HMANGAIHNA MAK BY Lalnunngheti Tetei (Completed)

[Ngaia]

HMANGAIHNA MAK





CHAPTER-7







" Eng nge i duha "? Teh tawp chuan, kan pindanah kan pahnih chauha kan awm hnu chuan atawng chhuak ve hram alawm, ka chetdan hian a thawng tih ka hria a mahse a zawhna min zawhdan teh tawp chu mak hi ka ti, " engmah ka duh lo, inbualna tur tui ka siamsak che a chu zawng chu " dar san khum ak paha ka tih chuan a thaw deuh hrawk.







" Hetiang hi eng vangin nge i tih "? A ti leh tawh, a inbual tui tur ka siamsak a ni ve maia a dilchhut ka ti tak zet.







" Ka pasal a nia i zin i chauh ka ringa inbualna tur tui ka lo siam mai che a ni, thilsual ti ang maiin ti nge min ngaiha, " ka ti a a ngawi vung vung mai, " inbual lo tawp rawh " a din reng takah chuan ti lehin a towel tura ka laksak chu khumah ka theh thla tawpa, kalsawn tuma ka imher chiah chu ka banrekah min lo vuana ka ding dat.







" Ka inbual dawn " ti nghutin khuma towel chu abana min la thlah chuang lo, " hetiang hi ilak atanga ka beisei loh thil a nih vang a nia khatiang kha ka zawh che " a ti leh sup a, a awm ve reng mai.








A chungah that ka chhuah teh thut bawksia a hamhaih pawh hi lehlam takah chuan a dem awm bik lo e.







" Um, va inbual rawh i thawmhnaw hak tur ka lo la ang " ti zawi sep in ka kut chu ka lasawna a ni pawh bathroom lamah a lut zui ve nghal.








A chunga that ka chhuah derna hian nghawng tha lo tak a neih loh hram ka beisei, ka tum leh ka duh chu Lucy zirtirna pek a ni, chumi atan chuan Theodore hi chu hmanraw pakhat mai a ni bawk.








" Tihsual ka neih chuan min ngaidam ang che Lalpa " ti sep in Theodore-a closet lam chu ka pana, hausa viau si thawmhnaw chu ka rin ang em em in a ngah lo.









Tshirt senduk leh kekawrbul dum plain tawp chu ka lakchhuah saka, zan lam a ni bawk nen inchei teh hlawr kha a ngai ka ti hran lo.






Drawer a tang chuan a underpant hak tur ka la chhuak leha, ka awmdan hian keimah ngei pawh ka nuih a tiza, nupui tha tak te pawh ka ang ve tak zet.









A lo chhuah lawk loh avangin inhnuai lamah ka chhuk thla leha, ka nu leh pa te pawh an pindan lamah an lut tawh a ni ngei ang hmuh tur an awm tawh lo. Coffee chu Theodore-a ta tur ka siamsaka, zingtin coffee hlir a in thin avangin a ngaina hle turah ka ngai.








" Eng nge i tih "? Lo titu chu leh hawiin ka en a, Lucy-i a ni. A inthuam dan lah chu a sexy viau lehnghal, kekawr bul chhing zet a ha a, top ban bul uchuak a ha bawk, tu mit nge lak a tum tih lah chiang reng.









" I hmuh ang hian coffee ka siam, i duh ve em "? Amawiah ka han ti ve a a lu a thing deuh nar nar, " coffee te chu i in ve ngaiin ka hre si lo a, pasal hausa tak i neih tak hnuah chuan in lak changkan ve nan i in ve ta tihna em ni "? Ngeiawm zet hian a ti a, he a zia tak hi alawm ka mil theih miah loh chu.








" Ni chuang lo e, mahni thawhchhuah pawh ni lo a inlak milen vak hi ka zia a ni ve lo a, ka pasal in a duh em a ka siamsak a nih hi " ka ti ve ngata ka nuisang bawk.








" I pasal tana i inpum pekna chu ka fak tak zet, engmah lah hi i hrethiam der si lo a " a ti nawn leha, chhan tumna pawh ka nei tawh hran lo.








" Nora " âw thum zetin ka hminga min koh avang chuan ka leh hawi vat, Theodore lek chu ni in, ka hminga min koh vawikhatna a ni hialin ka hria. " In bual zo tawh maw "? Ka tih chuan tawngka a min chhang lo in a bu deuh nghut.







Ka kawr lakchhuah sak ngei mai chu a ha a a inhmeh tih piahlam a ni, " Theo i chau viau lo maw, "? Lucyi'n a lo tih chuan a awmve tih ka hrechhuak thut, a mit chuan awmze nei fe hian ka pasal chu a melha, Theodore-a ka melh chuan a ni erawhin keimah ngawt min melh thung.






Ka thaw deuh huai mai, Lucy thawmhnaw sexy zet inbel chu en miah lo se ka ti rilru mawlh mawlh, ka rilru hi keimah tak pawh hian ka hrethiam lo.








" Chho ila " a tih sup chuan mit khap fakin ka bu nghata, a coffee tura ka siam chu ka ban nghal zat bawk.








" A zinna ah a chau bawksia kan chhohsan mai ang che tui deuhin mu rawh aw " unaunu fel ber awm ang tak chuan ka han ti a, a hmela min ngeina langchhuak chuan ka nuih a ti za zawk.







Theodore nen chuan kan pindan lamah kanin zui chhoa a coffee chu keiman ka keng ran bawk. " I thawmhnaw chu i hmeh hle mai " ti pahin coffee chu alamah ka leka, a mit ko a lo san deuh uk mai.








" A thlangtu hian thil nalh a hre em a " ti ve sup in coffee chu a lo bana a tem nghal zeuh bawk.






" I chau ang mu nghal mai rawh " no ruak ban pah chuan ka ti a, " i mu ve dawn lo em ni "? A lo ti let ve nghal zat, " mu dawn e no hi ka zuk dah leh lawk " tipaha kalsawn ka tum chu min pawt dingin ka no ken chu min laksaka, " zing lamah dahthla mai rawh, " a ti deuh nghuta no chu dawhkanah a dah nghal hmak bawk.








" A nih chuan mutawh rawh keipawh kan mu ange, muttui le " ti zung zungin sofa lam chu ka pana, thawk leh khatah ka taksa chu a kang deuh lawpa ka hamhaih lutuk chu ka ang pam mai.







" Eng nge min dahthla rawh " ka duhai ka vin, min thawng bawk em a tin ni. " Nupa kan nih hi tun atang chuan khum khatah kan mu tlang ziah tawh ang, ngenna ni lo in thupek a nih chu " ti nghet churhin khumah chuan min nghata, engmah sawina hun pawh a awm lo.








Ka bulah chuan lo mu ve in min kuah nghal hluna ka thaw chhuak ngam tawh reng reng lo, a chunga that ka chhuah derna hian nghawng tha lo tak a neih ka hlau.








" Lucy nen hian in inkarah eng chiah nge awm "? A tawpah chuan ka rilrua zawhna lianber chu ka zawta phawnga, ka inchhir loh hram ka beisei.










Min kuahna phelh thawlin alam hawi zawng chuan min kuai hera, " eng vanga hre duh nge i nih "? a tih tak daihah chuan ka zam leh deuh.







" Ah...ih, eng lo nupa kan....." ka ti chiah chu ka hmui bulah a kut chu a lo daha ka tawng tawp chat, " ka hrethiam e, nupa kan ni tawha engkim inhriat tawn sak tur alawm kan nih " amah zawk chuan a ti hlauha ka thaw suai suai mai.








" Lucy hi ka bialnu hlui a ni, " a ti chiah chu ka hriatsa mah nise min thawng dawt mai, ka sawifiah thiam miah lo in eng emaw lai hi che dawt a awm, " ka hmeichhe hmangaih hmasa ber a ni bawk " a ti nawn leha ka kut ka hum ruh vak.








" Chuan tunah...." ka tih lai mekin " tunah chuan kanin karah eng mah a awm tawh lo, ka duh tawh lo bawk. Hmeichhe pakhat ka tawnga ka nun hi a danglam vek, " a tih chuan ka ngawi deuh vang vang, Lucy-i a hmangaih tawh loh thu min hrilh kha a tawk viauin ka hria, midang a tawn leh thu chu min hrilh kha tul ka ti lo tak zet.









" A nih chu " ti hniam ruihin a awm zawn chu ka melha, ka thin zawn hi a thip vang vang mai, hepa laka ka awmdan danglam hi ka duh lo.











" Chu hmeichhia chu ka duh em tih ka la chiang lo a mahse ka hrechiang vat ang, " a tinawn leha ka chhang tawh lo.






" Muhil tawh ang " tipahin ka inhera khum kil lamah chuan ka tawlh phei daih bawk, ka rilru lah chu ana ve ringawt lehnghal.








A tuk lamah chuan ka ze ngai bawk a chhual leha, Theodore chu ka pum pelh char chara, eng vang nge ka hre lo hmeichhe dang duh a nei tih ka hriat khan ka thinrima ka haw hlur mai.








Min biak a tum paw'n ka hre lo der hmaka, Lucy zirtirna pek ka tum kha chu ka theihnghilh hmak tawh a ni ber tun atan chuan.







" Ti nge hetia i awm, i zia hi nikhat danah an thlak thin tihna em ni "? Room chhunga lo luh paha a tih chuan ka chhang duh lo, ka thil tihlai chu ka chhunzawm mawp mawp.







" Lucy nen kan chung chang ka sawi vang khan i thinrim tih sawi miah suh, " a tih leh pawh chuan ka ngawi reng, ka thawmhnaw thleh thatsa keng chunga closet lam ka pan chu min pawt her lawpa ka thawmhnaw ken pawh ka thlauh nghal.









" I thik tiraw "? Tipahin ka biang chu a kut lehlamin a lo dawma, lehlamin ka kawngah min kuah thung, " ka zawhna che chu min chhang rawh " ka mita min melh run chung chuan a ti nawn leha ka tawngchhuak maithei lo, eng vangin nge kei hian ka thik ngawt ang, ka thik loh zia sawichhuah ka duha chu ringawt pawh ka thei si lo.










Ka thik lo ti chung si hian ka awmdan erawh a dik mawlh si lo. " Ani chu ka hun kal tawh a mi a ni a nang chu ka tun hun a mi, " rilruiha a tih chuan ka tah a chhuak ngawt pek, ti nge hepa lakah hian ka no tak em em, ka engmah ni lo hi ti nge ka thik.







" Mi duh ka nei leh dawn a nih chuan chu chu nangmah chauh i ni ang, " ti nawn lehin ka hmuiah ngei mai chuan min lo fawpa ka mittui a lo luang ringawt, a mi fawhna chuan mak tak maiin minti danglam, dan tumna ka nei lo a thil tha a ni lo tih erawh ka hrechiang viau si.







A mi fawhna chu zawi muangin ka chhang leta min kuah nghet nghal sauh, ka rilruin tawp tur chuan minti ngeia ka hmui erawhin a hlat phal meuh lo, ka inchhir loh hram ka beisei.








A inlak hran hnu chuan a chal chuan ka chal a lo tawh tira, a thaw chhuak ham ham. " Ava inchhir awm loh ve " a tih chuan ka nui chhuak hak, a ngaite bawkin min fawp leha keipawh chuan ka chhanglet rang leh viau.








Tlai lamah chhuahpuia minsawm avangin keipawh chu phur fe in ka insiama, khawiah nge min hruai ang tih chu ngaihtuah rauh rauhin inhnuai lamah ka chhuka, a ni pawh a lo inpeih diam tawh.









A car chuan kan tlanchhuaka ahla play chu ka sak pui rat rat bawk, " khawiah nge min hruai dawna " alam hawia ka tih chuan " hmun nuam deuh ah " tih zawngin min chhanga ka zawt zui tawh bik lo.









Bazar-ah thil lei kawi lawktur a neih vangin min dinpuia, dawrpakhatah hian min hruai luta tlereuh zawrhna dawr a ni nghe nghe.










" Nori " tipaha min lo khawihtu avang chuan ka phu deuh zuk, ka hming dik lo a min ko tu awmchhun chu mi pakhat chiah a ni, rang zetin ka leh hawia ka meng deuh kawk, ka ringsual lo e amah ngei a ni, " Jos " ka ti sep a a nui deuh suk, a nuihzawnga a biangsum lang khuar kak te chu ala inhmeh tak zet.








" Kanin hmu teh thut chu ava mak ve " nuisang hian a ti a, " nia " tih zawngin ka chhang thung, keipawn helaia ka hmu hi mak ka ti ve viau tho, " tunge i lo biaka "? Ti paha ka kawnga lo kuahtu avang chuan ka hawichhuaka, Theodore-a nen kan mit a intawng chat, " ka...ka thian hlui a nia, Joshua a nih hi, chuan jos hei hi ka pasal Theodore-a a nih hi " ti bah deuh niai in an pahnih chuan ka melh tawn zak zak a.








Theodore chuan phur fe hian a chibaia Jos erawhin maktihna akhat mitmengin min en thung.




COMMENT


Show post links
Top

[Ngaia]

HMANGAIHNA MAK





CHAPTER-8.








" Tihtur kan nei sia kan kalsan phawt ang che " Theodore chuan a ti hlauha ka thaw huai mai, kan kalsawn hnu chuan vawikhat te pawh ka hawilet eih lo, a ni kher kha chu hmuh ka inring lo a sin.








A hmel ka hmuh khan ka nunhlui ka hmu nawn leh nimai in ka hria, natna leh hreawmna ka tawrh tawhte ka hrechhuak leh bawka, mahse ahma ang khan ka na miah lo, tun hma zawng kha chuan ka nunhlui ka ngaihtuah kir chang chuan ka na veng veng thina, vawin erawh adan a dang tlat.






" Nora " Theodore-a âw ri kahriat chuan phu zukin alam chu ka hawia, min lo melh leh kur tawh, " ka bia che a min chhang si lo a " a tih chuan chhan mai dan tur ka vai hle.






Ka ngaihtuahna a kalthui hman leh tawh vang vek. " Leitur ka neih leh neih loh ka inngaihtuaha " ka ngawih vang vang hnua ka tih chuan a nui deuh suk.







" Ok, tunah i hriatchhuah rih loh paw'n i hriatchhuah hun hunah i sawi anga kan lei mai dawn nia, " a ti sup a Car kawngkhar chu a hawng zui zat bawk.









Motor-a kan thut luh hnu chuan kan kalna tur ka zawta min chhang tha duu miah lo lehnghal.








Reife kan tlan leh hnu chuan Car chu a ti dinga, zi mar talh talh paha ka hawichhuak chu ka ang phiau mai.








Pangpar tam zet hi a awma a bulah chuan in a awm tel bawk, car atang chuan chhuakin ka hawi kual ruaia, a hmun a fal bawka sava leh thereng hram ri bak hriat tur a awm lo, mahse a nuam tak zet.







" Hetiang hmun nuam lutuk hi Aizawl-ah a awm pawh ka ring pha lo, a nuam tak zet " ti deuh hliai in a lam chu ka hawi pheia, Car ngheng pahin a lo ding awn deuha a kekawr ipte a zen tat bawk, tunah tak hian eng nge ka hriat ni ka hmu pa lutuk.







En rei duh lo in ka hawisawna in awmna lam chu ka pan nghal daih, mipa hmaa zam mai ngai lo ka nihna te kha a bo ta vek emaw ni, a tawngkam ringawt paw'n minti danglam nasa lutuk.






Kanin fawhlai ka ngaihtuah let phei chuan ka sa hat hat thei, khatiang taka mintih danglam kha ka ring pha lo.





In chhungah chuan ka luta pawnlama alan dan ai ngawt chuan chhunglam chu a zau, khum pawh a awm ve thlapa luah loh run ti a han sawi ngawt tur chuan a inchhung pawh a felfai viau bawksi.








Ka hnunglam atanga min lo kuahtu an awm avang chuan ka phu deuh zuk, " a nuam em "? ti thum dut paha ka nghawng a lo thawk khum te chuan ka mur seng seng. Heti taka mipa hu hang ngah hi ka hre ngai lo.









" Aw ti lutuk, mahse tute in nge a "? Ti pah chuan ka awm sawna alam chu ka hawi nghal zat.







" Ka thianpa te huan a nih hi, a nu in pangar hi angaina lutuka, chuvangin heti hian huan ang deuhin an siama riah pawh an riak lut zeuh zeuh, college kan kal lai paw'n kan thian ho kan picnic na hmun ber a ni " a ti ve duaha min hrilhfiah chiang khawp mai.







" A nih tak chu, a nu pawh chu a kal ve reng dawn a nih chu, ama puala siam te a ni bawk nen " ka ti let ve a, " an siam zawh hnu rei lo ah a borala, thisen cancer nei a nia, ama hriatreng na atana siam an ni mai, amah tak kha chuan a hmu hman tawk, " a ti leha, ka hmelhriat loh ni mahse ka lainat tak zet.







Mihringte hi chuan duh leh mamawh kan nei theuha, atam zawkin kan duh ngawih ngawih kan neih theih loh laiin thenkhat chuan an nei maitheia, mahse an han neita chenga athenin an thihsan leha.









Khawvel thil te chu awt viau mah ila kan nun a tawi miau si chuan awmzia a awm lo tak zet.







" Ka khawngaih reuh e, " ka ti zawi sep a Theodore-a chuan ka rin loh lutukin min lo kuah thlawp, " keipawh hi min khawngaih ve la " a tih chuan ka chhang mai lo, a thusawi awmzia ka hre lo miaua.









" Engthil ah chuan " tal deuh aih pah chuan ka ti a min thlah duh miah lo thung, " ka thil duh ka nei ve thei si lo a " a ti leha min thlah dul deuh bawk, " mi zawng zawngin kan thil duh hi kan nei maithei hleinem, nasa taka beih hnua neih theih chauh te a awma, neih theih miah loh pawh a awm, " ka ti deuh duaha, atak atang chuan min pawt hrang deuh hlekin min melh chhuk ngura.








" A nih chuan nasa taka ka beih angai dawn a nih chu, " a ti sup a mit khap lek lo in ka melh deuh reng.







" Lucy nen khan inzin dun tak tak em ni " a thusawi lai nena in mil lo deuh chuan ka ti ta daiha, Lucy nena an chanchin hriat chakna in ka khat.







" Teuh lo, US-a company pakhat te nen sumdawnna thila kanin hmuh khawm zawh hnu khan ka hmu hlawla, chumi company ah chuan hna a dil ni awm tak a ni, abak eng mah a awm lo, kan lo haw rual pawh kha thil thleng palh " a ti dap dapa rin tur nge rin loh tur ka hrethiam lo.








" Mahse i phone te khan min lo bia a " Lucy-in Theodore-a phone atang ngeia min lo biak kha hrechuak thutin ka ti leha, an chung chang pawh chu eng vanga heti taka hre chak nge maw ka nih dawn ni.







" A lo bia che maw "? A âw ah chuan mak a ti tih hai rual a ni lo, " bia e, nangmah i nih ka rin teh reng nen amah zawk kha a lo ni renga " inti pangchang deuh tak hian ka ti a keimah zawk chu ka nuih aza.







" Ka phone hman hawh min dil tak e, biak tur a neih thu asawia nangmah a lo be dawn che tih rin ngaihna ka nei miah lo a, eng thu nge a hrilh che " a ti dut duta a thutak hmel ve fu mai.







" Thu tam deuh min hrilh, ka awmti nuam lo theitu tur vek lehnghal " ka tih leh chuan mit meng ti zim sunin min ena a lungawi loh hmel viau bawk.








" Eng thu pawh sawi mahse engmah kha awi suh, kan inkarah eng emaw a thleng anga a sawi paw'n awi hek suh, hun kal tawh chu ka siamtha thei tawh lo a, mahse heihi hria la ka duh. Tunah chuan ka nuna hmeichhe awmchhun i ni tawh tih hi, " a tih takah chuan ka thawveng sawt mai.








A tawngkam chhuak chuan minti hlim tak zet, a lakah hian eng rilru chiah nge ka put chu ka hre lo na a mahse ka haw tawh lo tih erawh ka chiang viau thung, ka sawifiah thiam loh hian min thunun tak zet ka ti mai.







Huan atang chuan rilru hlim takin kan haw a, eng nge lo thleng zel dawn chu hre lo mah ila tun atan chuan ka hlim tak zet a ni.







Chumi ni atang chuan Theodore-a paw'n min duat in min ngaihsak em ema, dawr lama ka kal chang paw'n a hnathawk lo haw hi a lo peng ziaha haw rual a duh ngei ngei thin bawk, hna kan ngah tum hian haw hmasa mai turin ka ti thina a duh ngai miah lo thung.








Lucy paw'n phone atang mintih buai a thulh lo a eng ngah mah ka ngai lo thung, a mipa duh em emin ka lakah rilru a pe tawh tih a hria a a thinrim hle tih pawh ka hria, chu chuan keimah ah danglamna a thlen eih lo, a nun siamthat nan hmangse ka ti tak zet.








Kan dawr atang chuan Theodore-a nen kanin zui chhuaka, a tih dan ngaitein vawin pawh haw tlan leh ngei a duha, ka kutah kaiin min kalpuia, a car bul kan thlen tir chuan kawngkhar te min hawnsak thlapin min thut luh tira, ka chunga a that hian nuam ka tih rual rualin inthiam lohna ka nei thin.


Show post links
Top

[Ngaia]

HMANGAIHNA MAK






CHAPTER-10







Ngawirengin ka dinga a ni paw'n eng mah a sawi tawh bik lo, then ka duh tih sawi mah ila keimah ngei pawh hian ka thusawi kha ka pawm lo, a ni hi phuba lakna satliah maia hnaih chu ka ni bik lo tih ka chianga mahse chu chu ka pawm lo mai zawk a ni.









" Min chhang ta che " a tih hmuk chuan thaw hakin a mitah chuan ka en a a mitmeng chu a rum tawh khawp mai, " then che chu ka duh alawm, mahse " ka ti hman tawk tih ah chuan a kut a lo vai thuaka ka tawp chat.








" Ka rin ang chiah, nanghian min lo fiam kual mai mai a nih hi, kei hi itan chuan i in fiamna i naute lem ang lek a lawm ka nih " a ti a a thusawi chuan keimah pawh hi minti na tak zet, mahni inhmu hniam turin em ni kei hian ka lo siam.







" Kei chuan ka duh che ka tih kha ka ti tak tak a sin, ka rilru put ang i pu ve lo tih ka hriat takah chuan keipawh lo insiamthat ka tum ang, hmeichhe danglam bik ni turah ka ngai che a " a tawp lamah chuan a kun chal a ka mittui a lo hnai kuar tawh.








A tawngkam chhuakah chuan a beidawn zia ka hriatsak, chu chuan keipawh minti hreawm tel ve cheu bawk.








" Theodore " chu chauh chu ka kâ atang a chhuak thei, a ni hi kei hian ka lo phu lo reng zawk em ni ? Phuba laknan ka hmang tih chu ka pha lo, mahse keimah ah feelings a lo awm ru ve renga.






" I duh ang ngeiin kanin then dawn nia, tunkarah lehkha ka lo ti fel anga thlathar lamah chuan engkim a fel thei ang, " ti lehin a in her a a kutah chuan ka lo vawn sak vat.








" Mamawh dang i neih chuan sawi hreh suh, ka nupui inihna angin ka sum leh pai ah pawh thuneihna i nei tel ania " ti dam thluamin a kut ka vawnna chu min dahsawn saka a chhuak nghal nal nal.








Eng thil nge ka tih tak ? Ka natna tur chu keimah ngei ka insiama, dem tur tudang mah an awm lo, mahni hma ka sialna chuan kawng dik loah min hruai ta chu a nih hi.







Khumah chuan thu thla in ka thaw chhuak deuh halh,' ka phu tawk chiah hetia kalsan hi ' tiin ka phun chhuak sep a ka thin zawn chu a tawt ut ut bawk.








Nitin maiin Theodore-a chuan min hlat tial tiala midang bulah erawh min ngaihsak ang takin a awm reng thung, a hrana kan awm chiah erawh chuan hmelhriat ngai loh ang maiin a awm thung.








Ka tihsual rah tih hre reng chungin hreawm ka ti em em tho, khum khata mu chung si in kanin hlat em em a, zingah ka thawh hma in a tho a hna kal turin a chhuak daih zel bawk, a sawi lawk ang ngeiin kanin then theihnan hma ala a thlathar hi chuan mihrang hlak kan ni tawh ang.








Roomah thawmhnaw ka dah fel mawlh mawlh laiin a lo luta a ngaite bawkin min be leh lo, a phone chu dawhkan chungah dahin bathroomah aluta ka thin zawn chu ka dawm nghal vang vang.








A ni hi kei hian ka duh ve tak zet tawh a ni, hrilh tur erawh chuan ka tlai tawh lutuk. Ka inngaihtuah mek laiin dawhkan chunga adah a phone chu a lo ri a ka pan hnai nghal vat.






A lo call tu hming ka hmuh chuan ka bing deuh mup, tunah chuan a hmeichhe hmasa ber nen anin zui leh tawh a ni ngei ang chu, call chu chhang duh lo in ka ring ral tir thaka, a chhan pawh Lucy tawngkam ka ngaihthlak duh loh vang a ni.








Phone chu la kangin ka hawnga password a dah ve ngai loh avangin whatsappah chuan ka lut a, Lucy nena anin bikna ah chuan lutin message chu ka chhiara, ka sawifiah thiam phak bakin ka na.








An lo in hmu thin tih hriat takin an thlalak dunna te chu Lucy chuan a lo thawna, message thlum tak tak a lo thawn tel bawk, chutih rualin Theodore chuan a rul tawk bakin a chhang lo thung, mahse ka rilru a nawm phah chuang lo.







Zan lamah chuan chhuak tur tih hriat zetin Theodore-a chu a in chei mawlh mawlha, Lucy he lamah hna thawkin a lo awm tawh bawka anin hmu ru leh dawn tih lah ka hming ka chian tluka chiangin ka hre bawk.







Ka lu lah chu tlai atang tawhin a na bur mai bawksi, ka thlan te chu a bawl tiam tiama ka rilru hah vangah ka ngai hmiah thung.







" khawiah nge i kal dawn " a tawpah chuan a be hmasa tu ah bawk ka tang leh, a chhuak tur chu ding datin a lo in her a, " thil pawimawhah ka chhuak dawn min lo nghak suh " a ti deuh hmuka chhuah leh a tum chu ka auh leh avangin a tawp chat.








" Khawngaih kal suh, i kal a nih pawn Lucy bulah i awm dawn lo tih min hrilh rawh, " ka huaisenna zawng zawng sawm khawm chuan ka ti hap a, a ni erawh a ngawi ngul thung.








" Ni rei lo te ah nang nen hian mihrang kan ni dawn, kan nunnah ve ve hian buai zawk teh ang " ti lehin a chhuaka ka mittui chu ka dang seng tawh lo, a luang zawih zawiha puan chu pawm khawmin ka tap khur ngawt ngawt.








Vawileh khatah ka zawi hnawka engkim chu a thim deuh mup. " I nupui dam lo hi eng vanga lenchhuah san nge i nih ? Ngaihsak tha hle ang che, tunlai phei chu chaw a ei tlem ropui si " ka nu âw in a ti ri chu ka hria a ka mengchhuak thei mai lo thung.









Room kawng in khar ri ka hriat rual chuan zawi muangin ka menga, ka bula lo thu ka pasal chu ka hmu nghal zat.








" Theo " ka tih sep chuan min lo en a ka hmuh sual nge a mit chu a sen rumin ka hria, " i lo harh tawha " ti supin min lo awm hnaiha insum hman lek lo in ka tap chhuak leh ta hawk.







" Ti nge i khawi lai nge na "? Tiin mang ang zet chuan min pawm kanga a awmah chuan beiin ka tap uar sauh, " hospital ah ka hruai ang che, i khawilai nge na ber sawi teh "? Mang ang zet chuan a ti leha, a tak a tang chuan awm sawnin ka thin zawn chu ka dawm nghal zat.






" He lai hi ana, " tiin ka melh kara a thaw deuh hawk, " min hlat tak ni atang khan helai hi ana reng thin, ka thiam loh tih hre tho mah ila a hreawm zawk chu keimah tho hi ka ni a sin " tiin a mitah chuan ka melha.






" i laka ka rilru put ang hi i pu ve lo a ni lawmni "? A tih chuan ka lu ka thing deuh nak nak, " keipaw'n ka duh che, a tirah kha chuan ka duhna che hi ka pawm duh lo, tunah erawh ka inthup thei tawh lo, " ti tiauin ka melha a hmelah chuan eng mah a lang lo, hlimna emaw lunggaihna pawh.






" Keipaw'n ka duh tak zet che alawm mahse " tiin a chawl data a sawi leh tur ngaichang ranin ka en thung.







" Nanghian Lucy kha i pan leh tihna em ni "? A ngawih tak rengah chuan ka ti a, a awm zawna awm ka ni bawk nen a thaw lak rang lutuk chu ka hre chiang viau, " beisei tur dang min siamsak hleinem ka nunhluia let leh mai loh chu, " a thusawi avang chuan ka nghing lawih, nunhluia let a tih awmzia chu ka hrechiang mah mah.







" Ka thiam loh a ni, ni e dem thei che ka ni lo. I laka ka rilru puthmang tal ka hrilh thei che a ka lawm, hlim takin i awm thei tawh ang " harsa zet chuan ka ti a ka awmsawn zui bawk.








Ka chhanna dawn chuan minti na tak zet, ka thiam loh vek a ni a vui ngam tur ka ni lo tih ka hria, mahse chuti chung pawh chuan ka thinlung natna hi ka thunun thei si lo.








" Eng nge i tih dawn "? Room chhuahsan ka tum chu min lo dang vat, " room dangah ka va insawn ange ka ti muthei lo ang che, " pang ngai tak chuan ka ti a, dik tak chuan mahnia awma tah hawm hawm ka chak vang zawk a ni.






" I damthat loh kha " ti bul hmukin min pawh let a tuma ka lo tang ve tlat, " ka tha tawh, zanin atang chuan room hranah ka mu char char tawh ang, e chuan inthenna tur chu i tih fel hunah min hrilh vat la ahma lama ka chhuah theih nan " ka ti sep sep a a hmel pawh en lo in ka chhuak nghal hmak.








Mikhual pindan ah chuan lutin khumah chuan ka bawk thlawpa, ka tah tawpna tur ni awm fahrana uar chuan ka tapa ka hnar pawh a ping luk mai.









THEODORE POV:






Zinglam dar 2:30 a ni tawha ka mut erawh a chhuak thei lo, ka room ah chuan ka vei tawn chhena room lehlama mu ngawt chu ka ngaihtuah.







Min hnar hmasa tu zawk a ni a chuti chung chuan ka ngaihtuah lo thei lo, tunah phei chuan ka rilru ang a pu ve tawh tih ka hria a ka hlim ru tak zet, amaherawhchu lantir mai ka tum lo thung.







Lucy nen inkawp leh anga ka insawi chhan pawh a awmdan ka hmuh duh vang a ni, ka duh ang ngeiin a thik bawka.








Ka hmeichhe hmangaih hmasa ber leh tuna ka nupui ka duh tak em em hi cousin an lo ni reng tih ka hriat khan min thawng tak zet, khami avang khan Nora-i pawh ka hnaih duh lo renga, mahse tunah erawh ka thei tawh lo.







Insum thei tawh lo in room lehlamah chuan ka luta, Nora chu khumah a lo mu a a muhil tawh a nih hmel, pan hnaiin a bulah chuan ka thu thla a, a sam a hmaia bet niai chu ka hui kian sak bawk.







A tap nasa tih hriat takin a mit pawh a bui luka a hnar leh a hmai a sen hlar bawk. Keimah avanga hetianga awm hi a ni tih ka hria a hreawm ka tih tluk zetin ka hlim.






A chhan pawh min duh zia ka hriat theihna a ni miaua, a bulah chuan in thawlhin a taiah chuan nghet zetin ka kuaha a rimtui tak chu ka hip lut vang vang.





( LEHKHA ZIR CHAWLH LAIIN KA LO DAH ZUAI.....HE STORY HI CHU KA REGU THEI DAWN LO AW, A CHHAN CHU ZIRLAITE KA NIA, LEHKHAZIR RENG A NGAI VE BAWK NEN HUNAWL HI A AWMKHAT VE LUTUKA, BAKAH MI INA AWM TE KA LO NIA PHONE KHAWIH RENG KHA A REM LO THINA, MIN HRETHIAM HRAM A NI ANG CHU )


Show post links
Top

[Ngaia]

HMANGAIHNA MAK





CHAPTER-11







" Mamte ka ngaihtuaha, i pa te pawhin an remti tho in ka ringa, hetia awm tir tawp hi chuan a â thei mai dawnin ka hria, chuvangin kha lamah khan lo awm phei rih maise, " ka nu in kan ngawih deuh vang vang hnu a a tih chuan ka ding ngil deuh zawt. " A awm ang lo em mai, keipawhin ka khawngaih viaua amaherawhchu chutiang chu thil tih chi ah pawh ka ngai lo, " ka ti let zek a, ka duh ai ka vin hret bawk.






Lucy kan bula lo awm tura ka suangtuahna ringawt pawh chuan minti hreawm, ka rilru hi a chhiat vang nge ka thin tawnin a nghawng zel a nih tih pawh ka hrethiam bik lo.







" Amah hi a lainat awm em a, a unaunu i nihna angin nangmah bak belh tur a nei si lo a lawm, " a ti leh a kei erawhin awm ang lo ka ti viau thung, " chutianga duh duha tih theih pawh a ni hleinem, ka pasal chhungte pawhin engtin nge an ngaih ang, i ngaihdan ang ngawt khan an lo pawm lo thei a, " a hma aia dam deuh zawk chuan ka ti leh a.






Dik tak chuan ka pa te hi chuan an hnial ka ring lo, mihrang chungah pawh an that em em laiin a ni Lucy lakah phei chuan anin phal viau ang, a chhan pawh ka unaunu a ni miaua, an tan chuan ang khat ang chu kan ni.







" Ni e, amah ka lainat em a ka lo sawi mai mai a ni, a nih chuan dah rih phawt ang ka buai rih a, " ti dam thlap in phone chu a daha, ka thaw deuh halh.






Lucy chu ka khawngaih viaua, chutih rualin ka bul hnaiha awm tur anga ka ngaih ruat erawh chuan ka awm a nuam thei mang lo, hetianga min awm tir tu hi chu amah bawk a ni a ka in dem em em hran lo. " I mu tawh emaw ka tia, " Theodore-a aw ka hriat chuan phu deuh zukin ka hawi chhuaka, room chhungah chuan a lo pen lut fel ve chiah.





" A la hma alawm, ka nu nen kanin bia a " ka ti let ve a, ka nu nena kanin biak dan vel kha chu hrilh ka tum lem lo, tul pawh ka ti hek lo.





" Kei chu ka chau riau mut hma mai ka duh, " ti sup in khumah chuan a lawn kaia kei erawh ka din dan ngai rengin ka la ding thung, " i lo mu ve nghal dawn lo em ni " a tih chuan lu thingin, " in hnuaiah ka chhuk leh rih dawn lo mu rawh " ka ti a, min chhanna pawh nghak tawh lo chuan room a tang chuan ka chhuaka, inhnuai lama ka chhuk thlak chuan ka nu leh pa te in tur thingpui lum turin choka lamah ka lut tlanga.






Gas-a thingpui ka chhuan lai zawng pawh chuan Lucy leh Jos te ngawt chu ka ngaihtuah, a hma a ka chunga an thil tih kha chu eng pawh lo ni se, an pahnih chuan innei in hlim takin awm se ka ti, an fa lo piang mai tur pawh ka lainat tel bawk.





Ka thingpui lum chu thli chhuakin sitting room lamah chuan ka va chawi pheia, " Bawihi chu i chauh awm nen hahdam mai tur che a lawm, " ka nu chuan ka thingpui pek ban pahin a ti a, ka pa pawh chuan min lo fak ve nghal luam bawk.





An bulah chuan thu ve in tv chu ka en ve a, ka rilru ah erawh a lut lo khawp mai. " Kar leh lam atang chuan keipawh dawr lamah ka kal ve thei tawh ang, " ka nu chuan thingpui in pahin a ti a, ka pa chuan kal tawh lo turin leh chawl hahdam mai mai turin a lo ti bawk.







" In a awm tawp te chu a ninawm alawm, hna ah in kal veka mahni a awm chu a khawhar thlak, " ka nu bawkin a ti zui leha, " khawhar mai mai te chu tih dan dan a la awm, i natna a chhuah leh khan a buaithlak zawk, Bawihi a awma dawr lam te chu ngaihven a ngai lo reng reng, " ka pa pawh chuan a ti leha, ka nu pawhin a chhang zui tawh bik lem lo.




Dar 9 a pelh hnu chuan an room lamah mu turin min luhsana, keipawh chu thingpui no te seng felin kan room lamah ka chho ve a. Room chhung ka luh chuan ka pasal khuma lo muhil chu ka hmu a ka nui deuh sak, bathroom lamah lutin ka intifaia, ka mutkawr te ha leh te te in kan khum lam chu ka pan a.





Theodore-a chu ka mut hma ka melh leh deuh vang vang, ka nunna a vawihnih na atana ka mipa duh hi a sual tawh loh ngei ka beisei. A ni hi ka tun hun leh ka hma hun a ni a englai pawha ka vawn tlat tur chu a ni.







Khumah chuan muin ka tawngtai hmasa te te a, ka nunah hian lawmthu sawina tur tam tak ka nei a ni. Ka tawngtai zo ka mutthlak rual chuan Theodore chuan min lo kuah nghal than a, a muhil tawh emaw ka lo ti bawk nen chutia min lo kuah thut chu ka phu deuh zuk mai.







" I lo va chho har ve, " phak deuh chial a a tih chuan ka chhang lem lo. A che tual tuala keipawh chuan a lam ka hawi ve vat, in beng kangin min melh chhuk ngura ka zam chhe dawn dawn alawm. Ka rilru chuan nupa kan nih thu chu min hrilh nawn mawlh mawlh mai.






Zing lama ka harh chuan min kuah bet run tu chu ka en a ka nuiseih, a hmeltha leh pa zet hi tukin hmuh ziah theih ka duh.





Thawhsanin ka intifaia, inhnuai lama ka chhuk chuan kan hnathawk te pawh an lo thleng fel leh diam tawh. Eirawng an bawlna lamah chuan pheiin tuilum a awm leh awm loh ka zawta, a awm thu a min chhan chuan no lain ka thli chhuaka, hei hi chu tuk tina ka tih dan than a ni.






Thingpui ka ngainat loh avangin tui lum hi ka in mai thin. Ka tui lum thlit chu ka in a chutih lai vel chiah chuan Theodore pawh a lo lut ve bawk. " Morning " ti sep in ka biangah min lo fawp zeuha ka melh nghal nghek. Midangin min hmuh leh hmuh loh en tumin ka hawia, vanneih thlak lutukin tuman min ngaihsak lo hlauh.





" I over thei lutuk, " ka ti zawi sep a, a ni erawh a ner nawk thung. Ka bula a lo thut thlak rualin thingpui chu an lo pe a a lo ban ve nghal vat.




" I muthei em, "? A tih chuan ka chhang peih lo, a chimawm thei si. Ka nu leh pa te'n min koh avangin sitting room lamah chuan kan chhuak pheia, Theodore-a chuan thingpui no a la keng vung a, leh lamah ka darah min kuah pah bawk.




" Bawihi zing lamah i nu ten min lo bia a, tlai lamah i nau a lo thleng dawn a nia aw, " ka pa thusawi avang chuan ka meng buai nak, Theodore pawh chuan mak a ti ve deuh a niang ka dara a vawnna kut chu a ti nghet zual sauh mai.





" A chanchin te min hrilh ve luama a pawi khawp mai, in tih thawven nan hrim hrim pawh hetah a duh chen chen awm ve rawh se, " ka pa in a tih chuan eng mah ka sawi lo, ka nu leh pa te thil tih dan hi ka duh hlawl lo.





" Vawinah a room tur tihfel tir a ngai a ni, " ti pahin ka nu chu a kal sawna keini erawh kan la ding reng thung, " Pa ti nge min rawn hmasak loh a, " Theodore chuan lungawi hmel zan loh hian a ti nghuta, ka pa in mak a tih ka rin avangin ka lo khap vat thung.




" Bawihi i la hrilh na nge, " ka pa pawhin keimah min en chung chuan a ti ve thunga, keimah ber chu a che buai ber ka ni leh tawh. " Ah...ih nizan lam khan hrilh ka tuma mahse ka lo theihnghilh leh palh " ka ti bah deuh niaia, hrilh ka duh loh chu ka hrilh ngei ngei a ngai dawn a nih hmel.





" Aw a tha alawm lo hrilh fiah rawh, " tiin a ni pawh a tho zui ve daiha kan nupa chauh chuan kan awm tawh, han hrilh tan mai dan tur chu ka hre lo khawp mai.




" Chuan eng vanga min hrilh lo nge i nih ? Nanghian min la ringtawk chiah lo em ni, "? Ti paha min vawnna a thlah chuan ka chhang mai lo, Lucy lo awm tur thu chu keipawhin ka hrechiang bik lo hrim hrima, ka nu leh pa te bulah erawh ka sawi duh hran lo, mahni unaunu te ngaihsak lo tawp anga lan kha chu a dik theiin ka hre lo miau a ni.




" Dik tak chuan keipawhin ka hrechiang chiah bik hleinem, tunah ka nu leh pa te'n an sawia ka hre chiah. A pasal tur chhhungte'n an duh loh avanga a rilru na kha ka nu te'n an ngaihtuaha, nau a lo pai leh zek bawk nen, sawtia awm tir tawp chu a taksa tan a tha dawn lo bawka.


Chumi vel chu a nimai, heta a lo kal chuan a ziaawm deuh turah an ngaia, kanin biak dan te kha chuan lo kal tir leh loh mai kha an sawi emaw ka tia, " ka ti ve luama, Theodore erawhin eng mah a sawi lo.




" Nangnena kanin karah tlak zeh emaw a tum a nih chuan i unaunu a ni tih ka theihnghilh ang, " a ti nghet churha, Lucy nen hian anin zui rei tawh tih ka hria a, a mizia leh a thil tih duh tur pawh a hrechiang viau a ni ngei ang.





" Chutiang eng mah a thleng lo ang, mipa dang fa a pai tawha a ngaihsak zui bik lo turah che ka ngai, " nizan maia kanin kar a tihbuai ka hlauh rukna te kha tunah tak chuan a bo duak mai, amah tan zawngin ka tawngchhuak hial a nia. " A mizia hi nangai ka hrechiang, chu chu hre tawp rawh. " Ti lehin a pensawna, ka rilru chu a buai tak zet.



Khatianga a tawng khan minti hlauthawng, Lucy hian a bum kual mai mai thei ang tih chenin ka ngaihtuaha, ka tawt tun mai.




Hna a a kal dawn ah pawh chuan min be mumal tawh lo a ka rilru chu a nuam zan lo, Lucy lo kal tur thu ka sawi loh avang maia ka lakah thinrim a nih chuan ka lungawi bik lo ang. A lo thlen hma hauh atang kan buaia, a lo thlen hunah phei chuan eng tiangin nge kan buai ang, amah Lucy ka huat vang ngawr ngawr a ni lo a, a mizia ka hriatchian em vang zawk a ni.




Hna kal tur chuan in atang ka chhuaka, taxi changin kan dawrlam pan chuan kan tlan chhuaka, ka rilru lah chu a nuam thei der lo. Dawr ka thlen chuan nidang ang bawkin ka thawhpui te ho chuan min lo be leh sap sap a, kei erawh nidang angin ka awm thei tlat lo. Nidang ai dawrtu kan nghah zuala kan buai ve duh khawp mai.




Lehlam takah chuan ka rilru a kal penga a zia tak zet. Ka nu in chhun chawlh laiin min lo call a ka lak chuan Lucy lo thlen tawh thu a lo sawia, ka thaw deuh hak.


Ka haw hma ve tur thu sawiin kanin biakna kan ti tawpa, ngaihtuah loh hram hram tumin thawk te chu ka la leh thin, awmzia erawh a awm lo viau thung.




Dar 2 bawr velah dawr atang ka chhuaka, nidang aia ka haw hma a vangin Theodore chu ka nghak ta lem lo a, bakah tukin zingah khati teh nuai kha kan ni leh si a han nghah chi a ni in ka hre lo.




In ka thlen chuan ka nu leh pa te chu an lo awma, Lucy erawh hmuh mai tur a lo awm lo thung. " I i lo thleng tawh maw , i chau em ?" Ka nu chuan min hmuh rualin a lo ti nghal var a ka chauh loh thuin ka lo chhang ve vat thung.




" Lucy chu khawiah nge a awm a, "? Ti in an bulah chuan ka thu thla ve a, " a inbual lawk a nih kha, i nu sawi ang tak takin a cher khawp mai, a hmel lah chu a dang bei bawksi. " Ka nu bawkin a lo ti leha, ka intihfai ve phawt tur thu sawiin kan room lamah ka chho a, room chhung ka luh chuan ka bag chu dah fel in bathroom lam ka pana, shower ka hmang chiah chu ka dai sawng sawng mai.




Inhnuaiah ka chhuk leh chuan Lucy pawh a lo thu chhuak tawha ka pan phei ve nghal vat. " E hei Bawihi pawh a lo chhuk tawh alawm, " ka pa in a tih chuan Lucy pawh chu a lo in her ve a, an sawi ang tak takin a chauh hmel khawp mai, a biang pawh chu a ki deuh duka, a hmaa amah kha a ang tawh lo a ni ber.




" Kal kawngah motor te i rui em. "? Ngawirenga awm tawp aiah ka ti ve a, bakah hetia ka hmuh tak ah hi chuan ka khawngaih tlat. " Rui lo e, " zawi sep hian min chhawna, tlu tawp duh hmel a pu tak tak.




" A la chau awm si a room turah va hruai daih rawh Bawihi, " ka pa in a tih chuan ka tho kanga, Lucy erawhin a that thu chu a lo sawi ve thung. Ka nu leh pa te'n an tih luih tlat avangin a tawpah chuan a hnial ta bik lo a, room lamah chuan in zui lut in a mutna tur te chu ka siamsak thlapa, a ni erawh ka bul maiah a dinga a ngawi reng mai.






( MI INAH ZIRNA AVANGIN KA AWMA, DUH ANGIN PHONE A KHAWIH THEIH LOH A, CHU BAKAH EXAM KAN NEI RENG BAWKSIA LEHKHAZIR NEN KA TYPE SA TAK NGIAL PAWH KA LO DAH HMAN LO A NI )


Show post links
Top

[Ngaia]

HMANGAIHNA MAK




CHAPTER-12






" Mu la, " a mutna ka siam zawh rual chuan ka ti a, a mit khap fakin min en a keipawhin ka en ve kar. " I hlim em, "? Ka rin loh lam daih min zawh avang chuan ka chhang mai lo, " tuna i awmna in neitu hi kei ni zawk tur ka ni a sin, a fair hlawl lo. Nang leh i chhungte hian minti chhe vek a nih hi, " a tawng chu a ring hran lo, amaherawhchu a thinrimzia ka hre thei.




" I sawi awmzia ka hre hauh lo, chuan kei leh ka chhungte hian i nun kan tih chhiat ka hre lo bawk, tuna i dinhmun leh i awmdan hi nangma insiam chawp a nih hi, tumah min puh tum suh, " ti ve hlakin ka in hera ka chhuahsan nghal nal nal. A duh duha a tawngkhum theih tura awm tumna ka nei lo.




Khawngaih viau dawn pawh hian a awmdanin a zir thin miau lo a, engtiang paw'n a chungah awm ila hreawm tihna ka nei duh bik lo.



" A mutawh maw, " ka chhuah rualin ka nu chuan a lo ti a, ka lu ka bu deuh nghat. A mize dik tak te hi hre ve se tun ang reng hian a chungah an tha thei ange maw? Inchungah chuan chho in suk tur vel chu ka khawma, ka haw hmata sa sa chu tih tur dang a awm lo bawk nen bathroom-ah ka nuai a, Machine chu awm tho mahse mahni kut ngeia su thang ka lo ni bawk nen hetia mahnia nuai ngei hi tha ka ti.





Ka insuk sa ho chu inchung lamah pho turin balbawmah ka keng chho a, ka pho zawh chuan chhuk lehin kan bungrua vel te chu ka remfel a, inchhung leh room dang tifai tur hi chu an ruai mai a, kan room erawh mahni ngeiin tihfai thin ka duh avangin midang ka tir buai ngai lem lo.




Chutia ka chet mawlh mawlh lai chuan room kawngkhar a lo inhawnga, ka hawi chhuah chuan Theodore-a a lo ni. Banga sana ka melh leh zeuh chuan Dar 3:30 a lo ri hnai ve reng tawh mai. Zing lama min biak that duh loh avang khan ka lo be duh bik lem lo a, a nipawhin ngawirengin min kal pel ve hmak tho.




Towel veng chungin inthlakna pindan atang a lo chhuaka, vawikhat pawh ka melh eih lo. Ka thil tih chu ka chhunzawm mial miala, kawng dawm chunga dingin min en reng tih ka hria, ka ngaihsak lo lui ve tlat thung



" Lungawi lohna i nei em ni, "? A tawpah chuan a lo tawngchhuak ve hram, a tawngkamah chuan a thinrim hmasa zawk ka ni emaw tih tur a ni. " Nei lo e, " ti tawi takin ka thil tih chu ka tih zawm leh char chara min ngaithei lo ta nge a lo kal hnai chuan min pawt her deuh sawka, keia lo inring lo bawk nen ka phu deuh zuk.




" Eng nge i hriata, "? a tih chuan rum fe hian ka melha, " eng nge i hriat zawk ? Min be duh lo hmasa tu chu nangmah i nih kha, " ka ti let ve hmak, a duh duh huna a thinrim khum turah hian min ngai emaw ni.



" Ka biak duh loh chhan che chu sawi ngai lo in i hria, kha thilah khan insawifiah pawh tum lo in min thinrim khum zawka, " a ti ve leh nghut, " ka insawifiahna i awi hek lo, Lucy chanchin ka hrilh loh vang ringawt che in hetiang taka i awm ka lo ring lo hrim hrim a, nidangah chuan ka hrilh zel tawh ang che, tunah pawh mikhual pindanah a mu a, i duh leh nangmah ngeiin kal in a dinhmun chu va fiah ta che, " ka tawngtawp lam chu ngeiawm tawh tak a ni, inchhirna erawh ka nei lo.




" Chutiang zawngin ka sawi loh kha, " hahthlak min tih hmel fe hian a ti leh a, a nihna tak sawi lo a a peh hel kual reng hi ka ning. " Aw a nih chu, ka thiam loh vek ni teh se, " ti lehin min vawnna a kut chu ka thing thla a, room atang chuan ka chhuak zui nghal hmak.




Hmun khata kan awmdun rei lutuk chuan kan buai zual mai mai dawnin ka hria, chu ai chuan hetia a hlata ka awm rih hian kan buaina hi kan chingfel awlsam zawk ang.




Inhnuai lamah chuan chhukin eirawng chu kan awmpuite ho ka bawlpui leh te te a, ka nu in Lucy chu a khat mawi tawkin a harh tawh em tih a en reng bawka, heti taka mi tha hi chu an vang ve ang.




Chawei hun dawn awm velah Lucy pawh a lo tho chhuak ve a, kei nen phei chuan vawikhat pawh kanin be leh tawh lo. Ka nu leh pa chuan a be siam siam renga kei erawh an bulah ka thu ngawi kar thung.




" Bawiha chu han ko la, chaw i ei dawn ang u inkhawmte kan duh sia, " ka pa zawkin min en paha a tih chuan bu nghatin ka tho kanga, Theodore-a lo pen thla mek ka hmuh leh takah chuan ka ding leh rih, " hei a lo chhuk, " ti pahin ka thu thla a, ka pa pawhin a bible chhiar tur chu a ban ve nghala.



Theodore-a a lo luhphei chuan ka pa chu a ding nghal hluaia, Theodore-a chu a lo thu thla mai dawn emaw ka tia, mahse ka thutna lohna zawk Lucy thutna bulah zawk chuan ava thu thuk a, ka ngei lutuk chu en pawh ka en duh lo.



Kanin kar buaichhan ber tih ahre ve tho sia, chutia min runluihnana a va thu chu ka haw tak zet. Chhung inkhawm kan hman zawh hnu chuan chawei kan siama, inpui lam ka va hawi chuan Lucy leh Theodore-a chauh an thu chu ka hmu a, Lucy chuan eng eng emaw hi a sawi bawk, kan awmna a in hlat avangin an sawi tak erawh ka hre thei lo.




Chawei kan siam zawh chuan an pahnih chuan an lo inzui pheia, Lucy lah a dam lo tih chu kan hriat loh a hlau deuh nge, a lu chu a dawm leh zeuh thina, a mizia hi ka hrechiang viau tawh emaw ka in ti a ka tisual let der a ni. Kan nupa a kan thutna lamah Theodore-a chu a thu a, a tih dan ang chiahin a bulah chuan ka thu duh bik thak lo.




Ka nu bulah ka thu ve hmiah a, Lucy erawh Theodore-a bulah a thu thung. Chawei lai chuan min lo melh leh zawk thin tih ka hria a, ka ngaihsak duh miah lo thung.




Zan lamah pawh chuan kan pindanah a awm miau avangin kei library ah ka awm a, thawnthu chhiar nuam ka lo ti bawk nen love story chhiar nuam tur deuh ho chu thlang chhuakin sofa in hungah chuan ka chhiar malh malh a. Thawm ri rak a awm chuan ka hawichhuak vat a, Theodore-a lo lut nen kan mit a in tawng chiah.



Ngaihsak zui duh tawh lo chuan ka thil tih lai chu ka tih chhunzawm a, a lo pen hnai zel tih erawh ka hre thei. Ka bula a lo thu chiah chu ka lehkhabu chhiarlai chu ka khup hmaka ka ding zui zat bawk, kal ka tum chiah erawh ka banah lo chelhin min pawt deuh nawka amal chungah chuan ka thu ta ran mai.




Thawh tuma chet ka lak rual chuan ka awm zawnah a hmai a lo phuma ip chawiin ka che pawh chu ka tawp deuh chat, " ka tihpalh, " ti dutin min lo melha a mitmeng chu a cool ruih mai, " ka lak atanga i hran hian awm ngaihna minti hre lo thin, " ti lehin a kut chuan ka biang chu a lo dawma, min fawh tum ang hrima a lo awm hnai rual chuan ka thlesawn nghal vat.




" Min thlah rawh, " ti pahin ka tal leha a ni pawhin min thlah ve mai bawk, " engtia rei nge ka lakah hian thinrim i tuma,? khatiang mai mai avang khan kan buai rei mah mah, iti ve lo maw. ?" Ti pah chuan min melh run a ka chhang lem lo, ' khatiang mai mai vang, ' te chu a ti vel a, thu la kawi phet lo se kan buai lo reng ang.




" Lucy lo awm avanga hetianga kan buai hi ka ring bik lo, " ka ti sep a a ngawi zui vung vung mai, ngaihtuah chian chuan kan buaina hi chu a ho viau mai, amaherawhchu tuna kan buaina ber a ni bawksi.




" A tawk a nih chu! Hetiang taka i luh lul hi ka ring bik hrep lo. " Ka rin loh deuh chuan a lo ti nghuta sawi ve tur pawh ka hre lo, amah zawk chu a kal chhuak hmasa ah a tanga kei erawh a ngaiah bawk chuan ka thu thla hnawk. A tawngkam chu ho te angin lang mahse minti na hle thung, kanin kar hi atha dawn chauh emaw tih laiin hetiang mai hian kan awm leh si a.




Kan room lamah pawh insawn duh lo in library ah chuan ka mu tawp a, a lo lan leh ka rin ruk nen vawikhat pawh a lo lang leh eih lo. Ka harh chuan ka phone ka hmet enga, zanlai dar 1 a pel awr chauh a ni, ka tui hal em avang chuan tho in ka kal chhuaka, choka a ka lut tur chiah erawh ka mi hmuh te avang chuan che sawn lo in ka ding dat.




Theodore-a chuan Lucy chu a dar pahnihah kuah chungin a lo hruai chhuaka, Lucy pawh chuan Theodore-a kawngah a kuah let ve bawk, an awmdanin min thawn em avang chuan ngawirengin an pahnih chuan ka thlir mawl tawp. Chutia ka din reng takah chuan anni paw'n min lo hmu ve chiah renga mahse, a tu emaw zawk zawk pawh chuan inthiam lo hmel leh an awmdan ka hmuh avanga inlak hran pawh an tum chuang lo, chungte hlei hlei chuan ka tah a ti chhuak zual.





Min be miah lo in an pahnih chuan an kalsawna, Lucy room-ah a hruai luh chuan ka thawk a sak talh mai, ka tui hal pawh chu hre chang tawh lo in library ah bawk ka lut leha, ka mutna sofa ah chuan thu thawk ka la leh vak thin, ka thin tawt lutuk erawh a zia awm phah hauh lo thung.




Ka tah a chhuaka tah erawh ka tum lo, ka khaw hmuh phe ruai ah chuan ka mittui a hnai tih ka hria a, a tlak mai ka hlauh avangin ka hmui chu ka pet fan fan. Tu hmeichhia mah hian an pasal te leh hmeichhe dang, chutah pawh an bialnu hlui te lehnghal ngat nen phei chuan in haw lo taka an awmdun lai hmuh an duh bik lo ang.






' Heti mai hian em ni kan tawp dawn, '? Chu zawhna chuan ka rilru a luah hneh em em a, min ti ip pik tak zet. Dar 3 vel thleng chu ka meng a, ka mut a chhuah meuh chuan khua avar dawn hnai tawh.





Lu na bura ka harh chuan tha tho lo zetin ka thu chhuaka, zinglam dar 7 a ni tawh, in phihfaina tur vel a awm miau loh avangin ka sam te chu ka tuai mam thuak thuaka, kal chhuah ka tum lai tak chuan ' ka chhungte'n heta tanga ka chhuak hi min hmuh chuan mak an ti ngawt ang ' tih chu ka ngaihtuah chhuak leh hnu hnawha ka chhuak mai duh ta lo.




Kanin kar atha lo a ni tih an hriat thiam mai ka hlau, mahse chutia room chhunga awm reng pawh chu a dikin ka hre bawk si lo, ka chhuah loh chuan kan room lamah te han chho ta se min hmu lo anga an hrethiam tho awm si a, Theodore-a lahin engmah a sawi ka ring hauh si lo.





Rilru buai nuai chuan ka awma, a tawpah chuan ' duhthlan tur dang ka nei chuang lo, ' ti rilru in room kawngka chu ka hawnga, ka dak chhuak hmasa phawt. Tumah room bul hnaiah an awm lo tih ka hriat chuan ka chhuak vat a, choka lamah chuan ka lut tlang zui bawk.





" I lo tho tawh maw, "? Kan hnathawk pakhat chuan min lo be nghala keipawh chu ka lo bu ve nghat. " Midang an tho vek tawh em, "? Ti a ka zawh chuan an thawh vek tawh thu min hrilha chute hlei hlei chuan minti awm nuam lo zual.




Pasal te ina zing thawh tlai hi ka thil hlauh ber a ni a, tunah erawh chu ka hlauh ber chu a thleng ta si. Eirawng bawlpui tuma ka chet chuan min lo hnial tlata, ka tih luih ngial pawha a duh tlat loh avangin sitting room lamah chuan ka lut ve ta ringawta, an lo thut kim thap avang erawh chuan ka zak ve deuh.



Ka nu leh pa chuan min lo be zung zunga ka pasal ber erawh lungtum ang maiin a thu ngawi kur thung, Lucy chuan elhsen deuh hian min lo melha, nizan thil thleng vanga hetianga awm hi a nih ka ring hmiah, Theodore-a nen room khatah kan mu lo tih a hrethiam ngei bawk anga, chu ringawt pawh chu a lawm tawk a tling viau dawn tih ka chiang.


Show post links
Top

[Ngaia]

HMANGAIHNA MAK




CHAPTER-13






A ngaite bawkin chaweikham lamah chuan hna kal turin ka insiama, kan room lamah ka awm miau avangin Theodore-a hna kal tur insiam tum pawh a rawn lut ve a, hmelhriat loh ang hlauh kan ni. Kanin neih tirh leh tuna kan awmdan hi a danglamna a awm hran lo, a tirah pawh inhmelhriat loh ang mai kha kan nia.




A insiam tih chu a thawm ri sat sat atang chuan ka hria a keipawh chu ka insiam ve mawlh mawlh. Ka bag a awmna lamah ka dah miau avangin alamah chuan ka pheia, a kekawr a lo inthawlh mek chu ni in. En duh lo in ka bag chu ka la a a ni erawhin a thil tih lai chawl hmakin min en tih ka hre thei.




" Zanin chu ka lo haw tlai ang, " a lo ti sup a chhang lem lo in ka bu deuh nghat. A duh duh hunah lo haw se ka lo buaipui viau a tulna ka hre lo, nizan thil thleng ka ngaihtuah chhhuah phei chuan ka thinrim lutuk hi ka puak keh lo chau.




Room a tang chuan kal chhuakin ka nu awmna lam chu ka pan a, " nu ka kal tawh dawna, vawin chu chawhmeh vel keiman ka lo lei haw nghal mai ang Pari ( an awmpui nula,) te chu lo hrilh mai rawh aw, " ka ti zung zunga, ka nu pawh in aw min lo pawh ve takah chuan in chu ka chhuahsan a.




Pawn lama Lucy phone hmang nen chuan kan la in tawk chat zui. A mitmeng ver ther zet chuan min elhsen zet hian min melh leh ruk ruk a, eng ngah mah ngai duh lo chuan ka kal pel hmak thung. " I kal dawn maw ? Vawin chu lo haw tlai lo la, chuan nizan lama ka ei chak ka sawi kha min lo hawnsak rawh aw, ka eichakna a rei tawh a nia aw, " Lucy in a tih nang nang chuan ka hawi let a.




Ka pasal chu a pasal ang maiin a banah a lo vawn sak a, a thusawi zawng zawng te nen chuan nupa an ang zawk mah. Taxi changin kawngpui sirah chuan ka ding a chutia ka din lai chuan Theodore-a pawh a car var nalh zet nen ka bulah tak a lo ding ve bawk.




" Lo chuang rawh, " chhum zet hian a lo ti bul deuh hmuka ka va han chuangawm lo tak. " Traffic kan ti zam a nia lo chuang vat rawh, " dawh thei lo fe a a lo tih leh chuan ka insum thei ta bik lo, " min nghak turin ka tih loh che kha tlan mai ta che, " ka ti vin ve hlaka a ngaihdan a nih loh hmel ngang mai.



" Luhlul viau suh Nunhlupuii rawn chuang vat rawh, " a tih leh lai mekin hnunglam atang horn an rawn pe tuar tuara, pakhat lah chuan luhlul zet hian ka luh hun chu min nghak run bawksi. A tawpah chuan duh lo lutukin ka chuang lut ta nge nge a, ka lut fel awr tih ah chuan a tlan chhuak vut a, tum hmukin pawn lam chu ka thlir ta daih.





" Engtia rei nge thinrim i tum, "? A speed a tih muan deuh hnu chuan a lo ti a, " kan pahnih inkar kan chin fel hma zawng chu, ka sawi tawh kha i duh i thlang fel tawha kei chu min kal tir tawh rawh, " ka ti let ve a ka duh loh lutukin ka mittui a hnai kuar mai, tunlai ka rilru no lutuk hi ka duh hlawl lo.



" Tu in nge ka duh ka thlangfel tawh ti a, min then chu tum buai duh suh ka then kum khua lo ang che, " selh chilh deuh rap pah hian a lo ti ve leha, min then a tum loh thu sawi chung si hian a mi ngaihsakna erawh ka dawng ve si lo. " Keiin ka then dawn che alawm, " ka tih chuan a ding deuh thuta ka inring lo bawk nen ka bu deuh lawp.



" Nunhlupuii inthen chu eng vanga sawi tei vet nge i nih, inthen chu i lo chak viau em ni, " mintih khum hmiah pek a nih chu! Rapthlak ka va han ti tak, " kei ni lo in nangman a nih kha chak zawk chu. Tun thlenga min la then loh chhan pawh Lucy nen in inkar thup mawi nana min hman duh vang bak va ni suh, in rapthlak lutuk. " Ti tuarin alam chu ka hawi ngawi ngul leh mit meng sen ramin hmalam chu a melh thung.




" Nizana in awmdan zawng zawng te kha ka hmu ve vek, chuvangin zep buai tawh lo in i nihna hi pawm mai rawh. Tunah hi chuan maw nang rin leh che hi harsa ka ti tak zet tawh, saw a puma a naute awm mek pawh saw i fa pawh a lo nimaithei tih ka ngaihtuah tel ngat phei chuan ka thi lo chauh a nih hi, " ti lehin ka mittui chu ka hru hul tawka, tuna ka thusawi hi ka ti tak tak a ni, ka sawichhuak ngai lo thung.




Heti taka a bialnu hlui naupai a ngaihven hi chhan lian tak chu a awm ka ring a ni, kanin neih hlimchhawn lai vela thil thleng a nih pawh ka ring nghet hmiah.





" Eng pawh sawi mah ila ka lakah chuan ngaihdan i lo siamfel vek tawh a nih hmel, " zawi sup hian a ti a, ka chhang tawh lo. " A tha e, kanin neihdanin a zir loh avangin nang leh kei chu kan rem ve thei tak tak ngai dawn lo a nih hi. Kan kawng ve ve ah kal ila, chu chu atha ber in ka hria, " a thusawi avang chuan ka mittui chu dan sen rual lohin a lo dir zung zunga, ka bula thu mek erawhin min ngaihsak tawh lo.




Ni e, min ngaihsak tawh ngai dawn lo, tun maia a thusawi kha kan pahnih in kar tawpna tak tak a ni ta.





Ni pawh a liam ve zel a Theodorea'n a lo sawi tak ang ngei khan keini pawh kanin hlat tawh tak zet, a hmingin nupa chu kan la ni ve, amaherawhchu kan chhungte hmaah chiah a mi ngaihsakna ka dawng thung, a bak zawng chu Lucy ngaihsak nan hun a hmang.



Nitin an awm dan hmuh reng chu ka tan chuan a hreawm lutuk. Ka hriat thiam loh erawh chu eng vanga he lai hmuna la cheng ve reng nge ka nih tih hi a ni. Kei hian Theodore a hi ka la hmangaih tih chu ka inhria, chuvang pawha la chhuak lo chu ka ni mahna.





" Tah hian maw i lo awma, " ti ri ah chuan ka in hera Lucy chuan hlim hmel fe hian min lo pan phei a, " i rilru tina lutuk suh awmzia a awm chuang lo, mahni in ti hreawm thlawn a ni. I hriat kha Theodore-a nen hi chuan tleirawl tirh atanga inzui kan nia kanin thlah hlen thei tak tak lo, chuvangin nangpawhin min hriatthiam tum la he in atang hian chhuak vat mai rawh, " zamna nei hauh lo a titu chu kei pawhin a mitah tak ka melh let ve ran.





" I mipa duh em em hi tun atan chuan ka pasal a ni miau sia, chuan chhuah te chu ka duh lutuk alawm, amaherawh chu i hlim nana chhuah chu ka tum lo. Ka chhuah chuan a lawm ber tur i ni tih ka hria a i lawmna thlen chu ka thil duh loh ber a ni." Ka ti let ve zek chu a ngaihdan a nih loh hmel ngang mai.




" I pasal hian nangai min thlang zawk tih chu i hriat kha, " thinrim hmai sen tawn tawn hian a lo ti ve leha eng ngatan mah ngai lo ang chiah chuan ka hmachhawn thung. " I phatsan tak mipa hian a duh tak tak thei che in ka ring chiah tawh lo, a rilru that vang chauha ngaihsak zui che pawh q ni theia, " ka tih leh chuan in ngaihtuah hmel hi a pu zawk hmana mahse a rei lo.





" Lo en reng rawh, he in atang hian i chhuak anga ti chuan kei hi he inah hian Theodore-a nupui angin ka awm ang, " a sawi zawh rual chuan ka nui deuh hak, " chutiangah chuan buai lo in kha i puma naute awm mek pa chauh kha ngaihtuah rawh, " a ngei tur zawng hlira ka tawng chu a thinrim bawk a niang a hmai a sen tawn tawn mai.








( LEHKHAZIR ANGAI KA TYPE TAM HMAN LO, KA REGU LOH CHHAN CHU KA SAWI TAM TAWH )


Show post links
Top