OFFICER HVL-A BY Priscilla VL Ralte (Completed)

[Ngaia]

*OFFICER HVL-A*



Chapter-7

By Priscilla vl Ralte




"ka rilru hi a ti beidawng, ka duh si ka pasal tur ang hialin ania ka dream tawh, awi khawvel hi a a nuam sia a hreawm sia ka ning" ka'n Priscilla-i thin hi chu aw!


Amah bak bak a khawvel nuam ti hi an awmlo ang, a thawven rapthlak nen engtin nge maw Science student a nih theih zawk ni!


"Khawvel nuam ti ber ber hian a hreawm ti khanglang lo mai teh" Ruati chuan alo ti hlak a, kan nui tawp. Ani hi chu kan thian zingah ro ro pawh a dawhtheilo zual a, thawveng viau si hian a chang chuan a cool leh ruih zel a, kan thiannu mah nise ngei deuh chang hi ka nei thin.


"Ka khawvelah hian han cheng ve chhin teh, kei aiin hreawm iti zawk ang, i star te hlir in hual ve che sela e awm ngaihna i hre teuhlo, i rai pawng mai ang"


"A ve lutuk che hian ka rai awmlo e, nang pawh i rai hleinem"


"Keimah ka nih vang alawm ka rai loh, keimah chu nilo se kan school hmelchhia hi an puar vek ang"


"Nang inih vanga i rai loh bik chhan tur ka hrelo e, i lerh si"


"Ka lerh ka pha lo mahse keichu ka hur ve hleinem, lerh si hur si ho hi ka khawngaih"


"Khawngaih lo mai teh, mipa hian han be chiah che sela i rai loh a tak ah"


"Chu mipa in min biakloh vanga railo ah min ngai a? Mipa te chuan maw min be reng, ka duh tak an nihloh vangin ka be ve peihlo mai mai ani"


"Mahni infak leh sakhi ngal ah engmah a bet lo an tih kha"


An tawngtheih dun zia hi! Tu zawk mah tlawm an tum silo.


"A hmul a bet mawngi..... Fine-a nen kan nih hunah kan lenna ah ka hruai ve dawn che nia" Priscilla-i lah hi alo duai bik silo a e.... Miin a awmdan an ngei zawng apiangin a awm lui ngat zel, sual ve ngang ngang tak ani.



"Calm down guys.... thian kan nih hi inhnial lovang u, keini ber kan intihbuai te chuan kan school pumpui hi an bomb darh vek anga sin" boruak tih zangkhai tum takin Sophie chuan alo ti a, ka lo nui hak.



A sawidik ve tho, kan school ah ro ro hi chuan kan thianho hian kan lar a, ti ila Priscilla-i vang hian kan lar ti zawk teh ang, ani hi a hawi zau a, new commer ani chung hian section tinah hmelhriat a hung duah a, kalna lam apiangah be tu a nei ziah a, a thawvenna tak hi mipa ho hian an lawm emaw tih mai turin mipa ho hian an zui kual reng a.



A sawi ang tak takin mipa ho chuan an be peih lutuk, amah hian a star te an nihloh chuan a thian bikk hmiah hmiah a, amah star tu te pawh an hawihai thei lutuk.



Lunch break ah canteen ah kan kal a, kan lut chiah a, Priscilla-i pek chu a rawn chhuak lehnghal rawk rawk a "eng nge a?" ka lo tih chuan "saw saw saw Fine-a saw sawlai saw a thu awi....a hmel ka hmuh chiah hian ka lo ngaih zia ka hrechhuak chiah" a za cheng ani ber e.



"Lut ang u, i bem dawn kha" ka tih chuan dak vah in confi tawkin a lut nghal a, a duhna ah hi chuan a zaklo thei ania.


"Hey um... helai hi ala awl em?" a aw te ati no chawp vel awi ka ten lutuk!


"awl e lo thu rawh" tiin a sawi dan takah Nuntifamkima chuan nui sangin alo ti a, a hmel chu a chhe lemlo mahse ka mitah chuan H-a ala tluk chuanglo, sawichhuah takah chuan ka ngai thar riau in ka hria.


Kan Priscilla-i pek chu min ngaihsak leklo in a thu hmak a "min lo chah sak mai" tih pahin a mit min la siai khum zui a, ka chah sak lo tawp dawn amaw ni!



"Ti saw chuan a insawi lut nguar ang" Priscilla-i te thutna lam en paha Ruatin a tih chuan ka hawi phei ve vat a, Priscilla-i pek chu Fine-a bulah a lo insawn leh hman tawh chu niin.



A nui hak hak a, a nuih pahin Fine-a darah a ben sak a, Fine-a lah chuan tih ngaihna hrelo zetin alo nuih tawp a, nuam atih hmel phian mai.



"An la ni vat ang" nui chunga ka tih chuan Ruati leh Ro-i tih loh chuan an awih "an ni awmlo emai, Fine-a sawn a duhlo ang, a obsessed lutuk a a hlau ang" Sangpuii'n alo tih chuan ka nui hak a "an ni ang, saw a obsessed na tak saw Fine-a sawn ala intih theih phah ang, chuan a duh zual sawt ang, an induh hlum thak thei ang" ka ti a.



"Ni chiah mipa hi chu an inang lova hmeichhia in zar chung silo a kan duh em em hian min lawm in min duh sawt thin an awm a, kan ngaihsak loh leh lutuk hian an ngaih a tha ngailo thin a, Priscilla-i hi chu a lerh kan han ti tak na a a duh ah te chuan a rinawm ve em hi, Fine-a hi a vannei lutuk, amah pawh hian a vanneih zia in hre mawlh mawlh rawh se" Sophie chuan alo ti a, ka pawm thlap, keipawh tunah rih chuan H-a hian min duh rem rem em!




Priscilla-i chu a eitur ka va pe deuh thlap a "i lawmawm in biak i nuam alawm, chuan i mizia hi ka duh zawng tak! Kan inkal pelh thin hian ka thlir zui vawng vawng thin che alawm, i cute ka tia.Bialpa i nei em?" ka va pawh hma hret chuan Fine-a tawng ri ka hria a, an table thlen hma chiah ban bulah chuan ka ding zui dat.


"Ka awihlo e.... dawt sawi i thiamlo emai a" aw..... Priscilla-i thin hi chu aw!! a insawi lut tep tawh ani tih hi a hre miahlo emaw ni.



"Ka ti tak tak alawm, canteen ah min hmu tur ringawt a ilo kal thin pawh khan ka lo en ve chat thin che kha, ka notice vang che tih i hre miahlo maw? Ka scooty a i footprint ilo hnutchhiah ziah te kha ka hre........ " a tawnglai a tawp chawt vang chuan ka va bih dek dek a, Fine-a hmui chu Priscilla chuan alo hup sak a.



"Min puan reng reng suh mi in i thusawi te kha an hre reu reu ange, chutia min lo notice tawh te chuan min bem vat tur che lawm, a hmeichhia zawk hma min lak hmasak tir a, ivan pa lo tak!" a rukin ka nui char char, a star ngawih ngawih pa bulah pawh rei tak a inthup theilo chu anih hi maw.



A tirah no em em in a bia a, tunah lah a titau titih der lehnghal, a mizia hi chu a lawmawm chiang alawm!



"kha i eitur, practical book kha submit kan ngai sia, kan chhuak hma ang aw, i ta chu kan lo submit sak mai ang che" a hmaah a eitur ka dah pah a, ka mit ka siai ve zeuh a, nui var var chungin alo bu nghat a, a insawi luh ngei theih nan ka rilru in ka tawngtai mawlh mawlh.




Thil kan ei zawh hnu chuan kan chhuak a, classroom ah practical book kan la a, staff room lam kan pan laiin Priscilla-i te nen kan intawk a, Fine-a bana arawn kuah danah thil awmdan ka hre mai.



" Hei ka thiante an nih hi " dak deuh vah a nuih var var pahin Fine-a bulah chuan a ti a, a ni'n alo melh chhuk ve run bawk a, an induh hmel ngawih ngawih..


Fine-a pawh hian a sawi ang tak takin alo duh ru ve hle aniang, amitmeng a de sawr sawr mai.



"vai film kan changlo aw, khatianga slow motion a innuih vel kha a ngailo" Ruati chuan alo ti hlak a, ani thin hi a romantic scene a ti chukchu vek.



"Ka bialpa bulah ka inhmelhriat tir ve em em cheu a, kal daih ang" tih pahin a bialpa banah a pawt a, a bialpa lah chuan a bialnu a thinrim pui emaw tih mai turin min melh ang khui khui a, an inzui ta chu an hnunglam atangin ka en zui a, ti hian an ni chu ani ta mai sia le....




"Awi khanu kha bialpa a nei dek dek a min thlauhthla ringawt nia" nui chunga Sangpuii'n atih chuan kan nui liam mai a, staff room ah kan lut zui nghal.



"Ka zanlenna ni alo thleng ta!" last period a zo chiah chu ka thawveng hawk thei, kan science teacher te ho borinh zia hi!

Ka bag ah ka lehkhabu ka thun nghal mawlh mawlh a, ka thiante chuan bathroom kawtah min lo nghak a, school ground kan chhuak chho chu thlan khur atanga chhuak hlim nen ka intehkhin ber, kan building hi ka ning mahse a nuam.




"Sawlai a min lo nuih var var tu saw ka bialpa anih saw" Priscilla-i chu inchhuang vet vet tak ani "ka lawm e ka thiannu duhtak ka hmangaih em em nu, nang hi dam lo la chuan maw tunah hian a scooty tlan chhuak ka thlir vel mek ang, i bialpa nei hi ka tan chuan vanneihna ani, bialpa chhelo zet ka neih phah a, piangnawn leh mah la keimah ang em em a hmangaihtu hi i tawnglo ang" tih mawlh mawlh pahin min kuah a, ka nui hak ringawt.



"Alo duh ve sa che kha" ka tih chuan "hma a la chuang hleinem kan inchawi vangin hma ka la a mahse ka inchhir lo ka kal" ati mawlh mawlh a ka chhanna pawh nghaklo in a kal daih.



Fine-a chuan alo nuih leh var var tawh a, a zawn a thlen veleh a bag alo laksak thuai a, an inphur liam ta chu hlim em em in ka thlir!



Hetiang hian thiante'n bialpa an neih vangin a hlim theih tih ka lo hre miahlo, a bialpa nei te ai pawn kan hlim zawk thei tih ka hre chiah.


Ro-i pawh a bialpa gate bulah alo din vangin min bye bye hnuah a kal a, pathum chiah kan bang ta!



"Bialpa ni ho hi a, Sophie bialpa hruai tu tur kan nei ve dawn nia" Ruati chuan a ti lang lang a "keipawh ka awm ve reng hi" ka tih chuan min ngaihsak duh thak lo.



"No..... Ruat keichu anime ka duh tawk, bialpa ka mamawh lo" Sophie chuan alo ti vat a, ani hi zawng a tak ramah a cheng lo hrim hrim, anime a atchilh tawp a, an lem a ziak reng peih, Ruati lah chu Sophie chhan dan vang aniang a tum bur mai.



Bus in kan haw a, a lungawi lo ber Ruati'n nuam ati leh ber. Kan veng a hnaih ber vangin ka chhuk hmasa ber a "naktukah i bialpa officer kha lo inhruai tir leh rawh aw" bus tukverh a lo dah (dak) pahin Ruati chuan alo ti lang lang a, bus a chuang thenkhat chuan min melh nghak kar, ka kuttum ka hmuh a ani lah chu alo la nui mai mai thung.



"Nu ka ril a tam" in ka luh rual rual in ka ti lang lang a "vawiin chhunah i ni alo leng a, momo kan siam a han inthlak la ka lo ti lum a nga i ei dawn nia" alo tih chuan hmanhmawh deuhin inchungah ka chho a.. Momo hi chu ka duh chiang alawm, a awm phawt chuan ka ei peih reng.



Ka inbual hnuah ka inthlak sawk sawk a, inhnuaiah a tlan in ka tlan thla a, choka ah ka tlang nghal "khalai kha ka khuh lo ei la inchungah pangpar ka han buaipui lawk ange" tih pahin ka nu chuan min chhuahsan a, momo chu ka hmawn tharh a,a bak zawng chu plate ah chawiin sitting room lam ka pan a.




Door bell alo rik chuan momo hmuam pawng am chung chuan ka hawng a "Pute...." thei leh theilo a ti chul chungin ka kuah a, ka momo plate ka ti tla tep zui.



"Iva ei nasa ve i tawng pawh ka hre thei hleinem" tia nuih vur vur pahin momo chu a rawn ban nghal zat a.



Inchhung lamah kan inzui a "khawnge i nu?" a tih chuan "inchungah pangpar a seng fel, engtik thleng nge i awm dawn?" tih pahin a bulah chuan ka thi thla nghal a.



"Hetah min transfer tawh alawm, ka awm reng tawh ang" atih chuan "yes.... bike min lei thei " phur zetin ka ti a, a mithmul a ti chuar nang mai.



"i fel phawt chuan le...." atih chuan ka fel thu ka hrilh chiam a, a ni pawh anui tawp.



Ka putea hi ka nu nau chiah ania, an unau ah a naupang ber a, an nu in a uire san a, a fanu nen an awm tlawng a, shillong ah daih an awm a, kan inhmu khat thei lutuk. Sawrkar hna a thawk a, eng ber nge a thawh phei chu ka hrelo, a fanu hi tunah kum 3 vel ania, a nu tello in tihian a enkawl tawp a, ka putea a la naupang ang reng sia, nupui dang ngaihtuah miahlo a a fanu a enkawl tawp hi la fak a, a chang chuan hreawm tih chang a neih tho ka ring.



A nupui kha a mawl ka ti, heti taka hmangaihtu pasal a phatsan thei hi, keichu ni ila a peihloh thlengin ka kherh bet duh ang.



"Cycee-i ilo hruai tello nia" ka ti nang nang a, ka chhipsam a tuai thur pahin "zanah ka rawn lenpui ang, a pi ten an ngai tawh sia, ka rawn hruai duhlo law law a, amah pawn min ngen lem silo a" a ti a, momo ka hmawm leh hmak.



" Ilo va lian tawh reng reng ve, nula puitling ang mai alawm nih tawh" min tih chuan 'bialpa officer nei pha ngat ka nih hi' ka rilru chuan alo ti hmanhmawh.


" Lian lo rual ka ni tawh hleinem, kum 17 ka pum ve tep tawh a" inti upa tak chuan ka ti a.


" kum 17 hah!! upa chu i inti ve em em chu ani sia le, khawvel i la hmachhawn dawn chauh" inla thupui fun tak chuan a ti a, ka hmui ka tipawrh tarh.



" Pathlawi inih vang khan inla upa khanglang suh kei aiin kum 15 bakin i upa lo aw" cho ar in ka lo ti a, a nui hawk hawk mai.



Ani reng a ka putea hi ka pi tarlam fa ania, ka putea ani ve ani mai a, kan chhungte nilo se chu pathlawi ka atchilh tak tak lai khan ka star thei ngawt ang.



Pathlawi lar vanglai kha kan hre theuh awm e, khatih lai na na na kha chuan ka atchilh pawl ah ka tang ve a, ka thiante khan ka putea hi an star thei tawp a, ani pathlawi tir alo ni nen, keiin intihtheih nan tak ka lo hmang thung a, ka ngaihtuah let hian alo naupangchhiat thlak ka ti. Upa lutuk chuanglo mah ila hehe...



"Khatiang khan mi zingah te i sawi ange, mi mah inlak patlin tawh lai lai a" ati thum sup a, keiin ka lo nuih char char thung, a palian si a fanu a awi dur dur thin kha chu ka nuilo thei thinlo, a inhmeh lo em asin.


" nie i sawi ang zel chuan le Patlingpa" ngeiawm zet a ka tih chuan ka samah bawk a tuai leh tawh.


"ka ning!" ka ti hlar a, ani lah min tih thinrim chak ta reng reng chu ka inrin loh laiin min dek thut a, ka phu nasa bawk nen ka rak chul a, ani lahin nuam atih hmel em em lehnghal.


" a tawk a tawk pute ka tlawm ka tlawm" mittui tla phung a min dek hnuah thei leh theilo in ka tawng chhuak a, a tawp ve hram.


" min chhaih ve khanglang tawh reng reng suh, a let i tuar zo lo ziah" ala ti zui, ka van hnek chak tak, ka bialpa ka hnek tir dawn mawni!


" ehe Mala engtikah nge ilo haw a?" inchung atanga ka nu lo chhuak chuan ati a "hei nimin lamah kan rawn chhuak thla a, he lamah transfer ka dil a ka rawn buaipui zuai anih hi" ka nu bula a awm chuan a inla puitling lutuk, ka bula a awm erawh chuan a naupangchhia em em thung.



An inkawm tui sia ka tia ka room ah ka chho a, ka phone ka on chiah chu missed call alo tam ngang mai, chu pawh ka so called bialpa hnen atang vekin.


A message alo awm bawk a

'i haw tawh em?'
' inla banglo ami?
'message seen rawh'
'inban a hun tawh'
'khawiah nge i kal kawi?' etc....

E taka! tukin ah khan ka ban huna ka hrilh tur thu kha ka hrilh a, ka putea lo kal a ta lang ah ka lo theihnghilh daih anih hi.

Message ka seen veleh a call a rawn lut nghal a, min lo nghak emaw ni?


"Inva bang har ve, khawiah nge i kal kawi?" hello pawh ka tih hma in pawr fahranin a rawn ti a, ka beng atangin ka phone ka dah hla hret bawk.


"Ka tawng i hria em?" a rawn tih leh chuan "hria " ka lo ti ve hlar a,a engah mah hmaa a rawn thinrim ringawt kha ka ngei.


" min va rawn be har ve" dam deuh zawk chuan a rawn ti a "ka ban veleh ka inthlak a ka ril a tam a, thil ka ei alawm eng nge ka duh duh hunah ka bia che anga" pawr fe in ka ti a, a nui suk ri ka hre zawm zat.



" Chu i pumpui aiin ka pawimawh lo zawk ani maw" a aw atang chuan a nuih a zat hmel kher mai.


" i piang tih ka hriat hma daihin ka pumpui nen chuan kan inhre tawh a, ka mamawh chakna min pe a, hmanni lawka ka hriat nangmah vang mai mai in ka pumpui ka tuithlar teuhlo" uar fe in ka ti a, a ri meuhin a rawn nui chhuak hawk hawk a, hetianga za taka a nuih hi ka la hrelo.



" thu te hi i duham ve thin tan tan sia, i pumpui duatlai chu i hrai puar tawh em?" a rawn ti leh kher a, ka ngaihtuah chiang a kan inhnialna hi a ho lehpek khawp mai.



" puar ul tawh tihtur i neilo ami nge min biak reng a" min bia hi ka ning pawh a nilo mahse a hna khawihlai ka tibuai ang tih ka hlau.



" i tan te chuan hunawl ka insiam chawp mai alawm" eis....zei deuh ve!


" i buai chuan dah tawh mai ila" a ruk tak chuan ka inthlahrung ve.

"min biak chu iva ning awm ve " thu avan la kawi thiam em em.


"chutiang lam pawh a nilo awi ..... mipa ve si i rilru avan kawi em em, a zigzag in a mi thil i ngaihtuah thin a?" ka ti ta zek!



Ka sawi tum em em pawh a nilo, ka hmui hi ka control thiam thlawtlo, hmui control zirna school te hi hawng sela a tha ang, kal tur hmelhriat ka ngah mai.



" teh zek thin a che, ka fiam che anih kha, rinloh dan deuh hian min chhang let thin a, ka chhan dan tur che ka inpuah chahna pawh iti flop vek" ati teh daih a,ka nuih aza ang reng.



"min fiam i tum ve dan kha a... khatiangin tu mipa mahin an bialnu te an fiam lovang" nuih hak hak pah chuan ka ti a.


"keimah ka ni mai lawm mipa dang anga tih ve kher tumna ka neilo" um.... gentleman vel lutuk.


Eng eng emaw sawiin kan inbe ta reng a, a chang leh kan nui a a chang leh kan han inhnial leh bap bap thin a, mahse upa zawk leh puitling zawk anih na laiah tlawm hun a hria in a hreh lova, a dawhthei em em a hei vang hian kan inkar pawh a that rei ka ring tlat hehe.



Ka nu rawngbawl pui ka duh vangin kan inbiakna kan ti tawp a, zanah min lo rim tum pawh nise lehkha ka zir zel a ngai dawn a, Ema anih loh leh ka pa bak a kawm hman dawn chuanglo a, lo leng lo law law se ka ti zawk.




" Nu putea kha a haw tawh ami?" inhnuai ka thlenthlak lai khan ka zawng a ka hmu miahlo " aw Cycee-in alo call a a rang a rang in a tlan haw nghal anih kha" nuih hak hak pahin a ti a, keipawh ka nui tawp, afanu hi a duat hlum lo chauh a, afanu lah naupang te e tilo hian a pa in a duat tih a hre ru kar a, a duh duhna ah hian a tir kual a, a pa lah i he lovin a kal zel sia, ka nu pawn 'i duat sual mai ang' ati ziah a


"ka fanu hi a hlimna tur anih chuan engkim ka tih sak ang, nakinah nu a neilo hi hreawm ala ti dawn a, pa in a mamawh a phuhruk theihloh hun nu a mamawh hun a thleng dawn a, chumi hma chuan pa in a theih lai hian duat chikim tak meuh meuh in ka duat dawn" ati mai zel a, Cycee-i kan khawngaih bawk nen engtin mah kan sawi sak tawh ngailo.



Ka nu nen chuan rawng kan bawl a, pahnih chauh e tilo hian kna bengchheng in kan hlim ve rak rak lutuk tho.



Dar 5 bawrah ka pa alo thleng a, a inbualna tur tuilum ka siam nghal sawk sawk a, ka nu erawh in a chau em tih zawh pahin a thil tihlai a kalsan a, ka pa coat a phelh sak a, room lamah inthlak turin a zui lut nghal zat.



Hei tak hi ka pa in ka nu a fakna a ni thin "mipa chuan in kan thlen a kan nupui ten kan chauh leh chauh loh min zawt a an thiltih an kalsan hmak hian min ngaih pawimawh zia ka hria a, sawi chhuak lemlo mah ila a rukin nuam kan ti veng veng thin a, hna ban vat vat a in thlen vat vat min ti chak thin. I nu hian a pasal ka nihna angin leh mipa ka nihna angin min dah sangin min dah pawimawh thiam em em a, hei tak hi ania kan nupa nun nawm chhan pawh, mipa hi chu kan lawm zawng a ho a, tihhlim kn har lo, chuvangin pasal i neih hunah pawh i pasal zah thiam la, in a haw chak ngawih ngawihin i nu ang hian i awm ve thin dawn nia" tiin min hrilh thin, keipawn zawm ngei ka tum.




An lo chhuah leh chuan "thingpui nge coffee i duh pa?" ka lo ti thuai a "coffee ka lo in zawk ange, i U pawh alo thleng har tawhlo ang chu" tih pahin sofa ah chuan a thu thla a.


Ka pa hian min en hrang ngai miahlo, ka nu nen an inneih tirh khan ka nel nghal lemlo, koh pawh ka ko ngailo, ka mawl biak tawp thin. Khati chung pawh khan min duat em em a, ka inpeih hun min nghak thin, Ema nen hi chian kan innel nghal em em thung a, ani pawh hian a pianpui ang chiahin min en a, min duat in min care em em bawk.



Ka pa coffee ka pek lai chuan Ema pawh alo thleng chiah a " i duh ve nghal em?" ka tih chuan bu nghutin "ka han inthlak phawt ange" tiin inchung lamah a chho nghal a, H-a a rawn haw pui ka ring deuh kha ania, mahse a hmanlo te pawh aniang.




Zanriah kan ei zawh chuan ka nu ka tihfel pui nghal a, Ema'n min puih a tum tak na a ka nu in a lo hnar tlat thung. 'chhun lamah nilengin hna an thawk tawh a, inchhung chetah chuan phutloh tur' ati thin, mahse weekend ah hi chuan thleng seng lampang hi min awl thin.




" vawiin chu hna thawk thei leklo in i bialpa i siam alawm le" ka thleng sil laiin ka bula lo din pahin a ti a "engtin nge a awm?" ka lo ti let ha a "a vei vut vut a, mi a vin khur khur reng a khat tawkin a phone a bih chhen a, in ban hun awm veleh phei kha chuan dawhkanah a phone a tung a, a chair a thu chungin phone kha a bih ngur a, arik hun a chang ni maiin ka hria, a hnuah in inbe ta nge a mood a rawn inthlak a,fiam loh pawn a nuisuk suk thei alawm" atih chuan ka nui hak,aawmdan vel ka mitthla a,a inhmeh thlawtlo.





~~~~~~~~~~
Min hrethiam teh u ka mut a chhuak tawh lutuk.....


Show post links
Top

[Ngaia]

*OFFICER HVL-A*




Chapter-8

By Priscilla vl Ralte




" Tu emaw chuan vawiin ah sual alo chhuah ani maw?" zana kan inbiak in ka ti a, a nui suk ri ka hre zawm zat.


" Emanuela hrep chu! naktukah a hria ang" ati chuan ka lo nui hak " engtin nge itih chuan anh?" ka tih chuan "ele hnim ka sam tir ang" ati awlsam et a, a tih leh duh tak tak ka ring.



Dar 12 vel thleng kan inbia a "naktukah school kal i ngai sia, i tho leh thei dawn silo, mu vat la ka rawn phone harh ang che" atih chuan ka ner nang.



Ka phone ri chur chur chu peihlo zetin ka ban a, en lemlo in ka chhang a "ka bialnu mut duh te! ila tho lo ami?" zangkhai vah hian a rawn ti a, ka ham bai bai mai.


"Ka ning hetianga min rawn phone harh ziah dawn chuan ka peihlo inthen ang" ka ti hmuk a, a rawn nui hawk "inthen i rawt chhan lah hi a ho thei si, i thinrim hlekin inthen i raw zel a" nuihza insum hmel zetin a rawn ti a, ka tum hmuk.



"Bawihduat" ka chhanglo.


"Ka bawihduat" ka chhang chuanglo.


" Ka bialnu" ka off hmak.


Tukin hi ka mood a chhe riau, ka period dawn chiang lutuk!


A rawn call nawn leh a ka chhang tawhlo, ka be chak hlawllo ani ber, a aw te hian ka luak ati chhuak ten ania ka hriat ni.



"Ngati ber bur nge?" class a tum bur a ka thut lai chuan Lalhlimpuia lellawl in a rawn ti a, ka chhang peih teuhlo.


" tu emaw chu a thinrim ani maw? Chocolate hi a duh em le?" tih pahin sneakers chocolate ka duh deuh chi a rawn phawrh a, ka period hnai thil thlum ka ei chak lai ani nen ka hnar phal teuhlo.



Chocolate chu ka pawtthla hmawk a, alo la nui suk zui.


Ka kheh mawlh mawlh laiin " tinge i tum bur a vawiin hi? Zingah lah nang leh nanglo angin hma tawkah i rawn thleng a, inchhungah buaina i nei ami?" ka bula lo thut pahin a ti a.


Chocolate keih thlak pah chuan ka lu ka thing ringawt. Tukin khan H-a'n min thlah ka hlauh lutuk vangin hmanhmawh deuhin chaw pawh eilo in ka chhuak a, ka thleng hma kha ka thiante pawn mak an ti reng anih kha.



" engmah a awmlo, ka kal hma ve chhin chak a" min melh deuh vang vang hnuah a lu a bu nghut a " Sangpuii hian bialpa a nei ami?" atih zawm zat a, ka mithmul ka lo kan khum ak a.



Rosangpuii nen hian an inhnimhnai riau tunlai chu, Lalhlimpuia hi chuan a duh tih ka hria, chuvang aniang chocolate pawh min pek, min tlawn chiang lutuk!


A zei hle mai a thiannu atangin hma lak a tum a "nei e.... an veng ami a ex ania an renew" tiin dawt ka hrilh a, ka period chhung a thlawnin chocolate ka duh dawn tlat.

" maw? tak tak ami?" a mak ti hmel leh a hlauthawng hmel chu a nuihzatthlak zawk, alo hmeltha zawk zawk bik silo haha.



" tak tak e, vawiin ah pawh an rawn inthlah kha i hmulo ami?" an inthlah tawp silo a, ka duhna ah chuan dawt ka lo sawi thiam hle mai, award dawng tlak ka ni.


" hmulo an renew tih chu i chiang em?" ring ngam chiah silo in a rawn ti leh a "aw chiang e, min hrilh tirh khan ka awihlo a mahse an inbiakna te min hmuh a, diktak chuan a ex anih vang pawn ka duh pui lo a, ex renew pui te chu a a ho ka tia" ka va han phuah thiam tak!



" a dik chiah" a rawn ti chiam a, ka phu nghek!


" ka hau a mahse awmzia a awm te chiamlo, chocolate ka van ei leh chak" ka tih zawm zat a, a kekawr ipte a dap rak rak a, ka nuih te lam lam ati za e a, ka sawi ang hi a nilo tih hria se min haw ngawt ang.



A bag atangin chocolate dang a rawn la leh a, ka dawt phuah chawp ka hrilh char char a, ka sawi laklawh laiin Sangpuii leh Ro-i an rawn lut a, Lalhlimpui pek chuan dawhkan hnuai atangin ka mal a rawn sik a, ka phu chiam.



" Lalhlimpui! hmeichhia i nia mi? nge min sih vak a awi ana lutuk" ka ti chiam a, Sangpuii te lah chu an lo nui dir tlak tlak a, ka ngei mai zia.

Mipa sih te chu na deuh mai ania a!


"ka bialpa han romantic zia hi" class a rawn luh pahin Priscilla-i chuan a rawn ti lang lang a, midang awm ve chu ngah mah a ngai lo, he class na na na hi chu a lalram ve ania, tumah zahpah a neilo.



" engtin tak nge maw in lo awm leh tak ni!" Sangpuii chuan a ti a, a hnungah Ruati leh Sophie ten an lo zui bawk.



" ka lehkhabu kenlai thlauh der rawh a tia, a hma zawnah ka thlauh der a, min chhar sak a mit min siai khum zeuh a, min pek laiin ka kut a hum zui a, a thianten engmah an hrethiam lo reng reng" elaichi kawm kheh pahin a ti a, a hmaah kut an dawh nghal sap sap.



" awi in vir e ..... bialpa te fak lai lai a in kut min hmuh sup sup a" ati hlak hlak a,kan nui tawp. A thinchheve hlik hlek sia, a bialpa bulah a inthup dawn der silo, a bialpa hian engtin nge maw a dawh theih zawk ni?



" Priscilla elaichi chu" Țhaf-a lo lut chuan a rawn ti lawng lawng a, pakhat chu a thaw hawk mai.



" i ninawm Lalțhafamkim lei ve mai thin rawh" alo tu hlar a, Țhafa pek chuan kuah pahin a sam a tuai thur sak a "min thlah rawh Lalțhafamkim ka sam kha khawih suh ka so called bialpa in min tuaimam sak anih kha" tal aih aih pahin Priscilla chuan a rawn ti hlar a, an inchai kual chu hmuhnawm thlir takin kan thlir a.



An ni pahnih hi chu tihian an inhnial emaw an intibuai reng a, pakhat zawk zawk an awmloh in an inngai leh em em a, a khaikhawm nan an inhlat thei tak tak lo.




Last period practical ania, kan chemistry teacher a rawn kalloh vangin kan off a, arts leh secondary section rualin kan haw ve thei ta!


Last ah practical class kan neih ziah vangin midang ban rualin kan bang ve hman ngailo a, achang chuan a ninawm thin.



School compound ah chuan school naupang hlir an kal khat dul a, hetiang khawp hian mihring hmel alo tam ang tih rin ngaihna ka hrelo hrim hrim. A then phei chu ka vawikhat hmuhna te an ni.



Kan school gate pawnlam atanga police siren ri ka hriat chuan ka thinphu a rang nghal dawt dawt anih chu, amah a nihloh nan ka rilru in ka tawngtai nghal mawlh mawlh.



Motor a rawn lan rual chuan birukna tur ka melh nghal ruai, a vang hrep lehnghal, school naupang ho lah chuan ka lanchian loh hlau ni awm fahran in kawng an kian nghal sap sap a, motor nen chuan kan inhmachhawn ran mai.



Car kawngkhar chu a rawn inhawng a, a khalhtupa chuan ka lam a rawn hawi nghal a, car kawngka chu khar rik bur pahin ka lam panin hmanhmawh zetin a rawn pen phei pawk pawk a.



Ka zawn alo thlen chuan eng khaw sawi set set lovin min kuah nghal thawr a, ka hamhaih lek lek.



" Bawihduat! tinge ka phone i chhan duhloh a? ka rawn lam hma che in in i chhuahsan bawk a, min tih mangan zia i hria em?" min kuah reng chung chuan ati zui mawlh mawlh a, min khuap hneh em vangin min en an awm em tih pawh ka hmu theilo, mahse chiang takin ding thup chungin min en tih ka hria.



Min kuah tupa lah chuan min thlah tumloh hmel takin a aia nghetin min kuah a, han tihvak ngaihna pawh ka hrelo, a chak si ka nem sawn zo der dawn silo.



"ka thaw theilo" thei leh theilo chuan ka ti a, min thlah ve ta hram.



A hmel ka en chu a hlauhthawn hmel lutuk, mahse kan bul ve ami ten min en thup tih ka hriat rual chuan min vawnna chu ka thingthla a,mak tih hmel takin min en bawk.



"kal rawh" zawi te in ka ti a, a thle buk duh chauh.


"lam tur che in ka rawn kal, i tello in let ka tumlo" ati bur mai bawk si, teacher te an rawn kal thut ka hlau bawk si.



" Please kal phawt rawh, gate bulah min lo nghak dawn nia aw.... kal phawt rawh" ka tih pawh chuan a ruala min hruai ngei a tum tih hriat takin a lu a thing vut a, tih ngaihna hrelo zetin ka thaw hawk.



" tun chiah ka thusawi ngaithla la aw? car ah min lo nghak dawn nia, tun chiah aw Vanlalruatfel tun chiah" a tawp lam chu ka sehchilh nawk tawh, kan school compound ah hian cctv a awm thluah bawk sia, thubuai neih ka peihlo.



" a tha e gate bulah ka lo awm ang" atih takah chuan tui chhung atanga chhuak ang chiahin ka thaw huai mai.


A inher vut a, gate lamah chuan a tlan chho a,school naupang dang lah chuan min en hrek hrek a, thil nuam zawk zawk chu a nilo chiang ani.



" tun a in zawm ngei ngei tur dan pathum a awm
1. min zui su
2. engmah min zawt su
3. min be su " tia ka thiante ka hrilh hnuah gate lam panin ka kal hlawk hlawk a, ka zak bawk si zing lama ka thinrimna a rawn inlar thar leh nen thinrim tak te in ka thin a rim.



"bialpa nei nu i bialpa min hnelhriat tir ve dawn lo ami?" tia ka hnunglam a ka thiante min biakna pawh chhanglo in ka kal hmawk hmawk a, gate bulah a car nghenga lo ding ka hmuh phei chuan ka thinrim lutuk hi ka khu vut vut in ania ka rin ni.





~VANLALRUATFELA~ POV

Ka lam pana lo kal min zeta min melh tu ka bialnu chu hmuhnawm ti takin ka melh a, a thinrim hmelte hlei hlei hian a ti tha zual.


Ka zawn alo thlen chuan a bag a la thla sawk sawk a, ka awmah min vawm nan hmangin ka car hmalam a hel a, ka nui suk a hmuh chuan "nui bawk suh, i hmelchhia tih hrep che ka chak ania" ati vin hlar a, passenger seat ah chuan a thulut a, na zetin a khar zui a, ka chek tlak.




Ka car ka duat em em lah hi min dimsak nachang hi a hre reuh bawk silo a, lu thing nghut nghut chungin car hnunglam kawngkhar chu ka hawng a "ka bag kha a hnungah dah tum reng reng suh, i malchungah dah la, station thleng pawm ang che" min rawn melh eihlo in a rawn ti vin leh hlak hlak a, nuih hawk pahin ka khar zui a.


A chet dan naupangchhia zet hian ati lawmawm lehzual.


Car ah chuan ka thu lut a, a bag chu ka malchungah chuan ka dah a, seatbelt ka hren dawn chuan ka che buai ve khawp mai. A changtunu tih thinrim ka duh silo, chutia ka buai lai chu hrelo ang hmakin a awm a, a kut a kuangkuah vei than a, a rawn hawi duh thaklo.



Eng emaw ti ti in ka insiamfel thei hram a, ka mal chunga bag erawh a hnawk lam mah ani a rit phian lehnghal, ka sawisel ngam tawh silo, station thleng kan pawm thleng pauh aniang chu.



Kan tlan chhung zawngin pawn lam a melh ngar ngar a, min be duh thaklo. Zing lamah ka hruai hun nghaklo in chaw eilo in alo kal pek a, an school thleng em em han tihbuai chu ka tia bet lo deuhin station lam ka pan anih kha.



Tlai lamah erawh ka insum zo lo ka kal tawp a, traffic jam vel a tan ka hlauh em vangin țullo takin police pawn emergency tak tak a kan hman siren ka hman phah a, ka thuneihna ka hmang sual hlek, mahse awlsam takim traffic ka kalpel phah a, mahse a zawngchhang chi hauhlo thung ang.




Station kan thlen rual rualin min nghak eihlo in a chhuk nghal tharh a, car kawngka na zetin a rawn nem khar leh a, ka hma ka tuai puat ringawt.



A bag keng chungin station chhungah ka lut ve nghal a " Coffee, momo leh pani puri rawn la rawh, minute 5 chhungin ka hmaah a awmlo anih chuan i hna i chan ang" Rinzuala dawhkan hmaa din pah chuan alo ti hlak hlak a,ka nui tawp. A thinrim ngang ania nge, a duh a sawi zo a ka cabin lamah a lut zui hmak a.



Rinzuala lah chuan hawihai deuhin min en a "i hna chan i duhloh chuan i Pi sawi ang kha rawn laksak vat rawh" nui chunga ka tih hnuah ka cabin ah ka lut zui ve nghal a.



Bawihduati chu ka chair ah alo thu a, chair chu a ti kual chhen a, ka police tiang chu a hum ran bawk.


Ti tak saw chuan mafia boss fanu sual zet apa thuneihna vanga in luling tih hreh neilo hmel tak a nih duh hmel.




A bag chu sofa ah chuan dahin a bul dawhkan ngheng chuan ka ding a, min melh duh eihlo, luhlul ve ngang ngang lutuk mai.




Rinzual chu cabin ah chuan lo lutin plate ah eng emaw a rawn chawi a "hei aw ka Pi, minute 4 chiah chiah ka tlailo, ka hna ka chanlo" tih pahin a thil rawn ken chu Bawihduati hmaah chuan a chhawp a.



"Pani puri hi pakhat la ve rawh" Rinzuala en pahin bawihduati chuan a ti sap a, a aw pawh a dam ta deuh, nichin a thinrim hmel hle si kha eitur a hmuh meuh chuan a nui var var mai alawm, a chak lohna pakhat ka hre phawt.



Rinzuala chhuah hnu chuan a ei mawlh mawlh a, ka awm ve tih hre awm pawhin a awmlo. Be lemlo in a thil ei lai chu hmuhnawm ti takin ka thlir a, coffee in pahin min rawn melh zawk a, ka lo nui a hmuh chuan a ner zui nang a.




A in ei fel hnu chuan a chair ban tawn tawn ah chuan ka innem khalh a, hnai set sawtah ka bih a, zam eihlo in min melh let ve kar a, keimah zawk ka hamhaih lek lek alawm le!



"ngati nge ka call i chhan loh?" ka tih chuan "ka peihlo" ati awlsam et a, ka duhkhawp zan lo.


"inthen i rawt bawk a" hnai lehzual ah ka kun a, ka chalah a rawn nem dak awrh a, ka tumloh deuhin ka nui chhuak hawk.


"zing hma deuhah min rawn phone harh zel anih kha, ka thawhhma peihloh nen" ati nang nang a, ka nui tawp. Mut duh rual lek bialnu ka nei tih ka theihnghilh ani.



" awle anih leh chulo inthen rawt duh chhan dang ila nei em?" ka tih chuan a lu a thing vut a "tukin kha kan inngaihzawn atanga inthen i rawt vawi thumna ani tih i hria e? hremna i hmu dawn khawp" ka sawi zawh rualin a hmuiah ka fawp nghal a.



A hamhaih deuh aniang min chhanglet mai lo, a aia uar deuh zawka ka fawh leh takah chuan a lut pahnih a ka tukhum dawm pahin min rawn chhanglet ve a. Chu veleh a chair chu pawt hnaiin uar zetin ka fawp leh a.



Ka hmui hnuailam a rawn seh zeuh chuan ka nui deuh hak, ani pawh rawn nui seih a "chimawm lutuk, hremna i hmu khawp ang" tih pahin ka fawp leh a, ka lei a ka chhunga ka hawlkual lai chuan a raww thaw hak a, chu chuan min ti phur sawt.



"Babe" tih paha ka cabin kawngkhar rawn inhawng vang chuan kan inthlah a, kawngka bula Ruatthari lo ding ka hmuh chuan ka rum nghut. Tun ang hunah heta lo kal tur hi a nilo a bikin Bawihduati awmlai phei chuan.


" eng nge i rawn tih dawn?" din mar pah chuan ka ti hmuk a, Bawihduati hawihai lutuk chu a biangah ka piai zeuh a, a hmui a ti pawry tarh a, insum zo lo in ka fawp zeuh a "awm anglo lutuk" tih sup pahin rum zetin min melh a, ka nui suk thung.



" babe khanu kha tunge? engvanga fawp nge inih?" thinrim taka tih pahin Ruatthari chuan kan lam a rawn pan a, a thutna atangin Bawihduati a rawn tho ve nghal a.


" Babe a? eng nge a awmzia?" tih pahin min melh ran a "nakinah kan sawi dawn nia, Ruatthar hetah hian tihtur i neilo, chhuak rawh" nelawm na tel hleklo hian ka ti a, a ngaih pawimawh loh hmel kher mai.



"nang naupang kha engvanga ka bialpa lo awmpui nge inih a? Nang aiin ka chep nuam zawk aw"

"LALRUATTHAR" ka ti hrawk a, min rawn en pahin a nui suk a, tunah tak hi chuan hmeichhia chu nilo se a dinna hmunah sawn a thal huang tawh ang.




" ka pi i hresual aniang, ani hi i bialpa nilo in keima bialpa anih hi aw, chuan eng ang pawn lo chep rawh ngatan mah ka ngailo. I zaklo ve ngawt mai i mipa mutpui chungchang i hmelhriat miahloh bulah i sawi ania, kei ka ni hlauh zawk a nilo se chu maw i lar het het tawh viau ang" ngeiawm takin Bawihduati chuan alo ti a, ka lo khi suk


"engtin maw tunah kha min koh? i pi rual hmuhin min hmu a mi?" thinrim taka tih pahin Ruatthari chu a rawn pen phei hlawk hlawk a, Bawihduati lah chuan a hlauh hmel lo hrim hrim, hlauh a hnekin alo nuih sawng a.


" ka pi ka tih mai loh che in mipa duh duhin an khawih kual theih i nia, invenna hmanglo phei ula chuan primary naupang zat lawih fa i nei tawh ang chu, hman ami nen kan chhiar tel phei chuan i fate pawn fa an nei hman tawh anga, Pi ini tawh ang chu" nuih sang pahin Bawihduati chuan ati leh a, Ruatthari chuan huat tak te in a huat hmel tawh.




" Lalruatthar hetah buaina rawn siam suh" ka ti hmuk a "in pahnih khan lo insawi fel teh u, ka kal dawn" tih pahin Bawihduati chuan ka lam alo hawi a "haw vat ka ngai ania aw, inbe reilo ula, min thlah i ngaih kha Ka Duatpui" tih pahin ka kawr awmah a rawn pawt a, ahmai zawn vela ka kut hnu chuan ka hmuiah a rawn fawp zeuh a, ka hrawkbawk ah chuan fawp lehin a liak zeuh a, chumi pah chuan Ruatthari lam a hawi reng tih ka hre thei.



A chetdan lawmawm si ngeiawm tho bawk si vang chuan chintawk nei leklo a fawh min ti chak, mahse Ruatthari hi buaipui phawt ka ngai.





~~~~~~~~~~~

11991 words.. Thui tak ani thui tak!!!!

nizanah ka tlun vak a, engmah ka khawih theilo a, engmah ka rawn sawi silo a,, in hrilh alo hai ngawt ang mahse hei zanin ah ka rawn dah a, in thinrim thianglo bur.

Comment lampang kan pachhe riau tan i la thar ang u aw hmelthaho......❤


Show post links
Top

[Ngaia]

*OFFICER HVL-A*




Chapter-9

By Priscilla vl Ralte




~VANLALHRUAIZELI~ POV


Cabin atanga ka chhuah hnu chuan ka awm dawmin ka thaw hluai a, ka chet dan kha a tenawm in a zahpuiawm lutuk, mahse khatianga tih kha ka chak tlat pek a, khanu khan min thik se ka duh em ani.

An in atanga an inzui chhuak lai pawh ka hmu tawh a, hmelhriat satliah chu an ni dawnlo tih ka chiang, chuvangin ka bialpa hi ka ven reng angai a lerh hmel zek lehnghal.


"Khawnge Ema hi?" Rinzuala bula din pah chuan ka ti a "Station thlang hnim a sam" atih chuan ka meng phawk ngawt ang.


" tinge a? tang ho in tihtir thin in ka hre sia" ani daih daihin a ti chu mak ka ti em ani.


"HVL-a'n a tihtir" atih chuan ka nui hak, alo tihtir tak tak ani maw!


"tinge in tihpui loh?" la nui reng chung chuan ka ti a "A phallo alawm kan officer hian amah chauha ti turin a ti tlat pek a, kan hnial ngam silo a" ani pawh chu a nuih a zat hmel fu mai.



"Tihtir chhan a nei em?" a chhan chu ka hre ru reng.


"a neih pawh ka hrelo, chhun chawlh lai khan a thil eilai a rawn pawt tho a, a sam tir nghal a, Emanuela pawh chuan a ngaihna a hriatloh hmel khawp mai" a pen tuai vut vut pah chuan a ti a "khawiah nge a awm? Ava sam rei tawh awm ve" tukverh lam pan pahin ka ti sap a.



"a zau em alawm, a hnim tawh bawk sia, mahni chauh chuan a chauh thlak ngawt ang, khu khu lamah khuan kawngkhar alo awm anga i chhuak anga a thlak lawkah khan a awm ang" tih pahin thlang lama kawngkhar chu min kawhhmuh a.



Ka pan nghal vat, H-a pawh hi a bialnu unaupa te hna hahthlak han thawh tir reng reng, tlawn zawk awm tak hi anih nen.



Kawngkhar chu hawngin ka chhuak zui a, a thlang lama hnim sam ri ka hriat chuan ka kal hnai leh hret a "Ka unaupa duat" ka ti lang lang a, hah hmel taka thaw hluam hluam chungin a rawn hawi chho a, a hmai thlan a hru zui nghal zat.


"ka unaunu duat lemloh nu! nangmah vanga ka hremna tawh hi han en teh" tih pahin a hnim sam thluk tawh te chu a kawk a, uar em em in ka lo nui thung.



"Nge i tawngtheih viau min mawhpuh reng reng suh, i phu tawk chiah a nih kha" ka ti leh lang lang a, a nui nang mai.



Ka khawngaih reuh lutuk "lo chho tawh rawh i hah lutuk ang" inla bossy deuhin ka ti a, a nui hawk "thu ber awm zia zang a i rawn tawng chu" ati a, anui nghal hawk hawk.


"ka thu ber ka phal lai hian rawn chho vat rawh" tih pahin ka kutin ka hui a, ka hnunglam a melh zeuh vang chuan ka hawilet a, ka hnung lawkah min daih em em in H-a alo dinh a, ka hnunglam ah ka er zui vak a, ka balance ka hlauh leh sia, hnunglam a ka tlu tur chu ka kawngah a kut a rawn rawlh a, a taksa si chetin min hnukhnai nghal hrawk a.



" fimkhur tawh rawh" tih pahin ka biang a tawk zauh a, ka lo nui seih.


Kan sir lama aw thian kharh an lo awm chuan ka kawng a vawnna chu ka phelh a, kan sir lamah thlan hluamin Ema alo ding a, a nui vur vur a, mahse a hah hmel lutuk.


H-a chu rum zetin ka melh a, Ema chu ka pan nghal "awi ka unaupa duat hetiang ti tur ini lo asin, ka van khawngaih tak che em aw..... i hah em? hetiang tihtir tu che hi ben lawlh ka chak ngawt mai" tih hlawi hlawi pahin ka scarf ka la chhuak a, a hmai thlan vel chu ka hruk sak a.



Kan sir lama dingpa lo rum nghut chu ka hrelo der hmak. Ka chetdan chu Ema lah chuan eiloh hmel zetin min lo melh chhuk run a, ka lei ka chhuah khum zeuh a, ka chalah a rawn pen lawlh anih chu.



Rum zeta melh pahin ka chal ka dawm a "Emanuel vawikhat mah Bawihduati hi kut thlak tawh ngai suh" tih hmuk pahin H-a chuan ka chal chu a rawn tuai zauh a, ka bul alo thlen phei lai ka hrelo hrim hrim.



"hah taka hnim min samtir man anih kha, nangmah ka tilet ngam silo che a, i chunga ja thinrim apiangin i bialnu chungah ka inhri thla thin mai ang" tia mit min siai zeuh pahin a lut zui daih.



" I u thin hi chu aw! kan inngaihzawn hmain min zah em em a, kan nih veleh min zah derna a nei tawhlo reng reng, ka bialnu unaupa anih vang hian min makpa chei bawl a, ka thusawi te hi hnial chang a nei a, ka la hrem ang" lungawi loh hmel deuha a tih chuan ka nui tawp.



"Ivan cute phik phek tak!" tih pahin a biangah ka piai a, a duhlo ngang mai "ka cute phik phek lo ka tha phik phek" ati hmuk a, awi! a cute dan hi.


Palian pui mai tum hmuk chungin a titau a, a lawmawm chiang lutuk. Ka va han duh phik phek tak!!!!



" hey palian pui ni chungin i titau dawn ami a?" thlem deuh paha ka tih chuan ka inrin hmain ka hmuiah a rawn fawp a, reilo mahse ka hawikual nghal ruai, station ah kan awm a tupawh lo kal thei reng an ni.



"ivan ti awm anglo tak! mi an lo kal thut anga sin" ring lutuk silo in sehchilh zetin ka ti a.


"tumah an lo kallo chuan min hmulo bawk, min lo hmu pawh nise ka bialnu ka fawp ani mai a, ngai thutak vak duh suh" ati awlsam et a, ka ngaihdan a nilo nasa.



"khanu ang mai mai a min cheibawl tum reng reng suh aw, ka duh miahlo ania" melh rawm rawm pahin ka ti a, mawi em em in a nui anih chu, hetianga a nuihmel hi ka vawikhat hmuhna chuan a tha chung chuang lutuk.



He a nuihmel ah hian vawi eng emaw zah chu ka luangliam dawn chiang alawm!



"nang te hi chu hmeichhe dang ka en angin emaw ka ngaih angin ka ngai theilo che, nang chu nangmah inih ang tawp hian ka hmu in ka ngai che, hmeichhia hi ka hnaih tam lemlo, mahse nang hi chu i danglam bik tih ka chiang alawm" ka hnara piai zeuh pahin ati sup a, ka lungawi lohna te kha an thlawk bo vek!




Ni a liam a, thla a ral a, November thla kan chuangkai der mai.


H-a nen pawh kan la ni tluang zel a, min duatin min ngaihsak em em a, hmeichhe duhzawng han tihpui vak tur a hrelo mahse a theih ang tawk tawk a tih a tum ve avang ringawt pawh hian ka tan chuan a lawmawm lutuk.


Kan monthsary ah dinner kan kil dun ve ngei a, chupawh ka nu leh pa phalna thlapin. Ema tawngtheih vang bawkin ka chhungte pawn an hria a, min hauh ka rin nen min lo hrethiam khawp a.



"ka fanu hi naupang mai emaw ka lo tih laiin bialpa neih nachang te alo hre tawh a" nui huah huah chungin ka pa in a ti a, afanu tak tak angin min en a, min duat em em a, hei vang hi aniang keipawh hian ka nei em em ni.




Ka nu pawn mipa bula inven a ngaih zia te,humsual kan dai palh anih chuan inchhir in awmzia a neilo, chuvangin inchhir lo tura fimkhur turin min chah mawlh mawlh a. Ema thawhpui anih vang ringawt a pawm an nilo tih ka hria.



A chhan chu ka chhungte hian pawisa vangin mi an be tha huam ngailo, eng mi pawh nise eng hna pawh thawk mahse tha takin inkhairual takin an be mai thin.



H-a chu zanah pawh alo leng zeuh zeuh a, ka lehkha zirloh zanah a rawn leng tlangpui. A rawn len ve chhunah pawh ka chang mang ngailo, ka pa in a titi pui daih zel a, ka pa inleng ni awm ani zawk mah.



" tinge ilo tum leh tak bar a?" ka hnunglam atanga min kuah pah a a tih chuan a aia nasa in ka tum, chhan pawh ka chhang duhlo.



" Bawihduat! tunge hau che? ka hau ve ang, hmeichhia pawh ni rawh se ka beng hrep ang" a lamah min kuai her pahin a ti a, a ruk tak chuan ka nuih a za a mahse nuih chi pawh va ni suh.



" ilo len ve apiangin ka chang ngailo che, ka pa hlirin a chang che a ka pa bialpa pawh ini lo" ka ti niah niah a, a awm a min kuah pahin a nui hawk hawk a.


"ka bialnu tereuh hian a pa a thik ani maw?" a khabe ka chhip a nghah pah chuan a ti a, a kawr chhan ah a hnute bawr ka seh sak a, phu uih pahin min nawr sawn a.



Nur nang a min melh laiin ka lo nui var var thung "zawhte ang mai, kha thil vang khan hremna i hmu chiang ang" tih pahin ka hmuiah chuan a rawn fawp a, dam deuh hian min fawp a, ka hnar duhlo, kan inhnung lamah kan awm a, min hmu tur an awm chuanglo.



Min fawhna ka chhanlet rual chuan ka kawngah nghet zeta vuanin a awm si chetin min hnuk hnai a, a kut lehlam in ka tukhumah a dawm a. Min fawp duhthawh telh telh a, a duhthawh dan ang zelin ka lo duh ve zel sia, kan inthlah thei meuhlo.



Ka mawng a rawn țham takah chuan harhchhuak hmasa ah țangin a awmah chuan na lo te in ka nam a, ani pawh chu a inla hrang thuai a.



Kan infawh na vanga a hmui hnawng chap chu a kutin a tuai zauh a, chutah min lo en in a nui suk a, awi!!! a hmeltha lutuk ringawt. Lucifer-a ka ni ti se aw tih pahin ka zui nghal duh ang.



"fawh nuam nu, i hmui kha ka ta chauh anih kha, mipa dang sik tir reng reng suh" tih pahin min rawn fawp leh zeuh a.


"kha i hmui kha hmeichhe dang sik tir bik reng reng suh, anih loh chuan heihi ani mai" tih pahin ka kuttum ka hmuh zauh a, a ri meuhin a nui chhuak hawk hawk a.



"kha i kuttum tereuhte kha min hmuh ve a maw? min hnek na tham dawn ami? " la nui reng chung chuan a ti a, keipawh ka nui tawp. A sawi dik keia kut ve tehlul hian ani ang palian lutuk hi ka hnek na tham lovang, ani tan chuan hnek pawh ni ila sihsen seh ang lekah a ngai ang chu.



A haw tur chu pawn thleng ka thlah a, lut hmasa tura min tih vang chuan ka lut a, kawngkhar atang chuan a tlanchhuah hun ka chang a, reilo te hnuah a motor engine ti nungin a tlanchhuak a, a thawm a awm talo chu ruak huai hian ka in hria.



Ka room lamah ka chho a, ka hmai te phihin hmaihnawih ka inhnawih a, a message lo thlen hun ka chang ta char char.



Minute 20 dawn hnuah a message chu alo thleng ta hram 'ka thleng chiah' tih te mai mah nise ka nuihpui ver ver tho.



Hetiang relationship hi story ah chauh a awm ka ring thin, mahse keimah ngei in ka tawng a, ka la hlimpui em em zui a.



Zing ka tho chu ruah a sur cherh cherh reng a, school kal a peih awmloh takzet!


Thlasik kan chuangkai tawh nen a vawh a zual, kamis hnuaiah high-neck ka ha a, a chungah form kawrlum ka ha leh a, a lum vut vut khawp mai.



Tukin chu H-a ka thawh khalh anih hmel, va call ka chak tlat pek a, nui var var chungin ka phone ka ban a, a number ka hmeh chhuah veleh ka call nghal a, a in ring rei lutuk, ala tho lo ve ngei aniang.



Nui var var chungin alo chhan hun ka nghak a, a tawp a tawp ah chuan alo chhang ta hram "hello" lehlama lo chhang tu chu hmeichhe aw ani, ka nui tawp riai riai a, lehlam ami chuan "hello ka țawng i hre thei em?" alo ti leh lauh a.



Ka chhang lo, ka beng atanga ka lak thlak dawn lai chuan "tunge a?" titu aw ka hriat vang chuan ka dahtha leh rih a " Angel Baby tih ani, alo phone a a țawng ka hre thei lo nge min chhanglo pawh ka hrelo" hmeichhia bawk khan ati leh a.


Chu veleh phone chu a ri rawk rawk a "Bawihduat!" tih ri in a zawm nghal zat "Bawihduat!" a aw ka hriat hian tinge ka țah a chhuah tlat le!


Nizan lawkah hmeichhe dang hnaih lo turin ka ti a, tunang zingkar ah hmeichhia in a phone a rawn chhang a, nizan a haw hnu khan an awmdun leh tih hriat reng reng.



Ka thil ngaihtuah vang chuan ka rilru no a chhuak a, ka mittui a far nghal fap. Mipa vanga țah hi ka duh ngailo asin, kei min duh tawhlo anih chuan tha deuhin min hrilhin min țhen sela a duh zawk chu pan mai sela, tinge min tawrh tur kher? Mipa te hi ka hrethiam theilo, ngati nge pakhat ah hian an ngheh mai loh? Midang rilru ti na lo khan an duhloh zawk chu tinge an thlauhthlak mai loh?



"Bawihduat! ka țawng i hre thei em?" a rawn tih leh rual chuan call chu ka ti tawp hmak a, a rawn call nawn leh nang in ka la duhlo, rawn insawifiah a tum te pawh ani mahna. A in sawifiahna ka ngaithla peih vello e a.



A rawn call nawn tlut tlut a ka ning lutuk in ka switch off hmak.



Ka khumah ka țhu ngawi ran a, han awmdan mai tur pawh ka hrelo, inngaihzawnna lamah hian experience ka la neilo a, amah hi mipa inzawmna ka siampui hmasak ber ani a, hetianga min tih vang hian mipa a ka rinna a hniam phah.


"Mate i awm em?" ka room kawngkhar kik pahin Ema chuan a rawn ti a, lut turin ka sawm zui nghal a.


"I phone i switch off ami? hei a mangang in min rawn phone a inbe lawk ula" ka bula lo țhutthlak pahin a ti a, ka lu ka lo thing thung.



"tinge i biak duhloh? Chhan awmlo in an thinrim ringawt ngailo" a tih chuan mak ti zetin Ema chu ka en tawp, tunah khan a lam a țang tihna maw? Hah! nia a awm alawm, a mipat pui ania, a hnathawhna a an hotupa ani bawk a, a lam a țang reng ang chu, nge ni a a thiltih hi alo hriatpui reng zawk?



Vanlalruatfela vangin mipa tu pawh ka U ngei pawh tiam in ka hmu diklo ta vek chu ani sia le!




~~~~~~~~

ka duh aiin ka rawn dah tawi, tunlai chu ka meng rim ve sia, ka tlinlo aniang ka mut a chhuak hma lutuk a, naktuk zan lamah chuan a sei deuh thei tawh ang chu.

Commeng țheuh ang u aw....


Show post links
Top

[Ngaia]

*OFFICER HVL-A*


Chapter-10

By Priscilla vl Ralte




"ka phone a hmeichhia in alo chhang alawm" ka sawi pah te chuan ka țah a chhuak țun mai lehnghal.


"chutiang vang mai mai in an thinrim ngailo, a insawifiahna te ngaihthlak sak la, be rawh aw!" tih pahin a phone a rawn lek kang a, tum bar chungin ka pawtthla hmawk a, ka beng zawnah ka chuktuah nghal.


"sawi rawh" lungawi lo deuhin ka ti hmuk a, lehlam ami chu a rawn thaw hawk a "nang angin nileng hun ka neilo ania" ka tih leh sup rual chuan "Bawihduat!" a rawn ti thum chhak a, ka lu ka thing nghut thung.


"i ngaih ang kha ani lo ania" ati hmasa te te a, ka hmui ka lo pet sawi nang thung "nichin ami kha ka bialnu emaw anilo, ka U nupui anih kha" atih chuan ka ang pam mai.


"mahse zing kar kar ah eng nge a rawn tih?" thinrim khumna chi niin ka hre tawhlo "ka lo sawi theihnghilh daih a, nimin lamah khan ka U te nupa he lama nau nei turin an rawn kal a, chuan tukin khan ka phone choka ah ka theihnghilh a, ilo phone khan min lo laksak ta mai anih kha, thinrim tawh suh aw?" hmm.... tlem chuan ka hmin deuh, mahse ka fiam chak tlat!


"anih chu" thinrim hmel takin ka ti hmuk a, a rukin ka nui thung, Ema chuan mak tih hmel deuha min lo enin a ka a ang zuau a, ka hmuiah ka kutțang chuktuah in țawng lo turin ka mitmei zui a, nui chunga a lu thing nar nar chungin ka dressing table lam a pan a, a sam a siamțha zui mial mial.



"Bawihduat! thinrim tawhlo la, a thleng nawn tawhlo ang" a rawn ti zuai raih a, ka khawngaih ta deuh chuan "ka hrethiam mahse a thlen nawn leh chuan tu pawh ni rawh se ka kek hrep ang" ka ti a, a rawn nui zui hawk hawk a, keipawh ka nui tho.



"in inbiak lungrun nan ka phone kha ka ui, in phone hmang ve tawh mai ru" ka lam rawn hawi pahin Ema chuan a rawn ti lang lang a, H-a pawh chuan a hre pha aniang "khapa lah kha" a ranw ti hluk a, ka nui tawp.



"I phone kha on tawh rawh aw, ka lo lam dawn che nia, lo hmanhmawh lutuk chuang lo la" a tih hnuah kan inbiakna kan ti tawp a, hnar a hlıt phawi ang mai alawm anih le! ka thaw huai mai.




Ka room atangin Ema nen kan inzui chhuak a, kan insawi fel ta chu min fiam zuk zuk reng a, rum fe fe a melh mai loh chu tih theih pawh ka neilo.



"I patea fapa a rawn awm lailawk lawk dawn a, bawihte vawiin chu rawn haw hma deuh la" chaw ei laia ka nu in a tih chuan ka bu nghut.


"Simon-a maw? " ka pa en pahin Ema'n alo ti a, kei erawh ka bo hneh hle. Ka pa chhungte lampang hi an rawn i inlar vak ngailoh vang hian ka hre lemlo, an sawi ngai bawk silo.


" aw helamah college a rawn kal dawn a, hostel a chang silo a, inluah tur an zawng a, an hmuh hma chu he lamah a awm hrih ang" tiin țha takin ka pa chuan a chhang a, Ema erawh a ner nang.



"a kalchhuak thei ngut lovang" nuihsawh hmel takin Ema chuan a ti a, ka pa in alo khap vat thung.



A awmzia hriat tuma ka nu lam ka hawi chuan alu alo thing a, ka zawt lui duh ta lo, Ema ka zawt mai ang.



"tunge in sawi pa kha? nichin khan i eiloh hmel sia diklo a awm ami? " pawnah H-a ka nghah laiin ka bula alo ding a, ka lo zawt nghal, ka hre chak em ani.


" ka patea fapa naupang ber ania, an black sheep ve ania, kan bula awm turin ka duh vaklo a" a ti a, ka rin aiin a ho.


"a ho e a awm reng dawn pawh a nilo a, in luah tur an hmuh te chuan a chhuak mai dawn alawm" ka lo ti awlsam et a, ka lam alo hawi thuai "chutin ti ngawt suh, ruihhlo ati nasa a, i bul hnai a awm atan ka duhlo" min ngaihtuah hmel tak a a tih chuan a banah kuahin ka nuih var var a.



"Ka unaupa fel leh hmeltha em em mai hian min lo hmangaih ber anih hi, lungngai suh i farnu hi ka inveng him thei lutuk alawm, chu lohah nang pawh i awm a, i awm te chuan engtin mah min ti ngamlo tawp ang" ka ti a, a nui ve ta hram alawm.



Kan hmaah car a rawn ding a, ka lo nuih nghal var var, Ema chuan a bana ka kuahna chu phelhin ka darah min kuah nghal zat a.



H-a chu car atangin tum hmukin a rawn chhuak a, nuih pawh min nuih let lo hrim hrim.



"Ivan lo thleng hma" ka lo ti var a "i hman tawh chuan kal ang" a ti hmuk a, Ema'n min kuahna chu a melh ngur a, a thikthu hi a pe chhe thei ania.



"vawiin chu ka lo thlah ang" tih pahin Ema chuan min kuahna a ti nghet sauh a, ka lo melh ha thung.


"A țullo keiman ka thlah thei" tih nghut pahin ka banah a rawn chelh nghal zat a, Ema lah chuan nui hawk hawk chungin "ka nau hi ka ngai tawh alawm le, vawiin chauh chu min kian mai rawh" min thlah duh hauhlo in a ti a.



"nitin zantin in inhmu, inngaihna hun a awmlo, keiman ka thlah dawn" pakhat lah chuan a ti leh hmuk a, an palian dun sia, mahse Ema a te hret. An inkarah ka ding ran mai bawk sia, ka dinhmun chu a nuam vak lemlo.



"In mak! induh leh tikhan in melh nileng ru ka tlai dawn, ke in ka kal mai ang" ka tih veleh min rawn melh rual nghal a, ka ngawi zui dak.


"Ka thlah dawn lo inrawlh suh" tih pahin H-a chuan a lamah min pawt leh a "Lalpa leh! a U ka nih hi, ka lakah tal hi chuan phal ve teh, i thikthu a chhe lulai emai, ka thlah peih tak tak i ring ami? Ka bike ke a țhut per vek ka hlauh nak a lai a" nuih hawk hawk pahin ati khanglang anih chu, ka va han pet chak tak!



"saw i bike țawng zeta chuan saw ka peih bik therte lo e, i bialnu tet tet nen" ka lo ti hlar a, la nui reng chungin ka hnarah a rawn piai zeuh a "ani aia i len vak bikna ka hrelo e" ati nih chu! Awi..... he mihring han chimawm dan hi, hnial ngaihna ka hre tawh silo.




"I hmeichhia " ka'n ti ngawt pek a, a haw duh der mai bawk silo.



"ti thinrim ziah suh, keimah vekin ka tuar leh dawn ania" rawn nuih ve pahin H-a chuan a rawn ti a, ka melh nghal nghek. He mite pahnih hian min lo fiam reng anih dawn hi, ka va han haw mai mai tak.




"ni ru" tih hmuk pahin car lam ka pan a, ka țhutluh veleh runluih nan hrimin kawngka ka pawt khar zui dawt a, H-a a che nghal hrut tih ka hmu nghal, a rukin ka nui var var.



A car hi a duat hliau hliau lutuk tih ka hria, ka thin a tih rim apiang in he a car duatlai hian a tuar ziah mai ang.




Chutia ka lo nuih var var lai chuan a țhutna tur lam a rawn hawng a, ka tum zui nghal daih. A rawn țhu lut a, ka lam rawn hawi zawkin hmalam a melh leh nghal a, a nui zui nghal tih ka mitsir in ka hmu hram pek.



"ilo nuih var var danah ka car kawngka chuan a hnem che anih hmel" chimaam zetin a rawn ti a, a lam ka va hawi a, min melh chungin alo nui pat pat a, ka hmui ka tihpawrh khum ringawt.



"het! khatiang khan mipa dang bula i hmui ti reng reng suh, ka khap bur" a rawn ti a, ka tum loh deuhin ka nui "Imm... a țha i nui ta e" ti fuh intih hmel zetin a rawn ti a, ka țhutdan siamrem panin ka nui chhuak ta hak hak a.




"In sual ngawt mai khatianga min fiam kher angai hleinem, ka hlauhthawn hman zia" uar takin ka ti a, car engine tih nun pahin a nui leh sak a.



"Het! Lucifer-a nuih dan kha chuan ka bulah chiah nuih phal aw, hmeichhia dang bula i nuih chuan Lucifer family țangin ka pet chhuak ang che" ka ti a, a ri meuhin a nui chhuak hawk hawk a, keipawh ka nui ve tho.



"i thu ber kal tawh ang aw" a aw ri ah chuan nuihzatna ala chambang in ka hria, kan tlan chhuah hnu chuan kan ngawi dun vang vang a.



A lam ka hawi zawk a, ani erawh chuan muk takin hmalam chauh a en a, a chil lem zawnga a hrawkbawk che ralh chuan ka lungphu a ti danglam in ka hria.



Ka seatbelt phelhin a lamah chuan ka awn phei a, mak tih hmel takin min lo en a, engtin pawh va ti ila min accident pui ka ringlo. Amah hi ka ring em!



A nghawng zawnah ka thaw lum ham ham a, a chil lem khawlhin "Bawihduat! i țhutna lamah khan țha deuhin va țhu rawh" a kut leh lama ka dara man pah chuan min nawr hla hret a.



A kut chu ka man a, seat ah chuan ka dah thla a, a nghawng zawnah bawk thaw leh ham ham in a hrawkbawk che ralh chu ka fawh sak zeuh a, rawn thaw hawkin motor chu a ti ding a, ka lo inring lo nen hmalam ah chuan intauh dawt inring ran in ka awn phei a.



Mahse engtin mah ka awm miahlo, H-a chuan min lo kuah bet chu niin. Ka tal deuh a "i bul țan anih hi" tih pahin min kuai dak a, ka hmuiah a rawn fawp siah a, keimah zawk in awm ngaihna ka hrelo.




"In hremna nuam tak ani, iti ve em?" a hmui liah zauh pah chuan a ti a "iti anglo e miin min hmu nga sin" ka ti a, mahse kan dinna lai takah hi chuan lirthei veivak an awm vaklo.



"awm țha tawh ang che" tih leh min thlah a rual a, ka țhutna ah ka țhu țha nghal.



Kan tlan chhuah leh rual chuan a lamah bawk ka awn phei leh a, a hrawkbawk ah chuan ka fawp leh zat a, a ka a an zuau lai chuan a hrawk bawk ah chuan ka pen sak a, a rum nghut.



Hrawkbawk a in pen sak te chu mipa hian na an ti tih ka hre vek, ka thiante pawh ka pen sak thin a, an bul hnai a ka kal tawh chuan an hrawkbawk an hup nghal zel.



"Bawihduat leh! mipa sahuat i hre hle mai a" ati deuh hluk a, ka lo nuih sak thung, ka hlau lo ve chiang e, engtin mah min ti dawnlo tih ka chian vang te pawh ani mahna.



Kan school gate pawnah chuan car ati ding a "ni hman nuam aw mahse min lo hruai awih loh, ka thiante nen kan haw ho dawn" ti zung zung in min chhanna pawh nghaklo in ka chhuak nghal a, ka thiante min nghahna lam chu ka pan nghal.



"tinge ilo chhuahpui loh? Inhmelhriat tirna te pawh kan nei ve ang chu" an bul ka thlen rual rualin Sangpuii chuan alo ti a, ka ner sak.



"i bialpa Lalhlimpuia ah khan lungawi rawh, mi bialpa ngaihsak vak suh" ka ti a, a duhlo nasa mai "khapa hming kha lam ve ziah suh, WhatsApp ah min rawn be thul ka ning teh mai nia" ati nang nang a, lo ngai reng rawh an ni vat mai ang.



School lamah kan inzui thla a "ka duat te u" hnunglam atanga ti lawng lawng ri kan hriat chuan kan hawi dual a, kan Priscilla-i chu a bialpa in scooty in a rawn phur thla chu niin, kan thian ho chuan intiam rual ang maiin kut kan beng nghal a, school naupang țhenkhat chuan mak tih hmel fe in min lo en ha hlawm a, ngatan mah kan ngai der lo.



Kan zawn an rawn thlen chuan a aia uarin kan beng a, ani lah alo zamlo nasa milar ang maiin flying kiss min rawn pe diat diat a, Sophie-in namaste alo pe bawk a, kan thianho hi chu min ngei duh tu tan chuan kan ngeiawm khawp ang, kan over emai.




School kan thlen thlak chuan inngaizawng te pahnih chu garage atangin an rawn inzui chhuak a, kan lo E dual a, Fine-a chu a lai ve deuh aniang a lu thaklo pui chu a hiat a, a bialnu erawh chu zamlo het het tak ani "awi... bialpa te hi nei ve teh u, thlahtu in nei ve silo hi ka khawngaih che u, ke in in kal hnak hnak a" nuih uar uar pahin a rawn ti ham ham a, a bialpa tan hi chuan a hahthlak ve thin ngawt in ka ring.



An in bye bye hnuah class lam panin kan inzui thla a, kan ri lawng lawng reng a, a țhen chuan kan thianho hi min awt thin, kan inlungrual a, sual lam ani emaw fel lamah pawh nise.


Kan thian zinga pakhat an tibuai anih chuan kan zavaiin min tibuai tihna ania, insual a ngaih pawn kan vaiin kan tel vek zel, kan inhmangaih ve chiang em!!



First class atangin ka mut a chhuak nghal, ava han fuhlo thin em!


"Lalhruaizeli" awi.... ka ning thei e.

"yes sir" tih pahin ka tho nghal a.

"tinge ilo mutthluk leh thin!" ninawm, tinge ilo. mutthluk leh thin... kan mut a chhuak ani mai ni.


"Lalhruaizel! "

" a mak e sir ka hmingpum a min koh dawn pawn pum talin min ko ve la, Van tih tel kha thil har a nilo hrim hrim" lungawi lo deuhin ka ti nang nang a, sir Lrc hi chu kan ngam tlak a, ka hnial ve ngam.


"min chhang zit zet suh" a țawngkam hi a na thei si, ka țawngtheih hmel ngawih ngawih.


A class hi chu nuam ka ti, ka muthlu zel a, min hau ngei ngei, mahse ka hmingpuma min koh a tum hian Van a telh duh ngailo, telh se a kim ni mai tur ania.



Ka chhang duh tawhlo "dawhkan chungah lawm rawh"

"what??? " ka duh aiin ka au ring, class a thum nghak huk a "lo ngawi ru" pawr zetin sir in a ti a "dawhkan chungah lawn rawh"


"awi sir i fiamthu ami?" dawhkan chung a lawn maw? A ti anglo e puanfen ka feng ania "aih fiamthu lo lawn rawh, class zawh hma chu i ding ang" a changtunu tih chi ava nilo deuh ve.



Hnial theih ni tawh heklo, class zawh vat ka duh vangin muang changin ka lawn a, ka din fel hma chu min nghak, ka duh daih zawk, tikhan time ka delay ani mai.



Bell a rawn ri chiah chu setana hnena lawmthu sawi mai te ania ka duh ni, ka thaw huai mai.


Sir chhuah veleh "awi.... lalrc-a hi chu ka la pawngsual ang mawle" tih pahin dawhkan atangin ka țum thla nalh a "engmaw i sawi?" class a rawn dah (dak) luh pahin sir Lrc chuan a rawn ti ta mai!


Ka phu chiang lutuk chu ka rak deuh țhat a, ani pawh a zuang zawk lo chauh "Lalhruaizel!" ati hluk a, ka nuih tlawn ringawt, ka țe chiam kha ka tan chuan vanneihna ka thusawi reng a hre chang tawhlo.



Rum zet a min melh chungin a kal daih, a hnunglam atang in lei ka chhuah khum hram.



"Ivan pa riap riap em em" ka țhutthlak rualin Sophie chuan alo ti sap a, thumps up min pe nghal zat "loh theih nang, ka bialpa police officer ania, vui ngat ila chuan sir kha zankhat tal lock up ah a tang ang chu" nuih hak hak pahin ka ti a "bialpa nei nu, nei velo ho min hmusit" ka hnunglam atangin Sangpuiin alo ti a "i nei thei reng alawm, nei ve mai la" Lalhlimpuia lam thlek zeuh pahin ka ti a, a hawisawn hmak.




Break ah canteen ah kan kal a, an lo tam leh nasa. Kan school canteen ah hi chuan a chuh helh apiang in kan duh kan lei hma.


School naupang ding țhup karah chuan ka inhnawh lut a, ka chuhhelh bawk a kei aia ding hmasa te ka lei khalh vek.



Ka thiante ta tur nen ka lam kep vangin ka bawr deuh a "kha fimkhur rawh" tih paha ka sir a mi alo din rual chuan ka pai deuh khat a, ka bana min lo chelh tu vang chuan ka tlu lo hram.


"ka lawm lutuk" tih paha ka hawi chhuah chuan ka lai nghal ringawt.


School kan kal țan tirh atanga ka star pa alo ni, min lo la nuih var var zui. 'Het rilru uire nei suh bialpa i nei' ka ti rilru nghal mawlh mawlh.


"ehe Hruaizeli ini ti raw?" leh ta nghal a, ka hming te alo hria nia "aw ni e" ban charhin ka ti a, mawi em em in a nui nia mawle.



"a...ka thianten min nghak a, ka kal mai" tih pahin a sir lam atang chuan amah sik hlau zetin ka kal a, ka thiante lo țhutna lamah ka tlan deuh titih.


"tu emaw chu a starpa in a vuan a" min tihchhan zetin Priscilla-in alo ti nghal a, ka lei ka chhuah khum zeuh.



"maw? Rl-a maw?" Ro-in alo ti zui a, min melh nghal vat "miin min nek a ka tlu tur kha min lo dawm a" tih pahin kan eitur ho chu ka sen diat diat a "eh... nuam iti awm" Ruati'n alo ti bawk a.



"ni ru" Sangpuiin alo ti hluai a, ka ner nang "keichu ka duhpui lo che, i star te ho hrim hrim hi ka duhpui lo che, i duh tawhloh veleh an lo hnaih țhin che a, a hunlaia che duh mang silo i move on dawn veleh an lo lang zel a, chutiang bawkin Rl-a pawh hnaih lo la ka ti, a biak che chuan țha deuhin chhang la mahse a zuamna tur che in awm suh. Tunah phei chuan bialpa i nei lehnghal a, i rilru leh i mit pawh kha uire tir reng reng suh" Ruati chuan ati sap sap a, ngawi rengin kan ngaithla kar.



Hetiang thu țha lutuk hi ani ka berkher atanga a chhuah hi ka ring ngailo, a thutak ve hle aniang.



Thil kan eilai chuan ka bialpa min duhpui thu leh ka tana a țhat thu an sawi ve luam a, a lawmawm țhin ania "keichuan in ințhen hun ka chang dawn, in ințhen veleh min hrilh hmasa ber la hma ka lo la vat ang, a ex țhiannu chu a ex tihel nan a nihpui duh maithei asin" inti rem hre zet a Sangpuii'n alo tih chuan ka nui hleithei lo, a thlathum dan ât a chhuak aniang, tunlai hi thil nilo lo ngaihtuah a ching tlat.




~~~~~~~~~~~
word count : 12228

a thui si zia hi, readers țhenkhat hnen atangin feedback țha tak tak ka dawng a, ka lawm em em a.

A bikin han ti teh ang @Em Es Renthlei kha ka lawm lutuk, ka tih dikloh lai leh siamțhat ka ngaih lai te min duhsak takin min hrilh a, zawm ngei pawh ka tum, thil pakhat tihloh amah khan a hria ang

Midang hrim hrim pawh in duhkhawp loh lai rawn sawi hrehlo ula, keini tan insiamthatna zel ania, a chhiar tu te in nih angin in duhdan kha kan ngai pawimawh ber a, chu vangin feedback lawmawm lam emaw lawmawm loh pawh nise kan pawm vek tih kha min lo hriatsak dawn nia


Show post links
Top

[Ngaia]

*OFFICER HVL-A*



Chapter- 11

By Priscilla vl Ralte




"ti anglo thei e, a ex thiannu inih vang tak khan a duhlo nghal ang che" awm anglo tih hmel pu in Ruati'n alo ti a, ka pawmpui thlap.


"in ninawm e kan ințhen hnai dawn pawh a nilo a, khatianga lo sawi vak kha a ngailo a ho lulai emai" ka lo ti hlak a "eh.... in ințhen hunah i tawrhhlelh awm dawn emai, ka nihpui lehlo mai ang" nui pat pat chungin Sangpuiin alo ti a, ka kut ka kan uai a, an nuih tak vekah chuan thutakah ka la duh ta biklo.



Chawhnu kan off! nuam lutuk "hawh u leng kual ang u, kan len ho lohna rei tawh dan hi" Sophie'n a tih chuan kan pawm tlang viau.



Kan thianho chuan kan leng kual a, kalna tur an han hre mai mai khawp a! Kan len ho lohna a rei tawh bawk a, haw tlai mah ila ka insawi thiam leh mai niang chu.



"ehe saw saw ka hria in ka hria" kawng lehlam kawh pahin Ruati chuan a ti hluai a, a kawhna lam ka en chuan mipa pakhatin a fanu ni awm tak hmeichhe naupang kum 2 mi vel awm a pawm lai ani, kan lam a rawn hawi loh vangin a hmel ka hmulo, mahse a pianhmang velah chuan ka hmelhriat chu a ang.



"awi... a chhiatloh hmel lutuk pathlawi anih hmel si, kal ang u" tih pahin Ruati chuan min kai a, kan inkai diat diat sia, traffic thu hmulo in kawng kan kan bawk nen kan ti jam chiang lutuk.


"kawng in kan hmain hawi thin ta che u, thih in duh ami?" car khalhtu pakhat chuan pawr zetin a rawn ti a, ka ter at ve lutuk hian a "thih chu lo duh sa teh pawh ni ila i chil tur kher chuan ka indawh lovang" ka ti let a "naupang te te si min hnial ka ti, aia upa zah nachang iva hrelo ve" min ti zek nia, a zaklo e.



"ve lutuk che hian nangpawn naupang mai mai min ti siin min chhan zuah zuah tho kha, aia upa ro ro ah ka zah peihloh pawl tak ini" ka ti let ve hlak a, ka thiante chuan ngawi rengin min thlir țhap a, țawng an tumlo chu ka thinrim ru ang reng. Kan zinga pakhatin buaina kan tawh chuan kan țangkhawm vek thin sia.


A bikin kei phei chu ka buaina nilo pawh nise a buaina nei ai aiin ka thinrim zawk thin a, min rawn puih loh vang chuan ka melh nghek hlawm a, a rawn nui țha mai.



"Duhtak! naupang an nih kha hrethiam rawh, hmanhmawh zawk teh ang" a nupui emaw ni chuan a rawn ti a, keimah atanga a mit la sawnin chu nu lam chu a hawi a, bu nghutin melh pawh min melh tawh eihlo in an tlan nghal a.


Ka kuttum ka la hmuh hram kha "nangni ho hi nge in lo ngawi vek a? in buaina ah ka tel tawh biklo ang" ka ti hlak hlak a "kawng in kanin fimkhur tawh ru aw" traffic police chuan alo ti a, tum hmukin ka lu ka bu nghat.



"hey thinrim lutuk suh, a hmel kha rorum sia ka hlau deuh alawm" kei angin an lo huai velo anih hi.



"Mate! " kan sir lam atanga min lo auh vang chuan ka hawi phei a "Pute..." ka ti chiam a, ka nui nghal var var.


"hetah eng nge in tih a?" an lam pan pah chuan ka ti a "hei bawihtei hi park ah ka kalpui a" a tih chuan ka bu nghat a, nichina kan mi hmuhte kha an mahni lek an lo ni, ka hriathnu an ang reng ani.



"ka naute duat chu papa nen khawi ah nge in kal a?" tih pahin Cycee-i chu a pa kut atangin ka pawm a "park ah kan kal a maw a lian sia a nuam lutuk, ice cream te kan ei a, mahse papa in ei vak a phallo a, nangman min lei rawh aw Ani" fiahlo deuh hian a ti ve niah niah a, a biangah ka chuk zeuh.



A nihna takah chuan a U tur ka nia mahse Ni nih ka chak si nen ani naute alo la ni nen, a naupan tak tak lai hian min ko se min ko hlen mai ang tih rilru pu in ka inkoh tir a, a pa in ho a ti em em thung.



"tehreng engzat nge i duh? tamtawk kan lei ang " ka tih chuan a khek raih raih a, ka nui zui hak hak. Ka thiante ka kalsan tih ka hriatchhuah rual chua an lam ka hawi a, nui singin min lo melh a, ka hui zauh.


" lo kal teu hei helai naute hmeltha deuh hi ka tunu Cycee-i anih hi" tih pahin an lam ah ka inher a, an lo thleng chawp chilh ve nghal.



"awi... avan cute em em khawi ka lo pawm ve" tih pahin Ruati chuan min chhuhsak hmak.



"a hmeltha tuk tuk lutuk, i hming a nalh sik., apa hming i hria em?" henu han zei dan hi, a pa hming hriat nan a fanu an hmang ngei a.



"Malsawmzela" Cycee-i lah chuan a pa hming chu a lam fiah thiam em em a, Putea pawh alo nui tawp "thildang lam fiah thiam miahlo hian ka hming a lam fiah em em lawi a" tiin a nui suk suk a, Ruati lah chuan chilthli tla lo chauhin putea nui chu alo en a, a hmai zawnah ka kut ka hmet ri khep khep a, a la phu zuk zui.



"Mate in in lamah kan kawi dawn a ilo kal ve nghal daih duh em?" putea'n a tih chuan ka lu ka thing nar nar a "ka thiante nen hian kan la leng dawn a, ka nu te bulah chuan lo sawi hrih suh aw" ka ti nghal a, a nui tawp. Ka inhmakhuah ve angai alawm le.



"Ani ice cream chu" Cycee-i'n min melh chunga a tih chuan "bawihte pakhat i ei tawh kha, i damlo ang naktukah a dang kan lei leh dawn nia aw" tia ka chhan hmaa lo chhan pahin Ruati kut atang chuan a la hrang nghal a.


"anih chuan kan lo va haw mai ang, haw tlai lutuk lo la hmeichhe hlang in ni si" atih hnuah min kalsan a.



"kha kha i putea maw?" an tlan liam hnuah Ruati chuan a rawn ti a "ni e... mizoramah an awm vak ngailo a in hrelo mai mai nih kha" ka ti a "awi ka hre rapthlak lutuk zawk, ig ah pawh ka stalk zak zak tawh alawm, a nupui nen khan an ințhen tiraw?" atih chuan midang ho pawh chuan hriat chak hmel deuh in min en a.



"aw țhen" tih ringawt in ka chhang, ka thiante mah nise an ințhen chhan kimchang chu ka hrilh duh biklo, putea khan alo duhlo viau thei tlat.


"tinge an ințhen le? fanu an nei bawk sia" Ro-i'n alo ti a "an induh tawhlo ani mai, khawnge kan kal leh ang? thil ei ang u ka ril a țam" tiin subject ka thlak nghal a.


Eitur sawi chuan a phur nasa mai Tom Tom Restaurant ah chuan kan lut a, a hmaa H-a leh Ruatthari a ti mi kha nena dinner kildun an tum na hmun kha ania, a hmun lah chu a nuam em em mai lehnghal a.



H-a ka ngaihtuah chhuah takah chuan in ka la thleng silo a, ka be har chu min tu ve ngawt ang, ka hlaulo chiang emai a.



Kan eitur kan nghah lai chuan kan titi bawrh bawrh a, kan bengchheng deuh nge ni kan piaha țhu te chuan min lo en leh hrek hrek zel "enteu.... breaking news ka hria ania" Sophie'n alo tih hluai takah chuan a sawitur ngaichangin kan melh țhap a.


"the way to the moon kha season thar a chhuak tawh" atih chuan ka lo 'hmmm' nasa lutuk "tak tak maw? engtin nge an awm tak zel?" Roi chuan alo ti vat a. Kei, Ruati, Sangpuii leh Priscilla te chu kan lo ner nang.


Ho kan ti tlang em asin, anime lovers pahnih hian han sawi teh se "chu tiang breaking news anih loh chu, bialpa i neih thu i sawi dawn maw nia ka lo phur hman nen" Priscilla-i chuan ati nang nang a, ma pawmpui viau mai.


"bialpa ka mamawh lo anime an awm alawm" Sophie lah chuan alo ti et a, pakhat in a mit a lo chet kual ralh thung.



"nanglah hi bialpa i neih tak vang mai a bialpa bialpa ti reng mai" Ruati lah chuan alo ti hlak hlak a, Sangpuii nen kan lo nuih țiah țiah thung.


Kan eitur alo thlen chuan kan ngawi ve reng a, kan piaha țhu te kha an thaw huaiin ania ka rin ni "hei eichhin rawh" tih pahin Sangpuii chuan a thil chah min eitir a, midangin an dil ve nghal sup sup "in vir in ta țheuh kha ei rawh u" tiin pakhat lah chuan alo phal derlo lehnghal.


" I uikawm Hruaizeli pawh i pek ve tho kha khawi" Roi lah chuan alo ti nghek a "anih i ta min pe ve ang" Sangpuii chuan alo ti ve thung a "vir si aw i ei dawn nia khawi" tih pahin an i pe chhawng a, midangin kan lo duh ve zel sia, kan in eițawm ta ringawt a nuam phian lehnghal.




In ka thlen chuan ka chau hnawkin ka hria, sofa ah chuan ka mu tawp, kan kalkual nasa bawk nen ka rawl țhem țhum mai "bawihte khawnge in kalkawi a?" ka nu in ka chal rawn khawih pah chuan a ti a.


Ka khua a sik emaw ati aniang "ka thianten len an rawt a, kan leng a, thil kan ei hnem bawk nen chaw pawh ka ei peihlo ang, ka intifai anga ka mu daih ang" ka ti a "chaw eiloh ngawt chu ipa pawn a phallo ang" ati na chu "ka la puar alawm nu, ka rawl lutuk weekend ani tho zanin chu ka mu ang" thawh pahin ka ti a.



"anih intifai la aw, i U pawn zanin chu a rawn haw tlai tur thu a rawn sawi a, an hna lam an laklawh anih hmel" atih pawh chuan ka bu nghut ringawt.



Ka room ah ka chho a, ka khumah ka bag ka theh tawp a, intifai vat ila ka mu vat thei zawk ang.



Shower hnuaiah ka ding a, ka harh kawk in ka hria, muangchang lovin ka intleuh vat a. Ka inthlak fel vek hnuah khumah mu in ka phone ka khawih a H-a ka call nghal.


A in ring char char a, a la dawnlo emaw ka tih hnuah a rawn la hram "i buai viau ami?" ka ti hmasa te te a, a buai lai takin ka va call ang tih ka hlau leh hnuhnawh "mate sir a awmlo a, case serious lutuk khawihin a chhuak a, a phone a theihnghilh a" Ema chuan alo ti a "anih chu ka rawn call mai mai, in buai viau ami?" ka ti hram "buai ve deuh nakinah ka lo call tir ang che, chaw ei ah min lo nghak su aw, ka nu kha ka rawn hrilh tawh tho a, ka rawn haw tlai deuh ang" atih hnuah kan inbiakna kan ti tawp a, a phone pawh a theihnghilh hmak chuan a serious viau aniang.



Youtube ah mukbang ka en a, ka ril an ti țam ka tho peih tawh silo.


Ka phone ri in min ti harh a, khua pawh alo thim mup tawh, ka lo muhil anih hmel. Ka phone chu ka ban a H-a ani "hello i hman tawh ami?" phak deuh chuan ka ti a, ka aw a țial ruan mai, ka aw ka thian leh te te a "aw buai lutuk tawhlo, ka phone ka lo theihnghilh daih a" inthiamloh hmel tak chuan a rawn ti a "a pawilo vawiin chu ka thiante nen kan leng a, ka rawn call tlai hrim hrim che a" ka ti sap a.


"Im... in lenna chu a nuam em?" a tih pah chuan a ri sat sat a, a țhutdan a siamrem anih hmel "nuam e thil kan ei țeuh a, ka rawl bawk nen chaw pawh eilo in ka mu daih a" ka tih chuan "chaw eiloh mai mai loh tur asin, tlem tal ei tur che alawm" taksa ngaih pawimawh tih takah "nia ka chau em alawm, ka la ei ang chu" ka ti a, sana ka en chuan dar 8 alo pel duai tawh.



"nang chaw i ei tawh em?" ka ti hnuhnawh a "station ah ka la awm a" atih chuan ka hmui ka pet zeuh "station ah pawh awm la a chah theih reng alawm, chaw eiloh mai mai loh tur" a sawi ang chiah chuan ka ti a, a rawn nui ri suk mai "ka bialnu te reuh hian min ngaihtuah ve ani maw?" fiamthu titih deuh hian a ti a, ka hmui ka ti pawrh nasa.


"het khatin i hmui ti suh" min rawn hmu thei emaw ka ti dawn alawm le "engtin nge ka tih?" ka tih chuan "iti pawrh, ka hmuh lai lo chuan ti tawh suh" ani pui hian min enthla amawn le.


Ka room tukverh lamah ka hawi a, parda ka zar phui vek bawk si "hawi hawi duh suh min hmu chuanglo ang" ala rawn ti deuh deuh "hey nanghi ka room ah hian cctv i dah ani lo maw?" tih pahin ka room chung killam te chu ka en a, engmah ka hmulo.


Ani lah chu a rawn nui hawk hawk a "i ngaihtuah atthlak zet atang khan harh chhuak teh, i awmdam tur te chu ka rin thiam vek alawm" a rawn tih pawh chuan ka awih chiahlo.



"aaa... min enthla ani hrim hrim khawiah khan nge i din?" ka khim atangin ka tho a, parda chu hui sawnin tukverh ah chuan ka dak a, ka thlek ngial pawn tumah ka hmulo.



"ka enthla lo che Bawihduat ka dah phawt ang aw hna khawih ka ngai a" atih takah chuan "nia thawk rawh keipawh ka mu dawn" ka khum ah bawk ka lawn a "i thawh chiah kha chaw te ei rawh i mut a tui sawt mai ang, ka haw hunah message ka lo hnutchhiah mai dawn nia" a tih chuan ka aw vat a, kan inbiakna kan titawp nghal.




Ka ril alo țam ve deuh tho nen inhnuaiah ka chhuk a, Cycee-i aw ang deuh ka hria, sitting room ah ka dak a, an pafa in an lo țhu kur "ehe puté inlo leng alaw?" tih pahin ka pan a, Cycee-i chu ka pawm nghal "tinge min lo koh loh a?" a bianga piai zeuh pahin ka ti a "papa in a Ni chu a muhil a ko suh atia" ati siam siam a, ka muah lo phallo a biangah ka chuk hrep a, a nui kar kar mai.



"vawi in kha i chauh ka ring a, ko suh ka ti nih kha" a bula ka țhutthlak veleh putea chuan alo ti a "in lo lenna a rei tawh em?" remote ban pah chuan ka ti a "rei lutuk lo e bawihtei hian a Ni bulah ka kal duh a tia" a fanu bianga piai zeuh pahin a ti a "min lo lenchhan ve si min rawn kaitho mai lova" Cycee-i chu cartoon network ka hmehchhuah sak a, a au chul mai.



"i haw har em?" alo tih chuan "har lutuk lo nidanga in ka thlen ai ka thleng tlai deuh a tih anih mai" tih pahin ka ke ka hlang a "khatiangin hmeichhia in an ti ngailo, pasal i hmu zolo ang" atih chuan ka ner nasa "a ho e.... tiang vanga min nei duhlo tu chu ka neilo ve mai ang, ka sualna zawng zawng nena min pawm tu ka nei dawn" uar mangkhengin ka ti a, a nui hawk hawk mai.



Ka patea nen hi chuan kan innel em a, a țhen tan chuan nupa te pawh kan an ka ring "chutiang chu i hmu dawn amawn le" awihloh hmel deuhin a ti a "ka hmu awm e, ka lo hmu ta lo anih leh nangmah ka nei mai ang che" a bana kuah pahin ka ti a, awm anglo atih hmel ngang mai "ka fanu i hope han ti teh" a ve lutuk a.


"I hope" ka tih veleh

"sang" alo ti nih chu, a chalah ka pen fawk a, min tin ve uai uai mai.



"nu ka ril a țam noodles ka lei dawn" tih lang lang pahin ka tho chhuak vat a, ka lei ka chhuah khum zeuh a "chimawm khatin bawihtei hmuh laiin ti suh, a ti ve palh ang" atih chuan kei misual hian ka awih duhlo "bleh bleh bleh bleh" tih pahin ka lei ka chhuah khum leh ngat a, a rawn din uai takah chuan nui uar uar chungin ka tlanchhia a.



"a hunlai a ei duh mang silo" tih pahin an room atangin ka nu alo chhuak a, ka pa ka la hmu miahlo "khawnge ka pa hi? Putea te pafa saw an mahni chauhin in lo awmtir a" ka ti nang nang a "awihawm loh loh i pa nen an in kawm reng alawm, khawnge i pa chu?" alo ti let heu mai "ka hriatloh vang alawm ka zawh che min zawh let daih a" tih pahin a banah ka vuan a "ka hrelo eng nge i duh?" ati nghal.



Ka nu hi chuan min hrechiang ve alawm, hetianga ka vawn apiang hian thil duh ka nei ngei ngei "ka ril a țam" a bana sawi det det pahin ka ti a "chaw va ei rawh" ati et "naa.. nu chaw te chu a noodles thak tawk ka ei chak alawm" ka hmui ka ti pawrh vel "naupangchhia pawh ini tawhlo, nu te thil an dil an dil ngailo engzat nge i duh?" ati nghal zat a, ka nui var var.



Ka nu hi chuan min hmangaih chiang e, ka ril țam a phal rei teuhlo "100 a tawk" ka tih chuan 500 note min pe a "100 chauh i hmang ang a kir rawn hawn leh ang che" ati nih chu, tinge 100 chauh ka lo tih le? mawl hi ka Inti thar ngawih ngawih.




Dawrah noodles ka lei țeuh a, sausage nen chips nen drinks nen mukbang ka rilruk deuh a, 100 ka hmang pel hret, ka hman tawh miau chuan min dahlet tir dawn chuanglo.



Ka haw lamah chuan ka hnunglam ah hian min zui tu awm ang deuhin ka hria, ka hawilet in ka hmu silo a, keihi horror movie ka en nasat lutuk vangin thil nilo lo ka ngaihruat mai mai ani. Mahse ka hlau deuh tho sia ka kal chak sawt khawp mai.



In ka thlen chuan ka thaw kawk kawk thei, ka hah hman lutuk "Ani ice cream min lo lei ami?" in chhung ka luh veleh Cycee-i chu a rawn tlan phei a "aih bawihte thil spicy tawk ka lei a, ice cream chu naktukah ka lei ang che aw" ka ti a, a bu ve nghat nghat tho, a fel ania he nau hi chu.



Choka ah ka thil eitur ho chu ka siam a, dar 9:30 a hnai thuak tawh, Ema pawh hi avan lo haw har tawh tak "Ani kan haw tawh dawn" Cycee-i'n a rawn tih lang lang takah chuan gas chu ka sim a kawngka bulah an pafa in an lo ding a "good night aw Cycee.... naktukah papa nen in lo kal anga ice cream chu ka lei ang che aw" tih pahin a biangah chuan ka chuk leh zeuh a, nui var var chungin min chuk let a "mangțha u aw pute khalh fimkhur la" ka tih chuan ka chhip samah a chul a "ka naupangtei thusawi te ka awihlo phal nang" a tih chuan ka tum bar, ka nu nen an la nui dun bawk bawk zui, an haw dawn a ruai ah min han ti thinrim kher a a țullo ve e.



An chhuah fel hnuah choka ah bawk ka let phei a, gas chu off in thleng ah ka ruak a "sil leh vek ang che, sil lo in mu reng reng suh, ka kaitho leh tho ang che" sitting room atangin ka nu in alo ti a, ka ner nang, silloh ka tum tawp silo a, runluih nan ka sil lo tak tak zawk dawn emaw ni!



Ka ei tak tak mai chu a tui lutuk!

YouTube vela mukbang ho ei ai pawn a tui hrim hrim hi ani tawp "min lo thlim vel a" choka a lo luh pahin Ema chuan a rawn ti a "ilo thleng chiah ami?" si hluam hluam pahin ka lo ti a "aw ka ril a țam rap ka duh ve" tih pahin ka bul chiah chair chu ala chhuak a, a rawn ban ve nghal zat.



"bawiha chaw i ei duh zawk em?" ka nu in alo tih chuan "duhlo mai ang heihi ka eipui anga ka puar mai ang" min rawn melh zawk pahin a ti a, ka ui a ring ani chiang. Noodles berkher hi chu eipui ka duh ngailo, a hma pawn kan inchuh hrep tawh, mahse tunțum chu a ei ve ka phal, mak ati mai mai ang chu.




"anih ka mutsan mai ang cheu aw, i pa a nuam sam lova" atih chuan "a eng ngd nuamlo a?" Ema chuan alo ti vat a "a pum a nuamlo ati deuh a, hmarcha alo ei nasa lehpek mawle" ati mai a "karthar lamah damdawiin a hruai chi anih chu, pum nuamlo hi a ti reng a, ngaih a țha lo" sausage hmawm pah chuan a ti a "nie ka lo sawipui dawn nia anih muttui u" atih hnuah an pindanah min luhsan a.



"in hna chu a hahthlak em? inlo haw har si" ka tih chuan a lu a thing mai a "vawiin khan H-a kha khawiah nge a kal a?" ka chair hnung nghen pah chuan ka ti a "commissioner in a ko a, a hmanhmawh thlak a tia engmah a sawi lemlo, lo sawi pawh nise ka hrilh lovang che" ati zui zat.


"engvang chuan maw?"

"I hriat ve a țullo kan hna thil alawm" a eitur saw ka chhuhsak zawk dawn emaw ni!


"amah ka zawt mai ang" ka ti hmak a.


"I hriat țul a tilo anih chuan zawt lui suh, a bialnu pawh ni mahla a hna chungchang engkim hriat tum suh, a țul a tih chin chu i zawh ngailo in a hrilh mai ang che. Mipa te hian kan hna ani emaw kan mimal thil eng pawh hriat vek tum te, min zawh chhuah phet tum ang te hi kan duhlo ania. Ka nau i ni a, i hmakhua ka ngaihtuah em em a, tuna i bialpa pawh hi kan pu chu nilo se ka pawmpui kher che ka ringlo. A sum ka it vang nilo in amah hi ka hrechiang chu ka tilo mahse ka hmuh chin ah hi chuan mipa rintlak leh innghahna tlak tak niin ka hria a, ka ring sual maithei bawk a, mahse amah ah i hlim a, i hlim reng anih phei chuan ka lawm lehzual ang, ka sawi phelh nuai na chu ka sawi tum i manthiam ka ring. Chuvangin i bialpa ve hian e a nin che i duhloh chuan a hna chungchang zawt sek sek suh" a laihawl kha chu a țha ka tiin zawm ka duh, mahse a tawp lam a nawi ta em ani.



"I sawi tum ka man, mahse a tal chhuak țep" ka tih chuan ka chalah min pen fawk anih chu "anaaa..." ka ti hlar a "chimawm rah anih kha, khawmaw soup ho ka duh leh" min han tir zui ngei a, ka pe lo zawk dawn emaw ni!



Thleng vel min silpui hnuah in chungah kan inzui chho a, kan in mangțha hnuah kan room lam ve ve kan pan a, ka khuma ka phone dah chu a lo thim chiah chiah.



Ka en nak chuan H-a missed call 36 zet alo awm hman nia, a message alo awm țeuh bawk.


'khawnge i awm? '
' i tha em? '
' call chhang rawh'
'ka lo kal dawn'

Tih ang reng alo awm țeuh a, ka hrilh ati hai ang reng.

Chutia ka en lai mek chuan a call alo lut lehnghal a "khawnge i awm?" hah hmel zeta thawk hawk pahin a rawn ti a "inah ka awm tinge a?" a awmdan hi ka hrethiam lo "tinge ka call zozai kha i chhan loh?" ka zawhna pawh chhang ta lemlo chuan a ti a "ka room ah ka dah daih a, thil te ka ei a" a aw a manganna ni awm tak ka hriat tel vang chuan ka hnial ngam chiahlo.



" I țha em? " a rawn ti sup a "umm ka țha lutuk mahse tinge ka țhat leh țhatloh chu min zawh reng a?" min chhang angem chu ka hrelo mahse ka hre chak em ani "engmah nilo e ka call i chhang thei silo a ka ngaih a țhalo a" ka rin aiin a chhan a ho.





~~~~~~~~~
word count : 14856

a thui piap piap asin aw..... comment thui tawk min hnut chhiah ve thei.

Readers in tam ngaihtuah in comment in tlem, a ngaihnawm vaklo ami? comment phu khawp a nilo ami? keichu ka hnual deuh.........


Show post links
Top

[Ngaia]

*OFFICER HVL-A*


Chapter-12

By Priscilla vl Ralte



"Enteh dawra ka kalin maw ka haw lamah min zui ru tu awm angin ka hre tlat a" ka hrilh hriat ve hrim hrim țha in ka hria, mi awmherh in min tih hlauh nana a ti te anih chuan ka zawng anga ka hnek hrep ang.



"enga? a hmel i hmu em? khawi thleng nge a zui che?" a awmdan vang hian ka ngaih a țha miahlo "in ka thlen chuan min zui tawhlo, ka lakah hian zep ruk i nei ani lo maw? zanin i awmdan hian ka ngaih a ti țha miahlo ania" ka ti sap a.


Min chhang mai lovin a ngawi zui vang vang a, call pawh kan ti tawp chuanglo. Rei deuh hnuah chuan a aw a rawn thian kharh kharh a "engmah chutiang a awmlo, ka bialnu i nia i himna ka duh vang ania" a rawn ti sup a, mahse a hma zawngin hetiangin a awm ngailo a, thil eng emaw tal chu a awm ka ring tlat.


"anih zana min zuitu chungchang kha" dilchhut zetin ka ti a "zurui mai mai aniang ka lo ngaihven dawn nia, mahse zanah nangmah in chhuak tawh suh" a tih chuan ka aw ve mai, hnial vak kha ka duhlo, ka tana țha vek tur tho ania.



*

Khami zan atang khan kar 1 dawn a liam tawh, zanah ka chhuak tawh ngailo a, lehkha zir in zan chu ka tlingtla mai thin.


H-a pawh tunlai tak chh a buai deuh, a hna lamah nen a U nupui nau nei vel nen a buai ve chhen mai.


"Vawiin tlai chu chaw lo ei la, ka U te hi naktip ah haw an tum tawh a, an haw hma hmuh ve hrim hrim che an duh a" ka țhu ngil zawtin ka hria "iti anglo e... monu interview tur chuan ka la inpeih lo alawm" ka hreh lutuk hi ka khua sik thut se ka ti "i ngai thutak anih kha, ka U chauh alawm la ni, ka nu te chu kan khuaa kan zin hunah i hmu chauh dawn" ta deuh deuh chuan, a nu phei chu ka hmu ngam lo lehzual.



"I chhungte ilo hrilh vek a iti anglo e" ka ti nang nang a.

"hreh lutuk suh tlai ah ka rawn hruai ang che " tih leh phone dah a rual a, ka chhanna te nghah ve tur ania.


Ka nu te bulah pawh engtin nge ka sawi anga? Ninawm e....


"Ema... Ema hawng teh!" a room kawngkhar hi ka beng nasa tawh lutuk, a rawn hawng duh țhak lo.


"i ninawm eng nge?" tih hlar pahin a rawn hawng a, a sam a thur bum a a mit a nuai chet chet bawk, a mu lai ka tiharh anih hmel.



"H-a'n an ina chaw ei turin min sawm, engtin nge ka tih dawn?" ka awm hle hle theilo chu ka vei deuh sek a, Ema lah chuan ka chalah alo pen fawk anih chu, ka chal chu vuanin rum zetin ka melh a "chutiang mai mai sawi tura min kaihthawh kha i zak em?" min ti zek anih chu "an ina chaw va ei kha ka zak daih zawk" ka ti let hrep a.



"pawimawh a awm emaw tiin ka rawn tho a nanglah chuan i bialpa ina chaw ei mai mai min sawipui a" tih pahin room kawngka chu khar a tum a, ka vuan bet vat "Ema ka kal ngamlo min biak sak rawh" kawngka vuan țung chung chuan ka ti a, thaw hawkin a sam a tuai a.



"mawh... i fel em kha min sawi sak ang tiraw?" khawngaih thla la thei tur ang ber chuan ka meng a, chutah ring em em maiin "nu... matei'n ka bialpa inah chaw ka ei dawn chhum kep ka ngailo ati" ati nih chu, thei leh theilo in a ka ka hup sak a, mahse awmzia a awm tawhlo, a sawi tur ang a sawi zo vek tawh.


"khawiah maw bawihi chaw i ei dawn?" kailawn a rawn lawn chhoh pahin ka nu in a rawn ti a, Ema chu rum em em in ka melh.


"kha a bialpa in chaw ei ah alo sawm anih kha" ka chhan hmain Ema chuan a rawn ti leh a, ka tum hmuk tawh.


"a rawn lam dawn che em ni?" kan bula rawn din pahin ka nu bawkin a rawn ti leh "chaw rawn ei rawh a tia, ka ngamlo nu min sawisak rawh" ka hreh em ani, zah ah pawh ka la tawhlo.



"E... chutianga a sawm che chuan ei ngei ngei rawh" ka nu lah chu! Ema lah alo nui kur kur tawh "naa... nu a U te nupa an awm dawn a ka ngamlo" kal phallo se ka ti.



"ngamloh thu a awmlo, chutianga an sawm che chuan kal ngei ngei rawh, mahse in a i awm ang mai mai khan awm lola, mi hrang an nia awm chin tawk i hre dawn nia va insiam rawh" ka nu hian tinge ka kal a phal em em le?




H-a car ah ka țhu ran mai ka thinphu te lah chu pawk chhuah a tum emaw tih mai turin a phu dup dup lehnghal a "i hreh viau ami?" car a lo luh paha a rawn tih chuan ka bu uar nasa
"hreh tur a awmlo, kan monu nen phei chuan in inkawm ngeih dawn lutuk" ala ti deuh deuh, min hruai chu a tum ruh hle anih hmel.



An in kan thlen chuan ka kut a thlan vek thei "hlauthawng suh an seh lovang che" ka kuta lo vawn paha a tih chuan ka nui tawp.


Kan luh hma chuan in chhung atangin hmeichhe pakhat hi alo chhuak a, a rawn nui sang mai, a hmeltha zek lehnghal "hruaizel inlo thleng maw? ka hmu chak tawh lutuk che a, HVL-A U nupui Nunpuii ka nia, Ununpui min ti mai dawn nia" tih pahin min kuah a, ka nui ringawt.



Inchhungah kan inzui lut a "ala hma sia chaw chu nakin lamah kan ei dawn nia" tih pahin sofa ah min țhutpui a, a titi siam siam a kawm a nuam phian.



"kan monu tur chu" ka hnunglam atanga ti ri ka hriat chuan ka hawi phei vat a, ka nui lai pawh ka tawp chawt, ani pawh chu a ding chawt "nanghi...." tih pahin min kawk a, ka hlauthawng ringawt.



Hmanni a kawng kan kan dikloh vanga ka inhnial pui hrep pa kha ani, anih chuan ani hi H-a U chu maw? A enga mah hmain ka mark a chhe nghal khawp mai.



"in inhre sa elaw?" a hnunglam atanga a U rawn kuah pahin H-a chu a rawn nui sang a, za lo deuhin ka lo nuih let. An unau chuan ka hma chiah chuan an țhu a, melh pawh ka melh țha ngamlo.


"hria e... hmanni a kawnga school naupang min hnial hrep tu kha amah hi alawm " min kawh pahin a ti sap a, khuk ral daih mai ka duh, min chhuah chhe em em mai bawk si.




"i hai aniang Bawihduati chu a nilo ang" ka thla vang hauh takin H-a chuan a rawn ti a, min țan thlawn dawn ka ti rilru mawlh mawlh. Kan thlen kha chuan nuam ka ti ve hman asin le, kan boruak a diklo vek.



"ka chiang lutuk" pakhat lah chuan min en chik nasa mai bawk si, ka lai kual vel vek. H-a lah chuan ani ami tih melhin min rawn melh, ka țah te hi a chhuak zawk.



"chutiang te a ho emai, thil thleng tawh alawm " a nupui chuan ava mitmei zeuh a "Hruaizel lo kal rawh naute lo en rawh" nui sang a atih takah chuan ka bu nghat. H-a chu ka va melh a, alo nui suk na in ka awm a nuam thei tak tak lo, ka mark score na tur berah 0 ka hmu nghal.



Pindana kan luh takah chuan ka thaw huai thei "hmanni ami kha nangmah maw?" Ununpuii'n atih chuan ka hnuk a ulh tlat anih chu, kal ka lo hreh em em chhan pawh kha kan hetih dawn vang alo nih chiah hi.



"aw... keichu hreawm ka ti e khami khan khatianga hnial kha ka tum pawh a nilo, ka mood a chhe ve bawk nen khan awmdan mawi lampang ka rilru ah a awm theilo a" ka țap tak tak dawnin ka hria "a ho lutuk engmah a nih loh kha, lungngai duh suh Muansanga chu a thinrim lai chauhin a hre thin alawm, a fiam mai mai che anih kha" ka kut a rawn vuan a, ka en chuan alo nui sang a, tlem chuan ka awm a nuam deuh.


Khum a naute mu en pah chuan kan titi a, an khaw nawm zia te min hrilh a, kal min ti chak zo vek "hemi chauh hi ami fa in neih?" naute kut chu ka vuan a "nilo e a u te pathum a pite inah an awm a, insiam kan rilruk vangin hetah kan rawn nei a" atih pah chuan a nui sang reng a, a hmel hmuh a nuam takzet!




Room a awm reng theih ni heklo, chaw ei hun awm ah kan chhukthla a, an unau chuan sitting room ah an lo la awm a, an nui dun hawk hawk a, unau inngeih tak an nih hmel.



"chaw ei kan han siam ange" Ununpuii'n atih chuan an rawn hawi a H-a chuan min nuih leh tawh, a U zawk erawh chu a hmel ah engmah a lang lo, min lawm nge lawmlo pawh ka hrelo, a hmel hi a rum ve hrim hrim aniang.




"Bawihduati kha chhawr lutuk suh aw" mit siai zeuh paha a tih chuan ka zak lutuk chu ka kun tawp, zahna tlachham lutuk mai.


"HVL.... zak rawh bialnu pakhat i nei dek dek a i duat over lutuk, ka duh duh ka tihtir ang" nui har har pahin Ununpuii chuan a ti a, H-a pawh a nui tawp.


*
*
*
*

Chaw ei lai te chuan Ununpuii chuan min be seuh seuh reng a, a fel tih bakin han fak chiam dan pawh ka hrelo. H-a u ve thung erawh chuan min huat vang nge a țawngtlem ve hrim hrim ni a țawng ve vaklo, mahse min hmuh tirh ang em em kha chuan a hmel a rum tawhlo.



"kan khuaah chuan lo zin vat rawh aw, ka nu in a hmuh hun che chuan a lawm ngawt ang" kan haw dawn chuan Ununpuii nen kan han in dinchilh leh ren rawn a "nia ka lo tum ang, school te hi han chawl phawt ila" puitling anga țawng ve ka tum ngial a, ka thei hleklo.


"Tuaii be muang reng lo teh a chhungten an ngaihtuah tawh ang" nin hmel zeta kan bula lo din pahin a rawn ti a, ka nui tawp, a monu nen chuan an inpawh hle nih hmel.


"i rawn lenpui har lutuk a, kan rawn chhuk tirh te khan lo kalpui tawh tur che nia " chhuahchhal aw kha zetin pakhat chuan alo ti a, ka bana lo vawn pahin min kalpui daih "kan la in mangtha lo ania" ka hnunglam chu thei leh theilo in ka hawi țawk țawk a, ka bye bye ta ringawt.



"hey thinrimna i nei ami?" kan tlanchhuah hnu atangin vawikhat mah ala țawng lo, ka lam rawn hawiin a nui suk a, min chhang lemlo "ka ngaih iti țha miahlo ania, i U vang ami?" nuam lo ti zetin ka ti a, a kut lehlam a steering vuan chungin pakhat zawk chuan ka biang a rawn tawk a "ka thinrim lo a țha em?" min nuih pah chuan ati a, ngaih țha zan lo in ka bu nghat a "that's my girl" ati sap.




"ka rawn lut tawhlo mai ang, ka thlen veleh ka lo be dawn che nia" ka chhuk hmain ka biangah min fawp zeuh a, ka nui ta var var "I ngaih ti țhalo duh suh, thinrimna ka neilo tak tak ania" atih takah chuan ngaihngam takin ka chhuk a, ka luh hmain ka bye bye leh zeuh a.


"vur vur a che" in ka luh rual rualin Ema'n alo ti nghal, ka hlimna ka lo thup lo deuh aniang "puar khawpin iva ei ngam maw?" ka pa in alo tih chuan ka nur nang "in ninawm e min chhaih reng su" ka zak bawk si chu ka duh aiin ka vin "nuam itih vang anih kha" min la ti zui, he mite pafa hi chu an chimawm ve thlawt alawm.



~

Kan dam țhat phawt chuan ni hi alo kal zung zung mai, karleh lawk hi krismas alo ni der tawh. Khawi hmunah pawh kal ila krismas hla an play dup dup tawh, krismas lo thleng hi a lawm a te tan hi chuan hun nuam tak leh lawmawm tak mahse khawhar chhung te tan erawh lungngaih vanga beh tlawk tlawk na hun ava ni teh lul em!!


'Hman ah chuan heng hun te hi hlim takin kan hmang ho thin a' tih țah hla ah hmangin an lungngai em em thin.



Mi nu leh pa te tan chuan an fate rual leng an han hmuhin 'la dam ve la chuan tiang hian i leng ve anga' tiin mi fa te hlim lai lungchhe takin an thlir a, heng ka hmuh hian ka chunga pathian zahngaihna nasat zia ka hrechhuak thin.



"urlawk zan chu hmang ho ang u" kan thianho in kan bazar ve ngei a, kan duhzawng ka hmu mai lo chu kan vak kual nasa tawh lutuk.


"nia kan in ah ti ang u Ruat... putea te pawh an rawn tel dawn ania" awmzs nei deuhin ka ti a, a zah hmel ngang mai "in inhmeh ka ti e keichu.... tihdan ka hria bialpa te hruai tur ti ila, bialpa te nen țheuh kan hmang anga a nuam ngawt ang" Priscilla-in atih chuan "ka peihlo in fair lo ka nei ve dawn hleinem" ka lo ti nang nang. H-a'n an khuaah krismas hman a tum a, kawppui ka nei ve dawnlo a a nuamlo.



"a ho e a, Rl-a pawn a be reng che a chumi zan te chu i chhas ah țang se ni mai lawm" an ngaih a sam hlawm si.


"ka peihlo"

"anih nei ve lo chil a put anga nimai " min tia an nui nasa mai, kei ka tum bur.


A hma zawnga bialpa nei duhlo Sophie tak ngial pawn kawppui a nei dawn "anih ka sawm anga a peihloh chuan tuman bialpa hruai loh kan ti ang" ka ti ta nge nge, kan inngaizawng tihna ani dawnlo a, H-a pawh hrilhlo law law mai ang.




"Rl urlawk zan egtin nge i hman dawn? " phone a lak rual rual in ka ti nghal thawr a, a chhanna hriat tumin ka thiante an rawn awm hnai sawt sawt.


" hman dan tur pawh plan ka nei lemlo" ban charh a atih chuan "hmang ho ila" ka ti nghal.


"aa... ka hrelo le khawiah?" a peihloh hmel ka ti "kan inah ania hman hram la" a hmanlo ang tih ka hlau, neilo bik nih ka duhlo.


"hmanloh pawh a awmlo, kan hmang ho dawn nia" a rawn ti ta, ka lawm zia hi ka mal bik dawnlo e.



"awle kan inbe tha dawn nia" tiin kan inbiakna kan ti tawp a "tikha chuan buaina a fel kan dress tur chu lei phawt ang u" tiin kan inzui leh țham țham a, kan chhelo hlawm bawk a kan itawm ngawt ang hehe.



"I thleng tawh ami?" call ka pick rual rual chuan ka ti nghal thawr "thleng chiah ka inbual hma ka rawn call che" a aw atang chuan a chauh hmel "umm i thleng tluang a a țha nih chu inbual vat vat la i mu hahdam dawn nia" ka ti ve ngei, nupui fel deuh ka ang.



" umm awle min va nin hmel ve" hmp ka ngaihtuah vang ani reng sia "i ngaih dan dan le i chauh hmel em a" ka khumah a vang zawngin ka bawk a " chau lutuk lo ve, ka tello a krismas i hmang tur chu ka ngaihtuah riau mai che" min ngaihtuah sual lo khawp mai.


"don't worry! ka fel ngawt ang" ka ti vei than a rawn nui hawk "I fel loh vaih chuan ka rawn haw hun hunah ka kuk ang che" min naupang chhe chei thei si.



.

"ka rawn thleng țep " lehlam ami in a rawn tih chuan hmanhmawh lo tura chahin ka dah a "karaoke ang u" ka thiante hlim lutuk chuan n ti lang lang a, ka nu leh pa te erawh kan thenawmte inah an kal a, tlaivar ve an tum em lovang chu.


"Cycee.... khawnge papa kha?" amah chauhin sofa ah alo țhu a putea lah hmuh tur a awm bawk silo, a fanu amah chauhin a kalsan a ka hau hrep ang.



"sawtah khan Atei nen khan an kal a" balcony lam kawh pahin a ti a, ka chek tlak. Chance neih an tum anih hmel, a fanu hi ti mu phawt sela aw.


Sophie bulah Cycee chu ka dah a, balcony lam thawm dim thei ang berin ka pan a, hla an play ring bawk a ka thawm an hre mai lovang.



"1,2,3" balcony kawngkhar chu ka hawng thut a a thim chinah thawm a awm nghal, ka phone lachhuak in flashlight ka on nghal a, bangkil lamah min hnungchhawn zawngin hmeichhe pakhat a ding a, putea erawh thir khamphei bawh pahin thlang lam a hawi a, an awmdan chu a laklawh hmel.



Ka aw ka thian kharh a, putea chu nui țhaw chungin ka lam alo hawi a, hmeichhia kha chuan bang lam ala hawi reng "I fanu kalsan in hmeichhia ilo tawm pui a" chhuahchhal aw ka zetin ka ti a "chutiang a nilo i thiannu te bulah ka dah kha" alo ti zat, ka hmui ka pet sawi nang thung.



~~~~~~
zanah chapter thar dah kan tum dawn nia


Show post links
Top