BETTER : 2706 BY Leo Kawlhring (Completed)

[Ngaia]

Keimah ni in zawk ah kan phei veleh a Mampuia pawh a rawn in sawn fel tawh a, hna pawh a zawm tawh a ni awm e. Ka thil hawn te chu ka phawrh a an lawm thiam hlawm khawl mai, Au Mama te chhung thil tur ka hawn bawk a, Hruaia te nen kan inkar ṭha vaklo mahse ka hmaih bik lo, eng ang a intithiamlo in thinrim khum mahila ka nau neih chhun kha ala ni reng a, alang in ngaihsak hluak tum tawhlo mahila thlahthlam erawh ka tum chuang lo






Khum ah chuan kan mu fel der tawh Liansanga ban chu ka kham a a dan lehlam in ka dul vel chu a thai riak riak a, ka period vang nge mawni Liansanga hi ka thla hlel tlat pek, hetia a bula a mut mai mai te hi nuam ka ti in hahdam thlak riau hian ka hre tlat zu nia, "Liansang" ka tih dan chuan min rawn melh chhuk nghal vat in a mit meng in zawhna min rawn zawt nghal a "Martha-i i duh tawh siloh chuan, hmeichhe duh dang i nei miahlo ami" ka khabe hmul ṭo deuh siar siar chu ka khawih pah niap niap a







In ngaihtuah ve niawm tak hmel hi a pu, a ngawih deuh vang vang hnu chuan "duh chu ka nei ngei alawm" a rawn tih sup rual chuan engtin emaw ka danglam nghal zawk mai, ka zawh zui zel chuan ka duh ang chhanna hmulo ta ila ka awm a nuamlo zawk dawn tih hria in zawt zui tawhlo in ka thil dang ka sawipui ta daih a, ka rilru lehlam chuan tunge a duh chu niang tih ringawt a ngaihtuah thung






Liansanga hi ka zep lo ka duh tawh ni ngeiin ka in hre ta, ngaihzawng ka la nei ngai lo a mipa duh ka neih ka la hre hek lo, tuna ka awmdan ai hichuan an danglam vak ka ring ta biklo, hmeichhe dang leh a hming ka hriat dun rual a ka danglam ṭhin te hi ka thik a ni ngei bawk in ka ring, ni e ka duh ta a nih pawn hriat tir loh hram hi ka tum tur a ni






Chakloh na ka insiam mai mai a nih dawn bak ah a intithei tur vel kha ka hmu phei lo. Tihian ka duh nge duh lo hrechiang theilo tur hian dah reng ka duh zawk.






Hun a kal chak khawp mai kan inneih aṭang thla khat a liam leh tawh a, kan zin kan haw aṭang pawn karkhat lai a liam leh tawh bawk, Liansanga nen kan boruak chu a la nuam rih khawp mai, Martha-i leh a chanchin engmah ka hre leh tawh hrih lo a, ka period zawh aṭang nupa nun pawh kan hmang lehnghal, Liansanga a infit in a inpeih at zel reng nen ti hichuan pasal ka neih chhan pawh a hlawhtlin vat ka ring ania








Ka class lak lai chuan tlar hnung lam aṭang chuan an rawn ri hak a ka va hawi phei chuan naupang zing a pakhat chu nikhaw hrelo in a lo tlu hi ania, an zirtirtu mah ni ila ka phili ve lek lek mai, class cr chu ka ko vat a staff room a midang ko turin, rei vaklo ah chuan Sir Benedict-a leh Sir Amos-a an lo tlan lut nghal a, Sir Amos an ambulance a koh tawh thu te an lo thlen ṭep a rin thu te min rawn hrilh chuan ka thla muang huai mai







Kan naupang tlu chu a hnar leh ka aṭang thisen a chhuak tel tlat bawk si nen ka rawmawl ken chuan a theih ang ang in ka hru nghal vat a, Mary pawh lo lut in kan first aid box neih chu a rawn keng a, lapua chu ka phawrh tir nghal ṭeuh bawk a, a hnar leh ka chu a theih ang ang in ka han hru nghal mawlh mawlh a






Ramthanpuia hi ka class te ah pawh fel pawl midang tibuai lo em em hi ania, a zirna lamah pawh a ti ṭha thei khawp mai, an ni section bik phei hichu keima class te an ni nen ka hre chiang ve thawkhat hlawm a, a ngawi chawi a lehkha mai bak ah sport thleng in a ti thei phian mai







Ambulance a lo thleng a kei chu an class teacher ka nih angin ka zui ve nghal a, Sir Benedict-a a awl ber a ni bawk a min rawn zui ve nghal bawk a, kan HOD in chanchin hrilh tura min tih chuan aw tia chhang vatin kan tlanchhuak nghal a, Liansanga te hospital lam kan panpui tih kan kalna kawng aṭang chuan ka hre thiam mai, call ve ka tum zet na a tih buai ka hlauh vang chuan ka call ta lo a







Emergency room ah chuan kan hruai a an lo buaipui vat vat a, chutia an bula kan din lai chuan "Mamte" rawn ti tu ah chuan ka in her riai riai a, Liansanga chu a doctor coat fual ha ngei chuan a lo ding zuar a, a inhmeh kher mai, clinic ah hian a coat var hi a ha ngai lem lo a, a khai daih zel sia atak a a hak ka vawikhat hmuh na a ni bawk nen a inhmeh ka ti lutuk chu ka en deuh vang vang a "Mamte" a rawn tih leh sup chuan harh zawk in min biakna chu ka ngaithla ṭha nghal a, kan kal chhan min zawh chuan ka hrilh nghal zung zung a "keiman kan en ange" ti in Ramthana lam chu a pan ve nghal a









"Ava mak ve aw, a dam ṭha viau emaw ka lo tia sports vel te hi a tui ve sia" Sir Benedict-a chuan a rawn ti nuah nuah a, ka lo bu ve nghat nghat a, reilo ah chuan Liansanga chu a rawn chhuak a a hmel ah chuan dik zan lo a awm tih a hriat bawk, "Mamte tunah kan zai nghal a ngai dawn a, a chhungte emaw lo bia ula, chuan FIR in theh luh sak ngei a ngaih hmel riau bawk, dan ding lai kan neih sa angin police te kan hriattir tawh a, in zirlai hi a naupan lai aṭang tawh a nasa taka sawisak ṭhin a ni ngeiin kan ring, a ruh tliak amah a inzawm leh ṭo kawi dan aṭang te, chuan tuna a awmdan aṭang te pawh hian hun rei tak a lo tuar tawh a nih hmel" Liansanga thusawi chu Sir Benedict-a nen chuan mak kan ti kher mai







Ka mak ti lutuk leh min ṭhawng lutuk chu ka pai deuh khat a, Sir Benedict an min rawn vawn a tum chiah Liansang an min rawn pawt ve dawrh thung, Benedict-a lah chu Liansanga ngei tur tawk lek hian a nui reuh a, hepa hi eng nge maw a hriat ni, "ka nupui hi sik pawh sik tum tawh suh ang che" chang lutuk a Liansang an a rawn tih hlawl chuan ka mang ti chu ka phar awn awn in ka ring








Benedict-a lah chu a nui duh lek chauh leh nghal a, chu chuan Liansanga thin chu a tirim zual nge a rum nghut a, ka mitmei in ka lo khap nghal vat bawk, buaina chawh chhuah na hun pawh ni nghal lo chuan. Liansanga chuan min rawn kai hrang a "in students case hi a serious hmel riau a, hetiang ho hichu an mahni chhungte ngei emaw aṭang a thleng hi a tam ṭhin avang hian nangmah nin FIR chu theh lut ula a ṭha zawk ang" a tih chuan ka bu nghat a






"Tunge an class teacher " a rawn tih leh chuan keimah ka nih thu ka lo hrilh vat a "ok nihchuan engmah hlauhthawn awm a awmlo ania, tuna police lo kal tur hi ka ṭhian hnai tak ania, engmah sawi vak pawh a ngailo duhleh class a a mizia leh nungchang vel te kha i sawi ang nga" aw ki ngaihthlak nuam deuh hian a rawn ti leh a "Liansanga i chiang maw, a chhanchu ka class te an nih ang hian ka hre chiang ve viau emaw ka intia, Ramthanpuia tak phei hichu han buaipui ngai ang leh harsatna nei hmel hi a pu ngai bawk silo a" ka ti ta duah a








Liansanga chuan ka thusawi hriatthiam hmel tak chuan lu rawn bu nghat in "a nak ruh hi a hmain a ti tliak tawh nge a nih hmel a, a lan dan chuan in college a a rawn luh hma a ni tawh ang, enkawl lo a dam tih hriat takin a inzawm na hi a kawi viau bawk, a taksa kan han en khan ser leh tunhnai a mi hnuhma ka hmu nual bawk, chuan tuna a tluk chhan hichu a lu ah hian thil rit taka khawn emaw vawm a ni a thluak ah hian thi a tling bawk"







Mak ka ti hle mai hetiang te chu mipa ania lo inven ve theih awm tak hi ania, hmeichhia chauh hi tih duhdah na tuar an lo ni biklo tih te ka hriat thar phah "mak ka la tih chu mipa ania mahni in veng thei khawp a ni tawh tho bawk sia" ka tih hap chuan min rawn chhang leh vatin "a tet te aṭanga rilru lam nen a nghaisak ṭhin tih a hriat a, kha khan a hneh tur reng pawh hlauh na a pe a, an mahni an hmuh rual khan hlauh vangin engmah an ti thei ta lo ṭhin a, a lo harh chhuah velah mental health hi kan test bawk ang"








Sir Benedict-a nen chuan kan la awm a kan HOD pawh a lo kal ve tawh bawk a, thil thlen dan te chu kan hrilh nghal a, keinin FIR kan theh luh chuan kan college hming pawh tam taka a lan tur thu te chu ka hrilh tlang nghal vek a, kan HOD hi pa ṭha thluam mi dik kohhran a rawngbawltu pawimawh tak ania, kan thehluh chu a ṭul a ti ve bawk a, "mahse keimah ni thu mai in kan ti thei ngawt silo a, Principal hi ka han rawn der ve hrim hrim ang nga nangin lo buaipui la Miss Rin, an class teacher i ni bawk a"








Kan HOD pawh chu awm rei lo in principal nen inbiak kha an ngai sia, Liansanga te pawn Ramthanpuia chu an zai nghal a, Sir Benedict-a nen chuan kan ṭhu dun ta reng a, ka hmel ngui lutuk a hmuh vang nge mi fiam leh zeuh zeuh a "ka ṭhut hnaih ngamlo che inpa strict emai" tih pah te hian ka ṭhutna aṭang a sir thei ang ber ah hian a ṭhu vel a, kawng lehlam tak chuan ka rilru ala peng khawp mai







Chutia kan lo awmlai chuan Ramthanpuia nu leh pa ni awm tak hi an rawn lut ta a, min rawn pawh nghal vat a, a nu leh pa ni lo in a ni leh a pasal te an lo nia, nu leh pa a lo nei tawhlo hi alo nia , a ni te hian an lo enkawl a ni awm e, FIR chungchang te chu kan sawi chuan an ngaihdan a nih loh hmel ngang mai, a ni zawk phei chu a rawn pawr nghal khawp mai "a hming a zirtirtu ve mai mai in nih kha, engvang in nge in duh duh a thu inlo tih tlang ringawt, FIR chu kan la let nghal ang, tuman chutiang a kutthlak tur kan awmlo, tlangval a ni ve tawh a thian te nen an insual buai ve te pawh a niang chu" tiin a ang hlawi hlawi mai a








Chutia a lo an vel lai chuan Liansanga te ho chu an rawn inzui chhuak a, Ramthana ni ang lai pawh chu an rawn hre hman thuak ang, "Kan rin aiin thil hi a serious riau mai a, police an lo thleng tawh a, kawt ah sawn an awm tawh bawk a, keimah nen kan inbe hmasa phawt ang nga FIR chu in lo ziak fel dawn nia" Ramthana ni chuan Liansanga thusawi chu rawn pawt chat in "ka pu eng FIR mah theh luh kan duh lo, kan nau hi tlangval chho tha za rual a ni ve tawh a, ṭhiante nen intihbuai palh an nei te aniang, ama tan thleng a hmingchhiat thlak dawn a" kei ni min biak dan nena inthlau zet awka nem zet a a tih chuan mak ka lo ti ngang mai








Lemchan chu a thiam dawn phian kha, keini bulah lem a ang nasa phiar phiar emai "Ka Pi in nau hi a ṭhianten nen an lo insual a nih pawn hei kan hospital mai bakah Doctor leh mihring ka nihna ang in FIR hi theh luh ngei ngai ka ti, an zirtirtu ten an thehluh loh pawn keiman ka theh lut mai ang, a chhan chu tuna in nau case hi abuse satliah emaw kan tih kha 'attempt to murder' mai bakah 'rape' case a ni" Liansanga thusawi avang chuan kan meng phar nasa hlawm kher mai, Sir Benedict-a pawh a ang deuh pham mai








Kan mak ti hmel Liansang an a rawn hmuh chuan, min rawn en in a rawn bu nghut a "ni e in nau hi mipat mipat na lam hawi zawng a khawih thin a ni, chuan a hliam en hian tun hnai mai nilo hun rei tak aṭang tawh in a ni" rapthlak hi ka va han ti tak em, he kan khawvel han ṭawp tawh zia mai hi







Police an rawn lut a Liansanga chuan min ko tel ve nghal a, Liansanga room ah chuan kei leh police te leh Liansanga chu kan inzui lut a, Sir Benedict-a chu kan thawhpui te ho chanchin lo hrilh turin ka hrilh nghal bawk a. Liansanga room ah chuan kan ṭhu ṭhap a Liansanga chuan "Mamte Ramthanpuia ni pasal kha FIR thehluh chhan ah i ziak dawn nia, rape case bik ah khan, kut thlak vel kha chu a ni nen hian ani dawn a an pahnih a man ve ve chu an ngai bawk, a khawih ṭhin tih erawh a ni khan a hrelo a nih kha, an hmel kha ka lo chik a, a ni kha chuan mak a tih hmel a, a pasal erawh kha chuan hre lawk hmel a bu tlat"







Liansanga chu police ho nen chuan an in be mawlh mawlh a, x ray na te leh test result neuh neuh te chu thil tel tur chuan a pe nghal a, a hliam awmdan te chu kimchang takin a hrilh nghal vek a kei in a ka tih tur zawng chu FIR theh lut tu a ka hming hman leh court hearing an neih huna thu hre tu nih kha a nimai






Liansang an amah nghak tur a min tih avang chuan ka nghak nghal a, Benedict-a pawh a haw tawh a, tih fel ngai vel ala awm neuh neuh nen Ramthana ward ah chuan ka awm ve ta reng a, Ani te nupa pawh thana lamah an hruai phei nghal a, a nutei te thingtlang lam a awm te kan hrilh a an nin an rawn buaipui dawn a ni awm e







Kristian rama thleng theilo tura kan ruat hi a thleng ta mawlh mawlh mai chu a ni sia, eng ang a rapthlak tak hi lo la thleng ang maw. Liansanga chu a rawn lut a, haw tur chuan kan inzui chhuak ve nghal a ka rilru ka lo kawm nasa deuh nge Liansang an min rawn biak chuan ka phu deuh zawk mai "eng nge i lo ngaihtuah a" a rawn tih sup chuan chhang mai loin ka thaw leh hak a "amak ka tih ala reh theilo, engtin nge mahni mipat pui hi an it theih ṭhin le ka ti, piansualna lian tak leh Pathian pawi khawih na lian tak a ni" ka thusawi chu dik tih hmel zet hian a lo bu nghauh nghauh a "ngaihtuah lutuk duh suh pawngsual hi khawvela ka thil huat ber a ni, chuta kar ah ka mipat pui chung a thleng lehnghal ania rorel na dik a hmuh theih ngei nan ka pui dawn alawm" a tih nghet churh chuan a thusawi chu ka ringhlel chhin lo







In kan thleng a U Liani pawh a lo haw tawh aniang, a lo ruak huai mai chaw ei chu kan siam nghal mawlh mawlh a, ka chaw ei a tui lem lo khawp mai, eng tham mai ei lo chuan ka kham ta daih a. Liansanga pawn ka awmdan chu a hrethiam nge min be buai zui biklo, room ah ka chho a ka intleuh zo ka chhuak leh chu Liansanga pawh a lo awm vang tawh






"Mamte thil sawi lawk ang hmiang" a rawn tih chuan a bulah chuan ka va ṭhu ve nghal a , "i inbual hlan khan ka ṭhianpa kha min rawn call a Ramthanpuia ni leh apasal chu non bailable in an hreng nghal a, kar leh h court hearing na ah hian i kal ve a ngai dawn a, mahse lungngai lo la keipawh thu hretu angin ka rawn kal ve dawn tho ania" a tih chuan ka lo bu nghat nghat a






Ramthanpuia case chu court a kan inlanpui ni a ni tawh a, tun kar chho kha chu zirtirtu te kan buai cher cher khawp mai, Youtuber ṭhenkhat lahin FIR theh lut tu ka ni nen min rawn kawm tum a min rawn be tawk lah an tam, mawi hnai takin ka lo hnar zel thung a, kan HOD leh principal te thawhpui dang te pawn an mahni kawm tum tu an tawn hnem thu te an sawi ve malh malh hlawm mai. Tunlai ah chuan content kan duh lutuk na lamah hian duh ai chuan midang nundan kan va zah sak lo mah mah em aw ka ti








Class chawlh tawp a theih bawk siloh chawhma kan kal a, court ni hmasa ber a ni sia kal kim vek kan duh si nen chawhnu lam chu kan chawlh tir ta a. Naupang ho pawn an lo hre ve lo theilo a, chanchin min zawt tu lah an tam engmah chu kan hrilh ngai chuang lo a, Ramthanpuia thian kawm ve ber pawh kha thu hretu ah a rawn din sak ve dawn bawk a, kan rualin ka car ah kan phur tel bawk a





Kei, leh Mary leh Benedict-a leh Ramthanpuia ṭhianpa kha kan chuang a, Sir Amos-a leh Miss Aremi an inphur a, kan HOD te pawh an rawn kal dawn bawk. Ka sawi hmaih pakhat chu Ramthanpuia kha ni thum hnu ah a rawn harh chhuak a, mentality test chu an neih tir a, a lo ṭhalo tel khawp mai. Depression nasa tak aneih bak ah anxiety te pawh a nei tel a ni awm e, a nute te kha an lo thleng tawh a, ṭawng mawilo nilo se thingtlang mi nu mawlmang ve tak mai ania, an pa phei chu ram lam hna an ṭul sia a rawn kal velo nghe nghe, a nutei khan min biak fal khan thil kal hmang an hriat loh thu leh lan kut a a innghah thu kha min hrilh tawp a, kha khan min ti paukhauh nge a tawp thleng a ṭan ka tum ve ta tlat








Hearing vawikhat na chu kan zo a kan chan chu a ṭhat hmel khawp mai, Liansanga pawh an ko ve a Doctor a nihna ang takin a medical term ang zawng te thil a sawi nual a, a sawi lai phei kha chuan ka ṭang lutuk a ka lo thlan hluam thei. Ka thawhpui te ho nen chuan thil te kan ei ho a Liansanga pawh kan bulah chuan ala rawn tel ve zel tho, ka lai deuh riau pek a hetia mi hma a inzui vel hi kan nei ngai mang silo a, awmdan ka thiam lo ang reng







Kan thawhpui te ho chuan min fiam zauh zauh a Benedict-a lah huan Liansanga ngei tur tawk lek hian a strict a tih thu vel lampang hi a sawi a sawi a, Liansanga lawm lo hmel vel chuan ka nuih a ti za ngang mai, han nui chiah ila chuan a thinrim zual khawp ang le. Thil kan ei lai chuan dawhkan hnuai a ka kut dah chu Liansanga chuan a rawn vuan vut chu amah ka melh deuh kawk a, hrelo ang hmak hian a thil ei lai chu a ei mawlh mawlh bawk si, ka hrelo der ve ta tawp a, mahse le khawr tak hi ka ni midang in an hriat ka hlau si, nuam ka ti ru tho bawk si ka awmdan chu lai kual vel tak a ni








Ṭhiante ho an chhuak sap sap a College ah let leh a meeting neih kan la ngai sia Liansanga nen chuan kan inṭhen leh rih a, thawhpui te ho nen chuan college lam chu kan pan nghal a, meeting kan zo a haw tur a ka inbuatsaih lai chuan kan ka phone a lo ri leh ri a, parking lam pan pah chuan ka chhang nghal a "Mamte zanin tlai chu chaw in lo eiphei dawn em mi, Bawiha kha chu ka be tawh a Mamtei tih dan dan kha a ti mai a" ka nu Liansanga nu zawkin a rawn tih chuan aw tiin ka chhang a, tlawh te pawh kan tlawh khat hrim hrim a pawi ka tilo khawp mai







Liansanga hi thil hi a ngaihtuah thui riau a, anu te ina chaw kan ei te hian haw lamah reilo te tal hichu kan in hi min tlawh kawi pui ziah a , fanu mal ka nih vang nge mi hi an ngai ve thei riau a, min rawn bia in phei turin min sawm ngai lem lo na a, kan va len phei chang hichuan an hmel a an lawm zia hi ka hai biklo, pasal ka neih tawh chu thuhran ka hna nen tunlai phei chu case kan nei ve bawk nen ka buai cher cher lutuk a khawi ah mah ka peng hman lo a ni ber







Ka inkhalh haw nghal a Liansanga pawh clinic ah a awm leh tawh ania a car pawh garage ah a awm vang tawh, ka indah fel lai chuan clinic kawngka atanga a Martha-i ang zet mai rawn chhuak chu a hmu thuak a, en nawn ka tum lai takin a lo bo hman daih a, a nih ring deuh ring chiah silo chuan inchung ah chuan ka chho nghal a, ka in thlak sawk sawk a inbual tur chuan ka lut nghal a






Ka inbual lai chuan thawm ri rak rak ka hriat chuan Liansanga a lo haw tih ka hre mai, ka hmanhmawh deuh a ka chhuak ta vat a, ka rin ang ngeiin Liansanga pawh a lo awm ngei bawk, min rawn en zauh a "Mamte tih tur hmanhmawh thlak deuh hlek ka nei a, ka va dah zuaih che ang nga ka kal leh ang nga chaw rawn ei hman hram chu ka rawn tum ang aw" a ṭawngdan aṭang chuan diklo a awm em tih chik zet hian ka lo en a, mahse a hmel ah engmah a lang lo








An in a min drop zawh chuan hmanhmawh zetin a inkhalh chhuak lehnghal a, eng nge maw mi mawlh ni ka ngaih a ṭha vaklo tlat mai eng mah chu ka sawi lem chuang lo a. Ka nu lah chu Kohhran hmeichhia ho an lo leng a an inkawm ta daih a, Muanpuii nen chuan eirawng bawl pah chuan kan in kawm leh chawt a nimai, Muanpuii hi mi fel tak zawng a ni a rilru te hi a tluang purh mai a, a ṭawng duh ve hle bawk, ka rilru ah Sangtei a lo lang daih thung, Muanpuii nen chuan inang lo tak an ni







Mo sual kan tih te pawh hi an pasal te mawh tam tak hi a lo van tel tak em, Hruaia hi ka nau mah nise mipa nep chi ka ti mai, hmeichhe thu thu a awm thei chi hi a ni tlat hi a buaithlak a ni, a u te pahnih a tluk lo khawp mai, Au Mama lah mipa ah pawh pa tak hi ania, an nu pawh duat viau siin a tih dan dan in a awm bik miahlo, Mampuia lah ni se a pa leh lutuk hi kan buai zawk ṭhin tih tur vel a ni bawk si, Hruaia nem bik lutuk hichu a mak hi ka ti ve ṭhin







Hruaia hi Au Mama ang hichu ni se Sangtei hi hetiang hian a awm miahlo ang mawle, Au Mama lah tleirawl sual nei miahlo Pathian ṭih em em mi ania, Hruaia leh Mampuia hichuan an tluk lo fai vek chu a ni.







Liansanga chu tun thleng in a lo la let lo a tunah dar 10 a ri dawn thuak tawh, ka nu ngaihdan ni lo chuan call turin min ti sek tawh, ani phei chuan a call mawlh mawlh tawh, min tur tak sek ah chuan a tawp a tawp ah chuan ka han call ve ta a, a ring vang vang a ala tawh dawnlo emaw ka tih hnu chuan a rawn pick ta hlawl mai "Liansang " ka ngai vang vang a hmeichhe awl tliang ral hian min rawn chhang ta






"A buai hrih a" hi a rawn ti dap a mak ka ti kher mai "tunge i nih" ka aw erawh ala dam dap tho "Martha-i ka nia U Liansanga chu bathroom ah a lut lawk a ka lo hrilh dawn ami" zangkhai vah hian a ti ta a ka chhungril ah chuan che dat hi a awm, ka sa deuh pup pup bawk "ngailo mai engtik nge a lo haw ang tih ka hre duh mai mai mawle" ka theih tawp a zang khai chuan ka han ti leh a chunu chuan min rawn chhang leh in "zanin ah a rawn haw dawnlo tih a hrilh lo che mi, zankhua in tih tur kan nei a" nui zui har har a a tih tak ah chuan phone chu ka dah ta daih a







Ka nu chuan engtin nge a tih tih min rawn zawt nghal vat a, zep a ṭul na ka hrelo ka hrilh fai ta kelh a, a thinrim lutuk chu a sen vekin ka hria, "kan Liansangpuia chu ava han chak dawn lo tak, Martha-i tei vet pawh saw la kam khat hlek a ngai ani, mîpa a ni tawh tih te hi a hre ve awm sia" a tih hlawi hlawi chuan thildang ka lo ngaihtuah daih, engtin nge Martha-i a ni tih a nghal theih







Hmeichhia in a lo la tih bak ka sawi bawk silo a, a fapa nun khawlo zet hi a lo tawng ngun tawh a a lo hre chiang viau a ni ngei ang. A tlai tawh em avang chuan kan inlam ah pawh haw ta lo chuan Liansanga te inah chuan ka riak ve ta tawp a, ka bet lo ngei mai.






Liansanga awmdan hi hriatthiam a har ka ti khawp mai, Martha-i chanchin kha chu min hrilh vek tawh chuan ka hria a mahse ka rilru leh lam tak chuan engthil emaw ka lakah hian zep ala nei tih rinna hi ka nei tlat, chuthil chu eng nge niang tih hi ka zawn chhuah chu a ngai a ni. Martha-i tak pawh hian eng rilru nge a put ni ang aw, thlakhat dawn a reh tawh a tuna taka a rawn inlan leh hian chhan chu a neih ngei ka ring bawk, nge ni a tunah chauh nilo ka hriat loh hian ka hnung lamah min lo thlim ṭhin reng zawk








Thil chi hrang hrang chu ka ngaihtuah a Liansanga chanchin tak tak a chhungten an hriat pui bak hretu hi pakhat tal an awm dawn ka hriat chian ngei chu a ngai a ni, he mihring ka duh ṭan mek hian a thil zep zawng zawng leh a nun diktak hi hriat ngei ka ngai takzet a ni, nakin a mi â ang mai a ka nat loh nan. Chung zawng zawng hre tu tur a rin pakhat chiah ka nei, ni e Alex-a kha a ni Liansang an best a a hman kha, kan zin lai a a lo call pawh khan Martha-i chunchang kha a rawn sawi tak alawm, hepa hian thil hriat thui tak a neih ka ring hmiah bawk ka rinna hi a sual ka ring hek lo, ka la dawp deuh chu a ngai ngei ang.


Show post links
Top

[Ngaia]

Ka harh chu ka phone ka en a zing dar 6 a lo ni tawh, Liansanga missed call a lo awm nual bawk, call back tumna ka nei lem lo . Inhnuai ah ka chhuk a ka nu a lo tho tawh a, hna kal ka ngai si a tiin kan inlamah chuan taxi chuan ka phei ta nghal a, ala zing kar ve ang reng bawk a vei vak an la tlem khawp mai, exer la leh chhang kang ho chu ka hmu pheuh pheuh a ka rilru ah thil lo lut daih chu






Mi neinung deuh ho thawh hma dan leh a neilo deuh ho thawh hma dan inan loh zia daih a ni, ṭhenkhat in an neih sa an chen rei loh an hlauh vanga an taksa an uluk ṭawk ṭawk laiin ṭhenkhat tan erawh chhungkaw hrawk chawm nan mut mu pawh tuah lo in an tho hma ve thung a, mihring dinhmun inthlauh zia hi a ti lang chiang teh e, siamtu hian a duhtak a a siam vek te hi a chang hichuan duh loh deuh bik a nei e maw ni tia ngaih theih rum rum chang te pawh hi a tam awm e







Christmas kan hnaih tawh bawk a thlasik boruak pawh a vawt ṭha ta khawp mai, in ha pan deuh phei chuan zing lamah chuan a chhuah chi mang mang tawh lo, kan inkawt ah kan ding a chuan man te kan in pek fel hnu chuan inchung lamah chuan ka chho nghal a, kawngkhar lo in lock loh danah Liansanga a awm tih ka hre thei nghal mai, U Liani tunlai chu chawlh a la hrih a zinga lo kal chhan tur a nei hrih lo.








In chhung ka pen lut a Liansanga pawh ngaihven loh chuan ka chaw ei tur vel siam chuan ka buai nghal a, chaw ka chhum a chawhmeh tlem ka siam leh a, ka siam zo choka aṭang ka chhuak dawn chiah tih ah hian Martha-i ngei mai chu Liansanga kawr ha hian a rawn pen lut a nih chu, ka mak ti lutuk chu chet mai na chang pawh ka hrelo






Martha-i chuan mi rawn nuih sang hian tlangnel hmel tak hian fridge chu a hawng a, tui chu a innghal khawlh khawlh bawk a "nizan lam kan che nasa deuh a ka dang a ro lutuk" nui sawng chuan ala rawn ti a nih chu zaklo hi la va han ti mai mai tak. Engmah chu ka la sawi chuanglo ka melh kal ringawt "Rinhlu inpa hi a kham khawp i pe meuh lo ami" nui har har a a rawn tih leh chuan ka sa ve ta nghal phat, la che mai lo chuan "eng maw i sawi a" khauh fak a ka tih leh chuan ka mit ah tak rawn en a rawn nui sawng hian "ka zawt mai mai che mawle nizan khan kham khawp hmu ngailo a ang ka ti em a"








Kei aiin a te a min rawn chhoh melh deuh ha zawk, a thusawi vang chuan za lo zet hian ka nui lui hak a "in inhmeh tawk vel lek a nih chu, mi bawlhhlawh pahnih" ner nak a ka tih chuan amah zawk chu a rawn ṭeu nghal hlar mai "han sawi leh teh" a rawn tih vin ṭhat rual chuan a hma a a nuih dan a nui ve sakin "mi tenawm pahnih ka ti che u, mi hurherh pahnih" ka tih leh sak sak chuan a thinrim hmel lutuk chu a te bawk si nen a khu thei hial in ka hria "zawngi nang khan khatia min ti tur khan eng nge i nih a,U Liansanga hi a chhungte vang bak in i nei pha hleinem, a thinlung ah hian hmun i chang ngai dawn lo" a rawn tih chuan ka lo nui leh hak a








"Liansanga thinlung neitu i nih bik loh zia chu i inhre chiang khawp ang chu, chhungte vang i ti mi khah?? Tunge chhungte vang a tun thleng a amah la hnaih tu zawk tih pawh ka sawi ngai lo in i hriat nghal kha" ka rin aiin ka aw a dam ta phian mai, mahse le chu chu a lo haw zawk daih emaw ni ka sam sei hniang ah chuan mi rawn ṭham ta, ka rilru chuan e e e ka ti mai a a sam ah chuan ka kek bu ve nghal lawp a







Kei aia lian pawh ka han hlauh loh vei nen ani kei aia te fe phei hichu hlau lo tak ka ni, a rin aiin ka lo chak nge a ṭe ta chul mai a sam ka pawh na chu ti na zual deuh in keimah atang chuan a sam hmang chuan ka hnuk sawn dawrh a, a ṭap dêr tawh a nih chuh hetiang leh tur si te chu eng ah nge kut mi thlak hmasak vek ni






Eng ang pawn ṭap mahse e ka la duh tawk ve reng reng lo, kut thawh hmasa tu ka nilo bawk ah pawi ka tilo khawp mai, a sam ah chuan nghet lutuk in ka la ṭham a ka tha zawng zawng hmang chuan ka han thing tak tak a nih kha, ṭap chung chuan Liansanga chu a ko chul a kei lah chuan thlah ka tum der lo






"Tawp nghal rawh u" awki sang ṭha veh vawh a Liansang an a rawn tih chuan thing tawhlo chuan ka chawl dat a, a samah erawh ka la ṭham reng thung "Rinhlupuii thlah rawh" a awki pawh ala sang ṭha hle mai, a zaktheilo hi ka va han ti tak ka hmingpum ten mi la rawn ko khanglang a, ka va han thlah awm lo chiang ber, a aia na chuan ka kek dak leh awrh a, a lo chiau leh chul tawh Liansangpuia chu rawn pen phei pawk pawk in "Rinhlupui" a rawn tih leh chuan a mit ah tak melh pah chuan Martha-i chu ka kek dak leh awrh a








Vawi leh khat ah pawh ṭhen in kan awm ta nghal dawrh mai, Martha-i lamah chuan a ding a sawi sap in "rapthlak lutuk" a ti ri chuan min rawn chhun zawk mai, kan chawei dawhkan a ka vase dah chu la lawk in Liansangpuia chu ka vawm nghal ṭhuai a, Martha-i a lo au ṭhat bawk, Liansangpuia chu ka vawm fu ngei aniang vase tla keh ri chuaih pawh ka hria, a bek chu a thi nghal ṭiam ṭiam bawk, engmah sawilo chuan mi rawn melh ngawt ngawt ringawt







Choka aṭang chuan ka chhuak nghal a, kan room an chuan lut in ka inthlak na tur ka closet aṭang chuan ka la mawlh mawlh a, bathroom ah chuan inthlak in ka chahbi lain ka chhuak nghal vang vang, Liansangpuia te chu ka ngaihsak leh tawh lo hrim hrim







Ka class la pawh ni dang ka ang lo khawp mai, Martha-i min keh ve na vang kha nge ka lu lei a thip deuh zawk zawk bawk, keipawh ka na anih chuan ani phei chu ana viau ang tiin ka inhnem chawp ta ngawt a. Tlai ka ban chuan Liansangpuia pawh a lo haw tawh aniang inchhung pawh a lo eng ṭhap tawh, ṭhutkhawmna lamah chuan rawn phei in "in bia ang" a rawn tih sup chuan ka lo ner ru sak, tukin zing a ka vawm na chu a bek chu a lo bel ve deuh a, chawh hi ka va han ti thar tak







In hnial vak ka peih loh vang chuan ka ṭhu thla ve mai a, "Martha-i chungchang ah hian rang takin i ngaihdan siam suh, i hriat loh thil tam tak a awm ania, tuna ka thil buaipui lai hi ka tih fel hunah chuan buaina a awm tawhlo ang" a thusawi dan mai mai chu ka ngei zawng tak a ni "Ka hriatloh tam tak chu min hrilh ta reng che" ka ti ve nghat a "ala hun lo alawm, lo nghak hram hram rawh" a aw ah chuan ngenna ri a hriat tel theih, hetiang a Liansanga a awm hi ka duhlo, ngeng hmel deuh khan awm in emaw sual deuh khan awm se ka tan pawn beih let a awl zawk






"Ok a nih chuan i chin fel hma chu room hran ah kan awm leh tawh ang, khawih pawh min khawih tawh hrih suh ang che" ka thusawi chu awihloh hmel zet hian min rawn en a, ka hmel a ka tih tak tak zia a hmuh chuan ṭawng tumin a rawn ang zuau a mahse chip leh in a thaw ta hawk zawk a . Fa neih ka duh luat vanga ka nem zung zung ang kha ka ni bik reng lo tih hi hre teh se







Chaw kan ei lai chuan hnathawk ka koh ho chu an lo thleng a, kan room a hmaa ka room aṭang khan kan khum hmanlai chu ka lak chhuak tir a a thar ka dah tir nghal bawk a, "Ngatan nge khum saw i lak chhuah tir" za lo zet in ka nui hak a "i hmei nu nen a in mutna hnu ah sawn ka mut i ring amaw" ngeiawm thei ang ber tur hian ka tih chuan rawn rum nghat in "kan mu dun lo" bung vut hian a rawn ti ve nghal a "ka awih che i ring em" awki hniam raih ngeiawm zet a ka tih leh chuan hahthlak tih hmel zet hian min en ta tlawk tlawk ringawt a








Christmas chawlh kan nei tawh a Liansanga te erawh an la chawl ve lo thung, chhunah chuan kan ina awm chu a reh emai tiin Liansanga te in lamah ka phei ṭhin a, tlai ah Liansang an min rawn lam mai zel, kan inkar chu a chhe lo a a ṭha hek lo. Min biak tum ve ṭhin mahse a rul tawk bakin ka chhang ngai lo, ka rin ai in a dawhthei phian lehnghal a hetia ka han biak ṭhat peihloh vang hian a in duhtawk na te a chet ve deuh ka ring kha ania, a ti sual tu zawk a ni tih a inhre ve deuh aniang chu








Ramthanpuia case ah pawh khan hnehna kan chang ta a, mak deuh chu Ramthanpuia khan u mipa a lo nei reng a ni awm e, a pa fa bik kha khan a rawn zawng chhuak a, an awm dun dawn a nih hmel, keimah nen tak phei chuan kan inhmu ve ta lo a.







Martha-i pawh khami ni bak kha chu ka hmu leh tawh hrih lo a, a rin ang ngawt chu ka lo ni lo deuh ang. Liansanga nu leh Muanpuii te nen bazar ah kan tei chhuak ve a, Christmas a hnai ve tawh bawk nge mipui vei vak an tam tawh khawp mai, secondhand te kan thing a hmeichhe hlang chhuak tih tak ah kan duh zawng pawh a inang hlawm khawp mai, ka nu ṭhiannu te dawr ah chuan kan lut a puan bih chi te chu kan en a keipawn ka duh tak ka hmu bawk a puan pakhat chu ka lei ve a, Ka nu leh Muanpuii puan man pawh chu ka pek kep nghal a, an lawm hmel khawp mai







Dawr ah chawlh kan rawn a kan piah deuh a thingpui dawr changkang vaklo mahse lun tak si ah chuan kan inzui lut a, hetiang dawr ho hi an siam tui daih zawk a, mi pawh hian an bawh reng a ni, a man tlawm zawk chu thuhran. Dawr a kan ṭhut ṭhap lai chuan Liansanga leh Alex-a leh Martha-i chu a rawn in zui lut ve hlawl mai, kei chiah in ka hmu lo ka nu pawh chuan a lo hmu aniang a meng rang nghal kher mai






Kan hmu tih an hriat takah chuan min rawn pawh ve nghal a, ka nu chu nu â lo ta chu a hmel ru aiin dam dap a rawn ṭawng chhuak in "kha engtin nge in rawn kal ho teh daih a " Liansangpuia chuan a nu chhan tum awm ang pawn a awmlo, Alex-a zawng chuan ka nu chu a hrechiang niang chu a rawn chhang vat a "Nia Martha-i nen hian tih lawk tur kan nei a, hei ṭhianpa hi kan rawn tawk a dawr ah chawlh kan rawt mai mai mawle" a aw ah chuan pangngai hmel viau mahse a hmel chu a pha dai mai






A ṭhianpa tan dawt a sawi tih chu mi â ni leng ni lo tan chuan hriat loh chi ni hek lo le, kan nui tawi tak hlawm mai. Kan bulah chuan an rawn ṭhu ve a Liansangpuia chu ka bulah rawn ṭhu in min si chet hian a rawn ṭhu a, ka tlawh sawn a min rawn hnaih ve zel bawk si, a tawp ah bang ka ngheng ta dat a, chak zawk in ti niawm fahran hian a khi deuh suk a , ka va han ngei mai mai tak







Ka beng bulah chuan rawn kun hniam deuh in "i ngaihtuah na ang kha engmah a awmlo ania" a rawn tih sup chuan ka melh he haw a ka thil ngaihtuah pawh a hre hawt emaw ni. Kan thil ei te chu ka eitui leh tui loh pawh ka hre nek lo e ah, ṭang ṭung a thil ei chu tunge tui ti taka ei bik ang ni. "Nu Alex-a khan MPi nen khan thlah mai cheu rawh se Mamtei nen hian kal lawk na tur kan nei a" Liansangpuia thusawk chu zaklo hi ka va han ti mai mai tak, tih tur pawh kan nei tawp silo a







Ka nu lah chuan e kal rawh u a ti awlsam then mai bawk si, Martha-i chuan thinrim hmel zet hian min lo melh thung a, rilru dang ka pu ta henu vang hrim hrim pawh hian Liansangpuia hi ka zui ang tih hi a ni. Kan inzui chhuak ta a min biak na te chu chhang lo ang vel ka ni, kan tlanna lam chu ka hre ta hauh lo mai ramhnuai tih dawn a metal road la awm ve si ah hian kan tlan a motor chu kawng sir ah chuan a ti ding ta dat a







Tukverh lam chu ka hawi lui ngar² a rawn thaw hak in "Mamte" a rawn ti sup a ka awm dan ngai chuan ka la awm ngar ngar tho "Rinhlupui" a rawn tih chuan rum lutuk in la va melh a a lo ṭhen ang ṭhaw a "khatia ka koh loh che chuan i lo hawi duh silo a" a tih chuan ka va han ngei mai mai tak, khawn hrep hi ka duh tawh a ni






"Mamte ngun deuhin ngaithla rawh Martha-i hi ka tan engmah a ni tawh lo, hna thil ah ka la mamawh vang chauh a la be ṭha ka ni, ka mamawh tawhlo ṭep tawh bawk" a dan ngai te in maw, ka hmuh dun apiang in tiang hian a insawifiah ang nga ka lo lem duak duak ang maw! hnai love Liansangpuia lem chan hi ka kham tawh tak zet





"Liansang eng vângin nge min neih, diktak in min hrilh rawh, thudik ka hriat vangin na dawn mahila, dawt min hrilh a nakin a ka hriatchhuah leh a ka natna tur kha tuna thudik vanga ka natna tur aia nasa hian ka na zawk dawn ania. I laka ka rilru put dan hi engtin nge ka kalpui zel dawn tih hriat nan pawn thudik hriat chu ka mamawh ve i ti lo ami" ngen ngawl zet a ka tih chuan a rawn thaw chhuak ham ham a, Liansanga bulah hian hetiang hi ka sawi ka in ring ngailo chutah tun ang boruak ah lehnghal







Min chhan tumloh hmel zeta a awm chuan kei chu ṭawng leh in "kan inneih tirh a ro vang tih vel i sawi kha chu thudik lo a nih zia ka hre tawh, nang hian eng ro mah chuh ngai i neilo, kan contract ziah te kha eng vanga ziak nge kan nih a chhan diktak ka hre duh, mi â ang mai a tei tei te hi ka kham tawh tak zet" ka ti leh hlawi hlawi a rawn thaw chhuak ham ham in "Mamte hrilh thei che ila ka ti" sawi sup a a rawn tih chuan ka Khawlhring thinchhiat a chhuak leh deuh tlat pek a







"Liansangpui i hmei nu i chhungten neih an phalloh vang che in em mi kei mi neih, mawh sawi rawh i nawmchen na thup nan ami min hman, a nih te chuan eng vang in nge min khawih hmelaa" ka au tuarh tuarh tawh hi a mimai, a awm ah ka kut zungchal in ka kawk sawk sawk bawk a, a thin in a tuar ta biklo aniang chu ka dar tawn tawn ah rawn vuan in min thing deuh nawk a "Rinhlupui a tawk" a ni pawh chu vin ṭha tak a ni







Kei lah chuan tawp mai ka la tum lo "i zaktheilo a nih chu Liansangpui sawi ta che mawhh min neih chhan chu i ka ngei khan sawi rawh, mipa nep tak ang a khawsa kual vel lo khan" ka tih leh bawrh bawrh chuan rawn rum hakin "Ka neih chhan che maw, i hre duh a ni lawm ni" a awki pawh a sang lutuk tawhlo a zawi viau erawh a ni hran lo






Cho ar a melh chho hian "sawi ta che" ka la ti hram a, chutah ka rin loh deuh hian ka kawng ah rawn pawt hnai in min rawn fawp ta thut a nih chu, a tirah chuan ka hamhaih chu chet mai nachang pawh ka hrelo, ka in ngaihtuah harh zawk a ka tal nghal phat phat a, ani pawh chuan min thlah ve mai in "tikhan i hre tawh em" a rawn ti leh sup a, rum zet a melh chho chung hian "Hmela thudik i sawi ngamloh vangin khati khan engvang in nge min tih" ka aw te chu a khur dar dar mai







Liansanga chuan lu thing nghut nghut leh hahthlak min tih hmel zet a min en pahin "i â reuh hle mai, Rinhlupui ka neih chhan che chu maw, kei hian ka duh che"







Boruak chu a reh nghal duk ni mai hian la hria, ka bengchhe ri mai mai a ni em tunah khan Liansangpuia khan eng nge a sawi, "engmaw i sawi" bah nak a ka tih chuan a lam hawi turin a kut pahnih chuan ka biang tawn tawn ah rawm khuap in "aw ni e kei hian ka duh che, nangin min hriat ve hma atang tawh khan" a sawi zawh kual chuan ka hmui ah chuan a rawn a rawn fawp leh zauh a, lawmna ai mah chuan mak tihna te awih loh na te tam tak a awm zawk







Kei hi Liansangpui an min duh maw? Chu pawh amah ka hriat ve hma atang tawh in thil thlen dan hi amak in a awihawm loh viau mai "Liansang thudik i zep duh vangin dawt dang sawi suh" ka la ti fan a rawn rum nghut in "i va hahthlak reuh e" ti hian a kiai suk a, chhan mai dan tur pawh ka la hrelo "Rinhlupuii hmeichhe naupang samtawi chalsam nei, a unaupa kalna apiang a zui hnek hnek ṭhin, a tleirawl hnu pawh a a unaupa bula la awm chawt hmeichhe luhlul leh tihmawh tak, mahse dam raih si kha kha nu kha ka duh a nupui a neih ngei pawh ka tum a, tunah chuan ka nei ta reng a nih hi" a rawn kiai leh suk a







A hmel ah chuan hmanlai thil ngaihtuah niawm tak hian a lang a, lunglenna niawm tak te pawh ka hmu thei. "I la hria em hmeichhe naupang kum 8 mi in mipa naupang kum 14 mi inla tlangval chho ṭan an insual na avang a hospital a an rawn hruai kha lollipop a lo pe a, 'mipa tak tak chu an insual ngai lo, insual chu boy tih dan alawm' a lo ti reuh a nih kha, kha thu kha kha mipa naupang rilru ah khan a intuh nghet nghal em em a, hmeichhe naupang te in khatiang tawngkam puitling ru zek a nei te kha hriatchian a chak ta em em a








Kha mipa naupang kha zakzum tak hi a ni rauh a, hmeichhe naupang te pawh kha be ngam silo in hla tak aṭang hian a lo thlir reng zel a, a hriat loh kar chuan hmeichhe naupang mizia chuan a hneh telh telh a engtik laiin nge a duh tih pawh a i hre hman ta lo a, tichuan school te an kal ho a an class a inthlau a, mahse mipa naupang kha chuan ala ngaihven ru reng zel tho, an kum te a upa telh telh a mipa naupang pawh school aṭang a chhuak ve tawh a, chuti chung chuan a hman apiang in hla tak aṭang tho in alo l thlir ṭhin reng tho a








Naupang ni tawhlo in rawlthar leh tleirawl an lo ni tawh a, kha rawlthar ti hlim em em turin hmeichhe tleirawl te lah chuan mipa dang a ngaihsak hauh lo a, a unaupa a phirpui pa a zui det det ṭhin bak chu mipa dang bulah a hmu ngailo, mahse thawk leh khat ah kha hmeichhe tleirawl te te kha an pem ta daih mai a, a tirah chuan kha rawlthar khan a ngai ṭhin em em a, a ngaihtuah reng zel bawk a








Mahse hun a lo kal a a rawlthar thinglung te rawn insiam puitling chho in zawi zawi in puitlin lam a pan a kha tleirawl te pawh kha a theihnghilh ta tial tial a, tichuan rahbi thar kaiin ngaihzawng te a nei mahse le khuanu ruat ni lo ta chu an inṭhen leh ta, chutia a ngaihzawng then rilru nat lai tak chuan hmana hmeichhe naupang a tleirawl thleng a a thinlung luah tu ngei kha a hmu chhuak leh ta, tun ṭum chu chhuah a tum ta hauh lo mai







A theih tawp in lehkha a zir phah ta a hna tha tak a nei ta a, Mizoram ah a rawn let chuan kha hmeichhe naupang ni thin kha pasal nei rual a lo ni der tawh a, tichuan hmana mi zakzum tak biak pawh be ngam thin lo tu khan mahni hmasial ve ta in a duh neih tum khan a bei ta a, a tawp ah chuan a nei ta reng bawk a, mahse tih tur pakhat ala nei a duh ber thinglung hneh a ni" a thusawi chu ngun takin ka ngaithla kar a







Khawvel ah hian thil mak tam tak a thleng tawh a, a lo la thleng zel bawk ang chung zing ah chuan tuna Liansanga thusawi kha a tel ve ngei bawk ang, mak ka tih na hi pui tak a ni, sawi mai tur pawh ka hrelo ka kha chih tlat


Show post links
Top

[Ngaia]

Liansangpuia POV



Mak tih hmel deuh a a mit meng lian kelh kawlh a min en reng tu chu ka lamah ka hnuk hnai leh hret a, ka awm zawn ah chuan kuai kun in ka lungphu ri dat dat chu ka ngaihthlak tir a "i hria em he lungphu ri hi, i bula ka awm chauh hian asin heti taka rang a a phut ṭhin" ka tih leh sup chuan rawn thaw ve deuh hliai in "haw phawt ang" tih zawng hi a rawn sawi a, mahse ka ngaih chu a ti ṭha ta phian thung






Ni e hun rei tak atan tawh ka bula ṭhu nu te hi ka lo vei in ka lo duh tawh tlat a ni, Martha-i nen kan inṭhen tirh khan ka rilru na em em a, phatsan nih kha ka tlawm la a a kham khawp pe zo lo ang a inngaihna lian tak kha ka neih phah a, ka zak viau bawk a nih kha. Kha kha ka ṭhian hnai deuh ho in an hriat chuan min lo tlawm lak pui nen intih thawven nan min tei harh pui ta reng a, tlem chuan ka rilru chu a la peng ve viau. Chutia kan chhuah ho ṭhin lai chuan Rinhlupuii te class ho hi ka hmu ta a, a tir ah chuan ka lawmna ai mahin mak ka tihna kha a nasa zawk ang







Apa te leh ka pa te hi sawrkar an an thawk ho ṭhin a, thingtlang khaw pakhat ah an post dun nghe nghe khata ṭang a inhria kha kan nia, kha hmeichhe naupang te belhchian ka chakna khan tun hun hi min hruai thleng a tih loh theih loh. Rinhlupuii pa chu an transfer ta a khami hnu ṭang khan ka hmu leh tawh ngailo kha ania, mahse hei tunah ka hma mai ah ka hmu leh ta a, atan a ka rilru put hmang ka phum bo tawh emaw ka tih kha a taka han hmuh chiah chuan ka lo phum bo awzawng lo tih kha ka hriat chhuah hmasak ber a ni







A hma aiin a lo ṭha zual in nula pangngai tak tak a ang ve ta khawp mai, a pian dik thlap mizo hmeichhia ah chuan a sang pawl tih theih tur te, a mawng vawng ṭha tak chhing deuh lah te, a vun ngo tak leh a hmelṭhat na ti belh chhah tur a mitmu lian fiah kak te khan ka hmuh leh ni aṭang a zunah min uai thar tir leh a, tun ṭum zet zawng chhuah mai mai ka tum tawhlo tih hi ka hming ka chian tluk zetin ka chiang ta







Ka ṭhiante pawh ngaihsak tawh lem lo chuan Rinhlupuii te chhuak chu ka zui chhuak ve nghal a, a ruk chuan an inthleng chuan ka zui a an in ka hre ta bawk a kawng chu a kaw zel turah ka ngai. In ka haw chuan ka pa chu ka bia a Rinhlupuii pa te nen an la inbe ngai em tih ka zawt a, a tir ah chuan mak a tih hmel viau dawn viau na a thil hriat chhuah nei ni awm tak hian "ka fapa kan ta tur chu a lo let leh ngei ngei ṭhin ka tih kha" nui var var hian a ti ta a, kapa chuan Rinhlupuii ka hmu tih chu a hrethiam nghal mai tih ka hrethei








Kapa thu min hrilh avang chuan ka lawmna a va zual tak em, Rinhlupuii pa chu a pension hnu khan sumdawnna a lo ṭan ve a ni awm a, ka pa te nen pawh an la in dawr tawn fo thu min hrilh bawk. Tichuan ka pan zir zawm a ka zirna ka zawh vel ah kawng kan dap dawn nia a tih chuan phai ah chuan ka let thla ta a. Ka rilru ah Rinhlupuii dang reng chung chuan ka zirlai te chu ka zir ṭang ṭang a







Vawikhat chu Alex an min rawn call hlawl mai a, Martha-i te accident thu leh David-a dinhmun a that loh thu te min rawn hrilh ta mai a, Martha-i te a rawn sawi takah chuan Martha-i ka ngaihtuah tawh ngai loh zia te ka hre thar uarh uarh bawk. Tichuan a rang thei ang berin Mizoram ah ka let a David-a chu ka han hmu hman vel chiah tih ah a boral ve ta a, heta ṭang hian a ni ka nun ah Martha-i a rawn beh leh tak, mahse tuna ka hnaih a ka la dah reng hichu chhan ṭha tak a awm vang a ni







Ka zirna ka zo a hna pawh ka thawk nghal bawk, Mizoram lamah ka let nghal a kapa bulah Rinhlupuii nupui a neih ka duh thu ka hrilh nghal bawk, mahse kapan kum khat dang nghak leh turin min tia ka ngaihdan ni lo viau mahse ka pa thusawi ang chuan ka awm ta a, han pawh te pawh ka tum ve ṭhin mahse hun rei tak chhung a ruk te a ka lo duh ve ngar ngar kha ania ka ngam ngang ṭhin lo a ni nep inti viau mahila







Tichuan kum khat chu a liam a ka pa chuan Rinhlupuii pa chu a thuphung in a sawi pui ta a, an fanu kum naupang tawh lo tak chu pasal neih tir an lo huam tawh ngang hi a lo nia, an hnial lo khawp mai, mahse amah kan lo be phawt ang tih khan thu tawp an siam hrih kha ania. Khami ṭum a ka hlauhthawn zia te kha, min lo duh lo mai angem tih te pasal neih ka la duhlo lo ti ta tlat se tih mai mai khan mut mu pawh ka va han tuah ṭha lo kher em







Ka lo suangtuah ang ngei in ka nupui a ni ve ta, Rinhlupuii hmeichhe dam tak kha a la ni reng a, a duhna ah chuan a kawlh viau tih ka hre bawk, kan inneih zan ah khan eng k hria nge ni vawikhat mah ka rilru a la awm ngailo ro chungchang te kha ka sawi aniah, ka zam lutuk na lamah ni ber in ka hria .







In kan thlen theng chuan engmah ala sawi ve lo, a inngaihtuah nasa ve viau aniang chu tukverh lam kha a melh ding ngar ngar a, a khat tawk in a rawn thaw ve hliai ṭhin, engti kawng emaw tak hian ka nuih a ti sa riau pek a, a hriat loh chuan ka khi suk suk mai. Clinic ah file lak tur ka neih vang chuan amah in a lo han chho a ka thil lak tur ka lak zawh chuan ka chho ve nghal a, in ka luh chuan ka hawi kual a ka hmu mai lo, room lamah chuan ka en a lo awm ngei bawk, a lo inthlak fel tawh chu niin







"Inbe lawk ang" a aw chuan min fan leh rawih rawih tawh, ka nupui ni tawh mahse a zuna ka uai hi a la reh theilo chu a nih hi. "Liansang i thil sawi kha ka ringhlel lo, mahse tun leh tun ah chuan ka pawm nghal thlap thei hrih lo che, Martha-i laka inhnamhnawih i la ngaih chhan te hi ka hriat rem ti lo mahla hriat ngei ka duh a, min hrilh theih hrih loh phei chuan ka in peih hun i ngah ve a ngai ang" a rawn tih dap dap chuan han chhan dan mai tur ka hrelo ka rilru a buai ta viau bawk, han chhan mai ngaihna pawh ka hrelo








Martha-i ka la hnaih tlat chhan hi ka hrilh thei silo ka hlat a rei tak a awm pawh ka duh bik chuang silo.









Rinhlupuii Pov






Khami ni Liansanga min chhan dan avang khan ka lungawi lo ngang mai a, kan inlamah ka haw phei hrih nghe nghe "Martha-i chu ka chingfel vat ang" tih zawng khan min chhang ania, chuti na na na chu tiin awm hran ka ti hrih ta kha ania. Keimah ka in hre chiang a amah hnaih taka ka awm reng chuan ka nem leh mai ka hlau bawk






Mizo danah tlan chu ka ni ve reng a Ka nu lah chuan haw turin min ti sek a, Ka pan engmah a sawilo thung, Mampuia thung chuan haw a phal tawh lo khawp mai a, ani hichuan a tir atang tawh a kan innei tur pawh kha rem ti chiah lo kha ania, a rilru tur pawh ka hriatthiam pui khawp mai. Ka rilru ah chuan inṭhen hlen awm lo mahse hetia awm hran hrih hi kan ṭhat tlan na tur ah ka ngai ta ber







Ka haw phei aṭang ni 5 lai a ni tawh a, Liansanga pawh zanah chuan a rawn leng ziah tho ka be ṭha hurh lo a ka be chhe chuang lo, ka han nghak phawt chu a niang nga mahse hei erawh a hriat ve a ngai, mihring hian dawhtheih chin te kan nei tih hi theihnghilh lo se, hmangaihna a la tel lo bawk a ka tan chuan kalsan mai hi a har dawnlo tih te chutih lai erawh chuan chance vawikhat pawh pe lo a kalsan mai a, a hnu a inchhir vel kha ka duhloh vangin chance pe mai chauh ka ni







Sunday tuk a ni bawk a pali lek e ti lo chuan kan zi ve mar mar mai, ka pa hian kan dam phawt chuan inkhawm loh hi a phallo bur ṭhin a, chuvang chuan chhungkaw kim in kan inkhawm ṭhap zel. Mampui an motor a khalh a kei ah hma ah ka thu a ka nu leh pa a hnung ah an ṭhu thung. Motor ka chuang fuhlo deuh nge ka luak a chhuak deuh hlui mai, biakin kan thlen pawh chuan ka nuamlo ang reng viau, engmah chu ka sawi lem lo a







Inkhawm ban chuan Mampuia nen kan pahnih in kan haw ta a, in kan thlen rual rual chuan rang zetin mi pawh nghak lo chuan inchhung chu min pan san vut a, mak ka ti angreng viau mai, in ka lut fel chiah tih ah kan doorbell rawn ri tlang tlang vang chuan ka phun nghal hluk a, ka va hawn chuan Liansanga chu kawngkhar bulah chuan a lo ding reng a, lut tur a ka tih chuan a rawn lut nghal vat a, a hawi kual thuak thuak a "khawnge midang" tiin min rawn zawt nghal zat a






"Ka nu te chu an inkhawm bang kha tih kawi tur an nei a, Mampuia a awm inchung ah" lu a bu nghat a, "Mamte a hmawr ka bawk fel ṭep tawh ania a rei tawhlo ang" a rawn tih sup chuan amah ka en kar a "Liansang i tlai palh ang nge" tih zawng ka sawi, thingpui te chu ka lum sak a, ka lu hai leh muai muai ṭhin chu ka motor chuang fuhlo kha nge ni aw ka ti ni, ka bp te hi a lo hniam pawh a ni maithei a ni tunlai chu ka chaw ei a tuilo khawp mai







Liansanga chu a ṭhu ve ta reng a thu ho mai mai kan sawi a, kan boruak chu a zangkhai phian mai, chutia kan lo awmlai chuan Mampuia chu a rawn chhuk thla ve a a hmel lan dan chu ka en chik a, a dang riau hian ka hria. Liansanga nen chuan an inbe ve luam a kei chuan Mampuia ringawt chu ka lo en thung "i ṭha maw, i dang riau a ka hriat ni" amah en kal a ka tih chuan Liansanga nen chuan min rawn en nghal ha a, "ṭhat loh pawh ka hre nang" ban charh a a rawn tih chuan ngaih ṭhat loh na pawh ka nei zui lem lo, tunlai chu zan a game khelh hi a hrat thar riau a nizan a mengrei pawh a ni mahna le








Ka nu te lo thlen hma deuh chuan Liansanga chuan haw a rawt a, kawngka thleng ka va thlah a "Mamte ka ngai tawh khawp mai che" a aw ril ruih maia a rawn tih chuan min fan ve rawih rawih mai, ka pasal ania thla hnih dawn ka lo chenpui tawh leh ka tana mipa hmasa ber a ni bawk a ka tan chuan duh loh theih pawh a nilo, mahse ka inti luhlul luih ve kha a ngai miau hrih sia . Ka nu te an lo haw a Mampuia pawh room ah a chho lehnghal maw ni ka hmu lo reng reng, ka nun "Liansanga a lo kal em, min rawn phone tak asin" a rawn tih hluai chuan a lo kal thu ka hrilh a "inkhawm banah khan min rawn bia a hrilh che ka tum reng a ka lo mangnghilh daih tak alawm le" a thil tih lai chu a tih zawm a rawn ṭawng leh in "Mamte pasal nei tawh i nia, inṭhen hlen tur in nih loh phei chuan tlan rei lutuk te hi a tih chi miah lo ania, Liansanga nu lah chuan min rawn be awl silo a zah te pawh a zahthlak tawh zawk ania" a tih chuan ka um e liam ta vel mai mai a, ka chhan chuan min zilh na tur a hre leh dawn emai







Chaw ei kan peih a Mampuia chu chaw ei tur pawn a rawn chhuk lo, ka han ko a room a kalh tlat bawk sia , games a khel leh tawh mawn ni tunlai mipa ho hichu an hahthlak a nih hi, mipa chang a nilo hmeichhia te hlei hlei hi ania games lo khel a inchhung a che thei ṭhin lo ni. Zirna a an tlak hniam chhan pakhat pawh hi a ni Rinmuana pawh hi mipa puitling hna nei tawh phei chu nilo se ka pan a hau nasa khawp ang






Chaw kan ei fel a kan in sengfel lai chuan Rinmuana pawh a rawn chhuk ve ta a hmel ah hian diklo awm tlat a ka hriat ni, ka ngaihbel mai mai nge pawh chu ka hre chuang lo. Amah in chaw chu a rawn ei ve a ka ngei angreng viau mahse ka buaipui ta tho a, a ei tlem khawp mai tunlai kan unau chaw ei thei lo lutuk hi a buaithlak khawp mai






Ka pa te thingpui ka be zo sitting room a kan ṭhut ṭhep ṭhawp lai chuan Hruaia a rawn lut hlaw mai a, mak kan ti hlawm viau mai a hmel en reng reng pawh chuan a fim hlawl lo tih a hriat, ka lo ngei leh pek khawp mai a ka nu chuan a lo be nghal a, ka nu tan hichuan a fapa bik ngawih ngawih kha ania, an inkhalh fal rei bawk a a awm tihpui na chen chu ka nei ve tho. "Zonunsangi saw ṭhen ka duh" a tih bul bul chuan ka lo ner nang mai, chu thu ka pan a hriat chuan a rawn ṭawng chhuak ve ta a "Hruaia ngati maw chutiang te i sawi a" dam dap a a tih chuan Hruaia chu rawn ṭhu ngil deuh in






"Ka nei peih tawh lo, hmeichhe rapthlak lutuk a nih saw" a ti leh mauh mai a, ka nu chuan zawl dawh deuh zawk hian a zawt ta a, Hruaia chuan rawn chhang in "fa kan nei theilo kan tia, kan lo inentir fo vel a, saw nu sawn indanna a lo ei char char a lawm le" huat hmel zet hian a rawn ti leh a, kan ngawih ṭhap lai chuan ka pan ṭawng rawn chuh in "ee chutiang vang mai mai a inṭhen tur a ni ngai love, in inneih chhan kha ngaihtuah let ula fanau vang in a ni hleinem in inneih, mihring pahnih in duhtawn vanga inneih in nia, Pathian hma ah in tiam tawh a kei chuan inṭhen tih vel kha ka phal dawn reng reng lo ania" nghet charh hian a rawn ti ta a








Ka pa thusawi chuan thil min ngaihtuah tir nasa khawp mai, tunah khan Hruaia chauh zilh angin lang mahse ka awmdan tur tam tak a hril tel ka ti lo theilo bawk, ka tlan tirh aṭang tawh in thu kam khat mah ala chhak chhuak lo a, a fanu neihchhun ka nia min duat zia pawh ka hria, mahse he thu ah kher hichuan ka nawr lui thei dawnlo tih ka hre chiang bawk, ka luhlul na hi amah aṭang a ka chhawm ni miau hek, kei aia luhlul ka tih awmchhun KA PA kha a ni tlat






Hruaia chu rawn ṭawng leh in "a duh dan dan sawn ka awm tir tawh dawb biklo, ka duat em em a ka hriat loh hian a thu a kal tlang pui tam mah mah tawh, ka nu ka pa naktuk ah in rem tih chuan rawn in sawn luh leh ka duh, Zonunsangi zalen lutuk saw ka hmu kham a ni hrih ber" a tih leh bul bul chuan ka ngaihdan a lo ni leh pek tawhlo khawp mai, mahse engmah chu ka sawi velo a he thu ah hi chuan tun ṭum na na na chu ka nu leh pa te duh dan ang ang hi pawmpui ka rilruk ta zawk a, ka pa chuan insawn lut leh tur chuan a ti ta bawk a, naktuk ah an rawn inthiar chuk chuk dawn a niang chu








Ka zing tho chu ka tho nuam lo kher mai, ka luak chhuak nen ka ni hlui mai ka sawithiam dan ber chuan motor rui te hi ka ang ka ti khawp mai, sana ka en a dar 8 a lo ri hnai tawh lehnghal a, college kan chawl tawh hrih bawk nen ka lo inthlahdah hret chu a ni. Inhnuai ah chuan muangchang in ka chhuk thla a ka pa pawh dawr lamah a kal tawh a, Mampuia ka hmu mial thung hna a kal dawnlo emaw ni. Ka nu awmna ka zawh chuan Kohhran hmeichhe ho in biakin chei laia pangpar an khawi ho khawi zawm turin an rawn sawm a ni awm e, Christmas nih nan kar hnih ṭha bak a awm tawh lo a, biakin chei leh kawn chei vel an bei nasa tawh khawp mai, a hmawr an bawk dawn tawh zawk ang chu









Ka chaw ei tum chu chawhmeh ka hawng dan dan a, ka nu in pakhawi a lo chhum hluah chu tui hmel ti lutuk in ka suak a hawp ka tum chiah chu ka pum rawn inlet bulh in ka uak zui nghal ṭhawt a, ka pangngai leh mai dawn emaw ka tih laiin ka pum lamin min rawn pump leh but sia rang lutuk in toilet ah chuan ka tlan phei nghal a, ka va luak ta nghal bawrh bawrh a, tunlai ka pum hi a chiang lo tak zet a ni








Mampuia chu kawngkhar bulah chuan a lo ding ve reng tawh chu niin "i ṭha em, ngati nge a " a rawn tih chuan tunlai ka pum nawm loh leh luak chhuah deuh reng thu ka hrilh nghal a, a ngaih ṭhat lo chuan "ka nu lo haw velah kan hrilh dawn nia, i va zep thei reng reng ve a" a ti nghal hluk a, ka zep pawh a ni hran lo, nimin tlai aṭang chauh khan a ni mai a ka nuam lo ka tih ni. Ka nu a lo haw chuan keiman ka hrilh hma hma chuan Rinmuana chuan a lo hrilh nghal vat a, a mangan ang he hu chuan ka nu chu a mangang ve lo reng reng, a ai chuan a hmel ah chuan zawhna ni awm tak a lo lang daih "Mamte i rai te hi a lo nilo maw" a tih chuan mak ka ti ngang mai mahse le rai theih na chance ka neih san zia ka hre chhuak lehnghal uar uar mai








Kei ai ai in Rinmuanpuia chuan mak a ti lehnghal a "ehe Liansanga duhlo ang deuhin i awm a, in lo ti ve reng tho sia" a rawn ti mai chu ka chum zui nghal awk a, ka sa nghal hut hut in ka hria, ka nu lah chu a nuih a lo za nasa mai sia, chu chuan tih tak zet in ka zah a tizual lehnghal a. Mampuia chu test kit lei turin ka nu in a tir nghal a, a hreh lutuk chu ka nuih a za, keiman ka va lei mai ang ka tih lahin ka nu in i luhai te kha i tlu ang a ti tlat mai sia, an intir lui ta chu aniah








Hruaia te pawh an rawn inthiar lut leh ṭan a Sangtei nen chuan inbe lo ang vel kan la ni, ka nu in a be lui a a rul tawk lek lek in a chhang a nimai, ka pan hrethiam rih turin min ti hlawm a. Kan Rinmuanpuia dawr kal tura kan tirh a ber lah kha a lo la let reng reng lo a, ka nu pawh a phun hlak hlak mai a hna kalloh chhan ka nu ka zawh lah chuan ka kal peih lo a lo ti a ni awm e, tunlai a zia dang lutuk hi eng tak hria ni maw









Chaw ei dawn hnaih ah chuan Mampuia pawh Liansanga nen hian an rawn inzui lut hlawl a, Liansanga chuan rilru a vei nei ṭeuh hmel hi a pu, Mampuia hmel chauh hmel lutuk chu mak ka ti viau bawk, Rinmuanpuia chuan a thil lei chu min rawn pe vut in a room panin a kal nal nal a nih chu, midang lah chuan a thil min pek chu an rawn hmu rang khawp mai, Liansanga mitmeng a zawhna te chu ka haider lui tawp ka pa chuan "Mamte i inring hlel ve deuh em ni kha" a rawn tihchuan ka zak leh tawh khawp mai, ka nu lah chuan ka zah hre lek lo chuan zing a ka awm dan te Mampuia min tihdan te chu a sawi ta mai a








Ka zak lutuk chu awm ve loh ka va han chak tak, mi in ka awm lai a kan chanchin an sawi hi a ṭha emaw a chhia emaw a nuamlo hi ka ti ve hrim hrim a, tunah phei chuan thil zahthlak tak an la sawi lehnghal. Liansanga pawh chu a khi ve suk suk mai, a hnu chuan min rawn pan hnai a "ngati nge engmah min rawn hrilh loh a" a aw ah chuan lungawi loh na ri ka hre tel lek lek, chhan dan tur mai pawh ka hre chuang lo "han in test phawt teh" a ti leh sup a, min nghak ve ṭhap hlawm sia hreh zet chuan inhnuai toilet ah chuan ka lut ta a, ka nghak ta vang vang a rin sen pahnih chu ka hmu ta ngei e







Pahnih a lo lei bawk a tiin ngaihṭhat nan pakhat chu ka han ti leh chhin a, rei vaklo ah chuan result ngai bawk rin sen pahnih tho, ka pum chu ka dawm vang vang a han awmdan mai tur pawh ka hre hrih lo, ka lawm viau pawh ka la hre lo mahse lawm loh na erawh ka neilo thung. Toilet aṭang ka chhuah chuan Liansanga chu kawngkhar bulah chuan a lo ding reng chu ni in, a mit meng chuan chanchin min rawn zawt vat a "kha" tih pah hian test kit chu ka pe nghal a, a en vang vang hnu chuan a ri meuh a rawn nui chhuak hak in min rawn kuah thlawp a, fa neih chu a lo chak ve hle a nih dawn hi








Ka chhungte chu kan hrilh a an lawm ve khawp mai, Mampuia pawh a lo chhuk leh tawh a tlem chuan a hmel pawh a zia deuh tawh, min rawn fiam zuk zuk a kei lah chu upa tawh viau e ti lo chuan ka lai tho zel mai sia chhungkua chuan kan nui dar dar leh ṭhin a nimai. Chaw eikham chuan Liansanga nen chuan ka room ah chuan kan inzui lut nghal a, Liansang an inbiak ka duh a ti kha ania "Mamte ka rualin lo haw rawh aw" ngenngawl zet a a tih chuan ka thaw hak a "ka theih tawp a duat che u ka duh nang leh ka fa lo piang tur hi, awm hrang tawh lo ang i tello a awm chu ka khua a har lutuk ania, i duhthlanna ka zah vangin ka nawr lui duh ngailo mai che a ni" dam dap hian a rawn ti leh a







Chhan mai dan tur pawh ka la hrelo "ih ka hre rih mai lo" ban charh hian ka tih chuan rawn rum ve ta nghut in "ka ngaih lutuk na lamah che hian ka duhloh thil ka tih palh ka hlau ania, zanin hian i tello a haw ka tum tawh lo ka nupui leh ka fa chu ka kiang ah an awm tur a ni" a ti nghet ta churh a "Liansang" ka tih leh hap chuan a hma aia nem chuan "Mamte inngaihtuah rawh, rai lai chuan duat in mamawh lai ania, i chhungten an duat lo che tihna nilo in Hruaia te an lo let leh tawh bawk nen, i nu pawn a ngaihsak reng hman dawn lo che a, bakah Rinmuana" a tawp ta daih a








Keichuan ka zawh zawm nghal vat a "engmaw Rinmuana" ka tih chuan "engmah a nilo" min chhan dan chu ka lung a awilo kher mai, ka tum nghal hman a min rawn hmuh chuan thaw chhuak leh hak in "Aw Rinmuana nangmah ngaihsak thei tu tur ber che lah hna ah an buai ve dawn sia ka ti mawle" hahthlak min tih hmel zeta a rawn tih chuan ka bu ve ta nghat a. Inhnuai a kan inzui thlak chuan ka pa chuan min lo be vat a "Mamte i nu nen kan lo sawi dun a, phurrit ah kan ngai che tihna a nilo tih chu i hria ang ngai, mahse rai lai chuan pasal te thlazar hnuai a awm a an duatna dawn hi a hlu ber ania, chuvang chuan Liansanga hi zui haw ve hrih phawt mai rawh"








A vawikhat na tan ka pa pawn Liansanga nen kan chungchang a sawi ve ta alawm, ka pa thusawi te Liansanga thusawi te ngun taka ka ngaihtuah chuan Liansanga zui haw hrih phawt chu thil ṭha berah ngaiin zui haw chu ka ti ta a. Ka bungrua ka keng phei tam lo a ka ken chhun chhun chu ka khung mawlh mawlh a Liansangpuia phur lutuk chuan ka room a ka thil ho ka khung lai te chuan "hei hi a tel em" te a lo ti deuh sek a, a tawp lamah phei chuan kan in melh rum ṭha khawp mai.







Liansang an ka bungrua motor a a dah lai chuan Mampuia han hmuh lawk ka duh nen a room ah ka lo han chho leh a, kawngka a lo lock lo ve ngei chu niin ka va hawng a, damdawi a hmawm zeuh lai chu ka va hmu hman mak ka ti khawp mai. Ka thawm ah chuan lo hawi phei vatin a damdawi ei bur chu a dahṭha nghal vat a "eng damdawi nge i ei a, i damlo mi" ka tih chuan rawn nui hak in "dam lutuk kan ṭhiannu zin in supplements min rawn haw a ka lo ei" a tih chuan mak ka ti ngang mai








Ka hriat theih chin ah Rinmuanpuia hian damdawi a dawlh thiam lo a, damdawi ei hi a peh hel hram hram zel, kan tet deuh lai kan damloh te khan damdawi mum a ei ve theih loh vang khan a tui hlir a ei bik ṭhin a, ka nuih nasa thei viau kha ania, tun atak a ei thut na chhan tur kha ka hre tlat lo "dawt i sawi" ka tih chuan rawn a meng deuh kawk a mahse a insiam ṭha leh nghal vat a, a damdawi bur dahṭhat zal zal kha ban ka va tum mai a, min lo dang thung ka ban ka phar sei leh deuh a ka ban dawn chiah tih ah Liansanga chu a rawn lut thut a








Mampuia nen chuan an in melh nghal zat bawk, an mitmeng ah chuan hlauthawng hmel ka hmu zawkin ka hria "kal tawh ila" Liansanga chuan a rawn ti ta daih a chhan ka tum zuau tawh "nia kal tawh rawh u, mut hma te in duh ang naute tan pawh men vak vak kha a chi loh" Mampui an a rawn ti ve nghal zat a, engmah sawi ta lem lo chuan kan inzui chhuak ta a







In kan thlen chuan ka awmdan a lai hu mai, chu chu Liansanga chuan a hrethiam ni ngei tur a ni "i awmbo san rei lutuk a an lo dang tawh i ti em" nui deuh a a tih chuan ka ner nang mai, rei tih tur pawn karkhat pawh a tling tawp silo a. Mu tur chuan kan inbuatsaih nghal a, ka hmai te ka hnawih zawh chuan khum ah chuan ka lawn nghal vat a, Liansanga erawh bathroom ah ala awm thung. Ka hnar rawn za mer mer ah chuan eng nge maw hi a rawn lum thla nghal pup a, thisen a rawn far nghal kauh mai dak vat in ka hnar chu ka hup nghal a, thei leh thei lo chuan Liansanga chu ka ko ṭawk ṭawk a, a hre thei aniang chu a rawn chhuak a ka awmdan a hmuh chuan min rawn pan nghal vat a








Doctor a ni bawk a a phili reilo min buaipui nghal vat vat a, ka lu a hai ve muai muai mai ka rin aiin a thi a reh har phian a, thisen a chhuak ve zek a min ti chau ve nghulh in ka hria. Mak ka ti ang reng khawp mai hnar thi te ka neih ngai zen zen loh tehreng nen, "Liansang ka hnar a thi ngai pawh ka hrelo asin" ka tih niap niap chuan min rawn en vang vang a, chumi hnu ah ka pum chu a kut phah hlai hlup chuan a rawn dawm a, ka lo ip chawih mai ami khawih na hi ngai ah ka nei hleithei meuh lo chu a nih hi








"He laia mi te reuh vang te pawh hi a niang nge" ti sup in a khi leh suk a, pa a ni mai tur chu a lo lawm ve hle a nih dawn hi amah bawk chu rawn ṭawng zawm leh in "naktuk ah ka rualin hospital ah lo kal la, kan in checkup nghal dawn nia, Gynae doctor kan nei ṭha alawm" a tih chuan ka aw ve mai a. Doctor ania a fa pai tu ka ni bawk a, a ṭha chu anin a hre zawk ang tih ka ring tlat






Mut tum a kan inbuatsaih tawh chu ka luak leh ta nghek mai a, kan inbuaipui rei ang reng khawp mai dar 1 dawn ah ka luak leh luak chhuak a reh a, mahse buaina dang bawk ka hnar chu a rawn thi leh deuh a, a hma ang em em chu a ni tawh lo na a ka chauh a tizual kher mai, Liansanga pawh a ngaih a ṭha ta chiah lo nge, a ṭhiante ho chu a call a Alex-a ni ngeiin ka hria an in be mawlh mawlh a, an sawi erawh ka hre chiang thei lo ka lu hai nasa lutuk chu ka khaw hmuh te chu a phe vek mai. Liansanga chu ka ko leh tawp a








Min rawn pan hnai vat in ka awmdan chu thei leh thei lo chuan ka hrilh a, ka khua lah chu a lo sik ve ser ser bawk ka awmdan chu a hreawm ngei mai. Liansanga chuan min buaipui ta char char a, kan mut fel ve meuh chuan khua a var thuak tawh, Liansanga pawh a chau ve khawp ang


Show post links
Top

[Ngaia]

Zing ah pawh chuan chaw ka ei thei leh pek lo tlem ka ei a, ka ei chhun ka luak chhuak leh vek bawk, Liansanga chuan zing ah clinic a hawng lo ta tawp a, tichuan dar 10 velah chuan Liansanga thawhna hospital lam pan chuan kan in phur chhuak ta a, ka motor chuang te chu ka hreawm khawp mai, luak tur ka nei tawh der silo a ka luak lah a chhuak nasa mai sia, a motor khalh pawh chu hmanhmawh turin ka ti ta ngawt a, fimkhur in muangchang a khalh kha ka hreawm chhung a rei tawh mai mai zawk tlat






Damdawiin kan thleng a Liansang an a lo be lawk nge Alex-a leh Doctor hmeichhe pakhat hian min lo buaipui nghal vat a, ka lu hai lutuk ka kal thei tawhlo chu Liansanga chuan min pawm lawp in min pen pui nghal pawk pawk a, doctor room ni ngei turah chuan lut in khum lo awm ah chuan min nghat riai riai a, Doctor nu chuan min check nghal mawlh mawlh a, a hnu ah Liansanga nen chuan an inbe leh a Liansanga chuan min rawn pan phei in "Mamte in admit kan ngai dawn a i nu te ka bia a an lo kal vat ang aw, ka nu leh MPi pawh lo kal an tum bawk a, tunah chuan damdawi hi kan pe dawn che a i muhil hrih dawn nia aw" chiang si dam thlap hian a rawn tia







Chhan pawh ka chhang lem hlei lo a ka ban chu a rawn thip deuh zawk a, a hnu reilo ah chuan mut chhuak in mi rawn zem nghal chiai chiai a, ka mit ka chhin pawn ka lu a hai tawh lo, tichuan ka muhil ta nghal a. Ka harh leh chuan Liansanga leh ka nu te pahnih leh Muanpuii chu an lo awm tawh, chuan cabin ah min lo sawn ni awm tak a ni kan awmna en hichuan, Liansang an ka harh tih a hriat vel ah min rawn pan hnai nghal a "Mamte i zia deuh em" a rawn tih chuan lu ka bu nghat a "tui" ka dang ro hulh hulh vang chuan eng dang mah ka sawi belh thei lo







Liansanga chuan tui no a straw dah chuan ka lamah a rawn chhawp phei a, ka lo in nghal vat bawk no khat chu ka in zo nghal der mai ka dang a ro em lah tak bawk a, "i hb a lo hniam lutuk a, i bp nen chubak ah rai no haw chi i ni ve dawn a tia Emily khan" nichin a Doctor nu kha a ni ngei ang, hlauhthawn awm a awm hran lo bawk a ka thaw huai mai, drip la khai char char a ngai a ni awm a, ka taksa fit ṭha tawk an tih hunah chiah kan chhuak thei ang tih Liansang an min hrilh chuan ka huphurh ngei mai, Christmas te hi damdawiin a hman te a ngaih reu reu ka hlau ania, ka taksa tih chakna tur a nih phawt chuan thil pawh ka ei lui mai aniang chu







Test neuh neuh kan ti leh a engkim a ṭhat vek thu min hrilh leh a, naute pawh a ṭha a nih hmel thla khat a lo la tling lo deuh a kar thum leh tlem a ni awm e, mihring ruang am engmah a la neilo a thisen hlawm mai kha a la ni ve dawn a mipa nge a nih ang hmeichhia tih lam te rilru ah a awm tawh thung a. Ka nu te ho pawh an haw phei a Liansanga erawh chuan min la awmpui thung







Ka rin aiin ka lo muhil rei a tunah zanriah ei a hun leh der tawh alawm, hospital chaw kan la mai a, Christmas hma a chhuah theih loh la hlau bawk a ka ei lui ve nual a, la ei tam lutuk lo mahila Liansanga chu a lawm ngang mai, kan chaw eina te a tihfel zawh chuan khumah a rawn lawn ve nghal zat a ka lo khap vat na lah chu eng ah a ngai lem hlei law







Ka hnung lam atang chuan ka dul zawn ah rawn kuah phei in alam ah min hnuk hnai hret a "Mamte ka lawm e aw" ril ruih a a rawn tih chuan ka kawchhung a fan leh rawih rawih ta, kan Liansangpuia zet hichuan aman a hriat miah loh pawh hian min ti danglam thei tlat. Ka dul ah mai duh tawk lo chuan a kut hlei zet chuan mi rawn dap chho nghal zat a, kei ka lo ṭeu nghal hlar a, ani lah chuan eng ah a ngai lo a, "khawi maw teh khawi suh" ka tih lah chuan awlsam then hian "a ral thei pawh nilo uikawm lutuk" a ti duh lek chauh a, ka va han ngei mai mai tak








Zan hmasa a kan mut ṭhat loh vang nge zanin chu kan mu hma khawp mai, kan muthilh hma chuan Liansanga bulah chuan ṭawngṭai ka rawt a, kan nau pai vanga lawmthu sawi ṭawngṭai na pawh kan la nei miah hleinem, kan boruak khati teh nuaih a mi sia a rem teh ṭeuh lo em bawk a. Ka lu na er er leh ka taksa na ṭhum chuan min ti harh hlawl mai, chet mai ka tum a ka hnung zang ruh thla hi a na lutuk chu ka ṭhen chawk chawk mai, min si chet a mu Liansanga chu ka sawi dat dat a, chutia ka chet zawng pawh chuan ka na viau mai








Liansanga chu rawn zi ṭual ṭual in phak chual hian min rawn melh a, ka awmdan a diklo tih a hriat chuan rawn tho kang vatin min rawn buaipui nghal a "i pang a sa nih hi" ka pang rawn deh vut paha tiin a tho nghal bawk a, kan room a damdawi kan dahna bawm chu ava la nghal a damdawi te chu min pe nghal a, ka ei zawh chuan ka mu veleh mai bawk a Liansanga pawh chu rawn mu thla ve nghalin min rawn kuah nghal hlun a, ka vawt ti lutuk pawh a zia deuh.







Tiang reng reng a naupai han lak nat dawn mai chuh, thunah thla a la tling lo deuh chauh ania a huphurh awm khawp mai. Pasal a chhungte hrawn hreawm tih vel kha ka nei lo hlauh zawk a, ka vannei viau lawi







Ṭhenkhat rai no lai huat ngah lai vela an pasal a chhungte hrawn hreawm tak an lo nih phei hichuan an va khawngaih thlak zual bik tak, ka vanneih zia hi a ni tel in ka hriat belh hi ka ti ṭhin, ka nu leh pa ṭawngṭai zar te pawh hi a ni mahna le, harsatna tam tak tawk ṭhin mahila midang dinhmun ngaihtuah chuan ka dinhmun chu la ṭha tak hi a ni







Kar khat a liam leh tawh a ka la ṭha em em hran lo, ka taksa chakloh vang an ti mai a mahse karkhat chhung in ka thisen vawi thum an test leh hman tawh a, vawin hian ka thling lampang an test dawn an tia mak ka ti viau mai, Liansanga ka zawh lah chuan fimkhur thil thu ah a ti mai a, midang rai ho hi an tihsak ve ngai pawn ka hre miahlo a








Damdawiin lam chu kan pan leh ta a tunlai chu kan kal ngun malh malh khawp mai, a khat tawkin luak leh luhai hi ka la nei reng a ka taksa hi a na thei em em mai bawk a. Damdawiin kan thleng chu Liansanga chuan counter ah tih lawk tur a neih vangin ka doctor Dr.Emily room lam chu muangchangin ka pan a, ka luhai lutuk chu vawi lehkhat ah a thil mup a ka lu hit chuaih chuaih chu ka hriat hnu hnun ber a ni.







Ṭawng thawm ah chuan ka harh riai riai a ka mit men ka tum a ka thei lo thung, ṭawng ri chu ulul takin ka ngaithla a Liansanga leh Mampuia aw ngei a ni, engtik laiin nge Mampuia a lo kal ka hre lo reng reng. "Kan hrilh ngei chu a ngai tawh" Liansanga chuan a ti leh a "a theih loh a nau pai te hian a tawrh phah thei asin, doctor pawn a taksa chakloh vangin thu thin ṭhawng hrilh lo turin min tih kha" Mampuia chuan awki sang deuh hret hian a ti ve leh a "Rinmuan mahni hmasial deuhin awm suh i chhungte ngaihtuah rawh" Liansang an a tih chuan ka mit chu ka meng ta riai riai a







Ka aw ka then tak kharh ah chuan an pahnih chuan tawp in min rawn pan hnai nghal vat a , tui chu ka dil leh te te phawt a ka in zawh chuan Liansanga te pahnih chu ka melh nghal kal a "in thusawi kha ka hria ania eng nge in zep chu" ka ti nghal tawp, pehhêl kual turin ka la chau mah mah tlat, an pahnih chuan an ngawih dun vang vang hnu chuan Liansanga chu rawn ṭawng chhuak in "Mamte" Mampuia chuan a rawn pawt chat nghal vat a "Rinmuanpui eng nge ka lak atang a in zep chu sawi rawh u" ka aw pawh chu damlo e ti lo chuan a ring tawh khawp mai, Rinmuana chuan Liansanga chu melh in a bu nghal nghat a, Liansanga chu rawn ṭawng in







"Mamte nichin i muthilh hlan khan i thling them chu test turin kan lo la a, kan lak chhan dik tak chu thling cancer neihna chance i nei tlat a ni" a thusawi chu mak ka ti ngei mai "engvang ngawt in maw" ka aw ki pawh a ring tawh lo a, Liansanga chu ka melh deuh tawp "genetics aṭang a inkai theih ania, a awmzia chu inthlah chhawn theih thil a ni, chhungkua a pakhat in a neih chuan neih ve a awl khawp mai" a thusawi vang chuan ka nuih a za ta viau mai






Chutiang vei tumah kan chhungkua ah kan la awm pawh ka hrelo e ah "Liansang engpawh chu ni se i hre sual a nilo maw, chutiang kan chhungkua ah nei pawh an awm hleinem" zang deuh taka ka tih chuan Liansanga hmel awmdan chu hriatthiam a har kher mai, chutah rawn ṭawng leh in "Rinmuana hian bone marrow cancer chu a nei a ni" vawi lehkhat ah chuan engkim chu a tawp nghal duk nimai hian ka hria, Mampuia chu ka melh nghal vat a hahdam hmel zet a min en in a lu a lo bu nghat ringawt, ka la awih chuang lo kan tet lai aṭang tawh in kan unau ah a hrisel ber kan ti fiamthu ṭhin kha ania, ka awih lo lutuk ringawt







Ṭawng tumlo zeta ka awm vang chuan Liansanga bawk chu rawn ṭawng leh in "a stage a sang tawh viau bawk a, i nu leh pa te pawh vawin ah hian hrilh ula a ṭha khawp ang, in tan chuan bone marrow transplant hi a ṭha ber tawh ang nga, keiman ka enkawl thei bawk ang" Liansang an a rawn tih leh chuan ka awm ah hian min hnawh up up a, ka ṭhin zawn chu a rawn na vawt vawt bawk tunah tak chuan ṭah vak vak a ni ka duh ni. Ka unaupa satliah mai pawh nilo ka ṭhian ni bawk ka engkim hretu chu natna tihdam theih loh a kan ngaih ṭhin a lo nei ve reng amaw






Ava han awihawm loh tak te ka ti leh rih a, mahse a tak ngei chu a ni si a tello a ka hringnun tur hi ngaihtuah pawh ka ngaihtuah thiam lo, vawi leh khat ah ka khur nghal char char a ka ṭap chhuak thei silo ka taksa chaklo sa nen ka khawng ti tih ta mai, Mampuia leh Liansanga chu an rawn che nghal vat a Mampui an doctor a rawn ko a, min chiu tak hnu chuan ka zawi riai riai a ka muhil chu a ni nghal mai








Ka harh leh chuan khua a lo thim dawn ṭan tawh a, cabin chhung ah chuan an lo kim ṭhap mai, Rinmuanpuia chanchin chu an hre tawh hlawm aniang an hmel chu a ngui nghia hlawm a, amah Mampuia chu ka zawng nghal vat a ka nun min rawn chhang in "Liansanga nen an inzui chhuak a nih kha, i result lam pahin eng nge kan tih dawn a tih ni" a thusawi pawh chu ka ngaithla mumal theilo "nuu" ka ti ta ṭiau a min rawn pan hnai in min rawn kuah vat a, nichin mai a ka theih loh kha tunah chuan thei tawh in ka ṭap chhuak ta hawm hawm a , ka nu pawh a bang biklo kan ṭap dun hi a nimai Au Mama te nupa pawh an lo awm a U Cindy pawh a lo inhru ve fap fap mai








Ka pa chuan min rawn thlem vat in "a khaih a zia lo emai nutling pui pahnih khatia han ṭah ruah ruah te chu, tunah min kalsan tihna pawh a ni lo a, Mampuia te chu mi chak tak a nih kha a dam dawn alawm Lalpa chakna kan rinchhan ang nga, mitthi te meuh pawh kaitho thei tu hian kan tana ṭha tur a nih phawt chuan chawp leh chilh pawn ala rawn ti dam thei lutuk ania, Transplant te chu tih dan kan ngaihtuah ang nga, a dam em em ang" ka pan a tih tak ah chuan a thu a puitling bawk a la insut faih faih mah ila kan ṭap pangngai tawh biklo







Liansanga te chu an rawn inzui lut a kan hmel an hmuh chuan an hrethiam nge Mampuia chu a thaw hak a, couch ah ka nu te bulah chuan rawn ṭhu thla in "hetiang vang hi nia zep ka duh zawk" a ti te te a "Mamte, Ka Nu, U Cindy-i te pawh aniang chu ka sawi hi uluk deuh in lo ngaithla ru, tunah chuan inzing ah ka la awm a ṭah a la ṭul ber lo ania, kan hma hun engmah kan hrelo a ka thi ang ka dam ang tih kha ka sawi ve dawnlo, beiseina siam sak cheu ka tumlo ka tiam theih loh tur thil ah. Tunah ka dam dawn tiin thlamuan tlat che u ila ka kalsan leh si cheu chuan in na mai mai dawn tih ka hria chuvang chuan ka hma hun chu Pathian thu thu ania






Mahse tuna lo ṭah chiam kha ka duh velo chakna min pek phah miahlo ania aw, keimah min ngaihtuah vanga in ṭah khan ka awm in ti nuamlo zawk. Ka lo kal ta a nih chuan mi te angin lo ṭap suh u ka ti ve dawnlo, in theih tawp in minlo sun dawn thung ania, ka thlarau nun in rawn hre zui dawn lo chuvang in ka lei taksa in hmuh tawp na tur a ni dawn a uar takin min rawn ṭah ula min rawn sun rawh u , ṭah tu nei lo mitthi nih kha ka duh miahlo ania" a nui hak a







Sawi zawm leh in " amah erawh chu min rawn sun rei lutuk suh ang che u, hlim taka khawvel ka chhuahsan theih zawk nan" a sawi zawh chuan hmeichhe ho phei chu kan insut hraih hraih mai kan mittui a tla nasa hlawm khawl mai, kan boruak tih zan tum chuan Liansanga chu a rawn ṭawng ve nghal a "Mamtei result pawh a ṭha vek ania ani chu, thil pakhat mak ve deuh chu phir kan tih ah pawh Mamtei te ang identical twin kan tih ho hi in zawmna mak deuh hi an nei ve a,a proof na tak awmlo mahse Mamtei na vak vak hichu Rinmuana na a tawrh chhawk ah a ngaih tel theihang, naupai la na chi a lo ni ve bawk nen" a rawn tih chuan ka nu te chu thaw huai hmel an pu








An rilru a lo hah khawp ang le Mampuia pawh tih tawh nak alai in kei leh zel in neih ve na chance ka nei tih an hriat a an mangan ruk dan tur te chu ka ngaihtuah in ka khawngaih khawp mai, kei lah chuan keima lam reng reng ka lo ngaihsak zui tawh hauh lo a, Mampuia ringawt in ka rilru a luah miau sia







Pathian remruat dan hichu a mak ṭhin teh e, miṭhenkhat in dam kan la duh ngawih ngawih laiin natna khirh tak te min pe a, ṭhenkhat lah dam thlahlel tawhlo hial khawp a harsatna liamtham te tawk in a tawp ah mahni nunna te an la ta a. A chang hichuan Pathian hi rinhlelh rum rum hi a lo van awl ṭhin dawn tak em, Pathian awm ringlo tam tak te hi nuih ngawt chi pawh an nilo an harsatna tawh te kha han thlir sak ila, keini tawrh ni ta se kan ringhlel ve hlawm khawp ang. Mi hi a loh thlawn a nuih mai mai te hi tih loh tawp tur a ni








Midang an haw a keini pawh admit ngai min ti lem lo, drip khai turin min tia ka pasal doctor a ni bawk a inlam a inkhai mai kan duh ta zawk a, Mampuia pawh naktuk aṭang a treatment tur te an buaipui nghal ang nga, chhungkaw ho transplant ti thei an awm em tih te an en dawn a, kei chu vawin khan test ka lo tih fel tawh avang in an en a ka ti thei ngei a, mahse nau ka pai nen ka taksa chak lo bawk nen a risky deuh e an tia, midang in an mil tho chuan keichu a tawpkhawk ah bak min dah lo a nih kha an sawi dan chuan







Liansanga nen chuan kan inkhalh haw leh ta a, in kan thleng chhung mai ka han tum chu mi pawm a tum lui deuh tlat a, kei in ka lo duh silo "awm mai mai rawh, ka fa pai mek tu hi duat che ka tum ve nih hi" a tih hmuk chuan ka inrin loh laiin ka nui hak mai, a ṭawngdan teh hmuk leh a thil tum chu inhmeh lo em a ni, kan inneih na pawh thla hnih vel chu a ni ve tawh a Liansanga hma sawn theih lohna ber chu a ṭawng dan ti hmuk hmuk ṭhin hi a ni. A duh dan ang chuan min pawn chho ta a, ka lai leh ta ṭut ṭut pek a chu chuan Liansanga nuih a tiza a niang chu a khi suk suk mai, kei lah chu ka lai telh telh emaw tih tur hi ania








Zing a nih chuan nidang ang lo takin ka tho nuam, nuam han tih lem ah khan ka luak tho na a, abak na dang ka neih ka hrelo. Liansanga nen chuan damdawiin lama phei ve tur chuan kan insiam nghal a, ka huphurh lutuk vang nge chaw pawh tih tham ka ei lo, Liansangan min ngaihtuah viau na a ka ei lui thei hrih tlat lo, nizan ah drip kan khai zankhua deuh thaw a, kha vang kha ania ka chauh em em hran loh







Test room kawt ah chuan kan ṭhu ṭhap a, Hruaia te nupa pawh an awm a Au Mama te nupa an awm bawk, nau awm tu tur nula fel deuh an nei thar a naupang ho pawh an lo kalsan thei a ni awm e. Ka pa a lut zo chiah a, ṭhutna te kan lo kian nghal vat a ka nu a lut veleh nghal a. Mampuia chu ka en vang vang a, a vun dang deuh bal te a taksa tla deuh dawk a a cher ṭhai te, a mitkhur thuk tak te chuan ka awm zawn hi a chhun vawng vawng mai. Ka unau pa tlangval hmelṭha tak nula lamah pawh tla na ṭhin tak kha hetiang damloh hmel zeta ka han hmu ta chu







Nidang ah pawh ka hmu cher in a dawldawng riau khan hre ṭhin mahila, a games khelh vang ah te khan ka ngaihsak in ka lo hmu ṭha lui hram hram a niang nge tunah a natna ka hriat tawh vang hian ka hmu chhe ta viau zawk niang aw.






Mampuia chu ka en vang vang a a hmel ah chuan lawmna leh inthlahrun na ka hmu thei, chu chuan ka hnung a ti ulh leh tlat pek a ka bula ṭhu Liansanga chu ka ṭham deuh salh a, a lo hrethiam nghal nge ka kut chu rawn hum nghal in ka kut chung lam chu a tuai hauh hauh a. Ka nu a lo chhuak veleh a Hruaia a lut ve nghal a, ka nun haw hma turin a ti ni awm e, eirawng bawl ilo velah a niang chu






Au Mama chu kan la nghak ṭhap a Hruaia te pawh an haw phei tawh bawk a, chutia Au Mama kan nghah lai chuan Mampuia ding tur chu a rawn pei khat a, chet a tum leh chiah chuan chhuat ah chuan a sawp thla ta nuaih mai, ka au nghal ṭhawt a kan chiau nghal chel chul mai, Liansanga chu rawn tlan vat in nurse te va ko turin min tia, mahse ka chiai lutuk engmah ka ti thei tawhlo, ka pa chu a va kal ta tawp a, rei vaklo ah chuan hmanhmawh zetin nurse te chu an rawn phei a male nurse pahnih an rawn tel bawk, stretcher ah chuan Mampuia chu an rawn hlang nawlh a, ER lam chu an pan pui nghal a Liansanga hi a doctor ania midang koh buai hran kan ngailo, kan zui ve nghal ta zel a






Liansang an a check nghal mawlh mawlh a a zawh chuan eng damdawi emaw hian a chiu a, tichuan kan lam pan chuan a rawn phei ta nghal a "hlauhthawn lutuk tur a awm lo ania, a damdawi ei ṭhin hi a taksa hian a zo tawh lo khawp mai a, damdawi hi a ei reng a ngai bawk sia, a khai a khai hi aman a duh tlat lo a, keipawn ka chawh lutuk lem lo ania" a aw chu ngaihthlak a nuam kher mai, midang mai pawh nilo kei ngei pawh min biak chuan a bul hmuk hmuk ṭhin viau na a, damlo chung chang a sawi chuan ngaihthlak a lo nuam khawp mai








"Tuna test result hi kan nawr ang nga ni thum hnu velah a lo chhuah theih inbeisei ila, karleh chho chu Christmas kar te ania kan tur loh chuan Christmas hmain hmasawnna kan neih loh palh a hlauhawm tlat a" a tih chuan ka pan lawmthu te a hrilh luam a, ka ngaihtuah na ah chuan thil tam tak a rawn lut zut zut mai







Nupui pasal inneih kawng te hi kum hnih khat mai a ni ṭhin silo a damchhung daih thil a nih vang hian mahni duhthu ringawt nilo nu leh pa te min pawmpui ngei hi han nei ila kan tisual lo chawk ania, nu leh pa te duh pui thlap a innei te hi za a sawmkua vel hichu an tluang nge nge ania. Kan lei Pathian an ni a eng ang mi pawh ni mahse kan lei Pathian an nihna kha a dang dawn lo, Pathian thu awm tawh sa kha a ni tlat a, an va sual viau vang khan a dang chuang lo






Chutirual chuan nu leh pa te pawh hian kan fate tan hian lei Pathian nih hi kan tlin reng em tih hi in en fiah hmasa ila, kan fate tana nun ṭha ber kan pek theih kan inrin loh chuan fa te hi neilo ngam hrih ila, fanau te hi Lalpa laka kan rochan an nih vang hian Lalpa hnen kan hruai thlen loh mawlh te hi a hlauhawm si a, mahni ringawt kan fel a kan faten sual rawng an bawl tlat te hian vanram kan luh theih tho hi kan inring amawn ni aw hi a tih theih tawh tlat.






Kohhran leh khawthlang ah nihna pawimawh tak tak chelh in kohhran leh khawtlang tan theih tawp kan chhuah ṭhin a ṭha lutuk teh meuh e, mahse kan inchhung khur hi kan missionary na hmasa ber a ni tih hre reng ila kan chhungkaw nun siam ṭha hmasa in hmun dang ah chuan in hmang chauh thei ila a ṭha khawp ang.








Mampuia chu admit kan duh viau na a aman a duhloh chu thuhran a doctor Liansanga ber in tunah rih chuan admit pawh ni ila tih theih vak a awm hrih lo a tih tlat avang chuan drip te kan khai zawh chuan kan haw a, keini pawh haw tlang lovin kan in lamah chuan kan zui phei ve nghal a, in kan thleng chu ṭhenawm hnai hoin chanchin an lo hre ve tawh nge an rawn lut deuh ṭak ṭak hlawm a, kei doctor in che tam lo turin min ti sia U Cindy leh Sangtei chu an che deuh char char mai a, ka inthlahrung ang reng khawp mai







Inleng an ṭin darh ṭan a chaw ei tur chuan kan inbuatsaih nghal a Mampuia erawh a room ah ala mu reng thung, Liansang an hlauhthawn tur a awmlo a ti bawk a chaw ei san mai kan tum ta a. Liansanga sawi dan chuan hmanni test kit kan va lei tir ni khan dawr kawt ah a lo tlu a ni awm e, kha kha Liansanga rawn kal tum khan a va hmu ta a, rei tlu lo mahse Liansanga chuan a va buaipui hman ta tho a







Tah chuan Liansanga hian a hre chhuak tawh a ni awm e, amah Mampuia tak hichuan a hriatna a lo rei tawh a a lo zep ni awm tak a ni. Chaw ei tur chuan choka lam chu kan pan sap sap a, ka ṭhu thla chiah chaw ka kil chiah chu ka pum a inlet leh ta bulh mai toilet ah chuan ka tlan lehnghal a ka uak leh ta nghal ṭhat ṭhat mai, Liansanga a rawn kal ve vat a ka chal ah a rawn dawm nghal vat a naupai hi thil nuam tak zawng a nilo teh e







Chaw kan eikham chu Au Mama te pawh an haw phei a naupang an ngaihtuah awm tawh sia tiin, Liansanga nen chuan ka room ah chuan inbe turin kan chho a, keiin heta riah ka duh a, ka unaupa dinhmun ṭhat loh zia te mi â nileng ni lo tan chuan rei tak min dampui thei angem tih hriat a nilo tih kan hre vek a, Liansanga chuan kan ina riah chu a lo tlawm la deuh tlat chu niin, a thil ngaihtuah dan mai mai chu mak ka ti khawp mai






"Mampuia hun neih tam tawh loh zia chu i hriat kha a doctor i nih ang in. Ka naupan lai aṭang a min hria inti i ni lawm ni ka unaupa ka tana a hlut zia tur chu i hrethiam ang chu, a hun neih tlem lam tawh hi a tam thei ang ber hmanpui ka duh ve alawm" ka tih nghat chuan rawn thaw hawk in "mipa tan mahni nupui te ina riah te hi thil mawi a ni in i hria mi" tiin w rawn ṭang ve ta tlat thung a "kan riak reng dawn tihna pawh a ni mi, vawin a dinhmun ngaihtuah kha chuan kan inlamah pawh haw phei ila rilru bet lo deuhin ka awm ang nga, mut pawh ka mu thei kher dawn ami " ka tih leh hliai chuan min chhang lo chuan a ngawi ta vang vang a









Liansanga chu riah a duh ve mai dawn emaw tih laiin ka tello chuan a haw ta tho a, a thil tih dan chu ka ngei khawp mai a na zawng a riak tur pawh ka ni lo a, a duh duh danin han awm vel teh se . Liansanga haw hnu chuan ka nu chuan a riah ve loh chhan min zawt nghal chat reng a, hna thil a neih vang a haw a nih thu ka hrilh ta ngawt a






Mampuia room ah chuan ka va lut a a lo chhing a mahse a muhil lo tih chu ka hria, "Mampui" ka tih chuan rawn meng diar diar hian min rawn nuih sak a "tinge i la haw loh a" a rawn tih chuan ka ner nghal nang mai "min va ngai love" vui aw deuh a ka tih chuan rawn nui hak in "Ngaih te chu ngai e mahse kei aia ngai tu che pasal i nei tawh alawm" a rawn tih chuan ka ngawi reng a a hnu chuan "zanin chauh chu riak la naktuk ah chuan haw phei ngei² ang che" min tih chuan aw tiin ka chhang mai a


Show post links
Top

[Ngaia]

Ka phone ri chuan min ti harh a ka nu Liansanga nu alo nia ka pick nghal vat a "Mamte nizan in chanchin te ka lo hria a, kha Liansangpuia pawh ka hauh deuh kha a hahthlak ṭhin lutuk a lo hrethiam hram hram teh u, apa thu ṭha hrilh thin te hi a zawm dan hi a uchuak leh mah mah ṭhin a ka lo hau hrep ania aw" a rawn ti hluam a han sawi ve mai tur pawh ka hrelo tawi te in ka nui ta ringawt a, anni pawh vawin a an rawn len phei tur thu te a rawn sawi nghal a






Ka tho chhuak a inhnuai ka chhuk hma in Mampuia room ah ka va lut hmasa phawt a, mahse ka thil hmuh chuan min ti ding chawt mai ka nu ka au nghal tuarh tuarh bawk a, Mampuia chu a khum bul chhuat ah chuan a lo tlu chu niin a hnar a thi a ni ngei bawkin la hria. Ka chiai lutuk chu chet mai na chang ka hrelo ka nu leh pa an rawn tlan lut vat a, Hruaia te pawh an rawn chho ve nghal bawk Mampuia chu an rawn buaipui nghal vat vat a, ka pan damdawiin lamah kalpui mai ang u a ti ta a, Hruaia chuan motor la chhuak nghal in ka nu te nen kan pali chuan kan kal nghal a, Sangtei inah a lo awm thung a







Kan kal pah chuan Liansanga ka call nghala kan chanchin te chu ka hrilh nghal zung zung a, ani pawh chu damdawiin lamah a rawn tlang nghal tur thu a sawi ve nghal a, damdawiin kan thlen chuan ER ah an nawr lut nghal a, test chu an nei nghal mawlh mawlh bawk a Liansanga pawh reilo ah a lo thleng a amah chuan a en ta a, kan vai chuan min chhuah tir nghal bawk, keimah ber hi ka hlauthawng a ni






Liansanga chu a rawn chhuak a chiang takin a hmel ka en chuan a diklo tih ka hre nghal, min rawn pan phei in "Lab lam ka call nghal a vawin ah test result chu ti chhuak kim turin ka nawr a, an tihchhuah theih hmel a chawhnu lamah, chumi a zir chuan christmas hma in transplant hi ti vat ila a ṭha ang, nghah khawmuan chuan risk a sang mai mai" a rawn ti ta a, cabin ah kan in sawn a admit pawh kan ti thlu ta a








Liansanga nu te pawh chu damdawiin lamah chuan min rawn tlawh ta zawk a, chhung khat lo kal neuh neuh an awm bawk Au Mama te nupa pawh an awm bawk a Sangtei pawh a lo phei tawh a kan chhungkaw kim chuan kan nghak ṭhap mai, chhun thil dawra zuk lam mai tur chuan min tir a Liansanga nen chuan kan chhuak ta a, "nizan i mu thei em" ka melh ha a nizan thil thleng kha hre lo ang maiin a awm ka timai "mut theih loh na chhan tur a awm hleinem" ka tih nghat chuan rawn rum nghut in "Mamte thinrim tawh lo teh diktak chuan midang inah ka la riak ngailo a, ka hreh ve riau alawm " a insawi thiam nghal zat a "i duh hun hun ah ka riah pui tawh dawn che ania" a tih leh chuan ka chhang tawh lem lo








Kan eitur lei nen chuan cabin ah kan chho a kan chhungkua leh Liansanga nu kan ni tawh mai, midang chu an lo haw ṭhen tawh aniang. Mampuia chu ala harh lo a ka ngaihtuah deuh chuan Liansanga ka zawt a a tur ve reng a tih chuan ka thaw huai deuh huai mai, thil eng pawh ah hian ka hlauthawng ta vek chu a nih ber hi. Thil te kan ei zawh chuan result a chhuak a an rawn dah nghal a, Liansanga chuan a en vang vang a, a hmel chu a beidawn hmel kher mai








Ka nu chuan chanchin chu a zawt nghal vat a Liansanga chuan rawn chhang in "inchhungkua ah donor a ṭang thei pakhat chu in awm a, mahse a theih ka ring lo" a thusawi chu kan hrethiam lo tlang nge kan meng buai hlawm khawp mai , Liansanga ka melh vang vang chuan lu a rawn bu nghat a, keimah ngei ka ni chu chu "Mamtei hi donor ah chuan a ṭang thei ngei a, mahse naupai lai a nisia radiation sang tak a hmachhawn te a ngai dawn a, naute hi paih a ngai dawn tlat a"








Kan rilru chu a hah hlawm kher mai a bik takin keimah hi, ka fa nge ka unaupa tih ah a innghat tawh tlat a ni, a tawp ah chuan ka ṭawng chhuak ta a "naute chu ka pai tlang lo mai ang, Mampuia nunna hi a pawimawh ber" ka tih chuan "Rinhlupui" Liansang an a rawn ti nghal hrawk mai, kan hawi phawk nghal hra hlawm bawk, "inbiak kan ngai" tih pahin ka banrek ah chuan rawn vuan in min pawt nghal dawr dawr a, a kaih ang ang chuan ka awm tawp a room lamah chuan min kai lut ta a







Min thing nghal nawk in "i thusawi kha i hre chiang em" chang bel bawl tak a a rawn tih chuan lu ka bu nghat a "i pum chhung ami kha i fa chiah a ni hleinem ka fa a nih kha theihnghilh ngai suh, chuan ka fa hi ka that ang maw teuh lo mai" a ti ram ta hmuk a, ka rilru hak ipik lutuk kara chutiang a lo sawi chu ka thinrim khawp mai "ka unaupa nunna saw ka kut ah innghat tluk a nih tawh saw, ka thuthlukna hi thil sawi awlsam tak turah i ngai bik ami, ka fa hi duhlo ka ni biklo mahse e a hmel em pawh ka la hmuh loh ai hichuan ka unaupa ka hmangaihna hi a lo nasa deuh zawk a ni mahna







Tun dinhmun ka thlen chhan ah hian Mampuia hi a tello thei lo asin, tun thleng a ka thil duhdan diktak hre tu leh min ngaihtuah ber tu a ni asin, nang nena kan inhauh pawn a ni chauh hi sin thlavang hauh tu ka neih, i hria em kan ina ka awm phei lai te khan a ni chiah hian asin la hreawm hlau a rawn let tawhlo tura min ti zawk tu, kan inneih dawn pawh khan ani chiah hian a ni ka rilru tur ngaihtuah a neilo mai tura min ti tu awmchhun, min ti na ve ngailo tu chu ka unaupa ka phirpui pa Rinmuanpuia chauh hi asin" ka ti ta tuarh a ka ṭap zui nghal chu a nimai







Ka beidawng lutuk chu ṭah bak tih theih ka nei tawh lo, chhuat ah chuan ṭhu thla hnawk in ka ṭap ta hawm hawm a, Mampuia chan tura ka inngaihtuah hian ka phal thei ngang silo ka naute hi han thlauhthla tawp tur chuan ka lung a dam hek silo, 'Lalpa eng hi nge ka tana ṭha ber tih hre tu chu nang i ni a, nangin kawng dik mi rawn kawh hmuh mawlh teh' tiin ka rilru in Pathian ka au mawlh mawlh bawk, ka thinlung hi a rum hian a rum vawng vawng hi a nimai. Liansanga chu rawn ṭhu thla ve in min rawn kuah khawm nghal vek a, ka hnung ah chuan a chul pah hliau hliau a, chu chuan min ti zuau belh in ka ṭap ta hawm hawm a, ka ṭah chhung zawng chuan Liansanga chuan min kuah bet tlat bawk a








Rei tawk fang ka ṭah hnu chuan ka bang ve ta a, Liansanga chuan aw rawn thian khurh in "Mamte naute tih tlak chu ka la phal chuang lo ania, ka theih tawp in donor tur dang ka zawng ang nga Rinmuana chu a dam em em ang" a rawn tih chuan chhan pawh ka chhang tawh lo, cabin ah chuan kan lut leh a ka nu pawh a mit a sen ram mai a ṭap ve nasa viau aniang, Mampuia pawh a lo harh tawh a Liansanga chu a doctor anih angin result chu a zawt nghal vat a, Liansang an a hrilh chu ka lawmlo ang reng khawp mai







Ka unaupa hi ka hrechiang a donor atan ka ṭan chu a duh dawn lo bur tih pawh, ka rin ang ngei chuan "chu kan nghah hrih mai a ngai a nih chu" a rawn tih var chuan ka thinlung hi a na vawng vawng mai, hetiang dinhmun a a ding tawh chung pawn kei min la ngaihtuah in atan hma a sial ve duh miahlo te chu ka haw let ling zawk






Damdawiin kan luh atang karkhat a liam a Christmas pawh ni thum chauh in min dang ta, vawin hian kan chhuak dawn a thu lawmawm deuh kan nei bawk Donor tur chu kan hmu a , Christmas vuak vet nen kumthar nghah kan ngai dawn thung a, kum thar nihna a rei tawhlo bawk a nghah chu kan ti tlu ta a, Liansang an a fa chan a duh loh luat ah te pawh a tih theih ang chu a zawng ngawrh khawp mai zan pawh a mu tlem e, ka nu te in lamah kan riak deuh chawt a kei tih loh chuan Mampuia an riah pui chhawk a chhungkaw tam lo ta chu Au Mama te pawh an pawh buai ve loh theih siloh a, naupang school an chawl tawh hlauh zawk a








Liansanga nen chuan bazar tur chuan kan insiam a urlawk ni a bazar ai chuan vawin ah chian bazar fel kha kan duh zawk a, Mampuia te pawh rawn chhuak dawn mahse in bazar fel vat vat kha kan duh sia kan kal ta tho a, Bazar chu a thawl zawk beisei a kal e ti lo chuan a lo tawt mep mep tho mai, bazar chhung ah tak phei chuan luh thlan chi pawh a ni lo MC velah chuan kan tei kan tei ta ringawt a, Liansanga thawmhnaw tur kan lei nual a, kei erawh lei tur em em ka hrelo kawr leh puan leh pheikhawk ka lei a ka duhtawk der mai, thil ei tur chuan dawr aṭang chuan kan chhuak a








Thil kan ei lai chuan kan hnung lam atang hian "Miss " min rawn ti tu avang chuan muang changin ka hawi chhuak a Ramthanpuia ngei kha a ni, Liansanga te nen a case kan buaipui tak kha, a hmel chu a nung sarh tawh a, a case kha hre tu tam mahse a victim hre tu hichu mi tlem te chauh kan ni, kan college student ho pawh a identity thup sak turin kan chah mai bak ah kan vo tel ti tih a, tuman an ti chhuak lo reng a







Ramthanpuia bulah chuan a unaupa amah rawn zawng chhuak tu kha ka hmu ve ta nghal zat a , Liansanga nen te chuan min chibai a Ramthanpuia u chu Jacob-a a lo nia, Liansanga nen chuan an inchen tawk hmel viau mai pa lian ve tak chu a mi, tlem in Liansanga a lawr deuh zawk thung Liansanga aia chuan a hang deuh hret bawk, an in sawi dan chuan Christmas leh kumthar he lamah an hmang ang nga chumi hnu chuan phaiah an chhuk thla dawn ni awm tak a ni, Ramthanpuia tan tak pawh a ṭha zawk hrim hrim







Thil te kan ei zawh fel chuan in lam kan pan ve ta nghal a, Mampuia te pawh an lo chhuak fel tawh a, saw lawmah zanriah kan ei nga riah erawh kan riak tawhlo thung ang, mahni in riah bo san reng pawh a ngaihtuah awm ve hranpa hrim hrim. In kan thlen chuan in leng neuh neuh pawh an lo tam khawp mai, kohhran hmeichhe ho te pawh an rawn leng a ṭawngṭaina te an hmang a, ka naupai chu min lawmpui ve sap sap hlawm bawk, hmeichhia ta na na na chu an na te sawiin Liansanga an han rawn nghal sap sap a, ani lah chuan ṭha takin a chhang ve zel mai bawk sia, nuih an ti za ang reng






Kan in lamah chuan kan haw phei ta a U Liani a lo kal ṭhin bawk a luah lum tam viau lo mahila alo hnum hlarh tho, kan in aṭanga ka nu chawhmeh min hawn tir ho chu ka rem fel nghal mawlh mawlh a, ka raino huat ala reh lo bawk nen ei chak em em engmah ka la neilo a, ka nun naupai tana ṭha an tih ho a lo la khawm ve a min hawn tir ta nghek a, ka ei peih hlawm ange maw






Room ah ka lut a Liansanga chu ka zawng a ka hmu mai lo ka hawi kual a, balcony ah chuan phone a hmang ni awm tak a ni, eng ka hria ni maw ka va pan hnai a ka tih loh dan tawp in ka ngaithla ta kar mai "tunah chuan ka la buaipui hmanlo tih i hriat kha" a ngawi leh vang vang a "Rinhlui te hi ka buaipui phawt an ngai tih i hriat kha" a ti leh a ngawi leh vang vang in "ka thlahthlam dawn lo che" tih leh phone dah chu a rual nghal a mak ka ti khawp mai a thusawi dan chu







A biak a ka rin hi a nih loh hram ka beisei bawk. Mipa hichu hmeichhia ai chuan nun thlal hi kan harsat zawk a nih dawn hi ka ti neuh neuh ta mai, mipa lerh chuan a sim theilo tih te hi dikna tam tak a lo awm bawk.







Ngati nge tunlai hmeichhia hi kan nasat tak em em mai ni, mipa lerh tawh lai leng chu ven sen hi a ni tawh ṭhin silo a hmeichhia te hian mi pâ an ni tih kan hriat reng chu i ngaizawng lo ngam ang u, mi pasa ngaizawng reng reng hre reng chung a ngaizawng ho hi kei ka ṭan thei ṭhak lo, a mipa pawh a thiamlo lutuk mahse le mipa aiin hmeichhia hi kan hmingchhe awl miau sia, mipa awm ang mai mai hian kan awm ve thei silo a, kan nun uluk hi avan ngai bik tak em







A bik takin mipa ngaihzawn mai duh tawk lo a an nupui te lan sak tawh chin phei hichu engtianga in sawi thiam pawh tum se an thiamlo sa hrim hrim, tluan pawh hi an tluang lo duh lutuk amak tak tak a ni






Mipa ho pawh hi an nupui te lerh san ho hichu hmangaihna vanga innei hi an ni lo duh tlangpui ania, kan hmangaih tak te hi kan phatsan theilo, eng ang pawn an hmelthat na te lo chuai in an taksa te lo vuai tawh mahse hmangaihna nen chuan kan hmu mawi zawk zel ṭhin a ni. Mipa rinawm loh chhan a hmeichhe in tuai hnum peih lo chhuanlam a hmang ṭhin ho hi ka mihring ten ber pakhat an ni







Liansanga chu a rawn lut a a hmel ah danglam a awm em tih en tum in chik zet in amah chu ka en reng a, a hmel ah chuan han tim chhin na pawh ka neilo chuti na na na chu tiin mahni in tih hreawm a rinhlelh kual vel ai chuan ka ngaih chu ka ti ṭha lui hram hram a. Khua chu vawt tawh viau mahse vawin kan chhuak ni leng sia ka va intleuh ve ta tho a, ka inbual zawh chuan ka hmai te chu ka hnawih mawlh mawlh a Liansanga chu laptop ah hna tlem a zawng ka nei atia a khawih ve mawlh mawlh a








Khum ah chuan ka mu a Mampuia ka call a rei vaklo kan inbiak hnu chuan kan inbiakna kan ti tawp leh nghal mai a. Zanlai ah chuan ka tui hal lutuk chu ka harh hlawl mai, ka mutna bul ruak huai ka hmuh chuan mak ka ti viau bawk, ka mutna bul side table a tui kan dah chu banin ka in nghal khawlh khawlh a , sana ka en chuan zing lam dar 2 a lo ni tawh tun ang hunah khawi ah tak kal ang maw, ka pum ri rak rak vang chuan mu thei tawhlo in ka tho chhuak a, choka ah ka va phei a eitur ka va dap nghal rak rak a, noodles lei khawl sa ka neih chu ka chhum a, ka nu chawhmeh min hawn tir ho chu tlem te ka chhuang lum a thil chu ka ei nghal mawlh mawlh mai








Zanlai rilṭam te ka han neih ngai loh nen aw tunah chuan ka thawh tirh ah ṭam ang in hre vak lo mahila, ka han ei meuh chuan ka ril lo ṭam zia ka hre chiah, ka chaw eina chu ka sil mawlh mawlh a, khawngkhar pui in hawng ri ṭhem them chu ka hre ta, muang chang a ka va hawi phei chuan Liansanga chu a rawn pen lut a min rawn hmuh chuan a phawk ve deuh khawp mai "i ril a ṭam ami a" a rawn tih chuan aw tiin ka chhang mai a "inhnuai office ah thil ka zuk la lawk a" a aw ah chuan dawt a sawi tih ka hre nghal "khawnge i thil lak chu" ka ti ve ta nghat a, "aa la tih ah a awm em ka zu en a a awm silo a, hospital ah a awm ka ring, naktuk ah a ni tawh mai" ban charh a a rawn tih chuan ka aw liam ta puat a, ka thil sil chu min nghak ve ta reng a ka sil zawh chuan room ah kan inzui lut ta nghal a








Christmas kan hmang zo a kum thar kan chuang kai ṭep tawh bawk, Mampuia operation ni tur pawh ruat fel a ni tawh a kum thar ni 8 ah hian a ni tawh bawk. Tunlai chu Mampuia nun a nguai zual riau a rawn tia ka nun, keini pawh riak phei turin kan inbuatsaih mek a, Mampui an Au Mama te chhungkua pawh riak ve turin a ti teh tlat a kan vaiin kan riak khawm dawn a nih ber chu








Kan in kan thlen chuan inleng pawh an lo tam leh tawh khawp mai Kohhran leh Khawtlang in min ngaihtuah awl lova, a khat tawkin an rawn leng lut zut a, hetiang ni khua ah te hian Mizo nih hi avan lo nuam tak em hi ka ti ṭhin . Zanriah pawh kan ei tui hlawm khawp mai Mampuia pawh beisei ai daih in a rawn ei tui ve phian a, kan lawm tlang khawp mai vawin hi ni 29 a ni der tawh a, hunpui boruak nen khawlai pawh ala lun ṭha viau bawk







Chaw kan eikham chuan Mampui an inleng neih hma chhungkaw kim in thla la ho ang u a tih tlat avang chuan kan la ho ta a, kan thlalak boruak pawh a nuam khawp mai Sangtei pawn buaina em em a thlen tawh lo a anpa a inla patling ve tawh bawk ang nga kan ṭhat zui zel ka ring bawk. Liansanga chu accident an awm vangin damdawiin lamin an rawn call ta a hmanhmawh deuh chuan a chhuak ta nghal a







Liansanga chhuah aṭang a rei vaklo thingpui in tur a kan ṭhut khawm lai chuan Mampuia chu ka nu leh pa bula ṭhu kha an hma dawkan bawh chuan a awp ta ruah ruah mai a ka nu nen chuan kan au nghal chul mai, Au Mama chuan a rawn dawm kang nghal vat a thi in a rawn luak ta chiam mai a, kan mangang hlawm khawp mai kei phei chu ka khur leh dar dar tawh, Ka pa chu rawn ṭawng vat in "damdawi in lamah i kal ang u, Mama hian kan motor khalh se Mamtei motor chu Hruaitea hian rawn khalh se, kan vaiin kal teh ang u" a rawn tih chuan kan phe nghal sawk sawk mai








Au Mama khalh ah chuan ka pa nen Mampuia chu kan chuan pui a emergency kan pawt bawk a kan speed a muang lo khawp mai, a hnung ah Mampuia chu ka chuan pui a a pang ka deh lah chuan a sa vur bawk si, ka mittui ka dang thei leh pek lo hmeichhe chhel tak ni ṭhin kha ka nia mahse thih leh dam inkar ah chuan in tih pachan a har khawp mai. "Mamte Liansanga i be tawh em" Au Mama'n a rawn tih chuan lu ka thing nak nak a ka pa chuan phone phawrh in a be ngha a, reilo ah chuan hospital chu kan thleng a Liansanga leh a naute ho chuan stretcher nen hian pawn ah chuan min lo nghak a, Mampuia chu an hlang nghal vat a an nawr lut ta nghal a








Ka nu te chu kan lo nghak a an lo thlen chuan kan inzui lut ta hlawm a, rei tawk fang kan nghak hnu chuan Liansanga chu a rawn chhuak ta a "tunah chuan transplant tih pawn awmzia a neih ka van ring tawh lo em, kan rilru kan lo inpuahchah a ngai ṭan dawn a ang khawp mai, Pathian hnen ah dil ila Pathian bak rinchhan tur dang kan nei tawh lo" a thusawi chuan min deng dawt dawt mai







Ka unaupa thlah fel tur hian kan rilru buatsaih turin min ti a nih chu, avan rapthlak tak em , ka nu chu a rawn ṭap chhuak hawm hawm mai a, U Cindy leh Sangtei pawh chuti bawk kei erawh ṭap ṭap e ti lo chuan ka mittui a hul ta daih thung, a hma te kha chuan a la dam beiseina nei chung in a kal mai hlau khan kan awm kha ania tunah erawh chuan a kal dawn tih hre reng a muang chang a thlah liam mai kan ngai ta si, ka rilru chu a mang vek a nimai








Ka pa chuan a kal dawn a nih pawn muangchang in kan kal tir ang chu, aman a hnuk a thlah hun hma chu kan theih taw kan chhuah ang, eng tiang pawn in sen ngai dawn mahse a tih vang chuan ICU ah kan dah lut ta a, Ka nu leh pa chu an haw a, a hnu deuh ah Hruai an U Cindy leh Sangtei a va thlah veleh a, kan unau chuan kan awmpui ta a, Mampuia ṭhiante chuan chanchin an hriat velah min menpui turin an rawn kal khawm hlawm sap sap a, ICU kawt ah chuan kan awm ṭhap hlawm a







Liansanga pawh chu an hna an zawh chuan a rawn awm ve ta a, min ngaihtuah khawp a duhleh a room a va mu turin min tia mahse ka duh lo, ka mut duh loh chuan tiin eitur eng eng emaw min ei luih tir reng a ei chaklo viau mahila min nawr tak reng ah chuan tlem tlem chu ka ei ve ta tho. Zing lam dar 3 rik dawn ah chuan nurse in Mampuia a lo harh zuaih thu leh pakhat a luh theih thu min rawn hrilh a, Au Mama leh Hruaia chuan min kian ta a, an ni pawn hmuh an chak em em dawn tih ka hria mahse in unau bik ngawih ngawih kha kan nia, min hrethiam takin min luh tir mai zawk a ni







Mampuia hmel ka va hmuh chuan vai riai hian a rawn meng a min hmu ni ngei tur a ni tawi te hian a rawn nui bawk, chu chuan ka hnuk a ti ulh nasa in ka hrawk te a thip vek a ṭah hawm hawm ka chak hle rualin ka mittui a hlu tlat thung si, ka va pan hnai nghal vat a a kut ah chuan nghet zet a humin ka kun deuh ngawih ngawih bawk, zawi te a a rawn ṭawng tak ah chuan tho kang in a hmui zawn ah chuan ka beng ka zuk dawh a "Mamte haw ang" a rawn ti a, a bak chu engmah a sawi zawm tawh lo a maimitchhing leh ta nghal daih a









A kut chu ka hum ngawt ngawt a ka thaw chhuak ham ham bawk, nurse ten min rawn koh tak ah chuan ka chhuak ve ta nghal a, ka inthlak zawh chuan ka unau te lam chu ka pan phei a "Au Mam in lamah kan in haw pui mai dawn em niang, haw ang tih zawng a sawi a, beiseina awm tawh lo ta sa sa ICU a mahni chauh a a awm laia kal tir ka duhlo" ka tih chuan Au Mama pawh a ngaihdan a lo nih hmel kher mai, Ka nu te chu a be nghal a an la mu bik lo tih hriat takin phone call pawh an chhang rang khawp mai kan dinhmun heti a nih laia an mut chuan a mak zawk hial ang chu






Ka pa chuan chuti a nih chuan khawvar kan nghak law law mai ang nga, khawvar lamah kan in la chhuak dawn nia, Liansanga kha lo bia ula oxygen leh ngai ilo vel in a kan kawl tur kha lo ngaihtuah se a rawn ti ta a, Liansanga pawh chu ka hrilh nghal a a harsat loh thu min hrilh in inhnuai lamah chuan chhuk in a zuk buaipui nghal zung zung a, kan ti nek nek a zing lam dar 4 a ri chho ṭan tawh Mampuia ṭhian te ṭhenkhat chu kei nen pawh a inkawm te kan ni, min la awmpui ve nual hlawm a an fel in an mawng a zang hlawm bawk a kawng tam tak ah min rawn awl hlauh a kan chau lutuk tur pawh a veng ve khawp mai












Khua a lo var a ka pa te pawh dar 7 vel ah an lo phei a, kei ni unau haw phei turin min tia kei chuan ka duh viau lo na a, Liansang an min haw luih pui ta a, ka nu te in lama tlang lo in keimah ni inah chuan kan haw tlang a, inthlak te pawh ka duh ve tho mai. In kan thlen chuan ka inthlak mawlh mawlh a, ka zawh chuan Liansanga chuan "Mamte tlem tal mut tum rawh aw" min ngen ti tih a ang mah zawk, lu bu nghat in khum ah chuan ka inthlawh a, rei lo ah chuan Liansanga chu a rawn mu ve a min rawn kuah chawt a "ka ngai khawp mai che" a ti thawp sap a "mut hilh tum rawh, in lak chhuah dawn awm ah kan phei leh dawn nia" tih pahin ka sam ah chuan a fawp vang vang a, ka chau ve bawk aniang ka hriat loh kar chuan ka muhil thuai mai









Liansanga chuan min rawn sawi dat a ka meng nghal riai riai a, ka lu chu a na kher mai "Mamte an chhuak dawn hnai a bill vel an ti fel tawh a, i duh leh intleuh thuak la kan la nang hman ang" ham bai bai chung chuan sana ka en chawhnu lam dar 1 a lo ri der tawh, bathroom ah chuan lut nghal in la in tleuh nghal thuai thuai a, ka inthlak a ka chhuk chuan Liansanga chu a lo inpeih der tawh. Eitur a lo pack tir a niang a lo khai bawk a, motor ah chuan ka ei mawlh mawlh a ka ril pawh a ṭam ve aniang rin ai takin ka ei hnem







Damdawiin kan thlen chuan in la chhuak thei mai in an lo awm tawh a, ka nu mit sen ram te chuan a ṭap nasa tih a hriat theih, Hruaia te nupa leh U Cindy te nufa inlam ah an lo awm a Au Mama'n motor a lo keng bawk a, Liansanga motor ah chuan chuang tawhlo in Ambulance ah chuan ka nu nen kan chuang ta a, oxygen kan pe pah reng bawk.







Nidanga kan damdawiin chhuak kan hlim theih nen aw tun ṭum zet chu thaw ava pik in min va run tak em, nidang ah chuan in thlen hlan te ka nghakhlel ṭhin a, tunah chuan in thlen ka van huphurh tak em, Mampuia chu ka en ngawih ngawih a, reilo te ah chuan kan bulah a awm ve tawh dawn silo, chu mi ngaihtuah na ringawt pawh chuan ka thin zawn chu a vit ngut ngut mai






In kan thleng a ṭhenawm khawveng leh ṭhen rual ṭha ho chu an lo awm nual mai, nizan aṭang khan lam hla a chhung leh khat te pawh kan in chah ṭan a, ṭhenkhat zanin a rawn thleng tur leh naktuk a rawn thleng tur te pawh an awm, vawin i ni 30 a ni tawh a kum pawh a tawp ṭep ta asin le. Mampuia chu ka nu te room ah chuan kan mut tir ta a, Liansanga chuan oxygen te leh eng eng emaw a fit nghal a, ventilator pawh a clinic a a kawl kha kan la hrih a, kan la hmang lui zel chu a ni ventilator pawh, a bp vel a stable rih viau a mahse damdawi pek kan nei tawh hrih lo







Drip tak ngial pawh khai in awmzia awm tawh lo an tih vang chuan kan khai tawhlo a, muang chang a a kal kan nghak tawp mai a ni. Mi len pui tu te pawh an kiam ṭan a min menpui tu tur te pawh an rawn lang ṭan pheuh pheuh a, khawtlang in kan chanchin an hre tawh a ṭhenawm khawveng hnai ṭhalai ho pawh an rawn kal sap sap mai






Dar 12 a pel tawh a nizan kan mut ṭhat loh vang nen ka mut a chhuak ve ta khawp mai, Liansanga ka melh deuh a ka hmu mai lo lehnghal chutia ka zawn kual vel lai chuan room ah chuan a rawn lut ve leh mai a, zawi sap in "Liansanga ka han mu zuaih dawn maw ni ka lu hi a na lek lek a" ka tih chuan ka room thleng min thlah a min mut fel tir vek hnu ah chauh a chhuk leh ta a







Ka lo mu tlang daih nge ka harh chuan khua a var der tawh mai, tuman min kaihthawh loh danah Mampuia chu kan bulah a ala awm ve reng tih ka hre nghal, ka lawm lutuk chu ka ṭawngṭai ta tawp mai a "Lalpa min laksak lo thei mai lawm ni, ka phallo emai" ka ti thlawt mai, chham tur dang pawh ka hre tawhlo, inhnuai a ka chhuk pawn ka nun nizan an buai loh thu vel te min hrilh a, tlem chuan a ni pawh a zia ve deuh tih ka hre mai a tawng dan aṭang chuan







Vawin nileng chuan kan pangngai khawp mai a, inleng pawh kan nei awl lo a min bialtu upa te pawh an rawn leng a ṭawngṭaina te pawh an rawn hmang a, Pathian hnen a thlamuan na min han dil sak meuh chuan tlem chuan ka zang ve deuh hawk theiin ka hria. Tlai lam a lo ni a zanriah kil tura kan inbuatsaih lai vel chuan Mampuia bp chu a rawn che ta vak mai a, a rawn sang vak a a hnu ah a rawn hniam leh vak a, oxygen level a hniam em em bawk a, kan han up a tlem chuan a zia veleh deuh a a bp erawh a pangngai ta mang lo thung







Chutia kan buai lai tak chuan a rawn meng ti tih deuh a, a kut a rawn chet dat chu hmu in ka va hum nghal vat a, ka beng chu dawh hnai nghal in "Dairy" a rawn ti sup a, a bak engmah a sawi zawm tawh lo, a bp chu a hniam riai riai a oxygen level sang bera kan dah chung pawn a hip tlem tleh tleh a, a tawp ah chuan a lei taksa chu a chhuah san ta.







Ṭap ri chu a ri ta chuah chuah a ka melh ngai chu ka melh reng thung, keimah vangin ka unaupa hi a thi a ni, mahni hmasial takin ka naute hi ka thlang a, ka unaupa kha dam thei reng asin, nilo kei hian ka that a ni "keimah vangin a thi" ti chuan ka phun sep sep chu Liansanga chuan min rawn kuah vatin "nangmah vang a nilo" a rawn ti sup a "nilo keimah vang" ka aw chu a khur beuh beuh a zawi tak a ni bawk, vawi lehkhat ah chuan ka khawng nghal vek a ka khaw hmuh rawn thim hmuk in ṭap ri karah chuan min au tuarh tuarh thawm ka hre tel bawk


Show post links
Top

[Ngaia]

"Mamte hun ka nei tam tawh lo ania ka dairy kha lo en la tah khan ka ziak vek ania, thlamuang takin awm rawh ka kalna tur hi a nuam ania" Mampuia hla tial tial chu va umzui ve mai ka tum a naupang aw hian "Mama" rawn ti in min dang bet ta tlat mai, Mampuia kal tur chu ka au tuarh tuarh a, ani chuan min nuih var var in ban min rawn vai a, a ral ta daih a ka ṭhu chhuak nghal hlawl a, Liansanga leh Au Cindy, Sangtei leh Hruaia te chuan min lo ṭhut hual ṭhap a, khuang ri tlang tlang te chuan tuna kan boruak tawn mek chu a tak a nih zia min rawn hriat tir leh nghal in ṭap ri chuah chuah te chuan he khawvel a Mampuia awm tawh loh zia te min hrilh a ni ber







Ka tho lawk a Liansanga chuan min lo dang vat bawk "Liansanga Mampuia room ah kal ka ngai" ka tih chuan mak an tih hmel hlawm kher mai, ka mumanga ka hmuh dan te chu ka sawi ta a Au Cindy leh Sangtei chu an mittui a tla fap fap mai, Mampuia room ah chuan kan inzui phei a dairy chu kan zawng nghal a, kan hmu mai lo lehnghal hriatchhuah ka nei a pheikhawk bawm chu ka nawr sawn deuh a, bang a pawh dawh te thukru zeta a siam tir kha ka va pawt hawng a a lo awm ngei bawk e







Dairy chu kan chhiar ṭan ta nghal a a damloh ṭan aṭang chiah a a ziah hi a lo nia, "Ka natna zet chu ka chhungte hriat ka va huphurh tak em" tih hi a lo inziak hmasa ber a




"Vawin khan an hre chhuak ta a Mamtei te ka nu leh ka u te ho hmel khan ka rilru a ti na khawp mai, he natna hi ka hneh ka inring lo ka kal hunah engtin nge an lo awm ang?"



"Mamtei chiah donor ah a ṭang thei a mahse ka nau hian keimah vanga a fa a chan ka remti lo tawp ang, transplant pawh nei ila tumah dam hlen tur ka awm hleinem, naute pawisawi lo in a tawrh ve zel kha ka duhlo"




"Vawin chu ka chau khawp mai, rei ka dam ka inring tawh lo, donor tur hmu mahila ka nghak thleng ve dawn ta lo a ang khawp mai. Lalpa ka tana i ruat hi ka pawm thiam ang bawkin ka chhung te pawm thiam tir ve rawh"




A tawp ber ah chuan ka tana ziah ni awm tak hi a lo awm leh a



"Mamte he thu hi i chhiar hunah chuan in hnen atang hmun hla takah ka awm tawh ang, min lo ngaihtuah reng reng suh u aw ka awmna tur hi anuam ania, ka lo nghak vek ang che u. Nangmah vanga kal tur ka ni dawnlo ania, ka hre chiang che a i lo indem dawn tih pawh he hi hre rawh tu vang mah anilo ania, Lalpa'n ka dam hun chhung a rel tawi deuh bik tihna a nimai.





Hruaia patling takin lo awm rawh aw ka nu leh pa leh kan farnu neih chhun tana innghahna tlak khan lo awm la, Sangtei nen pawh lo inngeih zel rawh u.




Ka nu kha ka ngai dawn khawp mai min lo sun rei lutuk lo ula, ka sawi kha mitthi ṭah tu neilo nih ka duh miahlo ania, min lo ṭah hawm hawm ula mahse hun rei tak chhung lo ṭap kher suh u aw. In lo inhmangaih ṭeuh dawn nia"






Tih hi a lo ziak a Hruaia pawh mipa e ti lo chuan a mittui a tla ve zung zung mai, a phek ziah tawp na ber ah chuan hla hi a lo ziak a




Mangannna ka tawhte zinga,
Hrehawm taka ka awm lai hian,
Ka ngaihtuahin ka lawm zawk e,
Lalpan mi ngaihtuah thin.


Nangin mi ngaihtuah thin,
Nangin mi ngaihtuah thin;
I kiangah eng nge ka hlauh vang?
Nangin mi ngaihtuah thin.


Dam chhung khawsak ngaihtuahna hian,
Ka thlarau hruaibo mah sela,
Lungngaia ka lo awm veleh,
Lalpan mi ngaihtuah thin.

Hrehawmna lo thleng mah sela,
Buainate lo awm mah se;
Ka lawm zel ang, hei hi hriain,
Lalpan mi ngaihtuah thin





Chutah zet zawng ICU kan luh aṭang a ka mittui far khat pawh tla theilo kha a buak a baw hawk in ka ṭap chhuak ta hawm hawm mai, inhnuai ah chuan min hruai thla a Mampuia ruang dai riai mai chu a biang ah chuan chul in ka ṭap ta hawm hawm mai a "Mampui i kallo thei mai lawm ni, i tello te chuan engtin nge kan awm ang nangbak ka thlavang hauh tu pawh ka neih ngai loh kha" ka ṭap hawm hawm mai





"Liansang ngati nge i tih dam theih loh, doctor thiam tak i nih kha ka unaupa hi ka la ui emai" Liansanga chuan min rawn kuah vat a, kei mai ka ṭap tawhlo Mampuia kan dahna room a hmeichhe awm ho chu kan ṭap fai ta vek mai, "Mampui i hmu em, ṭah tu i nghah ania aw ṭah tu neilo nih i hlauh em kha" ka ti leh lawm lawm a ka nu pawh chu rawn bawk phei in "Mampui ka duat ka phallo asin Bawihte kan la enkawl reilo emai che, hei aia rei deuh tal hi kan enkawl chak che asin" tiin a rawn ṭap ve ta hawm hawm a






Liansanga chu ṭham ngawt ngawt in ka ṭap khur char char mai, Liansanga chuan min kuah bet in ka hnung ah a beng thek thek a a chul ti tih bawk, chu chuan ka ṭah a ti chhuak zualin ka ṭap leh ta hawm hawm a. Mampuia chu kan lumen a kan in khat chu sawiloh leng lo khawp in mi kal an rawn tam a, Lalpan a van chawimawi tak em kan zai te chu kan tui in zai anuam em em lehnghal a






Hetiang nikhua hian Mizo nih hi avan nuam zual tak em, ṭhat lamah ai chuan chhiat lamah hian kan in pui nasa in kan in ngaihtuah a, khawhar chhung te len pui ringawt pawh hi ram dang ah chuan thil harsa tak a nih dawn laiin kan Zo nun ze mawi chawi nung zelin kan hna ṭul ang ang in khawhar chhungte kan lenpui a, ṭap te kan tah pui a lungngai te an lungngaih kan hnem a hei lo liam a mihring in puih tawnna ropui a awm dawn chuang ami







Vuina ah pawh chuan amak a mak a tam mi an rawn kal a, ui tu leh lainat tu a ngah em em bawk keimah zawk te hi ni ta ila chuan tuna lo kal zat ve pawh hi an rawn kalin ka ring lo. A kuang kan chhin dawn ah meuh chuan ka baw leh ta hawk mai, ka phal lo em a ni "awi Mampui ka phallo emai nangmah a i kal bik tur hi, ka la ui emai che, i lo let leh thei mai lawm ni" ka mittui chu a tla zawih zawih a, Liansanga chuan min lo kuah vat a. Vuina hla atan chuan a dairy a alo ziah ngei mai Kristian Hla Bu No 430 na 'Manganna Ka Tawh Te Zinga" tih chu kan thlang bawk a







Mampuia thih aṭang Thla khat a liam leh tawh a, kar 2 na vel thleng kha chu kan inpui lamah kan riak ta ngar ngar a, a kar thum na atang chuan Liansanga hna nen ka hna nen kan awm phei ta a, Vawin hi February ni 1 a ni tawh a nimin kha Mampuia thih cham thla khat na chiah a ni tawh bawk. Naute pawh thla hnih a tling ve tawh a ka taksa a fit chho ṭan a ka thil ei a tui chho viau bawk, a tirah khan Liansang an college bang mai turin min ti na a ka duh loh zia a hriat in min nawr lui bik lem lo







Nun phung pangngai in kan nung ṭan a nileng a Mampuia ngaihtuah lo chang te pawh ka nei ve ta, mahse ka theihnghilh tihna a nilo. Tunlai chu Liansanga hna a buai deuh nge a rawn haw har ṭhin khawp mai, kei hna ka lo join ve tawh bawk nen duh ang pawn hun kan nei dun tam lo khawp mai. Nimin ah ka nu te inah chaw kan va ei phei hman ṭawk a, chu chu a ni deuh mai







Dar 8 a pel tawh a Liansanga pawh ala rawn haw lo, a rei em vang chuan chaw pawh ka ei san ta daih kha nia, naupang ho work tur ka siam mawlh mawlh lai chuan kawngkhar chu a rawn in hawng a Liansanga chu a rawn pen lut nghal chhat chhat bawk, a awmdan aṭang chuan a rui tih ka hre thei nghal, ka lawm lo nghal khawp mai min rawn melh zawkin room ah chuan a lut ta daih a, ka va han be hmasa awm biklo tak a ni zurui leh nghal







Room a ka va luh chuan bathroom ah a awm aniang ka mutbu chu ka la sawk sawk a, ani bulah hian ka mu dawnlo hi a ni tawp mai, couch ah chuan ka mu ta vang a phone chu tih tur hre em em lo chuan ka thai ka thai ve mai, kawngkhar ri rek ah chuan ka phone chu dah vatin ka maimitchhing ta daih a, ka mutna bulah chuan Liansangpuia chu rawn dingin "khum ah rawn mu rawh" bul vut a a rawn tih chuan ka ner nak mai







A sawi ngai a rawn sawi leh chuan muangchang a meng chhuakin "engvangin" ka ti nghat a "rawn mu mai rawh" ram zet a a rawn tih leh chuan ka thin a rim kher mai "i zaktheilo a nih chu" tih zawngin ka chhang "Rinhlupuii min nawr lui suh ka duh loh thil hi a thleng ang nge" fiak ṭhaka a rawn tih chuan "eeee i ngam ngam kha ka ngam tih hre phawt rawh Liansangpui zurui bula mut hi ka tum chhin lo bawk" ka ti ve ta nghat a








Ka thawh chuan ngawi reng in room ah ka va lut a, Liansanga pawh a lo la mu tunlai chu clinic kal a pachhe riau mai, hospital ah an buai turah ka ngai ngawt a . Thawm neilo thei ang ber tur chuan ka thawmhnaw ho chu ka inbel mawlh mawlh a, ka insiam zawh chuan chaw pawh eilo chuan ka chhuak nghal a. Vawin ah thawhpui te ho in min ral an tum kha ania, in lama tih kha tu tan pawh a buaithlak zawk vangin college ah tih kha awlsam mai kan tia







Mary leh Benedict-a chu rawn len kawi an tum vang chuan ka in tih fel chhung chu min lo nghak a, Mary ka bulah a chuang a Benedict-a chu bike a ken vangin a mahin a rawn kal dawn thung, in kan thlen chuan noodles te kan chhum a kan hlim phian ka nau pai chu mipa nge a nih ang hmeichhia tih te kan inrinsiak hlawm a, Mary te pahnih in hmeichhia a nih an ring a keiin mipa a nih ka ring thung. Chutia kan lo rik dar dar lai chuan kawngkhar chu rawn inhawng in Liansanga leh Alex-a leh Martha-i chu an rawn inzui lut ta hlawl mai a kei chang a nilo ka ṭhiante pawh chuan mak an ti nasa khawp mai








Chutah ka zahna ti zual tur ting in min be eih lo hian study room ah chuan Liansangpuia chu a lut ta daih a, Alex-a chuan nuam lo a ti deuh nge a mawi ah min rawn be ta a, ka chhang tawi tek tawk khawp mai. An pathum chuan study room ah chuan an lut ta vek a, Mary te pawh chuan nuam an ti vak tawhlo aniang haw an rawt ta nghal a, Benedict-a leh Mary in phur chu ka vai liam a, in a luh leh chu ka hreh em vang chuan ka kekawr ipte a ka car chabi lo la awm ka dap fuh ta chiah bawk a, car chu ka start a ka tlan chhuak ve ta nghal a







Kan veng ti ila kan veng hlui ka nu te veng a nih chu, thlanmual lam chu ka inkhalh phei ta a thlanmual kawng chung lamah chuan ka car chu ka dah a ke chuan step ah chuan chhuk thla in Mampuia thlan lam chu ka pan nghal a thlan zawn ah chuan ka ding ta chat a. Ka hma a thlan kraws mawi tak inphun chu ka melh vang vang a


RINMUANPUIA
KUM - 28
THIH NI - 31.12.2023


Tih in ziak kalh chu ka en ngawih ngawih a tun ang hunah te hian ka van han mamawh zual tak em ka unaupa hi, min la hre ve angem he khawvela a ngaihtuah ṭhin em em a farnu neih chhun hi van khawpui aṭang hian min rawn ngaihtuah ve angem? Tunah hian ka na a ni, ka pasal hi ka rin aia nasa in ka lo duh tawh si chu a nih hi, a khawsak dan te hi a hma chuan hmuh mawh chang nei mahila min ti na ngai lo asin






Tunah chuan hmeichhe dang nen a ka hmuh pawn ka na ve ta, ka duh aiin ka duh mah mah tawh a ni. Mampuia chu la awm ve se ka chanchin ka rilru put hmang ka thlen na tur awmchhun a ni dawn asin mawle.







Thlan ah chuan ka ṭhu thla a "Mampui ka lo kal khat i ti em" ka biang a mittui luang chu ka hru zeuh a "Min kalsan dawn ai chuan min hruai ve mai te che, ka awm ve thei tawh viau emaw ka tia hun harsa ka tawh chiah hian maw i tello a awm lo hreawm zia ka hria asin" ka ti leh hap a. Chung lam chu ka hawi vang vang a "Lalpa min laksak hma mah mah i ti velo ami, tinge maw a ni kher hi i duh bik le" ka ti leh tawp a, ka nun pangngai chho viau ang in ngai mahila vawin zet zawng ka ngai tak zet a ni







Ka rin ai chuan ka awm rei ta zek mai khua pawh a thim lek lek tawh ka kalsan dawn chuan hreh zet hian ka thlir leh vang vang a, muangchang in ka kal ta a ka car dahna ka thlen chuan phone ka keng lo tih ka hre ve chiah mai Mary te ka thlah kha chahbi ka ah remchan em vang khan ka inkhalh chhuak ta kha ania.







Car chu ka la chhuak a muangchang chuan ka khalh a ka pan na tur lam ka la chiang lo, inah let ta ngawt ila kan mihringa te ho kha lo la awm ta se, duh ve loh ka nihna hmun ah te chuang bik ang a ka awm theih na hmun te hi khawvel a ka awm duhloh na ber te an ni, tunah rih chuan kan in ka lo tih ve ngei kha chutiang hmun chu ka tan a ni tlat si







Kal na tur hre lo chuan Aizawl khaw pawn lam pan chuan ka inkhalh ta ringawt a, ka phone ber ka keng silo a ka nu te tal pawh be thei ila ṭha tur ania, khua pawh a thim ṭha tawh khawp mai ka bana ka sana bun chu melh zeuh in dar 6:30 a lo ri der tawh, Liansangpuia hi ka ṭhen mai dawn em ni fa pakhat na na na chu enkawl ka huphurh reng reng hleinem, amah erawh chu ṭhen chhan mumal tak ka neih a ngai dawn a ni, ka pa ten min pawmpui theih ngei na turin chhan ṭha tak chu ka mamawh bawk si








Chutia thil ka lo ngaihtuah lai chuan la motor rawn chhun chuan a rawn eng pup a, a ri ta nghal bur mai hma lam chu ka bawh rawk a ka bek rawn thip zawk zawk leh ka khaw hmuh thim riai riai chu ka hriat hnuhnun ber a ni ta mai








Phul hmun hring dup ah hian ka lo ding a pangpar tam tak par vul chuk in khua chu a thiang nuam em em a, ka hma lam hla tak ah chuan Mampuia hi ding in min lo nuih ver ver bawk naute ang tak puan a tuam hi a lo pawm bawk a "Mampui" ka au vak a min chhang lo chuan min la nuih reng tho, muangchang chuan ka pan phei ta a mahse ka pen zawng apiang chuan an hla ve tial tial thung, a tawp ah phei chuan a tlan hian ka tlan ta hlawp hlawp mai a Mampuia te chu ka la um pha thei lo, beidawng zet in chhuat ah chuan ka ṭhu thla ta hnawk a "Mamte min lo ngaihtuah suh aw kan awmna hi a nuam ania, nang chu kan bula awm ve thei ila nilo kan lo nghak reng ang che" tiin an liam ta riai riai a, engmah ka hre zawm leh ta lo .







Ka mit chu maimitchhing reng chu chuan ka ti kual a min kam ṭun mai men ka tum zet na a ka hlawhchham chiang khawp mai, ka nghak leh deuh vang vang a men tum chuan ka bei leh a ka meng ta riai riai e, ka khaw hmuh chu a phe ruai a inchung var pup nge ni chauh chu ka la hmu thei, ka kut chu ka chet dat a ṭawng thawm in a lo zui nghal bawk a "A lo harh ania, doctor va ko teh u" Ka nu aw ngei a ni, ka khaw hmuh pawh a fiah ṭan a ka nu chu ka hmu ta nghal zat bawk, couch ngheng a ṭhu Liansanga chu ka va hmu nghal vat bawk, min rawn ngaihsak tum awm ang pawhin a awm lo min rawn melh ringawt







Ka nu in tui min in tir lai chuan Hruaia leh Doctor an rawn in zui lut a "na te i la nei em" a rawn tih chuan ka taksa chu ka chet deuh a ka zet zawng chuan hmun tin mai chu a na nghal zawk zawk mai, ka na lai te chu ka sawi ve nghal a "Naute chhan thei lo mahila nang chu hliam lian tham i neilo ania, i nak ruh khi kha admit rih i la ngai ang nga, rei pawh awm a ngai lo ang" a thusawi chu ka ngaithla kar a, nau ka chhiat a nih kha ka ring thiam nghal Mampuia khan naute a pawm tlat a ni, chutia mak ti vak hmel a ka awmlo chu Liansangpuia chuan min rawn en in ten hmel zet a ner in a chhuak ta nghal daih a







Ka nu chuan ka nau chhiat chu a pawi a tih thu a sawi vawng vawng mai, Hruaia chu a haw ka nun min la awmpui hrih dawn a ni awm e, thil min ei tir a ka ka a tuilo bawk nen ka ei tlem khawp mai, ka thil eina a tih fel lai chuan Jacob-a Ramthanpuia u kha a rawn lut ta mai a, mak ka ti kher mai ka nu chu hawi pheiin Jacob-a a hmuh chuan a lo be nghal luam a, mak ka tihna chu zual tak a ni engtin nge ka nu nen an lo inhriat daih daih






Ka hamhaih hmel chu an rawn hmu nge ka nu chuan "Mamte hei hi Jacob-a a nih hi i accident rawn hmu hmasa ber tu che kha ania, phone i keng bawk silo damdawiin ah a lo hruai nghal che a, Liansanga a lo bia a kei ni min rawn hrilh ve chiah alawm" a tih zung zung chuan mak ka ti khawp mai, ani te chu phaia chhuk tawh tur khan a insawi in ka hre sia. Jacob-a chu nui var var chung hian a rawn tawng a "i zia deuh tawh chu a ngei ang nga mu chung in i lo chhing tlat tawh lo a" a rawn tih chuan ka nui tawi tak mai, chhan dan tur ka hrelo bawk em a ni








"Aaaa ka lawm e" ka tih bah nak chuan rawn nui chhuak hawkin a aw chu a pui khawp mai, a vun chu Liansanga ang lo takin a uk deuh kharh bawk a, Liansanga aiin chhete in a hniam hret bawk ang, mahse la lian tak tho chu a ni. "Ih he lamah in la awm ami" ka ti ta tawp a ka hre chak em a ni lu thing nghat in "awm tih lem ah Ramthana nen chuan January khan kan chhuk tawh a kei hna thil ah tun kar tir khan ka rawn chho leh mawle" a tih sup chuan lu ka lo bu ve nghat a








Jacob-a pawh chu a thu ve ta reng a ka nu biak dan vel chu a thiam khawp mai, a ṭawng tam miah lo na in tawng hun awm ah chuan a ṭawng chat chat thung, ka rilru ah chuan Liansangpuia daih a rawn lang thung, hepa Jacob-a nen hian in anna tam tak an neiin ka hria, ka thil ngaihtuah chu duhlo zet in ka lu ka thing a, Jacob-a kal tur chu ka nu chuan damdawiin aṭang ka chhuah hunah kan in a chaw lo la ei ve ngei ngei turin a sawm zui nghal mawlh mawlh a







Vawin hian damdawiin aṭang ka chhuak tawh dawn a, ka damdawiin awm chhung zawng khan vawikhat pawh Liansangpuia a rawn lang leh ta lo, mak ka tih chu thuhran ka haw khawp mai. Anu te chu MPi nen an rawn kal a nau ka chhiat pawi a tih zia te chu Liansanga nu chuan a sawi uar khawp mai, nuam lo ka ti ve lek lek a ni. Kan inneih tirh pawh a rai vat tura min tur nasa ber tu kha a ni ve hranpa hrim hrim a a awm ve tho mai atan chuan in







Ka nu te chuan kan in lamah min hruai phei ta a Liansangpui an chhuanlam a lo siam thiam deuh nge ni a hna a a buai zia te chu ka nu chuan a sawi siam siam a, keima nu zawk ni mah se a chang hichuan mi a hrethiam lo lutuk hi mak ka ti ṭhin, kawng leh lamah chuan mipa pathum zinga hmeichhe awm chhun enkawl kha a nia, atan chuan a harsa ve tho ang







In kan thleng a kan indah fel a ka inbual na tur te min siamsak a tichuan ka inbual zui nghal a, ka inbual zo inhnuai ka chhuk chu Liansanga a lo awm ve reng tawh, a lo kal ve dawn tih ka hre reng reng lo a ka ngaihdan ber chuan nau ka chhiat kha ka thiam loh ah a ngai nimai in ka hria






Chaw kan ei la chuan ka nu te chuan Liansanga chu an be bawrh bawrh a , kei chu ka ngawi kar thung ka bulah ṭhu in mi uap run mahse min biak tum ang pawn a awm chuang lo, chaw eikham ah chuan ka nu te bulah a ruala ka haw tur thu a hrilh leh tawp ang, chhan ka tum zet na a inhnial buai ka peih hrih loh avang chuan ka ngawi leh rih a mai mai a ni






Liansangpuia kei ber emaw inti lutuk hi ala chawh dawn khawp alawm, mihring hi kan ngai reng in kan awm theilo tih hi hre teh se. Motor ah chuan kan in phur leh ta nge nge a, a motor khalh pawh a muang fahran lo khawp mai kawng aṭang chuan mihring ni awm tak hi an rawn dawk zawk a keini kan break tuarh thung, kan su emaw ka ti hman a mahse kan su lo a nih hmel rum zet a rawn meng in Liansanga awmna zawn ah chuan a rawn phei a a rawn ang ta hlawi hlawi mai







Mipa pangngai tak emaw ka tih kha a lo ni reng reng lo chu niin, Liansanga lah chu a ner nang a ani mipa inla pa ve lutuk tan chuan a ei awm loh bawk em a ni. A hnu deuh chuan a ang duh tawk aniang min kalsan ta a, tlem a speed muang deuh chuan kan inkhalh chhuak lehnghal a "Mizoram tuai tam tawh lutuk hi a mangan thlak" a tih sup chuan ka bu ve nghat ringawt, a thusawi kha ka pawmpui lutuk mahse tuna kan boruak nen chuan sawizawm pui chakna ka neilo









Mizoram a heti tak mai a tuai an rawn tam ta mai leh tuai nih an intih hmuh hi a mangan thlak in All NGO ang te pawh a hmalak hial chi niin ka hre tawh, ti em em mai a an rawn tam chhan pakhat chu hmeichhia te hi kan ni ve pakhat bawk a, kan lo kawm ngaih in kan lo bawl deuh a kha kha nuam an ti em em mai a an zahtheihloh tawh sa nen an ti zaklo zual a, a buaithlak tak tak a ni. An aia tenawm chu mipa a ruk a hetiang lo kawp duh ho hi an ni, mihring kan piansual tawh zia hichu aw







Tunlai ah chuan kan ramah hian hmeichhia aiin mipa an tlem tawh zawk em em a, ruihhlo a hluar in ruihhlo vanga thi pawh an ni tel in kan pung thur thur mai zawng a nih hi, chung zing zaa sawmkua panga (95%) chu mipa an ni, mipa thi an tam tawh nak alai hian ṭhenkhat an lo la inti nu a ṭhenkhat a rukin heng tuai kan tih mai kawp duh te kha an lo nia, mizo mipa te ṭhang harh hi an van ngai tawh tak em, hnamdang lakah kan thikthu kan pe chhe viau a nimahsela heti reng reng a kan nun chuan kan farnu te ngei ngei hi kan mizo mipa te an neih kan phalloh a hnamdang laka kan la hralh hun hi kan la thleng lo ang tih a sawi theih tlat loh








Hmeichhe hnamdang nei thlavang hi han hauh ve tak viau ṭhin mahila a chang hichuan an thlavang hauh inchhir awm rum rum a ṭawng chang lah an ngah e, "Mizo mipa neih tlak an awmlo" te hi an han ti ngawt zel a, eee keimah ni nun in a zir a khaw khat / veng khat nula fel tia sawi hat han ni teh mizo mipa inngahna tlak pasal tur chu i haihchham lo khawp ang le





In kan thlen chuan ka lo han lut hmasa a kawngkhar inkhalh lo chu mak ka ti kher mai, ka pen lut chiah a choka atang hian hmeichhe aw ka hriat hnu ngei mai hian "ka rin aiin i rei daih a" a lo tih chuan ka lung chu a phu nghal dup dup mai ka awmloh chhung khan henu nen hian nuam an lo chen ami? Tih zawhna chu ka thinlung ah chuan a inthum rawn tlut tlut a, Martha-i pawh chuan mi rawn hmuh chuan a nui lai chu a ral riai riai mai








"Eng nge hetah i tih" chang fak a ka tih chuan dar rawn san ak in "eng nge ka tih vang a, i hmun ruak ka lo hnawh khat a nih hi" in ti vei zet a a tih chuan ka sa ta phat mai "chhuak nghal rawh" ka tih chuan a rawn nui hak a "Ka sawi i hriat kha, kut thawh ka duh lo ania i hriat khat ka duh chuan a hnuh pawn ka hnuk chhuak thei che tiin" ka sawi zo chiah chu kawngkhar ri rak in Liansangpuia a rawn pen lut a Martha-i chuan chhantu beisei zet chuan a pan phei nghal a "Liansangpui a ni kha a chhuah loh chuan ka chhuak lehnghal ang" ka tih fak chuan Liansanga chu a thaw hak a, Martha-i chu kaiin pawn ah chuan a hruai chhuak ta a rei tawk fang hnu ah chuan rawn let leh in ka sir couch ah chuan a rawn ṭhu thla ve hnawk a









"Rinhlupui ka nun ah hian rawn inrawlh lutuk duh tawh suh" min rawn tih chuan ka ter ve nghal at mai "i van zaklo tak, nang a nun bawlhhlawh takah khan ka inrawlh peih ther te lo" ka tih chuan a rawn ding hluai a keipawh ka ding ve nghal zat bawk "kha i ka aṭang khan bawlhhlawh tih kha sawi ve tawh suh, tunge bawlhhlawh zawk chu kan hria alawm" a tih chuan ka thinrim lutuk chu ka kut ka hum ruh ngawt ngawt mai "hmela eng nge ka bawlhhlawh na chu min han hrilh teh mawhh" ka au tuarh tuarh tawh "tunge nawm sip bawl duh vanga mahni fa paih tu kha, kha i zirlai unaupa nen khan boruak in nei deuh a ni lawm ni" a thusawk chuan min deng dawn mai








Ka inrin hma chuan ka kut chu a thlawk phei fua a a biang chu a ri nghal chawrh bawk, Liansangpuia chu thinrim zet hian a rawn rum nghut a "Liansangpui hei hi hre rawh ka naute kha ka paih ang maw, engvangin ka unaupa chhan nan a ka hman theih reng lai pawn ka hmang lai a, ka inchhir asin i thu zawm a ka unaupa ka lo chhan lo kha, keimah leh keimah ka indem ṭhin a ka unaupa thih chhan ah kha mahse keimah vanga thi a nilo, Nangmah vang in a ni a thih ni, hetiang ten min puh dawn tih hre lawk ilang chuan e donor a ka ṭang thei tih ka hriat rual khan ka unaupa kha ka thlang chiang khawp ang








Nang mihring phiangsen lawmna chang hrelo hi ka lo hmangaih hman che kha khawvel a ka thil tih sual lian ber a ni, Mampuia thu kha awih in a tir ah te khan nang hi lo nei lo che ila chuan tunah hian ka unaupa kha ka bulah ala awm ang" ka ti tuarh a, room ruak zawk lam chu panin ka inkalh khum nghal hmak bawk


Show post links
Top