HRUAIZELI BY Judy Chhak Chhuak (Completed)

[Ngaia]

Prologue
"Min tih pui amaw kalo tia,mahse ka hnunglam ah minlo bum char char a ka ṭhian ṭha ber ah kalo ngai ve che asin mahse dawt hlîr minlo hrilh a,"aw khur dar dar in kati a,ka thinrim insum nasa lutuk chu a hreawm takzet

"Ka hmangaih lutuk mahse ani chuan keimah nilo in ka ṭhiannu zawk a duh sia,ka Hmangaih ber hlimna hi ka ṭawm pui ve theilo ani"mittui tling piau in kati tham chhal a,nghet zeta min kuah pahin ka hnungah abeng thak thak a.

"Doctor inih kha ngatinge min enkawl dam theilo ami,"ka tih chuan ning hmel zetin a thaw hak a,a Doctor coat var hak chu a inhmeh takzet "enkawl i ngai tawh hleinem iṭha vek tawh vawiin ah i chhuak thei ang,"lehkha a thil ziah mawlh mawlh pahin ati a,"ka tan chuan damlo satliah ringawt ini chuvang chuan vawiin ah chhuak ang che anih loh chuan.."a ngawi dat a,"a nihloh chuan enge"ka tih chuan min rawn en zawkin"ka petchhuak tho ang che"atih chuan zalo zetin ka nui hak a.

"Ka hmangaih che ti reng chung siin ngatinge khanu kha ila hmuh ṭalh a,min hmangaih ve thei dawnlo anih chuan min kalsan leh zâwk mai rawh,"ka tih chuan tih ngaihna hriatloh hmel zetin min en reng a,kanu te pawh chuan mak antih hmel khawp mai,kapa mitmeng a thinrim na chu ka hmuh hmaih hauhlo kapa tih thinrim chu ka thil tum ani reng bawk nuisuk chungin inchhung ah ka lut a.


Chapter-1
*Hruaizeli POV*
"apa Branded ka kal ania,"dawhkan a chhangthawp lâk pahin ka chhuak nghal a,keihi Lalhruaizeli niin tunah hian kum sawmhnih pakhat na ka hmang mek a,pangpar dawr lian ve ang reng tak ka hawng a thawktu pahnih ka ruai ve bawk,Aizawl durtlang ah daih awm kan nih avâng in zîngah hian kal hma angai thei lutuk a achang chuan ka ning ve thei lutuk.




Apa Branded-a ka tih hi ahming diktak chu Brandon-a ania,ka Papuia tur ani bawk mahse ka tette aṭang apa Branded tih hlirin ka ko a,papui ka ti thiam tawhlo,durtlang ah hian in kan nei a,mahse apa Branded-a nen chiah kan awm thung,kapa te chu kan khua Zawlpui lamah ka unau dangte nen an awm.




Ka scooty in kan dawr lam panin ka tlân thla zel a,ka ṭhian kawm ve ber Thanmawii hi nurse niin durtlang hospital ah a thawk a,kan in leh a damdawiin thawhna a in hlat vakloh avâng in arawn riak ve zeuh zeuh zel.




Kan dawr ka thlen veleh ka in tifel sawk sawk a,rose par awmna chu a rimtui bik takzet,ka hnathawk te pahnih pawh anlo thleng har lemlo pangpar kan deliver ṭhin avâng in mipa scooty nen a tlân zawk zawk thei tur kan ruai tel bawk.




"Masang hei hemi address ah hian va deliver lawk ta che,"ka tih chuan arawn tho ve vat a,rawn kal an awm rih loh em avang in pangpar vel ka rem ṭha sawk sawk a, valentines day ah hi chuan kan lun thei lutuk an rawn lut zut zut reng zêl.




Thil kan tih neuh neuh chhungin thil ei alo hun leh tawh mai dâwn,"vawiin chu ka haw hma dâwn ania,dawr lo khâr mai ru aw"ka bag leh chahbi lâk pahin kati a,an bu ve nghut mai an rawn thawh tirh phei chuan an ṭawng theilo amaw ka ti hial,thil hrilh leh zawh hian an bu nghut ringawt zel a an zia hi ka kai vek tawhin ka hria.




Ka dawr opposite chiah ah hian ka ṭhianpa Samuela ten coffee dawr an hâwng thar a,an lun ve khawp mai mahse ani chu a thawk ve ngai lemlo a office a ṭhut a hlawh pek kha animai atih ber chu.Amah hi â phuang chi hi ani ve a,kan inkawm thei phian mai a fing zawk kan awm siloa.



A awm ka rin deuh avâng in dawrah chuan ka lut ta ngei a,a hna thawk ten min hmuh chuan a office a a awm thu anlo sawi vat a,keipawh an buai em avang in be buai tawh lemlo in ka phei ve nghal a.




"Pawisa rim kan hriat chu le,room chu pawisa rim avan nam em em"kawngka hâwn paha ka tih chuan min lo en tawp,"mi hausa nu enge irawn tih dâwn,a thlawn in coffee rawn in tum tawh reng reng suh,"atih chuan ka nuichhuak hak mai an hâwn tirh khan reilo te an free ve a,a free anih lai kha chuan ka kal tluk tluk a ka hmanloh leh ka naute ka laktir ṭhin kha ania,ka nuih aza zawk ka pawisa kalo ui theih zia kha.




"Mahni thawh chhuah a leite chu a Uiawm ve alawm,nakinah i hrethiam ve mai ang"ka tih chuan anui ve tawp,"i haw leh ringawt dâwn ami"dawhkan a pen a khawn rik keuh keuh pahin ati a.




"Ve a che ka haw hma ṭum anih hi aw,nangmah anglo takin ka vak ve den den hleinem,"ka tih chuan a pen kenlai chu ka lamah a rawn thlawk fua mai,a â thei tak tak ania.




"Haw hma iduh vang ani lawmni i chhuah hma haw ta che,vak den den zel suh pawn ilawm lutuk a nakinah chuan anla ru bo mai ang che"arawn ti duah mai,naupang amaw minti amawni.




"Ka vak hleinem ka kal alawm"ring deuh taka ka tih chuan a sun-glass in min tin leh uaih uaih mai,akut aram si in awm hnaih ila chuan ka ri leh fawk tawh ang"mipa ve si kut thawh hi i hrehlo lutuk a, ka haw daih dâwn"ka bag lak pahin ka chhuak nal nal a,zânah arawn leng leh tho ang.




Ka scooty in kan in lam panin ka tlanchho a,kan veng hi chu anuam ve mawle ahan hla deuh tih mai loh chu,in ka thlen veleh ka scooty garrage ah park ṭha in ka lut nghal a,rinloh deuhin apa Branded-a alo awm ve teh mial a inah hian a awm ngai zen zen lo ania arawn haw zawk a a hnathawh na bul hotel ah ariak mai ṭhin kha nia.




"Hna ikal lo ami a,"ṭi dekin kati sep a dawrah ka awm rei peihloh hian min hau ziah,"kallo zanah ka kal ang,nangmah in i awm dâwn a kawngka leh tukverh vel kalh ṭha vek ang che,miin kawngka anlo kik chuan hawng pawp lo in kawngka puiah sawn inchhung aṭang pawn en theihna ka vuah tir tawh a,chuta ṭang chuan en phawt zêl ang che,"atih chuan uluk deuhin ka ngaithla a.




Ka roomah lutin thawmhnaw lian hnek hnawk hak nuam thei ang ber tur chu la chhuak in ka in bêl sawk sawk a,choka ah pheiin eitur ka dap leh rak rak tawh "eitur lei khawl sa kan neilo lei chawp angai",a laptop khawih mawlh mawlh pahin apa Branded-an ati sup a.




"Khawi pawisa"tih pahin ka kut a hmai zâwnah ka dah hnai a,a laptop khup meuhin minlo en"i pawisa hi chu i hmang phallo ve mawle,ka purse khumah ka dah za nga ai tam la suh ang che,"atih chuan phur deuhin a roomah ka lut a.




Pangpar dawr pawh hi ama min hâwn sak hi ania,engkim pa Branded-an a buaipui vek a mahse ka inthlahrung vaklo,a hausa emai châwm tur ala nei chuang siloa a tlangval lai hian tibuai char char ang.




"Lalhruaizel"pa Branded-an arawn tih deuh ṭhawt chuan ka phu zawk mai,"enge"hawi let pahin kati hu a,"khatiang khan chhuak suh kati ani lâwm ni,i kekawr kha va thlâk rawh kekawr bul teng tawng in nula an chhuak ngailo,"atih chuan roomah inthlak tûrin ka lut phei ve vat a.




Dawr lam panin zai rat rat pahin ka kal a,kal paha phone khawih hi ka thil duhlo ber ani motor in min rawn su thut ang tih te ka hlau,a thiamlo zawk kan ni tho tho dâwn sia,dawr ka thlen veleh mamawh ka lam khâwm zung zung a in lama ka let leh lamah Thanmawii nên kan intawk hlawl mai.




"I duty nange"ka ti nghal tawl a,"aw..naktuk ah ka kal leh ang vawiin atân ka zo ka ṭhiannu in min rawn thlâk dâwn a,in inah ka rawn kal a i Papuia chiah alo awm a,"atih chuan a bânah ka vuan a.




"Kan inah lo riak leh maila,keimah chiah in ka riak leh dâwn"ka tih chuan alu a thing a,"vawiin chu ka zu haw thla ve tawh ange, thawmhnaw thlâk te ka ngai"atih chuan ka tilui biklo,a haw thla khat em a thawmhnaw inhak ṭawm hi ka duh tlat siloa tereuh te ni mah ila ka khirh in ka luhlul ve reuh lutuk a a buaithlâk khawp mai.




"Nidangah ka rawn riak zâwk mai ang,"atih chuan "awle"ka tive sep a,a kal liam thleng ka thlir zui vawng vawng mai,in ka thlen veleh eitur ka siam nghal mawlh mawlh a rilṭam hle mah ila thak a awm loh chuan akim lo riau zêl.




"Ka kal dawn ania,ka sawi kha inlêng ineih pawn kekawr bul leh kawr chhing teng tawng ha suh ang che,i chhuah pawn smart takin inchei zawk rawh,"pa Branded-an atih hnuah a chhuak nghal a min ngaihtuah zia ka hria a keipawn pa ang maiin ka en.




Ka thil ei zawh ah tih tur ka hriat loh em avang in bazar a chhuah mai mai tumin ka insiam a,ka scooty chahbi la in ka chhuak zui ve nghal a,kan in luh dawn hian Gate lian pui luh tlang angai a, security leh lock ṭha tak a awm bawk misual pawh an lût ru mai mai theilo ang.




Scooty in bazar pui lam panin chak deuhin ka inkhalh thla a,high school ka kal lai chuan bike ka khalh ṭhin a,mahse kanu ten an phal loh avâng in ka khalh lui tawh biklo mahse scooty erawh an phallo em em hranlo.




Kawng kawi laia ka tlân chiah chu Scorpio dum nen kan intawk thut sia ka in control hmanlo,a motor chu ka su ta bur mai"i ṭha em"motor aṭang a mipa sang ṭha zet maiin rawn chhuah pahin ati a,a la hmelṭha em em zui"aw ka ṭha"tih pahin ka ding a,kawng reh lai tak ani bawk sia a motor hmalam chu arang nuai mai.




"Ka tihpalh lutuk,i motor siam ṭhatna man hi chu kalo chawi ang"in thiamlo zetin kati a ka thiamlo zawk tih ka hre ve miau a,"a ngailo tihpalh anih kha"ati thum dut a,a sual lo hlauh chu ka lawm tak tak.




"Kalo chawi ang arang nasa sia,engzat nge ka pêk ang che"ka purse phawrh chhuah paha ka tih chuan "sing kua vel chu angai ang,"atih chuan ka meng phâwk khawp mai.




"Hemi siam nan lek hian sing kua maw"ka ti hluai a,a uikawm chi kalo ni bawk nen ka pawisa ka hmang phal zen zen lo asin,"chuvang chuan min pêk angailo ang,"tih pahin a motor chhûngah alut a na deuhin kawngka akhar ri ṭhuai mai,a thinrim amawni.




"Hey pawisa chu ka pe ang che,"tih pahin a motor darthlalang chu ka beng dawt dawt a,min ngaihsak lo khawp mai a motor tinung in chak zetin a inkhalh chho a,ka rak ṭhawt mai mawl lutuk mai pawisa ka ui mah nak laia a duhloh te chuan aṭha ting animai alawm.




Ka scooty tung tho in ka en thuak thuak a,a chhe lai a awmlo in ka hria ka scooty tinung in ka tlân thla leh nghal a,khapa hmel ringawt kha ka ngaihtuah a hmelṭha chiang alawm,ka hmuh leh hunah chuan ka chhuah tawh mai mailo ang ka duh chu neih ngei ka tum.




Ka mawng lah chu ala na em em zui,bazar ka thlen chuan ka scooty park ṭha in ke in ka kal a,ka dawr awmna hla vak lemlo mahse ka kal peih tawh teuhlo thawmhnaw dawrah ka lut phei a,ka lut chiah chu duh ka ngah leh khawp mai.




Pawisa ui hle mah ila thawmhnaw hi chu ka leilo thei ṭhinlo,ka naute hian min ring ve sia an u lah hi engvak ka ni bawk siloa, Sammy-a phei chuan ka haw apiang in thil min chah ve ziah ka naute chu ka duat ve ṭhin bawk sia,Zorini chuan engmah min chah sak lemlo mahse ka hâwn sak tho zel.




Ka thil lei vel ka pêk fel hnuah ka scooty awmna lamah ka phei a,ka kal kual chuan duh ka ngah mai mai a buaithlâk dawrah te khan lo awm mai mai ila pawisa ka hmanglo tur ania.




Ka scooty dahna ka thlen veleh ka phone ri ral ral ri ka hriat chuan ka lavat a,kapa alo ni"aw pa"ka lak rualin kati lawng lawng a,"bawihte dawrah i awm nange"atih chuan ka nui hak mai.




"Ka haw dawn chiah a,"ka tisep a ka awmlo tih chu ka sawi duh bik derlo,"rawn haw itum em,kan ngai ve em em tawh che ania rawn haw ve tawh la"ati leh tawh.




"Pa ka rawn la haw dawn alâwm,mahse dawr hi"ka ti muang fan raih a "thawk tu ila tho alawm"ati veleh a ka haw vat tur thu sawiin kan inbiak na kan titawp a.




Ka scooty in kan in lam bawk ka pan leh a,khapa kha hmuh leh ka chak ka hmu leh anih chuan a hming tal ka zawt tawh ngei ngei ang.




In ka thlen veleh ka intifel thuai thuai a,ka tihfai zawh ah tihtur a awmloh em avang in khumah phone khawih pahin ka awm mai mai a, security te lah an kawm theih mang siloa a rul tawk tête chauh in min chhang a,khawhar an hnemlo kan khuaah chuan ka haw tak tak daih dâwn amawni.




Ka phone nghawr dar dar ri in minti harh a,ka lo muhil ani ngei ang "aw samu"ka lak rualin ka tisep a,"kawngka lo hâwng rawh in in lah hi in kalh ṭha thei ropui si,a ninawm tuman an ru peihlo ang che,"arawn ti leh vak vak tawh hepa thinchhe lutuk hi chu engtin nge kalo kawm theih zawk le.




Kawngka ka hawn veleh arawn lût a,"zanin chu ivan lo leng hma"a bula phei pahin kati a,a phone a khawih a ka zawhna pawh chu a hrelo aniang ka zawt nawn tawh bik lemlo.




"Thingpui iduh em, coffee pawh a awm a"ka tih chuan alu a thing a,"duhlo coffee rim hi ka hne"ati hmuk mai a hne hle aniang,"enge ei duh inei em chaw pawh ka ei peihlo eitur kan chah dâwn ami"ka tih chuan a phone dah in min rawn en a."Tun ang zanah in veng hla deuhah hian tuman eitur an rawn deliver peihlo ang,"atih chuan ka ngawi hmak mai.




"I thinrim ami"ka bula rawn ṭhut hnaih pahin ati a,ka en duh tawhlo hrim hrim"thil engmah i sawi pui theihloh han ṭawng hlek ila minlo hnial zêl a,i pawr êm êm zel bawk sia"ka tih chuan a lamah min pawt phei a.




"Ka tihpalh"min tih nuih tum takin ati sup a,a hmel ka en chuan ka nuilo theilo,"khatia min tih leh vak vak chuan ka kawm tawhlo ang che"ka tih chuan "ka tihpalh kati leh tawh ngailo ang"ati leh sup a,zaidam deuha a awm chu a inhmeh lo kati leh ang lawi a.




Rei deuh thleng aleng a,eitur ka eilai pawn ka bulah a ṭhu ve reng kan inkawm na arei ve tawh bawk a a bulah chuan ka zak vak lemlo, college kan kal laia intawng kha kan nia Thanmawii te nên kan pathum hian kan inkawp deuh chawt, college kan kal lai ṭang veka in hria kan ni.




Ka phone arawn rik chuan sawi lai mek mek in Thanmawii alo ni,"mate ka rawn riak dawn ania i Papuia a awm em"arawn ti nghal thawr a,"awmlo e lo riak rawh hei Samu-a pawh a awm"ka tih chuan"ka ṭhiannu in minlo thlâk se kalo chhuk ang,"atih hnuah call adah a aduh asawi zawh hi chuan adah hmak zêl,kan ṭhian ho hi chu kan puitling lo tlang mange.



"Thanmawii i nghak dawn em,arawn chhuk dawn a"ka tih chuan a ngawi vang vang a"nghak lo ang ka haw na tur ala hla sia ka zu haw tawh zâwk ang,"atih chuan ka hnial biklo kan in kawngka hi hâwn ahar em avang in pawn thleng ka thlah a,a bike tinung in a tlanchhuak nghal a.



Inchhung a luh mai ka tum chuan chhak lam aṭang Scorpio dum nalh zet rawn tlan thla chuan ka mit ala khawp mai,hriatchhuah ka nei tlaia ka sut kha ani emle,kan inkawt a arawn din chiah phei chuan tlaia ka sut kha ani tih ka chiang lutuk ahma pawh ala rang nuai mai.



Motor aṭang chuan ka ṭhiannu Thanmawii arawn chhuak a,mak ti zetin kalo en tawp "tunge sawpa saw"Thanmawii lama kal hnaih pahin kati sep a,"ka thawhpuipa anih saw,lut ang hrilh tur che ka nei,"tih pahin min kai deuh sawk sawk mai.



Motor kha tlân nghal lo se chuan ka be ngei ngei ang mawle,"enge khatia i hmanhmawh vak a"inchhung kan luh veleh kati nghal a "Samu-a mi haw thla chiah kha,"atih chuan kabu nghut a.



"Awi ka hmu hreh lutuk a,chuvang ania a awm laia ka rawn chhuk duhloh,"atih chuan a chhan ka zawt vat a "hman zanah kan inhau a"atih chuan ka entawp,"khatiang khan awm suh englo a ṭhianpa kha hmelṭha ve deuh kha a boral a,ka phone ka nauten anlo khawih a,a status kha anlo nuih vak vak a min hau hrep alawm,"atih chuan ka nui hawk hawk mai Samu-a a thinchhe ropui sia a hau na dâwn lutuk ringawt.

[Ngaia]

Chapter-2
*Hruaizeli POV*
"Iho emai,a rilru a chhe lo a nangma tih anilo tih hrilh la adik vek mai dâwn alawm,mu ang thil i ei tawh êm"ka ti zung zung a."Eitawh e intih fai te ka duh roomah phei ang,"atih chuan engmah sawi tawh lemlo in roomah kan lut a.




Thanmawi-in "ka intifai lawk dawn ania,"bathroom a luh pahin ati lawng lawng a ka chhang tawh lemlo khuma Thanmawii phone nghawr dar dar ka hriat chuan kala vat a."Dr Zorinpuia"tih a screen ah a lang kalh mai.




A phone lâk pahin"hello"ka tive tawl a,"imu tawh em motor ah i rawmawl i theihnghilh a,"ati sup a aw lah chu amawi phian a,"Thanmawii a inbual lawk a,a ṭhiannu ka nia"ka tih chuan call a in cut zui hmak anih chu ava han sual ve mai mai tak.



A phone chu a dahna ngaiah dahsak lehin phone ka khawih san daih a,ahma chuan bialpa ka neive ṭhin mahse kan in ngeih lo lutuk a,bakah kan inhmuh tawh chuan kan inhauh reng ṭhin avang in kan inṭhen ta tawp kha ania.Tunah chuan ram dangah a awm tawh,kan inhaw lemlo bawk a min rawn biak leh zeuh aching.



Thanmawii bathroom aṭang arawn chhuah veleh,"i phone ari a"ka ti nghal a zawhna min zâwt lemlo.



Thanmawii a chauh deuh avâng in a muhîl nghal a,keipawh ka meng rei em em hranlo,zingah Thanmawii bawkin min kaitho a ka tho peihlo khawp mai."Ka kal angai ania nangpawh tho la intifai rawh"atih chuan peihlo deuhin ka tho a,ngatinge maw zing kan thawh hian mut a chhuah duh em em maile.




Thanmawii kal hnuah muangchang in ka intifai a,ka inhnawh puar leh tête hnuah ka insiam a,ka chhuah dawn ṭep ah pa Brandeda pawh arawn haw pa Branded-an "fimkhur rawh aw,kha khuai zuk hrep hnu i ang si kawng te kha ihmu theilo palh ange,"atih chuan choka darthlalang ah ka in en leh tête a,ka mit abui deuh tih bak sawisel na a awmlo.




Ka scooty in ka dawr lam bawk ka pan leh a,dawr nghak ṭha peih manglo in ka hawng ve tawp ania nurse te kha lo zir ve mai mai ila ṭha tur ania,mahse thisuk ka nei bawk sia engah mah ka tui bawk silo pasal hausa deuh ka zawng anga nimai,ho emai.



Dawr ka thlen chuan ṭhuthleng ah ka ṭhu hnawk mai,"miss Nene hei nimin lama receipt kha aw"ka nau pakhat in arawn tih chuan ka la vat a,miss min tih chhan pawh keiman miss min ti rawh u ka tih vâng ania,hna ka nei siloa ka hnuaia thawk tal te chuan miss min han tive hrim hrim teh se.




Customer an rawn luh chuan kalo ding vat a,nu la nuvalai tak mai hi arawn lût a a inchei dan aṭang reng reng chuan an hausa tih hai rual anilo."Kapi lo kal rawh englam nge iduh a"din pahin kalo ti vat a.




"Tulips lampang ka duh deuh a"atih chuan a awmna lamah ka hruai vat a,"kan lâk thar ania ala vul mawi asin aw,arim te hi atui ania"nui sângin kati a "anih hi min han pack sak teh u"atih chuan ka naute pack tîr tûrin ka ko vat a.



"Kapi chu ila nula hle mai,i bag te hi a chhuak thar ber ang kha animaw,avan nalh em em"ka tih chuan a bag chu a hmalam ah a ak a,"a mawi tak tak maw a chhuak thar ber ni e,ka fapa min leisak anih hi"ati a a hmelah pawh chuan a lawm zia ka hmu thei.




"I fapa chu a fel hle mai,nitin rawn kal ziah rawh aw"ka tih chuan a pangpar kan pack sak chu lâk pahin "kal ziah ang,dawr in nuam si"nuisâng in ati a,a chhuak zui nghal.



Receipt vel ka enfel mawlh mawlh a,"mi hausa nu chu ava buai awm ve"tih ri ah chuan ka hawichhuak vat, Samu-a alo ding reng "ilo vân kal fuh tak,Samu lo kal teh"ka tih chuan arawn ṭhu ve mai a.



"Sawi rawh"atih chuan ka thil tih lai ka dah a,din pahin "lo kal la"ka tih chuan minlo zui ve mai a,"khimi pangpar khi minlo lakthlak sak teh,a awmna a sang lutuk a"ka tih chuan ner nang nang chungin a ti veleh tho a.




"Kalo kal apiang hian min tirh na tur i zawng ziah mai,ka rawn kal tawhlo mai ang"atih chuan ka nuih tlawn ta ringawt a, Samu-a phei hnuah pawh dawrah kala awm ve ta reng a keimah anglo takin ka ṭhu rei ve phian mai.




"Dawr kan khar tawh mai dâwn ami,lo khâr leh mai ru aw ka ring che u ania,"inkhung ṭhat mawlh mawlh paha ka tih chuan an bu leh nghut tawh.



Ka scooty chahbi la chhuakin kan veng lamah bawk peihlo zetin ka inkhalh chhuak leh a, traffic ajam phei hi chuan thin arim ru ṭun zêl, ka hmaa motor awm ho hi ṭum chhiat vek ania ka chak ṭhin.




Kan in thleng dawn ṭep ah ka balance ka hlauh ta mai,chhak lam aṭang Truck lian arawn tlân bawk sia ka scooty nen ka tlu ta ṭhuai mai,ka ban a thip vawng vawng thei scooty chhe lutuk motor lian lah chu arawn tlân thla zel a,ading thei biklo aniang thawh ka tum lahin ka scooty in min delh tlat bawk sia.



Ka mit ka chhing tawp a,ṭawng mur mur ri ka hriat chuan ka meng diar diar a,"ehe!!keihi khawnge ka awm"ka ṭhuchhuak hluai a,ka zâng hawk mai ka hawikual thuak thuak chuan damdawiin ani tih ka hre thei.



"Fimkhur rawh tih i chhuah hma khan ka hrilh ka hrilh che kha,"pa Branded-an atih chuan ka nui seih a,"ka balance ka hlauh palh alawm"ka tisep ka ke lah chu an tuam var lûk mai bawk sia,ka kut pawh a pilh neng nung mai.




"Ipa arawn kal mek"atih leh phei chuan chhan ngaihna reng ka hre tawhlo,ka thiamloh ani em em siloa,"Lalhruaizeli enge i an"tih ri ah chuan ka hawichhuak a.



Ka duh theilo!!hepa hi Doctor maw lo ni a ahma ka sut pa bawk kha ani,"aw ka dam tawh"ka ti chhuak halh a,mak kati lutuk a hmel lah chu aṭha mai sia,a Doctor coat chu atân a an ṭhui bik ang maiin a inhmeh bik ngawih ngawih.




"Aṭhat chu idam zêl chuan i chhuak vat thei ang,"tih paha kal mai atum chu ka phal teuhlo"ana ana lutuk"ka tivak a.Midang ho pawh chuan min enṭhup mai"ka ke ana lutuk"pa Branded-a kut hmer pahin kati a,na lo mahse ahmel kala hmuchak miau sia.



"Kalo enchhin ange"Doctor pa chuan ati sup a,a aw dam ruih te chuan min va han fan hneh tak,pa Branded-a ka en chuan min eiloh hmel zetin ahmui ati sawi zeuh a,ka tider tih ahria ani chêk ang chu.




"I test result pawh a chhuak ṭep tawh ang,aruh a tliak em lo a aṭha leh vat mai ang,thil i eizawh ah damdawi i ei dawn nia"atih chuan kabu nghut a,ka kut pawh an tuam lian em em hranlo na chu Pante in an tuam a,ana aniang chu mahse keichuan na ka hre em em lo.




Doctor kal liam ta chu ui deuhin ka thlir zui vawng vawng a,"muṭha rawh i ring i herh leh palh ange, Doctor kha ilo beisei vel ange"pa Branded-an ka lu a min rawn nam pahin ati a,akut kalo bengthla sawk mai.




"Isual emai"tum barin kati a, doctor pa kha akal daih bawk sia ka mood a off vek mahse a kawr hmaa ahming inziak kha ka chhiar hman tho a,ka lawm tawk chuan ahming kha Zorinpuia maw,avan mawi chiang tak.



"Eitur ka zu la ang,lo chhuak bo lo la"pa Branded-an atih hnuah a kal zui nghal a,room chhungah keimah chiah ka awm bawk sia areh ka ti lutuk chu khum aṭang ka chhuk a,pa Branded-a thusawi ka zâwm leh thei talo.




Ka ke ka hmang ṭhat theih loh avang in ka khum bula tiang hawl tur an dah chu ka ban a,bai suih suih pahin room aṭang chuan ka chhuak a,"Mami khawnge ikal dâwn"doctor pakhat hian arawn ti a,a hmel pawh a chhe hranlo mahse Zorinpuia kha aṭha fe zawk.




"Ka chhuak harh lawk a,"ka ti ṭha ve mai a"kal duhna ineih chuan ka hruai thei reng che ania,ka buai loh lai tak"atih chuan ka hnial lemlo.




A hming te min hrilh a,afel phian mai "uHming kal duhna em em pawh ka neilo ania"ka tih chuan anui suk a,"ka hria alâwm damdawiin hi chu a ninawm ania,damlo tan phei chuan a ninawm leh zual ang"atih chuan ka nui ve seih a,mahse damdawiin hi kei chuan nuam kati lutuk Zorinpuia kha ka hmu leh chak,mahse ka zawt ngam chiah bawk siloa.



Ka phone arawn rik chuan ka ipte aṭang kala a,uHminga pawn min rawn pui vat"Lalhruaizel thu awihlo nu khawnge i awm,"pa Branded-an arawn tih chuan "ka room kawtah ka kal kual mai mai a,"ka tisep a.



"Ka rawn hruai dâwn miahlo che ania,rawn phei vat rawh"atih chuan hnial ngamna chi ani tawhlo tih hria in ka phei tur thu ka sawi a,"uHming kava let leh tawh ang,Papuia arawn let tawh a"ka tih chuan ka bânah arawn vuan vat a.




"Kalo hruai dâwn che mi"atih chuan ka hnial biklo,keimah a kal kala harsat deuh sia ka room thleng uHming-an min thlah a,pa Branded-a alo meng no lo khawp mai.



"Ilo thlah a kan va lawm ve doctor"pa Branded-an alo tivel ngei a,midang bulah hi chuan a dam thlup thlup thei mawle,ka bulah hi chuan a inla strict nge pawh ka hrethiamlo.




Doctor chhuah hnuah a thil rawn lei ho chu ka ei mial mial a,a ei tawh leh tawh loh pawh ka zâwt lemlo,"ipa arawn thleng ṭep hna ka nei sia,ipa in a awmpui ang che"ati sup a.



"I hmanhmawh viau chuan va kal mai rawh,i ding tlat a minti hmanhmawh"ka tih chuan ka khum bula chair ah arawn ṭhu a.



A phone arik vang nge rei pawh ṭhulo in ading leh nghal a,abuai thei lutuk hi chu keimah zawk hian kalo ning ṭhin,a hna hi thawk ve ila chuan ka bang daih tawh ang.



"Ipa arawn thleng chiah a,kava hruai lawk ange"atih hnuah a chhuak a,ka thil eizawh na ka khum bula dustbin a ka paih hnuah ka mu ṭha sat sat a,room kawngka arik rak chuan ka hawi vat.



"Awi bawihte"kanu in arawn ti nghal hluai a,kapa pawh a hmelah hlauhthâwnna ka hmu "ina viau em bawihte i kawilai nge na,"kapa in ati ve a.



"Ka na vaklo,ka ke leh kut hi animai"an hlauhthawn em avang in kati a,thaw huai hmel anpu mawl viau mah ila mihi an hmel aṭang leh an mitmeng aṭang hian an awmdan ka hrethiam thei lutuk.




"Scooty pawh khalh tawhlo la aṭha ang,"kapa in ati leh tawh "pa iti em em lutuk ka balance ka hlauh palh mai alawm,"ka tih chuan min chhang tawhlo.



"Zorini te anlo kal velo ami,"ka tih chuan in lamah kapi te nên an awm thu an sawi a,"inva lo thleng hma ve,"ka tileh a.



Kanu in "ipa a hmanhmawh em alawm,a khalh chak bawk sia"atih chuan ka nui ve hak hak mai,kanu te lo thleng chu ka thla amuang huai mai,Papuia nên kan in ngeihlo ve ropui sia kan in khak deuh khâr khâr reng kha hreawm kati.




"Engtikah nge i chhuah theih ang,"kanu in atih chuan ka hriatloh thu ka sawi a,"i kut leh ke hi dam se i chhuak thei mai ang"kapa in alo tive leh a.



Kapa a haw thla a,kanu in min awmpui dawn anih hmel zanah kanu ṭhuthleng ah amu a,a chau deuh aniang amu hma khawp mai a,mutna ṭhuthleng asei hlauh zawk a mut a harsat em em ka ringlo.




Ka mu theilo chu ka inlet ka inlet mai,Thanmawii lah in ka Message a reply thei bawk silo,a duty zan ani tih ka hre ve kiau a minlo kan ve te ka rin nen.




Mut ka tum ngial pawn ka mu thei ṭhaklo,khum aṭang tho chhuak in room pâwnah ka chhuak a,areh khawp mai Thanmawii ka hmuh mial ringin a duty na lamah ka phei a.




"Khawnge i kal dawn"ka hnunglam aṭang aw thum deuhin atih chuan ka phu zawk mai,ka hnunglam ka hawi zawk a ka rinloh lutuk in Zorinpuia kha alo ni"a ninawm lutuk a,"ka tisep a sawi tûr ka hrelo em ani.




"Eng maw ninawm"atih leh sup a,"mut reng a ninawm kati"ka tih chuan anui suk mai"damlo inia lawm,damlo chu mut mai mai tur"ati leh a ka rinai in aṭawng tam,min chhang zel peih.



Kan hma zâwna railing chu ahmer a,glass aṭang chuan pawn lama motor in tlân pel fua fua kan thlir reng a,"va mu rawh damlo chu mut tur"atih chuan ka ner nawk mai.



"In damdawi inah hian damlo engtik lai pawn in muttîr ṭhin ami,"ka tih chuan "an duh leh duh loh"ati hmuk a,a lungawi lo deuh nge mawni.




"I motor kha aṭha tawh em"ka tih chuan abu nghut a,"pawisa lah iduh siloa"ka tih chuan min chhang tawhlo.



"Va let leh tawh rawh"tih paha kal mai atum chuan ka kohna avâng in arawn hawi let a,"minlo thlah thei angem"ka tih chuan aner nawk mai,"mahni a ilo kal theih chuan mahni in ilet leh thei ang chu"atih chuan ka nui hak a,step a chho ka tum chiah chu ka ke rawn na zâwk avâng chuan ka balance ka hlauh a,hnunglam ah ka awn riai riai mai.


Hemi story hi in duhzawng anih chuan inlo sawi dawn nia aw..a nih loh chuan kan delete anga adang kan ziak dâwn nia


Show post links
Top

[Ngaia]

Chapter-3
Hruaizeli POV
Step-ah chuan ka tluk ringin ka mit ka chhing deuh tawp a,mahse ka kawngah ban tha chak zetin min rawn pawt let dawrh mai."Fimkhur rawh"ati thum dut a ka thinphu arang ngei mai hepa min khawihna vang nge,ka hlauh vâng pawh ka hrelo.




A kal liam hnuah keipawh ka room lamah ka let leh a,kanu pawh alo la muttui khawp mai,keipawh khumah lawn in ka mu ve nghal a.




"A vak heh em alawm,adam har ang"tih ri ah chuan ka meng siar siar a, Zorinpuia kha alo awm reng kanu bulah chuan anui sang a mahse a vak heh emai te minti in ka hria.




Ka ke vel a en thuak thuak a,"eitur ka zu lam lawk ang aw"kanu in atih chuan kalo bu nghut mai.Zorinpuia chuan ka ban vel arawn en leh a,kan in hnaih lutuk vang nge ka thaw ṭha ngam lo rere.




"Thil ei ṭha la,nizan anga tlaiah khan chhuak tawhlo bawk la idam vat mai ang,"atih chuan ka nui suk a min ngaihtuah ve tak tak amawni,"ka kut leh ka ke nilo pawh na ka nei ania"ka tih chuan min rawn en zawk a.




"I englai nge na,"ati thum leh dut mai"ka rilru ana,"ka tih chuan a thil ziah lai dahin a coat var ipte ah akut a zen lût a."Rilru na damdawi kan kawllo a, Nachhâwkna i ei mai dâwn ami"a mitko san ak in ati a "doctor inia min chawh tur i hre zawk ang chu,"ka tih chuan anui ve suk mai.




"In lamah pawh in duh chuan in in enkawl thei tawh ang,na em em inei tawh lemlo a"atih chuan ka duh teuhlo mai."Kala damlo na kala ngah lutuk"tih pahin puan ka sin ṭha a.




"In chhuah duh leh duh loh chu in thu thu,"a tih hnuah a chhuak a kanu pawh arawn lût ve chiah,"chhuah hun tur a sawi em"atih chuan kalu ka thing a.




"Hei lo ei rawh aw,nangmah in ilo awm thei ang tiro ka zu intifai ve lawk duh a,"atih chuan kabu nghut a "zu inthlak rawh ka ṭhat tawh em hi"ka tih chuan ka lu ah arawn tuai zeuh a."Lo chhuak suh aw"atih chuan kabu nghut mai.




Ka khum bul dawhkan a phone ri ka hriat chuan ka envat a,mahse ka phone ani hauhlo kanu phone pawh ani chuanglo,phone chu ka la kang a wallpaper ah doctor Zorini kha alang kulh mai.




Hlim zetin a phone chu hâwn ka tum a mahse password a awm tlat, camera ah chuan ka lut a thla te ka la ta vel mai mai hmu se chuan a lungawi lo ve ngawt ang.




Ka room kawngka arawn rik chuan rang zetin dawhkan ah ka dah a,ka hlauh ang ngeiin Zorinpuia arawn lût,"ka phone ka theihnghilh em"atih chuan a phone dahna ka melh zeuh a.




A phone alak hnu a chhuah leh mai atum chuan "Zorinpui"ka tih avang in arawn hawi let a,"ka kut hi tukin zing chu ana riau a,kanu a haw thla lawk a thil hi ka ei theilo a,"ka tih chuan a kut kuangkuah chungin min melh run mai.




"Thil i ei theilo chu engtin nge ka tih anga,ka tan buaina a awm loh chu"atih chuan ka nui seih a,"doctor inia i damlo enkawl lai te chu ipui tur alawm,"ka tih chuan ka awmna lamah arawn phei a,"ang rawh"atih chuan mak ti zetin ka en a.



"Enge itih dâwn"ka tisep a,"barh iduh ani lâwm ni ang ta si che,"atih chuan nui hak hak in ka ang a,a chezia chu a dam thlup ang lawi a.



"Nene"kawngka na zeta rawn in nam hawng pahin ka ṭhiannu Thanmawi-in arawn ti a.Doctor Zorinpuia pawh ading zawk mai,"ngatinge vak vak nge"ka tih chuan nui hak hak chungin arawn phei a.



"Zonrina chu hetah ilo awm daih a,"atih chuan Zorina pawh abu nghut mai"irawn kal chu ava tih zia ve,kha i ṭhiannu hi pêk chhunzawm rawh,"atih hnuah Zorina chu a chhuak daih.



"Ilo va kal timing lo tak,"Thanmawii chum pawp pahin kati a,"ehh nang hi Zorina kha i star chiang mai",atih chuan ka sen tan tân in ka hria.



"A hmeichhe duh zâwng i hria em,"ka tih chuan a ngawih vang vang hnuah "hmeichhe cute lampang,amah zâr buai hneh deuh ti chung chung ang kha aduh,"atih chuan lawm zetin ka nui var var mai.



"I zâr buai hneh viau chuan a hnar reng bik theilo ang che,"atih chuan kabu nghut Thanmawi-in"kalo barh dâwn che ami"atih chuan a ngaihloh thuin kalo chhang a.



Ka kut pawh ana tak tak lo,Zorina kha tih buai ka chak ve hrim hrim vang ania,"ka zu haw lawk ang zanin ka Night zan ani dawnlo a,Zorina kha chu a Night ang buaina i neih chuan i call mai dâwn nia a number ka pe ang che,"atih chuan ka phur leh sarh tawh.



Thanmawi-in Doctor Zorina number min pêk hnuah "kava phei phawt ange,lo dam vat la"atih chuan ka nui var var mai.



Doctor Zorina hmeichhe duh chi ka hre tawh a,hma lâk vat angai tihna animai kapa room a arawn luh chuan kalo envat a,"ka fanu hi enge alo an a"atih chuan ka ṭhat tawh thuin kalo chhang vat.



"Inu a chau deuh a,keiman kalo thlâk ang"atih chuan ka zun a chhuah avâng in khum aṭang ka chhuk a,kapa in minlo pui vat "pa ka makeup leh thawmhnaw neih ṭhat ho kha min zu lâk thei angem,ka intihfai chhungin"ka tih chuan ka hau in min en a.



"Ngatan nge makeup itih"atih nuih tlawn pahin"pa nula te kani ve a,ka hmel adang thei lutuk a mawh"ka tih chuan "awle,fel deuhin lo awm la aw thil ti chhe lo la"atih chuan ka hmui kati pawrh zeuh "pa naupang ka nih tawh loh hi,kal vat zawk rawh"ka tisep a,nui hauh huah chungin a kal ve mai.



Zorinpuia POV
"I chhuk tawh dawn ami"ka hma zâwna Thanmawii insiam mawlh mawlh en pahin kati a,"aw kal mai ang"atih chuan kabu nghut,a ṭhiannu te kha enkawl a hahthlâk zêk a ka hmeichhe nin zawng tak ani, hmeichhia mi ti chung chung hi ka ngaina lo.



"Zorin naktuk chu aw,minlo lam phei dâwn nia i hman chuan"Thanmawi-in atih chuan ka hnial lemlo,henu mizia zawiawi lutuk te hi ka ngaina reuh takzet, hmeichhe dang anglo takin a ṭawng tamlo a a hun leh ahmun ahria.



Ka office lamah let lehin chair ah chuan ka ṭhu thla hnawk a, damdawiin enkawl hi a hahthlâk khawp mai damlo chi hrang hrang an awm a, mitthi pawh nitin an awm ve zel a ICU lampang a phei hi chuan thawk a ipik ngawih ngawih.



Ka phone dawhkan a nghawr dar dar ka hmuh chuan ka ban vat a,kanu alo ni "Bawiha iṭha em,"ka lak rualin arawn ti nghal a kanu mi ngaihtuah thei lutuk hi chu chauh nen chuan ka ning lek lek ṭhin.



"Ka ṭha nu min ngaihtuah thei lutuk naupang ka nih tawh loh hi,"ka tisup a kanu hi awka vin in vawikhat mah kala be ngai hauhlo,"a ṭhat chu damdawiin lamah in awm chawt reng a,in buai viau emni ipi pawn angai ve tawh em em che a,"atih chuan ka nui suk mai.



"Ka rawn haw dawn alâwm,kapi chuan damdawi a eiṭha em"ka tih chuan a eiṭhat thuin min chhang a, kapa erawh inlam ah a awmlo anih hmel, hna thil ah a zin chhuak ve reng mai kanu te lunglen lutuk pawh hi a awmlo hranlo.



Ka unau dangte inah an awm hman manglo a, kapa pawh ani tho keilah damdawiin lamah ka tap chawt bawk sia,unau pathum kan ni a mipa pahnih leh hmeichhia pakhat ka nau mipa erawh in kapa hna lamah apui nileng ṭhin a,kan naupang ber hi hmeichhia niin school ah teacher in a thawk thung.



Kanu nên kan inbiak zawh hnuah ward fan kual kala ngaih avâng in ka tho vat a,ka chau ve thei khawp mai mahse ka hnathawh hi anuam kati miau a hah thei kani lo.



Ka coat chu la in ka ha sawk sawk a,room aṭang a ka chhuah chuan nurse in minlo zui vat,"sir admit thar kan ngah lutuk a vawiin chu kan buai nileng maithei"nurse in atih chuan lehkha aken chu ka lâksak a,ka en chuan a sawidik admit thar an tam khawp mai natna chi hrang hrang nei anni bawk.



Hruaizeli POV
"Avan boring tak mahse Zorina ka hmu chak miau sia,kala chhuak phal bawk siloa"ka sam hruk mawlh mawlh pahin kati a,kapa in min ngaihsak lo khawp mai makeup lah chu arawn keng hnem mai bawk sia.



Ka inchei hliau hliau hnua ka in en chuan ṭha ka inti ve lutuk,damlo pawh ka ang tawhlo Zorinpuia lo kal hun nghah tawp ani tawh mai.



Ka phone la in Samu-a ka call a,"hey misualpa ngatinge minlo kan itum miahlo a,"a lâk rualin kati nghal tawl a.



"Tlai lamah rawn kal ka tum reng alawm,kanla buai deuh a"tih pahin an dawr arawn ti lang deuh kher,"ka dawr kha i en zeuh zeuh em,"ka tisep a "en e ka dawr ai pawn ka en zing zâwk ang",atih chuan ka awilo lutuk chu ka nui hak hak mai.



Samu-a nên kan inbiak zawh hnuah ka ke an tuamna chu ka en chhin mai mai a, damdawiin chu boring kati takzet,Zorina lah arawn kal har ropui si"ana lutuk pa ka ke hi ana lutuk, doctor va koh teh"ka tih chuan hmanhmawh deuhin min rawn pan a.



"Ana viau em bawihte"atih chuan kabu nghut, Doctor Zorina chuan min ning ve viau ang,kapa kal hnuah ka ke dah dan ka siam ṭha a,na deuh anga lan ka duh ani.



Room kawngka arawn inhawng a, doctor leh nurse an rawn lut a mahse Zorinpuia ani hauhlo, Doctor Hminga zawk alo ni lungawi lo viau mah ila ka ke chu ka tina der ta tho a.



"A tuamna hi kan thlâk dâwn ange"tih pahin a phelh zui mawlh mawlh mai,a mi khawih na lah chu a dam dap a,uHminga pawh hi mifel tak ani ngei ang Zorinpuia leh uHminga hi an inrual vel ka ring mahse Zorina chu ka u lemlo.



Ka kut a thlâk dâwn chuan parda azar a,uHminga nen chiah kan awm chu anuamlo ve det,ka kut tuamna thlâk dawn hian ka kawr phelh zêl angai bawk sia "anuamlo iti em,ka mit ka chhing thei reng ania"atih chuan ka nui ringawt.



Ka kut tuamna a thlâk lai chuan kalo enve reng a,Zorinpuia ni zawk se kati ngawih ngawih mahse ka sawi ngam bawk siloa,"i kut pawh aṭha chak tawh lutuk alâwm i chhuak har tawhlo ang"atih chuan zalo deuhin ka nui a.



Nileng deuh thaw in phone ka khawih ani ringawt,tih tur a awmlo ropui sia kapa lah han titi pui chiam dâwn in kan titi a in rual khai bawk silo,"pa ka chhuak harh lawk dawn ania"ka tih chuan a phal ve mai,kanu anglo takin kapa hi chuan ka dil apiang a phal zêl a hei vang te pawh hi aniang kapa ka ngaina zâwk.



Ka kut leh ke na vak tawhlo mahse tiang chu kala hawl tho a,pawn ka chhuak chiah chu ka dam sawng sawng nimaiin ka hria,ka phone rawn ri ral ral ka hriat chuan kala vat a.



"Vak heh nu,khawnge ilo awm leh hman a kan man awmlo lutuk mai,"Samu-an arawn ti leh khur khur tawh,hepa thinchhe lutuk hi chu camp ah te lût se aṭhat phah deuh ka ring.



"Pâwnah ka chhuak harh lawk alawm,i rawn kal har ropui si min rawn hruai rawh,rawn chhuak la min hmu nghal animai,"ka tih hnuah call ka dah a minlo zawng ve tawh mai rawh se.



"Mami puih i ngai em"ka hmaah mipa sa ṭha nelh nawlh tak in rawn din pahin ati hluai a,"ngailo e ka ṭhianpa ka nghâk a"ka tih chuan anui ve suk mai,chuan doctor Zorina nen khan an in ang hle bawk,mahse Zorina tluk loh na lai ala nei tho.



"Anih chuan ka luhsan ang che"atih chuan nui sang in ka bu nghut a,Samu-a pawh arawn thleng ve chiah "ehe iva han inhmeh ve"nuih hawk hawk pahin ati a,ka tiang hawl lai chuan a ngalah ka vaw chawrh mai.



"Ana Lalhruaizel"a ngal tuai vut vut pahin ati hluai mai,kalo nui ve hak thung "lut ang mawl lutuk min nuih vel anih kha"ka tih chuan min chhang tawhlo, damdawiin chhûngah bawk kan inkuah lût a.



Ka room kan thlen dawn ṭep ah Doctor Zorinpuia leh nichina ka hmuh pa nên khân kan intawk hlawl mai,pakhat pa chuan min nuih sang a Zorinpuia chu atum leh hmak tawh,a hmel hi atum hmel ve hrim hrim nge pawh ka hrelo.



"I ṭhianpa chu i nghak chhuak thei maw"pakhat chuan arawn ti a,kalo bu ngut mai Samu-a chuan "kanva phei ange,"ati a keipawn ka hnial biklo a ṭhianpa nge a unaupa zawk ka hrelo an in ang sia a unaupa amawni.Khapa kha awmlo se chuan Zorina kha ka be leh ngei ngei ang.



Ka room kan thlen veleh khumah bawk kamu leh a, Samu-an ka hmaah eitur seafood vel arawn dah chuan ka meng phâwk khawp mai,ka chah tawp siloa lui lam chawhmeh ka ngaina tih ahre ve kiau a,mahse chah loh chuan min rawn lei ngai manglo ania.



"I piangthar ami"ka tih chuan min melh run mai,"i ei duhloh chuan ka hâwn let leh thei ania"ati leh hmuk tawh,a rilru têt zia hi chu aw mahse a thil phal bawk sia.



"Zanin chu keiman kalo awmpui dawn ami pa Remruat,"Samu-an atih chuan phur deuhin ka hawichhuak a,"a pawi hleinem Aizawl kan rawn kal lai law law hian tih fel ngai atam sia,ka zu tifel ange i hreh em Bawihte,"atih chuan kalu ka thing a.



"Hrelo e,pa zu kal rawh i chau ang,zu hahdam rawh"ka tih chuan a bag la in a chhuak nghal a,"awi ka van lawm tak kapa nen chiah chuan a boring lutuk a,"ka tih chuan anui suk a "Thanmawii a duty zan alo nilo kher bawk sia"ka tih chuan ka khum kal hualin ṭhuthleng seiah aṭhu a.



"Thanmawii ve sek lah kha,"ati hluk mai intih thiamloh na anlo nei leh tawh amawni,hemi te pahnih in ngeihlo lutuk hi chu a buaithlâk.



"Ngatinge Thanmawii chu"ka tih chuan a phone dahin minlo en a,"nakinah ila hre mai ang ring vak suh ang che"atih chuan a ngaihna ka hrelo takzet.


Show post links
Top

[Ngaia]

Chapter-4
Hruaizeli POV
Kar thum ṭha zen zawn damdawiin kan awm hnuah ka chhuak ve hram a,chhuak chaklo viau mah ila doctor in chhuak tûrin min nawr lui miau sia,i dam tawh alawm i chhuah loh chuan ka pet chhuak tho ang che min ti kha ania chhuah loh na chi ani tawhlo hrim hrim.




Ka kut leh ka ke pawh ana em em hran tawhlo a,mahse scooty ka khalh anla phallo thung zingah pa Branded-an min thlah loh leh taxi in ka kal mai ṭhin."Tluang deuhin in kal dawn nia aw,in thlen veleh min lo call u la"kanu te kan khaw lama haw tur zing dar rukah sumo counter ah kan thlah a,cham reilo viau mahse ka ngai hman tho an haw tur chu ka ngui ve ruih mai.




"Ṭha deuhin lo awm rawh aw bawihte,i Papuia thu lo awila"kanu in min rawn kuah pahin ati a."Imm nu lo zin leh vat rawh u aw"ka tih chuan abu ve nghut a.




Kanu te kal liam thleng kan thlir zui vawng vawng a,"phei ang le i dawrah ka thlah nghal dawn che ania"pa Branded-an atih chuan a motor awmna lamah kan inzui phei a.




"Naupang inih tawh loh kha,ṭap suh ang che ka thlem peihlo che ania"pa Branded-an bawkin fiamthu in ati sup a,zalo deuhin kalo ṭhen ve sak sak mai.




Dawr ka kal hma bawk sia ka naute pawh tumah an rawn la thleng lo, Samu-a dawr lam ka hawi chuan anlo inhawng leh der tawh,chaw kala ei bawk siloa ka ril aṭam deuh avâng in dawrah chuan ka phei a.




Dawr a thawk te chuan minlo hre tawh bawk a,minlo be nghal siam siam mai"Samu-a arawn la kallo ami"ka tih chuan arawn la kalloh thu in min chhang a.



Zing thawh a hrelo ve ropui sia an dawr aṭang an in a in hlat vaklo bawk nen,rawn kal tlai mahse a awm tho,ka thil order nghah pahin phone kalo khawih mai mai a,Thanmawii message alo awm va va mai.




"Zorinpuia khan arawn bia che em"tih te mai hi alo ni,min biak luh thu leh ka number pawh a neihloh thu in ka chhang a,a seen tawhlo.




Ka thil chah alo thlen chuan ka ei zui mawlh mawlh a,"henu hi kava hre teuh ve"tih ri ah chuan ka hawi chhuak vat a,"awi i hmelchhe mai anih chu,iva rawn kal har ve"ka kut hruk fai mawlh mawlh pahin kati a, Samu-a a ner nak mai.




"Vawikhat irawn kal hma ve vang mai a,"atih chuan kalo nui hak a"ka thil ei man hi chu ka ba mai ang aw,"ka phone dawhkan a ka dah lâk pahin dawr aṭang ka tlanchhuak a."I ba ral leh ṭhak dawn ami,bat kan phal tawhlo ania"Samu-an atih ri pawh chu ka ngaihsak tawhlo.



Dawr chhûng a ka luh hnu rei vaklo ah ka naute ho an rawn thleng khawm nak nak a,"miss naktuk hi kanu thih cham ania,chawlh kala thei angem"pakhat in arawn tih chuan ka en vang vang a,a hmel te chu ka khawngaih reuh khawp mai.



"Lo ṭhu phawt teh,"ka bula ṭhutna ben thak thak paha ka tih chuan arawn ṭhu ve mai a,"chawlh chu ila dâwn nia a thlan chei ṭhat te intum em"ka tih chuan abu nghut a.



"Anih chuan kha heihi la rawh,inu thlan chei nan chuan in unau in inhmang dâwn nia"ka tih chuan min rawn en zawk a.



"Mahse miss hei chu atam mah mah,"tih paha min rawn pêk let atum chuan kalo hnar vat a,anu leh pa in an boral san tawh a a naute enkawl tur pathum lai anei tih ka hreve miau a,chhûng leh khat hnaivai an neih awm ka hre bawk siloa ,ka khawngaih takzet ka chanah ka dah a ana ka tih pui lutuk.



"Ka lawme aw Miss,ka chunga i ṭhatna hi kala rul let ve ngei ang che"mittui tling pamin ati a,kalo nui suk mai ka hnuaia thawk an nih avâng ringawt in ka en hniam phah lo a,mahse ka be siam siam ngai lemlo thung mahni tlei tlei in kan tlei animai.



Kawngka arawn rik rek chuan ka hawichhuak vat a,hmanni a lo kal nu bawk kha ani"kapi lo kal rawh englam nge iduh ang,"kalo tivat a.



"A ngai ang bawk kha kalo duh ang aw"atih chuan ka naute ka signal vat a,an che ve nghal sawk sawk mai "kapi rawn kal ziah rawh aw,irawn kal ngun phei chuan free Gift te pawh a awm ṭhin ania,ehe!i kawr chu a thar ami avan mawi lehpek em em,"ka tih chuan anui veleh var var tawh.



"Animo ka van lawm thei tak,dawr in nuam si"tih pahin ka lamah arawn phei a"bawihi inlam ah in deliver thei em",atih chuan phur zetin kan theih thu in kalo chhang vat a.



"Avan ṭha lehzêl ve,naktuk ah ka fapa arawn haw dawn a pangpar tam deuh inchhung ah hung ka duh dawn a,zing lamah in rawn deliver thei angem"atih chuan a duh zâwng kalo zawt vat a.



Nileng deuh thaw in pangpar kan thlang ani ringawt,pangpar chi hrang hrang a thlang a ka hah takzet tawh,a duh ho keiin kalo ziak thla zel a ka naute pawh an buai khawp mai.



"Khang zawng kha ni rawh se,"atih chuan ṭhuthleng ah ka ṭhu hnawk mai,"naktuk ah chuan rawn dah hma deuh ula aw"atih hnuah a chhuak a,ka chau vek thei ka mut te a chhuak vêkin ka hria.



"Ka haw hma dâwn ania,ka haw na tur a hla si dawr lo khâr leh mai ru aw,"ka naute titi na bula phei paha ka tih chuan an rawn ding ve vat a,"awle miss kanlo khâr mai dâwn nia"an tih chuan nui hak pahin ka chhuak a.



Durtlang lama chho tûr taxi an vang thei sia,hman chho tawp angai ang taxi stand lam panin keimah in ka kal chho hnak hnak a,ka scooty ka ngai khawp mai.



"Kapu i hman theih em"taxi ka hmuh hmasak ber chu phar dingin ka zawt a,a ding lai avâng em ani"khawilai ah nge"atih chuan "durtlang"kalo tivat,"lo chuang rawh"atih chuan ka lut vat a mahse mipa pakhat alo ṭhu ve run mai.



"In kal duhna lam a in ang tho a,in in chawi sem mai dâwn em ni"taxi driver in atih chuan ka bula ṭhu pa nên chuan kan mit ati tawng chat mai.Hepa hi ka hmu tawh chiang alawm chiang deuhin ka enṭha leh ngat a,Durtlang hospital a ka hmuh pa ngei kha ani a khuavang awmna ṭang ka hre nghal thei,ka en reng vang nge anui suk a.



"In chawi sem angailo keiman kalo pe mai ang,"atih chuan kalo hnial ve vat a,"i hming min hrilh la atawk animai,"atih chuan zaklo ti lutuk in ka melh tawp.



"Ka chuan man te chu kape dawn reng alawm,khatiang a itih vel kha a ngailo,i hausa viau pawh ani mahna mahse hmelhriat loh ka hming ka hrilh mai mai ngailo."Ka tih chuan anui ve suk mai.



Kan ven kan thlen veleh chhuk vatin taxi fare chu kape a,driver chuan mak atih hmel em em leh nghal a"Mami i ṭhianpa khan minpe tawh alawm,"ka bula rawn ding pa kawh zeuh pahin ati a pawisa chu min rawn pe let leh nghal zât a.



"Pawisa ka ui ui nen chutia i pêk chak viau leh pêla animai alawm,ka hming chu Nene-i"tih paha kal mai ka tum chuan ka kutah arawn vuan a.



"Nene kan inhmuh leh vat ka beisei,"nuih suk pahin ati a eilo zetin ka hmui ka ti pawrh tan mai,"min haw hle khan ka hre sia,ngatinge min rawn zui leh si"ding dat paha atih chuan ka thinrim leh tawh khawp mai.



"Aw kan kalna tur a in ang animai alawm,"rum zeta melh pahin kati a ka period a hnai aniang ka thinchhe emai,"awle awle kal hmasa rawh"atih chuan ka chhang tawhlo.



Kan in ka thlen veleh ka bag ṭhuthleng ah dahin ka mu thla hnawk a,ka ang leh nghal buan buan mai"a ve vak vak ṭhin a,ang ve vak vak ṭhin suh ite si pum hmawm tham lek inih kha tumah i cho tawk an awmlo,"pa Branded-an atih chuan ka ṭah a chhuak deuh tlat.



Ka bag leh ka phone la in roomah ka lut tau hmak hmak a,ka period dawn mood hi chu ka van ning thei tak,ka inbual tur ka phone arawn rik avâng in ka la leh rih a,kapa alo ni.



"Bawihte kan thleng tawh aw,"zang khai vah hian ati a "awle keipawh ka inbual dâwn bye aw pa,"ti sawk sawk in call ka dah a tui vâwt ser sâwr a ka inphuh tîr chuan ka dam sawng sawng nimaiin ka inhria.



"Nene i ṭhiante an rawn kal ania,inbual vat rawh"pa Branded-an bathroom kawngka rawn chum dawt dawt paha atih chuan ka chhuak vat a.



"Tute nge a"ka tih chuan pa Branded-an "ka hrelo"ati sup a,room aṭang a chhuak zui nghal ka thawmhnaw ka hak hnua ka chhuah chuan ka ding dat mai .



"Ehe!!Lalrinpui"tih pahin ka tlân phei a,ka college kal pui ṭhin te anlo ni reng,phai lamah thil zir turin an kal kha ania.



"Engmah min hrilh lo a"ka tih chuan "hrilh na hun pawh an awmlo,kan rawn haw na ala reilo lutuk a,kan awm ve reng tawh ang"an tih chuan ka hlim takzet,Thanmawii lah a buai thei sia ṭhian kawm tur ka nei leh dâwn a ka hlim em ani.



"Thanmawii a duty em,"Saipui-an atih chuan ka bu nghut a,Thanmawii hi college kan kal lai aṭang Saipuia hian a star ṭhin a mahse anni lemlo aniang,a duh tih chu Thanmawii pawn a hre tawh.



"Kan han kal mai mai dâwn ami,Thanmawii i hmu chak ang"Saipuia chhaih zeuh paha ka tih chuan midang anlo nui hak hak a.



Damdawiin lam panin college kan kal ho ṭhin lai ang bawkin kan inzui chho a,Lalrinpuii nen kan inkawp leh chawt tawh kan ṭhian ho a kan awm lai chuan Thanmawii nên hetiang em em hian kan inkawm lo,Rinpuii nên hian kan inkawm nasa zawk a mahse phai lamah an kal daih tâk avâng khân kan inbe zui talo kha ania.



"Thanmawii chu call chhin la,"an tih chuan ka call ve vat a ka rinai in ala rang,"Thanmawi lo chhuak lawk teh i buai loh chuan hmuh tir tur che ka nei a,"ka tih chuan an buailoh lai anih thu leh arawn chhuah vat tur thu asawi a.



Kan ṭhian ho in pâwnah Thanmawii chu kanlo nghak deuh reng a,arei reuh khawp mai "ehe!!"Thanmawii pawh chuan arawn ti hluai a,a hlim zia chu a thup senglo.



"Enge awmzia"ati sep a,mak ati ve ngang aniang damdawiin aṭang a rawn chhuak chuan ka mit ala daih thung,"lo awm lawk rawh u aw"ka tih chuan min ngaihsak loh em avang in ka phei a.



"Hey Zorin idam maw"nui Sanga ka tih chuan min rawn en a,"kan inhre ngai emni"atih chuan ka nui tawp riai riai mai,"Thanmawii ṭhiannu kha ka nia"din ṭhat pahin kati a.



An buailoh lai tak aniang, doctor leh nurse an chhuak nasa emai,khua a thim thet thet tawh bawk sia"ka hre ngai hauhlo che"tih pahin min rawn kal pêl a,arim lah chu atui phian zui a.


"Hmm nakinah chuan minla vei ngawih ngawih ang,"tih paha kal mai ka tum chuan ka bânah rawn vuanin a lamah min pawt hnai dawrh mai,"che tawh suh"atih chuan ka tawp ve hmak a.



"Oh doctor Zorina chu kan va inhmu khat ve,"hmeichhia ngo vur mai hian kan lama rawn phei pahin ati a,a hmel chu aṭha teh ual lo keiai pawn a hmelṭha lo zawk.



"Dam e,kan buai deuh a kanva phei phawt ange kal ila ka hmangaih,"arawn tih chuan ka nui ver ver mai,a bialnu hlui nge anih a tunge anih chu hrelo mah ila chutiang tala min hmang ṭangkai chu ka lawm tho.



A kawngah kuah let ve pahin inti neitu zetin chunu chu ka melh a,a hmel hmuh anuam lemlo khawp mai,kan kalsawn chiah tih ah Zorina chuan min thlah a keipawn kati lui biklo.



"Ikut leh ke ala dam chian loh kha,inah zu mu mai mai rawh"atih hnuah akal zui nal nal a ka thlir zui vawng vawng ringawt,Zorinpuia ang em em a mipa duh hi kala nei ngailo,chuan min hrelo ati vel a min hre reng sia.



"Nene rawn phei rawh,"ka ṭhian ten an rawn tih lauh lauh chuan Zorinpuia lam hawi leh zeuhin ka nui seih a,"Thanmawii akal tawh ami"ka tih chuan an bu nghut.



"Papuia a chhuak daih dâwn a,chaw lo ei ula"ka tih chuan min hnial lo khawp mai,ka ṭhian te hi chu chaw ei a sâwm an nuam ve em asin.



Inchhung a kan luh veleh choka ah ka phei nghal a,cooker ka en chuan chaw alo awm hauhlo,"ehe henu chaw ei a min sâwm ve hi enge kan hmeh dâwn"Rinpui-in ati a.


"Ala hma tho alawm,riak nghal daih ula"ka tih chuan min lo hnial vat riah em chu an duh biklo aniang,eitur vel kan siam ho sawk sawk a ahma ang maiin kan nui leh uar uar tawh,anuam kati takzet.



"Doctor Zorina khan i chanchin min zâwt ve teh mial a,"Thanmawii Message ka hmuh chuan ka insum hmanlo ṭep ani,"animo engtin nge asawi a"tiin ka thawn let a Thanmawii call arawn lût nghal zât.



"In awmna leh ikum zât vel te min zâwt a,min zâwt hnem mai i chanchin chi hrang hrang"atih chuan ka hlim lutuk ringawt,rei deuh kan inbia a ka ṭhiante pawh thil eizawh ah an haw a,keipawh ka meng rei lemlo naktuk zing thawh hma angaih dawn avâng in hma tawkah alarm ka set a.



Zing ka tho chu ka nung leh sarh tawh,nimin vang nge dawr lama kal pawh ka phur em em a,ka insiam hma hle bawk,taxi in kan dawr thleng ka kal a ka naute pawh nimin lamah kal hma tura ka tih avang in anlo thleng vek tawh.



"Dawr ah aṭhen inlo awm anga,Malawm-a nên hian pangpar chu kan va pe ang"ka tih chuan an bu nghut a,nimin lama a pangpar duh vel asawi chu motor ah kan hlang lut mawlh mawlh a,atam khawp mai.



Address min pek kan thlen veleh kan chhuk vat a,door Bell ka hmeh rik ral ral chuan nimin a kan dawr a rawn kal nu ngei khân arawn hawng a,anui leh sang tawh.


"Lo lût rawh u,"atih chuan pangpar ho chu kanla lût zung zung chutah inchhung a thlalak intar chuan ka mit ala deuh tlat,pan hnaiin ka en a an chhungkaw thlalak ni ngei tûr hi bangah a intar a,nimin a taxi a ka chuanpui pa leh Zorina chuan ka mit ala khawp mai,unau maw anlo nih a chuan tûna ka awmna hi Zorinpuia te in maw,chuan Zorina nu tihna emni avan mak em em.




Tunlai kan in sak kan buai deuh a,kar thar aṭang chuan ka rawn tisei tawh ang aw chuan ka rawn dah hma tawh bawk ang aw,minlo hrethiam hrâm hrâm ru


Show post links
Top

[Ngaia]

Chapter-5
Hruaizeli POV
"Kan chhûngkua anih ve kha,"ka bula rawn din pahin Zorina nu chuan arawn tisep a,kalo nui seih ringawt Zorinpuia nu anih chuan hma lâk vat angai anih chu.



"Kanu pangpar ho hi mawi iti em,"Zorina nu chuan wheelchairs a ṭhu tar lam ve tawh tak pan phei pahin ati lang lang a.Zorina pi tihna anih chu "kan va phei phawt ange aw,"ka tih chuan Zorina nu chuan kan awmna lam arawn pan vat a.



"Awle Mami i hming min hrilh thei angem,kanu nên hian pangpar kan ngaina lutuk a i number te min pe la,"tih paha a phone ka awmna lama arawn dah phei chuan kalo ban vat a.



"Mamawh in neih chuan minlo call vat dâwn nia aw,"nui sang in kati a abu ve nghut mai,"kan in awmna i hre tawh tho a,lo leng ziah la aṭha ang ifel riau mai Nene,"atih chuan ka hlim takzet.



"Imm ka rawn leng ziah ang,"ka tih hnuah ka chhuak zui nghal a,ka mipa duh em em Zorina te in ka hmu thei chu vannei ka inti lutuk ringawt,ka hlim hle bawk.



Dawr ka thlen pawh chuan keimah in ka nui ka nui a,min hmutu chuan mi â amaw minti ngei ngei ang,mahse anuam ve em ani ka nileng mood a ṭhat phah leh dâwn anih hi.




"Oi ka chau lutuk"kawngka rawn in hâwng pawp paha tih ri ah chuan ka hawichhuak vat a.Ka ṭhiante ho lek chu niin "eng thli chhia in nge rawn chhêm lût che u a,"ka tih chuan an ṭhu fel der tawh.




"Kan bazar a kan rawn peng kawi lawk anih hi,nang lah rawn len itum mang siloa"Rinpui-in lungawi loh hmel deuhin ati a,ka nuih tlawn ta ringawt.




"Keipawh ka haw harlo ang,ka haw na tur a hla sia scooty ka keng bawk siloa,"ka tih chuan Papui-an "in veng lamah ka kal dawn asin,ka phur haw nghal ang che"atih chuan pawi kati lo khawp mai,taxi fare ato thei sia ka pawisa ka ui.




"I hmanhmawh em,i hmanhmawh viau leh kan kal hma anga"ka tih chuan a hmanhmawh loh thuin min chhang a."Ei chak te innei em,ka treat ang chu"ka tisep a Rinpuii anuih aza khawp mai,"college kan kal lai kha chuan eitur kan leisak reng zêl che a,mi treat kha i hlau thei em em ania,tûnah chuan ilo danglam ve tawh hle mai"atih chuan ka insiam chhiat khum vak ringawt.




"In duh chuan sawi ula ka leisak ang chu,"ka tih chuan an ei tawh thuin min chhang a,kati lui biklo "muangchang in kan han chho dâwn ami,ka kalna turah hian min kalpui law law la aṭha ang,"Papui-an ati a.




"Pawi hleinem,"din pahin kati sep a ka bag ah ka thil ken vel ka khung fel nghal mawlh mawlh a,"keini pawh kan chhuak ve nghal ang zanah kan peih tak leh kan lo leng ang,in in hi a free ber bawk sia"Rinpuii bawkin ati leh a,kalo bu nghut mai.




"I bike lah hi a seat asang ropui si,mawng poh vah a ṭhut angai ṭhin a thlâk vat rawh"ka tih chuan anui hawk a."Ka bialnu te chuan nuam anti thei viau asin,ka taksa an rawn si chet ṭhin a"fiamthu in ati a,ka nui ve ta tho.




"Khawiah maw ikal dâwn a,kan vengah chuan enge itih dâwn"ka ṭhut hnua ka tih chuan."Ka bialnu ka rim ang chu kati"atih chuan a hnung ah ka chum pawp mai,Papuia hi Mizo mipa ah pawh asang pâwl ania,a hmel pawh a chhe hranlo a bialnu te pawh an chhelo thei lutuk, college kan kal lai pawn kan college miss nen an in ngaizawng reng ṭhin a,mahse a hmeichhia zawk chuan tûnah chuan pasal anei tawh.



"Tak tak a,in vengah thil lam lawk tur ka nei a,min kalpui nghal rawh aw"atih chuan ka hnial hranlo.Kan tan a inpe zo em em a zan laiah pawh call ila arawn tlân nghal duh ang tih tur ang vêl kha ania,Papuia hi chu afel ve thlawt,nupui ṭha deuh neise ka duhpui ngawt mai.




"Hemi in hi ania,lut hmasa rawh ka nau ṭhianpa in thil arawn thawn a,ka nau in min han lam sak lawk teh a atia"atih chuan kalu ka thing a,"ka lut ngam teuhlo mai,lut hmasa rawh min hre ringawt hlei,"ka tih pawn min nam ṭang ṭang "in veng anih hi i Papuia ṭang pawn an hre lutuk ang che,"atih pawn kalu ka thing tlat a.




"Iva han luhlul tak,"a kawng dawm pahin athaw hak a,"ngatinge i luh hreh viau a an sual ami"ka tih chuan abu nghut mai,"an chapo reuh lutuk a ka be peih vaklo,nang chu mi hausa tunu inia,an be ṭha lutuk ang che"atih chuan ka tum bur mai hetia ati kher ṭhin hi ka ngei tlat alawm.




Door Bell chu ka hmet a,rei vaklo hnuah hmeichhe tleirawl te hian arawn hawng a"tunge innih"ati sep mai,"i u a awm em"ka tih chuan kawngka a hâwng zau a,au niâwm tak chu a au zui lang lang bawk.




"Tu ka ṭhiante nge a"inchung lam aṭang mipa pakhat hian rawn chhuk pahin ati a.Min hmuh chuan anui suk mai"e Nunu-i u te inni em"kan lama rawn phei pahin ati sup a,Nunui bialpa ani ngei ang.




"Ni e,ka nau thil tur kan rawn lam dâwn a,"Papui-an ati hmuk a"lo awm lawk rawh u"atih hnu rei vaklo ah parcel bâwm lian vaklo pawm chungin arawn let a."Hei aw"atih chuan kalo ban vat.



"An sual hmel em em loh kha,"kan chhuah hnuah Papuia parcel pêk pahin kati a,"i vawikhat kalna anih vang anih chu,"tih bakin min chhanglo kan inkawt thleng min thlah a,a tlân liam chu ka thlir zui vawng vawng ringawt.




Inchhung ka luh ruala"Lalhruaizel,"pa Branded-an arawn tih hmuk chuan ka phu zawk mai,"enge hmuk hmuk ṭhin a"ka awm dawng vang vangin kati a.



"Tunge irawn in phurh tîr kha,"atih chuan ka thaw hak mai,mipa nên kal dûn hlek ila tunge tunge ti zêl ringawt mai,"ka ṭhianpa anih kha nula ka nive tawh a,nang chu khatiang khan min ti vak zel a"lungawi lo deuhin kati hmuk a.


"A ṭhat chu roomah lût rawh"atih chuan ka chhang tawhlo,pa Branded-a hi chu kanu leh pa aipawn a strict zawk,ka inbual hma in khumah reilo te ka mu hahdam a.



Zorinpuia ringawt ka rilru ah arawn lang leh tawh,taka Thanmawii khan a number minlo thawn tak ka phone ban in Zorinpuia number chu ka hmet chhuak a.Ka call vang vang chuan ala har khawp mai,abuai amawni le.



Ka call nawn leh hnu chuan arawn la ve ta hram a,"hello tunge aw"ati thum dût mai,a aw te hi apa bik ngawih ngawih ka bengah chuan ri mawi ber ang mai ani,"Doctor Zorina ani em aw"ka ti tête phawt a.



"Ni e,"atih leh chuan ka aw ka thian kharh a,"ka khing khang ruh ikawl a"inla zei zetin kati a,mahse ka sawi sual chiang lutuk ka sawi vek tawh sia,"chutiang engmah ka kawl lo,"arawn tisup a.



"Ka nâk ruhbo ikawl"ka tih leh chuan a thaw hak ri ka hria,"min hai aniang chutiang engmah ka kawl hauhlo"atih chuan keimah in ka nui khur char char,thil a hrelo ve ngawt mai.



"Sawi duh dang ineih loh chuan ka dah phawt ange,ka buai deuh a"atih hnuah ka ṭawng leh hma in call chu adah a,a aw ka hre thei ringawt pawh chu ka lawm tawk.



Ka phone ka khum bulah charge in ka inbual a,pa Branded-a pawh a chhuak leh ṭep tawh ang,zîng lam leh chhûn lam aiin zan lamah hna vel khawih nuam ati zawk a.Zingah pawh arawn haw tlai thei lutuk,tunlai chu bialnu anei ve nge mawni phone ahmang ve deuh reng zêl,nupui te hi nei vat se aṭha ang a senior tawh ropui si.



Ka inbual zawh ah ka inthlak nghal zung zung a,ka ril aṭam ve tawh khawp mai,chaw pangai kan ei vak ngailo a chaw pangai kan eichak chuan mahni in kan inbawl mai ṭhin.



Ka phone la in room aṭang ka chhuak a,pa Branded-a pawh hmuh tur alo awm leh tawhlo,kan in tifai tûrin nula kan la a,mahse alang in arawn kal ṭhin thung ka be siam siam ngai lemlo a ani pawn minbe ngai lemlo,inchhung tih fel leh kan thawmhnaw vel suk kha animai a,eirawng tak chu abawl ngailo.



Choka ah lutin eitur ka dap rak rak a,eitur bâwm pawh alo ruak leh vek tawh pa Branded-a ngaihsak loh zawng ani bawk a,eitur ka lei loh chuan alei ve ngailo.



Roomah lutin ka purse ka la a,dawr lama kal tûrin ka chhuak zui nghal kalkawng chu areh deuh ruih tawh a,Thereng hram ri bak hriat tur a awmlo kan khua minti ngai reuh takzet.Dawr ka thlen veleh ka mamawh vel ka lam khâwm zung zung a.



In lam panin keimah in ka kal leh hnak hnak a,ka lam pana zawhte rawn tlan ka hmuh chuan ka insum hmanlo,ka au vak a ka bula mi rawn kal chu ka bawh phei rawk rawk mai,zawhte adum ngat phei chu ka hlau lutuk ringawt,a chhan ka hre biklo.



"A hlauhawm loh a kalbo tawh"mipa aw thum deuhin atih chuan ka hawichhuak vat a.Awileh ka zak lutuk chupa chuan min lo pawm reng chu niin"ka tihpalh lutuk,ka tihpalh lutuk,"tih pahin ka chhuk sawk sawk a.



"A pawilo"ati sup a,min pawm tupa ka en chuan ahma taxi a ka chuan pui pa bawk kha alo ni,"nang bawk maw,"ka ti hluai a.



"Tumloh deuhin kan va inhmu ngun mawlh mawlh ve tiro,"nui suk chunga atih chuan ka nui ve ringawt,engtin mah min ti biklo a,keipawn biak chhiat ka tum tawh lemlo.



"Ka kal phawt ange,"tih paha kal mai ka tum chuan"i hming minlo hrilh thei angem,"atih vang chuan ka ding dat a,Zorina unaupa kha ani sia a unaupa ka duh zia hi hria se engtin tak ngai ang maw.



"Hruaizeli ka nia,mahse Nene minti ṭhin"ka tih chuan abu nghut a,"khawilai ah tak nge in awm a"atih chuan ka hrilh ve mai a,"Brandon-a kha ipa tihna maw"mak tih hmel deuha atih chuan kalu ka thing a."Ka Papuia ania"ka tisep a.



"Anih chu"ati ve sup mai,an inhria amawni"in in hria emni,"amah en chho pahin kati a kan inlam panin kan chho dun hnak hnak mai."hria e hrelo an awmlo ang i Papuia te chu hna a thawk kawp nasa ve em a,mahse a ṭha lamin ania ka tih"atih chuan ka chhang tawhlo.



"Ka pen san mai ang che aw,heti lai hi kan in ania"ka tih chuan kan in a en chho vang vang a,"ka rawn len i phal angem"atih chuan ka phal thuin kalo chhang vat.



"Nidangah in in a leng tûrin ka rawn la kal ang,"atih chuan nui seih in ka luhsan a,a hming pawh kala hre velo Zorinpuia unaupa ani sia ka be chhe theilo,a chhûng hnai vai te aṭang a hma lâk angai,mahse kan vengah hian enge maw atih ve ziah le, doctor ve tho ani tihna nge mawni.



Inchhung ka luh hnu rei vaklo ah ka phone ari a,Papuia alo ni"aw puia"ka ti nghal tawl a,"kan rawn leng dâwn ania Rinpuii te nên"atih chuan rawn kal tûrin kati ve vat a.



An rawn thlen har ka rin avâng in ka thil ei pawh ka hmanhmawh lemlo,Rinpuii a tel phei chuan an muang leh ngawt ang.



Zorinpuia chu Whatsapp ah kava text a,min chhang har khawp mai "ka nak ruhbo i kawl kha min pêk let vat loh chuan case ka file ang,"ka tih chu a hrethiam lehlo khawp ang,ka sawi ang ngeiin ka ṭhiante chu an rawn thleng har lehpek khawp mai.



Ka thil eina vel ka tifel zo chiah tih ah Rinpui-in min rawn call a,ka lak rualin "in kawngka hi kan tih chhiat hma in rawn hawng vat ru, surprise che pawh a theih ve dâwn loh anih hi,"arawn ti bak hlar a a thinchhe ve sia arawn kal apiang in kan kawngka atih chhiat tur thu asawi ve ziah.



Kawngka ka hâwn veleh an rawn lut nghal a,an rawn bawr leh khawp mai,an leng te hi cham hlen tur ang mai hian an rawn in khai bawr ṭun zêl.



"Papuia a chhuak tawh a,thawm dim vak angai lo"ka tih chuan thaw huai hmel anpu,Pa Branded-a hi an hlau thei ropui sia,an vawikhat rawn kalna ah phei chuan an ṭawng ṭha ngamlo,tun thleng in anla ni pa Branded-a a awm lai chuan an ṭi dek zêl.



"I Papuia pawi ka sawi ang tih hi ka hlau khawp mai,a pawi vawikhat sawi palh ila chuan jail ah min khung nghal duh ang chu,"Rinpui-in ati a anui zui nghal uar uar mai.



"Madin engtik ah maw trainning chu in neih dawn,"ka tih chuan Madini chuan "kar leh Nilai ah"alo tive vat a.Madini hi anu in a boral san tawh a,apa in nupui dang anei a mahse a nuhrawn in a en hrang thei lutuk a,fabik alo nei bawk nen Madini hi a ti duhdah thei lutuk,kan bulah zêp anei vaklo bawk a air hosstess anih duh chhan pawh a chhûngte lâk aṭang hla taka awm bo vang vang aduh vang ania.Air hosstess chu an duh duh hunah an haw thei bawk siloa kha kha ani chuan nuam ati zawk daih ang,a chhelo a a hmelṭha in lehkha athiam em em bawk a chuta kârah Hindi alo thiam tel lehzêl bawk nen a tling ka ring ve tawp.



"Bialpa neih te hi itum tawhlo ami,"Rinpui-in arawn tih chuan ka nui hak a,"nei dâwn e mahse ka bialpa tur hian ka duh tih ala hrelo a,kan la ni thei rihlo"ka tih chuan aner nawng nawng mai.



Rinpuii bawkin "Nangmah zawkin ibem leh dâwn tihna ami,"arawn ti a "kan duh te chu kan bem pawp mai loh in,tuna ka bialpa tur phei hi chu a chut hmel ropui sia,keimah zawkin hma lâk zêl angai ang"ka tih chuan anui leh uar uar mai.



"Nang hi chu iṭha ve hrim hrim,lo duhlo ta che sela engtin nge itih ang", Papui-an arawn ti a"min duhloh leh min duhlo animai a,Thanmawi-in a hmeichhe duhzawng min hrilh tawh a,a number ka nei tawh bawk a lungngaih vak na tur a awmlo,ka bem char char chuan min hnar reng bik theilo ang"ka tisep a.



Ka ṭhiante chu rei deuh thleng an leng a,Papuia a awmloh hi chuan nuam anti thei sia,kan mipa te hian zu an in leh zeuh zêl a mahse kan inah chuan an in ngamlo,cctv a awm miau a.



Ka ṭhiante haw hnuah keipawh ka chauh deuh avâng in ka mu nghal a,zan ka mut hma vang nge zing ka tho pawh chu ka zâng vah mai,Zorinpuia message lo awm va va ka hmuh phei chuan ka mood a dik leh nghal vek.



"Min hai aniang,ka nâkruh bak ka kawllo"tih bawkin min rawn chhâng a,a hrethiam lo lutuk hi nuih ati za zawk, reply rihlo in ka thawmhnaw pa Branded-an phai lam aṭang ngeia min rawn thawn chu ka la chhuak a.Vawiin chu Zorinpuia te inlam a kal ka rilrûk avâng in nalh taka inchei pawh hi kani.



Ka scooty la chhuak in kan dawr lam panin ka inkhalh thla a,ka kal hma bawk a mi veivak pawh anlo la awm vaklo,motor pawh avâng pharh mai nuam tak ani.



Dawr ka thlen veleh pangpar Zorina nu in nalh atih ho chu kala khawm a,api ta tur ka ken tel sak bawk ka pack thlap hnuah ka scooty hnungah ṭha deuhin ka dah a,box ah ka khung thlap bawk.



Kan dawr a darthlalang ah chuan ka in en leh hmasa tête a,ka hmai chu ka chei ṭhat thuak thuak hnuah"ka mawi em"ka tih chuan ka naute zînga pakhat chuan "inalh lutuk miss,"alo tivat a ka nui ve ver ver mai,ka thawveng lutuk hi chu a buaithlâk zawk,engmah in minti na ve theilo aniang,ka bialpa nên kan inṭhen pawh khan kala na lo hrim hrim ka thawveng hawk zawkin ka hria,kan inṭhen tlaiah chaw ka ei ṭeuh.



Ka scooty in Zorinpuia te inlam ka pan a,ka kal hma reuh sia ka zak ve reng mahse anu afel emai,an in ka thlen veleh box chu la thla in an kawngka zâwnah ka dah phawt a,thawk la vang vang in doorbell ka hmet.



"Ehe!Nene nangmah law,i va hma ve lo lût rawh"Zorina nu in min hmuh rualin ati vat a,inchhung ka lut chu areh leh ruih tawh "tunge a"pa la Pavalai tak Zorina pa niâwm tak hian kan awmna lama rawn phei ve pahin ati a.



"Hei ka sawi ziah Nene-i kha,"Zorina nu in alo tivat chuan minlo sawi ziah amaw,"animaw ava hmelṭha ve,"atih chuan ka lai ve lek lek mai.



"Hei pangpar kalo ken sak che u a"ka tisep a,a hming kala hre bawk siloa,Zorina pa a awm ve bawk sia kapi kati duh bik teuhlo.



"Animaw,nang hi chu iva han fel tak"Zorina nu in ati a,ṭhu turin minti vat bawk Zorina pi bulah chuan ka ṭhu a,Zorina hmuh ka in beisei rûk nen ka hmuh miahlo,"Bawiha iva tho hma ve"choka lam aṭang Zorina nu in arawn tih chuan a hawina lam ka hawi vat a.



Nizan a mi zawk kha alo ni,Zorina hi ka hmu fuh theilo riau mai,hepa ringawt hi ka hmu a "Hruaizeli chu enge irawn tih dâwn a,"anu biakna pawh chhang lo in min rawn pan a.



"In in hria animaw"Zorina nu in atih chuan"Hria e,nu heihi Brandon-a ahma kapa puitu kha ila hria em,"chupa in atih chuan ka en tawn zak zak a,"hria e ngatinge"Zorina nu chuan ati sep a.



"Brandon-a tunu anih hi,"atih chuan Zorina nu chu ameng phâwk khawp mai,"animaw ava mak ve Brandon-a tunu lai si,ngatinge pangpar te i zawrh mai mai a"ati hluai a,thingpui ka hmaah arawn chhawp nghal bawk .




"Nia pangpar ka ngaina a"ka tisep a,nuamlo kati lek lek mai"anih chu aw,lo hriat daih tawh tur che ania, Brandon-a kan chungah aṭhat nen,in fel chhungkua viau ang,nangpawh i Papuia ang maia fel inih hi mawle"ati a pa Branded-a chuan eng thil chiah nge maw alo tih ni,mahse aṭha lam anih chuan azia viau mai.



Sawi tur hrelo in ka nui ka nui ringawt a,Zorina pa leh Zorina unaupa pawh an hna lamah an kal tawh."Nitin rawn leng ziah rawh aw,"Zorina nu chuan ati a,ka bu nghut ringawt.



"Awi anuam e, Brandon-a tunu ini tih kalo hre lawk lo che chu avan pawi tak,i thlalak a office ah khan atar reng sia,"ati leh hluai ṭhin a fel anti khawp mai,ka thlalak pa Branded-an a office ah a tar tih chu ka hria a,a tar chhan pawh keiman tar tura ka tih vâng kha ania,mahse ka sawi duh bik teuhlo.



"Ka fapa pakhat arawn haw dawn a,arawn thleng ṭep ang in hmelhriat ve ula aṭha ang,lo nghak law law la tiro,Melvina nên khâ chuan in inhre tawh tho"atih chuan ka nui leh sang tawh,Zorinpuia ani tih ka hre ve miau a.


Show post links
Top

[Ngaia]

Chapter-6
Hruaizeli POV
Zorinpuia lo haw hun chu ka nghâk reng a,rinai in arei phian mai "Bawiha ilo thleng tawh maw,hetah rawn phei teh"Zorina nu in atih chuan kawngka lam ka hawi ve vat a,Zorinpuia chuan Doctor coat ha tawhlo in thawmhnaw pangai a inbel tawh a.Mahse a chhe chuang hauhlo ka hmu ngun tulh tulh a,hmelṭha ka ti tulh tulh maiin ka hria.




"Bawiha lo phei teh,heihi Brandon-a tunu Nene-i anih hi"Zorina nu in ati a,Zorina pawh ameng deuh kawk in ka hria "Brandon-a"ati ve sup a,anu a lo bu nghut nghut mai.




"Afel teh mai ania,pangpar min rawn pe vang vang a"ati leh a,min fak nasa leh lutuk chu ka lai lek lek mai,"a ṭhat chu"atih hnuah "ka inthlak dawn ania,ka chau ka mu duh"Zorin-an ati a,a chho zui nghal.




"Bawiha kha chu a mizia ve hrim hrim ania,hrethiam rawh aw Nene"atih leh chuan kabu nghut a."Keipawh ka va let leh tawh ange,dawr lam ka ngaihtuah riau mai"ka tih chuan min hnial tawh biklo.




Ka scooty ka park na thleng min thlah a,"lo leng ziah rawh aw,"atih chuan ka bu ve nghut a,ka scooty ti nung in ka tlanchhuak nghal pa Branded-a chuan engthil tak nge atih ang tih ka hre chak zêk zêk.Dawr ka thlen chuan ka thaw huai thei,an chhûngkua hrim hrim kha an mi uap ana ka timai ka thaw ṭha ngamlo reng reng.




"Vawiin lam in inhralh thei em,"ka tih chuan an inhralh theih thu leh an buai thu min hrilh a,ka lawm khawp mai tunlai inkhawmpui ahnai a,in khawmpui dawn hi chuan kan luck thei lutuk,pangpar a tak leh a lem kan zuar pawlh a,a tak ho ah chuan a chhiat harna damdawi kan hmang.




Dawr lamah kan buai deuh avâng in keipawn ka haw san biklo,"ril aṭam eitur kava lam ang tumah an awm tawh chuan loh hi,"tih pahin ka ding a.




Samu-a te dawrah bawk ka lut leh a,amah tak phei chu a awm ka ringlo,tunlai chu in an sa ṭha a an buai ve viau in ka hria nakinah va lan ve hrim hrim angai.




Eitur ka lak hnuah ka chhuak leh nghal a,pawisa pawh nakinah gpay in kape mai ang,"thil ei zawh ah kan haw daih dâwn nia,khua athim mai dâwn nangni pawh in veng ahnai zawk zawk siloa."Ka tih chuan min hnial biklo.




Thil kan ei zung zung a,kan haw meuh chuan dar ruk ari ṭep tawh,pa Branded-a chuan min ngaihtuah leh tawh viau ang, scooty in kan veng lam panin chak deuhin ka inkhalh chho a.Motor veivak an vang pharh tawh mai.




Ka phone lah chu ari ve sek a, scooty ka khalh laklawh sia ka chhang theilo,kan inkawt ka thlen chuan ka scooty park ṭha in ka lut vat a."Iva rawn haw har ve"a ban a sana bih zeuh pahin pa Branded-an ati a,"nia vawiin chu dawrah kan buai deuh a in khawmpui ahnai sia,mi an rawn lut ve reng a"ka tih chuan min hau biklo.




Room a ka lut tur chu ka thil hriatchhuah avâng chuan ka let leh a,"pa Branded Zorinpuia tih ihria em,"ka tih chuan minlo en ve vat,"tu Zorinpuia"ati hmuk a "kha min enkawl tu doctor kha,"ka tih chuan abu nghut a.




"Pa Branded Zorinpuia te chhungkua chu engtin nge ipuih a,"ka tih chuan mak atih hmel khawp mai,ka hria hi mak ati viau aniang a awmlo hranlo,a hna lampang hi ka zawt ngai miaulo a"i tana pawimawh anih chuan ka hrilh na arei tawh ang che,hetiang lamah chuan lo inrawlh ve vak suh"atih chuan ka tum bur mai.




"Ka hre ve chak animai a,ivan sual ve chiang tak Zorinpuia nupui pawh kala ni thut thei a,"ka tih chuan a kawng dâwm meuhin min en a"kan kawmchhak a damdawiin ding khi Zorinpuia te damdawiin anih khi,awmlo ila chuan a tlachhe daih tawh ang"atih chuan mak kati lutuk.




"Police ini amaw ka tia,engtin nge i puih a"a bula kal hnaih paha ka tih chuan a thaw hak a,"CID nih itum emni,iva dilchhut ve"atih chuan ka inher hmak mai,ka roomah lutin ka bag khumah ka dah a, bathroom ah inbual tûrin ka lut zui nghal.



Room aṭang a ka chhuah chuan pa Branded-a pawh hmuh tur alo awm leh tawhlo,choka a ka luh chuan rinloh deuhin chaw alo in chhum diam a,chawhmeh pawh alo awm duah mai.




Mak ti deuha ka en reng lai chuan"khatiang a i en reng chuan i puar theilo ang,tun aṭang chuan chaw pangai kan ei ziah tawh ang,zing leh tlaiah alang a rawn kal tûrin eirawng bâwl tu ka la,ka kal ania"atih hnu rei vaklo ah kawngka inkhâr ri khep ka hria a.




Ka chaw eikham chuan tih tur ka hre leh pek lo khawp mai, Zorina in lamah a haw tih ka hre ve kiau a,ka tibuai chak hrim hrim a number hmet chhuakin ka call a aring rei hranlo."Eng nak ruhbo mah ka kawllo"alak ruala arawn tih chuan ka nuichhuak hak mai.




"Ka duh lutuk che hi ka man tîr pawp zâwk dâwn che mawni le,"ka tih chuan lehlam thâwm chu areh vung vung a,a off chuang bawk siloa.



"Awle,Police station ah chuan kalo inpe dâwn nia,min man tîr kher angailo ang muttui,"atih hnuah a dah hmak a hriat chu min hreve ani ngei ang,min hnar tawp biklo chuan ka hria.



"Kawngka lo hâwng teh"tih Thanmawii message lo awm va va ka hmuh chuan ka phei vat a.Kawngka ka hawng chu alo ding reng tawh,"ka rawn riak dawn ania,ka haw peihlo naktuk zing kal hma angai dawn tho avawt reuh lutuk,"ati khur deuh dar dar a,ka khawngaih reuh tak tak ani.




"Bathroom ah tuilum a awm sa,i inbual duh chuan"ka tih chuan bathroom lamah a phei vat a,"nileng in damlo chi hrang hrang kan khawih sia,inbual loh na chi anilo"atih chuan ka chhang lemlo.



Thanmawii inbual chhungin khumah phone kalo khawih mai mai a,Thawnmawii phone a message rawn thleng chuan ka mit ala leh pêk khawp mai,en duhlo viau mah ila ka en chak zêk zêk avâng in kala leh ta nge nge a Doctor Zorina tih a screen ah alang kalh a.



A phone ah password adah loh avâng in ka hawng a,mahse ka seen lemlo thung "imu tawh em hmelṭha chuk chuk nu,"tih ka hmuh chuan ka sa zak mai enge awmzia an ni tihna ami,ka rilru ana ve reuh takzet.



Thanmawii rawn chhuak chu rum deuhin kalo melh a,"enge khatia mi melh vak a,min melh puah itum ami"nui seih paha atih te chuan ka nui ve hauhlo."Enge awmzia Thanmawi doctor Zorina nen in in ngaizawng ami,"ka tih chuan a hmel adang nghal vek thei.



"Englo ania,min rawn biak zeuh aching a ka reply ngai em em lo keimah chuan"atih chuan ka awilo lutuk ringawt,"minlo tih pui ve reng amaw ka tia,mahse ka hnunglam ah minlo bum char char a"a hma taka din pahin kati khur dar dar a,ka thinrim insum chu a hreawm takzet.



"Ka tihpalh"tih bakin min chhanglo,"ka duh zia i hre ve reng sia,mahse nangmah a thlang zawk che anih chuan a pawilo,ka bialpa pawh ani hleinem kalo thinrim ve ringawt chhan tur a awmlo,zanin chu ka roomah nangmah in i riak dawn nia,Papuia room lamah kava riak ange"ka phone lâk sawk pahin kati a.



Pa Branded-a room ka luh veleh khumah ka ṭhu hnawk mai,Zorinpuia hi ka duh tawh takzet tih ka hria ka hmangaih hial zawk Hetiang ang em em a mipa duh hi kala nei ngailo.Ka bialpa ani hauhlo mahse ka ṭhian ṭha berin ka hnunglam ah minlo bum reng a,min nuih zât ngawt ang.



Zingah ka phone riin minti harh a,ka en chuan Rinpuii alo ni"aw Puii"kati tham chhâl a,"vawiin chu in bazar ila Nene ahma kan in nghah na ṭhin ah khan kalo nghak ang che,i peih chuan"arawn ti a vawiin chu dawr kal pawh ka phûr loh em avang in Rinpuii in bazar pui chu ka thlang ta zawk a.



Ka room a ka luh chuan Thanmawii pawh alo awm tawhlo,akal leh daih tawh aniang aṭha daih zawk,a hmel ka hmu peih rihlo tûnah rih chuan ka haw takzet ani.



Intifai in bazar lama kal tûrin ka insiam a,hmun hrang hrang ah min kal kual pui atum leh vang aniang min rawn sâwm hma em em,mahse pawi kati lemlo chhuah thawven te pawh angai,Zorinpuia hi Thanmawii nen in ngaizawng mahse ka tibuai tho ang,Thanmawii pawn min bum tho alawm pa Branded-an apui a,a chhungten min hnar thei dawnlo tih ka hria chutiang bawkin Zorinpuia pawn min hnar reng thei biklo ang.



Ka scooty la chhuak in Rinpuii sawina lam panin ka inkhalh thla a,ka thleng har lemlo "awi vawiin chu khua avawt reuh e,ruah sur atum amawni"scooty hnunga rawn lawn pahin Rinpui-in ati a,min rawn kuah leh chawt chawt tawh.



"Nizan ah Thanmawii arawn riak emni,"atih chuan ṭawngka a chhanglo in ka bu nghut a,alo in sawi khalh leh vek tawh aniang chu mahse Rinpuii nên hian kan inkawm nasa zawk a,min ring zawk tho ang.



"Engtin nge i hriat a,"engmah hrelo anga awm velin kati a,"nizan khan min rawn call a,ngatinge Thanmawii chungah chuan i thinrim a"ka rin ang ngeiin arawn ti a.



"Nakinah ila hre mai ang"tih bakin ka chhanglo, scooty ka khalh laklawh bawk sia sawi vek a rem rihlo,ka dawr lamah kal hmasa in ka scooty ka park ṭha a,ka naute vawiin dawr a ka awm dawnloh thu ka hrilh hnuah ke in kan inzui chhuak a.



"Min hrilh tawh la"arawn ti leh nghal,"awle,ahma in ka mipa duh em em ka sawi kha ihria tiro,"ka tih chuan abu nghut a"kha kha Thanmawii thawh puipa ania,Thanmawii pawn ka duh zia a hre vek a,min tih pui amaw kalo tia mahse ka hnunglam ah minlo bum a,Zorina mizia duhlo hlir min hrilh,tûnah chuan an in ngaizawng daih tawh"zalo taka nuih pahin kati a,Rinpuii chuan min khawngaih hmel khawp mai,mipa hetiang ang em em a ka duh vawikhat na ani miau a.



"Avan sual ve,arawn sawi dan kha ka awilo reng ah"ati a,bazar pui chhunga kan luh tak avâng in kan sawi chhunzawm tawh lemlo,"enge kan lei ang"kan kal thlâk zel takah chuan kati a..



"Ka hrelo,taka Papuia khan a birthday picnic spot a lawm atum a,arawn sâwm ve tawh che em chuta hak tur chu lei ang,in chei puina ṭha ve deuh hlek"atih chuan min kaih ang ang in ka kal mawl tawp, Papui-an a birthday picnic na tur a min sâwm velo ringawt te chuan ka rilru ati na,a ṭhian kani velo ami.



Rinpuii thawmhnaw en na bulah kalo ding mawl ve tawp a,"i lei ve dawnlo ami,hetiang ah chuan in ren vak angai lo lei ve ṭhuai rawh,ato em em hran loh hi"atih chuan kalu ka thing a.



"Hak chhuah na tur a awmlo,"kati hmuk a"aw Papuia birthday ah chuan a in ang in kan ha dâwn alawm,"Rinpui-in ati a"min sâwm ve hleinem ka kal dawnlo,"ka ti leh hmuk a ka rilru te chu ana tawt up up mai khawvel hian min en san ang mai ani.



"Aw a la sâwm hmanlo che aniang,nakinah a Special chi in asawm dâwn che aniang"atih leh pawh chuan ka lei duhlo,ka luhlul zia a hria a minti lui thei dawnlo tih ahriat avâng in ani pawn a leilo a, thawmhnaw dang kan en daih thung.



"I rilṭam aniang itum nasa emai,hawh thil ei mai ang"restaurant chhung a min kaih luh pahin ati a,chuta ka thil hmuh avang chuan ka ding chawt mai,Thanmawii leh Zorina induh hmel deuhin in hmachhawn in alo ṭhu a,chau an pet dun duai duai mai.



Engtik laiin nge an bul ka thlen hman ka hrelo,"vawk chaw ava ang ve"kati tawl a,an rawn hawi chhuah chuan Thanmawii pawh a meng kawk mai,mahse Zorina chuan engah mah a ngaih vak hmel loh.



"Nene hetah enge irawn tih a,"Thanmawi-in din pahin ati a "ka duh duh kati ve ang chu,"cho zeta melh pahin kati a,Rinpuii ahmuh tel leh ngat phei chuan adang nghal vek,ango chi ani bawk sia a hmui te chu aduk nghal vêkin ka hria.



"Thanmawii chu i bialpa thar hi minla hmelhriat tîr ve miahlo a,"nuih hak pahin Rinpui-in alo tive a a ngei veleh daih tawh aniang,a awm tho Thanmawii aiin kan inkawm nasa zawk miau a.



"In hmuh ang hian kan buai khawp mai,minlo va kalsan phawt rawh u"Zorinpui-an rawn din ve pahin ati a,Thanmawii awmna lamah a phei zui nghal bawk,tih ngaihna hrelo zetin ka melh ngawt ngawt reng a Thanmawii kutah kaiin a chhuah pui zui nghal daih anih chu.



Ka thinrim chu ka insum zolo lek lek ani,ka thaw kawk kawk a"boruak i tlachham alaw lungngai suh,Zorinpuia ai a ṭha kan zawng dâwn nia"min hnem tum takin Rinpuii ati a,hreawm atih lutuk ka hlauh avâng in ka nui ve tawp.



Kan thil eizo kan chhuak chu mipa pakhat rawn kal phei nên kan insu dawt mai,ka hawichhuah chuan Zorina unaupa Melvina antih pa kha alo ni,"hey idam maw kan va inhmu khat ve"ati sup a,Zorina a ang lutuk hi ka hnek pawp chak.



"Dam alawm,i dam zawk maw"kati mawi hnai ve a,"keimah chu ka dam a,ka thinlung a damlo mu heart is broken,"ka beng bula arawn tih chuan ka nui teuh lutuk,"i thinlung pawh nangmah tho alawm,i control vek ania awmlo la i thinlung chiah Adam thei nang,"ka tih chuan za zetin arawn nuichhuak hawk hawk a.



"Kan inhmuh leh vat ka beisei,flower"atih hnuah min kal pêl a keini pawh kan kal zui ve mai,rilru ah erawh Zorina leh Thanmawii bak an awm theilo,nileng in Rinpuii nên kan inzui a in ka haw chu ka chau ve hnawk thei.



Chaw ka eikham deuh chiah tih ah Papui-an min rawn call a,kala duhlo ṭep ani"Nene ka birthday party kha picnic spot ah lawm ka tum a,a hmun tur tak kala thlang fello a rawn kal ve ngei ngei ang che"arawn ti nghal a.



"Kallo ang, Rinpui-in arawn hrilh che animo i birthday nuam deuhin in hmang dâwn nia,"tih pahin call ka dah hmak a,ka lungawi hlawllo.



Room a ka lut tur chiah doorbell arawn rik ral ral avâng in ka phei vat a,ka hâwn chuan tumah ka hmulo ,luh leh mai ka tum chuan kawngka bula Teddy bear lian deuh leh lehkhathawn ka hmuh chuan ka la lut vat a.A chhûngah chuan "ka duh zia che leh ka hmangaih zia che hi hria la,min haw bikin ka ringlo min ngaidam rawh"tih te mai hi alo awm,pa Branded-a ta tur chu anih loh hmel sia,tunge ni ang le ahming aziak mang siloa.



Teddy bear ah chuan thil dang hmuh in beisei takin ka enkual a,engmah ka hmu lemlo tu rawn thawn nge ni ang aw,Zorina ti dâwn ila a oiawmloh ropui si ka room tukverh lo inhawng aṭang thli arawn thaw lût deuh ham ham a,khâr tura kava kal hnaih chuan mi tu emaw ni tlân phei zuai ka hmuh chuan ka phu zawk mai,kan security te hi ka room hnunglam ah hian an kal ngai hauhlo,enge nita ang.


Show post links
Top