zau tawk neiin, kan chhungkuain kan lêng ṭhin dawn em ni ang?", a lo hawi chhuak a.

"Mumang ṭhenkhat hi chu, kan thlentir thei alawm, i duh ang em?", ka hmui a rawn khawih a, mi rawn fawp.

Ka chungah lawn kaiin, "Ka duh lutuk ringawt, ka duh lutuk", ka âwmah a hmai a phum a. Ka kuah hle hle.

"Lâpuii chhungten an ngaihtuah chuang si lo a, hetah, Court-ah kan innei mai ang. Duh leh, nakinah, Kut Suih hunte pawh kan nei ang a", ka pa chu a lungni lo deuh hlek.

Kar khat hnuah daih ka thlêm thei ta a, Linda-i pawh ka dil chuang lo. Nu Puii pawhin a hre lo, a rukin a ni ber, ka pain a hria a, ka nu te a hrilh ngei ang.

Court-ah kan innei ta a, "I khûr a nia",

"Inneih zan chu, a dan a dang a nih hi", a hnar ka seh sak a, "I la khûr chauh mai thei a nia aw", a hnute ka ṭham a.

La nghah ṭula ka hriat avangin ka mu thla a, ka kuah ta hle hle. A khûr nasa lutuk ringawt", Pu Sanga chu a nui deuh.

A hmelah hlimna a lang a, a lungawi hle bawk. Hnuk ulh ṭeuhin ka en.

"Kan inneih zan kha ka hre reng tawh ang, kan awmdun theihna hnuhnung ber a ni si a.

"U Sang, muhil suh aw, kan inneih zan a nih hi",

"Ka mut a chhuak deuh a, ka muhil mai ang, i phal chuan", ka ti a. "Phal lo", a ti hlur nghal.

Lâpuii chuan ka taksa a zût kual a, "Tlem chuan ka ṭha tawh", pen tai taiin, "I la ṭha lo, khûrna turin eng mah tih kan la nei lo a, i dawih lutuk", ka ti chu, a duh lo nasa mai.

Ka nâk nêm sik hlakin, "Nang mah zawk a nih hi khûr, min puh hlek suh", a ti a. A biang ka piai ve vak vak.

"Nâk nêm laia insih hlak chu, a na mah mah lo maw?", ka ti a. A biang ka piai ka thlah si lo, a theitawpin min sik ve hlak hlak.

A hnuah ka thlah a, "Ka biang a chhe vek dawn alawm, i sual lutuk", a biang a dawm a.

"Nang pawh, ka nâk i sik chhe vek dawn alawm",

"Nâk te chu a hmuh theih lo a, kei chu, ka hmelchhe vek dawn asin", a kut la thlain ka piai leh vak vak.

Min nam ṭang ṭang, "Hmelchhe mah la a pawi lo, ka tan chuan i hmelṭha ber zel fo ang", ka thlah a, a biang a dawm leh ngawih ngawih.

"Kal mai teh", ner nungin a ti a. A thinrim miah lo te chu, a vanneihthlak.

Ka lamah pawt hnaiin, "Inneih zana inhauh awih lo aw",

"Bul i ṭan hmasa a nih kha", a sawi zawh rualin ka fawp a. Min dawngsawng ṭha ve mai bawk.

Zanlaia ka ṭhangharh chu, zung turin ka tho a, tukverh lam hawi zeuhin, Thla a êng tih ka hre mai.

"U Sang?", Lâpuiin min zawng leh. Pan thuaiin, "Khawiah nge i kal daih a?",

"Ka zung lawk a, zung turin i tho chhuak peih em?",

"Aw, peih e", zung turin ka hruai a. Tukverh bulah dingin, "Lâpui, Thla a êng asin, Pawnto i duh em?", a nui sen sen.

Tukverh ka hawng a, boruak a thiang nuam em em, a biang leh ka biang siktirin, "I biang hi a va nô",

"Nang chu, i biang hi a hraw", ka nui hak hak. Ka kuah nghet sauh a, kan biang a innawk reng bawk.

Kha zana kuah ka nin theih loh te kha, ning loa ka kuah reng te kha, tunah, a chhan ka hre chiah!

Thla êng ena kan din reng hnuah, "Thil pakhat ka hre chhuak, Thla bial zana kan infiam ziah lai kha", a ti a.

"I ṭhian lulawk ho te nen", nui sen sena a ti chu, "I ṭhiante pawh an ni ve tho aw", ka ti a.

Ṭhian lulawk ka nei a nih chuan, kei pawh ka lu a lawk ve tihna a nia, chimawm reuh lutuk.

Tukverh hawngin khum lamah ka pawm phei, ka nghat fel chiah tihah, "Thla êng ka la en duh asin",

"Tun aṭangin kei mah chiah min en tawh ang che",

"I va ho tak, Thla chu mihring pawh a ni hleinem", a sam hui ṭha pahin, "Mihring aiin a hmelṭha sia lawm, keimah chiah min en la a ni mai", ka fawp leh a.

Thla chu, mihring aiin a êng a, a lainatawmin a hawihhawm bawk.

Mi tina tur a zawng ngai lo a, rosumah buai loin, a chantawkah a lung a awi em em thung.

Mal taka awm turah kan ngai a, chutiang a ni si lo. Thla khi, mal takin a awm reng reng lo. A bulah, Arsi tam tak an intlar pût a.

Thla khi, vannei tak a ni. Amah ngaina tur leh hmangaih turin a bula Arsite a ti ngai lo.

Amaha ṭhatna leh a ênna khian ni, a bula Arsiten kalsan a phal loh.

Chutiang chiahin Lâpuii pawh a ni. Amah ngaina tur leh hmangaih turin min ti ngai lo.

Amaha ṭhatna leh a ênnain min hip a, kalsan chu sawi loh, a bula ka awm lai reng pawhin, ka ngaiin ka thlahlel em em reng si a.

"Inah hian ka awm thei lo em ni?",

"Awm thei lo, i ṭhiante bulah lo awm la, an ngai lutuk palh ang che", in aṭanga kan chhuah hmain, ka fawp leh vawng vawng.

Fawh kham a harin thlah mai a harsa, "Lâpui, kal ang le, banah ka lo hruai ang che. Takin, naktukah chuan kan inah kan haw tawh ang. Anṭam hmun zau tawk kan nei ang a",

"Fanu leh fapa kan nei bawk ang a", a lo ti a. "Dik lutuk", nui hawkin ka ti a.

Anṭam hmun zau tawk neiha, kan fanu leh fapate nena, kan chhungkuaa han lênkual vel tur chu, ka phur tawhin, Lâpuii ai mahin ka nghakhlel tawh", Pu Sanga chu a nui ver ver a.

Ka lo hlim ve em em, ka mitthla a, a nuam dawnin ka hre mai.

Hmangaih takte nen chuan, Anṭam hmun pawh nei ila, nun a famkimin, tu nun mah kan awt chuangin ka ring lo.

Pu Sanga nui hmel chu thinrimnain a inthlak a, "Ka hna aṭangin ka bang a, ka thawhnapa a fel em avangin hlawh chanve min pe.

Kan inneih tuka chutiang han dawn chu, vanneihna thuahhnih bakah, a nuam dangdai bik riau.

Tlaiah Lâpuii hruai turin Home-ah ka kal a, Nu Puii hnenah, "Naktukah khian ka tlanbopui dawn", hlauthawng takin min en a.

"Hlauh tur a awm lo, zingah ka lo hruai tawh lo ang a, kan khaw lamah ka hawpui nghal ang",

"Ka hrilh che kha, Police a zawn tir che ang a, a man tir ang che. Tlanbopui aiin dil zawk rawh",

"I sawi kha, an pawisa hmuhna ber a ni a, chuti maiin min phalsak dawn lo. Nang pawhin, ruk a ni mai i tih kha, naktukah chuan ka lo hruai tawh lo ang, an hriat chhuah hunah min lo zawng pawh nise, Lâpuii hi ka lak aṭangin min laksak thei lo ang", Nu Puii chu beidawng tak hian a chek tlawk tlawk a.

A mittui te a tla, hlau lo turin ka fuih mawlh mawlh.

Lâpuiin hnenah a thawmhnaw keng lo turin ka ti a. Ka hruai haw ṭhin dan ang thoin, "Tihian haw ang, naktukah chuan kan inah kan haw tawh dawn si a. Helaia i thawmhnaw chu i ṭhiante hian lo nei mai rawh se aw", phal takin a bu nghauh nghauh.

"Mahse, i thawmhnawa roh bik i neih chuan sawi la, chu chu kan keng dawn nia",

"Roh bik ka nei lo, min hmuh angin heti tawp hi ka ni mai", a ti a.

Nu Puii leh midang mangṭhaa pawna kan chhuak tur chu, Home kawtah motor dingin, Linda-i a lo chhuak ta mai.

"Aw Lalpa leh.!", Nu Puii chu a khûr nghal hlawk hlawk.

Lâpuii pawh a khûr tih ka hre thei, "U Sang, kan Hotunu motor ri a niin ka hria", a sawi zawh rualin, "Eng thil nge thleng?", thinrim takin Linda-i a au nghal ṭhawt.

Thinrim meng sen phiarin min en a, ka hnungah ka kut chelh reng siin Lâpuii a biru a.

"Lâpui, hlau suh aw", ka kut a chelhna kut chu la kangin ka fawp zeuh.

Chu chuan, Linda-i a tithinrim lehzual.


Lâpui
Chapter-12
Ziaktu:Cck Lalchhuanawmi

Chu chuan, Linda-i a tithinrim lehzual.

Nu Puii a hau nghal vak vak a, a hmelhriat ni lo ila chu, a vin vak vak lo ang.

"Chhuak nghal rawh", mi rawn ti a, "Ka chhuak dawn lo", ka ti ve ngat.

Linda-i chuan, "Tunah i chhuak lo a nih chuan, Police ka man tir ang che", a ti a. Lâpuii chu ka hnungah awm mah se, Police-in min man ai chuan chhuak.ila min duhpui zawk tih ka hria.

Linda mita en kar chungin, "Ka chhuak dawn a nih chuan, Lâpuii nen kan chhuak ang. Amah avanga Khawpuia lo kal ka ni a, Lâpuii nen kan chhuak ang", a mitmeng a lingin a lian rapthlak lutuk.

"Ka phal lo, nang mah chauhin chhuak rawh, helai hmun aṭangin tu mah an chhuak dawn lo, nang tih loh", dam deuh zawkin a ti a.

Lâpuii nena kan chhuah dawn loh chuan ka chhuah duh loh thuin ka hnial ve ngar ngar a.

A tawpah, a thinrim leh tawh. A driver chu min man beh tir a, "U Sang?", ṭap hlawp hlawp chungin min pawm bet ve bawk.

Nu Puii hnenah Lâpuii pawt hrang turin a ti a. A driver-in ka kut a hnungkhirh tlat avangin Lâpuii ka chelh thei lo.

"Pawnah theh chhuak rawh", Driver chuan min kalpui a tum a, "U Sang?", Nu Puiin a man bet tlat a.

"Lâpui, min lo nghak rawh, ka lo kal leh thuai ang", Lâpuii chu a ṭap nasa lutuk.

Khatianga a ṭah ka la hre ngai lo, ka la hmu lo bawk!

Driver-in min kalpui a, "Nu, i va rei ve", Lâpuii aia nau hret tur hi a lo lut a. Linda nen an inang lutuk, a fanu a ni ngei ang.

"Eng nge thleng a?", a hawi kual a, "Car-ah min lo va nghak rawh",

"Nu, eng nge thleng?",

"Car-ah lo va awm rawh ka ti", a fanu chu a chhuak a, "Kalpui rawh", kei pawh chu Driver-an min chhuahpui.

Lâpuii chu Nu Puii hnungah a awm a, koh pawh min koh ngam tawh lo.

Linda lo chhuakin, a fanu car nghenga ding hnenah, "Taxi-in lo haw mai rawh", a ti a.

A fanu lahin, "Sing khat min pe rawh, ka ṭhiante nen Party kan nei dawn, ka pa ka be lo ang", thamlo zetin a ti a.

Eng ang chhungkua nge maw an nih le?

Linda chuan a car kawngkhar hawngin a bag aṭangin eng card emawni phawrhin a pe a, "I duh zah zah i hmang thei, kal tawh rawh", a fanuin a ban a. A kal nal nal.

Car chhungah min hnawh lut a, "Farm lamah aw", kan tlan chhuak.

Ngawi rengin ka ṭhu a, hmun dang min kalpui a tum danah, a pasal inah a awm a nih ka ring.

Ka rin ang chiah, "Ka lo haw har dawn, Home lamah intihhlimna tenau ka buatsaihsak lawk a", a ti a.

Farm a tih chu kan thleng chawpchilh, khawpui aṭang a hla tawh lutuk. In chhungah kan lut a.

A bag-in mi vaw nghal mawlh mawlh, "Min hrem reizia hi i hria em? Khawiah nge i awm?", ṭap purin min kuah leh lawi si.

"Ka ngai thei lutuk che, ka nghahna lamah che ka chau zo dawn. Zantin ka ngaihtuah ṭhin che asin, khawiah nge i awm daih?", a kut ka dah thla a.

A dara hmerin, "Ka bansan tawh, nun tharin ka awm tawh a, nang pawh, i la tlai lo. Pasal leh fanau ṭha tak i nei a, an tan rawngbawl rawh", ka chhuahsan a.

"Nang, Callboy ve mai mai kha", min rawn au zuina pawh ka hre reng, ka ngaihsak duh lo.

In ka thlen meuh chuan khua a var titih, ina lut loin Home-ah ka kal nghal. Police pathum an lo ding ka hmuh pawh chuan luh ka tum a.

Min lo dang, "Nang hi, man i duh loh chuan helai aṭang hian kalsawn rawh", pakhat zawkin min ti a.

A chhungah Lâpuii awm lo se chu, ka sawisa duh ang.

Nu Puiin min lo hmu a, zaizirin kalsawn vat turin min lo ti. Kalsawn ka tum lo tih lantir nan ka lu ka thing vak vak.

"Kal rawh, man i duh loh chuan", min nam sawk pahin Police pakhatin a ti leh a.

Nu Puii lo chhuakin, "Keiman ka lo hrilh ang", a ti a. Ka hnungah min beng hlak hlak zui.

Ka kutah lehkhatê hi a hmehbel a, ring tawkin, "Vawikhat mah lo kal tawh suh, thlawkbo rawh", a ti a.

"Minute khat lek a ni ang, minute khat chauh ka hmu duh", ka ti a. Nu Puii chuan min nam sawk sawkin, "A theih loh, thlawkbo rawh", ka inpalh tlu zui.

Ralkhat aṭangin Home ka thlir a, Nu Puii min pek lehkhatê chu ka chhiar *zan laiah lo kal rawh, hnung lamah tukverh ka lo hawng ang*

Inah pawh haw chuang loin zan ka nghak thleng a. Zanlai ka nghak leh fan fan.

Police ho chu Security te nen an inthlak a, chumi chuhin hnung lamah ka kal.

Tukverh a lo inhawng ngei bawk, a chhung chu a êng deuh a, zawitêa ṭap ri ka hre leh nghal, "Lâpui", a ni ngei e.

Ka zuang lut a, khum chunga lo ṭhu kun ngaih chu ka pawm chawt, "U Sang, nang mah i ni tiraw?", a kut lain ka hmai ka khawih tir a.

Kei mah a ni tih a hriat chuan min pawm ve leh chawt, "U Sang, ka hlau lutuk",

"Lâpui, hlau tawh suh, hruai tur chein alawm ka lo kal, hlau tawh miah suh aw", a hmel ka en chu, "Lâpui, i chungah eng nge thleng?",

"U Sang?",

"Aw, sawi rawh, tu pawh nise ka that ang, hetianga sawisatu che chu ka that dawn khawp", a mit veilam duk churhin, a kamsir a khem bawk a.

"Zanah palian deuhin min khawih a tum a, ka lo bei let a, a thinrimin min sawisa a nih hi. Mahse, min khawih miah lo, Hotunu a lo inrawlh a",

"Ka haw hnuah khan em ni?",

"Aw, Hotunu sawi dan chuan in inhmangaih a ti a. U Sang, a dik em, in inhmangaih tak tak em ni?", thu dang sawi loin a hmui ka kharchilh.

Lâpuii sawisain dawt a lo hrilh a, ka ngaidam dawn lo reng reng. "Lâpui, nang chauh lo chu hmangaih ka nei lo, tu sawi mah awih suh, a ṭha em?",

"Aw, tu mah ka awih lo", fawpin ka kuah a. "Lâpui, chhuak ang, helai hmun aṭanga hla takah kal ang aw, min zui ang tiraw?", ṭap ṭeuh chungin a bu nghauh nghauh.

Thawmhnaw hak ṭhat tirin, khum aṭangin ka thawhpui a, tukverh aṭanga hlang thla tura ka pawm chiah tihah, kawngkhar lo tlawh hawngin, "Man rawh u", Linda fanu khan a lo ti ta mai.

Police pahnihin min lo hnungkhirh nghal a, Lâpuiin min kuah tlat bawk.

Nu Puiin lo pawh a tum a, Lâpuiin min kuah nghet lutuk. Ka kut an hnungkhirh tlat bawk si.

"Lâpui, Nu Puii bulah lo awm rawh, eng tin mah min ti lo ang",

"Ka duh lo, khawiah mah min kalsan suh",

"Lâpui, khawngaihin Nu Puii bulah lo awm rawh", Nu Puii ka mitmei a. Lâpuii chu a bulah a dintir.

Police te chuan min ṭhingṭhittir a, "Min man turin tihsual ka nei lo",

"MLA nupui, Linda Vanrosangi i thah avanga man i ni", Police pain a ti a. "Tukinah, an farm house-ah a ruang hmuh a ni. Nang nena hmuh hnuhnun ber in ni a, in tithiamlo nghe nghe a nih kha",

"A that lo", Lâpuii a rawn ṭawng chhuak, "U Sangan a that thei lo, Pi Linda khan min sawisaa, helaia awm ho te hi Rualbanlo vek kan ni a, keini hian kan hrechiang lutuk.

A thinrim hrikthlak nan min lo hmang ṭhin, min en la, min sawisakna a nih hi", a hmel duk churh te chu a hmuh a.

Police ho erawhin chutiang engah mah an ngai si lo.

"Station-ah kal ang", min kaitho a, "U Sang", Nu Puii hnenah mitmeiin kuah bet tlat turin ka ti a.

Motor-a min luh tir dawnin ka tal pît a, Lâpuii leh Nu Puii, pindan aṭanga lo chhuak mek chu, Lâpuii ka kuah bet thlawp.

Min kuah bet a, "Lâpui, ka dam chhung leh, thih hnu piah thleng pawhin ka hmangaih reng ang che",

"U Sang, kei pawhin ka hmangaih che, min hruai turin lo kal leh thuai rawh aw",

"Hruai tur chein ka lo kal leh thuai ang, hetah lo awm reng la, ka lo kal hunah chuan inah kan haw tawh ang, ka hmangaih che. Lâpui, ka hmangaih che", ka fawp a.

Ka hmai khawihin, "U Sang, ka hmangaih che", Lâpuii chu kuahin ka fawp vawng vawng.

Kha kha, ka hmuh hnuhnun ber a ni ta a ni. Hlim taka inthlah tur kan nih laiin, ṭap chungin kan inthlah ta si a.

Hmela hliam nei niaih nuaihin min thlah a, a nui ri aiin a ṭap ri leh, lungchhe taka min koh ri chauh ka hriat theih chhun a ni tawh.

Linda thattuah min puh fai ta vek a, farm house-ah ka zui ve tlat bawk si a ni.

Callboy ka nih leh, Linda-in min dawr ṭhin thute an hre vek a, Home-a kan inhnial te leh, farm house-a kan kal te, phat tur reng ka nei lo.

Mahse, ka that lo, ka that miah lo.


Lâpui
Chapter-13
Ziaktu: Cck Lalchhuanawmi

Ka thah a ni lo tih sawi bawk mah ila, a sawt chuang lo.

Linda thih dana an sawi chu, "A nghawngah reh hlum a ni a, a kawr hak hmangin, nang mah nen hmuh hnuhnun in nih bakah, a kawr hakah i kuthnu hmuh a ni bawk", min ti a.

"Driver zawt rawh u, thah ka tum lo. Ka hawsan, driver nen chauh an awm ang, driver khan a that pawh a ni thei",

"Pi Linda hian Driver a nei lo hrim hrim, a thih zanah pawh khan nang mah nen chauh in awm", an ti ve tlat.

Thu min zawttupa hnenah, "Home-ah kan inhnialbuai tih ka pha lo a, min dawr ṭhin tih lah ka pha lo. Mahse, ka thah a ni lo, driver a awm ngei alawm.

A fanu pawh a awm, driver a nei ngei. A fanu kha Linda-in a haw tir a. Driver-in an farm house-ah min hruaiin, mahsela, ka hawsan leh thuai.

Driver nen chauh an awm tihna a nih chu, ka hawsan daih a. Eng nge thleng zui zel ka hre lo", min ring nge ring lo pawh ka hre lo.

Min ring teh hrep lo ang, "Chutiang pawh chu nise, lock-up-a i awm phawt a ngai. Press mite lah pawnah an awm reng a, MLA nupui a ni bawk si",

"MLA nupui pawh nise, a mualpho lo ang chu tiraw? Pawngsual tum angin nge, thil ruk tum angin? Min dawr ṭhin tih chu a lang miah lo ang chu, a ni em?", ngeiawm takin ka ti let a.

Ka hmaa ṭhupa chuan, "I sawi dik chiah, callboy tih ang vel sawi rik a ni dawn lo, rukruk leh pawngsual tum angin a kal dawn", a tho a.

Kei mah chauhin ka awm. Lâpuii mawlh ka ngaihtuah. Ka chungchang zawng zawng a hre vek tawh ang.

An sawisakna hliam a dam hmain, keiin a thinlung ka hliam belh a, lainatawm lutuk!

Lock-up-ah min dan char char a, jail-ah min dah si lo. Chanchin eng mah ka hre tawh lo a.

Court-ah min hruai lahin ka thiam channa han sawi mah ila, thiam loh min chantir an tum bur avangin, thiamna pakhat mah min chantir lo.

Ka pa hnenah, "Lâpuii min hruai haw sak rawh", tiin ka ngen a. "Thiam lohna ka neih loh miau avangin ka lo chhuak thuai ang, khawngaihtakin Lâpuii hruai haw rawh", ka ti a.

Jail-a min dah hmain lock-up-ah min dah leh phawt. Thil kal kual dan eng mah hriat alawi pawh ka nei lo.

Tlaiah ka pa a lo kal a, "Lâpuii a awm lo, nu pakhat sawi danin an man tukah che an hruai chhuak a ni awm e", khuaah ka pain min hawsan a.

Lâpuii chu, tuin nge hruai chhuak ta ang? Linda-i a thi a, Lâpuii hruai chhuak tur rinzawn ka nei thiam mai lo.

Linda-i pawh chu, tuin nge maw that reng reng ni. Driver-a kha a nih loh chuan, a mak zawk ang.

Driver-a kha a ni ngei ngei ang. Linda-i fanuin a nu thiltih ṭhin a hriatpui a, amah a ni thei tho bawk.

Linda-i pasal pawh a inrawlh thei. Chung zawng aiin, Lâpuii nun a derthawng. Lâpuii an pawisa hmuhna ber a ni a.

Ka hruai chhuah an phal dawn lo a, Linda-i thattuah min puhin min man a, Lâpuii an hruai chhuah chhan tur a awm lo.

An pawisa hmuhna ber a ni a, khawiah mah an kaltir phal lo ang. Chuti, tuin nge hruai chhuak ta ang?

Nu Puii ka hmuh a ngai, a ngai takzet a ni.

A tukah ka pa a lo kal hlawl, a haw tawh emaw ka ti a, ka hmu chu ka phu zawk nghe nghe.

"Ka pa, i haw tawh emaw ka ti a, engtizia nge?",

"Chi-ai lo la, hahdam deuha awm i tum dawn nia", thirban kar aṭangin ka pa chu ka en a, "Eng thu nge ni a, ka nu a ṭha em?",

"I nu chu a ṭha e, Lâpuii zawk a nia",

"Lâpuii awmna i hre tawh em ni?", ka zawt var a. Pawisawilo Lâpuiin a tuar ve thiang lo.

"Kha hei", ka pain a kut lo rawlh lutin lehkhatê hi min pe a, "Ka haw tawh mai ang, kan tur chein ka lo kal leh dawn nia", a ti a.

Ngaih ṭha vak loin kan inmangṭha a, kil khatah kalin a ruk thei ang berin ka pa mi pek lehkhatê chu ka chhiar ta a.

*Lâpuii ruang kan chhar a, Home thlangah a lo inawkhlum. Tunah hian kan khuaah a ruang ka hawpui dawn a, lo ngaihtuah suh ang che, i nupui a nihna ang leh ka Mo a nihna angin ka lo vuiliam ang* ", ka kâ hupin ka mittui a sur zung zung.

Lâpuii ka lainat lutuk, ka âwm chhung a tawt up up a, Lâpuii ka ṭahpui lo thei lo. Ka lainat em mai!

"Inawkhlum thei a ni lo", ṭap ṭeuh chungin ka ti a. Ka insut hlawp hlawp. Ka lainat em mai!

Pu Sanga a ngawih vang vang hnuah a sawi zawm a, "Ka chhiar zawh rual rualin thirban va sawi vak vakin, "Mi tenawm ho, in thiltih man inhmu khawp ang, in hria em?

Pawisawilo thattu te in nih kha, in chungah zahngaihna ka lantir dawn lo", thirban sawi mai duhtawk loin ka tlawh vak vak a.

Constable pahnih lo lutin min vaw nghek. "Eng maw i sawi kha, mi tenawm i tih chu tute nge? Nang hi i tenawm zawk tih hre rawh?", min vaw pahin an ti a.

Ka duai duh bik lo, "Mi tenawm chu nangni hi, pawisawilo thattu te in nih hi", ka lu bang min tauhtir a.

Vâi ruai hian ka tlu a, ka che thei mang lo. Chuti chunga min vuak lah a ṭhulh nahek lo.

Lâpuii mawlh chu, Home thlangah a inawkhlum maw?

A ni thei lo, Home thlanga kal thei a ni lo. Khua hmu thei lo a ni a, mitdelte ken ṭhin tiang takngial pawh a nei lo.

Misual ho thah bak a ni lo ang, an thah ngawt chhan tur a awm lo. Sual an tum ang a, ani lo bei let nen, an thinrimin an that a ni ngei ang.

Pawisawilo, Van Vohbik chungah nasa takin pawi kan khawih a ni. Kei pawh ka bang bik lo.

"Lâpui, min lo nghak turin ka tih che kha".

Ka harh chuan khumah ka lo mu a, min vuakna avangin nikhaw hre loin ka awm a nih ka ring.

Remchangah lain tlanchhuah ka tum ta a, ka pa te an haw mek ka ring a. Lâpuii ka hmu hman mai thei a ni.

Khum tlangah ka kut chu kutkawl hian an phuar a, ka lut lehlama phih thlak ka tumin ka thei miah lo.

Lu tuamsak ka ni a, banga min tauhtir khan thisen a chhuak a ni ang chu.

Nurse pakhat lo kal hnenah inthiar ka duh thu ka sawi a, Police min vengtu te a va hrilh.

An fimkhur lo nge, chu Nurse chu an ring zawk, kutkawl chahbi an lo pe a, "Saw lai saw nia, va kal mai rawh", Nurse pawh chuan a ti a.

Thoin, bai auh auhin ka kal a, Police-in min zui!

Bathroom-ah ka lut a, ventilator a têt em avangin ka chhuak thei lo. Ka chhuah dan tur ngaihtuahin ka ṭhu ringawt.

Khum ka thlen hma loh Police-in min zui. Nurse bawkin mu turin min ti a, "In duh chuan in chhuak thei reng", Police te chu kalkiangin, Hotu te lam an be dawn pawh a ni ang.

Zanlaiah ka chhuah ruk theih ka ring.

Police-te lo kalin, "Zanin awm turin min lo ti a", an ti ta a.

Ka lawmna lanchhuahtir theih si loh, awm dan tur hriat a har ṭum ber a ni.

Muhil mang lo, muhil anga lang tho siin zanlai ka nghak a.

Nghah na na na chuan a thleng ve mai bawk. Hawi kualin, muhil bawrh bawrh an ni tawh hlawm.

Thawm dim thei ang berin ka chhuak ta a, Police te pawh chu an ṭhutnaah an muhil.

Police ka kal pel fel chiah, Nurse pakhat nen kan intawk hlauh, "Shhhh", ka hmui ka tawk a.

Âng phuau leh hlau lutukin min en a, a hnung lamah a tawlh hret hret, "Min hlau suh, eng tin mah ka ti lo ang che. Tu hnenah mah sawi lo la, i lo kalnaah ṭha deuhin va awm rawh", ka ti a.

Nurse pawh chu thlan bawl ṭuk ṭukin a kalsawn a. Hnung lam hawiin, ka thaw huai. An mutui nasa lutuk.

Damdawi in aṭangin engtin tin emaw ka chhuak thei ta a.

Zanlai a nih tlat avangin motor leh mihring veivak an awm lo. Pawisa zawng ho tih loh chu.

Khuaa kal thei ka ni lo a, Home lam ka pan.

Vengtu an awm lo hlauh a, kawngka ka kik vak vak. A hnuah, Nu Puiin a lo hawng a. In chhungah min pawt lut rang lutuk.

"Engtin nge i lo kal theih?",

"Chutiang sawina hun a awm lo, Lâpuii a inawkhlum lo tih han sawi teh, nang leh keiin kan hrechiang ber ang. In chhungah pawh vawnna tur dap chawpa kal a ni a, kawmthlangah intihlum tura kal thei a ni lo hrim hrim. Tu ten nge hruai chhuak, sawi rawh, min hrilh rawh", Nu Puii chu a ṭap a.

Pindan aṭangin an lo chhuak sang sang.

"A thihna a rei tawh lutuk", pakhatin a lo ti. Ka mitsulhin ka hria!

"An man zanah che khan mi pakhat a lo kal a, Lâpuii, Lâpuii kha, ih, mutpui a tum a. Lâpuiin a duh si lo a, a nghawngah a rek a, i hming a lam nasa lutuk", min hual veltu te chu an ṭap hawm hawm.

Ka kê a sâi hlawk hlawk, "Min lam maw? Lâpuiin ka hming a lam maw?". Ni e, a lam ngei ang, ka hming a lam ang.

Chhan turin ka kal thei bawk si lo. Ka ṭhu thla hnawk!

Tuipuiah tlain, Tuipui mawngah ka tla thla riai riai. Mahni hmangaihte venhim zawh loh chu. Mipa chu ka ni ve si a.

"En teh, kan Piin i lo kal ṭhin tih a hria a, Lâpuii hnenah callboy tih ang rengte hrilhin, hmu tawh lo tur chein a lo hrilh ṭhin a. Lâpuiin a duh si lo.

Kan Pi ber lah pasal nei a nih avangin, mualpho tur khawpa chet a duh si lo. Lâpuiin in innei dawn a tih khan nei lo tur chein ka hrilh a.

Nang chu, pawisa avangin in inzuar ṭhin a, natna ṭha lo tak pawh i lo kai thei. Kan Pi ber nen lah, in lo che dun tawh nen.

"Ka hmangaih alawm, engtiang pawhin lo awm se, ka ngaidam thei, u Sanga ka hmangaih avangin ka ngaidam vek", Lâpuiin a ti tlat a. A nei ta che a nih kha, Lâpuiin hrilh lo tur chein min ti tlat a".

Lâpuii thawmhnaw ho pawm khawmin bang kilah ka ṭhu a, ka nihna hre reng chungin ka bulah a lo awm ṭhin tihna a nia.

Vantirhkoh em ni a nih?

Engkim hre vek chungin min nei a, ka bula awm a ning bawk si lo.

Lâpui, Vantirhkoh em ni i nih?

Muangchanga mu thlain, ka mit ka chhing a, a thawmhnaw ho ka pawmkhawm ṭun.

A nui hmel te, a ṭap hmel te, a chaw ei lai te. Biang insia Thla êng kan thlir dun lai te.

Kan naupan laia kan infiam lai leh, paw chunga ka lênkualpui lai te.

A mumang, Anṭam hmun zau tawka kan chhungkuaa kan kal lai a hmuh a sawi te chu, ka mitthla zuiin, mumang pawh ni tawh lo.

Chu Suangtuahnaah chuan ka chêng a. Lâpuii kut ka vuan a, a nuam lutuk!

Khawngaihtakin, vawikhat chauh tal, ka hmingin min ko leh la, i nui hmel min hmuhtirin, "Ka hmangaih che", min ti leh rawh!

"Pi Linda fanu pawh a tel", an tih avangin pindan aṭanga chhuakin chemte ka la a.

Ka tih tur min zawh chuan, chemte hum ruh sauhin, "Phuba, phuba la turin, Van Vohbik Lâpuii phuba ka la dawn, khawiah pawh awm rawh se, ka zawng zel ang a, an taksa aṭanga thisen a far kang hma loh zawng, an hrawk hrui ka zai chat lo ang", Home aṭang ka chhuak a.

Linda fanu bakah midang sâng tam tak lo awm pawh nise, ka tihtur ka ṭhulh chuang lo ang.


Lâpui
Chapter-13
Ziaktu: Cck Lalchhuanawmi

Ka thah a ni lo tih sawi bawk mah ila, a sawt chuang lo.

Linda thih dana an sawi chu, "A nghawngah reh hlum a ni a, a kawr hak hmangin, nang mah nen hmuh hnuhnun in nih bakah, a kawr hakah i kuthnu hmuh a ni bawk", min ti a.

"Driver zawt rawh u, thah ka tum lo. Ka hawsan, driver nen chauh an awm ang, driver khan a that pawh a ni thei",

"Pi Linda hian Driver a nei lo hrim hrim, a thih zanah pawh khan nang mah nen chauh in awm", an ti ve tlat.

Thu min zawttupa hnenah, "Home-ah kan inhnialbuai tih ka pha lo a, min dawr ṭhin tih lah ka pha lo. Mahse, ka thah a ni lo, driver a awm ngei alawm.

A fanu pawh a awm, driver a nei ngei. A fanu kha Linda-in a haw tir a. Driver-in an farm house-ah min hruaiin, mahsela, ka hawsan leh thuai.

Driver nen chauh an awm tihna a nih chu, ka hawsan daih a. Eng nge thleng zui zel ka hre lo", min ring nge ring lo pawh ka hre lo.

Min ring teh hrep lo ang, "Chutiang pawh chu nise, lock-up-a i awm phawt a ngai. Press mite lah pawnah an awm reng a, MLA nupui a ni bawk si",

"MLA nupui pawh nise, a mualpho lo ang chu tiraw? Pawngsual tum angin nge, thil ruk tum angin? Min dawr ṭhin tih chu a lang miah lo ang chu, a ni em?", ngeiawm takin ka ti let a.

Ka hmaa ṭhupa chuan, "I sawi dik chiah, callboy tih ang vel sawi rik a ni dawn lo, rukruk leh pawngsual tum angin a kal dawn", a tho a.

Kei mah chauhin ka awm. Lâpuii mawlh ka ngaihtuah. Ka chungchang zawng zawng a hre vek tawh ang.

An sawisakna hliam a dam hmain, keiin a thinlung ka hliam belh a, lainatawm lutuk!

Lock-up-ah min dan char char a, jail-ah min dah si lo. Chanchin eng mah ka hre tawh lo a.

Court-ah min hruai lahin ka thiam channa han sawi mah ila, thiam loh min chantir an tum bur avangin, thiamna pakhat mah min chantir lo.

Ka pa hnenah, "Lâpuii min hruai haw sak rawh", tiin ka ngen a. "Thiam lohna ka neih loh miau avangin ka lo chhuak thuai ang, khawngaihtakin Lâpuii hruai haw rawh", ka ti a.

Jail-a min dah hmain lock-up-ah min dah leh phawt. Thil kal kual dan eng mah hriat alawi pawh ka nei lo.

Tlaiah ka pa a lo kal a, "Lâpuii a awm lo, nu pakhat sawi danin an man tukah che an hruai chhuak a ni awm e", khuaah ka pain min hawsan a.

Lâpuii chu, tuin nge hruai chhuak ta ang? Linda-i a thi a, Lâpuii hruai chhuak tur rinzawn ka nei thiam mai lo.

Linda-i pawh chu, tuin nge maw that reng reng ni. Driver-a kha a nih loh chuan, a mak zawk ang.

Driver-a kha a ni ngei ngei ang. Linda-i fanuin a nu thiltih ṭhin a hriatpui a, amah a ni thei tho bawk.

Linda-i pasal pawh a inrawlh thei. Chung zawng aiin, Lâpuii nun a derthawng. Lâpuii an pawisa hmuhna ber a ni a.

Ka hruai chhuah an phal dawn lo a, Linda-i thattuah min puhin min man a, Lâpuii an hruai chhuah chhan tur a awm lo.

An pawisa hmuhna ber a ni a, khawiah mah an kaltir phal lo ang. Chuti, tuin nge hruai chhuak ta ang?

Nu Puii ka hmuh a ngai, a ngai takzet a ni.

A tukah ka pa a lo kal hlawl, a haw tawh emaw ka ti a, ka hmu chu ka phu zawk nghe nghe.

"Ka pa, i haw tawh emaw ka ti a, engtizia nge?",

"Chi-ai lo la, hahdam deuha awm i tum dawn nia", thirban kar aṭangin ka pa chu ka en a, "Eng thu nge ni a, ka nu a ṭha em?",

"I nu chu a ṭha e, Lâpuii zawk a nia",

"Lâpuii awmna i hre tawh em ni?", ka zawt var a. Pawisawilo Lâpuiin a tuar ve thiang lo.

"Kha hei", ka pain a kut lo rawlh lutin lehkhatê hi min pe a, "Ka haw tawh mai ang, kan tur chein ka lo kal leh dawn nia", a ti a.

Ngaih ṭha vak loin kan inmangṭha a, kil khatah kalin a ruk thei ang berin ka pa mi pek lehkhatê chu ka chhiar ta a.

*Lâpuii ruang kan chhar a, Home thlangah a lo inawkhlum. Tunah hian kan khuaah a ruang ka hawpui dawn a, lo ngaihtuah suh ang che, i nupui a nihna ang leh ka Mo a nihna angin ka lo vuiliam ang* ", ka kâ hupin ka mittui a sur zung zung.

Lâpuii ka lainat lutuk, ka âwm chhung a tawt up up a, Lâpuii ka ṭahpui lo thei lo. Ka lainat em mai!

"Inawkhlum thei a ni lo", ṭap ṭeuh chungin ka ti a. Ka insut hlawp hlawp. Ka lainat em mai!

Pu Sanga a ngawih vang vang hnuah a sawi zawm a, "Ka chhiar zawh rual rualin thirban va sawi vak vakin, "Mi tenawm ho, in thiltih man inhmu khawp ang, in hria em?

Pawisawilo thattu te in nih kha, in chungah zahngaihna ka lantir dawn lo", thirban sawi mai duhtawk loin ka tlawh vak vak a.

Constable pahnih lo lutin min vaw nghek. "Eng maw i sawi kha, mi tenawm i tih chu tute nge? Nang hi i tenawm zawk tih hre rawh?", min vaw pahin an ti a.

Ka duai duh bik lo, "Mi tenawm chu nangni hi, pawisawilo thattu te in nih hi", ka lu bang min tauhtir a.

Vâi ruai hian ka tlu a, ka che thei mang lo. Chuti chunga min vuak lah a ṭhulh nahek lo.

Lâpuii mawlh chu, Home thlangah a inawkhlum maw?

A ni thei lo, Home thlanga kal thei a ni lo. Khua hmu thei lo a ni a, mitdelte ken ṭhin tiang takngial pawh a nei lo.

Misual ho thah bak a ni lo ang, an thah ngawt chhan tur a awm lo. Sual an tum ang a, ani lo bei let nen, an thinrimin an that a ni ngei ang.

Pawisawilo, Van Vohbik chungah nasa takin pawi kan khawih a ni. Kei pawh ka bang bik lo.

"Lâpui, min lo nghak turin ka tih che kha".

Ka harh chuan khumah ka lo mu a, min vuakna avangin nikhaw hre loin ka awm a nih ka ring.

Remchangah lain tlanchhuah ka tum ta a, ka pa te an haw mek ka ring a. Lâpuii ka hmu hman mai thei a ni.

Khum tlangah ka kut chu kutkawl hian an phuar a, ka lut lehlama phih thlak ka tumin ka thei miah lo.

Lu tuamsak ka ni a, banga min tauhtir khan thisen a chhuak a ni ang chu.

Nurse pakhat lo kal hnenah inthiar ka duh thu ka sawi a, Police min vengtu te a va hrilh.

An fimkhur lo nge, chu Nurse chu an ring zawk, kutkawl chahbi an lo pe a, "Saw lai saw nia, va kal mai rawh", Nurse pawh chuan a ti a.

Thoin, bai auh auhin ka kal a, Police-in min zui!

Bathroom-ah ka lut a, ventilator a têt em avangin ka chhuak thei lo. Ka chhuah dan tur ngaihtuahin ka ṭhu ringawt.

Khum ka thlen hma loh Police-in min zui. Nurse bawkin mu turin min ti a, "In duh chuan in chhuak thei reng", Police te chu kalkiangin, Hotu te lam an be dawn pawh a ni ang.

Zanlaiah ka chhuah ruk theih ka ring.

Police-te lo kalin, "Zanin awm turin min lo ti a", an ti ta a.

Ka lawmna lanchhuahtir theih si loh, awm dan tur hriat a har ṭum ber a ni.

Muhil mang lo, muhil anga lang tho siin zanlai ka nghak a.

Nghah na na na chuan a thleng ve mai bawk. Hawi kualin, muhil bawrh bawrh an ni tawh hlawm.

Thawm dim thei ang berin ka chhuak ta a, Police te pawh chu an ṭhutnaah an muhil.

Police ka kal pel fel chiah, Nurse pakhat nen kan intawk hlauh, "Shhhh", ka hmui ka tawk a.

Âng phuau leh hlau lutukin min en a, a hnung lamah a tawlh hret hret, "Min hlau suh, eng tin mah ka ti lo ang che. Tu hnenah mah sawi lo la, i lo kalnaah ṭha deuhin va awm rawh", ka ti a.

Nurse pawh chu thlan bawl ṭuk ṭukin a kalsawn a. Hnung lam hawiin, ka thaw huai. An mutui nasa lutuk.

Damdawi in aṭangin engtin tin emaw ka chhuak thei ta a.

Zanlai a nih tlat avangin motor leh mihring veivak an awm lo. Pawisa zawng ho tih loh chu.

Khuaa kal thei ka ni lo a, Home lam ka pan.

Vengtu an awm lo hlauh a, kawngka ka kik vak vak. A hnuah, Nu Puiin a lo hawng a. In chhungah min pawt lut rang lutuk.

"Engtin nge i lo kal theih?",

"Chutiang sawina hun a awm lo, Lâpuii a inawkhlum lo tih han sawi teh, nang leh keiin kan hrechiang ber ang. In chhungah pawh vawnna tur dap chawpa kal a ni a, kawmthlangah intihlum tura kal thei a ni lo hrim hrim. Tu ten nge hruai chhuak, sawi rawh, min hrilh rawh", Nu Puii chu a ṭap a.

Pindan aṭangin an lo chhuak sang sang.

"A thihna a rei tawh lutuk", pakhatin a lo ti. Ka mitsulhin ka hria!

"An man zanah che khan mi pakhat a lo kal a, Lâpuii, Lâpuii kha, ih, mutpui a tum a. Lâpuiin a duh si lo a, a nghawngah a rek a, i hming a lam nasa lutuk", min hual veltu te chu an ṭap hawm hawm.

Ka kê a sâi hlawk hlawk, "Min lam maw? Lâpuiin ka hming a lam maw?". Ni e, a lam ngei ang, ka hming a lam ang.

Chhan turin ka kal thei bawk si lo. Ka ṭhu thla hnawk!

Tuipuiah tlain, Tuipui mawngah ka tla thla riai riai. Mahni hmangaihte venhim zawh loh chu. Mipa chu ka ni ve si a.

"En teh, kan Piin i lo kal ṭhin tih a hria a, Lâpuii hnenah callboy tih ang rengte hrilhin, hmu tawh lo tur chein a lo hrilh ṭhin a. Lâpuiin a duh si lo.

Kan Pi ber lah pasal nei a nih avangin, mualpho tur khawpa chet a duh si lo. Lâpuiin in innei dawn a tih khan nei lo tur chein ka hrilh a.

Nang chu, pawisa avangin in inzuar ṭhin a, natna ṭha lo tak pawh i lo kai thei. Kan Pi ber nen lah, in lo che dun tawh nen.

"Ka hmangaih alawm, engtiang pawhin lo awm se, ka ngaidam thei, u Sanga ka hmangaih avangin ka ngaidam vek", Lâpuiin a ti tlat a. A nei ta che a nih kha, Lâpuiin hrilh lo tur chein min ti tlat a".

Lâpuii thawmhnaw ho pawm khawmin bang kilah ka ṭhu a, ka nihna hre reng chungin ka bulah a lo awm ṭhin tihna a nia.

Vantirhkoh em ni a nih?

Engkim hre vek chungin min nei a, ka bula awm a ning bawk si lo.

Lâpui, Vantirhkoh em ni i nih?

Muangchanga mu thlain, ka mit ka chhing a, a thawmhnaw ho ka pawmkhawm ṭun.

A nui hmel te, a ṭap hmel te, a chaw ei lai te. Biang insia Thla êng kan thlir dun lai te.

Kan naupan laia kan infiam lai leh, paw chunga ka lênkualpui lai te.

A mumang, Anṭam hmun zau tawka kan chhungkuaa kan kal lai a hmuh a sawi te chu, ka mitthla zuiin, mumang pawh ni tawh lo.

Chu Suangtuahnaah chuan ka chêng a. Lâpuii kut ka vuan a, a nuam lutuk!

Khawngaihtakin, vawikhat chauh tal, ka hmingin min ko leh la, i nui hmel min hmuhtirin, "Ka hmangaih che", min ti leh rawh!

"Pi Linda fanu pawh a tel", an tih avangin pindan aṭanga chhuakin chemte ka la a.

Ka tih tur min zawh chuan, chemte hum ruh sauhin, "Phuba, phuba la turin, Van Vohbik Lâpuii phuba ka la dawn, khawiah pawh awm rawh se, ka zawng zel ang a, an taksa aṭanga thisen a far kang hma loh zawng, an hrawk hrui ka zai chat lo ang", Home aṭang ka chhuak a.

Linda fanu bakah midang sâng tam tak lo awm pawh nise, ka tihtur ka ṭhulh chuang lo ang.


Lâpui
Chapter-14 Last
Ziaktu: Cck Lalchhuanawmi

Linda fanu bakah midang sâng tam tak lo awm pawh nise, ka tihtur ka ṭhulh chuang lo ang.

Kawtah motor hrang hrang a ding khup a, mi an tam dawn tih a hriat reng reng.

Linda-i nen kan awm dun hun chhung kha a rei ve a, an in leh a chhehvel awmdan ka hre bel ve viau.

In hnung lamah kalin, store room an tih maia luh theihna tur, in hnung lam aṭang pawha luh theihna tur kawngkhar hi a awm a. Chahbi dahna thlengin ka hria.

Kawngkhar bula ketahna hnuaiah a awm a. Chu chu lain ka hawng a.

Step-ah chhoin, in chhung pawhna tur kawngkhar chu dim têin ka hawng. An phu mur mur.

An haw rem hun ka nghak leh ta a, a tawpah an reh duak, an reh fel ta maw tihah inhau thawm a awm ṭan.

"Home saw chu ka chanpual a ni, nangte chuan i MLA fund aṭangin cheng nuai tam tak i dawng alawm", Linda-i fanu a ni ngei ang.

A pa a chhuahchhal, "Home pawh saw kei mah avang chauha ding thei a nih saw. Kei hianṭ Central-ah ziak lut lo ila chu, din pawh in din thei lo ang. Pawisa tam tham tak kan hmuhna ber in that leh ta nghal a", ka inseh ruh ṭeuh.

Lâpuii an sawina a ni tih ka hria, "Pa ber i ni a, i tih tur alawm. Ka nu thah kha a ṭulna a awm lo reng reng, nang pawhin i nihna tawktarha hmangin nuam i chên tho alawm.

Nang mah aṭangin ka nuin eng mah a hmu lo a, callboy a lo mutpui ṭhin chu natna tur a awm lo. I thiam loh zawk a ni tih inpawm duh ṭhak loin i nupui ngei i that a nia, i fanu hi eng tin nge ka awm dawn tih in ngaihtuah miah lo", ka awm hmunah ka lo ṭang nasa lutuk.

Linda thattu a chiang ta, a nupui a that a, a fanuin a hriatpui.

"Khatin inla fel deuha awm tum suh, in nufain callboy number in inpe tawn ṭhin a ni lo em ni?", Linda fanu chu a nui hul hak.

An inchhang tawkin, an nihna tenawm lutuk an inhriattawnsak ṭheuh. Chhungkaw mak tak an ni.

Phuba lak erawh, ka ṭhulh dawn chuang lo.

"Nang pawh, inlak fel tum suh. Inṭhen i duh a, i nupuiin a duh si lo. I hmei hruai haw i duh tawh a, i nupuiin i rosum a duh bawk nen, awlsam bera i hriat, callboy a dawr hmasak ber, i thangah i awk a ni lo em ni? Tunah, a tlan chhuak leh nghal, a rawn zawng ngei ngei ang che", Linda fanu chuan a ti a.

A pa elsen takin a nui zui bawk.

Chutiang a nih chuan, khami zan khan zuitu kan nei. Driver kha, ka hrethiam ta chiah e.

Ka haw hnu, ni lo, Lâpuii hmu turin a kal leh phawt. An inah a ruang an chhar a ni a, chumi awmzia chu, he inah ngei, a pasalin a that!

"Ka duh aiin thil i hre hnem mah mah a ni, min vo nana hman i tum ngatin, i chungah thil ṭha lo tak a thleng palh ang",

"Mahni nupui ngei pawh that duhtu chuan, a fa neih chhun hi min that hreh dawn lo tih ka hria alawm. Home saw, ka nu hming paiha ka hminga thlak chauh a ni mai, chu zawng chu", an pafaa inbiakna ngaihthlak chuam, natna bak min thlen lo.

An inrem ta nge nge a, tu mah inmawhchhiat leh indem tur an awm lo. Sakawlin Sakawl a hring chiang ngei e.

"In nula thah tak chu engtin nge in tih?",

"Ka that lo, a awmherh luat avangin ka buai phah hrep, mahni intihlum angin kan kaltir a nih kha. A bialpa tualthattuah puhin man a ni a, chumi rilru na lutuk intihlum angin, Police ho pawhin min ṭanpui ṭha khawp mai", Linda fanu chu enghelh nei lo ang maiin a ṭawng buan buan.

"Ka chhuak dawn, naktukah chauh ka lo haw ang", a pa a chhuah hnu rei vak loah, "Ka lo tlai a, min ngaidam rawh", kawngka ka hawng zau deuh a, Alex-a ni rengin!

Min tiphu nasa lutuk, "Ka ngaidam thei lo che, min hawsan mai rawh",

"Chuti maw, min ngaihdam ngei theihna tur ka hria alawm", Alex-a chuan a ti a. An awmdan ka en zui zel tawh lo.

Alex-a pawh a inrawlh ka ring ve tlat, "Kal teh, zanin chu eng mood-ah mah ka chêng lo, ka pa nen kan inbauh zo chiah nen, mahni chauha awm ka duh", Linda fanuin a ti a.

Alex-a a chhuak zui maiin ka hria. Kawngka hawngin ka chhuak a, a reh ṭhuap.

Choka aṭangin Linda fanu lo chhuakin ka biru leh. A room-ah chhoin, ka zui ru a.

A room kawngkhar khar a tum chu ka luhkhung, "Nang pa hi", min bên tumin a kut a lek a.

Lo man betin, a hnung lamah a kut pahnih ka chelh bet. Tim eih loin min en dak vah a.

Linda hmel leh Lâpuii thattu hmel ka hmu thei, "Min thlah rawh, Police ka hrilh hmain", tham lo zetin a ti a.

"Police i hrilh hmain Lâpuii thattu min hrilh phawt ang", ka ti let a.

Tal chhuah tuma a taksa tichein, a kut ka hnungkhirh chu a tiche dat dat a. Ka chak tawk avangin, ani hmeichhe âwmnem, kum pawh tling awrh chauh tan chuan tal chhuah a har ang.

Kum la tling ṭha lo siin, a chet duhdan erawh, a duhdah phian.

"Ka hrilh lo ang che, ka nu thattu i nih kha",

"Kan hriat kha, tu nge i nu thattu chu", min tiel zetin a nui hak. "Chuti maw", sawi zui tur hre loin a ngawi a. Min en vung vung.

Chutah, "Ka nu nen in awmdun lai ka enthla ziah che u, i number ka dilin a chanpual i nih thu a sawi a. Ka thinrim lutuk kha ka puak lo chauh a ni",

"Nichina mi pa a awm reng kha", ka ti a. Remchanga lak ka duh leh ta zawk, "I nu aiin i itawm daih zawk a nih hi", a chhip aṭangin ka enthla a.

A nghawng ka fawh sak, "Nang mah a ni si lo alawm, Home-a ka hmuh che khan mak ka ti lutuk, mitdeli nen in inngaizawng tih ka nuin a sawi phei kha chuan-", ka thinrim chu a nghawng ka fawh ka seh hlak.

A rak ṭhat a, ka fawp leh ta zawk. A kut ka thlah a, "Min hum a nih chuan i duh apiang a ni mai", ka ti a.

Min hum dawn lo pawh nise, pawi ka ti lo. Lâpuii thattu dik tak hriat tluka duh ka nei lo.

"Ka nu aia nuamin min siam rawh", ka chemte thuhruk lakchhuah a, vih sawk a nia ka duh.

Linda pawh kawng lehlamah a khawngaihthlak, a pasalin hmei a nei a. A fanu awmdan lah, chhungkaw mak tak an ni.

Ka fawp ve tak naa, ka ten em avangin ka tui thei hlawllo. Ani lah, ṭamchhawl ang mai a ni thung.

Hmabak hlen tur ka nei a, thudik hriat ka ngai!

Linda fanu chu Lâpuii anga ngaiin, Lâpuii nena kan awmdun angah ngaiin, "Lâpui, hetiang hian awm reng ang aw", ka suangtuahna ramah ka chêng a.

A hnute kawh ṭha luah fawpin, a nâk nêm lai leh ir no te, a âwm leh a hmeichhiatna te, ka nûl kual zel a.

"U Sang, kan inneih zan hi chu nuam deuhin aw",

"Yessi, nuam thei ang berin", a taksa chhungah ka lut a, eu deuh zawkin, "U Sang, a na lutuk, che tawh rih suh", a chalah thlan a bawl ṭak ṭak.

Ka âwmah min nam a, "Lâpui, a na rei lo ang",

"Aw le", a taksa chhungah ka lut leh a. Kun hniam riai riaia fawpin, ka che ṭan.

Na a ti chu a ṭhen leh sak ṭhin a, ka chawl leh ṭhin.

A hnuah erawh, duhthawh takin ka che thei ta a, na a tih thu a sawi tawh bik lo.

Ka duhthawh thiam ang bawkin a duhthawh thiam ve viau. Ka hnungzâng chul kual riak riakin, a changin a ham leh ṭhin a.

Ṭhen sak a awl duh lutuk, thawm dim ngai bawk si, duhthawh bawk nen, kan nui leh ang bâwk bâwk a.

"U Sang, ka khûr dawn, ka khûr dawn", a sawithiam lutuk chu ka nui tawp. Min ham vak vak a, chet muan thei pawh a ni lo.

Muangchang loin ka intichak a, a tawp nan ka nawr chho tawk. A khûr tawp tih hriat takin a thâw kâwk a.

A taksaa bei thlawpin khûr tawp tawh mah se, ka nawr chho leh tawk tawk. A bengkawm ser ner nerin, "Lâpui, ka la khûr tawp ve si lo a, min peihlo san suh aw", ka phun sup a.

"Peihlo san dawn lo e, ka thinlung leh taksa, ka engkim hi i ta vek alawm", hmeichhe mak tak zawng a ni.

Ka nawr chho leh tawk tawk a, nghal chhuahin, ka taksa inzawmna lai a chul kual a. A changin ka mipatna bul rawn khawihin, a hmeichhiatna nena kan inzawmna a lo tawk leh ṭhin a.

Hauh chang ka ngah, a nui mai mai. Nghal a chhuah chuan min puiin, ka zo thuai a. A tawp nan ka nawr chho tawk.

"Nghal dan i thiam hle mai", a beng bulah ka phun sup a.

Tho kangin ka mipatna la chhuakin, a hmeichhiatna hnâwng chap chap hmawr leh a bul vel, ka mipatnain ka nul kual a.

A hmeichhiatnaa lut chuang loin ka mipatnain ka sawisaa, "U Sang, min hrem i tum em ni?",

"Nichina nghal i chhuah man",

"Hna a thawh ṭhat em kha, khawngaihin min hrem suh", ka sawisa uar sauh. "U Sang, khawngaihin", a ti a.

Ka sawisa chhunzawm zel a, min tlawh nghek.

Nui hak hakin a mal ka tikau a,,"Nghal tawh suh ang che", ti pahin ka lut ṭha ta a.

Duhthawh leh thawm dim tak chung siin kan inpawmbet a.

Harh chhuak zawkin Linda fanu hrawkah ka rek, "Pawisawilo in thah khan hlawkna in nei lo. Lâpuii thattu min hrilh rawh, second hnih bak hun i nei lo", ka thlah a.

Khuh bawrh bawrhin a thaw kâwk kâwk, ka rek leh chat, "Lâpuii thattu min hrilh dawn nge, i nunna hi ka chhat dawn?", ka thlah leh a.

A thaw leh kâwk kâwk, a tukkhum sama ṭhamin, a hrawkah chemtein ka tin a, "Sawi rawh le, tuin nge Lâpuii that?",

Meng pawng zawr zawrin, "Ka hre lo", ruaka awm kan ni bawk a, a kâ chhunga ka mipatna ka hnawh lut hrâwk.

"Sawi rawh", mittui tla phungin a thâw kâwk. Ka ṭhutbet a, a kut leh ke a tiche ṭha thei lo.

Chemtein a mit hnuai ka rin kual a, sawi tum hmel a put loha ka hriat avangin bedsheet-a phuar hlawmin, thawmhnaw ka inbel a.

In chungah ka pu chho, tal chhuah tumin a bei fat fat. Chhuah tir ka tum lo nasa ropui.

In chung hmawrah dinpuiin, hnuai lam ka bih thlak tir a, "Nam thlak i duh loh chuan Lâpuii thattu sawi rawh",

"Sawi pawh ni ila, min nam thla dawn tho tih ka hria",

"I tidik e, Lâpuii tina tu apiang chu ka zuah dawn lo, an thisen a far kang tur a ni", a hrawkah chemte ka chuktuah a, ka zai tawh dawn emaw ka ti hman.

Mahse, tih dan ka thlak a, "Min hrilh lo pawh ni la ka nam thla dawn tho che, chumi hmain i hrawk hi ka zai phawt ang", ka pawt hnai a.

"Alex-a ai kha chuan ka siam nuam zawk tho che lawm", nui sakin ka ti a. "Alex-a a? Engtin nge i hriat?",

"Ka ṭhianpa nen ṭang dunin Lâpuii in that a, ka thah zawhah che that turin ka kal nghal ang", chemtein ka tin ran.

Zai tuma chemte ka chelek chu, "Lawkin, Alex-an a that", a sawi zawh rual rualin a hrawk ka zai a, in chung aṭangin ka nam thla nghal.

Ka rin dan chiah a ni. In hnuaiah ka chhuk a, a phone lain Alex-a number ka zawng.

*Alex* ti thoin a save a, ka call nghal, âw tidanglamin, "Biak che a tum a, mah se, a rui lutuk a, ka lo biaksak tawp che, inah a awm, lo kal vat la a ṭhat ka ring", phone ka dah a.

Linda fanu bawkkhupa awma, a hnuk la chat fel chiah lo, meng phar nasa chu ka en reng.

Alex-a a lo thlen hma a thih fel hun nghakin a bulah ka ṭhu ngawi reng.

A tawpah, Alex-a a lo thleng, kei leh Linda fanu min hmu chu mak ti lutukin min en tawn sek a, tlan chhiat a tum ta mai.

Um thuaiin ka man hman a, Linda fanu ruang tauh dawt khawpin ka theh thal ṭhuai.

"Sanga, eng nge thil awmzia?", ka hnek a, ka pet a. Chemtein a taksa hmun ṭhenkhatah ka vit bawk.

Ka hnek a, ka hnek leh ṭhin. Ka pet a, ka pet leh ṭhin. Ka vit a, thinrim takin ka vit a, leiah a lu ka tauh tir a.

Na takin, a lu a keha thluak a chhuah hma chu!

"Lâpuii khan i pawi eng nge a sawi? He sual khura min sâwmtu leh min hnukluttu chu nang hi i ni asin.

Ka ṭhian angin ka ngai che a, nang erawh chuan, ka hmangaih ka nupui sual tumin i that zui a.

Ṭhiante chunga ṭhat chhuah dan tur a ni em ni?", a zak hnuaiah ka vit a. Chemte ka her kual.

Na tiin a ṭe rawng rawng, "I nupui a ni tih hria ila chu, ka ti miah lo ang",

"Ka awih anga maw?",

"Min ring rawh, Lâpuii kha mutpui turin min ti a, Pi Linda khan. Amah kha, ka duh vang a nia, a fanu nen sawn, a fanu nen ka mutpui chhawk ṭhin.

A hmain, i lo mutpui tawh ang tih rin ngaihna pawh ka hre lo. Pi Linda thah a ni a, an man che khan ka hre ve chauh. Chuan, a fanu sawn Lâpuii mutpui leh turin min ti a.

Min ring rawh, Lâpuii kha, "U Sang", tiin a au nasa lutuk. Nang mah i ni ang tih ka hre lo na chu, ṭhian Sanga ka neih che avangin ka tilui duh lo.

Mahse, mahse, Zampuii sawn min tilui tlat a, a thu ka awih duh si lo, Lâpuii chu a va rek a, pui tura min tih avangin ka man bet a, Zampuii sawn a rek hlum ta a ni.

Inawkhlum anga lantir hnuah chauh i bialnu a ni tih min hrilh. Engvanga Lâpuii mutpui tura min ti tlat nge a nih ka hrethiam bik lo.

Sanga, min ring rawh, i bialnu a ni tih hre ngat ila, ka tilui miah lo ang. Zampuii lak aṭangin ka chhan ngei ngei ang", Alex-a kawr nghawngah ka ṭham a.

Mittui tla zawih zawih chungin, "Inzuar ṭhin ka ni tih hre vek chungin pasalah min nei a, min tihlawm loh hlauin a buai em em reng zel asin.

A pian chhuah phat aṭangin khaw hmu thei lo a ni a. Taksa leh rilruah nasa taka sawisak a ni a.

Chhung leh khat chu sawi loh, nu leh pa ngei ina an thlauhthlak a nia sin. Chumai ni lo, sum siam an la hmang zui.

Bungrua ni loin mihring ve tho a ni a, duat leh hmangaih a phuin, duat leh hmangaih ngawih ngawih tlak a ni asin",

"Sanga, min ngaidam rawh, ka hre lo tak tak a ni",

"A tawk tawh e, ka hmangaih min thahsaktu te, nung dama in awm rengna bik tur ka hre lo", a hrawk ka zai a.

Zampuii leh Alex-a te ruang pahnihin min karcheh. Ṭhingṭhiin Van lam ka hawi chho a, "Lâpuiii", ka au vak.

Min chhâng thei tawh si lo. Vawi eng zah nge Lâpuii ka koh ka hre lo. Âwm tâwt lutuk tihziaawm nan ṭah pawhin awmzia a awm lo.

Kha zan ang em ema Lâpuii hming ka lam nasat ka hre lo. Duat leh hmangaih kha a phu hliah hliah.

Mihring nun leh Thlanlung pawn lam hnawih vara chhung lam thim khup tehkhin a nih ṭhin pawh hi, a awm hliah hliah.

Chhunglama thim khup leh dum tak, pawn lam erawh, var em em thung. Chu chu kan nihna a ni.

Famkim a awm theih loh, ṭhat erawh a chhuah theih.

Nawmsak duh luata mahni zahawmna paihthlak hreh lo kan ni a. Midang tana mi ṭha nih aiin, kan ṭhatna tur a nih dawn phawt chuan, kei mahni aia chak lo leh dawrawm zawkte hmang ṭangkaia hnuaichhiah, Sala siam mai pawh pawi ti lo kan ni.

Kan hmangaihte tana thil ṭha ti anga kan inngaih laiin, mahni hmasialna lek a ni si!

Nawmsak leh mahni chanpual turah chuan Ṭhian a neih theih loh. Min tichhetu te chu, kan bul hnaia mi, kan ṭhiante an ni duh châwk.

He khawvelah hian lawmna zawng suh la, lungawina tur zawng hek suh.

I kuta awmah lawm la, lungawi zawk ang che. A tir aṭanga thil ṭha lo tih i hriat reng chu hlat ang che.

Tihchhin policy apply ve suh. Tihchhin policy apply tawhten kan inchhir thu kan sawi chamchi hi awihin, zawm ang che.

Zan a ral a, chhûn a nih angin, thima thiltih chu êngin a lo hailang leh zel tho. Phak tawka kan nun kan fimkhur a, lungawina nena kê pên a ṭha ber.

Duha duhâm luat hian chhiatna bak min thlen lo chu a nih hi!

Lâpui, aw...ka ngai lutuk che, ka hmangaih lutuk bawk che.

Ka venghim thei si lo che, ka nihna eng kim hriaa min ngaidama min hmangaihtu, Lâpui, i nui hmel vawi khat chauh tal hmuh leh ka va duh em!

A tawp nan, khawngaihtakin Lâpuii tana i thuziah kha min sawisak thei ang em?", Pu Sanga chu a nui sâng a.

Ka hmai hupin ka insut hlawp hlawp, "I ziah hun kha, Lâpuii ka zawn lai, ka pu damlo an lo kalpui hma a nia. Khatih lai khan Lâpuii lo hmu daih tawh ila, emaw, Alex-a sâwmna lo hnar ta ila.

Kha sâwmna kha ka hnar thei reng, Alex-a pawh a demawm loh.

Hnar thei reng ka ni a, ka duhthlanna ngei a ni si. Duhthlanna ka hmang sual ta a ni.

Khawngaihtakin min sawisak thei ang em?",

"Thei e", rawmawl phawrhin ka inhru hul a.

Lâpuii tana ka thuziah, ṭap ṭeuh chungin ka sawi a.

Pu Sânga lah a lungawiin a hlim hmel si, ṭap chunga sawi ka nih avangin a hriat ṭhat theih ka ring lo.

Tapchhakah ṭhuin Pu Sanga thu min hrilh, a kip a kawiin ka ngaihtuah kir.

Ka haw aṭanga thla khatnaah a boral thu Chanchinthar aṭangin ka hria a. Ka va kal ve ngat.

Lâpuii bulah an muttir a, Lâpuii ruang, ruhro chuan Pu Sânga chu an lo nghak ni mai khan ka hria.

Msa pawhin dam lam a pan ve zel a, inṭhen loin kan la tluang ve zel. Mahse, kan inbe khât lutuk.

Ngaih ṭhat dawn loh hnaihah hian min lo be ṭhin a, ngaih a ṭha leh nge nge zel. Engtin nge kan awm zel dawn chu ka hre lo.

Kan inṭhen hlen ka ring chuang lo a, beiseina hian min la kal tir hram hram. Ngaihvenin an inah ka lang ve zauh ṭhin bawk.

Kan inkar tawp mai tur atan chuan ka ui. Mahsela, ka thu a ni bawk si lo. Msa nen, a hma anga kan awm leh k beisei.

Lâpuii leh Pu Sanga te inhmangaih aia nasain kan inhmangaihna a zual zel ka beisei!

Thawnthu ziah ka zo tawh a, thawnthu an post-na group-ah Admin approve turin ka submit a.

Lâpuii leh Pu Sanga te zinkawng hi a thui lo nain, a hlimawm lo a ni thei.

A lungchhiatthlakin a ngaihnawm ve tlat. Pu Sangan Lâpuii tana phuba a lak dan te, an inhmangaihna te thup bo atan chuan a uiawm ve em asin!

Tihian, thawnthu tawpna ka khar a, "Vanram kawtah Lâpuiin a lo nghak a, Pu Sangan a hmuh ve leh a hmaa ṭhingṭhiin, "Lâpui, i ngaihdamna dil tur ka ni lo tih ka inhria. Mahse, khawngaihtakin min ngaidam rawh.

Hmangaiha vanghimtu tur che hian, ka hmangaih tawk lo chein ka venghim zo si lo che a. I thâwk tawp thlengin ka hming i lam a, chhan tur chein ka lo kal thei si lo.

Ka nihna hre vek chungin min hmangaihin ka bula awm i ṭhulh lo a, i hmangaihna dawn phu lo ber ka nih hi, khawngaihtakin min ngaidam rawh", Lâpuii chuan nui varin, ṭhu hniamin Pu Sanga chu a kuah a.

"U Sang, ka mit i ni a, min venghimin min hmangaih em em reng tih ka hria alawm. Nang bak baka ka hmangaihna dawn phu an awm lo.

Ka ngaidam vek tawh che. Tunah chuan, tibuaitu kan nei tawh dawn lo bawk a, hlim takin awm tawh ang aw", Lâpuiin a ti a.

Pu Sangan Lâpuii hnenah, "Ka va lawm em, Lâpui, ka hmangaih lutuk che", a ti a.

Lâpuii pawhin, "Kei pawhin ka hmangaih lutuk che. Ka sawi kha i la hria em, i hmel ṭha lutuk ringawt", nui saihin a ti a.

Vanramah chuan mitdel an awm tawh lo a, kebai lah an awm hek lo.

Khawvela famkim lo te pawh Vanramah chuan famkimin an lêng tawh si a.

Lâpuii leh Pu Sangate chuan Anṭam hmun zau tak neiin, huan lai takah Thlam an sa bawk.

An fanu leh fapa te nen an lêng kual ṭhin a. Chu Vanramah chuan an chhungkuain an lêng a, an suangtuahna chu a takin an chantir ta a ni", tiin.

Pu Sangan Lâpuii puala thu min ziahtir hmangin, Thawnthu chu ka kharchilh hmak.

"I ngaiin thinlai a rûm a, i sakhmel zawn nan chhingmit a lêng ruai e. Khawii hmunah awm mah la, pheichheh khai a tawp dawn lo.

Khawng takin pheichheh ka khai zel ang.

Kimtlang en nin theih loh, sakruang pianzia sêl phal loh, ânka ngaihthlak nin loh.

Beidawnnain min chim mah se, nang tawn nan zawng chawlh ka phal lo.

Thinlai damten, lungmuang tein lo awm la, tlawm ngai lo tur Chhuihthangvala, Sangan ka zawng zel dawn che.

Lêngdang ṭang lo bel lul suh ang che, i ngai hian fam ka chang thei mai awm e.

Min veiin min lo hawih ve reng la aw, Sakhming ṭha hluan, Lâpui".

***A Tawp Ta***


Show post links
Top