BETTER : 2706 BY Leo Kawlhring (Completed)

[Ngaia]

#arrangemarriage #family

Rinhlupuii hmeichhe mahni lu zo veh vawh, hna ṭha tak chelh mek, a chhungten pasal neilo a nula damrei a nih tlang mai an hlauh vang a an sumdawn pui te fapa Liansangpuia nen an sawi rem pui a innei ta te. He an inneih na ah hian hlimna nge tam ang lungngaihna, hmangaihna aṭang in huatna ah an lut ta, hmangaihna ah bawk an kir leh thei angem? En ang u hmiang.

#####################

"Tah khan ding nghal rawh" nel awm loh tak a ti ri ah chuan ka ding dat a, hetiang em em a a thinrim hi ka la hmu ngailo kan boruak hi tun ang hichu ni lo se mak ka ti viau bawk ang

Ka pen leh chiah chuan eng emaw hi a rawn thawi fua nimai hian ka hria ka hma zawn ah chuan a rawn ding fel der tawh, ka melh ve kar a "Rinhlupui he in hi i chhuahsan chuan i nawm sak viau kha ring suh ang che" a aw a a tih mai mai loh zia chu mi mawl ber pawn an hai lovang, kan in tih thiam loh tirh atang engmah ka la sawi velo a tun hi ka ṭawng chhuah hun chu a ni ve tawh in ka hria

" Ti hian ka chen pui reng che nga i nuam tawl lai hi ka lo enliam tawp ang maw? Min hrilh ta che? i nun dan kha in en let la thinrim ngam tur hi i ni zawk em, hmangaihna vanga innei chu kan nilo teh meuh mai mahse ka theih tawp in i tan nupui ṭha nih tum in ṭan ka la a, i chhungte tan pawn sawisel ngaiin ka awm ngai lo nang pawh hian min sawisel na tur chu i hre tawp nang, mihring hian tawk tih chin hi kan nei ve"

Ka sawi hnem bawk a ka thaw hlawi hlawi mai, ka thusawi dik zia chu a hria aniang chu ngawi rengin min melh run a, chutia engmah sawilo a a ding reng chu ka trolley chu hnuk in ka chhuahsan nghal a, ni e kir leh tum tawh lo in a ni ka kalsan ni .


"Tah khan ding nghal rawh" nel awm loh tak a ti ri ah chuan ka ding dat a, hetiang em em a a thinrim hi ka la hmu ngailo kan boruak hi tun ang hichu ni lo se mak ka ti viau bawk ang



Ka pen leh chiah chuan eng emaw hi a rawn thawi fua nimai hian ka hria ka hma zawn ah chuan a rawn ding fel der tawh, ka melh ve kar a "Rinhlupui he in hi i chhuahsan chuan i nawm sak viau kha ring suh ang che" a aw a a tih mai mai loh zia chu mi mawl ber pawn an hai lovang, kan in tih thiam loh tirh atang engmah ka la sawi velo a tun hi ka ṭawng chhuah hun chu a ni ve tawh in ka hria





" Ti hian ka chen pui reng che nga i nuam tawl lai hi ka lo enliam tawp ang maw? Min hrilh ta che? i nun dan kha in en let la thinrim ngam tur hi i ni zawk em, hmangaihna vanga innei chu kan nilo teh meuh mai mahse ka theih tawp in i tan nupui ṭha nih tum in ṭan ka la a, i chhungte tan pawn sawisel ngaiin ka awm ngai lo nang pawh hian min sawisel na tur chu i hre tawp nang, mihring hian tawk tih chin hi kan nei ve"



Ka sawi hnem bawk a ka thaw hlawi hlawi mai, ka thusawi dik zia chu a hria aniang chu ngawi rengin min melh run a, chutia engmah sawilo a a ding reng chu ka trolley chu hnuk in ka chhuahsan nghal a, ni e kir leh tum tawh lo in a ni ka kalsan ni .







Rinhlupuii p.o.v





Ka inbual zo chu room atang chuan ka chhuak thla nghal a, chaw ei an lo siam peih vek tawh a tih ngai la awm awm chu tih puiin chaw chu kan ei nghal a. "Mamte ngaihzawng te chu i nei miah lo maw" ka nu chuan a ti hliai a lo nui hak in "nei nang in hriat vek kha" chaw chu ka bar zawm nghal a




"Anih chuan kan sawi kha lo ngaihven ve deuh chhin la, pawi i tih lem loh chuan mimal te pawn in hmu ve ula, i kum ngaihtuah in i naupang chhe zawk zawk tawh bawk silo" ka nu thilsawi chu chaw ei pah chuan ka ngaithla kar a "im in tih dan dan nimai nang nin ṭha in tih te chuan" ka nu leh pa hmel a hah dam deuh huai hmel pawh ka hmu thei





Kan monu ka chhang chiah nupui chuan rawn zawm ve nghal zat in "U Mamte keichu a ṭha ka ti teh mai ania, i duh phawt chuan nei ngei ngei rawh, an hausa bawk si a chhelo bawk sia i nuamsa ngawt ang" a lo tih chuan ka nuih a za riau, a la naupang chhia ve a





Rinhlupuii ka ni a kum 28 na ka hmang mek bawk, ka naupang viau tawhlo reng a ni. Kan unau hi pali kan nia kan upa ber hian nupui neiin an indang tawh a, ka phirpui mahse kei aia chhuak hmasa zawk Rinmuanpuia hi hna avangin hmun dang ah a awm a, kan te ber ka chhang chiah Hruaitluanga hian nupui nei tawh in kan bulah an awm thung a




Kan unau ah chuan keini a phir te ber hi buaithlak kan ni ta a nih hi, ka nu min hauh tam na ber pawh Rinmuanpuia ang a awm ve zel lo tur hian min ti ṭhin "ani chu mipa a nia, duhleh lo nei har deuh pawh ni se mipa tan kum 28 te chu ala upa lo, mahse hmeichhe tan chuan upa tak a ni ve tawh thung" hi a ti ziah lehnghal a





Phir tih takah Rinmuana nen hichuan kan in ngai a, kan inzui tam viau bawk. Zirna sang zawk te kan han zir a kan zir duh zawng te a inan tak loh ah khan kan awm hrang ngun a a hma angin kan inzui ta lo mai a, mahse kan unau dang te ai chuan phone call pawn kan in be nasa zawk hrim hrim.




Rinmuana hi Mampuia tiin chhung hnai te chuan an ko ṭhin a Kei Mamtei tiin, kan upa ber Tluangzela hi Mama an ti leh a kan te ber ve thung chu Lalhruaia ni leh daih a, a tet deuh lai phei kha chuan min duat lo bik tiin a vui nasa thei ania aw, Mizo hichu in koh duat te hi kan uar hrim hrim a






Thleng ka sil zawh chuan hna thil khawih tur ka hawn vang in room ah ka lut nghal a, files ho chu ka en nghal mawlh mawlh a, hna ka khawih lai hian phone hi ka khawih hman meuh ṭhinlo a, a lo rik te hian min ti buai mai mai ka tih ṭhin avang hian ka flight mode daih zel a. Ka tih tur ho ka zawh meuh chuan a lo tlai ve duai tawh dar 11 a lo ri vel chiah chiah





Hmeichhe kum naupang lutuk tawhlo ka ni bawk nen keima tawk ah ka in uluk ve viau bawk, ka hmai ka phih zawh ah chuan ka dressing table hma a ṭhut pah chuan ka hmai hnawih ho chu ka hnawih mawlh mawlh a, ka phone message tone ri reng chu ka nin ve deuh vang chuan ka zuk melh zawk a





Ka rin ang ngeiin kan school alumni group a ni, ka hmai ka hnawih zawh chuan khum a mu pahin group chu ka en ve a, ka beisei loh zet in ka chanchin an lo sawi tlat ka pasal neih tur vel a ni an lo khel ni, mak ka ti daih daih viau mai





Zanin ah mai pawi ka tih loh thu ka sawi chauh a an ni lai lai in engtin nge maw an lo hriat ni, rilru chuan tin zawn a nei nghal rauh rauh mai, a dik ka nau nupui Sangtei a ni ka rilru a awm chu





Sangtei u hmeichhia te nen hian school khat ah lut in kan in classmate ṭhin bawk alawm, mahse chutia an lo sawi darh chiam mai chu ka thinrim chuang lo na in ka awm chu an ti nuamlo ve rauh rauh mai, nakin ah Sangtei pawh hi la zawh chian tur a ni






Ka class bang chu kal na tur ka neih sa avang chuan ka thawhpui te ho chu ka thlah liam sawk sawk a, vawin chu Hruaia ten ka car an ken vangin scooty in ka kal kha ania, mahse a zia phian mai ka rin aiin traffic a lo jam nasa nen vawikhat inhmuh na a tlai nghal kha ka thil duhloh ber a ni






Kan inhmuh na hmun tur chu ka thleng a, kan table hauh lawk sa lam chu ka pan a ka rin ang ngeiin a lo la kal lo, pawilo e nghah nih ai chuan nghaktu nih kha ka thupui kha a ni hrim hrim a.







Ka chhungten min tur nasat em avang a an sawirem pui ti mai tawh teh ang, a pasal nei tur ka ni a keimah hian han awmdan tur vak ka hre der lo . Kum 28 teh meuh he leilung ah hian ka awm ve tawh, ngaihzawng tia han sawi tur erawh ka la nei hauh lo, a ṭhen chuan patil te min ti fiam fo ṭhin, mahse ka nihna a nilo bawk a ka lungkham teh chiam lo






Nula damrei han nih ve dawn dawn tak ah chuan ka nu leh pa mangang in ka pa sumdawn pui te fapa nen chuan min sawi rem ti tih ta a, kei min rawn ve tak phei kha chu an in rem fel tawh ah a ni zawk mah mah





Fanu fel, nu leh pa thu awih tia lar ve hat tih tak ah, hmel duh deuh han neih lawk sa lo tan phei kha chuan han hnial zui chiam kha ka tumlo a lo pawm ve mai pawh ka ni, thawh pui te min fiam na tam zawk pawh hi pasal han nei ve ila chuan a zia awm ve hawk hi ka ring tlat





Hmeichhia hichu siamtu hian mipa hnuaia awm tur a siam tih tak ah, eng ang pawn khawvel changkang in Gender equality kan tih intluktlanna hi han au pui chiam pawh tum mahila, he khawvel awm chhung hichuan kan in tluk thei dawnlo, Pathian min duan dan kha a ni tlat lo a ni. Hmeichhia pawh pasal nei lo a kan nulat reng hian kan zahawmna hi a hniam ve telh telh a, eng ang a hna sang pawh han thawk ila mipa thlazar hnuaia awmlo hichu a awm te nen hian an inang theilo hrim hrim






Hmeichhe lu chu mipa, mipa lu chu Krista a nih ang hian, hmeichhia chuan min ti mawi tu atan mipa kan mamawh a, chutiang bawkin Mipa Krista neilo hichu hmeichhia pasal neilo an zahawmna a nep deuh kan tih ang hian Krista nei tlat tu mipa leh nei velo mipa chu an inang theilo reng a ni






A hming in college ah lecturer te kan nia, mi te chuan hna ṭha tak nei hmeichhe lu zo ve vawh ti te pawn min sawi fo, mahse ka kum zat hria ka la nula a ni tih hre tu te hian thawk a hawt ah hian pasal nei tur in emaw fiamthu nuihzatthlâk lem loh tak tak a mi fiam mai te hi an awlsam bik riau hian ka hre ṭhin






Kawngkhar ri rak ah chuan ka hawi chhuak a, kawngka a lo pen lut mipa chu ka lo melh kal a, ni e ka vawikhat hmuh na chu a ni hauh lo mahse vawikhat na ang mai in he pa ka hmuh hichuan ka awm ṭhin tlat, a chhan tak phei chu ka hre hlei law






Ni dang a ka hmuh dan ṭhin ang tho in a rawn in thuam leh thlup tawh, mipa in vawng vel tak zawng a ni ngei ang, mizo mipa pawh hi an sang ve tawh hlawm viau a, ani phei hichu sang pawl tak a ni ang, kei hmeichhe te chhe lo tak ft 5'5 tan pawh hian a lian emai. A hmel chu ka en vang vang a ka rilru a thil lo awm chu mipa hmelṭha tak a ni tih hi a ni, a khabe hmul leh chu a hnawk lo tawk hian a zuah a, hmuihmul vel erawh a ziat fai vek thung





Mipa in zuah buk deuh hi ka ngaina ngailo, mahse Liansangpuia zet hichuan a inhmeh emai a, sawisel a hnek in a ti lang pa zual sauh ka ti, mipa hang lam ai chuan ngo lam a pawl lek lek, a tih nu phah eih chuang lo. A khai khawm nan chuan "A PA" tih mai nilo "A HMELṬHA HLE" tih hi telh a ngai tlat





Aw rawn thian kharh in a rawn ṭhu thla a "Rinhlupuii maw" aw thum fiah zet a a rawn tih chuan ka ham haih ve deuh nge ka tih loh dan deuh in ṭawngka a chhang lo in ka bu nghat a. A bawp khawkherh nghal zat in "keichuan he inneih na hi ka duh lo, puitling ka ni tawh a ka nupui tur chu thlang thei ka ni tawh, mahse ka chan ai hi tuma kut a a luh loh nan ka neih ngei che a ngai sia, chuvang chuan deal siam ila ka duh"





A thusawi chu ka lo ngaithla kar a, ka beisei loh lam daih a ni. A kum a naupang tawh bik silo kei aiin kum 6 laiin a upa zui nen kei ang tho hi a nih ve kha ka lo ring ania, a ni chuan sum vang daih in a ni min lo neih ve dawn thung ni, eng pawh chu ni se inhmangaih na avang a innei tur kan ni lo bawk a ka rilru chu a na lem lo a, mak erawh ka ti viau thung






"I tih dan dan kha ka pawm vek e, mahse ka hmingchhiat theih na tur eng thil mah ti lo la ka duh ang, ka hna hi ka tan chuan Pathian leh ka chhungte tih loh a ka dah pawimawh ber ania, ka hna thil nghawng thei phei chu i tih loh ka lo beisei ve tawp dawn ania" ka thusawi chu a pawm a ni ang hmiang engmah a sawi zui tawh lem hlei lo a, eitur te chu kan chah a kan ei zui nghal a, kan thil ei chhung chuan a tu a mah mah kan ṭawng tawh lem lo






Dawr aṭanga kan inzui chhuah chuan Sangtei u leh a ṭhiante pa hnih chu kan tawk hlawl a "ehe Rinhlui chu" ka bula ding ve reng chu an melh daih thung, za lo zet hian ka lo ṭhen ṭha a "kan thu hriat kha a dik chu a nia nga kan hmu dun teh hlawl cheu sia" an ṭawng dan ah chuan ngeiawm leh huat tir engmah a awmlo, keima diklo nge ka ngaithei lo tlat pek a






Liansanga te nen chuan an lo in hre sa nge an be luam a, ka bula mi pa ngel ngul lah chuan a chhang ṭha duhlo emaw tih mai tur khawp a tawi te te hian a chhang lehnghal a, kei ka mi biak in tiang hian mi han chhang ta se ka kal san nal nal hian ania ka rin. Chapo chu ka in ti lo na a hmeichhe in duhtawk tak chu ka ni, chuan ka zaidam lem lo viau





Khawlhring chu mipa an zaidam a hmeichhia an thinchhia tih hi a lo dik a nih dawn hi ka ti ve ṭhin, kan chhungkua ah keimah chiah Khawlhring hmeichhia ka nia, ka thin hi a chhe viau, ka unau te ho ve thung chu an dam thlaum thung a, ka nu pawh hi nu thinchhe tak chu a ni lem lo na in zaidam viau chu a ni chuang lo






Tet lai aṭang a mi luhlul mahni intih palh vela ṭap duh ngai miah lo tih tak ah hian, ka pawisawi tu han tih let ngam loh te hi ka nei lo a, ka nu hian ka tet deuh lai phei kha chuan min vaw ngun viau, thil dang ah chuan an thu awih in tih nuam ṭhin viau mahila ka kawlh leh thinchhiat ah hichuan min control thei vak bik lo a ni e






Tun hnu hian ka kum te a lo upa ve ta bawk a ka zia te a zavai vai hian ka lan chhuah tir tawh lo na a, thin han thawh thut te hi ka la ngah khawp mai Rinmuanpuia bulah phei hichuan ka la bak hlar mai a, ka vin nasat ber pawh ala ni bawk





In ka thlen chuan ka tih dan ngai te in ka inbual na tur ka siam lehnghal a, ka inbual hma chuan ka phone rawn ri ṭang ṭang chu ka chhang leh rih a, Mampuia a lo nia tun kar chu kan inbe khat khawp mai, site ah an awm a signal an neih chhiat ṭhin thu te a rawn sawi luam a, "Mamte i duh lo chung te kha an lo neih tir mai mai che nge aw, ka phal dawn miah lo ania" thu tak fe a a rawn tih chuan ka nui hak a, han in hnial fiam fo ṭhin mahila ka unau te ah chuan phir kan nih vang nge ka ngaina ber a engkim ka hrilh ber a ni






"I ho mai mai ah, tuman ka duhlo chung min ti lui dawn lo tih hre chiang ber tu i nih kha" thil ho mai mai te chu kan sawi a, a bialnu chung chang te, chhelo a tih ho chung chang te leh hna thleng in kan inbiak loh na rei ve tawh bawk a sawi tur kan ngah dun viau mai, unau mipa leh hmeichhia e ti lo hian phone call te hian kan in be nasa thei khawp mai.





Rinmuana hichu kei ang lo tak hian a lerh ka ti dawn nge hmeichhia hi a lawm a, a hrang hrang hi a kawp kual zut a, a lerh ber e ti lo hian ka unau te ho zing a nupui la neilo awm chhun kha a ni veleh tlat lawi a, amak teh tlat ania






Kar khat a liam meuh chuan palai an lo kal nawn tawh a, ka pasal neih hun pawh an ti hma ang reng viau, an sawi dan chuan Liansanga pi thi lek lek tawh hi a awm a chumi chuan a tupa nupui neih hi hmu ve hman hram se an ti a ni awm e. Neih ka hnial lo ta sa sa an tih tih kha ka pawm ta vek a, kar hnih a liam leh meuh chuan nula ni tawh lo in mi nu ka ni ve der tawh ang






Inneih na tur thil velah buai a na cher cher bawk a ka class bang pawh ka haw tlang hman meuh ṭhin lo, thawh pui te ho lah chuan min phur pui khawp mai a, college hour chhung a tih tur pawimawh a min lo call chang te pawn an lo in phal ṭhin khawp mai





Liansanga nen pawh vawi khat kan inhmu leh tawh a, vawin tlai banah mo kawr en duh leh tum kha kan nia min rawn sawm a tum vang in zing ah Hruaia ka in drop tir a engmah ka keng ta lo a lirthei pawh.





Dan ngai te in class pawh kan la leh mawp mawp tawh, Chemistry ka la a subject awl tak a nih loh vang nge ni ka class te hi an ngawng bik riau hian ka hre ṭhin a, zirtirtu dang ka hrilh lah hian an nih ve vek thu hi an sawi mai a. Tunlai naupang ho lehkha zir thatchhe ta lutuk hi engtia tih chi nge niang aw hi ka ti ṭhin





Khawvel changkan na in min hrut ve zel a a te ber aṭang a lian ber thleng in mobile phone kan hum fur a, zirlai ngaihsak lek lo a phone khawih hi kan tam mah mah tawh zawng a ni, a rei telh telh a board exam a pakhat na te pawn pakhatna rau rau ah hman kum ami te chu an phalo ta viau bawk, nu leh pa te hian kan fate phone khawih dan hi en pui deuh chu kan ngai a ni






A sawi ang ngeiin Liansanga chuan min rawn lama, mo kawr dawr kan biak lawk sa na lam chu kan pan nghal a. Kan thlen chuan thawk tu te an fel bawk a min lo buaipui nghal vat vat a, kawr panga vel chu ka ha chhin tawh mahse ka duhthusam ang ka la hmu thei ngang lo, khua lah a tlai duai tawh bawk sia ka inthlahrung ve deuh bawk nen Liansanga bulah chuan haw hrih mai ka rawt a, ani pawn min hnial lem lo








Motor a lak chhung chuan dawr kawt ah chuan ka lo nghak ran a, Mampuia nen text in kan inbe pah zeuh zeuh bawk, ani pawh naktuk lamah hna an zo tawh dawn a, a tuk leh lamah chuan a lo haw theih tawh a inbeisei kha ania. Ka pasal neih thleng a cham tlang nghal bawk ang






Ka phone nghawr dar dar chu ka melh zauh a Liansanga a ni tih ka hmuh chuan ka pick nghal vat a ka chhan rual rual chuan "thil pawimawh tih tur ka nei thut a nangmah in lo va haw mai ta che" a rawn ti nghal zung zung a engmah pawh ka sawi hma chuan a dah leh daih lehnghal a, a awm dan chu mak ka ti ang reng mipa puitling tak turah ka ngai a mahse tuna a awmdan kha chu a puitling lo ka ti takzet







Khua a tlai tawh bawk nen tawi khawmuang tawh lo in taxi chu ka la nghal a, in ka thlen chuan chaw pawh min lo ei san tawh, ka insawi dan kha chuan chaw ei chhuak tur ang khan min ngai a, keipawn nichin mai thleng khan Liansanga te inah chaw ka ei dawn emaw ka la inti ve tho. Ka kal ta lo tih pawh chu sawi lem lo chuan room ah ka chho nghal a, ka inthlak nghal mawlh mawlh a








Inchung ah hian Mampuia nen kan room a awm a, in hnuai chiah kawng an ah hian choka, living room, study room leh ka nu te room a awm thung a, a hnuai ber lei dep ah hian Hruaia te nupa room a awm thung, Au Mama te indan hma khan inhnuai ber ah hian an awm ṭhin a, Hruaia hi inchung ah






Ka in ti felfai zo a mu pah chuan phone chu ka thai ka thai ve a, whatsapp ah ka lut a kan school alumni group bawk chu a lo lun leh viau tawh, engmah ka sawi ve ngai lo na a an thusawi ho chu ka chhiar ve vek zel tho. An thlalak rawn dah pakhat chu ka han download a mak ka ti ngang mai, Liansanga leh hmeichhe pakhat hi in huat loh hmel tak hian a motor a an lut dun lai a ni, vawin tlai ngei kha a ni bawk a inchei dan aṭang chuan






Hei hi a nih ngei dawn hi vawin a thil pawimawh a lo tih chu ni dawn ni, group pawh chu chhiar zui lem lo chuan phone chu ka dah a, ka inngaihtuah ta neuh neuh mai. Ngatinge bialnu nei reng chung chu inneih hi a remtih ve mai, a hma a a sawi ka chan ai a tih kha ro a sawina chu a lo nih ngei dawn kha, ro vangin kei hi min neih a duh ve mai chu a ni awm sia, mak ka ti viau bawk. Bialnu nei reng chung a a duh lo tawp min nei tur chu min lo ngaina teh chiam dawnlo a nih hi tih rilru chu ka pu ta rauh rauh a, awm dan tawk thiam viau ka ngai dawn a ni







He inneih na hi a lo thlawn a pawm tawp ka ni bik lo, ka upat hnu a min enkawl tu tur fa ka mamawh tih ka inhriat vang chauh a ni, nakin ah Liansanga pawh hi la biak a tlang taka hrilh tawp mai hi pawi ka ti ta lo, anin ro a chan phah ang nga keiin fa ka lo neih phah ang nga kan inhmang ṭangkai tawn a tih theih mai ang chu. Thil tam tak ngaihtuah chung chuan ka chhing nghal ta vang vang a.






Hun hi a lo kal chak khawp mai mit khap kar lek in ni a liam zung zung a, nimin mai emaw kan tih te pawh kar a lo liam a, kan nun dan ngaiin kan nung reng emaw tih chhung hian thil tam tak hi ni thar hian a rawn her chhuah pui a, a rawn her chhuahpui a tam ang bawkin ni in a tlak pui hi tam tak a awm reng bawk a ni, mihring nun tawi zia te hi ngaihtuah peih leh chik peih mi tan chuan nitin hian a hriat thar zel theih khawp mai







Kan ti nek nek a kan inneih hun tur pawh a rawn her chhuak ve ta, vawiin ni aṭang chuan Nl.Rinhlupuii ni ṭhin kha Pi Rinhlupuii ka ni ve tawh ang nga, mi ten ka hming an lam rik rual a ri ve zel tawh tur chu ka nu leh pa hming, ka unau te hming ni tawh lo in KA PASAL ni mai tawh tur Liansangpuia a ni ve tawh thung ang. Rinhlupuii Pu Remmawia fanu ti tawhlo in Rinhlupuii Pu Liansanga nupui kha min ti tawh hlawm dawn chu a ni sia, han ngaihtuah chuan a mak riau hian ka hre tlat pek a







Ṭhian kawm tam lo tih tak ah din pui tur ah ka buai nghal pang kha ania, pawh chawp tak meuh in ka thawhpui Chemistry Department ami tho Miss Mary ka hmang ta ringawt kha ania, ani lah a lo phur nasa mai sia kei ai daih in chinchang te a lo hre bawk nen, ṭhian nih tlin zar zar tak a ni. A hma ai mah in kan in pawh thar a chanchin ka hriat loh tam tak te min hrilh ve luam a, inkawm ve zauh zauh mahila hetia a chanchin te min hrilh ve takah phei chuan kan in pawh thar riau hian ka hre tlat bawk a








Mampuia a lo haw aṭang khan kan pahnih hlir in kan bazar ti ila ka sawi sual tam lo ang, mo kawr pawh Mary leh kei leh Mampui an kan va en nawn leh kha ania, Liansanga chu ka sawm buai ta lo mai hun thawl pek ṭhain ka hriat vang pawh ni hmiang. Ka duh ang hawh tur ka hmuh theih ngang loh vang khan ka order chawp ta tawp a, in hmangaih na vanga inneih tur nilo mahila pui tak a tih kha ka duh, Liansanga nen pawh hian lo inṭhen leh ta pawh ni ila pasal dang ka neih peih tawh kher ka ringlo








Thuam chhawm chungchang ah pawh ka pa lam atanga tunu neih chhun ka nih vang nge, ka ni te ka patea te ho in chu chu kan lo ti ang an ti liam liam a, Au Mama leh Mampui an ka thuam chhawm tur chu min tihsak deuh vek a nimai, Au Mama nupui U Cindy hi a fel a, keipawn ka ngaina viau bawk an indan tirh te khan Au Mama ai mah mah khan ka ngai emaw ka ti hial ṭhin, sawi leh sawi hnu Hruaia nupui Sangtei nen chuan an zia chu inang lo tak an ni. Hruaia pawn eng nge ka duh min zawt ve viau mahse hna mumal an nei silo a, ka pa dawr pakhat an nupa a an nghah ṭhin hi a ni deuh ber a, ka phut buai duh ta lo law law kha ania








Ka awmlo tur chu ka nu ka ngaihtuah ang reng khawp mai, Sangtei ava sual viau e ka tihna nilo in kei an hlauh ber ka han awmlo tur chu ka nu thu an lo awih loh viau te ka hlau hnuhnawh viau bawk, Sangtei tak hichu chutia mimal a va sawisel na tur ka la nei em em hrih lo a, an la innei reilo bawk nen mahse a u chiah Tluangtei te kha chu kan in classmate bawk a ka hre chiang ve ang reng bawk a, ka pawh lem lo khawp mai. An unau hi an hmel chu a ṭha thlawt a mahse tih lai hi a awm ṭhin







Ka va lawina tur te timai ila Liansanga te pawh hi chhungkaw rual ve deuh mai hi an nia, anau mipa a chhang chiah hian nupui a neih tawh vang hian Liansanga inah hian kan indang nghal dawn an ti khan ka hria a ka hriat sual loh chuan, lawi nan an inpui hmang tur ang chauh khan an sawi tlat. A nau te lah an lo chhang chhe ve tawh bawk nen, nau hmeichhe pahnih ala nei bawk a apan "inpui luah lo tur ro ro in dan hma kha a pawina a awmlo" a lo ti ni awm e, Liansanga lahin a ma ina awm kha a lo duh zawk aniang chu a lo pawm nghal emai







Biakin dar chu a ri ta tlang tlang mai le ka zam ve viau aniang ka kut chu a thlan ve dap mai, Mampui an min kai lut dawn a biakin kawngka bulah chuan kan ding ran tawh, dar a rawn nawn leh chiah chuan min kai lut ta. Biakin tlim hmur chuan mipui chu an lo awm a, ka rin phak bakin lo kal an tam chhungkaw hung ve ve tih tak ah ṭhen leh rual rawn kal an tam viau tih ka mit sirin ka hmu thei







Inneihna pawh kan zo fel ta, Liansanga nen chuan kan la in be mang lo a tih theih, han inbiak chiamna hun pawh a awmlo hrim hrim a, thla kan la a a khat tawkin "i ke a kham tawh em" a tih loh leh "i ning tawh em" a ti sup sup a, chubak han sawi chiam a neilo. Liansanga te biakin a lian a an kohhran hall ah joint reception kan nei a, ruai pawh biakin a kil nghal tur tho a ni, ka huphurh ang ai takin kan tling tla ṭha phian mai. Zanlamah programme a la awm avang in chaw eikham velah lawi lut turin kan inbuatsaih nghal a







Ka nu leh pa in ka lu chung a kut nghat in min thlah liam thlap a, Rinmuanpuia hi a rui ve deuh emaw ni ṭap mai tur ang te hian a awm rauh a, min han ti zak na teh se a chak lo ang.






Liansanga te inah chuan ka lawi lut ta, ṭhen leh rual an ngah bawk a rin ai takin mo lawm tu pawh an lo tam, Liansang an ṭhiana a hman hi a thawhpui Doctor ve tho Alex-a ania rin ai takin Mary nen pawh an inkawm thei a, ka thla an ti muang viau . Bungrua ho pawh Liansanga ina kan ken phei nghal tur a ni bawk a, inhnuai ah chuan kan dah vek a after party kan kal hlan in thiar tu tur an awm an tiin ka hria





Kawng lehlam tak ah chuan ka hahdam let linh phian mai keiman engmah buaipui ngailo in an lo buaipui fel vek zel a. Kan after party na tur chu kan thleng a, ṭhalai rual deuh thaw kan ni, kan cousin te ho an tam ber a ṭhian hnai deuh te an ni leh mai, college a ka thawhpui te pawh kan department bik chu an lo la awm hlawm a chutin Liansanga thawhpui te ho pawh, Doctor rual tih tak ah an zahawm khup hlawm hian ka hria







Au Mama te chu an chhangchhe tawh bawk nen zan lam chu min rawn telpui ve ta lo a, Mampuia leh Hruaia te nupa a nimai. Hruaia te chu min thlah na ah pawh an rawn kal silo a, an awmdan hian ka mit tih kham lek lek chang hi a nei ta fo mai, inhrang ah awm dawn mahila a zai vai vai in ka va inrawlh ang tih na nilo in ka nu leh pa mit an tih kham hlauh chuan ka ngawi mai mai bik tawh lo ang, mipa nih chuan nupui te thu hnuai a awm duan duan tur pawh a ni lo reng reng







Liansanga te lam buaipui ania after party hi ka beisei ai daih in an lo ti pui a, band pawh chi 3 ngawt an lo sawm a, an in zai chhawk a ni deuh mai. Ei leh in tur lah an bei nasa na ngiang mai, zu chen in a tak khawp mai ka ril rem zawng ni viau lo mahse ka sawisel sak duh lem ta lo a






Hmeichhe in vawng vel ruihtheih thil phei chu a tih a ti chhin duhlo bur kha ka nia, ka phak ang tawk ah kohhran leh khawtlang ah ka inhmang bawk, Rinmuanpuia leh Lalhruaia hian engemaw hunpui ni khua hian zu han in ve mai hi an hreh ṭhin lo a, ka hauh tam na ber a ni bawk. Au Mama hichu rawlthar mai a nih lai aṭang tawh a Pathian bel tlat mi kha ania, a tlangval lai pawh a Bial Zaipawl ah te tel char char kohhran leh khawtlang a hruaitu ni zat zat kha ania, anun ah hian entawn tur tam tak hi ka nei ka inti ve ṭhin a ni





U Cindy-i laka a dawhtheih zia te hi veng khat vek kan ni bawk a, a hrechiang tu te zinga tel ve tho ka nia, ka u mah ni se ka fak ve thlawt ṭhin a ni






Hruaia te lam ka hawi chuan Sangtei awmdan chu ka chik deuh a, zu a in ve nge ni boruak a ngam riau hian ka hre pek a, mahse midang in min lo biak buai avang chuan ka chik zui lem ta lo a.





Min rawn chibai tu chu ka melh ve kar a, ni e he nu hi a ni lawm ni Liansanga bialnu an tih luaih luaih kha, mo kawr kan en dun ni a a kalpui nu ngei kha a ni, nui sang hian min rawn chibai a chik zet in en mahila a hmel aṭang chuan a rilru tur ka hre thei der lo, mi mizia tur leh ngaihtuah awm ka hriat theih viau ṭhin nen henu hichu a inthup thei viau ania nge, henu aia hmel landan aṭang a ka chhiar theih loh dang pakhat a awm , chu chu tudang nilovin kan Liansanga ngei hi a ni





Amah hi a tak run reng a ṭawng hi a hlauh hmel ngawih ngawih Mary tih dan takin, a ṭawng chhuah chhun lah hi zawi hi kan han ti thei khawp ah, ka duh khawp lo ṭhin kher mai. Zep lo chuan a ṭawng dan ṭhin hichu ka ngei chi tak ti ila ka sawi sual awm love







Midang in min tih luih tlat avang chuan Liansanga nen chuan kan haw ta a, ka zam lo ka tih chuan dawt ka sawi chiang bal dawn sia, ka zep lo ka zam viau bawk. He pa nen a han chendun tur mai chuh khua a har ve viau dawn hi ah, ka thil ngaihtuah vang chuan ka ner nak a, motor khalh pa lah chuan min rawn ngaihsak ve lem hlei lo a







In kan lut a kan inthlak nghal mawp mawp a, kei room ah ka inthlak a Liansanga chu kan nupa room tura an tih piah chiah room ah chuan a inthlak thung, kan inthlak zawh chuan ka rilru ah thil a lo lang zawk ni e deal siam pui ngei ka duh mumal deuhin





Room atang chuan ka chhuak a, Liansanga pawh sitting room ah chuan a lo ṭhu vang tawh, a ṭhutna ep chiah ah chuan ka ṭhu thla ve a ka aw thian kharh in " Ih diktak chuan i hria ang nga, he kan inneih dan hi i duhdan a nilo tih ka hria, kei erawh chuan han duhloh chiam kha ka nei ve lemlo a, ka lo hria a ngaihzawng nei lai te i nia tih buai che u ka duh lo, chuan keipawn he inneih na hi ka pawm lo lem lo na in pawm chhan ka nei ve chu chu fa neih ka duh, fa min pek phawt chuan i duh dan a nih phawt chuan kan inṭhen leh thei ang, mahse a let ah fa ka duh thung dawn a, ka lo rai ta a nih pawn min chuhpui theilo ang " a tira ka zam ngaihtuah chuan sawi chhuak ṭha ka in ti phian mai






Ka thusawi uluk hmel fahran a lo ngaithla tu Liansanga chu rawn bu nghat in "a ṭha lawm, contract te kan ziak nghal dawn em mi niang" a aw thum bul hi ngai ah ka la nei thei chiah lo a chha chu a ni, amah hi ka duh miahlo mahse a aw pa hrak hichuan min ti danglam ka ti dawn nge, aaa mak ka tih vang a ni mahna le







Contract tur chu chawpchilh deuh a type in kan print nghal a, kan sign hnan nghal thlap ve ve bawk, ka contract keng a room a ka lut tur chu a thil rawn sawi vang chuan ka tawp chat "fa neih i duh tho te chuan zanin aṭang kan ṭan nghal mai dawn em ni" a thu rawn sawi avang chuan nge ka thlan te hi a bawl ṭiam ṭiam hian ka hria "ka....ka..la in peih lo" bah nak a ka tih chuan rawn nui chhuak hawk in a kalsawn ta nghal daih a, hepa hian mi fiam ve khanglang emaw ni


##########

Ṭhiante min fuihna zarah story ka rawn ziak ve thawr chu ania, a ngaihnawm ange maw ni! In ngaihnawm tih zawng te a nih chuan min lo chhiar sak pahin min lo comment sak ve zel dawn ania.


Inhlauh ber regular loh kha a ni tih hre reng in regular hram hram ka rawn tum dawn a, nitin rawn dah ka tum ang nga Saturday zan leh sunday zan erawh ka awl thung ang, chumi tih loh ah chuan Pathianin rem a ti te nih chuan damlohna thil leh pawimawh tawp a nih loh chuan ka awl lo ang aw.


Show post links
Top

[Ngaia]

Ka alarm ri avang chuan ka mit ka meng diar diar a, ka awmna hmun ka en kual a ka hai ṭhelh mai, Liansanga chu nizan khan room a amamawh a rawn lak bak chu a la rawn lut lo hrim hrim a, kawng leh lam tak chuan ka thaw veng deuh hawk in ka hria





Ka tho chhuak a ka in phih fai a inhnuai lamah chuan ka chhuk thla nghal a, Liansanga pawh a lo tho tawh a a hmel en chuan thawh phan a neih viau hmel loh, zing ah a tlan nge maw ni a harh vang ṭha emai




Fanu mal duat rawn tih tak ah hian hna kalloh ni ah te hichuan ka duh tawk a mu ṭhin, zing thawh harsat em em hi ka nia tho hma ṭhin te hi ka ngaisang viau, zanah kan men chen an meng ve tho sia an han tho hma thei bik tlat hichu an fakawm ve thlawt a ni. Nizan khan ka mut hma in Liansanga in hi ka enkual thuak thuak a, a lian e han tih hluai tur chu a nilo mahse a te chhe chuang lo





Mizopa chhiar a chhawng hnih kan tih mai kha ania, sitting room pakhat, choka, bedroom pahnih leh study room pakhat a awm a, bathroom pa thum a awm bawk. Mi pahnih chen nan chuan tawk tak a ni, Aizawl veng lun laia awm a ni bawk a inhnuai kawngpui an khu ama clinic leh damdawi dawr atan a hmang nghal a, zing kar ah leh tlai ah a ṭhu a, chhun ah chuan damdawiin lamah a awm thung






A hna aṭang ringawt pawh hian a lakluh hnem dawn tehlul nen, ro chungchang ah an la buai chu a ni ngei awm sia, mihring duhamna hian tawp chin chu a lo neilo a ni e. Liansanga te inah tukṭhuan ei phei tum kha kan nia, tawi khawmuan viau pawh a chi hran lo, "thingpui in phawt ka tum a i duh ve em" ka thingpui tur chu ka lum pah mawlh mawlh a, ṭawngkaa min chhang lo in lu a lo thing ringawt, ka run reuh kher mai miin zawhna an zawh chuan ṭawngka ngeia chhan hi ka duh dan a nia a zahawm bik ka ti bawk, engmah phei chu ka sawi zui ta lem lo a.






Zing kar ah hian thingpui sen hang dal deuh hian ka inziah a, thingpui hrim hrim hi a sen hang bak hian ka in ngai lo, ka ngaina lem lo a thawhpui te ho pawh hian mak hi min ti ṭhin khawp mai, ṭhenkhat lahin senior hri te an ti thul






Thingpui te ka inzawh chuan Liansanga car chuan kan inphur chhuak ta a, sawi tur hi avang duh khawp mai, hmeichhe ṭawngtam tak nih loh phei chuan han biak hmasak mai ngaihna hi ka hre ṭhin lo, ani lah hian min biak hi a tum vak ṭhin silo a, a motor ah pawh chhiar tham chu kan in phur ve tawh kan han titi chiam awm hi ka la hrelo reng reng, ṭawng tlem dun ta na na na chu






"Tlaiah khan i nuten chaw ei phei ve tur khan min ti sia" sawi zawm mai tur hre lo chuan a ngawi leh vang vang a, ka nuih te lam lam a ti za tawh, Doctor ve meuh si heti em em a ṭawngkam an han thiamlo mai hi amak ka ti ve thlawt ṭhin, engtin nge a patients te nen hian an inbiak ṭhin ang aw






Liansanga te in kan thlen chuan in leng neuh neuh pawh an lo nei nual a, mi lah chuan an fiam peih hlawm phian a, nizan a engmah ti hleilo kha an mi fiamna ah te chuan ka lai chhe thei em em mai lehnghal nen Liansanga pawh chu a khi ve suk suk mai, engmah mah a ngai lem lo nge ni






Chaw te chu kan ei a chhungkaw hung tih tak ah kan nau nawi viau mai, Liansanga nu leh pa te pawh "ka nu ka pa" ka la ti lem lo, sawi leh sawi hnu hmangaihna vanga innei nilo ta chu han koh mai kha ka la tim deuh tlat, kan in chenchilh bawk silo kei lah mi han koh mai harsat chi ka lo ni bawk nen min dem em em lo turah ka ngai ve ngawt ah




An nula ten kan chaw eina an tih fel vel chhung in ka puan chhawm te chu ka lo sem a, ka nu in Liansanga nu puan tur leh a nau te pahnih ta tur min dah hran tir chu ka pe nghal a, a nau chiah nupui ta tur keima dah hran chu ka pe tel bawk. Mo an nih vanga tih hran nghal kha ka duh dan a nilo, keipawh mi mo ni ve ta mai ka nia ka pasal a chhungte hrawn dawnlo mahila mi fanu nih lai leh mi mo nih lai kha chu a inang thei lo tlat a ni







Nu ṭhenkhat hian kan mo te hi kan fanu ang chiah in kan en hi han ti ṭhin tak mahse, thil theih tak tak loh a ni, a sawi tu te hian an hrechiang ber ang chu, tu nu leh pa mah hian an fanu an hmangaih ang tak hian an mo te hi an hmangaih ve dawn lo. Ṭawngkam ṭha an duh ro ro a nih chuan "kan fapa hi kan hmangaih a, anin a hmangaih tak in fanu hi kan ti hreawm phal dawn miahlo ania" han ti se a dik thlap zawk in ka hre ve tlat "ee lo ngaihtuah suh u kan fanu nen hian kan endan a inang reng ania" han tih hichu a lawmawm viau rual hian a lem riau ania






Liansang an min rawn koh chuan a room hlui lamah chuan kan inzui lut nghal a "hetah lo awm lawk la hna thil pawimawh ah min rawn ko thut a, tlai ah i nu te in a chaw ei phei turin ka rawn lam leh ang che" a ṭawng dan chu a hmanhmawh hmel kher mai "awle" tih zawng in ka chhang sawi tur hre lo miau hek





A kalna tur chu hna thil a ni tak tak ange maw ni, doctor ania an rawn ko thut kha chu a awm ve reng mahse a hma ang khan a nula hmu tur kha a nilo ang tih tu nge sawi thei ang. Kei a pawh chu lo ngaihtuah chiam tur pawh ka ni hran lo in ti ru mawlh mawlh pah chuan ka thaw chhuak hliai a





Liansanga nu leh a nau nupui Muanpuii te nen chuan kan in zui deuh chawt mai, Muanpuii nen hian kan inrual a kei aiin a thla in a naupang zawk, Liansanga nau Mawipuia hi kei aiin kum khat in a upa bawk, leh lam kawng zawng tak chuan in koh dan ah kan lai deuh hu hlawm mai.





Liansanga nu chuan pangpar a lo nei ngah khawp mai a, ka nu nen an inkawm thei phian in ka ring, kei lah pangpar lam hi ka ngaina ve leh tlat lo a, ka nu in min han phun tir ve te hi ka ti hlum leh nge nge zel, ka kut hi a hmui lo khawp a thlai leh ilo velah hichuan





Ka rin ai takin kan boruak chu a zang khai a nuam ka ti phian bawk, Liansanga nen kan pahnih a awm ai chuan an inpui ah hian awm ve daih mai ila te ka ti rum rum hial a ni. Khawngkhar ri ah chuan Muanpuii nen chuan kan hawi rual vat a, nu pakhat ka la hmuh ngai loh a ni, nu thau lampang sang lo tak hi ania Muanpuii ka en a a ner deuh nak dan ah ani chuan a hre phawt chu a nia ngah, chuan a hmel aṭang hichuan a lawm teh chiam lo a nih hmel






"MP khawnge i nu" a aw chu a zawi lem lo fahran mai, luhruh ring chi a ni ve dawn a nih hi, Muanpuii chuan a lo chhang vat a chunu chu kan piah deuh a couch ah chuan rawn ṭhu thla ve in thingpui a rawn lam nghal zat a, ka rilru te te chuan tlangnel ka han ti khawp mai ah, kei ni chhungte ngawih ngawih inah pawh min zawh loh chuan kan lam ngailo aniah






Muanpuii thawh tum chu ka lo dang a keiman ka lum tur thu ka hrilh nghal a "a ni teh tak e, mo thar thingpui lum te pawh in a chakawm alawm" nui huah huah hian a ti a ka khi ve sak ringawt, sawi tur ka nei miau lo a. Thingpui chu ka lum mawlh mawlh a Muanpuii nen chuan an inbe lem lo nge ni thawm a reh riau, thingpui chu ka va pe a Muanpuii bulah chuan ka ṭhu thla lehnghal a







Liansanga nu pawh a lo let tawh a chunu bulah chuan a ṭhu ve nghal a, han thawh san daih chi ni hek lo an bulah chuan kan ṭhu ve ta reng a, "ee taka nichin ka bazar ka rawn haw lamin Liansanga clinic lam atang ka rawn haw a, Martha-i nen ka hmu tlat in ka hria" chunu chuan a tih chuan Liansanga nu leh Muanpuii hmela tim na ni awm tak rawn lang chu ka hmu thei, kei engmah hre velo ta chuan han ngaihṭhat loh dan emaw tur ka tin zawn thiam ve hauh lo mai





Kan inleng nu chu la duh tawk mai lo hian "Liansanga chu a nupui nei thut hi mak kan lo ti alawm, Martha-i nen an la inzui reng emaw kan tih laiin tihian nupui a nei thut sia, nupui a nei dawn tih kan hriat te khan Martha-i tur ah char char kan lo ngai a" a ti deuh duah a Liansanga nu chu za lo zet a nui in "Mahlimi ṭhin mai mai hi ah, i ti awm ang lo thei emai Martha-i nen te chuan an inzui loh na a rei tawh alawm" a ti hliai a, sawi zawm leh in "hei mo ṭha deuh kan neih tawh hi, mi fel tak chhungkua kan mi hriatchian te an ni bawk a, ka rilru te hi a hahdam huai ania" kan inleng nu chu Mahlimi a ni tih ka hre ve ta bawk a







Ka nu rualpui a ni bawk a Nu Mahlimi hi ila ka ko sual bik lovang chu, Nu Mahlimi chu la ngawi mai lo hian "a ni teh tak e nangni te chuan in dinhmun milpui deuh chauh in duh ang chu tiraw, Martha-i te zawng an khawsak a harsa ve sia, in mo ni tur chuan in iai ve deuh ang chu" a thusawi duh dan chu ka lo ip zawk zawk mai, a sawi hi a dik a nih ngat chuan Liansanga te chhungkua ka hmuh dan hi a dang viau bawk ang







Martha-i an tih chu Liansanga bialnu ka tih ngei kha a nih ka ring ta hmak bawk, an inneih theih loh chhan dik tak hi a ni ka hriat chak chu, hun in a la rawn her chhuah pui tur ah ngai ang. Nu Mahlimi chu a haw a Liansanga nu chuan engmah a sawi zawm lem lo a Muanpuii thung chu a ang hlak hlak mai "Nu Mahlimi ka nin zia hichu pui tak a ni, Mawipuia nen kan inneih tirh pawh a hreawm ka tih nachhan ber alawm, kan inhnaih ropui sia" ka ngaithla kar a Nu Mahlimi an tih te kha Liansanga te in piah lawka awm hi an ni awm e, a nih chuan an khawsak pawh a harsa lutuk lo tawp ang, helai in bul hnai vel chu an pui khep khup hlawm emai









"Mamte heta in awmlo tur chu in vanneih a nih kha, Nu Mahlimi hi e hnaih reng reng loh tur a nih hi, ka mo tirh khan ka â sia thil hi ka lo hrilh ve nasa thei khawp mai a, mahse veng chhung ah a vak tak sia miin pasal a chhungte rel ching ang in min chhuah phah a, Mawipuia nen pawh kan inhauh hrep phah alawm. Chutah la duhtawk mai loh in kan fa neih har thu te a lo sawi kur duah a, mi zing ah ka ching ang ten min lo chhuah a nih chu" a sawi zawng chuan a la thinrim zia chu hai rual a nilo







Muanpuii te hi an inneih tirh in an rai lawk lo a ni awm e, chutia a lo sawi darh lehnghal phei chuan a thinrim thlak duh viau in ka ring, an sawidan aṭang chuan Nu Mahlimi an tih chu ngaihdan tawk ka nei thiam mai, a thusawi zawng zawng chu awih chi a ni dawnlo tawp a, mahse dik a mual mual chu a awm ve ang







Liansang an min rawn call a "Mamte" a rawn tih thawp sap rual chuan engtin emaw ni zu awm tlat pek a, amak teh e mi tam zawk min koh dan ni mahse Liansanga hian tun hi a vawikhat ka hming a min koh na ania keimah a danglam hi mak ka tih vang a nih ka ring e. "Mamte i hre thei em" a rawn tih nawn leh chuan harh chhuak zawk in "ah.... Aw hria e eng nge ni ta" ka ti bah nak mai, mak min tih viau pawh ka ring e







"Kan hna kan la laklawh lutuk a a tlai tawh bawk nen, nangmah in lo va kal la chuan ka rawn tlang ve nghal mai ang, chaw erawh ka rawn ei ve hman kher angem ka hre mai lo" a thusawi chu ka lo ngaithla leh kar tawh, ni e a hming chuan ka pasal a ni tawh a, a hman loh thu min hrilh pawh a tih tur a ni tawh reng a ni, mahse keimah hi ka awm thiamlo deuh huih ṭhin, dan ngai te bawkin hnial lo chuan ka aw leh mai a






Hun pek te pawh ala mamawh ve rih ania nge, kei ka duhthlanna ngei a innei tan pawh rilru pek har ka la tih laiin ani ngaihzawng nei lai, chhungte tih luih vanga nei tan phei chuan harsa ve tak tur a ni tih ka hriatthiam pui ve riau







Mampuia ka call a min lo lam mai turin mak a rawn tih hmel viau bawk, engmah sawi zui lem lo chuan a rawn kal ve mai bawk a, kan in kan thlen chuan ka lung te a chhe ve dawn dawn mai, ka ngaihtuah na ah thil lo awm daih chu hmanlai a nu leh pa ten an tirh luih vanga pasal an neih tir te ho dinhmun kha ka ngaihtuah a an lo van khawngaih thlak tak em tih hi a ni





Tunlai mi te chu vannei tawh tak hi kan ni ringawt hmanlai ngaihtuah kha chuan, hmechhia pawn kan duh zawng zawng hna kan thawk tawh a, dan lah in min humhalh nasa mai si kan nuam sa leh lutuk a mipa leh hmeichhe intluktlanna tiin kan iak kan iak tak hi





In kan lut a chaw ei pawh siam theih maiin an peih tawh, ka nu ka hmuh rual chuan a hmel ah chuan diklo a awm tih ka hre nghal mai han zawh nghal ka tum viau na a, ka pan min lo be buai ta bawk nen ka zawt ta hrih lo a, ka haw hma in zawh chu ka tum tho tho





"Mamte Liansanga khan min rawn bia a chaw a rawn ei hman hmel loh thu te kha a sawi a, an hna lam an buai viau aniang chu maw" ṭhut khawmna ah chuan kan ṭhu a, Hruaia te nupa erawh ka hmu miah lo ka nu hmel dikloh chhan nen khan in zawmna a neih ka han ring nghal ngawt ah, nu te hichu fapa te ai chuan fanu te hian kan lo hrethiam deuh nge nge a ni mahna le






Mampuia pawh a rawn chhuk thla a ka pan chaw ei mai a rawt a haw leh tur te ka la ni sia, han muan viau kha a ṭha lo atia ka nu leh kan nula ho in chaw ei chu kan siam a ka nu chu a hmel dikloh chhan chu ka zawt nghal a "nizan khan Hruaia te nupa kha an rawn haw har khawp mai a, i pa phei chu a mu lut daih tawh nghe nghe kei kohhran hmeichhe sum vel en fel khan ka buai a ka lo nghak deuh pah hrim hrim a





An lo haw chuan dar 12 a pel duai tawh an la rawn rui dun em em lehnghal a, kha kha ka lo khak deuh a 'Sangtei pawh hmeichhia zawk i nia i pasal khap tur zawk i nih laiin tihian i lo awm ve a' ka ti kha a haw deuh aniang, a thawmhnaw kha a siam a ka haw dawn kha a ti deuh hmak a Lalhruaia lah kha a lo rui bawk nen an chhuak dun ta a nih kha" ka nu sawi hi a dik ngei ka ring, nizan ah pawh khan ka hmuh ve chhun ah pawh khan harh fim hmel kha an pu lo dun tlat






"Kapa hian a hrelo ami engmah a sawi silo a" zawi ang reng tak chuan ka ti nghal a "hrelo e ka hrilh duh hrih lo anih kha, a thinrim dawn sia kan buai thui mai mai ka tia, Lalhruaia chuan zing ah khan min rawn bia a, ka lo haw pui dawn ngaihdam te lo dil ve la ala rawn ti deuh deuh a" ka nu aw a lawm loh na nasa tak chu ka hre thei, keipawh ka thin a sa ve ta phat bawk






"A mai mai a Vanlalhruaia chu a zak miah na nge, in chhung ah pawh naupang ber ania kan tia kan en liam zel a, a hna mumal neilo ber in a chuti teh a a tih ngam ni, Zonunsangi pawh chu chutiang phut ang te rawn awm na teh se an nasa lo dun nupa viau ang" ka ang hlak hlak chu Rinmuan an a lo hria nge a rawn lut a kan thusawi min rawn zawt nghal vat a "engvak mah a nilo, i nau hichu a ti leh hluk zel a" ka nun boruak tih daih tum takin a lo ti nghal zung zung a






Insum buai peih lo chuan ka nu an lo tih dan chu ka hrilh zat zat a, ani pawh a lawm biklo tih a hriat mahse mipa hichu le an lo insum thei nge kei angin a ri ve buan buan lem lo "an lo haw laiin ka lo awm ve tawh dawn nia" tih zawng a sawi ka ngei lek lek a ni.






Chaw kan ei a Vanlalhruaia te nupa pawh an lo la haw lo, doorbell rawn ri tlang tlang ah chuan kan nula a tho tharh a, kan nula hi kum 20 bawr vel ania Ngaitei kan ti mai ṭhin a, khawchhak lampang mi a ni an tiin ka hria, a fel in a mawng a zang khawp mai college a hna ka hmuh tirh khan ka pan awmpui neih ve a ṭha i nu a hah lutuk ang a tih vang khan ka hlawh a chhawr turin kan la ta kha ania






Ka nu leh pa in pawisa an neilo chu a nilo mahse inchhung ah ka awm awl tawh dawn a, pawisa lakluh ka nei tawh dawn bawk nen ka pan ti hian a tia "pakhat kan neih belh chuan a dang pakhat chan tel huam tur, hahdam nan awmpui kan la dawn a chuvang chuan kha i hahdam man atan khan i pawisa i chan ve a ngai a nimai" ka sawisel lem lo khawp mai, ka hlawh hi sawm a pakhat ka pek leh Ngaitei hlawh ka pek bak chu keima tan ka hmang vek a, ka hautak lutuk lo bawk nen ka inkhawl ve nual tawh









Ngaitei hnung a Liansanga lo kal chu la va hmu vat a, kan banga kan sana tar chu ka melh leh zeuh a, a lo tlai ve tawh bawk em a nih hi "kan kal mai dawn ami naktuk lamah tih tur te kan la nei sia" dam dup hian a rawn tia ka hnial tawh lem lo, naktuk ah hian post wedding photoshoot nei tur kan nia, vawin tih kan tum na in kan duhna hmun kha kan chang bawk silo a naktuk a tih tum ta mai kan nia Mary leh Alex-a an la hman lai a ni bawk a






Liansanga nen motor a kan chuan dun chiah chuan rim dang ka hre ta, a mit meng ah eng mah lang lo mahse se zu rim ngei a ni a nam ni, motor glass chu ka down nghal a a mit sir chuan min rawn melh zeuh tih ka hre reng na in ka hrelo der ta tho a. In kan thlen pawn zu rim a nam vang nge ka be tui tang hlawl lo, ka room ti mai ila kan nupa room tur an dah zawk ah chuan ka luh san nghal a, ka inthlak sawk sawk a ka mut san nghal daih







Thil vawt thlur in ka hmai a rawn tawh chuan thawhphan pawh nei lek lo in ka meng nghal kawk mai, Liansanga chuan hnai zet ah min lo en a, nichin a ka biang tawk tu pawh kha a kut ngei a lo ni, mitmeng no lo fahran chuan ka melh nghal rawm a "eng nge i tih a" ka aw ki pawh chang ṭha tak a ni, ani lah chuan eng ah mah ngaih loh hmel zet hian dar a san uk ringawt a, ka la melh ngar vang chuan aw rawm thian kharh in "kan kalna tur ah kan tlai dawn i tho thei silo a" a rawn tih ban chalh chuan ka harh chhuak zawk mai, kei hi ka lo mutui mah mah a nih dawn hi







Room pardan an zar hi a phui ṭha khep khup bawk sia ka alarm a ri lo a ni ngei ang ka mut chiah chiah dan ah. Kan insiam nghal sawk sawk a kan thil tihna tur hmun lam chu muangchang vak tawhlo hian kan pan nghal a, tukṭhuan inah kan ei hmanlo bawk nen Liansang an kalkawng ah ei mai a rawt a pawi ka ti lem lo








Kan photoshoot na hmun tur kan thleng a boruak a nuam khawp mai, a lum lo a a vawt hek lo van lah a thiang kuk mai sia thlalak pawh a nalh duh ngawt in ka han ring ringawt ah. Kan tih tur ang te chu kan ti mawlh mawlh a, Liansanga an rawn auh takah chuan chawlh lai lawk animai tiin kan darh ta hak a




Nakin deuh ah chuan Liansanga leh hmeichhe pakhat rawn in zui phei hi ka hmu a, ral atang chuan tunge a nih tih ka hre mai lo mahse an rawn hnai telh telh a tunge a nih tih hai rual a ni ta lo Martha-i kha amah ngei hi a niin ka hre bawk, chutah rawn ti chiang tur takin kan awmna an rawn thlen chuan "hei Martha-i a nih hi" tih zawng sawiin Liansanga chuan min in hmelhriat tir hlawm a, in duh tak a innei nilo mahila midang a nun hlui hre tu ṭhiau awm lai a, a ngaihzawng hlui a nupui bula min in hmelhriat tir chu a tlawm thlak ka ti takzet







Mi zinga in khak vel kha thil mawi ber a ni lo tih kei mi â lo ta chuan ka hria a la ngawi mai ka ni, mahse in kan thlen hunah chuan ka ṭawng chhuak ve tawh ngei ang ngawih theih leh lutuk pawh hi min lo zuam mai mai a ni. Kan tih tur la bak ho chu kan ti zung zung a Martha-i pawh a lo la awm ve reng, mit ti kham turin awm hran lo mahse ka mit a ti kham em em tho






Haw tur chuan kan in buatsaih a Liansanga car a luh ka tum chiah chu amah Liansanga chuan min lo au ding a "Mamte, Martha-i hi kan bulah rawn chuang ve se pawi i ti angem" min rawn nge min hrilh pawh ka hrethiam ta nuaih love, "ti lo e lo chuang rawh se, a hma ah te hian a ṭhu duh nghe nghe em" ka tum ai ka sawi thui hret Liansanga rum deuh nghut ri pawh ka hre thei ngaihsak lo ang chuan ka awm ve ta hmiah hmiah a






A chhia leh ṭha hriatna pawn mawi a ti chiah lo aniang chu Liansanga chuan Martha-i chu a hnung ah a ṭhut tir a, keichu passengers seat ah bawk ka ṭhu veleh hram e nuih te lam lam a za dawn, mahni pasal te bialnu nen a motor khat a han chuan dun tawp mai pawh chuh





Martha-i kan thlah kawi dawn avangin Liansanga te veng lam atang kan kal a, an in kan nen an lo inhnaih khawp mai Martha-i chhuak fel deuh chuan kan kal leh mai tur chu Nu Mahlimi kha kan la hmuh leh nghal a, amah pawn min hmu chiang ngang in ka hria, min rawn pawh hma chuan Liansanga chu a tlan chhuak nghal a min rawn pawh ve hman lo mai mai niiin ka hria






In kan thleng a sawi duh ka neih vang chuan room pawh ka la pan rih lo Liansanga kal.tur chu ka au ding a, a mit ko rawn san ak in a rawn in her riai riai a lo nghak khawmuang tawh lo chuan ka sawi tur chu ka sawi nghal vat "Liansang a mah mah i ti ve deuh lo maw, i hriat kha hmingchhiat theih na thil engmah ka duhlo, vawin a in awmdan kha miten engtin nge an sawi a i rin, nang an sawi leh dawn reng reng hleinem che, kei mah daih a ni an sawi leh dawn, khawngaih hmel deuh min khawngaih tak tak silo in ka Khawngaih thlak thu an au pui chiam chiam dawn asin"





Aw ki sang miah lo a chutiang khawp a ka sawi hnem thei chu mak ka inti hial mai, ka hma a ding pa ngel ngul lah chu ṭawng tum awm ang pawn zuk awm eih lo a ka thin ava han ti rim zual mai mai tak. Ka sawi kha a ni reng bawk a, mi tawrh na kan sawi darh sak chiam hian an na kha a dam phah reng reng lo, an hriat nawn phah mai mai ṭhin, kan khawngaih viau a kan pui viau emaw kan tih lai hian an hliam ah chi hi kan lo phul sak reng a ni ṭhin lawi a, ṭhenkhat in phum bo an duh ngawih ngawih kha kan khawngaih na a zarah mi tamtakin an lo hriat phah a, ser nung kan siam reng zawk zuk nia






Engmah a sawi loh vang chu nge ni ka la ngawi mai thei tlat lo "hre rawh saw nu nen sawn ka mithmuh ah in inlan duh leh a nih chuan in nasa lo viau ang, keimah a a chhe lai ber hi cho chhuah tum suh ang che u, hmeichhe nikhua tak chu a ni theilo ang eng ang a inkawp pawh ni mah ula mi pa, nupui nei tawh khati khawp a ala rawn bawhzui duh dan ah khan" ka sawi zo hman awrh tih ah min rawn hnaih nghal ruak in




"Rinhlupui" awki fiak ṭhak thinrim avang a sai dar dar a min rawn tih chuan tlawm mai ka tum bik teuh lo, a awki rik chhuah dan chiah a aia ring mah hian "eng nge Liansangpui" ka tih ve tuarh chuan a ham haih zawk hmel lek lek , thawk a la leh hak a inbeng daih tum te pawh a ang ve deuh reuh e "lo buai suh" chu thu tawi te rik chhuah dan ngeiawm lutuk chuan ka in ven ve na bang zawng zawng min ṭhiah sak chiang khawp mai







A in rin hma chuan a chhim sam ah chuan ka han ban a ka kek bu nghal lawp a, nghet lutuk in a sam chu ka la ṭham bet tlat bawk "min thlah nghal rawh" a awki pawh a ring ṭha tawh khawp mai ka hlau ther te lo, unau mipa inkar a sei lian tih tak ah hetiang awka vin tih vel mai mai hian min ti zam pha ve lo





A aia uar chuan ka kek kun lap a a thinrim tawh zia chu a bek pawng ṭawlh ṭawlh ah chuan a hriat theih, mahse a duh angin a che thei bik lo ka vuan nghet em mai, ka ban rek ah chuan na zet hian a rawn ṭham a, a tha a hmang ve tak tak aniang a na vawng vawng mai, thlah erawh ka la tum chuang lo





Ka kut a hmer na a nat tawh em avang chuan tih dan kawng dang ka zawn vat a ngai, a sam hi ka thlah chuan ka tlawm zawk tihna tluk ah ka ngai bawk si, kei aiin lian zawk mahse kut thawh hmasa zawk ka nia, a sam ah ka kuai kun a kei aiin a awmna a hniam deuh zawk, ka ban pawh chho zawng in a ni a rawn hmer, ka ban a hmer na na lutuk ah chuan ka mittui a tling pum tawh hei aia ka inhmer rei tir chuan ka mittui a tla tak ngial dawn si







Ka ban a hmer na kut a ka seh vak rual chuan rawn ṭe chhuak ṭhawt in, min thlah a min theh leng lawp hi nimai ka piah couch chu ka ngheng deuh nghal rak rak mai, ani pawh a kut ka sehna chu a dawm vang vang a rum lutuk a min rawn melh in "i va rapthlak ve" tih zawng a sawi, a hmel leh ṭawng ka ah chuan a thinrim zia hai rual a nilo, eng ah mah ka ngai lo lui ve tlat ka thin ti rim hmasa tu zawk ni miau hek






A room a luh dawn thleng chuan a la phun bul bul mai, lian in hlauhawm viau mahse ka hlau bik eih lo, chutah ka thiamloh nilo ah lehnghal phei chuan tlawm ka tum lo hrim hrim, ka hneh loh tur pawh cho vek kha ka nia, cho loh te hi neih ka tum lo hrim hrim insual ngai lem lo mahila ka dikna ah chuan tuma lakah tlawm ka tum ngailo hrim hrim Liansangpuia tiamin .


Show post links
Top

[Ngaia]

Ka zing tho chu ka sil ṭhum mai, nizan lam thil thleng mitthla ah a rawn lang zut zut a, han inthiam loh na chhan em em ka la nei ta chuang lo, ka thiam loh hmasak ni miau hek lo in, an awmdan ṭha lo ka tih kha awka nem takin ka sawi a, min tham lo hmel deuh a a awm kual vel khan kei Khawlhring hmeichhia engtik lai maha zaidam a an sawi ngai loh thinchhiat na mu hnu kha a kaitho ka ti lo thei lo, khatia ka che kha pawi tihna ka nei lem lo






Ka ban rek erawh a duk kual raih mai tih chet zawng pawn a na ve fet mai, vawin aṭang hna ka join leh tawh dawn a karkhat vel tal a lo ber ah chawl tur ka nia, mahse kan department ah chhiat tawk kan lo awm bawk nen, exam a hnai tawh bawk sia kan HOD in "nangni lam chu ṭhat lam a ni tho a lo tlawmngai mai ta che" min tih tlat avang leh ina mahni a awm reng ka peih loh vang in ka pawm nghal thlap bawk






Ka ban chu bandage in ka tuam a ka insiam nghal, Liansanga hian lang a kal nula a ruai a nula ti mahila kei ai pawn a upa daih tawh, ani pawh nula damrei kan tih chi tho. Zing ah eirawng a lo bawl vek tawh a, ka insiam zo ka chhuk chu chaw ei min lo siam sak mawlh mawlh a "khawnge pakhata hi" ka koh dan avang chuan phawk hra a min rawn en in "Liansanga em ni i tih" aw tiin ka lo chhang nghal a "e clinic ah khuan a ṭhu a zing ah mahse tunah chuan hospital a thlen tawh ka ring" zawt zui tawh lem lo chuan ka thil eilai chu ka ei zawm nghal mawlh mawlh a








College ka thleng a naupang ho chuan min lo wish nghal sap sap a, ṭhenkhat min nel deuh ho lahin Liansanga chhelo an tih thu leh kan inhmeh an tih thu te an lo sawi luam a, za lo zet zet chuan ka ṭhen sak sak ringawt chhan vak ngaihna ka hre miau lo a






Staff room ah ka lut a ka table ah ka ṭhu fel chiah tih in kan HOD a lo lut a tuemaw hian a lo zui lut bawk "le le le in hriat ṭheuh ang in Sir Zira kha chhiat an tawk nen loh theih loh a ban a ngaih tak a vangin chawp chilh deuhin staff kan in zawng chawp kha ania, hei le kan duhthusam ngei mai chu kan hmu ta a, Sir Benedict tiin in ko dawn nia " kan HOD chu a chhuak lehnghal a, thawk thar pa chu a hmel a fresh vang reuh a kei ai chuan a naupang ngei ang nga, mahse naupang viau chu a nilo ang a naupang ber ah 25 vel a nih ka ring ngawt a







Sir Zira ai a an lak a nih chuan keimah nen kan in kawp deuh bik dawn tihna ania nga, ka rin ang ngeiin ka dawhkan bulah chuan an rawn ṭhut tir ta chat bawk a, organic chemistry khawih tu kha kan ni miau a Sir Zira nen khan






"Miss eng chin nge in khawih tawh te min hrilh thei angem" nui var var a a rawn tih chuan ka lo nui ve ṭhu mai, mihring nui hmel pu reng hi an ngainatawm bik mahse nuih dan theihnghilh emaw tih tur khawp an awm tlat tu dang nilo in kan Liansangpuia ber bur kha a ni, kei hi eng nge ka hriat a kha pa kha ngaihtuah chhuak nge maw ka nih mi






Benedict-a nen chuan naupang zirlai chu kan sawi dun nghal mawlh mawlh a, chawhma lamah period kan neilo ve ve bawk a, kan inhrilh zo hman em turah ngai ang. Rin ang ngeiin biak a nuam, nui hmel a pu reng reuh a, a titi dan pawh hriat hahdam ka tih zawng tak a ni ka ngaina dawn riau in ka hre tlat bawk






Kan thil tih lai a rilru ka lo pek deuh vang nge ka ban na pawh ka lo mang nghilh ṭhelh a, thingpui no ban mai ka tum chu ka ṭe ṭhat a nau chu ka thlauh nghal bawl mai, Sir Benedict-a chuan min rawn buaipui nghal vat vat a, ka kut a hmuh chuan mak a tih hmel kher mai engtia ka tih nge tih min zawt ta reng a, bathroom ah ka tawlhthlu ka tih chuan a awih nge engmah a sawi lem lo mahse doctor hmu ngei tur chuan min hrilh nghal a







A thu rawn sawi avang chuan ngaihtuah na thar a rawn lut zawk mai, ni e doctor ṭha tak an sawi chu hmelhriat ka nei ngei alawm, a lo ṭha reng em fiahna atan te pawn a ṭha awm teh tak e. Class kan bang pawh tum lawk ka neih vang nge phur fahran hian ka car chuan ka inkhalh chhuak a, kan in lam pan chuan ka inkhalh nghal vang vang mai, ka ngaihtuah na vang chuan ka khi var var tawh






In kawt ah chuan ka awm a ka car ka park fel chuan inchung a chho mai lo chuan inhnuai clinic khawngkha chu ka nem hawng riai riai a, ka rin aiin mi an lo la tam a tlai tawh ang reng viau sia, receptionist nu chuan min lo hre nghal mai a, intercom aṭanga Liansanga biak a tum chuan ka lo dang vat a "surprise ka duh a" nupui fel ber ang chuan kan han ti fel a, ka awmdan vel chu keimah leh keimah te hi ka in eilo zawk e ah






Damlo ho chu a an lut pheuh pheuh a mi pa hnih chauh an awm ta, ka mask ken chu ka phawrh a ka vuah nghal sawt sawt a, damlo an lut zo a ka va lut ve nghal vat a, "eng nge i rawn tih ve dawn" aw thum bul nelawm loh zet a a rawn tih chuan ka mask phen ah chuan ka ner ru nak mai, ka thinrim e te a ti zawk zamah emaw ni





Ka mask chu ka phelh a "clinic ah te in entir tur nilo in eng ngatan nge ka kal chuan ang" hahthlak tih hmel zet a min en in a thawk hak a "rawn ṭhu rawh" a ṭawngkam bul hmuk hmuk thei lutuk hi ui chu ni se Doberman a mei tan a ni hrim hrim





"I eng nge na" ka thin a ter leh at ṭep a mahse pawn ah a staff te an la awm ve reng tih ka hre chhuak leh nghal zat, hnathawk te hmuh laia ennawm siam kha ka dun dan a ni lo bur. Ka ban chu ka lek chhuak a a duk kual ruih a hmuh chuan a phun hluk a, a sawi a tak phei chu ka hre law.






A hmelah chuan inthiam loh na ka hmu ve deuh nge ni, a hmel chu ka sawi thiamlo nichin maia Liansanga nen kha chuan mi hrang daih an ni leh tawh. Dam raih chuan a kut chu a rawn chelh a, a dawhkan a eng damdawi emaw ni chu a la nghal a hmetchhuak nghal in ka ban duk lai ah chuan dim deuh hian a hnawih mawlh mawlh a. Hepa hi hetia a awm vel hi ka duh lo tawp mai, a chhan chu tunah hian ka lung hi a phu nasa mah mah, nilo hepa vang hichu a ni lul lovang ka lung hi check tir ka ngai te pawh a ni mahna le







"Nizan ang khan awm tawh suh ang che" ka insum hman leh ta pek lo "nangpawh" ka lo ti hram pek a, a chek leh hluk tawh. Hepa bula ka awm dan hi mak ka ti, a hming in nula senior tih ve ṭan tawh a pasal nei kha ka nia, hmeichhe puitling tak thu ho mai mai sawi ngailo, mi ni thlip thlep kha ka ni ṭhin a mahse Liansangpuia bulah hichuan hmana ka tlerawl chhuah tirh a Rinhlupuii mi thinchhe tak, tupawh hnial dang ziah ṭhin kha ka ang ka inti khawp mai, Rinhlupuii mi puitling tak tia an sawi kha Rinhlupuii naupang chhia takah khan min chhuah leh dawn tak ngial ka hnaih tam loh chu a him viau ang le








"Min lo nghak rawh kan chho rual dawn nia, midang en tur an awm tawh chuang lo" ka aw ve mai a, eng chu ka hria ni maw damdawi in hnawih sak vang mai mai chu a ni theilo, kei hian damloh na lian deuh te hi ka lo nei a nilo maw ni






Ngawireng chuan a thil dahfel lai chu ka lo thlir ve reng a, a pian hichu a hnung lam atang pawn a dik mawle han awmṭha duh phei se chu kei ngei pawh hi a zuna uai tur zing ah ka tel tih ka chiang e





Chutia ka lo en reng lai chuan "Martha-i nen khan kan inkawp tawhlo" a rawn tih hmuk chuan mak ka ti kher mai, awih lo hmel zet in ka nui hak a "mahna" tih zawng in ka chhang, a ngaithei leh pek lo nge rum deuh a min rawn melh hian a thaw leh hak a, ka ngei riau mai a awmdan ṭhin hi ui ang mai thaw hulh hulh reng ringawt mai







Lungawi lohna a nei a nih te chuan ṭawngka a sawi ve mai ṭhin tur hi ania, "tinge ṭawngka a mi chhan hi i hreh em em a" ka insum zo leh tawh lo a thin a rim leh phian maithei a ni, mahse beisei loh daih hian a rawn nui suk ringawt "kha sawi lai mek mek pawn" ka ner nang a rawn hmuh chuan a tawp a tawp ah "awle" a rawn tih ve hram kha







Inah chuan kan inzui chho ta a eirawng bawl sa in a lo awm bawk a, ka kut na nen Liansanga chuan amah in chaw ei chu a siam ta a, hetia amah zawk inthiamloh hmel deuh a a awm takah chuan ka inthiamlo ve dawn dawn mai hian ka hre ta





"Naktuk tih tur i nei em" naktuk hi inrinni ania keini chu kan chawl a, Doctor ho erawh hichu inrinni hi an hah ni ber ni mai hian ka hre ve, tunah chuan Doctor nen kan in chenchilh tawh bawk a eng tin nge an awmdan chu ka hre chho ve mai ang chu. "Tih tur em em ka neih loh chuan i nu khan lo phei rawh min tia ka va phei ang chu ka ti" chaw chu ka bar pah mawlh mawlh a, a ngawih vang vang hnu ah "mi ngaihdan tur che kha i care viau chuan 'i nu emaw Liansanga nu' ti lo in 'Ka Nu' ti ve rawh a mawi zawk" dam dap a a rawn tih thlup chuan a dik na chen a awmzia ka hria a, ka koh dan hi thlak vat chu ka ngai a ni







Zing ah chuan Liansanga chuan an inpui ah chuan min va drop a, Liansanga let nghal tum chu anun a lo chelh a sawi duh a ka nei a tia, ka nu te room lamah chuan kan inzui phei ta nghal a. Ka nu hmel chu ka chik vang vang a lawm viau hmel chu a pu hauh lo engtak chu sawi ang maw "Liansang Martha-i nen in la inzui ami" a aw rik dan chu a chang ṭha beng bawng khawp mai, Liansangpuia chuan ka hrilh emaw a ti deuh nge ni mi rawn melh rawm rawm a, ka ngei lutuk in a aia rum mah in ka melh let a ala hawi sawn daih zui







"Zui lo e" a ti ṭha ve mai a "dawt sawi buai a ngai lovang i nu ka nih hi, Mahlimi dawr kal haw in hmanzan khan a hmu vek cheu lawm Mamte nangpawh i awm a ti nghe nghe a, ngah nge engmah mi rawn hrilh loh" ka nu chuan a ti hliai a, han sawi ve mai tur lah chu ka hre der lo ka ngawi ta reng a, "min hmuh dun vang ngawt khan kan inzui tihna a nilo, hna thil ah an chhuak a an motor ah an chep lutuk a, kan lo awm hnai nen min rawn zawm ve a, kan phur haw ve a nih kha" a aw ah chuan a tih tak tak zia a hriat in ka hria







Liansangpuia hi ka chik ka chik pawh in mihring hriatchian har tak a ni dawn tih hi ka hria, tunah pawh hian a thusawi hi dawt nge thudik tih hriat a har ṭalh mai. M.ed ka zir lai khan basic psychology hichu kan zir tel vek naupang rilru tur hriatchian kha kan mamawh tlat a, nikum a hna ka hmuh aṭang phei kha chuan mi reng reng hi ka chik thei ta viau








Ka tet lai aṭanga ka nih chak tih sawi tur awm hi ka nei ngailo, mahse mi zahawm tak nih hi ka duh ber a ni fo, chuvang chuan he khawvel a hna zahawm ber a ka ngaih zirtirtu nih hi tum ta ka ni. Ka ngaihdan chuan mi thiam tak tak hna sang tak tak thawk te pawh an awm, chung ho chuan tun an dinhmun an thlenna chhan chu zirtirtute an ni tlat, he khawvel a nunchan an zirna atan Pathian in an zirtirtu hmasa ber atan nu leh pa min pe a, kan han lian a Sunday sikul kai rual kan nia, chatuan nunna kawng a min hruai theih nan Pathian thutak min zirtir tûrin Zirtirtu bawk min pe leh a







Khawvel sikul ah thiamna sang beisei in kan kal a, mi puitling tak tak a min chhuah a thiam na finna tam tak min pe tu te pawh zirtitu bawk an ni. Kan Lal Isua meuh pawh kha 'Zirtirtu Ropui ber' kan tih kha, chuvang chuan keichuan Zirtirtute hi an zahawm in eng mi pawh ni se zah taka biak hi an phu tlat a ni.







Ka nu nen chuan mut bu lum te kan la chhuak a tuna a hman lai ho hi kan dah ṭha nghal a, thlasik boruak tak tak kan chuang kai ve tawh bawk a khua pawh a vawt ve vur tawh, a kum tel hian khua hi a vawt telh telh mai a, chutiang bawkin nipui ah lah a lum em em thung a, Mizoram tlangram boruak nuam ni ṭhin pawh kha phai khawlum kan ang zo ta





Kan tui hna leh ramngaw kan vat chereu nasa a, tlangram lo nei mi kan ni tlat bawk sia. Sawrkar pawh hian lo nei tu te hi a ramngaw ti chereu lo zawng an hlawk theih tho si na hi ngaihtuah pui a hun tak zet tawh





Liansang an min rawn lam chuan dar 3 a pel hret chauh ka nu pawn min rawn lam hma a lo ti khawp ah, ani lah chu a nui mai mai a. Motor ah chuan nidang ang lo takin kan inbe ve luam mai, hla te ka play a engtin mah a sawisel lem lo bawk







Hun hi a kal chak khawp mai Liansanga nen kan inneih atang kar hnih a liam ve leh tawh, kan pahnih inkar chu ṭhian ṭha tak te pawh kan ang mah mah tawh zawk, hetiang reng a a fel chuan a zunah hian ka la uai velo ang tih a sawi theih loh. Kan insual timai tawh teh ang khami khan rah ṭha a chhuah a ni mahna le






College pawh exam kan ṭan tawh a naupang an hah rual rual in keini ho pawh kan hah ve viau mai, tun an exam hi an zawh chuan tunkum atan kan chawl ve tawh hrih ang nga a zia phian, ka hna hi tuam ti viau mahila han tlin loh lek lek chang hi ka nei ve fo, ni leng a mihring mize inang lo tak tak naupang tih duh tawhlo rual a luhlul rual lek lek enkawl kha kan nia, school ang in engkim kan in tihpui thlip thlep thei tawh silo a






Ka phone ri chu ka pick nghal vat a "Mamte motor i keng silo a ka rawn lam ang che aw" dam dap mai a Liansang an a rawn tih chuan ka lai ve lek lek mai, sawi leh sawi hnu ka nulat chhung kha rei viau mahse ngaihzawng tia han sawi tur pakhat mah ka nei hman lo a, biak ve lum lam chu ka nei na a inngaihzawn pui tur khawp khan tumah ka be lo thung






Hetiang feelings hi pasal ka neih hnu ah a vawikhat nan ka nei ve dawn ṭan ik ik chauh chu a niah, eng tak ang chho ang maw. Liansanga chuan a insawi angin min rawn lam ta ngei a min chhaih nasa hlawm khawp mai a, Mary lah a phur phur ah a ṭang leh ta nghal a, kum upat lam ah kan lai he hu mai






Kan boruak chu a hahdam viau mai Liansanga intih fai chhung in in chhung a ṭul ṭul ka lo tia, a phone ri reng chu a tirah chuan ka lak sak lawk lo na a, a rik tak reng si ah chuan ka va la ta a Caller id a hming rawn lang chuan engtin emaw ka awm zawk ka awmdan hi ka hrethiam viau lo






Chhan ka tum hman zuau tawh Liansanga a rawn chhuak a, a phone ka lo pe nghal a engmah sawi lo chuan call chu a pick a, an thusawi ngaithla duhlo chuan choka ah chuan ka lut daih a, a hnu deuh ah chuan Liansanga chu rawn lut in "Mamte thil pawimawh a awm lawk a chaw chu nangmah in i lo ei mai dawn ami" a rawn tih chuan "awle i lo haw har angem" "ka hrelo le"






Liansanga chu a chhuak nghal a, kei hian Liansanga hi Martha-i mipa a ni tih ka lo theihnghilh ṭhelh a, alak ah beiseina na ka lo insiam hman lek lek chu a nia, tlem a tlem ah ka lo inchhuah mualpho hman lek lek alawm, hei ai hian ka inven ngei chu a ngai ang ka chung a ṭhat a chhuah deuh hlek vang khan a inthlak danglam ta emaw ka lo tia





Mihring hi vawi leh khat ah kan inthlak danglam theilo tih hi ka lo mangnghilh ṭhelh a ni. Liansangpuia pawh hi a danglam chuang lo chuan kei hian thil chiang tak ka hriat chu Liansanga hian Martha-i a thlah fel ngei tih keimah ngei hian ka finfiah hma loh chu hepa hi ka hnaih tawh ngai dawnlo a ni tih hi.





Chaw ka eikham ah ka room ah ka lut nghal daih a, phone khawih pah chuan ka mu vel mai mai a, kan staff group ah chuan Sir Benedict an nakzan a birthday lawmna a kan department staff ho kal ngei turin min rawn sawm a, kei phei chuan kal ka tum pawh ka hre lem hlei lo a, naktuk hi kan duty na hmun tur a inang a chutah chuan gift pe ila a tawk mai turah ka ngai






Dar 10 a ri a Liansanga pawh a lo la let lo, ka han in phih fai a ka hmai te ka hnawih nghal mawlh mawlh a, mizo hmeichhia chu kan in enkawl uluk peih lo ṭhin lutuk hi kan lan tar hma na chhan pakhat hi a ni ve a, khawl hmanga in khawih danglam ngai miah lo hian hmai hnawih tur a ṭha ho tal hi han hmang ve ila, man to pawh a ngai hran lo tlawm te te ṭha tak tak hi a tam a, ka vun te a ti mar rei ve a, kan lang upa har deuh bik nge nge






Ka intih felfai zawh chuan mu turin ka inpeih chu a ni der, ka phone ka en a Benedict-a message a lo awm hlawl mai, a birthday invitation a siam chu min lo thawn chu niin, han chhan dan tur vak ka hre mai lo nen kutzungpui lem chuan ka han react ngawt a, chhuah ka tum chiah chuan typing a rawn in ti nghal bawk a, tleirawl ni tawhlo na fam chu mi message seen nghal tih vel te hian ka induhtawkna a tawk che pha tawhlo, an type lai reng a nih phei chuan lo ngah law law a chhan let vat vat hi ka duhdan a ni tawh






"Miss Puipui naktuk zan chu i lo kal ngei ngei angai ania, zanriah pawh min rawn kil pui ang chu" chhan dan tur ka hre lo lehpek viau ka kal chakna zawng a ni lem lo bawk nen mawi hnai tak chuan ka hnar a, mahse a lawm loh hmel kher mai "i lo kal loh chuan ka lawm lo viau ang, nangphei chu ka lo thawh tirh a ka kawm hmasak ber i nih bakah ka partner i nia i lo kal ngei ngei a ngai" beidawn a tum loh hmel khawp mai , ka kal tur leh tur loh ka la chian theih loh avang in "kan tum dawn nia" kha ka ti ta chauh ania






Puitling nih tawh chuan mahni thusawi anga awmlo te hi ka huat zawng tak hi an nia, chuvang chuan keipawh hi ka theih chian tur ah bak hian thu tawp ka sawi ngailo, ṭawngkam mawi in kan tum dawn nia hi ti ila mi beiseina kan siam dan pawh a nep deuh a, kan kalloh tak pawn an vui vai nep deuh a, kan kal tak leh an lawmna a sang ting a nimai






Engtik laiin nge ka lo muthilh ka hrelo ka harh leh chuan ka alarm pawh a lo ri ṭang ṭang tawh, nizan khan Liansanga a lo haw ta em pawh ka hrelo ka men lai chhung kha chuan a lo haw lo tih ka chiang thung. Kan nula lang a lo kal U Liani pawn chawhmeh a lo siam zo leh vek tawh, nula mawng zang tak zawng a ni e






Pasal ka han nei ve chu kan in aiin ka hahdam daih mai , hei vang hi niang kan in ka ngaih em em pawh ka la hre hrih lo, kan indang nghal daih bawk sia Liansang an hna kan kal ve ve vangin a mi chhawr lai kha la chhawr zawm zel a ni bawk sia, awl thawng tak ka ni






College ka thleng a naupang hoin min lo wish leh sap sap tawh, staff room pana ka kal mek lai chuan ka hming hian min rawn au lauh lauh a "Miss Puipui" hetiang a min au ṭhin tu chu pakhat chiah an awm Benedict-a, ka sawi dik reng bawk reilo ah min rawn um pha nghal a, thaw hluam hluam chuan a awm a dawm vang vang a chu chu ka nuih a ti za deuh tlat pek a ka nui hak hak mai, ka nui a hmuh chuan a ni pawh za lo zet chuan a lo nui ve a






"Zanin kha ka ring che ania aw" a aw aṭang hichuan min rawn hmu ang nga min rawn um chiam a ni tih a hriat theih, "min ring suh Pathian ring rawh" ka han fiam zauh chu a run ve viau a niang a ner nang a, kei chu ka la nui var var tho. Benedict-a hi engtin emaw tak hian ka nel riau mipa leh hmeichhia lam nilo in Hruaia nen hian ka tehkhin deuh ṭhin






Hruaia nen pawh hian a nupui neih hma kha chuan kan innel thei khawp mai, Mampuia hmun dangah a lo awm bawk nen, Hruaia nen hian kan inkawm tam hman viau, Au Mama hichu nel lo ka ti miah lo, mahse a ni chu a puitling khup a, Kohhran leh khawtlang ah a inhmang a nihna neuh neuh te a nei nen, ka zah a ka ti ve bawrh bawrh ngailo






Mi ri thawr thawr ni lo ta na na na chu mi harh vang leh lutuk te hi kawm an hreawm ka tia, ṭhian hi ka kawm lem lo hrim hrim a a hming a ṭhian tih tur hichu ka ngah a mahse ṭhianṭha tia chhal ngam chu ka nei lem lo, ka kawm ve chhun te ho pawh hi mi ri thawr thawr hi an ni ngailo, chutih rual erawh in in hmuam up tak an ni tihna a ni chuang lo , a hun leh a hmun hria hi mi puitling zia ania fiamthu hun a awm a thutak hun a awm, hetiang thliar hrang thiam ho hi ka kawm duh zawng te an ni







Benedict-a pawh hi ti zek zawk angin lang mahse tawp chin a hria a, active hmel viau hian lang mahse ka nin tur khawp a awmloh dan a thiam khawp mai, ka kawm ve ṭhin te nen chuan an mizia inang lo deuh mahse ani hichu ka kawm peihlo chi chu a ni chuang miah lo





Benedict an min sawm ngawrh em avang chuan a birthday chu va kal ve chu kan han tum ta pauh a, Mary'n a scooty a ken peihloh avang chuan ka car ah kan inphur a, Pu Madinga car ah Miss Aremi leh Sir Amos-a an chuang ve bawk tikhan kan department a teaching staff ho chu kan kim der. Mary leh Benedict-a chiah hi nula tlangval an ni tawh bawk, Mary hichuan bialpa nghet kha a nei a kumin hian inneih an ti ve tawh viau na a, a mipa lamin chhiat an lo tawk ve nen nakum lam ah an sawn leh ta kha ania







Hei vang hi nia thawhpui ten min fiam nasat zual em em , Mary a bialpa nghet nei zawk pasal neih tum hmasa zawk kha ka neih khalh daih a nisia , fiamthu thawh nan tak min hmang zui a huat en ah ka en lem lo, kan department staff ho hi kan in pawh a fiam pawh kan infiam na thei tuman ka haw ngai lem lo






Ka car khalh ah rilru ka lo pe deuh nge Mary chuan a kut ṭang rawn ti ri in ka hmai zawn ah a rawn lek kang a, harh chhuak zawk in eng nge ka ti ha a "saw Liansanga te photoshoot ni a kan hmuh nu nen khan" a aw ah chuan mak tih na ka hre thei bawk , a sawina lam chu ka hawi phei a inhuat loh hmel fe a Liansanga leh Martha-i te lo kal dun chu ka hmu nghal





Ka sa nghal phat mai ka thin a rim viau bawk, mahse an pahnih awmdun vang saw nilo in ka thawhpui te hmuh ah kher an rawn inlan saw a ni, chiang takin ka sawi a ka hna ka tana a pawimawh zia, mahse sawti sawn ual au takin an lo la inzui chu ania eng emaw tak ka tih a ngai leh dawn a nih hi. Keini pawn kan hmuh chuan Pu Madinga motor a chuang ho pawh chuan an hmuh ve vek ka ring nghal bawk, kan hma chiah ah hian an ding ve tlat a, tuna kan din chhan pawh gift la lei lo hoin lei an tih vang kha ania






Midang in an hmu ve tur ka ngaihtuah zawng pawh chuan ka zak ve kher mai, engtin tak min ngai ang maw, ka induhtawkna an dek che pha tlat chuan ka hriat chian em em chu Rinhlupuii ka nih chhung chu ka ngawih bo pui leh mai dawnlo tih hi a ni , a awmdan en liam mai mai ka tum lai a heti kher a rawn inlan hi ka lawm lo tih mai hian a sawi fiah zo tlat lo kan Liansangpuia zet hian rin ai takin min la rawn chawk buai dawn tlat.


Show post links
Top

[Ngaia]

Benedict-a te inkawt ah chuan motor kan ti ding hlawm a, mi an la tam vak lo a nih hmel keimah ni ho hi zanriah kil pui tura min sawm vang in kan kal hma kha ania, amah Benedict-a pawn min rawn chhawn vat in min rawn ngaihsak hlawm khawp mai, mahse le birthday boy tih tak ah kan bulah awm ve reng thei hek lo an koh na ah chuan min pen san lehnghal a






Mary nen chuan eng eng emaw kan sawi a hreawm kan ti bik lo, kan kalpui dang te ho chu an chhungte an bia nge phone call an hmang sap sap hlawm mai. Mary chuan a bialpa chungchang te chu min hrilh ve luam a, Mary hi ka kawm duh chhan pakhat chu mi chanchin a sawi ve mai mai ngailo hi a ni, mi chanchin sawi loh tawp hichu a theih bikloh han sawi ve zauh chang te pawh hi a awm ang, mahse thawk a phit a midang chanchin sawi tur emaw ti pawl hi kan tam tawh a, an bula awm tam hian an zia kai te hi a awl riau legnghal a







Ka nu hian a sawi ṭhin "hmeichhia chu pasal neih hnu chuan ṭhian kawm tam lutuk te hi a ṭha lo a, hmeichhe ṭhian ngah lutuk chu kan han ti ti ho a nulat khamloh te hi kan insawi khamloh chawp hi a tam ania, nulat kham reng pawh khamlo emaw inti tlat a uire mai te hi a awl, ṭhian chu neih tur ṭhian neih ngah chu a ṭha lutuk mahse kawm tam loh tur, kawm chin tawk hi hmeichhe tan phei chuan thiam a ngai leh zual" tiin , dik ka ti viau bawk






Hmeichhe awmkhawm chu thil dang sawi sawi mahila a tawp ah hian midang hi kan sawi kai a, kan han sawi kan han sawi a kan rel a ni leh mai a, mi rel hrat nihna hi ho te ania, thil ho mai mai emaw kan tih lai hian kan nun ah hian a lo bet ve tlat thei







Chaw kan ei kham a ṭhalai ho programme an ti deuh nge Benedict-a nu leh pa te kha ka hmu ta miah lo, Pu Madinga haw a tum tawh sia Miss Aremi lah in "phalna nei thlap a naupang kalsan ka ni bawk a hah dam ve hrih ka duh a ti tlat a" Sir Amosa lah haw a lo la ti bik lo bawk nen ka motor a haw ho mai tum chuan kan HOD Pu Madinga chu kan va thlah liam a,kan vai chuan inchhung ah chuan kan inzui lut leh hlawm a






Miss Aremi te ka phurh haw dawn chuan kan awm rei vak pawh ka ringlo, chhangchhe nu kha ania, Sir Amos-a te lah fa la nei lo mahse an nu in a rawn call chuan a haw hun kha a ni leh bur dawn sia, Mary'n la awm duh dawn mahse kar na tur dang an awm hlauh chu a zia dawn phian e





Ṭhalai programme chu an ṭan a zai tur te pawh tu tu emaw ni an lo awm nual a, rui hmuh tur an awmlo a an lo in ve a nih pawn an inthup hlawm viau aniang, nuam kan ti tlang hlawm viau chuan ka hria, Benedict-a pawh kan bulah a lo ṭhu phei ve tawh a, kan kal ve avang a a lawm thu a sawi mawlh mawlh bawk





Phone ka lo bih lai tak chuan hmeichhe aw tliang ral hian Benedict-a chu a rawn bia a ka han hawi chhoh chuan, Liansangpuia mitmeng tak run nen chuan kan inmelh siah mai, Benedict-a rawn be tu pawh tu dang nilo in Liansangpuia pangrem Martha-i bawk a ni. Nichin a kan hmuh dun pawh tih tawh nak alai in an la rawn kal dun ta deuh deuh, chuan eng nge hetah hian an rawn kal ve khawngaih takin ka zahna thlen belh lul suh se ka ti rilru nghal mawlh mawlh mai







Martha-i chu Benedict-a te nen chuan hla ve tak aṭang a in cousin hi an lo nia, midang chuan Liansanga hi ka pasal tih an hre vek a an hmel aṭang chuan an tim riau hian ka hre bawk, ka hriat veloh thleng a hriat nei hmel an la pu cheu zui. Chutah ka rin ang ngeiin Miss Aremi leh Martha-i chu an inchibai a "i dam maw Miss" Martha in a rawn tih chuan Miss Aremi chu a ṭhen ṭhu ringawt ka mitmei a ven zia pawh chu ka hre thei







Kan department ah hian Mary nen hian kan thawh ṭan kum a inang a, Miss Aremi Sir Amos-a Sir Zira leh kan HOD Pu Madinga te hi an lo thawk sa tawh bawk kan luh tirh chuan, chuan Sir Zira kha harsatna vangin a bang a Benedict-a hian a rawn thlak ta kha ania.





Martha-i chu Sir Amos-a nen pawh chuan an in bia a, ka tin zawn thiam deuh mai Martha-i hi kan college student hlui tihna a niang chu. An inbiak chhung zawng chuan Liansanga leh kei chu kan la ṭawng velo, ka thawhpui te chuan kan inkar an hre thiam nge engmah kan pahnih chungchang min zawt lo bawk Mary chuan boruak tih zat tum tak hian Liansanga chu a be luam a, ani pawn ṭha tak chuan a lo chhan ve mai bawk a







Mahse midang hmel a inthlahrun na te nuam tih loh na te leh kei min venthawn hmel deuh a tim dai a an awm te hian ka awm an ti nuam der lo, ka zak tih ringawt pawh hian ka awmdan hi a sawifiah ber lo e. Ka chapo na te chu a hniam thla rawih rawih hian ka hria, hetiang em em a mihring huat hi ka nei em pawh ka hre lo e. Ka hmel diklo an hrethiam nge Sir Amos-a chuan haw a rawt a ka hnial lo khawp mai, kan kal vat loh chuan ka zah lutuk vang a thinrim hian khua ka hmulo palh hlauh dah ang nge






Sir Amos-a te veng lam atang in kan tlan a ani kan drop hmasa ber a, Miss Mary te veng a lo hnai leh zawk nen kan drop leh a, Miss Aremi nen chiah kan chuang ta "Miss Rin ngaihloh lamah lo ngai lem lo la, inpa hi tlem a i ven ve deuh a ngai dawn ania, keini kan nia ka hrilh mai mai che nga Martha-i kha i hriat ka ring, kan student hlui a ni ṭhin a lehkha a thiam vaklo nen kha a gurdian te kha kan ko ngun a, i hre tawh em ka hrelo a Martha-i hi nu leh pa nei tawhlo a nih kha






A gurdian kan koh ṭhin chuan Liansanga hi a lo kal ṭhin a, a tirah chuan a cousin vel emaw kha kan ti ṭhin a mahse le chutia lo kal lo kal ta chu an inkar kha a hriat veloh theih siloh a, an lo inngaizawng ni awm tak a ni students dang sawi dan kha chuan, khang hunlai na na na kha chuan an inzui nasa ve khawp mai" a thusawi chu uluk deuh chuan ka lo ngaithla kar a, a sawi zawm leh nghal a "tikhan an la inzui reng emaw kan tih lai khan in lo innei leh daih bawk sia, a tir ah phei kha chuan mak kan tih zia aw, tun hnai te hian hmuh tur an awm dun leh zeuh zeuh sia, chuvang ania enzui deuh rawh ka han tih"







A ṭawng dan ah han huat tur engmah a awmlo, ka hma a ngaih vanga min hrilh tih pawh ka hai lo, ka hriat duh tam tak ka zawh ngamloh te min hrilh zawk a ka lawm viau mai. Miss Aremi pawh chu ka thlah fel veleh a, tunah chuan ka tih hmasak ber tur chu Liansangpuia min neih chhan tak hi ka hriatchian a ngai a ni, chuti khawp a thlah theih loh hmeichhe nei reng siin eng nga ti nge kei hi min neih chhan hi, ro vang pawh chu ni se eng ro chiah nge tih te hi hriat ngei ka duh







Thil pakhat erawh chiang takin ka hria eng vang pawn min lo nei in, engang pawn khawsa mahse amah ka neih chhan fa ka neih hma loh chu ṭhen ka tum reng reng lo, vawikhat hmingchhiat hi ka duhtawk viau chuvangin vawikhat hming chhe tur law law in ka nghak ang






In ka thleng a Liansanga motor pawh a lo awm vang tawh, an rawn kalna ala reiloh nen an lo haw ve nghal chu mak ka ti ang reng viau bawk. Inchhung ka han lut chu rim danglam tak chuan ka hnar a verh nghal zar mai, Liansangpuia hian zu a lo in khanglang emaw ni he ti em em hian ala nam nasa lehnghal a






A rim ka tih theih loh em avang chuan ka room ah pawh la lut lovin sitting room tukverh vel chu ka hawng dar vek a, fan chu ka on nghal a wall fan kan khai ho pawh ka on nghal vek, a rim reh hma chu duhleh zankhua pawn ka on mai ang, zanin fan bill hrim hrim hichu ka pe thei tih ka inhre tlat






Ka room ah chuan ka lut a ka thil hmuh vang chuan ka au chhuak ṭhelh, Liansangpuia chu ka khum ah chuan a lo mu zuar a nih chu ala chatthla zui emaw ni, ka thinrim lutuk chu ka sa chhuak vek hian ka hria, inchhung a zu rim nam pawh tih tawh nak alai in ka khum ah hian a rawn chatthla khanglang emaw ni ava han chak dawnlo mai mai tak em






Ka thinrim lutuk tih ngaihna hre bawk silo chu ka room atang a chhuak in choka ah bakcheh ka va la nghal a, Liansangpuia room lam chu ka pan nghal hlawk hlawk a, amah saw ka cheh mai loh nan a bungrua ah hian ka ṭuan angai, a files chu ka en vang vang a ka lek hman zuau tawh tih ah, damlo harsa ve tak tak te files pawh a ni thei tiin a closet chu ka pawt hawng ṭhuai a, a kamiz leh smart pants in khai fel thlap ho chu ka pawt thla nghal hmiah hmiah mai a khum ah chuan ka chap darh nuaih a








A kamiz zawng chu a ban neilo tur chuan ka bakcheh ken chuan ka chep nghal mawlh mawlh a, a kekawr ho chu kekawr bul tur ang hian a chan ve ah ka chep hmawk hmawk bawk, ka cheh zawh chuan ka duh ang in ka thinrim ala reh famkim lo a pheikhawk lo awm ho chu a hrui chu ka cheh chhum sak lehnghal vek a, ka ti zo chu ka thaw huai mai tikhan chuan a zia deuh e







Ka room ah chuan ka va lut leh a hmanhmawh deuh chuan ka inthlak nghal sawk sawk a, ka puan leh lukham ka la a ka lak pah a Liansangpuia hnar deuh reuh chuan ka thinrim reh tawh kha a kaitho deuh tlat pek a, eng khawi sawi set set lo chuan a mu bawk khup duai hnungzang ah chuan ka han chum nghal awk a, a rawn rum nghal ṭuah ṭuah mai, engtin ka ti zui biklo a ani pawh a mut ngai chuan a muhil zui lehnghal mai bawk, ka chhir leh zawt dawn mawni aw ka ti deuh a mahse ka insum hram hram ta mai







Sitting room couch ah chuan ka mu tau deuh sawk sawk hi a nimai, ka tum dan kha chuan ka thawhpui te laka min tih zah vang khan chhuahchhal chiam a an khum hrep kha ka tum ania, chutah ka thinrim belh chhah tur in alo la khawsa zui a, a nupui hi hmeichhe tih kual mai mai theih ka nilo tih hi hre ve hrim hrim rawh se






Ka hmingpum a min ko ri ah chuan ka muhil chu ka harh zawk a, harh lo ang chuan ka awm der ngar ngar tho, ka mutna bulah chuan a lo ding a "Rinhlupui i harh tih ka hria ania" a aw chu ṭang ṭha bel bawl tak a ni, puan a ka inlukhup na chu ka ti nghet sauh sauh a, ka puan hnuai ah chuan ka meng kar tho






"Ka thawmhnaw saw engvanga saw tia ti nge i nih" a hma ai chuan a awki a sang tawh zawk, kei erawh chu ka awm ngaiin ka la awm reng, ka kawlh satliah reng reng lo ka duhna ah chuan ka luhlul zia te hi hre tel teh se. Ka hmingpum chuan vawi 3 vel min ko leh a ka la chet eih tak loh ah chuan a beidawng nge, phun hluk hian a kalsawn nghal a






Vawin kan chawl bawk a ka la tho chhuak duh chuang lo, a chhuah fel hma chu thawh ka tumlo hrim hrim . Ka lo chhing leh nge ni ka phone ri chuan min ti harh a phak chual chuan tunge a nih pawh en lo in ka han pick nghal a "Mamte vawin kha i rawn phei dawn tiraw" ka nu Liansanga nu chuan a rawn tih chuan ka kal tur ka lo mangnghilh leh chu niin pawi ka van ti tak






Ka kal tur ka hrilh a kan inbiakna te kan tih tawp hnu chuan muangchang tawh lo tak chuan ka insiam nghal a, nizan ah khan mut hun pangngai ah mu ila tukin zing ah min rawn kaitho kual vel bawk lo sela chuan mutkham tho siin ka tlai lo ni mai tur hi ania, Liansangpuia chu ka haw thar leh riau bawk







Liansanga te in ka thleng a dan ngai te in ka nu leh Muanpuii bak an lo awmlo leh tawh, hna nei vek an nia a awm ve tho. Tih tur em em chu a awm lo na a ka nu hi che reng chi a lo ni ve nen a che lai lo en tawp kha chu a nuam bik silo a, kan che kan che ve tho. Chhun ah chuan Muanpuii nen eitur kan buaipui a, ani chu kei aiin a mo na a rei tawh bawk a ka hriat loh tam tak hi a hre dawn a zawh chu ka tum ta a







"Muan Martha-i kha i hre ve tiraw" ngaih pawimawh hmel vak lo chuan ka zawt a, ani chuan a lo ngaih pawimawh hmel na ngiang mai, a hmel chu a thutak nghal khawp mai a tawp ah lu a rawn bu ta nghat a "Liansanga nen hian engtin chiah nge an in zawm a" kan thil tih lai chu ka la tih zawm mawlh mawlh tho, a hmel tim dai ka hmuh chuan "a ho lutuk min hrilh rawh, engmah ka sawi chhuak lovang"






Ka thusawi chu a ring deuh nge aw a rawn thian ta kharh a "U Liansang an a hriat chuan ka tan a nuam dawn lo teh ania" a ti hmasa leh te te a, ka nui tawp tawh Liansangpuia chu a lo inla Maharaja ṭhin viau aniang a an inah hian






"Martha-i u leh U Liansanga hi an inkawm ṭhin a, inkawm ngaih tak an ni tet te ṭang a inkawm ang kha an nia, i hriat kha Mawipuia leh kei pawh hi in classmate chho char char kan nia, chuvang nia an chanchin pawh hi hriat ka ngah . Chuan U Liansanga hi Martha-i te ina leng tam ta na na na chu engtin tin emaw khan Martha-i nen hian an lo in hmel duh ta a, mak pawh kan ti hran lo






Martha-i lah hi a hmel te a lo chhelo a te fel at hi a ni reuh sia, tichuan an inzui ta char char a, kum 2 vel an inzui hnu khan an inṭhen tih kha U Liansanga hian a chhungte a hrilh a, mahse an la inzui ve deuh reng tho a tuman thutak ah khan an ngaihsak lo a. Tichuan Martha-i te chhung chu car accident an tawk ta a, a nu leh pa chu a hmun ah ka pawh chhawn lo in an boral nghal a






Martha-i leh a u chu damdawiin an panpui nghal a, a u chu ni hnih hnu ah a boral zui veleh mai sia, Martha-i pawh hi a khawngaih thlak tak tak, U Liansanga hian Martha-i u bulah khan a thih hma khan a lo intiam a, a nau a lo enkawl sak tur thu in khami vang kha nge a ngaihsak in engkim ah atan a awm khawp mai, mipa leh hmeichhia ang tak tak in an inkawp ve leh a, tichuan engkim a tluang vek emaw kan tih laiin Martha-i hian a classmate fa a pai ta thut a, mi zawng zawng khan mak kan ti mi zawng zawng tih lem ah a rai tih hre tu ho in






Chung lai chu Mawipuia nen kan inneih tirh lai hi a ni nghe nghe, U Liansanga khan a tawrh viau kha kan ring a, mahse le kan rinloh lam daih khan tuar awm ang pawn a lang lem lo, Martha-i chu a la ngaihsak chhunzawm zel tho a, ka nu hi a tha a na tlat pek a, Martha-i chu a chhui ru deuh ta a






A chhungte damlai a U Liansang an kan inṭhen a lo tih lai aṭang daih tawh khan mipa dang a lo kawpsan ṭhin hi a lo nia, ka nu chu a thinrim khawp mai a, U Liansanga bulah pawh hmu tawh lo tur ten a tia, chu erawh a zawm lem chuang lo a, Martha-i chuan nau chu pai reilo in a chhiat lehnghal daih a, a hnu kha chuan inngaizawng ang chuan an awm tawh ngai chuang lo" an awmdan hi ka hriatthiam zawng a ni ve ta hauh lo mai





Duh lo viau mahila ka insum thei ngang lo "anih Martha-i hian pawi a ti lo ami Liansanga nen a an sawi zawm reng hi" Muanpuii chu ner nak in lu a thing nar nar a " a teuhlo mai nuam hi a ti zawk fe ang chu, amah ber ber hian ania mi bulah U Liansanga bialnu ang a lo insawi ṭhin ni, tihian U Liansanga bulah inno hmel deuh in a awm a, midang bulah te chuan a teuhlo mai ka nau ṭhiante nen hian an inkawm a, an bulah te chuan U Liansanga nupui hual ang ten a lo insawi ṭhin alawm" a ei loh zia chu ka hre thei mai a ṭawng dan atang in







Chuti te chu nupui a neih mai tur ania, kei ni lo in oh ni tak ro a sawi chungchang kha tunah hian zawh law law a ṭha "enteh ka tan pawh sawi a nuam lo viau na a Liansanga te unau hi ro ah an buai deuh ami" ka zawhna chu mak a tih hmel ngang mai, hriatthiam loh hmel zet in min en a " buai awm ka va hre lo " ban chalh a a rawn tih chuan dawtsawi dan tur ka dap nghal vat a "a mi sawi ka hre thawi deuh mawle, amah hi ka zawt hreh sia ro te a lo chuh tak tak chuan zawh kha a nuam dawn silo a" tawi te chuan ka ṭhen sak a






"Aaaa U Liansanga hi ka hre chiang a chutiang rilru pu tur chi a nilo, a farnu te nen pawh hian min en hrang lo teh ania kei pawh hi, min endan inang chiah lo mahse a inhnaih viau ang. Ro chungchang pawh kan inneih hnu hian vawikhat chu an sawi tawh a, U Liansanga zawk hian chan neih ve a duh loh thu te kha a sawi alawm 'Kei chu in zarah hna ṭha tak mahni in chawm thei tur khawp hna ka nei tawh a, in leh lo te chu ka thawk ang nga ka la thawk chhuak mai ang, hetiang ka nih theih nan in sum leh pai tam tak ka hmang tawh a, kha kha ka ro chan ai chu a nimai, phut belh engmah ka nei tawhlo' a ti thlap asin, khami a sawi ṭum phei kha chuan ngaisang tak ka ni







Ka nu te pawn chuti chu an tia Mawipuia leh a farnu te insem ah an ti ta alawm" Muanpuii thusawi chu mak ka ti ngei mai, ro duh silo chu ngati nge tikhan ka bulah a sawi, engvang chuan nge min neih chhan chu ni ang, tih luihna hmanga min nei angin a insawi bawk si, a mak ta teh nuaih khawp mai







Muanpuii nen chuan kan inkawm thei phian mai, inkhat a chen dun loh hian inngainat te hi a lo awl zawk daih, in awmchilh tam leh lutuk chu kan ze ṭhalo lai te kan inhriat sak a han inhauh ni khua te hian tum loh deuh in kan sawi chhuak leh ṭhin sia, mihring rilru in chen vek ta lo chu ṭhen khat in an theihnghilh mai laiin ṭhenkhat chuan an hre reng a, inhuat zuina a thlen phah fo zawk







Ka nu keima nu tak tak chuan min rawn call ve hlawl mai, min be khat khawp mai. Liansamga te inlama ka awm thu te ka hrilh chuan "e a tih zia hlauh chu zanin chu kan inah chaw rawn ei mai ta che chhungkua a pawimawh sawi tur kan nei tlat, i nu kha chu ka lo be mai ang duhleh Liansanga pawh" a rawn tih chuan a aw ah khan rilru hahna lian tak ka hre theiin ka hria eng tak chu ni ang maw







Darkar hnih hnu vel chuan Mampui an min rawn lam a, ka ngai ve khawp mai han in hmuh khat a han inbiak khat deuh hichuan ka ngai thei khawp mai. Karleh lamah a let tawh hmel sia hna lamah kan inhmu khat zual khawl ang le








In kan lut a Hruaia te nupa pawh an lo awm bawk, ka nu leh ka pa chuan min be luam a kan nula pawh chuan min lo lawm nghal kawp mai, Hruaia pawn ṭawngkam hnih khat in min lo be ve a Sangtei erawh min la be lo hrim hrim , inkhawm na te kan nei a chaw ei an rawt nghal a





Chaw ei siam dawn chuan Sangtei chu an room ah a lut daih a nih chu, mak ka ti khawp mai ka nu bulah a nuam lo ami ka ti ta thlawt a, min chhang lem hlei lo a. Chaw eikham chuan ṭhutkhawmna ah chuan kan ṭhu ta ṭhap a ka pa chuan "hei Hruaia ten indan kan duh e an ti ve a" a rawn ti ta a, mak ka ti ngang mai, fapa naupang ber ania han indan teh tlat chu






"Ava mak awm ve" ka sawi zo chiah Sangtei chu nem vaklo hian Hruaia bulah chuan a rawn ṭhu deuh sawk a, ka lo run leh pek kher mai mahse ṭawng hun ala nilo tih ka hre ve tlat. Ka pa bawk chu rawn ṭawng leh in "Mamte ka rawn koh tel ve chhan che pawh ka fanu ka hnam hming chhawm i la nia, pasal nei tawh mahla fanau nei in la nilo a, i nu leh pa inah bak thu neihna i nei tak tak hrih dawn lo a, chuvang ania i thu neih theih hunlai hian ka koh tel ve che ni" ka pa thusawi chu dik ka ti khawp mai






In tih fel kan tum lutuk na lamah hian kan fanu pasal nei a chhuak ta te hi kan dah mihrang lutuk palh ang tih hi a hlauhawm, kan fanu te hian kan inchhung bak hi Lal ve na tak tak an neilo, an pasal te inah kha chuan an pasal a chhungte thu ngaichang reng reng in an awm tawh dawn, chuvang chuan fanu pasal nei kir leh an mahni in chhung ngei a mo an neih tawh vang a ṭi ta lutuk te hi ka khawngaih ṭhin






Mahni inchhung ah lo thlamuanna dang an neih dawn loh teh lul nen, an unaupa te an nu leh pa ten an mo te mitmei an ven nasa lutuk vanga an fanu te an farnu te in kil tawih ngawih ngawih a an dah hi a ṭha lo ka ti viau mai. Chutiang bawkin nu leh pa te aia kan fate hre chiang kan awmlo, kan fanu te mizia kan hria a kan mo te nen an in bakkaih deuh chang pawn fanu te an nih vang ngawr ngawr a ṭan lo in, in fate mizia in chik chuan tunge dik zawk kha in thinlung in a hre dawn tho tho, zilh hreh loh tur







Ka nu leh Mampuia chu an ngawi reng a engmah sawi an tum ve lo emaw ni, Kei khawlhring hmeichhe thin hian a tuar leh pek tawhlo "Hruaia indan chu i duh maw" ka ti ta hmak a Hruaia chu rawn thaw deuh hakin "Duh chu nimai e" ban deuh chalh hian min rawn chhang a "a ṭha alawm in duh chuan indang rawh u, fapa tlum ber i nih ang a i duty nu leh pa enkawl i hlen thei dawnlo bawk a, he inchhung aṭang hian sum leh pai a ni emaw in leh lo pawh engmah rawn beisei suh ang che u" ka ti ta hmak mai, aw ki sang a sawi ka nilo a ka aw a khauh far thung






Ka pa hian a ro te hi kan unau hming in equal share in a dah a kan vaiin kan hre vek bawk, Hruaia chu a ngawi reng a chu chuan a nupui thin in a tuar lo nge a rawn ṭawng ve ta a "U Mamte i ti mah mah deuh lo maw, pasal nei a chhuak tawh i nia, chutah lah Hruaia chan tur chu chiang takin ka pan a sem vek tawh a tih danglam theih pawh a nilo" zaklo hi ka va han ti tak em aw " e sangte lo hre rawh, i pasal hian mizo in a dan kan neih tih danglam theih loh fapa tlum ber in inpui nghak a nu leh pa enkawl kha a peih loh chuan, ka pa siam sa ro chung chang chu engvang teh lul in nge ka han tihdang lam loh vei ang ni" ka awki chu ala ngai reng








A thinrim ta takzet a niang au ti tih hian "in zaktheilo hle mai sum chu in lo duh hlawm viau a nih hi, Hruaia in en hran bik zia te hi ka hmu in ka hre vek, Vanlalhruai ngawi reng mah ta che" an pa lamah chuan a au hian a au a ni ta mai , ka insum reng chhan tur ka hre ta bik lo, kei aia naupang leh nghal in a chuti te a mi tih mai mai ni








"Zonunsang i zak chai na nge, ka ngawi ka ngawi tam tawk tawh bawk a kan sawi ve tak tak ang chu, i pasal rilru i suk sak nasat zia hi kan hai bik reng reng lo tih hre rawh, kan laka hel tur hian i fuih heuh heuh reng zel a ni lawm ni, he ina i lo awm hma leh awm hnu a kan unau inkar inthlak nasat zia hi ṭhenawm khaw veng te mak tih rawn a nia sin, veng chhung hmun hrang hrang a ka chanchin i lo sawi ṭhin dan te hi ka hai bik reng reng hleinem, mi hi e i rin aiin an fing ang min hre chiang tu apiang in i thusawi kual hi an awih lo







Liansanga nen kan inneih dawn tih te kha i u te ho kha i va hrilh nghal a ni lawm ni, school group ah te pawh a darh chuaih chuaih kha, diktak chuan engkim ah ala naupang a tiin zawl dawh zawk ah kan ṭang reng a heti te a min tih mai mai ni" midang ho chu an ngawi ṭhap mai, ka thinrim hre ṭhang an nia min bengdaih an tum pauh leh a zual dawn tih pawh hrechiang ber tu te an ni







Zonunsangi chuan mi la rawn chhang ngam a nih chu " i hetih vang hi alawm pasal tur pawh i hmuh zawh loh a chhungte sawi rem pui chawp i ngaih, he inchhung ti hreawm tu ber i nih hi" a thisen sang lutuk hi engtin nge a tih bik ni, Hruaia chuan an nu chu pawh ṭhut a tum ve nge ni a banah a lo pawt vat a mahse a thing thla nghal vat thung







"Ngawi hmak la a nih chu ka pasal neilo te kha i ti ti ti tam tu ber a nih ṭhin kha, ka hrelo emaw ti reng reng suh nang bak a ka pasal neih har thu sawi peih kha an awm lo, a chhan te kha ka hrelo tur ah i ngai ang nge i thluak hichu e ka man hnehsawh ve lutuk kan in a ka la awm ve reng hreawm i tih chhan maw, Vanlalhruaia i thu hnuai ah i dah hmak thei a, ka nu lah eng ah mah in ngailo a, ka pan a hre ve ngailo, i lal.hrawt tum kha keichuan ka hre ve kar alawm, he ina i duh duh a i tih ve theih loh awmchhun kha ka ni miau a






Ka awm chhung chuan i duh ang thal in i awm thei dawn silo a, kha vang khan a ni lawm ni uar taka ka pasal neih har thu i thehdarh ṭhin. Ka han chhuak ta cheng a zan em pawh a ral hmain buaina a lo awm nghal a, hre rawh Zonunsang nangpawh Vanlalhruai" tih pah chuan ka kut zungchal chuan ka kawl sawk sawk tawh " nang ni zurui vang mai mai khan ka nu hian engvang in nge ngaihdam a dil na chhan tur min han hrilh teh u" ka aw chu a rin tawh mai bak ah fiak ṭha tak a ni "in nawm a mak a khatiang ti tur khan tu nge in nih, mawh ka pa dawr pakhat in enkawl vang a engmah ti lo tei mai mai lo in nih chauh kha, hria ang che u"







Ka sawi hnem par par bawk a ka dang te hi a ro hulh mai, ka ngawih kar lak tak chu ka pan rawn chuh vat in boruak rawn beng dai in "Hruaia in te chu in hmuh tawh chuan in duh dan a nih miau te chuan han in sawn chhuak ve ta pauh ula, in awm theih ta lo aleh lo let leh te pawh a harsa chuang hleinem" dam dap a a tih chuan ka ngaihdan a nilo kher mai, an chhuah tawh chuan e an rawn let mai mai kha ka rem ti dawnlo hi a ni tawp mai






Rinmuana nen chuan motor ah chuan ngawi reng hian kan chuang a, ka thaw leh halh halh a a tawp a tawp ah chuan ka zia ve deuh ta "eng nge engmah kha i sawi ve loh a" lungawi lo aw deuh tak chuan ka han ti nghal a, lo nui suk in "kha nangman i sawi vek tawh kha, chubak ah a hmeichhe thu hla emai" ka ngei lutuk chu a banah ka va chum awk a "tak tak a, Mamte kei te chu hna thawk a awm bo reng ka nia engmah ka rawn hre ve vak lo a, kha nang chu in awmchilh in nia i hre chiang a, sawi tur pawh i ngah kha" a rawn tih chuan hahthlak ti zet hian ka ṭhu ṭha leh a







Kan in kawt ah chuan min drop a Liansanga clinic a lo la eng va va mai, eng ka hria nge ni maw va luh kawi kha ka rilru ah a awm tlat pek a, ka va lut a receptionist pawh a lo haw tawh, Liansanga room chu thawm dim tak chuan ka va pan a, kawngkhar chu ka nam hawng riai riai a ka thil hmuh chuan min ti hamhaih khawp mai






Liansanga leh Martha-i chu an lo in kiss a nih chuh! Mak hi ka va han ti tak inchung mai ah kan nupa chenna a awm laiin hetah tiang hian an lo awm aniah, ka ten hi a ni tawp mai. En rei duhlo chuan chuan ka inher a ka kal ta daih a


Show post links
Top

[Ngaia]

Vawin ka duty ni a ni leh tawh a college lam pan chuan ka motor chuan ka inkhalh chhuak leh ta a, Aizawl khawpui traffic tawt lutuk hichu tihdan ngaihtuah hichu a ngai a ni, intlanchhawk te hi kan han ti tak na a a nei leh thei deuhin lirthei pahnih thum an neih belh a a tih tawt belh mai mai zawk a ni.







Staff room ah chuan ka lut a Benedict-a pawh a lo thleng leh tawh, a zam hi a ṭha tak tak a ni ka thlen khalh pawh hi ka hre mang lo e ah. In duty chhawk ṭhin tih tak ah vawin ah pawh Kei leh Mary leh Benedict-a hi nimai kan department a kal chu, chuan kan HOD nen non teaching staff ho chu kan kal reng thung a







Benedict-a nen chuan paper keng chuan classroom lam chu kan pan a "Miss vawin tlai i hman angem" a nui leh var var tawh, a awh awm teh e hetia hlim hmel han put reng theih bik chu. Hman loh na chhan tur pawh ka neilo ka tih chuan lawm hmel zet hian a rawn yes hluai a, "nih chuan min thlah kawi la, thil lam lawk tur ka nei bawk a, ka tlan loh ni nisia taxi in ka rawn kal a" tih tur em em ka neilo bawk a, ina mahni a awm reng ai chuan tiin ka thlah tur thu te chu ka hrilh a, a nui leh var var tawh







Mihring tum hmuk reng ai te chuan nui hmel pu reng hlim hmel bik reng bula awm te chu tunge nuam ti zawk lo ang ni, mipa hi chutin ka ngaina lem lo mahse le Benedict-a hichu ka nin zawng ni silo a mi kar dan te hi a thiam reuh a, nau angin ka lo en ve bawk nen ka ngaina hranpa ve hrim hrim






Naupang ho exam thiamlo lutuk chuan ka nuih te hi a ti za ṭhin, kan college kal lai te min ti hre chhuak ve uar uar mai, thiamlo ni ngailo mahila exam hrim hrim te kha a ninawm ve thei em a, kha hriatthiam pui ve ṭhin khawp mai, a chang hichuan tlem hian ka veng strict lo lui vel ṭhin






Benedict-a nen chuan parking lamah chuan kan inzui a, naupang thenkhat min ngam tlak ho chuan min rawn chhaih duh zeuh zeuh lehnghal a, lai lai rual ni tawh lo ta chu ka eng ah vak a thawk lem lo a, ka nuih te lam lam an ti za zawk, Benedict-a zawk hi a lai reuh emaw ni, ala naupan ve zia hi a hriat ṭhin






Ka thil lampui ve chu ka bazar pui hi a ni hawt alawm, ka inchhir tak tak a ni a duh duh na ah kan kal kual a, ka chau viau bawk ka zep lo "i chau em" a rawn ti ta reng a bul hmuk a "aw" ka tih chuan a nuih a za nge a rawn nui hak hak a "awle nih chuan eitur ka treat ang che" zangkhai vah hian a la ti ta deuh deuh a, tunah tak hichuan haw a mut ka chak ber, ka hniak viau chung pawn min tih luih leh tak tlat hi, a tawp a tawp ah eitur ei tur chuan kan in zui leh ta a







Ka ke te chu a na ṭhum tawh mai, chauh nak alain a lo la khi ver ver a, a hma a a nui hmel hmuh hahdam ka tih kha tunah rih chuan ka hmuh peih loh ber te zing ah a tel hrih ang. Eitur kan chah ho a lo thleng a kan ei nghal mawlh mawlh a "Rinhlupui" min rawn ti ri ah chuan muang chang in ka thil ei lai atang chuan ka hawi chhuak a, ka hma ah chuan Liansangpuia chu a lo ding zuar a nih chu, a la rum em em zui a






Ka hmingpum a min ko kher chu ka run khawp mai thawhpui te awmlai lehnghal in "in va in ko duat lo innei hlim ve si" Benedict-a chuan ngaihsak lo hmel zet hian a rawn ti ta chiah reng a, kan Liansangpuia lah chu a rum nghut duh lek chauh a, ka inla mi tak e a ti ve khanglang nge a awmdan hi ka hrethiam lo e






Min melh ngur ngur hian "i la haw dawn lo ami" a hma aia awki dam deuh zawk a a rawn tih chuan ner nang in "Sir Benedict-a hi drop phawt dawn" ṭha te te chuan ka chhang veleh tho a, ngaihdan nih loh hmel fahran a min rawn en in "keiman ka lo thlah mai ang, an inah khan tih tur ka nei tho" a rawn ti nghut a nih chu, mak ka ti kher mai eng nge Benedict-a te inah chuan tih a tum ni






Benedict-a chu ka va melh a rawn pah deuhin, pawi a tih tak loh ah chuan ka hnial ta biklo, ka chau tawh bawk em a ni kan veng a in persan bawk si. Tichuan dawr aṭang chuan kan inṭhen ta a kan inlam pan chuan ka inkhalh nghal mawp mawp a, motor ka khalh lai chuan ka nu tak tak zawkin min lo call a ka pick nghal vat a, Hruaia te chu an insawn chhuah tak thu te chu a sawi luam a, "car ken tel an tum a mahse kha Mampui an a phallo a a khak a an ti lui bik lo, scooty kha chu Mampuia zawk khan keng rawh u a tia an keng a nih kha" a rawn tih leh chuan ka thinrim leh ṭan tawh viau







Mahse le thil kal tawh a va thinrim chiam kha ka peih tawhlo a ka enliam mai a niang chu, ka ngaihdan tak chuan scooty pawh keng tur hi an nilo zawk, an sum a an lei a ni miau lo a. Ka nu leh pa hian ro hi equal share in dah vek mahse ka chan ai hi tuma hriat loh hian ka unau ten fa an neih huna ka vah te tan ka dah vek kha ania, mahse hetia Vanlalhruaia te an awm takah chuan ka siam ṭhat chu a la ngai khawp ang






In ka thleng chu ka chau bawk nge intleuh pawh in tleuh lo in ka inthlak chu ka khum ah ka mu thla nghal thlawp a, ka muhil zui mai nge thil rit tak in min delh vang chuan ka harh riai riai a, ka bana ka sana chu ka melh zeuh a zan dar 10 lai a lo ri tawh, engti mut em em in nge ka lo mut ni. In leh ka tum a ka thei der lo ka harh chiang deuh a ka han en ta a, Liansanga chuan ka kawng ah hianin lo kuah a nih chu mak ka ti ngang mai, thawm siam lem lo chuan a ban chu ka dah sawn a, khum atang chuan chhuk ka han tum chiah chu






Ka banrek ah a rawn man chat a keipawh chu ka tawp nghal dat mai, muangchang chuan Liansanga lam hawi chuan ka in her riai riai a, ani pawh lo meng diar diar in ka ban a vawn na chu a la thlah chuang lo a tlem in min pawt hnai deuh bawk chutah a rawn ṭawng chhuak ta






"Nimin tlai khan ka office a thil thleng kha i hmu tih ka hria" ka ang hman zuai a mahse rawn ṭawng zawm leh in "i ngaih ang kha engmah a thleng lo ania" ka thaw hak a "in sawifiah duh suh i nupui tak tak pawh ka nih loh hi" ka thusawi chu a pawm vaklo nge ni rawn thaw hakin "tunge ka nupui tak i nilo ti che, keichuan ka nupui tak ah ka pawm thlap che" sawi mai tur ka hrelo zanin a awm dan hi a mak takzet "Liansang" ka ti hap a






"Ka insawifiahna hi ngaihthlak ṭul ti lo mahla keichuan ṭul ka ti tlat chuvang chuan min ngaithla rawh" a aw ah chuan ngaithla ngei tura min duh zia pawh a lang chiang khawp mai, ka lo thaw ve ta hak a , aw ka tihna ah ngai ni hmiang a sawi zawm ta a "Martha-i nen hian kan inngaizawng tawh lo, kan in kawp loh na hi kum tam tak a liam tawh, ni e ngaihsak chu ka la ngaihsak viau mahse mipa leh hmeichhia ang nilo in, farnu leh nuṭa ang a ni zawk mah ang chu






Nimin tlai khan rawn haw tumin ka indah fel mek a, a rawn lut thut a chuan eng nge a duh ka tia tikhan a rawn che ta mai a nih kha, a tirah chuan han dan mai nachang pawh ka hre lo a kha kha min rawn hmu fuh ta reng a" a thusawi chu ngun takin ka ngaithla a, dawt a sawi ka ringhlel lo, min hrilh ngawt chhan erawh ka hrethiam lo tak ka ni






"Liansang engtiang pawn awm la pawi la ti lo" dam dap a ka tih chuan lu lo thing in "aih pawi ti rawh, hmeichhe dang nen a kan awmdun i hmuh te hian pawi ti ang che" a thusawi awmzia chu ka hrelo kher mai "eng nge i sawi awmzia" ka tih lahin nui suk hian chaw ei a rawt nghal daih a







Zanin chu Liansanga ka hriat ṭhin kha a anglo tak zet, tuna Liansanga hichu ka lo ngainat ve hman zuaih Liansanga kha a ni leh tawh, engtiang a rei tak daih leh ang maw. Liansanga thusawi awmzia te chu ka hre chak viau bawk, inngaihzawn na a ni emaw mipa leh hmeichhe awmdan tur a tawn hriat la nei tlem ta chu ka hre thiam lo kher mai






Tinge maw a nun dan a pawi lo ti ve vak tur chuan min duh tlat ni, keichu ka nun dana an buai loh te hian ka lawm daih zawk ṭhin sia, a dangdai teh zawng a ni e







Chaw kan ei chu nidang ang lo takin kan in be ve luam a, ka pasal a ni tawh bawk a ka tia Hruaia te chanchin leh kan in bakkaih deuh dan te chu a tlangpui ka hrilh ve thuak thuak a, min sawizui pui vak lem lo a mipa ho tak hichu. Mahse min han sawizui pui chiam zawk ta se ka thinrim thar leh emaw kha a nia nga, a buaithlak mai mai zawk dawn bawk






"Exam in zo tawh dawn sia honeymoon hmang tur in kal ve hrim hrim te i duh em, christmas hma hian" a aw chu ngaihthlak a nuam in a dam dap a, hetiang ang awka hian a nih ngei ka ring a damlo ho a biak ṭhin ni. Hawi khawthawn ve te pawh pawi ka ti lem lo khawp mai, class kan chawlh tawh phei chuan keimah in ka awm leh tlawk tlawk kha a nia nga, Liansanga te inpui a phei nen khan ka khua a har ve dawn riau in ka hria a hnial lo in pawi ka tih loh thu chu ka hrilh ta nghal a






"Ok nih chuan vawin aṭang in chawl ang nga tiraw" aw tiin ka chhang nghal vat a "nihchuan naktip lamah kal kan tum dawn nia, visa kha i nei em kha" a aw ah chuan phurna ni awm tak hi a hriat tel theih, ka neih thu ka sawi nghal chuan "nihchuan naktip ah Mumbai kal ngei ngei ka ngai a, hna thil ah i kal ve duh ka rin lawk vangin ticket ka lo lak kep lawk che a" mak ka ti khawp mai






Thil a dawn thui in ngaihtuah na hman te chu a thiam khawp mai, Liansanga chu rawn ṭawng zawm leh in "nihchuan Mumbai ah ni thum kan cham ang nga, khuta ṭang ticket kan ti fel ang nga kan dam chuan Maldives ah kal kan tum dawn nia" a sawi zawh chuan lo belh zauh in "Pathian in rem a tih chuan" ka lo ti tel sep a, a lawm ngang a niang a rawn nui hawk hawk mai





"Awle awle kan dama Pathianin rem a tih chuan Maldives kal chu kan tum dawn nia aw" a mah ang lo takin a khi ve suk suk mai, damdawi ei sual te hi a nei a ni em lo ang chu maw. Kan kal tum na vel a sawi takah chuan ka phur ru ve viau mai, mahse phur ang a lan chu ka tum chuang lo






Exam kan zo a class kan chawl tawh a Liansanga chuan a sawi ang takin Mumbai lam pan tur chuan kan inbuatsaih mek a, driver kan ko a Airport thleng min thlah ang nga, motor hi a hawn let leh bawk ang. Ka nu te lam in min rawn be vak ngailo a, min ngailo hi ka ti ve khawp mai, an fanu neih chhun kha ka ni ve ania min rawn call sek te kha ka ring ania






Liansanga nen chuan thlawhna ah chuan kan ṭhu vang tawh, kan la thlawk chhuak lo deuh a, min ngaihsak sawt khawp mai a hma a Liansanga kha a anglo ka ti ṭhin khawp mai, tuna Liansanga hichu ka mipa duh chi tak ang kha a ni leh daih tawh mahse le Martha-i nen hian an inkawp tawhlo tih keimah ngeiin ka fiah hma chu ka hnaih tawh lo ang, eng ang pawn ka lakah ṭha mahse







Mumbai kan thleng a hotel ah kan indah lut nghal a, kum tawp lam Mizoram ah chuan vawt ṭan tawh tak ni mahse helam chu a la lum hep hep khawp mai, boruak uap churh leh motor horn ri tuarh tuarh te chuan hah hi a ti dam hlawl lo a ni e. Liansanga chuan kan tum ram lam kan pan vat theilo palh ang tiin hah pawh sawilo chuan a hna chu a khawih nghal mawlh mawlh a, Room pakhat chiah a awm ang zan ah engtin tak nge maw kan mut dawn ni







Ka inbual zo ka chauh chu thuhran mut duh ta ngang chu ka lo muhil leh hman pek a, nui hawk ri ah chuan ka harh lek lek a, ka mit chu a la inchar nghet khawp mai, a hnu deuh chuan pang ti lum hian mi rawn ur ta ham ham a, meng turin ka mut ala chhuak mah mah nge meng lo chuan ka muhil tlang leh nghal a






Ka harh meuh chuan khua a lo tlai tawh khawp mai, nichin mai a thilthleng kha ka mumang nge ni, ka bulah mu ve an awm ring taka tho kha ka nia tumah an lo mu lem lo a, kan thlenna hi 5star hotel a ni bawk a, Liansang an hna khawih tel a duh vangin bedroom hi room hran ah a awm kha ania, khawngkhar in kik ri ah chuan ka va chhuak phei ve a, Liansanga chuan alo chhawn fel tawh a niang, a lo inkhar fel leh tawh, eitur an dahna chu a rawn nawr phei a, ka mut hlan khan a lo chah fel vek tawh ni awm tak a ni, a nachang a hria ka ti khawp mai








"I ril aṭam em" zangkhai vah a a rawn tih chuan a ṭam tawh thu ka lo hrilh ve nghal a, "thil hi ei vat ila zanah kan chhuak harh dawn nia, naktuk ni leng in hna thil ah ka chhuak dawn sia" . A thil chah ho chu kan ei dun nghal a, kan eikham chuan chhuak tur chuan ka insiam nghal a, kan boruak chu a nuam in a zangkhai khawp mai, heti reng hian awm ila chuan ka duh ber fa pawh hi kan nei har tawp lovang






"Mamte i inpeih tawh em" room pawn atang chuan min rawn au a, ka bag chu ka la a ka chhuak ve nghal a, Liansanga inchei dan chu a nalh ka ti kher mai, amah a lian sia a ti lang fresh lehzual khawp mai, cotton jeans dum dak thlarh ha in, polo tshirt var nghawng nei hi a ha bawk a, sneakers var a bul leh tawp a, a inchei uchuak hauh lo mahse inhmeh tak a ni, a pian te chu anti nalh zual hliah hliah in ka hria





Keipawh leggins dum chhah a ka a, tshirt dark green ka mawng khuh ha in ka Adidas sneakers chu ka bun leh a, sling bag te ka ak bawk, khua a lum ang reng sia heavy deuh a inchei ka peih lo vangin a zangkhai ber ber ka thlang a, makeup pawh inbel lo aia inbel chauh ka ni





Liansanga chuan min en vang vang a "i kawr chu i va inhmeh ve" a ti satliah chuan ka lai deuh hu mai, mi inti zahawm chi tih tak ah hian hetiang hian mipa hian min tih ngai pawh ka la hrelo a, hna ka neih hnu ah ngat phei chuan mipa ho lam taka min be tu hi ka tawng ngai lem lo, Liansanga min biak na pawh hi thil ho te mah nise min ti lawm pha tlat






Kei a chhan dan tur hrelo chuan "nia" ka han ti ngawt pek a, a nuih a za nge a rawn nui chhuak hawk a, ka lai chhe kual vel vek tawh. Ṭawngkam te hi ka thiam ṭhin hle emaw ka tia ka lo thiam vaklo emaw ni






Chhuak ang ti tu ber hian kalna tur a hre leh lawi silo a, an inthiam lo hmel chu ka khawngaih nen "mall ah kal mai ang lei duh neuh neuh te pawh ka nei ve a" ka ti ta ringawt a, mall ah chuan kan inzui kual ve ta hnak hnak a, nupa tak tak te pawh kan ang ve khawp mai, ka thil lei ho a khai kual a, hmeichhia ta na na na chu han bazar vel chuan lei ngai ni a kan inhriat loh pawh ka lei leh ṭeuh tawh mai






Pek ka tum lahin Liansang an "mipa i kalpui a a hmeichhia zawkin i pek chuan ka tan pawn a nuamlo" a ti tlat a ka duh vaklo a hmuh chuan "duhleh nakin ah midang awmloh hunah min pe leh zawk dawn nia" a la tih cheu avang chuan pawi ka ti ta lo law law mai






Dawr dang a luh leh ka tum chiah chu chhûng lam atang an lo chhuak ve chiah nen ka eu thut a ka tlu dawn ta mai, rang zet hian Liansang an min rawn pawt nghal dawrh a, ka kawng ah a rawn vuan nghal chawt mai ka tlu lo kha a mak ka ti viau, a che rang ka ti hle bawk. Ka hlauhthawn vang nge ka lung lah chu ala phu nasa em em zui a, Liansanga chuan chiang zet a min rawn melh in "na i nei em" a rawn tih thuk raih chuan ka tiril a fan veng veng nimai hian ka hria







Ka inla hrang vat a ka kut ah erawh ala chelh reng thung, ka kut han laksawn leh mai ka tum chuan "i tlu palh ang kaih i ngai" nui suk hian a rawn ti a nih chu, ka hamhaih ang reng kher mai, lak sawn leh tumin ka han pawt leh dat a rawn rum deuh nghut in "awm mai mai rawh, i tlu leh palh ang" a ti leh ngat a, tal tawh biklo chuan min kaih ang ang chuan ka awm ta tawp a






Ka ṭhiante bula ka awm a inla sang riau ṭhin khan Liansanga bula ka din hichuan ka te riau hian ka hre ṭhin, a san chu thu hran a pian hi a inphut mawi tawk em a, sek tih tur ni silo hian a cher lo a, a mawi tawk hi a ni tawp a taksa hi, mipa vun uk kharh ho hi ka ngaina ve lem lo a, Liansang pawh ngo vur ni silo in ngo lam chu a pawl zawk a, a lang fresh vang reng mai a ni





Liansanga pa hi pa hmelṭha tak a ni ve nen apa an chhun a Liansanga te unau hi an hmelṭha khawp mai, Liansanga bik phei hichu a pa a ang lehzual a, a hnar ngul te hi a zum sang vah a, mipa hmui ah chuan a chhah dan a tawk chiah tih tur hmui te hi a nei bawk nen, Martha in a thlah thei miahlo te pawh hi a awm ve tho






Kan bazar chhung zawng chuan Liansanga chuan min kai ta char char a, eng nge maw ka hriat ni nuam tihna riau hi ka nei tlat a nih chu, thil ei leh a rawt a dawr pangngai pui pui a chawl lovin street foods vel chu kan ei ta mai mai a, honeymoon hmang tak tak te pawh kan ang ve alawm








Hotel ah kan let a ka thil lei ho chu ka dah fel nghal sawk sawk a, Liansanga chuan room kawngkhar chu a rawn kik kauh kauh a, lut tura ka tih rual chuan rawn pen lut in "kan inbe lawk dawn em ni pangngai takin" a aw pawh a thutak hmel riau bawk "awle tah hian lo ṭhu ve mai rawh" ka tih chuan khum ah chuan a rawn thu thla a aw rawn thian kharh in "Mamte nupa ang tak tak in awm ve tawh ang, thinlung takin i pasal ah min la pawm lo tih ka hria, kei chuan Biakin a Pathian leh mipui hma a thu kan tiam ni aṭang khan ka nupui tak tak ang ah ka pawm nghal thlap che a, hun i mamawh a ka hriat avang in ka tilui ngai lo bawk che, mahse tunah chuan a rei i ti ve deuh tawh em em lo ami"





A thusawi chu han dawnsawn dan tur vak pawh ka hrelo, ka rilru a thil lo awm hmasa ber chu ka sawi nghal hmiah mai "Martha-i i nei reng a ni lawm ni" ka tih chuan rawn thaw hak in "mi min sawi dan thin hi ka ngai pawimawh ngailo a, mahse nang in i ngaih dik loh hichu ka duhlo Martha-i nen hian kan in kawp tawhlo a, kawp leh pawh ka tum hek lo" nghet charh hian a rawn ti a, keichu lo thaw chhuak hak in "proof na ka mamawh"






Ka thusawi chu ka rin loh lam daih in a rawn nuih pui hak a, a phone chu min rawn pe nghal a, "a pin chu 3107" a thusawi chu mak ka ti kher mai, ni e ka birthday ni tak a ni. Ni 31 July keimah vanga a hman chu ka ring hauh lo nen a hman chhan ka hre chak kher mai, a man a whatsapp chu a rawn lut a Martha-i nen a an inbiak na chu min en tir nghal a, a sawi ang tak tak in mipa leh hmeichhia induh tak inbiak na chu a nilo phawt







Ka chhiar ta zel a Martha-i chuan a be nasa khawp mai, in renew pui a a sawmna a tam tham viau bawk Liansanga erawh in a chhang ngai lo, ṭhenkhat chu a rul tawk te te in a chhang ve thung, Martha-i chuan a chang leh ka tello in i awm theilo te a rawn ti thul, a chang leh a ngen in a rawn ngen bawk , tlawm thlak hi ka lo ti mai mai khawp ah






"Thu dik tak vek ka hrilh ang che Martha-i nen a kan inkar te" ka ngaithla duh em tih min rawn nan a mit ko a rawn san a, ka lo bu nghat a, rawn sawi zawm leh in "Martha-i u Michaela nen hian tet te aṭang a inkawm kan nia, Martha-i pawh hi a naupan lai aṭang ka hre bawk, kan kum a inthlau a i hriat kha nang ai pawn a naupan daih hi, a tir ah chuan nau ang tak tak in ka en ṭhin a, mahse hun a kal a mipa leh hmeichhia awm dun tam ta na na na kha chu induh hi hriat loh kar in a lo piang ve tlat mai, tichuan kan inzui chho ta a







Kei Medical college ka zo ṭep tawh a ani erawh higher a kal ṭan ve chauh, higher a zawh dawn kum thleng chuan ṭha tak in kan la inzui a, sex pawh chumi kum chuan kan hmang dun nghe nghe, khatiang lam kha chu ka sawithui vak dawnlo mahse loh theih loh a ka sawi tel a ngai tlat chu chu a tan khan a hmasa ber ka nilo tih kha ani, ka zawt lem lo a pawi ka tih pawh ka hre hran lo






Tichuan higher chu a zo a, keipawh Doctor intern kha ka zo fel chiah bawk, Specialist zir tur a ka inbuatsaih lai mek hian Martha-i rinawm lo ṭhin tih ka hre chhuak ta a, higher a kal laia an Sir lakah a ni nghe nghe, a hnu a ka hriat leh dan phei kha chuan amah hi a nih ngei ka ring atan a mipa hmasa ber kha. Ka hriat tirh khan ka rilru a na em em a, ka ngaihzawng hmasa ber a ni ve tho a ka hmangaih chiah em tih kha khang hunlai khan ka hre lo, mahse ka duh em em tih erawh ka hria






Ka tuar na hle a amah pawh ka ṭhen nghal bawk, kan inṭhen chhan erawh tuman an hre lo thung, ngaihdam min dil nasa viau a chu erawh ka beng khawn tawhlo thung. Tikhan an chhungkua in chhiatna an tawk ta a, a u khan a thih hmain a nau lo enkawl a lo ngaihsak turin min intiam tir a, ka intiam bawk. An chhiat tawh avang khan Martha-i hian rilru lama chian loh na a nei nasa em em a, ka awmpui chawt a ka veng reng a tih theih ang chu, mi tam tak pawn kan inzui leh angin an ngai vek bawk, engtin mah ka pha ngai lem lo, kan inzui lo tih ka hre chiang bawk a







A ṭha chho ve zel a kan inhlat ve hret hret a, an school kal lai a an Sir nen bawk khan lo inkawp leh in a rai ta hial a, mahse an sir kha mi pa a lo ni sia, kan buai ta khawp mai engtin tin emaw midang in an lo hre ta bawk nen, ka fa a nih ring pawh an kat nuk mai ka nu pawn min dawp nghe nghe, a tir chuan min dawp chhuak biklo mahse palai ka va tir dawn a tih tak tlat ah chuan ka neih duh miau loh avang in thudik ka hrilh ta a, ka chhungte thin pawh a rim khawp mai, an ngaihdan kha chuan kan inkawp lai reng a rai kha a ang tak bawk em a







Specialist hmun dang ah ka zir bawk nen phai a ka awm lai chuan Martha-i chuan min rawn call a, nau a chhiat thu te rawn sawi in a rawn ṭap chiam bawk, ka lo khawngaih viau mai, a thil tawn hi a tan a harsa kha ka lo tih pui ve khawp mai, a hma aiin ka ngaihsak a, a u hnen a ka thu tiam kha ka hre reng a tih hlawhtlin ka tum hram hram bawk, amah erawh chu kha vang khan kan in kawp leh ta tih na a nilo, Martha-i min endan pawh hi hrelo ka ni biklo ka hre lutuk mahse ka thlauhthla tawp bik thei silo a"






A sawi hnem kher mai kei lahin ka lo ngaithla uluk em em mai bawk a, chutah ka mit ah tak rawn en leh in "Mamte min pawm ve tawh mai rawh" ngenngawl zet a a rawn tih chuan ka thaw chhuak ham ham a, ka rilru chu a inkhap buai tak zet Liansangpuia hi ka duh ṭan dawn tih ka hria a, ka duhdan takin Martha-i nen an inkawp tawh lo tih fiahna ka nei tawh bawk, mahse mahni bialnu hlui te ngaihsak tel reng ngai mipa hi ka pawm thei tak tak angem ka hrelo a ni, chak hmel takin lang mahila a tawp ah chuan hmeichhia tho ka ni ve si a.







Ka rilru ah chuan thil dang a rawn lang ta zawk mai, ni e kei hian fa neih ka duh alawm tunah hian Liansanga hi ka duh dan taka a awm lai a ni bawk a, Martha-i nen an inkawp tawhlo tih a fiah tawh bawk, a lak aṭang fa ka neih theih loh na ka hre tawh hauh lo, Biakin ah Pathian leh mipui hma ah ngei ka pasal a ni tawh lehnghal. Ka ngaihtuah na vang chuan Liansanga mit ah chuan ka melh ve ta kar a, ṭawng ka a chhan duh viau mahila ka zam ve tlat, ka lu chu ka bu ta nghat a







Tichuan Pathian leh Kohhran leh nu leh pa te phalna thlap in nupa tak tak ah chuan kan insiam ta, ka vawikhat na vek a ni bawk nen chinchang ka hrelo in a tir ah khan na ka ti hle bawk, nilo a tir ah mai nilo a pumpui in, Liansanga chuan min dim thiam in min ngaichang reng a, a tawn hriat neih tawh zawk ta chu mi han tih kual vel dan a thiam khawp mai . Kan zawh chuan ka chau ngang mai, Liansanga chu a chung lama awm a nih vangin min rawn bawh deuh a, ka hah bawk si a palian nen thawk min ti harsat tlat







"Liansang i rit lutuk tho teh" ka thusawi chu rawn nui hak in ka sir ah chuan a rawn let thla a, chumi rual zat chuan ka kawng ah a ban rawn rawlh lut in min hnuk hnai nghal dawrh mai, ruak vekin kan la awm bawk si nen ka mur nghal chuaih mai, a pang ti lum chuan min ur ham ham bawk, ka zam lutuk chu chil ka lem dak a, ka tawlh leh deuh hrut ṭhin chu rawn thaw hak in, ka hnung ka mawng chung deuh ah chuan min rawn do run tu chu ka hre rang kher mai







Ka mu khawng nghal awt hi a nimai, Liansang chu rawn nui hawk in ka beng bul chet ah chuan rawn kun hniam in "Bawihi i chet i chet chuan i chau lutuk palh ang" nuih za aw zeta a rawn tih chuan ka lai lutuk chu lei ka chhuah tet ringawt. Ka awm ruak kang ah chuan a kut a rawn nghat nghal a, a rawn ṭham tawk rual chuan ka ṭe nghal ṭhat mai, Liansanga lah chuan a ngaih ho lam hmel khawp ah "ka zawng chhang dawn khawp mai" a rawn tih leh chuan ka sa leh hat hat tawh







Vawikhat mut dun vang ngawt a inhmangaih theih hek lo le, Liansanga chu ka hmangaih lo mahse ka thianghlimna ka hlan chu eng emaw kawng zawng takin nuam ka ti riau bawk, ka pasal a nih vang te pawh a niang chu. Liansanga hi ka duh mek zel tih chu ka inhre thiam ve khawp mai, mahse le a nun ah hmeichhia a awm tur aia tam an la awm hrih tlat a, he hmeichhia hi mipa leh hmeichhia angin en lo mahse a awm velo tur awm kha a la nih miau avang in, a paih chhuah hma loh chu luh ve ka tum hrih lo







Mi pahnih awmna tur ah pathum kan awm chuan a chep lutuk ang nga, a chuang tur zawk kha rilru na takin a chhuk phah nge nge a hlauhawm tlat. Ni e ka pasal ania nupa kan nih vanga kan tih tur ka tih pui mai a ni, chumai bakah ka duh ber ka neih theih nan kawng ka dap ve a ni pah bawk






Ka nulat laia ka invawn man chu ka pasal hneh ah ngei ka thianghlimna ka hlan thei a, ka lawm ve veng veng mai. Kan phalna thlap a kan hlan pawh a na em em a, chuti nilo a tihluih na hmang a lâksak ho phei hichu an natdan tur hi ka ti ta, taksa rilru thlarau thleng in an na vawng vawng mai dawn chu a ni sia ka khawngaih kher mai






Chuti nilo a mahni duh vang nei a nun hmang ho pawh hi, pasal te tana in khek hlut zia leh hlimawm zia hi hre ve ngat sela chuan tiang hian an nun an hmang bik lovang mawle. Kan mipa te pawh hian hmeichhe virgin an ngaihsan ang bawk hian hmeichhia hi pasal an neih hmaa virgin reng thei turin siam ila, nupui atan virgin kher ka duh tia iak iak ṭhin ho tak hi ania hmeichhe theih hnem a ṭhiante bula in sawi thei ṭhin







Liansanga chuan kawr hak a phallo viau na a, a zahawm lo riau in ka hre pek a, hotel ania kan pahnih bak tumah in min hmu dawnlo tih chu hre tho mahila, saruak a mut zawng ka duh lo reng reng, min ti lui ta bik lo a ka thawmhnaw zawng zawng chu ka inbel leh vek a, Liansanga pawh boxer tal ha tura ka tih luih tlat vang chuan phun bul bul in a ha ve ta tho a






Khum khat ah chuan kan mu ta a, Liansanga ban leh lam chu ka kham a, a kut lehlam erawh a hlei fahran khawp mai, ka awmbawr vel chu a zut kual thuak thuak a, a tawp a tawp ah chuan a kut lawng chuan ka hnute a hum leh chat tawh, ka khak deuh na a "a ral theilo" a tih hmuk chuan ka dang duh ta bik lo, a khawih duh tawk tawh nge ka kawng ah rawn rawlh lut in a taksa si chet chuan min pawt hnai a, min kuah khawm hlun pah hian ka beng bulah "Muttui le Mamte" a rawn tih sup chuan ka danglam hneh leh ngei mai, ka thin chu a phu leh dat dat tawh, ani lah chu a chhing nghal daih a






Keipawh muthilh tum chuan ka chhing nghal vang vang a, tuna Liansanga ang hi chu ni reng dawn sela chuan ṭhen leh tumna rilru ka nei ngailo ang, Martha-i te awm veloh na Mumbai ah te hian kan cham reng mai zawk dawn ami. Ka duh em chu ka la hrelo mahse mahni pasal te hmeichhe dang bula an awm hmuh hmuh chu tu tan mah hian a nawm ka ringlo, eng ang a in hmangaih lo in duhlo pawh ni mahse.






Nupa hlim lo inṭhen tum reng tawh te pawh hi an kawppui pakhat zawk zawk kha rinawm lo in emaw mipa/hmeichhe dang nen hmu hmu se la chuan an thinrim ve leh tho ṭhin. Tiang chiah chu tuna Liansanga laka ka rilru put hmang hi niin ka hria .


Show post links
Top

[Ngaia]

Ka taksa sil bawk si na bawk si chuan min ti harh a, ni pawh a lo tlangsang urh tawh ka bula mutna ruak huai chu ka en a, ka lawmlo dawn viau a mahse khum bul table a eitur awm chu ka va hmu vat a, ka pan hnai a note lo awm tel chu ban vat in hawrawp nalh deuh hian "I chau dawn sia ka kaitho duh loh che a, la mut ve reng chu duh viau mahila hna thil ah chhuah ngei ngei ka ngai sia" tih hi a lo in ziak a, ka khi sak mai






Min theihnghilh bik em lo a ka eitur te a lo la dah zawk thlap nen, lawm phawt mai teh ang . Eitur chu ka ei zo a tui lum sa ver vawr chuan ka inbual nghal a, ka taksa na chu tlem in a zia deuh, la na tak chu a ni tho mai, ka luggage chu ka hawng a ka na chhawkna pai sa chu ka ei nghal a, bedspread a thisen val kalh chu hnathawk hoin ngialngan deuh a an hmuh loh nan tiin ka hlip a basket an hun ah chuan ka theh lut nghal a, ni e khatiang kan thleng ta ro ro bawk a beiseina sang tak nen fa neih kha han thlir phawt mai teh ang







Naktuk mai ah Maldives ah kal kan tum nghal sia, muangchang chuan kan thil ken tur vel chu ka rem mawlh mawlh a, ka phone ri ah chuan ka thil tih lai chu ka chawl a ka pick nghal vat a "Mamte eng nge i ei chak, ka rin aiin hei kan zo hma leh sia ka lo haw thei ṭep a" dam dap a a rawn tih chuan ka lo khi nghal ver ver mai, upa ten hmeichhia leh uite chu a chul nel peih peih an lo tih ṭhin pawh kha a lo dik tak tak dawn a nih hi ka ti ta rauh rauh a







Ka phone rawn ri leh ah chuan Liansanga a nih leh ring zet hian zang khai vahin ka lo pick vat a Mampuia zawk lo niin, ka aw a hnual na chu a rawn hria nge "i beisei loh zawk in ka lo call che a ni maw" min rawn fiam zui nghal zat a, ka zak leh reuh sia keimah a awm e tilo in ka hmel ka han siam chhe ta vak ringawt ah






"Mamte thu lawmawm hrilh tur che ka nei ania" a aw chu a zangkhai vah mai ka zawt nghal a "Aizawl ah min rawn transfer ve tawh dawn, a tawp a tawp ah chuan" ka lo phul nghal hlut mai, Rinmuana rawn awm hnai tur chu ka lawm kher mai, inkhat ah cheng ho tawh dawnlo mahila ka pawh ber leh ka ngainat ber a nihna kha ala reh silo a, eng eng emaw sawi chuan kan inbe luam a, ka dah meuh chuan Liansanga pawh a lo thleng der tawh, tunge ka biak min rawn zawt nghal vat bawk a Rinmuana ka tih chuan engmah a sawi zui lem hleilo a








Eitur vel chu a rawn hawn hnem khawp mai ka ei duh zawng zawng chu ka la a ka ei nghal malh malh a, Liansanga chuan ka thil eilai chu uluk zet hian min lo en reng ka hmuh chuan ka chawl dat a "ei ve ta che" ka thil ei la hmuam ṭun chung a ka tih chuan lu bu nghat in "i hmelṭha tho mai" a rawn tih sup chuan ka thil ei ka hak nghal bawrh bawrh mai, min rawn hnaih nghal vat in tui min rawn pe a ka in nghal khawlh khawlh a ka la khuh bawrh bawrh tho







Hepa hi a zei dan hi a lerh chiang kan ti ngawt pek a, heti te chuan ka bulah thlamuang in ka awm ngam tawh nang, hetia ho lam hmel deuh a a thusawi te hi keimah ah a thawh dan a dang lutuk tlat.








Kan pa hnih chuan kan bungrua te chu kan pack dun a, kan boruak pawh a nuam khawp mai, kan in ti fel fai a inbual turin bathroom ah ka lut nghal a, ka inbual zawh chuan Liansanga a inbual ve leh a chumi chhung chuan eitur ka lo chah a, Liansanga phone ri reng chu a tawp ah chuan ka va pick sak ta a, Alex-a alo nia a pawi em ring lo chuan ka pick sak ta a







"Bawiha Martha-i hi buaina a rawn siam chiam a, engtia tih chi nge maw ni dawn ni" a rawn tih chuan chhan mai dan tur hrelo in ka ngawi vang vang phawt a "Bawiha" a rawn tih leh hluk chuan "ih a inbual a" bah naka ka tih chuan a inthiam loh hmel kher mai "Rinhlu ka thusawi kha thil pawi engmah a thleng lo ania, buaina ho te kan tawk a ṭhianpa kha ka rawn hrilh hre ve hrim hrim duh a" insawifiah tum zet chuan a rawn ti nawi nak a, kan inbiak na chu kan ti tawp nghal a








Liansanga inbual zo chu Alex an a lo call tih vel ka hrilh chuan "eitur kha lo ei la inthlak pahin phone chu kan hmang lawk ang nge" a tih sup chuan aw tiin ka chhang nghal a room an chuan phone chu a hmang ta aniang a thawm ka hre zui lem lo, Martha-i chungchang te kha a ni sia naktuk kan zin tur hi a ṭhulh mai te ka hlau rum rum mai. Rei vaklo ah chuan lo chhuak leh in a inthlak fel vek tawh bawk






Ka pian couch ah chuan a lo ṭhu thla ve nghal bawk a, "Mamte naktuk kan haw mai a ngaih hmel" thutak zet a a rawn tih chuan ka hnual nghal rawih mai in ka hria, ka hmel a rawn hmuh chuan za zet hian a nui hawk hawk a "khatia ka tih kha i ring a nimaw" a rawn tih chuan a uang tih ka hrethiam chiah, ka va han ngei mai mai tak em hepa hi min ti hlauthawng hman lutuk tih te hi a in hre ve awm tawp silo





"Alex-a khan Martha-i a sawi lai ve kha i hre hman tih min hrilh a, hlauhthawn tur a awmlo ania, ani aia pawimawh ka bulah i awm a, naktuk ah kalna tur kan nei bawk , Martha-i vang mai mai a ṭhulh thei kan ni hleinem" a ti dap dap chuan ka lawm ver ver mai, alang a han khi ver ver te ka chang viau na a, lawm lutuk ang a lan ka duhloh avang chuan ka hmel ngai reng chuan ka la dah ngar ngar tho







Ka thil ei te chu a tui thar riau in ka hria, nichin a phone a hman lai te kha chuan ka ei ve tak na a, kan haw a ngaih thut hlauthawng reng reng a ei kha ka nia, a tu leh tui loh pawh tunah hian ka hre ve ta chiah alawm. Zanriah kan ei pah chuan ka ti ti siam siam a, Liansanga chuan a lo ngaithla ve kar bawk, a khat tawkin ka thusawi nuihzatthlâk lai ah te chuan a lo nui ve suk suk a, a thil hriat zawng ah te chuan min lo zawm ve leh zauh zauh a , tleirawl ṭha leh ang mai te hian ka in hre hial a ni








Maldives island kan thlen na pawh vawin tiam in ni hnih a ni leh der tawh, kan la kal loh na ve ve a ni bawk a nuam kan ti dun kher mai, a boruak a nuam a an kawtthler a fai in hmuh a hahdam bawk a, thla te pawh kan la ve nual mai, Liansangpuia bulah meuh chuan Miss Rinhlupuii pawh hi ka puitling khup reng bik lo a lo nih hi, ka naupan chhiat na ka kalpel vek emaw ka tih tawh te kha a rawn lang zut zut mai







India ram pawn ah hian vawi hnih ka zin ve tawh a, class 12 ka pass tirh khan kum 16 chauh ka la nia, school kan luh hma vangin, Korean te kha ka la duh ve khawp a tih tak zet a ka pa leh Au Mama ka ngen tak chiam ah chuan 12 pass lawmna ni pahin kan unau in Hruaia tello in South Korea ah kan zin ta kha ania, Hruaia chu ala nau deuh a, a hnu ah ka nu bungraw la Bangkok ah Hruaia nen kan zui veleh a, kha kha a ni deuh mai a







Ka kal chak na tak mai ah Liansang an min hruai chu ngaihtuah thiam ka ti khawp mai ka nu ten vawikhat chu min rawn bia a Hruaia te nen buaina an nei tawh lem lo a niang engmah a rawn sawi loh dan ah, Mampuia pawh vawin hi ni tain ka hria Aizawl a rawn insawn hun tur kha






Maldives kan cham hun chhung tur kan hmang zo a, vawin hian mumbai lam panin kan thlawk let dawn a ni. Hun nuam tak kan hmang a tih loh theih loh Liansanga pawh zanlamah a che duham ṭhin khawp mai, min ngaihsak zia a ti lang reng a, ka biak chuan ka duhlo tih a hria nge zaizir emaw a min chhang lo in ṭawngka ngeiin min chhang tawh a, ka thinlung ka la tih khauh ve ṭang ṭang hi a nem tial tial hian ka hre mai, mahse nem tura ka duh miau loh avang hian Liansanga ka chung a a fel deuh hichuan Martha-i te hi ka ngaihtuah lui vak vak a, an awmdun lai te hi mitthla luih phet ka tum tlat zel, ka sual ve reng reng mang e








Mumbai kan thleng a zankhat kan riak dawn a naktuk ah Kolkata kan pan leh ang nga Liansanga hian Birla Hospital ah hna thil a tih lawk tur a neih vang a nia, nikhat ah a zawh hman a ring deuh a kan zawh hman chuan Kolkata aṭang Lengpui kan pan nghal ang.






Kolkata ah chuan hmelhriat nei ta lo chu Liansanga chu ka zui ve zel a, Hotel a hranpa a book leh vel kha sum sen a hautak mai mai ka tih vang a ni bawk, kan zin chhuah na ah kan inseng ṭeuh tawh bawk sia, kan tih ah khan Liansanga pawisa deuh vek a ni kan hman, vawikhat a wallet a ah chhuah loh vang khan ka pawisa kan hmang ve a, chu chu a nimai







Birla ah chuan vai doctor pakhat nen hian an inbia a, hindi ka hrethiam silo a hindi vekin an inbe bawk sia, ka phone chu ka lo en mai mai a, ka thawhpui te ho thil tur ka hawn ṭeuh bawk a, Liansanga te an chhung kim in ka hawn bawk a, ka nu leh pa te leh Mampuia thil tur ka hawn ve bawk






Ka thawh pui te chu thil ka hawn tih ka hrilh chuan an lo phur khawp mai, lo thleng vat vat ula te an rawn ti nghal vat a, ka lo nui hak hak mai Benedict-a chuan a rawn type zo chiah a ka en nghal vat a "Miss Puipuii pasal kha strict teh mai ania" emoji ha ṭhen lai hi a rawn dah tel a ka hre thiam lo kher mai, midang ho lah chuan an rawn zawt sap sap lehnghal a Benedict-a lah chuan engmah chu a sawi duh tawh lo lehnghal a








A hnu lawk chuan private ah Benedict-a chuan min rawn text nghal zat a "inpa kha a hlauhawm ropui sia i thil min hawn pawh ka la ngam dawn maw ni" nui lai lem emoji nen hian a rawn dah a, ka hrethiam lo kher mai "eng nge" ka va tih ringawt chuan rawn type leh in min rawn chhang lehnghal a "hmanni min thlah ni khan e, kan inthleng min thlah teuhlo kan veng thlen hma ah min drop daih alawm" a thusawk chu mak ka ti nasa mai "chu chu eng nge a strict a nih na, chuan ka lo hau ang a va ti ang lo ve" ka ti let nghal a







Emoji nui lai lem hi a rawn dah leh tuarh a "i â reuh e ka rin aiin, inpa khan a nupui mipa dang bula awm a phallo tihna a nih kha, kan inah khan tih tur a nei tak tak lo" a rawn tih leh chuan awihawm loh hi kan ti khawp a, mahse ka chhang zui lem ta lo a. Liansanga te inbiak zawh chuan uber kan ko leh a airport kan pan lehnghal a "Liansanga" ka tih halh chuan ka lamah rawn hawi vat in "hmanni Sir Benedict-a ka va thlah mai ang i tih ni khan tinge i thlah thlen loh a" a rawn phun zui hlak mai "chu nau mai mai chu ava ṭawng tam reuh e" sawi sap a a tih chuan la lo rum nghat a






Min rawn melh ha in "an inah tih tur ka nei leh silo tih ka hre chhuak a" a ti awlsam et a nih chu, ava han hahthlak ṭhin tak, Benedict-a te in lah kha an veng tawntirh atang khan a la hla viau sia, ke in a kal ve hrep dawn tih ka ngaihtuah chuan ka Khawngaih reuh lutuk .






Liansangpuia chet dan naupang chhia lutuk kha a hahthlak lam hret chu a ni. An inbe zo a thil kan ei leh zuaih a airport lam chu kan pan lehnghal a, Lengpui kan thleng a driver a lo ko lawk nge min lo nghak a, kan bungrua te kan rem fel chuan kan tlan chhuak nghal chu a ni deuh mai







Vawin kan hun hman dan a rang lutuk nge ka motor chuang chu ka rui deuh tlat pek a, ka luak a chhuak in ka lu a na viau bawk, kawng lakah min dinpui ta zeuh zeuh ringawt a, a inthlahrun awm duh ang reng, Liansang an min ngaihsak viau a ors te kan lei chawp a min intir nghal a, ka zia ve deuh emaw ni








Mihring ngaihtuah na hian kan nun thuk takin a kaihhruai zia chu, ka nu hian kan naupan lai khan motor hi kan rui nasa thei khawp mai a, vawikhat kan zin tur kha "motor ruih chu at vang ania ruih duh miah loh tur" hi a ti ta a, khata ṭang khan mi â nih kha kan hlau em em ruih loh kha kan tum ta ngar ngar a, motor han ruih nasat buaipui ngai ang khan kan awm ta miahlo mai kha ania






Kan han lian deuh a a thu min hrilh âtthlâk zia kha kan hria a kan nuih te a za thei khawp mai, marawh chu le kan puk dikloh vang leh chauh lutuk vang a han chuan sual chang riau te hi kan nei ve ṭhin a, chuti nilo ah chuan kan tetlai a a thu min hrilh kha dawt vek tih hre mahila kan rui tawhlo reng reng a tih theih ang chu






Aizawl khawchhung kan lut tawh a dan ngai teh bawkin traffic a lo jam leh ta hut hut mai, motor ka chuang nuam lo nen ka thin te a ti rim hlur tawh, ka tai lah chu a rawn na riai riai a tawrh theih loh khawp erawh a nilo thung. Kan veng kan tlan luh dawn ṭan chuan ka kap aṭang chuan a rawn lum chhuak ta pap mai, kei ni !! Ka period a hun tawh reng a ni, ka chau satliah turah ka lo ngai a kan buai bawk nen ka lo mangnghilh pek alawm le








Liansanga chu ka hrilh nge a ngai bawk si ka huphurh ang reng khawp mai, kan inkawt ah chuan kan motor pawh a ding ta nalh a, kei chu ka thut ngaiin ka la ṭhu reng, Liansanga chu chhuk in kan bungrua te chu an unload nghal mawlh mawlh a, ka la che chang ta chuang lo, a tawp a tawp ah chuan diklo a awm em tih min rawn zawt ta a, ka sawi hreh ngang mai, sawi loh theih a ni tawh bawk silo chuan tim dai in ka hrilh ta a








Liansanga hmel ah chuan eng nge a ngaihtuah ka hre thei hauh lo, a jacet chu phelh nghal mawlh mawlh in ka kawng ah a ban leh lam leh lam chu a rawn ṭawn zawm a "tikhan engmah a lang lo ang, lo han chho vat la lo han inthlak rawh" dam dap a a rawn tih chuan ka tho nghal vat a, in lam pan chuan ka kal ta nghal hlawk hlawk a, Liansanga te chu driver nen kan bungrua an rawn thiar chhoh ka ring








Bathroom ah ka tlat lut nghal a shower hnuai ah chuan ding in ka i tleuh nghal thuai thuai a, ka tai lah chu ana ta takzet mai ka mawngtam atang chuan a rawn pawt zawk zawk bawk na tak hi a ni, period la na chi tih tak ah ka na ngawih ngawih hi a nimai. Ka inbual zo chu khum ah chuan ka bawk thlawp a, tunah tak hichuan ka taksa pum hi a na chhuak vek chet pawh ka che hleithei tawh lo







Ka room kawngkhar rawn in kik ri ah chuan ka aw zawng zawng sawm khawmin ka lo chhawn a, Liansanga chu a rawn pen lut nghal vat a, ka awmdan a hmuh chuan Doctor tih tak ah diklo a awm tih a rawn hre nghal aniang min rawn pan nghal vat a, ka tai ka lo dawm ngawt ngawt vang chuan rawn hrethiam nghal in "Mamte damdawi huat i nei em, ka tih awmzia chu ei theih loh te" ka tai la nat lutuk vang chuan tawngka pawh a chhang lo in lu ka thing nak nak a









Liansanga chu tho vut in room atang chuan a chhuak nghal a, minute nga hnu vel chuan lo let leh in tray ah hian tui leh eng eng emaw hi a rawn chawi lut a, khum ah chuan rawn ṭhu thla in damdawi a lo ken chu min eitir nghal a, tuilum ip lian lutuk lo hi a lo kenh tel chu niin, tui a lo dah sa bawk a, ka tai zawn ah chuan a rawn dah nghal a






"Minute nga hnu velah tuilum i in leh dawn ania aw" a aw a min ngaihtuah na vang chuan ka ṭah zuk chhuak tlat pek a, ka period hian a chang hian ka rilru hi a zuau tlat a, a chang leh ka thinchhe em em thung a. Chutia ṭap mai tur hmel ka put vang chu nge Liansanga chuan mak min tih hmel kher mai, tunah tak hichuan ka nu te ka ngai, Mampuia pawh ka pa pawh an vaiin ka ngai







Ka mittui parawl kuang a rawn hmuh chuan min rawn kuah vat in "ngati nge ala na viau ami" a rawn tih chuan engmah pawh sawilo in ka ṭap ta vak vak mai a, ka la uar em em zui. Ka duhtawk a ka ṭah zawh chuan ka thawl hawk in ka hria, ka ṭah chhung zawng khan Liansanga chuan engmah sawilo in min kuah tawp ringawt a, chutia nutling pui han ṭah ruah ruah chu ka ṭah zawh a ka ngaihtuah let chuan a zialo ka ti tak tak, Liansanga hmuh te chu ka zak riau mai







Thildang ka rilru a lo lut chu ka ṭah loh na rei tawh zia lam daih a ni thung, kum 3 kalta khan Mampuia thingtlanga an transfer khan ka ṭap ve deuh kha ania, abak chu hmeichhe ṭah mai mai duhlo chi tih tak ah ka ṭap khat khawp mai. Tuna taka ka ṭah chhuak tlat chu ka va han in ngei mai mai tak






Ka tai na pawh a zia deuh a Liansanga chu ka bulah chuan ala awm ve reng bawk "Mamte room hran ah ka mu tawh dawnlo ania, nupa in kan tih tur zawng zawng ka ti tawh a, room hran a mut ala ngaih na ka hre lo" a rawn tih duah chuan amah ka en nghal a, sawi dikloh a nei chuanglo a awle tiin ka chhang ve mai a, a hmel a phurna lo lang chhuak pawh chu ka hmu reng, mahse le ka sawi tawh ang khan ka rilru chhia pawh a ni maithei Martha-i hi nau ang pawh ala en chhung chu inzawmna nghet tak hi ka siampui theih ka la inring chuang lo







Thisen inzawm lo hichu unau ang tak tak a inen hi a har ania, Liansang an en eng ang mahse Martha in a en ve miau siloh chuan nakin a buaina lian zawk a lo thlen palh in a rilru na ber tur leh a chan chhe ber tur ka ni tlat a ni.







Nizan ang em em khan ka tai chu ana ta lo, Liansanga chu a insawi ang ngeiin ka bulah chuan a mu ta a, ka na tih a hre bawk a ninawm in a awmlo, ka bulah chuan a mu mawl ve tawp a nimai. Ka lo period ve kher nen vawin chu college ka la chawl phawt chu ania, ka inthlahrun viau rualin ka inthlahrun na aia nasa in ka chau tlat a ni, U Liani pawh a lo awm tawh a, Liansanga a chhuah chiah thu te a rawn sawi a, chaw chu ka ei ve nghal a, ka tai na chu ala awm ve deuh reng a, mahse han mutpui tham chu a ni tawh lo







Liansanga chu dar 11 velah chuan a rawn lut leh a, eitur leh damdawi hi a rawn dah a "Mamte clinic patients ho ka en zo a hospital lamah ka kal dawn a, hei ka rawn dah zuaih" Liansang an ka hming a min koh hian engtin emaw riau hian ka awm ṭhin, nuam tihna hi ka nei tlat bawk "tlai ah in in lamah chaw ei phei ila, chuan chaw eikham lamah ka nu te tlawh kawi ila" ka thusawi chu a pawm hmel kher mai, a nu te a lo hrilh tur thu min hrilh chuan a chhuak nghal a







Kan bungrua te chu a theih ang ang in ka rem fel mawlh mawlh a, Liansanga chhungte thil tur ka hawn sak ho chu bag hran ah ka dah a, ka nute ka hawn sak chu bag dang ah ka dah veleh bawk a. U Liani nen chuan in chhung sekrek chu kan ti dun a, a ti ti siam siam reng a, kan inkawm vak ṭhin loh avang hian a ṭawngduh leh duh loh pawh ka lo hre lo a, vawin chu inah ka awm nileng bawk a kan inkawm thei phian mai, an chhungkaw dinhmun te chu min hrilh ve luam a, apan an tet laia a boral san thu leh anun pasal dang a um thu te, tihian a naute a chawm thu te min hrilh chuan ka lo khawngaih kher mai "Liansanga hi a fel a ti hian hna min pe a, ka hlawh phu bak aia tam hi min pe lehnghal a, kan mamawh chang apiang in kan ban buai bawk a, mi ṭha tak a ni, innei hi keichu ka lawm ania, Martha-i an ti mi kha nen khan an inneih ka lo hlau lutuk a" a ti bawrh bawrh a







A thusawi dan aṭang chuan Liansanga inah pawh hian a lo chungkai fo tawh chu a ni ngei ang ngah . An inzawm na hi tawp pumhlum thei tak ang maw kan en aniang chu







Liansanga chu nidang aiin a rawn haw hma a, a inthlak a keipawh ka insiam ve nghal bawk a, an inpui lam pan chuan kan inkhalh chhuak nghal a "i tai na eng nge a an" min rawn melh zawk a "a zia a nimai, reh hmak lo mahse mutpui tham chu a ni chuang lo" pangngai tak chuan ka chhang ve mai a, rei vaklo ah chuan an in chu kan thleng a, motor kan dah fel zawh chuan kan inzui lut nghal a.






Ka Nu chuan min lo chhawn nghal vat a Liansanga lah chuan eng a mah hma chuan "Mamtei hi a nuamsam vaklo a" an ti nghal ngawt pek a, nuamlo ka va han ti chiang, ka nu chuan ka eng nge na tih te min zawt luam a, ka chhan hma hma chuan Liansangpuia chuan "a tai a na a kha nizan pawh kan mu ṭhalo lutuk" te ala ti ta deuh deuh a, ka ngei kher mai a nu lakah chuan ka zak viau bawk.







Ka nu chuan engmah ti velo turin min hrilh nghal mawlh mawlh a, ani pawh che bik lo chuan kan bulah a rawn ṭhu thla ve a "Nu khawnge Muanpuii" ka zawhna chu min rawn chhang vatin an "kha an pa nen ka bazar tir a, rin aiin an rei ta phian an rawn let ṭep ang" ka nun a rawn ti nghal vat a






Thil chi hrang hrang kan sawi a kan zinna chungchang te chu min zawt a, nuam ka ti em tih te a tawp ah chuan "Mamte hmeichhe tan chuan rai har lutuk te hi a ṭha lo a, tunah rai turin ka tihna che nilo in, tunah hei thlakhat in innei tling ve dawn a ni tawh mai a rai nan chuan a hma tawh lem lo ania"






Ka nu thusawi vang chuan ka lai deuh hu mai, tunlai ah hetiang te an lo la sawi ṭhin tih ka hrelo reng reng, ka nu bawk chu rawn ṭawng leh in "MPi pawh hi a rai har lutuk kha ṭhenawm khawveng ho khan an sawi duh khawp mai a, keinin eng ah ngailo mahila ani kha chuan nuamlo kha a ti khawp zel mai a, chuvang chuan ka thusawi hi ngun deuhin ngaithla la i tan vek zawk ania aw" dam dap hian a rawn ti leh a








Liansanga nu hi a sual lo hrim hrim Muanpuii nen pawh min en dan a dangin ka hrelo, ka chung ah a ṭha viau bawk mahse hetiang lam kher kher insawipui hichu kei ka ngaihdan a ni der lo, nu leh pa te a bik takin mipa nu leh pa te hi nupa karah hian an inrawlh tam lutuk ṭhin a, hei hi tunlai a nupa inṭhen tam ber chhan hi a ni e bawk






Tunlai ah chuan hmeichhe fa pawh kan chhungte hian min duat tawh a, keh thei dawm a dawm vek kha kan ni tawh a, kan inchhung ṭeuh ah min dah nuam a, pasal kan han nei a pasal a chhungten min lo dah nawmsak loh chuan mahni inah kan nuam tih hre ran a inṭhen mai pawi tih loh na hi kan ngah hlawm ta khawp mai.






Inngaihzawn lai te hian mipa ina len hi a mawilo kan tia kan leng ṭha ngam ngailo hi a ni ṭhin a, ka ngaihdan a ni veleh pek tlat lo, kum khua a kan chen pui tawh tur te an nia an mizia zir chian nan te pawh va len ve zeuh zeuh hi a ṭha ka ti, an mize mil a kan lo insiam rem vetheih nan pawh







A hrim hrim in tunlai hmeichhia hi kan no tawh mah mah ve deuh a, pasal neih te hi nuam tur ah hian kan ngai a, kan hreawm inṭanna chiah a ni zawk tih hi hre reng ila, intih luhlul luih ve tlat te hi a ngai ania.





Muanpuii te an rawn haw a chaw chu kan ei zui nghal a nimai, Liansang hian ka pa hi a lo chhun tak zet a ni tih hi ka hmuh dun apiang hian ka hre thar thin, an ṭawng tlem dan te pawh hi a inang chiah. Chaw eikham thingpui in a kan ṭhut ṭhap lai chuan Nu Mahlimi kha a rawn lut ta hlawl a, a zia lo hre ve deuh tawh ta chu ka lo huphurh ru angreng khawp mai, Muanpuii ka va en a a lo lâwm hlawm lo tih hi a hriat leh tawh a hmel pek dan atang in







Nu mahilim chuan thingpui chu a rawn in ve nghal a, tlangnel tak chuan a ti ti bawrh bawrh bawk a hnu deuh ah chuan le ti hian a rawn ti ta "Liansanga chu ka rinloh daih nupui an i nei a, Martha-i nen khan in inzui nasa ve sia, innei ang chu kan lo ti mai a" a nui huah huah lehnghal a, Liansanga ka va en a a nui tawi tak mai







A ni reng dawn asin, mi ngaihdan ah ka buai lo tiin kan duh duh dan in nun kan hmang ṭhin a, mi ngaihdan a kan buai loh vang ringawt khan ka khawsak dan kha midang in an rawn hmuh kan ve tawh silo, nunthar ṭan tuma insiam ṭhat kan tum lai tak hian kha mi ngaihdan a buailo kan intihna chiah khan min rawn vaw let ta ṭhin a, mi mitmei veng lek lo a khawsak te hi thil chin tam chi a nilo, mihring chin a hriat loh a eng nge kan chung ah thleng dawn tih te hi a hriat loh mi min ngaihdan ah hian buai ve deuh tur, nun kan uluk phah duh zawk







Liansanga pawh hian a tun hma nun ah Martha-i nen inzui in, an inzui tawhloh hnu thleng pawn a la ngaihsak zawm a, miin an inkawp leh ang a an sawi lai te khan ngaihsak lo tawp a awmlo in han pha mawi hnai ṭhin se, tuna kan nupa nun a kan buai a tam zawk hichu a thleng miah lo ang le.





Mi lah hian kan chanchin ṭha lam ai hian chhe lam hi an hre thei khawp mai a, tunlai zaithiam kan khawchhak lam unau te zing ami Saiwannah hla thar te kha a hla thu kha kei a dik hi kan ti em em mai a


"Kan chet ṭhatna te chuanin kar khat pawh a daih lo,
Kan chetchhiatna erawh chuan dam chhung a daih"



Chuvang chuan kan tun nun zel hi uluk ila nakin a kan buaina tam tak tur hi thleng lo thei a ni.




# Hmanhmawh deuh a ka type a nia, a ngaihnawm pha ange maw ni. Tunlai chu revival programme kan nei a, inkhawm awl lai kan neilo a, naktuk zan pawh ka rawn dah hma thei dawnlo tih ka lo sawi lawk e aw, eng eng ah emaw nihna kan lo nei ve neuh neuh sia, inkhawm loh a theih thin siloh a.


Show post links
Top