MY SUNSHINE BY Omega Hmar Tlangte (Completed)

[Ngaia]

MY SUNSHINE

"I kalna tur en ta che" ti a min vin vak chung chuan nutling thau lampang chu a ding hluaia a tui in tur chuan ka hmaiah a theh ṭhawt bawk a, midang ho chuan engmah sawi lo chuan min lo en reng ringawt a, ka tihpalh tiin kûn ngul chung chuan ka chhâng a, a thinrim zual sauh nge ka hre lo "Tunhmain ka va hmu ngai lo che ve thawk thar i ni ang maw" a ti a, a chhuak daih a. Ka rawmawl chuan ka in hru sawk sawk a, ka lungawi lo khawp mai midangho chuan chu nutling kawlhsen zet chu an sawisel nghal sap sap a, nimin aṭangin ka thawk ṭan ve chiah a, ka chunga thil thleng chu na ka ti nu chapo tak chu a ni ngei ang anihloh pawhin a inchei dan aṭang khan an hausa hle a nih ka ring a dawhkan ka su palh mai ania eitur a la chah lo lehnghal tui tlêm a buai tih mai loh chu thil pawi a thleng lo.

"A zia lo hle mai a, Nu Sangi kha chu khati reng kha ania" ti pahin Alex-a chuan ka ding zum reng chu min rawn pan vat a, sawi tur pawh ka hre lo ka vawikhat hmuhna a ni lehnghal rawn kal ngai tawh lo se ka duh. midangin an lo koh avang chuan Alex-a chu a kal nghal daih a, a inchei dan lah kha nutling ve si a va han in ha mar tak ka rilru in ka rel nghal zut zut a.


Alex-a hi he ka thawhna restaurant neitu fa pahnih zinga a upa zawk a ni a, nau hmeichhia Ruatpuii designer-a nei a, a pa hian boral san tawhin a nu ho a khawsa an ni a, Alex-a hi eisiam a thiam em vangin leh a pa a boral tak si avangin an restaurant- Alex-a pa tlangval laia mi tawh lian leh changkang zet hi a graduate-hnu in a enkawl zui a, a nu hi College Proffessor a ni bawk a, awmthei tak an ni.


Kan dinhmun nen chuan a va inthlau tak. Ka pa hi Mistiri a ni a, Alex-a te hna kar hmasa aṭang khan a thawk a,ka nu erawh hnathawh a nei lem lo bakah a hrisel vak lo; ka u mipa Mapuia lah engmah a thawk lo ka pa hi a zui ve mai zel a, nikum khan an thawhna nula nen inneiin makpa chhungkhungin a awmzui a, ka nu leh ka pa lawmlo hle mah se ka u hian a atchilh miau sia an awmthei pangngai nên a bialnu thuawih zawkin makpa chhungkhungin a awm ta a nih kha kei lah pawl sawmpahnih thleng chauh ka zir si. Ka pa hian Alex-a nu bulah hna min lo dil sak vang maiin nimin aṭangin ka thawk ve a, kha nu chapo hmel zet kha ka la tawng nghal zui Alex-a te inah ka pa hi thawk mah se Alex-a nen phei chuan vawikhatmah kan la inbe lo a, ka thawhni chu kan inbiak ni a ni mai.


Tlai lam dar nga a lo rik chuan kan inkhâr fel a, pawnah chuan ka ding vang vang a, awi khua a thim dawn ka hawi kual ruk ruk a, rinloh deuhin ka bulah Alex-a a rawn ding thut; a hmelṭha sia ka lai lek lek ka hmahun aiin a hmel a êng zawkin ka hria. "Lawmawm thlah i duh em thlasikah chuan ni a rei lo khua a thim mai dawn vawiin chu kan inkhar har deuh a ni" a ti a, ngatinge ka hmingpum kher hian min koh kher thin mawni zak chung chung chuan ka lu ka bu nghauh ringawt a,
"Min lo nghâk lawk" hmanhmawh deuhin dawr chhungah a tlânlut leh a.

"Barakhaih" ka phu chiang lutuk kan thawhpui tho Dingliani lo ni reng in, a nui sûng lehnghal kei ka phu chiang nasa si "Eheu, hê restaurant -a thawk hmeichhe hoin kan star-rawn heta lo chawl thin ho pawhin an star-hlawm ania,a thlah dawn che maw i lo thawk ve chiah a, i vannei hle mai" a ti a, kan in a hla em alawm ka ti sam et a, "I star-ve lo a mi a hmeltha sia, a fel sia, a thothang a ṭha lutuk, mahse maw dawr chhunga thil fello a hmuh hlek chuan e a hlauhawm lutuk" a tih chuan lu thing pahin Kan boss ber ania kei chuan ka zah ka ti a, Dingliani chu a nui suk a, kan inmangtha ta a, Alex-a pawh a inpeih chiah ka zak ru hle mai kha nu chapo tak nu Sangi a tih kha a chanchin a sawi luam a, Dawr lian tak neitu a lo ni reng a, a pasal lah Eye specialist-a ni bawk a nih chu.


Chupawhnise han chapo em em ka ngei tho tho, "Fapa mal an nei a, an duat lutuk, a graduate-a a zir zawm peih lo kha an cosmetic- dawr bik an enkawl tir daih cosmetic- leh mipa chu e a inla pa ve sia peihlo leh tui lo zet chungin a enkawl" nui vur vur chung chuan a sawi a.


Keipawh ka insum hman lo ka nui huk, Alex-a pangngai taka ka biak vawikhatna. An fapa nen in inhria mi a chanchin i va hre ve? Ti a ka zawh chuan "An lâr alawm" a ti mai a, kan in kan thleng der lawmthu ka hrilh zawh chuan luh mai ka tum chu min lo au leh a, "Lawmawm nu Sangi pasal chuan maw nu Sangi hi a hlau lutuk an ti". A nui vur vur a, ka en zui vawng vawng, a va hmeltha chiang tak a chalsam zawng zawng nen mipa ka hmuh tawhah chuan a hmeltha pawl tak a ni ang.

****************

Tukverh zâwnah ka mut a vangin nî chuan ka mit a rawn chhun chiang hle mai ka harh chiang bawk. Ehe thawh ka hai dar riat leh a chanve maw awi ka tlâi ang tih ka va hlau tak ka tho vat a, choka ka pan nghal a, "Awmi ei ka peih vek tawh ania i chau deuh a ni maw" aw dam diai hian ka nu chuan min lo chhawn a, ka nu aw a nem tehreng nen ka pa thinrim ṭawng lawng lawng kan hre zui tlat "Mapui i nupui chhiahhlawh i nih tawh kha cheng khat pawh i nupui chhungte khan min pe phal a mi" choka rawn pan chung chuan a au lung lung a,


"Zorinmawi i nau Lawmawmi college-zawm theih loh chhan kha i nupui Nunthari te car-man to i hnathawkin i tihchhiat vang a nih kha ngaihdam ka dil pawhin a tam thei ang ber min chawi tir anih kha i nu hrisel lo bawk nen" a ti a, phone-a dah hmak a, ka nu nen chuan kan ngawi dâk mai chawei kan siam a, kan han kil chu ka pa chuan "Awmi unau pahnih chiah ni mahula i u Mapuia hian pawisa khawhral chiah a thiam a vângin college-pawh i kal thei lo a" a ti a, ka pa chu ka khawngaih let zawk viau mai. A pawilo ka pa hna ka nei tawh alawm ka ti a, min chhang tawh chuang lo chaw a bar mawlh mawlh lai chu ka en reng a.


Ka tlâi lo chiah chiah e, Dingliani chuan dawhkan a lo nawt fai mêk a, Alex-a ka zawng nghâl ka hmu mai lo ka hawi kual ka hawi kual a, "Thawk thar nu hawi vual vual lo khan pangpar saw va khawi ṭha rawh" Alex-a tihlohah chuan kan mipa neih chhun Vênsanga chuan tihtur min lo kawhhmuh vat a, Dingliani sawi dan chuan a hming a pu zo lutuk thil eiruk a hrat em vangin vên reng angai a thau bawk a, ei chu a thei hle ang ka ring.


Pangpar chu ka han khawi ṭha a, Alex-a a lo la thleng lo ka ngaih a va tha lo tak ka zawt ngam silo a, "Awi thawk thar nu i khawi zeilo em mai khawi keimân Dingbawihsuki saw dawhkan va nawhpui rawh" Vênsanga bawk chu aw a va han in la thu tak Dingliani chuan dawhkân kan nawhdun lai chuan "Vênsanga hian min bêm reng a, ka ning ania thawhpui te zawng zawng pawhin an hre vek ka zak bawk si ka duh bawk silo" a ti a, ka nuih ringawt; a hmel tha lo ve em a ni thau bawk si.

Dawhkan kan nawt zo chu Alex-a pawh a rawn lut hlawl ka va hlim ru tak "Ka nau dawrah ka thlah lawk alawm le in lo buai em?" A ti a, eisiamna lam a pan nghal a, a va cute-tak Dinglianin mittla lek lo a a en chu ka hmuhhmaih lo nasa Vêna bawk chuan a lo hmu ve a ni chêk ang a rawn kal a," Dingbawihsuk a duh chuang lo che i chang lo i phu bawk lo midang pawhin an star-vek phu tawk hi an awm ve ania entirnân kei ang te" a rawn ti vei hluam a, ten hmel zeta enchung chuan Dingliani chuan "Min phu bik lo" a ti a, a kal daih a, Vênsanga chuan a haw duh lem hleilo a.


Vawiin chu kha nu chapo zet kha lo kal tawh lo se aw hausak hmel deuh deuh ho hi an rawn lut ṭeuh zel. Ka la thawh reiloh nen an khat vek zel buai miin an bawh bawk a, pawl sawmpahnih ka zir lai khan vawikhat chu ka châwl ve tawh a tui lutuk pu Daniel-a dam lai a la ni bawk nen, kha nu chapoi kha rawn kal tawh lo se aw, "Alex-a a awm em Daniels lunch room-neitu hi" dawhkan pakhat aṭang chuan patling tarmit vuah hi a rawn au lauh lauh a, Alex-a chuan a hre phak aniang a rawn kal vat a, an thusawi hriat chakin midang dawhkan tifài pah chuan ka va vei thuak thuak a,
"Alex-ka nupui tawngkam atangin niminah i hnathawk tuiin a lo theh a ni awm a, a aiawhin ngaihdam ka rawn dil che i lo ngaidam hram dawn nia" a ti a, kha nu chapo pasal kha a ni maw a polite-hle mai pa tha tak nupui hlau tak a nih dawn hi ka ti rilru nuah nuah a.


"Ka hnathawk te thiamloh pawh a ni ve ang ka lo hrilhfiah dawn nia" Alex-an a han ti chu ka ner sak mahse, mihring pangngai tan chuan chhân dân ṭawngkam mawi a ni lawi si an inbiak zawh chuan engmah eiloin a chhuak leh daih a,
Alex-a chuan min ko nghâl awi ka hlauthawng reng mai a hmêl chu atûm deuh hmuk niminah chuan hetiangin a awmloh khâ Dingliani pawh a thlaphân hmel lutuk hreh deuh chung chuan ka pan a, Dinglianin min zui bawk a, kan hlauthawng dun nasa Alex-a chuan "Tupawh engtiang pawhin rawn khawsa se lo khin lêt miah loh tur ka pa Daniel-a restaurant hi a hmingchhiat ka duh lo ania" a ti a, kei chuan Alex- engtinmah ka khing let chuan ka tih chuan nui hmêl pu miahlo hian "Ka hria lawm i lo thawh hma pawhin a lo chawl fo a, sawiseltur angah tuman kan sawisel ngai lo i lo sawisel ang tih ka hlau mawle" a ti a, a kal daih a.


Kan thawhuai, Dingliani chuan "Alex-a hi a pa a chhûn a eisiam a thiam lutuk a pa ai a awh a, hmingchhiatna hi chu ho tê ania a hlauthawng a nih kha" a ti a, ka hrethiam lutuk Dingliani chu a rawn nui leh suk a, "Mahsemaw ṭhiannu hetia thinrim silo tum deuh hmuk a a awm hian a cute zual" a ti a, min chum vak vak ringawt a.


"Thawktharnu thleng hi rawn sil rawh le" Vênsanga leh bawk min millo ṭan derin ka hria Dingliani chuan "Ka lo silpui ang che" a lo ti vat a, Dingliani nen hian kan inmil dawn riauin ka hria thleng kan sil dun Vênsangan min rawn hmu leh chu awi ka ning he pa hi "Thawktharnu Dingbawihsuki kha phut ve kher angai a mi kal teh ka lo silpui ang" a thau sia min rawn nek sawn dâwrh a, Dingliani chuan a melh no lo ngang mai kan thawhpui dang te pathum Fâkzuali,Rempuii leh Rohlui chu an lo nui vak vak a, chutah Rempuii chuan "Dinglian chhâng tawh mai rawh" lo la ti zui an han in dem fiam lai chuan ka kut ka hru fai a, buai loh lai tak chuan thlifim dawng turin pawnah ka chhuak a, awi ka phu deuh zawk Alex-a chuan phone-in mi a lo be mawlh mawlh a, a nui vur vur lehnghâl, a bialnu emawni le ka thik rilru deuh tlat rinhlehna tizual turin Alex-a chuan "Ka naute hi ka bulah chuan i pangchang thei si " a la ti zui.


Pawnah pawh ka awm rei peih mai mai lo e a, ka lut daih a, ka mood-hi a inthlâk vekin ka hria a bialnu a ni chiang lutuk ngatinge ka lo thik ve ngawt bialnu te chu nei ve tur alawm Dingliani angin ka star ve emawnile ka duh lo a, Dingliani ka chuhpui theilo harhchhuak rawh Awmi i boss-a nih hi. Ka rilru chu a insual nawk nawk mai. "Kan va tum deuh ber bur ve Dingliani i thik ami Vêna kha i star deuh a mi a" Fâkzuali chu ka bulah a rawn ṭhû a,
ka harh thutin ka hria, awi awi awi a thau si thuduh hmel si ka lo ti hluk a, Fakzuali chu a nui deuh suk "Enteh i star loh chuan maw kan boss- hi star ve rawh awi kan star tawp chang ve dawnlo mahila kan star" a ti a, ka ringhlel bawk nen zawh tawp chu ṭha dawn riauin ka hria a.

Alex-a phone hmang lai ka hmuh thu leh a thusawi ka hriat thu te chu ka hrilh a, Faki chu a nui suk a, "Awi kan boss-hi a va inzep thei em em kan zawt dawn nia" a ti a, ka hrilh kha ka inchhir lutuk Faki a zahthlâk sawilo ang ka tih mawlh mawlh pawh chuan min ngaithla duh lo midang a hrilh dawn a ni chèk ang hmanhmawh deuhin a kal daih a.
Thla a sik tawh avangin tlai dâr liah dawr kan khar ta daih a, Alex-a pawhin min thlah a tum tawh lo. Thawhpui dang te ho nen chuan Vênan car-a ken avangin kan haw rual a, Rempuii chuan "December- a thleng ṭep tawh nia Alex-a nau birthday a hnai tawh kan lawm leh hrim hrim ang" a ti a, Rohlui chuan "Faki a bialnu i sawi chu a rawn hruai hrim hrim ang a, ka thîk ê" a ti bul hmuk a, Dingliani chu Vêna bulah a seat-hmaah a ṭhu tûm hmuk a, a duh ropui sia a thîk lutuk midang ho zawng aipawh hian a thîkin ka hria.

Faki chuan "Single-pawh nise kan chang chuang lo a single-lo hi a lawmawm zawk Ruatpuiin a sawi kha Alex-a hian ṭhianpa chhelo deuh a nei" a ti a, a khi vur vur a, Rohlui meng phawk chiang "Ruatpuiin a sawi tak a sawm ve angem le Alex-a a single-silo a, a ṭhianpa tal tu zawk nge chhelo ang le" a ti a, an nui uar uar hlawm a. Vênsânga lah chuan "In ninawm in lerh si ka Dingbawihsuki ang hian ṭhu ngawi hle hle rawh u" a ti a, Dingliani lah chu a la ngawi reng Alex-a hi a lo atchilh hle a nih dawn hi.

CONT.....


Show post links
Top

[Ngaia]

Alex-a bialnu neih thu ringawt chuan ka beng a verh ka star-ve a nichiang lutuk ninawm ê bialpa nei hman pawhin ka khawsa ngailo hrim hrim ka phu tâwk te chu a hmâ pawhin ka hmu ve mahse, tumah ka chhâng lo Alex-a phei hi chu kan boss- a nih bakah an hausa lutuk phulo tak ka ni star- takngial pawh ka star phak a nilo mahse, ngatinge ka thîk em em le ninawm ka khumah chuan ka tâl vak vak a, ka phone- a ri ka han en chu ka pa maw hmun leh hmunah hello- ka pa ngatinge "Inkhawm i tum lo a mi kan tlai ang a sin tho tlai leh lutuk" phone a dah hmak ka pa chîn dan a ni hrim hrim. Ka tho vat a, thawh vela chaw ei chu a tui duh lo kher mai. Kan inkhâwm ṭawngṭainaah chuan Alex-a ka veiloh nan ka dil ṭhuai thuhriltu thusawiah chuan "Lâwmte chu lawmpui ula ṭapte chu ṭahpui rawh u" tih lai tê chu ka han ngaihtuah a, ni e Alex-pawh a hlim a, ka hlimpui tur a ni kan Pathianthu a ni bawk tiin ka rilru a inbe mawlh mawlh a.

********************

Kârthar lo inherchhuak chu ka mood-nên a inhmeh ve lo Alex-a ka lawmpui tur zawk a ni ka boss a ni ti a phun mawlh mawlh chung chuan ka insiam mawlh mawlh bawk a, kei aiin Dinglianin a tuar na fê zâwk. A hlat tham deuh avang hian nitin auto-hman ziah ngai mai a to thei si, ka thlen chuan an lo thleng leh vek tawh dawhkan pakhat hi an lo kil ṭhap a, mak ti deuh hian eng ngatinge ka va ti hû a, Vêna leh bawk chuan "Awi mitharnu i la hre ve lo tak kârtin thawnṭan niah hian midang lo kal hmain kan ṭawngtai ṭhin boss-a lo thleng ṭep ang" a ti a, Dingliani bulah chuan ka va ṭhu ve sawk sawk a.


Ka ṭhu fel chiah Alex-a pawh Bible-nen a rawn lût thlap a dress-inhmeh zia hi a rawn chhelo uchuak tawp kan lo en ṭhap chu a lâi ve deuh. Bible chhiar leh ṭawngṭaina a nei thlap a, hun kan hman zawh chuan an zâwt châk tawh bawk aniang Rempuii chuan "Boss-kan ṭhiannu thar hian i phone hmang lai a lo hria a i bialnu chu kan hre ve chak tawp" a ti a, phawng phawng mai a, Alex-a chu a kûn a, a nui vur vur a, midang Dingliani tih loh chuan sawi turin an lo nawr ve sap sap a, Fakzuali chuan "Tu maw i naute pangchang chu boss" a rawn ti ve bawk a, ka lo sawichhuak leh kher chu ka inthiamlo kher mai.

Alex-a chu a ding hluaia "In hre chak viau a mi?" A han ti kher a, "Aw" an lo ti rual ṭhap Dingliani chuan ka kut a rawn vuan ka khawngaih bawk si chutah nui eih lo hian "Bialnu nei hmanin ka khawsa reng reng a mi ka naute kha chu ka nau Ruatpuii a nih kha a piancham a thleng ṭep tawh a lawmsak a rawn ngen a nih kha" a ti a, a kut a kuangkuahhmak a, kan thawhuai hlawmin ka hria Dingliani ka melh zeuh thlamuanna hmel ka hmu theiin ka hria Alex-a chuan nêm lo zet hian "Che char char tawh rawh u ka phone hmang lai in lo ngaithla leh a nih chuan in hlawh ka ka ti tlêm ang" a ti a, min rawn melh rulh a. Ka hlauthawng ngei mai hmanhmawh zetin kan tho sang sang a, Dingliani chuan ka hriattham tur lek hian "khawvêlah ka lawm ber ang" a ti deuh chhên a.


Keipawh eng nge ka hriat bialnu a nei lo tih ka hriat hnu hian ka hlim riau hian ka hria kei chang lo pawh Vêna tihloh chu an lawm riau hian ka hria Vêna leh pek Alex-a hriahloh hlan chuan "Awi nei se ka tih nen lungngai ula in lerh te hi a ziaawm ve deuh ang" a han ti leh kher a nula panga ho chuan kan melh rum teh e. Ruatpuii chu vawikhatmah ka la hmu lo Alex-a ang tho a chhelo hi a ni ve angem le; ka ngaihtuahna hi ka va kâwm nasa thei tak chhûn lamah chuan kan buai leh hle mai Vêna pawh tirh tur zawngin kan panga hian min melh kual leh sek tawh eitur tem rûk lah hi a lo hrât tak tak a nih hi sa them a ṭhial lai ka hmu ve ziah.


Mi an thâwl deuh ta maw tihah chuan kan han in eipuar ve a, Alex-a pawh amah chauha ṭhuin phone-a khawih niap niap a, a ṭhut dân te thleng chuan a man vêl vek hmeichheho chu kan ṭhukhâwma Alex-a single-kan lâwm zia hlir kan sawi a tîra sawi duh miah lo kha keipawh a phûr phûrah ka ṭang ve tawh Vêna erawh a pumpui len bîk zia hi kan eizawh vek hnuah pawh a la suah belh Dingliani tân duh ngaihnaawmlo eithei si ṭawngthei si.

"U Alex ka lo kal ania kârleh ka birthday- ni tawh" hmeichhe pakhat chêr sang sam sei ngo lampang hi a rawn lût a, Ruatpuii chu a ni ngêi ang Alex-a chu a rawn kuah bawrh bawrh a, Dingliani chuan "Ruatpuii a nih saw" a ti a, Alex-a nen an han ṭhu tlâng chu an in ang kher mai an hmelṭha dun lutuk Ruatpuii chu a rawn kal a, "Faki te inhmuh a va khât ve" min en a, "Nang chu ka nuin thawk thar a sawi kha i ni maw i hming kha ih" Lawmawmi ka lo ti vat a, nui seih chung hian "Karleh ka birthday-ah kan restaurant-a thawk i ni tawh a, i tel ve thei a nih chu" a ti a, Alex-a bulah chuan a va ṭhu leh a, a birthday chungchâng an sawi dûn melh melh a. Keini pawh birthday inchei dân tur kan han sawi ve a, an han sawi tak tak chu ka ṭhian thar te chu chhungkaw harsa pakhatmah an lo awmlo fanu mal vek an lo ni lehnghâl scooty nei vek an ni tih chu ka hria kan haw rual zan khan Vena car-in kal lamah pawh an lo kal a, scooty an keng peih lo ve hrim hrim tih chu ka hria khami ni khân. Dinglianin birthday-a hâk tur kawr lei tura bazarpuia min han sawm chu ka dinhmun ka hria ka zahpui lo ka sawi hmiah.


Ruatpuiin a lo hre pha aniang "A pawilo ka u hian a lei sak mai ang che ka birthday-ah tumah mâwlmang deuhin inchei loh tur ka duh lo kan restaurant-a thawk i ni tho lawm tiraw ka u" a ti a, Alex-a chu a bu nghut ringawt a, midang ho chuan min thik hmel kher mai mahse, an ti lang ṭha ngam lo Dingliani chuan zâwi tê hian "I vannei thei ê a bulah i bazâr thei dawn nia" a ti a, midang ho pawh chu an lo ner nang nang hlawm a.

******†******†****


Ruatpuii birthday-ni hma chiah chuan Alex-a chuan min rawn sâwm ta ngei a, ka zâm lutuk restaurant-khâr meuh a han bazar dawn mai chu ka hnar ngam bawk silo kan inzui chhuak ta a. A ṭawngtam lo hle mai ka duhzawng min zawt tihloh chu eng dang vak a sawi lo thlan tur thlâwt ka hre lo ahnuah kawrfual dum hi min thlan sak ta tawp a, bun tur te nen lam min lei sak vek chu ka hlim ru riau an hausa ve bawk em a ni.


Mut pawh ka muhil theilo restaurant-ah chuan tikhawp khan min chawkphur peih a, a châng leh a strict leh em em a, vawiinah lêm a ngawichawi leh em em a, hetiang taka mihring danglam hi ka la hre ngai lo a bialnu tur atana a thlan chu a vannei ngawt ang, takin a ṭhianpa chhelo deuh an sawi kha tunge le ka va hmu ve châk e awi nilo ka lerh lutuk a theihloh khumah chuan khi vur vur chungin ka let ka let a.


Zanlamah kan lawm dawn avangin restaurant pawh kan khâr hmât angai dawn. Vawiin chu ka thiante ho hian zawhna an ngah mai kan bazar chungchang min zawt nasa lutuk chu ka hne lutuk Vên pawhin a ning leh tawh a ni chêk ang min hmer tel kher hian "Awi nula awmherhho mitharnu pawh hian maw a chang chuanglo Ruatpuii vânga lei sak mai mai a nih kha ka ten che u" a han ti leh kher a, vawiin chu Alex-a Ruatpuii birthday-nî a nih avângin in lamah a buai deuh a a rawn kal hman lo kan lung a leng tlang hlawm hle.


Dingliani chu ka bulah a rawn ṭhu a, "Ṭhiannu Ruatpuii hian ṭhian a kawm ngai lemlo a Alex-a hian a duat tawp a, keini ho hi a birthday-ah min sâwm ṭhin a ni mai midang a sâwm ngai lo" a ti a, an hausak tehren nen a va mal ve mawle an restaurant-a ka thawh dawn hian vawikhat chu an inah ka lut ve tawh changkang tak a ni. Dâr thum a rîk chuan kan inkhâr fel dêr tawh Alex-a te ina chawei nghal tûr kan nih avângin kan insiam sawk sawk a, ka kawrfual dum chu ka han en vang vang a, nalh ka va ti chiah lem lo tak mahse ka thlang ngam tlat silo a, hmeichhe incheina a hre vak lo a nih dâwn hi. Ka han ha a, mawi ka inti thlawt lo ka nu in min han hmu phei chu "Lawmawm i va thlang thiamlo em em ve a lei dawn anih chuan nalh deuh thlan tur alawm" a la ti zui ka pa chuan an in thleng min thlah a.


Awi ka lut zak lutuk pâwnah chuan ka ding reng a, ka thleng hma bawk si ka kawr a ṭhing si ngawi rengin ka ding a, ka ding rei hman lo hlauh ka ṭhianteho an rawn thlengve nghal min hmuh veleh an ṭe ṭhawt Dingliani chuan " I thlan nge boss-thlan engkim a bam vek mahse, pawilo mai" a ti ringawt a, mi dang ho pawh chu an lo ner leh nang nang tawh Vêna leh bawk "Mitharnu nula vê sî ṭhingi" a han ti leh kher anih kha.


Inchhûng kan lût a an lo fel khawp mai Ruatpuii chuan min en vang vang a, Alex-a a nghawk chawrh ṭhing min ti ve tho anih ka ring tihngaihnaawmtawh hek lo zanriah kan kil zawh chuan cake zai chiah kan bâk ta midang chuan thilpek an lo keng vek a, kalo keng leh pek lo ka pa hian hlawh nei pawh nise ka nu damdawiah a zo zel ka nu hi a hrisel na a pan ve si a, cheng 100 chiah ka la akchhuak zui. Alex-a chuan "Cake-zai hmain ka ṭhianpa nghak lawk ang u" a rawn ti thut ehe aṭhianpa chhelo deuh an sawi chu a ni ngei ngei ang ka ṭhianteho pawh an lo insikru leh nasa tawh. Rei vaklo kan nghak hnu chuan door bell-a rawn ri ral ral a, Ruatpuii chuan a hawn vat Alex-a thianpa anih dâwn ngei hi amah ang tho a chhelo a nih hi mawle "Brandon- ka va lawm i lo kal a, i vawikhat lo kalna" tiin Alex-a chuan a lo kuah nghâl a. Ka ṭhiante ka mitsir zauh an biang chu tomato hmin sen aipawha sen hian ka hmu tlat an lo melh strawberry leh pawp pawp tawh Dingliani melh erawh Alex-a a ni thung Ruatpuii chuan a bânah a chelh nghal a, an inclose hmel fû a ni.

Birthday-lawmna a zawh chuan Alex-a chuan "Thlah i ngâi em?" a rawn ti a, ka zak thlawt.Brandon-a chuan "Ka lo thlah mai dâwn nia hâw tur tho lawm ka nih" a ti a, ka zak ru hle mai Alex-a ang chiah a hmelṭha keimah leh keimah chu ka inten hle mai. Ka ṭhiante chuan thik hmel zet hian min lo melh leh a, a hmel ka en ṭha ngam lo hrim hrim Alex-a nge chhelo Brandon-a ka hrietthiamlo kan inzui chhuak a, a car- lah chu a la nalh em em zui "Tunge i hming?" Ka phu zawk chhân ngaihna pawh ka hre lo "Hming i nei lo a mi?" Khûk ral vek ka va chak tak ka chil ka lem khawlh a, Lawmawmi ka ti thei ṭawk "Alex-bawiha hnuaiah i thawk ve a ni maw ka unaupa ang chiaha ka en a nih kha" a ti a, a ngawi leh daih a.
A vawt bawk si sawi tur dang ka hre lo Alex-a ai chuan a hmeltha zawkin ka hre leh si a rukin in ka insik ka insik ringawt a, Brandon-a pawh chuan engmah a sawi zui tawh lo kan in bul kan thlen chuan hetah hian ding rawh ka ti a, lawmthu ka sawi a ka luh san ta daih a. Ka bag-ka khai a inthlâk loin ka mut chhuak nghal lutuk chu zawng kahthlak ang der ka ni.

*******************


Ka phone ri chuan min ti harh chiang hle mai ka mutchhuak a la reh lo lukham chuan ka in lukhup ṭha leh daih a, a rîk nawn tak tluk tluk avang chuan peih lo deuhin ka han ban a, Dingliani maw

Hello
"Dar engzat nge ri tawh i hria em boss- a lungawilo teh mai ania"
Ehe dar zat kan en chu dar kua mahse dar sawmah kim turin min ti thin sia
Dingliani chuan phone a dah nghal daih a. Engnge dik lo awm le ka hrethiam lo ka insiam sawk sawk a, chaw pawh ei lo chuan ka kal ta nghal a.

Ka va thlen chuan an lo kim vek Alex-a chu chair-ah bawp khawkherh meuh hian a lo ṭhu a, a man lutuk mahse a meng no lo nasa mai ṭi dêkin midang ho chu a sîrah an lo dinga, an inmelh kual hrek hrek hlawm a, Alex-a hmaah chuan ka ding a kun ngâih chung chuan ka tihpalh dar sawmah kim i ti sia ka ti zawi sap a. Alex-a chu chair-aṭang chuan thoin a vei sek a, ka hawi chhuak ṭha ngam lo Angel-ang mai kha tunah chuan a pawi kan sawi a ang khawp mai nizanah kan hlim em em a, eng nge dik lo ang le.


"Lawmawm" ka phu nasa mai Alex-a chuan ka kun ngaih chu min rawn kuai van va dak a, a sang bawk a ka chhoh en hâ mai ka maimitchhing tawp a meng no lo sia ka hlau reuh lutuk a kut a la sawn a, a vei leh thauh thauh a, "Nizan group-a ka rawn sawi kha i hmu ve lo a ni maw dar kaw hma a kim vek tur ka tih kha" a ti a, rang lutukin ka phone-ka en ka mutchhuak lutuk kha engmah message ka lo en lo hrim hrim Ka tihpalh tiin ka phun leh sep a.


Alex-a chuan kut a kuangkuaha "Nizan khan ka naute bengbeh a bo hlauh mai a midang tumah a sawm silo a nangni tihloh ka ring em em che u a in la lo ang tih ka ring bawk mahse, ka rinloh phawt che u angai" a ti a, bengbeh bo maw mahse kei chuan ka la miah lo. Vêna leh Dingliani leh Rohlui chu an hna thawk turin a ti a, kei leh Faki leh Rempuii chu min din tlar tir a, chutah le ka beisei loh thil a thleng ta Alex-a chuan Rempuii chu a en a, "Lawmawmi a ni tih i chiang maw" a ti a, engtin a keimah min puh an tum emawnile Rempuii chuan min rawn en a, "Fakin min hriatpui" a ti chiah chu eng nge in pawi ka sawi a, ka thiante in nih kha ka pa hlawh hi tam viau lo mah se ruk ka ru ngai lo ka ti hlawk hlawk a, ka insum hman lo Dingliani te pawh an thiltih lai dahin an rawn kal nghal mak an tih hmel khawp mai.

Fâkzuali chuan ka bag-ah lai chu min rawn laksak a, "Boss-nizana a ah chiah chiah kha a nih hi" tiin a chhung a zen a, bengbeh ngei chu a rawn la chhuak ta mai Alex-a chuan rum em em a min melh chung chuan "Ka nâu ta ngei a nih hi" a ti a, ka lu ka thing a ka ru lo midangin ka bag-ah an lo dah ka ru lo ka ti a, ka ṭap vak vak bawk a, Dingliani pawh chuan "Boss Ruatpuii pawhin a lo dah palh a ni thei a Awmin ruk a ru lo ang" a ti lawm lawm a, nizânah Khan ka bag chu reilo te thutthlengah khan ka dah a, ka haw hnuah check-loin ka mut san a ni si a. Vena lah chuan "Mitharnu i lo va tenawm ve in la fel em em a" tiin a rawn dak zuah zuah a, ka insawifiahna a beitham hle mai Alex-a chuan "He restaurant- hi theihnghilh la rawn lét tawh suh thubuai ka siamsak lo mai ang che" a ti a. Ka ruk loh thu vawi sawmsarih pawh sawi ila Alex-an a awihlo Rempuii leh Fakzuali thiltih a ni engvangin nge min huat thut le ṭap chungin ka chhuak nal nal a.


Hna ka hmu ve chauh a, rukruah min puh nghal a, ṭhian ṭha tak an ni si a, an awmdan hi ka hrethiamlo ka ṭahna ka mit te a bui vek muangchangin ka kal a, ka phone-ri pawh chu ka ngaihsak peih lo a rík nawn zin ém avang chuan ka han en hram a, ka pa maw ka beng bulah ka dah vat a.

Aw ka pa eng nge ni ta.
"Damdawiinah kan awm lo kal vat rawh civil-ah"
Ka nu em ni? A hrisel ṭhalo tih chu ka hria mahse damdawiin lut tur em chuan...
"Lo kal vat mai rawh"

Phone-ka dah a, ka hlauthawng lutuk autorickshaw-ruak lo tlan chu ka phar ding thuai a, rukruah min puh a, ka hnâ ka chân a, ka nu leh zel a ni theilo eng nge ka tih tak ang ka mittui chu a parawl ṭeuh mai.

Damdawiin kawtah chuan ka u a lo awm a, ka nu chu engtin nge a awm ka u chu ka chelh a, ka thaw hlawp hlawp a, ka u chuan ngawi rengin min hruai lut a, ka nu nikhawhrelo a khumah a mu ka hmuh chuan ka insum theilo vawiin lama ka thil tawn nen ka mittui hi a luang zawih zawih a.

Ka pa chuan min en a, "I nu puan zâr tur pawna a chhuak chu a tlu sual a, thenawm nu pawnchhuah lai tak lo ni bawk nen min rawn phone vat a" a ti a, doctor-rawn lut chuan a harh hun hriat theih a niloh thu a rawn sawi chuan ka phu deuh zawk ka u lah chu a ding ngawi reng a. Nikhawhreloa a awm miau avangin tih theih kan nei lo rilru na tak chungin kan hawn san ta a.


Show post links
Top

[Ngaia]

Ka nu ka ngaihtuah hle mai engtikah nge a harhchhuah leh ang rilru hah naklaiin rukruah min ngai nghet tlat tawh awm si a, ka ṭhiantha an ni emaw ka tia ni reilote chiah ka la thawk a, engvangin nge Rempuii leh Faki khan rukruah min puh le Ruatpuii bengbeh kha ka ru lo ka bag-ah an dah chawp tih a hriat reng Alex-a pawh ka hmu ngam tawh dawn em ni eizawnna dang dap leh ka ngai awm si a ka rilru a va hah tak.


Ka nu damloh avang chuan ka tho hma a, restaurant-lama thil thleng ka pa ka hrilh ngam lo eirawngbawl pah chuan hna dang ka thawh theih mai tur ka ngaihtuah neuh neuh a, restaurant-aṭanga min ban kha na ka ti viau lo na ka tih ber zawk chu rukru a min puh kha a ni. Ka rilru na lutuk chu sawi ngaihna pawh ka hre lo "Chawei i peih tawh em ka tlai dawn ania i nu pawh ka tlawh hman lo ang" ka phu deuh zawk ka pa chu a lo insiam diam tawh a.

Kan pahnih chauh ei tur te chu ka peih fel tawh e, chaw ei ka siam a, ka pa chuan "I nu ngaihtuah lutuk lo la i hnaah chauh i rilru pe ang che" a ti a, ka hnuk a ulh deuh tlat ka ṭap ngam silo ka pa chu kal tawh se ka ti ngawih ngawih ka mittui ka dang zo lo ṭep a ni. Ka pa in engmah a hre lo maw Alex-a te chhung hi dak thei zawk zawk an nilo a ni mahn.

Ka pa a chhuak chiah chu ka insum zo thlawt lo ka ṭap hlawp hlawp a, engpawhnise eng nge maw tal thawh tur ka zawn angai a ni. Dingliani takngial pawhin min lo be lo chu ka rilru a na kher mai chhuah tum a ka insiam lai chuan kawngkhar an rawn kik a, tunge ni ang aw tun ang hunah tumah an lo kal ngai silo a, ka va hawng chu ka meng phawk chiang kher mai Ruatpuii maw engmah pawh ka sawi theilo ka ngawi reng a.

Ruatpuii chu ka en ṭha ngam lo ka kûn deuh tlat a, "Lut turin min sawm dawn nang e" a aw ki chu a pangngai reng hamhaih deuh hian lo lut rawh ka ti a, keimahni in zawk ni si ka inkiltawih khawp mai ka rûk nilo mah se zâmna riau ka nei ka ding zum zut ringawt a, Ruatpuii chu a han hawi kuala, "Rûkru duh tur khawpa tla bal in nih loh hi le" a han ti mai chu ka zak khawp mai.

Ka chhâng ngam chuang lo Ruatpui zawk chu a ṭawng leh a, "Lawmawm, i rûk a nilo tih ka hria lawm vawiinah Rempuii leh Faki inbe lai ka phâwk a" chu thu zet zawng ka hriatin ka hawi chhuak ve ngam ta ka âng zuau hman thil dang a rawn sawi leh a, "Ngaihdam min dil nasa sia ka u engmah ka hrilh lo mai thawk hmasa an lo ni bawk nen hna dang i zawn mai angai ang" a ti zui a, nilo a theihloh ka thawk ṭan ve chauh a Ruatpui Khawngaihin hetiangin ti lo hram rawh ka ngen lawm lawm a.

Ruatpuii chuan ka mit taka min en chung chuan "I ru lo tih ka hriat hi a tâwk ka û in thil awmdan a hriat chuan engkim a buai vek zawk i thawhna a la rei chuang lo a, hna dang zawn nan khua a la tlai lo" a ti a, a chhuak daih a, Ruatpuii awmdan chu mak ka ti hle mai Alex-a nen an inang thlawt lo Alex-a hrilh ta ila an unau inkar a ṭhatloh phah ka hlau si ka inhûm ruh a, Rempuii leh Faki aia chungnung nih chu ka tum ta zawk a.


Alex-an rûkrua min ngai kumkhua tur chu ka ngaingamlo ka rilru a na kher mai thingpui dawr chhete talah ka thawk thei mahna ni e Daniels lunch room kha chu ka tân a sang em a ni. Ka chhuak tawp a, khawi dawrah ber nge ka kal ang ka hre lo. Bazâr pui ber thleng chuan auto ka hmang a, a la tito em em zui cosmetic dawr lian ve pangngai tak bula thingpui dawrah chuan ka lut tawp a, a lian lem lo hle mai ka thawhna hlui ngaihtuah chuan te tak te a ni hmeichhe pahnih chauh an lo awm a, pakhatin thleng a sil a, pakhatin chhang a lo kang bawk a.


Thingpui no khat ka lam ringawt a, an la inphût ve ve zui rei fê ka nghah hnu chuan thleng sil zawk chuan "Ninawm" ti pah hian bêl ung lampang deuh ami chu a rawn bun a min rawn pe a, awi an thingpui hmêl mawiloh dan em em chu a dâi bawk si lem khat ka lem a, ka luak a ti chhuak a rûkin ka paih vek a man ka pe a, chhuah mai ka tum chu rilru dang ka nei tlat eisiam lamah kher chuan ka nû ka chhûn a ka thiam pangngai ve reng hla deuh mah se a pawi ka tilo.

Chhang kang mek hnenah chuan thawktu an indaih leh daih loh te zawtin thawh ve ka dil tâ ringawt a, a chhang kan lai chu dah in "Ka cousin-hi taima deuh chu nise kan indaih ang thleng sil chhawktuah i tlak mai ang" a ti a, ka lawm khawp mai naktuk aṭanga thawk ṭan tur chuan kan inbe fel ta a.

Chu thingpui dawr kawngkhâr bulah chuan ka dinga ka hawi vang vang a, Lalpa ka lawm e tiin ka phun sep a, ka kal tur han hawi vel chu ka mur chhak hian ka hria he thingpui dâwr bula mi chiah cosmetic-dawra lut chiah kha Brandon-a niin ka hria, hriatchian ka châk em vang chuan ka lût ringawt a, a chhûng lah chu a fâi em em lehnghâl nula pakhat hian min lo be vat a, "Ṭhiannu lo en rawh kan cosmetic zawrh hi dawr dang aiin a ṭha bik ania India product leh Korean product kan nei a khawi zawk nge i en duh ang" a ti a, a ṭawngkam a felfai khawp mai nitin a sawi ṭhin tih a hriat reng.


Ka lut laklawh tawh bawk si Korean product-ka ti ringawt a, nêm leh fiah tak hian "He lamah lo kal rawh" a ti a, ka zui ve mai a, ka hawi kual Brandon-a kha ka va hmu lo em em a lut chiang a ni. En te chu a har hleinem ti chungin ka han lek kàng chhin vel a, lipstick-te chu ka han hawng chhin a, kha nula lah kha a kal daih bawk si. an cosmetic-chu a sawi ang takin a ṭhat hmel hlawm hle mai lipstick-pakhat chu ka han hawng a, a sen duk maw ka rawng duh chi tak "I hmui nen a inrem meuh ang maw" ka phu deuh zawk Brandon-a chu ka hnungah a lo ding a.

Ka zak lutuk lei pawh ka tum lo ka en mai mai eng nge i tih ve dawn a? Tiin ka zawt deuh phawng a, a nui tawi taka "Alex-a hnuaia eisiam atan chuan i uiawm deuh a ni i lipstick-ken lai kha ka lo lei sak ang che" a ti a, ka lai bawk si ka zak bawk si, ka ngawirenga "Hmeichhe innocent-tak i nih dawn hi" a ti a ka lipstick-ken lai chu min lâksak a a kal daih a, awi engmaw ka harh thutin ka hria ka um nghal a, lipstick-chu a lo pack-mek a, Brandon- ka lawm e tih bak ka sawi ngam lo.

A bula nula chuan nui vur vur chungin "Boss- i bialnu a mi a, a hmelṭha reuh hle mai" a la ti zui ka bialpa chu sawiloh a ṭhian pawh ka ni phâk tawp silo a, engtin maw he nula hian a sawi boss-a eng nge a awmzia chu nula chu ka en vat a, Brandon-a chuan engmah a sawi lo lipstick-chu min pe a, kal mai ka tum ka hrethiamlo lutuk chu engmah sawi nachang ka hre tawh lo "Alex- bawiha hnuai a thawk i ni a, kei hi he cosmetic-dawr neitu Brandon-Laldinpuia ka ni e" dawr neitu a, ka hawi let a, a lo nui suk a, ka zak lutuk chhuah ka tum chu awi kha nu kha tuia min theh tu kha ka hma takah a lo ding "Nang hi nula zeilo zet kha i ni maw kan dawrah te eng nge i lo tih a, min rawn dawr ve ngei tihna a mi" a ṭawng no lo khawp mai Brandon-a chu a lo inrawlh nghal a, "Ka nu min dawrtu te khatia biak tur em ni Alex-a restaurant-a thawk a nih hi eng nge a tihsual?" A ti a, engtinmaw he nu zaktheilo hi Brandon-a nu maw.


Alex-a pawhin a hre ngei ngei ang mahse, min thlah ṭum khan a ṭhianpa a nih thu pakhatmah a sawi bawk si lo a, Brandon-a nu chuan "Alex-a restaurant-a thawk te hi an zeilo hlawm em mai Daniel-a damlai a thawk tu te an tluk lo dawhkana ka tui intur a nek baw vek ṭep alawm, a bângin a hmaiah ka theh a nih kha" a ti vei pang pang a, ka zak lutuk chu ka chhuak daih a, Brandon-an pawr zet a, "Ka nu i chapona hi dahtha rawh" a ti chu ka hre phak chiah chiah. Mi hausa ho hi hnaih vak lo ila a him zawk Brandon-a kha min la hrechiang awm tawp silo a, Alex-a dawra ka thawh vang ngawtin min leisak ani chiang mai tunah phei chuan ka thawk tawh lo.

In ka thleng chu ka lipstick-thar chu ka en ngawih ngawih a, rs 200 man lek te chu Brandon-a tan chuan tlâwm tak a ni. Kha nu rapthlaki kha Brandon-a nu maw an mizia a va han inang lo tehreng. Hna thar ka neih tawh avang chuan tlêmin ka hlim deuh ka nu hi eng nge a an ang le aw damdawiinah naktukah kal pahila a ṭha ang Alex-a hi a la thinrim reng angem le a nau Ruatpuii awmdan kha mak ka ti tâwp theilo.

Ka pa in min rawn call a, ka chhâng vat, "Chaw kan eikhawm dawn a, nangmahin lo ei mai ta che" a rawn ti a, ka va peihlo tak mahni chauha chaw ei a tui duh lo si nitak Dingliani kan be teh ang min ṭan ber tu alawm a nih.

"Hello, Awmi i ṭha em i tello chuan a nuam thlawt lo"
Chaw lo ei rawh keimah chiahin ka awm.
"Tehreng, sawipui tur che ka ngah lutuk"

Phone-ka dah a, kan in chu a rawn hrethei mai ang eng tak rawn sawi ang maw Alex-a chungchang ka zawt dawn hrim hrim. Alex-a dp chu ka en vang vang a, ka number-a save miahlo a status pawh ka hmu ngai lo a, ka status a view ngai hek lo a dp-ah chuan kawr eng a hâ a, mawi lutukin a nui a, a chhelo takzet a ngo bawk si chalsam a han ti tla deuh ngei bawk a, man tak a ni.


Kawngkhar a rawn in hawng rawk a, ka phu deuh zawk Dingliani chu a rawn tûm deuh bâr a, "Christmas-a hnai tawh si a vawt bawk si i awm bawk silo nun hi a ho vek" a ṭhu tau sawk a, Dinglian engtin nge kan in i rawn zawn hmuh ka tih chuan min en a, tûm deuh bâr kha a rawn nui seih a, "Awi ṭhiannu i awihlo zawk ang kan inbiak lai khan boss-ka bulah phone-a khawih a,min lo thlah ngei" a ti a, Alex-an a lo thlah a maw Dinglian ka ru lo tak tak nang chuan min ring tiraw ka lo ti nghal bawrh bawrh a.


Dingliani chuan min hriatthiam hmel khawp mai min kuah thuak a, "Rempuii leh Faki vek kha lawm boss-in a duhsak bîk che ah an ngâi a Ruatpuii bula an inpuang kha ka hmu lawm" a ti a, kan in a Ruatpuii rawn kal thu vel chu ka lo hrilh ve a, Dingliani chuan "Boss Alex-a chu a mizia a dang tawh lutuk a man tho na in Angel-ang mai a ni tawh lo a nui khat tawh bawk" a ti a, ka hnual rawih mai.

Dingliani bawk chuan "Ka ring em em che a, chuvangin thurûk ka hrilh ang che boss-hi chu a fel lutuk a, mahse a hnuaia thawk te hi a rûkin an che tenawm teh ania" a ti a, ka meng phar awn awn hian ka hria che tenawm a eng thuruk nge awm ang le. Dingliani chuan a sawi chhunzawma "Nang chu ka la hre lo na a,a bak hi chu ei siam thiam tak vek kan nia nang chu a behbawmah i la awm a, i ei siam thiam leh thiamloh ka la hre lo thudik hria pawh nise boss-hian an restaurant-hming ṭhat zel nan a bân ka ring lo" a ti a, a hnual ruih a.


Ka hre châk telh telh ka zâwt lui sek a, chutah Dingliani chuan "Rempuii leh Faki hi pawisaah an rinawm lo lutuk hlep ruk an ngah lutuk an chapo bawk a rûkin tenawm lutuk Rohlui leh Vena pawh kha inngaizawngloin vawi tam an mu dun tawh Vena khan min duh tak tak lo min mutpui a duh vang mai mai a nih kha" a ti a. Dingliani thusawi ka hriat chuan mak ka ti khawp mai mi fel tak anga lang te pawh arûkin an lo va mak ve.


Kei mistiri-fanu ve mai hian engmah ka va han hrelo em em ve mawle mi ṭha tak vekah ka lo ngai a, engpawhnise rukruah min ngai tho tho tawh ka ti a, Dingliani chuan nui suk chung hian "Awmi kan boss-hi i duh tiraw ka â miah lo ania i awmdanah a hriat vek" a ti a, hamhaih deuh a en chung hian "Ka duh phâk a ni hleinem bakah kan phulo lutuk rukruah min ngai lehnghâl ka ti bah nawk nawk a.


Dingliani chuan "Ka duh viau a mahse, i duh tih ka hai bik lo rukru-ah angai che hi ka thin a rim a, a duh ngei theih nan che hma ka la ngam" a ti a. Ka thinlung hian Alex-a hming a rawn ri nawn tluk tluk mai ruk ka ru lo tih hria se ka duh tawk ka rawn thawk tawh lo ang thawhna dang ka hmu ka ti a.
"Tak tak maw khawiah i va vannei em em ve kan boss-chu a inchhir ngawt ang chaw ei ang ka ril a ṭam" a ti a, a tho vut a.


ALEX POV*


A hmêl pawh a ṭha a fel reuh khawp mahse, tupawh an pawnlam lan dan aiin an rilru awm dan hi a lo pawimawh a nih hi ka rilru chu a buai khawp mai ka nau bengbeh a ru ngam chu ka thin a rim bawk si dawhkân chu ka chum chawrh a, "Ka u ngaihtuah buai vak duh suh ka ngaidam vek tawh alawm tuna thawk lai te hi kan restaurant-hming ti tha tu te an ni detective-atan pawh an lo ṭhat hi" Ruatpuii chu ka room kawngkhar ngheng chung chuan a lo phun ve mawlh mawlh a.


A pa kha kan hnathawk a ni tiraw ka nu bulah sawi angai ani ka ti a, chhuah ka tum chu ka banah Ruatpuii chuan a chelh a, "Ka u hrilh duh reng reng suh hetiang mai maiah ka nu a inrawlh angai lo" a ti a, a dik na chen a awm mial mahna le, ka lu ka bu nghut a, restaurant-lam ka pan ta a.


Ka han lut chu a reh ruih hian ka hria ka han hawi kual a, Lawmawmi hmel hmu turah hian ka inngai tlat ruk a ruk avangin keimah ngeiin ka ban chu a ni si a le Alex-mipa i ni lawmni i rilru a diklo buaipui tur i ni lo tiin keimah leh keimah ka inbe mawlh mawlh a, rukru alawm a nih le ngatinge ka ngaihtuah ngawt ang ka hnuai a thawk lehnghal tunah phei chuan ka ban tawh ka kut ka hum ruh a, "Boss-tu emawin a hmu duh che ania table-7 ah ṭhu" Faki chuan min lo hrilh a, tu in maw? Hmanhmawh takin ka kal phei hlawk hlawk a, Brandon-a lo ni reng chuan ka thaw huai ka rilru buai nen.


Nui sûng chung hian "Alex-bawiha lo ṭhu vat teh sawipui duh che ka nei ania" eng tak ni ang maw Faki ka ko a, coffee-ka lak tir a, in pah a sawi angai Brandon-a hi a hranpa takin thil min sawipui turin a lo kal ngailo a pawimawh aniang "Alex-ka best friend-i ni a, naupan lai aṭanga inkawm tawh kan ni a, ka hrilh ngei ngei che angai" a ti a, coffee-a han lem khalh a, a nui deuh sûng reng chuan ka mood-diklo a ti ziaawm deuh. Sawi vat teh ka hre châk ania tiin ka tur sek a, "Hmeichhia hi ka ngaihsak ngai miahlo ania mahse, kha hmeichhia kha chu a danglam bikin ka hria" zawi sap hian a sawi a.


Ka coffee-in lai ka phuh teuh lutuk ka hak deuh chu ka hnungah a rawn chum dawt dawt a,"Fimkhur ta che mawle mak i ti viau a mi hmeichhia ka ngaihsak ve ta chu" a ti a, mak pawh ka ti hranlo e a, ka nui tawi tak a, zawi sap hian ka hriat zawng anih leh nihloh ka zawt vat a, "I hre khawp mai i restaurant-a rawn thawk thar a hming kha ih Lawmawmi a hmel kha a ṭha reuh sia a mak lutuk min hip tlat" ka meng phawk chiang khawp mai Lawlawlawmawmi maw Brandon- nang hi ka mood-diklo a reh dawn emaw tih naklaiin a zual sawtin ka hria.


"Ngatinge, hmeichhe duh ka nei chu pawi vak a mi" a tih chuan rang zetin aw pawi lutuk pawi tak a ni ka ti vat a, a hriatthiam loh hmel kher mai "Alex-kawng engkimah kan in support-zel thin a, hmeichhia i duh khirh vang maiin ka rilru ka thlak theilo ka vei ngawih ngawih" a ti a, min en reng a, hmeichhe dang zawng zawng zingah Lawmawmi berkher sawi tur a vang duh khawp mai ka thianpa ania a duhthlannaah thu ka nei bawk silo. Ka chil ka lem khalh a, ṭhianpa kan inkarah tumah an inrawlh ka phallo ka bulah awm reng theila midang min chhaisan suh ka thik em mai ka ti ringawt a, ka ṭhutna aṭangin ka tho daih a.


Min rawn kuah nghâl, nui vur vur chung hian "Lallianmawi thildang vang emaw tih naklaia mipa leh mipa chu inthik awihloh i best friend-ka ni dawn tho alawm khawi a number-chu" ka neilo Dingliani dil rawh tiin a kut ka la thla a, ka kalsan daih a. Lawmawmi nen kan inhriatna a la reiloh tehreng nen ka duh a ni chiang mai Brandon-an a duh thu a sawi khan ka thik deuh tlat a ni min mawlhtu eng nge maw tak a awm a ni; Rukru mahnise ka ngaihdam a, hetah ka thawh tir leh loh chuan Brandon-an a chhai thluk mai chu ka hlau rilru ta hle mai.


"Brandon-a khan Lawmawmi number-min dil a, an dawrah ba a lo nei emawni ka pe a nia Boss" Dinglianin a tih chuan ka nui suk a, dawr ba maw aw ba a nei alawm ba ba ba, ba buah a inziak ka vir kual vel a, ka kal daih a. Brandon-a hian Lawmawmi a duh a ni tih hi lantir a duh rihlo ani maw engvangin nge ka thik em em le Lawmawm i hmelthat vang nge ka hre lo rukru mahnila ka iai tlat lo che hi ka â ta emni le Brandon-a kher duhtu i nei erawh lawm a har duh khawp mai.


Chaweikhamah chuan Ruatpuii nen chuan TV en pahin thingpui kan in dun a, a sir zawng chuan ka en reng a en lai chu hmuhnawm a tih hmel kher mai, a bengbeh rutu ngaihdam duh hmel chu pu mah se ka hrilh mai ngam lo ka en deuh reng lai chuan a rawn hawi thut keipawh ka phu zawk "Ka u engvângin nge min en reng a?" A hmel a han ti sawi kual vel a. Pawilo hrilh tawp mai ang naute i bengbeh rutu Lawmawmi kha ngaihdam i duh em? Kan indaih silo a, ka han ti dek dek a, "Ngaihdam maw ateuhlo bakah rukru kan restaurant-ah a thawk leh ang maw ka u fel lutuk duh suh ka TV en pawh ka tui tawh lo e a" a ti a, room-ah a lut daih a.


LAWMAWMI POV*


"A tui lutuk Soup-siam i va thiam ve" ka thawhna thar thingpui dawr neitu Chhani chuan min fak khawp mai ka hlim ve lutuk dawr tereuhte mahnise ka phu tawk chiah alawm le phur takin ka soup-siam te chu ka han chhawp a, mi tlemte rawn chawl te pawh in min han fak liam liam chu nuam ka ti ve lutuk. Dar hnih velah chuan Chhani leh a cousin-Remruati nen chuan ka soup siam chu kan in a, "Soup-a tui lutuk an tia khawi maw" a aw chu Brandon-a ni chiang lehlam ka hawi nghal nizanah min rawn be hlawl a, an cosmetic-kha a ba pawhin a lak theih thu min rawn hrilh a, ka mamawh tawp silo a.


Chhani chu a tho thuai a, "Lo ṭhu rawh kan chhawr thar hian a siam tui lutuk a thiam bawk a" tiin a chhawp vat a, Remruati chuan min rawn hrilh ru "Hepa hi kan dawr bula cosmetic-dawr neitu fapa Brandon-a a nih hi a hmeltha rapthlak ka star-tawp" a lo ti, awi ka hawichhuak ngam thlawt lo Brandon-a chuan "A tui viau hi nitin dawrah in lo dah thei ang em?" A ti a, Remruati mai mai chu ka ngei lutuk "Lawmawmi siam a nia kan pahnihin kan lo dah ṭhin dawn nia" ti leh kher ka hming lam kha angai emawni .


"Lawmawmi a khawi maw Soup-siam thiam chu a hmel ka va hmu duh ve" Brandon-a chu a rawn kal hnai ta nge nge a, "Nang hi hetah eng nge a awmzia" min en reng a, ka zak bawk si. Remruati leh Chhani chu an lo ka ho mai "In inhria maw" an ti rual ṭhawt a, kum tam tak min hre tawh ang mai hian ka banah min kai a, min chhuhpui a, a chak sia kei sa pa tha neilo chuan ka hneh teuh lo. Pawnah chuan kan ding dun a, "Alex-bawiha hnuaia thawk kha i ni lawmni engvangin nge hetah i thawh daih a?" Rukrua min puh thu ka sawi ngam silo mim sawm tlata heta thawk tur hian ka ti ta ringawta, Thle deuh ngât pah chuan "I â hle mai Alex-a hnuaia thawh hi hmeichhia zawng zawngin an chak ka hnuaia thawh an chak ang bawkin " a han ti kher a.


Ka phone-a ri min lo hrethiam lawk ehe Alex-a maw ka lungphu chu a rang nghal lutuk ka en reng ringawt a, a ring ral vek thleng chu ka keng reng ringawta, Brandon-a chuan mak tih hmel zet hian min en reng a, ka phone chu a rawn ri leh ka la chuang lo Brandon-a chuan a rawn bih "Alex-bawiha maw la ta che la vat rawh" ka harh zawkin ka hria ka la ta nge nge a, Hello-eng nge ni ta a? "Lawmawm, ka nautein a ngaihdam thu che min hrilh tawh a, naktuk aṭangin rawn thawk leh rawh" an restaurant-thawh leh maw sawi tur pawh ka hre lo ka ngawi reng a, "Ka ṭawng i hria em kan ngaidam che anih chu" a ti leh a, Alex-a hmel nitin hmuh chu châk hle mahila Chhani te ka phatsan thei tawh bik lo.


Boss-Min hrethiam rawh ka theilo ka ti a, phone-ka dah hmak a, "Eng nge a sawi" Brandon-a chuan min zawt vat a, ka mittuia tla ṭep insangmarin khawi i soup man 80 thu dang ka sawi daih a, nawi leh thar zet hi a rawn phawrh chhuak a, "Alex-a ka zawt tho ang hmeichhe mak tak i ni Alex-a restaurant-a thawk te hian ban an duh ngailo" a ti a, a kal daih a, Alex-tiin ka phun sep a, ka lut ve ta a.


Show post links
Top

[Ngaia]

Alex-a hmel hmuh châk hle mahila ruk ka ru lo pui min puh lui tlattu te hmel hmuh ai chuan ka thawk tawh lo zawk mai ang ka ngai pawimawh duh hlek lo a, ka thawhna thara kal leh tur chuan ka insiam mawlh mawlh a, ka pa pawh a hnathawh kawr a inbel vek tawh vawiin chu ka nu ka tlawh pah ang tihian a nikhawhreloin a mu ringawt mai chu a ni sia ka pa a chhuah hnu chuan ka chhuak ve ta a.


Alex-a restaurant-kan tlan pelh lai chuan ka mitthlaah Alex-a hmel ringawt chu a rawn lang a, ka duh lo tiin ka pha thei ngawt tawh dawn em ni le. Ka thlen chuan Brandon-a a lo ṭhu reng min hmuh velah "Soup-lalnu maw i lukhum kha i inhmeh lutuk soup-ka lo nghak ang e" a ti a, Brandon-a hi eng nge a hriat le ka ding ngawi reng a, "Lawmawm siam vat ta che" Chhani chuan min rawn pawt dawr dawr a.


Hepa hi ka hrethiam thlawt lo soup ka peih hma chu a ṭhu reng a, a phone-a khawih mawlh mawlh a, Remruati chuan ka bulah chuan "I soup-siam thiam hi chu kan chhawr mang e Mengmawitea a lo chawlh ve phah a" a ti a, min sik nawk nawk a, a na nia sawpa aia chhelo saw ka hria Nuimawitea a ni ve thung sawpa saw chu a nu ka ngei ania" ka ti zâwi sap a, Remruati hi a lerh hle a nih ka ring"Nuimawitea chu tunge i chhas a mi ka hmu ve chak a chhelo zawk maw" a ti su su a, a rûkin kan nui kur kur a.

Chhani lah nula senior-tih takah a zam lo ham ham khawp mai Brandon-a chu a lo be siam siam a, Brandon-a hmui ti sawi kual vel ka hmuh chuan ka nui ring thut a eilo lutuk hmel chuan ka nuih a ti za an rawn hawi thut chu ka nui tawp chiang Brandon-a phone-a rawn rik chuan a chhuak daih a.Chhani lah chuan min tur sek lehnghâl khâwl ka ni bik hleinem le ka ning lutuk nula senior-hrawn hi a ninawm dawn a nih hi.


Remruati lah chuan Nuimawitea chungchang chu min zawt sek a, ka mitthlaah Alex-a nuihmawi zia leh nui hmel a pu reng lai chu a rawn lang zuai zuai a, nui sang chunga amah dawr tu te a be lai te kha ka ngai ngawih ngawih 'Daniel Lunch Room' neitu Alex-a saw Nuimawitea chu mawle ka tih chuan a lo hre nasa khawp mai "Hmm, kan thingpui dawr a luahlan vek Brandon-a hi a hmeltha fe zawk" a ti hluk a.


Brandon-a rawn lut chuan min melh zawk a, soup-pawh ka peih tawh bawk a, Remruati chuan phur zetin a va pe a, a lâi hmel chuan Brandon-a mit a la lo kher mai a hmui a ti sawi leh nawk zel. "Alex-kan thingpui dawr te lutukah te eng nge i rawn tih dawn a" ka phu zawk ka hawi chu Chhani leh Alex-kawngka bulah an lo indinchilh reng Brandon-a chuan a bula ṭhu turin a lo sâwm vat a, Alex-a chuan ṭhu pahin ka soup-siam a la lam ve zui.


Pêk loh chi ni hek lo ka suak a, ka han pe a, ka kal mai tur chu ka banah min chelh a, ka thinphu hi a rang lutuk ka sen awp awp dawn hian ka hria. Ka han hawi let chu an pahnih chuan min lo en reng a,"Ṭhu lawk teh" Alex-a chuan a ti a, ka zak nge ka zâm ka hre bik lo ka ding reng a, bo daih ka châk rum rum "Alex-bawihan ṭhu teh a tih chu" Brandon-a chuan a lo ti ve bawk a.


Ka ṭhu a, ka hawi chhuak ṭha ngam lo "Ka sawi kha i hre lo a mi lo thawk leh rawh hei soup-siam i thiam tih ka hre chiah a, a tui viau ang chu" tiin Alex-a chuan a hawp a, a meng phawk nghal thut vawikhat a han hawp leh a, min en vang vang a, Brandon-a a en leh a, a mittui tling chu ka hmuh hmaih lo Brandon-a en chung chuan "My Sunshine" tiin a phun sep a, Brandon-a chuan hriatthiam hmel taka en chung hian "Ka hre daih tawh alawm chuvang alawm i buai chung chung pawh a ka koh chhuah che" a ti a.


Chhani leh Remruati lam ka hawi chuan ka ho chung hian min lo en reng a, Alex-a lam ka hawi leh chuan a mittui fim tak luang ngiai chu ka hmu a, ka hnuk no hi a khawih lutuk My Sunshine a tihna chhan kha eng nge ni Brandon-a lah khan a hrethiam ropui si, a mittui chu a hru thuak a, a khuh kharh a, a tho vut a, Chhani lam chu a pan a, hnai taka din chilh chung hian "Ka hnuaia thawk a nia, tunah ban nghal rawh u ka hnuaiah a thawh chhunzawm ang" a ti a, Chhani chu a lo zam lo nasa khawp mai "Vâla i hmelthatna te in hausakna i rawn chapo pui a mi kan soup-siam thiam hi ka ban lo ang e" a ti vei hmak a.


Ka lo inrawlh ve thuai a, Alex-ka Boss i ni tawh lo hetah ka thawk tawh a ka rawn thawk tawh dawn lo ka ti ve bawk a, Brandon-a chu a rawn tho a, Remruati hnenah chuan "Kha Alex-a nen kan ei man ka pek sak" tiin Rs 500 tlang a phawrh a, dawhkanah chuan a dah a, Alex-a darah chuan na lo te hian a beng thawk thawk a, a chhuak daih a, Remruati chuan pawisa chu a la vat a, Alex-a chuan Remruati melh pah chuan "Lawmawmi hi ban ula i ac ah pawisa ka rawn thun ang tam tham deuh" a ti a, pawisa a lei theih ka nilo ka lo ti vat a, Chhani chuan "Pawisa maw i sawi vat loh a ṭha e pawisa chuan sing a chuang tur a ni " a ti a, hemi te pahnih sum duh dan em em hi ka awih theilo sum hian kawng ṭhenkhatah chuan thil a lo ti thei hle a nih hi Alex-a chuan a phone-a la chhuak a bang lam chu hawiin a phone a lek kang a, "Pawisa chu ka rawn thun aw" ti pahin a hmet mawlh mawlh a.


Chhani chuan a phone a en vat a nui sung a, "A tlem loh hi Lawmawm a ṭha e kan mamawh tawh lo che i rawn kal angai tawh lo ang" a ti mai a, Remruati pawh chuan "Rs 500 hi chu ka ta aw" Chhani hnenah a lo ti ve bawk a, ka ṭap ṭep Alex-a chuan min kai chhuak a, ka thinrim lutuk chuan a kut chu ka phih thla sawk a,Mi ṭha leh mi fel tak i ni emaw ka tia mi tenawm pa ka rawn thawk tawh chuang lo ang suma lei theih emaw min ti a mi ka ti hlur a, Alex-a chuan ngeng zet a, min en chung hian "Rukru i ni tih i theihnghilh ta em ni? Naktuk aṭangin i rawn thawk leh lo anih chuan i pa hian a hna a chân ang" a ti a, a kal daih a.


Ka ṭap ṭep tunlai ka pa hian hna han thawhna mai tur a nei silo ka rilru a va na tak, engmah ka ru lo ka ru lo hrim hrim ka rukloh thu sawi pawh niila a awih chuang lo ang, keimah vanga ka pa hnain a tawrh ve zel ka phallo bakah Chhani leh Remruati hi pawisa an lo va han duh em em. Ka â viau em ni engvangin nge mi hi ka rin zung zung zel Alex-mak ka inti hetikhawp hian i awm dan a mak a, mahse, ka vei che tiila ka sawi sual la ring lo a ni.


Ka nu awmna damdawiin khuma a mu ka hmuh chuan ka ṭah hi a chhuak zual tak zet a bulah ka ṭhu a, a kut vuanin ka nu lo harh vat teh doctor-ten i serious-loh thu an sawi si a, natna dang i neih belh loh thu an sawi si a, i thisen sang vang leh i nerve-ṭhalo vâng ringawt chuan ti hian i awm theilo ang i ke vûng ṭhin pawh a zia tawh a, i ruh seh pawh zawi zawiin Pathian zarah a zia vein ka hria a, ka nu harh tawh hram teh.
Ka ṭap zawih zawih a, ka nu khum bulah chuan ka ṭawngṭai a, mi hausa hnuai a hnathawk mahniila kawng min kawhhmuh zel turin leh ka nu tan ka dil a, ka ṭawngṭai zawh chuan ka nu chalah chuan ka fawp a, ka chhuak ta a.


*************

"Awmi, ka ngai tawh lutuk che i lo thawk leh dawn maw soup-siam i thiam lutuk an tia tak tak a mi" Dingliani chuan min lo kuah nghal bawrh bawrh a, midang erawh chuan engmah sawi tur an hre lo min en reng ringawt a, Rempuii leh Faki phei chu an kun deuh char char. Alex-a a rawn lut thut rum zet hian la lo melh a, ka melh mai mai eng atanmah angai lo, min ko khawm vek a, "Buaina pakhatmah ka duh tawh lo liam tawh chu a liam tawh tun aṭang chuan in hna chiah ngaihsak ula engdangmah sawi angai tawh lo che nghal rawh u" a ti a, a kal nghal daih a.


Tun hma ang a ni tawh lo Dingliani chauh chuan min be ṭha peih a, hmana kan innel ang khan midangin min nel tawh lo keipawh an mizia Dinglianin min hrilh kha ka hre tlat tawh a, tumah ka be ṭha peih bik tawp lo ve. Ka hna chiah ka ngaihtuah tawh ang Alex-a chuan Soup-chauh siam tura min tih avangin thil dang ka khawih lo hrim hrim.


Ka soup siam ka tem lai chuan Rempuii chu ka bulah a lo kal a, "Kan inhmu leh ta maw rukrunu" a rawn tikher a, ka thinrim ve thlawt tawh rum taka melh chung chuan "In thiltih vek a nih kha Boss-hian in mizia a la hre thuai ang" ka ti a, Faki chu a rawn inrawlh nghal vat a, "Thudik hria pawh nise Ruatpuii hian min ṭan em Boss-in a ngaihsak bik che hi kan enliam thei bik lo" a lo ti ve a, ka chhâng let peih tawh bik lo ka ngawi daih a, Alex-a a rawn kal thut engmah kan thusawi a rawn hre hman lo "Lawmawm soup-kha i peih tawh em Table 1,2,3 ah panga aw" a kal leh daih a, ehê tehnghek a.


Ka peih vek tawh tho a, Dingliani nen chuan kan va pe a, Rempuii chuan min lo eiloh hmel kher mai.
Rohlui leh Vena pawh hi an lo inngaizawng tawh a ni ngei ang midang pawh zah lem lo chuan a hman hun hunah an hmui a insi reng a, Dingliani ka zawh chuan "Ka lawm ngawt zawk min tibuai tawh lo a, Rohluin a thianghlimna a hlan phal miau alawm an nih mai lohin tenawm lutuk" a ti a. Brandon-a a rawn lut leh hlawl Rempuii leh Faki chuan an pan vat a, "Lo ṭhu rawh eng nge i duh ang" no zet zetin an lo bia a, Alex-pawhin Brandon-a hmel a hmuh meuh chuan a pan lehnghal an inkawmngeih dan em em chu ka hrethiam pha ve lo.


"Rukru nu i soup-siam tuilo zet kha kan bialpa inṭawm sawn a duh ania kan va pe ang" Faki chuan min rawn nam nawk a, ka khing let peih hran lo Rempuii nen chuan an va pe dun kher a, lerh lutuk mai. Dingliani bulah chuan ka rilru hahna zawng zawng chu ka hrilh chuan "Awmi, Boss-hi i chik ve lo a mi?" Tiin min zawt daih a, engtia chikin maw ka va hrethiam lo em em "I awmloh chhung khan vawikhatmah a nui ngai miah lo a thinchhe em em lehnghal mahse, hei vawiin chu a nui reng arukin en zui ve mah rawh a ngaina che in ka hria" a tih chuan ka hrethiam lo chapo leh induh tâkah ka ngai mahni hma chiah a sial ka ti a, a ruk tak a lawmna thinlung ka nei erawh ka sawi lang ngam lo.



Ka haw tur ka han insiam chu Alex-a a rawn lang thut min kuah a min vir pui chiam ringawt a, a nui vur vur lehnghal midang ho chuan ngaihna hrelo zetin min lo en a, "Lawmawm i ti ṭha lutuk a nia, kan restaurant-hming ti ṭha tu tur i ni i soup-siam kha an fak lutuk keipawhin khatiang khan ka siam thiam hleinem" a ti a, a hlim lutuk chu a hmuhnawm zawk kun ngaih chung hian rukru min ti sia ka ti a.


A nui tawp nghal hmak "Sawi chhuah a ṭul tawh lo Christmas-ni li vel chiahin a dang tawh a, buaina ka duh tawh lo ka tih kha" a ti a, Rempuii leh Faki chuan min ngei hmel kher mai Dingliani erawh kil khatah a lo nui vur vur thung a.
Tlemin ka rilru hah pawh a zia veleh ta in ka hria Alex-a pawh ka soup-siam vangin a danglam sawtin ka hre bawk, nui sung chung hian "Lawmawm ka lo thlah ang che" Alex-a ka lo vei ru deuh bawk nen tun ṭum chu ka phur rilru lutuk ka thinrimna theihnghilh vekin ka zui chhuak ta a.

****************


Ka nu telloa Christmas-han hman chu hrehawm ka ti kher mai hunpui mah nise ka thawhpui te leh Alex-a ngei pawh an reh deuh ṭhap chhungkuaa hman kan intihhmuh ṭheuh vang a ni.


Kumthar tuk inkhawm banah chuan eng nge ka hriat mawni kan in chhung zawng zawng ni danga uluk taka tifai ngai hleilo chu ka uluk hle mai. Dawhkan ka nawh mek lai chuan ka pa lêng a rawn haw a, a rawn hlim lutuk "Ka fanu i nu a harh anih chu Lalpa ka lawm e ṭhatlohna engmah a neilo damdawiinah kal nghal ang" a ti a, ka lawm lutuk chu ka mittui a tling pur thei ka pa nen chuan kan inkuah a, ka nu harh vang aniang uluk deuh a in ka tihfai.


Damdawiin lamah chuan ka nu chuan min lo nuih sâng a, "Ka fanu kumthar chibai le kumin chu Pathian zarah chak taka awm ka tum ang ka taksa chakloh lutuk vang a ni e" a lo ti a, ka kuah nghâl a, ka u Mapuia erawh a rawn lang hauh lo. Ṭhatlohna dang a neih tawh loh avangin inah kan hruai haw nghâl a. Ka nu bulah chuan ka awm chawt a, soup te siam sakin nikum thil thleng zawng zawng kha theihnghilh vek ka duh.


Kumthar atan restaurant-kan hawnni hmasa ber a lo thleng a, ka kal hma khawp mai Alex-a hian chabi spare-min pek vek avangin a kal hmasak ber hi angai hran lo ka ngaihtuah let hian Rempuii leh Faki thil tih dan zawng zawng kha hria se chabi spare-a kawl tir ka ring lo. Soup ka siam nghâl a, ka peih vek hnu chuan Alex-a a rawn lut hlawl. Ka en ngawih ngawih ringawt a, ani pawhin min en reng ringawt sawi tur kan vai dun hle mai a hmel fai leh fiah tak chuan zawlaidi a keng tel hian ka hria.


"My Sunshine" tiin a rawn ṭawng chhuak hlawl mak ka ti lutuk min rawn pan hnai a, ka beng bulah "Rukrunu engmah sawi ve miah suh" tiin a rawn phun sep a, ka hrethiam lo kum a thar a, Alex-a hi a danglam tel ve emawni "I va hma em em ve, vawiin chu ni hmasa ber a nih avangin ka hma hrim hrim" a ti a, ka la ngawi reng ringawt ka fian ken lai chu ka hum nghet sauh a, chair-a ṭhu pah chuan ngeiawm zet hian "I ṭawng theilo a mi" a ti kher a.


Ka ner sak engmah sawi suh min tih kha ka tih chuan a nui suk a, "Sunshine tiin ka ko thei che ang em" a ti a, mak ka ti tulh tulh Boss-ka ti ringawt a, a meng dul ruih a, "Rukruk lam kha chu theinghilh tawh ila nang hian ka min ngain zual tir hmeichhe danglam tak i ni" a ti a, chair-ka la a, a bulah chuan ka ṭhu a, boss-engmah ka hrethiamlo ka ti a, min en a, "I soup siam ka hawp chiah khan ka pa ka hrechhuak nghal a, ka pa hi soup siam thiam tak a ni a, amah pawh a inchhuang" a sawi zawng chuang a hnuk a ulh a nih ka ring a mittui chu a parawl deuh a, a pa angai thin hle a ni mahna.



A sawi zawm zel a, "Ka pa khan a soup-siam kha 'My Sunshine', a ti kher zel a, a chhan ka zawh chuan ka nu nen an inneih hma hian ka pu in restaurant-hi a ti hmingchhe lutuk ka pa soup-siam hmangin a rawn ding chhuak leh ta a ni" a ti a, ka en reng ringawt a, "Ka pa hian a soup siam hi beiseina siam sak tu a nih avangin 'My Sunshine' tiin a lo sawi kher zel a ni" a ti a, a mittui far tur chu a hru zauh a, i pa chu ka ngaisang khawp mai ka tih chuan a kut khing hnihin ka dar lehlam lehlamah a chelh thut a, ka phu chiang, "Ka pa ang chiah a soup-siam thiam i ni ka pa soup-siam aimahin a tui zawkin ka hria ka lawm e Lawmawm" a ti a.


Min en reng a, ka lai ṭep "I hmel a ṭha lutuk bawk" a ti a, chhan ngaihna ka hre lo ka thin a phu dup dup ringawt ka hmui a rawn chul thuak a, muangchangin min rawn fawp a, hnar ka tum ṭhak lo chu ka inngei ka chhang let ve ngawt a, Alex-a hi ka duh a ni, ani pawhin ka duh ang thoin min duh ve a nih dawn hi ka va hlim tak em "Awmi, Boss" kan inthlah chiang ngang mai Dingliani chuan mak ti zet hian min lo en reng a.


Show post links
Top

[Ngaia]

Alex-a chu engmah sawiloin a kal daih a, ka zak bawk si engtin nge khatiang kha a thlen tawp. Dingliani chuan min rawn pan a, "Awmi, a chiang lutuk boss-nen hian in ni chiang" sawi tur ka ham haih vek aih min rawn fawp ringawt alawm ka ti a, ka hawi chhuak ṭha ngam lo


Dingliani chuan zawi deuh sap hian "Awmi boss-hian a duh che a ni chiang lutuk a bem che chuan chhâng ngei ngei ang che" a ti a, a phur khawp mai ka lungphu a rang sawtin ka hria ka hmui ka khawih a, min fâwp tak tak Alex-a hian min duh emawni le nilo a â thut aniang ka sen awp awp ka zak ṭha leh hian ka hria. Midang ho an lo thlen chuan Alex-a pawh a rawn lang ve leh hlawl khawiah nge a lo bo daih mawni.


Alex-an min fawh lai ringawt kha ka rilru ah a awm amah lah chuan min en ṭha duh teuh lo engmah thlenglo angin a awm hmiah hmiah thei chu mak ka ti lutuk "A sa lutuk hmeli eng nge i ngaihtuah a" ka phu zawk ka soup-ken lai chuan Faki keah ka lo leih rum zeta min melh chung hian a sawi chhunzawma "Rukrunu leh hetiang restaurant-changkang lutuk a thawk tur chuan i dinhmun a hniam mah mah mistiri-fanu mi rethei fa" a ti chang fak a.


Mistiri-fanu ti a min ko chu na ka ti lo ka nihna dik tak ania, mahse, kan retheih vanga min hmusit kher leh mi rethei fa ti a min ko kher chu ka tuar dam thei thlawt lo soup-chu dawhkanah ka dah a, rilru na deuhin ka tlan chhuak a, ka ṭap ṭep ringawt mai atirah mi fel tak an ni si a, an zia an lo thup mai mai a ni maw hrehawm tuar turin maw ka let leh nilo tihluihna vangin alawm ka let leh; ka mittui chu a rawn luang zung zung a.


Ka hmai zawna rawmawl ka hmuh chuan ka phu zawk ka hawi chhuak a, Brandon-a chuan khi sak chung hian "Rawmawl hi i mamawhin ka hria" a ti a, ka nei ve reng alawm ti pahin ka rawmawl ka phawrh a ka mittui chu ka hruhul a, ner sak pah chuan a rawmawl chu a ak ṭha a, hepa hi Alex-a ṭhianpa a nih vangin aniang a tam riau mai kan restaurant-chhehvêlah hian "I ṭah chhan ka zawt lo ang che i soup-siam kha ka energy drink-ni mai hian ka hria" a ti a, lo lut rawh ka ti zawi sap a, a kekawr ipte zen chung chuan ban vai meuh hian a min zui a.


ALEX POV*


Lawmawmi ka fawh ringawt chhan kha ka hre bik lo ka hmangaih maithei, nilo ka ṭhianpa Brandon-a ta tur a ni ka inrawlh theilo ka lu ka thing nawk nawk ringawt a, Brandon-a leh Awmi ka hmu thut thikna chuan min rawn deng leh dawt dawt mai Brandon-a ta tur ti zo chiah khan ka phal leh lo a lo kal lai hian ka sawipui ngei tur a ni. Ka kal vat a, Lawmawmi chuan Soup-a lo pe zo chiah a.


"Hey Bawiha, lo ṭhu vat teh" Brandon-a chuan min lo ko rang mai ngawi rengi ka ṭhu ve a, engtin nge ka tih ang a sawi tur lah chu a chiang ropui si ka hre peih vak lo coffee-ka lak tir leh a, Brandon-a sawi tur chu hre lawk sa deuh reuh mahila ngaihthlâksak a ngai bawk si ka nui lui deuh hram hram a, "Bawiha, Lawmawmi hi he i restaurant-ah ngei hian ka duh thu ka hrilh tawh dawn midang hi han chhuak fel se la" a ti a, zungbun manto tih hriatreng hi a rawn phawrh bawk a.


Lawmpui a hnekin ka tum deuh bur mai Brandon-a chuan mak tih hmel zeta min en chung chuan "I mood- a dik vak lo em ni ka bem hunah i mood a fuh mai ang" a ti a, a nui leh suk a, coffee-chu ka lem ri khalh a, Brandon-a chu ka hnial thei bawk silo buaina ti tam zual turin ka hnuai a thawk zawng zawng te hmuh lai a bem a la tum zui; a pawilo Lawmawmi ka fawh khan min chhâng let chiang alawm chuti maiin Brandon-a hi a chhân ka ring lo tiin ka inhnem chawp a.


"Alex-Lallianmawi eng nge i ngaihtuah" ka phu deuh zawk mai aw i bem dawn nia i bem ngei ngei dawn nia ka ti bah nawk nawk a, a rawn nui leh suk a, "Hei aia kawr nalh deuh hi ka ha lawk dawn tumah lo hawn tir suh" a ti a, hlim deuhin a chhuak a, Brandon-a hi hmeichhia buaipui peih ṭhak lo leh ngatanmah tilo a ni ṭhin a, tunah chuan a puitling ve tak tak tawh a nih hi mahse, engvangin nge Lawmawmi kher.


Ka hnuaia thawk te ho haw tum chu ka dang vat a, "Boss-vawiin chu kan chau deuh a, ni dang zawng aiin rawn châwl an tam a" Dinglianin a tih chuan vin zet hian ka hnuaia thawk in nih kha ka thu thu a awm tur in ni ka ti a, an ṭi dêk hlawm mai phun sep sep chungin an han ṭhukhawm a, Brandon-a lah hi a va han rei em em ve mawle. Lawmawmi hrilhhai zet a, a ṭhu chu ka en tlawk tlawk a, "Ka nu in min tir leh alawm le ka tlai viau em" Brandon-a chu a rawn tlan lut rawk rawk a.


Midang ho chuan mak ti zet hian an lo en a, bouquet-nen a rawn inkeng thlap bawk si ka rin ang ngei ngei chuan Lawmawmi chu a ko chhuak a, ka sa pup pup hian ka hria, ṭhingṭhi meuhin a bialnu ni tura a han sawm chuan kei chauh lo midang pawh chu an meng bial kawk kawk hlawmin ka hria Lawmawmi hmel ka han en chuan a nui eih lo ka lam a rawn hawi zuai a, "Ka tihpalh midang duh ka lo nei tawh a" a ti a, awi ka thaw huai hian ka hria mahse, tu nge a duh chu ni ang ka lungngai leh deuh.


Brandon-a chuan engmah a sawi lo pangpar chu dawhkanah a dah a, nui miah lo chung a min en chung chuan a chhuak daih a, Vena chu a rawn ṭawng vat "Rukrunu engvangin nge i chhân loh a, khawi lai daikil kara mi nge Boss-ṭhianpa aia i duh zawk chu" a ti a, Vena ṭawngkam vang chuan ka thinrim thut ngawihmak rawh i boss-bialnu i ṭawngkhum tih i hria em ka tih chuan mak ti zet hian min en hlawm a.


Engdang ka sawi peih tawh lo Lawmawmi chu ka kai chhuak daih a, car-ah ka luh tir a, a hrethiam lo kher mai "Boss-eng nge a awmzia ka hrethiam lo ania" a ti lawm lawm a, ka tihpalh mahse, ka fawh che khan engkim i hriatthiam ka ring i duh loh chuan tunah sawi fel nghal ang che ka ti zung zung a, a ngawi char char a, a inngaihtuah a ni chêk ang chu ka be zui lo ka thawl hawk zawkin ka hria.


Lawmawmite in kan thlen chuan ngawi rengin car-aṭangin a chhuak a, ka hrethiamlo engmah a sawi bawk silo ka chhuak ve vat a, muttui aw ka ti ringawt a, kal ka tum chu ka hming ngei maiin min ko tlat. Ka hawi let rang kher mai min en reng a, "Keipawhin" a ti sap a, ka hrethiam nghal vek ka hlim lutuk ka pawm a ka vir pui chiam a, a chalah ka fawp zauh a, "Brandon-a kha" a ti sap a, ka chingfel mai ang ka ti a, kan in thlah fel ta a.


Vawiin thil thleng ka ngaihtuah a, Brandon-a hi engtinnge a awm ang le kan hmeichhe duh a inang kher hi ka hrethiam bik lo ka hnuai a thawk ho te khan engtin nge an ngaih ang. Ka rilru a buai deuh hlek mahse, mihring ve tho ka nia duhzawng nei thei ve tho ka ni mut ka tum chu "Ka u hawng vat teh a pawimawh ania" Ruatpuii chuan a rawn ka room-kawngkhar a rawn chum nasa mai;ka tho vat a, ka va hawng chu a lungawilo tih ka hrethei nghal.

Ka khumah chuan a ṭhu tau sawk a, hnuai lam a bih char char a, a bulah chuan ka ṭhu ve vat a, naute lungawilohna i nei a mi min hrilh teh a samah chuan ka chul a, ka kut paihthla sawk pah chuan "Rempuii sawi hi a dik em kha rukrunu nen khan in inngaizawng tak tak a mi" a ti a, a thinrim khawp mai ka tho a, ka lu thaklo pui chu hiat nawk nawk pahin ka vei sek a, naute tunge ka ngaihzawngah chuan keimah chiah ka buai ang engmah i tan harsatna a awmlo ang ka ti a.


Ruatpuii chuan "Ka hria lawm i ngaihzawngah ka buai ngailo mahse ka mipa duh ber Brandon-an a bem a, ka lungawilo" a ti hmuk, engkim an lo hrilh leh hman a ni maw, Brandon-a chu a chhâng chuang hleinem ka bialnu a nia eng harstanamah a awmlo ka tih kha ka ti leh a, Ruatpuii chuan "Brandon-a hi ka ta chauh a ni Lawmawmi chauh a ngaihtuah ang ka hre sa vek" a ti a, a chhuak tau sawk a.


LAWMAWMI POV*


Ka hmui chu ka khawih leh a, ka mitthlaah Alex-a nen kan infawh lai chu a rawn lang leh zuai zuai ka inngaizawng tak tak "Nula, kan thleng tawh ania" ka phu zawk chuanman ka pe a, midang hmuh pawh ka hreh ka lut chiah chu ka hmaah Faki a lo ding a, kut a beng thawk thawk a, "Rukrunu, mi hausa fapa pahnih thinlung neitu maw i tenawm reuh hle mai" a nui awr awr a, Dingliani a rawn kal vat "Ngawihmak rawh Awmi hian i eng pawi nge a sawi a, nangmah zawk kha rukru i nih kha" a ti a, an inmelh rum khawp mai.


Alex-a bialnu nih pawh chu a nawm rualin paltlang tur a tam dawn hle hian ka hria. Alex-a a rawn thlenga pangpar a rawn keng a, "I kawr rawng nen a inmil chiah a nih hi" a ti a, ka biangah a fawp zauh a, ka zam lutuk. Soup-ka siam lai chuan Ruatpuii a rawn lang thut ka phu deuh zawk. A lo kal hmasak a a nui hmel kha a rawn pu tawh miah lo dawhkan ruakah chuan a rawn ṭhu a, "Soup-min rawn pe teh u" a ti a, Alex-a a va kal vat "Naute dawrah i kallo mi a la hmât nen eng nge i rawn tih dawn" a ti vat a, Ruatpuii chuan a melh no lo khawp mai.


Thil dik lo eng nge maw tak chu a awm chiang alawm "Chaw ka ei mumallo tih pawh i hre vek soup-leh chow ka duh" a ti a, Alex-a chu a rawn kal vat "A hmin tawh tiraw, ka naute a ril a ṭam ania" a ti a, amah chuan a suak zung zung a, midang ho chuan kan en reng ringawta, a bulah chuan a va ṭhu ve nghâl a, Ruatpuii hmel nelawm tak ṭawng siam siam ṭhin kha a ni tawh pawhin ka hre lo.


Buaina dang bawk Brandon-a a rawn lut thut "Alex-a a awm em?"
Ani pawh chu a hmel hlim hauh lo. Alex-a chu a rawn hawi phei a, "Hetah ka awm Brandon-eng nge ni ta" Alex-a chu a pan a, a kawr nghawngah chuan a ṭham a, kan lo au ṭhawt "Mi mawl emaw min ti ami ka ṭhianṭha ber i ni a, ka ring em em che a, ka hmeichhe duh awmchhun nen engtin nge i theih zawk" a thin a rim kher mai. Ruatpuii chu a lo inrawlh vat a, "Brandon-thlah rawh Lawmawmi a duh lo che a ni lawmni ka u a duh zawk a, an inngaizawng chu pawina a awm a mi" a ti a.


Alex-a chuan engmah a sawilo a ngawi reng Brandon-a chuan a sawi chhunzawm a,"Alex-min bum ngam hi ka awihlo kan pahnih inkarah engmah a awm tawh lo" a ti a, a chhuak daih a. Alex-a chu a ṭhuhnawk a, engmah a sawi lo a kun char char, Ruatpuii chuan min rawn pan ka chil ka lem khalh ringawt "Lawmawm ka u bialnu i ni a, engmah inrawlhna ka nei lo mahse, hre rawh a ṭhiantha ber nen an inkar tichhe tu chu nangmah i ni" a ti a, a bag-a la sawk a, a chhuak daih a.


Rempuii chu ka bulah a rawn kal a "Vanduaina i nih hi i rawn thawhleh aṭang hian buaina hlir rawn thawk tawh lo tawp la a ṭha tur" a ti a, Faki chuan Rempuii dar a chelh chung chuan "Kan tel ve na tur a awm tawh lo buaina a ngah tawk tawh" a ti a, za lo zet hian an han nui a, ka rilru hrehawm lutuk chu pawnah ka tlanchhuak daih a. Dinglianin min rawn zui a, "Hrehawm ti reng reng suh Alex-a i nei alawm engkim a ṭha leh vek ang" a ti a, ka kuah a, ka lawm e Dinglian i awmlo ang tih ka hlau ṭhin ka ti a, ka mittui a parawl lek lek a.


Show post links
Top

[Ngaia]

Alex-a awm a nuam chiahlo ani ngei ang vawiin chu min thlah miah lo, ka hrethiam lutuk keimah vang vek a ṭhianṭha ber Brandon-an keimah vangin a huat phah a, ka inthiamlo tak zet he restaurant-a ka thawk hi ka vannei nge ka vanduai ka hre tawh lo ka chhungte hrilh chi a ni pawhin ka hre lo.


"Chaw ei i peih dawn tawh em ril a ṭam riau mai" ka nu chu muangchangin a rawn kal a, haw tlai deuh ṭhin mahila mi pathum ei lek chu ka siam zo hma lutuk mahse, zanin tlai hi ka rilru a hah em vang a ni pakhat ang ka ṭuan a muang khawp mai. Ka zawh ṭep thu ka hrilh a, ka hmel a en chuan nu chu nu nge nge ka rilru a hah tih a hre thei a ni chêk ang chu "Harsatna i nei em ni i hmelah a hriat vek alawm sawi hreh suh" a ti a, ka hmai a dawm a.


Ka chhungte hian engmah ka buaina an hriat ve hi ka duh lo ṭulloah an rilru tihnat ka duh lo ka u hi a nupui vang hian a rukin hrehawm a tuar ang tih ka hlau ṭhin em a ni ka ti ta ringawt a, ka nu chuan "I u vângin maw lo ni a, i rilru ti hah duh tawh suh a duhthlanna alawm" a ti a, ka u hi ka thisenzawm mah nise ka ngaihtuah chhe te eih lo ka nu dam ṭhat hnuah pawh vawi te khatmah kan in a rawn rap lo ania tunlai phei chu ka ngei dan hi a uchuak.


Chaw ei lai chuan ka nu chuan ka rilru hah chhan dawt chiang lutuk chu ka pa a hrilh chhawng a, "I u hi zawng a thaibawih ngawtin ka ring nangmah chauh kha inngaihtuah rawh" a ti a, ka harsatna tak tak zawk hi hre ta se chu an thi thei mai ang ka ba insilfai tur chu arawn lehhawi zuai a, "Alex-a te inah ka thawk tawh dawn lo ania" ka chaw ei ka phuh ṭep ka chungchang hriat a nei emawnile a hmel a hlim vak silo "A chhan min zawh angai lo ang" a ti a, a tho daih a, ka nu nen chuan kan in en hehaw ringawt a.


Rilru hahtur hlir ka pa hian ka chungchang hriat a nei ani chiang mai Alex-a hi ka be tawp dawn emawnile mahse, a rilru hah lai tak a ni awm si a, message-ka type mawlh mawlh lai chuan min lo call thut. Hello Alex-eng nge i an i ṭha em "Sunshine" a ti chuai raih a, aw eng nge ni ṭhianṭha ber chân natzia hi ka la hre ngai hauh lo Alex-a pawh ka hnêm thiam thlawt lo a ngawih vang vang hnu chuan a rawn ṭawng leh a.


"Lo chhuak teh in inkawtah ka awm" engtinmaw tunah dar kua a pel tawh a, ka nu leh ka pain an hriat chuan min hau nasa ngawt ang. "I lo chhuah hma chu ka kalsawn dawn lo" Alex-a hi eng nge a hriat â aw ka lo chhuak em em ang lo awm rawh. Ka nu leh ka pa an mu tawh em ka bihthla dek dek a, an reh ṭhiap an mu tawh a nih dawn hi, dîm tein ka kal ṭhem ṭhem a, ka chhuak chu Alex-a chu zawi zet hian a car-a lo bawh a.


Alex-ka tlan phei vat ehê zu rim hlir zu i in a ni maw zu bur ruak hi a car bulah chuan a lo let ngât bawk a, rui chung chuan i rawn khalh miah lo ang hetah i in a ni maw Alex-zu i in ngaiin ka hre silo eng nge a awmzia kâi tih hriatreng hian a rawn ṭawng a, "Lawmawm hmangaihna hi a lo va nunrawng ve" a tlu ṭep chu ka kuah a, engtin nge ka tih ang car-ka khalh thiam der silo car chhûngah chuan ka ṭhut tir a, a rit bawk si a rui bawk si a va hrehawm tak.


Ngamlo chungin Ruatpuii ka phone mai angai a ni, Dingliani a number ka dil chawp a, "Awmi ngatan nge i tih a, ka muhil ka harh leh vek" a ti a, a pawimawh lutuk min rawn pe thuai rawh naktukah ka hrilh ang che ka ti hlawk hlawk a, phone-ka dah a, min rawn thawn rang khawp mai. Ka va be ngam lo tak Ruatpuii hi ka nel tawh hlawl lo rukrua min puh aṭang khan a chapo riau hian ka hre lehnghal kut khur chungin ka call-ringawt a, "Hello, tunge aw" aw sai deuh hlawk hlawk chung chuan Lawmawmi ka nia Alex-a kan inbulah a rui lutuk a, car-ka khalh thiam silo a, i lo hruai thei mai ang em a chatthla ṭep in ka hria ka ti a, ka sawi zo thei ṭawk.


"Engtinmaw, ka u hian vawikhatmah zu a a in ngai lo i lo lan aṭang hian engkim a buai vek ka rawn kal ang" a aw chu ngaihno a bei lo kher mai.
Car-chu ka hawng a, Alex-a eng nge a an tih en tumin a lo la chatthla awzawng lo min pawt thut a, ani rui bawk nen a âwmah chuan ka bei thlawp a, ka samah chuan a chul a, "I va hmeltha tak em Brandon-a hi chân ai chuan nang chân hi ka hlau daih zawk" a hmâiah chuan a rawn fawp thuak thuak a.


Alex-duhtawk teh Ruatpuii a rawn thleng ṭep ang ka kut a man bet a,"Tha nei lo ka nilo ania min hmangaih lo a mi vawikhat chauh ka hmangaih che Brandon-a tan ka phallo che" a ti a, zawi muang hian min rawn fawp ṭha leh a, ka hnar ta bik lo ka lo chhâng let vat a, kan duhthawh ang reng khawp mai kan uar zual sauh a, ka kawr hâk lai phelh a tum takah chuan ka inthiarfihlim vat a, aih Alex-ka la thianglim hetiang chu ka duh lo ka ti a.


Car-atang chuan ka chhuak vat a, khaw vawt pawh ka hre tawhloin ka hria, Ruatpuii pawh a rawn thleng chawpchilh ve nghâl a, rum zet a min melh chung chuan "Ka u tan hian ka duh mawlh lo che mahse, ka u hian a duh tlat che sia nangmah vangin zu a in ve ta a nih hi" a ti a, car-ah a awm ti bakin ka chhang lo a kuah chhuak a, ka en zui vawng vawng a.


Ka lut chiah chu ka phu nasa mai ka nu maw chiang tak hian min melh a, chhuanlam tur a vang khawp mai hnuailam ka en reng a,ka nu chu ka en ṭha ngam lo dam diai hian "Engmah hlauthawng suh ka hre vek alawm ka zung turin kawngkhar inkalh lo hi ka hmu a, ka tum reng vang a nilo ania" a ti a, ka inthiamloh tulh tulh ka nu ka pa hrilh suh aw ka ti sap a, "Alex-a nen in lo inngaizawng reng amaw kan dinhmun a inthlau si a, harsatna i tawh ka hlau a ni" a ti zawm zat a. Ka insum zo lo chu ka nu chu ka kuah a ka insut hruih hruih ringawt a, ka nu chuan "Mu tawh rawh thawhhmat i ngaih kha" a ti a, ngawi rengin ka room ka pan a.


***************

"Nizanah engtin nge kan awm engmah a thlenglo tiraw" Alex-a chuan ka soup siam lai chuan min rawn hrilhru su su a, alam ka hawi a, Alex-engvangin nge zu i in a, vawikhatmah in tawh suh ka lungawilo ka ti a, ka titau deuh kan inngaihzawn aṭang hian vawikhatmah boss-tiin ka ko tawh ngai lo. "Ka hmangaih che, ka in tawh lo ang ka rilru a hah deuh em a ni" a ti a, ka biangah a fawp zauh a, a kalsawn daih a.


"Ka lo hmu ania i thikawm reuh khawp mai" Dingliani chuan min rawn pan a, nuam pawh ka ti chiah lo ka lo ti sap a, "Brandon-a leh Boss-Alex-a thinlung neitu Alex-a i duh zawk hi chu i thlang thiam ka ti" a ti a, a nui vur vur a, i ninawm tiin ka nghawk deuh sawk a, kan nui hawr hawr a, Dingliani leh Alex-a chauh hi he restaurant-a min ngaihsak tu awmchhun niin ka hria.


Nileng chuan kan chau leh khawp mai, Pathian zarah ka soup-vâng chuan mi ṭhenkhat pawhin min hre ve tawh lutuk Alex-a bialnu ka ni tih erawh ka sawi chhuak duh hauh lo. A hre dang pawhin an sawi chhuak lemlo a, harsa hle mah se, Alex-a leh Dingliani ka neih chhung chuan ka zâm hauh tawh bik lo.


Tlai lamah chuan kan han intifel ṭan a, Rempuii leh Faki pawhin min tibuai peih tawh bikloin ka hria Rohlui leh Vena lah anmahni khawvel tetakteah an hlim dun em em a, zawi zawiin buaina a reh tawh turah ka ngai. "Ka nu, tehhlawl che chuan" ka phu chiang Alex-a nu chu a rawn pên lut chhat chhat a, "Mawite, Lawawmi ka be lawk duh" Alex-a chuan zam hmel zet hian min rawn en a, Mawite tiin a ko ziah thin a nih dawn hi "Saw ta saw eng nge nita a ka nu ka rawn tel ve dawn" Alex-a chuan zui a tum nghal a.


"Tikhân lo awm rawh i hriattur a awm rih lo" a ti deuh hmuk eng chungchang tak ni ang maw dawhkan pakhatah chuan kan han ṭhu dun a, ka thin a phu rang tulh tulh "Ka fapa nen in inngaizawng tih ka lo hria a, ka fanu a lawm vak lo a, achhan erawh ka hre lo mahse, ka fapa hlimna ka duh a, engpawh thleng se a rilru i ti na tur a ni lo naktuk zingah in chhungkuain tukṭhuan rawn ei ang che u a chiang em?" Lawm tur nge ṭah tur ka hre lo. Hnial chi a ni pawhin ka hre lo aw le tiin ka chhang tawp. A tho a, Alex-a hnenah chuan "Va thlah rawh ka thusawi kha tlem azawng chu i hriat ve ka ring e" a ti a, a chhuak nghâl a, Alex-a chuan tlem azawng chu a lo hre tak tak aniang a nui suk a.


Zîng hma takah ka nu leh ka pa chu ka kai tho a zan lamah ka pa bula Alex-a nen a kan inngaihzawn thu ka hrilh ngamloh avangin tukinzing chu ka sawi ngei ngei angai tawh. Alex-a nu sawi zawng zawng chu ka hrilh ta vek a, ka pa hmel a dur nghal khawp mai "Ka kallo ang engmah inzawmna neih ka duh lo ṭhen nghal ang che kan inngaizawng e te i ti elaw" a ti a, a kal daih a, ka nu chuan "I pa hian engmah a sawi duh bawk silo hna dang ka hmu a ti mai a, thup chu a nei a ni a duh leh kallo se i u Mama te inah a ei mai aniang chu kan pahnihin kan kal dawn nia" a ti a.


Thil thleng hi ka hrethiam lo Alex-a nuin chaweiah min sawm thut a, ka pa lah a mizia a thlak thut a, fello lian tak chu a awm a ni. Ka pa chuan kan chhuak tur chu min en a, "Chaweina tur lam chu min ngaihtuah suh u kal vat mai rawh u" a ti hlur a, ngaihngam zanlo chung chuan kan chhuak ta a, ka nu lah a la dam kawr si ka pa mize thlak thut chu kan hrethiamlo dun kher mai.


Alex-a tein hi a lianin a nalh ropui si a, a bialnu ni mahila ka zam ru lutuk doorbell-ka hmet ri ral ral a, Alex-a chuan nui sung chung hian min lo chhâwn a, a nui mawi lutuk ber chuan min ti tuiral ka nu nen chuan thingpui kan duh leh duhloh te min zawt vat a, ka nu chuan fel a tih hmel khawp mai. Ruatpuii inchung aṭanga tum deuh bur chunga a rawn chhuk chu Alex-a chuan a lo en reng a, a bul a lo thlen chuan "Khawiahnge ka nu hi a zing Bazar a lo la haw lo a mi" tiin Alex-a chuan a lo zawt vat a.

No lo zet a, melh chung chuan, "Min lo bia alawm a thawhpuinu a chesual palh a, damdawiinah a tlang a nih kha chaw ka ei peih lo i mikhual te hi chaw ei pui rawh dawrah min thlah a ngai lo ang ka khalh thiam tho" a ti vei pang pang a, Alex-a chuan Ruatpuii kal tur chu a banah a chelh a, "Naute, tikhan awmsuh ka thlah ang che ka nuin a sawm laklawh sia kei chauhin ka ei pui chuan a chiloh" a ti a, Ruatpuii chuan a kut phih thlasawk pah chuan "Naute ka ni tawh lo khati khan min ko tawh suh" a ti a, a chhuak nghal a.


Ka inthiamlo lutuk Alex-a chu ka pan vat "Alex-keimah vang a mi nuamlo ka ti e" ka ti a, ka nu pawh chuan "Bawiha, kan lo tihbuai che u chuan kan thiamloh takzet ani kan haw leh mai dawn em ni" a ti a, Alex-a chuan "Ka nuin a sawm che u a, a ṭhiannu vangin a rawn tlai dawn a, ka awm alawm inthiamlohna tur a awmlo" a ti zung zung a, ka nu hmelah chuan inthlahrunna hmel ka hmu thei. Tûkthuan chu kan kil ho thei hram a, ka nu chu kan thlah leh phawt a, restaurant-lam kan pan dun ta a.


Show post links
Top