STARS AND I BY Ruat Hlui (Completed)

[Ngaia]

Chapter_7





★




Room chung ka luh chuan khumah thu in an lo nui dun hak hak a, ''Uar uar cheu chuan'' tiin an awmna lam ah ka thu phei ve nghal a, ''ti te khan I rawn vak teu teu ami?'' Sangbawihi'n a tih chuan ka bu nghat a, ''vawt te hi I ti ve ngai lo em ni a, zan zan ah lehnghal'' a tih leh hak chuan ka nui mai mai a, ''in hak ve tho kha'' ka ti a a ngawi ve hram.




June thla tir vel lek ani a, khawvel hi a lum zan pawh ni eng ang mahse a lum chup hi nitawp.



''Khawnge I nu te, ka hmu miah lo'' ti a ka en chuan, ''api te inah an riak phei dawn a, aû nen chiah kan awm dawn'' ti zatin, ''riak rawh aw, Khawngaihi pawh riak dawn'' a tih zawm leh chuan ka bu nghat nghat a, ''Urin'an lo chhuk teh u a ti'' ka tih chuan eng dang sawi tawh loin inhnuai lam ah kan in zui thla nghal.




Woofer ah hla zawi ang reng takin an lo play a zial an zu khu hum hum bawk.



''In riak dawn em?'' Min hmuh rual chuan a lo ti nghal a.


''Dawn e'' an thutna piah ah kan thut thlak rualin Khawngaih'in a ti a.


''Nula ka rim dawn'' ti a Lawma a din hluai chuan kan en thap a, ''eng nge kha tia min en thap'' a tih chuan, ''bialnu I nei ami?'' Tia ka zawh chuan mit siai zeuhin, ''min star deuh em ni'' a tih chuan ka phone ka bih nghal hmak a, ''broke ve nen, nau zawk te pawn min han chhang tha duh lo a'' a tih leh hawk chuan an nui ang hawk hawk a.



Aaren-a lam ka va hawi chuan a cap a lo la thla tawh a, a hmeltha mai mai lutuk. A sam chu a sei deuh hret a ngil nisilo kir ni bawk silo hian a kawi deuh a a in hmeh ngei mai. Tshirt hring duk ha in cotton kekawr dum a ha leh tawp a, Jordan dum a bun leh tawp bawk a. Chhelo rapthlak hian!!!




Chutia ka en reng lai chuan rawn hawi thutin rum em em hian min melh a ka hawi sawi rang teh e, a pawi sawi ka nei tawp silo a min melh rum tha mah mah ani.




''Ka phei phawt dawn'' tih ri ah chuan Lawma lam bawk chu ka hawi leh a, chhuah in peih at hian a jacket a ha a. Tluanga leh Fela'n an zui ve nghal bawk.



''Hla in play te chuan ring ve deuh hlek te khan play ula'' Sangbawih'in a tih chuan volume an up vak a, beng a ri nghal chuah chuah a. Thinrim lutuk a tho in a va off hmak a, a rawn thu tum nghal vuau mai.




Urina te ho in kan ride dawn an tih avangin kan thianho in kan zui chhuak ve hmak a, ''eng nge tih ve in tum?'' Mawite'an a tih chuan an bula kan kal ve tur thu Khawngaih'in a hrilh a bu nghat in, ''ka phur ang che'' a ti zui bawk a, ''min phur zawk la'' nui var var a ka tih chuan min chhiat khum zeuh in, ''I thiannu ka duh zawk'' ka hriat theih tur leh a atih chuan keimah tein ka nui vak vak a, ''ti nge?'' A kawngka kalh zo Sangbawihi rawn phei chuan a ti a, nuih insum lutuk a lo en in Mawitea ka en leh zeuh a, 'sawi suh' min ti ang hrim hian min lo melh ve kar a ka nuih a za telh telh lehnghal.





''Rawn kal ve intum a maw'' ka hrawk ka then kharh kharh lai a, Urin'an a rawn tih chuan kan lo 'aw' nghal dial a, ''kan la ride ngailo'' ka ti nghal zat bawk a, a bu ve ta nghat a lawm.



Urina, Mawitea, Francis-a leh Aaren-a te an nia. Khawngaihi Mawitea hnunga a lawn chuan ka khuh der vak vak a, ''I over lutuk'' min tih deuh hlak chuan, ''a ho e..ti raw Umawite?'' awki sang vah hian ka ti a horn a hmet ri nghal vak a. Hepa hian a duh tak tak chuan ka sawi pui nghal char char dawn hlawh nei in.




''Lawn ve vat zel rawh u'' Urin'an a tih chuan ka bengbul te ah, ''Au hi awm ve lo se chuan ka pharvar khawp ang'' ti sup in Francis-a hnungah lawn zatin, ''û te hnungah ka chuang kawi reng peih bik lo'' Urin'an Sangbawihi a koh vut chuan a ti ve tlat a, ''keimah ka lo chuang a nge'' tia lawn ka tum chu a phal tlat lo a, ''eng nge a?'' Ka tih vak lahin min nuih thawin a tlan chhuak nghal daih a, hamhaih lutuk a Sangbawihi te lam ka hawi lah chuan dar a lo san uk ringawt a, an tlan zui ve nghal daih bawk.




Tum vualin Aaren-a lam ah ka phei a, bomber jacket dum a lo ha tawh a a la chelo viau zui, ''tlan chak vak zel tawh suh aw'' ka lawn hma a ka tih chuan, ''ka thu thu'' a lo ti pek a, ner nang in ka lawn ve mai a, ka thu vel awrh ang tih ah a tlan leh phut a ka kuah rang khawp mai.



''Dawr ah hian thil lei lawk ang'' tih ri ah chuan ka meng ve ta hram a, dawr te pa1 hma ah hian kan lo ding va a, ''chhuk teh'' ka hawi vual vual lai a a rawn tih deuh hmuk chuan ner sawkin ka chhuk ve thuai a, dawr a alut chu ka zui ve nghal zat bawk.



Chips leh drinks vel chu a la nghal mawlh mawlh a, thil awmna hmun lah chu a hre zek a a kal thang a nih ka ring ve tawp. cooler a beer can a lak chuan min rawn melh in a nui suk a, a ngaihtuah tur awm ang chu ka hre mai.




A thil lei ho dawr neitu nu hneh a a pek chuan a lo chut ve nghal mawlh mawlh a, ''eng nge I duh'' min rawn en a atih chuan va kal hnaih in, ''sweet'' ka ti sep a, bu nghat in peanut sweet bawm chu lain, ''kha ta mi kha Sawmnga man'' tiin Dawr neitu nu chu a pe a, chunu lah chuan nui sang hian min rawn en a, ka lo nuih let ve var ringawt.



Sarang pa1 ah a thil chhut chu a khung a, sweet sarang te a a fun lo ban mai ka tum chu Aaren-a chuan min ban khalh in a jacket ipte ah a khung daih a, poisa pe in, ''khang ho kha rawn khai rawh'' chips ho melh chuan tiin a chhuak nghal vut a, ner nawng a khaiin ka chhuak zui ve mai bawk.



A hma zawn ah tak ka thil khai chu ka nghat a, a helmet a lo khum tawh, ''I khai thei a ngem'' a tih chuan, 'theilo ang'' ka lo ti ve nghal zat a, ''engvang chuan'' a rawn tih leh nghut chuan ner nakin, ''I tlan chak ropui si..engtin nge ka khai theih a nga...ka tlak daih I duh mi'' uar tak chuan ka ti duah a, thaw hawk a a hemet khum chu phelh in min en ngur a, ka lo en let ve kar chuan, nui deuh sukin, ''vawt I ti lo a mi?'' Kan thil sawi lai nen a inperh san lutuk chuan a ti daih a, ''tilo'' ka ti nghak zat bawk.




Dawt sawilo chuan reilo te kan tlan na ah pawh khan ka chawn thla hi a hit vek tawh, mawza ka bun hlauh zawk a a zia, mahse chung a vawt ka tih pawh chu ka hre lem chuanglo, ''a that chu'' tiin ka zak tawn tawn ah dawm in bike ah min hlang nghal vut a, hamhaih lutuk a ka en lah chuan min nuih ang suk suk lehnghal, engtin nge min hlan nawlh theih a?




Chhuat a sarangchu ka ban dinglam ah min khai tir in, ''a rit lo ti raw'' min en kur a a tih chuan ka bu deuh nghat a, a rit vak lem lo, a drinks lei ho hi an nimai. Ka en reng lai chuan a ipte atang sweet pa1 hi la chhuakin min en zeuh a ka lo en ve kar tih a hriat chuan, ''I duh em?'' Ti sup in a lek kang va a, bu nghat nghat a ka ang mai chuan nui hawk a kheh in min ei tir ve mai bawk a, sweet hi chu ka addict lo chauh tawh a nih hi.





Rei lo ah a hma daih a kan kal na ah khan kan ding a, ''in va han rei dun em em, in fawr a mi'' Urin'an min hmuh rual rualin a lo ti nghal zat a, rawn kal hnai in ka thil khai lai chu a la nghal vut bawk a keipawh ka chhuk tla ve thuai bawk.





''In va han rei em em'' ka thiante bula ka phei chuan an lo ti a, kan rei vak na pawh ka hre der lo, ''thil lei chhung kha a rei a lawm'' ka tih chuan an bu deuh nghat a Khawngaihi ka en deuh kar chuan, ''eng nge'' a ti ha a, nui ruh ruh in, ''eng nge maw te te hrilh tur che ka nei a(h)'' ring ve deuh hlek a ka tih chuan, ''eng nge'' Sangbawihi nen an ti rual thawt a, ''Daffodil lo kal teh'' kan piah mai atang a a rawn tih bul bul chuan nui hak hak in Mawitea bulah chuan ka va thu a berr a lo keng vang bawk.




''Ka uang a nih kha'' eng dang sawi lo chuan a ti nghal tawp a nui hui a ka en lah chuan nghal min tih hmel lutuk hian min han kuk tawp a ala na zek zui, ''uang lang ka sawi I hlau tawp lo ang'' ti a ka kuk ve pawp chuan a ngawi kar a, ''bialpa a nei em?'' a rawn tih tak sur sur phei chuan a aia nasa mang kheng hian ka han nui a midang in mak tih hmel tawk a min melh laiin Mawite'an ka hmui hup in min melh kur a, mit ko ka san zeuh zeuh min hmuh chuan a nuih hawk hawk a, ka dinglam ah ka awn nghal dawrh bawk a ka in ring lo lutuk chu ka te tuar bawk, ''bengcheng suh'' min pawt lawp tu ngei mai chuan a ti bul hmuk a, ding chhuakin rum mang kheng hian ka melh nghal kar a, a thil ken lai sip zeuhin a la nui deuh suk zui.




''Daffodil I phone I keng lo ami?'' Tawng ka tum chiah ti(h) ah Sangbawih'in a rawn ti a, an lam hawi chuan, ''sofa ah khan ka dah daih'' ka ti ve a, a phone bih a min rawn en leh in, ''Uhriata hian a be duh che niang'' a rawn tih leh chuan tum hmukin Aaren-a piah deuh ah chuan ka thu ve hmak a, ''a lo call a nia...rawn la rawh'' A phone lek vu chuan a la ti ta deuh deuh a, ka va lawm lo tak. An thutna hmun leh ka thutna hi pen5 vel chiahin a in hlat bawk a, a phone screen eng va va pawh chu ka hmu chiang khawp mai.




''Hriata nen khan in ni ve deuh em ni?'' Francis'an a tih chuan ka va melh rum vak ringawt a Urina zawkin min hmu a niang chu a nui vak vak a, hepa han ngeiawm theih zia hi......, ''kha chang lok mai rawh, min rawn text a'' ka hmai bul chet ah phone chu a rawn lek a, engtik laiin nge a rawn phei hman ni, peih loh hmel lutuk a ka melh chuan min nuih vur vur in ka beng bul chet ah a dah a, *Daffodil* 'Hmangaih' chu min ti ta lo tal a lawm.




*Imm, eng nge nita a* ka ti ve sep a, Lalsangbawihi lah chua mit min siai zeuhin a kal sawn a, 'a awmlo' te tih ve mai thin tur hi ania.

*phone I la thei silo a* a tih leh chuan ka ner nang a, ava han ho tham tak.

*Nia, in ah ka dah a lawm* tha tak chuan ka ti ve mai a, lehlam ami chu a nui hak hak a, za lo lutuk in ka nui ri ve hak tho.

Eng tak sawi ang maw ti a ka ngaihtuah mek lai in ka bul a thu chuan a thil ken lai a hmet ri pawp a, ka en nak chuan a beer can a lo hmet khawr vek a kawngpui lam a avawm phei nghal pawp bawk a, meizial phawrh in a tan nghal zat a, sir lam atang a en pawn a hmeltha ka ti nasa...a sam hma lam in a mit a hawlh deuh a, a mithmul er tar(h) leh a hrawk bawk che khalh te chu in hmeh bik tak ani.



Mahse le ka en reng lai chuan rawn hawi thutin rum uchuak hian min melk ngur a, a zial ken lai chu hip lut vang vang in ka hmai bul chet ah a rawn thaw chhuak a, ka khuh nghal hawk hawk a, thawk ka la halh bawk. Rum lutuk a ka melh chuan a kiai suk a.



*I hritlang e law?* phone a mi ngei mai in a rawn tih tak ah chuan Uhriata ka bia tih ka hre ve chiah bawk.



*A...nia..hritlang lo e* bah lutuk a tiin Aaren-a chu ka hnung chhawn nghal daih a, Mawite'an min lo nuih hui mai.


*chuan I hman em?* a tih leh chuan *eng maw?* ka ti nghal vat a, a thil sawi pa1 mah ka hre re re hleinem le...


*naktuk ah I hman chuan bazaar lam ah min kal pui la ka ti mawle* ban charh a a tih chuan tho chhuak zawkin Sangbawihi te lam ah ka phei nghal nal nal a 'eng nge' Khawngaih'in hmui phun a alo tih chuan ka men par in ka ring.



*I hman a ngem* a rawn tih leh chuan Sangbawihi phone ka pe nghal daih a, screen en in *aw Uhriat anu ten an lo ko sia a chhuak lawk* tiin min en kar a a hnu ah min nuih vur vur in *a hman ka ring lo, naktuk ah in hlawh kan tum a* a tih tak ah chuan ka thaw halh a. Khawngaihi sirah thu thla vein ka ngheng chial a, ''ka ning, ka duh lo ka ti vek tawh sia ti nge min biak tlat ni'' ka tih bul bul chuan min nek deuh salh a, ''a phurh chu nuam em?'' nuih zat hmel zet a atih chuan ka beng pawp a, a nui chhuak nghal hak hak bawk.



Sual pawh min ti mai thei mahse mihring ka ni ve tlat a, min duh tu ka duh lo a, ka hmalam huna ka duh tur hian min duh loh ve ngei pawh ka ring mahse le eng pawi vak, Khawvel a ni miau a lawm.





Van lam hawi chuan ka thaw chhuak ham ham a, engtik ah tak duh leh vei bur hi nei ve ang maw? min lo duh ve ngat phei chuan ka arsi te ho kiang a awm ang mai ah ka in ngaih theih hial ka ring. Khing thil eng mawi tak leh thlir nin har em em te ang chiah khian.



******(next morning, Saturday)



Ka mu lai chu min sawi deuh nawk nawk a, ''a ninawm lutuk'' Ring lutuk chuan ka ti that a, ka la ching tlat bawk. Ka mumang ah tu nge pawh ka hriat loh nen kan leng a, a nuam nasa a sin mawle.



''Tho mai teh, In hlawh te pawh kan ngaih kha'' Sangbawihi aw ngei maiin a tih chuan ka ner nang a, ''in hlawh kan ngai lo hrim hrim'' ti a ka in leh thak chuan ka hnungah a beng ri pawp a, ka thu chhuak nghal zawk a rum em em a ka melh chuan ho ti lutuk hian, ''kan ngai reng, nizan ah khan dawt ka sawi re re lo e a(h)'' a ti a.




Khum atang thoin ka zi mar talh talh a, ''ka ti tak tak a nia aw Daff'' a tih leh halh chuan, ''khawi ah maw, khawnge Khawngaihi'' ka ti ve a rizai thlep mawlh mawlh in, ''Nutei dawrah, Khawngaihi te chu a ho phei daih tawh dar 9 a pelh na a rei tawh teh a nia'' a tih zat zat chuan ka sana bun chu ka melh nghal vat a Dar10 a pel tawh nia....





******.


Ka dah regu thei vak dawn lo ka tih kha aw...lehkha zir te ka ngai ve bawk sia min lo hrethiam mai ru
mahse, nikhat dan ah chuan dah ka rawn tum zel dawn nia★ comment theuh ru aw..


Show post links
Top

[Ngaia]

Chapter_8



★




Weekend rei lo thei lutuk hi chu damloh der mai te hi ka duh thin. Inrinni a kan in hlawh ve te lah kha kan thian3 in ₹100 kan in sem a, a tlem ve ting teng khawp mai.



Miss Tete'in zirlai a explain mawlh mawlh a, ka thiante an mutthlu bawk a keizawng nizan lam ah ka chatthla hma lutuk a ka harh tha khawp mai. Pawi ta ber mai chu kan veng chhuah chiah ah duty an awm ta tlat a, licence nei lo chuan motor khalh thei hek lo tukin zing pawh Khawngaihi nen taxi in kan kal a, Sangbawihi chu Urina rualin a rawn kal thung a, kan haw dan tur hi a ni buaithlak ta ber mai chu.





Dar a rik chuan Miss pawh a chhuak ve nghal mai a ka thiani te pawh an rawn thut(h) chuah leh diar diar tawh hi, muhil der te pawh hi an ang thin dar rik vel a an rawn harh thei te hi thil maksak a ni.




''Canteen ah thil han lei ang u'' Zi mar talh talh a Khawngaih'in a ti a ka lo bu nghat, ''min lo lei kep ula'' Sangbawih'in a tih chuan hre lo ang hmak in, ''kal ang, dar a ri hnai'' tiin Khawngaihi ban ah chuan ka kuah a, ka chhuah pui nghal dawr dawr.



''Physics homework I ti em?'' Step a kan chhoh chhet chhet lai a atih chuan ding meuhin ka melh ha a, ''Friday khan min pe lawm'' a ti leh a, ''ka hre re re lo'' tiin ka kal zui ve mai a, ka hre lo tak tak bawk, ''uiii ha ti nge min hrilh loh? a rawn kal chiang ropui si...homework a check vaih chuan ka chhe duai a ni mai'' Canteen atang a Sir Harry rawn chhuak ka hmuh chuan ka ti nghal zat zat a, chawp leh chilhin ka rilru a hah nghal tut tut bawk. Homework zawh thut a hrat bawk si an tih loh lahin a tim hrep zel lehnghal a,




''Ka ti bik hleinem'' awlsam te hian a ti a, a rilru a hah ve vak lo em mawni, physics kher kher hi chu ka hnelma ang vel hi ani ka thiam thei lo ropui si Sir lahin a class hmasa ah min hnawtchhuak tawh bawk nen ka awm a nuam lo zo vek tawh.



''Eng nge I duh?'' min nek deuh salh chuan ka en thuai a, canteen chhung ah kan lo lut daih tawh a nih hi, ''sweet ₹10 man leh lalipop a pink kha pa2 ka duh'' ka ti ve nghal a, min pek rualin, ''min pek kep la'' ka ti a, a pe ve mai bawk a Sangbawihi ta tur lalipop pa2 kan lei ve bawk. School a awm hi chuan he tiang lo hi chu ei a buaithlak thin.




Kan chhuah leh chuan Urina leh Aaren a hi step bul ah an lo ding dun a, an la dum sut ve ve zui an in thurual chiang mai, ''ban ah eng tia haw nge in tum?'' Min hmuh rualin Urin'an a ti nghal a, ''ke in'' Sangbawihi nen kan ti a, lalipop ka hmuam pang bawk, ''motor biak in nei na nge?'' A tih leh chuan thaw halh in, ''nei lo, I dil chhut emai'' ka ti deuh hlar a, ka rilru kil khat ah ka homework tih loh hlir a awm a ka ning lutuk mah mah, ''hlir hler a che, peng kawi kan ngai dawn sia ka ti mawle'' a ti leh a ka ner nawng ringawt, chutiang te eng nga tan nge kan tih ang ni, ''in peng dawn a ni mai a lawm, ke a haw kan tum sa hrim hrim, nidang ah pawh in rualin kan haw ngai chuang hleinem'' Khawngaihi pawh chuan a ti ve duah a, Urin'an ner suk in, ''ngaihtuah man hi in awm lo thei e mai'' tiin a kalsawn nghal vut a, ''ke a haw nuam u'' Aaren-a pawh chuan ti in a kalsawn ve nghal a, a hnunglam pang chu ka melh reng ringawt. A tawng dam em a ni.





Class kan luh chuan an zi nuai nuai ang chu tih nak a laiin Homework an lo in copy sap sap a, Khawngaihi nen pawh engdang sawiloin kan copy ve nghal char char a, rilru te pawh a nuam ta deuh a lawm.





Gate pawn ah kan ding ho a ke a haw chu ka va han peih lo mai mai tak, ''a peihawm loh e...'' Sangbawih'in a ti a, ''motor pawn dar kar chanve kal ala ni zui'' chuai raih hian ka ti ve bawk a, ''in phurh tir tur zawng mai ang u'' Khawngaih'in a tih tak chuan kan pawm pui khawp mai.




''Ruat min lo phur'' Ruati rawn chhuak bulah chuan kalo ti nghal var a, ''Hruaii ka phur dawn sin'' min nuih ver ver a a tih chuan ka ban ka vai khum vak vak a anui ri hak hak mai. ''Uii ka ning e, ka nunram a chau'' ring ve ang reng tak a ka tih chuan mipa nui hawk thawm ka hria a, kan ding na tlang mai atang ani, ''Dampui min lo phur teh'' Khawngaihi chuan chumi lam pan chuan ati nghal a Dampuia ni tih a hre chat thei nia, ''in motor in keng na nge'' a lo ti a, ''duty an awm a lawm'' a tih chuan kan din na lam hawi in Dampuia chuan min hui zeuh a in kai rialin Sangbawihi nen kan pan phei ve nghal a.




Remruata leh Zorina te nen an lo ding ho hi a lo nia, Sangbawihi pek chuan ka ban a sik vak a 'ana' ti vak in a kut ka la thla a, Remruat'an min lo nuih var ka hmuh chuan ka lai vel em mawni, ka sa deuh pep pep mai.



''Kan rualin haw mai rawh u'' Zorin'an a ti a, ''yess thank you'' kutzungpui pir vah a ka tih chuan min nui hawk hawk a keipawh chu ka nui ve hak hak tho. Dampuia leh Zorina hi chu ka nel ve hrim hrim a, Remruata tak hi chu a ka nel over lo. Rei awm tawhlo in kan haw ve thuai a, ''awii ka thal thuai dawn in ka hria'' Zorina bike hnunga a lawm hma in Sangbawih'in ka beng bul ah a ti sep a ka feel pui khawp mai.




******




Kan kawngka hma ah chuan dingin tala chu ka melh mawl tawp a, ka sana bun lai ka melh chuan dar 4 a pel hret chauh a tumah in a an awmlo chu mak ka ti ang reng khawp mai.



Dustbin hnuai a chahbi chu lain ka hawng rawk rawk a, khar phui leh thlapin ka room lam ah ka lut zui a, ka bag pawh la thla lem lo chuan ka phone ka zawng kual ruai a ka hmu mai lo leh nghal a ka tah te a chhuak dawn. Engdang vang a nilo ka phone a bo vaih chuan ka thi thei tawp ang chu....




Ka zawng fe hnuah ka study table a lehkhabu kar ah ka hmu hlawl a a awmna chu mak ti viau mahila kanu ka call nghal zat.

*nu ilo la haw lo ami* a lak rual rual chuan ka ti nghal zat a
*inu ka ni bawk lo e* lehlam atang chuan Rina ngei mai in a rawn ti a an awmna ka zawt nghal zat bawk.

*api te in ah chaw kan ei dawn lo phei rawh* a tih chuan ka ang hlak hlak a *tukin zing ah te khan sawi ve ta che u* ka tih deuh hlar chuan ring fahran hian *I phi chung chung a an hrilh hman lo che a nimai lawm* min tih ve zek chuan ka ngei ang reng khawp mai naupang te te si.

*engtin nge ka lo phei ang?* pangai tak chuan ka han zawt leh a,
*taxi in ani mai lawm*

*poisa ka nei hlei nem*

*I ninawm e mai games ka khel anu te room ah zawng mai rawh, kha ka thi...* tiin a off nghal daih a, keipawh chu in ti fai vatin ka nu te room lam ah chuan ka phei a an closet ka hai rak rak a cheng300 ka hmuh chu ka la nghal bawk a nakin ah ka hrilh mai ang.



In te kalh fel thalpin gate pawn ah ka ding vang a, khaw lum hi chu ka ning ve ngawt mai nun a ti pik. Kapi(kapa nu) te in hi veng chhaklam park awmna piah daih ah a awm a ke a kal na chi ni hek lo kan veng kawn lam ah taxi hmang tur in ka phei hnak hnak a ka thleng phei tep tih a bike chak chet hian min rawn tlan pel nghal fua fua a, hawi let meuhin ka en zui an bike a nalh hlawm em a lawm, Aaren-a a tel ve a ngem tih te chu ka ngaihtuah vel a atul lo nasa khawp mai.




In chhung ka luh chuan an lo che suau suau a, ''ilo thleng tawh maw'' min hmuh rual a ka pi in a tih chuan ka lo nuih nghal var a, Rina pawh kan cousin a rualpui te ho nen an lo thu ho thap a games an khel a nih ka ring, ''Daff lo phei rawh'' kitchen lam atang an rawn tih deuh lang lang chuan ka phei ve nghal mai a, ''purun sen kha lo chan rawh'' tih pahin dawhkan ah chuan purunsen pum sawm dawn chu ute-i chuan a dah nghauh nghauh a ka ner nasa mai,




''Purun sen berkher'' ti a ka phun chuan an nui ham ham hlawm a, ''I tih tur ah kan lo dah vek tawh'' Sentei kapa nau chiah fanu in a lo tih chuan ka chemte lak chuan ka tin uaih a min la chhiat kum duh lek lehnghal.



Ti ti pah a purun ka chan mawlh mawlh a ka meng hlei thei tawh lo a ni ber, ''awii Daffodil-i chu tu nge lo vel leh a'' Nitei aw in a rawn tih chuan thei leh theilo in ka melh tawk tawk a midang lah chu an nui ring bawk si, ''kha tia hmuh kan chak vang a lawm a lo then hun kan nghah hle em em'' Mampuii a tih chuan, ''in ninawm thei e'' tiin ka tho tharh a ka kut in ka mit ka nuai pek a a thip zual tulh tulh a min ur nasa bawk nen tah tak tak hial te ka duh tawh.




Kapi te in lam a chaw ei khawm kan neih apiang hian purun sen hi ka chan ah an dah ve ziah a mittui tla chungin ka ti ve mai zel bawk a, midang in an tih ve lah hian engtin nge an tih thin bik ni an mittui a tla ve ngai miah lo a an zei hi ka ti em em mai bawk.



Bathroom atang ka chhuak leh chuan sitting room lam ah an lo thu ho thap a kapu pawh a thut hmun ah a lo ding ve vang a min hmuh rualin, ''Bawihte, thu la hei thu tlem kan sawi a nge'' a tih chuan U tei bulah a tawt a tawt in ka in hnawh ve rawk rawk a kapu pawh chuan thu tha tlem sawiin a TAWNGTAI zui mai a, chaw kan eikhawm na chhan lah hi ka hre der lo lehnghal.



Tawngtai zawh chuan a thalai deuh ho chu kan ding nghal sang sang a kitchen lam ah kan lut nghak thap a dawhkan ah chawhmeh kan chawp mawlh mawlh bawk. Kapa te unau hi an tam ve ang reng a pa6 lai an lo ni ve bawk nen tiang thil tih khawp na ah hi chuan kan ri hum hum zel maini.




''Sente, Daff-i nen khan Nuziki te dawr ah dispo vel va la ta cheu'' ati a, ''khawi poisa'' Sente'in a tia, ''ka pe vek tawh, dispo va ti ula a hre nghal mai ang'' Nite'in a tih leh chuan Sentei nen kan inzui chhuak ve nghal a, ''a reh huai mai'' ka tih chuan kan nui duh hak hak a rei lo ah dawr pawh chu kan thleng ve mai bawk a.




Kan let leh lam ah Uhriata kan tawk a, Sentei te nen an veng hi ain ang a chuan Sentei te hi Kapi te bulah an awm a inpui an nghak a nih ber chu, ''chaw I rawn ei dawn a law'' nui sang a atih chuan ka bu nghat a ka bul a mi lah chuan ka ban a sik deuh vak a ka ner ka ner pah bawk.




''I haw dawn ami?'' kal sawn mai a tum silo nen ka zawt ve ta tawp a, ''ka leng zawk dawn'' a tih leh chuan ka bu deuh nghat a Sentei lah pek chuan min sih zeuh zeuh a vang chuan thaw halh in, ''engtik ah nge Dawngpuia a lo haw ang?'' Tiin ka zawt ta nge nge a kan hma a ding pa chu za lo lutuk a nui sukin, ''thla leh ah a lo haw tawh ang'' a ti tha ve mai a, ''a va tha ve...'' Ka ti zuih ralh ringawt.




''Phei tawh rawh u, keipawh ka kal a ngai tawh'' then sak chuan a ti a, ''chaw ei tui'' ti ve in kan kal pel a, ''awii a nuam....'' Ka bula kal chuan a ti hluai a, ''min sih vak kher a ngai ami'' lawm lo lutuk a ka tih chuan min rawn thlek zeuhin, ''mahse en teh Uhriata kha a khawngaihtlak lutuk'' a ti leh daih a, ''engvang chuan maw'' ka tih leh puat chuan, ''aw..Dawngpuia I zawh khan maw ka sawi thiam lo a nguai nghal vek a lawm'' a ti mai chu ka nui nghal vak vak a a awm in a ang lo e mai, ''nui vak vak suh a ni tak tak ania'' a tih pawh chuan ka la nui vak vak a, ''I mawl e mai a duh che kha aw'' gate kan luh a atih deuh hlar chuan ka ngawi ve ta hram.




Dawngpuia kha Uhriata nau chiah a nia Delhi lamah lehkha zirin a awm a Sentei hian a vei em em mai bawk a, be tur a kan tih lahin a be ngam der mai silo a a buaithlak thin. Sentei nen hian kan in rual chiah chiah a ka thiante tih loh a ka kawm ngaih ve ber a ni unau kan lo ni bawk nen kan in ngaih khawp a mahse school luh na ka sawn daih sia kan in hmu khat ve viau bawk.




''In haw mai dawn maw?'' Kapu in ati a, ''hei naupangin lehkha zir te an duh ang'' kanu in a lo ti thuai a, ''bawihtei chu kan bulah riak mai rawh se'' kapi in a lo tih ve chuan ka nui vak vak a, ''nui tawh suh I nui bal'' Rin'an min lo tih chuan a tukhum ah ka nam bu lawp a kapa bul ah min hek vel, ''kha tia I nuih vak vak'' kanu a ni, ''pi ka lo rial lo mai ang naktuk school kal ka la ngai a friday ah aw'' tih pah chuan ka kuah thuak a, ''nu...Lal Daff-i kha veng tha la'' Sente'in a rawn tih chuan, ''nute, Sentei kha a lerh teh mai ania aw, tu nge pawh ka sawi dawn chuanglo min bem sak rawh a ti'' ka tih ve lauh chuan kan chhungte chu an nui hawk hawk a, ''Hmangaihzual'' a ti tuar chuan nui var varin ka chhuak nghal daih.






Dawr lam panin ka kal phei a a hla lo bawk nen ka thleng thuai a ka chung leh kua te kha chu an rawn chhuak mai dawn lo tih ka chiang em a ka hmanhmawh lo khawp mai dawr hma lam a tukverh ang deuh bulah chuan dingin, ''peanut sweet in nei em?'' Ka ti a, ''nei e..engzah man nge I duh?'' Nula hmeltha ve deuh chuan rawn dak deuh hlek hian a ti a nui var varin, ''₹30 man aw...spicy pocket khat nen'' ka tih chuan nghak lok turin min ti a phone en in ka ding ve kar, ''kha le'' sarang a min pek chuan lo ban thuai in poisa ka pe a a kir ka nghah mek lai a, ''sweets'' dawr atang rawn chhuah pah chuan a ti a ka hma ah tak ding in, ''hetah eng nge I tih?'' Aaren-a chuan a tih zawm zat bawk.




''Eng maw I tih?'' Ka chan loh a vang chuan a ti nawn leh sup a min la en chiang em em zui, ''kha aw..'' Dawr nghak tu in a rawn tih chuan poisa bang chu ka ban thuai a, ''I haw phei tawh dawn em ni Pekhlu?'' Aaren-a melh pah chuan nui sangin a zawt a, ''pekhlua maw?'' Ka lo tih hluai chuan, min rawn en zawk in dawr neitunu chu a en leh a, ''dawn e'' a ti tawi tuk a.




''La leng ve rih la'' a tih leh chuan ner sak in ka kal let nghal nal nal a, a bialnu a ni ngei ngei ang an in nel hmel e mai. Ka lehhawi leh zeuh chuan a la ding ve reng a ner nawng nawng chuan sweet chu a rualin pa2 ka hmuam pawp ringawt a, eng nge maw ka hriat chu le...





******.


Show post links
Top

[Ngaia]

Chapter_9




★





Tum bar bar a ka kal hlak hlak lai a hman hmawh lutuk a Sentei rawn tlan phei chu ding meuhin ka lo melh kar a, "ui, min ti ha lutuk I bo ta maw ka ti a lawm'' a kup dawm chuan a thaw halh halh a, ''ngah nge ka bo ngawt ang'' ti hmuk in ka kal pel nghal nal nal a, ''ngaihtuah man hi I awm lo thei sia e..hmelchhe nu'' ti hlak hlak in min rawn tlan pel leh a, a va han peih mai mai tak e aw....





Gate ka luh chuan kanu te pawh kawngka pui atang an rawn chhuak ve chiah a min melh no lo teh e, ''ti nge I lo vah sawn daw daw a'' a ti nghal hlar a, ''dawr ah ka kal lawk a lawm'' ka thil khai lek va chuan ka ti a, min la melh khui khui tho mai. Eng nge maw an hriat a min lo zawn ve ngawt chu ni.




******.




Ka hmai za mer mer ah chuan ka ner nang nang a, nui hak hak ri ka hriat rual chuan ka in perh tho nghal zat a Rina ka room atang a tlan chhuak ve chiah bawk. Darthlalang a ka va in en chuan markar in a lo ziak rang nuai a hmela mai mai chuh, ''Lalrin'' ring leng lawng a auh pah chuan ka pen chhuak hlawk hlawk a, ''eng nge vak vak a che'' kitchen atang ka nuin a rawn ti ve nghal tawng a, ''Lalrinzual hmelphak'' kanu pawh chhang lo chuan Rina room kawngka chu ka pet ri thuai a ka in dawm kun leh nghal ngawih ngawih, chapal ka bun re re hleinem.





''I thawh rual rual a I tlang au vak vak'' ka hnung lam atang ka nu bawkin a tih chuan tum bur hian ka melh kar a min la nuih hawk hawk zui, ''I tho har a nih kha'' nuih insum zet a ti in a kalsawn leh nghal mai a, room ah tum bur a lut in ka in bual a, form ka ha nghal thlap bawk a darthlalang a ka in en chuan ka kabe pawh a lo dam fel diam tawh.





Kawn lam ah chuan muang chang a phei in zawi te tein ka zai pah hlarh hlar a sweet ka hmuam leh ran bawk a, kawn ka thlen hma ringawt pawn vawi thum vel chu ka ei hman a, ka ha pawh a ngaihtuah awm tan teh e...hehe.




Ka thleng phei chuan ka thiante pawh an lo ding vang a, ''tu taxi in maw kan kal dawn'' an awmna lam pan a ka tih chuan min chhang thuai a, ''Pa hruaia'' Khawngaihin a ti a, ''haw lam chu ka hman lo maithei a ti'' Sangbawih'in a rawn tih ve chuan ka melh nghal ha a, ''kan be fel in ti sia'' ka ti hliai a, ''nia'' an ti duh lek leh nghal.





Class kan luh chuan lehkhabu bih in an lo chhiar sap sap hlawm a, ''homework awm leh mi'' Sangbawih'in kan thutna hmun kan pan lai a atih chuan, ''physics kan test dawn kha'' Zawmte'in a rawn ti mai chu kan khawng nghal awt hi a ni mai kan che lawk lo re re, ''maw? Eng test'' Sangbawihi bawk chuan ring fahran hian a han ti leh a, ''nimin ah sir in Kirchoff law kan test ang a tih kha'' a tih leh mek laiin ka bag atang text bu la chhuak in ka keu nghal thuak thuak a, hrethiam hlei lo chuan ka han chhiar ve ta ngat ngat a, kan thianho chuan in be hman pawh kan awm meuh lo kan hma ah lehkhabu dah in kan phun bul bul hi a ni tawp mai.




Class lak lai te chuan eng nge an explain pawh ka hrelo hrim hrim dawhkan hnuai ah text danin ka en ngar ngar a ka thiam phah lem hlei lo a, ''uii third hi a ni tawhhh'' Dar a rik leh rualin Khawngaih'in a ti a a lehkha bu a bawh nghal tawp a, ka beidawng e a(h) tihtak zet a ka zir pawn ka thiam thei lo ania engtin nge maw darkar1 vel lek ah ka thiam theih teh reng ang ni. Nimin lam ah phei kha chuan class ah rilru ka pe ve viau a maw ka tih vei nen engtin nge ka hriat loh theih zawk....ka ning lutuk......





Sir Harry-a a rawn luh chuan paper a rawn pawm tun a kan test dawn chiang khawp mai, ''min hrilh lo na teh'' tiin kan thian3 te chuan kan in vo ve ngat ngat a mahse in hrilh theih pawh ni nghal lo chuan, question in ang lo vek kan dawng a kan hawi lawl lawl mai ani.




Dar a rik hma deuh hlek chuan in thu rualin kan submit ve nghal a, ''awii ka ziah lai te khan ka tha kur'' Sangbawih'in a ti a, ''eng nge I ziah bik a'' Khawngaih'in a tih chuan, ''ka hming ringawt pawh kha minute5 dawn ziah nan ka hmang'' a ti heu a keipawh ka ni ve tho, ''full mark egzah nge niang le'' canteen kawt ah kan ding chuan ka ti a, ''10'' Sangbawihi ni, ''engtin nge I hriat ngawt a'' Khawngaihi chuan a ti ve vat a, tlaw min tih hmel lutuk a min melh dun in, ''question ah khan a in ziah kiau kha en ve ta che u'' a ti vin leh hlar a, thinchhe dek duk lutuk mai.




''Ninawm e a'' ti in ka thaw hluai a, ''ninawm tak ani'' Khawngaihi pawh chuan ti vein, ''thil ei phawt mai ang u'' a tih leh chuan canteen chhunglam ah chuan kan in zui lut ve ngal a, ''eng nge kan ei ang'' kan thutna thin a thut thlak pah chuan ka ti a Khawngaihi te pawh ka hma ah an rawn thu ve ve bawk a, ''chips vel mai mai ka ei chak'' a tih chuan Sangbawihi nen pawh kan ei ve duh thu kan sawi a, lei tur in a tho zui ve ngal a, ''Khawngaihi thiam hmel zia kha'' a kalna lam thir zui vawng vawng a a tih chuan, ''phek thum lai chu ka ziak'' ka ti a, ''paper te ka lam belh vel a ka fail dawn chiang si'' a tih ve niah niah chuan in en in kan nui dun hak hak ringawt a, rilru hah na te ho kha chu an thlawk bo tan tawh a ni ber.





Ngaihtuah nei lem lo a kan nuih duh hak hak lai chuan mipa aw in, ''khek tuar tuar zel suh u'' a tih chuan kan sir lam chu kan hawi thuai a Urina te ho an lo ni, ''duh leh kan khek ang'' ner nang a ka tih chuan min la nam dak awrh zui, ''Hmelphak'' rum eltiang a ka tih chuan ka sir ah a rawn thu thla a ka dar a kuahin, ''bialpa I duh em?" Ka beng bul a a rawn tih chuan ner nang a thle sawn in, ''ka nei ve reng'' ngeiawm lutuk a en pah chuan ka ti a a hamhaih hmel nasa.




A thutna tang Lawma chu thoin a kut a min kawk va in, ''henu hian bialpa ka nei a ti'' ring ve ang reng tak a atih chuan ka ner sawk ringawt a Khawngaihi rawn phei chuan a hnungah ben sak pawp in a rawn thu thla a Sangbawihi nen an nui tuar tuar bawk, ''an ni rei ve ang reng tawh'' An han tih phei chuan an awih hlawm nasa, ''tu nge?'' Ka beisei loh ber mai in a rawn tih thum nghut chuan Aaren-a chu ka melh zawk ringawt a chips ho chu ka hawng zui mial mial.





''Zan ah leng ila'' Sangbawih'in a tih chuan ka bu deuh nghat a, “heng ho hi lerh an tum nasa lutuk” Fel'an a ti a Urina nui hawk hawk chu ka melh zawk, kan thianho te hi chu min hre chiang ve a ka bialpa ka tih pawh kha a ni te chuan a hre kur ang chu...




Thuthleng lain kan bulah tak chuan an rawn thu ve kher a ka bul chiah ah Aaren-a a thu a ala rim tui em em lehnghal, ''tu maw I bialpa chu ni a'' ka beng bul a a rawn tih sawi sup chuan, ''a hmeltha lutuk'' a beng bulah chuan ngeiawm deuhin ka ti ve kher a hepa pui hi ka ngei deuh riau a achan tak pawh ka hrelo. Ka thut that leh chuan a nui hawk a ka melh zeuh chuan a ner nghal nawng a, ''tih tur ka nei'' ti a tho in a chhuak zui nghal na nal a a thiante biakna pawh ahre hman teuh looo, ''hahthlak thin'' nui suk suk a Urin'an a tih chuan a thiante ho chu an nui vak vak a, ''a nakruh boin midang a neih san sia leh'' Lawm'an a tih leh phei chuan a aia nasa in a nui a, an chiang chiah lo a niang tih melh a ka melh lah chuan an chek zui leh nghal tlak tlak a, an mawl tak tak a nih dawn hi.









''Tu chu maw I lo bialpa ve a'' Francisa'n a tih chuan chhang loin thil ka ei a, ''Hriata kha aniang chu..'' Mawitea'n a rawn tih ve chiah chuan ka thiante an nui nghal vak vak a, ''I zaklo lutuk aw'' ka tih hlar lah chuan, ''midang an awm lo'' a ti leh a ngei lutuk a en in, ''Chhuansanga sin..'' Ka ti deuh hlar a, ''tu nge?'' An tih nghal sep sep chuan ka nui ver ver a Urina pawh a nuih a zat hmel nasa Avis Lalchhuansanga(pangparhnima) ka sawi tih hre miau hek le.







Last period ah chuan rin loh lutukin Sir Harry bawk a rawn lut leh a ka hmul thi te hi a ding sep sep in ka hria, ''awi eng nge a rawn tih tak ang'' sawi sep a Sangbawih'in a tih zawh rualin, ''sit down'' sir chuan a ti hmuk a, a lawm hmel loh nasa mai. ''In va thiam lo hlawm ve'' a ti nghal tawng a a tawng ring vak lo lehnghal a a hlauh awm zual sauh, class poh a reh diak a sir pen thawm bak hriat tur a awm lo hrim hrim.





''Naktuk ah a fail kan hrem nghal ang'' a ti leh zat a dawhkan hnuai ah kan in sik nghak nawk nawk a Sangbawihi min sik na bik lutuk chu a hnungah ka beng nghal vak a, ''Daffodil'' sir in a rawn tih leh rualin ka thu tha nghal sat sat a, ''in thian3 lah hi in harh zek a'' a tih zawm leh nghal chuan ka ner zui nang nang a, ''ner vel suh u'' a tih leh chuan pangai thei ang ber hian ka awm a ka thiani te pa2 pawh chu an lo ner kual vel ve vak a nih ka ring nghal hmiah bawk.





''Sir pass mak a awm em'' Dampuian a rawn tih chuan, ''4 pass mark'' sir pawh chuan a ti ve a, ''naktuk ah ka sem nghal ang'' tih leh, ''dismissed'' tiin a chhuak nghal a kan ding siau a, ''thank you sir'' kan tih zawh rual deuh thawin, ''Hepa hi chu a strict ve ngawt mai'' Khawngaihi chuan a ti nghal a, ''ninawm ber bur lutuk ka fail chiang sa nasa si'' Sangbawihi pawh chuan tiin a lehkhabu a khung mawlh mawlh a, ''in thian3 khan de de dei dei.. Te chu a la ti ve nghal a hmeltha viau lo se lang chuan ka khuai nuai tawh ang mawle'' a tih zawm leh nghal zat zat a, ''sir hi chu chelo ve em'' ka lo tih ve chuan in en in kan nui tha a, ''in chang lo nasa'' Khawngaih'in a tih pawh chuan engah mah ngailo in kan sawi chunzawm chiam bawk. Sir Harry te hi chu kan zirtirtu te zing ah a luck ber a, Arts student lam ho pawn an star nasa lutuk Scorpio dum a khalh thin a, a motor an hmuh loh a piangin kan class ah a lo kal leh kal loh an rawn zawt ve ziah. Mahse, nupui a nei daih tawh.






Class atang kan chhuah chuan staff room lam kan pan a Khawngaih'in a phone a lak chuan gate lam ah kan phei zui leh a, ''tu nge ka biak ang'' a ti a, ''taxi driver number te I nei em'' ka tih lah chuan lu a thing deuh vak a haw na tur hrelo a awm hi ka ning viau a sin mawle, ''Au phone teh'' Sangbawih'in a rawn tih ve tak ah chuan a call thuai a, ''lo chho rawh u a ti nih chu'' a tih rualin phur lutukin kan chho hlawm a.






Gate atang kan chhuah chuan ka in pal leh khut a ka tlu lo hlauh, ''tlo ve siah'' Mawitea'n a rawn tih chuan Hnung min chhawn tu Khawngaihi chu ka kawk nghal va a tawng ka tum vel ah, ''sweet I nei em?'' A ti nghal a, ka kamis ipte atang sweet chu lain keimah chuan ka han ei a, ''ka duh ve'' tih leh Sangbawihi chuan ka kamis chu zen ve a rual nghal a, a lak chhuah rualin pa1 Khawngaihi a pe ve nghal a, ''I ha a la muat ang'' Lawm'an a rawn tih ve chuan sweet pa1 chu pein, ''ei ve rawh'' ka ti a, nui hawk hawkin a ban ve mai a, ''tu emaw in min hnek lo tur ah ngai ang'' ti deuh hluai in a hmawm zui a, ''I a deuh ami'' ka tih lah chuan chek tlak tlakin, ''I tlo lutuk'' min han ti ringawt a ka va han lawm lo nasa ber kher tak.






Midang pawh chu an rawn chhuak ve sap sap a, Aaren-a leh hmeichhe pakhat rawn kaldun chu Urina te bulah dingin ka lo melh ve kar a chhun a lukhum khum miah silo khan a khum leh tawh a a hmeichhe kal pui lah chu a no hmel nasa ropui si, ''I mit kha'' ka beng bul a Sangbawih'in a rawn tih chuan lei ka chhuah zeuh ringawt a, ka va hawi leh zawk chuan min lo en ve kur a ngei lutukin ka hawi sawn hmak.





''Hmangaih'' ninawm e......

''Hmangaih tih hi a sim thei lo re re'' Sangbawihi'n a ti ve zeuh a, ''kan chhang sak ang che'' zawi sep a atih leh rualin, ''Uhriat in haw tawh dawn ami?'' a ti nghal vah a, ''dawn, eng in nge in haw dawn?'' A tih leh chuan, ''Au te rualin'' a ti a Uhriata pawh chuan min be tawh lem loin a tlan liam ve nghal a, a tlan liamna ka en deuh vang vang lai chuan bike pa1 kan zawn ah rawm ding lehin, ''duh ve tawh mai rawh Hmangaih'' ti lauhin a tlan zui ve mai bawk a, tu nge maw a nih tei vet tih ka ngaihtuah mek laiin, ''Zohmaa hi chuan Hriata hi a zui kual peih ve ngawt mai'' Urin'an a tih chuan ka hre leh hnuhnawh nghal a, engvang teh hrep a hming hnai sai lo a min ko ve ngawt nge maw a nih reuh chu.






''Kal ang u'' kan zawn ah bawk bike rawn dingin a tih leh chuan ka en ve vat a Aaren-a chuan helmet pawh khum lem lo chuan kan awmna lam chu a rawn hawi a min la melh kher zui, a hnungah a hmeichhe kal pui kha a phur bawk a, chunu lah chuan a la kuah vei than ka hmuh chuan ka ner nghal nawng nawng a, ''haw tawh ang u'' Ka tih hmuk chuan, ''lo kal rawh ka phur ang che'' Lawman a rawn tih chuan ka pan phei vat a, ''sweet min pek man ni mai rawh se'' a tih zawm zat a keipawh chu chuang ve vat in ka thiante lam ka hawi chuan Mawitea'n Khawngaihi a lo phur leh a Sangbawihi pawh au bulah chuang peih lo in Francis-a a in phur tir leh bawk a.





Bike a tih nung vel ah chuan a hnungah ka bei nghal than a ka kuah lah chuan, "nangmah vang a kut tum ka hmuh chuan I hmu ve ang'' ring ang reng tak a atih pawh chuan ka awm ngai in ka awm mai mai a, tun a ka awm dan ah tak hi chuan ka thu tung vah peih lo a ni ber mai. ''Tlan nuam u'' ti sap sapin midang ho chu an tlan chhuak zui a kan hma a ding Aaren-a te pawh chu an la tlan chhuak lo tih ka va thlek zeuh khan ka hmu thei.






Kan tlan hnu rei lo ah chuan chak mang kheng hian min rawn tlan pel a horn a hmet ri vak bawk a, ''I chaklo ang'' min phur tu lah chuan ring fahran hian a rawn ti lauh a, eng nge maw a hriat teh hrep chu maw.





******.


Show post links
Top

[Ngaia]

Chapter_10




★




Khaw chhung kan luh tak ah chuan ka thu tha sat sat a, ''tiang khan thu vat ta che'' a rawn tih leh lung lung chuan ngei lutukin a nak ah ka sih sak pawp a, a au tial ruai mai lawm.



Kan in kawt ah ka chhuk a ka bag ah lai siam rem in, ''ka lawm ber e ka Ulawm'' nuih sang a ka tih chuan a helmet khum lai chu phelh in min han chhiat khum deuh vak a, kan in awm hnaih ang reng si a hmelchhe tak hi a ni. ''Lut teh, ka unaupa ka tlawn a ngai'' ti leh hmanhmawh lutuk a helmet khum in a tlan chhuak zui nghal a, a tlan liam na lam chu a ngaihna hrelo lutuk in ka en heu ringawt, vawin a awm dan kha chu mi ang lo hi ang ka ti ta ber mai.






Inchung ka luh chuan Umanunui pawh kitchen lam ah a lo ri leh rak rak tawh a, ''Anu lo haw tawh em'' va luh phei pah a ka tih chuan, ''vawin chu ka tlai dawn a ti nih kha'' a tih chuan mak ka ti ang reng khawp mai, engtiang pawn laklawh se kanu hi chu dar5 rik hma hian a lo haw ngei nge thin a a hnuai a thawk te atih chhunzawm tir mai thin bawk nen vawin chu a laklawk via a nih ka ring.





Room lam pan a ka kal mek laiin Rina ka room atang a rawn chhuak heu a ding meuh a ka lo en chuan min nuih vur vur in, ''games ka khel'' a han tih reuh phei chuan va pan hnai rawk rawkin a hnungah ka ben sak pawp a, ''phone khawih ka phallo tih I hriat ve reng kha mawle'' awki sang vah chuan ka ti a, ''laptop ah lawm'' min la tih khum ve hlar zui, ''E'' ti hmukin ka room ah chua ka lut nghal a, ''Daffodil anu bula kal ila I peih em?'' Pawn lam atang a rawn tih chuan ka lo 'aw' ve thuai a, ''tv ka lo e ang'' a tih leh tak a chuan hmanhmawh ang reng takin ka in thlak nghal sawk sawk a. Rina hi chu kanu naute duat a ni reuh a kanu hi angai hma thei khawp mai a, tunah pawh a school bang kanu a la hmuh loh vang a nih ka ring kalpui ah te min sawm ve tak ni.





Ka phone keng chung a ka va chhuah chuan alo ding nghal vat a, ''apa hi alo la haw na nge?'' Ka tih chuan a bu nghat nghat a, ''Umanun anu dawr ah kan va kal dawn'' ka tih leh chuan Umanunui pawh chu kan awmna lam ah rawn phei thuai in a nui deuh var var a, ''nautea chuan anu a ngai leh tawh ani maw'' Rina melh zeuh pah a atih chua kalo nui ve vur vur a, ''a ho e mai'' tiin pawn lam ah a kal nghal nulh a a hnunglam pang en in Umanuni nen kan nuih kar kar a, ''I duh leh chaw lo ei daih rawh aw'' ka ti a, ''ka lo nghak dawn cheu nia ipa pawh meeting a awm dawn a tia zanin chu a tlai ang'' a tih ve chuan ka bu nghat a, pawnlam ah ka chhuak zui ve nghal thuai bawk.



.
.




Taxi tang kan chhuk a Rina nen a kanu dawr lam a kan kal chhet chhet lai chuan ka in pal leh nge nge a tun tum chu ka in ring leh hman chuanglo nen mi tam na lai ah ka tlu bawk thlawrh a 'anah' ring fahran a ka tih chuan Rina chuan min rawn kai tho vatin, ''I tlo thei e...'' A ti reuh a, ''min en duh lutuk'' a tih leh nghat phei chuan ka kun deuh chhal a ka hawi chhuak tawh lo hrim hrim.





Dawr kan luh chuan customer an lo awm nek nek a kanu in min hmuh rualin a lo phei thuai a, ''ti nge I u hi ava bal ve'' tih pah chuan min rawn beng fai thuak thuak a, ka tluk khan ka in beng fai miah lo tih ka hrechiah a Rina lah chuan ka tluk thu leh a zah thu ringawt chu a sawi deuh ngat ngat bawk a, ''nula pui si hi I tlo lutuk'' kanu pawh chuan a ti ta nge nge a za lo lutuk in ka then tha ringawt.







''Bawihi counter ah khan lo thu rawh kha poisa te kha lo dawng teh'' kanu in a rawn tih deuh lang lang tak ah chuan thawmhnaw kar atang chuan chhuakin ka va thu ve mai a, ka hma a kawr pa3 vel lo awm chu a tag en diat diat in ka chhut a, ''₹3500'' ti a ka hawi chhuah chuan Aaren-a chuan min lo en kur a, ''eng nge I tih a'' ti a ka zawh lah chuan ngeiawm lutukin a then sak a, poisa chu min pein thawmhnaw ka khung mawlh mawlh chu la lawkin a chhuak nghal nulh a min va han ti hrilh hai mai mai.






Dar6 a rik dawn chuan Umama a rawn lut hlawl a min hmuh chuan phawk ang reng deuhin, ''eng nge I tih?'' A ti nghal bal a, kei ka lo nui var var bawk. Dawr ah hian ka kal peih ngai miah lo a, ka awm ve chu mak a tih hmel nasa.





''Mama eng nge I rawn tih dawn'' ka nu chu kan awmna ah a rawn phei thuai a, ''I nau te lah an rawn phei ringawt bawk a'' nui tha hian a tih zawm leh zat a, ''ka lo kawi mai mai mawle'' tha tak chuan a ti a, a san bun lai chu bih zeuhin, ''ka kal leh nghal mai ang meloi ka ngaihtuah'' a tih bul bul chuan ding ve zawt in, ''a rai tak, chaw ka lo ei dawn'' ka ti nghal hluai a, Omama chu ka zui chhuak ve nghal daih a, car a ka thut fel rualin ka phone a ri zat a Sangbawihi lo ni.



*aw*

*in ah I awm na nge* ring ang reng tak hian a rawn ti a.

*Umama te inah chaw ka ei dawn*

*that chu Khawngaihi nen kan lo phei ve ang*

*imm*

*Lawma te mawl hlawm zia hi aw, tlai ah khan an lo leng a 'tu nge Chhuansanga chu?' An ti ngat ngat a maw ka ning lutuk* a tih leh zat zat chuan ka nui pat pat a,


*Au nen in en in kan sen tawn tawn mai lawm* a ti leh zat hnuah *chaw ei vat ang cheu, umeloi chu eng nge kan lo ken ang* a ti leh nghal a, tawng na hun ka chang lo re re.

*ken ken a ngai lo ang, lo kal tawp ula nimai* ka tih ve pawn, *kan lo keng tho ang, ka dah* ti leh off nghal a rual a, Umama lam hawiin, ''u umeloi chu a luak tawh em'' ka tih chuan a nui hawk a, ''huat em em a neilo'' alo tih ve dut chuan, ''that chu'' ka ti mawl tawp a, reilo ah an in pawh chu kan thleng ve thuai a umeloin min hmuh chuan a lo te teng tung a, ka te ve nghal teng tung mai a lawm.



*





Chaw te kan ei zawh hnu chuan sitting room lam ah kan thu phei a lehkha zir uluk turin Umam'an min zilh ngat ngat a an in a chaw ka ei chu ka in chir lek lek zawk. ''U...thla egzah maw a nih tawh I dul a la thep tha si'' ka û tawng leh a tum chiah chuan umeloi chu ka be nghal daih a, in en in an nui dun hawk hawk a, ''thla 5 lai chu a ni ve tawh'' a tih chuan ka kut phar meuhin ka chhut mawlh mawlh a, ''October'' Umaman a rawn tih deuh sup ah chuan, ''nia..a va lo chhuak teuh'' ka ti hluai a, ''science student ve si'' min tih lai takin ka thiante an rawn lut a ka û tawng an hre hman a niang chu, ''science student kan lo leng a nia'' Sangbawihi chuan a ti lang lang a, ''kan naute velh tur pawh ala rawn chhuak theilo'' ti leh zatin kan piah deuh a chuan an rawn thu a, ''in mawl hlawm si a'' ka û in a tih pawh chuan eng ah teh vak ang ngai lo, ''kha apple kan lo keng cheu'' Khawngaihi chuan tiin a bulah sarang dum chu a nghat a, ''ka ei nghal mai ang'' tiin pa1 ala zat a, ''ka ei ve mai dawn'' Sangbawihi pawh chuan a ti ve nghal a ka û te nupa an nui hawk hawk a, pa1 chu ka ban ve nghal zat bawk.







Rei pawh an thut hma chuan Sangbawihi chu a ding hluai a, ''Daff leng ang u'' tih leh, ''zan len kan nei khat lutuk Umam in inah hi chuan kan awm reng lo mai ang'' a tih zawm leh zat a Umama pawn leng reilo tur leh haw vat tur a min tih hnu ah kan in zui chhuak dam dam a, ''khawnge kan kal ang?'' Kawn lam a kan kal chuan ka ti a, ''ka hre bik lo'' Sangbawih'in a tih chuan, ''park ah kan kal leh mai dawn mi'' Khawngaih'in a lo ti thuai a kalna tur hre lo ta chu park lam ah bawk kan in zui thla leh a a la tlai lo bawk nen vei vak an la tam ang reng.






''Le...Khawngaihi a in puang dawn'' Sangbawih'in a tih chuan Khawngaihi chu anui ang vur vur a, a lai deuh ten ka hria, ''eng nge in puan na tur awm'' ka thut dan siam that pah chuan ka ti a ka mawng lah chu a na zek lehnghal. Tawlhpanal hnuai a lung in rem ah kan thu ve tawp a alung a rual rem silo a a nuam viau lo.





''Bialpa a nei a lawm'' Sangbawih'in a tih leh tak an chuan ka nui var var a, ''tak tak ami'' tiin ka nui chhuak hak hak a ka phur nghal sarh mai, ''awi keipawh hi ka ni cheng mai'' Sangbawih'in a rawn tih ve chuan kut in hum sakin kan nui hak hak a, ''in mak thei e'' alo tih chuan, ''a nuam a lawm'' kan lo ri rual thawt a kan nui dun hak hak bawk. Thian ten bialpa an neih chiah hi chuan a nuihzat thlak bak ah a nuam ve a tunah pawh Khawngaih'in a sawi hma hma atang kan lo lai kual vel hi ani ringawt.






''Mahse engtin nge a nei tih I hriat a?'' ka tih leh phawt chuan, ''tlai ah group ah a sawi kha I hmu lo ami'' a tih chuan bu nghat in ka phone ka phawrh a whatsapp ah chuan lutin '3 is perfect' kan group ah chuan ka lut leh a *bialpa ka nei* Khawngaihi chuan alo ti anih hi.





''Sawi teh tunge?'' Sangbawih'in a tih tak ah chuan Khawngaihi chu ka en ve kar a a hrawk thian te tein, ''Mawitea mawle'' zawi sep a atih chuan kan au dun chiam a, ''ehe awi engtin'' Sangbawih'in a tih lai in, ''engtin nge a bem che'' ka lo ti ve a kan au ring dun ngei mai, ''sawi vat vat la'' ti a ka tur chung chuan a ning a niang chu min beng dun awk a, ''in mak teng tung thei lutuk'' a tih phawt hnuah, ''tla ah khan'' a ti leh sep a Sangbawihi nen chuan in en in kan au leh chiam a, ''I yes nghal e law'' a tih chuan, ''a chhelo ve a lawm'' Khawngaih'in a tih chuan, ''nia a chelo ve a'' ka lo tih sak thuai a, ''chhelo ve e'' Sangbawihi'n a tih leh hnuah, ''engtin naw a bem che'' ka lo ti ve leh chaun a sawi duh ta thak lo a. Ka sawi pui hma hma in an lo ni daih a an phakar hle mai.






Sangbawihi phone a rik chuan a chhang thuai a, *awm e enge* vin ang reng tak a atih hnuah *in awm maw, kan lo phei* tiin a phone a dah a, ''gate hnungah phei ang u'' tiin kan thutna tang a chhuak a, ''Kan makpa chu va hmu ang hmiang'' a tih tak ah chuan Urina te an awm tih hria in phur lutukin ka tho ve thuai a, ''awiha'' ka tih deuh hluai chuan, ''in nasa a nge aw'' Khawngaihi chuan a rawn ti ve a ngaihsak lem lo in gate hnung lam pan chuan kan phei ta nghal a.







Kan thleng phei chuan eng sawi set set loin bike ngheng a Mawitea lo ding chu kan pan phei dun vut a, ''I kawp chuan I chaklo ang'' Sangbawihi chuan a ti nghala, ''I then hmasak phei chuannnn'' ka lo tih ve hlak chuan hamhaih lutuk hian, ''eng nge maw in hriat duh le'' tiin min nam kiang dun dawrh a, ''I hria maw Mawihnap'' Sangbawih'in a tih leh chuan, ''In au ring a nih mai chu'' ti hlukin a bike ah a thu kai a, ''kan leng dawn a lo kal ve mai mai rawh u'' a tih leh hnuah, Khawngaihi lam chu hawi in, ''lo kal rawh le..I thiante an nasa si'' a ti dam hluam a ka va han ei lo tak.





Ka hawi kual deuh chuan Francis a chiah ka hmu a, ''tu nge lo phone tu che kha'' Sangbawihi bula ka tih chuan Francis-a chu a kawk va a, ''khawnge Urina te hi'' ka tih leh chuan api te in lam ah a phei daih thu a sawi a, ''tu nge ka phurh ang'' Francisa'n a rawn tih tak ah chuan Sangbawihi chu a phei thuai a, min hnut chhiah an tum ringawt a mi aaa, ''engtin nge ka lo kal ve ang'' hawi kual thuak thuak chuan ka ti a tumah dang an awm lo a Khawngaihi te kha an tlan chhuak daih tawh lehnghal, ''Aaren-a a awm'' Francis-a a rawn tih leh chuan ka hawi kual leh thuak a tumah ka hmulo, ''tu mah an awm loh hi...'' Vin lek lek a ka tih chuan, ''a thlang deuh ah khan a awm ang'' a ti leh hnuah a bike chu tinungin, ''phone rawh'' a ti leh rualin a tlan chhuak nghal daih a, hamhaih lutuk chuan ka ding reng a ka thin a rim lek lek bawk. Ngah nge maw min tlan chhuah san nghal vek chule a thim reuh ropui si a ramhuai an lo kal mai ang tih te ka hlau.





Ka phone chu phawrin ka on eng a 'phone rawh' te min ti ve ngawt a a number ka neilo hrim hrim a chubak ah he lai hmun ah hian 'thlang deuh' pawh a awm lo, thil ri rek a awm chuan ka hawi phawk nghal hra a chil lem khalhin, ''U Aaren'' ka ti deuh vak a, a la reh tlawk tlawk zui, ka din na atang pen sawn deuh hlekin ka au leh a min chhang tu an awm tak miah loh phei chuan ka tah a chhuak nghal ngawt a ka kal hla ngam der lo lehngal, a tawp nan tak tak tiin Aaren-a chu ka au leh vak a ka au zawh rual deuh thoin a rawn ri nghal rawk a ka phu nasa lutuk chu thu tung in ka khup ah ka hmai ka phum tlat a 'ramhuai' tih loh engdang mah ka rilru ah hian a lang thei tawh lo re re.







Ka hmai phum chung chuan thil tha lo pui pui ka ngaihtuah kual chiam a ka thin a phu dup dup a ka beng ka chhi kar bawk. Pen thawm ang deuh ka hriat chuan ka kut ka hum ruh vak a, ka thlan hial ten ka hria. Muk lutuk a pen thawm ka ngaihthlak lai chuan ka lu khawih tu an awm rualin, ''anu....'' Tiin ka rak chiam a mipa phun hluk ri ka hriat tak ah chuan ka dak chhuak a Aaren-a hmel ka hmuh rual chuan tum vuau in rum mangkheng hian ka melh kur a, ''ka auh vak vak che kha'' lawm lo lutuk chuan ka ti a ka mit ka nuai nghal thuak bawk, ka mittui a tling hman a lawm.






Min nuih deuh suk sukin ka hma ah a rawn thu hniam a, ''a ni maw?'' Ka hmai buk chet a min en chung chuan a ti sep a ring lutuk in, ''ni...'' Ka lo ti vei hmuk a, a jacket ipte vei lam chu zenin min en leh zeuh a, peanut sweet pa1 hi la chhuakin a kheh a, ''sweets, sorry'' ka en reng lai chuan ti sup in ka hmui bulah sweet chu a rawn dah a ka lo ei ve nghal hmak a, a vei nuih deuh suk a ala hmeltha em em zui.





''Kal ve tawh ila'' a ding chhuah rual chuan ka ding ve vat a, kan hma lam ah chhuan thui vak lo kan kal chuan a bike a lo in hung a, ''chuang rawh'' a thut fel rual chuan a ti hmuk a, lawn thuain a jacket ah chuan nghet lutuk tak mai hian ka vuan a, ''I bialpa chuan min hmu lo tawp ang'' rawn ti hmukin a tlan phut a ka kuah leh rawk rawk mai lawm.






******.


Show post links
Top

[Ngaia]

Chapter_11





★




In lian ve deuh zawn ah a din chuan ka chhuk thuai a rawn chhuk vein in awmna lam chu a pan ding nghal a engmah sawi lo in ka zui mawl ve tawp bawk.




A chhung kan luh chuan mihring an lo tam ang reng khawp a ka ngainat loh em em mai zawhte thau tha lutuk kan lam a alo phei chuan ner nawng in ka kalsawn thuai a sofa a Sangbawihi thu chu pan in, ''tu te in nge?'' Ka thu tla ve dawt a a phone en lai chu la thla in, ''ka hre bik teuh lo'' tih chauh a min chhan chuan, ''ti nge tah hian I awm'' ka ti leh a a ning tih hriat lutuk tak mai a thaw hawlhin, ''I rawn thleng dan ang tho khan a nimai'' tih zawng sawiin a phone a hmet leh mual mual a, ''in va rawn thleng har ve, eng nge in tih a'' min nek salh a a tih chuan ngei thar thutin a hnungah ka beng pawp a, ''eng nge'' a ti vin hlar a, ''hmeli ramhuai in min la dawn a maw ka ti hman tawh a'' vin em em mai hian ka ti zek a thil dang a sawi nghal zuah zuah a, tun a kan awmna in pawh hi Lawma te in lek a lo nia kan kal ve nachan pawh a hre bik lo a, hei tak hi chu kan pharvar vang a ni tawp.






''Uii ka thlen atang Khawngaihi ka la hmu lo hrim hrim'' a tih chuan, ''ehe'' ka ti hluai a ka ngaihtuah na hria ni awm tak chuan, ''a rep hrim hrim'' alo ti nghal a, in en in kan nui dun hawk hawk a kan nuih vak vak lai a, ''tuar tuar hian'' tiin Lawma chu kan in kar ah a rawn in hnawh a, ''eng nge in tih ho a'' tawlh rem pah a ka tih chuan, ''kan zi ho mai mai mawle'' thawveng zet a atih hnu ah, ''Rina hi alo kal dawn lo em ni?'' Sangbawihi lam hawi chuan a ti leh a, ''api te in ah a kal alo kal hman lo ang'' alo ti ve thuai a, ''thian in va nghah del dul ve'' a tih zawm leh zat a pa1 a pawh chuan, ''anla kim lo zawk'' ti ve in a tho leh thurh a, rum tha lutuk a min rawn en in a ban ding lam chu a khawih zeuh a, ''min hnek phah'' ti bul hmuk in a kal sawn nghal nulh a, ''a mawl ami'' Sangbawihi lam hawi a ka tih nghal thuai chuan min nuih vur vur ringawt a, ''Lawma hi a chiang lo a niang'' a dar a bei pah chuan ka ti leh hram a a rawn nui chhuak nghal vak vak bawk.






Common room lam ah Lawma leh a thiante ho chu an ri bung bung a hmeichhe thawm pawh a awm bawk an bengchheng ka ti khawp mai, ''Haw ka duh tawh'' ka phone hmeh thim pah chuan ka ti a, ''keipawh ka duh a ninawm e'' alo tih ve thuai chhan bu nghat in ka ding a, ''len na tur kan hre lo thei lutuk hi buaithlak'' ka tih chuan, ''Khawngaihi chance kan pe a ni ringawt'' ti ve in a rawn ding thuai a. Common room lam pan chuan kan in zui phei a an bengchheng ai takin an lo tlem a an thianho bak ah mipa pa4 leh hmeichhia pa4 an lo awm nuk a an tam tho mai.






''Ka nau duat te u eng nge in duh'' min hmuh rualin Fela chuan a lo ti vat a ka ner nghal nawng nawng a ka hawi kual deuh chuan Aaren-a chu hmeichhe in kar ah hian thuin phone a lo en kur a ka ei lo nghal em em ringawt bawk.




''Mawitea te hi khawnge an awm a'' Sangbawihi chuan a ti a.



''In chungah an awm'' kan dinna bul a lo thleng der a, ''in haw duh tawh ami?'' a tih leh chuan ka lo bu nghat a Sangbawihi pawn 'aw' alo pawh ve vat a kan in kar ah dingin a dar chuan min kuah ve ve a, tet ve nen ka ning in kuah hnuk hi, ''guys kan naute te hi an haw duh'' midang ho awmna lam hawi a atih chuan an lo hawi deuh thap a chutah an zinga mipa1 chuan, ''Hmangaihi I ni ti raw?'' Alo ti a ner sawkin, ''teuhlo mai'' ka lo ti ve nghal zat a Sangbawihi a rawn nui hak bawk.





''Tute thlah nge in duh le..?'' Uang thuang deuh a tih pah chuan Lawma chu a thut na tang a rawn tho a ka lo ner khum nawng a hmuh chuan min la tin uaih zui, ''tu nge thlah ang'' Lawma bawkin a tih leh chuan Aaren-a vei lam a thu nu chuan, ''in va han ngaihsak em em'' a rawn ti sep a, ''kan duat lai te a lawm an nih'' then tha a Francisa'n a rawn ti ve a Sangbawihi nen chuan kan ner nawng hian ka ring.





''Haw vat vat ka duh tawh, Khawngaihi chu phone mai la'' Ka tih chuan Sangbawihi pawn a phone a hmet nghal mawlh nawlh a, ''tu thlah maw?'' Fela'n a rawn tih leh chuan, ''ninawm e..a hman hman a ni mai'' ka ti deuh hmuk a, ''Thinchhe si'' Lawman a rawn tih ve chuan rum ang reng tak a melhin, ''min tlah mai rawh dar11 a ri tep'' ka tih nghal zat chuan rang lutukin Aaren-a thutna lam a melh zeuh a chutah min melh leh in, ''I mawl sia(h)'' ti zawi supin, ''ka peihlo'' a ti leh vak a min la ti phu zuk zui. Fela a nui hawk hawk a, ''Aaren-a saw in tlah tir leh mai rawh a rualin I lo kal kha'' a tih chuan nasa lutuk a ner in Aaren-a thutna lam chu ka va hawi a kan sawi a hre thei ve vek bawk a min lo en ve ran a, ''ka duh lo ber'' ka tih hmuk chuan rawn din zawkin, ''ngawi mai teh'' a ti hmuk a ka hawisawn hmak.




****** next day ******





''Awi ha''

''Ka pum a mumal lo tan''

''Na..engtin nge min hrem ang le''

''Ka pum hi a za chum chum tawh'' dawhkan hnuai ah chuan ka ke ka per tan tan a ka pum hi a za uai uai tawh mai.



''In ninawm sek lutuk'' Khawngaih'in a rawn tih chuan, ''I fail ve dawn tho kha'' Sangbawihi a ti nghal vak a, ''ka hre ve reng'' a tih leh rualin dar a ri chiah a kan class chu kan phun nghal mur mur a Sir harry period a ni ta chiah e.




Sir paper nen a rawm luh chhuan kan lo wish nghal var a, ''sit down'' a tih te chuan bul hmuk hmuk tak hi ani, ''awi ha'' Sangbawihi chuan a ti leh halh a vawin ah ringawt pawh vawi za chuang chu a ti tawh, ''ka ning e...'' Ka ti sep a, ''Rollno 1, 84 leh 77 ding rawh u'' a tih chuan kan kut kan in hmet tawn sak vak a, ''yes ka tel velo'' Sangbawihin a tih zawh chiah rualin, ''a dang zawng kha ground ah rawn chhuk ang che u in fail'' a ti ta hmuk a a tel velo chu pawi a ti ta khawp mai a rilru hah viau e tilo in Khawngaihi nen kan nuih vak vak a a tum vuau mai.






Sir lah chu a tum lian nasa mai a hmeltha viau lo seng chuan a hmelchhe tawh ngawt ang, ''hneawm e'' ka tih sep chuan, ''engtak min tih tir ang maw'' Khawngaih'in a lo ti ve bawk a chutah sir chuan, ''sawm theuh in awm khawm rawh u'' a tih leh tak ah chuan kan thian3 Dampuia, Zorina, Remruata leh Zawmtei te thian4 in kan awm ho a kan phun sep sep hlawm mai.





Chutia min then hrang tak ah chuan kan group leh group dang pa2 hi kan awm hnufual a midang zawng a chhoh tir hnu ah canteen lam ah kan chho a, ''thil min lei dawn a niang'' Sangbawih'in a ti a, ''I mawl e mai'' Khawngaih'in a lo tih sak chuan, ''ka uang a nih kha mawle'' a ti vin hlar a sir in a hrawk a rawn then nghal khurh chuan an ngawi dun dak mai.




Canteen ah pawh chuan tawp ta mai loin college lam ah kan zui zel a ground ah tak mai chuan darh sak takin min thingthit tir ta a lawm kan awmna a ual au mai sia zahthlak tak hi ani.





Ka hma ve deuh ah in hma tawn in Sangbawihi a thingthi a awmze nei lo lutukin kan in nuih thaw a Khawngaihi chu kan hlat mah mah bawk. Student ho an rawn chhuah tak sep sep ah chuan a zahthlak dan a nasa leh zual a sir lah in 'darkar2 tal in thingthi ang' a ti mauh mai sia e...ka kal theih pawh ka ring tawh lo, kan school ground a thingthi te chu ka awt khawp a he tah chuan a zahthlak dan hi a over.





A over fal ho lah in hnai te te ah min rawn bih a chu ai a nasa leh chhawng chu sir in paper min keng pharh tir leh theuh a 'test na ah ka fail' a la in ti kuau zui.




''Eh, lehkha zir thin ta che'' tih ri ah chuan ka sir lam hawi chuan ka dak chho vah a ka ner nang mai, ''min ti zak mai dawn a lawm ka chhuan ve tehreng cheu nen'' Lawman a tih leh chuan, ''ngawi mai teh aw'' ka ti sehchilh nawk a, Sangbawihi lam ka va hawi ve pawn Fela leh Francisa'n an lo ding chilh ve ran a Khawngaihi pawh a bialpa leh Tluangan an ding chilh ve bawk a an meng rum dun al al khawp mai.





''Eng ah nge I fail'' ka hma ah tak mai chuan a rawn thu hniam ve a ka melh kar ringawt, ''iva tlo ve'' ka paper ken lai melh a a nuih leh suk chuan ngei lutukin Aaren-a chu ka melh rum al a, ''kal mai teh'' ka ti hmuk a, ''ngawi mai teh'' a rawn tih bul ve hmuk phei chuan ka ngei rem rem lutuk hi ka sa chhuak vek thei takngial dawn in ka hria.






''Eng ah maw I fail'' rum em em a ka melh lai chuan a ti leh sup a, ''physics'' bul lutuk tak mai a ka tih chuan phun hlukin a ding mar vut a, ka en chhoh kar chuan a hawi kual thuak thuak a rawn thu hniam lekin, ''sweet I duh em, sweets'' a tih thawp sup a sweet rawp ta reng reng chu ka bu nghat a nui sukin a jacket ipte atang chuan lain a khek a, ban thei hek lo ka lo ang vei nghal mai bawk.





Sweet hmuam chuan ka en kar a nui sukin, ''a tui em?'' A ti leh sup a, ''tui'' ka ti zawi sep, ''tu maw I bialpa chu'' a rawn tih tak nghut ah chuan, ''Chhuangsanga'' ka lo ti nghal var a a meng rum nghal run in, ''tu nge?'' Bul lutuk a atih leh chuan, ''pangparhnima mawle'' ngaihsam fe hian ka tih leh mai a rawn nui sukin, ''pangparhnima, naupang ho vei ve em em lem deuh kha maw'' ho tih hmel lutuk a tih chuan ka tha a na ber mai, ''a ho lo ve chiang'' vin ring ngam silo a ka tih vak chuan nui hawk in, ''a ho'' a ti leh a tawng ka tum leh lai tak a, ''Daffodil stop talking'' sir in a rawn tih tak ah chuan ngawi karin ka awm a ka khup na lutuk tak mai pawh chu ka hre chunzawm nghal mawlh mawlh.




Aaren-a pawh chu tho in a kalsawn ve nghal daih a Sangbawihi lam ka hawi leh chuan min lo nuih tha a mit ko min san euh euh zui bawk a, a zak ve tawp lo anih saw.





Minute5 a ral leh hnu lawk ah sir chuan min chuh thlak tir ta daih a mahse ke a khur der der thei tho a step a chuhthlak phei chuan kal uluk a ngai nasa khawp mai. ''Mi tih zah chu a lo thiam phian kha'' Khawngaihi chuan a ti a, ''tehreng kha tiang bak bak'' phul hlut in Sangbawihi pawh chuan a ti ve chiam a ka lo thlawp dun khawp mai.






''Eng nge in sawi a?'' Kan thut thlak hnu a Sangbawih'in a tih chuan ka en ha a ka hrethiam lo tih a hria niang chu min nuih vur vurin, ''Aaren-a nen khan eng nge in sawi, awii ka lo en cheu khan ka lai thei'' ti in a nui kar kar a ho hi ka han ti mai mai khawp, min rawn thlek leh in, ''eng maw in sawi? Mi khan an en duh nasa mai cheu sia Aaren-a lah a chelo bik si'' a tih leh chuan ner nangin, ''ka va chhe awm bik ve'' ka tih hmuk chuan min han nuih deuh tha a, ''I chhia ka tih loh kha'' a ti leh a, ''thil in inbarh ten ka hria'' Khawngaih'in a rawn tih ve zeuh chuan ka nui nghal vur vur a, ''awi chutiang ka hmulo re re, eng nge?'' Sangbawihi pawh chuan a ti leh hlut a, ''awi henu hi a lai chiang lutuk'' tiin min han beng leh pawp a ka tum nghal hmuk mai. Ka laih pawh ka hrelo ka nui a ni ve mai.







Canteen lam a kan in zui chhoh chuan ka phun deuh ngar ngar a, ''I ninawm lutuk a na ve tho'' Khawngaihi chuan a rawn ti hlar a hmui ti pawrh in ka ngawi nghal hmak. Ka khup hi a thip sep sep a ka awmthiam hlol lo, ''darkar2 kha min thingthi tir tak tak ka lo ring hman a'' Sangbawih'in a ti a, ''darkar2 ang tho a nih kha'' ka lo ti vat a, ''a sual ve ngawt mai'' Sangbawihi nen kan tih rual chuan in en in kan han in nuih nghal ver ver a kan thiannui lah chuan, ''in thiamloh vang a nih kha'' a lo ti then a, henu pui hi chu aw a hrem ve tho sia......






''Naaa ka tho peih tawh lo momo ka duh'' kan thut thlak rual chuan ka ti nghal a, ''keipawh momo'' Sangbawih'in pawh chu ka hma ah a thu thla ve a Khawngaihi lam kan hawi chuan lawmlo lutuk hian min lo en dun kar a nui tha a, ''bialpa I neih tawh kha'' kan han tih leh zeuh phei chuan min ngei dun hmel teh e mahse a kal ve leh nghal tho.





A lo let leh chuan kan ei nghal vat a kan ril a tam tlang viau aniang in be mang pawh kan awmlo. ''Aw ka hrechhuak nizan kan haw hnu khan Muanpuian min rawn call a'' Sangbawih'in a rawn tih chuan ka thil ei hmuam tan hian ka melh a Khawngaihi lo chek tlak tlakin, ''lem rawh lem nghal vek rawh'' min kawk chung a a tih chuan thui awih ber ang mai hian ka han lem ve duak duak a, ''in renew leh tihna mi?'' Ka zawh tum ber a zawh tak ah chuan Sangbawihi chu ka ngaichang ve ran a, ''ka duh tawh teuh lo'' uar lutuk a atih zawh in, ''Daff-i-i ka neihsan ten a riang lutuk a nga sin'' a tih leh chiah chuan ka tum nghal hmuk a Khawngaihi nen za lutuk in an nui nghal vak vak a, ''a ve che ka duh chuan ka nei nghal thei'' ka tih deuh hlar chuan nuih insum lutuk a min melh dunin, ''dik chiah a duh chuan a nei thei reng kan Hmangaihi hian'' An tih leh lek phei chuan ka lawm loh na zual in ka tho daih a, ''ka ei man pawh ka pe dawn lo'' min pek sak dawn tih ka chiang em avang chuan ka chhuak nghal nal nal a lawm lo lutukin thingkungin a hual hnulh bula thutna awm ah chuan ka va thu tum ta vuau a ka lawm phah lem hlei lo a.







Keimah te a ka phun sep sep chuan min si chet hian ka bulah a rawn thu thla a tu nge tih en ka tum lai tak a, ''I va han tum nasa vel vual ve'' ka dar a kuah pah in a ti a, a mah chu en zawkin, ''I va han zaklo tak'' tiin a ban chu ka dah thlak sak pawp a nui huah huahin, ''engtik ah maw ka thianpa chu I yes dawn'' mit siai zeuh a atih hnu ah, ''Hmangaih'' Zohmaa chuan a ti leh kher a lawm loh sa nen ka lawm loh belh nasa kher mai.






''Ti khan min ko re re suh'' bul hmuk chuan ka ti a la nui deuh vur vur a, ''tinge? Hriata koh chauh ami I duh'' a ti leh phei chuan ka ding nghal uaih a, ''I va han ninawm tak'' ring lutuk tak mai a ka tih vak chuan kan chheh vel ami te chu an rawn hawi thap a ka bula mi lah chuan min nuih vur vur ringawt a ka ngei lutuk bawk nen a hnungah chuan ka beng vak a, eu ngawn ngawn a, ''I khut thlak ana lutuk Hmangaih'' a tih leh kher chuan ka benna kut chu thip ve viau mahse ka beng nawn leh kher a, ''A duh ve tak tak che nia'' min chen tawk tur vel a ding in pangai tak chuan a ti leh a, ka ngawi kar ringawt.







Ka en ve kar chuan ding ngil vutin, ''chhang ve maila'' a tih leh chuan ka ning lutuk hi ka sa pep pep tawh, '' 'aih' ka tih vek tawh kha'' rum ul chuan ka ti a rawn nui hawkin, '' 'aw' ti ve mai ta che'' a tih lek kher chuan rum lutukin ka melh chho kar a tawng ka tum leh chiah rual a, ''hetah eng nge In tih?'' Tih ri ah chuan aw(voice) rawn chhuah na lam chu ka hawi thuai a Urina ka hmuh chuan lawm lutuk hian love sign ka hmuh zeuh a a nuih hawk hawk lai chuan Zohmaa chu rum lutuk hian ka han melh chho leh kar a ka kalsawn nghal nal nal bawk.






******.


Show post links
Top

[Ngaia]

Chapter_12




★



Uhriata thianpa Zohmaa nen kan in hmuh atang khan kar khat lai a liam leh tawh in July thla kan chhung kai leh tawh a term exam pawh a hnai tawh khawp mai.





Saturday ani a Urina ten picnic na ah kal turin min sawm ve a Sangbawihi nen peih lo viau mah ila Khawngaihi a phur nasa bawk sia kan kal ve tawp dawn. Mahni aia upate zing a tal tal chu nuam kan ti lem lo a mahse kan thiani hian bialpa a nei ta tlat a duh lo mah ila kan tal kan tal tawh chu ani ber.





*I hman tawh em* lehlam atang chuan Sangbawih'in a rawn ti lang lang a.

*hman lo*

*enteh chhuah vah ka phur theih nen vawin chu ka peihloh dan hi a nasa tawp* ava han uar tak.

*keipawh ka peih lo e...ka lo kal lo mai ang*

*hmeli in siam rawh ka lo sawm ang che* a off leh nghal hmak tawh hi...



Phur em em lo chuan ka in siam ve malh malh a tops nghawng nei a grey leh torn jeans hain ka sam ka thlah deuh tawp a ka hman chu ani der.



Sitting room lam a ka chhuah phei chuan kanu te pawh chhuah in peih atin an lo awm tawh a min hmuh rualin, ''tui chen ve te tum loh tur'' a ti nghal a, ''cheng duh pawh ni ila ka thiam lo'' ka ti ve zat a phur loh sa nen a, ''Bawihte in exam chu engtik maw'' kapa in dam dup a a rawn tih ve chuan ka hriat loh thu a changin, ''a hnai ve tawh viau ang, Zitirtuten engmah an la sawilo a'' ka ti ve mai a anni pawh muang chang tawh loin an in phur chhuak thuai a rei loh a Sangbawihi pawh a rawn lang nghal a, jeans hain Kamis pink a ha leh deuh tawp a vans a bun bawk a a chelo viau tho mai.





''I hman diam tawh ami'' ka thutna ah min si chet in a rawn thu a, ''hmam diam engtin nge kan kal dawn'' ka lo ti thuai a, ''min rawn sawm mai ang'' a tih chuan ka bu nghat a, ''pheikhawk va bun sa rawh'' a ti leh chuan ka ke lam ka bih nghal zat a chapal tlawng a nih hi ka lo la bun. Room ah lutin vans ka bun ve tawp a ka chhuah leh rualin, ''an lo thleng'' tiin a tho thurh a min rawn en in, ''I chelo ber'' a tih fiam chuan, ''ka hria'' ka lo ti var a bag pawh ak peih loin ka phone leh poisa Sangbawihi ka ah tir a kan in zui chhuak nghal bawk.





Gate atang kan chhuah chuan Urina leh Francis-a an lo awm a, ''lo chuang rawh u, midang an kal tawh'' Francisa'n a tih chuan muang chang loin Urina bike ah chuan ka lawn ve thuai a ka thut fel rualin a tlan zui mai bawk.




Minute engzah nge kan tlan tawh pawh ka hrelo kan thleng har hi ka ti tawh lutuk, ''engtik ah nge kan thleng dawn'' Urina kawng ah ka va kuah a ka kawng te hi a kham deuh tung tawh, ''kan tleng tep'' a rawn tih lauh chuan a hnungah ka bei tawp a nizan lam ah film en in ka meng rei vak a ka mut te lam lam a chhuak. ''Engtik ah naw Jason-a alo haw dawn'' ka chhin deuh siar siar lai a a rawn tih lauh chuan, ''ka hre nang a kal na a la reiloh em kha mawle'' ka ti vak a, ''I thinchhe lutuk'' a la rawn ti hram a, nge maw thinchhia hi min tih hlawm ziah ni ka zaidam ve teh reng nen hian.



.
.



Bike a ding dat chuan ka meng diar diar a, ''henu hi a mu thlu e law'' ka hma ah tak Lawma a rawn ding a, ''em em che chuan'' Tluangan a rawn ti ve leh a, "ka lo kal ve hram hram a nih hi, in ninawm e a'' tiin ka chhuk ve thuai a ka han hawi kual nak chuan a nuam nghal tawp mai, a changkang in a mawi zek a mahse ka hriat ngailoh an awm nual a Urina thiante chu an nih ka ring.






''Khaw nge Sangbawihi te an awm'' ka hmuh mai loh avang chuan ka ti a, ''saw, pool bula in te ah sawn'' Lawman a tih chuan chhang tawh lem loin a sawina lam chu ka pan nghal nulh a ka thleng tep tih a Aaren-a leh hmeichhe pakhat hi an rawn in zui a a kalpui nu lah chu a nui nasa khawp a hman ni a a phurh nu kha a ni in ka hria.





Aaren a chuan shirt var leh kekawrbul hi a ha deuh tawp a a chhelo leh viau tho a mahse a kalpui nu vang hrim hrim sawn tun ah tak chuan tha ka tilo. Kan in kal pel mai ang chu tih nak a laiin eng thil ah emaw tak hian ka in palh leh pawp a ka tlu chiang khawp mai, ''anu..anah'' ring mangkheng in ka ti chhuak nghal tuar a, ''I zeilo lutuk'' tih pah a min tung tho nawlh tu chu melh pawh melh loin ka khup sawh deuh pawp chu ka tuai vut vut a a thip zek bawk nen ka ke chu ka per deuh tan tan, ''ana viau em ni'' rawn kun hniam deuh a atih leh chuan khup thip bawk nen, ''na lo se ka tuai ka tuai nang'' ka ti teu hlar a a rawn nuih leh suk phei chuan ngei lutukin ka melh nghal rawm rawm a, a nuihza hmel te lah chu a tha phian lehnghal.






''Sweet I duh em?'' Rum uchuak a ka melh lai chuan a ti ta deih a, nge maw kan in hmuh ve apiang a sweet a tih ziah tih ka ngaihtuah lai tak a, ''Pekhlu kal tawh ila'' tih ri ka hriat chuan ka mood a chhe zual sauh a ner sawkin, ''va kal tawh rawh Pekhlu'' ti ve kher in keimah zawk chu ka kalsawn nghal hlawk hlawk a, ti nge maw ka mood hi a dik theih re re loh mai ni.






Tum vuau a ka va luh chuan Sangbawih'in min lo nuih tha a, ''I ti tau leh tawh mi'' a ti a, chhang lem loin thutna in hung ah chuan ka thu thla tharh a, ''ka khup hi a thip lutuk'' ka ti ringawt a, ''I rawn tlu mi'' khawngaih'in a rawn tih ve chuan a thutna lam ka melh thuai a Mawitea nen in hnaih uchuak in an lo thu dun a, ''ka sawi peih lo'' ka tih khum hmuk chuan ka thlu ani tih hre chiang em em tu te pa2 chu an nui duh uar uar a.





''Tui cheng ve ila''

''In thlak na ka ken loh kha'' ka ti pangai ve mai a Sangbawihi bawk chuan tui a cheng ve chak thu hlir a sawi, Mawitea leh Khawngaihi te kha chu an inzui chhuak leh daih tawh a, Sangbawihi nen chuan kan la thu char char, ''en teh'' ka ti deuh hluai a Sangbawihi lam ka hawi chuan min lo en kur chungin, ''ka en che''






''Star thar ka nei'' ka ti zo chiah tih ah ka thutna ah rawn in sawn rawk rawkin, ''engzat?'' A tih chuan ka ner nghal nang a, ''pa1'' ka tih hmuk lah chuan, ''I neih tlem ber tum'' a la ti ta deuh deuh a ka ngah theih hmel khawp mai.





''Tu nge a, a chhelo em'' a tih leh zat chuan uar mangkheng in a chhiat loh thu ka sawi chiam a, ''keipawh chhelo tih deuh chu ka nei a'' a ti a ka nuih nghal tet tet, ''mahse bialnu a nei a ngem le..'' A ti a, ''awi...a nei ve a ngem leee'' ka lo ti ve thuai a bialnu an neih chuan a hit lo thei em.





''Sawi la'' nuih var var a ka tih chuan, ''sawi hmasa rawh'' a ti a.

''Sawi mai mai teh''

''Ka zawh hmasak che kha''

''Ka sawi lo a nga nimai''

''I phakar thei lutuk Daffodil''

''Anih leh'' tiin a beng ah ka hrilh ru sep a ring lutuk tak mai a rawn khek tuar in, ''a chelo ve em a lawm a hot nasa mai si'' a tih zawh hnu ah min rawn hrilh ru ve sep a lai lutukin kan in nuih tawn vur vur ringawt.





''Khawngaihi chu a induh e mai ka hrilh dawn lo'' pawn lam ah kan inzui chhuak a pool hma chiah a in thenna ah chuan kan thu thla dun a nui var varin, ''ka hrilh bik teuh lo...a in la e mai'' a ti ve zat a.




tui a ke chiah a duh deuh tlat avangin min thoh san daih a ka mut a chhuak ang reng nen ka thut dan chu siam rem in ka sir a thir chu ka ngeng dawr dawr a earphone a hla ngaithlain ka ipte a rawmawl chuan ka hmai khuh in ka chhing nghal diar diar a ka hla play chuan min awi ngei mai.




Ka hla ngaihthlak kar a tawng bul bul ri ka hriat chuan ka meng nghal diar diar a rawmawl chu la thla in ka thu tha sat sat a ka earphone pawt thla a, ''I mu thlu nghat nghat a'' Ka bula thu chu ka melh nghal thuai a ka mit ka nuai vak pawn a la thu tho.




''Ehe Uhriat'' ka ti sep a min nuih var varin, ''I mutui maw'' a ti a, ka la hamhaih deuh bawk nen ka bu nghat a ka hawi kual thuak chuan hmuh tur an lo tam khawp a Sangbawihi te ka hmu miah lo bawk nen ka awm a nuam lo nghal tung thei.




''In exam tep tawh em'' a rawn ti leh chuan ka en vat a a lo nui deuh suk bawk a ava han awkward e....



''Tep tawh ka ring'' ka ti mai a min chhangloin min en reng lehnghal, ka hmai chu tuai thuak thuakin,


''In lo kal ve a'' ka ti ta ngawt a bu nghat in, ''Rina te nen khan kan in kawn'' a tih chuan ka nuih suk a, ''Sangbawihi te awmna I hria em?'' Ka tih chuan a hriat loh thu in min chhang a ka thutna bul vel ka en thuak thuak pawh chuan ka hmel hriat ka hmu der lo. Urina te awmna ka zawh pawh chuan a hriat loh thu a sawi zel a ka tah te lam lam a chhuak, an ni ho hi min haw san daih te a nih ka ring.





Hmeichhe pa1 in Uhriata a rawn biak tak sep sep ah chuan Sangbawihi te chu ka call a signal a la awm map lo zui nen hrilh hai lutukin in ka tho tharh a kalsawn mai ka tum chuan ka ban rawn chelh tuvang chuan ka lehhawi leh thuai a, ''khaw nge I kal dawn'' Uhriatan a tih chuan ka thiante ka zawng tur thu ka sawi a, ka ban a chehna ka melh zeuh chuan thlah ve mai in a rawn ding chhuak a, ''ka kalpui ang che'' a ti a, a kalpui chu duh lo teh mah ila zawn dan tur hre hek lo ka bu deuh nghat a, ''kal ila'' a tih ruala, ''kal pui a ngailo'' ti hmuk ri ah chuan ka hawi let nghal thuai a ka lawm si zia hi.......






''U Aaren'' nui ver ver in ka ti a min en in a then suk. Ka koh apiang in tiang sawn a hmel a siam ziah a a awmzia pawh ka hrelo, ''rawn phei rawh'' a ti leh nghut a a tawng dan chu lawm lo viau mah ila ka phei dawn tho.




Ka pen hman awrh tih ah Uhriata chuan ka darah chelhin, ''ka kalpui ang che'' a ti nawn leh sup a dak vah a melh chhoin ka en ha, tawng ka tum chiah ti ah, ''thlah rawh'' a din na ngai a ding reng chung in Aaren-a chuan a ti leh hmuk a,



Ka dar a vawn na a thlah rual chuan Uhriata lam hawin, ''U Aaren-a rual sawn ka kal mai ang'' ka ti zo awrh tih ah min kai sawn nghal dawr dawr a bike an hung thap na lam pan chuan min pawt dawr dawr a a kal chak bawksi nen ka in palh khut khut reng a, tlem a awih deuh hlek kan chhuh tak ah phei chuan in pal pawp in ka thing thi nghal nawk a zing lam a ka khup nasa nen ka sawh nawn leh kher chu ka mittui a hnam sawk a ka lung a chhe ngawt bawk.





''A na mi'' rawn thu hniam a atih pawh chuan chhang lo in ka hmui ka pet vak a ka tluk na hi lung thil a ni kher bawk nen a nat dan hi ka sawi thiam lo.





''Ana viau em ni'' dam dap a atih leh chuan ngei lutukin, ''ti nge kha tia I kal hlawk hlawk kher a...'' Ka ti vak a ka mittui a rawn tla ve ngawt lehnghal, ''Sorry'' ka biang tawn tawn ah dawmin amah en thei turin min kuai dak deuh a, ''sorry tih khan a dam phah loh aw'' ti tiau in a kut ka vai sawn pawp a ka hmai tuai thuak thuakin ka ding chhuak a a la na zek lehngal.





Ner sawkin ka in beng fai thuak thuak a ka hma a thu ngur chu en pawh ka en peih lo, ''a la na em'' ava han tawng dam ve.




''Sawila'' chhang loin ka sam ka tuai mawlh mawlh a, ding ngil vah chu a har lam mah ani. Ka khup thla zawng zawng an zawi ni mai in ka hria, ke zawng(emaw zaw) ang mai hian an na thla riai riai a a thip em em mai bawk.




Kalsawn tum a ka in her chiah chu ka dar ah vuan chawt in min kuai her nawk a ka inring lo bawk nen ka te tuar a ka ke a zuk fan thei nia.





''A ninawm e...'' Ka ti hlar a min en karin, ''ana em?'' A ti leh.



''Na....a na rapthlak, a na thla rawih rawih mai a hreawm'' ka ti deuh tan tan a nui suk suk in, ''dam daih rawhse'' a ti a, ngei lutuk a ka melh rawm chuan, ''ka paw daih ang che aw'' ti in ka hma ah chuan a thu hniam a, min naute chei ve ngawt em mawni.






''Lo bawk rawh le...Sweets'' a tih sup chuan ka bawh nghal mai a, nui ri suk a min ding pui in min sep zeuh a, ''ala na rawih rawih em'' nuihza aw lutuk a atih chuan ka chhanglo ka thin a phu dup dup a, nuam ka ti vel lutuk hi a mak a mahse a mak lo ka star ruk ve ngei kha a nia ka na reng ka hre tawh map lo.





Thui vak lo a kal hnu ah chuan kan thiante awmna chu kan pawh nghal thuai a min hmuh rualin min rawn pan sup sup a, ''ngati nge'' Khawngaih'in a tih zeuh chuan ka nui tawk tuk a, chhuh tum a ka tal deuh chuan min paw tu lah chuan min sep tha deuh deuh a, ''a dik ta thlap e'' Lawma chuan kut a beng thuk thuk a, ''that's it'' Fela'n a lo ti ve bawk a, an mawl ta em mawni ti a ka melh tawn zak zak chuan rawn kal hnai in ka chalah a dem deuh pawp a, ''I tlo siah'' a la ti ve ngawt zui.






''Ti khan min nem dak awrh kher zel suh Lawm hmelchhia'' ka ti deuh vak a min paw tu chu a nui che dawt a, nur nang a min en in, ''ka hmelchhe lo tih ka hria'' ti vei hmakin a kalsawn thurh a, ''ka chhuk duh ania'' ka ti sep a rawn hawi phei deuhin, ''khawiah'' a ti nghut, ''khawiah pawh'' ka lo ti ve nghal hlar. Tawng nghut nghut zel mai.







Thing kung bula thutna awm ah chuan min ngat a, ''dam rawh se'' ti leh sup in a kalsawn vut a, ka en ha lai a, ''awi nuam iti ber'' zawi sep a tih na lam chu ka lehhawi thuai a Sangbawihi chuan min lo nuih vur vur a, ''ka...'' Ka ti hman awrh tih ah ka han beng deuh pawp a, ''ti nge min kalsan vek a'' ring tha lutuk in ka ti nghal hlar a, ''I ho emai'' a la ti daih zui.





Dar 4 a rik chuan haw an ti nghal sup sup a, ''haw hma kan van tum em em'' ka tih chuan, ''Uhriata te kha I hmu em, an tam bawk sia Aû te ho hian an ning deuh'' Sangbawih'in a tih chuan ka bu nghut a Uhriata te ho kha chu an tha hnem ve bawk em ani.





Bike an hung na lam ah kan in zui cho leh sap sap a kal chak thei hek lo muang changin Sangbawihi nen kan kal ve chhet chhet a kan hma a kal te chuan ka mit an la ti kham em em zui, ''en teh zing a tang khan an in zui tawh'' Aaren-a leh a kalpui nu te melh zeuh chuan Sangbawih'in a ti sep a, ''I hnim ruih em'' a tih leh zat chuan ka nui uar uar a em em hian a, ''star mah ila hnim ruih nachan tur a awm hrih lo'' ka ti a, ''a chhelo e'' a tih leh sep chuan, ''I star pa chauh kha ngaihtuah rawh'' ka tih sak chuan nur nang a min en in, ''kan la in be lo'' a ti ve hlial a ka nui ka nui mai.





Tluanga kha a star ve ngei a, Aaren-a tih loh ah chuan an thianho zing ah hian a tawng tam lo ve a, ngawi chet chet kan tih ang chi kha ani ve a mahse a nelawm tho....biak chuan tha deuh deuhin min be thin a, amah hi a fel a a chelo bawk. An thianho hi chu an chhelo hrim hrim, ka thinlai-a ve hi chu sawi lo zawk teh ang tawng nghut nghut bak thiam a nei hranpa lo mahse e....a tha fulfillllll....







******.


Kan inngaihzawn tir duh tawh a ngem
tu nge chhantupa ni se in duh lo sawi ve ula??


Show post links
Top