Chapter Thirty Seven
Ka kohna hre duh lo chuan a motor khalh lai ah ringawt a rilru a pe a,ka thlem lungawi zo dawn lo a ka hriat vang chuan keipawh ka ngawi ve ta hmak bawk. Inkuah in in hnaih viau pawh kan ni lo a,min chibai a,ka kut ka la let leh nghal vat zawk kha ani a,a thik thu chhiat zia hi chu aw...hmeichhe thenkhat in mipa thik thu chhe deuh an duh hi han nei chiah se an inchhir ve ram ram chang an nei ang.
“Khawnge kan kal dawn?" Kan panna tur lam chu ka hre deuh tho a,mahse ka be ve hrim hrim ani. “Ka inah!" Bung nghut chuan min chhang a,ngei zet in ka ner sak a. Glass chu down sawk sawk in ka hawi sawn ta daih a,mahse arawn in up chhoh leh riai riai chuan ngei zet in Zodinsanga chu ka melh ta nghek a,nghal ve tak chu ani!
A in kawt kan thlen chuan garage ah a tlan lut nghal a,a motor a park rem a,min hawn sak hma hma chuan ka lo chhuak a,a phun hluk pawh ka hrethei. Mahse ka bul alo thleng nghal ka ti thei ang. Ka dar ah chuan nidang ang bawk in min kuah a,min hmu tu tur awm lo mahse a ta ka nih zia tih lan nan min kuah hlun tho. A kawngka zawn kan thlen chuan kan ding dat a,password chu a type lut nghal mawlh mawlh.
“Enge kan tih leh dawn tak a?" Ka ti hap a,inchhung kan luh chiah chuan ka dai sawng sawng in ka hria. “In tih fai i duh em?" Tiin min lo zawt daih thung,ka lu ka bu nghal nghat a. “Va inti fai la,chuan eitur ka lo siam ang" Ti sup in alo awn hniam deuh a,ka chal ah chuan a fawp vang vang a. A room lam chu ka pan ve nghal zat bawk,kan lo inkawp rei ve deuh tawh a,a inah hi chuan ka tlangnel thlawt. Ka towel leh ka face wash,tootbrash,cream,clips tih vel pawh hetah a awm ve nual.
Ka hmai ka phih zawh chuan ka harh deuh kawk in ka hria,ka awm a nuam sawng sawng. Tunlai chu ni asa lutuk a,sunscreen pawh chhah deuh hlek a inhnawih a ngai thin. Ka hmai ah chuan engmah hnawih lem lo chuan ka chhuak phei a,ei tur alo siam mek. Amah a palian sia,a hnunglam atang pawh chuan a tha ngawih ngawih. A thil chan zawng a a dar che vel ak ak chuan ka mit ala lutuk tlat! Chuan,he mipa chhelo lutuk hian min hmangaih bawk.
“Kha ta nui vur vur lo khan ka bul ah lo awm ve la?" Nuih zat hmel lutuk a lo ti tu vang chuan ka harh zawk a,ka lo melh reng tih hrelo lek in ka lo awm anih chu! “Ka nui vur vur kher lo!" Ti hlak in ka phei ve nghal mai a,ka biang lah chu a sa hat hat zui. “Min en pah in ilo nui vur vur a,nangmah nilo phei lang chuan ka hlau ngawt ang che" Nghal zet chuan ati a,ala nui duh miah lo zui. “I van nghal e..i titau zo tawh ami? Tawngthei lutuk mai" Ka ti chhuak chiam a,a nui chhuak nghal hawk hawk.
“chuti la titau a seh hrep tur che in min duh zawk ami?" A tih chuan tih ngaihna hrelo lutuk in ka hnar ka tih chuar tap ringawt. Min chheih zui ta em em lo chuan vawiin a ka hun hman dan min zawt ta zawk a,anih loh chuan kan in chum leh nasa dawn lutuk. Reilo te ah eitur chu kan siam zo a. ‘Kan' Tih tur em chu nilo mahse ka puih ve zeuh zeuh tho.
“I thil siam thiam lutuk hi chu awww" Ei malh malh pah chuan ka ti chhuak leh hluai thin a,alo nui ve suk suk zel “Ei tur chauh lo pawh siam thiam chu ka nei alawm!" Atih chuan ka melh phei ha a,a hmui hnuai pet zeuh in chimawm zet hian min melh anih chu! A thil sawi ka hriat thiam chin ah chuan ka chil ka lem ri khalh. “E...ei..ei mai mai teh ka ning tlat che nia aw" Bah deuh chuan ka ti chhuak nghat. A nuih vang nge ka awm a nuam thei tawh hauh lo.
“Awi...i mak lutuk Zodinsang!" Thleng sil tur ka dah zawh chuan a bul ah ka phei a,a mal chung a min pawh thut hnawk vang chuan tum loh pui in ka rak leh ta chiam a. “Hmmp..a au leh ta chiam e" Nui suk chuan ati sup a,a kut lum ther ther chuan ka tshirt hnuai arawn zen nghal a,ka tal nghal vak. “i tal vak chuan ka bawh thlu dawn che nia" Ka beng bul ah chuan ati sup a,ka beng a lum nghal hak a,a nul tel hram bawk!
“Khaw maw! Aza lutuk...heyyy thleng sil ka ngai!" Ka nak a piai zui zeuh chuan ka ti chhuak leh chiam a “Nakin ah" Ti sup in ka hmui arawn khar nghal hmiah a. A hmui nem leh zun nei zet chu zei zet in a chet nghal ngawng ngawng a,in ti nei tu zet in min chul leh dan dan bawk. “Thleng sil ka ngai ania" Thaw chhuak hak chuan ka ti sap a,ka thawk a sak nghal talh. “Nakin ah ka tih kha Bawihte.." Ti nghut in ka hmui arawn khar hnan leh nghal hmiah a.
Min fawp reng chung chuan min din chhuah pui nawlh a,ka hmui ala thlah chuang lo. A room lam kan pan tih chu ka hre thei,eng ang pawn hnar tum mah ila hepa hi ka hnar zo dawn lo,a hmui a chet leh rual chuan thaw hak in ka chhang let ve nghal tawn tawn a. A phur sawt tih a mi fawhna ah chuan ka hre thei. Khum ah chuan min nghat thla dat a,min la fawp reng chung chuan a in siam rem a,innem khalh run chuan min fawp duhthawh zual sauh.
Ka awm arawn tham tawk chuan ka phu zawk a,engtik laiin nge ka tshirt alo phelh hman ka hre hauh lo. Khum ah chuan min bawh thlu riai riai a. “Brooklyn!" Rum hawk chuan ati sup a,ka nghawng chu tui tih hmel zet in a fawp thla mawlh mawlh a. Ka mit chhing in ka hmui ka pet fan fan ringawt. Ka taksa chu a sa huam huam a,mamawh ka nei tih chu phat rual ani lo.
Ka bawp kuai kau in ka mal inkar ah chuan arawn tla zep a,“Zodin" Ka ti chhuak sap a,boruak tlem ta vek hian ka hria “Yes?" Ti sup in a rawn awm kang deuh a,mahse ka tawng thei lo. Ka hn*te arawn hm*am zawm tak ah chuan tum loh deuh in ka rum chhuak hak a,a nui suk tih ka hrethei. Ka mit chu nghet zet a chhingin ka hmui chu na zet in ka pet fan fan. Tho chhuak hluai in a kamis chu a phelh nghal mawlh mawlh a,tho hak hak chuan ka lo thlir reng. Min rawn melh rual chuan a phun chhuak hluk a.
“Ka ta chauh i nih hi!" Tiin a kamis chu a theh sawn nghal vut a,min rawn bawh leh nghal vat a. Ka awm lam ah bawk chuan a bur leh chat a. Duhthawh zet chuan a fawp bawrh bawrh bawk. A kut pakhat chu a la sawn a,a kekawr chu a phelh deuh rawk rawk a,a mipatna ruh tung kekawr chhan a ka feel rual chuan ka mur nghal chuaih! Ka kekawr kawng a khawih rual chuan tui sik a theh ang mai ka ni.
“Ka...ka..tawp teh!!" Thaw chhuak hak chuan ka ti chhuak nawk a,a che lai a tawp chat. Min rawn en chuan a aia nasa a duh tih ka hre thei. Mahse,ka thei lo,Pathian mit hmuh ah nupa kan nih hma a hetia awm ka duh lo a ka thei lo bawk. Ka nu leh pa min rinna tih chhiat ka duh lo. “Bawihte?" Ati chhuak sup,a aw a khur hial. “Zodin,tawp ang" Ka ti chhuak hak a,rum hrawk in a in nemkhalh nghal zat.
“Tun ah kan tawp lo anih chuan a tha dawn lo ania" Ka ti leh sap a,mitmeng de sawr sawr chuan min rawn en a,arawn bawk thla nghal thlawp a. Ka hn*te chu na ang reng tak in a hmer zui vawng vawng,mahse a insum chuan hetiang hian ati ziah a. Ka ner zui sak sak. “Innei tawh mai ang,Bawihte..." ka nghawng atang chuan ati zui sup a,a thaw zui hrawk bawk. “Mahse.." Ka ti zui ve sap.
“Mahse tih a awm tur ani lo,ka hmangaih che a,nangpawn min hmangaih..a dik em?" Ati sup a,innem khalh in min melh nghal ngur bawk “Ka zirna te ka zo phawt anga?" Ka ti sap a,ning tih hriat zet in a thaw zui hrawk. “Ka nei ang che ka tih vang khan sex lam ngawr ngawr vang ani lo,ka kiang ah awm la,zing ka harh rual a ka hmuh hmasak ber ni la,ka thil tih engkim ah te ve in..tu pawn ka ta i ni tih hre vek turin ka duh !" .
“Chutiang lam a sawi ka ni lo...zir zawh phawt ka duh alawm" A lu a tuai sak pah chuan ka ti sap a “I tello a zankhat lek muthilh tawp pawh a harsa lam hret ani" Tiin ka hn*te chu a tham leh deuh salh a,ka tawng tha thei leh tawh lo.
In siam tha zung zung in kan thil eina vel chu ka sil a,min si chet in ka bul ah alo awm ve reng. A insum theih lutuk vang hian ka hmangaihin ka ngaisang thar ngawih ngawih. Engtin nge hetiang khawp hian a insum theih ka ti ru ve fo thin,min hmangaih vang leh mi zah vang tih lah phat rual ani. Ani ka tawng hi ka vannei ka ti,thlamuang tak in a kiang ah ka awm a,min khawih lui dawn lo tih ka thinlung hian a hre chiang lutuk bawk.
...
“Zan ah ka lo kal hman lo ang,mahse i duh hun hun ah min lo call dawn nia" Ka chhuk tur chu arawn ti sup a,ka lu ka bu nghat a. Chhuah mai ka tum chu min vuan bet leh zawk a “Eng nge? I lo lut dawm mi?" Ka ti ha a,lu thing mat mat in ka hmui ah chuan a fawp zeuh a. “Ka call chhang nghal turin ka beisei bawk che nia?" A ti leh sup a,nui hak in ka chhuak zui nghal bawk.
A tlan liam chu nidang ang lo tak in ka thlir liam a,nidang ah chuan ka lut lai min thlir liam hma chu a in khalh chhuak ngai lo. Inchhung ka luh chuan ka nu in phone alo be mawlh mawlh a,min hmuh chuan a tawng tawp deuh dat a. Naktuk ka nau hostel chhuah ani tawh bawk a,ka nu pawh a phur ang reng viau.
Ngai vak lo ang deuh hian a awm a a ruk tak chuan a ngai tih ka hre ru reng. “Naktuk i nau hruai ngei chu a ngai anga,a result a tha angem aw?" Sofa ah chuan ka lo thu dar dar a,ka bul ah arawn thu thla ve nghal a. “Tarmit ngai khawp a a zir ve kha..tha em em ang" Ka lo ti sam et bawk.
Rohlupuii chu a duh na ah chuan a TOP thei em! A thatchhe mai bawk a. Phone khawih tur a awm dawn loh vang ringawt pawh chuan a ti tha dawn sa! Chet fel kha rawn zir chhuak mawlh teh se.
“I chhoh dawn ah kan room ah lut zuai la,tui lum na plug kha on nghal lawk teh aw? I pa alo haw vat tho ang" Tho chhuah pah chuan ati leh vut a,bu nghat in keipawh ka ding zawm ve zat bawk. Ka room ka chhoh hma chuan ka nu te room ah tui ka lum a,ka room ah ka tlang chho nghal bawk.
Room ka luh chiah chuan Zodina call arawn lut nghal a,a thlen chiah thu min rawn hrilh nghal. Hepa hi a tlanchak ani hrim hrim. Tlan chak lo tur in kan haw hma atang daih tawh a hrilh kha ka nia,reilo te ka zilh ve mawlh mawlh hnu ah chuan kan inbe tha leh mai a. Han zilh ve pawh hian a lawm zawk amaw tih tur ani.
Ka inbual leh zawk zawk a. Inhnuai lam ah chhuk in ka nu ka puih leh mawlh mawlh. Ka pa pawh alo haw a,a inbual ve nghal vat bawk. Ka nu nen chuan chaw ei kan siam mawlh mawlh a. Tlai lam hi chu chaw kan ei har ngai lem lo. Chaw ei zawh ah ka seng fel leh a,ka nu ka awl hneh ve nazawng tak ani bawk.
Thleng ka sil mawlh mawlh lai chuan ka nu thiante an lo leng a,an rawn ri deuh huk a. Thingpui tih vel lum in ka thu leh ran phawt a. An inna vel seng fel a ngaih leh dawn tho vangin ka room ah ka chho ta lo law law a. Ka phone ah chuan hla ka play a. Choka vel chu fel viau mahse tih fel tur ka zawng ran a,fridge a thil awm vel chu ka rem fel deuh mawlh mawlh.
Ka phone arawn rik ral ral chuan ka thil tih lai dah in dawhkan lam ka pan a,number hriat loh atang a nih vangin ka en deuh ran phawt a. Min rawn bawl leh chiam angem ti rilru in ka phone chu ka pick up nghal a.
*Aw hello?* Ka ti sap a,min chhang deuh lawk lo lehnghal.
*Hello?*
*Brooklyn-i tiraw?* Mipa aw thum zet chuan leh lam atang chuan ati sup a
*Aw ni e eng nge ni ta?*
*Zodina hi a chesual hlauh mai a,ilo kal hman angem?* Ka nging deuh lawih in ka hria
*Che sual a?*
*In in bul lawk ah khan nangmah hruai tur che in kan awm tawh,i hman chuan tun ah rawn chhuak nghal mai ta che?*
*Aw le!*
Rang zet in ka room ah ka tlanchho nghal a,ka tha chu a khur nghal zawih zawih bawk. Ka hlauthawng lutuk chu ka room kawngkhar ka hawng lawk thei lo bawk. Engtin nge a chetsual ang? Car in em ni? Nge hospital ah?
Ka kawrlum chu ka hai nawk nawk a,eng rawng ber nge ka lak pawh ka hrelo,ka ha nghal sawk sawk a.
Ka phone chu ka la kang a,thaw chhuak hak in Zodina number atang call lo lut chu ka pick vat,ka thin chu nasa tak in a phu dup dup. *Aw bawihte!* Ti sup ah chuan chhuat ah ka thu hnawk a,ka inrin hma in ka tap chhuak hawk.
*Eng nge thleng Bawihi?* A aw ah eng nge maw ni chu a ri rel
*I tha em?* Tap zawih zawih chung chuan ka ti chhuak sap
*Tha e? Eng nge awmzia?* Atih chuan insum thei lo in ka tap chhuak zui leh hawk
*Bawihi? Eng nge thleng? Tinge ti khan i awm?* Ati leh ruai a
*Zodin!!* Tap zawih zawih chuan phone chu ka beng ah ka la dah reng
*Eng nge Bawihi? Oh!! Ka lo kal ang!*
*Ka lo kal ang ka tih chu! I phone kha dah miah suh ..* Tiin a ri nghal rawk rawk a
Kei erawh chhuak zet in ka khum ka bawh a,ka tap nghal hawk hawk. Inhnuai lam pawh ka ngaihtuah tawh lo. Tu nge min rawn call tu kha ni ang? Eng vang a hetiang thil serious lutuk fiamthu thawh nan a rawn hmang nge a nih?
Rei fe chu ka tap a,ka thin phut dan ala ngai reng. Ka thla a muang hek lo bawk. Tawh sual tawk tur ang tlat ah ka ngaituah a,a tha tih ka thinlungin ala pawm thei lo bawk.
“Bawihi?" Ka kawngka chu arawn in hawng thruai a,ka hawi chhuah chuan Zodina hlauthawng hmel ka hmu nghal zat “Zo...Zodin!" Ka ti chhuak hak a,ka bul rawn thleng thuai in a taksa ah chuan hneh zet in min kuah khawm nghal vek a. “Engkim a tha vek Bawihi" Ti sup in ka hnung chu a chul mawlh mawlh a.
“I chesual amaw ka tia,ka hlauthawng hman lutuk a...min kalsan ta la engtin nge ka awm ang??" Chhuak zet chuan ka tah khum nghek a,engkim a that vek tur thu sawi in dam zet in a sam a chul hliau hliau a,kei erawh ka hlauthawng leh thin phu dik bawk si lo chu ka insum thei lo.
“Bawihi i tah vak chuan i thinphu a dik dawn lo a nia,le..muangchangin thawk la rawh le?" Ti dam dap in thawk lak dan chu min hrilh a,mahse ka tah chhuah leh zel vang chuan harsa ti zet in ka mittui a tuai hul a,a rei deuh hnu chuan keipawh ka thawk a pangai ta chauh.
“Hetia i awm chhan hi min hrilh rawh!" Ati chhuak nghut a,khum ah chuan min thut chhoh pui a,a mal chung ah naute ang mai a min pawm chung in a awm ah nghet zet in min kuah a,ka sam chu dam zet in a chul zui bawk.
“Min rawn call a?" Ka ti sap a “Ih..mipakhat in min rawn call a,chuan i chet sual thu leh pawn a min nghah thu a sawi bawk a" Ka sawi lai te chuan ka mangang hman zia hre chhuak in ka mittui a tla leh ringawt a. “Shhh a tha vek ania,an tih der che anih chu" Ti dam dap mahse a aw a thinrim na a ri tel tih ka hre thei.
“Kal tawh lo mai rawh aw?" Tiin ka melh chho vat a “Kal tawh suh,i chungah thil tha lo a thlen chuan engtin nge ka awm ang?" Tah in peih leh der tawh chuan ka ti chhuak a,thaw chhuak hawk in a awm ah min kuah leh zui zat. “Ka tiam a che,hetia ti hlauthawng tu che hi hremna ka pe khawp ang" Ti sup a,a aw chang viau mahse min khawihna a dam em em thung.
...........
“Grad Dinner ah chuan kal ngei ngei ang che aw Lalbrook!" Jasmine chuan arawn ti hluai a “Lalbrook? Ti khan koh ve tawh tur anih chu!!" Nghal zet in Lawmi'n arawn ti nghal tung a “In va ninawm e..Khatia koh ka duh lo!" Ka lo ti ve hlak a,an nui zui hak hak. “Kal i tum loh hmel bawk sia..i kal loh chuan i bialpa chhelo zet kha kan call anga,kan trim hrep ang!" Jasmine chuan ati zui leh vat.
“Kal dawn e le! Ka programme alawm aw..." Dak sang vah pah chuan kan ti zeuh a,min nuih nasa ngei mai. “Lawm man in hlan dawn a in chhuih phei khut khut kha an ti che nga...awiii Grad Dinner a ni har mah mah!" Lawmi bawk chuan ati leh,henu nghal dan hi.
“Hahha...chheih vak vak suh..a bialpa bulah alo tap leh ange" Tum hmuk in ka ding chhuak hluai a,min chelh leh rang teh asin aw. Ka duh ang tak in ka zir na pawh ka zo fel tawh dawn a,kar leh lam ah thlahna programme kan collage in kan nei dawn bawk. Hemi ni ah hian tul lo zet in Zodinsanga an sawm tel ve hram a,an old student a nih mai bak ah collage ti hming tha tu alo nih tawh vang ani.
Amah lah chuan min la hrilh duh miah lo zui a,hman ni deuh lawk khan ka hria kei ngei pawh hian. “U...12 ka pass chuan phone thar min lei rawh aw" Lu hiat neuh neuh in ka bul lawk ah chuan Rohlupuii chu arawn thu hla a,class 10 pawh arawn pass that viau avangin kan chhung pawh kan lawm hle.
“Eng phone?" Ka phone hmet mawlh mawlh pah chuan ka tih zawm zat a “Iphone 13 pro max" Atih chuan rum zet in ka melh phei nghal a “A theih loh loh hi lo in tiam thin suh u" Ka nu chuan kan bul a lo kal pah in ati zauh a “Min lei thei awm e mai,a interview na school saw maw...hlawh a tha over hi ani tawp mai" Uar zet chuan ka nu a chhang nghal zat.
“A tling dawn nge dawn lo pawh a hriat loh kha! Chiam chiam thin hian aw" Ka nu chu a nui ta tawp a “U.." Ka nau bawk chuan ati leh nghat “Ka duh zawng zawng ka lei theih hun ah ka lei ang che" Ka ti ve ta hram a “Va han phakhar mai mai tak!" Ati zui hlak “Nge ka phakar na...sam pawh ngilna pawh ka lei sak che anih kha" Ka chhuah chhal nghal zat a.
“Ni tho e..." Phawr hlar chuan ati ve vak a,min hnial dan a hre tawh lo tih ka hre reng.
.....
CALL
*Aw eng nge Lalzam!*
*Nguri min puih ka ngai ania*
*Sawi la sawi la?*
*Lalbenja-a hian a inah leng tur in min sawm a,min hruai haw duh tawh miah lo ania ‘Ka ru che' ati bur bawk sia*
*Eng nga?*Ka ti nghal tuarh
*Tih dan min zawn pui teh!*
*Hna i neih tak avang mai khan i in ruk tir nghal ringawt amaw?*
*Ngurthansang!! Engtin nge ka tih dawn ngaihtuah la a tawk!!* A rawn teng tha ang reng
*Ka hre bik nang! Engtin nge kan tih ang!*
*Min rawn hruai mai teh*
*An ru tawh che lawm,eng vangin nge ka rawn hruai ang che!!*
*Tih dan ngaihtuah teh a hreawm em mai,min ru tih hre lo in thil ei tur a chhukthlak te ka la tum zui*
*A ru che tih i hre miah lo maw?*
*Ka hre ve deuh chiah!*
*Khawnge amah a awm?*
*Ka bul a hi kan inbiakna a ngaithla ve kur mai!*
*Aw le anih chu ka dah bye aw!*
Phons chu ka dah hmak a,mi chhun mu tui lai min kaitho a,min ti hlauthawng hman tep zawk a. Lalbenjaa'n a fiam tih hriat reng reng hahthlak hian aw. Keipawh mu zui tawh lo in ka tho chhuak a,nizan a ka paper rem hnawk niai ho chu ka dah fel mawlh mawlh. Vanneihthlak tak in ka interview na pathum ngawt ah khan ka tling hlauh mai a. Doctor tih loh ah chuan zirtir tu nih ka chak ber thin leh ka duh ber thin anih avangin school chu ka thlang ta zawk a.
Hun han kal chak dan em em hi,nimin mai a school kal ang lek ah ka inngai. “I rawn tho chhuak hma duh anih kha..." Ka nu chuan eng emaw hi a chan deuh mawlh mawlh a. “Mut ka kham tawk viau e" Ti sap in thuthleng ka pawtchhuak a,ka thu thla nghal zat. “Eng nge i siam a?" Tiin a thil chan lai chu ka hmawm zeuh a,“Pudding kan siam ang nge i pa in a ei chak sia" Ka nu chuan ati a,a bul ah chuan ka awm ve ta reng bawk.
School kal tur chuan ka insiam a,first period ka neih vangin hmel hlim sarh put ka ngai ani. Hla te chu ka ngaithla a,ka kawr pawh ka thlang smart viau bawk. “Ngrubawih..Zodina alo kal aw!" Ka nu chu ka room ah alo dak zeuh a,keipawh ka chhuak ve nghal vat. Inhnuai ah chuan ka chhukthla a,sitting room a lo thu run ka hmuh chuan nui sak in ka kal zawi deuh a “I rimtui lutuk!" Min hnung chhawn zawng a awm reng si chuan ati sup a,ka phu zawk zamah lehnghal.
“Engtin...i tukum ah mit i nei ami?" Pan hnai pah chuan ati nghal vak a “Ka sense thei che lawm" Ti sup in min rawn en a,a mit a ti zim nghal san. “Eng nge..ka mawi lo ami?" Tiin ka in en fiah zui nghal a,a rawn ding chhuak ve vut bawk “Ka mawi lo ami?" Min en ran tak ah chuan ka ti leh sap a. “School ah hetiang a kal kher a ngai ami?" Ati ta nghut bawk. “Ka nalh loh chuan sawi ve mai ta che mawle" Ka ti zui hmuk a.
“Hlupui..ka thing ami?" Rohlupuii zing tho chiah chu ka koh peng nghal a “Nalh tak i ni Miss!" Tiin a kut zungpui a ti pir va “U Zodina chu bialnu i nei chhelo hle mai" A kut zungpui tih pir va chu Zodina a hmuh zeuh a,inchung ah a chho zui daih bawk. Zodina pawh a khi ta suk.
Class chu ka la mawlh mawlh a,hrawk a kham duh ngei mai. Science subj ka la kawp vek bawk nen ka tan chuan a hah thlak lam hret ani. Higher chauh ka la chu ka vannei phian bawk. Naktuk hi ka Birthday ani a,ka pa in hotel ah min lawm sak dawn a. Saturday ani bawk nen a rem phian a,mahse 12 ho in extra an kal dawn vang in zan ah kan lawm mai tur ah ka ngai. Chubak ah ka Birthday hi ka lawm ngai lem lo a,ka chhungte hi ka ring tawp zel. Eng nge maw an hriat ni hotel a lawm an tih deuh kher le.
......
“Thingi...eng nge i hriat a min rawn ngaihven zui miah loh a?" Lalzami rawn lut chu a thawm a tha ngei mai. Ka nuih chuan min chum leh dawt ang a,nuih loh a him ber. “An ruk leh chuan miah lo che kha..." Ka lo ti let ve vak a,ka chhuat nawh lai arawn ban nghal zat bawk. “Coffee va siam teh,chumi chhungin ka lo nawt ang" Ti leh hlak in chhuat chu na zet zet in a nawt sawk sawk a. Ka tha zawi lai ani bawk nen a tha viau.
Coffee ka siam zawh chuan ka let leh a,a chhuat nawh lai chu step bul ah dah in sitting room ah kan inzui phei nghal a. “Zanin chu maw..ka nasa viau ang!" A coffee no chawi kan zeuh pah chuan ati leh hlak a,a lung hi a awi mawlh lo ani. “I birthday ani leh mai lawm,a hrim hrim in gift min pek te i tum lo ami?" Ka ti ve nghal zat a,coffee chu tem in a ner sak.
“I hman hmawh anih kha,Sir Zodina'n a pe tawh che em?" Atih zawm ve nghal a “Phut pawh ka phut lo,nitin hi a bul ah chuan gift ani mai!" Ka tih zeuh chuan min ei lo ngang mai “Tenawm vak suh aw,a tir ah i duh lo em em a.." Ka mit ka chet kual ralh ringawt. “School i kal tawh reng reng ami?" A coffee chu a in leh a “Kal tawh e,12 khan kan bang ve chiah.." Extra class chu kan kal rei ngai lo reng a.
“A that chu! Nang lah hi ah! Lalbenja-a i sawm ve ringawt a,a awm loh chuan ka free ang ka ti ve asin le" Ati zui nang nang a,ka nui chhuak deuh hak “Lalzampui..i pian tirh ata duh hmasa ber tu che nih kha,sawi sel lo khan innei vat ula tawk!" Ka ti zui a,min melh rum tha ngei mai “Hnathawh mumal pawh ala nei lo ania,pasal fanau chawm thei hi tunlai mipa chuan an zawng deuh fur tawh sia,ka ning tlat..".
“Ni ve tho mai,nang phei chuan i hlawh i kham lo lehnghal a.." Nghal zet chuan ka ti leh hram a “Kham lo tak ka ni,nang chu i vannei alawm,I bialpa in hlawh a nei a,nang in i nei bawk a..awii..in awmpui ah ka lo tang lawk mai dawn mi?" Ati chhuak deuh hluai a,kan nui dun hak hak. “Ka awmpui i nih ai chuan ka tlanbo zawk mai ang" Ka ti zeuh a.
“Hlawh bonus dawn pawh ni la i awmpui kher chu ka ni lo ang" A ti zui ve hlak a. Reilo te kan ti ti hnu chuan a haw zui a. Keipawh inchhung chu ka ti fai zui leh mawlh mawlh. Zodina pawh a buai aniang zing lam a min call bak kha kan la inbe lo a. Ngaih tha lo rum rum tur erawh chuan a awm chuang lo,a buai ve thei si a.
Ei rawng bawl a ngaih miau loh vang in inchhungah chuan ka che a,Rohlupuii leng pawh phur hmel zet in arawn haw a. Eng nge maw an hriat ni vawiin nileng in ka student te atang bak in gift ka la dawng lo reng reng!
“I va che nasa surh surh ve a Ngurbawih!" Ka nu chuan arawn ti lut hluai a “I lo bazar daih law?" Ka ti chhuak hluai a “Bazar deuh reuh chu ani mai" Ati a,room ah inthlak tur in min luh san a,thingpui ka lo lum sak nghal vat bawk. Ka pa pawh alo thleng ve deuh chiah bawk a. Rohlupuii project ka en pui leh bawk nen ka insiam har viau a.
“U..i muang thei e,hman hmawh ve la?" Pawn lam atang Rohlupuiin arawn ti lang lang a,ka insiam peih ta bawk a. In kap rimtui leh in ka chhuak ve ta a,inhnuai a ka chhukthlak chuan an awm deuh thup tawh a. Ka pa leh ka nu pawh an mawi dun viau. Eng nge maw an hriat ni an in chei nalh em em mai lehnghal a.
“I hman maw?" Min lo melh ran tupa chuan ati sup a,ka chhukthlak chin atang a mit ka chung ah a la fu ngar. “Aaaa aw hman ani deuh mai" Lai ru zet chuan ka ti a,“Anih chuan kal ila,zanriah ei kan la hmabak bawk si a,in mi sawmte pawh an ril a tam tawh ang" Ka pa chuan ati leh vut a,kan inzui chhuak nghal a.
“I kawrfual ban kha a sin lutuk!" Rawn ti hluk ah chuan ka melh chho vat a,min lo en chhuk reng tawh “Tinge i mal bawr kha a kak thui em em a?" Ati zawm leh zat a,sawi tur hrelo in ka in thlek thuak ringawt. “Inthlak leh i duh em?" Ati sup a,lu ka thing nawk nawk. Inchei thiam lo viau e tilo chuan zanin hian mawi ka in ti ve tlat.
“Mawi ka in ti ve em em a,mawi min ti ve lo ami?" Ka ti zui sap a,a lu thing nghut in “Midang mit zawng zawng i chungah a fu dawn a,chu chu pawi i ti lo ami?" Ati zui nghut a,ka nui zui hak hak. “Nang pawh i nih ve tho kha mawle!" Ka ti ve hmak a,nui suk in a car kawngkhar chu min hawn sak a. Rohlupuii chuang ve tur a ka tih ngial pawn a duh si lo a. Kan thikthuchhepa nen bawk ani kan chuan leh dawn.
“Ka birthday apiang hian i tar belh tih i hria em?" A lam hawi pah chuan ka ti a,a motor khalh run pawh arawn hawi nghal zawk a,a rum zui nghut bawk. “Chu min duh tawh lo tihna mi?" Ati zui sup a,ka nui zui hak “Ka duh lo che ka tih loh kha..mahse i upat belh ka ti ringawt alawm" Ka nui zui chuan ka ti a,a phun zui hluk lehnghal. Upa tih chu duh lo ve tak ani.
“Ka duat zui hlak i duh loh chuan nghal suh aw" A ti nghut a,la nui reng chung chuan a biang hmul to siar siar ah chuan ka piai zui zeuh a,a nui lo chiang asin. Rei lo ah kan kalna tur chu kan thleng a,ka chhuah hma hma in a chhuak vut a,car kal hual in car kawngka chu min rawn sak a,a kut a phar chhuak vut bawk. “I inhmeh ve lo!" Ti zui nuah nuah in ka vuan a.
“I mawi lutuk takzet ani!" Ti sup in ka hmui ah chuan a fawp zui zeuh a “I mawl ami?!! Mi in min hmu anga sin" A awm a ben thlawrh pah chuan ka ti zui hlak a. Ka hmui bawk chu a fawp nawn leh hram anih chu. Hotel chhungah chuan kan lut a,mi pawh an lo awm sup sup a. Kan book na bik ah chuan kan kal mawp mawp a,Zodina hian a hre lawk tawh a,ka ring ve tawp a.
“Happy Birthday!!" Balloon puak ri chuaih ah chuan rak that in ka bul ami chu ka ngheng deuh rawk rawk a,phone an lo lek deuh fur bawk. “Happy Birthday Ngurthansang!" Lalzami bawk chuan Balloon chu a ti puak leh chuaih a,a chhung a thil cheina awm chu arawn darh nghal suau suau bawk. Kut an beng dur dur a,ka awm dawm reng chung chuan ka lo en reng hlawm a. Ka rin ai daih in mi an tam lehnghal.
Thutna awmna lam ah chuan kan phei a,Zodina chuan a coat hlip vut in min rawn khuh nghal hlun a,ka chair hngen chhan ah a kut a kham nghal run bawk. Gift chu min pe nghal sup sup a,lawm thu chu ka hrilh nghal mawlh mawlh bawk. “Kha aw..sahbawn leh shampoo a tam ber dawn nia!!" Lalzami chuan bawm lian zet hi min pe a “Spoil nghal zung zung zel suh" Ka lo ti nghal hlak.
Chaw chu kan kil ho a,ka nu leh pa te nen kan thutna a in ang lo a,kei chu ka thiante nen kan thu ho a,ka pa te chu an thian an sawm ve te nen an thu ho a. “Ka puar tawh ania" A beng bul ah chuan ka ti sap a “Ala tlem lutuk" Ti sup in min suah leh nghal zat,ka lo sawi ta kher kher kha ka inchhir asin. “In va over e aw.." Lalzami chuan ner sak hian ati a “Lalbenja an tih nachang a hriat ve loh vang mai a" Zodina ban ah chuan kuah in ngeiawm zet in ka ti a,kan nui ho dar dar bawk.
“Cake ei te ala ngai dawn sia,ka in khek" Jasminei'n atih chuan ka lo nui hak a “I la ei thei tih ka hria ei teuh rawh" Ka lo ti vat a,dinner kan ei zawh chuan kan ti ti bawrh bawrh a. Ka bul a thu pa chuan ngawi reng in ka ban a tuai hauh hauh bawk. Dar 8 velah chuan cake zei kan tum tan a,Lalzamin in ti thei deuh a hemi room a chei thu a sawi chuan cake a ei hnem ber tur thu ka hrilh vat a,a lawm der thiam asin aw.
Hla min sak sak lai chuan lai zet in ka ding a,eng nge maw an hriat ni an phone an hum fur a,nghahhleh hmel deuh hian min en fur hlawm a. “Ngurbawih i sir lam kha han hawi teh" Ka nu in atih chuan ka hawi phei vak a,rose par bawr leh to hmel zet keng chung hian Zodina chu alo ding reng a. Mak ti zet in ka lo en reng bawk.
“Brooklyn Ngurthansang..min nei duh angem?" Ati sup a,a ngaihna hrelo zet in ka ding khawng reng bawk. Eng nge ka hria ni maw ka mittui chu a hnam nghal sawk a. “La rawh..la rawh" An lo ti rual dual dual nghal a. “Bawihte la rawh!" Ka pa aw ka hriat rual chuan insum hman lo in chu rose par mawi zet chu ka ban nghal a,kut beng dur dur in thil hi an rawn spray chuai chuai a.
“Ka lawm e" Nui suk a tiin ka hmui ah chuan arawn fawp zeuh a,an lo te deuh tung mai. “Ka lawm fe zawk!" Ka lo ti let in ka mittui chu ka tuai zeuh a,a awm ah chuan nghet zet in min kuah bet nghal hlun a. An hlim hlawm ngei mai. “Ka hmangaih che" Ti sup in ka bek ah fawp leh vawng vawng a.
.....
WEDDING DAY
“I mawi lutuk Ngurbawih!" Ka nu chuan ati chhuak hluai a,min chei tu pa chuan in tih theih hmel zet in “A hmel ka ti tha belh anih hi aw" Alo ti zawm zat a. Vawiin ah hian ka mipa hmangaih em em leh duh em em nen pum khat kan ni tak tak tawh dawn a. Ka hlim em avangin ka tah a chhuak hial zawk. Zing kar ah hma tak ah tho in kan chhungkua in tawngtaina kan hmang a. Ka nu leh pa thu min hrilh te kha ka thinlung ah hian ka vawng reng tawh ang.
“Mo hmeltha ber i ni tih hi ka sawi ngam sak ani!" Ka nu thiante chuan an lo ti lut sap sap a. Ka phur bawk si mahse ka zam bawk si chu thawk ka la leh hluai zel. “I tha lutuk ania zam reng reng suh" Zami pawh chuan ati ve sap sap a,mo thian ah ka hmang dawn a,a zam ve viau tih pawh ka hria.
Ka pa in biakin a min kaih luh lai chuan midang mit chu ka chung ah a fu thup a,zam tak ka ni. Mahse ka mipa rin em em leh hmangaih em em in ka kut a vawn tak ah chuan ka zamna zawng zawng te chu chhem bo ang duak ani. Keimah ah in rin tawkna a awm chawp chilh nghal a. Thu kan chham zawh a Pastor in nupa kan ni tih a puan chuan ka hawi chhuak a,ka nu in mittui tling pam chung a min lo nuih sang chuan ka mittui a hnam ve sawk a.
“Ka hmangaih che" Ti sup in ka chal ah chuan a fawp zeuh a. Inneih programme a zawh chuan thla te kan la a,rin ang alo ni lo. Pheikhawk sang ka bun bawk nen ka ke chu kham tak ani,thla lak ngai ala tam bawk si a,ka ke ka chet ka chet mai. “Ka fanu i hmel tha lutuk a nia aw" Zodina nu chuan ka biang chul zeuh in ati a,ka lo nui sen sen.
Zan lam ah chuan nileng in ka ding chau bawk nen Zodina'n tui lum in ka ke min deh sak a. Ka ke a piai leh hlak thin bawk. “A mak e,nupa kan ni ta der chu nia tiraw" Hahdam zet a lo mut pah chuan ka ti sap a,a lo nui ve suk bawk. Min ngaihtuah zia chu hmuh hmaih chi pawh ani lo,ka tha em tih min zawt reng a. A thian thenkhat te chheih a tawh ve phah hial bawk a.
“Ka hmuh tirh atang che khan ka nupui tur i ni tih ka hre sa alawm" Ati sup a,ka lo ner zui sak “I student ka ni chung pawh khan maw?" Ka lo ti sap a “A chang chuan ka zirlai i ni tih ka theihnghilh thin" Ti dam leh dup in ka mal chu arawn chul thuak a. “I sual thei ropui si..kal teh" Tiin a kut ka beng zui hlak a “Hmm..eng nge ka sual na?" Tiin min rawn bawh zui nghal a. “I sual reng...min hrem dan phet anih kha i zawn!" Ti hlar in a hmai ah ka nam deuh dawt a. “Um..anih ka duat ang che" Ti sup in chet ala zui nghal sawt sawt a.
.....
“Ka va hawng ang" Door bell a rik chuan a tho nghal vut a,keipawn ka thil chawh lai ka chawk zui mawlh mawlh. Parsel lian ang reng tak rawn keng pah hian arawn lut a “Thil i chah ami?" Ka lo ti nghal vat. “Chah lo e,i thil tur anih hi" Atih chuan mak ti zet in ka lo en reng a. “Ka ta tur maw?" Ti sap chuan ka bih zui a,ka hming chu a in ziak ngei alawm.
“I en dawn lo ami?" Ka kawng a rawn kuah pah chuan ati sup a “Zan riah ei zawh lam ah kan en dawn nia" Ka ti sap a,ka nghawng seh zui hram in kan eirawng bawl lai a en zeuh a. Parsel chu kan room lam ah a dah lut zui nghal daih bawk. Ka thian ten min surprise an tum amawn le.
Chaw ei zawh chuan ka ti fel a “Lo ti suh ka tih kha!!" Zodina chuan ati hmuk a,hahthlak ti zet in ka lo thaw hak bawk. “A ho e..hmun phiah mai mai alawm" Ka lo ti zui vat a. “Ho lo,lo va thu rawh!" Ti sup in a ti fel zui mawlh mawlh. “Luhlul si" Ka ti zui hlak. Thleng pawh aman a sil a,kan awmpui nula a dam loh vangin an khua ah a haw hrih a,naktuk ah alo chhukthla thei turah ngai ila.
“Rai puar nu" A thleng sil lai pawh chuan min chheih zuk zuk a,ka va han khawng chak tak em! “Sil mai mai rawh" Ka ti zui hlak hlak a. A sil zawh chuan thei min rawn chhawp sak leh thlap a,ka pasal hian min va han care thiam em! Hei aia nasa hi chuan ka hmangaih theih ka ring lo.
Mut dawn chuan kan inbual leh te te phawt a. Kan nupa khum ah chuan thu chung in parsel chu ka hawng a. Rin lo deuh in ka thlalak hlir chu alo awm a,engtik laia lak nge pawh ka hre lo. Ka school kal lai ani tih chu ka hria. Lehkhabu chhah ang reng tak hi alo awm bawk a. Ka thlalak ho chu ka en zui mawlh mawlh bawk. Kan in varanda a ka ding lai te,school ban a ka haw mek lai te,ka chhuah lai vel te ani nuk.
“Tunge niang le?" Ka ti sap a,Zodina pawh chuan alo en ve ran a. Lehkhabu ka keu chuan mak ti zet in ka en reng. LALDUHAWMA tih hawrawp pui a inziak chu page hmasa ber ah alo awm kiau a. Zodina ka melh chuan min lo melh thla ve chiah. “Chhiar la?" Ati sup a,ka bek ah a hmui a nawr nghal zeuh bawk.
29th January 2016
Ka vawikhat hmuhna ah khan keimah ang lo tak in ka en zui vawng vawng a,a hmel a tha in a nui mawi em em bawk. An class ah chuan a langsar fal nalh a. Ka lehkhazir lai in ka lo ngaihtuah leh veng veng zel. A hming chu amah ang bawk in a danglam a,mipa tu pawh chuan an en zui tih ka hria. Kei ngei pawh hian a ruk in ka melh ru ve reng zel. A nui hmel mawi tak ka hmuh ni atang khan ani lo ka thinlungah hmeichhe dang an awm thei tawh lo. Amah hriat tum in ka beng ka chhi zui ran a. Kar khat zet hnu ah chuan ka hre ta BROOKLYN NGURTHANSANGI ani.
Phek khatna ka chhiar zawh chuan mak ti zet in ka melh reng a. “Hei hi Duhawma maw?" Ka ti zui sap bawk. “Keimah ang tho anih va dawn hi" Zodina chuan ati sup a,kan chhiar zui zel a. Awih awm lo hial khawp a min duh zia chu phek tin ah chuan a inziak a. Duhawma chuan ka hriat hma daih tawh atang min lo hre tawh ani tih ka hriat chuan mak ka ti hle. Kan sports lai te a ziak tel a,min duh thu min hrilh zan pawh a ziak tel vek bawk.
Zan a rei deuh tawh vangin mut zai kan rel ta a,tum loh deuh in ka rilru ah chuan a awm zui reng a. “Ngaihtuah lutuk suh" Ti sup in Zodina chuan min kuah nghet sauh sauh a. Keipawn ka kuah let ve nghal zat bawk.
A tuk ah chuan Zodina damdawiin lam ah kal zawk angaih avangin inah chuan kan nula nen chuan kan awm a,kan room ah chuan awmin Duhawma thuziak bawk chu ka chhiar leh a. A hun lai a chut leh hmeichhe ngaihsak lo ka tih khan tawngkam ril tak tak alo ziak ve nual bawk. Mahse,ka hriat chhuah tak chu ka room thlang lawk a hlimthla ding thin kha AMAH ani!
5th June,2019
Min ngaina lo tih ka hria,mahse ka hlat thei lo. Hun ka nei tam tawh lo mahse ani chuan ka kiang a awm pawh a duh lo,min hmu duh lo a,min haw bawk. Ka natna chungchang hi hrilh in ka kiang ah awm tur in ngen ila engtin nge min tih ang? Min ngainep viau angem? Ka hun tlem neih ah pawh a kiang a awm ka duh em em a,mahse ka thil tih sual rah chu ka seng mek zel anih hi.
Damdawiin ah khan lo kal lo ila chuan ka CANCER tih ka hre hauh lo ang,ka in chhir takzet ani. Nitin mai chuan pawisa in engmah a tih theih tak tak loh zia ka hre thar zel a. Ani ka ngaihna erawh a reh thei lo. A kiang ah thlamuang tak a ka thih theih nan London lam ah ka zui ve ta a,mahse min be duh lo,a huatna mitmeng chuan min ti na thin takzet hi a hre si lo.
Min haw viau mahse nitin a amah ka hmuh chuan ka hlim tawk em em tho. Hun la nei tam deuh ila chuan a kiang ah hun hman ka duh asin,ka duh ang chiah a nasa hian min duh ve se he khawvel a mipa rethei ber pawh nih ka huam. Ani ka kiang a a awm chhung chuan ka hlim ani
Mizoram a ka let leh hun ah chuan ka kiang a a awm theih nan a ngen in ka ngen hial mai ang. Hmangaih a nei tih chu ka hria,na tak ka ni bawk. Mahse,ka hun neih chhun ah hian a kiang a hun hman ka duh,ka inchhir in ka ring lo bawk. Ka tan hmeichhe hmasa ber leh thian hmasa ber ani bawk. Chhungkaw hlutna ka hre lo,ani erawh chuan hmangaihna hlutzia min zir tir ani. Dam chakna min pe bawk.
Brooklyn,ka damchhuak a nih chuan i kiang a hun hman ral ka duh ania...
*
Ka chhiar zawh rual chuan ka mittui a dir nghal zung zung a,a ziahna chu a rei tawh tih a hriat. Khawvel ah a awm tawh lo tih hrilh zui ka ngai lo. Kei in ka lo huat em em lai khan alo tuar ru reng thin a maw? Eng vangin nge khatiang khan ka awm!!! Mi pakhat dam chakna pe tu ka nih lai khan engvanga hmasial em em nge ka nih!
“I tha em Bawihi?" Zodina chu arawn tlan lut nghal a,a lo haw lai reng ka hre lo. “Duhawma a thi tawh!" Tiin ka tap zui hawk hawk a. Ka in ngaidam thei tawh kher lo ang. “Hahdam rawh.." Tiin ka chalah chuan a hmui a nawr zui vang vang a. “I hre tawh ani tiraw?" Ka tih chuan harsa tih hmel zet in min en a “Misualpa..engvang in nge min hrilh loh!" Tiin a awm ah chuan ka chum zawt zawt a.
“Ka tihpalh Bawihi,keipawn nikum ah khan ka hre chauh alawm" Ti sup in ka hnung ah chuan a chul a,kei erawh chhuak zet in ka tap a. Min pawm tho lawp in khum lam min pan pui a. “Hahdam rawh le" Tiin ka lu chu a chul zui zat. “Zodin,ka inthiam thei tawh lo ang" Ka lu ah chuan a chul mawlh mawlh a “Engkim a tha vek alawm,in thiam lo duh suh Bawihi..".
“Engtin nge ka in thiam theih ang,Zodin...London a alo kal ve pawh khan a tan ka sual ngawih ngawih asin" Tiin ka tap zui leh hawk a. “Hetiang hian a hmu duh hauh lo ang che Bawihi,hmalam pan la a duh zawk ang...hahdam tum rawh le" Tawngkam thiam lo zet chuan min hnem zui mawlh mawlh.
....
“Min ngaidam ang che aw!" Thlanlung a Duhawma hming ka hmuh chuan ka mittui chu a luang leh zung zung a,ka dar ah Zodina'n min lo kuah nghal vat bawk. “Ka lo hriat har lutuk vang leh sual tak a ka lo awm avang khan min ngaidam ang che" Tiin pangpar ken chu ka dah a. Zodina chuan min lo kuah nghal vat bawk. “Engtik ni ah emaw chuan kan la thi vek dawn alawm" Ka chal fawh zeuh pah chuan ati sup a.
“Aihhh..nang chuan min thih san thei lo,engtin nge ka awm ang!" Ka ti chhuak tiau a “Min kalsan anih vaih chuan ka zui ve nghal ang che" A awm ah chuan nghet zet in ka kuah zui a. “Ka hmangaih che,ka kalsan ngai lo ang che" Ti sup in min kuah nghet sauh sauh a.
“Keipawn ka hmangaih che Zodinsang,min kalsan ngai suh ang che!".
“Kumkhua in i hnen ah ka awm reng ang"
A TAWP TA🕴
A tir atang a a tawp thleng min chhiar sak tu te chungah thinglung takzet in lawm thu ka sawi e. Comment tha tak tak min pek thin vang leh like min pek avangin ka lawm vek e. Next story ah kan in hmu leh theuh dawn nia u
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Show post links
Top