INFERNO BY Hmangaihi Chhakchhuak (Completed)

[Ngaia]

Inferno

Chapter One


“I thiam em Lalngur?" Ka nghawng a min lo kuah chuan ka pai deuh khut lehnghal a. “Thiam hmel ka pu ami? Khawi teh! A lum!" ti hlar in a kut chu ka pawh thlak sak sawk a. Mahse ka ban ah arawn kuah leh nghal chawt,a lum bawk si henu lah hi!










“Ele...i stay back vel ange?" In ti thei fe hian ati a,a thiam ve chhun hi chu a hriat thei ania. “A ho e,eng ang pawn thiam mah ila min zawt ngai chuang lo,chubak ah stay back a tih loh na a rei tawh!" Ka ti nghal chiam a,a ner sak chu ngaithei lo in a tukhum ah ka spin nghal thlawrh.










“Sual viau suh aw Ngurthansang ka sam i ti chhe vek!" Ti ve hlar in a sam chu a clip tha nghal mawlh mawlh a,eng ah mah ngai lo zet in ka pawt lui leh hram mahse ka dar ari nghal thlawrh. “Zawt che se ka ti,i thiam loh ni ani bawk sia vaw deuh zawt zawt che se aw!" tum hmuk a arawn tih chuan ka chhiat khum chiam ringawt.










“Kan class queen hmeltha lem lo te pawh an rawn tum lut leh hmuk e!" Kan class a a zet mai,Thlanawm an class kan luh vel ah alo ti nghal chul a,nuih en ah pawh kan en lo. Kan hmeltha tih sawi hi khawvel a a thil harsa tih ber aniang. “Ho e..duh leh kan hmeltha lo anga!" Zami lah inhnial peih at in a awm.









“I thiam em?" Caleb a bul ka thlen rual chuan arawn ti sup a,thawveng khat tlat. “Aw thiam lo!" ti hmuk in ka thu thla nghal dawt a,ka bawk nghal tharh bawk. “Lungngai mah ta che Ngurpui! Ka rawn hrilh ang che!" ka dar rawn ben dat dat pah chuan ati a.










“I hmelchhia Lalzahawm kal teh!" ka ti nghal hlak bawk. Sir Zodina class 1st ah kan la nei zui a,a tam ve phian vang in ka thiam hman lo hrim hrim. Chubak ah physics ka ngaina teh chiam lo bawk. A subject teacher ka nel loh vang ni mai te hian ka hria.








“Good Morning Sir...." Sir Zodina rawn luh chuan kan ti rual thap a,attention in kan class bad boy local ve deuh deuh te pawh an ding khawng ve ul mai. Student ho min han thlek hmasa leh te te a,classroom a fai em tih a mitmeng rum lam mah,melh na ang reng tak chuan an melh kual leh a.









“Sit down!" ati sup chuan “Thank you Sir" Kan ti rual leh dual a “Zawt che se aw.." Henu han over dan em em hi chu. Kan roll a call lai chuan kan thu khawng awt a,kan present sup sup bawk.Sipai training kan ang ka ti ber. Roll a call zawh chuan smart board a han on leh te te phawt a. Homework kan revise mur mur.






“Brooklyn!" Ti ri ah chuan ka hawi chhuak vat a,lecturn atang a vawt ruih a min lo melh tu nen kan in melh nghal chat. Hnuai lam bih nghal daih in ka ding chhuak zal zal a,ka note chu a ruk in ka chhiar ru mawlh mawlh. “Lehkha bu khup rawh!" ti vawt ruih in min melh ngur a,a melh ana ka tih tawh kha,ka huaisenna zawng zawng nen ka note chu melh nawn leh in ka khup nghal.







“Frequency S.I unit eng nge?" Ti sup in lecturn chu a bawh deuh run a,ka thiam loh ni ber kher a min zawt chu chum pawp ka chak ru ngei mai,mahse a bul a ka awm tawh hi chuan dek pawh ka ti ngam hlek lo! A khirh in a nelawm loh ropui si.










“I thiam lo ami?" Mitko san ak a arawn ti leh chuan ka va melh zeuh a,a mit chu ka chung ah hlir a fu ngur mai,engah nge a fuk loh ang,min zawt miau alawm Mawli!! Zawi te a min rawn hrilh tu an awm chuan lecturn chu a ri nghal bur! Ka phu nghek lehnghal. “Caleb get out!" a ti hrawk a. Ka thin a phu nghal dup dup bawk.










Caleb chu a chhuak nghal zal zal a,class chu a reh thap mai. “I stay back ang,thu rawh!" ati nghal hmuk a,ka thu rang lutuk chu Zami alo nui hak,Sir in alo melh ngur chuan a nui hmel a reh nghal riai riai bawk.



Heti reng hi ani mai Sir Zodina class chu,student ho in kan ngaina ngai lo a. Mahse,teacher ah ro ro chuan ani ai hmeltha leh chhelo hi an awm lo ang,kan school hmeichhe awm khawm na ah chuan a chungchang sawi lo an awm lo. School dang hrang hrang atang pawn ngaizawng tu a nei ve thluah. A nelawm loh in a hmel a dur khup reng zel a,ka hriat chian hma kha chuan chhelo ka ti ve thei lutuk.










A mizia en chuan nupui pawh a neih hmel loh,hmeichhia chu lawm lo tak ani! Thil nung satliah ang vel lek in a en.A mitmeng a rum in biak a chakawm lo thei em em a. Teacher dang ten stuff room a min han tirh chang a Sir Zodina chauh alo awm phei chuan chhuah leh mai a chakawm zawk thin.











“Midang pawh kha! In thiam lo tih ka hria,mahse vawiin a ka zawh chin thiam lo ho kha in stay back ang,midang kha chu naktuk ah! A chiang em?" Ati sup a,a tawng zawi ang reng,mahse a class ah tumah kan tawng ngam ngai loh vang in a reh thiap,‘Pin drop silence tak meuh meuh ani'. “Yes Sir..." Kan ti rual dual a mahse zir peih lo fe fe an awm leh tho ang.










“A awl ber eng nge i thiam loh a! Ka nghak peih miah lo che a nia" Ka ner sawk a,nidang ah ka thiam lai zawng a min zawt peih si lo kha,ka thiam loh vel ah min han zawt chat ah!Complain mai te ka duh,mahse tunge thiam lo zawk a lang chiang si.










“I duh leh lo va hawi mai rawh,Caleb nen pawh kan haw thei!" Ka ti deuh hmuk,a stay back lai zawng in ka lo nghak ve ngar ngar zel a. Sir Zodina melh rum pawh ka hlawh nasa,mahse ka nghak zel tho...rilru chhia-i hi!









“Ka ti mai mai nih kha!" ati nghal hlar a,ner zui sawk in ka stayback rei loh nan ka zir mawlh mawlh. Hepa hian ka thiam hma chu zan dar 10 pawh nise mi thutchilh ngar ngar peih ang.



___________________________________________



Ka hma ami te chu ka melh zeuh zeuh a,stay back kan tlem ang reng sia an chhuak zeuh zeuh tawh. In hria em? Kei chu vawi 5 ka kal tawh,mahse word pakhat emaw ka tih dik loh chuan min let tir leh nghal zel anih chu!








Midang in an sawi sual nawk nawk lai in a haw tir a,kei word khat let ka sawi dik loh pawn ka thutna lam a kawk a chiang leh deuh tur in min ti zel anih chu! Tun ah pawh tum bur in ka zir tawh.








“Ka lo nghak dawn che em Brooklyn?" Marvin an alo tih sup chuan ka inngaihtuah buai hle,ani a thiam tawh a,kei lah ka let deuh reng bawk sia. “Brooklyn!" Rawn ti hmuk ah chuan ka hawi phei a “Zir rawh!" Chair a thu chung in a kut a kuangkuah a min lo melh run a.








“Min lo nghak lo mai rawh" Ka ti sap a,a mitko a san nghal ak a,ava han chhe tak. “Marvin" Sir in arawn tih leh chuan ka nun hi ka ning ngawih ngawih,Marvin a chu a phei nghal a. Marvin an a thiam chuan keimah chauh in ka awm dawn,chu chu ka duh bau lo,a hlauh in ka hlau zawk.








“Anih aw!" A bag la pah a arawn tih chuan tap chung a pawh lawm lawm mai ka nap. “Bye" Ka ti sap a,a chhuak zui ve nghal bawk. Class chhung ah chuan kan pahnih chauh a awm e ti lo in boruak chu a uap churh a.A palian in a sang bawk si a,a mi uap chu na tak ani.








Thuthleng in hnuk ri ah chuan hnuai lam ka bih rang ngang mai. Pen ri khap khap ka hre zawm nghal bawk a. Ka dawhkan hma tak ah Sir Zodina a ding tih ka hria. A thil kah rimtui pawh ka hre thei hial. Ka hma ah chuan a ding run a,a tawngmawh si. A ding ngawi ngul ringawt.









Tim dai a ka han melh chhoh chuan kan mit a in tawng nghal chat mai,a hmel lah chu a dur khup lehnghal. Rang zet a ka hawi thlak chuan a vawikhat nan tak meuh Sir Zodina nui ri ka hria. Ka han hawi chho rang leh ngang mai. Min en chung a alo nuih suk suk chuan muangchang in ka lehkha bu ka melh thla riai riai,ka lai ve khanglang emaw ni! Hah..ani chauh lo ah pawh hian ka lai ngun e,amah a nih vang kher ani lo.








“Nizan lehkha i zir tha lo deuh em ni?" Ti sup a a thawk chhuah suai suai chuan ka bu nghat a,a rum nghut chuan ka khur der der in ka hria. “Min buk khum suh,i ka ngei in min chhang rawh!" Ati hmuk a,nichin a a nui hmel kha chu ka mitthla thiam tawh eih lo.










“Aw" Ka ti sap a ka lehkhabu ka melh lui ngar ngar,ka melh ngam eih lo. “I hrethiam lo ami i rawn kal har tlat?" A tih leh sup chuan ka bu deuh nghat a,mahse hrechhuak in ka ‘Aw' zui nghal. A teach lai tih loh ah ala tawngtam ber a ni hial awm e,zawhna lah a ngah narawh!









Ka rin loh lutuk in ka bul ah arawn thu thla a,ka tawlh sawn tur chu ka ban rek ah min lo vuan chawt,hrilh hai zet a ka va melh chu tak rûn hian min lo melh. “Ka hrilh fiah ang che,chuan i haw thei ang" Ati sup a,tha te te chuan ka awm ve leh mai a.









A explain lai chuan min en ran a,lehkhabu a bih pawn ka hre lo,min melh reng avang chuan keimah zawk in hnuai lam ka bih ngar a. A chang a ka nghawng leh biang lum leh hak thin chu ka hre reng,ka duh ai a kan in awm hnaih vang chuan ka thin chu phu rang dup dup tak ani.










Ka sam ka hmai zar neuh neuh tu mahse ka in hliah na ni si ka beng a alo zeh chuan ka insum thei tawh lo “Sir!" Ka ti sap a,ka melh nghal kal bawk. “Any problem?" Engmah thleng lo ang mai in min melh let ve run anih chu! Keimah zawk ka zam dawn dawn alawm le.A mitmeng chu ka sawithiam lo hlimna leh thinrim na a in chawhpawlh nuk in ka hria???


....


Show post links
Top

[Ngaia]

Inferno

.

Chapter Two




“Ahh!? Sir ka hre thiam tawh! Ka haw tawh mai ang" Ti bak nak in ka lehkhabu chhah zet chu ding chhuak in ka bag ah ka khung mawlh mawlh a. Ka tawng hre lo ang mai a a awm te chu a mak ka ti ru takzet!








“I kal thei ka ti em ni?" Ka kal sawn tur chu ka bag hrui ah a pawt dawrh a,rak that in amah si chat in ka thu thla deuh chawrh bawk,ka bag hrui a pawh na lam ah tha alo pe na deuh bawk nen dim lo zet chuan ka th(r)u chawrh.









“Engtik lai in nge i haw thei ka tih Brooklyn!! Engvang in nge ka sawi zawh hma a chhuah i tum?!" Ati nghal nghut a,thin phu dep dep in hnuai lam ka bih kar,a aw vawt ruih leh khauh furh chuan warning min pe tih min hrilh nawn nghal.








A chungah tih sual ka nei in ka hre si lo a. Mahse,ani lah ka chung ah a lungawi lo in na zet in min la pawt thu hrawk zui. A thinchhia ka tih kha,amah ka lo nel lo in a class ah a khirh theih em vangin ka lo hlau ru deuh sa bawk nen thlamuang tak in a bul ah ka awm thei lo. Ka thin chu a phu dup dup a,a ri ka hre thei hial in ka hria.









“Teacher zahna pawh i nei hlek lo!" A tih leh nghut chuan hnuai lam ka bih kar ringawt,kan in hnaih em avang chuan in ka chhing sawk sawk ringawt. A thaw ri te chu ka hre reng. Thinrim na tur vak a awm em ni le.








“Ka...ka tihpalh ani Sir" Tho chhuak pah in ka ti sap a,rang zet in classroom chhung ka chhuah san nghal vat. “Ngurthansang!"Ring hauh si lo chuan ati a,a nui suk tel suk tih ka chhuah dawn khan ka hre vuai bawk.









“I va han rei em em,sprite bur 3 ka in zo daih tawh!" Zami lah chuan alo ti hlak hlak a,ka lungphu ala dik lo bawk nen ka melh rum hrep ringawt. Kan kal tur chu ka thukum a za mer mer mai,min en tu ka chian em avang chuan Zami ban chu kuah nghet sauh sauh in ka kalpui a.









“Ngurthansang eng nge maw i hriat le!" Ka kal chak pui ati deuh aniang arawn ti hlar a,a ban pawt nawk in “Ngawi la kal hle hle rawh Vanlalzam!" Ka ti ve nghal hlak bawk,school kan hlat deuh a ka hriat chuan kan kal muang ta chauh.








“Eng nge kha tia mi kal chak pui viau,mawl teng tung thei lutuk!" Ti hlak in a kut a pawt thla hmak a“Sir Zodina ka ti thinrim alawm,ka hlauh zia i hrethiam pha kher lo ang" Ka thaw chhuak zui hap a,ka thin ala phu dup dup thei.









“Eng nga?!!" Arawn ti vak chuan a ban ah ka ben sak chawrh,mi an awm ve neuh neuh nen an rawn hawi phawk hra mai. “Imm...ka ti thinrim,a thinrim lutuk!" Ka ti zui sap,mak tih hmel zet in min en,zawhna min zawt lawk thei lo.








“Chapter kha min explain sak a,a explain zawh ah ka haw theih thu a sawi a..haw ka tum a mahse a thinrim ringawt a!" Ka ti sap sap a,kan awmdan zawng zawng erawh ka hrilh lem lo. “I thiam loh anih chu,HAW RAWH a tih hma hauh in haw i tum a,i chawh nasa nih chu,manner a ngaih pawimawh zia i hriat kha chuvang ani maw kan kal dawn khan a meng rum em em" Ati ve bawrh bawrh.








“Na...Lalzampui,ka thiam loh ani bik lo... tiang thinrim pui nan chuan a ho lutuk,chubak ah meng rum loh lai a nei reng reng ami!" Ka ti chiam a,Sir chhan zawng a a tawng vang chuan ka thinrim et et,kan awm dan zawng zawng kha hrilh ngat ila chuan...naaa...min mawhpuh leh tho ang.









“Aw! I thiam lo a tawk!" ala ti hmak zui “Enteh Zam,Sir awmdan kha a mak rap mawle" Ka ti dek dek chu “Ngurthansang ka ning e,Sir Zodina rel reng suh a star tu ten an hriat phei che chuan i nasa lo viau ang" Ati hlak a,tum hmuk in ka kal tau ta daih.









“Ka lo haw!" Inchhung ka luh chuan ka ka nu ka au nghal a “Aw..i chau em?" Choka atang rawn chhuak hlawl a,ka bag arawn la nghal tharh “Chau ve tho,ka stayback a" Ka ti sap a,sitting room a sofa kan dah ah chuan ka mu nghal tharh.








“Tinge stay back ngai a i awm" Ka nu chuan lo ti in ka bag chu ka ep chiah sofa ah chuan a nghat ve nghal bawk. “Han inthlak la,chaw ei a hun vat mai ang" Tiin choka lam ah min phei san leh ta daih a.








Ka rilru ah Sir Zodina hlir ala awm zui. Vawiin a a mizia kher kha chu a mak ka ti,a nui suk suk zel tho si a. Ka room ah chho in ka inthlak mawlh mawlh a,bathroom lam ka pan nghal bawk,inbual fai sar sar in ka thawmhnaw tur ka la chhuak a.









Ka phone charge mek rawn rik tak ah chuan ka bih vat a,alo full tawh chiang ngei mai. Nizan lam ah ka khawih thi thak bawk a. Hman atang tawh in he number atang hian massage ka dawng ziah. Message mak sak pui pui hi alo thawn ziah zui. A chang chuan satinic amaw tih tur vel te hi arawn thawn.








Khua a thim thet thet tawh avang in chaw kan ei har lo a,ka pa in tawngtai na hmang leh te te in chaw kan ei. Unau hi pathum kan ni a,kan upa ber hian London lam ah zirna a zawm a,chuan ka nau chiah hi class 9 zir lai ani.








Chaw ei kham ah ka U chu kan video call leh te te a. Lawks! Ka sawi theihnghilh,kan unau hi hmeichhia vek kan ni. Kan biak zawh chuan room ah lehkha zir tur in ka chho a,zir ta em em lo chuan phone ka khawih ta char char.








Call ka dawn thut chuan ka meng nghal kawk a,message min lo thawn ziah thin number kha ani. Vawikhat chu ka call tawh,mahse ala duh lo. Hecker ani nge chu ka hre chuang lo a. “Hello?" Ka ti sap a chhanna a awm lo.








Hello ka tih nawn leh sap chuan “I hmeltha tak zet!"arawn ti thum sup a,chu aw chu a cool ruih bawk. “Eng maw?" Ka ti nghal ha a nui suk in “I duhawm tak zet!" ati leh sup a.









“Thah i duh loh chuan mipa dang hnaih suh" arawn tih leh chuan ka bo telh telh “I call sual aniang" Ka ti sap chuan “Thah che ka hre hauh lo ania" Ati leh ta mai a,rang zet in ka phone chu ka dah nghal daih.








Mahse message alo thlen leh avang chuan ka phone chu ka lek kang vut a,ka thlalak,chu pawh nichin lawk a ka corridor a ka ding lai ngei chu fiah lo zet in number min rawn call tu khan arawn thawn a,ihe lo in ka block nghal hmak.








Ka block har lutuk chu ka in ngei leh hnuhnawh a. “A ni thei lo,min call sual ani ngei ang mahse ka thlalak hi..." Ka hriat tham lek chuan ka phun sap a. Ka study table lam pan in ka thu thla nghal zat bawk. Tunge ni thei ta ang?








“Huiham,ngaihtuah tawh suh an call sual che ah ngai rawh!" Ka ti leh hap a,lehkha bu chu la in ka keu leh ta nge nge a. Sir Zodina lah ka rilru ah a awm sek lehnghal.









Zanin chu zir lo phawt mai ang,rilru ah a lut thei dawn chuang lo. Bathroom ah lut in ka in sil fai a,kekawr bul hi mutna ah chuan ka ha ziah a,kawr ban tlawn mut na ah ka ha ziah bawk. Ka dangdai viau in ka hria.









Phone khawih pah in khum ah chuan ka mu a,engtik lai in nge ka muthilh ka hre lo. Ka beng bul a phun ri sup sup an awm chu ka mang hriat ruai ruai a. Ka meng diar diar chuan hlim thla ni ngei tur,dum deuh kuk mai hi ka hma ah alo ding run a.








Ka rak chhuak nghal that bawk, tho nghal vat in light ka on nghal bawk,mahse engmah ka hmu miah lo. Hawi kual in thil hmuh in ring tak chuan ka mit ka len a mahse engmah ka hmu lo. Maimizialin ka awm ani ngei ang!








“I mangphan anih kha Brooklyn" Ka ti nghal sap,mu tha leh in light erawh ka off lo. Phone chu ka bih leh a,ka muhil leh vat.









“Ngurpui tho rawh le" Ka nu in ati ri ah chuan peih lo zet in ka che hrut a,zing lam ah ka mut theih loh vangin phone ka lo en kher a, ka lu ana bur mai. “In ti harh la,va inbual rawh" Tiin min chhuah san a,tunlai tak hi alarm ka set ngai loh vang in ka nu hian zing tin min kaitho ka ti thei ang.








Darthlalang hma a ka ding chu mak ti in ka meng nghal kawk! Ka nghawng chu alo duk kulh anih chu! Hethil hi engtia thleng nge ni ta ngai,nizan thleng kha chuan hethil hi ka taksa ah ka nei hauh lo!!


_______________
Chapter One kha chu ka edit miah lo a,typing mistake alo tam viau ani awm e Sunday chu ka awl ang aw Boihde...


Show post links
Top

[Ngaia]

*Inferno*





Chapter Three


Mak ti zet in darthlalang hma ah chuan ka ding reng a,he thil hi engtik laiin nge ka taksa ah ka neih hman. Thil ei sual ka nei zawk em ni le? Mahse,ka huat tur awm ang chi ei ka nei hauh si lo.








He ka nghawng a thil duk hi ka taksa ah engtin nge alo awm ngawt theih?,nizan kha chuan a awm miah lo,chiang tak in ka hria. Nizan a hlim thla lian zet kha ani thei angem? Mahse,kha kha chu ka mangchhia mai ani sia.









“Ngurbawih i inbual ami?" Pawn lam atang a ka nu rawn au lawng lawng ah chuan inbual theihnghilh thak khawp in ka inngaihtuah tih ka hrechhuak a,ka harh deuh zawk“Aaaa aw nu ka lo chhuak tep!" Ka ti let vat a “A hma lutuk tawh lo ania" Tiin a pen sawn zui aniang a thawm a awm tawh loh dan ah.









Ka inbual zawh chuan ka insiam mawlh mawlh a,ka nghawng ami chu tlem a lan vang in muffler ka awrh ta ringawt,khua a lum bawk nen hreawm ve tak chu ani.Awrh lo ila ka classmate ten an hrethiam nasa mai dawn sia.









“Aw! Khawlum teh reng nen eng nga ti nge i damlo em ni?" Ka pa in min hmuh chuan alo ti nghal vut,min thlek deuh vung vung zui. “Tlem in vawt ka ti deuh a,school ah ka phelh mai ang" Ka ti ta ringawt,lu thing ner ner in “Tunlai tleirawl ho hi chu aw,khawlum pawh an hre tawh lo".









“Khawlum tehreng nen Ngurthansang!" Lalzami rawn lut chuan arawn ti lut leh chiam a,ninawm ti zet in ka lo thaw hak ringawt. Ka nau lah in min chhaih nan tak ala hmang zui.








“Nangpawn kawrlum i hak ve reng kha ngawi mai mai rawh" Ka ti hmak a,hnai deuh a min kuai kun in “Ka hn*te a lian alawm...nilo se chuan ka phelh daih tawh ang!" Ati zui sap,ka nui zui vak chuan ka dar ah ala rawn chum zui!








“Nu kan kal aw!" Tiin kan chhuak nghal,kan thian dun kal chu kan hmuhnawm tham ve ngawt ang. “Enteh,Sir Zodina ka hmu ngam lo e" Ka ti sap a ani lah lo ngai sam lutuk ka ngei lek lek zawk.








“A period kan nei ami?"Alo ti hu a,ka lu ka bu nghat. “Hmm...‘Brooklyn' an ti leh hmuk hmuk anga,class ah hian awm tha ve tawh ang che!" Min zilh phei mawlh mawlh a “Sir hian min ngei hrim hrim alawm" Ka ti nuah nuah.









Engkim ah hian ka hming hi a lam a,class a ka bawk hlek te hi a ngaithei lo em em lehnghal. Ka hma mi te an bawh awr awr lai a ka bawk tur chiah min koh hmuk chang lah a tam.








Midang tih ang ka tih ve dawn apiang hian min hau ni mai in ka hria,ka lehkha zir loh zan a hre thei em em mai lehnghal a. Ka zir loh zan ah min zawt ziah a,ka zir zan ah lah melh pawh min melh duh eih ngai lo.








Amah hi a cool hrim hrim ka ti dawn nge.. Teachers dang te in ngam leh inngaina tak a an awm ho bawrh bawrh ang hian an bul ah a awm ngai lo,office hran a nei a,tah chuan class a lak loh lai chuan a awm chawt zel.Nge..principal tupa anih vang zawk pawh ka hrethiam lo?









“Melh ngai melh vung vung hian ka kal e hi i tia!" Lalzami tawng ri ah chuan ka hawi phei a,alo ner sawk. “Hmalam alawm ka en char char,phun na tur hi i zawng ve hrim hrim nang lah hi!" Ka ti ta hlar a.








“Lalthlanawm! Ka samkhuih rawn keng tawh rawh ka tih kha" Class luh rual rual in Zami chuan a ti chiam a,Thlanawma lo nui vur vur chu ka hmu nghal zat. Nui hak in ka kalsan a,ka seat ah chuan ka thu nghal tharh.









“Nakin ah ka lo keng mai ang,kan in ah samkhuih pakhat chiah kan nei,keimah a ka sam ka khuih hran theih lai hian min khawngaih la nakin ah ka pe let ang che" Thlanawma lah in aw ti no lui zet chuan alo ti let ve nghal duai a,mahse nu deuh ang kha a ni tak tak lo ania bialnu a thlak zing rapthlak,an in melh rum run run hnu ah chuan Zami arawn phei ta hmuk a.









“Hepa hi chu ka ning tlat alawm,mipa ve si ka lipgloss min dil ngun ber tur hi ani ziah!" Arawn ti bawrh bawrh a,ka lo nuih pui mai. “Brooklyn Lehkhabu submit angai" Kan CR Zorina chuan alo ti vut a,assistant CR ka nih vang in ka puih lo thei lo.









“Nimin in stayback rei em?" Office kan pan mek lai chuan alo ti sup a,a tawng tam lo hle nang in min be hmasa ve deuh ziah. “Rei e,ka haw tlai ber" Ka lo ti let ve nghal vat a,a nui suk mai.








Office a kan lut chu teacher te an lo awm thup a,kan Sir Mapuia lah chuan min lo fiam pek a “Hemi te hi lo ngai reng rawh collage vel an kal hun chuan an la inkawp ngei ngei ang" Alo ti pek a,tihngaihna hrelo lutuk in kan nui ringawt. A fiamthu tih lah amah a nuih huai huai dan ah a hriat,kan Sir zing ah chuan fiamthu a duh in mi a fiam peih ber a,mahse kan zah ber pawl ani.









Sir Zodina pawh alo nui ve suk a,phone a melh deuh ngar ngar a,a thut chhuah ve lai tak ani ngei ang. Office atang a kan chhuak chu sawi tur em em awm si lo in kan in nuih kan in nuih mai.









Kan luh hnu reilo te ah kan class teacher alo lut a,first atang muthlu te an awm nghal a,keipawh ka bang lo. Ka muthlu ve chuan ka hria. “En teh,trip neih tur an sawi kha i hre ve em?" Ka melh nghal haw.








“An confirm lo a mahse an sawi ri deuh a" Ati leh mai a,ka bu nghat ringawt. Bell a rik chuan huphurh tak ka ni. Sir Zodina class!!! Rapthlak hian!!








Class arawn luh chuan min rawn melh nghal chat in ka hria,ka mit ka la sawn hman. Nimin a kan boruak kha chu tuman an hriat hmel vak loh,Lalzami lah ala thawveng em em zui.









“Period hnih ka la tlang dawn a kan hmanhmawh vak lo ang" Ati thum sup a,melh pawh ka melh ngam lo. Ka hawi chhuak lo ti ila ka sawi sual lo ang. “Awm chawih chawih suh Ngurthansang" Seh chilh nawk in ka beng bulah Zamin arawn ti hmuk a.








“I ninawm phun reng suh" Ka va ti let ve hlak a “Brooklyn Ngurthansang!" Ka hming pum ngat a min koh in Sir chuan arawn ti chhuak nghut a,ka phu nghal zawk bawk.A class lak lai ti buai awm hrim in rum zet in min melh bawk.








“Class lak lai a tawng ser ser ka ngainat loh zia i hria! Rawn chhuak la hetah hian thingthi rawh" Ati chhuak hmuk a,mak ka van ti ru reuh tak. Sir hian min ngaina lo ani tih chu ka hria mahse min hrem chhan ava ho thei tak.








Ka lehkhabu la in a lecturn bul ah chuan ka thingthi a,ka zak ve det. Hawi pawh ka hawi chhuak tha ngam lo. A subject ah ka tichhia pawh ni ngai si lo,heti vak a min ngainat loh. A mawl anih hi amawl. Thawveng chi nilo ila chuan ka tap zawih zawih tawh ang.






.

“Awm tha rawh!" Ka lo awm zuai deuh nge min rawn en in ati chhuak hmuk a,ning ru zet in ka awm tha nghal hmuk. Ka thil tih sual lai hmu thei he haw lutuk mai.









“First Paragraph kha zir ula,tun period a in thiam loh chuan short break ah in rawn in zawh tir ang" Ti chhuak sup in chair ah chuan arawn thu a,a bul ah khup na thum in ka thingthi a ani lah nuam em em mai in ala thu zui,ka ngei lutuk.








“Class lak lai hian tawng zet zet zel suh!" Ka hriat tur lek chuan arawn ti sup a,ka melh chho vut a min lo melh ve reng tawh. “Ka tawng lai i hre fuh mai mai nih kha Sir" Lawm lo zet in ka ti chhuak sap.Khawilam a tawng! Ka dak chhuak ngam t(r)awk t(r)awk.









“Lehkha i zir that loh vang a thingthi ah inngai rawh" Ati leh sup a,ka ner sak “A hre tawp si lo a" Tiin ka phun nuah nuah “Tlar hma ber ah sawn va thu rawh" Ati sup chuan tho rang tak ka ni.









Ninhlei ho thut na a thut pawh ka duh fe zawk ka khup ana tawh rapthlak. “Sir,ka ban thei tawh lo" Nuih lui ver ver a ka tih chuan min melh run a,ania asin...ka khup hi ana lutuk tlat.









Engmah sawi lo chuan min chhar sak ve mai a,ka nuih ver ver chuan a kiai ve suk anih chu. Thu thleng lam chu bai auh auh in ka pan a,thu thla in ka inbeng fai nawk nawk.









Midangin an zir tak sup sup si ah chuan ka zir ve ta a,ka va inzawh tir dawn chiah tih a bell ala ri zui. Ngei zet in pawn lam chu ka melh ngawt ngawt a. A chhuak nghal nulh chu pawh let hrep ka chak.



____________________________________________




“Aw le,naktuk hian Pathian in rem atih chuan trip neih kan rawt deuh thut a,a kal hman lo tur kha chuan zirtir tu te min rawn be dawn nia...Mahse,a tam thei ang ber kal tur in in ngai ang" Sir Hruai an ati dup dup a.









“Ka tih reng khah!" Lalzami lah in alo ti vei hmak. Ka awih loh teh reng nen a sawi dik tak tak. Ka kal angem aw,ka chhungte ka dil chuan an phal sa,mahse Lalzami nu leh pa strick lutuk hi.








Amah lo hi chu kawm tur ka nei mang si lo a. “I kal dawn em?" Atih sap chuan ka dar ka san ak a.








“Assistant CR follow me!" Sir Zodin an min kal pelh pah a alo tih chuan ka hawi hu a,“Kal rawh,in insual chuan ka thelh hauh lo ang che u Thingi" Nui chung a atih chuan a dar ah ka beng chawrh.






Sir office ka kik chuan “Come in" Ati sup ri ka hre nghal a. A office ka luh rual chuan a vawt ruih in ka hria. A kut tang hmang in a pen ati vir a. Min en ngar zui “Tukin a mipa kha tunge?" Ati sup a,bangbo zet in ka melh reng ringawt.




______

Tawk hrih,lo COMMENT ve ula aw


Show post links
Top

[Ngaia]

Inferno





Chapter Four

.

“I awm dan zahpuiawm zet kha i chin tawh loh ngei ka beisei Brooklyn!" Atih nghut chuan ka ding ngawi reng ringawt. A chhan chu sawi tur ka hre hlawl lo,tukin khan ka cousin,Delhi atang a rawn haw hlim hlawl in min thlah a chuh ve tlat a,ka in thlah tir reng bawk. Mahse,kut ka vei/vai let mai chauh ani.











“Sir ka..." Ka ti sap chu min lo pawt chat in “School thleng pawh a a hming chhiat theih vang in fimkhur ang che" Ati leh nghut a,ka rilru chu ana viau. Sir Zodina hian min haw bik riau a hriat na ka nei tlat,a chezia ah pawh a tilang nasa bawk. Mahse,engvang kher in nge min ngainat loh bik?









“Ka thusawi chu i hria em?" Chiang tak a min en chung in ati chang leh fak a,a ruk a thawk la ham ham in ka bu nghat “Min chhang rawh!" Ka beisei loh lutuk a arawn tih hrawk chuan ka phu nghek a “Yes Sir" Ka ti nghal sap bawk.










“Chhuak rawh" Ti nghut in dawhkan a test paper tam tham zet chu a la kang vut a,kei pawh ka chhuak ve nghal vat. Rilru na zet in class lam chu ka pan hnak hnak a. Mahni inkhawngaihna in min tuam vel mek.












“Kha ti vak a min vin" Ka ti sap a,classroom ka luh chuan an lo bengchheng leh nasa tawh mai. “Engtin nge a tih che a?" Ka hlim lo hmel chu Zami chuan alo hre vat a “Min hau" Ka ti sap ringawt. “Engvang chuan maw?" Alo ti hu a,school ah pawh a nungchang mawi leh a thiam thei pawl ka ni a,zirtir tu te pawn min duhsak ve hle thin.











“U Ropuian min thlah kha alo hmu aniang,school ti hming chhe awm ang hrim in min hau" Ka ti leh sap a Zami chu a ngawi rauh rauh “A star che ani mai lo maw?" Alo ti thut chuan nuih pawh ka nuih peih lo. Haw a mut daih mai te ka chak rum rum.











“Fiamthu thing tak ani" Ka ti sap bawk,ala in ngaihtuah muk hmel em em zui. “Ngaihtuah ve mah teh ani thei em em ang" Ati leh ta chul a “Awihawm loh lutuk,chutiang rilru chu pu se min duhsak in min ngaina em em ang,mahse a awmdan zawng zawng hi ngaihtuah ta che,ka chung ah engtik lai pawh in a sual a












Thil ho te anga lang ah pawh min hrem loh leh tawngkam ngeiawm zet zet a min ti nek thin hi!!" Ka ti chhuak ta chiam a,ka sawi dik reng. SIR ZODINA LEH HMEICHHIA hahahha awihawm loh hian!!!!












“Ni tho mai" Inthlahrung lutuk a atih chuan thaw hak in “Kan class zawng zawng in an hre vek min ngainat loh zia chu,chuvang chuan sawi tawh lo ang" Ka ti ta sap a,mood on thei tawh hek lo. Class dang ang lo tak in ka tawng peih lo a,dawhkan ah kan bawk nguai ringawt.












“Mood fuh lo deuh kan awm" Caleb an alo tih chuan chhan pawh ka chhang peih lo “Sir Zodinan alo t(r)im deuh hrep ani awm e" lalzami lah chuan alo ti thawt thawt a. “E taka.....Sir Zodina hi Doctor ani tih in hria em?" Caleb chuan arawn ti chhuak hluai a,ka bawk awr awr pawh ka tho nghal zawk.



.










“Sir Zodina hi doctor maw??" ka ti nghal ha a “Ni e 12 ho in an sawi ka hre ru deuh alawm" Caleb chuan alo ti leh a“Chuvang ani maw Biology lam a hriat em em!" Zami chuan alo ti ha,mak tiin Zami nen chuan kan in en ha ringawt. “Doctor + Sir Zodina?" Zami chuan alo ti muang fan raih a “Dr Sir Zodina!" Ka ti sap chuan kan rak ta chul mai.












“Eng nge??" Siamtein alo ti phawk hra chuan an lo hrilh ve ta nghal a,keini ai fe in mak ati bawk. “Sir Zohmelthaa hi doctor maw,ka awih thei lo!" Ati nghal chul a,a au ring bawk nen kan class ho chuan kan hre ta vek a.








.





“Naktuk chu kal ve ila?" Lalzami ner nawng chu ka chum nghal chawrh. “Anu leh apa in an phal lo" Alo tih chuan ka melh hrep. A peih lo hrim hrim ani pakhat. “Aw le,a tha lawm thla ka la t(r)euh ang!" Ka ti hmak a. “Tak tak in chhuah lam hi chu ka damlo hma bawk nen ka inhuam chiah lo a" Ati leh ta nge nge a.






---------------




“Lehkha zir lam te hi?" Ka pa in atih chuan ka tho nghal zawk,TV ka lo en tui hman lutuk alawm mawle. “Tha deuh in zir la,i mut dawn ah tukverh khar vek ang che" Ka nu in alo ti nghal vat a “A lum alawm" Ka lo ti leh ve nghat zat “Fan on mai rawh,tunlai chu kan kawmthlang ah thawm ka hre ziah lehnghal ania" Alo ti nghal vut.













Room ah lut in ka kalh nghal a,ka nau lehkha zir ring lutuk chu room bang ka beng deuh dawt “Nguri i ninawm!" Alo rawn ti chiam zui,kei ai ai hian a thinchhia a. “I zir ring lutuk Rohlupui" Ka ti let ve chiam bawk,bang chu arawn beng ve dawt a,engah mah ka ngai der si lo a.











“Vai ram atang a anu ten an rawn hawn i nih kha!" A te a te hian a tawngthei reuh a “Vai thirchhe zawng bul a kan lak mai mai che i nih kha...I hming pawh Preeya Rohlupuii" Ka tih let chuan t(r)ap chung in inhnuai lam a pan tau ta nghawng nghnawng.T(r)ah belh bawk si!












Ka tukverh ri rak thawm ka hriat chuan ka hawi phei vut a,engmah chu ka hmu lem lo. Muang chang in ka tukverh lam chu pan hnai them them in ka dak chhuak a,kawmthlang lam ah hian mipakhat,street light in a chhun phak chang chang a alo ding run hi ka zu hmu thei a.












Ka en reng tih a hria nge a kut arawn vei vut a,zuang zawk in ka tukverh ka khar nghal sawk sawk. Ka hlauh nachhan ber chu in melh fuh palh kan ni lo a,ka tukverh lam alo hawi sa reng tawh vang ani. Helmet a khum vang in a hmel ka hmu thei lo a,a pianzia pawh chiang lo riai in ka hmu.









Ka nu mi sawi kha ani thei mai angem? Ni thei awm tak chu ani,ka rap ru reuh zek!!







“Ngurthangsang nuthau nu" Pawn lam atang a rawn au vak ah chuan ka che hrut a “Rohlupui kel i an nen nen" Ka ti let ve vut. Naupang mah nise tlawm ka tum lo. Ka hring nun ah hian TLAWM tih thu mal a awm dawn lo reng reng,a harsat loh chuan












*Naktuk chu i thei dawn ta em Thingi* Lalzamin call a lak rual chuan ka ti nghal vat a *Thei mai mai lo,ka damloh an hlau deuh tlat a* Arawn ti sawk sawk * Ka khawngaih e...ram vak zau thei lo nu!" Nuih sawh tak chuan ka ti let ve awr awr a.










Zan mut dawn ah chuan ka nu leh pa te ka dil a,zirna lam hawi zawng anih vang leh kan zirlai tam tak a min puih theih avang in an rem ti chauh ani. Thian ho thil tih leh in tih hlim na satliah chu nise min khung bet duh hial ang.









*Sweet dream Brooklyn..* Men ka tum a ka meng thei lo,ka sam muang chang a a in chul delh delh vang chuan ka mu rem sauh sauh a,pang ti lum nuam zet ka feel veng veng rual in ka mu nghet ta chiah.

.......





“In phal maw?" ka tih hap chuan “In zirtir tu ten kim tak a kal tur an tih chuan i kal mai aniang chu,mahse fimkhur la,a over fal fal hi inhliam ah an t(r)angduh tlangpui" Ka pa chuan ati sup sup a,ka bu liam vel ringawt.










Ka pa chuan a hmun thleng min thlah a,mahse motor kal theih loh na lai chin vel awm atang chuan ke in ka kal ta zawk. Ka pa chuan min thlah a tum zet na ka kal theih thu ka hrilh a. A hmun hi an lo post tawh avang in ka bo lem lo.











Ka thlen thlak chuan ka hawi kual a mahse tumah ka hmu miah lo a reh tlawk tlawk mai. Min tih der zawk emaw ni,lo kal lo zawk ila tha tur ania. Ka hnung ah hnah rap ri riap riap ka hriat chuan ka hawi phei a Sir Zodina alo ni reng a.











“Khawnge midang?" Alo tih sup chuan ka hawi kual thuak a “Ka hre lo ka thleng ve deuh chiah" Ka ti sap lo pen hnai in a hawi kual ve vut a “Lo kal rawh an kal tawh pawh ani thei" Ati sup a a pen sawn nghal zat. A inchei dan lah chu a inhmeh hrep lehnghal!











Keipawn ka zui ve nghal vat. Ka hma ah chuan a kal ran a,a reh tulh tulh. Hre awm ang pawn a awm lo. “Sir?" Ka tih sap chuan a ding vut a,min rawn chhuk en nghal run bawk “Kan kal thui tawh e min kalsan aniang" Ka ti sap a a kiai suk chuan ka melh reng ringawt.










A phone a rik chuan a en vut a “Shitt!!" ati nghal hluk...chutah min rawn en in “An thulh next week zawk anih chu" Ati chhuak nghut a “Maw....." Ka ti chhuak nghal chiam. Ka phone la chhuak ve nghal in group chu ka check a,alo ni tak tak bawk!Tun lawk ah ani lehnghal!!










Kan ngawi deuh ren rawn a “Ka pa ka call mai ang" Kan ngawih deuh vang vang hnu chuan ka ti chhuak sap a,ka phone ka lek vut chu a rawn pawt thla nghal hrawk.









“I pa chu call buai a ngai lo ang,ka thlah ang che" Ati nghut a “Mahse haw nghal ka duh sia" ka ti sap a,lungawi loh hmel deuh a min rawn en pah in “Call buai a ngai lo tih ka sawi em?" Ti sup in min rawn din hnaih hrut a,ka hmai zawn a arawn kun hniam chuan in ring hman lo in ka mawng sawh dawt khawp in ka thu hnawk.










“Lo kal rawh!" Ti nghut in ka ban rek ah arawn vuan a min pawt tho nghal hrawk in,min pen sawn pui nghal bawk.Ka ban rek chu a vuan nghet ang reng sia ana lek lek bawk. “Sir.." ka ban pawh let pah a ka tih chuan a kal lai a chawl dat a.










“Haw mai a tha zawk lo maw,ka chhungten an lo hmu ve vek tho awm sia min ngaihtuah ang"Ka ti hap “I nu ka phone tawh" Atih hmuk chuan ka melh haw a,ka nu number engtik ah nge alo neih hman.Chubak ah a call hman lo hrim hrim!!











“Min hnial suh,Sir ka la ni reng tih hria ang che" Ati leh nghut a,a kal nulh chu ngaihngam lo zet in a hnung ah ka zui ve ta tawp.





....

In comment te hi ka hmu thei lo thin a,vawi 2/3 vel lo comment nawn mai rawh u aw

[Ngaia]

Inferno




Chapter Five




Ka hma a ngawi ngul a kal pa chu ka zui ve zel a,engvangin nge ka lo zui ve kher ni ka ti rilru mawlh mawlh. Ka chhungte phone ka tum lah in mi hnial tlat a,tawng hun tur awm ang tak ah hian a ngawi leh kur a,kei mi tawng duh bul a awm tam na na na chuan nuam ka ti leh ta tlat lo. Awmdun reng mah ila ka khua a har.










Amah chauh inngaihtuah awm ang hrim in a kal hmawk hmawk a,mahse a khat tawk in ka tui a hal em tih min zawt ve sek. He hmun ah hian a kal tawh ngei ka ring,a hawi kual thuak a kal na tur chu a hre ve leh mai zel a. Engkim hria-a Zamin a ti pawh kha a awm hluah hluah.











Biak chakawm loh ngawih ngawih hian a awm thiam ka ti dawn nge,ka be tim deuh tlat. Jacket ka hak miau vang in ka thlan deuh dap a,ka lo in zip phui deuh bawk nen ka bek chu a thlan dap in ka hria,ka biang lah chu asa hat hat tawh. Ani pawn jacket gray a ha ve tho a mahse kei ang em em in a hah ve lo,a thlan a chhuak pawn ka hre lo.











Ka kup a ka kut nghat chungin ka thaw hak hak “Sir let tawh mai ila?" ka ti hap a,zah pawh ka dawn peih tawh lo. In a awm a tui sik in ka chak ber. Min melh chhuk ve run a,keipawn ka melh let ve ngar a,ka thawk hak hak a. “Saw ti lai deuh ah sawn th(r)ut na awm,chawl zawk ila,kan haw tawh dawn nia" Ati sup a “Naaaa" ka ti ru deuh vawng vawng.










Thaw leh hak in ka ding ngil a,rin loh lutuk in ka ban rek ah alo vuan chawt a,ka melh nghal haw bawk. Ka hah bawk nen biang tai hlar a ka melh chho lai tur ka mitthla hian ka zak chem chem thei. Engmah sawi lem lo hian min kal pui a,nichin ang em em a pen hlawk kha chu ani tawh lo. Min ngaichang deuh in ka hria.











Ka ban a vawn na chuan rin loh deuh in kal a ti nuam phian a,amah a palian a tha a ngah dawn tih hriat reng reng. Haw lam ah inpuak haw tir daih ila?? Hahthlak hian,ka ngaihtuah peih lo zawk...












Sir sawi ang tak tak chuan thutna rem zet mai hi thing kung lian ve ang reng tak inkar ah hian alo awm a,an siam chawp tih chu a hriat lutuk. Pipu a ngai lek lek a mahse hrui a awm lem lo,thingkung phei chu hnah in a zam kual deuh raih a mawi ka va han ti tak,Sir chuan chutiang a notice vak lem lo a,min kai phei in min thut thlak tir a,ka bul ah chuan arawn thu thla ve nghal a.












Tui bottle chhin hawng in min rawn pe a,ka lo ban ve vat,ka tui in lai ka khabe ah ka la ti far zui,ka romawl chu la chhuak in ka in hru thuak thuak a,ka in zap nghal hauh hauh bawk,thutna hi a san ve reuh avangin ka ke ka then leuh leuh a.Thli fim pawh a thaw ve heuh heuh reng a. “A lum iti ami?" Atih sup chuan nui sak in “Aih,ka hah a ka thlan mai mai" Ka ti let vat a,ka awm dan vang nge a nui suk mai.












T(r)awng tur hre em em si lo chuan ka be ve zeuh zeuh a,mipa hi chu an tawngtlem hian mi an hip an han ti thla zen a mahse tawng duh loh leh lutuk chuan an ninawm. Hepa pawh hi tawng duh lo eltiang!











“Sir i vawikhat kal na ani lo tiraw?" Ka ti chuan min en chung in “Ni lo e,in senior te pawh kan kalpui ve fo tawh alawm,in zirlai ah hian kawng tam tak in a t(r)angkai ve a" Ati sup a ka tawng apiang a ka mit a a melh kal zel avang chuan ka zam chhe lo chauh! Hawi sawn pawh tum lem lo hian min hlek ren rawn a,lai zet in ka nui ta ringawt,nui ve suk in a kut arawn lek chhuak a,ka biang a ka sam bet chu ka beng ah a zep nghal zeuh.











Ka thin chu a phu dup dup a,ka rin loh deuh in arawn che leh thin. Lungphu th(r)a lo min neih tir mai dawn! “I thiannu thawn tur thla chu kan la dawn em ni?" Ti sup in a ding vut a,ka hau/ho in ka lo en reng thung “Ti vat ila kan haw dawn nia" Ati leh sup a a pocket atang a phone arawn la chhuak nghal zat bawk.











Chutiang ka lo en reng lai chuan flashlight alo de zawk a,Sir chu a nui nghal suk. Ka hmai chu ka hup nghal a “Awi!ka la in ring reng reng hleinem" Ka ti chhuak chiam a,ka chhiat dan tur zia ka ngaihtuah hian a phone saw vawm sak chawrh ka chak.











“Ka la in ring lo alawm chu bak ah tun ah chuan ka chhe lutuk, ka duh lo" Ka ti hmuk a,ka tum nghal bur ka lan chhiat na thlalak a nei tur chu ka zak chem chem,teacher dang lo hmuh ta se.












“I hmeltha lutuk" Atih sup chuan ka melh chho nghal vat a,min lo melh reng tih ka hre nghal zat,awm mai dan thiam lo in kan in melh run run a. “A nih...a..kan in..siam th(r)a lawk" Zam duh bik lo in ka ti bah niai a,nui suk in a bu ve nghat.











Ka sam chu ka siam tha sawk sawk a,thla chu kan han inlak ta lawm,rin aiin ala thiam zek a,mahse thlalak nan a phone a hmang tlat,mahse a phone camera a tha zawk tho tho. Thla chu min lak deuh mawlh mawlh a,keipawh naupang chhia zet in ka in post ve zel.











Thla min lak char char bik avang chuan tlem in nuam lo ka ti deuh “Sir,thla ka lo lak ve ang che" Ka tih chuan min hnial nghut a,ka tih luih ngial pawn a duh lo “Nih in selfie tal ila?" Ka tih sap chuan a phone chu min rawn pe ve mai a,nichin lawk a thlalak duh lo hle kha.











Ka bul ah chuan arawn thu thla nghal zat a,phone chu ka lek kang ve nghal a,a awm tha duh ve phian. Sir Zodina a ang tawh lo lek lek.Vawi 5 vel ka click hnu chuan ka pe phei a,a en ve thuak thuak a a nuih zui suk chuan ka langchhia anih ka ring ta ber. Engvang a lo in selfie pui nge maw ka nih le,hmai bial tawh sa nen camera ka la keng zui.


.....










“Kan haw tawh dawn em ni?" Sir chuan ati sup a,lu ka bu nghal nghat bawk ‘Haw tawh ila' lah ka ti ngam der si lo a. A tawp a tawp ah chuan kan haw ve dawn ta “Sir, thlalak kha min lo thawn ve rawh aw" Ka ti sap a “Okay" Ti ve sup a
number chu ka nei ve chupawh school group atang,a save ve pawn ka ring lo.











A ding vut chuan ka ding ve nghal a “Peih tawh lo e" A ruk in ka ti nang nang a,a hriat phak pawh ka ring lo ania mahse a hre phak tho “Ka pua ang che" Ti sup in ka hma ah alo thu hniam a,awm lo ti lutuk in ka hnial nghal chiam bawk. Mahni zirtir tute puak haw nih ka duh teuh lo!











“Lo lawn rawh" Atih nghut chuan hreh zet in a hnung ah ka lawn a,min la sep dawrh zui. Ka lo rak ring deuh nge anui hawk a,inring hman lo in a dar ah ka chum nghal zawt. Hrechhuak leh nghal in “Sorry Sir" Tiin a dar chu ka tuai nghal thuak a,nui chhuak leh hak in min kal pui nghal.










“Khawng awt suh" Nuihza insum zet a atih chuan thawk ka la ham ham a. A bul ah hian ka hahdam thei thlawt lo. Min seh dawn a hriat na ka nei tlat anih chu. Ngawi reng a min paw chung in min kal pui a. Thil ka ngaihtuah rauh rauh.










Class ah chuan ka chungah a sual em em a,mahse tun ah chuan ka ngainat deuh tur in a awm leh ang lawi a. Phir te hi a nei ani lo maw le? In sum hman lo in “Sir?" Ka ti sup a,a rawn hawi zauh a “Phir i nei ami?" Ka ti sap ka thusawi vang nge a hma aiin a kal muang sawt in ka hria. “Nei e" Atih sup chuan in sum hman lo in “Tak tak maw" Ka ti chhuak chiam a,a mit leh lam chhing sawk in “Aw,i hmu duh em ni?" Ati sup a lu ka bu nghal nghat.










“Thlamual kan pan dawn em ni?" Ti sup in min sep deuh sak a a nghawng ah chuan ka kuah tha leh te te a “Sawi hlauhawm thei e,ramhnuai ah kan la awm hi eng nge thlan te hi sawi a!" Hlau angreng tak chuan ka ti hlak a,a taksa che dawt ah chuan a nui tih ka hria.











Ka rilru hi chu a dawih ve mawle,duh vang reng pawh nilo ka hlauh vang in Sir nghawng chu tlem in ka kuah nghet deuh a. In be zui tawh lem lo hian a kal mawp mawp a,rei vak lo ah kan luhna chu ka hmu thei a. Zuang thlak ka chak tawh takzet!










A hnung atang a ka chhukthlak chuan min dang lem lo a,phone ka pawrh nghal zat chu “Ka thlah ang che lo kal rawh" Ati nghal hmuk a,mood swing lah hi a nei ve khanglang emaw ni. School ah chuan a mood fuh loh tuar tu ka ni ziah,vawiin tal chu ka nih loh hram ka beisei.










Nidang ah chuan car hi school ah alo keng ziah a,mahse tun ah chuan bike alo keng a,a khalh thiam ka ring lo ru tlat anih chu. Ka ngaihtuahna thin hi a!










“lo chuang la" Ati sup a,a hnung ah ka thu ve nghal vut amah sik hlau zet a thu ni mah ila a tlanchhuak tur chiah chu ka va bawh rawk rawk mai. A tlan chak ang reng viau a,ka rak chhuak vak lo chauh ani.










Kan in kawt a a din chuan ka chhuk vat a,lawm thu pawh ka hrilh hma in a tlanchhuak leh ta daih a. Ner sak in inchhung ah ka lut a engmah ka sawi hma in “Extra class ilo kal daih a?" Ka nu in alo tih vat chuan ka meng nghal kawk.




--------


Ka sawi tawh kha,COMMENT hi a in remove thin a vawi 2/3 vel comment nawn thu ru aw..in comment te hi ka chhiar ve melh melh chak thin sia�


Show post links
Top

[Ngaia]

Inferno



Chapter Six


“Extra class a?" Ka ti zui ha a ka nu thusawi chu ka hre sual amaw ka ti hman hial,a awm hian a ang lo lutuk! “In Sir in alo phone alawm,in kal tur kha in thulh leh ta sia,extra in kal zawk ani lawm ni?" Ka nu chuan alo ti vut a,mak ti bawk si chuan ka ngawi ran ringawt.










“Han inthlak rawh i ril te a tam em em tawh lo ami?" Ka nu chuan alo ti leh vat a,arawn tho chhuak nghal vat “Aaa..aw le"Min la thawng deuh bawk nen muangchang chuan inchunglam ka pan a “I jacket kha suk tur ah dah nghal rawh aw i jeans nen khan" Ka nu chuan alo ti leh lang lang a.











“Hah! Awihawm loh e" Room ka luh rual chuan ka ti nghal hak a,sawi tur ka hrelo lutuk leh mak ka ti bawk si chu a nuihzathlak zawk.Sir hian eng ti tih a extra class sawi ngawt nge maw a nih le,nge midang in extra class an lo kal zawk pawh ka hre lo. Ka phone a massage arawn luh mawlh mawlh chuan ka phone ka bih nghal vat a. Sir Zodina number atang kan thlalak vel kha arawn in thawn a,in a thleng tawh ani ngei ang.












Lawm thu hrilh loh tawp chu tha lo a ka hriat vang leh min puak hah em vang chuan “Thank you Sir" tih deuh tlawng chu ka va thawn a,ka massage chang awm ang hrim in a seen nghal ,rin loh lutuk in smile emoji arawn thawn a,ka in rin hma in ka nui hak. Thinlung tak chuan a sual bik lo anih hi.










Kan thlalak chu ka en kual a,thatchhe zet a ka thu lai ala rawn thawn hnuhnawh. Ka va han ngei mai mai tak,in ti thei zet in ka thlalak chu Zami ka thawn a,a online lo aniang a seen lawk lo. Keipawh phone dah in ka inbual nghal sar sar a,naktuk lam ah ka sil ngei ang le.










Lalzami call ka dawn chuan ka pick up nghal vat a *An thulh leh ani lawm ni tinge i kal bik a?* Ka hello hma hma in arawn ti nghal






*ka hmu tlai em alawm* Sam hru mawlh mawlh pah chuan ka chhang a






*Tunge awm ve a,a hlim thla atang lah khan mipa a ang em em lehnghal*










*Ka sawi peih lo nakin ah ka hrilh ang che*









*Bialpa te hi ilo nei ani lo maw Ngurthansang* Arawn ti thawt chuan ka phu zawk a








*Ngawi mai mai rawh*






*Ka chhui chhuak tho tho ang*







Kan inhnial fe hnu ah phone chu kan dah a,inhnuai ah ka chhuk nghal vat. Inleng kan lo neih nual vang in tui in tur fridge ami chu ka la a,corridor lam ah ka chhuak phei a,khua chu a dur deuh a,zan lam ah chuan ruah a sur ngei ka ring. Khaw awm dan chu a nuam tawk viau a,chhun lam kha lum ve viau mahse tlai lam Boruak erawh a vawt sûng mai.












Veng thenkhat chhum in a khuh luk chu ka thlir reng a,thereng hram ri chu hriat a nuam kher mai. Ka phone a rik chuan ka en vat a,number hlang atang alo ni *Hello* ka ti sap a lehlam ami chu a reh vung vung mai









*Hello?*

*Brooklyn tiraw?*

*Aw ni e*


*Muangsanga ka nia 12 B mi* Ka la hre lo cheu


*Ka van hre mai lo*



*Immm a pawi lo mai,i thiannu kha i Number Ka dil a*



*E a nih chu eng nge ni ta a?*



*Eng vak ni lo e,naktuk ah kan inhmu dawn ania*





Ava han ho mai mai tak,tunge Muansanga pawh ka hre bawk si lo,min hriat hmel ve ang reng bawk sia. Vawiin hi eng nge awmzia ni Lalzami call bawk arawn lut leh a,nidang ah chuan 1/2 vel bak call ka dawng ngai lem lo asin.








*Ngurthansang I thla la lut kha Sir Zodina ani tiraw?!!* Phone ka lak rual rual chuan arawn ti nghal nghek a,ka phone ka dah hla nghal.





*Eng nge vak vak a?*




*Ani em sawi vat teh?!!*





*Ni ve deuh tho e..engtin nge i hriat?*





*Sir Zodina story kha en ta che,i thlalak min lo thawn kha a hmang ania*







*Instagram ah ka follow reng reng lo* Ka ti nghal chiam a,inchhung lam ka melh chuan min lo ngaihsak lo hlauh.









Call chu a off hmak a,ka mit ka khap fak fak ringawt,thlalak hi min lo thawn a..Ani tak tak! Ka hmel lah chu a lang chiang em em mai lehnghal a,pangpar te reuh te thu chung a ka keng lai hi alo hmang a,tih ngaihna hre lo in ka en reng ringawt.A call arawn lut leh nghal zat.







*I hmu em?*


*Imm*


*Eng tik atang nge?*



*Eng nge i sawi awmzia?*



*In inngaihzawn??!!*




*Kan inngaizawng hlawl lo!*



*Tinge i thlalak a story si?*



*Mawi ati ve ani mai lawm*




*Mawli mawli...nakin ah chuan ala post hial maithei ani!*





Tih ngaihna hrelo chuan ka vei tawn sek a,Sir in ka thlalak a story vang mai a ka rilru buai vek chu ka hrethiam lo hle. Chu ai mah chuan,followers a ngah ve in a chanve vel chu kan school mi hi an ni..naaaa...zahthlak! Amah lah chu a reh tlawk tlawk lehnghal. Delete mai tur a hrilh te chu ka chak rum rum.










Rin ang ngei in kan school a ka hmel hriat te atang zawhna ka dawng mawlh mawlh a,chhan dan tur pawh ka hre tawh lo,seen pawh ka seen tawh lo. Tawng kam chhe zet a number ka hriat loh atang a massage ka dawn ka dawn zui tak chuan ka rilru ana ngawih ngawih. Sir in hetiang hi a thleng dawn tih hria in a post ani mai lo maw..nilo ..ani chu chutiang a sual chu ani lo.










Zankhua in ka mu thei lo a,chaw pawh ka ei tam lo,ka thaw leh hak zel bawk. Ka room corridor ah chuan ka thu vang vang a,ruah a thla ser ser bawk,boruak vawt vuk chuan min rawn chhem heuh heuh a. Ka phone chu ka khawih ngam tawh lo.










Rilru kam tu ka nei ta tlat a,ka hawi kual nghal bawk. Ka chhungril hi a za ruai in ka hria,min en tu awm ang hrim hian ka taksa chu a za mer mer a,ka hnaih a midang awm ve ang mai in ka feel bawk. Thawk leh khat ah keimah ah hlauhna arawn awm nghal a,rang lutuk in ka room ah ka lut nghal,ka luh dawn chuan thil ri rak ka la hre zui.










Parda zar phui vek in khum ah chuan ka thu a,mahse ka khum bul lawk a ka tukverh chu ala inkhar lo tih ka hre thei. Khar tum a ka hawi chhuak chu kawmthlang lam a mipakhat ding run ka zuk hmu hman a,khar lo in ka zuk bih ve ta reng a,street light hnuai ah bawk khan alo awm leh tawh a,ka room lam arawn thlir ngei tih chu ka chiang.










Khar lo chuan ka melh ve ta reng a,a pianzia chu hmuh tawh na ka nei tlat in ka hria. A che lo a,a kekawr ipte a zen ngei in ka hria,min rawn melh chho ve reng a,a hmel ka hmu thei lo.









Arawn pen hnai hrut chuan khu ti lai daih a awm ni mahse hlau zet in tukverh chu ka khar sawk sawk a,misual te hi ani mai lo maw. Ka nu leh pa lo ti na ta se!! Inhnuai ah chuan rang lutuk in ka chhukthla nghal a,ka nu leh pa chu an lo la meng a,ka chhukthla min hmuh chuan min lo be vat a










“Nu pa tukverh leh kawngkhar khar tha ru aw" Ka ti nghal sap a,an lo bu nghat “Immm muttui u" Ti sap in room lam ah ka chho lehnghal a,khum ah mu in ka inngaihtuah ta rauh rauh a. Naktuk ah keimah ngei in Sir chu ka bia ang!






_______





School kal ka va han peih lo mai mai tak! Trip kha kar leh lam ah an sawn ta daih bawk a,in tih thawven na hun pawh a awm lo avan ninawm reuh tak! Nizan lam ruah a sur nasat em avang in ka corridor lam chu a huh vek a,ka rawmawl ka pho tih tukin khan ka hrechhuak ve chiah bawk. Mahse,a spare ka nei tho alawm.










Inhnuai ah chhuk in chaw ka ei a “Naktuk lam ah I u Sawmtea alo zin dawn anih chu aw" Ka nu chuan alo ti sap a ka melh nghal ha,U Sawmtea hi ka nu nau chiah fapa ani a,Serchhip tlangval hmeltha tih a lar ve hat kha nia,tun ah hian collage a kal mek a,Aizawl lam ah thian a nei ve nual a,an thian ho in hmuh khawm a hun leh tawh aniang!










“A leng leh nasa awr awr ang chu" Nui chung a ka tih chuan ka nu pawh alo nui ve a “Aizawl nula fel deuh hi nupui a nei se a tha ang,hmeltha lo mahse han fel hle se,a nu leh pa hmangaih pui em em thei tur leh duat thiam em em thei tur an nei phawt mai se" Ka nu chuan alo ti bawrh bawrh a










“A fel e mai a nei tho ang" Ngaihsam zet chuan ka ti a,ka thil ei na vel chu ka seng fel a. Ka tiffin siam in ka pa in pawn lam ah min lo nghak reng a.










School ka thlen chuan min lo en hrek hrek hlawm mai,melh duh lo lui tlat in ka kal a. Class room ka lut dawn chiah tih in Dampuii nen kan in tawk a,a mitmeng rum sa teh reng nen min la melh rum zui. Sir Zodina atchilh tu ti a lar hat kha nia,teacher te zilh pawh a tawk nasa malh malh hle.Kan senior anih vang hian zah loh theih ani si lo a!










“Naupang te te si thak reuh lutuk" Min kal pelh dawn chuan ati talh a,ner sak a chhan let ka tum chiah chu Lalzawmpui an ka ka hup in class room ah min luh pui nawk nawk. “Eng nge Lalzawmpui!" ka ti nghek a ka hnung ah na lo te in a beng keuh “Vawiin chu mi in tih buai pui reng reng suh,chhan tu i nei mang dawn lo ania" Atih chuan ka ngawi leh ta daih.











He thil zawng zawng hi Zodinsanga vang a thleng anih hi! A kut hlei lutuk in story up lo se ti lutuk hian ka nun a hrehawm lo ang mawle,zan khat thil thu ah lehnghal.Fel kan tih tawh vei nen,ka pawh ve tep tawh asin!








Ka thil tawn zo zai te avang chuan mood fuh pawh a har hle,min be hlek tu te pawh chhan pawh ka chhang let peih lo. Zami alo la thleng lo bawk nen kan thutna ah chuan keimah in ka thu run a. Ka khabe dawm in ka th(r)u tum hmuk ringawt.











“Tunge Brooklyn-i ve mai mai chu!" Ti ri ah chuan ka harh zawk a,class ah thinrim lutuk in hmeichhe pakhat sam t(r)awn sang zet mai hi alo lut a,zirtir tu ten an hau ve ngai lo ani hrim hrim,saw tia t(r)awn sang vuk saw an phal lo










. Ka class mate te chuan min t(r)an tih hriat zet in “Midang class room ah buaina rawn siam suh" An lo ti a,ani lah a thinrim tulh tulh amaw tih tur ani










“In class hian gold digger in lo kawl reng ani maw! Ang khat vek in nih dawn hi,naupang lek lehnghal mahni zirtir tute ngaihzawn ching!" Atih phei chuan kan class bad boy ho tha za lak lawh tawh chu an ding hluai hlawm a,mahse an khap nghal hlawm.Ka thin chu a rim ve reng,ngaizawng lo se ti sawn min rawn an khum miah lo ang. Chubak ah kan class chu in chhan kan pe na ve hrim hrim.










“Eng nge buaina awm?!!!" Rawn ti nghut ah chuan class a reh nghal thap a,kawngkhar a Sir Zodina lo ding reng chu kan melh nghal thap bawk. Sam tawn sang deuh-i hmel a hlauh na chu ka hmu nghal bawk.



.


NOTE:Tun kar current kan nei tha lo a,ka lo nuam sam lo bawk nen ka lo dah lawk thei lo a. Save sa tur chu ka type ve nual thin a mahse save theih loh hian a buai zel thin sia. Zan 1/2 vel han chawlh deuh hian lo sawisel tawk an awm ziah,information kan pe tha lo pawh ani lem lo a. Ka mit alo na lehzel bawk nen hei pawh hi darkar 3 vel lai edit chhung nen a type ani a. Kan tih dik loh na te tha tak in inhrilh zawk ila,han type duah kher lo hian...



IF YOU CANNOT SAY SOMETHING GOOD,
JUST STAY QUITE


Show post links
Top