HMANGAIHNA MAK BY Lalnunngheti Tetei (Completed)

[Ngaia]

HMANGAIHNA MAK



CHAPTER-21






" Vawin chu i nu te an lo kal dawna tlai lamah chaw ei nghal se kati deuhva sa leisa te kha kan nei em, "? ka nu in eirawng ka bawl lai chuan a lo ti zung zunga, " tute maw, "? Keiin ka lo ti deuh hu thung, " Bawihtea pi te mawle, Theodore-a te lo kal an tum thu an rawn sawia an lo kal thei dawn chu atha phian alawm " a sawilai chuan ka thil tih chawl meuhin ka lo en a, inthen tawh hnu a anni nena inhnaih fo chu atha pawhin ka hre ve lo.



An mahni ka huat vang ni lovin in hnim hnaih loh tawp kha tha a ka hriat vang zawkin, amah Theodore-a a lo tel dawn ngat phei chuan tha ka ti lo leh zual tun atan chuan ka mihring hmuh peih loh ber a ni miau va.




" Bawihtea pawhin apa te chhung lam a hriat ve te pawh a ngai alawm in hmuhna hun tur hun remchang a awm hlauh chu a lawmawm lamah ngai ang," a sawipawh chuan dikna chen chu a nei meuh mai amaherawhchu kanin pawh lutuk erawh ka duh chuang lo. Tlailama chawei tur kan neih dawn avangin chawhmeh vel te chu leiin ka chhuaka, in a ka haw leh chuan ala hma deuh bawl nen in te chu ka tifai leh te te bawka, ka pa pawh a chawlhni a ni ve bawk nen in lamah awmin Bawihtea nen anin fiam rak chul mai.




Ka fapa infiam nui uar uar chu enin keimah chuan lawm lohvin ka nui leh seih thin, ka tan chuan ka khawvel a ni a ani nen chuan tudang mah kan ngai bik lo. Pathian zarah nu leh pa, pi leh pu pawh ka la nei bawka tun atan chuan ka hlim ve tawk viau.




Dar 2 vel atang eirawng ka inbawl tan a chaweikham lama haw leh mai tur an ni bawk nen lo inpeih fel hma kha tha a ka hriat avangin ka che buai ve khawp mai. Pawn lamah motor thawm a awm takah chuan an lo thleng tih hria in sana chu ka melh zawk a, dar 4 a ni dawn hnai der tawh. Theodore-a a lo tel ve ngei ka rin avangin hmu tura choka atanga va chhuah chu ka hreh ru ve viau a, chutih rualin tawm bo reng thei ka ni lo tih ka inhre ve kur bawksi.




Inchhungah an lo luta an rawn ri lut deuh hlut chu ka ngaichang deuh ran a, chhuak ta mai lo chuan thingpui te chu ka lum leh te te phawta ka thingpui chhuan a so hnu a ka siam zawh chuan loh theih lohvin chhuah a ngai ta, zawimuangin thingpui nen chuan ka inchawi chhuaka ka thin lah chu a phu rang em em zui a.




" Kha hei thingpui in ru " ka tih chuan kanu ( Theodore-a nu ) chuan min lo melh vat a ka lo nuih deuh seih, a bulah chuan pa Thana a awm ve bawka mahse hmuh ka inrin ber erawh ka hmu tel ve ta hauh lo, a kalsawn a nih ringin ka han hawi kual vel a hmuh tur erawh a awm reng reng lo, " i damtha maw ? " Pa Thana zawk in a lo tih chuan ka damthat thu in ka chhanga ka mit erawh hmun dangah ka lenkual ruai thung.



" Ti nge Bawihtea pa chu a lo tel ve loh va "? Ka nu in a lo ti hlauh, ka hriat chak ve tho avangin ka pa Thana te nupa chu ka melh kar a, " hmanni deuh atang khan a dam lo ve a ala zia hleithei lo, vawin pawh rawn kal ve chu a duh lutuka mahse a lu kha a hai deuh bawk nen a tilui thei ngang lo a ni, " kanu zawk chuan a ti luam a chutia Theodore-a dam loh thu a sawi takah chuan ka lo insang mar teuh mai.




A lo kal ka hlauh em em chu a lo kal leh ta miah lova, lawma thaw huai tur ka nih laiin a hmel ka hmu lo chu keimah ah hreawm tih rukna riau a lo awm daih thung, a dam lo tih ka han hre leh zel phei chu ka hriatthiam loh hian ka awm zawn hi engtin e maw hian a awm. " Aw! A nih tak chu mawle ava zia lo em, " ka nu pawh chuan a ti deuh vawng vawnga. An tupa hmuh hmasa ber na na na chu pa Thana te pawh chuan an lawmin an nel viau a, chutiangin bawihtea paw'n a lo ngaina ve mai bawk.




Puitling ho chu thudang dang sawiin an ti ti zui luama keini pawh innei leh mai turin minti a, hetia kanin then mai hi athat loh thu leh bawihtea vang tala insuih zawm leh tur pawhin min sawi hmuh nasa viau, mihring rilru danglam tawhhi chuti maiin a inthlak thei lo tih hi an hrethiam ve lo emaw ni, nakin deuhvah chuan choka lamah rawngbawl chhunzawm tur ka nei tih chhuanlam a hmangin ka kalsawn san ta hlawma.




An fapa in a nupui hlui unaunu a buaipui hlum lo chauh tih chu an hre ve lo nge anin hriat loh der tir vel tih pawh ka hrethiam lo. Theodorea'n khati khawpa a ngaihsak chuan an hriat ve tho ka ring ru deuh bawksi, nge ni a inthup takin an lo in kawp ru reng zawk. Ka ngaihtuahna tul lo lutuk avang chuan ka lu ka thing deuh nak nak, an duh duhin lo awm se ka buai ve na tur a ni tawh lo tiin keimah chu ka inhrilh mawlh mawlh.





THEODORE POV:




" In entir tawh em, " Zampuia ka thianpa ve ber chuan a ti a ka lu ka thing nghut, " a nih chuan tunah in entir in kal rawh iduh chuan ka kalpui ang che, heti hrim hrima awm te zawng a dik lo, " a tih leh chuan ngaihsam hmel fe in ka lo nuihpui mai mai thung, mi hi chu a ngaihtuah ve thin a ni.




" Ka fiamthu lo a nia i awmdan hi natna eng emaw nei i ang tlat, " a ti zui leh a kei erawhin thawk ka la hawk thung, " ni e thinlung natna ka vei alawm, va inentir pawh ni ila ka lunglen vang minti lo ang tih pawh hriat loh, " fiamthu thu tak zet a ka tih chuan a ni pawh chu a nui chhuak ve huk, " i lung aleng a nih leh ko leh tawhla ti nia, then hlen tum ni mang si lo chu i ngaihven zui lo mah mah a ni, nangin iduh huna huna i koh a lo let leh mai tura i ngaih chuan iti sual annge, engtin nge an sawi thin kha,

. ' hmeichhe rilru in lamlet tawh chu vanram kawtchhuah thleng pawhin umzui mahla a lo kir leh tawh lovang, ' sn tih thin kha, kha kha awi la chuvangin ko vat rawh, " a ti leh luama ka ngaihtuah chianga keipawhin sawidik chu ka ti, amaherawhchu tunah pawh a rilru chu a danglam der tawh a nia engtin nge ka ta ni tura ka siam leh theih ang tih zawk hi a ni.




Nora-i lah a mizia ka hre chianga chuti maiin min ngaidam dawn lo tih thlengin ka hming ka hriat chian tluk zetin ka hrechiang bawk si, ka beih hma hauh hian ka beidawng nghal rum rum, chutih rualin chan hlen atan erawh ka phal lo bur. " In ngaihtuah chiang rawh, tunah pawh a har tawh ang tih chu ka hria mahse tun atanga kum 1 emaw aliam leh a nih vaih chuan i ko thei tawh kher lovang, in inthen dan lah kha atan chuan theihnghilh mai mai chu a ni dawn bawk lova chuvangin hma la vat rawh. " Zampuia bawkin a ti leh a.




Min hrechiangtu leh engkim ka thlen ngamna a ni ve bawk nen thil chu a hrechiang ngang mai, chutia a sawi takah phei chuan keipawh nidang ang lo takin ka hlauthawng ve ta deuh. " In enkawl dam phawt la i nupui leh i fapa te chu ngaihven ang che, tun atan erawh idam phawt kha a pawimawh " ti lehin a tho zui tharh a, a haw tur thu sawiin min chhuahsan zui nghal bawk.



Zampuia achhuak tak hnu chuan ka ingaihtuah neuh neuh a a thusawi te khan tumruhna min pe bawk, ka nupui leh ka fapa te neih let leh ngei tumna rilru chu ahma ai mahin ka neilian a, ka thei angem ka hre lo mahse ka tum thung ang. Khum atang ka tho chiah chu ka luhai avang chuan ka tawp chat, ka lu chu dawmin mahni chuan ka then leh sak thin, tun hnai te a ka awmdan hi kei ngei pawhin ka hrethiam bik lo.



Bathroom lam ka panlai te chuan ka vai ruaia tluk mai hlauhawm khawpin ka lu lah chu a hai lehnghal. Darthlalang hma a ka ding chiah chu ka hnar thi pawh ka hmu zui zat heipawh thil thar a ni lo, tun hnai atang luhai thut te leh hetia ka hnar thi maite hi a rawnin tan a, ka hnathawhna vang ah ka puh hmiah thung. Kan hnathawh hi a awlsam lova rilru sen nasat angai thin hle bawk, chu chuan ka taksa ti chak lovin heng luhai te hi ka nei ta ah ka ngai.




Insilfai sawk sawkin bathroom atang chuan ka chhuaka, drawer bula damdawi awm chu ban in ka ei nghal zat, ka nu te Nora-i te khawlamah an kal tih ka hria a keipawh an bula kal ve turin ka inbuatsaih nghal.


Ka thawmhnaw chu thlak sawk sawkin ka car chahbi chu ka ban a ka room atang chuan ka kal chhuak a, ka car a ka luh lai te chuan ka lu chu a la na deuh ngut ngut bawk nen inkhalh chhuak ta mai lo chuan ka han ngaichang leh deuha, chutia minute 5 vel ka awm hnu chuan ka damdawi ei khan min chhawk ve ta aniang ka luna pawh chu arawn zia chho va, keipawh khawmuang tawh lovin ka inkhalhchhuak vat.




Kawngtluanin ka rilru ah eng dang mah a awm lo, ka fapa leh ka nupui te ka neih kir leh dan tur chauh lo chu, ka thil tihsual rah chu eng pawh nise ka tuar mai tur a ni tih ka hria, an ni chan hlen erawh ka thei lo an tel lo chuan ka nun hi a ruak huai a an bulah lo chuan hlimna tak tak ka nei hek lo.



Tlai lama chhuak ka ni bawk nen ka thlen chuan khua pawh a thim tawha, khawchhunga ka tlan luh lai chuan dawr pakhat atanga lo in zui chhuak te chu ka hmu a ka motor chu ka ti ding dat. Ka mi hmuh duh ber leh ka ngaih berte ka hmu hmasa ber chu lawmin keimah chuan ka khi suk.



Motor atang chuan chhuakin ka pan pheia an ni erawh ka awm ve tih hre lovin anin chhaih nui ar ar thung, " Nora " ka tih rual chuan ka lam arawn hawia light in kan awmna lai a chhun chian em avangin kanin hmuchiang dun viau, a ni pawh min hmuh rual chuan a nui tawp riai riaia a hmel chu thinrimna in a rawn thlak thleng nghal bawk.



" Apa " bawihtea chuan min hmuh rualin a lo ti a chutia min ko chu ka hlim veng veng mai, min lo pan chuan keipawhin ka lo pawm kang vat a a nu erawh adin ngaiin ala ding reng thung.




" Bawihte lo kal rawh le haw tawh ang " min ngaihsak lek lo in kan fapa chu a bia a kei chu awm ve lo ang maiah min ngai thung, " apa pawh lo kal ve rawh se " ti a ka fapa in min lo melh chuan ka lo nuih suk a a ni pawhin min nuih let sen sen bawk. " I pi ten min nghak reng tawh kal tawh ang le " âwki dam zet a titu chu ka melh a a ni erawhin Bawihtea chiah a en thung.




" Nora " ka ti nawn leha min chhang chuang lo, a ngawirenga kan fapa chu a melh ngar bawk, vawikhat chiah min be leh se tih chu ka thil duh ber a ni.




" Lo kal rawh ka tih chu " vin deuh taka ti pahin min lo pana Bawihtea chu lak mai ahan tuma a ni erawhin lo duh lovin min kuah nghet sauh thung, " Remruatpui lo kal vat rawh " a ti vin hlar a a awmdan chu rilru na zetin ka melh deuh tawp, sawitheih ka nei lova ka dem bawk hek lo dem ngam tur ka ni lo miau a, hetianga a awmchhan hi keimah vang a ni.




Ka din ngawih renglai chuan ka lu bawk chu a lo na leh a bawihtea chu leiah chuan ka nghat nghal vat, ka lu chu dawmin ka then leh sak thina chutia ka awmlai min hmuh ka duh loh miau avang chuan pangngai taka awm chu ka han tum ve bawka a har lam mah a ni. " Ti nge a i tha em, "? a tawpah chuan min be ve hram alawm, ka awmdan min hmuh duh lo viau mah ila min biak phah tal a ka hlim veng veng mai.





cont


NOTE
( MAHNI IN LO ATANG CHUAN DUH ANGIN ENGMAH HI A TIH VE THEIH LOVA STORY PAWH KA DAH SEI HLEI THEI LOHE LAMA KA COMPLETE HMAN LOH PAW'N KA HAW TEP TAWHA CHUMI HUNAH CHUAN NGEI NGEI IN KA COMPLETE VAR THEI ANG....IN COMMENT HLU TAK KHA MIN HNUTCHHIAH VE THEUH RU AW )


Show post links
Top

[Ngaia]

HMANGAIHNA MAK




CHAPTER-22





NORA POV:


Ka hmaa na nei tih hriat zet a then leh sak thin chu ka en renga minti hlauthawng tak zet, ka haw viau emaw katih lai pawhin amah ka ngaihtuahna erawh ka lo paih bo thei tak tak lo a nih dawn hi. " I tha em ka tih chu, "? hlauthawng bawksi hian ka ti deuh hlak a chutah lo ding chhuakin a lu chu a han thing deuh vut a, " ka tha tawh e, "? ati zui sap bawk chutia a sawi takah chuan ka thaw zui hak.



" Lo let rawh, in tel lo chuan ka awm thei lo kan fapa hi nu leh fa kara seilian turin i duh lo em ni "? a lo tih chuan zak thei lo ka va han ti tak, " ka fapa hian ama puala pa a nei thei dawn lo a nih chuan chuan ka duh hauh lo, midang nena pa anin tawm hi ka duh lo bawk. Tin i lerkawh san mai mai tura rawn let leh phei chu ka tum lo bur." Ti hmakin ka fapa chu ka pawm kanga ka pensawn pui nghal hlawk hlawk.




Ka biangah chuan ka mittui bawk chu a lo luang leh a, ka hun kaltawh te'n minti tap ziah hi ka haw lutuk tunah chuan hmeichhe nep tak mai chauh ka ni. Ni e hmangaihna hi chuan mihring a ti chak lo zo a nih hi, min hmangaih anga in chhal te'n min hmangaihdan hi amak thin ka ti bik tak zet, hmangaihna mak tak bak hi ka chan a ni ve ngai dawn lo a nih hi.



In kan thlen hnu rei vak lovah Theodore-a pawhin in chu arawn thleng chawp chilh ve nghal a, nichina kanin hmuh thu vel kha chu tumah ka hrilh loh avangin a lo lang thut chu mak an ti viau hlawm. Chutia ka mi hmuh duh lo ber ka hmuh phaka a awm tak rengah chuan bawihtea muttir chhuanlam in room lamah ka pawm lut daih a, an haw hma loh chu chhuah leh tumna pawh ka nei tawh lo.



" Anu apa kha lo kal ve se, " ka fapa in a tih chuan thaw halh in ka kuah nghet sauha, hei vang hian a nia inhmu miah lo tura ka duh ni, pa a nei tih a hria a a lo thla hlel ve ting tang bawk si awmdun thei lo an ni tih lah eng mah ala hrethiam ve bawk si lo. " Apa chu a haw angai tawha kan pahnih hian mu mai ang aw " ka tih chuan rilru nat hmel zet hian min melh kiau a ka lainat tak zet.



" Apa ka duh " a ti leh reuh va ka khawngaih bawksi tih theih lah ka nei si lo ka rilru chu ana tak zet. Heti tak hian pa a thlahlel a a bula awm turin a duh em em bawka chu erawh a theih ve si loh.



A muhil ve mai ang chu ka tih rilruk lai lah chuan apa chu alam deuh renga a tawpah phei chuan a tap dawn ta mai, " i pa a lo kal thei lo ka tih mawlh mawlh chu muhil mai mai rawh " ka tum loh deuhin ka vin leh ta vak, chu chuan a rilru ti no zualin a tap chhuak ta renga ka mu tawh chu tho lehin a ni pawh chu ka pawn tho zui a, a tap uar telh telh mai lehnghal a.




Chutia atah tak vak vakah chuan midang ho pawh chu an lo lut thuaia, an haw tawh ang chu tih laiin pa Thana te pawh chu an lo la haw lo, haw an tum hma teh reng nen rinai takin an awm rei phian.



" Ti nge a mambawih ? " ka nu chuan mangan zet hian a lo ti a, " ka hau a chuvang mawle engmah a ni lo ngaihtuah duh su, " keiin ka lo tihsan mai thung. Theodore-a chu ka melh zawka a ni pawhin min lo en ve reng chu ni in keimah zawk chu ka hawisawn leh vat.



" Apa " bawihtea lah chuan a hmu ve leh ting tang bawk nen apa lamah chuan a ban chu chawi beisei zet hian a phar chhuaka a ni pawh chuan a fapa chu a lo ban ve vat.




" Apa angai hle a nih dawn hi tihian in pawm ve rih sela, a thuhrimin a la hma alawm tun anga mutpui tum reng reng, " ka nu in a tih rual chuan rang zet hian " a tul lo " ka lo ti hman hmawh pek a, ka rilru buaisa bawk nen ka tawng pawh ka insum hman lo, mak mintih hmel taka min en thup takah chuan keimah ber ber chuan nuam ka ti leh lo, " a tlai tawhsi an haw duh tawh ang ka lo paw muhil mai ange, " ka ti ta zawk a an ni pawhin mak mintih hmel lutuk ta bik lo.




" Duh leh keini chu kan haw hmasa anga apa hi chuan a hreh loh chuan tihian a mutthilh hma loh chu lo awmpui sela a nimai lawm, " pa Thana chuan a ti dam thluama a rual chuan haw vek zawk mai se ka ti tak zet.



" Nia mahse "


" Ka hreh hleinem tihian a mutthilh hma loh chu ka lo awmpui mai ang, " ka thusawi tur pawh ka sawi zawh hma a a lo tih chuan ka melh deuh haw a a ni erawhin min ngaihsak lovin a fapa chu a pawmchhuak daih thung. " Anin ngai ve hle a nih dawn kha, " ka pa chuan a ti ve sup a pa Thana'n an ni chu haw mai a rawt avangin anin zui chhuaka, keipawhin chutia an haw tur thu ka hriat lai ngeia an sawi takah chuan thlah lova lo awm reng chu dik bikin ka hre lova ka zui chhuak ve bawk.




A tlan dawn chuan a ruk deuh takin kanu ( theodore-a nu ) chuan let leh hram tur leh inngaihtuah nawn leh tur chuan min chah mawlh mawlha, kei erawhin beisei nei zawngin ka chhang let lo thung. An tlan liam hnu chuan inchhungah kanin zui luta bawihte leh apa erawh sitting room ah an lo infiama nuam antih hmel khawp mai.




" Bawihtea pawh a upa va zel a pa hlutna te a hrethiam tan a saw tunah pawh nuam a tih em saw, " ka nu in a tih chuan ka ngawi reng, keipawhin pa a thlak hlelh zia leh a duh zia te chu ka hrethiam ve alawm chumi avang ringawt a kir leh erawh ka duh lo thung.



" Taka keini hi thenawmah len kan ngaih kha, " ka pa in atih chuan " eng ngah nge tunah kher, " ka lo tu vat a kan pathum chauha min awmtir an tum chu an ruahman sa ah ka lo ngai leh hman hmawh, " thenawmpa kha a zual deuh angin an sawia i nu nen kan va lan ve loh zawng a dik lo, tihian lo awm mai rawh u " a tih leh chuan hnial zui chu ni tawh hek lo ka bu ta nghat a.



Room lamah insiam turin an lut zui a kei erawh Bawihtea te awmna lamah ka phei thung, an thutna ep chiah ah chuan ka va thu a min ngaihsak lo ve ve in anin fiam ngai chuan anin fiam renga. " Bawiha ti khan lo awm mai ru aw thenawmah dam lo an awm a kan va leng ve ange, " room atanga an lo chhuah chuan an rawn ti a Theodore-a pawhin tha tak chuan a lo chhawn ve bawk. Ka nu leh pa te an chhuah tak hnu chuan kan pathum chauh chuan kan awm tawha, an pafa anin fiamlai chu ngawirengin ka lo en deuh tawp.



" Anu hetah lo thu la, " fiah mang lovin bawihtea lah chuan a thutna bul chu beng thak thak in a lo ti a, " ka inlen ve loh kha tikhan awm mai rawh u, " ka tih lah chuan apa lamah a tawlh hrut hruta Theodore-a pawhin min lo en reng bawk, min sawm reng takah chuan an thutna lamah chuan ka thu phei ve ta nge nge a, bawihtea lahin chutia kan awm ho chu nuam ati tih hriat zet hian a khek raih raih a, a hlim em avang chuan keipawh chu ka nui chhuak ve ta hak a.



Reife chutia kan awm hnu chuan bawihtea chu a mutchhuak tih hriat zet hian a ham bai bai a mutpui ka sawm chuan min hnial ta bik lo, ka pawm tho chiah erawh apa pawm luh zawk chu a ngen leh tlat pek a hahthlak ka ti tak zet, Theodore-a lahin a fapa ngenna chu lo pawmin amah chuan a pawm zui nawlha, kan room lama anin zui lut chu keipawhin rilru bet zan lo chuan ka zui lut ve mai bawk.




Khuma apa in a mut rual chuan mu ve turin a sawm zui leh ta nghala, pakhat lahin hnial miah lovin a fapa thusawi chu a zawm mai zel bawk. An pahniha an mu chu ka en renga tih ve tur ber ka hre lo, nakin deuhah chuan Bawihtea zawk chuan a mutna bul lehlam zawka muturin minsawm ve leh a khum khata mut ho kher chu ka duh bik lo.



Ka hnial tlat a a ni erawh a ngen tawh leh a duh tawh chu beidawnsan duh lo mi a ni bawk nen min sawm ngat ngat thung, " a mutthilh vat i duh chuan lo mu la, " Theodore-a pawhin a lo ti a chutia a sawi takah chuan dik ka ti ru leh viau lawi si, muhil vatse tih ka duha chutih rualin khum khata mut ho ka hreh tho si, ka rilru insual buai lai takin bawihtea chu a lo tho a min kaih phei takah chuan lo tang tung kha chu theih bik hek lo, a tih ang chuan a bul lehlam zawkah chuan ka inthawlh ve ta ringawt a.




Ka khum hi ate chhe lo bawk nen kan muleng tawk viau. Bawihtea'n thawnthu hrilh angen tlat avangin Theodore-a chuan a thiam ang ang chuan a hrilh ve luam a, a tawnglai te chuan ka lo en leh reng thin a lo hawi rual erawhin ka hawisawn rang thin viau thung.




A thawnthu sawi chu keipawhin ka ngaihthlak ve miau avangin ka mut pawh a lo chhuak tan riai riai a ka muhil chu a ni zui nghal mai eng mah ka hre zawm tawh lo.



Ka dang ro huam avang chuan ka mengchhuak deuh siar siara thawh kan mai ka tum chu ka thei ta hauh lo, min delh bet tu awm ang tlata ka hriat avang chuan ka harhfim tual tuala ka bula min kuah run chunga mu ka hmuh takah chuan phawk fe hian ka meng bial deuh kawk. Sana ka en vata zing dar 4 a ni der tawh, a awmzia chu tihhian zankhua in kan mu tihna chuan a haw miah lo bawk. Thawh tuma chet ka lak chuan min kuah nghet zual sauha kei erawh ka tang tung tawh.




Kan bula mu ve bawihtea chu tih harh hlau zet hian ka che a mipa tha na na na chu hneh lo tak ka ni. " Min thlah rawh " ka tal naah ka chau hnawk thei, ka thusawi lah chu hre lo ang hmakin ala awmzui. " Bawihtea iti harh ange " ala ti tuak zui a tih theih ka nei lo lutuk chu ka tah achhuak lutuk ringawt.



Awmzia a awm dawn lo tih ka hriat avang chuan ka che ka tawp chat a, a ni pawhin chutia ka inthlahdul takah chuan ahma ai zawnga nghet leh zual in min kuah bet ve bawk, ka tuihal te pawh ka hrechang leh tawh lo a ni ber ang chu. Zawi muangin ka mut a lo chhuaka ka muhil zui ve leh mai bawk.



Zingah chuan dar 7 pelh hnu daihah ka tho chhuak ve chhet chheta Bawihtea leh Theodore-a chu an tho tawh thunga, an thawhlai awm reng reng pawh ka lo hre lo.



Chawei ka nu in asawm leh tak zel avangin chaweikham lama haw turin anin be fel zui a, ka ngaihdan ve te chu atu amahin eng ngah mah an ngai lo a nih hmel. Chaweikham dar 10 bawr velah haw turin a inbuatsaih ta a Bawihtea'n a la ngen tlat zui, a hnu ah chuan kanin thlem lungawi thei hrama mahse pawn thlenga thlah erawh ala phut fan. A motor dahna thleng chuan kanin zui a, a thut luh dawn chuan a lu chu a dawm deuh vang vanga a awmdan chu hlauthawng ru deuh takin ka lo en reng a.



" I tha em, "? ka tih chuan a lo inhera ahnar thi ka hmuh rual chuan ka buai nghal vek, " i tha miah lo, " ka tih chuan a nui lui suka keiin ka melh ngawt ngawt thung, vawi leh khatah lei charhah chuan a tlu hnawka ka inring hman lo ka te nghal tuar.


Ka nu leh pa te chu ka au va ka fapa pawh buaipui hman tawh lovin lei a nikhaw hre lova tlu tawp chu ka pana ka sawi deuh nawk nawk, ka nu leh pa mai bakah thenawm hnaivai deuh ka thawm hre ho chu an lo pung khawma, ka nu leh pa ten zawhna min zawh pawh chu chhang thei ka awm tawh lo, ka â vek nimai hian ka hria.




Damdawiin lama kalpui turin min ti hlawma chumi tur tak ngial pawhin ka tho chhuak thei lo, ka tha lah chu a khur nasa em em mai lehnghal, chiang taka ka hriat chu amah Theodore-a motor-ah ngei dah lut a kan phurchhuak chu a ni. Kan khaw sub center lian lo takah chuan kanin nawrlut ve rawi a, an thiam ang tawka hna thawk ho in an check hnu chuan hmanhmawh taka damdawiin lian zawka dah turin min rawn a, chu ringawt pawh chuan ka hlauhthawnna chu nasa takin a tizual.




Ka pa chuan pa Thana te abia tih ka hria a anin biakna erawh eng mah ka hre lo. Kan khaw tlangval tlawmngai chuan Theodore-a motor chu khalhin Aizawl lampan chuan min phur chhuaka, kawngtluanin Theodore-a kut chu ka vuana ka rilru chuan ka tawngtai reng bawk.



Damdawiin kan thlen hnu in doctor te chuan min lo buaipui nghal thuaia, ka hlauhthawnna tizual tur tawk chiahin an ni pawh chuan Theodore-a an check zawh hnu chuan hmanhmawh zeta ICU lama dah lut turin an ti a, kei chu nung reng chunga thi ka nimai, ka tawng lo a ka tap lo bawk ka taksa erawhin ka rilru put hmang chu a lo hre viau kati dawn nge, ka khur nasa viau.




Pa Thana te pawh an lo thleng chawp chilh ve nghala zawhna min zawh pawh chuan ka chhang thei lo, ka pa zawk chuan a lo chhang zel a kei erawh ka rilru a lo fim tan tial tiala chu chuan ka mittui a ko chhuak tel bawk. Reife chutianga kan nghah hnu chuan nurse leh doctor te an rawnin zui chhuaka ka pa te chuan chanchin an lo zawt vat, doctor in chhanna min pek erawh chuan kan zavai mai chuan min thawngin tumah chu tawng tur pawh kan awm lo.





( Heti hi ni phawt se, tuesday atang school kan tan leh tawh dawna computer te kan exam dawn bawk nen kan kal zel dan tur hi ala hriat loh, engpawh nise comment ve ula aw )


Show post links
Top

[Ngaia]

HMANGAIHNA MAK



CHAPTER-23




Doctor in asawidan chuan a thluak a vung a ni awma, a tluk zawngin athisen a tling bawk a ni awm e. Hetiang anga awmte chu an harh chhuak mang lo niin a sawi tel leh zel bawka amaherawhchu beiseina sang tek nei turin minti thung. " Doctor intheihtawp min chhuahsak hram teh u " pa Thana chuan a ti a, " lo lungngai lo phawt ula a thluak vung hi ala nasa lova enkawl dam leh theih pawh a ni, ramdang atang adamdawi tur chah angai dawna vawithum jection angai bawk ang. " A tih chuan beiseina a lo awm ve leh ta deuh.




" In jection vawithum a dawn hnu chuan a harh lehin ngai a awh leh angem, "? Ka pa zawkin a lo ti ve thuaia keini hmeichhe pahnih erawh tawng chhuak theih pawh kan awm lo.



" Kan beisei ang chu a nia lawm, chutiang lo zawng pawh chuan thil kal thei a ni. A damdawi lo thlen hma a athluak vung hian zual lam apan chuan in jection vawithum pe mah ila a harhchhuak kher lo thei bawk," doctor thusawi zawng zawng chuan minti bing mup mai hian ka hria, beisei tur a awm rualin hlauhthawnna tur a awm tel ve leh zela hahthlak ka va han ti tak.



" Tawngtai tam ula, keini paw'n kan theih tawp kan chhuah ang " ti lehin min kalsana kei chu ka thu thla deuh hnawk, " doctor sawi ang khan adam that leh thuai beisei ila, atan tawngtai bawk ila Pathian kutah engkim hlan tawp hi kan tih theih chu a ni rih, " ka pa zawkin a lo tih chuan pa Thana te nupa pawhin pawmpui zetin an bu nghat nghat a, kei erawh ka awm ngaiin ka la awm reng.


Theodore-a ward pangngaia an dah luh hnuin keini ho pawh chu kan lut ve a, amaherawhchu kan zavaia awm an remtih loh avangin midang zawng chu rei lo te chauh an awm a, min hrethiam takin keimah chauh chu min awmtir thung. " Mambawih i nu leh Bawihtea te ringawt inlamah an awm si a kei tal chu ka va haw ange, chanchin te kanin hrilh zel anga duh leh i nu te nen kan lo kal leh zawk ang, " ka pa lo lut chuan a ti a tawngka a chhang lovin ka bu deuh nghat.



Ka fapa chu ka ngaihtuah loh vang ni lo in tun atan chuan engmah ka sawi thei rih lo, ka hma a eng mah hre lova mu oxygen hmanga an thawk tir tawk tawk chauh chu en in ka melh tlawk tlawk.



" Inti chak hram hram rawh, Bawihtea nen in nufa chauha awm turin a kalsan che ring suh " ti paha ka darah lo beng thek thekin min chhuahsan zui nghal a.



Chutia mahni chauha ka awm takah chuan rilru a kal thui leh tawh viau, kan tawpdan hi heti mai tur chuan ka phal bik lo. " Ngaihdam min dil turin i lo damthat leh ngei ngei angai, ka ngaihdamna dawng lovin khawiah mah i kal thei lo, " ti sep in a kut chu ka vawnsak a, haw hle thin mah ila hetiang kher khera awm tur chuan ka duh ngai lo, ka chunga a tihsual te hremnan pawh ana mah mah a ni.




Kan hmelhma te ngei pawh thihna khera thungrulh chu kan duh dawn lo a nih ngai chuan, engtin nge kan mi hmangaih berte phei chu kan phal teh lul ang ni. Ka tawngkam in ka hmangaih lo tih sawiin huatna thu hlir chhak chhuak ve bawk thin mah ila, hetianga natna khuma a awm ka hmuh leh engtikah mah lo kir leh tawh lo tura a kal tur ka ngaihtuah hi chuan ka thinlung chhungril bera amah ka ngaihdan chu phar rual lohin alo lang a, chu chu ka thinlunga thu awm dik tak ka pawm ngam si loh chu a ni.




Chutiang chuan mittui nen karkhat chu kan hmangliama, keimahin ka awmpui deuh chawta ka fapa pawhin apa dam lo bula ka awm chu min hrethiam ve niawm takin min ngen bik lova, min ngaiin a tap ngai lo bawk, chung te pawh chu kei chuan Pathian malsawmna pakhatah ka ngai. Theodore-a a dam loh takah chuan ka tawngtai tam tawk loh zia leh, ka harsatna tawhah engkim tithei kan Pathian chu ka lo rawn tam tawk loh zia ka hre thar a, tunah erawh englai pawhin amah biak chu ka theihnghilh ngai lo.



Tawngtaina chuan thil a ti theia, nun a tihlim bawka ahma a beiseina ka neih ngam loh thlengin amah ka neih tak hnu chuan ka nei ta vek a. Ni e ka ring a ni, a ni chuan kan tawrh zawh loh tur min pe dawn lo tih chu ka ring tak zet.



Theodore-a pawhin tluang takin in jection vawihnihna thleng chu a paltlang tawha, doctor te pawhin hma asawn thu leh a thluak vung pawhin zia lam apan tnu an sawi bawk, chu ringawt pawh chu kan tan chuan ava lawmawm em. In jection vawithumna tur damdawi chu ramdang atanga chah mek a ni a, Pathian zarah tluang taka kan zo thei a nih chuan a lo harh chhuak tur anga sawi a ni.




Chhun lamah pawh kanin awmpui leh chawta vawin chu puan huhin ataksa te chu ka hrukfai sak a, ka hrukna puan huh dah tura ka tho chu Lucy te nufa rawnin zui lut ka hmuh avang chuan ka ding dat, " apate " tipahin afapa chuan Theodore-a chu a pan a chutiangin Lucy pawhin min be miah lovin a pan ve bawk.



Chutia min ngaihsak tak lovah chuan keipawhin ka ngaihsak zui duh bik lo, mahse Theodore-a ngaihtuah hmel taka duh hmel taka a thlir reng chu hmuh harsa ka ti tak zet. Puan chu suk turin bathroom lamah ka keng luta ka suk zawha ka chhuah leh pawh chuan an awm ngaiin an la awm reng.




" I kalsan hlen thei mai lo em ni ? Tuna a dinhmun pawhhi nangmah vang vek a nih hi, " mintih khum siah chu ka insum thei bik lo, " kalsan hlen thei lo tu chu nangmah i nih kha, tinge eng ngatan mah ngai lo tu che chu i chelh reng zawka, hetiang din hmuna a awm hma lawk pawh khan a hnena let leh turin leh kan tel lova a awm theih loh thu min hrilh nghe nghe a sin, " ka tih ve sak chuan a thinrim hmel leh tawh ngang mai.



" Nanghi lo awm ve lo nila ka duh engkim ka nei thei ve mai tur " a sawi zawng chuan a mitah min huatna nasa tak ka hmu tel sak, " kan ta tur ni lo te chu engtiang pawhin bei mah ila kan nei thei chuang lo tih pawmthiam tur khawp chuan i fing ve tawkin ka ring a sin, " ka tih kher chuan min ben sawk chak hmel apu, " ka ta tur ni lo chu ka ta ah ka siam khawp ang, engtiang chiahin nge ka tihchhiat dawn che lo ngai reng rawh, " âwka vin zet hian a ti leh a, eng mah pawisat neih hmel pawh a pu lo.



" Dam lo awmna a rawn vin vak vak turin mi i rawn kal a,? min chhuahsan zawk maita che tun atan chuan i hmel hi ka hmu peih lo, chuan i fapa awmlai tal hi chuan tumah in hauhpui lo hram tum bawk rawh, anu hi mi rapthlak tak angah a ngai mai ang che " ti lehin Theodore-a chu ka melh zawk a, ka bula awm lah chuan kalsawn ala tum bik mai lo.



" I nu leh pa te pawhin min ngaihtuah hlum lo chauh tih i hriat kha, an rilru ka neihsak theih ang chiahin Theodore-a pawh hi ka nei ngei ang, an fanu pasal then chhan ah khan ka tel ve tih hre hauh lovin minbe tha hlur renga, nangpawh i nu leh pa te ang chiaha mawl leh bum nuam bak i ni bik lo tawp ang, " ka nu leh pate chung chang a sawidan avang chuan ka thinrim chuan ben tumin ka kut chu ka phar kanga, ka beng dawn chiah tih in Lucy chu tu emaw hian a lo beng thuaia phawk fe a ka en chu ka pa a lo ni.




" Hmeichhe zakthei lo leh lutuk, i chunga kan thatna zo zai te kha kan mawl vang a ni reng reng lo, nang ang enkawltu nei lo kan enkawl che kha lawmtur i nih laia khatiang rilru i lo put, kan fanu nun tihchhiat leh zel i lo tum bawka vawikhatmah he i hmel hi kan chhungkaw hmaah rawnin lan leh tawh suh, " a ti kha fak a Lucy chu a mittui a far fap a kapa chu thinrim mit sen hlar in a melh khui khui bawk.



" Anu " Felfela'n a lo tih chuan harh chhuak thutin alam chu ka hawia, hrilh hai hmel fe hian keini chu min thlir renga, anu kuttuarlai a lo hmu chu keimah zawkin hreawm ka lo ti tak zet, a awm tih hre chang lo lekin ka lo inhauh pui chiam bawka kei tal chuan lo chhang buai lo ila hetiang hi kan ni lo mai tur a nia.



" Pa in beng dai rih rawh, " ka pa thinrim chu bengdaih tumin ka ti a a ni pawhin Felfela a awm avang chuan engtin mah a ti tawh bik lo. An nufa a min chhuahsan hnu chuan ka thaw deuh halh, " Lucy khan engtia rei nge khatianga a lo tawngkhum fo thin che "? a tih chuan eng ngah mah ngai lo turin leh hun liam tawh ania theihnghilh mai tur chuan ka ti a, a ni erawh a lungawi a ni thei mai lo.



" A chunga kan thatna chu kan mawl vanga ngaitu mihring leh mahni unaunu ngeite nun tichhe duh tu khan engtikah mah ka inchhung rap leh tawh suh se, kanin zawmna te pawh tawp rawhse dinhmun chhe bera an awm thlengin kan puih tawh tur a ni lo, " a ti nghet churha engmah ka sawi zui tawh lo.



Theodore-a dam lo kan turin kan chhung hnai te leh an mahni chhungte lam pawh an lo lang ve renga, ka pi leh pute pawhin kan chanchin an hriat rual rualin min lo kan ve bawk.




Kar thar lamah chuan Theodore-a pawhin a vawithumnan vaccine a la ve thei ta a, chumi ni chuan beiseina sang tak nen a lo harh hun chu chhungkaw kimin kan nghak thap a, doctor lo lut pawhin engkim atha thu leh a lo harh mai tur thu chu a sawi ve bawk. Chutia doctor meuhin thuchiang a lo sawi chu keini pawhin kan ringa a lo harh thuai chu kan beisei a ni.



A lo harh kan nghah lai chuan Bawihtea'n thil lei a lo ngen deuh tlat a, Theodore-a chu kalsan duh lo viau mah ila ka nu te tihbuai leh ka duh loh avangin keimah chuan ka chhuahpui a.



A thil duh kan lei zo kan va lut leh chu an lo ding bial thap a Theodore-a chu engtin emaw a awm ni a ngaiin kei chu ka ding na ngaihah chuan hlauthawng takin ka dinga, ka chhung lam atang chuan min hnawh tu a lo awm leh tawh, chu chuan ka thawk ti harsa in tap lo tur chuan insum ka tumna sa viau. " Bawiha " ti paha tap chu ka nu ( Theodore-a nu ) a ni, ka thil hlauh ber athlengta ni a ka hriatna chuan ka mittui chu a dang zo bik lo, ka tap chhuak ve ta hawk a, chu vel leh ka lam chu an lo hawi thap a keipawhin ka pasal khuma mu chu ka hmu ve ta.




( A TAWP TA.....)








Ti ila induh lo viau ang huizzz Pathian zarah tuna ka story kal lai chu kan complete ve tep e, ka story ngaihlu tu te zawng zawng chungah thinlung takin lawmthu ka sawi bawk e, zanin hi Last chapter angah ngaiin comment vek ang u aw, Last erawh a ni lo.



E....chuan sawi hmaih theih loh, ka chawlh leh nachhan chu ka period vang a nia, tun tum chu nidang zawng ai min tham na a ka che thei der lo mai a, information pawh ka pe thei lo che u a a pawi kati khawp mai chuan class te kan tan leh tawh bawksia hun hi a awm leh mang tawh dawn lova, chungah pawh chuan reader's te min lo hrethiam hram hram turin ka ngen bawk a che u


Show post links
Top

[Ngaia]

HMANGAIHNA MAK



CHAPTER-24





Khuma mu chung chuan thei leh thei lo hian min lo melh tawk tawka a mit mengah chuan min mamawhna ka hmuhsaka chu chuan ka tah ati chhuak zual, midang ho chu an awmsawn sap sap a kei erawh Bawihtea pawm chungin khum lam chu ka pan a, a bul kan thlen chuan Bawihtea chuan apa chu a au va Theodore-a pawhin zawi sap hian a lo chhawn ve bawk.



" Na ila nei em "? Katih chuan a lu athinga a kut chu ka lamah a lo phar bawk, akut ka vawn rual chuan nghet zet hian a l hum nghal a min nuih pah suk bawk, kanu chuan Bawihtea chu a lo la vat a midang zawng pawh chuan min chhuahsan nghal vek a kan pahnih chauh chuan kan awm tawh.



" Ka tihpalh aw " a tih chuan lu thing mat mat in, " chutiang sawi suh " ka ti deuh tuak a tunah chuan alaka ka thinrimna te kha chu ka hrechang tawh lo a ni ber ang chu.



" Ka hnenah i lo let leh thei angem "? a tih chuan chhang mai lovin hnuailam chu ka melh a, " idam chian hunah kan sawitha zawk dawn nia tun atan chuan i damthat a pawimawh ber, " tiin thudang chu ka sawipui ta zawka, dik tak chuan ka ngaidam ti mah ila awlsam taka let leh mai chu ka huam bik chiah lo. Ka la hmangaih rual rualin hun kal tawh te khan minla tina nawn fo mai bawksi.



" Ka hrethiam e, " ti sup in a mit chu a chhing zui daiha keipawhin ka be zui tawh lem lo, nakin deuhah chuan kan chhungte pawh an lo lut ve leh a Theodore-a erawh a muhil zui niawm tak a ni a meng leh tawh lo.




Karthar lamah Theodore-a pawhin damdawiin a chhuahsan a, keini pawh kan khawlamah kan let leh tawh. Kan chhungte chuan kan awmzui zel dan turte min zawt renga kei erawhin chhanna pek mai tur ka hre lo.



Lucy chanchin pawh kan hre zui tawh lo a, ka nu leh pa te pawhin an ngaihsak zui tawh bik lo, ka pa in ka nu thilawmdan vel a hrilh veka kapa ai mahin ka nu chu a thinrim emaw tih tur a ni, keipawh chanchin ka hrilh loh avangin min dem ve deuha mahse ka pa in an mahni thiam loh zawk a nih thu a sawia, an pahnih chuan anin thiam lo a min ngaihsak tawk loh vang ni te in an sawia, engkimah an mahni chu anin dem a keipawhin nuam ka ti bik lo.



Engkim ka hrilh turte annih laiin ka ngawih bawi pui a, chutah pawh chuan nasa takin ka dik bik lo.




Hun aliama Theodore-a pawh atha tawh viau a ni in an sawia, kei erawhin ka be zui tawh lem lo a a ni pawhin min be bik lo bawk. Ka lakah a beidawng ve tawh niin ka hria a thawveng sawt tur ka nih laiin chutiang erawh chuan ka awm hauh lo thung, min hlat tak tak tawh anga ka ngaihtuah chuan ka na veng veng tho mai, kei tak pawhin ka awmdan hi ka inhrethiam tawh bik love.



Chhun lamah chuan kan nufa chauhin kan awma ka nu leh pa te erawh ka pi leh pute an lo haw dawn avangin hmuak turin an chhuak thung. Bawihtea chuan tv a en a kei erawhin in vel chu ka tifai a, " apa " bawihtea tawngri ah chuan rang zet hian ka inher vat a, kawngkhar bula Theodore-a lo ding reng chu ka hmu ve nghal zat.




Min thawnga tih mai tur pawh ka hre lo, chutia a lo lang erawh chu ka hlim ru veng veng mai. " Ka lo leng dawna, hrilh lawk hmasa lo che u a ka lo kal chu pawi iti em "? a dinna ngaia ding reng chung chuan arawn ti deuh sup a, kei erawh ka hamhaih deuh bawk nen tawng mai nachang pawh ka hre lo.



Bawihtea chuan apa chu a lo pan vat a Theodore-a pawhin lo pawmkangin ngaih hmel zet hian a biangah a fawp vawng vawnga, kei chu ka la ding ngawi reng tho.




Afapa pawm reng chung chuan min lo pan a ka hmaah chuan a lo ding nghal run bawk, a mi uap natzia lah chu.



" I damtha maw, "? amah bawk chu tawngchhuak hmasa ah atang leh a, kei chu ka bu deuh nghat. " Min hmu chu ilawm vak na nge "? atih leh chuan harh chhuak zawk ang mai hian amah chu ka en a, " a...ih..chutiang pawh a ni lo, i lo lang teh thut sia mak kati deuh a, idamtha tawh hrim hrim em, " a zawhna pawh chhang lovin keimah chuan zawhna chu ka zawt let a, ka tawnglah chu a bah deuh niai mai.




" Min hmuh ang hian ka tha chu a nimai, " a ti ve leh a sawizawm tur chu vang tawh tak a ni. Bawihtea'n apa ahmu ta chu alawm ngang mai a abulah chuan thu deuh chawtin a ti ti pui siam siam renga ka nuih ati za ang reng viau. Chutia an pafa a anin kawm lai chu ka thut hmun atang ka lo nuihpui leh ver ver thina, ka lam an lo hawi rual erawh chuan ka tawp leh chat zel.



Phone en pah chuan Bawihtea chu a muthlu deuh lawp lawpa va pawm thuaiin room lamah ka luh pui a, mutpui em em pawh ngai lo in tihian amahin a muhil mai thin.



" Min chhun hle mai " ti sup tu chu ka en vat a a ni erawhin khuma mu a fapa ngawt a melh thung. Ni e engkimah hian apa chiah chiah a nimai kei ngei pawhin ka hai lo viau, " a chezia hrim hrim pawh hi nangmah chiah chiah maw le, " ka tih chuan kan pahniha in melhin kan nui dun a hetianga kan nuih dun leh theih hi ka ring ngai lo a sin.



" I rilru adam fel hma chu ka nghak ang che ka tih kha, tunah pawh ka rilru ka la thlak lo tih hria la ka duh, eng hunah pawh ka kiangah i lo let leh thei a nia chuan khawngaihin min ngaidam tawh la, " min hnaih hrut paha a tih chuan thawk pawh ka thaw tha ngam tawh lo.




( ZAWM LEH MAI ANG U AW....HUN KA NEIH CHUAN DAH ZEUH ZEUH TURAH IN NGAI ILA, SCHOOL FUNCTION LUK LAL A AWM DAWN BAWK NEN IN DAIH LOH ANA A NI )


Show post links
Top

[Ngaia]

HMANGAIHNA MAK




CHAPTER-25





" Nangnena hringnun bul tan that leh ka duh a ni, ka lo tihnat tawhna avang che erawhin ka inthiam lo tak zet, ka siamthat leh theih nan chance vawikhat chiah min pe rawh, " ti hniam ruih in ka biang chu a lo dawma mittui kar atang chuan ka lo melh ve kar a, tunah chuan ka thinlunga awm reng chu ka thup seng bik tawh lo, nghet taka kuahin ka tap chhuaka chu chuan ka chhanna chu a tichiang tawk viau ang.



Karkhat aliam leh chuan keini nufa pawh Theodore-a te inlamah kan let a, kan chhungte pawhin kanin nei leh chu min lawmpui thu min hrilh luam hlawma an hmelah pawh chuan an tih tak tak zia a hriat a ni. Chutih rualin Lucy pawh hmuh tur ala awm chho zel a kan chhungkaw chunga a chet danah inchhir hmel pawh a pu chuang lo, Theodore-a te chhung lam lahin kan chanchin hre ve hek lo an biak that ngai rengin an la bia a kei erawhin ka bul hnaia awm reng tur chuan ka duh tawh meuh lo.




Theodore-a pawhin afapa chu a ngaihsaka chutiang chiahin keipawh. Lucy te nufa erawh a thlah thlam tawp bik lova Felfela pawh Bawihtea nen a en hrang lo bawk, anin karah engmah a awm tawh miau loh avangin thik en pawhin ka en bik lem lova, chutih rualin Lucy erawhin a rilru Theodore-a ah ala pe tih ka hria a ka ngaih chu atha famkim bik lo.




" Eng nge i lo ngaihtuaha " ? Ti thum dut paha ka hnunglam atanga min lo kuah chuan ka phu deuh zuk a, inbual zo hlim tih takah a taksa chu a dai dap mai.



" Eng vakmah, " ti sep in ka ngheng deuh ar ar, kan room balcony ah kan dinga thli chuan min lo chhem leh heuh heuh thin bawk nen a boruak chu engtin emaw tak hian a romantic riau mai. " Bawihtea i chawi tawh dawn lo em ni, " ti sup in a hmui chuan ka night gown in akhuh loh chin lai ka dar vel chu a lo nul leh thuak thuaka ka mur ar ar mai.




" Zanin chu kanu in ' kan lo mutpui mai ange ' atia nih kha, " ka ti let ve sep a hai rual lohin chutia min tawhna chuan minti danglam a ni, " athat chu, zanin chu anu leh pa te hian hun fal kan mamawh bawka atih zia e " atih chuan ka nui chhual hak a ani pawh chuti tho. " Ka hmangaih che Nunhluzual " ti sup in ka hmui chu a lo tawk zeuh va ka nuih deuh seih, " keipawhin ka hmangaih che Lalruatsang " ti ve in a nghawngah chuan ka kut pahnih chu ka suih zawma,




chu vel leh min pawm kang nawlhin room chhung lamah chuan min luhpuia keipawhin hnial tumna emaw pawh ka nei lo, a ni hi ka hmangaiha ka pasal anih bakah ka fapa pa ani bawka atan chuam eng mah ui ka nei lo.



Zinga ka tho chhuak chu ka awmna ka hai dawn dawn mai, ka bula muhil thawri sek sek chu enin ka nuihseih a hetianga kan awm leh theih hi ka lo ring ngai lova tunah erawh kan awmdun leh ta mai si. Sana ka en a ahma lutuk tawh lo bawk nen ka tho chhuaka, in phihfaia inhnuai lama ka chhuk chuan Bawihtea tawng deuh lang lang ri chu ka hria a choka lamah chuan ka lut phei ve vat a.



Api chu a lo ti ti pui siam siama api erawhin a inturin bawnghnute a lo siamsak mek thung. " Nu nizan in mu tha thei em "? katih chuan ka nu leh bawihtea chuan min lo en vat a, " thei e i mu thei zawk maw ? " a lo ti let ve var a, " aw keipawh ka mutui lutuk, khawi keiman ka lo siam ang nang pawh thingpui ila in lovang tiraw ka lo siam ang che, " ti zung zungin a thilsiam lai chu ka banpuia a lo duh bik lo.




" Duh leh kan in tur chu lo siam la Bawihtea intur chu keimahin ka lo buaipui ange, " a tih takah chuan hnial bik lovin an mahni intur chu ka lum ta zawk a. Thingpui in a kan thut ho lai chuan midang pawh an lo tho ve a, Theodore-a pawh atho phak ngang mai, ka bula a lo thut thlak thuk rual chuan " min.thawhsan daiha " a lo ti thum bul a a âw ah chuan lawm lohna deuh ka hre thei, chu erawhin ka nuih ati za viau thung.



" I lo tho ve tho alawm " ka tih chuan a meng nur nang mai, thingpui chu kapa nen chuan thlit sakin ka pe a, Theodore-a pawhin afapa chu afiam leh nghal mawlh mawlha hmuh an nuam kati tak zet.




Chawei lai chuan ka pa in ahma a ka lo thawh tawhna ka nu dawrah chuan ka thawk leh duhdawn em tih te min zawt a, ka inngaihtuaha thawh leh pawh chu pawi ka ti lo viau a chutih rualin ka fapa enkawl ka ngai tawh bawk nen thawh loh pawh chu pawi kati hran lo. " I nu lah dawr lama thawk tur chuan a chak tawk si lo va, Bawihte zawk hi chu an school bang va lam ringawt chu athei thung anga, nangman dawra thawh i hreh dawn loh rau rau chuan chuti pawh chuan kan ti anga. "




Ati leh dap dap a, " ni e Bawihtea hruai ringawt te chu a harsa lova, ke a kal ngai pawh a ni lo bawka ka tan buaina a awm lo. Amaherawhchu dawrlama thawh hi chu katan chuan a lo harsa ve tawha, hnathawk te rin ringawt ka lo duh lo ve thin bawk nen ka lo che ve leh thina, chumi chu i pa pawh hian min duhpui loh avangin thawk tawh lo turin minti reng a.




Dawr tih ral hial te a sawi phaha, mahse hei nang i lo awm leh takah chuan tih ral mai ai chuan nangmah hian enkawl zawk mai la chu tha ka ti, i hreh loh phawt chuan. " Ka nu pawhin a ti ve leh a, chutianga an sawi takah chuan keipawhin dawrlama thawh chu ka hreh loh thu in ka chhang a, an ni pawh chutia ka sawi chu an lawm hmel khawp mai.




A office kal tur insiampui tura mintih tlat avangin kan nupa room lamah kanin zui chho a, intifai tura a luh hlanin keiin a thawmhnaw tur vel ka lo thlansak a bathroom atang a lo chhuah chuan a kamiz ka pek chu lo banin a inthawlh nghal zat a, a mit mei a kawr kilh chilh sak tura mintih chuan ka meng nur nang mai.




" A hma zawng pawhin nangmah hlirin a nih kha kilh che " ka tih chuan thaw hawk hian min lo din chilh a, " ahma te kha chuan minpuih tu tur nangber i awm lova, tunah erawh i awm tawha chuvangin nangmah hlirin mintih sak tawh tur a ni, " a ti nghet churha han hnial leh chi pawh ni in ka hre lo, keipawhin ngawirengin ti tura mintih ang ang chu ka tu ve tawp a, a necktie ka suih sak laia ka melh chhoh apianga min lo en reng tih ka hmuh chuan ka zam chhe leh zo vek thin.




Chu chuan kan la inpawh tawk loh zia min hriat tir nimai hian ka hria. Kanin hmangaih thu chu inhrilh tawn fo tawh mah ila thinlung chhung tak tak erawh chu ala inpawh tawk chiah lo a ni.




Ahna kal tur ka thlahfel hnu chuan inchhungah tih tur tul ang ang te ka khawiha, naktuk atang dawrlamah pawh ka thawk tan chauh ang. Bawihtea chu api nen an leng chhuaka in lama hna thawk tura an chhawr ho lahin chawlh an lak lai a ni bawk nen mahni chuan inchhung vel chu ka tifai a, chutia ka chet lai chuan kawngka atang Lucy arawn lut a kan mit chu a intawng nghal chat.



" Kha i lo buai viau elaw "? ka thil hrukfaina ka ken chu melh zeuhin a ti a ka chhang lem lo thung, ahmel a lo la lanngam ringawt pawh chu mak ka ti a ni. " Midang an awm lo em ni, "? hawi kual pah chuan a ti leh reuha zahna nei hmel a pu miah lo te hi amak ka ti zawk.



" I hmuh ang hian keimah chauhin ka awm chuan ka buai viau bawk, " ti pahin sitting room lam chu ka pana table tê kan hung chu ka hrufai mawlh mawlh bawk, a kal leh mai ka rin laiin ka awmna lamah chuan a lo phei ve leha ka hmaa sofa inhungah chuan athu nghal a, keiin a chetdan chu ka lo en reng thung.




" I pasal hian phuba lak nana nei leh mai i ni tih hre ta se he inah hian ila awm angem le, "?athusawi avang chuan ka ding chhuaka a mitah tak chuan chiang zet hian ka melh bawk. " Khawi atanga i hriat nge tih chu ka hre hauh lova eng pawh chu nise i hresual a nih chu, chuan tih tur ka ngah sia min chhuahsan zawk maita che, " ka thinrimna tihlan loh tum hram hramin ka ti a, chu erawh ka thei rei angem ka hre lo.





" Nizan lamah Joshua nen kanin bia a, kei mintawn hma a ilaka a rilru put dan kha ala ngai a ni awm a, nangpawhin i first love chu i theihnghilh tak tak bikin ka ring lo, " a ti leha tun ataka nunhlui sawi chhuah sek pawh chu tul ka ti lo tak zet.




" I ngaihdan mawl zet leh i thusawi ho zet te kha ngaihthlak na hun ka nei vak lo a nia, " katih chuan a ni pawh a thutna atang a lo tho chhuaka, chiang zet in min melh bawk. " He ina i awmlai ngei hian kei hian ka luahlan lo ang che tih a hriat miah loh, Joshua tan a first love i ni a, theihnghilh che harsa a tih ang chiah hian i pasal pawhin kei a hmangaih hmasa ber hi min theihnghilh a harsat ve dawn tih hrechiang tur khawp chuan i fing tawkin ka ring, " awmze nei zeta nuisang chung hian a ti a chu kher chuan ngaihtuahna a ti thui ve tak zet.






( CHAPTER 2 VEL BAK NGAI TAWH LO TURAH NGAI ANG )

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top

[Ngaia]

HMANGAIHNA MAK



CHAPTER-26





Lucy-in min chhuahsan hnu pawh chuan ka ding na ngaiah ka ding renga, ka rilru chu a thusawi chuan ala peng leh chiang khawp mai. Rinhlelhna neia nun hman leh chu ka duh tawh lova kan inkar tichhe thei thil chu in hnaih tir pawh ka duh tawh lo, chutih rualin loh theih lohna hian min nawr ve leh thin, tun maia ka thu hriat te kha ngaihtuah chhunzawm leh ka duh tawh lo tak zet.



Tlai lama Theodore-a lo haw chu hmel hlim taka lo chhawn ngial ka tum pawhin ka thei meuh lo, amah ka hua a kava ngei ta viau tihna erawh chu a ni lo. Lucy thusawi vang zawk kha a ni, ni e ka pasal tan chuan a hmangaih hmasa ber a ni a siamthat theih thil ni lo mahse ka thik tlat a ni.



" Vawin i lo chau em, "? Ti paha hnunglam atanga min lo kuah chuan ka lo phu deuh zuk a, ' tunah chuan a nupui leh aduh ber chu keimah ka ni alawm, tinge ahun kaltawh te avanga keimah leh keimah chu ka lo intihnat anga, a tunhuna keimah min thlang hi lawm tur zawk ka ni, ' tiin mahni chuan ka inhnem chawp mawlh mawlha, ka thaw deuh hliai bawk.



" I chau deuh em ni "? Min ngaihtuah hmel zet a lo titu chu nuisanga inherin ka melh a, a nghawngah chuan ka kut pahnih ka suihzawm nghal zat bawk.



" Chauhna tur in engmah ka thawk hleinem, nangmah zawk i chau ngawt lo maw " ka ti let var a, chutia ka awm chu a rin lawk loh thil a ni nge mit ko min san khum deuh uk a, keiin ka nuih var var reng takah chuan a ni pawh a nui chhuak ve ta hawk.



" Ka nupui in min welcome tha bawka ka chauh pawh a reh vek, " uang zet hian a ti ve leha kan pahnih chuan kan nui dun deuh hak hak. Midang thawm kan hriat takah chuan kanin la hrang vat a a ni inthlak turin kan room lamah a chho a, keiin eirawng ka bawl chhunzawm thung.




Zanriah kil ho lai te chuan kan ti ti ho bawrh bawrha kan hlim tlang viau mai. Zan lamah chuan ka nu ten bawihtea an mutpui leh tur thu an sawi avangin an room lamah an lut a, keini pawh kan room lamah chuan kan lut ve a. Theodore-a chuan office atanga hna pawimawh khawih tur a lo hawn ho chu a buaipui a, kei erawh kan khumah thu in phone ka en thung.



Phone-a ka thiante ho nen kanin text lai chuan ka bula Theodore-a phone chu a lo ri leh tlang thin a, message a nih avangin ka en sak lem lova a ni pawhin a lo ngaihven lem lo.



Vawihnih leh vawithum a rik tak tlut tlut ah chuan ka ning ta deuh bawk nen ensak tumin ka ban ta nge nge a, message lo thawntu hming ka hmu chiah chu ka sa deuh zak mai.



* Vawin khan i lo peng leh si lova*


*Bawihtea pawhin a ngai tawh che*


*Naktuk chu lo peng tawh la, chaw i ei nghal anga*


tihte chu a ni nuk a, hetiang taka angampa chu ka ngaihdan a ni hauh lo. Thinrim zetin Theodore-a chu ka en a a ni erawhin ahna ringawt chu a bih ngur thung, chutia thip zet a ka melh lai chuan arawn hawi a ka lo melh reng avang chuan a ni pawhin mit tizim sunin min melh ve bawk.



" Dik lo a awm em ni "? ti nghutin min en ngur a ka thinzawn hi a thip tak zet, " eng nge maw i hriat le " ti hlukin min lo pana a phone ka ken lai hian vawm pawp mai ania ka duh ni. " Inthen leh mai ang " kati ta thlawta thinrim taka sawi ka nihlai in a ni erawh a nui chhuak deuh hawk thung, chungte hlei hlei chuan minti thinrim zual sauh.




" Ka nupui hian lungawi lohna lian tak a nei a chu chu ka hriat arem ve em, "? Min tlawn ti tih hian a lo ti a, aphone chu alamah lek kangin ka pe a " en ta che " ka tih hlak chuan a lo ban ve mai bawk.



A thai kual mual muala ahmelah chuan danglamna pakhatmah hmuh tur a awm lo, " office bang pah hian ka pengkawi ziaha, tun hnaiah ka peng tawh ngai si lova chu chu a lo sawi a nih hi, huat tur pawh a awm lo, " awlsam zeta atih te chuan ka haw hlur tawh, " ka zawt che em ni? iduh leh va riah chilh nghal la nimai lawm, " lawm lo zeta tipah hian thawh chhuah ka tuma min pawt thu leh deuh nawk.



" Min zawt lo a ka hrilh che alawm, nupa kan ni a engmah zep kan nei tur a ni lo. Lucy te nufa ka kan fo thin chhan pawh Felfela hian min ngaina em a, bakah ahmingin unau te in ni ve a keipawhin farnu ang bakin ka en lo, " dam thlup hian ati a, athusawi chu awi tur a ni em tih ka hre lo na chu ahmelah chuan atih tak hmel fu bawksi.



" Ka tiam ang che vawikhatmah nangmah hrilh hmasa lo che in an nufa in ka hmu leh tawh lo ang, " amah bawk in ati leh a, atawngkam reng rengah chuan kan pahnih inkar chhiat leh mai hlau tak angin atawnga, kei lahin kan pahnih inkar chu tih tawp phet ka tum a keimah zawk hi ka dik lo ni ta berin ka hria.



" Dik tak chuan vawitam tak i first love anihna avanga i theihnghilh mai loh arin thu min sawikhum thin a, ka tan chutiang thu hriat chu engtiang taka hreawm nge i hrethiam pha lo ang, mahni inrintawk lohna min neih tir a chu chuan thinrimna minsiam sakin nasa takin i bulah pawh ka ang thin. Kanin then chhan pawh keiai amah i ngaihsak zawka ka hriat vang kha ania, chutah lah nangin ka rilru tihdam tuma min hnem lovin chhuak turin minti zawk a, " ka sawilai chuan ka tah achhuak tak zet.




Khatih hunlaia ka rilru natna te kha alo kir leh vek ang mai hian ahlimchhawn ang chiahin kala na. " Hrethiam tur che ka nihlaia khatianga katih che avang khan min ngaidam rawh. Tin, nangai Lucy ka thlang zawk angah vawikhatmah ngai tawh lo la ka duh, ka nuna hmeichhia ka duh leh ka hmangaih awmchhun i nih hi, tumahin i dinhmun hi an luah ka remti ngai dawn lo, " a ti mghet churha, a hmui lum vung vung chuan ka chal a lo si a ka rilru hahna te chu thli chhem bo ang diak an ni.





" I rilru adam leh zual nan naktukah Lucy pawh kan pahnih ngeiin kan be dawn nia, vawkhat chu chiang deuhin ka hrilh tawh a sin le, a lakah eng rilru mah ka put tawh loh thu leh an chunga that ka chhuah chhan pawh ka khawngaih vang chauh a nih thu in ka sawia, khami tum khan a rilru pawh ana hle tih ka hria, mahse anu rilru natna ai chuan nangmah ka duhna che khan min tur nasa zawk tlat si."

Ti dap dap in ka sam chu a chul hauh hauha, a sawi anga chutia Lucy bulah a sawi tak tak anih chuan Lucy rilru na pawmthiam lovin keimah mintihnat phet atum tihna ani ngei anga, arilru tur ang chu ka ngaihtuah thiam mai.



( NEXT VELAH CHUAN TAWP TURAH NGAI ANG )


Show post links
Top