OFFICER HVL-A BY Priscilla VL Ralte (Completed)

[Ngaia]

*OFFICER HVL-A*



Chapter - 13

By Priscilla vl Ralte



"tunge saw saw?" va kal hnaih ka tum chuan putea'n min lo dang "bawihtei chu va hruai la" ati zat a, hmeichhe ding lam chu ka hawi a, alo hawi ve chiah "VANLALRUAT.... " ka tum aiin ka aw a ring.



"nangni pahnih hi" mak ti zetin ka hmaa ding pahnih chu ka en a, kan chhaih fiam nasa thin mahse a takah hetiang an nih ka ring ngailo.


"mate... "

" Zel..."

Min ko rual a, ka mak tih ala reh theilo "mahse pute nang chuan..." a hma in nupui theih țhat leh ka sawipui thin a, mahse min hnial țang țang zel, tunah erawh phat rual ani tawhlo.


"insawifiahna ka phut ania" an pahnih chuan ka en tawn zak zak a, an lo awmdan vang khan ka thinrim a nilo mahse ka laka an zep hi ka lawm lemlo. Diktak chuan a palai tur ka nia, pakhat tan a thiannu ka nia pakhat tan a tunu, an lai a ding a palai hna thawk tur diktak ka ni.



"ala reilo kha ih... englo... kha hmanni a kan bazar ho hma lawk atang khan ania" Ruati chuan ati bah deuh nak a, ka kut ka kuangkuah khum hmak.


Ka thin chu a rim tawhlo mahse ka ti hlauthawng chak hrim hrim "bialpa neilo len in ilo leng char char a" a nuamlo ti hmel chuan ka nuih ati za, putea lah chuan awm angloh tih hmel fe in min lo en a "I thiannu anih hi" a bialnu chu țan ve hle mai maw.



"nie ka thiannu anih vang alawm ka thin a rim" ka ti hmak, min ben chak hmel lutuk "lo kal teh" a nghawngah ka kuah a "Mate.... " hlauthawn hmel takin ka putea'n alo ti "I bialnu hi hremna ka pe hlak dawn" ka ti chiah chu Ruati nghawnga ka kuahna alo phelh nghal.



"I lungawi loh chuan keimah ah țuan rawh i thiannu hi engtin mah ti ve suh" ka mumang aniang "I thiannu tilo khan ka bialnu ti law law rawh" tih pahin ka nui ta hak hak a, a ngaihna an hriatloh hmel dun lutuk.


"ka fiam mai mai cheu anih kha" ka tih chuan min melh rum nasa "hnapi.... khatiang khan vawikhat mah awm tawh suh, ka hlauhthawn hman zia chu" min rawn ban a tum uai a, putea'n alo dang "Mate.... ngaih iti țhalo hman khawp mai" ani pawh chu a nuih a zat ve hmel fu.



"kik kik.... inpa alo thleng ania" nui kur kur chungin Roi'n alo ti a "I fanu ti mu phawt la in hmabak kha chu in chhunzawm dawn nia" min chhan let hmain inchhungah ka lut zui a.



Rl-a alo țhu vang tawh "ka rin aiin ilo thleng hma" a hma chiah sofa ah chuan ma țhuthla a "nia ka hman hma deuh a" a awmdan chu a inthlahrun hmel "ka thiante ho chu inhnung lamah an awm a, kal ve i duh em?" tih tlangnel tum tak chuan ka ti a, a nui mai a min chhang lemlo.



"Englo.... " a ngawi ren rawn a, a țawng chhuah hun ka ngai chang ran "tinge zanin tak a min rawn sawm a?" min zawh kha ka ring deuh reng a, ka sawm tirh a a duh mai te kha mak ka ti.


"nia thianten kawppui an nei vek dawn sia, neiloh bik kha a nuamlo a" tlang taka sawi mai hi țha in ka hria, a lawm lo anih leh a haw leh mai niang chu.



"Umm..... kei kher min sawm vangin ka lawm e " min chhanna vang chuan ka mengphawk ngawt ang, a lawmloh ka rin nen min chhan dan chu rinloh lam daih ani.



" nia ih englo... " keimah zawk ka dang hlauh, ka nui ta ringawt.


" mate.... inpa in call a chhang theilo a ti che ania" Ema hi a chhuak daih a maw ka tia, Rl-a chu ka melh zawk a, Ema thu lo sawi chuan a țhawng ve hle in ka hria, hrelo law law se ka ti sin le.


"a..aw..nia ka... ka room ah a awm daih a" ngati nge ka hlauhthawn ringawt le?


"a ngaih a țhat leh tawhloh kha, han be vat rawh ka rawn haa dawn lo ania" ti zung zungin a chhuak a, ka room lamah pawh chuan ka kal mai lo, nuamlo ka ti hnuhnawh.



"ih... "

"englo...."

kan țawng rual vang chuan kan in en a kan innuih tawp.


"sawi hmasa rawh" ka ti a, ka țhutdan ka siam tha ngun malh malh khawp mai.


"bialpa i nei reng a " nuamlo atih hmel, keimah zawk hi a awmdan hian awm tur zawk ka ni.


"nia..... an khuaah a haw a" ka țawng chu a zuih ral khawp mai "pawi ka tilo ania hmanpui tura min sawm vang hrim hrim in ka lawm, inhnung lamah chuan kan kal ve dawn mi?" thawh uai paha a tih chuan muangchangin ka tho a "aa... ka room ah ka'n kal lawk ang, lova kal rawh" ka tih chuan hriatthiam hmel fe in min nuih a.



A kal hnu chuan hmanhmawh zetin ka room ah ka chho a, ka phone ka la nghal, missed call alo tam ngang mai.



"khawiah nge i awm?" engmah pawh ka sawi hmain a ranw ti hluk a, ka lo thaw hak "inhnuaiah ka room ah phone ka dah daih a" ka țawng pawh ka tîm ang reng, Rl-a kha ka lo sawm kher kher ani.


"I bulah dah reng tawh ang che, hei ka thiante nen kan hmang ho dawn a" a aw pawh a dam deuh e.



"ava nuam dawn ve" phur pui hmel tak chuan ka ti a "I tello a a nuamlo" a ti zo chiah a mipa rual an rawn au dual, an thianpa țawng kha an helh ve deuh anih hmel.


H-a lah chuan a vin hluk hluk a, engah mah an ngaih hmel lemloh.



"awm ngaihna an hre thlawtlo" atih chuan ka lo nui hak "in awmho khat a an hlim ve nih kha, hmeichhia an tel ve em?" a rawn nui hawk a "thikthu kan va pe chhe țan ve" khanglang chuan, amah bak bak a thithu chhia.



"hmeichhia an tello lungngai suh, tel pawh nise mipa angin ka hmu vek tho ang" ka va han awihlo ber "mipa ang chuan i hmu kherlo ang" ka ti pawr hlar a, ka thinrim vang erawh a nilo.



"a changtunu kha lo lungngai suh se, hmeichhe dang a melh rual rual in setana hnenah a thawn nghal ang " a thianpa ni awm tak chuan a rawn ti lang lang a, midang ho an lo nui hawk hawk bawk.



" Lawmsangkim.. lo ngawi mai mai rawh" H-a chuan alo ti leh hluk a "a changtunu hriat lai chuan i inla pa ve hle mai maw" an ti duh lek a, pakhata hi a sa tawh ngawt in ania ka rin ni.


"kan dah tawh hrih mai dawn ami?" kan inbiak reng chuan an thianho an inkawm khawmna ka dal ang tih ka hlau.



"umm...nia ka rawn be leh ang che" atih hnuah kan inbiakna kan ti tawp a.



Inhnuai lamah ka chhuk ve nghal a, pawn lamah an lo zai nasa tawh mai.



Ka va chhuah ve lai chuan 'Ka hmangaih che' tih Daduhi sak kha an lo sa a, urlawk zana sak a tan chuan a mawi lo ka'n ti khawp a!


Rl-a bulah chuan ka va țhu thla a "tu thlan ngs a?" ner nang pahin ka ti a "saw lai a naute pawm saw" putea te țhutna kawh paha a tih chuan a aia nasa in ka ner. Putea'n Cycee-i a pawm a, a bulah Ruati anmahni si chetin a țhu bawk a, nuam an han tih hmel bik khawp a.


Engmah pawh sawi tawhlo in an hla sak chu ka sak pui ve a, a nuam vei phian.


Putea te chhungkua an kim a, Priscilla-i leh Fine-a te pawh an inkuah rial mai. Sangpuii takngial pawn kawppui a nei, Sophie leh Roi chu dahtha ang.



"I thiante chuan an thlim che ani maw?" min rawn ner salh pahin Rl-a chuan a ti a, ka melh rum nasa.


"an chaklo viau ang, school luh hunah an rualin ka haw tawhlo ang" ka ti hmak a, ani lah chu a nuih a zat hmel em em mai lehnghal.


"tihian a țha em?" ka inrim hmain ka darah min rawn kuah a, amah si chetin min pawt zui a, ka che lawk ngamlo "eh.... khaw maw in inhmeh lutuk thla la lawk ang" Roi chuan a phone a phawrh nghal zat "khawvelah a țullo ber dah rawh" ka ti hlak a, a ngai pawimawh lo nasa, vawi eng emaw zat chu a click hman ka ring.



A nui vur vur lehnghal a "ka status anga mak an rawn ti hlawm ngawt ang" ala ti zui!


"a țullo han status na teh ka kut i tuar nasa viau ang"

"tum chhin la bialpa chhan tu tur ka nei țha em! " ham ham hian aw....



"engah mah ngai duh suh, a ti tak tak lovang" Rl-a'n alo tih chuan ka thinrim nen ka nghawk sawk a "het.... urlawk zan anih hi thinrim in hman tum suh" tih pahin min rawn kuah leh zat a, ka nui ta ringawt.



Rin ai takin a nuam H-a nen kan inbe zuai a, an ni pawh len chhuah an tum anih hmel, fimkhur turin ka chah ngun malh malh khawp mai.



Kan thatchhe hlawm khawp tuman ar kan kang peihlo a KFC kan order ringawt "a chanve ka pe ang" putea'n a tih chuan kan hnial lo nasa. Cycee-i a mu tawh bawk a a duh ang takin a inla tlangval thei tawh.



"pe zo law law la aw nang hlawh nei" fiamthu in Fine-a chuan alo ti a "khai! nupui chawm ngai nei leh mai tur ka nih hi" nui chunga a rawn tih rual rual in a hma lamah a bu dawrh!


"nupui neih sawi reng reng suh, neih mai mai che ka tumlo" Ruati'n alo ti hlak a, kan lo nui dam dam.


"ka fanu in 'anu tur ka duh' a ti " pakhat lahin nui vur vur chungin a rawn ti a, an han inhnial bap bap a, boruak an ti zangkhai khawp mai.




"Merry Christmas!! " halpuah hal an khap sia a merry tak tak theilo!


'Merry Christmas Bawihduat... ka ngai che'
H-a message ka en rual chuan ka khi sak, ka wish let ve nghal a "ka'n va hlim vur vur ve" ka bula țhu in a rawn tih chuan hawi chhuak in ka nuih var var a, ka hlim ani, ngaihzawng nei tir ang mai ka ni. Thla 5 dawn kan ni ve tawh a, hetiang vang mai mai a hlim lutuk tur ka ni tawhlo mawle!




Naktuk zing inkhawm angaih vangin ka thiante pawh an haw hlawm a, Ema erawh alo la haw lo, thawh a hai leh ngei ang.



H-a nen reilo te tak tak kan inbiak leh hnuah ka mu ve ta chauh.



"thawh a hun e" kut vawt em em in ka nghawng a rawn deh rual chuan harh chiang tak ka ni "nuuu.... a vawt lutuk" thawh chhuah pahin ka ti a, ka la ham bai bai mai.


Thlasik ah hi chuan tu pawn thawh har in ti ve tho ang, a vawt thei si.


"rawn chhukthla vat la chhung inkhawm i nang lo ange" atih hnuah min chhuk san a, ka ha te nawt in ka inphih harh deuh a, tui a hit rapthlak lutuk, khawih rei ngam pawh anilo.



Ka room atanga ka chhuah laiin Ema pawh tho phan hmel takin a rawn chhuak ve chiah a "iva hmang nasa bik ve" lo nuih kur kur pahin ka ti a, a nui sak. A lu a buk ve ang reng sia a sam chuan chhim leh hmar a kawk chhuak vek!



Chhung inkhawm kan hman hnuah chaw kan ei zui a, chaw ei lai chuan kan titi barh barh a "kumthar lamah Simon-a pawh alo chhuk ang" ka pa in a tih chuan ka lo bo hu "tu Simon-a" ka ti ta nge nge "I patea fapa kha mawle heta college rawn kal tur kha" atih takah chuan Ema'n misual a tih deuh pa kha ani tak ang.


"Pa heta a awm kher chu angai em ni?" a hma khan a sawi sual bawk a heta awm turin a duhlo hle aniang.



"hetah awm sela a tan pawh a țha zawk, i patea te tan pawh ngaihtuah a na lo zawk" ati hmak mai sia Ema chu hnial tawhlo turin ka mitmei zeuh a, a ngawi ve ta mai.



Inkhawm turin ka insiam a, ka kawr ka duh ang thal a ka țhui tir chu ka ha a ka han intheh țil vel a nalh ka inti ve ngang mai.


"ka inhmeh em?" ka lanchian theih dan tur berin ka ding a "inhmeh lutuk i ta tur bik liau liau a țhui a nih kha" a lawm awm thei ania.


"ni chiang ang chu ka duh ang thal a ka țhui tir anih hi " intithei takin ka ti a, a rawn nui suk "hey khatiang khan ka bulah lo nui suh aw, i hmeltha lutuk" ka tih phei chuan a nui nasa leh zual.


"I thu ber.... kei ka inhmeh em?" ka tih ang chiahin a thawmhnaw min en tir a, a inhmeh lutuk!


Kamis var sar mai a ha a, a ban a kiu thleng velin a thlep a, a nghawng kilh pahnih a kilh lova, smart pants a ha leh tawp a, simple viau mahse amah a sang in a palian ang reng sia a inhmeh bik lutuk!


"inkhawm lo mai la" hetiang inbel chunga a inkhawm chuan hmeichhe hovin an duh dawn lutuk, ka hmuh phak ah a awm silo.


"Iti tak tak miahlo" nui chungin a rawn ti a, kei erawh ka thutak viau.


"ka ti tak tak inkawm lo mai rawh, khatianga i inkhawm chuan ka ngaih iti thalo lawk, inkhawm lovin inbe reng mai ang" thutak zetin ka ti a, za em em in a rawn nui ta hawk hawk a.



"hetiang em em hian i thikthu alo chhia ani maw?" a la nui reng.


"aw... i inhmeh em alawm " ka ti mah mah deuh emaw ni!


" tu hmeichhe lakah mah ka mit hi a uire lovang, nangpawh kha i inhmeh lutuk a in veng mipa ho ka thik lek lek " ati ve thung a, kan thikthu a chhe dun ngang mai lehnghal a, kan inen a kan innuih ringawt.


" babe.. kal ila " a hnunglam atanga hmeichhe lo lang vang chuan ka nui tawp riai riai.


Henu hian eng nge a tih ve?


Show post links
Top

[Ngaia]

*OFFICER HVL-A*


Chapter-14

By Priscilla vl Ralte



Call chu ka titawp hmak a, min rawn call nawn leh a ka chhang lo. Ngati nge kan inkar hi a buai reng bik le? kan tluang ve tak tak theilo chu anih ber hi.


Ruattari khan eng nge a tih ve? An khuaah an inah mai nilo a room ah hial a lut thei ania, kei hi mi inkar ah ka tlazep nge an mahni khan min bum?


Thil hrechiang lova awm reng ka duhlo, a duh thlang sela kei chu ka inthiar fihlim ang.


H-a chu ka call back a, mahse....

Min chhang tur a awmlo. Vawikhat ka ti nawn leh a, a chhang chuang lo, a thlan zawk chu a hriat mai e.



Nichin lawk te kha chuan phur em em in ka bia a, ka hlawh erawh a lawmawm lemloh khawp mai. Inkhawm pawh ka phur lo vek.



"ila hman dawnlo ami? Kan tlai dawn ania" ka room kawngka ah Ema alo ding a, țah chhuak țun in ka lo melh thung.


"diklo a awm em? " a rawn pen lut thuai a, keiin ka lo ka lo thing thung.


" dawt sawi suh, i hmel a dik miahlo ania" min ngaihtuahna aw ka hriat chuan ka hnuk a ulh deuh tlat mahse "engmah a awmlo enteh ka kawr ka inhmeh dan hi, inkhawm lova nilenga inen mai te ka duh" ka nui lui a, min melh vung vung hnuah "umm... i inhmeh lutuk! an va țhui nalh ve" ati ve sup a, ka nui lui leh sak.



"ka hman kal ang" tia ka thawh takah chuan a ding mar deuh a "diklo a awm chuan min hrilh vat dawn nia" ka lu ka bu nghat nghat a, ka room atangin kan in zui chhuak a.



Kan biakin hi kan in atanga a hlat vakloh vangin ke in kan kal a, ka nu le pa te erawh dar rik rual rual khan an chhuak tawh. Kan unau a kan kal chu a nuam vei phian, kawng lampang hnaiha ka kal chu ka banah vuanin kawngsir lamah min kal tir a nui var var a en pahin "gentleman deuh ve" ka ti sap a, a kiai ve suk mai (helai scene te hi a taka ka tawn anih hi mahse a mipa hi chu a dang lol!)




"hmeichhia kalpui in kawng hnaih lamah kaltir loh tur" ani ang unaupa ka nei hi vannei ka inti ngawih ngawih.


Biakin kawtah ka thianten min lo nghak a "lut vat ang u, kan seat kha kan changlo ange" an bul ka thlen rual rual in min pawt nghal a, ka nui tawp, biakin ah lehzel pawh seat bik hi kan nei a.



Krismas ni ani bawk a inkhawm a rei lemlo,banah biakin kawtah thingpui an lo sem a, chhangban a ni sia keini thianho duh chi ni heklo thla kan la char char ringawt.



Ka phone camera a țhat deuh vangin kan hmang char char a, delete tur ka ngah leh dawn mange!


"hei a changtupa missed call a tam mai" an tih chuan "la hrih su nakinah ka be mai ang, thla la phawt ang u" kan inkar țha vaklo hi sawi chi a nilo, an lo han țim leh hrep emaw kha ania nga ka mualpho mai mai.



Kan duh ang thal a kan lak zawh hnuah kan chhungte țheuhin chhungkaw thlalak nei turin min ko a, kan kal hrang nghal.



Chawhnu pawh inkhawm lemlo in kan inah kan awm a, eitur kan siam nghek a, keima ni tawkah kan buai ve em em tho.



"enteh henu hi i hria em?" Roi'n a phone min entir pah chuan a ti a, ka bih vat. Ka thin zawn hi vih sawk angin a na Ruatthari leh H-a te thlalak dun ani, ig ah a post anih hmel. Dawt sawiloh chuan an inhmeh thlawt, Ruatthari hmeichhe te chhe tak a nilo a, a hmel pawh sawisel tur a vang.

Thlalak ah chuan H-a banah a vuan a a nui sang a, an hlimdun hmel kher mai "a unaunu emaw tu emaw ber aniang" ngaihsam hmel takin ka ti a "khawmaw ka lo en ve?" tih pahin midang ho chuan an rawn bih ve thuai a "ehe henu hi!!" Ruati'n a tih takah chuan amah kan en țhap a.



"Ka hria alawm kan veng ami Ruatthari anih hi, ka u te nen an inkawm thin alawm " midang ho chuan min melh ta țhap.


" aa.... ka hre biklo " ka ti halh a, ka thiltih ka phurlo zo vek.



" in inhau ami? " an tih chuan thaw hawkin ka bu nghat a "tinge?" hrilh loh ka tum nen aw.



"tukin khan ka vid call a kan inbiak laklawh laiin khanu kha alo lang a, call ka off a mahse a hma in thu chiang lo vangin kan buai tawh a chuvangin ka hriatchian duh vangin ka call nawn leh a mahse a chhang tawhlo a" ka țah a chhuak țun mai.



"chupa mai mai chu(h) khawimaw i phone keiman ka'n bia ange" thinrim takin Priscilla-i chuan a ti a "a țullo han biak pawh a ngai tawhlo ti hian kan tawp ani mai" ka ti zuai raih a, ka thiante chuan min khawngaih hmel takin min en a.


Kan boruak tihchhiat ka duhloh vangin ka nui lui sang a "ei tawh ang u, kan eifel veleh kan leng ve dawn nia" thawveng hmel tak chuan ka ti a "nia intih thawven i ngai, mipa pakhat lek vanga indawm kun reng tur ini biklo, midang an tam lutuk Rl-a te" Sangpuii chuan a ti a, an thlawp hmel khawp mai.



"bialpa neih leh ka peih tawhlo" ka lo ti thung, tiang thuartham vel hi ka peih tawhlo, tlanbo san vang vang ka duh.



"khalam kha chu i thu thu" midang ngaihsak leklo in hun kan hmang a, tlai ah ka nu te lo haw hnena kan len tur thu ka hrilh chuan "fimkhur ula rawn haw har suh" tia min chah hnuah kan chhuak a.



Khawi khawiah emaw kan kal kual a, ka rilru tawt lutuk pawh a zia deuhin ka hria.


"khu Rl-a eh... nangni hi inlo inbia ami a?" kan thlanglam ah Rl-a leh a thiante ho an lo kal ve mek a, a rawn hawi chho nen chuan kan inmelh fuh chat a, min rawn nuih vang chuan tawi te in ka nuih let a.



"awi... a rawn nui nia keini chu kan hnawk țan" ka thiante ho over thin zia hi!



"in leng ve a?" kan bul an lo thlen chuan min be nghal a "nia inah kan awm peihlo a" ka lo ti mai a, a nui leh suk tawh.



He a nuihmel ah hian alawm hman ah khan ka lo luanliam țhin ni "thil lei kan ngai a Zel tikhan lo awm ru, hey mipa tihtur kan nei min lo zui ru" ka thiante inla zei lutuk chuan Rl-a thiante ho chu an pawt kal dawr dawr a, nuih an ti za ang reng.



"vawiin ah i inkhawm em?" ka sir a lo din pah chuan min thlek zeuh a "khawm e mahse chawhma bak kan peihlo a" alo nui hawk a "inkhawm hi chu in peihlo tlang ani" ka nui hak, a sawi dik chiah chawhma inkhawm bak hi chu kan peih lo ve em ani.



Sawi leh tur mai ka hre silo, ani pawh chu a ngawi roh roh bawk sia, lai deuhin hmalam ka en ngar ngar.


H-a ni thut se min kuah sela Ruatthari nen an inkar ah engmah a awmloh thu min hrilh sela kei chauh ka nih thu min hrilh se. Ka ngaihtuahna mai mai chu(h) thil thleng ngailo tur ani, ani chuan a duhtak a thlang tawh a keiin ka lo dream ve vak vak chhan tur a awm tawhlo.



"I bialpa nen chuan in la tluang em?" a rawn țawng thut vang chuan "maw?" ka lo ti hu a, a nui leh suk a ka bianga lo tawh zeuh pahin "inla tluang em?" ati nawn leh sup a, a hmel pawh ka en țha ngamlo, ka thinphu lah chu a rang em em lehnghal a.



"aaa... " han sawi mai dan tur ka haihchham, nizan lawkah kan țha ka tia tunah kan țha lo ka tih chuan mumal lo min tih ka hlau si. Tinge maw hepa ngaihdan hi ka ngaih pawimawh em em le?


Ani lah chuan ka țawng hun a ngaichang reng bawk si "kan inhau deuh a" ka ti ringawt, ințhen tia sawi tur kan ni chiahlo na in ni țha pangai pawh kan ni chuanglo a, H-a nen kan inkar hi chu light switch ang hi kan nia, phur thut chang a 'on' a 'off' ang char char hi kan nia, kan mumal thei thlawtlo!



"ava țha ve! " atih chuan ka melh dawrh

" engvangin?"


"in inhauh chuan i be duh dawnlo a"


"chuan? " a sawi awmzia hi ka man chiahlo.



"chuan.... i bialpa pawh i biak duhloh laiin min bia a, ka tan chuan lawmawm deuh mai asin" nui var var paha a rawn tih chuan ka tum loh deuhin ka nui.



"Iva han ho mai mai tak! " ka ti sap a, ka nui lai chi min melh vung vung vangin ka nui tawp chawt.

"ka hmaiah kai a awm ami?" min melh vung vung sia ka ngaih a țha teh chiam lo.


"kai lo i bialpa nen in inkar țhatloh laia ka ti nui thei che hi i bialpa chuan min thik khawp ang" atih chuan ka nui leh hak "iva ho mai mai tak!" ka ti a, ani pawh a nui ve suk tho.




Kar lohah kumthar kan chuangkai der, khami ni atang khan Rl-a chuan min rawn biak zeuh zeuh a ching a, keipawn țha deuhin a awm tawkin ka chhang ve zel a. A hma aiin kan inpawh tawh.


Kumhlui thlah zan pawh khan kan inah bawk kan hmang ho leh a, a thiante nen an lo kal ve a, rui nawi tak chi an nilo bawk a kan hlim phian.



H-a pawh a reh hmak a a duhtak a bulah a awm a keichu min ngaihtuah chang tawhlo anih hmel, mahse zanah hi chuan min rawn biak thut ringin ka phone hi ka bih chhen zel, mahse ka beisei thlawn mai ani, a thawm engmah hriat tur a awm ngailo.



Ema a rawn be mial angem tiin Ema bulah pawh ka awm tam phah a mahse ani pawh a rawn be ngailo.



A hma chuan kan inkar țhatloh deuh emaw ka biak duhloh chuan Ema kaltlangin min biak a tum hram hram thin kha ania, mahse tunah chuan a nunah pawimawhna ka nei tawhlo tih ka chiang tawh, beisei reng pawh ka tan a zahthlak tawh.



Ka message tone alo rik chuan ka en vat a Rl-a ani 'naktuk chu aw' tih chauh ni mahse ka nui hak, naktuk hian a nu te inneih cham an hmang dawn a, a school chawlh laia hman an duh vangin a hun an sawn hma tawp a, chutah chuan a bialnu anga min hruai a tum ani.



A tirah ka hnial viau na chu "ka bialnu tak tak ang nilo in a der pawn, ka unau ten an bialnu an hruai vek dawn a hruailo bik nih ka duhlo" atih vangin ka pawm ve ta hram. A hma khan ka sawmna alo pawm ve mai bawk sia, ka ba ve in ka hre bawk.



'hak tur ka neilo' hetiang ni khuaa hak tur hi ka hre tlatlo.

'in hak vak a ngailo, kekawr nen pawh lo kal la a pawilo' mipa hi chuan an van ngai awlsam thin tak.


'a chiloh emai a kekawr nen chuan miin min hmu duh lutuk palh ang' thil tih chi pawh ni hawt lo chuan.


A call a rawn lut nghal zat a "ka nu in kawrfual mai mai pawh a pawilo a ti" ka lak rual rual in a rawn ti a, ka nui hak "i nu i zawt ami?" ka tih chuan "zawt e ka zawhloh ten hak tur ka hrelo tiin min hnial fithla leh țhak dawn asin" a sawi dik chiah.




"kawrfual tawp te chu a simple e... i pa thawhpui te pawh an kal ve ngei dawn a" mi hausa ho kara mawlmang deuha inchei bik chu keimah ber hi ka zak leh ber dawn.



"kan bazar lawk mai dawn ami?" awmanglo thei si.


"zanah hian maw? " khawi dawr mah a inhawng tawhin ka ringlo.


" aw ka nutei dawr hi zan lamah a inhawng thin a" ka ngaihtuahna a hria amaw ka ti rum rum.


"aa... ka pa pawisa ka dil phawt loh chuan..."


"keimah vanga bazar tur i nia keiman ka lei vek ang che " ka sawi zawh hma hma in a rawn ti a "a chiloh ka mamawh ve hrim hrim tho a" ka tih takah chuan min hnial zui ta lo.



"Pa naktukah ka thianpa nu te inneih chamah min sawm a hak tur ka nei silo a lei kan tum a pawisa min lo pe" ka pa chanchinthar en lai hma ah tak ka va ding a, a ban a sana chu en zauhin "tunang hunah thuamhnas dawr an inhawng tawh dawn em ni?" tih pahin a kekawr inpa a zen a.



"ka thianpa nutei te dawr ala inhawng alawm" ka tih laiin a wallet a la chhuak a "engzat nge niang?" atih chuan a zat tur ka hre mailo, a to lutuk ka ringlo kawr chauh ani dawn tho "sangkhat ani mai" ka tih chuan Sanghnih a rawn phawrh chhuak a "hmeichhe thil zawng a to emai tikhan i hman zawhloh leh pocket money ani mai" ka khawl zawk dawn mawni!



"min pe tawh min lo lam la"

"in inkawtah ka awm tawh"


"ehe... kan inbiak hnu khan ilo kal nghal ami?" ka awih chiahlo chuan ka room tukverh atangin ka zu bih a, a awm tak tak, a bike nghengin thatchhe zetin alo ding a ka room lam alo hawi char char.



"lo lut la ka la insiam hleinem " ka closet lam ka pan vat.


"hetah ka lo nghak mai ang che" atih tlat vang chuan ka sawm zui lemlo.



"nu ka bazar dawn" tih leh min chhanna pawh nghak lo a chhuah ka rual a, a bike nghengin meizial alo zu khu hlat hlat a H-a kha chuan meizial a zu miahlo.


Het!! khapa kha ngaihtuah tawh suh tiin ka rilru in ka inhau mawlh mawlh.


Rl-a chuan min hmuh veleh a zial zuk lai chu a paih vat a "bialnu strict deuh meizial zuk phallo ka ang emai nge i paih nghal ngawt a?" a bul ka thlen rual chuan ka ti a "meizial ka zuk vangin min kawm duhloh ka hlau" a tukhum hiah nauh nauh pahin a ti a, ka nui tawp.



A bike chuan kan inphur chhuak a January thla ala ni bawk a tlan thawt zawngin hmai pawh a hit vek thei.



A nutei te dawr chu kan veng thenawm lawkah alo awm a, an dawr lah chu a lian em em mai lehnghal.


"let's go! " ka dar a lo kuah pahin min luhpui nghal a, a chhung chu pawn lam atanga a landan aiin a nuam daih zawk.


A faiin a zau si a changkang em em mai bawk a, Mizoram thuamhnaw dawrah chuan a ber ani loh pawn a ni teuh ngawt ang.



" ehe Liante tehhlawl che chuan" dawr nghak tu nu thau lampang hian alo ti a, Rl-a chu a rum nghut "nute bialnu te hriatlai em em chuan ka hming țhing zawk khan min ko lo teh" ati nghut a, ka nuih alo za ang reng.



"a ho emai i hming țhin vanga a țhen che anih chuan țhen let ve hmak rawh" a nui huah huah a, a nu thau angreng sia a nui che dawt dawt pawh hmuhnawm tham ani.



"hei a thuamhnaw tur hi kan lo en dawn, naktuk a a hak tur ania, a nalh thei ang ber kha lo haktir rawh " tih pahin a nutei lamah chuan min nawr kal deuh a, a nutei chuan min lo nuih sang.



" i hmeltha in i vun a dik bawk a i inhmeh deuh tur ka hria e, min lo zui rawh" tih pahin a tho chhuak a, ka zui ve nghal zat.


Thuamhnaw chi hrang hrang inkhai dul na aj chuan min kalpui zel a "tunge i hming?" ka lam rawn hawi pahin a ti a "Hruaizeli" ka lo ti vat, nui chungin a bu nghut a.



"heihi kan stock thar ber ania, kan la phochhuah miahloh, nimin a lo thleng an nih hi" bawm chu a hawng rak rak a "hei le va ha chhin teh i inhmeh dawn lutuk" tih pahin kawrfual sen hlar mai ka khup chen vel a arh chu a rawn khai chhuak a, ka la nghal a.


Trial room awmna min kawhhmuhna lamah chuan ka lut vat. Kawr chu ka ha chhin a a ban bul ani a, a nghawng V ka inhmeh chi tak ani, ka kawng fek ati lang chiang em em mai bawk a, pheikhawk sang nen chuan ka dik zaih ang.



Trial room atanga ka chhuah chuan Rl-a leh a nutei chu an lo inbe mawlh mawlh a, țawng mawlh mawlh paha Rl-a lo hawi nen chuan kan inmelh fu chat!


A țawng lai tawp chawt in ka chhip atanga ka keler thlengin a en chhuak dap a, a chil a lem khawlh nia, ham ham thin hian!



"awi... i inhmeh lutuk ka thlang thiam hle mai, i vun nen zawng zawng khan kan dawr model ah lo țang la a tha ang" ati luam a, lai deuhin ka lo nui. Mi fak a thiam bawk a a inhralh tha thei ngawt ang.



'Eng nge a an? ' tih nan ka mithmul ka ti kang zauh a, chutah a lu thing vutin a kut pahnih hnih chuan like min pe va a "a nalh lutuk Vantirhkoh emaw ka ti dawn che a mahse a sen ani sia Lucifer-an a fanu duatlai a rawn tir chho emaw ka tia lawm" teh duah thin hian!


Lucifer-a a rawn sawi chhuah takah chuan
H-a bawk alo lang leh tawh, a nui hmel pa lutuk vangin Lucifer-a ka ti kha ania.

A rawn haw tawh angem? Tunah hian eng nge a tih ang? Khanu nen khan an awmdun angem?


Ka zawhna zawng zawng chhanna khi ka neilo, a nei tu berin min be duhlo a, engvanga la ngaihtuah em em nge ka nih? Min duhlo a min hnawl tu hi ka umzui bik lovang!


Show post links
Top

[Ngaia]

*OFFICER HVL-A*


Chapter-15

By Priscilla vl Ralte




"hey.... ka sawi i hria em?" tih paha ka hmai zawna alo vai chuan ka harh zawk thei!


"sorry eng nge i sawi?" inthiam chiahlo in ka ti a "eng ni chuanglo e, nute hei kan la ang aw" tih paha a wallet a phawrh chuan "angai lo ka pa in pawisa min pe" ka lo ti vat a "Zelte... pek tir mai mai rawh hmeichhe tan pawisa hman a harsat teh mai ania, a vawikhatna hi ka dawng ve reng reng duh" ati mauh mai.



"mahse... "

"tikhan khawl mai rawh" ka sawi zawh hma hma chuan alo ti a, a mit min la siai zauh zui!


Ka kawm ngeih tur tak ani. Nuamlo ti chung chung in a man chu ka pek tir a "eitur min la lei dawn nia" a tih takah chuan ka nuam lo tihna pawh a zia deuh.


"naktuk chu dar 10 velah ka lo lam ang che, 11:30 ah khan function țan ani dawn a, hmanhmawh uchuak a ngailo tihna nih chu" haw kawngah ati mawlh mawlh a, amah ber ber chu a phur phur ah a țang emaw ni!



"I birthday lawm tur ang maiin alawm i awm le!." nuih hak pahin ka ti a, a nui ve suk mai!


"aaa... nikhat chhung ka bialnu ini dawn a ka urlawk anih hi" atih chuan a fiamthu angah ngaiin a aia uar in ka nui a.


"hey! ka fiamthu lo ania ka duhna che a rei tawh a, ka upbeh chhungin i nunah mipa dang an lo lut a, ka hriat tirh kha chuan ka na ve det. Mahse i hlim hmel em a engmah ka sawi lo a, mahse tunah chuan in inkar a țha vaklo tih ka hria. Chuvanga ka duhna che pawh sawi ngam ka ni, i chhanna ka duh nghal dawn lo, khapa vanga mipa laka i rinna hniam phah tur kha ka hre vek. Hun ka pe ang che mahse min nghah rei tir lutuk lo la " a hmel chu a tak run a, sawi mai tur min ti haihchham.



" aaa.... "


" chhanna ka duh nghal lo ka tih kha, min chhan hma khan ngun takin in ngaihtuah hmasa rawh, mahse 'aih' tih chhanna ka duhlo ania" ati a, chumi hnu chuan tu amah kan țawng tawhlo.



"ka lawm e aw" ka chhuah dawn chuan a lam hawiin ka ti a, nui suk chungin min mangtha a.

Inchhung ka lut chu sitting room ah amah chauhin Ema alo țhu a, a inngaihtuah muk hmel em vangin ka pawh duh chiahlo.


"mate lo kal lawk teh" inchung ka pan tur chu min lo koh let vang chuan ka pan thuai a.


A hma chiahah chuan țhu in a sawi tur a sawi hun ka nghak a "sir nen in ințhen em ni?" ka rinloh lam daih min zawt a chhan mai ngaihna pawh ka hrelo.



"ka lakah engmah zep suh, eng nge in ințhen chhan?" min zawh dan chuan min ti hlauthawng deuh.



"ințhen thu pawh kan sawi chiahlo mahse... " tiin Christmas zing a kan inbiak dan leh tun thleng ka sawi vek a, ka hnuk a ulh deuh țun mai.


" engmah min hrilh lo va" min dem hmel takin a ti a, ka chhang lo.



"anih engtin nge kan inkar țhalo i hriat a? " ka awmdan ah rinhlelh tur awmin ka hre silo "vawiin ah ka hmu a hmeichhe dang nen" atih chuan ka phawk hra mai "alo haw tawh maw?"

"aw chuan hmeichhe dang nen, eng nge in awmzia? in ințhen chhan chu khanu vang kha ani em?" tih pahin a ding hluai a "aa.. aw.. aniang ka... hrelo ka hrelo tihian kan ințhen ani tawp, min rawn biak a tumlo a chuan kan tawp tawp. Sawi tawhlo ang a ho lutuk naktukah chhuah ka ngai sia ka han mu ange" ka țhutna țang chuan ka tho chhuak a.



"ka lo bia ang aw?" min rawn deuh titih a a tih chuan ka lu ka thing vat "be miah suh tihian a duh a thlang tawh ah ka ngai a va biak kha a ngailo ka tan pawh a tlawm thlak" ka tih hnuah ka mangtha a, min chhanna pawh nghaklo in ka chhoh san.



*

"Ivan lo thleng hma" Rl-a kan sitting room sofa țhu ran ka hmuh chuan sana ka en vat "ka lo la insiam lo hrim hrim a" inthiamlo takin ka ti a, nizan khan hetiang em em a hmaa alo kal tur thu a sawilo hrim hrim.


" ka helhhawlh mawle hmanhmawh chuk duh suh" a bawp a'n khawkherh pah zauh a, inla. puitling fahran lutuk mai.



"anih tikhan lo țhu la ka han insiam ange" ka nu choka atanga lo chhuak nen kan intawk chat, choka lamah min kai phei a.



"HVL-A nen khan in ințhen em ni? " Ema hian ka nu bulah alo sawi emaw ni?


"I U in engmah a sawilo, tunlai i awmdan ah hian hai rual ani lo, i nu ka nia i chanchin a chhia a țha engkim zep awmlo ka hre vek duh ania" ati a, ka nu hi engkim ka hrilh thin, ka ngaihzawng emaw ka star emaw pawh nise. Thian ang mai kan nia, engkim kan inhrilh thin mahse H-a chungchang erawh kha chu ka la hrilh lo thung.



"aw nia nu ințhen ang chu kan ni mai, nakinah sawi zawk ila saw ka thianpa alo kal tawh sia, ka insiam ve vat loh chuan" ka tih takah chuan alo phal ve mai a, inchung ka chhoh lai chuan ka nu in Rl-a a biak lai vel ka hre ruai ruai, tikhuan an inkawm thei mai ang.




Hmanhmawh lutuk lovin ka insiam a, ka phur ti ila a dik ber ang. Intihthawven pah ka duh mai bakah hetiang ang tihkhawm ni khua hian ka kal khat a, chhelo ka intih dan ber a kal tur ka ni bawk nen confi haih haih tak ka ni.



"Let's go.... " sitting room luhna bulah chuan ka ding a, ka nu leh Rl-a te pawn ka lam an lo hawi chiah. Ngawi rengin ka chhip atanga ka ke ler thleng chu min enchhuak dap a, tlem chuan ka lai ve deuh, mahse tihlan erawh ka tumlo thung.



"I va inhmeh ve" ka nu chuan alo ti hluai a, pakhata erawh a tum hmuk, eng nge maw a hriat ni!



"I fanu ka nia lawm le, kal ang nu kan lo haw harlo ang" tih pahin ka chhuak nal nal, kan Lalremliana kha engvanga lo tum ve hmuk nge maw anih le!


"I kal daih a" mi chhe sawi chu koh aiin a hnai.



"ka hmanhmawh " ka kalsan leh hmak "hey i thinrim chhan ka hria, ka lo tum hmuk vang kha tiraw?" min rawn kalpelh pahin a ti a, ka hmui ka tihpawrh khum.


"ani chiang ka tum chhan chu eng dang a nilo i inhmeh ka tih lutuk vang ania" ka va han awihlo ber!


"I chhe emai inhmeh intih vanga tum hmuk thu a awmlo" ka lo ti vei hmak, bike rawn kenglo car zawk alo keng tih ka hmuh chuan ka thaw huai thei. Ka thuamhnaw hak ngaihtuah hian bike a chuang chi zia zang ka nilo.



"ka ti tak tak mipa dangin an melh ve tur che ka ngaihtuah ringawt pawn ka thinrim thei " a over ania.


"I over emai" tih pahin a chalah ka kut in ka nem a, ka nem nat loh nen a dak ve awrh tho.


"iva han over zual tak " kan inhnial chhungin a car hunna bul kan thleng der!


"lut rawh le ka Lalnu" car kawngkhar min hawnsak pahin a ti a, nui var var chungin ka lut a, kan piah deuh ah chuan H-a ang deuh ka hmu, ka va hawi rual rual in a pil bo daih, ka hmu sual te pawh aniang.



Car a kan chuan lai pawh chuan kan inhnial phei char char a, tu zawk mah tlawm kan tum silo chu kan daih rei khawp mai.


"aa... a tawk ka hnial peih tawhlo che" a tawpah chuan ka ti thlawt, ka rin ai daihin a țawngthei.

"khati mai reng tur kha lawm ka hnial e te mi tih ve khanglan" zawk za mah chuan, accident chu hlau lo ila a samab sawn ka kek nek tawh ang mawle!



"awi... lal inah i cheng ani ringawt alawm " an inkawt kan tlanluh chuan ka meng zau kawk thei. An in han pui dan chu hetiang mizoram ah a awm ang tih pawh ka ring phalo hrim hrim.


Lal in ka tehkhin nen khan a inang ber "ani mai reng dawn asin, lo lawi la lal inah i khawsa mai tur ania"


"Awi... Liante innei ang" no tawka ka tih chuan min melh rum nasa "vawikhat pawh khatiang khan min ko leh teh ka hnek hrep ang che" ati vei hluk anih chu, ka hlauh loh zia hi hria se min hlai zawk ngawt ang.



"lut ang kan rei" kan inhnial tak tak hmaa kan luh angai "okay lo nghak rawh" tih pahin a chhuak vut a, car chu hel in ka țhutna lam kawngkhar chu a rawn hawng a, ka vawn turin a kut a rawn dawh vei thlap a. Titanic a Rose sakawrtawlailir atanga a chhuah lai ang maiin alawm le ka inchan le!



"ka lawm e Puber" ka lu ka buk khum zauh a, a nui ta hawk hawk a "keipawh le Piber" tih pahin a ban a rawn dawh a, kan awmdan hi naupangchhia viau mahse a nuam ru tlat.



"nuam inva ti har har ve" rawn titu lam ka hawi chu ka khawng lo chauh, kan hmaah chuan H-a leh Ruatthari an lo dingdun a. H-a banah chuan a vuan a, a nui sang mai bawk, a hmel hi chu a țha chiang alawm, a pian lah a nalh. A thuamhnaw hak nen pawh a inmilh kher mai.



"hey cousin! i rawn kal thei maw? hei ka bialnu tharlam ber anih hi" tih pahin min rawn en a, min nuih sang bawk. Kei erawh ka hamhaih viau "cousin maw?" Ruatthari leh Rl-a te hi cousin maw?


"I hria ami? " a rawn tih chuan ka lu ka thing vat "i nu in min lo chah nasa em alawm, heipui hian kal a duh vaklo a Christmas an chhungkaw bulah ka han hmang a, kan rawn chhuk har deuh hlek a, niminah kan bazar chawp alawm" nuam tih hmel taka nui har har chungin alo ti a, kei erawh ka ngawi reng.
"chibai ve la" zawi sapa ka bul ami alo tih chuan hreh zetin ka hawichhuak a H-a mitmeng rum ul nen kan inmelh ta chat!

*
*
*
*


"heihi maw i bialnu chu?" Ruatthari chu kan lam ah alo kal a, ka zahtheihloh chhuahin nui sang in ka lo melh a "nia hei kan ni ve naw naw a, kan inhmu chu a lawmawm hle mai" ka lo ti vei luam a, keimah leh keimah hi ka inten lek lek.



"kan tlangval neihchhun i han chhai thlu chu a nia, i zei thawkhat tih a hriat " nui sangin ti mahse a mitmengah erawh min chaldelh na ania ka hmuh ni "cousin khatin ti suh, a awm mai mai pawn min hip" tih pahin ka kawngah alo kuah a, keiin ka lo nuih sak.



"In induat hliau hliau mai sia, rual min ti awt" ati vel a, a rukin ka ner sak, a lemchan thian zia hi. Min hrelo ang hmaka a awm erawh ka lawm khawp mai.



"kan luhsan mai ang che u, ka nu te bulah ka va hruai ange" Rl-an a tih takah chuan kan kalsan a, min hmuhloh awm ah chuan ka thawchhuak ham ham. An bula ka awm lai khan ka țang lutuk a duh ang pawn thawk ka la theilo.


"I țha maw?" ka lo thaw nasa mah mah aniang, min ngaihtuah hmel tak hian a rawn ti a, nui sak chungin ka that thu ka hrilh "buaina i neih chuan min hrilh dawn nia" atih chuan ka lo aw vat.


"nu hei ka bialnu chu" a nu te bul kan thlen chuan a tu nghal tawng a, ka lo inthlahrung "ee.. ani maw iva fel ve ilo kal ve a" anu chuan nui sanga tiin min rawn chibai a, a hmeltha phian mai, a kum ngaihtuah in a la lang nula hle bawk.



"In duh duh dan khan lo awm ru, hunserh hman zawhah chaw chu kan ei nghal mai dawn nia" a tih hnuah a thianten an rawn kohna lamah min kalsan a "Inu kha ka kawmngeih tur chi" ka tih chuan a nuih a za ngang mai.


"I kawm rual ani em ni? "

"ka sawi i man lo emai a, chutianga thian kawm angin ka ti hleinem"


"awle awle thinrim awihloh, lokal rawh ka room ah ka hruai ang che" a tih chuan ka aw rang nasa.





Mi an tam angreng sia, hmelhriat an awm vaklo nen ka ți deuh dak.


Inchung kan chhoh dawn chuan kan hnunglamah thawm huk ka hria a, ka hawiphei chu ka tumloh deuh ka hmu "Sir!" ka ti sep.



Sir Rema leh a nupui chu an lo lut mek a, an rawn nui lut sang bawk a an inhmeh takzet!



"I hria maw?" Rl-an alo tih chuan ka bu nghat "ka putea anih saw" atih chuan ka melh rang lutuk "Sir Rema saw i putea maw?" khawvel zim zia hi.


"nie... ka nu te unau zinga naupang ber anih saw, engtin nge i hriat a?" na.... ka sawi zak e a.



"ka hre ve tawp chho ang" tih pahin ka kalsan daih.


Sir Rema hi hman ah ka thiannh tutor ani thin a, chuta tanga hmelhriat chu ka ni nghe nghe, a hmeltha ka tia a hunlai kha chuan ka vei ve thin mahse a ke țang ka hmuh khan ati bam ta vek. A hmel ka hmuhin a ke țang ka mitthla tel nghal zel a, ka hmu hmeltha thei tawhlo hrim hrim.


Tunah chuan nupui a nei tawh a, a nupui pawh hi a student hlui an tia chiang tak chuan ka hrelo na chu an sawi danah a dik ang ka ring.



"awi... room ivan nei nuam" a room kan luh rual rual chuan ka hawi kual nghal ruai a, a zau lutuk lo na in zim erawh a ni lo.



Room lai takah khum a inhung a a sirah cycle a inhung ran bawk. Bangah thlalak a intar nual a, lehkhabu a nei nual bawk, a felfai em em bawk a nuam tak ani, balcony zau nuam deuh ala chhawm zui!



"ehe heihi ka chhiar ve duh ka hawh dawn aw?" ka tih chhan min rawn bih pui a "Fifty shades of Grey maw? ka chhiar ngun pauh leh ngaihnawm ka ti, ka lehkhabu te ah chuan ka favourite anih kha. Ka U te pawn hawh min dil thin a mahse ka phal ngailo, nang ini bawk a i hawh dawn nia" atih chuan ka lawm lutuk in ka kuah thlawp a, nui hawk chungin ani pawn min kuah let a.



Kawngka lamah thawm a awm vang chuan ka hawiphei a H-a leh Ruatthari te an lo ding ran "kan lo tibuai cheu em?" pawi tih hmel deuha Ruatthari'n alo tih chuan kan in thlah a "buai țep eng nge ni?" tiin ka bul ami chuan a chhang a, kei erawh ka ngawi reng thung.



"I nu in inhnuaiah a ko che a" a rawn tih chuan ka mit ka chet kual ralh " aw ka lo kal ang" a tih hnuah an pahnih chuan an kalsawn a "ka zu kal lawk ang aw, ilo kal ve duh em?" atih chuan ka lo ka lo thing, ka kal peih tawhlo hrim hrim.



"anih ka zu kal zuai anga ka rawn chho leh vat ang" atih hnuah min chhuahsan a, balcony ah chuan ka chhuak a, railing chu vuanin ka mit ka chhing a.


"mipa dang thlem kual chu eng nge a an?" ka sir lam atanga an ranw tih chuan ka hawiphei a, room lehlam balcony ah chuan min hmachhawn zawngin H-a alo ding reng.


Chhan pawh chhang lo chuan luhsan mai ka tum a "min chhang dawn lo em ni?" ngeiawm zeta nui chunga a rawn tih chuan ka thaw hak, a tisual hmasa tu awm hrim a min chhuah chu le!


"chhan ngai a ka ruat ta che anih chuan ka la chhang ang che" tih hmuk pahin ka luhsan a, khumah chuan ka țhu thla a, ka hun tawn ka ngaihtuah let hian ka lungawi thei hlawl lo.



Ka bialpa ve em em in min kawp a, Ruatthari nen kan inhmuh hmasak ber ni ka ngaihtuah let a, inti tatu takin a hmuh laiin H-a ka fawp anih kha, tunah hian min ngainep ngawtin ania ka rin ni.


Kawngkhar lama thawm a awm takah chuan hawi lemlo in "iva reilo ve eng nge alo sawi a?" ka ti a, chhanna ka dawn mai loh vang chuan ka hawi phei a H-a alo ding run, nichin lawk khan room lehlam ah a awm sia engti turin nge a rawn kal?



"eng nge i rawn tih dawn? chhuak nghal rawh" ka ti a, min ngai pawimawh lo zetin room kawngkhar chu a kalh a, ka hlau tlawng nghal ringawt "hey lo kalhnai tawh miah suh anih loh chuan ka au vak mai ang" tih pahin ka tho chhuak a, ani lah chuan ka lam alo la pan deuh deuh.



"ka sawi chu ka au vak mai ang" ka bul a rawn thlen rual chuan ka kawngah min kuah nghal ran a, au ka tuk chu ka hmuiah a hip bet a, ka hlauthawng zual.



"mipa dang i kuah a, i nuih bawk a ka lung iti awilo khawp mai " ka nghawng vel nul paha thaw lum ham ham chungin a ti a, ka hriatloh kar in ka mittui a luang.


Ka mittui luang a hmuh veleh min thlah a "Bawihduat!" min ngaihtuahna aw ri ka hriat leh lek phei chuan ka țah a chhuak zual, ka insut ta hlawp hlawp a "ka tihpalh! ka tihpalh takzet tih hlauh che kha ka tum ani lo, ka tihpalh lutuk" tih mawlh mawlh pahin min kuah a, țang thei pawh ka awmlo, tum pawh ni ila ka tal chhuak chuanglo ang.



A awm ah chuan beiin chhuak zetin a țap a, anin min chul hliau hliau pahin ngaihdam min dil reng bawk, a awm ka hahdam na leh ka thlamuan em em na thin ah ka bei a, a ruk tak chuan ka hlim in kim ngawih ngawih in ka inhria, mahse.... mahse a awm tlat hi buaina ani.


Chutia kan inkuah lai chuan kawngkhar lamah thawm a awm tlat "Zel... i awm em? kawngkhar hi lo hawng la" pawn lam atanga Rl-an a rawn tih chuan ka harhchhuak zawk.


Nilo kan awmdan hi a diklo hetiang awm tur hi kan nilo, talchhuah ka tum a H-a lah chuan min thlah duh țhak lo "kawngkhar saw i hawn rual la la in pawna ding pa saw tawp chin awmlo in ka sawisa ang, chuan lock up ah rukruk thubuai siam sak in ka awm tir bawk ang" a tih chuan awihlo fe in ka melh.




~~~~~~~~~~~


Show post links
Top

[Ngaia]

*OFFICER HVL-A*



Chapter-16

By Priscilla vl Ralte



"min thlah rawh" ka ti nghat a "hah! ka thusawi kha ka ti mai mai lo ania, a țul anih phawt chuan ka ti khawp ang, min nawrlui suh" ngeiawm zeta nuih pahin ala ti ang deuh deuh "eng nge i hriat a?" beidawng takin ka ti tawp, tih ngaihna ka hre tawh thlawtlo.


"engmah mahse duh pakhat ka nei "

"eng nge sawi rawh?" dawhtheilo zetin ka lo ti a "nangmah" tih pahin ka hmuia rawn fawh a tum a ka thle saw rang hle!



"Hruaizel lo hawng la" pawn lam atanga a rawn tih leh laiin "tinge a? a hawnsak duh na che nge" fiam deuh paha ti tu chu Ruatthari niin ka hria.



"ka hrelo nichin atang khan ka ko tawh a, min chhang theilo, bathroom ah a lut zawk emaw ni!?" atih leh laiin Ruatthari chu alo nui hak hak a "tikhan lo in buaipui rawh u, duat tur ka nei tlat" ati zui a, a rukim ka nuih a za ang reng, a duat tur lah chuan min kuah run mai bawk si.



Rl-a thawm chu a reh deuh a, min kuahna phelh ka tum chuan alo duh der lo "tal tal suh ka bawiha hi a ngaihtuah awm teh ania" a rawn tih chuan ka che ka tawp hmak, kha tiang te han sawi reng reng, ti awm anglo lutuk!


"Good girl" te chu ala ti deuh deuh "min thlah rang rawh" ka tih leh lai chuan pawn lamah hmeichhe ang thawm ka hria.



"hmeli rawn hawng rang rawh, ka awmlai ngeiin ka bialpa i tawmpui ngam amaw? Lo hawng rawh ka that dawn che" Ruatthari chuan a rawn ti tawn tawn a, thawm a dimlo ang reng sia, inhnuai lam ami ten an hre pha anih ngat chuan ka mualpho khawp ang le.


"eng nge ni vak vak?" tia nutling țawng ri ka hriat chuan ka thinphu rang zaih zaih tak ani.



"hemi chhungah hian hmeichhe awmherh leh zaktheilo zetin ka bialpa a tawmpui mawle!" thinrim hmel zetin pakhat chuan alo chhang a, ka thinrim ru țun mai.



"khatia tih vak vak tur ani ngailo, khawmaw keiman" tih leh kawngka kik ri in a zui a.


"awm in awm chuan lo hawng lawk ula" nem dam takin a rawn ti a H-a chu ka han melh a, min thlah ve ta hram, mahse kawngkhar chu ka hawng ngamlo.



Ka tawlh deuh hrut hrut ahmuh chuan min kuah pahin ka chalah a fawp a " a țha vek ang" ati sup a, kawngkhar hawng tura a kal chu ka hnungchhawn nghal hmak.



"Duata kan hmeichhe dukdaklo chuan alo thlem chhuak che elaw?" kawngka inhawn rual rual chuan Ruatthari chuan a rawn ti a, ka la hawilet chuanglo.



"Hruaizel?" Rl-a min koh ri ka hriat chuan loh theihloh a ka hawi angai ta.



Hreh zetin ka haw phei a, kawngka bulah chuan a nu nen an lo ding a H-a te erawh room chhungah an awm thung. Rl-a chuan min rawn pan vat a, engmah pawh a sawi chuanglo "ka lo zu chhuk ange" atih hnuah a nu chu a chhuk a, kan pali chauha kan awm ta chu boruak a uap leh churh tawh.



"cousin bialnu i nei ropui khawp mai, nang pawh khamkhawp lo che in ka bialpa alo la beisei ania" min thamloh hmel zeta ti tu chu rum theih tawp in ka melh a, min ten hmel takin min melh zui bawk.


Engvangin nge maw ani hmuhsitna hi ka tawrh reng bik ang le?


"nang uihur kha ka nunah rawn inrawlh turin engmah ini lo, i awmdan ang khan hmeichhia zawng zawng hi kan awm kherlo ania, nang anga uipa hur zawng a vak den den kan ni ve lo, ka nundan i sawisel hma in i nun kha enfiah hmasa phawt thin ang che" ka ti ve hlak a, min huat hmel kher mai.



"ui... uihur min ti amaw? kei hi maw? I va han zak theilo ve naupang te te si... I... "


"naupang te te pawh hian tisa nawmna kan inpe thiam khawp ania" ngeiawm zetin ka nui hak bawk.



"nang.... nang kha.... ka... i chaklo ang" tih pahin ka lam a rawn pan a, kan mipa te pahnih erawh in inrawlh na chi ah an ngailo te pawh ania nge an ngawi reng.




"hmeli uihur min ti maw?" tih paha min rawn ben a tum chu a kutah ka lo man sak a, ka theih tawka na in ka herh zui bawk, a na bawk aniang a țe ring khawp mai.



"vawikhat pawh kut min thlak tum leh teh, a aia na in ka herh sak tawh ang che, puitling i inti hle anih chuan keini naupang mai mai hi min khing duh suh, chuan maw saw i bialpa uihur lo duh em em tu saw eng atan mah ka tilo ania" tih pahin ka kut chu ka thlah a, a pai zui chawn chawn mai.



"kal ang Duata ka ril a țam țan ania" tih pahin a banah chuan ka kuah a, no thei ang berin ka melh bawk a, ka koh dan nge ka awmdan chuan a țhawng viau aniang țawng mai nachang a hrelo.



"Duata... " ka tih leh takah chuan "aw... awle" bah zetin a ti a, a biangah chuan ka chuk zeuh a, a lai chhe nasa.


H-a lam pawh hawi duh tawhlo in room chu kan chhiahsan a "chuti mai chuan ka kaltir hauhlo ang che" tih paha ka bana alo vawn vang chuan ka ding chat.



"min thlah rawh" sehchilh nak hian ka ti a, a ngai pawimawh lo kher mai.


"bawiha kha mi tenawm kha thlah rawh, i kut atih bawlhhlawh i hlau lo em ni?" hnunglam atanga Ruatthari'n alo tih chuan "nangkha lo ngawi hle hle rawh" ati hluk a, ka phu chiam mai lehnghal.



"thlah rawh" min vawnna rawn khawih pahin Rl-a chuan a rawn ti a, za lo deuh pakhat lah chu alo nui ro hak a, ka boruak a dik dawn lo tlat.



"min thlah rawh tlaiah kan inbe dawn nia " ka tih takah chuan min thlah ve ta hram.



" ani nen khan eng inzawmna nge in neih?" inhnuai kan chhuk thlak lai chuan min zawt a "amah kha ania" ka ti sep a, a hrethiam ta aniang a ngawi ta hmak a, nuamlo ka ti ang reng.

*
*
*
*
*
*

"aa... engpawh nise Ruatthari vang khan ngaihdam ka dil che, duh aiin alo țawng hlawj thin a, ilo hrethiam dawn nia" thupha a chawi sak chu țullo ka ti ang reng, mahse "a pawilo a ho lutuk a bialpa a duh luatah zah a hre tawhlo anih kha" nui sangin ka ti let a, amah zawk a inthlahrung a a nuamlo duh ang reng.



"kan buai a ta-lang ah ka rawn kal chhan pawh kan hmang thei hleinem le, kal ang lam suau suau ang" boruak thlak tum taka ka tih chuan a rawn nui ve ta sak a "mahse i nu kha ka hmu hreh teh mai nia" nichin a min lo hmuhdan kha a nuamlo hi ani tawp.


"a ho lutuk ka nu chuan engah mah a tilo ang Ruatthari thil sawi hi awih chin tawk a hria a, nangpawh a ngai diklo lo ang che " atih takah chuan thaw chu a veng deuh huai mai.



Hunserh kan hmanlai chuan ka hma zawnah tak H-a te pahnih chu an thu a, khaw hawi a tawi duh tak tak khawp mai. Han hawichhuak ila an mahni bak hmuh tur awm heklo, ka hawichhuak lo tawp, ka ke hi ka hmu hne tawh lutuk.



"kal ila " ka bul ami in min lo nghawk zeuh chuan ka hawichhuak a "khawiah?" ka ti deuh hu, ka hma ami te pahnih ka ngaihtuah nasat luatah an thusawi engmah ka hrelo.



"cake zai an tia kan va ding hnai ve ang chu" a tih takah chuan ka tho tharh a, a banah ka vuan nghat zat.


"cousin fimkhur rawh aw, hmeichhe zaktheilo tak tak chuan mipa pakhat vangin pakhat zawk rilru tihnat an hreh miahlo ania, an taksa an hmang thiam em em bawk" min tihchhan deuh taka Ruatthari'n alo tih chuan ka kut ka hum ruh nghek.


"lo ngawi ngam teh, i nunah chauh khan buai thin rawh, hmeichhia te hi nang ang vek an ni kher lo" ka chhan hma hma in Rl-a'n alo ti hluk a, a rukin ka nui sak.



"I hma ka ngaih vang mai mai mawle" pakhat lah chuan a haw duh țhak lo lehnghal a, han thinrim khum vak ngaihna a awmlo.



"hei kan fapa neihchhun in a kawppui a rawn hruai ve teh tlat a, bawiha cake hi han zai zawk teh u" Rl-a pa chuan ati mauh mai, ka zak nghal ngawih ngawih.



"Pa iti anglo e, khang te chu nangmah ni tan alawm, keini chuan kan lo inbarh zawk ang" cake zai dun ai chuan inbarh pawh ka la thlang fe!


"anih kan zai anga in inbarh ang" a pa lah chu a thutak em em mai bawk sia, mi an tam si ati zahthlak e.


A phawk ve hle aniang, ka pa nen an inkawm ngeih ngawt ang.



Cake chu an zai a, kut kan beng dar dar a, an nupa a an inbarh hnuah a zai leh a, kan lamah lo lek in "han inbarh ula, kan monu hual khan heihi barh ve bawk la" monu hual te min ti, a pafa bialnu tak tak emaw min ti anih dawn hi, a tih chi viau lo.



Min thlir țhup tawh si a inbarh loh theih ni ta lo, Rl-a chuan min barh a, barh tuma ka kut ka lek lai takin ka kutah tu emaw hian alo dawm a, ka hawilet rualin H-a kâ ah zawk ka cake ken lai chu a lut daih, mi awmho chu a thum hak a, pakhata lah chuan ka kut a thlah duh mai bawk silo.



"min thlah rawh, eng nge i hriat a?" vin si zawi sep in ka ti a, ka kuta cream kai chu a liak zeuh a "I hmui ang chiaha thlum tui anih hi" ala ti zui, ka va han hnek chak tak!



"babe.. " hnunglam atangin Ruatthari chuan min melh rum nasa, ka hlau lo ve chiang e.



Ka kut chu ka phih vat a, Rl-a kutah kaiin ka kalsawn pui vang vang "min thlah haw mai rawh, heti chuan a dik dawnlo saw mihring sawn zah tak tak a neilo, in mualpho tam mai mai" pawn kan chhuah rual chuan ka ti a, ka thinrim lutuk hi ka thawk te a buaiin ania ka hriat ni.



"chaw tal chu ei la" ti mahse "ka haw a țha zawk, buaina a awmlo zawk ang" ka ti tlat a, mahse le "awi... tah sawn thla min lak phawt teh" an in sir ah chuan phul mawi em em alo awm, photo booth an siam bawk a, vawiin chu chhelo ka inti hlarh hlarh bawk a thla la țeuh ang.


"haw i duh viau khan ka hre sia" nuih zar hmel takin a rawn ti a, ka nui tawp.



Nichina ka thinrimna kha chu a reh leh daih tawh, camera țha tawk nena thla lak chiah ka rilru ah a awm hrih.



"a sir lam deuhah khan tawlh rawh"

"I kut kha i lu chung velah dah la"

"kar deuh rawh"

"khati khan nilo"


"Lalremlian.... min dinsawn tur renglo khan ka mai mai rawh" ka ti hlak, nichin atang khan min din kual tir char char, pakhat pawh kan la la lo hrim hrim.



"mawi tawka chhuah che ka tum anih hi, photographer thu hi awih mai mai rawh" alo ti hluk a, thlalak status tur mawi deuh ka duh sia, ka hnial ta lo.



Rei fe thla kan lak hnu chuan a thlalak ho ka en a, a nalh hlawm lutuk ringawt!


"awi... tiang em em hian ila thiam tih ka lo hrelo reng reng, hetah phei hi chuan Gigi aia ka chhiat bikna ka hrelo, hetah phei hi chuan ka san hmel lutuk. Awi... a nuam e thlalak dawnah ka hruai ziah ang che" ka hlim lutuk hi ka khi țha reng mai.



Keimah pawh ka anglo ka inti hial, ka chhelo hlarh hlarh lutuk.

"ani reng dawn asin, mi hnial mi hnial vel a" min eiloh hmel zetin ala ti zui! Mahse ka haw phal lo a la nalh em asin.



"tikha chuan lung dam zan in ka haw thei ta, kal ang" a phone chu ka ban nghal zat a, keima thlalak ngei pawh ka en ning theilo chu ania, hahthlak zawk hian!

*

Ding reng heklo hun pawh a kal duak duak a, kum chanve zet a ni tawh. Khami ni bak kha H-a ka hmu leh miahlo a, min rawn belo a biak ka tum heklo, tihian kan ințha țhen tawpah ka ngai.


Ka pa sawi Simona pawh kha alo awm a, in khata cheng e tilo chuan kan inbe khat khawp. Amah a ngawichawi ang reng si a, min biak loh chuan biak ka tum bik chuang bawk silo a, a tum hmuk reng a biak a chakawm loh ve hrim hrim.


Inah a tawm reng zel a, ka pate'n a sawi sual tehreng nen a sawi ang teh ual chu ani lemlo, ina a awm lahin room ah a tawm chawt a, han biak nel theih a nilo.



Ema hian a ngaithei lo em em a, ani pui lah hian H-a chungchang sawi a bansan hmiah a, a hma zawnga kan inkar siamthat tum reng si. Ina a awm tawh hi chuan ka bulah a awm tlat zel a, ka room kalh ziah turin min ti bawk a, a rukin Simona lakah min veng tih ka hre reng.



"mate vawiin chu bazar ila" ka nu in atih chuan ka lo bu nghat, saturday ania tihtur em em ka nei chuanglo a, bakah ka nu nen kan awmdun khat lutuk a, a nuam phian ang.



Khua a lum bawk a tiin kawrfual thawl hnekhnawk ka ha a, new balance pheikhawk ka bun a, ka sam ka bawk a ka hman der.


Taxi la in bazar lamah kan chhuak a, kan taxi driver lah a hmeltha phian lehnghal a Priscilla-i chu ni ila ka bem leh hrim hrim ang. An ni pawh a Fine-a nen an la țha a, an lawmpui awm khawp mai.



"helai ami hi a thar lam" dawr panga ngawt ah a tharlam tiin min panpui tawh, a en a en a a zik a vuai atih loh leh a tel te emai ati reng a, engmah pawh kan la leilo, ka nu bazar pui ka sim hmak.



"naa... nu ka ning tawh, ka ril a țam thil ei phawt ang " ka ti nang nang a "chhuak hlek ila ril țam ti reng mai" min ti zek.



Blue moon's cafe ah ka luhpui a, an dawr hi kawngpui an anih mai bakah a view a nuamin a thawveng a, an thilsiam a tui in a tlawm bawk a, ka kal ngunna ber ani bawk.



Kan thil chah kan nghah laiin thla ka la kual a, Rl-a ka ngai rum rum, mawi deuhin a la thiam sia, vawikhat na na na chu thla min laksak turin ka la hruai ang.



"ehe saw saw i bialpa kha ani lawm ni?" ka nu in a tih hluai chuan a hawina lam ka en a, pangrem ang maia inkuah chial in H-a leh Ruatthari te an lo lut, mood an ti uih leh vek tawh.



Kan inhmuh lohna a rei tawh bawk a a rihna a hloh aniang a lang cher kuang a, mahse a hmel chu a tha em em reng tho.



"kan ințhen na a rei tawh" ka lo ti mai a, ka awm erawh a nuam teh chiam lo "engmah i sawilo a"


"sawi a ngai hleinem, kan ințhen ve ani mai a, breaking news pawh ani hleinem"



"sawnu vang sawn ami in ințhen?"


"naa... nu tinge vawiin hi ka bialpa hlui chanchin ringawt min sawipui i tum a?" ka tum bar tawh.


"sawnu vang saw anih chuan ka va chhuahchhal ang"


"awi nu iti anglo e, a nutling hna lo emai" ka nuih te lam lam ati za e a.



"hmeichhe dang vanga ințhen in nih chuan ka ti tak tak ang" ta deuh deuh chuan.



"ani tho a mahse ani lo aa... a ho lutuk a rei tawh emai" ho lam takin ka chhang, anih loh chuan ava ti duh tak tak ang.



"eh.... Zelzelte hetah eng nge itih a?" tia nutling țawng ri ka hriat chuan ka hawiphei vat, Rl-a leh a nutei te chu kan lam panin an lo kal a, ka lo nuih sang.



"hei ka nu nen kan bazar a, eng nge in tih zawk a?" ka lo ti luam.





~H. VANLALRUATFELA POV~

Bawihduati hlim taka a nui hmel chu ral atangin ka thlir reng, ka tello chuan a hlim khawp ang, kei erawh chuan natna bak ka thlen tlatlo.


****flashback*********

Christmas ni khan rinloh deuhin Ruatthari kha alo lang a, alo kal dawn tih a thawi pawn ka hrelo.

Bawihduati'n ka call a chhang duh bawk silo, ka nu te reng reng pawh hi nupui min neihtir an chak zek zawk lutuk a ka hmeichhe hmelhriat tawh phawt chu monu treat in an treat vek a. An tum angin mo an nei mai mai dawn der lo, an monu hual in hmabak ala ngah lutuk.




Rilru bet lo deuhin ka inkhawm a, banah lah chhungkaw thlalak an ti thul, tumloh deuhin ka awm ta zel a Ruatthari'n thla la ang atih pawh ka hnial a, ka nu in min nawr tlat vangin ka lakpui chauh nghe nghe.

"I nu te awm lai hi chuan min duat ve teh" ka beng bulah alo phun sur sur a, ka lo ner nak.

"hetah engvanga lo kal nge inih?" a kawngah chuan ka hmer a, na ati deuh nge a ner sawk a "ka bialpa te khuaah Christmas ka hmang, engdang vak nge i beisei?" nuih sak pahin ati a, ka thlah hlawk.



"hetah tihtur pakhat mah i neilo" ka ti hluk a "tak tak? I tan information tha tak ka nei maithei ania, promotion i hmuh phah na tur khawp" atih pawh chu ka uk sak lemlo..



"Rakhesh Kumar kha" atih chuan ka beng a verh zar mai "chhunzawm rawh" ka ti vat, a nui hak a "ani kha man in chak zek zek tih ka hria, ka pui thei cheu mahse phut ka nei" henu hi ka ring nghal bur tur ani lo.



"engtiang taka thuk nge inzawmna in neih?" ka tih chuan a hawi zak zak a "helai hmunah hi chuan a chi loh, in lamah kan sawi dawn nia" atih vangin kan inzui haw a, ka phone pawh ka ngaihsak hmanlo.



"Rakhesh nen hian kum chuang kan in hmelhriat tawh, ka pa thiantha tak ani, mahse a sumdawnna vang hian ka pa chuan a hnaih tha duh tawhlo a, mahse ka pa vau na tur thil a neih vangin ka pa chuan a thlah mai theilo.


Chu thil ka hriat veleh ka pa chu ka bia a, a chhan ka zawh in 'a nupui ka uire a, a hriat hnu pawn kan inthianthat na vangin min ngaidam a, mahse keiin ka lo thlah thei silo a a nupui khan min lo beisei ve reng bawk nen kan chesuak ta fo a, a hnuah a hrechhuak leh ta si a, a sumdawnna chungchang ka hriat chhuah rual khan ania.



Ani khan i nu bula sawi ah min vau a, kha vang khan ka thlah thei talo a' tiin min hrilh a, a tirah kha chuan ka thinrim in ka pa kha ka dem em em a, mahse ka pa rilru hah lutuk kha a taksa in a tuar a, damdawiin ah pawh kan lut nghe nghe..


Pa te nge nge chu ka ngaidam mai a, Rakhesh a lakah chuan phuba lak ka tum ruh hle a, ka pa hriatloh in ka hmu a, ka pa chungchang te hrilhin ka pa ai ka awh tur thu ka hrilh a, ka pa hrilh lo turin ka ti bawk.


Khami hnu atang khan ka pa chu a in hnamhnawih talo a, keiin a ai ka awh a, drugs kha ka hna ber ani mai. Alo thleng thar apiang hmun hrang hrangah ka sem darh a, amah an man theihna turin ka chesual lui fo, mahse a insawi fihlim zel a.




A hnu ah a hmeichhe sumdawnna ah min dahluh a tum a, keiin ka duhlo kha kan inhnial a, ka pa thah ah hial min vo a, ka hneh talo a. Hmeichhe hrang hrang an rawn hruai a, a țhen phei chuan duhlo in tlanbo an tum a, puih ka duh thin mahse ka thei bik tlatlo.



Ka duh aia ka luh thuk tak vangin chhuah ka duh a, mahse han chhuah mai dan tur ka hre ta tlatlo. Rakhesh khan bialpa ka nei anih ngat chuan min thehchhuah nghal tur thu a sawi a, chhuah ka duh lai tak ani vei nen ka lo bel chawt che a, nang lah chuan bialnu nghet ilo nei hman a, a pawi zo ta vek.



Ka pa chu a mu lai kan kai harh zo lo a, doctor te chuan drugs OD an ti a, kei erawh in rinhlelh ka nei thung.



A hnuah in chhui reng tih ka hria a, hei helai thleng thleng ka rawn kal phah anih hi, nang hi ka mamawh che a nangin min mamawh bawk. Rakhesh laka ka talchhuah theih nan min pui la, keiin i man ngei theih nan ka pui ang che.




Rakhesh hian min enthla reng a, bialpa ka nei tih a hria anih chuan min thehchhuah dan ngawt a ngaihtuah dawn a. Police ilo ni vei nen tunah pawh hian a rilru a hah tawh khawp ang.


. Chuvangin i bialnu kha dinhmun hlauhawm a a awm i duhloh chuan țhen la, ka bialpa ni rawh, kan tihtur ang ang kan tih zawh hunah chuan kan in thenhrang thei tawh ang" a sawi zawng zawng hi awih tur ani em ka hrelo, mahse han awihlo dawn ringawt ila dawt sawi hmel a pu silo.



A thusawi hi dikah lo ngai ta ila, kan man thei hlauh anih chuan a țha khawp ang, mahse Bawihduati ka kalsan a ngai tur erawh ka huphurh ani, tunah hian a mangang tawh ngawt ang.


Ruatthari sawi kha a dik, a tana tha tur ka duh anih chuan ka kaltir mai angai ang, Rakhesh hian a hria anih ngat chuan ani hi a bitum chat dawn a, a tana tha tur vek ani.



A missed call pahnih chu ka en vang vang a, call let lo ila tihian be lo tawp ila, a hrethiam hauhlo ang, mahse hetiang atanga bul ka țan lo anih chuan ka tan a harsa vek dawn.



"min ngaidam rawh, i him nan ani ka tih ni, min lo nghak rawh he buaina hi a zawh hunah chuan ka thlah leh tawh ngailo ang che"



******end of flashback *********




~~~~~~~~~~~~~~

chhiar tham lawih anih hi!!!

comment.... comment... comment


Show post links
Top

[Ngaia]

*OFFICER HVL-A*


Chapter-17

By Priscilla vl Ralte



"A tan vekin alawm thil itih, nakinah i ta ani leh em em ang" ka kut vuan chungin Ruatthari chuan ati sap a, thawk ka la hawk, hetianga ka hmuh theiha a awm reng chuan ka hna theihnghilh țhak in ka che ang tih a hlauhawm.



Kan thil chhui lah in hma a sawn thei bawk silo "cousin inhmuh lohna a rei ta hle mai" lo titu chu ka en vat a, Ruatthari cousin kha ani, a bulah Bawihduati a ding bawk a, chupa kut a vuan tih ka hmuh chuan ka kut ka hum ruh nghek.



"nia hei bawiha hi chawchhun ka ei chhuah pui lawk" ka bana min kuah pahin a ti a, a rukin ka ner nak.


Bawihduati hma ngai hmel takin a tawng a, a chetdanah erawh inkawp leh rem tawhlo turin ania a lan ni "bawiha?" nui hak chungin Bawihduati alo phun sup a, kan en ta vek tih a hmuh chuan a hmui chu a'n beng ringawt a "sorry ka film en ka lo ngaihtuah daih a" za lo zeta nuih pahin a ti a, ka lo khi sak, a mizia naupangchhia tak pawh ala ngai reng e.




"anih kan kal mai ang dear i nu ka nutei chu kan haw san mai dawn nia" Bawihduati bianga chul paha a tih chuan ka sa zak 'dear maw?' hah! an va lo thleng thui tawh awm ve le.


"nang......"

"in la tluang zel a a lawmawm in hmanhmawh hmel in ka hria" ka tawng hma hma in Ruatthari chuan alo ti zung zung a, rum zetin ka melh thung.



"aw nia kan kal mai" an tih hnuah an inzui chhuak a, zui ve mai ka tum chu ka kutah alo man leh "eng nge i buaina?" ka ti hmuk a "nang zawk hi eng nge i buaina? an ni kha i umzui ang maw? hetah hian an ni buaipui tura kal kan nilo" thinrim insum takin a rawn ti a.



Nie a sawi dik hetah hian hna vangin ka kal, ka insum theihloh luatah thil ka ti ching pen zo țep ani.



"kan dawhkan piah chiaha nutling pahnih țhu sirah chiah sawn min enthla tu a awm" ka hmui napkin a hruk pahin a ti sap a, a biangah dawmin a nghawng ka fawp a, chumi pah chuan a sawi lam chu ka melh zawk a.



Vai pakhat cap khum a thu a, min rawn melh zeuh zeuh tih ka hmu nghal.


Ka hawi chhuak leh chiah chu Bawihduati nen kan inmelh ta chat, an kal daih tawh emaw ka tia, min ten hmel zetin min melh bawk. Anih chuan nichina ka chet dan zawng zawng kha a hmu vek tihna, ngaihdan alo nei leh diam tawh ang.



Nutling thu pahnih bulah chuan ava kal a, eng emaw a sawi hnuah min melh tawh map lo in a chhuak hmak, ka hna vang chu nilo se ka kalsan dawn hauh silo. Ka nuna a vawikhat nan ka hna ka lo chelh kher kher hi ka inchhir ber ni ani ngei ang.



"a kal mai lovang i nau te i call dawn nge? " ka bul ami in alo tih chuan bu nghut in ka phone ka phawrh nghal a, ka nau te ho kan awmna hrilhin lo kal nghal turin ka ti a. Kan eitur chah alo thleng zui a, tu mah mah kan inbe lemlo.



"Ehe.... Hvla chu kan va inhmu khat ve" lo ti hluai tu chu ka en a, Bawihduati nu lek chu niin "I dam maw?" ka ti hul hak, a fanu nena kan buaina hi a hriatloh hram ka beisei.


"dam chu ani mai, hei i nupui em ni?" ati ta khauh, min nuih sang mai bawk si, chhan mai ngaihna pawh ka hre dawn hleinem le.



"ekhai hei chu Ruatthari ni rengin " a bula ding nu thau lampang chuan alo ti hluai a, a rawl a ring ve khawp mai.



"ehe nute i dam maw? inhmuh a va khat ve" ka bul ami chuan a ti a, an han inkuah vei chung chung a "Dam e ilo kal ngailo lutuk a, i pa boral hnu hian i rawn inlan tha duhlo riau" ati zui a, Bawihduati nu chuan min melh leh hrek thin a, han sawi mai tur ka van em em mai bawk si.



"ka buai thei em alawm" tiin an inthlah a "hei i bialpa em ni?" tiinna zawt zui a "aw nia hei kan ni ve naw naw mai" nui har har chungin a chhang a, sawi nuam atih hmel khawp mai.



"tihhuk lampang hi" a nutei bawkin a tih chuan "a hla tawhlo ang, in ha lo tat hriam ru" Lalruatthari chhan dan mai mai chu(h).



"chutia nang berin i neih ve dawn te chuan ran lu kimin kan ti ang" a nutei lah chu a phur hmel em em mai lehnghal a, ka kut ka humruh nghek ringawt tawh.



"titeh keini chu i kal teh ang, bawihi thianpa kha chaw ei ah ka sawm bawk sia, makpa hual tan chawhmeh tui siam angai tlat" nui sang chungin Bawihduati nu chuan a ti a, ka hawi phawk hle "an ni pahnih kha an inzui tak tak maw?" hetiang hi a thleng theilo.



"niang chu kei tak phei chuan ka hriatna ala reilo, alo zep ve țat a, ka dawp fe hnuah a sawi chauh alawm" atih phei chuan ka bing mup mup in ka hria.


"an fanu hi mo atana ka duh chi tak ania, han inzui deuh se palai pawh kan tir vat ang" Ruatthari nutei bawk chuan nui huah huah chungin alo ti a, thawk a pik țun mai.


*

"matei'n alo bia che em?" ka office a lo luh paha Emanuela'n alo tih chuan ka lu ka thing, hmanni a cafe a kan inhmuh bak kha chu ka la hmu zuilo.


"a thiante bula leng tura insawi si tun thlengin ala haw lo, ka nu mangang in min lo bia a, a thiante ka zawh kualin a haa tawh an ti vek bawk si" atih chuan ka tho vat, an zawn mai na tur ka hrelo mahse eng emaw tal ka tih angai "han zawn mai na tur a kal țhan deuhna i hria em?" tiin ka phone ka ban zui zat a.


"ka hre mai lo, park ah a kal em ka ring silo " ani pawh chuan han bawhzui mai ngaihna a hre biklo anih hmel.



"I call chhin tawh em?"

"aw ala theilo " tih pahin rilru pik hmel zetin a thaw zui a.



"ngawi teh! Simon Simona ani" tih pahin a tho hluai a, a phone a phawrh nghal zat bawk.



"nu khawiah nge Simona? " tu chu nge a sawipa chu ni, eng nge Bawihduati nen inzawmna an neih?


"eng a? inah a awmlo maw, ka lo haw dawn matei chu biak lo tum char char rawh" tih hrawk pahin a phone a dah zui a.



"eng nge awmzia?"


"Simona bak ani theilo, inah a awmlo a matei a biak tlang theihloh a, a tir atang khan awm turin ka duhlo reng ani, matei tan ani kha a thalo" tiin a phun zui bul bul a.



"chiang zawk in han sawi teh" a awmdan teh nuai hian awm ati nuam lo.



"ka pa unaupa fapa kan bulah alo awm a, mipa țha a ni lo, alo awm atangin matei tan a pawi ka hlauh vangin ka veng deuh chawt a, ka lo inthlahdah hman ani, matei chungah engpawh ati anih chuan ka that ang" ati nghut a, ka hrethiam ta kuar e.



"kal ang call chhin rawh, a location kan chhui nghal dawn nia" tih pahin ka office atangin ka chhuak a "Rinzual number lo chhui rawh a location zawng zawng nen engkim ka duh ang" ka ti nghal a.




"a chhang theilo" Emanuela chuan alo ti zui a, ka kut ka hum ruh nghek.


Chu mihring chuan a kut hmawr pawha alo tawk anih vaih chuan a damchhung a a kut hmangtheilo turin ka siam ang.



"sir location a a landan chuan khaw daifem ah a awm " Rinzuala'n alo tih chuan motor la chhuak nghal turin ka ti a.


Hna thilah lo chuan station kan chhuahsan ngailo, tunah erawh ka hmeichhia chin hriatloh in a awm a, ka hna chan ngai mahse ka nihna hmang tangkai in ka zawng tho tho ang.




Traffic jam a kan tan loh nan siren kan vuah a, kan tlang zar zar chung pawhin ka nau te chu ka la tur reng "tlan chak rawh" a khat tawkin ka ti reng bawk.



Speed limit kan pel tawh chuti chung pawh chuan a aia chak ka la duh fan, khapa bulah khan Bawihduati a awm anih ngat chuan kan tlai a hlauhawm lutuk.



Khaw pawn ramngaw dur deuh khupah kan tlan zel a, motor veivak pawh hmuh tur a awmlo. Kan thawm an hriat ka duhlo vangin siren pawh kan la thla tawh.



Rei fe kan tlan leh hnu chuan in tereuh te pakhat kan hmu hlawl a, thawm dim zetin kan inzui chhuak a.



Ka naute chu kut zaizir in in hual turin ka ti a kei, Emanuela leh Rinzuala te in hmalam atangin kan lut dawn thung.



Verandah kan thlen lai chuan chhunglam atangin hmeichhe au ri ka hria, ka rilru a hmanhmawh takzet tawh.



"min pui ru" Bawihduati aw ngei maiin alo tih takah chuan eng khaw sawi set set lovin kawngkhar chu ka tlawh hawng țhuai a, tlan lut nghal in pindan pakhat ah ka tlan lut a.



Khumah Bawihduati chu saruak deuh thaw in an lo phuar bet a, a chungah mipa hian a bawh ran bawk.



Pan phei mawp mawp in mipa chu ka phih lawk a ka hnek zui bur a, a rui deuh nge ni chhuatah chuan a thal hlawm ta reng, che zui tur a awm tawhlo.




Chupa pan leh ka tum chu Rinzuala leh Emanuela te an lo lut ve nghal a "mate...." tih pahin Emanuela chuan min tlanpel a Rinzuala'n chupa chu a tung tho vat bawk.



"mate ka tihpalh ka tihpalh takzet! ka lo veng uluk lo che ani ka tihpalh lutuk " tih mawlh mawlh pahin Emanuela chuan an phuarna a phelh zui a.



Bawihduati erawh a insut hliam hliam a, hriat tham siloh in a phun sap sap bawk, ka va pan hnai min hmuh veleh a tawlhhnung sawt sawt a, ka ding chawt.



Eng nge a awmzia? a mitah sawn kei min huatna mai nilo min hlauhna ani ka hmuh ni.


Engvanga kei hi min hlau nge anih? a hlauh turin engmah a chungah ka ti hauh silo.



"Ema haw ang, hetah ka awm duh tawhlo" min melhna atanga a mit la sawnin a unaupa chu a melh a "ummm...awle kan haw dawn nia" tih dam thlup pahin a jacket haklai in a taksa a khuh sak mawlh mawlh a, kei erawh ka dinna ngaiah che sawnlo in ka ding reng.



"Nangni unau kha ka that dawn che u" aw țeng chhuai in kan misuala chuan alo ti a, a che zui chu Rinzuala'n alo pawt bet "zawnga min thlah a nghal rawh" tih hluk pahin hnek a tum zui a, va pan hnai nghalin a kawr nghawngah chuan ka țham zui a "ngawi reng khan awm rawh, chuti lo chu ka kut i tuar leh mai ang, khawih che hi ka chak zek zek ania" thupe aw ka deuh tak hian ka ti a, a nui sak duh chauh.



"khatiang khan min hua ang deuha lem chan kher a ngai hleinem le ka pu, i mi tirh anga che chauh ka ni tih i hriat kha " nuih suk paha a tih chuan ka bangbo hle.



"Simon eng nge i sawi awmzia?" hnunglam atangin Emanuela'n alo ti zui a "kha i nau khawih tura min ruai tu chu he in pu duh tak hi alawm, a hmeichhia in a duhloh vangin hetiang thil tenawm lutuk ti turin min ruai ania" atih chuan ka nui hawk.



"thu awmze neilo lutuk, nang hian dawtin min puh kual chu tumlo law law rawh, mi pangai nilo in police officer anih hi dawt a i puh" ka ti hrawk a, a ngai pawimawh lo khawp mai.




"I hna chu i hmang tangkai thiam e, ilo ruahman sa vek anga chet chu eng nge a an?" atih leh chuan ka dawhtheihna pan tawh nen a khabe ruh kual takah chuan ka hnek zui sawk a, thut chilh ka tum chu Bawihduati lo au țhawt vangin ka tawp chawt.



A lam. ka va hawi chuan min hlauh hmel takin min lo en a, va pan ka tum chu a ngai bawk a tawlhsawn in Ema phenah a ding ta tlat.



"Bawihduat min hlau suh engtin mah ka ti dawnlo che" dam thluam in ka ti a, a insut hraih hraih a, Emanuela chu ka mitmei zeuh a, min ringhlel hmel fe a min en in "mate hlauh tur a awm tawhlo, i bulah ka awm tawh hi kal tawh ang aw" tiin an inzui chhuak a.



Kan misuala bulah chuan ka thu hniam a "tuin nge tihtir che?" ka ti hmuk a, a chil chhak pahin a nui suk a "nangma min tihtir ngei anih kha, nangmah leh nangmah inhrem i tum em ni?" ati zui fak a, hnek leh tum a ka kut ka lek uai tawh chu a thil rawn sawi vang chuan ka tawp chawt.



"engmaw i sawi? " ka ti zui țhawt a "kha hmeichhia pawngsual tur khan ani lawm ni min rawih? inlak hero i tum vangin hre ru ranin hetah ilo kal a, a hun takah i rawn thleng chat bawk a, chutah kei min man chak zek zek angin i rawn che zui a, iti tha e pu Officer" min thamlo hmel zetin a nui zui a.



"kei hian ka tir hauhlo che, tu thangkam ah nge min awh i tum?" a phen ah hian tu emaw chu an awm chiang alawm.

*
*
*
*
*


"heng thilthleng zawng zawng a thluak vawrh ber tu i ni a, i thangkam ah ngei nangmah i in awk anih ngawt loh chuan tu thangkam ah mah awh na tur i neilo " nui sawng chungin ati zui a, ka tha za tawh nen ka hnek leh sawk a "A TAWK!!" Bawihduati chuan a rawn ti tuar a, a lam ka hawi vat bawk.




"Bawihduat! a thusawi hi ring suh, keimah ka nilo min talawh tir a tum anih hi" ka tih chuan a beng a hup tlat, min puih beisei taka Emanuela ka en chuan hriatthiam loh hmel takin min en let "heng thilah hian in hnamhnawihna ka neilo" engvanga insawifiah vak ngai nge maw ka nih le! He mihring tlak tlailo lutuk vang vek hi ani.




Ngawi rengin an unau chuan an inkuah chhuak a, zui ve mai tur nge ka hrethiam chiahlo. Engpawh nise he misual hi a thiltih dan zawng zawng leh a ruai tu thlengin ka chhuichhuah phawt angai.



"station lamah rawn hruai rawh" kan misual let hlawm reng chu a dul ah ka pet sak hram a, a rawn rum hrawk a, kawngka lam ka pan zui nghal.



Ka nau te dang ho chu inchhung lama mi hruai chhuak turin ka hrilh zui a, motor dang pawh alo thleng tawh anih hmel.



Emanuela te unau bulah chuan chuang hrihlo phawt ila a țha in ka ring, an unau mitmengah khan min rinhlelh na a lang miau ani...


He thil ti tu hi tu pawh lo nise thlamuang takin a awm rei tawh hauhlo ang le!




"tuin nge tir che? " tih hrawk pahin a thutna chair ban tawn tawnah chuan ka innem khalh a, ala nui mai mai te chuan ka thin a ti rim țun tawh.



Darkar chuang kan indawp tawh, chhanna chu sawiloh vawi engzat a tam pawh hnek in sawisa mah ila engmah a sawichhuak duhlo, hetiang tur khawp hian engzat a tam in nge an rawih ni!



"vawikhat chiah ka zawt leh ang che, chuta chhanna diklo min pe ani ngat chuan i chan a chhe khawp ang" tiin ka vo khar khar a "a tawp nan tuin nge tir che?" fiah fek fawk in ka ti a, min chhang duh ta chuanglo "a țha e i duhthlanna ka zahsak ang che" tiin ka kut ka phar hluai a "electric shock pek angai anih hi, rawn hruai ula a inpuan hma chu in shock dawn nia" tiin ka nau te ka hrilh zui a.



A hmelah chuan hlau hmel emaw a awmlo hrim hrim, ngeng ve ngalh ngalh tak ani, hetiang te chu ka enkawl chak zawng tak!



"Eng nge chanchin?" phone atangin Emanuela'n chanchin min lo zawt a, an ni erawh damdawiin ah an awm anih hmel "engmah a sawi duhlo, electric shock turin ka dahlut chiah" ka chal dawm vang vang pahin ka ti a "he thilah hian inrawlhna i neilo tak tak maw?" min ringhlel chiang ani.



"engmah inzawmna ka neilo, i duh chuan case hi i la thei ang" ka ti a, ka kuta a awm chuan a thla a muang hauhlo ang, a rinhlelh kha ka ni tlat a, a tuartu lah a unaunu alo ni leh zel nen.



"ka pa ka hrilh a, bail a tum ka ring chiahlo mahse case ka lak chu a rem tilo ang, ka zep lo ang a tirah khan ka ringhlel che mahse tunah chuan nang lo chu rin tur ka hrelo, ka rinna i tihchhiat loh hram ka beisei" ati zui a, ka chhang mai lo.



"inzawmna in lo nei anih erawh chuan a tuartu ka unaunu a nihna angin hremna na thei ang ber i tawrh theih nan hma ka la ngei ang" ati leh charh charh a "min ring suallo ang tih ka tiam ang che, a tuartu kha i unaunu chauh nilo in ka hmeichhe hmangaih anih kha, a chanvo a hmuh let leh theih nan ka theihtawp ka chhuah ang" ka ti sup a, ka ti mai mai lo bawk.




"sir kan misual chuan biak che a duh anih chu" Rinzuala'n alo tih chuan bu nghut in ka tho chhuak zui a, an dahna cell ah chuan ka lut zui a "inpuang turin i in peih tawh tihna em ni?" a hma zawn chiah chair a thutthlak pahin ka ti a, a khuh kharh kharh a.



Tui erawh far khat pawh pek ka tumlo thung "heng thil zawng zawng min tihtir tu chu....." atih laiin "Babe" pawn lam atanga tih ri vangin ka hawiphei a, kan cell awmna pawnah chuan Ruatthari alo ding reng, min lo nuih var var a "lo khawih sawn suh ang che u" ka nau te bulah tiin Ruatthari lam chu thinrim ru zetin ka pan a.




"eng nge hetah i tih?" ka ti hmuk a, ka aw rik dan atang chuan ka lawm vaklo tih a hrethiam ngei ang "aa... ka rawn tlawh zuai che a, i bialnu hlui chanchin kha ka lo hria a chuan ka rawn kal pah bawk a" ati zui sap a, a ruk chuan a inthlahrung ve anih hmel.



"engtin nge chutiang te i hriat?" thil thlenna ala reilo a tuman midang kan pun heklo, ani in alo hriat daih daih nachhan tur a awm hauhlo.



"aa.... ih... ka cousin in min hrilh a" ati bah nak a, ka ringhlel sauh "I cousin nen khan innel tak in nilo a, engvanga rawn hrilh che nge anih ang, chuan i cousin chuan engtin nge a hriat?" a mitmeng a tlanchhe nghal ruai mai.



Ka rinhlelh na hi a dik ngei ang, henu hian inrawlhna a nei ngei bawk ang.



"engpawh nise lo va haw rawh tihtur ka la nei" tia inher mai ka tum chu min lo koh leh vang chuan ka hawi phei a "ka rai! " ati ta mai!


Min țhawng lo ka tih chuan dawt chiang tak ani ngei ang, min țhawng takzet!


"I chiang em? i hriatsual ani em?" awihlo zetin ka ti zui a "ka chiang nichin khan damdawiin ah ka kal a, doctor in min check thlap hnuah ka hrilh che" atih phei chuan ka rilru a buai zo tawh.



"ka fa ani lovang" ti mah ila chiang takin ka fa ani tlat "I fa ani tih chu i chian kha, khami zan khan...."

"a tawk sawi zawm angai tawhlo, va haw la tumah engmah lo la hrilh suh ang che, kan inbe țha leh ang" ti nghut in ka inher san zui a, rilru pik zetin ka thaw chhuak a.




Hetiang reng a buaina nei reng tur hian eng nge maw ka tihsual bik le? Pakhat ka chingfel a a dang bawk an lo lang leh a, tunah phei chuan Bawihduati nen kan inkar a hla leh sawt dawn, heng thil a hriat hunah hian a țhawng khawp ang.



"sawi rawh tuin nge tir che?" tunah tak chuan ka thinrim hrikthlakna tur ka mamawh.



"I nau te zing ami Rinzuala kha" atih chuan za lo zetin ka nui ro hak "min bum tum buai duh suh, sawi țha vat mai rawh" dawhthei lo zetin ka ti leh a "amah kha ania lawm, kan awmna pawh kar lovah a rawn chhui chhuak a, khami in kan chhuah san hma khan inpuang lo turin leh ka luhlul ka chhuah anih chuan ka hlawh a san tur thu a sawi a, chuan thiam changa ka chhuah vat tur thu a sawi tel bawk" atih chuan ka hnek hawi sawk a.



"midang mawhpuh suh ani chu ani lullo ang" la awih duh chiahlo in ka ti a, he mihring vervek lutuk hian ka nau te nena kan inkar ah hem thlak a tum mai mai ani.


"I awih duhlo ani leh i thu ani e, mahse han chik la hetiang thil..... "


"ngawi hmak rawh hetiang tih duh chhan tur a neilo" ka ti hrawk a, za zetin a rawn nui chhuak a.


"han ngaihtuah chiang la i hmeichhia kha a itawm teh ania, kan chengho a a mizia lawmawm theih zia leh a sexy zia ka hria alawm, i mei pawh khan alo duh ru ve pawh ani thei a pu ve lai hmeichhia chu amah tawpin a khawih chhe ngamlo a chuan kei min ruai ta a... "


"I thu lawilo sawi kha duh tawk vat rawh!" ka ti hluk a "dawt ka sawi hauhlo ania" tiin min chhang let hram.



"pindan thimah khan khung ang che u, nihnih chhung tui emaw chaw a hmu tur ani lo, ka sawi hma chu chu hmunah chuan a awm reng ang " tia constable pakhat ka hrilh hnuah ka room lam ka pan zui a.


Rinzuala hian hetiang tih ngawt chhan tur a neilo, mahse hepa hian engtin nge amah chat hi a mawhpuh theih? Rinzuala hian min lo phatsan tak tak em ni?





" bawiha hei Ruatthari thil lo sawi kha thudik ani em? " ka nu in alo tih chuan ka thin a sa zak mai "alo bia che em ni?" ka ti hmuk a, ka lungawi lo khawp mai.


"aw naute chungchang kha min hrilh a, a dik anih chuan chhungkua inrawn khawm ava tha ve"

"aih nu chutiang angai lo, engmah ka rawn sawi hma chu lo ti suh u, ka rawn be leh ang che " ka tih hnuah ka dah zui a.



Lalruatthari hrep chu engmah sawilo turin ka ti chiang viau asin le.


Ka fa ani lo ti ngawt dawn ila khami zan khan eng emaw chu a thleng chiang si a, ka nu alo biak vang hrim hrim pawn eng emaw tak chu ka ti ang, alo rai tak tak anih pawn keiman engkim ka chian ang.


" ka inah rawn kal ang che" ka tih hmuk hnuah ka dah zui hmak a.



Station chhuahsan in damdawiin lam ka pan a, Bawihduati ka hmuh angai, thilthleng vang chauhlo pawn amah hrim hrim hmuh ka duh a, Ruatthari chungchang pawh sawipui ka duh.



"ka lo kal ania khawi cabin ah nge in awm?" garage ah ka car ka hun fel laiin Emanuela ka bia a "No 6 ah" atih chuan ka thlen vat tur thu sawiin kan inbiakna kan ti tawp a.



A sawina lam pan chuan lift ah ka chuang a, ka bulah hmeichhe pakhat a ding bawk a, a thawk leh hrawk hrawk thin avang chuan ka ngaih a tha chiahlo "hey thiannu i țha em?" a awm dawm meuha a thawk hrawk hrawk takah chuan ka pan vat a.



"ka...ka..." engmah pawh a sawi tha hleithei lo "thawhah i nei em ni?" tiin ka kuah zui a "inhaler i kawl em?" ka tih chuan a bag a kawk a, a bag ah lai chu ka la sawk sawk a, a chhung ami zawng zawng ka bun darh a, inhaler a awmlo.



"a awmlo anih hi mahse hlauthawng suh ka thawk rualin thaw la" tiin bengdaih tum takin ka bia a, chutih laiin lift alo inhawng ve chiah bawk "Isabela!" tih hrawk pahin mipa pakhat hian alo vuan chawt a "hmela ka bialnu hi thlah nghal rawh" English in pawr zetin a rawn ti zui a "I bialnu hian thawhah a nei ania a rang lamin doctor bulah hruai rawh" ka ti a, min nam sawn dawrh a "lo buai suh" tih hmuk pahin a bialnu chu a be mawlh mawlh a.



Ka kalsan zui mai bawk, cabin ka thlen chuan lut mai lo in thawk ka la te te a, engthil pawn min lo hmuak se tha takin ka hmachhawn ngei ang ti rilru mawlh mawlh in kawngkhar chu ka pawt hawng a.



"Eng thil!? " tih hrawk pahin ka tlan lut nghal a.




~~~~~~~~~~
eng nge thleng le?

I hriat duh chuan chapter dawt leh i chhiar angaih hmel.... nizan lamah post ka lo siamsual nasa a, ka inthiamlo khawp mai. Zanah bak phone ka khawih hman silo a in buaina pawh ka lo hre mai lo a, in hriatthiamna ka dil mawlh mawlh e.

Fb comment ringawt lo deuh hian whatsapp group hi kan siam mai dawn nge information pawh inpek a awl deuh anga, in ngaihdan comment ah lo sawi ru aw.


Show post links
Top

[Ngaia]

*OFFICER HVL-A*


Chapter-18

By Priscilla vl Ralte


"Bawihduat!! " tih hrawk pahin ka kuah thlawp a, khum bula button chu ka hmet a reilo ah doctor leh nurse an rawn inzui lut a "ka pu lova chhuak rawh, kan lo buaipui ange" nurse chuan min kaisawn titih a "ka kalsawn dawnlo a chungah engthil nge thleng ka hriat hma chu a bulah ka awm dawn" ka ti deuh tlat, tun dinhmunah chuan tumah hi ka ring zo lo.



Doctor leh nurse te ngei pawh tiamin, a damdawiin tiin thil thalo an pe ang tih mawlh ka hlau ani.

"kan tihtur kan tih theih nan min lo va chhuahsan rawh " male nurse in a rawn tih pawh chuan ka che duh mai lo "ka pu min ti khawtlai zel ania" dawhtheihna tlachham taka a rawn tih leh takah chuan ka che hrut a, cabin pawn lamah min chhuahpui nghal.



"eng nge a awmzia? " Emanuela lo luh tum nen kan intawk "Doctor ten an buaipui mek" ka ti sap a "engvangin? ka chhuah hma kha chuan a tha vek, nang hian a chungah engthil nge itih?" tih hrawk pahin ka kawr awmah a țham a "engmah ka thlen chuan na nei ni awm takin alo thaw kawk kawk a, chuan...."


"khawiah nge a thianpa kha?" atih chuan ka bo map.


"ka luh te chuan tumah an awmlo" ka ngaihtuah ngial pawn ka luh lai khan mihring hlimthla emaw engmah hmuh ka neilo, Bawihduati ka buaipui laia alo chhuak ru te anih ngawt loh chuan han pil bo hman na hun a awmlo.



"I chiang em? ka chhuah lai kha chuan an thiandun in an inkawm anih kha" a lu dawm vang vang pahin a ti a, a ngaihtuahna a buai ve hmel khawp mai.


"I chhuahna a rei tawh em?" țhutthleng ah chuan ka thu thla a "rei lutuk lo damdawi dawr ah ka kal a, coffee ka lam leh hnuah ka lo let chiah" ka bula lo țhutthlak pah chuan a ti a.



"ka luh kha chuan alo buai vek tawh a, thawk harsa tih hmel takin a awm a insep dawrh dawrh a, tumah an awmlo bawk a, a thianpa thiltih chu ani thei mai angem?" ka chhut fe hnuah pawh chupa bulah bawk chuan a tawp.



"ka hrelo rindan ka nei thiam rihlo, engpawh nise chanchin ngaichang ila ka haw pui ang, damdawiin ah pawh a him siloh chuan in lamah a theih ang angin ka che mai ang" ati sup a, rei fe chu inbe lovin kan ngawi ta ran a.



Darkar chanve dawnah doctor alo chhuak a, chanchin kan zawt vat "a damdawi ah khan damdawi chak lutuk a taksa zawhloh khawp an thun a, a lung a thleng tep nghe nghe, kha ai khan tlai ula chuan kan chhan thei kherlo ang, a taksa ah damdawi chu ala chambang a, a taksa a ti chaklo in a harhchhuak lawklo ang, hahdam a mamawh ber rih a, a bak chu hlauhthawn tur a awmlo e" a tih chuan ka kut ka hum ruh chu ka phelh riai riai a.



"anih Doctor in lama enkawl turin kan hruai haw thei angem?" Emanuela chuan alo ti a "aa.. hetiang dinhmunah chuan damdawiin a enkawl a mamawh ber a, mahse in ngaih a ngam zan lo anih erawh chuan in thu ani e" dam dapin a ti a "kan lawm lutuk e" kan tih hnuah nui sang chungin min kalsan a.



"Tim! i hah tawh em? eitur ka lo keng a" tia hmeichhe tawng ri ka hriat chuan kan doctor lam chu ka hawi phei a, hmeichhe pakhat raipuar hian nui sang chungin alo melh a "ilo kal a ka hah zawng zawng a bo vek, hey sunshine daddy ilo ngai em?" tih pahin a thingthi a chunu dul ah chuan a chuk zeuh a a be mawlh mawlh "hey mipa nge hmeichhia pawh kan hriatloh hi" pakhat in alo ti hlak a.



"a siamtu hian hmeichhia turin a lawm ka siam, ka sunshine tur hi lo chhuak vat rawh se" pakhat in alo ti et a, ka nui suk, nupa hlim thei tak an ni ngei ang. (Timtim te ka rawn telh zuks, keimah ber hian ka ngai a)





Bawihduati chu in lamah an enkawl zui a, doctor an ruai ani awm e, na lutuk neilo rawn harh mai tur anih laiin kha damdawi vang khan karkhat teh meuh nikhaw hrelo in a awm tawh.


Kha a thianpa pawh khan ava tlawh ziah ani awm a, ka rinhlelh vangin Emanuela bulah Bawihduati nen chauh awmdun tir lo turin ka chah fo.



"bawiha naute chu engtin nge tih i tum tak? Tihtlak te kha inlo tum mai mai ange, palai hi kan tir mai dawn nge, sâwn man min țhing lem bawk silo" ka nu nen kan inbiak tawh hian naute ati khu chuk reng a, ka ning zozai lutuk.



"nu... keiman ka buaipui mai ang lo buai suh u" ka ti deuh hmuk, Ruatthari pawh tun thlengin ka be lehlo, zep turin ka ti mawlh mawlh a, a thu alo kaltlang pui vangin a lakah pawh ka lungawi lemlo.



"Ruatthari kha han ngaihtuah la, ani tan sâwn pawm chu a zahthlak dawn asin, a pum a puar tak tak hmain insawi fel angai alawm" ani pawh chu a lawm vak hmel tawhlo.



"chung te chu amah pawn a ngaihtuah thleng vek ang chu, a zaklo ani mai alawm" ka ti awlsam et a, ka nu a țeu hlar mai.



"khatin ti reng reng suh, hmeichhe mualpho na hi ho te ani tih hre ta che, mipa ho hi in ngaih a sam leh lutuk a, hmeichhia zawk in dawn leh ngailo a, demna keimahni ah vek an burbun a, i fa ani tih hria la i mawhphurhna hria ang che" atih hlak hlak hnuah a dah zui hmak.



Ka chair nghenchhan chu ka ngheng rawk a, ka thluak a buai zo tawh. Lehlamah ka hna ania, Bawihduati case buaipui ka ngai bawk Simona lah kha tun thlengin ala inpuang duh bawklo a, tunah buaina belhchhah turin Ruatthari leh naute an lo ni leh a, heng ka buaipui na vang hian ka buai zo vek tawh chu anih hi.



"sawi rawh"

"matei alo harh a Simona hmuh a duh ilo hruai thei angem?"


"engvangin nge ani chu hmuh a duh a?"

"ka hrelo mahse lo hruai phawt mai rawh, a hnuah tihdan tur kan ngaihtuah dawn nia" atih hnuah a dah zui a.



Ka chair atang chuan tho in ka car chahbi ka la a station lamah ka inkhalh chhuak zui nghal.



Bawihduati chuan engvanga amah pawngsual tum tu chu hmuh duh tlat nge anih ang!


"kan mi tang kha lo hruai ru chuan motor in min lo zui dawn nia" station ka thlen veleh ka ti sawk sawk a, midang ho pawh chu an insiam mawlh mawlh a.



"sir kan mi tang hi kan kaitho zo lo" pakhat in alo tih chuan ka kalpel a, kan mi tang dahna ka thlen chuan Rinzuala'n a hmaia beng mawlh mawlh chungin kai harh alo tum a.



"engtin nge a awm? " tih pahin ka thu hniam ve thuai a "ka hre mai lo mahse a awmdanah OD anih duh hmel khawp mai, damdawiin lam kan panpui dawn nge?" atih laiin a marphu ka dek a, tlem in a phu ve det det.


"a rang lamin panpui ang, a marphu ala awm" ka tih chuan a bu nghut a, motor lamah kan zawn lut a.


Damdawiin lam kan pan lai chuan Emanuela chanchin ka hrilh a "tun a takah engtin nge a OD theih?" rilru hah hmel fe in a thaw zui a.



"ngaihdan ka nei thiamlo, khata ka hruai tur thu kha tumah ka hrilh silo, thil awmdan hi ka hrethiam theilo " ka rilru a buai zo tak tak tawh.



"tunah khawiah nge in awm?"

"damdawiin lam kan panpui mek, a marphu ala awm a" ka tih lai mek in "sir" walkie-talkie hmangin min lo bia a "chanchin ka rawn hrilh leh ang che" tiin ka dah zui a.



"sawi rawh" tiin lehlam ami chu ka be nghal a "damlo marphu hi a awm tawhlo, a chil a rawn phuan bawrh bawrh a" a rawn tih phei chuan beidawng lutuk in ka thaw hawk.



Amah ruai tu pawh ka la hre em lo asin mawle "awle medical report ka duh dawn a, damdawiin lam chu pan tlang ru" ka tih hnuah ka off zui a.



Tu emaw chuan min thlithlai reng ani, kan mi man pa damdawi pe tu pawh kan station chhung ami ani ngei ang, ka hnunglam atang min phiar ru tu chu tu pawh ni rawh se, ka manchhuah hunah chuan a chaklo khawp ang.



Damdawiin ka thlen hnu lawkah ka nau te pawh an lo thleng ve nghal a, ER ah kan luhpui a, hmanni ami doctor bawk khan alo buaipui nghal vat.


"damlo hi drugs pek ani a, a medical report kimchang chu naktuk lamah a lam theih ang" an enkual fe hnuah a rawn ti a, ka lo bu nghat.



"Tim ka ril a țam viau ania canteen ah kal ang" hmeichhe pakhat doctor ve tho chuan a banah a rawn vuan chat, kan doctor pa lah chuan a nuih sak a.


Ka hrethiam ta hauhlo hmanni lawkah a nupui raipuar hmangaih hmel takin a awm a, tunah a thawhpui ngei mai nen an ni leh a, a tenawm ru zek ania nge.



"I nupui raipuar kha khawiah nge?" ka ti sup a, a nui hmel a tawp hmak, kei a tehreng pawh hi tinge maw mi buaina ah inrawlh ve phet ka lo tum ni!



"eng nge a awmzia?" hmeichhia chuan hriat thiam loh hmel takin a lo ti a "aaa... ka.."


"I nupui raipuar kha mawle" a talawk ti tih der, chutah za em em in a rawn nui ta hawk hawk a, keimah zawk chu ka bo ta map mai.




"ka pu ka phirpui nen min ngaihpawlh anih chu, raipuar kha a nupui ania, kei erawh ka la tlangval, chuan heihi ka bialnu anih hi" ati zui zat a, ka zak let zawk hlauh.


"a zialo hle mai " tih bak ka sawi theilo "a pawi reng renglo kan inang thawkhat em alawm, kan chhungte ngei ngei pawn min hriatpawlh fo alawm" ka dara rawn ben dat dat pahinna ti a, nuih a sak țalh țalh khawp mai.



Lo inrawlh lo law law ila tha nimai tur "Babe!" kan piah ah chuan Ruatthari alo ding reng, nui sangin min lo pan a "hey damlo nu i tha zel maw?" hmeichhe doctor khan alo ti a "tha zel e" Ruatthari chuan ka banah a rawn vuan chat.



"heihi em ni naute pa chu?" min melh pahin a zawt zui zat.



"aw nie tha itih zawng ani em?" intihtheih hmel zetin ati zui a.


"tehreng e... naute in a chhun phei chuan ven reng angai ang, i bialnu hi enkawl tha hle rawh, naute tha taka a hrin theih nan theihtawp in chhuah dawn nia" a tih hnuah min kalsan a.



"hetah eng nge itih?" ka ban a vawnna chu ka phelh nghal a.


"in check up turin, hetah eng nge itih zawk, min kalpui tura sawm che ka tum a mahse i hmanloh ka ring a" inthlahrun hmel takin ati zui a "naute kha ka fa ani takzet em?" ka ti khauh.



A. hmel chu a buai deuh map mai "I fa anih i ring lo amaw, i fa nilo se tu fa nge ni se itih" thinrim takin a rawn ti zawk hlauh.



"tu emaw i chhar fuh fa ani thei a" elhsen zetin ka ti zui a, a huat hmel kher mai "enteh i lakah chuan ka easy maithei mahse mipa na zawngin min thei bik hauhlo ania" ati hlak a, ka dar ka san ak.




"Rakhesh a chanchin update i nei tawh em?" tiin min zawt ta daih "ka ngaihven rihlo" ka ti sup, Bawihduati vang khan Rakhesha ka chhuina pawh ka chawlhsan rih.



"a inah a haw zeuh zeuh tih ka hria a, tunlai tak phei chuan a hna lamah a inhnam hnawih rihlo niin ka hria, chhunzawm leh la tha ka ti hle mai, ka pum a lo puar hunah chuan ka pui thei tawh awm silo che a" tih pahin pawn lam a hawi a.



Pawna mix chu alo melh reng chu niin "I ei chak em ni?" a hmel atang chuana eichak tih ka hria, hmeichhe raino chuan eichak an ngah thin tih ka hria, ka fa ah a puh miau a, finfiahna ka neih hma chu ka hna a min puih vang tal pawn ka ngaihsak rih ngaiin ka hria.



"chak deuh tho" ati sap a, a kutah kaiin dawr lam chu ka panpui a "ka pi mix kha 40 man min lo siam aw, thak lutuk lovin, chuan tel kha tam lutuk lo in, aa... hmarcha kha chu telhlo law law rawh" ka ti zung zung a, ka sir a ding chu alo nui kur kur mai.



"Vala i duh dan ber han sawi chiang la" a zuar tu nu pawh chu a nuih a zat hmel viau.


"a thaklo in zikhlum leh chana kha tam deuh hlekin chuan tel kha telhlo aia telh ang khan i ti dawn nia" ka tukhum hiat nauh nauh pahin ka ti a, nui vur vur chungin a siam zui mawlh mawlh.



"keichu mipa tumah hi ka ring dawnlo, an ka atangin dawt bak a chhuak ngailo, a bikin police officer phei chu dawtsawi an training tel a an thiam em em mai lehnghal a. Hmeichhia lah a dawh peih apiang an rai duh a" kan sir lamah school naupang dingho chuan min melh zawk pahin ati sup a, min melh dan leh a sawidan hmangah chuan min tihchhan deuh titih in ka hria.



"min duh pawh nise police officer berkher hi chu ka ngaizawng ngailo ang, hlawh nei pawn ka ngaizawng der peihlo ang" tih pahin min melh leh zauh a, a hmel chu a hmuhhnu ni tlatin ka hria.


*
*
*
*
*

"keiphei chuan a ten in ka ten ngawih ngawih tawh, mizoram police ho hi ka ring thei tawhlo hrim hrim, ka hmelhriat pakhat phei chu maw bialnu a neih lai rengin hmeichhe dang Christmas te a hmanpui vel a" a thiannu in alo tuihnih ve bawk a.



An sawilai hi keimah ngei ka ni, ka hriattur kherin an han sawi a, tunlai tleirawl ho hian thianchhan an lo pe na ber anih hi.



"tu chungchang tak sawi ang maw" Ruatthari'n ka beng bulah alo ti sap a "hey ka thiannu bialpa hlui, in nu chuan Christmas laia in tihsual rah a tel mek ani maw!" kan sir a mi te chuan an lo ti lauh a, an nui dar dar lehnghal.



"chung naupang mai mai chu(h) i hre ngai em, an va nghal ve le" thinrim țeuhin Ruatthari chuan ati hlak a "awm tir mai mai rawh, an thiannu thlavang an hauh anih saw" ka tih sak a, ala lungawi loh hmel khawp mai.



"hey... ka pi awh nilo thiannu ni chuanglo, hmeichhia awh... ni lehlo ka thiannu bialpa hlui bialnu thar i pum chu engtikah nge a rawn len dawn" ngeiawm fahranin an rawn ti leh a, ka bul ami chu sa tawh tak ani.



"nangni naupang puitling thil ah rawn inrawlh suh u, zaklo hlawm lutuk mai zilh lo fa ang mai" a ngawi mai mai thei thin lo hi alawm buaina a neih fo nachhan.



"enga! zilh lo fa min tih khanglan chu(h) nang bak bak a zilh lo fa, mi bialpa pawh chuh duh, mi pasal pawh i zuah chuangin ka ring nek lo ve, hmeichhe sihhnip lutuk in min han zilh ve chu ania, ka tha ava na deuh ve" pakhat lah chuan alo ti zek!


"ka duh duh danin ka awm ang lo inrawlh buai suh u"


"ni e ni e ni mai zel e, keini zilh loh fa hian kan mizo nunmawi aia upa te zah thiam in tih kha kan la chawi nung ve zel a, kan rawn inrawlh buailo ange i nunah chuan ka aia upa, nang pawh kan nunah buai bik suh aw ka aia upa, ka duh chuan ka chhang ang che aw ka aia upa" pakhat in alo tih chuan kan bula mix siam nu pawh a nui tawp.



"Iva han tawngthei zit zet tak" Ruatthari pawn hnial ngaihna a hre vak tawhlo aniang.



"ka lo tawng theih zit zet vanga i pawi ka lo sawi anih chuan min ngaidam. dawn nia ka aia upa" pakhat lah chuan chhan dan a tum ngei tih lah a chiang.



A thianten an support tha bawk a nuam an ti zawk in ania ka hriat ni.


"Pi mix kha thak mang ta ran in siam rawh, ka aia upa khan tui ati viau ang, hatkawra tui in han thur bawk la, awi ka chil a put ka aia upa" ngawih mai mai chu tumlo ve tak ani, a nghal phian lehnghal a.



"nang naupang.... " tih paha Ruatthari kal tum chu ka pawt let vat, inrawlh buai lo law law rawh se.



" het ka aia upa i thil sual tih i pumah a awm kha, mahni fa rual an khing an khing ngailo, a upa zia lo lutuk ka aia upa" kan tleirawl pawh chu ava han tawngthei chiang!



"babe eng emaw ti teh" a tap deuh pur tawh "engtin nge ti vak se min tih, țah kha tum reng reng suh, naupang mai mai an nih saw sawtiang țah chhan a tlinglo" ka lo ti hmuk a, kan sir ami te lahin kal ta'nge an ti bawk silo, min melh a an nui leh ham ham a, nuam an tih hmel phian.



"ka aia upa i hmingin mix kan ba ania, 100 man aw " rawn tih lauh pahin an tlanchhe dual a, min ti hawihai ang reng.



"khang naupang ho ka huat dan kha, ka pi mix kha an ba tak tak ami?" tiin kan bula nu chu a zawt nghal a "ba chiang e an duhkhirh bawk si, ka aia upa sawn a pe ang che an ti anih kha" alo ti et lehnghal a Ruatthari pawh a thinrim tih ngaihna hre silo in a ke a per a per ringawt.






"medical report chu eng nge?" ka room ah Emanuela alo lut hlawl, bawihduati damdawiin atanga an lakchhuah hnua a rawn kal leh hmasak ber ani.



"OD ngei ania, khatia a buai hnu khan pek belh leh ani bawk a, kan station chhung ami ngei thiltih anih hmel a, han rinhlelh mai tur ka hre chiahlo " tiin thil awmdan ka sawi zung zung a.



"Rakhesh kha i chawlhsan ta hmak em ni?" ka hma chiahah chuan a rawn thu thla a "tun ami hi ka chhui phawt angai, khapa kha chu a awmdan Ruatthari'n a thlithlai reng a bawhzui vak ka tum hrihlo" ka lo ti a, a bu nghat nghat mai.



"matei thianpa kha alo la kal fo a, a sawidan ah khami ni khan a nu in alo call vangin chhang turin a chhuak tih a sawi a"


"ka thlen khan alo buai fe tawh a, doctor ten darkar khat dawn an buaipui bawk a, chung chen chen an inbe hauhlo ang, he thilah berkher hi chuan amah bak rinhlelh tur ka hrelo" ka lo ti hmak a, ani reng bawk anu chuan lo call ta tehreng pawh nise damlo awmpui ania, darkar khat dawn sawitur an nei hauhlo ang.



"keipawh ka ngaihdan chiah ania"


"thudang daih Bawihduati khan kan misual kha eng vanga hmuh duh nge anih?" a rawn harh veleh a hmuh nghal a tum khan chhan a nei ngei ang.



"a sawilo a hnuah khan ka zawt a chhan mumal tak han sawi tur a neilo, a biak duh thu kha a sawi ringawt a" ani pawh chuan ngaihdan a nei thiam vaklo anih hmel.


"engpawh nise ka'n nau te ho hi kan enthlak reng an ngai ang, tupawh hi" ka tih laiin Rinzuala a rawn lut hlawl.



"ka rawn tibuai lo che u maw" tiin a rawn nui lut a, kan thusawi kha a ngaithla ru em lovang chu.


"tibuai lo ve nang hi Simona hmu hmasa ber tu kha ini tiraw?" tiin Emanuela'n a zawt zui zat.



"niang chu engtin nge procarboxypeptidase damdawi vang lutuk kha a tawlh ruk theih ni! " a tih chuan ka lo melh kawk! (damdawi hming hi ka phuah chawp aw)



Medical report kha keima lam ani a, tumah a damdawi hming kha ka hrilh bawklo a, ani'n alo hriat daih theih dan chu chhan pakhat chiah a awm.



"Emanuel chhuah na tur kan nei" tiin ka ding hluai a, mak ti zetin min en haw a, ka lu ka thlek nghal vut ah chuan a tho ve nghal a.



"kan rawn let lehlo maithei a emergency a awm chuan min lo call dawn nia" tih pahin ka chhuak nghal a.


"engati teh vut nge?" ka car a kan luh hnuah min zawt ta nge nge "rinhlelh ka duh ngailo mahse amah bak han hmehbel tur hrelo" ka ti hmasa te te a.


Ka thawhpui mai nilo ka thian ni bawk hi ani ang tih rin ngaihna ka hrelo, mahse anih ngei ka ring si. Lo ni ta se engvanga ti nge anih ang?



"tu chu maw?" a hriat thiam loh hmel khawp mai.


"Rinzuala "


"enga? I chiang em? engtin nge i hriat?"


"nichin lawk khan, a hmu hmasa ber tu ani a, a damdawi hman erawh a hriat nghal a rinawm loh, a petu ani te anih ngawt loh chuan"


"han sawi chiang vat teh! " ati leh sek sek tawh.


"nichin khan a damdawi hming a rawn sawi a, damdawi hming kha medical report ah khan a lang ngei a mahse keimah chauhin ka la hria a, tumah ka la hrilhlo, chuan ani khan alo sawi nghal chat thei a, a awmzia chu amah kha damdawi pe tu chu ani" ka ti chuai raih a, mak a tih hmel khawp mai.



"engvanga ti nge anih ang?"


"kha zawhna kha kei ngei pawn ka chhang theilo amah chauh lo chuan" ka thiantha ber a ka ngaih hi kan misual zawn reng ani ang tih rin a harsa khawp mai.



"engtia han bawhzui zel nge i tum?"


"ka hre mai lo mahse amah hi enthlak a tunge a hmuh emaw a biak thin kan zawn angai, chuan bawihduati thianpa pawh kha va hmuh ka duh ang, eng emaw zawh lawk ka duh" ka tih hnuah kan in khalh chhuak a.



"in fapa biak lawk kan duh a" Rla an tih te inah kan kal a, an awmpui ni awm takin a awmlo ati deuh tlat a, ka awih lemlo.



"a awmlo a ka pu nidangah in lo kal dawn nia" a tih laiin inchung atangin "tute nge?" kan kalchhan ber chuan a rawn ti lauh a, ka hmaa ding nu chuan min hlauh hmel ta viau mai.



"a leng emaw ka ti a" ati niah niah a, ka kalpel zui nghal "Remlian biak che kan duh a" Emanuela chuan a ti a, kailawn atangin a rawn chhukthla thauh thauh a, a hmelah zam hmel emaw a awm lemlo.



"engthilah nge?" tih pahin kan hmazawn ah tak chuan a rawn thu thla a.


"khami ni a damdawiin a thilthleng chungchangah khan" ka lo ti a, min rawn melh zawk a "nangchu Ruatthari bialpa kha ini maw?" ati ta khauh a, kan zawhna nena inmil lo deuha min zawh let daih vang chuan ka melh rum ngang mai.



"khalam kha chu nakin lamah aw, khami ni khan i nu in alo bia che maw?" Emanuela bawkin alo ti a.



"bia e... in lamah thil pawimawh a awm thu a rawn sawi a Zeli kha ka kalsan thei silo a ka hnial kha min rawn hau let nek a duhai in kan inhnial rei a" a thusawi lai chu chik zetin ka lo en a, han rinhlelh tur phei chu ka hmulo.



"anih i kalchhuah laiin matei kha a muhil tiraw?"


"aw kan titi lai rengin a muhil a tihharh ka hlauh vangin pawn lamah khan phone kha ka chhang reng bawk a, keihi min ringhlel chu ani em lo maw"



"chutiang lam nilo e thilthleng kha kan han chhui zui mai ania, a thu phungin kan zawt mai mai che mawle" an inbiak chhung zawng chuan ka lo thu ngawi ran a, a tawng apiang ka lo en deuh tawp.





"ka awmdan vang khan rinhlelh chu ka kai ngei ang tih ka hria mahse ka tih a nilo, ka thiannu ani a tihnat chhan tur ka neilo, a chanchin ka hriat khan min țhawng em em zawk a, rinhlelh ka kai hi ka ring lo asin" ati vei sup a, lungngai ve tak tak hmel pawh a pu in ka hria.




"anih chuan kan rinhlelh loh chhan tur che chhan tha tak min pe thei em?" tiin ka tawng chhuak ve a, min rawn en nghal a, alu a thle buk a.


"nei tehreng e ka nu pawh in zawt thei ang, ka call history pawh in check thei ang" tih pahin a phone a phawrh nghal zat a, chutia phal ta na na na chu ka laksak a.



Wallpaper a bawihduati nena an thlalak dun ka hmuh chuan ka sa phat "heihi eng nge a awmzia?" thinrim takin a hmai zawnah phone chu ka lek a "awmzia a awm lemlo, ka hmang ve mai mai anih kha" alo ti et a, ka bana Emanuela'n min lo vawn vang chuan ka insum deuh a.



Call history chu ka check a khami ni a anu nena an inbiakna chu alo awm ngei a, call pawh incoming ani, darkar dawn chu an inbe tak tak anih hmel.



"rin ang ani leh silo a Rinzuala hian thurualpui a nei lemlo ani lo maw?" chu chiah chu ani ka rilru a lo awm chu, amah chauha ti lo ni ta se a tih chhan awm ang tur ka hre mai lo ani.




~~~~~~~~~~


Show post links
Top