Re: LOVERS BY Rengpuii Lushai (Completed)

[Ngaia]

Lovers

Chapter ~31

By~Rengpuii Lushai






Hlim tak leh thlamuang taka nun kan hman laite, malsâwmna pawh kan dawng viau nia kan inhriat lai taka vanduaina lo thleng țhìn hi hriat thiam a harin nun a ti chau a, tho chhuak leh thei tawh lo tùr khawpa hriat thiam leh pawm thiam harsa tak thilte a ni țhìn; mahse, mihringte hian kan nunah thu kan neih lohzia ti lang fiah tùra zirtîrna țha tak a ni lawi si!







Ka hna pawh ka țan ve leh tawh a, a ngai tê têin nitin ka kal ve leh phawt a, U Zomuana nên kan kal rual a, a ban pahin min lo lam ve leh mai zêl bawk. kan thla hman mêk pawh a ral ve leh țep tawh, vawiin kan inkhâwm bâng room ka tih fel laia pads lei khâwl ka hmuh chuan hriat chhuah nei thutin, ka period lo tih ka hre chhuak nghâl. Ka rilruah rawn lang a awm nghâl zawk, phûr rûknain min rawn tuam nghâl ngawt a; mahse, ring ngam si lo, ring lo phal si lovin ka rilru chu a inkhâp a ni ber. Mi dang hrilh ngawt erawh ka la duh si lo, an beisei ang a nih loh chuan ka ti hrilhhai mai mai ang tih hlauhnate nên, naktûk lamah ka nem nghet phawt ang tiin rilru ka siam zui ta zâwk a.






A tûkah chuan ka tum lâwk ang ngei chuan test kit ka lei a, pathum lai ka lei nghe nghe. Office-ah chuan test duh lovin haw huna test-ah tiin ka ak țha zui ta ràn a. Office-a ka awm chhûng zawngin ka helhhawlh a ni hawt e, vawiin ang êm êma haw hun nghahlelh hi ka la nei ngai lo ang. Chawhnu lamah phei chuan sana ka bih khât tawk reng a, ka chhûngrilah min Turin ka za cheng a, ka engtih mah a tui hlei thei tawh lo a ni ber mai.




Kan bàn a lo hun chuan U Zomuana'n min lo nghahna lam ka pan zui vat, ka thut luh rual chuan ka chauh leh chauh lohte min zâwt nghâl sup supin, " Lo hnaihtu che an awm em? " tih pah chuan uang zet hian ka nghâwng leh âwm bâwr chu a hmuia nùl kual dun dun chuan a hnâr a len tel zui that that a, indang chung chuan ka lo nui ve hak hak bawk. A tâwpah chuan lungawi hmêl zetin a biang a rawn dawh lehnghâl zat bawk. Nui hak hak chung chuan ka lo fawhsak ve zauh, lungawi hmêl zeta thâwk la zui suai suaiin ka chalah a rawn fâwp zui ve vang vang bawk.







Kan tlàn chhuah hnu chuan chu ka melh leh vang vang țhìn, ka beisei ang hian lo rai ta ila a dawnsawn dàn tùr mawlh ka hre châk tawh. Ka ngaihtuahna chu ka khîkpui sak a, a lo hre hman hrâm a nih hmèl, "eng nge i ngaihtuah, keimah lo ngaihtuah dang neih khap aw, " a ti leh hmuk tawh! Ka lo nuih hak chuan, ka biangah a rawn piai zauh a. Ka ngaihtuahna hi hria se chuan, kan awmna lai theihnghilh țhakin traffic jam siam khawpin a khawsa lo ang tih ka sawi theih lo.






In kan thlena ka inthlâk fel hnu chuan Siamtei rawng bàwl ka pui zui a, u Zomuana hian ka hah hlauhin choka lamah a awm hnem phah ve ringawt zêl, thil hahthlâk a nih loh vei nên. " Engtin nge insiam dâwn?" Tih zawhna a nghah thei viau, lo awm ve reng ta na nâ nâ chu han râwn chângte a lo awm ve lo thei lova, " Eng nge kan siam ang le, a ngai hlîr siam lah hi, eng nge kan siam ang? " tih han zawh ve châng lah hian a râwn tlâk leh dèr si lo, " Kang pawp rawh, " awl sam deuha lo tih liam puat bâk țangkaina a nei thui lo thei hlè.





Zàn lamah chuan Kurite chhûng an lo lêng phei a, nu Zoremi leh ka nute sitting room lamah an titi tui nghâl malh malh viau. Choka lamah keini'n thei kan ei thung a, u Zomuana erawh an zirpui țhìn pakhat dam lo a awm a, an batch hoin tlawh ve an rawt vângin zànin chu a chhuak ve hlauh thung a. Pâwn chhuak tam leh rual pâwl vak chî a ni lêm lo bawk a, chhuahna tùr a nei tam lovin kan hna bân hnu hi chuan kan inawm chilh hnêh ve viau, ka duh dàn tâk niin heti lamah hi chuan kan mizia a inang viau.





Kuri nên sawi tùr kan nghah dûnin kan titi nghâl mawlh mawlha, a hma lam hun atân a ngaihtuahna a sen vêl dàn min hrilhin, "eng emaw tak hi tih ve ka duh, ka hna dîlah ka tling thei hlawm bawk si lo, hetia'ng ringawt chuan a buaithlâk a dik thei lo," a tih hlak hlak chuan ka lo nuih hak hak a, " U Chhuantea'n ka châwm tar țhak ang che, pasal i neih hunah pawh i pasal fanaute nên ka châwm vek ang che u," a tih che kha, tiin u Chhuantea'n Kuri fiamna atân a hman țhìn chuan ka fiam zui nghâl zata, ani lah chuan, "awi, hepa hi a ti ve mai mai a nih kha, tlangvâl senior uikawm a nih hi, " a ti zui barh barha, kan thu sawi mek nên a inpersan deuh chuan, "Mate, i rai a ni lo maw, thei thûr i ngainat ngai loh nên i ei ve țeuh a nia, " a rawn tih chuah thut tâkah chuan amah chu ka va melh nghâl vat, " rai lo ang, ka ei lak lawh mai mai a nih hi, " ka lo ti zung zung a.





" Test ve hrim hrim rawh, pasal nei lai nih chuan ngaihtuah ran tùr, in pa kha a nei nung ve dâwn sia maw, " tih pah chuan a nui zui tlawrh tlawrh a, za êm êm chuan ka lo nui ve nghâl hak haka, u Zomuana ka mitthla phei chuan ka nui nasa ve ta nghek a, " A nei lo zâwk hian ka hrilh chawp che hi a ngai leh țhìn, " inti hre fahran chuan nui chungin a la ti zui zêl bawk a, kan hlimin kan han nui dun leh rih țhìn. A tâwpah chuan kan thu sawi chu thlâkin thil dang ka sawipui zui vata, ka finfiah hmâa ka chhûngte'n an lo hriat ka hlauh vâng a ni ber, ka beisei leh rin ang hi ni lo ta se mi dang rilru ka tih hnual theih dàn tùr ringawt ka ngaihtuah zui rauh rauh bawk.






A tûk zînga ka harh chuan U Zomuana pawh a lo la harh lo, tho nghâl vatin ka test kit lei chu bathroom lamah ka luhpui nghâl thuai a. Hlauthâwng ru zet leh rilru țawngțaina nei chunga ka test chuan rin sen pakhat fiah zeta a rawn lan kalh hnuin, a pahnihna zawn a thlenga a lo inrin sen leh kalh bawk. Phu dat dat chuan ka en reng a, nui sângin ka lek kãng va a; mahse, lawm viau mah i la, 'a lo dik lo palh mai ang a' tih ngawt chuan min luhchilh zui nghâlin ka la ring nghet bur ngam chuang lo.






Mahse, chu mi avàng ngawt chuan ka hlauhthàwnna chuan ka phurna a hmetmit thei chuang hauh lo. Bathroom aţanga chhuakin u Zomuana mu chu ka bawh nghâl rawk rawka, rûm nghutin min lo khuah khâwm hlùn a. " Khawi maw, ka thaw țha thei lo, hrilh tùr che ka nei a nia, " thaw țawt țawt chung chuan ka ti nghâl ruai a. Ti lui tih hriat fêa rûm dur dur chung chuan min rawn fâwp nghâl ngàwng ngáwng a nih chu! Min lehthal thawka ka chungah a rawnin nam khalh leh rân tawh. Min rawn fâwp zui nghâl zat a, ka kawr chhûngah a kut a awm leh dèr tawh.






"I mak e, hrilh tùr che ka nei a nia, " ka tih pawh chuan, a rilruah thil dang a lût thei tawh lo, a t-shirt lian hnek hnuk mut nâna ka hâk chu hlim chho hrâwkin a lu a rawlh lûta, ka hnute chu a hrâwm nghâl nawk nawk bawk. Rûm ham ham chung chuan a ka chhûng sa hiam chuan hmuamin a fâwp lehnghâl ngàwng ngáwnga, thaw hak hakin, " i chhe der dur lutuk, min ngaithla teh, " tih pah chuan a luah ka nam nghek a, thaw hawk chungin rem lo tak chuan, ka kawr nghâwngah chuan a lu a la rawn rawlh chhuak zui, ka nui lo thei lo! A mit meng phelh phung nên chuan kan inmelh hnai mah mah, hnute a âwm lum vung vung nên a insik rial phei chuan kei ngei pawh ka danglam țan titih tawh.








" I rawn kai tho a, do dai tùrin inpeih rawh, " tih nghut phah chuan a mi patna chuan min rawn nawr leh salh salh a, kan inmelh hnai si, a mit meng thim raiha min mamawhna rawn lang chu thup a tum lo mai ni lovin, ti lui tih hriat zeta rûm dur dur chungin a rawn nawr leh salh țhìn. Ka nui tawp tawp tawh! Inthunun chunga nui hak chuan, test kit chu a mit zawnah ka lek va a.





" I thawh rim rah, " tiin ka lo nuih sâng a, a che chu tâwp chutin a melh nghâl vut bawk. A hamhaih hmêl chu ka lo melh ve ràn a, " pa i ni ve tawh dâwn aw u Zomuan, " ka tih pahin a hmuiah chuan ka fawhsak zeuh a. Thaw hawka inbeng kàn a tum mai chu, ka kawr chhûnga a lu rawlh luh nên min pawh tel ve avàng chuan ka lo nui hak hak. A ni erawh ngawi rengin a insiam rem mual muala, țhut chhuah pah chuan test kit chu hnai taka melhin a bih ngur bawk.






Ka pumah a țhut deuh titih avàng chuan ka fiam châk thut, " Apa a nâ a nia naute a thaw țha thei lo, " ka tih chuan, min rawn melh vuta țhingțhîa inbeng khalin a rawn bawk hniam leh vut, " Naute kan nei dâwn, " ti țuakin a chil a lem ri khawlh a, nui hawkin min rawn fâwp thuak a, a nui leh a min rawn fâwp nawn leh țhìn, a chêt phung hmuhnawm lutuk chuan min fân raih raih thei nia. Mittui tling pamin a biangah ka khuap a, " aw naute kan nei dâwn, nu leh pa kan ni ve tawh dâwn, " ti thâm tiakin a hmuiah chuan ka fawhsak ta vang vang a, min chhàn lêt pawh a tum lo, thil dang eng mah hi a ngaihtuahna chu an la pêng thei tawh lo a ni ber mai, chu chuan min ti lungawi hliah hliah bawk, kan naute chu vânnei ka ti nghâl ngawih ngawih bawk.





Nui sangin a awm dàn chu ka en tawp, ngawi rengin test kit chu a melh leh vung vung thul, sawi mai tùr hre lo mah se a chezia leh hmêl awm dàn ațang chuan a lâwmzia chu mi mãwl ber tân pawh hai theih a ni hauh lovang. Tih ber tùr hre lovin min kuah leh ringawta, " Ka lâwm e aw, ka duat ngawt ang che " a ti khât tawk reng bawk. Nui hak hakin, "min duat sa nên min duat khaw lo zo vek dâwn a nih chu, " ka lo tih chuan, "ka duat sual châk che, " tih pahin ka hmui a rawn fawp zui vang vang a, a thu sawi awmzia pawh chu a hriat meuh pawh ka ring lo hial, a sawi liam ve vêl mai mai niin ka hria.






Rilru zângkhai leh phur takin kan tho zui thuai a, kan intih fai zawh chuan inhnuaiah chhukin kan thu làwmawm neih chu kan chhûngte kan hrilh chuan an lâwmzia leh an phûr zia chu thup hauh lovin an phul nghâl hluia, an nghahhlelh thil kha a ni bawka an hlimna chuan min ti hlimin ka hlimna chu a thuah hnih bîk ka ti lo thei lo. Zîng lam hi chu chhûng inkhâwm kan nei ngai meuh lo naa tûkin chu lâwm thu sawi țawngțaina neiin kan hlim tlang tak chuan kan phusa vek a ni ber.





Keima nu leh pate pawh kan hrilh ve nghâla, u Zomuana chuan u Thari be nghâl zatin Doctor țha deuh a zâwt nghâl thâwr bawk a. Ka nuin u Zosangate nupa a lo hrilh ve bawk a, Zonuna thlengin an hrilh nghâl vek a kan phûl reh hlei thei lo a ni ber e. U Zomuana an hmangaihna leh ngaihsak ngai bîk a nihna, an mahniah a intuh tawh avàngin englai pawhin kehthei dawmin an dawm a, tûna a duhthlanna hmanga hma lam pana a pênna kawngah pawh hian a chhûngte pawimawhna thûk tùrzia ka ngaihtuah thleng nghâl vek bawk.





Vawiinah in check-up nghâl an ti deuh rum rum a, ka hnial duh lèm lo, an hmêl a lungawina, hlimna leh vannei intihnate rawn lang chhuak hmuh hi a nuamin a hahdamthlâk tak zet, kan naute lo piang tùrin pawh hian hetia'ng êm êm a nghahhlelh a ni leh hmangaiha duat rawn a ni tùr hi hre thiam se, lo chhuah nghâl a châk ngawtin ka ring țhìn. Ka ngaihtuahna hlimawm deuh chu nuihpui var varin ka dul la thêp thlep chu ka dawm vang vang a.







Ka dinhmun sawiin u Chd-a te pawh chanchin ka hrilh luam a, min lawmpui thute sawiin, "he lam chu rawn ngaihtuah hah rêng rêng suh, Rinawma nau khân kâr thar aţangin min lo zawm dâwn bawk a," A rawn tih chuan, "a va'n làwmawm tak, ka dinhmun hetia'ng a nih chuan ka chawlh vat kha a ngai dâwn tho a, a tihzia lutuk," lo ti ve nghâl zatin, inthlahrunglo tùr leh min lawmpui thu rawn sawi lehin kan inbiakna chu kan ti tâwp zui nghâl a.







Tûkțhuan kan eikham chuan Doctor hmu tùrin kan nupa chuan kan chhuak zui nghâl mai a, ka nuin min zui a tum viau nâin u Zomuana a tel tho avâng chuan dàwra kal zâwk tùr leh ngaihtuahawm kan nih loh thu ka sawi tlat avàng chuan kan nupa chuan kan inzui chhuak ta nghâl a. Private Hospital-ah kalin test min lo neih nawntîr leh a, ultrasound-te kan ti nghâl vek bawk, ka naupai chu thla khat awrh chauh niin damdawi ei tùr min chawh nghâl teuh mai. Keimah bîk pawh ka hrisêlna a țha a, thla thum hnua in check up leh tùra min tih hnûin ngaih țha tak chuan kan haw zui ta nghâl a. Ultrasound thlalâkte chu enin a nui leh suk suk zel a, " i hre thiam em ni? " nuih var var paha ka tih chuan, " Ka mitthlaah a fiah alàwm, " nui suk chunga a tih chuan, nuih hak mah ila a dik ka ti viau lawi a, fiah lo mah se kan mitthla leh kan thinlunga a fiah êm avàngin kan en khan a fiah mai a lo ni.







Tu pawh mai chu kan phûrin kan hlim êm êm vek a, kan nuate lo piang tùrin he ti tak mai a chhûngkua a ti hlim tih hriatte hian vannei ka intiin, Pathian malsâwmna liau liau a ni ka ti lo thei lo. Lehlam zâwnga ngaihtuah chuan u Zomuana an lo ngaihsak zual bîk ziate, lungngaih leh hlimna a tawna thlâwp tlat țhìn tu a chhûngkaw țang rual inhmangaih an nihna chu ka hmuh fiah zual telh telh bawk.






Tu pawhin an phâk tawkah mi an duat êm êm vek a, Kurite lahin shopping site hrang hrangah naute thil tùr atân a awh deuh chu a lo chah deuh chhên reng bawk a. A lem min lo thawn tawh hi chuan a chah fel der tawh tihna a ni zêl. Ka nu leh pate pawhin an remchàn vêleh rawn zin an tum ruh hle bawk a, lâwm thu sawina chawi ei khâwmte neiin Zohera leh Kimkimi bâkah chhûng leh khat sâwmin boruak a nuamin kan hlim tlâng tak zet.






Ka'n han raino chhote chu u Zomuana lahin min duat êm êm a, 'ka duatsual châk che' a tihte kha a ti tak takah ka ngai rum rum tawh. Thil pakhatah erawh kan inkhak zingin ka thin a ti rim zing viau, ka naupai vànga ka hnute han lian chho zêl chu a làwm zual êm êm a, min dap reng chu keiin ka lo ning tawh țhìn si, " Naute kan neih hunah chuan ka chang tawh mang dâwn lo asin, " ti pahin min melh rùn rùn a, keiin ka lo phun khum hlak hlak bawk a, engah mah erawh a ngai duh dèr lo. Thil dangah erawh buaipui ngai khawpa rai la na chi ka ni lèm lo hluah a, nun phung pângngaiin kan nung thei zawk hlauh e. Chutiang ni lo se, kan nasa lo viauin ka ring țhìn.






Ka naupai pawhin thla thum hmêl hmu tawhin, naupai huat ka nei lo lutuk chu ka ngaihte a țha lo ngawt zêl a. U Zomuana lah hian a rilru a lang ang angin, " Ka uin Dawngdawnga a pai lai chuan chakai a ei châk thei lutuk, i châk ve em? " tiin U Thari raino laite a sawi leh ngawt zel a, ka châk tùr ni àwm hi a dap chawp reng zel. Kei lah kâr hnih khat zîng kâr luak chhuak leh chaw ei tui loh ve zeuh tih loh chu insawisêlna ka nei meuh si lo. Zànah ka muthilh hmâ chu a muhîl duh ngai si lo, "i pumte a na thut ang a, ka harh thei lo palh ang, " a ti deuh tlat zel, keimah engkimah ka awl sam êm a mut harsat lam pawh ka nei ngai lèm lo. Phone a khawih peih sâwt viau bawk, chu pawh ka naupai kaihnawih vek tho. Naute thil a en loh leh hnampui zawkte video ațanga hriat tùr leh beng ti vâr tùr thîl a en thûl, kan naute lo piang tùr hian amah hi a luah khat vek a ni ber mai. Keimah ka fel fai hluah a, ni lo se awmze nei lovin a phar buai fô ang tih tùr ang kha a ni, luak han chhuah ve châng awm țhìn mah se mite ang ka ni lova, ka vânneih zia ka hre thar awn awn reng mai.





Tlai ațanga ka pum a nawm loh riai riai avàng chuan ngaih țha vak lo chuan ka nu chu ka hrilh ta tawp a, u Zomuana lah chuan Doctor a phone nghâl zat bawk a, Doctor ràwn angin Hospital lam kan pan chawp ta chuk chuk kha nia. Ka nau neih a la hun lo nasa si, a ngaihna ka hre lo tak zet thla riatna tùr a hmang țan chauh a ni bawk si nên, ka nu erawh a ngaih a țhat loh hmêl kher mai.






Hospital kan thlen chuan nurse in min lo check zung zung a, rei loah Doctor pawh rawn thleng ve nghâlin min han check chian hnu chuan emergency a zai nghâl ka ngaih tùr thu a sawi zui ta mai a, kan hamhaih tlângin min țhâwng a ni ber mai. Ka nu chuan chhungteho phone theih ang ang a phone kual nghâl zung zung a, kan pa erawhin ka kutah chelhin min melh vawng vawng reng a, min khawngaihna leh ngaihtuahna mit meng bâk amah chuan hmuh tùr a awm lo.






Ka pum chu a nawm loh zawm reng avâng chuan an che pawh a muang tawh lo hlawm viau, nau vei an sawi ang êm êmin awm lo mah ila ka awm dànah chuan tehkhin tùr dang ka hre chuang lo thung. Ka na tawrh tawha nâ ber tùr țum thum ang vêl na vawrtawp ka tawn erawh na ka tiin thlanin min bual ve bat bat hial bawk.






Inzaina Room a min nawr luh dâwn chuan ka pumna leh ka hlauhna chu a inchawhpawlh nuai ni berin ka hria, ka zâm a ka hlau êm êm bawk. U Zomuana'n khawngaih hmêl taka min ente chuan mittui tling pamin ka melh lêt ve reng a, thil țha lo tak ka chungah emaw naute chungah a thleng dâwn tlata rinna ka neih a vâng chuan ka khûr chhe lo chauh bawk. Inzaina thawmhnawte min hâktîr zawh hnu chuan min nawr lût chu a ni zui nghâl mai a, ka nuin min țawng thlamuan mawlh mawlh a u Zomuana erawhin ka kut hûm vang vangin, min melh vawng vawng a ka kutah chuan a hmuin a nawr vang vang a, " Hlau miah suh aw, " tih thu chu a rawn sawi ve sup, a bâk sawi tùr a hre lova, ka hre bîk hek lo kan inmelh ngawih ngawih tawp mai ni.





Inzaina Room chhûng vawt raiha min nawr luh hnu chuan ka hnungzângah min chiu a, rei vak lovah chuan vai zui riaiin, engkim chu mumang ang mai a ni. Khâwl ri țêt țêt te chuan ka thi lo a nih tih min rin thiamtîr a, mihring țawng ri leh riai riaite chu mumang ai pawh a fiah lo ang vêlin ka hre leh țhìn bawk. Ka taksa chu a vâwtin ka chhûngril a khùr a, ka harh chhuak mai thei lo chu a hrehawm tak zet.




Harsa deuh chuan ka thaw hak hak a, țawng rî pawh a fiah țanta fiah lo riai chuan cabin lama min nawr luh lai pawh ka hre nel nuala ka mut a chhuah êm avâng chuan ka meng hlei thei meuh lo thung, u Zomuana'n ka chal a rawn fâwp chung a , " ka chhuang lutuk che aw, fanu hmêl țha deuh kan nei a nia, " a tih chuan nui seihin ka chhîng zui ta riai riai a.






Ka harh leh chuan ka nu leh ka pa chauh ka hmuh avâng chuan ka hawi kual deuh ruai a, ka nu chuan min hre thiam takin, " I țha em Lâte, Mampuia chu Sangsangi nên naute an ngaihven aw, up lum a mamawh a, " a tih chuan ka melh nghâl kâwk a, ka hlauhthâwng nghâl êm êm ringawt mai ni. " Hlauhthàwnna tùr a awm lo nia, thla kim lova piang a nia, hetia'ng hi chu a thleng fô țhìn alàwm, " min hnèm tum tak chuan a lo ti leh thuai a. Ka hah erawh a dam phah chuang dèr lo, keimahah chuan hlauhthàwnna a awm tlat a ni, ka hnute țang mar deuh țalhte chuan ka țah an ti chhuak nghâl hluah hluah bawk.





Kan awmna cabin kawngkhàr chu rawn ri rakin, u Zomuana a rawn pên luh chuan ka mittui a rawn luang nghâl pap a, min nuih suk pawh chuan ka nuih ve thei dèr lo. Ka nu chuan naute an va ngaihven tùr thu sawiin ka pa nên chuan an inzui chhuak ve leh nghâl mai bawk a. Up ngai ti ringawt mah se ka thinglungah chuan eng mah a dik lo, up ngai a niha NICU ah meuh a awm tawh chuan tih thlengin ka ngaihtuah a thâ a khùr ru der der reng mai ni.




U Zomuana ka khum bula a rawn țhut thlâk chuan ka kut pahnih phar chhuakin ka lo bân vat a, rang deuh chuan min rawn kuah nghâl thuk bawk. Ka lung a chhe êm êm a, a darah ka hmui a nawrin ka țap khùr nghâl der der bawk, kan naute ka hmu nghâl thei lo leh Radiant warmer hnuaia awm a ngaite chu ka lung a awi thei lo a ni ber. Thla kim lova piangah pawh thla riat chauh a lo ni kher nên, eng eng emaw ka lo chhiar ațangte leh mi titi ațangte pawhin vânneih bîk nih a ngaihzia ka chhût thleng nghâl vek a, ka rilru a dam thei mawlh lo a ni, ka hlaua ka chhûngril thlengin min fan ni berin ka hria.




"Hlauhthàwnna tùr a awm lo nia, in inhmu thei țep ang, " tih sup sup pah chuan ka mittui chu a kut chuan a rawn tuai hul a, ka heh ka lo pet fan fan thung, " A hmêl țha lutuk, min chhûn zâwk a, ka thawh rimzia a hre thiam a niang, " a rawn tih chuan min tih hlim a tumna chu ka lo țah nuihpui ve hak a, nui sukin ka hmuiah a rawn fâwp zui vang vang bawk.





Kawngkhàr a rawn rîk rak chuan kan hawi dûn nghâl vat a, ka nu hmêl a hlauhthàwnna awm chu hmuh hmaih chi rual a ni lo, " Bawihtei chu a khuasik a ni awm e, tûnah khân Doctor in a en zo chiah mah se eng êm a tih zawm lo ang chu maw, " thu khuh tak chuan a rawn ti tak nâin, amah ngei pawh a hlauhthàwn zia leh a zâm zia a hmèlah a thup thei meuh lo a ni. Ka lo insût chhuak hraih a, ka tai zâwn a rawn thîp nghâl vâwt bawk, ka tai chu dawm chungin ka țap khùr deuh titih nghâl ringawt bawk. Ka hlau êm êm a ni tâwp mai, engkim mai chu ka hlaua a țha lam hawiin engmah ka beisei thei hek lo, min ngaihtuah tak chung a u Zomuana chhuakte chu țap chhuak hlawp hlawp chunga awm zui ve dawr dawr theih chu ka châk kher mai.











Upate'n 'Sawm thah nî meuh paw'n vawi khat lungngaih a awm' an lo tih țhìn dàn deuhin, kan naupaitîr kan làwmnate kha thâwk leh khatah bo vekin, kan suangtuah tel miah lovin thla kim lovin a piang a. Zai chhuah a nih hnûah nu hnute hnêk chu sawi loh kut lum tak ngial pawh dek hman lovin up ngaiin a awm a, tûnah pawh a khawsikin zia awm lam a pan thei chuang lo. Naute dam țha pângngaiah pawh nu tel lova an chân lainatawm zia ka ngaihtuah a, chu aia râpthlâk chu fanu chuan a tuar mêk a ni, nu tel lo mai ni lovin natna tuarin a pian chhuah aţangin a awm zui a, a țap chhuak lova, zun leh ek a nei hek lo, chu chu mihring nih phung a ni thei lo, chung zawng zawng a tawrh mêk lai chuan bulah tumah an awm lo, a chhungte pakhat tê pawh! khâwl hrang hrang a taksaa a bur fer fur tùrte ka mitthlaa, ka âwmah min hnawhin ka thâwkte thlengin a sak vek thei.






A khawsik chu a sàn tak zêl a avàng leh a thâwk dàn fel hlel vângin NICU-ah dah luh ngaiin a awm a, test hrang hrang an neih hnuah beisei loh zetin Septicemia a ni tih hmuh chhuah a ni bawk. Doctor-te chuan u Zomuana bulah, 'thla kim lova nau piangte hi an taksa a natna hrik do lêttu a chak loh țhìn avàngin kai theihna chance an neih sàn thute a hrilh fiah a'. U Zomuana'n Doctor thu sawi a sawi chhawn laia a hmêlah manganna leh a fanu khawngaihna hmêl chu hmuh hrehawm ka va'n ti tak. Inhnêm tùr chuang pawh kan awm lo, a khât tâwka ka nu țawngțai leh ringawt țhìnte, U Zomuana hmai tuai leh puat țhìnte chuan boruak rihzia a sawi fiah ni maiin ka hria.






Ka nute pawh kan khua ațanga lo kalin an rawn thleng ve tawh bawk a. Nute meuh lakah chuan pachan lo har kher mai, kan inhmuh chuan ka țap nghâl a ni ber mai, min zaina la dam fel lo nên ka chhûngril na lutuk chu duh tâwk a țah chhuahpui hawm hawm theih tluk a châk ka nei lo. Ka hnute țang mar na vekte chuan min ti nâin, awm ngaihna hlawl min hriattîr tawh lo, ka taksa bâkah ka chhûngril thleng chuan a na vek ni berin ka hria.






Ka nu Nu Parteite in lamah haw lawk an tum laiin kan awmna cabin intercom a rawn ri ral ral a, U Zomuana'n lo chhawn vatin a awm dàn aţangin thil țha lam a ni lo tih a hriat theih. NICU duty te kohna lo niin U Zomuana leh zuk kal tum chu zui ve tum vatin, thei leh thei lo chuan ka inti tho lui a, u Zomuana chuan nurse kovin wheelchair chuan min nawr thla zui a, NICU pâwnah kan din lai chuan Doctor-in , " mihring lam ațang chuan beisei a awm tawh loh, " tih thu ka pate lo awm bulah chuan a lo sawi. A thu sawi ring lo tak chuan țek tla ri ang maia ringin min Deng a, ka thinlung hi a rûma a na nghâl vawng vawng a ni e, ka kawchhûng zawng zawng nên hian nâin min fan chhuak ti i la a nat zia a la sawi fiah tawk chuang lo. Ka tai dawmin u Zomuana ban ka chelh lam chuan ka hmui nawrin ka țap khùr nghal ngawt ngawt bawk.





A va'n inthlahrunawm thei ve aw, tûnlai chu buai mawp mawp ang kha ka ni e, naktûk zân aţang chuan kan ziaawm chho thei tawh tùrah ngai ang, comment min pe țhìn tute chungah lâwm thu ka sawi mawlh mawlh e, a la lang lo pawh kha lo lang ve zêl r'u aw


Show post links
Top

[Ngaia]

Lovers

Chapter -32


By~ Rengpuii Lushai




Thihna hmâa mihringte kan han tlâwm vawng vawng țhìn hi chu aw, a nâ a ni, kan hmangaihte zah ngaihna nei lêk lovin min lâk sak a, a la dama te'n tih theih nei si lova an liam lai thinlung na tak chunga thlîr liam a ngai țhìn runthlâk ziate hi aw.






Fa chân natzia an sawi ka hre tawh țhìn, thenkhat chuan, " ril pawh thlâk ang, " tihte'n an sawi țhìn, a natzia tehkhin thiam tùrin hetiang taka natna hi ka la nei ngai lo thung. A natna chu sawiin a siak lo a ni ber e, kan hma lam hun atân suangtuahna kan neih angte chu vawi leh khatah vawmbo ang duak a ni ta.







Inah kan haw a, țhenrualte leh laina hnaite hmêl ka hmuh chuan min ngaihtuah avânga lâwm tùr ka nih laiin beidawn natnain min tuam a, kan hun tawn mêk hi a tak a ni tih ti chiangtute anni. Mi an lainatna hmêlte chuan thinurna min pe a, nu thinlung hi a rum vawng vawng a ni e. Mi dang pawh ka ngaihven thei lo, engtin nge an awm pawh ka hre tawh hek lo, ka pum chhûngah nunna a awm a ni tih kan hriat nî a kan hlimnate ka chhui kir a, phum bo a ni mai tùr chu ka phal thei ngang lo, awrawl tâwpa țah ka châkna leh chu chuan awmzia a nei dâwn chuang lo tih ka hriatnate chuan dam châk lohna min pe a, a vawi khatna atân tak meuhin ka fanu ban chelh a THIH châkna chuan min kuah ve ta!





A kut tê reuh tê lumna nei lo chu ka tawk a, a kut hi chelh chunga kal zirtîrte ka châk a, a tlu tùr chelha min chelh lêt a thiam thleng a chelhsak ka châk bawk; mahse, ka pangtilum pawhin a ur lum zo si lo. A hmêl țha takte chu ka en a, ka en nawn leh țhìn, tûn bâk chu ka hmu thei tawh dâwn lo tih hriain ka hawisan phal meuh lo.






Theih ni se a nu hian a tawrh ai tawrhsak ka inhuam asin, ka thinlung tâwt lutuk chu boruak ka kham lo ni maiin ka hria. Ka lu a hai a, Doctor te'n rei țhut an la phal loh avângin ka fanu, ka naute an muttîr naah chuan muthla vein amah chu ka si chat a. Ka pangtilumte hian an tih lum ka beisei a, beiseibo a nihna chu haider ka tum a ni ber zawk.




Nakin lawkah chuan lei hnuai thûk takah amah chauha zalh a ni dâwn, tih ka ngaihtuah thlente chuan thaw chham lek lekin min siam a. Mi dang awm dàn emaw, engtin nge hun an hman tih lam ka ngaihtuah thei tawh lo. Tu mit mei mah vên ka tum hek lo, ka rilrua awm ang anga awm chu ka duh ber a, kan hun tawn mêk leh ka ngaihtuahna vak vel chu ka chauhpui hluah hluah tawh.






Ka huphurh êm êm hun a lo thleng a, khawvêlah inhmu leh ngai tawh lo tùrin ka fanu chu ka lak ațangin hla takah a awm tawh dâwn. Mangang zetin ka innghahna țhìn, ka thlamuanpui êm êm ka pasal chu mittui kar ațangin ka melh a, ani chu mipa tuarchhel a ni, tih dàn kawng eng emaw talin a hriat ka beisei fân; mahse, a hmêl a natna lo lang chhuak chuan tih theih a neih bîk lohzia a ti lang chiang kher mai.




A tâwp nân tak meuh Bawihtei chalah chuan fâwp vang vangin, a hmêl țha zet kim ve biaite chu ka en leh ngawih ngawih a, ka en kham thei lo a ni ber. Mi dangin a kuang vêl an singsak lai chuan, U Zomuana chuan ngawi rengin nghet zetin min kuah bet tlat a. Țawngkain eng mah sawi lo mah ila kan thinlung chu a inhlat hauh lo thung.




Min lainattu leh min țawngțaipuitu an tam thu kan hre awl lova, tawrh thiam ala harsat êm avàngin min țawngțaipui nate chu rilruah ala lût mawh rih êm a ni. Chaw ka ei thei lova, ka taksa a chak loh êm avàngin drip khai ka ngaih phah hial bawk. Sawi tùr kan hre lo tlang a, mahni theuhin tawrh dàn hranin kan tuar tlâng a ni ber e.




Tlai ni tla tùrin mâwi zeta ral leh lama en phût hmuh chângte hian Bawihtei ka ngai zual a, "vâwt a ti ang em? A thâwk a chham ang em?" tih mai maite ngaihtuahin, ka ngaihtuahna ka țahpui leh fô țhìn. U Zomuana'n min ngaihtuah êm êm reng a, mahnia ka awm hran a phal lovin, bathroom ka luh chânga ka rei deuh pawhin min au deuh reng zel mai a ni.




Nautê uar taka țap ngâk ngâk rî lo chhuahna chu thaw hlawp hlawp chuan ka pan zêl a, ka kal chak thei lo leh hmanhmawh ru êm êm bawk si chu a inrem lovin ka hah tak zet. Thaw hlawi hlawi chuan Room pakhat vawt êm êm hi ka pawh hlawl a, naute țap rawng rawng rî chu a fiahin a ring zual tak zet, khawngkhàr chu hawngin hmanhmawh êm êm chuan ka lût rawk rawk a. Ka hmanhmawh zia leh ka tha pêk nat ang aia ka kal chak thei miah lote chu mak ka tiin, ka hmâ lawka khum chunga naute țap ngâk ngâk pawh chu ka hmu thei vek tawh; mahse, ka pên a ritin a sak êm êm bawk si.





Țap chungin a ke a leng bat bat a, a ban tê tak tê chu a vai ve bat bat bawk. Harsa deuha thaw kawk kawk chung chuan ka thleng phei ta hlawl a, ka hmuh chuan ka țap chhuak nghâl hawk. A taksaah chuan khawl hrui chi hrang hrang a lo inzam duah a, a kâ a ventilator vuah chunga a țap rawng rawngte chu mak tihna pawh ka nei lo. A hmêl țhain a ngo êm êm a, a khabe phîr lek lekte chu ka hmu kim hman vek, ' Bawihte ' ti mawlh mawlh chung chuan țap chunga ban nghâl ka tum chuan, ka thei leh tawh lo. Țang êm êma ka kut lek chhuah ka tum paw'n ka thei si lo chu, naute melh ngawih ngawih chung chuan ka țap chhuak rãwih rãwih a, ka taksa chu a țangin ka awrawl tâwpin ka țap a ni ber mai.





"Lâbawih, Lâbawih.....Bawihte, " tia min ko mawlh mawlh chunga min sawi chuan thaw hlawp hlawpin ka harh chhuak nghâl hlawl a. Ka țap zui lehnghâl hlawp hlawp bawk, u Zomuana chuan ka sîra țhingțhî chung chuan, mangang leh lainat hmêl zetin min lo melh vawng vawnga. " Bawihte, " ti hawkin min kuaha, a nghâwngah ka lo kuah bet ve nghâl chawih chawih bawk.




Min pawm thoa, a malchungah amah hmachhawn zâwnga min țhuttîrin nghet êm êm chuan min pawm betta ngawta, a nghâwngah ka hmuia nawrin ka țap hlawp hlawpa insûm tumna ka nei miah lo. Ka chhûngril chu a na êm êm a, Bawihtei boral ațang zan thumna a ni ta, zantin kha mumang khân min chên chilh țhìn. Mangang taka țap rãwih rãwihin min ko-a ka khawih thei lova, țanpui tùr khân ka che chhuak thei ngai lo. Chu chuan ka harh hnu thlengin min sawp chaua thihna tûr na tak chuan min la fan rawih rawih țhìn.




" Bawihte țap rawh, țap bawrh bawrh rawh aw, " u Zomuana'n chil lem khawlh chunga, zàwi hnawk țuaka a lo tih chuan ka țah a ti chhuak zual sauh a, " Bawihtei khân min mamawh lutuk asin, a hlaua a țap nasa lutuk; mahse, engati nge ka khawih theih loh, engati nge ka taksa kha ka chêt theih loh, " thei leh thei lova ti chhuak nawk nawk chuan, ka taksa chu ka inthing nghâl chiam bawk. U Zomuana chuan nghet taka min pawm betin, ka bekah chuan a hmuiin a rawn nawr vang vang a, ka tâl zui chiam nâin ka thâ a tlêm êm avàng chuan rei ka tâl thei lo, inhnit hlawp hlawp chung chuan ka zawi ta hnawk a. Țap chhuak thei tawh si lo chuan zawi zetin ka inhnit chhuak feih feih bawk, " Kan nautê khân vantirhkoh nautê nih kha a châk viau a nih ka ring, ngaidam mai ang aw, " tih sup sup pah chuan ka hnungah a chùl hliau hliau a, ka mittui chu rawn luang leh zung zungin, " Duat ka châka ka hmangaih thu hrilhte ka duh asin, amah paw'n min mamawh tih ka hria alàwm, ka hnute țang mar reng ti hi a na lutuk, engati nge Pathian pawh hian puitling zâwkte hi min thihtîr hmasak zâwk loh?! " hrawk na țûn leh hmui khùr der der chuan ka ti kawkalh leh nawk nawk a. Pathian lakah ka vuia ka dem lek lek fô, thihna kut vâwtin a ban phâk hi kum tal thliar se ka pawm thiam mahna!




U Zomuana chuan nghet taka min kuah chungin a rawn khùr deuh dar dar a, thaw chhuak hawk hawkin khum tlângah chuan min țhut chhuah pui hnu chuan, ka biangah a kut lum vung vunga khuapin, " Ka hmangaih che, " thâm țuak a tih chuan chhîng reng chung chuan ka mittui chu a rawn luang chhuak papa, ka heh chu ka pet nghâl fan fan bawk.





"Min en rawh, " tih sup pah chuan ka hmuiah a rawn fawp zauh a, a kut zungpuiin ka muttui luanna chu a nùl heuh heuh bawk. Ka meng chhuak riai riai a mittui tling pam leh fiah lo riai chuan a mitah ka en kal a, a mit hnuai val kalhte a mit meng chauh hmêl zet kara khawharna leh nantna kan ințawm chu ka hmuh hmaih lo, a mit hnawng chapte chuan ka țah an ti chhuak zual leh vek tawh, " Hmangaihna hi tlâwmna a ni lo tih ring tlatin, hmangaihna dik chuan a dawh theihzia i fiah a, " nui sukin thâwk a la leh hawk a, mittui tling pamin ka lo la melh ve reng bawk. " Hmangaihzual ka hmangaih che, ka hlutna min hriattîr tura kan fanu nên ka nunah inrawn lût a, bul țantu leh hnung tawlh ngam khawpa hmeichhe huaisen pahnih, " tih pah chuan ka hmuiah a rawn fâwp vang vang a, ka lo țah nuih hak.




" Ka hlutzia leh hmangaihna ka hriat fiah theih nân bul i țana, i fanuin huaisen takin i hnung a dâwl bawk, ka hmangaih zia che ka hrilh hman loh che hi ka hlau viau tih hria la, i hriat nawn fô theih nân min kal san suh aw, " chil lem khawlh chunga a tih leh chuan, ka lo bu nghat. Dam raih chuan min rawn fâwp zui vang vang a, a pawm dàn leh a thlîrna ang rilru nei tùr chuan hun ka duh rei dâwn zia ka hria; mahse, he khawvêlah hian tumah hi tih palh thil thûin kan intawng lo a nih dâwn hi. Bawihtei pawh kha chhan nei leh awmze neiin kan nunah a rawn lût a, chu chu apa chuan fiah takin a hmu thiama, inhmangaih tawn tùr leh indawm kãng tùr kan nihzia min hmuhtîr a ; mahse, ani erawh a inthiarfihlîm leh daih si ! A châng chuan hmangaihna hian ram rî a kham lo mah mah a ni!





Ka nute'n a cham min thlenpui a min fuih rengin, Kuri pawh chhûnah min awmpui tùrin a rawn kal nitin a. Nun phung pangngaiin kan awm chho leh țan a, kan khawharna erawh a zual ting emaw tih tur a ni si. U Zomuana pawh a hna lamah a kal ve leh tawh a, min ngaihtuah êm êm reng a. A hunawl hlekah min lo call a, rilru nuam lo zeta ka awmtîr țhìn chu ka inthiam lo ang reng khawp mai.



Zângkhai zeta call a lâk ruala a sawi ziah țhìn sawi khalhin, "Ka pasal, i țha em? " Ka lo tih khalh chuan nui hakin, " Ka nupui a țhat chuan kei chu țha sa ka ni, " a rawn ti lêt ve zat. Rei vak lo inbe zuiin, rilru nuam deuh chuan kan inbiakna kan ti tâwp zui a.



Ka ngaihtuahna chu kawm zuiin, u Zomuana nun ngaihtuahin a țhat laiin hmangaihna avânga hliamin a awm a, a thlek lam pawh nei lovin a nun nuna nungin nun a hmang a. Keimah lam ka inchhût a, mihring mit hmuhah chuan sualna êm êm nei lo a nung ve tawp, Pathian lam ngaihsakna êm êm nei si lo. Ngaihsak dâwn pawha kawng hre chuang lo, sim tùr ber pawh hre lo khawpin nun ka hmang a. Kan nupa hian mamawh kan nei a, kan mamawh chu kan haichhuah thiam a ngai tih ka hriatna chuan min luah hneh hlè. Thawk la halhin naute kan chân ațanga ka la tih theih miah loh, Pathian hmaah țhingțhîin ka tawngtai ta ngawta, lâwm thû êm chu la sawi thei rih lo mah ila, zir tùr kan zir chhuah theih nân chuan ka dil ve thei ta. Ka țawngțai zawh meuh chuan keimahah ven hawkna emaw zân huaina emaw, min chhâwkna emaw awm lo mah se eng emaw danglam chu a awm chiang tih erawh ka hria.





Tlai lama u Zomuana lo haw, kan room a kan inzui lût chu min melh leh vung vung țhìn, "vawiin chu hmuh i nuam hlè mai, " a tih chuan lo fiam lêtin, "ni dangah hmuh nuam lo min lo ti țhìn viau elo? " ka tih chuan a nui hawka "i lungngai hmêl hi khawvêla hmuh hrehawm ka tih ber ani; mahse, ka hmuh phâk lohah i awm ai chuan i lungngai hmêl hmuh chu ka la thlang tho, " a tih chuan a hmuiah ka fawhsak zeuh, kal mai ka tum chuan, " ka la duh tawk ve rêng rêng lo," tiin uar zetin mi a fâwp zui ve nghâl zat, kan boruakte a hmâ ang ni rih lo mah se a hmâ ang bawkin nun a mâwi chhoh leh ngei ka beisei tak zet.




Tlai lamah chuan ka pain chhûng inkhâwmna hun hmangin Bible a chhiar a, "Mihring chu piang tùra insiam a nih ațang rêngin thi leh ngei tûra ruat lâwk a ni bawk a. Pian nawn lehna rêng kan tân ruat nawnsak kan ni tawh lo ," tih chu hnuk ulh țeuh chung a chhiarin thu sawm zawm lehin, " Kan rilru nâin, kan thinlungte na hle mah se la Pathian hi kan hnaih tlat tùr a ni. Ani chuan min kalsan ngai lovang, mihring kan nih chuan kan nunah hian harsatna vawrtawp, mihringin kan tuar chhuak zo lo mai ang a tih tùr khawp a natnate kan tawrh châng a awm fô a; nimahse, heng kan tawrhna hian kan duhtakte hnên thleng ve thei tùra min ti chaktu ah te hman dàn thiam i la, thihna pawh malsâwmna a chantîr theitu hi kan belh tlat a pawimawh êm a, he thihna hi kan chhûngkaw tân malsâwmnaah a lo chan nân mimal tin hian Pathian hi i hnaih thar deuh deuh ang u. Davida pawhin a fapa dam lohin damna a chan theih nân theih tâwpin a dîl a, chaw ngheiin a bei a, leiah te hial muin Pathian a kar a nih kha; mahse, a țawngțainate chhànin a awm lo a nih kha. Chutah a chunga thleng kha Davida khân pawm thiamin vui vaiah emaw tlak lovin a kal tawhte chu an lo kir tawh dâwn lo tih hriain amah zâwk kha a fapa bula a kal ve theih nân a inbuatsaih ta zawk a. Keini pawhin hêng kan tawrhnate hi kan rinna tih chak a tih ngheh zual nânte kan hmang deuh deuh tùr a ni, " tiin a sawi zui dap dap a. Țawngțaina hmang zoin zànriah kîl tùrin kan inbuatsaih zui a.





Ka pa thu sawi chu sawi zui chiam hlawm lo mah ila, kei mahni țheuh min khawih hlè tih erawh kan boruak zângkhai dàn ațangin a hriat hlê thung.





Kan chhûngkaw boruak pawh kan boruak te'n zia lam pan chhoin tute pawh in hmalam pan duhna kan nei țheuh a, ka nuin a sawi fô țhìn, " hma lam pan loh chu hmasawn lo tihna a nia, awmna ngai renga awm hi hmasawnna a ni lo," a ti fô țhìn.




Tawrh fuhloh châng ka nei ve leh zeuh tih loh chu boruak pawh pangngai chho ve zêl rihin, vawiin chu Kuri'n parlour a kal tùrin min sâwm a. U Zomuana ka rawn chuan, "a țha alàwm; mahse, rawn hmêl țha zual lutuk suh, hahdamin ka awm thei lo ang, " ti zuiin ka hnung lam aţangin min kuah zui zat. Tûkțhuan kan ei lai chuan ka sawi leh a, țha an lo ti tlâng hle bawk, ka nu phei chuan, "Kuri chu a nachâng a hre hlê mai, va chhuak harh ve rawh, inlam ngaihtuah eng mah a ngai lo," a lo ti zui ve vat bawk.




U Zomuana office kal tùrin Kurite inah min dah hnu chuan office lam panin a kal tlang zui nghâl a. Nu Zoremi lo awmin min hmuh rual chuan, "Lâte, eng nge i an, i țhiannu chu a insiam mêk aw, " tiin min ngaihtuah hmêl zetin min melh vang vang a, " Ka țha tawh lutuk, Pathian zarah ka tha zêl ang," ka tih chuan ngainatawm zeta min nuihin, "kan țawngțaipui reng che u a nia aw, engtik niah emaw chuan inzin kawng ti ngaihnawm tu ala ni êm êm ang, " a tih lai chuan Kuri lo chhukin Nu Zoremi nen inbe leh thuak thuak chuan kan kal zui nghâl a.






Kuri chuan kalna tùr a hre ngang mai, amah ka zui deuh tawp a ni mai, a samte tan tirin, kei erawh chu tan lèm lovin ka colour ringawt thung. U Zomuana'n chanchin min rawn zawt zeuh zeuh bawk, kan haw hman meuh chuan chawhnu her a ni dèr tawh.








" Kan thleng țêp tawh a nia aw, " ka beng, a kut țanga nùl riak riak pahin ka pasal khawhar ngaithei lo zet chuan a rawn ti leh dût dût tawh! ' Muhîl daih rawh, kan thlen hunah ka kai tho ang che ' ti ve thlap mah se ka mut tak tak erawh a hlau hlê. A khât tawka kan thlen țêp thu sawiin min ti harh lehnghâl zêl a, ka muhîl tak tak hman lo chu a ni ber e.





Kan khaw lamah zin khawthawng tùrin kan nupain kan kal mêk a, ka nu leh pate thu âwihin kan kal a ni ber e. Kan vaia zin theih a châkawm viau rualin, ka nu dàwr leh Sangsangi zirna nên a rem teh țeuh rih lo a ni ber e. Kimkimi pawhin min zui chhoh a châk ve ngang mai ; mahse, ani pawh a zirlai beih ngawrh a hun lai tak niin an exam a hnai tawh nên âw kan pawhsak duh ta lova, kan nupa tê chuan kan kal ta ngawka nupa ta na nâ nâ chu rin ai tak chuan a khawhar thlâk lèm ta lo hlauh.





Zîng chaw ei lova chhuak kan ni bawk a kan thleng har lo viau, ka nuin kawtah min lo hmuaka kan motor a hmuh chuan a bân a lo vai lauh lauh a, ka hlimin boruak danglam ka hîp chu ka inchhîr lo nghâl pang mai. Kan thlen hnû chuan kan indah fel nghâl zung zung a, ka pa hna kal pawh a lo la bâng lo a nih hmèl, kan thleng hmâ ve bawk êm a ni.




Zànriah atân ka nuin a ar vulh a tui lai a lo talh leh a, u Zomuana hian a ngaina tih an hriat avàng hian ka naute chawhmeh tùr an rawn thawn rualte hian puahsain an rawn thawn ve leh zauh zêl.





" Zànin chu a tui hâng a tak țha ngâk ngâk bawk sia, ka veng seng dâwn lo a nia, " tih pah chuan a nui ruh ruh a, a inbual zo a thawmhnaw hâk tùr ka zawn lai mek a ni. Hre thiam chiah lo chuan ka lehhawi hâ a, min rawn kuahin ka nghâwngah a rawn fâwp thawi thuak thuak a, " Eng nge a tui hâng chu?" Ka lo tih lêt haw chuan, nui hukin min pawt hnai hrâwka a mipatna chuan ka kâwngah a rawn do leh ràn tawh!





" I ninawm kal teh, i ngaihtuahna ropui lo thei lutuk hi a, " ka lo ti hlak, a thawmhnaw chu lain a âwmah ka hmehbel nawk a, nui huk chung chuan a lo la ve mai bawk a. Kal nghâl mai ka tum chu min pawt let thutin, a âwm ka sik nghâl thlawp chuan min lo khuah bet vata, kan bula khumah chuan min bawh thlu nghâl zat bawk.




" Ka ngaihtuah ropui lutuk a, naute neih thlengin ka ngaihtuah vek tawh, " ril ruiha a tih chuan ka melh nghâl vat, ka danglam nghâlna chu hre thiam tih hriat tak hian, " Hma lam kan pan a ngai, amah hre reng chungin, i hre thiam ti raw?" A tih sup chuan bu nghatin a nghâwngah chuan ka kuaha ka hmai ka phûm zui vang vang a, ani pawh chuan min delh rih hlau tak chung chuan a khupa țhingțhî deuhin min kuah khâwm hneh hlè, a thu sawi awmzia ka hriaa kan nupa nun thlenga ka khîktîr loh nân hma lam ka pan a țûl tawhzia chu ka inhrilh ru mawlh mawlh bawk.




Ka pa leh Vâlmam-a an rawn haw chuan kan hlim tlângin kan boruak pawh a nuam kher mai, ka pa pawh a hrisêlna a țha zêl tih hriat takin a hmêl a nunga a sa pawh a țhain hmuh a hahdamthlâk hlè. Min ngaihtuah ve thei êm êm a, min rawn phone ve renga țawngțai tam tùrin min chah awl lova, ' i zân hun hrehawm zualte kha, chhun engah a chantir thei tih hria la, țawngțai thlah thlam suh u ' tih hi min chah ngun ber a ni fô.





Zànriah kan kîl chu kan nupa chuan kan ei tui hlê, u Zomuana pawhin ei hnem min ti deuh a niang, lungawi hmêl deuha min melh leh zauh țhìnna chu ka hmu leh țhìn, kan hun tawn leh boruakin kawng tam takah kan nun thlâkin a her danglam nasa êm êm a, rilru chu sawi loh ka taksa rihna thlengin a tuara a hma ka pha lo tawh nasa tih kei ngei pawhin ka hria; mahse, mahni inhnêh hi a lo har êm a ni.





ka nu nên chaw eina thleng kan seng fel lai chuan thu țha min hrilhin min hnèm pah mawlh mawlh a, ' in nupa kâr vêng tel thiam rawh aw Bawihpui, vânduaina kan chungah a lo thlen hian keimahni chauh inen lo ila, nang pawh Zomuana ringawtah innghat lo la, nangmahah hahdamna a hmuh ve theihna tùrte hmuh thiam sak rawh aw, inthil paltlang hi a namai lova nupa tam tak inkâr khîkna a ni tih hre tel reng la aw' a tih chuan ngaihtuahna a ti thuiin, vawiin tlai kan awm dànte ka ngaihtuah thlen phei chuan dik ka tiin, ka nu thu sawi chuan ka ngaihtuahna a luah hlê.





A âwm ruak kung leh lum vung vung chu ka chùl riak riak a, thaw hawkin min rawn melh nghâl vut bawk, " zànin chu ka pasal duhtak hi ka duat hlak châk, " tih pahin ka lo nuih seih a, mitko sàn uka min lo melh vung vung chuan, a hmuiah fawh sak pahin a taksa chungah chuan bawk kai nghâl zat. Rûm nghut chung chuan min lo fâwp lêt nghâl mawlh mawlh a, " Min va cho ve, ka phûr zâwng tak, " tih sup pah chuan ka hnungzângah chùl thlain ka mawngah a țhâm tawka, nui hak chungin ka thiam ang tawk chuan chêt ka la zawm a.




A hrâwk bawk langsar takah chuan fâwpin ka kut chuan a âwm vêl chu ka chùl kual ruai bawk, fâwp thla zêlin ka kut pawh chuan a dap ril thuk zela a kap ka khawih thlen chuan a lo thaw hawk hawka, chu chuan ka zâmna ti rehin min ti phûr zual bawk. Ka kut ka chêttîr chuan rum ham hama rawn inbengkhalhin min rawn fâwp zui ngàwng ngáwnga, min lehthal thut chuan ka lo nui hak hak a, " a tâwpna chu keima'n aw, " seh chilh nawka ti chungin ka mut kawr chu a rawn hlim chho nghâl nawk nawk a, a che chu a phûrin a hmanhmawh kher mai, duhthawh taka min fâwp chung chuan ka hnuteah a țhâm leh nawk zêl bawk a. Kan taksa a inzawm takah chuan phûrna leh nuam tihnain min rawn tuam a, kan inmamawh tawnna sosâng tak chuan rei min daihtîr lo dun ve ve, kan taksa a zawi hnawk chuan min rawn fâwp zui vang vang a, " Ka hmangaih che, " ril ruiha tih pah chuan min rawn fâwp nawn leh vang vang bawk.




Hun hrehawm kan tawn ațang pawhin thla thum lai a liam ve ta. 'Khuarei hi engtianga rei ngê ni ang?' tih inzâwt chungin ka tho chhuak tûktin a ni deuh ziah mai. Tûnlai ka zîng tho ka ritin ka taksa a sil țhûm zêl a, lu hai luak chhuak riai riaiin min țhâm thul. Ka thil ei țhat loh vang a nih ringin in check up êm êm pawh țûl ka ti lèm lova, u Zomuana pawh ka hrilh rih lo. Țul lovah mi dang ka tih hrehawm ka hlauh vâng a ni tel zawk mah.




Khum ațanga ka tho chhuak chu ka pai deuh khat khat avângin khumah ka mu thla zui leh ringawt, u Zomuana bathroom aţanga lo chhuak chuan ka awm dàn a hmuin min rawn pan zui vat bawk. Hrilh loh theih ni ta lo chu, ka nawm loh dàn ka hrilh chuan in check-up a țhat thu a sawi a, lo hnial vatin, " thil ka ei țhat loh vang a niang, ka ei țha ang a ka zia leh mai ang, ka zia theih ngang loh leh kan la kal zâwk dâwn nia, " ka ti chuan rilru nawm loh hmêl tak chuan min hre thiam takin a pawm ta hram a. damdawi in lampang ngaihtuah rualin mitthlaah lang a awm a, hmachhawn tùrin ka la chak tawk lo a ni ber.





U Zomuana office kal loh tum ngawt chu phal lovin kal tùrin ka nawr a, ka nu dàwr kal tùr keimah avângin a țhulh bawk. U Zomuana lehzêl chu țhulh a ngaih loh thu ka hrilh a, kan innawr fê hnûah a kal ta nge nge a, " Ka rawn haw hma ang, " tiin a kal zui ta kha a nia.





Khumah ka awm nilêng a ni deuh ta ber a, Ka nuin min awmpui deuh chawt bawk, u Zomuana pawhin a sawi lâwk ang ngeiin a rawn hma bawk, zànriahte pawh kîl vein zîng lam ai chuan zia tak ka ni tawh.






Eng emaw min ti harh tu awm ang mai chuan chiang zetin ka harh a, ka inleh thawka u Zomuana mutna lo ruak huai ka hmuh chuan ka țhu chhuak zui vat, kan room balcony ațanga zai rî lo chhuak ka hriat chuan ka hawi vat bawk. Chu lam pan chuan ka pên phei zêl a, hla pawh chiang lehzualin ka hre thei ta



*Bâng tawh r'u țap tawh s'u
Kum tluanin chhûm a zîng ngai lo
Bâng tawh r'u țap tawh s'u
Kum khuain ruah a sûr dâwn lo*


Tih hla lungkuai leh fiah zet chu, u Zomuana chuan lo ngaithlain Swing chair-ah chuan lo țhu muin vân lam a lo thlîr vang vang a. A awm dàn chuan min ti nâ a, a tawrh natzia te sawi kher lovin a chetphung ah te lang lo mah se kan nat dàn chu a inang khawp ang. Kan tawrh dàn a inang lo mai chauh a ni, va pawh vein a chungah chuan ka va bawk deuh thlepin, "ka ti harh che elo?" tiin min lo kuah zui vat.


"Ka harh ve tawp," tiin a âwmah chuan rem zetin ka bei zui, ka chhîpah a fawh vang vang chu ka hriat hnuhnun ber a ni.





Ka harh chuan zîng niin khumah ka lo mu tawh, thawh ka tum chu lu hai vàng bawkin ka buai leh titih, pên luih ka tum chu ka tlu zawi ta hnawk a, eng mah ka hre zui tawh lo.




Ka men rual chuan ka lu hai vângin mit ka chhîng leh sawk, ka muhîl zui leh a ni ngei ang. Ka harh leh chuan ka harh chiang ve ta, u Zomuana'n ka kut vuan ràn chungin, "i țha em, nâ i nei em?" tiin min zawt nghâl mawlh mawlh mai. Min ngaihtuah hmêl zeta ka chhûngte'n min lo hual deuh țhap chu ka melh kual a, a inthlahrunawm duh ram ram viau, "Ka țha e, nâ pawh ka nei lo, " hnawk deuh țiaka ka tih chuan, "I rai asin," a rawn tih chuan ka harh chiang kawkin ka hria, ka thisen kal laite chu an chawl țhuap ta mai emaw tih tùrin an awm a. Âwih harsa ka tih rualin a hmêl a thu tak si, mi dang ka melh kual a, mittui kâr ațanga nui sânga min lo melh tute mit ațanga mittui tling kha lungngaihna mittui ni lovin hlimna mittui a ni tih ka thinlung hian a hria a ni.







Kan tlai leh ta, min hau hrep r'u Eng mah ka sawi lâwk duh tawh lo, comment min pe tute chungah lâwmthu ka sawi leh mawlh mawlh e


Show post links
Top

[Ngaia]

Lovers

Chapter -33 ( Last chapter)

By- Rengpuii Lushai





Kum khaw daih hi eng thil mah a lo awm lo, kan lungngaihnate, țahnate leh natnate pawh hlimnain a rawn thlâk hun a inher chhuak leh fo a. Kan thlâk danglam theih loh leh kan tih danglam phâk loh thilte chu pawm dàn zir mai hi kan țhat tlanna tùr zâwk a lo ni. Kan tawrhnate chuan chhelnate leh thil dang a țha zâwnga zir chhuah neih nân hman tum tlat bawk ila. Chu chuan tuarna kârah pawh hlâwkna chharna hmun min hruai thleng nge nge țhìn.






Ka phone rîk ral ralna lam pan chuan ka kal vat, screen a hming lo lang ka hmuh chuan ka thaw hak, kan inbiak lohna pawh a rei ta. Ka inngaihtuah chhûngin a la tâwp hman zui ; mahse, rei rial lovin a rawn ri zui lehnghâl zat bawk. Ka pick up ta nge nge hnar ping aw zet hian, nu Sawmtei chuan "Late, i chanchin ka lo hria a, ka lawmpui che aw, " Inhnit feih feih chunga a rawn tih chuan, " ka lawm lutuk, i dam tha em? " ka hamhaih deuh avàng chuan ka ti ban chalh thung, " ka dam țha e, in nupaa hmuh che u ka duh hlè mai, " a rawn tih chuan eng nge a ngaihtuah ang tih ka hre thiam pha tawh lo; mahse, thil pakhat ka ngaihtuah chhuak nghâl zawk, " Eng thilah nge ni " ka ti bul zui nghat, " in lakah rilru dik lo tak ka pu țhìn a, harsatna tam tak ka thlen bawk che u a, i u Mâ-i lakah leh i lakah nu ka nihna ka hlen chhuak zo lo hlê a, in nupa chungah pawh ngaihdam dil che u ka duh a ni," a tih chuan chhàn mai ngaihna ka hre lo tak zet, hetia'ng thil hi a lak aţangin ka beisei pha miah lo, " Nu pui, i tân pawh a harsa ve ang, eng mah inthiam lo duh reng reng suh, thu dik i pawm thiamna kha kan duh ber chu a ni mai, " u Zomuana ngaihtuah ràn chung chuan ka ti lêt a, a bâk lo dawnsawn dàn tùr a vâng riau.




"Zomuana pawh lo hrilh la, a hriat thiam chuan in nupa a hmuh ngêi che u ka duh a nia aw, " a rawn tih leh chuan, ka lo sawipui tùr thu ka sawi hnu chuan, kan inbiakna kan ti tâwp zui nghâl bawk.





Nu Sawmtei min biakna chuan ka rilru ala pêng hneh hle, ka nu ka han be ta nghe nghe a. Nu Sawmtei min lo biaknate chu ka sawi chuan ka nu chuan, " I nu Puii zia chu kan hriat tlan kha, khatia a lo biak che pawh kha a tân chuan a tlawmthlâk viau tawh ang. Chuvàng chuan bul a rawn țan a, nangni pawhin inchunga a lo chêt tawh dànte hre run tawh lovin inrem takin awm tlàn i tum zawk ang u " a tih chuan a dik ti rilru viau tho mah ila, " A tlâwm ve bawk ang chu, kha chên mahni inthiam chawpin mi dang demna tùr a zawng miau a, " ka lo ti hlak, nute bulah na nâ nâ chuan rilrua awm ang ang a puahchhuah phawng phawng hi a awl ve êm a, ka insûm peih vak lo.




" I â êm mai, i pasala chhûngte hriat lai phei chuan khatiang khân sawi miah suh, nangmah an hmuh hniam zâwk na tùr che a nih khân, " a rawn tih chuan, ka chhâng zui tawh lèm lo. Ka nu a nia ka rilru dik tak ka phawrh ngamna tùr a nih angin ka ngaih dàn dik tak ka sawi a ni mai, inthiam lohna êm êm pawh ka nei chuang lo. U Zomuana bulah erawh ka nu bula ka sawi ang a sawi kher pawh ka tum chuang lo, engtin nge a lo dawnsawn dâwn hre lo mah ila, min haw tu neih reng ai chuan a hahdam thlâk rêng rêng e.






Ka nu chu ka pa in check-up hun a nih avângin kei pawh chawhnu lamah dàwrah ka va awm ve zuai a ngai a, chumi tùr chuan ka insiam zui nghâl thuai a. Dàwr ka thlen chuan rin ai takin an lo buai lèm lo.




Amâwitea call ka dawn chuan Mizoram lamah a rawn haw tawh thu sawiin lo lèn a tum hi a lo ni, "Naktûkah lo kal rawh, ka awm nilêng țhak ang che, " nui hak haka ka tih chuan, "sawi tùr ka ngah lutuk a nia, truck trip thum vêl a ni tawh," a tih chuan nui hak hakin, " kan sawizo vek ang, " awlsam deuh a tiin kan nui dûn zui hak hak a. Tlaiah ka nu chu lo pêng tawh lovin u Zomuana hna bângin min lo lam kawi a, rei lo tê hnuah kan inkhàr fel zui ve thuai a.






Vawiin chawhma lama Nu Sawmtei min lo biaknate u Zomuana ka hrilh chuan a rilru hriat tumin a mah chu ka melh deuh vang vang, a rilru put hmang tùr awm ang pawh ka hre thiam thei mai lo. A ngawih vang vang hnu chuan, " nang chu chu eng nge i ngaih dàn nu-i, " a rawn tih vêl thluam chuan nui hak hakin, "ka pasal ngaih dàn ang ang ka țawmpui " melh ralh ralhin ka ti ve nghâl zat a, " kan pahnih chauh a ni lova, chhûngkaw pahnih boruak a kan kai tel tawh avângin mi dangte kan ngaihtuah tel a țha ang! mahse, boruak țha lo zâwngin thil a inher lo ang tih ring tlat i la," a tih chuan, " ka pasal hi chuan a va'n ngaihtuah kim țhìn tak, " tia uang fê a ka melh chuan, " lawm man dawn ka ngai a nih chu," tiin a biang a rawn dawh nghâl zat, a lirtheih khalh buai phah lo tùra awm dànte hi a thiam țhìn a nia.





"Awi Mate, rai i inhmeh e, i glow set set vêl lutuk, " a tih chuan a thil min lo hawn vêl ka la sam lai chuan amah chu ka melh ralh, "Nang pawh i zuk zinna i ngeih a nih kha, i vun te kha a nalh aw, " ka ti ve nghâl sar sar a. Amâwitea hi a ei zawnna zauh zelin phai lamah a awm deuh chawt a, show hrang hrangah a kut chhuakte pholangin a hming a chher tawh viau nghe nghe. A show zuk neihna chanchinte a sawi zawh chuan thu tak zet hian, "Tûnlai nu sawmtei hi a inthlâk hlawk a nih chu, amah hi en mai pawhin a tlâwm nghâl ngawih ngawih ka ti mai, Kalvari ve deuh hi chu ni ila a hmèlah Isua hmêl ka hmu tawh ang; mahse, ti ve mai hi ka nia, " tiin a nui zui uar uar a, insûm thei lo chuan ka lo nuihpui ve nasa bawk.






Hlimpui viau mah ila a thu sawi chuan rilru a luah hneh nghâl hle thung. U Zomuana lo hawn hun nghah a tum viau nâa zân lamah prog a neih avângin a nghâk hman ta dâwn lo a nih hmèl, a haw dâwn chuan, "Lalțhachianga chu han score sak ka duh nên aw, " a ti zui hram, Amawitea bul a awm hi chu a hlimawm țhìn teh e. U Zomuana'n a chungchâng a sawi dàn ka ngaihtuah chhuah chuan ka nui leh vur vur țhìn 'min râp deuh reuh' a ti tawl mai, Chutiang mî a ni lo ka tih pawhin ' ka hria, ka râp tho' zûk ti țalh a!





Ka naupai pawhin thla nga Hmêl a hmu ve ta, "rai i ngeih" tihte " tun țum chu a hma aiin i hua a ni maw?" Tih thûte chu ka thu dawn hnem ber a ni. Huat ka ngahin, a hmâ angin ka awlsam lo hlê, zantin u Zomuana nên kut inchelhin țawngțai dunna hun kan hmang țhìn a, ngaih a țha veng veng zel a ni.





Vawiin ka in checkup hun a ni leh tawh a, u Zomuana an hna lamah an buai lai tak a nih piah lamah, kan hun tawn avângin chawlh ala zîng viau bawk, " I hnaah kal rawh, ka nuin min kalpui thei alàwm, " ka tih tlat avângin hreh tak chungin min kalsan kha nia. That lohna eng mah ka nei lèm lo chungin, kan thil lo paltlang tawhte avângin ngaih țha taka awm erawh kan thei lo tlàng vek a ni ber.





Doctor in nautê a țhan a țhat thu leh keimah bîk pawh ka țhat thû a sawi chuan ka thaw huai thei! U Zomuana min chah uluk êm êm, ka ke vûng nasa lutukte chu a chhan ka zâwt a, ngaih țhat lohna tùr a awm loh thu leh a theih ang a tam tui in țhìn tura min tih bâk a ngai serious vak lo hlè. U Zomuana rilru a tih buai zia ka ngaihtuah phei chuan min chhanna ho lam lutuk, làwmawm bawk si chuan nuih a ti za zâwk hial mai.






Ka nuin kan vênga dam lo kan lawk a duh thû a sawi a, zui ve ta lo chuan țhut na awlah ka lo nghâk a, rin loh deuhin Rini nên kan inhmu hlawl! Hmeichhe naupang kum 1 bawr vêl a pawm bawk, ka hmuh hnuhnun ber ai chuan a lo thau ve leh deuh tawh, nu Sawmteiteho nên kan boruak kha ti nuai a nih țhìn vâng khân a chanchin ka hre zui ta lo viau kha a nia, inhmuh hlawl tâkah chuan kan inhmuh khat ziate chu sawiin kan phul hlut a. Ani pawhin eizawnna ngel nghet zâwk nei tawhin, a fanu nen hlim takin hun an hmang a nih hmèl. Ka naupai leh min lawmpui thûte sawi ve luamin, duhsakna min hlan mawlh mawlh chung chuan kan inthlah fel a.





Rini kal liam chu ka enzui reng, tu pawh mai hian mahni zâwnah harsatna hi kan neiin kan tawk țheuh, kan harsatna erawh a inang vek lo thung, a pawimawh ber kan hmachhawn dàn a nih ziate chu ngaihtuahin, Rini pawh a hun tawnin a mize tam zâwk chu a thlâksak tih kan inhmuhchhung rei lo têah pawh khân a hriat viau a ni.






" Hey...ka duat, muhîl ve tawh la, " ka pum fawh zauh zauh pah chuan a ti dût dût a, amah pawh hian mut a mamawh lutuk. Zàn a rei tawh hlê bawk, ka zung zo chuan ka ti harh palh a nih hmèl, a lo harh sa reng pawh a ni zâwk maithei. Ka harh apiangin a lo harh hman ve zêl a, min ngaihtuahin a mu tlêm êm êm țhìn ka khawngaih viau rualin ka khap bet thei dèr lo thung.




" Min ngai lutuk maw, apa hi min hmu châk leh tawh maw, " nui suk a tih pah chuan min rawn melh chho rulh a, " I tactic kha a țhing, " tih pah chuan inleh tuma ka che chu, ka khela chelh tlat chuan ka pumah a beng a dawh leh a, ka pum a rawn chêt leh chuan a nui zui hawk. Intih theih hmêl fahran chuan, " Aw...ka duat, min hmu châk leh tawh maw, a nu hian min thîk tlat a, " tih pah chuan min rawn melh sawr sawr a, " i hria maw, kan naute hian min ngai, " a tih zawm nghâl hmuk a, ka nui nghâl hak hak, a phakar kual vêl peih lutuk hian min ti nui leh nge nge țhìn.




" Ka dim viau ang che, thil pakhat chiah tawrh tùr i nei, i hriat kha, " Duhthawh zeta min fawhna a thlah rual chuan a ti thûm sup, nui sak chungin ka fâwp ve leh nghâl zat bawk. Tun țum ka naupai chu, neuh neuh ka ngah êm êm a. Bawihtei ka pailaia ka fel fai nên, an inlet thawk a ni ber mai. Kan hlauthâwnga engkimah kan fîmkhur bawk nên, tun țum ka naupai leh zet chuan nun phung a ti danglam hneh hlê.




Rum ham hama ka awm bâwr a fawh thuak thuak chuan, ka lo thaw ve hak hak a, " i hnute a len belh hian a ti sexy zual che, rai puar sexy tak i ni, " țhâm țuaka tiin tak rùn chuan min melha, " Ka hmangaih che, " ka lo ti daih, ka ring kànin ka fâwp zui nghâl vawng vawng bawk, ka chhiat el ul lai pawha nalh min ti a, min it rêng thei tùr hian min hmangaih êm vàng bâk a ni dâwn lo tih hi ka chiang êm a ni.




Ka hnung thlâwp zaiha min rawn kuahin, hnung lam aţang chuan chêt a la zawm mawlh mawlh a, a rum rîte ka thaw hak hak rîte chuan kan thil tih mêk a kan phurzia leh kan inthlâkhlelhna chu a pho chiang viauin ka ring.



Rem lo zet chuan min rawn fâwp leh ngàng ngáng zêl a, min dimin ka zai a ngai hlê. A tâwp kan thlen dâwn chuan ka taiah dawmin uar tak chuan a rawn nawr salh salh a, ka bek ka delhna hnuaiah chuan a ban a rawn rulh lût vut a, ka hnute chu a hmer salh salhin a hum nghet hle. A tukkhumah chuan kuah lêtin ka lo fâwp ve ngàng ngáng bawk, duhtâwk kan ngah meuh chuan thaw hle hle a inkuah chialin ka chalah a rawn fâwp zui leh vang vang a, " Ka hmangaih che, kan naute nên, " zàwi ruiha a tih hnû chuan, zawi zeta nui sak chung chuan ka chhîng zui ta riai riai a.





Zîngah chuan kan tih țhìn dànin thui vak lo kein kan kal leh a, kan phâk tawk leh Doctor leh mi thiam hrang hrang thu ziak aţangin a tih theih ang chu kan ti ve zêl a, ei leh in thlengin kan ulukin a hrisêlna lai zêl ngaihtuahin kan in enkawl ve a, iron ei țhat theih lohte hi ka hlau êm êm a, u Zomuana lah a lo țang ve thei êm êm a. Iron ka ei zawh ruala ka ei tùr hmawm mai theih ang hi a lo dap khu ruai zel.







Min hmangaih thûte sawi khu ruai reng lo mah se a chêtzia leh a rinawmnah nitin ka hmu fiah zual deuh deuh a, indawm kãng tawn tùr kan nihzia te amah ațang hian ka hre thar zêl bawk. Duhthusàm ang ngawta innuntîr tum nghâl ngawt lova, inhriat thiam tawnna nêna inher rem tùr kan lo nihzia te ka zir thar zêl bawk.





Ka nau neih kâr tùr kan hmang țana, tumah ngaih țha takin kan awm hlei thei tawh lo, ka nu pawhin min rawn phone khât tawk renga, ka neih hunah min buaipui ngêi a tum avângin a inhmakhua thû a rawn sawi reng bawk a, kei lahin ka lo beisei ve tlat bawk si nên a inhmakhua nitin a ni awm e.




Pathianni tlai Zoherate ina zànriah kan ei țumin Kimkimi chuan nautê ka neih hunah min awmpui a thu a sawi ve bawk a, an exam zo tawh dâwn a nih hmèl, " Û-i, keima'n ka awmpui ang che aw, " Kimkimi a tih chaun, " Kan pahnihin kan awm dâwn nia, " U Zomuana'n a lo ti vat, min awmpui tùr hian amah hi number 1 ah a indah a, mi dang hi chu a awmpui zâwk tùrah a dah hmiah. Awm tel ve a tum nasa sia, a hman tlâk loh vaih chuan kan nasa lo viauin ka ring!




Damdawi ina kan luh zân chuan kei erawh ka la pângngai viau a tûk zîngah min zai dâwn bawk, ka nu nên min riahpui dâwn a nih hmèl. Mutna pahnih tân a rem chiah loh bâkah a rilru a nuam vak lo nge u Zomuana chu a tei kual leh sek țhìn. Zial zuin pâwnah a va chhuak thul, keimah ber zawk chu nâ eng mah ka la neih loh avângin ka țha viau rilru erawh a nuam bîk chuang lo, " In nu nau i lo vei khalh a ni ber alàwm le Muana, tei sek suh, i lian vet vut si, " a rawn tih tâk hlawlah chuan, lehhawiin ka nu chu a en vuta a tukkhum tuai thuak chuan kawngka a thleng țêp tawh chu a rawn let vut bawk. Nuih insûm deuh chuan ka hmui ka lo pet ngar ngara, min melh rulh chung chuan a thaw hawka ka khum bul chair ah chuan a țhu nghâl rùn bawk. Min lo vei khalh hi a ang tak zet! Ka ngaihtuahna vàng chuan ka nuih sânga, min melh kur kurin a nui ve duh dèr lo!





A tûk zîngah chuan min zai tùr chuan ka thawmhnaw nurse in min rawn thlâk sakin, ka sam thleng chuan an phiar fel nghâl vek a, ka chhûngte pawh an rawn thleng kim tawh hle. Kuri leh nu Zoremi pawh an rawn thleng hmàin tute mai pawh chuan min ngaihtuah êm êm vek a, thlamuanpui awm viau mah se chhûngril a hlauhthàwnna awm erawh a reh tak tak thei lo.




U Zomuana'n ka kutah a chelh reng a, a hma ang bawk khân sawi tùr a hre leh tawh lo! Ka pain țawngțaina a hman zawh chuan theatre-ah min nawr lût zui a, kawngkhàr kan thlen hmâ chuan ka chalah rawn fâwp zeuhin, " Ka hmangaih che, " tih supin ka kut chu a thlah riai riai a, a thû sawi tãwi tê chu kan pahnih tân a rila bâk a ngai lo. Min hrilh hman loh a hlauh thu a sawi tawh a nih kha, kei pawhin hriat hman loh ka hlauh ber a ni bawk.




A țap rî chu fiah lo riaiin ka hre thei, ka nuate țap rî ka hre ve thei ta! Ka biangah mittui a rawn luang thla nghâl pap bawk. ' Fapa i nei e, a lian si, a hmêl țha bawk si ' an rawn tih chuan, ka thinlung zawng zawng a luah khat nghâl a. Amah chu ka khawvêl a ni tawh dâwn tlat a ni, Pathian hnênah lâwmthu sawi mawlh mawlh chungin ka chhîng zui riai riai a.




Damdawi in ațanga kan chhuahna pawh kâr khat lai a tling ve leh tawh, kâr khat chhûng kan awma, a chamah kan chhuak ta kha nia, kan fapa hrisêlna a țhaa a țah belhin mut a duh lo lutuk tih loh chuan harsatna kan nei zui rih lo. Chhûnah a mu chiah chiaha khua a thim țan dek dek tihin a mutnaah hlîngin a chhun ta mai em maw tih tùrin a mu duh ngai țhak lo. Apa lah hian ngaihsak êm êm siin tih ngaihna erawh a hre dèr lo, tihnat hlau taka khawr zeta pawm chung hian, " ka fapa hi chu aw, ka fapa duat hi a ni chiang alàwm, " tih dût dût bâk tih dàn tùr a thiam lo dèr lo. A duh hun hunah ' Hnute pe rawh' a ti leh thâwr bawk a, a thinlung zawng zawngin min ngaihsaka, min buaipui thiam a châk dâwn lutuk tih ka rin tlatna bâk chu țangkaina a tam lêm lo.







Ka nuin min hawsan tawh a, heti lama ka nu a hah thei hlê, Sangsangi leh u Thari'n dàwr an innghah chhâwka, in lamah min buaipui deuh chawt mai a ni. Kei lah ka lo zei fahrah lo bawk nên, kan fapa a sual chi a lo ni zêl bawk si, kan Room-a a riah ve mai châng pawha awm fo.





Kan fapa hmingah a pu u Zomuana pain, ' Zothanpuia' tih sain, chhûngkaw chaw ei khâwmna hun kan hman nghal bawk, " Bible in a sawi, ' Naupang chu a kalna awm kawngah chuan zirtir ula, A upa hun pawhin a thlah lo vang ', tih ziakah hian chiang ula. Naupang hian thil țha leh țha lo thliar thiamna an nei lova, kan enkawl dàn leh an thinlunga ka tuh ang ang kha, Lehkha puan vara ziak ang maia fiah a ni. Kan fate enkawl dàn tùrah hian a țha ber hriat a hara, thil țha kan hriat reng pawh a taka tih leh nunpui a harsa bawk si. Kan enkawl dànin an hma lam hun nasa takin a hril a, nu leh pa dinhmun ropui tak luahtu kan ni ve hi Pathian malsâwmna liau liau a ni a, a harsat châng pawhin ' Lalpa ka lâwm e ' ti thei tùrin inrilru inbuatsaih sauh sauh ang che u, " tiin kan nupa bîk min fuihna ni pah fawma a thu sawi chuan rilrua luah a, fate dàn an en tawn tlaka kan nun pawimawh tùr ziate thlengin ka lo ngaihtuah zui ve bawk.





Ka fapa țap ngâk ngâk chuan min ti harh hlawl, apain khawr zet chuan pawm a lo tum ve bawk, " Hnute pe teh, " a ti leh thâwr tawh ! La zui vatin meng țha mang hlei lo chuan hnute chu ka barh ve nghâl mai bawk, ka hnungah chuan min hnungchhawn zâwnga rawn țhu vein a hnung chu ka nghen theih tùrin a rawn dawh ve nghâl zat bawk, " I babuah i ziah loh hrâm ka beisei, " nui sak chunga ka tih chuan, nui hukin, " Hei chu a free aw, " a lo tih chuan zàn rei lamah kan nui leh rih! A thiam ang tâwka min ngaihsakna hi a babuah ziak dâwn lo mah se làwmman chu ka pei ngei ang.





Siamtei chawhmeh kan masala rim nam rum rum chuan ka pum chu ti let butin, bathroom lam ka pan vatin ka va uak zui tuar tuar bawk. Thaw hak hakin ka inphih fai hnu chuan ka chhuak zuia. Tûnah hian naute thla hnih mi nau ka pai leh mêk tawh, a u Zothanpuia pawh kum khat leh thla hnihna a hmang mêk bawk. A zahthlâk ang reng viau nâin kan invêng hman lo a ni ber mai, zai chhuah ka nih vàngin ka tan a la hun lo viau a, Doctor hauh leh fiam pawh ka hlawh nasa hlè, " Apa first first, " fiah lo zet leh ring leng lawnga, ka fapain a tih rî ka hriat chuan ka nui seih. An zîng lêng kual an rawn lût țêp tihna, Kawngkaa luh hmasak ber loh hlau hian pâwn ațangin ' first, first ' tih rî hi a chhuak a rawn haw chuan amah kan hmuh hmàin kan hre hmasa ber zêl.





" Ka duat, min thawh san daiha i ' MAN ' lo vê, " a nî Sangsangi'n a lo tih chuan posi lain a'n inti sek nghâl ngawt a! Kan lo nuih hak hak, 'MAN' loh hi kan hlau viau bawk, " ka fapa duat hi chu aw, ka fapa hi a ni chiang alàwm, " apain ka lam rawn pan pahin a rawn ti phei lung lung bawk a, ka lo nui hak hak, nau awm leh chhaih dànah hian hmâ kan sâwn thei dèr lo!





Ka fapa inti pâ taka posi a la kual vêl te, api leh pu a nî, a patea te'n hmuh nawm tih hmêl tak leh hmangaih taka an thlîr ka hmuh chuan, khi sângin ka lo thlîr ve reng a. Ka pasalin mit meng tak ruih leh ril taka min melh chhuk ràn hnua, " Good morning Ka hmangaih, " tih sup paha ka chala a rawn fawh zeuh chuan, ka chhûngril hi a hlim veng veng. Ka luak chhuak hluite chu an reh sawng sawngin ka hre hial, ka bul vêl boruak chu hlimna leh hmangaihna hlîrin a uap tih ka hre miau vàng a ni mahna.






Ka chhûngkuate chu nui sângin ka thlîr zui reng a, he chhûngkua hian tûn hun thleng tùrin paltlang tam tak a nei, khawdur leh ruahpui kan tuar fô a. Chu chuan tûn hun hi min thlen a ni. Hun hlimawm kan hringnunin a tawhte chauh hriat reng ka duh lova, hun harsa leh hun khirh kan tawnte pawh hriat tel reng ka duh. Kan nun hman mek atân kailawn pawimawh ber leh zir chhuah tùr min pe nasa berte an ni miau alàwm. Engkim hi hmaih nei hauh lo a hriat reng ka duh, ka pasal ka hmuh hmasak ber ni aţanga tûn hun thleng hian eng mah theihnghilh țhen neih ka duh mawlh lo.






Ka hnunglam ațang a min lo khuahtu ka pasal kut chu vawn hnanin hahdam takin ka thâwk ka la zui siai siai a.' Hmangaihna chu thû mai a ni ' a lo tih țhìn awmzia pawh nitin ka hriain ka tawng mawlh mawlh bawk. Ni e, kan nun leh kan chêtzia te'n a zui loh chuan thu mai a lo nih zia hi keimah zâwk hian, a hmangaih ka nih hian ka fiah zual bîk riaute hian ka hre țhìn. ka thu leh hla a chhia a țha a ngai hlua, beiseina leh hriat thiam loh ka neih châng pawhin min kai hruaia. Lungngaihna leh hnual rûk châng ka neih pawhin, ka hlimna thlentu nih a tum fo țhìn. Hmangaihna leh rinawmnate hi a hre thiam lo tu hnêna kan hlan chuan hnawksak mai a nih zia a nun hlui aţangin ka teh thiam a,hmangaihna pe chhuaka dawng leh tùr hian hmangaih ngai ngawih ngawih pek ka lo ni.



Hmangaihna vàngin engkim chân ka huam a, hmangaihna vàng vêkin engkim ka beisei leh țhìn




Lovers thawnthu chuan a tâwp a thleng ta dèr mai, ka dah tirh aţanga comment hlu tak fuihnate nêna min pe țhìn tute chungah lâwmthu ka sawi nawn leh mawlh mawlh e. Ka beisei phâk bâkin min hlut saka, in mi fuihna leh țawiawm țhat avângin phûrna nên ka zo ve thei hrâm a ni e. Châwl miah lova zan 33 chhûng ka dah theih chhan hi, Pathianin hrisêlna min pêk vàng leh in comment hlu tak vâng a ni tih ka hria e,i va'n hlu tak em🥺 a tâwp zân a ni bawka comment lamah inhmêl hmuh leh vek ka inbeisei bawk aw


Show post links
Top