Lâpui BY Cck Lalchhuanawmi (Completed)

[Ngaia]

#Lâpui
#callboy #tualthahna #phubalakna
Warning

Lâpui
Chapter-1
Ziaktu:Cck Lalchhuanawmi

Ka phone ri ral ral chu lak mai nachang ka hre lo, ka ṭhiannu hming a lang kuau. Ka phone ringtone hi nalh ka tiin, ka ngaithla kham thei lo.

Kei atak pawhin rik ral tir ka duh ve hrim hrim, ka ṭhiannu chu han chhaih kawlh ka duh pah.

A vawihnihna atana min lo call leh chuan ka chhâng ta hrâm. Mahse, ka rin loh lutukin Vaipa a lo ni thung!

Tu nge a nih tih ka zawh hma hmain, "Mawimawii i hria em?", min lo ti ta mai.

Ka hriat thu leh ka ṭhiannu a nih thuin ka chhâng, tuna min lo biakna pawh hi a number a nih thu leh, a hming a lan kuau thu pawh ka hrilh.

Vaipa chuan, "Ni lo e, hei hi keima phone a nia, chuan, Mawimawii kha keima bialnu a nih kha", a lo ti a.

Ka zak lutuk ti bakin sawi ngaihna ka hre lo, "A nih chu, eng nge ni ta?", ka ti a. Biak rei ka tum lo khawp.

"Ka phone leh message min lo chhâng duh lo, khawngaihtakin min lo sawisak teh. A lo haw aṭang min be duh tawh lo, hei hi keima phone a nia, i number pawh a save, ka lo be tawp che", a sawi hmangah a rilru a hah hle tih a hriat.

Vai Mistiri a nih ngei pawh ka ring, ka ṭhiannu chu kan khua aṭang khawpui lamah inhlawh turin a kal a.

A number emaw tia ka save pawh, a bialpa number lek niin, ka lungni lo kher mai. Tunah a lo haw tawh a, min lo fiam tuma min lo call emaw ka ti hman.

Kan inbiakna zozai te kha, a bialpa phone aṭangin min lo be lek chu niin, "Khawngaihtakin ka number hi delete rawh", ka ti thlarawk.

Mizo ṭawng pai deuh chawn chawnin min be lehnghal, "En teh, i hre miah lo ang, a inzuar ṭhin alawm", a rawn ti leh.

Ka beisei loh lam daih, ka ṭhiannu fel em em chu ka mitthla rauh rauh, mak tih ai pawhin a mak.

"Ka bulah awmin an lo pan ṭhin, i hre lo a nih kha, a hur lutuk, ka sazu hi lian a tih ber thu a sawi ziah", a ti chu ka thinrim lutuk.

"Aw, aw, a ṭha nih chu, ka number hi delete nghal ang che", vin deuh taka tiin ka off daih.

Ka thu hriat chu ka awih lo mah mah zawk a ni. Ka ṭhiani va awmdan chuan min ṭhawng hle bawk.

Thudik a ni dawn em ni tih chu ka inzawt chamchi. Chhungte an awm lo hlauh a, ka vanneihpui ta.

Awm phei se chu, a zahthlak dan a alh hlup hlup dawn. Hre ve dawn lo pawh nise, khatiang thu han dawn chuh, mang lamah takngial pawh ka beisei loh tur a ni.

A tuka ka hnathawhna hmunah pawh, nimin lama ka thu dawnin min la rûn char char. Zankhuain min titlaivar tawh bawk.

Tu thiam loh nge ni ta ang aw tih ka ngaihtuah. Chutih rualin ka zak hle bawk. Zak tak ka ni. Khua ka hawi ngam lo ṭep zawk a ni.

Ka ṭhiannu awm ṭhin dan ka hriat chuan min tina hle. Zawhfiah hial ka duh.

Phone enin a number anga ka ngaih lah kha a lo ni awzawng si lo. An Ina kal chilha hauh hrep lah a ni bawk si lo.

Tunah hian, khawpuia a va awmdan tumahin hre loin fel an tihzia an sawi sup sup chu a ni si. A hre awmchhun ka ni chiang bal.

"Kachhuan?", min sâwi dattu ka nu chu enin, phawk hâin, "Eng nge ni ta?", ka ti a.

"Eng nge i ngaihtuah vung vung, i hmatiam chanve pawh i la zo lo",

"A nih hi", ka ti ringawt. Ka hma ka en a, hlam sawm pawh ka la thlo lo. Nimina ka thu dawnin min luah em a ni.

Lu thing nawkin ka hmatiam chu ka thlo ta mial mial. Keimah leh keimah hi ka intibuai chawp mai mai.

Vaipa pawhin min lo be tawh lo a, ka number pawh a delete tawh turah ka ngai. Keipawhin ka delete hmak.

Ka ṭhianin min lo be tawh ngai lo ka ti reng a ni. Khatiang thu min hrilh ngam kha huai ka ti lutuk.

Kan rama inhlawha awm, Vai Mistiri te meuh pawh an huaisen chhan chu, keini hian kan lo zir ta em a ni!

Vai Mistiri nena chên duna inzawrh reng reng pawh chuh. Ka ṭhiannu pawisawilo tak hmel ka ngaihtuah a, kan ral lawkah hlo thloin a awm ve kur.

Kei min bum chu thuhran, a chhungte a bumin, a rukin a timualpho hle a ni. Ka ṭhiani chu ka dem vak vak tak naa, ka khawngaih hnuhnawh.

Chutianga a awm chhan ka hre miah lo, lo dem vak pawh hi a mawiloin ka hria.

Zanriah ei laiin, "Naktukah chuan kan zo ve tawh turah ngai ang, vawiinah zo thei reng tur kan ni mawle, Kachhuani a chau tlat atin ni", ka nuin a ti lang lang.

Min fiam pah deuh bawk, "Msa a lo haw har tawh avang a niang", ka nauin a ti chu, ka melh kha kha.

Ka chhungte an nuih dar dar karah zak deuhin ka awm. Msa a lo haw har tawh avang a ni tawp si lo.

Mut hmunah Msa nen intext-in, Mawimawii chungchang Vaipain min lo hrilh ka hrilh ve dawn emawni ka ti hial.

Ka insum leh ta zawk, keimah chauh hian a rukin vawng mai teh ang. Msa pawh khawpuia inhlawha awm ve tho a ni.

Mawimawii nen an inbe vak ngai lo, Mawimawii lo haw pawh ka hrilh a, a hre ve chauh.

*Kachhuan, kum tawpa ka lo haw hunah Palai chu aw*

*tehreng mai, lo haw thuai rawh, ka nghakhlel tawh lutuk", ka ti a.

Dik tak chuan inneih a sawi hian ka lungni lo deuh ṭhin. Mahsela, ka duh ang ngeia min hmangaihtu a ni lawi si.

Ka hmangaih tak ai chuan min hmangaihtu zawk ka duhin ka zawng reng bawk. A tawpah Msa nen intawngin, kum thum chuang chu kan inngaizawng ve ta reng.

Kum thum hnuah erawh Palai a sawi tawh, dik taka sawi chuan Pasal neiha Mo han nih tur chu ka hreh thlu ngang.

Msan, "Kan inneih zawhah khawpuiah kan awm dawn nia", a ti ṭhin tak naa, chu zawng ka huphurh hauh lo.

Ka huphurh ber chu Mo nih a ni, Msa sawi angin khawpuiah awm dawn pawh ni ila, ka pasal chhungte mit ka tlung ang em tih hian min hneh leh ṭhin.

Chumi avang ringawt erawhin Msan inneih emaw Palai a sawiin ka hnial ngailo thung. Kei akara min hmangaiha min nei duh chu ka lawm zawk daih si a.

Kum tawpah lo hawin, Kum tharah khawpui a pan leh ṭhin. A lo haw chhunah a lo lêng ngawrh thei a nia aw.

Keipawhin ka ngaihsan rukna leh a lama min hiptu chu Biak in kawng min zawhpui ṭhin hi a ni!

Hei vang tak pawh hian ka thlah phal lo, inngaizawng ni ve lem si hian, vawikhat mah kan la infawp lo.

Infawh ka phut tihna erawh a ni hauh lo thung, inkai chunga hmun fianrial pan aiin Biak in kan pan ngun zawk.

Thuak ringawt pawhin min kuah ngai lo, a lo haw ṭuma a lo lêna tap chhak bula meilum ai paha hnai têa kan inṭhutchilhte hi a ni mai.

Thianghlim ser sawr tak a ni, chuvangin keipawh ka inbuatsaih nasa thei lutuk.

Lo thlawh(thlo) kan zo a, ka thawveng ṭha tawh lutuk.

"Zanin chu ka inkhawm lo mai teh ang, ka chau deuh tlat",

"Aw le, aw le, lo chawl rawh, keini zawng kan va inkhawm ang e", ka nuin a ti a.

Ka nauin, "U Msa ka hrilh dawn mawni le?", a ti chu, ka melh leh kha kha. "I hrilh chuan bengbeh ka lei lo ang che",

"U Msan min lo hawn dawn tho", intithei fahranin min la tihkhum zui. "Kal teh ang u", ka pain a ti a.

Inkhawm turin min chhuahsan ta dial, Msa chu awm se, inkhawm turin min tilui ngei ngei ang.

Msa pawh a inkhawm a nih ka ring, min lo be loin a online lo bawk.

Ṭhutthleng seia bawkin Fb-ah ka lut a, thuril ka lo ziah ka post hote hailetin ka chhuikir vawng vawng.

Thinlunga thu lo thleng paiṭawih mai loa han ziah chhuah hi a nuamin, mahni leh mahni inbiaa inngaithlaah ka inngai!

Ṭhenkhatin an ngaihzawngte tana min ziah tir tawk lah bo lo. Khang hun lai kha a nuam ve tawp.

Mahse, tunah erawh a dang zo ta. Thu ziah ka chawlhsan tawh tlat!

Ka lung a lêng ve ṭhin khawp mai, ka chawlhsan chhan ka hre mai bik lo. Ka thinglunga thu awmte ka paiṭawih tial tial aṭangin leh, ngawih bopui mai ka chin aṭangin ziah chhuah tur ka nei ta mang lo.

Chawlhsan fithla ṭhak ka ni ta.

Group hrang hranga ka lo post tawh te ka en let leh chu, min tilungchhe ngei mai.

Ka phone ri chu chhâng thuaiin, "I inkhawm lo em ni?",

"Khawm lo, ka tihpalh lutuk, min ngaidam rawh aw, ka chau deuh hlek a", ka ti a. Ka phu lohzia hi ka hre thar leh ṭhin.

Thlah mai ka phal bik si lo, "Ngaihdam dil a ngai lo, inkhawm bân ve leh ka lo be nghal che a nih hi. Biak ina ka luh hma deuhin Nonoin min lo hrilh a", dam zet hian a lo ti a.

Ka thlakhlelhzia leh ka ngaihzia ka hre uar uar, "Nonoi ṭawngtheih dan hi chu aww", vui âw zetin ka ti.

"Ka nau kha lo hau miah suh ang che",

"I nau pawh a ni ve lo", ka ti chu a la na ngang mai, "Lalchhuanawm, ka lo haw hunah i chak lo ang", a lo ti thuai.

"A ṭhat chu, lo haw vat rawh",

"Naktukah ka lo haw nghal dawn", a lo ti ve leh. Lo haw tak tak se nia ka duh ni.

Ka chhungte an lo haw chawpchilh mai avangin, ṭi dâkin pindanah ka lut. Khumah bawkin, "I nau duhtak a lo haw e, mahse, ka inbiaktir dawn miah lo che u",

"Ka lo haw hunah i hre khawp ang aw", a lo ti leh. "Naktukah i lo haw dawn kha?",

"Zaninah zawk ka lo haw ang", a ti chu, ka nui ar ar. "Ka ngai tawh lutuk che", a lo ti a. Ka nui tawp chiang lutuk.

Min ngaih thu a sawi laia a tihtak zia leh a fiamthu lohzia ka hre tel tlat a ni.

Ka ngaihzia leh ka thlakhlelzia te hi hrilh ve ka châk. Mahsela, ka huaisenna hian a tlin ṭhin lo.

"Min ngai ve lo em ni?",

"Keipawhin", ka kâ hup chungin ka sawi. A nui ri ka hre thei. Min nuih mai rawh se.

Meilum ai paha titi dun ka nghakhlel leh tawh mang e.

Kâr a liam a, tlai khat chu Msa nu thlaphang lutukin kan inah a lo tlan lut, ka lo be vat.

"Kachhuan, Msa, Msa", ka kut vuanin, ṭap rawi rawi chungin a ti a. Min kuahin a ṭap rawi rawi.

"Duhawma nu, ngati nge ni ta ngai?", ka nuin a lo ti a. U Duhawma a lo tlan lut ve leh.

Msa nu lah min kuahin chhuatah kan ṭhu tawh, a ṭap hawm hawm si a, a ṭawng thei lo.

U Duhawman, "Msa a accident thu min lo hrilh alawm mawle", a ti chu, ka nghing lawih!

Msa nu chu ka pawm bet tawh, kan pahnihin kan inpawm bet chawt. "Engtin mah a awm lo ang", tiin kan inhnem tawn pah.

Nikhaw hre loa a awm thu min lo hrilh, a zan la lain khawpui kan pan nghal a. Msa nu leh pa leh u Duhawma leh kei kan kal.

Tukina *zing chibai, hun hman nuam aw* tia message min lo thawn kha, a tawpna ni lul suh se.


Show post links
Top

[Ngaia]

Lâpui
Chapter-2
Ziaktu:Cck Lalchhuanawmi

Tukina *zing chibai, hun hman nuam aw* tia message min lo thawn kha, a tawpna ni lul suh se.

ICU-ah awmin, pawn aṭangin kan thlir vawng vawng. Reilotê chauh pawh kalsan har ka ti.

Msa nu leh pa a chhungah luh tirin, u Duhawma nen pawnah kan lo awm. Ṭhutnaah ṭhuin ka kut ka sik nuap nuap.

"Aw Lalpa, phatsan ngailo che a ni a, chuvang chuan tidam leh rawh aw", tih chu, ka ṭawngṭai thupui a ni.

Msa nu lo chhuah hnuin a in luahah kan haw. ICU chhunga luh ve ka châk asin aw.

Engmah ka sawi ngam si lo.

"Ei rawng ka han bâwl ang e, ka nu, lo intifai ta che", ka nu chu intifai turin ka kalpui.

U Duhawman ka nu a ṭhutpui chawt, Nu hmangaihna tak hi chu aw. Msa pa pawhin a ngaihtuah tih a hriat tho.

Muhil thei loin Msa ringawt ka ngaihtuah, phone-a message kan inthawn ka paih lo te chu ka chhiar thla den den.

Riahpui an phallo chu thuhran, ICU-ah a awmpui ngawt theih si loh. Phal pawh nise, kei chuan ka awmpui thei dawn lo.

Khawvar ka nghak chhuak chiang ngei mai. Ka mut erawh a chhuak miah lo.

Msa pain, "Lo harh chhuak vat tawh se a ṭha asin mawle", a ti a. Ka nu erawh eng thu mah sawi thei loin a ṭap deuh reng.

U Duhawman, "Ka pa, helai hmuna kan awm khawm dul hi a ṭha loin ka hria, Kachhuani te nen in lamah lo va haw ta ula, keiin ka lo awmpui ang e. A harh chhuah ve leh ka lo hrilh nghal ang che u", a ti a.

Ka duh lo ngei mai, kum thar, kan khua a chhuah san aṭang second khat pawh a hmel ka la hmu lo.

Hnial chi niin ka hre bawk si lo, lo innei hman tawh ila chu, keimah ngeiin ka awmpui tur hi a nia!

A tawp nan, Msa nu leh pa va lutin, kan haw dawn avangin Msa nu leh pa dawtah min luhtir ve.

Hnial hauh loin ka lut, ka tlan lut hi a ang mah zawk. A lu tuam burin, a hmai an bel nuaih bawk.

Khûr hlawk hlawk chungin a kut ka vuan a, ka hmui ka nawr vang vang. Khâwl ri vû vû karah ka insût hlawp hlawp.

Insûm kar lek loa han ṭah vak ka va châk em!

Awmrei theih ni hek lo, ka luh aṭanga minute hnihah, "Ms, lo harh thuai rawh aw", a kut ka vawn chu ka hmuiin ka nawr leh vang vang.

Ka nu leh pa te nen kan haw ta a, u Duhawman chanchin min lo hrilh ve reng, tun thlenga a la harh lo chuan zan min ti mu ṭha thei lo.

Msa ka ngaihtuah aleiah ka tha a ṭhumin, ka che reng reng chu a zawi ngawih ngawih.

Nonoin, "U, i mit khûr a thûk vek, i cherin i tla rawk rawk tih i hre miah lo ang", mutnaah a ti a.

"Chuti maw, ka lang chhe viau em? Msa lo haw hunah min ṭhen daih mai ang a?", Nonoi chu a ngawi vang vang.

Uar fea lu thingin, "U Msan a ṭhen miah lo ang che, a ṭhen che a nih chuan Police ka man tir ang", chau tak hian ka nui sak.

Tawi têa ka nui pawh chu ka chauhpui ngawih ngawih. U Duhawma hnen aṭangin lah, chanchin Duhawmlo hlir, a hming leh a chanchin lo thlen hi a inhmeh lo em asin!

Tukṭhuan ei hmain Mawimawii a lo kal a, a hma ang tak takin ka lo be tlangnel thei tawh lo.

Fel famkim ni miah suh i, Vaipa thil min hrilh aṭangin ka hmuhdan a dang vek.

Vaipa khan dawt a sawi nge sawi lo tih hre lo mah ila, khatiang thu min hrilh ngam danah thudik chanve a nih ka ring deuh bawk si.

"Naktukah khawpuiah ka kal leh tawh dawn a, Msa ka lo en ṭhin ang. Nangpawh, inenkawl ṭhat i mamawh, i chau chhe mai ang tih a hlauhawm", Msa hming a lam ri chu ka lungni lo kher asin.

I lo en a ngai lo tih hrep ka châk lutuk, "A lawmawm ngawt ang", ka ti tawp. Ka hmelah a lang mah mah ang em aw tihah ka buai leh tawh.

Ka inthup thiam ve thlawt si lo, nuam lo a ti ang tih hlau takin ka be siam siam tho. Har ve tak chu a ni.

"Vawiin chu in lo nghak mai ta che, zanah i mu thei si lo, chhuna i mut theih takin, tlemtê mut tum teh", ka nu phur tur ka siam sak a.

Ka pa pawhin, "Ni e, chhunah i mu thei deuh mahna, Msa ngaihtuah ngut ngut lo la, hahdam thei ang bera dawnsawn tum rawh", an thusawi chu ka ngaithla kar.

Phone bawk enin, kan inbiakna hlui ka chhiar thla leh den den. Paih loa ka vawng ṭha kiau hi ka lawm tawlh tawlh.

*ka ngai hle mai che* min lo tihte chu hlui tawh mah se, ka thinlungah erawh a thar chiang ngei mai!

Muthilh tuma ka mit ka chhin chuan, meilum ai laia zawi taka, "Kachhuan, ka hmangaih che", a tih lai ka hmu hlawl!

Ka meng chhuak chiang lutuk. A chiang lutuk, keimahni ngei kan ni.

Phat leh chuan tur a awm lo, "Zaninah kan kawngka lo kik thut mai la!", ka rilruah chu chu a lo lang thuai.

Lo kik tak tak se, lawm avangin a vawikhatna atan keimah ngeiin ka kuah duh ngei ang!

Ka nu te lo hawn Thialkha baiin Msa nu leh pa te ka va pe ve, u Duhawma nupui, "Khawi ami nge an hmuh bik a, ka zawng ve nasa thei lutuk asin", plate-a sawn chungin a ti a.

"Ka zawt miah lo mai, kei chu, Chakai nena bai hian tui ka ti zawk, a Thialkha tawpa bai hi chuan tui ka ti leh miah lo mawle",

"A tui ve ve alawm le, kan lawm lutuk, ka nu pawh a chawkâ a tui turah ngai ang. Msa lah, a la muhil char char mai si, hahdam taka awm tum ve rawh aw", ka bai suahna plate silfaia min pe chungin a ti a.

Ka pain Chhana a pawm a, ka nu erawh pindanah a awm daih thung. Haw tuma ka ṭhutna aṭanga ka tho tihah u Hlimi phone a lo ri.

"U Duhawma a nih hi. Hello? Dawt i sawi lo tiraw, Msa a harh tawh maw?", ka inher let vat.

Ka nu pawh a lo chhuak rang lutuk, "Aw, aw, ka lo sawi ang. Msa a harh tawh a nih chu, nichin lawk khan, Ward pangngaiah an sawn tawh dawn", ka lawm lutuk chu ka insum zo tawh lo.

Ka kâ hupin ka mittui a tla zawih zawih. U Duhawma chuan chanchin Duhawm a lo thlen ta nge nge e!

"U Msa chu ka va lawmpui tak, ka ṭawngṭaina avang liau liau a ni", Nonoi chu ka nuih sak.

Zanriah ei lai pawhin ka mittui a tla deuh reng, ka inthlahrung ngei mai. Ka tho thuai reng bawk.

Min boralsan tawh dawn emaw ka ti hman alawm, chhuna ka mumang, ni lo, mitthla kha, Msa harh tur lantirna te pawh a ni mai thei a ni!

U Hlimi lo kalin, "I lo haw daih a, u Duhawman Msan a lam thu che a sawi asin, a hmu châk che a nih kan ring", ka chhungte ka en vat.

Min han phalsak hlauh mai se, "Min lam tak tak maw?", awih chiah lo deuh awih deuh tho siin u Hlimi ka zawt nawn.

Uar taka a lu bu nghauh nghauhin, "Lam tak tak e a, i kalna man tur ka tumsak ang che, i kal duh phawt chuan", ka chhungte ka en leh.

"I kal duh chuan han kal rawh, i chi-ai nasa si", ka nuin a ti ta a. Ka chuk ṭep a ni.

Naktuka chhuak turin ka insiam, hâk thlak tur thawmhnaw tlêmtê ka bag-ah ka khung.

Mawimawii nen kan kal rual ta a, Msa hmuh hlan mawlh ka nghakhlel. Min lo lam vel a, phu lo ka va inti tehlul tak em!

"Ka awmnaah i duh phawt chuan i lo awm thei a nia aw",

"Msa inah ka awm thei alawm, ka lawm lutuk",

"Phone number thar ka nei a, i la nei lo ang, ka pe ang che aw", tih leh a phone phawrh a rual.

A number sawiin ka phone-ah ka chhû keuh keuh. Mawimawii ka hmuh apiangin Vaipa ka hre chhuak ziah tawh dawn a nih hi.

Min hmuh apiangin eng nge an hriat chhuah ve tak ang le?

U Duhawman Msa bulah min hruai, Ward-ah awm loin Cabin-ah zawk an lo awm.

Doctor-in awm turin a lo ti a ni zawk a.

"I lo thleng ta bawk a, ka lo va chawl teh ang, awmpui i hreh lo tiraw?",

"Hreh lo reng reng, va chawl rawh",

"A harh huna a hmuh che chuan a lawm ngawt ang, a nih, ka han kal tawh ang e. Khawi i bag kha, i mamawh zualpui tur i la dawn em ni ang?", phone leh charger.

Hâ nawhna leh a siai, chu zawng chu ka la.

Msa muhil ka thlir doh doh, a lu tuamna phelh tawhin, drip erawh an la khai.

Hriau an vih burna chul hliau hliauin, a kut la kângin ka hmuiin ka nawr vang vang.

Ka ril a ṭam deuh avangin dawhkan têa chhang banin, thawm dim thei ang berin ka ei. Tui ka in pah bawk.

Msa chu ka vil ti ila ka sawi sual lo ang, a lo che ṭual ṭual chu ka en reng, muangchanga lo mengin, min hmu chu a phu deuh zuk nghe nghe.

Thei leh thei loin, "Kachhuan", indang zo loin ka kuah ta nge nge!

Kan inngaihzawn aṭanga kan inkuahna hmasa ber, chu pawh keimahin ka kuah lehnghal.

Min ngaihdan chu eng pawh lo ni mah se, ka pawi sa tawh lo. Ka ngai em a ni!

"I muthilh hlen ka lo hlau lutuk", ṭap chunga sawi ka ni bawk a. Chiang deuha a hriat ka ring miah lo.

Min kuah let ve chu, ka phu deuh naa, ka kuah nghet sauh sauh.

"Min ngaidam rawh aw", thei leh thei loin a chhan min zawt.

"Ka kuah che avangin", a taksa che nghawr datah a nui tih ka hre thei. "Min ngaidam zawk rawh", ka inla hrang vat.

"Ngati nge ngaihdam min dil? Tihsual i nei hleinem",

"Lo hnai deuh teh", ka hnaih deuh, ka bek sam hui ṭhaa a kut nghatin, "Ka kuah châk thei lutuk che, mahse, inkhawm tura sâwm fotu che ka nih avangin min ngaichhe let der ang tih ka hlau ṭhin a", ka ṭah nui hak.

"Pastor thusawi kha i hre lo em ni? Inkuahte chu a sualna a awm hleinem, mahse, inkuah chin tawk hriat tur a tih kha", Msa pawh a nuih a za.

"A kuah hmasatu zawk che ka nih lehnghal, nangmah zawkin min ngaichhe let der dawn a nih kha", ka meng hnual ruih.

"Ka mutna hi, i tisâng thei deuh ang em?",

"A sâng tawk tawh lo em ni?",

"La sâng tawk lo, sâng leh hlekin", a mutna chu ka tisâng leh hlek.

Hnaih leh deuh tura min tih avangin ka ṭhut hnaih leh sauh, "Lo kun hniam deuh teh", ka kun hniam leh deuh.

"Pastor thusawi kha i hria em?",

"A sawi tam tawh e",

"Infawh chintawk hriat tur a tih kha", ka khûr nghal der der.

A lû tikâng zeuhin ka hmui a hmuiin a rawn bawhthuah!

Mahse, a rei lo, "A vawikhatnaah chuan zei a har ngei mai", a nuihzatthlakna ka hre ve lo.

Min ṭhawng lutuk a, ka la pangngai thei lo. Tu nge vawikhatnaah zei nghal ngai ang le? A sawi awmanglo em mai.

Ka la zah reng avangin Msa en ṭha ngam loin ka tlanchhe char char. Msa pawh a ni ve thoin ka hria, kan ngawi reng.

A hnuah, "Mu tawh ta che, i chau lutuk ang",

"Chau lo e, nangmah zawk khan mut tam i mamawh", ka tih mek laiin Nurse a lo lut.

Msa chu en kualin, "I lo harh thei a, a lawmawm lutuk, min tihlau hlawm lutuk alawm", Nurse hnungah ka ding a, hmeichhia ka nihna ang bawkin, a thusawi hmangah boruak ṭha lo tak a awm.

Nurse chu chhuak vat vat se ka ti lutuk, a ṭawng tui nasa mai si. U Duhawma nen paw'n an lo inbe tlangnel hman tih a hriat.

Msa bula va ṭhut lawka, ka bialpa a nih thu va sawi ka duh a nia aw.

"Kachhuan?", Msan min lo ko chu ka chhâng thuai. A bula ṭhu turin min ti a, intitatu takin a kut ka vuan nghal zat bawk.

Hmeichhia hi chuan kan hmeichhiatpuite rilru kan lo hre ber a nih hi!

Drip a zawh(zo) avangin a phawi a, a thar a khai leh. Nurse nu chu a chhuak vat bawk.

A chhuah dawna min en dan lah kha, a dik lo chiang bal lehnghal.

"Khawiah nge i mut ang?",

"Ṭhutthlengah a ni mai lohin", drip en zeuhin, "Khimi an khai chhan ka hre lo reng reng",

"Ka lû aṭanga thisen a chhuah nasat bakah, hnathawk ka nih avangin ka Hb te hniamin, ka taksa a chak lo lehzual a", hriau vih burna ka chul leh hliau hliau.v

La kângin ka chhêm heuh heuh, duat dan ka hriat chhun a ni tlat a ni.

Khum bulah ṭhutthleng pawt hnaiin, puan leh lukham nen ka inring tawh lutuk. U Duhawman ka thlen hmain a lo dah lawk vek.

"I mutna tihniam tawh ang aw",

"Lawk aw, ka zun a chhuak hle mai",

"I la tho thei bawk si lo, engtin nge ni ang?", ka buai vekin ka hria.

A nakruk ding lam pathum lai tliakin, hmun hnihah a khi bawk a. A malpui ruh veilam a tliak bawk.

Insakna building aṭanga tlak chu, hei pawh hi ka lawm tawk. Min boralsan lo hi ka lawm hliah hliah.

"Kachhuan?", ka beng ka chhi kar, "Ka inthlahrung lutuk, khawngaihtakin zun bawm min lo lak mai", tho thuaiin zun bawm ka la a.

Cabin pawnah awm turin min ti, thuawih takin ka awm. Min lo koh chuan ka lut a, "Min paihsak leh mai rawh aw", mit chhing chungin a ti a.

En pawh min en ngam lo, tleuh faiin Cabin-ah ka kenglut leh. A bulah ṭhuin, "A zahthlak hle mai, naktuk aṭang chuan ka u lo awmin, nang chu haw leh daih mai rawh", mitmeng khup zal zalin a ti a.

Ka haw dawn lo reng reng, "Ka la awmpui duh che alawm, lo lamah kan ṭul vak tawh rih lo nen, ka theih chhung chu awmpui che ka duh",

"I hah dawn lutuk asin, min ten lo em ni?",

"Ten a? Ka tenna tur che a awm lo, zun leh ek chhuak i hre thei ringawt pawh hi ka lawm zâwk asin. Ṭanpui thei chea ka awm hi, a lawmawm lutuk", ka lungchhia chu ka sawi tur ang pawh ka sawi zo thei lo.

Ka kun deuh lap, ka malchunga ka dah ka kut lo vuanin, "Ka lawm e, i lo kal avangin",

"Ms, min kalsan miah suh", ka thinlung zawng zawngin ka sawi chhuak, "Ka ngai thei lutuk che", ka huaisenna sâwm khawm tak meuh meuhin ni ka sawi.

A tawpah zawng, ka sawi chhuak ngam ve ta alawm.

"Lo hnai teh", ka hnaih a, "Ka bulah mu ta che", hnial tur a ni em tih ka hre hauh lo.

"Ms, i phal chiah maw?", ka zawt a. A phal thuin min chhâng.

"A mutna ka tihniam leh hlek, a mawng a kham tawh thu sawiin, a ding lamah muangchangin a inher.

A nakruh ding lam tliak nen, a delh rei dawn miah lo. Vei lamah pawh a delh rei rei lo. A malpui veilam tliak a ni tlat a.

Nachhawkna eiin, a hnungah muin ka kuah a, a taksa a pelh thut loh nan, ka kam ang deuh a ni mai.

Ka kuahna kut vuanin a âwmah a nghat a, a changin a hmuiin a nawr leh ṭhin.

Drip khai ka en kar bawk. Ka muthilh a rem lo tih chu ka inhrilh ngun ber.

Dinglam a delh rei deuh hnuin, "Zângthalin ka mu leh tawh mai ang", a ti a. Muangchangin mut dan kan siam rem leh mial mial.

Mut dan siam rem chhung pawh rei duh tak a ni, nachhawknain a chhawk avangin reilotê a muhil a.

A lo harhin ka lo meng ve kur nen, drip a la zo lo bawk nen, "Sawi tur i ngahin ka ring", a tih avangin, ka sawi ngam loh, ka ngaih ṭhinzia mawlh ka fah hrep.

Nachhawknain a chhawk chu kan ṭha ve reng, mahse, nachhawkna tel lo chuan minute chanve pawh a awm thei lo.

U Duhawman chaw min lo kensakin, in lama intifai tura haw turin min ti a.

Msa nen chaw kan ei phawt, chaw a ei tam lo ngei mai. Keipawh chu ka chaw ei a tui lo.

U Duhawma zung tura a kal hlanin kan inṭhutchilh leh ran, "Inbual i châk ve tawh ngawtin ka ring",

"Tuilum sâ ver vawra inbual ka châk ber", a ti a. Ka kuah leh vawng vawng.

Hmeichhia ka nihna anga insum tur ka ni tih ka theihnghilh leh ṭhin. Msa hian zak lo min ti tawh ngawt ang a, mak pawh min ti ngawt ang.

U Duhawma lo kal hnuah ka haw ta a, ṭhutthlengah ka ṭhu ren rawn phawt.

Msa nen a vawikhatna atan kan infawp ve chu a ni ta reng, ka hmui thianghlimna min hmangaihtu ngei hnena ka hlan chu ka lawm a ni.

Ka hmai hupin ṭhutthlengah ka inlet ka inlet, ka zak lutuk a, ka hawi chhuak ngam lo!

Zei lo min ti ngawt ang le? Kan infawh chhung kha a rei lo ve em bawk a ni.

Msa pawh a vawikhatna a ni a, a zei bik lo. Kan zei lo ve ve. Ka lu ka thing nawk nawk. A zahthlak lutuk.

Ka phone ri chuan min tiharh zawk, number hlang a nih avangin ka hlauthawng.

Vaipa kha a ni leh ang tih ka hlau.

Hlau chung chunga ka chhâng chu, "Jail aṭangin a nia", an lo ti ta mai!


Show post links
Top

[Ngaia]

Lâpui
Chapter-3
Ziaktu:Cck Lalchhuanawmi

Hlau chung chunga ka chhâng chu, "Jail aṭangin a nia", an lo ti ta mai!

Ka la tlai chhe lo bawka tiin, Jail lam ka pan.

"Pu Lalnunsânga ka hmu thei ang em? Lalchhuanawmi ka nia",

"Kan lo biaknu kha maw?", a tih chuan ka bu zeuh. "Min lo zui rawh", min hui a. A hnungah ka kal hnak hnak.

Room pakhat kawngka hawngin, "Tah hian lo nghak rawh aw", tiin, a kalsawn leh daih.

Dawhkan leh ṭhutthleng hi awmin, tukverh bulah ka ding. Thu ṭha nge thu ṭha lo min hrilh ang a, tlanchhuak tura pui tur tein min ngen ang tih ka hlau hnuhnawh.

Mahse, ka kal tawh a, ka han hmu ve phawt ang e. Tual a thah avanga tâng kha a ni a, thu lawmawm min hrilh ka ring hauh lo.

Kawngka inhawng ri-ah ka hawi phei thuai. Hmel bûi lûk, dâng lip lep tak, a vun chauhin a tuam tih ang maiin, a taksa hmuh theih chin zawng ruh hlir.

Kutkawl phelhsakin, dawhkan bula ṭhutthlengah a ṭhu a. Tâng vengtuin kawngka kharin a kalsawn leh daih.

Room chhungah kan pahnih chauhin kan awm. Ka hlau miah lo nia mawle!

Min tina thei dawn lo tih ka hriat avangte pawh a ni ang. Chau leh lâwi rât hian, "Lo ṭhu ta che", a ti a.

A khuh bawrh bawrh, a cher lutuk chu a râpawm zawk.

A hmaah ṭhuin, "Ka ngenna i tihhlawhtlin avangin ka lawm lutuk",

"Hrilh tur min nei angin an sawi a, eng thu nge ni ta?", Pu Sânga chu a mitah tak ka en.

Ani pawhin min en ve kar, ṭhutthleng hnung a nghêng a, a thâwk dan aṭangte pawhin a hah tih a hriat.

"Min la hria em?", ka thlêk vang vang. Ka vawikhat hmuhna. E, ni leh lo, phone-ah ka hmu tawh. Chanchinthar post-na hrang hrangah hmuh tur a awm.

"Chanchintharah ka hmu che, kum nga a vei tawhin ka hria", ka ti a.

"A nih, helaia ka koh chhan che hi i hria em?",

"Hre lo", ka ti thuai. "A nih leh, Lâpui tih hmangin thuril i ziak tawh em?", a ti a. Ka mêng phar kâwk!

Thuril ka ziah lai khan mipa pakhatin a bialnu hming Lâpuii a nih thu leh, Lâpui tih hmanga thuril ziahsak turin min ti tawh.

Pu Sânga chu ka thlêk vang vang, amah hi mawnile?

"Nangmah hi em ni?", ka ti a. Pu Sanga chu muangchangin a bu nghat.

Hmalama lo âwnin, "Tunah hian, Lâpui tih hmang thoa Thu min ziahsak turin ka duh leh che",

"Ngati nge kei kher?",

"Lâpui tih hmanga Thuril ziak tawhtu i ni a, ka ring che", a ti thlawt. Min rin thu a sawi chu ka lawm phah pawhin ka hre lo.

Pu Sanga chuan Ṭhutthleng hnung nghêng lehin, "Eng nge i hming lem kha?", a tih chuan zak deuh takin, "Cck Lalchhuanawmi", ka lo ti a.

"Thawnthu i ziak ngai em?",

"Ziak ngai lo",

"I ziah vawikhatna a ni dawn a nih chu, ka hrilh che hi ngun deuha ngaithlain, i rilrua vawng tlatin leh, Chatuan daih hial tura min ziahsak turin ka duh che", han chhân mai dan tur ka hre lo.

Pu Sanga khuh kharhah ka harh zawk, ka lo inngaihtuah muk deuh a ni.

"I duh loh thu i sawi thei tawh lo, ka ring tawh che. Inngaihtuah nan zanin hun ka pe ang che, naktukah i lo kal leh dawn nia", a ti a.

"Ni lo e, vawiin aṭangin min hrilh rawh",

"Chu, i ziak dawn tihna em ni?",

"Ka hre lo le, thuziah ka bansanna a rei tawh lutuk", ka ti a. A chhan min zawt vat.

"Ka bansan ve tawp, min ziahtir aṭanga thla hnihna vel aṭangin a niin ka hria", ka ti zawi sap.

Chutia kan sawi chhuak pawh chu ka lungte lam a lêng.

Pu Sânga chuan, "Bansan lo turin ka duh che, ka lo ring che chu ka tifuh ta hle mai. Ngaihthlak ṭan i duh mai em? Chumi hmain, nangmah lam min han hrilh ve phawt teh",

"Keimah lamah eng nge i ngaihthlak duh?",

"Bialpa te i nei em? Nge ni a, nei loa ban tlang i tum zawk?", a hmel tak run mah se, a fiamthu tih ka hre thei.

"Kum thum kan inzui tawh, kuminah Palai rawn tirh a tum a. Mahse, hmân lawkah accident-in tunah Damdawi inah a awm mek", ka ti a.

Msa ka mitthla zui, "I bialpa chu eng ang mi nge a nih?", a ti a. Mi ṭha tak, Biak ina min hruai fotu, hnathawka he khawpuia awm a nih thu ka hrilh siam siam.

Msa chungchang inchhuang taka ka sawi thei chu ka hlim kher asin!

"Tlang deuhin ka zawt ang che, in infawp tawh em?",

"Nizanah kan infawp, kan inngaihzawn ṭan tirh aṭanga kan infawh vawikhatna, a vawikhatna atan bawkin nizanah kan inkuah", Pu Sânga chuan mak a ti ngei mai.

A hmel a dang vek, "Chhuah hauh suh ang che", a ti a. A sawi zawnga a ṭang lutuk chuan a tihah zual mawni, a thâw ham ham.

"In inngaihzawn dan chu ka duh hle mai, chutianga bul lo ṭan ve tur kha ka ni asin, i bialpa chu Mipa ka hriat tawh azawnga Mipa ber a ni. Ka ngaisangin ka chhuang takzet", a tih zawm leh.

Pu Sânga meuh pawhin Msa a fak chu, lawm tak ka ni. Chutih rual erawh chuan, Msa ka phu lohzia min hriat nawntir thung.

"Thuruk, nun thuruk, tenawm leh rapthlak ka hrilh ang che. A ruh langin ka sawi dawn a, nangpawh, ka sawi ang anga ziak chhuak turin ka duh che.

He thu ka sawi zawh aṭang meuh chuan khawvel i thlir dan a dang tawh ngei ang.

Callboy an tih i hre ngai em?", a ti a.

"Callgirl an tih chu ka hria", ka lo ti. Eng thu chiah nge min hrilh a tum a, eng Thawnthu chiah nge ziahtir min tum ka hre thei mai lo.

Pu Sânga chuan ṭhutthleng hnung nghênga meng hnuai raih chungin, "Lo ngaithlain chhiahchhiah ṭan rawh. Heta aṭangin a inṭan.

Callboy an tih hi keipawhin ka hre ngai lo, callgirl an tih erawh ka hre bel ve hle thung.

Tichuan, callboy chu callgirl ang chiahin, tlangval apum pa, an duh duha hmeichhiaten sûm tam taka an thlêm chhuah leh, an châkna an hrikthlakna tisa kawltu a lo ni ta a ni.

Vawikhat, vawikhat chhin hian vawikhat leh dang a hring. Sûm zûna uai hi a nain, chhuah a har ber.

Ka hmangaih, damchhunga awmpui ka duh em em, Lâpuii nena min ṭhen hrangtu a ni.

Hmangaihna avanga chhuah ka duh lai khan lo chhuak law law ila, ka hmangaih ber pawh ka chân lo mai tur.

Tualthat mi-ah lah ka chhuak hek lo ang.

Ka chhungte nen, Lâpuii nen hlim takin tunah pawh kan Rûn tlawm takah kan nui heuh heuh dawn si a. Fanau pawh kan châwi tawh mai thei asin", a mit a chhing vang vang.

A mittui a luang ngiai ngai, mit chhing chungin a sawi zawm leh.

"Lâpui, min ngaidam rawh. Mahse, engmah hre loa min liamsan ta erawh ka lawm em em thung. Lâpuii chuan a pian tirh aṭangin khua a hmu lo!

A inṭanna, Callboy ka nih ṭanna chu.

Chhun chawlh kan neih laiin ka chhungten min lo bia a, ka pu damlo an lo kalpui mek chu niin.

Ka inhlawhnapa hnenah kalin thil awm dan ka hrilh zung zung. Phal takin min kaltir.

Zokhua aṭanga Khawpuia hnathawka kal ka ni. Ka chhungte an nawmsak ve deuh beiseiin.

Mahse, a bul ber erawh Lâpuii a ni thung. Ka hmuh hnuhnun ber chu kum sawmparuk ka nih kum, khawpuia an insawn hma.

Ka ngaiin, a bula awm ka duh a ni. A mitah ṭangin, puain ka lênpui ṭhin.

Luiah te ka hruai a, kan infiamnaah lah ka hruai fo. Kan ṭhian ṭhenkhatten hruai tawh lo tura min tih pawhin ka hruai lui fo.

Khua a hmuh theih tlat loh avangin kan infiamnaah a tel thei ve tlat lo.

Ka hruai lui fo thung, a chang chuan keimah chauhte hian ka infiampui ṭhin bawk. Keimah chauha ka infiampui kha a tam mah zawk.

Unau dang nei loin, amah chauh a ni. A nu leh pa te an buai thei em em a, an ngaihsak ṭha hman meuh lo ṭhin.

A nu leh pa te chu kan khuaa hauh tawk zing ber an ni. Zu zuar an ni a, Lâpuii an ngaihsak loh dan chu pui tak a ni.

"U Sâng, khua hmu loa ka piang hi ka lawm", a ke a thên nal nal. A nui sâng bawk.

"Ngati nge i lâwm, khaw hmuh theih loh chu a hrehawm asin, mit chhing chungin minute khat pawh ka awm thei lo", ka ti a.

Lâpuii chu a nui sun sun, "Kei chuan hrehawm ka ti tawh lo, a chhan i hre duh em?",

"Hre duh e", ka lo ti vat. Ruah a sur cher cher avangin kan thlâmah kan tawm. Thlam namthlakah kan ṭhu a.

Lâpuii chuan, "Ka nu leh pa avangin kan inah mi chi hrang hrang lo kalin, ka chunga an thiltihte i hria tiraw?", a darah nghet takin ka kuah.

Zu lei tura kal ṭhente hian an inah an in deuh kher zel. Lâpuii taksa hi duhtawkin an chingphar ṭhin.

"Min lo chhan zelin, chubakah, ka mit i ni a, nangmah aṭangin khawvel êng hi ka hmu. Pangpar mawi tak tak te, hnim hring nalh tak tak te.

Buh te, Tlang te, lui te leh thil dang dang nangmah avangin ka hmu thei. Ka mit i ni tih i hria tiraw?", a kut pahnih phar chhuakin a ti.a.

Ka hmai a khawih duh tih hrethiamin ka kun hniam. Ka hmai chu khawih kualin, a nui sun sun. A va han hmelṭha chiang tak.

Zikpuii pa thawnthu ziah 'Nunna Kawng Ṭhuampuiah' tiha, Chhuanvawran Ngurthansangi hmelṭhatzia a sawi ai daihin Lâpuii a hmelṭha zawk.

A chalsam hui ṭhain, "En teh hei, i chalsam hi a sei tawh riau mai, haw hunah kan tan dawn nia", ka ti a.

Lungni lo tak hian, "Thupui thlak daih suh", a ti a. "School ka kal ve thei si lo, keimah vangin school chawlin ramah nitin i kal leh nghal", min hmu thei lo mah se, Lâpuii chu ka nuih saih.

A lungngai hmel te nen lam hian a ṭha, duh aiin a hmelṭha mah mah a ni.

"Nangmah vangin school ka chawl hleinem, kum sawmparuk ka ni tawh a, tlangval ka ni ve tawh alawm", ka ti a.

Ruah chu a sur tam ta tial tial, keini pawh chu min lo theh hial tawh.

Mutbu awmna lamah insawnin, "U Sâng, a vawt ka ti lutuk", mutbu kan tel phelh thuaiin a chungah ka ṭhutpui a.

Puan ka sinpui, "Ruah a sur ka ring lo asin le, a sur dawn tih hria ila chu ka hruai lo tur che a nia", ka ti a.

Lâpuii chu a thinrim ngei mai, min sik hlawk, "I bulah ka awm duh alawm, i kalna apiangah min hruai ve rawh", a ti ta reuh a.

Chu chuan engtin emaw tak hian min deng dawt!

Lâpuii chuan min lo kuah ṭha sauhin sauhin, "U Sâng, thi ta ila, i ṭap ang em?",

"Lâpui, chutiang an sawi ngai lo",

"Sawi ngai, ka hre duh alawm, u Sang, mawh, i ṭap ang em?", a ti ta chul.

Ruah sur bawk nen, a thinrim chu a inhmeh lutuk tlat.

"U Sâng, sawi rawh, i ṭap dawn em?", chutiang min zawt chu ka duh lo nasa lutuk.

Min zawh sek takah, a tawpah zawng, "Ka ṭap nasa dawn lutuk, chuvang chuan thih tum miah suh ang che", ka ti a.

A lung a awi ta a ni ang chu, ka darah a bei hle hle. Ruah lah bân a tum mai si lo. Khawpui a ri dur dur lehnghal.

Kan ri te tu mah an kal lo a, kei tak pawh khan eng ka hria nimaw, lo lama kal ka duh tlat pek.

Ka bulah Lâpuii awm reng a nih avangin hruai loh theih a ni bawk si lo. Ka en a, vawt a ti chu a khûr dar darin ka hre mai.

"Lâpui, vawt i la ti reng em ni?",

"Aw, puan sin tawh pawhin vawt ka la ti tho mawle", a ti a. A thawmhnaw a lo hnawm chap reng chu niin.

"Lâpui, i thawmhnaw hi phelin mu rawh, ka lo veng ang che", ka ti a. Thuawih takin ka sawi angin a awm ve mai.

Ṭhu chungin a inphelh ṭan, lehlam ka hawi ve tak naa, mahse, khawdang ka hawisawn phal thlawt lo.

A taksa chu ka vawikhat hmuhna ni lo mah se, khami ní ber kher erawh, ka mit a tla lo chauh.

Kum sawmparuk ve tho niin, a thlain ka upa mai chauh zawk a ni. A hnutebu ṭha zet leh, a taksa ruangam invuah fuh zaih chu, kei, thisen lum ṭan tawh chu a tilum ṭha nasa ngang mai.

"U Sâng, ka inphelh zo", ka hmaah ruakin a ṭhu ta heu.

Ka taksa ṭang nasa lutuk chu thunun tumin ka inpet ruh fan fan.

"U Sâng", tia hlauthawng taka a kut pahnih a phar chhuak chu, min zawng tih ka hre thiam.

A ṭhu kâk deuh bawk nen, hmeichhia nih tirtu ber, Sunhlu kung hnah ṭo tir iar uar ang mai chu ka thlêk vawng vawng.

Chu zawng, a hnutebu ṭha zet ai pawhin ka en ning thei lo. Ka taksa a khawngin a ṭang nasa tawh lutuk.

Lâpuii lahin min zawng bawk nen, ka kekawr chhungah ka kut pakhat zen lut tawpin, ka kut pakhatin a kut phar chhuak chu ka va vuan.

"I bo emaw ka ti hman alawm", hlim tak hian a ti a. Ka meng thei ṭawk a ni e. Harsa ti tak chungin, "Ka awm reng alawm", ka ti a.

Ka kut lah a vuan nghet em em, ka kekawr pawt thla tawpin, ka kut hnathawh a chawl chiang lo teh e.

Lâpuii hmeichhia nih tirtu chu ka ensan thei lo, "Vawt i tih kha, mu tawh rawh, puan ka lo sintir ang che", zahpuiawm tak ka ni.

Ka kut vuan reng chungin puan a dap du du, ka pui thei rih lo. Chutia puan a zawnna lamah a ṭhu kâk suah mai bawk si.

A hmeichhe nihtirtu chhunga mipa min nihtir vetu lut angin ka mitthlaa, vawihnih a zawnin ka zawi hnawk thei.

Puan a dap fuh thei ta chu a nui ver ver, a ṭhu kâk nasa ropui si. A tawpah zawng, ka kekawr bakah ka kawr hak thlenga hnawl vekin Lâpuii ka pawm chawt.

"U Sâng?",

"Lâpui, min ngaidam rawh, i nalh lutuk a, ka insum thei tawh thlawt lo", ka ti thlawt.

Ka insum thei tawh lo, Lâpuii taksa nalh zet duhtawka han hrual a, a hmeichhe nihtirtu chhunga duhtawka han chet kha ka duh ber a ni.

Thlah dul deuha a kut lain mipa min nihtir tu ṭang leh nasa tawh lutuk chu ka vawn tir.

"Lâpui, tihian i hrethiam tawh em? Min ngaidam rawh, i hriat lohin vawihnih zet ka lo tlingtla hman tawh asin, i hmeichhe nihtir tu che chhunga luh ka châk lutuk", Lâpuii kut chu hna ka thawhtir.

Eng dang ka ngaihtuah thei lo, Lâpuii a ngawi reng. Min hnial duh lo chuan ka ngaih a tiṭha lo tawh.

Ka chawl a, chutah, "Ngati nge i chawlh, i tlingtla tawh em ni?", ka taksa a zût chho. Ka hmaiah a bur leh chat.

Ka hmai a dap kual dû dû, "Ka thei tawh lo, zahpuiawm tak ka ni", ka ti hrawk.

Sualin min luhkhung chiang a ni. Uar fea lu thing nawk nawkin, "Ni lo e, i duh apiang ti rawh, ka phal vek. I tan chuan ui ka nei lo, i duhtawkin che rawh", a ti a.

Ka kut dap fuh lehin a taksa chu min khawih kual tir. "U Sang, i duh duhin che rawh, ka phal vek, i tan chuan ui ka nei lo, i duhtawkin, i duh ang zânin che bawrh bawrh rawh", ka ngawih reng avang leh, ka chet mai loh avangin Lâpuii chuan a ti leh.

Ṭha deuhin ka muttir ta a, insum kârna nei lek loin a hnute ka hrual nawk nawk. A dul hnuai deuhah ṭhuin, ka ṭhut nghet chuang lo.

A lu dawmkâng deuhin ka fawp tawn tawn. Mut ṭhattir lehin ka bawh a, a hnute hne dâwk dâwkin, ka hrual leh nawk nawk ṭhin.

"U Sang, engtin nge ka lo awm ve dawn?",

"Tikhan lo awm tawp rawh", ka ti a. Ka nghahhlelh berah rei rial loin ka bur nghal chat.

"U Sang, tikhan an ti ngai em ni?", a hmeichhe nihtirtu ka hmuia ka sâwk nasa lutuk tuar lo chu a lû kan akin a ti a.

Chhân pawh ka chhâng thei lo, ani pawh engmah sawi zawm tawh loin, "U Sang", rak ṭhat ṭhatin a ti a.

A hmeichhe nihtirtu chhunga ka lut thawih chu, "U Sang, a na lutuk", a tih avangin chhuak chuang loin ka chawl dat.

"Lâpui, a na lo tial tial mai ang", tiin muangchangin ka che a. Lâpuii pawhin a nat thu a sawi leh tawh lo.

Awngphah chu suk a ngai dawn, ka chhungten kan chetna hnuhma an hmuh a hlauhawm.

Ka che duhthawh tawlh tawlh, "U Sang, nuam ka ti lutuk", a ti te chuan min tiphur zual.

Mi hrisel tak ka ni tih ka hre chhuak chiang lutuk, Lâpuii erawh, ka chetpui rei em avangin a chau chu a meng peih meuh lo.

"Min ngaidam rawh", tia phun supin a muhil chu ka kuah vawng vawng.

Kha kha kan inhmuh tawpna leh, kan pahnih chauha kan awm dunna hnuhnung ber chu a ni ta a ni.

Khami aṭang hmuh leh nî reng ka nei thei tawh lo.

Lâpuii te kalna chin ka hre lo a, "Khawpuiah", tih chu ka hriat chhun a ni mai.

Ngaihtuah loh lai ka nei lo, engtiklai pawhin ka ngaihtuah.

A nui hmel te, a titau leh lunghnûr hmel te, a thinrim hmel te, a engkim mai chu ka theihnghilh thei lo.

Thlâma phal taka a inpumpeka, duhtawka ka châkna hrikthlak nana ka hmante kha", Pu Sanga chuan dawhkan a chum chawrh.

Dawhkana a kiu nghata a hmai hupin a ṭap khûr ta hlawk hlawk.

Leiah ṭhu thlain, "Lâpui, min ngaidam rawh. Nangmah venghimtu tur che hi, i chunga ka chet dan a mawilo lutuk.

Lâpui, min ngaidam rawh, ka hremna tawrh hi ka phu tawk chiah. Keimah vangin hrehawm takin i hun i hmang a.

Van Angel ai pawha thianghlim, bawlhhlawh leh sualna reng kai lo ka tibawrhbang a ni. Van Vohbik ka khawihchhia", Pu Sanga chu theitawpin âwrawl chhuah meuhin a ṭap khâwk rum rum.


Show post links
Top

[Ngaia]

Lâpui
Chapter-4
Ziaktu:Cck Lalchhuanawmi

Van Angel ai pawha thianghlim, bawlhhlawh leh sualna reng kai lo ka tibawrhbang a ni. Van Vohbik ka khawihchhia", Pu Sanga chu theitawpin âwrawl chhuah meuhin a ṭap khâwk rum rum.

He room-a min hruaitupa ngaih ṭha lo chu kawngka hawngin, room chhunga lo lut chuang loin, "Eng nge thil awmzia?", a lo ti a.

Mittui tla ṭeuha pangngai thei ang berin, "Engkim a ṭha vek e", ka ti a. A kalsawn leh thuai mai bawk.

Pu Sânga nen chauh kan awm leh ta. Inbengdaia a mittui te a hruk zawhin ṭhutthlengah muangchangin a lo ṭhu chho a.

A ṭahna avangin a hmel bûi lûk tawh chu a bûi belh. Chu loah, a hmaa chau leh hah tak kha a ṭahna chuan a belhchhah mai ni hian ka hria.

Lâpuii lakah a inthiam lohna, a chunga a thiltih pawi a tihzia leh Lâpuiin ngaidam tura a duhzia te chu chiang takin ka hmu thei.

Ka mittui tla chu ka hruhul thuai thuai. Pu Sânga pawh chu thaw huaiin, a insangmar leh ṭan.

"Ka pu damlo an lo kalpui lo thlengin Damdawi in kan pan vat. Min admit ta a, amah upa lam tawh lo ni bawk nen, drip min khaisak nghal char char a.

Ei tur leh in tur, damdawi lei tur min hrilh ṭeuh. Ka nu leh pa bakah ka farnu Chhani ten an lo zui a.

Ka pa nen Damdawi inah awmin, ka nu leh Chhani chu ka inah ka hruai haw. An lo thlen zan chu inah an awm a.

Ka pa nen ka pu kan awmpui, pahnih awmpui phal lo mah se, "Zanin chauh chu ka lo awmpui ve ang", ka pain a tih tlat avangin min phalsak ta a.

Chau taka lo meng leh zeuh ṭhin, "Sanga pa, i nu ka va ngai em!", a ti leh ṭhin a. A âw a chhuak thei ṭawk ṭawk a ni.

Ka pa nen erawh, Tlangaunaa au ang maia ring leh fiahin kan hre thung.

Hlauhthawnna ka pa hmelah a lang nghal uar uar, ka piin min boralsan hnu aṭangin ka pu pawh a khua a harin, a taksa te pawh a chak lo ṭan a.

Fam ngaih zûn phurh zawng, tuar thiam a har a ni e.

Damdawi ina awm mah ni ila, ka pu chu a chau zual zel. Ni nga kan awm ta a, Doctor-in kan chhuah a phal meuh lo.

Bill a sâng nasa dawn tih tu mahin kan hai lo. In luah man ka pek tawh avangin, ka hlawh chu a zo a ni deuh mai a.

Tin, bank-a kan pawisa khawlin bill kan tlâk thei dawn lo tih lah ka pa nen chauh kan hria.

Chuvang chuan damdawi in aṭanga chhuah min phalsak turin Doctor kan ngen chiam.

A lo luhlul ve tlat thung nen, kan chhuak hleithei lo. Ka nu haw tirin, ka pa leh Chhani te nen kan awm ta a.

Hmeichhia mahni chauha ina awm a ṭha lo e tiin, ka pa chu inah a haw ṭhin ta nge nge. Ka pu chu ka awmpui ta a.

Damdawi ei tur a ngah lutuk hian a tichau zual ni maiin ka hria. Thisen a tlachham tih lah a hai theih loh.

Chuta aṭang chiahin, khami nî aṭangin a ni, khami zan aṭang chiahin a ni, Callboy tih hming pu tur leh, ka saltânna tur Bu ka khuar ṭanna chu!

Alex-an min lo tlawh a, ka hnathawhpui niin, tuna ka thawhna mek insaknaa inhlawha hnathawk ve tho.

Alex-a hnenah chuan ka pa a awm lo bawk a tiin, ka mangan rukna te ka hrilh ta a. Kei ai maha ka pa mangan thu zawkte ka hrilh.

"Ṭanpui theihna che ka neih phawt chuan ka hreh miah lo a nia", ka dara a kut nghatin a ti a.

Lawmthu ka hrilh luam, harsa ve tak a ni tih ka hria, sum lama min ṭanpui tur erawh chuan ka sâwm ngam lo hrim hrim.

Ka pa inthiar zo lo kalin kan bulah a ṭhu a, Alex-a nen an titi zui ta a. Keipawh chu inthiar turin ka thawhsan.

Alex-a haw tur ka thlah a, "Sânga, pawisa engzah chiah nge in mamawh ang?",

"Ka hre mai lo, mahse, a tam dawn tih chu chiang sa. Kan pawisa khawl hian a daih dawn miah lo", Alex-a kun lap chu enin, "A ho lutuk, kan khaw lamah pûk tur kan zawng ang a, kan indaih ve mai ang", ka ti a.

Alex-a chu lo hawi chhuakin, "En teh, awlsam taka pawisa neih ṭeuh theih dan ka hria asin",

"Engtin?", ka ti vat. "Lo kal teh", ka dara min kuahin hmun reh deuh lai min panpui a.

Awlsam taka pawisa neih theih dan chu min hrilh ta, "Ni lo, chutiang ka ti lo ang", ka vin hrawk.

"Bengchheng suh",

"I thusawi kha i hrethiam meuh maw?", Alex-a chu ka zawt mai a ni lo, ka zilh a ni mah zawk.

"Hria e, ka chhungte in nuam takah an awm asin tunah hian. I hriselin i hmel pawh a chhe lo a, tlangval tha chak lai i nih bakah, i tisa ruangam a ṭha bawk. Tun darkarah ngei pawh hian i pu damdawi in awm man bakah, in lian tak in sa thei asin", Alex-a chu hnek thluk ka châk lutuk a.

Ah, ka thin hi a rim a ni tawp mai, "Sânga, sum i hmuh dawn bakah, nangpawhin nuam i chên pah thei dawn a",

"Nula ṭha pangngai an tam laia, dul râng rei ruai chhaih ka duh lo", ka ti hmuk. Ka thinrim a reh thei lo.

"Ka kal dawn", tih leh kalsawn ka rual. Chutianga sum thawh chhuah ka duh lo reng reng.

Alex-a pawh chu, chhun lama hnathawh bakah, zan lamah tenawm takin sum a lo thawk chhuak bawk a.

Intivei taka in nuam taka a chhungte an awm thu a sawi te chu a huatthlala ka ti ngawih ngawih.

Callgirl dinhmuna indah ka duh lo reng reng, callboy a ni zawk tak.

An duha hmeichhia ten an tihphar mai mai tur leh, hmeichhe thuhnuaia ka awm tur ka ngaingam lo.

Hmeichhia zawk ina sum min pe tur chu, tlangval apum pa, taksa chak ṭha lai tan chuan a tlawmthlak ngawih ngawih.

Ward-a luh hmain pawnah ka ding ren rawn, Lâpuii ka ngaihtuahnaah a lang nghal zut bawk.

Callboy ni tura khawpuia kal ka ni lo a, Lâpuii avang chauha kal ka ni.

Lâpuii avang ni lo se chu, tunah te hian kan khuaah loah ka bung char char tawh ang. Sum vanga hmeichhe thuhnuaia han awma, callboy nih chu ka thei thlawtlo.

Mahse, ward-a ka lut chu ka pa ngui bama lo ṭhu chu biain, "Ka pa, engthil nge ni ta a?",

"A, eng ni lo e. I ṭhianpa chu a haw ta em ni?",

"Aw, haw tawh e. Ka pu damdawi in awm man te chu kan nei em em ang, i rilru tihah duh suh", ka ti a.

Ka thiam ang tawk tawkin ka pa chu ka hnem ve. Mahsela, a hmelah a rilru hahna a bo chuang lo.

Chhani chaw kengin a lo kal a, a thu rawn ken avang chuan a ni, Alex-a ka biak tak!

Chhani chuan, "Ka nu nen kan inbiaa, ka pa, ka nî nikhaw hre loin a awm a. Tunah hian ka Ṭangan (Ṭang-Nî te pasal koh dan) damdawi in a lo panpui ve mek", ka hmai tuai puatin, ka tukkhuma ka kut pahnih suihin ka kun ngaih.

A va beidawnthlak ngai ve le!

Ka nî te chu keini ai pawhin sum lamah harsatna an nei lian zawk. Chhungril hi a tâwt up up mai ni.

"Ngati nge min lo hrilh loh?", ka pain a ti a. Chhani chuan, "An be ngam chiah lo che, ka pu damdawi inah a awm si nen. Dik tak chuan lo kal an tum lo, mahse, ka nî a harh thei si lo a, chuvang chu a nia, an lo thleng ṭep tawhin ka ring", a ti a.

"Ka han phone ang e", ka thawhsan leh ta daih. "U, chaw hi",

"Ka pa nen lo ei rawh u", ka ti a.

Pawnah dingin ka Ṭanga ka phone, "La thleng lo deuh ang, zanlai pawh a ni mai thei. Ka pu damdawi ina a awm aṭangin a chiang tawh lo. A ṭhat leh mai ka rin vei nen, hetiang hian a awm ta si a", a lo ti a.

Thinrima ka Ṭanga chu min lo biak loh avanga hauh ngawt chi pawh a ni lo. A âw pawh a khûr hlawk hlawk si a.

"In lo thlen dawnah min lo be rawh aw", ka ti a. Kan inbiakna ka titawp. Damdawi in aṭangin ka pu chhuahpui thei tawh ila chu, buaina a awm lo deuh ang a.

Mahse, ka pu takngial pawh kan la chhuahpui thei si lo. Ka nî tunah damdawi ina lo kalpui ngai khawpin a awm leh tawh si.

Ward-ah lutin, "Ka pa, zanin chu khawngaihin ka pu hi lo awmpui mai ta che. Ka nî te lo thlen ve leh ka lo kal leh ang",

"Khawia kal nge i tum?", ngaih ṭha lo zânin ka pa chuan a ti a.

"Ka hnathawhnapa ka va hmu teh ang, hlawh min la pek loh bakah, hlawh dang advance-in ka dil dawn", ka ti a.

Dawt ka sawi avangin ka pa chu ka en rei ngam lo. "U, kei hi?",

"Aṭanga te lo nghak rawh, Nurse ho kan dil dawn nia", ka ti a. Nurse duty te bulah kal thuaiin, ka dil nasa lutuk chu ka ṭhingṭhi lo chauh.

Vanneihthlak takin min phalsak ta hlauh a, ka nî te tan pawhin khum awl kan hauh ru bawk.

A tawpah zawng, Alex-a ka phone ta!

Inbual faiin ka inkap rimtui chem chem mai bawk. Kha zan kha ka hre reng tawh ang, tun dinhmuna min hruai luttu a ni si a.

Hun koh kir theih chu nise, kha zan kha ka ko kir ngei ngei ang. Tichuan, khatianga sum zawng loin, zawn dan dang ka dap ngei ang.

Alex-an address min hrilhah kalin, Gate lian tak hawngin doorbell ka hmet ri tleng tleng.

Nu Valai tak nô suah leh, chum ve deuh tak hian kawngka a lo hawng a. Min hmu chu a phone ken nen min en tawn sek.

Alex-an ka thlalak a thawn tlat atin ni, ṭawng chhuah hmasak ka tum lo bur. Ka mamawh tih ka hria, mahse, kei min mamawhna a sâng zawk tih ka hre ve tlat.

A pasal chu upa ve tawh tak a ni a, uirena sualah a lut reng bawk. Keipawh ka thiam chuang lo tih ka hria.

Chutia rei fe min en hnuah, nui hawr hawrin, "Alex-a chuan a lo tir ṭha hle mai a, lo lut rawh", a ti a.

In chhunga pên luh har ka tihzia chuh!

Ka thinlung kha a rum mai a ni lo, chhanchhuaktu ngaiin a au a ni!

"Ka pu leh ka nî tan", ti rilrua pên ka tum chu Lâpuii a lo lang leh hlawl.

Harsa ka va ti tak em!

Lâpuii vang tal pawh khan kha in kha chhuahsan vang vang tur ka ni. Chutia ka tih erawh chuan, ka pu leh ka nî enkawlna tur atana sum zawn khawm a ṭul leh dawn tho si.

Sum hmuhna awlsam ber a ni si. Kha zan ang em ema min chhanchhuaktu tur ka auh nasat ka hre lo.

Nu chuan, "Lo lut ta che, dar sarih a ri dawn, kan hmanhmawh a ngai, dar sawmah kan pa a lo haw dawn", a ti a.

"Kawngka kha lo kalh nghal ang che", a ti leh. Ka hnung lam hawiin, min chhantu tur an lo lang mai bawk si lo.

"Lâpui, min ngaidam rawh", ti chhuakin ka lut ta a.

Khatiang anga hmeichhe koham ka la hmu ngai lo. Koham tih a inhmeh ngawih ngawih.

Ka chungah ṭhuin âwrawl chhuah tak meuh meuhin ni a chet. Ngawi rengin ka mu ringawt.

Rapthlak ka ti lutuk, khatiang kha tisa châkna hnathawh a ni tih hriatthiam har ka la ti reng.

Ka mipatna chu a duhtawkin a sawisa a, mipa ka nihna leh tisa châkna tho chhuak thei reng ka nihna a bo bik si lo.

Ka mipatna chu a ṭang nasa kher mai. Chu chu a lawmzawng tak a ni.

Lollipop kan hmuam ang tein a hmuam, tenawmah a kal tawh zawk. Ka uak lo chauh a ni.

Chutiang chuan ka mipatna sawisa chuan a rum dar dar a, a changin a hmeichhiatnaah tilutin. Ka che lo ka tih tawh kha.

A duhtawka a chet hnu leh a lungawi hnu chuan ka sirah a lo mu thla hnawk. "Le, tunah i chet a hun ve ta, ka taksa hi puak keha darh vek turin min han siam teh. I chet dan azirin bonus pawh a awm mai thei", ka âwm chhuk thla a chul kual riak riak.

Chet lawk nachang lah ka hre hek lo, inthiam lohnain min tuam a, fa a nei tawh tih a chiang. Amah chauha a awm danah hmun dangah an awm pawh a ni mahna.

A pasal zin chhungin mipa a tawmpui ṭhin tih Alex-an he hmuna min tirh aṭangin a hriat.

Ka taksa chu a liak kual dun dun, ka man chawt, "Ka inring e", a ti a. Lawm lutukin a nui ver ver.

A nuam tuar âwrawl kha bengchheng ka ti lutuk. Ka inzahpuiin ka inten em em mai bawk.

Mahse, Nasa taka ka tihlawm a ngai tih chu ka inhrilh mawlh mawlh. A chunga ka awm chhung zawngin ka mit ka chhing.

Hremhmunah ka tla nawn awn awn mai a ni, mi nupui duhlai ka uire tlat si a!", Pu Sânga chu a chawl dawt.

Chhuikir niawm takin a ngawi vang vang. Mit chhingin thâwk a la vang vang.

Han dawnsawn dan tur ka hre lo, ka ngaithla duhtawk derin ka hre tawh. Vaipain min lo phone a, ka ṭhiannu chungchang a lo sawi ai pawhin, tuna Pu Sânga thu min hrilh hi rapthlak ka ti a.

Ka zak bawk, hetiang mi hi an lo awm ang tih rin ngaihna reng ka hre lo.

Pu Sânga muangchanga mengin, "Ka pa bulah chuan Alex-a pawisa ka pûk thu leh, ka hnathawhnapa hnen aṭanga ka sih chhuah a nih thu ka sawi tawp.

Alex-a pawh a awm ve, "Ka pu, min mamawhna in neih phawt chuan ka ṭanpui peih reng chu u a nia", ka pa chu a hnem ve.

Ka pain, "A tam tham si a, engtin nge maw kan rulh ang che le?", a ti a. "Hmanhmawh a ngai lo, Sânga kutah innghat tawp rawh", Alex-a chuan a ti a.

Ka pa hnena ka pûk a nih lohzia leh, tenawm taka ka thawhchhuah thu hrilh vek mai ka duh a.

Lung hi a awi mawlh lo, thin a rim ṭun reng a, nui hmel reng a put theih loh. Ka pu leh ka nî damṭhat loh lai a ni hlauh zawk a.

Anni pahnihin min chhan a ni. Anmahni avanga lungngaia nui hmel pu thei loa ruat ka ni si a.

Ka nî a harh ṭha zel a, amaherawh chu, ka pu erawh chuan min boralsan ta a ni!

Ka pu ka awh ṭum ber a ni hial, thih ve daih ka châk lutuk.

Alex-a leh ka hnathawhnapa pawisa ka pûk lo a, ka thawh chhuah dan ka sawi tawh kha.

Kha nu khan bonus min pe bawk nen, kan indaih mah mah zawk a ni. A bâng chuan kan in thawm ṭhat lai te kan thawm ṭha a.

Pawn lamah nui mah ila, chhungril erawh a nui thei mawlh lo.

Kan in chu thawm ṭha mah ila, engtikah nge a chhiat ang?

Chhiat rup hun a nei dawn, a chhan chu sum ber kha, a bawlhhlawh tlat atin ni.

Kha zan bak kha chu intuk luh ka tum tawh lo.

Hnathawk turin khawpuiah ka let leh ta a, ka hnathawhnapa pawhin min hrethiam takin min thawh tir leh.

Ka ngui a, hlimna reng ka tawng mawlh lo. Khawpuia ka kal chhan ka theihnghilh zo ta.

Lâpuii ka theihnghilh tawh, a va rapthlak em!

Mi biangbiak ka peih ta meuh lo bawk, Alex-an kha nu khan min beisei ruk reng thu min hrilh fo ṭhin.

Chhâng lem loin ka ngawihsan mai mai.

Kha hun kha lo tuar tlang ila, lo tuar hrâm hrâm ila, ka tuar chhuak ṭep tawh asin le. Ka tuar chhuak ṭep tawh.

Eng nga tinge sum khan ka mit a tihdel tlat mai le?


Show post links
Top

[Ngaia]

Lâpui
Chapter-5
Ziaktu:Cck Lalchhuanawmi

Eng nga tinge sum khan ka mit a tihdel tlat mai le?

Kan hnathawk bâng kan haw chu, Alex-a nen kan ni a. Ani kha chuan hmelhriat a ngah lutuk.

Kan mi tawh ṭhenkhat hi chu, "Sawpa pawh saw, keimahni ang tho", a tih loh leh, "Sawnu pawh saw keimahni ang tho", a ti a.

Khawpui chhungah callgirl leh callboy kan inpêl suau suau a nih ber chu, Alex-a sawi hmangah.

Alex-a chu hnek thlup tawp ka châk lutuk a, mahse, chutiang ti tur pawhin chakna ka nei si lo.

Ka tha a ṭhum zo a, tha tihthona tur ka hre hlawllo.

Mitthi kal thei ka ni ringawt, ṭul loah ka thaw ve ni maiin ka hria.

"Ka kal mai ang, nih phawt", Alex-a hnenah ka ti a. Kal ka tum chu min pawt ding.

"Ngawi teh, Sanga, hetiang hian awm suh. Mahni tana chakai khawrh tawhna khawvel a nih hi. Mahni ṭanghma hai i thiam poh leh, ei tur i hmu a ni mai", a ti a.

Alex-a zawk chuan min kalsan. A thusawi awmzia kha hrethiam lo ila ka ti lutuk.

Min sawichhan a ni tih ka hria, ani tan zawng thil thar a ni tawh lo a. Ka tan erawh, thil thar chu sawi loh, hmeichhiate chauh hnathawh tura ka ngaih a ni.

Mipa pawhin an lo thawk ve ṭhin tho a, mi nupui uire turin!

In chhungah ka vâk lut tawp, ka tlaivar chiang lutuk. In chhunga ka vah luha, ka mut ngai ngaiin ka awm bawk.

Chhungril tâwt up up chung chuan, boruak ṭha hip luh tur a vâng ngei mai.

Ka phone ri banin, "Sanga, vawiin chu hna a thawh theih dawn lo. Kan pu ten rokhawlhna an nei a, an chhungte boral an awm a ni awm e", Alex-an a lo ti a.

Phone ka off daih, ka mut ngaiin ka la mu reng. Mahnia ei rawngbawl a ngai a, ka peih chiah lo deuh ṭhin.

Peih lo hle mah ila ka mutna aṭanga thoin ka inbual fai. Chaw ṭhingin ka inhnawhpuar ringawt.

Ina awm reng aiah tiin ka chhuak a, intihharh tum ka ni mah zawk.

Dawr pakhat chhungah lutin Chow ei tur ka lam a. Ka hmaa ṭhute chu ka thlêk ka thlêk.

A chhan chu Alex-an callboy a nih thu min kawhhmuh tawh tlat a ni. A bula ṭhu hmeichhia chu a bialnu a ni tih hai rual a ni lo bawk.

"Wowww, ka duh deuh kha a nih hi", bawmtê tuam mawi hawngin hmeichhia chu a au chul.

Chow min lo pe a, ei chungin ka en reng. Sana man to chi a lo ni a, hmeichhe hlim chu sawibo theih a ni lo.

"Engtin nge hetiang i lei theih? Ka lawm lutuk", a ti a. A mawng kân zeuhin a mipa, a bialpa chu a fawp zeuh.

Chow ka eina fork ka dah thla chawrh, khaw êng pawh kan zah zo tawh lo. Dawr chhunga awmte lah chuan, tu mahin an en lo a, an ngaihsak hek lo.

Keimah chauh chu, an awmdan avanga lungawilo leh thlir zui reng ka ni!

A rapthlak asin nun hi, nung tura piang kan ni ve tlat bawk si a. Thianghlim tak leh fimkhur leh uluk taka nun hmang an awm ang em le?

Tih chu ka zawhna a ni. Ka hmuh chin aṭang chuan an awm miah lo", Pu Sanga chuan a ti a.

"An awm alawm", ka lo chhâng vat. Pu Sanga chuan min lo enin, "I chiang maw?", ka bu nghat.

"Chiang e, thianghlim tak leh fimkhur leh uluk taka nun hmang an awm alawm",

"I bialpa nena i insawitheihna a ni maw?", a ti a. Pu Sanga chu a nui zui sak.

Min tiela nui erawh a ni lo thung. A hmel chu mangannaah a inthlak leh thuai. Sawi chhunzawm leh a duh tih hriain, eng thu mah ka sawi leh tawh lo.

Pu Sanga chu thâw ri hrawihin, "Naktuk atan khêk ang hmiang, vawiin atan chuan ka sawi hnem tawhin ka hria", a ti a.

Vawiinah sawi zo vek se ka duh asin le, "Vawiinah i sawi zo thei mai lo em ni? Naktukah ka lo kal hman tawh lo thei a", a lu a thing nar nar.

"Ni lo e, naktukah i lo kal dawn alawm, vawiina sawi zawh hman theih a ni lo. A thui lutuk, Saltanna bu-ah pawh ka la lut ṭan hleinem", a ti a.

A nui zui leh sak, tun ṭum erawh fiamthua nui a ni thung.

Jail chu ka chhuahsan ta a. Naktukah ka kal thei kher ang em ka hre lo. Chhun lamah Msan min beisei tawh mai thei a.

U Duhawma leh Nurse pakhat an lo inbia a, Msa melh taitu kha a ni tih ka hre nghal.

Chuvang chuan Cabin-ah ka kal vat. Dim deuha kawngka hawngin Msa a lo mu tui nasa mai.

Khum chungah ṭhuin, Msa ka thlir vung vung. Pu Sanga thlirna aṭang chuan a awm hliah hliah a ni.

A bial kha a zim em a, chu a bial zim takah pawh thil ṭha lo tak tak a awm a. Ngaihdan ṭha lo tak leh, rinna ṭha lo tak nei pawh nise, ka dem hran lo.

Kei pawh ka bial a zim, amaherawhchu, Pu Sanga ang lo takin ka bial zim têah hian thil ṭha tak tak a awm thung.

Msa hian a tinghet bawk. Biak ina min hruai fotu a nih avangin min fawh chu sawi loh, min kuah takngial pawh a inthlahrung a nia.

Min kuah a châk theihzia te a sawi a, kei deuh hian ka lo thlahlel zawk si.

Thianghlim tak leh fimkhur leh uluk takin a nun a hmang a. Chu chuan kei pawh uluk taka ka nun hmang turin min hrilh a ni.

Hniak ṭha tak ka chhûi theih nan, Msa hian uluk takin kawng a zawh. Pu Sanga mai ni lo, midang hnena inchhuang taka Msa chanchin ka sawi thei hi ka vannei takzet!

Chutianga inchhuang taka ka sawi theih nana bultumtu chu, Msa ngei hi a ni. Pu Sanga pawhin mipa a hriat tawh azawnga mipa ber a nih thu a sawi tlat.

"I mu tui maw?", Msa lo tho chu ka be vat, "Nang zawk?", a lo ti a. Ka mut a tui thuin ka lo chhâng.

Chaw kan ei a, u Duhawma ka thlah, "Kachhuan, i duh hun hunah i haw thei a nia aw",

"Ka la duh rih lo, kar hnih vel tal ka awm duh, i phal ang tiraw?", u Duhawma a nui hawk hawk.

"Ka thu lo ber tih i hriat tak kha", kei pawh ka nui.

U Duhawma chuan, "Msa nen ṭha deuhin sawi ula a ṭha ang. I hriat angin ṭanpui ngai a ni a, i awm chu a hlim tho rualin a inthlahrung bawk si.

Chutiang inkarah a awm a, nang pawh hian i hriatthiam a ngaiin ka hria.

Zing chaw ei kham aṭangin keiman ka awmpui ang a, zan lamah nangin awmpui ve thung ta la ka ti deuh",

"A ṭha viau tho ang, mahse, chhun lamah pawh ka awm thei lo em ni?", ka ti a.

U Duhawma chuan, "A zun chhuah changa zunbawm laksak tura hrilh chea, a zunna han paiha a tibuai tur che a ngaingam lo. A zak tlat bawk si a.

Zun chhuah chu a la zia tal a, inthiar ber mai hi, vawiinah pawh a zah thu a sawi nasa mai", a ti a.

U Duhawma chuan a sawi dikin ka hria. Mahse, Msa sawipui ka tum ta tho.

Chhun lama han awmbo tur chu ka ngaingam lo. Nurse pakhatin a lo melhtai ve bawk nen.

Ni leh si, Pu Sanga nen inhmuh kan ngai. Ka va buai reuh tak.

"Vawiin lam eng nge i lo an?", damdawi ei tur ban pahin ka zawt a. "Pathian zarah ka ṭha e, min ṭawngṭai puina zar a ni", a ti a.

Ka lawm ru ve em em, "Ṭawngṭai saktu che an tam a, i ṭha chho zel mai ang", ka ti a.

Msan nui saihin min en. Pu Sanga nen kan inhmuh thu hrilh ka tum laiin Nurse a lo lut.

Msa a lo thlithlai leh, drip kan khai tawh lo a, hetia a lo lut sek hi ka ngaimawh ṭan riau.

A duty hun loah te an lo kal ṭhin tho mawni?

"Nitin i hmelṭha zual zelin a hriat, nak ruh tliak ka hriat tawhah, mi tuarchhel tak i ni bawk, dam vat vat rawh", nui sângin Nurse chuan a ti a.

Min chhuh tuma ṭan lo la a ang, a zak lo em mai.

Msan, "Nia, nakruk tliakah chuan ka tuar a fei asin, ka bulah ka nakruh bo a awm reng a", a ti chu Msa ka en vat.

Nelawm zetin min nuih a, Nurse tan mai mai hmun a awm tawh lo tih min hriattir a tumna niin ka hria. Nurse pawh chu a chhuak vat reng bawk.

"Ha nawhte i duh em?",

"Duh ve tho", a ti a. Mut hmunah ha kan innawh tir. A chhangchhiatthlak tawp.

Ruh pelh leh ke bilh mah na kan ti a, ruh tliak phei phei, nakruh leh malpui ruh a la ni zui!

Spinal cord a tina lo te hi a lawmawm hliah hliah, "Aw Lalpa, i va han ṭha tak em!", tih chauh sawi theih kan nei lo.

U Duhawma min hrilh sawi kher loin, "Hnawk min ti em?", mak ti deuhin min en.

"Kachhuan, hnawk ka tihchhan tur che a awm hleinem", a ti a. Thu dang sawi tur ka hre leh mai lo.

"Ka inthlahrung, ka ṭangkai nep si, mahse, i bula awma enkawl che ka duh ve si che nen, hnawk min ti miah suh aw", zawitê hian ka ti a.

A tawp lam chu kei pawhin ka hre thei chang chang.

"Lo lama ṭul hun a ni rih lo bawk a, i duh chen chen i awm dawn nia",

"Tak tak em?", ka ti hluai. Ka hmel pawh a hlim sarhin ka ring.

"Tak tak e, mahse, Damdawi in aṭangin kan chhuak ṭep. Pathian zarah ka ṭha chho zel a, awm reng chuan bill a sâng dawn lutuk. In lama awm ka duh tawh zawk bawk", ka hriatthiampui lutuk.

Ngawi rengin a kut ka vuan a, min vuan let ve bawk.

Damṭhat loh lai chuan mahni inah awm ila, mahni in loa awm aiin a nuam zawk daih. Damṭhat loh rau rauah pawh, mahni in tluk chu a awm thei lo.

A mawng kham a tih avangin, muangchangin bawkkhupin kan inmuttir, nakruh tliak buaithlakna chu, ka sawi thiam lo, a buaithlak a ni tawp mai ni.

Duh duh danin a chetpui theih loh bakah, chetpui ngam pawh a ni lo.

A malpui ruh tliak erawhin a tibuai lo a, nakruh ber hian a tibuai. Na a ti thei si, a khua a tisik lo chauh.

Nachhawkna ei a duh vak si lo a, âwm hrenna a hren chhanah ka chul heuh heuh ringawt.

"Kachhuan?",

"Aw, mamawh i nei em ni?",

"Tlemin ka lu zawn hi min tihhniamsak deuh teh", a ti a. Tawi khawmuang loin ka tihniam thuai thuai.

"A tawk e", a tihah ka tawp a. A bulah ngawi rengin ka ṭhu leh.

Vawiina Pu Sanga thu ka ngaihthlak ka hrilh dawn nge dawn lo tihah ka inhnial buai nasa lutuk.

Hrilh ta ila, eng ang chiahin a lo dawnsawn ang ka hre si lo.

Pu Sangan callboy leh callgirl kan inpel suau suau a ti a. Msa pawh khawpuia inhlawha awm a ni.

Msa chu ka ringhlel phal lo, ka ring a. Ka rin ang chiahin a thianghlim tih ka hre bawk. Ka ring sual lo bawk ang.

A chhan chu kum tawpa a lo haw pawhin a mizia a dang chuang lo. Biak in kawngah tho ni min hruai!

"Kachhuan?",

"Aw, mamawh i nei em ni?", a hmaah ka ding a. A duh apiang sawi se, tihsak zel thei ila.

Ka tihtheih zawng a nih chuan tihsak zel ka duh.

"Mu tawh ta che, i mut a chhuak tawh ang", a bulah ka ṭhu a, "Mut chhuak lo e, zangthala mut leh i duh tawh zawk em?",

"Duh rih lo, darkar khat vel tal muhil rawh", mu tura min ti chu ka inthiamlo zawk.

Msa hnunga ka kut nghatin, "Ka mut a chhuak lo ka tih kha, chhunah min hawtir a, ka mu nghek alawm", ka ti a.

A nui chhuak hawk, a nui ri ka hria chu ka dam sawng sawngin ka hre mai.

"Ms, i zun a chhuak em?",

"Ka tui a hal zawk", tui bottle-ah straw rawlh lutin a fawp a. Chumi hnuah, "Muthilh tum la, nachhawkna ei te i duh leh em?",

"Duh lo mai", ka kut pakhat khuma ka innemkhalhna chunga a kut lo nghatin, "Min ngaihtuah suh, ka ṭha tawh lutuk. Muthilh i mamawh zawk", thei leh thei loin min en ṭawk ṭawk.

Hnial ka duh ta lo, "Aw le, mut tui aw", ṭhutthlengah mutna siamin ka mu nghal zat.

Ṭhutthlenga mut chu a nuam vak lo, inring hman loa inleh thawk chuan tlak thum dut a ni mai.

Pu Sanga hmu tura ka kal hmain Msa nen u Duhawman min chhuahsan a, ka haw tur chungchang ka sawipui miah lo tih ka hre chhuak.

"Chhun lamah hi chuan va chawl hahdam rawh, zanah ka timu ṭha thei ngai si lo che a", Msa chu ka en a. Ka hnial ngam thlawtlo.

"Aw le, ei châk i nei em? Tui deuhin ka lo siam ang che", a ngawi vung vung.

A hnuah, "Mautuai ka ei châk", a ti chu ka insum zo lo ka nui awr awr. "Hmuh a har dawn mang e",

"A nih chuan maw, eng nge ni ang aw?",

"I duh ber sawi tawp rawh", ka lo ti hmanhmawh. "Maian bai", a ti ta a.

Maian chu lei tur a awm mai ka ring, "Tlaiah chuan Maian bai kengin ka lo kal ang",

"Chaw tam deuh nen aw", Msan a lo ti. Kan pahnihin kan nui dun ker ker. "Lo hnai teh", ka hnaih a.

Ka biang a chuk zeuh, "Inah va chawl veng veng ang che", a ti a. Nui varin ka bu nghat.

Pu Sanga hmu turin ka chhuak ta a. Vawiin hian eng thu tak ngaithla leh ang i maw?

A rapthlak chho telh telh dawnin ka hre mai!


Show post links
Top

[Ngaia]

Lâpui
Chapter-6
Ziaktu:Cck Lalchhuanawmi

A rapthlak chho telh telh dawnin ka hre mai!

Pu Sanga nen inhmatawnin kan inṭhutchilh leh ta ran.

Hmel hlim deuh sarh hian, "I lo kal ang ka tih kha", kei pawh ka nui.

"Nia, chhun lam chu mut hahdam nan min pe a", Pu Sanga hmel chu a hlim tawlh tawlh.

Pu Sanga chuan, "A nat dan han sawi ve reng reng teh",

"A nakruh leh malpui ruh a tliak a, mut dan siamrem chhung pawh a rei duh lutuk", Pu Sanga a nui deuh tet tet.

Ngainatawm taka min enin, "Zan lamah i mu ṭha dawn si lo a, chhunah chawlh a pe che tihna nimaw?", min fiam deuhin ka hria.

"A ni tawh mai a ni ang chu, chhun lamah u Duhawman a awmpui thung a", ka ti a. Pu Sanga hmel ngainatawm tak chuan min tithlamuang.

Kei mah vêkin, "Sawi ṭan leh tawh la, Damdawi in aṭangin kan chhuak ṭep tawh, hmu tur chea lo kal a har tawh dawn lutuk", ka ti a. A bu ve nghat.

"Dawr aṭanga ka chhuak kha, ka rilruah hei hi a lo lang a.

Midang pawhin mahni inthiam lohna nei hlek loin, an hmangaihte mamawh ang an phuhruk sak thei a.

Alex-a pawhin in nuam takah a chhungte a awmtir bawk. An bialnu te duh leh awh zâwng an leisak awl lo.

Tu mahin an taksa an zuar tih an hre lo, ka pu leh ka nî damdawi bill pawh ka pe thei. Zawhna ka dawng hek lo a.

Midang pun buai loin kan chhungkua ka chhan a. Chu chu a tawk viau.

Thil ṭha lo a ni tih hre reng chungin midang pawhin an ti a, mahse, an tluang tho. Inthiam lohna pawh nei loin khawlaiah an lêng ngam tho a.

Kei ve mai ina, ka inthiamlo tih kual vel, a zahthlak zawk. Alex-a pawhin mahni tana chakai khawrh thiam apiangin ei tur an hmu ang a ti a.

Chakai mahni tana ka khawrh thiam ve a ngai.

Alex-a ka be ta a, "Nuam i tichho mai ang, luhlul reng kha a ṭha lo reng a ni. Nu hmelṭha leh nalh tak tak te pawh an kat nuk a nia, sum dawn bakah, nawmchenna a ni nghal a", ka dara beng thak pahin a ti a.

Kalna tur min hrilhah kalin, Alex-a erawh, a regular customer-in a rawn koh avangin chu lam a pan.

Chaw ei ṭhat loh chang ka neih avangin ka chau titih deuh mai a. Ani pawh a lawm vak lo deuh. Pawisa a nih tur ang ni lo min pe.

Mahse, ka lawm tho, vawihnih kha chu nuam ka chên hman tlat a ni.

Tunlaia phone ṭha ber chi leiin, thawmhnaw thar te ka lei a. Kan khaw(khua) lama ka chhungte ka hre reng.

"U, ka phone hi a chhe tawh em mai, i phone nen inthleng ang", Chhanin fiamthu deuh reuh, thutak inphum ru sia a sawi lai te chu ka hre uar uar.

Nula a ni ve a, a ṭhiante zinga phone chhe deuh ken a zak ve dawn tih ka hria. Khawpui aiin Zokhaw ṭhenkhatah chuan incheina a sângin, phone changkang nei kan tam zawk.

Chutiang zingah kan khua pawh a tel, Chhanin eng mah sawi ngai lo mah se, ka hriatthiampui vek.

"Kalna min hrilhah ka kal ringawt zel a, mahnia kawng dap dan a awm lo maw?", Alex-a a ngawi vung vung.

"Min rawn betu te min chhuhsak vek ang tih ka hlau", ka nui sak. "I number i pe ṭhin em?",

"Pe ngai lo",

"Pe ṭhin rawh, ṭawngkam thlum deuh deuh hmang ṭhin bawk la", Alex-a enin, "A har khawp mai", ka ti a.

Alex-a erawh a nui mai mai, "Tun chiah hi ka hrilh ang che anga, chumi hnu aṭang chuan mahniin kawng i zawng ve tawh ang",

"Engtin?", hre châk takin ka beng ka dawh hnai, "Chu zawng, i zawn chhuah tur a ni", a lo ti bawk si.

Tichuan, mi pakhat min biaksakin kal turin min ti ta a. Ka inenkawl uluk tawh bawk a, ka taksa pawh nalh leh tawhin, ka ke pên reng reng te pawh a zâng leh vah tawh.

Kawngka kik kar karin, "Lo lut rawh", kawngka a lo pawt hawng ṭhuai. Min hmu chu, "A va nuam dawn em?", a ti hlut.

Min pawt lutin kawngka a kalh sawk sawk. "A va nuam dawn em", ti leh hlutin an mutna pindanah min hruailut.

Amah zawkin ka thawmhnaw hak a phelh, "Hetiang hian mipa an lo nalh thei a ni maw? A va lawmawm em!", a ti a.

Khumah min kaipui chu a ni nghal der. Ani pawh, a pakhatna nu ang thoa rak bengchheng chi a ni.

Phakar ka chhuah ta hlauh thung, a chungah lawn kaiin, a bengkawm ka seh ner ner.

"Tlaivar hial mai ka duh, i tlin ang tiraw?", ka bu nghauh nghauh.

Kan tlaivar chiang khawp mai, tlaivar tihah, dar li-ah ka chhuahsan. Khua a la thim. Bonus min pe nasa lutuk.

Min biak theihna tur ka number ka pe bawk. Chuta chin chu min lo be ta sup sup.

Alex-a sawi angin kawng ka indap kaw ta ngei mai. Ka number chu eng tin tin nge an lo hriat ka hre lo.

Chhani tan thawmhnaw ṭha tak tak te leiin, ka nu leh pa tan ka lei bawk. Chhani tan phone leisakin, an thawmhnaw tur ka leisak te nen ka thawn a.

"Keini chu min lo ngaihtuah duh suh, thawmhnaw te inlei ve la, keini chu kan ṭha", ka nuin a lo ti a.

Zahna leh mahni inthiam lohna pawh ka nei tawh lo. Ka nu mah nise, ka hawi vah thei!

Khatiang khan engtin nge ka awm theih zawk tih, tun thleng hian ka hre lo. Mahni nu te hmaah chuan zak ngawih ngawih tur ka ni si a.

Ka nu meuh pawh ka zah zo tawh loin, a hmaah intithei takin ka la ṭawng zawk chu a nia!

Sum ka hmuh bakah, duhtawkin nuam ka chên thei a. Sum dawn ai mah pawhin nuam ka ti tawh zawk.

Zantin chu a ni lo, ni thum hnuah emaw, kar khat hnuah te. Tin, ka induh ve larh ṭhin bawk.

Min lo betu te hnar chang ka ngah. A chhan chu khatia ka tih khan min dawrtu tur ka hmuh tam dawn bakah, anmahni kha ka hip dawn tlat a ni.

Zan khat chu ka pa biain, "Housing loan an tih hi la ve ila, Bank lam chu ka lo dawr vek ang", ka ti ta a.

Bank ka dawr dawn tak tak lo, "Chutiang a thei em ni?",

"Thei e, ka hmingin kan ti ang a, in ṭha tak kan sa dawn alawm", ka ti a.

Kan in kan thuam ṭhatin min tihlungngai angin, in pum sak tum chuan min tilungngai hauh lo.

In nuam taka ka chhungte chêntir chu ka duh ve ta ber. Ka pain, "Han be phawt la, chumi azir ni rawh se", a lo ti a.

"A pung a tam chuan kan rul zo ang em tih te ngaihtuah la aw", ka pain a lo ti leh. Lungngailo turin ka hrilh a, a ngaih erawh a ngam zân lo.

Thla khat chhung ka intuak ta a, chhun lama ka inhlawhna chu a hming mai chauh a ni.

Chu zawng aia pawi chu, Lâpuii ka theihnghilh kha a ni! Amahin a lo inlâr mai bik si lo.

In sa turin ka haw a, "Housing loan a nia" , tiin, min zawttu apiang mai chu ka chhâng ve zel.

"Ka vannei hlauh alawm", ka ti satliah ve mai zel bawk. Mahse, concrete tak takin kan sa lo.

Chutianga kan tih vaih zawngin, rinhlelhna mita min thlir rengtu te thiam changah kan ruat palh ang. Mahse, thiam chang zawk chu an ni reng si.

Mahse, ka chhungten thiam lohna an nei lo, keimah vek ka ni. Keimah vek", Pu Sanga chu a ngawi leh vung vung rih.

A thusawi kar laka inrawlh ka duh lo, zawhna lo zawh sek pawh ka duh lo. Tihian, zalen takin sawi par par se.

Chawlh a duh hunah chawl sela, a ṭha ber mai.

Âw thian kharhin, "Khawpuiah ka kir leh ta a, tlai khat, kan hnathawk bâng ka bazar kawi a.

Chutah chuan, hun rei tak chhung ka theihnghilh tawh, Khawpuia ka kalchhan ber mai Lâpuii hming ka hre ta tlat.

"Lâpui", tiin an ko a. Che loin ka dinnaah ka ding ngawi reng.

Ka kalbo thuizia chu hrilh ngai loin, ka hre chiang lutuk. Ka kalbona chin ka hre tawh lo.

Ka kalbo ṭanna ka sawi thei lo a, chiang taka ka sawi theih erawh, let leh tur chuan ka kalbona kawng a thui tawh lutuk tih hi!

Lâpui tih hming hre mah ila, ka hawikir tawh lo. Lâpuii ka hriat ṭhin ni loin, midang Lâpuii pawh an ni thei.

Hming leh inkoh dan inang a tam tho a, Lâpuii ka hriat kha chu a ni thei lo ang.

In kan sa zo tawh a, chawlh lailawk ka tum bawk. Chuvang chuan min rawn betu te ka hnar zel.

"Chawlh ka nei dawn", ka ti a. Ka hrilh tlang vek bawk.

Mahse, mahse hi ka ti reng dawn a nih hi. Sum chu lo dah ṭha ta ila, nawmchênnain min chiah hneh tawh em avangin rei tak ka chawl thei ta hauh lo.

"Insum teh khai", mahni inbêngin ka han inhrilh leh rih thul. Awmzia a awm teh e. Engti ti emaw chuan kar khat ka chuangkai ve mai.

Tun hnua ka ngaihtuahin, khata ṭang khan lo chawl zel ila chuan, ka bansan thei dawn tihna a lo ni si.

Inchhir hian ban a pel tak tak meuh zel a ni!

"Sanga, lêng chhuak ila, ka treat ang che",

"Ngawi teh, ka chhuak peih meuh lo. Zan a rei tawh si", thatchhe zetin ka lo chhâng a.

Zan a rei a ni hauh lo, ka chhuak peih lo em a ni. Ina awma mut veng veng ka duh tlat.

Alex-an, "Pawnah ka nghak che, lo kal mai mai teh", a ti a. Kawngka ka va hawng a, a insawi angin a lo awm tak tak.

Peihlo chungin ka zui ta a, "Inkhawm ban pawh a la hun lo, zan kan hmang dawn chauh alawm", a ti a.

Ka phurlo sa nen, "Ni tho mai, ina awm ka duh rih zawk, zan dangah ni rawh se", ka ti a.

Inhera in lam pan ka tum laiin inkhawm bâng an lo chhuak sup sup. Chutah, nu pakhat ka hmu chu, ka phu zuk!

"Alex, saw nu saw en teh mah", ka kawhhmuh a, Alex-an a lo hre ngang mai.

"A fel asin aw, Hmeichhe pawlah Treasurer a nia, a pasal lah mipa pawlah President a ni bawk. An hausa bawk a, vannei lel lawl tak an ni. Pathian an ṭih chhungkua si", a ti a.

Sawi zawm zelin, "A intuaihnum peih si, a la nalh reng a nih saw, a ngainatawm si, tu ate pawh a be ṭha thei em em a, mi zawng zawng ngainat a hlawh reng bawk", Alex-a thusawi chu ka awihlo lam a ni.

A fak mek nu chuan min lo biain, nuam kan chên tawh tlat a ni-",

"A ni thei lo ang", tun ṭum chu dawhkan ka chum ve chawrh.v

Pu Sanga chu lungni lo taka enin, "Dawt i sawi kual mai maiin ka hre tawh. Lâpui tiha thawnthu ziak turin min ti a. Mahse, Lâpuii reng reng a lang thei lo",

"Khawilai kha nge dawta i puh?", min zawt let. "Chutianga Kohhrana inhmang viauin a lo be lo ang che",

"Thudik hi a khâ em asin", Pu Sangan a ti a. Ka thaw halh.

"A ni thei lo", ka ti sap. Dawt a sawi a ni, "I hlauthawng a nimaw?",

"Hlauhthawn chhan tur ka nei lo",

"I nei alawm, i bialpa Kohhranah a inhmangin Biak ina hruaitu che a ni lawm ni kha, i hmelah hlauhthawnna a lang reng alawm?", ka ṭhutna aṭanga thoin tukverh bulah ka va ding.

Msa chu ka ringchhe phal lo, ka ring nghet bur tur a ni. A fihlimin a thianghlim tih ka hria.

Ka ṭhutnaah kir lehin, "Msa chu ka ring, a fihlimin a thianghlim bawk",

"I chiang maw? A tirah ka sawi, thuruk ka hrilh dawn che ka tih kha. I la hre chho zel dawn alawm",

"Lâpuii chanchin sawi ta che, a behbawm ringawt sawi loin, thawnthu hmingah Lâpuii hming kan put tir dawn a, Lâpuii chanchin chauh sawi rawh", ka ti tawn tawn.


Show post links
Top