HMANGAIHNA MAK BY Lalnunngheti Tetei (Completed)

[Ngaia]

HMANGAIHNA MAK




CHAPTER-14





" Nanghi ka rinai daihin i zak thei lo, " mintih chuan ka nuih a za tak zet, " mi pasal luhkhung tu zawk pawh i zah loh chuan kei chuan zahna chhan tur ka neih ka hre lo. " Deu sawh zet hian ka ti leha, a hmela thinrimna lang nasa lutuk avang chuan a puma a naute saw a lo pawk chhuak ang tih te a hlauhawm.



" Nanghi, " ti paha a kut a lek chhuah vut chuan cho zet hian ka dingrem sauha, min beng dawn ta emaw tih vel ah kawngkhar a lo in hawnga, " eng nge i tih, " aw thum zet hian a lo ti chhuak hmuk a ka hawi phei nghal vat. Theodore-a lek chu ni in, " Theo i....i lo haw tawh maw, "? a awmdan a hmuh ve vek avang nge inthlahrun hmel tak hian Lucy chuan a ti bah nak a.




" Chawl hahdam mai mai tur i ni a sin, " lo phei paha a tih chuan ka thin zawn hi a thip deuh zawk, tun mai khan Lucy hian kut minthlak tep a ni tih a lo hmu ve veka, chuti chung pawh chuan ala ngaihsak em em tho, chu chuan ka laka a rilru put hmang zawng zawng kha eng mah a pu tawh lo tih min hriat nawn tir, ka na a ni ka na tak zet.




An pahnih bulah chuan awm duh tawh lo in room atang chuan ka chhuaka kan room lam chu ka pan ding nghal zat. Room chhunga ka luh chuan boruak kham loh hmel fe hian thawk ka la vak vaka, hetiang reng renga han awm tawp mai chu tlawm hi ka inti tak zet.




" Nau pai lai a ni tih i hriat kha ti thinrim tur zawngin tawngkam hmang suh, a nau pai saw a hrisel lo a nia a tawrh phah mai ang, " rawn ti lut bawrh bawrh tu chu ka pasal ngei chu a ni si. " Chungte chu i lo hriatpui vek a, ni e ka thiam loh vek a ni engkim hi, " in her pah chuan ka ti ve hlak, ka mittui lo hnai leh ta lutuk chu ka duh hauh lo thung.




" Nangmah phatsan tu che hmeichhia ngei saw tunah i thlang leha, kei tuna i nupui nilai mek erawh hnawm hnawk ang maiah min ngai thunga, " ka ti leha thawk a la ri hrawk thung. " Kan mimal nunah chuan in rawlh lo ang, chu chu a tir pawha kan duhdan a nih kha. Kanin neihchhan kha hre reng rawh, tupawh ngaihsak ila lo inrawlh suh. " Ti leh hmak in min chhuahsana rilru na zetin kawngkhar lam chu ka melh tlawk tlawk.




Kanin neihchhan te chu kei ngei pawhin ka hria, min hrilh nawn kher ka ngai lo a sin. Sawirem chawpa innei mai alawm kan nih, engtia rei nge hethil hi ka tawrh theih dawn ka hre lo, ka dawhtheihna erawh a pan tawh lutuk.





Ka luak chhhuak ut ut avang chuan ka harh hlawla thawh phan pawh nei ta lem lo chuan bathroom lam chu ka pan phei nghal vat. Toilet ah chuan ka uak vak vaka ka pum lan chu a nu bulh mai. Nizan lama kan boruak tawn teh nuai khan minti chau zo nimaiah ka ngai.



Ka chhuah leh chuan Theodore-a office kal tur pawh alo inpeih diam tawha, nizan lamah khan kan room ah a riak lo a, a awmzia chu Lucy bulah bawk a awm leh a ni. Ka ngaihtuahna avang chuan nge ka hre lo ka luak a chhuak leh vek.




Ka inrin hma hauh chuan ka uak chhuak that, chu vel leh Theodore pawh chu phawk fe hian a lo hawi pheia keipawh chuan ka ka hup bet chung chuan ka melh ve kar. A vawihnih na atan bathroom lam chu ka pan leha, ka luh dawna Theodore-a mit meng chu ka hrethiam thei lo.





Ka uak thawt thawt chung pawha ka luah chhuah theih mai loh avang chuan zawi hnawkin bathroom atang chuan ka chhuak a. " Eng nge a awm zia, i thil ei dik lo a awm em ni. " Min ngaihsak ang taka a lo tawng te chu ka haw hluah hluah, ka luak leh mai dawnin ka hria.




" Min khawih suh, " ka chal deh a lo tum chu ka ti fiak that a a ni pawh chuan a kut chu ala sawn ve mai bawk. " Hna ah kal lo in in entir ila tha in ka hria, " a lo ti leh tal a, eng vanga tun ataka min ngaihtuah ang maia awm nge maw a nih ni.




" Min ngaihsak ka ngai lo ka duh duhin ka lo awm ang, khawngaihin chhuak teh. " A tawp lam chu ka vin leh lek lek, ka nuamsam lo bawk nen khumah bawk chuan ka mu leha, thawm ala awm loh danah min la chhuahsan lo tih ka hre thei.




" Ka nu ka lo hrilh ang vawin chu kal lo mai rawh, " a tih leh chuan ka chhang zui lem lo. Keipawhin chawlh pawh chu pawi ka ti hran lo, ka luak lah chu a chhuak em em mai bawksi. Min chhuahsan hnu pawh chuan ka mu ta renga, tho chhuak tur pawhin tha ka nei lo, Theodore-a chuan ka nu chu a hrilh tak tak a ni ngei ang, a lo chho a min ngaihtuah hmel khawp mai.




" Heti ringawt chu atha lo, in entir ila a tha ang, " a tih a ka chal chu a khat tawkin a lo dek leh thin. " A ngai lo nu min ngaihtuah duh suh, ka khawsik chiah pawh a ni lo ka awm a nuam lo satliah, " pangngai tak chuan ka ti ve tak na a min ngaihtuah hmel em em tho.



" Bawiha pawh hi amak reng reng, hetia i dam loh te chuan chhuahsan loh ve mai tur che a nia, hna hi a ngaipawimawh leh lutuka la zilh deuh chu a ngai a ni. Hna ah kal lo in va inentir ula atha a sin aw, " a ti zui vawng vawnga, keimah zawk chu ka inthiam lo. In entir kha chu a sawi ngei a, keimah zawkin ka lo hnial kha a nia.




" Ka tha leh mai ang min ngaihtuah duh suh, inentir chu a sawi reng alawm keiman ka hnial a nih kha, " ka ti ve sep a, ka nu pawh chu alo bu ve nghat mai. " Damdawi te i ei tawh em, " a tih leh tak ah chuan ka lu ka lo thing vat, " ka awmdan hi eng damdawi ber nge eitur pawh ka hre thiam lo, " ka ti zawi ruiha. " Ava mak dawn ve mawle, i taksa a na em "? A ti leh a.




" Na lem chuang nang, ka luak hi a chhuak a chu chu a ni deuh mai, nimin tlaia kan chawhmeh ah khan eisual ka nei a nih te ka ring, " ka ti ve leh a, tunah tak pawh hian ka luak chu a la chhuak reng.




" Eisual nei la chu i pum pawh na awm tak chu a nia, i pum a na em, "? a ti zui leh zat a, kei in ka lu ka lo thing vat thung. " A mak ngawt mai, ngawiteh bawihi nanghi i rai a ni lo maw ? I awmdan zawng zawng nen hian rai i ang riau mai, " ka nu in a tih zet chuan ka meng deuh kawk, a hmel ah chuan a phur nghal zia a lang, kei erawh ka hlauthawng daih thung.




Rai laia an awmdan thinte a sawi phei chuan keipawh chu ka inringhlel ve ta rum rum mai, in test nghal turin ka nu chuan min hrilha, ka che chang thei meuh lo thung. " In test vat vat teh, kei chu i rai a nih ka ring nghet bur tawh. A lawmawm dawn em mai in pa pawh phone nghal la, " a âw ah chuan a phur zia a hriat, kei erawh lo rai ta tak tak pawh ni ila a lawm ber tur ka nih laiin chutiang chuan ka awm thei tlat lo.




" Ih nu, damdawiin lamah ka va in check tir law law zawk ang, Theodore-a emaw midang tupawh ni se hrilh rih suh aw, thuchiang te han hre phawt ila. " Ka ti ta ringawta, ka nu pawh chuan tha mintih pui viau mai, chutih rualin min kalpui a tum ve a kei erawhin ka hnial tlat thung.




Keimah a kal ka tih tak tlat avangin ka nu pawh chuan min hnial ta bik lo a. Khum atang chuan tho chhuakin ka insiam nghal a, ka la zawi deuh bawk nen duh ang paw'n ka che rang thei meuh lo.




Ka insiam zo inhnuaia ka chhuk thla chu ka nu in min lo pan leh vat in ka kutah hian eng emaw hi a lo hmeh bel a, ka en chiang chu pawisa hi a lo ni. " A ngai lo nu inentirna tur te chu ka nei reng alawm, " ti paha pek let leh ka tum chu a lu a lo thing mai a, " ti khan bonus ka pe che ah ngai mai rawh, " nui ti tih deuh hian a lo ti leh mai a, keipawh chuan ka hnial zui bik ta lo.





In atang chuan chhuakin taxi in hospital lam chu ka pana, kawngtluan chuan rilru mang zetin ka awm a tih theih ang. Lo rai ta ila Theodore-a hian engtin nge a ngaih ang ? Ka rai avangin ka chungah that a chhuah thar leh mai angem, ? Nge ni a kanin then hunah enkawl a duh thu a sawi ang. Zawhna mak zet zet chu ka rilru ah a awma, a eng a mah hi thleng dik lo se ka duh.




Naute avang chauha a ngaihsakna dawn pawh ka duh hauh lo, tun atana ka duh ber chu rai loh hi a ni. Ka lo rai a nih chuan engkim a buai vek dawn, chuvang chuan ka rai thei lo.




( A KHAT LEH PHARH TAWH ANG )


Show post links
Top

[Ngaia]

HMANGAIHNA MAK



CHAPTER-16




Hospital kawt kan thlen chuan ahma ai zawngin ka hlauthawng zual tawh, naute neih chu ka duh loh ngawr ngawr vang a ni bik lo a, ka dinhmunin a zir loh em vang zawk a ni. Taxi fair te chu pe felin ka chhuaka, zawimuangin hospital chhung lamah chuan ka phei a, ka thinphu rang lutuk chuan minti chau zawk hial mai hian ka hria.




Vanneih thlak takin ka ti dawn nge inentir an tam loh tum a lo ni hlauh. Ka hming te ziah luh tirin thutna an hungah chuan ka thu ve a, ka rilru chu a kal bing leh tawh khawp mai. Lo rai tak tak ta ila engtin nge ka enkawl ang tih chenin ka ngaihtuah.




Theodore-a nena kanin kar lah chu tawp thei mai tawh a ni si a, fa chu lo nei ta pawh ni ta reng ila nu leh pa kara seilian lo tur chuan ka phal thei lo. Chutih rualin naute avang chauha Theodore-a chelh pawh ka tum chuang lo.




Ka hming an lo lam takah chuan thin phu dep dep in Doctor cabin lam chu ka pan a, a chhung ka luh chuan doctor chuan thu tura minti in ka awmdan te min zawt zung zung a. Chutia ka awmdan ka han sawita chu pasal nei lai ka ni em, tih chu min zawh hmasak ber a ni. Ka buk nghat takah phei chuan a phur hmel viau lehnghal.





Eng dang mah sawi lo in test kit hi min lo pe a keipawhin ka ban ve mai bawk. " In test dan tur chu i hriat tho ka ringa, tahsawn bathroom a awma va in test rawh, " amah bawkin a ti leh zung zunga keipawh chu tho in bathroom lamah chuan ka phei ve nghal vat.





Ka test kit ken chu en ngam lo in ka hum tlat a, tunah tak chuan chakna pawh ka nei lo ka zawi vek. " I zo tawh em ? i zawh tawh chuan lo chhuak la, " Doctor chuan a lo ti a, ka luh atang khan ka awmrei ve leh tawh bawk em a tin ni.




Keimah pawh chuan ka test kit ken chu en hmasa ta lo chuan ka chhuahpuia, ka chhuah rual rualin doctor chuan min lo pana keipawhin ka thil ken chu ka lo pe ve nghal zat.




" Ka rindan chiah, altrasount in ka en ang che nga chuan damdawi te ka chawh ang che, i lo kal leh hun tur nen ka hrilh bawk che nga, " ti zung zungin amah chu a kalsawna keipawhin ka zui ve nghal. " Eng nge a awmzia, ? ka rai lo tiraw, "? Beisei nei ru zeta ka tih chuan a lo nui hak mai.





" Hlauthawng suh thulawmawm lam zak alawm, ka lawmpui lutuk che, naute hrisel tak nei turin in enkawl tha dawn nia, " ka rilru hre lo zet hian a lo ti a, chet chu sawi loh ka mit pawh ka khap lo. Doctor lah chu a hlim em ema, keimah zawk hi a hlim bertur chu ka ni a sin, mahse chutianga awm lo tur chuan min mawlh tu lian tak an awm tlat.





Altrasount vela min en zawh hnu chuan damdawi te min chawh leha, hospital ka chhuahsan chuan ka zawi hnawk ni mai hian ka hria. Taxi pawh chang lo in ke chuan kawngpui sira kalna tur an siamah chuan ka kal a, ka pum chu dawmin ka thawk leh hak thin.




A hma ang khan Theodore-a nen kanin kar tha se chu he thu hrilh hun hi nghakhlelin ka phi chung ngei ang, tunah erawh a hriat chhuah hlauhna in ka khat thung. Hetianga ka awm chhan pawh amah bawk a ni.




Bazar velah te chuan ka tei kual vel ta mai maia, in a hawn ka phur thlawt lo a ni ber, amaherawhchu a tawpah chuan ka haw tho chu a ngai si, hmundang kalna tur ka nei miau lo a, ka pasal chenna in ngawt lo hi chu pan tur ka nei lo.




Gate chhung ka luh dawn te chuan ka hreh kher mai, ka nu hrilh ila Theodore-a a hrilh chhawng veleh ngei anga, chutih rualin han hrilh loh ngawt chu tih chu a ni chuang bawk si lo. Tunah lo thup eng ang mah ila nakinah chuan a la lang chhuak tho tho dawn, chuai chuan tuna hrilh vek hi tha ber maiin ka hria.




Apa ngeiin a lo pawm duh lo a nih chuan keiin sawitheih ka nei lo viau ang, eng pawh ni se a fa a nihna angin hriat chu a hre ve tur a ni.




Ka rilru siamfel diamin imchhung lam chu ka lut a, a lo reh thiap mai. " Nu, " ka au a min chhang mai lo, kan room lam pan ka tum chiah tih ah ka nu chu Lucy awmna room lam atang a lo chhuaka ka ding leh rih. " I lo haw tawh maw ? ka lo beisei ru reng che alawm, " ti zung zungin min lo pan a.




" Vawin chu Lucy room vel saw ka lo tihfai sak alawm maw le, kan tifai khat riaua hreawm te a lo ti viau maithei a ni, ka lo ngaihtuah chhuak tlai lutuka, " ti pahin a sam te chu a chul mam thuak thuaka, keiin ka sawitum chu sawitan dan tur ka lo ngaihtuah mek bawk.




" Lucy chu amah a awm lo tihna em ni, "? Ka tih chuan inhnung lama a kal thu min hrilha, ka zawt zui lem lo. " Chuan eng nge result chu, " sitting room lamah min kai phei pahin a ti a, ka thin chu a phu rang leh tawh ngang mai, thilsual ti ang maiin lawm ka awm le.




" Doctor chuan ka rai thu min hrilha nu, " kati chiah chu lawm tih hriat zet hian a awma, a ka chu hupin a mittui chu a tling piau mai, chu chuan a ti lawm a ni tih leh tu neih vat a lo chak thin zia minti hre chhuak thar awn awn mai.





" A lawmawm e Bawihi, tunah chuan kanin chhungah naute tlan ter ter tur kan nei ve tawh dawn ta, chupawh keimahni thisen ngei. ' A pi ' minti tu tur ka nei ve dawn tih hriat ringawt paw'n lawm luat avangin ka zuang tawr tawr lo chauh alawm, " fiamthu thutak zeta a tih chuan keipawh ka nui ve ta hak, a lawmna chuan keipawh chu phurna leh beiseina min pe.




Ka nu chuan ka pa leh Theodore-a chu phone in chanchin lawmawm hrilh tur a neih avanga a rang lama in lama lo haw thuai turin a chaha, ko ho kher lo in phone atanga hrilh mai tura ka tih chuan a duh tlat lo, ' hetiang anga thulawm awm hi kan chhungkua ah hian a awm khat, chuvangin hmaichhan ngeiah sawi tur, ' a ti mauh mai a, lehlam ah chuan a dik ve viau mai.





Kan hnathawk te chu chawhmeh siam teuh turin a hrilha, chupawh ka ei duh zawng hlir. Chet ve ka tum te chuan min dang tlata, ' inti palh ang, ' tih mawlh chu a tu a te pawh chuan an sawi zing.




Chutia nau pawh ka neih hma hauha ngaihsakna ka dawn that em avang chuan a tira ka lungngaih thlaphanna te kha chu boruakah a tham ral riai riai mai hian ka hria.





Ka pa leh Theodore-a chu an lo thleng rual chiaha, kawng lakah an lo intawk a ni awm e. Ka nu hnenah chuan an pahnih hniha a koh haw chhan chu an zawt a, ka nu erawhin phur em em in ka rai thu chu a hrilh ta, ka pa pawh ka nu ang bawkin a hlim zia a mitmengah ka hmuhsak, hmeichhia angin a phi hlut ve lo na a, a tawngkam erawhin a lawmzia leh min lawmpui zia mawlh chu a sawi tam.




Amaherawhchu chutia midang zawng zawngin an lawmthu an sawi lai chuan, tawngchhuak tura ka duh ber erawh a ngawi hmak thung. Ka nu in a hrilh tirh laia a hmel awmdan te kha chik takin ka lo en a, danglamna a mahna pakhat mah a awm lo, chu chuan kan naute hi a pawm lo nimai in min ngaih tir. Min melh ngura a mitmeng chu ka chhiar thiam hauh lo.


Show post links
Top

[Ngaia]

HMANGAIHNA MAK




CHAPTER-17





Ni aliam ve zel a Theodore-a te lam paw'n thawm an rawn nei zui tawh lo, ka haw atang nikhat hnuah min ko turin an lo kal a kei erawhin haw ka lo tum tawh lo bur mai bawksi, an ni pawhin ka rilru thlak ka tum loh zia an hria aniang chu min lo ko nawn tawh bik lo.




Ka zep lo, a ruk chuan ka pasal chu ka ngai lutuk, a bula hahdam taka mut leh theih pawh ka chak, mahse chu zawng thil theih a ni tawh ngai dawn si lo. Ka chhuah atang vawikhat pawh message emaw phone call paw'n min lo be lo a, min biak chu ka phut em em vang ni lo in, afa ka pai vang tal paw'n ka that leh that loh min lo zawh ve ka beisei vang a ni.




Chu erawh a thleng hauh lo, a reh zui hmaka kei chu min theihnghilh tawh ang ka ti rilru hial. Chuan Lucy pawh in atang a chhuak tawha, amaherawhchu hetah kan bulah a lo haw tawh lo, ka nu te a lo biak lai in an sawi ka lo hria a inluah tur a hmu a chu chu aluah niawm tak a ni.




Khawia pawisa nge inluahna tur in a neih ang tih chu ka ngaihtuaha, ka rilru ah thil pakhat a lo lang nghal, chu chu Theodore-a a ni. A ni chuan engkim a ngaihtuahsak a ni ngei ang, eng pawh chu lo nise ka buai ve natur ni in ka hre lo, tiin mahni chu inhrilh chawp ve bawk mah ila, ka rilru kil khatah erawh a awm reng thung.




Zanlai dar 1 ari tawha, ka ngaihtuahna ka kawm nasat deuh vangin ka mut pawh a chhuak hlei thei lo. Ka khum bula ka phone chu banin whatsapp ah te ka lut leh te te a, status an up ho chu ka view thuak thuak a, tlem chuan ka mut pawh a lo chhuak ve ta deuh. Whatsapp atang out ka tum vel chiah tih in status a lo in update thar a, chu pawh tudang ni lo in Lucy a ni.




Out leh ta mai lo chuan ka han view a, chuta ka hmuh zet chuan min tina nawn ngei mai. Naute pakhat bula Theodore-a lo thu lai chu a ni, ni lo athu satliah lo naute chu nui var varin a melha, a kut chu avawnsak bawk, Lucy hian kar hmasa khan naute a nei a, chu a fa ngei chu tuna ka hmuh hi a ni ngei bawk ang.



Ni e a chiang thawkhat viau alawm, a status caption ka chhiar lai te chuan ka tah a chhuak tak zet, *apa nen* tih hi ahmanga, Theodore-a chu a naute pa ang takin a chhuah mai chu a nia, mak ka ti a min thawng bawk. Ka pum chu dawmin ka thaw deuh halh a, " i pa lak atanga idawn tur ang hmangaihna leh duatna te chu midangin an dawn khalh che a nia, " ti in rilru na zet chuan ka nui chhuak hak a, miin min hmuse zawng mimawl pawh minti ngei ang.




Kan chunga thleng tur atana kan duh loh ber a lo thlen meuh chuan puitling taka lo hmachhawn a har tak zet, tunah hian khawvel hi tawp daih se ka ti hial a ni.




1 year later





" Benjamin tlan kual sek suh, " bathroom atang ka fapa ninhlei zet chu ka au va, kum 1 a tlin hma in a harh lutuka hei hi ka buaina a ni. Thawmhnaw ka zar chhuah laite chuan min lo tibuai seka, kei mizaidam tak lo ni lo na na na chuan ka lo vin leh nghek thin.




Kan nufa in khumah chuan kan mu a, ka fapa chu duat zet hian ka kuah hlun bawk. Tawnglam hi chu ala ti thei em em lo na a fiah lo deuh hi chuan a tawng ve thin, a chang hi chuan a thusawi hi ka hrethiam lo thin.




Apa ang chiahin a mitmu a bial-a a sam pawh a dum kak bawk. Amah ka hmuh chang hi chuan apa ka hrechhuak lo thei lo thin, hetiang khawpa pafa inchhun hi a awm theih pawh ka ring lo zawk, a mizia zawng zawngah pawh Theodore-a a chhun vek.




Ka fapa muhil chu ka thlira ka lainat lutuk, pa tel lo a a seilian tur hi ka ngai ngam bik lo, a lo lian anga tunge a pa tiin min la zawt ngei bawk ang, chutih hunah chuan engtin nge kei in ka lo chhan ang. Ka rilrua zawhna lo lut chuan minti tawt tun mai, ngaihtuah zui duh tawh lo in khum chu ka thawhsana.




Kan room atang ka chhuah chuan ka nu pawh a lo awm tawh. " I lo haw tawh a, "? ti pahin a chawhmeh lo lei te chu ka en a, " Um, Bawihpuia a muhil em ni, "? a lo tih chuan bu nghatin fridge awmna lam chu ka pan phei a, an hnah ho chu tlai lama siam loh tur zawng ka dah lut a.




Ka nu thingpui tur ka chhuan lai chuan chair pawt chhuakin dawhkana maian hih tur ka dah chu a tel ka phelh a. " In pa hian tunlai alo bia che em, " ka nu in a lo tih chuan ka thingpui chhuan ngaihven tura thawh pahin, " be lo, kanin then na a rei tawh hi khati khan ' in pa ' ti ziah suh, bakah min biakna chhan tur a nei tawh hleinem, " ka ti zui luama, thingpui chu ka chawk pah bawk.



" Nikum lamah aman a sawi tawh angin, Bawihpuia hi kum 1 a nih velah in inkar pawh ngaihven that a tum thu kha a sawi a, in lo inthen hlen dawn anih phei chuan a ni pawhin Bawihpuia hi enkawl ngei a tum bawk. " A ti dap dap a ka inhum ruh nghek, ka chhuahsan dawnah pawh afapa a nihna anga enkawl a tum thu chu a lo sawi tawha, ka nu te bulah leh zel chutiang a lo sawi chu ka lungawi hlawl lo.




" Lo chuhpui ta che se sawitheih chu kan nei lo viau in ka ring, " a ti leh a, ni e apa a nihna angin enkawl theihna dan chu a nei na meuh mai, mahse anu ka la damchhung chuan engtik ah mah ka lak atang a la hrang ngai lo ang.




ZAWMNA






" Bawihpuia hi kava chhuahpui ange, thenawmnu in tunlai chu lengah min sawm renga va in lan ve loh zawng a dik lo ang, " ti pahin ka nu chuan Bawihpuia chu a chawia, a mut thawhna a la rei lo bawk nen a phak tha khawp mai. An pitu a anin zui chhuah tak ah chuan keiin tlailam ei tur rawng ka bawla, ka pa pawh khawtlang thilah a chhuak fel leh tawh.





Antam chhum tur ka buaipui lai chuan ka phone a lo ri a, ka han bih chuan ka mi rinloh lutuk a ni. Amaha inhrang achan tak hnu hian areh zui vang vanga, reh zui han tihah ka nu leh pa te nen hi chuan anin be zeuh zeuh tih ka hria, kan kar thu an hriat miau loh avangin be ve tur paw'n minti thin, ka aw liam ve mai bawka, ka be duh lem hlei lo.





" Aw hello " pangngai zet hian call chu ka chhang a, " ka nu te an awm lo em ni ? Ka call-a a tumah mahin min chhang thei si lo a, " amah nena inrem lo zet hian a lo tidam thluama, a chang hi chuan ka nu leh pa te nen anin pawh lutuk hi ka thik dawn dawn thin, mahse a dinhmun chiang takin ka hria a, nu leh pa a neih tawh loh vang pawh hian keipawhin that chhuah hram hram chu ka tum.



" Ka pa chu thilpawimawha a chhuaka, ka nu erawh thenawmah Bawihtea nen an kal lawk, " ka ti zang vah a, hetianga kanin biak lohna chin pawh hi ka hre tawh lo, " e a nih chu, an lo haw hunah ka lo be zawk mai ange, " a ti a, dah mai ka tum chuan thildang a lo sawi leh tak si avang chuan ka beng zawnah phone chu ka dah leh a, Bawihtea chanchin te chu min zawt ve a, keipawhin tha takin ka chhang ve zel.





A fapa chungchang te ka zawt let ve a, a ni chu a fel tawh viau a ni awm e. " Theodorea'n a ngaihsak tha bawka keini nufa chu kan ngaihtuah awm loh, " a tawpah chuan ka rin ang ngeiin a tawngkam a ngeiawm leh deuh tan, pang ngai tak hian kanin be tluan thei meuh lo chu a nih hi. " Aw a nih tak chu mawle, keipawh ka nu leh pa te anla damchhung chuan ngaihtuah awm ka ni lo e, " ka ti let ve ngat a, a ngei leh viau maithei.






" Let leh chu itum tawh lo tak zet em ni "? A rawn tih chuan ka chhang mai lo, ka awmdanah hian a hriat thiam mai ka ring, engkim hrethiam tur chu a ni reng a ni. " Enteh Nora nangnena kanin kar kha chu thil kaltawh a ni, Theodore-a hi ka mipa hmangaih ber tih ka hrilh tawh che kha, i pasal hlui a lo ni ve tawhna ah tuna kan awmdan hi i lungawi lo viau paw'n ka ring, mahse i lo lan hma a thil thleng tawh chu engmah kan siamtha thei lo, chutiang bawkin Theodore-a nena kanin hmangaihna hi a nasa tawh lutuk, kan duh vanga tih tawp maitheih a ni lo.




Thil dik lo a ni tih chu hre mah ila mualpho huamin innneih kan tum, ka fapa pawh ama fa ah a pawm thlap thu a sawi bawka, chumi ti chiang tur chuan thla leh maihian kanin kutsuih tawh ang, " a sawi zawh rual chuan ka nghilh dup hian ka hria, ka mittui chu a lo tla ringawt bawk. Anin kar hre vek tho mah ila anin nei tur thu ka hriat erawhin kana tak zet.





Tunah chuan engkim a tawp vek tawh, ahma ai mahin tunah hian ka beidawng zual.


Show post links
Top

[Ngaia]

HMANGAIHNA MAK





CHAPTER-18







" Nu sum chhuah hi a hun tawh viau in ka hria, " ka nu hnena ka tih chuan min lo melh vat, Bawihtea chu a pu nen sitting room lamah anin awma kan thusawi chu ka pa in a hriat phak ka ring lo. " Kum khat tawp chu kan awm hrang tawha a hun tawh viauin ka hria, " ti nawn lehin ka alu chan sa chu sil turin tuikhawihna lamah ka keng a.




" Tuna takah eng ngati nge i sawi thar leh tak, ahma a kan sawikha chuan min chhang ngai lo kha a nia, let leh tumna rilru ila pu deuh ah ka lo ngai hman alawm. " A ni pawhin a lo ti ve var a, ni e, ahma khan sum chhuah chu an sawi daih tawh, mahse keimah zawk hian eng rilru nge ka put pawh ka in hre bik lo, ka chhang ngai lo a an ni paw'n an sawi zui ngai bik lo.




" Ka ngaihtuaha Bawihpuia pawh a lo lian ve deuh tawh bawka, Ruatsanga te lamin thu an rawn neih leh chuan innei leh mai ula, " ka nu in a tih rual chuan ka hnial vat, " a teuh lo lutuk, saw inah sawn luh leh tumna ka nei lo, " ka ti teu hlar mai. Nidangah pawh inneih leh chu minsawipui fo mahse tha takin ka hnial maia, tun tum erawh a dan adang zar mai.



Keini nufa aia Lucy te nufa thlang zawktu mipa saw neih leh tumna ka nei lo, a fapa hi a that leh that loh vawite khatmah a lo ngaihven loh laiin Lucy fa erawh a duh hlum lo chauha, sawtiang mihring saw'n ka fapa pa nih a phu lo. " I mak thin em mai, tha taka sawilaia khatia lo vin vak. Bawihpuia pawh a lian anga pa tel lo a seilen chu ka ti mai alawm, " a tih leh pawh chuan ka rilru chu ala ngai reng.




" Pa tel miah lo a nu ten an fate an tulpui thak hi ka hre hnem lutuk, keipawhin ka thei bawk ang, " ti lehin ka tho a ka fapa apu nena lo infiam nui har har chu panin ka pawm kanga, " i nu nen chuan eng buaina nge in neih leh tak a, inva tawng ring leh ve, " ka pa in a lo tih chuan chhang lo in Bawihtea chu couch ah ka thutpui a, hnute ka pe dawn tih a hriat chuan ka fapa pawhin ka kawr chu a lo hlim leh sat sat tawh.




Chawei kham hnu rei lo ah Bawihtea chu mut chhuakin aham deuh bai bai a, a infiam nasa bawka a chau a ni ngei ang. Kan room-ah luhpui in khumah ka mutpuia, a dam loh lai leh lenchhuah dawn te a nih loh hi chuan kan paw ngai lem lo, amah hian a duh lo bawk nen, tihian khumah kan mutpuia amahin a muhil mai zel.




Ka taksa si cheta mu ka fapa chu ka thlir vang vanga ka duh loh ber hmel ka mitthla ah a lo lang leh ruai tawh, a fapa hi a ni chuan a lo hre chang ve der si lo. Phone chu banin whatsapp-ah ka lut a, number hlang ringawt atang message ka dawn chu hmu in ka seen nghala, ka mi rin loh tak a ni.




Ka phone ka tihbo avangin phone thar ka hmanga, SIM pawh ka thlak ta vek bawka engtin nge ka number hi a neih theih zawk ni. * I dam maw, *? Tih te hi a lo thawna ka chhiara ka reply duh lem lo, ka dam leh dam loh a ni hriat a ngai ka ti lo.




A online tih chu alang renga a message chu ka seen tih pawh a hre ngei ang, chhanna a lo beisei ngei bawkin ka ring kei lahin ka chhang duh der si lo. A hnu minute 5 vel ah, * Bawihtea hmu turin naktuk ah ka lo kal dawn, * tih hi a lo thawna, chu zet zawng ka chhang lo thei lo.




* A tul hauh lo, tum buai suh * kava ti a, a seen nghal bawk. Ka thinrim bawksi chu ka tha te a khur hialin ka hria, ni e min lo chuhpui ka hlauh vang a ni, message a min lo chhang ta lo chuan a lo call a, inngaihtuah buai lek lo in ka chhang vat.




" Engtin nge hmuh pawh i rawn tum ngam, i zak miah na nge rawn kal hauh suh, " ka tu nghal hlak a, ka âw te chu a khur deuh hial mai. " Ka fapa a nia lo hmuh theihna dan ka nei alawm, " a lo ti a nih chu! Kha leh chen a piang ve lo ang hmiaha ngai tu khan tun atakah a fa a nih thu sawiin a lo ngaihven a, ka ngaihdan a ni lo nasa.




" Ka fa chauh a ni, rawn kal hlek suh, " ka tih chuan a lo nui deuh hawk a, kei ka thutak teh reng nen a lo nui mai mai te chuan min huat tir zual sauh. " Kan hria ang chu, " a tih rual chuan ka fapa muhil pawh ngaihtuah lo in, " Remruatsang " ka ti vak a, a off zui nghal daih bawk.





Ka mu lai chu tho zawkin ka bula awm ka fapa muhil chu ka en leh te te a, ala harh lo hlauh, room atang chuan chhuakin sitting room lam chu ka pana, ka nu leh pa te chuan ka au kha an lo hria nge min lo en deuh haw mai.



" iva au ring ve eng ti zia nge, " ka nu zawkin a lo ti thuaia ka thinrim bawk nen ka tawngchhuak mai thei lo, " sawi la ngati nge a, "?an tih leh takah chuan thawk la huai in Theodorea'n min lo biakna te chu ka sawia, ka thinrim luatah ka âw te chu a khur hial mai. " Apa a nia lo hmuh theihna dan te chu a nei alawm, keini in kan lo phal loh ngawt tur pawh a nih loh chu, " ka pa chuan a ti nghet charha, keia ngaihdan leh an ni ngaihdan chu a in perhsan leh viau mai.



" Apa a nihna te chu a mahin ngeiin alawm nawt reh, a inchhung atanga min hnawhchhuah ni la la khan a fa a nihna chu a tawp vek tawh, kum khat lai a ni tawha lo hmuh emaw message emaw pawhin athat leh that loh rawn hriat pawh a tum lo, tun ataka ' apa ka ni, ' a lo tih leh vel hian awmzia a nei lo khawp ang, " ka ti phiar phiar a ka fapa min lo chuhpui chu ka duh lo bur a ni.



" I hnenah kan sawi ngai lem lo a rawn ngaihven lo tawp chu a ni bik hleinem,
Bawihpuia a pianni te pawh khan in chanchin ngaihvenin min lo phone sek a sin. Bawihpuia mai ni lo nang thleng hian a ngaihven che a i chanchin pawh min zawt reng, i hnenah kan sawi chuan kan lakah i lungawi lohna a ni leh mai dawn tih kan hria a kan sawi lo mai a ni. Hetah rawn kal a lo hmuh pawh a duh lutuk, nangman i duh dawn loh tih a hriat avangin a fapa hmuh a chak em em pawh a lo hmu duh lo a, chupawh nangmah tih thinrim leh che a hlauh vang bawk. I hriat loh hian maw a ngaihtuah lutuk che a sin, nanglahin i pawng paw huat em em ringawt mai, " ka nu chuan a ti zui luam a.



Theodore-a chanchin sawithat an tum vangah ka ngaihsak hmiah, duh tak tak se chu a lo kal ngei ang, tuntum ah pawh ka thinrim dawn tih hre rengin alawm rawn kal a tum. " Chhan awm lo a haw ringawt ka ni bik lo tih te chu nangni paw'n in hre ve reng alawm, hrilh rawh u lo kal suh se " ti lehin kan room lam chu ka pan a, ka fapa chu a lo la muttui khawp mai. Keipawhin pa nei lo a seilian tur chuan ka phal bik lo a sin, mi te'n ' pa nei lo ' an tih pawh ka phal bik lo, mahse kan hun tawn hi a harsa em a tih theih ka nei lo a ni.




" I pa nena kanin hmangaih hun chhung kha rei lo hle mahse nang ka neih phah che a ka hlim, " ti sep in a biangah chuan ka fawp a.





Zingkar atang rilru buai nuai in hun ka hmangtan a, eirawng ka bawl lai te chuan Theodore-a chu a lo kal tak tak angem tih chu ka ngaihtuah renga, ka awm chu a nuamthei zan lo. Chaweikham lamah chuan kan chhungkua in kan awm thap a, chutih lai chuan vengchhak lamah mitthi kan neih thu an lo puanga, ka nu leh pa chuan kal ve ngei athat thu sawiin insiam turin an tho zui a. Kan nufa chiaha awm chu ka thla a ngam zan lo, ka pi leh pu te lah Lunglei lama an zin phei lai a ni bawksi.




" Nu Bawihtea nen chauha awm ai chuan Ruati te inah kan lo awm anga in haw lamah min lo lam kawi mai ula, " anin siam zo room atanga an rawn chhuah rual chuan ka lo ti thuaia, ka rinlawk ang ngeiin a tul loh thu an lo sawi. " A lo kal a nih pawhin puitling takin thu insawi ang, lo vin khar khar emaw kha chu a chi loh a nia, a mawi ngai lo. I thinrim a nih pawhin insum hram hram ang che, Bawihtea hi iti phawk lek vek mai ang, " ti dap dap in in atang chuan an kal chhuaka.




Tihtur em em a awm lo bawk nen Bawihtea chuan tv a en a, kei erawh phone ka khawih tawp thung. Kawngkhar in kik ri karh karh ka hriat chuan ka tho thuaia, kawngkhar lam pana ka phei chu ka thil ngaihtuah avangin ka ding dat. Amah ngei a nih ka ring, engtianga lo hmachhawn chi nge ka hre leh pek lo.




Pangngai taka lan tum chuan thaw te ka han la leh te te a, zawimuangin kawngkhar chu ka hawnga, ka ring dik chiah Lalruatsanga lek a ni. " Lut turin minsawm dawn na nge, "? atih chuan ka mer nung nanga ka awmsawn ve mai bawk, bawihtea tv en a hmuh chuan a ding data keipawh a hnungah chuan ka ding ve bawk. " Hey little " ti sup in afapa chu a pana Bawihtea paw'n a tv en lai ngaihsak tawh lek lo in apa chu a lo en ve kiau bawk.




" Ama, " Bawihtea'n a lo tih chuan pan pheiin ka nuihsanga, " Bawihpui apa a nih hi, " ka duh loh ber chu ka sawi angai ta tlat si, " i dam maw little, " ti lehin a fapa chu a pawm kang a, bawihtea pawn a lo hnial bik miah lo, midang chawi hi a duh lo viau thin a nia, apa chu a hre hrang ve khawp mai. " Nang i damtha maw "? ka lam lo hawi paha a tih chuan dar san khum ak in ka that thu chu ka sawi a.




Kan pathum chuan kan awm a, a lo kal takah chuan thingpul tal lo lumsak ve lo chu ka ti deuh bawk nen thingpui lum turin choka lam ka pan a, an pafa chuan anin fiam a Bawihtea pawh a hlim khawp mai. In khatah cheng ila chu Bawihtea pawh hian nuam a ti zual viau in ka ring, mahse engkim a nih tur ang a ni vek tawha thil thleng thei lo tur lo ngaihtuah chiam pawh chu a sawt lo.




" Ka lawm e, " thingpui ka pek rual chuan a ti sup a, bawihtea chu a ham deuh bui buia tun ang hunah chuan a mu tawh thina tunah pawh a mut a chhuak leh tawh tih a hriat, pawm kangin hnute chu ka pe a Theodore lah chuan thingpui in pahin min en ngur a, ka zam ru ve viau mai, chu chuan kan in pawh tawk loh thin zia a ti chiang nimai in ka hria. " Ka va mut a nge " tiin Bawihtea chu ka pawm kanga kan room lamah chuan pawm lutin kan khumah chuan ka mut tir a, chhuah tuma ka inher chiah chu Theodore-a lo ding run chu hmu thutin ka phu deuh zuk.




Ka awm chu ka dawm deuh vang vanga a ni lah chuan khuma mu a fapa ngawt chu a lo thlek thung. " Ka tel lo in kan fapa hi i enkawl rei tawh mah mah lo maw ? " a tih chuan ka sa zak mai, " keiin ka enkawl lo in tuin nge enkawl se i tih a, min hnawhchhuah ni khan ka fapa pawh hi i hnawtchhuak tel ve tih i hre miah na nge, ? Kan nufa ai awh tir i thlan ni la la khan kanin zawmna zawng zawng a chhe vek, chutiang chiahin Pa i nihna pawh i chan daih tawh, " ka ti hmawk hmawka insum tumna ka nei lo.




Kha leh chen ka thinrimna ka lo up bet tang tang tawha tunah sawichhuahna hun ka nei ve ta a, insum tumna emaw ka nei lo hrim hrim, ka tuar tur zawng zawng chu ka tuar tawha engmah chan tur pawh ka nei tawh hek lo. " Ka fapa hi tuman ka nunah an luah lan ngai lo, i rilru kal sualin ngaihdan dik lo i pu a nih zawk kha. Tunah chuan ala naupang em a engmah ka sawi buai lo ang, amaherawhchu kum 10 a tlin rual rualin ka fapa a nihna angin ka enkawl khawp ang, min dan i tum a nih chuan court ah pawh kanin khing mai ang, " a ti ve nghut chu awi lo lutuk hian ka melh tlawk tlawk.




A lak atang hian eng chiah nge ka lo beisei le, ngaihdam dil chu hla tak hi a ni a chapo na te hian a mit a ti del zo tawh zawk nge, " hetiang mihring hi i nih ka ring ngai lo, " chu bak sawi tur ka hre lo, a ni ngei hi ka lo hmangaih ve hman kha chu a ni si. " Ka fapa tan chuan misual ber pawh ka nimai ang, " ti in a i her a a chhuak zui nghal bawk, kei erawh ka dinna ngaiah ka la ding reng thung. Khang hun chhung khan min hmangaih ve tak tak lo a nih te ka ringa, a khawhar hnemtu satliah mai niin ka in ngai hial, heti tak hian mihring an danglam thei dawn em ni ?







Bawihtea hmu tur chuan a lo kal zeuh zeuh thina, thil hrang hrang a lo thawn thin bawk. Khap tum viau mah ila min hnial kalhna tur a hre leh dawn tih ka hre vek a a awmdan chu ka enliam deuh tawp, Bawihtea lah thil hrethiam hma chi a ni bawk nen apa chu a lam deuh reng thina, heti reng hi chuan min laksak mai te ka hlau rum rum, Bawihtea berin a pa bula awm a duh chuan keiin phal lo teh mah ila ka lo dan theih a ni dawn miau hek lo.



" Vawin chu Lucy te an lo zin dawn a nia Mambawih, " ka nu in phur zet hian a lo ti a, kei erawh ka lo lawm teh chiam lo. Keimah hi dik lo in ka sual viau pawh a ni mahna, mahse kan hun kaltawh zawng zawng ngaihtuah chuan ka indem lutuk bik lo, bumna hlir min petu chu engtin nge ka ngaihna theih tawh reng ang ni. Chhun lam ah Lucy te nufa chu an lo thlenga a fapa pawh a fel tawh khawp mai, bawihtea nen chuan anin hmuh tirh phat atang anin nel nghal viau mai.



" I dam maw, "? Hlim sarh a titu chu nuih let sakin ka that thu chuan ka chhanga, biak vak pawh ka tui lem lo. " I cher riau in ka hria chaw i ei tha thei lo nge, "? awm ze nei zet hian a rawn ti leh reuh a ka bul hnaia awm reng tura ka duh loh laia pangrem ang maia min hnaih tlat chu ka dawhtheihna in a tlin loh ka hlau viau.





THEODORE POV : ( Ve zuks )





" File ho kha enfel turin lo la la vawinah tih fel vek theih kan tum dawn nia, " ti in ka assistant chu ka hrilha a bu deuh nghat, " i kal leh dawn em ni, "? a tih chuan a thusawi hrethiam zetin aw ka lo pawh vat a, " ka kal zin deuh loh chuan ka fapa hian min ngaihnat loh ka hlau a ni, tun atanga min ngaihnat chuan ka tan pawh enkawl a awlsam dawna, " ka ti a a ni pawh chuan ka remruat dan chu tha a lo ti ve fu mai.




" I nupui ve hi koh leh tumna i nei lo em ni, "? a lo ti ve leha, ka hnuaia thawk mah nise unau ang maiin kanin nelin kanin pawha engkim hi kanin hrilh tawn vek mai thi. " Chu zawng ka hre bik lo, koh duh mah ila a ni in a duh dawn si lo, tunah phei chuan min haw em em mai bawksi, a rilru te han hahdam fel deuh se ka la ngaihtuah tha ang, " ka ti leh sup a, bu nghatin min chhuahsana ka chair chu ka ngheng deuh dawt. " Luhlulnu engtia rei nge min hrem dawn, "? ka dawhkana kan nupa thlalak chu enin ka ti sup a.



Ka hmangaih lo chu a ni bik lo, amaherawhchu amah berin min ring miau si lo, Lucy din hmun chhiat lai ber khan puih lovin ka kalsan thei miau bawk si lo, ka la duh vang emaw lam ni lovin a dinhmun khan a zir loh em vang zawk a ni, Lucy kher ni lo pawh nise khatiang khan ka ti tho in ka ring. Keimah ngeiin in atang chhuak turin ka ti tih pawh ka hria, ni e ka thiam bik lo mahse khatia lungawi lo taka a awm reng kha kei dawhthei lo ve tak khan ka ngai thei lo a ni ber ang chu.





( THEODORE-A POV hian kan cont mai dawn nia aw, chawlh rei chuan rilru amang ve tlat zantin dah turah ngai ila )


Show post links
Top

[Ngaia]

HMANGAIHNA MAK



CHAPTER-19






Ka bula phone ri ral ral chuan ka ngaihtuahna atang minti harh zawka, ka en chuan Lucy a lo ni. Lak loh ka tum zet na chu thil pawimawh a nih ka rin leh si avangin ka chhanga, " ka nutei te khaw lamah kan zin a ka hrilh lawk lem lo che a kar leh lam chu min lo hruai thei angem le, "? a lo ti zung zunga, a chang chuan a laka ka thatna hi a hmangtangkai leh mah mah ka ti thin. " I thil tih zawng zawng min hrilh vek turin eng inzawmna mah kan nei hleinem, kan office lamah tunlai chu kan buai deuha ka lo hruai hman lo ang che u, " tiin tlang tak chuan ka hrilh a.




" A mak e, tunlai phei chu min hmu turin i lo kal khat lutuka Bawihtea paw'n a ngai tawh che a nia, " a lo ti leh zel a, a fapa ka ngainatna pawh hi remchangah vawitam ala tawh, keipawhin chumi avang chuan ka hnaih duh tawh lo reng bawka, ka nupui hi then hlen a amah nei tur anga min ngai a nih chuan a ti sual chiang viau ang, kei chuan nupui dang neih tumna ka nei lo miau a.


" Ka fapa leh anu pawh ka tlawh hman mang loh laia in ina lo kal reng te chu eng tin nge hman se mintih a, sumo in lo haw mai rawh u." Ti leh dah ka ruala, ka tawngkam chu a ngaithlatu tan chuan dawnsawn a nuam viau lem lo ang.




Mi zawng zawng lawmna leh hlimna siamtu machine ka ni miau lo a, mahni tawkah buaina ka ngah tawh nen Lucy te nufa pawh ka ngaih ven hman reng tawh bik lo, bakah Nora-i neih let leh ka duh si chuan a ni hi hnaih tawh loh tawp ka duh, kanin then chhan ah khan a tel ve miau a min huat theihna tur thil tih ka duh tawh lo. Bawihtea ka enkawl duh thu ka sawi chhan pawh eng tin tin emaw ka neih let leh ka rin vang mai a ni.



Nu leh fa then hran hi ka duh loh ber a ni a, lo inthen hlen dawn pawh ni ila ka fapa a nihna avangin a nu lak atang ka lahrang kher lovang, ka kiangah a awm loh avangin ka fa a nihna a bo chuang lo, bakah amahin kha leh chen a lo enkawla ka laksak chuan hreawm a ti dawn lutuk, a ni in hreawm a tih chuan kei ngei pawhin ka ti ang, ti lang lo mah ila amah ka hmangaihna leh ka ngaihvenna te an bo ta tihna a ni lo.





Dar 4 velah in lam panin ka in khalh haw a vawin chu ka chau riau mai. Ka lu na deuh bur avang chuan tumah pawh be lo in ka room lamah ka chho ta zawk a, khumah chuan ka thu deuh hnawk.


" Kan tupa hi engtikah nge kan hmuh ve dawn, ? hmu turin i kal reng renga min hruai ve duh mang si lo " ka nu chuan a rawn ti lut bawrh bawrha, kei erawhin ka chhang lem lo ka lu na lutuk chuan tawng pawh minti chak nek lo e.



" Kar leh ah i pa nen kan va kan ve ange, phone atang ringawt in biak chu Bawihi pawh a ngaihdan te a lo ni lo palh ang, a chhuahdan lah kha tun thlengin ka la lungawi thei lo khatia a rai laia i chhuah tir kha chu iti dik lo tawp, lo haw leh duh tawh lo pawh nise keini chuan sawitheih kan nei lo tawp, " amah leh amah chu a inbia a ni ber ang chu, ngawirengin a tawng chu ka ngaithla a sawidik loh pawh a nei bik chuang lo, engkim hi ka thiam loh vek a ni.




" Ngati nge khatia in dawm kun ngur ngur a, ka rawn luh tirh atang tawh, ka tawng min chhang mai hlei lo bawka, " a tawpah chuan ka awmdan chu a hrethiam ve a ni mahna, " ehe! Bawiha i pang a sa lutuk engti zia nge ? Tunlai chu i thawkrim deuh a ni, damdmdawi ka han la ange lo mu rawh, " ti zung zungin min chhuahsana keipawh khumah chuan ka mu thla deuh hnawk, tunah tak chuan ka fapa leh ka nupui ka ngai tak zet, ka kianga awm tura ka duh ber te an ni miau a.





NORA POV :




" Engtik nge haw intum a, haw rih lo in cham ve reng ula hei naupangte lah chu anin kawm ngaih bawksi, " chawei laiin ka nu chuan a ti a kan rilru chu a in ang lo tlang a ni.



Huat chu duh tawh lo viau mah ila keimah ah thikthu chhiatna la chambang hian min ngeih tir thei der lo, leh lamah unau kan lo nih ve na avangin khang hun te kha chu theihnghilh chu a hun tawh viau, mahse mihring ka nih ve na zawnah ka rilru tina nawn fotu hi ngaihdam mai chu a harsa ve em a tin ni.


" In nufa chauhin in khawsa sia nang lah hna thawh em em i la nei si lo va kan ngaihtuah viau che u a nia, " ka pa in a ti ve thunga, an fa dik tak a ni lo tih hriat loh khawpin an ngaihsaka hetiang kawngah hi chuan ka nu leh pa te hi chu ka fak ve thlawt.





" Theodorea'n engkimah min buaipui a kan ngaihtuah awm lem lo, apa in thlatin pawisa min lo thawn bawka, " Lucy in a tih chuan ka nu leh pa te nen kanin melh tawn nghal ran a, Theodore-a chung chang a sawi chu sawisual inti hmel pawh a pu lem lo.




" Theodore-a chuan engtin nge a tanpui daih daih che u a, Mambawihi nen lah inzawmna an nei tawh si lo, " ka pa in a tih laiin ka nu ve thung chuan, " mi tha tawp alawm an nih an ni chhung te chu, Lucy pawh kan tan a mihran loh zia an hria a puih ngai ni a an hriat avangin a chungah an tha a nih chu, " a ti a, thil nihdan dik tak hi hria ni ta se engtin tak ti ang maw. An fanu ang chiaha an en chuan an fanu dik tak pasal a luahlan sak tih hre ngat se chu an rilru pawh a dang ve viau ang.




Lucy te nufa chu karkhat lai an cham ve tawha vawin lamah Aizawl lama let leh an tum nghe nghe. An awm chhung zawngin pangngai tak chuan ka be thei hram hram a, a ni erawhin Theodore-a nena an awm dan chu ka hriat loh hlau zetin min sawichhuah khum sek thung, hetiang reng renga mihring mize mak hi ka hre ngai lo.




Sumo stand thleng chuan Lucy te nufa chu ka thlah a, Bawihtea a hritlang bawk nen ka nu chuan in lama a lo awmpui zawk tur thu a sawi avangin keimah kal ta zawk ka nia, Felfela( Lucy fapa) chuan min ngaina hman viau a, a nu in sumo chhunga a pawm luh lai te chuan mittui tling pamin min lo en a ka lainat reuh tak zet, " Ate Ruatruat nen lo zin vat ru aw, " fiah mang lo hian a lo ti a ka lu ka buk khum nghat nghat chuan a nui leh ta vur vur reuh a.




An nu te in mil lem lo mah ila kan fate chu anin ngaina in anin kawmngaih tak zet, an tlan liam thleng chuan ka thlira, inlam pana ka haw chu kawngah ka mi rin loh lutuk mai ka tawk nawlha a ni paw'n min hmu thut chu mak a ti ve tho a ni mahna a ding dat mai.



" Teh hlawl che chuan in lo zin tihna em ni, "? a ti a min melh ngur mai, " ka awmna a rei tawh lawm " kati tha ve maia in lamah bawihtea dam lo a awm bawk nen ka rilru chu a hmanhmawh ru viau, tuna takah Joshua ka tawk chu hun lo ka ti tak zet.



" In nupa in maw "? a ti leha ka fapa nen zawk kan nih thu a ka chhan chuan mak tih hmel deuh takin min en a chupawh chu ka ngaipawimawh zo tawh lo. " Ka kal phawt ang ka hmanhmawh deuh va min lo hrethiam mai rawh, " kan din ngawih reng avang chuan ka ti leh zung zunga, kal mai ka tum chu ka kuta a lo chelh avang chuan ka ding leh rih. " Min la hua em ni "? a tih sup chuan ka mit chu ka chet kual ralha, ka hmanhmawh vang bak a ni der si lo.




" Huat chhan tur che ka nei hleinem, " pangngai taka ka tih chuan thaw huai hmel a pu, " min la haw turah ka ngai che a ka rilru a nuam lo reng thin a sin, " a ti leh a a hmelah chuan ka laka a lo khawsak tawh dan avanga inthiam lohna lo lang chu ka hmuhsak, " awm nawm loh na chhan tur i nei tawh lo a nih chu, tunah chuan a hmingin pa ini ve tawha i fapa leh anu chiah saw ngaihsak rawh, in inkar chu a lo tawp fel tawh pawh a ni mahna chumi avang ringawt chuan i fapa ngei saw i thlah thlam tur tihna a ni lo," Kati deuh duah a,



an nunah in rawlh duh lo viau mah ila a hmingin ka unaunu in afa a hringa, ngaihsak lo a a nam nul mai mai chu ka lo duhpui bik hauh lo.




" Ka hria lawm, ka fapa chu ka ngaihsak reng thin alawm mahse Lucy erawh ngaihvena ngaihsak chhan tur ka nei lo, a lakah eng rilru mah ka pu tawh lo bawk, " a ti ve leh a, a tawng danah chuan a thin ka tirim ta emaw tih tur khawpin a tawng bul hmuk hmuk khawp mai.



" A tha e, in inkar chu eng pawh ni se ks buaina tur a nih loh chu " pang ngai zer chuan ka ti ve leh a, ka nunhlui a thil thleng eng mahin min tihbuai hi ka duh tawh lo, ka fapa leh keima hlimna tur chauh hi a ni ka duh ber chu.



" Ka kal ange, " ti lehin ka pensan ta a, hawilet lo mah ila min thlir reng anga hriatna chu ka nei tlat, chu chuan ka awm a ti nuam lo riau bawk.





( WIFI A THIH HMA IN KA LO DAH, A ZAWMNA NAKTUK AH KA LO DAH LEH MAI ANG AW, MAHNI NET HMAN LOH CHU DUH DUH HUNAH A DAH THEIH LOH TLAT. )


ka regu lo viau na chu in comment hlu tak te kha chu min pe ve tho ula


Show post links
Top

[Ngaia]

HMANGAIHNA MAK




CHAPTER-20






In ka thlen chuan ka rin ang ngeiin Bawihtei chuan min lamin a lo tap a, va pan hnaiin ka nu tak atang chuan ka chawisawna ka khawngaih tak zet. " Nangmah zawk kha kal mai tur a nia " rilru chiai zet in ka nu chu ka ti a, ka fapa min ngaia a lo tap chu ka ngaihtuah chianga ka thin zawn hi ana tak zet, " a awm ve duh mai ka ringa bakah a khawsik a awm deuh bawksia chuvangin atap a nih kha, chiai lutuk tur pawh a ni lo." Ka nu thusawi chu ka ngaihdan a ni bik lo.




" Chiai loh tur a nih loh hi, ka fapa heti khawp hian a khua asik nasa a chuta karah keiin Lucy te nufa thlah tur ringawtin ka chhuahsana, " hlauthawng aw khur deuh dar dar chuan ka ti hlaka, fate an dam loh lai chuan thil mawi leh mawi lo kan ngaihtuah hman lo a ni ber, ka fapa khawsik chuan ka rilru a luah hneh ber miau a.



" Mihrang pawh ni lo in i nau te alawm iva thlah le, Bawihpuia pawh chutianga hlauhthawn awmin a dam lo lova i mak thin lutuk, " ka awmdan hrethiam lo zet a a lo tih leh chuan ka ngaihdan chin a pel ve ta, " hman atang tun thlengin Lucy hlir hi ingaihtuah bik ziah, a ni saw nge kei hi infanu zawk? Engkimah atha ber induhsak ziah vawikhat pawh ka la vui ngai lo, tun tum erawh ka fapa dam loh avanga ka mangan avangin ka sawi ve ta chauh zawk a nih hi. " Tih khum tawn tawnin kan room lamah ka fapa chu ka luhpui a.




Khumah chuan muttir in a thawmhnaw hak tur lum te chu ka la chhuaka, amah ka thlak vek hnu ah keipawh chu inthlak ve leh sawkin room atang chuan ka pawmchhuak a, " eng nge itih dawna "? ka nu chuan hrilh hai hmel fe hian a lo ti a, " ka entir dawn heti ringawta awmtir chu ka hmu thei lo, " ti lehin in atang chuan hmanhmawh zetin ka chhuaka, kanin atang hian subcenter hi a hla ve ang reng tho bawk nen taxi chang chuan ka dinpui leh a.



Kan khua hi khawlian tak a ni lo bawk nen taxi service pawh panga vel bak an awm lo, ' thingtlang ' tiin midang chuan an sawi mai zel a kei erawh chuan thingtlang chiah pawh ka ti lem lo, khawpuia awm ang building lian tak tak a ding ve fur lo tih mai loh chu thil a awmkim ve viau. Damdawiin ni lo in keini chuan subcenter kan ti mai a, helaia kan inentir na ve chu lian lo tak ni in dam loh satliah leh khawsik velah bak kan pan ngai lo.



Zai ngai emaw a nih chuan khawpui lam zel kan pan zawk mai thin. Rei lo ah taxi chu kan hmu a kan tlan chhuak zui nghal, sawitawh angin kan khua hi khawlian lutuk a ni lova subcenter pawh motor chuan rei lovah kan thleng mai, keimah hlauthawng in hmanhmawh viau lo phei ila chu ke a kal pawh pawi ka ti hran lo.




Ka hlauhthawn ang em em chuan a lo serious lova ka thaw deuh huai mai, hritlang khawsik satliah mai a ni a chupawh boruak inthlak thleng vel vang chauh a ni, nu nih tawh chuan fate tan kan hlauthawng hma bika thil chhete ah pawh kan buai vak zel thin chu a nih hi.




Damdawi thenkhat min chawh zawh hnu chuan kan zo chu a ni der mai, bawihtea damdawi an pek chuan a chhawk bawk nen a ni pawh a harh tha leh viau tawh.




Inlampan tura taxi kan chan leh lai chuan kan hmaah car pakhat hi a lo dinga a tir chuan ka lo ngaihsak mai lo thung, car glass down-a rawn hawi chhuak ka hmu chiah erawh lo hmuh loh der theih pawh a ni lo.



" Nangni nufa chu eng nge helamah te intih a "? Joshua chuan a lo ti a, a nipawh chu in ka thlen hma deuh lawk khan kanin hmu sia eng nge maw a lo tih leh hman ni. " Bawihtea hi ka entir lawk alawm mawle, nangzawk eng nge itih dawn "? a mawiah ka han zawt let ve a, " inveng lam pangah ka thian dam lo ka kan dawna lo kal ve nghal mai ula, " pangngai tak chuan a lo ti let var a, a remchang tho bawk nen hnial lem lo chuan ka thu lut ve nghal hmiah.



" Bawihtea a damtha si lova taxi nghah chhung a rei awm tho sia i lo awm chu ava tih zia, " ka thut fel rual rual chu ka ti a hun kaltawh te avanga han huat ngawt emaw biak loh emaw tih vel kha a tulin ka hre lo miau va, bakah a rilru tet thlak riauva hriatna ka nei tlat pek.




" Naupang hmeltha chu tinge a lo dam loh va " tiin ka fapa chu a lo fiam zuk a a dam loh dan vel te min zawhzui zel takah chuan kan ti ti zui luam a, a chanchin te pawh tlem tlem chu ka zawt ve bawk a a ni pawhin engkim chu a sawi ve mai zel bawk. " Zawh chi che a ni em chu ka hre lova mahse mak ka ti riau bawksia, zaet tawp ta che ila a pawi lo ang chu maw " peh hel zet a a lo tih chuan eng nge min zawhtum chu ka zawt a.



" Inpa nen hian in inthen tihna nge i lo khawtlan satliah, "? ka rin loh lamdaih chu min zawt a " kanin then daih tawh alawm, " tiin pangngai tak chuan ka chhang let ve mai bawk.



" Um a nih chu. A lo ko zing viau tawh lo che maw " nui huka a tih chuan min koh ngai loh thu bawkin ka chhang leh, mi frank ve tak mai ka ni a miin zawhna min zawh chuan a nihna chin chiah chiahin ka chhang mai thin, hei hi amah nena kanin zui thinlai pawha ka mizia ania amah pawhin min duhchhan ber niin a sawi thin hial bawk.



Engmah min zawh chhunzawm tawh lem lova mak deuh erawh chu amah chuan a khi leh vur vur thina chu chu keiin mak ti deuhin ka lo thlek leh deuh ha zel. " Kan lawm lutuk aw i lo awm lovang tih ka hlau tak zet, " kan chhuk rual chuan ka ti a abu deuh nghut mai.



" Remchangah ka lo la leng dawn nia a nih phawt u " tiin ka fapa chu a nuih vur vura keipawh chuan aw ka lo pawh ve mai bawk, a lo len tak tak erawh chu ka ring lem chuang lo. Lucy nen anin kara thil thleng tawh avang hrim hrim pawhin kanin lama arawnin lan ngam chu a rin awm loh.



Inchhung kan luh chuan kapa pawh in a lo thleng der tawh, ka nu in chanchin te min lo zawt nghal luama Bawihtea erawh apu in ala leh tawh thung. Eirawng bawl a hun tawh avangin room lamah inthlak turin ka lut a, ka inthlak laia ka phone a lo rik chuan ka bag atang chuan la chhuakin min call tu pawh en hlei lo chuan ka chhang a. " Vawin lam eng nge intih a "? ka âw hriat than takin a lo tih chuan ka phone chu ka hmai zawnah dahin min lo call tu chu ka en vat.



Screen-a a hming ka hmu chiah chu ka ner nang a ka mibiak chak loh ber zinga mi a ni. " Tinge i lo call a, "? A zawhna pawh chhang lo chuan ka ti hmuka biak chhunzawm leh chu ka chakawm tawh lo viau ang. " Ka ngai che u lawm " a sawizawh rual chuan ka awi lo lutuk chu ka nui ro hak, " tute maw i ngaiha "? ngeiawm zet hian ka ti let zek a tawngkam tha a biak pawh a phu ka ti lo.



" Tudang nge ngaise mintiha ka nupui leh ka fapa mawle "? Zawi fiah zet hian a lo ti leha, anun atanga min paih chhuak tuin tun ataka min ngaihthu a sawi chu ka thil awi loh ber a ni. " Chuti a nih chuan Lucy leh a fapa va bia la animai lawm i lo phone sual a nih chu, " ka tih khum leh hmak, " hahthlak viau thin lo teh " a rawn ti deuh hmuka ka chhang buai peih tawh lo, call chu ka off deuh hmak.



A duh duh hunah anun atanga a paihchhuah leh a ngaih tur ka ni bik lo, ka be tha awma ka hriat loh tehreng nen mi a namnul mah mah tawh, minbiak dan atang reng reng pawh hian mintham lo riauva hriatna ka nzei chu chu ka duh miah lo bawk, kan hma hun chu hre lo mah ila tun atan chuan anun atanga ka chhuah tirh lai ang reng kha ka rilru a ni, kir leh tumna ka nei miah lo.




Chaweilai chuan ka pa in tlai lama ka nu nen kanin hnial thinrim dan vel te chu a sawia, " Lucy chu leh pa nei tawh lo a ni a keini in lo hmangaiha lo enkawl chu kan tih tur a ni, chutih rualin nang chu kan fa ini a ani leh nang kan hmangaihdan che u chu a dang daih a ni. Nangpawh i puitling ve tawha chu chu hriatthiam tum ve tur pawh i ni, i nu leh pate i kiangah kan la awma nang kan hmangaihna che hi chu engtikah mah a danglam dawn lo chu chu hria in nangpawhin Lucy hi khawngaih zawkla, tunah phei chuan fa te a nei tawha a ni phei chu amah chauha enkawl anih saw, keini talin kan ngaihven pui loh chuan an khawngaih thlak lutuk," ka pa chuan a ti dap dap a.



An makpa lo nithin ngei in a enkawl tha tawk tih hre ve hek lo le, engkim sawi vek mai chu ka duha chutih rualin a puitlin loh thlak riauvin ka hre bawksi. An mahni ngeiin an hriatchhuah hun chu ala awm ngei dawna chumi hma zawng chu keipawhin eng mah sawi ka tum bik lo.




Eina vel ka tihfel zawh vek hnuin sittting room lamah chuan ka va thu phei ve a, ka nu chuan ka pi leh pu te zin chu phone in a lo bia a keiawh chuan ka be ve a, min duat thin bertu te na na na chu ka ngai tak zet.



Phone-a ka pi leh pu te kan biak lai chuan kawngka a lo in kik ri karh karha ka nu in hawng tura mintih chuan tho in kawngkhar lam chu ka pan a, ka hawng chiah chu ka mak ka ti ngei mai, tun ang hunah chuan ka lo beisei miah lo ni lo a lo kal ka ring miah lo zawk.






__________ZAWMNA_________





" Ka lo lut thei angem "? Nuihzat hmel zet a atih chuan harh chhuak thutin ka tawlhsawna a lo lut tlang mai bawk. Sitting room lamah chuan kanin zui pheia ka nu leh pa in Joshua an hmu chu mak antih hmel ve viau, " nang i ni maw lo leng rawh " ka pa zawk chuan a lo ti vat a, ka nu ka melh chuan a ni pawhin min lo en ve chiah bawk, kan zavai chuan kan thu ngawi thap a sawitur a vang bawk em a tin ni.



" Lucy te nufa i be thin em "? Ka nu chuan kan ngawih reng hnuin a lo ti a Joshua chu ka melh nghal vat, " be lem lo e, mahse pawisa erawh thlatin ka thawn thin thunga " a ni pawhin pangngai tak chuan a ti ve mai bawka.



" Koh emaw pawh itum miah lo em ni "? Ka nu bawk a ni, ka pa chuan mitmei in a lo khap vat a a nih tur ang erawh a ni vek tawh thung, " ko turin inneihna mumal pawh kan nei si lova, bakah inneih sawipuitura ka kal tum pawhin min hnial fi thla thak alawm," zangkhai zet hian jos chuan a chhang ve mai zel a, ka nu chuan eng mah zawt tawh lo se ka ti atan tak pawh a nuam bik lovang.



" Chutiang lam reng reng pawh kan hriat ve loh, kan rin danah chuan neih i duh lo hrim hrim zawkah kan ngai mai a lawm, " ka nu pawh a tir ai chuan a tawng pangngai ve ta deuh, a hre tu tan pawh dawnsawn a nuam ve deuh ang.




" Karah fa a awm tawha keini lo induh tawh lo mah ila kan fa tal chu nu leh pa kara seilian tur chuan ka duh, chumi avang chuan vawitam inneih ka sawipuia mahse min hnar zel chu a keipawhin chuti na na na chu ka tia ka tilui ta bik lo, " a tih leh chuan ka nu pawhin sawitur a hre tawh bik lo aniang angawi ta daih a, an lo rindanah kha chuan Joshua hian neih a duh lo hrim hrimah an lo ngai ngei anga, mahse chutiang ni lovin Lucy zawkin a lo duh lo zawk lek si, kei tak pawhin Joshua thiam loh a ni emaw ka lo ti ve bawk.




" Inneih a duh loh ber te chuan i thiam loh a nih loh chu, in inthen danah a lung a awi thei bik lo pawh a nia nge, " ka pa chuan a tu dam dap a, " nia keimah pawh ka lo dik tawk bik lo a niang " mahni inthiam pawh tum chuang lo chuan Joshua pawhin a ti ve leh, tuna kan boruak chu a rit ru riauva hriatna ka nei.




" A thuhrimin i lo leng ve teh daih sia mak ka lo ti ve deuh " ka nu in a tih chuan ka melh vata a ni erawhin joshua ngawt a melh thung, " nia Hlutei te an lo zin ve sia ka lo kan ve zuai a nih hi " a ti a, ka nu chuan min lo melh ve ta chauh, " College kan kal ho vek thin alawm chuta tang chuan a nia Lucy nen pawh anin hriat, " ka ti zung zunga Joshua chu ka melh pah ran bawk.




" Kan khua i ni ve tih pawh hriat hman loh khawpin he lamah i awm tam lova keitak phei chuan ka lo hai leh hman che, " ka pa in a lo ti ve thunga, Joshua hi chu a tette a tanga Aizawl lama awm a ni a kei nen pawh khawkhat kan nih vanga inhria ni lovin zirna avang tho va in hre zawk kan ni.




Leng rei lovin dar 9 rik hma deuh chuan haw a duh thu sawiin a ding hluaia, kawngkharlam apan chuan ka zui ve vat. " I lo lenga i ti lawmawm lutuk a nia muttui le " pawnah chuan inzui chhuakin ka ti a, ka lamah rawnin herin ngun zet hian min melha, " pasal neih leh i tum em "? teh thut chuan, a zawhna chu ka rin loh lam daih a ni



" Tum lo, fapa pakhat ka nei tawha katan chuan a tawk viau a ni " ka rilru dik tak chu ka sawia a bu deuh nghat, " rei deuh tawh mahse tunthlengin i chunga ka awmdan avang khan ka la inthiam thei lo, ka lo â ngawt mai ka bulah pangpar tak tak a awm laiin kei chuan lehkha a siam mawi chawp pangpar zawk kha ka lo thlanga, thil lem chuan rei a daih tak tak lo tih ka hrechhuaka mahse pangpar tak tak zawk thlang turin ka tlai tawh si, " ti pah chuan hnuai lam chu a bih ngur a.




A thusawi awmzia ka hriat chian em avang chuan lo dawnsawn dan tur ka thiam lo, ka hun kal tawh te'n min tih nat tawh loh zia min hriatchian tir thung, " khang hun te chu ka theihnghilh vek tawh alawm nangpawn theihnghilh tawh rawh, inthiamlo taka awmreng turin ka duh bik lo che a nia, " tiin ka rilru dik tak chu ka hrilha thaw huai hmel a pu.





" Tunthleng hian ka la theihnghilh lo che, vawikhat chiah min pawm leh duh la ka tihsual ngai kha ka tisual tawh lovang, i kiangah awmin itana mipa rintlak tak nih ka tum bawk ang " beisei nei zet hian min melha kei erawhin tuna a thusawi tak te kha Theodore-a sawi ni ta zawk se tih ka lo ngaihtuah thung, vawikhat chiah khatiang thu kha sawita se he thinlung hi a nem leh mai lovang maw? Ka ngaihtuahna chuan ka hrawk a hnawh tawt et et a ka tah arawn chhuak ringawt bawk.




" Jos nang leh kei chu a rem tawh lo nangpawn achhan i hria, tunah chuan ka unaunu fapa pa i ni a chutiang chauh chuan kei chuan ka en reng tawh ang che, nang nena inzawmna neih leh ka duh tawh lo i hriat kha nangpawhin tunah phei chuan midang nen fa hial kan neih tawh hi, " ka ti zui duaha zanin chu engti zia nge nidawn ni ka thusawi a piangah Theodore-a hlir chu ka hrechhuak tlat pek.




" Kei chuan i nihna ang ang hian ka pawmthei che, tunah i rilru hneh thei lo mah ila ka tum ang, ka bialnu ni tura ka sawmlai che paw'n hunrei tak ka nghak thei che a tunah pawh ka thei leh em em ang, " tiin ka chhanlet hma hauh chuan a pensawn a, " hun kaltawh leh tunhun hian in anna an nei lo " ti sep in keipawh chu inchhung lamah ka lut zui ve a.





Cont


Show post links
Top