INFERNO BY Hmangaihi Chhakchhuak (Completed)

[Ngaia]

*Inferno*






Chapter Thirty One




Thil chu a thaw leh vawk vawk zel a,ka thusawi tur chu ngaihtuah leh vang vang phawt in a ruk thei ang ber chuan thawk ka la a. Han sawi dawt dawn ila a ni thei chiah bawk si lo. Mahse,a taksa thleng a a nghawng hun ala nei anga,a in enkawl vat anih loh chuan a pawi thui thei dawn tlat. “Sir?" Ka ti nawn leh sap a “Sir? Tiang lo deuh hian min koh la?" Ka biang ah a hmui rawn nawr vang vang chuan ati sup a,ka sawi tur ka theihnghilh tep ani.









“Ah...kan Sir i ni sia lawm" Ka ti sap a,ka kawng a kuahna ati nghet sauh sauh. “I duh duh dan in min koh thei alawm" Ti sup in a thaw chhuak leh ham ham a. Kan boruak nuam zet hi ka ti chhe phal dawn emaw ni? Mahse sawi vat chu a ngai tawh “Anih Zodin tiin i duh em?" A lam hawi pah deuh a ka tih chuan ka beng a seh zeuh “Zodin tih teh tlawng in maw? Min koh duat ve la" Ati leh sup a,a lungawi loh hmel em em mai lehnghal a.









“Naaa..a buaithlak e,Sir tih kha a tha ber" Ka ti chhuak hlak a,a duh lo zel bawk si nen keimah zawk hi ka thinrim et et. “Tha lawm!" Ti sup in min kuah tha sauh sauh a. “Sir?" Ka ti nawn leh sap “Sawi la?" Ka nghawng ah hmai phum deuh hian a awm a,ka koh vel ah chuan arawn hawi chhuak zeuh. Amah a lian bawk sia min kuah hneh lutuk tlat. Hmeichhe te zawk zawk ka ni lo a mahse kei ai tlawt chuan a sang in a lian zawk.










“Min nei tur in i suangtuah ve ngai reng reng tawh em?" Ka tih chuan mak ti deuh hlek hian min thlek a,mahse ka sawi tur chu ka sawi tho ang. Eng zahna pawh tawk ila,ka him na leh a him na a pawimawh ber. “Zantin!" A ti sup a,hmalam chu thil ngaihtuah let hmel zet hian a melh bawk. “Ka sawi awmzia chu...inneih ang chi hi mawle,hei..biakin a in nei ang hian?" Ka ti nawi nuaih a,a nui chhuak nghal hawk hawk.










“Ngaihtuah loh lai ka nei lo zawk,khawi hmun ah pawh awm ila..nangmah,i aw,i rim..i engkim hian min zui ve ni mai hian ka hre thin!" Tiin min kuai hnai deuh a ka hmui ah a fawp zeuh. “Lehkha ka zir zawh vek hun ah inneih i duh em?" Ka ti sap a,mak tih hmel zet a min melh chuan ka lo nuih sen sen. “Nang te hian enge maw i hriat reuh le?" Nui suk a atih chuan a lam ah chuan ka in her rem a.










“I duh lo ami?" Ka ti sap a,lungawi lo tak chuan ka melh a “Ka duh loh i ring em?" Tiin ka hmai zawh ah arawn awn hnai a. “Anih chuan kan innei ang" Ka tih chuan a nui chhuak hawk hawk a “Ka sawm hma hauh che in min sawn tih na mi?" Nui chung a atih chuan ka nui ve sak,a mitmeng de sawr sawr chu khaw thim thet thet kar ah pawh a chiang viau.










“Ka sawm lo che,i duh ang chu ka duh ve tihna ani mai alawm" Ka ti leh vat a,nui hawk in ka biang arawn dawn a,ka hmui ah a fawp leh vang vang. “Mahse,thil pakhat min tih sak a ngai ang" Ka tih chuan chiang zet in min melh a. “I tan leh ka tan a ti tur i ni" Ka ti leh sap a. “Engpawh sawi rawh,ka ti vek ang" Atih sup rual chuan ka thaw chhuak hak a. Ka thusawi tur chu ngun fe in alo ngaithla a.










“I in enkawl thei angem?" Ka tih sap chuan a hmel a hlimna chanve hlawk chu a bo nghal hmak a. A mitmeng rum zet ka hmachhawn nghal a. A ban ah chuan ka vuan nghet sauh sauh bawk. “Eng thu lawi lo nge maw i sawi le!" Ti nghut a thawh a tum chu a nghawng ah ka kuah nghal rawk rawk a. “Ngurthansang!" Vin zet a atih thawt chuan ka kuah nghet sauh sauh.










“Thinrim lo in ka thusawi hi ngaithla phawt rawh" In ti luhlul lui chuan ka ti ve nghat a,mahse ka kuahna chu a phelh a tum nghal “Kha nu khan alo hmu che ani maw? Min duh ve vang ah ka ngai hman a mahse min bawl kual i lo tum mai mai vang anih hi tiraw?" atih hrawk chuan ka chhing sawk a “Chutiang ani lo,min ngaithla teh!" Ka ti rual in ka kuahna a phelh hrawk a.










A thawh chhuah rual in a bul a thil awm awm chu a theh darh nghal hrawk hrawk a. “Duhtawk teh!" Tiin va dan ka tum a mahse mu leh mal a nei tawh lo. Mi a ang mai chuan a che buan buan a,room lam a a thil hmuh ang ang te chu a ti chhia a,a vawm darh rem rum bawk.










Tih ngaihna hrelo lutuk chuan varanda atang a ding chung in ka lo melh ngawt ngawt “Kei hi ka rilru a buai lo!! In thusawi kha dawt vek ani!!" Ti hrawk in lehkhabu in rem te chu a paih darh vek a. “Ka hmangaih che a mahse nang chuan min lo bawl kual char char a! Ka ta i nih loh chuan tu ta mah i ni lo ang!!!" Tiin a au chhuak vak a,amah a lian bawk nen thil chu a peih darh rum rum a.










“A tawk! Duhtawk tawh teh!" Thawk la hrawk hrawk a a din lai chuan ka va ti sap a,mitmeng sen rum in min melh a,a hma ah chuan ding in kan in melh ran ran a. “Eng maw ka duhtawk ang? Min fiam kual leh i la chak vang ani tiraw?" Ti hrawk in kan sir a bang chu a hnek thuai a,a khi nghal that. “I in ti na mai mai..duhtawk teh" Ka ti leh vat.










“Anih chuan khapa bulah khan va kal rawh...kal ta che..a bul a awm i duh vang ani lawm ni mi â enkawl na a awm tur a min duh..." Atih chuan ka thaw chhuak hak a,tun a a awm dan hian min ti na takzet. Ka haw viau amaw ka tih lai in ka thinlung ah a tla na zel tih a hre kher lo ang.










“Chutiang ani lo,sawi tha ang" Ka theih anga nem a biak chu ka tum hram hram “Hah! I pan anih pawn in hlim rei ring suh u! Kha nau kha school dang a a luh theih loh nan ka siam anga..ala pan talh che anih leh ka that mai ang! Eng pawh tise i lam hawi zawng pawh a a awm ringawt pawh ka that ang!" Nui chhuak hawk hawk pah a atih chuan ka melh ngawt ngawt ringawt.










“Ka sawi chu i hria em? Nangpawn i pan anih chuan ka that ve ang che!!!" Atih hrawk chuan ka phu zawk a,rawn che vut in khum ah chuan min nam nghal nawk a. Ka chung ah arawn bawk ve nghal a. “Nizan khan i chungah tunge thu tih i sawi zo chiah ani lawm ni? Nge hrilh nawn leh i ngai zawk?" Nui chung a atih chuan ka thaw chhuak hak a.











“Aih..khawngaihin duhtawk teh!" Ka tih chuan a nui suk “Ka chhuah che anga,chuan ani kha iva pan anga...kei min dah bo dan ngaihtuah in phone ah khan in in be leh vel anga?" Atih chuan lu ka thing nghal nawk nawk “Ngurthansang a mitmeng kha ka hriat thiam loh i ring ami?" Ka lu bul lawk chu arawn chum dawt a.










“Ani khan min duh mahse kei chuan nang chauh hi ka duh che!" Tap tuau a ka tih chuan a nui hawk a “Imm..mi a damdawi in ah min dah theih nan i tap der vel amaw?" Atih chuan lu ka thing leh nak “Zodinsang min ngaithla rawh!" Tho vut a kawngkhar lam a pan chu ka ti that a,a ding nghal dat bawk. “I dawt sawi vang mai mai khan i thusawi ka zawm ring hauh suh!" Ati nghut a,a kut khur der der chu ka hmu phe ruai.











“Aw....ani khan min duh thu a sawi ngei alawm..mahse..kei chuan nang chauh hi ka duh che,eng ang pawn lo awm la..dam lo in i sam tla kawlh vek pawh nise nang chiah ka duh zel tho ang che" Ka ti chhuak chiam a,ka mittui tla chu duh lo zet in ka tuai nghal nawk.










Muangchangin arawn in her a,a mitmeng sen rum chuan min melh ran a. Hlauhna ka in hneh tir tur ani lo!










“Engmaw i sawi?" Ati sup a “Ka duh che,Zodinsang...ka duh che!" A mit a melh ran chuan ka ti sap a,ka tah na vang chuan ka biang a huh vek tawh. “I tan leh ka tan i ti thei mai lo ami?" Ka ti chhuak leh sap a,ka mit a min melh ran in a ding reng a. “Kan pahnih in i natna hi kan enkawl dawn nia,nangmah chauh chuan ka tawrh tir lo ang che...hun reilo te chhung ani mai khawngaihin?".










“Kei hian eng natna mah ka nei lo,ka rilru a buai hek lo...ka tha vek!" Ati sup a,thaw chhuak hak in ka pan a “Lehkha ka zir zawh vel ah kan inneih tur thu kan sawi kha? Chu chu min tih hlawhtlin pui thei lo in i...." A thawk hrawk vang chuan ka tawp dat “I bul ah ka awm zel ang,tu mah ka melh san lo che nga ka hmu ngai bawk lo ang. A chhan chu ka thinlung chu mi pakhat tan ani tawh" Ti sap in a mit ah chuan ka melh ran a,a mitmeng rawn rum leh tawlh tawlh chu ka hre thei.










“Mipa dang in i thinlung an kawl tawh thu chu engvang a sawi tel kher nge i nih?" Insum zet chuan ati chhuak nghut a,thaw chhuak hak in a thinrim vang a a hmai sa ham ham chu ka kut vawt thler chuan phak leh phak lo in ka han vuan a. Min en theih nan chuan ka kuai a,mahse luhlul zet in a hawi sawn duh miah lo.








“Zodinsang min ngaithla rawh!" Ka tih vak chuan arawn hawi ve ta hram a. “Ka duh che ka tih khan i lungawi nan a sawi mai mai ka ni lo,tih lungawi nan che in chutiang thil chu ka sawi mai mai lo bawk ang!" Ka tih sap chuan hriat thiam har deuh hian min melh a. “Huat che tum mah ila ka thei lo...a chhan pawh ka thinlung hian a thei lo! A chhan chu i hre mai lo ami?" Tah insum zet a ka tih chuan min kuah nghal hrawk a,a awm ah nghet zet in min pawm a.









“Kan hma hun atan nang leh kei hi kan pawimawh ber,engvang in nge midang kan mamawh rihngawt ang...chuvang chuan khawngaihin.." Ka han melh nghal vat a,thaw chhuak hawk in a awm ah nghet zet in min kuah leh nghal.





_______–_______–_____________–____________–___





“Muttui aw?" Ti sap in kawngkhar ka hawng a,min rawn melh vut in ka nghawng ah a vuan a min fawp nghal zeuh. “Damdawi theihnghilh lo la" Ti sap in ka fawp let ve zeuh a,a nui chhuah hawk chuan nui ve hak in ka chhuak zui nghal a. A tlan liam chu ka tlir reng a.









Tun ah hian khawvel a mi hlim ber ka ni hial ang. Sir in in enkawl a pawm hlauh chu keimah hi ka lawm ber zawk,nichin lawk pawh khan a duh lo viau a mahse kan hma hun a in nghah zia ka sawi avangin a pawm ve ta hram anih kha.











“Iva lo haw tlai ang reng ve?" Ka pa in atih chuan “Nia..thian thenkhat te an lo kal ve leh a" Ka ti sap a,dawt sawi lah chu ka tlachham lo nasa mai bawk sia. Ka rilru pawh a nuam lo ang reng viau ani. “I nu leh i u thenawm ah an leng lawk a,ka va kal ve lawk ange," Ka pa in ding uai in ati a,Rohlupuiin phone khawih chungin tv alo en ve kar bawk nen room lam ah ka chhoh san ta daih a.









Ka thawmhnaw chu thlak in bathroom ah ka lut a,tui lum awm sa chu hmangin ka inbual nghal a. Ka nghawng a duk kulh chu a tih reh theih bawk si lo a,Sir ka haw thar ngawih ngawih. Sam thlah reng ala ngai tel zui bawk nen.










Ka inbual zawh chuan chhuak in ka inthlak nghal a,in hnuai lam ah chuan ka chhuthla leh ta daih a. Ka phone pawh ka charge nghal bawk. “Tinge i len ve loh?" Ka tih chuan arawn hawi vut “Ka peih teuh lo...an tlangval min melh dan saw ka ten chi" Alo ti mai a,ka ner nghal nang bawk. “I zak em! A duh awm lo che em mai" Tiin remote chu ka lak sak nghal a.







“I hrelo anih kha kan school ah te chuan ka luck lutuk...in building hran vang mai mai in i hre lo anih kha" Atih zawm zat a “Keimah vang bak in i luck lo ang nge" Tiin couch ah chuan ka mu rem sauh sauh a. “In building ah khan mipa chhelo deuh an awm asin,kan star deuh vek hmeichhia chuan" Atih chuan ka melh ha a “Sir Zodina maw?" Ka ti ha “Sir Zodina chu a strict an ti lutuk a kan hlau vek zawk mahse star an tam mai,a bik in higher ah a tla na zawk mahse student zawk ah nia ka sawi".










“Tu te maw?" Ngaihsak lo awm ang deuh chuan channel ka hmet sawn a “Basket ball thiam deuh Caleb leh Muansanga te kha an star nasa tawp a,chuan Duhawma pawh khan star tu a nei teuh mai" Atih chuan ka ner sak,mi lak tlak loh pathum nghal loh chuan. “Ka kid te vek an nih chu" Ka ti sam et a,min ei lo nasa mai.






_____–________–_______–__________–_________–____



Ni chu a ral ve leh zel a. Sir pawn in enkawlna a dawng ve mek a. Keini pawn school kan kal leh tawh a,Sir Zodina chawlh hmak vak vangin hmeichhe thenkhat ho an nguai deuh bur in ka hria. Sir pawn buaina a siam leh zeuh zeuh zel a. Kei nen pawh kan in hmu khat ang reng viau bawk. School kal alo ngai a,work min lo pe leh neuh neuh bawk nen ka hmu lutuk thei lo a.









“Sir explain pawh kha ka hriat thiam loh tawh tehreng nen..saw pa explain phei saw chu ngaihna awm tlawt lo!" Zami chuan ati nang nang a,Sir chu a chawlh miau vang in a ai ah mi an rawn kal a. Chutiang lutuk a thiam lo ani lo a,mahse Sir Zodina explain kan lo ngaithla ngun bawk nen kan bo lek lek ani.








“In pa chu koh haw tawh mai teh,ti hi chuan kan fail zo vek mai dawn" Zami bawk chuan ati leh hak a,midang chuan a zin amaw an ti vek a kei leh zami chiah in a chhan kan hria. “Brooklyn-i chhan tu tur an awm tawh bawk si lo a,a lung a leng awm!" Lalzawmpuia'n atih chuan “Leng e leng e..lo haw teh se ka vuak tir nek ang che" Ka tih hlak chuan “I a mai sia...i lo sawi tak tak ange Mawli!" Ati hluk.








“Tak tak in a tha zel maw?" Zami chuan ati sap a “Tha ang,ka hmuh loh na a rei ve deuh tawh a" Ka ti sap a “Alo thinrim viau ange?" Ka thaw nghal hak “Nia..Hun in min daih lo ani ber mai hi" Ka ti hak a.






..




“Awii!" Lehkhabu ka rem fel zo ka kal tur chiah chu Duhawma alo ding run a,nasa fe in ka phu dawrh a. “Min ti phu lawm!" Ka in rin hma in ka ti nghek. Ka thin zawn chu ka dawm vang vang a. “Ka tihpalh" Ati sup. Keipawh tlem chuan ka inthiam lo ve leh deuh. Eng a mah hma in ka lo vin chiam hman a.








“Ka tihpalh zawk anih kha" Nui sak chuan ka ti ve vat a a nui ve suk “Mamawh i nei ami?" Ka ti sap a,kawng kalh tur in ka in ring ran tawh. CR nih ka nin na em em pakhat ani,an haw vek tawh hnu ah en fel leh vek angai a. Zorina lah coching kal a ngai bawk nen min haw san deuh ziah tunlai chu.








“Nei lo e,ka nghak che" Ati sup a,hlim hmel a put lai reng reng hi ka la hre lo. “Anih chu ka kal dawn nia" Ka ti sap a,rawn pen luh chuan ka melh nghal a “Hman zan a ka thusawi kha" Atih sup chuan ka thin a phu nghal dat dat. “Theihnghilh rawh,thian nih hi a tha ber" Ka ti chhuak sap,enge a ngaihtuah hriat miah loh chuan min melh a. “Thian nih chu duh lo ta ila?" Ati sup,midang an haw vek tawh bawk nen kan pahnih chiah in classroom ah kan awm.








“Enge i sawi awmzia le? Chhuak vat ang" Ti sap a chhuah ka tum chu bang ah min nam bet nghal rawk rawk a. “Thian nih ka duh lo ka ti anih chu" A awmdan mak zet vang chuan ka en reng ringawt a. “Tiang hian awm lo teh,mi an lo kal ange?" Tiin a awm ah chuan nam ka rual a,mahse min chelh nghet sauh sauh “Duhawm?" Ka tih ha chuan “Ka duh che!" Ati sup.








“Min hrethiam rawh,bialpa ka nei" Ti sap in ka nam let leh tang tang a “Sir Zodina ani tiraw?" Atih nghut chuan ka melh haw “Zantin in in hmu ru thin ani lawm ni?" Atih leh sup chuan sawi tur hre lo in ka melh reng. “Ka bul ah awm rawh,i tan chuan a upa mah mah,miin an sawi dan tur che i ngaihtuah miah lo ami?" Atih nghut chuan mak ti zet in ka en reng.








“Min thlah teh tinge hetia i awm a!" Ti hlak in tal chhuah ka tum leh a mahse a chak mah mah “Ka duh na che a rei tawh Brooklyn!" Ti sup in ka hmai zawn ah arawn kun hniam nghal ngul a. “Duhawm! Bialpa ka nei ka tih chu min thlah rawh!" Ka ti nghal vak a “Ani kha kalsan la ka bul ah awm rawh" Ati sup.







“Miin min sawi dan tur ka ngai pawimawh lo,min thlah teh..ka kal duh ania" Tiin ka tal leh vak a,mahse a chet dan chuan min thawng takzet. Ka hmui ah chuan a fawp nghal tawn tawn a,Duhawma a ni ta lo amaw tih tur hian in a awm. Ka tal vak vak a,mahse min fawp na sauh sauh a. Ka kut chu chet in a awm ah chuan ka nam vak vak a,min thlah rual in a hmai ah ka beng nghal chawrh..








“Vawikhat mah kan inbe leh tawh ngai lo ang!" Ti zui in ka chhuak nghal,ka thin chu a phu dup dup a mahse Sir Zodina bul a ka awm lai a a phut ang kha chu ani hauh si lo.










Ka phone ri vang chuan ka harn hlawl a,meng thei lawk lo in ka chhing leh vang vang. Tun ang zan tlai tawh ah tunge niang aw. Number hlang tawp hi ani a. Tu tak mi ang maw?



*Hello?*

*Hello,Brooklyni ani em aw?*

*Aw ni e*

*Zodina nu ka nia*


Ka harh nghal kawk in ka hria


*Bawihi hospital lam ah i rawn phei mai thei angem le? A inthlahrun awm viau na in ka fapa hian i hming a lam reng a,buaina a siam nasa tawh bawk nen a taksa in a zawh loh mai kan hlau a...*



*Tun ah hian maw?*

*Aw..khawngaih in ilo kal hman mai angem le?*


*A..aw...aw le ka lo kal dawn nia*




Dar zat ka en chuan dar 2 alo ri tep tawh a,engtin nge ka kal theih ang le. Ka chhungte chu ka kai tho thei bawk si lo. Ka u room lam ah chuan ka phei vanneih thlak tak in a kalh lo hlauh. Ka va ti harh a,chanchin ka va hrilh ve nghal a “Scooty in kal tawp mai ang" Atih chuan ka lo aw vat a. Ka U pawn scooty a khalh thiam ve tho bawk nen thawmhnaw lum lampang ha in kan chhuak nghal a.










A hmun kan thlen chuan nu pakhat leh pa pakhat hi an lo awm a,an lan dan atang ringawt pawh chuan an zahawm tih a hriat. Nu zawk chuan min hmuh vel ah ka kut alo vuan nghal a,room chhung chu a ri bur tih ka hre thei. “Bawihi,ka fapa saw i be thei angem?" ati nghal vat a.





......
Christmas is coming so soon right


Show post links
Top

[Ngaia]

*Inferno*






Chapter Thirty Two


“I hming lam in buaina a siam reng a,ka fapa awm dan hi ka hrethiam tawh bik lo..enge maw kan tih sual bik le,hetia awm tur hian ngaihtuah pawh kan la ngaihtuah chhin ngai lo" Chuai raih hian ati a,a mittui rawn tla tur chu kan awm deuh thup vang in a dang tang tang tih ka hre thei. “A muhil tawh em?" Ka ti sap a “Mut awm pawh ka hre lo,a room chhung ah luh an phal si lo a,darthlalang chhah zet atang bak in an rem ti si lo a,a that leh that loh pawh ka hre thei lo" Atih chuan Sir Zodina pa ni ngei tur chuan a dar ah arawn kuah nghal vat a.










“Nangmah ni pawn in hmu thei lo anih chuan ka hmu thei bik dawn mawnle?" Ka ti leh sap room chhung ami thawm lah chu a nasa mai bawk sia,a kawchhung ah ramhuai a lut ta amaw tih mai tur ani. “A doctor in koh tur zawk che in min tia,phone kawl tir an khap bawk nen i number ka la a ka rawn phone tawp mai che ani" Ati chuai leh raih a,a fapa a hmangaih zia leh ngaihtuah zia ka hmu thei.










“Ka va hmu ange,mahse engtin vak a awm ka ring lo" Ka ti leh nuah nuah,min hmu lo ringawt pawn buaina a siam a,min hmu phei se chuan. “U pawn ah hian min lo nghak mai la?" Ka u bul ah chuan ka ti a “Aw..va lut vat rawh,harsatna a awm chuan rawn chhuak vat rawh aw" Min ngaihtuah zet in ati a,Sir awmdan chuan a ngaih a ti tha lo ve tho aniang. “Ka tha mai ang" Tiin a ban ah ka beng zeuh.










A room kawngkhar hma ah chuan ka ding a thawk ka la vang vang “Doctor kan be lawk ange!" A kawngkhar bul ah chuan mipa khat sang vak lo hi alo ding a,doctor chu a be nghal vat. “Buaina awm chuan plug bul a bell sen kha i hmet mai dawn nia" Tiin kawngkhar chu a hawng riai riai a,muangchangin ka pen lut a,dim te in a khar leh nghal vat.










Room chung chu ramhnuai chetna ang mai hian a hnawk nuai a,Sir ber pawh chu ka hmu lo. A vawt deuh vur a,puan leh lukham te chu chhuat ah a let pheng phung bawk. “Sir?" Ka ti chhuak sap,mahse thawm engmah a awm lo. Ani hi a tlanchhuak ani mai lo maw?









“Sir?" Ring deuh zawk chuan ka ti leh a,varanda atang mit sen rum hian arawn lut a,min hmuh chuan mak ti hmel deuh hlek in min rawn en vung vung a. Nui suk in min melh deuh vung vung. “I tha em?" Ka tih sap chuan mak tih hmel zet in min en leh a,muangchang in min rawn pan a,slipper tak ngial pawh a bun lo a,damdawiin kawr deuh reuh hi a ha bawk. A hmel chu a that ngai reng in ala tha reng,mahse a cher deuh hlek tih ka hre thei.










Ka hma ah chuan a ding a,a kut chu rawn lek chhuak ruai ruai in ka biang chu arawn tawk da da a,ka kut chu ka vuan ve nghal vat. “Ka mumang ani em?" Ka hriat tur a sawi pawh ani chiah in ka hre lo. A kut chu a hik thler a,ka vawn hnan vang vang. “Min lo ngai em?" Ka ti sap a,a awmdan chuan ka mittui a koh chhuak tlat pek a. “Ka â tak zet tawh anih hi" Ati leh sup.










Ka in rin hma in a awm ah chuan nghet lutuk in ka kuah nghal a. “A tak tak ka nih hi,min ngai miah lo ami? Tinge ti khan i awm vak vak a...min hmuh khan min rawn kuah vat ta che,min ngai der mai mai tur in nga tinge buaina i siam vak!" Tap chhuak hak chuan ka ti vak a,ka sam chu a chul heuh heuh a “Mumang nuam tak anih hi!" A ti leh sup.









“Zodinsang! Min en teh! I mumang ani lo!" Thinrim zet a ti chhuak in ka kuahna ka thlah nghal nawk. Engvang a thinrim ngawt nge maw ka nih le? Nidang ah chuan hmuh ka hreh in hmuh loh dan phet ka zawng thin kha nia. Mahse,tun ah a mumang a min hmu ang mai a a awm hian ka thinrim ngawih ngawih,min kuah let lo a a awm tawp te hian min ti na.










“Bawihte?" Ti sup in arawn pen hnai leh dat “Min ngai ve miah lo ami?" Tah insum zet chuan ka ti leh sap a,“A tak ngei in ka khawih che tiraw?" Tiin ka ban ah vuan in min pawt hnai hrawk a “Imm.." Ka ti leh sap,nghet zet chuan a awm ah min kuah leh nghal thlawp a. Ka kalsawn hlau in min kuah a. Thawk harsa lek lek in.










“Ka mumang ani lo tiraw Bawihte?" ati sup a,ka chhang tha thei lo min kuah nghet lutuk a. “Ka thaw tha thei lo ania" ka tih pawn min kuah tha sauh sauh. “Ka ngai lutuk che..." Ti sup min ka chal ah a fawp a,“Tinge buaina i siam leh vak thin?" Ka ti sap “Ka bul ah awm reng rawh" Alo ti daih thung.










Engtin tin emaw khum ah chuan kan thu dun thei hram a,a lukham leh puan tih tlak vel chu ka chhar a,ka kal bo thlau zet in a bul ah alo ding ve ran bawk. “Khum ah khan mu la?" Ka tih chuan lu a thing a. “Ka mut hlan in kal bo i tum ami?" Ati sup,a hmel ah manganna ka hmu thei. “Hey...ka kal dawn lo,i taksa hian hahdam a mamawh a,chuvang chuan reilo te mu rawh" Ka ti vat.










“Ka mumang ah i chang leh daih anga,khawi hmun ah pawh i aw ri ka hre leh anga,bang chhan atang i nui ri ka hre leh reng anga. Ka zawnna lam ah che ka inhliam leh anga,ka hmuh loh vang che a thinrim in damdawi min rawn pek tum apiang thah ka tum leh anga..." Min melh vang vang pah a a tih sup sup chuan sawi tur ka hre tawh der lo. “Damdawi i ei tawh em?" Ka ti sap “Ka mamawh lo" Alo ti nghut,ka thaw chhuak hak.










“Anih chuan keiman ka ei tir ang che aw?" Ka tih chuan a lu a thing a. “Ka ei tir che pawh i duh dawn lo maw?" Lungawi lo ru deuh chuan ka ti leh sap a,a thinrim ka hlau ve leh bawk si. “Bawihte..ka mamawh lo" Ati sup a,ka ban vuan in a mal inkar ah chuan min din tir nghal a,ani khum chung ah a thu a,kei ai ala sang tho.










“Ka ei tir che anih chuan i ei ang tiraw?" Ka ti sap a,mahse min chhang lo in min melh reng. A drower chu ka hai a,mahse engmah a awm lo. “Tah hian lo awm rawh aw" Ti a kalsawn ka tum chu ka ban ah min pawt let hrawk in “Ka mamawh lo ka ti chu!!" Arawn ti vin hrawk a,ka phu zawk.










“Hetia min vin reng chuan ka bo leh daih mai ang!" Beidawng lutuk chuan ka ti chhuak sap a,a hmel a thinrim na pawh ka hmu thei. “Damdawi ei la,chuan kan mu hahdam vang vang dawn nia" A biang ah vuan in a mit a en kal chuan ka ti a,a thaw chhuak ham ham. “Ka rei lo ang,min lo nghak rawh. Ka rawn lut leh nghal ang" Tiin a hmui ah chuan ka fawp zeuh a,min dang tawh lo na in min melh char char.










Pawn ah chuan chhuak in kawngkhar chu dim te in ka khar a,pawn ah chuan a nu leh pa leh ka u te chu an lo ti ti vel mek a. An bul ah mipakhat kha alo awm ve bawk. “Enge a an?" Sir nu chuan alo ti vat a “A inbeng dai deuh tawh" Ka lo ti sap “Khawngaihin a damdawi ei thin min lo pe thei angem,chuan sleeping pells nen aw?" Ka ti vat a,chupa pawh chu a tho vat a. Reilo te ah tui bottle nen alo phei a. Ka lo ban nghal vat.










Room chhung ah chuan ka lut leh a,min hmu chu hahdam huai hmel a pu nghal a. “Ka kal dawn lo ka tih kha" Nui var var a ka tih chuan min melh reng a. “Kha le" Tiin damdawi chu ka pe a,a ban ve mai a mahse ei a tum hmel teh chiam lo. “Ei ta che?" Ka ti vat “Ka mamawh lo ka tih kha" Ati sup. “I ei lo chuan ka bo daih dawn nia,luhlul lo khan ei la mut vat teh ang ka mut a chhuak tawh ania" Ka ti bawrh bawrh,min en run chuan ka lo tawng hnem hman tih ka hre nghal a.










“Ei rawh le i fel kha" Nuih pah a ka tih chuan a nui ve suk a,damdawi chu a ei ve mai a. Khum ah chuan kan mu a,ka awm ah a bei ve ngei a,nghet zet in ka kawng ah a kuah ran bawk. “Kal bo suh" ati sup a “Muhil rawh" Ti sap in a sam chu ka khawih sak niap niap. “Midang ngaihtuah suh,kei chauh min ngaihtuah rawh...ka ta chauh i nih hi,ka bul ah chauh i hlim bawk tur ani" Ati leh sup sup thin a.





.





A muhil tih ka hriat vel ah chuan dim zet in ka tho tham tham a,a rum nghut ri ah chuan ka tawp leh chawt. A ban chu ka la sawn riai riai a,sleeping pells vang nge ka rin ai a muhil hma. A harh loh vang chuan ka lawm hle bawk. “Ka lo kal leh vat ang,buaina lo siam lo la..nangmah chauh ka ngaihtuah che nga,ka bul ah kum khua a awm tur in i dam vat angai ania" ti sap in a hmui ah ka fawp vang vang a.











“A muhil ami?" Ka chhuah rual chuan Sir pa chuan alo ti vat a,lu ka bu nghal vat. “Kan va han lawm em aw" Alo ti dut a,pa tawngtam loh hmel zet anih hmel “Kan lawm lutuk aw Bawihi,nidang ah pawh ilo kal thei angem? Buaina a siam reng bawk nen nang i awm chuan a in beng dai thei lutuk ang" Sir nu chuan alo ti ve vat a. “Ka hrelo le" Ka lo ti ve sap “Bawiha hian a duh hle che tih ka hre mai e,naupang viau mah la nangmah i puitling hle mai".










“Brooklyn kan haw dawn mi?" Ka u chuan alo ti vat a “Anih chuan kan kal tawh ange" Ti a in mangtha in ka u nen kan chhuak zui nghal a. “A nu leh a pa an hmeltha em mai amah hmelchhiat ngaihna awm lo anih kha" Ka u chuan kan chhuah vel ah ati nghal a,ka lo nui mai “A thawm a ring bawk nen ka ngaihtuah lutuk che a,mahse eng em a thleng lo a a tha anih hi...tiang ang tak ah min atchilh tu hi nei ve ila" Atih chuan ka lo ner sak.










“An atchilh ngat che anih chuan i sawi hma i ngai vawng vawng mai ang" Ka lo ti daih thung. In lam ah chuan kan inkhalh haw a,zing lam ani tep tawh bawk nen motor pawh kan tawk zeuh zeuh ringawt.




..




“Khawnge in unau khan in kal?" Inchhung kan lut chiah chu ka nu leh pa sitting room ah an lo thu kur a,kan phu nghal zawk. Ka u kut chu ka vuan nghal vat a. “Rawn thu teh u!" Ka nu chuan lungawi lo zet in ati hmuk,muangchangin kan thu thla a. “Zahpuiawm lutuk! Khawnge in kal a? Zan rei tawh ah lehnghal kan phalna la lo in? Enge in va tih a?" Ka nu chuan a ti vin thawt a,ka pa in alo khap vat.










“Min chhang ta che u,hmeichhia lehnghal zan rei tawh a chhuah ruk te kha!!" Ka nu chuan ati leh a,a thinrim hmel kher mai. “Khawnge in kal?" Ka pa chuan ati ve nghut a,ka pa a tawng tawh a chhan loh ngam pawh ani lo. “Pa..damdawiin ah kan kal a" Ka ti sap a,ka u kawr ka tham ngawt ngawt. “Chung te chu min hrilh thei lo ami? Tunge awm reng reng a?" Ka pa in atih leh chuan ka thaw chhuak ham ham “Sir Zodina" Ka ti sap.










Ka nu chu arawn ding nghal uai a,min beng dawn amaw ka ti hman “Ngurthansang! In Sir zawk chu iva pan amaw? A hmeichhia zawk lehnghal! In in ngaizawng ami?" Ka nu chuan ati thawt a,ka pa in alo khap hram hram. Chhang lo chuan ka ngawi reng a. “Nu..an Sir kha hospital ah a awm a,chuan a nu zawk in alawm koh" Ka u chuan alo ti ve thuai a.









“Naupang te te si,an chhungkaw koh phar theih mai mai a awm te kha i zak lo ami? A fanu ang rual lek i nih kha...mo atan pawh an duh dawn che mi? Zan rei tawh a koh chhuah zuk zuk theih te kha i zak lo ami?" Ka nu chuan ati leh a,ka awm a nuam lo takzet. “Lehkha in zir amaw tih lai in ngaihzawng buai in in lo buai nghal der a,in school kal theih nan hian kan dam hun zat ve kan hmang asin.." Ka nu chuan ati leh nghat.










“Tihpalh nu" Ka ti sap a “In Sir lehnghal,midangin an sawi dan tur che i ngaihtuah miah nange..i kum leh a kum hi an ngaihtuah chiang teh! Eng rilru nge i put tak le?" Ka nu chuan beidawng lutuk in ati leh a,ka ngawi kar ringawt. “Aw...a tawk! I u bulah lehkha i zir ve tawh ang,i u kal rual in kal ang che!" Ka pa in atih nghut chuan ka meng nghal kawk.









“Maw?" Ka ti nghal sap “I u bul ah lehkha i zir ve ang! Ka thusawi hi ka sut mai mai tawh lo ang,naktuk atang chuan school kal tih loh chu i chhuak tawh lo ang!" Ka pa chuan ati leh nghut a “Ka duh lo..." Ka ti nghal ruai “In nau entawn tur te zawk in ni a,i nau hriat ah phei chuan tiang hian khawsa reng reng suh ang che u" Ka pa chuan ati leh nghut a.









“Ka duh lo...a laklawh alawm,hetah nga tinge ka zir theih loh?" Ka ti leh nghal ruai “Ka sawi chu thu tawp ani" Ka pa chuan ati leh nghut “Tihpalh pa,ti khan ka awm leh tawh lo ang mahse hetah ka zir zawm duh" Tap tuau chuan ka ti chhuak nghal a “Ngurthansang!" Ka nu in alo ti ve that. “Ka tihpalh ani,ka ti leh tawh lo ang" tap chung chuan ka ti leh a.









“Ka thusawi ka sawh sawn dawn lo,han mu rawh u!" Ti nghut in room lam ah a phei a,“Zanin a inkhawsak dan kha Pathian hnen ah ngaihdam dil ang che u" Ka nu chuan ti sap in room ah a lut ve nghal daih a. “U,London ah ka kal duh lo" Ka u chuan khawngaih hmel tak in min melh a,ka duh lo takzet! Sir Zodina'n min mamawh,tun ah chuan ka kalsan thei lo. Ka awm vang ringawt a a danglam zia te pawh kha ka hmu vek.








...




“Ngurbawih tho rawh le?" Ka nu chuan ka parda zar that mawlh mawlh pah in ati a,ka meng hleithei lo. “Insiam hun tep ania,lo chhuk rawh aw" Tiin min chhuah san a,nguai bur in ka tho chhuak a. Darthlalang hma a ka in en chuan ka mit a bui vek a, ka tahna vang in ka mit a sen ram bawk. Ka pa in a thusawi a sawh sawn ngai tawh bawk si lo a,ka kal ngei dawn tih ka hria.









“In zo vek rawh aw?" Ka nu chuan ti vat in bawnghnute min pe a,ngawi reng chuan ka in a,ka mut a chhuak a,ka chau ve viau bawk. Ka u pawh ala tho lo a,ka nu che mawlh mawlh chu ka en reng a. Nizan a ka chhuah vang khan a rilru ana in a thinrim tih ka hria,a mit ah pawh ka melh tha ngam thlawt lo.










Ka insiam zawh chuan chaw ei tur in ka chhukthla leh a,ka u pawh alo chhuak ve chhat chhat a.Nui hmel ka pu lui thei thlawt lo. “Vawiin ah ticket chu ka lo la anga,tun kar chhung school vel buaipui ka lo tum bawk dawn nia,chuan karleh zirtawp vel a kal thei tur in" Ka pa chuan ati sup a,ka chaw ei lai ka tawp dat. “Pa,au kal ve dawn ami...ka kal ve duh asin" Ka nau chuan alo ti nghal a,ka pa chuan a nuih mai a.







.




“Iva sad ve tinge?" Lalzami'n min hmuh rual chuan alo ti vat a,chanchin chu ka hrilh ve vat a. Min khawngaih hmel ve viau bawk. “Avan pawi tak,i chhungte hrilh lo in in lo chhuak kher kher a...in inngaizawng tih an hriat chhuah phah lehnghal" Ati ve sap.









Class lak lai pawh chuan ka zawi nguai a,ka nui lui thei bawk si lo a miin min biak na pawh ka chhang peih lo.









“Mahni a awm ka duh ania" Ka ti sap,tun ah tak chuan a hmel hi a hmu peih thlawt lo. “Ramdang ah lehkha i zir zawm dawn niin ka lo hria a?" Atih sup chuan ka thaw chhuak hak a “Min be suh!" Ka lo ti sap “Brooklyn" Ati hmuk rual chuan “Duhawm min be suh ka tih kha..ka nun harsat tawh tehreng nen hian keimah in min awm tir mai mai thei lo ami?" Ka ti chhuak nghek a. Cool zet chuan min melh reng bawk.









“Nang tal hi chuan min tibuai lo tur i ni asin!" Ti leh sap in inhnuai lam ah chuan ka tlan thla a,hmeichhe toilet ah lut in midang hriat hlau zet in ka tap a,Sir Zodina hmu tawh lo tur a ka inngaih rihngawt pawn ka na vawng vawng a. Ka chhungte rilru thlak sak thei ka ni tawh lo ti erawh ka hrechiang viau si.





......



“In in pack fel zo tawh maw?" Ka pa in atih chuan ka nu in alo chhang vat a,pawn lam melh vang vangin ka thu ngawi kar ringawt. “Bawihte i nu thil dah tur ho kha en pui ve rawh aw" Ka pa chuan tiin a chhuak zui nghal a. Ka thaw chhuak hak. “Hetiang thu hi kan hriat tawh lo hram ka beisei..ka fanu i ni a,i hma hun a chhiat ka hlau bawk,i tan chuan a upa mah mah a chuan i kum in ngaihzawng neih a pha ka la ti lo bawk" Ka nu chuan ka thawmhnaw dah that mawlh mawlh pah chuan ati a.











“I pa hmuh ah phei chuan rilru na ang khan awm reng reng suh ang che,kal tir che a hreh zia pawh ka hria. Mahse fate that nan chuan engpawh tih kan huam" Ati leh sap sap a “Nu...engtin mah kan awm ngai lo" Ka ti sap a “In Sir ani a,ani ai sawi sep sep i kai nasa dawn..ti hian a ngaizawng der che nga,i tul vel ah a nei leh duh lo che anga,i nun a chhe vek mai ang" Ati leh sap sap a.








“Nu,Sir hi a sual lo asin" Ka ti leh sap “Ka hria alawm,mahse in kum in ala pha lo. Nupui leh fa nei rual ani tawh a,i awm bo chuan a theihnghilh zui ve mai ang che...mipa hi rin nghal ringawt loh tur. Ani phei chu Doctor ani leh nghal a,an khawsak a sang si..hmeichhia hel tu a ngah dawn lutuk!" Ka nu chuan ati leh sap sap.









“Nu,anih chuan vawikhat tal mangtha nan ka hmu thei angem?" Ka ti sap a,min rawn en nghal vat “Khawngaihin,chuan ka theihnghilh tak tak tawh ang" A ngen in ka ngen ani ber “I pa ka lo sawipui dawn nia" Ti sap in ka bag a siam chhunzawm leh mawlh mawlh.

...
In comment chhiar a nuam thei khawp mai
...


Show post links
Top

[Ngaia]

*Inferno*






Chapter 33



“Ka chhuk dawn nia,i u kha rawn koh thla la chaw ei har lo ang u zanin ah inleng neuh neuh kan nei leh dawn a,an lo kal lai a lo buai kha a tha lo" Ka nu chuan tiin a chhuk nghal a,keipawh ka bag vel dah fel in khum ah chuan ka let thla nghal tawp. Admission an ti fel vek tawh a ‘Ecols Jeanine Manuel' School ah ka lut thei dawn hlauh,ka pa pawh a in seng ve nasa viau a,mahse a thu sawi a sut mai mai ngai lo.










Sir Zodina lah in phone a kawl bawk si lo a,tumah kawm tur a nei dawn bawk si lo a khua a har ngawt ang. Ka kal dawn tih erawh sawi ka tum lo,a chet dan tur pawh ka ngaihtuah ngam lo. Ka awm loh chuan min theihnghilh vat mai ka ring bawk. Kei nilo hmeichhe tha tak tawng se,mahse chu chu ka phal chiah em ka hre lo. Ka haw viau amaw tih lai in kal ka hreh nachhan a ni leh lawi bawk si.










“U..chhuk ila?" Ka u room a dah zeuh pah chuan ka ti a,arawn chhuak ve nghal mai. Inhnuai ah chuan chhuk in chaw ei kan siam mawlh mawlh a. “In awm tawh dawn si lo a,a nuam lo e" Rohlupuii chuan ati nang nang a,ka thaw chhuak hak “Kei ni ai fe chuan i nuam sa daih zawk ang,phun phun suh!" Ka tih hmuk chuan ka u in a mitmeng in min lo khap vat a.










“Bawihte zan chhuah chu i duh maw?" Chaw ei lai a ka pa in atih chuan ka melh nghal vat a “Kan chhungte rawn thlen vel ah i duh chuan kan kal zawk thei ang" Ka pa in atih leh chuan ka bu nghat a,Sir hmuh ka hreh a,biak pawh ka inthlahrung ngawih ngawih. A harsat lai ber in ka kalsan dawn chu ani sia,a that chhuah hun ah min haw ngawt ang. Kei lo hmeichhe dang nen awm dun mai mai tur a ka ngaihtuah pawn ka na ngut ngut thei.









“Pa khawnge in kal dawn ka lo kal ve?" Rohlupuii chuan alo ti nghal a,chaw pawh ei zo lo in ka thleng ka seng a. Ka chaw ei a tui thei tawh lo. Zan tin ka awm bo chuan ka theihnghilh ve theih mai ka ring a,mahse keimah ah a tla na tawlh tawlh. Sitting room ah chuan ka awm vang vang a,ka pi te an rawn thlen chuan ka lo lawm vat a.








“Bawihte nga tinge i va cher ve,kal chu i hreh deuh ani maw?" Ka pi in atih chuan ka nui mai a “An duh loh chung kal tir mah ta che u,chhungte ngai rual lek an nia..rawn haw thut theih ani loh na hmun ah lehnghal" Ka pi chuan ka hmel hlim lo chu a hre thiam ani chek ang,ka nu leh ka pa rawn inzui phei te bul ah chuan alo ti nghal a. “A awm rei dawn hleinem,Ngurbawihi te chu a puitling alawm" Ka nu in alo ti vat a.










“Bawihte,han insiam ve deuh la tiraw? Ei na vel chu i u ten lo ti mai teh se i pi te an lo leng ve bawk nen kal vat ila" Ka pa in atih chuan ka lo bu vat “Khawiah nge bawihte in kal dawn?" Ka pi in alo tih chuan “An Sir kan va kan lawk ange" Ka pa in min lo tih sak hlauh a. Inchung ah chuan ka chho a,Sir hmuh a lan mawi loh mawlh ka hlau ani. A mawi tawk vel a ka insiam zawh chuan ka chhukthla a.










Ka pa nen kan inzui chhuak nghal a. Muangchangin kan phei a. Kan thlen chuan kan lut nghal vat a. Sir awmna hi ava hlat ve deuh vang in ka pa nen chuan kan inzui phei hnak hnak. Ka u nen kan kal kha chuan tiang anga thui hi ani pawn ka hre lo. “A hmuh theih em?" Hman zan a mi pa bawk kha alo awm a. “I lo va kal ngai lo ve? I hming bawk hi a room atang kan hre leh thin a,a lam hnem ber i ni bawk sia nang chu hmuh kan phal mai ang che,mahse midang hi luh tir kan phal chiah lo a?" Ka pa melh zeuh pah chuan ati a.










“A pawi lo,va hmu rawh" Ka pa chuan alo ti sup “Buaina awm chuan plug bul a bell kha hmet la aw?" Atih chuan ka bu nghat “Bawihte a hlauhawm angem?" Ka pa in min chelh leh rih a “Kal lo mai ta che,biak dan a awm tho ang a?" Ka pa chuan ati leh nghal “Pa,kei chu min ti na lo ang" Ka ti sap “Hmuhna dang a awm lo ami?" Ka pa chuan kan bula ding pa chu a zawt nghal a “Awm e,mahse glass chhan ah hian ania..saw ti lai deuh ah sawn a awm".








“Bawihte chuta tang chuan ti mai ta che?" Ka pa in atih leh sup chuan lu ka thing vat “Pa,hman zan pawh khan engtin mah ka awm lo,room ah hian ka lut zawk mai ang" Ka ti nghal vat a “Ni e ka pu,damlo hi chutiang a kutthlak chi ani lo" Ka pu chuan alo ti leh vat a. Ka pa pawh a bu ve nghut. “E Mami,damdawi hi lo ei tir leh nghal rawh aw" Tiin damdawi chu min pe lehnghal a.










Room kawngkhar chu a hawng a,muangchangin ka lut a. Room chu alo fel fai khup a. Sir ber pawh hman zan ang bawk khan ka hmu leh tawh lo. “Khawnge maw a awm le?" Ka ti sap,a room lah chu a vawt deuh vur lehnghal a. Varanda kawngka in hawng huau ah chuan muangchangin ka phei a. Ka chhuah rual chuan min hnung chhawn zawng hian single sofa ah hian alo thu a,pawn lam chu alo thlir mek anih hmel. A awm dan chu ka en ta reng a,zan ni mahse a varanda hi a zau reuh a,light eng tak an vuah bawk. An hausa bawk a a room pawh a changkang ang reng.









Ka thaw chhuak ham ham a,a bul ah chuan muangchangin ka phei a. Min la hrethei chuang lo,a bul lawk ah chuan ka ding a,arawn hawi chhuak eih lo,a melh ngai chu zir chiang ni zet hian a melh a. “Min lo ngai em?" Ka ti sap,muangchangin arawn hawi chho a,min hmuh chuan a nui nghal suk. “I va rei ve" Nui leh suk in ati a,ka melh nghal ha. Ka kal loh na a rei tawh a,chutiang te han sawi.










“Min ngai miah lo ani maw? Ava fair lo ve" Ka tih leh chuan muangchangin ka kawng ah arawn vuan a,a hma ah chuan min din tir a,min rawn melh chho leh in ka kawng ah chuan a kuah a,ka pum ah a hmai a nawr nghal vang vang. “Keimah chauh in ka lo awm a,min khawngaih em?" Atih sup chuan tap lo tur in ka insum hram hram. “Imm..i khua alo har em?" tah insum zet chuan ka ti a.









“Ka bul ah chuan awm la ka khua a har lo ang" Ati sup,a lu chu ka chul ta ringawt a. “Damdawi ei la?" Ka tih sap chuan a lu a thing a. “Ka that phah ka ring a mahse ka tha miah lo,i bul ah chuan awn ila damdawi ka mamawh miah lo ang" ti sup in min melh chho a,a biang ah chuan dim te in ka chul sak a. “I biang pawh hmul a to siar siar tawh ania,i senior tawh lutuk anih hi" Nui hak a ka tih chuan ka dul a seh zeuh.










“Damdawi ei la,chuan keiman ka meh sak ang che?" Ka tih chuan min melh vung vung,ka pa chuan min lo nghak thei mai ang. Zanin chu ka inchhir loh nan hun ka hman pui angai. Damdawi chu ka eitir a,amah pawh tlem in a zawi ve deuh. Bathroom ah chuan lut in a hmai ah chuan cream ka hnawih a,zep loh ah chuan a lang pa thlawt ani. Ka shave sak lai chuan ka kawng ah kuah ran in min melh reng a. “Min melh vung vung zel suh" Ka tih chuan a biang in ka hmai arawn nawr zeuh a ka rak nghal that.









“Ka hmai ah i ti kai ania" Ka ti nghal hlar a,a nui chhuak hawk hawk a. Hetia a nuih loh na chen pawh ka hre tawh lo. “Nui bawk suh aw" keipawh ka nui ve leh tho a.











“I mut a chhuak tawh em?" Ka tih chuan a lu a thing mai a “Anih chuan mu mai mai ang" Tiin khum ah chuan ka thu chho nghal a,ka kawng ah nghet zet in min kuah a. Lukham nghengin kei chu ka thu daih. “Mut tam i mamawh ania,chuvang chuan i theih chuan mu hahdam thin rawh aw?" Ka ti sap a,a lu a chul heuh heuh bawk. “Muhil hlen ta ila engtin nge ka tih ang?" Ati sup,amah pawh chu tlem in a chau deuh in ka hria.









“Chutiang....." Ka ngawi leh dat a “Muhil hlen ta ila..ka hmu thei tawh dawn lo che asin" Tiin min kuah tha sauh sauh. Thaw chhuak hak in a bul ah chuan ka mu thla ve ta daih a. A awm ah chuan nghet zet in ka kuah a. “Chaw ei tha rawh aw?" Ti sap in ka kut chuan a biang chu ka chul a,a mitmeng dul raih chuan min melh in ka biang a chul ve hauh hauh tho. “Chuan,damdawi ei tha la..mu tha bawk la,buaina siam vak lo la..min hmu lo anih pawn buaina siam miah suh".









“I awm phawt chuan chutiang chu ka zawm thei vek,mahse nangmah chiah ka mamawh che" Ti sup in ka hmui ah a fawp zeuh a. “Min hmangaih em?" Ka ti sap a “Ka hmangaih takzet che,ka hmangaih aia nasa che hi chuan ka hmangaih thei tawh lo ang che" Ati sup a,“Keipawn" Ti sap in a hmui ah ka fawp ve zeuh a. “Eng maw?" Tiin min melh nghal ngar a “Ka hmangaih che" Ka ti leh sap. Nui hawk in min fawp nghal tawn tawn,keipawn ka lo chhanglet ve vat a.










“Ka hmangaih che,min hmangaih let ai tam tak in ka hmangaih che" Ka chal chu a hmui in a nawr leh vang vang a. “Kei lo hmeichhe dang melh suh ang che" Ka tih sap chuan min rawn melh nghal a,tah insum zet in ka melh let ngar. “Ka sawi chu i hria em? Hmeichhe dang hnaih suh ang che,i hnaih anih chuan chunu chu khawvel eng hmu thei lo khawp in ka siam ang".










“Ka rilru hria lang chuan min ngai nep zawk hial ang mawle" Nui suk in ati a,hrethiam lo zet chuan ka melh ha “Nangmah leh nangmah pawh i in thik zawk hial ang" Ka nui chhuak nghal hak. “Keipawn nangmah chauh ka ngaihtuah ang che anga,i ta chauh ka ni bawk ang. Chutiang bawk in nang pawh".










“Chuan,damdawi ei tha ngei ngei la..min hmuh i duh chuan mu hahdam hmasa phawt thin la,keimah vang in eng buaina mah siam suh aw,a bik in nangmah in ti na reng reng suh ang che aw,nangmah in khawkhar tak in awm lo la,i nu emaw i pa biak tum hram hram rawh aw?" Ka ti sap sap a “Khawnge i kal dawn?" Ati nghut chuan ka thaw dep dep a “Khawiah mah!" Ka ti nghal sap.










“Min bum i tum em ni?" Ati leh nghut chuan thaw chhuak hak in a awm ah ka kuah nghal a,a taksa tang tawlh tawlh chu ka hre thei. “Khawiah mah min hmangaih chhung chuan ka kal lo ang,ka zui zel tho ang che. I dam that ka duh vang anih chu" Ti sap in ka awm ah hmai ka phum vang vang a. “Mipa dang nen tlan bo in tum anih ngat chuan ka that ang che u" Atih chuan ka ip deuh chawih.











“Ka hmangaih che ka tih kha.." Ka ti sap,nghet zet chuan min kuah a. Engmah sawi tawh lo chuan kan ngawi kar ringawt. A thawk sâk sâk chuan ka melh chho vat a,hahdam hmel zet hian a mit alo chhing chial a. A muhil chu ka lawm hle,mahse kaih thawh a,min tlan bo pui mai tur a sawm ka duh,mahse a dam that ka duh bawk si.










“Ka hmangaih che Zodinsang,min lo ngai lutuk lo la mahse midang ai chuan min ngai ber tho rawh aw,ka awm bo chhungin lo dam la,chuan keimah ngei hian heta tang hian ka hruai chhuak ang che. Min hmangaih let ai tam tak in min lo hmangaih la,hmeichhe dang lo hmu miah suh ang che,anih loh chuan ka na lutuk in mahni nunna ka la duh mai ang" Tiin a biang chu ka chul a,ka mittui ka dang hleithei lo.











Muangchangin ka tho chhuak a,a ban chu dim zet in ka dah sawn a. “Ka hmangaih thu che ka hrilh tlai vang che in ka tihpalh" Ti sap in a hmui ah ka fawp vawng vawng a. Hreh zet in ka chhuahsan nghal a. “A muhil leh tawh em ni?" Lo duty pa chuan alo ti nghal vat a,ka bu nghal nghat. “Lo kal ziah rawh aw,hma a sawn chak viau ka ring" Atih chuan ka nui sak a “Ka thei lo ang,mahse ka pu...damdawi in pek dawn ah te,doctor a hmuh dawn ah te leh a mut dawn ah te ka tih tir vek ang in i sawi thei angem?" Ka ti sap a.









“Khawiah nge i kal dawn a Mami?" Min melh ha chuan ati vat a “Hmun dang ah awm lawk a ngai a" Ka ti sap “Ava pawi ve aw,a mamawh lai tak che ania sin mawle mahse ka lo ti dawn nia" Ati a,in mangtha in ka pa nen kan chhuak nghal a. “Ka lo rin loh lam daih ani?" Ka pa in atih chuan ka nui ringawt a,mental hospital ah a awm tih a hre lawk lo ani maithei.










In kan thlen chuan kan chhungte an lo la awm reng a,ka hmel ah a hriat deuh nge a tha vak lo anih te an lo ring a. Ka nu,ka pa,ka u bak in a chhan dik tak an hre lo. Reilo te ah min haw san thuai a,Sir bul a ka awm kha a rei loh tehreng nen mut hun alo ni leh duai tawh a. Mutna ah kan thlalak en in ka tap a,ka nu leh pa ka dem leh dawn dawn thin. Mahse ka thiam loh vek ani,ka nu leh pa te lo hrilh tha ni ila chuan engmah a thleng lo tur.












Kan hnuai lawk a Mizoram chu ka thlir reng a,ka mittui chu ka dang hleithei lo. “Kan haw leh vat dawn lawm" Ka u chuan min lo hnem ve leh mawlh mawlh a. Thawk ka la leh hak thin. Airport kan thlen chuan ka ni ten min lo hmuak a,min lo kuah leh rih a. “I awm rei anga i lung a leng lo mai ang" Tiin in lam ah kan phei a. Khawpui mawi tak tak te chuan ka tan awmzia an neih loh dan chu.











Chu ai chuan Sir Zodina room ah khan amah nen awm ila ka hlim daih zawk ang mawle.






...



Zantin amah ngaiin ka tap thin a,Sir Zodina awmdan tur ka hre thei tawh hial bawk. Ka ngai em em a,dam tha se min hruai haw daih se ti ten ka ngaihtuah ziah thin bawk. A chang chuan tlanbo daih te hi ka chak thin a,school nuam ka ti lo a. Physics class kan neih apiang in ka lung a leng a,washroom ah ka tah ruk chang lah atam. Sir kha ka lo hmangaih hman viau tih ka hria,mahse ka hrilh tlai mah mah ani.










“I kut kha dah sawn rawh!" Ka ti hmuk a,nui vur vur in arawn hawi rem sauh sauh. “Tinge nui hmel hi i put ngai miah loh a? Ilo luh tirh atang i nui hmel ka la hmu miah lo han nui chhin teh!" Ka senior Oliver chu melh in ning zet in ka thaw chhuak hak a,midang bul ah ngawi chawk hle si hi ka bul ah chuan biak a ngai lo reng reng. Kan school ah chuan a lar ber ka ti thei ang,mahse a ninawm dan chu.










“Kan beauty chuan a lawm vak na che nge?" A thian pa ni ngei tur chuan ati lang lang a,hmeichhe thenkhat ho in min ngei hmel zet a min melh rawm rawm chu ka hre reng,engah mah ka ngai lo a mipa hnaih ka duh lo bawk. Thian pawh ka nei hek lo. “Could you please shut the fck up!" Atih nghut chuan class a reh nghal thap a.











“Ka kal ania Beauty kan inhmu leh dawn nia" Tiin a tho chhuak a,a kal zui nal nal. “Ava han chhelo mai mai tak..nang lah hi i in la Gothic deuh nge i in la luck zawk? Kha tia i in lak cool vang khan tu mah hian kan ngaisang lo che ania" Kan class ah min ngei ber tu Clara chuan ka table bul lawk a din pah chuan ati ram hmak a.










“Nang ang a mipa kawp kual dun dun chi ka ni lo,Chuvang chuan i ka bawlhhlawh zet kha i chip thei tawh ang,tu man an ngaihsan phah lo che" Ngeiawm zet a ner sak chuan ka ti a,tho chhuak in ka kal nghal nal nal a. Enga tan mah khatiang tawngkam kha ka ti lo. School zawh vat a haw chu ka thil tum ber ani mai. Tun chiah hi ka dawh hram hram anga,Sir bul a ka awm theih na anih phawt chuan kum khat dang pawh ka nghak leh mai ang.










Keimah ang hian min ngai ve angem le? Enge a an tak zel ang,ka nu leh pa ten ka number min thlak sak a,amah biakna tur engmah ka nei tawh bawk si lo. A nu emaw tal kha chu chanchin zawh ka duh asin,a chanchin ka hre chak a. Zantin deuh thaw ka mumang ah ka hmu thin ka ti thei ang.










“In lo bang tawh ani maw?" Ka nitei chuan min hmuh vel ah alo ti nghal a,ka room lam ah phei in ka inthlak a,inbual faiin ka puih ve mawlh mawlh a. Ka u collage a kal daih vang in engmah thiam lo mah ila ka puih chang a tam ve. “I nu te pawn an ngai tawh khawp mai che...i lung pawh a leng lutuk tawh lo em?" Ka nitei chuan a ti pah mawlh mawlh a “Leng tawh lo e" Ka lo ti mai a. Ka u pawh alo haw a a inthlak mawlh mawlh. Mizoram ang em em in chaw kan ei hma ngai lo a,zan dar 10 ah te chaw kan ei chauh zel.


...



“Nang hi?" Ka ti bah nawk a,nui suk in min lo melh ran. “Engtin nge hetah i awm theih?" Ka ti leh sap a “I awm vang pawh ani maithei ani" Nui suk in ati leh a,student thenkhat te chuan min lo en sap sap bawk. Kal sawn in kan classroom tur lam ah chuan ka kal phei hmawk hnawk a. Engtin nge hepa hi hetah a awm theih?










“Kan new commer pa kha ava han chhelo tak,a hmeltha bawk si. Mahse kum lak lawh ah engtin nge alo luh theih le?" Hmeichhe thenkhat chuan an ti sap sap a,ka thaw chhuak hak.











“Good Morning student,new commer thar kan nei a...han in hmel hriat tir ta che?" Sir chuan ati dap dap a “Hi,Vanlalduhawma ka ni a,Brooklyn classmate thin ka ni" Ati sup a,ngei zet in ka lo melh ran. Min fawh ni atang khan tha tak in ka be thei tawh lo ani ber,ka haw hlur a,nidang ang in ka nuih sang thei bawk lo. “Aw le,anih chuan Brooklyn bul lawk ah sawn va thu mai ta che" Sir in atih chuan rum zet in ka melh a.










Min be em em lo chuan arawn thu ve mai a,min ngaihsak leh hmel tawh loh. Mizoram a a mizia ang bawk khan tumah a be lo a,a chhang tha ngai lo bawk. Hmel hriat loh ang mai in kan awm deuh chawt a,hmeichhe thenkhat in an duh zia hmaichhan a an hrilh tawp tawp chang phei chuan keimah zawk hi ka lo zak thin.










Ni a ral ve leh zel a,Sir pawh ka hmuh loh rei tawh em vang in a chanchin chu ka ngaihven lutuk tawh lo a. Mizoram a lehkha ka zir zawm ngei theih nan ka theih tawp in lehkha ka zir a,ka nu leh pa pawn tha tak a ka pass anih chuan Mizoram a min zir zawm tir tur thu min tiam a. Kan inbiak in Sir chungchang an sawi ngai lo a,ka hre chak tih an hriat reng ka ring.








“Min ti buai lo teh!" Ti hmuk a kal sawn ka tum chu ka ban rek ah a man chawt a “Engvangin nge min hriat loh der reng a,i mizia hi engvang a thlak vek nge i nih?" Ti chhuak nghut in ka ban chu a hmer a “Chutah chuan buaina i nei ami? Min thlah vat teh" Ti hlak in tal sawn ka tum a. Nidang ah pawh min hre ngai lo ang mai in a awm a,mahni a ka awm fal vel ah min rawn ti buai lehnghal.










“I la theihnghilh thei lo ani maw?" Tiin a nui suk a,ka melh nghal rawm rawm. “Damdawiin atang a a chhuah hunah nupui a nei dawn tih te kha i hre ve reng reng em?" Atih leh sup chuan ka keh chhe vek ni ber in ka hria. “Eng nga?" Ka ti nghal sap “Ka sawi ang khan" Ati leh sup a,engmah pawh sawi thei lo chuan ka ding ngawi kar a. Ani thei lo,nupui chu min neih san lo ang.









“Hah! I dawt sawi kha ka awih i ring ami a? Nupui pawh lo nei tehreng se ka nei tho ang,kalsan mai mai tur in ka kawp lo" Ti hmak in ka kut ka phih sawk a. Ka kalsawn nghal daih,mahse ka in her rual a ka mittui tla sawk chu ka hre hman. Engtin pawn lo awm se Sir hi ka nei ngei ang,a ta chauh ka ni a ka ta chauh ani bawk







...
In rilru lo ti hah lutuk su aw,tawpna hlimawm lo chu ka chhiar ngai bik lo ania. Sad ending dawn amaw tih vang khan in lo chhiar lo ringawt vel ange,ka hran khum che u ni mai‍♀
...



*I crush vang in i tap ve tawh em?*


Show post links
Top

[Ngaia]

*Inferno*





Chapter Thirty Four



Awmdan tur hrelo zet chuan ka kal hmawk hmawk. Ka rilru na lutuk chuan tumah ka zah zo tawh lo hrim hrim,ka mittui chu ka dang zo lo. Min en hrek hrek tawk lah bo lo,hmeichhe washroom ah chuan ka lut nghal a,min hmuh chuan mak ti zet in min melh hlawm a. Tap chu herh in ka hmai ka phih nghal vat a,in hrilh ru su su in an chhuak nghal duak a.










“Min theihnghilh tak tak chuan engtin nge ka awm ang?" Darlalang a in en reng chung chuan ka ti sap a,huaisenna chhete lo nei ilang chuan ka kal hauh lo ang. Ka thiam loh vek ani. Engvanga lo kalsan kher kher nge maw la nih le? Min mamawh lai ber lehnghal in? Chuan,tunah nupui a neih thuai tawh tur thu Duhawma'n a sawi leh bawk a,ka chan tawk chiah anih hi.











Class ah chuan ka let leh a,ka bag leh thil vel chu ka la sawk sawk a,pawn ah chuan ka chhuak nghal hmak. “Hey beauty khawnge i kal dawn?" rawn ti lang lang ah pawh chuan ka hawi phei tawh lo. Ka kal ngai chuan ka kal mawp mawp a. Ka hriat chhuah leh meuh chuan kan inkawt ka lo thleng der tawh. “Ka a mai dawn in ka hria!" Ti chhuak hap in ka hmai ka tuai zeuh a.










“Bawihi ilo va haw hma ve? I nuam sam lovem ni?" Ka niteiin min hmuh vel ah alo ti nghal vat a “Imm ka nuam sam lutuk lo a,ka han mu hahdam lawk ange" Ka ti sap a,ka room ah ka chho nghal daih bawk. Ka room ka luh chuan ka bag ka vawm nghal tawp a,khum ah chuan ka let thla nghal. “I nuam sam lo em ni?" Ka u chuan ka room lo luh pah chuan ati a,chhang lo chuan celing ka en vung vung ringawt.










“I hmel a dik lo deuh atia i enge na a?" Ti sap in ka bul ah arawn thu thla a “Enge dik lo awm a?" Ka u chuan ati nawn leh sap “Min theihnghilh tawh" Ka ti sap “Eng maw?" ati nghal hu “Min theihnghilh tawh dawn,a nupui nen hlim tak a an awm ka beisei" Ka ti sap a,ka mittui luang ngiai ngiai pawh ka hre thei. “Tu chu maw? I sawi awmzia ka hre lo?" Alo ti leh vat a “Ka nu leh pa te khan kal tur in min ti lo se chuan a bul ah ka awm anga,ka tanpui ngei ang mahse ka dawihzep lutuk vang anih hi" Thu chhuak chuan ka ti nghek a.











“Eng a? Zodina'n nupui a nei dawn em ni?" chhang lo chuan ka ngawi reng,chu thu ringawt pawh chu ka hua. “Ka chan tawk lek alawm" Ti sap in bathroom lam ah ka lut daih a,in phelh sawt sawt in ka inbual nghal a. Ka chhuah leh chuan ka u alo la awm reng. Inthlak sawk sawk in ka khum ah chuan ka mu leh a,khum mawng lam ah ka u ala thu reng. “I awih ngawt thei lo ang" Ka u chuan ka in khuhna hlim in alo ti a.










“Ama sawi ani lo lehnghal awih duh suh,nupui nei thei pawh ani hleinem" Atih leh rual chuan ka in hnit chhuak nghal feih a,“Ka thiam loh vek anih hi,lo huaisen deuh ila chuan tiang hian kan awm miah lo ang" In hnit hlawp hlawp pah chuan ka ti chhuak a,min lo kuah nghal vat. “An thusawi ring suh ka tih kha...kei chuan ka awih ve miah lo" Tiin ka hnung a chul hliau hliau a.










“Mahse...hospital atang a a chhuah hnu ah a neih tur thu a sawi alawm,tudang mah in hospital ah a awm tih an hre bawk si lo" Ka ti chhuak leh hak a “Tu in nge hrilh reng reng che a?" Ka u in atih chuan ka hrilh ta vek a,ka na lutuk chu ka insum hleithei lo ani ber. Ka u chuan min hnem leh luam a,zan riah pawh ka kil peih lo a,ka niteiin damdawi min lo pek phah hial bawk.






...





“Engah mah ngai duh suh,i nun ania,tuman engmah an tih sak dawn lo che..chuvang chuan midang sawi engah mah ngai suh,a lo nghak reng dawn che tih kha i thinlung ah vawng tawp rawh" Ka insiam mawlh mawlh pah chuan ka u chuan ati mawlh mawlh a,ka nui sak ringawt. Nizan ka tap zankhua bawk nen ka mitmeng chu a dik hleithei lo a. School kal tur pawn phurna ka nei lo.











“Exam hi ti tha la,Mizoram a i awm ngei theih nan ka dil pui ang che" Ka u in atih leh chuan ka bu nghat nghat,heta ka awm reng chuan awmzia a awm lo. Sir biak pawhna tur engmah ka nei lo a,Zami nen takngial pawh kan in be ngai tawh lo. Ka zirna lamah ka ti tha anih phawt chuan Sir bul ah ka awm thei ani mai. Mahse,min haw viau angem?











“Good Morning Beauty!" Rawn ti var ah chuan ka ner sak a,mi ninawm tak chu ani mawle. “Hi Oliver" Ka ti chhuak ve hap,ka nin zia ka aw ah pawh chuan a hriat ang. “Min be ve peih ani maw? Ava han mak vele" Atih sup chuan ka thutna ah ka thuthla nghal hmak a. Be zui em em lo chuan lehkhabu chu la chhuak in ka chhiar nghal mai a. A tawng sup sup pawh chu ka ngaithla zui lem lo.











“Buaina i nei em ni?" atih chuan ka hawi chhuak zeuh a,kan bul lawk a Duhawma lo thu chu ngeng zet in a en ran bawk,engah mah ngaih loh hmel zet chuan Duhawma chuan a mit ko alo san ak “Senior zahna i hre miah nange?" Olivera'n a tih hmuk lai chuan Duhawma nui suk hi ka hawi sawn tur in ka hmu fua a. “Ka zah lohna che a awm em ni Senior?" Duhawma'n a chhanglet pawh chu ka hre reng mahse ka lehkhabu chhiar lai ah chuan ka bur lehnghal chat a,an ni tan ka hun ka ui ka ngaihsak nachhan tur a awm lo.











Ka dawhkan rawn che dawt ah chuan ning zet in ka hawi chhuak a,Duhawma leh Oliver lo in sual vel mek chu ka hmu hman a,midang chu an darh nghal suau a,thelh em em an tum chuang lo. Mahse keipawn mak ti zet in ka en reng. Duhawma mize mak ta lutuk hian min ti a zo dawn. Hetia a awm ngai awm pawh hi ka hre lo. Teachers te chu an lo lut huk a,mahse an la inthlah chuang lo. An thinrim tak tak nge an pilh phung mai.










A hnu ah chuan an thelh thei hram a,an hruai chhuak nghal daih bawk. “Nangmah vang bawk hi ani leh lo maw? Engvangin nge i awmna piangah hian buaina a awm le? Laktlak loh lutuk!" Clara chuan thinrim zet a min melh pah in a ti chhuak hlar a,a mitmeng ah pawh chuan min that mai a hreh lo. A thinrim lutuk chu a tawng chhuak tha thei lo hial ten ka hria.










“Nangmah vangin mi pahnih an la inti buai ve miah nange?" Nui sak in ka ti sam et a “Nang...." Thinrim zet a a ti nawk chu ka pen hnai hret a “Nang? Enge kei chu? Ka nun a lo buai hi i peih ve hrim hrim nge min thik zawk? Ni e,nang ai ka tha miau alawm tiraw British pitar" Nui sang chuan ka ti let sang a,a kut arawn lek zuau chu ka awm sawn hman hlauh. “Nang states hniam te atang a rawn kal khan chutiang chuan min koh ngam amaw?" Ati chhuak leh that a “Aw,kei state hniam te atang a lo kal hian British pitar hi a ning viau bawk" Nui lui leh sak in ka kalsawn a.










Hetiang mizia ka neih loh chuan khawvel ah hian ka tan awm reng nachhan tur a awm dawn lo. Library ah chuan ka chho nghal a,ka lehkhabu mamawh tur ang vel chu ka la khawm nghal a. Thutna tur hauh in ka chhiar nghal mawlh mawlh. “Excuse me?" Ti sup ah chuan ka hawi chhuak nghal a “Hei hi i ta tur?" Ti leh sup in pangpar mal khat lek chu ka table ah arawn dah a,a kalsawn lehnghal vut “Ka tan maw?" Pangpar chu ka la kang a,ka thlek nghal vang vang,ka hawi kual chuan min ngaihsak tu tumah an awm bawk si lo.









“Min pe sual ani ngei ang" Ti sap in ka bul a thu thleng ruak ah chuan ka dah a,ka tho chhuak nghal vat bawk. Hawh tur in ka in register leh zuai a. Classroom ah chuan ka chhukthla leh a,a lo reh duak mai. Teacher in thil a sawi mawlh mawlh chu ka ngaithla kar a,Mizoram ang mai mai kha ani lo an explain lai chuan kan hrethiam em tih pawh an ngaihsak lem lo a,an sawi mawlh mawlh mai ani. An accent lah hriat a har bawk si.






.....



Hun leh ni te a liam ve zel a,lehkha pawh a hma ai zawngin ka zir nasa. Thla chanve dawn chu ka awm ve tawh a,lehkhazir lam ah pawh zir nasat chuan kan ti tha nge nge a,mak tak maiin Duhawma ai ka la ti tha ziah bawk. A mizia a thlak ka ti dawn nge a hma ang em em a attentive kha ani tawh lo a,mahse mipa zing ah chuan a thiam ber pawl ala ni tho. Ka chhungte pawh an lawm hle a,an rilru hmin sak tum in theih tawp ka chhuah bawk.










Sir Zodina pawh ka ngaihtuah tha hman meuh lo a,mahse ka tawngtaina ah ka tel ziah thung. Amah ka la beisei fan a,mahse nupui a nei tawh em tih erawh ka hre lo. A chanchin tumah sawipui theih ka nei lo. “I zir nasa lutuk duh anih kha,ka nu leh pa te chuan an rem ti tawh em em ang" Ka u in atih chuan “Ka tan chauh ka zir hleinem" Ka lo ti ve sap a,ka ngaihtuahna a thil rawn lut zawk vang chuan ka nui sak. Sir Zodina nen damdawiin khat a thawh dun!











“U enge tun ah hian a tih mek ang le?" Ka lehkhabu khup thak pah chuan ka ti chhuak hap a,ka ngai nghal veng veng bawk. “Damdawiin atang a chhuak tawh angem le?" Alo ti ve sap bawk. “Jessie,Gabriel lo leng ania" Ka nitei chuan alo ti lang lang a,ka u chu ka melh nghal zeuh. Lai zet a nuiin a chhuak zui ve nghal mai bawk. Hetiang hian awm ve thei ila ka ti ngawt mai!








......



“Brooklyn!" Ka u in alo tih lang lang chuan ka chhukthla ve nghal mai a,pangpar bawr nalh zet hi alo keng va bawk. “Enge ni?" Ka ti sap a,a gift dawn min in tih theih khum dawn em mawni? “I ta tur anih hi?" Atih sap chuan ka melh ha a,ani pawn mak ti zet in min lo melh ve ran bawk. “Tu hnen atangin?" La chuang lo chuan ka ti sap a,lehkha them lo awm chu a ban nghal zeuh bawk. A chhung a signature ka hmu chiah chu sawi tur kher lo in ka ding khawng reng ringawt.








.........
AFTER ONE YEAR
.........
Muang min ti ru awm e mai!
.........




“Bawihte!" Ka pa aw ri ka hriatna lam ah chuan ka phei nghal vat a,ka dar ah min lo kuah vang vang. “Iva ngaihawm ve ka fanu" Ka pa chuan ati leh sup a,min ngai tur reng pawh ani. “U enge min lo hawn?" Rohlupuii pawh chu alo nula ve uai tawh a,a thang duh hrim hrim bawk nen. “Thil te te" Ka ti mai a,phur zet in ka thil chu alo ban vut vut a. “Khawnge ka nu? Alo kal ve lo ami?" Ka pa bulah chuan ka ti vat a “In lamah i pi te nen an awm,an lo nghak che alawm" Ati sup a,car lam kan pan nghal vat bawk.










In kan thlen chuan ka chhungten min lo lawm khawp mai a,ka nuih pawh a za lek lek zawk. Ka nu phei chuan min kuah deuh vawng vawng a. London lam a ka lawm man dawn ho ka hmuh phei chuan min chhuan hmel viau a. Min lo ngai hman lutuk chu lung te pawh a ti chhe dawn dawn alawm. Ka room ka luh chuan ka nui nghal sak a,mahse ka tah zu han chhuak tlat a. Ka study table ka hmuh phei chuan Sir nen a lehkha kan zir lai kha ka mitthla ah a lang uar uar a.



.





Ka inbual zawh chuan ka inthlak sawk sawk a,inhnuai ah chuan ka chhuk leh nghal vat. Tum loh deuh in Lalzami ka hmu thut a,phur zet in ka rak nghal tung a. “Lalzampui!!" Ti chiam in ka kuah nghal nawk nawk. “Nguri ana lutuk ka nghawng" Tiin a rak ve chul bawk ka pi te chuan min lo khap hlauh a. “Iva han ngaihawm tak" Ka ti chhuak hap a “Ngaihawm e ngaihawm e...ka number ka thlak e te i ti vel a" ati chhuak hmuk a,min ngai tih ka hre ve reng sia.









“School te a nuam em?" Ka ti leh vat a “Nuam ve tho chu ani mai,Duhawma a chhuak ve daih alawm" Atih chuan “London ah arawn lut ve alawm,kan school luhna ala inang lehnghal" Ka lo ti nghal hlar a,kum khat chhung ka be lo tih tur ang vel ani. “Enga?" A ti chhuak chiam a,ka lo bu nghat chuan mak ti zet in a thaw chhuak hawk. “Sir Zodina pawh tun thleng in a chanchin engmah kan la hre lo! I hre zawk em?" Atih chuan lu ka thing mai a.




.






“A chanchin them te takngial pawh kan hre tawh lo,principal lah in announcement engmah a nei bawk si lo a,school nuam ti lo fe fe an tam teh ania" Atih chuan ka ngaihtuahna a kal thui hle. Anih chuan Zami ber pawn a chanchin engmah a hre lo ani maw,engtin nge niang. Ka haw tawh tih tal hi a hre ve angem?









“Zam engtin nge niang? Hmuh ka duh ania" Ka ti chhuak vat a “Avan har awm,i number i thlak bawk sia kei pawn a number chu ka nei a,mahse ka lo delete daih alawm,school group ah lah a awm tawh bawk si lo a" Ati ve sap sap a “Ka tihsual man ka hmu zel chu anih hi" Ka thaw chhuak hak a “Hey,in thiam lo lutuk suh..."Tiin ka hnung ah a beng det det. “Aih ka thiam loh alawm,tun ah chuan nupui a nei daih tawh ang,anih loh pawn a nupui nen ramdang ah an cheng dun daih tawh ang" Ka ti chhuak tiau a,varanda lamah min kalpui nghal vat.











“Hey chutiang chuan ngai ngawt suh,midang a neih san awm lo che em mai" Zami chuan alo ti ve vat a,ka hnung ah a beng dat dat bawk. “Min mamawh lai ber in ka kalsan a,min haw ngawt ang! Chubak ah a tan chuan ka tling lo hrim hrim" ti leh sap in ka mittui ka hru a. “Chutiang chuan ngai ngawt lo teh" Sawi tur hrelo zet in ati chhuak ve hap a.










.......




Ka hma a in ding chu ka en reng,tun ah hian a nupui te nen an cheng ho mek angem le? Keimah ka in thiam thei tawh kher lo ang. Rei fe chu ka thlir reng a,a reh ngawih ngawih a,ka hawi kual vel chuan ka tah a ti chhuak dawn dawn mai a. Kawngkhar arawn in hawn thut chuan ka phu zawk a,hmeichhe pakhat arawn chhuak ta mai a,chumi rual chuan ka thin a na nghal zawk. Mak ti zet in min melh ha a. Luh leh mai a tum chu a ding leh dat.










“Nula mamawh i nei em ni?" Ati sap a “Aaaa...nei lo e,ka kal ange" Ka hmai tuai zeuh in ka inher nghal a “Brooklyn-i i ni em?" Atih leh sup chuan ka ding chat,ka hawi phei leh ruai ruai a. “Aaa..aw ni e" Ka ti sap a “Ka pu i hmu duh em ni? Lo lut ta che" Alo ti nghal vat bawk. Mak ti ru zet chuan ka melh reng a. Muangchangin ka lut ve nghal mai a. “Ka pu chu room ah sawn a awm a,tu ma luh a phal ngai lo a room ah sawn,ka va koh sak dawn che mi?" Atih chuan lu ka thing vat a.








“A ngai lo,room ah chuan ka va hmu ang" Ka ti sap a “Ni lo! Ka pu saw a hlauhawm lutuk i hmu thei lo ang" Alo ti nghal ruai a “Tunge i nih a?" Ka ti nghal sap “Ih..ka pu awmpui hi ka nia" Ati ve sap a “Enge room ah chuan a tih thin?" Ka ti leh sap “Ka hre lo,ka pu hi ka hmu vak ngai lo a,a room a luh a phal lo hrim hrim,kan luh chuan a thinrim thei lutuk. I thlalak leh i hming ka hriat vang ania he inah hian ka luh tir che"









“Aw le,ka va hmu ange" Ka ti leh vat a,a lu a thing nghal nawk nawk “Nula,ka pu in damdawi ala ei si lo a a luh chi loh" Ati leh sap a,a hlauhthawn hmel ang reng viau bawk. “A damdawi chu lo la rawh" Ka ti sap a,keipawh hi min ngaina tawh kher lo ang.










Kawngkhar chu ka hawng ri khap a,a chhung ah chuan muangchangin ka lut a,a chhung vawt deuh vur chu ka hriat hmasak ber ani. Kawngkhar chu ka khar leh dat a. “Lo lut lo tur in ka ti che u ani lawm ni!" Ti vin hrawk ah chuan ka phu zawk a,ka thil ken ka thlauh tep ani. Khum a lo thu reng chu arawn tho chhuak nghal uai a,ka lo ding reng a hmuh chuan a che lai a tawp nghal chawt. Mak tih hmel deuh hian min melh vang vang. Keipawn chiang zet in ka lo melh ve kar. “Min lo ngai em?" Ka ti sap a,awih loh hmel zet a ding khawng reng bawk.










A lam ah chuan muangchangin ka phei a,mitmeng de sawr sawr chuan min lo melh ran.






...
Feel lo deuh in type leh ta duah
...
Hman hmawh lutuk su aw
...


Show post links
Top

[Ngaia]

*Inferno*




Chapter Thirty Five



Zam zet chuan ka pan ve zel a,a mitmeng de sawr sawr chuan min lo melh ve ngur a. A hma ah tak chuan ka ding chat a,a mit ah chuan chiang zet in ka melh ve ran bawk. Ka ngaihbel nge a mitmeng ah chuan natna ka hmu hial in ka hre bawk. Engmah sawi lo chuan kan in melh reng a,mahse keimah ah hlauh thawnna a siam sauh sauh. Nupui a neih dawn tak vang em ni engtin mah min tih loh. Min ngaih thu pawh a sawi chhuak lo a,nge min lo theihnghilh ve tak tak tawh zawk.










“Brooklyn!" Ati chhuak ta sup a,thaw ham ham chuan min melh reng a. Min lo beisei lo viau ani ngei ang,ka thin ana nghal zawk in ka hria. “Ka tihpalh ani" Ka ti sap a,a mit ah pawh chuan melh zui tawh lo in ka damdawi ken lai chu ka bih thuak a “Hei hi i ei mai dawn nia,ka kal tawh phawt mai ang" Khum a dah thlak zeuh pah chuan ka ti sap a,a mit ah reilo te en leh in ka inher nghal vat a. Ka thiam loh vek anih hi.










Lo huaisen deuh ila chuan tun hi kan thleng miah lo ang. Ka duh dan ni miah lo in ka mittui a far nghal fap. A hmuh loh tur chuan ka tuai hul nghal vat bawk. “Chhuak suh!" Atih hrawk chuan ka ding dat a,kawngkhar ka thleng hman lo chiah chiah. “Ka thu lo chuan i chhuak lo ang!" Ati leh hrawk a,a aw a vin bawk nen ka thin chu a phu ve dup dup bawk. A lam ah chuan muangchangin ka in her a. Thinrim awm ang deuh hian a awm.










“Engmah sawi lo in i kal tawh a,ka thu lo chuan i chhuak mai mai tawh lo ang!" Ti nghut in min lo pan nghal pawk pawk a,tum loh deuh in ka tawlh hnung dat dat. Bang ka sik dawt rual chuan min lo hniah chilh nghal ruak a. “Tu nen nge in tlan bo!!" Ti vin hrawk in ka lu bul lawk chu arawn chum thuai a,ka phu nghal dawrh bawk. Thinrim zet a a thaw hrawk hrawk chu hlauthawng zet in ka en ran a.










“Ka tihpalh..." Ka ti bah nawk a “I tihpalh ani lo! Min kalsan ani lawm ni...nangmah vang a dam thlakhleh na ka neih loh lai khan khawi hmun phiangsen ah nge i awm!!" Ti leh hrawk in min vin leh tuarh a. Thaw chhuak ru ham ham in ka lo dawh tawp tawh. “Mipa dang nen in tlanbo ani tiraw? Kei ka pangai loh tak vang mai in mipa dang min melh san tiraw?" Ti leh hrawk in ka dar ah a vuan a min thing nawk. “Aih....chutiang ani lo" Ka ti chhuak thei tawk a. “Nang chauh hi ka mamawh che,mahse nang lah chuan min la kal bo san phiangsen a!" Ati leh hrawk a.










“Ka tihpalh..ka duh dan ani bik lo ania" Ka ti tuau a,a nui chhuak hawk hawk “Anih chuan an phuar bet che a,an kal luih tir che tih na em ni? Sawi teh!" nui hawk hawk chuan ati a,lu ka thing nghal nawk nawk. “I ngaih ang kha ani lo ania" Ka ti sap a “Enge ni chuang anga?" Ati vin leh hrawk a “Kal lo ila chuan i bul ah hian ka awm tawh kher lo ang!" Ka ti chhuak ve ta chiam a,ka dinhmun harsat zia min hriat thiam pui ve hauh lo,kal lo thei lo din hmun a ka awm vang zawk ani.










“Engvang chuan nge ka bulah i awm loh anga? I mipa um chuan a duh leh lo che em ni?" Kei ai ai chuan a thinrim a,“Ka chhungten engkim an hre tawh,chuvangin ram dang a ka awm angaih phah,nangmah vangin ka theih tawp ka chhuah a,i bul a ka awm theih nan ka theih pa tawp in lehkha ka zir bawk. Nangmah vanga ka tah zankhua thak pawh a awm,mahse...nang..ti hian ka in sawi fiahna pawh ngaithla lo in mipa um san ah che min sawi leh zui a" A tawp ah phei chuan ka insum thei tawh lo a,ka tap chhuak hak.










Engmah sawi lo chuan min melh reng a,kei erawh ka insum hleithei lo. Ka tukhum ah vuan in a lam ah min pawt phei vat a,a awm ah chuan nghet zet in min kuah nghal. Min kuah nghet lutuk chu a hma ang bawk in ka thaw tha hleithei lo. “Ka ta chauh i nih hi!" Ti sup in ka chhip ah arawn fawp vang vang. Mahse thil hrechhuak thutin ka tal nghal phat. “Min thlah rawh!" Tiin ka tal nghek a,mahse min kuah nghet sauh sauh.










“Min thlah rawh ka tih chu Zodinsang!" Ti chhuak vak in a awm ah chuan ka chum dawt dawt a. “Che suh!" Ati chhuak nghut “Engvangin nge min lo nghah mai theih loh a!!" Chhuak zet chuan ka tap chhuak leh vak a,hriat thiam lo hmel deuh chuan min rawn melh thla a “Engvang a nupui lo nei kher nge i nih! Kei chuan khang hun chhung zawng khan ka nghak che a! Thian tak ngial pawh ka nei lo,mahse nang chuan min theihnghilh ilo tum leh nghal der a!" Ka ti chhuak hlar a,ka mittui chu ka dang hleithei lo ani ber.












“Nupui a?" Ati nghut a,ka chhang buai peih tawh lo tal chhuak in kawngkhar lam chu ka pan a,mahse min pawt let leh nghal hrawk. “Sawi fiah rawh Ngurthansang!" Ati nghut a,thaw chhuak hak in ka melh ta ran ran a,mahse ka insum hleithei lo. A awm ah chuan min kuah leh nghal thlawp a,a awm ah chuan ka tap khur nghal hlak hlak. “Min hua anih pawn engvangin nge hetia i tih kher?" ka ti chhuak leh hak. “Tu in nge chutiang chuan sawi?" Ati chhuak nghut,a taksa tang tawlh tawlh pawh ka hre thei.









“Bawihte..." Harsa tih hmel zet hian ati chhuak leh hulh a,Duhawma min hrilh tih chu tap chung chuan ka sawi a. Ka tap bang hleithei lo. “Chu zawng phiansen mai mai chuh!" Tiin a che vut a,a awm ah chuan ka kuah bet leh rawk rawk. “Engthil nge i tih dawn?" Ka ti nghal ruai a “Nang lo hmeichhia ka hnaih lo a,nupui ah phei chuan ka nei ngai lo ang...dawt engvang a sawi ngam nge anih!!" Ti hrawk in bang chu a chum leh dawt a. Duhawma'n dawt min hrilh amaw,khang hun chhung zawng a ka mut that theih lo na chhan kha.










“Dawt ani amaw?" Amah dan a ngai bawk nen a awm atang amah kuah bet run chuan ka ti sap a “Kha naupang khan i kal bo thu ka hnen ah ngei a sawi.." Ati chhuak leh hulh a,anih chuan kan inkar a buaina siam tu chu Duhawm tihna maw? “Ani nen khan in awm dun em?" Ati chhuah nghut chuan ka ngaihtuahna tang ka harh zawk. Ka en chhoh chuan thinrim insum tak hian thawk a lo la hawk hawk.










“Aih....khang hun chhung zawng khan ka thinlung ah mipa pakhat chiah a awm" Ka ti sap a,min rawn melh thlak chuan chiang zet in ka melh ve ran a “Thu pehhel duah hi ka ngaina lo!" Ati nghut a,chunglam hawi in a thaw chhuak hawk. “Ka hmangaih che!" Ka ti sap a “Kha thu i sawi ni khan min kalsan" Ti chhuak leh nghut,ala hre reng ani ngei ang.










“Tun atang chuan min kalsan anih ngawt loh chuan ka kalsan lo ang che..." Ka ti leh sap a,“Dawt!" Ti nghut a kalsawn a tum chu a hnunglam atang ka kuah nghal vat “Infiam ka peih lo ania!" Ti leh nghut a,“Min ngaithla rawh" Ka ti nghal sap,room chhung chu a reh vawng vawng a. A in awmna a fal bawk nen motor ri vel engmah hriat tur pawh a awm lo. “Ka hmangaih che,ka kalsan lo bawk ang che! Mahse kalsan tur che a min duh chuan ka ti lui lo ang che,mahse nang lo mipa dang,ka pa tih loh ah chuan hmangaih ka la nei lo" Ka ti sap sap a.










Thaw chhuak hawk in ka kuahna ban chu arawn vuan a “Ka hmangaih che" Ati ve sup. Ka lam ah arawn in her ruai ruai a,a mit ah chuan ka lo en ve kar. Nui suk in ka biang chu arawn tuai a,ka mittui chu min tuai hul sak dan dan. Ka biang chu arawn khuap nghal run a. “Min kalsan ai chuan thih a thlanawm zawk ngei ang" Ti sup in ka hmui ah a fawp nghal ngawng ngawng a. Keipawn ka lo chhanglet ve nghal tan tan. Engtia rei nge heti hian kan awm tawh lo,ka ngaihna zawng zawng kha ka in bun chhuak ni mai in ka hria.










“Ka ngaih em em nu" Ti sup in ka hmui hnuai chu a zut a,nui sak in “Ka ngaih em em pa" Ka lo ti ve sap,rum nghut in min fawp lehnghal ngawng ngawng a,keipawn ka thiam ang ang chuan ka lo chhang let tha leh ngang mai.










..


“Damdawi chu ei la?" Ka ti sap a,ka hnunglam atang min kuah hlu hlu a,ka awm hran rei a phal thlawt lo. “Min ei tir la?" Ti sup in ka nghawng ah a fawp zeuh a,ka nui chhuak hak. Tun a kan awm dan hi ka kham ngai lo ang. Damdawi leh tui lak chhung chauh ka kalsawn a phal a. A bul ah min awm tir nghal char char. “Fel lutuk!" Nui hak a ka tih chuan ka tai ah a piai zeuh a,a nuih ve suk chuan khawvel hi a famkim hliah hliah ni mai hian ka hria.“Tunge i awmpui nu saw?" Amah chu ka melh nghal chat a,a chhing chial pawh chu arawn meng nghal vat,ka dar a a khabe nghah chu a ti zeuh a.










“Zo khaw lam mi ka nu in awmpui tur a a lak anih saw" Ati sam et a,an in hnaih ngai lo tih chu ka hrechiang mahse fiam ve hlak ka duh kan thinchhepa hi!










“In in nel.....ve viau tawh ang a" Ti sap in ka khuh lui kharh a,min chhang lem lo. “In in nel viau ani maw...engtin mah i sawi lo" Lungawi loh hmel deuh chuan ka ti chhuak nghal hluai a,hriat thiam loh hmel deuh hian min rawn melh nghal ran. “Tu maw? Ani nen sawn maw?" Ati nghut,chhang tawh lo a thawh chhuah ka tum chuan min pawt let leh hrawk a. Rum zet hian ka melh phei nghal a,sawi tur hriat loh hmel deuh in a thaw halh. “A hmel tak ngial pawh ka hre tawh lo ania engtin nge kan innel theih anga!" Ati chhuak nghut a.










“Aw...engtin nge i thusawi chu a tak ani tih ka hriat theih ang! In lo in zep ru te pawh ani thei" Ka ti leh hap a,ka nuih loh nan ka melh rum ta tawp. A hmel ah chuan tih ngaihna a hre lo hle tih ka hria. “Sawi a nei em ni?" Atih sup chuan ka la melh rum ran a “Okay" Ti sap chuan a ding nghal nalh a “Enge i tih dawn?" Ka ti nghal sap “Chu nu chu kan va zawt ang,a hming leh hmel takngial pawh ka hriat loh lai in engtin nge kan lo innel viau theih?" A ti nghut.










“Ka ti mai mai anih kha...hey kal lo teh!" Ka ti leh nghal ruai a,ka zui nghal vat bawk. Kawngkhar a hawng tur chu ka pawt leh hman hram a. “Ka ti mai mai nih kha" Ka ti leh nghal sap “Chutiang a i ngaih pawh chu ka duh lo" Ati leh nghut a “Thinchhepa!" Nui hak chuan ka ti chhuak a,nghal min tih hmel zet hian min melh ta ran mai. Midang tan chuan tun a min melhna te hi hlauhawm an ti ang,mahse ka tan ani hi a pawimawh a,inzawmna kan nei riau bawk.




....




“I kal ka phal tawh lo!" Vin deuh ti tih chuan ati nghut a,ka thaw chhuak hak. Amah ala in recover chiang lutuk lo bawk nen a mizia ah tlem a lang leh thin. “Ka haw lawk loh chuan ka nu ten min ngaihtuah ang" Ka ti leh sap,a inah zanriah ka ei ve ta ringawt a,chupawh a room ah. Pawn chhuah a ngaithei lo. A awmpui nu in ka chhuak min hmuh khan ramhuai hmu ang mai in min lo melh a,a room ah him tak a ka lut thei chu mak ati ve ani chek ang.










“Ka haw zawk anga,chuan naktuk atang chuan i bul ah ka lo kal ziah tawh ang" Ka ti chhuak leh halh a,mahse ka kal chu phal lo tak ani. “Tun ah pawh i awm thei reng alawm! I nu leh pa control rual i ni tawh lo!" Ati leh nghut a,thaw chhuak hak in a awm ah chuan ka kuah ta hle hle. “Ka va haw zuai anga,chuan i bul a awm ka dil ang...dil lo a ka awm reng anih chuan awm hran hun ka nei anga,ka nu leh pa rilru ka ti na viau dawn bawk a,ka hmangaih ber bul a awm hi ka duh loh bik i ring reng reng em ni?" ka ti sap sap a,a thaw chhuak suai suai.









“I tel lo a ka muthilh theih ka ring lo! Hahdam tak in ka awm ve tawh ang chu ka ti asin" ati sup a,a aw nem telh telh chu ka hre theih. “Sleeping pells vel i ei thei lo em ni?" Ka ti leh sap a “Khang hun chhungzawng khan ka ei a,mahse mum khat pawh ka ei leh anih chuan ka thawk a tawp ang" Ati sup rang zet in ka en chho nghal vat.“Engtin maw?" Ka ti nghal sap “Ka ei leh anih chuan mihring ka chang tawh lo ang" Tiin ka chal ah a fawp zeuh a.











“Anih chuan,engtin nge i awm ang?" Ka ti chhuak hak “Ka tan chuan darkar 4 mut pawh hi a tam lutuk mah mah alawm" tiin ka sam chu ka beng ah a zep zeuh a. A phone chu table chung ah chuan alo awm reng a,ka ban nghal vat. A wall ka hmuh chuan ka melh rum hrawk a,mahse tak run in min lo melh reng. A phone ah chuan ka number ka chhu lut nghal a,zan ah a mut theih loh pawn a men chen chen chu ka menpui ang.





......





In ka thleng chuan ka nu leh pa te sitting room ah an lo ti ti mek a “Iva tlai ve phone i la thei si lo khawnge i kal a?" Ka nu chuan alo ti nghal vat a,an bul ah chuan ka thu thla nghal zat. “Nu..pa...Sir bul ah ka kal!" Ka ti chhuak sap a,ka nu leh pa chu an in melh nghal ralh a. “Nu,pa...zir zawm hi ka thei hrih lo ang" Ka ti hap chuan min lo melh dun nghal vat “Engvangin maw? In Sir vang chuan maw?" Ka nu in alo ti nghal nghat.








“Nu,pa..in duh dan ka zawm tawh a,mahse in duh dan ka zawm vang khan rah tha engmah a chhuah lo...chuvang chuan Sir hi enkawl hrih ka duh!" Ka ti chhuak leh sap “Enkawl a? Amah vangin kum khat tawp khawhral i tum em ni a?" Ka nu chuan ati leh nghat “Nu,min thawn bo vang a a tawrh nasat zia chu hmu la ti hian i awm miah lo ang mawle" Ka ti chhuak ve hap. “Engtin vak nge alo awm a? Amah rawn kal miah lo in anu alo kal asin,min zahna chhete mah a nei lo!" Ka nu chuan ati leh a.










“Nu..lo kal thei dinhmun ah a ding hleinem,kei tak ngial pawh a awmna ah luh an phal tawk ani a,pawn chhuah phei chu a tan tih ngaihna a awm lo. Nu,keimah vang in kum khat chhung mi a ang mai in a awm a,enkawl let chu ka tih tur ani lo em ni?" Tah chhuak teuh chung chuan ka ti leh sap a “Ani vang a i zirna i chawlh chhan tur a awm lo!" Ka nu chuan ati leh nghat.









“Pa,ka nu hi hrilh fiah teh.." Ka pa lo ngawi reng chu ka melh nghal vat a. “Nu,ka pa nen inchunga thleng ah ngaihtuah ve chhin teh...ka pa hi i kalsan phal kher angem? Keimah vangin thih chak ngawih ngawih in alo awm a? Khawngaihin nu,pa, phal hram mai rawh u" Ka mittui chu ka hru nghal tawk a. “A theih loh ang,i zirna chawlh san suh" Ka nu chuan ati sap “Ka chawlhsan dawn ka ti lo nu,ka kum pawh ala tam lo a,kum leh ah ka chhunzawm leh mai dawn alawm nu" A kut ah chuan vuan in ka dil ngawng ngawng a.










“I hmangaih viau em ni?" Ka nu chuan a ti ta sup a,ka bu nghal nghat nghat “Awww ani pawn min hmangaih nu,ka kalsan leh anih chuan ka in thiam thei tawh kher lo ang!" Ka ti chhuak ve sap a “Pa-a?" Ka nu chuan ati chhuak hap a,ka pa chuan min melh vang vang. “I duh thlanna ah i inchhir loh ngei ka beisei" Ka pa in atih sup chuan lawm zet in ka kuah nghal rawk rawk a. “Hmangaihna a luang liam tur chuan i la naupang mah mah ani!" Ka nu in ka hnung ah ben zeuh pah chuan ati sap a,ka tah nuih nghal hak.



...




“Sir Zodina nen chuan in inkawp rem leh tawh ami?" Lalzami chu a zing lam walk arawn kawi ve ngei a,zing a thawh har theih tehreng nen tunge impress a tum ve khanglan ni. “Rem chu ani leh deuh mai,nimin khan ka va hmu a" Ka ti va sap a,alo bu nghat. “Dem in hlawh tawh ta sa sa han innei nghal tawp mai teh u" Atih chuan kan nui hak hak a “Anih,school vel ah khan min sawi zui an awm em?" Ka ti lehnghal vat.








“Dik tak a sawi chuan awm deuh fur e,nangmah lah kha i chhuak nghal hmak bawk sia Sir Zodina alo bo lai ani ve leh bawk nen in in ru amaw ti tawk an lo awm a,mahse Principal khan ram dang a i zir zawm tur thu vel kha chiang fek fawk khan devotion ah a puang a,khata tang khan sawi zui neuh neuh a awm vak tawh lo" Ati sap sap a “Principal puan ngai khawp in min sawi nasa ani maw?" Ka ti ha a “Nasa chu ani ve mai,Sir Zodina nen thawm in lo nei ve neuh neuh tawh bawk nen".









“Ti daih ila,engtin nge Duhawma hi a awm tak zel?" Atih chuan ka lo ner sak “Kha pa chungchang kha chu sawi tawh lo teh,ka ning ania" Ka lo ti hmuk a “Sawi mai mai teh,i chhuah vang aniang a chhuah ve daih ni" Ati leh hlak a “Ka hre bik lo,keimah vangin a chhuak ti dawn ila min duh tih kha chu ka hria a,mahse chutia in biak zui emaw mitmei tha in hmuh kan nei lo hrim hrim! a awm awm khan a awm ve deuh tawp".









“Avan mak,engtin nge i luhna te a hriat hrim hrim le?"ati leh sap a “Nia...Sir hospital ah a awm tih pawh kha a hria,a mak ka ti tak tak ani" Ka ti ve nghal vat a “Stalker ani mai lo maw?" Alo ti chhuak phut a,ka nui hak “Khatiang mi chut lutuk kha engtin nge stalker anih theih ngawt ang,ka ngei ania sawi reng lo teh.." Ka lo ti nghal chiam.








“Iva han nasa mai mai tak!" Ati ve hlak “School kal te i ngai lo ami?" Nui sak a ka tih chuan min huat hmel zet in min melh hrawk a. London lam leh Mizoram school kal dan hi a in ang lo lutuk tlat,kei chu ka chawl vang vang tawh a,Mizoram ah pawh an kal tawp dawn lai vel mek ani tawh. School ka luh hma vang in ka luh rual pui te ai ka naupang daih zawk a,chuvang ania Sir Zodina bul a awm nan zir zawm har ka thlan.








“Rawn in la London nula lo mai teh,ka phei dawn" Ati hlar a,ka lo nuih vak vak. “Zampui,chaw ei nghal ta che?" Ka nu rawn lut chuan alo ti nghal lang lang a “Pakhati hian haw rawh min tia lawm" Tiin min mitmei zeuh. “A a mai mai thin e" Ka nu in atih chuan “Ati mai mai nih kha" ka lo ti teu hlar a “Haha..tak tak in,in siam te ka la ngai bawk sia ka va haw hma ange!" ati ta hlauh a.









Rohlupuii te rawn thawh chhuah hnu chuan chaw ei kan siam mawlh mawlh a,ka u hi a lo haw mai ka ring lo. Mizoram ai nuam ati tawh mah zawk a,ka niteii te an fel bawk nen nuam ati zawk daih ang.









“Nu...ka kal dawn sin" Ka ti sap a,min chhang mai lo in a thil thleh lai a thlep mawlh mawlh “Nuuu" Ka ti leh duai a “Aww kal la" Ka nu chuan alo ti ve vat “I phal tak tak maw?" Ka ti leh vat a “A mak,ka phal loh hma hian kal rawh" Ka nu in atih chuan kuah zeuh in ka tlanchhuak nghal vat.






...



“I lo kal leh ani maw?" Hmingi'n min hmuh chuan alo ti var a “Aw,room ah mi a awm a?" Ka lo ti let ve var “Aww,Thingpui i duh em?" Alo ti nghal a,ka duh loh thu in ka chhang mai. Ka rin ai alo naupang daih a,kei ai kum khat bakin a upa lo. A nelawm phian a,amah a inthlahrung duk mai in ka hria.Han biak chian tak tak chuan ala a ve viau bawk.








“Ka pu chu alo chhuak ngai lo a,a room a chhuahsan lai pawh ka hre lo..nimin khan mak ka tih zia chu! Nangmah kha engmah na nei lo in i rawn chhuak thei a,ka thiannu phei chu maw..ka pu awmdan alo hrelo bawk nen damdawi pe turin a lut a,ka pu in alo rek a,kan va chhan hman alawm" Ati bawrh bawrh a,ngaihthlak hreawm ka ti viau bawk.









“Chaw a ei tawh em?" Ka ti sap a “Aih la ei lo,damdawi a ei tawh em tih pawh ka hre lo" Alo ti nghal vat “Aw le..ka va lut ange,ei tur lo siam la ka lo la leh ang aw" Tiin room lam ka pan nghal vat a. Room chhung ka luh chuan ka khar leh nghal vat. Room ah ka hmuh mai loh vang chuan a bathroom lam ah a awm ka ring ve ngawt a. A khum ah chuan phone khawih melh melh in ka lo thu reng a,ka u nen kan in text pah zeuh zeuh bawk.








Bathroom kawngkhar ri rak ah chuan ka hawichhuak vat a,towel var thianghlim zet veng chung hian alo ding ran a,min hmuh chuan min lo nuih nghal suk. A taksa chu a cher ve kuang a,mahse mawi lo lutuk erawh in a cher lo thung,a sa a chhe lo hrim hrim a,tun ah pawh hian hmeichhe thenkhat mipa pian dream chu a nei ve chiang alawm.








“Min en zo tawh em?" Ati sup a,harh chhuak zawk in a mit ah ka han melh nghal vat,nuihzat hmel lutuk a min melh chuan tih ngaihna hrelo in ka melh rum ta ringawt a. Muangchang a ka lam arawn pan chuan ka thu khawng reng ringawt,ka thin chu a phu dawt dawt a,a phu chhuak mai dawn amaw tih tur khawp in a awm.









Khum ah chuan ka awn deuh ruai ruai a,ka kut in ka in vawn khalh nghal ran. Ka sir leh sir ah chuan a in nem nghalh ve ran a,chiang zet in min melh a,melh tha ngam lo chuan ka thaw chhuak hak “Kawr va ha teh" Ka ti nghal hap a,a nui lui suk anih chu! “Kawr chauh maw?" Ati leh sup a,ka biang a nul nghal dan dan.








“Aih...va..va inha vat teh!" Ka ti bah nghal nawk a,a nui chhuak nghal hawk “Ka mumang ani lo" Ti sup sup in ka bek ah a fawp zeuh a. A awm tha nghal vat “Ka kawr hak tur min lak sak rawh" Ti sup in ka bul ah arawn thu thla ve nghal a,ka tho nghal zawk mai “Khawnge i thawmhnaw chu i dah a?" Amah en lo lui in ka hawi kual vel a.









“Saw ti lai deuh ah sawn" Tiin a kawk zeuh a,ka hawi phei rual in a lam ah min pawt hnai nghal hrawk a a mal ah ka thu nghal chawt. “Hey..i huh ania,thawmhnaw ha vat teh" min kuah beh sauh sauh chuan ka ti nghal chiam a. “Nakin ah pawh ka ha thei alawm" Ti sup in min kuan leh hlu hlu.








“Huh reng a i awm chuan i damlo mai ang" Ti sap in a dar ah ka bei ve nghal zat. “Tun atang chuan ka bul ah chiah i awm tawh ang" Ati chhuak sup a,a mit a chhing nghal vang vang bawk. “Imm..damdawi i ei tawh em?" Ka ti nghal vat a,rawn meng chhuak riai riai in min melh a “Damdawi ei leh ei loh min zawt ngun ber ang"Ati nghut a “I ei em?" Dawh thei lo fe in ka lo ti let.









“Ei lo" Ti sup a,ka melh rum tha teh e. Thawmhnaw a hak hma in ka ei tir vek a. Tha tak chuan a ei leh mai a. Vawiin chu kan in awm ani mai ang chu. Chaw ei tur chu ka chawi phei sak a,kei chuan ka lo ei lawk vek tawh vangin ka ei tawh lem lo. Chu thil chu a hre thiam lo tlat pek a. Tlem in a zia a lang leh thin.









Phone khawih san a ngaithei lo em em a,a bul a awm phei chuan min khawih lo in a awm thei lo ani ber. Thil dang ngaihtuah hlek anga lan pawh hi a duh teh chiam lo a,midang chanchin han sawi luam pawh a ngaina chuang lo. Kan pahnih chungchang anih chuan hriat loh hlau em em hian alo ngaithla kar thung.





...


Sir pawn hma a sawn ve leh zel a,a nu leh pa te pawh an lo kal ve zeuh zeuh bawk.Lawm thu min hrilh bang lo. A hma zawng ai in amah hmuh a nuam a,mahse pawn erawh a chhuak duh ngai lo,a chhan ka hre chuang lo a. Phone ah pawh hian tumah a be ngai lo a,a khawi ngai lo ti ila a dik ber a. A hmuh ah phone ka khawih ngai lem lo a. Riah em chu ka riak ngai lo a,mahse a mut hnu a haw chang ka nei zeuh zeuh.








Lalzami hi ka fak thlawt, zan dar 11 vel ah pawh phone ila min lo lam ve zak zak a. Ka nu leh pa pawn engtin mah an sawi buai lo na in min zilh ru mawlh mawlh thin. Sir bul ah ka awm tawh a,thian leh chhungte tha tak ka nei bawk a,ka tan khawvel hi a par vul chuk mai in ka hria.








“Riak rawh!" Atih sup chuan ka melh nghek a,Hmingi lah kha a ban daih lehnghal a,khawngaih ru viau mah ila an inpui zawk ah hna an thawh tir leh hlauh. “I ti mak e a,zan kher chu ka riak lo ang" Ka ti nghal chiam,tunlai chu nu ang mai hian min en in ka hria,rawngbawl thiam loh nen ka siam kher ala ti ve zui a,damdawi lah pek loh chuan ei a tum bawk si lo.









“Zan tlai tak tak a i haw khan a hnu lawk ah ka harh leh zel tho alawm" A ti nghut,ar tui kan mawlh mawlh pah chuan ka ner sak. “I riak dawn,chu chu thu tawp!" Ti leh nghut in room lam ah a phei nghal daih a,a hnunglam atang chuan ka tin zuai zuai hman. Tunlai hi a thu a duh thar em em mai lehnghal a.








*Aw nu?* Ka ti nghal vat

*I van lo haw har ve,chaw i ei nghal dawn mi?*

*Aw..nu ka riak nghal maithei?*


*Riah em em te chu*


*Nu hma a sawn ve hret hret tan tawh a*


*A ti lui che em ni?*


*Aih...*


*Aw le,ka ring tawk che ania*



*Ka lawm e nu*



*I pa ka lo hrilh ang,mut dawn ah min lo call leh dawn nia*



Ka thil kan chu ka kan chhunzawm leh mawlh mawlh a,pakhat lah room ah a lut daih bawk sia,nakin ah ka hrilh mai ang. Ka siam thiam thiam ka siam zawh chuan ka thaw chhuak hak a,thil kan chu ka thiam ve nual alawm. A puar awm tho e.








“Khawnge i awm a?" room ka luh chuan ka ti lang lang a,varanda lam a ka en chuan alo thu ran a. Ka pan phei nghal vat. “Chaw ei ka siam zo,ei ila?" A ban ka va vawn chuan a la sawn deuh hmak anih chu. “Lo kal rawh" Ti a kaih thawh ka tum pawn a tho duh miah lo. “Enge maw i hriat le?" Ka ti chhuak hap a,ngun zet in hmalam hi a en ran lehnghal a.






....
In comment te chhiar avan nuam thin em,mahse ka reply vek hman lawk lo che u a,ka theih ang ang rawn reply ka tum dawn nia.
...
COMMENT🫂
...


Show post links
Top

[Ngaia]

*Inferno*







Chapter Thirty Six



Hmalam en ngur ngur pa khawn pawp ka chak zia chu pui tak ani! Ka biak pawn hrelo ang hmak hmak in a awm a, min la chhang duh lo zui. Min melh duh eih lo bawk. “Chaw chu va ei ila?" Zaidam deuh zawk chuan ka ti ta sap a,keipawh hi ka zaidam lutuk lo bawk nen ka aw ka hi ka lo ti sang leh hret zel a. “Nga tinge ka bul a awm hi i hreh em em a?" Thaw chhuak suai suai chuan ati ta sup,a awmdan atang vel chuan ka lo khawngaih ve ringawt a. Inthlahrung deuh a thil sawi ang mai hian a awm!










“Ka hreh lam ani lo..." Ka ti let ve sap a,a thutna sofa ban ah chuan ka thu thla ve nghal zat bawk. “Zantin ka mut hnu ah i haw ziah a,i riak thei reng! ka bul a awm i hreh anih kha!" ati chhuak nghut a,ka thaw chhuak hak. “Aw le,zanin chu ka riak ang" Ti sap in ka awn thla a,a hnunglam atang a nghawng ah ka kuah nghal hlu hlu. “I haw leh dawn chuan khatiang sawi suh" Ati nghut a,a tho nghal daih anih chu. Ka va han chum chak!








Ka sawi tawh kha,a zia hi a lang leh zeuh zeuh thin. Mahse a hma ai zawngin a tha tawh a,a bul a ka awm a a nuih chhuah vek hawk hawk thin phei chuan ani ai mah hian ka lo hlim ve thin a,mahse rilru tet chang a nei lo thei lo. “Ding teh...." Ka zui nghal vat a,khum ah blanket in phah chu a keu a,a mu nghal daih bawk. “Zodinsanga mai mai chuh!" Thaw chhuak hak chuan ka en ta run run a,inchhungah a tawm nasa lutuk a,a â vek tawh anih hi!









“Lungawi loh na i nei ami?" Ti sap in khum ah chuan ka thu thla ve nghal a,mahse min chhang lo. “Tih sual ka neih chuan tihpalh" Ka ti leh nghal sap “I haw duh anih chuan i haw thei ang" Ti nghut in a ngawi zui leh hmak a. “A mak e...ka riak ang ka tih mawlh mawlh kha" Tiin a blanket chu ka keu a,a hnunglam ah chuan ka in thawlh ve nghal hmak. “Ka tihpalh....." Tiin ka lu chuan ka nawr na na a. “Ka riak dawn nia..immm...tha em?" Ka ti leh nghal a,a thaw chhuak ta suai suai bawk.









Ka lam a alo in her lai chuan ka lo en reng a “Kal bo suh" Ti sup in a kut chuan ka biang chu a chul thuak thuak a,ka hmai bul vel a ka sam awm chu ka beng ah zep in ka beng a tuai ve nghal hauh hauh. “Imm...nih chaw ei tawh ila?" Ka lo ti let nghal var “Ka ril a tam lo" Alo ti sup thung,hepa hian ril tam lai a nei lo hrim hrim. “Anih chaw ei hma a damdawi ei tur kha ei zawk la,chuan reilo te ah chaw kan ei dawn nia" Ti a thawh ka tum chuan min kuah bet tlat. “I damdawi ka la dawn?" Arawn awn hnai ruai ruai chuan ka ti hlar a.










“Ka chet dawn apiang hian damdawi i sawi ziah tih i hria em?" Nui suk a atih chuan ka melh deuh nghek lehnghal a “I va han......na....damdawi chu ka la dawn!!!" Ka ti chhuak leh chiam a,duhthawh fe a min fawh nghal tawn tawn chuan ka tawnglai ka tawp nghal chawt. Thaw chhuak hak in ka fawp let ve nghal zat,mipa ani a insum theih loh chin chu a thleng ve tur ani mahse..a insum thei dawn lo amaw tih hnu a hian dam fe in a tawp a khar ziah a,mutpui ah min sawm ngai lo a. Khang hun chhung zawng khan amah zawk a harh fim ah tan a tum hram hram thin,chung thil vang chuan nia nitin ka hmangaih deuh deuh thin.










“Damdawi chu?" Min fawhna thlah in ka ti nghal sap a,kham lo tih hriat zet hian ka hmui en in a rum hak. “Bawihte.." Ti sup in ka nghawng ah a hmai arawn nawr vang vang a,a thaw chhuak hawk hawk bawk,keipawh ka bang bik lo. Tho chhuak in damdawi chu ka la a,khum lam ah let leh in ka ei tir nghal vat. Min hnial ve viau mahse han pek hi chuan a ei tha ve mai zel a.











Chaw chu kan ei a,chaw pawh a ei tam lutuk ngai lo. Mahse a ei hrim hrim chuan ka ngaih a tha a,ei chak lo viau mahse a taksa in a tawrh ka hlauh vang in ka ei luih tir hram hram zel. Chaw kan ei zawh chuan ka seng fel mawlh mawlh a,zei lo fe in min lo puih a tum ve chhen a. Kan in seng fel zo ve thei hram a. Thleng chu ka sil leh nghal a,min si chet chuan alo ding ve leh reng a,zan ka riak dawn bawk nen a phur ngang mai.Nichin lawk ah ka hnung atang min rawn kuah a,mahse kan huh zo takngial dawn a ka hriat vangin ka awmsawn tir ta tawp a,min la melh hrep zui.




..




“Kan mu tawh mai dawn ami?" Ka tih sap chuan a lu a thing mai a,muthilh a harsat ve deuh bawk nen mut har deuh chuan men pui ve deuh angai a. “Movie en te i duh lo ami?" Ka ti leh vat a,a lu a thing leh mai,tiang lam hi a bul a ka awm chhung khan kan en ngai miah lo a,kan khawih ngai lo bawk. “Anih enge kan tih ang" Ka ti leh nghal “Ka hre bik lo.." Ati ve sup a. A room nilo,sitting room lam a varanda awm zawk ah chuan kan kal dun a,khawpui eng uarh chu a lang chiang ngei mai,a mawi em em bawk.









Thutna awm ah chuan kan thu dun a,min kuah nghal chial bawk. Boruakin a zir bawk nen thawk a ti veng ngawih ngawih. “Ka ngaih zia che hi i hria em?" Tiin ka nghawng vun nem lai a seh zeuh a,ka then nghal sak,nat erawh a na lo. “I bul a ka awm reng lai pawn maw?" Ka ti sap a “I awm loh in ka thi dawn amaw tih tur khawp in ka ngai che a,ka bul a i awm chuan kal bo tur ang mai in ka ngai che" Ati leh sup a,ka nghawng a lum hak hak bawk. “I over!" Ka ti nghal hlak a,ala nui hawk zui.










“Dawt ka sawi hleinem" Ti sup a,ka kawng ah a kuah nghet sauh sauh bawk,kan awn deuh avangin amah chu ka ngheng pah ar ar. “Inngaihzawn laia in ngai deuh te hi inneih hunah an inhne duh asin?" Ka ti chuan ka nak a tham salh a “ I sawi lai kha kan tan chuan a hnaih lai ber ni rawh se" Thaw chhuak suai suai chuan ati leh sap a,awmdan a nguai deuh bawk nen a mutchhuah deuh kan ring ve ringawt a.











“Khum ah phei ila? Mu mai mai zawk ila?" Ka tih chuan a aw ve mai a. Khumlam ah chuan kan inzui phei nghal vat a. Thil khar leh kalh ngai ang ang chu ka khar nghal vek a. A in awmna hi a fal ang reng sia,ruk ru an lo kal ang tih te ka hlau. Khum ah chuan in hmatawn reng in kan mu a,min melh vung vung chuan ka lai lek lek. Ani lah chuan laih hre tawh si lo,chubak ah ka lai tih pawh a hre tawh kher lo ang.










“School a thawh chhunzawm leh i tum em?" A hmai khawih neuh neuh pah chuan ka ti sap sap a “Tum lo" Ti ve sup “Timaw?" Ka ti nghal ha bawk “I awm tawh chuang hleinem" Ati sam et lehnghal a. “Chutiang a han tih rihngawt!" Ka ti nghal vat a,a nui mai mai thung. “A theih chuan damdawiin lam ah thawh zawm ka tum zawk,tun ah pawh sawmna ka dawng nual a,nakin deuh ah ka chhang hlawm ang" Ati sup a ka lo chhing nghal siar siar bawk. “School ah chuan an ngai hlawm ngawt ang che,i fel fek fawk sia" Nui hak a ka tih chuan a nui ve suk.











“Class 10 i nih lai kha ila hria em?" Ati ve sup a,lukham a ngheng tha sauh sauh bawk. “Hria e,nga tinge?" Ka lo ti vat a “Ka hmuh hmasak ber na che ania" Ati sup a “Keipawh" Ka lo ti ve vat. “Kha tih lai kha chuan naupang en in ka en che a,mahse ka vei zui che tih erawh ka lo hrethiam hauh lo a,i thiannu nen kan building lam a in rawn in kuah phei nawk nawk lai pawh ka la mitthla thei" Ati leh sup a,thil ngaihtuah kir ang mai hian a ngawi vang vang bawk. Ka lo nui hak hak a.










“Kha tih lai khan kan senior ten i strict zia leh sual zia an sawi te khan mak kan tih theih zia kha,kan lo ralkhat chhelo ti ve em em che a. Mahse,science kan lak atang khan i khirh zia chu hrilh nawn pawh kan ngai tawh lo...kan star ru ve thei lutuk che sin" Nui chung a ka tih chuan hriat thiam loh hmel fe hian min lo en a. “Nangpawn maw?" Ati sup “Imm..mahse class i lak atang khan ka hnawl vang vang tawh che!" Ka tih chuan a rum nghut.










“Hmanlai chanchin anih chu kan sawi!!" Ka lo ti nghal hlar a,“Min duh zia kha sawi la a tawk!" Ati hmuk a. Hmel dur zet in min en bawk,nui chhuak hak in a awm ah chuan ka kuah nghal hlan a. Ka tawng pui reng anih chuan a harh tulh tulh mai ang. Chuan,a thikthu a pe chhe leh dawn mah mah bawk.




......



Ka biang chul riak riak tu an awm chuan ka harh hlawl a,ka men chhuah rual a min lo melh reng tu ka hmuh vang chuan ka nui nghal sak a. Ka chal ah a fawp nghal vang vang bawk. In let thak a mut that leh mai ka tum chu min pawm tho deuh nawlh a,ka hawi hai hmel chuan a nuih ati za ngang mai,mahse zing kar atang a a nui ri hriat chu nuam dangdai tak ani.




.......





Rohlupuii hostel ah dah luh a ngaih vangin ka haw hma a ngai a, in ngai viau mah ila zan ka riak tawh bawk nen ka chhungte thu ka hnial ngam lo. Kan chhungkua chuan kan kal vek a,Rohlupuii pawh a phur tawh ang reng khawp mai. Midang chu tap zawih zawih in an in thlah liam a,kan Rohlupuii ve chu a nui vur vur reng lehnghal a. An warden tur kha kan hmel hriat alo ni hlauh a,Rohlupuii che fel lo lutuk pawh siam tha hlak teh seh. Ka nu phei chuan hau bawrh bawrh tur in a chah mawlh mawlh bawk.










“Enge Zodina chu a an zel a?" Ka nu in ati sap chuan ka melh phei vat a,min melh lo hian thil alo chawk mawlh mawlh. “A tha ve zel" Ka lo ti ve sap bawk. Ka hamhaih dawn dawn alawm mawle. “Dam vat se collage zawm tum nghal la,i result a tha tho bawk nen kum lak lawh ah pawh i zawm thei reng ania" Ati leh sap chuan ka bu nghal nghat. Ka nau awm lo chu a reh ve huai a. Mahse,chawlh an rawn nei leh zawk zawk dawn tho a. Mahni in nawm zia hriat ve hrim hrim nan pawh a tha alawm











Insuk tur ang ang chu ka su ve a. Ti ila ka khawl in ani mah zawk. Khawl hian kei ai a su fai daih zawk lehnghal a. Sir nen reilo te kan in be zeuh zeuh a,in be rei lo viau mah ila reilo te ah arawn call leh zel tho. In lam ah tih tur a awm ve miau vangin min dang lutuk thei lo bawk. Keipawh ka insuk te ka zar zawh chuan ka nu ei rawng bawl ka puih lehnghal mawlh mawlh a.










“Iva lo leng khat ve a?" Lalzami rawn lut hlawl chu ka lo ti nghal hluai a,ala ner nang chu. “Rawn kal pawh ni ila in ah i awm ngai chuang hleinem! Dar 11 vel te mai mai hi lawm kan inhmuh ve hun chu" Atih chuan a dik lo bawk si lo nen “Nia" Ka ti ta tawp a,hnehtu in ti deuh hian min la melh zui a. Sir chungchang chu min zawt ve luam a. “Duhawma hi a reh ta daih tih na mi?" Atih chuan ka melh deuh nghek a “Naaa...ka zawt mai mai che lawm,khati vak a mi melh" Alo ti ve deuh hlar a.










“A chanchin engmah ka hre lo ka lawm hle bawk" Ani reng bawk a,a number ka nei tawh lo bawk nen eng boruak nge a thawk takngial tawh ka hre tawh lo. “I van rawn nasa haw tak!" ala ti hlak zui “Collage i zawm dawn em?" ka tih chuan a bu nghat a “Mahse science ka la tawh dawn lo" Alo ti nghal zat bawk “Timaw?" Ka lo ti hu a “Peih tawh teuh lo!! I la la dawn mi?" Min ti let ve ha bawk “La ang" Ka lo ti ve mai a. Rei awm lo in haw zui leh mai a. Chaw ei alo hun thuak tawh bawk nen ka nu chuan chaw ei a rawt a,keimah te chuan ka che zui mawlh mawlh.





Conti....






Sir Zodina pawn that lam a pan ve zel a,pawn pawh a chhuak ve zeuh zeuh tawh bawk. Ka lo beisei ang ai a a that chak vangin ka zirna pawh zawm ka tum nghal a. Ka grade alo chhe lutuk lo bawk nen ka collage duh na ah chuan lut thei mai tur ah ka inngai deuh. Sir Zodina nu in a thawhna collage a lut tur in min ti a,mahse ka nu in a duh lo. Enge maw a ngaihtuah leh ni dawn ni.










Ka nu nen chuan collage luhna tur lam tunlai chu kan ngaihtuah deuh reng a. Vanneih thlak tak in collage tha pawl ah ka lut ve thei dawn. Tuma tih pui na tello in tih kan sawi tel hram ange. A lut tlai pawl ka ni bawk nen entrance exam pawh a har ve viau a. “Saturday hi visiting day ania,i nau ken tur thil kan va lei khawm dawn em ni?" Ka nu in atih chuan ka aw vat a. Keipawn mamawh neuh neuh lei tur chu ka nei ve nual.










Ka nu nen bazar ah chuan kan chhuak a,mipui pawh chutiang lutuk a tam chu an ni lo. Ka nu in kalkual duhna alo nghah ve ang reng a,thil pawh ei lo in kan vak kual a. Thim thet thet ah chuan in kan thleng ve chauh a. Ei rawng erawh bawl zui chiam a ngaih tawh loh vang in chaw ka chhum ringawt a.










Chaw kan eikham chuan sitting room ah kan thu thap a,ka nu leh pa te chuan tv an en a,thatchhe zet in an bul ah ka lo thu ve kar a. Door bell alo rik ral ral chuan ka tho vat a,kawngka lam chu ka pan nghal vat a. Pawn a lo ding reng ka hmuh chuan ka nuih nghal sen sen. Ani pawn min lo nuih ve suk a. “E..Zodin ilo leng peih ani maw?" Ka pa chuan kan inzui phei a hmuh chuan alo ti var “Kha in lo tha maw?"" Nui suk chuan ati ve sup a,kan thu thla zui nghal daih bawk.









“Bawihte thingpui min lo lum te che?" Ka pa in atih chuan ka tho nghal vat a,ka pa nen an ti ti ve reng a. Zan dang ah pawh chuti tho,ka nu pawn alo zawm ve zeuh zeuh a. Chutia in nel lo lutuk han tih tur an ni lo. Thingpui chawi phei in ka let a,dawhkan ah ka nghat nghal zat. Thingpui no dawm pah chuan an ti ti reng a,ka nu chuan tv lam alo melh leh ngar tawh thung.









“kan mu tawh mai dawn em ni?" Ka pa in atih chuan ka nun alo chhawn vat a “Zodin lo la leng ve reng rawh aw,kan va mu tawh enge!" Ka pa in atih chuan alo mangtha ve mai a. Room ah an lut chiah chu nui vur vur in arawn tawlh hnai rut a,ka dar ah arawn kuah nghal thak “I chau em?" Ka ti nghal vat a,tunlai chu a hna a zawm thar leh tawh a,mamawh tu an lo tam bawk nen chauh pawh a chau ve viau ang.









“Chau lem lo e,vawiin chu client an tam lo a" Alo ti let ve sup a ka lu ka bu nghal ngat. “Monday atang class ka join ve tawh dawn a,ka huphurh e.." A kawng ah chuan ka kuah let ve thak a,a pang ti lum chuan min ur nghal “Tinge i huphurh a?" Min kuah nghet ve sauh sauh chuan ati sup a “Collage ka la kal ve si lo a,a awmdan tur engmah ka feel thiam lo alawm..mi bully hrat deuh te hi an awm ang tih ka hlau".









“In professor ni mai tur in min duh em?" A aw atang chuan a nuih aza tih ka hre thei “Duh mai mai looo" Ka ti chhuah chiam chuan a nui chhuak hawk hawk a. Min tih retheih ka chak ang ah ka ngai tawp hepa hi. Ka chal ah chuan a hmui a nawr vang vang a,engmah kan sawi zui ta lem lo a. Thil min zawt chik deuh ang hi ani lo a,amah hian a hre leh nawlh zel.











A chang phei chuan thlarau ani amaw hi ka ti lek lek zel,ka chungchang engmah hriat loh a nei lo ka ti thei ang,anih loh pawn ka sawi uar zawk mah mah thei. “I first day chu thlah ngei i ngai anga" Thawk chhuah suai suai pah a atih chuan ka lo ner nang thung. “Lehlam kawng ah chuan ka phur leh phian sia" Ka ti leh ang lawi a “Kal la ka tih leh tih loh zat a in ang reng?" Atih chuan ka melh chho ha a. A hmel that zia pawlh mai chu!











“Sang tak thleng zir la,i nih tum ni ngei la tih hi ka duh ber ani a....mahse.." Tiin a meng zim nghal san “Ka chan mai ang che tih ka hlau leh bawk si" Atih chuan ka nui chhuak hak hak a,thik thu pe chhe uchuak lutuk.. “Lungngai suh,ka pasal tur ah ka ngai nghet hmiah tawh che lawm,nang in min kawp te anih ngawt loh chuan" A hmai bul zet ah chuan ka mit ka chet kual ralh a.









Che vut in min chawi nghal a,thawm ka chhuah hman tep ani. A mal ah chuan min pawm nghal hlan a “Hetia duhawm em em a i awm reng chuan engtin nge ka insum zawh ang?" Ti nghut in ka hmui ah a fawp nghal tawn tawn a,a duhthawh takzet bawk! Thaw tha thei lo lek lek a min fawh hnu chuan min thlah ve ta chauh a. A awm ah chuan ka bei ta reng a. “I mut a chhuak tawh em?" Atih sup chuan ka lu ka thing ne ne.











Dar 10 vel ah chuan a haw a,fimkhur turin kan inhrilh nasa viau bawk. A nu leh pa te bulah a awm daih a,damdawiin a hnaih zawk vang leh a nu in awm tur a a sawm nasat viau vang ani. A nu leh pa te nen pawh kan in hre tha viau a,mahse keimah hi a zakzum chi ka nih vang hian han biak vak emaw...inlak fanu vel viau kha ka ti ngai lo hul hual ani.






.........




TIME PASS



Class a zawh chuan ka chhuak nghal nal nal a,ka thian ve deuh te nen kan department a in an loh vang in kan innghak khawm mai zel a. Chawhnu lam ka off vangin kei chu ka haw hma dawn a. Jasmine pawh chuti tho chu,kei chu lam tu tur ka neih vang in scooty pawh ka keng duh lem lo a. Zodina pawh vawiin a awl ve hlauh a,chubak ah keimah a ka haw hian a ngaih a tha lo thin a.












“Hi! Awmpuia ka nia?" Zodina nghak pah a ka hawi kual vel lai chuan ka bul lawk ah hian tlangval sang zet hi alo ding a,ka melh nghal vat. A kut arawn lek chhuak nghal vat “Aaaa Brooklyn ka nia" Ka lo ti ve vat a,a kut chu ka vuan ve vat a “Bus i nghak em ni?" Atih chuan “Nghak lo e" ka ti sap a “Ka lo thlah dawn che mi?" Atih leh chuan chhan mai ka tum a,horn arawn ri nghal tuarh,ka hawi phei chuan car atang Zodina ka hmu thei.












“Nih ka kal tawh mai ang,ka mi nghah alo thleng a" A sawi tur pawh ngaichang lo chuan kawng ka kan nghal a. Car ah chuan ka thu lut nghal vat. “Tunge?" Ati nghut chuan “Kan collage ami aniang" Ka lo ti sap,ka kut chu arawn ban a,sanitizer in a kap a,tissue in a hru nghal nak nak “Zodinsang!!!" ka ti hlar a,tissue chu hnung lam ah a theh dawt a,a tlanchhuak zui nghal mai.



.

NOTE:Ka phone chiang loh vang in story pawh ka rawn zawm thei lawk lo a,facebook ah pawh ka lut mai thei lo a. In comment pawh ka chhiar hman lo a,christmas leh kumthar boruak nen rilru ah a lut tak tak thei lo,ka mit alo chiang lutuk lo bawk nen min lo hrethiam hram hram ru aw.


Show post links
Top