INFERNO BY Hmangaihi Chhakchhuak (Completed)

[Ngaia]

*Inferno*





Chapter Thirteen



“Chubak ah nang chu Sir Zodina subject ah hian i bo thei e,i ngaithla ve kur amaw ka tia" La nui reng chung chuan Lalzami chuan arawn ti leh a thaw chhuak hak in “Ka hre tawh bik lo,keimah tawp hi ka physics lo aniang" Ka ti ta ringawt,Sir Zodina hian thil byheart vel hi a ngaina lo a formula te anih loh chuan. A subject hi understanding a kal tur anih vang in a man lo tan chuan bo haw haw awl tak ani.










“Lungngai mah ta che ar talh dan chikhat chauh a awm hleinem" Ka dar a beng thak thak chuan ati leh a “Eng ti zawng in?" Ka ti sap thil lah hi a sawi kual peih sia sawi tlang ve law law mai tur hi nia “A bul ah tution i kal a i ti tha ve em em ang" atih chuan ka chum awk a “Pass mark i hmuh tang tang kha ngawi mai mai teh" Ka ti nghal hlak.











“Ninawm e..hun lah hi a kal muang bawk si ban vat vat a kawr hak tur thlan ka duh!" thil dang a sawi ta daih a “Wednesday tshirt min hak tir leh vek tho ang" Ka lo ti vat a chek nghal hlak bawk “Ka va han ning zo zai tak!" Ala ti hmuk hmuk zui,incheina hi chu a lawm ve chiang alawm.










“Thla i la leh nasa awm sia thlalak lai chauh a hak tur keng mai rawh" Nui chung deuh a ka ti chuan a bu nghat nghat tih a tum leh tak tak amaw ni! Henu hi chu fin hmel kar si hian a chhaw leh vah zel ania.










Bell a rik chuan boys ho chu an ri deuh hluai a,phur zet in an in khung nghal sawk sawk bawk. “Naaa..vawiin ka fail vang vek ka sweep dawn!" ka ti chhuak hluai a “Inhnuai ah kan lo nghak ang che" Lalzami chuan ati vat book shelf tih fel a ngai bawk nen fail kan tlem bawk sia,bookself chu keimah in ka rem tha mawlh mawlh a.










Midang in hmun an lo phiat a thuthleng vel ah lo dah fel bawk,ka rem mawlh mawlh lai chuan ka tukhum a za mer mer a,pawn lam ka hawi zeuh chu ka phu uih mai. Duhawma chu alo ding run a,a kut ah lehkhabu pakhat hi a lo keng va bawk.










“Mamawh i nei ami?" engmah sawi lo a a lo awm kar vang chuan ka ti sap a a lu a thing mai a. Lehkha bu chu ka rem tha leh mawp mawp bawk. Pawn ah chuan eng ti hlei lo hian a ding reng a,nghah a nei pawh ani thei e.










“Brooklyn kawngkhar chu lo khar mai la nge kan la awm ve ang?" Remruata chuan alo ti a nui sak in “A ngai lo ka zo tep ka lo khar mai ang" Ka lo ti vut a mipa ho pawh an chhuak dial tawh a. Lehkha bu chu ka rem tha deuh mawlh mawlh a,a tam ve em avangin rem fel fai angai sia,chubak ah mahni a awm ka hlau lem lo. Ohhh Duhawma ala ding ve reng alawm.











“Mi nghah i nei ami a?" Ka rem zo chu ka thaw hak a “Nei lo" Ati sup a bu nghat in ka bag ka la a,tukverh vel ka en fel leh vek phawt a, CR nih hahthlak na pakhat ani. Kawngkhar chu ka khar mawlh mawlh bawk “Midang an awm tawh si lo a tunge i nghah a?" Ka kal sawn dawn chuan ka ti leh hram a “Tu mah" Ti sup in min kal pel nghal vut bawk,lu ti che zeuh in ka kal ve nghal a.











“Iva muang em em ve an lo ti duh dah che mi?" Lalzami chuan alo ti lang lang a,kei in Duhawma kal liam chu ka thlir reng. “Eng nge sawpa nen sawn in tih a,in lo chhukthla rual bawk sia" Lalzami bawk chuan ati leh a “I sawi peih e..ka thil rem na pawn ah alo awm ve kur a..a a deuh amaw ka ti hial zawk" Ka ti chhuak nghal hlak a.










“Hepa zia hi chu a mak hrim hrim,hmeichhia hi a ngai nep hrim hrim nge pawh ka hre lo..biak loh a him ber!" Zami chuan ati leh a “Nga ti nge?" ka lo ti nghal ha bawk “Ka hre bik lo,a nu in pasal dang a neih atang hmeichhia a hua te an tia..mahse ka hre chiah bik lo an sawi ve leh nawlh zel a".











“Ka haw thei em tih Sir zawt lawk ila?" ka ti vut a “In thil sawi tur ka ti buai mai mai zawk ang nangmah in lo va kal rawh" Ati daih a ka melh rum ve na te chu ngatan mah a ngai lo “Lo kal ve mai mai la.." Ka ti nghal chiam a min ner khum duh lek chauh.












Office ka luh chuan teacher te an lo awm nual a,Sir room ah chuan luh ka dil a “Sir vawiin tution kan kal dawn em?" ka ti sap a min lo melh vut,ava han hmeltha ve...“tlai lam dar 3 bawr vel ah ka hman chauh dawn a,in in lam ah vawiin chu kan ti mai dawn nia" Sir chuan alo ti vat “Ka kal dawn!" Ka ti nghal sap a mit ti zim sun in min en nghal a.











“Khawi ah?" ati nghal nghut bawk a “Aaa ka haw dawn" Ka ti a min lo melh ngar ngar “Ka thlah ang che" Ti nghut in a tho chhuak nghal a “No..hey..Sir...Zami nen haw kan tum alawm!" Arawn tho uai chu ka ti nghal chiam a,min thlah ka hlau lutuk chu ka insum hman thlawt lo.











“Okay fine" Ati sup a chhuah mai ka tum chu ka ban ah alo vuan hman,engtik ah nge alo phei hman pawh ka hre lo. Ka ban lak sawn ka tum chu a vuan nghet nghal sauh sauh a. “I thu sawi ah i din ngei ka beisei!" ati sup a “Eng ka thusawi maw..engmah ka sawi loh kha!" min vawnna phelh tum in ka che phut a.











“Kar hmasa khan sawi chu i nei ngei alawm!" ati leh sup a,ka sawi loh ang ang min sawi tir a tum amaw ni! Rawn awn hnai ruai ruai a ka hmai bul chet a arawn kun hniam chuan tawlh hnun ka tum nghal a mahse min lo dang hman.











Dim te in ka biang ah a fawp zeuh a,ka mit ka chhing nghal sawk. “Mak ti vak suh,ka duhna che ka lan tir dan a nasa tawlh tawlh ang" Ka beng bul ah arawn ti nghal sup a chumi rual in ka beng a nul nghal thuak bawk. Min thlah na a tih thawl deuh lai chuan ka tlan chhuak nghal vut a.











Zahthlak lutuk,ka beng leh ka biang chu a sa up up a. Ka kut a hik vek lehnghal. Ka kut a in zap hliau hliau in ka kal sawn nghal vut a. Engtin nge kha tia awm chung khan tution min pek ngam reng reng ni!.













“Ngurthanmuangi ti tawh che ila tha ang!" Lalzami bul ka thlen rual rual chuan alo ti nghal a,mahse ka hmel a hmuh vel ah chuan za lutuk in a nui nghal hak hak tih ngaihna hrelo zet in ka lo en ran ringawt “I sen vek ania aw...eng nge maw in ti chiang ehhh" Tiin ka biang arawn kawk a a nui leh hak hak.











“Kan....ah..awii engmah kan ti lo Lalzampui!!" ka ti chhuak nghal vak a “In ti aniang chu i rawn sen chhuah vek i va han nasa reuh tak!" Mittui tla phung chuan a nui a “Ka lang chhe viau ami?" Ka biang dawm pah chuan ka ti chhuak sap a “Sir hmuh dan che ani mai" Nui reng chung chuan ati “Ka ning nui tawh suh!" Tiin ka kal san daih.











Min rawn um phak in sprite bur khat chu min pe nghal a,ka lo hawng nghal vat. Ka in chiah chu ka kawchhung a hik thla nghal chuai. “Sir hi i duh ve tih ka hre reng ania veng tha hle rawh" Lalzami chuan a in tur lem khalh pah chuan alo ti a “Ka duh lo...eng nge i sawi ve mawlh mawlh zel le" Ka ti chhuak hlak a “Ngurthansang iva han rak ring ber!" alo ti ve nghal hlak bawk.










Kan inah alo kawi a naktuk lam a kan kawr hak tur chu kan thlang dun mawlh mawlh a,kawr in ang hak kan ti ve ngei a mahse Wednesday form hak tur an ti tih kan hre chhuak a. Thil ei tur in kan chhukthla ta daih a. Ka nu pawn Zami chu alo lawm thiam ngang mai.










“Ngurbawih in Sir chu a buai deuh ami?" Ka nu chuan thil kan ei mawlh mawlh lai chuan alo ti a Lalzami lo khuh kharh kharh chu hnuai lam atang a ke ka rap nghal sawk. “Dar 3 vel ah a hman ang" Ka ti nghal vat a ka nu pawh a bu nghal ngat.











“Brooklyn Sir bul a tution kal chu a nuam em?" Lalzam in chimawm lutuk in alo ti a ka hming pangai a min koh ve hmasak na ber aniang “Nuam e" Seh chilh nawk in ka ti a min la nuih lui hram “In Sir hi chu a fel ngawt mai tiraw Zampui" Ka nu chuan alo ti leh vat a “Fel khawp mai fel ti deuh tur te pawh an awm" Lalzami han chimawm zia hi chu aw ka nu alo nui hak a.







...





“Ka thiam thei tawh thlawt lo ani!" Sir chuan min melh run run a ning zet in ka melh let ve ran bawk tih ngaihna vak ka awm tawh si lo nen a thaw chhuak ve hawk hawk mai. Hmmp..ama thiam loh ber hi lawm,lehkha min zir pui char char a vawiin a test ka fail chungchang lah a sawi chhuak deuh reng lehnghal.











“Tha lawm" Ati sup a a laptop a khup nghal thak. Zawh chi ani em chu ka hre lo a mahse ka ka hi a za zek zek tawh “Sir?" Ka ti awn duai a min lo melh nghal vut bawk,heti te chuan ka zam chhe mai dawn lawm le. “Sawi la?" ati leh sup a a thil khawih lai dah in min en leh run a.










“Thil in zawh chi ani em chu ka hre lo a.." Ka ti awn leh duai a “Doctor i nei em?" Ka ti chhuak phut a a meng deuh awk hman a “Tu sawi nge?" ati nghal sup bawk ka meng kual ralh ralh ringawt. “A dik alawm" Thaw chhuak suai suai in ati leh sup a.











“Maw?" Ka ti nghal haw bawk “A dik ka ti anih chu" Tiin a ding chhuak vut a ka ding ve nghal vat bawk “Naktuk outing ani si a zanin chu lehkha i zir that ngei ka beisei,chuan i thusawi ah ding nghet tur in ka duh bawk che" Ati sup a









..“Eng ka thusawi tei vet maw?" Ka ti chhuak hluai a “Ka bul ah i awm ang tih i sawi kha" Ati chhuak nghut “Chutiang ka sawi bawk lo" ka lo ti chhuak ha a “Thil ho mai mai ngaihtuah lo khan i sawi lai ilo ngaihtuah chhuak dawn nia" ati leh sup a ka nu nen rei lo te an inbia a a haw zui nghal bawk.











“Nu ka ril atam!" Rohlupuii choka lo lut chuan arawn ti lang lang a “Chaw kan ei tep!" Ka nu chuan alo ti vat a kei in phone ka lo khawih mawlh mawlh bawk. “Au te Sir kha ava han sual hmel tak mahse a hmeltha e" Rohlupuii chuan alo ti leh a min ti thinrim deuh tlat ani chu.











“I lerh lutuk chutiang sawi lo in lehkha va zir mai mai rawh" Ka nu chuan alo ti hlauh a “Chawh e.." Ka lo ti chhuak sap,min chhiat khum leh zeuh in a chhuak nghal a ka chapal in ka vawm lo chauh.



---------


Show post links
Top

[Ngaia]

*Inferno*





Chapter Fourteen




“Ngurpui tho rawh le vawiin chu chhuah na tur te in nei si a in ti fel deuh vat vat la?"ka nu chuan min rawn sawi det det a,mutchhuak zet in ka in khuh tha sauh sauh “I muan lutuk chuan nangmah zawk khan tha i ti dawn miah lo ania" Ka nu chuan arawn ti leh a “Dar engzat nge?" Meng mang lo chuan ka ti nghal vut.










Nizan ah Lalzampuii vang in ka meng rei hrep lehnghal a,a hak tur thlang tur in min ti chung chung a. Ka thlan sak ho lah chu ho te te a sawi sel reng bawk sia in hnial hlak hlak chung in kan in thlan sak ta tho a,ka phone battery pawn min peih pui tawh loh hnu ah kan dah ta chauh kha ani a.











“Dar 6! Tho rawh le" Ka nu chuan nizan a ka chet na vel dah fel pah chuan ati leh a meng pawh ka meng hlei thei lo “Lungngai suh nu! Dar 9 ah chiah kim tur alawm..nizan ka mu tlem ropui lehnghal!" ka ti chhuak nang nang a ka nu alo chek nghal hlak bawk.









“Lehkha zir vang a meng rei i nih chuan loh kha,chubak ah thil tih na reng reng a tlai reng ho hi an zahawm lo duh khawp ania" Ka nu chuan ati leh a ka tho tih a hriat hma chu a awm ve leh reng dawn tih ka hria “Mahse a tlai tlai an chhelo alawm nu" Tiin ka thu chhuak nghal zat.











“Â vak lo mai teh!" Tiin min chhuah san ta nghal a,ham bai bai in bathroom lam ka pan nghal bawk. Vawiin kan chhuah na tur chu ka phur ang reng viau,Sir Zodina lo kal lo phei se chuan a nuam leh zual ngawt ang. A mit mei veng reng in ka khawsa dawn sa!











Ha ka nawh mawlh mawlh lai chuan ka khum bul a ka phone charge chu arawn ri a ka phei nghal vat



*Henaw!*


*Ha nawt chung hian rawn tawng ziah suh Nguri!*


*Anih ka chhang lo tawp dawn che mi? Kher zel a!*


*Ka thinchhia eee hi ti ve ngei suh,camera keng rawh aw*



*I camera keng mai la ka ta te chu ah!*


*Anih i ak tluan parh ang!*


*I van zak lo e*


*Aw..ka camera ka keng ang chuan i ak ang a tawk!*



Phone chu a dah hmak a in la boss ve bawk sia Lalzampuii hi chu,ani lo thian han kawm vak ka nei bawk si lo a in hauh leh hlak hlak a ngai ngei ang.
Inhnuai a ka chhuk chuan ka pa in choka lam ah thingpui alo in mek a,Rohlupuiin a bul ah chhang leh thingpui alo ei ve mek bawk.










“Chaw kan ei har lo ang kha..chhang kha ei ve mai rawh" Ka nu chuan alo ti nghal a,Rohlupuiin a chhang ei lai mek chu a kut in a hliah nghal hmak “Ka ei awm tho e!" Tiin pahnih chu ka lak sak a,dik tak chuan ei pawh ka tum lo kha nia mahse henu lel lawl hian mi run tlat!









“Bawihte vawiin chu khawi ah maw in kal dawn?"Ka pa chuan alo ti sup a kan kal na tur vel chu ka hrilh nghal mawlh mawlh a a bu ve nghut nghut. Rei lo te ah chaw kan ei a,thleng seng fel vel chu ka nun a tih theih thu sawi mahse ka ti lui ta tho a ka fel ve hmel lutuk!











“Bawihte insiam zo la ka va thlah ang che chu,vawiin office ka kal dawn lo bawk nen" Ka pa chuan choka lo luh pah chuan arawn ti a ka nui nghal var var “Nia,hei hun i ngah tawh lo ania han insiam vat rawh!" Ka nu chuan alo ti leh sawk sawk a,ka thil tih lai ti zo in ka room lam ah ka chho nghal a.











Nizan lam a ka kawr hak tur a ka lak chhuah hoodie eng(yellow) min kap ngo leh zual tur chu ka wednesday kawr chung ah ka hak hnan a,chuan mom jeans dum lam pawl mah a tight ve lam pang leh converse chu ka bun a,ka simple ang reng viau. Ka sam pawh ka thlah deuh tawp,school ami ten ka sam thlah lai an hmu ngai lo bawk a min hmuh that ve deuh ka ring.











Ka bag ah chuan ka mamawh tur ang ang chu ka khung khawm a,ei tur chu a tam zawk mah ani. Bus chuan chhung a ei tur leh in tur ka lei khawl sa teuh bawk a,Lalzam in camera alo keng dawn bawk nen ka in ak tam lem lo,chubak ah zan lam daih a ho tur kan ni bawk nen. Riah kha chu chhungte lam in an sawi sel ve neuh neuh a an ti ta lo kha nia.











“Pa ka hman!" Inhnuai ah chuan ka chhukthla nghal a “Tinge i Wednesday kawr i hak loh a?" Ka nu in alo ti vut “Ka kawr hnuai ah hian ka ha lawm" Ka lo ti vat a,dar 9 pawh a ri tep tawh. Nichin lawk khan Lalzamin min lo call tawh nghe nghe bawk alawm! Min rawn tur leh chung a.









“I phone kha ti low reng reng suh aw,thil palh pawh a awm thei phone battery low hi a pawi teh ania" Ka pa in bike a hruk mawlh mawlh pah chuan ati a ka aw ve luam bawk. School kan thlen chuan an lo tam tawh ang reng a,kan kim vek tawh ni mai in ka hria. “Bawihte fimkhur la,a â fal ah tan loh tur bawk ania aw" Ka pa chuan min en zui reng a.











“Ngurthansang!" Ti ri ah chuan ka hawi phei vat a,Lalzami lek chu niin midang pawh an hawi ve lawl lawl mai. “Iva muang ve Muangi!" Lalzami chuan alo ti nghal hlak a,ka melh rum nghal vat “Mi hriat ah chuan ti khan in koh lo teh ang!" Ka ti nghal hlar a,ala nui mai mai zui!










“Section zawng zawng bus ah kan chuang ho dawn zui ka va han peih lo tak...e..chuan thil mak deuh i hre deuh em?" Arawn ti nghal vut a mitko ka san nghal ak kan sir lam hi a kawk zeuh zeuh a ka hawi phei chuan Duhawma tum hmuk a lo ding chiah ka hmu!










“Eng maw mak?" Ka ti nghal hu a “Mawli i mit kha meng ta che!" Ati nghal hlak ka va en leh ngat a mahse eng nge mak pawh ka hre ve hauh lo “Huizz..i man hlawl lo anih hi! Duhawma alo kal ve!" Arawn ti chhuak chiam a,ka ner nghal vak a. “Eng nge chu pawh chu a mak viau a! Alo kal ve a eng nge danglam vak awm kan kal loh phah dawn ami?" ka ti zui hluk a.










“Saw tiang nerd lutuk sawn eng nge trip ah arawn tih ve ang tih te ngaihtuah ta che,midang in an sawi sap sap pawh hi i hre lo ami!" Ati mawlh mawlh a mit chet kual ralh in ka thaw hak a “An pawi a sawi em ni eng nge ni vak? Thil awm lo lutuk ani hleinem!" ka lo ti zui hap a “Ngaihtuah la,trip neih ho a skip zel thin an tia nia ani tan chuan lehkha zir hi a nun na tluk ani ringawt mahse lehkha zir ai a a tih hi ngaihtuah teh!".












“Ho mai mai e chutiang sawi vak!" ka ti nghal hlak a,mi nun ah lo buai suh ti dur dur ho hi a buai buai chu an ni leh thin bawk sia. “Khawnge Sir Zodina hi?" Ka ti nghal sap a “I tenawm vel e..i ngai anih kha!" lalzami ngaihtuahna lah hi “Ka zawt mai mai che lawm" Tiin ka hawi sawn hmak a,bus rawn ding ah chuan an lut nghal sup sup.










“Kei ni chu last bus ah kal mai ang,a thawl daih zawk ang" Kan school hi kan tam reuh a,principal te pawh an hausa a bus an la hnem khawp mai. “Ka bul ah i kal duh em?" ka phu nghal zawk lehnghal “Aih..duh lo mai" Ka ti nghal vat a,min melh deuh khui lehnghal a.











“I duh lo tak tak maw?" ati nawn leh sup a ka bu nghal nghat a “Pawi lo in rual in ka kal ve mai tur ah ngai ang" Ati zui sup a ka meng deuh kawk bawk “Bus ah maw?" ka ti nghal haw a “Zirtir tu zat ve chu an kal alawm!" ati leh sup sup bawk,mitko ti che zeuh in ka hawi sawn ta daih a.











“I kawr chu hriat hran i awl dawn kha!" Lalzami lo nui hawk chu ka nghawk nghal sawk,hepa han nghal dan em em hi. A bul ah pawh ka awm peih nek lo,min tih thinrim emaw laih dan phet a zawng leh anga.










Last bus alo thlen chuan kan lut vut a “Sir Zodin,come have a seat!" Sir Maruata chuan alo ti vat a,min rawn en zeuh chuan ka kal nghal daih a. Sir Maruata bul ah chuan a thu ve nghal zat bawk. “Nguri Duhawma bul ah hian thu la Rempuia nen hian kan lo thu ang!" Lalzami chuan ati lang lang a,Sir chu arawn hawi zawk tih ka mit sir in ka hmu hman.










Lalzami lah chu Rempuia bul ah a thu tlat tawh mai sia,pawn lam chauh en pa bul ah chuan ka thu thla ta riai riai a,min rawn en zawk a mahse a hawi sawn leh nghal daih bawk. Airpods vuah in a mit a chhing zui ta daih a,ka biak tum pawh ka thulh leh ta ringawt,engvang a nelawm loh em em nge maw anih le?










Ngawi reng in kan chuang a,Lalzami lah a khat tawk in a nui reng lehnghal a. Ka ngei lutuk chu va ben deuh pawp ka duh. Mipa thenkhat lah chuan hla ring deuh a play in an zai pui dual dual a,kan kalna tur ka lo hriat lawk sa tawh avangin aniang tlem te chuan ka phur vak lo deuh.











Sir Zodina pawh Sir Maruata nen chuan an nui leh suk suk zel a. Midang an hlim em em lai in ka thutpui pa lah chuan ka awm lo ang hmak in a ngai leh nghal a. Ka bag a ei tur la chhuak in ka ei zui mawlh mawlh,nuam pawh ka ti ve tawh lo,haw hun ah chuan Lalzami ka thutpui tawh ngei ngei a.











Kan tum ram kan thlen chuan kan chhuak sap sap hlawm a,ke a kal ngaihna a awm avangin kan in nghak hlawm leh ren rawn phawt a. Zirtir tu thenkhat in min veng run hlawm bawk . “Ka lo ken dawn che mi?" ka chhuk dawn chuan Duhawma pawh a tawng ve ta chauh a,ka thil ei zawng zawng leh ka bag nen ka in pawm deuh thun a hmuh ka hreawm viau pawh ani thei e.










“Umm min lo ken lawk!" ka ti sap a ka bag chu arawn ban vut a keimah ang tho in a shirt chung ah hoodie dum thil in ziak rang hi a ha a kekawr dum leh sneackers var a bun bawk. “Ka zo" Tiin ka bag chu ka la nghal thuai a. Khuh ri kharh ah chuan ka hawi phei a,Sir Zodina alo ding reng a.











Duhawma pawh mi kal na lam ah chuan a kal ta daih a,thian pawh a nei lo. Amah sawn a awm tawp ka ti lo thei lo!










“I rui em?" Sir chuan ati nghut a ka lu ka thing mai a ka kal tur chu ka ban rek ah arawn vuan chawt a,Lalzamin min lo koh chuan “Kan rawn kal ang" Ati nghut a nui ruh ruh in min kal san nghal bawk.











“Sir an kal liam tep tawh ania" Ka ti sap a min la din pui ren rawn avang chuan mak tiin ka en hau mai “Kal ila" Ti sup in ka kut ah a kut arawn rawlh lut nghal a “Heyyy" Ka ti nghal hlar a“Eng nge?" ati nghal sup bawk “Miin min hmu ang min kai lo teh a mawi pawh a mawi lo ania!" ka ti nghal hlak a ka kut hum ngheh sauh pah in “Ka duh zia che ka ti lang nasa tulh tulh dawn!" ati nghut.










“Sir a mawi lo tak tak ania min thlah teh!" Ka ti sap a min vawn na phelh ka tum nghal bawk “Kha mihring bul ah khan i thu tawh lo chiang viau ang!" ati chhuak nghut a ka kut chu phelh ka tum ngar ngar bawk. “A mak Ngurthansang!" Sir chuan a ti hrawk a ka che pawh ka tawp nghal chawt.











“Eng vang a ka kaih pawh chu zak em em nge i nih a?" Ati chhuak leh hrawk a,kan thawm chu an hre pha tawh kher lo ang “Mawh sawi teh,eng nge ka kaih che chu i lak nat viau!!" ka thinphu a rang nghal dawt dawt bawk,rawn zuan chhuah mai a chak hmel zek zek.











“A tha lawm! Kal ta che! Kal rawh!" tiin ka kut a kaih na chu a thing thla hrawk a ka che nghal lawih bawk,ani pawh a kal sawn nghal hmuk a min ngaichang eih lo in a kal nghal hmawk hmawk bawk.










Ngawi reng a ding chung chuan ka en zui vawng vawng a,eng nge kha tia arawn thinrim vak kher le. Chubak ah,a ma hmingchhiat na tur zawk ani reng sia,min vin vak lehnghal.










Duhawma rawn phei ka hmuh chuan ka lo en ngawt ngawt ringawt “Tinge ila din a?" Arawn ti hmuk a ka mit ka khap fak fak ringawt “Ah...a...ti mah!" ka ti bah nawk nawk a “Kal ang!" ati chhuak leh hmuk a tawngkam pangai mai mai pawh ani hmuk hmuk bawk sia.










Ngawi reng chuan kan kal dun a mipa thawm na deuh hlek chu kan hre leh thin bawk “Tinge ilo let a?" ka ti sap a “I awm ve lo tih ka hria alawm" Ati sup mak ti lutuk a ka va en chuan a nui suk a “Ka thian i ni tih i sawi in ka hre tlat a" ati sup a“A..aw..thian alawm kan nih" Ka ti nghal sawk sawk a,engmah sawi lem lo chuan kan inzui phei tluan parh.










“Brooklyn leh Duhawma kha hmanhmawh deuh ula chance neih lam chu nakin ah aw!" Sir Maruata chuan alo ti lawng lawng a Sir Zodina hmel dur lutuk ka hmu zui nghal zat bawk,a thinrim tih hai rual loh in min melh ngur a ka che zia chu chik em em in a en reng tih pawh ka taksa za mer mer ah ka hre thei.











Sir chuan thil pawimawh a sawi zung zung a, rei lo te ah kan chhuak zui nghal a Rempuia leh Zami an in zui deuh chawt a a chang in thla kan in lak leh lawp lawp a Duhawma nen chuan kan in zui ve hnak hnak a. “Nguri tah sawn ding teh a mawi dawn lutuk" Lalzami chuan min lo koh vat a,a sawi na awm ah chuan ka ding vat bawk.










“Duhawm va ding ve la,i bestfriend nen sawn thla la ve hrim hrim ru" Lalzami chu tul lo ti lutuk in ka en a Duhawm an a duh dawn pawh ni hlei lo a sawm buai peih mai mai e.. Mahse engmah sawi ta lem lo chuan Duhawma chu ka bul ah arawn ding vei hmuk a,mak tiin ka en chho deuh ho bawk.











“A zo e!" Lalzami chuan alo ti vut a “Ka in ring hman reng reng lo" Ka lo ti chhuak vut “I in ring ren run ai i lang tha zawk,Duhawma i han en chho a a mawi over ani mai!" Ati nghal daih a ngei zet in ka melh rawm rawm ringawt. Sir ten min koh chuan ka chho nghal thuai thuai a,kan hmun fang te chu a nuam ang reng viau bawk.











“Heti lai hi tiraw Sir nen thla in lak na kha?" Zami chuan arawn ti sap a ka bu nghal nghat “In van kal thui em em" Ati nang nang a hah ve viau aniang ka chan a dâwn thiam chu ka lawm letling zawk.










Rei lo te ah alo tlai ta der a,kan vak hah bawk nen chhuat ah kan thu sap sap hlawm. Haw lam kan hnaih ta der a,khua pawh a thim thet thet tawh a. Bus awmna lam ah phei in kan in zui duah duah bawk. “Duhawm,Brooklyn nen a in thlalak kha i duh ve em?" Zami chuan ati nghal luam a Duhawma pawh alo bu nghut bawk











“Immm Nguri hi ilo dil mai dawn nia" Zami chuan alo ti leh vat a “Duhawma number ka nei hleinem" Ka lo ti vat a,a ipte zen in phone arawn phawrh a ka lam ah arawn lek nghal vut bawk. Ka number chu ka type lut ve mai a.










Bus awm na chu kan thleng a kan lut sap sap a “Duhawma kha second bus ah i chuang dawn nia" Sir Zodina chuan a ti chhuak nghut a vawiin nileng a a tawng ka vawikhat hriat na ani,mahse ka chezia zawng zawng hmaih neih hlau awm ang hrim in vawiin ah min melh ngar tawh bawk a.










Duhawma chu engmah sawi buai lo in bus ah a lut nghal daih a mangtha pawh min mangtha lo. Heti hian ka thianpa chu ka ti ve sia bawk. “Ngurthansangi te rawn lut ru!" Sir Zodina chuan arawn ri nghut a,ka hming pum a min koh vang chuan ngei zet in ka melh hrawk.



...


Cover picture thar chu mawi em?


Show post links
Top

[Ngaia]

Inferno






Chapter Fifteen


“Tu emaw chu a thinrim ani maw?" Kan luh mek lai chuan Lalzami chuan nghal zet hian arawn ti zeuh,ngei zet in a hnung ah ka chum nghal awt bawk “Anah! Min chum vak vak suh camera pawh i ak duh bawk si lo ka hah hrep phah!" arawn ti nang nang a “Eng nge Duhawma bul ah kher min thut tir a,ka ngei zia che i hria em? Phun thei pawh i ni lo ka la chum leh ang che" ka ti nghal hlak hlak!










“Nah! Tunge khatiang ah te thu duh bik anga min melh rum ropui si!" arawn ti chiam a. Bus ah chuan kan lut a,a last bus a chuang kan ni bawk a bus dang zawng zawng aiin a thawl,khua a thim thet thet tawh bawk nen bus chuan a nuam khawp ang.










“Tah khan thu rawh" Lalzami chuan tiin thut thlak a tum nghal a mahse a ban ah ka pawt let nghal hrawk a “Aih thu dun ang?" ka ti nghal sap bawk,Sir Zodina bul a thut ka duh teuh lo min hauh chak hmel ropui si! “Thu mai teh keimah zawk hian ka tuar duh lo ania" arawn ti ve sap bawk “Bus a kal dawn nia!" Sir chuan arawn ti hmuk a,Sir Maruatan kan kim leh kim loh a lo en fel mek bawk.











Lawm lo zet in Sir bul ah chuan ka thu thla hmuk a,Lalzamin min rawn biak pawh chuan ka chhang duh lo,tum hmuk in ka la thu ngar ngar a. Bag pawm chung in hmalam ka hawi vang a,ka bul a thu pa lah chu zing lam a ka thut pui pa ang bawk ani. A ngawi ngul mai,min hauh ka ring lutuk zawk nge?











Hla ring zet a play in mipa leh hmeichhe thenkhat ho chuan an sak pui dual dual a,lehlam kawng ah chuan a nuam phian bawk. A then an lam pah bawk a,in hmeh lo viau mahse ka nui ve suk suk a. Mahse,bus ding dawt ah chuan kan ngawi nghal thap a.










“Pa Muan,dik lo a awm em ni?" Sir Maruata chuan ati nghal zung zung a “Awm anih hmel" Pa Muana pawh chuan ti vut in a chhuak nghal a,kan ri nghal nak nak hlawm a. “Zan riah te an ti ange kei chu ka khum ah lo chuan zan mu ka chhing thei miah lo ania" Section B ami â ve deuh chuan a rawn ti chhuak phawng a kan nui nghal hak bawk.










A then an chhuk ve sap sap a Sir Maruata chuan khap mahse an chhuk an chhuk tho a Sir Zodina pawh a tho nghal vut a,ka lo awm sawn hlek a pawn lam ah a chhuak ve nghal a,pawn lam ah chuan an chhuak deuh duak a “Ka chhuak ve dawn sin?" Zami chuan alo ti vut a “Imm,kei chu ka mut a chhuak" Ham bai bai pah chuan ka ti let sap.










“Nia,lo mu daih rawh kan la chhuah har hmel e mai kan chhuak ve mai mai" Tiin a chhuak zui nghal a,ka bag pawm that sauh sauh pah in Sir thutna lam ah chuan ka tawlh phei nghal a,ka insiam rem lai chuan Sir Zodina alo lut hlawl a,ka lo melh nghal kawk mai! Min tih phut hi nuam a ti hrim hrim amaw ni!










A chhuak leh mai dawn amaw tih lai in ka bul ah chuan a rawn thu thla a,pawn lam ka hawi ta daih bawk. “Vawiin chu i hmang nuam em?" arawn ti thum sup a “A..aw..nuam" Ka ti bah nghal nak bawk,nui suk in “Ka tel lo in maw?" Arawn ti leh sup a,amah ka va en zeuh a,min en lo hian hmalam a lo en ngar a.











“Ka tel lo chuan nuam i ti viau ani maw?" Nui suk suk chung chuan arawn ti leh sup a,chhan ngaihna hrelo chuan ka ngawi reng a. A zawhna kha chhan a har em ani. Vawi leh khatah ka dar ah vuan in a lam hawi tur in min pawt hrawk a,tukverh lam ah min nam bet nghal nawk bawk.










Khua a thim tawh miau avang in a hmel ka hmu chiang lutuk thei lo a,pawn lam ah phone light chauh ring an nih vang in bus lam an rawn ên lo bawk. “Sir!" ka ti chhuak sap a,ka dar a hmer na chu ti na zual sauh in ka hmai bul chet ah arawn awn phei a “Hre rawh! Ka bul ah lo chuan i hlim tur ani lo!" seh chilh nawk hian ati chhuak sup a.











Lungphu rang dawt dawt chung in amah chu ka en ran ringawt “Ngenna ani lo,thupek anih chu! I ngam chuan zanin atang hian i en chhin dawn nia!" ti nghut in arawn awn hnai leh zual a “Ka sawi chu ka ti ngei thin Brooklyn" Ngaihtuah pawh ka la ngaihtuah ngai loh leh suangtuah pawh ka la suangtuah ngai lo a hmui chuan ka hmui chu arawn khar chilh nghal hmak a.











Rum chhuak hawk in arawn fawp nghal ngawng ngawng bawk,tumah ka la fawh lo vang nge ami fawh chu ana ngut ngut hial in ka hria. Ka theih tawp chuan ka tal ve a,mahse mipa tha chu hneh lo tak ka ni. Min vawnna ti nghet sauh sauh in min fawp uar zel a,ka ka chhung ah a lei arawn hawl luh meuh chuan ka zam in ka a ruai tawh in ka hria.










Ka kut chet theih chuan a ban,min vawnna ah chuan ka chum ve dat dat a,min vawn hneh em avangin ka duh ang in ka che thei lo. Boruak ka tla chham dawn tak ngial a ka hriat ah chuan ka thaw nghal hak hak,engtik ah nge ka mittui a tlak hman pawh ka hre lo.










“Nang pa...." Tawng pawh ka tawng tha thei lo,ka tha khur nasa lutuk chu ka thu nun thei lo hial zawk “Ka thusawi ka sawn mai mai lo tih bul tan na ah ngai rawh!" ati chhuak nghut a,ka hmui thip vawt vawt chu ka tuai nghal vut a. “Mi tenawm.." Tawng tha thei lo chuan ka ngawi leh ta daih a,tun lawk a thil thleng vang khan ka a ruai a,keimah ah hlauhna eng nge maw ni a awm.











Engmah ti lo awm zia zâng a min rawn kuah hlun in thawk a la suai suai a,a kuah ang ang chuan ka awm tawp a,ka at chhuih avang in che sawn tur pawn tha ka nei lo. “I zawm theih ngei ka beisei" Tiin ka nghawng lang lai chu a fawp zeuh a,ka awm awm chuan ka awm tawp.











“Ka hmel a chawhnu vek tawh thla lak pawh a tui awm tawh loh!" Lalzami leh Rempuia chu an rawn in zui lut a,chumi rual chuan zawi muang in min thlah ve nghal mai bawk. Ka awm ngai ngai chuan ka la awm a “I thlalak ka lo thawn che ania aw" Lalzami ti ri ah chuan ka hawi chhuak a,kan bul lawk ah lo thu in camera a khawih mawlh mawlh.



















“Ka thlah haw ang che,i chhungte pawh ka be fel vek tawh" Ti sup in a tho chhuak a,a chhuak zui ve vat “I va han meng rum em em a seh che mi?" Lalzami chuan alo ti nghal a ka lu ka lo thing vut bawk. Tun lawk ami kha chu Sir Zodina a ang hlawl lo,ti khan a bul ah tution ka kal dawn chu ani si a!











“Mi thah duh mai hmel kha pu reng lo teh" Alo ti leh hak a,ner nang in ka hoodie lukhum ka khum a,ka face mask la in ka vuah nghal daih bawk. “I earphone ka lo hmang?" Lalzami bul ah chuan ka ti vut a,a bag hai rak rak in min pe ve mai a,earphone a hla ngaithla in ka mit ka chhing hmak a. Ka thawk sak talh chu mengdaih tum in thawk ka la suai suai a.





.......




Zai ri dual dual ah chuan ka harh riai riai a,ka mit khap fak fak in tukverh lam ah ka dak nghal zeuh a kan school gate ah kan tlan lut chiah tih ka hre thei. Bus din vel ah ri nak nak hlawm in an chhuak “Chhuak ve dawn ang aw" Sir chuan arawn ti sup a,zik mar tum a ka kut phar ka tum chuan jacket min sin tir tih ka hre nghal a.










“Nguri kan haw san che aw,a tlai ve reuh tawh sia U Mama'n min lo lam a?" Zami chuan arawn ti zut a,mu tho deuh chiah ka ni nen ka bu nghat ringawt. Ani pawh a chhuak ve nghal zat a,jacket chu Sir ka pe phei thuai a,ka ding chhuak ve ruai ruai,pawn kan chhuah chiah chuan a vawt ve vur a,ka meng tha hlei thei lo lehnghal.










Ka zik mar ar ar lai chuan car hi ka hma ah alo ding a “Lo lut la?" Sir chuan ati nghal sup bawk,keipawh ka thu lut ve nghal mai a. Ka bag chu seat hnung lam ah alo awm ran bawk,car ah pawh chuan ka thu zawi nguai a “I face mask kha phelh rawh!" Ti nghut in window arawn up nghal a,keipawn ka phelh ve nghal mai bawk a.










Mut leh tum a ka chhing riai riai chu min rawn be tho leh nghal zat “Mu tawh suh,zan ah i mu tha thei lo ang" Arawn ti nghal sup a,thu tha in ka phun deuh nang nang bawk,in la boss vel lutuk mai. “Muthlum a hlauhawm ka tih na nih chu" Ti sup in min rawn en zawk a,rum fe hian ka melh nghal hrawk bawk,ngaihthlak nuam tak hian a sawi thei hlawl lo.










“I nu leh pa in an lo hmuak che anih saw!" Kan in kan thlen dawn chuan ati vut a,phur deuh in ka thu tha nghal sat sat bawk. “Min lo nghak alaw?" ka ti nghal var a “Nghak e mawle,in rawn haw tlai lutuk a kan ngaihtuah che lawm" Ka nu chuan alo ti nghal vat a “Kan bus chuanna kha a chhe hlauh mai a,a pawi tak tak ani siam that nan darkar fe kan hmang leh bawk sia inthiam loh ana duh hle mai!" Sir chuan ka bag la vut in ati a.










“In thiam lo duh su,chhiat te chu tu pawn kan tawk thei alawm" Ka pa chuan ka bag alo ban vat a “Anih leh ka kal ange,muttui ule" Sir chuan ati leh vut a “Aw..thingpui te i in ang chu kan ti hah hrep che sia lo lut rawh" Ka nu in a sawm luih ngial pawh chuan a thiam tak in a hnar a,nidang ah a in tur thu a sawi sup sup bawk.










“In Sir hi chu a fel ve chiang alawm,tlangval lehnghal a hmel a tha si! A polite reuh em em mai lehnghal a" Ka nu chuan ati bawrh bawrh a,an bul ah ding in ka ham sek lehnghal “Ni e,a nungchang a mawi hle mai" ka pa chuan alo ti ve nghal vut bawk.










“I lu su lo in han inbual la i mu zal dawn nia" Ka pa chuan alo ti a,ka nu nen room ah kan han in zui chho nghal a. “Ka chhuahsan che nia,inbual rei lutuk lo la" Ka nu chuan ati lang lang a ka chhang let ve nghal lang lang bawk.












Intleuh thuak thuak in ka in ha sawk sawk a,khum lam ah ka bawk nghal thlawp bawk. Ava han chauh theih ngai ve. Ka mut a chhuah lem loh vang in phone chu ka bih ngar ngar a,Zami thlalak min lo thawn vel chu ka en kual a. Duhawmna nen a kan thlalak chu alo mawi phian a.










*Pic chu?* Tih massage hi ka hmu a,Duhawma ani tih ka hre nghal bawk,ka thawn nghal vat a


*Ila mu nange?* Min rawn be leh teh mial a

*Mu deuh tho*

*Vawiin nuam i ti em?*

*Umm ti e tinge?*


*Biak dan tur che ka hre lo a*

*A ho e a nuam lutuk tho alawm le*

*Aw le*


Chhan ngaihna ka hriat tawh loh avang chuan ka react ringawt a. Mipa tawng duh ani lo a,chutia alo in sawi fiah vel chuan ka nuih ati za riau pek a.









Sir hnen atang call ka dawng leh nawlh a,ring quit tir ka tum zet na in ka la leh ta zawk a *Hello* ka ti nghal sup bawk



*I mu tawh amaw ka tia*


*e*

*I chau em?* Ka be tha duh lo chung pawn ala rawn ti fo a


*Aih*



*Ngurthansang!!* a aw rawn vin hrawk ah chuan ka phu nghal zawk a,a dawh theihna in a tlin tawh lo ani chek ang chu.





Exam season❄

A tawi tih ka hria mahse hun ka nei tlawt lo a,tunlai ka dah khat viau bawk a mahse hun ka nei vak lo tih min lo hriatpui dawn nia..


Show post links
Top

[Ngaia]

Inferno





Chapter Sixteen


Ka chhan that duh loh vang chuan a rawn vin hrawk a,ka phu ve nghal zawk bawk. *Hrep che hian! Lo kal a ka thu sawi kha a tak ngei a fiah tur in min nawr lui hlek suh!* Arawn ti vin leh hrawk a,phone tlem a ka dah hla chung pawn a aw vin leh fiah zet chu a chiang lutuk tlat.











*I thei lo!* ka ti bah nawk a,rawn nui suk in *Thei lutuk e,i lak ah ngat phei chuan tih theih loh ka nei lo!* Ngeiawm tak hian arawn ti a tawng mai nachang hre lo in ka ngawi kar ringawt. A rawn tawng tawh lo a mahse phone chu a dah chuang lo bawk,harh chhuak thut in phone chu ka dah nghal vat a.










“Ni lo,alo kal lo ang..ati mai mai nih kha" Keimah chuan ka phun mawlh mawlh a,ka thu chhuak nghal vut bawk. Hmanhmawh ang reng tak chuan ka tukverh vel chu ka va khar a,khua a lum bawk nen thil nuam zawk zawk chu ani lo. Mahse,ka him na atan ka tih a ngai tlat si. Vawiin atang a a zia hlauhawn ta lutuk te hian keimah ah hlauhna nasa tak min pe hial in ka hria.










Vawiin a kan chuanna bus chhiat vang leh kan vah chauh deuh vang in naktuk lam school chawlh an puang a,a tha phian bawk. Hlauh nei run ang hian ka awm a,ka lukham pawm bet in ka thu ngawi ngul a,thil ri hlek a awm chuan ka hawi nghal vat zel bawk. Light ka on chhuah vek vang chuan ka thla a muang deuh a.










Ka nu leh pa erawh ka hrilh ngam thlawt lo,Sir in min zuam nan ka khawsak an rin mai la hlau ani. Hman atang khan Sir hi lo hnaih lo tawp ila tha tur ania. Mahse..engvang a pawngpaw hlauh chiam nge maw ka nih le? Bus a thil thleng vang kha ani ngei ang!











“Nga tinge i in khar tup a!" Ti ri ah chuan ka harh zawk a,engtik laiin nge ka muhilh pawh ka hre lo. Ka nu in ka tukverh chu arawn hawng nghal a “I mang ava chhe ve,kha i puan i tlawh thla vek ania" Ka nu chuan arawn ti leh sawk sawk a,ka muhil anih pawn ka muthilh na ala rei hauh lo ang











“Rei lo te kan muhil leh lawk" Ka ti sap a puan ka sin tha nghal bawk “Ni e,i chau ang mahse rawn tho chhuak vat la" Ka nu chuan tiin min chhuah san zui nghal mai a. Nizan ka hlau lutuk in ka men phah vak anih kha,thil thul lo tak ani. Alo kal ka ring lo reng ah!










Dar 10:00 vel ah chuan ka tho chhuak ta chauh a,nizan lam ah ka lu ka suk loh vang in ka hmai vel phih pah in ka su nghal a. 10:30 rik dawn ah ka sam ka chhem ro vang in ka chhuk hman chauh a. “Chaw hmeh kha ti lum zuai mai rawh!" Ka nu chuan varanda ah buh alo thap mek a,ka bu nghal nghat.












Chawhmeh ho chu ka chhuang lum zuai zuai a,muangchang in chaw ka ei ve nghal bawk a. Ka ei na te seng fel in ka nu bul ah chuan ka va awm ve ta reng a “Lut rawh a khu si" Atih pawn ka la awm ngar ngar tho. Rohlupuiin school a kal daih vang in in chu a reh ve ruih a.











“Chhunlam ah in Sir a hman lo vang in tlai lam ah in kal dawn anih chu aw" Hrechhuak thut awn ang hrim in ka nu chuan lo ti nghal vut a “Vawiin ah maw?" Ka lo ti nghal ha bawk “Aw,tukin khan min lo hrilh alawm..tha hnem hi a ngai reuh sia zirtir tu tha tak ani!" Ka nu chuan alo ti leh nghal vut a.










‘A chhungril hria lang chuan khatiang khan i fak nek lo ang' Tih khum vak chu chak viau mah ila ka ngawi zui ta daih a. Keimah min hrilh lo hian ka nu te hi alo hrilh leh ang daih zel a. Mahse,nizan lam a kan inbiak tawp dan kha chu a duhawm lem lo ani.










A bialnu emaw a farnu pawh ka ni lo a,chutah a zirlai mai chauh ka ni a mahse ka bialpa awm zia zâng in ka nun ah thu neih a tum a,ka ngaithei thak lo. Ka ngaina hman ve viau tawh chuan ka hria,amah pawn min ngaina ve in ka hria a mahse ka ngaihdan alo dik lo deuh ani ngei ang.











Nimin ang reng a a khawsak dawn chuan a bul a rei ka awm thei kher in ka ring lo.










“Nu.." Ka ti sap a min lo en zeuh a “Nuu" ka ti leh nang nang a “Sawi la?" Ka nu pawn alo ti vat “Tution ka kal peih tawh lo" Ka ti sap a min lo melh nghal vut bawk “Timaw?" ka nu chuan alo ti ha a mahse ka chhang lo a chhan sawi dawn chuan ‘Ka duh lo' Tih mai hi ani.











“A tha sin,a free lehnghal in ania..chubak ah a ngaihtuah em em mai bawk si che a tinge i duh lo? Nge i ngaina vak lo zawk?" Ati leh vut “Nah! Chutiang lam pawh ani lo a nuam lo alawm" Ka ti nuah nuah a “Rei pawh ila kal si lo a,hetia kan sawi nghal mai te chuan a tan a nuam nang" ka nu chuan min lo chhang let vat a.










“Naa..a free a kal reng te hi a in thlahrun awm ve alawm,chubak ah school ami te sawi sep sep ka hria a min thik thin lutuk a a nuam lo" Ka ti nghal hak a “Ni e,reilo te han kal leh la kan sawi dawn nia" Ka nu chuan ati sap a,lang lo mahse ka phur lutuk hi ka zuang lo chauh ani!










Sir bulah tution ka kal a ngaih tawh loh hun chu ka Birthday ang vel a ka hlim ni a ni ngei ang!











Ka room ah chuan ka chhoh san ta a,a buhfai thap lai ka lo khawih ve sek vang in ka room lam ah min tir chho ta tawp kha nia.


.
.







Ka room chu tih fel nan hun ka hmang a,ka warddrop vel ka ti fel a. Thawmhnaw suk ngai machine ah ka su a,ti hi chuan ka nu in fel min ti tawh viau ang chu. Rohlupuii lo haw hun ah amah hek nan ka hmang leh zeuh anga.











Kan upa ber pawh a class kalna lam ah exam an neih vang in min rawn be khat hlawm khawp mai a,mahse ka nitei te atang chanchin erawh kan hre ve zel thung. Ka pa in chanchin a zawt deuh reng zel bawk a,ka nu lah in ka u a biak apiang in tah tur emaw atia.










Nakum vel ah chuan arawn haw ve theih mai ka ring tawh!










Darkar tam fe ka room chinfel nan ka hman chuan ka thaw hak a. Fan chu on in ka khum ah ka bawk ar ar a. “Ngurbawih!" ka nu in min auh lang lang chuan ka chhawn let vat a,inhnuai ah chhuk tur in min ti nghal bawk.







“Eng nge nu?" Ka pa pawh alo haw tawh anih hmel nge vawiin an bang hma zawk





“I pa thianpa a boral a,an khaw lam ah kan chho nghal dawn anih hmel" Ka nu chuan alo ti nghal sawk sawk a





“Tun ah hian maw?" Ka lo ti chhuak chiam




“Immmm,tlai lam ah i U Saki alo kal anga a riah pui dawn che u nia,in duh leh i pi te inah pawh in phei thei"






Ka nu leh pa te insiam sawk sawk chu ka lo en mawl tawp ringawt,ka pa thian tha deuh mai hi ani a an tet lai in an inkawm chawt a tih theih ang. An lehkha zir na pawh a in ang zel a mahse nupui aneih vang in an khua ah an han haw chho kha nia,vawi eng nge maw zat kan inah pawh alo kal ve tawh bawk.










Ka pa pawh in a ‘Ka Unaupa' a tih ve ngat thin kha nia,ka pa pawh a hmel ah engmah lang lo mahse a ruk tak chuan ana ve dawn tih ka hria. Hmeichhia chu ni phei se a tap nasa ngawt ang.











“Nu,tution ka chawl tih na mi?" Ka va ti dek dek a “Hahthlak thei,chawl lo! Lehkha tha deuh in kan awm loh chhung lo zir la" Ka nu chuan inkhung mawlh mawlh pah in ati a. A ruang kil ve an duh vang in an hmanhmawh deuh a,chubak ah an khua a hla hrim hrim bawk a.











Ka pa in car a lak chhuah lai chuan ka nu nen an thawmhnaw vel kan keng chhuak a,khi ti lam ah chhungte kan neih ve tho vang in tah chuan an thleng mai tur ah ka ngai. “I U Saki alo kal ang aw,mahse a duty zawh vel ah aniang ani bak hman a awm si lo a! In dub chuan i pi te inah in riak thei ka tih kha. Tukverh leh kawngkhar kalh tha ula aw" Ka pa chuan ati sawk sawk.











“Bawihte kan kal ania" Ka pa chuan kut arawn vai zeuh a,phur lo zet in ka vei liam ve nghal a. Ka nu in min ngaihtuah hmel deuh a min en thin chuan ka lung ati no riau pek a.











“Keimah chauh in ka awm ta! Rohlupuii pawh chu avan rawn haw har tak!" Inchhung luh vel ah chuan ka hawi kual a,ka nu awm loh meuh chuan in chu a reh zual ngawih ngawih. Rohlupuii lah a thiante nen an thu khawi leh dawn tih hriat reng reng.











Door bell ah rik chuan ka va hawng nghal zat a,Sir lo ding run ka hmuh chuan ka hnung tawlh nghal dawt a. “Lut tur in min ti dawn nange?" Ati sup a,ngaih ngam lo deuh chuan kawng ka kian a,kawngkhar bul ah chuan ding in thawk ka la vang vang a.











“Khawnge i chhungte?"A hawi kual nghal a “A....an chhuak lawk" Ka ti sap a kan pahnih chauh a kan awm vang chuan ka ngaih a ngam chiah lo bawk. “Okay" Ati sup a,ka ding ngawi ran chu min hmuh tlang vek tum ang mai hian min melh a.










“I la ding reng dawn nge kan tan dawn?" Ati sup a harhchhuak zawk in step ah ka chho nghal a,ka hnung ah ngawi ngul in min lo zui ve nghal bawk. Room kan luh chiah chuan boruak a tawt nghal tun a,ka thawk te hi a sak vek hial in ka hria.











Dawhkan ah chuan a laptop a nghat nghal zat a,chair pawt chhuak in a thu nghal zat bawk. A bul a thu tur in a lu ati che zeuh bawk. Ava han phur loh theih ngai vek.










“I phone dah rawh!" Ka phone ka hmet eng zeuh chu arawn ti hmuk a,ka phone chu dawhkan ah ka nghat nghal zat bawk. Lehkha bu la chhuak in rought ka la chhuak nghal bawk a. Ka lehkha bu arawn ban nghal zat bawk a. A keu nghal vat bawk.











Ka phone rawn ri chu hun lo tak ani,arawn melh nghal chat bawk. “La hlek suh!" arawn ti chhuak nghut a,Zami chuan engtak rawn sawi ang maw “A pawimawh alawm" Tiin ka phone ka ban nghal a mahse rang zet in min lak sak nghal a “Ka sawi chu i hre lo ami?" ti vin hrawk in ka phone chu khum lam ah a theh phei sawk a.











Lak tum a ka phei tur chu ka kawr awm ah arawn tham nghal a,a pawt na bawk nen ka kawr pawh ari thawt mai! “Eng thil phiansen nge tih i tum le?" Ti hrawk in ka kawr a vawnna chu a thing nawk a “Min thlah rawh!" rak that chuan ka ti nghal vak a.











“La suh ka ti ani lawm ni engvang a ka thu zawm lo nge i nih!" Ati chhuak hrawk a “Min thlah rawh! Thu min pe tur in engmah i ni lo!!" ti chhuak chiam in ka kawr awm a tham na chu phelh ka tum a,“Hrep che hian Brooklyn!" Ti hrawk in khum lam ah min theh phei ni mai hian ka hria.










Khum chu awm lo se ka nat viau ka ring ka phone ka ban chu arawn vin leh tuarh a,thawk hak hak in amah chu ka en phei a,thinrim zet hian min lo melh a “Nga....tinge tiang hian i awm a?" Ka ti chhuak zui hak bawk,a awmdan a mak in kut min thlak mai duh hmel a pu bawk.











Ka lam arawn pan phei lai chuan ka lo tawlh sawn ve nghal a,mahse ka ke rek ah vuan in min pawt hnai nghal hrawk bawk “Ka bul a i awm lai reng in midang min biak san anga maw....hrep che hian Brooklyn!!!" A tir lam chu a zawi hle a mahse a tawp lam erawh ka chhing sawk mai.









Ka hlau lutuk chuan ka hmai chu ka hup ta tawp a. Ka thaw chhuak nghal hlawp hlawp bawk “Khawngaih in min kalsan rawh" ka ti chhuak sap a,min awm hnaih tih hriat tak in ka kut chu arawn thawk khum lum hak hak a. “Ka ngen a che min kalsan rawh" Ka tah lai reng ka hre lo.










“Kalsan tih tawngkam i hman leh chuan bawihte ka chet dan hi i dawng sawng thiam hauh lo ang" Tiin ka sir leh lam leh lam ah chuan a in nem khalh nghal run a,min si chet in min thlir reng tih ka hria mahse ka hmai ka la hup ngar ngar bawk.











“Aw..ka ti hlau che em ni?" Nui hawk hian ati chhuak vut a,tah insum zet in ka la awm ngar. “Lo kal teh!" ti vut in ka ban ah arawn pawt hrawk a chumi rual chuan ka rak nghal that bawk. A mal chung ah chuan min thut tir nghal a,ka hmel a hmuh chuan a nui nghal suk bawk.










“Ka hmeichhe hmeltha leh duhawm lutuk hi ka lo ti hlau viau ani maw!" ti chhuak hluai in ka biang ah chuan arawn fawp zeuh a,ka kut hum ngawt ngawt in ka dawh ta tawp a. “Bawihte min ti thinrim suh..i rin ai hian ka chet dan a nunrawng dawn nia" Ti sup in ka sam min chul sak hliau hliau a.











“Tha tak a i awm anih chuan i suangtuah phak loh hlimna ka pe ang che,vawiin atang hian ka thusawi engkim i zawm tur ani!" Ti sup sup in min melh vawng vawng a,“I zawm thei ang tiraw?" Ti sup in a lam ah min pawt hnai hret a,ka chhan mai loh vang chuan a hmel a rum leh tawlh tawlh.











“Brooklyn!" Ka hmui tuai deuh zeuh a phun sup a “Ka chet dan ngai a chet leh kher a ngai ani maw?" Atih hluk chuan “Ai...aihhh" Ka ti chhuak nawk nawk a nui suk in “Chuan,ka ta chauh i ni em?" Ati leh sup a,chhan ngaihna ka hre hauh lo. Ka hmai bul ah rawn awn phei in a mitmeng mawi leh hlauhawm zet chuan min en ran a.











“Good girl" Ka bu nghat a hmuh chuan a nui chhuak hawk a,min duat hmel lutuk hian min kuah nghal hlu hlu anih chu! Ka hlauh luat vang in ka pawm ta ringawt ani a. A chhan pawh amah leh keimah chiah he inah hian kan awm a,tuman kan thawm emaw an hre hauh lo ang. Ka thawn hliah khuh tur chuan a tan a harsa lo lutuk tlat.






...


Rapthlak tan e


Show post links
Top

[Ngaia]

Inferno




Chapter Seventeen



“Tinge ilo sil a,khawi ka lo ti ang lo va thu rawh i duty chauh dawn dawn nen!" U Saki thleng sil mawlh mawlh bul ah chuan ka va ti sawk sawk a,min lo hnial ve chiam bawk “A ngai lo ka ti lak lawh! Va thu mai mai rawh!" Atih chuan pawm lo tak ka ni,eirawng min bawl pui vek tawh bawk a a duty chauh dawn nen nen.










“Khawi! Ka lo ti ang,hetia i awm tlat chuan ka nu te ka hrilh dawn nia" Tiin a apron hak lai ka hlih sak tawk a “Ava buaithlak e aw!"Kut sil in thuthleng a pawt chhuak nghal a,keipawn thleng chu ka sil zui mawlh mawlh a. “En teh Brooklyn,in Sir kha in principal tupa tiraw?" U Saki chuan thleng ka sil mawlh mawlh lai chuan alo ti a.











“Aw ni e,tinge?" Ka lo ti sap a “A tak ah ka la hmu miah lo a,ka thiante phone ah vawikhat chu a thlalak ka hmu ve tawh a a tak ah a chhelo zawk anih kha" Tiin a nui vur vur a “Chhelo vak ami?" Za lo deuh chuan ka nui ve hak a.










“Tak tak in,kei phei chuan ka va ngaizawng lem lo ania...ka thiante hian an hre lar ve lutuk a,chubak ah Mizoram a ka lo thawh hma hian ka thawhna damdawiin ah a lo kal ve zeuh zeuh thin an tia" Ati leh bawrh bawrh a,ni e! Doctor anih tak kha!










“Nia,Doctor kha ani in ka hria" Ka chhang let thuai a “Doctor hlawh that leh reng nen tinge zirtir tu hna daih a thawh le? Mahse..a chungte hlawh ringawt pawn a chawm zo lutuk!" Ati leh bawrh bawrh a,ka lo ngaithla kar ringawt. Vawiin atang chuan ka duh duh dan a ka nun theih tawh loh tur zia ka hre chhuak awn awn ni ber hian ka hria.











“Hemi te chhiat loh zia hi aw..ka va han awt tak!" Thleng ka sil zawh vel ah chuan a bul ah ka thu thla ve nghal a,a phone min lo hmuh zeuh a thlalak ah chuan hmeichhe hmeltha zet leh mipa hmel chhe lo zet in an lo ding dun a.










“Tute nge a?" Ka lo ti haw a,a chek deuh hlak bawk “Hmeichhia kha doctor ania,Esther-i anih kha...a chhelo sia,a hmeltha bawk sia mahse mipa khan nupui a nei mek a...mahse..an in kawp tho anih kha!" Alo ti hlawl a,ka meng deuh kawk bawk “Nupui nei chung in mipa khan bialnu a nei maw?" Ka lo ti ha a.











“Imm..mahse sawi rem chawp mai mai an nia,a mipa khan Estheri hi a duh lutuk ringawt! Ka thiante pawh an damdawiin ah an thawk a a mipa zawk alo kal deuh reng an ti!" Ka ner sak a “Avan tha lo tak!" Ka ti sap ringawt,“Naa..chutiang in ngai mah ta che..an chanchin hria lang chuan mak i ti ngawt ang!".











“Eng maw?" Ka lo ti leh sap a “Estheri leh mipa hi school an kal lai atang tawh in an in kawp char char a tun a mipa nupui ni ta hi Estheri bestfriend ania,chuan hepa hian alo kawp alawm..a pawm leh duh chu lawm tur zawk tak ani!!" atih meuh chuan sawi mai tur pawh ka hre lo.











Rohlupuii pawh ka pi te in lamah a awm daih a,school kalna a hnaih vang ani pakhat a. U Saki nen chuan kan ti ti mawlh mawlh a,a bialpa pawh reilo te alo kal zuk a. Awm ve reng a mawi lo nang in U Saki zawk in ka ban a kuah tlat a,ka kalsawn thei lo.











“I bialpa chu avan khal em em?" Nui hak a ka tih chuan arawn nui ve hak hak a “Ka mipa duh zawng te hi an mak thei alawm" Alo ti hap a,kan unau chuan kan tlei tawk em em a. Mahse,naktuk lam ah damdawiin a a kal a ngaih dawn vang in kan mu hma a,Rohlupuii room ah a riak a.










Ka room min tawm pui a hreh ru hle tih ka hria,mi in thlahrung mi ania a tir ah phei chuan thuthleng a mut a tum hial anih kha.








*Hello?* Ka thawk a sak leh talh mai


*Enge i tih a?* Thaw chhuak suai suai chuan ati sup a


*Mut ka lo tum mek a* Aw zangkhai vah chuan ka ti leh a,ka in sang mar nasa lutuk chu ka na vek thei hial in ka hria



*Min mut san daih anga?* Nui suk in arawn ti sup a



*Maw?* Ka ti nghal ha


*Pawn ah rawn chhuak ve la?* Thaw chhuak leh hawk in ati a ka lung chu a phu nghal dawt dawt



*I awm ami?* Ka aw a khurh loh nan ka in thu nun hram hram



*Immm..lo chhuak la?* Ati leh sup a



*Aaa..ih..mut ka lo tum tawh a..*


*I lo chhuak lo ang maw?* A aw chu a zuai rawih a



*Naktuk thawh hma ka duh a?* Ka ti leh sap a ka nun ah ngei pawh thu ka nei lo takzet


*Chuan?...*



*Khawngaihin...* Ka tap tep hial in ka hria


*Okay,muttui suk suk le* Nui suk in arawn ti a


*Nang pawh* Ka ti ve sap bawk,phone chu a dah lo avang chuan ka dah ngam hauh lo.









Phone ala dah mai loh vang chuan khum lam ka pan ta zal zal a,table ah ka phone dah in ka mu nghal a,ala dah miau loh vang in phone ka dah thei lo!






Pawn ah a awm anih chuan min en zui reng tih na,chuan U Saki bialpa rawn kal thu pawh a hre vek dawn. Mahse,min zawt hauh lo. Ka thla a muang hlawl lo. Min awp run tu awm ang riau hian ka hria. A thil sawi khan keimah ah hlauhna nasa tak a siam bawk.










Thil ka lo ngaihtuah kual na lam ah ka lo muhil daih a,dar 7 vel ah chuan ka tho a. Call pawh alo in off daih tawh a,ka pi te in lamah chaw kan ei dawn vang in ka hmanhmawh lem lo bawk. U Saki pawh ala tho lo a,inbual fai in insiam sa vek in ka pi te in lamah kan phei dawn a,ka inbual chhung in U Saki pawh alo tho chhuak ve a.











Ka pi te in lamah kan in phur phei nghal bawk a. “I putea i va inthlah tir dawn nia,Hluhlui chu i U Saki rual in a kal mai ang" Ka pi chuan chaw ei lai chuan alo ti a,ka pu hian kum hnih kal ta khan min boral san tawh. Chaw kan ei kham ah chuan kan thu ho leh ren rawn a.










Ka pi te inah ka kal tawh hi chuan kum khuaa awm mai ka duh rum rum zel.












School lamah chuan ka putea chuan min thlah a,tlangval senior lam mah hi ani tawh a. Ka nu te unau zinga naupang ber ani bawk. “Iva lo thleng tlai ve le?" Lalzami chuan alo ti chiam a,traffic a jam thin tih lah hi a hre lo amaw ni “Tlangnuam atang alawm kan lo kal" Ka ti nghal hlak a.









“Kan outing vangin haters i ngah rap mawle" Nui vur vur a alo tih chuan “Haters maw? Engvangin?" Ka lo ti nghal vat,duh duh hian min lo ngei leh ringawt zel. Hriat pawh ka hriat leh hmuh pawh ka hmuh ngai loh te hian min lo rel leh nawlh zel bawk a.












“Aww..kan school chicks Vanlalduhawma nen in in zui char char vang mawle!" Alo ti chhuak vak “Awiii chutiang eng mah a awm lo,ringawt zel hian" Ka ti vut a “A ho e..duh leh lo hate mai mai che rawh se" Ati sam leh et a. Duhawm an min biak that loh zia hria se min haw hlawm miah lo ang mawle.











Kan class teacher alo luh chuan kan ngawi ta thap a. Class la em em lo chuan kan outing chungchang vel a sawi a,a kar ah fiamthu a zeh tel leh zeuh thin vang in kan nui leh vak zel. Lalzami lah a nui uar uar ah a tang lehnghal a,hahthlak hian!











“Chuan Brooklyn-i?" Sir in alo ti chuan ka en vat a “Sir Zodina hnen atang complain kan dawng!" Alo tih leh chuan ka thin a phu nghal dup dup a “Sir Zodin an Brooklyn in thla a la nasa lutuk ati!" An nui leh dar dar a,keipawh ka nui ve sak bawk. Ka la hnem lem lo,min chheih tih ka hre ve reng.













“Outing ni kha chuan i chhelo ve lawm maw...i thlalak pui pa chhelo bawk sia" Lalzami chuan min lo kheuh zeuh zeuh a,ka chum chawrh lo chauh ani. Nuih pawh ka nui tha peih hlei lo e a.










Class a lo lut vang chuan ka thawk a sak leh talh mai,nidang ang bawk in a chhelo uchuak leh tawh bawk. “I di parmawitea chu meng mawi ve" Lalzami bawk in nghal a chhuah leh a “Ngawi mai mai rawh eki!" Ka ti sup.











Ka hnung lam atang a paper a min lo vawm chuan ka hawi phei zeuh a,Daniel te an lo nui vur vur a,paper chu ka hawng a ‘Nui rawh' Tih hi alo in ziak a,ka ner nghal sak bawk “Brooklyn!" Ti nghut ri ah chuan ka hawi chhuak nghal a,Sir chuan min lo en ran a.










“I paper kha rawn la teh!" Ati chhuak nghut bawk,hreh zet chuan ka pan phei a. A bul ka thlen chuan ka pe a,a thil in kah rimtui zet pawh ka hip chiang lutuk. “Daniel,tu maw nui tur chu?" Ti nghut in lecturn chu a vuan nghal run a.












Ngawi reng chuan Daniel lam chu a hawi a,Daniel pawh a ding nghal vut a. Hetia a awm tawh chuan tu mah kan tawng ngam ngai lo. “Class ka lak mawlh mawlh laiin midang ilo va ti buai ngam maw?" ati leh nghut a,a bul a ka ding ran vang chuan ka lo ngawi kar ringawt.












“Break ah principa hmu ang che,ka class chhung zawng i dawhkan ah thingthi rawh!" A ti chhuak leh nghut a,paper chu a peih nghal vut bawk. Min lo en leh run run a,ka classmate te mit chu kan chung ah chauh a fu tih ka hria.











Ka melh zeuh a mahse rei en ngam lo in ka hawisawn lehnghal “Va thu rawh!" Ati nghut a ka phei ve nghal vat bawk. Zirlai chu a chhunzawm mawlh mawlh a “Daniel khup khi ka khawngaih,ana dawn si" Lalzami chuan alo ti sap bawk. Hawi pawh ka hawi chhuak mang lo tih tur ani.










Sir chhuah vel ah chuan Daniel chu hreh zet in arawn phei a “Sir Zodina awm lai chuan Brooklyn-i tih buai chi ani tawh lo..den e mai..!" Arawn ti hluk a,an hrem chhan ho ati ve ngang aniang. A chhuak zui ve nghal a. “Dik chiah,buaina i ni ve reuh anih hi!" Lalzami chuan alo ti ve vut a ka melh rum nghal hrep bawk.











Classroom atang chuan kan chhuak ve a,ka chhuak ngai zen zen lo kei phei chu. “Muansanga lah saw.." Lalzamin arawn ti sap a ka hawi phei ve chuan alo hawi sawn hman a. “Duhawma te class ah va kal ve ila?" alo tih leh vut “Nga tan?" Ka lo ti hap “Kan rim ang chu,mipa zawk in chet ala si lo a" Alo ti heu mai.










“Ngawi la awm hle hle rawh!" Ka ti nghal hlak,sawi awm leh awm lo hi a hre thak lo lehnghal a. Kan bul lawk a hmeichhia ho chuan min sawi sep sep tih ka hria,ka eng hi nge an lo huat leh ringawt tawh ni.











“Class ah lut deuh ang ti lai vel hi chu a uih,chubak ah a hrisel lo!" Zami chuan alo ti a,kan bul ami te pawh an lo hawi nghal thap bawk “A hrisel lo te zawk an kal dawn ni maw?" Hmeichhe pakhat hian ring fahran hian alo ti a,Lalzami hawi let phat chu a ban ah ka vuan nghal chawt bawk.











“A hrisel a te zawk kan kal dawn aw...in powder kha in lo in hnawih rual ve tawh dawn nia!" Lalzami chuan ngeiawm zet a melh pah hian ati leh kher a. “Chu tah chuan sawi tur i nei lo! Zak theilo thian dun lutuk!" Nichin a mi bawk chuan alo ti leh a “Ka sawi loh chuan i in hnawih rual nang,mipa ho in ten hmel zet a an en che i duh reng loh chuan i in hnawih paw rual dawn nia!" Zami bawk!










“A tawk kal ang" Ka ti nghal sap bawk,midang chuan min en ran hlawm a. “I thiannu ang bawk a lerh kawh zet i nih ve kha,ila tawngthei em em zui!" A bul a ding zawk chuan arawn ti ve a Zami ka vuan hman tawh lo a phei nghal fua a.











“Tu maw lerh kawh chu? huh?" Tiin a kek nghal lawp a,chunu pawh chuan alo kek ve nghal bawrh bawrh. Thelh a hnek in mipa ho chu an lo haw haw dur dur a. “Zami a tawk!!" Tiin va phei ka tum chu min lo kek ve nghal chiam anih chu!










Ka rak nghal that a,ti let ve tur pawn ka che thei lo tu in nge min kek ka hre lo a mahse ka sam a tlak deuh nual ka ring. “Tawp ru!!" Ti hrawk ri ah chuan min la pawt ngar a,min thlah lo chuan ka sam a tham nghet sauh sauh “Tawp rawh ka ti em?" Ti hrawk in min kek tunu biang a ri nghal sawk bawk.





..


Lak lawh deuh in ti tawp ang
*A thui lo tih ka hria..min lo hrethiam dawn nia*


Show post links
Top

[Ngaia]

Inferno


Chapter Eighteen



Ka sam tham nghek tunu pawh chuan a thlah nghal nawk a,ka lu leih na lutuk vang chuan ka chhing nghal sak sak. “Sir..Brooklyn-i te thian dun hian buaina an rawn siam a,kut pawh an thawh hmasa zawk!" An thian zing a la him pial nu chuan arawn ti zat zat a. Zami leh a insual pui nu pawh an lo la in pawt deuh ngar a.










“I ka kha chip rawh!" Sir Zodina chuan ati nghal nghut a,chunu tawng zet zet pawh chu a tawp nghal chawt bawk. “In buaina chu eng chiah nge a nih ka hre lo,mahse midang puh zawng a tawng kha a ngai lo!!" Ati leh nghut a,min kek tunu chuan a biang dawm ngar in a lo in hnit feih feih a.










“I hnar a thi ania!" Engtik laiin nge Muansanga chu ka bul ah alo kal ka hre lo “Maw? Ka hnar maw?" Tiin ka hnar chu ka tawk nghal vat a,alo thi reng chu niin “I kut kha la sawn rawh!" Sir Zodina chuan arawn ti hrawk a,Muansang an a napkin min pek a tum pawh arawn ban nghal vut.










Ka hnar rawn hruk a rual a,ka lu lei nat vang chuan ka then sak sak bawk “In classroom ah theuh lut ru,break a tawp!" Sir chuan ati leh nghut a “Insual an awm em ni?" Teachers dang te pawh chu an rawn tlan thla vat a. “Naupang buaina lek mawle" Sir Zodina chuan ati nghut.










“Thisen chhuak khawp a in sawisa tur in engtiang chiah in nge in awm a?" Miss Gloria pawh chuan arawn ti vat a,kan ngawi thap ringawt “He school rules hi in hre chiang ani lawm ni,hmeichhia lehnghal in zak em!" Ati leh charh charh a,student thenkhat ho in min lo bih thla bawk.










“In case hi a serious lutuk! Office ah rawn chho nghal rawh u!" Sir Maruata chuan ati ve nghut a,chumi te ho lah chuan sawi tur nei tha awm ang hrim in min nui sak anih chu “I na em?" ka ti sap a “Saw nu saw ana fe zawk ang" Ati hmuk a “I paw phuk ania" Ka ti leh sap a “A power hman sawn min bual tep alawm" Alo ti hlak.









“In insual chhan sawi rawh u!" Tiang vuak nat hmel zet chu Sir Maruat an a khawng ri fak a. Zami nen chuan sawi tur reng hre lo in kan ding ngawi ran a “Brooklyni te hian kut an rawn thawh hmasa alawm" Zami nen a insual nu chuan arawn ti chhuak sap a “Min rawn keh hma khan tawngkam ngeiawm deuh in min rawn tawng khum a,chuan Ruatfeli hi Zamin a rawn kek ringawt a!" An rawn ti zat zat.











“Brooklyn! Nang pawh class CR i ni a engtin nge hetiang buaina ah i tel theih!" Miss Gloria chuan min en ran in ati a,min en nghal thap bawk “An tihbuai hmasak loh chuan Brooklyn-i hian ati buai mai mai lo ang" Sir Phillip(Kan class teacher) chuan ati sup a,min hrechiang a hetiang buaina ah ka tel mai mai dawn lo tih a hre bawk.




.





“Zampui nang sawi tur i nei em?" Sir Maruata chuan ati leh nghut a “Kan insawi thiam ve lo ang,mahse kan thiam loh hul hual chu ani bik lo!" Zami chuan ati sap a “Section dang ve ve in ni lehnghal a! Hetiang thil hi a thleng nawn leh a nih chuan in hnawh chhuak thleng in kan kal pui tawh ang" Sir Maruata chuan ati leh charh charh.










“Nang kha tunge i hming?" Sir Zodina chu a tawng chhuak ve ta chiah a,min kek hrep tunu chu a kawk nghal va bawk “Zonunsangi" Chunu chuan bah nawk hian arawn ti chhuak sap a “Thisen chhuak khawp a Brooklyn-i i sawi sak chhan chu han sawi ve ta che?" Sir chuan a ti chhuak nghut.











A hmel a hlauhna awm vang chuan ka nui chhuak tep ani,“Ah...Si..Sir.." Atih nawk a kan melh tap bawk ka hnar ai mah in ka lu lei ana fe zawk “Sawi ta che,in sawi thiamna i neih loh chuan dan ang in kan kal ang!" Ti nghut in chunu chu a melh run a.











“Brooklyn-i hian min khawih hmasa alawm!" Arawn ti chhuak anih chu! Chu thu awih awm loh lutuk vang chuan Zami nen pawh kan in melh nghal “Uh...Brooklyn-i hian Zami a chhan tum na lam ah min rawn kek....." A tih lai mek in “Ka mit a min en chung in dawt i sawi ngam amaw?" Sir chuan arawn ti chhuak hrawk a,a reh nghal thap.










“CCTV footage en kher a thudik sawi i tum ami?" Ati leh hrawk a,chunu pawh chu a ngawi ta kar a. “Sir Nalson,i class te chungah hian ka lawm lo hle mai!" Sir chuan a ti chhuak hluk.










“Hremna in pum pelh hauh lo ang,in panga hian kar khat chhung suspand in ni!" Sir Zodina chuan ati chhuak leh nghut a,ka hawi chhuak vat bawk. Eng nga! Ka tihsual awm miah lo ah hremna ka tawk ve dawn amaw!!!









“Zonunsangi tih loh kha chu in class ah chhuk ru,buaina hi in sawi chhuak tur ani lo!" Sir Zodina chuan ati leh nghut a. “Zam engtin nge ka tih ang min suspand ania" Ka ti ruai a ka chhungte lawm loh dan tur ka hre nghal bawk. “Keimah ni chauh kan ni chuang hleinem,Zonunmawii pawh hnawhchhuah theih din hmun ah a din kha kan vannei fe zawk" Alo ti ve nghal vat.











Washroom ah chuan kan phei a,kan in ti fai a ka hnar thi pawh a reh tawh a. Ka sam pawh ka rin ang ngei in a pawt thla nual anih hmel. Ka sam ka tawn zawng te chuan ka lu ana ngut ngut thei,hniam te ah ka tawn phah ta ringawt a.











“Sir Zodina kha arawn chhuk hma mah mah ani,ka la kek kham lo" Zami chuan a sam siam that mawlh mawlh pah chuan ati hlak hlak a “Sir khan Zonunsangi kha a beng alaw?" ka ti sap a “Beng e le,a biang pawh a sen vek kha kun tlat lo phei lang chuan i hmu chiang ngawt ang..kha ai khan beng na se ka ti ania".










“A nasa ve hrim hrim,Sir awm reng lai pawn ala kek hram che nia! Sir khan avan chhan tak che! I hnar thi a hmuh phei kha chuan a meng buai ve nak in ka hria" a kut a sil nghal a “Ngatinge a ben kher le?" Ka ti sap ringawt “Aw...a kek chiang em che lawm,kei chu ka na lo hlauh a! I biang leh i beng thleng in a sen vek lehnghal...i thi dawn amaw ka ti hman a" A tawp lam ah phei chuan a rawn nui chhuak hak hak.










“Mawl mawl suh Lalzampui!" Ti hlak in kan chhuak a,classroom ah chuan kan lut a chanchin min lo zawt nghal sap sap hlawm bawk “Sir Zodina a thinrim lutuk an tia ka hmu ve chak rap mawle!" Emmy chuan ati phawng a “Ka hmu chak fe zawk,an ni thian thum saw an over ropui sia an vaw nek lo kha lawm tur an ni,Duhawma te section ni lo phei se chuan huizzz..an chan a chhe dawn lutuk!" Lalain alo ti ve hlak a.











“Brooklyn-i tibuai suh u...Sir Zodina in ngam te nih loh chuan" Daniel chuan arawn ti ham ham a “Ngawi mai teh!" Ka ti nghal hlar a,Sir nen chuan min chhaih zui char char lehnghal a. Teacher te an rawn luh chuan class kan la chhunzawm leh a,thil thleng min zawt tawh em lo bawk.










“Lalruatfeli te nen in in sual elaw?" School kan ban chuan min zawt sup sup hlawm a han chhan loh ngawt kha ani si lo a. “I na em?" Duhawma chuan arawn ti ve sup kan insual thu kha a hre ve ani ngei ang. An class hmeichhia ho in an hauh/hoh leh lutuk vang vek.











“Na ve e.." Ka ti vat a,bu nghut in a kalsawn zui daih bawk ‘Ava pawi ve' atih ve tal kha ka ring ania mahse a kal hmak anih chu! Mr. Cold ni tawh teh se. “A sawi ve teuh kha mawle" Zami pawh chuan ati sap a. “Tawng duah se i ti reng reng ami?" Ka lo ti ve sup. “Tawng duah se Duhawma ani nang!" Alo ti ve hlak a,kan kal sawn ve ta daih.











“In in sual ami? Awiii he zawhna ka nin zia hi vawiin ah ringawt vawi za chuang min zawt tawh bih ruk mai te ka duh...lo kal rawh haw vat teh ang!" Zami chuan ati chhuak hap a,bu nghat in kan kal nghal a “Vawiin tution i kal dawn em?" Kan kal mawlh mawlh pah chuan kan ti ti a “Kal awm tak,U Sakin min awmpui tak a sin zanin chu rawn riak la?" Ka ti nghal vat.











“Ka chak ve tho a mahse in lehkha zir ka ti buai mai mai ang che u.." Alo ti ve sap a “Ti bual lo e le...mawh..lo riak la..i nu te kan dil dawn nia min suspand tho a" Ka nui ngar vur vur a “E...sawi ka van hreh tak! Mahse,ka in sawi thiam ve tawh viau ang.." Alo ti ve nang nang a.










“Nia..lo riak rawh aw" Ka lo ti sarh a “Immm..mahse dar 6 vel ah bak ka lo phei hman awm lo e...anu tih lungawi leh te te chhung nen" Kan in sawi phur chawp ani ber “Scooty a awm alawm ka lo hruai ang che,i hman vel ah ilo sawi anga?" Ka lo ti let leh var a “Nia,kan in be tha leh dawn nia U Saki pawh zan in chu a duty bik nang kan inkawm anga ni mai lawm".











Ka pi te inah ka kal a ka pi in min hmuh chuan ka hmel ah thil dik lo a awm tih alo hmu thiam nghal a,a chhan min zawh chuan ka hrilh ve ta vek a. “School kal hrih loh a tha ber alawm,in zirtir tute pawh chu an fing anih chu,in school saw an fak rawn luai luai ani a,a insual zing a in tel chu a tha lo e mai" Tiin ka sam chu a chul hliau hliau a.











“Vawiin ah pawh min kek hrep mawle pi,ka ti let ve lo mai mai zawk" Ka lo ti ve zat zat,a hmun a ngawi reng si kha “I khawih let lo kha a tha zawk alawm" Ka pi chuan alo ti mai a. Rohlupuiin a kawr a ken phei ve nual avang in ka inbual nghal ta daih a.










“U Saki pawh alo haw hma dawn lawm,inah ka va phei teh ang,Sir pawh alo thleng tep tawh ang" Tiin ka ding vut a “Hetah tution chu la mai ula,in Sir chu kan phone dawn mi?" Ka pi chuan alo ti “Naaa..a number pawh i neih tawp loh kha,ka va phei ange..ka form chu lo su mai ru aw..ka bag chiah ka keng phei dawn nia" Tiin ka bag ka la a ka pi pawn pawn thleng min thlah a,min en zui vang vang bawk.










Kan inkawt ah Sir car ka hmu nghal zat a,arawn chhuak ve nghal vut bawk ka rin ai daih in arawn thleng hma a. “I pi te inah ilo va kal daih a?" Alo ti sup a “Engtin nge i hriat a?" Ka lo ti nghal ha bawk a nui suk duh lek chauh.










Inchhungah chuan kan inzui lut a,ka bag chu ka nghat thla nghal vut a. “Sir,vawiin vang khan ka lawm lutuk aw.." Ka ti sap a min lo en vut bawk “Ihh..awm lo lang chuan ka sam a pawt kawlh vek maithei ani"Nui sak a ka tih chuan min lo din hnaih nghal ruak a.









Ka nui hmel tawp in amah chu ka en a,a nui ve hauh lo bawk. A kut rawh lek chhuak vut in ka biang arawn dawm a. A kut lehlam in ka sam hnung lam chu a chul a. A rawn ding hnai leh nghal hrut bawk. “Ka ti na che anih loh chuan tuman an tih nat che ka phal ngai lovang,chutiang bawk in i hlim a nih pawn midang bul ah i hlim ka phal ngai lovang!" Ati nghet churh a.





.



A mit ah chuan ka melh ve reng a,duh hmel lutuk a min melh na chuan min ti lang te rawih rawih in ka hria. Rawn awn hniam ruai ruai in a hmui nem zet chuan ka hmui chu arawn khar nghal hmak a. Muangchang in a hmui a ti che nghal bawk. Awm dan thiam lo in ka dawh mawlh tawp a. Dam dap a min fawhna chuan ka thin a ti phu dat dat bawk.








“Ka ta chiah i nih hi" Tiin ka hmui hnuai chu a seh zauh a ka phu nghal uih! A nui nghal suk bawk. Hnai set sawt ah chuan kan in melh dun ta reng a. Ka beng leh biang chu a sa hat hat a,ka zam lutuk vang chuan ka thawk a buai dawn hial in ka hria.










“In melh laih vel kha chu duhtawk ila,lehkha zir ve tawh ila?" Nui hawk chuan ka biang arawn tuai a,ka sam a chul nghal zat bawk. “Oh..." Ka awm sawn nghal thuai a,melh pawh ka melh ngam tawh lo. Ka bag la in choka lam ah chuan ka phei vut a,min lo zui ve nghal vat bawk a.











Lehkha kan zir lai chuan U Saki alo haw a,Sir a hmuh chuan min la signal zeuh zeuh zui. Kan hnung lam atang ten thla min lo lak sak thul a. A hahthlak lam hret ani!










Dar 5 vel ah chuan kan zir duhtawk ve ta chauh a. U Sakin eirawng a lo bawl malh malh a,room ah pawh kan han in sawn ta chuang lo a. Sir chu pawn thleng ka thlah a “Bye.." A kal dawn chuan a kut arawn vei zeuh a,nui ver ver in ka vei let ve nghal zat bawk.










Hman ni lawk a sakawlh ang tak kha a ang leh tawh lo!










“Ehhh..ka hrethiam ta mai!" Choka ka luh chuan U Sakin mit siai zeuh chuan alo ti a “Kal teh!" Ka lo ti hlak bawk “Ehh an lai vel ah!" Tiin min chhaih min chhaih a. Kei lah chu ka lai nasa em em mai lehnghal a.









“U Sak,Zamin chaw alo ei dawn aw..alo riak dawn a" Ka tih chuan alo phul ve hlut a “Dar 6 dawn ah ka va lam ang" Ka ti nghal zat bawk. Hruai reng lah hi a ngai a.




.....
Lo COMMENT vek ru aw...


Show post links
Top