" A remchan em hi, I thisen test tir vela " Ka bula ding zuar chu ka en chho a
" Eng atan " A ti hmuk a, kan awmna chu a ngainat loh hmel lutuk
" Mahni inhriatchian tluk a awm hleinem, Hiv pawh ilo kai ve maithei asin " Nui vur vur chunga ka tih chuan
" Thosi puar ben pherh vanga ka kai anih loh chuan kai chhan tur ka neilo " A ti hluk, ka fiam mai mai ani sia athinrim leh ringawt tawh. Ka test result aṭhat thu an sawi hnuah Damdawi dawr aṭangin kan chhuak a, Laldangdaivela chu ala tum bur mai.
.....
Sangi, i phone ari reng ania " Min sawi nawk nawk chungin ka ṭhiannu in ati a, peihlo deuhin ia meng siar siar
" Tunge " Ka kut ka phar chhuak a, phun hlak hlak chungin ka phone chu ka kutah alo hmehbel
" Aw " Kanu alo ni a
" Ila tho leh nange, vawi3 kalo call na che ani tawh " Alo ti leh nghal bawrh bawrh
" Ka chau ve alawm " Ka ti hlar a
" Thawh tlai khan i hahdam phah ami? " Alo la ti hram, kanu hi chu aw
" Aw, eng nge i sawi duh chu " Ka ti vak a, ka ṭhianten min nuih hak hak tawh
" In phih faila i inpeih hunah min lo call leh dawn nia " Ati zawt zawta call a off nghal hmak
" I nu hi chuan a ngam ve thlawt che, keini'n kan ngam loh tehlul che nen " Lawmi'n alo ti a, an nui pah har har leh nghal. Kei erawh let thla leh tap in ka ke ka leng vak vak
" Kan chhuak tawh dawn nia, inti harh rawh " Anti a, kan ṭhian ho ah hian ka tho tlai ber zel, ka te ber bawk.
Ka hming chu Lalthansangi ani a, Unau pahnih niin Nau mipa pakhat ka nei. Kanu leh pa ten min la dampuia ahmingin hna ka nei ve tawh bawk. Tunah hian pvt dorm ah ka awm a room pakhatah hian mi pali kan awm a, ka ṭhinte nen hian ka training lai aṭang tawhin Dorm ah hian kan awm ho tawh a, kan in pawhin kan innel tawh viau. Kei phei chuan Laizawn ka neih loh vang nge ka laizawn ang tak takin ka ngai hlawma ka ngaina takzet, kan kum inrual hlawm viau mahse, ka tet ber vang nge min nau chei viau zel, keilah in nuam kalo ti em em ṭhin bawk a. Pvt dorm hi kan sawi zau lawk tunlai atan chuan aṭha tawpa Aizawla awm duh inluah tur neilo chhunghnai nei bawk silo hnathawka awmduh tan chuan aṭha em em ani Choka hi building hranin a awm a, thawktu an awm avangin eitur kan hnianghnar ṭhin viau, Hmeichhe dorm chiah a awmlo a building inzawm vek siin inkal pawh theih miah loh in Mipa dorm pawh awm choka erawh kan inṭawm vek. Ka nau leh ka nu leh pa te chu kan khua thingtlang khua ah an awm a, kan inhmu khat ṭhin khawp mai.
Ka ṭhiante an chhuak diak a, anni pawh an zirlai an zo tawha hna zawng reng rengin an buai ṭhin khawp mai, ka intihfai hnuah hna kal turin ka insiam a, thil ei turin Choka ah ka lut a, chaw ei anlo la awm nual mai chaw ka dawh a kan eirawngbawltu Nu Mawii chuan min lo fiam leh zuk zuk tawh, ka tho tlai ṭhin a chaw pawh ka ei tlai bik ziah.
" Sangsang, Pasal ka neih hun chu min chei rawh aw " Nu Mawii fanu Ely chuan ati a, amah lah chu nuih duh tih takah anui awr awr leh nghal
" Chei dawn chiang lutuk che " Ka tih chuan alawm hmel vur vur khawp mai, chaw ka ei sawk sawk a ka eikham ah taxi in ka hnathawhna lam ka pan ve nghal
" Goood morning " Thawhpui ten min lo wish ve sap sap, Beauty Parlour dawr lian ve deuh pakhatah ka thawk ve char char a mahse, inchei lam ngawr ngawr ai chuan mahni kutkawih ngeia siamchhuah ve ka chak tlat a chuta ṭang chuan Mizorama cosmetic company hmasa ber 'Olivia Cosmetic ' ah hna ka hmu ve ta nawlha, Ram dang product hmanglo in mizo siamchhuah ngei product kan hmang ve thei tawha keimahni ngeiin kan siamchhuah ani bawk, mizoram in hma kan sawn tawh dan hi. Factory hran kan nei a product thar nei turin thawkrim ṭhin viau mahila arah han seng hi chuan ahahdam thlak huai huai ṭhin
" Nizanah i mengrei ani maw " Ka bul lawka ṭhu ve chuan ati a an koh ṭhinna Bawihtei ania keini pawn chutiang chuan kan ko mai ṭhin
" Umm, ka dark circle alang leh ami? " Ka tih chuan abu nghauh nghauh, ka ngaih angin makeup siamte hi alo awlsam lo a, vun in anglo mi tinin an hman theih tur ngaihtuah hian ka a lo chauh zel
" Ka hmanhmawh tawh lutuk a, engmah ka inhnawih hmanlo " Ka ti mai a, ka hmai chu ka chul thuak ringawt
" I hmelṭha em em tho alawm " uang deuha atih leh chuan ka nui a, fiamthu hi a duh ṭhin si abulah hi chuan kei mi ṭawngthei lutuk pawh hi sawitur hrelo in ka nui chuai ka nui chuai zel, kanu in min lo call leh rawh atih pawh kalo theihnghilh leh daih tawh, chhun chawlh ah ka be tawh mai ang. Hna awl karah ka bialpa kum eng emaw zat kalo kawp ve tawh nen kan in be zawk zel a ' Tlaiah kalo hruai ang che ' alo tih chuan ' Aw le ' tih chauhin ka chhang, Kan khua a in ang a, lehkha thiamtheilo viau siin anu leh pa te nawrluihna avangin ala kal ve zel a, tunah MZU ah akal ve meka eng ala ang thei chuanglo. Chhun chawlh ah chuan thil eitura chhuak ve kherlo in Nodless ka ken chu ka siam a chumi ei pah chuan kanu ka call
" Iva rei ve " Ṭawngkam nema min biak hi chu ahla ṭhin asin
" Ka hman veleh chiah alawm " Ka tih chuan
" Thawhtlai hi ahlawk lo, min ti hnufual tu ka tih kha " Alo la ti zui, avan ngeiawm ve ṭhin tak
" Eng nge i sawi duh chu " Ka ti hlar a, athilsawi turah hian a lut mai ngailo, thildang hi a sawikual ṭeuh phawt zel
" I thawhna company awmna vengah khan Ka ṭhiannu ten in an nei a, ka ṭhiannu te lah a pasal hna vangin Delhli ah an awm a. Hmani a kan inbiak laiin i chanchinte ka sawi kaia, i duh phawt chuan an inah i awm an remti anih chu " A sawidan aṭangin a phur hmel surh surh khawp mai
" Chutianga arem te chuan apawi hleinem " Ka ti a, Dorm aṭang chuan duh aiin Company hi ahla lua ani
" Umm, nakinah kan sawi ṭha dawn nia " A ti zung zung a, a off leh nghal daih ka call zawk ani reng sia min dah khalh leh hmak, lungawi lo deuh chungin Nodles chu ei mahila a tui loh phah chuang lo. Tlaiah chuan Office ban hnuah Ka bialpa Sairengpuia nghakin kala awm reng, ṭhiante an hawng nual tawh kan ban aṭangin arei veleh tawh em ani. Insum theilo in ka call leh ta nge nge a
" Aw Teber " A hah hmel hluam hluam hle mai
" Kalo hruai ang che iti sia " Thinrim insum deuha ka tih chuan
" A pawi kati lutuk, ka ṭhiante'n min pawt lui leh tlat a, kalo hrilh hman talo che a " Alo tih chuan call ka dah a, muangchangin office chu ka chhuahsan, tuman ka awmdan hrelo mahse, keichu ka zaka abialnu a hnial theih laiin aṭhiante chu a hnial thei ngailo, hetiang hian a vawikhat tihna anilo vawi tamtak tiang hian ti ṭhin mahse, hmeichhe a tih takah ka ring leh zel ṭhin, inṭhen ka sawilo a ani pawh a sawilo chu chu tuna kan inkar inzawmna awmchhun ani. Taxi hmang duhlo in ke in ka kal a, beiseina kan neih te alo thlen loh chang hian kan nun avaw chau ṭhin khawp mai, ngaihtuahna kawm reng chungin ka kal a eitur lei hawn ka duh avangin ka bag ami ka purse lakchhuah tuma ka din lai chuan thil ri dawp a awm a mawng sawh dawtin leiah ka tlu hnawk, ka kut a thip em em leh nghal
" I ṭha em? " Titu an awm avang chuan
" Ka ṭha alawm " Ka ti ve maia, kala tho mailo
" Nangmah ka tilo che " A tih chuan rang zetin chupa lam chu ka hawi chho, ani erawh chuan ka piah deuha tleirawl tlu chu alo buaipui a, mood off sa nen ka ngei lutuk
" Ka ṭha e, keichu ka hlauh avangin ka lo tlu ve mai mai alawm" Chu tleirawl chuan ati a, akal nghal nal nal tleirawl kal hnu chuan min lo ngaihven ve chaih a, kawngkal ho chuan ka ṭha em tih min lo zawt ve sek zah tawh lamah chuan in ngaihsakna ṭawngkam pawh a huatawm hlur tawh
" Min chelh bawk suh " Ka tho tur ka kutah chelha min lo puih chuan lawmlo deuhin kati a, ka sawi zo chiah chu min thlah leh nghal a kalo inring leh tawhlo bawk nen mawng sawh bawkin leiah ka ṭhu leh hnawk
" I mawl ami? " Ka ti vin tuar a, ani lah chu ding ngil at chungin min lo en zeuh a
" Min chelh suh iti anihkha " A ti anih chu! A fiamthu emaw kati a mahse, ahmelah fiamthu hmel alang lo hrim hrim, mi dangdai leh maksak tak zawng ani ngei mai. Thinrim deuhin ka tho a ka kut lah chu athip em em leh nghal ka tlukna ah khan ka ti pilh ani maithei
" I ṭhat chuan aṭha " A cycle a siamrema min kalsan daih, a kalliam chu ka thlira lungni lo zetin ka kalsawn ve nghal, tun ang laia cycle a kal ṭut ṭut te chu a.
" In boss in a hau che ami? " Dorm ka thlenga Lalai leh Sentei an lo awm, ka tum bur hmel an hmuh chuan min lo fiam leh tawha
" Boss te chu ka kid alawm " Ka tih chuan an nui uar uar
" I kut te nei nuai kha tinge? " An tih leh chuan thil thleng chu ka hrilh ve mai a
" A va polite lo ve " Amah pawh an hmulo a, ka lungawi loh avangin anlo haw ve nghal em em mai ani
" Le le.. eng nge vawiin lam in hna dil chu eng nge a an " tiin chair ah chuan ka ṭhu a dawhkan ah kakut nghatin an pahnih chuan ka endun kar
" A pangai " An ti ve ve a, sawrkar lamah chuan an beidawng tawh, Mizoram in hma asawn a Mimal company din an awm ve nual tawh, heihi hmasawnna ṭha tak ani, Lehkhathiam zirchhuak tam tak an awm a Sawrkar hna in min daih vek tawhlo, Phai ah emaw foreign ah kher hna zawn ngailo a mizoramah kan ramah ngei company a awm ve zul tawh hi alawmawm
" Aṭhat chu in tling ve em em ang " Ka ti a, kan sawi zui tawhlo Tlai deuh ah Lawmi alo hawng ve chiah a, Lawmi hi kan zingah chuan zirlai la awmchhun ani.
" Sangi, i inpeih chuan Zanriah ei ang u " An inpeih vek tawh a, keimah chiah min nghak leh tawh Lawmi lo hawng hnuhnung ber pawh kei aiin a inpeih hma leh daih
" Ka inpeih ani mai " Kekawrtlawn ka inthawlh sawk sawk a
" I lam leh hmasa tete a chuvang anih kha " Sentei'n ati nang nang, Lam hi ka hobby ania thiam lemlo mahila music a rik tawh phawt chuan ka taksa hi a che lo theilo
" Lam te chu ka favourite Food alawm " Ka tih chuan an nui a, thil ho tete ka sawi pawh hian an lawm em em a an nui uar uar zel
" Inlo kal hi ahriat bik " Chaw kan dawh a Nu mawii'n kan bengchheng ati leh tawh aniang
" Kan hlim ve alawm " Lalai'n atih chuan
" In hlimdan hi midang tan ahahthlak " A ti leh tawh, kan bengchheng hi ati ve ṭhin asin, Dawnkan ruak ah kan ṭhu a chaw ei an tam khawp mai
" Buh duh ho " Sairengpuia leh a ṭhianpa Vanlawma mahse, alerh em avanga Lalawma kan tih mai ṭhin chu an lo lang ve nawlh a, Sairengpuia te hi Mipa dorm ah sawn an awm ve tih kan sawi tel hram ang e
" Duh velo in ang ṭhin " Sentei'n alo ti hmak a, nui vur vur chungin dawhkan chu anlo kil ve
" Buh duh product innih hi " An ti leh a, ka nui lo a ka chaw chu ka ei mawlh mawlh
" I la thinrim ami? " Sairengpuia chuan ati a, ka chhang chaklo khawp mai
" Thinrim chhan tur ka nei hleinem " Ka ti a, min be zui tawh biklo, Sairengpuia hi chu a lerh pawh anilo games a atchilh lutuk hian ati a zo vek tawh, Zirlai te hi a ngaihsak lo reng reng chuvang ania tun thlengin a subj pawh ala zawh theih loh.
" Sangsang, vawiin kha kan tihpalh kan inchawia Puia tello chuan kan chak dawn silo a " Lalawma'n ati a, anlo kal chhan hriat reng reng atum anga a awm loh chang apiangin athiamthu sawisak tutur ṭhian alo hruai ziah alawm
" A lawmawm chu " Ti hmakin ka theng chawiin ka khamsan a, ka ṭhiante pawh ka nghak tawhlo Dorm ah muangchanga ka let leh laiin ka phone alo ri a kanu anih ka rin laiin ani miahlo Number lawng tawp ani
" Aw hello " Kala ta tho
" Lalthansangi i ni em? " Mipa aw in alo ti dam thlup a
" Aw ni e, tunge le " Ka tih chuan a ri rak rak a, min chhang mai lo
" I purse ka kawl a, engtik nge ka pek leh theih ang che " Alo tih leh chuan ka meng kawk
" Ka thlauh alaw " Ka ti vak ringawt, vawiin khan purse lakchhuah ka tum lai takin cycle khan min lo su a, khatah khan ka thlauh anih dawn chu minlo betu hi min su tu kha anih hmela mahse, vawin khan kei aiin akal hmasa khan ka hre sia
" I thlauh anih hmel, i id leh business cart a awm " A lo ti felfai leh thlap
" Engtin nge kan inpek ang le " Ka tih chuan a ngawi vung vung a, ka purse ka tibo tih pawh ka hrelo thei ania ka va han mawl chhah tak, tibo hlen ila chuan kanu in min vawhlum duh ang
" Zanin ah chuan ka hman tawh dawnlo a, i address min hrilh la lo pek che ka tum dawn nia " A tih leh chuan kan awmna chu ka hrilh a
" Englo..keipawn kalo lam thei tho a " Ka tihbo ania amah zawk inpek tir leh chu a nuam vaklo
" Ka remchang " Ati a adah nghal daih, ngaihtuah zui tawh biklo in Dorm ah ka let a, vawiin ah hahpui em em tur engmah ka tih loh nen ka chau ve em em tawp, ṭhiante anlo let a zanin chu keilo ang deuhin ka harh peih hlawl lo
" I hmel kha hmuh a hrehawm mu zawk teh " Lawmi'n ati a, ka hniallo khawp mai, anni chu an mahni buai buaiin an buai leh tawh, mut tuma khumah ka lawnkai chiah kanu call alo lut a
" Ilo in ngihtuah em? " Ka chhan rual rualin alo ti leh nghal
" Eng chu maw " Ka tih chuan
" Lalthansangi hi chu aw, i va han hahthlak tak " Mi mah mutchhuah nak laiin min lo vin leh chiam tawh
" Sawi ahar loh nen sawi ve maila " Pawr deuha ka tih chuan
" Insawn chu i ngaihtuah em? " Nichin aia dam deuh zawkin alo ti ve leh mai bawka
" Insawn pawh apawilo, a rem chuan " Ka ṭhiante hi ngai viau dawn mahila taxi fare ato tawh si helai aṭanga kal reng chu abuaithlak dawn tlat
" Aw le, Tetei pawh kalo be ṭha leh dawn nia " Ati a, engdang mah a sawi chhunzawm tawhlo
" Kha ka phone, ka mu dawn " Ka mut dawn apiangin phone hi dawhkanah ka dah ziah zel. Ka vannei a zanah pawh hian muttheih loh hi ka nei vak ngailo
" Sangi " titu an awm avangin ka tal nghal ṭalh ṭalh
" Pawnah mi pakhat in a nghak che " Lawmi'n a tih chhunzawm a, kamu chiah emaw ka tia khua alo var leh diam tawh zan hi avan reilo tak em aw
" Tunge " Ka ṭhu chhuak a, ka mit ka nuai nawk nawk
" I mit nuai vak zel suh " Lalai'n ka kut min benthlaksaka
" Tunge pawh ka hrelo, mipa ania number lawng tawp " Rang zetin ka tho a, ka sam ka chulmam thuak thuak
" Thilpek tur che aneih thu asawi " Lalai'n atih leh lai chuan kan room ka chhuahsan fel diam tawh, hmanhmawh deuhin step ah ka chhukthla
" Min nghak rei em? " Dangdaia lo dinna ah ka tlan thlenga
" Reilo " Tih chauhin min chhang a, ka hah lutuk chu ka ṭawng mai thei hrihlo
" I endik dawnlo ami? " Purse min pe a nui var var chungin kala a, ka kekawr ipte ah ka ak ṭha nghal daih
" Aih, rinawmlo nila hei hi ka kutah a awm tawh kher nang" Ka tih chuan akiai ve suk a, hmelṭha vut tih tur ni lo mahse, ka hmelṭha tih chi tak ani
" Ka lawm lutuk ania aw, nakinah thil kala leisak ang che rem itih chuan " Polite deuhin ka ti ve ngei a
" Ka hnar lo mai ang " A ti a, a ipte a zen rak rak chutah polythin dum lian lo deuh hi alo phawrh a, ka kutah a hmehbel
" Nimin ah khan ka au che a, ka ṭawng i hre theilo anih kha, ka ding maithei tawh bik silo a, heihi ka ngaihdam dilna " Felfai leh sawisual nei miahlo in ati a, a ṭawng a bahlah velo reng reng
" Teber " Dangdaia nen chuan Saipuia lam chu kan hawi ruala
" Fela " Kan bul alo thleng a, Ka bula ding chu a vawikhat hmuhna anilo tih ahriat
" I dam maw " Dangdaia chuan ati leh maia
" Ka dam alawm, in inhria ami? " Keimah zawk min en a, sawifiah vak dan tur ka hrelo
" Kan inhre chiah, kan in hmu leh dawn nia " A ti a akalsawn nghal nul nul
" I thlir zo tawh em? " Dangdaia kal liam chu kalo thlir zui vung vung anih hmel, ka dindan ka siamrem a
" Eng nge " Nelawm lo deuhin kati
" Nichinah kha chuan i hlim hmel vur vur em kha " Ngeiawm rawng kai lek lek in ati a, za lo deuhin ka nuih
" Ka purse bo min pe lettu lo tum khum bur chu ka tihtur ani emni? " Ka ti a
" Ṭha deuhin min hrilh theilo emni? " A ti nghut, eng nge maw ahriat ni thinrim a chak ve hrim hrim ni maiin ka hria
" I hlim chang chiahin i ṭhiante bulah awm mah ta che, i thinrimna pawh i ṭhiante bulah va hrithla rawh " Ka ti chang fak, a thinrim hrikthlakna tur ka nilo chiang emai
" I lungawi lo anih chuan ṭha deuhin sawi maita che, dawt sawi kher eng nge angaihna " A ti hluk hluk
" Eng dawt mah ka hrilh lo che, i duh duh danin min lo mawhpuh ringawt suh " Tiin ka kalsan nghal daih, min lo zui lo chu ka lawm
" I va hmanhmawh ve, i mit ek pawh i ti fai hman hleinem" Room ah ka lut a, Lawmi'n min en vung vung chungin alo ti
" Ani maw? " Hmanhmawh deuhin darthlalang ah ka in en ka mit ek alo awm tak tak
" Awi! Ka zak lutuk " Ka sam ka ṭham chiam ringawt
" Tunge i hmuh a, i hmanhmawh bawk sia " An ti leh tut tut tawh ka hrilh hma loh chu min zawt leh sek dawn tih ka hriaa ka hrilh ve vek
" Nizanah i bialpa khan alo call che a, i mu tawh ka tia thil alo kensak che sia keiman ka zu laksak che " Lawmi'n ati a, eitur dahna lam chu a kawk pah zeuh zeuh bawk
" Nakinah ka en ang " Ka ti a, chair ah ṭhu in Dangdaia thil min pek chu ka en, Polythin chhungah chuan Bandaid leh damdawi hnawih chi bakah atuamna bandage atel bawk, a chhungah chuan lehkhate pakhat hi a awm a
' Heihi nimin ah khan ka leisak che a kalo let leh khan ilo awm tawhlo a ' Tih hi alo inziak, ka nui ka nui ringawt. A kutziak lah chu amawi zek a, a chetdan fel thlap thlap lutuk chuan nuih ati za ngawih ngawih
" Bandage i en a i nui vur vur leh nghal, i a deuh ami? " Sentei'n ati a
" Hepa cute zia hi " Nui vur vur chungin ka ti a, Ka ṭhiante'n min eilo zetin an hmui anlo ti sawi, a number pawh Dangdaia tiin ka save a, ka va duh vang anilo achetdan hi a lawmawm.
" Tukṭhuan zu ei ang u " An tih chuan
" Zu eiru, ka hmai te ka phih fai ve phawt dawn " Towel kala a, room aṭangin ka chhuak leh nghal nal nal, tukṭhuan eite zanriah ei hunah hian kan in nghak ngai lemlo, ka inpeih hmat leh ka ei hmasa a, an in peih hmat leh an ei hmasa mai ṭhin, ka inpeih ve meuh chuan ṭhiante chaw ei pawh anlo lut leh tawh a, keichu chaw eiturin ka chhuak veleh chiah
" Tlairengnu " Nu Mawii'n alo ti leh tawh a, ka nuih vur vur ringawt, ka chaw thleng chawia ka hawikual laiin Dangdaia amah chiaha ṭhu ka hmu a, rang deuhin ka pan hnai. Inla hmelhriat deuhin a dawhkanah ka chaw thleng ka dah a, min lo en chho kiau a, apawi ka sawi ta emaw ka ti hial
" Midang ṭhu an awm ami? " Ka ti ta ringawt a
" Awmlo " A ti a, min en tawh biklo
" Anih leh i bulah kalo ṭhut ve i phallo ami? " Ka chaw thleng chu lak tum ang deuhin ka khawih a
" Chutiang anilo, i ṭhu thei " Rang deuhin alo ti a, nui vur vur chungin ahmazawn ah tak chuan ka ṭhu ve mai bawka
" Hetah hian lo ṭhu rawh " A sir chu a beng thak thak a, bang bo deuhin kalo en kiau
" Ka hmaah i ṭhut chuan thil ka eiṭha theilo " A ti khauh a, a hawiher reng reng chu azak tih ka hrethiam ve reng sawibuai lo chuan
" Hmundangah kava ṭhu zawk ang, keimah vangin i eipuar loh phah ang " ti pahin ka tho a, hetiang em em hian a zahzum ka ringlo hrim hrim
" A ngailo, ka sirah hian lo ṭhu la ka eithei ang " Mengkual ralh chungin ati a, insawn biklo chuan a sirah chuan ka ṭhu
" Engtikah nge thil kan eidun ang " Ka tih chuan athil ei lai ahak nghal bawrh bawrh, tui ka pe thuai a ka tui pek pawh chu a in mailo, khuh bawrh bawrh chung chuan rum deuhin min en a eng nge ka tihsual ka ngaihtuah nghal char char
" Tinge " Ka tui pek chu a in lo a
" Khatiang thu kha sawi tawh suh " A ti hmuk, a tum zui bur leh nghala awm pawh ati nuamlo
" Eng chu maw? Thil eichhuah vel kha maw " Ka ti hu
" Aw, bialpa i neih kha khatiang sawi suh " A ti leh hmuk, ka beisei emaw ati ani hrim hrim
" Awi! Chutiang lam hawi zawng chuan ka sawilo ania aw, ka purse min pe let leh a ka lawmthu sawi nan eitur ka treat ve ang che kati mai alawm, i duh lo anih chuan apawi lo " Ka tih chuan hahdam huai hmel apu, a awmdan vel hi midangin min hrilh se ka awih miahlo ang, hetiang mipa sensitive lutuk hi ka hmelhriat ah an awm ka ring ngailo reng reng.
" Lawmthu sawina chu ka pawm ka tih kha " A ti a
" Aw le, hei vang pawh hian ka lawm e " Ka kut ka tuam chu ka hmuh, ka thleng chawiin ka thawhsan a ka hnungchhawn hnu pawn a chetzia lawmawm zet avang chuan ka nui zui vur vur, Taxi hmangin office ka kal leh a Ka tlai ṭep ani
" Sangi, Boss in a ko che " Ka chair ah ka ṭhu chiah ka tho leh nghal zat, Boss office chu ka pan a ka luh hma in kawngka ka kik dat dat
" Lo lut rawh " Chhanna ka dawn rualin ka lut nghal a
" Boss min ko a mi " Ka lu ka kun zeuh, midang chuan anti ve ngailo ka polite vang nge korean drama ka en nasat lutuk vang pawh ka hrelo, Boss leh director te ka hmuh hian ka lu ka kun ziah
" I ngaihtuahna ilo sawrbing ṭan em? " Ṭhutna min kawh hmuh a, rang deuhin ka ṭhu thla nghal
" Sawrbing ṭan e mahse, kala bo hrih khawp mai " ka tih chuan a bu nghauh a, min en vung vung reng avangin ka thawmhnaw ka pawtṭha sek
" Hmania product kan tlangzarh pawh kha order kan hmu tam lutuk ania, State dang aṭang pawn order alo lut nasa" A ti a anui vur vur leh nghal
" Boss eng nge sawi i tum ber " ka tih chuan
" Kan sawi mek hi " A ti leh then, min endan hi ka duhlo ṭhin
" Anih chuan kan sawi zo tawh mai lo emni? " Ka ti leh
" I va hmanhmawh ve, tuna kan sawi lai tluka company tana thil pawimawh a awm dawn emni? " A ti sar sar a, ka nui lui hram hram ani
" Kan pahnih chauha kan sawidun hi company tan hmasawnna ani vaklo " Ka ding a, lungawi hmel vaklo chuan min en reng
" Ka kal tawh ang e, Team meeting kan nei dawna tlaiah report kalo pe leh dawn che nia " Min chhanna pawh ngaichanglo chuan office aṭang chuan ka chhuak
" Boss office sawn ati thinrim reng mai che anih hi " Bawihtei'n nui har har chungin alo ti a
" Ka ning " Ka ti deuh tawl, thil hi zep ṭit ṭet ka nei ve ngailo, ka nih ang tawp hian ka lang a, rilru kherek kapu ngailo bawk
" A duh che ka tih kha " A tih leh chuan
" Hmeichhia ka nih hi, bialpa neilo pawh ka nilo chuta kara ka anpui lo kawp te chu a " Ning zetin kati hlak, Kan boss hi mipa tling zolo hmeichhe nih duh lo Patil kan tih ang kha ania, min endan hi ka ten tlat zel ka boss anih miau avangin an khum hrep hrep hi a rem vak silo a. Patil hi kava hmusit hranlo a kan khuaa ka ṭhiannu pawh patil tho ani, kawm an nuam a an rilru aṭha duh bawk mahse, boss hi chu patil ah pawh a tenawm chi leh ngeiawm chi kha ania ka tei thei thlawt ṭhinlo. Kan team kan meeting a report pawh Bawihtei kava pek tir, a theih hram chuan hmuh tam loh ka duh, office banah kan inzui chhuak sap sap a, taxi hman leh pawh pawisa ka ui ve deuh tawh si, midang chu an bialpa ten anlo hruaia aṭhen in lirthei an nei bawk, Bawihtei nen chuan kanla ding reng a
" Eng in nge hawn itum " Min tih chuan
" Ka hrelo taxi chu awlsam mahse, pawisa ka ui deuh a Bus ka nghak dawn mile te ka ti " ka ti niah niah, min chhan leh atum lai tak chuan kan bulah car alo ding dat a, boss motor a ni tih kan hailo dun viau
" Kalo thlah ang che u " Alo nui sang a
" Keichu thlah ka ngailo " Ka tawlhhnung deuh a
" Inthlahrung lutuk ṭhin suh, Bawihte lo lut la " Bawihtei chuan min lo en a, engtin mah ka chhanglo
" Sangi " Dangdaia alo lang nawlh a, tun atan chuan ka lawm lutuk, ahminga koh ve mai ka tuma ahming ka hre hauhlo, ka rilru chu a buai khawp mai
" Fela ka nia Sangi hi kalo thlah ang " Pangai takin ati a anui miahlo thung, Bawihtei leh boss chu an hrilhhai hmel lutuk keipawh ka hrilhhai ve tho
" Ka van hmu ngailo, Puia nen khan in in ṭhen tawh ami? " Bawihtei'n ati leh hrama
" Ṭhenlo e, Bawihte Boss rual hian hawng la Fela nen hian kan kalna tur a in ang " Ka ti zung zung a, an kal hun pawh nghaklo chuan Fela chu pawt nawk nawkin ka kalsawn pui
" Ka lawm e " Kan kal hla thawkhat tawh
" Hmeichhe ho buaina ngahzia hi " A ti sup, ka hriattura sawi anih loh hmel mahse, ka hre tho bawk sia
" A lawm zawng ka kawlta emaw tih tur hian achang chuan buaina hian min duh zual ṭhin " Ka tih chuan anui a
" Bus nghak ang " Bus stand ah kan ding, bus a awm ve thluah tawha tawt ṭhin viau mahse, taxi fare safe pawh aṭha, kan nghah hnu rei vaklo ah alo thleng a, rin ang ngeiin anlo khat leh deuh vek tawh, vanneih thlak takin Ṭhutna awl pakhat chu alo la awm a
" Ṭhu rawh " Ka tih chuan ahawikual a
" Ṭhu zawk rawh " Ṭhutna awl zawnah chuan ading a, hnial ta biklo chuan ṭhutna ah chuan ka ṭhu thla
" Din tawp ai chuan lo ṭhu ve rawh " A mawng pakhat leng tur vel ka ti awl a
" A hreawm ang keichu ka hreawm lo " A ti leh mai a, ka nuih sen sen.
Zanah chuan kan ṭhian ho in room ah kan awm ṭhap a, kanu in inluah tur alo sawi vel chu ka hrilh ve thlap, ka sawi zawh rualin an ngawi nghal vang vang a, ṭi daiin ka en kual hrek hrek
" A theih te chuan aṭha alawm, pawisa pawh i inkhawl thei deuh ang a " An ti ta hlauh, an phal loh chuan ka tan pawh insawnchhuah kha anuam dawnlo a
" Nia, Office ahnai zawk bawk si " Ka ti ve vat
" Kan inhmu thei tawh dawnlo tihna pawh ani hleinem, naktukah ami i insawn chhuah ang " Lalai'n atih chuan
" Ka hrelo aremchan chuan apawi ka tilo a " Naktukah office kan chawl dawn tho a, chawlh lak hranpa ngailo in naktukah inpeihfel diam ila aṭha ang
" Kan hman vek alawm, kan pui thei ang che " An ti a, engpawh hi ti dawn ila min support thei hlawm ania
" Aw le, bazar pawh ka ngai ang " Ka ṭhianten min phur pui bawka ka phur thar em em mai ani
" Naktukah chuan a zualpui kan bazar anga, nidangah mamawh zual chu kan lamkhawm leh dawn nia " Sentei'n atih mawlh mawlh laiin
" Nia, I bialpa te pawh i sawm anga i bungrua te chu thiar rei tur a awm hleinem " Lawmi'n alo ti ve a, Saipuia lam kalo ngaihtuah vaklo, beisei neih leh ka chaklo ani
" Sawm kher pawh an ngailo " Ka ti a kala lungawi vaklo tih an hrethiam a, engmah chutiang lam kan sawizawm lo. Zanah chuan ka duh loh deuhin Dangdaia kha ka mitthla ah alo lang tehnawlh a, engvanga ngaihtuah ve ringawt nge ka nih pawh ka hrelo, kan ṭhianho kan inkawm zawhah hna ka thawk ve mual mual a, Lalai leh Sentei an mu tawh a Lawmi nen chiah kan meng tawh
" Puia hi i ṭhen dawn ami? " Lawmi chu ka en dawrh, min enlo in a laptop ringawt chu a en a
" Engtin maw itih " Ka hrereng a, ka zawt lui leh mai mai ani
" Puia hi ṭhen i tum ami? " Min lo en ve ta a, nuam ati vaklo nge a hawisawn leh vat
" Hetiang reng anih chuan amah zawk pawn min ṭhen maithei ani " Ka ti a, room chu a reh leh nghal tlawk tlawk.
Cont..
Zanin aṭangin Thawnthu kan han ṭan veleh dawn chu ani a, a va hautak leh dawn em. Hriatna atlem chu thuhran tawnhriat neih vak loh phei chuan thawnthu ṭha tak ziah hi ahar mahse, thawnthu ṭha tak aiin ka thiam tawka ṭha a ziah hi ka tum ani ber zawk, min support na ka mamawh leh dawn a atir aṭanga atawp thlenga min lo chhiarsak leh turin ka ngen che u.
Thawnthu anih anga hriatthiamna nen min chhiarsak turin ka ngen che u a, atak anih loh avangin tlema awih awm loh lek lek pawh a awm ṭhin maithei thawnthu ani miaua, kut maia ziah thawnthu hian atak chu a ang thei ngai dawnlo, chu chu min hriatsak turin ka nge che u. Thawnthu hi aziaktu in a suangtuahna thleng ngailo tur a ziahchhuah ve mai ani
Show post links
Top