HRUAIZELI BY Judy Chhak Chhuak (Completed)

[Ngaia]

Chapter-7
Hruaizeli POV
Pâwnah chhuak in security ho chu ka room hnunglam en tûrin kati a,inchhung ah ka lut leh daih thung, mahse ka rilru a nawm loh em avang in pa Branded-a chu ka call ta nge nge a."Aw enge nita"arawn tisup a,a buai vaklo aniang "pa Branded ka room hnunglam ah mi kal ka hmu a,ka hlau keimah chiah in inah min dah ṭhin a,chhun lamah te thawh mai awm che ania"ka ti ṭiau a.




"Hlau suh engmah anilo ang, security ka dah vek kha tumah anlo lut theilo ang,camera ka kam vek alâwm"ati a kan in hi mi naran tan a luh mai mai theih anilo tih ka hria.Mahse ka room hnunglam ah tumah an kal ngai tlatlo a,thla muanglo deuhin khumah kamu a,ka phone ah movie ka hlauh na tih reh tum takin ka en a.



Ka room tukverh darthlalang arawn keh rik chhuai chuan ka phu nasa lutuk,ka khum aṭang ka tho kang zawk mai,"hmanhmawh rawh u"tih ri ka hriat leh ngat phei chuan ka hlau lutuk chu tih mai tur ka hrelo.Khuma ka phone dah chu ban vatin bathroom ah ka lut a.




Pa Branded-a bawk ka call leh,"aw enge Nene"arawn ti leh sup a,"ka roomah mi an rawn lut ania"ka ti leh ṭiau a,ka mittui ka biang ah arawn lum thla pap mai,tûnah tak hian kapa ka ngai takzet mahse min chhan thei tur awmchhun chu pa Branded-a chiah hi ani.




"Ka rawn haw nghal,i awmna ah khan lo awm char char rawh aw thawm lo chhuah miahlo la,a him chinah zêl awm lo tum rawh"atih hnuah thawm ari sat sat a,call a incut zui nghal.




Bathroom kawngka arawn ri bur bur a,theihtawp in kalo nam ve ṭang ṭang a,mahse mipa tha tih takah ka hnehlo chiang hle kawngka arawn in phih hawng lawp a."Hetah rawn phei vat ru"an tih hnuah mipa hmai tuam pali vel hi an rawn phei a,pakhat chuan min pu lawp mai.



"Che tawh suh,kan ti na dawnlo che thil kan zawt ringawt dâwn che"min pu tupa chuan ati a,mahse ka chet ka tawp phah chuang hauhlo "ka hnung a thak alawm tute nge in nih a,"ka tih chuan min chhanglo.



Kan in hnunglam gate aṭang min thehchhuak lawp a,au pawh ka au hmanlo hrim hrim Gate pawn lamah pakhat in min rawn man leh nghal chat mai.Midang ho pawh nghak tawh lemlo car ah min khung a,mut kawr pan te chauh ka ha sia avawt lek lek.




"Ac kha off rawh u,avawt"vâwt ka tih em avang in kati tawl a,mak tak maiin ka hlauh na te kha areh duak nimaiin ka hria,kan tina dawnlo che an tih vâng te pawh aniang.




Ac chu an off ve mai a,"mi in man dawn te chuan sawi lawk ve tûr che u alâwm,ka in ring hmanlo hrim hrim thawmhnaw mumal pawh ka inbel hmanloh hi,avawt ropui si"ka ti hlak hlak a "ngawi hmak rawh,phunchiar lutuk mai"ka bula ṭhu pa in ka kâ rawn hup pahin ati a,engmah ka sawi tawh biklo.




Min tlân puina lam pawh hrelo in ka ṭhu ngawi kar a,ṭawng duh tak kani ve bawk sia ngawi renga ṭhut reng chu hreawm kati,chuan min man tute hi an sual em em ka ring hranlo,an hmel aṭang hian chubâkah an chawr che emai.



In pakhat kawtah min dinpui a,in mal ding niin alian em em hranlo a chhûng pawh chu a ṭawp takzet,chair ah min nam ṭhu dawt a"i Papuia office luhna password enge,"an tih chuan ka ngawi reng engtin nge pa Branded-a thleng in anlo hriat."Sawi rawh"pakhat chuan arawn ti vin ṭhat a.




"Ka hrelo"tih bakin ka chhanglo,hre mah ila ka hrilh awmlo emai"i hrelo maw,sawi mai rawh hun kan nei ngahlo ania,anih loh chuan kut kan thlâk ang che"an tih pawh chuan ka ṭawng lo.




"Ka hrelo miau alawm,"kati sep a "engtin nge i hriat loh theih,i Papuia sâwn kan pawisa tam tak a kawl asin,chu mai anilo kan damdawi harsa taka kan lâk ho min man sak bawk a,"pakhat chuan arawn ti a.



Drugs addict an ang ka ti rengah,an chawr che em a"chutiang lam engmah ka hrelo,ka ning thosi an tam si"ka ti khâr khâr a "i phun ngam zawk alaw,"tih pahin pakhat in ka samah arawn kek a ka dâk awrh mai.




"A hrelo aniang,henu hian engmah asawi ka ring tawplo kawng dang ngaihtuah mai ang u,hun kan nei ngahlo,"pakhat in arawn tih chuan min pawt ding leh lawp a"min chhuah dawn chuan min thlah angai ang"ka ti a.




"Tuman an man peihlo ang che,ṭawng thei ropui si kalsan ang u"an tih hnuah motor ah an lût a,an kal liam chu ka thlir ringawt ka phone lah chu ka room ah ka kalsan daih sia,engtin nge maw ka haw dawn ni mahse kan in aṭang min kal hlat puilo tih ka hria.




Ka awmna ka hlauh deuh avâng in hmanhmawh deuhin ka tlân a,kawngpui ah ka chhuak chho hlawl mai kan in lam pan na ka hriat mai ka ring,mut kawr pan te chauh ka hak avâng in ka tlân chho zel a,kawng lah chu areh ruih a mihring hmuh tur an awmlo reng reng.




Ka kal zel takah chuan kan veng ka thleng tih ka hria a,kan in pawh ahla tawhlo kan inkawt ka thlen chuan ka hah luatah ka thaw hlawi hlawi mai,ka dang aro hulh a ka tlân na avâng in ka thlan in min bual huh deuh hnap a.




Kan inkawt a Police motor lo ding khawm ruih ka hmuh chuan min zawng tih ka hrethiam mai.Chapal ka bun bawk siloa ka ke te chu a pilh phêng phung ang ka ring,inchhung ah lutin choka lamah ka phei rawk rawk a mi lo awm nuaih te chu ka ngaihsak thei lo.




Fridge tui vâwt chu la in ka in khawlh khawlh a,"Nene iṭha em na inei lo maw,"tih pahin pa Branded-an min rawn ngaihven vat a,kabu nghut "an hmel in
hmu em tunge an nih ihria em,"ati leh a.




"Ka hrelo,i office password min zâwt a,an pawisa leh an damdawi i lak sak an tia,"ka ti a ka hah pawh ala rehlo "ṭhu phawt teh"atih chuan ka ṭhu vat a.




Ka ṭhiante leh midang ho pawh anlo tam tawh khawp mai,"zanin aṭang chuan pawimawh a awm loh chuan ka chhuah san tawhlo ang che,hlau tawh suh ka awm tawh hi"ka sama chul pahin ati ve ngei a,ka hlau êm em lo.




"Awi minti hlau lutuk a,i papui an minlo call a,"Rinpui-in ati a ka chhang lo,"inu te engmah kan hrilh lo an ngaihtuah dâwn che sia,nangpawn hrilh lo law law mai rawh"ka hma ah ka phone rawn dah pahin pa Branded-an ati a.




"Nangmah man tu che ho pawh kha kan man vat ang, password an dil che chuan tute nge an nih hriat an harlo ang"pa Branded-an arawn tileh a,Police ho pawh anla awm nual mai.



"Roomah va intifai ru,ka room bulah khan awm rih mai rawh"atih chuan ka hnial lo,a tih ang ang in ka awm tawp Rinpuii leh midang ho pawn min zui vat a.



"An khawih na che em"Rinpuii bawkin min ngaihtuah hmel zetin ati a."Na lo e"ka tive sep,Thanmawii ka hmulo chu pawi kati hranlo tun dinhmun ah chuan ka hmuh chakloh ber ani.




"Kan intifai lawk ang"tih pahin bathroom ah ka lut a,ka phone ka on chu missed call leh Message alo tam khawp mai,ka phone dah in ka intifai zung zung a nichin lawka thil thleng ka ngaihtuah a.Mak kati an chezia kha misual em em an ni siloa,harsa taka min man hnuah awlsam takin min chhuah leh a,damdawi ruih tur an hmu siloa tih hreh an nei tawhlo te pawh aniang ka rilru ati buai.




Bathroom aṭang a ka chhuah leh pawh chuan ka ṭhiante anlo la awm ṭhap a,a tlai ve tawh sia an riak dawn anih hmel,pawi kati lemlo khawp mai.



"Khum hi azau tho a,kan leng vek ang"ka tih chuan ka chezia min thlir reng tih ka hria,"ka chau ka mu dâwn in duh hun hunah in mu ve mai dâwn nia"tih pahin khumah ka lawn a,tuna kan awmna room a khum hi azau leh alian ber ania kanu leh pa leh ka naute an rawn zin changin an riak ṭhin.




Zanah thawm mak deuhin minti harh hlawl a,ka bula mu chu ka kuah deuh chawt chawt mai"enge ngatinge,hlauh inei ami"Papui-an arawn tih chuan ka phu zawk mai,a thim bawk sia tunge mu tih ber ka hre thei siloa.



"Thawm chu i hre ve em"ka tih chuan a ngawih vang vang hnuah,"hria e ngaihven suh"atih hnua mut leh mai atum chuan ka pawt let vat a,"a hlauhawm loh light on i duh em"atih chuan ka chhanglo.



Rei vaklo hnuah Papui-an a phone light a rawn on eng a,"engmah a awmlo en rawh"tih pahin room a enkual a,ka thla muang ve huai mai ka ṭhiante hi an awmlo ang tih ka hlau takzet.



Zingah thawm ri sat sat in min kaitho a,ka thawh chuan ka ṭhiante pawh anlo la awm "ilo tho tawh maw,"Rinpui-in ati sep a kabu nghut mai.



Room aṭang a kan chhuah chuan pa Branded-a pâwl te ho pawh anlo la awm nuai mai,kan inah hian a thawhpui te arawn hruai hnem thei sia,tun ṭum chu keimah vang a rawn kal khâwm anni.



"Chaw kan ei tawh a,in ei ve mai dâwn nia"pa Branded-an alo ti a,min ngaihsak lemlo a choka ah pheiin chaw ei kan siam zung zung a,tukin zing chu Maengi ka hmu miahlo eirawng hi tuin nge bâwl ni,pa Branded-a bawl chu anih ka ring siloa.



"Na inei lo tak tak maw"pa Branded-an arawn tih leh chuan kabu nghut,"hma kan la mek a kan man ṭep tawh ang,lungngai suh"ati leh a ka chhanglo.



"Vawiin chu Nenei hi kan va chhuah thawven pui lawk ang,"Rinpui-in pa Branded-a en pahin ati a,a phal ka rinloh nen abu ve nghut mai.



Chaw eikham ah ka roomah lutin kan insiam zung zung a,Papuia leh mipa dang te ho chu an haw thung,Rinpuii nên ka roomah kan insiam mawlh mawlh a Thanmawii ka thawmhnaw ka hak tir ngailo ania.Mahse Rinpuii hi chuan ka thawmhnaw eng pawh ha se pawi tihna ka neilo,sual minti ve thei ngawt ang.



"Scooty chu keiman kalo khalh ang"atih chuan ka hnial lo,ka scooty in kan mipa te ho minlo nghah na lam panin kan tlan thla a,kan thlen chuan anlo awm kim ṭhap tawh.



"Thanmawi-in pasal a neih dawn kha in hria em,"Sangpui-an atih chuan ka ngaihven vat a,"Zorinpuia ani em a pasal tur chu"ka tih chuan abu nghut a,ka rilru ana zawk thei Sangpuia a tuai ve deuh a mahse over lutuk chu anilo.



"Inneih sawmna pawh kan dawng ve ṭep tawh ang"phur zetin ati a,a awm lo hranlo kan chungchang a hrelo miau a "iho emai Sangpui kal ang u,kan tlai lutuk palh ang,"Rinpui-in atih hnuah kan inkhalh chhuak leh a.



Kan kal tumna kan thlen chuan ka thawveng ve hawk theiin ka hria,anuam takzet "Nene Pathian in ita tûrin a ruat lo aniang,tunah i rilru na hle Mahse kal tîr rawh nakinah itan a Pathian in aruat sak che chu a hun takah arawn pe mai ang che,"Rinpui-in ati sep sep a.



"Ka hria alâwm Rinpui mahse ka duh em ani, Zorinpuia ang em em a mipa duh ka neih leh hi ka ringlo,"kati ve sep a ka mittui a hnai leh kuar tawh,ka ning ka mittui ve sek lah hi.



"In tih hlim tum rawh,hawh heti lamah lo kal rawh"tih pahin min kai dawr a,ka inring hman bawk siloa ka in pal phei nawk nawk mai.



Nileng in ka ṭhiante bulah hun ka hmang a,rinai takin nuam kati phian a in a kan haw chuan ka room pawh alo in ping ṭha leh vek tawh,glass pawh awlsam taka tih keh mai mai theih anih ka ring tawhlo.



"Nene hei ita tur aniang,"pa Branded-an ka room a rawn luh pahin box pakhat hi min rawn pe a,ka hâwn lai chuan ka bulah ading ve reng box chhûngah chuan pheikhawk pencil heels mawi deuh alo awm a.Tu min pêk nge nileh ta ang"ka ṭhiante aṭang anih hi,"pa Branded-a a awm ve reng takah chuan nui sang in kati a,a chhuak ve mai bawk.



Lehkha ka hmuh chuan ka la vat a,"ka ta inih ve theih hunah chuan he pheikhawk hi kan inneih ni ah ibun ngei ang,tûnah rih chuan ka hmangaih zia che hi ka lan chhuah tîr thei rihlo ani,min hrethiam rawh ka tina hle che anih chuan min ngaidam dawn nia,"tih hi ani a tu min thawn tak ni ang maw pheikhawk lah chu ka size chiah chiah ala nizui a.



Ka bun chhin vel a,ka inhmeh kati ve takzet mahse min rawn thawn tu ka hre siloa,roomah keimah in ka awm leh chet chet a,ka muthilh lai pawh ka hrelo,zingah pa Branded-an min kaitho a tunlai chu inah a awm ve reng mai min ngaihtuah vang ani tih ka hria.



"Dawr lamah ikal dâwn em"atih chuan kabu nghut a,intifai sawk sawk in ka insiam zui nghal a,hman zâna mi te pawh kha an man tawh anih hmel,"ka kal ania aw"scooty chahbi lâk pahin kati a,min chhan na pawh ka nghak lemlo.



Dawr ka thlen chuan ka naute pawh anlo thleng vek tawh,"miss pangpar tunlai chu hralh akal khawp mai"pakhat in arawn tih chuan ka nui ve sang mai.



Ka dawr kawngka ari rak a,Samu-a alo ni"i ṭha em Nene minti hlau lutuk a,ka zin laia thil thleng ani bawk sia Thanmawi-in min hrilh a,"min rawn kuah pahin ati a hman zâna thil thleng kha ani tih ka hrethiam ve nghal mai,Thanmawii engtin nge a hriat daih daih ni,mahse Rinpui-in a hrilh anih ka ring.



"Ka ṭha alawm"ka tisep a,Mahse minla ngaihtuah hmel khawp mai nileng in dawr ah ka ṭhu a,hriat chhuah zawk ka nei,pangpar Zorina nu in a ngainat ho la khâwm zung zung in ka inkhalh chhuak a.



Zorinpuia te inkawt ka thlen chuan thawk kala vang vang a, doorbell ka hmeh hnu rei vaklo ah Zorina nu ngeiin arawn hawng a,anui leh sang tawh"ehe!Nene lo lût rawh tunlai chu iva vang ve a,"ati sawk sawk a.



"Nia ka buai ve lutuk a"ka tisep a,an in chu a inchei riau a ka hriat ka hawikual thuak thuak a,"kan fapa in nupui anei dawn a,kan in kan han chei ve deuh anih hi"Zorina nu in atih chuan a chiang ta khawp mai.



"Tu zawk in nge nei dâwn a"ka tisep a,hre tho mah ila zawh ve hrim hrim ṭha ka tih vâng ani"Zorinpuia an inneih ni ah chuan ilo kal ve ngei ngei angai ang,ka fanu ang chiah in ka en che a Nene ka ngaina tawh takzet tih i hriat kha,chuvang chuan min hnial theilo"ati a.



"A nupui tur chu enge a an a"kati mawi hnai ve a,"imm aṭha ani mai ang chu nau an pai sia,innei lo theilo dinhmun ah an ding sia,"atih chuan mak kati lutuk Thanmawi-in nau apai amaw!!.



"A nupui tur chu khawi ami nge a,"kati leh a ani pawn ṭha deuhin minlo chhang zel a,"a thawhpui nu ania chaltlang ah sâwn an awm,"atih leh phei chuan hriat belh tur awm in ka hre talo,Thawnmawii ani tih chiang takin ka hria.



"Thla leh ni nga ah hian kan tia,fa tih fahrah ringawt zawng aṭha ngailo e apa in ati tlat sia,diktak chuan Thanmawii saw chu aṭha tho a,mahse ka duh chi ani vaklo a hawiher saw a ler hmel riau a,Melvina lah hi abe siam siam reng a a duh hmel thei bawk sia,aṭha ka tilo a unaupa la nimai tur ni mahse a biak dan vel kha aduh hmel lutuk a,"ati a asawi dik maithei bawk Thanmawii hian bialpa a thlâk zung zung a,a chhan pawh a nin hma ṭhin em vang ani Zorina pawh hi aning vat ka ring,mahse ka ṭhiannu ala ni reng a ka sual minlo ti mahse pawi kati lo.



Inchung aṭang a Zorinpuia rawn chhuk chu kalo en reng a,asam a huh deuh chhap a a chhelo lehpek khawp mai,mahse nakin lawkah Thanmawii pasal ala nimai dawn sia,min rawn hmuve ani ngei ang min melh ve reng a,"Zorin ngatinge idin reng,lo phei teh"anu in atih takah chuan kan awmna lam panin arawn phei a,ka hmangaih leh ka mipa duh em em chu kan lam panin arawn phei mek a min hmangaih ve ani tih sawi tura rawn phei nise kati takzet.


Show post links
Top

[Ngaia]

Chapter-8
Hruaizeli POV
"Mama chhuah itum ami,i nupui nei tûr hi itum bur reng mai a i duhlo zawk nge"nui huah huah chungin Zorina nu in ati a."Kal lawkna tur ka nei ka reilo ang,"min rawn melh zawk pahin Zorin-an ati a,a chhuak zui nghal.




"Dawr lam ka ngaihtuah sia kava phei phawt ang aw,kapi chu lo dam zêl rawh aw"ka tih chuan anui ve hak hak mai,ka Khawngaih reuh tak tak ani kan la dam ve zel te anih chuan kapi ang hian kanla awm velo ang tih pawh a sawi theihloh.




"Lo leng ziah rawh aw Nene,Melvina hian asawi reng zêl che a a ngaina khawp mai che,"atih chuan kabu ve nghut a scooty tinung in tlanchhuah ka tum chiah tih ah Melvina ngei chu ka hmaah arawn ding a.Ka au ṭhawt mai"awi ka sut ṭep che kha,ivan mawl tak"ka awm dawm vang vang in kati a,ka hlau lutuk ringawt.



"Khawnge i kal a"arawn tisup a,"khawnge ka kal ang ka rawn leng anih hi"ka tih chuan anui suk mai, nuihzatthlâk ka sawi tawp siloa.



"Lo leng ṭha leh la,ilo len laiin ka awm siloa"atih chuan ka melh haw mai,hepa hi hmelṭha hle Mahse ka ngaina lo,a thawveng ropui si keilah thawveng chi kalo ni bawk sia,han inkawm tak tak phei ila chuan kan in kawm â vek ang.



"Kalsawn teh,ka kawng idal ka haw duh ania"a din reng takah chuan kati a.



"Kalo len i phal leh phal loh sawi phawt la."



"Kha chu i thu thu,mahse ilo len chuan thingpui nangmah in i insiam angai dawn ania,inlêng ka nei ngailo a ka peih lo."



"Aṭha lawm,i mipa duh deuh kha ka hria ania i mipa duh deuh bulah khan thingpui i lum thiamlo tih hi sawi ta ila,"a sawi zawh hma chuan ka scooty aṭang ka chhuk vat a.



"Hey,ṭawng zawi rawh tumaw i hriat chu"ka tih chuan anui hawk hawk a,"ka unaupa pawh hi ani maithei"atih leh phei chuan ka meng phâwk khawp mai.Hepa hian engtin nge a hriat ka duh zia hi ka tilang viau emni.



"Ka hriat dan i ngaihtuah mek ani tiro,mahse ka hriat danah buai suh,ka unaupa i chang tawh siloa,min nei ve ṭhuai mai rawh"atih chuan kalo chum pawp mai.



"Aho,"tih paha ka scooty a lawn leh mai ka tum chuan min pawt let dawrh a,ka hmuia arawn fawh chuan ka ding khawng at mai,awm dân tûr mai ka hrelo.



"Thingpui lum thiamlo mahla i hmui tal a thlum alawm,"atih chuan a hmaiah ka beng pawp a,ka inring hman biklo "thingpui ka lum thiamlo tunge ti"ka tivin hlar a.



"I mipa duh em em in ka fawp che tih hi hre tase engtin nge itih ang,"ka beng bula rawn kûn hniam pahin ati a,a hawina lam ka hawi chuan Zorinpui-an minlo thlir reng,ka thawk te chu abuai vek nimai in ka hria mak tak maiin Zorinpuia hmelah chuan thinrim na ka hmu thei tlat in ka hria.Ka ngaihtuah na zawk nge pawh ka hrelo.



A hmui phun in thil asawi a,mahse enge a sawi ka hre theilo kan in awm hlat ve em a,inchhung a alut chu ka en zui vawng vawng a.



"Eng vanga khatiang thil kha ti nge inih a,Melvin rilru chhe pa"thinrim zetin kati a,ka ṭah te a chhuak rum rum.




"Theihnghilh tum rawh,thla leh mai ah mita ani tawh dawn a,fa an neih hunah phei chuan ila na khawp ang i tân ka awm reng tih hria la,i ṭah changin ka hnem che anga i hlim in ka hlimpui ang che,"ka hnâr a rawn piai zeuh pahin ati a.




"Hmmm,chutiang eng tikah mah ka mamawh lo ang,keimah in ka hlim thei lutuk"tih pahin helmet ka khum a,ka scooty tinung in ka tlanchhuak zui nghal,ka side glass aṭang meizial zuk hlat hlat pahin min thlir reng tih ka hmu thei,hepa hi a mizia a mak ru riau mai.




Dawr ka thlen veleh ka indah fel sawk sawk a, receipt vel en fel tur atam leh khawp mai,mahse rilru ah eng dang mah alut theilo Zorina hian min duh let ve hauhlo tih ka hria mahse keichuan ka duh em em a.Nupui anei dawn tih ka hriat te khan ka rilru chhûngril a hreawm takzet,lan chhuah tîr arem lo mai chauh ani,Melvina khan engtin nge ka duh tih ahriat ka hre biklo.



Ka thil tih ah rilru ka pêk theihloh em avang in ka haw tawp a,kan in thlen hma hret ah ka scooty ka tiding a,ka ding vang vang tûnah hian ka chhûngril a hlimlo a,ka na takzet ani ka mipa duh em em leh hmangaih em em chu nakin lawkah midang ta ala ni mai dâwn sia.




Thli in min rawn chhêm pawh chuan ka hahdam phah hauhlo,ka scooty tinung in ka inkhalh chho leh a in ka thlen chuan pa Branded-a pawh alo awm leh vang tawh.Zanah a chhuak ngai tawhlo a chhun a a chhuah pawn ka haw hma in a haw ngei ngei zêl.




Roomah lutin ka in tifai zung zung a,chaw pawh ei peihlo in khumah ka mu thlawp mai ka chau takzet.




Melvina POV
"I unaupa ang hian awm ve maila,ṭha taka awm chu ahar viau ami"kanu in ati hlak hlak a."Zorinpuia nen chuan min tehkhin miah suh"ka ti hrawk a,"amak emai Nunsangpui ngatinge maw i unaupa hi i huat em em mai le,"kanu in atih leh chuan Zorinpuia lam ka hawi a,minlo en let ve ngur mai.



"I fapa chhuan em em saw va zawt teh,min haw lo bik ami bialnu nei reng chungin hmeichhe dang arai a,"ka ti leh hrawk a ka pai deuh nawk mai.



"I u ka nih hi min zah ve deuh rawh,Nunsangpui engmah i hriat loh chuan ngawi mai mai rawh"Zorinpui-an atih chuan ka nui suk a.



"Nangni unau in ngeih lo lutuk hi,ka rilru inti hah emai ipa rawn haw se in zal deuh mahna,Jenny alo haw anga ani pawh adang chuanglo,mipa ang chiah in unau hi engtin nge maw in pian bik le"kanu in ati leh a.



"Hruaizeli saw beisei tawh hlek suh ang che,i nupui turah ila lungawi lo anih chuan hmeichhe dang zawng mai rawh,Hruaizeli hi iti na leh anih vaih chuan ka chhuah tawh mai mai lo ang che,"ti hrawk in ka roomah ka chho a.



Hruaizeli thlalak ka room banga intar chu ka thlir vawng vawng a,ka ngai takzet ani mahse ani chuan min hre tawh siloa,high school kan kal lai khan Hruaizeli hi ka ti duhdah thei em em a,mahse engtik laiin nge kalo Hmangaih ka hre hauhlo,kum tam tak hnuah a Papuia vangin ka hmuchhuak leh a,ka unaupa a hmangaih zia pawh ka hria min hmangaih ve theih nân theihtawp ka chhuah ang.



"UMelvin u kawngka lo hâwng teh,"ka nau Jenny-in ka room kawngka rawn beng vak vak paha atih chuan ka hawng ve mai a.



"U kanu in uZorina nen in insual tih asawi a,"ati a anui leh sang tawh henu pawh hi mawl reuh lutuk,nuih hun tur leh tûr loh a hre hlawl lo.



"I awmna chu anuam em"ka ti daih a,"nuamlo ka kal peih tawhlo"atih chuan ka chhang tawh lemlo,ka kawr lum ha sawk sawk in ka phone ka ban a.



"Iva han sual ve chiang tak,ka kawm miahlo ang che kawm i hlauh viau te chuan"tih pahin Jenny a chhuak tau nghawng nghawng a,ngai ah ka nei tawh a te ber leh kan hmeichhe neihchhun ani ve sia,inchhung ah chuan a pangchang thei lutuk.



"Bawiha khawnge ikal dâwn,"kapa in arawn tisup a"ka bialnu ka han rim lawk ange"ka bike chahbi ban zeuh in kati a.Zorinpuia chu ala thinrim hmel khawp mai Hruaizeli te inah ka leng dâwn tih a hre miau a.



Hruaizeli te in ka thlen chuan an gate pawn a doorbell an dah chu ka hmet a,Hruaizeli ka call nghal bawk "kawngka lo hâwng rawh"ka tih hnuah call ka dah nghal a,rei vaklo hnuah Hruaizeli ngei chuan arawn hawng a,min hmu chu mak atih hmel khawp mai.



"Zanah kalo leng ang ka tih kha,"nui suk in kati a a hmel chu a cute takzet,a lu asu zo chiah tih hriat takin ala huh deuh chap a,a rim pawh atui khawp mai.



Hruaizeli POV
"I rawn leng ve ringawt a,ka sawi kha tunlai ka mood a chhe ropui si,"ka tih chuan anui leh suk a hepa hi chu beng hrep pawh ni ila ala nui tho ang.



"Thingpui in tur in ka rawn leng siloa."



"Anih eng ti turin nge irawn len a".



"Ka rawn rim ve che anih hi,"atih chuan ka entawp inlêng ka ṭhiante nilo mipa inleng ka nei vak ngai siloa,ka thiamlo.



Zorinpuia nise chuan tlem in a dan adang deuh maithei ani,"Hruaizel ka hmêl hi i hmuh tawh hnu ang iti em"Melvin-an atih chuan kalu ka thing a.



"Ka vawikhat hriat na che,ngatinge"ka tisep a alu a thing ringawt thung, Melvina adin hluai takah chuan ka envat a,biak chhiat ka tum bik tawhlo misual em em a ni in ka hre hranlo.



"Khawnge ikal dâwn"ka tih chuan ka bulah arawn ṭhu a,"ka unaupa vanga iṭap anih chuan ka unaupa chuan a tuar na viau ang"atih chuan ka en zawk a.Hepa hian aduh duh asawi nimaiin ka hria.



"Inlêng inei animo,Nene i inlêng chu thingpui te lum sak ta che"pa Branded-an atih chuan Melvina lam ka hawi a,a mitko san ak in minlo enve reng,"thingpui a in ngailo a"ka tih chuan pa Branded-a pawh akal veleh mai a.



Melvina chu a phone arik avâng in ading vat a,phun hluk chungin ka bulah arawn ṭhu thla leh vat,"hna i thawk ve ngailo ami,khawiah pawh hmuh tur i awm ṭhin a"ka tih chuan min chhan tumin an ang zuai a,mahse a phone bawk arawn rik leh takah chuan a en a,ka bul maia a ṭhu avang in a screen a hming lang chu ka hmu ve thei.



"Laldinpuii ṭhenawmnu"tiin a in save a,a bialnu chutiang a a save chu ka ring bawk siloa,a phone chu a switch off deuh hmak a,"be ta che i bialnu anih phei chuan a ngaihtuah viau ang che"ka tih chuan min rawn melh zeuh a.



"Lalhruaizel misualnu"tih pahin min rawn kuk deuh fawk mai,hepa hi enge maw a hriat le "i ninawm awm ṭha mai mai teh"kalo ti bak hlar a.



Ka sam arawn khawih deuh chhen chuan ka ngai thei leh tlatlo,"enge maw i hriat le"tih pahin ka bula thil awm chuan a chal ah ka chhu pawp a,mahse ka inchhir leh nghal.



"Awi ka tihpalh lutuk,ana em"pan phei vatin kati a,ka phone in ka chhu tih ka hre miahlo,a chal arawn thi ṭhem ṭhem a ahmui a kak tawh bawk sia,ka khawngaih ang reng hle.



"Ana em khawmaw lo hawi teh,ka en theilo ania i hawisawn zêl chuan"ka tih pawh chuan ka hawi loh na lamah zêl a hawi a,a titau ve khanglang amawni.



"Melvin damdawi ka hnawih sak dâwn che alâwm,"tih paha ka pawt deuh dawr chuan arawn hawi ṭha veleh mai a,thisen chu a kutah a luang ngiai ngiai mai,ka hmu leh thei tlatlo thisuk ka nei bawk sia ka lu ahai titih der mai .



"Ka tihpalh lutuk,choka lamah lo phei rawh,thisen ka hmu theilo a damdawi hnawih tur ka laksak ang che"tih pahin ka ding a.Choka lama ka phei chuan min rawn zui mai a.



Damdawi bâwm chu pe in amah in a in buaipui zui mial mial aniang,ari ve sat sat mai "lo hawi tawh rawh"atih chuan ka hawi vat a.Thisen hmuh tur a awm tawhlo .



"I inlêng te i phone in ilo chhuk ziah dawn tihna ami,"atih chuan eilo zetin ka hmui kalo ti pawrh tawh a,ka tihpalh tih a hreve reng sia.



"I thiamloh ani ve tho,ka sam i khawih i khawih anih kha,ka ning alawm"ka tih chuan min chhang tawhlo,asual hmel nen ka rinai in kawm anuam phian mai .



Rei deuh thleng aleng a,a haw chuan dar sâwmpakhat ari ṭep,a bike awmna thleng min thlah rawh atih deuh tlat avang in ka thlah a.



"Naktukah dawr ah ikal dâwn em,"min rawn din hnaih pahin ati sup a"ka dam chuan ka kal ang"ka ti ṭha ve mai a.



"A ṭhat chu,zingah kalo lam ang che scooty keng suh ka thlah haw leh mai ang che,naktuk zîngah in vengah kalo kal dawn,"ati a.



"Awle,"ka tive sep a,lo hnar reng kha anuam kati lo ṭhian ang in kan in en veve tho a,asual hranlo bawk a ka ngaina ve tulh tulh in ka hria.



"Ka zu haw ve tawh ange"tih pahin a chal ka vuak na a kawk zeuh a,ka ngei tak tak ani "iva han sual ve tak,haw mai mai teh inu bulah diklo deuh deuh in minlo sawi vel ange,ka tlu ti ang che"ka tih chuan anui hawk hawk mai.



A tlân liam chu ka thlir zui reng a,zanin chu arsi an lang tam riau mai ngaih em em sawi tûr nei silo in ka lung aleng em em a,Zorinpuia bawk ka ngaihtuah naah arawn lût leh tawh theihnghilh ka duh takzet asin.



Inchhung a ka luh hnuah mu tûrin ka roomah ka lut nghal a,ka muhil dawn siar siar tih ah ka phone riin minti harh a,ka en chuan Thanmawii alo ni kava han ngei zual tak e aw.



"Enge iduh"ka ti hmûk a,"Nene ka tihpalh ka tih tawh kha,mahse kan inneih ni ah chuan rawn kal ve hram rawh aw,i hriat tawh tho ka ring a naute chungchang pawh min dinpui tura sâwm ngam tur che pawh ka nilo,mahse ka ṭhian i nihna ang in irawn kal ve chu ka phut,"ati duah a.



"Ka muhil ṭep asin,min ti harh lo la chuan ka haw vaklo ang che mawle"ka tivin hlar a,ka mood a diklo nghal vek zel henu ka biak hi chuan,call chu ka dah zui hmak a Thawnmawii hi ka hua nge ka haw lo ka in hre biklo,mahse huat ka duh.



Zingah ka phone ri bawkin minti harh a,number hlang aṭang ani tawh thung,"i insiam tawh em"arawn ti deuh tawl a,tunge maw anih le.



"Ka ning hlawm che u emai,Thanmawii ang hlir tui deuh a ka muhil hi min awt ami,zan dangah ka mu ṭha theilo a ka muttui lai ber kher a min rawn call harh ziah le,ka hne"ka tivin hlar a ka period ahnai aniang ka thin a chhe emai .



"Dar zât hi en rawh i roomah rawn lutin ka rawn pawt tho dâwn che ami,zingah ka rawn lam ang che ka tih kha"atih chuan sana chu ka en a,awi leh dar riat a pêl thuak tawh.



Rang zetin ka tho a,"i hmanhmawh loh chuan inchhung ah minlo nghak rawh,Melvin i mawl e ngatinge min kaihthawh vat loh"ka tih chuan anui hawk ri ka hria,khumah call pawh dah lemlo in ka phone ka theh thla tawp a.



Ka insiam zo ka chhuah chuan sofa a Melvina lo ṭhu run ka hmuh chuan ka pan phei vat a,"i va zo hma leh si ve,kal ila"atih chuan kabu nghut.



Bike a tih nun hnuah ka lawn vat a,"min kuah nghet rawh aw,anih loh chuan hremhmun lamah kan liam hma lutuk palh ang,"atih chuan a dârah ka beng thak a.



Tukin zing chu motor veivak an tlem khawp mai,a tlai tawh nen amak kati ru riau mai,"ka helmet kan khum ṭha lawk ang aw,"a bike tih din dat pahin ati a.



A helmet a khum zo tlân leh mai kan tum chuan kan hnunglam aṭang mi tu in emaw min rawn su dawt a,kan inring hman siloa kan leng chiang khawp mai, hremhmun lamah kan liam hma lutuk palh ang Melvin-an atih kha ka hrechhuak nghal rum rum mai.


Show post links
Top

[Ngaia]

Chapter-9
Hruaizeli POV
"I ṭha em"ka lam pana rawn phei pahin Melvin-an ati sup a,kabu nghut "anva mawl ve mawle,mi ding lai in sut ringawt"tih pahin ava pan phei a.Keipawn ka zui ve vat,"kapu i khalh thiamlo ami,kan ding tih i hmulo zâwk nge,"Melvin-an ati sup a.



"Kapu a in dinna kha a diklo ve bawk em anih kha,"motor aṭang mipa pakhat rawn chhuah pah hian ati pawr hlar a,"kawng sir a kan ding min rawn sutu zawk inih kha,i zaklo ami motor i khalh thiamlo zawk nge"Melvin-an cho zeta melh pahin ati ve khur khur a.An insual mai ang tih ka hlau takzet.



"Melvin kal ang,hetiang zurui ho nen a inti buai mai mai hman kan nilo,"a bana pawh pahin kati a ,"engtin maw zurui a"tih paha chupa in min rawn pan phei chuan Melvin-an a rek bet chawt a.




"I ngam chuan khawih han tum teh,hei ai hian ana ang"ati khur khur mai,"kal ang le"min rawn kaih pahin ati dam leh dup a,hepa hi ka hrethiam thei dawnlo anih hi.




A bike a chhiat em em loh avâng in kan inkhalh thla leh mai a,ka dawr kan thlen chuan "kanu in pangpar rawn lei pahin Nene-i rawn hruai rawh ati,"ati leh sup a.




"Ka awilo emai a,"ka tih chuan a ner sawk a,"kanu chu kan zawt dâwn ami"atih chuan kalu kalo thing vat,an in a kal tura min tih deuh tlat avang in a tawp tawp ah chuan ka kal leh ta nge nge a.



An in kan thlen chuan a dan ngaite bawkin anu in minlo be ṭha leh khawp mai,"Melvina hian a sâwm hlawhtling theilo ang che tih ka hlau lutuk a,"ati a ka nui seih ringawt.



"Ka roomah kan chho lawk dawn ania,"min rawn kaih pahin Melvin-an ati a,Zorinpuia kava melh chuan minlo en kur mai.




"Iti mak thei emai,"a room kan thlen rualin kati sep a,a room ka enkual chuan ka ding chawt mai,high school kan kal laia kan class ho thlalak te,ka thlalak chi hrang hrang alo intar ṭeuh mai.



"Enge awmzia"Melvina en pahin kati haw a,"ila hrethiam chuang nange,tikhan min hre tawh em"atih chuan kabu nghut,hepa hi high school kan kal lai chuan alar thei lutuk,chuan a sual thei hle bawk.




"Min haw dawnlo emni,"arawn tih chuan ka nui hak a,"nunhlui anih kha huat na chhan tur che ka nei hleinem,kha tih hunlai kha chuan kanla mawl em a,"ka tih chuan a nui ve suk mai.



"Kan intifai lawk ang,i duh leh lo la awmla,i duh duh danin ilo awm dâwn nia"ka lu a rawn tuai zauh pahin ati a, bathroom lamah a lût zui nghal.



Melvina ber bathroom a aluh takah chuan a room aṭang ka chhuak a,mahse a room aṭang a ka chhuak chiah chu Zorinpuia nen kan intawk hlawl mai.



Be lemlo a kal pelh mai ka tum chuan ka bânah arawn vuan a,a room niâwm takah chuan min kai phei dawr dawr mai,"hey Zorinpui nupui nei tawh mai tur inih kha,"tih pahin inchung chho na step ah chuan ka inham tang ve ṭang ṭang a.




Phun hluk chungin min pawm nawlh mai,a khum ah na zetin min theh thla a,room kawngka a kalh phei chuan kalo entawp.



"Min ngaithla rawh,Hruaizel"ka hnunglam aṭang a min rawn kuah pahin ati sup a,"Thanmawii nen hian kan in ngaizawng hauhlo ania,ka fa a pai chhan chu damdawiin ah kan duty dun a,chuan ka office ah file la tûrin arawn lût a,i ṭhiannu in min thlem reng takah chuan, kei mipa hrisel ṭha thisen lum hma tak hian kalo hnar reng thei biklo ani,"ati dap dap a.




"Imm nupui nei mai tur ini tho tho,chuvang chuan beisei na min siam lo law law rawh,"a kut lakthlak sak pahin kati a,ani pawn minti lui biklo.



Inhnuai a ka chhuk chuan Zorina nu in minlo nuih leh sang tawh,"lo phei teh Nene heihi ka fanu Jenny anih hi,"atih chuan ka nui ve sang a,asam chu adar chen vel in a cut a,ngo em em tih tur chu anilo hâng ngaihno bei kan tih ang chi hi ani,chuan apa a chhun zawkin ka hria.




"Jenny heihi Brandon-a tunu anih hi,"atih chuan anui ve sang a,"taka Nene ka hming kala hrilh miahlo che tiro,nu Saite min ti dâwn nia,i uZorina te pawh chu anva rei em em ve mawle,Thanmawii pawh arawn thleng ṭep ang Zorinpuia nen chhuah an tum a,mo kawr an en dâwn anih hmel"nu Saite-in ati a.




"Tlaiah chaw ei nghal rawh aw,Nene Thanmawii pawh chaw eiah kan sâwm a,in hmelhriat ve reng reng teh u"atih chuan kalo hnial vat a,ka ṭhiannu ani tih erawh ka hrilh lo thung.



"A ngailo,nidangah ni zawk mai rawh se"ka tih pawh chuan minlo hnial ve ṭang ṭang a."Nene ei mai rawh,kanu hi chu i hnial hneh miahlo ang,a tih tawh ah chuan tibur chi ania,"atih chuan ka thaw hak a,ka nui ve ta ringawt.




"Melvin tlaiah Nene-i chaw arawn ei dawn a,va in bazar ta che"nu Saite-in atih chuan Melvina ka melh vat a,"ilo kal ve duh em"atih chuan a rukin ka nui vur vur mai,lawm tak kani Thanmawii ka hmu peih rihlo miau a.



"Nangmah in va kal rawh,Nene-i akal ve zel angailo kan ngai ve alawm,"nu Saite-i bawkin ati leh a, Melvin-an min rawn en thuai a,ka mitmeng aṭang a hrethiam ani chêk ang chu,"rawn kal ve rawh se mahni chauh chuan leitur ka hrelo ang"atih takah chuan nu Saite-i pawn a lo remti ve mai a.




Melvina nen a kan chhuak tur chu inchung lam ka hawi chho leh hrâm a, Zorina a kamis hak lai kilh mawlh mawlh pahin arawn chhuk a,"kal ang le"Melvin-an arawn tih takah chuan enzui tawh bik lemlo in kan chhuak nghal a.




A motor a lakchhuah hnuah kan tlanchhuak a,motor leh bike pawh chu ngah tak anni.



Melvina POV
Ka bula ṭhu hmeichhe duhawm zet a kut zaizir meuha a ṭawng siam siam chu ka en leh zeuh ṭhin a,a hmelṭha chiang alawm Thanmawii ka ngei atih hnu rei vaklo ah,ka ṭhian ani bawk sia ati leh ṭhin a a thil sawi awmzia awmlo lutuk te chu nuihzatthlâk lamah a kal.



"Na...alum si ninawm e,"atih leh chuan ac ka on lo tih ka hre chiah,inbual zo hlim hlawl a chhuak kani sia ac on nachang reng reng ka hrelo.



"A hma daih khan on tawh tur che ania,ac i neilo amaw ka tia ka sawi ngamlo a,"atih chuan ka nui chhuak ta hawk mai.



Bazar kan thlen chuan a dan ngaite bawkin a chêp leh khawp mai,Hruaizel-in ka kutah a chelh ve ran a,kan in kaih ṭhan tawh vang aniang ani pawn a la kawi biklo,ka kut lakah chuan akut chu te tak ani.



"Enge kan lei ang,"rawn hawi let pahin ati sep a,a thlan hluam bawk sia ka khawngaih reuh khawp mai,a biang a taitek a a hmel ṭhat ang bawkin a rilru pawh aṭha,midang awm laiin a rilru nat zia a tilang duhlo a, Zorinpuia aduh tih ka hriat dan pawh a phone ah a Message ka hmuh fuh palh vang ani.




"Enteh heihi,a cute lutuk"tih pahin uite an zawrh lai chu apawm a,"Mami min leisak la hei chiah hi a awm tawh a"a zuar tunu in alo tivat.



Ui to chi anilo a,ui pangai ve mai ani aman pawh ato em em lo, Hruaizel-in pawisa pêk a tum chuan kalo pek khalh vat a,"hmm ka ui tur ania,ngatinge ipek a"ati hluai a mi an tam bawk sia,a lum bawk nen a kutah kaiin restaurant lo awm hmasa berah ka luhpui a.



Uite ringawt chu a buaipui a,amah pawn a buai khawp mai kanu in tihian a ring ve em em chu ania,chawhmeh lampang pawh a ngaihtuah tawh hauhlo ani ngei ang,kan thil chah alo thlen chuan min rawn en a,enge tih nan ka mitko kalo san ak a.




"Uite hi engtin nge ka tih ang,"atih chuan ka kut kava dah hnai a,nui seih chungin uite chu min rawn pe vat a,a hmul tam chi anilo hlauh a a tih zia,uite hi duhlo tawp chu ka nilo mahse ka vulh peihlo.



Uite chu ka mal chungah tui ti takin a muhil a,afai vek bawk a apawi ka ti hranlo,kan thil eizawh ah chawhmeh vel kan lei vat vat a kan haw meuh chuan a tlai ve duai tawh.Hmeichhe ho chhuah pui hi chuan a haw hma tak tak theihloh.




Hruaizeli POV
"Ehe!!uite alaw"inchhung kan luh rualin Jenny-in arawn ti hluai a,a hmu ve reng sia"imm uite anih hi,"ka ti ṭha veleh mai a.



"Kalo pawm ve"atih chuan ka pe vat,a hming tur ka ngaihtuah a ka hre mailo,apa ani sia kan khua a ka ui thi ta kha ka hrechhuak lo theilo.



"Tunge a hming"Jenny-in arawn ti ta chiah a,"Rinpuia anih kha"ka tih chuan ka sir lam aṭang Melvin-a arawn nui hawk a,Jenny pawh a ṭhen ve sak sak mai.




"Inlo haw tawh animo,kha uite chu khawi ami nge a"nu Saite-in min hmuh rualin alo ti vat a."Bazar ah an zuar a,ni asa bawk sia ka khawngaih reuh lutuk a,Melvina hian min leisak a"ka ti zung zung a,"ava duhawm ve a hming te i phuah tawh em,"ati veleh a an duhloh ka rin nen rinai in ui an ngaina anih hmel.




"Nu Rinpuia anih hi,"Jenny-in ka chhan hma in alo ti a,nu Saite-i pawh anui ve hak hak mai,ka hawi kual thuak thuak a Zorinpuia te anlo la haw lo anih hmel.




Jenny-in uite chu a bual a,keiin nu Saite-i eirawng ka bâwl pui thung,"Nene heihi ipi saw va pe lawk ta che,a damdawi ei a hun tlat mai"tui leh damdawi min rawn pêk pahin ati a,keipawh ka phei vat.




"Kapi damdawi ei lawk rawh aw,"ka tih chuan arawn tho ve ṭuah ṭuah a,kalo pui vat damdawi ka pêk zawh hnuah let leh mai ka tum chuan"khawnge Saitei,"arawn tih avang chuan a mutna lam ka hawi leh vat a,"nu Saite-i chu eirawng daih a,"ka tih chuan min en kiau a.



"Zorina nupui ami inih"atih chuan ka nui lai ka tawp chawt mai,Zorina nupui nih te chu ka chak lutuk, mahse ka ni thei siloa,"nilo e,Melvina ṭhiannu ka nia"ka tih hnuah ka muttir a,thu awi takin a mu veleh mai bawk.



Choka lama phei tuma ka inher chiah chu ka phu zawk mai, Zorinpui-an min melh run a,"Melvina ṭhiannu"tiin a phun sup mai,anlo haw tawh ani ngei ang"Zorin minlo pui lawk teh,"tih a Thanmawii aw ka hriat takah chuan choka lamah ka phei vat a.




"In inpe thei maw,ipi saw a chiang vak tawhlo ti mai ila,a damdawi eisual aṭang khan niber in kan hria a,a thluak a sawng te tial tial a,thil a hre rei thei tawhlo a naupang ang chiah a enkawl ngaih chang te a awm ṭhin a,Zorina hian api hi a duat em em a,a damdawi eisual pawh chu a thinrim lutuk a,damdawi petu nurse a ban phah ringawt a a damdawi chawh tu doctor pawh kha aban ani awm e,"ati duah a kan innel ve tawh em a,sawi hreh em em a neilo anih hmel.




"Ava pawi ve"ka tisep a,kapi te chu ka khawngaih reuh tak tak ani,"Rinpuia hi enge kan pek ang,a rilṭam tawh aniang"Jenny-in uite rawn pawm phei pahin ati a,kalo la vat.



"Bawnghnute leh chhang a awm kha,ala nau sia chaw pangai a ei theih pawh ka ringlo,in duh leh pe chhin hrim hrim ula"nu Saite-in ati a,Thanmawii pawh choka ah arawn lût ve chiah,min hmu chu mak ti awm pawn a langlo.




"Nu Saite puih i ngai em,"arawn ti ve sep a,"ngailo e,lo chawl hahdam rawh nau ipai bawk sia hei Nene-i a awm a,min pui thei alâwm"nu Saite-in alo ti zung zung a,ṭhian kan ni tih a hrelo bawk a,keipawn Thanmawii chu biak ka tum hranlo.



"Kha hetah hian eitir chhin ang,lo kal rawh Nene"Jenny-in arawn ti a,keipawn uite chu ka pawm phei vat a,Thanmawii pawn min enzui reng tih ka hria ,"lo ṭhu rawh Thanmawi"nu Saite-in atih ri pawh kala hre pha.



Uite chu a rilṭam aniang kan eitur pêk chu a hap ve nasa mai,"awi Rinpuia hi a cute e...ka van duh ve tak,mahse uZorin-an uite vulh a phallo a,"atih chuan a chhan ka zawt vat a"a ngaina velo a,inah ka awm vak loh lai kha ani bawk sia,tûnah chuan inah ka awm reng tawh dawn a,nakinah leitur kala zawng ve ang,UMelvina pawh hian ui chu a ngaina lutuk,kanu leh pa pawn UZorina hi buaina ber chu animai,"ati a.



Jenny-in uite a buaipui avâng in nu Saite-i pui turin ka phei leh vat a,Thanmawii pawh alo la awm apum chu alang ve tawh riau in ka hria,nau pai a ngeih aniang a thau reuh lutuk,a vun pawh a mâm in ka hria kan inhmuh loh na arei ve tawh em ani.



"Nene i Papuia chaw irawn ei dawn tih i hrilh tawh em,"nu Saite-in atih chuan kabu nghut a,chaw kan ei rual ngai chuanglo a hrilh pawn awmzia a awmlo,mahse ka haw tlai deuh tur thu chu nakinah ka hrilh ve ang.



"Nu tih tur a awm em em lo tiro,"Melvin-an choka a rawn luh phei pahin ati sup a,"awm em em lo e ngatinge"nu Saite-in alo tivat,"Nene-i hi kabe lawk duh a,"atih chuan nu Saite-i pawn kal turin minti vat.



"Enge a,"choka aṭang a kan chhuah rualin kati nghal a,"i fapa hian a ngai tawh ang che,kawl ve tawh rawh"tih pahin ka kutah thil arawn dah a,ka en chuan ka meng phâwk khawp mai,high school kan kal laia ka keychain roh em em kha ani,ka tihbo ni a ka ṭah nasat zia kha kala hre reng.



"Engtin nge ineih theih a,"kati sep a ahma ang chiah chiah ala ni"i bag aṭang ka ru alawm"atih chuan ka nui hak ringawt,tûnah chuan ka roh em em tawhlo,mahse ka hmu let leh ta chu ka lawm tho.



Uite ka bula arawn tlân ter ter chuan kalo pawm vat a,Melvina te chhungkua an fel bawk a,kan in ang chiah in ka ngai a keipawn nuam kati.


"Rinpuia hian minlo ngai tawh ami,"uite pawm paha ka tih chuan Zorin-an a lehkhabu chhiar lai dah meuhin minlo en a."Rinpuia hi sual reuh lutuk,enteh Melvin Rinpuia sual zia hi ka kut te aseh vel mawle,"Zorinpuia en kher paha ka tih chuan a lungawi lo hmel mawlh chuan nuih ati za.



Zorinpuia pa lo haw veleh chaw ei anti a,thleng kan seng fel laiin"Hruaizel ka thlah ang che,i haw tlai lutuk palh ang"Melvin-an arawn tih chuan,"ni e Nene va haw tawh rawh u,Thanmawi in tlai lutuk palh ang,khawnge Zorina kha,"ati zung zung a nu Saite-i chu amawng azang khawp mai engpawh ni dâwn se a tho tharh a,a che rang hle bawk.



"Jenny nakinah uite ka rawn la lei ve ang che,ka hmuh chuan kalo lei ngei ngei ang che aw,"ka tih chuan abu nghut a ui a duh lutuk chu ka khawngaih zâwk,lâksak pawh a hreawm Rinpuia chu min rawn pe a,keipawn kalo pawm vat.



"Anih aw Nene lo leng leh ziah rawh aw,i awm hian anuam ve ania"nu Saite-in ati a,keipawh kabu nghut nghut mai,Zorinpuia ka zawng deuh a ka hmu tawhlo.



Motor a kan luh thlengin Rinpuia chu a muhil a,a muhîl tui khawp mai "i puar em,"Melvin-an arawn tisup a,ka puar thuin kalo chhang vat.



"Kan inchhung kha nuam iti em,"ati leh a "nuam lutuk in fel hlawm em a,nang lah ka high school kalpui ṭhin ilo ni reng a,"ka tih chuan anui ve suk a.



Kan in kan thlen chuan rawn lut tawhlo in a haw leh nghal a,pa Branded-an ka uite pawm a hmuh chuan arawn ding nghal hluai mai,"nitin i chhuak a tuin nge enkawl ang,"arawn ti nghal a.



"Aw nula kan nei tho a,alang a rawn kal tawhlo in awm chilh thei tur zawng mai rawh,"ka tih chuan min en tawp,uite pawm chungin roomah ka lut a ala harh lo hrim hrim,afai tho bawk a ka mutpui mai ang ka inbual chhungin khumah ka muttîr a.



Zorinpuia leh Thanmawii te inneih a hnai tulh tulh a,ka tan chuan a hreawm tulh tulh thung Zorinpuia te inah pawh ka kal leh tawh miahlo a,tunlai hi hmelhriatloh aṭang thil arawn thleng reng a,Gift ka dawng reng zêl lehkha thawn a awm tel ngei ngei bawk.



"Nene,kal ang irei"Rinpui-in arawn ti deuh reng a,"ka lo kal imak i chet muang theih nen,"kalo tive hlar mai a in entir dâwn a damdawiin a kalpui ah min sâwm a,kan in chhak lawk ni mahse a hmanhmawh thei hrim hrim,"my name inah lût rawh,"ka uite inchhung a dah luh pahin ati a,keiin ka scooty kalo la chhuak thung.



Damdawiin kawtah ka scooty ka park ṭhat mawlh mawlh laiin Rinpui-in,"saw Saw enrawh Hruaizel"ka bana min rawn sawi vak vak pahin ati a,ning zetin a kawhna lam ka hawi chuan Zorinpuia kan lam panin hmanhmawh deuhin arawn phei hlawk hlawk a,kalo en tawp.


Show post links
Top

[Ngaia]

Chapter-10
Hruaizeli POV
Ka zawn arawn thlen rualin a lamah min pawt hnai dawr in min kuah hlun mai,mahse a reilo "fimkhur rawh,"ati sup a,hnunglam ka hawi chu Thanmawii thinrim zeta lo ding ka hmu hmasa ber,a ngo ve sia a thinrim chuan a hmai asen vek zel.




"Inla hreve khawp ang,"thinrim zeta tih pahin na deuh deuh in apen a,nau a chhiat ang tih te pawh a hlauhawm zawk alawm le,"i hnung leh hma lam en uluk tawh ang che"Zorin-an ati sup a,a kal zui ve nghal a Rinpuii nên a ngaihna hrelo zetin kan enzui reng,a doctor coat var hak pawh a inhmeh leh pek khawp mai.




"Kal ila"Rinpui-in arawn tih chuan kabu nghut a, damdawiin a kan inzui luh chuan mi anlo tam hman khawp mai,nghah chhung te chu rei kati takzet,damdawiin chhûng chu ka hne engtin nge ahma te khan awm kalo dil char char theih zawk le.Zorinpuia vang vek ani.



Rinpuii a in entir zawh veleh kan chhuak nghal a,result chu naktuk lamah lam turin a kal leh dâwn anih hmel,"ka haw tlang nghal mai ang,a tlai tawh sia"atih chuan ka hnial lemlo.



Keipawh inah haw tlang nghal in ka intifel sawk sawk a,ka uite Rinpuia pawh a harh ve tawh khawp mai,atîr kha chuan a la tlangnel chiah lo nge a che ṭha ngam vaklo kha ania,tûnah chuan control theih loh khawp in a harh nakinah a toys tur leisak a ngai.




"Pa Branded Rinpuia chaw i pe tawh em,"ka tih chuan Lily-in a pêk tawh thu asawi a,Lily hi kan nula thar ani,alang a lo kallo inah hian a awm ve a,keiai a u daih thung.




"Nene chaw i ei nghal dawn em,"choka aṭang a rawn chhuah pahin ULily-in arawn ti a,"ka intifai hmasa phawt dawn,keimah in ka insiam mai ang"ka tih chuan min hnial lemlo.




Roomah lutin ka intifai zung zung a,ka khum a box lian ve ang reng tak lo awm ka hmuh chuan ka pan phei vat,a chhûngah chuan kawrfual mawi deuh mai hi alo awm a,mahse min rawn thawn tu adang tlat,an hawrawp leh an hming thup dan thleng in adang.




Inbual pah pawh chuan ka ngaihtuah neuh neuh a,tute nge Gift min rawn pe ṭhin tu hi ni ang,ka inbual zo ka chhuah chuan ka phone ri ral ral chu ka ban vat a kanu alo ni,"bawihte i dam ṭha em"arawn ti nghal var a.




"Dam e,in dam zawk maw"ka tih chuan kapa a dam ṭhat vakloh thuin min chhang a,"ava pawi ve,damdawi te a ei em,"ka tive luam a a ei thu leh ngaihtuah awm anih loh thu asawi vat.



Kanu biak mawlh mawlh pahin ka inthlak a,ka inthlak zawh ah room aṭang ka chhuak a kanu nen pawh rei deuh thleng kan inbia.Chaw ka ei mawlh mawlh laiin door Bell arawn ri ral ral a,uLily a awm tho avâng in ka ngaihsak lemlo thung.




"Nene i ṭhianpa arawn kal,"choka a rawn dah zawk pahin ULily-in ati a,ka chaw ei pawh ka hmanhmawh khawp mai.



Ka chaw eizo kava chhuah chuan Melvina alo ṭhu run mai,"ilo leng dâwn tih isawi maihlo a,"a bula ṭhutthlak pahin kati sek a,pa Branded-a pawh hmuh tur a awm leh tawhlo.



"Rawn surprise che ka duh alâwm,"atih chuan ka nui ve hak a,Melvina hi ka ngaina ve tulh tulh in ka hria,rei deuh thleng aleng a Rinpuia nen pawh an innel hma khawp mai,a hre tawhlo turah ka ngai a alo la hre ve reng aniang.



Hun leh nite aliam a,Zorinpuia leh Thanmawii te inneih pawh nikhat chiah in min dang tawh,kal tumlo viau mah ila nu Saite-in kal ngei ngei tura min tih deuh tlat avang in peihlo hle mah ila kal hram angai dawn anih hmel.



Thanmawii a ṭhiannu nurse ve tho in a dinpui tur thu ka hria a,Rinpuii pawh Thanmawii te inneih dawn zânah arawn riak a,kan kal dûn ang.



"Awi hreawm iti viau em,"Rinpui-in ati leh ṭhin a kalu ka thing ringawt,midang bulah chuan hreawm ka tih zia lantîr ka duhlo ani, Melvin-an min rawn text awllo a,keipawn a rul tawk lek lek in kalo chhang.



Zingah Rinpui-an min rawn tiharh a,ka khumah a zuang leh tharh tharh tawh,a hmelṭha chiang alawm a aw la note tih hriat taka a bauh te hian ka lawm thei lutuk.



Sana ka en chuan zinglam dar ruk ari tawh a,Rinpuii pawh la kaitho lemlo in ka thochhuak a,ka phone ka en chuan Melvina Message alo awm leh va va tawh.



"Morning ka duat lai,"tih hi alo awm leh vang tawh tunlai chu fiamthu aduh lutuk a,min koh dan pawh a thlâk reng zêl,"morning"tih ka thawn hnuah ka intifai a.



"Rinpui tho tawh rawh,insiam a hun tawh ania"ka tih chuan puan in a inkhuh ṭha sat sat a,"tho rawh amak emai"a puan sin lai pawh paha ka tih chuan arawn nuichhuak hawk a."Ka ning kal leh loh mai ka duh"ati nang nang mai.



Ka mipa hmangaih em em te inneih na a kan kal tur chu ka ngui bam a, Melvin-an a motor in min rawn hruai a,a ngailo tih eng ang mah ila a thu aduh ve sia,arawn kal lui tho ani.



Hall kan thlen chuan mipui pawh anlo tam tawh khawp mai,"i puan bih chu i inhmeh takzet"ka beng bulah Melvin-an arawn tisup a,ka nui ve sang mai kanu hian nula tan chuan puan hih amawi ber ati ṭhin a,inkhawm leh inneih na tih velah pawh puan ka bih reng zêl.



"Ka lawm e"Melvina en pahin kati ve sep a,hall chhunga kan luh hnu rei vaklo ah mopa leh monu an rawn lut a,tûnah chuan ka thlah angai ta tak tak ta,harsa ti tak chungin ka kal tîr a ani chuan kei nilo in ka ṭhiannu zawk a thlang miau sia.



Inneih thu an chham laite chuan ka hnuk a ulh lek lek ani,Zorina coat suit hak chu a inhmeh takzet,chutiang bawkin Thanmawii pawh analh takzet Thanmawii chu ka thik takzet ani.



"Kava chhuak lawk ang aw,"Rinpuii beng bula ka tih sar sar chuan min hrethiam takin abu nghut a,pawn ka chhuak chu ka thawveng huai in ka hria,hall thlang lam deuhah ka chhuk thla a,ka hmu thei tawh thlawt lo ani.



Mopa leh monu hall aṭang a rawn chhuak chu ralkhat aṭang kalo thlir reng a,Thanmawii hlim zeta anui te chu ka thik ani,Zorina erawh anui ve hauhlo.



Ka mittui arawn hnai leh kuar a,ka insum theihloh ka hlauh avâng in step ah chuan ka pen thla hlawk hlawk a,ka hnunglam aṭang a min rawn kuah tu an awm chuan ka tawp chawt,"ka hrethiam che ania,i duhtawk in ṭap rawh"Melvin-an ati sup a,tal chhuah ka tum chuan a aia nghet leh zual in min kuah a.



"Heta ṭanga kalbo daih iduh em,"amah hmachhawn zawnga min kuai her pahin ati a,"keimah nilo in ka ṭhiannu a thlang zawk a,engtikah mah ka ngaidam lo ang"ka tih chuan ka hnungah a beng thak thak a.



"Hmun dangah ka hruai ang che,"ka kuta rawn kaih pahin ati sup a,"mahse..."ka sawi zawh hma chuan"thla chu kan la vek tawh alawm,"atih chuan kabu nghut.



A motor a kan luh hnuah a tlanchhuak zui nghal a,Rinpuii pawh ka hrilh miahlo a Papuia a awm tho a,an inkawm mai ka ring Samu-a pawh ka hmu tel bawk, Thanmawi-in a sâwm hlawm ani ngei ang.



A motor chu ati ding deuh dat a,a lam ka hawi nghal vat,"i makeup a chhe vek alâwm,i ṭap hmelṭha lo ropui si"min fiam zeuh paha tiin ka mittui tlakna vel arawn hru a,kalo ner nang nang thung.



"Ṭah laiin tumah an hmelṭha ngailo,"kalo tive hap a anui hawk hawk mai,a hmel ka hmuh hian Zorina ka hrechhuak ziah,"rawn awm hnai teh"atih chuan a lamah ka awm hnai ve nghal a.



Ka hmai ahru nghal tawk a,"ana"ka ti ṭhawt mai "tihpalh i mit sir a pilh vang anih hi,"ati dam dap a ka hmai arawn chhêm heuh heuh mai.



"Damdawi ka pai alawm,lo la awm rawh tikhan"atih chuan ka chetsawn biklo,damdawi arawn hnawih chuan ka ner sawk mai,a thip em avang chuan ka mit ka chhing deuh tawp a.



Ka hmui hmui nep deuhin arawn sik chuan meng chiang tak kani,Melvina chuan ka tukhum ah dâwm in uar zetin min fawp a,ka chhang let hauhlo kalo dawh mawl deuh tawp,min thlah thutin a inla hrang vat a,"ka tihpalh"atih hnuah motor aṭang a chhuak a,kala che changlo hrim hrim.



Harhchhuak thutin thawk kala vang vang a,dang tur kani sia mahse ngatinge kalo dan loh,mahse ka hmangaih ber Zorin-an nupui min neihsan a,hmalam pan ila aṭha zawkin ka ring,hetia in dâwm kûn reng tur hi ka ni biklo mahse mipa dang theihnghilh nan midang hman ka duh siloa.Lo hmangaih in lo duh theilo ta ila an rilru tina tu mai kani dâwn sia,Zorina ang lek kani dâwn tihna anih chu.



Melvina arawn luh leh mai takloh ah chuan motor aṭang ka chhuak ve a,Melvina lam ka pan lai chuan min enlo hrim hrim,a bul ka thlen chuan meizial azu tih ka hre thei.



A bulah chuan kava ding a,sawi mai tur ka hrelo, Melvina chuan a meizial nawr hlum in min rawn en zawk a,"theihnghilh rawh nichina thil thleng kha chu,tihpalh vang anih kha"atih chuan engmah ka sawive lo,Melvina hian a sawi dik thil thleng palh mai ani,Melvina hian min duhlo tih ka hre miau a.



"Kal duhna inei em"ka hmaa rawn in nem khalh rûnin ati sup a,kalo melh haw mai "neilo"ka tih chuan a ngawi vang vang a,minla melh reng thung nuamlo kati ang reng min en reng bawk sia.



"Va let leh tawh rawh,i unaupa nupui neih ni ah ibo daih sia,mak anti lutuk palh ang"ka tih chuan anui suk a,"ka unaupa nupui chu ka neive chuang hleinem,"nuihzat hmel deuh hian ati a.



"I sual emai,min thlah rawh"ka ti deuh tawl a,ani pawn min hnial biklo kan inlam panin kan tlanchho zêl a,a motor a hla a play te chu ka zaipui a,ka hlim leh tawh takzet,"lo leng la ala hma tho a"kan inkawt kan thlen rualin kati nghal a,mahni chiah a awm ka peih vakloh vang ani,uLily awm tho mahse biak loh chuan aṭawng ngai bawk siloa.



A motor park ṭha in inchhung ah kan inzui lût a,"lo ṭhu rawh aw,kan inthlak lawk ang"ka tih chuan abu nghut,mi in nghah tîr reng nuam ka tih loh avâng in hmanhmawh deuhin ka inthlak a,ka thawmhnaw hmuh hmasak ber ka ha tawp tawp.



"I mit abui luk mai,"ka chhuah ruala arawn tih chuan ka nui seih ringawt a,ka ṭhu chiah chu Rinpuia pawn min rawn bawh leh chung chung tawh,"Rinpuia ninawm zia hi,vawiin chu Rinpuia hi ka hmu chhe riau mai,"ka tih chuan Melvina rawn nui hawk a.



"Zorinpui-a bulah nakinah ila sawi dawn nia,"atih chuan kalo ner nawk,"eiduh inei em kan chhah dâwn ami",ka tih chuan ka sam sei ve tak chu arawn chûl a.



"I sam hi i hralh tawh em,"kan thil sawi nen in milh lo deuhin arawn ti a,"hralh lo ngatinge"ka tih chuan alu a thing ringawt,"eitur chu chah rawh"atih chuan ka phone ka phawrh vat a.



"Bathroom ka hmang lawk duh,"atih chuan bathroom awmna ka hrilh vat a,a kal chhungin eitur kalo en thung,"Nene min rawn pui lawk thei angem,"ULily-in atih chuan ka phei ve vat a.



"Hemi chhuar hi ka hawng theilo a,ka tifai duh sia"atih chuan "aih hei chu hawng suh, Papui-an thil pawimawh a dah a,tumah hâwn a phallo keimah tak ngial pawh hâwn a phallo ania,"ka tih chuan a en ve vung vung mai,a chhunga thil awm chu ka hre ve chak thei lutuk mahse pa Branded-a a thinrim ka hlau sia.



Melvina arawn let leh chuan eitur kalo chah fel vek diam tawh,nileng deuh thaw in Melvina nen kan inkawm a,eitur alo thlen pawn amah chuan a ei hnem vaklo,aman pawh aman ape vek a pêk tum viau mah ila min hnial tlat sia.



"Kava haw ve phawt ange,nakinah ka rawn leng leh ang"atih chuan kabu nghut a,a tlân liam chu ka thlir zui vawng vawng Melvina hian mi ati hlim thiam takzet,mahse a awm loh chiah hian Zorina bawk ka rilru ah arawn lang leh ṭhin.



Zorinpuia POV
"Khumah imu dâwn nia,"tih pahin ka phone dawhkan a ka dah chu ka ban zawk a,room aṭang ka chhuak nghal Melvina room bul lawkah room ruak a awm a,chutah chuan ka riak rih mai aniang chu,mak tak maiin Thanmawii hian raino huat engmah a neilo a,naupai ang pawn a awmlo ka rinhlelh azual a,Thanmawii hi ka duh miau loh avâng in mut dun pui pawh ka tumlo,hman zan kha chu tihsual palh vang liau liau ani.




Vawiin a Hruaizeli hreawm ti hmel ka hmuh khan kalo na ve vawng vawng thei,ahma khan ngatinge kalo hriat chhuah vatloh theih zawk,ka hmeichhe duh em em pawh ka hre theilo chu ania,Hruaizeli hi Melvina te nên school an kal ho ṭhin tih ka hria a,a Papuia nên hian hna chungchang ah kan inbe zeuh zeuh a,chutah chiah chuan ani Hruaizeli ka hriat chhuah leh dan chu.



Melvina mamawh vel pe tûra an school a ka kal khan Hruaizeli hi ka hmu a,chuta ṭang chuan ka vei zui nghal vawng vawng kha ania,mahse alen hnu hmel nen chuan alo danglam tawh em atin ni,Thanmawii nen college anlo kal dûn tih Thanmawi-in anau pai thu min hrilh niin ka hrechhuak a,school akal lai a a mizia leh tuna a mizia hi a danglam khawp mai.



Zingah ka alarm ri bengchheng zetin minti harh a,hna kal ka ngaih avâng in ka tho vat,inhnuaia ka chhuk chuan Thanmawii pawh alo tho tawh,zing aṭang inlêng kan nei a ka hne tawh khawp mai.



"Vawiin chu ka kal hma angai,"ka tih chuan min rawn en ṭhap a,"Bawiha in inneih tuk em em ah te chuan chawl vela"kanu in arawn tisep a,"chawl ringawt thei ka nilo,damlo tam tak in min nghâk"ka tih chuan min hnial bik lemlo.



"Thanmawi i naupai chu thla engzat nge ni tawh,"Melvin-an arawn tisup a,ka en ve zawk mai engtin mah ka ti lemlo thung"thla li"Thanmawi-in ati sep a,thla li ah chuan apum saw lang ve deuh tawh tur ani asin,mahse ala chêr riak reng mai a a diklo.



"Vawiin ah in entir tûrin ka rualin irawn kal dawn nia,keimah ngeiin kalo enfiah ang che naute a ṭhat leh ṭhat loh te,"ka tih chuan min envat a,"ni e Thanmawi aṭha viau ang,va in entir teh u"kanu in alo tive a.



"Aw...mahse uZorin i buai thei sia,doctor dang ka in entir mai ang"ati sep a,"i pasal ka nia midang ngailo in keiman ka en thei che alâwm,nge i hlau zawk"ka tih chuan "chutiang lam Anilo,kan kal dawn nia"alo tivat a,ka kham zui nghal.



Ka insiam laiin Thanmawii ka roomah arawn lût a,"ka nuamsamlo emai,inah kalo awm mai ang"atih chuan ka nui suk mai,"ngatinge in entir pawh chu iva hlau ve,nge ipum ah hian naute a awmlo zawk"ka tih chuan alu a thing a,nupui a neih hi ka duh dan anilo mahse inneih ni tur vel anti fel vek tawh sia,Thanmawii kalo chik vak ngailo bawk nen kalo ngaihtuah chhuak har em ani.



"Va insiam vat rawh,"ka tih chuan muangchang in a roomah a phei a,eng anga duhlo pawh nise ka hruai lui tho tho ang.



Melvina POV
Ka hnathawh dahin ka ṭhutna ka ngheng dawt a,Hruaizeli bak ka ngaihtuah theilo,a hmel hmulo chuan ka awm thei tawhlo anih ber hi.



Ka bike chahbi la in a dawr la panin ka inkhalh chhuak leh ta nge nge a,a dawr kawt aṭang chuan Hruaizeli midang bia a aṭawng siam siam hmel chu ka thlir reng a,a hmelṭha takzet.



"In awm em"dawr chhunga luh paha ka tih chuan an rawn hawi vat a,a hnuaia thawk ni ngei tûr pakhat chuan min rawn pan vat a,"enge iduh ang"ati no duai a,ka ngainat zawng ani hauhlo hmeichhia inla no deuh hi ka ngai theilo.



"Hruaizeli a awm em"ka ti nawn leh ngat a,hmu reng mah ila zawh ve hrim hrim ka duh ani,"aw sawta saw a awm"atih chuan ka phei vat a.



"Enge i rawn tih dâwn a,"Hruaizeli bula ka ṭhutthlak rualin alo ti var a,"ka rawn rim ve che anih hi"ka tih chuan anui hak hak mai.



Ka ta nise chuan tun ai hian ka duat zual sawt ang, hmeichhia tamtak lo kawp tawh mah ila Hruaizeli ang hi kala hmulo,midang bula a awm laiin a rilru natna ati lang duh ngailo a, hmeichhe dang angin duat hluam hluam a beisei ve lo te hian min duh zual tîr niber in ka hria.



Hruaizeli POV
Tunlai chu Melvina arawn kal ngun tluk tluk khawp mai,keipawn ka ngaina ve telh telh a ka ṭhian dangte ai mahin ka kawm ngeih tawh zawkin ka hria,ka ṭhian dangte an buai ve thei sia harsatna ka tawh chang pawn Melvina hi arawn lang zêl a,ka tan a pawimawh takzet,arawn leng ngun bawk a pa Branded-a pawn kan in ngaizawng amaw ati hial.



Zorinzuali ka nau call ka dawn chuan kala vat a,"u lo haw itum em em lo ami,kapa hian asawi reng che a angai ve che sia nang lah ireh vang vang bawk sia,"arawn ti a "dawr ka nei bawk sia rawn haw arem lo lutuk alâwm,"ka tive sep a.



"Apa hi a natna a chhuak leh a,"atih chuan "eng natna maw"kalo tivat a,"cancer avei tih ihre miahlo maw"lungawi loh hmel deuha atih chuan ka nghing lawih thei,kapa hian chutiang natna anei tih chu ka hre miahlo,ka ring phallo bawk kapa chu a hrisel viau amaw ka tia.


Show post links
Top

[Ngaia]

Chapter-11
Hruaizeli POV
Ka nau nen kan inbe zo chu ka nguai nghal ruih mai,"ka han haw ang"ka tih chuan Melvina arawn ding vat a,"kalo thlah ang che"atih chuan ka hnial biklo,ka scooty ka ken loh ni tak ania,Melvina a awm hlauh chu a tih zia.




Kan tlan lai pawh chuan ṭawng pawh ka ṭawng peihlo,in kan thlen velah pa Branded-a chanchin ka hrilh zung zung a,kan khaw lama ka haw nghal tur thu ka sawi chuan a phal ve mai a.



"Han chho la,driver hian a hruai mai ang che chanchin minlo hrilh ve dâwn nia,"room a ka insiam mawlh mawlh laiin ati a,Melvina pawh ala awm ve reng.



Ka insiam zo ka chhuak chu pa Branded-a leh Melvina te lo inbe mek ka hmuh chuan, ngaihsak lemlo in pawn lamah chhuah nghal mai ka tum a,"Nene lo ding lawk rawh"pa Branded-an atih avâng chuan ka ding dat a.




"Melvina hi rawn kal ve aduh a,in pahnih in kal zawk mai ula aṭha ang,"atih chuan mak ti deuhin Melvina lam ka hawi a,alu a bu nghut mai.



"In tih dan dan animai,"ka tisep a Melvina chuan ka thil khai lai rawn la in pawnah a chhuak a,"kha pawisa hi la rawh,adang chu ipa account ah ka rawn thun mai ang,"sang nga lai min rawn pêk pahin ati a,dawr aṭang pawisa ka lak ve tho avâng in ka pai hnem dâwn khawp mai,mahse a pawi kati hranlo Melvina arawn kal ve phei chuan kawng lakah eitur vel keiman ka tum vek ang.




"Tluang deuhin in kal dawn nia,in chhuak tlai ang reng sia,in thim dâwn anih hi,Melvin i awm a ka ngaihtuah lo ania,muang changin tlân ula ipa pawh ngaihtuah awm em em anih loh kha,"pa Branded-an ati ve luam a.



Kan tlanchhuah thleng min thlir zui ve reng ani tih motor glass aṭang ka hmu thei,kan in aṭang a kan chhuah chuan dar thum leh a chanve vel ari tawh,"kan inah ka thawmhnaw hak thlâk tur vel la lawk ang aw,ka chhûngte hrilh pahin"Melvin-an atih chuan kabu nghut a.



Melvina te in kan thlen chuan ka chhuk ve vat a,nidang anglo takin an inchhung a ka lut tur chu ka zam deuh tlat,ka kutah kut lum vung vung in arawn vawn chuan ka enchho vat a,"hahdam rawh"Melvin-an ati sup a,thawk ka la leh tête a.



"Ehe Nene ilo kal animo,"min hmuh rualin nu Saite-in arawn ti leh nghal luam a,kalo nui tawi tak ringawt,"nu Hruaizeli pa aṭha vakloa,an khaw lamah kan zu kal ange"Melvin-an atih chuan an rawn hawi ṭhap mai.



Thanmawii pawn a phone khawih dah meuhin min rawn en a,"ava pawi ve aw,va kal rawh u"Melvina pa in alo tivat a,"ni e chanchin te minlo hrilh ve zel ula,chaw te in pai duhlo ami in thim ang tiro,"nu Saite-in alo tive vat a.



"Kawng lakah chaw eina tur chu a awm mai ang,imm kan thim ve deuh ang"ka tisep a,Melvina pawh insiam tûrin a chho tawh,Zorina ka zawng ru deuha ka hmu mailo, damdawiin lamah a awm te pawh aniang.



Ka phone arawn rik chuan ka envat a,Rinpuii alo ni"Nene khawnge i awm,Papuia te nên kan rawn kal ve duh,"arawn ti a "kan chhuak ṭep tawh asin,in veng nen a in hlat sia chubâkah ngaihtuah awm em êm anilo,a zual tak thut leh kalo hrilh leh ang che,"ka tih chuan a aw veleh mai a,Thanmawii ka en chuan a hawisawn hmak mai.




"Ka hman e,"Melvin-an arawn tih chuan ka hawichho vat,bag lian vaklo hi arawn khai thla a, kan cham hun tur a hriat siloh a keiin ka keng hnem nen,mahse ani chu a tuk maiah a haw leh dâwn anih hmel.




"Tluang deuhin in kal dawn nia,"nu Saite-in ati a,motor ah kan ṭhu fel vek tawh pawisa min rawn pêk chuan ka duhlo khawp mai,kalo hnar ṭang ṭang a mahse Melvina ape lui ta tho a,"mama petrol te a full em,i check em"Zorina pa in arawn tih chuan"kan en lawk ang aw,"Melvin-an ati a kabu ve nghut.



"Enge awmzia"tih ri ka hriat chuan ka thin phu arang leh nghal dawt dawt thei,Zorinpuia chu ka hma takah arawn ding a,a hmel chu ka hmu chiang khawp mai,a ṭhat ngaiin ala ṭha reng.



"Hei Hruaizeli pa a ṭha vaklo a,Melvina nen hian an kal dawn anih hi"nu Saite-in alo tivat,Zorina ka melh zawk a minlo melh ve ngur mai,"a englai nge na a damlo nge"Zorinpui-an ati sup a.



"Cancer ania,"ka tih chuan a ngawi vang vang a,"a full e kan kal thei"Melvin-an arawn tih tak avâng in motor ah ka lut vat a,a vawihnih nân kan in mangṭha leh ta.




"Avawt itih chuan isawi dâwn nia,"Melvin-an atih chuan ka en zawk a,ka chhang lemlo a motor ah ka ngai ber che tih chu a play a,kan khaw awmdan in azir bawk a lung ati leng ve vawng vawng mai.




Melvina POV
Hruaizeli tui ti taka a muhil thaw ri sek sek chu ka en leh zeuh ṭhin a,motor light hnuaiah pawh a hmelṭha khawp mai,khua pawh a thim fel der tawh chaw eilo a kal kan ni bawk sia ril aṭam ve tawh khawp mai.




Kan tlan zêl takah chuan restaurant pakhat lo la inhawng ka hmuh chuan motor ka ti ding dat a,Hruaizeli pawh a rilṭam tawh ka ring,kaitho hreh viau mah ila pum ruaka awm reng a ṭhat loh avâng in ka kaitho a.



"Khawilai nge kan thlen tawh,"ham bai bai chungin ati sep a,kalo nui suk mai"ngatinge"mak tih hmel deuh hian ati a,a sam athur bam a a makeup hman pawh a nuai pherh vek tawh.



Ka en reng takah chuan motor darthlalang ah a in en a,"awi ramhuai ka van ang tak"ati hluai a,kalo nui hawk thung"chhuk ila,thil ei lawk ang"motor aṭang a chhuk pahin kati sup a,arawn chhuk ve vat.



"I hmai kha kalo hruk sak dâwn che ami,"ka tih chuan a tawlh sawn rang khawp mai,"ka duhlo na deuhin ihru leh anga"atih chuan ka tilui biklo.



"Kan la thleng har deuh dâwn anih hi,"restaurant a kan luh rualin ati sep a,"lo kal rawh u enge in duh ang,"kan luh rualin dawr nghak ten min rawn chhawn vat a.



Menu kan en diat diat a,Aizawl kan pel fel tawh a,menu pawh a dang zar mai"keichu sawhchiar ka ei mai ang,ka puar loh leh adang ka ei belh anga,"Hruaizel-in atih chuan sawhchiar ka chah ve mai a,adang atui vak a awmlo em ani.



"I chau êm"dawhkan a akut nghat meuhin min en a,ka lai ve lek lek alâwm le,"chaulo e i chau zawk em"ka tih chuan alu a thing a,"motor khalh tu zâwk inia ka menpui thei silo che a,kalo muthlu hman leh zêl a i mut a chhuah chuan sawi rawh aw"atih chuan ka nui suk mai.




"Motor min khalh chhawk dâwn tihna ami,"ka tih chuan aner nang nang mai"thiam ila chuan ka khalh chhawk ang che,"ati ve sep a kan thil chah alo thlen tâk avâng in kan sawi zui tawhlo.



"Kanu te kan kal thu ka hrilh tawh tho a,minlo nghak maithei"thil ei mawlh mawlh pahin ati a,a rilṭam hle aniang a eizo rang khawp mai.



"Adang ka chah leh dâwn,ka chah kep ang che"atih chuan kalu ka thing a,plate khat pawh hi atam lutuk ringawt,"minlo nghak rawh aw ka ei muang miahlo ang"atih chuan ka khawngaih ang reng.




"I tello te chuan ka kal thei hleinem,"ka tih chuan min rawn en in anui sen sen a,a thil ei a hmanhmawh khawp mai,"hmanhmawh suh i hak ange"ka sawi zo chiah chu arawn khuh bawrh bawrh a.



Dawhkan hnuaiah akun nghal a,"i ṭha em"ka tih pawh min chhanglo,rei deuh hnuah arawn hawichhuak a,a mit asen khawp mai"vanram ka fang ṭhelh,"ati halh a a thil sawi hi amak thei khawp mai.



"Ka ei tawhlo ang,"din hluai pahin ati a pawisa ka pêk lai chuan ka bulah ading ve reng a,"i zun a chhuak em,kan zung lawk ang lo va lût rawh"tih pahin a thim laiah ka kal phei a,ka zung zo ka let leh chuan motor ah alo ṭhu fel ṭhan tawh.



"Kha"pawisa min rawn pêk paha atih chuan a ngaihna hrelo zetin ka en a,"kan thil eiman kha"atih chuan ka pelet vat a.



Hruaizeli POV
"La mai mai rawh,anuamlo min kalpui zawk a,"ka tih pawh chuan pawisa chu min rawn pe let zêl a,"khawi i purse ka dah mai ang keiman"tih pahin a lamah ka phei a,a purse ka awm loh na lama a awm avâng in ka lakchhuah chuan kan inchuh chu ani zui nghal mai.



"Amak emai,Melvin"tih pahin ka pawt ve ṭang ṭang a,motor chêp taka thil inchuh chu a buaithlâk khawp mai,"khawi amak ana ania"ati thum dut a,awmsawn ka tum chuan ka sam atang ta tlat mai.



Ka pawh chuan ana bawk sia,"lo chesawn suh"ati chuan ka che lai ka tawp ve mai a,ka sam arawn siam ṭhat rual chuan ka tho thut a,a chal leh kalu a in tauh ri leh bup mai,"awi ka tihpalh ka van che chhe tak"ka ti hluai a,a kûn ngul bawk sia ana ve hle aniang.



"Ka tihpalh tak tak ania Melvin,"ka tih chuan arawn hawichhuak a,kan in awm hnaih lutuk vang nge ka thaw ṭha ngam derlo,ani pawn min enve reng a hawisawn nachang mai ka hrelo,a hmel chu ka enchiang poh leh Zorina a ang tulh tulh maiin ka hria.



Ka lamah arawn awn riai riai a,"kan kal tawh dawn ami"atih chuan ka harhchhuak zawk,Zorina ringawt kalo ngaihtuah leh hman tawh,min kuah na phelh in keipawh ka awmsawn vat a,pawisa chu motor hmaah ka dah a,a thaw hak ri pawh chu ka ngaihsak duhlo.



Kan tlan leh zêl takah chuan keipawh ka harh telh telh in ka hria,ac a on bawk sia a vâwt lek lek "hla i duh duh play rawh,"ati sup a ka rilru a lo lang hmasa ber chu ka play tawp a,mutsan ka duh bikloh avâng in ka inti harh hram hram ani.



"Heti lai kawng hi an sawi nasa thei lutuk a,"ka tih chuan minlo en zawk a,"engtin nge an sawi a"ati ve sup mai.



"Nu pakhat rai cheh in a boral a,damdawiin an thlen pui hmanlo ani awm e,chuan a fapa a koh vak vak zel antia"ka tih chuan anuih aza khawp mai,"kan ding lawk dawn ami"ati ta mai,"a ngailo Melvin tlan zêl rawh tlân chak zawk rawh"kati a,a din tak tak ka hlau ani glass a in up vek a,a motor hi chhunglam aṭang in pawnlam glass chhan ah a hmuh theih a,mahse pawn lam ami chuan min hmuve theilo.



Ka puan sin pante chuan ka inkhuh ṭha sat sat a,"i hlau ami"atih chuan kabu nghut mai,"hlau suh ka awm hi,chunu chu alo kal tak leh kan man anga in khaw lamah kan phur haw ve anga nimai lawm,"atih chuan ka tum lian nasa tawh khawp mai,mi hlau titih a han tih ṭhaih ṭal.



"Nangmah kha ala zâwk ang che,"tih pahin lehlam ka hawi hmak a,"ka lawm irawn hawi loh chuan ka ding ang"atih chuan ning zetin a lam ka hawi leh ta nge nge a,anui leh suk tawh amah hi a hrang hmel daih zawk lawm loh in anui anui mai.



Ka phone arawn rik takah chuan ka envat a,kanu alo ni"aw nu"ka lak rualin kati nghal a,"bawihte khawilai nge inlo thlen tawh a,ka nghâk reng che u ania"atih chuan "pi Rami a boral na kawng kha kanlo tlân pel chiah,"ka tisep a.



"Awle,inlo thlen veleh minlo call dâwn nia,i pa pawh azia deuh tawh aw"atih chuan "aw"ka tizawi sep a,mut an duh ka rin avâng in kan inbe reilo.



Thui deuh kan tlan hnuah motor ati ding a,ka en rang khawp mai"ka zun a chhuak,i zung ve duhlo ami"atih chuan ka chhuk ve vat a,ka zun chu a chhuak ve reng mahse zunna tur avan em vang ani.



"Zung hmasa rawh,kalo veng ang che a thim vek tho"atih chuan tlem in ka kal hla deuh a,ka zung zo ka let tur chu ka zunna bul vel arawn chet det det chuan Melvina lamah ka tlân phei vat a,ka kuah nghal chawt chawt mai"hey hey hey,ka zun hi"atih chuan ka envat a,mahse a inher hman ka nuih aza bawk sia ka hlau bawk si hreawm tak ani.



"Ka tihpalh"ka tisep a,zanin ang em em a ka chet chhiat hi kala hrelo,"i huh lo maw"a zung zo rawn let chuan ati sup a,ani pawh anuih azat hmel khawp mai,a phone light ti eng in ka thawmhnaw arawn en kual thuak thuak a,a huhlo hlauh kan sir lama hnim vel chu arawn che leh a,Melvina nen kan inmelh vat.



"I ngaihtuah na adawi anih kha,thli in a chhêm anih saw,lut rawh"motor kawngka min hâwn sak pahin ati a,ka lut ve vat ahma chuan hetiang em em hian ka dawilo asin le,ka len hnu hian ngatinge maw ka dawi tak em em ni.



Ka hmul te chu ading sung sung thei, Melvin-an ka hlauh zia a hria ani chêk ang chu ,puan min rawn sin ṭhat tir pahin min kuah vang vang a,Melvina hi awmlo se chuan ka thla amuang hauhlo ang,ka tan chuan vantirhkoh ani ringawt.



"Tlân leh tawh ang aw,"atih chuan ka hnial biklo,kan khua pawh kan hlat tawhlo,kan tlan zawng chuan kan khua alang ve pheuh pheuh tawh a,ka haw lohna arei tawh zia ka hrechiang hle bawk ka lung aleng ve reuh khawp mai.



"Saw Saw ami in khua chu"Melvin-an atih chuan kabu nghut a,khua pawh a eng ṭan tawh,mahse eng em em tih tur anilo,varṭian kan tih ang vel hi ani.



"Ding lawk ang aw,inti harh lawk ang"tih pahin a chhuk a,keipawh ka chhuk vat"in khua chuan lung ati leng reuh hle mai,"meizial ṭan pahin ati sup a,a motor ngheng in kan ding a kan khua chu kan thlir dun ta reng a.



"Lo hawi teh"atih rual deuh thaw in camera aphe chuai mai,"awi ka hmelchhe dâwn si,camera ikeng alaw"ka tih chuan nui suk chungin abu nghut a,Zorina anglo takin nuih aduh a,a hmel pawh a u ai chuan a nelawm zawk.



"Kan thleng har tawhlo ang,kan tlanchak deuh dâwn nia,"atih chuan peihlo zetin motor ah chuan ka lut leh a,a khalh tu aimah pawn ka ning zawkin ka hria.



Kan khawchhung luh hma deuh hian pangpar kûng lian deuh a awm a,apar vul hun laitak ani bawk a amawi lehpek khawp mai,"avan mawi tak"en vawng vawng pahin kati sep a.



"Thla ila duh em"atih chuan ka hnial hranlo,hemi kan tlan pelh chuan kan khua kan lut ani tawh mai,thla te kan lak leh tete hnuah kan khaw lam panin kan inkhalh phei a.



Kan in kan thlen chuan kawtah kapi in vawk chaw alo chhum mek a,min hmuh chuan a hmel anung sarh mai"ehe!!Nene bawihte irawn kal tih min hrilh miahlo a,"ati a "i ṭhianpa ami a"Melvina en zeuh paha atih chuan kabu nghut.



"Iva fel ve,tlangval rawn lut rawh u"kan bag rawn lâk pahin ati a,inchhung a kan inzui luh chuan kapu in chanchinbu alo chhiar a,kanu in eirawng alo bâwl mek"nu"ka tisep a,an rawn hawi rual zawk mai.



"Ehe!ka tunu duat"kapu in ka lam pana rawn phei pahin ati a,kalo nuih sen sen mai "inlo thleng tawh maw,ava lawmawm ve lo ṭhu phawt teh u,thingpui kalo lum ang chu"kanu in ati sawk sawk a.



"Sawmte an ril te aṭam tawh ang,han siam vat vat teh,rawn ṭhu rawh u tlangval bawihte"kapu in ati sawk sawk a,"kapa kan va en phawt ang"ka tih chuan min hnial biklo.



Melvina nen kanu te roomah kan inzui lût a,kapa chu khumah alo mu bam a,a bânah venflon anlo vuah ran bawk,a muhîl ani ngei ang"kalo va chhuak lawk ang,"Melvin-an ati a kabu nghut.



"Pa kalo thleng tawh ania,"kapa hmel dang bai mai chûl pahin kati a,ka khawngaih takzet kapa damlo hmel hi ka hmu khat asin.



A hmaia ka chûl vang nge arawn meng siar siar a,kalo nuih sen sen mai"Nene"arawn tisup a,a chau hle tih a aw aṭang pawn a hriat"aw pa keimah,kalo thleng tawh ania i bulah ka awm reng tawh ang,"mittui tling pamin kati a.



"Ka ṭha alawm,"rawn thawh kan paha atih chuan kalo pui vat a,"ka hmu che a ka dam phah sawt,"atih chuan ka ṭah nuih hak mai.



"I rawn harh tawh maw,bawihtei te pawh an rawn thlen na ala reilo,va intifai phawt se bawihte i ṭhianpa pawn intih fai aduh ang,a room turah va hruai rawh,ipa hi kalo tifai ve lawk ang"atih chuan kapa chu ka en a,"ni e va phei rawh Nene inu hian min va tifai teh se,nizan ah inu amu ṭha bawk siloa,mu rawh ka tih pawn a duh tlat siloa,"atih chuan ka nui ve hak mai,kanu leh pa te hi an in hmangaih takzet tih ka hria,keipawh ka hlim mahse kapa hian kanu hi a kalsan mai ang tih ka hlau takzet ani.



Room aṭang a ka chhuah chuan Melvina leh kapu te ho lo nui hawk hawk a,keipawh ka nui ve sen sen mai,Melvina hi chu ngaina lo pawh an awmlo ang,"pu Melvina hi a intifai duh ang,a room turah kan hruai lawk ang aw"ka tih chuan arawn ding ve vat a,"ni e va intifai hmasa phawt teh u,"atih chuan kan inzui phei a.



Ka naute ka hmuh loh danah anla tho lo ani ngei ang,"i chau ngawt ang,zankhua in imu siloa muhil rawh aw,keipawh ka muhil dawn"ka tih chuan abu nghut a,a intihfai duh ringin ka chhuahsan nghal a.



"Ehe u"Sammy-an arawn hluai mai,"enge"ka tih chuan anui hawk a,"irawn haw alaw"tih pahin ka hnunglam ah te a tlân a,hepa la naupangchhia lutuk hi chu a hahthlâk,Zorinzuali a puitlin nen.



"Nu hei damdawi chu aw"kawngka pui aṭang Zorinzual-in arawn ti a,min hmu chu anui tawi tak ringawt,"irawn thleng tluang maw,hetah rawn kal teh hrilh tur che ka nei"tih paha min kaih mai atum chuan Sammy-an ka kut lehlam ah min rawn kai ve a.



"Thlah rawh,Sammy mipa hriat chiloh kan sawi dawn"Zorinzual-in atih chuan a ner nawk a,"i hriat chiloh hrilh tur ka nei ve tho,"ati hmuk mai"amak thei emai,in u kha a intifai duh ang,a mut te a chhuak ang,"kapi in alo tih chuan min thlah ve ve a.



"Nakinah min hrilh mai dâwn nia,"tih pahin Zorinzuali roomah ka lut a,Melvina ka roomah ka awm tîr daih sia,room kan in daihlo ve khawp mai,pa Branded-a phei chuan room a nei tawhlo.



"Enteh u Remrema kha i hria em,"Zorinzual-in arawn tih chuan kalu ka thing a,"amak pa Masanga te fapa kha"atih chuan ka bu nghut mai,ka nau daih te an nih avâng in ka hre vaklo"Remrema chu enge"a ngawih leh daih takah chuan kati sep a,"jail ah atang a,mahse apa ten an bail chhuak leh aniang,"atih chuan mak ti lutuk in ka en ha mai.


Show post links
Top

[Ngaia]

Chapter-12
Hruaizeli POV
"Ka awilo emai"ka ti hluai a,"ani alawm a tih sual tak chu ka hre biklo,"Zorinzual-in ati leh sep a,a ṭawng zawi khawp mai ka bulah lo hi chuan engmah a sawi ngailo,mi pawisawi hlau tak ani a,midang bulah phei chuan an bia te anih loh chuan a ṭawng ngailo.Amah te hian a tlei ve em em mai ani.




"U kawngka rawn hawng ru,"Sammy-an kawngka rawn ben dawt dawt paha atih chuan ka hawng vat a."I mawl thei lutuk,room lehlam lawkah kapa a mu a enge i bengchhen vak vak zel a,"ka hâwn rualin kati nghal a,"in ho u inbual vat rawh i ṭhianpa in a nghak reng che ania,"atih chuan bathroom ah ka lut ve vat a.




Ka inbual zo room aṭang a ka chhuah chuan rinloh deuhin Rinpuii leh Zorina te ka hmu hlawl mai,"enge awmzia"ka tisep a."Kan rawn kal ve anih hi"Rinpui-in atih chuan ka pan phei vat,Melvina ka hmuh mailoh avâng in roomah ka en a,a muttui khawp mai a chau reuh ngawt ang.




"In intifai duh em,"ka tih chuan Papui-an "pawi hleinem,"ati sup a Sammya roomah Zorina leh Papuia an lût a,Zorinzuali roomah Rinpuii a intifai thung,Rinpuii leh Papuia hi chu kanu leh pa kapi leh pu ten an hriat chian tawh avang in an nel hle a.Anni pawh an in ang chiah in an awm.




"Chaw in ei hmasa phawt dawn nge,bawihte in mu phawt ang"kapi in atih chuan ka hriatloh thu in ka chhang a,ka mut pawh a chhuak em em lo motor ah kamu sek khan minti harh kawk in ka hria,Melvina erawh a chau viau ang,amu miah siloa.




Zorina leh Papuia te room a ka luh chuan Zorina ṭhuthleng ah phone khawih chungin alo ṭhu a.Papuia leh Sammya erawh ka hmulo,Papuia chu bathroom ah a awm aniang ari sat sat mai.



"Intifai la,imu daih dâwn nia"ka tih chuan arawn hawi zawk a,"Hruaizel"arawn tih chuan ka inher tawh chu ka hawi let leh a,a hmel chu a hlimlo riau in ka hria"ipa chu va en chhin ila,"atih chuan kalo bu nghut Doctor ania alo kal hlauh chu a tihzia.



Kapa te room a kan luh chuan alo mu leh bam tawh,"nu hei Melvina u anih hi, doctor ania"ka tih chuan kanu pawn alo chhawn vat a,kapa a check zung zung a,"midang ho kava ngaihsak ange,"tih pahin ka chhuak a.




"Nene"kapu in atih chuan ka phei ve vat,"bawihi chaw in ei tawh êm"atih chuan kalu ka thing a,"kan buai ta nuai sia tikhan lo ngaihven mai rawh aw"atih chuan kabu nghut.




Melvina room aṭang arawn chhuah chuan kalo envat a,asam a thur bam mai"lo kal rawh i ril aṭam tawh em,"ka tih chuan a ṭam loh thu asawi a,kanu leh Zorina room aṭang a rawn inzui chhuak a hmuh chuan Melvina pawn mak atih hmel khawp mai.




"Enge awmzia"ati ve sup a,thil awmdan ka hrilh chuan abu ve nghut ringawt,midang ho an intihfai zawh chuan chaw kan ei zung zung a,kan intihfel meuh chuan a tlai ruih tawh.



Kapa pawh rinai takin aṭha a,Thanmawii arawn kal velo chu mak kati,ka ṭhiante ho pawh an chau tlang aniang an muhil tui hlawm khawp mai,"midang an rawn harh chuan lo buaipui mai rawh aw,Zorinzual"ka tih chuan abu ve nghut a,phone ah mi a biak avâng in roomah ka luhsan nghal a.



Rinpuii bulah ka mut chuan minlo kuah leh sat sat tawh,Rinpuii mutpui hi chu a hahthlâk ania,"u tho rawh imu rei tawh lutuk,i ṭhiante pawh an tho vek tawh ania",Zorinzual-in min rawn sawi dat dat paha atih chuan peihlo zetin ka tho a.Ka mu ve chiah amaw tih pawh hian alo tlai duai hman zêl.




Room aṭang a ka chhuah chuan tumah ka hmulo,sana ka en a dar li alo ri thuak tawh,"pi khawnge midang ho hi"ka tih chuan "Melvina leh Sammya kha an chhuak a,i ṭhiante pahnih pawh an kal, doctor kha chu roomah a awm in ka hria,"atih chuan Zorina roomah chuan ka lut a alo awm tak tak.



A bul hnaiah ka kal phei a,a muhîl chu ka thlir reng a hmelṭha lutuk ringawt,mahse en chian hian Melvina a hmelṭha zawk in ka hria,a hmai chu ka kut in zawite in ka khawih da da a.



"Min lo ngai tawh viau em,"ka kut rawn man paha atih chuan ka phu zawk,a muhîl amaw ka tia"ih englo,i muhil lo ami"ka ti bah deuh nawk a.



Rawn in ben kan pahin min en a,anui suk mai "ka ngai che Hruaizel,"atih chuan ka en reng a,"Thanmawii irawn hruai velo a,nau apai vang nge"ka tih chuan a thaw hak a.



"Nau apai hleinem,"atih chuan mak ti takin ka en a,"arai lo maw"ka tihap a,"imm railo,"atih chuan ka melh ngai ka melh ngawt ngawt,Thanmawii hi ka rinloh lam daih ani afel viau khan ka hre sia,ngatinge hetiang lamah te dawt asawi duh zawk le.



Zorinpuia ka en chuan rilru hah hmel deuhin a thaw leh hak ṭhin a,ka khawngaih ang reng hle"thil hrechiang lo a ka tih thawt thawt avâng in keimah pawn ka tuar phah anih hi,"ati sup a atih tak tak zia a hmelah pawh alang reng.



"Lungngai suh,naute in pai leh vat mai ang"tih paha kal mai ka tum chu min koh avâng chuan ka ding leh dat a,"Hruaizel ka tihpalh,"ka kum rawn hum vang vang pahin ati a,kawngka lam arawn rik rak chuan kan hawi vat a Melvina leh Papuia te anlo ding reng, Zorinpui-an min vawn na chu Melvin-an amelh ngur a,ka inthiam lo ang reng khawp mai.



"In ngaih ang kha engmah a thlenglo,"Zorina en zeuh pahin kati a,Zorina erawh anui suk thung room aṭang hmanhmawh deuhin ka chhuak a,pawn a ka chhuah chuan thawk kala vang vang,avan hreawm tak ka hmai asen vêkin ka ring.



"Awi ava buaithlâk,"tih pahin Rinpuii kan kawta arawn lum deuh pual pual chuan ka en tawp,a chezia chu amak lutuk,"ngatinge Rinpui"ka tih pawh chuan min ngaihsak lo.



A chang leh leiah chuan alu in ading leh ur ur ṭhin a,a din pangai lah in a zuang vak vak a,"ngatinge Thangṭhuaii chu"Papui-a pawh chuan arawn ti ta chiah reng a,biak a chhang bawk siloa kan en tawp a tih vak ngaihna ka hrelo.



"Hruaizel"Melvin-an arawn ti thum dût a,Rinpuii a hmuh chuan ading ve chawt mai,rei deuh kan en hnuah zawi zetin aṭhu a,kanlo en ṭhup tih a hmuh chuan amah zawk chu mak ti ti ah aṭang a,"enge"din pahin ati a.



"I phungzawl ami"Papui-an atih chuan amelh rum khawp mai,a chezia kha amak ve em ani,"zawl mai mai lo,ka kawr chhûngah Pangang alut a,ka khawih pha siloa kala chhuak thei hleinem,mi puih pawh tumlo a min en ṭhup le,"ati khâr khâr a kan ko reng sia mahse Rinpuii hi chu a ang buan buan a,a lungawi leh harlo.



"Ka inbual dâwn"inchhung a luh pahin ati hmuk a,ka nuih aza reuh lutuk Pangang a hlauh zia ka hria a,ṭha deuh a sawi ve mai tur ania.



"I ṭhiannu chu ava hlauhawm ve,"Melvin-an ati sup a a nuih azat hmel khawp mai,"a mizia ve hrim hrim ania,a thinrim tak tak ngai chuanglo,"ka tih chuan min chhang tawhlo.



"Nene ipa chu rinai takin aṭha a,in khaw lamah kan kal ta sa sa naktuk velah ipa a ṭhat chuan lui lamah sangha kan zu man lawk dawn ami,"Papui-an atih chuan a pawi loh thu in kalo chhang a,Papuia hi lui lam ngaina chi ani a,kan khua a alo kal hian luiah akal ngei ngei zêl.



"Melvin i peih ve angem,"ka tih chuan abu nghut a"haw iduh chuan sawi tawp rawh aw,kan cham hun tur kan hre siloa"ka tih chuan alu a thing a,"saw lamah tih tur vak a awm chuanglo"ati sup a,ka nuih sen sen ringawt.



Inchhung kan lut chu ṭhuthleng ah Rinpuii kapi ngheng ar ar chungin alo ṭhu a,an innel tawh bawk a kapi pawn thil alo zawt leh nasa tawh mai,"tlai eirawng bâwl ahun tawh anih khi,Rinpui nangni nula ah Nene leh Zorinzuali te ho in eirawng han bâwl teh u,"kapi in ati a Zorina leh kapu an inkawm a,Melvina leh Papuia pawh an inkawm thei phian mai.



"Khawnge Sammya"ka tih chuan kapi in,"a ṭhiante nen an leng aniang,ani hi zawng pawn alawm lutuk a,zanah pawh nise tlai deuh ah arawn haw a,inah a awm hman meuhlo,pâwnah riah na te hi siam sak mai ila aṭha ang,"kapi in ati fiamthu hluai a kalo nui ve hak hak mai.



"Mc anti nge,khatiang games kha a khel ṭhin a,zanlaiah pawh slain slain ati reng mai a,i nau hi chu a â bual bual sia,ipa a dam ṭha siloa hrilh pawn awmzia a awmlo,"kapi bawkin ati leh a,kalo nui tawp.



Kapa pawh ṭhat lam apan ve zel a,mahse velflon chu anla vuah reng thung,a khat tawkin drip an khai reng a,a hmel pawh hmuh a nuam leh ta deuh,"u Sammy a saw hau rawh,minti zak thei lutuk kan in aṭang thil aru chhuak a,ruih nan pawisa chu an hmang leh vek zel bawk sia"Zorinzual-in atih chuan ka envat a.



"Ruih nan a,damdawi ati ṭhin ami"ka tih chuan alu a thing a,"zu a in ṭhin alawm"atih chuan ka tawh hak mai,ka hauh in awmzia a nei dawnlo lutuk,Sammya luhlul zia ka hria a,mipa neihchhun alo nibawk nen kan duat ve sia,kan duat sual niber in ka hria.



"Alo haw veleh kalo hau dâwn nia,"ka tih chuan bawkbawn a chan sawk sawk a,ka chenpui te hi chu an rapthlâk kati zawk,kan unau mize in anglo hlawm lutuk hi,Sammy a nên kan mizia chu a in ang deuh zâwk a,mahse keimah aiin Sammya a nasa zawk, Zorinzuali erawh sawi tawh ang in a ngawichawi lutuk.



"Hruaizel heti lai hnaiah hian dawr a awm em,"Melvin-an atih chuan ka ding vat a,"ka kal pui ang che"ka tih chuan anui suk mai.



Kapu leh Zorina anla inkawm tui em avang in kan kalsan a,duh aneih leh neih loh pawh kan zâwt lemlo,"motor ken angai em"atih chuan lu ka thing vat,"a hla em em lo a ke in kal zawk ang,"ka tih chuan min hnial lemlo.



"Eitur rawn lei ṭeuh rawh aw,Nene"inchhung aṭang Rinpui-in atih ri ka hre hman,"i ṭhiannu saw ka nupui ani ang tih ka hlau khawp mai,"Melvin-an atih chuan ka nui hak hak a,"ngatinge Rinpuii te chu a sual hleinem,"ka tih chuan anui ve tawp a.



"Ehe!Nene irawn haw animo,"Nu Mary-in ati hluai a,"aw kapa aṭha vak siloa kalo haw"kati ve sep a,"nitak e,zanah kanlo leng ang kan pawh kan rawn la kan ve hmanlo,kan buai ve lutuk a"ati a nui chungin kabu nghut ringawt,ka naute tih dan takin bûk nghut hi ka ching tawh a.



Dawr kan thlen chuan mamawh kan lam khâwm zung zung a,Melvina pawn meizial a lei hnem khawp mai,eitur vel pawh ka phallo chung amah bawkin a lei leh a,sum ka tan hian avan seng hnem tawh tak.



"Ilei hnem sia,"a thil khai lai en zeuh pahin kati leh ṭhin a,rambo polythene khat eitur a lei a,Rinpuii chuan nuam ati leh khawp ang,a titauh thinrim lai ber pawn eitur hi chu a hnar thei thlawt lo.



"In khua te chu anuam reuh khawp mai,"Melvin-an atih chuan ka nui ve sang a,"nia anti ziah kan khua hi anuam ve aniang,"ka tive sep ringawt a.



In kan thlen chuan rin ang ngeiin Rinpuii chu alawm berah aṭang a,Zorina pawh room aṭang sam huh deuh chhap in arawn chhuak a,Sammy leh Melvina room an inṭawm rih dâwn anih hmel.



Sammya hi ṭhian kawm thiam tak ania,ka ngaihtuah hranlo thawveng hle Mahse a rilru a chhelo a,han hau vak dawn ila ka khawngaih leh zel bawk sia.



Chaw kan eikham kan tih fel mawlh mawlh laiin kapa pawh arawn tho chhuak a,kanu zâwk chu damlo a ang zan amu ṭhalo tih a hriat tâkzet,"pa iṭha zêl maw"ka tih chuan a ṭhat tawh thuin min chhang a.



"Naktuk zanah sangha man kan tum deuh a,kan ṭhian ho in i ṭhat zêl chuan,"ka tih chuan kal turin minti vat a,"sangha ei pawh a châkawm alawm e,Papuia lui lam kal ṭhang ania sangha pawh a man leh ṭeuh thei ang chu"kapa in atih chuan Papuia inti thei hmel chu nuih ati za zawk.



"Zorina leh Melvina chu in fel khawp mai,in unau nau in keimah vangin heti lai chen chen in rawn kal a,naktuk zîngah zo ar ka talh sak ang che u,"kapa in atih chuan Rinpui-in minlo kheuh zeuh zeuh a.



Ka en chuan alo ṭhen ṭha mai,zo ar atih kha ani leh pek ang chu,"imak emai"ka ti zawi sep a,"nula ka zu rim mai mai teh ang"Papui-an din hluai pahin ati a,"Melvina te hi an kal ve duh ang,Papui hruai ve rawh ka ṭhat tawh viau hi"kapa in atih chuan mipa te pahnih pawn an hnial biklo.



Sammya ho in an chhuak diak a,thleng Zorinzuali leh Rinpui-in an sil a,min awl hneh khawp mai "bawihi lo kal lawk teh,"kanu in atih chuan an roomah ka lut ve vat a.



"Enge nu"ka tih chuan khum abeng thak thak a,ṭhu tura min tih chuan ka ṭhu ve vat,"englo ania bawihte Sammya hi ipa tlangval lai ang chiah chiah in arawn awm chho a,ka rilru ahah ve thei lutuk inah ania nang pawn hrilh ve mawlh mawlh rawh,ipi te lah a hlau vak siloa,"atih chuan kabu nghut a.



"I bialpa ami Melvina saw"arawn tih chuan ka phu zawk thei,"nilo e"ka tivat a"anih Zorinpuia zawk saw nge,"min chhaih paha atih chuan "nu"ka tivak a,anui hak hak mai.



"Bawihte ngaihzawng inei anih pawn thianghlim takin aw,kan hmuh phakloh ah i awm a fel deuhin awm tur ania,kan ngai ve ṭhin lutuk che a,rawn haw ve zeuh zeuh ṭhin bawk la"atih chuan kabu ve nghut nghut a.



Kanu in thil min hrilh luam hnuah "va chhuak tawh rawh le,i ṭhiannu a khua alo har lutuk palh ange"atih chuan ka ding zui ve nghal a,room aṭang a ka chhuah chuan Rinpuii nui uar uar ri ka hre hmasa ber,Zorinzuali nen anlo titi ve melh melh a,anuih aza lutuk chu ka nuih pui ve suk mai.



"Lo kal vat teh,Nene"Rinpui-in atih chuan ka phei ve mai a,"tlaiah dawr a in kal hlan khan Zorinzuali leh Zorinpui-an vawk chaw an pe aniang,Zorina a tawlh thlu a,a berh vek ati,awi a tlu tur hmel chu ka hmu ve chak e"atia anui leh vak vak mai.



"Ivan ho tak,a bulah phei chuan sawi miah suh,nuamlo ati lutuk palh ang"ka tih chuan alu thing chungin ala nui char char,"sawi dawn bik nang,mahse a tlu tur hmel mawlh chu"ati leh ṭhin a,anuih za lutuk chu ka nui ve ta ringawt..




Zanin chu a tawi over minlo hrethiam hrâm ru aw,naktuk zanah chuan asei tawh ang naktuk hian programme kan nei a,mikhual sem kual ah kan buai deuh a minlo hrethiam hrâm ru aw.


Show post links
Top