OFFICER HVL-A BY Priscilla VL Ralte (Completed)

[Ngaia]

*OFFICER HVL-A*


Chapter-25

By Priscilla vl Ralte




~H VANLALRUATFELA~ POV


November thla kan chuangkai a, Shillong ah ka la awm ta reng a, hmangaih ber awmna kha ani miau a. Ka hna lampang pawh ka ngaihsak rihlo. Khatia Bawihduati a kalbo khan ka zawn nasat vangin ka hna ka thlahthlam a, hoti lam beng suspenda thleng a, min suspend an tum deuh thut thut a, amah erawh chu ka chhungte min sawipui na vangin chawlh angin an kaltir a.



Min suspend mahse pawi ka ti hranlo kha ania "i mak eng nge i ngaihtuah leh vung vung a" lungawi loh hmel fe a tum bur chunga titu chu a hmuiah ka fawp zeuh a, alo thle sawn rang nasa "i bula ka awm reng laiin thildang i ngaihtuah a, ka thusawi pawh i ngaithla lo" tih paha kal a tum chu a kawngah ka kut pahniha vuan in a darah ka khabe ka nghat a.




"Aza lutuk Vanlal.......! " ati leh hlar a, runluih nan ka khabe ka ti che a, a tal aih aih a, keiin nghet zetin ka kuah bawk nen a talchhuak thei silo.



"A tawk... A tawk ka tlawm" thei leh theilo a a rawn tih takah chuan ka thlah a, hah hmel fe in a thaw hluam hluam a, a thlan pawh a tla, a mittui a tla phung bawk "i sual hle mai" tih pahin rum zetin min en a, kei ka lo nui hawk hawk thung.



Ka thlem ka thlem takah chuan a lungawi ta ni hmiang ka kuah pawn a tal tawhlo "engtikah nge kan haw chhoh ang?" ka tih chuan a ngawi vung vung a "karleh emaw a lehpek lamah ti ila, kan chawl tawh tho na in Rla hi ala haw hman chiahlo a" pawisawi loh hmel zeta min melh chungin a ti a.



Hetianga min melh tawh hi chuan engthil pawh min dil se ka pe vek ang "i tih dan dan" a beka fawh zauh pahin ka ti a, a nui leh var var tawh.


Insum theilo in a hmuiah chuan ka fawp a, min namsawn rang viau "khawlai ah kan awm hi" ati sar sar a, a biang a tai tek a, zakzum leh lutuk.




*
"U i harh em? Lo hawng teh" tih paha ka room kawngkhar chum rik dawt dawt vang chuan ka thuchhuak a, pawnlam ami lah chuan min tihharh ngei ngei tum tih hriat takin a beng zui chiam a, a pawimawh loh vaih chuan ka hem ang.


"Zing dar 4 anih hi"kawngkhar hawn pah chuan ka ti nghut a, mahse ka nau hmel ka hmuh rual chuan ngaih thatlohna ka nei nghal "mate eng nge thleng?" a dar tawn tawn a vawn pah chuan ka ti nghal a, ani lah chu tap mai tur hmel a pu.



"Min hrilh rawh eng nge thleng?" zaidam zawk chuan ka ti a "Zel... Hruaizeli" ati bah nak a.



"Eng nge Bawihduati chu? A chungah eng nge thleng? " Bawihduati chungah thilthleng a awm em ni?



"Sawi vat ta che mawle! " ka ti hluk a, a dang awk leh thin chuan ka dawhtheihna ati pan hle tawh.



"Ih.... mi.. min lo call a chuan a ri rawk rawk a chuan... chuan mipa pakhat in phone chuan an awmna min hrilh a kal turin min tia a bak ka hre tawhlo" bah nakin a ti a.



Ka kut ka hum ruh nasa ngang mai "an awmna hmun chu sawi rawh" tih pahin ka room atang chuan ka penchhuak nghal a, an awmna a sawi chuan kawngkapui ka pan nghal a "ka lo kal ve dawn" atih pawh chu chhang lemlo in chahbi ka ban a, garage ah tlangin motor ka la chhuak vat a, kawta ka nau in min lo nghah vang chuan ka ding a, alo luh hnuah chuan a phit in ka phit chhuak nghal.




Ka tlan chak viau na chu a hmun a sawina a hlat tham em vangin darkar hnih dawn kan tlan tawh "kan kalna hi a dik tih i chiang maw?" ringhlel tak siin ka nau bulah chuan ka ti leh thin a, ani lahin hrechiang a inti ngang bawk si. Ka rilru a hmanhmawh et et tawh, a chungah thil thalo a thleng anih vaih zawngin a titu chu a chaklo khawp ang.



Dar 7 dawnah chuan a sawina hmun chu kan thleng a, khaw pawn lampang daih ani, zing kar kar ah hetiang hmunah daih daih engvanga kal nge an nih ang? Nizan lam daihah an kawl tawh ani mai angem? Nizan khan dar 8 vela kan inbiak bak kha kan inbe leh miahlo a, khami hnulam a thilthleng anih mai hmel.




Kan kalna chu lui bul mai hi ani a, zingkar ni chhuak chuan tui chu a en tle sep sep a, chawlh hmangin emaw kal ila chu nuam ka ti khawp ang, mahse tunah chuan Bawihduati dinhmun hlauhawm tak atanga chhanchhuah tuma kal mai ka ni.



"U sawta saw inte a awm ania" tia ka nau sawina lam ka hawi chuan lui bul maiah chuan in te fel ran hi a ding a, saw saw anih mai hmel "kal ang" tih pahin a kutah ka chelh sak a, muang chang leh thawm dim takin kan kal phei a. Sava chiap ri tihloh chu thawm dang a awm lemlo.




In chu palin a hual a, a kawtah chuan pangpar hlui tawh tak a awm far bawk a, veranda ah chuan light tetakte a inkhai bawk a, kan pan phei zel a. Kawngkhar chu dim te in ka nem a, chhunglam atanga a inkalh loh vang chuan dim te in ka hawng zau a, chu veleh light a rawn eng ta tuar a "HAPPY BIRTHDAY!!!!! " tih riin a zui a.




Ka hawichhuah chuan ka hmaah Bawihduati a kuta cake keng chungin alo nui sang a, a hnungah Rla leh midang ka hriatloh pahnih vel an awm bawk a, min lo nuih sang a "Happy birthday H... bati hi chhem hlum rawh le" hlim hmel pu sanga min melh chungin Bawihduati bawk chuan alo ti a, min ti hamhaih lek lek ani.




"U chhem vat la" Rla bula din paha ka nau in a rawn tih leh takah chuan rum zetin ka melh phawt a "heng thil zawng zawng hi i hriatpui vek maw! " ka ti hmuk a "oh!! come on H thinrim hun a nilo ania, i piancham lawm nan kan surprise che anih hi, le.... bati hi chhem la i duhthu sam rawh le" min dinhnaih sauh paha atih chuan tihloh theih ni tawh heklo 'naupangchhia' tia lu thin nar nar pahin ka chhem hlum ta nge nge.




"Le...... tikhan cake zaina hun nei ang u" a hming ka hriat veloh pakhat zawk chuan alo ti a, ka nau chuan cake chu a rawn chawi sawn a "ka tih hlauhthawn hmasak che vang tihpalh, surprise plan hi ka siam na a rei tawh a, nilenga lawm ka duh dawn sia, helai hmun kher ka thlang anih hi" ka bana min lo kuah pahin a insawithiam nghal char char a.



A hmel ka en nak chuan khawngaihthla la zetin min lo melh a, hetianga a men tawh hi chuan engpawh min dil se ka pe em em ang.



"A tha e... mahse chin tamloh a tha aw" tih pahin a hnarah ka tuai zauh a, nui var var in midang ho awmna lamah chuan min kuah phei a.



"Chuan heihi school a ka thiante Ruatpuia leh Chhandami te an nih hi" tiin ka hriat loh te chu min inhmelhriat tir zung zung a, ka bu nghut tihloh chu thildang ka sawi lemlo .


Cake te kan zai zawh hmu chuan "tui cheng ang u" an ti a, an tho nghal sap sap "i thawmhnaw hetah a awm vek" ka bula thu in a tih chuan mak ti zetin ka en a "ka inhmakhuah lawk vek alawm" ati sam et.




Midang ho tui an chen lai chuan lui lam velah kan lo kal kual a, kut inkai rial a kaldun chu a nawm dan a dangdai takzet!


"Min tih hlauhthawn hmasak khan eng nge hlawkna a pek che? " thingkung bula dinpui pahin ka ti sap a "kha ber kher kha chu ka rawt a nilo Ruthi leh Rla te rawt a nia, keichuan tul pawh ka tilo a, mahse an ni khan i hlauthawng hmel an hmu chak sia" nui var var chungin a ti a.



A sam thli thaw in a chhem chua ka huai kian sak a "chuan ka birthday party siam nachang i hriat vangin ka lawm e. I buai phah viau ka ring, mahse min surprise duhna rilri i put vang hrim hrim pawn ka lawm lutuk ania" ti leh supin a chalah ka fawp nghal vawng vawng a, ani ka tawng hi vannei ka inti thar ani.




Nilengin chulai hmunah chuan kan awm a, eirawng kan inbawl vek bawk a, ka fa te rual bulah nuam ti takin hun ka hmang nileng a, hnathawhna a ka nau te khan min hmu ngat se chu mak tiin an meng phaw hru ngei ang le.



Zanriah eikhamah muangchang in kan haw a, lirtheii an ken vangin Bawihduati nen chauh kan chuang a, a zia viau.



Ani pui pawh chhunah a tal hah aniang a mu thlu deuh lawp lawp a, muhil tura ka tih in ka menpui ang che a ti vei fahran a, rei a daih lo kher mai.




Vawiin hi Bawihduati te board exam zawh ni ani a, naktuk tukleh lamah Mizoram ah kan let ang. A tawi zawngin sawi ila vawiin hian propose ka tum a, ala hma viau na in ka ta anihna ti chiang turin a taksa ah ka sulhnu eng emaw tal awm se ka tih vang ani. He thil ka tih hma hian a chhungte pawh ka be vek a, kan inkar thalo kha an lo hriat ve vek vangin engkim ka hrilh a, an ni hnen atanga phalna ka hmuh hnua ti chauh tur ni mah ila ka zam takzet!



Min hnawl mai angem? Tih ringawt pawh hi vawitam ka ngaihtuah tawh a, min lo hnar pawh nise pawm dan ka thiam ang, alaa inpeih lo ani, tiin ka infuih leh thin a. Ka pian a hnu lamah hetianga ka zam reng hi ka la hrelo, ka nau in engkim a hriat lawk vek vangin ka propose na tur hmunah alo hruai dawn a, zanriah pawh kan kildun nghal ang.



Dar 3 ah ka nau in an haw mek thu min rawn hrilh a, Rla lo thlen phei hnuah dawhkan leh bati tih angreng kan buaipui a, balloon kan ham teuh bawk a, biang ana duh ngang mai.


Dar 5 velah chuan ka duh ang thal in kan inpeih tawh e, ka phone a rik chuan ka la vat a "U kan lo thleng tep ania, lo inpeih vat ru" zawi te a ka nau in a rawn tih takah chuan Rla ka signal vat a, chu veleh light vel chu a off vek a, ka kawr nghawng chu siamtha in thawk ka la hawk a "hey iti thei ania, fighting" ka dara lo vawn pahin Rla bawk chuan alo ti a, zam ru tak chungin ka nuih sak.




Pawn lama thawm a awm takah chuan a position lamah a kal nghal vat a, kawngkhar chu dim te in a rawn in hawng a "kal zel rawh" ka nau in a tih ri pawh ka hre pha tawh, muang chang in an rawn kal phei a "hey khawnge i kall dawn? " Bawihduati'n a tih ri pawh ka hre hnai tawh, ka hma lawkah ani a din ni.



Ka nau pensawn thawm ka hre zui a, chu veleh light chu a rawn eng ta, mak ti zeta a hawikual chu a lamaahh ka pen phei a, a hak tura ka lei kawrfual var chu a inhmeh kher mai.

Chutia a lam pana ka kal chu zawhna mitmeng hian min en a, nuih sakin a hmaah chuan ka ding a "heng thil zawng zawng hi eng nge a awmzia? Kan anniversary ani silo a ka birthday lah a ni bawk silo, hun pawimawh bik a awm ami?" hlim hmel taka min nuih chungin a ti a.



"Vawiin hi kan nun puma kan hriatreng tur hun pawimawh tak ani" tih pahin a hmaah ka ke pakhatin thingthi a, mak tih hmel zeta min en in a mit a khap fuk fuk a.



Ka kekawr ipte atanga zungbun bawm ka phawrh a hmuh takah chuan a hmel a mak tihna chu awih theilo leh hlim hmel in a thlak zui a, zungbun bawm chu hawngin a hmaah chuan ka keng a.



"Vanlalhruaizel..... ka tana mi hlu tak, ka nun pum thlak danglam tu leh ka hmeichhe hmangaih em em inih vang ka lawm e. Khang hun harsa tak kha ka puihna tel miahlo a i paltlang avang khan ka chhuang lutuk che, i chunga thilsual tak i thinlung ti kehchhe vek thei khawp a natna ka pe chung che a chance min la pek avang pawh hian ka lawm lutuk.



Ka tana i awm thin avang pawn, ka nun pum i kianga hman hi ka thil chak ber leh duh ber ani. Nakin hunah i mamawh changa i kut vawn nih ka duh a, hun harsa tak tak pawh i bula paltlang ka duh a. Ka hun pum hi i tan leh kan hmahun tan hlan ka duh a, ka tana hmeichhe awmchhun ka faten 'Anu' tia an koh ni la, chhungkaw hlim leh inngeih tak mi te awh rawn chhungkua ka dinpui ni turin nang hian min nei duh angem?" ka tih lai chuan mittui tling pam in min en a.




~VANLALHRUAIZELI~ POV

He thilthleng hi ka awih theilo, tunah hian Hvla'n min propose!!!

Ka mittui kar atang chuan chhanna nghak a ka hmaa thingthi chu ka en ngawih ngawih a, ka nui sak bawk. A hmelah chuan ka chhanna a nghakhlel lutuk tih a hriat "Aw" ka ti sep a "eng... engmaw? tunah khan aw iti em?" ngaihngam zan lo a min en chungin a ti a "Aw.. . ka nei ang che" a aia ring zawk chuan ka ti a, ka muttui kar atang chuan ka nuih var var a, chu veleh rang zeta lo tho chhuakin min kuah.




"Ka lawm lutuk..... min neih i remtih vang hian ka lawm lutuk ania Bawihduat... ka ti na ngailo ang che tih ka tiam e ka lawm lutuk" tih mawlh mawlh pahin min ka biang, ka hmui, ka chal te chu a fawp kual mawly mawlh a, a hmelah chuan a hlim hle tih a hriat.



"A changtupa chu a hlim lutuk a zungbun bun tir nafhang pawh a hre dawn nange" hnunglam atanga Rla'n alo tih takah chuan min thlah vut a, a kuta zungbun chu a bawm atangin a phawrh a, ka kuta a thunluh hnuah ka kut chu a fawp vang vang a "ka lawm e" ati leh sup a.



"Keipawh ka lawm e, hlim taka kan awm tswh ka beisei" ka lo ti sap a.



Zanriah kan kil nghal a, kan hlim tlang khawp mai. Ka kuta zungbun chu ka melh leh thin a, ka hlim ani.



"I inla zungbun nei emai" fiamthu in Ruthi chuan a ti hlut a, a ngei tur kherin ka keng lang a, a ner nasa "Zelzelte lawmthu min hrilh i ba, helai hmun chei hian hun ka hmang hnem lutuk, balloon te hi ka ham na lamah ka biang te hi a na vek ania" inla khawngaihthlak zeta min en chungin Lalremliana berbur in a rawn ti.



"Ka lawm lutuk Liante...,.. ka fate i paw thin dawn nia" ka tih chuan min melh rum teh asin "vawikhat pawh min han ko leh teh" min melh tur khai chungin a ti a.



"Liante.... " ka ti no hluak a, a thutna tangin a tho nghal hluai.


H-a chuan ka thutna a lamah a pawthnai nghal vut a, mit ti zim sun in Rla chu a en a, Ruthi'n a kuta a vawn chawt chawt takah chuan a thu tha vat a, lei ka lo chhuahkhum zauh chu a kutin min tin uai a "i thianpa hi chhaih vak vak suh a hmeichhe rilru a chhuah chuan i ngamlo ang" H-a'n alo tih sup chuan ka nui chhuak hak.




"Nangni pahnih kha engthilah mah ka pui tawhlo ang che" ati hmuk a, Ruthi lah chuan alo huatpui emaw ni a tum ve bur mai. Keini pahnih lah kan lo nui kur kur thung a, a hlimawm phian.


Show post links
Top

[Ngaia]

*OFFICER HVL-A* ~LAST CHAPTER~


Chapter-26
By Priscilla vl Ralte



*MIZORAM*

Kan ram leilung ngei ka rap leh thei ta, ka kuta nghet taka chelhtu chu nui var var in ka en a "ka nupui hual" mawi zeta nuih pahin ati sup a, a kutah ka sik vak tep ani.



Kan in lam panin a car ah kan chuang a, Rla leh Ruthi a hnungah an chuang bawk. Ka la sawilo he mite pahnih hi an in imaita deuh a, a U hriat an la duh chiahloh vangin ka hrelo awm hmiah hmiah. Kan in kawtah ka thiante leh ka chhungten min lo hmuak a, car atanga ka chhuk chu ka thiante lo tlanphei nghal in kan inkuah khawm a, kan ri chel chul mai.



"Ilo haw har lutuk kan ngaih dan che hi" tap pur in an ti a, min ngaih ang bawk hiann keipawn ka ngai.


"Miss you too ka awmbo tawh dawnlo" ka ti sap a, ka chhungte pawh an lo nui tawp.


"In tha leh tawh a ka lawm lutuk" ka sam a chul pahin Ruati'n ati a, midang ho pawn an pawmpui tlang khawp mai.


"Inchhung lamah i lut teh ang u" ka pa in a rawn tih takah chuan kan inthlah ve thei hram a, inkai rialin kan lut ho a a nuam vei phian.



Sitting room ah thu khawmin ka pa in lawmthu sawina tawngtai a nei a, min lawm nan chaw eikhawm an lo rawt pek alo ni "i thiante khan rawng kan bawl vek ang an ti ania" ka chhip tuai zauh pahin Ema'n alo ti a "mipa in awm alawm rawng chu in bawl ang, kan lo sil ang, kan thiannu bulah kan awm dawn" Priscillai'n alo ti kha kha a "dik chiah" ti chungin bu tliar tliar a, Ema'n a kutin a tin uai chu hmai zangthal haw in alo dawh let a, Ema tih ngaihna hrelo pawh a lu a hiat a hiat mai.



Ka thiante chu tihbuai loh a finthlak, inhnial a cho ar tawh phei chuan anmahni kalh zawngin tawngkam neih a thianglo bur.


"Khawmaw i kut kha, ehe..... inhualna zungbun ani chiang lutuk" Sophie'n atih hluai takah chuan "khawmaw" tih pahin midang ho pawh an lo kalkhawm.



"Avan nalh em em a man a to hmel si, he mihringpa hi chuan a duh ve hlarh hlarh che e..... i tan a insen nasat dan tur hi, chhuah reng reng suh" Sangpuii'n ati a, midang ho pawn an lo pawmpui leh viau.


"A dik chiah a hmaa a tihsual kha chu theihnghilh tum la inngeih takin awm ve teh u" Roi takngial pawn alo ti ve "ka chance pek hi a hmang tangkai thiam khawp mai" nui var var a tiin ka kut a zungbun chu ka en a, ka khi leh vur vur tawh.



"Awi.... a nuam awm e inpa a romantic bik sia. Kei ve chu e romantic chu hnailo min kuah ang bawrh bawrh a e min dimna chang a hre hlawl lo" Sangpuii bawkin ati nang nang a, hmaaaaan ami Lalhlimpuia nen khan an ni ta ngei a, an inkarah romantic tih velin hmun a chan kha ka ringlo sa hrim hrim.



"Class ah phei chuan inngaizawng an ni tih a hriat miahloh" hmuhsit hmel zetin Ruati'n alo ti zui a, kan nuih uar uar laiin Sangpuii erawh a tum bar mai.


"A ho emai mipa te chu inlak romantic vak an ngai hleinem an romantic sa" a dara kuah pahin ka ti a "chu chiah mai, a thiam ang tawkin a care ve che hi" Sangsangi'n alo ti bawk a, kan han sawi pui chiam a a tawpah H-a ah bawk kan tawp leh.




Ka thiante hian ka bialpa hi an lo ngaisang khawp mai "hello guys" ka room kawngkhar hawn pahin Ruthi alo dak lut a "ehe kan unaunu hual lo lut rawh" tih hluai pahin Sophie'n a banah ava vuan a, khumah a nem thu nghal hnawk.



"I U te ah single an la awm em? Hvla anga romantic deuh" thuthnaih pahin Sangpuii chuan ati nghal thawr a, kan lo chek tlak "i bialpa ah khan lungawi mai la aw" hahthlak tih hmel fe in Ruati'n alo ti a, Ruthi lah chu a hawihai em emm mai bawk a.



"Neilo ka U pakhat zawk chuan nupui a nei tawh a" ban charhin Ruthi chuan a ti a, Priscillai a nui ring viau "kha maw i bialpa chauh hi i tana mipa awmchhun ani" ti zui zat a. Ka rin aiim Ruthi pawh an kawm thei phian a, a nuam vei phian.



*

"Kan thlen atangin ka la chang velo che, i thiante bulah hlir i awm a" bathlar a ka din laiin ka hnunglam atangin min lo kuah a, nui var var chungin a lamah ka inher a, a biang tawn tawn ah vuanin a hmuiah ka fawp zeuh a "ka naute lian pui hi lo titau tawh suh se" ka ti sap a.



"Ka ngai che"

"I bulah ka awm reng hi" ka ti sap.


"Mahse ka ngai tho che, i thiante bula i awm chuan kei min hre chang tawh ngailo" vui aw kâ zetin ati zui a, ka nui chhuak hak.



"Ka thiante i thik tihna maw" nuihzat hmel zetin ka ti a, a lu a bu nghat nghat, mipa naupang cute deuh a nu bula vui a ang lutuk.



"Mahse an ni chu ka bialpa an ni chuang hleinem" a hmel awmdan tur ngaichang ran in ka ti a, chutah lai zetin a rawn nui a, a hmui a liak zui zat.




"Eng nge i nuih a?" chhaih deuh titih chuan ka ti a "chimawm" ti supin min fawp a, rei erawh a nilo, ka chhungte lo kal thut thei an ni tlattlat "innei tawh mai ila" ka hmui hnuai tuai nauh nauh pahin a ti a, ka nur nang.



"Iti anglo 12 ka exam zo chauh a, inneih kha la sawi reng reng suh, ka nihtum te nih phawt a ka nu leh pa te la chawm te ka duh" tiin ka rilru diktak ka sawi a "ka upat tawh em hi"


"Chu chu ka thiamloh ani em ni?"

"Nupui nei rual ka ni tawh"

"Chuti nupui rual ngaizawng la, keichu naupang ka la nia pasal ka la thei theilo" tiin ka inher hmak.



"Titau lo la nanglo chu nupuia neih tum ka neilo, ka nghak thei che alawm, le.... tihtauh loh tur aw, kan faten a nu an chhun che chuan titau thlem reng an ngai palh ang" ati vei fahran a "ve lutuk a che tlangval pui i titau ziah, i faten an chhun che chuan an fa te rual ngaizawng in a zui kual pur pur anga ti nia" ka ti hlak a, za zetin a nui chhuak a.




"Tawngthlawn lah hi i ba duh reuh silo a" tih pahin ka biangah a piai a, ka melhrum nasa "oh!! sakei naute ka ti kawlh ani maw" atih leh chuan a darah ka chum zui t(r)awk a, min la nuih vur vur tho.





"Guys leng ang u, kan inhmuh khawm ve chhunah" Ruthi'n group ah a rawn ti hluai a, kan chhu zui nghal char char.


"Awle...... naktukah dar 10 ah Hruaizeli te inah kim tur, an in atangin a rualin kan chhuak ang, tumah tlai loh tur" tiin Ruati chuan thutawp a siam a, kan pawm tlang aniang chu engmah kan sawi sel zui lemlo.



"Khawnge midang? " a rawn luh rualin Ruati'n a rawn ti nghal "an lo kal vel mek ang" tih pahin ka thil eilai chu ka hmawm zui zat.


"Tinge i la insiam loh?" min melh rawm rawm pahin ka bulah a rawn thu thla a "ala hma em hi, en ta che dar 8:45 chiah ala nih hi, dar 10 ah alawm kim i tih" ka lo ti et, a hman hma ve em ani, tun ang huna lo kal reng reng, Ema pawh a hna kal turin ala chhuak lo hrim hrim.



"Ka helhhawlh a" tih leh remote ban a rual a, a duh duh a hmet kual a, keiin ka phone ka en daih thung.


'Vawiin ah chuan khawiah maw in kal dawn? ' tih H-a message alo thleng zui zat.

'Ka hrelo kan kalkual mai mai ang, thil te kan ei anga' tih ka type nghal a, engmah ka hrilh lo va Ruthi'n alo hrilh anih ka ring.

'Engmah i sawilo a' a rawn ti ta reng a,

'Hrilh che ka tum a, a ho emai Ruthi'n a hrilh tho che kha' ka ti ta vel mai mai a, a sawi zui lemlo.

'Hruai in ngaih chuan ka lo hruai ang cheu' a rawn ti leh a, a ngaih ka rinloh thu in ka chhang.



*
An lo thlen kim hnuah kan chhuak a, bazar ah thawmhnae te kan en a, kan kalkual nasa ngang mai, kan phur thut in thla kan la reng bawk a, zanin chu ka chau lehpek khawp ang.



Dawr pakhat atanga kan chhuak chu min ko an awm vangin ka hawi phei a, chutah Rla nutei leh Ruatthari kha kan lam panin an lo kal a, Ruatthari dul chu a thep vek tawh, a bula kal chuan naute a pawm bawk a, saw saw a fa chu ani ngei ang.



"Kan va inhmu khat ve" kan bul an lo thlen rualin Rla nutei chuan alo ti var a "niaa.,.... ka awmbo char char a, i ngaihawm khawp mai" nui sangin ka lo ti let a "Liante nen inla inkawm em?" atih lai chuan Ruatthari chu alo nui hak a, engah mah ngai duhlo in nui sangin Rla nutei chu ka en a "la inkawm reng e, a fel si ka kawm lo phal hleinem" ka ti zui luam a.



Ka thiante erawh chuan min ngaihsak pawn ka hrelo, a tha phian "hei tunlai chu dawr pawh ka nghak hmanlo, naute ka awm chawt reng mai" ati leh siam siam a, a ruk tak chuan kal tawh se ka ti, H-a nen inkawp angin a hre thin a, naute pawh hi H-a fa angin an rin vek ka ring a, tuna Ruatthari min melh dan nen phei hi chuan awm a ti nuam chiamlo


"Ava lian tawh ve" ka sawi tur hrelo chuan ka ti hap a, ka nui tawi tak bawk "Vla a dam maw? Alo zui che tih ka lo hria a" min melh ralh chungin Ruatthari chuan alo ti a "dam tha e" ka ti hul hak a, min nuih dan te chu lem tak ani.



"Vla chu naute pa kha ani lawm ni?" Ruatthari lam hawi pahinkan bul ami chuan alo ti a "ni e hei Hruaizeli nen hian an lo in hria a" naute pa anga a sawi vanga lawm hmel fe hian a ti a "ani pui hi a reh zui ta daih sia" Rla nutei bawk chuan alo ti a, zawh bik nei pawh a anglo.




"A hnaah a buai ka tih kha, naute dam that leh that loh min zawt reng zel alawm" min mitsir pahin Ruatthari chuan ati leh a, he mite bula ka awm reng anih chuan ka tumloh deuh deuh ka sawi a hlauhawm..



"Anih kan kal phawt ange, kal na tur kan la nei a" nui sanga Rla nutei lam hawi a ka tih hnu chuan ka thiante ka nem nghal rawk rawk.



"Eng ngati vut vut nge?" hawihai taka Roi'n a lo tih pawh chuan "nakinah" tih ringawt in ka chhang thung.



Dawr a kan chawlh laiin min zawt leh a, a tir atangin ka hrilh ta vek a, Ruthi a awm ve vang chuan ka tim deuh viau na chu, khuta ka awmlai pawh khan ka tlanbo chhan thenkhat kha ka hrilh nual a, a U anih tak hnu hian han sawi ka inthlahrung deuh thin.




"Anih chuan engtin nge in awm zel ang? A fa nilo pawh nise a chhungte hian an hrelo em ni? Inneih tir an tum mai angem?" tiin ka thiante chuan min zawt a, ka thaw hak ringawt.



"Diktak chuan chance ka pe a, hei tunah chuan inhual kan ni tawh a, thudik engkim ka hre bawk a, kan inkar buai nana hman chu ka duh tawhlo a" ka ti hap a "in inkar buai lutuk reng hi hmuh in hreawm" Ruati chuan alo ti bawk a, keimah tawp hi ka hah hlui mai.




Heta awm hi ka la inpeih chiahlo deuh anih hmel "engpawh nise kan vawiin mood chu ti chhe suh se" tiin titi an thlak thuai a, rilru ah erawh ngaihtuah zui awl tak ani.




"Ruatthari ila be ngai em? " zan a alo len chuan ka ti nghal thawr a, min chhang mai lovin min en ren rawn a "thudik chauh ka duh" ka ti nghal zat a.


"Naute chungchang vel zawt in hmanni kha chuan ka bia" nuamlo tih hmel fe in a ti a, ka lo thaw hak.



"I fa a nilo a engvangin nge naute chu i ngaihtuah viau a? Nge nang hian inrawlhna ilo nei reng zawk" za lo zeta nuih hak pahin ka ti a "nilo chutiang lam a nilo, aaaaa....... i phalloh chuan ka be tawhlo ang" ati sap a, a bul atanga hla thei ang berah ka thu hmak a.




"Lo kalhnai suh" lo tawlh a tum rualin ka ti nghal a "tichuan lo phal ta ila i be zel dawn tihna em ni?" ka ti leh zat a, a ka a ang zuau a, ka hmel a hmuh vang chuan a hmui a chip leh hmak. He mihring hi ka ring theilo.


"ani kha eng ngati nge ila ngaihven em em a? I tan eng nge a nih?" thinrim fe in ka ti a, ka thinrim lutuk hi ka duh ang pawn ka tawng hleithei lo.




"Ani kha ka tan engmah a nilo, mahse kha chen ka hna a a nunna hial thap a min puih vang khan a mamawh huna awm hi ka tihtur ah ka ngai a, mahse nang i lung nihloh ai chuan ka ngaihthah ang" tih pahin min ban zui leh zat a, a kut chu ka lo benthlak sak.

"Haw phawt teh! Hun thawl ka mamawh" amah pawh en lemlo chuan ka ti a, min biak zui theih a beisei vak biklo aniang min mangtha in a chhuak zui a.



Zan mut hmun thleng chuan ka ngaihtuah a, a thiamthu sawi kha awih tur ani angem? Ruatthari chhungte chuan naute pa ah an ngai vek a, an ngaih theih turin an awm miau a. Kei hi ka ti lutuk angem! Ka thikthu chhiat luatah hian nilo lo in ka inngaihtuah tihna ani mai angem?




Engmah hi ka hrethiam tawhlo, ni e ani chuan a hnaah a pui a, a laka ba anga a inhriat vangin a ngaihsak ani mai a. Keiin lo thinrim khum vak mah ila awmzia a awm tak tak chuanglo.



Ni e kei min hmangaih a, min hual a, engkim huamin chance ka pe a, thil ho mai mai leh nunhlui vangin kan inkar tha tak hi ka tibuai tur a nilo ang, kan hmahun suangtuah a ngaihtuahna seng tur hian thil tullo ka buaipui mai maii ani.



*

Zing hma takah ka va call a, hmuh ka duh thu ka sawi hnuah ka dah leh hmakk a, ka la lungawi lo angin ngai sela chiai takin han awm phawt teh se.


Khum atang chuan tho chhuakin ka inphih fai a, inhnuaiah chhukin "nu exercise ka la dawn" tih leh chhuahh ka rual a, tian kawngah ka kal bek bek anga alo kal nen kan intawk vel chiahh ang.




Kan in ka la pel thui lo tih ah a car a rawn lang zat a, ka zawn alo thlen chuan alo chhuah hun pawh nghaklo in ka chuang lut nghal a "coffee in ang" tih chauh sawiin hmalam ka en ran a, ani pawh chuan engmah min zawt zui lo in a tlanchhuak nghal a.



Min rawn melh leh zauh thin a, ka hrelo der hmak thung. Ka la lungawi lo angah a ngai aniang a thaw leh hawk thin a, a ruk tak chuan nuam ka ti, ngaih a tha veng veng.





Kan veng dawr pakhat ah coffee a lei a chumi hnuah veng piahlam hmun fal deuh hlekah kan ding a, car atang chuan chhukin a hmalam ah ka va ding a, ani pawh alo chhuak ve vat a. Coffee min lo pek pawh chuan engmah ka la sawilo, ka thil kem chu ka tem hlek hlek a.




"Nizan chungchang kha........ " ka ti dek dek a


"Engmahh kan inkarah a awmlo, naute chungchang zawta ka biak bak chu engmah ka be lo, chu pawh a nau neih hnua ka ngaihsak loh lutuk vanga ka inthiam chiahlo ani, nang ka tawn tak tak hma che khan kan inkarah mamawh in phuhruk tawnna kha chu a awm thin ngei, mahse khatih lai khan ka ning in min hlat se ka ti thin.



Chuan nang ilo lang a, ani kha ka bia in ka hmu leh tawh ngailo, mahse Christmas hmang a ka haw khan ka hriat miahloh in alo kal a, kan inbiak laia ka room a alo luh khan alo kal tih ka hre chiah bawk, biak che tumin ka call thin che a i biak theih siloh.


Khami alo kal chhan kha ka puihna a mamawh vang ania, kan chhuizui reng thin misual tak tichhe turin kan inthurual a, i dinhmun ka ngaihtuah tel vangin harsa ti chung chungin ka hlat san che a. Khatih hunlai a a hreawm zia kha i hrethiam kherlo ang, mipa dang bula i nuihmel hmuh te kha thil hreawm tak ani.


Ka in control thei lo in ka tumloh tawpa i chunga tih chang lah ka nei, ka buai vanglai takin ka thian ti a ka sawi ve thin in min phatsan a, nang a khawih hman tep bawk che a, nangmah a i awm ka duhloh vangin ka inah ka hruai haw bawk che a.


Khami zan a ka kalsan che kha ka thil tihsual lian tak ani, nangin min hua in min kalbo san phah a, mahse khami zana damdawiin a ka kal khan thudik ka hrechhuak a, naute kha ka fa nilo in Rinzuala fa ani tih. Chuan kei hian a pa nih theihna turin engah mah inrawlhna ka neilo, ka zawng che a ka ât phah lo chauh tak tak ani.


Ka hmu che a, chance min pe a ka lawm lutuk, kan inkar pangai taka a kal pawh hi ka lawm lutuk, ka nupui ni tura ka sawmna i pawm vang pawhin ka lawm. Ani ka biak kha i duhlo anih chuan ka ti tawhlo ang, nang chan nawn leh che hi ka duh tawhlo. Chuvangin i thinrim a i lungawi lo anih chuan i duh ang takin ka chungah che rawh, mahse min kalsan tawh suh. Khawngaihin!!!! " ka kuah thlawp a.



Harsa tih hmel zetin a thaw zui kawk kawk a, ka mittui a hnam t(r)iam t(r)iam, heti taka mipa inphah hniam hi ka la hmu ngailo, ani hian min hmangaih takzet!!! (𝙃𝙚𝙩𝙖 (𝙧) 𝙠𝙖 𝙝𝙢𝙖𝙣 𝙫𝙖𝙣𝙜 𝙝𝙞𝙖𝙣 𝙢𝙞𝙣 𝙡𝙤 𝙝𝙧𝙚𝙩𝙝𝙞𝙖𝙢 𝙙𝙖𝙬𝙣 𝙣𝙞𝙖, 𝙢𝙞𝙯𝙤𝙩𝙖𝙬𝙣𝙜 𝙖 𝙏 𝙠𝙝𝙖 𝙠𝙖 𝙣𝙚𝙞𝙡𝙤 𝙖, 𝙢𝙞𝙯𝙤 𝙠𝙚𝙮𝙗𝙤𝙖𝙧𝙙 𝙠𝙖 𝙝𝙢𝙖𝙣𝙜𝙡𝙤 𝙖, 𝙙𝙤𝙬𝙣𝙡𝙤𝙖𝙙 𝙡𝙚𝙝 𝙠𝙝𝙖 𝙖 𝙗𝙪𝙖𝙞𝙩𝙝𝙡𝙖𝙠 𝙨𝙞𝙖, 𝙞𝙣 𝙘𝙝𝙝𝙞𝙖𝙧 𝙩𝙝𝙞𝙖𝙢𝙡𝙤𝙝 𝙠𝙖 𝙝𝙡𝙖𝙪𝙝 𝙫𝙖𝙣𝙜 𝙖𝙣𝙞 𝙚)




~𝙃.𝙑𝘼𝙉𝙇𝘼𝙇𝙍𝙐𝘼𝙏𝙁𝙀𝙇𝘼~ 𝙋𝙊𝙑


Ka awm a hmai phum a min kuahbet tlattu chu nghet zetin ka kuah let a, ani hi ka hahdamna chu ani. Ka engkim ani.



"Nizan vang khan ka tihpalh, ka thikthu chhiat vangin ka rilru a fim lova, ka hlauthawng a, ani lakah khan min kalsan leh mai ka hlau a,naute alo awm leh bawk nen, a chhungten naute pa ah an ngai vek che a. Nimin khan bazar ah kan inhmu a, Rla nutei khan naute pa ah a ngai nghet bur bawk che sia, Ruatthari lahin naute chungchanga i biak thin thu alo sawi leh bawk nen, ka....... ka hlauthawng ani" bah zetin n a ti sap a.




A mittui luang ngiai ngiai chu ka hruk sak a "hlauthawng suh, kei hian eng dinhmunah pawh ding la ka kalsan lovang che, i tan ka awm tlat ang ka nupui hual i nia lawm" ka tih chuan a tah nuih hak a.



*
Result a chhuak a, Bawihduati pawh distinction ah a pass a, a chhungten pass lawm na an siamsak a, ka nau lah hi a thiannu a pass that nen second ah a rawn pass a. Ka han hau dawn a engmah awmzia nei tawh heklo, ka nu ten haw tura an tih pawn a haw duh tlatlo 'ka monu hual ka la ngai, kan lo la haw dun ang' hi a ti mai zel a, ka nu te pawn an sawm duh tawhlo law law.




Bawihduati pawh ka nu leh pa ten an lawmpui viau a, kan monu pawn an thiandun in pass lawmnan thil a rawn thawn ve ve a, ka nu in a bikin Bawihduati a rawn thawn bawk a, a lawm thiam ve viau mai.



"A changtupa chuan a changtunu a hmu chak tawh viau ani maw?" a mitmeng chimawm zeta min en tu ka nau chu hem thluk lawlh mai ania ka duh "ngawi reng khan insiam mai rawh, anih loh chuan ka kalsan ang che" ti hmukin ka chhuahsan a.



Bawihduati pass lawmna a kal tur kan ni, ka nau lah hi insiam rei lutuk darkar chanve dawn lai ka nghak tawh. Theme kan nei e an tia an thianho an bazar a, pawisa an ti hek zek!!


Mipa ho thuamhnaw dum vek ha turin min ti a, hnial chi pawh ni hawtlo chuan Emanuela phei chuan ho a ti lehzual a, ka tello ang a ti deuh hmak ani awm a, ho ti viau mah ila a changtunu duhdan kha ani miauu a, tuman an hnial chuanglo ang.




Ka nau a rawn chhuahh meuh chuan kan tlai thelh ani, ani pawn kawrfual dum a rawn ha a, mipa chauhin hak tur emaw ka tia "a changtunu duhdan" a thuamhnaw ka melh chu min lo hmu ru ran ani hmel.



Engmah sawilo in kan tlanchhuak a, a sam a hui tha ngun malh malh khawp mai "enteh U Hruaizeli'n a hrilh tawh che em? " traffic a kan tan laiin a rawn ti chhuak hlawl "eng chu?" hamhaih fe in ka lo ti a "doctor zir a tum a, coaching kal angai bawk a hostel ah luh a tum a" atih chuan ka bu nghut.



Kha chu a hma atang daih tawh a a tum ania, a tir chuann kan inhmuh theih dawnloh vangin ka duh mai lo a, mahse ani lahin a tum bur mai si a, a hmahun a tan ania tiin ka inhrilh a, keiin phallo sawm thum mah ila a ti lui leh dawn tho tho a, a tan vek a nia hun reilo te chhung hmuh theihloh chu ka tuar thei lutuk ang.





"E....... A hrilh loh che ka hlau lutuk a, a hrilh che chu ka ring tho a mahse a hrilh loh tak thut che in ka ti mai ania, in inkar chhiat leh hi ka hlau zek zek ania" a sam hui pahin a ti leh siam siam a, a samah chuan ka va tuai thur a "tikha chuan i sam hui chhan tur i nei" tih pahin ka tlanchhuak zui a, a teu hlar mai.



"Ka sam buaipui nan hian hun ka hman rei zia i hria em? Awi ka haw lutuk che, i bialnu bulay ka hek dawn che" ati leh hlar a, ka lo nui suk suk thung.




Inchhung kan luh chuan an mi sawm te ho chu an lo zi niai niai tawh a, kan lut min hmuh chuan Bawihduati chuan min lo pan vat a, kawrfual var a ha a, a inhmeh kher mai, sawti saw chaun angel diktak ani tawh. Hman a ka Angel Baby kha.



"In lo thleng thei a" tiin min nuih sang a, ka nau pek chuan car a ka tihdan sawiin min hek zui nghal a, engah mah ka ngai lemlo "ava ti anglo ve, kan kawm tawh dawnlo ania" tih pahin Bawihduati chuan a kai sawn daih a, ka hamhaih ang reng.



"I bialnu in a thlauhthla che ani maw!" ka bula lo din pahin Emanuela chuan alo ti a, ka lo nui mai, ka no tur chu min pe zui zat a "ka rin aiin in sawm zau" tiin ka intur chu ka lem zauh a "kan vua leh vang ho hi chuan huau huau hi kan lawm a" ati awlsam et a, ka lo nui hawk.



Hunserh angreng kan hman hnu chuan lawmpuina an hlan sap sap a, a nui sang reng a a hmuhnawm takzet ani! Tlai lamah ruai an buatsaih a, zan lam erawh thalai pual ani ve thung a, an thianho a an awm chu an bengchheng khawp mai, a khat tawkin thla an la reng a, nuam an tih hmel phian mai.





"A changtupa leh a changtunu hi han lamdun ve teh se" ring lenglawng a Emanuela'n alo tih chuan an phul hlut a, kan pahnih chauhin min dintir a. Ed Sheeran hla Perfect ngei mai kha an lo play zui a, dim light chiah an on zui a.


A kawngah chuan nghet zetin ka vuan a, ani in ka nghawngah a vuan chial bawk a, a hla leh a boruak zawng zawng nen a romantic ruih mai!


"Ka hmangaih che" a beng bula phun sap sap pahin ka ti a, rawn nui in "keipawn ka hmangaih che" a rawn ti sup a, chutah lungchim zetin ka fawp zui a, thawm a tha ham ham viau mai.



Rei fe kan infawh hnu chuan ka thlah ve ta hram a "i hmui hi ka kham ngailo ang" a hmui hnawng chap nuai nauh nauh pah chuan ka ti a, mitmeng da va zeta min en chungin a nui sang a, dim light eng hnuaiah chuan a mitmemg chu a de sawr sawr a, a duhawm takzet!





Vawiin hi Bawihduati hostel luh ni ani a, kar hmasa lam khan kan khuaah ka kalpui a, ka chhungte pawn an ngaina in ani pawn a ngainat hmel hle a, ka nu phei chuan innei tawh mai turin min ti a, ani lah zirlai ni leh mai tur ani a, thiltheih pawh va ni suh.


"Kan in atang pawn a zir mai ang" ka nu in a tih phei kha chuan sawi tur hrelo in a hawi hai viau a, a nui tawi tak ringawt.



A room tur vel a nu in a enfel pui a, keinin a bungrua tur vel kan lo buaipui thung, kei erawh in a hostel awm tur chu ka huphurh ru takzet, mahse a bulah erawh ka ti lang lemlo, rilru nuamlo deuhin a awm ka duhlo.



"I mittui i dang zo lo ange" ka dara min kuah paha Emanuela'n alo tih chuan ka nui ringawt a, ka phur lo hmel ka lo ti lang deuh anih hmel, ka in control angai hetiang hian Bawihduati'n min hmuh a chi viau loh ang.



"In enkawl tha rawh aw bawihte, chaw te eilo mai mai lo la, zan te kha meng vak vak lo la, i mamawh pawh rawn sawi zel la keinin kan lo pe thuai thuai ang che" tiin a nu chu a insut leh hraih hraih thin a "nu a mak! awmbo hlen tur pawh ka nilo, thla tlemte chauh alawm, hetiang hian awmlo teh ka rilru a nuamlo ania" tiin nui sangin sawi mahse ani pawh chu a mittui a tling pam tho, va kuah vaeng vawng mai ka duh.



"Ni e nui a awm rei dawn hleinem, i fanu hi rilru nuamlo deuhin lut se iti em ni" a pa chuan alo ti va bawk a, inthlahna an neih zawh hnuah kan bulah alo kal a "hey naupang, tha deuhin zir tur aw, inthlahdah kha a thianglo ania" a chhip sam a tuai pahin Emanuela pawh chuan alo ti a, an intin leh uai uai tawh.



Emanuela kal hnuah ka kuah a, ani pawn nghet zetin min kuah let a "lo lerh suh aw, hmeichhe dang te ilo be zut ange, ka lo chhuah hunah ka spy te ka zawt leh vek dawn ania, ka duhloh zawng a i awm chuan ka nasa viau ang" ati deuh hmarh hmarh a, ka lo nui hawk thung.



"Nui suh ka seat ah te khan hmeichhe dang lo chuantir miah suh ang che" ka awm zawn atanga rawn dah(k) chhoh pahina ti reuh a "tehreng mai i hmun ruak hi taman an luah zo hleinem, lo hlauthawng suh, nupui hual nei ka nia ka nupui hual tan chauh ka rinawm dawn alawm" tiin a chalah ka fawp vang vang a.


Lut lehlo tura tih mai ka duh, mahse a tan hostel a awm kha a that zawkna lai a awm tlat a, a thiante ho lahin ka thlah ngamlo an tia a hma zanin inthlahna an lo nei lawk a, tunah pawh a thiante tumah an lo langlo.



"In enkawl tha rawh aw" min tih chuan ka nui leh hawk "nangpawh in enkawl that tur aw, ilo chhuah leh hun chuan a hma aia tha lehzualin ka hmu duh dawn che ania, ilo chhuah leh hunah chuan ka kawl chawt ang che" tiin ka fiamthu vei hlut a, ani pawh a nui ve ta hak hak a.



"Kal tawh rawh, ka hmangaih lutuk che tih i hre dawn nia, i mumangah min lo hmu thin dawn nia" tiin a hmuiah chuan ka fawp leh vawng vawng a, a bianga mittui chu hruksak in a hmuiah bawk ka fawp leh a "ka hmangaih che" he thu hi hrilhnawn fo ka duh.


"Keipawn ka hmanagih che Officer" nui sanga tiin min fawp ve zauh a.



Gate chhunga a pen luh hnuah lo hawi letin a ban a rawn vai a 'dam takin ilo chhuak dawn nia, hetah ngei hian nangmah hmuakin ka lo ding leh ang' hmui phun chuan ka ti a, nui var var in a lu a bu zauh a.



A luh hmu thleng chuan building chu ka en zui reng a "a chhungah khan ka hmangaih ka nupui hual a awm ania, tha deuhin lo enkawl ang che" ka ti sup a.






Tren tren! ! !
Kan officera te thawnthu chu alo tawp ta der mai, a tir atanga a tawp thlenga min chhiarsak tu te hnenah thinlung takin lawmthu ka sawi e.
Ka ziah chhungin han chawlh deuh vang vang te ka nei a, khatih chhung zawnga min lo nghak tang tang tute hnenah lawmthu ka sawi bawk e.

In comment na zawng zawng nen, min fuih tu te chungah pawh khan lawmthu ka sawi. Awi.... han sawi dawn chuan a tam lutuk a ka sawi senglo, in zavai chungah readers zawng zawng chungah kei ve tehlul hian lawmthu ka sawi nawn mawlh mawlh ani e.
Ka story thar te pawh min lo chhiar sak zel turin ka ngen bawk cheu. Hemi story hi tunah hian youTube ah an chhiar mek a, https://youtu.be/hZRtl9r9jPs?si=bIn2b2NwR37h6E2c
heihi a link ania, khawngaihin like leh subscribe leh comment min lo tihsak theuh dawn nia........... Khamsamida........ ❤🤍


Show post links
Top