CAPTIAN BY Becca Lnz (Completed)

[Ngaia]

Prologue
"Kal velo mai rawh" ka tap pur a, ka mittui luang chu min hruk sakin min thlem pah sup sup a, "Ka lo haw leh vat dawn alawm, chumi hma zawng chu min lo nghak la, khawiah mah lo kal bo suh aw" a tih chuan lu ka thing nak nak a, "Ngatinge I kal bo dawn a?" ka ti leh hram a, "Ka kal bo dawn hleinem lehkha ka zir lawk dawn alawm, ka lo kir leh vat ang, ka tiam ache" a ti leh sup a, ka tap pawh ka bang tawh a, "Tak tak maw?" ka tih chuan nui suk in lu a bu nghat a.
"I len hunah ka nupui I ni anga, chuan kan pahnih in kan awm dun char char tawh dawn nia"
"Tak tak maw, mahse enga tinge I nupui chu ka nih ang?" ka ti ha a, ka hmaa mipa ding chu ka en chho vah, kum 8 chauh ka la ni a, a ni thung chu kum 15 a ni tawh thung, "Kan pahnih hian nupa turin Pathian in min siam alawm, chuvang chuan ka nupui I nih ngei ngei a ngai dawn a, chuchu i duh lo a mi?" a ti leh sup a, "Duh e, mahse a la rei angem?" ka ti leh a, "Rei tawh lovang, chumi hma zawng chu mipa tumah hnaih lo la aw, keimah chauh mipa ah chuan i hnaih thiang ania, theihnghilh lo la" a tih leh chuan thu awih takin ka lo bu nghat nghat a.
Anu leh pa ten an lo ko a, "Ka sawi kha hre reng rawh aw, ka lo let leh vat ang, hei hi I ta tur a ka lei ania, lo ti bo miah suh aw, min ngaih chang apiang in heihi I lo be thin dawn nia, tichuan I bulah ka awm angin I hre mai ang, ka kal a hun tawh a, kan in hmuh leh hma chu dam takin I lo awm ang tih min tiam rawh" a tih chuan "Ka in tiam e" ka ti sep a, a nu in a lo koh leh avang chuan hmanhmawh takin a kal ta a, ka en zui reng, ka mittui tla tur chu ka hru hul thuak thuak a, a thi min pek chu ka hum ran bawk.
___________________________________________
"Nu ka kal dawn aw" ka ti lang lang a, "Awle, fimkhur la aw, chuan tha takin I hna chu I thawk dawn nia, duhsak na ka hlan ache" a ti a, ka kal chhuak nghal, vawin hi ka hnathawh ni hmasa ber tur a ni a, tlai ka hlauh vangin ka kal hma a, ka pa erawh chu hna a kal na a rei tawh a, ka pa hi contractor a ni a, ka nu hi inah a awm thung ani.
Ka hnathawh na tur hmun ka thleng a, ka luh hma chuan ka thi awrh lai chu ka khawih zeuh a, ka thaw chhuak ham ham phawt a, a chhungah chuan ka lut a, mi an lo tam tawh hle, hnathawk pakhat cu ka ko ding a, "Mr. Ab-a assistant thar tur ka nia" la tih chuan "A nihchu mawle, min lo zui la I awmna tur hmun ka lo hrilh angche" a ti a, ka zui nghal.
"Hetah hian aw... chuan thil pakhat kan boss hi I duhkhirh tak a ni a, I fimkhur dawn nia" a ti a, a kalsawn zui nghal, eng ber nge ka tih dawn ka hrethiam lo ngei mai, chutia tihtur ber ka hriat loh lai chuan pen ri khup khup thawm ka hria a, ka hawi chhuak vat, mipa hmeltha zel liam leh sang zet mai hi ka lam panin a lo kal a, "Nanghi em ni hnathawk thar tur chu?" nelawm na tel hauh lovin a rawn ti a, chhan mai nachang hre lovin ka lo en reng, ka hmuh tawh hnu a ang takzet.
"Ka tawng chu I hria em?" nin hmel zetin a ti leh hmuk a, ka in thing harh vat a, "A... aw... ni e" ka ti bah nak a, "Ka office ah rawn lut rawh" a ti leh hmuk a, min kal pel nghal daih bawk, a ni kha ka boss tur chu a ni sia, a hmel nelawm loh zet te kha, mahse a hmeltha takzet Mizo mipa ah khatiang taka mipa chhelo leh hmeltha kha ka la hmuh awm pawh ka hrelo, enge maw ka ngaihtuah le, 'A viau suh, I boss tur a nihkha" tiin ka in hau ru mawlh mawlh a.
___________________________________________
"I fimkhur loh lutuk avangin deal Lian tak kan chan tih i hria em?" a ti hrawk a, ka lo ip chawih a, enge tih dikloh ka neih, a sawi ang zelin ka ti a, tunah deal pakhat kan chan a, theh lut tur a min tih rual rual khan ka theh lut nghal a, tunah ka thiam loh a ni leh si amaw, a fair hlawl lo, "Sir, theh lut tura min tih rual khan ka theh lut asin" ka ti sep a, thinrim zetin min rawn melh a, a mit te chu a sen rum a, en pawh ka en tha ngamlo.
"Chuan ka thiamloh a ni I tihna maw?" a ti hmuk a, "Ni.. nilo chutiang chu ka sawi tum a nilo" ka ti leh sep a, "Thleng nawn tawh suh se, chhuak vat rawh" a ti leh hrawk a, a office atang chuan ka tlan chhuak nghal a, washroom ah kal tlang in toilet ah ka lut a, ka tap chhuak deuh hawk, engtik lai pawh in min vin a, hetiang reng reng chuan ka tuar thei lo vat ang.
Ka thi awrh lai chu la chhuak in a ka khawih neuh neuh a, "Engtik ah nge kan in hmuh leh ang, ka ngai che" tiin ka tap chhuak hlawp hlawp a, ka naupan lai chu ka mitthla ah a rawn in lar zut zut a, fahrah inah ka awm thin a, khatih hun lai khan a ni kha lo kalin nitin kan in kawm thin a, mahse a ni chu a kalbo a, kan in hmuh leh vat tur thu a sawi bawk, mahse tun thlengin kan la in hmu leh ta miah lova, a dam tha angem, nupui a nei tawh angem tih te chu ka in zawt thin, khatih hun lai khan ka la naupang em a, ka duh a ni tih ka la hrethiam lo, mahse tunah chuan ka hrethiam tawh a, hrilh turin khawiah nge a awm tih tak ngial pawh ka hre silo, ka la nghak reng chu a nih si hi....
___________________________________________
"Nangmah I ni takzet em?" a ti sup chuan hrethiam lo zetin ka lo melh a, "Nana" a tih leh tak sup ah chuan mak ti zetin ka melh a, "Min hre tawh lo em ni, I captain kha I la hria em, itin nangmah hmu tur che in ka lo kal thin kha" a ti leh a, tawng nachang ka la hre chuang lo, a ni hi ani tak tak amaw...
"Captain" ka ti sep a, "Aw.. keimah i captain kha, min la hria tiraw, min la theihnghilh lo a ni tiraw?" a ti leh a, "Tinge I lo let har em em a, ka lo let vat ang I tia, ka lo nghak reng che asin" ka ti tiau a, "Ka tihpalh ani, ka lo let leh hnu khan I awm na hmunah ka lo kal hmasa ber asin, mahse i awm tawh loh thu in min chhang a, ka zawng nasa lutuk che a, mahse ka hmu thei bawk silo che, ka hnaih tak ah i lo awm reng a" ti sup in min rawn kuah a, ka lo kuah let ve vat a.
"Khawiah mah I kal tawh lovang tiraw, min kalsan tawh suh aw" ka ti a, ka biangah mittui a luang thla ngiai ngiai bawk, "Ka kalsan tawh ngai lovang che" ti sup in ka chhip samah a fawp vang vang a.
___________________________________________
Ava Lalhmingmawii- Hmeichhe hmeltha leh fel tak, Feet 5'7 a sang, fahrah in a a awm laiin nupa fa nei theilo te chuan fa atan an la a, nula fel ti a veng chhung in an sawi hial ani a, a naupan laia a mipa duh em em mai chu a nghak char char a ni.
Abraham Lalrintluanga- Mipa hmeltha leh chhelo, feet 6'4 a sang,va chhungte leh thian hnai te bulah chuan nelawm tak a ni a, midang te lakah erawh chuan a nelawm lem loh hle thung, a naupan lai atang a a hmeichhe hmangaih chu a theihnghilh thei lo a, amah vang chuan ngaihzawng pawh a neih loh phah hial ani.


Chapter-1



Ava Lalhmingmawii POV



"Bawihte, hetah lo kal teh" ka nu chuan a ti a, ka thut na atang tho in ka nu lam chu ka pan vat a, "Enge nita?" ka ti sep, "I pa nen kan chhuah a ngai dawn a, inah hian lo awm mai rawh aw, I ni kha a zual thut a ni awm a, kan kal vat a ngaih hmel, zaninah kan rawn haw hman lo maithei ania aw, kan lo hrilh leh dawn che ania" a ti zung zung a, "Ka lo kal ve mai dawn ami?" ka ti hap a, "Lo kal lo mi rawh, I duh chuan naktuk lamah I lo kal zawk dawn nia, kan vai a kan chhuah chuan inah tumah an awm dawn silo a" a ti leh a, ka hnial lem lo.




Ka nu leh pate chu an chhuak a, chaw kan ei tawh bawk a, kawngka kalh tha in ka room lam ka pan a, khumah chuan mu in ka phone chu ka khawih mial mial a, ka lo muhil a ni ngei ang ka phone ri ah chuan ka harh zawk a, ka phone screen ka en chu ka nu a lo ni "Bawihte hei zanin chu kan lo haw hman hmel loh aw" a rawn ti a, "Ka ni chu a tha lo viau em ni?" tiin ka lo zawt a, "Aw.. tha vak lo, mahse i rilru lo ti hah lo la aw, a tha leh vat mai ang, ka ngka te kha kalh tha la, nangmah a awm I hreh em?" a rawn ti leh a, nula ka ni ve tawh a, mahse ka nu hi chuan naupang chhia angin min la ngai tlat thin.




"Hreh lo e, min ngaihtuah suh nu, chuan chanchin min rawn hrilh ve zel la aw" ka ti a, "Awle, i hlauh chuan I u Muantea kha bia la a lo awmpui mai ang che" a tih hnu ah phone chu kan dah a, ka mut pawh a chhuak tawh lo, bathroom ah lutin ka zung a, khumah chuan let leh in ka thu mu a, ka mit ka chhing vang vang, ka mit chu ka chhung vang vang a, ka thaw hak, keihi fahrah ka ni a, ka nu leh pa te hian kum 9 ka nih laiin fa atan min la a, fa an neih theih loh avangin an fa ang chiah in min en a, keipawh in min hring tu ka nu leh pa te ang chiah in ka ngai bawk.




Ka nu leh pa te hi chhungkaw hung ve tak an ni a, an zavai mai chuan min duat in min en hran na an neilo, an chhungkaw mi ang tak tak in min en vek a, keipawh mi hrang angin ka in hre ngailo, mahse ka chhungril ah hian kim lo eng emaw a awm tlat a, ka tana mi pawimawh ber pakhat ka nun atanga a chhuah ni atang chiah khan ka chhungril hi a khawhar a, khawlai a ka chhuah te hian ka hmuh in ring in ka zawng ru leh thin mahse a thawm tak ngial pawh hriat tur a awm lo.




"Kal velo mai rawh" ka tap pur a, ka mittui luang chu min hruk sakin min thlem pah sup sup a, "Ka lo haw leh vat dawn alawm, chumi hma zawng chu min lo nghak la, khawiah mah lo kal bo suh aw" a ti chuan lu ka thing nak nak a, "Ngatinge I kal bo dawn a?" ka ti leh hram a, "Ka kal bo dawn hleinem lehkha ka zir lawk dawn alawm, ka lo kir leh vat ang, ka tiam ache" a ti leh sup a, ka tap pawh ka bang tawh a, "Tak tak maw?" ka tih chuan nui suk in lu a bu nghat a.



"I len hunah ka nupui I ni anga, chuan kan pahnih in kan awm dun char char tawh dawn nia"



"Tak tak maw, mahse enga tinge I nupui chu ka nih ang?" ka ti ha a, ka hmaa mipa ding chu ka en chho vah, kum 8 chauh ka la ni a, a ni thung chu kum 15 a ni tawh thung, "Kan pahnih hian nupa tur a Pathian in min siam alawm, chuvang chuan ka nupui I nih ngei ngei a ngai dawn a, chuchu i duh lo a mi?" a ti leh sup a, "Duh e, mahse a la rei angem?" ka ti leh a, "Rei tawh lovang, chumi.hma zawng chu mipa tumah hnaih lo la aw, keimah chauh mipa ah chuan i hnaih thiang ania, theihnghilh lo la" a tih leh chuan thu awih takin ka lo bu nghat nghat a.



Anu leh pa ten an lo ko a, "Ka sawi kha hre reng rawh aw, ka lo let leh vat ang, hei hi I ta tur a ka lei ania, lo ti bo miah suh aw, min ngaih chang apiang in heihi I lo be thin dawn nia, tichuan I bulah ka awm angin I hre mai ang, ka kal a hun tawh a, kan in hmuh leh hma chu dam takin I lo awm ang tih min tiam rawh" a tih chuan "Ka in tiam e" ka ti sep a, a nu in a lo koh leh avang chuan hmanhmawh takin a kal ta a, ka en zui reng, ka mittui tla tur chu ka hru hul thuak thuak a, a thi min pek chu ka hum ran bawk.




Ka mit chu ka meng a, ka mittui chu ka biangah a luangthla nghal pap bawk, 'Khawiah nge i awm?' ka ti sep a, ka ngai a ni, ka lo let leh vat ang a ti a, mahse a ni chu tun thlengin hmuh tur a la awm silo, nge ni a, a lo let anga ka awmna ah khan lo kal in min hmu silo kha a beidawng mai zawk ni ang tih te chu ka in zawt nawn fo thin, kum 15 lai a liam tawh, nupui a nei tawh angem tih te ka in zawt a, midang ta ni tur chuan ka phal ngang bawk silo.




Zing ka harh chuan ka lu a rit bur mai, nizan lamah khan ka hun kal tawh te ka ngaihtuah a, ka tap nasa bawk nen ka mit pawh a bui luk a, men a hreawm lam lek lek chu a ni, eirawng ka bawl a, ka nu leh pa te chuan min la be miah lo, an buai a nih ringin ka be duh lem lo a, chaw te ka ei kham a, ka nu chu ka call a a lo la vat, "Nu enge chanchin?" ka ti nghal tawp a, "Hei a la chau ang eng lutuk a, Bawihte kan lo la haw hman lo aw, nangpawh I duh chuan lo kal rawh, kan lo nghak dawn che nia" a ti a, ka kal tur thu ka sawi ve nghal zat bawk.




Damdawi in lama kal tur chuan ka in siam a, ka ni hi cancer a ni a, kan hriat chhuah na pawh a la reilo, mahse a taksa a chhe chak em em a, a kal mai dawn emaw tih chang lah kan ngah thin, taxi in damdawiin lam chu ka pan a, ka thlen chuan ka ni room lam chu ka pan nghal vat, room chhung ah chuan ka lut a, kan chhungte chu an lo awm nual tawh, ka ni fanu Arintei chuan min hmuh rual rual chuan ka lam panin a rawn kal a, a ni pawh a tla ve dawk mai.




"Ka hmu che chu ka veng hawk mai" a ti a, a mit ah chuan a chauh zia ka hmuh sak thei, "I chauh hmel lutuk ania, I cher bawk si, ni thum chuah kan la in hmu lo a, chaw i en ngailo ami?" ka ti a, za lo fe hian a nui a, "Chaw ei chak na pawh ka nei lo, lo kal rawh, thutthleng ah sawn thu ang" tiin min kai a, ka pa chuan ka ni kut chu vuan in thil a hrilh sup sup a, ka ni chuan chhan pawh a chhang peih meuh lo.




"Thil eitur zuk la ila" Arintei chuan a ti a, ka lo bu nghat a, kan in zui chhuah dawn chuan ka pa in min lo au ding a, "Kha pawisa hi la rawh u" a ti sup a, keini pawh chuan sawi buai lovin kan la ve mai a, eitur la tur chuan damdawiin atang kan in zui chhuak a, "Hetah hian thu lawk ang" a tuna, thut na awm ah chuan kan thu a, a thaw chhuak hak, "Ava ka rilru a hah emai" a rawn ti hluai a, ka hrethiam khawp mai, hnem ka duh a, mahse engtia han tih tur nge ka hre bawk silo.




"Ka nu hi a ni telin a chau a, rei kin dam pui thei tawh dawn lo tih ka hria, a tello chuan ka awm theih pawh ka ring lo" a ti a, a mittui a tling pam bawk, "Arinte chutiang zawngin ngaihtuah suh, Nite in chu a tha leh vat dawn alawm" ka ti ringawt a, "Aih a tha thei tawh lo tih chu I hriat chian kha, engvang in nge hetiang natna hi a tawrh bik le, nu fel tak a ni a, Pathian a tih em em thin bawk, mi pawisawi a hlau em em a, a ni anga ni tha hi an awm pawh ka ring lo hial thin, ka nu hi ka in nghah na tak meuh meuh a ni a, a tello nun hman dan tur pawh ka ngaihtuah thiam lo, min kalsan dawn anga ka ngaihtuah ringawt pawh hian em ngaih na ka hre lo thin" tiin a tap chhuak hawk a, ka lo kuah vat.




Arintei nen hian kum khat chhuak kan ni a, kei ai a thla in a upa thung, mahse ka u lem lo a, amah pawn chuchu a duh zawk a ni, kan in kawm ngaih em em a, ka unau nu a ni mai paih lamah ka thiantha ber a ni bawk, a sawi ang tak tak khan ka ni hi ni fel leh zaidam em em mai a ni a, a fanu nen hian min en hran na a nei ngai lo hrim hrim, hetiang nat na a tuar ta mai hi tawrh thiam a har takzet, kawng kal te chuan min en hrek hrek a, mahse engah mah ka ngai duh lem lo.




A tah zawh hnu chuan a mittui te chu hru hul thuak thuak in a ding tharh a, "Lo kal raw eitur chu la tawh ila, an ril a lo tam tawh hlawm lutuk palh ang" a ti a, restaurant lam pan chuan kan in zui a, eitur te chu kan pack tir a, an zawh chuan pawisa pe in damdawiin lam pan chuan kan in zui lut leh a, room chhung kan lut chu ka nu chuan kan thil ken lai te chu min lo lak sak zung zung a, eitur te chu kan ei a, mahse kan ei tlem hlawm hle.




Tlai lamah chuan ka nu leh pate nen kan haw a, ka pa pawh chu a rilru a hah ve hle tih a hriat, ka nu pawh chuti tho, "Eirawng chu keiman ka lo bawl mai ang, lo hahchawl hrih rawh u" ka ti a, ka nu leh pate pawh chuan min hnial lem lo, awmpui pakhat kan nei a, a u nupui neih na avangin an khaw lamah a haw lai a lo ni hlauh a, kan chhungkaw member kan tam lo bawk a, thil harsa leh hahthlak em em tihtur a awm lo.




Ka zawh hnu chuan ka room lamah lut in ka in ti fai a, thawmhnaw te ha in ka room atang chuan ka chhuak leh vat a, chaw ei siam ka peh fel hnuah chaw ka nu leh pate room lam chu ka pan a, kawngka ka kik karh karh a, ka nu chuan a rawn hawng a, chaw ei ka peih tawh thu ka hrilh hnuah choka lamah ka kal lehnghal a, ka nu leh pa te pawh chu an rawn lang ve thuai a, ka pa chuan tawngtai na te a hmang a, kan ei nghal mial mial.




Chaw kan ei lai chuan ka pa phone a ri a, ka laksak vat, an in biak lai chuan ka nu nen ka pa chu kan lo en kar a, "Bawihi nu Mafeli a tha vaklo a ni awm a, kan kal nghal mai a ngaih hmel" Ka pa chuan a ti a, a aw atang chuan ka ni chu a tha lo hle tih a hriat theih, "Pa ka lo kal ve dawn" tih pahin ka thut na atang chuan ka tho a, "Awle, han in siam la kan kal nghal mai dawn nia" a ti a, ka room lamah tlan chho in thawmhnaw ak ha sawk sawk a, ka chhuah leh meuh chuan ka pate pawh chu an lo in peih fel vek tawh.




Ka nu chuan kan thil ei na vel chu a lo ti fel vek a, naktuk ah kan awmpui Mami a lo haw dawn tho a, thleng pawh sil lovin kan kal ta nghal a, damdawiin kan thleng a, ka ni room pawn ah chuan kan chhungte ho pawh chu an lo awm thap a, Arintei'n min hmuh chuan min rawn kuah pahin a tap nghal hlawp hlawp a, ka nu chuan a lo hnem ve mawlh mawlh, rei fe kan awm hnu chuan doctor chu a lo chhuak a, kan kal hnaih nghal vat a.




"Doctor ka nau chu enge a an?" ka pa chuan a ti sup a, "Dik tak chuan hun a nei tam tawh lo,zanin pawh hi a daih angem kan hrelo ani, ka theih tawp kan chhuah dawn a, Pathian hnenah in lo tawngtai mawlh mawlh dawn nia" a ti a, ka pa chuan a thaw chhuak hawk a, "Tih theih engmah a awm tawh lovem ni?" ka pa chuan beidawng aw zet chuan a ti leh a, doctor pawh chuan hreawm tih hmel zet chungin "A pawi ka ti hle mai" tih bak sawi theih a nei lo.




Arintei chu a tap hawm hawm a, ka lo kuah vat, kan chhungte dawng ho pawh chu a thu ngui lawp hlawm a, ka pa pawh chu chhuat bih chungin a thu ngawi vung vung a, ka pa te unau hi pali an ni a, ka pa hi a upa ber a ni, ka ni hi an unau zing a naupang ber a ni a, an duat viau, nurse chu kan bulah lo ding in "Doctor in room chhung a in luh theih thu hrilh tur che u in min ti a" a ti a, ka pa chu a tho chhuak ruai ruai a, keini pawh chuan ka pa chu kan zui ve nghal a.




Ka ni chu khumah chauh hmel zetin a lo mu bam a, Arintei chuan pan hnai rawk rawk in ka no chu a kuah a, a in hnit nghal hlawp hlawp a, "Nu min kalsan suh aw, I tello chuan ka nung thei lovang" a ti a, ka ni chuan thei leh thei lovin a fanu lu ah chuan a kut cher riak tawh chuan a chul a, midang chuan hnuk ulh tun in kan lo en a, "Bawihte, ka kalsan dawn hleinem che" a ti tham chhal a, a aw ah chuan a chauh zia ka hre thei ani.




Ka ni chuan a paaal chu a en a, a lamah kal hnai tur chuan a Hui zeuh bawk Pa Lala pawh chuan a pan hnai vat a, "Kan fanu hi tha takin I enkawl ang tih ka hria, ka tello a in awm hunah pawh min ngaih na chang hrelo tur khawpin lo duat ang che aw" a ti a, a bek ah mittui a luang thal nguai nguai bawk, "Duati nu engtinge i tellovin kan awm theih ang?" Pa Lala chuan tah insum zetin a ti a, ka nu pawh chu ain sum thei lo a tal feih feih a.




"Ka thlarau in a awmpui tlat dawn che u alawm" a chauh em vang chuan chu zawng chu a sawi thei, ka ni chuan keini lam chu a rawn hawi a, "Ka u ka fanu leh ka pasal hi lo ngaihven reng ang che u aw, ka hmangaih vek che u" a tih leh hnu chuan a mit chu a chhung ta a, Arintei chu a tap hawm hawm a, ka ni chu nunna nei tawh lo tih hriat takin a fanu in a sawi vak vak pawn engtin mah a awm tawh lo.




In lamah chuan kan in phur haw a, kan chhungte ho pawh an lo kim tawh hle, ka numi chu kuangah an dah a, an tap hawm hawm a, keipawh chu ka tap nasa hle, Arintei chuan ka ni kut chu a vuan a, a thin zawn chu a dawm vang vang bawk, "Nu engtinge i tellovin ka awm theih ang, lo let leh mai rawh, ka la mamawh che asin" tiin a tap rawng tawng a, ruang kil ho pawh chuan an mittui an lo hru ve sap sap hlawm a.




Ka pa pawh chuan ka ni chu a en vawng vawng a, a mittui chu tla em lo mahse a tuar nat zia chu a mitah a hmuh theih, ka nu chu Arintei bulah thu in a tap ve rawng rawng a, a na ani, thih na hi engvangin nge a awm kher le, ka ni kha nu fel tak a ni tih tupawn an hria, hetiang natna tuar tur hian enge tih sual a neih, a ni anga nu fel kha he khawvel ah hian an awm bik lovang.




Ka ni vuina hun te kan hmang zo a, lei hnuai ah an phum dawn te chuan Arintei chuan a aw rawl tawp in a nu chu a au a, mahse channa a hmu silo, in lam panin kan haw a, Arintei chu a zawi vek a, a tap zawi tawh te pawh a ni ang, a room ah chuan luh puii n khum ah a mu a, "Bawihte Tikhan lo awm pui rawh aw, in hnuai ah ka zuk chhuk ve ange" ka nu chuan a ti a, ka bu nghat a, ka nu chu room atang chuan a chhuak nghal.




Arintei chu a mit a chhing a, a muhil a nih ka ring, rei fe ka awmpui hnu chuan in hnuai lamah ka zuk chhuk ve a, in leng an la awm deuh nual a, Pa Lala chu in a kan let leh hnu khan hmuh tur a awm tawh lo, room lamah a awm ka ring ve ngawt a, "Bawihte Arintei chu a muhil em ni?" ka nu chuan min hmuh rual rual in a rawn ti a, "Aw... muhil a nihkha" ka ti tha ve mai.




1 Month Later




"Nu ka kal dawn ania aw" ka ti a, "Awle, fimkhur la, vawin atang Arintei pawh in class a kal leh tawh dawn sia, ngaihsak hle rawh aw" a ti a, "Awle" tiin in atang chuan ka chhuak a, ka scooty chuan in khalh chhuak in Arintei sawm tur chuan an in lamah ka tlan a, ka ni thih na kha a tuar em em a, damdawiin ah kar khat lai a awm a, vawin atang class pawh a kal ve dawn chiah ani.




Kar leh lawk hi kan exam a ni tawh a, engmah ba kan neilo bawk nen tha taka kan pass chuan hna kan hmu ve vat turah ka ngai, Arintei chu pawnah a lo ding vang tawh a, a hmel pawh hmuh a nuam hle, "I va hman hma ve" ka tih chuan nui sang a min en in "Nia ka harh hma lutuk a" a ti tah ve mai a, scooty ah chuan a rawn chuang a kan tlan chhuak nghal.




College kan thlen chuan scooty te chu park fel in kan class lam kan pan a, chutih lai chuan min rawn au tu an awm vang chuan kan leh hawi a, Rindika chuan nuisang chungin kan lam a rawn pan a, "Kha Arintei chu i rawn kal thei tawh maw, I hmel pawh hmuh a nuam khawp mai" a ti a, "Nia hei rawn kal ve chu ania, exam te a hnai tawh bawk sia, fail ka duh bik silo a" Arintei chuan tha takin a lo chhang ve a.




"A pawi ka tih pui khawp mai che, ka lo kal ve thei bawk silo a" Nuamlo tih hmel zet chuan a ti a, "Nuam lo tih chhan tur a awm lo ania, damdawi inah te min rawn kan a, ka lawm lutuk zawk" Arintei pawh chuan a lo ti a, kan subject lak a in ang a, class lam pan chuan kan in zui hlawm a, Rindika hian Arintei hi a duh a, a ti lang ve fo Arintei pawh hian a hnar biklo tih ka hria, mahse ka ni natna vel vang khan a la chhang lo thung a, an in hmeh bawk si, Rindika lah mi fel tak a ni bawk nen Arintei tan ka duh pui viau.




Class kan la mawp mawp a, kan ban dawn meuh chuan ka zawi hnawk thei, ka mut a chhuak lutuk ringawt, pawn lam pana kan kal lai te chuan ka ham leh bai bai thin a, Arintei chuan min nuih kur kur a, "Enge min nuih reng a?" ka ti a, "Nizanah khan muhil.hma rawh ka ti reng che a, enge ka thusawi I awih duh lo vel, hei keite chu ka muhil hmaa ka mut pawh a chhuah miah loh hi" a ti a, ka lo ner nang.




"Class I kal thei tawh dawn tih ka hriat khan ka phur lutuk a ka muhil thei lo alawm" ka ti hlak a, "Chu ka tello chuan nuam I ti thei meuh nange" a ti a, "Awm.. ti nang I awm lo a, a ninawm thin zia chu aw" ka ti a, gate atang kan chhuak chiah tih chuan ka mihring hmuh avang chuan ka mood off sa chu a off belh nimai hian ka hria, ka tum deuh hmuk a, Arintei leh Rindika chuan a lo.hai lo nasa min nuih ru kar kar a.




"In bang tawh maw?... I haw theih tawh chuan ka lo thlah dawn che ami?" Hruaizela chuan a ti a, "A ngailo hei ka haw thei alawm, scooty ka keng a" ka lo ti vat a, "A nihchu mawle, mahse thil ei hmasa ila i ril te a tam tawh ang" a la ti leh talh a, ka van ning tak aw... "Arintei nen hian haw rual kan ngai a, ka hman ka ringlo" ka ti leh a, "Ka treat ang che u lo kal ru" a la ti hram a nihchu, hepa hi engtia tih chi nge a nih pawh ka hre tawh lo.




Hnial ka tum a ka ka ka an lai chuan ka hnunglam atangin Arintei hian min lo kheuh zeuh zeuh a, ka en vat, "Kan ril atam min treat dawn chuan hnial suh, ka tam chhawl tep ania aw" a rawn ti ru ser ser a, ka ngei lutuk chu ka melh nghek a tawng ring bawk nen a tawng ri chu Hruaizela pawhin a hre vek ang, "Lo kal rawh u" Hruaizela chuan a ti a, a kal nghal daih, hnial chi ni tawh hek lo phur lo deuh chuan a ka zui a, Hruaizela ai mah chuan Arintei hi ka ngei fe zawk.




Thil ei tur te chu a chah a engmah pawh ka sawi tawh lo, ka thu ngawi reng ringawt, Arintei leh Hruaizela chu an in be mawlh mawlh a, a khat tawkin Rindika a lo tawng ve zeuh zeuh bawk, thil te chu kan ei a, kan ei zawh chuan restaurant atang in zui chhuak in motor lam chu kan pan a, "Kan lawm lutuk ania aw" Arintei chuan a ti a, "Ka lawm zawk, ka bulah thil in ei duh a, ka kal phawt ange, hnathawh tur ka la nei a" a ti a, kal vat vat se ka ti tak zet.




Hruaizela hian min duh tih ka hria, ka chhungte leh a chhungte hi an in pawh em em a, kan inah pawh a rawn leng lut ngun viau, a mah hi mipa hmelchhia a ni hauh lo hna tha tak a nei bawk, a palian a, hmeichhe tam takin an duh bawk, mahse min hip thlawt lo ani, min duh thu pawh hmaichhan ah min hrilh tawh, engtin mah ka chhang lo, kan ina a lo len te hian thil eng emaw hi min rawn ken thin a, lak loh chi a ni ngai silo, dik tak chuan amah tawp hi ka hne ngawih ngawih, min hmu turin a rawn kal reng thin a, ka tan ninawm khawpin a awm ti ila ka sawi sual lovang.




..



Naktuk mai hi kan exam a ni tawh a, ka huphurh takzet, lehkha ka zir nasa em em a ka chhungte pawn ka tana tha tur eitur chu hrang hrang min lei a, ka lawm tak zet ani, Arintei pawh a tang em em a, kei ai lehkha a thiam thei daih zawk bawk a, a ni chu pss tur chiang ah ka dah tawp, mawng kham ur chungin ka thut na atang chuan ka tho chhuak a, sana ka en chuan dar 1 a lo ri va tawh, ka en nawn zo tawh bawk a tiin ka lehkhabu chu dah tha in bathroom lamah in ti fai turin ka lut a, ka zawh chuan chhuakin khum lam ka pan nghal.




Exam hall a ka thut lai chuan ka tawngtai mawlh mawlh a, ka thi awrh lai chu khawih zeuh in ka thaw chhuak hak, question paper ka hmu chiah chu ka lawm ngei mai, ka thiam deuh vek a rawn chhuak a, ka chhang nghal zung zung a, ka zawh chuan ka thawveng hawk thei, vawin exam chu ka ti tha thawkhat viau in ka hria, ka fail bik in ka ringlo, Arintei nen chuan haw lamah kan chhan dan te chu kan in hrilh a, ani pawh a ti chhe bik lo a ni awm a, kan lawm dun viau.




Thla khat chung meuh chawl miah lova lehkha kan zir zawh hnu chuan kan exam pawh kan zo ve hram a, ka ti chhe hran lo bawk a, pass ka in ring ru ve hle, exam zawh lawm nan Arintei nen chuan leng chhuah kan tum a, Rindika pawh a lo tel ve dawn bawk, Rindika leh Arintei pawh an ni ve thei hram a, ka lawmpui tak zet, Rindika lah hian a duat bawk sia, bialpa neih ve mai te min ti chak rum rum hial, kan pathum chuan kan in zui kual ve det det a, Rindika'n car a keng a, a rual in kan kal ho a, hla kan play a, kan zai vak vak bawk nen a nuam tak zet.




In ka thleng chu ka chau hnap thei, "Bawihte vawin in kal na te enge a an?" ka nu chuan a ti a, "A nuam lutuk ringawt, mahse ka chau deuh, kan kal kual nasa lutuk a" ka ti a, "Han mu hahdam rawh, engmah tih tur a awm tawh chuang lo a, chaw ei dawn ah ka rawn ko ang che" a tih chaun ka hnial lem lo ka chau em az mut hahdam rih ka duh, room lamah chuan ka chho a, ka pa erawh a la haw lo thung.




Ka thawmhnaw te thlak in khumah ka mu nghal thlawp a, ka nu min koh na avang chuan ka harh zawk a, bang a sana in tar ka en chuan a lo hma tawh lo hle, "Ka lo chhuang ang nu" ka ti a, khum atang chun ka tho chhuk nghal, in hnuai lamah chhuk in kitchen ah ka lut a, chaw ei an lo peih vek tawh hi a lo nia, "Bawihte zaninah Hruaizela a lo leng dawn a nia aw, biak che. a duh a nih ka ring" ka pa chuan chaw ei lai chuan ka ti sup a, ka peih lo ngei mai, ka chaw ei pawh a tui lo vek.




Chaw kan ei kham a, engmah ka tih pui velo bawk nen thleng sil chu ka tum a, Mami'n a phal lo viau naa ka sil lui ta tho, "Lo va hahchawl rawh, I chau tawh ang" ka ti tlat a, a ni pawh chu a kalsawn ve mai, Mami hi kei ai kum khatin a upa a, a lo awm tirh khan ka u a mahse a duh tlat loh avangin a hming pangai in ka lo ve tawp kha a nia, kan inrual thawkhat bawk nen kan in kawm ngaih khawp mai, thil chi hrang hrang ka hrilh thin a, a ni pawh in min hrilh ve nasa thin.




Hruaizela ka nin zia a hria a, min la fiam ang zuk zuk zui, thleng ka sil zo a Mami, ka nu leh pate chu sitting room ah chanchin thar an lo en a, an bulah chuan ka thu thla a, reilo teah door bell a raw ri a, Mamni chu tho chhuak thuai in kawngka a va hawng a, Hruaizela nen an rawn in zui phei a, ka bulah tak a rawn la thu zui, "Kha Hruaizela chu I va fel ve, tunlai hna lam I buai em?" ka pa chuan a lo ti sup a, "Ka buai loh lai tak zawk" tiin Hruaizela pawh chuan a lo chhang ve mai.




"Thingpui tein ang u hmaing" ka pa in a tih chaun Mami chu thawh a tum a, mahse ka lo thawh khalh vet, "Keiman ka lo lum ang, Tikhan lo thu mai mai zawk rawh" ka ti vat a, kitchen lamah ka kal nghal nal nal, thingpui ka lum zawh chuan no ah thli chhuakin tray chuan ka chawi a, ka pate chu thingpui ka pek hnu ah thutna ah chuan ka thu thla ve leh a, Hruaizela leh ka nu leh pate chu an ti ti siam siam a, hna lam an sawi deuh ber.




"Kan va mu ange, Hruaizel la leng ve reng rawh aw, kha Bawihtei te an la meng kha, keini zawng ka upa ve tawh a, zan men kan thei vak tawh lova" a ti a, Hruaizela pawh chuan hrethiam takin a lo mangtha a, chumi chhung chuan Mami nen chuan kan in en a, kan mitmei in kan in bia a ni zawk mah ang chu, a room lamah a kal daih ang tih a nia ka hlauh ni.



"In result engtik ah nge a chhuah dawn?" ka nu leh pate room lamah an lut fel deuh chiah tih chuan Hruaizela chuan a rawn ti a "Thla tir ah a chhuak ang" ka lo ti tha ve mai, "A nihchu mawle, I pass hlauh chuan hna dil tur ka hria a nia, thla leh ah interview tur ania, I pass chuan i interview ve dawn nia, hna tha tak a nia" a tih leh chuan thlem in ka bengkhawn deuh a, nula ka ni ve tawh a, ka zirlai te ka pass ve hlauh a nih chuan hna zawn nghal kha ka tum dan hrim hrim ania.




"Eng hna nge?" ka ti sep a, "Secretary tur in ania, CnN Company ah" a tih chuan ak meng phawk vak a, an ni te chu Mizoram mai nilo India ramah Company lian leh lar tak a ni a, hnathawk tur te pawh an thlang uluk thin viau bawk, "A... chutiang ah ka tling pawh ka ring lo" ka ti sep , "I ti chhin dawn alawm, I lo tling ve mial maithei asin, bakah in zir na zel tho a nia, tling lo pawh ni la". tih leh takah chuan tha ka ti ta riau a, ni e .. tling lo pawh ni ila ka in zir na zel tur tho a nia, tih ve chhin hrim hrim kha a pawi na ka hrelo.




"Umm... a nih chuan ak ti ve chhin hrim hrim ang" ka ti a, reilo te a len leh hnu chuan haw a rawt ta a, kawngka thleng ka thlah a, lawmthu ka sawi luam bawk, "Ava, ka rilru chu i hre tawh tho anga, ka duh lutuk che tih pawh, khawngaih in min chhang ve tawh la" a tih chuan chhan ngaihna ka hrelo tak zet, amah chu ka en reng a beisei nei zetin min en let ve ran bawk, sawi tur ngaihtuah in ka chil ka lem khawlh a, a ni hi ka bialpa ni tur ang a ka ngaihtuah ringawt pawh ka thei lo ania.




"A... bialpa neih ka la duh rih lo" ka ti ta ringawt a, a thaw chhuak deuh hawk a, "Ok... ka hrethiam e, mahse ka nghak reng che a ni tih theihnghilh lo la" a tih leh chuan sawi ami tur ka hrelo min mangtha hnuah a kalsawn a, kawngka te ka kalh fel hnu ah room la pan in ka kal a, Mami pawh a ni tawh a ni ngei ang hmuh tur a awm tawh lo, khumah chuan mu in Hruaizela thil sawi te ka ngaihtuah let a, hreawm ka ti, Hruaizela lo mipa dang pawn vawi tam tak min bem thin mahse ka chhang ngailo, an ni pawn thawm an rawn eni tawh ngai lo.




Mahse Hruaizela hi chu a beidawng thei lo a ang ber in ka hria, vawi tam tak min duh thu hmaichhan ah min hrilh thin a, ka chhang ngai lo, ka duh lo a ni tih hi a ni pawh hian a hrethiam ve tawh mai in ka ring ania, zanin ang kha vawikhat mah chhan na oe turin min ti ngai lo bawk, ngaihzawng vawikhat mah ka la nei lo a, ka thinlung hian nghah a neih tlat vang ani mahna, a ni kha anih loh tu mipa dang mah hnaih ka tum lo.




Result a chhuak a, vanneih thlak takin ka pass ve hlauh a, First ah ka pass a, ka chhungte chu an lawm viau, Rindika leh Arintei te pawh first ah an pass ve tho a, kan lawm tlang a ni, Rindika chuan an chhungkaw sumdawnna lam khawih a tum a, fapa mal a ni bawk nen an hausa a a ngaihtuah awm loh, Arintei ve thung chu a naupan lai atanga a nih tum nurse zir a tum a, keipawh a hmaa ka lo tih tum tawh hna interview kha ka tum bawk.




Interview turin ka in luah chha nasa hle a, smart taka in chei ka duh avangin thawmhnaw that te ka lei a, vawin ah ka interview tawh dawn a, ka huphurh a ka zam khawp mai, in atang ka chhuah hma chuan ka nu leh pate chuan duhsak na min hlan a, ka interview na tur hmun ka thleng a, building lian tak chhang riat lai a sang a ni, a chhungah chuan lutin interview na an neih na tur hmun te chu ka zawt a, min hrilh na hmun lam pan chuan ka kal a.




Interview tur an lo tam khawp mai, mi za dawn chuang lai kan ni a, ka tlin ka ring vak lo, mahse tih ve chhin hrim hrim ka duh ani, thut na awl ah chuan thu in ka hming an lam hun tur chu ka lo nghak ran a, ka kut te chu ka tuai tuai ringawt, ka tha. akhur ru dar dar in ka hre hial, "Ava Lalhmingmawii" hming Kam tu in a tih chuan ka ding chhuak vat a, room chhung a ka luh ham chuan ka thaw chhuak leh hawk hawk phawt a.




Interview ka zawh hnu chuan building atang chaun ka chhuak a, ka ti tha ve viau chuan ka hria, karleh lamah result a chhuak dawn a, ka takin ka ring lem lo, an duh khirh hmel emai, in ka thleng a, ka nu chuan min lo be vat a, "Ka tlin pawh ka ringlo, dil ve dang an tam em a, chulo ah an duhkhirh hmel lutuk" ka ti a, "I tlin loh pawh in a pawi miah lo ania, hna dang I hmu leh em em ang" ka nu chuan a ti a, ka pa a lo haw a ka tih that leh that loh te chu min zawt a, ka nu ka chhan ang chiah chiah chuan ka chhang a, a ni pawh chuan min tanwg thlamuan ve vat a.




Vawin hi an sawi dan kal hmang ah khan result a chhuah ni a ni a, ka tlin ka rin vak loh avangin result en tum na pawh ka nei lem lo, khumah chuan ka mu a, ka muhil tep tih chuan ka phone a rawn ri a, ning zetin ka phone chu ka ban a no hlang a nih vang chuan lak loh mai ka tum a, mahse a pawimawh takin tih thil thu ah ka la leh ta zawk a, "Hello" ka ti sep a, an tawng ka hre thei lo an lo call sual a nih ringin dah leh mai ka tum a, mahse thawm a rawn awm leh tak avang chuan ka beng zawnah chuan phone chu ka dah leh a.




"Miss Ava Lalhmingmawii a ni em aw?" leh lam a mi chuan polite takin a rawn ti a, "Aw ni e" ka lo ti vat, "I hna dil ah khan I tling a, naktuk atang han I rawn zawm thei angem tih kan hre duh a" a rawn ti ta mai, "Ka tawng I hre thei em?" leh lam ami chuan a rawn ti leh a, "A.. aw hrai e" ka ti bah deuh nak a, "Naktuk lam atang hian I rawn zawm thei ang tiraw?" a rawn tih leh chuan "Aw... thei e, ka lawm lutuk e" ka ti a, kan in biak na kan tih tawp hnu chuan khumah ka leng vak vak a.




Ka nu leh pa te an la mut ka rin loh vangin in hnuai lamah ka tlan thla a, sitting room a tv an lo en mek, "Nu pa ka tling, ka tling ania" tiin ka nu leh pate chu ka kuah chung chung a, "Engthil maw I sawi?" ka nu chuan a ti a, "Ka hna dil ah khan ka tling a nih chu, ka lawm lutuk" ka ti leh a, "A va lawmawm em aw" ka nu pawh chuan a lo ti ve hluai a, ka pa chuan Pathian hnenah lawmthu sawi tawngtai na te a nei a, min lawmpui thu an sawi hnu ah room lam chu kan pan ta a, khumah chun mu in ka nui leh ver ver thin a, ka helhhawlh a ka muhil mai thei lo.




Naktuk a ka kawr hak tur te chu en in khum atang ka tho chhuak leh a, hak mai theih turin ka dah chhuak lawk sa vek, tunah chuan nu leh pa te chawm hlawm ka ni tawh dawn lo a, a nuam takzet, rethei ti a sawi tur kan nilo ka naupan li atang tawh khan ka thil duh ang apiang chu ka ne thei zel thin bawk, hna hi thawk lo pawh ni ila ka nu leh p te hian engtin mah min ti hauh lovang, mahse nu leh pa te thawh chhuah sa ring a nun reng kha ka tum a ni hauh lo a, ti ah chuan ka duh ang ngei in hna ka nei v thaw dawn chu ani sia, ka mumang te a ang rum rum hial zawk, ka muthilh meuh chuan zing lam dar 3 a ti thuak tawh.




Cont...




A ngaihnawm hmel em, comment lamah sawi leh diat diat ila aw.... next chapter atang chuan Changtupa tur pawh a rawn in lar tan tawh ang, chuan adds kha click zel ila aw....


Show post links
Top

[Ngaia]

Chapter-2




Ava Lalhmingmawii POV




"Nu ka kal dawn aw" ka ti lang lang a, "Awle, fimkhur la aw, chuan tha takin I hna chu I thawk dawn nia, duhsak na ka hlan ache" a ti a, ka kal chhuak nghal, vawin hi ka hnathawh ni hmasa ber tur a ni a, tlai ka hlauh vangin ka kal hma a, ka pa erawh chu hna a kal na a rei tawh a, ka pa hi contractor a ni a, ka nu hi inah a awm thung ani.



Ka hnathawh na tur hmun ka thleng a, ka luh hma chuan ka thi awrh lai chu ka khawih zeuh a, ka thaw chhuak ham ham phawt a, a chhungah chuan ka lut a, mi an lo tam tawh hle, hnathawk pakhat cu ka ko ding a, "Mr. Ab-a assistant thar tur ka nia" la tih chuan "A nihchu mawle, min lo zui la I awmna tur hmun ka lo hrilh angche" a ti a, ka zui nghal.



"Hetah hian aw... chuan thil pakhat kan boss hi I duhkhirh tak a ni a, I fimkhur dawn nia" a ti a, a kalsawn zui nghal, eng ber nge ka tih dawn ka hrethiam lo ngei mai, chutia tihtur ber ka hriat loh lai chuan pen ri khup khup thawm ka hria a, ka hawi chhuak vat, mipa hmeltha zel liam leh sang zet mai hi ka lam panin a lo kal a, "Nanghi em ni hnathawk thar tur chu?" nelawm na tel hauh lovin a rawn ti a, chhan mai nachang hre lovin ka lo en reng, ka hmuh tawh hnu a ang takzet.



"Ka tawng chu I hria em?" nin hmel zetin a ti leh hmuk a, ka in thing harh vat a, "A... aw... ni e" ka ti bah nak a, "Ka office ah rawn lut rawh" a ti leh hmuk a, min kal pel nghal daih bawk, a ni kha ka boss tur chu a ni sia, a hmel nelawm loh zet te kha, mahse a hmeltha takzet Mizo mipa ah khatiang taka mipa chhelo leh hmeltha kha ka la hmuh awm pawh ka hrelo, enge maw ka ngaihtuah le, 'A viau suh, I boss tur a nihkha' tiin ka in hau ru mawlh mawlh a.




"Tunge I hming?" a hma zawn ah chuan ka ding ran a, min melh run bawk nen awm dan mai tur ka hrelo, "Ava Lalhmingmawii" ka ti sep a, "Tha tak a I thawh ka beisei, ka sawi ang apiang ti ang che, chuan thil tihtur khawp hi ka ngaithei lo tih hria la, tihtur awm ang apiang chu ti nghal zung zung ang che, ka sawi chu I hriat chian ngei ka beisei, chhuak rawh" a ti a, a tawngkam bung nghut chu ngai ah neih a harsa dawn hle mai, keipawh chu rang takin a office atang chuan a chhuak a.




Hnathawk pakhat lo kal in ka hmaah chuan a rawn ding a, "Mamawh I nei em ni?" tiin hawih hawm tak chuan ka lo bia a, "Ih... hetah hian Boss signature kan mamawh a" a ti sep a, "Awle, kan bia ange aw" ka tih chuan a lu a thing mat mat a, "Nangman lo sign tur mai la khawngaih in" a ti a, ka en reng ringawt, a hmel atang chuan boss hi a hlau hle. ani ngei ang, a room ah a luh hreh hmel emai.




"Awle, ti khan min lo nghak la ka va sign tur ange" tiin a file ken lai chu ka laksak a, kawngka ka kik ri kauh kauh a, lut tura phalna min pek rual chuan kawngka chu ka hawng a, a table ah chuan file tam zet hi a lo in chhawp hnawk nuai a, "Sir hetah hian i sign a ngai a" ka ti a, file chu a hmaah ka dah nghal, file chu a kei a, sign ta ma lo chuan min rawn en vut a, thil tih sual ka nei emaw tih mai tur min melh in ka hria.




"Heihi tiin nhe rawn ken tir che" a ti hmuk a, "Ka hrelo, a hming zawh nachang ka lo hre lo a" ka ti zawi sup a, "Hetiang thil hi I tihtur a nilo, nidang ah chuan an mahni ngei an rawn kal tawh tur ani, nang chuan ka thu sawi ang apiang I ti zel ang, hre reng ang che" tiin a sign a, a sign zawh chuan min rawn pe a, ka chhuak lehnghal vat, hetiang ang em em a duhkhirh hi ka dam chhung zawng hian ka la hre ngai lo, a nelawm loh ropui si.




"Hei aw" tiin nichin a file lo keng tu kha. ka pe a, "Ka lawm lutuk e" tihnat kalsawn nghal a, keipawh chuan hna ka thawh chhunzawm mawlh mawlh a, chhun thil ei a hun tawh, ka pum chu a ri rawk rawk a, mahse ka kalsawn ngawt ngam bawk silo, boss lah chu a room atang a lo la chhuak lo bawk nen ka tam chhawl dawn hial in ka hria, dar 1:30 a rik dawn chuan boss chu a rawn chhuak hram, ka thut na atang ka lo ding vat a.




"Thil ei turin I chhuak thei ang, darkar chance chhungin rawn let leh ang che" a ti bung nghut a, lawm tak ka ni, phur zetin elevator lam chu ka pan a, kawngka a in khar tep tih chuan hmeichhe pakhat hi a lo lut a, "Thawk thar em ni i nih?" a tih chuan "Aw.. vawin hi ka ni hmasa ber ania" tiin tha deuh chuan ka lo chhang ve mai a, "A nihchu, eng department ah nge i awm?" a rawn tih leh chuan "Keichu Sir Ab-a assistant ka nia" ka ti a, a meng deuh kawk a.




"A nihchu mawle, taka ka hming chu Feli a nia, nang ve?" a tih leh chuan "Ava Lalhmingmawii ka ni e" ka ti sep, "I hnathawh chu enge ang I tih a nawm.hmel I ti em?" a ti leh a, elevator a in hawng a, kan kal dun a, thil ei ve tur tho in a kal a nih ka ring, "A nuam dawn viau in ka hria" ka lo ti sep ringawt, restaurant ah kan lut a, a fel in a lo tawng duh ve khian bawk nen kan in kawm thei viau.




"Boss hi chu a duhkhirh reuh lutuk a, a assistant hi tum kum ringawt ah vawi thum a thlak na a ni tawh" a ti sep a, "Enge I sawi awmzia an bang zel ami?" ka tih chuan lu a thing a, "Boss in a ban mawle, a mize thenkhat chu I hre tawh tho anga, hnathawk tha lo deuh a a hriat chu a ban hmak zel" a tih chuan ka lo hlauthawng ve ringawt a, ka awm dan chu a hrethiam a niang "Ka sawi thaih na che anilo a nia aw, tha taka hna I thawh phawt chuan a ban hauh lo ang che" a ti leh a, ka lo nuih tawi tak ringawt.




"Hei hi lo check ang che" ka awmna ka thlen rual rual chuan Sir chuan a lo ti a, file ka dawhkan ah a lo theh thla nghal bawk, ka en nghal thuak thuak a, ka nikhat na a ni bawk nen ka bo leh tep thin mahse vanneih thlak takin engmah a sawisel lo hlauh a, ka thawveng huai mai, haw a hun meuh chuan ka chau hnap mai, zawi zet chuan garrage lam ka pan a, ka scooty chu ti nung in ka in khalh chhuak nghal.




Jam ah ka tang a, ka van ning tak, in thlen hlan ka nghakhlel tawh a sin mawle, tlem te te in kan tawlh ve bek bek a, in chu ka thleng har khawp in ka ring, ka sir a car ding chu ka en zawk a, glass a up vek avang chuan a chhung a hmuh tlang theih lo, ka hmai ka en zawk chuan ka biang a thil kai chu ka hmu a, glass ah chuan in en leh in ka ti fai thuak thuak a, ka ti fai zo chiah tih chuan glass chu a rawn down a a chhung a awm ka hmuh chuan ka meng phawk vak ringawt.




Sir Ab-a chuan min en lo ngur a, "Ka... ka tihpalh" tiin a tlan theih tawh bawk a, ka tlan chhuak nghal vat, awii zahthlak lutuk, nge maw a chhungah tunge awm tih ka lo ngaihtuah loh le... min en dan te lah kha mawl min tih hmel em em mai lehnghal, in ka thleng a, ka nu chuan ka hna chungchang te chu min lo zawt vat a.




"A nuam lutuk" ka ti sep a, ka pa chu lo kal ve in "Nuam I tih chuan a that nasat chu, tha tak a thawh zel I tum dawn nia, ka fanu" a ti a, nuih seih in room lamah chuan ka kal a, ka bag chu khumah dah in ka mu zawi nghal hnawp a, ka chau reuh lutuk, ka thawmhnaw chu muang changin ka phelh a, bathroom lam ah ka kal nghal, shower chuan ka in phuh tir seng seng a, ka harh sawng sawng mai.




Ka in uak zawh hnu chuan bathrobe ka ha a, ka chhuak nghal, thawmhnaw te ha in room atang chuan ka chhuak a, ka sam chu towel in ka la tuam hlun bawk, "Nu chaw a ei theih tep tawh em, ka ril a tam deuh tawh a" ka ti a, "Aw... theih a nimai, heihi a hmin chuan kan siam nghal dawn nia" a ti ve vat a, a thil chhuan lai chu ka vil a, a hmin ka rin tawh vang chuan ka suan a, chaw ei chu Mami nen kan siam nghal zung zung.




Chaw ei kan peih hnu chuan ka nu leh pa te chu ka ko a, cha wkan ei nghal mawlh mawlh a, chaw te kan ei kham hnu chuan kan ei na vel chu kan ti fel leh zung zung kan zawh hnuah room ah lutin ka dam tuam na towel chu la thla in ka sam chu ka chhem ro tir a, a ro ta maw tih ah chuan ka hmaiah cream te hnawih in ka zawh hnu ah ka phone charge lai chu phawi in room atang chuan ka chhuak nghal a.




"Bawihte, Hruaizela hi chaw ei ah sawm ilate kan lo ti a, enge I ngaihdan, I hna hi a ma kawh hmuh che a nia, lawmthu sawi nan te chaw hlui kil pui chu kan ba ve in ka hria a" ka pa bulah ka thut thlak rual chuan a lo ti a, keipawh in pawi ka ti lem lo, "In tih dan dan a nimai, keipawh hian lawmthu sawi nachang reg reng ka lo hrelo" ka ti a, "Zaninah bia la, naktuk tlai ah chaw ei a kan sawm thu te lo hrilh la aw" ka nu pawh chuan a lo ti a, ka bu nghat nghat.




Dar 9 a rik chuan mahni room ah theuh kan lut a, ka phone chu hmet eng in Hruaizela chu ka call a, rei a ring hma in ala vat a, "Enge nita?" a ti a, "Aa... lawmthu sawi na chang reng reng ka lo hrelo a, nangmah vangin hna tha tak ka nei a, ka lawm lutuk ania aw" ka ti a, "Keimah vang a ni hleinem I thawhrim vang liau liau zawk a nihkha" a rawn ti ve luam a.




"Naktuk tlaiah chaw rawn ei ta che, ka nu leh paten sawm tur che in min ti a" ka ti a, "Hna ka buai loh lai tak a nia, ka lo ei dawn nia" awlsam te chuan a rawn ti a, ka sawi tawh ang khan kan chhungkua kan in pawh bawk a, han in thlahrung vak a ngai lem lo, thil dang te kan sawi leh nual a, lawmthu a khat tawkin ka hrilh reng bawk, kan in biak a te kan tih tawp chuan mu tur chuan ka in tin tuah tan ta a.




Hna ka thleng a, Sir a lo la thleng lo thung, a office ah chuan lut in a dawhkan file hnawk deuh nuai chu ka rem fel zung zung a, ka zawh hnu chuan office atang chhuak in vawin lam a hun neih dan tur te chu ka en fel zung zung a, Sir a lo thlen chuan ka lo wish sap a, ka bu zeuh ringawt, "Coffe min lo lak ang che, tun atanga minute 5 hnuah ka dawhkan ah a awm tawh tur ani" a ti hmuk a, a office ah chuan a kut tlang nghal daih.




A mood a dik lo a nih ka ring, hmanhmawh takin a coffe tur chu ka siam a, office ah chuan lut in coffe chu ka pe a, a in chiah tih chuan rang mang kheng hian a chhak chhuak leh a, "He thil hi enge?" a ti hrawk a, "Coffee a nihkha" ka ti sep a, "Hetiang em em a thlum hi ka in ngailo, a dang rawn la leh rawh, tak deuh a ni tur ani" a ti a, rang zet chuan office atang chuan ka chhuak a, a tir ah khan a duh dan te min hrilh nghal mai awm ania.




Coffee chu ka siam tha leh a, a in rual rual chuan ka lo ip chawih a,ahae engmah a sawisel tawh lo hlauh e, ka thaw huai thei, "Vawin lam a ka hun neih dan tur te enge?" a ti a, ka sawi nghal zung zung a, "Ok.. i chhuak thei ang, chuan mi tu pawn min rawn hmu duh a nih chuan min hrilh hmasa mah che, ka phalna tello chuan tumah an rawn lut tlang tur a nilo" a ti bung nghut a, ka chhuak nghal nal nal.




"Miss, min lo hrethiam lawk" tih ri ah chuan ka hawi chhuak a, mipa smart tak pakhat hi ka hmaah chuan a lo ding run a, "Mr. Abrahama hmuh ka duh a" a tih chuan "Appointment I nei em?" ka ti a, "Neilo,ahae hmuh ngei ngei ka ngai ani" a tih chaun ka biak hmasak tur thu in ka chhang a, intercom atang chuan Sir chu ka bia a, "Sir hmu duh tu che an awm a" ka tih chuan "Tunge?" a ti nghut a, a hming zawh na chang reng reng ka lo hrelo.




"Puia" ka hmaa ding chuan a lo ti sep a, "Puia tih hming pu a nia" ka tih leh chuan "Rawn luh tir rawh" a ti a, a off nghal hmak bawk, "Awle, i lut thei ang" ka ti a, "Ka lawm e" nui sang a tiin Sir office chhungah chuan a lut a, a nelawm hmel tak zet, khatiang khan Sor hi nui ve ta se tih ka lo ngaihtuah a, mahse beisei lo phawt zawk teh ang.




Intercom chu a rawn ri thut a, ka la phu nghek zui, "Coffe no hnih min rawn pe ang che" a ti a, coffe chu ka siam nghal zung zung a, ka zawh chuan office chhungah ka lut a, "Thiana, he nula hmeltha zet hi ka la hmu ngai maih lo, thawk thar em ni?" Puia an tih pa chuan a ti a, "Aw.. nih hi" Sir pawh chuan tah takin a lo ti ve mai a, "Hi.. Lalropuia ka nia, Puia tiin min ko thin, i hming min hrilh ve thei angem?" a tih chuan "Ava Lalhmingmawii" ka lo ti sep.




"Hming mawi tak a nih chu, thian kan nih theih ngei ka beisei ania" tiin mit min siai zeuh a, a nui vur vur bawk nen huat en ah ka en lem lo, ka bu nghat a, Sir chuan a aw rawn thian kharh kharh in "Heihi reception counter ah khan lo dah ang che" tiin paper pakhat hi min pe a, ka chhuak nghal, reception a ka dah zawh hnu chuan ka awm na ngai ah ka awm leh a, Puia pawh chu a lo chhuak har lo, a lo chhuah hma chuan min be zui kuam a, a sual in ka ring lo ve ngawt a, min fiam zuk zuk mahse ka tana awm nuam lo tur khawpin min fiam lo thung.




Ka phone a rik vang chuan ka thil tih lai dah in ka phone chu ka ban vat a, min lo call tu ka hmuh chuan ka nui hak, "Hello" ka ti a, nizan atag Arintei'n a be duh lo a, chupawh a period lai a ni nen a be peih lo tih thu min rawn hrilh tawh, "I unaunu in min ve duh hauh lo ania, ka phone nasa lutuk, a la the bawk silo, ka message tak ngail pawh min chhang theilo, enge awmzia ni a?" a rawn ti a, a aw ah chuan a ngaih a tha zan lo tih a hriat theih.




"Engmah a nilo ang, nghak phawt la a reh ve leh mai ang" ka tih chuan "Awle, mahse i biak theih chuan ka ngaihtuah lutuk ani tih min lo hrilh sak la, min be vat turin I lo ti dawn ania" a ti a, ka lo hrilh tur thu chu ka sawi a, phien ka dah rual rual chuan "Miss Ava" ti ri ah chuan ka phu zawk a, "Enge ni ta Sir?" tiin ka thut na atang ka ding chhuak vat a, "Hnathawh hun lai chuan phone hmang tawh suh ang che" a ti hmuk a, a lungawi loh hmel em em lehnghal, "Awle, ka tih palh" ka tih hnu chuan a room chhungah a lut leh a, ka thaw chhuak hak.




Kar hnih lai chu ka thawk ve tawh, Sir Ab-a pawh ka chungah a sual vak lo, tha takin hna ka thawk a, min be ngai mang lo, a sual viau dawn emaw ka ti a, mahse ka rin loh ang daih ani, "Ava, ka room ah rawn lut lawk teh" Sir chuan a rawn ti a, ka thut na atang tho chhuak in Sir office ah chuan ka lut a, "Zaninah kal na tur kan nei a, I lo hre lawk sa dawn ania, inah haw lovin kan chhuak rual mai dawn nia" a ti a, khawiah nge ka kal dawn ka hre hauh lo.




"Sir khawiah nge kan kal dawn ka zawt thei che angem?" ka ti sep a, "Zan lamah meeting an ko thut a, kan kal ngei ngei angai dawn ani" a ti a, ka bu nghat, vawin ka tlan loh ni a ni bawk nen pawi ka ti lem lo, office atang chuan ka chhuak a, ka chhungte chu ka phone nghal thuai a, "Nu... zaninah ka rawn haw tlai dawn aw, meeting a awm dawn a" ka ti a, "Awle, I lo haw dawn hunah min rawn hrilh la aw" a ti a, kan in biak na kan tih tawp hnu chuan zanina kan meeting na tur a thil pawimawh tur awm ang chu ka ti fel zung zung a.




Dar 5:30 a rik chuan Sir chu a office atang a lo chhuak a, ka hmaah chuan rawn ding in "I hman tawh chuan kan kal dawn em ni?" a rawn ti sup a, ka bag chu la in file pawimawh vel chu ka pawm bawk a, kan in zui chhuak nghal, building kawt ah chuan kan ding a, reilo te hnuah kan dinna zawn ah chuan car a rawn ding a, a hnungah chuan kan thu lut dun nghal a, kawng tluang chuan kan in be lo hrim hrim.




Meeting na tur hmun ka hrelo a, kan tlan rei ang reng tawh bawk nen a hla ve viau niin ka ring ve tawp a, Sir lah chu ka zawt ngam silo, a mit a chhing a, a muhil a nih ka ring "Kan mamawh ang tur ho kha I keng iim vek em?" a rawn ti sup a, a mit a la chhung tlat a, "Aw... ka keng kim vek e" ka ti a, engmah a sawi chhunzawm tawh lo, rei fe kan tlan hnu chuan kan thleng a ni ngei ang motor chu a ding a, Sir nen chuan kan chhuak dun a.




Kan awm na hmun chu ka hriat ngai a ni hauh lo, hetiang hmun hi a awm tih paw ka hrelo hial zawk, lam dan ah chuan eng emaw thil tih pui dawn a an hman atan an siam nimai in ka hria, "Min rawn zui rawh" Sir chuan. ti sup a, a hnung ah chuan ka kal ve det det a, private room awm ang tak zawnah chuan dung in kawngka chu a hawng a, kan lut zui nghal a, midang chu an lo awm nual tawh a, Sir an hmuh chuan zahna chibai an lo buk sap sap hlawm a.




"Pawimawh anga I hriat apiang I lo chhinchiah zel dawn nia" Sir chuan a ti sap a, ka lo bu nghat, meeting chu an tan a, an in hnial leh bap bap thin a, sir chuan an thil sawi ho chu a lo ngaithla kar a, thil ngaihtuah nei tih hriat tak hian hmalam a melh ngur bawk, "In thawk rim hlawm hle mai, ka lawm tak zet ani, tha tak a kan thaw ho theih reng ka beisei" meeting zawh chuan Sir chuan a ti a, dar kar thum dawn lai meeting chu an nei a, dar 9 a ti der tawh.




Pawn lamah kan in zui chhuak a, tumah khan engmah an ei bik lova, an ril a tam ve hlawm viau in ka ring, Sir chu riltam ang pawh in a awm lo, ka pum chu a ri ruk ruk tawh a, ka bul a kal chuana. hriat ka hlau em avangin ka pum chu ka dawm bet vat ringawt a, "Rin aiin kan rei ta phian sia, khawiah emaw thil kan ei kawi mai dawn nia" Sir chuan a ti sup a, ka ril chu tam tak a ni, mahse a bula thil ei chu ka duh hauh lo.




"Sir kan haw tlang thei zawk angem?... Ka chhungten min lo nghak reng tawh ang" inthlahrung ru tak chung chuan ka ti a, "Rei a ni lovang, ka inah tumah an awm lova, eichhuah nghal tho ka ngai dawn, chuvang chuan ka rualin ei mai rawh, i chhungte chu i hrilh dawn nia, I duh lo a nih chuan ka thil ei lai min lo nghak thei tho" a tih nghut chuan ka va han ngei mai mai tak, ka ril tam rawh nen chutia mi thil ei lai nghah chu ka thei hauh lovang m, ka pum a thip vawng vawng tawh bawk si.




Ka chhungte chu phone in thil ka ei nghal tur thu te chu ka hrilh leh a, restaurant changkang tak in hawng a lo la awm hlauh a, a chhungah chuan lut in eitur te chu kan chah a, eitur a lo thlen chuan ka ei nghal vat, a va han tui chiang tak em, driver kha a rawn lut ve miah lo a ril tam ve lo amawni le, "Ka driver kha chuan kan meeting laiin a ei rawh" ka ngaihtuah hria ni awm tak chuan Sir chuan a rawn ti sup a, min en lo in a plate a eitur chu a ei mial mial a.




Kan ei zawh hnu chuan chhuak in motor ah kan lut a, kan tlan chhuak lehnghal, sana ka en chuan dar 10 a lo pel fel der tawh, ka hmanhmawh rilru tawh hle, "In in awmna sawi la" Sir chuan a ti sup a, ka lo sawi nghal vat, kan in zawnah chuan motor a ti ding a, ka chhuk dawn chuan Sir hnenah eitur min lei sak avang chuan lawmthu ka sawi a, ka mangtha nghal bawk, a ni pawh in tha takin min mangtha let ve a, ka chhuak nghal.




Inchhung ah kaut a, ka nu leh pa te chu an lo la mu lo a, ka haw hun min lo nghak a ni ngei ang "Bawihte I lo haw maw, rin aiin I rei ta sia, kan lo ngaihtuah deuh che a" ka nu chuan a ti sawk sawk a, "Nia... thil kan ei kawi leh vang khan kan rei ta deuh ani" ka ti sep a, "Nu ka chho nghal mai dawn asin, ka chau deuh a" ka ti a, "Awle, han mi hahdam rawh" a tih chuan ka nu leh pate chu ak mangtha a, ka room lam panin ka kal nghal.




Zing ka harh chuan sana ka en a dar 6 a lo ti va tawh, tho vatin bathroom ah ka in ti fai a, ka chhuak lehnghal, inhnuai lamah chhuk in kitchen ah ka lut a, Mami chu a lo che malh malh a, "I va tho hma ve" min hmuh chuan a lo ti hluai a, "Nia... nizan ka muhil ham deuh a" ka lo ti tha ve mai, ka kut te chu sil in Mami chu ka pui ve nghal a, reilote hnuah ka nu leh pate paha chu an lo tho chhuak a, thingpui ka thli chhuak a, ka va pe nghal.




"Ka fanu I tho nuam maw?" ka pa chuan min hmuh in a ti a, " Aw... tho nuam e, nizan kha ka muhil deuh nghal a, nidang aiin ka tho hma ta deuh a nih hi" a tih chuan a nui suk a, ka pa hi pa tawng duh tak a nilo a, mahse min duat hle thung, ka nu nen chuan pawn lamah an in zui chhuak a, kawt ah chuan an thu dun leh dawn aniang ka ti a, zing tin a an tih thin dan a ni a, ngaihah an nei tawh.




"Mami, ka han insiam hmasa ang aw, ka lo chhuk leh hunah chaw ei chu kan siam mai dawn nia" Mami bulah chuan ka ti a, "Awle, han in siam rawh, chaw ei chu keimah pawn ka siam hei reng ania" a tih chuan insiam tur in ka room lamah chuan ka chho a, ka thawmhnaw hak tur te la chhuak hmasa in bathroom lamah in bual tir chuan ka lut a.



Zawmna



Bathroom atang chuan ka chhuak a, cream te in hnawih in ka insiam nghal zung zung a, ka zawh hnu chuan inhnuai lamah ka chhuk leh vat a, "Che ei chu kan siam dawn ami, khawiah nge ka nu te hi an awm a?" Mami bulah chuan a ti a, "Pawn lamah an la awm a nih ka ring, kan ko phawt dawn ami?" a tih chuan, "Siam zo ila keiman ka lo ko ang" ka tih takah chuan chaw ei chu kan siam mawlh mawlh a.




"Nu pa, lo lut ula, chaw ei kan peih tawh a" tiin kawngka bul atang chuan ka nu leh pa te chu ka ko a, an ni pawh chu an thut na atang chuan tho chhuak in an rawn in zui lut a, cha wte kan ei mawlh mawlh kan zawh hnu chuan Mami nen kan ti fel leh zung zung a, room lamah chho in ka hmai chu ka chei a, ka hmui ah lip gloss ka hnawih leh hnu chuan ka hman a der, ka bag chu la in ka room atang ka chhuak a.




"Nu ka kal dawn aw" ka ti a, "Awle, ni hman nuam le" kitchen atang chuan a rawn au lang lang a, ka scooty chu la chhuak in ka tlan chhuak nghal, hnathawh na hmun ka thleng a, ka scooty chu dah tha in building chhungah chuan ka lut a, ka hma bawk a, hnathawk te pawh an la kal tam lo hle, ka awmna hmin ka thlen chuan a ngai te bawk in ka bad chu dah fel in sir office ah chuan ka lut a, thil tih fel ngai ka ti fel zung zung a, ka chhuak lehnghal.




Computer en a ka kun ngur ngur lai chuan sir a lo thleng a, "Coffee min rawn lak ang che" ti hmuk in a office ah chuan a kut a, vawin chu a mood a fuh vak loh hmel hle, coffee chu siam sak zung zung in a office chhung ah chuan ka lut a, a dawhkan hmaah ka dah hnu ah chhuah leh mai ka tum chu min lo ko ding a, "Ka phal na tello chuan tumah rawn luh tir suh ang che" a ti a, "Awle" tiin ka kal chhuak nghal.




"Min lo hrethiam lawk" ti ri ah chuan ka hawi chhuak a, hmeichhe hmeltha zet mai ka hmu nghal zat, "Aw.. enge nita?" ka ti sep a, "In boss hmu ka duh a" a ti a, a aw te chu ngaihthlak a nuam takzet, "Amah kan hrilh hmasa ange aw, a phal na lo chuan tumah luh tir lo turin min ti a" ka tih chuan "Awle" a lo ti tha ve mai.




"Sir hmuh duh tu che an awm a?" ka ti sep a, "Tinge?" lehlam a mi chuan a lo ti bung nghut a, "Nautei ti mai rawh" hmeichhia chuan a ti a, "Nautei tih hming pu in a nia" ka tih chuan "Rawn luh tir rawh" a ti a, a off nghal daih bawk, "Va lut rawh" ka ti a, "Ka lawm e" tiin office chhung ah chuan a lut a, a bialnu a nih ka ring ve ngawt a, Mizo hmeichhia ah chuan a chhelo pawl tak ani ang tih ka sawi ngam sak.




Rei fe hnuah chuan a rawn chhuak a, min kal pelh dawn chuan min nuih sak a, ka lo nuih leh ve bawk, "Kal chhuah na tur ka nei a, ka rawn let tawh lovang aw" Sir chu a office atang a rawn chhuak a, a mood pawh a fuh hmel ve ta deuh e, "Awle" ka tina, a kalsawn nghal, tih tur awm ang ang chu ka ti zung zung a, hna ban a hun tawh, mahse tih zawh law law ka duh avang chuan ka awm tlai ta deuh a.




Ka zawh meuh chuan khua a thim fel vek tawh, hnathawk pawh an awm mang tawh lo, ka bag ka siam mawlh mawlh lai chuan thawm ka hria a ka hawi chhuak vat, Sir rawn kal hnai mek chu ka en a, "I va haw har ve" min hmuh rual chuan a ti a, ka la haw lo chu mak a tih hmel deuh bawk in ka hria, "Nia, ka laklawh ta deuh a, ka haw hman chiah" ka ti tha ve mai a, "Thlah I ngai em?" a tih chuan "Scooty ka keng a" ak ti leh sep.




"Awle, va haw tawh rawh, tih tur pawimawh ka nei a, mahse keimah in ka ti thei ang" a ti a, "Awle, mangtha le" tiin ka kalsawn a, ka tukhum za mer mer ah chuan min en zui reng tih ka hre mai, elevator ah chuan chuang in garrage ka then chuan ka chhuak a, ka scooty lam chu pan in ka ti nung nghal, ka in khalh chhuak a, chutia kawng a ka tlan lai chuan enge emaw a ti deuh bur a, ka hriat leh hmasa zawng chu ka ke na chu ani.




Ka bul hnai a awm te chu an lo kal hnai a, ka scooty chu min Tung sak a, min kaitho nghal bawk, ka ke lah chu a na reuh phian a rah pawh ka rap tha ngam lo, "A va zia lo tak aw" tih pah chuan kawng sir deuh ah chuan min hruai a, "I ke kha enge a an, a va zia lo tak" pakhat chuan ka ke en pah chuan a ti a, a khawih che a, a na lutuk chu ka te deuh that a, "Ka tih palh lutuk, a ruh hi I sawh deuh aniang, i ruh chu a tliak lo" a tiba, ka thaw deuh huai mai.




"Enge thleng?" ka ti a, ka tlan tah hle hle lai kha eng in emaw min su dawt tih zawng hriat ka nei, "Sawilai bike khalh pa sawn a rawn su che a, a rui deuh emaw ni saw" tih pahin kan piah lam chu a en a, ka en ve chuan mipa panga vel hian tlangval pakhat ni awm tak chu an lo hual a, "Damdawi inah kan kal mai dawn ami, tiang chuan a tha dawn hauh lo, I ke hi entir hrim hrim a tha in ka hria" pakhat chuan a rawn ti a, ka hnial lem lo.




Taxi hman tur chu an zawng kual a, a vang hmel phian bawk si, ka ke chu ka en chiang a duk deuh raih mai, "Engthil nge thleng?" tih ri ah chuan ka hawi chhuak a, Sir Ab-a chu ka hmaah a lo ding run a, "Sawlai bike khalh pa sawn a tlan laklawh laiin a su a nihkha, a zialo tak tak" nutling pakhat chuan a lo ti a, sir chu rawn hu hniam in ka ke chu a en vut a, a thaw deuh hawk.




"Damdawi inah kal ila a tha ang" a ti a, min pawm kang deuh nawlh a, "Ka car in kan kal mai dawn nia" a ti a, a car ah chuan min dah lut a, kawngkhar a khar hnu ah midang te chu a be leh rih a, a lo thut luh hnu chuan a motor chu a ti nung a kan tlan chhuak nghal, damdawiin hnai ber ah chuan kan kal a, min pawm chhuak in damdawiin ah chuan min luh pui a.




Doctor chuan min check nghal zung zung a, ka bulah Sir chu a lo ding ve run bawk, "I ulh a nih hi, kar khat vek chawl hahdam la, a zia mai ang" a ti a, ka bu nghat nghat ringawt, dawmdawiin atang chuan kan chhuak a, Sir chu a ngawi run ringawt a, a car ah chuan min dah lut leh in a lo thu lut ve nghal a, kan tlan chhuak lehnghal, ngawi rengin a kalh a, kan in lam panin ka tlan mek bawk.




Kan in kawt kan thleng a, ka ke ka rah ngam miau loh avangin min pawm chhuak leh a, door bell chu a hmet ri a, ka nu chuan a lo hawng vat, chutia kan boss in min pawm a hmuh chuan a meng phawk hle, "Bawihte enge awmzia ngati nge i ke chu?" tiin ka ke an tuam chu a en a, "Ka accident a, mahse ka na vaklo" ka ti a, min pawm tu pa chu a lo rum nghut mai, ka en vat a, chiang zetin min lo en let ve ran a nihchu.




"Lo lut phawt teh u" ka nu chuan a ti sawk sawk a, Sir Ab-a chuan a min pawm lut a, ka pa in min hmuh chuan a thut na atang ding in kan lam chu a rawn pan a, "Ka fanu enge awmzia?" a ti a, a hlauhthawn hmel hle, "Ka pu I fanu hi a accident a, a ke hi a ulh deuh a nihhi" Sir chuan a lo ti a, "Room lamah han chho zawk rawh u Bawihte" ka nu in a tih chuan Sir bulah chuan ka room awmna lam chu ka hrilh a a kal ve nghal mai.




Khumah chuan min nghat thla a, "Kan lawm lutuk ania aw, kan fanu te I lo buaipui a" ka pa chuan a ti a, "Engmah a nih loh kha, ka kal phawt mai ang, hnathawh tur ka la nei sia, chuan i ke a dam chian hma chu rawn kal a ngailo ang aw" min en pah chuan a ti a, ka lo bu nghat nghat, a kal dawn chuan lawmthu te ka hrilh veleh a, ka nu nen chuan an in zui chhuak a, ka pa erawh ka bulah a la thu a, ka nu pawh reilo te ah a lo lut veleh a.




"Bawihte I hnathawh na nei tunu chu a fel kha, a hnuai a hnathawk te a ngai pawimawh tih a hriat, thla a muang huai huai thei" ka nu chuan a ti bawrh bawrh a, "Mu hahdam rawh, harsat na I neih chuan min rawn ko mai dawn ania" ka pa chuan a ti a, an in zui chhuak nghal, keipawh chu ka mu rem sauh a, mut chhuakin min zem chiai chiai avang chuan ka mit chh ka chhung riai riai a.



Cont.


Show post links
Top

[Ngaia]

Chapter-3



Ava Lalhmingmawii POV




Hna ka chawlh atang kar khat lai a liam leh tawh, ka ke pawh a dam tawh hle a, ka chhungte ho an inkhawm vek a, keimah te chauh in inah ka awm, Sir Ab-a pawhin vawihnih lai min rawn be tawh a, min ngaihtuah ve hle niin ka hria, ka lawm takzet, mipa sual deuh chu a nilo in ka hria, naktuk atang hna zawm leh tawh ka tum a, ka chhungte bulah pawh ka sawi tawh a, pawi an ti vak biklo.




Ka chhungte an lo haw a, ka room atang chhuakin inhnuai lamah ka chhuk thla vat, inthlak turin an room ah an lut a, Mami chu lo chhuak in kan eitur vel chu kan siam a, kan siam zawh chuan chhawp chhuak in kan ei ho a, Sunday inkhawm ban tawh hnu hi chaun kan chhungkua in kan awm khawm thin a, tv te en in kan titi ho thin bawk.




Arintei'n min rawn bia a, kan inah tlai chaw ei a rawn tum a, ka nute bulah pawh ka sawi tawh a, a lo thleng tep tawh in ka ring, door bell a rik chuan ka hawng vat a, Arintei chu a lo ding reng tawh, "Lo lut rawh, I lo va thleng hma ve" ka ti a, "Nia tih tur a awm lo lutuk a, ka pa hna thil ah a zin chhuak daih bawk sia keimaha awm ka peih lo a" a ti a, "Kan inah riak nghal mai la" ka tih chuan "Ka tum sa hrim hrim alawm" awlsam zetin a lo ti a, ka nui ringawt.




"Mate I lo thleng tawh animaw, kha Mami te nen khan eirawng lo bawl mai tu aw, I pa nen thenawm ah kan va kal lawk ange" ka nu chuan a tina, ka pa nen an chhuak dun nghal a, "Ti rawh, Mami amah chuah in eirawng a bawl a, va pui ang" ka ti a, kitchen ah chuan kan in zui phei a, kan pathum chuan eirawng chu kan bawl ho a, kan nui leh dar dar thin a, kan thawm pawh a ring tha hle tawh, eirawng kan bawl zawh hnu pawh chuan ka nu te an lo la haw lo, kan pathum chuan tv kan en a, kan film duhzawng tak a chhuak hlauh a, tumah tawng lovin tv chu kan en thap.




Chutia tv kan en lai chuan ka nu leh pate chu an rawn in zui lut a, ka pa chuan "Kan rei ta deuh sia, in ril a lo tam tawh em?" a ti a, "Tam lo ve, hei kan film duhzawng tak a lo chhuak a, kan lo en tui lutuk" Arintei chuan a lo ti a, "A nihchu mawle, in duh huna chaw ei chu siam mai rawh u aw" ka nu chuan lo tiin an room lamah chuan an lut a, kan film en duh a tawp hnu chuan chaw ei siam tur chuan kitchen lamah kan lut a.




Zanah chuan Arintei leh Mami te nen chuan ka room ah kan riak ho a, "Awii ka mut pawh a la chhuak theilo" Mami chuana ti hluai a, keipawh ka mut a chhuak lo, "Keipawh" tih leh Arintei chu thut a rual a, kan lo thu chhuak ve vat a, "Ava in boss hi a chanchin han sawi teh, mi sawi dan ka lo hria a, a duhkhirh lutuk a, mipa vawt tak a ni an ti bawk a" Arintei chuan a ti a, ka lo nui hak, keipawh chuchu a tir a ka ngaihdan chiah a ni.




"Nia a landan ah chuan a nia lawm, ka thawh tirh khan ka hlau thei lutuk, mahse rin ai daih in a fel, a hnuai a hnathawk te a ngaihsak a, tha taka hna kan thawh phawt chuan a sual lo lutuk, a rilru pawh a tha lutuk" ka ti siam siam a, "Nanghi I duh chiang mai" Arintei chuan a lo ti leh hluai a, awm ang lo ti lutuk in ka melh a, "I mawl ami, a ni te chu ka hnathawh naa ka boss ania" ka ti a, an la nui vak vak zui a.




"Ka ti tak tak ania aw, a chanchin i sawi lai te khan I mit a de sawr sawr ania, I duh chiang alawm, i hrelo mai mai a nihkha" in ti hre tak chuan a ti leh a, "An boss pawh khan a duh hmel ka lo ti a, kha ina a lo hruai haw te khan a ngaihtuah hmel sia, a rawn pawm lut thlap alawm, in in hmeh ka ti rap, in ngaizawng daih ru" Mami pawh chuan a lo ti a, a thusawi chu ghil thleng ngailo turba ni tih hi an hre silo a, chhan pawh ka chhang buai peih tawh lo.




"In ninawm mu tawh rawh u"ka ti ta hlar a, an nui dun vak vak a, "Kha maw min chhan ngaihna pawh a hre miah lo ania, ni daih ru, in in hmeh a, a duh hrim hrim ang che" an ti leh hra a, chhan pawh chhang tawh lovin ka mu hmak a, an ni erawh an la nui kur kur a, light an off hnu ah tha deuh chuan an mi veleh mai a, reilo te hnuah mut chhuakin min rawn zem chiai chiai a ka muhil nghal a.




Zing ka harh chuan ka bula mu te ka en a, an la muttui hmel hle, "Hey tho rawh u, a tlai tawh ania aw" tiin ka sir ve ve a mu te chu ka sawi nawk nawk a, peih lo hmel zetin an rawn meng a, "Dar engzah nge a?" Mami chuan tho phang aw zet hian a rawn ti a, "6:30 a ri tawh" ka tih chuan "Imm eirawng bawl a la ngai dawn sia" tiin a tho chhuak ve nghal a, Arintei chu a la mut ngheh hmel hle.




Mami chu room atang a chhuak a, keipawh bathroom lamah lutin ka in phih fai a, ka chhuah leh hnu pawh chuan Arintei chu a la muttui hle, ti harh duh lovin inhnuai ah ka chhuk thla a, Mami pawh kitchen lamah a lo awm leh daih tawh, "I va che rang ve" ka ti a, chaw a lo chhuang leh hamn vek tawh, eirawng chu kan bawl zawm mawlh mawlh a, dar 7 Rik dawn tep chuan ka nu leh pa te pawh an rawn ho chhuak a, thingpui ka lo pe vat.




"Khawiah nge Arintei" Ka pa chuan a ti a, "A la mu a, ka ti harh duh lo a nihkha, a muttui hmel lutuk a" ka ti a, "Umm a that chu a duh chen chen han mu teh se, a chau ve bawk a" a ti a, kitchen atang chuan a chhuak a, eirawng bawl ka peih fel hnu chuan Arintei pawh a rawn chhuk a, a la ham bai bai a, "Awii min kaihthawh lai kha ka hre riai riai chuah, nizan kan meng rei bawk sia engtinge in thawh hma theih em em zawk a" a ti a, Mami nen chuan kan lo nui mai.




"Kan tho hma thang alawm, a hrim hrim in nangpawh nurse i training mek a, thawh hma zir rawh" ka tih chuan "Nia a ngai ani, hmanhmawh tawk in ka in siam thin a, zung chaw te hi ka ei hmanlo lek lek zel" a ti a, "Han tho hma thang deuh ka ngaiah I nei ve mai ang" ka ti a, thingpui a thli chhuak a, a in zui a, kei erawh hna zawm leh tawh ka tum avangin room lamah chho in ka in siam a, ka zawh hnuah chaw kan ei a, Arintei thlah haw pah ka ngaih avangin nidang aiin ka chhuak hma.




Hnathawh na hmun ka thleng a, Sir a lo la thleng lo, ka kal loh chhung a rei ve bawk sia tih tur a lo tam hman viau, computer ah thil ka en mawlh mawlh a, Sir chu a lo kal a, ka lo wish vat, "I ke chu enge a an?" a ti sup a, "A dam vek tawh lutuk" ka ti a, "A tha a nihchu, vawin chu tihtur a tam deuh maithei aw" a ti a, "Awle" ka ti sep, "Coffee min lo lak ta che" a tih hnuah a office ah chuan a lut zui a.




Nitin a coffee tur ka siam sak ziah a, a duh dan chu ka hre vek ve tawh viau, ka siam zawh hnu ah a office ah chuan ka pe a, "Meeting turin mi pali an lo kal dawn a, an lo thlen hun ah I lo luh tir dawn ania, chuan mamawh kan neih chuan ka lo hrilh dawn che ania" a tih hnu ah office atang ka chhuak a, file pawimawh vel chu ka rem fel mawlh mawlh a.




Upa lam tawh mipa pali chu an rawn in zui a, an ni hi an ni ngei ang, "Sir a awm em?" pakhat chuan a ti a, "Awm e, a luh theih aw" ka ti a, an lut nghal, intercom chu a rawn ri a, ka la vat, "Coffee no nga min rawn pe ta che" Sir chuan a ti a, ka pek nghal tur thu ka hrilh a, ka pek zawh hnu chuan ka chhuak lehnghal, Sir khan a sawi a, tumah luh tir lo turin min ti a, a pawimawh hmel viau bawk.




Ka sawi tawh em, Sir hi a hausa hle a, Mizoram ah sumdawng hausa ber a ni, sumdawn na tam tak a nei a, company hrang hrang a nei bawk, ka ngaihtuah chiang a, a hah thei hle in ka ring, a thawk rim em em a, hausa pawh hi awm ka tih pui, ka hnathawh naah hian a awm tam ber a, a chhuak ve reng bawk, tuna meeting tur a lo kal te paha hi hetah hnathawk hi an nilo tih ka hria, vawikhat mah ka la hmu ngai tlat lo.




"Ab-a a awm em?" hna ka thawh mawlh mawlh lai chuan hmeichhe pakhat hian a rawn ti a, "Awm e, mahse" ka tih lai chuan office lam pan chuan a kal hmak a, "Min lo hrethiam lawk, Sir chu tunah a hmuh theih rih lovang" ka ti a, a rawn hawi let a, min la melh rum em em zui, "Tunge ni a I in hriat a, min dang ngam amaw?" thinrim takin a ti a, a la au ring em em zui.




"Ka tih palh ani, mahse tunah hian Sir te chu meeting an nei mek a, khawngaih in lo nghak lawk mai rawh" ka tih leh chuan "Chutiang ka ngaih pawimawh i ring em ni?, tunge ka nih hi i la hrelo a nih hi, min dang tih hi Ab-a hian hre ta se a a lungawi dawn hauh lo, I hna hial in I chan thei tih hria ang che" a ti leh hlak hlak a, "Sir in ti tur a min tih ang ka ti mai a ni, chuan i lut thei tih lovang, i duh chuan I lo nghak thei ang" ka ti a, min melh rum tha tawh khawp mai.




"Nang ang hmeichhia hi engtinge hnathawk tur a an lak theih che?" a ti fiak that a, "Hnathawk tur a ka tlin vangin min la, chuan khawngaih in buaina siam lo hram rawh, rei a ni tawh lovang" ka ti a, "I thusawi ka awih chhan tur hi ka hre hauh lo, chuan i ngam chuan min dan han tum leh teh, I hna atang hian I ban a ngai ngei ang" a ti a, office ah chuan luh a tum a, a kut ah chuan man in ka pawt let a, "An meeting ka tihkha, va lut buai duh suh, sir in tuma tih buai a duh lo" ka ti ta fak a.




Tha te te a ka sawi lai khan ka thu kha awih mai tur ania, "I va han zak lo ve, min khawih ngam vel amaw?" a ti tuar a, "Tilo theilo in min siam ani, khawngaih in hnathawh na hmun ah kan awm a, buaina siam lo hram rawh" ka thinrim a tih lan hlau tak chung chuan ka ti leh a, "Nang mi zaktheilo nu" tih leh ka biang a rawn ben chu a rual a, a rawn che phut bawk nen ka lo dang hman lo ani, ka pai deuh nawk a, ka ke ka rap sual a, ka rak thawt, ka ke na lam chu ka rap lek a, a sa ham ham mai.




"I chan tawk a nihkha" a ti a, chawh min tih hmel fe in min en bawk, "Engvanga kut min thlak nge I nih?" ka ti fak a, "I phu tawh chiah a nihkha, vawikhat mah nanghian min khawih leh tawh suh ang che, chuan i nihna hre rawh, nakin lawkah chuan in pi ber tur ka nih hi, chutih hunah chuan maw nang hi chu heta tang hian i bang nal nal tawh ang" a ti a, ngeiawm zetin a nui sawng bawk, ka dam chhung zawng hian kut thlawn ka la ba ngailo, kut ka tuar chuan min tih dan chiah in ka ti let ve thin.




"Ding rawh" ka ti a, a kal lai chu a ding chawt a, "Enge nita, ngaihdam min dil i tum em ni?" a ti a, a lam ah chuan muangchang in ka kal a, "Nang hian kut min thlak a, chuan kal ma I tum amaw?" ka ti a, "Oh... enge tih theih I neih chuan, I chan tawk i hmu ah ngai la i hna va thawk chhunzawm rawh" a ti a, ka nui hak, "Chuti mai chuan I kal hauh lovang, chuan meeting a zawh hma chu sir office ah sawn i lut hauh lo bawk ang" ka ti a.




"Hmeli" tih leh min rawn ben a tum leh a, a kut ah chuan ka lo man a, a biang ah chuan ka beng sawk a, a rak thawt mai, "Nang hian min beng ngam amaw?" a biang dawm chung chuan a rawn au tuar a, "Min beng ngam a nih chuan engvang in nge ka ban ngam loh ang che, I la hrelo pawh a ni maithei, mahse kut thlawn ka ba mai mai ngai lo tih hria ang che" ka ti a, a thinrim hmel chu rapawm tak hi a ni ringawt.




Mi fel tak chu ka nilo maithei mahse ka theih ang tawkin mi chungah ka tha ve thin, ṭanpui ngai te ka hmuh in kal pel mai lovin ka ṭanpui a, kan veng ah pawh nula fel tiin min sawi ve fo, mahse kut thlawn hi ka ba ngailo, kut thlak hmasa tu ka ni ngai lova min khawih a nih chuan ka khawih let ve mai zel, ka thiam lohna a nih erawh chuan ngaihdam dil ka hreh ngailo, hetiang ang hmeichhia hi ka dam chhung zawng hian ka la hmu ngai lo bawk.




"Zaktheilo nu" tih leh min rawn pan leh chu a rual a, chutih lai tak chuan Sir office kawngkhar chu a rawn in hawng a, "Engthil nge thleng?" Sir chu a rawn chhuak a, "Ab he hmeichhe zakthei lo tak hian i office chhung a ka lo lut tur min dang a, ka lo nghah tur thu che ka hrilh a, mahse in rei tur thu leh nghak lo mai tur a min tih chuan a thusawi chu ka hnial a, a thinrim in ka biang ah min beng a" a ti zawt zawt a, chutia chawp leh chilh lutuk a dawt a sawi thei chu mak ka ti lutuk.




Engmah sawi nachang pawh ka hrelo, "Chuchu thil dik a ni em?" tiin Sir chuan min melh run a, tawng ka tum chiah tih chuan chunu bawk chu lo tawng leh in "Ka thusawi chu I awih mai lovem ni, khanu kha engmah zawh nawn a ngailo, ka thusawi chu thudik a nihchu" a ti a, "Lo ngawi rawh" Sir chuan a ti chang rut a, "Min chhang rawh" a ti leh nghut a, "Sir thudik a nilo, i office ah khan lo luh luih a tum a, ka lo dan khan a thinrim in..." ka tih lai mek chuan a kut a vei fua a.




"Ab khanu khan dawt a sawi a nihkha, ka thusawi chu awih rawh, dawt ka sawilo" chunu chuan a ti a, keichu ka lo ngawi kar ringawt, "Cctv en ka duh ang, enge thil thlen dan dik tak hriat ka duh ani" Sir chuan a ti a, chunu chu a meng phar awk a, "Mahse chuchu enge a ngaih kher na" a ti a, "Ka sawi ang chu a niami, chuan ka office ah rawn lut rawh u" a ti a, chunu chu a hlauhthawn hmel tawh hle.




"Min hrethiam ula, meeting kan zo thawkhat tawh tho bawk nen min lo va kalsan mai ta che u" Sir chuan a ti a, chumi te pawh chu an chhuak ve nghal a, couch ah chuan ka thu a, kha hmeichhia erawh kha chu a ding reng ringawt, Sir chuan CCTV chu a en ta a, a en zawh chuan a rawn hawi chhuak a, kha hmeichhia kha a melh ngur bawk, "Lalchhanhim eng vanga dawt min hrilh ngam nge I nih?" Sir chuan a ti hrawk a.




"Ka... ih... englo" chunu chuan a ti bah nuai a, "Ka sawi fo a nilawm ni, hetah hian rawn kal tawh suh ka ti che anilawm ni" a ti leh a, "Mahse Ab ka ngai che alawm, nang hmu tura ka lo kal chu enge a pawi na?" a ti a, a mittui chu a tla a, ka khawngaih letling viau, "He hmunah hian rawn lang leh tawh suh ang che, chuan chuang takin ka sawi tawh, kan in kar ah hian engmah a awm lova a awm ngailo bawk ang tih ka hrilh chiang viau che" a ti a.




"Ka hmangaih che ka tihkha, chuvang chuan hetiang hian awm suh, vawikhat tal chance min pe ve rawh, kha I hmeichhe nghah reng kha a lo in lan dawn lo, hei leh chen I nghak tawh a, a thawm tak ngial pawh hriat tur a awm loh hi, beidawng tawh mai rawh" tiin a au nghek a, awm ve reng na chi niin ka hrelo mahse ka che ngam tawh bawk silo ka awm dan chu a lai vel vek.




"Vawikhat pawh han tawng chhuak leh teh, I chung a ka thil tih tur hi ka sawi lawk theilo" sir chuan a ti ṭhawt a, hetiang taka a thinrim hi ka la hmu ngai lo a, ka hlau takzet, "Chhuak rang rawh, tunah" Sir chuan a ti leh hrawk a chunu pawh chuan a hlau hle a ni ngei ang a tlan chhuak chawn chawn mai, sir chu engmah sawi lovin a thaw chhuak deuh hawk hawk a, chutah ka lam chu a rawn hawi a ka lo ip chawih mai.




Min rawn pan hnai a, "I ke kha a la na em?" dam dap hian a rawn ti a, a hmel en aia a rawn tang dam dap chu mak ka ti, "Aa.... aih na tawh lo ve" ka ti a, "Ok... I duh chuan i haw hma thei ang" a ti a, ka bu nghat a, a office atang chuan chhuak in ka bag chu ka sma fel mawlh mawlh a, ka hun tawn te nen hahchawlh rih ka duh avangin haw chu ka tum ta a, garrage ka thlen chuan ka scooty la chhuak in in lam chu ka pan nghal a.




"Bawihte I lo va haw hma ve" Ka nu chuan in ka luh rual rual chuan a lo ti a, "Nia kan buai vak lo va, Sir in haw hma turin min ti a" ka ti mai a, "A nih chu mawle" ka nu pawh chuan engmah min zawt zui lem lo in a ti a, "Nu ka han hahchawl hrih dawn aw, ka chau deuh a" ka ti a, "Awle hahchawl rawh" a lo ti ve mai, ka room ah chuan ka lut a, in thlak pawh in thlak lo chuan ka khumah ka hlawm nghal tawp.




Chuan jahnu thusawi kha ka ngaihtuah a, Sir hian ngaihzawng a nei miah lo ama, vawin a ki kha chu a bialnu a nilo tih ka chiang a, mahse hmani a lo kal kha a ngaihzawng ni turah ka lo ngai kha ania, a thiannu pawh a lo ni zawk maithei ani, thil pakhat leh tunge Sir in hmeichhia a nghah mek chu ni ta ang, engvanga lo ngaihtuah ve chiam nge ka nih chu ka hrelo mahse ka hre chak et et si a nih hi.




Abraham Lalrintluanga POV




Ka office tukverh ah chuan dah chhuak in thil ka ngaihtuah a, ka hmeichhe hmangaih kha khawiah nge a awm ang, ka zawng nasa a mahse hmuh tur a awm bawk silo, amah vang khan tu hmeichhia mah hnaih ka nei ngailo, tun thleng hian ka la nghak reng chu anih hi, ka naupan lai khan kan thenawm ah hian fahrah in a awm thin a, chuta awm hmeichhe naupang nen chuan kan inkawm thin.




Nitin kan inkawm a, school ka ban veleh amah hmu turin ka tlan chhuak leh nghal thin, mahse ka pa an transfer avangin Mizoram kan chhuah san a ngai a, ka ngaihtuah naah a awm reng thin, khatih hun lai khan ka la naupang em a, a chunga ka rilru put hmang kha ka lo la hrethiam lona, hun leh ni te a ral ve zel a, kha hmeichhe naupang kha ka duh a ni tih ka hre chhuak a, ka zirna ka zawh veleh amah hmu turin Mizoram ah ka let a, mahse a ni chu a lo awm tawh lo.




Tun thleng hian ka la zawng reng a, a chang chuan ka beidawng ve lek lek thin, tunah hian enge a tih mek a, a dam tha angem, min la hre ve reng angem?...




Ka secretary Ava Lalhmingmawii ka hmuh hian ani kha ka hrechhuak thin, khatih hunlai khan naupang a mai ka nih avangin a hming diktak ka hre silo a, ka tan zawn ngaih na a vang hle, fahrah in a awm naah khan ka kal a, a thawk tu te kha midang vek an lo ni tawh a, fil e hlui a min en sak tur a ka tih chuan fahrah in kha. akang a, engmah chuh hman a nihloh thu leh thil pawimawh ang zawng zawng a kang ral vek thu an sawi a, tihtheih a vang hle.




Ava-i nen hian in an na riau an nei thin a, amah emaw ka ti hial thin mahse a ni chuan nu leh pa a nei si a, 'Khawiah nge maw I awm le.. ka ngai lutuk che asin, tun thleng hian ka la nghak reng che, khawngaih in rawn in lan tawh ta che, vawikhat mah ka kalsan leh tawh ngailo ang che, i bulah ka awm reng tawh ang' ak ti sup a, thawm a reh vang vang bawk si....



Ava Lalhmingmawii POV




Tunlai chu kan buai thei hle a a chhan pawh naktuk mai hi kan company dun atanga kum li a tlin na a ni a, ropui tak a lawm kan tum a, kan in kuah chah nasa tawh hle, Sir chu meeting a nei a, kei erawh naktuk lamah ceremony kan hman na tur lamah ka awm thung, engkim mai chu a felfai thlap a, a zau tha bawk a, a nuam hle.




Hna kan bang a, ka scooty ka keng lo, taxi ka chan lai mek chuan ka hmaah car a rawn ding a, ka en nak chuan Hruaizela a lo ni a, a nui vur vur bawk, "I haw tawh dawn em ni?" a tih chuan "Aw... taxi ka chang mek a" ka lo ti tha ve mai a, tunlai chu hnaah a buai deuh aniang ka hmuh khat khawp mai, "Lo kal rawh ka haw tawh dawn alawm" a tih chuan ka hnial lem lo.




"Tunlai I hna te a tha zel maw?" a tih chuan "Umm tunlai tak chu kan buai ve deuh a" ka ti a, "Naktuk kha min sawm ve a, hun ka nei bawk a, kan kal rual dawn en mi?" Hruaizela chuan a ti a, "Animaw, a that hlauh chu, kalpui tur ka nei chuang lo a, bakah zan lam a ni bawk sia, keimah chuah a kal ai chuan a tha daih zawk ang chu" Ka ti a, "Ok ka lo sawm dawn che nia" a tih chuan ka lo bu nghat nghat a.




Hruaizela hi a hma ang em em khan ka hne tawh lo, amah vang in hna ka hnu a,ca chungah ka lawm takzet ani chuan a ni pawhin ahma ang khan min zar buai chhen tawh lo bawk a, min biak pawh in tha tak tak in min bia a, ka nel tawh viau, ka thian angin ka ngai a, a laka ka rilru put hmang a hre tawh bawk a, a ni pawh a beidawng ve ta ah ka ngai, hetiang hian awm reng thei ila ka ti bawk.




Zanin lamah party te a awm dawn vangin hna kan bang hma hlawm a, keipawh chu ka in siam fel vek tawh, Hruaizela chu ka lo nghak ran az reilo te hnuah a rawn thleng a, kan chhuak dun nghal, "Zanin chu inva chhel ve, mipa tam tak i zunah an uai ngei dawn anih hi" Hruazela chuan motor khalh chungin a lo ti a, ka lo nuih seih ringawt.




Party na hmun kan thleng a mi an lo tam tawh khawp mai, keini pawh chu kan in zui lut a, Hruaizela chuan a hmelhriat a hmu a, a lam pan chuan kan kal a, in hmelhriat tirna te min nei a, chutia kan tawng mawlh mawlh lai chuan kan sir lam ka hawi a, Sir chuan min lo melh reng chu niin rum ang reng tak hian min lo melh a, ka lam ka hawi tih a hriat veleh chuan a hawi sawn daih, min en dan kha thil tih sual ka ne emaw ka ti rum rum zawk alawm mawle...




"Thiannu" ti a ka nung lam atanga min lo khawih tu an awm chuan ka hawi let vat a, a hmaa company a lo kal kha a ni, a hming kha enge kha aw... Nautei ni tak e, a hma ang bawk in nui sang chungin min en a, hmuh a nuam takzet, a kawr hak te chu a in hmeh in a tan bik liau liau a an thui emaw tih mai turin a in hmeh, vawihnih chuah kan la in hmu chung in a sual chu ka ring hauh lo.




"Kan in hmu leh ta alawm, I dam maw?" a ti a, "Awm.. dam e, nang zawk i dam em?" ka ti a, "Dam e, chuan I va nalh ve, tunge I lo kal pui mipa kha I bialpa em ni?" a tih chuan lu ka thing nghat nghat a, "Nilo e, ka thianpa a nihkha, an sawm ve a" ka ti a, "A nihchu maw... in lo luh tirh kha ka hmu che u a, in in hmeh ka lo ti tawp a, in inngaihzawng turah ka lo ngai a" a ti a, ka nui ringawt.




"Saw lamah sawn kan kal dawn em niang" a ti a, Hruaizela bulah chuan ka kalsan tur thu ka hrilh a, a thianpa nen chuan an in be tui em a, min rawn zui lem lo, "I accident tih ka lo hria a, I dam tha tawh em ni?" a tih chuan "Aw... ka dam tawh lutuk, ka na lutuk lo hrim hrim a" ka ti a, "A nihchu... ka u khan a sawi a" a tihchuan ka lo hawi a hei ringawt.




"U maw?" ka ti a, "Aw... Ab-a hi ka u a ni tih I la hrelo a nimaw, I hre tawh turah ka lo ngai a" a ti a, "In in ang lo em alawm" ka tih chuan a nui hak hak a, "An ti chawk asin, a then phei chuan inngaizawng emaw te min lo ti thin a" a ti a, a la nui hak hak reng tho, keipawh khan inngaizawng emaw ka ti a nihkha, a hmel chu ka en chiang a, an in ang lo lutuk.




"Ka u hi chuan ka pa a chhun a, kei in ka nu ka chhun thung a, chuvang a nia in ang .in tih loh thin" a ti a, a nu leh pate chu an hmeltha ngawt in ka ring, an unau in an hmeltha dun emai, Nautei nen chuan kan awm dun ta reng a, a tanwg duh bawk a, a bul a awm nuam ka ti hle, keipawh ka tanwg ve par par ngam a, tanwg duh chi ka ni bawk nen tanwg duh lo deuh bula awm hi a nuam ka ti vak lo.




"Naute" ti ri ah chuan Nautei chu a hawi sawn a, "Ehe.. Lucy I lo kal ve animaw, I lo thleng chiah ami?" Nautei chuan a ti a, hman ni a min beng tu nu kha a ni, "Aw.. ka lo thleng deuh chiah a" a ti a, keichu min rawn hmuh in min melh thip ram ram khawp mai, "Taka heihi ka u secretary a nihhi, Ava-i chuan Ava heihi Lucy-i a nihhi" Nautei chuan a ti a.




"Kan in hria alawm, nilawm ni?" tiin Lucy chuan min rawn melh a, nuam ka ti chiah lo ka lu ka lo bu zeuh ringawt a, "Engtinge in in hriat a, ka u company ah I kal em ni?" tiin Nautei chuan a lo zawt a, "Kal e, mahse aaa.. sawi pawh ka peih chiah lo i duh chuan amah kha I lo zawt dawn nia, khawiah nge I u hi a awm a?" a ti ta daih a, "Ka hrelo midang te nen an in be laklawh aniang" Nautei chuan a lo ti tha ve mai.




"Ka kal phawt mai ang I u chu kan zawng ange" tih leh kalsawn chu a rual a, hmani thil thleng vel avang khan a zah ve deuh te ka ring ania, mahse ka rin loh lam daih ani, hawi sang vah chung chuan a kalsawn ta a, "Lucy hi chu tih ngaihna vak a awm lo a nihhi" Nautei chuan a ti sep a, ka hriat tur em em a sawi pawh a nilo, mahse ka ti hriat na hi a tha a, ka hre vek thei tho.




"Lucy kha a lo kal tawh amaw?" tiin Nautei chuan min en a, "Ummm hmani ah a lo kal a" ka ti zawi sep a, "I hmel a dik lo riau mai, harsat na te in nei ami?" a tih chuan chhan dan vak ka hrelo ka dar ka kan ak ringawt a, "Ka hrethiam mai e, Lucy hi chu a buaithlak ve lutuk a, ka u hi a duh lutuk a a zar buai reng zel ka u lah hian a ti theilo em em mai bawk si nen a buaithlak tak tak ani" a ti sep sep a, chhan ngaihna vak ka hrelo ka lo ngaithla ran ringawt a.




"Ka u hian hmeichhe hmangaih deuh a nei a, chuni chu tunge a nih pawh ka hrelo ka u sawi dan ah chuan a naupan laia a hriat tawh a ni awm e, tun thleng hian a la nghak a, mahse a la zawng hmu theilo, ka u hi ka khawngaih thin asin aw, ka nu leh pa te hi Mumbai lamah an awm a, ka u hi bialnu nei turin an tur nasa thei lutuk a tirah chuan engmah a sawi duh lova mahse ka nu leh paten an tur reng takah khan a sawi ta chuah a, kan chhungte pawh chuan hrethiam takin an nawr lui ta ngailo a" a ti a.




"Amah vang in tun thleng hian ka u hian hmeichhia a hnaih ngailo, in sawi theih na vang nilo se ka u hi chu tlangval hausa ve tak a ni a, a duh phawt chuan a duh duh hmeichhia a ngaizawng thei, hmeichhe tam tak hian ka u hi an kalchilh fo a,n mahse ka u chuan a lo hnar fithla thak thin" a ti a, Sir Ab-a chu ka khawngaih hle, a hmeichhe hmangaih chu a hmuh leh vat ka beisei pui takzet ani.




"A hmeichhe hmangaih chu a hmuh vat ka beisei" ka ti sep a, "Ni e... a hmu vat turah ngai ang, ka u in a hmangaih hmeichhia chu mi sual a ni dawn lo tih ka chiang a, hmuh hlan ka nghakhlel ve takzet ani" a ti a, thil dang a sawi leh mial mial a, a bula awm hi a va han nuam chiang tak, a thian te chu min in hmelhriat tir a, an fel em em vek.




Zan a tlai deuh tawh bawk nen haw mai ka duh tawh, mahse Hruaizela awmna ka hrelo ka zawng kual a hmuh mai tur a awm lo, pawn lamah ka chhuak a, tu vak mah an awm lo, party na hmuna let leh mai ak tumai chuan thawm ka hria a, chulam pan chuan ka kal vat a, awi... Lalpa leh... Hruaizela leh hmeichhe pakhat hi an lo in kiss ngawng ngawng a nihchu..





Kalsawn tumin ka in her thuai a, mahse tu emaw ka su deuh chawrh a, ka tlu tur chu ka kawng ah a man a ka tlu lo hlauh e, tunge ka en chuan Sir Ab-a a lo nia, min lo melh chhuk run mai, "Kalsawn vat a tha in ka hria" tiin min kalsawn pui a, inchhung lamah chuan lutin a bulah chuan ka kal ve zel ringawt, "Haw i duh tawh em?" a tih sup chuan "Aw... a tlai ce deuh tawh bawk sia, mahse ka kalpui pa.." ka tih lai mek chuan kin lo tawng khalh a.




"Ani kha chu ngaihtuah suh, a tha ang, chua keiman ka va thlah mai ang che, lo kal rawh" a ti a, "A ngailo taxi emaw ka la mai ang" ka in thlahrung chuan ka ti a, a rum deuh nghut, "Tun ang zan tlai tawh ah chuan motir hman tur a awm vak tawh lovang, lo kal rawh ka thlah angche" tih leh ka kut a min kaih a rual a, a kal chak bawk ne ka tlan deuh dawr dawr mai.




"U khawiah nge in kal dawn?" Nautei chuan min hmuh in a ti a, "Ava-i hi ka va thlah lawk ange" Sir chuan a ti sup "Awle, anih Ava muttui aw" a ti a, "Mutti le" tiin ka nuih seih a, Sir nen chuan pawn lamah kan in zui chhuak nghal, a motor ah chuan kan chuang dun a, tu mah mah kan in be lo, kan in zawn ah chuan motor a ti ding a, ka chhuk hma chuan rawn tanwg chhuak in "Zanina i lo kal pui pa kha I bialpa em ni?" a tih chuan amah chu ka en vat a, "Nilo e.... ka thianpa a nihkha" ka ti a, tanwg tum ang pawn a awm leh tawh lo, motur atang ka chhuk hma chuan lawmthu ka sawi a, ka mangtha nghal bawk, in kauh thleng chuan a la tlan chhuak lova, ka luh veleh a motur ti ka hre ve ta chiah.



Cont..



Regu in duh chuan like, comment leh click kha ti ve hram hram ang u aw....


Show post links
Top

[Ngaia]

Chapter-4




Ava Lalhmingmawii POV




Hna ka thawk mawlh mawlh a, file pawimawh tak pakhat chu ka dawhkan ah a awm ran a, Sir Ab-a'n thawn tur a min tih hun hun ah ka thawn nghal ang, he thil hi kan company tan a pawimawh em em a, company dang te pawh chuan chan ngei tumin an bei nasa hle, he deal hi kan chang a nih chuan kan company tan hlawk na tam tak a ni thei a, chuvang chuan boss pawh a thawkrim hle.




Hna ka thawh mawlh mawlh lai chuan ka phone a ri a, ka la vat, "I haw thei dawn tawh em?" leh lam ami chuan a rawn ti a, "Thei tep, enge nita?" ka ti a, "Ka lo nghak ang che, in inah kal kawi ka ngai a, vawin i scooty tlan loh ni a ni tih ka hria a, rawn lam che ka lo tum a" Hruaizela chuan a ti nghal zung zung a, "Awle, ka lo.kal.har tawh lovang, reilote min lo nghak lawk rawh" ka tih hnu chuan tha deuh in phone chu kan dah a.




Haw hun a nih chuan boss chu a office atang a rawn chhuak a, "I haw thei tawh ang" a ti sup a, ka bu nghat, "Engin nge I haw dawn?" a tih chuan "In hnuaiah ka thianpa in min nghak a" ka ti a, a rum deuh nghut mai, engmah sawi tawh lem lo chuan a kal nghal daih bawk, keipawh chu ka kal ve nghal mai a, garrage ah chuan kal in Hruaizela awmna chu ka zawng a, ka hmu nghal vat.




"Lo lut la" a tih chun ka thu lut zui nghal a, kan tlan chhuah dawn chuan pawn lam ka melh leh a, boss chuan kin lo en kur chu niin min la melh rum em em zui, enge maw a hriat le, thil tih sual ka neih awm ka hre bawk silo, "Enge I lo tih dawn a?" ka tih chuan "Ka nu in pangpar chi rawn la kawi rawh min ti a" tiin tha deuh chuan min chhang ve mai a, "A nih chu, e taka tunlai I hna I van buai thei awm ve" ka ti a, "Buai ve deuh, hnathawk kan in daih lo deuh a, kan boss khan lak belh lam te an sawi deuh in ka hria, hnathawk tu kan tam chuan kan buai a reh leh vat mai ang" a ti a.




Kawng tluan chuan kan titi dun ta char char a, ka sawi tawh ang khan a hma ang em em in min zar buai tawh lo bawk nen keipawh a bula awm nuam ka ti ve tawh viau, in kan thleng a, kan in zui lut nghal, "Ee.. Hruaizel pangpar chi chu I lo lam dawn em ni?" kan nu chuan Hruaizela nen kan in zui lut min hmuh chuan a rawn ti a, "Aw.. ka nu in lam nghal mai turin min ti a" a ti a, ka nu chu choka lamah kal in a rawn chhuah leh chuan a kut a, sarang a thil in pack te reuh te hi a rawn keng tel a.




"Hei aw... la haw mai lo la, thingpui te kan in dawn nia, tun lai chu kan inah I rawn kal khat riau a I ngaihawm ve alawm" ka nu chuan a ti leh zung zung a Hruaizela pawh chuan alo hnial bik lem lo, "Nu room ah ka han in thlak lawk ange aw, ka rawn chhuk har lovang" ka ti a, room lamah ka chho nghal, ka inthlak zung zung a, ka zawh chuan in hnuai lamah ka chhuk thla a, ka nu leh Hruaizela te chu an lo titi tui khawp mai.




"Nu ka pa hi a lo la haw lo ami?" ka ti a, "Aw... hnaah an buai deuh a, a lo haw tlai tur thu min rawn hrilh a" a ti a, ka nu bulah chuan ka thu thla a, ka nu leh Hruaizela te titi chu ka lo ngaithla kar a, "Bawihi tunlai in hna te in buai e" ka nu in a tih chuan , kan buai deuh thu leh deal lian tak kan hmuh maitheih thu chu ka sawi a.




Hruaizela haw hnu deuh ah ka pa pawh chu a rawn haw a, a bulah chuan kal in a bag chu ka laksak vat a, "Pa i hah em?" ka tih chuan "Hah lo ve, vawin chu in min thlen khalh animaw?" a ti a, "Umm nihhi, chaw ei pawh kan peih vek tawh, I riltam chuan va inthlak la chaw ei kan lo siam ang" ka ti a, "A pawi lovang, chhun thil ka ei bawk kha engmah ka la ei lova" a ti a, ka pa chu room a a lut a, ka nu in a zui lut ve nghal a, chaw ei kan lo siam nghal zung zung a.



.....

"Nu ka kal dawn aw?" tiin ka au lang lang a, in atang ka chhuak nghal, company ka thleng a, file vel ka en nghal zung zung, sir a lo thlen chuan ka thutna atangin ka lo wish nghal vat a, hrelo ang hmak a awm in a office ah a lut tlang nghal daih, a thin thinrim tu an awm a ni ngei ang, ka thutna ah chuan thu leh in computer ah thil pawimawh ho ka en fel leh zung zung a, dar 1 ah meeting a awm a chumi hrilh tur chuan sir room ah chuan ka lut a, a thutna hnunglam ngheng in mit a lo chhung a.




"Sir dar 1 ah hian meeting a awm a, chuan..." ka tih lai mek chuan a kut chu alo vei fua a ka tawng leh tur pawh ka tawp chawt, "I chhuak thei ang, ka mamawh che a nih loh chuan rawn lut suh ang che" a ti a, a thin ti rim ru emaw ka nih le tih rum rum theih tur in min melh bawk, "Ka hrethiam e" ti sep in office atang chuan rang zetin ka tlan chhuak a, engvanga khatiang a awm kha nge a nih ka hrethiam lo takzet.




Hna ban a hun tawh, mahse sir chu a office atang a rawn la chhuak lo hrim hrim, ka haw hma a lo haw kha ka in thlahrung ve bawk si chu ka la awm ve ta reng a, ka table a intercom chu a rawn ri a, ka la vat, "File kha theh lut tur in MN Company ah va kal ang che, tlai hauh suh" a ti a, a duh a sawi zo a a dah lehnghal hmak a nihchu, sana ka en a, dar 6 a ri hnai tawh.




Hmanhmawh zetin ka kal a, MN Company ka thlen chuan 6:30 a ri thuak a, file chu ka theh lut a company lamah kal tawh lo chuan ak haw tlang nghal a, in ka thleng a ka chhungte chuan chaw min lo ei san vek tawh, ka til a tam tawh bawk nen inthlak hmasa lovin cha wka ei a, ka ei na vel ka tih fel hnu chuan room ah ka chho a, ka thawmhnaw te chu phelh in bathroom ah inbual turin ka lut a, ka zawh hnu chuan cream te in hnawih in thawmhnaw ka ha leh a, pawn lamah chhuk tawh lovin ka mu tlang nghal daih.




Zing ah chuan ka phone ri in min ti harh a, peih lo zet chuan ban in min rawn call tu pawh en lem lo chuan ka la a, "Tunah rawn kal vat rawh" tih hrawk ri ah chuan ka harh kawk mai, ka khum atang chuan ka thu chhuak a, sana ka en chuan a lo tlai tawh hle, engtinge thawh ka hai theih zawk, khum atang chuan tho chhuakin ka insiam sawk sawk a, inhnuai lamah ka chhuk thla a, ka ni in min hmuh chuan mak a ti hle.




"Bawihte I kal tawh turah ka lo ngai a, zing lamah khan I pa nen kal chhuah na kan nei a, kan lo let deuh chiah nen I la kal lo tih reh reng ka lo hrelo" a ti a, "Nia thawh ka hai a, nu ka tlai tawh bawk sia, ka kal nghal mai ang" ka ti a, ka scooty chahbi chu la in pawn lamah chhuah ka rual a, ka nu chuan min rawn zui a, "Chaw ei lova kal chu a tha lo asin" a tih chuan "Hnathawh naah ka ei mai ang, a nih phawt aw" tiin ka tlan chhuak nghal.




Hnathawh na hmun ka thleng a, hmanhmawh takin ka lut a, hnathawk ho pawh an lo tam tawh khawp mai, elevator a ka chuan lai chuan hmeichhe pahnih hi an rawn lut a, "Sir Ab-a ka hlauh zia kha, vawin ringawt ah hnathawk pahnih a ban tawh ania, min ban ve mai ang tih ka hlau" pakhat chuan a ti a, "Chuchu lawm keipawh ka hlau lutuk, tha taka hnathawh kan ngai a nimai" a ti a, elevator atang chuan chhuak in ka awm na tur hmun ka thleng a, ka bag ka dah thlak rual rual chuan Sir office chu a rawn ti thuai a, ka hawi phawk hra mai.




Sir chu kawngkhar bulah chuan ding in thinrim hmel takin min en a, "Rawn lut rawh" ti hmuk in a office ah chuan a lut lehnghal daih, ka huphurh zia chu rapthlak tak a ni, hna ka tlai vangin min hau dawn a ni ngei ang, nachin a hmeichhia te pahnih sawi dan ah khan a thinrim sa bawk nen hna atang min ban a tum ve mai angem tih te chu ka ngaihtuah a, huphurh ru tak chung in sir office ah chuan ka lut a, a thut naah chuan thu in ka lut lai chu chiang zetin min en a, a mitmeng ah pawh chuan a thinrim zia hai rual anilo.




Hmani zan party atang khan a hlauhawm zual a, a thinrim reng emaw tih mai tur a ni, mahse hetiang ang em em a a thinrim hi ka la hmu lo, tawngkam pangai takin min be tawh ngai lova, min vin reng bawk, tha taka thil ka ti emaw ka tih pawh in min hau a, min vin nghek zel, mahse ka tuar hram hram a, tunah hian ka hlau takzet, engmah sawi lovin min en ngur a, a thaw chhuak hawk hawk reng bawk si, chutah muangchang in a rawn ding chhuak a, en pawh en ngam lo chuan hnuai lam ka lo bih daih a.




"I fimkhur loh lutuk avangin deal lian tak kan chan tih i hria em?" a ti hrawk a, ka lo ip chawih a, enge tih dik loh ka neih, a sawi ang zelin ka ti a, tunah deal pakhat kan chan a, theh lut tur a min tih rual rual khan ka theh lut nghal a, tunah ka thiam loh a ni leh si amaw, a fair hlawl lo, "Sir, theh lut tura min tih rual khan ka theh lut asin" ka ti sep a, thinrim zetin min rawn melh a, a mit te chu a sen rum a, en pawh ka en tha ngamlo.



"Chuan ka thiamloh a ni I tihna maw?" a ti hmuk a, "Ni.. nilo chutiang chu ka sawi tum a nilo" ka ti leh sep a, "Thleng nawn tawh suh se, chhuak vat rawh" a ti leh hrawk a, a office atang chuan ka tlan chhuak nghal a, washroom ah kal tlang in toilet ah ka lut a, ka tap chhuak deuh hawk, engtik lai pawh in min vin a, hetiang reng reng chuan ka tuar thei lo vat ang.



Ka thi awrh lai chu la chhuak in a ka khawih neuh neuh a, "Engtik ah nge kan in hmuh leh ang, ka ngai che" tiin ka tap chhuak hlawp hlawp a, ka naupan lai chu ka mitthla ah a rawn in lar zut zut a, fahrah inah ka awm thin a, khatih hun lai khan a ni kha lo kalin nitin kan in kawm thin a, mahse a ni chu a kalbo a, kan in hmuh leh vat tur thu a sawi bawk, mahse tun thlengin kan la in hmu leh ta miah lova, a dam tha angem, nupui a nei tawh angem tih te chu ka in zawt thin, khatih hun lai khan ka la naupang em a, ka duh a ni tih ka la hrethiam lo, mahse tunah chuan ka hrethiam tawh a, hrilh turin khawiah nge a awm tih tak ngial pawh ka hre silo, ka la nghak reng chu a nih si hi....




Rei tawk fang ka awm hnu chuan ka hmai te phih in ka chhuak a, ka mit chu a sen deuh rum a, ka tap ani tih a hriat loh hram ka beisei, phur lo tak chung chuan hna ka thawk a, ka eng tih mah a tui thei lo, chhun thil ei a hun pawh chuan engmah ei chak na ka neih loh vang chuan ka kalsan lova, hna ka thawh zawm mawlh mawlh, tlai dar 4 velah chuan boss chu a rawn chhuak a, min melh zeuh a, ka lo hawi sawn vat, "Ka chhuak dawn a, ka rawn let tawh lovang" ati a, a kal zui nghal, ka thaw deuh huai mai.




Abraham Lalrintluanga POV




Engvanga khatiang a vin hrep nge ka nih ka hrelo, tunlai chu ho te te ah ka thin a rim a, chuan Ava hi ka duh loh puii n ka rilru ah a awm reng bawk, engvang nge ka hrelo, ka ngaihtuah Naa a awm reng vang chuan thinrim in ka hau a, ti tura ka tih tha taka a tih pawh in ka hau tho thin, hreawm a ti hmel hmu thin mah ila ka hauh loh phah chuang lo, mahse mak tak maiin ka vin vak te hian a hnu ah ka in thiam lo leh ngei ngei thin.




Ka car ah chuan thu in mit ka chhung vang vang, engvang in nge Ava ringawt ka rilru ah a awm ka hretheiam lo takzet, keichuan hmangaih pakhat chiah ka nei chu chu Nana-i a ni, Nana-i ka ngaihtuah chhuah chuan mahni inthiam loh na in ka khat, atan chauh ka rinawm ang tiin ka inthiam a, tu hmeichhia mah ka hnaih lovang tiin ka in tiam a nihkha, mahse tunah hian ka danglam tan mek chu a ni si.




'Khawiah nge i awm? dawn in lan vat ta che, Nana" ka ti sup a, ka ipik lutuk chu ka thaw chhuak leh deuh hak thin a, mahse a zia phah chuang bawk silo, ka car chu ti nung in ka tlan chhuak zui nghal a, in lam pawh pan lo chuan ka naupan laia ka kal na thin fahrah inah chuan ka kal a, chulai a hnathawk te pawh chuan min hre tawh hle, min hmuh chuan min lo lawm nghal thuai a.




"Tunlai i lo kal khat sia, enge I lo tih ve dawn teh mial a?" an hotunu ber chuan a ti a, "Hnaah ka buai deuh a, duh angin ka lo kal zing thei lo ani" ka ti a, "Sawlai ah sawn ka kal lawk thei angem?" tiin kan naupang laia Nana-i nen kan infiam na thin hmun chu ka kawk a, "Teh reng mai va kal rawh" a ti a, ka kal nghal vat, engkim chu a la ngai vek mahse Nana-i erawh hmuh tur a awm tawh lo, ka ngai ani, ka ngai takzet.




"Khawiah nge i awm? ka ngai che, lo in lan ve tawh ta che" tiin kan thut dun na thin ah chuan ka thu thla a, lunglen na chuan min rawn zem chiai chiai a, ka mit chu chhing in kan naupan laia Nana-i nen kan in fiam lai thin te chu ka mitthla a, ka nuih deuh suk suk, a sam sei hmiang a thlah a, kan in um kual lai te chu ka ngaihtuah a, Ava ka mitthla ah a rawn lang thut a, ka meng chhuak nghal vat




Engvanga he hmeichhia hi ka ngaihtuah na atanga chhuak thei miah lo nge a nih hrep ni?... Keichuan hmeichhe pakhat chauh ka rilru ah ka dah tur a ni, ka ngaihtuah na a a awm reng chhan pawh Nana-i nen an in ang em vang ania ni e, Nana-i kha naupang te a nih lai chuah in ka hmu, tunah chuan a hmel te pawh a danglam ve tawh ngei ang, nula hmeltha tak a ni ang tih ka chiang bawk.




A biang sum te leh a nui hmel mawi tak te kha, a aw ngaih no bei zet te pawh kha ka ngai ani, Ava ka hmuh hmasak ber khan Nana-i amaw ka ti hman hial, mahse a lo ni silo, a mitmeng fiah kak a ka en apiangin Nana-i ka hre chhuak thin a, a mah hmu ang maiin min ngaih tir thin bawk, ka hriat loh laiin a che zia engkim ka en thla a, a accident vanga hna a lo kal loh lai te khan hna ka thawk tha theilo a nihkha.




"Apu" tih ri ah chuan ka ngaihtuah na atangin ka harh chhuak a, ka sir lam ka en chuan naupang duhawm zet mai hian min lo melh chho ve kiau a, "Eng nita?" ka ti sup a, a hma zawn ah chuan ka kun hniam nghal ngur bawk a, "Ka balloon a tang a" tiin a balloon thingkung zar a tang chu a kawk va a, laksak turin .in duh tih hriat takin min melh kiau bawk.




"Ka laksak dawn che em ni?" ka tih chuana. bu nghauh nghauh a, "Lo nghak rawh aw" tiin thingkung zar chu ka ban a, a san vak loh avang chuan ka la thei nghal mai a, "Ka lawm e aw, Apu" hlim hmel zet chuan a ti a, ka nui suk mai, "Khawiah nge i thiam te, tinge tah hian nangmah chuah a I awm?" ka ti a, "Helai hi nuam ka ti a" a ti reuh a, "Ngatinge nuam I tih a, thian kawm tur pawh tumah an awm silo a" ka tih leh chuan nuam a tih chhan ngaihtuah ni ve awm tak hia a ngawi deuh vang vang a.




"Ka hrelo, nuam ka ti ve tawk, pangpar te hi an mawi em a" a ti leh ringawt a, "Awle, hei khua a thim tawh dawn si a, inchhung ah vaut rawh le, an lo zawng palh ang che" ka tih chuan "Um... mahse I haw ve dawn lo ami?" a kal hma chuan a ti a, "Haw dawn e, lee... in chhung ah lut tawh rawh le" ka ti a,in bye bye lauh pah in inchhung ah chuan a tlan lut a, keipawh chu ka car lam pan chuan ka kal a, ka thlen chuan a chhungah lutin ka ti nung a in lam pan chuan ka tlan haw nghal a.




Ava Lalhmingmawii POV




Vawin chu ka scooty a nuar a, tih nun ka tum fe hnuah pawh a nung thei tlat lo, hmanhmawh zetin taxi stand lam chu ka pan , san ka en chuan ka tlai tep tawh, tunlai chu Sir a den ultra si a tlai ka duh lo, taxi stand ka thleng a vanduai thlak takin taxi pakhat mah a lo awm lo, ka thah a chhuak hlur mai, taxi ruak chu ka zawng kual a a van hmel takzet ani.




Ka hawi kual lai chuan ka hmaah bike a rawn ding a, ka en chuan Rindika a lo ni, "Enge I tih a?" a tih chuan "Taxi ka chang a, ka scooty a nung thei bawk silo a" ka ti a, "Lo chuang rawh ka va thlah ang che" a ti hlauh mai, ka lawm zia chu, a hnungah chuan ka lawn kai a, kan tlan chhuak nghal, "I lo kal chu ka van lawm tak ka tlai tep tawh sia, ka rilru ao hah hman lutuk" al ti a, "I tan hi chuan vanneih na alawm ka nih" a tih chuan a hnungah ka chum a, a nui chhuak hawk hawk mai.




"Tunlai in tha zel maw?" ka tih chuan "Umm... tha a nimai, mahse a thinchhe lutuk a, nizanah pawh min vin hrep alawm" a tih chuan ka nui hak a, "Ngatinge?" ka tih chuan "Hmeichhe ho buaina" a lo ti nghut, reilo teah chuan ka hnathawh na hmun kan thleng a, ka chhuk nghal vat, ka sana ka bih zeuh a ka tlai lo hram e, "Ka lawm lutuk a nia aw, ka kal nghal mai ang, ka hmanhmawh tawh sia" ka ti a, "Awle, tha deuhin hna i thawk dawn ania" a tih hnuah chuan kan kal hrang nghal a.




Ka seat ah chuan thu in ka thaw hak, Sir a la thleng lo a nih hmel, a office ah chuan lut hmasa lo in computer chu ka ti nung a, vawin a a thiltih tur te ka check zung zung a, Sir office kawngka chu a rawn in hawng a, Sir a lo chhuak nghal bawk, a ka thleng lo emaw ka tih kha a lo thleng daih tawh a nih hmel, "Ka office ah min rawn hmu rawh" a ti hmuk a, a lut lehnghal daih, zung atangin a mood a fuh lo nghal a nih hmel.




Tum dai chuan a office ah chuan ka lut a, "Tunge vawin a rawn thlah tu che kha?" a ti bul hmuk a, a zawhna min zawh chu ka beisei loh thil a nih lutuk vang chuan chhan mai nachang pawh ka lo hrelo, "Ka tawng chu I hrelo em ni?" a rawn tih leh chuan "Ka thianpa" ka ti ta sep a, "Mipa thian i nei tam viau a ni ngei ang maw?" ngeiawm rawng kai lek lek chuan a rawn ti a, engvanga hetia awm hi nge maw a nih le....




"I sawi awmzia ka hrelo" ka ti sep, "Engzah fa ko nge thian mipa I neih ka ti a nihchu" a rawn ti hrawk a, ka rawn au ring thut avang chuan ka phu dawrh mai, "Sawi ta che, mipa tello hian i awm thei lo em ni, engvanga mipa zui kual reng nge I nih, hnathawh naah leh zel pawh I rawn in thlah tir amaw?" thinrim zet chuan a ti leh a, "Sir I hnuai a hnathawk ka ni maithei mahse khatianga min tawng khum theih na dan kha pakhat mah I neilo" ka ti ve ta fak a.




Chunglam hawiin a nui ro hawk a, min rawn melh leh vut a, a mitmeng te chu a sen vek, ka hlau lutuk chu ka tawlh hnung hret a, "Ka sawi hi chuang deuh in ngaithla ang che, tu mipa mah zui kual tawh suh ang che, i hria em?" a tih chuan a thusawi awmzia ka hrelo, "I thusawi awmzia ka hrelo, chuan I thu ka zawm na chhan tur hi a awm lo bawk, I hnuai a hnathawk pawh ni mah ila ka nun ah leh zel chuan i in rawlh thei lo ang" ka ti a.




"I nunah khan in rawlh ka duh bik in i ring em ni? ka duh lo i hria em? ka duh lo, mahse in rawlh lo theilo in min siam a nihhi" a ti chhuak ṭhawt a, "I duh lo a nihchuan in rawlh tawh suh, hna chung chang ah chuan eng tiang pawn min ti rawh, min hau la min vin la ka hrethiam thei mahse ka nunah hi chuan rawn in rawlh tum suh" ka ti a, a office atanga chhuah ka tum chuan ka banah man in min pawt leh hrawk a.




Bangah chuan min nawr bet in hnai zet ah min en a, "Ka thusawi I hnial ngam amaw, tu niah nge i in ngaih a?" a ti chhum vut a, min awm hnaih em avang chuan engmah pawh ka sawi theilo ka thawk a chham lek lek hial a ni, "Vawi khat chuah ka sawi leh ang, tu mipa mah hnaih tawh suh ang che, ka thusawi chu zawm la I tan a tha ang" a ti sup a, a in la hrang nghal daih bawk.




"Chhuak ka vawin lamah ka thil tih tur zawng zawng lo cancel vek ang che, chuan chhuak turin lo in peih ang che" a ti a, ka haw tak zet ani, engmah sawi lo chuan ka chhuak a, minute 10 hnuah chuan rawn chhuak in ka hmaah chaun a rawn ding a, en pawh ka en duh lo, "I hman chuan kal ang" a rawn ti nghut a, khawi ah nge kan kal dawn ka hrelo, ka biak peih loh avangin zawh pawh zawt lo chaun ka bag chu la in a hnungah chuan ka zui a.




Gate bulah chuan a car a ding a, a sir ah a driver a lo ding ran bawk, "Vawin chu I chawl thei ang" tiin a driver chu a be sup a, a driver pa pawh chu bu nghat in a kalsawn a, "Lut rawh" a ti leh a, a hnungah thut ka tum chuan a rum nghut a, "I driver ka nilo, a hmaah hian rawn thu rawh" a tih chuan car kawngkhar chu na zetin ka khar a, a bulah hut ka peih lo asin le... a hmaah chuan ka thu lut a, vat chu ti nung in a tlan chhuak nghal.




Khawiah nge maw min kalpui a tum le... rei kan tlan hma chuan ka mit ka chhing ta daih a, mut chhuak in min rawn zem chiai chiai a, reilo teah ka muhil nghal daih, car ding dat ah chuan ka harh a, kan awmna chu ka en kual a, MC kawtah kan lo ding ran mai, "I harh tawh chuan ka chhuak dawn em ni?" a ti sup a, a hmaa a tawngkam bung vut kha chu a lo reh fel leh vek tawh.




Ngawi rengin ka chhuk a, MC ah chuan lut in a hnungah chuan ka zui det det a, a pen hlawk bawk si a tlan in ka tlan a ni ringawt, hmeichhe kawr zawrh naah chuan a ding a, ka hah lutuk ka thaw hawk hawk a, a chhung ah chuan lutin dawt nghak tu chu a bia a, a tanwg zawih em avang chuan a thu sawi engmah ka hre theilo, dawt nghak tu chuan min rawn en a, Sir chu en leh in nui sang in a bu nghat nghat a.




"Nula helam ah min rawn zui ta che" dawr nghak tu chuan a ti a, enge kan tih dawn ka hrethiam lo tak zet, "Hetah hian lo kal la, i kawr hak tur chu kan thlang dawn nia" a ti a, ka zui ve mai, kawr fual nalh zet zet chu a rawn la chhuak nual az dawm fel a thlan fel hnu chuan a duh tawk ve ta hram, "Saw lam ah sawn va kal la, I va ha chhin dawn nia" a tih chuan a kawh na lamah chuan ka kal ve mai a.




Kawr fual a lak chhuah zing a a hmasa ber chu ka ha chhin a, ka khup a khuh lo deuh a, a arh mah mah bawk nen in hmeh ka in ti chiah lo, dawr neitu nu chuan min rawn en a, ka in hmeh a ti vak bik lo nge a dang ha leh tur chuan min ti a, pathum vel ka ha chhin tawh, ka ning tak zet ani, engvanga hetiang kawr hi ha nge ka nih lah ka hre der bawk silo, pakhat ka ha leh chhin a, hei chu in hmeh ka in ti ve hle.




Kawr fual senno a ban tluang ka ngal chen vel a ni a, min ti lang zahawm khawp mai, a zuih vek lo a, hak a nuam takzet bawk, "Awii i inhmeh lutuk, kha kha a tha ang, tunah chuan make up leh sam siam chuah a ngai tawh, e chuan hei i pheikhawk bun tur aw" tiin pheikhawk sang lam chu min rawn pe a, ka bun chuan ka bun tawk chiah, Mizo hmeichhia ah chuan a sang pawl ka ni ve in ka ring, hei vang hian pheikhawk sang lutuk ka bun ngai lo a, mahse hei chu bun a hreawm lem lo bawk a, ka bun ve thei maiin ka ring.




Kawr vel chauh an zuar emaw ka lo ti a, mahse a lo nilo, kawngkhar pakhat a hawng a, parlour a lo awm reng chu niin min luh pui na hi chu kawr dawr nen khan a kal pawh theih a mahse a luh na tak tak cvu a dang ah a awm daih thung, "Siam a hmai hi lo chei la, Mr Ab-a kha a hmanhmawh a rang thei ang betin in chei dawn nia, chuan Mawi a sam hi nang in lo siam la" a ti zung zung a, a kalsawn nghal daih.




Min chei ta zung zung a, dar kar chan ve hnuah chuan min chei zo a, darthlalangah ka in en a, ka lang tha takzet, nichin a hmeichhia kha lo kal in min hmuh chuan a phul deuh hluai a, "Awii i inhmeh lutuk i hmeltha bawk si" a tih chuan ka lai ngei mai, "Mr. Ab-a chuan a hmuh hunah che mit khap nachang pawh a hrelo ang, nang ang bialnu a nei che hi a vannei takzwt ani, in in hmeh bawk sia" a ti a, "A bialnu ka nilo" ka lo ti vat a, a meng buai nak mai.




"Ka tih palh, a bialnu emaw ka lo ti che a, engpawh chu nise kal phawt ang hmiang" a ti a, nichin a kawngkhar te kan luh na atang bawk khan min kal pui a, "Ka zo e" Dawr nghak tunu in a tih chaun Sir chu a rawn hawi chhuak a min hmuh chuan chelo in a awm char char a, mit kaho lek lovin min en bawk, "I duh zawng ani em?" Dawr nghak tunu in a tih chuan chil lem khawlh pah in a hawi sawn az a bu nghat.




Pawisa te pe felin dawr atang chuan kan chhuak a, a ni pawh a thawmhnaw hak a lo danglam vek tawh chu niin, a lo inthlakna ve ani mahna ka ngaihtuah buai peih lo e, motor ah chuan kan thu dun a, "Khawiah nge kan kal dawn?" ka ti sep a, "Mr. Liansanga fanu birthday lawm naah kan kal dawn, zan thlengin kan awm ang" a ti a, engvang amin hruai ve kher nhe a nih ka hrethiam lo.




"Mahse engvanga min hruai ve kher nhe i nih, nangmah in I kal thei reng alawm" ka tih chuan "I hre vat mai ang, tunah chuan ngawi rengin awm rawh" a ti a, ka va han ngei mai mai tak e aw... mipa chu ni ila ka hnek pawp ang, engmah sawi tawh lo chuan ka thu ngawi ngal a, ani pawh tawng a tumlo tih hriat zetin a hmalam chu a bih ngur bawk.




Rei fe kan tlan hnuah chuan motir chuba ti dung a, ka hawi kual a, picnic spot ni awm tak mai kawt ah chuan kan lo ding ran a, ka chhuk vat, Sir chu ka bulah lo kal hnaiin ka kawngah chuan a rawn kuah a, tak sawn ka tum chuan ka kawng chu a hmer salh a, "Enge maw I tih le,, min thlah vat rawh" tih paha thinrim zeta ka en chuan min lo melh chhuk ve run a, "Ngawi reng Khan awm rawh, chuan ka tih ang ang che in i awm tir ani" a ti a, min pen sawn pui nghal a.




A chhungah chuan kan lut a, mi an lo tam ngang mai, mipa upa ve lam tawh pakhat hi kan lam pan in a rawn kal a, "In lo thleng thei maw, ka sawm na te min ngaih pawimawh sak a ka lawm tak zet ani, chuan i nula rawn hruai chu a va chhelo ve, i thlang thiam tak zet" tih paha min rawn en in a kut chu ka chibai theih nan a rawn lek chhuak a, ka lo vuan ve vat, a bialnu emaw min ti a ni ngei ang.




A kut chu ka lo vuan vat a, a bialnu ka nih loh thu sawi ka tum lai tak chuan Sir chuan min lo tawng khalh in "Min sawm duh a kan lawm lutuk zawk ania" a ti a, ka tawng tur pawh ka tawp deuh chawt, "Mikhual lo thleng that te hi kan lo lawm veleh ange, nyam deuh in hun in hmang dawn nia, nakinah kan la in be leh dawn nia" a tih hnuah a kalsan ta daih a.




"Engvangin nge I bialnu ka nilo tih kha i sawi mai loh a" Ka ti a, "Tul ka tilo animai, chuan thil pakhat helai hmunah hian ka secretary ang nilo in ka bialnu angin I kal tih hi hria ang che" a tih chuan ka meng phawk hle, "A teuh lo, I bialnu ka nilo a, Engvangin nge I bialnu ang chuan k awm ngawt ang" tiin thinrim zet chuan ka melh a, "Tawng ring hauh suh, ka thusawi chu thu tawp ani" tiin hmeichhe pakhat nalh zet a inchei bulah chuan min kal pui a.




Hmeichhia chuan min hmuh rual rual in Sir chu a lo be nghal vat a, "I lo kal thei chu ka van lawm tak, I lo kal lovang tih ka hlau lutuk a, ka pa hnenah khan a bik a sawm tur che in ka lo ti a" a ti a, keichu min hmu ang pawh in a awm lo, Sir chu a nui suk ringawt a, "Heihi i birthday present aw, kan chhuak hmanlo lutuk a, i duh zawng anih ngei ka beisei" Sir chuan a ti a, chunu chuan lawm hmel zetin a lo la a, lawmthu a sawi nghal a.




"Bawihi, heihi Pu Liansanga fanu Linda-i a nihhi, chuan Linda a ni hi, ka bialnu Ava a nihhi" tiin chunu hnenah chuan min in hmel hriat tir a, chunu chuan min rawn en a, a hmel a mak tih na chu ak hmu hman, mahse a reilo thung, nui sang in min chibai a, "A nihchu mawle, bialnu I nei hmeltha hle mai" tiin min en a, a mit ah chuan natna ka hmuh sak thei in ka hria.




Zan lam thleng chuan kan awm a, ka chhung ten min ngaihtuah tawh ngawt in ka ring, engmah ka la hrilh bawk silo, Sir lah chuan Abul hnai chet ah min awm tir a, haw ka duh tawh tak zet ani, "Kan haw thei tawh angem, ka chhungte hnenah engmah ka sawi silo a, min ngaihtuah tawh ang" ka ti a, "Lungngai suh, engkim ka hrilh vek tawh" a ti a, engtik laiin nge a hrilh ka hre hauh lo.




"Ka kut i vawn hi dah sawn tawh teh, tuman min hmuh loh hi" tiin ka kut a vawn chu pawh sawn ka tum a, "Awm mai mai rawh"a ti nghut a, "Washroom ah ka kal duh, min thlah teh" ka tih chuan min en ren rawn a, min thlah ve mai, ka ding chhuak vat a, washroom ah chuan ka lut a, ka kut te chu ka sil a, chhuah ka tum lai chuan Linda-i kha a rawn lut hlawl a, min hmu cu min nuih sang a.




"I awm a car nawm loh hmel ve" a tih chuan "Ti lo e" ka ti ringawt, "I vannei tak zet ani, Ab-a hian nanghi a thlang bik che a" a ti a, "I sawi awmzia ka hrelo" ka ti sep a, a nui sak "Ab-a hi ka hriat na a rei ve tawh asin, ka duh thei hle a mahse a ni chuan engah mah min ngailo, ka biak chuan tha takin min be ve mai a, mahse beisei awm in a awm ngailo, ti hmeichhia mah a hnaih ngailo a, mahse nang a tawng che a, a mit ah khan a duh zia che ka hmuh sak thei asin, ka thik ngawt mai che" a ti a, chhan mai dan tur ka hrelo.




Sir Ab-a bialnu ka nilo tih hi hrai se chuan hetiang hi a sawi hauh lovang, "Ava" tih ri ka hrai a, Linda-i pawh chuan a hrai aniang, a nui sak a, "A zanah che a nih dawn chu, va kal rawh" a ti a, ka chhuak nghal, Sir chu washroom kawngka bulah ao ding ran az min hmuh chuan ka banah a rawn vuan a, "I rei ta phian sia" a ti a, ak chhang lem lo.




Rei awm thaw lovin kan haw ta a, kan in ka.ah chuan min thlah a, ka chau takzet ani, sana ka en a, a tlai tawh hle, kan in zawn chuan motor a ti ding a, "Mangtha le" ka ti sep, "Kan deal ghan tak kha kan hmu leh si a nihchu" a rawn tih chuan a lam chu ka hawi vat a, "Engtinge?" ka tih chuan "Pu Liansanga company kha a ni a, deal hmutu te company khan ba an lo nei tam lutuk a, an thawh ho na tur chu an cancel leh vek a nih hmel" a tih chuan "A va lawmawm ve" tih ringawt ka sawi, "Va lut tawh rawh, i chau ang" a tih takah chuan car atang chuan chhuak in in lam chu ka pan ta vat a.




Cont...




Ka sawi tawh ang khan regu in duh chuan click, comment leh like ah te khan han tang ve ula aw....


Link:
BBcode:
HTML:
Top

[Ngaia]

Chapter-5




Ava Lalhmingmawii POV




Company ka thleng a, hnathawk ho chuan min en duh hle, engvang a tiang a awm nge maw an nih le...




"A ni ka tihkha, amah saw alawm, nimin ah khan Pu Liansanga fanu birthday ah pawh an kal dun, a bialnu an ti vek, awi ka thik e, engtinge Sir hi a thlem thluk bik le, tu hmeichhia mah a hnaih ngailo kha an ti sia" ti a an sawi ti chu ka hria a, ka kal lai chu ka ding chawt, a lam chu ka pan a, "Engthu maw in sawi zawh chiah kha?" tiin hmeichhe pahnih te chu ka melh a, "Engmah kan sawilo, kal ang" tiin an kalsawn dun vat a.




Ngaihtha lo tak chung chuan ka awm na lam pan chuan ka kal a, ka thlen veleh chuan nitin a ka tih ang chuan ka bag chu la thla in Sir office ah ka lut a, a dawhkan a file awm chu ka rem tha zung zung a, ka zawh hnuah ka chhuak lehnghal.




"Min rawn zui lut rawh" tih thawm ah chuan ka hawi chhuak a, Sir chu ka hmaah a lo ding ran mai, a hnungah chuan ka kal a, "Vawin lamah chhuah na tur kan nei a, lo in ring ang che" a ti a, ka bu zeuh ringawt, "Coffe min rawn lak ang che" a ti a, ka siam sak vat a, ka pek hnuah ka chhuak lehnghal.




Ni a liam ve zel a, Sir nen chuan sawi zawm kan hlawh nasa hle a, tih vak ngaihna ka hrelo, kan in kar ah engmah a awm lo tih Sir nen kan hre chiang a, midang te chuan an duh duh in lo ngai vel mai mai teh se.




Contract te kan tih fel hnu chuan meeting room atang chuan kan chhuak a, a motor lam pan a kan kal lai chuan Lucy nen kan in tawk hlawl a, "Ehe... enge I tih a?" tih pah in Sir ban ah chuan a kuah chuk chuk a, "Engthil nge I tih hi, min thlah rang rawh" Sir chuan ti hluk in Lucy in a vawn na ban chu a thing deuh nawk a, Lucy chuan thlah a tum loh hmel khawp mai.




"Hun I neih chuan min thlah la" Tiin sir chu a en kar a, "Hun ka neilo, nangmah in haw rawh" Sir chuan a lo ti leh hmuk a, "Tikhan awm lo la, min thlah lawk rawh, hun rei pawh a ngailo ang" a ti leh talh a, "Lucy I nihna hre rawh, hetiang hian awm suh, ka duh hauh lo ania, nang nen hian in zawm na kan neilo a, chuvang chuan nanghi ka ngaihsak chiam na tur che ka hrelo, kan kal a ngai tawh, nangmah in I haw dawn nia" tiin Sir chuan ka banah min rawn kai a, min kal pui nghal dawr dawr.




Lucy kan kal peih dawn a min melh dan chu thip tha tak ani, engah mah ka ngai lo ve, a motor zawn kan thlen chuan ka thut luh na turin kawngkhar te chu min hawn sak a, a boss zawk emaw min ti a niang e, sawi sel lem lo chuan ka thu lut zui a, ka luh fel rual rual chuan kawngka chu a rawn khar fawp a, motor chu kal hual in a ni pawh chu a rawn thu lut ve nghal a, ngawi rengin kan chuang dun reng, company kan thlen chuan in be lem lovin a office lam chu kan pan a, hnathawk ho chuan min hmu duh leh hle tawh.




Hna ban hun chuan company chhuah san in in lamah ka haw a, inchhung ka luh chuan a lo reh thiap mai, ka nu hi khawiah nge maw a awm le, ka pa motor pawh ka hmu tawh a, mahse inchhung ah hmuh tur an awm lo ve ve, thenawm te inah an kal kawi pawh a ni mahna, ka room lamah chuan ka chho a, ka in thlak nghal, ka zawh chuan inhnuai ah ka chhuk a, Mami chu kawngka atang a rawn lut ve chiah.




"I lo haw tawh a ni maw?" min hmuh chuan a ti a, "Umm.. ka lo thleng deuh chiah, khawiah nge ka nu leh pa te hi?" ka ti a, "Pa Hruaia kha a hnathawk bang a lo haw kha a nawm loh thu a sawi a, room lamah Nu Manuni nen an in zui lut a nihkha" a tih chuan ka nu te room ah chuan ka lut vat a, "Pa... i dam lo em ni? I khawilai nge na?" ka pa chu khumah a lo mu a, a chauh hmel tak zet bawk, "Ka dam alawm, hna lam kan buai deuh a, ka chau deuh mai chauh ani, Bawihte I lo thlen na a rei tawh em?" a ti a.




"La reilo, khawiah nge ka nu?" ka ti a, ka nu hmuh tur a awm lo, "Bathroom ah a lut lawk a nihkha, a lo chhuak tep tawh ang"a. ti a, a sawi zawh rual rual chuan bathroom kawngkhar chu a rawn ri rek a, ka nu chu a lo chhuak zui nghal, "Bawihte I lo haw tawh a nimaw, vawin lam te i chau em?" a ti a, "Chau lo e, nu ti khan ka pa nen khan lo awm ula, Mami eirawng ka va bawl pui ange aw" ka ti a, room atang chuan ka chhuak zui nghal.




Ka pa chu chaw ei tur pawn a rawn tho chhuak peih lo a, ka nu chuan a ngaihtuah deuh a ni ang, chaw pawh ei rei lo chuan an room ah chuan a lut leh vat a, ka pa hi pa hrisel tha ve tak a ni a, a dam lo ngai lo tluk a ni, hrisel na hona ngai pawimawh a, ruihtheih thil engmah a ti ngailo, chuvang tak chuan ka nu hian a ngaihtuah zual niin ka hria, hna a thawk hah deuh a nih pawh in chau hmel a pu ngai lo.




Hna ka kal a, ka pa erawh chu a la chua em a, hna a kal lo thung, hna ka thawh mawlh mawlh lai chuan ka phone a rawn ri a, caller id ka en chuan ka nu a lo ni, ka la vat a, mahse a tanwg lo hrim hrim, "Nu ka tanwg in hre thei em?" ka ti a, chutah ka nu chu mangang zet hian a rawn tawng bah deuh nawk nawk a, "Bawihte I pa , i pa hi a harh theilo ania" a ti a, a aw te chu a khur lek lek, hlauhthawnna chuan min rawn tham nghal er er a.




"Nu engmaw I sawi kha, ka pa chu engtin nge a awm nilo, damdawiin lamah in kal em?" ka ti a, "Kan kal mek, Bawihte nangpawh lo kal ve nghal mai rawh, ka hlauthawng emai" a ti a, "Nu lo hlauthawng suh, ka lo thleng vat ang" ka ti az ka phone chu ka dah a, enge tih hmasak ber tur pawh ka hrelo, nilo Sir biak ka ngai, ka thut na atang chuan tho in Sir office ah chuan luh pawh dil lo chuan ka lut tlang tawp a.




Chutia ka lut tawp chu Sir chuan mak a tih hmel hle, "Sir k.. ka haw a ngai" ka ti bah deuh nawk a, ka hmel chiai lutuk a hmuh chuan a ngaih a that hmel chiah lo, "Engvangin nge haw chu i duh?" a ti sup a, "Ka pa ka pa damdawi inah an kal pui mek ka kal ve vat angai ani" ka ti a, ka hlauthawng tawh bawk si chu ka ding khur der der hial in ka hria.




"Ok... hahdam rawh, damdawi inah chuan ka hruai ang che" a ti a, "A ngailo ang, scooty ka keng thona, keimah pawh in ka kal thei mai ang" ka ti a, a rum deuh nghut, "Tuna I awm dan atang kha chuan scooty khalh thei pawh I nih loh kha, le.. I thil vel va ti fel la kan chhuak nghal dawn nia"a. ti dam dap a, ka chhuak vat, ka bag chu ak ak a, Sir pawh a office atang a rawn chhuak nghal a, garrage lam pan chuan kan in zui chhuak nghal.




Damdawiin lam thleng a, motor atang chuan tlan chhuak in damdawiin chhungah chuan a tlan in ka tlan lut a, "Min lo hrethiam lawk, tun lawkah khan pa upa lam tawh an rawn kal pui em, A hming chu Lalhruaitluanga a nia" ka ti a, "Aw.. emergency room ah an nawr lut a, saw lamah sawn kal tur aw" a ti a, lawmthu sawiin a sawi na lam chu ka pan a.




"Nu" ka nu chu thutthlengah a lo thu a, min hmuh chuan min rawn pan vat a ka kut ah chuan a vuan nghal vat, "Nu ka pa chu engtin nge a awm?, khawiah nge ka pa chu a awm?" ka ti nghal sawk sawk a, "Emergency room ah an nawr lut a, doctor ten an check mek" a ti a, ka thaw hak, thutthleng awm ah chuan ka thu a, "Nu engtin tak nge ka pa chu a awm?" tiin k nu chu thil thlen dan ka zawt a.




"Chhun thil ei hun awm vel khan a riltam thu a sawi a, room atang chhuak in a thil eitur chu ka laksak a, ka va luh leh khan thawk harsa tih hmel zet in a lo thaw hrawk hrawk a, ka va pan vat, ka thiam ang tawk in ka buaipui a reilote hnuah a zawi hnawk a, biak pawh biak theih lovin a awm nghal a, a rang lam in damdawi inah kan kalpui nghal a nihhi" a ti a, rilru hah hmel zetin a thaw chhuak hawlh bawk.




Rei fe hnuah chuan doctor chu a rawn chhuak hram a, kan lo kal hnaih vat, "Doctor ka pasal chu enge a an?" ka nu chuan a ti a, "A dinhmun hi hriat chian ala harsa a, a rang lamin test kan tih a ngai ang, lo lungngai lutuk lo ula, thil serious lutuk a nih loh kan beisei" Doctor chuan a ti a, "A harh tawh em ka pa chu?" ka lo ti ve vat a, "La harh lo, a rawn harh tep ang, cabin pangai ah kan sawn dawn a in duh chuan in awmpui thei ang" a ti a, a kalsawn nghal.




Ka pa chu cabin lamah an sawn a, a chhungah chuan kan lut vat, ka pa hmel chu ka en vang vang a a hmai chu a dang bal a, dam lo pawh a ang lo, tui taka muhil a ang zawk mah, "I lo kal chu kan la hle mai, kan rilru mangang lutuk in biak vat nachang che kan lo hrelo a, min hrethiam hram dawn nia" ka nu chuan a ti a, a lam chu ka hawi vat, taka Sir nen kan kal rual tak e, ka hlauthawng lutuk khan a lo kal ve tih reng ka lo hre chang tawh lo.




"A ho lutuk, a zia lo hle mai, in pa chu a that leh thuai ka beisei" Sir chuan a ti ve sup a, "Ni e... eng em a thleng lo turah ngai phawt ila" ka nu pawh chuan a lo ti ve a, "Ka pu ka kal tawh mai ang, hna lam kan buai deuh bawk si a" Sir in a tih takah chuan ka nu chuan lawmthu te chu a hrilh leh a, "Bawihte in boss in pawn thleng va thlah ta che" a tih chuan ka thut na atangin ka tho chhuak nghal vat a, Sir nen chuan room atang kan in zui chhuak nghal.




"Helai thleng hi min thlah mai rawh" Sir chum a ti sup a, ka ding nghal vat, "Ka lawm lutuk e" ka tih chuan "Engmah a nih loh kha, mangang lutuk lo la, engkim a tha leh vek mai ang" a tih chun ka bu nghat a, ka scooty kha hnathawh na lamah ka dah daih bawk sia engtia tih chu nge niang aw, mamawh vel lam in inah haw ngei ka ngai dawn bawk si a, ka ngaihtuah na a buai ve map mai.




Sir chuan ka thil ngaihtuah chu a hria aniang, "I scooty chu hetah ka lo dah tir dawn nia" a tih chuan lawmthu ka hrilh leh sap a, "Chahbi min pe la" a tih chuan ka pe vat, "Lut tawh rawh, keipawh ka kal tawh ange" a tih hnuah a kal nghal a, a hnung lam atang chuan ka en zui vang vang, hmani deuh atang khan Sir hi ka vei ka ti dawn nge ka ngaihtuah naah a awm ve reng a, engvanga awm reng nge ka hrelo mahse a bula ka awm hian ka thlamuang tlat thin.




Ka pa room ah chuan ka lut a, ka nu chu ak pa mutna sir ah thu in ka pa kut chu a vuan a, "Nu... Ka scooty hnathawh naah ka kalsan ringawt a, Sir khan a rawn dah tur dawn a, nakin deuh ah in ha mamawh vel la Inka va haw lawk ang aw, nangmah in ka pa i lo awmpui hreh em?" ka tih chuan "Hreh lo ve, mamawh lam a in a kal leh hrim hrim a ngai dawn a, I va kal mai dawn nia" a ti a.




Ka scooty a rawn thlen chuan in lam panin ka haw a, in ka thlen veleh Mami nen chuan mamawh tur vel hi chu kan la khawm zung zung a, "Thawmhnaw vel hi chu keiman ka lo pack ang, han in ti fai phawt la chuan damdawiin lamah chuan I kal leh zawk dawn nia" Mami chuan a ti a, ka hnial lem lo, room ah lutin ka in ti fai zung zung a, thawmhnaw vel ka hak fel hnu chuan inhnuai ah ka chhuk a, mamawh tur vel hi chu Mami'n a lo ti fel diam tawh.




"Chanchin min rawn hrilh la aw" Scooty a ka in kalh chhuah dawn chuan Mami'n a ti a, "Awle" ti sep i. damdawiin lam chu ka pan lehnghal, ka pa room a ka lut a, ka pa pawh a lo harh ve tawh a, ka thaw huai mai, "Pa i tha maw, na lai te I nei em?" ka pa lam pan chuan ka ti nghal sawk sawk a, "Nei lo e, I lo hlauthawng viau em ni?" a ti a, "Teh reng e, ti khan awm tawh maih suh" ka ti a, nui hawk hawk chung in "Awle awle" a ti a.




Damlo awmpui tu pakhat chauh an phal a, keiman awmpui ka tum chuan ka nu chuan min lo hnial vat a, "Naktuk hna kal I ngai dawn bawk si a, in lamah va hahchawl rawh, hei I pa pawh a that tawh em hi, ngaihtuah kan ngai lo ania" ka nu chuan a ti tlat a, "Nangmah kha va hahchawl zawk rawh, keite chu thalai ka nih hi" ka ti a, min hnial ve tlat, "Ka fanu in lamah chuan nangmah kha va haw tawh le, hei eng em kan ti lovang" ka pa chuan a rawn ti dam thluam a.




Ngaihngam zan lo chuan in lamah chuan ka haw a, in ka thlen chuan dar 9 a lo ti tawh, sitting room ah Mami'n tv a lo en a, min hmuh chuan "Pa Hruaia chu enge a an?" a ti a, "A harh tawh lutuk, na pawh a nei tawhlo, keiman riah pui ak tum rilru deuh kha a nia ka nu in haw turin min tiui tlat a" ka ti a, "Phone I la theilo ami, Arintei'n min rawn bia a" a tih chuan ka phone chu ka la chhuak a, Arintei call vawi nga lai a lo awm.




"Ka phone ka silent daih a, ka lo hrelo a nihhi, room ah ka han chho ange aw" ka ti a, "Awle, han chawl hahdam rawh i chau ang, keipawh ka mu har tawh lovang"a. ti a, mangtha in ka room lamah chuan ka kal a, khumah mu thla tawp in ka phone chu ka khawih a, Arintei ka call nghal zat, rei a ring hma in a lo la vat a, "Phone I va la theilo ve", a tih chuan "Nia... ka lo silent daih a" ka ti a, "Papuia chu enge a an, ka pa nen rawn kal kan tum a, mahse kan hman tlai ta sia naktuk lamah rawn kal kan tum ta ngawt alawm" a ti nghal zung zung a.




"A harh tha tawh lutuk, ka nu in a riahpui dawn a" ka ti a, "Doctor ten engtinge a tih reng reng?" a tih chuan "Naktuk lamah test ngai te an test dawn a, taka in kal dawn tho chuan ka pa te chu lo buaipui nghal ula aw, hna kal ka ngai dawn bawk sia" ka ti a, "Awle, lo lungngai duh suh, kan lo ti fel vek mai ang" a ti a, thawk a vang bawk mai, rei kan in be tawh lo phone chu kan dah thuai a, ka chua vak lo emaw ka ti a mahse ka ke lam hi a rawl thum mai.




Hna kal tura ka in siam zawh hnu chuan in atang ka chhuak a, nidang aiin ka chhuak hma a a chhan pawh damdawiin a kal kawi ka duh vang ani, "Bawihte I lo va thleng hma ve" ka pa room a ka luh rual rual chuan ka nu chuan a lo ti a, "Nia hna kal hma in ka lo kal kawi lawk a, pa enge I an?" ka ti a, "Ka tha lutuk" a lo ti vat a, a hmel hmuh pawh a nuam khawp mai.




"Nu vawin lamah Arintei te an lo kal.dawn a, an lo thleng har tawh lovang, thil tih ngai vel an tihpui hnam vek dawn che u a, in lo buai vak ange aw" ka ti a, "A ngai kher lo asin, keimah ni pawn kan in buaipui thei tho a" ka nu chuan a ti a, "Chutiang ngawt a nilo, kei ka a hman dawn bawk silo a, kal kual vel te a ngaih khei chuan in buai dawn lutuk asin" ka ti a, "Ka kal mai ang, ka tlai palh ang" ka ti a, ka pa room atang chuan ka chhuak a, company lam pan chuan ka in khalh chhuak a.




Ni thum zet a mianeh tawh, ka pa test result vawinah a chhuak dawn a, hna atang ka kal kawi lawk mai ang ka ti a, Sir pawh ka hrilh lawk vek tawh bawk, ka pa pawh dam tha tawh viau mahse result a chhuah hma chu damdawiin ah awm turin kan ti lui a, a ning tawh khawp mai, ka demlo pa hrisel ngang a ni a, hetia damdawiin a awm reng chu a tan chuan a ninawm ngawt ta ve ang.




Ka pa cabin ah kan awm lai chuan doctor a rawn lut a, a kut ah lehkha a keng bawk, "Kha kan tha zel maw?" Doctor chaun nui sang chungin a rawn ti a, "Tha tawh khawp mai, damdawiin atang hian chhuah hlan ka nghakhlel tawh tak zet ania, hei an nufa hian an la phal bawk silo" tiin ka pa chuan nui huah huah chungin doctor chu a lo chhang let a.




"Result a chhuak tawh a, hei ka ken lai mek hi a ni a, tlang takin ka sawi nghal mai anga, lung tawhlo i nei a, I in enkawl that hle a ngai dawn ani, thu thin thawng tak hriat I tan a tha lo a, fimkhur tei ang berin I awm dawn nia" Doctor chuan a ti a, ka nghilh dup mai, ka pa hian lung tha lo a nei amaw nilo a ni theilo ang.




"Doctor engtia in enkawl chui nge ni ang a dam leh thei angem?" ka nu chuan a lo ti vat a, "Ka pi hlauhthawn em em a nilo ania, kan hrechhuak hma hlauh a, chutih rual chuan lung tha lo hi a dam hlen theih na tur chu lung thlak tawp hi a nimai a, mahse ka sawi tawh ang khan in enkawl tha ula, hna thawk rim lutuk lo bawk se, engmah hlauhthawn awm a awm lo ania" a ti a, "Kan lawm lutuk e" ka pa chuan a lo ti dam thluam.




Ka rilru ipik lutuk lutuk chu hna ah pawh let tawh lemo chuan hmun dangah ka kal a, Sir ka hrilh chuan min lo hrethiam khawp mai.




Ka naupan laia ka awmna thin fahrah inah chuan ka kal a, naupang ho chu an lo in fiam a, ka naupan lai ka ngaihtuah let a, ka lung a leng tak zet, fahrah ina ka awmpui thin ho kha tunah enge an tih ve thaw hlawm ang le, an la dam angem, ka nu leh pa ten fa atan min lak atang kha tumah ak hmu leh tawh lo a, in ngeih tlang taka kan awm ho dial dial lai ka mitthla let a, ka lung a leng tak zet.




Ka hmun ngaihnat em em pangpar huan lamah chuan ka kal a, ka thu vang vang, ka naupan lai chu ka ngaihtuah let a, danglam em em a la awm lo, fahrah in enkawl tu nu Pi Mary chu ka lm pan in a rawn kal a, "I lo kal a nimaw, tunlai chu i rawn lang duh lo riau a" a tih chuan "Hna lamah ka bua ve thin lutuk a, duh angin ka rawn kal zung thei lo a" ka ti a, " anihchu mawle naupang ho hian an lo ngai tawh khawp che asin" a tih leh chuan ka nui hak.




"Keipawn ak ngai hlawm khawp mai, an bul ah sawn ka va kal ange aw" ka ti a, "Awle, va kal rawh" a tih hnu chan naupang ho infiamna lamah chuan ka kal a, "A u I lo kal alaw?" tiin min lo bawr nghal huau huau a, "Min lo ngai em?" ka tih chuan "Aw... ngai lutuk" an ti a, "Thil ak lo ken sak che u asin" ka tih chuan an hour hlawm khawp mai, ka bag chu ak zen rak rak a, chocolate ka leisak chu ka la chhuak a, ka pek chuan an lawm hlawm khawp mai.




"A u in um ang u aw" Mipa naupang duhawm zet mai Marcus an a lo tih chuan "Awle, tunge ka pawl ah tang dawn?" ka ti a, "Keimah keimah" a ti luai luai hlawm a, ka nuih hak hak, naupang ho nen chuan kan in fiam a, ka nui nasa hle, ka rilru hah leh ipek lutuk chang hian helai hmunah hian ka kal thin a, ka veng hawk in ka hre thin, rei ngial kan in fiam hnu chuan naupang ho pawh chu an chau a niang inchhung lamah an lut sap sap hlawm a.




Pangpar huan lamah bawk chuan ka kal leh a, hmeichhe naupang duhawm zet mai hi a lo awm a, pangpar te chu a lo khawih niap niap bawk, "Enge I tih a?" ka tih ri ah chuan ka lam chu a rawn hawi vat a, min hmuh chuan a rawn nui sen sen a, a hmeltha tak zet ani, kum 6 bawr vel a nih ka ring, a hma in ka la hmu ngai miah lova, tunlai ka kal khat deuh bawk nen ka kal loh lai a rawn awm thar a ni ngei ang.




"Pangpar hi nalh I ti ami?" ka tih chuan "Imm ti e, a sen hi mawi ka ti ber" tiin rose par mawi zet chu a kawk va a, "Keipawn mawi ka ti ber" ka ti ve a, "A u, chocolate I la nei em?" a ti a, "Nei e, I la ei duh em ni?" ka tih chuan a bu nghat nghat a, ka bag chu ka zen rak rak a, chocolate chu ka pe a, lawm zetin a lo ban a, kheh in a ei nghal mial mial a.




"A tui em?" ka tih chuan "Tui lutuk" ring zet hian a rawn ti a, ka nui chhuak hak hak mai, "Bawihte i hming min hrilh la" ka ti a, chocolate en mawlh mawlh pah chuan "Awmawmi, a u i hming enge a nih ve?" a ti a, "Ava ania, mahse nang chuan au Nana tiin min ko dawn nia" ka tih chun a bu nghat nghat a, "Va lut tawh rawh le, i thiante pawh an lut vek tawh ania, keipawh kan haw tawh ange" ka ti a.




"I lo kal leh dawn em?" a tih chuan "Kal leh ang, thil tui deuh ka lo keng ang che aw" ka ti a, "Yesss" ring zet chuan a ti a, "Au Nana engtik velah nhe i lo kal dawn?" a tih chuan "Chawlhni ah lo kal ka lo tum ang aw.." ka ti a, a phur hmel ngang mai, inchhung ih dawn chuan rawn hawi let in min rawn bye bye lauh lauh a, hmeichhe naupang duhawm tak ani.




Abraham Lalrintluanga POV




Han lam kan buai lai tak a ni a, Ava-i pawh a hah viau, a pa vangin a rilru a hah hle tih ka hria a, hnaah a buai bawk nen ka ngaihtuah thei viau, vawin hi Nana-i nen a kan in hmuh tawp ber na ni kha a ni a, fahrah inah khan kal ka tum a, kut lawng a kal mai k tum lova, an mamawh ang te lei nan pawisa pek ka tum bawk.




Fahrah in ka thleng a naupang ho chu an lo infiam leh nasa tawh mai, Nu Mary in min hmuh chuan min lo lawm nghal vat a, "Inchhung ah te rawn lut la, thingpui rawn in ta che" a tih chuan ka hnial lem lo, thingpui te kan in zawh hnu chuan ka check ken chu ka pe a, a lawm lutuk chu a mittui a tla hial, lawmthu min hrilh mawlh mawlh a, ka thiam ang tawkin ka lo chhang ve chuan ka hria.




Fahrah in ka tlawh apianga ka kalna thin ah chuan ka ka a, hmani a balloon ka laksak naupang kha a lo awm a, rose par cvu a lo hnim a, pangpar a lawm hle a ni ngei ang, Nana-i pawh khan rose par kha mawi a ti thei lutuk a, a khawih reng zel a nihkha, "Mami" ka ti sup a, hmeichhe naupang chu a rawn hawi vat, min hmuh chuan a meng deuh kawk a, a hnuah a nui sen sen mai.




"Apu" a ti a, ka nui chhuak hawk, "Apu chocolate min lo ken ve em?" a tih chuan "Keng miahlo I ei chak em ni?" ka tih chuan a bu nghat nghat a, "Ka lo kal leh hunah ka lo ken dawn che nia" ka tih chuan lu a thing leh nar nar a, "Ngatinge I duh lo ami?" ka tih chuan "Duh e, mahse au Nana-in ka lo ken ang che atia" a ti a, tunah khan enge a sawi kha au Nana-i....




"Engmaw I sawi?" ka ti a, ka thawk te chu a buai lek lek ani, "Au Nana-in ka lo kal leh hunah chocolate ka lo ken ang che atia, a hmaa a lo kal khan chocolate tui tawk min pe tawh a, khatiang kha ka ei leh chak tawh a" a ti a, "Nana-i I ti em ni?" ka tih chuan a bu nghauh nghauh a, "Engtik in nge a lo kal?" ka ti a, ka hrawk te chu a ro vek nimai hian ka hria.




"Naktuk tuk leh khan a lo kal a, kan in fiam a, a hnu ah hetah ka kal daih a, a lo kal ve a, chocolate te min pe a" a ti a, "A lo kaleh tur thu a sawi em ni?" ka tihchuan "Aw sawi e, Chawlhni ah ka lo kal ang a ti a, api chawlhni chu engtik nge?" a ti a, chawlhni a nihchuan naktuk tih na, ka thin chu a phu dup dup a, a tawp a tawp ah chyan ka hmu thei dawn ta e, ka ti rilru a.




"Apu" ti ri ah cuan ka ngaihtuah na atang ka harh chhuak zawk a, "Chawlhni chu naktuk ani tawh, Mami I u Nana-i a lo kal hunah chuan lo awm tir reng rawh aw, ka lo kal ve anga ka lo thleng hma chu haw lo phal miah suh aw" ka ti a, "Awle" a ti a, ka thaw huai mai, a tawp ah chuan ka hmeichhe nghah mek chu ka hmu thei dawn ta.




Zingah pawh chuan nidang ai mah in ka harh hma a, hma taka kal ka duh vang a ni pakhat, ka hlauh leh mai ang tih ka hlau em ani, ka insiam zawh hnu chuan chhuah mai ak tum a, ka phone rik vang chuan ka kal lai ka tawp chawt a, ka nau a ni, ka la vat a, "U I lo kal hman lawk angem, hei nutei hi a pum a nuam theilo a, damdawiin ah kalpui a ngaih hmel bawk sia" a ti a, ka kal nghal vat tur thu ka hrilh a.




Nutei hi a pasal in a boral san tawh a, fa an nei hamn lo bawk nen a mahin a awm a, ka bulah awm turin ka sawm ngun tawh mahse a pasal nen a an chen na in chhuahsan a duh loh thu a sawi tlat avangin ka nau chu a bulah a awm ta ringawt a, ka tlawh fo bawk, nutei in ka thleng a, couch ah chuan ka nutei chu a lo mi kawm ngal a.




"U I lo thleng maw, damdawiin ah chuan kal nghal mai ang u, na ti emai" ka nah chuan hlauhthawn hmel takin a ati a, ka nutei chu ka pawn a, ka car ah chuan ka nghat mut a, ka nau pawh chu a rawn thu lut vat, damdawiin kan thleng a, doctor te chuan an lo en nghal zung zung a, "A thil ei ah huat a nei a nihhi, hlauhthawn tur engmah a awm lo e, nachawk na in ka jection a, a lo harh leh vat mai ang, a harh veleh in haw lehnghal thei mai ang" Doctor chuan a ti a.




"Mate kal na tur pawimawh tak ka nei a, ka driver ka biak sak mai ang che aw" ka ti a, "Aw.. a pawi lo ang bei a serious chuang lova, i kalna turah chuan va kal rawh" a ti a, keipawh chu damdawiin atang chuan ka chhuak nghal a, ka kal pah chuan ka driver chu ka bia a, car ah thu lutin ka kalna tur lam pan chuan ka inkhalh chhuak nghal.




Fahrah in ka thleng a, kaut nghal vat, Nu Mary in min hmuh chuan kin lo be vat a, "Nu Mary nual pakhat rawn kal a awm em le?" ka ti nghal tawng a, "Aw.. awm e, saw lam ah sawn Awmawmi nen khan an kal a, i hriat ngai a ni em ni?" a ti a, "Aw.. a nih chuan ka va kal ve ange aw" ka ti a, "Va kal rawh" a tih chuan ka kal nghal vat.




Pangpar huan lam ka pan lai te chuan ka lung hi a su dawt dawt nimai hian ka hria, pangpar huan chu ka thleng a, hmeichhe pakhat min hnungchhawn zawnga ding chu ka hmu a, a bulah Awmawmi a awm bawk, "Au Nana reilo te chauh a ni tawh ang, ka lo kal hma chu lo haw tur suh a ti bawk sia" Awmawmi chuan a ti a, Awmawmi chuan ka lam a lo hawi a, min hmuh chuan "Saw a lo thleng" a ti a, hmeichhia chu a rawn hawi let a, enge ka hmuh hi Nana-i chu Ava-i hi maw ni a....




Ava Lalhmingmawii POV




Haw ka tum a Awmawmi chuan a phal tlat lo, hmuh duh che an awm a, 'ka lo kal hma chu lo haw tir suh a ti' a ti deuh tlat bawk sia, "A lo thleng" phur zeta Awmawmi'n a tih chuan ka hnunglam chu ka hawi vat a, Sir Ab-a ka hnu nghal zat, enge hetah te a tih ve ni, mak tih hmel zetin min en a, Awmawmi chuan "Ka thiante nen kan in fiam dawn" tih pah chuan a kalsawn a, Sir Ab-a chu ka lam panin muang changin a rawn kal a, ka hmaah tak chuan a ding a.




A hmel ah chuan mak tih na leh awih loh na phur na te chu a rawn lang zut zut nuamin hian ka hria, nge ka hmuh sual zawk pawh ka hrelo, ngawi rengin min en a, awmdan mai tur pawh ka hrelo, min en tlang vek tum ang hrim in a ni min en, tawng tuma ka ang chiah tih chuan amah zawk chu a rawn tawng chhuak a.




"Nangmah I ni takzet em?" a tih sup chuan hrethiam lo zetin ka lo melh a, "Nana" a tih leh tak sup ah chuan mak ti zetin ka melh a, "Min hre tawh lo em ni, I captain kha I la hria em, nitin nangmah hmu tur che in ka lo kal thin kha" a ti leh a, tawng nachang ka la hre chuang lo, a ni hi ani tak tak amaw...



"Captain" ka ti sep a, "Aw.. keimah i captain kha, min la hria tiraw, min la theihnghilh lo a ni tiraw?" a ti leh a, "Tinge I lo let har em em a, ka lo let vat ang I tia, ka lo nghak reng che asin" ka ti tiau a, "Ka tihpalh ani, ka lo let leh hnu khan I awm na hmunah ka lo kal hmasa ber asin, mahse i awm tawh loh thu in min chhang a, ka zawng nasa lutuk che a, mahse ka hmu thei bawk silo che, ka hnaih tak ah i lo awm reng a" ti sup in min rawn kuah a, ka lo kuah let ve vat a.



"Khawiah mah I kal tawh lovang tiraw, min kalsan tawh suh aw" ka ti a, ka biangah mittui a luang thla ngiai ngiai bawk, "Ka kalsan tawh ngai lovang che" ti sup in ka chhip samah a fawp vang vang a.




Cont......


Click, comment leh like kha aw...


Show post links
Top

[Ngaia]

Chapter-6




Ava Lalhmingmawii POV




Thingkung hnuai ah chuan in kuah rual in kan thu dun a, "Nana-i I ni ang tih rin ngaihna ka hrelo" a ti a, "Keipawh ka captain kha I ni ang tih ka ring bik lo, kan naupan lai nen khan i mizia hi a in ang tawh lo lutuk a, engtinge tiang hian i in thlak theih zawk a?" ka ti a, a nui deuh suk a.




"Nangmah vang in he ka mizia hi ka neih phah a nihhi" a tih chuan hrethiam lo zet chuan ka melh a, "I hria em, Mizoram a ka lo let leh khan I awm naah ka lo kal hmasa ber mahse nang chu hmuh tur I awm lo, ka beidawng asin, hlim em em in nang hmi tur che in ka lo kal a, I awm tawh loh thu min hrilh a, ka zawng nasa lutuk che, a chang chuan ka beidawng lek lek zel, hun a liam zel a, ka mizia pawh a in thlak telh telh bawk a, ka chhungte bulah lo chuan ka nui khat hle bawk, a chhan chu ka hnenah nang I awm silo ani, ka hlat a I awm lai khan ka chhung ril hi a ruak vek thin a sin, tunah chuan ka hmu tawh che a, khawiah mah I kal bo ka phal leh tawh ngai lovang" a ti a.




"I lo let hun kha ka lo nghak reng thin asin, mahse i reh vang vang bawk si, kum khat a liam hun ah tuna ka nu leh pa te hian fa a tan min la a, ka ngai thei lutuk che asin, ka tap nasa thei lutuk" a ti a, "Tun atang chuan kan awm dun reng tawh ang, tuman min then hrang tawh lovang" a ti a, ka lo nui ver ver mai.




"Haw tawh mai ka duh a, ka chhung ten min lo ngaihtuah tawh ang, ka kal na tur ka sawi bawk silo a" ka ti a, "Ok ka lo thlah dawn che nia" a ti a, Nu Mary chu kan hmu leh zuai a, ka chhuak dun nghal, motor ah chuan kan chuang dun a, ka kut chu a hum ran bawk, kan in kawt ah chuan motor a ti ding a, "A nih phawt aw, naktuk ah kan in hmu leh dawn nia" ka tina, a car atang chuan chhuah nghal mai ka tum a, mahse ka hawng thei reng reng lo.




"I lock daih ami ka hawng thei maih lo a nia" ka ti a, "Khati maia kal I tum em ni?" a tih chuan hrethiam lo zetin ka melh a, "Enge tih tur a la awm em ni?" ka ti a, "Kan in hre chhuak ve chauh a min va ngai lo bik ve" a ti hmuk a, amah chu ka en vat, a lo thu tum buau a, ka nuih a za tak zet mahse ka nui a nih ngat chuan a thinrim ka hlau bawk si, "Ka ngailo che pawh ka tih loh kha, mahse haw ka ngai tawh alawm" ka ti a.




"Ok... a nih chuan ha emai rawh, chuan zanah ka lo leng ang" a ti a, "Awle, a nih ka kal dawn nia" tiin motor atang chuan ka chhuak a, kan in lam pan chuan ka kal a, tlan chhuak mai lovin min la en zui reng, kawngka ka hawng a, ka kut nghal ka khar leh hma chuan ka va hawi let a, min lo la en char char, ka kut chu ka vei zeuh a, ka tih ang chiah chuan a rawn ti ve a, a nui tel suk bawk.




"Bawihte khawiah nge I kal a?" ka nu chuan a lo ti a, "Ka naupan laia ka awm na thin fahrah in kha ka va tlawh a" ka ti a, "A nihchu mawle, hman veleh chhungkua a va tlawh vete pawh a tha ang" a ti a, "Nu" ka ti hap a, ka sawi tur ngaichang chuan min en a, "Ih.. kha ka naupan laia ka thianpa ka tihkha I la hria em?" ka tih chuan "Captain I tih kha em ni?" a ti a, ak bu nghauh nghauh a.




"Vawinah kan in hmu asin" ka ti a, a meng phar awk "A nimaw, engtinge in in hmuh theih zawk a?" a ti a, "Fahrah inah khan a rawn kal ve a, chuan ka in hre chhuak a, chupa chu nangpawh in i hre lutuk" ka tiab, "Tunge?" a ti a, "Ka hnathawh naa kan boss hi ania" ka ti a, mak a tih hmel ngang mai.




"I sawi awmzia chu Abraham-a kha maw ni a?" a ti a, "Aw.. ni e, a mak tiraw" ka ti a, ka nui var var bawk, "A mak khawp mai, Pathian in a in tawn tir leh che u a nihchu" ka nu chuan a ti a, ka pawm thlap, "Nu zaninah a lo leng dawn ania aw" Phur zet chuan ka ti a, "I va phur ve, heivang a nihhi mipa pawh I lo ngaihsak ngai miah lo ni" a ti a, ka lo ner nang.




Zan a I ta a, sana ka en sek tawh mai, dar 7:30 a ri tawh a, a ni hi rawn kal a tum leh lo emaw ni zawk ni ka awm dan chu ka nu chuan a lo hai lo nasa "Bawihte a lo kal em em ang, a la hma em hi, I nghakhlel lutuk a nihkha" min chhaih pah chuan a ti a, "Tu chu maw lo kal dawn a?" ka pa chuan a lo ti sup a, ka la hrilh ve miah lo tak e.




"A hnathawh naa an boss kha mawle a lo kal dawn a" ka nu chuan a ti a, "Animaw, chu nula a rawn rim dawn a va ang ve, ka fanu enge in in karah awm a?" ka pa chuan a ti a, "Pa chutiang lam pawh a nilo, ka naupan laia ka sawi thin ka thianpa ka tih kha, Sir Ab-a hi a lo nia, vawin khan kan in hre chhuak ve chiah" ka ti a, "A nihchu mawle, ka hmuh hmasak ber khan a en dan che kha ka lo man thiam daih tawh asin" a tih chuan ka pa chu ka melh haw a.




"Engtin nge min en a?" ka tih chuan a nui hawk hawk mai, "I na hmel a hmuh khan a hlauhthawn zia kha a mit ah ka hmuh sak thei, a ni khan a duh che tih ka hria" a tih chuan "A awihawm loh emai aw, khalai te kha chuan kan la in hre chhuak reng reng lo, a hnuai a hnathawk ka ni a min ngaihtuah ve mai a nihkha" ka ti a, "I la naupang em a i hrethiam lo mai mai a nihkha" a ti a, tv lam chu a en leh daih a.





Door bell a rawn ri a, ka tho chhuak vat a, kawngka ka hawng chuan Sir Ab-a chu a lo ding vang a, "Lo lut rawh" tiin a luh na turin ka lo awm sawn a, a rawn lut nghal, "Nu pa hei Sir Ab-a chu a lo thleng tawh" ka ti a, sitting room ah chuan in zui phei in kan thu dun a, "I lo lang har lutuk a, kan fanu hian sana a en reng mai asin" tiin ka pa chuan Sir Ab-a chu a hrilh a, "Awihawm loh emai" ka lo ti hmak.




"Thil tih lak lawh lai ka nei a, tum angin ka rawn hma theilo ani" Sir chuan a lo ti ve sep a, "A nihchu mawle, I thawkrim si a, i chau thei ngawt ang, Bawihte thingpui va lum ta che in a chakawm tlat" ka pa chuan a ti a, "Ka va lum lawk ang" Sir bul ah chuan tiin ka tho chhuak nghal a, thingpui a so chuan siam sawk sawk in ka chawi chhuak a, thingpui in chung chuan Sir leh ka pa te chu an titi a, a chang chang in ka nu in a lo zawm ve zeuh zeuh bawk.




"Bawihi nu ka va mu tawh mai dawn em niang, mut te pawh a chhuak tawh a lawm" ka pa chuan a ti a, ka nu leh pa te chu an room ah an lut ta a, Mami pawh zan tir lam khan a awm nawm loh thu sawiin room ah a awm a, kei leh Sir chauh kan awm ta.




"Chu ka lo kal hlan chu I lo nghakhlel viau a nimaw?" Sir chuan min rawn thut hnaih pah in a ti a, "A nilo, ka pa khan a sawi ve mai mai a nihkha" ka ti a, a awih hmel teh chiam lo, "Tv khi ka off dawn hmuhnawm a awm lo emai" ka ti a, a bu nghut, tv ka off zawh chuan a bulah pawh thu tawh lem lo in TV hnaih a thutthleng ah chuan ka thu a, lungawi loh hmel zetin min melh a, ka mut ka lo kan ak a.




Rum nghut chungin a rawn ding chhuak a, ka bulah chuan a rawn thu a, "Sir" ka tih chuan "Sir tih khan min ko tawh suh" a. ti nghut a, "Ka ko ngun che sia ka thiam tawh lo alawm" ka ti nang nang a, "I zir a ngai dawn a nihchu" a ti a, "Engtinge ka koh ang che" ka tih chuan "Captain" a ti sup a, ka lo nui hak, ka naupan lai a ka koh dan khan ko leh se min ti amaw, a ni theilo, khate chu naupan lai thil a nia, midangin an hriat chuan mak an ti lutuk palh ang.




"Kha te chu kan naupan laia ka koh dan che ania, tunah chuan puitling kan nih tawh hi" ka ti a, "A nih chuan Abraham min ti mai rawh" a tih chuan "Awle i thu vek alawm" ka ti a, thil dang dang te ka sawi a, Mami room atang a lo chhuak a, a rawn nui vur vur lehnghal, "Tui ka nei tawh lo a ka lo la lawk dawn" a ti a, kitchen lamah a lut nghal daih.




"Ka haw tawh mai ang" a ti a, "A la hma em hi" ka tih chuan "Naktuk ah hna kal te kan la ngai sia mut I kham lo palh ang" a ti a, ka hnial tawh lem lo, "Kawngka thleng min lo thlah la" a tih chuan ka thut na atang ka tho chhuak vat a, ka hnung ah chuan min rawn zui a, pawn a kan chhuak a, "A nih muttui aw" ka ti a, min pawt thut a, a awm ah chuan ka nei ta then mai.




"Kahni leh che ho awih harsa ka la ti" a ti a, "Keipawn" ka ti a, ka chal ah chuan a hmui lum vung vung chuan a fawp vang vang a, ka thla a muang suai suai thei, chutia rei tawk fang engmah sawi lo a kan in kuah hnu chuan kan in thlah a, "Lut tawh rawh le" a ti a, "Ka lo en liam ang che" ka tih deuh tlat avang chuan a mah zawk chu a kal hmasa ta a, a tlan liam lai chu ka thlir zui reng a.




Nui sang chungin inchhung ah chuan ka lut a, "Nuam I va tih hmel ve?" Mami chuan a lo ti a, kitchen luh na bulah chuan a lo la ding ran mai, "I ho emai a" ka ti ringawt a, a nui zui awr awr mai, "In in ngaizawng ami?" a tih chuan "Ka hrelo" ka ti sep, "In in duh tawn hmel tho sia, in ngaizawng daih rawh u" a tih chuan "A man engmah a sawi loh chuan engmah ka ti ngam bik hleinem" ka ti a, "Umm hma a lak vat ka beisei, ka mut a chhuak leh tan tawh, room ah ka lut dawn aw" a ti a, kan in mangtha hnu chuan keipawh chu ka room ah ka lut ta a.




Company ka thleng a, Abraham-a chu a lo la thleng lo, hna ka khawih nghal mawlh mawlh a, "Nana" ti ri ah chuan ka hawi chhuak a, Abraham-a chuan dam dap hian min lo en a, "Good Morning sir" ka tih chuan a rum nghut mai, "Khatiang khan min ko suh ka tih kha" a ti a, "Hnathawh na hmun a nih hi" ka tih chuan a thaw hawk ringawt.




"Coffee min lo siam ta che" a ti a, a office ah chuan alut zui nghal daih bawk, coffee chu ka siam zo a, a office chhungah lutin ka pe a, chhuah lehnghal mai ka tum chu min lo ko ding vat, "Enge nita?" ka tih chuan "Chhuah nghal mai I tum a" a ti a, "Engmah tih tur a awm tawh chuang silo a" ka tih chuan "La chhuak suh, Tikhan la awm ve hrih rawh" a ti a, "Hnathawh lak lawh lai ka nei a" ka ti a.




"A ho mai mai khate chu midang pawn an ti thei" a ti nghut a nih chu, "I mawl ami, keimah thawh tur chi alawm le" ka ti hlak a, a thaw chhuak hawk mai, "Awle, va kal rawh, i thawh zawh hunah min rawn hrilh ang che, hruai na tur che ka nei" a ti a, "Awle" tiin office atang chuan ka chhuak a, han ka thawk zawm leh mial mial, ka thil tihai ka zawh hnu chuan ka thaw hak, chhun thil ei a hun tawh a, ka ril pawh a tam tan tawh.




Thil ei hma in Abraham-a signature lak hmasak ka ngai dawn a, file pakhat chu la in office ah luh ka dil a, chung lama tang chuan lut tura min tih hnu chuan ka lut a, "Sir hetah hian i sign a ngai a" tiin ka file ken chu a hmaah ka dah a, a sign nghal, "I hman tawh em ni" a tih chuan "Hman ani mai" ka ti a, "Ok... lo in siam la kan chhuak nghal dawn ania" a ti a.




Khawiah nge min kalpui a tum ka hre lo, kan tlan na lam hi khaw pawn lam a ni a, kan tlan rei ang reng tawh si a, zawh ka duh viau na in kan thlen hunah ka hre chhawm ve zel mai ang tiin ka zawt duh lem lo a, restaurant pakhat kawt ah chuan motor a ti ding a, kan chhuak nghal vat, a chhungah chuan kn lut a, changkang tak chu anilo mahse a nuam tak zet.




"Ka lu enge in ei duh ang" chulai hmun a hnathawk pakhat chuan a rawn ti a, eitur te cu a chah a, ka ta tur pawh a sawi tel nghal vek, helai hmunah hian a kal zing hle pawh a ni mahna "A van nuam deuh em em" ak ti a, a nui suk mai, "Helai hmun hi ka ngaina a, an thil siam a tui bawk nen ka kal zing hle, hruai che ka chak a ka kalpui ta che a nihhi" a ti a.





Eitur a rawn thleng a ka ei chhin a, awii a tui lutuk "A tui tawp" ka ti hluai a, "Tui deuh asin, i duhzawng anih ka ring reng ani" a ti sup a, chow satui leih a ni a, a tui dan chu chow satui leih ka ei tawh zanah zanah ah ala tui ber hial ang, kan ei zo a, ei man te a pek fel hnu chuan kan in zui chhuak a, company lam kan pan mai dawn emaw ka tih lai chuan min let lui lovin hmun dangah min kal pui leh a.




Hmin nuam tak pakhat khaw thlir naah chuan min hruai a, thli a thaw heuh heuh bawk, "A van nuam em em, helai hmun hi engtinge i hriat zawk a" ka ti chul a, "Ka kal zing alawm" a lo ti mai, boruak thianghlim zet chu ka hip lut vang vang a, "Nana thil hrilh duh che ka nei a"a tih chuan a lam chu ka hawi vat , "Enge?" ka ti sep.




"Eng ang in nge i ngaih chu ka hrelo mahse kei hian ka duh che ani" a tih chuan ka melh reng ringawt a, keipawn ka duh alawm mahse han sawi mai tur ka haihchham piah lamah ka lai lutuk tlat, "Min chhang la" a ti sup a, "Ih englo" ka ti nawi nak a, "Min duh lo a nih pawh in ka hrethiam ang che, mahse chance min pe turin ka duh che a ni, min duh ve ngei theih na tur in ka siam ang che tih ka tiam che" a ti a.




"Vawikhat chuah chance min pe rawh, ka hlat a I awm ni atang khan nanghi theihnghilh ni che ka neilo, tunah tut tut min duh turin ka tilo ang che, mahse min duh ve ngei theih na turin ka siam ang che" a ti leh a, ka ka ka an zuai hman tih chuan min rawn tanwg khalh leh in "Tunah min chhan nghal a ngailo, in ngaihtuah la, mahse chhan na erawh ka hmuh vat ka beisei ania" a ti leh sup a.




"Kepawn ka duh che" ka ti chhuak sep a, a meng phawk hle, "Eng... engmaw tunah khan I sawi, nang hian min duh thu I sawi tiraw, tunah khan min duh thu I sawi tiraw?" ring ngam chiah silo hian a ti a, ka nui hak, ka bu ngauh nghauh a, a nui chhuak hawk, "Ka lawm e, min duh ve avangin hlim takin ka siam ang he tih ka tiam a che" a ti a, min kuah nghal thlawp, ka va han hlim tak em, hetiang tak hian ka hlim ang tih ngaih tih na ka hre ngailo.




In la hrang hlekin chuang zetin min melh a, kan mit leh mit chu a in tawng chawt, chutah a mit chu sawn thla zelin ka hmui ah chuan a tawp chawt a, tih ngaihna hrelo lutuk in ka hmui chu ka seh zeuh a, a rum nghut mai, rawn awm hnai in ka hmui chu a hmui lum vung vung chuan a rawn si a, ka meng phawk vak ringawt, a hmui chu a ti che a, awmdan tur ka thiam lo ka lo dawh mawl tawp ringawt.




Zawmna




Nui suk chung ina in la hrang a, "Bawihi i hmui kah ti che ve rawh" a ti sup a, min fawp lehnghal, keipawh chuan muang changin ka hmui chu ka ti che a, chutia ka hmui ka ti che chiah chu a phur sawt emaw tih mai turin min fawp uar sauh a, a duhthawh sawt lutuk chu ka thaw a chham lek lek hial, chutia thaw chham lek lek a kan in fawh hnu chuan a in la hrang ve thei hram.




Ka chal leh a chal chu ti siin a thaw chhuak ham ham a, "Ka zawng chhang khawp ang" ti pahin a nui deuh suk a, "Let tawh I la" ka ti sep a, "Kan let dawn nia, mahse chumi hma chuan vawikhat chuah" tih leh min rawn fawh chu a rual lehnghal a, tun tum chu dam leh ril zetin min rawn fawp a, ka thiam ang ang chuan ka lo chhang let a, a kut pawh a hlei tan hle, ka awm bawr a rawn dap takah chuan a kut chu ka lo man bet vat a.




"Duhtawk ang" ka ti sep a, a tha chhuak hawk a, "Awle, ka tilui lovang che" tiin a motor lamah chuan min khei pui a, motor chhungah chuan lut in ka kalna lamah chuan kan let a, ka kut chu a hum ran a a nui leh deuh suk suk thin bawk, company ah chuan kan lut a, a hnungah zui mai ka tum chu a rual a kal turin min ti tlat a, a rual chuan ka kal a, hnathawk ho chuan min en duh ngei mai.




"I scooty I keng lo tih ka hria, ban hunah min lo nghak la ka thlah dawn che ania" a ti a, ka lo bu nghut hna chu ka thawk mawlh mawlh a, ka tih zawh chuan haw. alo hun leh der tawh mai, haw tur a ka in siam lai chuan Abraham-a chu a office atang a rawn chhuak a, "Kan kal dawn em ni?" a ti sup a, "Aw... kan hman nghal a nimai" tiin ka bag chu ka ak tha a, kan kal chhuak lehnghal.




In kan thleng a, ka chhuk dawn chuan a phal leh tlat lo, "Zanin chu ka buai deuh dawn a ka lo kal thei dawn lo" a ti sup a, "Awle" ka lo ti awlsam then a, a rum deuh nghut, "Min va ngai lo ve" a ti leh hmuk a, a lam chu ka hawi a, tum hmuk chungin min lo en ve ran mai, "Ka ngai lo che pawh ka tih loh kha" ka ti a, "I awmdan atang khan a hriat vek alawm, reilote ka hmuh loh che pawn ka ngai nghal che ania" a ti a.




"Aw... ka ngai che a ka sawilo mai alawm" ka ti a, "Min ngaih chuan sawi lovin min hrilh zel tawh ang che" a tih chuan thu awih zet chuan ka lo bu nghauh nghauh a, "A jih chuan ka kal tawh ang aw, a tlai tawh bawk sia" ka ti a, "Awle, zanah ka lo be dawn che ania"va ti a, motor atang chuan chhuakin kan in lam pan chuan ka kalna, inchung ka lut a, ka nu leh pa te chu sitting room ah an lo thu a.




"Bawihte I lo haw tawh a nimaw, I va hlim ve ve kha" ka nu chuan a ti a, "Keichu ka hre mai" Mami chu kitchen atang a rawn chhuak a, chimawm zet chuan min melh bawk, "Engmaw?" ka nu chuan a lo ti va a, "Nu engmah a nilo" ka ti a, Mami chu rum zetin ka melh a, a nuih a zat hmel em em mai lehnghal, "Ka inthlak dawn ania" tiin room lamah chuan ka chho ta daih a.




"Bawihte, hetah lo kal teh" in hnuai a ka chhuk rual rual chuan ka pa chuan a lo ti a, ka kal nghal vat, couch ah chuan ka thu thla dat a, "Bawihte in boss nen khan in in karah eng emaw a awm a nilo maw?" a ti a, ka chil ka lem dawk a, ka lai ti tih der mai lehnghal a zia lo tak tak ani, "Ka hrethiam mai e" ka nu chuan a lo ti ve thung a, ka pa pawh a lo nui ve suk suk mai.




"Mipa rintlak tak a ni ang tih ka hria, chutih rual chuan puitling I ni tawh a, I tan a tha tur chu I hriat ka ring, ka fanu I ni a ka ring tawk bawk che, i thil tih engkim ah i pa hi I lamah a tang reng tih hria ang che" a ti a, ka lo bu nghat nghat, chaw te kan ei hnu chuan sitting room lamah kan in kawm khawm leh a, ka room lam ka pan chuan a tlai tawh hle, room a ka luh rual rual chuan ka phone ri chu ka hre nghal a, ka keng thla lo tak e, ka lak hma chuan a tawp a, min rawn call tu ka en chu Abraham-a a lo ni.





Vawi nga lai a Miss call a lo awm tawh chu niin call back ka tum lai tak in call a rawn lut leh nghal a, ka la ta vat, Hello pawh ka tih hma hma chuan "Engthil nge I tih engvangin phone i lak theih loh?" a rawn ti hrawk a nihchu, "Inhnuai ah ka awm a, ka room ah ka lut chiah alawm" ka ti a, "Ka ngaihtuah che alawm, engtin emaw I awm ah ka lo ngai hman a, nidang a ka lo phone leh hunah che chuan lo la vat tawh ang che" a ti a.





"Awle, ka hria e" ka ti a, "Ka ngai che" a rawn ti sup a, "Keipawhin" ka lo ti ve sep, "Hna chu I thawk zo tawh em ni?" ka ti a, "Aw... zo chiah, ka lo phone nghal che a nihhi" a ti a, thu ho mai mai sawi chuan kan in be ta reng a, naktuk ah min lam tur thu a sawi a, scooty ka keng mai ang ka tih pawn a phal thak lo, eng ang pawn hnial mah ila awmzia a awm dawn lo tih ka hrechiang a, ka hnial duh ta lo law law.




Zing ah chuan hma takah ka tho a, ei rawng kan bawl zawh chaw kan ei nghal, kan ei zawh chuan Mami chu ka ti fel pui zung zung a, ka room lamah in siam tur chuan ka lut a, nidang zawng aiin ka in siam rei, ka thawmhnaw hak tur pawh vawithum lai ka thlak tawh, darthlalangah ka in en vang vang a nalh ka in ti ve hle, inhnuai ah ka chhuk a, "Bawihte vawin chu I va chhelo ve" ka nu chuan min hmuh in a ti hluai a.




"Pawn lamah nghak tu a nei chhelo em a, chuvang aniang, nidang aiin a in siam rei daih zawk bawk ania" Mami chuan a lo ti a, ka melh kha kha mai, ka nu leh Mami chu za zetin an nui dun hak hak a, "Ka kal dawn a nia" ti hmak in in chu ka chhuah san a, kan in kawt a mioa lo fung ka hmuh chuan ka tui ral zawih zawih nimai hian ka hria, a va han chhelo chiang tak, saw mipa chhelo lutuk saw ka bialpa chu a ni sia awih harsa ka la ti.




A la pan a ka kal chu min lo melh ran a, min en chuang bawk nen ka zam hle, a hmaah tak chuan ka ding a, nui suk in "I chhelo lutuk" a ti sup a, ka lo nuih seih ringawt, ka luh theih nan kawngkhar chu min hawn sak a, ka thu lut nghal vat, motor chu kal hual in driver side lamah chuan a rawn thu lut a, a rawn thut luh rual a a perfume rim pa hrak mai chu ka lo hip lut vang vang.




"Vawin chu nidang zawng aiin I chhelo" a ti a, min chhaih tih ka hria, zak anga lang duh bik lo chuan "Nidangah pawh ka chhelo tho alawm" ka ti a, chutah za zetin a raw nui chhuak hawk hawk a, a nuih zawng a a mit bul chuar leh a ha ui ngho lang chiang em em chu hmuhnawm ti zetin ka lo en dauh dauh a, a nui ri pa lutuk te chuan min dan kual rawih rawih nimai hian ka hria.




Lunch ei hun a nih chuan Abraham-a chuan a office ah min ko lut a, ka luh veleh chuan a thut na atang rawn tho chhuak in ka hmaah chuan a ding run a, "Hetah thil kan ei dawn nia, eitur ka chah tawh a. arawn thleng tep ang" a tih chuan "Awle, ka rimtam tawh lutuk" tiin ka pum chu ka khawih a, a kiai deuh suk, couch ah chuan in ngheng chial in kan thu dun a, ka dar ah a khabe a nghat a, a phun leh deuh sup sup thin a.




Kawngka an rawn kik takah chuan kan thut dan chu kan siam rem vat a, eitur chu hmeichhe pahnih hian an rawn chawi lut a, a tui hmel hlawm lutuk, hmeichhe pahnih an chhuah hnu chuan kan ei nghal a, awi a tui lutuk ringawt, "Khakha ka lo ei ve chhin" tiin a plate chu ka kawk va a, nui suk chung in a suak a, min rawn barh a, a tui tho mai, ka eitur a a chah chu ka ei zo vek.




Kan ei zawh chua ka thu zawi nguai mai, ka puar lutuk a, ka zawi vek, "Ka zawi" ka ti sep a, "I riltam in i zawi a i puar leh i zawi tho bawk sia" a ti a, "Nia..... ka puar khei chuan ka riltam lai ai khan ka zawi zawk in ka hre thin" ka ti a, kan nui dun hak hak a, rei tawk fang office a ka awm hnu chuan ka chhuak a, Abraham-a hun neih dan tur te chu ka en a, vawin ah chuan eng em em tih tur a nei tawh lo.




Ka phone a rawn ri a, ka en chuba Hruaizela a lo ni, tunlai kan in hmuh khat na bakah kan in be khat tak zet, "Hello" ka ti a, "In company kawt ah ka awm a, lo chhuk lawk ta che" a ti a, "Enge nita?" ka tih chuan "Lo chhuk phawt la" a ti deuh tlat a, a pawimawh ka rin vang chuan ka chhuk ta a, a car bulah chuan a lo ding ran mai, a lam pan chuan ka kal vat a, tunlai ka hnu khat deuh bawk sia, a cher deuh riau in ka hria.




"I hnaah I buai lovem ni?" a bul ka thlen rual rual chuan ka ti a, "Buai ve deuh, ka koh chhuah chhan che chu heihi nia" tih pahin paper bag pakhat hi ka lamah a rawn lek a ka lo la vat, ka en chuan ka chhang duh ber chi hi a lo nia, "Ka hmu a ka hre chhuak zawk che a, ka lo pe kawi lawk che a nihkha" a ti a, "A ngai kher lo asin le, I buai phah awm sia" inthlahrung tak chuan ka yu a, lu a lo thing nghut a.




"Buai lo ve" a ti tha ve mai a, "Tunlai kan in hmu khat bawk sia, I cher riau in ka hria" ka ti a, "Kar hmasa atang khan ka damlo a, mahse ka tha tawh" a lo ti vat a, "Chutiang te chu min rawn hrilh ve tur che ania, I in duh riau tunlai chu" ka ti a, "Chu kin lo ngai deuh em ni?" nui suk pah chuan a ti a, ka lo ner nang mai, ka phone a rawn ri a, ka en chuan Abraham-a a lo ni, "Ka kal tawh mai ang, heihi hnathawh na lamah theh muh ka ngai sia" a ti a, "Awle a nih leh le, ka lawm lutuk ania aw" ka ti a, a bu nghat a.




Hruaizela a kalsawn takah chuan ka phone chu ka chhang ta vat a, "Ka office ah rawn kal rawh" ti chhum hmuk in phone a dah hmak a, a hriat loh laiin ka kal sia a thinrim pawh a ni mahna, rang zetin ka kal a, a office kawngka chu ka kik karh karh a, min chhang tu tumah an awm lo, kawngka chu dim zetin ka hawng a, Abraham-a chu a thut naah thu in chunglam hawi chuan mit a lo chhung vang vang a.




Ka thawm a hriat veleh chuan a rawn meng chhak a, mit meng thim khup chuan min melh a, "Khapa kha engvanga Hmingtei I nih?" a ti hmuk a, "Tumaw Hruaizela kha maw?" ka ti a, "Aw... engvang in nge i hmuh nilo engvanga hmu tur che a lo kal nge a nih?" a ti hrawk a, "Ka chhang duh ber min lo ken a" ka ti sep a, a rum leh hrawk mai, tun a awm dan hi chu a hlauhawm tak zet, a mit meng a sen rum bawk si.




"Vawikhat mah hmu tawh suh ang che, i hria em?" a tih chuan "Ka thainpa a ni a, ka hmu lo ngawt thei hleinem" ka ti a, "Nilo... I hmu tawh tur a nilo, I hria em?" a ti thawt a, chutia a rawn vin thut chu ka phu nasa kher mai "Enge i hriat a?" ka ti a, "Ka thusawi chu zawm a harsa viau em ni, nge ni a khapa kha i duh zawk?" a tih leh chuan ka thinrim ve ta kher mai.




"Eng thu lawi lo nge I sawi kha" ka ti ve ta hlar a, "Ka thusawi chu i hrechiang lutuk tlat, chuan kha mipa kha hmu tawh suh ang che, chuti a nih loh chuan..." a tihai mek chuan lo tanwg khalh in "A nih loh chuan enge, mawh sawi ta che enge I tih ang, hna atang min ban dawn em ni? nge ni a Hruazela kha i sawisa zawk dawn?" ka ti a, "Chuthil chu ka tilo ang tih ka sawi thei hauh lo, chutiang thil ka tih i duh lo a nih chuan hmu tawh suh ang che" khauh fur chuan a ti a.




"Engtinge chutiang thil chu I sawi theih zawk?" ka ti a, "Engvangin nge ka sawi theih lovang, kha mipa khan a duh che tih hi ka hriat loh I ring em ni? chutiang chung chuan hmu turin ka ti ang che maw?" a ti a, "I ngaih ang kha engmah a awm lo, a ni nen chuan thian mai kan ni, engmah kan inkar ah a awm lo, chuchu ring hram rawh" ka tih chuan a nui ro hawk mai.




"Ka sawi tawh kha, a ni kha hmu tawh suh ka tih chuan hmu tawh lo la a nimai, ka thusawi zawm lova inhmu lui leh a nih ngat chuan maw a chungah khan enge ka tih ang ka sawi lawk thei lo, ka that duh hial maithei ani" a ti a, rapthlak ti lutuk chuan ka melh a, engmah pawisak neilo tih hrait zet chuan min melh ve ran bawk.




"I rapthlak takzet a ni, engtinge khatiang thil kha i sawi theih zawk, mipa tha ber emaw ka ti che a, mahse a lo nilo anihhi" ka ti zawi ta sep a, office atang chhuah tum chuan ka in hre a, ka ban ah chuan a. rawn man thut a, ka lo in ring bik lo nen ka rak that a, bangah chuan min nawr bet rum mai, a thaw chhuak hawlh hawlh a, kan in awm hnaih bawk nen thawk pawh ka thaw tha ngamlo.




"Ka tih palh ani, ka tih palh takzet, ka thinrim ka in sum zo lo ani" a ti sup sup a, ka awm ah chuan hmai a rawn phum a, engmah ka la sawilo, "Bawihte min hrethiam hram rawh, ka chan mai ang che tih ka hlau a, ka in sum hman lo ani" a ti leh sup sup a, ka tah a rawn chhuak nghal teuh mai.




"Eng emaw tak sawi rawh" a tih chuan "Min thlah rawh" ak ti zawi sep a, "Nilo ka chet dan avang khan ka in thiam lo tak zet ani, khatiang khan vawikhat mah ka awm tawh lovang tih ka tiam a che" a ti leh sup sup a, "Min thlah phawt teh" ka ti a, tawh chhuak hawk pahin muang chang in a awm hrang a, "Min ngaidam a ni tiraw?"a ti zawi sup a, "In ngaihtuah ka duh, hun min pe rawh" ak ti sep a, khatiang thu thin thawng tak min sawi khum avang khan ka ngaihtuah na hi a buai deuh mup mup a, engmah ka ngaihtuah theilo, tunah chuan hun thawl ka mamawh tih ber.




Ngawi rengin min en a, amah chu kal pel in office atang chuan ka chhuak a, engtin nge khatiang ghu kha awlsam taka a sawi theih zawk ka hre lo, hna ban a hun veleh chuan amah pawh nghak lo chuan ka kal vat a, company pawn ka thlen hnu chuan taxi phar ding in ka chuang lut nghal a, in ka thlen hnu chuan ka chauh thu sawiin ka room lamah chuan ka lut a, khumah ka bawk thal thlawp a, mit ka chhung zui vang vang bawk




Cont....



Comment, click leh like kha aw.... a tam dan a zirin naktuk ah ka dah in ka dah lovang....


Show post links
Top