LOVING YOU BY Becca Lnz (Completed)

[Ngaia]

Chapter-19


(Comment leh click kha min han tih sak ve leh hram hram ula aw.... chuan a story hi a tawp tep tawh a, ka story thar tur prologue ka lo dah vat bawk ang... min lo chhiar sak leh theuh turin ka sawm che u a, prologue ka dah hunah like leh comment te kha min tih sak ve ula aw... like leh comment a that dan a zirin ka dah hma in ka dah hma lovang)




Hotel ka chhuah san fel chiah tih chuan ka thaw chhuah hak a, ka awm zawn chu dawm vang vang in ka tah loh nan ka in sum nasa hle, ka tawng chhung zawng khan nat na a khat mitmeng nen min en reng a nihkha, mite chuan ka ti lutuk pawh a ti maithei, mahse a tuar tu an nih loh vang mai chuah ani, ka natna zawng zawng te kha ka theihnghilh thei thlawt lo ani, ka la hmangaih lutuk mahse ka ring leh mai thei tawh tlat lo ani, a hma ang khan nem in a bulah awm leh ta ila, keichu fahrah mai ka ni a, in nghah na tur nu leh pa chhungte tumah ka neilo, a hma ang khan na leh ila ka tuar chhuak zo tawh lovang.



A hmaa ka natna tawrh ang kha ka tuar leh ang tih mawlh ka hlau ani, a bula awm tluk a thlakhlelh ka nei lo, a hnen a ka awm chuan famkim hliah hliah in ka in hre thin, ka hlim a, ka nun a mi pawimawh ber a ni bawk, mahse ka rin em em laiin a ni chuan min hawi san a, natna khum a ka awm mek laiin min kalsan a, hmeichhe dang nen an in zui nghal bawk a nihkha, ka insawi fiahna ngaithla hmasa lovin a thil hriat chun chuah a ring a, khatianga che mai lo khan thudik zawn chhuah te tum se chu hetiang thil hi a thleng in ka ring lo.



Tunah thudik a lang ta cheng a, a inchhir leh em em a, ka khawngaih lo ka tih chuan dawt ka sawi a ni ang, mahse min hmangaih a nih chuan ka thusawi te kha a ngaithla tur a ni dawn lawm ni, khatianga che mai lo khan thudik zawn chhuah a tum tur a ni, mahse a tilo, a ni chuan kei chu engah mah min ngai lovin ka hmuh lai ngeiin hmeichhe dang a awm pui a nihkha, dam kawr hlim ka nih vangin in enkawl hle ka la ngaih lai reng in a ni chuan ka nat loh hlau in thil a ti a, khatih hun lai khan ka na hle a sin, a mit a natna ka hmuh ang tho in a ni pawh in ka mit ah natna khatih hun lai khan a hmu ang tih ka chiang, mahse chuchu engah mah a ngailo.



Ka naute ka chan a, ka khawvel kha a keh chhe vek, ka pumchhung ami ngei ka thisen ringa nung ve tawk tawk kha a awm tawh lo tih ka hriat khan ka keh chhe vek, mahse Bear ka la neih avang khan chak na tlem te kala nei ve tawk tawk a, mahse a ni chuan min ti g lovin min kalsan a khatah chiah khan ka beisei na tlem te neih ve chhun chu a bo vek a, nun chung reng si a, thi ang vel ka ni, ka naute leh a pa chu a rual in ka chan a, khatih hun lai kha ka ngaihtuah leh ringawt pawh hian ka awm ah hian hnawh tu a awm tlat a, ka thaw tha thei lo hial thin.



Kawng ah chuan muang changin ka kal a, tunah chuan nun bul a tahr in ka tan tha leh anga, ka naute ka chan tak vang tal.pawh khan hlim takin awm tlat ka tum tlat tawh ang, ka naute kha pian ve hman lo mahse van ah khian ka che tla lai hi min lo en ve reng niin ka hre thin a, ka hlim loh chuan a hlim bik lo tlat in ka hre thin, chuvang chuan ani vang tal pawh in hlim taka awm ka tum tawh ang, 'Bawihte lo piang ve hman lo mahla Anu hi I hmu reng ani tiraw, lo lungngai suh aw, tum atang chuan hlim takin nun ka hmang tawh ang, vanah khan min lo nghak reng la, kan in hmu vat dawn nia' ti a phun sep sep in van lam chu ka hawi a.



Hna atang ka ban hma khan Rema ka bia a, hna thawh tur min lo zawn sak turin ka ngen ta tawp kha ania, sumdawnna a hawng a, a che tha viau bawk, a hnenah thawk tura min tih khan hnial lovin Kalo pawm hmiah a nihkha, "Effie, khawiah ngei awm, banna chu i ti fel thei maw" Phone ka lak rual rual chuan Opi chuan a rawn ti nghal zung zung a, "Umm... ka chhuak tawh a, tunah chuan in lam panin ka kal mek" ka ti zawi sep a, phone atang chuan a thaw chhuak huai chu ka hre thei.



"Awle, ka lo hmu leh angche kha I ti sia, I rawn lang bawk silo, Boss nen chuan in in be tha thei maw?" a rawn tih leh chuan "Aw... banna ka tih fel zawh khan ka chhuak nghal daih a" ka ti tah ve mai a, "Um... Boss kha a office ah a che nasa lutuk an tia, a bungrua ihei chu hman tlak mang a a tawh lovang an ti hial, I la awm ve reng emaw ka lo tia ka lo ngaihtuah lutuk che a, i that chuan a that hlauh chu, hei kan buai deuh a, ka dah phawt ange" a ti a, kan inbiak na chu kan ti tawp nghal.



Engvanga bungrua te chu ti chhe chiam nge maw a nih le, engpawh chu nise ngaihtuah ka duh lo, ti ah chuan keimah chuah hi in ngaihtuah ka duh, thil ngaihtuah chung a kal ka ni bawk a, kan vang ka lo thleng der tawh mai, in ka thlen dawn chuan dawr ah ka peng kawi a, noodles leh artui tih vel neuh neuh chu ka lei nual a, keimah chuah a ka a vang hian a chang chuan eirawng bawl lovin noodles mai mai hi ka ei thin a, a pawi na em em a awm lo turah ka ngai hmiah mai.



Inah chuan ka lut a, vawin chu in hi tih fel ka rilruk a, in ah ka awm khat bawk nen in ka tih fel loh na a rei tawh viau, keimah chuah a awm ka nih vang hian a bal em em chuang lo na chungin tih fai ve leh zeuh zeuh hi ka duh thin, ka thawmhnaw te chu thlak in noodles chu ka ei leh phawt a, ka ei zawh hnuah ka plate hman balh te chu ka sil fai leh a, in chu ka ti fel ta a, beng te chu hru in darthlalang te pawh ka hru fai a, ka in hi a lian lem lo ka tih tawh kha, in chhung lam ka tih zawh hnu chuan pawn lamah chuan ka kal a, step chho ve a hnah to ho chu ka pawt fai leh zung zung a.



Ka zawh meuh chuan a lo hma tawh lo khawp mai, in chhungah lutin ka in bual nghal sawk sawk a, ka zawh hnu chuan eirawng te ka bawl leh a, chaw ka ei kham ta maw tih chuan kawngka an rawn kik ri dat dat a, Opi a nih ka ring nghal ngawt pek a, chhung lam atang kawngka ka kalh vangin a rawn lut thei lo, ka hawn rual rual chuan a rawn ang zui nghal a, a hmelah chuan a thu rim zia chu ka hmuh sak thei, Engthil nge maw thleng chiah le...



"Engvang in maw I thinrim em em a?" ka ti a, "A... diktak chuan maw Rema hi tunlai a awmdan hi ka hrethiam lo, min be khat em em bawk si, kei ai tha hmeichhia a hmu tawh te hi a nimai angem?" a ti a, a rilru a hah hmel khawp mai, "Chutiang engmah a awm lovang, hna ah a buai deuh anga a be tha hman lo che pawh a ni thei a" ka tih chuan a bu nghat a, "Nia,ahee nidang ah chuan min rawn biak hman dawn loh chuan min rawn hrilh thin a, mahse tun nihnih chhung kha chu a reh hmak a, ka biak lah in tawi te in min rawn chhang a" a ti sep sep a.



"Ka lo be dawn em ni?" ka ti chuan lu a thing nak nak a, "A ngailo, nangmah pawn buaina I nei tam tawh lutuk, hrilh che ka tum em em lo a, mahse ka ipik em a in sawi thawl na ka mamawh vangin ka hrilh che a nihhi, engah mah ngai duh suh aw" a ti a, "Awle, tha deuhin nangmah pawn zawt la, engkim a fel vek mai ang" ka tih chuan a bu nghat nghat a, vawin lam chanchin te chu min hrilh a, Jasper chu a office ah a lo in hro sa nasa hi a lo nia, tuman an dang ngam lo, a thawm a ring bawk si nen a kut ah hliam a neih thu min hrilh te chuan ka lo hlauthawng em em ringawt.



Rei fe a awm hnu chuan a haw ta a, ka rilru ah chuan Jasper ringawt chu a awm a, engtinge tunah a awm mek ang, a Hmingtei chu a buaipui angem, zan rei thleng pawh chuan mut chhuak tih reng ka nei thei lo, ka ngaihtuah naah chuan thil pakhat chauh a awm, chutia ka ngaihtuahna ka lo kawm mawlh mawlh lai chuan ka kawngka chuba rawn in kik ri kauh kauh a, ka phu nasa kher mai, che lovin ka awm reng a, tum ang zan lai ah tunge ni ang, misual te hi an ni mai angem..



Ka ngaihtuah na avang chuan ka hlauhthawn na chu a zual sawt a, khum atang chuan tho in hmunphiah chu ka la lawk a, kawngka lam pan chuan thawm dim zetin ka phei a, mahse thawm chu a reh hmak a nihchu, inring rengin ka awm a, ka hmunphiah ken lai pawh chu ka hum nghet sauh sauh bawk, thawm a reh tak reng avang chuan ka thla chu a muang leh ta deuh a, khum lam pana in her mai ka tum lai chuan thawm chu a rawn awm leh a, ka in ring hman lo ka zuang deuh dawrh nghe nghe.



"Cherry" ti a phun sep sep ti chu ka hria a, tunge pawn ah awm chu ka hrechiang tawh hle, "Lo hawng lawk teh" tiin kawngka chu a rawn chum leh a, a aw ah chuan a harh fim zan lo tih chu a hriat hle, ka din na atang chuan ka la che sawn lo hrim hrim, "I harh tih ka hria, khawngaihin lo hawng rawh" a ti deuh sup sup a, ngawi rengin a tawng chu ka ngaithla reng, "Liansangpui rawn hawng rawh" tih leh kawngka chum bur chu a rual a, a thawm a ring bawk nen thenawm khaw veng ten an hria ang tih chu ka hlau viau.



"Kal sawn vat rawh, hetah rawn bengchheng suh" kawngka bula ding pah chuan ka ti a, a rum deuh nghut, "I rawn hawn hma chu ka kalsawn dawn lo, rawn hawng vat rawh, a nih loh chuan hei ai hian thawm ka siam nasa ang" a ti khar khar a, ka ngei zia chu sawi hian a siak lo zawk hial, engvanga hetia rawn che ngam nge maw a nih le, "Ka dawhtheih na hi fiah tum hauh suh angche, tunah hian rawn hawng nghal rawh, I rawn hawng lo a nihchuan maw hre rawh, I inchhir khawp ang" a ti a, ka la che sawn chuang lo.



Vawikhat khatah kawngkhar chu a rawn ti leh ta bur mai, tum dang zawng aia ring in a ni, eng ang pawn hawng duh lo pawh ni ila he mihring hian tawp a tum mai mai loh tih a hriat, rang zetin kawngka kalh na chu ka ban a, ka hawn rual rual chuan a rawn in zep lut nghal, a awm dan chu mak ka tih em avang chuan ka lo en mawl tawp a, kawngka chhung lam atang kalh in a rawn in her a, chuang zetin kan in melh ta ran mai le...



A mitmengah chuan a harh fim loh zia chu hai theih rual a nilo, a rawn kal hnai a a bu deuh luk luk bawk, ka lo tawlh hnung deuh hrat a, a tawp chawt, "Min hlau em ni?" a ti sep a, lu ka thing nak, "A tha min hlau suh engtin mah ka ti dawn hauh lo che, I nat hi ka phal dawn hauh lo" a ti a, "Enge I rawn tih dawn reng reng, zan a tlai tawh em hi" ka ti a, "Ka ngai che" tih pahin min rawn kuah thut a nihchu, a rui bawk nen a rit em em mai lehnghal a.



"Hei.... kalsawn teh, i rit ania" ka ti a, a che sawn lo hrim hrim, a taksa tihna chuan min rawn uai ni berin ka hria, tawng pawh tanwg tawh lo chuan a zawi deuh hnawk a, nilo hepa hi a rawn chat thla ringawt tih na em ni?... "Harh teh" tiin a hnung ah chuan a chum deuh dat dat a, chet pawh a la che sawn eih chuang lo, a rit bawk nen thawk pawh ka thaw tha thei tawh meuh lo, tih ngaihna ka hre tawh bawk silo chu muang chang hian ka khum lam pan chuan ka kalsawn pui ta a.



Khum zawn kan thlen rual chuan a mutthla deuh hnawk a, ka hah lutuk chu ka thaw hlawi hlawi a, ka thaw chham hman tep a ni, a hmel chu ka en a, tui tih hmel takin a mu a, heta a riah hi ka duh hauhlo, mahse tih ngaihna ka hre bawk silo, eng tiang a tam nge maw a in ang le, a hma in tiang em em a rii hian ka la hmu ngai lo, nilo a ni nen a kan awm dun lai kha chun zu a in ngai mang lo zawk kha ania, sana ka en a dar 1 a lo pel tawh.



Ka phone chu ban in Rema ka call ta tawp a, a la muhil lo a ni ngei ang, a la hma emai, "Enge nita, zan lai ah te min lo biak a?" a ti a, "I lo kal hman lawk mai angem?" ka ti ta tawl a, "Enge thleng harsat na I tawk ami?" min ngaihtuah hmel zet chuan a rawn ti leh a, "Chutiang lam pawh a ni chiah lo, Jasper a lo kal a, a rui bawk nen a chat thla daih lehnghal" ka ti a, "Ok.. in ka thleng chiah a, ka lo kal nghal dawn nia, ka rei lovang" a ti hnuah phone chu a ti tawp a.



Khum a Jasper mu chu ka thlir deuh vang vang a, a hmel hi chu a that ngai rengin a la tha reng, mahse a hmel chu a tla ve deuh kuam mai, a khabe hmul a hmaa awm ngai hlei lo te kha a awm vek a, a hmai pawh a ki deuh rat bawk, mahse chuchuan a ti lang pa zual sauh thung, "Hetianga awm lo hian hlim takin min awm tir mai thei lo em ni?" ka ti a, ka mittui chu a tla a, ka hru hul nghal vat bawk, a biangah chuan ka chul hauh hauh a, a taksa te hi ka ngai takzet ani.



Kanwgka chu an rawn kik a, Rema aw ka hre zui zat bawk, rang zetin ka va hawng a, "Engtinge ka tih ang aw?" Khuma Jasper mu chu a en deuh run bawk, "Ka hrelo, a inah haw pui mai la" ka tih chuan, "A in awmna ka hre silo a, a pawilo, ka inah ka kalpui phawt mai ang" a ti ta ringawt a, a pawimawh tur a awm in ka hrelo, Rema chuan Jasper chu a kuah tho a, Rema hi pate a ni bik lo mahse Jasper ai chuan a la te deuh thung, a ban lehlam ah chuan ka lo kuah ve vat a, Jasper erawh engmah hrelo tih hriat tak in tih ang ang chuan a awm deuh tawp a.



Step a kan chhoh pui lai te chuan a buaithlak khawp mai, amah lah chu a zawi nguai mai bawk si nen, Rema motor hnunglam a chuan Jasper chu kan dah a, ka hah lutuk, Rema pawh keimah ang tho in a thaw ve hawlh hawlh mai, "Engtia awm zel nge in tum?" Rema chuan a rawn ti a, hrethiam lo zetin amah chu ka melh a, "Enge I sawi awmzia?" ka ti sep bawk, "Hetia awm reng hi a tha miah lo ania, I tello in a awm thei lo tih chu I hriat kha, chutiang bawkin nang pawh hi a tello chuan I hlim bik chuang lo bawk, chuvang chuan inngeih takin awm leh tawh mai Ula a tha lo maw" a ti leh sup a.



"Ka chung a a chet dan zawng zawng kha i hria a ni lawm ni?" ka ti nghat a, "Ka hria alawm, mahse en la, a hmangaih zia che leh a inchhir zia hi, tupawh hian second chance hi kan phu vek ania" a ti leh sup a, ka chhang lo, ka ngaih tak reng ah chuan "Tih luih che ka tum lo ania, tumah chuan I rilru a la buai rih pawh ani ang, mahse fim takin I in ngaihtuah dawn nia, ka kal pui phawt mai ang, a tlai tawh bawk si, nangpawh zuk chhuk rawh, ka lo en liam angche" a ti a, ngawi rengin ka in her a.



Inchhung ka lut fel chiah tih chuan motor ti ka hria a, an tlan chhuak zui nghal a ni ngei ang, khumah chuan ngawi reng a thu in Rema thusawi te chu ka ngaihtuah let a, a sawi dik, a ni hi ka la hmangaih takzet alawm, mahse ka rinna a ti chhe hneh em a, ka bul a ngaihngam taka awm ka la theih rih tlat lo ani, hun ka la mamawh deuh a ni, ka rru a dam fel hunah ka la tlai lo a nihchuan a ni nen kan la awm dun leh ngei ang, mahse tunah chuan ni rih lo.



Zing ka harh a, hotel ah ka thawk tawh lo bawk nen ka hna thar ran turin ka in siam a, ka in peih fel hnu chun ka kal nghal, a hmun ka thleng a, Rema pawh a lo awm vang tawh mai, min hmuh chuan ka la a rawn pan vat a, "Lo kal rawh, I thil tihtur ka lo hrilh angche" a ti a, ka zui ve vat, thil zawh duh ka nei mahse ka zawt ngam chiah bawk silo, ka awmdan chu alo hmu tu reng a ni mahse ka thut na tur hmun kan thlen chuan "Ani chu zing hma takah khan ka in atang a chhuak tawh, a harh hlim khan a awm na kha a hai a, min hmuh hnuah thil awmdan te ka hrilh a" a ti nghal zung zung a, ka lo bu nghat ringawt.



"Heihi lo en fel la, i thiam loh chu keimah min lo zawt mai dawn nia" a tih hnuah a kalsawn a, a thil ti tura min tih chu ka en fel nghal mawlh mawlh a, thil harsa em em a nilo, hna ka thawh mawlh mawlh lai chuan ka phone a ri a, "I hnathawhna chu a nuam em?" Opi chuan a ti lang lang a, "Umm.. nuam lutuk, chuan I buai lo em ni, min rawn biak teh nawlh a?" ka ti a, an buai hun lai tak thin a nih vanga zawt ka ni, "Buai vak lo, vawin lam chu, taka boss lo kal kha a hmel hmuh a nuam tawp" a rawn ti a.



"A nihchu, hei hnathawh lai ka nei a, ka dah phawt ang aw" ka ti ta daih a, "Awle, Rema I bulah a awm em?" a rawn ti leh lak lawh a, "Aw.. nichin khan kan in hmu a, tunah chuan a office ah a awm mek" ka tih chuan "A nihchu" zuai raih hian a rawn ti a, "A rawn la be lo che em ni?" tiin ka zawt a, "Tukin kha reilote chu kan in bia a, mahse aaa... nakinah kan sawi dawn nia, hei keini pawh kn bua dawn tan chiah, anih ka dah aw" a tih hnuah kan in biak na chu kan ti tawp a.



Engvang a Rema chu chutianga awm nge maw anih le, ka ngei dawn lek lek mai, Opi'n ka biak duh lo viau mahse vawin lamah hian thil sawi fel pui ngei ka tum nghat deuh bur, ka tihtur ang ang ka tih zawh chuan a office ah ka lut a, "Ka zo tawh a" ka tih chuan "Awle,unche ei turin kan chhuak dun dawn nia" a ti a, ka bu deuh nghat, Restaurant changkang takah chuan min kalpui a, eitur kan chah chhung chuan phone a hmang lawk a, a lo let leh hnu chuan eitur chu a rawn thleng chawp chilh ve nghal mai bawk.



Eitur ei pah chuan kan titi mawlh mawlh a, ka ei zawh tawh hnu chuan tho chhuak mai lo chuan "Tunlai chu Opi i be vak ngailo tih ka hria a" ka ti sep a, Rema chuan min rawn en a, "Tinge tiang hian I tih a, a rilru a hah teh mai nia, mi inthlahrung chi a ni bawk nen ka hnenah pawh a sawi tha duh vak lo a, I ti khawngaih thlak emai" ka ti hlak a, a nui che dawt a, rum zetin ka melh thung, ka thiannu awm nuam lo deuha a awm thu ka sawi hnuah a la nui cheu chuan ka thin a ti rim.



"Enge nuih tur awm a, I sual emai" ka ti hlar a, "Dik tak chuan Opi hi inneih puiah sawm ka tum a" a tih chuan ka ka hau, "Maw.. tak tak maw" tiin phur zetin ka ti hluai a, a bu deuh nghut nghut a, "Ka in puah chah mek a nihhi, naktuk zanah Kk Hotel ah lo hruai rawh, mahse engmah hrilh lo la, ka thianpa pakhat a awm ve dawn bawk a, a ni nen chuan engkim kan lo ti fel vek mai ang" a ti a, ka lo phur khawp mai, mahse rilru hah deuh in a siam hmasa kher erawh ka ngei viau, ka hau duh tawh lem lo thung a.



A tuk lamah chuan Opi ka bia a, zanah thil ei chhuah puiah ka sawm chuan a phur hmel loh khawp mai, vawin lamah Rema'n a la biak miah loh thu a sawi chuan ka biak tur thu in ka lo chhang a, min rawn hnial leh vat a, ka sawm luih tak ngawt ngawt ah chuan phur vak lo in a lo aw ve mai a, zanin hi a tan a ni special tak tur a ni a, nalh deuh a in chei turin ka chah mawlh mawlh a, hna pawh ka bang hma a, a ni pawh eng emaw vangin a lo bang hma ve tho hi a lo nia, a tih zia phian mai.



Opi chu nalh takin a in chei a, a chhelo tak zet, nu te chhe zawk zaw a nilo bawk nen a inchei na chu a in hmeh tawp animai, in atang ka chhuak a, "Nanghi I va phur hmel em em ve, vawin lamah thil tha deuh i tawng ami?" a ti a, "Chutiang deuh chu" ka ti satliah ringawt, Kk Hotel kan thleng a, inchung berah a nih avangin kan chho zel a, inchung kan thlen chuan a lo thim vek a, "Min hruai na hi enge awmzia, a thim vek hi" a ti nang nang a, hatah hian lo ding rawh, midang ka va be lawk ange" ka ti a, ka kalsawn nghal daih bawk.



Opi chu light pakhat hian a rawn en a, a phu nasa lutuk chu a te deuh that a, ka nui ri kut kut thung, hmun kil deuh lai atang chuan Rema chu Pangpar keng chung in a rawn chhuak a, Opi hmaah tak chuan a ding bawk, Opi chu mak tih hmel zetin a en a, "He khawvela I lo pian ve avang hian ka lawm a, nang ka tawng che hi ka vannei tak zet bawk" a ti hmasa te te a, Opi chuan a en reng, thil a sawi leh nual hunah a pangpar kenai chu Opi a pe ta a, Opi chuan hlim hmel zetin a lo la bawk.



Rema chuan a kekawr ipe chu a zen rawk rawk a, a zam hmel hle bawk, a kekawr atang zungbun bawm a lak chhuah rual chuan Opi hmaah a thingthi a, "Khawngaih in min nei rawh" a ti a, Opi chuan mak a tih lutuk vangin a chhang mai lo, a kut chuan a hmui a hup a, a hmaa Rema thingthi chu a en ngawt ngawt bawk, a hnuah chuan hnuk ulh teuh tih hriat zet hian "Aw.. ka nei ang che" Opi chuan a ti thei hram a, "Ka lawm e" ti sup in Opi kut ah chuan zungbun chu a rawlh lut a.



Chumi rual chuan light chu a rawn eng uar a, Opi hlim.hmel chu hmuh hmaih theih a ni lo, a hmel chu a nung sarh a, an bul ah chuan kal hnaiin Opi chu ka kuah vang vang a, "Ka lawmpui tak zet che u ani" ka ti sep bawk, "I lo hre lawk vek em ni?" a tih chuan ka bu nghat a, "Ka ngei dawn viau che a, mahse ka hlim em avangin ka ngei lo mai ang che" a ti a, kan nui zui hak hak hlawm mai, "Bawihi, he thil a min oui nasa em em tu hi hriat tir che ka duh ani, lo chhuak la" a tihchuan ka hnunglamah pen ri khup khup thawm chu ka hria a, nui sangin ka hawi let a, mahse ka nui hmel chu ka mi hmuh avang chuan a tawp chiang hle.



"Engtinge anih theih?" Opi pawh chuan a ti sep a, "A ni hian min pui nasa takzet ani, vawin lama I haw hma chhan pawh kha amah hi a ni a, chuan helai hmun min chei pui tu pawh a mah hi ani bawk, a hnenah hian lawmthu sawi sen loh ka ba a ni" Rema chuan a ti leh nghal zung zung a, mahse a thusawi chu ka hre mumal pawhin ka hrelo, keichuan ka hmaa Jasper ding chu ka en reng ringawt, engtinge Rema leh Jasper te hi an in kawm theih zawk.



Nilo nilo chutiang ai mah chuan hetiang ka hi engtin nge a tih theih zawk, a ni te chu a buai thei hle kha ani sia, "A nihchu, kan lawm lutuk e" Opi chuan a ti sap a, a aw ah chuan a ni pawhin mak a ti hle tih a hriat theih, Jasper chu a nui deuh suk a, keichu min rawn en a, mitmeng nelawm zet chuan min en a, ka lo hawi sawn vat thung, "Le.. thil ei ang u hmiang In ril a tam tawh hlawm ang" tih leh Rema chuan Opi chu kalsawn pui a rual a, kei leh Jasper te erawh chu kan la che sawn lo hrim hrim.



"Chuan he thil hi Rema I lo tih pui vek maw ni a?" ka ti sep a, a lu a bu nghat, "Engvang a ti nge I nih?" ka tih chuan "Ka thian a nih vangin, I mean, hmani atang khan thian tah takah kan in siam a, thiam te puih chu thil sual a nilo a nilawm ni?" a ti a, a nui deuh suk bawk, engmah sawi tawh lo chuan Rema leh Opi te thut na lam chu ka pa ta daih a, ka hnung lamah chuan min rawn zui ve tih hriat lutukin a pen ri khup khup a, Opi bulah chuan ka va thu a, ka hmaah tak chuan Jasper chu a rawn thu ve bawk.



Ngawi rengin thil chu ka ei a, ka hlim rual rual in, ka hmaa thu hian min en reng a, ka awm a nuam lo, ka thil ei chu a tui leh tui loh pawh ka hre lo e a, ka ei deuh mawp mawp a, kan ei zawh chuan kal nghal mai lovin thil te kan sawi ho leh a, Rema chuan palai a rang lama a tirh tur thu chu a sawi a, a hmanhmawh tawh nasa mai sia, kan lo fiam chuan, "Ka chang lovang tih ka hlau alawm, kan inneih vat loh chuan mipa dang min um san daih palh ang" a ti fiamthu a, Opi huat tawk a lo tling ve em em bawk nen a melh deuh rawm rawm zel.



Haw tura hotel kan chhuah san meuh chuan a tlai duat tawh, Rema chuan Opi chu a thlah dawn a, mahse kal kawi na tur an la neih thu a sawi vangin ka chuan ve a rem dawn chiah lo, engtinge ka haw tak ang, ka buai ru khawp mai, tu a zan a tlai ve deh tawh bawk nen taxi hman tur a vang dawn lutuk tih ka hre ru kar mai bawk si, "Ka lo thlah angche" ti sup tu an awm chuan ka en vat a, "A ngailo, taxi ka la mai ang" ka lo tih vat chuan a rum deuh nghut a.



"Effie, Jasper rual khan haw mai rawh, tun angah mahni a taxi Chan pawh a hlauhawm tawh hmeichhia i ni bawk si, keini lah kal kawi na tur kan la nei bawk si nen" Rema chuan a rawn ti a, ka ngei ru viau, a hnena reilo te awm pawh nuam lo ka ti tih a bre ve reng sia, Opi pawh chuan Rema awmdan chu mak a ti tih a hriat, a meng phawk deuh hra a, mahse engmah a sawi lem lo, "Kan kal dawn em ni?" tih sup ri ah chuan a lam chu ka hawi leh vat a, ka ngaihtuah na ka lo kawm nasa lutuk a, Rema te kal lai pawh ka lo hre reng reng lo hi a lo nia.



Ka bu nghat a, ka thut luh nan a motor kawngkhar chu a hawng a ka thu lut vat, a ni pawh rawn thu lut ve nghal in motor chu a ti nung a kan tlan chhuak nghal, ngawi rengin ka thu a, Jasper pawh tanwg lovin a motor khalh lai ah chuan a rilru a pe tih hriat takin hmalam a bih ngur a, "Chuan Rema bulah maw hna i thawh tak a" a rawn tih deuh sup chuan ka lu ka bu nghat ringawt, a ngawi leh vang vang a, ka in zawn kan thleng chuan motor a ti ding a, ka chhuak nghal vat, "Muttui le" ka ti sep a, a ni pawh chuan a rawn ti ve sup bawk, rang zetin step ah ka chhuk thla a, ka hnung lam za mer mer ah chuan min en zui reng tih ka hre thei.



Rema chu a hmanhmawh em avangin palai pawh chu a tur nghal vat a, a pailai te bulah a hma tehi ang bera inneih ni ti fel nghal turin a chah a, Opi chhung te chu an nuih a za khawp mai, a makpa ber tur a hmanhmawh tak em avang chuan an inneih ni atan thlaleh ni 9 hi an ruat a, a hnai tawh tak zet, kar thum tha erh awrh bak in buatsaih na hun an nei tawh lo, dan khat na in an innei dawn a, Opi chuan a zak deuh a, mahse zahna tur a awm lo tih a kan hrilh fe hnuah a pawn ve ta chuah kha ania.



Kan bazar deuh reng a, hna pawh ka kal mumal lo khawi mai, mahse ka hnathawh na neitu hi mipa tur a ni miau a, sawisel chu sawi loh ka kal chhuak tur te chu a lo phur via zel zawk a awm dan chuan ka nuih a ti za thei hle nghe nghe a, hna lamah pawh a khi vur vur reng mai bawk nen hnathawk dangte ho pawh chuan an fiam laih lain zel a, huat a hnek in a lo nuih pui mai zel bawk si nen kan hlim tlang hle ti ila ka sawi sual lovang.



Opi chuan mo thian ah min hmang dawn a, Rema pawh chuan Jasper chu a thian ah a hmang dawn bawk, he mite pahnih hi engtia in kawm ngeih ta em em nge an nih pawh ka hrethiam lo, Opi te inneih hun pawh nihnih chauh in a dang tawh a, mokawr vel pawh kan en fel diam tawh bawk, Opi chuan pheikhawk nalh deuh min lei sak a, a ti bawk nen ka lawm viau, lawi kawr tur kan thui tir chu lam turin kan kal a, a thui nalh em em a, a rawn in ang in kan tih tir a, mahse a design a dang deuh thung, puan chei nen a in rem tur kan thlang a a nalh viau mai.



Zanin tlai chu Opi te inah chaw ka ei dawn a, ka in ah kal tawh lovin Opi te inah kan tlang nghal dawn a ni, kan haw dawn tih chuan Rema'n Opi a lo call a, min rawn lam tur thu a sawi avangin kan lo nghak a, kan nghah pah chuan in tur leiin kan in a, Rema chu a lo thleng a, a mah chauh in a lo kal dawn emaw ka tih laiin Jasper nen an lo kal a, motor atang rawn chhuak dun in kan awmna lam pan chuan an lo kal a, Rema chuan min rawn be nghal sawk sawk a, Opi chuan kan kawr thui tir a nalh zia vel chu a lo sawi nasa mai a, kei erawh chu ngawi rengin ka lo ding mai mai thung.



"Kan kal dawn em ni, keini pawh ka puzawn tur ten chaw ei ah min sawm a" Rema chuan a ti a, Opi chu a lo phur khawp mai, "Bawiha a hnungah khan thu mai rawh aw, hei ka boss hi a hmaah kan thut pui ange" Rema chuan Jasper en pahin a ti a, Jasper pawh chu nui suk chungin a lo bu ve nghut, a sir te ah chuan ka thu a, pawn lam chu ka hawi reng a, Opi leh Rema erawh chu an tawng lang lang reng a, an nui dun leh hak hak zel bawk, ka bek zat mer mer avang chuan Jasper thutna lam chu ka en a, ril ruih hian min lo en reng a nihchu, ka hawi san leh nghal vat a.




Opi te in kan thleng a, a chhungte chuan min lo lawm hluai a, an chhungte khaw dang ami te pawh chu an lo awm khawm deuh laih a, Opi leh Rema chu inhmeh an tih thu te an sawi nasa mai a, an hlim hmel hle, chutah Opi patea chuan "Mo thian a in hman tur te pawh hi an in hmeh viau hi, sawi rem nghal daih chi" a lo ti ta zeuh a, rang tawkin Jasper lam chu ka en a, a ni pawh chuan min lo en ve reng a, a nui deuh suk bawk, "Ni e.. I sawi takah chuan an in hmeh riau mai, innei ve nghal daih mai ula" Nu Kimi Opi nu chuan a lo ti ve a, engmah sawi nachang pawh ka hrelo, ka zak bawk si nen chuan ka hmai a sa hat hat a, a sen leh vek tawhin ka ring, ka awm dan chu an lo hai lo nasa hlawm mai a, an nui deuh dar dar a, kei erawh hawi pawh ka hawi chhuak ngam tawh lo.



Cont.


Show post links
Top

[Ngaia]

Chapter-20



Effie Liansangpuii POV



Chaw te chu kan ei a, a changin Jasper nen chuan min la chhaih deuh reng a, nuam lo ka ti ru viau, Opi te inneih na vel thil ah in hmuh fo kan ngai a, mahse kan in hmuh pawh in kan in be ngai lem lo, mak ka tih chu a hma te kha chuan min biak tumin min ti buai reng thin kha ania, mahse tunah chuan ka awm ang ang in min en ti ila ka sawi sual lovang, min biak emaw tumna a nei ngai lova, keipawhin biak na chhan tur kan neih vak loh avangin ka be ngai meuh lo bawk, kan in be khat hle chungin amah ka va en fuh chang hian min lo melh leh vung vung zel a, ka hmu tih a hriat veleh nui suk chungin a hawi sawn veleh mai zel bawk.



Chaw te ka ei zo a, tih fai kan tum chuan Opi chhungte chuan an lo phal lo nasa mai a, tih luih ngial ka tum a, mahse min dan tlat, "Inchung lamah han inkawm daih rawh u, hei ti tu tur an tam alawm" Opi pa chuan a ti a, Opi te pahnih leh Jasper te nen chuan kan in zui chho a, khua a vawt deuh sir bawk nen thing tuah ma tur a awm bawk a, mei chu chhem in kan ai ho a, a nuam phian mai, Rema phur tawh lutuk chu a sawi reng mai a, kan lo nuih liam vel ta tawp, ka dem hran lo, hmeichhe ngaihsak nachang hre ngailo kha ani a, a hmeichhe hmangaih tak tawng a a nei thei turin a thiannu ka nih na angin thinlung takin ka lawmpui ani.



Opi nu chu a rawn au deuh lang lang a, Opi te pahnih chu tho in min rawn en a, "Tikhan lo awm rawh u aw, kan lo chho leh vat dawn nia" Opi a ti a, hreh tak ka ni mahse ka ti lang duh lem lo thung, an kal liam lai chu ka thlir reng a, sawi tur hre ber pahnih an kal bo takah chuan kan ngawi deuh vang vang a, engkim chu areh thiap maiin ka hre hial, "An phur dun hmel khawp mai" Jasper chuan a rawn ti sup a, a lam chu hawi in ka nuih deuh seih a, "Nia... an hlim ngawt ang, in hmangaih taka in nei tur an ni a, chhungkaw hlim tak an din ngei ka beisei" Kati ve ta duah a, a hmel ah chuan thil ngaihtuah a ang, hmalam chu a thlir vang vang a.



"Keini pawh kha lo in nei hman chu ni ila, fa kan nei ve tawh ngei awm si a, chuan hlim takin ka awm dun bawk anga" a rawn ti sup a, a tawng zawi viau na in ka hre chiang lutuk tlat, sawi tur ka hrelo mei alh chu en. in ka ngawi ta daih a, "Cherry, vawikhat tal chance min pe leh thei lo em ni?" ngen na thuk tak a aw ah chuan ka hre thei ani, a lam chu muangchang hian ka hawi a, thuk ruih min lo melh ran a, "Ka hrelo, ih.. diktak chuan ka hlau ani, khatiang thil kha a thleng leh anga, na takin ka awm leh ang tih ka hlau, khatiang natna tuar leh tur kha chuan ka chak tawk tawh lo a, ka keh chhe vek ang tih ka hlau" ka ti sep sep a.



"Vawikhat mah khatiang thil kha i chungah ka thlen nawn tir tawh ngai lovang tih ka tiam ache, khawngaihin min pawm leh hram rawh aw,,, a hma aia hlim na nasa zawk kha ka pe che anga, natna ka lo pek tawh zawng zawng che kha theihnghilh vek turin ka siam ang che, min ring hram rawh" a ti a, a hmel chu ka en vang vang a, a mitah chuan a tih tak zia ka hmuh sak thei ani, ni e.. engvang in nge ka pawm mai loh ang, a ni hian min hmangaih a, keipawh hian ka hmangaih lutuk bawk, chuvang chuan ka pawm ngei ngei tur ani, a tello hian ka hlim tak tak thei lo tih ka hrechiang lutuk tlat.



Ka lu chu ka bu zeuh a, "A awmzia chu nang hian min pawm leh ani tiraw?" rinhlelh hmel deuh hian a ti a, ka lo nui suk a, "Aw.. pawm e, mahse ka rinna che hi I tih chhiat loh hram ka beisei" ka ti a, a mit ah chuan hlimna, lawm na leh phur nasa lutuk chu a rawn lang zut zut a, ka lam ah chuan rawn tawlh hnaiin min rawn kuah vang vang a, ka lo kuah let ve vat, "Ka lawm e, hlim takin ka siam angche tih ka tiam ang che, ka hnen a I lo.let leh hi I in chhir ngai hauh lovang tih ka tiam bawk ache" a ti sup sup a, ka chal ah chuan a rawn fawp vang vang bawk.



"I hria em, hmu reng chung che a, ka khawih thei ngai lo che kha hreawm ka ti takzet thin asin" a ti a, lung run zet chuan min thlir vawng vawng bawk, "Keipawh in ka ngai thei lutuk che lawm" ka ti ve sep a, ka nuih sen sen bawk, tunah hian ka hlim lutuk, hetiang tak hian ka hlim leh thei ang tih reng reng ka ngaihtuah pha ngailo, ka naute ka chan kha ka khawvel hi a tawp ni maiin ka hria a, mahse tun atang chuan nun bul ka tan tha leh tawh dawn ani, khawvel a ka mipa hmangaih ber nen ka dam chhung zawng leh thih hnu piah lam thleng pawhin kan awm dun ngei ka beisei, chutiang tur chuan min siamtu Pathian khi ka dil mawlh mawlh bawk ang.



"I hmui thlum tui tak te hi ka ngai" tih leh min rawn fawh a rual a, a tir ah chuan ka chhang let mai lo, a duhthawh lutuk avang chuan chhan ngaihna ka hrelo a ni zawk mah ang chu, a hnu deuh ah chuan dam deuh zawkin min rawn fawp leh ta a, phur zetin ka lo chhang let ve vat, a lei chu ka ka chhungah rawn hawl lutin thuk zetah a rawn chet a, a rum leh deuh ngut thin bawk, keipawh chuan ka thiam ang tawkin ka lo chhuah let ve zel bawk a, a kut pawh a hlei tan viau, ka dul chu a zut hauh hauh a, kawr chha mai duh tawk lovin ka kawr chhung ah chhan a kut lum nuam em em mai chu a rawn rawlh lut a.



Min la fawp reng chung chhanka dul chu a zut kual a, ka lo thaw hak, min tih phur dan a thiam takzet ani, ka taksa te chu a za mer mer a, vawt tih vang ni miah si lovin ka taksa te chu a vawt sung sung nimai hian ka hria, a kut chu rawn sawn chho zelin ka bra chhan ah chuan ka hnute chu a rawn hrawm.tawk a, ka in rin hman hma in ka run chhuak deh hak a, Jasper erawh a lo nui nghawr dat thung, ka hnute chu a kut lawm a khawih tum in ka bra a hnawl tawm chho a, mahse kan awmna lai hi hetiang tih nan chuan a ual au mah mah ani, a kut chu ka man bet vat a, a lo rum nghut mai.



"Miin min hmu ang, duh tawk phawt ang" ka ti sep a, ka aw ah chuan tawp tura ka duh bik loh zia a hre chiang hle a, a mut chu a la chhuak a, a chak leh ka chal chu ti si in a thaw chhuak deuh hawlh hawlh a, a thawk zawng a a taksa khur ru pawh chu ka hrait hmaih lo, a taksa pangai hma chu chutiang chuan a awm char char a, keipawh ka lo thaw chhuak ve hak hak tho, a ni ang tho hian ka awm ti ila ka sawi sual hauh lovang, a taksa a pangai deuh hnu chuan a nui suk a, "Ka hmangaih che" ti sup in ka chalah chuan a rawn fawp leh vang vang a.



Aw thian kharh ri kan hriat takah chuan kan in thlah vat a, Rema leh Opi te chu nui vur vur chung hian an lo kal phei a, an hmel ah chuan a hlim hle tih a hriat, "Kha kan lo va kal timing awm lo ve" Rema chuan nghal zet hian a rawn ti a, "Chuchu lawm, la chho lovang ka tia, mahse Rema hian an lo in hnial palh ang, chho vat vat zawk ang a ti tlat a, mahse hei in hnial chu sawi loh" tiin a nui kar kar a, ka lo melh rawm rawm a, chu erawh a haider hmiah thung, "In ho emai" ka ti hlak a, an nuih a zual emaw tih mai turin an nui nasa zual sawt a, Jasper ka va en chuan min lo melh ve reng a, a ni pawh a nui ve suk suk mai.



Rum zeta melh in ka hawi sawn deuh hmak a, "E.. I thinrim ami, thinrim suh, hmeltha an thinrim ngailo" Opi chuan nghat zet hian a rawn ti leh hram a, mahse chhang pawh ka chhang zui duh tawh lo, kan titi zui nak nak a, kan hlim tlang hle, Jasper chuan hnung lam atang min kuah deuh hlun a, "Nangni pahnih hi tha deuha awm vat tur che u ania, ka in duh kual e te in tia, kan in nei rual mai tur" Rema chuan a ti a, Opi chuan pawmpui tih hriat zetin a lo bu ve nghat nghat mai, "Innei phawt ula, keini pawhin kan ti ve thuai ang" Jasper chuan a lo ti dut a, an phur hmel hle.



Opi te in atang kan haw dawn meuh chun a hma tawh lo hle, pawn thlengin min thlah a, Rema motor a khalh a, keini erawh a hnungah kan thu thung, darthlalang atang chuan Rema chuan nghal zet hiam min rawn melh leh thin a, ka lo chhiat khum vak zel, Jasper erawh chuan ka kut hum ran chungin ka in siam chhe lai vel chu min lo nuih leh suk zel a, kan in chu reilo ah kan thleng a, ka chhuk thla nghal a, Jasper lo chhuk tum chu ka lo dang vat a, "Lo chhuk duh suh, i motor I lo keng silo a, Rema kha in thlah tir nghal mai rawh" ka ti a, a thu tha a, a tum zui hmuk lehnghal.



"A ngai ve che nihkha mawle" Rema chuan a rawn ti fiam a, rum zet a melh in, "Lo ngawi ngawi mai teh, nupui neih dawn vang mai a, han thawngtheih em em mai" ka ti hlak a, a nui chhuak hawk hawk a, ngaihsak zui tawh lovin Jasper chu ka va en a, "Ka kal dawn a nia aw, in i thlen veleh min lo be dawn nia" ka ti a, a la ngawi zui reng, a awmdan chu a nuih zat thlak a ni tawp mai, naupang titau a ang lutuk tlat, nui ru ver ver chung in lamah chuan ka chhuk thla a, inchhung ka lut chu ka chauh zia ka hre thar a ni ber, ka chawm tha te hi a na ut ut mai.



Ka thawmhnaw chu thlak zung zungin bathroom lam ka pan a, ka in bual zawh hnu chuan bathroom atang ka chhuak a, ka phone a ri a tawp ve chiah bawk, ka phone awmna lamah chuan ka kal vat a, min lo call tu ka hmuh chuan ka nui nghal ver ver a, call back leh nghal mai ka tum chuan call a lo lut lehnghal zat a, Jasper bawk ani, "Hello" zah vah in ka ti a, "Tunge phone i lak theih loh, vawi hnih lai ka lo call hman che tih i hria em?" a ti nghut a, lu hnung nakin ka thaw chhuak deuh hak a, a aw ah chuan min ngaihtuah zia a hriat hmaih theih loh chuchuan min ti hlim veng veng mai.



"Ka lo in bual daih a, chuan I thlenna a rei tawh em?" ka ti a, "Rei lo, ka ngai che" rilruih hian a ti a, keipawh hian ka ngai veng veng mai, "Kan in hmuh zawh chiah kha" fiam deuh ti tih a ka tih chuan a rum nghut a, "Chupawh nise, ka ngai nghal tho che alawm, kan in hmuh lai reng pawh khan ka ngai che a, i taksa ka sik lai reng pawhin ka ngai tho che" a tih leh chuan ka lo nui hak a, "Min ngai ve miah lo em ni?" lungawi loh hmel deuh chuan a ti leh hmuk a, "Teuh nang" ka lo tih fiam thu chuan a ngawi zung vang vang a, a thinrim viau a ni ngei ang.



"Ka rawn kal dawn" a ti chhum vut a, "Zan a rei tawh hi lo kal suh, naktuk lamah tihtur kan la ngah si a, I chau lutuk ang" ka ti zung zung a, "Min ngailo tak tak a nih dawn hi" a ti zawi sup a, min bia pawh a ang lo, a mah leh a mah a in bia a ang zawk mah, "Hey... ka thil sawi kha ka ti mai mai a nihkha, ka ngai lutuk che alawm, naktukah kan in hmu zawk dawn nia" ka ti tha leh a, a thaw huai ri chu ka hriat hmaih hauh lo, "Awle, ka hmangaih che tih hre reng angche, muttui le..." a ti a, keipawh chuan ka lo chhang let ve vat a, phone kan dah hnu chuan hlim zetin khum ah chuan ka lawn kai a.



Zing lam ah chuan ka phone ri vangin ka harh zawk a, meng chiang hlei lovin ka pick a, "I tho tawh em?" Opi a ni, a la au ring em em zui, "Tho nang enge min va rawn be hma ve" ka ti a, ka ham zui bai bai bawk, "Vawin lamah tihtur kan ngah em kha, chuan a ham tawh lo, dar 9 a ti tep tawh, lo in siam vat rawh, hei ka hman tep ka rawn sawm phei angche" a ti leh sawk sawk a, keipawh ka tho chhuak nghal vat, a tlai tawh mah mah, nidangah hetiang ang em em ah hian ka tho ngai miah silo a, thawh ka hai chu ka in ngei lek lek, Opi lo thlen hmaa ka in peih hman lo a nihchuan a thinrim leh dawn lutuk.



Chaw pawh chhum lovin noodles ka lei khawl sa ho chu ka chhum ta tawp a, ei sawk sawk kan in siam nghal zung zung bawk a, ka in peih deuh chiah tihin Opi pawh a rawn thleng chawp chilh nghal a, a hmel chu a nung sarh a, "Rema te lo nghak lawk ang aw" a ti a, a hmanhmawh viau emaw ka tia, "Enge an lo tih ve dawn?" ka ti haw a, "Aw.. min lo kalpui ve dawn" a ti awlsam then a, ka hnial hran lo, Rema leh Jasper te chu ka inah chuan an rawn lut a, Jasper chuan min rawn hmuh rual rual in a rawn nui suk a, a i thiam dan zawng zawng men sawn a pa hluah hluah a ni tawp mai.



Motor pakhat a kal kan duh vangin Rema chuan kan in kawt ah motor a dah a, Jasper motor ah chuan kan chuang lut ta vek a, a hmaah Jasper nen chuan kan thu dun a, ka kut a hum ran bawk, motor pahnih ken kan tih loh chhan pawh jam vel a tan in a buaithlak duh em vang ani, "Effie pawh thil tha deuh nei thar ang maiin a hmel a nung sarh mai lawm" Rema chuan a ti a, midang ho chu an lo nui dar dar a, kei erawh in rum zetin Rema chu ka melh a, engah mah a ngaih hmel loh lehnghal.



"Bawihi a tawk tawh em em lovem ni?" Nin hmel zetin Rema chuan a ti a, Opi lah chuam a melh deuh rawm rawm a, "Min lo zui rawh u pawh kan tih loh kha, in duh thu in min rawn zui a, enge ning leh tur si min lo zui vel" Opi lah chuan a ti bak hlar a, diktak chuan keipawh hian ka ning deuh tawh, thil ho mai mai a en a, kan kuttin kan chei tur chhung zawngin min lo nghak a, a duh uluk bawk nen kan rei viau bawk, tunah lah thil ho mai mai a en leh a, a hah ve maih lo emaw ni...



"Chutiang lam pawn ka sawi chiah lo, naktuk lamah I chau viau dawn ania, chuvang chuan vawin chu hahdam I mamawh a lawm, hetiang thil ho mai mai ti tawh lo hian in lamah haw tawh zawk ila a tha lo maw?" Rema chuan dam thlap hian a ti leh a, "Ni tho mai, a nih chuan haw tawh mai ang u" a ti a, a mah zawh chu a kal nghal nal nal a, a hnungah chain kan zui a, motor kan thlen chuan a lo ding fel ran tawh mai, Jasper chuan car lock chu a hawng thui a, kan thu lut nghal thap a.



Opi te in lam pana kan kal lai chuan Opi leh Rema chu an in hnial leh deuh bab bab thin a, Jasper nen chuan nui lang ngam chiah ai lo hian a rukin kan lo nui ru kur kur ringawt a, Opi te in kan thleng a, kan chhuk thla nghal diak, inchhung kan luh chuan an lo tha hnem bawk nen an thawm pawh a tha hlawm viau mai, Opi te thlah hi chhungkaw hung tak an ni a, an khaw sak pawh a harsa hlawm lo bawk, Rema pawh in nu leh pa anga en a nei a, Rema tan chuan an hlu hle a, tunah hian an cheng ho vek bawk.



'Rema chuan kan bulah tun hun ka thlen theih nan a ki pawimawh ber te an ni, fa an nei theilo a, ka tleirawl lai khan an ni hian an bula awm turin min sawm a, tichuan an fa ang chiah a min en in engkim min tih sak ani' a ti thin, tlai lam deuh ah chuan Rema leh Jasper te chu an haw ta a, keini pawh chaw te ei in zan lamah kan ti ti ho nak nak a, a nuam viau, Opi nu leh pate pawhin an fanu angin min en a, fahrah ka ni tih an hriat vang nge ka hrelo, pasal ka neih hunah chuan nu leh pa chan an chan duh thu an sawi a.



Ka lawm viau nang in ka inthlahrung a engtin mah ka chhang lem lo, naktuk mai inneih a nih tawh vang in Opi nen chuan mut hma kan duh a, a room lamah chuan kan in zui chho a, mut hma tuma room lam pan e tilo chuan khum ah kan mu a kan titi dun ta mawlh mawlh a, pasal neih a chak rual a, a huphurh zia thu te chu a sawi siam siam a, chutianga a sawi takah chuan keipawh hian ka lo huphurh ve khawp mai, a chhan erawh ka hre hauh lo thung, a hma ang khan kan in zui nasa thei tawh dawn lo tih ka hriat vang te pawh a ni ngei ang.



Kan muthilh meuh chuan a hma tawh lo khawp mai, kan titi a, a chang leh kan mittui a tla thul, diktak chain Opi nen hian kum khat vel chuah kan la in hria a, mahse ka tan chuan ka nun a mi pawimawh ber te zing ami a ni ka ti lo theilo, ka mamawh hun apiang ah ka tan a awm zel a, ka thian a nih mai piah lamah ka unaunu a ni tel bawk a, a lakah thu ruk ka nei ngailo, ka harsat na te leh ka mangan na te a hnen ah zep awm hauh lovin ka sawi a, min puih theihna lai a neih apiang ah tlan chhe lovin ka tan a awm reng zel bawk, harsatna a tawh hun a lo nei a nih pawhin tlanchhe mai lovin pui turin ka awm reng zawk ang tiin a hnenah zanin khan ka in tiam a nihkha.



Zing lamah min mawlh tu a awm emaw tih mai turin kan harh hma hlawm viau a, a awm tho e, vawin hi Opi leh Rema te pum khat an nih hun tur a ni a, kan khur tlang hlawm viau mai, zing atangin kan ti lel lu hlawm mai a, mo chei tur an lo thleng a, Opi a in bual zo chiah bawk nen an chei nghal zung zung a, an zawh chuan keichu min chei veleh nghal a, min chei zawh chuan darthlalangah ka in en vang vang a, kan in hmu tha ve khawp mai, simple deuh a chei kan duh thu Opi nen kan sawi lawk sa a, an thiam bawk nen kan lang tha dun hle, Opi Chuan mokawr a ha a, a in hmeh in a mawi takzet.



Jasper chu mo hruai turin a lo kal a, min hmuh chuan hawi sawn lawk nachang a hrelo, kan inkar hi Opi chhung ten an hre vek tawh a, chutia min en reng chu an lo fiam nak nak hlawm a, a ni pawh a nui suk suk mai, car nalh zet hi a rawn khalh a, kan thut luh na turin kawngkhar chu a hawng a, Opi a thut luh hnu chuan thut uh ve nghal mai ka tum a, "I nalh lutuk" Jasper chuan ka beng bulah a rawn la ti hram a, ka lo nuih seih ringawt.



"Awii keichu ka huphurh eee.." motor a kan tlan mek lai chuan Opi chuan a a ti deuh hluai a, "Chu pasal neih I duh leh ta silo a mi?" Jasper chuan nuih zat hmel zetin a rawn ti a, "Chutiang lam pawn ka sawi loh kha, ka huphurh ka ti ringawt alawm" Opi lah chuan a lo ti deuh hmak a, darthlalang atang chuan Jasper nen kan in en a, kan nui ringawt, "Vawin chu kha I nalh ve khawp alawm, mahse Cherry chu I la tluk lo deuh chu a ni" Jasper bawk chuan a rawn ti leh a, Opi chu a ner nasa khawp mai, an inneih na tur vel kan buaipui lai khan kan in zui chhuak nasa hlawm bawk nen an in ngam tawh viau, Opi pawh in a hnathawh naa boss ang in a en em em tawh lova, a ngam piap piap khawm mai.



"Nang a hmuh hmelthat ka ngai lo ve, ka pasal turin hmeltha min tih chuan a tawk" Opi chuan a ti deuh hmak a, an awm dun tawh hi chuan an in hnial reng a, a buaithlak tak tak a ni, Opi te veng leh Rema te veng hi a I hlat tham deuh avangin tlan chhung pawh a rei ve deuh, kawng tluan chuan Opi leh Jasper te chu an in hnial tluan parh a, ka lo nui char char ringawt, "Awii.. Effie Jasper hi then daih teh, a tawng theih dan em em te hi, hetiang ang em em a tawng thei mipa hi ka dam chhung hian ka la hre ngailo, lo innei pawh ni ula, a hnial char char zel mai ang che" Opi chuan Jasper chhan ngaihna a hriat thaw loh vang chuan ka lam hawi in a rawn ti hlak hlak a, ka lo nui ringawt.
30


"Teuhlo mai, kan inthen dawn lo, nangni ai ropui hian kan la in nei dawn, chuan thil pakhat mka hnial che nilovin nangmah zawk in min hnial char char zawk a nihkha" Jasper chuan a ti a, "A lo nih vel tak chu" tih hmakin Opi chuan pawn lam a hawi daih a, a tawng tawh lo hrim hrim, biakin kan thleng a, mi chu an lo tam tawh khawp mai, motor kawngkhar chu Jasper chauna. hawng a, ka chhuak hmasa a, Opi kawrfual chu ka chawi pui a, biak in kawt kan thlen chuan Opi chu a thaw deuh vang vang a.



Biah in chhunga kan luh lai chuan Rema chu ka va en a, mit tla lek lovin Opi chu a lo.thlir ngawih ngawih a, a mitmeng ah chuan Opi a duh zia hmuh hmaih theih a nilo, Pastor in thuthiam a chham tur lai te chuam an tih mai mai loh zia leh thinlung taka an chham zia chu kei mai nilovin biakin chhung a mipui awm ho chuan an hre vek ngei ang, inneih hun serh vel chu a zo a, mipui chu lo ding in mo leh mo neitu te biak in atang a an chhuak tur chu an lo lawm a, biak in pawn kan chhuak chiah tih chuan pangpar in min lo theh a, Jasper ka en a, a sam ah chuan pangpar a lo awm deuh niai a, nui hakin ka tih tlak sak a.



Mipui te chu lo chhuakin innei zo hlim.te mai bakah mo thian te chu min rawn chibai sap sap hlawm a, thlalak na te kan nei leh a, ka ke chu a na ut ut tawh mai, kei ai mah chuan Opi ke chu a nat ka ring tawh zawk, mahse hlim em a, hah hmel pawh a la pu lo, Opi chu Rema te inah lawi turin monu lam atanga an chhungte leh thian hnai te nne kan kal a, an zai dup dup bawk, Rema te in kan thleng a, mi an lo tam khawp mai, Opi a lawi lut chiah chu an au deuh dur dur a, a nuam hi a ni tawp mai.



"Ka chau lutuk" tihleh khumah mut thlak a rual a, tunah hian an nupa room turah Opi nen kan awm mek ani, an in a lian in a changkang bawk a, an room chu a felfai thlap a, a zai bawk nen a nuam takzet, "In thlak vat ila, chaw te kan ei dawn nia, kan bo rei lutuk chuan an lo zawng palh angche" Opi bulah chuan ka ti a, zawi zetin a rawn thu chhuak a, "Zan lam chu kal loh mai te ka duh ania, mahse kal ngei ngei a ngai bawk sia" a ti nang nang a, ka lo nui ringawt, zan lamah hian an pual in party a la a dawn a, hun kan nei tam tawh lo viau.



Party na hmunah chuan ka. thleng vek tawh a, Opi leh Rema te erawh chu an lo la lang lo thung, lamtual zau zet ah chuan couple te te in an lam a, kei erawh thut na an siam ah chuan ka thu thung, Jasper pawh ka bulah a thu ve run a, eng emaw ngaihtuah nei hmel a pu, "Enge i ngaihtuah a, i hmel a dik miah lo ania" ka ti zawi sep a, ka lam chu rawn hawiin lu a thing a, a nui suk bawk.



Opi te nupa chu an lo thleng a, kut kan lo beng dur dur mai, tan na hun te kan nei a, zaithiam an sawm bawk a, thiam takin a zai a, a aw a nalh bawk nen ngaihthlak ka kham lo viau, cake cut na te an nei eh a, mipui te chu min rawn sem diat diat bawk, a hnu ah chuan nupa tuak thar te chu infiamna te an neih tir a, quiz tih ang reng nen an in tawn dan vel leh an inngaihzawn dan vel chu an sawi luih tir a, mipui ho chu an lo nui dar dar mai.



An pahnih chauh chuan an lam tir a, a hnuah midang te pawh chu an lam ve sap sap hlawm a, keipawh chu Jasper chuan lam turin min sawm a, mahse ka thiam loh vangin ka lo hnial a, ka zirtir angche a ti deuh tlat avang chuan kan lam dun ta a, a kheikhawk a rap tura min tih avang chuan ka rap a, a tir lam chuan ka zeilo lutuk chu ka tlu leh tep zel a, nghet zetin ka kawngah Jasper in a chelh hlauh a, ka tlu lo hram.



Music chu a tawp a, monu pangpar vawr na hun an nei dawn a, hmeichhe ho chu kan ding tlat thap a, Jasper awmna ka va em chuan a lo awm tawh hauh lo, khawiah nge maw a lo kal hman ni?... Opi chuan pangpar vawr tur ang deuh in a pangpar ken lai chu a vawt a, mahse a vawr lo, mipui ho chu an lo au dar dar a, pangpar chu a vawr tawhai daw emaw ka tih laiin a rawn in her a, ka lam chu rawn pan in pangpar chu min rawn pe a, axis ka hrelo lutuk chu ka lo hawi a hei ringawt.



Chutah light ho zawng zawng chu a thim vek a, light pakhat chu rawn eng in keichu min rawn chhun a, enge thil awmzia ka hriat loh em avang in ngawi rengin ka ding mawl tawp a, ka hmaah pangpar nalh zet meng chu gin Jasper chua. rawn lang thut a, mak ti taka ka melh lai chuan nui sang hian min en a, "Enge thil awmzia hi?" tiin ka zawt ha a, nui sak chungin "I hre mai ang" a ti ringawt, Engthil nge tih a tum tih ka ngaihtuah lai mek chuan ka hmaah chuan a rawn thingthi a, mak ti lutuk in ka .elh reng ringawt.



A pangpar ken chu a sirah dah in a kawr chhung atang chuan zungbun bawm hi a rawn la chhuak a, bawm chu hawng ka lamah zungbun nalh zet mai hi a rawn keng lang a, "Effie Liansangpui khawngaihin min nei rawh, hlim takin ka siam angche tih ka tiam a che, i mittui ka ti tla ngai lovang tih chu ka tiam theilo che, mahse hlim taka siam tir che in ka theihtawp ka chhuah ang, kei hi I pasal atan min pawm hram rawh" a ti a, mittui tling pam chungin ka melh a, mipui lam atang chuan aw ti rawh tiin an rawn au lauh lauh a, a then in mut an beng a, he thil hi a tak tak chu a nisia maw....



"Min chhang la.." beisei nei zeta min melh pah chuan a ti a, tap chhuak hawk pah chuan "Aw.. ka nei angche" ka ti a, a thaw huai tih ka hmu reng, ka kutah zungbun chu min bun tir a, pangpar min pe zui nghal zat bawk, mipui thawm chu tha tak ani, min lawmpui thu an sawi sap sap hlawm a, Jasper chu rawn ding chhuakin .in kuah vang vang a, a hnuah ka chal ah a rawn fawp leh a, tuna thil thleng mek hi ka mumang chu a ni hauh silo a, ka mumang a ni ang tih ka hlau takzet ani....




Cont.



Chapter hnih vel bak a awm tawh lo aw....


Show post links
Top

[Ngaia]

Chapter-21

(Khawngaihin like kha min pek sak ve ula aw... 1K a tling ve tep tawh ania, min han pek sak ve hram hram ula.. a harsat loh kha....)


Effie Liansangpuii POV



"Ka lawm e, ka hmangaih che" tiin Jasper chuan min en vawng vawng a, ka lo nui hak, ka mittui ka biang a luang chu min hruk hul sak a, midang te chu lo kal khawm in min rawn chibai sap sap a, ka hlim takzet ani, ka thian tha tak te in eih ni ah hetiang taka hlimna leh lawm na ka chungah a thleng hi ka ring ngai lo, tum atang chuan Jasper chauh hi ka en tawh anga, a hma anga buaina neih kha ka tum tawh hauh lo bawk.



Party a zo a, Jasper hotel ah Opi te nupa chuan honney moon an hmang dawn, keini pahnih chuan kan zui a, midang te rawh in lam panin an haw tlang nghal thung, Hotel kan thleng a, room chhung kan lut chiah chu Opi a ti deuh hluai a, "A van mawi em em, hei hi nangma chei tur vek em ni?" Rema melh pah chuan Opi chuan a ti deuh hluai a, Rema chu nui hawk hawk chungin lu a lo thing a.



"Hei hi chu kan nupa tan Jasper hian a bik liau liau a, a lo chei tir a nihhi" a ti sup a, Opi chuan Jasper chu en vat in "Kan lawm lutuk ania aw" a ti a, a mitmeng ah chuan a lawm zia chu hmuh hmaih theih chi zia zang a nilo, "Mawi in tih chuan a that chu, hun nuam tak in hmang dawn nia, kan ti buai ang che u, kan kal phawt ange" tih pahin Jasper chuan ka kawngah a rawn chelh a, kan in zui chhuak nghal.



Motor a kan chuan lai te chuan ka nuih leh ver ver thin a, ka mut a zungbun Jasper in min bun tir ngei chu ka melh char char bawk, "Min neih I duh lo ang tih kha ka hlau lutuk a, I chhan na ka nghah lai khan thawk pawh ka thaw tha ngam lo" Jasper in a tih chuan a lam chu hawi in ka nuih sen sen a, "Engvangin nge ka hnial ngawt ang che, ka hmangaih che tih i hriat chian kha" ka tih chuan "A hma a thil thleng vang khan ka in rin tawk na hi a chhe vek tawh alawm, mahse min hniallo a, ka lawm lutuk ania, kan inneih hunah chuan pasal tha tak ka ni ang tih ka tiam a che" a ti a, ka ringhlel lo.



"Chuan khatiang thil a thleng dawn tih kha, tu tu in nge hria, ka sawi awmzia chu Rema te nupa kha chuan an hrechiang anga, midang hria an awm em?" ka ti a, a nui suk a, "Ka nu leh pate an ni mai" a ti a, Nu Rintei te nupa hi kar hmasa khan phai ah an kal a, an lo la haw lo ani, Opi nu leh pate khan lo kal ve turin an duh viau nachung in Pa Muana in check up a ngai ta si a, Jasper min hrilh dan chuan Pa Muana chu that loh na em em a neilo a, thaw a veng huai mai.



In kan thleng a, motor atanga ka chhuk rual chuan Jasper pawh chu a lo chhuk ve a, a haw tlang nghal mai dawn emaw ka tia, ka lo melh mawl tawp, "Enge i tih dawn?" ka ti hu a, a rum nghut, "Ka lo leng dawn" a ti bul hmuk a, "Awle lo kal la" ka ti a, step ah chuan kan in zui thla a, in kalh na chu ka hawng rawk rawk a, ka zawh chuan kan in zui lut nghal, Jasper chuan chhung lamah kawngka a kalh a, ka chau lutuk chu engmah ti kawi lovin khumah ka thu hnawk a, ka bul chet ah Jasper chu a rawn thu ve nghal bawk.



"A rang lama inneih ka duh dawn ania" a ti sup a, ka lo pawm thlap, kan in hmangaih tawn em em a, a chhungte pawn min pawm vek bawk nen a duh dan chu ka duh dan a ni tawp mai, "I tih dan dan a nimai, mahse" ka ti sep a, palia tirh na tur ah ka buai ani, fahrah ka ni a, in nei mai tur kan ni bawk nen chhungte tumah pun tur ka nei dawn lo a, chuchuan hreawm min tih tir a hma kha pazawn te kha chu ka nei ngei alawm, mahse kan in neih na kha thulh a nih leh tak si avang khan engkim a buai zo ta vek sia.



Ka ngaihtuah na chu Jasper chuan a lo hria a ni mahna, ka kut ah chuan rawn hum in "In ngaihtuah buai duh suh, Opi nu leh pa te khan engkim ah puih che an in huam a, a fanu angin an en che tih i hriat kha, kan haw hma khan ka bia a, an in a palai kal tir chu an hnial lo ania" a ti sup sup a, ka thawveng huai mai, ka tan hi chuan an van hlu tak em aw....



"Jasper" ka ti sep a, lungawi loh hmel zet chuan a rum hawk a, ngaihna hrelo lutuk in ka melh chhoh lai chuan "Cherry ka tan Cherry I ni a, I tan pawh Bear ka ni, hre reng rawh" a ti nghut a, ka nui chhuak hak, "Awle... a nih chuan Bear" ka ti a, "Enge Nika nupui hual" a ti chuan ka lo ner nang nang a, a nui chhuak hawk hawk mai, "Zawh tur em em che pawh ka neilo ka au ve mai mai che a nihkha" ka ti a, a nui che leh dawt a, ka ham bai bai a, ka mit a kham thum mai, zan a rei ve tawh bawk nen mutchhuak in min zem chiai chiai a.



"I mut a chhuak a nihkha, muhil rawh, keipawh ka kal ange, ka nu leh pate hnen ah thu lawmawm hi ka la hrilh lova, in ka thlen hunah message in ka rawn hrilh dawn che nia" a ti a, a tho chhuak zui nghal bawk, kawngkhar thleng chuan ka thlah a, kan in mangtha hnu chun a kal mai dawn emaw ka ti a, mahse a lamah min pawt hnai thut in min kiss nghak ngawng ngawng a, keipawh in ka lo chhang let ve vat, rei ngial min fawh ngawng ngawng hnu chuan kham loh hmel takin min thlah a, "Muttui le ka hmangaih, nakin ah chuan hetianga in thlah hi kan ngai tawh lovang" a ti a, nui hak in ka lo bu nghut nghut a.



ʕ•ᴥ•ʔ



Bear chuan Opi nu leh pa te hnenah chun palai chu a tir ta ngei a, keipawh in nu pa tiin ka ko tawh a, an fanu ang chiah in .in en bawk nen ho lam taka pasal ka neih chu an phal lo, Opi'n pasal a neih dawn a an phur ang chiah khan an phur a, Bear lah a lo hmanhmawh ve bawk nen thlaleh ni 15 hian kan in nei dawn a, dan khat naa inneih kan tlin loh vangin dan hnih na in kan in eni dawn a, mahse ropui taka in neih na buatsaih chu a duh ani.



Opi mo thian ah ka hmang dawn a, Bear pawh in Rema a hmang leh dawn bawk, biakin hawng a pasal neih ka chak ve khawp mai, mahse kan thei ta silo nen picnic spot pakhat ah in neih na chu kan buatsaih a, mo kawr leh lawi kawr te pawh kan thlang fel diam tawh, engkim chu a kal tluang purh a, Bear lah chu a phur tawh lutuk a, a ohi cheng tawh mai, Opi chuan a fiam zuk zuk reng a, huat ah pawh a la lo, a lo nui mai zel.



Vawin tlai ah hian Nu Rintei te chuan chaw ei ah min sawm a, kei mai nilovin Opi te nupa pawh an sawm tel ve bawk, Bear chuan min rawn lam a, Opi te erawh an mahni in an lo kal mai dawn a ni awm e, In atang ka chhuah chuan motor ngheng in Bear chu a lo ding a, min hmuh chuan min nuih suk a, nuih let ve sakin a bulah chuan ka va ding a, "I nalh lutuk" a ti sep a, ka chhip atanga ka ke thleng chuan min melh chhuak vek bawk, "Nangpawh I nalh lutuk" ka lo ti ve sep a, nui sukin motor kawngkhar min hawn sak a, ka thu lut ve nghal.



Bear te in kan thleng a, Rema te motor pawh a lo in hung fel diam tawh mai, taka ka lo sawi lo in ka hria, Opi pawhin a hna a chawlh san a, Rema tih vang nilovin a ma duh thu ngei a bang a ni, a sawi dan chuan in nghak a, nupui tha tak nih a duh vang tih a sawi a, tha ka lo tih pui khawp mai, keipawh Rema bulah ka la thawk ve reng a, mahse Bear hian kan in neih hun ah chuan ka hna chu bansan mai turin min ti a, ka hnial bik lo.



"In lo thleng maw, lo kal rawn u" tiin Nu Rintei chuan min lo lawm chul a, sitting room lam ah chuan kan in zui ihei a, Rema te nupa pawh an lo thu vang tawh mai, Pa Muana chuan min hmuh in min lo lawm ve hluai a, "Chaw ei pawh an peih tawh a, in duh hun ah a ei theih a nia" Nu Rintei chuan Pa Muana bula thut thlak pahin a ti a, ril a la tam vak loh avangin kan la titi khaw muang leh phawt a.



A hnu deuh ah chuan chaw chu kan ei a, chaw ei e tilo chuan kan nui leh hak zel a, a chhan pawh Bear leh Opi chu an in hnial reng vang ani, Opi thil sawi apiang chu Bear in a lo hnial kalh a, Opi chuan ngei hmel tawh tak ani, a mipa zawk in a hnial zat zat mai bawk sia, a buaithlak duh viau mai, chutih rual chuan a hlimawm em em bawk, "Nu Rintei Jasper hotel a ka thawhai chuan maw ka hlau thei lutuk mahse ka thiannu nen hian an in kawp chho a, a lo hlauhawm mang bawk silo a, a la tawngthei em em zui, engtinge hetiang ang em em a tawngthei fapa hi in neih theih zawk a?" Tiin Opi chuan Nu Rintei chu a zawt a, kan lo nui huk hlawm a, Bear erawh a rum nghut thung.



"Ni e... a hma chuan tiang hi a ni ngailo, Effie a rawn a tang a a mizia hi a inthlak a nihhi" Nu Rintei pawh chuan nuih hak hak chungin a lo ti a, "Ka mipa hriat tawh ah chuan a la tawngthei ber ang, hmeichhia hnial a la hrat em em zui" a ti leh hram a, "Keipawh ka hmeichhe hriat ah chuan I la tawngthei ber" Bear pawh chuan a lo ti ve hluk a, an in melh rum nasa bawk sia, a. uih zat thlak duh tak zet ani.



Chaw kan ei kham hnu chuan Opi nen chuan kan che sawk sawk a, nula pahnih an awm tho na in awm mai mai nuam kan ti bik lova, min hnial nasa viau mahse kan ti lui ve talh a, a hnu ah chuan min hnial tawh em biklo, kan zawh hnu chuan sitting room lamah kan va kal ve nghal a, Nu Rintei'n min hmuh chuan "Min lo zui lawk ta che" a ti sep a, an nupa room lamah chuan kan in zui phei a, khumah chuan thu turin min ti a, ka thu ve vat.



"Ka lawm takzet ani, ka fapa i ngaidam a I pawm leh avang hian" a tih chuan "Kan in hmangaih tawn a, awm hran kan theih lo ani, a tello chuan a hlim thei dawn lo tih ka chiang a, a thil tih avang khan a in chhir hle tih pawh ka hre bawk, a thiam loh bik anilo a, ka thiam loh pawh a tel ve tho bawk a, a lak a lungawi lo reng thei ka nilo alawm" ka ti ve sep sep a, tawngkam ka thiam lo bawk ne chutiang bak chuan ka sawi thiam lo.



"Kan fapa in hmeichhe tha tak a tawng hi U Muana nen hian kan lawm takzet ani, chuan heihi la rawh ka monu tan a ka dah that a ni a, ka monu I ni mai tawh dawn a, I ta tur a nihhi" a ti a, ban bun mawi zet mai chu ka lamah a rawn leh chhuak a, "Mahse heichu I tan thil pawimawh tak ani anga, ka la theilo ang" ka ti a, "Heihi kan chhungkaw i thlah chhawn zel a ni a, I ta tur a nihhi, he chhungkaw mo te hian an in hlan chhang zel thin" a ti a, keipawh chuan hnial lovin ka la ve ta a.



Dar 8 a rik chuan haw turin kan in tin tuah a, motor a kan chuan lai chuan "Ka nu khan enge a sawi a?" a ti sup a, a lam chu hawiin a hmel pa zet chu ka en a, "Midang g
hrait chu loh" ka ti sep a, a rum nghut, kan in zawn kan thleng a, "Mittui aw... fimkhur deuh in motor khalh ka, in i thlen hunah min lo be dawn nia" ka ti sep a, kawngkhar hawn ka tum chuan ka theilo, "Thil theihnghilh neiin I in hrelo maw..." a ti sup a, hrethiam lo zetin ka melh a.



Nui sukin a lamah min pawt hnai a, "Enge mawi tih le, miin min hmu anga sin" ka tih chuan a nui chhuak hawk hawk mai, "Tuman min hmu dawn lo, motor chhung ah kan awm hi, chuan ka thil duh chu i hriat ka ring" a ti a, "I mitchhing phawt rawh" ak ti a, nui leh suk in a mit a chhing a, a hmui ah chuan ka fawp zeuh a, mahse a lo duh khawp lo nasa .ai, min pawt hnai leh sawt in ka tukhum ah chuan a kut a rawn rawlh lut a, ril zet chuan min rawn fawp zui ngawng ngawng a.



..



"Engthu maw i sawi kha?" mak ti lutuk in ka melh a, "Rosie-i a chhuak, engtinge a nih theih ka hrelo" Bear chuan a ti leh sup a, engtinge a chhuah theih zawk, "Engtinge kan tih ang, nilo, engtinge a chhuah theih zawk?" tiin ka tawng mawlh mawlh a, "Cherry hlauthawng suh, zalen takin a awm rei hauh lovang, kan chunga a thil tih te avang khan zalen takin a awm ka phal dawn hauh lo" Bear chuan seh chilh nak in a ti a, keipawh chuan chuchu ka duh dan chiah ani.



"Tunah khawiah nge a awm ang?" ka ti a, "An inah a awm ka ring, engtinge awlsam taka a chhuah tir tih ka hrechhuak thuai ang" a tieh hrawk a, engvang nge ka hrelo, hlauhthawn na in ka khat a, engthil emaw tak chu tih leh ngei a tum ka ring tlat ani.



Rema leh Opi te pawh chuan Rosie-i a chhuak tawh tih an hria a, Opi phei chu a thinrim hle nghe nghe, Bear chuan Rosie-i chhuah chhan chu a chhui a, mahse a GRE mai thei lo, Rosie-i lah chu a thawm a reh vung vung a, mahse ngaihtha tak chuan ka la awm thei chuang lo, khatiang thil rapthlak kha a ti tawh a, eng emaw tak chu tih leha tum ngei ang tih chu ka ring nghet bur a, mahse engtinge che a rawn lak ang tih erawh ngaihtuah ngaihna pawh ka hre lo.



Karkhat lai a liam leh tawh, kan inneih na ni 8 chauh a awm tawh a, ka phur rual rual in ka chhung ril ah hian hlauhthawnna a awm tlat a, ka hlim fam kim theilo a ni ber, naktuk ah hian interview Bear nen kan nei dawn a, a chhan pawh Bear hi India ramah Business man hlawh tling pawh a an thlan vang leh Mizoram a sum dawng hlawh tling naupang ber anib vang a ni.



Interview tur nei tur chuan kan in buatsaih a, ka khur ru deuh ru deuh dar dar mai, hetiang ang thil hi ka la tawng ngai lova, ka zam takzet ani, "Hlauthawng lo la, i. bulah ka a tlat dawn ania" Bear chuan a ti a, ka lo bu nghat ringawt, "India rama sum dawng hlawh tling ber pawl leh Mizoram lamah sum dawm hlawh tling naupang ber ni bawk Jasper Lalhruaizela leh a nupui niami tur kawm na kan nei dawn a, thlir tu mipui te lo kalsan mai lova, a tawp thleng a min en sak tur cheu in ka sawm hmasa a che u" min interview tu tur chun a ti hmasa a.



Zawhna chu hrang hrang te chu min zawt a, tha tak chuan ka chhang ve thei mai, " upa in ni mai taw dawn a, in in hmangaih hmel in in hlim dun hmel bawk si a, ka lawmpui takzet che u ani, nupa hlim tak in nih ngei theih na turin duhsak na ka hlan a che u" Interview la tu nu chuan a ti leh a, lawmthu te chu kao sawi a, chutih lai chuan hmeichhe rawn au thawm hi ka hria a, aw lo chhuah na lam chu ka hawi a, mak ti lutuk in ka melh mawl tawp.



"Ka sawi chu in hriat em, an ni hi an innei theilo" Rosie-i chuan a rawn ti leh a, kan lam pan chuan a rawn kal nghal zat bawk, "Engthu awmze neilo nge I sawi hi?" Jasper chain a ti hrawk a, Rosie-i chu a nui hak a, a hmaa a thil tih te avang khan kan hmaa rawn in lan ngam tawh tur pawh hi a nilo asin, mahse zah chu khawi lam, hawi sang vah chungin kan hmaah chuan a ding a, a nui sawng bawk, chuan thil pakhat a pum a puar luah a, a kan dan ringawt pawhin a rai tih chu hai theih a nilo.



"Nangni pahnih hi in in nei theilo, a chhan chu ia fa kapai mek ani" Rosie-i chuan a rawn ti a nihchu, ka nghing dawt ni ber hian ka hria, ka kaih za tha te chu a khur a, ka tlu mai dawn emaw ka tih laiin Bear chuan ka hnunglam atang min rawn dawm vat a, "Engthil teh hrep nge I sawi, nang hian ka fa I pai amaw?" Bear aw chu a hlauhawm takzet, Rosie-i chu a nui deuh sak a, "Ni e.. I fa ngei a nihhi" tiin keichu min rawn en a, min hmuhsit hmel hle bawk.



"Min lo va chhuahsan mai dawn em niang" Bear chuan midangte en kual pah chuan a ti a, mahse engmah awmzia a awm tawh lo, kan interview kha live a pel chhuah a ni a, mipui te chuan an hmu vek tawh dawn tho ani, engmah sawi buai lovin an in sa seng a, an chhuah zawh hnu chuan Bear chuan dim zetin couch ah chuan min thut thlak tir a, ding mar leh vut in Rosie-i hmaah chuan a ding nghal run bawk.



"Chuan I thusawi hi ka awih I ring tihna em ni?" tiin Bear chu a nui chhuah hawk a, "I awih emaw awih lo pawh nise, chuchu thudik a ni" zam map lovin Rosie chuan a ti leh a, "Min bum tum hauh suh angche, khatih hun lai khan nanghi vawikhat pawh ka khawih lo che, chuchu kei mai nilovin nang pawh hian i hrechiang hle bawk" Bear chuan a tieh hrawk a, "Oh... party naah khan I rui lutuk enge thleng tih i hre hauh lo" sawi fuh in ti lutuk in Rosie-i chu a nui leh hak a, enge tih ber tur pawh ka hrelo.



"Chuan nangkha lo in thiar fihlim angche, ka fa hi fahrah a sia ka tum hauh lo, nangmah ang khan" min rawn kawk va pah chuan Rosie-i chuan a ti a, dik tak chuan a fa paiai hi Bear fa a nih ka ring lo, a chhan chu a ni hian engthil pawh tih hreh a neilo tih ka hria a, midang fa Bear fa ah a luh anih ka ring, chuan hetiang vang mai mai hian Bear nen kan in mar hi tih chhiat ka tum hauh lo bawk.



Ka thut na atang chuan ding chhuakin Rosie-i hmaah tak chuan ka va ding a, "A teuhlo mai, Bea hi ak pasal tur a ni a, then ka tum hauh lo bawk" ka ti fak a, ka thusawi chuan a thawng a ni mahna a beng buai nak a, mahse a reilo thinrim zet hian min melh a, "Engthil maw I sawi kha, tunah hian I pasal nimai tur fa hi ka pai a, chuan nang hian neih luih I la tum tho amaw" a ti vin that a, ka lo nui hak.



"Chu ka pasal tur fa ani tih I chiang meuh amaw?" ka ti leh a, "Teh reng mai, a nilo mipa hnaih ka neilo" a ti a, "Umm... chupawh nise then ka la tum chuanglo, lungngai suh, ka pasal fa ngei a lo nih hlauh chuan tha takin ka enkawl sak angche" ka ti a, "Enga nang hian ka fa hi I enkawl anga maw teuh lo mai, nang ang hmeichhia hian ka fai enkawl ka phal dawn hauh lo, Jasper hi then la min pe angche, ka fa lo piang tur pa a ni a, keimah chauh hian ka nei ang" tiin a au tawn tawn a.



"Anih leh ka fa min that sak ve thung kha engtia tih nge I tum ve, nang hian ka fa lo piang mai tur kha min that sak a nihkha, chuti chung chuan Bear hi kalsan turin min la ti ngam amaw, hre rawh, ka kalsan dawn hauh lo, chuan ka hrilh tlang law law angche, tuna I pum chhung ami kha Bear fa hi a nih ka ring hauh lo bawk ania, nag ang hmeichhe nikhua lo zet hi chuan dawt a midang puh bak thiam in lo tih ka hria" ka ti leh a, a thinrim lutuk chu a hmai zawng zawng a sen vek thei hial.



"Lo in nei pawh ni ula in hlim chuang lovang, Jasper fa ka pai tih hi ki zawng zawng in an hre vek anga, nangkha midang te kawh rawn I ni ang" a tieh phiar phiar a, ka nui hak zah hi a hre thlawt lo "Chuti maw... ka ring chiah lo, i hriat loh thil pakhat ka hrilh angche, ka chung a i chet dan zawng zawng kha mite hian an hrelo emaw I ti a niange, mahse an hre lutuk ania, tunah hian Bear nen lo in ei ta tehreng pawh ni ila, min dem hauh lovang, I chan tawk i hmu ah an ngai zawk ang" ka ti a.



A tum angin thil a thleng bawk silo chu a thu rim hmel hle, a hmai zawng zawng a sen vek a, a mit lah chu a hnawih dum bawk nen a mittui a tling vek bawk nen hmuh a hreawm lam mah a ni, "I hre khawp ang, i hlim ngai lovang, Jasper hi I nei dawn hauh lo" a la ti hram a nihchu, "Kal vat mai teh, I hmel ka hmuh hin ka luak a chhuak tlat" ak ti a, a huat tawk a tling leh hle a, thinrim zetin a chhuak nghawng nghawng mai.



"Cherry" min ngaihtuah hmel zet chuan Bear chuan a ti a, a lam chu ka hawi vat, "Ka tha" ka ti sep a, "A thusawi kha dawt vek ani, a ni khan ka fa a pai hauh lo" a ti a, a mit ah chuan ring tur a min duh zia ka hmuh sak thei, "Ka ring che alawm, mahse ka rinna che hi I tih chhiat loh hram ka beisei" ka tieh sep a, thaw huai chung hian min en a, "Ka lawm e, thudik ka zawng chhuak vat ang, reilo te chauh lo nghak rawh aw" a tih chuan ka bu nghat a.



Opi chuan min ngaihtuah zetin min rawn be nghal a, "Enge thil awmzia kha, Rosie-i khan Jasper fa chu a pai tak tak em ni?"a. rawn ti nghal sawk sawk a, "Chutiang engmah a nilo, a ruahman na vek a nih kha" ka tih chuan a thinrim hme hle, "A va zakthei lo ve, khatianga I chungah a chet hnu ah phei kha chuan rawn in lan ngam tawh tur pawh a nilo asin, hmeichhe zahna hrelo tak chu a ni ve chaing alawm" a rawn ti nghal hlak hlak a.



Ni hnih lai a liam leh tawh, Bear chuan a thudik hai lan ngei tum in a buai thei hle, Opi te nupa nen chuan ka inah kan in hmu khawm a, "A fa pai lai chu ia fa a nilo tih i chiang maw?" Opi chuan a ti a, "Chiang lutuk tlat, kha zan khan ka rilru na kha xu ka in nghek a, mahse khami zan khan engmah a thleng lo tih ka chhungril hian a hre tlat ani, a fa paina pa ni tehi tur awm ang chu Rema nen hian kan chhui mek a, thudik a lang chhuak har tawh lovang" Bear chuan a ti sup a, ka thaw a veng bawk thei.



"A va han nasa tak, hetiang ang em em a, hmeichhe nasa hi ka dam chhung zawng hian ka la hre ngailo" Opi chuan a ti leh hlak hlak a, a thinrim ang vel chuan ka nuih a ti za zawk mah, Bear hi ka ring em em a, thudik pawh a hai chhuah vat ka ring bawk, Rema pawhin a pui nasa hle a, an pahnih in tunlai chu an in zui deuh chawt bawk, "In inneih na hi sawn hlat mai a ngai anga" Opi chuan a tieh a, chu chu keipawh ka lo ngaihtuah lo tak a ni, ni 5 chauh a awm tawh a, thu dik a lang chhuak hman lo a nih chuan kan sawn hlat mai a ngai ang.



"Nilo e, a ngai hauh lovang" Bera chuan a ti nghut a, a thusawi ah chaun a chiang hle tih pawh a hriat theih bawk, "Engtinge chuchu awlsam taka I sawi theih tuna ni 5 chauh a awm tawh a nia" Opi vek chuan a ti leh a, "Bawihi Jasper hi ring tawp rawh, chuan thil pakhat, he buaina hi rin ai daih in chhui a awlsam a thudik chu rawn lang chhuak vat ang, Rosie-i ian fing a in ti in Jasper te pahnih hi a bum dawn emaw a in ti a ni mahna mahse din ai zek in a lo mawl a" tiin a nui deuh suk a, Bear pawh a nui ve tho.



Engthil nge an ti tih Opi nen chuan kan zawt maaa viau a mahse nakinah kan hrilh ang che u an tih tlat avangin kan zawt lui duh ta biklo, Jasper leh Rema te hi ring phawt ila, engkim chu a fel vek mai ang ti chuan ka in hnem ta tawp a.



Cont...



Naktuk zanah last ka dah ang aw... a thui deuh bawk ang, a tlai tawh sia, ka type chin chin chin hi ka lo dah phawt mai ange....


Show post links
Top

[Ngaia]

Last Chapter



Effie Liansangpuii POV



Tv ah chuan kan in neih na chu kan tih tawp thu te chu an luang nasa mai a, engmah hrechiang lova huai taka thu an sawi thin hi an huai ka ti tak zet ani, Facebook leh Instagram lamah pawh chuan kan chungchang bak hmuh tur a awm lo a tih theih ang, comment na ka chhiar te chaun ka ner leh sak thin a, mo thenkhat chuan min khawngaih thu te an sawi a, thenkhat ve thung chuan Rosie-i chu an khawngaih thu an sawi bawk.



Thudik a lang chhuah hun ah chuan hetiang a min dem tu te hi sawi tur hre leh ber ber an ni dawng tih chiang sa, thudik hriat hmasak tum hauh lovin an ngaih ruat na chu dik ber emaw an ti thin a, hetiang ngaihdan kan nei hi hma kan sawn theih lohna pakhat a niin ka hria, kan ngaihdam chuah ngaihtuah hmasa lovin thudik hriat tum phawt thin ila chu kan ram ah hian dikna in hmun a chang ngei ang.



Opi chuan min rawn call a, ka lo la vat "Chhuak dun ang hmiang, inah I tawm reng a, chhuah harh te pawh I mamawh alawm" a tih deuh tlat avangin kan chhuak dun ta a, kalkawng a kan kal lai te chuan mite chuan min en deuh hrek hrek a, nuamlo ka ti ru viau nang in ka ti lang duh lem lo, restaurant ah kan chawl a, eitur kan nghah chhung chuan kan ti ti mai mai a, kan in eih ni a hnai tawh bawk nen thudik a lang chhuak hman lovang tih chu kan hlau dun hle a, mahse kan mipa te pahnih khan lungngai lo turin min ti a, an mahni ah kan in nghat deuh tawp mai.



"Nangnu hi zahna chang te hi I hre velo em ni, engtinge pawn ah te I la chhuah ngam zawk a?"rawn ti tu lam chu kan hawi a, nutling tih dawn a, ka ni chiah silo mahse kei ai chuan a upa fe ang tih vel awm chu kan sir ah chuan a lo ding vang a, keimah chu min melh ngar bawk, "Min hrethiam la keimah em ni min biak?" ka ti sep a, "Ni e, engtinge pawn I la chhuah ngam zawk, i pasal nimai tur fa pai mek tu hmeichhia an awm laiin engtinge nang hian neih I la tum theih zawk, hmeichhe rapthlak tak chu I ni ang, nangmah chuah in ngaihtuah lovin I pasal hual fa pai mek tu ngaihtuah tel ve ta che" a ti hlak hlak a, ka thut na atang chuan ding chhuak in chu nu chu ka melh ngar a.



"I sawi zo tawh em?" ka ti fak a, "I va han nasa tak engtinge khatiang khan min la biak ngam zawk?" a ti leh hlar a, ka ner sak, "Engvangin nge ka biak ngam loh ang che, thudik hre chuang hmasa hauh silo in min dem ringawt a, khatianga min tih hma khan thudik hre hmasa phawt angche" ka ti leh a, "Chu chiah khatiang a ka thiannu ti tur khan tumah I nilo chuan hre rawh, hetiang thil hi I chungah emaw I chhungte chhungah pawh a thleng ve thei tih hria ang che, chuvang chuan khatiang khan tumah ti tawh ngai suh" Opi pawh chuan a ti ve hlak a.



"In va han zak lo dun ve leh.... hetiang a i che ngam pawh hi a awm lo lo e, i nasa em anihhi, chuan i thiam kawm tawk leh i kawm bawk a, in in hmeh phian hi a, thian nasa dun tak chu in ni e, hmeichhe dangin i pasal hual fa a pai mek a, mahse nang chaun neih luih phet I la tum ania, hetiang chuan i tluang hauh lovang tih ka hrilh ache" a ti leh phiar phiar a, "Khatianga I tawng vak hma khan hre rawh, tun a a thlavang I hauh sak mek hmeichhia khan maw ka thiannu nau pai lai hi a thah sak tawh tih i hria em?". Opi chuan a ti vin that a, restaurant chhung a awm te mit chu kan chungah a fu thup mai.



"Engthu maw I sawi kha?" chunu chuan mak tih hmel zetin a ti a "Ka thiannu nau pai lai mek kha khanu hmeichhe zaktheilo zet khan a thah sak ka ti a nihchu, chuti chung chuan ka thiannu hi I dem amaw?" a ti leh a, chunu chu a meng khup lam tawh mai, "Hre rawh, thil hrechiang hmasa lovin engmah sawi tawh ngai suh ang che, I zah na a tam phah mai mai ang, chuan kalsawn vat rawh" Opi chuan a ti leh hlak hlak a, chunu pawh chu engmah sawi ngam tawh lovin a kalsawn nghal nal nal a.



Kan thil ei tur a lo thleng a, mahse eng tham mah ka ei lo, ka awm a nuam lo vek a, Opi chuan chu chu hria in min chhuah pui ta vat a, "A zia lo e, mahse awm nawm loh phah nan hmang duh reng reng suh, thu dik an hriat hunah chuan tuman an dem tawh hauh lovang che" a ti a, ka nui lui hram hram a ni, ke in kan haw a, ka duh vang ani, Opi chuan ka in a lo kal kawi a duh vangin kan pahnih chuan kan in zui haw a.



Ka phone a rik vang chuan kan kal lai chu kan ding deuh chawt a, min lo call tu ka. em chuan Nu Rintei a ni, "Hello" ka ti sep a, "Effie, I tha maw, ka ngaihtuah deuh che a ka lo be tawp che a nihhi" a rawn ti zung zung a, "Tha e, min ngaihtuah duh suk, ka tha lutuk ania" ka ti a, a thaw deuh hak "Awle, ni zan lamah Rosie-i nu leh pate an lo kal a" a ti a, "Maw.. an lo kal maw? enge an lo tih?" ka ti nghal zung zung a, "In in neihna ti tawp tur leh Rosie-i nen a Jasper in nei turin min rawn bia a" a ti a, ka thu hrait chu mak ka tih em avangin ka tlu lo chauh.



"Engthil nge?" Opi chuan a ti a, kan awm na lai bawr velah chuan tumah an awm lo hlauh thutna awmah chuan min thut pui a, ka phone chu la in speaker a in nghal bawk, "ka sawi chu I hria em Effie" n n ngaihtuah hmel zetin nu Rintei chuan a rawn ti a, "Ni Rintei keimah Opi" Opi chuan a ti a, thil awmzia te chu Nu Rintei chuan a sawi zung zung a, Opi chu a thaw hak a, a thinrim hmel hle bawk, "An va zaklo ve, chutianga an duh thu a thil tih an tum ngawt a" a ti hlak a.



"Ni e... mahse hlauhthawn tur a awm lo ania, kan fapa in nupui a nei dawn anih chuan Effie chuah a ni ang tiin kan lo chhang a, U Muana phei chu a thinrim hle nghe nghe a, Rosie-i chhungte pawh lungawi lo deuhin an haw kha" a tih chuan "An ohu tawk chiah an hmu a nihchu, zaklo lutuk mai, an fanu chet dan te avang khan zak hle tir zawk an ni a, an naaa chhungkua emai" Opi pawh chuan a ti hmawk hmawk a.



Naktuk mai hi man in hlan ni a ni tawh a, vawin lamah Bear a la reh vang vang a, enge a tih tih tak ngial pawh min rawn hrilh lo, nidangah chuan zing kar ah kin rawn be ziah thin kha ania, a reh hmak mai chu mak ka ti ru viau, tlai lamah chuan phone call ka dawng a, Bear hnen atang a ni a, ka la ta vat, "Cherry zaninah kan inah lo kal tur che in ka duh che ani, ka lo lam hman dawn lo che a, Opi te nupa in an lo lam ang che" a rawn ti nghal zung zung a.



"Enge thil awmzia, vawin nileng in i reh vang vang bawk sia" ka lo ti let a, "Tunah chuan ka sawi thei hrih lo, lo kal phawt la, engkim ka hrilh vek angche, ka buai deuh a, ka dah phawt mai ang, ka hmangaih che" tiin phone chu a dah daih a, a awmdan chuan min ti hamhaih viau, mak ti deuh in ka phone chu ka melh vung vung ringawt, chaw te chu ka ei a, ka ei zawh chuan ka insiam nghal a, ka zawh hnuah ka phone a rawn ti a, ka la ta vat a.



"Kan lo kal mek aw, I in peih tawh em?" Opi chuan a rawn ti zang vah a, "Aw... peih tawh e, in kawtah ka lo nghak dawn che u nia" ka ti a, in atang chhuakin pawn ah chuan ka lo nghak a, reilo te ah an rawn thleng ve nghal mai bawk, a hnungah chuan keimah in ka thu a, "Enge thil awmzia hi kin hrilh teh?", Rema bulah chuan ka ti a, "Kan thleng anga, I hre vek mai ang, zanin hian buai na zawng zawng chu a fel vek tawh ang" a tih chuan mak ti deuhin ka lo melh a, kei ang bawk chuan Opi pawh chuan a melh ve tho.



"Sawi chiang law law la" hriat chian chak zet chuan ka ti a, "Nilo e, tunah nilo nakinah Jasper in an sawi fiah vek mai ang" a ti deuh tlat avangin ka zawt lui duh ta em bik lo, Jasper te gate ah chuan kan tlan lut a, kan chhuak nghal a, door bell chu kan hmet a, Nu Rintei chuan kawngka a lo hawng a, min hmuh chuan min lo neih deuh var var a, keipawh chuan ka nuih let ve seih, inchung ah kan in zui lut a, sitting room lam kan pan lai chuan ka beisei lih lutuk ka hmuh avang chuan ka ding deuh chawt a.



"Lo kal rawh, Effie" tiin Nu Rintei chuan min kai a, a bulah chuan min thut thlak pui nghal zat bawk, Opi pawh chuan thil awmdan chu mak a ti ve tho tih a hmel ah ka hmuh sak thei, Rema nen chuan an thu dun a, mak tih hmel zetin keichu min rawn en a, "Awle, heta ka koh khawm nachhan che u chu zanin hian thil sawi tlang law law la duh vang a ni a" Jasper chuan a ti a, kan em deuh thap mai, min rawn ema , hlauthawng lo tur chuan a mitmei in min rawn ti a.



"Rosie-i nen hian in nei turin min duh a ni tiraw?" Rosie-i nu leh pate en ngur chung chuan Jasper chuan a ti nghut a, "A dik alawm, I fa a pai tawh a, in in neih ngei ngei a ngai ani, kan tu lo piang tur hi fahrah a nih kan phal hauh lo" Rosie-i pa chuan a ti nghet charh a ka lo thaw dep dep mai, "Awle, a tha a nih chu, naute pa nen chuan an in neih duh phawt chuan an in nei thei reng ania" Jasper chuan a ti leh nghat a.



"Enge i sawi awmzia , naute pa chu nang hi I ni tih chu I hriat ve tho ka ring" Rosie-i nu zawk chuan a rawn ti a, "Nilo e... naute pa chu kei nilovin Ramdinmawia a ni" a ti ta hmuk a, Rosie-i leh a chhungte chu mak an tih em avangin an meng phawk ngang mai, keipawh ka ni tho ang "Engtin maw I tih a, ka pum chhunga naute hi nangma fa ngei anihhi" Rosie-i chuan a ti nghek a, Bear chu a ner sawk a.



"Dawi sawi hauh suh angche, naute pa chu chiang takin ka hria, min bum tum hauh suh" Jasper chuan a ti ta hrawk a, "Engtinge hetiang thil hi in tih theih zawk, in fanu thil tih sual te avang khan in hmu chhuak tawh tur in nih laiin nangni lah chuan hetiang thil a ti hi I pui zawk amaw, hre rawh u, in thil tih man hi in hmu chiang khawp ang, chuan nangkha hre rawh, he thil i tih vang hian i in chhir hle ang" tiin Rosie-i chu a malh hrawk a.



"Kan thiamloh ani e, min ngaidam rawh u, mahse kan fanu hi jail lamah chuan thawn tawh lo hram rawh u, chuthil chu ka ngen a che u, nau pai lai a ni a, a fa enkawl a ngai ani" Rosie-i nu chuan a ti a, thudik an hre chiang bawk a, tan pawh an tang ngam lo, thupha an chawi nghal mawlh mawlh a, mahse Bear chuan chutiang mai a ngaihdam chu a tum loh hmel khawp mai.



"Hre reng chungin a ti sual lui a, ngaihdam nachhan tur kan neiin ka hrelo, chu lovah a hmaa a thiltih ngaihtuah nen phei kha chuan hetiang thil a ti leh hi ngaihdam mai mai chu a nilo, a tih sual man chu ka hmuh tir ngei ang, rawn lut rawh u" a ti nghut a, police te chu an rawn lut a, Rosie-i chu a meng phawk khawp mai, "Dawt a midang puh hmingchhiat i tum vangin man I ni e" Police chuan a ti a, hmeichhe police chuan a man bet nghal hmiah bawk.



"Nilo hetiang thil hi in ti theilo" tiin a rak chiam chiam a, "Tha takin min zui rawh, chuti a nih loh chuan tih luih na hmang pawh in kan hruai dawn tho tho che tih hria la a tha ang" Police chuan a ti leh nghut a, rai lai a ni bawk nen a tal na ngam vak biklo, "Khawngaihin hruai lo hram teh u, a fa pai lai vang tal pawhin a lo pian hunah a enkawlna ngai dawn asin" A nu chuan a ti a, Rosie-i chu a tap hlawp hlawp bawk.



"Khalam ah kha chuan lungngai duh suh, a pa te lam in enkawl an huam a, a lo pian veleh an ni hnenah in hlan ang" Bear chuan a lo ti hmuk a, Rosie chu a rak chiam chiam a mahse an hruai lui ta tho, hmeichhia ka nih na angin a fa a enkawl theilo tur chu ka khawngaih viau a, mahse a thil tih sual man chu hmu nge se ka duh bawk si, a pa te lam chuan naute chu enkawl se a that zawk ka ring bawk.



Sitting room ah chuan kei, Opi te nupa leh Bear nu leh pa te nen chuan ngawi rengin ka thu a, "Engtinge thudik in hriat chhuah theih a?" Nu Rintei chuan a ti a, "A harsa lo, nau apai tih a in hriat khan jail ah a tang tawh a, a naupai kha remchang ah la in a chhuak a, mahse nau a neih veleh a jail a lut lehnghal tur a ni, a pa pawh chiang takin a hre bawk, Ramdinmawia khan a fa a nih a rin thu pawh Rosie-i hnenah a sawi a, mahse Rosie-i chuan I fa a nilo a lo ti tlat bawk nen a ngawi zui ta a, tichuan keihi min rawn puh ta chat a" a ti a, a thinrim hle a ni ngei ang a tawng pawh a seh chilh nak mai.



"Khatianga thil a rawn tih atang khan Rema nen hian kan chhui ta char char a, a che fimkhur hle nangin kan en thla uluk bawk a, a thil ruahman na te chu kan hrechhuak vat a, Ramdinmawia pawh chu be pawp in a fa chu amah ngeiin a enkawl duh thu a sawi bawk, engang pawn Rosie-i leh a chhungte hian phallo mahse Ramdinmawia chan a tha zawk a, chulo ah a nu in hetiang thil rapthlak a ti tih hi dan in a hriat hmaih hauh dawn lo bawk, eng ang pawn enkawl tum mahse an thei dawn bawk lo, nau a neih hnuah Rosie-i chu jail lamah an dah leh ang, court in thuthuk na a siam hun ah chuan a tan hun chhung aia rei kha a tan hmel bawk" a ti sup sup a, engkim chu kan hre fiah kuar kuar mai.



ʕ•ᴥ•ʔ



Mite chuan thil thlen dan engkim chu an hre ta vek a, Rosie-i pawh jail lamah a aw leh tawh bawk, a tan hun chhung lum hnih in an pawt sei a, kum 7 chhung a tang dawn tihna a nihchu, a ohu tawk a hmu ah ka ngai, khatih hun laia min den em em tu mipui te chuan min tan hlawm leh em em tawh a, mahse engah mah ka ngai lo, thudik an hriat hma hauh in nak tak tak in ka chanchin an sawi a, tun a taka ka tan a tha ber awm anga an rawn awm vek chu ka engah mah a thawk lo.



Kan in neih ni a ni a, ka phur tawh khawp mai, buaipui ngai zawng zawng ah Opi nu leh pa te chuan min buaipui vek a, kut ruak a, ka pasal tur te in a ka lawi luh an phal lo an phak tawk ah thil tha ber ber min lei sak a, ka thuamchhawm tur pawh a tha ve hlawm viau mai, Opi chu nui hak hak chungin a rawn lut a, "I van mawi tak, I mokawr hi I ta tur a an siam a ni tih a hriat ngawih ngawih" a rawn ti lut a, ka lo nui ve sen sen a.



"Jasper pawh a phur tawh lutuk a, a thu hle hle theilo" tiin a nui leh hak a, keipawh chu ka nui nasa viau, nichin mai khan min hmuh tum in a rawn kal a, mahse Opi'n a lo dang tlat a, an in hnial hrep hnu ah lungawi lo deuh in a kalsan ta kha a nia, inneih hun serh tan man hun tlem te chauh a awm tawh a, ka kut te hi a khur vek tawh in ka hria, ka sawi tawh ang khan biak in ah kan in nei dawn lo a, mi pawh an lo kal thah em viau mai.



Opi pa (Ka pa tiin kan koh tir tawh ang aw) chuan min kai chung in ka pasal tur khawvel a ka mipa hmangaih ber lamah chuan min kal hnaih pui a, mit meng de sawr sawr chungin min en na chu keipawh chuan ka en let ve ran a, a bul kan thlen chuan ka pa chuan Bear kut ah keichu min hlan ta a, a ber bulah chuan eng emaw a hrilh sup bawk mahse enge a sawi tih erawh ka hre theilo.



In neih thutiam kan chham lai chuan thinlung leh tih tak zetin ka chham a, chutiang bawk chuan Bear pawh chuan a chham bawk, tunah chuan nupa kan ni ta, khawvel a kan awm chhung leh thih hnu piah lam ram ah pawh kan in then leh tawh ngai lovang, thlalak na te kan nei a, kan ding rei tawh bawk nen ka ke a kham tawh viau.



"I ke chu a na viau em?" Bear chuan a ti sup a, "Na vak lo e" ka tih chuan a nui suk a, "I nalh takzet a ni, mo ka hmuh tawh ah chuan I nalh in I la hmeltha ber" a tih leh sup chuan ka lo nui sen sen a, "Nangpawh I nalh lutuk" ka ti leh ve a, mitmeng hmangaih naa khat chuan min melh vawng vawng a, thlalak na te chu kan zo hram e, ruai theh nghal tur a ni a, mipui lam cuan an ei a, meini erawh chu in awm na lamah kal in kan inthlak thung.




Ruai theh te a zawh hnu chuan chulai hmun atang chuan kan chhuak a, lawi kawr ha in ka pasal te in lamah chuan kan in zui a, min zui tu an tam khawp mai, kan in eih min lawmpui tur mipui khati zat lo kal kha ka ring phal ngailo, Pathian that zia a lang chiang viau in ka hria.



Ka pasal te inah chuan ka lawi lut ta, tunah chuan chhungkua ka nei ve ta, ka tah a chhuak a, mahse lungngaih vang nilovin ka hlim em vang zawk ani, ka nu leh pa te chuan thusawi na te an nei a, chumi zawh ah chuan present te kin pe leh a, present ringawt pawh kan dawng tam hle a, lawmthu sawi sen loh kan ba ani.



Inneih zan chu Opi te ang tho khan Bear hotel ah kan hmang dawn a, room chhung ah kan lut a, a mawi takzet, ka thawmhnaw chu ka phelh a, bathroom lama luh mai ka tum lai chuan Bear chuan hnunglam atangin min rawn pawt thut a, a awm ka ngheng nghal dat bawk, "Enge maw I tih le, khawi min thlah teh in bual vat ka duh ania" ka ti hlak a, ka thusawi chu engah vak a ngaih hmel loh hle mai, a nui che dawt ringawt.



"Kan in bual rual ang chu" a ti sup a, "No... khau a vawt bawk si, nang nen a kan in bual chuan kan in bual rei dawn lutuk, I duh leh va in bual hmasa la ka lo nghak mai ang che" ka ti a, a rum nghut mai, "I zah vang zawk anilo maw ka nupui duhtak" nghal zet hian a rawn ti a, ka ngei tak tak ani.



"Ka zak thlawt lo, khua a vawt si a, in bual rei kha a peih awm loh alawm le, damloh te a hlauhawm a" ka ti lehnghal zung zung a, "Mahse in bual rual ka duh alawm" a la ti talh a nihchu, "Ka duh ve hleinem duh leh va inbual hmasa mai rawh" ka ti deuh hmak a, "Ok... I in bual dawn nia, in neih zana in hauh ka duh hauh lo ania" a ti a, min mua na cu a tlah thawl a, kalsawn ka tum nghak a, mahse min lo dang leh hram.



"Enge i ninawm emaw aw" ka ti hlar a, ka chua bawk nen muthilh vat ka duh "Lawm man ka hmu dawn lovem ni?" a ti sup a, mitmeng chimawm zetin min melh ralh bawk, "Dawn lo" ka ti a, a nui chhuak hawk, "Chutiang a nih si chuan kan in bual rual mai a ngaih hmel" tih leh bathroom lam pana min kal pui chu a rual ta mai, "A tha e, enge i duh?" ka ti a, a ding ve ta hram alawm.



"Awlsam lutuk, ka hmui ah hian kiss zeuh a nimai" a ti a, ka ner deuh nang a, chu chu a hmuh chuan a nui chhuak leh hawk hawk a, "Thil harsa a nih loh chu I ti vat dawn nge kan in bual rual zawk dawn" a ti a, "Lo kun hniam rawh" ka ti a, tha deuh chuan a lo kun hniam ve mai bawk a, a hmui ah chun ka han fawp a, in lak hran lehnghal mai ka tum chuan a lo phal lo nasa mai hi a lo nia, ka tukhum ah min chelh betin min fawp ngawng ngawng a, a in lak hran meuh chuan ka melh rawm a, a nui deuh suk suk lehnghal.



Bathroom ah chuan lutin tui lum chuan ka in phuh tir seng seng a, ka harh sawng sawng mai hian ka hria, a nuam takzet ani, fai taka ka in bual hnu chuan bathrobe ha chungin ka chhuak a, Bear chu towel veng in tukvelh ah chuan ao dak thla a, ka thawm a hriat chuan a lo hawi phei vat a, min hmuh chuan a nui deuh suk a, "Va in bual be tawh rawh" ka ti a.



"Ok... ka lo chhuah hunah lo la muhil miah suh angche" a tih chuan ka lo bu nghat nghat a, bathroom ah a lut ve nghal mai a, mut kawr chu ka ha a, ka sam chu ka hru ro thuak thuak bawk, ka zawh hnu chuan khumah ka in thawlh lut nghal a, mut chhuak in min rawn zem deuh nghal chiai chiai a, ka mit ka chhung diar diar bawk, "I chau viau animaw" ti sup ri chu ka mang hrait ruai ruai ani.



Ka taksa zut kual dan dan tu an awm avang chuan ka harh zawk a, "I harh tiraw, Cherry" ka beng bulah Bear chu a thaw lum deuh ham ham a, ka harh a ni tih a hriat nan kau chu ka ti che zeuh a, chu veleh min kuai zangthal in ka chungah chuan a rawn in nem khalh run a, khua a la var lo tih pawnlam thim mup atang chuan a hriat theih, dim light ka on atang chuan Bear mitmeng thim khup chu ka hmu thei a, a mit ah chuan tisa chakna nasa tak a lang chhuak bawk a, thup pawh a tum buai hran lo.



Rawn min hniam in ka hmui ah chuan ril ruih in a rawn fawp a, kao chhang let vat, ka kawr har chu min phelh sak a,bla hnute chu a fawp leh tawn tawn a, ka fawh loh lam chu a kut in a tham bawk, hnuai lamah insawn thla zelin ka kekawr chu a phelh leh a, ka panty a phelh nghal daih bawk, a kut chuan ka taksa nem lai chu a rawn khawih a, ka mit kao chhung diar diar mai.



A kut tang pakhat chu a rawlh lut a, ka lo thaw deuh hak a, muangchangin a kut chu a chet tir a, a hnu ah chuan rang takin a chet tireh ta a, reilo te hnu ah ka tai chu a rawn za chuai chuai a, in sum hman lovin ka te chhuak that a, ka hmeichhiatna atang chuan thil lum pup a rawn chhuak bawk a, tunah khan a vawrtawp ka thleng zo chiah a ni, ka taksa chu a khur deuh dar dar a, ka pangai hun nghak in Bear chuan muangchangin ka taksa chu a zut kual delh delh a.



Engtik laiin nge a lo in phelh hman ka hrelo, a mipat na chuan ka hmeichhiat na chu a nawr kual nak nak a, ka lo za chuai chuai mai, ka chhungah a lo lub dawn lai chuan ka lo tang teuh a, "Bawihte In thlah dul rawh le..." a ti sup a, keipawh chuan thawk la hawk hawk chungin ka in thlah dul ta a, a tur ah chaun muangchangin chet a ka a, a rei telh telh a, chet a ka rag telh telh a, relote ah ka zo lehnghal der, Bear erawh chu a la zo lo tih hriat lutuk in a hma ia mahin chet a la rang a.



A rum chhuak hrawih a, keipawh chu ka te chhuak that, a vawrtawp vawikhat a thlen naah kei erawh chu vawi hnih lai ka thleng hman thung, ka hah lutuk chu Bear awm rual kang ah chuan bei chungin ka thaw hle hle a, zingkar ah chuan kan in bual rual a, kan in bual rei dun khawp mai, round 1 leh chiah a tih chhungin hun a lo kal duai a, bathroom atang chuan chau hnap in ka chhuak a, Bear erawh a hlim hmel hle, a nui vur vur a, ka ngei zawk lek lek ani, amah vang vekin ka sil phah.



Thla nga lai ka innei ve tawh, ka la rai lo a, fa neih vat ka chak em vang hian ka h uai phah fo mai, mahse Bear hian min hnem thiam em a, hreawm ka ti lutuk tur pawh a zia viau, Opi pawhin nau thla thum mi a pai a, Rema lawm lutuk chu a nui vur vur reng mai ni, duat tak te in a nupui a duat a, engmah a tih pawh a phal lo m, Opi pawh in a duat tih a hria a, a pangchang thei viau mai.



Zing ka harh chu ka luak a chhuak thut a, bathroom lam panin ka tlan nghal vat a, ka uak tuar tuar a, mahse luak chhuah tur ka nei chuanglo, chau zetin bathroom atang chuan ka chhuak a, khumah ka thu hnawk mai, chutih lai tak chuan Bear a rawn lut a, zung lam hi chu kei ai a tho ham ziah thin a, a taksa a sawi zawi thin a, chutia khum a chauh hmel zeta ka thu a hmuh chuan min rawn pan vat a.



"I nuam lo em ni?" a ti sup a, "Ka chau deuh mai mai ania, engmah a nilo, va in bual rawh, ka tha leh vat mai ang" ka ti a, min melh deuh ren rawn a, ka nuih tak sen sen ah chuan ani pawh chu a kalsawn ve ta a, bathroom ah a luh hnu chuan ka rilru ah thil a awm thut a, calendar ka en vat a, thla hmasa kha ka period lo hrim hrim tih ka hre chhuak, chuan tum thla pawh ka la period chuang lo tunah thla tawp a nieh tep tawh a.



A nih chuan keihi ka rai tihna a ni thei mai angem?... ka ngaihtuah na avang chuan ka nui deuh sen sen a, mahse ka chuan hmaih chu ka la sawi chhuak ngamo, lo rai leh ta silo ila, Bear bulah ka lo sawi hman chuan a beidawn mai ka hlauh vang ani, Bear hnathawk tur chu pawn thlengin ka thlah a, a tlan liam hnu chuan inchhung lamah kaut vat, tunah hian ka nu leh pa te nen kan cheng ho mek a, chuchu ak duh dan a nih avangin Bear hnen ah ka dil a a lo phal ve mai bawk.



"Nu room ah ka han chho lawk ange aw" ka nu bulah chuan ka ti a, "Awle, han chho rawh engmah tih tur a awm loh hi" a lo ti tan ve mai a, kan nupa room a ka muh rual chuan pawh dawh a test kid ka dahthat chu ka chhuakin bathroom lamah kaut nghal a, a tirah chuan ka en lawk ngam lo, rei fe ka dah hnu chuan ka en dek dek a, rin sen pahnih.... a awmzia chu keihi ka rai a ni, ka alawm lutuk chuan ka nui chhuak hak a.



"Nu nu..." ti lang lang chungin in hnuai ah ka chhuk thla a, "Enge ni ta thil tha lo a thleng em ni?" a rawn ti vat a, a bul ka thlen chuan ak ca kuah chawng chawng a, "Ih.. ka rai" ak ti mawl tawp a, ka nui hak bawk, ka thusawi chuan a thawng hle aniang tawng mai nachang pawh a hrelo "A va lawmawm em aw... fimkhur deuhin I che thin dawn nia aw,, tu ah chuan pi ka ni ve dawn ta" tiin a nui hak hak a, keipawh chu ka nui ve tho bawk.



"In pa i hrilh tawh em?" ka nu chuan a ti vat a, "Ka hrilh lo a lo haw hunah hmai chhan ngei a hrilh ka duh a" ka ti sep a, "Awle, a tha alawm, thu lawmawm hi I pa kan hrilh ve ange, a lawm ve ngawt ang" phur zet chuan ati a, ka pa chu a call zui nghal a.



Kan room ah chuan awm in Bear lo haw hun chu ka lo chang reng a, kawngka a rawn rik rek takah chuan ka hawi chhuak vat a, Bear chu a rawn lut a, ka lo nuih nghal ver ver, ka pa leh ni te chuan an hre tawh a, an fapa hi hrilh ve nghal mai kha an tum deuh ut ut a, mahse ka dang thei hram, keimah ngeiin hmai chhan na hrilh ka duh a ni.



Bear chu ka lam panin a rawn kal a, ka bul a lo thleng chuan ka chal ah a fawp vang vang a, a in lak hran rual chuan "I chau em vawin lam te?" tiin ka lo zawt vat a, "Chau lo ve, nang enge I lo tih a, I va hlim hmel ve?" a ti tha ve mai a, "Va in bual phawt la chuan ka hrilh angche" ka ti a, a thawmhnaw chu a phelh a, bathroom lam a pan hnu ah a thawmhnaw ho chu bal bawm ah ka dah a, khum bula drawer te chu hawng in vawin a ka in test na kha ka la chhuak a, Bear lo chhuah hun chu ka lo chang ran.



Lu hru mawlh mawlh pah chuan bathroom atang a lo chhuak a, thawmhnaw a hak zawh chuan "Hetah lo kal vat teh" ka lo ti nghal vat a, a lo kal ve mai bawk, "enge nita?" a ti sup a, ka lut a test lod chu ka la chhuak a, a hmaah tak chuan a hmuh theih turin ka dah a, a en vang vang hnu ah keichu min rawn en leh a, a hmel ah chuan phurna hlim na ka hmuh sak thei.



"Ka lawm e, cherry ka hmangaih che" a ti sup a, "Keipawh ka lawm e, ka hmangaih che" ka lo ti ve sup a, a nui chhuak hawk hawk a, khumah chuan mu in kan hma hun tur te chu kan sawi dun a, kan nui leh hak hak thin bawk, kan fa hmasa ber tur kha kan chan tawh a, tunah chuan eng tiang pawhin kan fa lo piang tur hi ka pasal nen hum him tlat kan tum a ni.



4 Years Later



Ka fanu tap ri chu hrai in ka kal vat a, a ngai te bawkin a u in a lo vel tap leh tawh a lo ni, "Mommy Brandon hian min beng ania" tiin ka fanu chuan tap hliam hliam chungin ka lam chu a rawn pan a, ka lo pawm kang vat a, a rit ve tawh bawk nen kei ka taksa lo chak vak lo lai a ni bawk nen ka pawm zo lo thelh chu ani, ka fapa ding chu ka melh a, a kut ah motor lem a keng a, keimah chu min melh ve kar bawk.



"Ngati nge I nau i tih tah a?" ka ti a, "Amah a nihkha ka thil khalh lai zel hi khalh a tum a, a dang khalh tur a la tih pawn a duhlo a nihkha" a ti zat zat a, a ni hi chu a nau ai hian a fing a, a tawng fiah tawh ngang bawk, phir ro ro ah an in ang lo ve ania, fa kan neih hma deuh khan phir ka pai tih kan hria a, Bear hlim lutuk khan min pawm chungin min vir kual pui chiam a nihkha...



Ka thaw hak a, nitin hian an in hau reng a, mahse an awm hran hlek in an in ngai leh em em tho si, chutih lai tak chuan pawnlam atang chuan motor ri a rawn awm a, ka fate chuan tunge a nih an hai lo nasa rang takin pawn lam an pan a, an pa motor atanga rawn chhuak mek chu an va ban chawng chawng a, ka pasal chuan nui hawk hawk chungin an pahnih chuan a lo pawm kang nawlh a, kawngka bula ka ding chu min rawn hmuh in ka lam pan chuan a rawn pawm phei ta a.



"Vawin lam te i lo hah em, ka fa te hian an lo ti buai lo che maw?" ka pasal chuan a ti a, "Ti buai nasa lutuk, an in hau reng bawk sia, a buaithlak tak tak ani" ka ti hlak hlak a, ka pasal chu a lo nui suk a, "I hah viau dawn a nihchu zan ah ka duat angche, hei hian a lo ti buai ve che e" tih pah in ka pum chu a rawn chul a, kan fa pathum na tur ka pai mek a, thla 6 lai ani ve tawh.



"Buai lo ve" ka ti fel awrh tih ah inchhung lama awm kan fate chuan ring zetin an pa chu an rawn ko a, ka pasal pawh chuan nui hawk hawk in a lo chhawn a, "Lo va lut rawh, heihi kan dah fel lawk ange" ka ti a, a ni pawh chu a lut ve mai, ka thil tih lai ka tih zawh chuan inchhung lamah ka lut a, kan fate nui ri hawk hawk leh ka pasal thum zet nui ri ka hriat chuan ka then sak a, an lam pan chuan ka kal ve vat, kan faten min hmuh chuan min lo au chul a, an pa in pawm chungin a lo vir kual pui a, keichu min au chul bawk, an pafa ho che tla lai chu ka en reng a, ka lo nui ve hak hak a, hetiang taka chhungkaw hlim min pe tu Pathian hnenah lawmthu ka sawi mawlh mawlh a, pasal min hmangaih em em tu min pe a, fa duhawm tak tak min pe bawk, hun harsa tak tak te min tawh tir a, mahse a tawp ah chuan hlimna diktak min pe si, ka sawi theih zawng chu ka tan Lalpa a tha ani tih hi ani.



A Tawp Ta....




(A tawp thleng a min lo chhiar sak tu te chungah lawmthu ka sawi tak meuh meuh e, Last Chapter hi lo dah ka tumna a rei tawh a, mahse khawmpui kan hman naah signal ka nei thei ta silo va, min hrethiam dawn nia, ka story dawt leh tur prologue hi a rang lamin lo dah leh ka tum a, min lo chhiar sak leh vek turin ka sawm nghal a che u)


Show post links
Top