HMANGAIHNA MAK BY Lalnunngheti Tetei (Completed)

[Ngaia]

HMANGAIHNA MAK



CHAPTER-27





Atira ka rilru natna te kha a tawngkam tha in ahneh leh vek tawh, zaidam taka minbiak tawh hi chuan zahpuiawm khawpin ka nem leh thin, amah ka hmangaiha rinhlelh fo pawh hi ka sim ve chu angai tawh ngei ang, amah ngeiin ' eng mah a awm tawh lo ' atih chuan ka ring ve mai tur a ni.




Kan duh vang renga innei ni lo mah ila inhmangaihna a lo pian takah chuan chutiang thilin min tibuai tawh lova, kan nun hlui te inhneh tir mai pawh kan tum tawh lo, nupa hlim tak nih a chhungkaw tha tak din chu kan thupui a ni mai.



Lucy pawh ka hriat lai ngeiin Theodorea'n akam khat a, khata tang chuan min tibuai leh tawh lo. Chiang takin athusawi zawng zawng ka hria a chu chuan nasa takin hlimna min pe a ni, ka pasal leh ka fapa te tan theihtawp chhuaha nu tha tak nih ka tum a chumi tur chuan vawitam tak Pathian hnenah pawh dil in keimah ngei pawh ka inhlan nawn thin.



Ka nunah harsatna tam tak ka tawh lai pawha min thlahthlam lo tu chu amah ngei a ni a, keipawhin thlah thlama vah bosan ka tum tawh bik lo. Kan chhungkua in sunday tuk leh zan kanin khawm thina chutianga chhungkua a Pathian biak ho baka nuam chu a awm in ka hre lo.




Christmas pawh kan hnaih ve leh tawh hle a, keipawh vawin lamah bazara chhuah ka tum a Bawihtea erawh a hritlan mai an hlauh avangin ka nu te'n chhuahpui an phal lo thung. An tu hmuh hmasa ber na na na chu an duat in keh thei dawm in an dawm a, achang chuan Theodore-a pawhin ' an duatsual vek ka hlau, ' a ti hial thin.




Ka chhuah hma chuan ka bualfai thlapa, ahma kha chuan chhuahsan aharsa deuh thina tun hnuah erawh mi ngen a ching tawh lem lo.




In atang chuan chhuakin taxi ka phara bazarpui lamah chuan kan tlan chhuaka, tun ang boruakah chuan mipui an tam tawh thina huphurh awm ve tak a ni bazar pawh hi. Rin lawk ang ngeiin bazarpuiah chuan mi an zi luai luai a keipawh chawhmeh lei ka duha ka in zep ve nasa khawp mai.



Chawhmeh zualpui ka lei zawh hnu chuan inkhai bawr teuhin chulai chu ka chhuahsana, mitam lutuk lohna lai ka thleng chu ka thaw deuh kawk mai. " Kha iva bawr ve a " ka âw hriat than takin a lo tih chuan ka hawi phei a Joshua chuan min lo nuih nghal suk, hetah chuan hmuh ka inring lo a sin.



" Engti turin nge he lamah te i lo awm a, "? Katih chuan min lo pan hnai pahin ka chawhmeh lei ho chu a melh kual dan dan a, " min transfer alawm, ka awm char char tawh ang " atih takah chuan ka bu nghat a, " inbe lawk ang hmiang i chawhmeh lei ho hi ka car ah dah lut ila ka thlah nghal dawn che a nia, " a tih tak zung zungah chuan chhang mai lovin ks chawhmeh lei ho chu ka han en a, ka bawr tha ve bawk nen aruala kal mai pawh chu ka inthlahrung ve deuh.




" Aaa ngawiteh ka bawr bawksi taxi kala mai dawn alawm, tikhan i sawiduh chu sawi mai la, " ka tih takah chuan thaw hawkin min melh a keipawhin athusawi tur ngaichang ranin ka melh ve kar. " Min hnial lo la, keimahin ka thlah ang che " ti lehin ka thil lei ho chu a khai vut a akal nghal daih bawk nen tih ngaihna hre lo zetin ka zui ve ta ringawt.




A car a ka thil lei adah luh lai pawh chuan ka inthlahrun thu ka sawi char chara min chhang lem lova min ngaihsak vak pawhin ka hre lo.



Chutia a inremfel zawh hnu chuan thingpui dawrte ah hian min luhpuia, inhmatawn chuan kan thu ta ran mai.



" Eitur chah ila " atih sup chuan ka ril atam loh thuin ka chhanga coffee chu achah hram thung. " Eng thilah nge min biak iduh a, "? Angawih leh tak daihah chuan ka ti a ahmelah chuan azam hmel riauin ka hria, rilru buai tak nei hmel te pawh apu.



" Lucy nen kan chung changah ania, han rawn mai tur ka hre lova nangmah ka tibuai ta mai che, " atih chuan chik zet hian ka melha sawichhun zawm ta mai lo chuan thawk te ahan la leh hluai phawt a, " an nufa in let tura sawm ka tuma, inneih pangngai neih puia chhungkaw pangngai taka awm ho ka duh a, ahma khan ka lo ngaihtuah chiang ngai lova tunah erawh ka inchhir tawh tak zet.



Fa hial kan nei tawha hetianga awm reng zawng adikin ka hre lova,amahin aduh phawt chuan rang taka inneih vat ka duh a ni, " a ti ta sup a, chutiang rilru apu chu tha ka lo tihpui viau mai, " amah i be tawh hrim hrim em "? Katih chuan bu deuh nghut hian, " be tawha mahse chhanna ka la dawng lo, chuvang ania hreh tak chungin i puihna dil ka tum. Nangman min lo biaksak ve la ka ti deuha, zak thei lo pawh minti viau in ka ring ichunga khatianga ka chet tawh hnuah i puihna ka lo la dil cheu che a, " tipahin a then deuh suk a, hun kal tawh a ngaihtuah let pawh a ni mahna.




" Ahmasa in chutiang rilru chu ka pu lo tih hria la ka duh, chuan i thuthlukna pawh tha ka ti khawp mai keipawhin lo biak ka tum anga nangpawhin i chhungte hrilh la anni lam pawhin be ve rawh se, keia thu ngawt chu azawm duh pawhin ka ring chiah lo a, amaherawhchu lo biak ka tum ang, " ka ti let ve a ka rilru tak taka sawi ka ni bawk, ka chungah engpawh lo ti tawh mahse hlim taka awm tur chuan ka duhsak tak zet.



Kanin biak zawh chuan kanin lamah min dah a,Lucy be ngei tur chuan min chah nawn leh mawlh mawlh bawka. Inchhung ka luh chuan bawihtea leh kanu in min lo pan vat a ka thil leite chu min dahpui pah bawk.



Eirawng bawl a hun tawh bawk nen ka inbuatsaih nghal a, joshua thusawi mawlh chu ka ngaihtuah nasa, eirawng ka inbawl peih fel deuh chiah Theodore-a pawh a lo haw ve a nidang ang thovin ahna thawhna avanga achau hmel pu miah lovin, nuisangin inchhung a lo luta hmuh a hahdam thlak khawp mai.




" Eirawng ibawl zo tawh em ni, "? a office bag ka lak pah chuan a lo ti a ka bu deuh nghat, " hanin thlak la chaw kan ei hma dawn nia " ka pa in a lo tih chuan a buk khum nghuta, amahin a chho mai dawn emaw katih laiin ka kutah min lo kai thuta inchung lam pan chuan min kai kak deuh dawt dawt. " I mak thei e kan chhungte awmlai em hi chuan pangngai teh aw " room chhung kan lut chiah chu ka ti a, a ni erawhin alamah min pawt hnaiin min kuah nghal hlun thung.




" Nilengin ka ngaihtuah che a, hetianga kuah vawng vawng che hi ka chak ber ka ngai lutuk che, " rilruih hian ati a nuisakin keipawhin ka kuah let ve a, hetianga min thlakhlelhna a tihlan hian katan pawh anuama alakah pawh ka inhawng sawt thin. " Hei chauh lo pawh ka ngaihtuah a nia, " tipah hian nghal zetin min lo en a awmah ka chum nghal dawt.



" Inbual dawn nge inthlak ringawt dawn "? katih chuan a inthlak ringawt tur thuin min chhanga, a haklai a phelh chhungin keiin a hak tur ka lo lakchhuahsak a, khua avawt tawh bawk nen alum lampang chu ka thlan sak a. " Vawin chu joshua nen kanin hmu a, " katih chuan ka lam arawn hawi a, " ithian hlui maw "? ati deuh sup a a kekawr chu a phelh zui mial mial a, " aw chutiang chuan kan sawi thei ang chu, college te kan lut hova chuan Felfela pa hi ani bawk. " Katih takah chuan chik leh zual hian min lo en vut a.



" Kha hei ha rawh avawt si khati teng tunga din reng te chu, " boxer nen chauha a awm avang chuan ka ti zung zunga, " sawi zawm la " tipahin a kawr leh kekawr ka pek chu a lo ban a.



" Lucy te nufa koh aduh deuha, inneihna pangngai tak neihpuia awmho aduh thute a sawi bawka, chumi tur chuan lo biaksak turin min duh deuh maw le. " A hak lai ho chu suk turah ka daha ani pawh a inthlak zo tawha a la ding ngawi reng thung, ka thusawi a ngaihtuah chhunzawm te pawh aniang, " chuan chu chu kan pahnihin Lucy chu kan bia ang itihna em ni "? Atih chuan dar chhin uk pahin " ka hre chuang nang, " kati a athaw zui hawk.




" Eng pawh nise thil tha tak a nih chu, Lucy pawhin lo hnial ngawtna chhan tur a nei dawn hleinem " atih chuan amah chu ka melh deuh vang vang, " i lakah rilru dang ala pu tlatin ka hria a, chuta karah pasal nei turin be ta ila a thinrim viau angem le, " keimah zawk chuan ka ti leh hnu hnawh, ni e atir khan tinge ka lo ngaihtuah loh, ani chuan ka pasal hi ala duh miau alawm.



" Chutiang chuan ngai tlat lo la, ani pawhin ka lakah chutiang rilru apu tawh lo tih ka chiang, nakinah kan be dawn nia aw tunah chuan chhuk phawt ang ka ril atam tawh, " ka hnunglam atanga min kuah pah chuan a lo ti a, inhnuai lama kan zui thlak chuan bawihtea'n apa chu a lo ban vat a a ni pawhin afapa chu pawm kangin thlahlel tih hriat zet hian abiangah a fawh sak vawng vawng bawk.




( A TAWP DAWN TAWH E )


Show post links
Top

[Ngaia]

HMANGAIHNA MAK



CHAPTER-28





Zanriah kan eikham chuan eina te ka seng fel sawk sawka, ka sawi tawh ang khan kan awmpui te ho in hunpui chawlh an la veka engkim hi ka kuttah atla vek a thil harsa erawh a ni lem lo. Bakah hetianga mahni ngei chet hi keipawhin ka duh zawk hrim hrim.



Thleng vel ka seng fel zawh hnu chuan an thingpui intur te ka chhuang leh te te phawt a, thingpui nen an thutna lamah chuan ka pheia bawihtea pawh apa nen an lo in chhaih nui nasa leh tawh khawp mai. Nilenga a chhuahsan thin avangin zanlamah chuan hna pawimawh a khawih hma in tihian atam thei ang ber afapa bulah hun a hmang thin.



" Zanin chu kan bulah i mu dawn em, "? Apa nen anin fiam laia ka tih chuan nui har har pahin a duh loh thuin min chhanga, zan tam zawk chu api te bulah amu tawha zanlaia tah emaw min zawn emaw pawh a nei ngai lo. " Ama nen khan min ngai lo em ni, "? apa in a tih chuan a ngawi deuh vung vunga, " ngai a mahse api leh apu bula mut a nuam " a ti reuh va apa nen chuan in enin kan nui ta tawp.



Api leh pu te pawhin amahin a duh chhung chuan mutpui an duh thu an sawia, ka hnial bik lo. Ka fapa ka ngaih loh vang lam ni lovin, kha leh chen api leh pu te bulah a awm lova anni pawhin an ngai ve a chuvanga hnial lo pawh ka ni.




Dam chuan ni pawh a kal chak mawp mawp khawp mai, christmas thlen nan nithum chauhin min dang tawh a, keini chhung pawh vawin lamah bazar turin kan kal chhuak ve dawn a, hmanni a ka bazar tum khan bawihtea hak tur vel erawh ka lei vek tawh thung, chhuah pawh ngai ka tih tawh loh nen Theodore-a berin a fapa a sawihmuh lak lawh ve si a, bawihtea lahin school lama athiante pawh an bazar thu te a sawi ve sek bawka, a tawpah chuan tul lo zetin keini pawh kan chhuak ve ta nge nge.




Bazarpui lam kan thleng chu mipui pawh an la tam ngiang mai. Christmas anih nan ni thum chauh a awm tawha chuti chung pawhin keini chhung chauh lo pawh mamawh lei tur an la tam khawp mai. Keini chhung pawh dawr hrang hrangah kan lut a, dawr tih ah toys dawr ah ngawt kan la lut. Kan luhna a piangah duh a nei zel bawksi, ka khap lahin apa in leisak loh chu athat loh thu sawiin a leisak zel a, api leh pu ai chuan amah apa ngei hian aduatsual ka hlau zawk mah tawh.



Toys kan lei zawh chuan ka kawr tur en ve turin minti a, kan nupa hak tur a ka thui tir tawh avangin adang engmah ka lei belh duh lo thung. Thawmhnaw lam hi chu ka uar lem lo bawka, hak thlak pahnih khat a awm chuan ka lungawi viau zel.



Kan ril atam tawh bawk nen thil ei turin restaurant ah kanin zui lut a, chhungkaw dang pawh an lo chawl ve nual. Kan ei duh te kan order zo chu min lo be tu avang chuan ka hawi chhuaka, joshua bawk a ni. " I va vang thei ve, "? Mintih chuan nuisangin " nangpawh " ka ti tawi tap a, kan bula thutna ruakah chuan thu ve turin ka sawma min hnial thung.



" Keini pawh kan chhungkua in kan bazar a, " atih chuan ka hrethiam chiah lo, a chhungte an lo zin tihna em ni, " Lucy te nufa chu bathroom lamah an kal lawka " a tih chuan ka meng deuh kawk, Lucy nen pangngai takin anin zui tihna a ni ngei ang.




Hmanni lawk kha chuan biaksak turin min ngen kha a nia, tunah erawh an lo inzui der tawh zawka. Biaksak tuma Lucy ka pan lahin min lo hmu duh lo zel kha a nia, " khatah maw i lo awm a "? rawn titu lam chu kan hawi rual thap, lucy pawhin keini min hmu mak ati ve deuh aniang a meng buai deuh nak. " Nangni in ni maw "? nuilui sak hian a ti a, ka lo bu nghat.



" Min lo zawm ve mai ta che u, " Theodorea'n a tih chuan hnial lem lo in joshua chu a bu nghuta, Theodore-a zawk chu kan lamah a lo thu phei a, anni pathum an thu tlang ve bawk.




Kan thutna hi a sei a, lehlam lehlama inzawm ang kha a ni a paruk kan thu chung pawhin a chep lem lo.



Eitur order pahin mipa pahnih chu an ti ti zui mai a, keini erawh kan thu ngawi reng thung. Bawihtea pawhin Felfela chu ala hria tih hriat takin a be siam siam renga. Eitur a lo thlen chuan kan ei mial mial a bawihtea chu ka barh pah bawk.



" Karleh lam hian in inlam ah palai tir ta mai ila atha angem le "? Joshua'n a tih chuan ka melh vat a, Lucy ka en leh chuan a nih pawhin inthiam loh hmel zet hian min lo en ve bawk, kan chhungkaw inkar hre ve lo tan chuan khatiang a sawipawh kha a awm viau mai. " Ka nu leh pa te ka lo bia ang, rem lohna a awm lo " katih chuan Lucy chu a thaw deuh hap a, a rilru a buai ve hmel viau bawk.




Eng mah sawi chhunzawm tawh lem lovin kan eitur theuh chu kan ei a, kanin eipuar zo chu bathroom hman lawk ka duh vangin ka thawhsan hlawma, bathroom chhung ka lut chiah tihah Lucy pawh a lo lut ve nghal.




" Nora " zawi sep a atih chuan ka ngawi reng, " nutei te hrilh kher chu angai lovang aw, inchhungkaw chunga ka thil tih te avang khan ka hmu ngam tawh lo, patea'n a hriat chhuah tum lah khan ngaihdam dil lovin khatiang khan ka awm leh ta si a, an chungah mai ni lo i chungah pawh ngaihdam dil sen lohvin thil ka tisual a ni, " ka mita min en reng chunga a thusawi chu dawt a nih loh zia leh a tih tak tak zia ka hriatthiam pui.




" Chhungkaw pangngai tak i neih bik avang leh an duat thin em avang che khan ka thik thin che, chutah mipa tha tak joshua i nei tel leh zel a, thil tha zawng zawng i neih laiin kei chuan engmah ka nei ve lo ni in ka inhria a, nangmah thikna che in ka khata kha vang khan ka haw hle bawk che, tihsual i nei miah lova nang chuan i unaunu ang tak takin min en reng thin, mahse ka rilru kha a kalsual tlata ka tum loh leh ka duh loh thil chu i chungah ka ti ta a ni, " ti pah chuan thawk a la leh halh a.




" Ka nu leh pa te khan an en hrang ngai miah lo che, ka neih ang a piang kha i neih ve zel an duh a an tan chuan an fanu ve tho i ni a sin, " ka ti let ve a mittui tlingpam in min en ngawih ngawiha chu chuan ahun kaltawh avanga a inchhir zia min hmuh tir nimai hian ka hria.




" Khangthil te kha hre reng chungin ka hmuh hmaih miau va, an hmangaih ve nih ai chuan a zawng zawnga an hmangaih nih kha ka duh a chupawh ka hma ka sial vangin. Joshua ka laksak tum che pawh khan keimah ah hlimna tak tak a awm miah lo a sin, mahse ka harsat lai ber pawha ka kiangah awma min hnem tlattu a nih vang khan keipawhin ka duh tak tak a, Theodore-a laka ka rilru put thin ang chiah kha a lakah pawh ka pu a ni.




Mahse hun a liam a khatia Theodore-a nen innei dawn tih ka hriat khan ka rilru chu a let thawka, ka la duh reng avanga Theodore-a kha hnaih leh pawh ka ni lo, kha pawh nangmah tihnat nan bawk che a ka tih a ni, ka thinlung tak erawh chuan Joshua hi ka duh tawh tih erawh ka chiang viau thung, " a thusawi tin te chuan min thawnga engtia lo dawnsawn tur nge pawh ka hrethiam lo tak zet, ka hriat chian em em erawh chu a ni hian min lo haw hle thin tih zawng a ni.



" Chhuak tawh ila nakinah kan sawidun leh dawn nia " ka tih chuan a lu a thinga sawi vek a duh thu min hrilh bawk, chutianga a tih takah chuan pawn lamah zawk inbe turin ka kalchhuah pui a, midang ho chu pawn lamah min lo nghak tura hrilhin keini chu kan thut ho naah chuan kan thu a, inhmatawn rana kan thut takah chuan a zam hmel zual viau in ka hria.




" Theodore-a lakah rilru dik lo pu miah tawh lo chung khan nangmah avangin ka hnaih lui hram hram a, ka hma ka sialna chuan ka mipa duh dik tak zawk pawh hlat turin min siam hial bawk, mahse Theo kha chuan a hmangaih tak tak zia che ka hria a, keipawh beidawn mai kha ka duh tawh, chutah lah joshua lo in lanin ka thinlung min hnehsak leh ta vek a, inneih minsawm pawhin ka lo hnial lo, chuvanga felfela pawh hi piang a ni.



Mahse rei lovah a chhungte avangin kan buaia khata in in ka lo pan tum khan ahma a nangmah tihchhiat duhna che rilru bawk kha ka pu tha leh ta a, khang thil tam tak ka tih te leh i chunga ka chetdan mawi lo tak tak te avang khan ka hlim chuang lo, in inthen hnu thleng pawhin ka la tihbuai chhunzawm char char che kha, nangpawhin chu chu o hria a. Mahse ka thinlung dik tak leh ka thil tih te an dik lo tih min hriatchhuah tir turin joshua ka hnenah a lo kir a, a ni hian ka nun hi nasa takin a thlak danglam a ni, " a ti hniam ruiha a thil sawi tak zawng zawngah khan thinrim lovin amah ka khawngaih let zawk.



A nun lo beidawn thin zia tur ka lo ngaihtuahpui ngai lova, a chungah pawh that ka chhuah tawk lovah ka inngai. Tha takin kanin thlah liama amah ngeiin ka nu leh pa te pawh ngaihdam a dil duh thu a sawi bawk.




A sawi ang ngeiin ka nu leh pa te chu a bia a, an ni pawhin keimah min lo be rawn thlap bawk, keipawhin ka rilru dik tak te chu ka sawia kan vai chuan a thil tih ah kan ngaidam thlap bawk, mi kan ngaihdam avang hian kan eng mah kan chan phah lo tih ka hre thar awn awn nimai hian ka hria. Thinlung sak taka awma mi huat neih reng khan nun a lo hlim miah lo tih te ka hre bawka, chuzawng ai chuan inngeih taka awm ho hi a ni lo nuam ber chu.




Kar thar lamah chuan kanin atang ngeiin Lucy pawh Joshua te inlamah a lawi lut a, chhungkua kan hlim tlanga a nuam tak zet. Mi tam takin an lo awh thin chhungkua ka nei a chu tluka hlimna ka tan chuan a awm leh tawh lovang.



( Thlaruk hnuah )




Pathian malsawmna dawngin naute thla thum mi ka pai leh tawha, ahma a duatna leh duhsakna ka dawng theih loh zawng zawng te kha ka dawng vek tawha ka nun chu a hlim tak zet.



Ka fapa school bang lo haw leh apa office bang lo haw hian inchhung an lo luh rualin ka dul hi an khawih hmasa ber zel a, hmeichhia ni turin an duh ve ve bawk. Keipawh ka pangchangin thil ho te te ah thinrim mai te ka chinga, ka naupai vang hi a ni ber ang chu huat lah ka ngah viau bawk, ka pasal in min hrethiam in min dawhthiama chu chu nuam ka ti hle bawk.




" Vawin chu anu i lo tihah viau em, "? Khuma ka thu mu chu min lo kuah pahin a ti sup a ka dul zawnah a kut a nghat bawk, " a lo pianchhuah hunah chuan pa zawng zawnga pa tha ber ka ni ngei ang, " a tih suo chuan ka nuih deuh hak, " i ni sa reng alawm, mahse hei hi hre rawh i fapa anga i duat leh lutuk kha chu a chi dawn loh, khap bur a ni. Hmeichhia a nih phei chuan i hruai ler zo vek mai ang, " ka tih zui sep chuan a nurnang mai, chu chuan ka nuih a tiza zual sawt bawk.




" Anu a chhun te chuan a lerdawn sa alawm, chhun tur a neitha dawn em a " a tih chuan ka tum deuh hmak, " ka ler bawk lo, " ka ti deuh nghata a ni erawh a nui hawk hawk thung, " ka hmangaih che a nia, nang leh ka fate hi ka khawvel in ni " ti sup in ka biang a lo piai zeuha keipawh ka nui leh ta ver ver. " Keipawhin ka hmangaih che, nangnen hian thil tam tak kan lo tuar dun tawha, kanin hmangaihna hi chu ' HMANGAIHNA MAK ' ti a sawi chi dik tak zawng a lo ni e, inhaw tak chungin bul kan tan a nanghi hmangaih chu sawi loh ka duh theih che pawh ka inring lo, mahse tunah erawh nasa takin ka hmangaih che, hmeichhe vannei bera min siam avang pawhin ka lawm e, " tiin ka pasal chu ka hrilha a mitmeng min hmangaihna a khat chuan min thlir vung vunga, chuthil chu hmuh reng atana ka thil duh ber a ni.






A TAWP TA.......



HARSATNA TAN TAK KARAH HMANGAIHNA MAK CHU KAN ZO THEI TA HRAM E.....REGU LO TAKA KA ZIAK CHUNG PAWHA DAWHTHEI TAKA MIN NGHAK HRAM HRAM TU TE, IN ZAVAIA CHUNGAH THIUNG TAKIN LAWMTHU KA SAWI MAWLH MAWLH E


Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top