CAPTIAN BY Becca Lnz (Completed)

[Ngaia]

Chapter-19




Abraham Lalrintluanga POV




Ka in thiamlo takzet a ni, ka thil tih sual kha engtinge ka siamthat leh theih ang ka hrethiam lo, Duatnu-i lakah ka in thiamlo hle bawk, ring tur a min ngen lawm lawm lai khan lo ngaithla ni ila hetiang ang buaina hi kan tawk hauh lovang, ka rin beisen a a mitmeng in min melh na te kha keichu haider in ka hawi san a, na tak tak in ka tawngkhum a, a mit hmuh ah ngei hmeichhe dang ka awmpui bawk a nihkha, ka thiltih te kha lak let leh theih nise chuan ka la let anga, amah ka ring tlat tawh ang, mahse chuchu thil theih a ni silo.




In ka thleng a, Duatnu-i a awm ngei ka ring, a room bulah chuan ka ding ran a, diktak chuan a hmel pawh ka hmu ngam lo, mahse ngaihdam dil a, kan inkar siamthat leh ka duh a ni, tunah mai chuan min la ngaidam thei dawn lo tih ka hria, mahse ka tum dawn ani, ka bei anga, a hma anga in hmangaih taka kan awm leh hma zawng ka bei ang.




Kawngkhar hawn na chu ka vuan a, mahse ka hawng thei mai lo, ka kik dat dat a, min chhawn tu tumah an awm lo, "Duatnu kawngka hi lo hawng teh" ka tih pawh chuan thawm chu a la reh vang vang a, "I awm tih ka hria, biak che ka duh khawngaihin" ka ti leh a, rei fe ka din hnu pawh chuan engmah thawm hriat tur a la awm lo, beidawng zetin ka room lamah ka lut a, nakinah ka biak ngei a ngai ang.




Shower ka neih zawh hnu chuan inhnuai lamah ka chhuk a, kitchen ah Duatnu-i chu a lo awm a, thil a lo ei mek a ni, a bulah chuan kal hnaiin a hnungah ka ding a, a thil ei ngai reng chuan a ei a, "Duatnu" ka ti sup a, ka tawng hria ang pawh in a awm lo, "Lo va chhuak rawh u" Kan awmpui nula te bulah chuan ka ti a, an chhuah hnu chuan Duatnu-i thutna bulah chuan ka thu thla a, "Min ngaidam rawh" ka ti a, ka thinlung taka sawi ka ni bawk.




"Khathu I sawi khan engmah awmzia a awm tawh lo, vawi tamtak min ring turin ka ti che a, mahs enang chuan natna bak min thlen lo, chuvang chuan kha I ngaihdam na lem zet hriat kha ka mamawh lo, ka duh ber chu ka hlat takah awm la tih hi a ni" a ti kha fak a, ka thaw chhuak deuh hrawk a, "Ka thiamloh a ni, khawngaih takin min ngaidam la, vawikhat chuah chance min pe leh rawh, hlim reng turin ka siam ang che min ring rawh" ka tih leh chuan a nui chhuak hak a.




"Min ring bik em ni? khatih khawp khan min ring turin ka ti che a, mahse nang chuan min ring lovin ka nat nan bak engmah tih I neilo, thudik i hriat chhuah hnuah ngaihdam min dil suh, awmzia a awm tawh dawn lo ka tihkha I la hriat ka ring, chuvang chuan engmah awmzia awm tawh lo turah in ti buai duh suh, i ngaihdam na hi ka pawm ngai lovang" a ti leh fak fak a, "Engpawh ka ti ang, min ngaihdam theih na tur a nih dawn phawt chuan engpawh ka ti mai ang" ka tih leh chuan min en let ran a.




"In then ka duh" a tih chuan ka taksa chu a tang nghal tun thei, "A theih loh, in then kha chu sawi tawh suh, ka then ngai lovang che, chulo a dang engpawh sawi rawh, ka ti vek ang, mahse in then chu a theih loh" ka ti sup a, ka aw erawh a nghet tha cherh chawrh viau, "A nih chuan kum khua in ka haw reng tawh ang che, nanghi ka ngaidam thei ngai lovang che" a ti that a, "Engpawh ti ngai dawn mahse ka beidawng lovang" tiin kitchen atang chuan ka chhuak a.




Ava Lalhmingmawii POV



"Aw.. ka lo kal dawn chiah, min lo nghak ula, keimah chauhin ka lut duh bik miahlo ania" Arintei nen kan in bia a, ka room atang chuan ka chhuak nghal bawk, vawinah kan college kalpui te nen thil kan ei chhuak dawn a, kan in hmu khat thaw hlawm bawk nen ka ngai hlawm viau mai, in atang ka chhuak tur chiah chu "Khawiah nge I kal dawn?" Abraham-a chuan step a rawn chhuk thlak pahin a ti a.




"I hriat a ngai lo" ti nghat in ka chhuak nghal a, ka pum a lian tawh bawk nen kal zung zung pawh ka thei tawh lo, "I kalna tur chu sawi la ka hruai ang che" Abraham-a chu in atang a rawn chhuak ve a, "Ka duh lo nimai teh se" tiin taxi rawn tlan chu ka phar ding a, kawngkhar ka hawng dawn chiah tih chuan Abraham-a chuan ka banah a rawn man a, "Ka ou I kal thei ang, min hrethiam dawn nia" Taxi driver hnen ah a chuan a ti a, taxi chu a tlan ta daih a.




"Engthil nge I tih kha?" ka ti that a, "Khawiah nge I kal dawn keiman ka hruai ang che" a ti sup a, pangai tak a ka hmaa a la lang ngam hi mak ka ti zawk, "Ka sawi tawh a nilawm ni, i hruai ka mamawh lo a ka duh lo bawk, khatianga lemchan vel kha. angai lo, a hma ang khan awm leh rawh, min ngaihsak na nei miah lova I awm ang khan awm leh rawh, ka nunah hian rawn in rawlh phet tum suh" ka ti fak a.




"Chuthil chu ka thei ngai dawn lo, a chhan chu ka hmeichhe hmangaih ka nupui leh ka fa paitu I nih vangin ka ngaihsak lo thei lo che" a tih chuan ka nui hak hak a, ka nuih a zat tak tak vang a nui ka ni, a va han zaklo em, khatiang tak khan a fa a nilo tih ka bulah a sawi tawh a, tunah lem ka fa a ti leh ngam a nia, zaklo lutuk, hetiang taka mihring zahna hrelo hi an awm theih pawh ka ring lo.




"I fa a nih I ring chiah maw?... ka hriat dan chuan ka pum chhung a naute hi chu I fa nilovin mipa dang fa a ni khan ka hre sia, engtik atang nge i fa a lo nih tak a?" elh sen zet chuan ka ti a, a thaw chhuak hawk a, "Kha thil kha i theihnghilh thei mai lovem ni, ka tih sual a ni tih ka hria, ka lo mawl em ani, ka thinrim na khan min hneh em a, thudik ka lo hmu thiam lo a ni, tunah chuan ka buaina ber a awm tawh lova, tha takin kan awm thei tawh mai lovem ni?" a tih chuan rapthlak ti lutuk in ka en a.




Khatiang khawp a min tih nat hnu leh min tih retheih hnu khan hetiang hi engtin nge maw. asaqi ngam zawk ni, theihnghilh maw?... A teuh lo ka dam chhung zawngin mangchhia ang maiin ka hre reng tawh ang, "Zahna hi chu i hmu lo ve ngawt mai, ka nun hremhmun tluk zet a I siam hnu ah theihnghilh turin min ti amaw?.. Nanghi mihring pawh nilovin ramhuai I nihhi, tlang takin ka hrilh ang che, I hnen a ka la chen chhan hi thil pakhat chiah a ni, chuchu ka pa vang chuah in ka pa hi a damthat hunah chuan maw nanghi ka chhuahaan nghal ang che" ka ti ta piap piap a, ka in sum thei tawh lo a ni.




Abraham-a chuan rilru nat hmel takin min en a, engah mah ngailo anga awm chuan ka kut min vawnna lai chu ka thing thla a, ka kalpel hmak, amah vang khan ka tlai vek phah dawn a nihhi, kan thian ho a kan in hmuh khawm na tur ka thleng a, Arintei chuan kawt ah min lo nghak vang a, "Ka rei phian a" in thiam lo ang reng tak chuan ka ti a, "A pawilo, lut ilaz an thleng kim deuh vek tawh ania, Rindika pawh a lut tawh" a tih chuan keini pawh chu kan lut ve vat a.




"In lo thleng maw, Ava-i chu pasal neih I ngaih a nihkha, kha I hmel pawh a tha sawt alawm" kan thiam ho zing a phawk ber Rinpuia chuan a ti a, midang ho pawh chuan thlawp zetin an lo bu nghauh nghauh hlawm a, "Ka tha sa reng alawm" tih pahin ka thu thla a, "Aw.. I that phah kan tih reng kha" an tih leh chuan ka nui ta ringawt a, thil eitur te chu kan chah a, kan awmna hi private room a ni a, college kan kal lai kha in kawm bik kan awm a, kan vaiin mi 15 vel bawr kan ni.




Zirna vel kan kal zawh khan mahni buai buai in kan buai a, a then in hna kan tawk a, a then in an zir zawm bawk a, in hmuh na hun kan nei khat hle, kan in ngai hlawm tawh viau mai a, tawng kan in chih a ni ber mai, "I vannei e, pasal tha lutuk i nei bik a,engtinge i chhai thluk theih reng reng a?" Muani chuan nui hak hak pahin a ti a, chhan mai dan tur ka hrelo, kan nupa inkar a that loh zia hretu chu Rindika leh Arintei chauh an ni a, hetiang thu an sawi pawh hi ka dem lo.




Mite hmuh ah chuan nupa hlim tak kan ni miau a ni, "Engtik nge nau I neih dawn?" an rawn tih leh tak ah chuan chhan buai a ngai lo hlauh a ka lawm viau, "Thla hnih hnu ah a niang" ka ti sep a, mipa nge hmeichhia ka neih an in rin sila a, a tawp ah phei chuan an in chawi ta hial a, an naupang chhia ka ti khawp mai, a tam zawk in mipa ka neih an ring a, keipawn mipa ka neih ka ring deuh zawk bawk.




"In inneih naah ka lo kal thei silo a, engtik ah emaw chaw ei ah min la sawm la aw, i pasa te pawh chu ka hmu ce chak alawm, tv leh news velah hi chuan ka hmu ngun a, mahse a takah ka la hmu miah lo ania" Sangi'n a tih chuan "Tehreng ka la sawm ang che" ka lo ti vat a, midang te paha chuan an rawn in sawi lut ta zut zut hlawm a, an bula awm hi a nuam thin a nia, ka rilru hah na leh ka thaw ipik lutuk pawh a kiang vek thei.




Eitur a lo thlen chuan titi pahin kan ei a, "Nangni pahnih pawh hi engtik ah nge inneih in tum?" Rinpuia chuan Arintei leh Rindika melh chung chuan a ti a, "Boss hian a la in peih loh thu a sawi tlat a" Rindika chuan Arintei chu a melh kher a, Arintei chaun Rindika chu a lo chhiat khum vak a, kan nui hawk hawk hlawm a, "In neih hma atangin i ngam lo nghal a nimaw" hepa han nghal dan hi chu aw...




"Ngawi mai teh nangkha, Muani hi college kan kal lai atang I duh tawh a, mahse tun thlengin I la chhai tluk theih miah lo kha" Arintei chuan Rinpuia melh pahin a ti a, "Min duh ve reng a, mahse a la sawi duh lo mai mai alawm, tun khumah hian min la duh lo cheu a nihchuan ka ti daih ang, ka nghak rei tawh a, ka nghak peih tawh lo" Rinpuia chuan Muani melh chungin a ti a, Muani lah a lo lai nasa mai.




"I ti tak tak ange, I mawl ropui si" Muani chuan a ti a, "Chutiang I duh loh chuan min duh thu sawi ve tawh mai la, thiante ho zawng zawng in ngaihzawng an neih laiin neilo bik nih reng te hi a nuamlo I ti ve lo ami, hei nangmah vangin ka la single char char a nia" A ti leh a, midang ho chu kan nuih a za hlawm hle, "I zaktheilo e, ka duh awkawng lo che" Muani chuan a ti hlar a, "Zah buai vek a ngailo, min duh tih ka hre ve chiang emai, hmeichhe dang bia ila i lo tum buau zel kha" sawi duh in ti lutuk in Rinpuia chu a hawi deuh vah a.




Muani chuan engmah a sawi tawh lo, thil chu a ei tau sawk sawk a, ka nui ru tet tet hlawm ringawt a, "Eitur khan i pawi pawh a sawi loh kha, dim tein thial rawh, an khawngaih thlak i ha a chang ropui si" Rinpuia chuan a ti leh hram a, "I ninawm" tih pah in Muani chu a tho a, pawn lamah a kal daih a, Rinpuia chuan a zui vat a, midang ho chu kan lo nui chhuak hawk hawk tawh mai, an ni pahnih hi chu heti reng hi an nia ngaiah kan nei tawh.




"Muani pawh hian a duh reng tho sia, Rinpuia hi a ti khawngaih thlak e, nih pui ve vat tawh mai se" Sangi'n a tih chuan kan lo paw pui tlang khawp mai, rei fe hnuah chuan an rawn in zui lut a, Rinpuia a nuih thaw laiin Muani erawh a la tum lian khawp mai, thil ka. i zawh hnu ah chuan chhuak mai lovin kan la in kawm khaw muang hlawm a.




"Kan in hmu leh vat dawn nia, Ava in inah chaw eitur a min sawm dawn kha aw, kan theihnghilh dawn miah lo ania" restaurant atanga kan chhuah hnu chuan ka thiante chuan an ti a, "Awle, in lo ei dawn nia, a nih phawt u" tiin kan in vai liam hlawm a, keichu Rindika leh Arintei'n min thlah dawn ani, motor lam pan chuan kan kal a, a hnungah ka thu a, a hmaah Rindika leh Arintei an thu thung.




"Ava, Abraham-a nen chuan in in be tawh em?" Rindika chuan a ti a, darthlalang atang chuan min rawn melh zawk bawk, "Be lo" tih zawng in ka chhang a, "Thudik a hriat hnu a a awm dan kha ka lo chhuk a, a inchhir zia ka hmuh sak thei, nangpawh ngaihtuah na fim tak hman tum la, fa in nei mai tawh dawn bawk, chuvang chuan in ngeih takin awm leh thei ula ka ti khawp mai" a tih leh chun ka lo thaw chhuak hak a.




"Keipawhin ka duh alawm, mahse tun ah hi chuan ka theilo, ka natna tuar zawng zawng kha ka theihnghilh theilo a ni, dik tak chuan Abraham-a hi then daih mai ka duh zawk, ka mit hmuh ah ngei hmeichhe dang a awmpui a, nupui a min neih chhan pawh hreawm taka ka awm loh a hlauh vang a ni, ka hmangaih che min ti chungin min ring thei miah lo te khan min ti na a, in check up tur a keimah chauh a ka kal thin laiin a hmei nu erawh a kal pui thlap a, khate kha ka theihnghilh mai mai theilo" ka ti nghat a.




Rindika pawh chuan engmah a sawi zui tawh lo, Arintei hi chuan ka thu thluk na a pawm vek thu min hrilh tawh a, min hrethiam em em bawk, kan in kawtah chuan Rindika'n motor a ti ding a, "A nih phawt ule, kan in hmu leh vat dawn nia" tiin motor atang chuan ka chhuk a, an tlan liam lai chu ka en zui reng a, an lam theih tawh loh chin ah chuan keipawh chu in chhung lamah ka lut a.




Inchhung ka lut chiah chu a lo reh thiap a, nidangah chuan Atei leh Remi te hmuh tur an awm ziah kha a nia, khawiah nge maw an lo awm ni?.... Kitchen ah chuan thawm ri rak rak ka hria a, ka kal nghal vat a, Abraham-a chuan eirawng a lo bawk hi a lo nia, min hmuh chuan min nuih sang a, "Atei leh Remi te chu vawin atan chawlh ka pe a, an chhung te inah an riak anga naktukah an lo kir leh chauh ang" a tih chuan chhang lovin kitchen atang chhuah mai ka tum a.




"Han in thlak la , thil kan ei dawn nia" a tih chuan "Nangmah in ei mai rawh, ka ei tawh" ka ti a, a thaw ti hawk chu ka hre hman hram, ka room ah ka lut a, ka thawmhnaw te phelh in bathroom ah ka lut a, shower ka neih zawh chuan bathroom atang chuan ka chhuak a, ka mi hmuh avang chuan ka au deuh that a, Abraham-a chu ka khumah a lo thu a, chiang zetin min lo melh bawk a nihchu.




Engtinge a lo luh theih kawngka kha ka kalh bawk sia, "Duatnu engtinge ka lo luh tih i ngaihtuah nihchuan chahbi spare ka kawl alawm, ngaihtuah buai vak duh suh" tiin a nui deuh suk a, "Chhuak nghal rawh, engvanga ka room a lout nge i nih, I va zaklo ve" ka ti that a, "I pasal ka nihhi, zahna chhan tur ka nei em ni?" zamlo tak chuan a la ti ngam a nihchu, "Hah... pasal chu chan vo nei tur chuan dikna i neiin i in hria em ni?" ka ti a.




"Duatnu, khawngaihin min ngaidam hram rawh, i chunga ka chet dan nunrawng tak vang khan ka dam chhung zawngin ka inthiam thei tawh ngai dawn lo, mahse hlim taka ka siam che hi phal hram rawh" beidawn hmel zet chuan a ti a, "Ka sawi tawh kha engpawh ti mahla awmzia a nei tawh dawn lo, I in chhir loh nan vawi tam tak thudik hrilh che ka tum mahse nang chuan min ngaithla duh lo a nihkha, chuvang chuan in ti hah duh tawh suh, I thil tih vang hian ka ngaidam mai mai dawn lo che, a chhan chu maw nang hian min ti na tawk tawh" ka ti kha fak a.




"Ka hria, mahse kan fa lo piang tur vang tal pawh khan min ngaidam hram rawh aw, fa nei mai tawh tur kan nihhi, hetiang a kan awm reng chuan kan fa tan hian a tha dawn hauh lo ania, a nu leh pa te hi kan hlim loh zia a hrait I duh em ni?" a tih leh chuan "Ngawi hmak rawh, engtin nge ka fa ti a I la sawi ve ngam zawk, I va zaklo ve, vawi tam tak kha I ka hmang ngei khan mipa dang fa angin I sawi thin a nilawm ni" ka ti a.




Ngawi rengin min melh ngawt ngawt ringawt a, ka la duh tawk lo, "I hria em, naute nen kan mamawh em emai che in nag chuan min en san a, hmeichhe dang nen nuam in tawl a nihkha, i hmei nu in na tak tak a min ṭawngkhum thin lai pawh in ngawi rengin min en liam a, khatih hunlai khan ka naute leh kei hian chhan tu kan mamawh a sin, mahse chhan tu kan neilo" khatih hunlai a ka rilru natna te kha rawn kir leh in ka duh lo zet in ka mittui chu ka biangah a luangthla pap a




"Ka hria ka thiamloh vek ani, mahse..." a tih lai chuan "Sawi tawh suh, engmah ka ngaithla duh tawh lo, hun liam tawh ami chu liam tir rawh, engmah i siam that theih tawh loh ang bawkin ka rilru natna leh ka hreawm tuar zawng zawng te kha I siamtha leh thei tawh ngai dawn lo, chuan nang nen hian bul tan that pawh ka duh tawh lo bawk, ka sawi tawh ang khan ka pa a dam that veleh nanghi ka chhuahsan nghal bawk ang che" ka ti a.




"Aih... i chhuak hauh lovang, ka lak ata hi i chhuak ngai lovang, nang hi ka ta I ni a, chutiang bawkin ka fa lo piang tur pawh in tello chuan ka awm theilo, chuvang chuan ka bulah in awm reng ang, engpawh tih ngai in thih pawh ngai mahse ka thi mai ang, mahse ka lak tang hian i chhuak thei ngai lovang, ka hlat ah ka amq tur ngai dawn lo che" a tih chuan ka in sum hman lo a a hmai ah chuan ka beng thuai a, a thle sawk mai.




"Mahni hmasial pa, engtin nge khatiang khan mahni hmasial taka I la tawng theih zawk, ka mamawh em em lai che khan ka bulah i awm ngai em, aih awm ngailo tiraw, nangchu hmeichhe dang bulah nuam I lo tawl thin a nihkha, raino haw chi ka ni a, ka taksa ah pawh hmuh theih khawp aka cher lai pawn nang chuan min en liam mai mai thei, engmah ei thei lova ka awm laiin nang leh i hmeinu khan ka mithmuh ah thil tuihani tak in ei thin a nihkha, in check up ka ngaih hunah nanghian vawikhat pawh min kalpui tawh em, ka dul a lian tawh a, ka duh ang pawn ka che thei tawh lo, chuti chung chuan keimah in ka la kal ve hram hram a nihkha, i hmei nu erawh chu a rai tih i hriat rual rual in i duat na a dang char char a, damdawi inah pawh nangmah ngeiin a in check up tur i kalpui a nihkha, kha thil ka hmuh te khan helai hi a na asin" tiin ka thin zawn chu ka dawm vang vang a, ka tap chhuak hawk bawk.




Hreawm tih hmel zetin Abraham-a chuan min en a, "I duh hun hun ah tawngkam chhe tin rengin min tawngkhum a, hmeichhe tenawm leh lepchiah tak angin min chhuah a, khatih hunlai khan I chet dan kha i ngaihtuah ve ngai em? zantin i rawn haw tlai a, tu nen nge in awm chuchu i hre chiang ber ang, khatih hun lai khan heihi i ngaihtuah ve ngai em, nang nge kei hi tenawm zawk tih hi?... Na tak a min siam chung khan I tan ka la rinawm reng a sin, nang ve..." tiin ka sawi thei tawh lo chu ka tap chhuak leh hawm hawm phawt a.




"Hruaizela nen min hmuh tuk lawk ah Lucy nen inzawm na in nei nghal a, ka na a sin, khatih hunlai khan ka na lutuk a , ka thi mai dawn emaw ka ti asin, min hmangaih thu I sawi hnu ah hmeichhe dang i pan nghal thei a, khakha em ni I hmangaih na chu, nang hian min hmangaih lo, chuchu ka hrethiam tawh, nang hian min hmangaih ngailo, thu mai a sawi i ni, in hmangaih tak tak nila ka thusawi te kha awih in ka kut vuan in thudik hailan I tum ngei ang, mahse nang chuan chutiang a tilo chuan min en san a, thudik ka hrilh chung che in dawt ka sawi anga min puh a nihkha, thinlung kehsawm a ka awm laiin fa ka pai tih ka hre leh a, khatih hun lai khan ka nunna lak daih mai ka duh hial asin, a pa ngei chuan a fa a nihloh thu a sawi nitin bawk a, khathil I sawi lai kha kei chauh nilo ka pumchhung naute pawh hian a hria asin, chuti chung chuan ka fa i la ti ngam amaw, vawikhat mah kha I ka i fa a nihloh thu i sawi na ka ngei atang khan i fa a nih thu sawi leh tawh ngai suh ang che, nanghi a pa ah a pawm ngailo ang che" hun kal tawh ka sawi chhuah leh chuan ka thu rim na leh rilru nat na a rawn chawk tho thar a.




Natna a khat mitmeng chuan min en a, "Chhuak rawh, nang nen hian a hming mai a nupa kan ni chuchu chiang ang che, ka pasal anga awm emaw min ngaihsak der na tih lan vel kha bansan ang che, ka engah mah a thawk lo, nang nen hian kan tha leh tahw ngai dawn lo bawk, chuvang chuan ka hnaih ah hian awm tum tawh suh, chuti a nihloh chuan ka chhuahsan ang che, min dang thei hauh lo bawk ang, in hmel hriat loh angin awm ila kan tha a nimai, tichuan he in hi ka chhuah san a tullo bawk ang, min hnaih I tum lui phet a nihchuan ka sawi tawh ang khan ka chhuah mai a ngai ang, chuan chhuak tawh rawh, ka chau mut ka duh" ka ti a, Abraham-a chuan rilru nat hmel taka min en ngawt ngawt hnu chuan a chhuak ta a, khumah chuan ka thu thla hnawk a.



Cont...



Comment leh click kha aw....


Show post links
Top

[Ngaia]

Chapter-20




Ava Lalhmingmawii POV




Abraham-a nen chuan kan in hmu khat hle a, in biak phei chu kan in be ngailo hrim hrim, ka hnaih a awm a tum apiangin ka kalsan a, hreawm a ti hmel ka hmuh in na ka ti ve tho, mahse ka natna tuar zawng zawng vang khan a bul a awm ka duh lo a ni, nitin chuan kan in hlat tial tial a tih theih ang, min be reng mahse chhan pawh ka chhang ngailo, rai lai a eitur tha an tih ang te a rawn lei nasa thin em em a, mahse ka mamawh loh thu sawiin ka ei ngai lem lo.




Zanlam ah chuan Atei leh Remi te nen tv knan en a, chutia kan en tui lai tak chuan kawngka a rawn ri bur a, kan phu nasa hlawm hle, kawngka lam ka va hawi chuan
Abraham-a chu rui tih hriat zet hian hmeichhe pakhat hian a lo kuah a, ka tho chhuak nghal vat, "Sir hi a rui lutuk a, amah in a haw thei silo a, ka lo hruai haw a nihhi" Hmeichhia chuan a ti a, "Kan lawm lutuk e, I lo buaipui a" tih pah chuan Abraham-a chu ka melh a.




A mit meng tawk tawk chung chuan min rawn melh ve a, "Ka kal tawh mai ang, a tlai tawh sia" hmeichhia chuan inthlahrung hmel takin a ti leh a, lawmthu te ka sawi leh a, a kal liam hnu chuan Abraham-a thutthleng a mu chu ka en a, ka thaw hak mai, "Tho rawh, ngatinge hetiang em em a I ruih" ka ti a, "Ka nupui ka nupui duhtak" bah deuh niai hian a ti a, "Min lo pui lawk mai ta che u, hetiang chuan inchungah pawh a chho thei lovang" Atei leh Remi bulah chuan ka ti a.




Abraham-a lah chu a rui bawk nen keilah ka dul lo puar lian ve tahw bawk nen tih theih vak ka nei silo a, Atei leh Remi te chuan a. room thleng an hruai chho a, an hnungah chuan ka zui ve zel a, khuma an mittui hnu chuan an hah bawk aniang, an thaw hawk hawk a, "Ka lo buaipui tawh mai ang, in hah awm sia, hahchawl daih rawh u" ka ti a, room atanga an chhuah hnu chuan Abraham-a bul hnaiah chuan ka kal a.




A chat thla fel der tawh niin ka hria, dim tein a pheikhawk chu ka phelh sak a, rizai ka sin tir leh hnu ah chhuah mai ka tum chu ka banah a rawn man thut a, khumah chuan a awm ngheng dawt in min pawt mu a, "I mawl ami, khawi min thlah rawh, mut ka duh a nia" ka ti a, ka thusawi chu hrelo ang maiin nghet zet chuan min kuah sauh sauh a, hepa hi a rui viau emaw ka tia, nge a lo tui der zawk pawh ka hrelo.




"Abraham ka nung ania, min thlah rawh" ka ti ta hrawk a, "Tihian mu rawh, ka ngai che, nangmah mai nilovin i pumchhung a kan naute nen hian ka ngai cheu" a ti a, "I fa a ni velo e, ka fa chuah a nihhi, I fa ang mai khan sawi tahw hauh suh" ka ti that a, ka tal zui nghek bawk a, mahse a chak em a, ka tal ve na te chu a tan chuan engmah a nilo, ka chhip ah chuan arawn fawp zui tawk a.




"Min ngaidam thei mai lovem ni, ka thil tih avang khan ka in chhir takzet tihhi min hmuh sak theilo a mi?" rilruih hian a ti a, "Aih hmuh sak lo, engvanga inchhir nge i nih, i thiltih te avanga i inchhir ngai loh tur thu I sawi a nilawm ni, min thlah rawh, i rim a chhia" ka ti leh nghek a, "Aih ka thlah dawn lo che, hetianga hnaih che hi ka chak thei lutuk a sin, mahse ka hnaih a I awm dawn apiangin I in la hrang thin a, ka tuar thei tawh lo ka ngai che, Duatnu ka thiltih te kha khawngaihin theihnghilh la tha takin awm tawh ang, hlim takin ka siam ang che, khawngaihin" a ti tawk tawk a.




Hetiang taka a tlawm chung hian ka la ngaidam thei chuang lo, "Min thlah vat mai rawh, ka sawi chiang tawk tawh viau a nilawm ni, nanghi ka ngaidam thei ngailo ang che, ka chunga thil tih zo zai kha ka theihnghilh mai mai theilo, na tak in min siam a, ngaihdan min dil anga ka ngaidam mai ang che maw, min mawl angah min ngai em ni, ka mit hmuh ah ngei hmeichhia i awmpui a, khati chung khan ka ngaidam thei ang che maw, teuh lo" ka ti a, a ban ah chuan ka chum vak vak a, mahse awmzia a awmlo.




"Ka hria, I chunga ka thil tih vang khan min ngaidam thei mai lovang tih ka hria alawm, mahse hun min pe rawh, min ngaihdam theih ngei na turin i lakah that ka chhuah ang, khawngaih takin chu zawng chu tun atan a ka duh chu a ni" a ti leh a, "Ka mamawh lo ka tih kha, ka mamawh hun lai ber che in nang chuan min en san tawh, thudik zawn chhuah tum lovin i mit a i hmuh ang chuah i ring a, min ngaithla tura ka ngen lawm lawm lai che in nang chuan min ngaithla lovin min en san a nihkha, tunah chuan i tello a nun hman ka thiam tawh" ka ti a.




"Mahse ka thiam ve hleinem I tello a nun hman ka theilo, nanghi ka nun na I ni a, I tello chuan ka nun hian awmzia a neilo" a tih leh a, a tawng tawp lam phei chu a hriat that theih tawh loh, a hnu deuh ah chuan a thaw ta sak sak a, a muhil a nih ka ring, min kuahna pawh chu a thawl tawh a, ka tho vat a, ka chhuah hma chuan a hmel chu chiang zetin ka en a, a tla ve dawk mai, a tlawm leh lutuk hi ka khawngaih lo a nilo, mahse ka thei thlawt lo ani.




Zing ka harh chuan Abraham-a chu hna. alo kal daih tawh hi a lo ni, hna lamah a buai viau pawh a niang, chhun ah chuan tih tur a awm lo em em a, ka ning lek lek, ka nu leh pa te ka thlawh khat zia ka hre chhuak a, an in lama kal tur chuan ka insiam a, kawrfual simple zet mai ka ha a, pheikhawk hniam ka bul leh tawp bawk, ka sam pawh ka thlah leh tawp a, ka in peih der mai, ka room atang chhuak in inhnuai lamah ka chhuk a.




"Ka nu leh pate inah ka kal dawn a nia aw, ka lo haw tlai deuh maithei, Abraham-a bulah in lo sawi mai dawn nia" ka ti a, taxi lo tlan chu ka lo phar ding a, ka chuang luh hun chuan ka ka duh na te ka saw a, a tlan chhuak nghal, ka kal dawn tih ka sawi hmasa silo a, mak an lo ti viau maithei a ni, chuan man te ka pek hnu chuan ka chhuk nghal a, door bell ka hmet a, Mami chuan a lo hawng a, min hmuh chuan a phul hlut a.




"Awii i lo va leng duh love, pasal I neih hnuah hian i in duh lutuk a" tiin min hau nghal mawlh mawlh a, "Nia... ka tihpalh ani" ka tih chuan min ei lo hmel teh e, "Bawihte I lo leh a nimaw, in pa a lo kal velo ami?" ka nu chuan hmuh rual rual in a lo ti a, "A buai deuh a, a lo kal hman lo" ka tih chuan "I lo kal ta rau rau, tlai lamah chaw ei nghal rawh aw, inpa pawh hrilh la hna aban veleh lo tlang se, in nupa in chaw rawn ei ang che u, vawikhat bak in lo la ei lo" ka nu chuan a ti leh zung zung a.




"Nu Abraham-a chu a lo ei ve hman lovang, hnaah a buai emai" ka tih pawh chuan "Chutiang mai mai hman loh tur a awm hleinem, keiman kan bia ange" tih pahin a phone a hmet mawlh mawlh a, Abraham-a chu a call a niang a beng ah chuan phone a chhuk tuah a, an in biak lai chuan Mami chuan kitchen lamah min hruai phei a, thil eng emaw sawi duh nei hmel a pu bawk.




"I rilru a va hah hmel ve a" ka tih chuan "Chutiang lam pawh a nilo,I lo kal chu ka lawm tawp, hrilh duh che ka nei tam lutuk" a ti a, ka mit ko ka lo sa ak a, tawng tum a a ka a an zuai tih ah ka nu chu kitchen ah a rawn lut a, "In pa pawh hna atangin a rawn tlang dawn a nihchu" a ti a, a khur hmel hle bawk, ka nu a awm ve tak reng ah chuan Mami pawh chuan engmah a sawi chhun zawm tawh lem lo.




Ka nu lah chu a phili bawk si a, kitchen ah chuan chhun atang eirawng kan bawl nghal mawlh mawlh hlawm a, "Dawr ah ka va kal lawk ange" ka nu chuan a ti a, a chhuak nghal, "Enge nichin a I sawi tum kha?" Mami melh pah chuan ka ti a, "Ih.. Chhuanmawia hian inneih a duh thu a sawi reng a, engtia tih tur nge pawh ka hrelo" a ti a.




"Neih I duh lo em ni?" ka tih chuan "Duh loh pawh a awm lo, mahse ka chhungte ka ngaihtuah a, pasal han neih san ngawt chu ka ti deuh mawle, Chhuanmawia chuan kan thlahthlam dawn chuanglo, i chhungte chu ka chhungte an ni tawh a, engkim ah kan pui dawn alawm a ti a, mahse ka ngam chiah lo, a chhan chu a chhungte an hmai zahawm ve tho bawk sia" a ti a, dik ka ti khawp mai, mahse Chhuanmawia chhungte hi ni fel tak an ni a, engmah an sawi buai ka ring lo.




"Keichuan nei la ka ti, ka naupan lai atang tawh a ka hriat an ni a, an chhungkua pawh an fel a, mo an awt ve tawh bawk ang, Chhuanmawia pawh mi fel tak a ni a, a thusawi chu a ti ngei ngei ang tih ka chiang, nangpawh in i hmangaih a, a kum a naupang chhe zawk zawk tawh lo bawk nen in eih a duh chuan nei rawh, a ni ai tha chu i hmu tawh lovang, i chhungte pawh chu a enkawl pui thei em em ang che, chulovah keini pawh kan awm a, lungngaih na tur a awm lo a nia" ka ti ve duah a.




"Nia tiraw, ka chhungte bulah pawh ka sawi tawh a, nei turin min ti a, kan in hmuh leh hunah ka saw ang, ka thutluk na siam hun min nghak a, a ni ang mipa hi ka phu lo tih ka hria, mahse ka hmangaih a, chan ka hlau bawk, chuvang chuan min neih a duh lai hian neih vat a tha ber ang" a tawp lamah chuan a fiamthu a, kan nui dun hak hak mai.




Eirawng bawl kan tan hma bawk a, kan zo hma viau mai, ka pa hna atang a rawn haw hnu deuh lawkah Abraham-a pawh a rawn thleng a, ka bulah min si chet in a thu a, ka nu leh pa te nen chuan an titi siam siam a, "Chaw kan ei tawh mai dawn em ni?" ka pa in a tih takah chuan Mami nen chuan tho chhuakin chaw ei chu kan siam ta a, kan siam zawh hnu chaun kan chhungte pawh chu kitchen ah an lo lut a, kan ei nghal mawlh mawlh a.




"Bawihtei'n fa a neih hunah chuan pi leh pu kan ni ve tawh mai dawn chu a nisia, a va phurawm tawh ve" ka pa in chaw ei lai chuan a ti a, "Ni e tiraw ka khur tawh khawp mai, tu kan awh na a rei tawh bawk a" ka nu pawh chuan ka pa thusawi chu a lo tui hnih ve a, "Mipa nge hmeichhia a nih ang le?" Mami pawh chuan a lo ti a, "Ka hrelo mahse mipa. anih ka ring deuh a, chubakah a thawm hi a na ve deuh a nia aw, ka pum a rawn tlawh te hian a na ve thei reuh lutuk" nui chungin ka ti a.




Abraham-a chuan min rawn melh vut a, naute a che tih pawh a la hre lo tak e, engmah ka hrilh ngailo, chubakah naute a chet hmasa ber khan thudik engmah kan la hrelo a, a cherish pawh sawi ial engah vak a ngai lovang, "A nihchu mawle, fa hmasa berah mipa neih hi a tha a nia" ka pa in a. ti leh a, "Keichu hmeichhia neih ka duh, an chhawr theih zawk a, mipa chu an buaithlak" Mami'n a lo tih chuan kan nui ho dar dar a.




Chaw te kan eikham a, Mami chu puih ka tum a, mahse a lo phal tlat lo, "I chau ang, I dul a lian tawh bawk si, lo va hahchawl mai mai rawh, ka ti thei vek alawm" a ti a, "Ka hah hleinem khawi ka lo tih pui ang che" ka tih chuan "A ngailo, kha in pa pawh in i hah a hlauh hmel em kha va chhuak rawh u, a harsa hleinem" a ti leh a, Abraham-a chu kitchen luh a bulah a ding tlat a, "Lo va chhuak rawh" pangai tak chuan ka ti a.




"Ka ti thei a tihkha, nau pai lai I ni bawk nen hah taka awm a tha lo, chubakah inti buai mai mai lo kal rawh" tih pah chuan ka kut ah a man a, kitchen atang chuan min chhuah pui daih a nihchu, ka nu leh pate chu sitting room ah an lo thu a, tv ah chanchin thar an lo ngaithla mek bawk, tualthah na lam an lo puang mek a, tualthat tu in puan na an sawi lai chuan rapthlak ka lo ti ve takzet.




"A va han rapthlak em em ve, mahni mihring pui te nunna pawh an hlut lo ania" ka nu chuan a ti a, "Kan tunlai khawvel hi chu a chhe tawh em a, hetiang aia rapthlak tehi a la tleng fo dawn alawm, tih theih lah kan nei tlem si a" ka pa pawh chuan a lo ti ve chuar chuar a, "Chuchu alawm, kan khawvel chhiat tawh zia hi a, mi nunna han lak tawp mai chu" ka lo ti ve hlak a, ka bul ami chu a nui deuh suk a.




Ka hrelo der hmiah thung, thingpui hang Mami'n a rawn chawi chhuak a, "Sawi duh ka nei a" thingpui kan in lai chuan Mami chuan a ti a, "Enge nita?" ka pa in a tih chuan "Zaninah Chhuanmawia a lo leng dawn a, chuan ih a sawi chu ka ring tho a, mahse lo hrilh lawk sa che u ka duh a, ih.. inneih a duh a, chuan keipawh in ka hnial lem lo" a tih chuan ka nu leh pa te chu an phur ngei mai.




"A tha lutuk alawm, mipa fel tak a ni a, pasal tha tak a ni ang tih pawh ka chiang, mahse kan va ngai dawn che ve" kanu in a tih chuan "Kan in awm hnaih dawn emai, I duh hun hun ah min rawn tir thin dawn nia, chubak ah min ngai vak awmlo emai a, min hauh nasat theih theih nen" Mami chuan a ti zat zat a, ka pa chu a nui chhuak hawk hawk a, "Harsat na tei tawk a nihchuan kan awm reng tih hria la, min rawn pun hmasa ber ka phut dawn ania, kan fanu I ni tih hria la, inthlahrun na tur engmah a awm lo ania, ino in nei ta a nih pawh in i thil mamawh tur ang kha min hrilh hre dawn nia" ka pa chuan a ti dap dap a.




Mami chu a tling piau a, "Ekhai tah i tum em ni, khati chung khan pasal neih I tum chu a nisia, Chhuanmawia chhungten mo tah belh deuh an duh hauh lovang" ka nu chuan a ti a, kan nui dar dar hlawm mai, "Ka lawm em ani, nangni ka tawng cheu hi ka va han vannei tak em, min ngaihtuah in min hmangaih bawk si" a ti a, "E... kan fanu I ni kan tih kha, kan fa te kan hmangaih lovin a dik nang" ka nu chuan a ti leh a.




Door bell ri kan hriat chuan Mami chu a tho chhuak nghal vat a, Chhuanmawia nen chua an rawn in zui phei a, ka nu leh pate chuan an lo be vat a, "Zanin ka lo leng chhan chu in hriat tawh tho ka ring a, mahse keimah ngeiin hmaichhan a hrih cheu ka duh si a, Mami hi ka hmangaih a, nupui atan ka duh bawk, ka chhungte pawhin mo atan an duh em em bawk a, kan kum te an lo naupang tawh lo bawk nen inneih mai hi ka duh a, nangni hian in fa ang chiah in in en tih ka hria a, palai tirh tak tak hmain ka rawn dil hmasa cheu a ni" Chhuanmawia chuan a ti a.




Zawmna




"Ee.. kan fanu hi i duh a nih phawt chuan keini lam atang chuan buaina tur a awm lo mahse Mami hian nu leh pa te a la nei ve a, an ni rem tihna chu i lak a ngai ngei ang, kan hrechiang che a kan fanu hi hreawm taka I dah kan ringlo, ka beisei ang ngei chu nih I tum bawk dawn a nia" Ka pa chuan a ti charh charh a, Chhuanmawia pawh chuan a pawmpui hmel khawp mai.




Dar 9 a rik tep tawh avang chuan Abraham-a nen haw kan tum a, ka nu leh pa te chuan pawn thleng in min thlah a, "In lo leng fo dawn nia, keini lah hi kan buai thei si a, kan duh ang pawn kan rawn lang zing theilo a a pawi tak tak ani" ka nu chuan Abraham-a bulah chuan a ti a, "Hna lamah ka bua ve thin bawk nen kei I zawk hi lo leng fo tur kan ni zawk a, engpawh chu nise lo in enkawl tha ula, kan lo leng leh vat dawn nia" Abraham-a pawh chuan tha takin a ti a.




Car ah chuan ngawi rengin kan thu a, min rawn en leh zeuh zeuh thin a mahse ka hrelo der hmak thung, "Duatnu ei chak I nei em?" dawr pakhat zawn ah chuan a ding a,
lu ka thing ringawt, "Ok.. lo awm lawk la dawr ah sawn ka va kal lawk ange" a ti a, car atang chuan a chhuak nghal, minute 5 hnu vel ah chuan a rawn let a, polythene ah thil eng emaw a rawn khai bawk a, enge aei ni....




Car ah chuan a rawn lut a, a thil khai chu a hnunglamah a dah a, "Zanlai riltam I nei thin tih ka hria a, I eitur ka lei lawk sa a nuihsawh, ice cream te pawh a awm a, haw veleh fridge ah kan dah nghal dawn nia" a ti a, ka chhang lem lo, zanlai ah hian ka ril a tam nasa thei em em a, dar 12 a rik tawh hi chuan kitchen lamah ka kal ngei ngei zel, ice cream hi ka hne tehi lova ka lei khawl reng zel bawk, chuchu a lo hria a ni ngei ang.




In kan thleng a, Atei leh Remi te chu a lo mu tawh a ni ngei ang a reh thap mai, ka room lam ah chuan ka lut tlang nghal a, ka chau ve hnawk thei, ka in sil fai hnuah khumah chuan ka mu a, ka lo muhil nghal a ni ngei ang, ka dul zut kual tu an awm avang chuan ka harh deuh zawk a, tunge a nih ka hre bawk silo chu au chhua ka tum a chutih lai tak chuan ka dul chu a rawn fawp tawh a, a thaw lum ham ham bawk, tunge a nih ka chiang tawh hle.




"Ka naute apa hian maw anu leh naute kha ka ngai tahw lutuk a, mahse anu khan apa hi a bulah a tir a phal lova, Anu hi dem miah suh aw, a pa thiamloh a ni a, reilote chuah lo nghak la, Anu nen hian ka duatna in dawng thuai ang, i pa hian ka hmangaih lutuk che tih hria la, Anu nen a ka tih nat tawh na zawng zawng cheu ah khan ka in thiam lo takzet ani tih min hriat sak rawh aw, engtik ah mah in nat ka khal tahw ngai lovang, ka hmangaih che u" tiin a phun sup sup a, a thusawi chuan min hneh hle, harh angin ka la awm duh loh vangin ka la che lo hrim hrim a.




Abraham-a chu rawn tawlh chho in ka hmai zawnah chuan a rawn thaw lum leh ham ham a, "Ka hmangaih che" ti sup in ka hmui ah chuan a fawp zeuh a, khum atang chuan dim zetin a tho chhuak a, ka room atanga a chhuak tur chu ka thlir zui reng a, kei hian ka ti mah mah em aw tih chu ka ngaihtuah a, a inchhir zia a mitmeng ah ka hmuh sak a, kan inkar siam that a tum zia nen mahse ka hnaih a a a tum apiangin ka tlan chhiat san thin a, hetiang a awm lo hian kan in kar hi tha takin kalpui zawk ila ka hlim zawk ngei ang.




Mahse hlauhna ka la nei tlat a ni, ka hmangaih a lawm, tha taka a dun pawh ka duh mahse tih hi a a.tlat tawh si a ni, kan in mar a chhiat hnu lawk ah hmeichhe dang min pansan nghal a, kha thil khan amah a ka rinna nghah vete kha a ti chhe hneh em a ni, ka ringlo tawp chu ka tilo mahse a pumhlum in ka ring thei tahw tlat lo lai hi a ni, eng emaw in tih thiamloh na kan neih hunah hmeichhe dang min pansan leh tlat tur angah ka la ngial tlat a, chutiang thil a. thleng a nih chuan ka tuar zo in ka ring tahw lo a ni, khatiang ang natna nei leh tur kha chuan ka chak tawk tawh lovang.




Ni in ka hmai a rawn chhun chuan ka meng siar siar a, ni chu a lo chhuak sang hle tawh hi a lo nia, ka tho vat a, vawin hi ka in check up ni a ni tak e, inhnuai lamah ka chhuk a, Abraham-a a awm ka ring tawh loh nen a lo la awm a, nidangah chuan tun ang hunah inah a awm tahw ngai silo a, min hmuh chuan nui suk in "I rawm tho chhuak thei maw, lo kal la chaw kan ei dawn nia, vawin hi I in check up ni a ni tih ka hria a, kan kal dun dawn nia" a ti zung zung a, engmah ka sawi lem lo.




Chaw kam ei kham chuan ka room lamah insiam turin ka chho a, Abraham-a erawh a lo in peih fel vek tawh thung, ka in siam zahawm hnu chuan in hnuai lamah ka chhuk leh a, "I nalh lutuk, kan kal nghal mawi dawn em ni?" a ti a, ka bu nghat ringawt, motor a ka chuan luh theih nan kawngkhar te chu min hawm sak thlap a engmah ka la sawi chuanglo, vawin hi a awmdan a mak riau.




Damdawiin kan pan lai chuan a hmel chu ka en leh zawk zel a, a hlim hmel hle, a hmel hmuh a nuam a, a nung sarh ka ti mai, damdawiin a min kalpui tur thu a sawi pawh khan ka hnial lem lo a nihkha, a chhan chu kan in kar hi a theihtawp a siamthat a tum tih ka hriat in a thiltih dan ka tum lem lo a ni, ka thiante sawi ang khan fa ka nei mai tahw dawn a, kan in kar pawh siamthat vat a ngai ani, kan fa in a nu leh pa te in kar a that loh zia a hriat ka duh lo.




Tunah mai chuan ka la ring pumhlum theilo a, ka la ngaidam hmak theilo bawk, a awmdan a zir zel a niang chu, damdawiin kan thleng a, ka chhuah na turin kawngkhar min hawn sak leh thlap a, ka doctor hmuh thin office lam chu kan pan a, "I lo thleng maw?" doctor chuan min hmuh in a ti a, ka hnung a kal ve a hmuh chuan a meng deuh kawk a, "Abraham" a ti deuh hluai bawk a, "I dam maw?" Abraham-a chuan pangai takin a ti a, an lo in hre sa a ni ngei ang.




"Enge hetah te i rawn tih ve teh mial a, ngawi teh nangni hi nupa in em ni?" Doctor chuan a ti leh a, "Aw.. ka nupui Ava Lalhmingmawii a nihhi" Abraham-a chuan a ti a, Doctor nu chu mak ti takin min melh a, "I va sawi ngai love, hauh deuh I ngai, Engvangin nge I nupui hi amah chauh in I rawn kal tir thin, a pasal ka hmuh hunah chuan ka lo hau hrep ang ka ti rilru thin a, a pasal chu nang hi I lo nisia, nangmah i ni tih a hma khan hria ila chu ka hai hrep tawh ang che" Doctor chuan a ti leh bawrh bawrh a.




Abraham-a chuan min rawn en a, a mitmengah chuan hreawm tihna ka hmu thei, "Doctor hnaah a buai thin em a, min kalpui chu tum thin mahse hun a neih lai hi ka in check up ni a lo nilo thin a, chuvang chuan min lo kalpui ngailo a nihkha" ka lo ti zung zung a, "Awle, ka hrethiam ez pasal buai deuh neih chu a hahthlak ngawt ang, engpawh chu nise nidangah chuan i rawn kalpui ziah tawh dawn ania"Doctor chuan a ti a.




"In naute lungphu ri pawh I la hre velo ang chu, lo kal rawh u, ultra sound te kan ti dawn a nia" Doctor chuan a ti leh a, khum ah chuan ka mu a, "Abraham lo kal hnai la in naute lungphu ri hi rawn ngaithla teh, pa tamtak chu an fa hmasa ber tur lungphu ri am hriat hian an hnuk a ulh thin asin" Doctor chuan a ti a, Abraham-a chu a rawn kal hnai a, naute lungphu ri a hre chiah chu a mitmeng a de sawr sawr a.




"Ka fa" ti a a hmui phun chu ka hmu a, a mit ah chuan mittui a tling ve pam mai, keipawh kan naute lungphu ri ka hriat hmasak ber khan ka in sum theilo a nihkha, "Thlaleh lamah chuan in in rin a ngai tawh ang aw, nau nei maithei din hmunah in ding tawh a, in ring rengin awm ula ka duh a ni, thla lai hawl velah hian in neih theih mai ka ring a, chu ai hma pawh chu a ni the bawk" Doctor chuan a ti leh a, Abraham-a chuan ngun takin a ngaithla a.




Damdawiin atang kan chhuah hnu chuan Abraham-a chuan eng emaw ngaihtuah nei tih hriat takin a kalna tur a en ngur a, motor a kan chuan luh hnu chuan a in khalh chhuak mai dawn emaw ka ti a, mahse a thu ngawi deuh vang vang a, "Hna kal I la ngai a nilawm ni?" ka tih chuan ka lam a ranw hawi a, "I chung a ka thiltih zo zai kha ka ngaihtuah let a, engtinge khatiang taka nunrawng khan I chungah ka lo chet theih le?.... I sawi ang ngeiin keihi ramhuai diktak ka lo ni" a ti hul hak a.




Sawi tir pawh ka hrelo ka ngawi ran ringawt a, "Engtinge khang zo zai kha I lo tawrh theih ka hre lo, ka hriat zawng chu nanghi khawvel a hmeichhe chak ber leh nu tha ber I ni tih hi ani, ka tih duh dah na tuar chung khan kan fa chu tah takin I pai a, i in check up ni ah pawh hruai ti tur I nei ngailo, vawina damdawiin a kan kal khan raipuar dangte in check up tura kal ho ka hmuh khan an mahni mai a kal lovin an bulah an pasal te an awm a, damdawiin a I kal apiangin khatiang kha i hmu reng thin anga I awt ve thei hle ang tih ka hria, mahse keichuan chu zawng zawng chu ngaihtuah nachang pawh ka lo hrelo, hreawm i tih dawn tehlul nen keichuan I nat belh theih nan i hliam ah chi ka lo phul belh sauh sauh a ni si a" a ti a.




"Thil kal tawh a nia, sawi chhuah in awmzia a awm tawh lo" thaw hap pah chuan ka lo ti a, "Ka hria mahse ka thil tih avang khan ka damchhung zawngin ka inthiam leh thei tawh ngai lovang" a ti leh a, a aw ah chuan a thiltih avanga a inchhir na ka hre tel thei, "Tun atang chuan nang hi ka ngaihsak reng tawh ang che, I thil tihna engkim ah i bulah dingin ka awm ve zel tawh ang, mal takin ka siam tawh ngai lovang che" a ti leh sup a, a aw ah chuan a ti mai mai lo tih a chiang hle.




Cont.


Show post links
Top

[Ngaia]

Chapter-21




Ava Lalhmingmawii POV




Thla thar kan chuang kai a, ka naute neih thla a ni ta reng mai, hun hi a kal chak khawp mai, fa neih chu ka chak a, ka huphurh bawk, ka huphurh chhan ber pawh nau vei chu a na an tih em vang a ni, mahse ka fa hmel chu ka hmu chak tawh em a, na te chu a dam leh thuai dawn alawm tiin ka in hnem chawp ta tawp.




"Ava i phone a ri a" Remi chuan ka phone min rawn pe a, tunge min lo call tu ka en a, Arintei a lo ni, "Hello" ka ti zang vah a, "In duhnu min ranw biak pawh I tum ngalo" a rawn ti nghal nghek a, ka phone chu ka dah hla vat, a rawn au ring ve em bawk a ni, "Nia... ka lo theihnghilh palh a ni, enge min lo biak ve teh mial, tunlai chu i reh riau nangpawh" ka ti a, "Vawin lam tih tur i nei loh chuan kan chhuak lawk dawn ami ka ti deuh, naktuk tuk leh lawk hi Mami te inneih a ni tawh bawk sia, present eng aw lei ve ila" a rawn tih chuan present ka la leisak lo tih ka hre ve chiah, engtin nge maw kalp theihnghilh theih ni.




"Ehe... sawilo la chuan ka lo hre tawh miah hleinem, min lo sawm kawi la, ka lo insiam ang" ka ti a, "Ok... kalp kal nghal ang, ka insiam lawk sa vek tawh". ti a, kan in biakna kan tih tawp hnu chuan insiam turin room ah ka lut vat a, naute ka neih thla a ni tawh bawk nen pawn chhuah vak hi ka duh tawh lova mahse vawin chu loh theih lohna in min dang ani.




Ka insiam zo deu chiah tih chuan Arintei chu a rawn thleng veleh a, "Kan kal nghal mai dawn ami, kal kual vak a theih dawn silo a" a tih chuan "Aw... kal nghal ang" ka ti a. Pawn ah chuan kan chhuak a, taxi a lo biak lawk sa tawh avangin kalna tur zawn chawp kan ngailo hlauh, dawr ah chuan kan lut kual a, Mami te inneih ni a ka present tur ka thlang fel diam tawh mahse Arintei hi a duhkhirh lutuk a, a duh a la hmu ve thei meuh lo.




"Heihi a that hi la Mai rawh, chu lovah ka ril a tam tawh a nia, ka ke a kham tawh bawk si" ka ti a, a en vang vang a, "Imm.. heihi a nimai" a ti ta hram e, ka riltam tawh em avang chuan restaurant ah kan kal a, ka puar ngei mai, ka eitur a ka chah ho ka e zawh vek hnuah Arintei eitur ka ei sak leh a. Restaurant atang kan chhuak a, "Ka sam hi duk ka duh a,in kalpui leh lawk mai rawh" a tih leh chuan ka ning tawh viau.




"Hmani lawkah I ti sen a, enge tih dum lehnghal i duh a, i sam a chhe vek mai tur asin" ka ti nang nang a, "Dum ka la ui lutuk mahse Rindika hian a nalh lo a ti tlat a, kan in hmuh apiangin dum turin min ti reng a, dum vat ka duh alawm" a ti a, "In la thu sia, nangni pawh hi innei vat rawh u" ka ti a, "Nia a ni pawh hian a sawi ve tan a, mahse ka pa hi ka ngaihtuah" a tih chuan a rilru tur chu ka hriatthiam pui khawp mai.




"Papuia pawh hian pasal nei la a lo ti ru viau tawh maithei a sin" ka ti a, "Nakinah kan sawi tha leh dawn nia, kal phawt ang, kan tlai lutuk chuan a chi lovang" a ti a, Arintei sam dum chhung zawng chuan ka lo awm ve ta reng a, a rei em em lehnghal, darthlalangah ka in en a, ka sam hi cut ve ka duh, ka kawng a pel tawh a, nau pai lai ka ni nen nau neih hunah phei chuan ka ning thuai in ka ring. Ka sam a tan tur ve dawn thu Arintei chu ka hrilh a, "Nia tan tir rawh a sei tawh emai" a ti a.




Ka dar pel deuh chuan ka s chu ka tan tir ta a, "I inhmeh daih zawk, a rawng kha thlak ve nghal daih la" a tih chuan "Ti hian ka duh zawk, nakinah ka la thlak ve ang" ka ti mai a. Parlour atang kan chhuak a, "Saw in pa" Arintei chuan a ti a, ka hmalam chu ka em a, Abraham-a leh hmani a hmeichhia a zuruih laia lo thlah haw tu kha an lo kal dun a, enga mah hma in ka awm a nuam lo nghal ringawt, "Saw nu saw tunge?" Arintei chuan min rawn en a, ka lu ka thing ringawt.




"Haw vat ang, a tlai tawh si" ka ti a, Abraham-a te min rawn hmuh hmaa kalsawn vat vat ka duh a ni. Kan kalsawn dawn lai tak chuan Abraham-a chuan min rawn hmu a, pawi ka ti tak zet, "Khawiah nge in kal a?" ka bulah chuan a rawn ding a, "Mami te inneih naa present tur kan en a" Arintei zawk chuan a lo chhang a, "A nihchu mawle, in haw thei tawh a mi?" a tih leh chuan ka lo bu zeuh a.




"Ok.. ka thlah danw che u nia" Abraham-a chuan a ti sup a, a rual a hmeichhe lo kal nu khan Abraham-a chu a melh vat a, "Mahse Sir meeting tur kan la neih kha" a ti sep a, ka lo ner ru sak a, Abraham-a chu a thaw deuh hawk a, "Tihtur in la neih chuan min thlah kher duh lo mai rawh, keimah ni pawh in kan haw thei reng tho a" ka lo ti vat a, Abraham-a chuan chik zetin min en a, reilote bak ka en let ve duh lo.




"Arinte kal ila" ka ti sep a, Arintei pawh chuan min hniallo, kan kalsawn hma chuan Abraham-a chu ka en leh zawk a, min lo la en ngur a, kan kalsawn hnu chuan min la en zui reng tih ka hria, "Khanu kha a hnathawk a nimaw, ka ngaihnat zawng a ni lo" Arintei chuan a ti sep a, keipawh ka ni tho. "Ava i awm nuamlo tur a sawi ka nilo a nia, mahse Abraham-a kha a duh hmel ka ti, a en danah khan" a tih chuan "A ni mahna" tih bakin ka chhang lo.




Khanu in a min melh dan ah khan keihi min lawm teh chiam lo tih ka hrethiam, nitin Abraham-a nen an in hmu reng ang tih ka ring thiam nghal bawk, an in pawh hmel emai, Abraham-a nen kan in kar la tha lo mahse a hma ang em em kha chu a ni tawh lo. Khanu nen khan in zawmna an lo nei ru reng angem tih te chu ka ngaihtuah a, ka ngaihtuah thui duh lo, engpawh in zawmna lo nei se ka na tur a nilo.




Abraham-a hi ka ring thei mai mai tawh lo hi hreawm ka ti, hmeichhe dang nen an a dun chuan eng emaw an ti dun tur ah ka ngai tlat a, hetiang anga ngaih hi ka duh bik lo mahse ka theilo a ni, ka pasal hi ring tur ka ni tih ka hria a, rin harsa ka ti bawk si, a chhan ni ta ber chu kan inneih tirh atang khan ka mit hmuh ah ngei hmeichhe dang a awmpui thin vang kha a ni ber.




"I awm a nuamlo a mi, nichin atang khan I la ngawi char char ania" Arintei chuan a ti a, "Engmah a nilo" ka ti sep ringawt, "Abraham-a te kan hmuh vang kha em ni, I awm tih nawm loh nan hmang duh suh, an in karah engmah a awm lovang, a hnuai a hnathawk ang bakin a en lovang, a hmeichhia khan lo duh pawh nise Abraham-a te chuan nangmah chauh a lawm a duh che, rilru ti hah duh reng reng suh" a ti a.




Kan in zawnah chuan taxi chu a ding a, "Lo lut kawi la" ka ti sep a, min en deuh vang vang hnu chuan "Awle" a ti ve ta sep a. Ka rooma h chuan kan lut a, "Sawi duh nei hmel i ou, ham sawi teh" khum a thut thlak pah chuan a ti a, "Ka awmdan hi ka hrethiam biklo, diktak chuan Abraham-a hi rin mai harsa ka ti tawh a ni, hmeichhe dang ne kan hmuh in an inkar ah enge awm ang tih ka ngaihtuah kual vak a, ka hah vek zel, hetiang reng a awm ai chuan in then mai hi a tha zawk angem?" ka ti a.




"I awmdan tur chu ka hriatthiam pui che, khatiang ang kha I tuar tawh a ni a, a awm lutuk mahse fa nei mai tawh tur in ni a, inthen chu a tha berin ka ring lo, a la reilo em a, in in kar a that theih nan a theihtawp a chhuah tih pawh i hriat kha, nghak la, I la ring leh thei em em ang, I pasal hi mipa innghah na tlak tak a ni a, I chunga a thil tih sual avang khan a inchhir hle tih i hriat kha, khatiang thil kha a tih sual leh duh tawh lovin ka ring" a tih chuan ka bu zeuh a.




"Ni e... ka hria alawm mahse maw Arinte harsa ka ti em ani, fa kan nei anga, a hma ang khan ka awm thei tawh dawn lo, I hria a lawm, fa kan neih tawh chuan kan fa te kan enkawl a ngai tawh dawn, Abraham-a lah hnathawk in a chhuah reng a ngai dawn a, kei ai tha nula tamtak a la tawng ang, hmeichhia ten an duh thei em e tih pawh i hriat kha, hlauhthawnna hian min la chenchilh tlat ani, na taka min siam in hmeichhe dang min neih san ang tih ka hlau a, kan fa nen hian riang takin min kalsan ang tih ka hlau a ni" ka ti a.




"Ava Abraham-a hian a hmangaih lutuk che tih i hria alawm, hmeichhe dang lakah a rinawm loh sa che in ka ringlo" a ti leh a. "Nghak la, in in kar pawn that lam a pan ve zel a, fa in neih hunah phei chuan in in kar a nghet leh zual sawt ang, nupa hlim tak leh chhungkaw hlim tak in din ngei ka ring tlat a ni" a tih leh chuan ka lo bu nghat ringawt. Ka chhungril a hlauhthawnna erawh a kiam phah eih lo thung.




Arintei haw hnu chuan inhnuai lamah ka chhuk a, kitchen a ka luh chuan Remi te chu an lo che malh malh a, "Ava i sam i tan elaw?" Atei chuan a ti a, "Aw... a remchang em a ka tia ka tan a nihhi" ka tih chuan "I inhmeh lutuk" an ti a, min ti confi ve sawt mai, chaw ei nan a la hma bawk nen eirawng an bawl zawh chuan pawnlam a thut na awmah chuan kan thu ho mai mai a.




"Naute hi nei vat vat tawh la, Pu Abraham-a ne hian in hmeltha duh bawk sia, in fa pawh a hmeltha ngawt ang" Remi'n a tih chuan "Nia keipawh ak ti, a duhawm ngawt ang" Atei chuan alo ti ve , ka nui hak hak mai, "Naute ek in su char char thin ang" ka tih chuan an lo hniallo nasa mai, "Pu Abraham-a hian a duat ngawt ang, a palian bawk sia, a awi ve dur dur tur ka hmu chak tawh tawp" an tih chuan kan nui leh hawk hawk hlawm a, ka mitthla a, a in hmeh dawn lo bawk si, zeilo deuh a a pawm tur vel mitthla phei chuan nuih loh pawh a theih loh.




Chutia kan lo nuih ho lai chuan gate chhungah motor a rawn tlan lut a, motor a dun hnu chuan Abraham-a chu a rawn chhuak a, min hmuh chuan kan lam pan chuan a lo kal nghal a, "In va hlim hmel hlawm ve" nui suk chungin a rawn ti a, tunlai a mizia a thlak a, a nui deuh reng a, Atei leh Remi pawh hian a hma ang em em kha chuan an hlau tawh lo.




A hma kha chuan an hlau thei lutuk a, ka bulah pawh a sawi nasa thin hle, Lucy nen in a an rawn haw dun thin khan Lucy lah khan a tir kual reng zel a, a thil sawi ang thlap a an tih pawn a lungawi ngailo, Abraham-a bulah a hek thin a, Abraham-a khan a hauh phah hrep zel kha a nia, hreawm an tih thu an sawi cham chi thin, tuna a awmdan nen chuan in per san tawh tak a ni.




"Nia... Ava-in fa a neih hun tur vel kan lo sawi a" Atei chuan a lo ti vat a, Abraham-a chu a nui leh suk a, keichu min rawn en in "In be lawk ang hmiang" a ti a, ka tho chhuak a, min lo pui vat, a room ah chuan kan in zui lut a, "I sam i tan maw?" a tih chaun ka bu nghat ringawt, "I in hmeh lo" a tieh nghut a. "Ka tan vek tawh tho, chubakah a sei lutuk a a ninawm alawm" ka ti a, "I tan dawn a nih pawh kha aia sei deuh khan tan tir tur che alawm, a tawi mah mah a ni" a ti leh a.




"Tih ngaihna vak a awm tahw chuang hleinem, ka sam an tan kha va zawngin kan zawm leh mai dawn ami?" ka ti a, "Engpawh chu nise inhnial lo phawt teh ang, vawin i chhuah dawn te chuan min rawn hrilh tur che alawm, ka lo lam mai tur che a nia" a ti leh a, "Hnaah I buai hmel em a, ka hrilh duh lo che a nihkha, bakah min lo alm kher a ngai hleinem keimah pawn ka kal ve thei reng alawm" ka ti leh a.




A thaw chhuak hrawk a, "Nau i neh thla a ni a, chhuah cak vak kha I tan a tha tawh lo tih i hriat kha" a ti hmuk a, a aw ah chuan a lungawi lem lo tih a hriat mahse ka haider luih hnaih thung, chhan pawh ka chhang buai peih tawh lo, vawin a a hmeichhe kalpui avang khan ka lungawi bik lemlo mahse sawi chhuah ka tum chuanglo bawk, "In thlak tawh ka chhuak dawn" ka ti a, kawngkhar lam chu ka pan nghal daih bawk.




Kawngka hawn na ka vuan chiah tih chuan ka hnunglam atang min rawn kuah thut a, ka phu zawk mai, "Lungawi lohna I nei em ni?" a ti sup a, "Lungawi lohna tur a awm em ni?" tiin ka lo zawt let a, "Ka hre hauhlo mahse I awmdan hi nidang nen a in ang lo riau, thil tih sual ka neih chuan sawi la" tiin ka nghawng ah chuan a hmai a phum a, hetiang taka in hnaih hian kan awm lihna a rei tawh khawp mai. A theihtawp in ka inkar siamthat a tum a, mahse hetiang a hnai hian ka bulah a awm ngailo.




"Min thlah teh, inthlak tawh rawh, i rim a chhia" ka ti a, min thlah in amah hmachhawn thei tur chuan min siam a, "Ok.. ka inbual anga chaw kan ei dawn nia" a ti a, room atang chuan ka chhuak vat a, inhnuai lamah chhuk in Atei leh Remi bulah chuan minute sawm hnuah chaw ei siam turin ka ti a, chaw ei an siam zawh chuan Abraham-a a rawn la chhuk chuang lo, ka nghak deuh vang vang a, mahse a ranw chhuk mai lova enge maw a tih leh ni.




I chung ah chuan ka chho leh a, Abraham-a room akut tur chiah chu a thusawi avang chuan ka tawp deuh chawt a, lut ta mai lo chuan a thusawi chu ka ngaithla a, "Ka lo kal dawn nia, min lo nghak rawh, lungawi suh I bulah ka awm tlat dawn alawm" a ti ri chu ka hre chiang hle, "Ka lo thlah har lovang, lo hlauthawng lo la". tieh a, phone a dah ta a niang, a tawng ri hriat tur a awm tawh lo.




Kawngka a rawn in hawng a ka lo in siam tha nghal vat a, "I rei ta phian sia, lo koh che ka tum a" ka ti a, "Ok... chhuk ila" a tih chuan kan in zui thla a, chaw chu ak ei tui pawn ka hrelo, ka ei mang lo a tih theih ang, tunge phone a a biak kha ni ang, vawin a a kalpui nu kha a ni thei mai angem?. Ngaihtuah tawh loh ka duh mahse ka ngaihtuah lo thei silo.




"Duatnu chhuah na tur ka nei a ka rei lovang" cha wkan ei kham hnu chuan a ti a engmah pawh ka sawi lo, room ah a lut leh zawk a, a ranw chhuah leh chuan a kal chhuak nghal a, a hmanhmawh hmel hle bawk, awm nuam in ka awm theilo, eng ti turin nhe a chhuah ang, chuthil ringawt chu ka ngaihtuah a, ka awm a nuam thei mawlh lo ani, Abraham-a in a rawn thlen hma loh chuan ka muthilh theih pawh ka ringlo.




Ka room ah chuan ka awm a, Abraham-a lo haw hun ka lo nghak a ni, sana ka en a, dar 11. pel tawh, enge tun ang chen chen pawn lamah a tih ang, mut pawh mu lo chuan ka vei tawn sek a, dar 12 Rik dawn tep tih chuan pen thawm ka hria a, ka room kawngkhar lamah chuan ka kal vat a, hawng chuah lovin ka bih thla a, Abraham-a ngei a ni, a hmel chu chiang zetin ka en a, a chauh hmel hle.




Room a a luh hnu chuan ka thaw chhuak hak a, ka pasal ringhlel reng reng in ka nun k hmang chu a ni si a, a va han hreawm tak em, ka duh reng vang a ni biklo, mahse ka ringhlel na ti zual tur ting vawin tlai ah khan mi a bia a nihkha, khum ah chuan mu in ka pum chu ka chul a, "Naute Anu hi Sula i ti em, apa ringhlel reng reng in nun ka hmang a, hreawm I lo ti em, min hrethiam rawh aw, ka in sum thei ngang lo a ni" ka ti sep sep a.




Zing ka harh chuan ni a lo tlang sang leh tawh hle a, ka tho chhuak nghal vat, sitting room a thingpui ina ka thut lai chuan Abraham-a hi a rawn kal a, "I tho nuam maw?" a tih chua ka bu zeuh ringawt, "Vawin lam chu han ka kal dawn lo, inah ka awm nileng ang" a tih leh chuan ka bu leh zeuh ringawt a, "Naktuk a I kawr hak tur kha I lam tawh em?" a tih chuan "Niminah khan ka lam nghal" ka ti mai a.




"Ok.." a ti ta ringawt, chik zetin ka en a, engmah a hmel ah hmuh tur a awmlo, a sawi ang tak tak chuan nilengin inah a awm a, a khat tawkin a phone a bih chhen bawk, "Ka room lamah mi hahdam turin ka chho dawn ania" ka ti a, "Ok.. han chho rawh, ka lo chho ve vat ang, mi kan be lawk ange" a ti a, room lamah chuan ka chho vat, khumah chuan ka mu a, reilote ah ka muhil nghal.




Ka harh leh chuan ka bulah Abraham-a a lo mu ve reng a, ka kawngah min lo kuah chial bawk, engtik laiin nge a lo mut ka hrelo reng reng, a hmel chu ka en vang vang a, tunlai han a thawk nasa deuh bawk nen a a mit hnuai chu a dum kual deuh ruih a, a biang hmul nidangah a meh fai vang thin pawh a ti siar siar bawk. A in hmeh ka ti zawk, a lang pa lehzual a, mahse a lang ro rum zual sauh thung.




Chutia ka lo en reng lai chuan a phone khum bul a dah chu a ti kauh a, en ka tum chiah lo kha ania, mahse ka ngaihtuah naa thil lo lang zawk avang chuan a phone chu ka ban vat a, a password ka hriat sa vangin awlsam te in ka hawng a. WhatsApp ah ka lut a, nichin maia a phone ri kha message a lo dawng hi a lo nia, Hlutei tih hming pu hnen atangin a ni, enge a rawn thawn em ka chak deuh tlat a, ka insum thei lo chuan a message chu ka hawng a, ka hmuh tak ah chuan ka ni deuh nghulh thei hial.




'I lo kal thei angem? ka mamawh che, ka hlau lutuk" tihhi a lo nia, tinge chunu chu ni ang, a dp chu ka en a, nimin a hmeichhia ngei kha a lo ni. Abraham-a phone chu ka dah tha leh vat a, ka thing chu a phu dup dup bawk, a ni hian min phatsan leh tih na maw?... Ka tha te chu a khur zawih zawih a, a taksa tang chuan ka in la hrang thuai a, ka tho chhuak nghal vat, bathroom ah ka lut a, ka hmai te chu ka va phih a, ka thaw kawk kawk bawk.




Ka awmdan a zia deuh hnu chuan bathroom atang ka chhuak leh a, Abraham-a chu a lo harh tawh a, khum atang chuan a lo tho chhuak ve mek bawk, chiang zetin ka melh a, "I thawhlai ka hrelo reng reng, ka lo mutui hman viau a nih hmel" a tih chuan ka ner sawk a, "Engvanga ka bul a lo mi ringawt nge i nih?" ka ti chang fak a, ka awmdan chu mak a tih hmel hle.




"Chhuak phawt teh, keimah chauh a awm ka duh" ka ti leh a, "I thinrim em ni?" a tih chun ning zetin ka thaw chhuak hawk a, "Ka hriat loh laiin ka room ah hian raw lut tawh suh ang che" ka ti leh fak a, mak tih hmel zet chuan min en a, "Chhuak rawh ka tih chu, keimah chauh a awm ka duh" ka tih leh chuan min en deuh vung vung a, engmah sawi lo chuan a chhuak ta a.




Room ah chuan rei fe ka in ngaihtuah a enge tih ber tur pawh ka hrelo, kha message kha hmu amh ila min phatsan tih chian nan chuan a la tha tawk silo, mahse an in karah khan eng emaw chu a awm tih a chiang, chuti nilo se khanu khan a mamawh thu a sawi hauh lovang engtianga thui nge an kal tawh ang, hetiang a ni ah tih rin thiamna kha lo neih daih tawh tur ka ni asin, ka va han a tak, min bum nawn leh hman tep a nihhi.




Engpawh chu nise ka la chhuahsan mai lovang, an in karah enge awm ka hriat chhuah hnuah erawh chuan eng ang pawn min dan tum rawh se, min dang thei tawh hauh lovang, Abraham-a hian min phatsan ngei tih chian na ka mamawh a ni, finfiahna tha tak nei lova ka chhuak ringawt a nih chuan a chhungten mak an ti dawn lutuk tlat ani, an ngaih ah chuan nupa hlim tak kan ni si a.




Mami te inneih ni a ni a, Abraham-a nen chuan kan kal dun ve ngei a, kan in be mang lo thung, inneih hun serh te chu a zo a, thlalak na te an neih zawh hnu ah Mami chu Chhuanmawia te inah chuan a lawi lut ta a, an hlim hmel hle, kan inneih ni ka ngaihtuah chhuak lo theilo, khatih hun lai khan ka hmangaih ber nei mah ila ka hlim hauh lo kha a nia, nuih cvu nui ve bawk mah ila ka thinlung takin ka nui loh a nihkha.




Ruai te kan theh a, kan zawh hnu chuan haw kan tum ta a, vawin nileng in ka awm a nuam theilo, ka pum a na deuh riai riai a, haw vat a hahdam ka duh ani, in kan thlen chuan ka room ah ka lut nghal a, in thlak pawh in thlak lo chuan khumah ka mu hlawm nghal tawp, ka pum lah chu a na tial tial nimai hian ka hria.




In kan thleng rual khan Abraham-a chu tihtur a neih thu a sawi a, a chhuak leh ghal kha a nia, darkar khat vel ka mut hnu chuan ka pum chu namen lovin a rawn na ta a, thawk pawh harsa tak a ni, ka awmdan chu ka hrethiam nghal mai a, nau ka bei tan ani, ka kap lamah chu a lum thla pup a, ka phone cvu thei leh thi lovin ka ban a, Abraham-a chu ka call nghal vat, a la la har em em zui.




A la tawh dawn lo amaw ka tih hnu ah a la ta hram mahse hmeichhia in min lo chhang thung, "Abraham-a phone pe rawh" ka ti hrak a, "A nupui maw I nih a, i be thei hrih lovang" hmeichhia chuan a ti a, a aw chu kha hmeichhia ngei kha a ni, "Pe vat rawh" ka ti that a, "Tihpalh tunah chuan a muhil tui lutuk, a be thei lovang che, a harh hunah be tur che in ka lo ti dawn nia" tih pahin phone chu a dah daih a, ka thinrim bawk si, ka pum na bawk si.




Atei chu ka call leh a, a lo la vat, "Ka room ah lo kal teh" tih bak ka sawi theilo, Atei leh Remi te chu ka room ah an rawn kal a, ka adan an hmuh chuan min rawn buaipui nghal vat, damdawiin lamah chuan min hruai nghal thuai a, ka chhungte pawh an hrilh nghak vek, doctor in min en fel hnu chuan nau ka neih theih mai a rin thu a sawi a, nau neihna ward ah chuan min nawr lut a, min nawr muh hma deuh chuan Atei'n Abraham-a a lo kal mek thu a sawi a, a ni kha ka mamawh hrep love.




Doctor leh nurse te chuan sang turin min ti a, min fuih mawlh mawlh bawk, darkar thum vel lai ka vei tawh a, min zai mai se ka ti tawh, ka pum a na tawh em a, ka thi mai dawn in ka hre hial, doctor khan nau a hnai tawh thu kha a sawi a, mahse ka la nei thei mai bawk silo, "Vawikhat han sang leh vak teh le, au a rawn lawr tawh ania" Doctor chuan a ti a, ka tha zawng zawng sawm khawm chuan ka sang leh vat a, ka baw hawk nimai hian ka hria.




Naute tap ri ngak ngak ka hriat takah chuan ka na te chu a dam suai suai a, "Fapa hmeltha deuh I nei a, ka lawmpui a che" Doctor chuan a ti a, nurse ho chuan ka fapa chu an ti fai a, ka bulah chuan an rawn hruai a, ka naute hmuh tawh zawng zawng ah a la hmeltha ber awm e, ka fapa kea fa chauh a nihhi. "Awii a hmeltha e, naute piang hlim ka hmuh tawh ah chuan a la hmeltha ber ang" nurse te chuan an ti sap sap a.




Nau neihna ward atang chuan min nawr chhuak a, ka chhungte (Abraham-a chhungte ka sawi tel nghal aw), Atei, Remi leh Abraham-a leh te chu an lo a vek a, Abraham-an min hmuh rual chuan ka kut a rawn vuan vat a, "Fapa min hrim sak avangin ka lawm e, ka hmangaih che" tiin ka chal rawn fawh a tum a, ka lo thle sawn vat a, ka awmdan chu mak a tih hmel hle a, engmah ka la sawi lo tawng turin ka la chau mah mah a ni.




Cabin ah min sawn a, ka chhungte chuan min la awmpui thap a, ka fapa chu an la hlawm hle bawk, doctor in pawm vak a la phal loh vangin ka nu chuan a pawm a, zing lam dar 2 a ni tawh a, ka chhungte ho chu haw turin an in siam hlawm a, "Naktukah kan lo kal leh dawn nia, harsat na in tawh chuan min rawn hrilh ula aw" an ti a, a chhuah hnu chaun ngawi rengin khumah ka mu a, ka fapa chu ka bulah a mu ve bawk.




"Duatnu ka lawm takzet a ni, fapa min pe a, engtia lawmthu sawi tur nge ka hrelo, tun atang chuan hlim takin ka siam reng tawh ang che u, ka fapa nen hian tha takin ka enkawl che u anga khawvela pa tha ber nih ka tum bawk ang" ka mut na sir a rawn thut thlak pah chuam Abraham-a chuan a ti a, "Damdawiin atang ka chhuah hunah ka nu te ka zui haw dawn" ka ti a, ka thusawi chuan a thawng bawk a niang engmah sawi nachang a hrelo min en reng ringawt.





Cont..


Show post links
Top

[Ngaia]

Chapter-22




Abraham Lalrintluanga POV




Duatnu-i thilsawi vang chuan ka hamhaih a, engmah tih nachang ka hrelo, a sawi mai mai a nih ring in a hmel chu chiang zetin ka en a, mahse a hmel ah chuan fiamthu hmel reng reng a pu silo. Engvanga hetiang rilru pu thut nge a nih ka hrethiam lo hle, "Duatnu fiamthu na chi a nilo a nia, fapa kan nei chuah a ni a, hetiang a in fiam nan chuan a la hma mah mah a ni" ka ti hul hawk a. Chiang zetin ka en reng a, a ni pawh chuan min en ve ngar bawk, thaw chuan hap pah chuan "Abraham ka mitmeng ah ka fiamthu loh zia chu i hriat chian kha" a ti nghet charh reuh a, "A nihchuan engvang awm hran chu duh thut nge i nih?" ka tih chuan tawi te in a nui a.




"Nilove, I hresual a ni, ka ti thut a ni reng reng lo, ka ngaihtuahna a rei tawh asin, I bulah hian ngaihngam takin ka awm thei tawh lo, chuvang chuan nangmah ringlo reng reng a nun hman hi ka kham zozai tawh, ka chau hluah hluah a ni, tunah chuan nu ka ni tawh , a hma ang mai mai awm kha ka thei tawh dawn lo, chak tak a. awm ka ngai, ka fa tan hian nu nih tlin taka awm ka duh, ka bulah i awm reng a nih chuan chu ka chak na neih ve te chu a kam tual tual a, inrin tawk lohna tam tak ka neih phah bawk, chuvang chuan in then ka duh, kan tan a tha ber tur a ni" a ti fiah fak a.




"A theih loh kan pahnih hian awm hrang thei kan nilo, kan inkar ah fa a awm tawh a, chuvang chuan kan pahnih hian kan awmdun a ngai zawk a sin, in then lam kha chu ngaihtuah tawh suh, engtik ah mah ka then dawn hauh lo che, ka dam chhung chuan ka bulah ngei ka fapa nen hian in a reng ang" ka ti hrawk a, vin chiam lo turin ka in sum hram hram a ni, engvanga hetiang rilru pu hi nge a nih, kan inkar in that lam a pan emaw tiin ka lo lawm ve em em kha a ni a, mahse enge thleng hi??...




"Engvang a mahni hmasial em em nge I nih, Engvangin nge min kal tir mai loh?" a ti that a, "Bengchheng suh, kan fapa a muhil a nia" ka ti sup a, a thinrim hmel lutuk chu a duhawm takzet zawk a ni, "Chuan ka sawi kha chaing takin I hriat ka ring, in then lam I sawi tawh loh ka beisei bawk" ka ti leh a, "I thu thu a ka awmna chhan tur ka hrelo e, ka mamawh hun laiin ka bulah i awm ngailo, chuvang chuan i thu hnuai a min dah chu tum buai lo mai teh, I thu hnuai a min dah tur hian dikna pakhat mah I neilo" a ti kha fak a.




"Ka hria, ka tihpalh a ni, hnaah ka buai deuh avangin nau i vei tih ka lo hre har a, hreawm ka ti takzet a ni, ka hriat veleh rang takin ka lo kal nghal a, chuchu dawt a nilo, ka tihpalh takzet a ni, tun atang chuan min mamawh hun apiangin i bulah ka awm zel tawh ang" ka tih chuan a nui chhuak hak hak a, mahse a nuih chu a zat loh hmel hle, "I va han zaklo tak, engtik ah mah nanghi ka mamawh leh tawh ngailo ang che, ka buai I ti amaw?, nia I buai khawp a nihkha, ka lo call lai che khan hmeichhia in an lo chhang a, I mut mek thu min hrilh bawk, hah... i lo buai khawp mai" a ti leh a, a thusawi awmzia ka hrelo hle.




"Enge i sawi awmzia ka hriatthiam theih turin sawi rawh" thupe aw zet chuan ka ti a, "I hre duh amaw, ka pum a nat em em lai khan ka hrechhuak hmasa ber che asin, mahse nang chu ka bulah i awm lo, ka pum a nat em em lai khan thei leh thei lovin ka phone kha ka ban a, ka lo call nghal che, hmeichhe pakhat in lo chhang in I mutthilh thu min hrilh a, pe tur a ka tih pawh in ka biak che a phal hauh lo, i harh huna min lo biak tir tur thu a sawi hnuah phone a dah hmak a sin, chuti chung chuan hnaah I buai thu I la sawi cheu dawn a maw?" ngeiawm zetin a ti a.




"Chutiang thil chu ka hre hauh lo, ka phon ah i call na pakhat mah a awm lo bawk" ka ti sup a, "Haha... i hmeichhe khawi lai kha zawt ta che, ka lo call ngei che, kan inkar a that leh beisei in i bulah ka la cheng a mahse enge thleng hi nanghi chu rinawm lo tur a piang I lo nihhi tenawm hian" a ti leh hlak a, "Tu hmeichhia mah ka kawp san lo che, thu chiang tak i hriat hma chu hetiang hian min ti hauh suh, engkim ka chhui chhuak ang, tumah ka phone ka kawl tir hauh lo a, tu hmeichhia in nge ka phone lo chhang ka zawng chhuak bawk ang" ka ti a, a ner nak a, "I zawn chhuah kher a ngai lo ka hrilh ang che, kha hmeichhia nangmah zui kual reng ti che khan a lo chhang, a tawng dan kal hmang ah kha chuan in in karah eng emaw a awm ngei tih a hriat a, engpawh chu lo nise tun atang chuan kan inkar a tawp tawh a, ka buaina tur a nilo bawk" a ti a.




Hlutei maw?... A ni theilo a ni chu ka secretary a ni, a rawn thawh na a la reilo bawk, ka hnuai a hnathawk a ni a, chutiang bawk chuan ka en lo, hna a rawn thawh hma deuh khan a pasal nen an in then a, a pasal chuan a ti buai nasa thin hle bawk, hnaah hial a rawn kal chilh a, tlem chuan ka ngaihsak deuh alawm, mahse duhna lam a nilo, hmeichhia a ni a, ka hnuai a hnathawk a nihna ang bakin ka ngaihsak chuang lo, a hna a tlin em em a, fel pawh a fel viau bawk.




"Thil hrait sual I nei a nihchu, ani chu ka secretary chauh a ni, chuan a ni kha i ngaih ang hmeichhia a nilo bawk, hmeichhe fel tak a ni a, a han a tlin em em bawk, kan inkar ah engmah a awm lo bawk, ka hnuai a hnathawk mai a ni" ka ti a, a awih loh hmel hle, "Ok... engpawh ni rawh se, ka buai lo ka tih tawh kha, chuan engang pawn min dan tum mahla ka then dawn tho tho che tih hria ang che, ka pa hrisel na hmang a min vau kha chu tum buai duh suh, engmah hlauh ka nei tawh lo, tha takin ka hrilh anga, a pawm thiam em em ang, nang ang mi rinawm loh lutuk bula ka chen reng hi a phal hauh lo bawk ang" a ti leh fak fak a.




"A theng ngai lovang" ti sup in room atang chuan ka chhuak a, Hlutei ka biak a ngai a ni, company lamah hmanhmawh takin ka kal a, ka thleng chaun ka office lam panin ka kal a, Hlutei chuan min hmuh in min lo nuih sang a, "Ka office ah ka be duh che" ka ti nghut a, ka lut zui nghal, a ni pawh chuan min rawn zui lut ve nghal a. Ka chair ah chuan ka thu a, ka hmaah chuan Hlutei chu a ding a, "Nizanah khan ka nupui hnen atangin call ka dawng a I lo chhang em ni?" chiang zetin a hmel chu ka en a, "Chhanglo, i nupui chuan ka chhan thu a sawi em ni?" a ti a, mak a tih hmel hle bawk, mahse mak ti taka a awm hmaa a hmel buai deuh nak kha ka hmuh hmaih hauh lo.




"Nizanah khan a pum a nat vangin min rawn call a, mahse nanghian i lak thu min hrilh, mak tak maiin ka call list ah hian ka nupui min lo call na hmuh tur a awm lo hi a ni, nizanah khan kan pahnih chuah hian ka office ah kan awm a, tuin nge ka phone chu lo chhang ang?" ka ti leh a, a mitmeng chu a dawi nghal du a, "Ka... ka hrelo, tak a... bathroom I luh lai khan coffe la turin ka chhuak a, chumi lai chuan mi an lo lut a ni maithei" a ti bah deuh nak nak a, "Tunge chuchu lo zawng chhuak ang che" ka ti sup a, ka office atang a chhuak lai chu ka en zui reng a.




A thusawi kha ka awih hauh lo, eng ang pawn lo chhuak mahse tumah ka office ah ka phal na tellovin an lut hauh lovang, engpawh nise Hlutei hi ka en thlak deuh chu a nagi a ni, a hma khan ka nupui ring lovin hmeichhe dang thusawi ka ring a, thup sual lian tak ka ti sual tawh. Khatiang thil kha thlen nawn tir ka tum tawh hauh lo, engpawh chu nise ka nupui hi ka ring hmasa ber phawt tur a ni, ka hnuai a thawk ka mi rin em em Nunpuia ka call nghal a, rei a ring hma in a la nghal vat, "Nunpui thup pakhat chhui tur che in ka duh a ni" ka ti a.




"Awle, enge nita?" a tih chuan "Ka secretary thar Hlutei hi lo chhui chiang la ka duh a ni" ka ti a, "Mahse boss a ni chu I ring em em a nilawm ni?" a rawn tih chuan "Kan ngaih ang ngawt hi thil nih dan a nilo thei, chuvang chuan a hun kal tawh zawng zawng leh tuna a awmdan thleng in lo chhui la ka duh, a rang lamin ni thei bawk sela" ka ti a, "Awle, ka lo ti vat ange" a tih chuan ka nui suk a, phone ka dah hnu chuan sign ngai ho ak sign zung zung a, Duatnu-i leh ka fapa hmuh ka chak tawh takzet, hna zual pui ka thawh zawh hnu chuan damdawiin lam pan chuan ka kal lehnghal vat a.




Damdawiin ka thlen chuan ka nu leh ka pizawn te an lo awm a, Duatnu-i erawh chu a lo muhil a, kan fapa chu ka nu in a lo pawm mek bawk, "Bawiha I lo thleng a nimaw, in nu in hna thil ah I buai thu a sawi a" ka nu chuan min hmuh veleh a lo ti a, "I fapa hi I pawm duh em?" a tih ke takah chuan ka lo bu rang khawp mai, "Dim tein pawm ka aw, i vawikhat nau pawm na tur a nia, a harsa i ti deuh maithei a ni" a ti a, ka nu sawi ang tak tak chuan ka zei lem lo hle. Ka pizawn leh ka nu te chuan min oui fe hnuah rem tak chuan ka pawm ve thei ta hram e, a mit chu a meng ve kiau a, chiang zetin min en bawk, ka fapa ngei chu ka pawm a ni si a, mumang a ang rum rum mai.




"Ka fapa" ka ti sup a, a hmel a tha em em a, a nu ai mah chuan keimah min chhun na lai a tam zawk, "I fapa nen chuan in in ang khawp mai, a chhun hle che a ni" ka pizawn in a lo tih chuan ka va pawm chuang si em, ka fapa hmu apiangin min chhun zia an hre vek ang, "Bawihtei a chhun ve na lai chu a khabe kual lai ah chauh a ni, a dang zawng ah chuan nangmah vek" a ti leh a, "Ka fapa hmethat zia hi, tuman hmelchhia an ti hauh lovang mawle" ka tih chuan "Dikchiah" ka nu in alo ti ve vat a.




Ka fapa a muthilh hnu chuan a mutna tur a an dah ah chuan ka pizawn in a mut tir a, doctor a rawn lut a, "Ni hnih ve chu damdawi inah in la awm a ngaih hmel, i nupui hi a nau neih na lamah khan a inhliam deuh nual a, tlem in han dam se in chhuak thei ang" a ti a, doctor a chhuah hnu chuan "Ka nu ka pi lo va haw rawh u Duatnu-i chu ka lo awmpui ang" ka ti a, min hnial lem lo, ka nu te an haw hnu chuan Duatnu-i mut an bula a phone chu ka la a, a call list chu ka check a, nizan chuan min lo call ngei a, mahse ka phone ah erawh hmuh tur a awm hauh lo.




Duatnu-in min lo call thu a sawi kha ka rinhlelh vanga a phone check ka nilova, mahse ka mit ngei a fiah ka duh vang a ni, tlai lamah chuan Duatnu-i chu a rawn harh a, min hmuh chuan a meng thip ram ram khawp mai, "I ril a tam tawh em?" ka ti sup a, min chhang lovin a ngawi reng a, a riltam tawh ringin eitur ka order tawh sa chu a lo thleng tep em tih ka zawt a, reilote hnuah eitur a rawn thleng az min be lo chuan a ei a, a ei zo vek a, ka nui suk, "In be lawk ang hmiang?" ka tih chuan "Sawi rawh" min ngaihsak loh hmel zetin a ti a.




"I ngaih ang kha engmah a thleng lo tih hrilh che ka duh a ni, nizanah khan hna ka thawh avangin ka buai deuh a, tu hmeichhia nen mah hun kan hmang dun lo, nilo ka secretary Hlutei nen kha chuan kan awm dun ngei a lawm, mahse i ngaih ang kha engmah kan tilo, hna thil vang chuah a awm dun kan ni, kan in karah engmah a awm lo, chuan min lo call lai khan bathroom lama ka lo awm lai a ni a, ka lo hrelo a ni, bathroom atang ka chhuah ni khan Hlutei khan engmah min hrilh hauh lo bawk, ka nu in min lo call a nau i vei thu min ranw hrilh khan ka hre ve chiah a ni, min ring turin ak ti ngam lo che, mahse ka thusawi zanah zanah chu thudik a ni a, tunah chuan i la ringlo a ni maithei, mahse ka thusawi a dik ngei a ni tih ka finfiah thuai ang, chumi hma zawng chu min nghak turin ka duh che a ni, I duh ang ngeiin ka pi te in lamah chuan I awm hrih thei ang mahse in then lam kha chu ngaihtuah suh ang che, ka then dawn hauh lo che a nia" ka tih chuan ngawi rengin min en a.




Ava Lalhmingmawii POV




A thusawi chu rin tur nge rin loh tur pawh ka hrethiam lo, mahse a mitmeng ah chuan a thusawi chu a tih mai mai loh zia ka hmuh sak a, enge tih ber tur ka hrelo, lo ring ta ila a thusawi ang khan awm leh silo se engtinge ka awm ang, a nih loh pawhin lo ring lo ta ila engtinnge kan awm zel a, ka ngaihtuah na a buai takzet a ni, "Duatnu ka sawi chu khawngaih takin min zawm sak hram rawh vawikhat chauh aw, thudik engkim ka hai lang vat ang, Hlutei nen kan inkar ah engmah a awm lova a awm ngai bawk hek lovang" a ti leh a.




"Lo ring ta che ila na takin min siam leh si la engtinge ka a ang, ka hlau a ni" ka tih chuan "Min ring a nih phawt chuan i mi rinna hi ka ti chhe ngai lovang, ka theihtawp ka chhuah ang tih ka tiam a che" a ti leh a, "Engmah ka la sawi thei lo in ngaihtuah ka mamawh a ni" ka tih chuan a bu nghut a, "Awle... thudik chu ka chhui chhuak vat ang, thudik alang chhuah hunah chuan kan buaina zawng zawng hi tawp in tha takin kan awm thei tawh ang tiraw?... a hma ang khan, in hmangaih taka kan awm thin ang khan kan awm leh thei ang tiraw?" Beisei nei zet chuan min en a, chhan mai dan tur pawh ka hrelo.




Ni a ral a damdawiin atang kan chhuah ni a ni ta reng mai, kan chhungte bulah pawh ka nute in lama ka awm hrih tur thu kan sawi a, an hnial lem lo hlawm a, mahse nau neih hlim vanga awm mai tur angin min ngai bawk tih kan sawi tel hram ange. Kan in thleng chuan Abraham-a chuan min thlah a, tlaiah chaw kan ei khawm nghal dawn bawk, ka pasal chhungte pawh an lo awm kim thap tawh a, naute chu pawn an in chuh hlawm a, Atei leh Remi te pawh an lo kal ve a, nuam an ti hmel hle bawk.




Ka fapa chu a hmelthat thu leh Apa a an thu an sawi cham chi hlawm a, Abraham-a chu a intithei thin khawp mai, kei chu min chhunna mang a neilo, chaw te kan ei a, kan tam tham bawk kan ti le lu hlawm a. Chaw ei kham chuan sitting room lamah kan thu khawm a, ka pa te pahnih chuan naute hming phuah an in in chuh a, ka pa in Austin Lalhruaipuia tih a duh laiin Abraham-a pa in Lallawmsanga tih a duh thung a, an in hnial bap bap reng a, "A buaithlak a hming tur chu in duh atang khan phuah kawp mai rawh u" midang in an lo tih takah chuan kan fapa hming ah Austin Lalhruaisanga an sa ta a, an lungawi tlang khawp mai.




Ka chauh deuh tawh avang chuan ka room thin ah chuan Abraham-a nen kan lut a, "Khawi naute kha hnute ka lo pe ang, a riltam tawh ang" ka tih chuan Abraham-a chuan kan fapa a pawm mek chu min rawn hlan a, ka hnute chu a hne ve dawk dawk a, a pa chuan hmuhnawm ti zetin hnai zetah a bih run a, a nui leh suk thin bawk, "A duhthawh ve reuh lutuk" tiin keichu min rawn en a, ka lo en lai tak a ni bawk nen kan mitmeng chu a in tawng chat a, ka hawisawn nghal vat.



......



Hun a kal ve bek bek a, kan fapa pawh thla hnih lai a ni ve tawh, a fel em em a, amah vanga buaina em em kan nei ngailo, zan ah tah chung tih vel kha a nei lo hlauh a, kan vannei takzet a ni, Abraham-a pawh a rawn lang nghun khawp mai, kan naute lah chuan a pa pangtilum a la hre em em zui a, a pa in a pawm tawh chuan tui ti zetin a muhil thin. Engtinge Abraham-a chuan hma a lak ka hrelo, engmah a sawi lang ngai lem lo a, a tul a tih hunah min hrilh turah ka ngai mai.




Kan fapa Austin lah chu tunlai a dam lo a, a khua a sik deuh reng a damdawiin lamah pawh nimin khan Abraham-a nen kan kalpui a, hlauhthawn awm a nih loh thu an sawi kha a nia, mahse nu tan chuan fa te meuh an dam loh chuan ngaih a tha duh lo khawp mai, zantin in kan in awi zankhua thak a tih theih thin ang, ka nu leh pa te chuan an tupa chu an atchilh em em a, ka pa pawh a hrisel na a tha chak khawp mai.






Austin damloh atangin Abraham-a chu zantin a rawn kal ziah a, zankhua in a mah chuan a awi thin, Zanin chu hnalamah a buai deuh dawn avangin alo kal dawn lo tih a rawn sawi a, a awm chuan Austin pawh a muhil thei ve deuh thin a, zanin chu a huphurh awm dawn khawp mai, ka sawi ang ngeiin Austin chu a tap a bang thei meuh lo a ni, Abraham-a chu biak ka duh deuh rum rum a, mahse hna lamah a buai tur thu a sawi vang khan biak ka inthlahrung deuh bawk si.




Dar 2 a rik meuh chuan Austin pawh a muhil ve thei ta hram e, ka mut a chhuak tawh lutuk, kaham bai bai a, Austin ka mut tir hnu chuan a bul ah dim tein ka mu thla a, Abraham-a chuan min la rawn be miah lo, a fapa chanchin min rawn zawh ka ring ania, mahse a thawm a reh hmak a, a buai viau pawh a ni mahna, ka muhil tep tih chuan ka phone a ranw ti keuh a, en loh ka tum nangin Abraham-a a nih ka rin vang chuan ka phone chu ka ban leh ta zawk a.




No. hlang atangin a lo ni a, ka lut a, thlalak a lo ni, ka download a, ka en nak chuan ka phone chu khumah ka thlauh bawl a, ka hmuh sual chu a ni silo maw, Abraham-a chu khumah a mu a, a kamiz chu a in phelh vek bawk, chiang zeta ka hmuh zawk chu a ngawng a lipstick chu a ni, thlalak pakhat zawk ah chuan hmeichhe pakhat nen in muah chial a an mi dun lai ani, hmeichhe hmel chu lang chiang lutuk lo mahse tunge a nih ka chiang, Hlutei bawk kha a ni.




Cont.....
Chapter-22




Abraham Lalrintluanga POV




Duatnu-i thilsawi vang chuan ka hamhaih a, engmah tih nachang ka hrelo, a sawi mai mai a nih ring in a hmel chu chiang zetin ka en a, mahse a hmel ah chuan fiamthu hmel reng reng a pu silo. Engvanga hetiang rilru pu thut nge a nih ka hrethiam lo hle, "Duatnu fiamthu na chi a nilo a nia, fapa kan nei chuah a ni a, hetiang a in fiam nan chuan a la hma mah mah a ni" ka ti hul hawk a. Chiang zetin ka en reng a, a ni pawh chuan min en ve ngar bawk, thaw chuan hap pah chuan "Abraham ka mitmeng ah ka fiamthu loh zia chu i hriat chian kha" a ti nghet charh reuh a, "A nihchuan engvang awm hran chu duh thut nge i nih?" ka tih chuan tawi te in a nui a.




"Nilove, I hresual a ni, ka ti thut a ni reng reng lo, ka ngaihtuahna a rei tawh asin, I bulah hian ngaihngam takin ka awm thei tawh lo, chuvang chuan nangmah ringlo reng reng a nun hman hi ka kham zozai tawh, ka chau hluah hluah a ni, tunah chuan nu ka ni tawh , a hma ang mai mai awm kha ka thei tawh dawn lo, chak tak a. awm ka ngai, ka fa tan hian nu nih tlin taka awm ka duh, ka bulah i awm reng a nih chuan chu ka chak na neih ve te chu a kam tual tual a, inrin tawk lohna tam tak ka neih phah bawk, chuvang chuan in then ka duh, kan tan a tha ber tur a ni" a ti fiah fak a.




"A theih loh kan pahnih hian awm hrang thei kan nilo, kan inkar ah fa a awm tawh a, chuvang chuan kan pahnih hian kan awmdun a ngai zawk a sin, in then lam kha chu ngaihtuah tawh suh, engtik ah mah ka then dawn hauh lo che, ka dam chhung chuan ka bulah ngei ka fapa nen hian in a reng ang" ka ti hrawk a, vin chiam lo turin ka in sum hram hram a ni, engvanga hetiang rilru pu hi nge a nih, kan inkar in that lam a pan emaw tiin ka lo lawm ve em em kha a ni a, mahse enge thleng hi??...




"Engvang a mahni hmasial em em nge I nih, Engvangin nge min kal tir mai loh?" a ti that a, "Bengchheng suh, kan fapa a muhil a nia" ka ti sup a, a thinrim hmel lutuk chu a duhawm takzet zawk a ni, "Chuan ka sawi kha chaing takin I hriat ka ring, in then lam I sawi tawh loh ka beisei bawk" ka ti leh a, "I thu thu a ka awmna chhan tur ka hrelo e, ka mamawh hun laiin ka bulah i awm ngailo, chuvang chuan i thu hnuai a min dah chu tum buai lo mai teh, I thu hnuai a min dah tur hian dikna pakhat mah I neilo" a ti kha fak a.




"Ka hria, ka tihpalh a ni, hnaah ka buai deuh avangin nau i vei tih ka lo hre har a, hreawm ka ti takzet a ni, ka hriat veleh rang takin ka lo kal nghal a, chuchu dawt a nilo, ka tihpalh takzet a ni, tun atang chuan min mamawh hun apiangin i bulah ka awm zel tawh ang" ka tih chuan a nui chhuak hak hak a, mahse a nuih chu a zat loh hmel hle, "I va han zaklo tak, engtik ah mah nanghi ka mamawh leh tawh ngailo ang che, ka buai I ti amaw?, nia I buai khawp a nihkha, ka lo call lai che khan hmeichhia in an lo chhang a, I mut mek thu min hrilh bawk, hah... i lo buai khawp mai" a ti leh a, a thusawi awmzia ka hrelo hle.




"Enge i sawi awmzia ka hriatthiam theih turin sawi rawh" thupe aw zet chuan ka ti a, "I hre duh amaw, ka pum a nat em em lai khan ka hrechhuak hmasa ber che asin, mahse nang chu ka bulah i awm lo, ka pum a nat em em lai khan thei leh thei lovin ka phone kha ka ban a, ka lo call nghal che, hmeichhe pakhat in lo chhang in I mutthilh thu min hrilh a, pe tur a ka tih pawh in ka biak che a phal hauh lo, i harh huna min lo biak tir tur thu a sawi hnuah phone a dah hmak a sin, chuti chung chuan hnaah I buai thu I la sawi cheu dawn a maw?" ngeiawm zetin a ti a.




"Chutiang thil chu ka hre hauh lo, ka phon ah i call na pakhat mah a awm lo bawk" ka ti sup a, "Haha... i hmeichhe khawi lai kha zawt ta che, ka lo call ngei che, kan inkar a that leh beisei in i bulah ka la cheng a mahse enge thleng hi nanghi chu rinawm lo tur a piang I lo nihhi tenawm hian" a ti leh hlak a, "Tu hmeichhia mah ka kawp san lo che, thu chiang tak i hriat hma chu hetiang hian min ti hauh suh, engkim ka chhui chhuak ang, tumah ka phone ka kawl tir hauh lo a, tu hmeichhia in nge ka phone lo chhang ka zawng chhuak bawk ang" ka ti a, a ner nak a, "I zawn chhuah kher a ngai lo ka hrilh ang che, kha hmeichhia nangmah zui kual reng ti che khan a lo chhang, a tawng dan kal hmang ah kha chuan in in karah eng emaw a awm ngei tih a hriat a, engpawh chu lo nise tun atang chuan kan inkar a tawp tawh a, ka buaina tur a nilo bawk" a ti a.




Hlutei maw?... A ni theilo a ni chu ka secretary a ni, a rawn thawh na a la reilo bawk, ka hnuai a hnathawk a ni a, chutiang bawk chuan ka en lo, hna a rawn thawh hma deuh khan a pasal nen an in then a, a pasal chuan a ti buai nasa thin hle bawk, hnaah hial a rawn kal chilh a, tlem chuan ka ngaihsak deuh alawm, mahse duhna lam a nilo, hmeichhia a ni a, ka hnuai a hnathawk a nihna ang bakin ka ngaihsak chuang lo, a hna a tlin em em a, fel pawh a fel viau bawk.




"Thil hrait sual I nei a nihchu, ani chu ka secretary chauh a ni, chuan a ni kha i ngaih ang hmeichhia a nilo bawk, hmeichhe fel tak a ni a, a han a tlin em em bawk, kan inkar ah engmah a awm lo bawk, ka hnuai a hnathawk mai a ni" ka ti a, a awih loh hmel hle, "Ok... engpawh ni rawh se, ka buai lo ka tih tawh kha, chuan engang pawn min dan tum mahla ka then dawn tho tho che tih hria ang che, ka pa hrisel na hmang a min vau kha chu tum buai duh suh, engmah hlauh ka nei tawh lo, tha takin ka hrilh anga, a pawm thiam em em ang, nang ang mi rinawm loh lutuk bula ka chen reng hi a phal hauh lo bawk ang" a ti leh fak fak a.




"A theng ngai lovang" ti sup in room atang chuan ka chhuak a, Hlutei ka biak a ngai a ni, company lamah hmanhmawh takin ka kal a, ka thleng chaun ka office lam panin ka kal a, Hlutei chuan min hmuh in min lo nuih sang a, "Ka office ah ka be duh che" ka ti nghut a, ka lut zui nghal, a ni pawh chuan min rawn zui lut ve nghal a. Ka chair ah chuan ka thu a, ka hmaah chuan Hlutei chu a ding a, "Nizanah khan ka nupui hnen atangin call ka dawng a I lo chhang em ni?" chiang zetin a hmel chu ka en a, "Chhanglo, i nupui chuan ka chhan thu a sawi em ni?" a ti a, mak a tih hmel hle bawk, mahse mak ti taka a awm hmaa a hmel buai deuh nak kha ka hmuh hmaih hauh lo.




"Nizanah khan a pum a nat vangin min rawn call a, mahse nanghian i lak thu min hrilh, mak tak maiin ka call list ah hian ka nupui min lo call na hmuh tur a awm lo hi a ni, nizanah khan kan pahnih chuah hian ka office ah kan awm a, tuin nge ka phone chu lo chhang ang?" ka ti leh a, a mitmeng chu a dawi nghal du a, "Ka... ka hrelo, tak a... bathroom I luh lai khan coffe la turin ka chhuak a, chumi lai chuan mi an lo lut a ni maithei" a ti bah deuh nak nak a, "Tunge chuchu lo zawng chhuak ang che" ka ti sup a, ka office atang a chhuak lai chu ka en zui reng a.




A thusawi kha ka awih hauh lo, eng ang pawn lo chhuak mahse tumah ka office ah ka phal na tellovin an lut hauh lovang, engpawh nise Hlutei hi ka en thlak deuh chu a nagi a ni, a hma khan ka nupui ring lovin hmeichhe dang thusawi ka ring a, thup sual lian tak ka ti sual tawh. Khatiang thil kha thlen nawn tir ka tum tawh hauh lo, engpawh chu nise ka nupui hi ka ring hmasa ber phawt tur a ni, ka hnuai a thawk ka mi rin em em Nunpuia ka call nghal a, rei a ring hma in a la nghal vat, "Nunpui thup pakhat chhui tur che in ka duh a ni" ka ti a.




"Awle, enge nita?" a tih chuan "Ka secretary thar Hlutei hi lo chhui chiang la ka duh a ni" ka ti a, "Mahse boss a ni chu I ring em em a nilawm ni?" a rawn tih chuan "Kan ngaih ang ngawt hi thil nih dan a nilo thei, chuvang chuan a hun kal tawh zawng zawng leh tuna a awmdan thleng in lo chhui la ka duh, a rang lamin ni thei bawk sela" ka ti a, "Awle, ka lo ti vat ange" a tih chuan ka nui suk a, phone ka dah hnu chuan sign ngai ho ak sign zung zung a, Duatnu-i leh ka fapa hmuh ka chak tawh takzet, hna zual pui ka thawh zawh hnu chuan damdawiin lam pan chuan ka kal lehnghal vat a.




Damdawiin ka thlen chuan ka nu leh ka pizawn te an lo awm a, Duatnu-i erawh chu a lo muhil a, kan fapa chu ka nu in a lo pawm mek bawk, "Bawiha I lo thleng a nimaw, in nu in hna thil ah I buai thu a sawi a" ka nu chuan min hmuh veleh a lo ti a, "I fapa hi I pawm duh em?" a tih ke takah chuan ka lo bu rang khawp mai, "Dim tein pawm ka aw, i vawikhat nau pawm na tur a nia, a harsa i ti deuh maithei a ni" a ti a, ka nu sawi ang tak tak chuan ka zei lem lo hle. Ka pizawn leh ka nu te chuan min oui fe hnuah rem tak chuan ka pawm ve thei ta hram e, a mit chu a meng ve kiau a, chiang zetin min en bawk, ka fapa ngei chu ka pawm a ni si a, mumang a ang rum rum mai.




"Ka fapa" ka ti sup a, a hmel a tha em em a, a nu ai mah chuan keimah min chhun na lai a tam zawk, "I fapa nen chuan in in ang khawp mai, a chhun hle che a ni" ka pizawn in a lo tih chuan ka va pawm chuang si em, ka fapa hmu apiangin min chhun zia an hre vek ang, "Bawihtei a chhun ve na lai chu a khabe kual lai ah chauh a ni, a dang zawng ah chuan nangmah vek" a ti leh a, "Ka fapa hmethat zia hi, tuman hmelchhia an ti hauh lovang mawle" ka tih chuan "Dikchiah" ka nu in alo ti ve vat a.




Ka fapa a muthilh hnu chuan a mutna tur a an dah ah chuan ka pizawn in a mut tir a, doctor a rawn lut a, "Ni hnih ve chu damdawi inah in la awm a ngaih hmel, i nupui hi a nau neih na lamah khan a inhliam deuh nual a, tlem in han dam se in chhuak thei ang" a ti a, doctor a chhuah hnu chuan "Ka nu ka pi lo va haw rawh u Duatnu-i chu ka lo awmpui ang" ka ti a, min hnial lem lo, ka nu te an haw hnu chuan Duatnu-i mut an bula a phone chu ka la a, a call list chu ka check a, nizan chuan min lo call ngei a, mahse ka phone ah erawh hmuh tur a awm hauh lo.




Duatnu-in min lo call thu a sawi kha ka rinhlelh vanga a phone check ka nilova, mahse ka mit ngei a fiah ka duh vang a ni, tlai lamah chuan Duatnu-i chu a rawn harh a, min hmuh chuan a meng thip ram ram khawp mai, "I ril a tam tawh em?" ka ti sup a, min chhang lovin a ngawi reng a, a riltam tawh ringin eitur ka order tawh sa chu a lo thleng tep em tih ka zawt a, reilote hnuah eitur a rawn thleng az min be lo chuan a ei a, a ei zo vek a, ka nui suk, "In be lawk ang hmiang?" ka tih chuan "Sawi rawh" min ngaihsak loh hmel zetin a ti a.




"I ngaih ang kha engmah a thleng lo tih hrilh che ka duh a ni, nizanah khan hna ka thawh avangin ka buai deuh a, tu hmeichhia nen mah hun kan hmang dun lo, nilo ka secretary Hlutei nen kha chuan kan awm dun ngei a lawm, mahse i ngaih ang kha engmah kan tilo, hna thil vang chuah a awm dun kan ni, kan in karah engmah a awm lo, chuan min lo call lai khan bathroom lama ka lo awm lai a ni a, ka lo hrelo a ni, bathroom atang ka chhuah ni khan Hlutei khan engmah min hrilh hauh lo bawk, ka nu in min lo call a nau i vei thu min ranw hrilh khan ka hre ve chiah a ni, min ring turin ak ti ngam lo che, mahse ka thusawi zanah zanah chu thudik a ni a, tunah chuan i la ringlo a ni maithei, mahse ka thusawi a dik ngei a ni tih ka finfiah thuai ang, chumi hma zawng chu min nghak turin ka duh che a ni, I duh ang ngeiin ka pi te in lamah chuan I awm hrih thei ang mahse in then lam kha chu ngaihtuah suh ang che, ka then dawn hauh lo che a nia" ka tih chuan ngawi rengin min en a.




Ava Lalhmingmawii POV




A thusawi chu rin tur nge rin loh tur pawh ka hrethiam lo, mahse a mitmeng ah chuan a thusawi chu a tih mai mai loh zia ka hmuh sak a, enge tih ber tur ka hrelo, lo ring ta ila a thusawi ang khan awm leh silo se engtinge ka awm ang, a nih loh pawhin lo ring lo ta ila engtinnge kan awm zel a, ka ngaihtuah na a buai takzet a ni, "Duatnu ka sawi chu khawngaih takin min zawm sak hram rawh vawikhat chauh aw, thudik engkim ka hai lang vat ang, Hlutei nen kan inkar ah engmah a awm lova a awm ngai bawk hek lovang" a ti leh a.




"Lo ring ta che ila na takin min siam leh si la engtinge ka a ang, ka hlau a ni" ka tih chuan "Min ring a nih phawt chuan i mi rinna hi ka ti chhe ngai lovang, ka theihtawp ka chhuah ang tih ka tiam a che" a ti leh a, "Engmah ka la sawi thei lo in ngaihtuah ka mamawh a ni" ka tih chuan a bu nghut a, "Awle... thudik chu ka chhui chhuak vat ang, thudik alang chhuah hunah chuan kan buaina zawng zawng hi tawp in tha takin kan awm thei tawh ang tiraw?... a hma ang khan, in hmangaih taka kan awm thin ang khan kan awm leh thei ang tiraw?" Beisei nei zet chuan min en a, chhan mai dan tur pawh ka hrelo.




Ni a ral a damdawiin atang kan chhuah ni a ni ta reng mai, kan chhungte bulah pawh ka nute in lama ka awm hrih tur thu kan sawi a, an hnial lem lo hlawm a, mahse nau neih hlim vanga awm mai tur angin min ngai bawk tih kan sawi tel hram ange. Kan in thleng chuan Abraham-a chuan min thlah a, tlaiah chaw kan ei khawm nghal dawn bawk, ka pasal chhungte pawh an lo awm kim thap tawh a, naute chu pawn an in chuh hlawm a, Atei leh Remi te pawh an lo kal ve a, nuam an ti hmel hle bawk.




Ka fapa chu a hmelthat thu leh Apa a an thu an sawi cham chi hlawm a, Abraham-a chu a intithei thin khawp mai, kei chu min chhunna mang a neilo, chaw te kan ei a, kan tam tham bawk kan ti le lu hlawm a. Chaw ei kham chuan sitting room lamah kan thu khawm a, ka pa te pahnih chuan naute hming phuah an in in chuh a, ka pa in Austin Lalhruaipuia tih a duh laiin Abraham-a pa in Lallawmsanga tih a duh thung a, an in hnial bap bap reng a, "A buaithlak a hming tur chu in duh atang khan phuah kawp mai rawh u" midang in an lo tih takah chuan kan fapa hming ah Austin Lalhruaisanga an sa ta a, an lungawi tlang khawp mai.




Ka chauh deuh tawh avang chuan ka room thin ah chuan Abraham-a nen kan lut a, "Khawi naute kha hnute ka lo pe ang, a riltam tawh ang" ka tih chuan Abraham-a chuan kan fapa a pawm mek chu min rawn hlan a, ka hnute chu a hne ve dawk dawk a, a pa chuan hmuhnawm ti zetin hnai zetah a bih run a, a nui leh suk thin bawk, "A duhthawh ve reuh lutuk" tiin keichu min rawn en a, ka lo en lai tak a ni bawk nen kan mitmeng chu a in tawng chat a, ka hawisawn nghal vat.



......



Hun a kal ve bek bek a, kan fapa pawh thla hnih lai a ni ve tawh, a fel em em a, amah vanga buaina em em kan nei ngailo, zan ah tah chung tih vel kha a nei lo hlauh a, kan vannei takzet a ni, Abraham-a pawh a rawn lang nghun khawp mai, kan naute lah chuan a pa pangtilum a la hre em em zui a, a pa in a pawm tawh chuan tui ti zetin a muhil thin. Engtinge Abraham-a chuan hma a lak ka hrelo, engmah a sawi lang ngai lem lo a, a tul a tih hunah min hrilh turah ka ngai mai.




Kan fapa Austin lah chu tunlai a dam lo a, a khua a sik deuh reng a damdawiin lamah pawh nimin khan Abraham-a nen kan kalpui a, hlauhthawn awm a nih loh thu an sawi kha a nia, mahse nu tan chuan fa te meuh an dam loh chuan ngaih a tha duh lo khawp mai, zantin in kan in awi zankhua thak a tih theih thin ang, ka nu leh pa te chuan an tupa chu an atchilh em em a, ka pa pawh a hrisel na a tha chak khawp mai.






Austin damloh atangin Abraham-a chu zantin a rawn kal ziah a, zankhua in a mah chuan a awi thin, Zanin chu hnalamah a buai deuh dawn avangin alo kal dawn lo tih a rawn sawi a, a awm chuan Austin pawh a muhil thei ve deuh thin a, zanin chu a huphurh awm dawn khawp mai, ka sawi ang ngeiin Austin chu a tap a bang thei meuh lo a ni, Abraham-a chu biak ka duh deuh rum rum a, mahse hna lamah a buai tur thu a sawi vang khan biak ka inthlahrung deuh bawk si.




Dar 2 a rik meuh chuan Austin pawh a muhil ve thei ta hram e, ka mut a chhuak tawh lutuk, kaham bai bai a, Austin ka mut tir hnu chuan a bul ah dim tein ka mu thla a, Abraham-a chuan min la rawn be miah lo, a fapa chanchin min rawn zawh ka ring ania, mahse a thawm a reh hmak a, a buai viau pawh a ni mahna, ka muhil tep tih chuan ka phone a ranw ti keuh a, en loh ka tum nangin Abraham-a a nih ka rin vang chuan ka phone chu ka ban leh ta zawk a.




No. hlang atangin a lo ni a, ka lut a, thlalak a lo ni, ka download a, ka en nak chuan ka phone chu khumah ka thlauh bawl a, ka hmuh sual chu a ni silo maw, Abraham-a chu khumah a mu a, a kamiz chu a in phelh vek bawk, chiang zeta ka hmuh zawk chu a ngawng a lipstick chu a ni, thlalak pakhat zawk ah chuan hmeichhe pakhat nen in muah chial a an mi dun lai ani, hmeichhe hmel chu lang chiang lutuk lo mahse tunge a nih ka chiang, Hlutei bawk kha a ni.




Cont.....


Show post links
Top

[Ngaia]

Chapter-23




Ava Lalhmingmawii POV




Zingah chuan hma takah ka tho a, thlalak ka dawn atang khan chhin khat pawh ka chhung leh tawh lo, nizan lamah Abraham-a chu hmeichhe dang nen an awm dun ngei a ni tih ka chiang a, tun thlengin engmah thawm a rawn la neilo bawk, keipawh in biak ka tum bik lo. Diktak chuan ka na lo ka tih chuan dawt a ni ngei ang, ka na lutuk a, ka a thei mai dawn in ka hre hial, mahse tih lan ka tum hauh lo, ka nat mai piah lamah ka thinrim a chuan min bawh tup tup thei hial. Min bum nawn hman teuh zia ka ngaihtuah a, ka rin tak tak hmaa thudik a hre chhuak chu lehlam zawng tak chuan ka lawm rilru viau a.




Chhun lamah chuan ka nu leh pa te Mami te inah leng turin an chhuak , Bawihtea pawh an hruai ve bawk, keimah chauh in inah ka awm a, Bawihtea a awm lo bawk a, Inchhung tih fai nan hun ka hmang a, chhuat ka nawt zo chiah tih chuan door bell a rawn ri a, ka hawng vat. Abraham-a chu chauh hmel zetin a lo ding a, "Enge I lo tih dawn?" ka ti nghat a, "Min luh tir i tum lo em ni?" a tih chuan "Bawihtea a awm lo, ka nu ten an chhuah pui" ka ti leh a, "Ok... mahse i awm tho alawm" a la ti leh talh a, ka hmuh peih loh zia hi hria se chuan a kal nal nal tawh ang mawle.




Inthlahrung lo zet chuan kan inchhung ah chuan a rawn lut a, "Enge lo tih i tum?" ka ti hmuk a, "Nizan ka lo kal silo a, enge in an tih rawn hriat ka tum, chuan ka fapa leh nanghi ka ngai tawh bawk cheu a" a tih chuan ka ner sawk, a thusawi ka awih loh zia chu pui tak a ni. "A nihchu, Bawihtea a awm lo tih i hria a, kal tawh rawh" ka ti a, "Lungawi lohna I nei em ni?" min en chung chuan a ti a, "Lungawi lohna tur a awm em ni?" ka lo ti let ve nghauh a, "Ka hre hauh lo, mahse i awm danah kha chuan thinur na nei I ang em a?" a ti leh a, "I hresual a nih chu, kal rawh" ka tih leh chuan a thutna atang ding chhuak in ka hmaah chuan a ding ran a, a lung a awi loh hmel hle bawk.




"Tih sual ka nei em ni?" a ti a, "Nizanah enge i tih?" ka lo ti thung, "Ka hrilh che kha, hna ka thawk, ka thawh zawh khan ka hah deuh bawk nen hotel ah ka lo muhil tlang daih a, ka rawn biak loh vang che a thinrim I nih chuan ka thiam loh a ni" a ti leh a. Ka nui hak, "Oh... thinrim love, lo kal pawh nila engmah awmzia a awm dawn chuanglo a" ngeiawm zet chuan ka ti leh a, ka thaw deuh hrawk a, "Chiang takin sawi rawh, i awmdan a nih hauh lo, engvang a hetiang a a ngei nih?" a ti ta nghut a, "Ka sawi tawh kha, chuan ka hmu peih lem lo che tih ka awmdan ah hian i hriatthiam mai ka ring, awm hahdam ka duh a, I chhuak thei angem?" ka ti leh hmak a, "Awle, ka kal phawt ang, zanah ka lo kal leh dawn nia" a ti tha ve mai a, "A ngai lo, mut hma ka duh" ka lo ti leh hmanhmawh a.




"Hetiang hian a duh, lungawi lohna i neih chuan tha takin sawi rawh, hetianga I awm hian engmah thil tha a thleng phah dawn hauh lo a nia, engpawh nise, nizan lam i mu tha lo a nih hmel, ka kal phawt ang, zanah kan in be dawn nia" tih leh pawn lam pan a rual a, ka ner nasa viau, zaktheilo lutuk, engtinge engmah thleng lo ang maia a lo la kal ngam pawh ka hrethiam hrep lo ve, zahna a hmu ve thlawt lo a nih hmel, ka fapa hian a chhun loh hram ka beisei. Nizan lamah hmeichhe dang a awmpui a, a tuk lawk ah engmah thleng lo ang maiin kan inah a rawn lang leh ngam a nia, hetiang mihring hi an awm theih ngai pawh ka ring lo, ka fapa hi hnaih lo se ka duh ber.




Nizan lam ka mu tha bawk silo nen ka mut a chhuak em em a, room ah chho in ka muhil a, ka harh leh pawh chaun ka nu leh pa te chu an lo la haw miah lo, rin aiin an rei zek mai, eirawng bawl a hun tawh avang chuan room atang chhuakin kitchen lamah chuan ka kal a, eirawng ka bo zo tih ah ka nu te pawh an lo haw ve chiah a. Bawihtea chu ka pa in a rawn paw lut a, a muhil a nih hmel, "Eirawng I bawl zo tawh a nimaw, rin aiin kan rei ta zek a" ka nu chuan kitchen a rawn luh pah chuan a ti zung zung a, "Pa Bawihtea kha ka lo la dawn a mi?" ka ti a, dim te in ka la a, a harh lo hlauh e. "Room ah ka han mut ange" tih leh room lam pan ka rual a, khumah Bawihtea ka mut zawh hnu chuan ka phone charge chu ka khawi a, a lo full pap tawh mai, ka muthilh hma khan ka charge a, ka harh leh hnu pawh khan ka la khawih miah lo.




Ka phone ka en chuan WhatsApp message hi a lo awm vang a, nizan a thlalak min rawn thawn tu atang tho khan a ni, en loh ka tum zet nang in ka in dim thei thlawt lo chuan kaen leh ta nge nge a, "Abraham-a hi ka ta a nihhi, lo ti buai leh tawh suh angche" tih a ni a, chhan pawh ka chhang let peih lo, ka phone chu ti thim in ka fapa chu ka en leh vang vang a, hetiang taka naute hmeltha hi ka fapa chu a ni si a.




Zanah chuan Bawihte a chu a tlei khawp mai, sitting room ah chuan kan thu a, Bawihte chu ka pa in a pawm a, a chhaih pah bawk, chhaih a la hrethiam lo bawk nen kapa chu a mitmeng lian kel kawl chuan a en reng ringawt a, "Ka tupa hmeltha lutuk hian min chhun a nihhi" ka pa chuan a ti a, "Awihawm loh loh, ka tupa khan keimah a lawm min chhun" ka nu chuan a lo ti ve vat a, "Ti hian I ti daih zel a, ka tlangval lai te kha i hre tawh lo em ni?.. Hmeichhe hrang hrang in kan inah min ranw len chilh thin kha, I vannei a, min chang hlauh zawk a, hmeichhia ten an thil thin hlawm zia che kha, hetiang taka pasal fel leh hmeltha i nei hi I vannei tak zet ani" ka pa chuan inchuang zetin a ti a, ka nu chu a ner anaa hle, ka thut na atangin ka nu leh pa te tang chu ka ngaithla ran a, ka lo nuih kur kur bawk. Ka pa hian ka nu fiam hi nuam a ti thin hle a, ka nu lah hian a lo la na thei bawk nen nge hmel deuhin a melh thin a, kapa thusawi chu a lo hnial let ngei ngei bawk.




"Thip nilo lo hi sawi thin suh, kei zawk hi alawm luck chu, min in chan loh hlau in kan inah zantin i rawn kal thin kha, mipa dang ka bulah an awm hlek chuan i thil thin zia te kha, ka khawngaih che a min hel nasa bawk nen ka nei mai ami che anihhi, kan inneih tirh pawn phuloh malsawmna ka dawng i tih hial kha I la hria em?" ka nu chuan a ti a, ka insum thei tawh lo ka nui chhuak hak hak a, ka pa pawh a nui ve hawk hawk tho, "I tih tlat si te chuan thudik nilo mahse thudik angin kan ngai mai a niang chu" ka pa in a tih leh chuan ka nu chua. thu tum hmuk tawh mai, ka nu leh pa te hetiang a an awm hi hmuhnawm ka ti a, an in hmangaih zia ka hmuh sak thei bawk, hetiang anga hmangaih na hi ka awt a, Abraham-a nen kan inngaihzawn tirh lai khan hetianga kan awm ve hun tur hi ka suangtuah fo thin mahse enge thleng hi....




Door bell a ri a, "Lo lut rawh" ka nu chuan a ti lawng lawng a, kawngkhar a in hawng a, Abraham-a chu a rawn lut a, "I lo kal a nimaw, lo thu rawh" ka pa chuan a lo ti a, Abraham-a chu ka bulah a rawn thu a, ka lo tawlh sawn vat a, "Nimin lam ka buai deuh nen ka rawn lang thei lova" Abraham-a chuan a ti sup a, ka lo ner sawk mai, a buai lutuk a, hmeichhe dang nen nuam an tawk a ka rilru chuan ka lo ti hmanhmawh a, "Buai hun lai a nia, a pawi reng reng lo, Bawihtea pawh vawin chu a tha tawh viau ania" ka pa chuan a lo ti a, "Khatiang a tawng duah lo khan a fapa te kha pawm tir ve la, a pawm ve chak ang chu" ka nu chuan a lo ti a, "Ni dawn tak e, kha han pawm ta che" ka pa chuan a ti a, naute chu an in hlan a.




"Bawihte I pasal hi thingpui han lum ta che" ka nu ina a tih chuan peihlo zetin ka tho chhuak a, thingpui ka siam zawh hnu chuan ka chawi chhuak a, "A tha alawm, hun I neih phawt chuan" ka pa in a ti ri chu ka hre hman zuai a, "Hei thingpui hi in rawh, Bawihte zanin chu i pasal hi a lo riak hman dawn a, a tih zia hlauh a nihhi" ka nu chuan a ti a, "Enga?" ka ti deuh that a, ka au ring bawk nen Bawihtea chu a tap a, a hlau a ni ang, "Teh vak ache, enge i hriat a, kha I fapa a tap ringawt alawm" ka nu chuan a ti hlak hlak a, ka inthiam lo takzet ani, "Khawi lo la rawh, a mit a chhuak tawh a niang, ka han mutpui ange" ka ti a, Abraham-a lak atang chuan Bawihtea chu ka laksak a, inchung lamah ka chhoh pui nghal.




Ka fapa chu hnute ka pe a, hnute hne pah chuan min en kiau a, "I va han hmeltha tak em, ka fapa a I lo piang hi ka lawm takzet a ni" ka ti sep sep a, kawngka lamah chuan thawm a awm vangin ka hawi chhuak a, Abraham-a chuan Bawihtea hnute kape lai chu hmuhnawm tih hmel zetin min lo thlir dauh dauh a, "Enge i rawn tih dawn?" nelawm loh zet chuan ka ti a, "Ka piin a sawi kha, ka rawn riak dawn?" a ti a "A tul hauh lo, engvangin nge i rawn riah ngawt ang?" ka ti fak a, "Titeh Duatnu enge pawi, nang nen hian nupa a lawm kan nih" a ti a, "Nupa, hah, i hresual deuh lo maw, nang nen hian kan awm hrang tawh a, ka chhungte leh i chhungten thudik an hriat loh vang mai hian nupa kan ni tihna a nilo a nia, chuchu i hriat chuan ngei ka beisei" ka ti a, a mitmeng chu nela loh tak a ni.




"Enge I thusawi awmzia, ka sawi chiang a nilawm ni?, nang nen hian kan la I then reng reng lo, nupa kan ni, chuchu a chang em, chuan kan in then ngailo bawk ang" a tih chuan ka melh nghek a, vin chiam chiam mai chu ka duh a, mahse ka fapa tih hlauh ka hlau bawk si, "Hre rawh, nanghi ka then vat dawn che tih hria ang che, nang hian min then duh lo mahla keichuan ka duh, I bulah hian ka awm reng thei tawh lo, chuvang chuan a rang lama in then ka duh" Kati fak fak a, "Engvanga hetia awm hrep nge i nih, kan inkar siamthat tumin theihtawp ka chhuak a, Engvanga inthen thu chu sawi lang reng nge i nih hrep?" a tih hrawk a.




"Nizanah enge i tih, dawt tellovin min chhang ang che" ka ti a, "Ka sawi tawh kha, hna ka thawk ka tih kha" a ti a, "A nihchuan heihi enge awmzia?" tiin nizan lama thlalak ka dawn chu ka hmuh a, a en chiang a, a hriatthiam loh hmel hle, "Heihi engtik lai ami nge ka hre hauh lo" a ti sup a, "Dawt sawi lo mai teh, hmeichhe dang nen nuam in tawl a nilawm ni, hetiang chung hian kan inkar siamthat I tum amaw mihring I ni meuh maw, hmeichhe dang i nei reh chungin engvangin nge i bula min awm tir i tum, hmasial taka awm hi bansan rawh" ka ti vin hlar a.




"Duatnu he thlalak hi a diklo, nizanah khan tu hmeichhia mah ka awmpui hauh lo ania, hna a tam deuh vang leh ka hnathawh kha thuruk a la nih hrih vangin ka thianpa hotel ah ka thawk a, ka chua deuh bawk nen ka thawh zawh khan ka muhil nghal, ti hmeichhia mah ka awmpui lo" a ti sup sup a, mahse aih ka tum tawh hauh lo a ni hian min bum ngun tawh lutuk mah mah, "I thusawi hi ak awih thei tawh lo, nilo nanghi rin leh che ka duh tawh lo zawk ani, rin ka tum che apiangin ka na ziah, nat leh ka duh tawh lo a ni, ring tur che a min ti tawh lovin thudik chu min hmuh tir rawh, chutiang a nih loh chuan nanghi ka ring leh thei tawh lo che. ani, fapa kan nei tawh a, tha taka awm ka duh a sin, mahse kan inkar in that lam a pan dawn chauh tih ah kan inkar ah hmeichhia an rawn lang ziah a, ka hne tawh lutuk, kan buaina hian min ti hah tawh, chuvang chuan thudik chu i ka mai nilovin mit ngeiin min hmuh tir rawh" ka ti a.




Ngawi rengin min en a, "Zanin chu hetah i riak dawn nia, mahse mut dun ka duh lo, cauch ah emaw room dangah i duh chuan i mu dawn nia" ka ti a, khumah chuan ka fapa nen kan mu a, Abraham-a chu couch ah thu in min en reng a, "Thudik a rawn lang chhuak thuai ang" a tih sup ri chu ka hria a, ka chhang let tawh lem lo, ka muthilh lai chuan tawng sep sep ri in min ti harh zawk a, "Ka fapa, min ngaidam rawh aw, i pa hian I nu ka ti hlim thei silo a, reilote chuah lo nghak leh rawh aw, thudik a lang chhuak tep tawh a nia, chutih huna chuan i pa leh nute hi i bulah an rualin an awm tawh ang, i pa hian ka hmangaih lutuk che a nia" Abraham-a chuan a fapa lu ah chuan duat takin a lo chup hliau hliau a, ka harh tih a hre miah lo bawk.




Kar kha zet a liam leh ta, Abraham-a a rawn lang ngai mang lova, kanu leh pa te chuan a chanchin min zawt hial, kei nen tak pawh ka in be ngailo, an ngah that nan tiin hnaah a buai thu in ka chhang ta tawp a, ka nu leh pa (Abraham-a nu leh pa) te an rawn leng a, Abraham-a nau pawh a rawn tel ve bawk, Bawihtea chu an in pawm chawk a, nau fel ngang a ni bawk nen a tap lo hrim hrim. Nautei chuan min biak duh thu a sawi a, ka. room lamah kan in zui chho a, "Ka u nen tunlai in in be thin em?" a ti sep a, dawt sawi a ngai a ka hriat loh vang chuan kan in biak ngai loh thu in ka chhang a.




"Nimin khan hmu turin ka kal a, a hmel ka hmuh khan a chauh zia ka hmu thei a ni, in in kar engkim ka hre vek a, ka u in zep nei hauh lovin min hrilh, Hlutei hi ka hmeichhe rin zawng a ni hauh lova, ka u bulah pawh chiang takin ka sawi tawh bawk, ka hrilh duh che chu, engpawh lo thleng se ka u hi kalsan lo la tih hi ka ngen duh che a ni" a ti a, chhan mai dan tur pawh ka hrelo, ka ngawi reng ringawt a, "Naktuk ah hian company lamah party a awm dawn a, I rawn kal ve ngei a ngai dawn ania" kan thusawi lai chu a rawn thlak a, "Ka hman chuan ka lo kal dawn nia" ka ti mawi hnai ve a, kal erawh ka tum lem lo.




A tuk lamah chuan Abraham-a a rawn lang hlawl a, kan in hmu lo rei ta deuh a, a cher riau in ka hre pek, mahse engmah ka sawi lang lem lo thung, ka nu leh pa te chuan an lo be nghal thuai a, "Ka rualin lo kal la ka duh a, company lamah party a awm a" min en chung chuan a ti a, "Ni e, va kal rawh, chhuah harh te pawh I mamawh alawm" ka nu in a lo ti a, "Mahse naute.." ka tih chuan "Lo ngaihtuah suh, i pa nen kan awm a, kan lo enkawl thei alawm" a tih leh chuan hnial ngaihna ka hre tawh lo, room lamah insi turin ka chho a, min lo zui chho ve zel a, a rawn luh tirh khan ka hmu miah lova, a kut ah paper bag lian ang reng tak a khai a.



"Heihi I hak tur a nia, phaikhawk pawh a awm tel nghal" ati sup a, ka lamah chuan a paper bag Kem chu a rawn dah hnai a, ka lo lak sak vat, inthlak turin bathroom lamah ka lut a, kawrfual nalh zet mai a lo ni a, ka han in thawlh a, ka tawk thlap mai, min ti lang zahawm ka ti mai, a nalh thlawt a ni, pheikhawk sang lutuk lo a lo awm bawk a, ka kawrfual nen a in rem thlap turin a ni, pheikhawk erawh bun lem lo chuan ka chhuak a, ka hmai teka chei a, ka zawh hnu chuan couch a Abraham-a thutna lam chu ka en a, ka inchei lai chu uluk zetin min lo en reng hi a lo nia.




"I mawi lutuk" a ti sup a, ka lo bu nghat ringawt, "Kal ila" a tih leh takah chuan room tang kan in zui chhuak a, ka nu leh pa te hnenah kan kal danw thu ka sawi a, Bawihtea ka en leh hmasa phawt a, ka nu chuan a lo pua a, a muhil a nih hmel, in atang kan chhuak a, motor a chuan kan thu dun ran a, tu mah mah kan tawng lo a, motor chhung chu a reh tha hle, "Eng party nge ni a?" ngawih reng aiah chuan ka ti a, "HR Company te nen kan thawh ho na tur lawm na a nia" a ti ve sup a, "A nihchu" tih ringawt ka sawi, ani pawh a tawng tawh lem lo, party na hmun tur chu company ah a nia, kan thleng chuan ngawi rengin a chhung lamah chuan kan lut a.




Cont...


Show post links
Top

[Ngaia]

Last Chapter




Ava Lalhmingmawii POV




Hall a kan luh chuan ki an lo tam hle a, kan lam panin pa upa lam tawh hi a rawn kal a, a nui sang bawk, "Abraham in lo thleng ta maw?" chupa chuan ati a, "Aw... Pu Hming heihi ka nupui Ava Lalhmingmawii a nihhi. Duatnu heihi kan thawhpui thar tur, HR Company nei tu Pu Lalhmingsanga a nihhi" Abraham-a chuan a ti a, "Nupui I nei hmeltha hle mai" tih pah chuan min chibai a, pa fel tak a nih ka ring, "Kan in hmu leh dawn nia" a ti a, a kalsawn ta a, Nautei'n min rawn hmu a, kan alm pan chuan a rawn kal a, "I lo kal thei a, ka lawm hle mai" tiin min rawn kuah a, "Duatnu saw tah sawn ka va kal lawk ange, Nautei nen hian lo awm lawk ru aw" Abraham-a chuan a ti sup a ka lo bu nghut nghut a, Abraham-a kalsawn lai chu ka en reng a, Nautei'n min biak chuan a lam chu ka hawi a.





"Bawihtea I rawn hruai ve lo a" a tih chuan "A la sen bawk nen ka lo hruai lo mai, ka nu leh pa ten a awmpui a" ka lo ti tha ve mai a, mipa pakhat hi kan lam panin a rawn kal a, ka la hmu ngailo, "Ka zawng che a" Kan bul a lo thlen chuan Nautei en pah chuan a ti a, "Aw... nia heihi kanu nupui Ava a nihhi, Ava heihi Lawmawma a nihhi, ka bialpa" Nautei chuan a ti a, "Abraham-a nupui ma wi nih a, I chanchin hi ka hre ngun khawp a sin, Nautei hian i hmelthat thu te a saw reng thin a a lo sawi sual hauh lo mai" a ti a, mipa tha tak a niang, "Ka thil sawi dawt a awm ngai em ni?" Nautei chuan a lo ti a, "Ngailo, boss" Lawmawma'n a tih chuan ka lo nui hak a.




"Nimin piah khan Mizoram a lo let chuah a, in in hmu ve thei chiah a nihhi" Nautei chuan a lo ti a, "A nihchu mawle, bialpa i nei tih reng reng min la hrilh lova" ka ti a, "Nia... hrilh hun che a awm lo em a" a tih chuan "Kan in awm hlat bawk sia single angin awm a duh te pawh a niang" Lawmawma'n a tih chuan Nautei chuan a ngei hmel hle, "Ava kan thiante an lo thleng a, kan va chhawn lawk ange aw, ka lo let leh vat ang" Nautei chuan a ti a, "Aw.. min ngaihtuah suh u" ka lo ti vat a, thutna awmah chuan ka thu a, Hlutei ka la hmu miah lo bawk.




Juice ka in lai chuan Hlutei ngei mai chu kawngkhar ayag a rawn lut a, min la hmu lo hrim hrim, Abraham-a chu Pu Hunga te nen an in bia a, an lam chu a pan a, a va tawng nghal siam siam bawk, nuam a tih hmel hle, Abraham-a chu a hawi kual a, min zawng a ni ngei ang, ka lo en reng tih a hmuh chuan ka lam pan chuan a ranw kal a, "Ka rei ta phian a" a ti sup a, ka bulah chuan a rawn thu thla ve nghal, Nautei leh Lawmawma te pawh chu kan lam pan in an rawn kal a, kan bulah chuan an rawn thu thla ve a, Abraham-a leh Lawmawma te chu an in be nghal bawrh bawrh a.




A landan chuan Lawmawma leh Abraham-a te hi an lo zir ho thin hi a lo nia, Nautei nen pawh an in hriat na a lo rei tawh a, mahse an in ngaihzawnna erawh kum chanve vel chuah a la nih hmel, Nautei thiante an lo kal ve a vagin kan bulah an awm rei theilo, "Nuamlo I ti em?" Abraham-a chuan a ti sup a, "Ti lova, ka nu leh pa te ngatinge an lo kal ve loh a?" ka tih chuan "Ka pa a chau deuh a, an lo kal ta lo a nihhi" a tih chuan ka en vat a, "Enge awmzia, nimin lamah kha chuan a la tha viau sia" ka tih chuan ",Hlauthawng suh, a bp a sang deuh thut alawm mawle, hlauhthawn tur a awm lo ania" a ti a, ka thaw huai mai.




Chutia kan lo in biak lai chuan Hlutei chu kan lam panin a ranw kal a, "Sir, Pu Hminga'n a fala a biak duh thu che a sawi a" a rawn ti a a tawng no hlei hlei khawp mai, Abraham-a chuan min rawn en a, "Va kal rawh, ka ngaihtuah awm loh a nia" ka ti a, "Ka lo let leh vat ang" a tih hnuah a kalsawn a, Hlutei chu a kalsawn ve mai dawn emaw ka tih laiin ka bulah chuan a awm ve ta reng a, "I lo kal ve pawh ka lo ring lem lo a" a tih chuan a lam chu ka hawi a, nichin maia a nui hmel te khana reh vek tawh, "Engvangin nge chutiang chuan I lo rin a?" ka tih chuan a dar a kan ak a, "In awm hrang tawh bawk si a, nupa in nih tawh loh hnuah pawh I la zui kual zel animaw?" a tih chuan ka nui hak a.




"Thil I hresual deuh niin ka hria, Abraham-a nen hian kan la in the reng reng hleinem, nau ka neih vang a awm hrang hrih mai kan ni" ka tih chuan a hmel chu a dang zawk a, a reilo a in siamtha leh vat a, "Umm.. a nihchu mase in in kar a tha lem lo tih ka lo hria a, in in then vat dawn thu nen" a tih leh chuan "Oh.. mi thusawi hi awih mai mai loh tur asin, thudik a ni ngai meuh lo a nia, chuan thil pakhat, Abraham-a hi then tum eng ang pawh ni ila amah hian in then a duh dawn hauh lo bawk, hma hun chu ka sawi theilo mahse tunah hi chaun nupa kan la ni hrih e" ka ti a, kalsawn daih se ka ti hle, "Keichu ni ila ka then daih tawh ang, hmeichhe dang a nei tih hre reng chung phei chuan" a tih leh chuan ben sawk mai ka duh, ka kut chu ka hum ruh viau tawh bawk, mahse a hmaah hian thinrim anga lan ka tum hauh lo.




"Vanneih thlak takin I ni lo hlauh chuan ka pasal hi then leh mai mai turin ka nei hleinem, Hmeichhe dang a nei amaw, eng ang pawn hmeichhe dang chu lo awmpui rawh se, a duh tak tak dawn lo tih ka hria, a chhan chu keihi min hmangaih miau a" a ti kha fak a, "Hm.... i chiang maw, a bula ka awm lai hi chuan nanghi a hrechhuak ngai hauh lo che asin, nilo a hre chhuak ngailo che nilovin a theihnghilh hmak thin zawk che mawle, chuan i pasal hi nakin lawkah chuan ka ta a la ni vat dawn, chuvang chuan tunah hian kalsan vat rawh" thinrim insum hmel tak chuan a ti a, ka nuih a za zawk e a.




"I chiang maw, kei min kalsan hian nanghi a pan ang che tih i chiang maw?" ngeiawm fe chuan ka ti a, "Tehreng mai, ka bulah a hlim zawk thu leh ka siam nawm zawk thu a sawi" a tih le chuan min deng dawt mai, "Engthu maw tunah khan I sawi a?" hnunglam atang chuan hmeichhe aw hian a rawn ti a, Hlutei chu a phu zawk mai, "Nangnu khan tunah khan enge I saw kha?" thinrim hmel tak chuan Nautei chu a ranw kal hnai a, Lawmawma chuan a rawn zui ve vat bawk, Hlutei ka en a, a mitmengah chuan hlauhthawnna ka hmu thei, nuam ka lo ti ru veng veng mai.




"Ka u nen hian in in karah engmaw awm a?" Nautei chuan a ti zawi fak a, midang an tam a buaina siam chiam chi a nilo, "Eng.. engmah ka sawilo" bah nawk chuan a ti a, "Hah.... dawt hmang khan min bum chu tum buai duh suh, zaktheilo lutuk, tuin maw I bula a hlim zawk thu chu sawi?" a ti leh fak fak a, Hlutei chu a ngawi reng a, "Buaina a awm em ni?" Abraham-a chuan a ti sup a, "U henu" tih pahin Nautei chuan Hlutei chu a kawk a, "Ka office ah rawn kal rawh u" a ti a, Abraham-a chuan ka kawngah a rawn chelh a, Nautei leh Lawmawma chu an kal nghal a, Hlutei erawh a la che lo hrim hrim, "Ka sawi I hria a nilawm ni, ka office ah rawn kal rawh" khauh fur hian Abraham-a chuan a ti leh a, "Sir ka awm a nuamlo deuh a, ka haw maithei zawk angem?" hlauh hmel tak chuan Hlutei chuan a ti a.




"Chhuan lam siam lo khan kal rawh" Abraham-a chuan a ti ta hrawk a, Hlutei chu muangchangin a kal a, a hnunglamah Abraham-a nen chuan kan zui a, Abraham-a office ah kan awm a, Hlutei chu a ding zum za a, "Lalnunhlu engkim i hria em thudik engkim sawi rawh" Abraham-a chuan Hlutei melh chung chuan a ti hrawk a, "I sawi awmzia ka hrelo" ti dakin Hlutei chuan a ti a, "Lemchan khan awmzia a awm lo, ka nupui hnenah I thlalak thawn ho zawng zawng pawh kha ka hriat chhuah loh i ring em ni?, kan nupa in kar tih chhiat tum a i chet dan zawng zawng kha hmaih awm lovin sawi nghal vek ang che" Abraham-a chuan a ti leh thawt a, "Engthil mah ka tilo" rap riau chung chuan Hlutei chuan a ti leh a, Abraham-a chu a ner sawk a, Nautei chuan a tuar tawh thlawt lo a niang nge a thut na atang tho in Hlutei dinna lam chu a pan a, a va sawi nawk a.




"Dawt sawi I la tum ngam amaw, I thil tih engkim hi kan te vek asin, ka u hnenah I la khawngaih thlak zetin dawt I sawi dan zawng zawng nen kha kan hre chhuak vek tawh" Nautei chuan a ti ta that a, Hlutei chu a meng phar awk a, an thusawi awmzia ka la hrethiam chuang hauh lo, "Ava keiman kan sawi ange, henu hian ka u hnenah a pasal hlui in kut a thlak thin thu leh a pasal chuan an in then hnuah pawh a la umzui reng thu a sawi a, ka u chuan lo khawngaih in a lo hum him mai a ni, tichuan chuchu remchangah la in in in kar tih chhiat a ka u hi a ta a siam a tum ta ani, he a rilru bawlhhlawh zet vang hian ka u leh nang hian in tuar phah a, chu aia rapthlak zawk chu I hre duh em?" a ti leh a, Hlutei chu a lo khur dawt dawt tawh a.




"A pasal khan a umzui ngei alawm, mahse chhan tha tak vang zawk ani, he hmeichhe tenawm lutuk hian a pasal kha bum in a ro zawng zawng a chhuhsak vang a ni, a pasal nen kan in biak naah ka hre chuah a ni, ka u hian a rinhlelh thu ka bulah a sawi a, chuta tang chuan ka chhui char char a, a pasal pawh hmaichhan ah ngei ka be bawk, a pasal sawi dan phei chuan ramhuai a nihkha a ti hial asin, a pasal pa a thi a, a tuar em em laiin a ni chuan ro zawng zawng chu a hmingin a lo thlak tir a, a nu rilru na lutuk chu a boral phah hian asin, hmeichhe duham tak a nihhi" a ti a, Hlutei chu ka rin ai daih in a lo rapthlak zawk. "A pasal pawh a lo thleng tep in ka ring"va tih leh takah chuan Hlutei chu room atang tlan chhuah a tum a, Lawmawma chuan a lo man bet nghal vat a.




Hlutei pasal chu a lo thleng a, engtianga tih nge a duh tih an zawh chuan "Amah vang hian ka nu rilru na takin a awm a, a nunna a chan phah hial bawk, dan lo angin kan ro zawng zawng a hmingin a dah bawk a, chuvang chuan jail a dah ka duh a ni" a tih chuan "Awle, i thu thu a ni e" tiin police chu a ko nghal a, "Nghaka, min ngaidam rawh, in ro zawng zawng pawh ka pe let leh vek ang che, mahse min man tir lo hram rawh" tiin Hlutei chuan a pasal hlui chu ngaihdam a dil mawlh mawlh a, "Ri zawng zawng kha a neitu diktak hmingin a awm vek tawh, nang hian eng ro mah I nei tawh lo" Abraham-a chuan a lo ti nghut a, "Nilo engtinge?" Hlutei chuan a ti sep a.




"Kar hmasa a i thil sign kha I la hriat ngei ka ring" a tih leh sup chuan Hlutei chuan ngaihtuah let ni a takin a ngawi vang vang a, chutah thinrim hmel takin Abraham-a chu a melh ta ngar a, police an lo thleng takah chuan Hlutei chu an la ta a, a tal nasa khawp mai, mahse an man bet hneh a, a tal chhuak zo lo, I hnuai lamah party a awm avangin kawngkhar hnung lam atang chuan an chhuah pui ta a, Hlutei pasal hlui chuan lawmthu a sawi mawlh mawlh a, engmah sawi nachang pawh ka la hrelo, Nautei te an chhuak a, Abraham-a nen chuah chuan kan awm ta a.




"Duatnu" a ti sup chuan Alam chu ka hawi a, "Min ngaidam rawh, ka tih nat reng che avangin" tiin ka hma ah a rawn thingthi a, ka en reng ringawt, "Khawngaihin ka bulah lo let tawh hram rawh, ka fapa nen ka ngai tawh takzet cheu a ni, in tello kan in reh taka awm reng ka thei tawh lo, hlim takin ka siam ang cheu, rinhlelh ngaiin ka awm leh tawh lo bawk ang" a ti sup sup a, "Abraham" ka tih sep chuan beisei nei zetin min em a, "Min ngaidam hram rawh" a ti leh sup a, "Ka ngaidam che" ka tih chuan a thaw chhuak huai a, "Ka bulah in loet leh ah tiraw?" a tih leh chuan nui se sen chungin ka bu nghat nghat a.




"Ka lama e, ka hmangaih che" ti sup in min fawp vawng vawng a, ni e.. a ni hian min ti na thin a ni maithei mahse ka hmangaih a, a tello chuan ka hlim ngai dawn lo tih ka hria, hlim taka kan awm theih reng laiin Engvangin nge ka in tih hreawm duh reng ang ni, ka fapa pawn pa a la mamawh dawn chauh bawk, in lamah kan haw a, ka nu leh pa te hnenah chuan in lama ka let tawh dawn thu kan sawi a, naktuk lamah haw ka tih in Abraham-a chuan a phallo bur a, a zan a zanin kan in khalh haw ta a.




4 Years Later




"Mama, ka nute hi an tah belh e" Austin chuan a nau te khum a muhil chu a en vang vang a, ka lo nui hak, fa phir hmeichhia ve ve Emma leh Gemma kan nei leh tawh a thla li na an hmang ve leh mek bawk, "Naute an la nia, nangpawh i tet lai chuan i tap ve nasa thei lutuk alawm" ka tih chuan chal chuar tup in min en a, "Mama dawt I sawi, Papa in a sawi a, mipa i nia, nangchu i tap ngailo min ti" intithei taka a tih chuan ka nui leh hak ringawt, a pa hi chu a ngaisang ve a nia.




Emma leh Gemma te chu an muhil tui bawk a, in bual ka duh bawk nen ka fapa hnenah chuan lo veng turin ka ti ta tawp a, nau pawm nih chuan chet ranga ngai bawk nen ka inbual rei lem lo, tlai lamah chuan pawn lamah motor ri a rawn a rawn awm a rang zetin Austin chu a tlan chhuak nghal, "Papa" a ti alng lang bawk, nui sukin ka fapa tlan dawr dawr hnungah chuan ka kal a, kawngka ka thlang chiah tih chuan ka osal leh ka fapa te rawn in pawm lut nen chuan kan in tawk a.




"I va rawn haw hma ve" ka ti sep a, "Kan buai vak lo a" a tih chuan ka awih lem lo hle, tunlai chu hna lama an buai hunlai tak zawk a ni a, mahse Abraham-a hian a fate hi a atchilh em a, a rawn haw hma ziah, vawikhat ka khak deuh a, hnaah kan buai lo tih chhuan lam in a rawn haw hma ziah tho, "Vawin lam te ka fapa hian a nu hi a lo ti buai em?" a tih chuan "No... ka fel lutuk, ka naute pawh Mama inbual chungin ka lo veng a, tiraw Mama?" min rawn en pah in a ti a, ka lo buk nghat chuan fel in ti tak chungin a pa chu a en leh a, Abraham-a chu a nui chhuak hawk hawk a.




Zanah chuan khumah kan chhungkua in kan mu thap a, kan fate an muhil tawh a, a sir ve ve ah kan mu bawk, "Duatnu" ka muhil dawn tan tih chuan Abraham-a chuan a rawn ti dut dut a, "Imm" mutchhuak aw zet chuan ka lo chhang a, "I muhil tawh dawn ami?" a tih leh chuan "Imm ka mut a chhuak lutuk" ka ti leh sep a, a thaw chhuak hawk mai, "Kei chauh hi a nimaw mutchhuak lo awm chhun" a tih chuan ka meng a, Abraham-a lam ka en chuan min lo en ve ran a, "Hnaah I chau awm sia, muthilh vat tum rawh" ka tih chuan a rum nghut a.




"Ka muhil theilo, ka nghei rei tawh zia hi I hria em?" a ti a, "Mu mai mai rawh, naupang I ti harh ang" ka ti hlak a, khum atang chuan a tho chhuak a, ka lam chu a rawn pan a, enge a tih tum kao ngaihchan lai chuan min rawn pawm kang nawlh a nihchu, "I mawl ami, min dahthla teh" ka ti a, ka tawng ring ngam lo, "No... ka mamawh takzet che" tiin room a couch kan dah ah chuan min nghat a, min rawn bawh bet zui nghal zat bawk, "A chi loh emai, naupang kan ti harh ang" tiin a awmah chuan ka nam tang tang a, "Thawm kan dim deuh a ngai tihna a nihchu" tih leh chet lak a rual a.




Bathroom ah in tifai turin kan lut leh a, a kut a hlei bawk nen ka in bual rei dun ngang mai, kan inbual zawh chuan chhuakin thawmhnaw te kan ha leh a khum bulah chuan in kuah chial a dingin kan fate muhil lai chu kan en a "Vawi tam tak ka ti na che a, chuti chung pawh a min ngaidam a ka hnen a I la a avang hian ka lawm a fa hmeltha tak tak min pek avang pawh hian ka lawm e, ka hmangaih che ka nupui" a ti a, "Fapa nangmah ang tak leh fanu tahbelh tak tak te min pek avangin ka lawm e, ka hmangaih che ka pasal" ka ti ve sep a, ka pasal nen chuan kan in en a, a mitmeng ah chuan kan fate leh kei min hmangaih zia ka hmu sak thei a ni.




A TAWP TA.




(A tawp thleng min chhiar sak tu te hnenah lawmthu ka sawi tak meuh meuh a, ka story thar tur 'My Cosmos' hi a prologue naktuk lamah ka ranw dah dawn nia aw... min lo chhiar sak leh theuh turin ka sawm a che u)


Show post links
Top