OFFICER HVL-A BY Priscilla VL Ralte (Completed)

[Ngaia]

*OFFICER HVL-A*


Chapter-19

By Priscilla vl Ralte




"amah chauh pawh ani thei a enthlak hrim hrim chu angai ang" ka tih chuan alo bu nghut nghut.


"matei ilo tlawh angem?" atih chuan ka inngaihtuah vung vung a, ka hmel alo hmu chak vaklo thei a, a dinhmun chian ka duh tho bawk si "ka lo kal zuai ang" ka ti ta ngawt a, min lo lawm erawh ka ring lemlo.



An in kan thlen chuan kal lehloh zawk tur nge ka hrethiam lo, zep loh chuan ka kal hreh ani. Chhan mumal sawi lo in ka țhen ringawt a, a lungawi loh na belhchhah turin Ruatthari nen kan lo inzui bawk si, chutah ala rai zui a, keimah lo chu rinhlelh a nei dawn der silo.



"ilo kal dawn em?" ka car darthlalang rawn kik dat dat pahin Emanuela'n alo ti ve bawk "ka lo kallo mai ang" ka ti ta ngawt, hetiang em em a ka dawih hi ka la hre ngailo.



"het... mipa ini lawm ni! lo kal rawh" tih leh ka car kawngkhar ranw pawh hawn a rual a, ka kal ngei chu a ngaih hmel.



Phur vak lo in ka zui a, ka let leh mai dawn emaw ni ka ti leh rum rum thin 'em a' ka ti deuh bawk si.



"E.... Hvla teh hlawl chu bawihi ilo tlawh dawn em ni?" Nu Hlutei chuan alo ti hluai a, ka nui sak ringawt.


"a room ah a awm a thiante an lo kal a, an bengchheng khawp mai, an eitur ka siamsak a ka siam kep nghal ang cheu" alo ti sawk sawk a, choka lamah a lut zui nghal a.



"kan han chho ve dawn nge! " min rawn titih in ka bul ami chuan min lo thlek zawk a "han hmu zuai ila ka kal lehnghal ang" ka ti sap a, a hmaa min hmuhdan zawng zawng leh thil thleng kha ka tihtir emaw tia min hlauh tlat vang khan han hmuh pawh ka chak fahran lo khawp mai.




"a thiante an awm chuan engtin a ti biklo ang che" tiin ka dar ah a rawn vuan a, inchung lamah kan in zui chho nghal a.



"ehiau tunge ka hmuh hi! " tih hluai pahin Emanuela chu a lut vut a, kei erawh kawngka bulah ka ding ran thung..



~VANLALHRUAIZELI~ POV


"awi... lalemanuel iva lian tawh ve" tih pahin Sangsangi chuan a kuah nghal a, a zamlo ve ham ham ania.


"ve lutuk che hian a naupang zawkin min han tih khalh le, engtikah nge ilo haw a?" tiin an inthut chilh zui a, kawngka bula H-a ding reng chu ka melh zawk a, nuamlo a tih hmel riau in ka hria.



"hey ka aia upa bialpa ilo kal ve a" Priscillai'n alo tih lauh chuan ka hawi a khawp mai.


"aw.... nimina ka sawi kha" ka awmdan hrethiam in a rawn sawifiah nghal.

Anih chuan kawngsir a inngaizawng an hnial hrep kha H-a te lek maw! Ava ho lulai tak.



"in thiannu dinhmun ka rawn enfiah zuai mai mai mawle, ka kal lehnghal mai ang" a rawn ti zang vah a, a hmel erawh a ngui riau in ka hria, a nuhah ve te pawh ani mahna.



"la kal biklo e, ka aia upa chungchang te pawh kan sawi ang chu" tih pahin pakhat lah chuan a va kai lut ta deuh deuh, eng rilru nge maw a put ni!



"chuan naute chu thla engzat maw?" misual dawp tak hian ania a biak ni.


"ka hrelo" pakhat lah chuan alo ti hap a, a hmel ah sawi nuam ati vaklo tih a lang reng.



"I bialnu nau pai lai thla zat pawh i hrelo a, pa tha tak ini lo tawp ang" ka thiannu lah hian a duhthawh thei mai sia H-a tan pawh hawi lawl lawl awl duh tur tak ani.



"ka ngaihven lemlo" pakhat lah chu insawifiah a tum emaw ni, a tawng bah titih lehnghal, lehlam zawng tak chuan a nuihzatthlak ang reng.




"I tuhrah chu i ngaihven lo amaw! mipa tih a mawi lo ani" chek tlak tlak pahin ka thiannu chuan ati leh a, kan vai mai chuan nuih kan chak vek tih a lang reng.



"ka tuhrah pawh ni chiahin ka hrelo, midang tuhrah ka seng zawk ani" a sawi zo chu ka nur nang, a fa nilo anga sawi a tum vel chu ani sia.


"midang tuhrah seng turin eng emaw ber i tuh ve aniang" Sangpuii'n alo ti zauh a, ka lo sik vak.


"ani tak ang tlem tal tuh lo la an seng tir teuhlo che" Roi'n thlawp em em in a rawn ti bawk, ka thiante nge nge an intan tluang zel e.



"a chi te chi ani tal ang" nuih insum zetin Ema'n alo ti leh bawk a, kan boruak a zang tan in ka hria.


H-a pawn han chhan vak ngaihna a hre tawhlo aniang, a tukhum hiat sut sut chungin a then chawk chawk ringawt tawh.





Khang thil thlen hnu khan thlakhat lai a liam leh tawh Simona thiltih vang khan ka patea te chhung pawh an inthiamlo a, ngaihdam min dil mawlh mawlh reng a, an pafa boral tawh lo ngaihdam theihloh kha thil tih chi lah ni heklo, engmah thil pawi a thlenglo bawk a tiin kan han inngaidam a, an inthlahrung em em thung.



H-a pawh a reh deuh hmak a Ema nen hian eng emaw chhui an nei niin ka hria, an chhuak dun reng a, ngaihsak loh ka tum pawh hian a thiltih dan hriat ka lo nei reng bawk nen ngaihthah ngawt ka lo thei silo.



Tihian ngaihtuah reng tho siin tihlan a rem tawh silo, Ruatthari kha alo rai tak tak a, a pa ah H-a an ti bawk a, ka rilru a na lo ka tih chuan dawt chiang tak ka sawi. Theihnghilh hleihtheih pawh ani lo.



"vawiin chu leng ang u" kan thianho group video call ah ka ti a, an phur nasa.


"lenna tur tha tawk mai ka hria ania, ee... basketball tournament a awm dawn a, leng lehlo ang u, en ang u kan school an khel dawn a va au ang u" Ruati'n a rawn ti a, kan pawm tlang khawp mai.


"anih kal ila nimai lawm, inchei parh hle tur" Sophie'n alo ti bawk a, kan phurthak leh hlawm ngang mai.


"Nu naktukah basketball khel kan en dawn" chaw ei laiin ka ti a "kan bazar dun ang chu ka lo tia sin" alo ti a "nidangah ani mai, ka en ve chak alawm Ema min thlah angai dawn ania" ka ti nghal zat a.



"I bialpa inhruai tir rawh" chimawm zetin alo ti a, ka hmui ka ti pawrh nasa "min hruai loh chuan i bialnu bulah ka hek ang che" rum zeta melh chungin ka ti a, min chhang lo in a nui tawp.



"va lerh lutuk lo la, rawn haw tur i awmlo ange" ka pa thin hi aw "pa i fanu hi ka bo mai mai lovang" nui var var in ka ti a.



Ka bo ni atang khan keimah a ka chhuah an rem ti vak tawhlo a, a bikin Ema phei chuan min zui zel a tum thin a, naktukah pawh min thlah lo phal teuhlo.



Zing ka tho te chu ka zang vah mai, hetiang em em hian ka zing tho ka phur ngai pawn ka hrelo,ka insiam te chu ka nui sang reng mai.



Dar 11 velah in atangin Ema nen kan inphur chhuak a "hruai i ngaih hunah min lo call dawn nia, i thiante bulah awm tlat la, i hmelhriat pawh nise i thiante hlatah awm sawn pui lo la, nangmah in khawiah mah kal suh" ati sap sap a, a kawngah ka lo kuah vat.



"hetiang unaupa fel tak min ngaihsak em em tu min pek avang hian ka lawm e, hetiang ang pasal hi please " chimawm deuhin ka lo ti a, a nui che dawt mai.



"ka thusawi kha hre reng rawh, lerh lo la"


"ka ning ka lerh lovang, i nupui neih hunah pawh min chawm. tel zel ang" ka lo ti hlar a, a ngai pawimawh lo nasa lutuk.



Gate bulah ka thianten min lo nghak thap a "min lo call theihnghilh lo la" tia min chah hnuah a tlan chhuak nghal a.



Hall a kan luh chuan kan hma chiaha inkhel ho in 4 quarter an lo khel ve mek a, thutna awl ah chuan kan thu nghal thak.



"awi... sawpa saw a chhelo lutuk a hming a nalh si awi... ka star dawn" Sangsangi chuan ati lang lang a, a sawi na lam chu kan hawi nghal thap.



Home mission player alo ni, a chhelo vei phian, a sang tha si a hming Gabriela.... good!


"amah vangin an school tan ang u" Priscillai'n alo ti lauh a, kan pawm tlang lehpek.



Kan school pawh nilo tan kan han au tak tak mai a, kan tan te tumpui te lamah kan thu sia, lehlam in an score in kan lo au dual dual sia, min melh hrek hrek mai.



"hey nangni kha Home mission lam in tan chuan an bulah va thu ru, min au el emaw tih mai turin in au dual dual mai " kan hmaa thu chuan alo ti khanglang.



"a ve lutuk a i sawi avang tal pawn kan thu sawn lovang, min nin leh thu sawn mai rawh" Sangsangi'n alo ti let pang pang a, rum zeta min melh chungin an kalsawn hmak.



"lutuk a, kan pa awmna ka țan ani mai, ani lo sawi tur a awmlo" ala ti hlak hlak a, kan lo nui uar uar thung.




Kan țan te pawh an chak chiang khawp mai, kam school lampang player ho an lo thleng țan a, kan insawn vat, kan classmate te pawh ka hmu nual mai, mi fate hi an lo hman ani e.



"khu i star pa kha" tih pahin Ruati chu ka nek salh salh a "I ninawm i putea tan ka rinawm" ati vei khanglang "I mit tal a uire ang" ka lo ti a, min han melhrum khawp a.



"In mo te zingah ka fel ber dawn" ati vei ham ham a, uar mangkheng in ka lo nui thung.



Game an țan chiah chu țan ana duh ngang mai, hma kan hruai zar zar a, lehlam hovin min au el a, keini lah theihtawp in kan lo au ve bawk a, player ho aiin tui ka heh daih zawk, ka hrawk te hi a na vek tawh.



Half time ah thil ei turin kan chhuak a, Sangsangi pek chuan nichina a star pa kha thla alo lakpui leh hman tawh.



"hey... kan pa in ka number min dil vel" tih pahin a rawn inpost kual vel a, a intithei nasa khawp mai,bialpa ka neih lai min ti ngai.



H-a vangin tun thlengin mipa dang ka la melh hleithei lo, hetiang hi khuanu ruat an lo tih thin chu ani mai lo maw?



Kan chak e! kan au nasa si kan school hla kan sa bawk nen ka aw ka țial vek tawh, zanah ka aw a chhuak hleithei pawh in ka ring tawhlo.



"haw tlang ang u ka inbual chak tawh lutuk" ka kuta inzap chungin ka ti a, kal lam nen chuan inang tawhlo tak ani, kan nguai vek.



Ema ka call a a chhang thei silo H-a ka call hreh si Rinzuala ka call tawp a "Ema a awm em?" ka ti hmasa te te a, ka thiante erawh dawrah an awm thung.



"awmlo sir nen an chhuak a, mamawh i nei em ni? " alo ti nghal var a, a nui duhin a harhvang em em reng a, hei vang hi ania ka ngainat em em.



"min lo hruai hman tawh em tih ka tum a phone a chhang thei silo a"


"ka lo hruai mai dawn che em ni?" a chi loh reng reng, ka hmelhriat pawh nise Ema khan a phal tlatlo.


"a ngailo mai ka thiante rualin ka haw thei alawm" ka ti daih a, min hruai luih a tum ang tih mawlh ka hlau.


Min hnial buai lo hlauh a, ka dah hnu chuan ka in ngaihtuah vung vung a, tisual tu chu amah ania kei ka lo inthlahrun na tur ka hrelo e tih rilru pu in H-a ka call a.




Rei zet a in ring a, a la tawh dawnlo emaw ka tih hnuah a la ta hram "hello" lo ti tu chu hmeichhe aw ani, Ruatthari ani ngei ang, anih chuan an awm dun tihna.



Keihi an ni vanga na tur ka ni tawhlo asin, mahse ka la na tho chu ania.



"aaa... H-a ka be thei angem?" ka aw control tum tak chuan ka ti a "a chau lutuk a a muhil a, nakinah lo be leh mai rawh" atih laiin mipa rum ri ka hria, chu chuan min ti na takzet.



A hna kalsan meuhin a pan chu ani sia, kei aiin alo ti hlim. zawk pawh ani mahna le.


Engmah sawi tawhlo in ka dah a, ka rilru zah ve chuan engah mah ngailo turin min fuih a, a zahve dang erawh chuan amah ngei be hmasa turin min fuih thung, khawi zawk mah hi ka ti lo ang, a duh a thlang alawm.



"I U chu alo kal dawn em?" ka thiante lo kal chuan an lo ti a "call a chhang theilo a, haw san mai chi emaw ni" ka ti sap a, H-a biak ka tum kha chu sawi chhuah chi pawh ani lo.



"kan rualin haw mai la" an tih in ni thei in ka hre silo, Ema reng reng pawh chu tun a takah tinge maw call a chhan theihloh ni!



"lo va haw ru kan be leh chhin ange" ka tih lai takin min ko ri ka hria a, ka hawi chu nui var var chungin Rinzuala'n ban min lo vai a, ka ka hau mai.



Engtin nge ka awmna a hriat theih? ka hrilh miah silo a.


"I U in va hruai rawh min tia" alo ti var a, ka lo nur nang "hna lamah a buai deuh a" atih zawm a, ka la ringhlel tho, Ema'n ka call a chhang theilo a, station ah a awm bawklo a, ani'n a biak theih bik chhan tur ka hrelo.



"anih kha ride i nei bawk a kan kal mai ang" tih pahin ka thiante lah chuan min kalsan zui a, ka zui ngei a ngaih hmel e.



Phur fahran lovin a car ah chuan ka thu lut a, kan tlanchhuah hnu pawh chuan min be reng a, ka um e liam mai mai ani.



"kha tui hi in rawh i chauh hmel emai" atih chuan ka ban ve mai a, ka tui alo hal ve tawh nen a chanve zet ka in.


"ka duh lutuk che a" atih chuan ka melh kawk "mahse kan hotupa lerh zet khan hma min lak khalh a, khami vang khan ka haw em em a" ati zui a, kei erawh ka hamhaih a han sawi mai tur pawh ka hrelo.



"nang lah in ilo duh ve mai a, khavang khan ka thin a rim a"


"motor hi ti ding rawh" ka lo ti tuar a, rap awm deuhin a nui zui a.



Ka awmdan hi a hreawm lutuk, motor rui ang hian ka pum a let but but a, ka luak a chhuakin ka lu a hai a, ka mitmeng a dik hleithei lo.



"nang ka duh vang che hian mi ka that a, nie i unaupa pakhat zawk kha ka thah ani, ka hming a sawi vangin damdawi ka barh nghek a, OD in a thi zui anih kha, ka thiltih ka thup emaw ka tih kha i bialpa laktlak loh zet khan min rinhlelh phah nan a hmang hlauh a" ati zui a, ka taksa a zawi vek tawh.



"I unaupa pakhat zawkin a rukbo che kha HVL-A tihtir nilo in keima tihtir ngei anih kha, haw em em la tih kha ka duh ber ani, chuan ka duh ang takin i hua in i hlau em em a, a bula awm pawh a duhlo a" tih pahin speed a san sauh a, ka hlau lutuk hi ka tha a khur titih tawh.



"khawngaihin min kaltir rawh" hmeichhe derdep tak ang mai ka ni, tawng tur pawn insan mar fe angai, ka intur ah khan thil telh a nei ani ngei ang.



"chuti mai chuan nilo e, ka ta ini dawn alawm, ka kaltir hauhlo ang che" rap awm zeta nui chungin atih zawm a, ka tha a khur dar sar tawh.



"I Romeo pawh nangmah zawng in a thang kual vel mek ang" ati zui a, ka rilru in H-a ka ko mawlh mawlh, min rawn zawn hmuh ngei ka beisei.



"chuan thil pakhat leh i bialpa then nachhan che kha keimah ka nih kha, kha hmeichhia kha ka vo bet a, chuan a pum chhunga naute pawh saw ka fa ani saw, kan ruahman angin i bialpa fa angin kan chhuah a, nangin i hlat phah telh telh bawk a" atih pawh chu ka hre ruai ruai chauh tawh ani.




~H. VANLALRUATFELA~ POV

"zawnga hliam pakhat pawh a nei anih ngat chuan a nung chungin ka phum ang che" thinrim inseh ruh chungin ka phone chu ka hmer ngawt ngawt a, lehlam ami alo nui hawk hawk thung.



"I lalfanu tereuh hi ka lo nei ve tawh ange thianpa, thian inkar ah ui an nei ngailo" ati zui a, ka hmuh hun chu he khawvel a hmuh tawp ber hun ani ngei ang.



"a location chhui nghal rawh u" tiin ka nau te chu ka vin tuar tuar a, ka thinrim khua hmulo in thil nilo lo ka tihkual pawh ka hlau hlel love.



"sir location a a landan chuan Rinzuala inah an awm anih hmel" an rawn tih chuan hmanhmawh takin ka car lam ka pan nghal a, Emanuela erawh a bike nen a dawk chhuak nghal.



A hmun ka thlen chuan chhung lamah an ri bur bur a, hmanhmawh takin ka tlanlut nghal a, room pakhat ah ka lut a.



Chhuatah Rinzuala alo let hlawm reng a, Emanuela erawh in bawihduati alo kuah hle hle thung.



Rinzuala thawh tum chu ka pet chawrh a, a vial ngawng ngawng mai "hruai ula cell ah in lo dah dawn nia, veng reng ang che u a chhuak tur ani lo" tiin ka nau te chu ka hrilh zui a.




~~~~~~~~~
chapter 2 vel chiah a awm tawh ang ka ring..... comment țheuh ang u aw hmelthaho


Show post links
Top

[Ngaia]

*OFFICER HVL-A*


Chapter-20

By Priscilla vl Ralte




"engtin mah ati lovang che, hlauthawng suh aw kan awm tawh ania" tih paha thu hniamin ka ban a, Emanuela kuahna atanga tal hrangin min rawn kuah nghal thlawp a, nghet zetin ka lo kuah let.


A taksa sik chu sawiloh ka biak ringawt pawh duh ngailo khan min kuah hmasa ania, hnar phal chi ani lo hrim hrim.



"I rawn kal dawnlo emaw ka tia, ka hlau hman lutuk a" ati bah deuh nak a, a aia nghetin ka kuah a "a tha vek tawh e, i tan ka rawn kal alawm, tuman an tina tawhlo ang che" a chala fawh pah chuan ka ti sup a, ala khur dar dar a, hnem tum takin a hnungah ka chul pah a.



"pawnah ka lo va awm ange" tih pahin Emanuela chu a chhuak zui a, rei ngial a țah hnuah a rawn bang deuh a "na i nei em?" a bana vuanin ka kaitho zui a, a khup a thlep hnawk a, ka pawm zui nghal.



"thil min hrilh a"


"shh... nakinah kan sawi dawn nia, tunah chuan hahdam i mamawh ber" tih pahin room atangin ka pawm chhuak a, pawn lamah Rinzuala nu te ni awm tak an lo awm a, bawihduati erawh in ka awm ah a hmai a phum zui hmak a.



"eng nge thilthleng hi awmzia?" Rinzuala nu chuan Emanuela a be mawlh mawlh a, a chhan zui na erawh ka hrelo, ka car lam ka pan tlang a "HVL.... kan fapa hi a bail chhuah vat thei ang chu maw!" Rinzuala pa nen kan intawk a, ka mithmul ka lo ti kang ak thung.



"a chhuah leh hun chu a tan hun chhung a tan zawh hunah a ni ang" tih leh kalpelh ka rual a, min rawn au zui tak na chu ka uksak lemlo.



"tah hian lo awm la midang ho ka va ngaihven ange" car seat ah ka thuttir a, kal mai ka tum chu ka banah min lo vuan vat "kalsawn suh, ka bulah awm rawh" ngenngawl zetin ati a, a mittui a hnam leh țiam țiam a, ka kuah zui nghal.



"shh.... țah tawhloh tur ka kalsawn lovang umm... țap tawh suh le" tiin a hnung ka chul zui a "min kalsan tawh suh a hreawm emai" ati zui a, khang hunlai khan ka lo ti na hle anih hmel e.




"ka tihpalh ka tihpalh lutuk Bawihi ka tihpalh takzet, ka ti na leh tawh ngailo ang che, ka kalsan tawh bawklo ang che" ka tih chuan min kuah nghet sauh sauh a, pawn lam atanga min lo koh chuan ka kuahna ka phelh thawl deuh a.



"sir station lama kan kir leh a hun tawh a, i rawn let leh dawn em?" tiin ka nau pakhat chuan min lo zawt a "let tawhlo ang a țul ang ang chu in lo buaipui mai dawn nia, tang kha chhuak lo turin in veng fimkhur dawn nia, ka thu hmulo in a chhungte pawn an hmu tur ani lo" ka tih hnuah a kalsawn zui a.



"I U saw ko lawk ang aw" a bianga chul pahin ka ti a, a bu nghat nghat a, ka nui suk.



Emanuela chu ka hui zauh a, kan bul alo thlen chuan a nau lam chu a thlek zauh a, ani erawh seat hnung nghengin a mit alo chhing chial a, min ngaihsak lemlo anih hmel.




"station lam ka lo buaipui ang, ka chhungte pawh pehhel thei ang berin ka hrilh tawh a, duh chuan a thiante ina riak tur ang pawn a sawi theih ania, a haw duh talo anih chuan" a ti nghal zung zung a, zanin chu ka bula awmtir ka tum bur.



"zanin chu ka bulah i awm ang! " car a ka thutluh rual chuan ka ti nghal a, min rawn en phawk ngang mai.



"eng nge ka lo tih ang? ka chhungten an phal teuhlo mai" ati nghal mawlh mawlh, a hlauthawng hma ve thei ngawt mai "I nu te chuan an phal vek alawm, ka bula awm chu i duhlo em ni?" ka tih chuan a ngawi hmak.



Ka va en chuan chal tichuar nang in a lu alo thle bak a, ka nui chhuak hawk "khati vak a awm kha angai em ni" ka nuih phei chuan a aia nasa in a hmel a siam mak lehzual.



"kan ințhen tawh kha" a rawn ti ta chiah, a awmdan a siamtha zui a "kan ințhen tawh mahse...." ka thusawi lai chu lo pawtchat in "Ruatthari nau pai kha i fa ani em?" a rawn ti ta khauh.


Han chhan mai ngaihna ka hre hauhlo, Christmas zan khan ka rui lutuk in engmah ka hrelo a, min puh miau a khami zan khan thilthleng chu a awm ngei tih a chiang a, mahse kei berin engmah ka hriat siloh chuan ani thei dawn em ni?


"ka hrelo " tiin ka thaw chhuak hawk a "a puh theih tur che in in chesual reng em?" he zawhna berkher hi chu min zawtlo se ka ti asin.



"Bawihduat.. thildang chu min zawt thei kha kher kha chu chhanna pek che ka duhlo" ka hma lam thlir pah chuan ka ti sup a, a nui hak mai




"min chhan angai lo ka hrethiam vek, ani khan dawt a sawi tihna anih chu" ati zui sap a, a lam ka hawi chuan tukverh lam alo melh vung vung a, a kut ka vawn sak a "engkim... engkim hi ka titawp vek ang, thilthleng zawng zawng vangin ka tihpalh, i tan chuan buaina mai ka ni tih ka hria mahse kalsan che ka phallo a min kalsan ka duh heklo, kawng dang a awm em em ang, min ring rawh" ka ti mawlh mawlh a, min chhang lemlo.





"ka haw duh anih loh pawn ka thiante inah min dah rawh" ka inkawt kan thlen hnuah ati hnuhnawh, kan tlan chhung zawng khan a tawng lova, biak pawn min chhang duhlo.



"zanin chu hetah i awm ang, engtin mah ka tilo anh che" ka seatbelh phelh pahin ka ti a, a kut kuangkuah in a thu tum bur mai.


"ka thiante inah min dah mai rawh " ala ti țalh, a lam ka hawi a, tum bur chungin hmalam a hawi a, a lawmawm tih bakin han sawi vak ngaihna ka hrelo.



"ka bulah anih loh pawn i U bul hnaia i awm loh chuan ka ngaih a tha theilo" a rilru hneh tum takin ka ti a, a hmui a ti pawrh leh tawh "het!! khatin i hmui ti suh ka tih kha" tih leh a hmui hup ka rual a, hamhaih deuhin min lo en thung.



"hey khatin ti tawh suh, ka hmui ka ui" ati vei fahran a, ka nui hawk mai "ka ti tawhlo ang, chuvangin zanin chu ka bulah i awm ang" ka ti zui a, min hnial ta lemlo.



Inchhungah kan in zui lut a, tlangnel takin a kalkual zung zung a "hemi room hi ka awp dawn ania" tiin ka room bul chiah chu a kawk a, kan inhnaih bawk a tiin ka lo bu nghut.



"enteh... ka ril a țam a, noodles tui tawk chhum ang aw, ka thawmhnaw te hi a bak vek thlak ka duh" ti zung zungin choka ah a lut zui a, a hnunglam ah ka nuih zui suk suk.



Hetianga ka bula tlangnel taka a awmloh na pawh a rei ta, a rilru chu ka la hneh pumhlum lo mahse a hma ang em em kha chu min haw tawhlo niin a lang, tunah chuan Ruatthari nau pai hi ka chhui chian vat angai ta.



Ka fa anih ka rin leh rinloh na a inbuk tawk khawp mai, min puh tur hrimin ka lo awmpui tak tak nge a ruahmanna tih pawh hriat a chakawm alawm.



"H... lo lut teh" choka lam atanga Bawihduati alo au lang lang takah chuan ka lut phei vat a, appron alo ha vei țat a, a kutin min lo hui a, ka nupui ni tawh mai se, ka choka ah ngei hian ei han siam thin sela.



Ka ngaihtuahna vang chuan ka nui suk a, a lam ka pan zui "khi khi lo ban teh" cabinet chunga pan in khai chu a kawk a, sawi buailo in ka ban zui a.


"ka special noodles i ei dawn ania ivan chang sang tak" min laksak pahin ati zui a, min ngaih sak tawh map lovin a che zui mawlh mawlh.



"puih i ngai em?" a sir a lo din pahin ka ti zui sup a "ka thawmhnaw hak tur lo han zawng rawh, nem si hak nuam deuh mutpui theih tur aw" min melh lemlo in a ti zui a, ka dar san ak in ka chhuahsan zui a.



Ka closet a thawmhnaw ka enkual diat diat a, a duhkhirh ve angreng sia tunah phei chuan ka tlawn angai bawk nen, tih lunghnur chi ani tlat lo.



T shirt var chu ka la a, a puan a nem a mutpui pawh a nuam tawk vel ang. Boxer te ber ka la bawk a, a underware erawh tih ngaihna ka hre tawh biklo.



"H... a ei theih ania lo chhuk vat rawh" inhnuai atangin alo ti leh lang lang tawh, a awrawl a ring tha si a, thenawm te pawh a hawihai khawp ang.



Ka thawmhnaw chu kengin ka chhuk zui a, choka luhna ah alo ding ran a, min lo nuih var var ka hmuh chuan pan thlak mawp mawp a ka fawh hrep loh nan ka inthunun hram hram ani.



"hei i hak tur" ka thawmhnaw ken chu ka pe a "ka lawm e" mit min siai zui zauh a, ka hmui ka pet ringawt.



"lo lut rawh" tih leh ka bana vawn a rual a, min kai tu tha a tlem tehreng nen ka hneh ngang lo, la zui leh ta dawr dawr e.


"hei lem ka special noodles a tui lo itih chuan he in atang hian hnawhchhuah ini ang" ati zui a, ka nui hawk "hello... he in hi ka ta ani tih i theihnghilh em ni!" ngeiawm zetin ka lo ti let a, a dar a san ak duh chauh.




"I puar em?" ka plate ami zawng zawng ka ei zo a puar loh ngaihna a awmlo "puar lutuk hetiang hi nitin min pe la chuan karkhat chhungin ka thau kung kung thei ang" ka ti zui a, a nui hak hak mai.



A sawi ang tak takin a siam tui phian a, hetiang lam ka ei ngailoh nen ka ei zo vek.



"chuvang chuan i ei mai mai tawhlo ang" tih pahin a tho nalh a, plate hi a seng zui mawlh mawlh.



"sil duh suh naktukah an lo sil mai ang, han intifai rawh" a thleng sil tum chu ka kuai her a, a appron hren chu ka phelh zui nghal mawlh mawlh.



"mahse ka sil thei alawm, an ni lo tih kher angai hleinem " ati zui nang nang a, ka chhang lemlo.




"thu duh si khawi anih ka insil zawhah movie ka en duh dawn ania popcorn leh drink lo buatsaih ang che" atih hnuah a kal tau zui hmak, ka thilsawi ah han tihtauh nachhan tur ka hrelo hrim hrim.



Eitur kan ei zo chauh a a dang a lam leh nghal a, a puar ve em em lo emaw ni.


A rawn thinrim leh ka rin vangin a sawi ho chu ka buaipui a, a movie en duh chu thlang ve tawh mai rawh se.



"hello.. " inchung lam atanga a tih ri ka hria a, a inbual zo tawh anih hmel "khawiah nge i awm?" ati zui a, phone ah tu emaw a bia anih hmel.


"alo kal hmanlo ang" a ma phone a chhang anih hmel loh, ka ipte dap chungin inchung lamah ka chho zui a, ka phone ka ak lo, thawmhnaw la tura ka chhoh khan ka room ah ka dah anih hmel.



"A fa anih loh chuan lo kal chhan tur a neilo " vin ang reng taka a tih takah chuan ka room ah ka lut zui thuai a.


Ka khumah thu chungin a bengah phone a chuktuah a, ka lut pawh chu hria angin a awm lemlo.



"alo kallo ang kei ka awm alawm" atih leh laiin a bul ka thleng a, min rawn melhin min nuih zui a.


"amah bia la" atih hnuah phone chu min pe zui a, mitmei a tunge tih ka zawh pawh chuan a dar a san ak duh chauh.



"Fel... lo. kal vat rawh damdawiin ah ka awm, naute a tha vaklo a" phone ka chhan rualin Ruatthari'n alo ti nghal zung zung a, a aw rik danah dawt sawi a anglo "ilo kal ang tiraw, lo kal ngei ngei rawh aw ka chhungte ka hrilh ngam rih silo" a rawn tih zawm leh a.



Chutih laiin Bawihduati chuan ka kut alo chelh reng bawk "ilo kal angem?" lehlam ami in alo ti chhen bawk si, lehlamah ka fa pai nia ngaih in min mamawh a, lehlamah ka hmeichhe hmangaih em em mai in min thlahlel em em a, rilru siam a har khawp mai.



"Ilo kal ang tiraw" atih leh laiin thawm a ri nawk nawk a "a chhungte inih chuan a rang lamin lo kal la a tha ang" nurse ni awm takin alo ti zui a "ka lo kal ang" ka ti ta ngawt.




"I kal dawnlo" phone ka off rual in ka bul ami chuan alo ti a, thaw hawkin a dar tawn tawnah ka vuan a "ka kal angai, min mamawh alawm i thiante inah ka dah ang che" min hriatthiam beisei takin ka ti a, za lo zetin a nui ro hak.



"kei min kalsan in ani kha i pan ang maw? a vawihnihna ani tawh ania" a tawp lam phei chu a țah aw țuau tawh, ka kuah nghal thlawp a, a insut zui hliam hliam.



"min hrethiam rawh naute chungchang a chhungte ala hrilh lo a, kei lo buaipui tu tur a neilo, a thleng nawn tawhlo ang"



"aih ka duhlo i fa ani lo iti ani lawm ni! i kal kher angai lo, kei min kalsan hi i chak zek zek zawk vang ani tiraw!! "


"nilo kalsan che hi ka duhlo, duh min thlan tir suh, i thiante inah ka dah ang che" a hnunga chul hliau hliau pahin ka ti a, a tal zui nghal nawk nawk.



"min thlah rawh i duh i thlang fel tawh ah ka ngai ang, kei min kalsan a ani pan i duh anih chuan ka danglo ang che, kal rawh kal mawlh rawh i fa leh anu chu va buaipui rawh, mahse heihi hria ang che min rawn tibuai tawh suh ang che" tih leh din a rual a, room a chhuahsan hma chuan a banah ka vuan a "ka thlah ang che" ka ti zui sup a, a nui ro hak.



"ka phu love i fa in a mamawh che hmanhmawh rawh" tia nuih hak pahin ka kut a thingthla a rawn hawilet map lovin a chhuak zui nghal.




~VANLALHRUAIZELI~ POV


Kei min kalsan in ani kha a pan a, a tha e a tawp ta tak tak e, kei hi vawihnihna atan phatsan leh thlahthlam ka ni, a tha vek e.... ani tello pawh khan ka hlim thei lutuk, ka tum anga ka thei bawk ang.



Ani vang khan ka mittui farkhat pawh hi a far tawh tur a nilo, min kalsan tu chuan ka mittui a phu lo, kal mawlh rawh se.



"min lo hruai" insut deuh hraih hraih chungin ka ti sup a "khawiah nge i awm? engtin nge i awm?" lehlam ami chuan a rawn tu zui sawk sawk a, thawm a ri nghal sawt sawt bawk. Ka awmna ka sawi hnuah "tah khan lo awm reng ang che, lo kalsawn suh ka lo kal dawn" ati a, phone dahin ka thu hnawk a, vanlam hawiin ka thaw ham ham.



"Hlim reng rawh mahse nun famkim nei suh ang che" ka ti zui sup, ka hma chu ka la sial ngang ngang khawp mai, min kalsan tu chu ka kalsan let ve ang.




~~~~~~~~~~
a tawi ti miah su, type na hun ka neilo a, vawiin ah kan thianpa kan ral a ka type hman silo a, a tawp tep lehlo deuh aw...


Show post links
Top

[Ngaia]

*OFFICER HVL-A*


Chapter-21

By Priscilla vl Ralte




"eng nge hetah itih? kha i kut a vawt vek ania" tiin Rla chuan min rawn kuah thlawp a, insum thei tawhlo in ka țap nghal hlawp hlawp a, duat zetin ka sam a alo chul chuan min ti no a ka rilru tawt lutuk chu ka mittui in ka sawi chhuak ani ringawt.



"ka hruai haw phawt ang che aw! hetiang thawmhnaw ha chung hi chuan i haw theilo ang, kan inah i riak mai dawn em ni?" min rawn deuh pah a atih chuan ka lo bu nghat.


H-a t shirt liam hnekhnawk leh boxer chauh ka ha a, a vawt ka ti kher mai lehnghal a, ka rilru in anchhia ka lawh nghal mawlh mawlh.



Rla chuan a hoodie min hahtir a, hnuailam bul viau mahse ka lum phah tho e.



An in lam panin a bike in kan inphur a, pawn khawvawt a ka awm rei vang nge boruak a vawt hrim hrim pawh ka hrelo, ka thaw a sa huam a, ka chal ka khawih a ka khua a sik ser ser mai.



"ka nu te an la mu lovang mahse pawi ti suh, engtin tin emaw kan sawi mai dawn nia " a bike hun that pahin ati nghat a, ka lo bu nghat ringawt, tunah kher kher hi chuan a chhungte pawh ka zah hleithei lo.



Inchhung kan inzui lut chu ka tum leh hnuhnawh a, a kawrhnungah ka vuan țung mai.



"nu, pa hei ka thiannu hi zanin chu alo riak dawn a, chhungkaw harsatna deuh an nei a, ka room dawt chiah khi a awl tho a a pawi em lovang chu" a nu leh pa te tv en chu a bia a, kei erawh a hnungah ka biru daih thung.



"pawi love chutiang te anih chuan, a thawmhnaw tur pawh a awm ang, ka va hai chhin ange" tih leh a nu chuan thawh a rual a, an room ni awm takah a lut zui a.



"lo thu phawt teh u" a pa in atih chuan tum daiin ka thu thla a "in inru nge?" min melh tawn paha a tih chuan ka bo hu mai "pa iti anglo e, chutiang lam ani lo harsatna vang mai mai alawm, ka thiannu anih hi" awmlo tih hmel fe in pakhat in alo chhang a.



"hetiang hi an chhuanlam hmasa chawk ania, khawi maw i thiannu chu ka hmelhriat ava ang ve" tiin min thlek zui a, za lo zetin ka lo nui tawi tak thung, inru emaw te min ti mai mai, ti anglo lutuk!



"akhai! Hruaizeli ni reng in kan va inhmu khat ve" ati zui luam a, min lo la hre reng chu mak ka ti zawk tak tak ani.



"nia... " tiin ka nui tawi tak a, han chhan vak ngaihna ka hrelo tlat alawm le!



"inlo la inkawm reng a, i dam tawh maw? Hmanni deuh khan bawiha khan i damlo damdawiin ah i awm te kha a tia, keini lah chu kan lo lang hman silo a, min lo ngaithiam mai aniang chu" ati zui sawk sawk a.



"aa.. ka dam tawh alawm in thiamlo duh suh, tunlai ah hna bak a pawimawh a awm hleinem, na vak pawh ka nilo a ka chhungte ngaih that nan zanhnih thum vel kan awm ve mai ania" tiin ka chhang a, a bu deuh nghat nghat mai.



"hei bawiha heihi a ha tawk em ang chu, hei aia te chu ka nei tawhlo" an room atanga lo chhuah pahin a nu chuan a rawn ti luam a, kawr leh kekawr lian fahran hi alo keng a, ka neih tet ber ati ve sia, ka tan chuan hak duai tham ala ni tho mai.



"E... Hruaizeli elaw? kan va inhmu khat ve le, rin loh deuha ilo lan nawlh chu" tih pahin min nuih var var a, ka bulah alo thu thla zui a.



"nia.... inlo awm hlauh a a lawmawm tak tak ani, ka rawn tibuai em lo cheu maw? " a mawi hnai ah ka inthlahrung ve a "buai lah love han awm hlen daih mai la" ati fiamthu zui a, a ti tak tak rauh ang tih mah a hlauhawm alawm le.



"kha hei i ha tawk ang, han intifai rawh i room tur ka lo han enfel ange" tiin a thawmhnaw ken chu ka mal chungah a dah a "a... a ngailo ang ka tibuai mai mai che" a tho uai chu ka chelh zui a "kan luh lohna a rei ta deuh a, puan te pawh alo bal ang, i mu theilo palh ang han enfel hrim hrim ka duh" atih takah chuan ka hnial ta lo.



*

"eng nge thleng a?" room ah Rla alo lut hlawl a, min rawn hruai lai a ka awmdan vel vang khan a ngaih a tha lo anih hmel.


"engvak ani lo" ti mah ila min awih hmel a pu lemlo.


"engkim min hrilh thei ania, ka bulah chuan a him em em ang" ka bula rawn thuthlak pahin ka kut a rawn chelh a "i lam ka țang reng ania, engpawh ka tihsak ang che" ati zui a.



Vawiin a thil thleng leh zanin ami zawng zawng nen ka hrilh vek a, ka sawichhuah leh vang nge ni kei min kalsan a midang min pansan vang khan ka rilru a na thar a, a mittui a hnai leh kuar tawh.



"shh... țap suh ani khan i mittui a phu lo, engpawh ti tura min tih ka ti vek ang, i duh sawi rawh" ka bianga chul hauh hauh pahin hnai zetah min melh a.



"hetah ka awm duh tawhlo" ka ti țiau a, ka mittui tla tur chu ka khap let sak sak bawk.



"I kalna apiangah ka zui ang che, khawiah pawh ani mai, nunbul țan that i duh pawn ka pui ang che" ati sap sap a, ka lo nui hak "ka tan hi chuan iva han țangkai tak em! engkimah ka mamawh em em lai che a ka bula i awm ziah avangin ka lawm e, ka lawm takzet zet!" a kut hum let pahin ka ti a.



Mawi zetin a nui zui a "I tan chuan engpawh ka tih kha, mipa anga min en theilo anih pawn thian ang tal chuan min en theih ka beisei" atih chuan ka mithmul ka ti chuar nang a "I laka ka feelings hi i hrelo der rei mah mah ani, mipa dang vanga i țap lai hmuh hi ka duh tawhlo ania, nunbul i țan tha anih pawn ka tel ve ngei angai ang, ka sawi tawh angin mipa ang nilo in i thian ang tal pawn" atih chuan ka nui chhuak ta hak hak a.




"ka star thin lai che min ti ngai" ka ti zui a, ani pawh a khi ve suk mai "Bio practical ah țullo pui a stomata min zawn tir lai te kha" atih chuan a hnungah ka beng vak, khami ni kha chuan ka che chhe ve chiang alawm.


"thudik alawm ka sawi le, kan class captain i vo khur khur lai pawh kha ka hre reng ania, ka lo nui kur kur alawm" ati zui a, ka melhrum vak ringawt.



"chulo pawh.... "


"sawi tawh suh, a zahthlak thil kaltawh anih kha" tih leh a hmui hup ka rual a, ka chet chhiatna zawng zawng min puan vek dawn tlat.



"I zak leh si ani maw! zakzum ang taka lan angai lo ania, i inhmeh loh" tih leh ka bianga piai vak a rual a, ka țe ring teh e.



"ana lutuk Lalremlian! ka biang i piai thla dawn thlah rawh" ka ti chul a, nui hawk hawk chungin min thlah a, ka biang ka dawm nghal vawng vawng.



"Iva han chhe tak! chhuak rawh ka biang a na vek" ka ti hlak hlak a, a nuih a za zual sauh emaw tih mai turin a hma aiin a nui uar a, ben sawk mai ka duh.



"ka mu duh tawh phei tawh rawh" tih leh thawh ka rual a, a banah vuanin pawh thawh ka tum a, alo țang ve tum hrang nge ni a pawt tho thei mai lo "a mak! tho rawh Lalremlian... ka mut a chhuak tawh" ka ti nang nang a, a hmel min siam chhiat khum a, ka lei ka chhuah khum vak thung.



"anih min ning tawh emai ka kal mai ang, mamawh i neih chuan min lo call dawn nia" atih hnuah a tho chhuak a, min melh ren rawn a "eng nge?" ka lo ti vak a "engmah" tih pahin ka sam a tuai thur vak a "LALREMLIAN!!!" ka ti chul a, a tlan chhuak zui hmak, ka va han ngei chiang tak!!





"bawihi i chiang maw? kum laklawh ah ban i tum mai chu ani sia" ka pa in a tih chuan "chiang e... ka bansan dawn pawh a nilo a khu lamah ka zir zawm mai dawn a" ka ti mai a.



Shillong lamah ka zir na chhuanlam in kal ka dil a, a nihna takah chuan H-a min hmuh theihloh na hmuna awm ka tum vang ani, ka tlan chhiat san dawn anih ber chu. Khami zan khan min lo call a, ka chhang duhlo mai nilo in a number ka block nghal vek a, biak leh pawh ka duh tawhlo.


"Pa kaltir mai rawh intih thawven te pawh a mamawh alawm" Ema'n alo ti ve bawk a, ka lo nuih var var.



Khami zana thilthleng zawng zawng kha ka hrilh ve vek a, 'move on' ka tum thu zawng zawng nen, chuvanga tuna ka thuthlukna pawh min pawmpui pawh ani.



"chutia ani berin a duh si chuan kan pawmpui mai dawn em ni Nui? " tiin ka nu a rawn a "Pa ber thu thu alawm, nangin i tih chuan a țha ani mai lawm" ka nu in alo ti ve thung a, an han innuih vel a.



Ka nu hian ka pa hi mipa anih na angin a zah em em a, Pa ber anih na angin zah a phu ati bawk a, thil reng reng ah an inrawn vek a, nupa in hmangaih tak chu an ni chiang alawm. Ka pasal nen hetianga kan tar thlenga inhmangaih a kan hlimdun ve theih ka beisei.


*
"I mak ka ti keini hi min ngaihtuah chang ve miahlo ami a! " Ruati'n ati nang nang a, kan thianho group video call kan nei a, ka kal tumna vel ka sawiin an phun nawi char char.



"ni chiah mai i tum hma khan keini min ngaihtuah thlen ve tur che ania, i tello in engtin nge awm se min tih a" Priscillai'n alo ti bawk a, midangin 'nia' an lo ti tliar tliar.



"phun phun suh u, kumkhuaa kalbo tur pawh ka nilo a, kumkhat vel lek ani mai a, ka 'move on' tawh ni a ka hriat hunah ka rawn haw leh mai dawn a" ka lo ti thung.



Mipa vangin ka kalbo dawn chu ania, ava atthlak tak!



"ani tho bawk sia, anih tu hnenah nge i awm dawn? "


"ka pa nau ka ni te an awm a, an bulah chuan aniang, hostel awm kha ka pa in a phal chiahlo deuh a" ka tihluih em vanga phal kha an nia, he thilah kher hi chuan ka hnial ngaiin ka hre tlatlo ani.



"a that chu kan inbe reng thei dawn a, kalpui tur i nei em?" Sophie'n alo tih chuan "Rla nen kan kal ka ring, ka be chhin a ani in alo duh ve tho a" ka tih chuan an lo 'ehhh' dual a.



"hey khatiang lamin ngaihtuah su, aman ka kalna apianga min zui tur thu a sawi alawm" tiin ka insawi thiam zung zung.



"aaa... chumi piahlam a awm hrim hrim" an la ti hram.



"ani lo tak tak awi...in ninawm a" ka chhan ngaihna hrelo in ka vin vak ringawt.




"awle awle anih engmah a awmlo, anih chuan inthlah nan leng ho ila chaw te eikhawm ang u" Roi'n alo tih chuan kan lo 'nia' sup sup, huau huau lawm tih takah.



"kan inah kan ti dawn nia, chaw kan ei dawn kan inbe tha leh dawn nia" ka tih hnuah ka dah a, inhnuai lamah ka chhuk zui a.




"Nu pa kan thianho in inthlah nan chaw kan eikhawm dawn ania kan inah" chaw ei laiin ka ti a "engtikah?" ka nu in alo tih chuan "ka la chianglo kan sawi khawm leh phawt ang" ka ti mai a.



"nie eikhawm rawh u, ticket kha pahnih tan ka book ania, i thianpa kha a kal ve dawn iti sia, karleh thawhlehni ah anih kha, in lei khawm țan ula" ka pa in alo ti zat "Pa ivan hmeltha in ivan fel tak ka hmangaih suk suk che" ka ti duai duai a, ka nu a ner nasa mai.


*
*pawnah a awm a be duh che* chhungkua a tv kan en laiin Ema message alo lut, a lam ka hawi a ka ti tak tak ti ni awm hrimin alu alo bu nghut a.


*ka be peihlo haw rawh se* tih ka thawn let a, a phone a en vung vung a *I kalbo dawn tih a hrelo, i awmloh huna buai ka peihlo vawikhat chiah va hmu lawk rawh* a rawn ti leh.


Rum deuhin ka va melh a, a lu alo thla bak *a insawifiahna a tawp nan ngaihthlak sak rawh* a rawn ti leh *ka peih mai mai lo duh leh nangman va ngaithla rawh* tih leh phone dah ka rual a.



Ka message tone alo rik pawn ka en duh tawhlo, a aw a rawn thian kharh kharh a, min signal na tih ka hria, mahse ka hrelo der. Tun a taka a insawifiahna ngaihthlak ka mamawh hrep love.


*
"keichu nuam pawh ka tilo, nang i awm dawn loh chuan kan school a reh awm" ka dar a bei pahin Roi'n alo ti, ka lo nui hak a "ka telloh vangin a reh lovang, Țhafa te an awm a, hei kan Priscillai a awm bawk alawm, boruak kengtu a reh mai mai lovang" ka ti a, ani reng bawk a anni an awm chhung chu school a reh teuhlo.



"naaa... nguai deuhin awm lovang u, alo haw leh vat dawn alawm" tha tho takin Sangpuii'n alo ti a, ka pawm zawng tak. Kalbo hlen tur pawh ka nilo a, min treat dan hi a nih hian a nilo reng reng.



"chawhmeh te lei ang u, rawng bawl kan ngai bawk nen haw har vaklo ang u" Sophie'n alo ti bawk a, ka tho tharh a "lem lem lem Zolanu te u tho ula harh ru, in pathian tawk turin inpeih ru le!!" ka ti hluai a "Zolanu ka ni kher lo, ka live ve ngailo" Priscillai'n alo ti pek, a ti bam vek.



"aw... anih kal ang u zikhlum kan hmeh teuh dawn nia" tiin ka nui uar uar a, a rawn tho sap sap.



Bazar ah kan lut a, chawhmeh lawmawm tih an han ngah mai mai ka thiante hian. An common lo ve thlawt alawm maw!



"awi...a cute lutuk helai Mai hi! a te si a kim ve biai a awi...ka fapa han ni mai se" Sangpuii'n a ti hluai a, Mai tereuhte ani ava han ho mai mai thin tak!


"Rosangpui! a ho lutuk cute i tih zel ten i ei phal nang" Ruati'n alo ti hlak hlak a, a zuartu te pawh an lo nui tawp.




Shillong kan thlen thlak atangin kar hnih zen zawn a ral tawh, ka ni te kiangah chuan ka awm ngei a, fa an lo neilo hi alo nia, an fa ai min tia min duat rapthlak!


Ka mamawh bak a tam thil min lei reng a, an pa lahin a fanu ang chiahin min en a, nuam het het tak ani!



Rla khan min zui ve ngei a, kum laklawh a zawm kan nih vangin zirlai ah rilru kan pe deuh bawk a han inhmuh kan nei vaklo school ah tihloh chuan, phone ah erawh kan inbe zing hle thung.



Inngaihzawn lampang engmah min sawipui ngailo a, thiantha ang chiahin kan inbe thin. A chang chuan hreawm a tih ve thin ka ring, hope ka pe theilo hi keipawn hreawm chu ka ti.



"hey nangnu hi ka ko nasa lutuk che eng nge i ngaihtuah a?" ka hnunglam atanga min lo kuahtu chu ka en a, ka nui sak.
Ani hi Ruthi ania heta ka kal hnua ka kawm ani bawk.


"engmah a nilo min ko ring tawklo aniang"


"ka aw rawl tawp in ka au che, ka hrawk te hi ana vek drinks min lei thei" thil phut let a neih leh kha ka ring reng ani.



"I tih tlat chuan le piber mahse Rla nghah angai" ka tih chuan a ner nang "a hmeltha huam ringawt a, nangmah bak a ngaihsak lo che a ka star peih tawhlo" a'n ti nghal ringawt a.


"Ngawt a i star ami?" ka tih chuan sawiloh tur a sawi tih a hrechhuak aniang a hmui a hup zui a a lu a thing nar nar.



"ehem.... tu emaw chuan tu emaw a sitar a" khuh der vel pahin ka ti a, ka hnungah a chum țawk anih chu! awi... a nat zia leh van san zia chu!!!




"Meli.... min chum ziah suh awi... ana lutuk ka kawm tawh dawnlo che" ka ti hlak hlak a "ka duatte... ka tihpalh a na tawh miahlo tiraw? Dam dam daih rawh se" ati no hlawi hlawi a, ka nui leh nge nge.



"min chum leh chuan ka kawm tawh miahlo ang che" naupang chhia zetin ka ti a "chum tawhlo ang, hmeltha an thinrim ngailo" ati zui ngei, mi tlawn hi chu a hnehsawn ania.



A hma in mi i tlawn thiam ka ti tawh a 'ka U te hi mipa ve ve an nia, ka tlawn nasa thei sia ngai ah ka nei a' ati mai a, a sawi danah a U pakhat zawk chu Police officer ani awm e,an upa ber erawh in nupui a nei tawh thung.




A police U zawk chu a han fak laileng thei khawp a "chhim lam a hawi a thlang lam hmeichhia ho an tlu dual zel" ati thin a, ka uak der vel thin a a haw ve em em ringawt.



"teh keichu ka rilru a hah tawp" ati leh hluai, a mood hi a inthlak awlsam thei ania.



"I U bawk ami?" ka tih chuan a lu a bu nghat, a U police officer kha a bialnu nen an inti thiamlo a a hna țhulh țhak țhak in a zawng thin a a tia, ka ngaihtuah thin a H-a hian min lo zawng ve ngai angem le? tiin mahse ani chuan min thlahthlam tawh alawm, khami zan khan a ti chiang vek tawh ka ti leh thin.



Ani kha ka hmangaih em tih min zawt se 'Aw' ka ti ang, kan kum rual ah hmangaihna in hrethiam lo an ti ngei ang, mahse kei chuan ka tawng tlat a, chuvanga confi taka sawi ngam pawh ka ni. Ani kha ka mipa tawn tawh te ah chuan a danglam em em a, a chhe lam emaw a tha lamah pawh nise ka tan chuan a hmasa ber ani zel a.



Ka tih ngailoh pui pui ka tih phah a, mipa vanga ka tih ka rin ngailoh thlengin ka ti vek, entir nan ka kalbo te hi, mipa pakhat ka vei em em, mahse ka neih theih siloh laka inthiar fihlim nan kan ram ka chhuahsan ania, ka tih a ka rin ngailoh ani.



Ka hua a ka theihnghilh ang ka ti fo na chu zan ka mutna ah hian ka ngaihtuah chhuak a, ka ngai thin, mahse ani chu ka tello in a hlim em em thung si. Ani chuan a hmalam ah thil hlimawm takin a hmuak alawm.




A fa lo piang mai tur tan pa tha tak anih angai a, ani ngei bawk ang tih ka ring. A fa a nilo chungin a hmangaih em em ang, a fa a nilo tih hrechhuak ta se a ngaihsak zui angem tih hi zawhna lian tak ani.



A fa anga a ngai nghet bur thei anih chuan a lawmawm lamah kan ngai mai aniang chu.



~Hlim reng ang che, mahse i hlim a i lungngaih lai ber pawn min hrechhuak fo ang che, i lawmna țawmpui tur che in min ko la, i tawrhna tawrhpui tur che in min ko bawk la, mahse min kohna chhang let thei che a ka awmlai in min ko silo, chuvangin min koh pawn ka chhang tawhlo ang che. Mahse maw.... ka thinlung erawhin a awmna hmun atangin alo chhang mawlh mawlh thung ang che KA HMANGAIH CHE OFFICER~




a tawp taaaaaa.............





































































~~~~~~~~
ti ila in awih awm sia.... ala tawp lo aw.... comment a tam chuan a chapter kan pawt sei ang.


Show post links
Top

[Ngaia]

*OFFICER HVL-A*


Chapter-22

By Priscilla vl Ralte




"Tinge chutianga mi â ang mai a a khawsak a? I chhungten engtin nge an tih?" ka aw thunun tak chungin ka ti chhuak hram a.



"Tih vak ngaihna an hre biklo, khaw hmun an ni silo a, keimah tak pawh hi ka awm a nuam theilo" lungngaih hmel takin a ti zui a, a U chu ka lo mangan pui ve em em ringawt.



"Hun a rei anga a tha ve leh mai ang" tih bakin han hnem vak ngaihna ka hre bik tlatlo.



"Nia.... a bialnu pawh chu ka la hmulo na in ka lo haw ve tawp, heti khawp hian ka U in a atchilh a, ala kalsan zui ania" ati hlak hlak a, ka lo nui tawp.



"I thlirna atanga chuan a dik lutuk mahse a bialnu pawh chuan tih chhan alo nei thei a"


"Nia ani tho a maw mahse ka U hi a â lo chauh tak tak tawh a, a bialnu chu biak mai ka duh" ati leh rum rum tawh, thutak a lak chi pawh ani tawhlo.


"Hey nula te u, min lo nghak rei em?" Ka'n sawi thui hmaa Rla lo thleng chu lawm tak ka ni, bawkkhup chunga chibai buk mai te ka duh.



"Reilo e kan hman in ka hria?" Ruthi thlek zauh pahin ka ti a "aw nia kan hman kal ang u" a tih hnuah a kal vut a, a hnungah Rla nen kan zui thung,



"Ka lo thleng hun lo viau em? Thil in sawi laklawh tlatin ka hria" inthlahrun hmel taka a tih chuan ka lu ka thing vat.


"Ilo kal hun lutuk zawk" ka lo ti sawk sawk a "a U a sawi leh em ni?" nuihza insum takin a ti a, ani pawh hian nin chang a neiin ka hria.



"Kan sawi tak tak hmain ilo thleng a ka lawm zia chu" uar zetin ka lo ti a, ka biangah min piai leh tawh.



"Ka biang hi i piai thlawn thei ang" tum bur in ka ti a, min thlem leh seuh seuh tawh.

Hetia min thlem tawh hi chuan ka lungawi lo rei thei ngailo reng reng.



"Ka ngaihtuah mai mai a Ruthi U hi kan officer-a kha a nilo maw" thutak deuh taka a rawn tih chuan ka melh ha ringawt.



"Engthil in nge rin tir che?" chutiang zawngin ka lo ngaihtuah ngai miahlo.



"Ka chhut chet chet hian a ni thei lutuk ania aw, alo zawng che pawh ani thei a, han ngaihtuah la a duh theih zia che chu kei chauh lo pawn i thiante pawn an sawi thei ang, Chu bakah i kal hma khan i be duh miahlo bawk a, a mangang in a zawng che pawh ani thei" ati deuh duah a.



A sawi takah chuan ka ring thiam ve deuh, ka kal hma pawh khan Ema'n a insawifiahna ngaihthla turin min ti anih kha, kei lah khan hmuh leh kha ka tum tawhlo bur a.


"Mahse ani thei dawn ami!"


"Ani theilo ami?" alo ti let heu a, han chhan vak ngaihna pawh ka hrelo.



"Nangni pahnih kha lo kal vat ta che u, in muang lutuk" Ruthi lah chuan hmai zangthal haw a rawn hawi let pahin a rawn ti hlar a.



Kan titi tui luatah kalpui kan nei tih pawh kan lo hre tawh reng reng lo, ava zia lo thin ve.



"Sarry kan lo kal" tih leh Rla pawh ka rual a, a zawn kan thlen pawh chuan alo tum bur mai. Nichin lawk kha chuan tiang em em hian a mood a chhe lo a sin le.



"Ka ril a tam ania Lalremlian... min treat thei" tih leh min kalsan a rual a, Rla nen kan inen a kan nui tawp.




*

"Awi... Hmeli min van rawn be duhlo ve kan ngai lutuk che" Sangpuii'n ring zetin a rawn ti a, ka earphone ka la thla nghal.


Video call an rawn tia, min hmuh veleh an rak chiam a, ka lu an ti na vek tep ani.




"Zawi te in guys ka beng ka hnawh a nia" ka tih chuan an ngawi thap a "a nuam em? Rla khan a duat che em, nuam hi iti sia min ngai miahlo anih kha, kan ngaih che nen" Ruati'n alo ti zung zung a, han chhan mai ngaihna ka hriat loh vangin ka nui tawp.




"Enteh lo haw tawh la ka ti, keichu ka ning tawh Officer-a bula i awmna hriatloh der reng hi ka ning, min rawn be reng a, ka hauh pawn a haw duh silo a. Fine-a nen pawh kan inhauh phah a, ka kawp a ring a, tunlai phei chu min ringhlel reng, a nuam lo" Priscilla'n alo ti nang nang a.



"Nia keipawh min hmuh apiangin i awmna min zawt ziah a, min zui ru emaw tih mai turin ka kalna apiangah alo lang nawlh zel a, a hmel phei chu a bawrchhawr lutuk, a cher sia a khawngaihthlak lutuk" Roi'n alo ti bawk a.


Kei erawh ka ngawi rauh rauh a, vawiin a Rla sawi kha ka ngaihtuah chhuak a, a ni thei mai angem ka ti deuh. Mahse ka ring a ka ring chiahlo, a nuhah vangin a cher te pawh ani mah na.




"In ho a chungchang ka sawi peih lo, thil dang sawi ru" tiin fiamthu ah ka laksak a, anni pawn an hrethiam aniang an sawi zui biklo.



"Keichu i putea hi ka ngei tlat" Ruati'n alo tih chuan midang ho an lo nui huk a "eng nge a?" hre chak zetin ka lo ti zui a.



"An nu nen an inbe thin a" a rawn tih chu ka rinloh lam daih ani "a haw hle sia" tawngsual hlau zetin ka ti a "a haw thlawtlo aniang, nizan kan inbiak lai pawn ka message aiin a nupui hlui message a dah pawimawh zawk a, hetiang reng chuan rei ka peih lovang" ati hmarh hmarh a.



"Thil dang a awm aniang" ka ti dek dek chu "eng thil dang? a nupui hlui ania an inthen dan pawh khati kha ania, a hmeichhia in alo bia hi chu engpawh ania, a haw hle anih si chuan engvangin nge alo biak let ve zel ni! Lo be duh miahlo ni se a nupui hlui pawn a rawn be reng peih nang, an duh leh inhruai leh rawh se, tlangval an tam" a rawn ti nek a, a chhuak zui zat a.




Kan mak ti chu inbe lovin kan ngawi deuh tham a, ka putea pawh chu a ti anglo ka ti, a haw hle anih chuan engvanga be reng nge anih ang? Ka zawh ngei angai ang.



Rei fe kan ngawih hnu chuan ka aw ka thian kharh a "a kimchang in in hria em?" tiin ka thiante ho chu ka zawt zui a.



"kan hre bik lo tunlai tak phei chu an inhmu mang lo a, i putea pawh chu lo bia la, keipawh a ti anglo ka ti" Sophie chuan ati a, ka lo bu nghat.


"Kan nguai emai nidangah inbe mai ang u, kan ngai lutuk che nia lo haw vat la" an tih hnuah kan in mangtha a, ka phone chu khup thawk in ka inngaihtuah zui a, ka putea te chu lo dahtha ta ila.



H-a chungchang an sawi kha a tak tak anih chuan min lo zawng ve reng ania nga, ka thiante thlengin alo bia a, mahse Ema hian engmah a rawn sawi ngai miahlo. Ema hi eng emaw chu a zawt ngei dawn tih chiang sa ania, a chanchin ka hriat duh a rinloh vangin min hrilhlo te pawh ani mah na.



*
"Aw mate eng nge ni?" zang vah a lo titu vang chuan ka thaw deuh huai "pute tunlai in nu hlui nen in inbe leh ami?" ka ti nghal thawr a, han pehhel vak kha ka peih lemlo.



"Aa... Ruatin alo hrilh che kha ka rin sa ania, aw Cycee-i hi rawn biak a duh thin a, a nu anih na laiah han phallo tlat kha a nuamlo a"



"Chupawh nise Ruati mitmei te veng ve la, nangin i ngaih ang ngawt khan alo ngailo ve thei a, Cycee-i a be duh anih leh bia se nangin ilo biak ve kha a ngailo, bialnu nei i nia i nupui hlui mah nise i biak i biak kha a mawilo" ka ti duah a, ka thiannu tan anih chuan a nupui hlui pawh ka va chhuahchhal mai ang.



"Adik alawm i thiannu pawh biak ka tum thin a, a thinrim nghal ringawt thin a han sawipui vak thei a nilo a" a aw atang chuan nuam ati chiah biklo anih hmel.



"A hrim hrim in i nupui hlui pawh chu a hma zawngin Cycee-i a rawn ngaihsak ngailo a, tun a taka hmangaih ber awm zia zanga alo biak thar leh vel a, a be duh anih chuan nangmah kha rawn be zui vak che suh se, khaw maw a number min lo pe teh ka va chhuahchhal teh ang" ka insawi thinrim tan in ka hria.




"Va biak a ngai hleinem keima thiamloh pawh ania biak chintawk ka lo hrelo ani, i thiannu pawh chu min biaksak teh, min be duhlo ngawt a a hreawm emai" a thusawi tawp lam vang chuan ka tumloh deuhin ka nui hak a.



"Pathlawi a hnu lamah naupang i ngaizawng tha leh a, ila be tawng theilo zui a" ngeiawm deuhin ka ti zui a, a rawn chek tlak mai.



"I chimawm chhuah reng reng suh, lo be rawh hetiang chuan ka tar mai dawn" atih leh phei chuan a nupui hlui ka ngeina theihnghilh thakin a lawm ka nuih le.



"Kan pathlawi lunglenga chu a bialnu ka lo biaksak ange" ka ti a, a rawn nui ve hawk alawm. Rei fe kan inbiak hnuah kan dah thei hram, Cycee-i pawn min lo ngai ve hle anih hmel, a pa nen kan inbiak laiin alo inrawlh ve sek mai.




"Hello" zan zan ah te min lo call le!


"Haalloo!!! Ka lalthian naktukah min chhuahpui hman em?" alo ti duai, he mihring hi ka la khawng hrep ang.



"Naktuk te chu inrinni ania hman awm tak, khawiah?" ka hmuh hunah ka khawng dawn sia, tha deuhin kan be phawt ange.



"Ka U alo kal dawn a, ka nu in a ti luih fe hnuah lo kal a remti hlauh a, ka tan tak pawh a tha keiman ka lo buaipui deuh thei dawn a" ati deuh duah a, a hlim hmel phian mai.



"A tha lawm intih thawven a mamawh" ka lo ti mai a, rei fe kan han inbe leh a, kan dah meuh chuan dar 1 a hnai kuar tawh, Rla sawm ve ila a tha ang, a tello in ka chhuak peihlo.




Tun ang hun hi a games khelh hun ala nia ala biak theih ang, ti rilru neuh neuh in ka call a, a chhang miahlo.



He mihring hi a games khelh lai vangin ka call a chhang duhlo ani chiang mai, ka call nawn leh a ala la chuanglo, ala mu dawn lo tih ka chiang, lo mu tawh pawh nise a phone ri ah a harh tho tho ang.




"Tun chiah ka call leh anga a la thei chuanglo anih chuan ka be tawhlo ang" tih leh call button hmeh ka rual a, tun tum chu a pick vat.



"Hmela.... La vat ta che nge ka la duhlo e te itih ve khanglan a!" ka ti nghal hlar a, lehlam ami lah chu a ri deuh rawk rawk a, ka thinrim deuh tun tawh.



"Ah... Nula he mi phone nei tu hi a accident a hei damdawiin ah kan kalpui a, a chhungte emaw lo hrilh ta che, a rang lamin lo kal thei ula a lawmawm ngawt ang" patling aw hian a rawn ti ta mai!



Ka mu lai chu ka inperh tho zawk a "ka pu a na viau em? Engtin nge a accident a?" ka chiai vek, ka chapal pawh ka bun dik hlei theilo.




"Truck nen an insu a , a.... Lo kal phawt ula chanchin kimchang tak pawh kan la hrelo doctor kan nghak a" ati a, ani pawh chu midangin an rawn be buai ve sek a, ka kal nghal tur thu hrilhin call ka off a.



Hmanhmawh zetin ka room atangin ka chhuak a "Ni... Ni... Ni... Ka chhuah angai" tiin ka ni ka au lang lang a, zan a rei tawh bawk a a ring tha duh ngang mai.




Phak chual in ka ni leh a pasal an room atangin an lo chhuak a "eng ngati nge a? Zan rei lamah" thophang aw zetin ka ni in a ti a "ka thianpa a accident a a rang lamin damdawiin ah ka kal angai" hmanhmawh ru deuhin ka ti a.



"Awhaw! " tih leh an pa chu an room lama luh a rual a, ka ni in min zawt chiang thuai bawk, engmah kimchang ka hriat bikloh vangin han sawi mai tur pawh ka hrelo.




"Ti rawh ka va hruai ang che" tiin an pa chu an room atangin alo chhuak a "in lo nghak mai rawh kan rawn haw leh vat tho ang" tiin ka ni a hrilh zui a.



Kan tlanchhuah lai chuan ka ni in kawngka bul atangin min thlir a, an pa in a ban a vai zauh hnuah muangchang lemlo in kan tlan a.




Kan tlan chhung zawng ka rilru in ka tawngtai mawlh mawlh a, keimah vanga heta awm ani a, a chunga thil tha lo a thleng anih chuan keimah ka inthiam thei dawnlo.






Ka ni pasal nen pawh kan inbe lemlo, a rawn hawi leh zauh thin a, kei lahin ka ngaiihsak thei der silo.



Kan tlan chak bawk a reilo ah damdawiin kan thleng thuai a, car a din rual chuan ka chhuak vat a, ka kalpui pawh nghak lemlo in ka tlanlut nghal a.


Receptionist ka hmuh hmasak ber bulah "nichin lawkah tlangval accident an rawn hruai kha khawi lamah nge a awm?" hmanhmawh zetin ka ti a, a awmna min kawhhmuhna lamah chuan ka tlan phei thuai a.



Emergency room kawtah chuan patling pahnih leh nula pakhat hi an lo awm a "ka pu nangmau hi ini em accident hruai tu kha?" ka va ti thawr a "aw ni e nangmah hi em ni a chhungte?" tiin a thutna ah chuan min thutthlak tir a.



Ka tlan nasa bawk a ka thaw hlawi hlawi mai "aw ana viau em? Doctor te an lo la chhuaklo ami?" tawng pawh ka tawng tha theilo, nula khan tui min lo pe a.



"Doctor chuan a lu a sawh leh a ban ruh tliak tihloh chu na serious lutuk a awmlo a tia" ka bula patling bawk chuan alo ti a.


"A lu chu a sawh na viau em? A hriatna a hlauh mai angem?" ka ti mawlh mawlh a, ka chiai takzet ani, ka ni pasal pawh alo thleng thuai a, patling nen khan an inbe zui a, kei erawh ka thutna a thu in ka ke ka chet zauh zauh reng a, ka awm mai mai theilo.



"I bialpa ani em?" nichin a nula khan alo ti a, a hmel ka en a nula ala ni chiah lo ang, kan inrual vel ka ring.


"Nangmah ni hian in hmu hmasa ber ami?" a zawhna pawh chhang lemlo chuan ka ti a "aw kan hmaah a tlan a, truck kha a tlan kawi thut a a balance a hlauh aniang a su bur a, truck driver lah kha a rui alo nia, police te pawh kan hrilh vat a" atih chuan ka lo inhum ruh nghek, chupa mai mai chu amah vangin mi pakhat in a nunna a chan lo chauh alawm.




"Police chuan an la em? case ka file ngei ang" tiin ka inhum ruh a, Rla ka ngaihtuah ngat phei chuan chu driver chu sawisak hrep te pawh ka chak.



"Aw... An la a zankhat an kawl anga an chhuah leh mai ka ring a"


"A tang ngei ngei tur ani, khawi station ah nge an hruai? Case ka file dawn" tih leh ka phone ka zawng a ka hmuh hauhlo, ka chhuah dawn khan ka khum ami kha ka la tawh miahlo anih hmel.




"Damlo chhungte hi in awm em?" doctor lo chhuakin alo tih chuann ka ding vat a "keimah ka nia doctor a tha em?" ka ti nghal thuai a.



"Tunah rih chuan a tha e, a ban saw thla thum vel a awrh angai anga, a lu erawh a sawh na lemlo a, karhnih vel tal chu damdawiin ah hian a awm a tha ang" atih chuan ka thaw huai mai, ka ni pasal leh patling khan doctor chu an be zui a kei erawh room chhungah chuan ka lut a.




Nurse in a lo buaipui mawlh mawlh a, ani lau engmah hrelo in a mu bam a, a hma zawnga tap thei miahlo kha amah ka hmuh takah chuan ka mittui a far zung zung mai.



"La khawih vak loh tur aw zingah bak alo harh lovang" min kalpelh pahin nurse chuan ati zui a, zawng muang in a khum lam chu ka pan a, a thaw ri sak sak chu rei fe ka en a.




A bula thutthlengah chuan ka thu thla a, a biang a duk deuh churh a, a chal an tuam var luk a, a hmui a duk deuh bawk mahse a hmel chu hman ang khan ala tha reng.



H-a kha lo tawng lo ila ani nen hian thian bak kan ni mai angem?


He thil hi ka in zawt thin a, a chhanna erawh 'aw' ani reng, H-a kha lo tawnglo ila chuan ani nen hian inngaizawng tia sawi kan ni ngei ang, ani chuan min bum in min kalsan ve ngailo anga, ka bulah ka mamawh laiin a awm reng anga min tina ve ngailo ang tih ka ring.




A kut chu ka ban a, a vawt vur mai a kut chu la kang in ka biang ka dawm tir a, ka mittui a far fap.



"Mawla... Ngati nge i mut reng a? Lo tho rawh ngati nge zan zanah i chhuah dawk dawk! En ta che hei damlo ho mutna ah i mut ringawt hi" tiin ka biakna pawh hre miahlo chu ka be lui ngar ngar a.




Ka mittui lah a tla reng a dan sen pawh a nilo "lehkha zir in awm mai mai tur che ania" ka ti leh ringawt thin.



Rei fe ka thut hnuah kawngkhar lama thawm a awm vangin ka hawi chhuak a, ka ni pasal leh patling bawk kha an rawn inzui lut a "Hruaizel.,. Kan haw tawh mai dawn em ni? Hei eng em a tilo chu ania, i ni in min rawn call zing tawh khawp a" ka ni pasal in a tih chuan ka rilru a insual buai nasa mai.



Rla hi ka kalsan ngawt theilo, a chhungte ka be thei bawk silo, amah chauha zan a awm tur chu ka ngaii ngam chiahlo ani.



"Pate... Ka riahpui mai ang, hetia ka kalsan chuan ka mu thei chuanglo ang" ka ti ta ngawt a, inah haw ila ka ngaihtuah leh reng dawn tho a, naktuk chawlh ani leh zel nen awmpui mai pawh ka pawi tilo.



"Chuti ngawt ani thei dawn em ni! I ni in a ngaihtuah viau che ania" a aw atang chuan a a phal hmel loh, mahse ka riak lui tho ang.



"A chhungte ka be silo a zanin chu ka riahpui mai ang, naktuk lamah a chhungte pawh ka bia anga zanin chauh chu" ngenngawl zetin ka ti a, patling khan a bengah eng emaw a hrilh zeuh a, eng nge a sawi phei chu ka hrelo.



"Anih chuan hei Pa Saia te hi an awm dawn a, naktuk zing lamah i ni nen kan lo kall dawn nia, mamawh te i nei angem?" ati ta hlauh a, ka thaw huai mai.



"Nei lemlo ka ni chuan min lo ngaihtuah suh se " ka ti ringawt a, min ngaihtuah tho chu ka ring a chiai hma thei sia.



Ka ni pasal haw hnu chuan ka thutdan ngaiin ka thu a, patling pawh kha ka ni pasal chhuah ruala a chhuak kha alo let leh ta miahlo a, an riak ve dawn nge dawnlo pawh ka hre zui lemlo.



"Coffee i duh ve em?" tiin nichina hmeichhia kha alo lut a, ka lu ka bu nghut a, sana ka en chuan zing lam dar 4 alo hnai kuar tawh, ka mut pawh a chhuak deuh tawh.



"Rosy ka nia nang tunge i hming?" coffee min pek pah chuan Rla chu a thlek zauh a "Hruaizeli" ka ti deuh hmuk a, Rla a melh dan kha ka duh miahlo.



Duh hmel takin a melh a, ka thik ti dawn ila Rla lakah feelings ka nei tawhlo a, mahse ka thianpa leh engkima ka tana awm reng anih vang hian min treat dan leh min ngaihsak ang hian midang a ti ve ang tih ka hlau ani, ka thik vang anih ber chu.



"Heta awm nghet hi ini lo tiraw?" ka bula a rawn thu thla zui a "aw nilo lehkha zir in ka rawn awm" ka ti leh mai a, Rla chu a thlek leh zauh zauh a, ka ning lek lek nia.




"Urema nen hian in in hre sa em?" ati leh a, Rla pawh alo hre sa anih hmel, a U danah keini aiin ala nau anih dawn hi.



"Hre sa e hetah pawh hian keimah vanga lo awm ania, ka hlatah a awm duhlo a ka bulah a rawn kal ve tawp anih hi" ka ti kher a, min rawn melh vat a ka lo nuih sang thung.



"In inngaizawng ami?" mak tih hmel taka min en chungin a ti a.


"Ngaizawng love. . . " ka tih chuan a thaw deuh huai a "ka chhanna ala nghak mek a" ka tih zawm leh zat a, min rawn thlek rang khawp mai.



"Chuan engtin nge chhan i tum?" ati zat a, a hmel chu a hlauhthawn hmel lutuk "ka hrelo le ka aw maithei" pawisawi loh hmel tak chuan ka ti a, a hnu leh lamah chuan a ngawi zui daih a, keiin be ta nge ka ti bik bawk silo a.




Chutia kan ngawih reng lai chuan Rla min koh ri ka hria, ka va hawi a a mit alo meng siar siar a, ka bih hnai vat "Rl... I tha em? Min hmu em? I bulah ka awm ania" tih mawlh mawlh pahin a kut ka vuan a.




Rosy pawh ka bulah alo ding ngawi reng "Zel,.." thei leh theilo a alo tih chuan a hmui bulah ka beng ka dawh hnai vat a "ka tha ania min ngaihtuah suh" ati zawi sup a, ka tah nuih hak.



"I tha tih ka hria lawm, i dam vat angai a nia, i dam hma chu chhanna ka pe lovang che" ka bula mi mitsir zeuh chungin ka ti a, a chil a lem khawlh chu ka hmu reng.


Rla lah chuann a ngaihna hriat loh hmel takin min lo melh a, ka mit in ka signal zauh a a hrethiam em ang chu.




Rei pawh a harh chuanglo a muhil zui leh mai a, ka bul mi lah chu a ngawi ta rauh rauh mai bawk si, ka phone ka keng silo, ka mu ve mai dawn emaw ni ka ti tawh.







Show post links
Top

[Ngaia]

*OFFICER HVL-A*



Chapter-23

By Priscilla vl Ralte




Ka lo muhil sek a niang thawm ka hriat vangin ka harh zawk a, Rla mutna khum bawhin ka lo muhil alo ni.


Ani lah chuan min lo thlek vang vang a "i harhna a rei tawh em?" zik mar pahin ka ti a "rei fe chu i muhil hmel ka lo thlir tawh" ati zui a, ka hmui ka ti pawrh a "i dam khawp alawm kha min flirt thei tawh ania" tia ka hawichhuak chu room sofa a Rosy lo thu ka hmu chat.



Min lo nuih var var a za vaklo in ka nuih let a, nichina Rla nen kan inbiakna pawh kha alo hre vek tihna ania, Rla hian a hmulo nge a hmulo der pawh ka hre hrep love.



"Na vak i nei tawhlo maw?" tiin Rla chu ka melh zui daih a "ka lu hai muai muai tih loh chu na ka nei tawhlo" atih vang chuan ka thaw deuh huai.



"Min ti mangang alawm, zan tira kan inbiakin i chhuak dawn tih i sawi silo a, lo call lo phei che ila chu i accident tih pawh ka hre tawp nang" vui a tak chuan ka ti a, a inthiamloh ve hmel lutuk.



"Urgent deuhin ka chhuak a, ka let leh vat mawle kha truck driver khawlo lutuk kha alawm" tiin a phun zui hluk a, kei ka lo nui thung.



"Urem.. I rawn harh tawh bawk a ka pa te saw ka haw tir mai dawn asin! " Rosy'n inthlahrung dek in alo ti a "haw rawh se awm ve reng angai hleinem ka tha alawm" pakhat lah chuan nelawm loh zetin alo ti a.



A kawr banah ka pawt zauh a, min rawn endan vang chuan engmah ka sawi ngam biklo.



Thilsual ti melhin alawm min melh le, Rosy chu a chhuak vat a "tinge khatianga i chhan hmuk hmuk a, nuam a tilo anih kha, nangmah buaipui che in nizanah an phe buai char char a" tiin ka chhuahchhal nghal char char.



"Ka ningka damloh lai pawn min hau reng mai" tiin a inlukhup hmak nia, a titau reuh emaw ni!


"Hey!! "


"Hey.... " min la chhanglo


"Lalremlian.. " a che eih lo



"Hey..... Ka hau tawhlo ang che titau tawh suh" tih leh a puan hlim ka rual a, a pawt bet tung biklo.



"Khatiang mai mai tihtauhna tham a nilo i ho emai" ka ti zui a, a tum bar mai.



"I chhungte biak pawh theihna ka neilo a chanchin engmah an hrelo ang" ka tih chuan "an zin chhuak a hrelo mahse a pawilo" ati mai a, thil te lah hi a ngai awlsam thei sia maw.



"Serious lutuk ka nihloh hi hrilh an ngailo ang" atih zawm leh zat a, engmah ka sawi belh ta lo.



Dar 8 bawr ah ka ni te nupa an lo kal a, ka ni pawh a dan ngai te in a chiai leh chiam tawh "engmah han ngaih serious lutuk tur a awmlo, nihnih vel ka awm anga ka dam lehnghal ani mai" damlo berin a tih hnuah a ngaih a tha ve chauh, nihnih mai a awm dawnlo tih lah ka chiang.



"Hei i thiannu hian zing atang khan a rawn call tawh che a chanchin i hrilh silo a" ka phone min pek pah a ka niin a tih chuan ka lo ban vat.


Ruthi missed call a lo tam ngang mai , eng nge ni chiam chiam ni!


Awi... Nitak! Vawiin ah a U hmuah pui turin min ti tak!


Ka ding hluai a "Ruthi U alo kall dawn a min lam pui rawh a tia ka theihnghilh daih" Rla en pahin ka ti a, tih ngaihna vak hre heklo a dar a san ak ringawt.



Balcony ah ka chhuak a ka call let nghal "awi.... Nangnu hi ka call nasat zia che hi tinge call i lak duh miahloh a?" a rawn ti nghal hlur a "awi.. Mate tihpalh lutuk ka phone ka kawllo a, nizanah Rla a accident a damdawiin ah ka riahpui a, ka phone ka theihnghilh a" inthiamlo deuhin ka ti a.



Ani pawh chu a rawn hlauthawng ve hmel "engtin nge a accident a? Ana viau em? " tih anng reng min zawt nghal mawlh mawlh a, ngaihtuah awm a nih loh thu leh ka kalpui hmanloh thu ka hrilh nghal zung zung a.



"A pawilo chutiang te ka lo hre ve lo a a pawi e, ka U chu keimahin ka va hruai mai ang, airport atangin ka lo tlang ve nghal bawk anga" a rawn tih chu ka hnial lemlo, tihtur em em a nei chuanglo a lo kal ve mahse a pawilo.




Kan inbiak zawh hnua ka luh chuan Rosy te pafa pawh an lo awm tawh a, ka ni leh Rosy chu an lo inbe siam siam a, an inbiak pah chuan Rosy chuan khum a thu tum bur chu a melh leh zauh zauh thin tih ka hmu reng.



"Na te ila nei em?" ka tih rual chuan rang zetin a rawn hawi a "ka ngai che" tih leh min kuah a rual, min ti hamhaih lek lek.


"Hey min thlah rawh" zawi sep in ka ti a, a banah ka pawt pah bawk. Ani lah chuan a lo hrelo der hmak a, a kut pakhat chauh a hmang chung pawn ka pawt thla zo thlawtlo, ka ni in min lo nuih vur vur leh ta nghal a.



"Lalremlian... Eng nge i hriat a! Min thlah rawh" sehchilh nawk in ka ti a, min kuah reng chungin ka hmai zawnah a hmui a rawn ti pawrh a, ka tum loh deuhin ka nui hak a, midang ho chuan min lo melh thap.



Ka nui tawp chawt a, a bana ka pawh leh takah chuan ani pawh chuan min thlah mai a "ka chhuak lawk dawn" tia ding chhuakin Rosy chu a chhuak ta daih a, makk ti zetin kawngkhar lam chu ka melh vung vung a.




Nizan atang tawh khan Rla a enduh em em a, a lo duh tak tak anih dawn hi.



"Rosy te nen hian in inhre sa em?" a hriat tham lek tur chuan ka phun sap a "kan thenawm ah an awmawm thin" tih ringawt in min chhang a "thin chauh maw?" hriatbelh chak takin ka ti a "mizoramah khan kan thenawmah an awm thin, tunah pawh kan thenawm ah an awm, mahse kan inbe ngailo a, ka chhungte leh a chhungte pawh an inhre lovang" ati duah a, ka lo bu nghat nghat.



An in thenawm a chuan Rosy hian an thenawmpa hi a duh ru a, pakhat lah chuan kei...,


Nilo! hepa hian min duh tawhlo ang, thian tak tak angin kan awm tawh a, atan hi chuan keichu ka tling tawhlo, midang tha tak a phu.




"A duh che in ka hria" mithmul tih kan ak ak pahin ka ti a, a lei min chhuah khum in "ka duh ve lo nangmah chiah ka duh che" nui chungin a ti tak na chu a fiamthu pawn ka hrelo.



"I ninawm aw, khatiang zawngin min fiam ziah suh" a ban nalo lama ben ka rual a, a nui hawk hawk zui, ka khawng hrep zawk dawn maw ni.




"Mate, keini chu kan va haw loh chuan, hna kal te kan ngai sia" ka ni in alo tih chuan an lam ka hawi vat a "zanin chu ka riak leh mai ang Ni a chhungte an zin vek a, amah chauha a awm ka ngai ngam chiah lo" ka ti nghal a, naktuk sunday ani tho a a pawi em lovang.




"Chutiang anih chuann tlai lamah i hakthlak tur ka lo keng dawn nia" a tih hnuah an nupa in an inzui chhuak a, Pa Saia'n a thlah a "zanin chu party ila" a tih chuan ka melh hrawk.



"I damlo a party te ila sawi chu pawh damdawiin ah lehnghal, mihring.... i lu kha i sawh khawlo chu ani em lo maw" a lu thlek kual dun dun pahin ka ti a, a huat hmel ngang mai "ka â em lo chu anih hi Ruthi chuan min lo kan dawn em?" ati nghal zat a.



"Lo tlawh che chu a tum kha, a U pawh alo tel maithei ani" tih leh ka phone phawrh ka rual a 'I U alo tel ve angem?' tih ka thawn nghal.



"A hmaa ka sawi kha ila hria em?" ka bul ami in alo tih chuan a hmel ka en a, a thutak phiann.



"Eng ber?" ka ngaihtuah zui ngial a, eng ber a sawina nge niang!



"Kan Officer-a chungchang kha, Ruthi U hi anih ka ring nghet bur tawh ania" thutak zetin ati zui a, nur nang in ka lo en thung.




"A nilo ang, lo ni pawh nise a ho e ani ani mai a" ka lo ti et a, mahse a ruk tak chuan a ni ang tih ka hlau, alo ni anih vaih chuan ka awmbo hian awmzia a neilo ang.




"Hmu turin i inpeih tawh em?" ka kut rawn vawn paha a tih chuan a hmel ka en a, ka lu ka thing nar nar a "kum khat em pawh ka la awmbo lova, tuna hmu tur chuan ka la inpeih lo" ka ti sap a,



Thilthleng zawng zawng ka ngaihtuah let a, kei min kalsan a khanu a pan lai te kha tun thlengin ka la feel thei, a nat ngaiin ka thinlung hi ala na.




"Ngaihtuah zui vak duh suh, alo nilo thei a, alo nih thut takin tih thu mai ania" tiin min nuih zui a, ka nuih let theilo.



Dar 1 dawn ah Ruthi'n damdawiin pawn a a awm thu sawiin min lo call a, hruai turin cabin chu ka chhuahsan a.



Ground floor ka pan lai chuann ka thinphu chu rang zaih zaih tak ani, amah lo ni ta se engtin nge ka hmachhawn ang?



Lift a din rual chuan am zetin thawk ka la a, engpawh thleng se ka hmachhawn thei tur ani, tia infuih ru mawlh mawlh chungin ka pen chuuak a "Zel... Helamah" tia min auhna lam ka hawi chuan ka che lawk theilo.



Amah ani! Amah tak tak, ka mitvai ani miahlo. Ani pawh chuan phawk zetin min lo en reng a, a phun zui sap a, ka dinna ala hlat vangin a sawi erawh ka hre pha lo.




Ka thiannu chuan min nuih chunga a ban vai lauh lauh pahin min rawn pan a, kei erawh ka din ngaiin ka la ding reng.




"Hei ka U hi lo kal turin ka rawn sawm lui a" ka bul a lo thlen rualin a ti siam siam a, H-a erawh a dinna ngaiah khan ding in min la en reng "hei ka U hi hmel.... ah khawnge ka U?" tih pahin a hawikual a, a dinna ngai a alo la ding reng a hmuh rual chuan "khata ding reng lo khan lo kal vat rawh" tiin a au zui a.



Chu veleh H-a chu harhchhuak thut ang maiin min melh run chungin a rawn kal hmawk hmawk a, kan bul alo thlen veleh eng khaw sawi set set lovin min kuah nghal thlawp a.




Ka bekah a fawp tawk a "ka zawng nasa lutuk che tih i hria em? Min tih beidawn zia te, i tello chuan engmah ka nilo Bawihduat.. min kalsan tawh suh aw" ati pah mawlh mawlh a.



Engmah ka sawilo, ka din ngai rengin ka ding reng a, min kuahna chu ka hnar lova ka kuah let heklo, ani lah chuan ka tlanchhiat mai hlau ni awm taka nghetin min kuah a, thawk ati buai lek lek ani.


*
*
*
*
*


Ruthi chuan makk ti zetin kan pahnih chuan min en a, kan ti hamhaih viau anih hmel.


Ka kut lek chhuakin H-a chu nem sawn ka tum a, chu veleh a lu a thing nar nar a "khawngaihin Bawihduat! Min hrem tawh suh, khawngaihin ka lak atanga kal hran tum tawh suh" mangan hmel zetin a ti zui mawlh mawlh a.



"Khawiah mah ka kal dawnlo, min thlah tawh rawh, khawlaia awm kan nih hi" ka tih pawh chuan ngher zetin min la kuah reng "min thlah vat rawh! " pawr ang reng zeta ka tih hnu chuan " U thlah rawh, miin min en reng ania" tiin Ruthi pawh chuan alo pawt a.



Chutah ngaihngam zan lo in min thlah ta hram a, ka kutah nghet zetin a vuan zui bawk, chu erawh ka hau lemlo. Keipawn a mi khawihna hi ka thlahlel ngawih ngawih alawm.


A hmel chu ka en a, a biang ki a langsar deuh a, a biangah hmul a to ser ser bawk a, a hma ang bawkin ala hmeltha. Mahse tlem chuan a cher deuh in ka hria.



Min rawn en in mawi zetin a nui a, ka nuihlet lemlo thung "kal ang " Ruthi en paha ka tih chuann ka kut chu a aia nghet in a vuan a "ka thlah dawnlo che" a hmel en tuma ka hawi chhoh rual chuan alo ti nghal a.



Cabin kan thlen pawh chuan ka kut chu ala vuan reng a "min thlah rawh ka tlanbo dawn pawh a nilo" tih pahin ka kut chu ka pawt a, min vuan reng ta biklo. Ruthi lah chuan 'insawifiah i ba' tih melh in min melh a, ka nuih tlawn ta vel mai mai.



Kan luh rual chuan " Duati! bathroom kal ka ngai ania" Rla chuan alo ti lauh a, H-a ding chawt chu ka hmu ru kar, engmah hrelo ang maiin ka lut tlang a, Lalremliana mai mai pawh chu chutianga min koh kher angai emaw ni!



Mahse khum bula lo thu ka hmuh chuan thil awmdan ka hrethiam mai, Rla lah chuan min lo nuih sang a, ka hnunga lo lut a hmuh chuan mak ti hmel pawh a pu eihlo, alo beisei sa reng emaw tih tur hmel a pu.



Mahse a hma pawh khan H-a anih ring tu chu amah zawk kha ania, a beisei sa a hmu ani mai a, a awm tho e.



"I ke ana pawh ni hleilo" ka ti nang nang a, khum bula Rosy lo thu chu ka nuih sak bawk "i tello chuan mipa pawh ka pa zo lo" ati vei khanglang, ka kut in ka tin uai a, melh no lo tak ka ni.



"Kan lenglerha chu i damloh meuh chuan mi pangai te pawh i ang ve alawm" Ruthi chuan a rawn ti ham ham a, Rla chu khum atangin ka kuah thla a "lo ngawi tak rawh ka dam hun chu i rim viau ang" a kut na lo lamin ka dar ah min kuah a, a ke a na lemlo bawk a kalpui a har lemlo.




Bathroom kan thlen ruala chhuah mai ka tum chu ka banah min lo vuan a "a hmuh che in eng nge a sawi?" zawi te in a ti a "min kuah a min zawn nasat thu a sawi bawk a" tiin thil thlen dan tlangpui ka sawi a.



"Ka tih reng kha, a tirah pawh amah anih ka ring reng a" min melh rulh pahin a ti a "i rindan dik ve ber tum ani" eilo zetin ka lo ti thung.



Ka chhuah hnu chuan kawngkhar bulah ka ding a "U...Hruaizeli kha maw ka monu hual chu?" nui rah rah chunga Ruthi tih ri ka hria a, Rosy kha a chhuakk ta aniang chu.



H-a rum nghut ri in a zui a "sawi ve mai la, i at phah loh chauh ania, ani lah hetah a awm a, kan la inkawm ngeih em em zui" a U chu a chhaih zuk zuk a, pakhat lah in engmah a sawi ve lemlo.



"Duatnu! ka zung zo" bathroom chhung atanga Lalremliana'n a rawn tih leh lauh takah chuan kawngkhar chu ka hawng vat, min la nuih vur vur leh ta nghal a, hmeltha viau lo sela chu ka beng hrep duh ang.



Khum a ka muttir leh hnu chuan a bula thutthlengah ka thu thla nghal a "engtikah nge i chhuah theih dawn?" ka bula lo thutthlak pahin Ruthi chuan a ti zat a "kar hnih vel ala awm angai" Rla chhan hmain ka lo ti vat a, alo thaw hawk thung.




Damdawiin awm rei a tumloh em vangin hetiang lam zawng hian ka nawr angai "a kut hi dim ala ngai a, a la chhuak lawk lovang" ka tih zawm zat a, amah ka en duhlo lui a, a hmel chu hmu ngat ila a meng alh pup ngei ang le.




"Anih tunge awmpui dawn?" lalruthi pawh chu eng atan nge maw a tih ni "keiman a nih mai loh chuan, a chhungte an awm hleinem" ka tih laiin mipa rum nghut ri a awm zat a, tu dang nilo in H-a ani.




Ka va melh lai chuan cabin sofa ah min melh ngur chungin a thu a, Rla ka awmpui tur chu a lawm hmel teh chiam lo. Mahse ani ngaihdan kha ka ngai pawimawh lemlo, ka nuna inrawlh turin ka engmah a ni tawh tlatlo.



"I dam maw?" H-a lam hawiin Rla chuan a ti var a, pakhat lah chuan kei min en ngur ngur a, chhan tum hmel pawh a pu lo "U!? " Ruthi chuan a U lam hawiin a ti vat a "i hmuh ang hi ka ni mai" arawn ti hmuk a, Rla nui suk chu eng vang nge hriat ka chak khawp mai.




"Heng lai daih daih ilo thleng thla a, kan thiannu U lek ilo nia" Lalremliana bawk ani, pakhat lah chuan chhan zawm a tum hmel tawh lemlo.



"Ka ril a tam canteen ami thil zu lei ula" min en pahin Rla bawkin a ti a, ka lo nur nang "nge kei kher?" lungawi vaklo chuann ka ti a "nangmahin ka tilo Ruthi nen khan zu kal ru, a kir i nei dawn nia" atih chuan "pawisa pawh nei hawtlo chuan" ka hmui tih pawrh zauh pahin ka ti a.




H-a lo thaw hawk chu ka melh vat a, min lo la melh ve reng, a thawk hawk chhan ka ngaihtuah chhuak a, a rukin ka khi sak. Khatianga ka hmui ka tih kha a phal ngailo anih kha.



"Sum par lawm.... kha" tih leh a lukham hnuai atangin wallet a rawn la chhuak a, ka lo ban vat "ita chu ka ta, a chhung ami zawng zawng hi ka nei dawn" tih leh thawh ka rual a "ham ham che hian, kal vat teh u" a hmel siam chhiat pahin a ti a.




Ruthi chu ka kai tho vat a "U lo awm rawh aw" atih pawh chuan pakhat chu hrelo ang hmakin a awm, police officer nge nge a ngeng ngalh ngalh khawp mai.





"Awi.... ka U bialnu lek ilo nia, ivan inzep thei em em" lift a kan chuan laiin a ti ta nge nge a, a sawiloh phal kha ka ringlo hrim hrim.


"I U ani ti pawh nichinah ka hriat chauh kha" ka ti a, ani reng bawk a. A U chungchang asawi khan H-a ngaihtuah chhuah ngaihna kha ka hrelo hrim hrim a, Rla'n a rin thu a sawi pawh khan ka awihlo anih kha.




"Mahse min han hrilh chiang teh, engvanga ka U lak atanga tlanbo nge inih?" a rawn ti ta chat, thudik ka hrilh chuan a U ani a, a lam tan na chin a nei dawn a, hrilh lo ngawt dawn ila ka thiannu ani si.







~HVL-A~ POV



Bawihduati ka hmu leh hi ka awih theilo, khati khawp khan ka zawng nasa a, ka hna hial ka thlahthlam phah a. An inah lah ka kal ngun, a U ka thianpa ngei ni bawk Emanuela pawn a awmna min hrilh duhlo.



A nau ka tihdan ah a lawm biklo tih ka hria, vawikhat phei chu min hnek nghe nghe. Ka khawih letlo, a nau a duat em em ani a, kei hian vawi tam a mittui ka tihtlak sak a. Min haw viau mahse ka demlo "a hlimna a pan hi tihbuai tum suh, nang chuan natna bak i thlenlo" ati anih kha.




Natna bak ka thlenlo chung hian ka hmangaih luat vangin ka thlah theilo a, a hlim chu ka duh, mahse midang bulah nilo in ka bulah ngei hlim takin awm se ka duh.



Ka zawng nasa a ka chhungte takngial pawh an mangang em em a, ka nu phei chu min khawngaih luat vangin min kuah chungin a tap nghe nghe. Helai hmunah pawh hian ka pa min tihluih vanga kal ka ni, ka nau chhuanlam mahse ka nundan ho lam lutuk vanga an mangan vang ani tih ka hria.



A tir kha chuan kal ka tumlo a, ka duh heklo mahse ka lo kallo ang tih ka hlau hnuhnawh, ka at phah loh chauhna mihring, ka zawn nasat em em mai chu ka beidawn tawp ah ka hmu a, ka hnaih takah ka khawih phak maiah a awm.



Ni e, ka khawih a, ka khawih ngei alawm mahse a lakk atanga ka dawn chu hnarna a ni, min hnar nie min hnar.


Ka hmangaih ber chu min ngaihdam theih lohna khawp natna ka pe a, ka bulah a taksa chu a awm tawh, mahse hman ang khan a thinlung ka nei tawhlo. A taksa mai nilo a thinlung thlengin min hnar tawh.




"Kei ai pawn i damloh hmel zawk ania" damdawiin khuma mu reng chunga rawn ti tu chu chhan pawh ka tum hranlo, heta ka la awm ve reng nachhan pawh Bawihduati chauh ani.



"Ka bulah chuan a hlim asin, a mittui a tla ngai lo a, a nui reng thin" a sawi tum ka hria, ka bulah nilo in a bulah a hlim a, ani chuan natna a pe ve lo, ka fa rual zet lakah ka hmeichhe hmangaih ka chan ta chu aniu hi"mahse a lak atanga neih theih loh pakhat ka nei" atih chuan ka hawichhuak ve ta nge nge.



"A thinlung" tukverh lam thlir pahin a ti sup a, mak ka ti, a bulah a hlim anih si chuan engvangin nge a thinlung a hneh theihloh?



"A chhan i ngaihtuah mek ka ring, nang hi lo lang miahlo ni la chuan a thinlung hi ka ta ani ngei ang" nuih suk pahin a ti zui a, ka thusawi chu ka bengkhawn zawng tak ani.



"I hrelo hi a mak ngawt mai, a thinlung hi i kawl char char tih i hrelo em ni? Nge i hrelo der zawk! Engang pawn ti na in a mittui tamtak seng mahse i hnenah hian a thinlung chu ala hnutchhiah reng asin. A hmangaih lutuk che tih hi ringhlel suh, i hmanngaih tak tak anih chuan a thinlung i kawllai kha tihdam tum rawh, tunah i tilo anih chuan i tlai ang" nuih luih sak pahin a ti zawm a.





Ka fa rual thurawn ka la ta chu ania "min hua alawm" ka ti ta nge nge "a huat tluk zet in a hmangaih che"


"Min kalsan hi"


"Midang lakah fa pai ta se i kalsan ve tho ang"


"Ka fa a nilo"


"Anih chuan khami zan khan engvanga khanu kha pan nge inih?" a rawn tih chuan ka melh vat.



"Khami zan khan i in atangin ka rawn hruai, i hmangaih anih si chuann engvang kalsan a hmeichhe dang pansan nge inih? Khawlaiah hmeichhia chu pawh khawvawh vanglai takin thawmhnaw bul tak nen a awm a, misual tawng palh ta se khami zan khan i hre dawn miahlo" min dem aw ka zetin a ti a.




Ni e, khami zan khan umzui tur chu ka ni, mahse ka tilo, ka thiamloh ani, engkim hi ka thiamloh vek ani.



"Ka kalsan theilo" ka ti sup a, a dik ka hmangaih a, a hlimna ka duh natna ka thlen bawk mahse ka kalsan theilo, a tello chuan engmah ka nilo "ka hria chuvangin a thinlung hliam tihdam tumin hma i la dawn lawm ni?" a tih chuan ka nui suk a.



"Ka hria nangmah chuan i thei dawnlo, chuvangin ka pui ang che" ka sawi tum hria ni awm takin a tih zawm zat a.



"Min lo pui theilo ta la?"


"Ka tum dawn alawm, ka thei ta lo anih leh i tactic i hmang tawh mai aniang chu, hei chen khawvelah i dam tawh alawm" ka nui chhuak hawk.



Helai hmun ka thlen hnua ka nuih hmasak ber ani "lo tidam theilo ta ila?"


"Chutiang a thleng ta anih chuan a thinlung neih tumin hma ka la ngei ang"


"Chu thil chu ka thlentir ngailo ang"


"Anih chuan i theih lai hian a thinlung chu tidam ang che, chuti a nih loh chuan i damchhungin i chan tawh ang"


"Ka thei ngei ang"




(Kan exam a hnai tawh a, a boring loh nan kal puat puat ang u aw)





~HRUAIZELI~ POV

Vawiin hi Rla chhuah ni ani, a chhungte pawh kar hmasa khan an lo haw a, an lo haw hma kar zawng kha chu college leh damdawiin ka kar tawn a, keimah ka enkawl deuh ber ani mai.



Nitin H-a alo kal ziah a, Rla lah hian alo kal hi nuam a ti emaw tih mai turin alo be tha hluak zel a, ka melh rum leh ram ram thin.




Min biak a tum viau thin na in ka be duhlo a, thildang ka tihsan emaw midang ka be daih thin a, kan pahnih a awmdun kan neih vak ngailoh vang pawh aniang, kan inbe khat khawp mai.



"Bill vel ka ti fel tawh a, pawnah car in min nghak bawk a" H-a lo lutin a tih chuan ka lo ka hau "ka chhungte an lo kal hmanlo a" Rla'n alo ti vat bawk.


Engmah ka sawi lemlo "kha i ke bul a kha sazu" Rla'n alo tih chuan mitchhing chungin ka au tuar a, ka che ngam tawhlo, sazu hi chu ka hlau ve em ani.



Ka bula lo ding chu nghet zetin ka kuah a, ka mit ka meng ngam tawhlo, theih nise ka ke hi khai kan daih mai ka duh. Keimah hi ka za chhuak vek "a kal tawh em?" aw khur deuh dar dar in ka ti a "i ke bula kha a ding vung mai" Rla bawkin a rawn tih a.


Chu veleh a rang a rangin H-a chu ka zuan a, a kawngah ka kherh bet nghal hmaih, ani in ka khel ah a vuan bawk a "kalsawn rawh ka hlau ania" a awm a hmai phum chungin ka ti a.



A nui nghawr dat chu a taksa a bet ka nih vangin ka hre chiang lutuk, mahse hau tur pawh ka awm hrihlo, ka hlau em ani.



Hlau viau e tilo chuan ka kuah mek angchhungah hian ka thla a muang hliah hliah, a thinphu dup dup chu ka ngaithla kar a, hetianga hnai takah ka ngaihthlak loh na pawh a rei tawh lutuk.



Ka ngai a, a kuah ka thlahlel a, min duatna te kha ka ngai, a engkim hi ka ngai a, mahse ka ta ani thei tawh silo. 'Officer.... Ka ta inih leh theihna dan hi a awm angem' tiin ka thinlung chu a rum vawng vawng.








~~~~~~~~~
A tawp tep aw, chuan ka dahkhat angreng a ka Inthlahrung viau na chu phut ka nei a.


Writers ho hian (ti khanglang) in comment kan hmuh hian kan phur thin a, comment a tam phei chuan theilo chung chung pawn nghaktu leh ngaihlu tu an awm vang hian regu hram hram hi kan duh thin a, a theihloh chang pawh a tam.

In comment ka hmuh hian ka phur in ka hlim a, zing lama comment in min lo hmuah phei hi chuan nileng mood hi a ti fuh a. Chapter tinah hian viewers sang (1k) a pel ngei ngei vek a, mahse comment hi a tlem thei lutuk a, ka regu loh vangin comment in phur lo pawh ani thei a, mahse regu kan phur theih nan comment lamah min lo fuih phur ula tiru?


In comment ka phut ve tihna anih chu❤


Show post links
Top

[Ngaia]

*OFFICER HVL-A*


Chaptee-24

By Priscilla vl Ralte




"Tihian awm hlen tawh mai rawh" ka beng bula a rawn phun sur sur takah chuan ka tal deuh a "ala awm ania" Lalremlian bawkin alo ti leh, lei lam ka hawi thla a, khawilam sazu mah a awm lo, min tihder ani maw mai mai chuan!



"Lalremlian! Ka vaw dawn che" tih leh H-a pawmna atang chuann tal thlak ka rual a, khum lam ka pan lai chuan rang zetin a chhukthla tharh a "min rawn man la" tih paha lei min chhuah khum chungin tlan chhuah a tum a, pawn lam atangin cabin kawngkhar an rawn hawng a, a tlan laklawh nen kawngkhar ah tak chuan a intauh chawrh a.



A na ang chu aw, mahse ka khawngaih lo a phu tawk chiah "awi Urem a na em?" tih pahin Rosy chu a thu hniam thuai a, kei erawh pum dawmin ka lo nui ngat ngat.



"Kawngka i kik hmasa thei lovem ni?" tiin pakhat chuan a lo vin let nek a, ka pan hnai a "khawmaw ka duat ana viau em? iva han chawh tak! min tihder man a nih kha KARMA" tih khum sak pahin a hnar a dawm lai chu ka pen sak a, a aiah that a "VANLALHRUAI...... " sehchilh zetin a ti zui a.



"Ka hming ila lam pum lo Lalremlian" a aia pawr in ka lo ti let a, H-a lo nui hawk lam chu kan hawi rual nghal zat, kan en takah chuan nuih insum zetin a hnar a khawih zauh a, a hmui a tihkual nasat danah nuih a insum hle tih a hriat.



"Ilo kal a iva fel ve" Rosy lam hawi chuan ka ti ta daih a "nia vawiin chhuah ni tih min hrilh khan ka lo kal ve tawp a" ati zawi ruih a, Lalremliana khan a vin nek sia a inthlahrung deuh aniang "a pawilo kan rualin i haw ve daih dawn nia" thawh pahin ka ti zui a. Lalremliana pawh a hnar vuan chungin a then leh sak sak thin a, ka nuih ru deuh pat pat thung.




*

"Min hre tawhlo emaw ka tia" ka bula alo thut veleh ka ti nghal zat "awi lalmate sawi lo zawk teh, kan Lalremliana hi maw a damloh hnu khan min biak buai a tum ngar ngar a, phone ah min be chhen a ka ning lutuk" dawhkanah a chal tauh det det pahin a ti a, ka lo nui tawp.



"Enteh maw, ka U nen hian ni leh ula ka ti, in inthen chhan chu engpawh nise, ni leh ru" beisei nei hmel zeta min en pahin a ti a, ka lo nui tawi tak "i hre thiam lo anih kha, ka tum lutuk a mahse amah bawk hi pawm theihloh leh ngaihdam theihloh in a awm leh thin a, ih maw keini pahnih chu awmdun tura ruat kan nilo aniang kan tluanglo emai" ka ti sap a.



Min khawngaih hmel takin min melh zui a "ila hmangaih em?" a tih chuan zep tul a ka hriatloh vangin ka lo bu nghut a "ih maw thiannu, ka U anih vang lam nilo in maw keichuan ngaidam leh thei la ka ti, ala hmangaih lutuk che tih a chetzia ah hian ka hre thei. A chang hian a inngaihtuah vung vung a, inthiamloh hmel zet hian a lu hi a tuai leh vut thin a, ka khawngaih in pahnih hnih hian ka khawngaih che u. In hmangaih tawn reng siin in in tina mai mai ani, in chapo na ve ve dahtha in in zawm leh rawh u" ati luam a.




Ani khan min la hmangaih a bul min tan that pui a tum anih chuan ka pawm maithei, mahse amah rinna ka nei tawh miahlo hi kan buaina ala ni dawn tho tho. Amah theihnghilh tumin ka awmbo a, min rawn zawng hmu leh tho a, ngaidam in bul chu lo tan tha ta ila a hma ang khan kan awm leh thei angem?



A hma anga ka rin ang leh a bula ka thlamuan ang khan ka awm leh thei angem? Ka ngaihdam theihloh vangin beidawngin hmalam min pansan ta se, khanu kha pan ta se,, nilo! chu thil chu a thlen ka duhlo, a tello in ka hlim tak tak chuanglo. Ka lo tisual ta anih leh a nih nih kan ni tawh mai aniang chu.




"Khamaw i U phone number min lo pe teh" ka thiannu bula ka tih chuan a phur ngang mai, a phone a phawrh nghal thuai a "in sawifel vat ru, ka monu inih hun chu ka tir nasa viau ang che" a'n ti nghal ngawt a "kan awm ho dawnlo, chu lohah i U hian e engmah ka tih a phal teuhlo" a ngei thei tur ang ber chuan ka hmel ka siam a.



Min eiloh hmel zetin a chek tlak tlak a "ka pe lehlo mai dawn che mawn le" a kut a min tin uai uai chungin a ti a "min pe fel diam tawh" tih leh tlanchhuah ka rual a, min rawn auh zuina pawh chhang lemlo in building hnung lamah ka kal a.



H-a number chu ka en vang vang a, am zetin thawk ka la zui a. Ka ti thei tur ani, nie ka hmangaih a, a bula awm ka duh ngei alawm, ani pawn a duh ngei ang, min ngai in min thlakhlelh theih em kha.



Call button chu ka hmet a, rei a ring lo "Bawihduat.. " a aw atang chuan ka biak a beisei lemlo tih a lang "Bawihduat! nangmah ini tiraw? Ka mumang a nilo tiraw?" ka chhan lawk loh vang chuan alo ti zung zung a "aw keimah" ka hrawkah chuan eng emaw in min hnawh deuh tlat a, tawngchhuah mai pawh a har.



"Hrep chuan!! nangmah ini tak tak, min mamawh em ni? Ka lo kal nghal ang" ka ngaihbel nge a aw atang chuan a hlim hmel riau in ka hria "aw... school ah ka awm min lo hruai la" ka aw control tak chuan ka ti a "awle tehreng ka lo thleng vat ang" a tih hnuah thawm a ri sat sat a, engmah sawi tawh lemlo in call chu ka hmet tawp a.




Ka awm chu ka dawm vang vang a, ka hrawk a min hnawh tlattu awm chuan thawk a ti har mai dawn alawm. Ka ding mar deuh a, thaw chhuak hawkin ka hmai te chu ka zap a, ka nervous deuhin ka hria. Pangai lo deuha kan awmna a rei tawh a, hetianga kan inkar siamthat leh hi ka chak tho rual in ka huphurh.




Ka bag pawh la tawh lemlo in gate lamah ka chhukthla a, gate ka pelh hnu reilo te ah ka bulah chuan bike alo ding thi duk a, a khaltu pawh alo chhuk nghal tharh a "ka lo tlai em?" hmel nur sarh in alo ti a, nuih let lemlo in ka lu ka thing ringawt a.



"Khawiah nge i kal duh?" ka bula lo din pahin a ti a "khawi hmunah emaw kan pahnih chauha kan awm theihna ah" ka ti zawi sep a, a bu nghut a, bike ah chuangin kan inphur chhuak a, a tlan chak lemlo bawk a ka kuah duh lemlo.




Kan awmdan hi a lai tut vek tawh, rei vaklo kan tlan hnu chuan dil kamah kan ding a, motor kawng ani na chu a reh tha khawp mai. Dil bula thingkung ding bulah chuan kan thu a, min rawn melh leh zawk thin a, keimah zawkin ka ko chhuak a, han sawi tan mai dan tur ka haihchham fu thung.




"Englo...... " ka ngawi leh dat a, ani lah chuan nghahhlelh hmel fe in min lo melh ngur a, min ti lai lek lek "kan pahnih inkar hi" ka ti deuh tawl a, chutah min rawn thuthnaih in ka kut a rawn vuan a "engtia awm turin nge min duh? I duh duh sawi rawh i sawi ang apiangin ka awm in ka ti ang" ka mit taka min en chungin a ti a.





Ka chil ka lem khawlh a "nat ka duh tawhlo" ka ti hap a, chutah a awm lum vung vungah chuan min kuah a "ka lo tihnat thin che avang khan ka tihpalh, i thusawi ka ngaihthlak loh avang pawh khan. Tunah chuan i tello a awm ka thiam tawhlo a, zir lah ka duh heklo, ka duh ber chu ka bulah hlim takin awm la ka duh. I hlimna thlentu nih kha duh a, khang ka thil lo tihsual vanga min ngaihdam hma chu engpawh ka ti ang. Mahse min kalsan tawh suh, ka hlatah awm tawh suh, min tihnat let a min hrem i duh anih pawn pawi ka tilo, ka bula awm chungin min hrem rawh, i duh duh ka ti ang, mahse i hlata awm tur chuan min ti suh, ka theilo" ati sap sap a.




Kuah letin a awm ah chuan ka hmai ka phum a, ka thla a muang hliah hliah, he thil hi alawm ka mamawh em em ka neih theih thin siloh chu "ka hmangaih che Bawihduat, i ngaih aia nasa in ka hmangaih che, hlim takin ka siam ngei ang che. Hun kal tawh chu theihnghilh in hmalam kan pan dun dawn lawm ni? " ka chal a rawn fawh pahin a ti zui leh a.




Nui var var chungin ka hawi chho a "min hmangaih maw?" ka tih chuan "lutuk.... ka thinlung zawng zawngin" tih pahin ka hnar chu a hnar in a rawn nul a "ka ngai che" tih sup pahin ka kuah nghet sauh sauh a.





"A aia nasa mah in ka ngai ang che" nghet zeta min kuah let pahin a ti a.



Hetiang hian hlim takin kan awm thei reng si a, ka hma ka sial luat vangin ka inti hreawm mai mai ani. He mipa hi ka hmangaih a, chan ka duhlo, chuvangin ka chelh tlat tawh tur ani, min kalsan ka rem tilo a kalsan lah ka tum tawh heklo, a theih chhung chu a kut vuanin a bulah ka awm reng tawh ang.







"Ka duat ka ril a tam" tih duai pahin min rawn kuah a, chutih rual rual in a hrang leh nghal dawrh "silo la a him ang" H-a chuan a rawn ti hmuk a "ehe.... iva inla thu ve a, ka duh leh ka kuah ang, ka thiannu liau liau anih hi" tih hmak pahin Lalremliana chuan min rawn kuah a tum lui leh ngat a, pakhat lahin a kut a lo paihthla hmak a, in melh no lo tak an ni.




"In ho emai, kha thutthlengah khan lo thu ru, ka siam zo tep" tih leh gas lama inher ka rual a, an kalsan ta aniang.




"I siam zo tep em?" choka a lo luh pahin Ruthi chuan a rawn ti a "siam sa rin tumlo in min siampui ve tur che alawm" ka lo ti hmuk a, min melh no lo nasa "vel che hian aw, U innu hian min ngaitheilo tan ania" tih pahin a U bulah a zualko nghal a.



Pakhat lah chuan "hmeichhia i nia tihpui ve tur ini reng alawm, kha thleng lo chhawp rawh" alo ti daih a, a mit min rawn siai pah zauh a, Ruthi a meng nur nasa "awi..... he mite pahnih hi ka zo lo, intan vel lutuk maw, ka lenglo keichu ka inthiarfihlim dawn" tih lang lang pahin a kalchhuak zui a.




Kan nui tawp, H-a nen kan inkar a that leh hnu hian min mo chei tan a, a tihtheih reng pawh min tirh a tum phet a, H-a lahin kei min tan zawk sia, a hawi lawl lawl zel.



*
H
*
V
*
L
*
A
*


"Heta awm reng i tum ami? I hna te i rawn kalsan ringawt sia" a hrawkbawk khal neuh neuh pahin ka ti a "ka rual a ilo haw dawn chuan ka haw anga, chutiang anih loh chuan hetah ka awm char char ang" min nuih suk pahin a ti a, a nui pa thei si "a chiloh kan zirlai a laklawh, chu bakah insawn kual reng kha a buaithlak"


"So... It means hetah ka awm ang"


"Mahse i hna.... "


"Ka hna ai nangmah i pawimawh zawk, i tello a awm leh ai chuan ka hna pawh hi ka bansan mai ang" ti sup in min kuah nghet sauh a, nui var var in ka lo kuah let a "anih chuan hetah kumtluanin i awm ve dawn a, eng nge i tih ang?" awm mai mai a tum loh hram ka beisei.



"I school kallam leh haw lam ka hruai ziah che anga, chhunah in school canteen ah ka thawk anga" atih chuan min kuahna phelin a hmai zawnah rum deuhin ka melh a "a sawi pawh sawi tawh suh, i rawn thawh te chuan hmeichhe hovin an hmu duh lutuk dawn che asin, i lerh ropui si i be tha leh huam huam vek anga" tih pahin ka inkuangkuah nghal hmak.




Tunlai hmeichhia an zaktheilo tawh hlawm si, pawmlai nei pawh an ngaizawng ngam anih chuan bialnu nei mai mai te chu an chhai awlsam dawn lutuk ringawt. Hmeichhe lakah berkher chuan ka ringhlel tawhlo, mahse kan inkar chhiat nachhan ani tawh a, tunah chance ka pe a ka tihsual leh mawlh ka hlau ani.




"Titau lo la ka fiam mai mai che lawm, nang chauh ka duh che tih i hriat kha, hmeichhe dangin min lo bia pawh nise ka hrelo der hmak ang, min khawih ai chuan ka tlanchhe mai ang. Ka tisual tawh a tihsual nawn ka tum tawhlo, titau tawh suh aw" tih dam thlap pahin hnunglam atangij min rawn kuah a, ka dar a a khabe a rawn nghah rual chuan ka tal nghal chiam.




"Aza lutuk! " tih paha min kuahna phelh ka tum chuan alo phal awzawng lo, a aia nghetin min kuah a, a khabe chu ka darah a rawn dah lui leh ngat a.



Mittui tla phung a ka nuih takah chuann min khawngaih ve deuh aniang min thlah a "ka then che" tum bura ti chungin ka tho chhuak a, ka mittui tla te chu ka hru nghal "khatiang vang maii mai in min then theilo ang" tia min rawn ban a tum chu ka kalsawn nghal vat "ka thei" tih pahin ka lei ka chhuah khum a, ka tlanchhuak nghal.




"Bawihduat!! " tia a rawn au zui pawh chuan ka ngaihsak zui lemlo.




*

"Alo kal maw?" ka thiante mak ti hmel mawlh chuan ka nuih an ti za "kal e.... ngaihdam te min dil a"


"anih i ngaidam em?" ka chhanna nghakin min en thap.



"Aw.... Chance vawikhat ka pe a, a hma ang bawk a a khawsa leh anih chuan ngaihdamna a awm tawhlo ang" ka tih chuan min pawmpui tih hriat nan an lu an bu tliar tliar.



"Anih chuan in inkar a tha leh tawh tihna, awi ka hahdam huai mai, ti hi chuan thlamuang takin ka mu thei tawh dawn anih hi" tih hliai pahin Priscilla'i chu a thaw hawk a, kan lo nui hak ringawt.



"Thiannu, kan lawmpui lutuk che ania, hlim deuhin awm ve tawh ru" tiin duhsakna min hlan liam liam a, an ni ang thian min hmangaih a min ngaihtuah em em tu ka nei hi ka vannei takzet!





"Happy anniversary Bawihduat! "

"Happy anniversary Officer! " tih pahin a biangah chuan ka chuk zeuh a "car chu khalh lo ila ka duat hlak tur che nia" ati bul bul a,ka lo nui hak hak chu tur fe in min melh a "hremna ka pe khawp ang che" tih pahin a kut pakhat zawkin ka mal a rawn hmer salh a, a kut chu rang zerin ka lo ben sak a "naupang ka la nih hi aw" khabe dawh vah in a lam ka hawi a.



"Naupang a pasal rual ngaizawng" mitko san euhin a rawn ti a "iva han chhe tak"


"Ka chhe lemlo aniang ka bialnu rualpui ho hian min en duh emai" tih pahin a khabe a tuai nghal nauh nauh a, min rawn mitsir leh ralh thin a, eilo fe in ka lo en thung.




Kan anniversary pualin zanriah kan kildun dawn a, kallam atangin kan inhnial nghal ringawt ania, hah! inngaizawng dang ho hi keimah ni ang hi an ni ve angem?



Restaurant kan thlen chuan sawi tur mai pawh ka hrelo, a mawi a mawi takzet! Sawi mai aiin a hmuh a hmuh chi zawk ani. Hei chen Shillong ah ka awm tawh a, hetiang restaurant changkang leh nuam lutuk hi a awm tih pawh ka lo hre miahlo.



H-a chuan ka kawngah vuan in a chhungah min luhpui a, a chhung phei chu a pawnlam landan ai mahin a nalh zawk, engkim mai chu a felfai thlap vek a, thawktu te pawh an hawihhawm a, a chawl ah te pawh chu mi naran mai an nih a rinawm loh.



Waiter in kan thutna tur min kawhhmuh lam chu kan pan thuai a, ka bula kal lah chuan ka kawng chu nghet zetin a vuan bawk a,ka thla a muang em em mai ni.




Inhmatawn a kan thu chiah chu ka zam ve reng, inkawp rei ve tawh viau mah ila hetiang hun special lutuk ah hi chuan tumloh deuha zam a awl ve hrim hrim "chance min pek leh avang hian ka lawm lutuk ania Bawihduat, min kalsan tirh khan ka buai vek a, han zawn mai na tur che ka hre bawk silo. Diktak chun ka beidawng ve lek lek asin, khami zan lah khan umzui lo che in nangmah in ka awmtir che a.......... " atih lai chuan a inthiamlo takzet tih a hmelah chuan a lang reng.




"Hey, tunang hun special lutuk ah khatiang lo sawi suh, thil thleng tawh ania, sawi sawi khan awmzia a nei tawh chuanglo. Tuna i chance neih hi tha taka hmann tum la ani mai, i hman thiam chuan i hlawkna pawh a tam dawn ania, khang i lo tihsual leh i inchhir na kha zirlai atan hmang la, tisual nawn tawhlo tura i inzirna ni rawh se" tiin keimah zawk chuan a kut ka va vuan a, nui suk chungin alo vuan let ve vat.





~~~~~~~~~~~~~~~

Teu ka dry zia chu dah turin lo intiam lo ila chu ka dahlo ang tiang vel chu ka ni. Tunlai chu ka buai tawp a maw, story type na hun pawh ka nei mang lo a, keimah tawp hi panga nih ka chak lutuk.

Comment kha pe uar ang u aw, ka regu lo viau na in min ti phur ve a....,..... ❤


Show post links
Top