Liansangpuia nen chuan awm velo ang maiin kan inngai a tih theih ang chu, in khat a cheng dun siin kan in hmu khat khawp mai kan inhmuh chhun ah pawh kan inbe ngailo, kei hna ah ka buai a ani pawh a buai ve tho in ka hria a han awm dan vel atang hichuan.
Liansangpuia ṭhen dan tur ringawt chu ka rilru ah a awm, nakin ah insiam ṭha ang deuhin a awm leh nga kei ka lo nem leh nga, tikhan kan kual kan kual dawn hmasawn na awmlo nun chu a hahthlak lam hret a ni
Class lak lai chuan Sir Amos an min rawn ko a, staff room ah min hmu duh an awm a ni awm e, tu tak chu ni ang maw ti chung in staff room lam chu ka pan phei a, ka mi hmuh vang chuan mak ka ti khawp mai Jacob-a a lo nia, a let leh daih tawh emaw tih lai a heti lai daih daih a alo awm chu mak ka ti a ni pakhat bawk. Ka luh rual chuan ka lam hawi in a rawn ṭhen suk a, Jacob-a pawh hi mi nui khat tak zawk a ni ve dawn a ni, a ṭhen suk suk bak hichu a nuih awm ka la hrelo reng reng, kan inhriat dan in zir viau lo phei se la chu ka mi ngainat loh chi tak turin a hmel hi a rum ul bawk si
"Nang maw eng nge ni teh mial a" ka tih let var chuan min en leh vang vang phawt a "i ṭha maw" a ti te te a, ka ṭhat thu chuan ka chhang ve mai a "Ramthanpuia certificate ṭhenkhat ka lo la dawn e ka tia, a ni te ho khan min pe phal tlat silo a heta rawn lam mai ṭha in ka hria a" a rawn tih chuan ka buaipui nghal zung zung a, an class teacher ka nih vang a min hmu duh kher a lo ni a, principal office ah te chuan kan inzui phei a a ṭul ṭul kan tih fel zawh hnu chuan certificate chu kan pe chhuak ta a
Lunch a lo hun der tawh mai kan tih nek nek chhung in "pawi i tih loh chuan lunch ka lo treat ang che chu" Jacob an a tih chuan ka pawi tih loh thu ka hrilh thuai a, ka rilṭam mai bakah thil a thlawn a dawn te chu ho te pawh ni se alawmawm ve hrim hrim. Canteen ah chuan kan inzui lut a students ho an lo tam khawp mai a kan ngah chuan kan nghak rei dawn tih ka hre kar bawk "Hmundang ah kan ei chhuak mai dawn em niang" a rawn tih leh chuan ka inthlahrung deuh tlat tawh mahse aw chu ka pawh ta tho a
Ka car lak chhuah ka tum zet na a Jacob-a chuan bike a lo keng a, traffic jam ah a awlsam zawk dawn a ka hriat vang chuan a bike chuan kan inphur chhuak ta a, kan college aṭang hla vaklo ah chuan kan chawl ta a, ka ril a ṭam ve deuh nge ka rin aiin ka ei hnem daih mai a ka inthlahrung ta ang reng khawp mai, ka thil ei lai min en reng nia ka hriat vang chuan ka hawi chhuak a Jacob-a chuan a thil ei chawl meuh hian min lo en chu niin ka zak ang reng khawl mai, "tiang hian ka ei reng bik lo ania" kan ti tawp a chu chuan a nuih a ti za a ni ngei ang rawn a ha var rual ṭhat lang chuan a rawn nui ta a, min ti zak zual zawk daih mai
Bill chu pek ve ka tum lahin ka treat che a ni nang a tih tlat vang chuan ka pe ve ta lo law law a , dawr atang kan chhuah chuan dar zat ka en a period ka neilo hlauh bawk a ka la tlai chhe hran lo Jacob-a bike a ka lawn tur chiah chu tha chak lutuk hian mi rawn phih dawrh mai ka inring lo bawk si nen ka au deuh ṭhat nghe nghe, Ka insiam rem a ka leh hawi chuan Liansangpuia chuan rum ul a minlo melh chung hian ka ban rekah chuan a rawn hmer vak a, a chetdan chuan min ti hamhaih khawp mai
Jacob-a pawh chuan kan awmzia chu ka hrelo aniang bike chu hung remin a rawn chhuk ve nghal a ka lam rawn hawi deuh chuan a lu rawn thle deuh in "eng nge ni ta" a rawn ti ve ta a chu chuan kan Liansangpuia chu a ti thinrim nge maw ni rum nghut in ka banrek a min pawh na chu ti na in a lamah chuan min pawt phei ta dawrh a, amah chu melh chho ha in "eng nge i hriat a" chang fak a ka tih chuan min chhan tum awm pawhin a awm lo, a awmdan vel chu ka haw khawp mai a "Liansangpui ka tlai dawn min thlah rawh" ka tih leh nghat chuan "teuhlo" tih zawngin min chhang ka va han khawng thlu chak mai mai tak khawlai a kan awm hi a tan chuan vanneih na a ni
Jacob-a chu rawn ṭawng ve ta in "Miss thlah let leh chu i ngai tho angem" a rawn tih charh chuan chhan mai ngaihna pawh ka hrelo ka zak viau tih chiah ka hria "aa aw kal ila" bah naka ka tih takah chuan Liansanga chu rawn che vut in min kai ta dawr dawr mai, kan kal tlang mai dawn maw ka tih lai chuan ka ban let lamah chuan min rawn vuan tu an awm veleh ta tlat mai, tudang ni lovin Jacob-a kha a lo nia, nilo tuna kan buaina hi a punlun dawn tak ngial ti hi chuan
Liansangpuia chuan Jacob an ka ban a rawn chelh na chu tur khai hian a melh a "ka nupui hi thlah nghal rawh" a ti chang leh fak a Jacob-a lah chuan min thlah chu a tum loh hmel kher mai, an awm awm a ka awm tir hichuan ka mualpho tel ve mai dawn, vawi leh khat ah chuan ka ban chu ka thing thla rual ta nghal a, Jacob-a chu ka melh zawk a "min lo haw san mai rawh" ka ti ta a, ani mi pangngai tih tak ah engmah sawi lem lo chuan min kalsan ta a, Liansangpuia chuan min melh run in ka banah chuan rawn vawn leh a tum chuan ka lo dah sawn nghal vat a "Liansang khawlai a mi ennawm nih ka duhlo, haw rawh class ka la nei" tih pahin keimah zawk chuan ka kalsan ta tawp a, two wheeler taxi la in college lam chu ka pan veleh nghal a
Ka class la pawh rilru ah a lut mawh kher mai Liansangpuia rawn chet dan kha ka ngaihtuah ringawt pawn thinrim tak ka ni, midang hmuh ah leh nghal. Class ka la zo a staff room ah ka lut a ka bag ti fel in haw tur chuan ka inbuatsaih nghal a, ka car ka lut fel chiah tih in ka nun min rawn call a "Mamte hei Hruaia te an rai ve tawh a nih chu" a aw a phurna rawn lang pawh chu ka hre thei, ka lawm ve kher mai Sangtei pawh a insiam ṭha tawh a, a insiamṭha tih ah Hruaia a insiam tha a ni zawk mah ang chu, inchhung khur ah te pawh mipa an han strict ṭhat chuan hmeichhia te hi kan inla thu ngam lo hrim hrim
Muangchang chuan ka inkhalh haw a in ka thlen chuan a lo inkhalh bal mai, khatiang chhun chhun ah pawh a rawn tai mai mai thei a, tun atak a in a a lo awm leh silo chu ka ngei kher mai, vawin a rawn chet dan te pawh kha sawipui ka duh tehreng nen. Dar 8 a ri tawh a Liansangpuia pawh a la rawn haw lo, chaw ei a nghah ka tum zet kha a nia ka ṭhulh chiang teh e, paper check tur tlem ka hawn chu la chhuak in ka check nghal mawlh mawlh a, chutia ka lo buai lai tak chuan ka nu call ka dawng hlawl mai thil pawimawh a awm nge maw ni
Ka nu nen chuan kan inbe ta reng a phei khat min tih thu te leh thil dang dang chu a rawn sawi nual a, fanu neihchhun tih takah ka nu hichuan min ngaih chang hi a nei ve ṭhin a, a tawp ah Liansanga nen kan ṭha em tih te min zawh chuan ka chhang liam vel mai mai "Mamte a chang hichuan kan lo nawr lui lutuk che kha kan ti sual em aw hi kan ti ṭhin a i pa nen hian" a rawn tih tak chuan tlem in rilru ka pe ve ta deuh. Ka nu te hian engthil emaw tak hriat chu an nei a ni ngei ang, ka pasal neih aṭang hetiang lampang hawi zawng hian vawikhat pawh minla sawipui ngailo a, mahse an ngaih tih ṭhat nan chuan kan ṭhat thu te ka hrilh ta zawk a
Min duat hluak lo mahse an fanu neihchhun ka nihna kha a bo lo a, min ngaihtuah na chen hi an neilo theilo hmun khat a cheng lo ta chu thudik hrilh a an rilru va tih hah sak chiam kha a ṭul ka ti ber lo bawk. Ka nu nen kan inbe zo a chutia kan han inbiak tak ah chuan ka chhungte ka biak khat zia te ka ngaihtuah chhuak uar uar mai Mampuia damlai kha chuan keiman ka biak loh pawn aman min rawn call zeuh zeuh kha ania, inbe rei ṭhin lo mahila nikhat dan velah chuan kan inbe ziah thung, ka ngai thar kher mai
Nizan ah Liansangpuia a rawn haw lo tih ka hre thei mai kawngkhar ka kalh a ka thawh in a ngai ngaiin a lo la awm bawk, a duh duh danin han awm vel phawt teh se engtia rei nge ka dawhtheih ang kan en aniang chu. Ka insiam mawlh mawlh lai chuan choka ah thawm ka hria a, ka sawi hmaih chu U Liani kha a bang ta daih a eirawng bawl leh ilo ka kut ah a tla tawh bawk a ka buai thei ve khawp mai keima tawk ah. Sitting room leh choka a ri rek rek chu Liansangpuia a ni tih ka ring thiam nghal mai bawk
Ka va chhuah chuan Liansangpuia hmel pawr fap ka hmuh in nizan ah zu a in tih ka hrethei nghal mai bawk, ner ru nawk chuan chhuah ka tum nghal a "I ngaihzawng pa nen khan in inzui nasa i ti velo maw" a rawn tih ngawt chuan phawk zet hian ka en a "khati khan hriat loh hmel deuhin awm vel suh" ala rawn ti khanglang zui "Mahni zirlai te chhungte em han ngaihzawn" a rawn tih leh chuan a mi sawi chu Jacob-a a ni tih ka hre nghal mai
Chutiang a min puh turin kan inhmu zing alawi pawh ni hawt lo hian in, ka accident min lo ṭanpui hnu khan damdawiin ah vawikhat kan inhmu a a dawt chu nimin kha a ni leh mai, chutiang ang rilru kawi lutuk a pu chu mak ka ti viau mai "i khawloh vang khan khawlo ve turah mi ngai suh" tih zawng sawi in ka chhuak a, kawngkhar ka khar chiah chu thil ri deuh bur ka hre thei bawk, a duh duh danin lo awm vel teh se a inchhung bungrua a pawisa a a lei ania duhtawk in lo suasam se amah bawk alawm lei leh tu tur
Class ka la zo staff room a ka lut chu ka chhungte hnen atang missed call a lo tam khawp mai, ka nu ka pa Hruaia Au Mama thleng in mak ka ti hle mai, ka hlauthawng viau bawk class lak lai hian phone ka keng lut ngailo a ka inthiamlo ang reng viau mai, ka nu chu ka call back nghal vat a rei ngial a in ring hnu chuan rawn chhang in "phone i va la theilo em em ve, I U Cindy pa tun mai khan a boral a nih chu, Hruaia te nupa an phei tawh a kei i pa a lo haw mek a kala nghak" a rawn tih chuan pawi ka tih thu ka sawi ve luam a, kei pawh ka kal ve vat chu a ngai ang
U Cindy pa hi U Cindy nulat lai vel kha chuan a sual in ruihhlo ah a tlan ve nasa thei em em a, Au Mama nen an inneih dawn hnaih khan Pathian ah inhmuchhuak in damna a chang a a nun pawh a hmang ṭha zui ta viau, U Cindy tan pawh khang hunlai a thlah liam ngawt ai chuan tuna a insiam that hnu a thlah chu a thlamuan thlak viau zawk ang, Mampuia boral pawh khan min rawn ṭawiawm ṭha hlawm bawk a kei ni pawh va lan kim kha kan tan a mawi hrim hrim.
Ka thawhpui te chu chanchin hrilh in haw hma ka dil ta a an fel bawk a ka class ai an lo hnawh khah tur thu te min hrilh in min kal tir ta a , keipawh inah inthlak leh phawt ka duh vang chuan kan inlamah ka inkhalh phei leh hmasa phawt a
Liansangpuia POV
Mamtei te monu Cindy-i te inlam pan chuan ka inkhalh ve nghal a, Mamtei te chu an awmna a rei tawh a ni awm e, Mamtei pain min rawn call kha ania tunlai kan boruak ṭha vaklo nen Kan Rinhlupuii te reuh khan min hrilh a tum kha ka ring lo reng a ni. Cindy-i te in ka va thlen chuan khua a thim thet thet tawh a, tlaivar pui tur a ni bawk a mi an awm ve nual mai, Mamtei ka zawng ru deuh a ka hmu ta chiah mahse a bula lo awm pa chuan ka thin a rawn ti let leh ta bulh mai, tun hi buaina siam hun a nilo tiin ka in fuih ru mawlh mawlh a, Mamtei nen chuan an inbia a Rinhlupuii chu nidang ang lo tak in a ṭawng siam siam reuh bawk, saw mihring sawn engtin nge a tih bik ni
An awmdan ka hmuh theih tawh ngang loh vang chuan pawn ah chuan ka chhuak leh ta daih a, meizial hi ka zu tam lem lo eng emaw chang a han tih ve zeuh erawh ka ching, ka meizial chu phawrh in ka ṭan chiah tih ah Jacob-a an tia mi khapa kha ka lam pan chuan a rawn pen phei a ka bulah chuan rawn ding in mei chu a rawn ṭan ve a, a hmel ka hmuh peih lo tehreng nen ka bulah kher a rawn ding chu mi run angreng kher mai, ka ner deuh nak bawk chu chu rawn hmu in a rawn nui suk a "Liansang" a rawn tih chuan ka hming a hria te chu mak ka ti dawn zet a, mahse ka nupui nen an inkawp ti tih tak alawm, ka ngei tuahna vang chuan ka phun hluk a
"Mamtei i ngaihdan hi ka hre reng ania kha i ngaihtuah dan kha nangmah ngei pawh khan i pawm chiah em, i nupui mizia hi i hria ang chu hmeichhe lep ler a nih loh zia te i hnung lama thlim tur chi che a ni lo tih i hriat kha" a chawl dat a rawn ṭawng zawm leh in "nangmah leh nangmah kha inbum tawh suh thiam in chan tir i tum luat ah i nupui thiamloh chan tir phet i tum a, Mamtei hi na lo angin lang mahse a na ve dawn tih hi hre reng rawh, a tawp ah chuan mihring na hre ve tho a nih hi aw, i lat aṭang a hlat chhan kha i inzawt a tiraw chiang takin i thinlung sawi kha ngaithla la pawm mai rawh, i hnen atang a hlat chhan chu nangmah vang tho a nih kha, hrelo der tawh suh"
A thusawi chu diklo pakhat mah a awmlo a sawi dik lutuk vek, ni e ka thikthu vangin ring chhe ṭhin mahila ka rin ang khan a awm dawn lo tih chu keimah bawkin a ni hrechiang ber ni, a hmel chu ka en vang vang a "Mamtei hi i duh tiraw" ka tih chuan rawn nui maiin min chhang lem lo "mipa ka nia ka hria alawm i en dan hi" ka tih leh chuan a nui chu a tawp riai riai a a hmel chu rawn thu tak deuhin "a dik alawm i nupui hi mipa tam tak tan chuan duhloh theih loh a ni, mahse mi nu ngaizawng tur em chuan ka class a hniam lo ania, i nupui a nih chhung chu lo hlauthawng suh, in inṭhen ta thut a nih erawh chuan chhuah ka tum lo thung ania" a nui suk bawk kei ka lo rum nghut thung
Jacob-a chu a haw a ka inngaihtuah rauh rauh a a thusawk dik zia te kha ka hre chiang telh telh bawk, inchhung ah ka lut a Mamtei bulah chuan ka va ṭhu a, min lo melh rum ṭha ngang lo "eng nge i rawn tih ve" zawi te chang ṭha zeta a rawn tih chuan ka hre lo der hmak a, ka chhan tak loh ah chuan a ding ta hluai mai, a banah chuan vuan vatin ka pawt ṭhu nghal vat a rawn tal laih in din leh a tum chu a beng bulah kun hniam in "mi ennawm nih i duh loh kha" ka tih chuan thinrim hmel zet chuan a ṭhu ṭha sawk sawk a "tih palh" ka tih chuan min rawn en zawk a, a hawi kual leh te te phawt a "fiamthu thawh na hmun a nih loh hi" a tih chuan a luhlul ka va han ti reuh tak
"Mamte ka tih palh, min ngaihdam nghal tut tut theih loh pawn ka lo nghak mai ang che" zawi sapa ka tih chuan min rawn en vang vang in "ei sual i nei reuh emawn le" a rawn tih chuan ngeiawm ka va han ti mai mai tak, "ka tihsual zawng zawng ah khan min ngaidam rawh" in phah hniam zet a ka tih leh chuan "eng nge i tih sual chu" ala rawn ti duh lek chauh "ka hre ber lo engpawh ka tihsual a i ngaih zawng zawng kha a nimai" ka ti ta thlawt a, min rawn en leh vang vang in a ner nak a "i va sual awm em em ve mahni tihsual pawh han hriat loh" a rawn ti leh reuh a nih chu
Kan Rinhlupuii zet zawng ṭawngkam bungrua a nei ṭha mai si, zirtirtu ni awm tak chu a lo ni ka thaw ta hak ringawt a. A lungawi hma chu nitin ngaihdam ka dil mai aniang chu.
Rinmuana boral hnu khan Martha-i chungchang kan chhui lai kalpui kan ngaih avang in hna ah ka buai ta nghal kha ania, Martha-i kan tih tel ve zel a ngaih chhan pawh rinhlelh kan nih loh nan a ni, Alex-a a tel ve zel a Martha-i nen chauh kan inhmu ngai hek lo, Mamtei leh Martha-i zingkar a an inhmuh ni pawh khan Alex-a te nen kan pathum in kan riak ho a zing ah Alex-a kha ṭul a neih vangin a chhuak hma ta kha ania
Mamtei nau chhiat hma khan number lawng atang hian 'i nupui hi mitmei deuh rawh, i chan hlauh ang nge' tih hi min rawn thawn a, kha message ka dawn tuk khan Martha-i leh Alex-a an lo kal a, awm pawh an awm reilo an haw dawn ah kha chuan Mamtei kha a lo awm tawh lo a, a ṭhiante kha a thlah satliah turah ka ngai a ka ngaih a ṭha lo em em hran lo, khaw thim hnu pawh a alo la let loh khan ka call ta a a phone a lo keng lo chu niin, ka nghak leh renrawn a a rei tak em ah chuan a nu te ka call ta a chanchin an lo hre silo, a thiante kha ka call leh a gate thleng bak min thlah lo an ti bawk si ka mangang khawp mai
Chutia mangang taka ka awm lai chuan Mamtei nuin min rawn call in Mamtei accident thu min rawn hrilh chuan ka phili buai nghal khawp mai, doctor meuh ni in damlo mai nilo mitthi thleng in kan khawih hnem a tiang a ka phili ngai pawh hi ka hrelo. Damdawiin an rawn sawina lam pan chuan ka inkhalh a, ka va thlen chuan a nu te pawh an lo thleng vel chiah bawk, an in aṭangin a hnai zawk reng a Mamtei accident lo buaipui hmasa ber tu an tih chu ka han hmu chu mak ka ti viau mai, hman deuh a a case kan khawih sak khami unaupa kha alo nia, lawmthu te kan inhrilh luam bawk
Doctor in an buaipui zo a min rawn koh chuan kal nghal vatin nau a chhiat thu min hrilh ta, ka zep lo ka na lo ka tih chuan ka daw duai ang, kan fa neih hun tur ka lo suangtuah ve na te kha vawi leh khat ah a tham ral mai a ni, Mamtei chu ward ah kan sawn a a duh vanga chhiat a nilo tih ka hre reng mahse kha zana ka message dawn leh a tuk a ka thil hmuh khan min ti hel ve tlat a ni, number lawng atang tho chuan Mamtei accident na thlalak chu min rawn thawn in Jacob-a khan a malchung ah pawm ti tih in a dawm a, ka awm chu a nuam zan lo na in han puh chhiat em em ka rilru ah ala lang lo, mahse a tuk ah damdawiin ka va kal a khapa lo awmve dan te , a nau chhiat tawrh loh hmel deuh a a awm te khan ka thin a ti let but hi ka ti mai a, ka rilru a hel ve ta tlat kha ania
Khua a var ṭan a tlaivar ho ṭinna an siam ta a Mamtei pawh haw ka rawt chuan min hnial buai lem lo chuan a aw ve mai a, nizan khan Hruaia te kha an tlaivar tlang velo a Mamtei car an hawn daih a, kan inphurh haw theih phah a zia ka ti zawk daih thung. Kawng tluan chuan kan inbe lo a tih theih biak ka tum a min chhang duh miau lo a ni. In kan thlen chuan kan inthlak sawk sawk a Mamtei chu room pakhat zawk ah chuan a lut nalh a, ka bula mut tir tum viau mahila kan inhau a ni leh ringawt dawn a, ka ngah phawt a ngai hrih a ni
Ka harh leh chuan dar 12 a lo ri ṭep tawh Mamtei chu a tho tawh niang choka lamah thawm a awm tlat, ka va thawh chhuah chuan a vuina a kal tur ni awm tak hian insiam sak vekin chaw ei alo siam a, min en zeuh hian engmah sawilo chuan thleng chu min lak kep ve ta tho a, chu te mai pawh chuan min ti hlim hmabak la ko viau mahse
Chaw chu kan ei ta mawlh mawlh a a eikham a thleng seng tur a tho chu rawn hawi in "i rawn kal ve dawn em" a ti deuh hmuk a "dawn e, chumi hma chu inbe lawk ang" ka tih chuan min chhang zui lem hlei lo a, a chaw eina chu sink ah chuan dah in choka a chhuahsan ta nghal daih a, keipawh chu kham ve nghal in ka zui chhuak ve a, couch ah chuan lo ṭhu in min rawn melh ha a "Mamte" ka tih chuan rawn thaw chhuak hakin "khatiang hmel inthlahrun hmel dei dui kha pu suh, i inthlahrun leh tak tak pawh ka ring nek lo" a rawn ti nghal thawr chuan min ti hamhaih lek lek
Chutiang hmel ka put pawh ka lo hrelo a mahse a rawn sawi tak ah chuan ka nih duh tak tak hmel hi ka ti khawp ah, ka ṭawng leh hma chuan amah chuan min rawn ṭawng khalh in "Liansang keichu ṭawngka a ngaihdam in dil reng a insiam ṭhat leh silo te hi ho ka tih zawng tak hi ania" a chawl dat a "i tih dikloh kha in en let la a tir aṭang ka lungawi loh chhan kha chhui kir rawh, lungawi loh chhan awmlo tak engmah a awmlo ang" a rawn ti leh dap dap a "Martha-i" ka ti chiah chu min lo pawt chat in
"Insawifiah vak a ngailo a hma pawn i insawifiah vak a i sawi angin i awm leh chuang si hleinem, kan ka a kan thil sawi hi a tak hian a uk phak ve a ngai ania, i insawifiahna ngaihthlak ka tum tawh lo a, a takin i awmdan ka en ang nga chutah chuan rilru ka siam chauh tawh ang, i rin ngam tak tak leh tak tak loh pawh a hriat chhoh mai ang" a rawn tih leh chuan chhan ngaihna pawh ka hrelo ka bu ta nghauh a, a duhtawk tawh emaw ka tih lai chuan rawn ṭawng leh in "chuan in inchhung khur ah hian i awl tawh bik lo ang, hman lutuk hian lerh te hi a awl ania, U Liani a lo kal tawhlo bawk a kei lahin hna ka nei ve tho bawk a, tih tur kan insem tawh ang, tunah pawh eirawng ka bawl tawh a chaw ka buatsaih tawh bawk a, a seng fel leh a sil chu i ti ve ang" tuna a thusawi zet chu ka nui chhuak hak mai
Kan Rinhlupuii zawng a danglam bik teh zawng a ni midang lakah chuan. Ka insiam a thleng pawh hawn a sil ah ka dah ta ringawt a, ka nupui hian a thusawi ah a chiang ngang mai, kan haw huna thleng ka sil loh chuan chaw nghei tir ah min vo reuh a nih chu, kan ṭha ṭhak ṭhak thei ania. Cindy te in pawh kan thleng phei a Mamtei chu a lut nghal a kei chu Hruaia te ho bulah pawn ah ka awm ve daih thung, mitthi kan vui zo a awm rei tawhlo chuan haw kan tum a Mamtei college ah an lo call vang chuan kal ngei ngei a ngai sia ka va drop a ka let san ta a, in ka luh chuan inthlak in thleng chu ka sil ta a nih kha ka chhungte chuan hmu se mak min va ti dawn em
Mamtei lo ban chuan choka ah lut tharh in ka thleng sil leh sil loh chu a check ngat a nih chu, henu tak hichu a thusawi ah hian a ding nghet khawp mai. Room ah chuan a inthlak a rei vaklo ah chuan rawn chhuak in rawng a bawl nghal a, chutia a rawngbawl lai ka en reng chuan a mawi ah "puih i ngai em" ka ti satliah chu rang zet a min rawn chhang in tih tur min hrilh nghal char char a nih chu, ngailo a tih ve mai kha ka lo ring a ka ring sual chhia va a ni. Ka awm awl vanga lerh ah chuan mi ngai deuh tak tak a ni ngei ang , ka awl deuh a ka phone ban ka tum deuh chuan tih tur min rawn hrilh nghal zat zel a nih chu
Phone ka khawih ve hman meuh chuan Alex-a message a lo ṭha hnem ngang mai, ka hmuh rual chuan ka call ta nghal a "phone i va la theilo ve text lah i hmu bawk silo" a rawn tih chuan kan buai thu ka hrilh satliah a, hepa hian ka eirawngbawl leh thleng sil a hriat chuan a damchhung sawi kha a tling dawn miau sia a ni.
Ni a liam a kar aliam a Mamtei ah pawh hma ka sawn ve zel chuan ka hria, a luhlul hi ka ti ngang ngang khawp mai thlakhat dawn a ni tawh a tawh pawh ka la tawk theilo zel chu ania, mahse min biak dan vel ṭhin ah hichuan hma kan sawn chu a ang viau thung, number lawng Mamtei chungchang min rawn thawn ṭhin tu tuna kan buaina inṭanna ber kha a rukin ka chhui char char kha ania, sim card kha a black a lei a lo nia, location aṭang kan chhui taka chuan ka rin lawk ruk ngei kha a lo ni bawk, zanin hian Mamtei pawh thudik hrilh ka tum ve tawh nghe nghe
Mamtei hna bang chu ka nghak ran mai a kei erawh vawin chu ka chawl thung, dar 3 a ri tawh an ban la hun chiah lo mahse rei ka ti khawp mai, nakin deuh ah chuan kawngkhar rawn ri rak in ka va hawi chuan ka mi beisei loh ber mai ka hmu ta Martha-i lo pen lut chu ka lo en reng a "eng nge i rawn tih dawn" bul hmuk a ka tih chuan min rawn nuih var var in "ka rawn leng dawn" a rawn tih ham ham chuan ka thaw deuh hak a "Malsawm min nawr lui ṭhin suh ka tih kha" ka tih nghut chuan min rawn pan hnai a, chutih lai tak chuan kawngkhar rawn in hawng in Mamtei a rawn pen lut ve ta chiah bawk
Martha-i nen min hmu duh chu a a meng deuh kawk a mahse insiamṭha lehnghal in "ka rindan tawk vel" ti sup in min kalsan mai a tum chu a banah chuan ka vuan bet a, tunah hian ka insawifiah nghal a nih loh chuan tun a kan boruak ṭhat lam pan ṭan mek hi a hma aia nasa in a buai dawn tlat, "Mamte kalsawn suh ka sawi tur hi ngaithla rawh" ka aw ah chuan nawr luih ka duhloh zia a lang thei ang "Malsawm sawi ta che kan inkar ah hian eng nge awm tih" Martha-i lam hawi chuan ka ti hmuk a, ka ngawi mai mai tawh dawn biklo Martha-i chuan min rawn melh deuh ha in "Liansang" a rawn ti chap a "kan inkar ah hian engmah a awm tawhloh zia hre chiang ber tu chu i nih kha, Mamtei ka rinhlelh theih nan sim card black a i lei atang khan min rawn be ṭhin tih pawh ka hria alawm phat tum suh"
Martha-i mai nilo Mamtei pawh chuan mak a tih hmel viau bawk, "Mamte Jacob-a nen khan boruak eng emaw in nei ni ngei theih tur hian message tam tak ka dawng ṭhin a, a tirah chuan ka ring nghal mai biklo mahse Jacob-a nen khan ka hmu dun ve ta zeuh zeuh cheu sia rin loh kha ka tan a har em a ni" ka tih chuan Mamtei chu a rawn ang deuh zuau a tawp leh dan in rei vaklo ah chuan rawn ṭawng chhuak in "Martha min lo va chhuahsan te che, kan nupa hian sawi tur kan nei a, mi nupa inkar i lo hrechak viau te a nih loh chuan" dam dap mahse a ngei duh tu tana ngeiawm tak si a a tih chuan ka nuih a za ru ang reng, Martha-i chu thinrim hmel zet chuan a chhuak nghawng nghawng a
Kan ngawi dun vang vang phawt a "ngati nge a rawn bia che tih chu i zep a" a rawn ti ta chat mai, ka ngawi vang vang a ka zep ngawt chhan ka hrelo miau a ni "Liansang keichu kan inkar hi kan chinfel tak tak theih pawh hi ka ring lo, nupa kan ni tawh a kan inkar a zep thil a tam lutuk hian engkim a buai ṭhin, i lakah hian zep ka neih ka hre lo kan inneih tirh atang in nangchuan zep tam tak i nei a, tunah pawh zep ṭhen tam tak i la nei tih ka hria, heti reng hichuan eng ang pawn in siamṭhat tum mahla kan ṭha dawn chuang lo a ngai ah bawk kan let leh dawn" a tih dap dap chuan ka thaw chhuak ham ham a
Show post links
Top
BETTER : 2706 BY Leo Kawlhring (Completed)
Rinhlupuii POV
Liansanga thusawi chu ka ngaithla kar a mak ka tih zia chu pui tak hi a ni, Martha-i khan a chhungte kha a that niin an ringhlel maw, an rinhleh dan te evidence an la neih ṭhat tawk loh thu te chu a sawi a, Martha-in a rinhlelh loh nan a an hnaih a la ni thu te min hrilh chuan eng ber nge rin tur pawh ka hrethiam nuaih hrih lo, Liansanga thil sawi pakhat ka beng verh tak awm leh chu Martha-i kha an adopt a lo ni bawk a ni awm a, a kual kawi teh nuaih lutuk a rilru han sen ve vak dan tur pawh ka hre lo
Liansanga thusawi zawng zawng te kha ngun takin ka ngaihtuah let a ka rilru pawh a insual buai nasa kher mai, eng tin nge ka tih ang tiin ka ngaihtuah ve rauh rauh bawk a tawp ah chuan ti hian ka ti ta a "Liansang zep nei tawhlo a engkim min hrilh avang in ka lawm phawt na a, mahse ring leh nghal mai tur che chuan hun ka la duh dawn, i thusawi pawh kha ka ringhleh lo mahse rintlak a ni tak tak em tih chu i nundan ah i lantir dawn nia" tiin tuna kan buaina chungchang vel chu kan ti tawp ta a
Liansanga lakah hian hel reng ka tum a ni bik lo mahse le tunah rih erawh chuan ka la nem mai thei bik lo, ka nau chhiat hlim a min tih dan te kha ka la theihnghilh bik mai tlat silo a, engmah thil hrechiang hmasa lo a khatiang a min puh kha ka lo na ve takzet aniang ka ngaidam hleithei tlat lo, ka lusun tirh lai a lo ni bawk nen ka hliam ah khan chi a phul ka ti lo thei lo, ka tan chuan han theihnghilh sak nghal mai hi thil har tak a ni
Ka inthlak lai chuan Liansanga nu in min rawn call ve teh hlawl a, "Mamte zanin chu chaw rawn ei phei ta che u, min rawn tlawh khat lutuk hrim hrim" a rawn tih luam chuan kan ei phei tur thu chu ka hrilh ta nghal a, ka va chhuak a Liansanga pawh chu choka lamah chuan eng eng emaw a lo ti ve emaw ni a lo che ve mual mual a, ka nu in min rawn call thu te ka hrilh chuan a ni pawn chaw ei phei chu a hnial lem lo "tikhan thleng sil ka awl thei ang a a ṭha dawn tlat" nui chung a a rawn tih chuan ka nui ve hak mai
Liansanga te inpui kan thleng a a nau te pahnih Mimi leh Baby te pawh an lo awm ve teh mial a, kan in hmu tlem bawk a kan inngaina lem lo mahse kan inbe chhe ngai chuang lo, Muanpuii hi ka ngainat ve ber aniang ani chu a â buang reuh a kawm a nuam in nuihna tur hi ka ngah ṭhin ania a bula ka awm lai chuan, chaw ei nan a la hma deuh bawk a engmah ti lo chuan kan ri ve laih laih mai, ka pa Liansanga pa hi pa ṭawngtam lo na ngiang hi ania Liansanga nen kan inneih hnu te hian ka pa ṭawng suam suam hi ka la hmu lo reng reng
Chaw ei te kan siam a kan han ei kham chuan thingpui in pah chuan chaw ei phei tura min tih chhan an sawi ta a, Liansanga nau hmeichhia a upa zawk Mimi'n pasal a lo nei dawn ni awm tak a ni, chung vel atan a chhungkaw rorêl ni pahin tih leh min ngaih ve thu te an sawi luam a , Mimi chu a lo ruak lo alo nia chuvang chuan inneih pawh an hmanhmawh deuh dawn a lo ania, tun thla chhung ngei a in kut suih tir an tum a ni awm e
Tunlai chu biakin pawisak loh na hi a hluar tawh hle in ka hria, dan khatna tlin miahlo in lan ropui duh vanga dan khatna a an han ti lui sak ngam ṭhin hi a ṭhalo hi ka ti khawp mai, mihring chu kan bum thei mahse lei lung zawng zawng a rorel tu kan Pathian hi kan bum thei silo a, a maicham thianghlim chhung ah ngai mai a hming in dawt kan han sawi sak sak hichu, Lalpa thinur kan tawng buak hi avan hlauhawm tak em. Kan lo chesual a nih pawn huaisen takin kan nihna pawm ngam in ropuina chu hnawl ngam mai ila, thil sual ti ṭheuh ṭheuh ah mahni in pawm a tuar ngam chu a ngam velo te ai chuan Lalpa hian a lawm hi ka ring zawk tlat a ni
Kan haw phei a kawng tluan chuan Liansanga chuan min bia a keipawn ka lo chhang ve zel, amah ah hmasawnna hmuh tur a tam chho ṭan viau mai a a lawmawm tak tak . In kan thlen chuan keimah ni room ve ve ah chuan kan lut nghal a , Liansang an a bulah ka mu duhlo tih a hria a min nawr lui ngailo, tiang kawng ah hichuan a fel ve na zawng tak a ni
Ka muhil chu ka pangkhing na lutuk chuan min ṭham harh a ka khua lah chu a sik ser ser bawk nge mawni ka thaw a sa huam huam bak ah ka dang a ro huam huam bawk a ka lu pawh a na viau mai, sana ka en chuan zinglam dar 2 a lo ri tawh ka khum bula ka tui dah chu banin ka in nghal khawlh khawlh a, damdawi lak mai ka tum a Liansanga mutna room ah zawk chuan a awm vek tih ka hre chhuak zawk mai, peih lo zet chuan room ah chuan ka phei a damdawi dahna lam chu ka pan nghal a, damdawi ka hai rak rak lai chuan Liansanga chu rawn ṭawng thut in ka la phu nasa em em zui a "Mamte eng nge i tih" a rawn tih leh deuh chuan pangngai takin damdawiin ka zawn thu te ka hrilh a
Liansanga chu rawn tho nghal vat in damdawin chu min rawn laksak a ka room ah chuan ka phei san ta nghal daih a, rei vaklo ah chuan ka damdawi ei chuan min chhawk nge mut chhuak in min rawn zem ṭan a ka mu ve leh nghal mai bawk a. Ka harh chuan ka lo thlan huh dup mai, ka room parda chu a lo la in zar phui vek a ka phone ka ban a sana ka en chuan dar 11 a lo ri der tawh, ka tho zawk a alarm kha ka set ve vek in ka hre sia, kan staff group ah lut a thupha chawi ka va tum chuan eng nge ka an tih vel min lo zawt luam hlawm a mak ka ti viau mai, engtin nge maw ka nuam lo tih te an lo hriat daih daih ni
Mary chuan private in min lo text a zing ah Liansang an HOD a lo hrilh thu te min hrilh a, mak ka ti lehpek viau engtin nge maw chutiang na chang te a hriat zawk ni. Tlai ah Benedict-a nen rawn len an tum thu te min rawn hrilh nghal a, Mary te pawh tun kum ah a bialpa nen khan inneih zai an rel ve tawh ngei ang nga kan department aṭang chuan Benedict-a chuan kawppui neilo an awm tawh dawn tihna a ni mai ang nga hun hi a lo kal chak khawp a nih hi.
Ka tho chhuak a ei rawng a lo in bawl sa vek a Liansanga erawh ka hmu lo thung, dar zat nen chuan clinic ah a awm tawhlo ngei ang nga hospital ah a awm ka ring tawh, Liansanga eirawng bawl sa chu ka ti lum a chaw chu ka ei ve nghal a, hna ka kal ta lo sa sa tiin in te chu ka tifai a insuk tur tlem ka neih chu ka su nghal bawk a, Liansang an suk tur a neih ve takin tiin a thawhnaw ho chu ka va la ve a, a kekawr ip aṭang chuan kan inneih zungbun rawn tla chhuak hlawl chu ka en vang vang a, a phelh ngailo emaw ka lo tia engtia heta awm daih nge maw a nih ni
Liansanga chu ka zawt a ka phelh tih pawh ka lo hre hleinem a ti sam et a, ka buai zui ta lem lo mai. Zantir aṭang ka khuasik leh nghal a Liansang an naktuk ah kan inentir dawn nia a ti bawk, chutia serious ka nilo na a in entir chu ṭha ka ti ta hrim hrim a, ka room ah chuan ka lut a damdawi te eiin ka mu nghal daih a. Zing ah chuan Liansang an min rawn kai tho a damdawiin ah chuan a hna kal ruala kal ve turin mi rawn tia, a awlsam zawk bawk a ka hnial lem lo. Tho chhuak in ka intleuh nghal thuak thuak a, ka insiam zawh chuan ani pawh a lo inpeih tawh
Damdawiin kan thlen chuan emergency deuh a zai ngai an awm vangin Liansanga chu a kalsawn ta daih a keima a in hai kaw theilo khawp ka nilo bawk a mahni a inentir chu ka hreh lem lo, doctor ka hmu a test neuh neuh te kan neih hnu ah ka zun kawng ah hnai a lo awm deuh chu niin damdawi tam tham deuh tak min chawh a tichuan a zo der. Haw nghal mai ṭha ka tih vang chuan Liansanga chanchin hrilh tum in a room lam chu ka pan a, kawngkhar ka kik dat dat a lut tur pawn min ti lo ka ngah leh deuh vang vang pawn min rawn la chhawn loh vang chuan ka pawt chhin a alo in kalh miah lo chu niin
Ka thil va hmuh chuan min ti ham haih lek lek, Liansanga leh nurse form ha pakhat chu hnaih deuh hian an lo ṭhu dun a, chu nurse nu chu ala nui var var zui a nuih dan chu ka ngei chi tak zuk ni tlat pek a. Ka aw ka then tak kharh ah chuan an lo hawi rual nghal a, Liansanga hmel chu ka rinhlelh vang nge a pha deuh dai hian ka hre tlat, nurse nu chu min hmuh vel ah chuan a chhuak ta daih a, "i zo der ami" Liansang an a rawn tih chuan dar kan ak in "zo chu nih hi" ka ti ve nghal a "ka la haw ve hman silo a engtin nge niang" a rawn tih leh chuan keimah a ka haw tur thu hrilh in ka kal ta nghal daih a
Inah haw tlang lo chuan ka nu te in lamah ka kal ta daih a, inah chuan ka nu chauh a lo awm a ka awm ve ta reng a, Hruaia te an lo haw chuan ka va inthlah phei tir ta nghal a, Liansanga pawh a la bang lo aniang a lo la inkhalh ṭhap mai, ka inthlak nghal a ka awm nuam lo leh ṭan er er chu ka hre thei damdawi ei khalh vat tum in vawin a doctor min chawh ho kha ka ei nghal a, ka khum ah chuan ka mu nghal thak a, a rei telh telh a ka khua pawh a sik hluah tawh mai ka tlun deuh dar dar bawk, ka vawt ti lutuk chu puan chuan ka inkhuh belh a ka khur nasa zual sauh emaw tih mai tur a ni
Thei leh thei lo in ka phone chu ka ban ṭawk ṭawk a Liansanga chu ka call ta a, vawi hnih ka call tawh pawn ala la thei chuang lo a tawp nan tiin ka call nawn leh a, ala tawg dawnlo emaw ka tih hnu chuan a rawn pick ta hram a, mahse Liansanga a ni hauh lo mai lo la tu chu hmeichhe aw a ni, engmah pawh sawi lo chuan ka dah nghal hmak a, ka khawsik lah a sang si call tur mai ka hre tawh lo ka nu te ka call chuan an mangang lutuk dawn bawk si
Hreh zet chuan Jacob-a chu ka call ta tawp a, ka awmdan chu ka hrilh thuak thuak a darkar 1 hnu velah chuan doorbell chu a rawn ri ta ral ral a mahse tho chhuak tur pawn chakna ka neilo, ka phone chu a rawn ri leh a Jacob-a a lo ni bawk pick nghal vatin "pawn ah ka awm tawh a" a rawn tih chuan ka kalh loh thu leh lo lut turin ka hrilh nghal a, Jacob-a chuan damdawiin ah min hruai ta nghal a, Mampuia ka ngai kher mai la awm ve sela chuan mihrang daih tih buai ka ngai awm silo a, ka ngaihtuah na vang chuan ka mittui a rawn tla pap a, Jacob an min hmuh chuan "i ṭha em" rawn ti vat in lu ka lo bu nghat a, ka vawt ti chu ka khur beuh beuh bawk
Damdawiin kan thlen chuan test min neih tir leh a, typhoid leh dengue ka lo nei tel chu niin ka zun kawng a hnai awm bawk nen min admit ta nghal a, Jacob-a chuan ka nu te call nghalin chanchin te a hrilh nghal zung zung a, an damdawi min pek vang chu nge ni ka mut chhuak chu ka mu ta siai siai a. Ṭawng thawm ka hriat ah chuan ka harh a mahse ka la meng lo thung Liansangpuia aw ka hre nghal zat a, a hnu ah Jacob-a a ṭawng ve leh bawk "i nupui a nih zia ka hai lo mahse pasal diktak angin awm ve ta che, Mamtei hi i nupui a nih na ang in ka en tawh dawnlo tih hre bawk ang che, i tih nat reng tur chuan a hlu mah mah" a tih ri te chu ka hre ta nuaih mai mak ka ti chu ka meng nghal diar diar a
Chutia ka men tak ah chuan an thusawi chu tawp daih in min rawn pan ta nghal a, Liansanga chuan eng nge ka an tih min rawn zawt vat in ka chal te a rawn dek a, hawi sawn ka tum zet na a in hau thei dinhmun ah ka dinloh mai bakah kan inkar ṭha lo hi midang hriat tir ve zel ngai ka ti lem lo. Ka nu a lo lut a damdawi leiin a lo chhuak a ni ang hmiang a rawn inkhai bawr ṭuk mai "E kha Liansang i lo thleng tawh maw" ka nu chuan a rawn ti nghal a, Liansanga pawh chuan ṭha deuh chuan a chhang ve mai a, ka nu chuan ka damdawi tur rem fel mawlh mawlh pah chuan "Cob-a chaw chu i rawn ei ngei ngei tawh ang, Mamtei min lo buaipui sak ṭhin a kan ba ve reng reng ania" a tih leh chuan Jacob-a pawh chu nui var var in "ee ka la rawn ei em em ang" a ti ve sup a
Damdawiin ah chuan Liansangpuia chuan min awmpui ta char char a, zanah pawh min riahpui zel mai a chaw pawh damdawiin chaw kan order bawk, chhun ah Jacob-a a lo kal zeuh zeuh a vawin hian ka chhuak dawn a Jacob-a pawh rawn kal duh viau mahse a haw ni tur a ni sia min rawn call a min rawn hrilh ta kha a nia.
Damdawiin kan chhuah aṭang kar a liam leh tawh bawk a ka ṭha tawh khawp mai hna pawh ka kal leh tawh a, Mary te pawh palai an kal tawh a inneih ni tur te pawh an ruat fel tawh bawk a kan phur tlang hlawm khawp mai, Benedict-a chu kan fiam kan fiam tawh mai a, a ni kawppui la nei ve dawn lo ta chu kan fiam na ho te te te chuan a thin ti rim in kan nuih pui hak hak reng mai. Liansanga te pawh Mimi te inneih tur ah a buai ve thei khawp mai, a nu te in lamah pawh kan phei ngun viau a chang in ka tel a a chang in ka tello ve thung a
Mimi te inneih ni tur pawh kan thleng a keini pawh zan hmasa aṭang khan Liansanga te in lamah kan riak phei tawh a, dan khatna in innei dawn lo mahse an bei nasa khawp mai, an unau ah Liansanga chiah hi dan khatna a innei a la ni mai a, ngaihtuah chian chuan a ṭhalo ka ti ang reng. An inchhung khur ah hian Pathian in inneih hma a sex hman a hmuh dan te a duhloh zia te hi a ri tlem deuh emaw ni aw ka ti deuh hial a ni, in chhung ah a rik tam na na na chuan hmeichhia chu sawi loh mipa te pawh hi an lo insum ve thei lutuk
Mimi te inneih na pawh kan zo a, zan after party a kal tur chuan kan inbuatsaih mawlh mawlh a, kan insiam zawh chuan kan nupa chuan kan inphur chhuak ve ta nghal a, room pawh an book lawk nual a Liansang an duhleh kan riak ve nghal daih ang nga a ti nghe nghe mahse ka duh kher ange maw ni.
After party chu zu leh sa a zalen kher mai ka rin lawk deuh sa kha a ni hrim hrim a, beer hichu kan tleirawl ṭan tirh lai khan ka in ve tawh ka nun min ṭawngtai sak hrep a, Au Maman a ṭhat loh zia min hrilh hrep bawk a khata ṭang khan ka la ti leh lo hrim hrim. Liansanga chu ka melh deuh a a kal bo daih lehnghal a khaw nge maw a lo kal hman ni
Baby Liansanga nau chu ka bulah a lo ṭhu ve a, a ṭhiannu emaw ni hi a lo ṭhu tel bawk a Liansanga naupan lai tih vel te eng eng emaw chu an rawn sawi a, tawi te te chuan ka lo nuihpui ve hi a ni mai sawi tur ka hre ve miau lo a, nakin deuh ah chuan wine hi an rawn phawrh ta a in ve tur chuan min ti ta tlat a, ka hnar nasat pauh leh min hnawn nasa a nimai, chuti na na na chu tiin no khat chu han in ve a, ka in zawng chuan ka hrawk a sa thla ham ham mai, wine mai mai a nih ka ring ta tawp lo mai ka pum a fan nghal rawih rawih bawk, " eng nge in telh a" ka tih chang fak chuan rawn nui mai in "whiskey" awlsam zet a Baby in a rawn tih chuan ka thin a sa bulh bulh mai, kei zu in ngailo khan wine chutah pawh whiskey pawlh ka in chu aniah ka ngaih a ṭha ta chiam lo mai
Ka lu hai a rawn kal muai muai a Liansanga zawng tur pawn ka zawi lutuk tawh tlat, ka phone chu thei leh theilo in ka ban a Liansanga chu ka call ta nghal a, reilo ah Liansanga pawh chu ka bul a rawn thleng a ka awmdan chu min en vang vang in a rum nghut a "engthil phiangsen nge i lo tih a" ti bul vut in ka banrek ah rawn man in min pawt tho nghal a, min pawh tho zawng chuan ka lu chu a hai zia ka hre chiah, no khat bak ka inlo a chutia in control theilo em em chu ka nilo, mahse ka lu chu a hai ve khawp mai "tunge in nge pe che" a tih leh vut chuan zawi sap a "Baby" ka tih chuan thaw chhuak hak in "Zodinsangi mai mai chuh" a ti leh hluk a
Liansanga chuan min haw pui ta nghal a ka lu lah chu a hai nasa em em a motor kan chuan zawng chuan, in kan thlen chuan ka room ah chuan Liansang an min hruai lut nghal a "nangmah in i inthlak thei angem" a hma ai chuan a awki pawh a dam tawh zawk, lu ka thing nak nak a ka theih ka ringlo reng a ni, ka kang nghal lawp mai Liansanga chuan bathroom lam pan chuan min pawm phei pawk pawk a, toilet chhin chu kuai thla in a chung ah chuan min ṭhut tir nghal a, ka hmai chu a rawn phih nghal sawk sawk a, min pawm chhuak leh nawlh in khumah chuan min mut nghal a
Liansanga chhuah tuma a inher chu a kut ah chuan ka man vat a, ka lamah rawn inher let leh in min rawn en vang vang a khumah chuan ding sangin Liansanga chu ka melh kar a, kei hi ka thil in vang hian ka diklo chiang a ni, mahse ka tih tum chu ti ta tho in Liansanga chu a biang tawn tawn ah vuan in ka fawp ta nghal a, min chhang let miah lo a dawh tawp, chutah ngen ngawl zet a ka fawh leh chuan min rawn chhang in "inchhir suh ang che" ti sup in a che ta nghal buan buan a
Ka lu na ngut ngut chuan min ti harh in ka ṭhen nghal tlawk tlawk mai, ka kawng a thil rit takin min delh vang chuan ka harh chiang telh telh a, nizan a thil thleng kha ka hre thar uarh uarh bawk ka duhloh tak thil a ni ka tih kha, thawh mai ka tum chuan Liansanga chu rawn che ṭual ṭual in a rawn rum ṭiah ṭiah a min rawn kuah nghet in alam ah min pawt phei a, "Liansang" ka tih sep chuan rawn meng in "i lu a na em" a rawn ti nghal zat bawk ṭawngka a chhang lo chuan lu ka bu ta nghat a, Liansanga chu tho in damdawi min rawn pe nghal a "eng nge i hriat a i lo in ve reng reng ni" a tih leh chuan a nau te ṭhian dun in min pek dan te chu ka hrilh ta vek a, ka zep a ṭulna ka hre lem lo
"Zodinsangi te chu hauh an ngai a nih chu" a ti nghal hluk a, a bak nizan chungchang engmah kan sawi lo, sawilo se ka duh zawk reng bawk a, kan tihsual a inchhir hi awmzia a awmloh viau rual hian kan inchhir lo thei ṭhin silo a, thil siam ṭhat theih tawhloh tura rilru hah reng ai chuan ngaihtuah zui loh thiam te hian mahni kan inti hreawm lo zawk
Leave ka la lak avang chuan inah eng eng emaw ka ti ta a, chutia ka buai lai tak chuan a phone a rawn ri a Liansanga nu a lo nia, ka pick nghal vat a "Mamte Liansanga bulah eng nge i lo sawi a" mi rawn ti nghal thawr mai a, mak ka ti ang reng khawp mai "Hei a nau a rawn hau chiam ringawt a, Bawihpuii lah in engmah a thiamloh a awmlo a tia, inpa hi i lo fuih deuh ṭhin ami a naute duat em em ṭhin tu kha ania, hetia a rawn tih ringawt. Bawihpui in nizan ah wine in in ho a ti a ni awm a, puitling i nia i duhthu lo chuan i in dawnlo hrim hrim bawk a khatia inpa bula thiamchan tuma midang mawh puh daih kha a ṭha lo ania, mi unau inkar tichhe tu nih tum loh tur" a rawn ti ta duah a Liansanga nu chu ka rin ang a lo ni khawp mai
Engtin mah pawh chhang lo chuan phone chu ka dah ta daih a, Liansanga pawh chuan engtin tak Baby te chu lo va ti nimaw khati taka a nun min rawn puh chhiat kha. Liansanga a rawn haw chuan ka lo zawt nghal chat a min chhang lem lo chuti chu tiin zawh zui ka tum tawh biklo .
Eirawng ka bawl mawlh mawlh lai chuan Liansanga chu inchei deuh hian choka ah a rawn lut a, chhuah lawk a ngaih thu sawiin a chhuak ta nghal daih a. Nizan ah khatiang khan kan awm a engtin mah min ti zui lo te leh min ngaihsak zui lo te chu amah ka huatna aiin keimah ka inhuat na a zual sauh mai. Eng vanga khatiang a awm kha nge maw ka nih reng reng ni ka ruih vang chu a ni tak meuh mai mahse ka thinlung ah hian Liansanga thlakhlelh rukna awm vang kha a ni tlat zawk, zu ka in chiah khan ka ka thinlung a ka pai ruk kha a puak darh ta chiah reng a ni
Zu kha demna tur chin nei mahila keimah hi indem ber tur chu ka ni, Liansanga hi ka hriat loh kar in ka lo hmangaih hman tlat a ni, Hmangaihna hi thil mak tak zawng a ni hriat loh kar in a lo kal a ti reh tur erawh chuan hun rei tak beih a ngai thung si, hmangaih kan neih thar chiah hian kawng tam tak in hma kan sawn a, mahse chu hmangaihna in min tih nat thung chuan rilru mai nilo taksa thleng a min sawp chhe thei thil a ni tlat si, he khawvel a thil ropui ber chu Hmangaihna hi a ni tlat lawi a
Show post links
Top
Liansanga thusawi chu ka ngaithla kar a mak ka tih zia chu pui tak hi a ni, Martha-i khan a chhungte kha a that niin an ringhlel maw, an rinhleh dan te evidence an la neih ṭhat tawk loh thu te chu a sawi a, Martha-in a rinhlelh loh nan a an hnaih a la ni thu te min hrilh chuan eng ber nge rin tur pawh ka hrethiam nuaih hrih lo, Liansanga thil sawi pakhat ka beng verh tak awm leh chu Martha-i kha an adopt a lo ni bawk a ni awm a, a kual kawi teh nuaih lutuk a rilru han sen ve vak dan tur pawh ka hre lo
Liansanga thusawi zawng zawng te kha ngun takin ka ngaihtuah let a ka rilru pawh a insual buai nasa kher mai, eng tin nge ka tih ang tiin ka ngaihtuah ve rauh rauh bawk a tawp ah chuan ti hian ka ti ta a "Liansang zep nei tawhlo a engkim min hrilh avang in ka lawm phawt na a, mahse ring leh nghal mai tur che chuan hun ka la duh dawn, i thusawi pawh kha ka ringhleh lo mahse rintlak a ni tak tak em tih chu i nundan ah i lantir dawn nia" tiin tuna kan buaina chungchang vel chu kan ti tawp ta a
Liansanga lakah hian hel reng ka tum a ni bik lo mahse le tunah rih erawh chuan ka la nem mai thei bik lo, ka nau chhiat hlim a min tih dan te kha ka la theihnghilh bik mai tlat silo a, engmah thil hrechiang hmasa lo a khatiang a min puh kha ka lo na ve takzet aniang ka ngaidam hleithei tlat lo, ka lusun tirh lai a lo ni bawk nen ka hliam ah khan chi a phul ka ti lo thei lo, ka tan chuan han theihnghilh sak nghal mai hi thil har tak a ni
Ka inthlak lai chuan Liansanga nu in min rawn call ve teh hlawl a, "Mamte zanin chu chaw rawn ei phei ta che u, min rawn tlawh khat lutuk hrim hrim" a rawn tih luam chuan kan ei phei tur thu chu ka hrilh ta nghal a, ka va chhuak a Liansanga pawh chu choka lamah chuan eng eng emaw a lo ti ve emaw ni a lo che ve mual mual a, ka nu in min rawn call thu te ka hrilh chuan a ni pawn chaw ei phei chu a hnial lem lo "tikhan thleng sil ka awl thei ang a a ṭha dawn tlat" nui chung a a rawn tih chuan ka nui ve hak mai
Liansanga te inpui kan thleng a a nau te pahnih Mimi leh Baby te pawh an lo awm ve teh mial a, kan in hmu tlem bawk a kan inngaina lem lo mahse kan inbe chhe ngai chuang lo, Muanpuii hi ka ngainat ve ber aniang ani chu a â buang reuh a kawm a nuam in nuihna tur hi ka ngah ṭhin ania a bula ka awm lai chuan, chaw ei nan a la hma deuh bawk a engmah ti lo chuan kan ri ve laih laih mai, ka pa Liansanga pa hi pa ṭawngtam lo na ngiang hi ania Liansanga nen kan inneih hnu te hian ka pa ṭawng suam suam hi ka la hmu lo reng reng
Chaw ei te kan siam a kan han ei kham chuan thingpui in pah chuan chaw ei phei tura min tih chhan an sawi ta a, Liansanga nau hmeichhia a upa zawk Mimi'n pasal a lo nei dawn ni awm tak a ni, chung vel atan a chhungkaw rorêl ni pahin tih leh min ngaih ve thu te an sawi luam a , Mimi chu a lo ruak lo alo nia chuvang chuan inneih pawh an hmanhmawh deuh dawn a lo ania, tun thla chhung ngei a in kut suih tir an tum a ni awm e
Tunlai chu biakin pawisak loh na hi a hluar tawh hle in ka hria, dan khatna tlin miahlo in lan ropui duh vanga dan khatna a an han ti lui sak ngam ṭhin hi a ṭhalo hi ka ti khawp mai, mihring chu kan bum thei mahse lei lung zawng zawng a rorel tu kan Pathian hi kan bum thei silo a, a maicham thianghlim chhung ah ngai mai a hming in dawt kan han sawi sak sak hichu, Lalpa thinur kan tawng buak hi avan hlauhawm tak em. Kan lo chesual a nih pawn huaisen takin kan nihna pawm ngam in ropuina chu hnawl ngam mai ila, thil sual ti ṭheuh ṭheuh ah mahni in pawm a tuar ngam chu a ngam velo te ai chuan Lalpa hian a lawm hi ka ring zawk tlat a ni
Kan haw phei a kawng tluan chuan Liansanga chuan min bia a keipawn ka lo chhang ve zel, amah ah hmasawnna hmuh tur a tam chho ṭan viau mai a a lawmawm tak tak . In kan thlen chuan keimah ni room ve ve ah chuan kan lut nghal a , Liansang an a bulah ka mu duhlo tih a hria a min nawr lui ngailo, tiang kawng ah hichuan a fel ve na zawng tak a ni
Ka muhil chu ka pangkhing na lutuk chuan min ṭham harh a ka khua lah chu a sik ser ser bawk nge mawni ka thaw a sa huam huam bak ah ka dang a ro huam huam bawk a ka lu pawh a na viau mai, sana ka en chuan zinglam dar 2 a lo ri tawh ka khum bula ka tui dah chu banin ka in nghal khawlh khawlh a, damdawi lak mai ka tum a Liansanga mutna room ah zawk chuan a awm vek tih ka hre chhuak zawk mai, peih lo zet chuan room ah chuan ka phei a damdawi dahna lam chu ka pan nghal a, damdawi ka hai rak rak lai chuan Liansanga chu rawn ṭawng thut in ka la phu nasa em em zui a "Mamte eng nge i tih" a rawn tih leh deuh chuan pangngai takin damdawiin ka zawn thu te ka hrilh a
Liansanga chu rawn tho nghal vat in damdawin chu min rawn laksak a ka room ah chuan ka phei san ta nghal daih a, rei vaklo ah chuan ka damdawi ei chuan min chhawk nge mut chhuak in min rawn zem ṭan a ka mu ve leh nghal mai bawk a. Ka harh chuan ka lo thlan huh dup mai, ka room parda chu a lo la in zar phui vek a ka phone ka ban a sana ka en chuan dar 11 a lo ri der tawh, ka tho zawk a alarm kha ka set ve vek in ka hre sia, kan staff group ah lut a thupha chawi ka va tum chuan eng nge ka an tih vel min lo zawt luam hlawm a mak ka ti viau mai, engtin nge maw ka nuam lo tih te an lo hriat daih daih ni
Mary chuan private in min lo text a zing ah Liansang an HOD a lo hrilh thu te min hrilh a, mak ka ti lehpek viau engtin nge maw chutiang na chang te a hriat zawk ni. Tlai ah Benedict-a nen rawn len an tum thu te min rawn hrilh nghal a, Mary te pawh tun kum ah a bialpa nen khan inneih zai an rel ve tawh ngei ang nga kan department aṭang chuan Benedict-a chuan kawppui neilo an awm tawh dawn tihna a ni mai ang nga hun hi a lo kal chak khawp a nih hi.
Ka tho chhuak a ei rawng a lo in bawl sa vek a Liansanga erawh ka hmu lo thung, dar zat nen chuan clinic ah a awm tawhlo ngei ang nga hospital ah a awm ka ring tawh, Liansanga eirawng bawl sa chu ka ti lum a chaw chu ka ei ve nghal a, hna ka kal ta lo sa sa tiin in te chu ka tifai a insuk tur tlem ka neih chu ka su nghal bawk a, Liansang an suk tur a neih ve takin tiin a thawhnaw ho chu ka va la ve a, a kekawr ip aṭang chuan kan inneih zungbun rawn tla chhuak hlawl chu ka en vang vang a, a phelh ngailo emaw ka lo tia engtia heta awm daih nge maw a nih ni
Liansanga chu ka zawt a ka phelh tih pawh ka lo hre hleinem a ti sam et a, ka buai zui ta lem lo mai. Zantir aṭang ka khuasik leh nghal a Liansang an naktuk ah kan inentir dawn nia a ti bawk, chutia serious ka nilo na a in entir chu ṭha ka ti ta hrim hrim a, ka room ah chuan ka lut a damdawi te eiin ka mu nghal daih a. Zing ah chuan Liansang an min rawn kai tho a damdawiin ah chuan a hna kal ruala kal ve turin mi rawn tia, a awlsam zawk bawk a ka hnial lem lo. Tho chhuak in ka intleuh nghal thuak thuak a, ka insiam zawh chuan ani pawh a lo inpeih tawh
Damdawiin kan thlen chuan emergency deuh a zai ngai an awm vangin Liansanga chu a kalsawn ta daih a keima a in hai kaw theilo khawp ka nilo bawk a mahni a inentir chu ka hreh lem lo, doctor ka hmu a test neuh neuh te kan neih hnu ah ka zun kawng ah hnai a lo awm deuh chu niin damdawi tam tham deuh tak min chawh a tichuan a zo der. Haw nghal mai ṭha ka tih vang chuan Liansanga chanchin hrilh tum in a room lam chu ka pan a, kawngkhar ka kik dat dat a lut tur pawn min ti lo ka ngah leh deuh vang vang pawn min rawn la chhawn loh vang chuan ka pawt chhin a alo in kalh miah lo chu niin
Ka thil va hmuh chuan min ti ham haih lek lek, Liansanga leh nurse form ha pakhat chu hnaih deuh hian an lo ṭhu dun a, chu nurse nu chu ala nui var var zui a nuih dan chu ka ngei chi tak zuk ni tlat pek a. Ka aw ka then tak kharh ah chuan an lo hawi rual nghal a, Liansanga hmel chu ka rinhlelh vang nge a pha deuh dai hian ka hre tlat, nurse nu chu min hmuh vel ah chuan a chhuak ta daih a, "i zo der ami" Liansang an a rawn tih chuan dar kan ak in "zo chu nih hi" ka ti ve nghal a "ka la haw ve hman silo a engtin nge niang" a rawn tih leh chuan keimah a ka haw tur thu hrilh in ka kal ta nghal daih a
Inah haw tlang lo chuan ka nu te in lamah ka kal ta daih a, inah chuan ka nu chauh a lo awm a ka awm ve ta reng a, Hruaia te an lo haw chuan ka va inthlah phei tir ta nghal a, Liansanga pawh a la bang lo aniang a lo la inkhalh ṭhap mai, ka inthlak nghal a ka awm nuam lo leh ṭan er er chu ka hre thei damdawi ei khalh vat tum in vawin a doctor min chawh ho kha ka ei nghal a, ka khum ah chuan ka mu nghal thak a, a rei telh telh a ka khua pawh a sik hluah tawh mai ka tlun deuh dar dar bawk, ka vawt ti lutuk chu puan chuan ka inkhuh belh a ka khur nasa zual sauh emaw tih mai tur a ni
Thei leh thei lo in ka phone chu ka ban ṭawk ṭawk a Liansanga chu ka call ta a, vawi hnih ka call tawh pawn ala la thei chuang lo a tawp nan tiin ka call nawn leh a, ala tawg dawnlo emaw ka tih hnu chuan a rawn pick ta hram a, mahse Liansanga a ni hauh lo mai lo la tu chu hmeichhe aw a ni, engmah pawh sawi lo chuan ka dah nghal hmak a, ka khawsik lah a sang si call tur mai ka hre tawh lo ka nu te ka call chuan an mangang lutuk dawn bawk si
Hreh zet chuan Jacob-a chu ka call ta tawp a, ka awmdan chu ka hrilh thuak thuak a darkar 1 hnu velah chuan doorbell chu a rawn ri ta ral ral a mahse tho chhuak tur pawn chakna ka neilo, ka phone chu a rawn ri leh a Jacob-a a lo ni bawk pick nghal vatin "pawn ah ka awm tawh a" a rawn tih chuan ka kalh loh thu leh lo lut turin ka hrilh nghal a, Jacob-a chuan damdawiin ah min hruai ta nghal a, Mampuia ka ngai kher mai la awm ve sela chuan mihrang daih tih buai ka ngai awm silo a, ka ngaihtuah na vang chuan ka mittui a rawn tla pap a, Jacob an min hmuh chuan "i ṭha em" rawn ti vat in lu ka lo bu nghat a, ka vawt ti chu ka khur beuh beuh bawk
Damdawiin kan thlen chuan test min neih tir leh a, typhoid leh dengue ka lo nei tel chu niin ka zun kawng a hnai awm bawk nen min admit ta nghal a, Jacob-a chuan ka nu te call nghalin chanchin te a hrilh nghal zung zung a, an damdawi min pek vang chu nge ni ka mut chhuak chu ka mu ta siai siai a. Ṭawng thawm ka hriat ah chuan ka harh a mahse ka la meng lo thung Liansangpuia aw ka hre nghal zat a, a hnu ah Jacob-a a ṭawng ve leh bawk "i nupui a nih zia ka hai lo mahse pasal diktak angin awm ve ta che, Mamtei hi i nupui a nih na ang in ka en tawh dawnlo tih hre bawk ang che, i tih nat reng tur chuan a hlu mah mah" a tih ri te chu ka hre ta nuaih mai mak ka ti chu ka meng nghal diar diar a
Chutia ka men tak ah chuan an thusawi chu tawp daih in min rawn pan ta nghal a, Liansanga chuan eng nge ka an tih min rawn zawt vat in ka chal te a rawn dek a, hawi sawn ka tum zet na a in hau thei dinhmun ah ka dinloh mai bakah kan inkar ṭha lo hi midang hriat tir ve zel ngai ka ti lem lo. Ka nu a lo lut a damdawi leiin a lo chhuak a ni ang hmiang a rawn inkhai bawr ṭuk mai "E kha Liansang i lo thleng tawh maw" ka nu chuan a rawn ti nghal a, Liansanga pawh chuan ṭha deuh chuan a chhang ve mai a, ka nu chuan ka damdawi tur rem fel mawlh mawlh pah chuan "Cob-a chaw chu i rawn ei ngei ngei tawh ang, Mamtei min lo buaipui sak ṭhin a kan ba ve reng reng ania" a tih leh chuan Jacob-a pawh chu nui var var in "ee ka la rawn ei em em ang" a ti ve sup a
Damdawiin ah chuan Liansangpuia chuan min awmpui ta char char a, zanah pawh min riahpui zel mai a chaw pawh damdawiin chaw kan order bawk, chhun ah Jacob-a a lo kal zeuh zeuh a vawin hian ka chhuak dawn a Jacob-a pawh rawn kal duh viau mahse a haw ni tur a ni sia min rawn call a min rawn hrilh ta kha a nia.
Damdawiin kan chhuah aṭang kar a liam leh tawh bawk a ka ṭha tawh khawp mai hna pawh ka kal leh tawh a, Mary te pawh palai an kal tawh a inneih ni tur te pawh an ruat fel tawh bawk a kan phur tlang hlawm khawp mai, Benedict-a chu kan fiam kan fiam tawh mai a, a ni kawppui la nei ve dawn lo ta chu kan fiam na ho te te te chuan a thin ti rim in kan nuih pui hak hak reng mai. Liansanga te pawh Mimi te inneih tur ah a buai ve thei khawp mai, a nu te in lamah pawh kan phei ngun viau a chang in ka tel a a chang in ka tello ve thung a
Mimi te inneih ni tur pawh kan thleng a keini pawh zan hmasa aṭang khan Liansanga te in lamah kan riak phei tawh a, dan khatna in innei dawn lo mahse an bei nasa khawp mai, an unau ah Liansanga chiah hi dan khatna a innei a la ni mai a, ngaihtuah chian chuan a ṭhalo ka ti ang reng. An inchhung khur ah hian Pathian in inneih hma a sex hman a hmuh dan te a duhloh zia te hi a ri tlem deuh emaw ni aw ka ti deuh hial a ni, in chhung ah a rik tam na na na chuan hmeichhia chu sawi loh mipa te pawh hi an lo insum ve thei lutuk
Mimi te inneih na pawh kan zo a, zan after party a kal tur chuan kan inbuatsaih mawlh mawlh a, kan insiam zawh chuan kan nupa chuan kan inphur chhuak ve ta nghal a, room pawh an book lawk nual a Liansang an duhleh kan riak ve nghal daih ang nga a ti nghe nghe mahse ka duh kher ange maw ni.
After party chu zu leh sa a zalen kher mai ka rin lawk deuh sa kha a ni hrim hrim a, beer hichu kan tleirawl ṭan tirh lai khan ka in ve tawh ka nun min ṭawngtai sak hrep a, Au Maman a ṭhat loh zia min hrilh hrep bawk a khata ṭang khan ka la ti leh lo hrim hrim. Liansanga chu ka melh deuh a a kal bo daih lehnghal a khaw nge maw a lo kal hman ni
Baby Liansanga nau chu ka bulah a lo ṭhu ve a, a ṭhiannu emaw ni hi a lo ṭhu tel bawk a Liansanga naupan lai tih vel te eng eng emaw chu an rawn sawi a, tawi te te chuan ka lo nuihpui ve hi a ni mai sawi tur ka hre ve miau lo a, nakin deuh ah chuan wine hi an rawn phawrh ta a in ve tur chuan min ti ta tlat a, ka hnar nasat pauh leh min hnawn nasa a nimai, chuti na na na chu tiin no khat chu han in ve a, ka in zawng chuan ka hrawk a sa thla ham ham mai, wine mai mai a nih ka ring ta tawp lo mai ka pum a fan nghal rawih rawih bawk, " eng nge in telh a" ka tih chang fak chuan rawn nui mai in "whiskey" awlsam zet a Baby in a rawn tih chuan ka thin a sa bulh bulh mai, kei zu in ngailo khan wine chutah pawh whiskey pawlh ka in chu aniah ka ngaih a ṭha ta chiam lo mai
Ka lu hai a rawn kal muai muai a Liansanga zawng tur pawn ka zawi lutuk tawh tlat, ka phone chu thei leh theilo in ka ban a Liansanga chu ka call ta nghal a, reilo ah Liansanga pawh chu ka bul a rawn thleng a ka awmdan chu min en vang vang in a rum nghut a "engthil phiangsen nge i lo tih a" ti bul vut in ka banrek ah rawn man in min pawt tho nghal a, min pawh tho zawng chuan ka lu chu a hai zia ka hre chiah, no khat bak ka inlo a chutia in control theilo em em chu ka nilo, mahse ka lu chu a hai ve khawp mai "tunge in nge pe che" a tih leh vut chuan zawi sap a "Baby" ka tih chuan thaw chhuak hak in "Zodinsangi mai mai chuh" a ti leh hluk a
Liansanga chuan min haw pui ta nghal a ka lu lah chu a hai nasa em em a motor kan chuan zawng chuan, in kan thlen chuan ka room ah chuan Liansang an min hruai lut nghal a "nangmah in i inthlak thei angem" a hma ai chuan a awki pawh a dam tawh zawk, lu ka thing nak nak a ka theih ka ringlo reng a ni, ka kang nghal lawp mai Liansanga chuan bathroom lam pan chuan min pawm phei pawk pawk a, toilet chhin chu kuai thla in a chung ah chuan min ṭhut tir nghal a, ka hmai chu a rawn phih nghal sawk sawk a, min pawm chhuak leh nawlh in khumah chuan min mut nghal a
Liansanga chhuah tuma a inher chu a kut ah chuan ka man vat a, ka lamah rawn inher let leh in min rawn en vang vang a khumah chuan ding sangin Liansanga chu ka melh kar a, kei hi ka thil in vang hian ka diklo chiang a ni, mahse ka tih tum chu ti ta tho in Liansanga chu a biang tawn tawn ah vuan in ka fawp ta nghal a, min chhang let miah lo a dawh tawp, chutah ngen ngawl zet a ka fawh leh chuan min rawn chhang in "inchhir suh ang che" ti sup in a che ta nghal buan buan a
Ka lu na ngut ngut chuan min ti harh in ka ṭhen nghal tlawk tlawk mai, ka kawng a thil rit takin min delh vang chuan ka harh chiang telh telh a, nizan a thil thleng kha ka hre thar uarh uarh bawk ka duhloh tak thil a ni ka tih kha, thawh mai ka tum chuan Liansanga chu rawn che ṭual ṭual in a rawn rum ṭiah ṭiah a min rawn kuah nghet in alam ah min pawt phei a, "Liansang" ka tih sep chuan rawn meng in "i lu a na em" a rawn ti nghal zat bawk ṭawngka a chhang lo chuan lu ka bu ta nghat a, Liansanga chu tho in damdawi min rawn pe nghal a "eng nge i hriat a i lo in ve reng reng ni" a tih leh chuan a nau te ṭhian dun in min pek dan te chu ka hrilh ta vek a, ka zep a ṭulna ka hre lem lo
"Zodinsangi te chu hauh an ngai a nih chu" a ti nghal hluk a, a bak nizan chungchang engmah kan sawi lo, sawilo se ka duh zawk reng bawk a, kan tihsual a inchhir hi awmzia a awmloh viau rual hian kan inchhir lo thei ṭhin silo a, thil siam ṭhat theih tawhloh tura rilru hah reng ai chuan ngaihtuah zui loh thiam te hian mahni kan inti hreawm lo zawk
Leave ka la lak avang chuan inah eng eng emaw ka ti ta a, chutia ka buai lai tak chuan a phone a rawn ri a Liansanga nu a lo nia, ka pick nghal vat a "Mamte Liansanga bulah eng nge i lo sawi a" mi rawn ti nghal thawr mai a, mak ka ti ang reng khawp mai "Hei a nau a rawn hau chiam ringawt a, Bawihpuii lah in engmah a thiamloh a awmlo a tia, inpa hi i lo fuih deuh ṭhin ami a naute duat em em ṭhin tu kha ania, hetia a rawn tih ringawt. Bawihpui in nizan ah wine in in ho a ti a ni awm a, puitling i nia i duhthu lo chuan i in dawnlo hrim hrim bawk a khatia inpa bula thiamchan tuma midang mawh puh daih kha a ṭha lo ania, mi unau inkar tichhe tu nih tum loh tur" a rawn ti ta duah a Liansanga nu chu ka rin ang a lo ni khawp mai
Engtin mah pawh chhang lo chuan phone chu ka dah ta daih a, Liansanga pawh chuan engtin tak Baby te chu lo va ti nimaw khati taka a nun min rawn puh chhiat kha. Liansanga a rawn haw chuan ka lo zawt nghal chat a min chhang lem lo chuti chu tiin zawh zui ka tum tawh biklo .
Eirawng ka bawl mawlh mawlh lai chuan Liansanga chu inchei deuh hian choka ah a rawn lut a, chhuah lawk a ngaih thu sawiin a chhuak ta nghal daih a. Nizan ah khatiang khan kan awm a engtin mah min ti zui lo te leh min ngaihsak zui lo te chu amah ka huatna aiin keimah ka inhuat na a zual sauh mai. Eng vanga khatiang a awm kha nge maw ka nih reng reng ni ka ruih vang chu a ni tak meuh mai mahse ka thinlung ah hian Liansanga thlakhlelh rukna awm vang kha a ni tlat zawk, zu ka in chiah khan ka ka thinlung a ka pai ruk kha a puak darh ta chiah reng a ni
Zu kha demna tur chin nei mahila keimah hi indem ber tur chu ka ni, Liansanga hi ka hriat loh kar in ka lo hmangaih hman tlat a ni, Hmangaihna hi thil mak tak zawng a ni hriat loh kar in a lo kal a ti reh tur erawh chuan hun rei tak beih a ngai thung si, hmangaih kan neih thar chiah hian kawng tam tak in hma kan sawn a, mahse chu hmangaihna in min tih nat thung chuan rilru mai nilo taksa thleng a min sawp chhe thei thil a ni tlat si, he khawvel a thil ropui ber chu Hmangaihna hi a ni tlat lawi a
Show post links
Top
| Link: | |
| BBcode: | |
| HTML: | |
| Hide post links |
Liansanga chhuak chu zankhua chuan a rawn haw ta lo a, call ka tumlo a nghah ka tum hek lo, chaw chu keimah chuan ka ei leh a pasal nei ve si ah chuan ka khawhar zia leh ka mal zia te chu ka hre nawn uar uar mai. Ka chaw eina te ti fel in ina awm reng ai chuan tiin kan in lamah chuan ka inkhalh phei ta daih a, kan in ka thlen chuan an lo awm kim ve teh ṭhap a minlo lawm kher mai, thei te chu ka siam a, ka boruak ipik lutuk pawh a zia hawk mai . Mampuia room ah chuan ka lut a boruak chu hip lut vang vang in ka thaw chhuak leh ham ham a, ka biang ah mittui chu a rawn luang tha ta zawih mai, ni e ka insum thei tawhlo a ni ka hun tawn a harsat mai bakah ka ngai tak zet a ni, tun hunah te hian ka harsat min sut kian sak tu ai mah chuan min ngaihthlak sak a ka thlavang hauh tu tur ka mamawh a ni
Dar 10 velah chuan ka haw phei a Liansanga pawh a lo la haw ta chuang lo, ka mut san nghal ta daih a. Ka kawng ah min chelh tlat tu an awm tih ka hriat rual chuan in beng kak awkin khum sir lamah chuan ka tlawh nghal dawrh a, Liansanga mu chu thinrim tak hian ka en a thawh san ka tum lai tak chuan min rawn manin a lamah min hnuk hnai a , zing khua a var uarh tawh bawk a thawh ka tum tawh hrim hrim "Liansang min thlah teh ka tho duh ania, tinge hetah i rawn mut" ka ti nghal tawng a, rawn meng in tlem in a rawn inbeng kang deuh a "i thinrim hma khan i phone han en phawt teh" a tih chuan a ngaihna hrelo zet chuan ka phone chu ka ban ve mai a
Mary missed call pa 3 lai a lo awm a, whatsapp message pawh a lo awm nual mai ka han lut chu ka thil hmuh chuan min ti ang pham mai, Martha-i an man thu chuan kalh na news hi min rawn thawn a, A chhungte a thah vanga man tih a lo ni, mak ti zet chuan Liansanga chu ka melh a lu rawn bu nghut in "evidence kan nei ṭha tawk tawh bawk a nimin khan kan che chhuak alawm" a rawn tih chuan chhan mai dan tur pawh ka la hrelo , min rawn kuah mut chuan ka la hamhaih bawk nen a bulah chuan ka mu ve ta ringawt a
Kan buaina ber Martha-i a kiang tawh bawk a Liansanga laka hel chhan tur ka nei tawh lo, mahse ka thinlung tak hian ka la pawh thei tlat lo, amah nge keimah diklo tih pawh ka hre tawh lo. Liansang an a nu in min rawn be leh em tih chaw ei pah a min zawh chuan aih tiin ka chhang nghal vat a, min rawn be lo reng bawk a. Thil chiang tak pakhat chu Liansanga nu hi ka nel leh mai mai tawh dawnlo tih hi a ni, chaw ei phei ah min sawm thu Liansang an a sawi pawh chuan engtin mah ka chhang lo, a nu in min rawn bia em tih min zawh chhan pawh kha aniang, nidang ah lem Liansanga be lo in keimah zawk hlir min bia a, mi chu a la ngei viau a nih dawn hi ka ti rilru a
Phur lo zet chuan ka insiam a Liansang an hnar theih loh in kal tur a ti miau sia, kan va thlen chuan ka rin ang chuan min lo be chhe chuang lo keima diklo nge a hma kan pha tawhlo chuan ka hre thung, chaw te chu kan ei a ka nu chuan Martha-i chungchang te chu sawi in, Liansanga kawppui atan a lo duh miahlo te kha awm a tih thu te a sawi nual a, rapthlak a tih thu te engmah ka sawi ve lem lo . Chaw eikham ah chuan tawi khawmuang lo in haw kan rawt a Liansanga bulah ka nu te tlawh kawi ka rawt chuan min chhan dan chu ka run ang reng khawp mai "i nu te hi i tlawh tam mah mah, ka tello pawn a rukin i kal ziah a ni lawm ni" a tih kher chuan ka ngaihdan chu a nilo kher mai mahse ka chhang zui lem chuang lo
In kan thlen chuan nichin a min tih dan kha hre awm ang pawn a awm leh tawhlo, ṭha tak chuan min be leh vek tawh han hel reng theih ni hek lo le keipawh chuan ka be pangngai ve leh mai a. Mut pah chuan Martha-i a rinhleh chhoh ṭan dan te chu min hrilh a malh malh a, Martha-i hi adopt a ni tih a lo hre ngai biklo a ni awm e, chuan an car accident na ah khan a lo tel ve reng reng lo ni awm tak a ni, David-a khan Liansanga bulah "Martha-i hi lo ngaihven ang che, i kut an ka dah ania" a lo ti te kha awmze thui tak nei hi a lo nia, Liansanga lah chuan kha kha a lo hrethiam lawk lo a, khami thu David an a sawi lai khan an bulah Martha-i a lo awm ve tlat a, chuvang a khatiang a sawi kha a nih ngei pawh a rin thu te chu a sawi luam a
Ni a kal a kar a liam a kan nun pawh a pangngai tawh khawp mai, Martha-i a awm tawh lo bawk a ka hlauhthawn reng ṭhinna pawh kha a awm tawhlo a tih theih tawh ang chu. Mary te inneih ni tur pawh kan chuangkai ta der mai, staff ai awh in lawmpuina hlan turin min ti nghe nghe, kan inneih a ka best a ni ve bawk a Liansanga pawn min ṭawiawm dawn a kan inpeih ta bawk a kan inkhalh chhuak ta nghal a. Mary pawh a lo mawi kher mai kei aiin a te deuh a, a hmel pawh ṭha tak a ni an pa tur nen hian an inzui rei tawh bawk a an inhmeh khawp mai
Programme a zo a ruai te kan kil zo tawh bawk a, Mary lawina ah pawh chuan kan tel ve ta zel a zanah after party te an nei ve dawn sia kan kalloh lah chu an hlau em em a, Liansang an a hnial lem lo bawk a after party ah chuan kan tlang ve nghal a, a hmun kan thleng a ṭhut hmun kan rem fel chiah tih ah Liansanga lo be tu chuan ka mit leh beng a la nghal zar mai, kha nurse nu a room a ka hmuh nu ngei kha alo ni, Liansanga chuan min inhmelhriat tir nghal a Puipuii a nih thu leh Martha-i case a nasa taka pui tu a nih thu te, han ngaihṭhat loh turin an awm zui lo
After party laklawh lai chuan Hospital atang Liansanga chu an rawn call a, an in be ri ka hre ve vek bawk, emergency a awm leh a ni awm e, Puipuii tih khan kan lam a rawn pan nghal vat a Liansanga chu a rawn hrilh a, an rawn call tawh thu in a chhang mai bawk a "Mamte ka thlah hmasa mai dawn che mi" a rawn tih chuan a ngaih loh thu in ka chhang nghal vat a, min thlah leh te te chuan an tlai lutuk palh ang, tichuan Liansanga leh Puipuii chu an inphur chhuak ta nghal a
Benedict-a rual chuan ka haw ta a Liansang an min la rawn be lo a an buai a nih ka ring, vawiin nileng a chhuak tih tak ah ka chau lutuk chu ka inthlak zo a ka mu nghal hmak mai, muthilh nan rei pawh ka rial lo. Ka alarm riin min ti harh a khua chu a lo var uarh tawh, khum ruak huai ah chuan Liansanga a lo haw lo tih ka hre thei mai, nidang ah pawh emergency a zai an neih hichuan rawn haw lo a damdawiin a riah mai hi a nei zeuh zeuh a ngaihṭhat loh na ka nei lem lo, ka eirawng bawl lai ngah phah chuan ka phone chu ka khawih mai mai a number lawng atang hian message pakhat hi ka dawng a, video alo nia ka download a ka en chiah chu ka phone ka thlauh nghal dawp mai
Ka pasal Liansangpuia ngei mai chu nurse nu nen khan nuam an lo chen dun a nih chuh, am takin ka pasal leh hmeichhe dang chuan nupa nun chu an hmang dun a nih chu, awm mai dan tur ka hrelo ka khawng vek hi a nimai ka bing mup mup a ka phone chu dawhkan ah chuan ka thlauh thla dawp a, rilru nat dan tur pawh ka hrelo ka mang vek hi a nimai. Doorbell a rawn ri nghal chat a chet pawh ka che sawn theilo ka chhungril chu a khur der der a, kawngkhar chu a rawn in hawng a Liansanga chu a rawn pen lut nghal zat bawk, thil ti sual tu ang zawk mai chuan a hmel pawh ka en ngamlo
Ka awmdan a hmuh chuan ka diklo tih a hria nge min rawn pan hnai a, ka dar ah rawn khawih a tum rual chuan a per hian ka per sawn dawrh hi a nimai, dawhkana ka phone dah chu la in a en vang vang hnu chuan a rawn thaw chhuak ham ham a "Mamte a lan ang ngawt hi a ni lo ania" a ti sup a engtin mah ka chhang lo "ka duh vanga khawih pawh ka nilo, amak lutuk nizan khan kha coffee ka inzawh aṭang khan ka diklo keimah kha ka zauthau em em a, Puipuii kha a rawn lut a, hre lawk sa ang maiin min ti zauthau belh tur ang ber khan a rawn awm bawk sia ka insum thei ta ngang lo a ni" a rawn tih tak ah chuan ka mittui chu a rawn baw ve ta hawk mai
"Mamte min ring rawh Doctor ka nia keimah ah diklo a awm tih hre tur khawp ka ni, lab ah coffee la bang tlem kha ka thawn nghal a result pawh a rang thei ang berin a rawn chhuak ang" a insawifiah na pawh ngaithla zawm tawh lo chuan room ah chuan ka lut ta daih a, ka kalh nghal bawk khum ah chuan bawk in ka ṭap khur nghal char char mai, Mampuia min boral san ai em kha chuan ka na lo zawk na a, na tak chu ka ni tho mai. Mipa vang hian heti em em hian ka la awm dawn tih hi ka mumang chhawng thum na ah pawh ka la mang ngailo asin
Chawhnu her ah chuan Liansanga chuan test result chu min hmuh a damdawi chu a lo tel ngei mai, mahse chu chuan ka rilru na chu zuk ti dam eih chuang lo a "Mamte" a thaw leh hawk a sawi tur a hre biklo tih ka hria "ka duh vang a nilo tih i hriat kha min ngaidam hram teh" ngen ngawl zet a a rawn tih leh chuan a vawikhat na atan a mit ah chuan ka en ta a, a mitmeng a inthiamloh na te chu hmulo ka ni biklo mahse ka na hi a reh mai dawn lo. Engmah ka la sawi ta chuang lo Alex-a pawh chu a rawn kal a a ṭhianpa tan thu pha a rawn chawi nasa khawp mai
Liansanga te video ka hmuh aṭang in kar a liam a kan la inbe lo ti ila ka la be lo a nih chu, a sik hlek pawh ka duhlo a Puipuii an tih nurse nu chungchang pawh kha hriat ka duh hek lo, thil ka ei mumal lo a class kal reng tho mahila eng vak mah ka ei ngai lo, chakna ka nei hlawl lo bawk. Ka haw a ka luh dawn chuan Liansanga nu ṭawng ri chu ka hre ta "i thiamloh pawh a nilo a eng nge chutia a hel tlat" Liansanga chu a tawng zawih avang in a tawg ka hre ve pha lo "keichu a nilo pawh hi nupui tur chu i la van dawn lo tawp tih hi ka hria" Liansanga nu in a tih leh chuan ka sa ta phat mai inchhung ah chuan ka pen lut nghal a, an pahnih chuan min rawn en rual ṭhawt mai an mahni ngaihsak zui lo chuan room ah chuan ka lut nghal hmak a
Ka trolley chu phawrh in ka bungrua chu ka thun nghal mawlh mawlh a, a fapa thiamloh hul hual a ni, eng ang pawn damdawi in lo hrai pawh ni se a fapa thiamloh a ni. Operation an neih zawh khan rawn haw tlang se tuman an hrai lovang, kan awmloh na hmun tura kan awm vang chiah hian a ni thil diklo hi a thlen ṭhin. Ka in khung fel zawh chuan room atang chuan ka inhnuk chhuak nghal a
"Tah khan ding nghal rawh" nel awm loh tak a ti ri ah chuan ka ding dat a, hetiang em em a a thinrim hi ka la hmu ngailo kan boruak hi tun ang hichu ni lo se mak ka ti viau bawk ang
Engtin nge thinrim zawk a ala rawn ṭan ngam, khawvel hi a mak a nih hi Liansangpuia zahna tlachham zet chu mak ka ti leh zual zawk he khawvel mak ka tih aiin
Ka pen leh chiah chuan eng emaw hi a rawn thawi fua nimai hian ka hria ka hma zawn ah chuan a rawn ding fel der tawh, ka melh ve kar a "Rinhlupui he in hi i chhuahsan chuan i nawm sak viau kha ring suh ang che" a aw a a tih mai mai loh zia chu mi mawl ber pawn an hai lovang, kan in tih thiam loh tirh atan engmah ka la sawi velo a tun hi ka ṭawng chhuah hun chu a ni ve tawh in ka hria
" Ti hian ka chen pui reng che nga i nuam tawl lai hi ka lo enliam tawp ang maw? Min hrilh ta che? i nun dan kha i en let la thinrim ngam tur hi i ni zawk em, hmangaihna vanga innei chu kan nilo teh meuh mai mahse ka theih tawp in i tan nupui ṭha nih tum in ṭan ka la a, i chhungte tan pawn sawisel ngaiin ka awm ngai lo nang pawh hian min sawisel na tur chu i hre tawp nang, mihring hian tawk tih chin hi kan nei ve" tih pah chuan a nu chu ka melh tel kher a
Ka sawi hnem bawk a ka thaw hlawi hlawi mai, ka thusawi dik zia chu a hria aniang chu ngawi rengin min melh run a, chutia engmah sawilo a a ding reng chu ka trolley chu hnuk in ka chhuahsan nghal a, ni e kir leh tum tawh lo in a ni ka kalsan ni .
Ka car chuan ka inkhalh chhuak nghal a ka rilru a awm hi kei ngei pawh hian ka hre thiam lo tlat a ni, ka bungrua nen a ka va lut chu ka nu chuan mak a lo ti khawp mai "han in dah lut phawt teh" min ti vat a, reilo ah ka nu chu ka room ah rawn lut ve in kan chanchin te min zawt a, engmah zep ṭhen neilo chuan ka hrilh fai ta kelh a, lu bu nghauh nghauh in ka pa a call nghal a. Ka pa pawh a lo haw nghal chuk chuk mai Au Mama te a ko phei nghal bawk a, a ni la la chuan sum kan chhuah ta nghal a
Liansanga leh apa chuan kan sum chhuah chu an lo la duh lo ngei a mahse Liansanga nuin tlawm thlak a tih vanga la an nih thu kan palai te min hrilh dan a ni. Zanah chuan kan mut tawh hnu ah chuan Liansanga chu rui zet hian a rawn kal a, ngaihdam min rawn dil chiam bakah inṭhen a duhloh thu te a sawi nuaih mai a, kapa in kan mualpho thui dawn e tiin ṭha takin a thlah haw ta a. Ka tan hian harsa lo hi a ni bik lo mahse a bula ka va awm khan kawng ṭha engmah kan thleng dawn lo chutah a nu in a fapa thiam loh ah min puh ti tih leh nghal a, Ka pa in a duhtawk a nuam a khawsa thei khan hreawm tawrh tlawk tlawk kha ka tum tawh biklo
Kan chanchin pawh a darh chak khawp mai mi hian thil hi an lo hre chak khawp mai a, sum chhuah kan nih vang khan zeldin thu a Liansanga dem ta vak te an awm laiin ṭhenkhat lah chuan huai tak tak in "ani chu an inah a nuamsa ṭhang sia pasal a neih rei peih kha kan ringlo reng ah" te an ti thul, college pawh chawlh ka la hrih a mi ṭawngka hriat tam lutuk hian min hnem aiin min tih nat a tam zawk tlat chuvang chuan pumpelh hram hram ka duh ber rih
Thla eng emaw zah in khat a lo cheng dun tawh ka pasal a fa hial ka lo pai tawh kha ania, ni e ka hmangaih tawh tih la ka pha lo ka ngai ve khawp mai, ka mu theilo a ka rilru a na in chaw lah ka ei thei hek lo, mahse let leh mai tur chuan ka chhia leh ṭha hriat na tlem te hian min la dang ve a ni, min rawn biak chuan ka ngaih em vang in ka nem leh thuai dawn tih ka hriat vangin engkim ah ka block fai vek hrih a, phone call ah min rawn call ngun em vang chuan ka blacklist ta daih bawk
Kar thar kan chuang kai leh a miin kan chanchin an sawi nasa lutuk pawh a zia ta deuh, kar liam ta chhung zawng khan zantin deuh thaw kan in kawt ah Liansanga hi rui zet hian a rawn kal ṭhin a, ka hmeichhe rilru hichuan han khawngaih chin hi ka neilo theilo, mahse ama tihsual chauh chu thuhran a nu ṭawng dan te kha ka tan chuan theihnghilh har tak a ni
Number lawng atanga call ka dawn chuan ka pick dawn nge dawn lo ang tih ka inngaihtuah vang vang a, tunlai chu phone call mai mai pawh ka chhang ngam meuh lo a ni e, phur lo zet chuan ka pick ta a "Hello Mamte" Jacob-a aw a ni "ehe" ka han ti hluai ringawt a "hei ka lo chho a i hman chuan vawin ah min chhuah pui la" a rawn tih chuan hman loh na chhan tur ka neih ka hrelo, mahse khawlai han chhuah vel chu ka la hreh ang reng khawp mai, a tisual tu nilo mahila hmeichhia ka nih vang hian a sawi tam zawk kha ka ni leh tlat lawi sia ka tan chuan inkhung rih kha a ṭha ber hrih reng a ni
Ka hna pawh kha ka bang ta ringawt a ka chhungte chuan engtin mah min sawisel lo, ka pa phei chuan dawr pakhat hi i peih hunah i enkawl ve ang nga a nimai min tih sak hlauh thung. "Mamte" Jacob an a rawn tih leh chuan harh chhuak zawk in "ahhh ka van hre mai lo" ka ti ban ta charh a "ok dar 11 ah ka rawn lam ang che" tiin phone chu a dah zui ta daih a, ka phone chu ka melh ngawt ngawt mai chhuah ka peih loh tehreng nen a aw. Jacob-a chuan a insawi angin min rawn lam ta chat a Bazar khawi khawi emaw ah te chuan kan inzui kual ta char char a, hepa hi lei duh a neih pawh ka hrelo eng vak mah pawh ala lei lo
Dawr a kan chawlh lai chuan pawn lam chu ka melh a Liansanga ni ngei in ka hria ka va hmu zuaih a, ka en nawn lah in ka hmu tawh silo a ka hmuh sual ah ka puh ta vel mai mai a "Mamte hna i bang tih ka lo hria a" Jacob an a tih chuan ka bu nghat a "Mumbai ah rawn chhuk ve daih ta che hna dang zawn nan" a rawn tih chuan ka nui liam mai, mi dawihzep tak ang a tlanchhiat ka tum lo, ka thiamloh ni miahlo ah ka inkhung a ka hna thleng in ka ban phah a, ram danga tlanbo awm hrim a kal chu ka duhlo ṭhenkhat ti ti tur ka siam tam mai mai
Sawipui zawm duh lo chuan ka nui mai a thil dang chu ka sawi pui ta daih a, thil te kan ei zawh chuan kan in ah min thlah nghal. Ka room ah ka lut a ka inthlak fel deuh chiah tih ah hian number lawng atang a ka message dawn chu ka hawng a 'ngaihzawng i neih duh vang kha ami inṭhen i tih' tih te hi a ni, Liansangpuia a nih ngei ka ring nghal bawk a zaklo hi ka va han ti tak, a thiamloh ah min puh a tum deuh nge maw ni
Chhang lo chuan ka seen ta ringawt a tunlai chu zu a in nasa awm ni awm e mi sawi dan in, eng ang pawn a chanchin ngaihven lo mahila min hrilh chak zek zek tu hi an lo tam a nih hi ka ti mai, ka hriat loh hlau lutuk ang hrim hian min han hril ta ṭawk ṭawk a, inṭhen hlim hichuan an chanchin hriat tlem hi a nuam ber asin mawle.
Ka nu eirawng ka bawl pui a Sangtei hi rai a haw ve riau a kan phut buai ngai lem lo, ka nun beipui min bei sak chu tem tur a min tih chuan zuk hawp mai ka tum a ka chil a ti haw deuh tlat ka uak dawn dawn ta mai, hawp luih ngial ka tum pawh chuan ka thei ta lo bathroom ah chuan lut in ka va luak ta nghal bawrh bawrh a, ka luak zo ka chhuak chu ka nu chuan min rawn buaipui nghal vat a, mi hau nghal mawlh mawlh mai tunlai ka chaw ei ṭha lo in ka pum a nghawng a nih thu te a sawi a, ka luak ve deuh vang nge min ti chau ve tlat a ka room ah chuan ka chhoh san ta daih a
Khum ah chuan mu in thil tam tak ka ngaihtuah na ah rawn lut in tunlai ka awmdan hi mut ka duh em em mai a ka thil ei theilo chu thuhran ni ta se, kei hi tun thla ka la period reng reng silo a rai theih na chance ka nei leh tlat. Ka thil ngaihtuah vang chuan ka rai hmasak a ka inrinhlelh lai ang lo takin rai ka hlau em em thung a, ka rai thut chuan engkim hi a buai mai mai dawn tih ka hre chiang
Liansanga hi ka hre chiang a mahni fa te thlahthlam duh lo tur chi a ni, ka rai vaih chuan tun ang hian a awm mai mai dawn lo, ka rilru chu a hah ta kher mai ka thaw hak a, rai loh nan em a han ṭawngṭai kha chu a ni thei in ka hre bawk silo, ka mu tur chu ka let ka let mai, lo rai ta ila tih ringawt a ni ka rilru a awm
Zing ka tho chu ka inchik ru deuh a zing kar luak chhuak emaw engmah ka nei silo a tiin ngaihṭha deuh reuh ṭha zan silo chuan ka awm ta reng a, chaw kan ei te pawh chuan han huat pawh chu ka nei leh tawh lem lo ka nu bai te pawh chu ka hawp a keimah ah danglam a awm leh tawh chuang lo, ka nu sawi ang tak tak khan ka chaw ei mumal lo hi ka pum a lo che a ni mai mai lawng maw te ka ti ta a, thi pawh ka nei tlai deuh dawn aniang ti te chuan ka inhnem chawp ta ringawt a. "Mamte vawin chu Hruaia te an in checkup dawn sia dawr ah min lo pui ta che" ka pan a rawn tih chuan hnial lo chuan ka aw ve mai a, ina awm tlawk tlawk pawh hi ka ning ṭhin tlat
Wholesale dawr ka pa nghah ber ṭhin ah chuan ka kal ve a, ka pa ka zui a nih zawk mah chu. Memo ka lo ziak fel zel a ka pan bungrua a enpui thung, rilru lak pen na tur ka nei chu ṭha ka ti khawp mai inah ka inkhung tawp hichuan Liansanga ngaihtuah thlen chang hi ka neilo thei silo a, ka in ngaihtuah lungleng mai mai ṭhin zawk a ni. Tlai banah chuan ka pa ruala haw lo in ngaih ṭhat nan hrim hrim test kit chu ka lei haw ta a, chaw te kan ei kham ah chuan ka room ah lut nghal in ka in test ta nghal a, result chu ka en ngam lawk lo mahse le ka la en tur tho tho tiin ka in ti paukhauh a ka en ta a, rin sen pahnih. Ka thil hlauh ber chu a thleng ta ka inrin hma chuan ka biang ah mittui a rawn lum thla pap mai
Ni e rai hi a ka duh lo em a ni kan inṭhen tawh a, Liansanga lakah buai zui tawh lo tur khan naute hi ka pai si chuan engkim a buai zo dawn, naute pa a ni ve tlat si a hriat tir loh a theih dawn loh mahse engtin nge niang loh theih loh a ka let te ngai ta se, lu ka thing nghal nak nak mai amah Liansanga chu thuhran ni se a nu ṭawngkam vang chauh pawh khan tlawm ka tum tawh silo
Ka chhungte ka hrilh angem tih ringawt ah pawh ka rilru chu a buai fe mai, ka pian tirh atan heti tak mai a ka rilru hah pawh hi ka la hrelo e, ka hna ah bang tawh mahila pawisa eng emaw zat chu ka lo khawl hman a, Liansanga te belh buai ngai miahlo in ka fa chu ka chawm thei ngei dawn, ka pa hian min thlahthlam dawn lo tih ka hre bawk chutiang chiah chuan Liansanga hian a fa hi thlahthlam a tum dawn lo bawk, ka rai tih an hriat huna kan buai thui dan tur te chu ka ngaihtuah nghal ta zut zut a
# tunlai chu ka nu khua a va zuai ngar ngar ve aw chapter khat zo tur pawn beih fe ka ngai mai, rilru leh taksa lam a fit thlawt lo a min lo hrethiam teh u
Show post links
Top
Dar 10 velah chuan ka haw phei a Liansanga pawh a lo la haw ta chuang lo, ka mut san nghal ta daih a. Ka kawng ah min chelh tlat tu an awm tih ka hriat rual chuan in beng kak awkin khum sir lamah chuan ka tlawh nghal dawrh a, Liansanga mu chu thinrim tak hian ka en a thawh san ka tum lai tak chuan min rawn manin a lamah min hnuk hnai a , zing khua a var uarh tawh bawk a thawh ka tum tawh hrim hrim "Liansang min thlah teh ka tho duh ania, tinge hetah i rawn mut" ka ti nghal tawng a, rawn meng in tlem in a rawn inbeng kang deuh a "i thinrim hma khan i phone han en phawt teh" a tih chuan a ngaihna hrelo zet chuan ka phone chu ka ban ve mai a
Mary missed call pa 3 lai a lo awm a, whatsapp message pawh a lo awm nual mai ka han lut chu ka thil hmuh chuan min ti ang pham mai, Martha-i an man thu chuan kalh na news hi min rawn thawn a, A chhungte a thah vanga man tih a lo ni, mak ti zet chuan Liansanga chu ka melh a lu rawn bu nghut in "evidence kan nei ṭha tawk tawh bawk a nimin khan kan che chhuak alawm" a rawn tih chuan chhan mai dan tur pawh ka la hrelo , min rawn kuah mut chuan ka la hamhaih bawk nen a bulah chuan ka mu ve ta ringawt a
Kan buaina ber Martha-i a kiang tawh bawk a Liansanga laka hel chhan tur ka nei tawh lo, mahse ka thinlung tak hian ka la pawh thei tlat lo, amah nge keimah diklo tih pawh ka hre tawh lo. Liansang an a nu in min rawn be leh em tih chaw ei pah a min zawh chuan aih tiin ka chhang nghal vat a, min rawn be lo reng bawk a. Thil chiang tak pakhat chu Liansanga nu hi ka nel leh mai mai tawh dawnlo tih hi a ni, chaw ei phei ah min sawm thu Liansang an a sawi pawh chuan engtin mah ka chhang lo, a nu in min rawn bia em tih min zawh chhan pawh kha aniang, nidang ah lem Liansanga be lo in keimah zawk hlir min bia a, mi chu a la ngei viau a nih dawn hi ka ti rilru a
Phur lo zet chuan ka insiam a Liansang an hnar theih loh in kal tur a ti miau sia, kan va thlen chuan ka rin ang chuan min lo be chhe chuang lo keima diklo nge a hma kan pha tawhlo chuan ka hre thung, chaw te chu kan ei a ka nu chuan Martha-i chungchang te chu sawi in, Liansanga kawppui atan a lo duh miahlo te kha awm a tih thu te a sawi nual a, rapthlak a tih thu te engmah ka sawi ve lem lo . Chaw eikham ah chuan tawi khawmuang lo in haw kan rawt a Liansanga bulah ka nu te tlawh kawi ka rawt chuan min chhan dan chu ka run ang reng khawp mai "i nu te hi i tlawh tam mah mah, ka tello pawn a rukin i kal ziah a ni lawm ni" a tih kher chuan ka ngaihdan chu a nilo kher mai mahse ka chhang zui lem chuang lo
In kan thlen chuan nichin a min tih dan kha hre awm ang pawn a awm leh tawhlo, ṭha tak chuan min be leh vek tawh han hel reng theih ni hek lo le keipawh chuan ka be pangngai ve leh mai a. Mut pah chuan Martha-i a rinhleh chhoh ṭan dan te chu min hrilh a malh malh a, Martha-i hi adopt a ni tih a lo hre ngai biklo a ni awm e, chuan an car accident na ah khan a lo tel ve reng reng lo ni awm tak a ni, David-a khan Liansanga bulah "Martha-i hi lo ngaihven ang che, i kut an ka dah ania" a lo ti te kha awmze thui tak nei hi a lo nia, Liansanga lah chuan kha kha a lo hrethiam lawk lo a, khami thu David an a sawi lai khan an bulah Martha-i a lo awm ve tlat a, chuvang a khatiang a sawi kha a nih ngei pawh a rin thu te chu a sawi luam a
Ni a kal a kar a liam a kan nun pawh a pangngai tawh khawp mai, Martha-i a awm tawh lo bawk a ka hlauhthawn reng ṭhinna pawh kha a awm tawhlo a tih theih tawh ang chu. Mary te inneih ni tur pawh kan chuangkai ta der mai, staff ai awh in lawmpuina hlan turin min ti nghe nghe, kan inneih a ka best a ni ve bawk a Liansanga pawn min ṭawiawm dawn a kan inpeih ta bawk a kan inkhalh chhuak ta nghal a. Mary pawh a lo mawi kher mai kei aiin a te deuh a, a hmel pawh ṭha tak a ni an pa tur nen hian an inzui rei tawh bawk a an inhmeh khawp mai
Programme a zo a ruai te kan kil zo tawh bawk a, Mary lawina ah pawh chuan kan tel ve ta zel a zanah after party te an nei ve dawn sia kan kalloh lah chu an hlau em em a, Liansang an a hnial lem lo bawk a after party ah chuan kan tlang ve nghal a, a hmun kan thleng a ṭhut hmun kan rem fel chiah tih ah Liansanga lo be tu chuan ka mit leh beng a la nghal zar mai, kha nurse nu a room a ka hmuh nu ngei kha alo ni, Liansanga chuan min inhmelhriat tir nghal a Puipuii a nih thu leh Martha-i case a nasa taka pui tu a nih thu te, han ngaihṭhat loh turin an awm zui lo
After party laklawh lai chuan Hospital atang Liansanga chu an rawn call a, an in be ri ka hre ve vek bawk, emergency a awm leh a ni awm e, Puipuii tih khan kan lam a rawn pan nghal vat a Liansanga chu a rawn hrilh a, an rawn call tawh thu in a chhang mai bawk a "Mamte ka thlah hmasa mai dawn che mi" a rawn tih chuan a ngaih loh thu in ka chhang nghal vat a, min thlah leh te te chuan an tlai lutuk palh ang, tichuan Liansanga leh Puipuii chu an inphur chhuak ta nghal a
Benedict-a rual chuan ka haw ta a Liansang an min la rawn be lo a an buai a nih ka ring, vawiin nileng a chhuak tih tak ah ka chau lutuk chu ka inthlak zo a ka mu nghal hmak mai, muthilh nan rei pawh ka rial lo. Ka alarm riin min ti harh a khua chu a lo var uarh tawh, khum ruak huai ah chuan Liansanga a lo haw lo tih ka hre thei mai, nidang ah pawh emergency a zai an neih hichuan rawn haw lo a damdawiin a riah mai hi a nei zeuh zeuh a ngaihṭhat loh na ka nei lem lo, ka eirawng bawl lai ngah phah chuan ka phone chu ka khawih mai mai a number lawng atang hian message pakhat hi ka dawng a, video alo nia ka download a ka en chiah chu ka phone ka thlauh nghal dawp mai
Ka pasal Liansangpuia ngei mai chu nurse nu nen khan nuam an lo chen dun a nih chuh, am takin ka pasal leh hmeichhe dang chuan nupa nun chu an hmang dun a nih chu, awm mai dan tur ka hrelo ka khawng vek hi a nimai ka bing mup mup a ka phone chu dawhkan ah chuan ka thlauh thla dawp a, rilru nat dan tur pawh ka hrelo ka mang vek hi a nimai. Doorbell a rawn ri nghal chat a chet pawh ka che sawn theilo ka chhungril chu a khur der der a, kawngkhar chu a rawn in hawng a Liansanga chu a rawn pen lut nghal zat bawk, thil ti sual tu ang zawk mai chuan a hmel pawh ka en ngamlo
Ka awmdan a hmuh chuan ka diklo tih a hria nge min rawn pan hnai a, ka dar ah rawn khawih a tum rual chuan a per hian ka per sawn dawrh hi a nimai, dawhkana ka phone dah chu la in a en vang vang hnu chuan a rawn thaw chhuak ham ham a "Mamte a lan ang ngawt hi a ni lo ania" a ti sup a engtin mah ka chhang lo "ka duh vanga khawih pawh ka nilo, amak lutuk nizan khan kha coffee ka inzawh aṭang khan ka diklo keimah kha ka zauthau em em a, Puipuii kha a rawn lut a, hre lawk sa ang maiin min ti zauthau belh tur ang ber khan a rawn awm bawk sia ka insum thei ta ngang lo a ni" a rawn tih tak ah chuan ka mittui chu a rawn baw ve ta hawk mai
"Mamte min ring rawh Doctor ka nia keimah ah diklo a awm tih hre tur khawp ka ni, lab ah coffee la bang tlem kha ka thawn nghal a result pawh a rang thei ang berin a rawn chhuak ang" a insawifiah na pawh ngaithla zawm tawh lo chuan room ah chuan ka lut ta daih a, ka kalh nghal bawk khum ah chuan bawk in ka ṭap khur nghal char char mai, Mampuia min boral san ai em kha chuan ka na lo zawk na a, na tak chu ka ni tho mai. Mipa vang hian heti em em hian ka la awm dawn tih hi ka mumang chhawng thum na ah pawh ka la mang ngailo asin
Chawhnu her ah chuan Liansanga chuan test result chu min hmuh a damdawi chu a lo tel ngei mai, mahse chu chuan ka rilru na chu zuk ti dam eih chuang lo a "Mamte" a thaw leh hawk a sawi tur a hre biklo tih ka hria "ka duh vang a nilo tih i hriat kha min ngaidam hram teh" ngen ngawl zet a a rawn tih leh chuan a vawikhat na atan a mit ah chuan ka en ta a, a mitmeng a inthiamloh na te chu hmulo ka ni biklo mahse ka na hi a reh mai dawn lo. Engmah ka la sawi ta chuang lo Alex-a pawh chu a rawn kal a a ṭhianpa tan thu pha a rawn chawi nasa khawp mai
Liansanga te video ka hmuh aṭang in kar a liam a kan la inbe lo ti ila ka la be lo a nih chu, a sik hlek pawh ka duhlo a Puipuii an tih nurse nu chungchang pawh kha hriat ka duh hek lo, thil ka ei mumal lo a class kal reng tho mahila eng vak mah ka ei ngai lo, chakna ka nei hlawl lo bawk. Ka haw a ka luh dawn chuan Liansanga nu ṭawng ri chu ka hre ta "i thiamloh pawh a nilo a eng nge chutia a hel tlat" Liansanga chu a tawng zawih avang in a tawg ka hre ve pha lo "keichu a nilo pawh hi nupui tur chu i la van dawn lo tawp tih hi ka hria" Liansanga nu in a tih leh chuan ka sa ta phat mai inchhung ah chuan ka pen lut nghal a, an pahnih chuan min rawn en rual ṭhawt mai an mahni ngaihsak zui lo chuan room ah chuan ka lut nghal hmak a
Ka trolley chu phawrh in ka bungrua chu ka thun nghal mawlh mawlh a, a fapa thiamloh hul hual a ni, eng ang pawn damdawi in lo hrai pawh ni se a fapa thiamloh a ni. Operation an neih zawh khan rawn haw tlang se tuman an hrai lovang, kan awmloh na hmun tura kan awm vang chiah hian a ni thil diklo hi a thlen ṭhin. Ka in khung fel zawh chuan room atang chuan ka inhnuk chhuak nghal a
"Tah khan ding nghal rawh" nel awm loh tak a ti ri ah chuan ka ding dat a, hetiang em em a a thinrim hi ka la hmu ngailo kan boruak hi tun ang hichu ni lo se mak ka ti viau bawk ang
Engtin nge thinrim zawk a ala rawn ṭan ngam, khawvel hi a mak a nih hi Liansangpuia zahna tlachham zet chu mak ka ti leh zual zawk he khawvel mak ka tih aiin
Ka pen leh chiah chuan eng emaw hi a rawn thawi fua nimai hian ka hria ka hma zawn ah chuan a rawn ding fel der tawh, ka melh ve kar a "Rinhlupui he in hi i chhuahsan chuan i nawm sak viau kha ring suh ang che" a aw a a tih mai mai loh zia chu mi mawl ber pawn an hai lovang, kan in tih thiam loh tirh atan engmah ka la sawi velo a tun hi ka ṭawng chhuah hun chu a ni ve tawh in ka hria
" Ti hian ka chen pui reng che nga i nuam tawl lai hi ka lo enliam tawp ang maw? Min hrilh ta che? i nun dan kha i en let la thinrim ngam tur hi i ni zawk em, hmangaihna vanga innei chu kan nilo teh meuh mai mahse ka theih tawp in i tan nupui ṭha nih tum in ṭan ka la a, i chhungte tan pawn sawisel ngaiin ka awm ngai lo nang pawh hian min sawisel na tur chu i hre tawp nang, mihring hian tawk tih chin hi kan nei ve" tih pah chuan a nu chu ka melh tel kher a
Ka sawi hnem bawk a ka thaw hlawi hlawi mai, ka thusawi dik zia chu a hria aniang chu ngawi rengin min melh run a, chutia engmah sawilo a a ding reng chu ka trolley chu hnuk in ka chhuahsan nghal a, ni e kir leh tum tawh lo in a ni ka kalsan ni .
Ka car chuan ka inkhalh chhuak nghal a ka rilru a awm hi kei ngei pawh hian ka hre thiam lo tlat a ni, ka bungrua nen a ka va lut chu ka nu chuan mak a lo ti khawp mai "han in dah lut phawt teh" min ti vat a, reilo ah ka nu chu ka room ah rawn lut ve in kan chanchin te min zawt a, engmah zep ṭhen neilo chuan ka hrilh fai ta kelh a, lu bu nghauh nghauh in ka pa a call nghal a. Ka pa pawh a lo haw nghal chuk chuk mai Au Mama te a ko phei nghal bawk a, a ni la la chuan sum kan chhuah ta nghal a
Liansanga leh apa chuan kan sum chhuah chu an lo la duh lo ngei a mahse Liansanga nuin tlawm thlak a tih vanga la an nih thu kan palai te min hrilh dan a ni. Zanah chuan kan mut tawh hnu ah chuan Liansanga chu rui zet hian a rawn kal a, ngaihdam min rawn dil chiam bakah inṭhen a duhloh thu te a sawi nuaih mai a, kapa in kan mualpho thui dawn e tiin ṭha takin a thlah haw ta a. Ka tan hian harsa lo hi a ni bik lo mahse a bula ka va awm khan kawng ṭha engmah kan thleng dawn lo chutah a nu in a fapa thiam loh ah min puh ti tih leh nghal a, Ka pa in a duhtawk a nuam a khawsa thei khan hreawm tawrh tlawk tlawk kha ka tum tawh biklo
Kan chanchin pawh a darh chak khawp mai mi hian thil hi an lo hre chak khawp mai a, sum chhuah kan nih vang khan zeldin thu a Liansanga dem ta vak te an awm laiin ṭhenkhat lah chuan huai tak tak in "ani chu an inah a nuamsa ṭhang sia pasal a neih rei peih kha kan ringlo reng ah" te an ti thul, college pawh chawlh ka la hrih a mi ṭawngka hriat tam lutuk hian min hnem aiin min tih nat a tam zawk tlat chuvang chuan pumpelh hram hram ka duh ber rih
Thla eng emaw zah in khat a lo cheng dun tawh ka pasal a fa hial ka lo pai tawh kha ania, ni e ka hmangaih tawh tih la ka pha lo ka ngai ve khawp mai, ka mu theilo a ka rilru a na in chaw lah ka ei thei hek lo, mahse let leh mai tur chuan ka chhia leh ṭha hriat na tlem te hian min la dang ve a ni, min rawn biak chuan ka ngaih em vang in ka nem leh thuai dawn tih ka hriat vangin engkim ah ka block fai vek hrih a, phone call ah min rawn call ngun em vang chuan ka blacklist ta daih bawk
Kar thar kan chuang kai leh a miin kan chanchin an sawi nasa lutuk pawh a zia ta deuh, kar liam ta chhung zawng khan zantin deuh thaw kan in kawt ah Liansanga hi rui zet hian a rawn kal ṭhin a, ka hmeichhe rilru hichuan han khawngaih chin hi ka neilo theilo, mahse ama tihsual chauh chu thuhran a nu ṭawng dan te kha ka tan chuan theihnghilh har tak a ni
Number lawng atanga call ka dawn chuan ka pick dawn nge dawn lo ang tih ka inngaihtuah vang vang a, tunlai chu phone call mai mai pawh ka chhang ngam meuh lo a ni e, phur lo zet chuan ka pick ta a "Hello Mamte" Jacob-a aw a ni "ehe" ka han ti hluai ringawt a "hei ka lo chho a i hman chuan vawin ah min chhuah pui la" a rawn tih chuan hman loh na chhan tur ka neih ka hrelo, mahse khawlai han chhuah vel chu ka la hreh ang reng khawp mai, a tisual tu nilo mahila hmeichhia ka nih vang hian a sawi tam zawk kha ka ni leh tlat lawi sia ka tan chuan inkhung rih kha a ṭha ber hrih reng a ni
Ka hna pawh kha ka bang ta ringawt a ka chhungte chuan engtin mah min sawisel lo, ka pa phei chuan dawr pakhat hi i peih hunah i enkawl ve ang nga a nimai min tih sak hlauh thung. "Mamte" Jacob an a rawn tih leh chuan harh chhuak zawk in "ahhh ka van hre mai lo" ka ti ban ta charh a "ok dar 11 ah ka rawn lam ang che" tiin phone chu a dah zui ta daih a, ka phone chu ka melh ngawt ngawt mai chhuah ka peih loh tehreng nen a aw. Jacob-a chuan a insawi angin min rawn lam ta chat a Bazar khawi khawi emaw ah te chuan kan inzui kual ta char char a, hepa hi lei duh a neih pawh ka hrelo eng vak mah pawh ala lei lo
Dawr a kan chawlh lai chuan pawn lam chu ka melh a Liansanga ni ngei in ka hria ka va hmu zuaih a, ka en nawn lah in ka hmu tawh silo a ka hmuh sual ah ka puh ta vel mai mai a "Mamte hna i bang tih ka lo hria a" Jacob an a tih chuan ka bu nghat a "Mumbai ah rawn chhuk ve daih ta che hna dang zawn nan" a rawn tih chuan ka nui liam mai, mi dawihzep tak ang a tlanchhiat ka tum lo, ka thiamloh ni miahlo ah ka inkhung a ka hna thleng in ka ban phah a, ram danga tlanbo awm hrim a kal chu ka duhlo ṭhenkhat ti ti tur ka siam tam mai mai
Sawipui zawm duh lo chuan ka nui mai a thil dang chu ka sawi pui ta daih a, thil te kan ei zawh chuan kan in ah min thlah nghal. Ka room ah ka lut a ka inthlak fel deuh chiah tih ah hian number lawng atang a ka message dawn chu ka hawng a 'ngaihzawng i neih duh vang kha ami inṭhen i tih' tih te hi a ni, Liansangpuia a nih ngei ka ring nghal bawk a zaklo hi ka va han ti tak, a thiamloh ah min puh a tum deuh nge maw ni
Chhang lo chuan ka seen ta ringawt a tunlai chu zu a in nasa awm ni awm e mi sawi dan in, eng ang pawn a chanchin ngaihven lo mahila min hrilh chak zek zek tu hi an lo tam a nih hi ka ti mai, ka hriat loh hlau lutuk ang hrim hian min han hril ta ṭawk ṭawk a, inṭhen hlim hichuan an chanchin hriat tlem hi a nuam ber asin mawle.
Ka nu eirawng ka bawl pui a Sangtei hi rai a haw ve riau a kan phut buai ngai lem lo, ka nun beipui min bei sak chu tem tur a min tih chuan zuk hawp mai ka tum a ka chil a ti haw deuh tlat ka uak dawn dawn ta mai, hawp luih ngial ka tum pawh chuan ka thei ta lo bathroom ah chuan lut in ka va luak ta nghal bawrh bawrh a, ka luak zo ka chhuak chu ka nu chuan min rawn buaipui nghal vat a, mi hau nghal mawlh mawlh mai tunlai ka chaw ei ṭha lo in ka pum a nghawng a nih thu te a sawi a, ka luak ve deuh vang nge min ti chau ve tlat a ka room ah chuan ka chhoh san ta daih a
Khum ah chuan mu in thil tam tak ka ngaihtuah na ah rawn lut in tunlai ka awmdan hi mut ka duh em em mai a ka thil ei theilo chu thuhran ni ta se, kei hi tun thla ka la period reng reng silo a rai theih na chance ka nei leh tlat. Ka thil ngaihtuah vang chuan ka rai hmasak a ka inrinhlelh lai ang lo takin rai ka hlau em em thung a, ka rai thut chuan engkim hi a buai mai mai dawn tih ka hre chiang
Liansanga hi ka hre chiang a mahni fa te thlahthlam duh lo tur chi a ni, ka rai vaih chuan tun ang hian a awm mai mai dawn lo, ka rilru chu a hah ta kher mai ka thaw hak a, rai loh nan em a han ṭawngṭai kha chu a ni thei in ka hre bawk silo, ka mu tur chu ka let ka let mai, lo rai ta ila tih ringawt a ni ka rilru a awm
Zing ka tho chu ka inchik ru deuh a zing kar luak chhuak emaw engmah ka nei silo a tiin ngaihṭha deuh reuh ṭha zan silo chuan ka awm ta reng a, chaw kan ei te pawh chuan han huat pawh chu ka nei leh tawh lem lo ka nu bai te pawh chu ka hawp a keimah ah danglam a awm leh tawh chuang lo, ka nu sawi ang tak tak khan ka chaw ei mumal lo hi ka pum a lo che a ni mai mai lawng maw te ka ti ta a, thi pawh ka nei tlai deuh dawn aniang ti te chuan ka inhnem chawp ta ringawt a. "Mamte vawin chu Hruaia te an in checkup dawn sia dawr ah min lo pui ta che" ka pan a rawn tih chuan hnial lo chuan ka aw ve mai a, ina awm tlawk tlawk pawh hi ka ning ṭhin tlat
Wholesale dawr ka pa nghah ber ṭhin ah chuan ka kal ve a, ka pa ka zui a nih zawk mah chu. Memo ka lo ziak fel zel a ka pan bungrua a enpui thung, rilru lak pen na tur ka nei chu ṭha ka ti khawp mai inah ka inkhung tawp hichuan Liansanga ngaihtuah thlen chang hi ka neilo thei silo a, ka in ngaihtuah lungleng mai mai ṭhin zawk a ni. Tlai banah chuan ka pa ruala haw lo in ngaih ṭhat nan hrim hrim test kit chu ka lei haw ta a, chaw te kan ei kham ah chuan ka room ah lut nghal in ka in test ta nghal a, result chu ka en ngam lawk lo mahse le ka la en tur tho tho tiin ka in ti paukhauh a ka en ta a, rin sen pahnih. Ka thil hlauh ber chu a thleng ta ka inrin hma chuan ka biang ah mittui a rawn lum thla pap mai
Ni e rai hi a ka duh lo em a ni kan inṭhen tawh a, Liansanga lakah buai zui tawh lo tur khan naute hi ka pai si chuan engkim a buai zo dawn, naute pa a ni ve tlat si a hriat tir loh a theih dawn loh mahse engtin nge niang loh theih loh a ka let te ngai ta se, lu ka thing nghal nak nak mai amah Liansanga chu thuhran ni se a nu ṭawngkam vang chauh pawh khan tlawm ka tum tawh silo
Ka chhungte ka hrilh angem tih ringawt ah pawh ka rilru chu a buai fe mai, ka pian tirh atan heti tak mai a ka rilru hah pawh hi ka la hrelo e, ka hna ah bang tawh mahila pawisa eng emaw zat chu ka lo khawl hman a, Liansanga te belh buai ngai miahlo in ka fa chu ka chawm thei ngei dawn, ka pa hian min thlahthlam dawn lo tih ka hre bawk chutiang chiah chuan Liansanga hian a fa hi thlahthlam a tum dawn lo bawk, ka rai tih an hriat huna kan buai thui dan tur te chu ka ngaihtuah nghal ta zut zut a
# tunlai chu ka nu khua a va zuai ngar ngar ve aw chapter khat zo tur pawn beih fe ka ngai mai, rilru leh taksa lam a fit thlawt lo a min lo hrethiam teh u
Show post links
Top
| Link: | |
| BBcode: | |
| HTML: | |
| Hide post links |
Lu na bur in ka tho chhuak ta a nizan pawh ka mu lo ang vel a ni khawvar dawn hnaih ah ka chhing ve sek tih loh kha chu ka mu lo khawp mai, ka chhungte hrilh chu ka tum ta a inhnuai ka chhuk hma chuan ka inbual fai ta vek a, nau ka lo keng leh ta sa sa nen vawin ah in check up ngei ka ngai ve dawn a, Liansanga te hospital ah kher chuan kal ka tum tawh lo thung, kha damdawiin kha hmuh leh pawh ka duh tawh lo, ka pasal oh nilo ka pasal hlui leh hmeichhe dang sulhnu awmna kha a ni tlat a.
Ka chhuk chuan ka nu leh ka pa chiah an rawn la tho, Hruaia te chu nizan an mu ṭha leh vak tawh lo a nih ka ring, thingpui in a kan ṭhut khawm lai chuan ka nu leh pa chu ka hrilh ve ta a, an ni pawn rorel mai dan tur an thiamlo khawp mai a tawp ah chuan ti hian ka pa a rawn ṭawng chhuak ta a "E Mamte kan ti lui dawn reng reng lo che let leh tur pawn, in inṭhen chhan kan hria a thil ho mai mai vanga inṭhen in nilo bawk a, kei ni chuan let leh tur che a nawr che hi kan tum tawh lo, vawikhat kan ti sual tawh a a tawk tawh tih hi kan ngaihdan ania. Amah erawh chu Liansanga chu naute pa a nihna ang in hriat ve chu a phu a, i nu leh pa kan nihna ang in kan hriattir kha kan tih mak mawh a ni bawk a, sawn a ni chiah lo deuh nen vawin ah upa deuh zawk te ka lo rawn ang nga kalpui dan tur, palai hmangin kan in hriattir dawn nia" tiin thu tawp a siam ta a
Chaw kan ei lai chuan Hruaia te nupa pawh kan hrilh ve ta a, Sangtei chu ka lo chik deuh nge a hmel ah chuan huphurh na ni awm tak ka hmu teh daih, Hruaia chu a la â ve a a lawmawm thu te a sawi duah a, midang chu tumah kan tawng lo. Chaw eikham chuan in checkup tur chuan ka kal ta nghal a, ka nu in min kalpui tum mahse kalpui ngai ka tih loh vang chuan a lo kal ta lo a keimah chuan ka car chuan ka inkhalh chhuak ve ta nghal a. Damdawiin ka thlen chuan zing kar ah ka in ziah lawk tir bawk a min ko nghal a nimai, ka naupai a ṭhat tawh thu te thla a tlin tawh thu te min hrilh a, doctor pawh a fel khawp mai
Hmeichhe tan chuan kan doctor pan kan fimkhur leh zual hi a ngai nasa sia, nau chung a thih te hi tunlai ah tlem tawh viau mahse awmlo a ni tawp silo a, chutah doctor te hi thiam tak tak ni silo in duhsakna avang a sawrkar a lut mai hi an tam ve sia, tih sual palh han nei se an hmingchhe ve theilo tluk hi ania, mi ramah te damlo in doctor an khin vang a license chan ta te an tam laiin kan ramah chuan eng ang a an tih sual ah pawh an hrem na hmuh na ber chu suspend kha a ni tawh mai sia
Damdawiin atang ka chhuak chu ka thawhpui hlui te ho ka hmu hlawl mai, "awi Mamte ka va hmu ṭha che ve" Miss Arem in a rawn ti hluai a Benedict-a pawh chuan fiamthu in pasal ṭhen i ngaih zawk a nih hi te a tia, Mary nen hichuan kan inbe zeuh zeuh a an bula lunch ei tur a min sawm luih ṭalh vang chuan ka ei ve ta ringawt a, Principal an inthlak vangin ka aiawh a thawk tur pawh an lo la la lo ni awm tak a ni, an indaih loh thu te ka bang an ui zia te chu an sawi a, keipawh ṭhian kawm ngai lo ta chu an bulah chuan nuam ka ti ta phian a, thil pawh ka ei nual mai
Tun ṭum ka nau pai chu ka pai hmasak ang lo takin buaipui ngaiin ka awmlo khawp mai, han huat leh i ka nei silo mak ka ti letling zawk khawp mai, chuvang aniang in rinhlelh na chang pawh ka lo hriat mai loh ni. Ka ṭhiante nen chuan kan inthlah fel a keipawh in lam pan chuan ka inkhalh haw nghal a in ka thlen chuan ka pa pawh a lo haw hma nge ni a lo awm bawk a "Mamte lo ṭhu teh" a tih chuan a bulah chuan ka va thu thla nghal a "i papuia te ho ka be rawn chhin a, an ni pawh an rilru a buai khawp mai mahse le sawn man ṭhin chhin phawt kha ṭha kan ti tlang ta mai a, zanin ah palai te va kal se kan ti bawk a i ngaihdan ni lo lai te a awm em" dam dap a a rawn tih chuan ka pawm vek thu in ka chhang nghal a
Hmeichhe lu zo tak induhtawk tak ka nih chhan hi ka pa ka nilo theilo, engkim ah hmeichhia ka nih vang ngawt in ka ngaihdan a hnual suat ngailo a, hmeichhe thu leh hla tih lampang in a ṭawng ngai lo bawk, keimah in ngaihlu tur a min fuih tu ber pawh ka pa a ni "Nangmah leh nangmah i in ngaihhlut loh in engtin nge mipa ten an ngaihhlut theih ang che" min ti ṭhin, hmeichhia ka nih vang maiin mipa tih theih ka ti thei lo tur hi a phallo ka duh apiang chu min tih tir ve vek zel, ka pa aia pa ṭha hi piang nawn leh pawh ni ila ka neih ka in ring lo
Liansanga te inah chuan an va kal ta a ka hlauthawng khawp mai, chaw pawh ka ei mumal lo keimah hi ka sawithiam dan ber chuan ka phi nimai in ka hria, ka ṭhut na ngai ah ṭhu theilo chuan ka vei sek mai a . Kan palai te an rawn let chuan ka rin sa ang ngeiin in hruai leh an lo sawi ta chat mai, mahse let leh ka tum lo ka pa pawn kha kha an duh dan a nih ring sa in a sawi lawk sa vek bawk a inhruai mai kan duhlo tih te, a hming a an hriat ve hrim hrim nan a hrilh kan nih thu te. Liansanga chuan min rawn call ta chat a pick pah chuan ka room ah chuan ka lut ta daih a, a ngawih vang vang hnu chuan "Mamte" a rawn ti chhuak sup a im tih bakin ka chhang lo "ka lawm e" tih zawng a rawn sawi leh
Kan rilru chu a inang lo teh e kei Pathian in ka ṭawng lo haw lo se tun ṭum ka nau pai chu lawm na chhe te mah ka nei lo, pai lo ila kha ka ti ngawih ngawih a, Liansanga lah a lo lawm daih thung a. Thaw chhuak hak in "Liansang nau ka pai avang hian ka lo kir dawn tihna a nilo ania, i ngaih lo ti ṭha suh naute pa i nih vang khan thil mawi a ni tih thu a rawn hrilh mai che u kan ni" ka ti ta tawp a, Liansanga chu a ngawi vang vang a a dah tawh emaw ka tih hnu chuan rawn ṭawng leh in "Ka fa hi nu leh pa inkar lo ah a seilen ka phallo" a rawn tih hmuk chuan ka ngaihdan a nilo kher mai "eee chuti chuan rawn ti vel reng reng suh, he naute pawisawi lo hi nu leh pa inkar a seilian theilo a siam tu chu nang leh i chhungte in nih kha" ka ti ve ta hmak mai
Kan inṭhen hnu khan Liansanga leh a chhungte chungchang hi ka la sawi ve lo hrim hrim, miin a chhe zawng a an sawi pawn ka lo hmangaih tawh na vang khan a chanchin chhe zawng hriat te kha hreawm ka ti, mahse chumi avang chuan ka ngaidam ta e tihna erawh a nilo.
"Chance min pe thei thlawt lo ami" ngen ngawl taka a rawn tih chuan ka thaw chhuak leh hak a "Liansang chance ka pe tawh che alawm, kha thil thlen tirh pawh khan ka chhuahsan loh che kha, ka ngaidam lo che a mahse chance pe tur che a ka inbuatsaih lai khan i nu khan kha i chance neih chhun kha a rawn tih chhiat sak tlat che alawm, i hriat kha ka dikna ah zawk lehnghal khatiang ṭawngkam ka pai daih dawn loh zia chu" ka ti hap a kan inbiak na chu kan ti tawp ta a
Keipawh chu mu turin ka inpuah chah ta nghal a ka naupai chu pai lo ang vel ka ni ka nun phung min ti danglam lo reng reng, naute fel tak a nih dawn hi tih ka ngaihtuah chuan ka nui ve sak mai. Eng ang pawn pai duh lo mahila ka pai ta bawk a thlahthlam erawh ka tum lo thung, "naute ama kha sorry aw, ka duhlo che a nilo ania ka duh lutuk che nia" ka dul la thep zaih mai chul pah chuan ka ti sep sep a, eng emaw kawng zawng takin ka hahdam huai mai
Mut pah chuan Jacob-a min rawn biakna chu ka en a, ni e Jacob-a hi a awmdan leh chet phung aṭang hian min duh tih ka hria mahse beiseina siam sak erawh ka tum lo thung, ka rai leh thu te chu ka hrilh tlang nghal ta vek a, a ni chu mi puitling ngang ania a lawmawm thu te leh tun ṭum chu ṭha deuh a in enkawl tur te chuan mi rawn hrilh ta daih a. Liansanga text ka dawng veleh thung "eng nge i an nawm loh na te i nei em" chu a message tawi te mai chuan ka ngaihtuah na a hruai thui khawp mai, ka lung lenna nasa takin a rawn kai tho bawk, nau kan pai hmasak zawk a ka lak nat dan te leh anin min buaipui vek dan te chu ka mitthla ah a rawn lang uarh uarh mai, mahse chumi rual chuan a uire tih hi ka mit ah mai nilo ka thinlung ah leh ka beng ah hian a ri nawn tlut tlut thung lawi si
"Ka ṭha lutuk tun ṭum chu na engmah ka neilo ania" ṭha deuh chuan ka chhang ve mai a " in enkawl ṭha rawh" tih zawng hi a rawn thawn leh a ka chhang tawh lo ani pawh a reh zui nghal mai bawk. Ka muhil ve ta nghal a zanlai ah chuan ka tui in hal in min ti harh hlawl mai ka room tukverh a lo in hawng bawk a a vawh deuh vang chuan va pawh khar mai ka tum a kan gate sir a Liansanga motor ang zet ding chu ka zuk hmu a mak ka ti khawp mai, a tir ah chuan ka hmu sual aniang ti mahila Liansanga motor ngei tih ka zuk hmuh takah chuan ka phone chu ka ban vat a missed call a lo awm nual mai ka mut dawn kha ka silent daih tak e
Ka call back ta nghal a a rawn pick rual chuan "Liansang i rawn kal em ni" ka ti nghal tawng mai "lo chhuak lawk la" a rawn tih leh chuan ka lo hnial vat a "ngati nge i nuamlo ami i harh leh a" a rawn ti ta daih thung "nuam e ka harh satliah" ka tih chuan min chhang tawh lo keimah zawk chuan phone chu ka dah ta daih a, Liansanga thawm chu ka ngai chang reng a min 10 hnu vel chuan motor start thawm ka hriat takah chuan ka thaw huai mai, keipawh chu ka mu ve ta nghal a
Ka harh chuan dar 7 a lo ri tawh ka nun eirawng a lo bawl mawlh mawlh tawh a, Sangtei naupai hi ala na fal bik nge ni engmah hi a ti theilo a, mahse kan sawisel lem chuang lo kei pawh rai ka lo haw ve tawh a ka hriatthiam lui lutuk zawk. Ka nu chuan ka ei duh zawng a lo siam nual a vawin chu ka pa dawr ah zui a tum bawk a kan in peih hma khawp mai. Chaw te kan ei kham a ka nu te an chhuak a, chet ngai a awm tawh hrih loh vang chuan sitting room ah chuan ka ṭhu mai mai a, chutia ka lo ṭhut lai chuan thawm ka hre ta Hruaia te room lam atang a ni
Hruaia hna kal turin a la chhuak lo tih ka hre bawk, inhau thawm a an em vang chuan ka va pan hnai ta a, Sangtei a rai sia Hruai an a lo hauh ka hlauh pui riau a ni, an room kawngka bulah chuan ka va ding a an thusawi pawh chiang takin ka hre thei ta, "a rawn let leh pawh kha tih tawh nak alaiin nau a lo pai ve leh zel bawk nen" Sangtei aw ngei a ni, a thusawi laia a sawi a kha keimah ka nih ngei ka ring bawk "nau a han pai lian deuh ang nga min phut dawn lutuk, i nu te lah hian ka rai ve tih theihnghilh ṭhak in an buaipui bawk ang nga" tih ri ah chuan ka nghing dawt mai
Sangtei chu a fel ve tawh viau emaw tih laiin hetiang rilru hi a lo la pu chu a ni siah, an inbiak na ngaihthlak zawm ta lo chuan ka kalsawn ta daih a .
Ka mgaihtuah na chu an ti thui ang reng khawp mai, ka let leh kha mi lo huphurh viau chu a ni ang nga, kei lah in chutiang ang in ka lo ngai reng reng lova. Thawmhnaw te ka thleh ṭhat lai chuan doorbell a rawn ri ral ral a Sangte in a chhawn mai dawn maw ka tih laiin a rawn ri nawn leh sia ka zuk chhuk thla ta nge nge a kawngkhar ka va han chuan eng eng emaw khai hian Liansanga chu a lo ding heu mai, mak ka ti khawp mai chutah min rawn nuih var var in "ka lo lut thei ngem" a rawn tih leh chuan harh chhuak zawk in lut tur chuan ka sawm ta nghal a
Supplements eng eng emaw nau pai laia ei chi te chu a rawn keng nual a vitamins te, a ei dan tur te chu a sawi pah pawh a thil lo ken ho ka dah fel sak zawh chu thingpui te chu ka lum a, Sangtei chu room ah a inkhung deuh ngawt ngawt mai ala rawn dak chhuak lo. Liansanga chu a awm ve ta reng a eng eng emaw kan tia khua pawh chu a tlai ve ta duai mai a haw hma chuan "Mamte lo haw mai rawh " a ti leh hap a ṭawngkam hichu a thiam lo ve a ni e. Hnial lem lo chuan ka nuih liam ta tawp a ka hnial chuan kan inhnial thui mai mai dawn tih ka hre miau a
Ka nu ten min rawn call a an lo haw har tur thu leh eirawng lo bawl mai turin min ti a, Dar 3 a ring chuang rawng chu ka bawl ṭan a Sangtei chu thawh pawh a rawn tho chhuak ta lo reng reng a, rawng ka bawl zawh chuan ka ngaih ṭha lo chuan Sangtei te room ah chuan ka zuk chhuk a zuk ngaihven tum in, kawngkhar a lo khar phui lo bawk a ka va en dek dek a an room a an tv dah chu lo en in thil a lo ei tuam tuam a, engmah pawh sawi ta lo chuan ka chhoh san leh ta daih a
Ka nu te chu dar 8 rik dawn ah an rawn haw a Sangtei pawh ala rawn tho chhuak lo, a nuamlo ami tih min zawh chuan ka hriat loh thu chuan ka chhang ta ringawt a, ka zuk hmuh dan erawh kha chuan a dam chu a dam ṭhat hmel khawp mai mahse le a lo na viau thei tho bawk a. Chaw ei dawn chuan Hruaia nen an rawn in zui chho a, a hmel chu nawm loh leh hmel tawh tak a ni, a lo nuam lo tak tak nge ni "Kha Sangte vawin lam i lo nuam vak na nge" ka pa zawk chuan a rawn ti ta khauh a "nia ka nuam lo ni leng a nimai ka luak deuh char char bawk sia" a tih chuan ka va melh zawk a, dawt sawi hmel pawh a pu lem lo
Chaw eikham chuan nidang ang lo deuh in la lu a hai ve riau a, sitting room ah chuan ka ṭhu ta vang vang a, ka mit a vai ruai mai bawk sia ka nu chuan lo che tawh lo tur chuan min ti nghal vat a "Sangte thleng lo sil mai ta che, hei i u Mamtei hi a lu a hai sia kei lah vawin bungraw lo thleng kan tih fel na ah ka kut ka lo ti na sia" ka nun a tih chuan Sangtei chu a lawm loh hmel kher mai, engmah sawi lo chuan choka ah chuan a lut tau deuh sawk sawk a, a awmdan vel chu mak ka ti khawp mai. A thleng sil te chu a ti ri bur bur mai ka nu te lah chuan an hrelo der nge mawni engtin mah an uk sak lem lo
Nakin deuh ah chuan Hruaia chu a rawn chho a choka a ava luh hnu chuan a rawn chhuak leh a "Nu nge thleng te in lo sil tir a" a rawn tih nghal tawl chuan ka nu chuan a en he haw a "aw i u a nuam sam lo ve a ani a ṭhat tawh hmel tho a lo sil ve lawk mai rawh ka ti nih kha" ka nun a tih chuan Hruaia bawk chuan "ani pawh a nuam sam bik hleinem, awmpui lak kan ngai a nih hi" a tih zawh chuan Sangtei pawh a sil zo aniang a rawn chhuak phei a , ka nun Hruaia chhan a tum chiah tih chuan ka pa zawk a rawn ṭawng ta a "tikhan ṭawng mai mai suh, awmpui te la ila khawia hlawh nge i pek ang nga" Hruaia chu a ngawi hmak a ti hian a rawn ti leh a "dawr ka kalna pawh a hranpa in hlawh min pe ngai chuang hleinem" a rawn tih leh hram chuan ka nu zawk a rawn ṭawng ve thung a
"Â a ṭhin suh hlawh a hran in ka beisei e te i ti mawnle, nakin a i la chan tur vek a nih hi. Tunah naute in nei dawn a engtin nge chung in senso te chu in tih ang keimah ni bawk in a ni ngaihtuah dawn che u, awmpui la ringawt ila senso hautak nen engtin nge kan awm nga, Mampuia a hlawh rin tur ber a awm tawhlo a Mamtei lah a bang tawh bawk engtin nge in enkawl se min tih" a ti ta hrep a Hruaia chu a ngawi mai dawn emaw ka tih hnu ah "anih te chuan Sangtei pawh lo awl ve deuh ula, kan rai theilo in sawi in sawi a kan rai ta cheng a duat ve deuh tur cheu alawm" a tih leh chuan ka ṭawng ve a hun chiah tih ka hre bawk
"Eee Hruaia in nu kha duat a ngai reng reng lo, a awm nuamsa lutuk vawin ni leng a ka chet lai pawn khum ah mu chungin thil ei pahin tv a en mai mai alawm, na pakhat mah a neilo" ka ti ve ta nghat a " U Mamte ti em em a min ngaihtheih loh hi ka lo ring miahlo a, dawt a in puh kher chu a ngailo asin" rilru nat hmel zet a Sangte in a rawn tih chuan lemchan a thiam ka ti lutuk chu ka ka hau mai, ṭawng tum a ka ang leh zuau tawh tih ah amah bawk chu lo ṭawng leh in "Hruaia kei chu ka haw hrih mai ang, ka vawikhat rai na a ni ve a ka la na tih pawh in hriat kha i u hian min mil hlawl silo a min phut a ti na bawk sia" a tih leh zat zat chuan ka insum thei tawh lo pan mai ka tum chu ka pan min lo khap vat a
Ka pan kan vaia kan room ṭheuh a lut tura min tih takah chuan kan lut ta vek a, ka thinrim ala reh lo khawp mai tih theih vak erawh ka nei viau lo ka pa thu kalh a va tih zui chiam kha ka tan a chi siloh. Thinrim ṭun chuan ka muhil ta a zing ah chuan ka thawh hma daih in Sangtei chu a an inlamah chuan a lo va phei ta daih a, chaw ei lai chuan ka pan ti hian a rawn ti ta a "Mamte i u Mama te bulah i awm hrih mai dawn em ni, Sangtei han chhuah tir ringawt kha kan tan tih chi a ni silo a" ka pan a rawn tih chuan ka rilru a na kher mai, engmah pawh ka sawi lem lo na a ka na takzet hi a nimai
Nu ṭhenkhat dinhmun te hi ka hrethiam ve ta uarh uarh mai, pasal sual tak nei a an ṭhen thei silo te hi kan han dem vak zel tak na a an chan ah indah in an tawn ang te kan tawn ve hma chu an dinhmun hriatthiam pui hi an lo har dawn khawp mai, chhungte bula let leh rem loh vanga hreawm lo tuar ṭang ṭang hi kan lo van tam dawn tak em. Nuthlawi te hi kan han hmusit ngawt tak ṭhin a an tawrh hi a lo na mai lo khawp mai mahni a han dai ve tak chin ah chuan tih te hi ka hrethar uarh uarh mai
Au Mama te lah han fin ringawt dawn ila an chhang chhe si ka rilru chu a insual buai kher mai, ka pa te tan lah Sangtei chhuah tir ringawt kha a tih chi siloh Sangtei te chhungkua ka hre chiang a a leiko zawng a thu saw thiam lutuk an ni si, keimah vangin ka nu leh pa te hi an hmingchhe erh thei bawk si, ka rilru ah chuan Liansanga a rawn lang ta rum rum mai. Zantin min rawn be awl lo a ka nem phah chuang lo na in ka rilru na lutuk kha a reh tawh, ka dinhmun khirh zia chu ka hrechiang khawp mai
Sangtei pawh lo let leh in awm tlang pawh ni ila nakin ah fa kan han nei ang nga, intih thiam loh vel ah pawh thui tak ka dawn in mahni fa te chu ṭanna chen kan neilo thei dawn lo, ka han rai lian ang nga buaipui ka ngaih hunah ka nu ten min buaipui deuh in Sangte in min thik deuh tlat dawn bawk si tih te thleng chuan ka ngaihtuah kual zel a, ka duh thlan tur dang neiin ka inhre tawh lo Liansanga chu ka call ta a, a pick up rual rual chuan "Naktuk ah min lo hruai dawn nia" tih zawng chu ka sawi nghal ta tawl a
Liansanga chu a lo phur nasa mai a a tuk zing ka harh hma hma chuan aman min lo call harh a, ka pa te engmah ka la hrilh loh vang chuan ka hrilh hmasak phawt tur thu hrilh in min rawn biak na chu ka ti tawp zui nghal a, inhnuai ah chhuk in ka pa te chu ka hrilh nghal a, mak an lo ti khawp mai ka nu zawk chuan a phallo khawp mai a "i u te inah awm tura kan tih vang che kha ami" a tih chuan nih na chen awm tho mahse an rilru tih hreawm loh nan nilo e tiin ka chhang mai a ka pa ve thung chuan "puitling an ni tawh a mahni duhthlanna siam rual an ni tawh" tiin ka thu thu a nih thu min hrilh a
Liansanga te pawh chu an rawn thleng a Apa leh Muanpuii te nupa nen an rawn kal a, Apa chuan Liansanga nu nawm sam loh thu chu a rawn phat mawi sak vat a, a nawm sam loh tak tak erawh chu ka ring lo, Liansanga pa chuan a na chang a hre khawp mai ka man te a lo keng nghal thlap a, ka pa te pawh tlem chuan an lung a dam hmel deuh e, tichuan kan inhruai haw ta a
Show post links
Top
Ka chhuk chuan ka nu leh ka pa chiah an rawn la tho, Hruaia te chu nizan an mu ṭha leh vak tawh lo a nih ka ring, thingpui in a kan ṭhut khawm lai chuan ka nu leh pa chu ka hrilh ve ta a, an ni pawn rorel mai dan tur an thiamlo khawp mai a tawp ah chuan ti hian ka pa a rawn ṭawng chhuak ta a "E Mamte kan ti lui dawn reng reng lo che let leh tur pawn, in inṭhen chhan kan hria a thil ho mai mai vanga inṭhen in nilo bawk a, kei ni chuan let leh tur che a nawr che hi kan tum tawh lo, vawikhat kan ti sual tawh a a tawk tawh tih hi kan ngaihdan ania. Amah erawh chu Liansanga chu naute pa a nihna ang in hriat ve chu a phu a, i nu leh pa kan nihna ang in kan hriattir kha kan tih mak mawh a ni bawk a, sawn a ni chiah lo deuh nen vawin ah upa deuh zawk te ka lo rawn ang nga kalpui dan tur, palai hmangin kan in hriattir dawn nia" tiin thu tawp a siam ta a
Chaw kan ei lai chuan Hruaia te nupa pawh kan hrilh ve ta a, Sangtei chu ka lo chik deuh nge a hmel ah chuan huphurh na ni awm tak ka hmu teh daih, Hruaia chu a la â ve a a lawmawm thu te a sawi duah a, midang chu tumah kan tawng lo. Chaw eikham chuan in checkup tur chuan ka kal ta nghal a, ka nu in min kalpui tum mahse kalpui ngai ka tih loh vang chuan a lo kal ta lo a keimah chuan ka car chuan ka inkhalh chhuak ve ta nghal a. Damdawiin ka thlen chuan zing kar ah ka in ziah lawk tir bawk a min ko nghal a nimai, ka naupai a ṭhat tawh thu te thla a tlin tawh thu te min hrilh a, doctor pawh a fel khawp mai
Hmeichhe tan chuan kan doctor pan kan fimkhur leh zual hi a ngai nasa sia, nau chung a thih te hi tunlai ah tlem tawh viau mahse awmlo a ni tawp silo a, chutah doctor te hi thiam tak tak ni silo in duhsakna avang a sawrkar a lut mai hi an tam ve sia, tih sual palh han nei se an hmingchhe ve theilo tluk hi ania, mi ramah te damlo in doctor an khin vang a license chan ta te an tam laiin kan ramah chuan eng ang a an tih sual ah pawh an hrem na hmuh na ber chu suspend kha a ni tawh mai sia
Damdawiin atang ka chhuak chu ka thawhpui hlui te ho ka hmu hlawl mai, "awi Mamte ka va hmu ṭha che ve" Miss Arem in a rawn ti hluai a Benedict-a pawh chuan fiamthu in pasal ṭhen i ngaih zawk a nih hi te a tia, Mary nen hichuan kan inbe zeuh zeuh a an bula lunch ei tur a min sawm luih ṭalh vang chuan ka ei ve ta ringawt a, Principal an inthlak vangin ka aiawh a thawk tur pawh an lo la la lo ni awm tak a ni, an indaih loh thu te ka bang an ui zia te chu an sawi a, keipawh ṭhian kawm ngai lo ta chu an bulah chuan nuam ka ti ta phian a, thil pawh ka ei nual mai
Tun ṭum ka nau pai chu ka pai hmasak ang lo takin buaipui ngaiin ka awmlo khawp mai, han huat leh i ka nei silo mak ka ti letling zawk khawp mai, chuvang aniang in rinhlelh na chang pawh ka lo hriat mai loh ni. Ka ṭhiante nen chuan kan inthlah fel a keipawh in lam pan chuan ka inkhalh haw nghal a in ka thlen chuan ka pa pawh a lo haw hma nge ni a lo awm bawk a "Mamte lo ṭhu teh" a tih chuan a bulah chuan ka va thu thla nghal a "i papuia te ho ka be rawn chhin a, an ni pawh an rilru a buai khawp mai mahse le sawn man ṭhin chhin phawt kha ṭha kan ti tlang ta mai a, zanin ah palai te va kal se kan ti bawk a i ngaihdan ni lo lai te a awm em" dam dap a a rawn tih chuan ka pawm vek thu in ka chhang nghal a
Hmeichhe lu zo tak induhtawk tak ka nih chhan hi ka pa ka nilo theilo, engkim ah hmeichhia ka nih vang ngawt in ka ngaihdan a hnual suat ngailo a, hmeichhe thu leh hla tih lampang in a ṭawng ngai lo bawk, keimah in ngaihlu tur a min fuih tu ber pawh ka pa a ni "Nangmah leh nangmah i in ngaihhlut loh in engtin nge mipa ten an ngaihhlut theih ang che" min ti ṭhin, hmeichhia ka nih vang maiin mipa tih theih ka ti thei lo tur hi a phallo ka duh apiang chu min tih tir ve vek zel, ka pa aia pa ṭha hi piang nawn leh pawh ni ila ka neih ka in ring lo
Liansanga te inah chuan an va kal ta a ka hlauthawng khawp mai, chaw pawh ka ei mumal lo keimah hi ka sawithiam dan ber chuan ka phi nimai in ka hria, ka ṭhut na ngai ah ṭhu theilo chuan ka vei sek mai a . Kan palai te an rawn let chuan ka rin sa ang ngeiin in hruai leh an lo sawi ta chat mai, mahse let leh ka tum lo ka pa pawn kha kha an duh dan a nih ring sa in a sawi lawk sa vek bawk a inhruai mai kan duhlo tih te, a hming a an hriat ve hrim hrim nan a hrilh kan nih thu te. Liansanga chuan min rawn call ta chat a pick pah chuan ka room ah chuan ka lut ta daih a, a ngawih vang vang hnu chuan "Mamte" a rawn ti chhuak sup a im tih bakin ka chhang lo "ka lawm e" tih zawng a rawn sawi leh
Kan rilru chu a inang lo teh e kei Pathian in ka ṭawng lo haw lo se tun ṭum ka nau pai chu lawm na chhe te mah ka nei lo, pai lo ila kha ka ti ngawih ngawih a, Liansanga lah a lo lawm daih thung a. Thaw chhuak hak in "Liansang nau ka pai avang hian ka lo kir dawn tihna a nilo ania, i ngaih lo ti ṭha suh naute pa i nih vang khan thil mawi a ni tih thu a rawn hrilh mai che u kan ni" ka ti ta tawp a, Liansanga chu a ngawi vang vang a a dah tawh emaw ka tih hnu chuan rawn ṭawng leh in "Ka fa hi nu leh pa inkar lo ah a seilen ka phallo" a rawn tih hmuk chuan ka ngaihdan a nilo kher mai "eee chuti chuan rawn ti vel reng reng suh, he naute pawisawi lo hi nu leh pa inkar a seilian theilo a siam tu chu nang leh i chhungte in nih kha" ka ti ve ta hmak mai
Kan inṭhen hnu khan Liansanga leh a chhungte chungchang hi ka la sawi ve lo hrim hrim, miin a chhe zawng a an sawi pawn ka lo hmangaih tawh na vang khan a chanchin chhe zawng hriat te kha hreawm ka ti, mahse chumi avang chuan ka ngaidam ta e tihna erawh a nilo.
"Chance min pe thei thlawt lo ami" ngen ngawl taka a rawn tih chuan ka thaw chhuak leh hak a "Liansang chance ka pe tawh che alawm, kha thil thlen tirh pawh khan ka chhuahsan loh che kha, ka ngaidam lo che a mahse chance pe tur che a ka inbuatsaih lai khan i nu khan kha i chance neih chhun kha a rawn tih chhiat sak tlat che alawm, i hriat kha ka dikna ah zawk lehnghal khatiang ṭawngkam ka pai daih dawn loh zia chu" ka ti hap a kan inbiak na chu kan ti tawp ta a
Keipawh chu mu turin ka inpuah chah ta nghal a ka naupai chu pai lo ang vel ka ni ka nun phung min ti danglam lo reng reng, naute fel tak a nih dawn hi tih ka ngaihtuah chuan ka nui ve sak mai. Eng ang pawn pai duh lo mahila ka pai ta bawk a thlahthlam erawh ka tum lo thung, "naute ama kha sorry aw, ka duhlo che a nilo ania ka duh lutuk che nia" ka dul la thep zaih mai chul pah chuan ka ti sep sep a, eng emaw kawng zawng takin ka hahdam huai mai
Mut pah chuan Jacob-a min rawn biakna chu ka en a, ni e Jacob-a hi a awmdan leh chet phung aṭang hian min duh tih ka hria mahse beiseina siam sak erawh ka tum lo thung, ka rai leh thu te chu ka hrilh tlang nghal ta vek a, a ni chu mi puitling ngang ania a lawmawm thu te leh tun ṭum chu ṭha deuh a in enkawl tur te chuan mi rawn hrilh ta daih a. Liansanga text ka dawng veleh thung "eng nge i an nawm loh na te i nei em" chu a message tawi te mai chuan ka ngaihtuah na a hruai thui khawp mai, ka lung lenna nasa takin a rawn kai tho bawk, nau kan pai hmasak zawk a ka lak nat dan te leh anin min buaipui vek dan te chu ka mitthla ah a rawn lang uarh uarh mai, mahse chumi rual chuan a uire tih hi ka mit ah mai nilo ka thinlung ah leh ka beng ah hian a ri nawn tlut tlut thung lawi si
"Ka ṭha lutuk tun ṭum chu na engmah ka neilo ania" ṭha deuh chuan ka chhang ve mai a " in enkawl ṭha rawh" tih zawng hi a rawn thawn leh a ka chhang tawh lo ani pawh a reh zui nghal mai bawk. Ka muhil ve ta nghal a zanlai ah chuan ka tui in hal in min ti harh hlawl mai ka room tukverh a lo in hawng bawk a a vawh deuh vang chuan va pawh khar mai ka tum a kan gate sir a Liansanga motor ang zet ding chu ka zuk hmu a mak ka ti khawp mai, a tir ah chuan ka hmu sual aniang ti mahila Liansanga motor ngei tih ka zuk hmuh takah chuan ka phone chu ka ban vat a missed call a lo awm nual mai ka mut dawn kha ka silent daih tak e
Ka call back ta nghal a a rawn pick rual chuan "Liansang i rawn kal em ni" ka ti nghal tawng mai "lo chhuak lawk la" a rawn tih leh chuan ka lo hnial vat a "ngati nge i nuamlo ami i harh leh a" a rawn ti ta daih thung "nuam e ka harh satliah" ka tih chuan min chhang tawh lo keimah zawk chuan phone chu ka dah ta daih a, Liansanga thawm chu ka ngai chang reng a min 10 hnu vel chuan motor start thawm ka hriat takah chuan ka thaw huai mai, keipawh chu ka mu ve ta nghal a
Ka harh chuan dar 7 a lo ri tawh ka nun eirawng a lo bawl mawlh mawlh tawh a, Sangtei naupai hi ala na fal bik nge ni engmah hi a ti theilo a, mahse kan sawisel lem chuang lo kei pawh rai ka lo haw ve tawh a ka hriatthiam lui lutuk zawk. Ka nu chuan ka ei duh zawng a lo siam nual a vawin chu ka pa dawr ah zui a tum bawk a kan in peih hma khawp mai. Chaw te kan ei kham a ka nu te an chhuak a, chet ngai a awm tawh hrih loh vang chuan sitting room ah chuan ka ṭhu mai mai a, chutia ka lo ṭhut lai chuan thawm ka hre ta Hruaia te room lam atang a ni
Hruaia hna kal turin a la chhuak lo tih ka hre bawk, inhau thawm a an em vang chuan ka va pan hnai ta a, Sangtei a rai sia Hruai an a lo hauh ka hlauh pui riau a ni, an room kawngka bulah chuan ka va ding a an thusawi pawh chiang takin ka hre thei ta, "a rawn let leh pawh kha tih tawh nak alaiin nau a lo pai ve leh zel bawk nen" Sangtei aw ngei a ni, a thusawi laia a sawi a kha keimah ka nih ngei ka ring bawk "nau a han pai lian deuh ang nga min phut dawn lutuk, i nu te lah hian ka rai ve tih theihnghilh ṭhak in an buaipui bawk ang nga" tih ri ah chuan ka nghing dawt mai
Sangtei chu a fel ve tawh viau emaw tih laiin hetiang rilru hi a lo la pu chu a ni siah, an inbiak na ngaihthlak zawm ta lo chuan ka kalsawn ta daih a .
Ka mgaihtuah na chu an ti thui ang reng khawp mai, ka let leh kha mi lo huphurh viau chu a ni ang nga, kei lah in chutiang ang in ka lo ngai reng reng lova. Thawmhnaw te ka thleh ṭhat lai chuan doorbell a rawn ri ral ral a Sangte in a chhawn mai dawn maw ka tih laiin a rawn ri nawn leh sia ka zuk chhuk thla ta nge nge a kawngkhar ka va han chuan eng eng emaw khai hian Liansanga chu a lo ding heu mai, mak ka ti khawp mai chutah min rawn nuih var var in "ka lo lut thei ngem" a rawn tih leh chuan harh chhuak zawk in lut tur chuan ka sawm ta nghal a
Supplements eng eng emaw nau pai laia ei chi te chu a rawn keng nual a vitamins te, a ei dan tur te chu a sawi pah pawh a thil lo ken ho ka dah fel sak zawh chu thingpui te chu ka lum a, Sangtei chu room ah a inkhung deuh ngawt ngawt mai ala rawn dak chhuak lo. Liansanga chu a awm ve ta reng a eng eng emaw kan tia khua pawh chu a tlai ve ta duai mai a haw hma chuan "Mamte lo haw mai rawh " a ti leh hap a ṭawngkam hichu a thiam lo ve a ni e. Hnial lem lo chuan ka nuih liam ta tawp a ka hnial chuan kan inhnial thui mai mai dawn tih ka hre miau a
Ka nu ten min rawn call a an lo haw har tur thu leh eirawng lo bawl mai turin min ti a, Dar 3 a ring chuang rawng chu ka bawl ṭan a Sangtei chu thawh pawh a rawn tho chhuak ta lo reng reng a, rawng ka bawl zawh chuan ka ngaih ṭha lo chuan Sangtei te room ah chuan ka zuk chhuk a zuk ngaihven tum in, kawngkhar a lo khar phui lo bawk a ka va en dek dek a an room a an tv dah chu lo en in thil a lo ei tuam tuam a, engmah pawh sawi ta lo chuan ka chhoh san leh ta daih a
Ka nu te chu dar 8 rik dawn ah an rawn haw a Sangtei pawh ala rawn tho chhuak lo, a nuamlo ami tih min zawh chuan ka hriat loh thu chuan ka chhang ta ringawt a, ka zuk hmuh dan erawh kha chuan a dam chu a dam ṭhat hmel khawp mai mahse le a lo na viau thei tho bawk a. Chaw ei dawn chuan Hruaia nen an rawn in zui chho a, a hmel chu nawm loh leh hmel tawh tak a ni, a lo nuam lo tak tak nge ni "Kha Sangte vawin lam i lo nuam vak na nge" ka pa zawk chuan a rawn ti ta khauh a "nia ka nuam lo ni leng a nimai ka luak deuh char char bawk sia" a tih chuan ka va melh zawk a, dawt sawi hmel pawh a pu lem lo
Chaw eikham chuan nidang ang lo deuh in la lu a hai ve riau a, sitting room ah chuan ka ṭhu ta vang vang a, ka mit a vai ruai mai bawk sia ka nu chuan lo che tawh lo tur chuan min ti nghal vat a "Sangte thleng lo sil mai ta che, hei i u Mamtei hi a lu a hai sia kei lah vawin bungraw lo thleng kan tih fel na ah ka kut ka lo ti na sia" ka nun a tih chuan Sangtei chu a lawm loh hmel kher mai, engmah sawi lo chuan choka ah chuan a lut tau deuh sawk sawk a, a awmdan vel chu mak ka ti khawp mai. A thleng sil te chu a ti ri bur bur mai ka nu te lah chuan an hrelo der nge mawni engtin mah an uk sak lem lo
Nakin deuh ah chuan Hruaia chu a rawn chho a choka a ava luh hnu chuan a rawn chhuak leh a "Nu nge thleng te in lo sil tir a" a rawn tih nghal tawl chuan ka nu chuan a en he haw a "aw i u a nuam sam lo ve a ani a ṭhat tawh hmel tho a lo sil ve lawk mai rawh ka ti nih kha" ka nun a tih chuan Hruaia bawk chuan "ani pawh a nuam sam bik hleinem, awmpui lak kan ngai a nih hi" a tih zawh chuan Sangtei pawh a sil zo aniang a rawn chhuak phei a , ka nun Hruaia chhan a tum chiah tih chuan ka pa zawk a rawn ṭawng ta a "tikhan ṭawng mai mai suh, awmpui te la ila khawia hlawh nge i pek ang nga" Hruaia chu a ngawi hmak a ti hian a rawn ti leh a "dawr ka kalna pawh a hranpa in hlawh min pe ngai chuang hleinem" a rawn tih leh hram chuan ka nu zawk a rawn ṭawng ve thung a
"Â a ṭhin suh hlawh a hran in ka beisei e te i ti mawnle, nakin a i la chan tur vek a nih hi. Tunah naute in nei dawn a engtin nge chung in senso te chu in tih ang keimah ni bawk in a ni ngaihtuah dawn che u, awmpui la ringawt ila senso hautak nen engtin nge kan awm nga, Mampuia a hlawh rin tur ber a awm tawhlo a Mamtei lah a bang tawh bawk engtin nge in enkawl se min tih" a ti ta hrep a Hruaia chu a ngawi mai dawn emaw ka tih hnu ah "anih te chuan Sangtei pawh lo awl ve deuh ula, kan rai theilo in sawi in sawi a kan rai ta cheng a duat ve deuh tur cheu alawm" a tih leh chuan ka ṭawng ve a hun chiah tih ka hre bawk
"Eee Hruaia in nu kha duat a ngai reng reng lo, a awm nuamsa lutuk vawin ni leng a ka chet lai pawn khum ah mu chungin thil ei pahin tv a en mai mai alawm, na pakhat mah a neilo" ka ti ve ta nghat a " U Mamte ti em em a min ngaihtheih loh hi ka lo ring miahlo a, dawt a in puh kher chu a ngailo asin" rilru nat hmel zet a Sangte in a rawn tih chuan lemchan a thiam ka ti lutuk chu ka ka hau mai, ṭawng tum a ka ang leh zuau tawh tih ah amah bawk chu lo ṭawng leh in "Hruaia kei chu ka haw hrih mai ang, ka vawikhat rai na a ni ve a ka la na tih pawh in hriat kha i u hian min mil hlawl silo a min phut a ti na bawk sia" a tih leh zat zat chuan ka insum thei tawh lo pan mai ka tum chu ka pan min lo khap vat a
Ka pan kan vaia kan room ṭheuh a lut tura min tih takah chuan kan lut ta vek a, ka thinrim ala reh lo khawp mai tih theih vak erawh ka nei viau lo ka pa thu kalh a va tih zui chiam kha ka tan a chi siloh. Thinrim ṭun chuan ka muhil ta a zing ah chuan ka thawh hma daih in Sangtei chu a an inlamah chuan a lo va phei ta daih a, chaw ei lai chuan ka pan ti hian a rawn ti ta a "Mamte i u Mama te bulah i awm hrih mai dawn em ni, Sangtei han chhuah tir ringawt kha kan tan tih chi a ni silo a" ka pan a rawn tih chuan ka rilru a na kher mai, engmah pawh ka sawi lem lo na a ka na takzet hi a nimai
Nu ṭhenkhat dinhmun te hi ka hrethiam ve ta uarh uarh mai, pasal sual tak nei a an ṭhen thei silo te hi kan han dem vak zel tak na a an chan ah indah in an tawn ang te kan tawn ve hma chu an dinhmun hriatthiam pui hi an lo har dawn khawp mai, chhungte bula let leh rem loh vanga hreawm lo tuar ṭang ṭang hi kan lo van tam dawn tak em. Nuthlawi te hi kan han hmusit ngawt tak ṭhin a an tawrh hi a lo na mai lo khawp mai mahni a han dai ve tak chin ah chuan tih te hi ka hrethar uarh uarh mai
Au Mama te lah han fin ringawt dawn ila an chhang chhe si ka rilru chu a insual buai kher mai, ka pa te tan lah Sangtei chhuah tir ringawt kha a tih chi siloh Sangtei te chhungkua ka hre chiang a a leiko zawng a thu saw thiam lutuk an ni si, keimah vangin ka nu leh pa te hi an hmingchhe erh thei bawk si, ka rilru ah chuan Liansanga a rawn lang ta rum rum mai. Zantin min rawn be awl lo a ka nem phah chuang lo na in ka rilru na lutuk kha a reh tawh, ka dinhmun khirh zia chu ka hrechiang khawp mai
Sangtei pawh lo let leh in awm tlang pawh ni ila nakin ah fa kan han nei ang nga, intih thiam loh vel ah pawh thui tak ka dawn in mahni fa te chu ṭanna chen kan neilo thei dawn lo, ka han rai lian ang nga buaipui ka ngaih hunah ka nu ten min buaipui deuh in Sangte in min thik deuh tlat dawn bawk si tih te thleng chuan ka ngaihtuah kual zel a, ka duh thlan tur dang neiin ka inhre tawh lo Liansanga chu ka call ta a, a pick up rual rual chuan "Naktuk ah min lo hruai dawn nia" tih zawng chu ka sawi nghal ta tawl a
Liansanga chu a lo phur nasa mai a a tuk zing ka harh hma hma chuan aman min lo call harh a, ka pa te engmah ka la hrilh loh vang chuan ka hrilh hmasak phawt tur thu hrilh in min rawn biak na chu ka ti tawp zui nghal a, inhnuai ah chhuk in ka pa te chu ka hrilh nghal a, mak an lo ti khawp mai ka nu zawk chuan a phallo khawp mai a "i u te inah awm tura kan tih vang che kha ami" a tih chuan nih na chen awm tho mahse an rilru tih hreawm loh nan nilo e tiin ka chhang mai a ka pa ve thung chuan "puitling an ni tawh a mahni duhthlanna siam rual an ni tawh" tiin ka thu thu a nih thu min hrilh a
Liansanga te pawh chu an rawn thleng a Apa leh Muanpuii te nupa nen an rawn kal a, Apa chuan Liansanga nu nawm sam loh thu chu a rawn phat mawi sak vat a, a nawm sam loh tak tak erawh chu ka ring lo, Liansanga pa chuan a na chang a hre khawp mai ka man te a lo keng nghal thlap a, ka pa te pawh tlem chuan an lung a dam hmel deuh e, tichuan kan inhruai haw ta a
Show post links
Top
| Link: | |
| BBcode: | |
| HTML: | |
| Hide post links |
Kan in hruai leh atang ni hnih a liam tawh a Liansanga nu ala rawn dik dak lo hrim hrim, vawin hian in checkup kan tum a ka insiam mek a Liansanga pawh ala fel rih viau a, ka rai hmasak ang in ka la na lova ngaihtuah chiam ka ngai lem lo chung in Liansang an min ngaihtuah awl lova nau pai ka haw ta lo lutuk te chu mak a tih thu a sawi ve reng mai
Mampuia leh hmeichhe naupang hian min lo nuih sen sen a an pahnih chuan an hlim hmel kher mai naupang te chuan ban hi min lo vai lauh lauh a "Anu" hi a rawn ti bawk, hrilh nawn ngailo in ka fa ngei kha a ni hmeichhe naupang ni tawh in Mampuia nen chuan an lo inkai a Mampuia chu rawn ṭawng ve in "Mamte tun bak chu kan rawn tlawh tawh lovang che kan kal a hun tawh dawn a" zaidam zet hian a rawn ti a ṭawng ve ka tum chuan engmah ka sawi thei ve lo "min lo ngaihtuah tawh lo la i nun ah khan hun harsa tak tawh chang te i la nei dawn belh tur dik Isua lo bel ang che aw" ti leh in hmeichhe naupang chu kai in an ral ta riai riai a
Ka harh nghal hlawl mai thlan in min lo bual huh vek a ka ṭhu chhuak nghal a, tui ban mai ka tum chuan ka tai a rawn in pawt zawk chu ka inrin hma in ka au deuh ṭhat mai, ka thawm ah chuan ka bula mu Liansanga chu a rawn harh nghal a "i ṭha em" tiin min rawn buaipui nghal vat bawk, ka mumang kha hre chhuak zawk in hlauhthawn na in min tuam nghal up up mai, mangang zet chuan Liansanga chu ka en a "Liansang naute hi ih ka duhlo a ṭha lo in ka hria" ka ti bah nawk nawk a, Liansanga chuan min rawn hnaih chilh vatin "Mamte" thuk raih a rawn tih pahin ka dar tawn tawn ah chuan a rawn vuan a
"Eng nge thleng" ka mit a en kal chung a a tih chuan ka mumang te chu ka hrilh vek a, ka tai nat zawk dan te a tawp lamah phei chuan ka hlauhthawn luat ah ka ṭap ta hlawp hlawp mai, Liansanga chuan min rawn kuah in ka hnung ah a chuan a chul hliau hliau a engmah a nih loh tur thu te chuan min hnem mawlh mawlh a, ka lu chu ka thing leh nak nak a "aih Liansang damdawiin ah kal mai ang, ka mu thei tawh dawnlo" ka tih chuan sawi buai lem lo chuan kan insiam ta a, tunah zing lam dar 4 a ri lek lek tawh a mahse ka hlauthawng hrih em a ni, a vawi hnih nan a nau chhiat kha ka duh lo hul hual
Damdawiin kan thlen chuan Liansang an a lo be lawk nge night duty ho chuan min lo check nghal zung zung a, ultrasound kan ti nghal a naute che vel leh a lungphu ri ka han hriat chuan ka hahdam ta huai huai mai, Liansanga nen chuan naute lungphu ri chu kan ngaithla dun kar a, a tu a mah mah chu kan ṭawng lo mahni te chuan kan suangtuah na ve ve ah kan cheng a ni. Damdawiin ah chuan rei awmlo in kan inkhalh haw nghal a, khua a var ṭan tawh bawk a kawngsir a chhang kang ho pawh an awm leh ṭeuh tawh, ka ril ṭam deuh vang chuan kan ding kawi a zing kar e ti lo chuan ka rin aiin ka ei hnem phian lehnghal
In kan thlen chuan khua a var uarh tawh a ni pawh a chhuak ṭan tawh bawk, mahse le nizan mu ṭha lo ta chu kan pahnih chuan khum ah chuan kan inthlawh dun ta than a, Liansanga chuan a ban chu min kham tir a ka dul ah chuan a kut leh lam a nghat thlup bawk, kan inhruai leh hnu atang a kan in pawh ber a ni ta hial ang. "Mamte" tiin a thaw hak a tlem in ka lu her deuh in ka han en chho deuh ha a "ka lawm e aw, chance min pek avang in" tiin ka chal ah chuan a rawn fawp vawng vawng a, ka rilru ah chuan thil dang a rawn lang zawk mai, Liansanga hi chance pek ka tum vanga let ka ni miahlo tih hi, ka dinhmun khirh lutuk vang zawk a ni mahse kan cheng dun leh tawh a ka hmangaih ṭhin a ni bawk a alak ah hian a hma ang chuan ka hel tawh lo khawp mai
"Liansang" ka tih hluai chuan min rawn chhang vat in "naute hi mipa nge a nih i rin hmeichhia" ka ti nghal thawr a a inngaih tuah ve nge a ngawi vang vang a "hmeichhia chu ka duh zawk a mahse mipa a nih ka ring" a tih sup chuan "ngati maw" ka ti let ve nghal a "rai i haw lo tawh em a, ka ṭhiante ho ka lo rawn a internet ah te ka en kual a, rai an huat loh viau chuan mipa a ni duh a intia" a tih ve luam chuan ka nui chhuak hak a, ka hriat loh in naute chu a lo ngaihven ve khawp tih ka hriat chuan min ti lawm ve tlat, ka khi ve var var mai "keichu hmeichhia a nih ka ring deuh zawk" ka ti ve thung a "kan inchawi dawn em mi niang" a rawn tih chuan nui hak hak in a naupan chhiat thu chu ka hrilh ve nghal a
Ka harh leh meuh chuan chawhma dar 11 a lo ri vang tawh mai, kan room ni in a rawn chhun at bawk nen a lum ka ti kher mai, Liansanga chu a lo mu tawh lo a hna a kal daih tawh a nih ka ring, room ah chuan ka in wash nghal thuai thuai a ka thlan ban chap nen a rem em a tih thu ah ka in tleuh nghal daih bawk, ka inbual zo ka inthlak a muang chang chuan ka chhuak phei ta nghal a, ka rin loh deuh in Liansanga a lo la awm teh mial a ka chhuak chu min lo be nghal vat a "Mamte zanin ah kan hospital in rising day kan hmang dawn a, min tel pui thei ang chu tiraw" min ngaichang taka a tih chuan ka in ngaihtuah deuh vang vang a
Kan inṭhen hnu ṭang khan vawikhat mah midang hmuh turin kan la chhuak dun leh lo a tih theih ang chu, tukin zing ah damdawiin kan kal dun kha ala ni rih mai. A tam zawk chuan kan inhruai leh tih pawh hi an hre kher in ka ringlo, kan inṭhen tih te an hriat ran nen hian kan inhruai leh tih lam chu an ngaihven vak lem lo nge ni.
Liansanga chu zui ve chu ka tum ta pauh chu ania, ka peih lem lo viau na a mi zawhna ti tam belh tu nih hi ka peih tawhlo. Mi tlem a zawng in kan inhruai tih te an hre ve ngei dawn hospital lam an nih ngat phei chuan nizan lawk ah kan kal a, ka han zui ve loh chuan thu awihawm tak tak dawt ni si hi a vir kual thui mah mah ṭhin. Liansanga chu hna kal turin a chhuak tawh a hna nei ve tawh lo chu tih tur ka neilo khawp mai, in lah han tih fel tur em em a awm silo a room ah chuan pheiin ka mu zal ta mai mai a
Ka phone ka thai ka thai lai chuan Jacob an min lo call teh hlawl a, ka pick nghal vat bawk "teh hlawl che chuan" a rawn ṭawng hma chuan ka tih khalh nghal a "Nia tunlai chu kan buai char char lutuk a, in inhruai leh tih te ka lo hria a" a rawn tih chuan ṭha tak chuan ka hrilh ve luam a "aaaa Mamte ka rawn biak chhan zawk tak che chu nakum lamah hian Mizoram ah coaching center rawn hawn te ka tum deuh a, nang hna i bang tawh tho bawk a ka rawn sawm deuh tawp che engmag ti lo a awm mai mai aiah" a rawn tih chuan ka han ngaihtuah a a ṭha dawn riau in ka hria, nau pawh ka nei tawh ang nga chung hunah chuan coaching te chu full time a ni lo a, a ṭhat hmel khawp mai
Jacob-a nen kan inbiak zawh chuan ka pum ri rak rak vang chuan ka tho chhuak leh a, eitur te ka siam a ka ei zawh meuh chuan muang chang a insiam hun a ni chho ṭan ti tih tawh mai bawk nen room ah ka sam vel chu ka buaipui nghal a, zanriah ei nghal tur kan ni bawk a kan kal har lutuk erawh ka ring lo. Ka insiam zawh hma chuan Liansanga pawh a lo thleng a ka insiam zo chu kan inzui chhuak ta nghal a
A hmun kan thlen pawn mi an lo awm ve nual tawh mai, tunlai ah chuan mi hi kan punctual tawh a hun hi kan vawng dik tlangpui tawh in ka hria, thil tih nikhua reng reng a tlai pawl a ṭan te hi mi pangngai lo zia hi ka ti khawp ah. Khawhar in ah te hian duh ai hian kan kal tlai mah mah ṭhin, a mawilo khawp mai. Zanriah kan ei zo a function te an ti mawp mawp a, ka rin ai daih in zu a zalen Liansanga erawh chu motor khalh tur ka nia tiin a in ve ta lo a, sawi takah chuan ka car kha Hruaia te khan an lei ta daih a lei tih ah a thlawn tawp a in pek aiah sum tlem a zawng min pe ve a nimai, nau ka lo pai bawk nen khalh reng chi ka ni tawh silo a, an ni lah scooty a inphur reng turin nau an lo pai ve tho nen phal taka lei tir ka ni
Kei te chu Pathian zarah ka dam ang nga ka college thawh laia ka hlawh khawl pawh kha ala ṭha hnem viau chu thuhran kum thar lamah te hna in min hmuah hmel zawk a, a ṭha vek ah ka ngai mai. Liansanga leh Alex-a titi mawlh mawlh lai chuan Puipuii ngei mai kha kan lam panin a rawn kal a, ka rin ang ngeiin kan zawn ah chuan a tawp ta chat mai, ala rawn nui sang zui Liansanga nupui zawk ni mahila a confi vel lutuk chu keimah hi ka lai hu mai, ka zam a ni ber ang chu
"Liansang ka be lawk duh che" no hnap a a rawn tih chuan Alex-a zawk chuan ka mitmei veng takin kaih sawn a tum a Puipuii chu lo tal sawn in a din ngai chuan a ding leh a "ti hian sawi rawh" Liansang an a rawn tih tak nghut ah chuan Puipuii chu thaw hak in "ka rai" a rawn ti ta mai a nih chu. Ka ngaihtuah na te chu chawl nghal ṭhup in chil ka lem dawk ringawt kan vai chuan kan ngawi ṭhap nimai in ka hria nilo kan vai chu sawiloh ka beng ah chuan hall chhung a awm zawng zawng chu kan reh vek, midang chuan kan thusawi an hre pha lo tih erawh ka hre chiang viau lawi a
Liansanga chu za lo zet a rawn nui hawk in Puipuii chu ava pan hnai a "min rawn zui rawh" tih pah hian a pawt nghal dawr dawr a, an kal liam chu ka lo enliam tawp ka awmdan hrilh hai thlak lutuk vang chuan Alex-a zawk chu rawn ṭawng chhuak in "Mamte lungngai lo phawt rawh ṭhianpa hi ka hre chiang a a ching fel mai ang" a rawn tih chuan ka awmdan chu in siam rem in za lo zet chuan ka nui hak a, ka rilru chuan a rai alawm engtin nge a chinfel ang ka ti thung. A rai lo ang ti ngawt turin an mudun ngei tawh si, tunah chuan ka tan lo awih loh ngawt theih ni tawh hek lo
Liansanga te chu an rei tak em vang chuan Alex-a chuan min thlah ta tawp a, in ka thlen chuan inthlak pawh inthlak lo chuan khum ah chuan ka bawk thlawp a, ka thaw chhuak nghal ham ham bawk ka rilru hi a na nge na lo pawh ka hrethiam lo engtia han awm zel tur nge ni ang ka thaw i pik lutuk chu tho leh hluai in Bathroom ah chuan ka va ṭawngṭai ta tawp a
"Lalpa ka hun tawn hi a harsa in nangmah hlatsan phah nan che ka hmang fo ṭhin, nangin mi ngaidam la nang lo chu belh tur dang reng ka neih loh zia te min hriat nawn tir turin ka nun ah harsatna ka tawk leh a ni a, Lalpa tawrh chhuah dan min zirtir la nangin min ti chak la, eng pawh lo thleng se i remruat te hi pawmthiam thei turin nangin min pui ang che" Ka ṭawngtai zo chu ka veng hawk hran lo mahse ka ngaih erawh a ṭhat phah viau thung
#################
Kan va reh rei ngar ngar ve tiru, a inthlahrun awm ka ti lutuk a mahse damloh thil hichu kan thu a ni silo a, tlem in ka rilru ka ti nuam lui a mahse in comments pawh ka chhiar ngam hrih lo tawp ania. Zanin ah pawh hei kan la complete thei lo deuh a nia, min lo hrethiam leh mai aniang chu link ngai ah hian zawm kan tum ang aw. Kan han damloh chiah hian dam hlut zia te hi kan hre chhuak thar a, chuvang in kan dam ṭhat lai te hian mahni in hlut thiam in kan taksa tichhe thei zawng thil kha chu i insum hram hram ang u
Show post links
Top
Mampuia leh hmeichhe naupang hian min lo nuih sen sen a an pahnih chuan an hlim hmel kher mai naupang te chuan ban hi min lo vai lauh lauh a "Anu" hi a rawn ti bawk, hrilh nawn ngailo in ka fa ngei kha a ni hmeichhe naupang ni tawh in Mampuia nen chuan an lo inkai a Mampuia chu rawn ṭawng ve in "Mamte tun bak chu kan rawn tlawh tawh lovang che kan kal a hun tawh dawn a" zaidam zet hian a rawn ti a ṭawng ve ka tum chuan engmah ka sawi thei ve lo "min lo ngaihtuah tawh lo la i nun ah khan hun harsa tak tawh chang te i la nei dawn belh tur dik Isua lo bel ang che aw" ti leh in hmeichhe naupang chu kai in an ral ta riai riai a
Ka harh nghal hlawl mai thlan in min lo bual huh vek a ka ṭhu chhuak nghal a, tui ban mai ka tum chuan ka tai a rawn in pawt zawk chu ka inrin hma in ka au deuh ṭhat mai, ka thawm ah chuan ka bula mu Liansanga chu a rawn harh nghal a "i ṭha em" tiin min rawn buaipui nghal vat bawk, ka mumang kha hre chhuak zawk in hlauhthawn na in min tuam nghal up up mai, mangang zet chuan Liansanga chu ka en a "Liansang naute hi ih ka duhlo a ṭha lo in ka hria" ka ti bah nawk nawk a, Liansanga chuan min rawn hnaih chilh vatin "Mamte" thuk raih a rawn tih pahin ka dar tawn tawn ah chuan a rawn vuan a
"Eng nge thleng" ka mit a en kal chung a a tih chuan ka mumang te chu ka hrilh vek a, ka tai nat zawk dan te a tawp lamah phei chuan ka hlauhthawn luat ah ka ṭap ta hlawp hlawp mai, Liansanga chuan min rawn kuah in ka hnung ah a chuan a chul hliau hliau a engmah a nih loh tur thu te chuan min hnem mawlh mawlh a, ka lu chu ka thing leh nak nak a "aih Liansang damdawiin ah kal mai ang, ka mu thei tawh dawnlo" ka tih chuan sawi buai lem lo chuan kan insiam ta a, tunah zing lam dar 4 a ri lek lek tawh a mahse ka hlauthawng hrih em a ni, a vawi hnih nan a nau chhiat kha ka duh lo hul hual
Damdawiin kan thlen chuan Liansang an a lo be lawk nge night duty ho chuan min lo check nghal zung zung a, ultrasound kan ti nghal a naute che vel leh a lungphu ri ka han hriat chuan ka hahdam ta huai huai mai, Liansanga nen chuan naute lungphu ri chu kan ngaithla dun kar a, a tu a mah mah chu kan ṭawng lo mahni te chuan kan suangtuah na ve ve ah kan cheng a ni. Damdawiin ah chuan rei awmlo in kan inkhalh haw nghal a, khua a var ṭan tawh bawk a kawngsir a chhang kang ho pawh an awm leh ṭeuh tawh, ka ril ṭam deuh vang chuan kan ding kawi a zing kar e ti lo chuan ka rin aiin ka ei hnem phian lehnghal
In kan thlen chuan khua a var uarh tawh a ni pawh a chhuak ṭan tawh bawk, mahse le nizan mu ṭha lo ta chu kan pahnih chuan khum ah chuan kan inthlawh dun ta than a, Liansanga chuan a ban chu min kham tir a ka dul ah chuan a kut leh lam a nghat thlup bawk, kan inhruai leh hnu atang a kan in pawh ber a ni ta hial ang. "Mamte" tiin a thaw hak a tlem in ka lu her deuh in ka han en chho deuh ha a "ka lawm e aw, chance min pek avang in" tiin ka chal ah chuan a rawn fawp vawng vawng a, ka rilru ah chuan thil dang a rawn lang zawk mai, Liansanga hi chance pek ka tum vanga let ka ni miahlo tih hi, ka dinhmun khirh lutuk vang zawk a ni mahse kan cheng dun leh tawh a ka hmangaih ṭhin a ni bawk a alak ah hian a hma ang chuan ka hel tawh lo khawp mai
"Liansang" ka tih hluai chuan min rawn chhang vat in "naute hi mipa nge a nih i rin hmeichhia" ka ti nghal thawr a a inngaih tuah ve nge a ngawi vang vang a "hmeichhia chu ka duh zawk a mahse mipa a nih ka ring" a tih sup chuan "ngati maw" ka ti let ve nghal a "rai i haw lo tawh em a, ka ṭhiante ho ka lo rawn a internet ah te ka en kual a, rai an huat loh viau chuan mipa a ni duh a intia" a tih ve luam chuan ka nui chhuak hak a, ka hriat loh in naute chu a lo ngaihven ve khawp tih ka hriat chuan min ti lawm ve tlat, ka khi ve var var mai "keichu hmeichhia a nih ka ring deuh zawk" ka ti ve thung a "kan inchawi dawn em mi niang" a rawn tih chuan nui hak hak in a naupan chhiat thu chu ka hrilh ve nghal a
Ka harh leh meuh chuan chawhma dar 11 a lo ri vang tawh mai, kan room ni in a rawn chhun at bawk nen a lum ka ti kher mai, Liansanga chu a lo mu tawh lo a hna a kal daih tawh a nih ka ring, room ah chuan ka in wash nghal thuai thuai a ka thlan ban chap nen a rem em a tih thu ah ka in tleuh nghal daih bawk, ka inbual zo ka inthlak a muang chang chuan ka chhuak phei ta nghal a, ka rin loh deuh in Liansanga a lo la awm teh mial a ka chhuak chu min lo be nghal vat a "Mamte zanin ah kan hospital in rising day kan hmang dawn a, min tel pui thei ang chu tiraw" min ngaichang taka a tih chuan ka in ngaihtuah deuh vang vang a
Kan inṭhen hnu ṭang khan vawikhat mah midang hmuh turin kan la chhuak dun leh lo a tih theih ang chu, tukin zing ah damdawiin kan kal dun kha ala ni rih mai. A tam zawk chuan kan inhruai leh tih pawh hi an hre kher in ka ringlo, kan inṭhen tih te an hriat ran nen hian kan inhruai leh tih lam chu an ngaihven vak lem lo nge ni.
Liansanga chu zui ve chu ka tum ta pauh chu ania, ka peih lem lo viau na a mi zawhna ti tam belh tu nih hi ka peih tawhlo. Mi tlem a zawng in kan inhruai tih te an hre ve ngei dawn hospital lam an nih ngat phei chuan nizan lawk ah kan kal a, ka han zui ve loh chuan thu awihawm tak tak dawt ni si hi a vir kual thui mah mah ṭhin. Liansanga chu hna kal turin a chhuak tawh a hna nei ve tawh lo chu tih tur ka neilo khawp mai, in lah han tih fel tur em em a awm silo a room ah chuan pheiin ka mu zal ta mai mai a
Ka phone ka thai ka thai lai chuan Jacob an min lo call teh hlawl a, ka pick nghal vat bawk "teh hlawl che chuan" a rawn ṭawng hma chuan ka tih khalh nghal a "Nia tunlai chu kan buai char char lutuk a, in inhruai leh tih te ka lo hria a" a rawn tih chuan ṭha tak chuan ka hrilh ve luam a "aaaa Mamte ka rawn biak chhan zawk tak che chu nakum lamah hian Mizoram ah coaching center rawn hawn te ka tum deuh a, nang hna i bang tawh tho bawk a ka rawn sawm deuh tawp che engmag ti lo a awm mai mai aiah" a rawn tih chuan ka han ngaihtuah a a ṭha dawn riau in ka hria, nau pawh ka nei tawh ang nga chung hunah chuan coaching te chu full time a ni lo a, a ṭhat hmel khawp mai
Jacob-a nen kan inbiak zawh chuan ka pum ri rak rak vang chuan ka tho chhuak leh a, eitur te ka siam a ka ei zawh meuh chuan muang chang a insiam hun a ni chho ṭan ti tih tawh mai bawk nen room ah ka sam vel chu ka buaipui nghal a, zanriah ei nghal tur kan ni bawk a kan kal har lutuk erawh ka ring lo. Ka insiam zawh hma chuan Liansanga pawh a lo thleng a ka insiam zo chu kan inzui chhuak ta nghal a
A hmun kan thlen pawn mi an lo awm ve nual tawh mai, tunlai ah chuan mi hi kan punctual tawh a hun hi kan vawng dik tlangpui tawh in ka hria, thil tih nikhua reng reng a tlai pawl a ṭan te hi mi pangngai lo zia hi ka ti khawp ah. Khawhar in ah te hian duh ai hian kan kal tlai mah mah ṭhin, a mawilo khawp mai. Zanriah kan ei zo a function te an ti mawp mawp a, ka rin ai daih in zu a zalen Liansanga erawh chu motor khalh tur ka nia tiin a in ve ta lo a, sawi takah chuan ka car kha Hruaia te khan an lei ta daih a lei tih ah a thlawn tawp a in pek aiah sum tlem a zawng min pe ve a nimai, nau ka lo pai bawk nen khalh reng chi ka ni tawh silo a, an ni lah scooty a inphur reng turin nau an lo pai ve tho nen phal taka lei tir ka ni
Kei te chu Pathian zarah ka dam ang nga ka college thawh laia ka hlawh khawl pawh kha ala ṭha hnem viau chu thuhran kum thar lamah te hna in min hmuah hmel zawk a, a ṭha vek ah ka ngai mai. Liansanga leh Alex-a titi mawlh mawlh lai chuan Puipuii ngei mai kha kan lam panin a rawn kal a, ka rin ang ngeiin kan zawn ah chuan a tawp ta chat mai, ala rawn nui sang zui Liansanga nupui zawk ni mahila a confi vel lutuk chu keimah hi ka lai hu mai, ka zam a ni ber ang chu
"Liansang ka be lawk duh che" no hnap a a rawn tih chuan Alex-a zawk chuan ka mitmei veng takin kaih sawn a tum a Puipuii chu lo tal sawn in a din ngai chuan a ding leh a "ti hian sawi rawh" Liansang an a rawn tih tak nghut ah chuan Puipuii chu thaw hak in "ka rai" a rawn ti ta mai a nih chu. Ka ngaihtuah na te chu chawl nghal ṭhup in chil ka lem dawk ringawt kan vai chuan kan ngawi ṭhap nimai in ka hria nilo kan vai chu sawiloh ka beng ah chuan hall chhung a awm zawng zawng chu kan reh vek, midang chuan kan thusawi an hre pha lo tih erawh ka hre chiang viau lawi a
Liansanga chu za lo zet a rawn nui hawk in Puipuii chu ava pan hnai a "min rawn zui rawh" tih pah hian a pawt nghal dawr dawr a, an kal liam chu ka lo enliam tawp ka awmdan hrilh hai thlak lutuk vang chuan Alex-a zawk chu rawn ṭawng chhuak in "Mamte lungngai lo phawt rawh ṭhianpa hi ka hre chiang a a ching fel mai ang" a rawn tih chuan ka awmdan chu in siam rem in za lo zet chuan ka nui hak a, ka rilru chuan a rai alawm engtin nge a chinfel ang ka ti thung. A rai lo ang ti ngawt turin an mudun ngei tawh si, tunah chuan ka tan lo awih loh ngawt theih ni tawh hek lo
Liansanga te chu an rei tak em vang chuan Alex-a chuan min thlah ta tawp a, in ka thlen chuan inthlak pawh inthlak lo chuan khum ah chuan ka bawk thlawp a, ka thaw chhuak nghal ham ham bawk ka rilru hi a na nge na lo pawh ka hrethiam lo engtia han awm zel tur nge ni ang ka thaw i pik lutuk chu tho leh hluai in Bathroom ah chuan ka va ṭawngṭai ta tawp a
"Lalpa ka hun tawn hi a harsa in nangmah hlatsan phah nan che ka hmang fo ṭhin, nangin mi ngaidam la nang lo chu belh tur dang reng ka neih loh zia te min hriat nawn tir turin ka nun ah harsatna ka tawk leh a ni a, Lalpa tawrh chhuah dan min zirtir la nangin min ti chak la, eng pawh lo thleng se i remruat te hi pawmthiam thei turin nangin min pui ang che" Ka ṭawngtai zo chu ka veng hawk hran lo mahse ka ngaih erawh a ṭhat phah viau thung
#################
Kan va reh rei ngar ngar ve tiru, a inthlahrun awm ka ti lutuk a mahse damloh thil hichu kan thu a ni silo a, tlem in ka rilru ka ti nuam lui a mahse in comments pawh ka chhiar ngam hrih lo tawp ania. Zanin ah pawh hei kan la complete thei lo deuh a nia, min lo hrethiam leh mai aniang chu link ngai ah hian zawm kan tum ang aw. Kan han damloh chiah hian dam hlut zia te hi kan hre chhuak thar a, chuvang in kan dam ṭhat lai te hian mahni in hlut thiam in kan taksa tichhe thei zawng thil kha chu i insum hram hram ang u
Show post links
Top
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
Liansanga chu dar 12 rik dawn ah a rawn haw ve a kan inhruai leh hnu a a vawikhat nan zu rim a rawn nam bawk, min be lo chuan a inthlak mawlh mawlh a, a inthlak fel zawh chuan ngawi reng in a rawn mu a lem lam a hawi nghal daih bawk. A awmdan chu ka run ang reng khawp mai a mahse inhnial buai ka peih ngang loh vangin ka ngawi ta zawk a, a thil ti sual tu zawk ni si inthiamloh ngawih ngawih awm si hi heti te a a awm ni.
Ka mu meng kar a ka ngaihtuah na chu a kal thui khawp mai, Liansanga fa a lo nih tak tak chuan ka tan a tlawm thlak dawn khawp mai, kan inneih lai reng a sawn mi thlak san a ni mai dawn sia, han ṭhen leh ringawt dawn inla kan inhruai na thlakhat em pawh ala nilo a, han haw leh ngawt lah a ni bawk silo, chumai bakah inhruai leh ka duh chhan kha ka hriat reng a ngai tel bawk , kan in lamah let leh ngawt pawh ni ila kan buaina ngai bawk ah khan kan buai lovang tih a sawi theih tlat loh a, ka thaw a pik hluah hluah mai
A tuk zing ah chuan hma zet in ka tho a mut te hi rilru kap tu an awm ṭeuh hichuan a lo har khawp a nih hi, ka kum ngaihtuah in puitling tawh viau mahila ka rilru lo la naupan ṭhin zia te ka in hmu chhuak telh telh a, hmeichhia chu puitling tawh ang viau in han lang teh mahila pasal fanau kan lo neih hma hichu kan lo puitling famkim bik lo a lo nih hi. Nu nihna rahbi kan han rah chhoh chiah hian zirtur kan lo la ngah zia te hi ka hre thar uarh uarh mai
Eirawng ka bawl lai chuan Liansanga chu a rawn tho chhuak a, a inthiamlo ve ta nge min rawn be ta nghal a, ṭha deuh chuan ka lo chhang ve zel tho "Mamte ka fa a nilo tih ringawt dawn in thil thleng a lo awm tawh sia, thla ruk nghak ila dna test turin chumi hma chu hmalak ka tum rih lo" a rawn ti ve ta nge nge a, lo thaw chhuak hak in
"Liansang diktak in ka rilru put hmang ka hrilh ang che" tiin ka chawl leh dat a thawk ka la leh halh a "diktak chuan tunah hian ka na nge na lo tih pawh hrelo khawp in ka rilru hi a mang tawh, a chang hichuan inkawp tur kan ni em tih hi ka in zawt nawn fo ta mai, kan in tawn atang khan hlim lai aiin lungngaih lai hreawm lai kan ngah zawk tlat, kum khat dawn chauh kan la in hria mahse harsatna kan tawk hnem mah mah tawh in i hre ve em" ka ti ta thlawt a, min chhang zui ta lo
Ni e mi te ang in kan la tawk hnem lo in ti pawh a ni mahna mahse le nula nun nuam pangngai nun tluang purh ṭhin tan kha chuan hun reilo te chhung hian ka tuar hnem ta mah mah in ka inhria, a chang hichuan Pathian remruat loh dan a mihring in rem kan lo ruat ve ṭhin vang hian harsatna te hi kan lo tawk reng ṭhin zu nia. Hla thu ah te pawh kan lo hmuh tawh kha
"Kan harsatna te hi engvang nge
Keimah nin kan thlen leh siam a ni"
tih a nih kha, mahse tunah erawh chuan siamṭhat duh eng ang mahila ka dinhmun in a zir hrih silo a le
Liansanga hna kal turin a chhuak tawh a keipawh ka nu te in lamah len phei tumin ka chhuak ve chiah bawk, lirthei nei tawh lo chu taxi ka phar nghal a kan in lam pan chuan kan tlan ta nghal par par a, hna ka neih tawh loh atang hian Liansanga hian engmah sawi lovin ka account ah a khat tawkin pawisa a rawn thun ve reng a, ka sawisel lem lo a fa ka pai a ka inthlahrung buai vel duh tawh lo, tihian kan chin a hriat tawh lo lehnghal a lo inkhawl ruk deuh pawh a fin thlak lam a ni tawh
Ka nu chuah chu kan chanchin chu ka hrilh ve ta a, khawi ah mah a darh dawn lo tih ka hre bawk a ka hrilh fai ta vek a, ka nu rilru tak pawh a buai khaw mai, hma min han lak pui dan vak tur pawh a hre tawh lo, Liansanga min lo neih tir a inchhir thu a khat tawkin sawi leh tih mai loh chu sawi tur a hre bik lo a ni e, ka haw dawn hnaih chuan Liansang an min rawn call a, ka awmna min rawn zawt a ka nu te ina ka kal thu leh ka haw dawn chiah thu chu ka hrilh ve nghal a, a rawn thaw deuh huai ni maiin ka hria, a aw rawn chhuak leh chu a hahdam hmel ta em a
Kar a liam a Liansanga nen chuan nupa pawh nilo in ṭhian satliah kan ang ta khawp mai, keimah hian ka hnaih tim ta tlat mai a ani chuan a theih tawp chuan min hnaih a tum tih chu ka hria mahse keimah hi ka inla hrang ta tlat thung a ani pawn hrethiam in min ti lui ngailo, min biak vel erawh chuan ṭha takin ka chhang vek thung, thinlung takin ka pawh thei hrih lo a ni ber e.
Chaw kan eikham ka seng fel lai chuan ka phone chu a rawn ri a ka la hman mai silo a hnu chuan a rawn ri leh ta char char a, ka thil tih lai chu dah in phone chu ka la ta a, Mary chu lo niin ka chhang ta nghal vat a "Mamte eng nge thil awmzia hi, Liansanga chu ka rin ang a nilo tawp mai" a rawn ti nghal mawlh mawlh a ka bo hu mai "eng nge i sawi awmzia" man lo lutuk a ka tih chuan "whatsapp kha lo en phawt teh" tiin kan inbiak na chu a ti tawp zui nghal a, couch ah chuan thu in WhatsApp ah chuan ka lut nghal a, group ah chuan min mention na noti a lo tam khawp mai chung ho chu en kan hrih in Mary private message zawk chu ka hawng a, pic chu ka download nghal a
FB post a screenshot a lo ni thlalak an post tel ah chuan Liansanga nu leh Puipuii hi in nel hmel zet hian an lo nui dun a, caption chu ka chhiar nghal a "Doctor Liansangpuia nupui hual thar, tunah hian Doctor Liansanga fa a pai mek bawk nia hriat a nia, Dr.Liansanga nu nen pawh an inhuat loh hmel kher mai" tih hi a lo ni ka chhiar zo chu ka bing mup mup mai, Mary chuan a link min lo thawn tel a, ka va lut ve nghal a comment chu ka tan hmuh a hreawm khawp mai ka chungchang a ri tel teuh a tin ni
Ṭhenkhat in kan inhruai leh thu an sawi a min ṭan tawk lah an awm, ṭhenkhat lah chuan keimah zawk fiamthu thawh nan a min hmang let in 'an nu kha a tlan leh tawh aniang chu, hmeichhe tlan reng te tunge nei reng peih ang' tih te a ni nuk hlawm mai, ka thaw pik hluah hluah chu ka phone chu ka dah a, ka bing mup mup a thawk chhuah ka tum lahin ka thaw a chham mai dawn in ka hria, ka ku te chu a hai muai muai a thei leh thei lo in ka phone chu ban in ka recent call a awm Mary chu ka dial nghal tawk tawk a, Mary'n hello a rawn tih lauh lauh pawh chu la hrethei mahse engtin nge ka chhan ka hre zui tawh lo
Ka mit ka men chuan in chung var pup leh light eng vang chuan ka chhing leh sawk a, muangchang chuan ka meng chhuak leh a damdawiin ah ka lo awm chu niin, ka nu leh Mary an lo awm a u Cindy-i a lo awm tel bawk "i lo harh tawh maw" ka nu chuan dam diai chuan a rawn tih chuan ka lu ka chet zeuh a, ka nu chuan rilru nat hmel zet a min en in "Mamte lo haw mai ta che" a rawn tih chuan ṭhen sak in ka nui lui a, "nu kan duhthlan sual ah kan tawrh ve tur hrih a nih hi" tih zawng in ka chhang
Pathian remruatna nghak hman lovin mihring in rem kan ruat a, mahse Pathian rem tih loh na na na hichu eng ang pawn tih hlawhtlin tum ṭhin mahila a hlawhtling thei ngai dawn lo tih hi ka hre thar khawp mai, Abrahama leh Sari pawh khan Lalpa huntiam nghak zo lo in an mahni thu in rem an lo ruat ve a, a hnu ah buaina tam tak thlen tu zawk a lo ni reng mai a ni. Liansanga pawh hi neih reng tum na ka nei tawh lo, mahse tunah erawh ka dinhmun en hian ka tan then ala rem hrih silo a, kan tawrh ve tur a ni rih mai.
Ni e ka duh vang a nei ka ni lo keimah chiah in ka tuar emaw in lo ti ang nge, hetia hreawm ka tawrh hian kei aia nasa in ka nu leh pa in an tuar zawk a ni. A thu thlukna siam tu an ni bawk a an tan chuan an fanu neih chhun an hmangaih em em keh theih dawm a an dawm kha ka nia, ka na tuar lai hi hlim takin min en liam mai mai dawn lo tih ka hre chiang bawk.
Nu leh pa te pawn kan fate kan mangan pui luat ah hian an tan lei hremhmun kan siam sak thei tih in hre reng in, miin "a senior tawh zawnpui tawh rawh u" an tih vang ngawt te hian kan lo tur chung ang nge, a hnu a inchhir hi a hlauhawm ania, Lalpa hi a tlai ngailo tih hre reng in an neih har leh Pathian remruat ti ila, an neih lo tak aleh "ani hichu Lalpan kan tan liau liau a min pek a nih hi" ti mai thei ila a va ṭha dawn em
U Cindy-i leh ka nu an haw a Mary'n min awmpui thung, Liansanga te lam a rawn lang lo hrim hrim chu Mary chu ka zawt ta a "Liansanga chu a rawn kal tawh alawm, hna laklawh an nei sia a chhuak leh a, a chhungte chu tumah an lo la kal lo" a tih chuan a ṭha lamah ngai mai teh ang a ni ber a rawn kal chuan ka ti rilru ta a
Damdawiin ah chuan zankhat kan riak a Liansang an min rawn riah pui tho, kan in be tlem khawp mai. Tichuan kan inphur haw ta a "ka nu ten inah min lo nghak a" a tih sup chuan ka bu ve nghauh a, in kan thlen chuan Muanpuii leh Liansanga nu leh pa an lo awm a, ka pa leh Muanpuii chuan min lo be ve luam a, room a kan luh dawn ah chuan ka nu chu rawn ṭawng ve in "Mamtei chu rai hi i la na thei riau in ka hria, mi pawh an rai a ti em em hi an ni ngai pawn ka hrelo, Puipuii pawh kha chutin a la na lo reng reng" a sawi zawh rual chuan Liansang an "Ka nu" a ti deuh ṭhat a, a nu lah chu tum hmak hian a ngawi ta daih a, Liansanga pa in a lo khap ve vat bawk. Ani hi zawng an chhungkua a mi pangngai ber mai hi ania, a fapa te hian an chhun a, a fanu te erawh chu a nu chiah chiah an ni thung
Kan ti nek nek a ka nau pai pawh thla ruk lai a ni ve tawh, ka sawi tawh kha tun ṭum hichu a hmasa ang khân ka la na lo khawp mai a, tunah ngat phei chuan ka ngeih zawk emaw tih tur hian ka vun te a mam in tunlai ṭawng takin ka glow ve khawp mai. Vawin hi ka checkup ni a ni leh tawh a, thla tin Liansanga hian checkup ni hichuan min hruai ve ziah a, chu te mai pawh chu ka lo lawm ve em em tawh mai a ni. Ka hriat chhuah tak chu Liansanga hi ka lo hmangaih ngai reng reng lo tih hi a ni, duhna hi hmangaihna emaw tih hi a lo awl khawp mai
Checkup tur chuan ka in siam mawlh mawlh a ka rilru chuan Liansanga ka nghak raug rauh tawh mai, ka phone a rawn rik chuan phur zetin ka chhang a Liansanga a lo ni ngei bawk, ka pick rual rual chuan "Mamte vawin chu ka hman dawnlo a min lo hrethiam rawh aw pawimawh tih tur ka nei a" a rawn tih chuan lungawi chiah lo mahila ka aw ve mai a, mahni a kal hreh rual ka ni tawhlo a ka huphurh lem lo. In aṭang chuan chhuak in taxi chu ka phar a ka chuang lut nghal a, traffic jam a kan tan lai chuan ka phone a rawn rik leh avang chuan ka pick nghal a Jacob-a a lo ni kan in be khat hle mai, whatsapp ah hian chanchin hi mi rawn zawt ve zeuh zeuh zel na a call tak chuan kan inbe ngai lem lo
"Mamte i dam maw" a rawn ti te te phawt a "Dam e nang ni zawk in dam maw, eng nge ni ta" ka ti ve nghal a "dam ṭha lawm, nia coaching center kha tunkum tawp lam ah hian kan sawn hma a ngaih hmel a, nau i nei hman tawh tho ang nga i inhuam angem" a rawn tih chuan ka lo inngaihtuah tur thu in ka chhang a call chu kan ti tawp nghal a, ka phone ka dah lut zo ka hawi chhuak chu kawngpui leh lam ah chuan Liansanga leh Puipuii ngei mai chu ka va hmu ta, Puipuii pawh a nau pai a lian ve tawh khawp mai kei aiin thla hnih tling lo hret in a pai har zawk nen kei ang em chuan ala lian lo. An pahnih chu ka en ngawt ngawt ka rilru hi a na em pawh ka hre zozai tawh lo, ka thaw hak a traffic jam pawh a reh a kan tlan chhuak ve nghal a
Ka in checkup zo chu Liansang an min lo nghak reng a, mak ka ti khawp mai Puipuii bulah khan ala awm ang chu ka lo ti deuh a. Liansanga hmel chu ka en vang vang a vei nei ṭeuh hmel hi a pu, Puipuii nen ka hmuh dun vel pawh chu ka sawi duh ta lem lo. "Mamte kan inpui ah phei kan ngai a thil pawimawh sawi ho tur kan nei a, chaw pawh kan ei nghal hmel a, inah kawi ngaihna i nei em" a rawn tih nghal zung zung chuan ka neih loh thu a chhang in kan inkhalh chhuak nghal a, Liansanga te in kan thleng a tun ang chhun ah inah an lo awm kim teh ṭhap mai
Liansanga pa chuan ṭhut khawmna ah chuan thu turin min rawn ko a kan vai chuan kan ṭhu ṭhap a, "Mamtei lakah pawh kan inthlahrung khawp mai, mahse kan dan theih rual a ni silo a" Liansanga pa chuan a ti ban charh phawt a "hei Puipuii fa pai kha Mama fa hi a lo ni sia, engtin nge maw kan han tih dawn ni" a rawn ti ta chat mai, ka lungphu chu a rang in a phu nghal dawt dawt mai, ka lo rin ruk mahse ka beisei ngam siloh kha a takin a lo thleng ta, ka rilru chu a na lo ka tih chuan dawt ka sawi a ni ta ve ang le
Ni e Liansanga hi ka hmangaih lo pawh a ni mahna, mahse khang hun reilo te chhung khan ka duh hman em em a ka pasal a ni bawk ah a bula awm te pawh nuam ka ti em em bawk, chu ka innghah na reilo te chhung atan ni ṭhin khan kan inneih lai rengin sawn min thlak san a ni si a, mi pangngai tunge rilru na lo tehreng ang le.
Liansanga chuan sawn man pek a sawi chuan a pa pawh chuan a pawmpui hmel viau mai, keichu ka ngawi reng thung chutia kan ngawih leh tak vek hnu chuan Liansanga nu chu rawn ṭawng in "sawn man pek kher a ngai lo, Bawiha fa ve tho ania sawn nih tir bik kha a khawngaih thlak lutuk" a rawn ti ve ta kher mai, a ṭawng duh dan chuan min khei zak zak khawp mai, Liansanga pa chuan "pek loh ringawt theih a ni si hleinem" a ti ve vut a "Mamtei nau pai lai nen hian an danglam na a awm chuang lo, kan tu ve tur tho alawm" ala rawn tih chuan ka in sum thei ta lo, kan inhruai leh atang thla tam tak a liam tawh a, ṭawngkam mei nei tak tak in a tawng thin pawn zawldawh zawk ah ṭang lui in ka ngawi mai ṭhin a, ka insum thei tawh bik lo
"Eee ka nu in duh phawt chuan sawn man pe suh u, in duh leh mo atan in lo la lut nghal dawn ania, kei chu ka chhuak thung ang, nichin a Liansanga fa a ni tih ka hriat pawh khan rilru na lo ka ni biklo mahse chhuah tumna ka la neilo, mahse i rawn ṭawng dan avang chiah khan ka chhuak ang ka rawn let tawh lo bawk ang. Ka fa leh kha sawn kha an danglam lo i ti maw..........an danglam lutuk an danglam na ka hrilh ang che ka fa chu engtik lai mahin 'hmei fa, sawn, khawlai fa' an ti ve dawn lo, a nu awm khawloh vang a lo piang a ni ve dawnlo, mi pasal laka piang ni ve lo in nupa in kar a piang nge chhungpui fa a nih hi i lo hre dawn ania" ti salh salh in an hriat lai ngei chuan Ka nu ka call ve ta nghal a
Ka nu in a pick rual chuan "Nu min rawn hruai rawh u" ti nghal in min tihdan zawng zawng chu Liansanga te chhungkua chuan an hriat nawn leh ngei na tur in a ring thei ang ber leh chipchiar tak chuan ka nu chu ka hrilh nghal a, ka nu pawn an rawn kal nghal tur thu a sawi bawk, an zavai chuan min en ṭhap hi a ni mai tumah ṭawng tum an awm lo. Liansanga nau Baby i chu ka hriat tur tawk hian "ka rin aiin a nasa daih" a rawn tih chuan nui hak in "ni e Baby in rin ai hian ka nasa ang, in ṭawngtam a zar ah kan inṭhen hmasak pawn thiamloh ka chang ti tih a, lo hre rawg u ka ngawi mai mai tawh dawnlo ka nasat chu thuhran in rin ai hian ka ṭawngthei bawk dawn tih lo hre rawh u" ka ti leh phiar phiar a, Baby i rawn din tum chu apa chuan khap vatin
"Mp Mamtei hi room ah lo va luh pui hrih rawh kan han sawi ho leh ange" a tih chuan Muanpuii chu ka zui ta nghal a "awi Mamte ka rin ai daih in i huai" zawi te a rawn ti in a rawn nui hak a, ka then ve sak ringawt "tak tak in ka nu hian a huat tak vak chhan che i hre duh em" a rawn tih tak ah chuan ka beng a verh zar mai, ni e Liansanga nu hian a hma te kha chuan min tih ṭhat theih khawp kha mawle, lu ka bu nghat a "aww a duh duh a tih kawi theih chi i nilo tih a hre chhuak a, chutah amah aiin nangman U Liansanga i control thei tawh zawk a hei hi a haw lutuk alawm. Kei pawh â deuh ang a ka awm luih tlat chhan te chu buaina ka duhloh vang mai mai alawm" a ti ta reuh a
Ka nu te an lo thleng a ka rin aiin an rawn kal hnem daih mai, ka nu leh pa leh Au Mama te nupa an rawn kal tel a motor pahnih leh bungraw phur an rawn inzui tir bawk. Ka nu te chu an lungawi lo ngang aniang Liansanga te inah chuan sum an rawn chhuah fel nghal a "a bungrua pawh an inlam ami chu kan la phei mai ang" ka nun a tih chuan Liansanga nu chu rawn ṭawng ve in "in va han nasa bawrh bawrh ve" ala rawn ti khanglang chu ka nu thin in a tuar ve ta lo aniang "eee nasa min ti ta sa sa bawk a in mualpho hi in ring tawp ang che u, ka fanu chanchin hi them khat pawh social media vela a ṭhalo zawng a ka hmuh leh rual rual in in chhungkua hi ania ka khin dawn che u" a ti ta hmak mai, ka pa in a lo beng dai vat thung a
Liansanga chuan engmah a sawi lo a nu thiamloh a ni bawk a a ngawi rih a ni mahna. Motor chuan kan in lam pan chuan kan in khalh phei a "Hruaia te an in thiar chhuak a" ka nun a rawn tih chuan ka phawk kher mai "keimah vang ami" ka tih leh chuan "Sangtei sual vang mai mai a ni, amah vangin i tui lo chung i let tih hi kan hai lo, pasal a unau te ngeih thei reng reng lo mai, in pa thin in a tuar ta biklo a indang rawh u a ti a nih kha" ka nun a tih chuan nuamlo ka ti angreng khawp mai
Kan thleng a bungrua chu a load nghal mawlh mawlh a, chutia kan buai lai chuan Liansanga chu a rawn thleng ve hlawl a, ka bulah rawn kalin "inbia ang" a rawn tih chuan ka aw ve mai a, kan room ah chuan kan in zui lut ta a, helai room te hi tun bak chu ka lut leh mai mai tawh awm silo a, "Mamte inṭhen ka duhlo, i duh dan dan in Rinpuii naute pawh chu kan ti dawn nia" ngenngawl taka a rawn tih chuan lu thing in ka thaw hak a "Liansanga ka tuar hnem tawk tawh alawm" tih zawng ka sawi "min hmangaih ve miah lo ami" a rawn tih chuan thaw leh ham ham in
"Liansang uluk deuh in ka sawi hi lo ngaithla rawh" a mit ah tak ka en kar a "kan inneih na hi hmangaihna a nilo" min rawn chhan a tum chuan ka lo pawt chat vat a "a hma in min lo duh pawh a ni thei meuh mai, Liansang kha i rawlthar chhuah lai a duhna kha hmangaihna emaw tiin i ṭhan len pui a nih kha, hmangaihna hi thil ropui tak a ni hriatpawlh awl tak bawk, i naupan lai leh rawlthar laia i duh em em i neih theih loh tura i ngaih kha mi han hmuh leh khan, kha duhna la chambang tlem leh mahni hmasial na belh khawm kha hmangaihna emaw tiin nangmah leh nangmah i inbum a nih kha Liansang, ngun tak in ngaihtuah rawh min hmangaih reng reng lo ania, min atchilh a min duhna kha hmangaihna emaw tiin i ngaih pawlh a nih kha
Kha thil khan thil pawi tak thlen in kan in ti na tawn a, ser thuk tak kan insiam sak a ni. Kan thinlung hliam hi a hliam tu bawkin an ti dam thei tih a sawi a ni ṭhin, mahse maw a chang hichuan hun in a liam pui tur hliam hi a awm ve ania, chu chu kan dinhmun a ni. Nupa inṭhen tur hian in huat kher a ngailo, chuvang chuan kan inkar a chhiat fai vek hma hian kan in kal tir a ngai" ka thusawi chu uluk fe hian a ngaithla a, a rawn thaw chhuak ta hak a, ka thusawi kha a pawm tih ka hre thiam nghal bawk
After 3 years
Class ka lak zawh rual chuan ka phone a rawn ri nghal zat a "ama" rawn ti fan raih ri avang chuan ka khi sak mai, ka fapa Remruatsanga ṭawngthei ṭan tawh hian phone a min rawn biak hi a ching reuh a, ka class lak chhung hichu a putea nen hian an lo indang thei rih a niang chu, a putea ka ti mai a Jacob-a nau Ramthanpuia kha a nia, Ruatsanga hian a ngai bawk a zing ah class la tura ka chhuah rual hian an inah ka drop nghal ṭhin a tlai lam class chauh ka lak vang hian ka fapa tan ka hun a tam thei ang ber ka pe thei bawk a ka lawm viau mai
Liansanga te pawh khan naute hmeichhia an nei a, naute kum khat a tlin dawn ah an innei ta a, ka na lo a ka lawmpui viau zawk. Mipa hichu hmeichhia ai chuan kawppui tur hi an lo mamawh zawk niin a lang, anni chu tunah an rai leh mek tawh, an chanchin hi ka va ngaihven lam nilo in a hriat loh theih ṭhin loh a, Bawihtea pawh a rawn tlawh ve zeuh zeuh ṭhin, kum thum a la tling lo deuh hret a a birthday pawh a lo la kal kim ve ve, Bawihtea hian a pa a ni tih a hrethiam ṭan a, han lian deuh se ṭha takin ka la hrilh fiah ve ang
Ka sual vang nge Bawihtea kum khat birthday khan Liansanga te chhung an rawn tel ve a, midang chu ka be ṭha vek thei na a Liansanga nu erawh ka la be hleithei lo kha ania, tun thleng pawn ka rilru ala danglam ka ringlo.
Hruaia te inthiar chhuak an tih kha an lo inthiar kimlo a khatia kan va thleng phei kha insawn a ngailo tiin keiman ka ti ta bur sia an insawn ta lo a, Bawihtea pian hnu rei vaklo ah kan nufa zawk kan indang ta a, ka nu in nula ṭha deuh mai min hmuh sak bawk a kan awm tawk ve khawp mai, Jacob-a te coaching center ah chuan keipawh ka thawk ve bawk a, Jacob-a hi ka fak khawp mai kawng engkim ah min tuam hlawm hi a ni ber mai, ka laka a rilru put hmang pawh hrelo ka nilo mahse mipa han hnaih leh vel hi ka peih tawh lo mai bak ah fa nei ka ni tawh a ka fapa tan ka nun pum hlan hi ka duh ber tawh, Jacob-a pawh mawi hnai takin ka hnar a "min duhlo mahla in nufa hian ka enkawl che u min phalsak rawh" a ti mauh mai a ka hnial buai lem lo
Ruatsanga tho peih lo reuh lutuk chu ka nuih a ti za reuh lutuk a, "ama ka lo kal velo mai ang" a tih nang nang chuan "het i lo kalloh chuan engtin nge ka tih kha" ka tih chuan rawn meng ve diar diar in "A putea leh nanau in min ngai ang nga an cry ang" fiah lo deuh a a tih chuan ka bu nghat , ka fapa chu ka siam a kan nufa chuan kan inkhalh chhuak ta nghal a. Thlanmual ah chuan ka motor chu ka ti ding dat a Mampuia thlan lam pan chuan kan nufa chuan kan in kai thla ve hnak hnak a
Ruatsanga hian Mampuia hi a pu duh miahlo a, a putea a ti tlat a Pu chu "pupu leh Apu Mama ka nei lawm ama" a ti tlat reuh a, a tir ah han hauh tum viau mahila ka nun *auh tir mai mai rawh, Mampuia te zawng i nau ang tluk tho alawm a nih" tiin a nuihpui mai mai a, Putea ka tih tir ta a. Vawin hi Mampuia thihcham ania class chawlh ka dil a Jacob-a pawn min lo hrethiam khawp mai phal takin min chawlh tir a
Kan pangpar ken chu thlan ah chuan kan dah a, ṭhut hmun te rem in "Mampui Bawihpuia hi a lian ve tawh ania, a chang hichuan inan na hi in ngah ka ti thei khawp mai, kan nufa hian kan hlim ve teh ania aw" tiin ka nui leh hak a "ka ngai ṭhin khawp mai che, tunah chuan nangni chuan min rawn hre tawh awm der silo a, a chang hichuan ka la inthiamlo fo mai, mahse nang chu i hlim tawh alawm tiraw" tiin mit chu ka chhing ta vang vang a , ka mitthla ah chuan Mampuia leh hmeichhe naupang khan ban min lo vai leh lauh lauh in ka phar ve dawn chiah tih ah, aw ri fiah lo zet hian "AMA" a rawn tih chuan ka harh zawk a, kan nu fa chuan thlanmual chu kan chhuahsan ta a.
Ka nun a ka harsatna tawh atang hian thil tam tak zir chhuah ka nei a, mihring remruatna chu engmah lo mai a nih zia leh vawi leh khat a ṭhian thei tu Pathian lamah zawk rilru kan dah alo ṭul zia te ka hre thar a
Hmangaihna ropui tak hian a ṭha zawng a rah ṭha tam tak a neih laiin, he hmangaihna vek hi hriatpawlh awl tak mai hi alo nia, hmangaihna in min tih nat fo chin ah chuan chu hmangaihna chu hmangaihna a nilo tih i pawm ngam in engpawh tuar huam a kan kalsan a ngaih chang te a lo awm a, hmangaihna ni mai lo hmangaihna dik tak chuan min ti na ngai lo tih hi kan hriat reng a lo ngai a ni ........
A TAWP TA
# Pathian zarah ka story hmasa ber chu ka han complete leh thei ta ania, he story ka complete theih na chhan lian ber chu Pathian a nih rual in nang ni a lo chhiar tu leh comments ṭha tak tak min pe tu te hi in ni a, in tan liau liau a ziak ka nih ang in in hlut loh chuan he story hi kal ngaihna a awm dawnlo hrim hrim a, in lo hlut der ve avang hian thinlung takin lawmthu ka sawi duh a ni
A dawt leh ah chuan harsatna tawk in ka han chawl leh vang vang thin a, ka harsatna te hrethiam taka ka thlavang lo hauh hram hram ṭhin te ho kha ka hre reng cheu a, ka complete theih nan a mi pawimawh ber te in ni e.
A sap tawng takin last but not least Sir Ngaia chung ah pawh lawmthu sawi ka duh, zan rei tak tak ah ka lo dah chang ten ka va be tawp tawp a, a chang leh min lo nghak rawh ka tia min nghah thlawn chang te a lo awm bawk, a fel in mi hriatthiam na ngah ka ti khawp mai
In za vai chung ah KA LAWM E
Show post links
Top
Ka mu meng kar a ka ngaihtuah na chu a kal thui khawp mai, Liansanga fa a lo nih tak tak chuan ka tan a tlawm thlak dawn khawp mai, kan inneih lai reng a sawn mi thlak san a ni mai dawn sia, han ṭhen leh ringawt dawn inla kan inhruai na thlakhat em pawh ala nilo a, han haw leh ngawt lah a ni bawk silo, chumai bakah inhruai leh ka duh chhan kha ka hriat reng a ngai tel bawk , kan in lamah let leh ngawt pawh ni ila kan buaina ngai bawk ah khan kan buai lovang tih a sawi theih tlat loh a, ka thaw a pik hluah hluah mai
A tuk zing ah chuan hma zet in ka tho a mut te hi rilru kap tu an awm ṭeuh hichuan a lo har khawp a nih hi, ka kum ngaihtuah in puitling tawh viau mahila ka rilru lo la naupan ṭhin zia te ka in hmu chhuak telh telh a, hmeichhia chu puitling tawh ang viau in han lang teh mahila pasal fanau kan lo neih hma hichu kan lo puitling famkim bik lo a lo nih hi. Nu nihna rahbi kan han rah chhoh chiah hian zirtur kan lo la ngah zia te hi ka hre thar uarh uarh mai
Eirawng ka bawl lai chuan Liansanga chu a rawn tho chhuak a, a inthiamlo ve ta nge min rawn be ta nghal a, ṭha deuh chuan ka lo chhang ve zel tho "Mamte ka fa a nilo tih ringawt dawn in thil thleng a lo awm tawh sia, thla ruk nghak ila dna test turin chumi hma chu hmalak ka tum rih lo" a rawn ti ve ta nge nge a, lo thaw chhuak hak in
"Liansang diktak in ka rilru put hmang ka hrilh ang che" tiin ka chawl leh dat a thawk ka la leh halh a "diktak chuan tunah hian ka na nge na lo tih pawh hrelo khawp in ka rilru hi a mang tawh, a chang hichuan inkawp tur kan ni em tih hi ka in zawt nawn fo ta mai, kan in tawn atang khan hlim lai aiin lungngaih lai hreawm lai kan ngah zawk tlat, kum khat dawn chauh kan la in hria mahse harsatna kan tawk hnem mah mah tawh in i hre ve em" ka ti ta thlawt a, min chhang zui ta lo
Ni e mi te ang in kan la tawk hnem lo in ti pawh a ni mahna mahse le nula nun nuam pangngai nun tluang purh ṭhin tan kha chuan hun reilo te chhung hian ka tuar hnem ta mah mah in ka inhria, a chang hichuan Pathian remruat loh dan a mihring in rem kan lo ruat ve ṭhin vang hian harsatna te hi kan lo tawk reng ṭhin zu nia. Hla thu ah te pawh kan lo hmuh tawh kha
"Kan harsatna te hi engvang nge
Keimah nin kan thlen leh siam a ni"
tih a nih kha, mahse tunah erawh chuan siamṭhat duh eng ang mahila ka dinhmun in a zir hrih silo a le
Liansanga hna kal turin a chhuak tawh a keipawh ka nu te in lamah len phei tumin ka chhuak ve chiah bawk, lirthei nei tawh lo chu taxi ka phar nghal a kan in lam pan chuan kan tlan ta nghal par par a, hna ka neih tawh loh atang hian Liansanga hian engmah sawi lovin ka account ah a khat tawkin pawisa a rawn thun ve reng a, ka sawisel lem lo a fa ka pai a ka inthlahrung buai vel duh tawh lo, tihian kan chin a hriat tawh lo lehnghal a lo inkhawl ruk deuh pawh a fin thlak lam a ni tawh
Ka nu chuah chu kan chanchin chu ka hrilh ve ta a, khawi ah mah a darh dawn lo tih ka hre bawk a ka hrilh fai ta vek a, ka nu rilru tak pawh a buai khaw mai, hma min han lak pui dan vak tur pawh a hre tawh lo, Liansanga min lo neih tir a inchhir thu a khat tawkin sawi leh tih mai loh chu sawi tur a hre bik lo a ni e, ka haw dawn hnaih chuan Liansang an min rawn call a, ka awmna min rawn zawt a ka nu te ina ka kal thu leh ka haw dawn chiah thu chu ka hrilh ve nghal a, a rawn thaw deuh huai ni maiin ka hria, a aw rawn chhuak leh chu a hahdam hmel ta em a
Kar a liam a Liansanga nen chuan nupa pawh nilo in ṭhian satliah kan ang ta khawp mai, keimah hian ka hnaih tim ta tlat mai a ani chuan a theih tawp chuan min hnaih a tum tih chu ka hria mahse keimah hi ka inla hrang ta tlat thung a ani pawn hrethiam in min ti lui ngailo, min biak vel erawh chuan ṭha takin ka chhang vek thung, thinlung takin ka pawh thei hrih lo a ni ber e.
Chaw kan eikham ka seng fel lai chuan ka phone chu a rawn ri a ka la hman mai silo a hnu chuan a rawn ri leh ta char char a, ka thil tih lai chu dah in phone chu ka la ta a, Mary chu lo niin ka chhang ta nghal vat a "Mamte eng nge thil awmzia hi, Liansanga chu ka rin ang a nilo tawp mai" a rawn ti nghal mawlh mawlh a ka bo hu mai "eng nge i sawi awmzia" man lo lutuk a ka tih chuan "whatsapp kha lo en phawt teh" tiin kan inbiak na chu a ti tawp zui nghal a, couch ah chuan thu in WhatsApp ah chuan ka lut nghal a, group ah chuan min mention na noti a lo tam khawp mai chung ho chu en kan hrih in Mary private message zawk chu ka hawng a, pic chu ka download nghal a
FB post a screenshot a lo ni thlalak an post tel ah chuan Liansanga nu leh Puipuii hi in nel hmel zet hian an lo nui dun a, caption chu ka chhiar nghal a "Doctor Liansangpuia nupui hual thar, tunah hian Doctor Liansanga fa a pai mek bawk nia hriat a nia, Dr.Liansanga nu nen pawh an inhuat loh hmel kher mai" tih hi a lo ni ka chhiar zo chu ka bing mup mup mai, Mary chuan a link min lo thawn tel a, ka va lut ve nghal a comment chu ka tan hmuh a hreawm khawp mai ka chungchang a ri tel teuh a tin ni
Ṭhenkhat in kan inhruai leh thu an sawi a min ṭan tawk lah an awm, ṭhenkhat lah chuan keimah zawk fiamthu thawh nan a min hmang let in 'an nu kha a tlan leh tawh aniang chu, hmeichhe tlan reng te tunge nei reng peih ang' tih te a ni nuk hlawm mai, ka thaw pik hluah hluah chu ka phone chu ka dah a, ka bing mup mup a thawk chhuah ka tum lahin ka thaw a chham mai dawn in ka hria, ka ku te chu a hai muai muai a thei leh thei lo in ka phone chu ban in ka recent call a awm Mary chu ka dial nghal tawk tawk a, Mary'n hello a rawn tih lauh lauh pawh chu la hrethei mahse engtin nge ka chhan ka hre zui tawh lo
Ka mit ka men chuan in chung var pup leh light eng vang chuan ka chhing leh sawk a, muangchang chuan ka meng chhuak leh a damdawiin ah ka lo awm chu niin, ka nu leh Mary an lo awm a u Cindy-i a lo awm tel bawk "i lo harh tawh maw" ka nu chuan dam diai chuan a rawn tih chuan ka lu ka chet zeuh a, ka nu chuan rilru nat hmel zet a min en in "Mamte lo haw mai ta che" a rawn tih chuan ṭhen sak in ka nui lui a, "nu kan duhthlan sual ah kan tawrh ve tur hrih a nih hi" tih zawng in ka chhang
Pathian remruatna nghak hman lovin mihring in rem kan ruat a, mahse Pathian rem tih loh na na na hichu eng ang pawn tih hlawhtlin tum ṭhin mahila a hlawhtling thei ngai dawn lo tih hi ka hre thar khawp mai, Abrahama leh Sari pawh khan Lalpa huntiam nghak zo lo in an mahni thu in rem an lo ruat ve a, a hnu ah buaina tam tak thlen tu zawk a lo ni reng mai a ni. Liansanga pawh hi neih reng tum na ka nei tawh lo, mahse tunah erawh ka dinhmun en hian ka tan then ala rem hrih silo a, kan tawrh ve tur a ni rih mai.
Ni e ka duh vang a nei ka ni lo keimah chiah in ka tuar emaw in lo ti ang nge, hetia hreawm ka tawrh hian kei aia nasa in ka nu leh pa in an tuar zawk a ni. A thu thlukna siam tu an ni bawk a an tan chuan an fanu neih chhun an hmangaih em em keh theih dawm a an dawm kha ka nia, ka na tuar lai hi hlim takin min en liam mai mai dawn lo tih ka hre chiang bawk.
Nu leh pa te pawn kan fate kan mangan pui luat ah hian an tan lei hremhmun kan siam sak thei tih in hre reng in, miin "a senior tawh zawnpui tawh rawh u" an tih vang ngawt te hian kan lo tur chung ang nge, a hnu a inchhir hi a hlauhawm ania, Lalpa hi a tlai ngailo tih hre reng in an neih har leh Pathian remruat ti ila, an neih lo tak aleh "ani hichu Lalpan kan tan liau liau a min pek a nih hi" ti mai thei ila a va ṭha dawn em
U Cindy-i leh ka nu an haw a Mary'n min awmpui thung, Liansanga te lam a rawn lang lo hrim hrim chu Mary chu ka zawt ta a "Liansanga chu a rawn kal tawh alawm, hna laklawh an nei sia a chhuak leh a, a chhungte chu tumah an lo la kal lo" a tih chuan a ṭha lamah ngai mai teh ang a ni ber a rawn kal chuan ka ti rilru ta a
Damdawiin ah chuan zankhat kan riak a Liansang an min rawn riah pui tho, kan in be tlem khawp mai. Tichuan kan inphur haw ta a "ka nu ten inah min lo nghak a" a tih sup chuan ka bu ve nghauh a, in kan thlen chuan Muanpuii leh Liansanga nu leh pa an lo awm a, ka pa leh Muanpuii chuan min lo be ve luam a, room a kan luh dawn ah chuan ka nu chu rawn ṭawng ve in "Mamtei chu rai hi i la na thei riau in ka hria, mi pawh an rai a ti em em hi an ni ngai pawn ka hrelo, Puipuii pawh kha chutin a la na lo reng reng" a sawi zawh rual chuan Liansang an "Ka nu" a ti deuh ṭhat a, a nu lah chu tum hmak hian a ngawi ta daih a, Liansanga pa in a lo khap ve vat bawk. Ani hi zawng an chhungkua a mi pangngai ber mai hi ania, a fapa te hian an chhun a, a fanu te erawh chu a nu chiah chiah an ni thung
Kan ti nek nek a ka nau pai pawh thla ruk lai a ni ve tawh, ka sawi tawh kha tun ṭum hichu a hmasa ang khân ka la na lo khawp mai a, tunah ngat phei chuan ka ngeih zawk emaw tih tur hian ka vun te a mam in tunlai ṭawng takin ka glow ve khawp mai. Vawin hi ka checkup ni a ni leh tawh a, thla tin Liansanga hian checkup ni hichuan min hruai ve ziah a, chu te mai pawh chu ka lo lawm ve em em tawh mai a ni. Ka hriat chhuah tak chu Liansanga hi ka lo hmangaih ngai reng reng lo tih hi a ni, duhna hi hmangaihna emaw tih hi a lo awl khawp mai
Checkup tur chuan ka in siam mawlh mawlh a ka rilru chuan Liansanga ka nghak raug rauh tawh mai, ka phone a rawn rik chuan phur zetin ka chhang a Liansanga a lo ni ngei bawk, ka pick rual rual chuan "Mamte vawin chu ka hman dawnlo a min lo hrethiam rawh aw pawimawh tih tur ka nei a" a rawn tih chuan lungawi chiah lo mahila ka aw ve mai a, mahni a kal hreh rual ka ni tawhlo a ka huphurh lem lo. In aṭang chuan chhuak in taxi chu ka phar a ka chuang lut nghal a, traffic jam a kan tan lai chuan ka phone a rawn rik leh avang chuan ka pick nghal a Jacob-a a lo ni kan in be khat hle mai, whatsapp ah hian chanchin hi mi rawn zawt ve zeuh zeuh zel na a call tak chuan kan inbe ngai lem lo
"Mamte i dam maw" a rawn ti te te phawt a "Dam e nang ni zawk in dam maw, eng nge ni ta" ka ti ve nghal a "dam ṭha lawm, nia coaching center kha tunkum tawp lam ah hian kan sawn hma a ngaih hmel a, nau i nei hman tawh tho ang nga i inhuam angem" a rawn tih chuan ka lo inngaihtuah tur thu in ka chhang a call chu kan ti tawp nghal a, ka phone ka dah lut zo ka hawi chhuak chu kawngpui leh lam ah chuan Liansanga leh Puipuii ngei mai chu ka va hmu ta, Puipuii pawh a nau pai a lian ve tawh khawp mai kei aiin thla hnih tling lo hret in a pai har zawk nen kei ang em chuan ala lian lo. An pahnih chu ka en ngawt ngawt ka rilru hi a na em pawh ka hre zozai tawh lo, ka thaw hak a traffic jam pawh a reh a kan tlan chhuak ve nghal a
Ka in checkup zo chu Liansang an min lo nghak reng a, mak ka ti khawp mai Puipuii bulah khan ala awm ang chu ka lo ti deuh a. Liansanga hmel chu ka en vang vang a vei nei ṭeuh hmel hi a pu, Puipuii nen ka hmuh dun vel pawh chu ka sawi duh ta lem lo. "Mamte kan inpui ah phei kan ngai a thil pawimawh sawi ho tur kan nei a, chaw pawh kan ei nghal hmel a, inah kawi ngaihna i nei em" a rawn tih nghal zung zung chuan ka neih loh thu a chhang in kan inkhalh chhuak nghal a, Liansanga te in kan thleng a tun ang chhun ah inah an lo awm kim teh ṭhap mai
Liansanga pa chuan ṭhut khawmna ah chuan thu turin min rawn ko a kan vai chuan kan ṭhu ṭhap a, "Mamtei lakah pawh kan inthlahrung khawp mai, mahse kan dan theih rual a ni silo a" Liansanga pa chuan a ti ban charh phawt a "hei Puipuii fa pai kha Mama fa hi a lo ni sia, engtin nge maw kan han tih dawn ni" a rawn ti ta chat mai, ka lungphu chu a rang in a phu nghal dawt dawt mai, ka lo rin ruk mahse ka beisei ngam siloh kha a takin a lo thleng ta, ka rilru chu a na lo ka tih chuan dawt ka sawi a ni ta ve ang le
Ni e Liansanga hi ka hmangaih lo pawh a ni mahna, mahse khang hun reilo te chhung khan ka duh hman em em a ka pasal a ni bawk ah a bula awm te pawh nuam ka ti em em bawk, chu ka innghah na reilo te chhung atan ni ṭhin khan kan inneih lai rengin sawn min thlak san a ni si a, mi pangngai tunge rilru na lo tehreng ang le.
Liansanga chuan sawn man pek a sawi chuan a pa pawh chuan a pawmpui hmel viau mai, keichu ka ngawi reng thung chutia kan ngawih leh tak vek hnu chuan Liansanga nu chu rawn ṭawng in "sawn man pek kher a ngai lo, Bawiha fa ve tho ania sawn nih tir bik kha a khawngaih thlak lutuk" a rawn ti ve ta kher mai, a ṭawng duh dan chuan min khei zak zak khawp mai, Liansanga pa chuan "pek loh ringawt theih a ni si hleinem" a ti ve vut a "Mamtei nau pai lai nen hian an danglam na a awm chuang lo, kan tu ve tur tho alawm" ala rawn tih chuan ka in sum thei ta lo, kan inhruai leh atang thla tam tak a liam tawh a, ṭawngkam mei nei tak tak in a tawng thin pawn zawldawh zawk ah ṭang lui in ka ngawi mai ṭhin a, ka insum thei tawh bik lo
"Eee ka nu in duh phawt chuan sawn man pe suh u, in duh leh mo atan in lo la lut nghal dawn ania, kei chu ka chhuak thung ang, nichin a Liansanga fa a ni tih ka hriat pawh khan rilru na lo ka ni biklo mahse chhuah tumna ka la neilo, mahse i rawn ṭawng dan avang chiah khan ka chhuak ang ka rawn let tawh lo bawk ang. Ka fa leh kha sawn kha an danglam lo i ti maw..........an danglam lutuk an danglam na ka hrilh ang che ka fa chu engtik lai mahin 'hmei fa, sawn, khawlai fa' an ti ve dawn lo, a nu awm khawloh vang a lo piang a ni ve dawnlo, mi pasal laka piang ni ve lo in nupa in kar a piang nge chhungpui fa a nih hi i lo hre dawn ania" ti salh salh in an hriat lai ngei chuan Ka nu ka call ve ta nghal a
Ka nu in a pick rual chuan "Nu min rawn hruai rawh u" ti nghal in min tihdan zawng zawng chu Liansanga te chhungkua chuan an hriat nawn leh ngei na tur in a ring thei ang ber leh chipchiar tak chuan ka nu chu ka hrilh nghal a, ka nu pawn an rawn kal nghal tur thu a sawi bawk, an zavai chuan min en ṭhap hi a ni mai tumah ṭawng tum an awm lo. Liansanga nau Baby i chu ka hriat tur tawk hian "ka rin aiin a nasa daih" a rawn tih chuan nui hak in "ni e Baby in rin ai hian ka nasa ang, in ṭawngtam a zar ah kan inṭhen hmasak pawn thiamloh ka chang ti tih a, lo hre rawg u ka ngawi mai mai tawh dawnlo ka nasat chu thuhran in rin ai hian ka ṭawngthei bawk dawn tih lo hre rawh u" ka ti leh phiar phiar a, Baby i rawn din tum chu apa chuan khap vatin
"Mp Mamtei hi room ah lo va luh pui hrih rawh kan han sawi ho leh ange" a tih chuan Muanpuii chu ka zui ta nghal a "awi Mamte ka rin ai daih in i huai" zawi te a rawn ti in a rawn nui hak a, ka then ve sak ringawt "tak tak in ka nu hian a huat tak vak chhan che i hre duh em" a rawn tih tak ah chuan ka beng a verh zar mai, ni e Liansanga nu hian a hma te kha chuan min tih ṭhat theih khawp kha mawle, lu ka bu nghat a "aww a duh duh a tih kawi theih chi i nilo tih a hre chhuak a, chutah amah aiin nangman U Liansanga i control thei tawh zawk a hei hi a haw lutuk alawm. Kei pawh â deuh ang a ka awm luih tlat chhan te chu buaina ka duhloh vang mai mai alawm" a ti ta reuh a
Ka nu te an lo thleng a ka rin aiin an rawn kal hnem daih mai, ka nu leh pa leh Au Mama te nupa an rawn kal tel a motor pahnih leh bungraw phur an rawn inzui tir bawk. Ka nu te chu an lungawi lo ngang aniang Liansanga te inah chuan sum an rawn chhuah fel nghal a "a bungrua pawh an inlam ami chu kan la phei mai ang" ka nun a tih chuan Liansanga nu chu rawn ṭawng ve in "in va han nasa bawrh bawrh ve" ala rawn ti khanglang chu ka nu thin in a tuar ve ta lo aniang "eee nasa min ti ta sa sa bawk a in mualpho hi in ring tawp ang che u, ka fanu chanchin hi them khat pawh social media vela a ṭhalo zawng a ka hmuh leh rual rual in in chhungkua hi ania ka khin dawn che u" a ti ta hmak mai, ka pa in a lo beng dai vat thung a
Liansanga chuan engmah a sawi lo a nu thiamloh a ni bawk a a ngawi rih a ni mahna. Motor chuan kan in lam pan chuan kan in khalh phei a "Hruaia te an in thiar chhuak a" ka nun a rawn tih chuan ka phawk kher mai "keimah vang ami" ka tih leh chuan "Sangtei sual vang mai mai a ni, amah vangin i tui lo chung i let tih hi kan hai lo, pasal a unau te ngeih thei reng reng lo mai, in pa thin in a tuar ta biklo a indang rawh u a ti a nih kha" ka nun a tih chuan nuamlo ka ti angreng khawp mai
Kan thleng a bungrua chu a load nghal mawlh mawlh a, chutia kan buai lai chuan Liansanga chu a rawn thleng ve hlawl a, ka bulah rawn kalin "inbia ang" a rawn tih chuan ka aw ve mai a, kan room ah chuan kan in zui lut ta a, helai room te hi tun bak chu ka lut leh mai mai tawh awm silo a, "Mamte inṭhen ka duhlo, i duh dan dan in Rinpuii naute pawh chu kan ti dawn nia" ngenngawl taka a rawn tih chuan lu thing in ka thaw hak a "Liansanga ka tuar hnem tawk tawh alawm" tih zawng ka sawi "min hmangaih ve miah lo ami" a rawn tih chuan thaw leh ham ham in
"Liansang uluk deuh in ka sawi hi lo ngaithla rawh" a mit ah tak ka en kar a "kan inneih na hi hmangaihna a nilo" min rawn chhan a tum chuan ka lo pawt chat vat a "a hma in min lo duh pawh a ni thei meuh mai, Liansang kha i rawlthar chhuah lai a duhna kha hmangaihna emaw tiin i ṭhan len pui a nih kha, hmangaihna hi thil ropui tak a ni hriatpawlh awl tak bawk, i naupan lai leh rawlthar laia i duh em em i neih theih loh tura i ngaih kha mi han hmuh leh khan, kha duhna la chambang tlem leh mahni hmasial na belh khawm kha hmangaihna emaw tiin nangmah leh nangmah i inbum a nih kha Liansang, ngun tak in ngaihtuah rawh min hmangaih reng reng lo ania, min atchilh a min duhna kha hmangaihna emaw tiin i ngaih pawlh a nih kha
Kha thil khan thil pawi tak thlen in kan in ti na tawn a, ser thuk tak kan insiam sak a ni. Kan thinlung hliam hi a hliam tu bawkin an ti dam thei tih a sawi a ni ṭhin, mahse maw a chang hichuan hun in a liam pui tur hliam hi a awm ve ania, chu chu kan dinhmun a ni. Nupa inṭhen tur hian in huat kher a ngailo, chuvang chuan kan inkar a chhiat fai vek hma hian kan in kal tir a ngai" ka thusawi chu uluk fe hian a ngaithla a, a rawn thaw chhuak ta hak a, ka thusawi kha a pawm tih ka hre thiam nghal bawk
After 3 years
Class ka lak zawh rual chuan ka phone a rawn ri nghal zat a "ama" rawn ti fan raih ri avang chuan ka khi sak mai, ka fapa Remruatsanga ṭawngthei ṭan tawh hian phone a min rawn biak hi a ching reuh a, ka class lak chhung hichu a putea nen hian an lo indang thei rih a niang chu, a putea ka ti mai a Jacob-a nau Ramthanpuia kha a nia, Ruatsanga hian a ngai bawk a zing ah class la tura ka chhuah rual hian an inah ka drop nghal ṭhin a tlai lam class chauh ka lak vang hian ka fapa tan ka hun a tam thei ang ber ka pe thei bawk a ka lawm viau mai
Liansanga te pawh khan naute hmeichhia an nei a, naute kum khat a tlin dawn ah an innei ta a, ka na lo a ka lawmpui viau zawk. Mipa hichu hmeichhia ai chuan kawppui tur hi an lo mamawh zawk niin a lang, anni chu tunah an rai leh mek tawh, an chanchin hi ka va ngaihven lam nilo in a hriat loh theih ṭhin loh a, Bawihtea pawh a rawn tlawh ve zeuh zeuh ṭhin, kum thum a la tling lo deuh hret a a birthday pawh a lo la kal kim ve ve, Bawihtea hian a pa a ni tih a hrethiam ṭan a, han lian deuh se ṭha takin ka la hrilh fiah ve ang
Ka sual vang nge Bawihtea kum khat birthday khan Liansanga te chhung an rawn tel ve a, midang chu ka be ṭha vek thei na a Liansanga nu erawh ka la be hleithei lo kha ania, tun thleng pawn ka rilru ala danglam ka ringlo.
Hruaia te inthiar chhuak an tih kha an lo inthiar kimlo a khatia kan va thleng phei kha insawn a ngailo tiin keiman ka ti ta bur sia an insawn ta lo a, Bawihtea pian hnu rei vaklo ah kan nufa zawk kan indang ta a, ka nu in nula ṭha deuh mai min hmuh sak bawk a kan awm tawk ve khawp mai, Jacob-a te coaching center ah chuan keipawh ka thawk ve bawk a, Jacob-a hi ka fak khawp mai kawng engkim ah min tuam hlawm hi a ni ber mai, ka laka a rilru put hmang pawh hrelo ka nilo mahse mipa han hnaih leh vel hi ka peih tawh lo mai bak ah fa nei ka ni tawh a ka fapa tan ka nun pum hlan hi ka duh ber tawh, Jacob-a pawh mawi hnai takin ka hnar a "min duhlo mahla in nufa hian ka enkawl che u min phalsak rawh" a ti mauh mai a ka hnial buai lem lo
Ruatsanga tho peih lo reuh lutuk chu ka nuih a ti za reuh lutuk a, "ama ka lo kal velo mai ang" a tih nang nang chuan "het i lo kalloh chuan engtin nge ka tih kha" ka tih chuan rawn meng ve diar diar in "A putea leh nanau in min ngai ang nga an cry ang" fiah lo deuh a a tih chuan ka bu nghat , ka fapa chu ka siam a kan nufa chuan kan inkhalh chhuak ta nghal a. Thlanmual ah chuan ka motor chu ka ti ding dat a Mampuia thlan lam pan chuan kan nufa chuan kan in kai thla ve hnak hnak a
Ruatsanga hian Mampuia hi a pu duh miahlo a, a putea a ti tlat a Pu chu "pupu leh Apu Mama ka nei lawm ama" a ti tlat reuh a, a tir ah han hauh tum viau mahila ka nun *auh tir mai mai rawh, Mampuia te zawng i nau ang tluk tho alawm a nih" tiin a nuihpui mai mai a, Putea ka tih tir ta a. Vawin hi Mampuia thihcham ania class chawlh ka dil a Jacob-a pawn min lo hrethiam khawp mai phal takin min chawlh tir a
Kan pangpar ken chu thlan ah chuan kan dah a, ṭhut hmun te rem in "Mampui Bawihpuia hi a lian ve tawh ania, a chang hichuan inan na hi in ngah ka ti thei khawp mai, kan nufa hian kan hlim ve teh ania aw" tiin ka nui leh hak a "ka ngai ṭhin khawp mai che, tunah chuan nangni chuan min rawn hre tawh awm der silo a, a chang hichuan ka la inthiamlo fo mai, mahse nang chu i hlim tawh alawm tiraw" tiin mit chu ka chhing ta vang vang a , ka mitthla ah chuan Mampuia leh hmeichhe naupang khan ban min lo vai leh lauh lauh in ka phar ve dawn chiah tih ah, aw ri fiah lo zet hian "AMA" a rawn tih chuan ka harh zawk a, kan nu fa chuan thlanmual chu kan chhuahsan ta a.
Ka nun a ka harsatna tawh atang hian thil tam tak zir chhuah ka nei a, mihring remruatna chu engmah lo mai a nih zia leh vawi leh khat a ṭhian thei tu Pathian lamah zawk rilru kan dah alo ṭul zia te ka hre thar a
Hmangaihna ropui tak hian a ṭha zawng a rah ṭha tam tak a neih laiin, he hmangaihna vek hi hriatpawlh awl tak mai hi alo nia, hmangaihna in min tih nat fo chin ah chuan chu hmangaihna chu hmangaihna a nilo tih i pawm ngam in engpawh tuar huam a kan kalsan a ngaih chang te a lo awm a, hmangaihna ni mai lo hmangaihna dik tak chuan min ti na ngai lo tih hi kan hriat reng a lo ngai a ni ........
A TAWP TA
# Pathian zarah ka story hmasa ber chu ka han complete leh thei ta ania, he story ka complete theih na chhan lian ber chu Pathian a nih rual in nang ni a lo chhiar tu leh comments ṭha tak tak min pe tu te hi in ni a, in tan liau liau a ziak ka nih ang in in hlut loh chuan he story hi kal ngaihna a awm dawnlo hrim hrim a, in lo hlut der ve avang hian thinlung takin lawmthu ka sawi duh a ni
A dawt leh ah chuan harsatna tawk in ka han chawl leh vang vang thin a, ka harsatna te hrethiam taka ka thlavang lo hauh hram hram ṭhin te ho kha ka hre reng cheu a, ka complete theih nan a mi pawimawh ber te in ni e.
A sap tawng takin last but not least Sir Ngaia chung ah pawh lawmthu sawi ka duh, zan rei tak tak ah ka lo dah chang ten ka va be tawp tawp a, a chang leh min lo nghak rawh ka tia min nghah thlawn chang te a lo awm bawk, a fel in mi hriatthiam na ngah ka ti khawp mai
In za vai chung ah KA LAWM E
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)