STARS AND I BY Ruat Hlui (Completed)

[Ngaia]

Chapter_19



Spelling mistake a awm zeuh zeuh ka ring a chhiar dan lo thiam mao ru aw..🥰



''In va haw har ve'' Urinan a tih pawh chu nghaihsak lem lo in Aaren-a chu ka en ngar a, a tum hmuk bawk nen lawm loh na a neih ka ring nghal hmiah.



''Ka han inthlak dawn'' Sangbawihin a tih tak ah chuan keipawn chu engmah sawilo in bathroom lam ah ka lut phei vat a, ka zung zo chu ka awm a nuam ngei mai, ka chhuah hma in ka phone ka en leh te te a dar5 alo ri deuh chiah a Kanu in min call amaw ka tih kha Aaren-a vek a lo nia *in la haw dawn lo ami* tih message a lo awm bawk a, a va han pawi....midang awm ve khan ka rilru a la peng nasa lutuk a Aaren-a call ka ngai tih ka lo theihnghilh daih a, a pawi hi ani tawp.




In tuai mam thuak thuak in ka chhuak a, ''ka haw a nia'' ring ve deuh in ka ti a, ''zan ah I inkhawm dawn em'' step rawn chhuh pah a Sangbawihin a tih chuan lu ka lo thing ringawt a ka hma ah tak Aaren-a a rawn ding zat bawk a ka nuih ver ver a ala nui ve miah lo zui.




Cap a khum bawk nen ka thlek ha a, ''call I chhang theilo a'' a hmel en aiin a tawng dam daih, ''ka theihnghilh deih a'' inthiam chiah lo a ka tih zawi sep chuan min kal pel nghal vut a, ''ti nge a'' Francis-a rawn phei hnen ah chuan hamhaih deuhin ka ti nghal ha a , ''um la'' a tih chuan ka chhuak ve nghal thuai a gate bula ding chu pan thuai in ka kai nghal hmiah a, min rawn en thlak vut chuan nuih sen sen in a kut kar ah ka kut ka rawlh lut zat chuan ka kut a hmer deuh salh a, ''min lo thlah'' thlek meuh a ka zawh chuan nui deuh sukin a bu nghat a, ka awm a nuam nghal veng veng mai.





Kan in awmna lam a kan inzui phei chu mi tawh kan nei ve zeuh zeuh nen ka zak reuh ngei mai a mahse ka kut ka la sawn duh bik der silo a puitling lam kan tawk lo chu a tha ah ngai deuh tawp tawh mai ang.




''Zanah inkhawm I tum em'' kan in thleng tep ah chuan ka ti a, kan ngawi rei dun ngat ngat lutuk chu a ninawm lek lek alawm le.., ''tum lo'' a tih hmuk chuan ka thlek nghal vat a min rawn en ve zawkin hma lam a en lehnghal a, engtak chu ngaihtuah ve ang maw?





Engmah zawt zui lem lo chuan kan kal dun ve hnak hnak a kan in thleng tep ah chuan, ''chaw ei tui'' ding dat in ka ti sep a, ''umm'' ka kaihna chu phelhin ka biangah a dawm zat a, akut pawh thlak ka tum lah chuan a dawm nghet mai bawk si nen rum deuh a melh in, ''mi an lo kal a nge'' ka tih hlak chuan a nui deuh suk ringawt a, ''Ka lo bia ang che'' ti sup in ka hmui ah a fawp zeuh a, ''chaw ei tui le'' a tih zawh rualin Urina te inlam panin a kal lehnghal a kei ka din ngai in ka la ding reng a ka a mai dawn in ka hria.





Ka biang dawmin ka khi vur vur a ka chheh vel ka hawi thuak thuak chuan tumah ka hmulo hlauh a, ring ang reng deuh a au tuarin kan inlam ah ka tlan phei nghal vat a ka hlim lutuk hi ka khi hui reng mai.





In ka lut chu ka chhung ten chaw an lo ei mek a kanu in min hmuh rualin min lo zilh nghal nek a an chaw eina sirah nui vur vur chungin ka ding ve ran a, ka nu ang zo chu room ah lutin ka inthlak nghal vat a chaw pawh ei tawh lem loin ka mu thak a reilo ah inkhawm dar a ri thuai a ka room atang a ka chhuah chuan kapa te pawh inkhawm in peih deuh in sofa ah kanu nen an lo thu dun a ka chhuak phei min hmuh rualin, ''inkhawm I tum na nge'' kanu in a lo ti nghal vat a bu nghat in, ''lehkha kan lo zir a nge'' remote ban pah a ka tih chuan a awih lo a niang chu aner nasa khawp mai.






Kanu te ho an inzui chhuah chuan ka room lam ah lutin ka phone leh lukham vel lain sofa ah ka mu zar a, tv ring ang reng deuh a play in phone ka scroll ngat ngat a Aaren-an ka lo bia ang che a tih avangin a message ka chang ve ngat ngat a a reh rei tak phian avang chuan ka tum deuh bur tawh mai.





Whatsapp ah lutin status ka en kual vel a Sangbawihi leh Khawngaihin chuan vawin lam a ka thlalak ho kha an lo hmang ve ve a, group ah lutin emoji ka thawn tuar tuar a, a hnu deuh ah Khawngaihi pawh chuan sticker a rawn thawn ve chiam a inbe lem lo chuan kan in thawn chhawk ngat ngat a Sangbawihi chu a reh rei tawh khawp mai.





*ninawm*
A tawp ah chuan a rawn chhuak ve ta lawm.

*I va ngawi thei ve*
Khawngaihi pawh chuan alo ti ve zat a an in hnial nghal chu ani der.

*in bialpa te an uire*
Sangbawihin a tih chuan emoji nui lai lem hi ka thawn zat a Khawngaihi pawh chuan ho a tih hmel khawp mai.

*ka uang lo ania, hmeichhia an tam*
Tih a rawn send leh zat chuan group call a awm nghal zat a Khawngaihi ni.


*tak tak em ni a* kan lak kim rual chuan a ti nghal a, *a uang bak anilo ang* ho tih hmel fe a ka tih chuan Sangbawihi chu a teu nasa teh e.

*inkhawm dar nawn khan an rawn lut huk a lawm* a ti pawr hlar a, *in inah te chuan an awm huk zel alawm* ka ti ve vat a, ''sawi chiang la* Khawngaihi pawh chuan a ti vat a a aw atang rengin a thinrim hmel.


*aw..an rawn lut huk ka tih chu mawle*

*tu te nge ka zawt reng che lawm*
Khawngahi pawh chuan a ti pawt hlar a ngawi reng in ka lo ngaithla tawh thung.

*Urina thian te leh Hmeichhia pa5 vel, eitur la tur a ka chhuh in an lo awm teuh a Aaren-a phei chu hmeichhe inkar ah a thu*


*an la awm em?* Khawngaihin a tih leh chuan a chhan na tur nghak in ka ngawi kar a *aw* a pawh rualin ka off nghal hmak bawk, ka mutna tang tho sawk sawkin room lam ah ka in pawm lut a khum ka thut rualin Aaren-a ka call zat a, zam viau eng ang mahila ka lawm lo nasa...



Phone ring chu ka ngaithla kar a min hmu tu awmse chuan min be ngam lo ang tih tur khawp in ka tum nasa a ala ring ral thak zui. *an chhuak hlawm chiah* tih chu ka en kur a Sangbawihi thleng thleng chuan ka ngei thei mai dawn a ka hriat reuh chule.



Kanu te lo haw pawh chuan khum ah thu in ka tum deuh bar a Message lah chu ala thleng theilo lehnghal a Lalpekhlua pui chu ka ngei reuh tak tak ani 'ka lo bia ang che' te ati vel a dawt sawi thei leh lutuk, tlai ah te lah khan min la tum khum leh nghal a ka ngei reuh tak tak ani.




******.




''Enteh Sir khi'' Sangbawihin a tih sep chuan amah melh zawkin sir lam chu ka hawi ve thuai a zirlai explain in text bu abih deuh ngar a ka sir ami lah chu anui kar kar a a eng a chu nge maw anuih bik ni.



''Ka ril hi atam tawh e'' nuih na tur hre ve hek lo chu ka ti sep a, ''dar a ri tep tawh ang'' Khawngaihin a rawn tih ve chuan ka sana chu ka melh vat a minute 10 lai alo la awm, ''english note ka copy dawn ania'' ka ti leh zat chuan a bu nghat a Sangbawihi pawh in a copy ve tur thu a rawn sawi ve sep bawk a class ah hi chuan kan concen lo ve thei ngawt mai.





Nizan lam ah khan Aaren-a chuan min text lo tak tak a zing lam ah a morning wish leh a call chu awm tho mahse ka reply peih ta lo kha ania, ka hman lo zawk hrim hrim zawk mawle, ka harh har bawk a ka thoh rualin ka insiam nghal a chaw pawh ei hman lo in ka chhuak nghal a, lo hman ta tehreng pawh ni ila ka reply chu ka ring chuang lo.




Thawk la hakin lecturn a sir ding chu ka melh ralh a ka mawng kham nen ka hne hlui tawh mai, ''in inbe tawh em'' Sangbawihin a rawn tih chuan lu ka thing mai a ani pawh a ngawi veleh nghal mai bawk a, dar mawlh chu ani ri har tawh chu.





Canteen lam ah kan in zui chho a Khawngahi lah chu ka dar kuah in a kal kher a ka khuah phak ve mang silo a lehkhabu pawm in ka kal ve hnak hnak a ka thiante hi kei aiin an sang ve ve a ka dar kuah hi an ching riau thin a ka ning reuh tak tak.





Kan thut thlak rualin Sangbawihi nen note chu kan copy a kan ei tur la turin Khawngaihi a kal sawn ve nghal a, tam a nilo bawk nen alo let leh chuan kan copy zo tawh, ''tunlai an momo hi a tui lo thei e'' thial pah chuan ka ti a, ''an inthlah dah ve a niang chu'' Khawngaihi lah chuan ho tih hmel zet hian a ti a a chow chu a ei pah bawk, ''nizan ah in inbe hlawm em?'' Sangbawihin a rawn tih tak ah chuan sawi tur nei hek lo Khawngaihi chu ka melh nghal vat a, soup in pah a kan thian dun chu min melhin a ner nang a, ''Daff-i kha zawt ve mai la''Sangbawihi hnen a atih chuan, ''sawi tur ka nei hlei nem'' ka lo ti vat a min awih hmel loh khawp mai.





''Lalmawizuala ve saw ka call a chhang thei re re hleinem'' thut nghil pah a atih pawr tak hlar chuan Sangbawihi nen kan in melh nghal zawk a, ''pawi ve'' kan ti sep a, ''ninawm e mai bialpa neih chu ka then daih dawn'' a tih leh hlak chuan kan awih lo dun khawp a, ''I hmuh vel ah kan sawi sak ang che'' kan tih zat chuan rum deuh hian min melh a, ''I zawt em?'' Ti a min melh chuan a sawi awmzia hria in lu ka thing vat a, ''ho e mai'' nui sang hian ka ti a ka thil ei lai ka ei chhunzawm daih bawk a min zawt zui lem lo.






''Naute u'' ti lauh ri ah chuan hawi lo mahila Lawma aw ani tih ka chiang khawp mai, ''thil ei lah hi in thei zek a'' Felan a ti ve a, kan awmna an rawn thleng chawpchilh mai bawk.
''I handwriting chu a mawi kha'' ka note pharh rawn thlek pah a atih lung lung chuan ka khup nghal hmak a, ''thinchhe si'' a tih leh reuh chuan rum deuh a melh chho in, ''I hmeichhia'' ka ti deuh tawng a, sawi tur dang hre hek lo le.





''Saw mi te pa2 in thlem nasat zia saw'' ti a Sangbawihin thukverh pawn lam a kawh chuan ka hawi phei vat a Mawitea leh Khawngaihi an lo in ding chilh ran a, engtik lai khan nge an chhuah ka hre miah lo, ''a nuih leh vur vur tawh saw'' ner nang a tiin Sangbawihi chu ka melh zeuh a, ka hma lam ka hawi leh chiah chuan chiang mang kheng in Aaren-a nen kan in melh fuh chat a Khawngaihi thutna ah thuin chair hnung chu a ngheng dawr dawr a cap a khum lo ve teh mial a, a hairstyle lah chu ala in hmeh phian zui.





Ka en reng lai a, ''text I hmu em'' a rawn tih sup chuan ner khum nangin pawn lam chu ka hawi nghal hmak a, ''titau te pawh I an kha'' hnunglam atang a Francis-an a rawn tih pawh chuan chhang loin ka ner nang nang a Khawngaihi te lah chu an la in kai rial zui a a thinrim reilo ve ngawt mai.





''Pekhlu, class ila nei em'' tih ri ah chuan ka hawi chhuak vat a Aaren-a sir ah chuan Hailey kha a ding ran a an pa2 a an in en ka hmuh te chuan ka hma a thu pa chu ka ngei ber bur khawp a tlawh zawt mai te chu ka chak a chutah lah Sangbawihin, ''nizan ah khan khi nu pui khi a awm ve'' ka beng bul a a rawn tih sap chuan rum deuh hian ka melh nghal a, ''eng nge ve che'' a ti deuh hlar a, lawm na tur hi ka hmu lo re re.





''Neilo'' ti hmuk ri ah chuan ka hmalam chu ka en leh thuai a Aaren-a lah chuan chiang deuh hian min lo en kur a ka lai tep a lawm le, ''min tlah lawk mai la, kanu in min lo call sek bawk nen'' chunnu in a tih leh chuan insum thei hek lo Aaren-a melh chung chuan ka ner nghal sawk a, ''ava han inla no e'' ka beng bul a arawn tih leh chuan, ''ka hre ve reng'' ka lo ti nghal hmuk chuan ka sir kual a ding te leh ka hma a thu run te chuan min melh nghal vut hlawm a ka sawi ring ve em a.





''Tawng zawi ve mai ta che'' Sangbawihi bawkin a tih leh chuan a hnung ah ka beng sak pawp a a ngawi ta dak a, ''I hman em'' Hailey bawk chuan a ti no leh hluam a ka va han ei lo chiang kuang tak e aw...




Engtin tak chhang ang maw ti a Aaren-a ka melh ve kar chuan min en run run a hmui hnuai liak zeuhin, ''hman'' a ti nghut a, ka hawisawn rang teh a sin duh leh inthlak kawi nuai se nimai a lawm le.




Pawn lam a thing ding chu ka en vang vang a ka sa huam a ka ngui nghal bur mai hian ka hria a ka hma athu mek pa chu ka ngei em em bawk a asir a ding nu phei saw chu ka sawi peih lo zawk, ka awm te lah chu a nuam lo hlui a dawhkhan hnuai a ka kut chu ka elh kual vel a engtak nge ka en pawh chu ka hre lo, ka hma a thu te chu ani ka rilru ah awm daih chu.




''Tu emaw chu a lawm lo chiang'' ka thutna sawi dawt pah a Lawman a tih chuan hnunglam hawi in a ban ah tak ka chum deuh pawp a, ''thinchhe si'' ti hlukin a ban a tuai ang vut vut a ka va han ei lo tak. ''Kal tawh ila'' tih ah chuan hmalam chu ka en leh thuai a, kava han hawi zing mawlh mawlh tak, Min en deuh run run a a thoh chhuah chuan ka en chho ha a, ''ka kal dawn a sin'' a rawn tih deuh sup chuan ner nang in, ''I duh leh kal la'' ka ti hmak a, ''min lo nghak ang che'' a tih leh phei chuan ner nasa tak ka ni.





Ka hma a lehkhabu vel chu la khawm sawk sawkin ka ding zat a, ''kal vat vat ang, dar a ri dawn ania'' Sangbawihi pawh zeuh pah chuan ka ti a ani pawh a ding rang khawp mai, ''titau kan awm ange'' kan kal uk a rawn ti tu chu rum fahran hian ka melh a Aaren-a pawh en tawh loin ka kal sawn nghal dawr dawr a ri lo in ka phun mawlh nawlh bawk a hnunglam a Sangbawihi min koh na pawh chu ka chhang buai vel peih lo Lalpekhlua leh a thiante chu ka ngei em em a ani ringawt mai.




Class lak chhung zawng chuan ka tum hmuk a Sangbawihi lah pek chuan Khawngaihi bulah ka tum nasat zia leh ner kual nasat dan vel sawi in a nui kar kar a rum deuh a ka va melh lah chuan, ''I thik a nih kha, awm ka tih pui teh mai che ania'' tiin a kutzungpui a ti pir vah a kava han eilo tak e aw, ''rilru nat det lai lai a'' ti nang nang in dawhkhan ka bawh nghal daih a ka awm dan sawi thiam har lutuk chu ka ning hle a, engdang mah ngaihtuah theilo in Lalpekhlua hlir ka rilru ah a awm reuh a ka ngei bawk nen ka ning lutuk chu muthilh tum in ka chhing nghal hmiah a, a hnunghung ber ah kan thu bawk nen min man lo tur ah ngai ang.





Ka buai thei reuh lutuk a duh ang pawn ka regu thei hlawl lo....
Comment ve ang u aw


******......


Show post links
Top

[Ngaia]

Chapter_20




★




Dar3 a rik chuan dar a ri ve nghal a Miss a chhuah rualin kan inkhung nghal mawlh mawlh bawk a haw thuai thuai ka chak tawh khawp mai. ''I nghak dawn em'' classroom atang kan chhuah chuan Sangbawihin a ti sep a chhan pawh ka chhang peih lo, ''nghah pawh a ngai vak ami'' Khawngaihin a ti a, ''ngai pawh ka tilo'' Sangbawihi bawk in a tih leh chuan kan nui hak hak hlawm a gate lam ah kan inzui phei thuai a, kan chhuah rualin Mawitea helmet keng a ding run kan hmu nghal zat bawk.





''Ka thlah ang che'' kan chhuak a hmuh rualin a ti nghal a, tu nge a biak chu kan hrechhiang hlawm khawp mai, ''ka lawm e'' Sangbawihin a lo tih nghal var chuan Khawngaihi lam ah kalin a bag alak thlak sak a, ''ka be lo hrim hrim che ania'' Mawitean a tih chuan ka lo nui vur vur a Sangbawihi chuan a chhiat khum zeuh a, ''I khalh ah ka chuang peih vel lo'' ti hmakin taxi kan nghah na lam ah a phei nghal thauh thauh a nui deuh vur vur a zui ve mai ka tum chu, ''Aaren-a nghah I tum lo ami?'' a rawn tih deuh sup chuan ka nui tawp chiang khawp a, rum deuh a melhin, ''ka nghak peih hleinem'' ti a kal leh mai ka tum chu athu sawi avang chuan kal hnaih in a ban ah ka chum deuh pawp a, ''nghah a ngai hlei nem'' Khawngaihi pawh chuan a ti ve hmak a ngawi rengin Sangbawihi awmna lam ah ka phei san nghal daih bawk.





Pa hruaia lo thlen chuan kan thu lut nghal thuai a, kan tlan chhung zawngin Sangbawihi a tawng siam siam a ngawi rengin pawn lam chu ka thilir dauh dauh a engtak nge a sawi pawh chu ka hre lem lo, ka rilru te lah hi ngaihtuah loh tur tur a ngaihtuah a, tham nawk nawk ka chak kher mai.





Pa hruaia lah motor khalh chak lo chi ani bawk nen kan veng kawn a kan chhuh ve meuh chuan dar4 a ri hnai tawh khawp a muangchang loin in lam ah Sangbawihi nen kan inzui phei thuai a, ''zan ah lo leng la'' ti a min sawm chuan lo leng zawk tur in ka ti a, ''Khawngaihi ka lo sawm phei a nga spicy chhum ila'' phur deuh a atih chuan nui tawi takin ka bu ve nghat nghat a, ''lo kal hma ula'' phur hmel deuh a ka tih ve zat chuan a bu nghat a, an in zawn kan thleng thuai a ban in vai in a lut zui nghal mai bawk.





In ka lut chu kapa pawh alo haw tawh a kanu leh Umanunin eirawng an lo bawl a sofa ah thuin Rinan games a khel mawlh mawlh bawk a, ala addict hrim hrim ang. ''Ka lo haw zan..zan'' thawveng deuh a tiin kitchen lam ah ka lut phei nghal a, ''I va tlai ve'' ka nu in alo tih nghal zat chuan fridge atang a tui lachhuakin Pa hruaia tlan muang theih zia ka sawi nghal duah a, ''a tha daih zawk anih chu, chak deuh deuh a tlan hi chu a hlauhawm tlat'' a ti ve mai a, room lam ka pan hma in chawhmeh bel ka hawng hram a kanu lah pek chuan ka ban bulah min la beng kher zui.






''Min duat lo sia ka broken heart ve a sin'' ti nang nang in ka kal sawn a, ''khawi lam ah mah I broken heart lo'' room ka luh dawn a a rawn tih leh hram chuan kapa te lo nui hak hak chu ka han nuih pui ve leh a, room ah lutin ka in bual nghal a ka bag atang a lehkhabu lachhuakin dawhkhan ah ka dah hnuk a ka hnuk a ti ulh dawn a ka hriat chu le....a tam tham mai bawk si..exam a hnai si, tihngaihna hrelo lutukin ka han chum pawp a khum ah bawk thla hnawkin phone ka en zat a battery te lah chu a dam tawk tawk hi ani tawp.








Whatsapp ka luh rualin call a rawn lut nghal a Aaren-a hming ka hmuh rualin ka ner nghal sawk nia...pick lem lo chuan ka chat ka en thla diat diat a, a ring tawp ve mai bawk a *pick rawh* tih message a rawn luh leh rualin call a rawn lut leh zat a ka chhang chak loh zia chu nasa rapthlak tak ani. Nizan zawng zawng leh vawin a thil thleng belhkhawm hian ka ngei lutuk hi ka puak darh thei mai dawn ten ka in hria a ka lehkha zirtur tam bawk nen ka tah an ti chhuak hlui thei.





Vawi10 lai a rawn call tawh a lak pawh ka tum chuang lo nain a rawn rik leh chiah chuan ning lutuk in ka thu chhuak hluai a, *engvangin nge min lo nghah loh* ka pick rualin a ti nghal hmuk a ka ner nang mai...thinchhe ropui si, *Call I pick duh lo vel a* Pangai deuh a a rawn tih leh chuan ei lo tak hi ka ni, ngawi kar a tho chhuakin dawhkan bulah ka thu thla zat. a, *i hre thei em?* A tih leh pawh chuan ka ngawi ngul a he khawvel eng ka hmuh atang a ka tawng chak loh ber tum a ni.





A dawh thei vak tawh lo a niang chu thaw hawk ri ka hriat rualin, *Hmangaihzual* rawn ti ram hmak a, *Hello* ka lo ti ve nghal sep a ka ner ka ner pah bawk.





*Tawng vat ta che*
A ti hmuk mai.

*eng nge*
Ka ti ve hmuk a, ka lawm hlol lo.

*engvangin nge min lo nghah loh*
A tih leh nghut chuan

*engvangin nge ka nghah ang che*
Ka ti ve hmiah a, ngei awm ka in ti reuh khawp mai.


*ngawi mai teh*
Ka ner nghal nang mai, chan let ka tum chiah rualin ka phone a ri khep a ka en rualin a thi daih tih ka hre nghal mai bawk 5% chiah kha a awm hrim hrim a, a daih rei zawk khawp a alawm.




Lungawi lo deuh in ka phone chu ka charge nghal a, min la tawng khum hmuk hmuk zui a ka lo lawm loh vei nen a belhchhah chiang khawp mai.




Dar5 rik dawn ah chaw ei tur a min rawn koh chuan ka chhuak phei ve thuai a, chaw ei chhung zawngin kanu in lehkha zir tha tur in min zilh malh malh a zir that ka tum vel lai tak alo ni kher nen ka ning reuh khawp mai.





''Thla leh ah chuan kan exam tawh hrim hrim ang'' ka thleng chawi pah in ka ti a, "zir that hle a ngai anih chu'' a tih leh chuan ka kut hru hul sawk sawkin, ''nu, fail ta ila engtin nge min tih ang'' tiin ka en ha a kapa a lo nuih deuh hawk chuan, ''nui suh'' ka nu in a ti hlar a chutah min rawn enin, ''fail phawt la kan sawi dawn nia'' a tih chuan kitchen atang ka chhuak thuai a, fail vaih ilang chuan ka nasa lo khawp ang tihna ang vel ani.





Reilo ah Khawngaihi te an bag nen an rawn inzui lut a, ''nu, lehkha kan rawn zir dawn a'' Sangbawihin ka nu bula a tih chuan Khawngaihi nen kan lo ner nang a, ''va zir rawh u, lehkha zir nanchang te in hre ve ta lawm'' kanu lah pek chuan lawm hmel deuh hian alo ti a Sangbawihi pawh kan awmna lam hawiin a rawn nui sang a, ''nakin ah spicy kan rawn chhum ang dar8 ah'' tiin ka room lam ah a phei nghal daih a, zak lo ve tak chu ani.






Khawngaihin nen kan zui lut ve thuai a khum ah thuin, ''I phone a ri a atawp chiah'' a tih chuan ka phone charge chu ka en thuai a Aaren-a alo nia, vawi5 lai chu alo call hman anih hi mawle.




''I be duh lo ani maw'' ka phone rawn bih ve pah a Khawngaihin a tih chuan, ''be duh e'' ka lo ti vat a, ngei angreng viau mahila ka be chak miau a lawm le, ''Hailey an tih kha a ex anih ka ring tlat'' Sangbawihin a tih chuan, ''ni ve tho mai'' Khawngaihi pawh chuan alo ti ve thuai a, ka thinphu te lah chu an rang ve ringawt em mawni, ''awih awm loh e mai'' ti hluai in chair ah chuan ka thu thla a, ''a nih chuan a chak lo viau ang'' ka ti leh nghal zat chuan nui hak hak in, ''eng nge? A ho e..a ex ani ve ani mai a'' ngaihsam deuh a Sangbawihin a tih chuan ka dawhkhan a paper chu hlawm nawk nawkin ka vawm pawp a, ''I ninawm'' ka ti hlar a, ''I thik vel a nimaw'' a ti leh hram chuan ka melh khui a, ''kava han thik lo ve chiang'' ti hmakin ka phone ka bih vat a, ''I thik a nih kha'' a tih leh pawh chuan ka chhang tawh lo a ruk te hian ka awm a nuam lo viau a, a ex alo nih ngat phei chuan thik ve tak hi ka ni, an in pawh hmel nasa si.











Homework tih ngei ngei ngai kan neih vangin inbe loin kan ti hlawm a kan sir ah zawitein hla kan play bawk a kan tui ve hmel hlawp khawp mai. ''Ka ril a tam'' zik mar pah a ka tih chuan an thil ziah lai dahin an zi mar ve talh talh a, ''Daffodil'' tih a rik rualin ka nauin ka room khawngkhar a rawn hawng nghal a ham bui bui a ka lo en lai chuan, ''I thiante an lo leng a'' a tih chuan awih lo ve tak kani, ''kan leng reng a lawm Rinbawng, Daffodil-i hi û ve em em teh'' Khawngaihi chuan alo ti nghal zat zat a, ''I leng tih ka hre ve reng'' Rinan a ti deuh hlar a, ''nge I rawn sawi kher a'' ka lo tih ve zat chuan, ''I thiante an lo leng a anu in va ko rawh a ti lawm mawle'' ti hlar in a chhuak leh nghal daih a hamhaih deuh a ka thiante lam ka hawi chuan, ''tu nge lo leng a'' Sangbawihi pawh chuan a lo ti ve zat a lu ka lo thin khum ringawt.






''Va en chhin ang u'' Khawngaihin a tih chuan kan in zui chhuak hlawm a tu tak chu lo leng ang maw, school lam ah thiante chu nei ve nual mahila kan in ah tak hi chuan Ka best te tih loh hi chu an rawn kal ngailo hrim hrim a tu nge lo kal tih rinchhin nghaihna pawh ka hre nek lo e.





''Û eng nge inlo tih a'' Sangbawihin a tih tak hluai chuan sitting room lam ah chuan ka phei thuai a sofa ah Aaren-a, Urina, Mawitea leh Tluanga te an lo thu ka hmuh chuan mak ti lutukin ka en nghal ha a, ''ka thiante in ni mi'' ka tih hmuk chuan, ''thinchhe siah'' kan piah atang a tih ri ka hriat chuan ka leh hawi thuai a Lawma te ho an rawn phei a, hemi te thianho hi engvangin nge an rawn len ve ngawt a.





''Tih tur a awm lo em a kan lo leng ve ani mai a lawm tiraw Nu parte'' Urinan ka nu bula atih chuan kanu a lo nui hawk hawk a Urina nen hi chuan an in nel ve hrim hrim a, ''Bawihte, I û te hian thingpui te an in duh ang lum sak la'' kapa in a tih chuan ka ner nghal nang a, thingpui lum hi alawm ka thil hlauh thin chu, awmang lo viau mahse inleng kan neih te hian room lam ah ka phil bo nghal hmak zel.





Sangbawihi a rawn nuih hak chuan ka va chhum awk a, ''nute len chhuah in tum ami'' Khawngaihin a tih chuan kanu te chu ka en thuai a, chhuah tum tih hriat lutukin an awm hmun kawr nilo an ha.
''Eng nge in tih dawn a..'' Kanu in chhang a tum lai chuan ka lo ti nghal thuai a, ''I pi te inah kan va leng phei a nge'' a tih chuan, ''ka kal ve duh a sin'' ka lo ti nghal vat a, zan len an tum hi chuan ka zui ve nasa thei sia tun ah pawh hian kal chu ka duh ve reng Aaren-a biak loh theihna anih phei chuan zui ve ka chhak khawp a kanu lah pek chuan, ''ti khan lo awm mai mai rawh, kan rawn haw har ka ring'' a ti nghal a, ''Sangbawih in thiannu hi lo riahpui mai teh u kanu a dam sam chiah silo a kan riah thut te ka ring'' a tih leh chuan Phur lutukin Sangbawihi te chuan an lo chhang nghal var a, kanu te pawh Rina hruai in an chhuak nghal vat a kanu nu te in lam ah zawk an kal dawn a, chung in ka nel ve lem lo bawk.






Kawngka khar that zawh a ka let leh chu, ''thingpui chu han lum teh'' Lawman a tih chuan ka ner khum nang a, ''Daff-in thingpui a lum thiamlo'' Urinan a lo tih ve zat chuan, ''thiam reng'' ka lo ti nghal hlar a Aaren-a a rawn nuih hak chuan rum deuh in ka melh nghal vat a, ''a lum ngailo zawk mawle'' Urina bawkin a tih leh chuan ka ngei kher mai.





''Daff spicy chu chhum ang u'' kitchen lam atang a rawn chhuakin Khawngaihin a ti a, ''in lo lei sa em'' ka ti ve vat a bu nghatin, ''pa2 kan lei'' a tih chuan room lam ah lutin an bag ka va hak rak rak a spicy pocket hnih ka hmuh chuan ka chhuak leh nghal thuai a, ''kan ei ve duh ania'' Felan a rawn ti a, ''lei belh ula'' phur deuh a Sangbawihin a lo tih chuan, ''dawr a in kal peih chuan'' an lo ti nghal a, ''Daff va kal ila'' a ti a, ''drink lei tel ula'' ka ti ve leh a, ''I bialpa dil rawh'' Lawmeka pui chuan a rawn ti zauh a, lei chhuah zeuhin kitchen lam ah ka lut nghal daih a, ''lo kal ta che'' Sangbawihin a rawn tih lauh chuan ka chhuak phei leh vat a Aaren-a ka melh zeuh chuan nui suk in a ding nghal vut a, ''ka kalpui ang che'' ti a min melh kar chuan, ''kal ula'' tiin Sangbawihi chu ka melh zeuh a, kalsawn leh nghal mai ka tum chu ka kut ah chelh lawkin pawn lam ah min kai chhuak dawr dawr a, ka va hamhaih mai mai tak.





Gate kan chhuah chiah chuan harh chhuak thutin ka tang nghal tung a, awmzia a awm lo teh a sin, ''min thlah teh'' ti a ka kut pawh leh ka tum chuan a aia nghet a vuanin dawr thlen hma deuh hlek a waiting shed hnunglam ah chuan min kai lut dawr dawr a, a din dawt rualin a hnungah ka intoh pawp a, ''ninawm thei'' in la hrang nghal vut a tiin ka melh chho nghal rawm a, kalsawn nghal mai ka tum chu min kuai her pawp in ka biang ah a dawm nghal run a, min kuaih dak deuh chuan rum theihtawp in ka lo melh ve a, a thim ang reng si a min hmuh theih chiah pawh ka ringlo.
''Nizan atang min be duh lo a'' rawn kun hniam a atih sup chuan ner nang nang in, ''min be duhlo zawk a nih kha'' lawm lo lutuk a ka tih hmuk rualin ka ip nghal chawih bawk.





******.


Show post links
Top

[Ngaia]

Chapter_21


Ka inthlahrung viau na in ka regu thei thlawt lo......



★



Ka hmui a thip zawk chuan nem dawt in ka te nghal that a, ''nge min seh'' ka hmui khawih pah in ka ti hlar a, ''ka ngai che a'' ti sup a min khuah nghal hlun chuan ka thinrim ve na te kha ka hrechang tawhlo hial dawn in ka hria.




''Min lo nghak lo a'' tih bawk a sawi leh tak ah chuan ka lungawi lo thar ngei mai.




Tal chhuah tum a ka chet lah chuan min kuah nghet ang reng bawk si nen ka tan na lam ah ka hah vek thei, ''thinrim tawh lo la'' a tih leh tak sup ah chuan a awm ah hmai phum in, ''ka thinrim bawk lo'' ka ti sep a, ''min kuah ve la'' a tih leh pawh chuan che chang loin ka awm reng a, ''I thinrim a nih kha'' a rawn tih nghut chuan, ''nizan ah eng nge I tih'' ka tih ve sep chuan inla hrang hlek in ka dar ah a lu a nghat a, ''Rina te inah'' ti in a thaw hak a, ''nih chu..'' Thluk duah a tiin ka in la hrang nalh a, ka biang ah a dawm leh tawh!!






"Zing lam ah chiah I call ka hmu a" tiin chiang deuh hian min melh ran a ka zam mai dawn a lawm.., ''thinrim tawh suh'' ngelngawn deuh a atih chuan, ''ka thinrim lo" ka lo ti nghal vat a, ''Hailey kha..'' A tih leh rualin, ''I ex ami?'' Ka lo ti vat, ka hre chak miau a lawm le.




''Ni se I ti em?'' Ti a min zawh chuan chhang loin ka en kar a ka lawm loh zia mai chu. Rum deuh a ka melh lah chuan a khi deuh suk suk a ka ngei reuh kher mai, ''ninawm, kal tawh ang'' ti a in la hrang vut in hmanhmawh lutuk in ka kal sawn nghal hmawk hmawk a ala nui ri hawk zui, ka ngei ther ther lutuk.




Dawr chhung ah lutin drinks kan in kim tur lain spicy pa3 ka la bawk a, Aaren-a rawn lut chu ka lo melh nghal vat a, min en in ala khi sung zui, ''kha zawng kha mi'' ti a ka bul a a rawn ding chuan ka bu deuh nghut a, Nu mpi poisa a pek lai chuan sarang ah kan thil lei vel ka lo khung mawlh mawlh a, ''Zualte!'' ti a Nu mpi in min koh thut chuan ka en nghal ha a, min ti phu deuh reuh a lawm mawle.




''Ti nge?'' Ka hamhaih deuh bawk nen ka ti nghal tawng a min en phawk viau mai lehnghal, ''I hmui kha ti nge? I seh em ni a?!'' ti a chik deuh a min en chuan ka ip zawk hian ka hria, ''hei te hi maw..a...a thak reuh lutuk a ka seh vak a..'' Za lo deuh a nuih pah in ka ti niah niah a ka bula ding pa lah chu ala rawn nui chhuak hawk zui, rum deuh a melh in ka chhuak nal nal a, ka hmui ka khawih zeuh a ka zak ngei mai ala thip deuh reuh lehnghal a.







''Vanlalhmeltha'' tih pah a min rawn thlek chuan hmui ti phawrh vakin ka kal chak sauh a, min rawn kai in ka thil khai lai a ban zat bawk a, ''I hmui ala thak em'' nuih insum deuh a min melh chuan ding dat a melh rawm rawm in ka kal hel nghal a, nghet deuh a min rawn kai in ka biang a fawh zeuh chuan ka taksa chhung zawng zawng hi an mur chiai chiai thei.




Khuh khar a ka kut pawh let mai ka tum chu rawn hmer deuh salh in, ''Hailey kha ka thian chauh'' a rawn tih chuan ka melh nghal zawk a, ''umm'' ka beisei loh lutuk a rawn sawi thut nen bu nghat in ka ti ringawt a, ''I thik tur anilo'' a tih leh nghut chuan ka tah a chhuak nghal tet tet a, thaw hak in ka in pet ruh nghal teuh bawk, ''I hria ti raw?'' ti a min rawn thlek zeuh chuan ka bu nghat a hnuai lam bih in ka kal ve mawp mawp a ka khaw hmuh te chu an phei ruai tawh a, ka insum nasa lutuk te chu ka luruh a puak mai dawn in ka hria.





Ngawi reng chuan kan kal duh a ka kut ah chuan nghet deuh in a chelh tlat bawk a min en leh zawk thin bawk.
Engvangin nge Hailey chu ka thik theih lo tih te chu ka ngaihtuah reuh reuh a engmah ka ngaihtuah chhuak thei chhung lo...ka mittui tla tur chu ka tuai leh zeuh thin a ka la hawi chhuak miah lo bawk a ka awmdan chu hreawm tak ani.





Kan in kawt kan tleng chuan gate a hawng thuai a kawngka lam pan a kan kai lai chuan ka ding deuh dat avangin ani pawh a ding ve a, ''lut ila'' ti a min pawh mai a tum pawh chuan ka tang deuh tlat a a hmel en a ka hawi chhuah zeuh chuan min lo en chhung ve run a thaw hak a hnuai lam bih in aw ka thian kharh a, ''ti nge?'' min ngaihtuah hmel deuh a a rawn tih chuan ka kut pawt let in ka hum vak a, ''lut ang'' a tih zawh rualin, ''U Aaren'' ka ti sep a, ka aw te chu a ri che che ang vel ani.





''Ngawi mai teh'' a rawn ti deuh hlak chuan nui hakin ka hrawk ka han thian leh kharh kharh a, ''Aaren, in then ang'' a mah en hlei lo chuan ka ti ve leh a, ka sawi zo chiah chu ka mittui a far nghal fap a, ka hru nghal tawk bawk.




Kal sawn mai ka tum chu min pawt let in min kuah nghal vat a tal ve eng ang mah ila min tlah lo nasa, ''kha tiang sawi a ngai em ni?'' Rum ul a atih chuan ka ngawi deuh kar a ka rilru te lah chu ana telh telh mai hian ka hria a ka pik hluah hluah bawk, mahse ka thil sawi kha a pawi na ka hre lem lo.






''Min tlah teh'' thei leh thei lo a ka tih pawh chuan a che sawn eih lo, nghet lutuk a min kuah in, ''eng tin nge I awm?'' Ti a min zawh chuan insum thei tawh hek lo ka insut ri hak a, a hamhaih viau a niang chuan, ''ti nge?'' Hlauthawng deuh a tiin min nem hlat a tum rual chuan a kawng ah ka lo kuah nghal vat a insum tum eng ang mah ila ka insum theilo, ka tah na chhan lah ka hre thiam der lo lehnghal ka lung achhe em em a ni tawp.






''Daff''
''Ti nge ka thik theih loh'' a awm a hmai phum in ka ti deuh tiau a ka rilru ah thil dang alang thei tawh lo, thik lo tur a min tih ber lah chu ka thik em em mai bawk si..
''Tap lo la...'' Dam dap a atih phei chuan ban tum engah mahila ka tah a chhuak telh telh a, ka in ning hial tawh.
''Ani chu ka thian'' tah rin hlau fe a ka insum tang tang lai chuan tiin a thaw chhuak ham ham a ka hnungah a chul pah bawk.
''Ti nge?'' Ka lo ti let ve tiau a, ka zawh tum ber pawh a hriat mai ka ring.
''Ka sawi awmzia I hrelo anih kha, tap tawh suh a hreawm'' a tih leh chuan ka ngawi rauh rauh a, ka kut ka lak thlak rualin min nem hla dat a ka hmai ka hru fai thuak thuak a, ka biang dawm nghal runin min melh kalh a, a kut a ka biang a chul pawh chuan hnuai lam bih in hrawk ka thian kharh kharh a, ''ani chu ka tan engmah'' a ti thum hak a, ''nangchu eng kim'' min kuai dakin min en kar a, ''ka duh ber che avangin tumah thik duh suh ka duh ber dawn tho tho che, nangmah chiah'' a ti deuh nuai a, ka nui suk a hmu aninag chu..., ''tahbelh e'' ti a min fiam zeuh chuan ka melh rum nghal ul a, a kutzungpui a ka hmui hnuai a seh na lai ngei mai kha tawk zeuhin a then sak a, ''a thak leh chuan min hrilh ngei ngei ang che'' ka hmui melh ngar a atih chuan a ban bul ah chum awk in ka in her san hmak a, anuih hawk chuan ka nui ve nghal sen sen a, ka rilru nat na kha an thlawk bo zo vek a ka zak et et bawk a, ka lawm hma lutuk te chu mak ka Inti ber mai.






******.






Hun hi a kal chak khawp a first term exam pawh kan zo fel diam tawh a kan thian3 in kan fail thap a kanu chu pui tak ani.




Aaren-a nen pawh thla2 zet zawn kan inngaizawng ve tawh a ka la duh telh telh zui, ka rin aiin a thikthu a chhe daih a Khawngaihi ten ka dar a min kuah a hmuh fuh te hian a peih thlak sak pawp zel. Uhriata pawn min la be ve zeuh zeuh a phone ah tak chuan ka reply ngai lem lo a, canteen a min hmuh fuh hian min be deuh ziah a Aaren-a lo awm fuh chuan keimah min melh rum nghal daih zel bawk.





October thla kan chuang kai tawh a, nitei ka ni tep tawh tihna anih chu.... Ka phur lutuk hi Omama te inah ka kal deuh sek tawh a kanu phei chuan, ''I bungrua nen kal rawh'' min ti a kal dawn tak tak ila aphal dawn loh nen hian.





''Sport hi ka nei ve dawn lo ami le, school kan luh tan na a rei tawh ropui si'' Class ah kan thu a, teacher te an lo kal lo bawk nen kan bengchheng hlawm khawp mai.




''Nei ang'' ka lo ti ve mai a, Sangbawihi hmel ka en nak chuan kanui hak a Khawngaihi pawh a rawn nui ve hak hak bawk, ''eng nge? Sports ka chak ani mai a min nuih vak vak'' a ti deuh hlar a, keinin a hmai a pen ink kai nuai en chung chuan kan lo nuih vak vak a, a lawm lo hmel zawng zawng nen phei chuan insum har tha tak ani.





''In mak e'' a ti hlak a.

''Ti nge I hmai kha'' nuih insum deuh a Khawngaihin a tih chuan, ''ka hre nang'' a ti pawh hlar a, ''pen ink a kai nuai mai'' ka ti chiah chu a hmai a khup nghal thawk a, ''darthlalang'' ti nghal chul in a bag a hai vak a. A in en chiah chu a thinrim hmel teh e, ''Lahmaa chu a chak lo viau ang'' ti hlak in a ding nulh a Mipa line lam a a kal phei chu Khawngaihi nen kan lo nuih ringawt.






''Aaren-a birthday kha I hria em?'' Khawngaihin a tih chuan dawhkan bawh in lu ka thing nghut a, ''I tlaw thei'' min ti a, ''tun thla ania aw'' ti a min rawn melh chuan ka lo melh ve nghal vat a, ''engtin nge I hriat a'' Pangai deuh a ka tih chuan nui vur vurin, ''Mawitean min hrilh a, 'Daff-i-i kha lo hrilh rawh a hriat ngei ngei ngai chi' a ti lawm'' then deuh tha a atih chuan ka ner nang a, hemi te thianho indaih bik zia hi.





''Ni engzah nge'' ka ti vat a, ''30'' a tih rualin ka thu tha vat a, ''poisa ka neilo sin le'' ka tih hap chuan min nuih vur vur ringawt a engtak chu ngaihtuah reuh ang maw.





''Mawitea birthday khan eng nge I pek kha'' ti in ka thut hnaih deuh a, ''t-shirt'' a ti sam et a, ''ka pek ang pe ve kher suh ang che'' ka ngaihtuah na hria ninawm tak a atih chuan ner nagin, ''ka thu thu'' ti hmakin dawhkan chu ka bawh leh nghal run a, dar a ri ve chiah bawk a class chu ahma ai mahin a bengchheng a ka bula mi pawn a lehkhabu a khung mawlh mawlh a, chhuah a in peih tawh khawp mai.




Gate lam ah kan thian3 in kan inzui phei a kan hnunglam a kal te chu an tawng ring bawk a Sangbawihi chuan min rawn nek salh a ka lo ner khum nang thung.
''A chhelo a lawm'' pa1 nu chuan a ti a, ''bialnu a neih ka ring'' hmeichhe dang bawk chuan a ti leh a.

''Chhelo deuh deuh hian bialnu an nei hmelchhe thei rap''

''Dik chiah, a bialnu chu a chhe ve viau ang'' tiin an nui kar kar a.




''Chhia chu an ti ve tawp che'' Khawngaihin a rawn ti a, ''ka tha ve chiang e'' ka tih deuh vak chuan an nui dun vak vak bawk a, kan hnung a kal te lah chuan ka bialpa chhiahloh thu leh man thu vel an sawi nasa a, lo chhuang ve viau mahila min hmuh hma hma a chhia min ti deuh tawp chu ka ngei reuh kher mai.




''U rmi kha chu a hmeltha sin aw'' ti ri ka hre leh chiah chu ka beng ka chhi nghal kar,

''Tu nge Rmi chu?''

''Upekhlua nen an inngaizawng thin a, mahse an in then tawh''



Uluk deuh chuan an thil sawi chu ka ngaitha kar a.
Tu nge Rmi chu niang aw?
''Anah'' ka ti that rualin ka bawk nghal thlawr bawk a nui hak hak thawm ka hre zawm chiah bawk a, kei hian ka kalna ka lo en tawh re re lo.




Thoh mai pawh tum lo chuan kan hawi kual thuak a, mi lah chu an tam phian a ka zak ngei mai.
''Thoh nachang a hre leh thak lo'' Sangbawihi chuan tiin a nui vak vak a, ner nang nang a thoh ka tum lai chuan min rawn dawm vat a ka hawi chhuah rual a Uhriata lo nui var ka hmuh chuan ka nui tawi ve tak ringawt.






''I tlu na em?'' Ka dar ah chelin min nuih vur vur a, min kal pel tu te lah chuan nui thaw hian min en ve bawk a, ka zah zia mai hi.

''A..na lo'' ti tawi takin ka tawlh hnung hret a min thlah ve mai bawk.

Sangbawihi te lam ka hawi rual a, ''Hmangaihzual'' ti ri ka hriat chuan nui ver ver in ka hawi phei a, a tum lian khawp mai.

Ka hma a ding Uhriata nek sawn deuh dawrh in Aaren-a chu ka hma ah tak a ding run a, ''iva zei lo ve'' ti hmuk in min melh khui a dim lem lo takin ka bag ah lai ala thla sawk sawk bawk a, rum deuh a melhin ka in beng fai ve nghal mawlh mawlh bawk a ka hawi zuai lai chuan ding meuh hian mi then khat chuan min lo la en tih ka hmuh chuan ka ner sak.






''Zeilo thei lutuk'' ti leh hmukin min kai sawn nghal dawr dawr a, ''ninawm'' ka tih pawh chuan a hrelo der hmiah tawh.
Gate chhung lam ah min luh pui lehin canteen pan na lam step ah min kai chho pawk pawk a, bike an dah na hmun kan thlen meuh chuan ka hah ngei mai.
''Hliam hliam che chuan'' ka thawk halh halh chuan Lawman a rawn ti a ka melh rum ul ringawt.
''I englai nge na?'' Ka bula min in min zawh chuan ka ner khum nang a, ala nui suk zui.





''In van kal chak rem rem'' hnung lam atang Sangbawihin a rawn tih halh chuan ka hawi phei a, min lo zui ve nghal a nih ka ring a, Khawngaihi nen chuan an hah hmel khawp mai.

''Kai tho ta che u'' Aaren-an a rawn tih hmuk chuan Khawngaihi a then tha laiin Sangbawihi chuan rum deuh hian min rawn melh a, ''thoh na chang hriat ve mai tur a lawm'' a ti deuh hmak a, kei in engtin mah ka ti der silo a min ka melh rum em em zui.





''Ngawi mai teh'' ti deuh nghutin a bike awmna lam a pan nghal vut a, ''lo kal la'' a tih leh chuan ka pan vat a, ''ninawm dun reuh lutuk'' Sangbawihin a ti deuh hlak a, ''I thik a nih kha'' Francis-an a lo tih zeuh chuan nui ver ver in bike ah ka lawn vat a, Sangbawihi tum bur chu melh in ka khi thaw mai.



*tawp vat vat se induh tawh em?




*****.


Show post links
Top

[Ngaia]

Chapter_22



★



Bike a ding dat chuan ka chhuk thuai a, kan in kawt ah kan ding lo tih ka hriat rualin Aaren-a rawn chhuk ve chu ka lo melh nghal thuai a, ''lo leng la'' helmet phelh chuang miah lo a a rawn tih thum chhak chuan ei lo lutuk in ka ner sak a, ala nui ri hak zui.




An in chu ka thlir vung vung a, luh ka chak loh zia mai chu.



''ka haw duh sin'' ka ban a chelh rualin ka ti nghal tung a, ''lo leng rawh'' kawngka chu a pawt hawng nghal a, ''ka duh lo'' zawi deuh a ka tih sep chuan helmet khum chungin min thlek vut a ka kut ala chelh nghet em em zui.




A chhung kan lut chu a hma a ka kal ni ang bawk khan a reh thiap a, ka awm a nuam chuang miah lo. Amah si deuh chet chuan ka ding a, min rawn thlek vut rualin lei ka chhuah tet a helmet khum chungin a hawi kual thuak a, chho ang le'' ti a step lam a min kaih chuan khawi lai emaw atang hian ring lutuik in,, ''Apate!'' Naupang aw in a tih rualin a ding dawt a mipa naupang cute deuh alo lan rualin a helmet khum lai phelhin min pe zat a, ''Apate...''naupang kum4 bawr velin a tih leh chuan a pawm kang nghal vat a, ''eng nge min lo haw?'' Chu naupang te aw lah chu a mawi phian a, ka hmuh hnu ala ang reuh em em zui.





''Khaw nge I nu'' Aaren-an a tih chuan ka en vat, naupangte chu tum bur hian, ''eng nge min lo hawn?'' Hmui ti pawh deuh tar a atih chuan ka lo nui hak a, a hmeltha mai bawk sia hmuh anuam ngei mai.




Min rawm thlek zeuhin, ''hei ka lo hawn che'' tia ka lam hawi tur a naupangte a kuah lai chuan ka ner nang nang a, ''hi..'' Zangkhai vah a atih chuan ka lo nui ve var var ringawt a ka chhang lem chuang lo.
''Kimkima ka nia'' a tih leh chuan lawm awm ti lutuk a en in, ''I van hmeltha'' ka ti sep a, ''ka tha zawk'' pa1 lah chuan a rawn ti hmuk reuh a en lem loin kimkima biang ah chuan ka piai zeuh a, ''ui a hmeltha e..ka naute ni daih se'' ti a ka han en chhoh chuan nui suk sukin, ''kan ru mai dawn mi?'' Kimkima nghah pah a atih chuan ka ngawi hmak a ala nui ri ang hawk zui.






A room ah kan luh chuan a khum ah min thut thak tir dawt a ka bag sofa ah nghatin ka hma ah tak a ding run a, ''ka inti fai lawk a nge'' a ti chuan ka bu deuh nghat a, a kal sawn rualin ka thaw chhuak ham ham a ka sana ka bih zeuh a dar2 alo la ri lo a ka thawveng huai huai thei.





Thursday a ni a teacher te an meeting vang in kan bang hma.
Ka tlukna ka khup vel ka bih lai chuan, ''ana em?'' Min si chet ah a rawn thu thla a, khua a vawt tha bawk a hoodie dum lian deuh a ha a ala in hmeh em em zui.
Ka en deuh vang vang chuan chil a lem khalh a a hrawk bawk che ralh chu ka khawih chak kher mai.

A hrawk bawk ka en reng lai chuan a che leh ralh a, chil lem khalh a ka hmui liak zeuhin ka tawk zeuh a nui var var in, ''chil han lem khalh teh'' en zawk a tiin ka kut tang chu a hrawk bawk zawn ah tak ka dah a, a chet leh zeuh chuan nui sen sen in, ''awi a mak reuh lutuk'' ti hlut in a kut chu la lawk in a hrawk zawn ah tak chuan ka vuan a, ''a mak ti raw? Khawih a nuam'' ka tih var chuan a kut la thla in min kuah nghal hlun a ka inring lo bawk nen ka thin a phu nghal dup dup thei, ''ka kuah che apiang in min kuah let ve thin rawh'' ka beng bul a atih sup chuan, ''ka kuah dawn reng che'' a awm a hmai phum in ka ti sup a ala rimtui em em zui, a kawng a ka kut ka suih rualin a nui che dat a, ''ka ngai lutuk che'' min pawt hnai deuh a atih chuan ka lo bu ve nghat a nui hawkin, ''sawi teh'' a tih chuan ka ngawi kar a ka sawi zak tlat alawm. Ka ngai lo pawh nilo ka sawi dawn hian ka hrawk ah hian a tang tlat zel.





''Sawi la..'' Phur deuh a atih thum sup chuan kuah nghet sauhin ka nui hak hak a, ''Aaren''
''Umm''
''I hming hi nalh ka ti'' ham bai bai chuan ka ti sep a, min kuah apaing hian ka thla amuang lutuk nge ka mut a chhuak suai suai zel a, anuam ka ti. Mutna damdawi lian chi a nih hi.




''Kei chuan ka ngai che'' lungawi lo deuh a atih chuan ka en chho ha a min rawn en chhuk ve run in ka chalh ah a chal a nghat a, hnai deuh a kan in en ran ran chuan lung a phu rang dawt dawt a rawn rik chhuah tum ang mai ani, ''ka ngai che a, min ngai ve lo tiraw?'' Tum deuh reuh a atih bur chuan atthlak ti lutukin ka nui hak a, ''Aih'' nuihza deuh a ka tih lah chuan nui ve duh lo in a tum deuh bar a, aw thian khar a, ''keipawn ka ngai che'' ti sep in a awm ah hmai ka phun nghal hlun a, a thinphu ri chu a rang ve ngei mai.




''Hmangaihzual''

''Ti khan min ko suh'' ka ti nghal hlar, hming pum a in koh hi ka ngaina vaklo,
Nui hawk hawk in, ''Daf...'' A tih mek lai a kawngka an rawn kik chuan ka tal phat a, ''Aaren I awm em?'' Mipa aw in a rawn tih chuan phawk deuh a Aaren-a en in ka ding zawt a, ''nnaaaa'' zawi deuh a ka tih hluai chuan min pawt thu hnawkin ka biang ah a dawm ran a, ''awm'' a tih nghut chuan pawnlam a min chu a kalsawn leh nghal a nih ka ring engmah a rawn sawi tawh lo, min tih hlauh thawn hman tehreng nen ka ngei reuh kher mai.




''Ka thin a phu rang hman lutuk'' ka ti hap a, ka hmui a rawn fawh zeuh chuan ka en phawk nghal hra, ngai ah ka nei theilo re re, ka inrin loh lai in min fawp ziah lehnghal.
''Ka ngai che'' ti leh sup in duh thawh deuh hian min fawp a, ka chhan let ve rual chuan a duh thawh zual sauh in ka hria, ''sweet I duh em?'' Inla hrang hlek a atih chuan, ''ka haw duh tawh e'' ka lo ti daih a, a tum rang khawp mai.





''Haw....'' Ka tih mek lai a, ''I hmui a thak ani maw?'' Ti hmuk in ka hmui hnuai a seh zeuh a na lo mahse, ''ana'' ka ti deuh hlar a, ala nui nasa em em zui, a nuih lah hian a hmeltha zual sawt zel. Vei nei miah lo leh athinlung chung zawng zawng a anuih tawh hi chuan en nin har ka ti....ka thil ngainat em em arsi eng de sep sep ang mai khi ani, a famkim bik hluah hluah.





******.





Tv en in ka nui vur vur a, ka hmai sa hat hat chu ka beng thek thek a aw ka thian leh kharh thin bawk a tv chu melh ve kiau mahila eng tiang in nge an awm tih tak ngial pawh ka hre lo, keimah te hian vawin a thil thleng ngaihtuah in ka hlim tawk em em a kanu in min hmu mawh deuh aniang chu, ''lehkha va zir teh, I bengchheng'' a rawn tih hlak chuan awih lo lutuk a melh haw in, ''thawm ka siam loh kha'' ka ti nghal a, ''lehkha va zir rawh, mahin duh thu a zir nachang hre reng reng lo mai, kum tawp ah I fail a nge aw, I zak dawn teh ania'' a tih deuh duah chuan ner nang nang in a turky film en lai chu ka en ve zawk a, ''ka zak dawn bawklo, I zak daih zawk ang'' din pah chuan ka ti hram a min melh no lo teh a sin.





Room ah lutin khum ah ka bawk nghal thlawp a ka phone charge na lam chu melh zawkin ka ner nang a la turin ka tho peih lo kher mai.




Chung lam melh a ke ka leng vak vak lai a ka phone a rik chuan phur deuh hian ka va chhang a, *aw, Sang* Zangkhai vah a ka tih chuan lehlam ami chu a chek tlak tlak a, *out ila* a rawn tih chuan zan chhuah a sawi tih hria in, *of course!!* Phur deuh hian ka ti nghal hluai a, *I phur thak mai sia* a rawn ti nang a, *khawi ah nge kan kal ang, park chu ka peih tawhlo* ka ti vat a, *kan chhuak phawt dawn nia, Khawngaihi lo hrilh rawh aw....dar12 vel ah aû in min man loh nan* a tih duah chuan ka lo *aw* duai duai a phun nuah nuah a a off hmak chuan Khawngaihi call in ka hrilh ve thuai a, ani pawh alo phur nang mai, kan chhuah lohna a rei ve tawh em a, kan chhuah hnu hnung ber pawh Aaren-a min biak duh loh lai daih tawh kha.






Phone ka dah chiah a call rawn lut leh nghal chuan nui sen sen in ka chhang thuai a, ''tu nge I biak?* a rawm ti nghal hmuk nia.
Ner nang nang a, *nangmah* a tawng ang chiah chuan ka ti ve hmuk a, a thaw hawk hak.
A tawng mai dawm a maw ka tih lai a a ngawih tak tlat ah chuan screen ka en zeuh a ala dah lo.
*Aaren*
*nge?* tum loh deuh in ka nui chhuak hawk a pa1 a lah chu a lawm loh hmel nasa, ''nuih hi a tha* a rawn tih leh nghut phei chuan pum dawm meuh in ka nui a, ka nui zo theilo ani ber.

*kan leng dawn a* a rawn tih tak ah chuan aw thian kharh kharh in, *umm, Urina te nen maw?* ka ti ve thuai. Zan an len dawn apiang hian min hrilh ve thin a, nuam vel tak ani.






Eng eng emaw sawi in kan inbe deuh reng a, Zan chhuah kan tum thu erawh ka hrilh lem lo, Urina te nen an ni dawn si a ka sawi tih Sangbawihin a hriat vaih chuan ka nasa lo dawn em a ka sawi duh ta lo mai a, a hriat vaih erawh chuan a pawi reuh khawp ang mawle.





Ka lo muhil hman a ni ngei ang ka phone ri deuh ngat ngat ah chuan peih lo deuh in ka thu chhuak luau a ka hmeh tawp rualin ka thukverh a ri nghal rek bawk.




Tho chhuakin hoodie ka in thawlh a muffler ka awrh bur bawk a vawt ka la ti tho mai.
Ka chhuah rualin tur deuh in Sangbawihin min melh khai a, ''phone chhang ta che, kan lo luh phah'' a tih hlak chuan hrelo derin, ''ka mut a chhuak e'' ka ti niah niah a, a chhuak tak tak bawk.





Khaw lai ah kan tei kual ngat ngat a, khua a vawt tha bawk nen ka mut chhuak kha a thlawk bo vek a ka khur beuh beuh lo choh tawh.





''Kalna tur in hre mang silo'' vawi3 nan a kawn kan thleng chuan Khawngaihin a ti ta hmuk a, ''park ah ka kal peih lo I ti ziah a, kalna tur dang I hre der silo'' min en a atih hmuk chuan ka nui vur vur ringawt a, ''Mawitea nen in inhau a ni maw'' a ban kuah a ka tih chuan rum deuh a min melhin, ''a tlai tawh sia ha...'' A tih mek laiin, "ka la haw peihlo a sin, dar1 a ri chiah a lawm'' Sangbawihin a rawn ti vat a, ka lo thaw hak ringawt.





''Khaw nge kan kal tak anga'' ka ti hluai a Khawngaihi ban ah ka kuah tung bawk, ''a vawt e'' ke per dat dat in ka ti leh a, ''kalna tur ka hre chuang lo'' hawi kual pah a Sangbawihin a tih chuan, ''hall ah kal mai ang u'' Khawngaihi a ti a, ''eng nge kan tih vak ang'' kal peih lo lutuk chuan ka ti hluai a haw ka duh tawh a sin mawle.






''Kal ang u, thing buk deuh bula shed ah khan kan thu dawn ania'' Sangbawihi pawh chuan ti zat in hall lam pan chuan a kal vut a rawn let leh thuai in ka ban ah a rawn kuah ve than a nui hak hak in hall lam pan chuan inzui in kan in nek leh sawk zel a, zan a rei tawh bawk nen thawn kan dim ve khawp mai.




Shed ah chuan insi rial hian kan thu a hla zawi deuh a play in kan duh zawng kan sawi mawlh mawlh a kan nui leh hak hak thin bawk.
''Ehe, thla(moon) a lang'' ti hlut in Sangbawihi chuan phone a phawrh sawk sawk a thla a la nghal zat bawk.
Van lam ka en chuan thla(moon) chu chiang deuh hian a lang kulh a a mawi reuh khawp a arsi erawh hmuh tur a awm lo hrim hrim.




Ka karlum a phone ngawr dat chu ka en thuai a dar1:30 a pel vel awrh tho a tiin Aaren-a call chu ka chhang zat,

*i mu tawh em* ka tawng hma hma a atih chuan chil lem dawt in, *umm* ka ti tawp a Khawngaihi lah chuan ka phone bul ah beng a dawh ve zel a, kei lah ka in thlahrung nasa.

*I va meng rei ve* a rawn tih leh nghal tawng chuang sawi tur hre mailo in Khawngaihi chu ka en mawl tawp a shed pawn a Sangbawihi ding chu a phone en mial mial a rawn lut in a meng phawk nghal hra a, ''Aaren-a mi'' phone atang a mit la sawn in a hmui phun a min zawh chuan ka bu nghat nghat a, ''awiiii'' tivak a ka phone phih thla lawpin a off hmak a nih chu, ''I mawl ami a'' Khawngaihi chuan a ti hlar a, ka Hlauthawng tet tet mai.





''Awi...status ka up a aû te thianho in an seen nghal vek a lawm, ka hide theihnghilh a'' pawi ti lutuk a atih niah niah chuan, ''eng nge I up a'' ka ti vat a, ''hei'' ti a Khawngaihin a phone min hmuh chuan Sangbawihi chu ka melh rum ngei mai. A status ah chuan thla chiah a hmang ang chu tih nak alai in shed a Khawngahi nen kan thu lai flash light hmang a alak kha a hmang tel pek anih chu....amah ber ber in tumah hriat a duh lo a, a puar zar deuh reuh tho sia ka va ban ngei tak.





''I phone'' ti a min hmeh bel chawt chawt chuan ka thaw hak a, ka chhang ngam der lo.
''Chhang mai mai teh'' ka phone thlek vu a Khawngaihin a tih chuan hmui ka ti pawrh tur a, min nuih vak lai a aphone ri ka en chuan ka nuih ve nghal vak a, a tum lian teh a sin.





Tlem a hla deuh hlek ka kal lai chuan a ring tawp a, thaw huai a let leh mai ka tum chu a ri nawn leh nghal zat a, *umm*

*engvangin nge pawn chhuah nuam in tih em em a* vin deuh a atih nghut chuan sawi mai tur pawh minti hre lo, ka thin a phu dup dup a, nuamlo ka ti.

*Hmangaihzual* bung nghut a atih leh lek phei chuan tah vak ania ka chak, *kan kal ve mai mai a lawm* zawi deuh chuan ka ti a, *haw rawh u, hlauh te hi in nei lo ami*a tih leh tak nghut chuan, *kan haw dawn* ti vak in ka off hmak, ka inthiam loh ve nen min vin vak vak kher a ka dawh theih na in tlin tawh hek lo. Min rawn call leh mai ka ring nen a reh nghal hmak a, ngah nge a thinrim ve chiam ni.




Shed lam ah phei hlawk hlawk in, ''haw nghal ang u'' ka ti hlar a, min chhan na pawh nghak loin ka kal mawp mawp a ka thinrim ve deuh tung nen khaw vawt ka hre tawh lo, ka sa pup pup a chu zawng chu.





''Thil sual kan ti pawh ni lo'' Sangbawihi pawh chu ka hnung lawk ah kal in a ti hlak hlak a urinan a call ve anih ka ring. kan lawm hlol lo..zan chhuah nuam kan ti ve ani mai a, thil sual engmah kan ti lo bawk.



******.


Show post links
Top

[Ngaia]

Chapter_23




★




Thil ri nak nak kar a min sik leh zeuh thin chu hriat loh der tum viau mah ila a theih loh re re, ka kawng ah a sik a ka mal a chum tak pawp ah chuan ka thu tha thuai a, ''Good morning'' ring tha lutuk a ka hmalam atang an rawn tih chuan ka hawi vat a, Sir Harry-a nen kan in melh siah mai.





''Ding rawh!!''

''Class hi I room a ni em?'' Ka din fel rual a atih chuan lu ka thing nghut, ''answer me''
''No sir'' ka ti vat a, min la melh no lo em em zui.





Ka thut rualin, ''mu thlu suh ka tih kha..second line ah kan thu a, hlauh te hi I neilo lutuk'' Sangbawihin a lo tih nghal zat zat chuan sir in a hmu niang chu, ''Ramdinsang!'' a rawn ti hmuk a insum hman loin Khawngaihi nen kan nui chhuak thut a, class atang min hnawt chhuak dial mai.





''A chhiat loh nen thinchhe leh lutuk'' school hnunglam pan in kan kal a thingkung hlir ani mai a, a vawt zek bawk. ''second period atang min hnawtchhuak nghal ania'' ka tih chuan vin deuh hian, ''mu thlu suh ka ti che a! nangmah vang anih hi'' Sangbawihin a ti hlar a, ka nuih liam san mai mai.





''In inhau ta nge?'' Zawh bik pawh nei lem lo a atih leh chuan Khawngaihi ka en nghal vat a min lo en ve chiah bawk nen kan in nuih tha a, ''sawi hmasa rawh'' ka lo tih khalh chuan, ''sweet I nei em?'' Ti a min zawh leh phawt chuan ka kamis ipte a ka dah chu ka pe thuai a, ''a tir ah kha chuan a titau a mahse e... keini te chu rei kan in tih tauh khum theilo'' tiin sweet chu a hmawm tharh a, kan ei lo ngei mai.




Aaren-a nen pawh a ngai te bawk in zing lam ah kha chuan kan in wish ve ve a, mahse thil dang kan sawilo. Ka thoh hma daih in a morning wish a lo awm va tawh a, ka reply na chu a seen ngei a, min chhang chung lo a, a lungawi tawh a nih ka ring hmiah bawk.


Dar rik nan hun ala tam bawk nen tlem a puk ve deuh lai ah chuan kan kal a thui pawh kan kal hma a tawng sep sep ri kan hria chuan kan in melh hlawm ralh a, ''ramhuai ni hrim hrim'' Sangbawihin a tih chuan chum awk in, ''chhun pachang ah ramhuai a awm lo nasa'' ka ti hlar a,
''va bih chhin ila'' Khawngaihi ni.




Tlem kal leh deuhin thing inkar ah chuan brick, thutna tur ni awm tak hi a in rem thluah a, chutah chuan mipa pa3 leh hmeichhe pa3 hi min hnung chhawn zawng hian a in pair in an thu a an mahin hlat deuh hlek ah Mipa pa1 a awm ve bawk. Kan thawm an hrelo ni ngei tur ani insi chial hian an thu a, hmeichhe ho chu an nui kar kar hlawm a, ''mi chance neih enthlak chu a ho e..'' Ka tih sep chuan ka thiani te pawh an bu nghat a , ''an in duh hmel hlawm siah'' Sangbawihin a tih chuan in nuih hlawm tha in kan inher leh thuai a mahse tawng ri avang chuan ka kal tur chu ka ding nghal chat.



''Ti maw in insual a?'' Tih ri chu Hailey aw ngei mai kha a ni.



Leh hawi leh ka tum mek lai a, ''awi ka nu!'' Ti chiam a Sangbawihin a ke a per tak vak vak ah chuan ka pan thuai a, eng emaw a rap pherh duai a, ek anih ka ring.
''Awi ka ten e'' tap lek lek a tiin ake a khai vah a, ''I kalna en ta che'' nui hak hak a Khawngaihin a tih chuan ka lo nui ve vak vak a, ''ek berkher'' ka tih lai a,




''Class in bang(tlanbo) ani maw'' hmeichhe aw in a rawn tih chuan chance nei te kha an awm tih hre leh hnuhnawh in, nui vur vur a ka hawi chu ka in chhir teh a sin.








''Naute u'' Lawman a thutna hmun atang a rawn tih chuan ka nuih tawi tak a, Aaren-a lam ka hawi leh chu a hmel a khem deuh niai a, ding run chung chuan min melh ve run a, eng nge a ngaihtuah awm ka hre mailo.



''Daffodil, kal ang u'' Sangbawihin chuan ram hmak a tiin ka ban a chelh lawk in kal kawng ah a ke hrut nawk nawkin min kai kal dawt a, ''Hmangaihzual'' rawn ti hmuk ah chuan ka ding deuh dat a, ''Lalpekhlu, Hmelphak'' ka ban lehlam a rawn chelh vein Sangbawihi nen chuan min kalpui nghal dawr dawr a, ''dar a ri tawh alawm'' Sangbawihin a rawn tih chuan ka nui hak a, ''minute5 lai ala awm aw'' nek sak a ka tih chuan, ''a ho, bathroom ah kal ang u'' a tih leh hlak chuan ka nui hak hak a, chhunglam ah erawh ka pik deuh tun a, Eng nge tah khan atih ve ang le?




Hailey kha chu a bul ah a thu lo tih ka hmu a, a bul a thunu lah kha ka hriat awm pawh ka hrelo mahse ka thik khawp mai.
Lawma kha chu a mahin a thu a, midang pawh kha ka hre chuang lo. Ti nge a hmel te kha a khem nuaih? Na.....ka ning lutuk.




''Ka ten e..hmawlh te min lo zawn teh'' Sangbawihin a tih tak ah chuan nui seihin, ''eng tin nge I rah thei a'' ner deuh nang nang pah a ka tih chuan kei ai nasa ner in, ''ka sawi peih lo, awi ka ten e..ka ten'' tiin a pheikhawk a hrut nawk nawk a Khawngaihi nen kan nuih vak vak ringawt.






Lunch break ah pawh canteen lam ah ka thiante chuan chhoh an duh tak tlat loh avangin Seni te thianho chip kan chah chu ngawi kar in kan ei mial mial hlawm a, kan ngaihtuahna kan kawm theuh anih hmel. Ka thianten canteen lam a chhoh an duh loh chhan pawh Aaren-a ka hmuh an hlauh vang a nih ka ring a tun ah tak hi chuan hmu pawh ni ila engtin vak ka awm ka ringlo, an thu dun satliah pawh alo nive thei tho a, ngaihtuah lo zawk teh ang.




Thil ei pah chuan ka thiante chu ka en pah zak zak a, muang fan raih a lain an ei diam diam a engtak ngaihtuah ang maw?




''Ka hre chiah e!'' Khawngaihi a din hluai chuan ka che lawih theih, ''min ti phu lutuk'' awm dawm meuh a ka tih chuan a lays ken kai hmawm zeuhin, ''Aaren-a te insual an tum ni a, a sir a ding ve tung nu kha a ni chiang mai'' a ti hlut a, ''a nih ka ring reng a, Hailey nen khan an din dun kha mawle'' Sangbawihin a rawn tih ve hluai chuan ka nui chhuak hak hak a, mak min tih hmel nasa.





''Awi in thil ngaihtuah kha'' tiin ka nui vak vak a, An ngaih tha lo hmel ka hmuh phei chuan nuih a za zual sauh a ka mittui a tling pam thei.
''Ka rilru I ti hah'' ngaihthat loh hmel lutuk a Sangbawihin min en chuan, ''muk deuh a in thil ngaihtuah ve kha a'' tiin ka nui Ka nui a ka ban a thip rang teh a sin.
''I rilru na lutuk I nui lui a maw tih nak alai a'' Khawngaihin a tih hmuk chuan min ben na ka banbul chu ka tuai vat vat a, ''khaw vawh lai a in ben pawp te chu'' ka ti nui nui a min ngaithla map lo a, ''Rinmawii ti raw?'' Ti a Sangbawihi a melh chuan a nghaihna hrelo lutuk in ka en ve ran a,





Sangbawihi lah pek chuan, ''ni, awi..ka hre chiah, Lawman 'Rinmawii pawh saw ka ning mah mah' a tih hmuk kha mawle'' a ti hluai a, minva han ti bo dun tak.



''Tu nge Rinmawii chu?''



''Urmi I hria maw?'' Ka tawng ring bawk a, Zawmi rawn phei chuan ding dat hian a ti a, ''Rinmawii mawle'' ka ti mai a.
''College a mi khi maw?'' A tih leh zat chuan dil chhut ti deuh chung in ka bu nghut a, ''U rmi lawm, rm an ti thin'' ti leh in a kal sawn leh nulh a, a thil sawi mai mai chuan ka thin a ti thip zawk a lawm. Aaren-a bialnu hlui Rmi.






''Rmi maw?'' Ti rual that in min en dun zawk a, an ngaihtuahna chu ka hre mai, ''a ho lutuk'' Sangbawihin a tih pawh chuan ka nui tawi tak a, ngawi reng hian thil ka ei chhunzawm a, kan thiante lah chu min ngaihtuah tih hriat lutuk in min melh zeuh zeuh zel a, tun ah tak hi chuan nuih luih na tha tak ngial pawh ka neilo.




Class kan lak te pawh chuan ka zawi nguai a ka awmdan hneawm lutuk leh kan thutna hma lutuk vang a dawhkan ka bawh theilo te chu ka ning hluah hluah, chuta kar ah Miss Tpi aiin Sir Harry-a alo lut a a subject boring deuh a explain lai te chuan ka bu nghauh zel a, ka insum thei thai lo.



''Daffodil'' sir in a tih chuan ka ding vat a, ka hmui hup in ka ham te te a, sir Harry-a ka melh tak vat chuan, ''I bag nen I chhuak thei'' a ti ta mai.



Phawk deuh a en in, ''sir, ka muthlu lo'' ka ti thawp sap a, min va han thawng mai mai tak. Vawin hian min thawn hlum an tum em mawle.
''I know''
''A nih chuan ti nge!'' Ka ti vak, ka sir leh lam leh lam a ka pawnfen an pawh zeuh ve ve tak ah chuan phai dai hian sir ka melh ralh a, ka tum loh in ka tawng chhuak.
''Tu emaw in an lo lam che'' a tih phei chuan a hma ai in ka phawk, ''ka chhung te maw, sir''
''La vat la, kal rawh'' nin hmel lutuk a a tih tak nghut chuan awm nuam lo deuh a ka bag lain ka chhuak hna hna a, kawngkhar atang a ka chhuak tur ka thiante awmna lam ka hawi leh hram chu, ''chhuak teh, chhuak teh'' sir in a tih chuan an nui hawk a, tum bur in ka chhuak hmak.





Ka bag hrui vuan in ka kal kun chhal a, ka chhung te thi an awm a mile tih te chu ka ngaihtuah rauh rauh a, ka awm nuam lo lutuk chu a rapthlak zawk.




In ngaihtuah ngut ngut a kal ka ni bawk a ka hma a mi tu emaw ka sut dat pawh chuan, ''sorry'' ti sep a hel mai ka tum chu ka ban rek a chelh ta tlat a, peih lo tawk a ka hawi chhoh chuan Aaren-a nen kan mit a in tawng chat a, ''eng nge a'' ka ti nghal hlar.




Min chang lo a ka bag lak mai a tum chuan ka tang tlat a, thaw hawk a, ''min zui teh'' bul deuh a atih chuan, ''ka chhung ten min nghak a nia'' ka ti leh hlar, a kamsir pilh lah chu alang chiang nasa.




''Ngawi mai teh'' ti a min kaih kal talh chuan, ''sir in ati lawm, min thlah teh'' ka ti tung a, a ding deuh thut nen ka la in pal nawk zui.




''Keimah nih kha'' a tih sam et chuan, ''ka chung leh kua I ni mi'' ka ti nghal hlar, ka rilru hah hman zia kha, ''I bialpa ka ni'' ti hmuk in min kai kal leh dawr dawr a, ''ninawm pa'' ka ti vak chuan gate kan chhuak zat a, class lak lai ani bawk a tuman min hmulo ang.



Car dum zar awmna lam min pan pui dawr dawr lai chuan a rawn ri khep a, a hnung sit a hawng rawp a min hnawh lut nghal rawk rawk bawk.




''Ka ning'' a rawn thut luh ve rualin ka ti vak a, ka ban ka vai nasa a ti bawk a niang a pa2 a a chelh beh hmak rual chuan rum deuh in ka melh rawm a, ''nichin a I hmuh kh...''




''Ka hre reng'' ka ti vak.


''Eng mah a thleng lo'' a ti leh a, min la nuih suk zui.


''I ex a nih kha''


''A ni'' buk nghut pah a atih chuan ngei lutuk a en in, ''hmelchhe pa'' ka ti leh, ''ka hmeltha'' rang deuh a min chan leh zat chuan chang peih tawh lo in ka melh rawm ringawt. Tawngthei em em lutuk mai.




''Sweet...'' Hnai deuh a min en in a ti sup a, ka ner sak chuan kiai suk in min fawp nghal thawr a, tal sawn ka duh nen ka kut a chelh bet tlat avangin ka dawh mawl tawp.
''Min chhang vela'' ti sup a duhthawh deuh a min fawh lai chuan a hmui ka seh sak vak a, a inla hrang rang khawp.




''Ka Hmui a thak lo asin'' a hmui thi ser ser tuai zeuh a atih chuan chil ka lem khalh a, a al deuh puat mai.




''In insual maw?'' a hmui thi a khawih lai a ka tih chuan min en in sit hnung a ngheng dat a, ngil deuh a thu a ka en ran chuan min en ve vung vung a, ''min chang ta che'' dinglam ah ka thle zeuh, ''min kuah la ka hrilh ang che'' ti a akut a phar hluai chuan ka en run run a, mit ko min la san euh euh zui.




Ka bag ah lai la thla te te in ka thu tha a, a zak hnuai a ka ban ka rawlh lut zal zal chuan nghet deuh a min kuah hlun in a thaw ham ham a, a lung phu ri dat dat chuan ka awm a ti nuam ngei mai.




''Ka sawi chu....'' Tluk duah a atih tak ah chuan, ''sawila'' ka ti thuai.



''Ka sawi zo vek tawh'' ti nghut in min nem hla deuh a, ''ka sawi kha I ngaithla na nge'' tum deuh hmuk a atih leh chuan kuah leh thak in, ''sawi tha mai la, a har lo e mai'' ti in ka kuah nghet ve sauh sauh a, nichin mai a ka awm nawm loh na kha feel dan ka thiam tawh lo. Ka ngaih a tha hlauh hlauh tawp.





''Nizan ah Hriattluanga nen'' a ti bul nghut.

''Uhriata maw?'' Tia ka hawi choh chuan ka lu ah dawm in a awm ah min bei tir leh hlun a, ''a hming pawh kha lam suh'' ti hmuk in ka hnung ah a beng dat dat a, ka nui hak.






''Min then hmasa miah suh ang che'' a jacket ipte zen in ka ti chhuak phawng a, nui nghal hawk in, ''min then hma chu ka then lo ang che, nilo min then pawn ka then dawn lo che chuvang chuan inthen tih kha sawi a ngai lo'' a ti bung nghut nghut a nui sen sen in ka sweet lak chhuak chu ka kheh a, ''ang rawh lee'' Naupang chhia deuh a ka tih chuan a ang ve mai a, kan nui dun hak hak bawk.




*tawp tep tawh si a comment ang u...🥰



******.


Show post links
Top

[Ngaia]

Chapter_24




Ka en nawn lem lo a, spelling mistakes a awm zeuh zeuh ka ring....




★





Haw tlang nghal mai lo chuan taxi nghah na hmun ah ka thiante nghak in ka thu ran a Aaren-an min thlah tum viau mahse ka duh tlat lo, rei ang reng tak min thut pui hnu ah a thiante ho in an lo call sek bawk nen college lam ah min chhoh san ta daih a, a khat tawkin ka sana ka bih leh zeuh zel a an bang har ka ti tawh khawp mai.





Dar3 a rik tak ah chuan gate atang an rawn chhuak ta sup sup a ka thiante pawh ka hmu thuai a, ka thutna tang ding in ban ka lo vai lauh lauh a, inkai chung in an rawn tlan nghal zat bawk.




''Awi ti nge I la haw loh'' Sangbawihi chuan a ti hap a, ''haw na tur a awm hleinem'' tih pah chuan ka thu thla leh dat a, ''I chhung te an lo kal ani lawm ni'' a bag la thla in a rawn thu ve zat a, Sangbawihi chu kan sir ah ala ding reng.
''Aaren-an a lawm min lo ko'' ka ti mai a,
''eng a!'' Ti rual that in min melh nghal vut a, "i lo be duh nghal ami?" Sangbawihin a tih chuan ka bu nghat a, ner sawkin, ''titau ve ta che mawle, I rilru a nat hmel hman nen iva be duh hma e'' lawm hmel loh deuh hian a ti nghal bawrh bawrh a Khawngaihi nen kan lo nui mai a, ''I a e mai'' min tih leh hram bawk.






Rei loah taxi pawh alo thleng leh thuaia kan haw kawng ah te chuan Sangbawihi chu a phun hlak hlak zel a ngawi kar a ka lo ngaihthlak sak ve mai te hlei hlei chuan a thin atih rim belh emaw tih mai tur hian min han chum leh pawp zel a ka dawhtheihna chu a pan ve tawh khawp a mahse le min ngaihtuah vang tih ka hre ve kiau mai bawk sia ka dawh mawl vel tawp a, ka nuih leh sak sak thin.





In chhung ka luh rualin, ''Daffodil'' ti in min lo au nghal lauh a, kitchen a lut hmasa loin sitting room lam ka pan ve thuai a sofa ah thuin Sentei chuan min lo nuih tha a, ''ka lo hruai dawn che'' a ti nghal var a ala nuih pah ver ver bawk.
''Eng ti turin maw'' ka tih chuan alo tho nulh a, ''chaw lo ei teh'' ti deuh tawp in ka room lam ah a lut zui nghal a, ''phone hi en en suh'' Rina games lo khel bul ah chuan ka ti hram a min la hrelo der hmak zui, ka ngei reuh lutuk chuan va pan sawk sawkin ka nam bu lawp a, ''Daffodil'' a tih ve hlak rualin room lam ah ka tlan let nghal nal nal.






''Ka riak nghal dawn'' room ka luh rualin ka ti zat a, khum ah alo thu kai diam tawh a bu nghat nghatin, ''nia, api in a ngai ve deuh che a, a sawi reng che'' alo tih chuan ka nui ve vur vur a kapi hi chuan min ngai ve chiang alawm.



Inthlak zung zungin ka sam te ka han su leh te te phawt a ka hman meuh chuan dar4 alo pel duai tawh a Sentei a phun niah niah reng a, kanu lah chuan 'rawng in bawl hman dawn lo tawp mai' alo ti ve sek a, rawngbawl hman loh te chu kan duh dan ani daih zawk sia, hrelo ve thei emai.





Taxi chan kan peih silo a kan scooty lak chhuah kan rawt ta tawp a, ''Sente, I khalh thiam tak tak maw, taxi kan ko zawk dawn mawni'' ka nu lah in a ti sek a kapa tv en pawh anui anui tawh, ''kanu chu min zawt ngun lutuk Daffodil-i ang ka ni lo'' a ti hmuk tawh a ka hming a sawi tel kher chu ka ngei zek.




''Ka thiam ve reng, kawng chanve ah kan in khalh chhawk ang'' ka ti ve hlar a kanu in ka hnungah a beng thuk a na lo mahse ka teu nghal hlar, ''khalh ve tum re re suh, I khalh ai chuan Sentei nen hetah rial zawk rawh u'' a ti ta a, ''awi kal teh ang pa.. kan kal dawn'' Sentei chuan kapa au pah hluai in scooty chahbi chu kanu te room lam ah ava la lawk a a rawn chhuak leh pawh chuan ding khaw muang loin pawn lam a pan nghal daih a ka zui ve thuai bawk.





Scooty a ka chuang turte chu kanu in min lo din chilh ve reng a nuih vur vur in, ''nu I lungngai a nih kha..I hmuh loh lai pawn ka khalh thut thei'' ti a ka nuih sen sen chuan, ''fel deuh in va awmla, thleng sil vek ang che'' min ti daih chu ka tum vual a Sentei nui hawk hawk chu ngei zet hian ka beng nghal pawp a, ''nu kan kal'' Sentei zawkin a tih hnu ah kan tlan liam a hnunglam hawi meuh in kanu chu kut ka vai lauh lauh a min vai let ve lauh lauh mai.






''In la ni em?'' Ring deuh a arawn tih chuan ka lo chhawn ve thuaia, ''a luck sia in in then tep tawh ang'' a rawn ti leh kher chu ngei zet hian ka melh rawm ringawt.
''Dawngpuian bialnu anei an tih kha I hria em?'' Kun hnaih deuh a ka tih ve lauh chuan, ''tak tak ami'' ti hluai in a ding dawt a, a helmet ah ka la in tauh pawp zui.





''I mak e ti nge I din'' thu tha in ka chal ka tuai vat vat a, ka aw pawh a vin tha khawp mai, ''bialnu chu anei tak tak emni?'' Rawn leh hawi deuh a atih ha chuan, ''ka hrelo'' ka ti hlar a, ''hmelchhe nu'' ti vakin a tlan leh thuai a, in kan thlen chuan rawng an lo bawl zo diam tawh a, kapi leh pu te chu thenawm lam ah an lo leng chhuak a patea leh nitei hna bang anlo la haw lo bawk a nutei hoin tv ka en ve a kan nui hawk hawk reng bawk nen a nuam ve reuh kawp mai.





Nitei leh patea an lo haw chuan rei thu tawh lo in chaw ei kan siam zung zung a chawhmeh te chu atui in a tam si a eitur ber a hriat loh theih khawp mai, ''Bawihtei chu heta tang school kal mai ta che'' kapi in a rawn tih tak ah chuan alam hawi in ka nui ver ve a, ''dik chiah mai tiraw'' ka han ti ve hluai a patea alo chek tlak chuan kan nui hawk hawk a, ''ka ti tak tak ania, matei lah in a tawm chawt reng bawk si a ilo awm chuan a harh vang deuh ang'' kapi in a tih leh chuan chaw ei e tilo in za zet hian ka nui a Sentei lawm loh zia chu, ''lal api hi I daw thei emai'' ti bai bai in chaw a thial tuam tuam a, ''a û hmun dang ah ala awm si a, lo haw se I duh chuan rawn awm mah la a pawi lo'' kapu in a lo tih ve charh chuan nitei leh nutein an lo thlawp khawp a mak ka ti hial zawk.




''Min va lo ngai awm em em, in a awm tur in min sawm char char mai a'' nui sen sen in ka ti a, ''I hre lo mai mai nitin an sawi che amaw, ninawm tak ani'' Sentei pawn nui sun sun hian a ti a, ''mahse lo awm daih rawh'' a ti leh a, eng nge maw an hriat hlawm ni. Nidang ah pawh awm tur hi chuan min sawm ve fo a tun ang em em hi chuan min sawm ngai lem lo, lehlam ah chuan Sentei hi fa mal ania, kei lah tun hnai tih lo ah chuan ka kal zing malh malh thei khawp a nutei leh patea pawn an fa ang chiah chiah in min en a min duat thei khawp a Sentei nen thu hmun reng in min en ka ti mai, kapi ten min sawm loh pawh hian min sawm deuh reng zel a kei lah chuan fiamthu mai mai hian ka chhang thin a, lo awm dawn ta ang ila chuan ka nu atap thei mai ang. Hehe,





Chaw ei kan seng fel lai te chuan thleng sil ka tum loh nen, ''anu(kema nu) khan thleng sil vek rawh atih che kha, rawn sil rawh'' Sentei pui chuan a ti reuh a, ''I mak e mai'' ka tih lah chuan, ''nu te thu awih hi a tha'' a han ti vel a tui lo deuh in thleng ka sil hnuk phah.

Rei lo te tv en a kan thut zuai hnu ah Sentei nen room lam ah kan phei a khum a ka phone dah ka ban vat chuan miscalled pa5 Aaren-a hnen atang alo awm a ka call back nghak vat a rei ring loin a la thuai, *call I chhang thei lo a* a rawn tih ve mai chuan kapi te inlam a chaw kan ei thu vel ka sawi ve duah a, *ka lo rim ang che* a ti a awih lo deuh iin ka nui ka nui ringawt a rei in be lo in kan dah thuai a laptop lain film kan en a zan dar8 a rik meuh chuan kan hne dun ta khawp a, ''dawr ah kal ila a ninawm e'' Sentein a tih tak ah chuan 'aw' lo pawh thuai in kawr lum in thawlh duh sawk sawkin room atang kan chhuak a nitei leh mipa pa2 hi sitting room ah an lo thu a, ''eng nge in tih dawn'' min hmuh rual a alo tih chuan Dawr kan kal tur thuin Sentein alo chhang thuai a abuk nghat tak ah chuan kan inzui chhuak ve nghal.





Pawn kan chhuak chiah chu vawt tha ver ver tak hi ani ka hit nghal chuai thei alawm le.





''Awi avawt e'' Sentei pawh chu a in kuang kuah hlun a, kawngka bul ah chuan kan han ding deuh vang vang a han tei kual vel pawh a peih awm loh.




''Awi ka inha lum leh deuh dawn'' a tih chuan shawl min lak tur in ka lo chah ve thuai a, a lo chhuak leh chuan polar puan lian vaklo hi min rawn keng a ka lo sin nghal hlun bawk.
''Scooty in kal ang, anitei ka hrilh tawh a'' a rawn tih tak ah chuan phur lutukin, ''kan fawr siau siau dawn nia'' ka ti ve hlut a, ''inu chuan hmu che se a hlap duh ang che'' ti in scooty awmna lam chu apan thuai a ka zui ve vat bawk.





Scooty kan keng ta sa sa tiin dawr hla lampang kan pan a, ka driver-i chu kuah deuh hlun bawk a, a tlan chak lem lo bawk nen vawt che lutuk chu a ni lem lo a mahse avawt vur tho.
Hla tlan chuang loin dawr lian ve deuh zawn ah hian a ding dat a, ''an thenawm hi Dawngpuia te in'' a rawn chhuh ve chuan a ti nghal sep a ka lo ner khum nawng a hmuh chuan min han ner khum ve sawk a, a helmet khum a lak thlak chu min khum tir pawp a ka lo 'aiah' that, ''lei vat ang'' tiin dawr lam min pan san nulh bawk.





Helmet la thla a luh ve mai ka tum chu scooty chabi lo la in khai va ka hmuh chuan phun bul bul in ka phawi zat a, ''ka khalh haw ve dawn khawp'' nui deuh vur vur a ti in dawr lam ka pan ve thuai a, dawr bul leh a sir vel ah chuan two wheeler ding a awm nuk bawk.





Dawr chung ka luh chuan alo awm chikim khawp a ala changkang phian zui, ka helmet keng tha in puan chuan ka lu khuh telin ka sin tha hlun a, ''Spicy kan chhum dawn mi niang'' Sentei dinna lam ka pan chuan alo ti var a lu ka bu nghat, ''drinks lei tel ila, chips pawh chuan sweet hi khaw nge a awm'' ti duah in ka hawi kual thuak a, ''saw lam ah sawn aniang, sweet I tih reng le, inah I ngah nen keng ta che'' dawr nghak tu te awmna niawm tak kawh pah chuan a ti hlak hlak a, ''ka theihnghilh ve ani mai a'' ti bui bui in a sawi na lam chu ka melh leh zawk a, va kal hnaih chu ka chak lo khawp mai, mipa leh Hmeichhia an awm dul a annui leh ham ham zel bawk nen va pawh chu chak lo tak ka ni mahse le sweet rawp ta reng reng chu an awmna lam ka pan vat a ka hnung ah a thil lak khawm pawm tun in Sentein min zui ve bawk.





''Sweet a awm em?'' An mahni en lem lo chuan pawhfuh in khai dul en chuan ka ti sep a, ''eng sweet nge niang?'' Mipa aw in atih chuan ka en ve vat a, ''peanut'' ka tih leh sep ruala ka thil hmuh chuan min ti tim sawk thei.




''Engzah man nge?'' Tia min zawk leh chuan min be tu chu en in, ''sawmnga man'' ka ti leh sep a, phone bih deuh ngur a Aaren-a thu chu ka en leh zawk a, bing deuh hian a phone chu a en ngur a a mah si chet a thunu pawh chuan a phone en lai chu abih sak ve a an sir a thu te pawh chuan phone an bih thap, ''hei nen a chhut khawm tur aw'' tiin Sentein a thil lei ho a dah thla a, ''inva ei hnem dawn ve, Sente'' tia dawr nghak tuin alo nuih var chuan Sentei pawh a then ve sak a.




Dawr nghak tu in a kan thil lei a chut khawm mawlh mawlh lai chuan an mahni hnung chhawn zawng in ka dil ngul a, ''Awi Pekhlu'' hmeichhia in a rawn tih hluai chuan ka lo ip zawk thei, ''ehe Daffodil, pawhfuh'' Sentein a tih tak hluai chuan alam ka hawi phei a Aaren-a ka en chuan min rawn en ve chiah a, a ban a kut awm chu la sawn lawp hian a ding vut a thil sawi tum a a an zuau laia, ''Daffodil'' tia min ko tu lam ka en chu Lawma lo ni, then sakin kan thil lei ho chu ka khai lawp a ka chhuak nghal nal nal.





Scooty hma lam ah chuan khai in ka ding ngul a, ''kha tia I chhuah ngawt ka poisa ken in a daih lo tep a sin'' Sentein min rawn panin a ti hlak hlak a, ''U Pekhkua kha..''
''Chuang la kal vat vat ang ka ning'' a thil sawi lai pawt chat a ti hmuk in ka helmet ken chu ka pe lawp a chahbi pawh ka thun lut nghal, ''aw chuang rawh le'' tia a thut kai chuan ka thu ve vat a, ''Daff'' tih ri ka hriat rualin hma lam a bu lawp in helmet ah ka in toh ri pawp a, ''awi ka phu nasa lutuk'' Sentei pawh chuan a ti hliai a.



Kan tlan hman uk tawh ania, ''inbe lawk ang'' ka thutna lam pan a atih chuan ka melh zawk a ka thut dan siam rem sat satin, ''Tlan ta che mawle'' lawm vak loh nen Sentei chu ka vin hlar a, ''in bia ang'' ti a ka ban a rawn chelh leh pawh chuan chhang loin ka en run a, inthiam loh hmel deuh in min en run bawk, ''in bia ang lo chhuk teh'' ka chang duh tak thak siloh ah chuan ati leh hmuk a, ner nang a akut phih sawn lawp in Sentei chu ka kuah a, ''tlan vat rawh hmeli'' seh chilh zet a abeng bul a ka tih chuan a tlan chhuak phut a, ''Hmangaihzual'' tia ring deuh a min au tu pawh chu ka en let peih lo.




Vawin ah ka tum ni miah loin a ex nen insi rial a an thu lai ka hmu a, a in sawi fiah hma hauh in ka ngai dam thlap a ka theihnghilh nghal chu ka ti thei lo mahse ka ring ve em a min bum chu ka ring lo bur mahse zan lam ah pawh ka tum ni hoh siloh in a ex bul ah bawk thu in ka hmu leh zat a ka rilru ana lo ka tih chuan ka do ve hle ang.




''Khawi lai ah emaw peng I duh em?'' A rawn tih chuan thu tha in ka thaw chhuak hap a hetiang a awm hi ka ning, ''ka hrelo'' ti lauh in chung lam ka thlir a, boruak vawt vur kar a arsi eng pheuh pheuh en chuan ka then sak.





Kalna tur hrelo in muang deuhin min tlan kawi pui ve char char a in kan thlen ve meuh chuan meng an lo awm tawh lo a a tlai tha viau tawh bawk, ''ka Khawng lo chauh'' Sentei chuan tiin room lam a pan vat a, kawngka kalh fel a ka luh ve chuan alo mu diam a ka kawrlum hlip in ka in thawlh ve nghal chuan ka hma ah tak ka phone lekin,, ''a ri char char'' a tih chuan ka en ve vat a Aaren-a lo ni.




Ka off hma in a ring tawp hman a vawin 30 chuang a call na alo awm thla nuk bawk, kan chhuak khan phone ka keng lo hrim hrim bawk nen chang duh pawh ni ila ka thei thak lo a mahse ka chang dawn lo tih chu ka hrechhiang hle bawk.

Call a rawn luh leh nghal zat chuan ka off pawp a *chang la* tih message ka hmuh zat chuan ner nang in ka switch off hmak a, Rilru khingbai deuh in Sentei reels en chu ka bih pui ve a, ''thil kan lei nasat nen U Pekhkua chu ka ngei kher mai'' a ti niah niah a, ''a hmelchhe si'' ka lo ti ve nghal hlar a, ''tha I tih em kha'' min lo tih leh zat chuan ka nui hak a lehlam hawiin ka inlukuh hmak a ka thaw chhuak halh bawk.






Zing ka tho te chu ka pik deuh chur mai a kala phak em em zui, ''inva mu rei unau ve'' kan inzui chhuak chu nutein anlo ti nghal var a Sentein a chhawn thuai a meng hlei loin sofa ah ka thu thla ve hnawk a ka la ham bui bui zui.





Chawi ei kham a ka phone ka on chu message leh call a lut nghal zut zut a atam zawk phei chu Aaren-a vek ania, ka nui suk ringawt.





Nileng in nutei in tifai Sentei nen kan pui ve a ka phone chu ka rin ai in a reh thei phian a nizan lam ah a ri nasa lutuk a chau ani ang.




Tum deuh bur bur in darthlalang ka nawt sawk sawk a, ''iva han tum rei tawh tak'' ka sir ah chiah ding a Sentein a tih pawh chuan ka la tum bur reng.




Chawhnu lam a nih meuh chuan ka hah ngei mai. ''Kha'' ti a phone a lek chuan mit ko ka san ak a, ''Sangbawihi'' a tih chuan ka ban vat.



*Aw...*

*ti nge I phone I lak theih loh a* alo ti nghal zat a, ala tawng ring phian zui.

*ka silent a lawm*

*nizan ah in inhau emni* atih chuan ka ner sak.

*hauh pawh ka hre chuang lo* ka tih chuan a chek tlak tlak a, *nizan ah a chat thla* a rawn tih zawih sep chuan ka hrethiam lo khawp, *tu?* a tawng zawi bawk a tiin ka au vak a, *I mawl thei e mai Daffodil* a tih hlak hnuah, *Aaren-a* a tih leh zat bawk.




******.


Show post links
Top