OFFICER HVL-A BY Priscilla VL Ralte (Completed)

[Ngaia]

#police_officer
#teenage_girl

#romance #love___ #break_up

#OFFICER__H_VANLALRUATFELA
#VANLALHRUAIZELI

Police officer leh school naupang tleirawl pakhat inkara hmangaihna, an inkara buaina leh lungngaihna an hmachhawn zawng zawng i hriat duh chuan a chhung thu hi chhiar rawh le.....

Chapter-1


by Priscilla vl Ralte







"Chaw i ei dawnlo ami?" a kut hmalama suih zawm paha no deuha min melh tu chu ka ner khum sak a "i kiangah anih loh phawt chuan khawi hmunah pawh ka ei ang" tih khum sak pahin ka kalpel a.


"Vl...tiang hian awmlo la a nuamlo e" ka hma taka min dal chunga din pahin a rawn ti leh ngat "ka ning viau ania" rum nghut pahin ka ti hrawk a, a tim chawih mai "ih...englo... tunlai i awmdan hi aa.. a nuamlo e" zam deuh takin ati niah niah a.


"engtin mah ka awmlo,hna kal ka ngai ka lo haw hunah chuan ka in atang hian ilo chhuah tawh ngei ka beisei" tih nghut pahin ka kalpel leh vut a, ka in kawt a ka SUV ah chuan ka lut a, engine tinung a muang chang a ka tlanchhuah lai chuan Ruatthari chuan kawngka tangin min lo thlir vung vung a, ka thin ati rim ringawt nia.



Hetiang hian a hma in ka awm ngailo, tun a taka ka hne tlat hi ka thiamloh anih pawn ka hrelo, min zar buai hneh lutuk vang anih ka ring. Ka in a sawm loh a a rawn lut fo te hi ka duh dan ani hauhlo.



Station pan chuan ka tlan ngar ngar a, tunlai kan hna lamah buaina alo awm reng nen in lama min tibuai reng nen ka thin a rim hlur mai.


Ruatthari nen hian inkawp tia sawi tur kan niin ka hrelo, mahse kan tisa mamawh chu kan inphuhru tawn reng thung. Mahse a thlawnin ka mutpui reng renglo, a duhzawng leina tur min dil apiangin ka pe mai thin.


Duh aiin min zar hnehin ka lakah bialnu pangai ang takin thu neih a tum tlat hi ka ngaithei thaklo. A nihna leh a dinhmun hi a hrechiang lo mah mah ani.



Station ka thlen chuan ka nau te chuan min lo salute thap a, kalpel vutin ka cabin lamah ka lut tlang nghal a, ka chair ah chuan thu in file vel chu ka enfel mawlh mawlh a.


Rukruk,pawngsual,invo,etc. Tinge sual ringawt hi khawih an tum thin le? Tha taka an awm khan an damloh phah emaw ni(?)


Hna vel ka enfel mawlh mawlh lai chuan ka cabin kawngkhar chu an lo kik karh karh, lut tura ka tih takah chuan ka hnuaia thawk pakhat chu file keng chungin a rawn lut a.


"sir heihi commisioner hnen atang ania, nangman i enfel theih chuan " alo tih chuan ka bu nghut a "chuan chawlh ani tawh a" nui vur vur pah chuan alo ti a, ka sana bun ka en chuan chhun dar 12 alo pel va tawh, ka lo thawk tui mah mah anih hmel.



"eng nge i ei duh?" ka thutna atanga thawhchhuah pah chuan ka ti vut a "aaa...A ngailo sir vawiin chu ka treat hun che lawm" alo ti thuai a, engmah sawi zuilo in ka cabin atang chuan kan inzui chhuak a.



Canteen kan luh chuan eitur lam nghalin thutna kan zawng nghal a " helamah" tia Rinzuala'n thutna awl lam a sawi chu kan pan nghal a.



Rinzuala hi ka hnuai chiah ami ania, kan inrual bawk..Kan station a thawk ro ro ah chuan kan inkawm ngeih fal bik a, min zah a tul hunah thian kan nihna dahtha in an pu ang chiahin min bia a, a bak lamah erawh min zahlo het het tak ani.




Thil kan ei mawlh mawlh lai chuan kan sir lam pawn lam atang chuan camera flashlight ni awm tak alo de chuai a, ka hawi nghal vut a, tleirawl kum 17 bawr vel school form ha in hamhaih tawkin min lo en a, a kutah phone a hum tat bawk.



Ka thla min lak ruk sak a tum a camera flashlight a off theihnghilh leh si ka va en si chu chet nachang pawh hrelo in min en mawl tawp. Keipawn khawdang hawilo in ka melh ve ngar ngar a.



A ngo veng a, a hmai zar tur sam chhawlleng chu a kilh bet vek a, a lang fai surh mai bawk a. A sang lemlo na chu a pian chu a tawk vel reuh khawp mai, a uniform chu a tan bik a an thui emaw tih mai turin a inhmeh bik hrep lehnghal a.



Ka nuih tak sukah chuan harh thut niawm tak hian a lu a thing vut a, a rang a rangin a tlansawn daih a, a tlan na lam chu ka thlir zui vung vung a "eng nge a?" ka hmai bula a kut rawn vai pahin Rinzuala chuan a ti a.


Chhang lemlo chuan ka lu ka thing vut a, ka ei zawm mawlh mawlh a, ka mitthla ah erawh kha tleirawl mengphawk lutuk hmel mawlh mai kha a awm a, ka khi leh suk a, Rinzuala lah chuan mak tih hmel takin min lo en a, ka tum nghal hmuk.




Zan dar 7 bawr velah in ka thleng a, ka in lo eng uar ka hmuh chuan ka insehruh nghal ringawt.


Inchhung ka luh rual chuan Ruatthari chuan min lo kuah a, ka rum nghut thung "engvanga heta la awm hi nge inih?" tih nghut pahin min kuahna kut chu ka phih hrawk a "babe tiang hian awmlo la, i eitur ka lo siam ania, i ril a tam tawh em? I inthlak hmasa dawn nge i ei hmasa ang?" ka vinna haw duh hauh silo in a ti a.




"Lalruatthar... duhtawk rawh ka in atang hian chhuak rawh vawikhat pawh ka hmaa i rawn inlan leh anih chuan ka pistol chhung a mu awm zawng zawng hi kha i lu bur ah khan ka thun khat vek ang" tih vin thak pahin ka phih sawk a, kawngka lamah chuan ka hnuk deuh dawr dawr a, a duhlo tang vel te chuan min ti thinrim tun thei.



"Vl... tianghian awm suh tha deuhin awm ang, zan hun nuam tak kan hmang thei reng ania" tih zuah zuah chungin ka vawnna chu pawhphelh a tum a, ka vuan nghet tulh tulh thung.



Ka inkawtah chuan ka thlah deuh phut a "ka in leh a chhehvel ah hian awm tawh suh ang che, anih loh chuan ka tihtur i hriat kha, kan inkara thilthleng kha chu engmah ngaih thutak tur a awmlo, kei aia hausa zawng tawh mai rawh" tih pahin ka hnungchhawn a.


"aih a theihloh nanglo chu duh ka neilo, kan inkar a tawp theilo, midang an awm ami? Mawh.... tunge chu mihring chu ka that duh mai ang" atih lai chuan ka mitthla ah vawiin a tleirawl bawk kha alo lang nghal.



'Awmanglo lutuk, Vanlalruatfel i fa rual anih kha, a nilo zawngin ngaihtuah suh' ka ti rilru mawlh mawlh a, ka hnunglam a hmeichhe tawng zuah zuah erawh ngaihsak lovin kawngka ka khar nghal a, kalh nghalin chaw ei hma a inbual tumin ka room lam ka pan nghal a.




Shower hnuaia ka din vang vang lai chuan kha tleirawl bawk kha ka mitthla ah a rawn lang leh tawh, eng nge ka awmzia? Vawiin a ka hmuh vang ngawtin tinge ka mitthla ah a cham zui reng? Ka lu thing vut vut in towel chu ka ban a, washroom atang chuan ka chhuak a.





Ka chhungte hi kan khua Chhiahtlang a an awm vangin kei erawh Aizawl lamah keimah in in ka luah a, kan unau hi pathum kan ni a, U mipa leh nau hmeichhia ka nei. Ka u hian nupui fanau neiin kan khuaah an inbeng bel a, ka nau erawh class 11 zirlai niin shillong lamah a awm ve thung a.




Ka nu leh pa te an la thalai a an ngaihtuah awm lutuk lo bawk a, lan (lang) thamna lek mah nise han zin veivah ka peih vakloh avang hian chawlh ah lo chuan ka haw vak ngai lemlo.



Ka phone vibrate chur chur vang chuan nghawng kham thum in ka tho chhuak a, side table a ka phone ban mai ka tum chu ka ban fu thei hauhlo. Peihlo zetin ka meng chhuak a, ka khumah a vang zawngin ka lo mu chu niin, nizan ka mu zal kha ka lo mu tlang anih hmel.



Ka towel pawh a ngai ngaiin ka lo veng reng, nui suk chungin ka phone chu ka ban a, ka nu alo ni.

"aw nu" ka mutdan siam rem pahin ka ti lawi rat a, ka aw ka thian nghal kharh bawk "i hritlang ami a bawiha?" min ngaihtuah hmel fe in ka nu chuan alo ti a.



"Hritlang lo ve ka tho chiah a" ka tih chuan a rawn nui hak a " tlangval senior si thawh iva hrelo ve, hna kal i tumlo ami?" nui hak hak chung chuan alo ti a, ka ner nasa.



"kal dawn" ka ti deuh hmuk a "khati hmuk hmuk khan min chhang thin suh, chawlh te hi engtik nge lak i tum a? Min rawn tlawh khat emai" alo ti nghal zung zung a.


"Tun thla hi chuan ka chawl hmanlo a, thlaleh lamah chuan ka theih tawh ka ring" ka lo ti tha ve mai a "a that chu i u te pawh hei an rai leh tawh a, helamah an awm chawt mai" nui chung bawkin a rawn ti leh a "zawt zawt a" ka lo ti deuh hluk thung.



An fate a upa pahnih hi kum zawnin an piang a, chutah a kum 1 hnu lawkah pakhat an nei leh a, an chhangchhiat tawh sa nen tuna an han pai leh chuan an buai vet vet viau ang le.


"khatin ti ngawt suh pakhat pawh ila siam chhuah ve theih miahloh kha" ka nu lah chuan ala rawn ti ta deuh deuh a "Nuu..." ka ti deuh hluk.


"khati khan ti hluk hluk suh, ani reng alawm nupui chu sawiloh bialnu pawh ila neilo a, i fate mawng beng hmanlo a ka thih mai ka hlau ania" a rawn ti a, ka ngawi reng.

Ngaihzawng tih vel hi ka buaipui lemlo, hmeichhia te pawh ka phek en vek nimai hian ka hre thin. Ruatthari hi hmeichhia ka hnaih awmchhun ani ta ve ang, nilo ka hnaih nilo in min zar iti zawk teh ang.



Ka mamawh min pek vang chauha hnaih ka ni, tunah erawh ka thlak a hun tawh ani mahna ka hne ta tlat.



"ka sawi i hria em?" tia ka nu a rawn au deuh lawng lawng takah chuan ka lu ka thing nghut a "Nu zan lamah kan inbe dawn nia, hna kal tura ka insiam a hun" ka ti a "aw anih leh le... chaw te kha ei tha la" tia min chah hnuah kan inbiakna kan ti tawp a.



Khum atanga tho chhuak vutin ka closet lam ka pan nghal a, ka inthlak zawh vek hnuah inhnuaiah chhukin choka lamah coffee ka siam zui a.



Awmpui ka la a, mahse chhun lamah rawn kalin a tihtur ang a tih vek hnuah ka hna ban hmain alo haw mai thin a, ka in a thawk e tilo chuan vawi 3 vel bak kan la inhmu lo.


Coffee ka in lai chuan door bell a rawn ri, tun ang hunah inleng ka nei ngai der silo, tunge niang ti rilru nauh nauh pahin kawngkhar lam ka pan a.



Ka kawngkhar hmaa ding ka hmuh erawh chuan ka luak a chhuak hlui in ania ka hriat ni "eng nge hetah i rawn tih?" ka ti chhum hmuk.


"C'mon babe ka duh chu i hriat kha" tih paha ka awm a min nam (nem) pahin min tawlhhnun tir hrat a, kawngka chu kharin a lock nghal a. Chutah mitmeng vam ham a meng chungin min rawn pan leh a.



A laka ka thinrimna hi amah ah bawk ka inhrithla anga ani mai, ti rilru chungin ka coffee no chu ka bula vase awmna ah chuan ka nghat a, eng khaw sawi set set lovin ka fawp nghal chawt a.



A hmui la sawn silo in a nui hak a, rum nghutin kawngkharah chuan ka nem bet rawk rawk a, a mawngbawr chu ka tham sak bawrh bawrh a, nuam tih hmel takin a thaw leh hak thin.



~

Ka kekawr kilh ka siam that lai chuan Ruatthari chu sofa ah chuan dawrh zeta mu in min lo en reng a "in ha la ka in atang hian chhuak vat rawh" ka kawr thun that mawlh mawlh pah chuan ka ti a, alo nui hak thung.



Choka lamah lutin fridge a tuivawt chu ka in khawlh khawlh a, ka bana sana ka en chuan hna kal a hun tawh. Fridge chu kharin sitting room lamah bawk chuan ka phei a, a thuamhnaw alo ha fel mawlh mawlh a.



"I rualin ka kal thei angem? Ka scooty tlanni a nilo a" ka lam rawn pan pah chuan a rawn ti a, tawngka a chhang lo chuan ka bu nghut a, in kan chhuahsan lai chuan gate pawn atang chuan school naupang ni awm tak hi alo tlansawn chiah a.



Nimin a tleirawl kha a an em vangin ka en zui vat a, gate ka ga thlen chuan ka in thlang lama a bag vawr siau khawp a a tlanthla chu ka hmu a, ka nui suk, ala naupangchhia khawp mai.



"Tunge a? kal ang" ka bana min lo vawn paha Ruatthari'n a rawn tih chuan chhang lemlo in ka car lam chu ka pan vut a, engine ka tih nun vut vut lai chuan passenger seat ah chuan a rawn thu lut a, a lam pawh hawi lemlo chuan ka tlanchhuak a.




Kan veng kawn lai bawr kan thlen chuan kawngsir ah kha tleirawl bawk kha a thian te ni awm tak nen a an kal ho chu ka hmu leh a, an thian zinga amah ka va hmu chat chu keipawn mak ka ti, a thiante bulah chuan hlim hmel takin a nui var var a, a nuihmel a tha hrep lehnghal.



Traffic a kan tan lai chuan kan zawn an kal thleng a, a thiante chu an rawn hawi a, chu veleh tleirawl banah chuan an sik a, ka lo hmu kar sia, ka nuih sak phei chuan an zuang lo chauh.



Chutah tleirawl-i a rawn hawi a, kan mit a intawng chat, a mit laksawn a tumlo a chutiang bawkin keipawn.


Chutia kan in en reng lai chuan ka hnunglam atangin horn an rawn pe tuar a, tleirawl-i chu a phu zuk lehnghal. Ka khi suk a hmuh chuan hawisawn vutin a thiante chu a kalsan hmak a, a hnunglam ah a thiante chuan an nuih uar uar pahin an um a.



Lu thing vut a khi reng chungin ka tlanchhuak a, ka phurhnu erawh a phone alo bih ngur ngur a, kha tleirawl-i awmdan nuihzatthlak zet chu ngaihtuah in keimah in ka khi reng lehnghal a, nidangah hetiangin ka awm ngailo hrim hrim. Ka fa rual vangin lawm lohin ka nui chu ani sia, khawvel lo chhiat tawh dan hi.




An university gate bula ka din takah chuan Ruatthari chu chhuk mai lo chuan ka lamah alo awm phei a, ka bianga min fawh zeuh pahin "ni hman nuam" tiin tawi tak a min nuih chungin a chhuak a, ka nur nang mai.



Station ka thlen chuan an lo phe vut vut tawh "sir vawiin ah commisioner in min lo tlawh dawn a" Rinzuala chuan min hmuh veleh alo ti var a, bu nghutin ka cabin ah ka lut tlang nghal a.



Dar 11 bawrah commisioner chu alo thleng a, thawk thar kan nei dawn anih hmel.

"Heihi Emmanuel Lalbiaknunga ania, hetah Officer HVL-a hnuai chiahah a thawk dawn a, a hriatloh emaw puih ngai a nih chuan in lo pui zel dawn nia" commisioner chuan a ti sup a "chibai ule...tha deuh a kan thawh tlan theih ka beisei" tiin Emmanuel-a chuan min enkual diat diat a, min rawn en chuan ka lo bu nghut a.



A nui sang reng mai, police hmeichhia ho in an inchuh leh sup sup dawn anih hi. Heta ka thawh tirh khan min duh rawn a, chhunah lah ni se ka eiman pek an inchuh a, chutih lai chuan Rinzuala hian min lo chhan thin a, chuta tanga inkawm ngeih ta em em kan ni reng a.



Emmanuela pawh hi an zuah teuhlo, school naupang hovin a thla an lak ruk sak anga. Thla lakruk sawi takah chuan nimina tleirawl-i thla min lakruk sak tum che flop ta vek mai kha ka ngaihtuah chhuak a, nuih ka tum zet a, ka nau te hmaah chuan ka inlak cool rih angai tlat.




Hna thar lawm nan tiin Emmanuela chuan station ami zawng zawng chawchhun min treat tur thu a sawi a, mipa rual awm tih takah kan thawm a ring khawp mai. Emmanuela pawn nuam atih hmel in rei tak in hre tawh ang maiin min kawm nel thiam em em a, keipawn ka nel tan tawh.




Chawchhun ei lai te chuan kan ri dar dar reng a, commisioner pawh let leh mai lovin a awm ve ta reng a. Kan thawk ho fuh dawn khawp e, Emmanuela sawi danah Delhi tangin transfer turin a dil ngar ngar ani awm a, thla 5 dawn hnuah a dilna an pawm chauh a, hetah kan station ah an rawn transfer a. Transfer adil nachhan ber pawh 'ka nun a ka hmeichhe hmangaih berin min ngaiin a hnena awm turin min duh a, ani tih lunghnur ai chuan hotu te hne hlui khawpin ka dil ngar ngar' ati mauh mai a.



Tunge tih ka zawh lahin min chhang tha duh miahlo lehnghal a, nakinah station lamah alo la kal tur thu sawiin chumi hunah chuan min hmuhtir ngei a tum tlat thung.



Vawiin chu dan pangai ai kan bang hma deuh a, kan ban chuan school naupang pawh an la bang chiahlo. Ka in lam pana ka inkhalh laiin kawngsir ah kha tleirawl-i bawk kha an school mipa naupang pathum nen an lo kal rual a, an nui hak hak reng a, nuam an tih hmel kher mai.



Pakhat chuan a darah kuahin a kuaikun a a kalpui hmawk hmawk a, kawngsir remlai ah chuan ka car chu ti dingin ka chhuk nghal thuai a. An lam ka pan lai chuan tleirawl-i chu a țe ang tuar tuar a.


"Ka duh tawhlo Țhaf-a ka nghawng ana min thlah tawh rawh, i lian si i tiatpui fiam in min fiam ngawt zel suh... vawiin ah pawh min delh per țep kha, khawmaw min thlah teh" hnuailam bih ngur chungin tleirawl-i chuan a ti vin tuar tuar a, a kuah tupa lah chuan thlah tange ati bawk silo.


"An duhlo chunga hmeichhia khawih luih hi dan in hremna na tak ape thin tih hre rual chu i niin ka hria" an hnunglam atang chuan ka ti a, an rawn hawi rual thap a. Chutia kei uniform nen ka lo ding chu min hlauh hmel pawn ka hrelo, mahse tleirawl-i chu a thlah ta tho a.


Tleirawl-i chu rawn ding tha in a sam chu a siam mawlh mawlh a, ka va chhan chu lawmthu min hrilh emaw hlim takin min nuih ang chu tih nak alai a rum mangkheng a min rawn melh chu ka hamhaih ta khawp mai.


"engvanga rawn inrawlh nge inih?" arawn ti ta hem mai!








~~~~~~~

chapter 1 tan chuan ti hi ni phawt rawh se auh, a ngaihnawm leh nawmloh comment ah in lo sawi dawn nia aw. Hmeltha ho ka phur thut in ka rawn ziak a, a tir lam hi ziah a har lutuk a, a boring maithei ani.

mahse chapter dawt leh chu a zia deuh tawh ang, like, comment, advertisements click, min lo tihsak hram dawn nia..........

min comment sak dan a zirin ka zawm chauh ang.....


Show post links
Top

[Ngaia]

Chapter-2


By Priscilla vl Ralte




"enteh pu Officer... i hnuai a thawk te tan chuan lal tak leh thu petu ini maithei mahse keini thian ho thu min pe tur hi chuan kan engmah ini lo, kan awmdan i hmu mawh anih chuan min hmulo der mai rawh" hmai zangthal haw a min melh chung chuan ati ta mai a.



Henu hi eng nge maw a hriat ni(?) a thianpa a chhan ve em em khan a duhlo chung a kuah a, a ning em em emaw tia ka va chhan ta lem a a thianpa thlavang ala hauh ta zawk daih lehnghal a, ka pen fawk zawk dawn amaw ni! ka chhipthlak tham lek lehnghal.





"eng chu nge maw kha i thluak bur tereuhte ah khan awm ni? I thianpa itih ve khan i au ruai ruai thleng a kuaikun che a, ka rawn chhan che kha lawm zawk awm ania" ka tih chuan min han melh rum vei ve kha kha a, a mi melhna saw engah mah ka ngailo tih hria se chuan min melh peih tawhlo zawk ang.



"min rawn chhan turin ka au miahlo che, chuvang chuan lawmthu hrilh chhan tur che ka neilo. Duhleh min pawngsual in rak vak vak mah ila, min pui tura ka hrilh hma che chu min lo pui duh reng reng suh" ati vei pang pang nia, tawngkam lah chu a duhtui lo em em mai lehnghal, naupang te te si.



"khatin ti vak suh" tih pahin a thianpa khan a bag ah a pawh sak a, kan tleirawl-i lah chuan a melh vei khai khai a "nangmah vang anih hi kan inhnial, lo tawng ve zit zet suh" a ti let zek a, a thianpa chu a ngawi dak mai. Zaklo hi kan ti mai mai khawp a, kan inhnial chhanah a thianpa a puh hmak nia. A tawngtheih luat leh min hnial peih luat vanga inhnial kan ni reng sia.



A thian dang pahnih te lah tawng an tum miahlo, nilo min ngaihsak lo hrim hrim zawk, ka va lan tirh atang khan hmundang hawiin an hriattham lekin an tawng mawlh mawlh alawm.




"chuan nang hi?" a mithmul tihkan ak pahin min melh a "eng nge kei?" a ngaihna hrelo zetin ka lo ti let a "eng nge hetah ila tih reng? Ila kal dawnlo ami?" ka chhip atanga ka ke ler thleng min melhchhuah dap pahin ati roh a.


Ve lutuk hian a, helai kawng hi a ta emaw ati te pawh ani mahna "ka duh duh hunah ka kal ang" keipawh hi ngati nge he tleirawl hi ka hnial ka hnial tak le(?) midang chu nise ka kalpel daih tawh ang.



"im...Chuti i duh chen chen khalai cement la ro lo ah khan ding rawh, i haw hunah i pheikhawk kha brush ve fe angaih ka ring" tih pahin min hnungchhawn zawngin a kal hmawk hmawk anih chu!



Ka ke lam ka bih a, ka phun hluk. Tleirawl-i thiante lah chuan ka ke lam en vut pahin an nui hawk a, ka rum nghut takah chuan an thiannu an zui vat.



Kha tleirawl-i hrim hrim pawh kha min star ru in ka thla lakruk a tum a, tunah lem min hrelo ang hmakin a awm leh lawi a. Keipawh hi min startu in min ngaihsak loh vangin ka lungawi lo amaw(?) Khai leh! khawnge hmana H. Vanlalruatfela kha? tu hmeichhia mah ngaihsak ngailo, ama nun a nung tawp thin kha!



Lu thing vut in ka ke chu ka khai kang a, ka pheikhawk a pil lek lek alawm le. A ro deuh titih lehnghal, kha tleirawl-i pawh kha a hmuh sa reng te chuan min hrilh vat tur ania. Ngahnge maw min hrilh ang le! min melh hlum lo chauh anih kha, a kal hmaa a hrilh che vang khan lawm tawh mai rawh.



Ka rilru zatve chuan kha tleirawl-i lam kha a tang, a zatve dang erawh in a haw hle thung. Engpawh nise haw phawt teh ang, pathian in ka rilru tawngtaina a chhang anih chuan kan inhmu tawh kher nang!



Ka pheikhawk bal chu ka car duatlai in a tuar dawn chu ani sia le, tleirawl-i demna bawk ka rilru ah a rawn lang leh tawh.



In ka thleng chu ka chau hnawk thei, haw lamah ka inngaihtuah thinrim leh a, tinge khanu kha ka lo umzui loh ka ti thul!



Ala tlai lutuk lo bawk a tiin ka car sil thin ka ko a, cement kai vel kha a ro hman ka hlauh vang ani. Ka car hi ka hlawh hmasa ber a ka lei ve ania, ka duat hliau hliau mai sia, ka bialnu ve ai ka ti mai. Bialnu pawh nei ila ka car aiin ka duat biklo ang, ka car min duatpui tur chauh bialnu ka nei ang.



Ka inthlak fel vek hnuah chaw ei turin ka chhuk a, ka awmpui chhawrin a lo chhawp sa vek vangin ala dai vak chuanglo a tiin ka ei nghal a, ka eikham ah tihfel in thleng erawh naktukah alo kal huna a sil mai turin ka dah a.



Sitting room lamah chanchinthar ngaihthlak pahin phone ka bih ve a, phone hi hna thil anih lemloh chuan ka nu te biak nan ka hmang a, chulo chu ka khawih vak lemlo.



Ig account chu ka nei ve ngei, keipawh ka thawhpui ten nei ve mai mai ah an tih vanga siam ve mai ka tia, post erawh 1 chiah ka nei. Chuti chung chuan followers ka ngah em em tho.



Ka followers tam zawk erawh hi chu tleirawl ho bak an nilo, tumah ka following ka neilo tih kan sawi tel hram ange.



Ig ah chuan ka lut a, engmah khawih tur pawh ka hre chuanglo. Ka followers zingah chuan ka mit la deuh a awm, ka stalk zui a, a post ka hmi chiah chu ka ner nawk.



Kha tleirawl-i kha, a thiante ni awm tak nen a an pic tlem a zawng a post a, pakhat ah erawh amah chiahin ani thung. Camera hnungchhawn in a ding a, ni tla tur sen phut mai chu a kuta la tur ni awm takin a ban a phar bawk a, a nalh reuh phian mai.


Pakhat lehah chuan mipa ni ngei tur darah a lu a nghat a, selfie na ania ama hmel chiah alang a, mipa chu a awm leh a nghawng chiah alang. Kan tleirawl-i chu a nui sang a, caption ah *my home* tih a dah bawk.



Bialpa a nei ve ngei amaw ni(?) A bialpa chu ka khawngaih zawk e a, bialnu a nei tawngthei ropui si.



Ka phone chu dahin chanchinthar chu ngaihthlak ka tum ngial a, thlalak a mipa kha tunge niang(?) tih ringawt ka rilru ah a awm "Aaa.....Vanlalruatfel i a tawh anih kha" ka lu ben pahin ka ti a, ka tho zui daih.



Zing hma takah tho in morning routine ka ti zui mawlh mawlh a, choka ah chuan thlan hluam in ka lut a, fridge a juice vawt ka in chiah chu ka dai sawng sawng mai.



Hna kal tura ka inpeih vek hnuah inhnuaiah ka chhuk a, ka awmpui pawh alo thleng tawh anih hmel "U Vl...eng nge i ei ang?" pai lek lek hian a lo ti a "ka ei tawh a, tlailam ah chuan a awlsam thei ang ber kha lo siam mai rawh, mahse thil thau lam lo siam lo la" ka tih hnuah ka chhuak zui a.



Kawngah tleirawl-i kha ka hmuhloh hram ka beisei, nimin tlai a ka rilru tawngtaina kha ka chhunzawm nghal mawlh mawlh.



Ka vannei nge ka tawngtaina rah ni dawn ni school naupang ka hmuh zingah a tello hlauh, station ka thlen chuan Emmanuela pawh alo thu vang tawh "morning sir" min salute pah chuan alo ti a "engtik nge kan monu hual alo kal dawn?" nuih let pahin ka lo fiam zauh a.



"aaa.... chutiang pawh kan ni chiahlo" a tukhum hiah nauh nauh pahin ati a, ka mithmul ka tih kan ak rual chuan "a zirlai... ah a.... rilru a pe deuh a" bah deuh nawk hian a ti a, țullo puiin tleirawl-i ka hrechhuak zawk mai, ava han țul ber lo tak.



"school naupang maw?" ngeiawm fe hian ka ti a "aw... mahse i ngaih ang kha a nilo"

"eng nge ka ngaih ang lo chu?" ka tih leh chuan a thaw hawk tawh, nuih paha lu thing nghut pahin ka cabin lamah ka lut a.



File ho ka check mawlh mawlh laiin kawngkamah buaina awm an rawn report vangin kan chhuak a, zu rui intibuai an lo ni. Chhun chhunah te zu lo ruih te chu a, station lamah kan phur phei a, tikhan zanin chu station ah hian awm sela naktuk lamah kan chhuah aniang chu.



Kar khat a liam hnuah pawh tleirawl-i ka hmu zui tawh miahlo, ka hriatloh laiin kawngsir a school naupang kal zingah hian ka lo zawng leh thin, mahse a hmel reng ka hmu ngailo.



"sir? " ka cabin kawngka ah chuan Emmanuela alo ding ran a, lo lut tur a ka tih hnuah ka hma chiah thutna ah chuan alo thu a "pawimawh a awm em ni?" ka kut pahnih suihzawm in dawhkanah ka kiu ka nghat a "a pawimawh leh mawhloh chu i ngaihdan ani mai..... Vawiin ah alo kal dawn a, ka sawi awmzia chu kha hmanni a ka sawi kha" atih chuan a hmeichhe hmangaih a sawina tih ka hre nghal.


Ka hria tih entir nan ka lu ka lo bu zeuh a "alo kal dawn a i hmuh duh takin, mahse i ngaih ang kha ani miahlo ania" ati zui zat a, ka lo nui suk thung.




"eng nge ka ngaih ang nilo i tih ziah hi niang le?" la nui reng chung chuan ka ti a "alo thlen hunah ka sawifiah mai ang, ka kal" tih leh thawh a rual a, engmah pawh ka sawi hmain a chhuak vut.




Dar 12 bawr velah ka cabin atangin ka chhuak a, Emmanuela pawh alo buai khawp mai "sir thil ei turin i chhuak tawh dawn ami?" Rinzuala'n alo tih chuan "kan monu hual lo ken ka ei mai ang" Emmanuela melh ralh pahin ka ti a, alo hawichhuak vut a "alo thleng tep" tih pahin a thil tihlai a tih zawm mawlh mawlh a.




Chutih lai chuan pawn atangin "a chhungah lut la, i veilam ah khan alo thu ang" tih ri ka hriat vangin ka hawi phei a, chutah station chhungah chuan hmeichhia alo pen lut a, mask a vuah vangin a hmel chu ka hmu chianglo, mahse a mitmeng atang chuan ka hriat hnu a ang ka ti.




Min melh duh miahlo in alo phei zel a, ka bula Rinzuala ding bulah chuan "khawiah nge Emmanuela hi ka hmuh theih ang?" a rawn ti a, a mask vuah phelh ngai miahlo in tunge anih a aw (voice) atang khan ka hre nghal.

Tleirawl-i


Anih chuan Emmanuela hmeichhe hmangaih em em mai chu kan tleirawl-i hi maw(?)

Pathian hian ka rilru țawngtaina kha ngamah a ngaiilo aniang, tunah ka hma lawkah a ding ta chu ania.

*

"sawtah sawn" tiin Rinzuala chuan a awmna a kawk a, bu nghut in a kal nghal a, min hria ang pawn a awm miahlo.


Min hria angin awmse ka ti ami(?) ka rilru a buai vek "mate... ilo thleng maw?" Emmanuela ti hlut ri ka hriat chuan ka hawiphei thuai a, tleirawl-i khan a mask vuah alo phelh tawh a, an inkuah a, a nui sang mai.



Chimawm taka Rinzuala'n a aw alo then kharh chuan an rawn hawiphei thuai a "kan monu hual chu min inhmelhriat tir dawn lo em ni?" ati nghal zat a.


Tleirawl-i lah chuan hawihai takin Emmanuela chu a en a "Emma.... eng nge a awmzia?" a ti deuh hu a, Emmanuela chuan a beng bulah eng emaw a hrilh zauh a, tleirawl-i chu a nui sak mai.



"chibai u Hruaizeli ka nia, Emma tan hian chawchhun ka lo keng a, a tam tho a ei ge nghal mai ru" ati a, no deuha mengin Emmanuela banah chuan a vuan a a melh pah deuh kher a.

Engvanga ka kut hi hum ruh nge ka nih? Duh leh a bialpa pawh lo nise buaina tur ka neilo, mahse mipa dang ban a vuan tih ka hmuh ringawt pawn ka thinrim țun ania, ka â tawh tak tak anih hi.



Ka lo buaina tur a awmlo, a bialpa ania duhleh a ban pawh chu alo vawnsak ang, lo thinrim turin dikna ka neilo, inzawmna pakhat mah kan neilo. Ka ti rilru mawlh mawlh.



"nia..... eisiam a thiam teh mai nia" a lu a tuai sak pahin Emmanuela pawh chuan alo ti a, ka ner sawk mai "chuti anih a hnu, ei ila ka ei ve i phal chuan" tleirawl-i melh pah chuan ka ti a, min eiloh hmel tawkin alo melh kual ralh a.



"i ei duh phawt chuan ei rawh" min ngei hmel taka nui sang chungin a ti a "thla la ang u" Emmanuela bulah chuan a ti zat a "i camera flashlight i off tawh chuan keichu ka inring" ka lo tih zauh chuan rum theihtawp in min rawn melh anih chu, ve lutuk hian a.



"eng nge awmzia? Nangni pahnih hi in inhre sa ami? " phawk lek lek a min en chungin Rinzuala chuan alo ti a, chhang lo in ka lo nui suk thung.





"in inhre sa ami?" Emmanuela pawh chuan tleirawl-i bulah chuan a ti a "hria tih tur pawh kan ni chiahlo, ani ang Officer chhelo te chu kan rualpui hovin an duh rawn alawm. Keiin ka hriat ve na chu kha kar hmasa a kan thianho min lo tibuaitu police țawngthei zet ka sawi kha, amah hi ania" tih pahin a kutzungtang chuan min kawk sak a.




Min sawi dan ka helh em vang chuan keimah zawkin ka melh rum ve thung a, min hlauhloh hmel zetin a mithmul ngeiawm tawkin min tihkan khum zeuh a. A tet tet nen hian mi hi ka cho ar e hi min tia, ka kuk hrep zawk dawn mawni!



"khapa kha sir hi maw? " mak tih hmel taka min melh chungin Emmanuela bawk chuan a ti a "ni chiang e..... pu in nei țawngthei khawp mai" ala ti cheu nia, ka kuk tak tak zawk dawn mawn le!!



"a fiam mai mai che nih chu kan pu hi chu a cool lutuk" Rinzuala'n alo tih chuan awihloh hmel tawkin alo ner sawk duh chauh.



"aa.. engpawh nise ei phawt ang u" boruak tihdaih tum takin Emmanuela chuan alo ti a, tleirawl-i chuan min rawn nuih sakin a tiffin lo ken chu a phawrh mawlh mawlh a. Nui sangin Emmanuela bulah a thil lo ken a hrilh siam siam a, min ngaihsak hmel pawh apu leh tawh eihlo.



Thla lah chu kan la ta lem hleilo a "lo țhu ru in ril a țam ani lawm ni(?)" ka mit taka en pahin a ti a, melh let ve pahin a hma chiah ah chuan ka thu thla a.



"ava tui dawn ve.... chawhnu lam hnathawk tur awmlo in kan puar peng mai ang tih a hlauhawm alawm" tia nui hawk hawk pahin Rinzuala chuan a tihfel pui mawlh mawlh a, kei erawh ka kut kuangkuah chungin ka hma chiaha țhu nu chu ka melh ran a.



Alo hawi chhuak duh țhaklo, a luhlul ve ngang ngang hle mai.



Kan ei chhung zawng alo thu ve char char a, ka melh zauh zauh a, ani erawh in Emmanuela chauh a ngaihtuah a. Chawhmeh a suahsak thul, ka awmhmunah ka lo țang țung a, tui tak pawn ka eilo.



Kan hmuh lai ngei pawn an induat a, an zaklo hi kan ti mai mai khawp a; tleirawl-i phei chu ala naupan nen mi zahpahna a neilo reng reng. Ka bialnu chu nise ka thing nek ang mawle.



Ka bialnu hah!... ka bialnu ni tur ang te a ka ngaihtuah tak le.... ka â zo tawh tak tak anih hi.


Show post links
Top

[Ngaia]

*OFFICER HVL-A*


Chapter-3


By Priscilla vl Ralte



"ila naupan hmel nen police te ilo chhai vel a" a hnunglam atang chuan ka ti a, a rawn hawilet duh țhak lo, a bul chiah ah chuan ka ding a "police officer ve si tihtur i hrelo hle mai" alo ti hlak a, min melh duh chuang miahlo.


"chu min lo ning viau ani maw(?) hmanni te kha chuan ka thla lakruk i tum niin ka hria" ka ti chiah chu a sam phe vawk khawp in a rawn hawi a "kha thil kha sawi chhuak tawh suh, hmanlai thil anih kha" min melh rawm rawm pah chuan a ti a.



Min melh rum hian a hmeltha lutuk, a hnar ngul tetakte dang ve vah te, a mit bial kal mai te, a sam a tawk chiah a sei, a awmbawr leh a mawng lah duhthusam, a te hle a mahse a kim ve biai tho sia. Ka mitah chuan naute pianghlim ang chiah ani.


Ngawi teh kei hi ka hmaa a ding reng chungin ka lo 'hs' amaw! Khai leh!! Vanlalruatfel i â tak tak tawh anih hi.....



"I dream ah khan ka tel veloh hram ka beisei" ti hmukin a hmalam hawiin a kut a kuangkuah vei than a, lawmawm reuh lutuk. Het! lawmawm ka ti maw? Aaa..... ka peih tawhlo.



Engmah sawilo in ka kalsan a, ka cabin a ka luh chuan ka thutna ah țhu in ka inngaihtuah vung vung a, a awmzia hi ka hrelo. He tleirawl hi ka duh tihna ani mai angem? Hmeichhe duh ka neih ka hre ngailo, chuvang aniang engmah ka hriatloh.



Ka nu ka zawt mai dawn amawn le! Ka phone chu ka ban nghal a, call ka tum zet a, mahse hetiang ka zawh chuan min lo nuih leh vak emaw ania nga, tlawm ah ka la deuh bawk si.



Ka țhutna nghenchhan chu nghengin ka mit ka chhing vang vang a, ka phone in ka chal ka ch$ keuh keuh a, ka thawk te hi a buaiin ania ka hriat ni. Aaa.... i hna chauh ngaihtuah rawh, tia infuih in ka hmaa file chu ka en mawlh mawlh a. Ka rilru ah hna chauh dah ka tum ani ber.



Mahse a thawk lo chiang lutuk, ka mitthla ah a nuihmel te ka hmu, ka thluak a buai aniang. Ka hman veleh rilru lam doctor bulah kal ila atha ang, hetiangin hmeichhia ka ngaihtuah ngailo.



A haw ta nge pawh ngaihtuah zuilo in file ringawt ka bih lui ngawt ngawt a, rilru lakpen na ka zawng ani ber.



Ka vannei nge zurui intibuai report kan dawng hlauh! Lawm tak ka ni, ka tha za lai khawih tur ka duh lai tak.



Ka cabin atang ka chhuak vut a, pawnah chuan Emmanuela leh tleirawl-i te ding dun ka hmu, dingdun satliah an nilo, Emmanuela'n tleirawl-i dar tawn tawn ah a vuan a, kun hniamin a chalah a fawh sak!


Tleirawl-i lah chuan huat a hnek in a nui sak a, ka kut ka humruh ngawt ngawt a, za miahlo in ka nui ro hak!


Engvangin nge ka lo thinrim ve em em? Inngaizawng an nia an infawp ve ani mai, ka thinrim chhan pawh eng dang a nilo Emmanuela police ania station kawtah hmeichhia a fawh vangin kan department kan mualpho thei, chuvang in department mualpho ka duhlo vang ani.



"kan kal nghal mai dawn ami? " ka hnunglam atanga Rinzuala'n a tih chuan ka bu nghut a, Emmanuela pawh hmanhmawh hmel deuhin a rawn tlan a, min rawn nuih a ka nuih let thei țhaklo.



Min rawn call a an sawina hmun kan thlen chuan an lo tlanchhe huk a, jeep atang chuan ka zuang chhuak nawlh a; ka um nghal a, pakhat chu ka umpha harlo. A kawrawm ah chuan țham in, chhun atanga ka thinrimna pai tawh zawng zawng hrikthlak tumin ka hnek nghal miah miah a.



Vawi engzat nge ka hnek hman ka hrelo, min lo pawh hran lai chuan a hmai chu hmuh tlak pawh ani tawhlo "sir tinge i sawisak vak a? A thi mai dawn asin" tiin ka naute chuan an buaipui sawk sawk a, kei erawh ngawi rengin ka dinna hmunah ka ding ngawi reng a, hawi pawh ka hawichhuak lo.



Engtia rei nge ka din ka hrelo, ka bulah chuan Emmanuela alo ding ve a, ka be lemlo. Ani pawn min belo in ka bulah chuan alo ding ve reng a.



"Matei nen khan in inhre sa tiraw?" atih chuan ka chhanglo, a lam pawh ka hawilo "hresa lo ni la kawngsir a an infiam mai mai iva chhan ka ringlo" a tih zawm leh zat a, ka la chhang chuanglo.



"Matei nen kan inkar hi i.... "


"Ka thla min lakruk sak! a tawk em?"



An inkar ah thil a awm tih a sawi ang tih ka hlauh em vang chuan a țawnglai chu ka lo pawt chat vat. Inngaizawng induh tak an ni tih a sawi ka hre duhlo ani ber.


Ka inpawm tawh, keihian Tleirawl-i hi ka duh, nie ka duh chiang alawm. Mahse ani chuan bialpa a nei, ka duh vangin an inkar hi tihchhiat ka tumlo thung. Ka feelings te chu ka thup thei lutuk ang, ka hmeichhe duh hmasak ber hi awlsam tak chuan ka thlah theilo ang, mahse a bialpa nen an inkar tihchhiat erawh ka duhlo hulhual.




Mi inngaizawng tha hle hle inkar ti chhe duh tur khawp a mi nunrawng ka nilo a, hmeichhe rawp tak ka ni heklo, an ințhen hun chan ka tum miahlo bawk; ka duhna chu a rei anga a reh veleh mai ang.




"engtik in maw? Chuan i man chhuak tihna mi? " nui ru suk suk pahin a ti a "dawr a kan thil eilai pawn atangin ka thla lak a tum a, camera flashlight a off theihnghilh a, a rawn de zawk sia....Ka hawi chhuak kha hamhaih deuhin min lo en a, a tlanchhe ta daih a" khami ni a a awmdan nuihzatthlak zet kha ka mitthla ah a rawn lang nghal uai uai mai.Emmanuela lah chu za em em mai hian a nui ang hawk hawk a, a pum dawm meuhin a nui nia.




Kei erawh ka ner nang thung "chu thil chu a sawi miahlo" a duh ang thal a a nuih hnu chuan a rawn ti chhuak a "hrilh tlakah a ngailo che aniang, tu hmeichhia in nge a bialpa bulah mipa dang thla lakruk a tum laia a chet chhiat thu sawi duu ang(?)" mithmul kan ak chung chuan ka ti a.



"I ngaih ang hi a ni silo a e " te chu ala ti ang deuh deuh.


"Iti ve ziah mai, Eng nge ka ngaihdan chu?" ka ti hmuk a "Matei nena kan inkungkaihna hi" nui suk pahin a ti a, min ti vir ting tang lehnghal a.


"Khatia sawi kual sawi kual lo khan a point ah lut rawh" ka ti leh hmuk a "chu iva hre chak ve a, nge matei hi ilo duh ve zawk ami?" mitmeng chimawm zeta min chung chuan a ti leh a, ka melh rum nghek.



"I thluak a buai ami? Khatiang ka fa rual anih kha" ka ti hmuk a, a mitmeng atang in min rin loh zia a hriat.



"Ka ringlo che ka tihloh kha, khatin min melh vak suh, min melh hlum anga sin. Hrim hrim in ngati nge khapa kha khati tak a i sawisak a? A khing let daih thei che tih i hria ang chu tiraw?" atih chuan ka dar ka kan khim ak ringawt, ka hlaulo ve chiang e, min han khing na teh se ka thiltihtheihna ka hmang ve anga nimai.



Station lama kan let leh lam pawn kan inbe lemlo, Emmanuela pek chuan 'Angel baby' a play pek a, a thunawn a sak lai chuan ka mitthla ah tleirawl-i nuihmel alo lang. Seat hnung chu nghengin ka mit ka chhing a, hla ngaithla reng chung chuan a nui hmel tha tak ka mitthla a, a hla thu zawng zawng nen..


*she's gonna be my angel baby*

tiin ka phun sap a, ni e.... ka hmeichhia ah ka siam ngei tur ani, mipa ka ni a ka hmeichhe duh chu midang ta ani lai ka thlir mai mai ang maw? Teuhlo Vanlalruatfela alawm ka nih le! Ka duh chu ka nei thin.


Tuna ka duh chu VANLALHRUAIZELI hi ani, chuan ka ta ani bawk ang.


KA TA ANIH NA TURAH HIAN TUMAN MIN DAL BAWKLO ANG.............



~~~~~~

E...... avan tawi
Vawiin ah ch2 zawmna ka rawn dah a, chuvangin ch3 pawh ka rawn ti tawi deuh a, regu ka tum ve teh mai nia aw..... Vawin ah pawh ka rawngbawl thulh thakin ka rawn type a, thui vaklo mahse 'avan thui' tia comment tham lawihin intan ka inhlan........Ka lawm e❤


Show post links
Top

[Ngaia]

*OFFICER HVL-A*





Chapter-4

By Priscilla vl Ralte




"chaw chhun alo thleng e..... " tia ka cabin pawn lama hmeichhe tawng thawm ka hriat rual rualin ka thutna tangin ka tho chhuak vat a, ka tho chiang bawk aniang ka chair pawn ka hnunglama bang a su bur mai.



Hmanni chaw chhun alo dah atang khan nitin deuh thaw alo kal thin a, canteen ah pawh kan chawl ngai tawhlo, Rinzuala nen pawh an innel viau tawh, kei erawh min melh a a duhtawk daih zel.


School an chawlh leh chawlhloh Emmanuela ka zawh in 'a chawl' ati mai zel a, a sawi tha duh ngai miahlo. An inkar lah a hma zawng a min hrilhfiah chak em em thin khan pehhel deuha ka zawh veleh a'n sawi tha duhlo vel a, ka thinrim thawk thutin ka hnek sawk nghe nghe, ti chung pawh chuan ngahmah ala ngai chuanglo.



Ka va chhuah chuan a tiffin lo ken chu a phawrh mawlh mawlh a, ka lam lo hawiin a rawn nui sang a, ka hamhaih lek lek ani.



Lai deuhin ka nuih let a, ka zam chhe der mai ka ti. Keihi he tleirawl-i nuihmel vang ringawt in ka zam anih chu! awih a harsa hle mai "eng nge ilo ken a?" tiin tha tak chuan ka zawt a.



"Vawiin chu ka phur thut in momo ka siam a, dawra an siam tamtak ai pawn a tui zawk tih ka sawi ngam sak, Emma pawn tui ati lutuk!" tiin nui var var in min chhang a, za lo deuhin ka lo nui ve suk tho.



Emmanuela hian an inkar ka ngaih ang anih loh thu kha a sawi thin a, mahse an awmdan ah erawh hmelhriat satliah chu an niin ka hre silo, ka thluak hi an su hneh lutuk he mite pahnih hian, an suk ral rak thlengin ania suk an tum ni.



"Yes.... momo ka favourite ka duhnu hi ka duh emai che" tih pahin Rinzuala chuan a biangah a piai sak a, alo duhlo ngang mai. An han inbeng leh rih a, kan lo nui mai thung. An pahnih hi chuan an innel ve a, an mizia alo inang bawk nen, an awmdun tawj chuan ui leh kel ang mai an nia, mahse an in ngai em em tho.




A sawi ang tak tak in momo chu alo tui phian, ka ngaina vaklo na in tleirawl-i siam anih vang hrim hrim in ka eisak a, a siam anih vang nge ni a special bik ten ka hria. Hah...Iva a tak Vanlalruatfel.........



" A tui em?" ka bula lo thutthlak pah chuan ati a, ka lo bu nghut "khati chauh khan maw?" lungawi loh hmel deuh chuan a ti a, a ngaihna ka hre vaklo.



"I tan tiin special tawkin ka siam a, lu buk ringawt kha maw ka hlawh dawn" mitmeng tur khai a min melh chungin ati leh a, ka hrethiam ta chiah, a duh ang chhanna ka lo pelo anih hmel..



"Ah...sorry i siam tui lutuk a ka lei a tawt a, ka tawng chhuak hlei theilo anih kha" ka tih chuan a awihloh hmel ngang mai "tak tak i hmel nen zawng zawng hian in tuihmel vek" ka ti chiah chu ka silai pai lai hian inkah ka chak rum rum.


Ka tawngkam tenawm zia kha!! Mipa lerh zet ang maiin engtin nge kha thu kha ka ka atangin a chhuah theih zawk(?) Mipa mah ni ila ka zak chem chem mai.




"Awiha ..... Lal Hvl i fiamthu ve ngei a!" tih pahin ka dar ah min beng chawrh a, a nui hak hak reuh anih chu.


A nuihmel chu a mawi lutuk! Alo hmelthat zia ka hmu chiang telh telh, Angel ang chiah ani..... Ani hi ka angel naute ka 'Angel baby' anih hi.



Nitin station ah alo kal a, keipawh midang angin min nel ve tawh, min be bawrh bawrh a, vawikhat kan titi dunna ah phei chuan ka hmuh hmasak ber ni kha kan sawi chhuak a. Amah ber ber kha a lawm ah a tang a, a zak deuh bawk si a nuih za bawk si hmel kha a lawmawm lutuk.



Hetiang tak hian hmeichhe nuihmel ah ka luangliam ang tih ngaihna ka hrelo hrim hrim, chu pawh ka fa rual lehnghal!!




"Zelzel-i hi i duh chiang" pawn lama tleirawl-i ka thawhpui thenkhat nena an nui ho ka en lai chuan Rinzuala chuan a rawn ti thut, ka lo en uluk bawk aniang alo kal lai ka hrelo hrim hrim "Hmela .... khatiang khan rawn tawng thut tawh suh" ka ti hmuk a.



A nui duh lek chauh "ka sawi diklo ami? Alo kal hi chuan i nui sang reng zel ania, i inhre lo maithei mahse ka chik thei teh mai che ania, alo kal tawh chuan i file enlai pawh i khup thawk zel, ka hre vek" tia inti hre tawkin a hawi vah vah a.



A tukhumah ka beng lawlh "thu lawilo pui pui sawi suh, naupang anih saw..... ka fa rual ngaizawng duh tur hmel ka pu ami?" ka ti hmuk a "ehhhh......" tih pahin a darin min nek leh sak a, ka hnek chawrh zawk dawn amaw ni!!




" HVL.... min thlah rawh" kan bula lo kal pahin tleirawl-i chuan a rawn ti a, ka melh nghek. A U rual ka nih nen min U zu han tum miahlo a, ka thawhpuite hriat a ka hmingpum a min la ko lawl lawl lo hi pathian hnenah lawmthu awm lul rawh se.



"Ka hmanlo hna thawhtur ka nei" Rinzuala a awm ve reng vang chuan ka induh khum deuh, ner nang a min en in "i buai ve chu eng nge itih? Nilenga ding chunga min thlir kha ami i hna chu?" a ti lawng lawng anih chu, ka va han khawng chak thin tak.



Min zah derna pakhat mah a neilo lehnghal a, ka bialnu a nih hunah ka kuk thin ang. Ka ngaihtuahna zet chu(h). Ka nui chhuak hak a, Rinzuala nen min melh rual thawt.



Ka aw thian kharhin ka hmui ka tuai zauh a "anih ka thlah ang che ka pi" ka lu buk zeuh paha ka tih chuan a run leh kher mai "i mit a thalo ami? I pi rual hmuhin ami min hmuh a(?) i haw pahin tarmit lei ang che" tih nghal pang pang pahin a inher a, a kal tau nghawng nghawng reuh anih chu!




"Duhsakna ka hlan a che " ka dara rawn ben pahin Rinzuala chuan a ti a, ka lo nui sak thung.



Tleirawl-i chu ka um vat a, station gate alo thleng tep tawh "lo kal rawh ka thlah ang che" ka tih chuan hrelo ang maiin a kal hmawk hmawk a, a hnunglamah ka zui nghal a, ka zui tih a hria nge ni a kal chak sauh a, a bawp tawi tawi nen ka umphak loh a ring emaw ni!



Ka pen khat pawh a tan chuan pen hnih vel aniang chu, tichung chuan ka tlanchhiat san e min ti khanglang. A zawn ka thlen chuan a hmaah tak ka ding a, min hmulo ang maiin min hel a, chu chu ka ngaithei hauhlo.



A banah chuan ka man a, tawng miahlo in a ban chu tal pit a tum a, ka vuan nghet sauh thung "ka ning e....... Vanlalruatfel min thlah teh ka haw dawn" ati vin hlar a.

"min thlah rawh itih kha, ka thlah dawn che"

"aih thlah ka ngai tawhlo, ka bialpa in min lo hruai dawn" atiu chuan ka nui hawk.



"I bialpa chu station chhungah a awm aw Mate" a hmai bula zu kunhniam pah chuan ka ti a.



"I daw ve chiang e..... Emma saw ka bialpa ani reng reng lo, ka unaupa anih saw" rum deuha min en pah chuan a ti a, ka hamhaih ang reng.



Inngaizawng angin kan hre vek a, an lo hetiu vang anih dawn hi Emmanuela pawn 'kan inkar hi i ngaih ang ani silo' alo tih ziah ni.



Hrim hrim in Emmanuela pawh ka zawh chian hnuah min hrilh tha duhlo vel a, ka la hnek leh ang mawle!!



"I bialpa chu tu zawk pawh lo nise ka thlah ang che " ka ti leh a.

A kut a beng thak a "tikhan ani mai lawm" tih pahin a inher vut a, ka car awmna lam a pan ding nghal chat anih chu!

Henu hian eng tactic nge maw a hman le? Ka thlah duhlo ang deuh khan a awm a, tunah lem ka kaih ngailo in a pan leh chat bawk sia; a bialpa chungchang a sawi te kha ati der lek alo ni maw(?) Ka lo hlauthawng ve em em lehnghal a, vawikhat na na na chu ka la kuk tak tak ang, nghal lutuk mai naupang te te si. Mahse ka duh em em tho! aaa....Ka a tawh anih hi.




Kan chhuak chu han biak vak ngaihna ka hre silo, anin min biak a tum chuang bawk silo, ka lai kual vel vek. Hmalam ka bih ran lai chuan ka phone alo ri thut a, ka taksa phu zawk lo mahse ka chhungril a phu uih thung. Ka phone chu ka phawrh a, screen a Ruatthari hming alo lan chuan ka ner sawk, ka hmet thik nghal hmak a.



A hnu reilo te ah alo call leh a, ka thaw hawk "chhang la..... i bialnu nen in inti thiamlo ani maw" tleirawl-i chuan alo ti a, ka melh hrawk, hrelo ang hmakin hmalam a en leh ran a.




Ka rilru a thil lo lang chu țullo ka ti kher mai, mahse ani hian min duh ru thin, ka thla pawh lakruk a tum, chuvangin min hnar bik vaklo tih ka chiang. Anih chuan ka lakah thikthu a nei ve maithei asin.


"hello babe..... vawiin chu class kan bang hma a, min lo hruai la i in a hnathawk pawh vawiin tlai chu chawl turin ka hrilh a, chaw ei chhuak ila.... i hman chuan" a tawp lam chu a zuih khawp mai, a inthlahrung ve ani mahna. Loud a ka dah vangin tleirawl-i pawh chuan a hre pha reng.



"Awle.... khawiah nge niang?" darthlalang atangin tleirawl-i chu ka melh zawk a, a hmelah chuan engmah thikna lam a langlo, mahse a malchunga a kut dah chu a hum ruh hle tih ka hmu thei, ka nui sak a.


" Yes.... i hman dawn maw? Tom Tom restaurant ah ania, seat ka lo hauh ang aw!" phur hmel tak hian lehlam ami chuan alo ti a "Awle..... lo va haw la insiam la dar 5 ah ka rawn lam ang che" ka tih hnuah kan inbiakna kan ti tawp a, tleirawl-i chu ka thlek zauh a, a sir lam hawi chuan min hnungchhawn titih a.



Ka ngaih a tha vaklo "I tha em? I awm a nuamlo ami?" tlanmuan deuh pahin ka ti a, min chhang mai lovin a thaw ham ham phawt a, chutah aw lawi rat hian "ka tha..... tlan chak deuh teh in thlen vat vat ka duh" a rawn ti chhuak a, a aw chu a dik miahlo a țap emaw ni zawk ni.



Ka ngaih țhalo chuan car chu ka tiding a, chu veleh a hmai chu a tuai nghal puat a, a darah chuan ka va vuan a "tinge i din? In thlen vat ka duh ka tih kha.... tlan leh vat rawh" sir lam hawi reng chung chuan a rawn ti leh a.



"lo hawi teh" ka tih chuan alo hawi duh miahlo, ka seatbelt phelh in a lamah ka va awn phei deuh a "lo hawi teh" ti lehin a darah ka kuai deuh a, a lo țang ve tak na in tha ah ro ro chuan min hnehlo chiang.



"Tinge i țah? " a mit chu alo sen ram a, a hnar a tai tek bawk, heti em em hian alo țap nasa a, ka hre miahlo "ka țap lo ka mitah thil a lut alawm" tiin nuih luih a tum ngial a, mahse a mittui a rawn hnam leh țiam țiam a.


"tinge i țah?" tih pahin a mittui lo luang chu ka tuai sak a, chu veleh chhuak em em in a rawn țap a, ka hamhaih lutuk chu tih vak tur pawh ka hrelo. Hmeichhe țap hi vawikhat mah ka la thlem ngailo, ka thiam bawk lo.



"I sual lutuk!! ka duh tawh dawnlo che.... Nge bialnu i nei tih min hrilh loh? " țap hlawp hlawp chung chuan a ti a, ka khi suk, ka tactic apply chu a fuh hle mai. A seatbelh hren chu phelhsak in ka awm ah ka kuah a, a tal deuh nain ka kuah luih takah chuan a inthlahdul deuh a. Ka awm zawnah chuan a insut leh hraih hraih thin a, nghet zetin ka kuah a, a chalah ka fawp vang vang.



" I duh duh danin awm rawh eng atan mah ka tilo, khawi min kuah tawh suh, i bialnu in min hmu ange, dinner in eidun dawn kha i tlai ange, haw vat ang" tih pahin ka kuahna atang chuan tal hran a tum a, ka lo phallo nasa "tal tal suh, bialnu ka neilo" ka tih chuan a awihloh hmel ngang mai, ka hmai bul taka rawn hawiin "nang setana helper hian dawt dawt sawilo mai rawh, tun lawkah khan i bialnu in a rawn call zo chiah a, in dinner ei na tur nen lam in sawi fel vek a, ti chung chuan bialnu ka neilo ila ti ania. Police officer dawheh inih kha" a rawn ti nghek a, ka lo nui chu a run hmel ngang mai.



"Hmelchhepa min thlah rawh, i sual si i duh leh bialnu za chuang pawh nei rawh ngatan mah ka tilo" ati leh pang pang a, a thinrim hian a cute lutuk tih hi a inhre lo nge a inhre lutuk zawk ni.


"I mak!! min thlah teh i bialnu nen in indate dawn kha i tlai ang, min thlah teh!!" atih lai chuan ka insum theilo in a hmuiah chuan ka fawp a, a che chu a tawp chawt a; A mit chu a khap ang zeuh zeuh a.



Ka fawhna ka thlah hnu pawh chuan a hamhaih nge ni a che lawklo a, a hnuah a chil lem khawlhin ka kuahna ațang chuan a tal hran a tum a, ka vawnna ka thlahdul chuan a inla hrang vat a. A awm dawm chungin a thaw ham ham a, a thawk lak zawngin a awm a insep dawrh dawrh bawk a; A kut veilamin a hmui a khawih pah a, ka nui suk a.



A hnuah a harhchhuak thut ni awm tak hian rum tawkin ka lam a rawn hawi a "eng rilru pu in nge min fawh? Ka first kiss anih kha...... ka pasal tan ka khek țang țang a, nang lah chuan engmah hrelo in min fawp ringawt a, i sual ve chiang e..... ka first kiss chu a special ka rin nen ka first kiss pawh bialnu nei lai awi.... ana eeee.... " a tawp lam chu ring lam mah ani.



"Bialnu ka neih awm pawh ka hrelo" ka tih chuan ka tukhumah a rawn beng dawt nia, a rawn chet chhuah lai ka hrelo hrim hrim, ka hmalamah ka bu uih thei nia.

"Nang setana helper officer dawheh pa.... bialnu ka neilo te i tia maw? Nichin lawkah 'babe i awmpui nu' de de dei dei alo tih hluak hluak kha, hrelo der khanglang lo mai rawh" a ti vin hlar a, nichin lawka hmeichhe naupang ang mai a țap hliam hliam kha ani tih rin harsa khawpin ania a kawlh leh tak ni.



"Setana helper ka ni tei vet lo, ka daw bawklo nichin a min lo call tu te kha chu Ruatthari anih kha ka..... " Ruatthari nena kan inzawm dan sawi mai tur ka hre hauhlo, tisa mamawhna kan inphuhru tawn ringawt a, kan inkarah hmangaihna chu sawiloh, inngaizawng pawh kan ni lo..



" kha sawi tur i hriat miahloh kha" tifuh intih hmel zet a lo titu chu ka en tawp, sawi mai tur ka hre tlatlo.


"Aaa....kan thil sawi hi a ho lutuk, kal vat ang" a țhutdan siamrem pahin a ti a, thaw hawkin ka seatbelt ka hreng tha a, engine tinung in ka inkhalh chhuak nghal a, kan inbe zui tawh lemlo.



"Ruatthari nen khan kan inngaizawng lo" car atanga a chhuah hma chuan a kut vawn pahin ka ti a, min en vung vung a, engmah chu a sawi lemlo.


Rei fe min en hnu chuan "ngati nge ka bulah i insawi fiah?" ati ta khauh mai.



"ka hre chiah biklo mahse bialnu nei anga min ngaih khan ka awm a nuamlo a, ka duh che in ka hria" ka ti hap a.




~VANLALHRUAIZELI~ POV


Tuna ka thil hriat kha a dik em? He officer ka duh ruk em em mai hian min duh amaw? Aw lalpa khawvel hi a muang ruihin ka hria.... Vai film chu nise tunah tak hian thli a thaw vuk vuk anga, zai chungin kan inlem ngei ang. Mahse tunah chuan a tak ramah ka awm tlat, chutiang ngaihtuah thei pawh ka nilo e a.



"Awi... VanlalHVL min fiam khanglang suh" ka awihlo lutuk chuan ka nui lui hak a, ani lah chu a thutak phian lehnghal a.

"Ka fiam lo che ka duh tak tak che"

"ka awihlo eeee..... min duh ni la bialnu i neilo ang"

" Tei vet che hian, bialnu ka nei seklo " a rawn ti vin hluk a, ka nur nang thung.


Hepa han romantic loh zia hi min duh thu a sawi a, min bem ve reuh emaw ni lehnghal ni, min vin ang hluk hluk a, hetiang chuan e tu hmeichhia mah a bem hlawhtling teuhlo, keichu ka tello thung.


" min vin tei vet suh" ka ti let ve hlak a, ka ban a vawnna chu thinthlak ka tum a, a vuan nghet phian lehnghal "min thlah te ka kal duh tawh" ka tih leh chuan a kut lehlam in a seatbelt a phelh rak rak a "eng nge i tih kha?" ka tih chuan min chhanglo in a thutna lam kawngkhar a hawng a, ka kut chu a thlah thut a, chutah rang fahranin car hmaah chuan a tlan a, ka thutna lam kawngkhar chu a rawn hawng a.



"Tinge khatianga i tlan a? " ka tih chuan nuih pahin "ka thlah chhung che a ilo tlanchhiat hman ka hlau mawle" a tih chuan ka nui hak, a van naupang chhia tak.



"lo kal rawh le " a tih chuan ka hawi buai nak a "khawiah?" ka tih chuan "in inah.... ka rawn rim dawn che" atih chuan ka ner nang...



"eng vangin nge min rim ngawt ang? "

" ele ka bialnu ni turin ka rim dawn che naupangte" tih pahin ka chalah a nem pah a

"awi.... i zaklo chiang e chhun chhun ah tunge nula rim ngai? " ka tih chuan " zak rual ka ni tawhlo aw naupangte" a tih leh chuan a awmah ka nem pawp a "naupang ka nilo aw puitlingpa" ka ti let ve a.



"Im.... naupang nih i duhloh leh tleirawl-i ni leh mai rawh" chimawm zetin a ti leh a, ka melh hrep ringawt tawh.


"kal ila.... ka nu leh pa te hna thawkin an chhuak em? " ati zui zat a, ka ngei lutuk hi a tukhumah khian nem leh pawp ania ka duh ni!



Chhan pawh ka chhang peihlo, in kan luh chuan ka nu chu choka ah a awm ani maithei "nu ka lo haw" ka ti lang lang a, ka bula ding pa lah chuan kan in a verify emaw tih mai turin kiltin chu a en chhuak vek a.


"ka U hi police ve tho ani in ka hria " ngeiawm zeta ka tih chuan min rawn en in a khi suk a, ala hmeltha em em zui a.



" e mami tunge i thianpa kha? " choka atanga lo chhuah pahin ka nu chuan a lo ti a " nu heihi U Emma thawhpui anih hi " ka tih chuan ka bula ding pa chuan ka hnunglamah a rawn sik a, ka zuang dawrhin ania ka hriat ni.


Rum deuha ka melh laiin nui chak si ka nu awm vanga nui ngam chiah silo in min lo melh a, ka kutin ka tin deuh uai a, ka nu lah chuan kan awmdan chu mak tih hmel deuhin min lo en a.


"HVL-A anih hi " tum hmuk chungin ka ti leh a " e... Mama thawhna a an pu ber kha ini maw? " tiin ka nu chuan a pan hnai a, an han in chibai a, kan Vanlalruatfela lah chu fel ber ni awm hian a nui ang suk suk a, ben lawlh ania ka chak ni.



Nichin te khan min kiss lehnghal a, ka hamhaih lutuk in nilo pui pui ka sawi lehnghal a, min chhaih nana a hman lo hram beisei ang.



Ka nu in chaw eiah a sawm pek a, ani lah chuan alo hniallo nasa mai lehnghal a, a zaklo ve e... mi ina chaw ei a awlsam emai a.



"I zaklo ve e ka ti ka nu te kha hnial ve ta che" ka ni choka a a luh laiin ka ti a "zak rual ka ni tawhlo tih ka sawi kha, makpa interview ka nei pah ani mai" ati awlsam et lehnghal a, khawvelah a awm rei tawh bawk a, a zaklo thiam pang pang khawp mai.



"an makpa ini awmlo e " uar fe a ka tih chuan " ka nih dawn leh dawnloh kan in chawi dawn ami? " min cho zet a atih chuan a challenge chu ka pawm nghal hmak. Challenge ka hnar ngailo, hepa lakah ngat phei hi chuan ka hnar teuhlo, ka chak emaw chaklo emaw hnar nih ai chuan theihtawp chhuah hnua chakloh pawh ka huam zawk..





~~~~

a changtunu pov hi ka ziak chak sia ka rawn dah zuais.... chuan e a thui zia hi comment sei tawk min pe ve thei.....


Show post links
Top

[Ngaia]

*OFFICER HVL-A *




Chapter-5

By Priscilla vl Ralte




" ehe Sir hetah eng nge itih a?" sitting room a HVL-a a thuam famkim nen a alo thu chu Emma pawn mak a ti deuh aniang a meng phawk khawp mai .


" Mama hei in pu hian Mami alo thlah haw a, a rem chang sia ka tia chaw ei ah ka sawm anih hi" choka atanga ka nu lo chhuak chuan ati vat a, kei erawh ka phone khawihin ka hma a thu pa hmel awmdan tur ngaihtuah in ka ner sak thung.



Duh viau mah ila tun dinhmunah chuan ka ngei hluah hluah ani mai, chaw rawn ei a tum hi ka la ngei reng, ka pa nen an titi thei phian lehnghal a. Emma pawh arawn thu thla ve a, nuam atih hmel ngang mai, min rawn melh leh zawk thin a, ka lei ka lo chhuah khum a, a nui leh suk zel, heipawh mi mawl.



"nang kha i bialnu nen dinner in ei dawn kha, chaw rawn ei ringawt suh" ka hne ngang anih ka ring, ka pa leh Emma awmloh lai ka chang ngar ngar "ka bialnu nen chuan kan ei dawn reng alawm, chuan a chhungte an tel bawk a" a mit min siai khum zeuh pahin a ti a, a zaklo ve e.



"I zaklo ve e i bialnu ka nih chuan khawvel hi ka dawlh ang" vin thei ang berin ka ti a, alo nui hawk a "khawvel hi chu a lian teh ania i dawlh hma in a dawlh hman ang che Ka bialnu" nui chungin a ti nih chu.



Awi ka ngei lutuk!! A thutna lamah chuan ka tlanphei a, ka va bawhthlu a, a taksa rem lai lai ah ka chum nghal a, alo indang thiam si ka thinrim bawk nen duh ang pawn chet ka la hleithei lo.



Chutah ka kut pahnih ah a rawn man thut a, a awmah chuan min kuah bei titih anih chu! Ka rinloh dan deuh anih vangin ka che lawklo, chu lohah a awma bei hi a nuam lutuk, amah a palian si a, pangtilum a ngah bawk si. Rilri tawt lutuk leh mangang taka ka awm lai chu nise ka thlamuan phah huai in ka ring.



Aw thian kharh ri ka hriat chuan ka harh chhuak zawk, H-a min kuahna atang chuan ka tal pit vat a, a rang a rangin ka tho chhuak nghal a, sitting room luhna bang ngheng chuan Emma chu alo ding a, chimawm zetin a mithmul alo ti kang ang zeuh zeuh a, lei chhuah khum pahin ka nek lui salh a, choka lamah ka lut daih.



Ka awm ka dawm a, ka thinphu a rang lutuk, chuan ka chhungril tak hi a zuang tawr tawr in ka hria. Tunge hlimlo ang! In star ruk deuh khan han kuah ve cheu sela e kei ai aiin in over in ania ka rin ni. (hetiang tur hi in tam ka hria alawm)



Chaw ei lai pawh chuan nichin vang khan ka hawichhuak tha ngamlo hrim hrim, tinge ka lo va kal kher le(?) Emma lah chuan a chimawm chhuahin dawhkan hnuai atangin ka ke a rawn tlawh zeuh zeuh a, engmah tilo ang maiin ka pa leh H-a titi te chu a zawm vel a, zanrei ah a hre khawp ang.



"I hria em mami?" insehruh chunga Emma ka tihlet dan tur ka ngaihtuah lai chuan ka pa in min rawn ko thut, ka phu chiang lutuk a ka chaw eilai ka hak a, ka khuh nghal bawrh bawrh a, ka nu in ka hnungah a chul a, ka hmaa thu pa chu a rawn ding dawn uk a, ka kut ka lo phar vang chuan a thu tha leh a.



Ka khuhna vangin ka mittui te a tla vel, tinge ka star te bulah ka chet chhiat theih em em le(?) School ah pawh ka star deuh pa hmaah tak bawkkhup in ka tlu tawp bawk a, ka vanduaina a kaltluang rih ani. (helai scene te hi a tak ngei a ka tawn ania, ka star te hmaah ka che chhe thei tawp a, a dang chu ka dah tel duhlo min hmusit lutuk palh ang)



"kha tui hi in rawh" tia ka nu tui min lo pek chu ka in khawlh khawlh a H-a lam chu a hawiin ka hawi duh tawhlo hrim hrim, hetiang te chuan ka hmu ngam tawh nang le.


Ka nu leh pa lah chuan an makpa treat nimai hian ka hre tawh "ka puar" tih pahin ka tho nalh a " i ei tlem sia i puar tak tak maw? Tlangval chaw ei kan neih vang hian ilo ei puar ngamlo te ania nge" nui chunga ka pa in a tih chuan "Paaaa....." ka ti vak a, chaw ei a tilo chuan a nui huah huah a, ani pawh hi keuh tluk tawp ania ka duh ni.




Vanlalruatfela lah chu min en chungin a nui ve suk suk a, ka theih tawp a rum in ka melh a, thleng pawh ka dah chawrh a, ka che reng reng chu thinrim a che tih takah ka ti sawk sawk mai "khaih khaih Mami khati sawk sawk tur a nilo hei i mikhual pa hian a hlau ang che " ka pa hi aw a duhna ah hi chuan ava nghal chiang tak.



Ka room ah ka tawm daih a, thleng vel pawh ka seng duhlo mai Emma'n a seng leh vek tho ang, Vanlalruatfela haw hma chu ka chhuk tawhlo ang. A hrim hrim in a hming te hi eng rilru pu in nge maw an phuah le? Hmanhmawh deuha lam chuan kan sawi țhelh nasa thei awm ka ti, Vanlalruata emaw Vanlalfela nimai se anih loh pawn Lalruatfela ni tal se.



Ka ngaihtuahna mai mai chu naaa.... he mihring hian amah ngaihtuah lo theilo in engtin nge min siam thiam zawk le? Tunah pawh a hming mai mai vangin ka rilru ka seng chu ani sia, ka ngei lutuk hmeltha viau lo se chu 'hmelchhepa' tia ankhum ka chak, mahse a hmeltha ve tum hrang sia hmelchhia ka ti phal thlawtlo ani.


Ngei viau e tilo hian ka duh em em tho sia, vawiin ah pawh ka hriat lai a hmeichhia a biak vangin ka țap ringawt a, a zialo tak tak ani, ani lahin ka bialnu min ti mauh mai sia, a bialnu aaa... Ruatthari atih kha ka lo lam ang che kha a tia, kan inah chaw a ei daih bawk sia, alo nghak angem le? Alo nghah chuan a nghak thlawn dawn ania, a lam tu tur pa ber lahin a ngaihsak lo em em mai bawk sia, ka khawngaih e.....



"Mate ka lo lut" tih leh ka room kawngkhar chu rawn in hawn a rual a, ka khum atangin ka thuchhuak nghal a, amah in alo kal emaw ka ti a hnungah hming lam harsa em em neitu Vanlalruatfela pawh alo lut ve a, ka lo ka hau ringawt.



Tun thlengin ala haw lo amaw? A uniform nen ala in sia, a ning ve em em lo emaw ni!


"eng nge in lo tih dawn?" nelawm vaklo hian ka lo ti a, kan HVL-a pawh alo nui leh sak tawh, ninawm ka ngei si ka enlo phal silo, tunah pawh a awmdan engkim ka mitsir leh hman vek.


Ka dressing table hmaah darthlalang hnungchhawn in a thu a, a bawp lehlam a hlang a, a kut a kuangkuah hlun a, ti tak sawn a chhelo lutuk.


"room ah i tawm char char a ka ngaih a thalo a" tih pahin Emma chu ka bul chiah khum sir lamah chuan a rawn thu a, ka darah a rawn kuah a, HVL- a lam chu hawiin "kan inang tiraw?" nui chungin a ti a, ka lo ner nang nang.



"ummm" tih ringawtin alo chhang a, Emma chu a nui che dawt "aize..... ka duati ka call theihngilh ka kal tikhan lo inkawm ru" tih pahin a tlanchhuak daih.



Emma hian bialnu a nei ve ngei a, a bialnu chu kei aiin a upa hret, Emma hian a duat em em a, an lengdun hi chu pafa lengdun ang chiah an nimai.Emma a palian a, an nu a te ve reuh sia, an in upat hleih ve bawk sia. A bialnu lah a pangchang thiam si, a duh duh a tihsak a, an induat hlum lo chauh ani mai.



"Inan na pakhat mah in neilo" ka ngaihtuahna ka lo kawm melh melh laiin HVL-a chuan a rawn ti chhuak hlawl a, ala awm ve tih ka hre chiah .



"Inang lo ang chu unau diktak kan ni hleinem" tha deuhin min be ve sia, tha deuhin ka chhang a "chuti chu duh chuan in inngaizawng thei ani maw" a rawn ti hrawk a, min ti phu zawk alawm, a hmel ka en a a thinrim ringawt emaw ni(?)



"hey khatin min melh khui khui suh, eng nge tihsual ka neih a?" ahmel en chuan ka vin vak ngamlo, ka thil sawiah khan thinrimna tur a awmin ka hre silo a, a thinrim ringawt hian min ti hamhaih deuh.


"thisen inzawm na in neilo amaw?" a aia dam deuh zawk chuan a rawn leh a, ka lo bu nghat a, a thaw hawk a, a hmai a tuai zui puat bawk.



"Ka bialnu ni rawh" a rawn ti phawng a, ka hau in ka lo en thung, ani lah a thutak hmel em em lehnghal.



"Ringawt a...." ka sawi tur hrelo chuan ka ti tawp.

"Ka fiamthu miahlo Hruaizel ka bialnu ni rawh, tlaiah pawh ka sawi tawh kha ka duh che, ka duhna che a rei tawh mahse kan inkarah gap a awm zau em avangin ka bawhzui duhlo che a, mahse tunah chuan ka inthup thei tawhlo, ka bialnu ni la engkim hi a fel ani mai" ka kut rawn vawn pah chuan a ti a, ka bul alo thlen lai ka hrelo reng reng.



"Mahse ka..... " sawi tur pawh ka hrelo, heti teh thut a min duh thu a sawi hi ka hamhaih alawm, tlaiah kha chuan a fiamthu mai mai emaw ka tia ka la thutak lemlo, mahse tunah chuan a thutak lutuk, chuan min fiam mai mai hmel a pu lo bawk.




"Inngaihtuah vak duh suh, min ring tawp la engkim a fel vek mai ang" tih pahin a kut pahnih chuan ka biang a rawn khuap a, che sawn eihlo in a mitah chuan ka en a, a rawn kunhniam a, a tihtur ka rin thiam nghal vangin ka mit ka lo chhing tawp.



A hmuiin ka hmui a rawn sik chuan ka țek chhawk in ka hria, ka taksa pum hi a za uai uai vek. A vawikhat min fawhna nilo mahse tun ami hi chu a ril lutuk.



A hmui chu ti che lovin ka hmuiah chuan a sik tir vang vang a, a rawn thaw chhuak ham ham a, a ka atanga boruak lo chhuak ka hmuiin a feel rual chuan ka za leh uai uai tawh.



"A vawihnihna...... I mipa kiss hmasak ber ka nih angin a hnuhnung ber pawh nih ka duh ania Ka bialnu" ril ruih a a rawn tih chuan ka mit ka chhing vang vang a, a hlim nge hlimlo pawh ka hrelo, mahse tuna kan awmdan hi chu a nuam ka ti.


"ka sawi i hria em?" ka khabe ah chuan dawmin a mah en thei tur chuan min kuai dak deuh a "Ummm... " zawi te in ka ti a, a nui nghal suk a, ka lai chu ka kun nghal daih.



"Ka bialnu hi a lai vel ani maw!" chimawm deuha arawn tih chuan a awmah ka beng pawp a, ka kut chu a awmah chuan a vawn hnan nghal daih a, a mit chhingin a thaw zui ham ham a, a thinphu chu a rang lutuk.


"I bula ka awm apiangin hetiang hian ka thinphu a rang ziah" amit chhing reng chung chuan a rawn ti a "ani maw! keipawh ka ni ziah alawm" ka sawi zawh rualin a mit a rawn meng a, a chalin ka chal a rawn nawr a "ka awm ang chiahin i awm thin maw?" zawi si ril ruih a a rawn tih chuan ka chil ka lawm khawlh a.



Țawngka a ka chhang ngamlo chuan ka nu ringawt a, chutah mawi em em in a rawn nui anih chu, ti tak hian a hmeltha zual lutuk, ka duh hluah hluah ani tawp mai.



"Engmaw i sawi? I bialpa lakah hian i luangliam der elaw?" nui suk chunga a rawn tih chuan ka hmui ka hup tawp, ka ngaihtuahna ka lo sawi chhuak leh tawh ani maw! Awi a zahthlak thei e.....



Ka sam chu țham vak a "khatin ti suh i lu a na ang" tih pahin ka sam ka țhamna kut chu a rawn la thla a, min sik hian ka ni hu zel ka awmdan hi ka hrethiam lo, a nuam chu ka tia mahse ka za vek zel.



" Emmanuela nen chuan engtin maw in inzawm?" a rilru a luah ve ngang ania nge.


" ka unaupa hrawn ania, ka nu leh a pa hi kum 3 liam ta khan an innei a, ka pa diktak hi a thi tawh a, chuan ka nu leh Emma pa hi an innei a, chuan kan chengho chu zawng chu" ka tih chuan a bu nghat a


" in mudun tawh em?" atih chuan a tukhumah ka beng leh chawrh "a naupang zawk hian kut mi thlak chawrh chawrh zel suh" nui chung hian a ti a, ka melh rawm rawm.


" eng angah nge min ngaih a? Ka unaupa hrawn mah nise ka pianpui ang chiahin ka ngai a, ani pawn chutiang chiah chuan min ngai bawk min va han ring chhe em em" a tawp lam chu ka hnuk a ulh deuh tlat, min ngaihdan hian ka lung ati awi thlawtlo.



"Chutiang zawnga ngaihkawih tura sawi ka nilo, ka sawi tum zawk chu in innel viau chuan khum khatah in mu tawh em tih ka sawina ania, a nilo lam zawngin ngai suh, chutiang hmeichhia ini lo tih ka hria alawm" ti mahse ka rilru a hmin theilo, ka rilru no lutuk hi chu a chang chuan buaithlak ka ti thin, mahse ka control theiu phak bak a ni.




"Aih min khawih suh, engtin nge khatiang kha i ngaihtuah theih zawk? Mi zawng zawng hi nangmah ang kan ni kherlo ania aw" min kuah tum a a kut a rawn phar chuan ka lo dang vat a, a thaw hawk a, tih ngaihna hriatloh hmel takin min en a.



"Bawihduat a nilo zawngin ngai suh ka tih kha, le thinrim tawhlo la khatiang lampang kha engmah ka sawi tawhlo ang" zaidam tak hian a rawn ti a, min rawn kuah pawh chuan ka hnial tawhlo, a awm thlamuan thlak em em a bei hi ka chak miau alawm.




"thinrim tawh suh aw! khatiang zawng khan engmah ka sawi tawhlo ang, mahse ka ngaih a tha vaklo a, ka ringlo che tihna nilo in tunlai ah chuan cousin ni chung a inngaizawng tawk an awm zeuh zeuh tawh a, thisen inzawmlo phei chu ngaih alo sam tawh thin a, chuvanga sawi mai mai chu ka nia, tih thinrim che ka tum lam a nilo ania, chan mai che ka hlauh vang ania, chuan tap tawh suh aw i tap lai ka hmuh chuan ka buai vek zel ania" a ti duah a, ka lo nui hak "Emma te chuan bialnu a nei reng alawm, nichin a a chhuah hma pawn a sawi kha" ka ti a, ka tap pawh ka bang hmak tawh.



"Chutiang a sawi kai ka va hrelo ve" ngaihtuah let ni awm tak hian a chal a ti chuar nung a "a chhuah dawnah a sawi kha" ka tih pawh chuan " a sawi ka hrelo hrim hrim, nangmah chauh ka ngaihtuah che alawm" mit min siai zeuh pah chuan a ti a, ka lei ka lo chhuah khum thung.



"min zu thlah la, ka haw a hun riau tawh i bula awm chak viau mah ila ka uniform hi ka ning tawh" atih chuan ka bu nghat a "leh lawk" khum atanga ka chhuk tur chu min pawt let a ka hmui ah a rawn fawp leh zeuh a, ka lo lai leh em em tawh, hetiang hi ka vawikhat tawnna ani miau a.



"I nu leh pa te makpa hual ka ni tawh ania aw, chuan ka chak eng nge min pek ang?" ati zui zat a, vawiin tlai a kan in chawina kha ka hrechhuak zawk. Tlai lamah kha chuan ka haw em em a, a bialnu ka ni ngailo te kha ka ti pang pang sia, tunah erawh bem pangai pawh a min bem miahlo chungin a bialnu ka ni ringawt ania.




"Eng nge i duh?" ka tih chuan a inngaihtuah vung vung a, a hnuah "school ah ka thlah che phal rawh" a rawn ti anih chu, ka nui hak a, a thil duh hi a ho ka ti lulai em ani.



"Tehreng mai ke in ka kal peih reng reng lo"

" e chuan.... Hmanni i school kal tur kha engvangin nge kan inkawtah daih daih ilo kal a? I school kalna lam tur a nilo hrim hrim" atih chuan ka nui tawp chawt, ka mit ka khap sak sak a, sawi mai tur ka hrelo.




Khami ni khan ka hmu chak lutuk in a in lam atangin ka kal a, ka tlai phah lehnghal. Ka tum loh deuha hmeichhe dang nen ka hmuh vangin ka nileng mood a off vek anih kha. Ka ngaihtuah chhuak chu ka lungawi lo hnuhnawh a, rum zet hian ka melh a.



"eng nge ni leh khai khai a?" nui chunga a tih chuan a awm ah ka nem leh vak a "hmelchhelemlopa khami ni khan engvangin nge hmeichhia nen i in atangin in rawn chhuah dun a? Alo riak ani maw?" ka ti hnuhnawh a, ka thinrim thar ani ber, kan nih hma mah nise ka ngaih a thalo, kan nih hnuah pawh hmeichhia alo riahpui thut thei, amah chauhin a awm lehnghal a. Tunah chuan ka bialpa ani tawh a thikthu ka pe chhe thei tawh a, ka thinrim khum thei tawh tlat.




"Alo riaklo khami ni khan ka inah alo kal kawi a, chuan ka kalna lam tur tho anih vangin ka thlah nghal alawm ngaih that lohna tur a awmlo" atih chuan la ringhlel deuhin ka en a, ka mit ka zim sun a, a rawn nui ta hawk hawk a.



"Ka bialnu chu a thu tan leh mai a, hman ami atangin ka insawifiah nghal ania, hmeichhe thikthu che tak tak chu police ai pawn hnuchhui an thiam an lo tih hi a dik a nih hmel" nui reng chunga a tih chuan keipawh ka insum theilo chu ka nui ve a, a sawi takah chuan anih hmel duh tak tak.



A haw tur chu gate thleng ka thlah a, car a a luh hnuah lut hmasa tura min tih vangin ka lut a, kawngka ka khar hman awrh tihah a motor engine ri ka hre zat a, ka ngaihthlak vung vung hnuah a tlanchhuak a, ka ruak huaiin ka hria.



" eh.... bialpa thar nei kan awm ani maw" ka room a ka lut tur chu Emma lo chhuakin min rawn hmu fuh pek a, chaw ei laia min tihdan vang khan phuba ka la khawp ang.



"Mi zawng zawng hi nangmah anga lerh kan ni ve kherlo" tih pahin ka luhsan daih a, a la nui hawk hawk zui a.




Ka thiante nen kan inbiak lai chuan private message alo lut a *ka thleng tawh aw* tih ani, a rawn thawn tu chu ka hrechiang lutuk, engtin nge ka number alo neih leh hman ni.


Ka chimawm chhuahin
'tunge aw ka van hre mai lo che?' tih ka thawn a, a seen rualin typing a inti nghal a, a hnuah

'i bialpa pawh min hrelo amaw? Tunge i biak ka rawn kal dawn' tih ani, he mihring hi alo kal leh duh tak tak in ania ka rin ni.



'ka hria che lo kal suh' tih ka thawn a, a in deliver a a seen thei miahlo, ani pui roh hi alo kal leh tak tak ani lo maw le! Ka rinna leh rin lohna a inzat vel ang.



Minute 20 vel hnuah call ka dawng a H-a ka chhan veleh "pawnah ka awm lo chhuak lawk la, ka rawn lutlo mai ang" a rawn ti a, dar zat ka en a dar 8 chauh ala ni, " ka lo kal" tih leh dah ka rual a, khum atang chuan ka chhuk sawk sawk a, inhnuaiah chuan a tlan in ka tlan thla a.



Ka nu leh ka pa chuan tv alo en a "nu, pa dawrah ka kal dawn" tih leh an chhanna pawh nghaklo a chhuah ka rual a, gate ka thlen chuan ka hawi kual deuh a, ka hmu mailo.



Kan in sir thingkung bul atang chuan car headlight a rawn eng zeuh a, chu veleh gate chu hawngin car lam chu ka pan a, ka thleng tep tihah driver side kawngkhar chu a ranw inhawng a, H-a chu a rawn chhuak a, t-shirt dum body fit leh kekawr tluan dum a a leh tawp a, crocs a bun bawk, a inchei dan simple viau mahse a inhmeh em em tho.




Nui var var in a lam chu ka pan a, a zawn ka thlen veleh ka chal ah a rawn pen kawrh anih chu, ka nui lai ka tawp hmak a min penna lai chu ka tuai vut vut bawk.



"Nge min pen ngawt a?" lungawi lo deuhin ka ti a, ani lah alo la nui suk duh chauh.


"Khatia ka pen chak na che kha a rei tawh lutuk, ka duhdan tak chuan kuk fawk che ka duh a mahse ka bialnu te ini ve sia ka kuk phallo che anih kha" te chu ala ti ang deuh deuh a, hepa hi a zeilo nge a mawl hrim hrim, mahni bialnu te han pen mai chu, a mihringlo e......



"hmp anih ka haw daih dawn" tiin ka inher hmak a mahse pen khat pawh ka pen hma in ka kang nawlh a, seat hnung kawngkhar chu hawngin min dahlut a, ani pawh a rawn lut zui a, a lamah chuan min pawtin ka lu chuan a awm ka tauh dawt a, ka tukhum chu a thawk khum lum vung vung a, engmah pawh a sawi chuanglo.




Chutia rei ve kan awm hnu chuan min kuai dak a, ka chal a penna chu a rawn fawp a, ka mit chhingin ka lo dawh tawp "ka tihnat chu keimah bawkin ka ti dam ang" zawi si thum tak chung chuan a ti a, ka hmui ka liak zauh.



"heihi ka ta" tih pahin a lam hawi zawng turin min kuai her a, ka hmui a fawp nghal chat. Tunah chuan tlai ami anglo takin a hmui a ti che a, a kut chu ka bekah zen lutin min fawp ngawng ngawng a. Ka mit chhingin a mi fawhna chu feel tum takin ka inthlahdul a, ka hmui ka tihchet ve rual chuan a aia uarin min fawp a, kan inthlah meuh chuan kan thaw dun ham ham a.



Kei phei chu ka biang a tai leh tek tawhin ania ka rin ni "fawh nuam nu..... i hmui hi ka ta chauh anih hi aw mipa dangin a taste hi an hriat ka phal miahlo ania" tih pahin min rawn fawp leh tawk a, rei min fawplo in a inla hrang leh vat a.



Ka nu te bulah dawr a kal tur anga ka insawi vangin kan veng dawr te ah chuan kan inzui phei a, ka darah a kuah vei than a, amah a palian sia ka lo lian lutuk biklo nen min kuah chiah phei chuan ka te rawih rawih hian ka hria .




Eng emaw nep nawi mai mai ka lei a, ka lei man pek a tum zet na chu ka hnial a, bialpa officer neih tak avangin a pawisa leh a thil neih dang ei ka tum kherlo. Bialpa te tih vanga an pawisa hman tum ran lo hi chu ka ngaithei thaklo.



"Ka rawn lutlo law law mai ang, a laklawh tlat ka thlen hunah ka rawn bia ang che" a tih hnuah ka chalah a fawp leh vang vang a, lut hmasa tura min tih vangin ka luh san a, ka nu te pawh be lemlo in ka room lamah ka chho nghal a, min rawn biak hun nghakin ka thu ran a.



Ka thil lei ho ka ei zawh vek hnu pawn min la rawn be miahlo, a thlen a hun daih tawh sia, a theihnghilh ti dawn ila ka ring chiah silo, ka nghak reng a, min la rawn belo, ka thin a rim lek lek tawh, min rawn be leh dawnlo anih te chuan ka rawn bia ang che tilo law law sela.



Phun nuah nuah chungin ka mu meng kar a, ka thin a rim tun lehnghal. Min rawn be thei silo ka thinrim bawk si chu Emma lakah ka țuan a, a hlauh zawng video ka thawn țeuh țeuh a, ani pawn ka message a seen theilo. Ninawm tumah hian min ngaihtuahlo anih hi, phone chu ka dah tau hmak a.





~~~~~~

sei ve tho ti ru? vawiin nilengin motor ah ka chuang a ka chau lutuk mutchhuak tawk chungin ka rawn type lo phun reng reng su
Naktuk atangin school kan lut dawn a, rawn regu chu ka tum lutuk anga mahse a sei lutuk theilo anga, zan khat dana daha sei deuh nge in duh zantin sei lutuk lo tih kha comment ah in ngaihdan in lo sawi dawn nia aw......


Show post links
Top

[Ngaia]

*OFFICER HVL-A*



Chapter-6

By Priscilla vl Ralte



~H. VANLALRUATFELA~ POV


"Tikhan zan atan chuan tawk phawt sela, naktuk lamah kan buaipui leh dawn nia" ka tih chuan an thutna atangin an tho sap sap a, kan meeting duh aiin kan rei a, ka nghawng pawh a kham țhum tawh.


"Matei'n i be tawh em?" ka car lam ka pan laiin Emmanuela chu ka car bulah alo ding a, ka tukhumah ka lu suihin ka thaw hawk, Bawihduati ka in ka thlen veleh ka hrilh tur thu ka sawi a, emergency meeting an koh vangin meeting na hmunah ka tlang leh ta sia, ka be ta silo a. Alo sa leh phat phat tawh viau ang.



"be lo ka lo mangnghilh daih a, alo bia che ami?" ka tih chuan nui sukin a phone chu ka hmai zawnah alo lek a 'min ngaihtuah thlawtlo anih hi, police ho hi ka kham ngawih ngawih che u, in thusawi ah pawh in rinawm theilo' tih angreng a thawn tuar a, a thinrim laiin a type aniang a message pawh a buai chuar nasa mai.


Alo thinrim hle anih dawn hi a thinrimna a U chungah a tlingtla lehnghal a, ka biak vat a ngai dawn anih hi, a nihloh zawngin a ni rilru lian hian inthen a rawt palh ang, tun dinhmunah chuan then ka la duhlo.



"I fa rual chu i bialnu alo ni ta a" chimawm zeta men pahin Emmanuela chuan a ti pek a, a hmaa Bawiduati ka duh leh duhloh min zawh khan 'ka fa rual' kha ka tia alo la hre reng anih dawn hi "ka fa rual mah nise ka mamawh min phuhruk tur khawp chuan a upa tawh" ka tih chuan ka kawr awmah a ranw tham a.

"Hmela ka farnu hi a nilo zawngin awmpui tum reng reng suh, a duh che a a hlim anih phawt chuan ka sawisello mahse a thianghlimna ti bawrhbang zawng a chet ila anih chuan ka ngaidam lovang che" a ti vin khur khur a, ka kawr a thamna kut chu ka phih lawk a.



"Khatiang zawng khan ka la ngaihtuah ngailo, la sawi i lakawi mai mai ani, farnu ka nei ve tho a ka farnu chunga thleng tura ka duh loh chu i farnu chunga thlen tir ka tum biklo, min ring rawh ka ti lunghnur ngailo ang" ka kawr awm siamrem pah chuan ka ti a, a rawn chet dan vang leh ami ngaihdan vang khan ka dem lo. Keipawn farnu ka nei a, a dinhmunah ding ta ila a tih ang tho hian ka ti ang, mipa ani a a farnu humhim chu a tihtur ani reng ani.


"ka insum zo lo a min hrethiam dawn nia, ka farnu hi ka neihchhun liau liau ania, a hlimna ka duh rual rualin a himna ka duh tel a, a thatna ka duh vang zawk ani e" tiin mawihnai takin thupha a chawi a "indem suh keipawh ni ila i tih ang tho khan ka ti a, i farnu hi keh thei dawm tak meuh meuhin ka dawm ve tho a, amah tina tur zawngin ka awmlo ang" ka ti a.



Kan boruak pawh a zia ta deuh,ani pawh a nula rim lai an ko chhuak ringawt a, a bialnu biak pahin a bike lamah a phei a, ban ka vai zauh hnuah ka car ah ka thu lut a, Bawihduati number chu ka dial nghal a. Vawiin atangin kan ni ve chiah a, a zan ah la la kan intitau nghal a, a zia viaulo.



Ka call chu a hmet tawp hmak a, ka nui sak, a thinrim ve hle aniang, ka call nawn leh na pawh a hmet tawp leh hmak a. A vawithumna erawh a switch off ta hmak, hetiang em em in a thinrim ka ring miahlo, an inah kal dawn ila a tlai tawh laklawh si a, a chhungten min ngaihdan a dik loh ka hlau bawk si, a phone a switch off hmak si nen ka hlauthawng ringawt.

Ka car atang chuan ka chhuak vut a, Emmanuela pawh a bike bulah phone alo la hmang a, ka va pan phei a .


"I nauin a phone a switch off i chhungte be teh " abul ka thlen rual rual chuan ka ti a, hawihai deuhin min en a.


Ka hlauthawng hmel chu a hrethiam ta aniang " ka rawn be leh ang che" tih pahin call a ti tawp a, a phone chu a khawih zui mual mual a, keiin dawhthei lo zetin ka lo vei vut vut a.

" aw nu in mu tawh em? Matei kha a mu tawh ami?" ati zui a, keiin a chhanna ka lo ngaichang ran a, phone a ngaihthlak vung vunh hnuah "a muhil tawh maw?" min rawn en pahin a ti a, 'eng nge a sawi' tih nan ka lo ka ti che zeuh a "e awle a phone a switch off a ka ngaih a tha lo deuh a, aw ka lo haw tep" tih pahin phone a dah a.



"A tha em?" ka lo ti vat a, bu nghutin "a muhil tawh anih chu" ati a, ka awihlo nasa, tun lawkah pawh ka call a hmet tawp hmak thei alawm, mutthilh na hun ala awmlo hrim hrim "Ti teh in in lamah kal teh ang, ala muhil lo tawp ang, ka call pawh a hmet tawp hman alawm, a muhil der anih chu" ka ti leh sawk sawk a.


Ani lah chu alo nui hawk hawk a "tuna i hmel kha i khawngaihthlak lutuk, ka nau vangin i hlauthawng vel ania, i ngaih ti thalo duh suh,tikhan zanin chu a titau anga naktuk lamah chuan a pangai vek tawh mai ang, ngaihtha deuh khan haw rawh" ati duh lek chauh a, ka nur nang.



"chutiang ka nghak theilo zanin ngeia kan sawifel angai, i nau i hrechiang anih chuan a rilru len dan ngaihtuah in chuti maiin a lungawi lovang, i ruala ka haw chuan i chhungte pawn ngaihdan diklo an neilo ang" ka tih tlat vangin kan inzui haw ta nge nge a,an in kan thlen chuan alo thim țhiap tawh a " ilo kal dawn tho em?" atih chuan "kal ang..... a muhil em tih chian tal ka duh" ka ti țalh a.



"ka nau vang hian ila țap thei ang" atih chuan awmang lo ti lutuk in ka lo nui suk "ka ti tak tak ania,hmeichhia vang hian kan awm ang tih kan inrin loh danin kan awm duh teh mai nia, keipawh ka awm ang tih ka rinloh deuh deuhin ka awm ania" atih leh chuan "mipa zawng zawng kan inang hleinem" tiin ka lo hnial a.

"A hun alo thlen hunah tuna ka thil sawi hi i hrechhuak dawn nia" atih leh hnuah dim te in kawngkhar chu a hawng a, engmah ka sawi zui lemlo.


Inchung lamah chuan thawm dim zetin kan inzui chho a, Bawihduati room chu alo la eng va a, ala muhil lo chiang alawm "tikhan lo insawi fel ula keichu ka duati thinrim hmain tu emaw anga theihnghilh vanga a room a a ruka luh ngailo turin ka'n phone ange" tia chimawn zeta mit min siai khum pahin a room lamah a lut zui a.

Thawm dim tak siin kawngkhar chu ka kik a, chhanna ka dawng lo, ka kik nawn leh pawh ala reh vang vang a "Bawihduat, ila meng tih ka hria ania, i chhungte hriat i duhloh chuan lo hawng rawh inbia ang" ka ti sap a, thawm ala awm chuanglo.


Kawngkhar hawnna chu vuanin ka herh a, chu veleh chhunglam atang chuan a rawn ri rawk a, zim te in a rawn inhawng a "haw rawh ka mu dawn" a lu rawn lawr zauhin zawi vin tak siin a rawn ti a, chutia a hmel ka hmuh takah chuan ka thawveng hawk a, mahse haw mai ka la tumlo, min tihtauh khum a ka thlem phawt angai.


"hey... lo lut suh haw rawh" kawngka hawnna ka vuan chiah chu zawi te in a rawn ti chul a, thawm siam rin a hlauhna chu remchangah la in kawngka chu ka pawt hrawk a, alo inring hmanlo aniang min rawn bawh rawk rawk a, inlakhran nghal a tum veleh a kawngah ka kut ka rawlh lut a, ka lamah ka pawt nghal hrawk a, a tal aih aih na chu ka vuan nghet em a a tal chhuak mai mai lovang.


Ka thlah duh silo a tal chhuak thei silo chu a thinrim lehpek aniang chu ka ban puamah a seh vak a, a thinrim a rehna tur anih phawt chuan a duh ang thal in min seh rawh se. Min seh reng lai chuan chhuak em em in a rawn țap a, ka ban seh reng chung chuan a țap khur dar dar a, a room chhung lamah chuan ka pen luh pui a, ka tih ang ang chuan a awm tawp.


Room kawngka ka khar veleh ka ban a sehna a thlah a, ka kuahna pawh ka thlah veleh a țhu tung a, a khup pahnih a a chal nghatin a țap leh a, a bulah chuan țhu hniam in a sam ah chuan ka chul sak a.


"Tinge ilo kal? Min lo biak theihnghilh țhakin eng nge itih? Inah i haw tlang lo ami? Khawnge i kal? Min lo call hun ka nghak reng a, nanglah chu i reh hmak a, ring tur che in min tih hnu lawkah i reh nghal hmak a, hetiang anih dawn ai chuan kan luh thuk tak tak hmain ințhen mai ang ka...... " a țawng leh tur chu a hmuiah ka hup sak a.



" shh... ințhen sawi suh ka țhen dawnlo che chuan nang pawn, zanin khan in lam panin ka tlan ngei mahse emergency meeting an koh vangin in lam panlo in chu lam chu ka pan a, min awihloh chuan Emmanuela pawh i zawt thei ang, ani pawh a nula rim lai an ko chhuak a, tunah pawh kan lo haw rual, kan meeting vangin phone ka khawih hmanlo a, kan zawh veleh ka rawn call nghal che a, mahse i la duh silo a,


i phone i switch off nghal bawk si nen ka hlauthawng in Emmanuela phallo chung ka rawn zui haw a. Țap tawh suh aw, hetiang hian ka awm tawhlo ang, i thinrim a min biak duhloh hian hreawm ka tia, chuvangin min thinrim khum tawh lo la, chuan i thinrimna turin ka awm tawhlo a, tichuan a țha em? " ka thusawi chhung zawng chuan a khup pahnih chunga a khabe nghatin min melh kiau a, a cute takzet!!



A bianga a mittui luang chu tuai sak a, ka kut chu a kut chuan a rawn vawn hnan a "ka nghak ve reng che a, min rawn be thei silo kha ka thinrim a a hnua min rawn call leh khan ka thinrim bawk nen ka be peihlo che a" ati niah niah a.



"ka hrethiam che..... tun țum chu ka thiamloh anih vangin ka ngaidam ang che mahse a lehpek ah chuan chhan awmlo a in biak peihloh ngawt awihloh aw? " ka ti sap a.


" i zaklo ve chiang e i thiamlo hmasa zawk a 'ka ngaidam che' te itih khanglan le ka sawi tur ni zawk awm tak ani" arawn ti khai khai a, ka kiai suk, ti hi chuan ka Bawihduati diktak ani leh tawh e.



"ok ok ka tlawm e..." ka kut pahnih phar pah chuan ka nui suk a, ka biang tawn tawnah chuan a kut pahnih chuan a rawn dawm ve țat a "i hmelthat zia hi i hria em?" nui miahlo in a rawn ti a, a thu rawn sawi teh daih vang chuan ka mithmul ka ti kang ak a.


"I hmeltha lutuk Ka bialpa" atih chuan insum zo lo in ka fawp a, 'ka bialpa' atih ri chuan ka kawchhung lam thlengin a fan rawih rawih thei in ka hria, ka fawhna ka thlah rual chuan a hmai tai tek mai ka hmu nghal zat, a mitmeng a phi chiai mai bawk a, fawh leh hrep mai ka duh mahse ka kal a hun tlat.



* H * V * L * A *


"ka bialnu hian ka hmeltha tak hi la ngai viau mahse ka haw a hun tawh tlat" tih pahin a a biangah ka tuai leh zauh a, alo ner leh nang tawh "min ngaih vangin lo țah tawh miahloh tur aw Ka bialnu" tih pahin ka kuah tho a "ka ngaih vang che a ka țah chuan i lawm zawklo ami?" a sam a chhip lama tawm pah chuan a ti sap a.


"teuhlo mai, i țap hmel hmuh ka duhlo, ka buai vek zel"

"hmp.... inla story boy vel e, i buai chuan engtin nge i awm?" mi kan thutak lai a ve lutuk thin hian aw.


"ka khawchhung lam atangin min tur ut ut a, chuan ka fawp chak ngawih ngawih zel che" ka tih chuan a rawn uak der a, a nui nghal var var a, a khum lamah chuan ka nawr phei a "i khum hi ka thik ngawt mai, zantin nangmah si rengin a awm bik a" ka tih chuan awm anglo tih hmel zet hian min en a.


"Iva han over tak hmelchhelemlopa " tih fan ruih pahin a kut in ka awmah a rawn nem a, ka nui hawk 'hmelchhelemlopa' min tih hian ka hmelthat bik hmel ngawih ngawihin ka hre thin.



"Hmelchhelemlopa bialnu ka haw a hun, ngai viau che mah ila i bulah ka awm reng thei silo a, ka thlen hun nghak hmanlo in lo muhil suh aw, ka rawn hrilh dawn che nia" tih leh pahin ka kuah vang vang a, ani pawn nghet zetin min kuah let a, hetia keimah a rinna a nghah a keimah a a pumpui a a tlukluh hian famkim bik ngawih ngawihin ka inhre thin.



Ka haw kawngah chuan ka hun tawn dan ho lam tak mahse min ti hlim em em chu ka ngaihtuah a, keimah in ka nui suk suk reng mai, hetiang hian ka la awm ngailo, ka awm ang tih rinna pawh ka neilo, mahse hmeichhia vangin ka nun a inthlak danglam mek chu ania, ka nu in hria se chu palai alo tir duh nghal rum rum in ania ka rin ni.



In ka thlen veleh ka in report nghal a, ka t-shirt chu hlip in boxer nen khumah ka lawn a, bawihduati nen kan inbe reng a, tlai viau tawh mahse ka la biak chak em vangin mu tur pawn ka hrilh duhlo.


Dar 1 tlang ah chuan naktukah school kal a ngai tih ka ngaihtuah chhuah vangin mu turin ka hrilh a, a mut alo chhuak tawh ngang ania min hnial lo, kan in mangtha hnu chuan ka muhil thei mailo chu ka kut lukham in ka innngaihtuah vung vung a, tihian bialnu nei chu ka ni ve ta mai sia, ka bialnu lah chu ka fa rual ala ni zui! Kan kum inthlau vang hian kan inkar ah buaina neuh neuh chu a awm dawn tih ka chiang a, chung hunah chuan mipa ka nihna ah leh upa zawk ka nihna ah a dawhtu a ka țan a ngaih chang a awmlo theilo a, kei a thinchhe si hian a thinrimna leh a lung ti awilo thei thil ka phuh chhuah loh nan insum ka zir angai dawn.


Hah! hmeichhe pakhat vangin inthlak danglam ka tum mek chu ani si a, eng thleng daih ang maw?



"Hello!" phone lehlam ami chuan phak chual in alo ti a, a aw ka hriat rual khan ka hahdam sawng sawngin ka hria "Bawihduat... thawh a hun tawh ania school kal i ngaih kha" zangkhai vah hian ka ti a, a rawn rum țiah țiah a "ala hma" tih zawngin min chhang a, a aw rik dan atang chuan a mut ala chhuak hle anih hmel.



"No... tunah khan tho la inphih harh rawh school i tlai ang" ka tih pawh chu chhanna a awm tawhlo "Bawihduat!" chhanna a awmlo, alo muhil leh hman emaw ni?


"Bawihduat.. "

"Ka ning e..... thlamuang deuhin min mut tir lul teh!! phone kaltlangin min control tum reng reng suh aw, ka then daih mai tur che ania" a raww ti vin hlak a, ka nui hawk.



Nimin ah kan ni chauh a, tun hi inthen a sawi vawihnihna a ni tawh, a thinrim apiang a inthen a sawi reng dawn anih chuan kan inngaihzawn chhungin vawi 100 vel kan inthen hmanin ania ka rin ni!


"Awle a nih i duh chen chen mu la ka thlah dawn tho che a i tlai lo turah ngai ang" ka tih chuan chhanna ka dawng leh tawhlo, alo chatthla leh hman te pawh ania nge.



Ka phone chu dahin ka room lamah ka chho a, tunah dar 8 a ri tawh a, tui takin ala mu chu ani sia le. Ka uniform ka inbel mawlh mawlh a, ka bialnu ka thlah dawn sia tiin ka sam te ka siam vel a, nidanga form ha tawp a chhuak thin khan ka sam ka siam kual vel chu ani si a, inthlak danglamna chi khat ani.



An in ka thlen chuan Emanuela lo chhuak nen kan intawk a "khawnge?" ka tih chuan chaw ala ei, a tlai leh chiang khawp ang, tho rawh ka tih laiin a tho duhlo a, ti ziah saw ani mai, kaihthawh laiin a tho duhlo a, a hnuah tlai hlau ber ber ah a tang ziah a" a nau awmdan chu hahthlak tih hmel fe in a ti a.


"Chutiang te chu thlah thin tur che alawm" ka lo ti hmuk, bike a nei a a hna kal pahin thlah mai thin sela.


"Eh.... I bialnu thlavang iva hauh nghal ve a, thlah peihlo ka ni bik hleinem amah pui roh hian a duhlo thin alawm, ka rualin kal mai se a hahlo mai tur ania, thlah a duh tlatlo hi ka la dawp ang" a ti nuah nuah a, a tawp lam phei chu amah a inbia ani ber tawh.



"Engpawh nise keiman ka thlah thei tawh tho a, kaitho tah suh u mut kham hnapin awm sela, hmanhmawh ngailo in keiman ka thlah tawh ang" ka tih chuan awmze nei fe hian min melh zui a.

"I inla bialnu nei vel e, i bialnu hi ka nau anih hi aw, hre reng rawh Sir" tia nuih hawk hawk pahin a bike lamah min kalsan zui a, kan inhriat na la reilo mahse a nau vangin thian in kawmngeih tak ang kan ni tawh a, nakinah phei chuan a makpa ka nilo ang tih tunge sawi thei!

Inchhunga luh ka tum zet a, Bawihduati alo lan tak vangin ka car bulah chuan ka ding a, a form chu a hma ang chiah kan a inhmeh, a sam chu a chhip ah a țawn sang leh vah a, a hmel a ti felfai in a hmelthat a ti zual.

An school mipa te ka thik ngawih ngawih, he a hmeltha tak mai hi nitin an hmu bik thin si a, school luh that leh min ti chak rum rum alawm le!

"I chhelo lutuk" ka zawn alo thlen chuan ka ti sap a, a ner leh nasa ngang mai.


"I daw lutuk, school uniform nen hian tumah kan chhelo tak tak theilo, zing lamah hi chuan kan duh ang takin kan in chei a, tlai lamah erawh hah nen, mutchhuah nen, a hmelthat theihloh maw..... form ha chunga hmeltha reng thei ho hi ka fak thlawt" a rawn ti duah a, nuih te lam lam ati za alawm le.

"Form nen pawh nise i chhelo tho tho, nangmah tluk che an awmlo min ring rawh" tih pahin a beng zawnah ka kun hniam a.

"ti tak phei hi chuan fawh hrep che ka chak teh ania" ka tih chuan a biang a sen leh țawn țawn tawh, a lai leh tawh ani ngei ang.


"I h*r lutuk" ati chiam a, kei ka lo nui hawk thung.
"Inngaizawng em em te u, duhtawh tawh teh u mit in ti kham, i bialnu kha thlah vat rawh a tlai i hlauh em kha" a bike a min tlanpel pahin Emanuela chuan alo ti leh pek a, hepa hi chu a nghal ve thlawt alawm.

"Kal mai mai teh" Bawihduati chuan alo ti let nghek a "ka kal lovang mahse ka bike hi a tlan ang" Emanuela chuan alo ti let a, an inhnial tawk ang reng si a, an unau nun hi a nuam khawp ang.

An school lam pan chuan kan inkhalh chhuak a, sawi tur a hrelo aniang a ngawi kar a, ka melh leh zauh thin a, han biak hmasak dawnin sawi mai tur ka hre tlatlo.

"Tlai ah ka lo lam leh ang che" a chhuah dawnah chuan ka ti a "a ngailo ka thiante nen kan haw ho dawn alawm, ka bialpa mah ni la nangmah vangin ka thiante ka thlauhthla dawn hauhlo ania" ati sap a, thinrim a sawi anih loh vangin " a tha e mahse in i thlen veleh min rawn hrilh ang, deal?" ka tih chuan nui var var in "Deal" a rawn ti let a.

Car atanga a chhuah hnu chuan ka en zui vung vung a, gate bulah chuan a thiante ni awm takin an lo nghak a, an bul ava thleng chu an zuang deuh tawr tawr a, a ngaihna hriatloh hmel deuhin an bula thu putar chuan a en a, an ni lah chuan engah mah an ngai der silo a.

Gate a an luh thleng chuan ka thlir a, a thiante bula a awm meuh chuan min hre chang tawhlo hrim hrim.


~VANLALHRUAIZELI~ POV


"Hmeli, tunge lo thlahtu che kha?" ka hnunga raww ben thlawp pahin Priscilla chuan a ti a, kei erawh min benna vangin ka er zui ngawng ngawng thung.

A bula awm hi chuan hrisel angai ania, a hlim leh a kutthlak kan tuar a, a lungngaih leh chuti bawk, englai pawhin in rin reng angai a bulah chuan.



"Ka bialpa" vin hlar a ka tih chuan uar em em in a nui a "nang hian e bialpa i neih chuan Fine-a ka bem ang" ati lang lang a.

"ka nei chuvang chuan i bem thei "cho ar in ka lo ti a, min ring ta deuh aniang "ani tak tak ami? I u ti dawn ila car a nei silo a, nang hian bialpa i nei tak tak maw?" awihlo si awih deuh reuh si hmel pu in min en a.


Ka lo buk nghut chuan a thaw hawk a "vawiin ah chuan ka bem lo mai ang, period a neilo aniang alo kallo a" ati sap a "engtin nge alo kallo tih i hriat?" ka tih chuan min melh hraw a.

"A scooty a awmlo, vawiin chu wednesday ania e.... wednesday ah chuan chawhnu lamah chiah a kal thin" phur hmel tak hian a ti zui a, engtin nge maw chung thleng thleng alo hriat leh hman ni(?)

"Engtin nge chung thleng thleng chuan i hriat hman a? Engtia rei nge i star tawh?" ka ti hap a "ni li chhung ka star tawh" atih chuan beidawng takin ka lo thaw hak, ni li chauh ala hriat chanchin tam zawk a hre tawh, ani hi chu cctv ani ringawt, a duh chuan thila hre thei lutuk.

"Ka star te ho ka chik thin zia i hriat kha, ani pawh ka vawikhat hmuhna atang khan ka ta tur ani tih ka hre nghal a, chuan ka chhui zui char char alawm" intihtheih hmek tak hian a ti zui a.


Ruati,Sangpuii, Ro-i leh Sophie te an lo lut zui a "Priscilla Fine-a alo kal tawh ania" Sangpuii chuan alo ti lang lang a "min bum tumlo mai teh, vawiin chu chawhnu ah bak alo kal dawnlo" ka bul ami lah chuan alo ti let er a, Sangpuii pawh a ngawi zui hmak.


"tu emaw chu zingah thlahtu a nei bik a" min tihchhan deuhin Ro-i chuan alo ti a, ka ner nang "awi keichu Nuntifamkima ka bem angai" Priscilla chuan alo ti hap a "hm.. engvang?" Ruati chuan a ti a.



Min kawh pahin "henu kerkawr vang hian mawle, bialpa alo nei khanglang a, keiin ka lo inchawi pui laklawh sia" ati zui hlak a, midang chuan min melh nghal thap.


"Wow.. tak tak ami? min va surprise ve" Sophie chuan nui sang in alo ti a, min chibai zui nghal zat, an over thei ania ka thiante hi chu.



"Tukin a lo thlah tu che kha ani maw? Keichu mak pawh ka tilo, chu ai chuan Priscilla tunge Nuntifamkima chu?" Ruati chuan alo ti a "tu dang nge nise itih Fine-a " pakhat lah chuan alo ti hlak a.


"Hming avan nei nalh" Sangpuii pek chuan alo ti a, Priscilla-i a țeu hlar mai "a hming diktak a nilo ka phuah anih kha, a hming ka la hre hleinem" a rawn ti hlak hlak a, kan nuih a za si kan nui ngam chiah silo.



A star te hi chu a duh vet vet thei ania, tun ami pawh hi a vawikhat hmuhna atangin a vei a, a enthla zui char char a. Kan school chhungah hian college a awm a, chuta mi chu ania, a hmuh tirhin 'a fine hle mai a' atia Fine-a anih phah a, tunah hming pawh hi a nun a tih famkim em vanga phuah ani nghe nghe.



~~~~~~
Teu ka la type chak lutuk mahse a hmasa nen a sei ltk a note ah hian a lenglo a, chatpter dawtleh atan kan khek mai dawn nia aw muttui suk suk u.....


Show post links
Top