Zo Abraham BY Pie Sangtei (Completed)

[Ngaia]

19


Mipa hmelchhia ti a sawi tur chu ani hauh lo a, amah hi hmeichhe tam tak duhzawng ani dawn tih ka hria ,bialnu mai pawh nilo ngaihzawng pawh a ngah ka ring "bialnu inei em" ti a ka zawh chuan min rawn melh zeuh a "nei ve ang chu neilo rual ka ni tawh hleinem nang pawn pasal inei tawh ania, min û rawh" ati duah a, a mah tawp hi a thawven hmel ka ti, ka sawithiam dan chuan lungngaih ber ni pawh a nui reng thei ang chi kha "ka û kher lovang che" ka tih chuan "ka hmuh tawh hnu i ang, tun hma lamah kan lo in ngaizawng tawh em anih loh pawn ka ngaizawng che em nge min ngaizawng" a fiamthu anih ringin amah chu ka en a, a thutak hmel em avang chuan ka nuih za viau mahse ka nui leh duh ta biklo "a pawi khawp mai ka vawi khat hmuhna che ania" amah aia thutak zawk mah tur chuan ka ti a,"a pawi anihchu, Ab-a mawnle" tiin side glass lam chu a hawi leh thin a, min fiamah ngaiin eng ah mah ka ngai duh hranlo


Kan hnung lam atang chuan horn an rawn pe tuarh tuarh a, hnunglam chu ka hawi ve tak nain engmah erawh hmuh ka nei chuanglo "tu phiangsen nge mawnle" tiin motor chu a ti ding a, chhuah mai atum chu a ban ah chuan lo vuanin "kal suh, tualthah hmang lo ni ta se helai hmunah hian kan thi nghal dawn ania, ka tello in ka pa hi a dam zo dawnlo, tlan leh zawk rawh khawngaihin"ka hlauthawng ani, tunlai ah in thahna a tam si a, an laichin hnai tak tak te an thah duh tawhna khawvelah hian an hriat ngai miahloh phei chu an that duh dawn tih ka chiang ani.


Ka thutna lam tukverh rawn in beng ri dawt avang chuan ka au chhuak tuarh a, Murcus-a ban ka la vawn avang chuan ka phu nasa lutuk tur pawh a zia deuhin ka hria.


Ka hnunglam en reng chung chuan " hmela mai mai chuh" Murcus-a chuan ati sup a, zawi muang in ka hawi let a pawn lamah Ab-a alo ding reng chu niin nichin mai kha chuan a rui viau khan ka hre si a, tunah erawh a harhfim hmel leh viau lawi si.


Tukverh bawk chu a rawn beng leh dawt dawt a, enge maw a sawi a, a thusawi erawh ka hre theilo "rawn chhuak rawh" te ati tlatin ka hria "ka hawnsak dawn em" Murcus an atih chuan "maw" ka lo ti deuh ha a, Ab-a chu en in "ka hrelo" tiin ka chhang leh a, ka hre tlat lo ani "in hahthlak emai" tiin kawngka a lock chu a hawng a, chu ve leh rawn pawt hawng pawp in min kai chhuak nghak dawr dawr a, a thinrim hmel emem mai leh nghal.

"Min thlah teh" ka tih ve pawh chu engah mah ngailo in a motor dahna lam pan chuan min kai phei zel a,ka kê ana tih a hre tawhlo ani ngei ang.

Driver seat lam chu a hawng a, Sangzuali lo thu mek pawh chu chhuk turin ati nghal a, Sangzuali erawh hma lam en in ngawi rengin a thu a, min hmu ang pawn a awmlo a, Ab-an chhuk tur a atih pawh chu hria ang pawn a awmlo "hrep tak hian " tih leh a che phut a, ka kut a la vuan reng chungin Sangzuali chu a kut pakhatin a pawt chhuak ve lawp a "lut rawh" a awki atang chuan lut lova tlan haw nghal vang vang na chi ani "Ab, enge thil awmzia, henu vang hian" Sangzualin inla no zet a alo tih chuan "lo in rawl suh" ati chang leh fak a, Murcus-a pawh alo thleng phei ve leh chiah bawk "Ab" ati dek dek a "Henu hi thlah haw rawh" tiin Sangzuali chu a en zeuh a, chutah min rawn en leh in "lut rawh" ahma aia nelawm tawh zawkin ti mahse tun a Abraham Zodinsanga hi chu ka ngaina hlawllo ani.


Duh thlan tur dang ka neih ngang loh avangin thei leh thei lo chuan luh ka tum a, ka ke lah chu ahma aiin ana leh daih tawh bawk si a, ka rap ngam tawh meuhlo ani , Ab-an min puih a tum erawh ka lo vai sawn vat a, hetiang a ka chung a a thinrim ve ringawt na chhan tal hi hria ila ka ti.


Ka thut fel hma chuan Sangzuali chu chhuak emem in a rawn tap thut a, tuman engtin kan tih ka hre silo ka thufel rualin Ab-a lah chuan kawngkhar lah chu a rawn khar nghal hmak a, Sangzuali lah chu lei a thu meuhin a tap bawk si Zodinsanga chet dan thing zet vang anih ka ring a, ani lah chuan eng ah mah ngai lova kalsan in driver seat a a rawn thut luh rual chuan chak zetin a tlan chhuak nghal a, keimah zawk hi thinrim awm zawk tak ka nih lai a min thinrim khalh daih hi ka hrethiamlo chuta karah a bialnu ti tapin ala kalsan daih zui a, duh viau mah ila tun a a chet dan erawh hi chu ka duh lo, Sangzuali pawh ka thik viau ani maithei ka hmeichhiat pui ani a, khatiang a rilru na tak a siam erawh ka duhlo, a bul pui ber chu Abraham Zodinsanga ani.


Be chak lo mah ila Sangzuali a tih danah khan ka lung a awi thei tlatlo "Zodinsang" min rawn melh zeuh a, a motor khalh lai chu khalh chhunzawm in hma lam chu a en leh ngar ngar a, ahma ang emem a thinrim hmel chu pu tawhlo mahse a chetdan ah khan ka lung hi a awi thei thlawt lo "inbia ang" ka tih leh pawh chuan a awm dan ngai rengin ala awm reng a, ka thin in a tuar leh ta lo "in then mai ang" ka tih erawh a hre chiang viau aniang a motor khalh lai chu a ding nghal chat a, ka lam rawn hawiin "sawi nawn leh teh" nelawm loh zet chuan ati a, ka zâm chhe hman thelh ani mahse engtin mah min tih ka ring lo a chhan chu a hmangaih ka ni miaulo ani "in then tawh mai ang Zo Abraham" a nui suk a, hma lam chu en in "in then maw? I duh maw in then" ngeiawm zet chuan ati a, eng a hria chu nimaw a hlim ka rin tehlul nen chutiang reng reng hmuh tur a awm hauhlo , a mitmeng a sen rum a, a hlauhawm lek lek zawk ani "aw... Sangzuali nen pawh midang vengthawng miahlo in in awmdun thei tawh zawk anga, bakah kan inthen hun a thleng tep tawh tho a" a mah pawh en ngam lo in hnuai lam ngawt chu ka en a, a mitmeng sen rum mai leh a thinrim hmel ka hmuh chuan ka sawi duh hi ka sawi theih ka ringlo ani.



"Kha pa khan a duhthu che a hrilh che ami?" a thusawi avang chuan amah chu ka en vat a, tu khapa nge a sawi ka hre hauhlo "tu khapa maw" ti a ka zawh chuan "i lerh thak chak tawh anih kha"chutiang rilru a pu chu mak ka ti zawk ani " Ab, ka nun ah khapa tih tur tumah an awmlo , i duh dan dan in ngai rawh Sangzuali nen a hlim tak a in awm ka duh vang anihhi nang lah chuan ka lerh thak chak vangah min puh let leh a, ka tan anilo, i tan zawk ani" hrethiam ngei se ka ti takzet ani "keimah vang maw" ka mitah tak min en a, kei phei chuan rei pawh ka en ngam lo "aw" hnuai lam en chung chuan ka ti a, chutah rawn che phutin motor kawngkhar ah chuan min nawr bet a, duhthaw zetin min fawp in ka awm bawr chu a dap kual ruai bawk a, a awmah chuan namsawn ka tum ve ngial a, awmzia erawh a nei lo kher mai.


"Kan in then lovang" a in lak hran hnu chuan ati a, chhan erawh ka tum hauhlo , driver seat ah bawk chuan thu leh in stearing chu a vuan a,amah en lo mah ila ka mit sir in a chevel chu ka hmu thei reng ani.


Ka duh vang ni hauhlo in ka biangah mittui alo luang a, Abraham Zodinsanga hi ka duh ngei mai mahse ramsa ang mai a khawsa erawh hi chu ka duh tel theilo ani, thil pawi tak tilo mahse ramsa koham ang mai a a khawsa khan minti na a , ka rilru nô ko chuakin ka mittui hial a ti tla ve ta, Zabilha khan khatiang khan vawikhat mah minti ngai lo Zabilha pawh nunhlui ami ani tawh a, ani nen a tehkhin turin a engmah ka nilo bawk mahse a engmah ka nihloh vang tak khan ka na si ani.

A hmangaih ni in min duhna chhe te tal ne ve se chuan tun lawk a ka chung a a thil tih ang kha a ti in ka ringlo ani.

"Baby" inthlahrun hmel deuh ka hming a lam ri te chuan ka tah a ti chhuak takzet a, mahse tah erawh ka tumlo ka mittui erawh ka dan theih lo "Hey, Baby" min rawn khawih a tum chu ka kut in ka lo in dang vat a "haw ka duh" mittui luang zawih zawih chung chuan ka ti a, "awle, kan haw dawn nia" rang zet a alo tih chuan "ka pa in ah" ka ti ve nghal zat a, min tih nat em avang a ka pa in a haw duh ka ni hranlo a, tun a ka zui haw leh anih chuan ka kalsan theih ka ring tawhlo zawk ani.

Stearing chu nghet zetin a vuan a,a tawng lova enge maw thil ngaihtuah ang mai hian a awm ngaiin a awm reng bawk "min thlah dawnloh chuan taxi ka la mai ang" ti a motor kawngka hawn ka tum chu minlo dang vat a "in then chu i duh a maw" ati sap a, a ringlo a mahse ka hre chiang hle thung "kan inthen tep tawh tho a, tun a tih fel law law hi a tha zawk alawm" ka ti leh a, a duh hmasa tu ka nih avangin engtikah mah ka thinlung hi a hrethiam ve ngai dawn lova reilo tê pawh nise a thinlung ah midang an awm reng ani tih hre reng chung a a kiang a awm leh chu ka thei in ka ring tawhlo ani.


"Awle, i duh dan chuan le" tiin motor chu a ti nung nghal a, min dan tumna engmah a neilo te chuan min ti na zual takzet ani.


Ka pa in peng kan thlen thleng chuan kan in be leh tawh lova mahse, ka chhuk tur erawh "Baby" atih avangin beisei nei takin ka nghak leh rih a, mahse engmah a sawi chhunzawm tak siloh ah chuan "lo in enkawl tha ang che Zo-Abraham khang hun chhung a ka chungah i thatna zawng zawngah khan ka lawm lutuk ania chuan vawk man kha remchang hmasa berah ka lo pe ang che" tiin ka chhuk zui a, ka ke ka tihnat belh avangin thei leh thei lo chuan ka kal a, tawlh theih se chuan ka tawlh chiang viau ang.


Step a ka chhuk tur chu ka banah bawk chuan a rawn vuan leh a, hawi let lo mah ila a rim atangin tunge anih ka hre chiang viau ani " ka thlah ang che" tiin muang changin step ah chuan min chhuk pui a, a pawi ka tilo helai kawngah hian a damchhungin a kal tawh kherlo maithei a, a kal tawpna tur pawh ani mahna!

"Puak i duh zawk em" atih chuan rang zet hian ka duhlo thu ka lo sawi ve vat a, light eng hnuai ah te chuan a hmel chu a tha zual mah emaw tih mai tur ani ,ngaihawm emem in a nui suk a, hetiang a anuih apiang hian ka buai zo thin ka tih tawh kha min thlah nan a nui ah ngaiin za lo deuh chuan ka lo nuih let ve ta ringawt a a zialo tak tak ani.


Kawt zawl kan thlen chuan a ding dat a, van lam chu hawiin thawk alak leh vang vang hnuah "va lut tawh rawh, ka rawn lam leh ang che" tiin a kal zui nghal a, mak ti deuhin a kal liam lai chu ka thlir reng a, min rawn lam leh tur thu a sawi vang nge beiseina lian tak ka nei nghal ringawt bawk , step tawp a thlen thleng chuan vawi khat pawh a rawn hawi let tawh lova "lo in enkawl tha ang che Zo-Abraham".


Ab-a nen a kan inthen atangin thla khat lai aliam leh tawh a, minlo lam tur thu sawi si kha thawm engmah ala rawn nei lova a duh a tawng a hlimah ngaiin keipawn biak ka tum bik lova, ka pa nen vawk vulh dunin keimah ni tawkah kan buai ve thin hle ani.


Bungrua erawh Ab-a nu leh pa ten lak an la phal tlat lova, la turin vawi hnih ngawt ka pâ te pawh an kal tawh a, beidawng bawkin anlo haw leh thin.


Ab-a nen a kan inthen tih ka nû in a hriatin a thinrim hle a, ka pâ nen a kan in-ah rawn kal in thil awmzia te min rawn zawt tak na in chhanna engmah ka nei lo a, thinrim takin a haw leh kha ani a, a nî pawh tun thlengin a reh zui nghal a, a pawi pawh ka ti hranlo , ka nu anih avangin ka haw reng thei bik lova kan nun ah hian rawn in rawlh tam lo se kan inkar chu a tha animai alo in rawlh ve chhen chuan ka duhloh dan hlir a ka nun khalh kawi a tum thin a , kan nufa in kar a chhe ngei ngei thin.



Rinhluii nen kan in be ve leh zeuh zel a, a kâ atangin Ab-a chanchin ka hre thin a, tam tak chu ani hranlo "hna a thawk nasa" tih vel bak a sawi ngailo a, bialnu a neih leh neih loh phei chu ka zawt ngamlo hrim hrim nei turah ka dah sa vang te pawh ani mahna.


Ab-a account number ka hriat loh avangin Rinhluii account ah ka pa vawk a leina man pawh ka transfer tawp a, a account number vel va dil a va biak ka duhloh vang leh a lo lak duh ka rin loh vang a Rinhluii account hmansak ka ni zawk mah.

In lam ah kawr thui tur ka neih te ka thui mai thin a, ka dawr thawhna thin ami te khan minlo sawm leh mahse ka thawk duh ta lo ani , rinaiin cousRinhluii nen kan in be ve leh zeuh zel a, a kâ atangin Ab-a chanchin ka hre thin a, tam tak chu ani hranlo "hna a thawk nasa" tih vel bak a sawi ngailo a, bialnu a neih leh neih loh phei chu ka zawt ngamlo hrim hrim nei turah ka dah sa vang te pawh ani mahna.


Ab-a account number ka hriat loh avangin Rinhluii account ah ka pa vawk a leina man pawh ka transfer tawp a, a account number vel va dil a va biak ka duhloh vang leh a lo lak duh ka rin loh vang a Rinhluii account hmansak ka ni zawk mah.


In lam ah ka in thui thin a, rin ai takin coustomer ka nei chak phian a, dawr a thawh aiin a hlawk zawk mai piah lamah mahni in a thawh theih alo ni bawk nen ka thawna thin ten minlo sawm leh mahse ka thawk duh ta lo ani.


Ka vawk chaw pek laiin ka puan than lak na thin Nu Rinsangi'n minlo call a , puanthan alo thlen thar thu leh midangin an thlan hma a lo thlang vat turin min rawn ti a, ka phur kher mai, Nu Rinsangi hian min duhsak a, pawisa ka neih remchan loh pawh hian "i neih hunah min pe dawnnia" ati mai thin a, ka tan chuan a hlu tak zet ani.


Chaw ei kham chuan hmanhmawh deuhin ka in siam a, thui tur ka ngah avangin chhuak rei hman pawh ka nilo "pâ, ka chuak dawn ania" insiam mawlh mawlh chung chuan ka ti a, in a ka awmloh chuan ka pâ hi a khua a har thin lutuk a, engtin nge kha leh chen kha ka tello a alo awm theih zawk ka ti thin.


Kawnah taxi ka chan laiin Rinhlui'n minlo call a, ka chhan rualin "vawiin chu ka ngai lutuk che a" a rawn ti nghal zat a, ka nui tawp , minlo call a piang hian "vawiin chu ka ngai lutuk che" tih hi a sawi ngei ngei thin.

"Keipawn ka ngai che lawm" ka lo ti ve mai a, amah ber lah chu a nuih aza a, a nui ri ngaithla reng chung chuan taxi ah chuan ka lut a "khawiah nge i kal dawn" a nui beng chheng viau emaw tih pawh hian a beng hi chu a fing ve chiang ania "ka chhuak lawk dawn puanthan lak ka ngai a" ka tih chuan "a that hlauh chu lo leng kawi rawh aw" ati mauh mai, thil tih chi pawh va ni nghal lo chuan "atih chi nang" ka tih pawh chuan "a tih chi lohna a awmlo tumah an awm dawnlo ka chhuak ve thei silo a, lo peng kawi ve lawk rawh " ati teh tlat a, "ka lo in ngaihtuah ang" tiin kan inbiakna chu ka ti tawp ta tawp.


Nu Rinsangi dawr ka luh rual chuan alo phul leh hlut tawh a "tumah pawh ka la hrilh lo thlang hmasa ber la ka duh sia" alo ti a, ngaihthlak hi a nuam thin ania "pawisa ka ngah vaklo a " in thlahrung deuh chuan ka ti a, min chhan dan tur hre lawk mah ila tun tum chu ka pawisa in a daih bak a tam lak ka tum tawhlo thung "i duh zat kha thlang tawp rawh lungngaihna tur i neilo" hlim hmel pu sâng chung chuan ati a, ka chung a a fel pauh leh hrehawm ka ti zawk in ka hria , kan ti ti tui laiin Rinhluii lah chuan ka len loh hlauin min lo call ve reng a, ka tih ngaihna hrelo chuan "aw ka rawn kal ang" ka ti ta ringawt a, ka sawi zawh rual rualin ka in chhir nghal zat bawk.


Huphurh ru tak chung chuan ka pasal hlui lo nita chenna in lam pan chuan 2wheeler taxi chuan ka kal a, kawng tluanin thil tam tak ka ngaihtuah a, ka kal hi ka in chhir loh nan ka tawngtai ru mawlh mawlh bawk.


Kan in ti a ka lo sawi ve thin kawtah chuan dingin kan inneih tirh a a hna kal tur ka thlah lai te chu mitthla ah alo lang a, khang hunlai khan Ab-a hi ka duh ang tih ka ring pha ngai lova , a nî pawh hian ka duh ani tih hria se chuan ka chungah khan a thinrim duh ngeiin ka ring ani.


"Baby" ti a minlo au lang lang tu lam chu ka hawi vat a, ka ngaihtuahna ka kawm nasat lutuk na lam ah min auh ri pawh ka lo hre lawk lo ani hmel , rambo polythene ah ka puanthan lak khai chung chuan in lam chu ka pan a, Rinhluii nui sâng a lo tlan phei chuan ka bul alo thlen rualin "ka bialpa chu nila ka kuah ang che mawle mahse, heihi ka lo khai zawk mai ang" tih leh ka thil khai lai chu lak a rual a, ka chuh buai peihlo kan in tibuai rei mai mai dawn.


In chhung kan luh chuan engkim chu a awm dan ngaiin alo la awm vek a, ka tah te lam lam chu a chhuak hialin ka hria , choka lamah chuan in zui pheiin "in tur i duh em" tiin min zawt nghal zat a, ka lu ka lo thing chu "in thlahrun vak angailo i bungrua zawng zawng pawh ala awm vek a, ti khan inthlahrun hmel deuh khan awm suh ka tah i ti chhuak" thutak deuh chuan ati a, a tah a chhuah tak tak leh tak tak loh hriat tumin amah chu ka en kar a, atawpah chuan a rawn nui chhuak leh ta nge nge alawm a thutak rei ve thei ngailo reng reng en laih te lah hi a nuam emem mai leh nghal a.


"Leng ve reng rih rawh aw" atih chuan ka hmanloh thu leh thui tur ka ngah thu ka lo sawi vat a "darkar hnih vel tal awm ve phawt rawh kawngka kan kal daih dawn nia" tiin kawngka pui lam chu a pan nghal a, kawngka chu va kalhin a rawn let leh a, a chet dan hi minti ral muang lo tan riau mai "ngati nge i kalh kher a" ka tih chuan "thlamuang deuh a i awm nan" alo ti awlsam leh et a, thlamuang lo deuhin min hria ani mahna engmah pawh chu ka sawi zawm duh tawh chuanglo.



"Ka nû a damtha em" ka tih chuan "in inthen atang a karkhat vel kha chu chaw a ei thei lova cher pawh a cher chak lutuk mahse, U Ab-a nen a an inbiak a tang khan a hma ang chiahin a hlim leh tawh a, enge an sawi dun pawh ka hrelo" atih lai chuan ka ngaihtuahna a lo awm daih chu Sangzuali chung chang a sawi pui anga, chuvang a hlim leh ta anih ka ring "ava lawmawm ve an damtha ve ve tiraw" ka ngaihtuahna a hriat hlau tak chuan ka ti a "aw , an damtha vek alawm mahse an vaiin an ngai che" atih chuan ka lo nui a, amah hian min ngaih avang mai in midang pawhin min ngai ve turah angai anihhi "nui ringawt suh U Ab-a phei chu in ah a awm tlem bawk si, hna a thawk vak vak a, ilo lan hma a a nun dan ang chiah khan a nung leh tawh a buaithlak lutuk" ati ve niah niah a, a bialnu neih vel engmah a hrelo anihhi"hna a thawh te chuan a tha daih zawk lo ami" ka ti tak na in a hnathawh chhuanlam in hmeichhia tu tu te emaw nen an awm dun ka ring tlat tho "tha tho e mahse a buaithlak alawm" engtak chu buaithlak ang maw ka tih rilruk lai mek in "ei tur kan siam ange " tiin a tho zui nghal a, engmah ka zawt zui duh ta biklo ka hriat tullo thleng thleng ka hriat chuan ka nat leh ka hlau ani a chhan chu ka duhna kha ala reh tlat lova nitin mai hian a zual zel emaw tih mai tur ani si a.



Ei tur siam pah chuan a ti ti malh malh reng a, a bialpa hlui chanchin bawk sawiin kan nui leh chiam tawh Dorbell alo rik chuan "Baby lo hawng lawk mai teh ka thil deliver anih ka ring " atih avangin hmanhmawh deuhin kawngkapui lam chu ka pan vat a, kawngka ka hawng chiah pawn a lo ding ka hmuh rual chuan ka thlarau chu a thlawk chhuak hialin ka hria , ani pawh a bang biklo min hmu thut chu mak a ti tih a hmelah a lang chhuak a, a nî erawh a in siam rem leh vat thung "thil ka theihnghilh a" tiin in chhungah chuan alut a, hmanhmawh deuhin in chunglam pan chuan a tlan chho nghal a, kei erawh ka tumloh lutuk a ka hmuh avangin sawi tur ka hrelo chu thu hran chet mai nachang hrelo in ka din na ngai ah chuan ka ding reng a, Rinhlui'n minlo au lo phei se chuan ka ding khawng reng hialin ka ring.


"Tunge a" choka ka luh rual a alo tih chuan "ka kal mai ang minlo thlah duh suh" ka ti a, Rinhluii chuan mak tih hmel deuh tak hian "engati maw enge thleng a, hei ei tur te ka siam a, kan ei ve phawt ang chu" chhang lo in ka puan than lei chu ka khai a "Baby , kal i tum tak tak ami a " tiin ka ban ah chuan a rawn vuan a, in chung lam chu melhin Ab-a alo chhuk hman ang tih ka hlau takzet ani "nidangah ka lo kal leh zawk ang" ka tih tak tlat avang chuan "awle, eng i hria chu nimaw" ngaih that hmel zân loh chuan ati a, "ka lo thlah ang che" a tih leh pawh chuan a ngaih loh thu sawi vatin hmanhmawh deuhin ka chhuahsan zui nghal a, ka vanneih a siam in taxi alo tlan nghal chat bawk nen kan tlan liamna lam chu hawi pawh ka hawi let ngam tawhlo , thui fe kan tlan hnu ah ka thinphu pawh a pangngai ve thei chauh ani.


In ka thlen rualin ka phone ka en nghal vat a, enge ka beisei erawh ka hre hauhlo na in beisei erawh ka nei lawi si.
Zânah chuan Ab-a ngawt chu mut hmunah ka ngaihtuah a, vawiin lam a kan in hmuh dan te chu ngaihtuah in ka ngai thar leh takzet ani.

He khawvelah hi chuan engtikah mah ka tâ ani ve thei ngai dawnlo ani tih hre reng mah ila ka duhna hi a reh thei chuang silova, engtikah mah min duh ve ngai dawnlo mahse atan hlimna sâng ber ka la duh pui fân a, ka hmuh phak loh ah leh a chanchin ka hriat phak loh a hla ah awm mahse ka ngaihtuahna ah erawh a awm reng ang ka duhna hi a reh ve hma chu!


Nupui tha tak neiin hlimna sâng ber ka duhsak a, fâ tam tak neiin pa tha tak nise ka duh bawk atan thil tam tak ka duh sak a mahse, ka duh thu erawh ka hrilh ngam lo ani, a nî chu kei a lo duh phak pawh ani silo a, heti hian keichu engtik ni ah emaw Ab-a ka duhna te a reh hun nghakin nî ka vui liam anga, zân khua ka hmang ral leh thin dawn anihhi.


Show post links
Top

[Ngaia]

20last

"U Baby, sunday a hak hman turin min thui sak ngei ngei a ngai ania aw" kan in kawngka a rawn pet luh pah a Abawhi'n atih chuan ka pâ in "chutiang te chu nikum te khan rawn kal tawh tur alawm" tiin alo fiam a,Abawihi lah chuan "nikumah a awmloh kha nangman i thui thiam ami?"ati a, chhang tha inti zet hian a nui var var bawk ka pâ lah chuan " rawn dah la chuan ka thui vek ang, i u Baby-i aiin ka thiam daih zawk" alo tih chuan Abawihi chuan a awihloh hmel lutuk ringawt.


"Enteh u Baby , sunday ah ka hak hman a ngai tak tak ania aw" ka bul a rawn thut hnaih sawt sawt pah chuan ati a, an tleirawl chhuak ve tawh a, sunday a piang a thiamhnaw thar hak hi an tum thin a, ka dem hranlo star neih chuan nalh tak a lan kan duh vek alawm le "monday te khan rawn dah ta che" ka lo tih chuan "Monday ah te chuan kawr thar hrim hrim ka rilruah ala lang lo" ati awlsam leh et a, anih pawh ka ring a rilru ah alan tawh chuan a ti nghal tut tut zel a, an khawsa thei ve phian bawk nen kawr te hi kan thui ngun tawh ania , tunah pawh ani aia rawn dah hmasa tam tak awm mahse ka thui sak ngei dawn avangin ka chhang buai peih vel lo "minlo thawn la" ka tih chuan hrethiam zet hian "ka lo thawn tawh che lawm i la hmulo mai mai anihkha" ati leh a, ka buai thin em avang hian phone pawh hi ka en hman ve meuhlo ani .



Ka pâ hnathawk a a chhuah avangin keimah chauhin in ah ka awm a, khawl ka khawih re g avangin khawhar erawh ka nei ngai meuh lo zân alo nih chiah hian ka ngaih thin ngai bawk kha ka ngâi leh thin.


"Kawngka kik ri i hrelo a" ti a lo lut ka hmuh rual chuan ka thil thui lai chu dah in ka din nghal zat a "ka tibuai che em ni" in thlahrun hmel deuh tak a a tih chuan "tibuai lo e lo thu rawh" ka ti a, kan in a alo kal thut chu mak ka ti ve deuh ani.


"Enge ilo tih ve dawn teh mial a" a thutna bul thutthleng sei a thut pah chuan ka ti a, ka chevel chu min en reng avangin ka che buai lek lek ani "i reh zui nghal hmak si a, i nû ngaih a tha theilo a lawm mawle" ati a, engvang a mgaih tha lo nge anih ang tih ka ngaihtuah lai mekin "a ngai lutuk che anih ka ring" ati leh mai a, chhan mai dan tur ka hriat loh avangin ka nui ringawt a, ka nuih erawh a za lo chiang kher mai , alo kal chhan diktak anilo tih ka chiang a, ka bungrua la turin min rawn ti tawh dawn anih ka ring a, vawi hnih lai lak va tum tawh mah ila lak dawn tak tak chuan innei tak tak nilo mah ila hrehawm erawh ka ti ve takzet ani.



"Thingpui i in duh em" ka ti ta daih a, a thusawi tur sawi hman lek lo hian thingpui in tir char char mai ani ka duh ni "duh lo mai ang ka rawn tlawh mai mai che kal leh nghal ka ngai dawn a, i dam tha reng reng maw Baby" atih chuan ka dam that thu in ka lo chhang vat a "rawn let leh lam te hi i ngaihtuah tawh em? Palai kan rawn tir dawn ami? In inthen chhan lah in sawi duh bawk silo a, hetiang reng a awm chu a tha lo ve" ati leh a, eng ber kha nge ka chhan dawn pawh ka hrelo a monu tak tak ang ah min ngai si a, ka tan chuan a zawhna engkim mai kha chhan a har vek ani.


."Tunah min chhang theilo anih pawhin lo ngaihtuah ve la, hun itih hunah palai chu kan lo tir dawn nia" ati leh a, palai tirh a let leh thei ka nilo tih a hre ve silo "nia, ka lo ngaihtuah dawnnia" ka ti ve ta ringawt a, chhan vak ngaihna ka hre thlawt lo ani "i nu pawh" atih leh rualin "U Baby, hei zawk hi thui ka duh" Abawihi bawk chu thawveng zetin a rawn lut leh a, lo mitmei ve eng ang mah ila engmah a hrethiam bawk silo "ka kal tawh ange, Mama nen pawh lo inbia ula aw" ati a, a thawh rualin ka tho ve nghal zat a, pawnah chuan in zui chhuakin "remchangah i nû ka lo la lenpui leh ang, a sawi reng che a" ati leh a, keipawn ka nû chu ka ngai ve viau bawk "nia lo len pui rawh, anih aw pâ " ati zui a, han sawi zawm tur vak ka hriat loh vang ani pakhat , a ban chu a vai zeuh a, a fapa nen an in an dan chu pafa an ni tihhi hai theih rual anilo.



In chhung ka luh leh rual chuan "tunge a" phawk fe hian alo ti a, ka nui ringawt chu "u Baby nanghi putar i ngaizawng ani maw" ati pek anih chu "ka pâ pakhat zawk anihkha" ka tih chuan hrethiam awm ang tak hian a lu a bu ve nghat reuh a, a hrethiam awm der silo.



Ka pâ hnathawk lo haw in "ka thianpa a chesual a, zân in chu ka va kal ve a ngai dawn a " a rawn ti lut a , "ngati nge a" thingpui thlit sak pah chuan ka lo ti ve vat a "ka chiang chiah bik lo , civil ah tunah a awm mek a, an hlauthawng deuh anih hmel" atih leh chuan "pâ nangpawh hi hna hi thawk tawhlo la tha ang, vawk hi en kawl tawp zawk ang a dang kan lak belh leh bawk anga" ka pâ hian tawngthuchheloah min kalsan ve mai hi ka hlau ani "thawh chang a awm anga, thawh loh chang a awm anga, eng pawh chu nise chaw ei hma kan ngai ania" atih leh chuan chaw ei ka peih vek tawh thu ka lo hrolh vat a, a thianpa boruak in a zirlo bawk nen Ab-a pâ lo kal thu pawh ka hrilh duh ta lo.




Chaw ei kham ve leh ka pa a chhuak a, Abawihi lah kan chaw ei kham hma atangin a rawn leng tawh bawk a, a rawn len na chhan pawh a kawr ka thui loh a hlau tih ka hre reng a, ka nuih aza ru ang reng viau mai!


A kawr tur kan zai mawlh mawlh laiin kawngka a rawn in kik karh karh a, thenawm ami te anlo kal dawnin tuman kawngka an kik ngai loh avangin Abawihi chu ka en nghal vat a, ani pawn minlo en ve chiah bawk , ka bakcheh ken lai chu a rawn la thut a, a kut dinglamah chuan a hum ran bawk ka hlauh ruk ang tho hian a hlau ve anih ka ring.



"Lo lut rawh" ka tih chuan an rawn lut leh ta mai bawk silo nen ka hlauthawng viau tawh a , Abawihi'n "apâ ka call dawn" atih lai takin Ab-a a rawn lut hlawl mai ka phu nasa lutuk chu ka au chhuak lo chauh ani, ka bul ami erawh a au chhuak hman leh hram a, a thinzawn chu dawmin "iva che muang emem" alo ti nghal zat bawk.


"Enge ilo tih dawn a" tiin ka ding hluai a, ani pawh a lai ve deuh nge mawni kawngka bulah chuan dingin min en reng a, min chhang tawh dawnlo emaw ka tih hnuah "ka lo leng" ati tawi tak ringawt "anihchuan lo thu rawh , ilo kal thut sia minti phu alawm" ka tih chuan a nui suk a,a rawn kal ve mai bawk, thutthlengseiah chuan ngawi rengin a thu a, Abawihi lah chuan "U Baby-i hi ilo rîm ve tihna ami" alo la ti zui Ab-a tih ngaihna hrelo pawh a khuh ta ringawt alawm.



"Ka hrethiam in awm dan hi" atih leh rual chuan ka lo sik zeuh a, "u Baby ngati nge min sih kher a" tiin ala tuai vut vut zui min va han tizak tak "tleirawl in ngaizawng in ang , zah thar leh vel angailo in hmel en pawn in upa tawh tih a hriat vek " tih leh tlanchhuah a rual a, inla nula ve uai tawh si hi a mawl tlat zel .




In be lo in kan thu ngawi ta reng a, kan in ah meuh alo len ve avangin biak hmasak zawk chu ka tih tur ah ngaiin "thingpui i duh em" ka ti a, a bak han sawi tur ka rilruah a awm thlawtlo ani "duh ve tho mai" atih rualin "kan siam nghal ange" tiin ka tho zui a, "awle" ani lah chuan alo ti ve leh mai bawk, hmanlai mizo film chang te pawh kan ang viau ang.



"Ilo leng ve teh hlawl a" thingpui chu pe in a thut loh na zawkah chuan ka thu ve a, "nia" ati leh ringawt tawh sawi tur van tehreng nen hian sawi zawm leh tur bo vek khawp hian min chhang thin a, sawi tur ka hre thin bik bawk silo "ka lo leng deuh ziah tawh ang" atih leh takah chuan amah chu ka en vat a, a sawi sual anih ringin "engtin maw" ka ti deuh ha a, "lo len ziah ka tum tawh" ati leh a, tawngkam lah chu a thiamlo nasa mai si "ngati nge" ka lo tih chuan thum dut hian "ka hrelo" ati a, bei hi a dawng nghal ngawih ngawih.



Vawiin chu an pafa hian enge maw an hriat tehreng ni "hna lam i tluang em" sawi tur hi a dap hian ka dap kual a, ho deuh a minlo chhan leh vaih chuan engmah ka sawi tawh bik lovang "tluang ani mai, nangzawk" rin loh deuh a min chhan avang chuan ka hlim ru viau a, a lo len ziah tawh tur thu a sawi ai khan tunah hian ka hlim daih zawk sawi tur awm bawk silo a hetia ngawi reng a thut hi chu a hrehawm em ani.


"Pathian zarah thui tur hi chu a awm ve reng a" ka tih chuan a lu bu nghat in "a that chu , i dam tha em" ati leh a, zawhna te hi min zawt reng zawk se ka ti "ka damtha alawm, nangzawk" , Abawihi sawi dan takah tleirawl in ngaizawng te pawh kan ang tak tak alawm le "keipawh ka damtha Pathian zarah leh" ati uk tawh a "Pathian zarah" ati tha leh a, ka nui ta ringawt "i pâ hi a awmlo ami?" a lo thlen tirh ai chuan a zia ve leh ta deuh "a thianpa damlo a tlawh lawk a"tiin ka lo chhang thuai a, kan ngawih dun leh vang vang hnuah " in vawk te an dam tha maw" arawn ti chhuak leh hlawl a, nuih loh pawh tum mah ila ka insum thei tawh thlawtlo "an dam tha e " nui chung a ka tih chuan min rawn en in "in damtha vek anihchu" ati leh a, ala thutak hmel emem mai leh nghal.




"Thui tur te i ngah hmel sia ka haw phawt ang" tiin a ding uai a, han chelh dawn lahin ka zak tum hrang ve bawk si "ka lo thlah ang che" ka ti ta ringawt a, ngawi rengin oawn lamah kan in zui chhuak a, "ka lo leng ziah tawh dawn tak tak ania" pawn a kan awm hnu a atih chuan "i bialnu in a hria anga a buaithlak mai mai ang" tiin ka lo chhang ve thuai a, ani erawh chuan "chuvang ringawt anih chuan lungngaihna tur a awmloh chu lut rawh ka kal" step a a chho lai chu thlir reng chung chuan eng vang a lungngaihna tur a awmlo tinge anih ang tih ngawt ka chu ka ngaihtuah zui nghal a, bialnu pawh chu a nei nge neilo pawh ka hre bawk silo, reilo te alo leng a ka thluak erawh a rawn tibuai leh ta vek mai!.




Zing a ka pa hnthawk tur a in siam chu "pa thawk tawh lo mai rawh" ka ti ve tak na in engah vak a ngailo ni tur ani "tlaiah vawk chaw lo pe hma rawh aw" tiin a kal zui nghal daih a, ngawi rengin ka en zui ta ringawt.



Nilengin Ab-a ka rilru ah a awm reng a, zân in ah hian alo leng leh angem? tih bak ka ngaihtuah thei meuhlo ani, a lo len ka beisei a tluk zetin ka beisei lo tel bawk.


Eng vang a lo len ziah duh nge anih ka hrelo lova, ka hriat a tul anih erawh chuan min hrilh mai turah ka ngai mahse, a nî hian min duh ve ani thei mai angem? ti te in duhthu ka sam vel a, keimah ber lah chuan ka awih leh chuang bawk silo a hahthlak takzet ani.



Tlai chaw ei kham atang chuan ka dik lo tan tawh a, engtin emaw tak hian ka awm a, ka awm dan lah hi ka sawithiam chiah bawk silo , phur si, huphurh deuh tho si in ka awm a, a buaithlak takzet ani.


In thui lo in room ah Ab-a lo kal hun chu ka nghak a, dar 7 a rik meuh chuan ka thin a phi dup dup thei tawh naupan chhiatthlak viau mahse ka duh vang ani bik silo ani.


Dar 8 rik dawn tep ah kawngka a rawn in kik leh ta karh karh a , ka thin zawn chu dawm in thawk ka la vak vak ringawt, ka pâ in lut tur a a tih ri te chu ka ngaithla ve reng a, kawngka in hawng ri pawh chiang takin ka hrethei a ni "ehe , nang ini maw?lo thu rawh" ka pa in atih chuan "I dam maw" Ab-a ngei chuan alo ti a, ui ka thlarau a chhuak dawn in ka hria ani.



"Ka dam tha e , Bawihi , Zodina alo kal" tiin min rawn au zui a, darthlalangah in en leh phawtin ka chhuak ve ta chauh ani.


"I vawk chu chaw te a duh em" room atang a ka chhuah rual chuan alo ti a, lai zetin ka pa bulah chuan ka thu nghal bawk "duh khawp mai ka lawm tak tak ani i zarah vawk chi tha te kan neih theih phah a" ka pa in lawm hmel tak a atih chuan "ka zar pawh anilo Baby zar zawk ani" alo ti ta daih a, ka chil ka hak lo chauh alawm le "in rawlhna ka neilo ania" ka ti ve vat a, Ab-a erawh a nui leh suk tawh.



Inla zei deuhin ka pa in min chhuahsan a, Ab-a nen a kan inneih chhan diktak kha tun thlengin ka hrilh leh duh ta lova, inneih leh tur hian min duh tih ka hria a, chuvang a tunah pawh min chhuahsan hi a ni reng ani, inbiakna hun min siam sak ve duh ah ka ngai.


"Vawiin lam i in thu tha thei em" ka pa chhuah hnuah tawng hmasa zawk a a tang chu mak ka ti zawk hial ani "tha lo, ka rilru ah i awm char char" tih mai chu ka chak "tha animai, nangzawk" amah chu ka en reng a, saw a lubur chhungah sawn enge a ngaihtuah hi ka hre chak takzet ani.


"Umm.. A ngai reng, Baby" atih avangin "umm" ka lo ti vat a, ka mitah chiang zet a min en chung hian "ka lo rim che tih hi i hrethiam em" ati nulh a, ka hriatthiam loh avangin "hrethiam nang" ka lo ti ve mai bawk chutah "bul tan tha leh turin ka lo rim che" ati leh a, thil hi a sawi thut thut zel bawk si a, ka in ring hman ngai meuhlo chu anihhi mahse , bul tam tha a tih tak hi enge awmzia ni ang le "ngati nge" amah en reng chung chuan ka ti a, chutah thawk la halhin "ka nupui diktak i nih theih nan" ati anihchu a thusawi tinreng mai chu ka tan thil thar vek ani a, a tan pawh sawi a harsat viau ka ring bawk mahse,a lak atang a ka beisei ngamloh a sawi avang erawh chuan ka hlim ru hle thung.





Zantin alo leng ta ziah a, alo len hmasak ber ang em em kha chuan sawi tur hrelo in kan awm ngai tawh lova, kan inkar pawh a tha ti ila kan in hnaih ve zel a, chhanna erawh ka la pe lo thung.




Nghah rih ka duh a, ka tih awmzia chu keimah lo hmeichhe dang an awm ve ka hlau a, ka nû avangin vawikhat ka tisual tawh a, tihsual nawn leh ka duh tawhloh avangin ka fimkhur a, Ab-a hi duh viau mah ila pahnih chauh kan nihna turah pathum lai kan lo nih leh si chuan keichuan chu thil chu ka duh ve lo ani.




Ka pa nen pawh an in kar a tha viau a, Vawkté te man belhin Ab-a pualin pakhat kan vulh tel tawh bawk a, ka pâ in a vulh hlawh sak ang anih chu , vawk kan man belh leh tak si ah chuan ka pa pawh chhunah hnathawkin a chhuak ta bik lova vawkchaw a chhum loh leh vawkin velah khuan nileng leng ten a awm thin a, enge a tih ber hre ngailo mahila a ri ve bur bur zel.




"Zan in chu alo thleng har hle mai" ka tih rilruk laiin Ab-a hnen atangin call ka dawng a, rang zet a chhangin "ilo thleng dawn tawh em" ka ti nghal zat a, lehlam ami erawh chuan a lo kal theih loh thu alo sawi leh si, ka zah zelah ka pâ ka au vak vak ringawt chutah a thusawi hrelo ang deuhin "aw Ab, engtin maw itih" te chu ka ti tha leh vel a, a zialo tak tak ani "zân in chu ka lo kal theilo ka nû nuamsam chiah lova" atih chuan "a khuasik leh ami" ka lo ti vat a, "a hma in a sik tawh ami" Ab-an alo tih leh tak si ah chuan sawi loh tur ka sawi tih ka in hrechhuak leh chiah "ka hre nang, tunlai chu khawsik atam em a" ka ti ringawt a, a awih ve leh mai aniang "nia, tlang hrileng a kai ve anih ka ring a" a tih chuan "anih dawn chu a dam ve leh vat mai ang" ka tih ve tak na in ka nû chu ka ngaihtuah ve takzet ani.



"Baby"

"Umm"

"Ka nupui nih chu i duh tawh lo ami" ril raih hian a ti a, min zawt leh thut tawh a, min ti hrilh hai leh hmel thelh ani "Sangzuali kha" ka tih chuan "anî sawi tel angailo , i duh nge duhlo sawi tawp rawh" sawitel a ngailo te han tih kan sawi ber turah zawk ka ngaih laiin "sawi ngai e, i bialnu ania" ka tih chuan lo pawt chatin "ka bialnu ani lo" alo ti thum dut a "anih chuan i enge anih " ti a ka zawh leh chuan "ka engmah" ati leh nghut tawh "min duh thu pawh sawi lo in nupui ah min sawm leh tawp a" ka zak duh tawh biklo kan sawi fel dawn anih ro ro chuan engkim hi sawi vek ila nakin a buaina tur kan pumpelh animai "sawi kher ngaiah ka lo dah lova" ati nihchu mipa te hian enge an ngaihtuah bik pawh hi ka hrelo hmeichhia te hi chuan min duh thu an sawi hun hi kan nghak thin si a.



"I dah loh vang mai mai anih chu" ka ngei ve deuh a, ka âw pawh a diklo leh vek tawh a la nui zui leh nghal a "ka duh thu che hi vawi engzat ka sawiin nge i pawm theih ang nuthlawi Baby" tiin min rawn fiam zui a, ka duh che ti dawt lo mahse a sawi thiam ve danah ngai tawh mai ang.



Nui vur vur chungin ka mu a, engkim hi a parvul leh chuk chuk tawhin ka hria , mutthilh ka ui a, zing ka harh anga, ka hlimna te hi anlo bo zo leh vek ang tih ka hlau tih vel ka ngaihtuah ka ngaihtuahna lamah ka muhil leh ta tho mai.




Ka phone ri in min ti harh a, sana ka en chuan dar 7 alo ri va va tawh mai, tunge lo call tu pawh en ta lo chuan ka chhang ve mai a Ab-a aw ngei maiin "ila tho nange" atih chuan "tho e rawng ka bawk vek tawh" tiin dawt var chu thawh ve leh a tangin ka sawi nghal a, nilengin engtin tak hun hmang ang i maw "zân in ah palai ka rawn ti dawn ania" atih chuan ka thu chhuak chiang kher mai "ngati nge" ka ti nghal thawt(thrawt) a, ka in ring hman meuhlo ani "enga ti zawk nge" alo tih chuan "nangmah zawk kha ngati nge" rang zet chuan ka ti ve leh a "nizan ah kan sawi fel vek tawh kha" hlim hmel deuh a a tih takah chuan "nia, mahse tunah tut tut te chuan " ka ti ban deuh charh a "nang hi i rilru i thlak animaw? Ka rawn kal dawn" ati leh mai bawk si "a ngailo rawn kal lovang" rang zet chuan ka lo ti leh a, ava hahthlak thin tak rilru thlak ah te engtin nge maw min ngaih theih zawk ni.



"Anih si chuan tinge min hnial char char" atih lahin chhan ngaihna vak ka hre bawk silo vawk chu ka chuanlam ta ringawt a, ani lah chuan "chuan lam a tlinglo lo in ring mai rawh" tiin call lah chu a dah zui nghal hmak bawk si, rilru buai nuaih nuaih chung chuan ka tho chhuak a, ka pâ ka hmuh rual chuan ka pâ chhuanlam a ka hmanglo chu mawl ka in ti takzet ani ,anî hi chu chhuanlam mai pawh anilo kalsan leh hi ka huphurh ngawih ngawih tawh ani.



Kan pahnih chauh a chaw kan ei laiin palai chung chang chu inthlahrung deuh chung siin ka sawi a, ka rin loh deuhin ka pâ lah chu alo lawm phian bawk nen a vawi hnih nan pasal ka nei leh rum rum dawn anih hmel hle mai!



Zân ah chuan palai chu anlo kal ta ngei a, room ah an thusawi hre chak deuh si chuan ka awm ta reng a, thingpui lum a hun vel ta maw tih ah ka va lum sak leh a, a hma a palai lo kal te bawk kha annih avangin ka zak ve det.



Ab-a lah chuan message in chanchin min rawn zawt chhen a, ka hriat bikloh thu a ka chhan lah in "tifel nghal vek rawh se aw" ala rawn ti hram a, engmah ka va sawi ve ngam tawhlo hrim hrim ka pâ in ah ka lut tawh a, ka pâ rem tihna leh a duh dan ang thlap in pasal hi chu ka nei tawh ang.




Kan inneih hun tur an ruat fel a, a hma a kan inneih dan ang lo deuhin mi zawng zawng hriatah kan innei ve tawh dawn a, tun tum chu kan pahnih in duh tawnna avang a innei tur kan nih avangin ka phur ve viau bawk.Ab-a erawh chanchin engmah ka hrilh duh rih lova tihian hre chak deuhin awmse a palai ten an hrilh hun nghak ve rawh se.



Ka pâ in ka nu a bia a, an in biak dan atangin ka nû pawh a lawm hmel viau mai a duh ber min neih tir kha ani a, lawm tur chu ania lawm!Mahse ka tisual ang tih ka hlau a, ka duh thlanna anih tawh avangin ka chungah engpawh thleng se tumah ka dem thei tawh dawn lova, a hma kan inneih dan nen a dan tawh dawn avangin eng dinhmun ah pawh ding ila ka tawrh angai tawh dawn ani.



Ab-a hi ka duh emem a, ka hmangaih em ka hrelo mahse, he ka duhna hi hmangaihna a chhiar theih khawp a sang anih erawh ka ring tlat a, alak atangin min hmangaih thu a sawi hrelo mah ila ngun tak a angaihtuah hnu a nupui a min sawm anih avangin in duhna ringawt chu anih ka ring bik lo ani.




"Lo chhuak lawk teh" Ab-a message lo thleng chu ka en nghal vat a, sana ka en chuan dar 11 alo pel va va tawh mai "a tlai tawh em hi" ka tih lah in "ka nghak che" ati leh ringawt a, chhuah loh theih pawh anilo, thawm dim tak si chuan ka chhuak ru leh ta nge nge a.



Step bulah chuan lo dingin min hmuh rual chuan min rawn pan vat a, ka bul a lo thlen rual chuan min kuah in "ka ngai che " ati sap a, a hmuh loh in ka nui ver ver mai "a tlai tawh tehreng nen" ka lo tih chuan "ka hria lawm" ati leh mai a, min ngai ve tak tak anih hmel.


Hetiang a a awm hi ka beisei ngailo a, ka ring phak ngai heklo , nakin lawk a ka pasal diktak ani mai tawh tur hi ka tan chuan mumang ang mai ani a, ka tawngtai chhanna ani ka tilo theilo ani.

"Ka hmangaih che in ka hria " ati leh sup a, a in ring tawklo lutuk chu ka nui chhuak lek ani "inneih dawn hnaih ah pawh 'in ka hria' ila ti ania " tiin ka lo fiam zui a, " ka hmangaih che anih dawn hi, heti emem a hmeichhe pakhat zûn a ka uai hi ka la hre ngailo, hmangaihna anih loh chuan ani teuh ngawt ang" ati leh a, ka nui ta ringawt.

"Ka hmangaih che Zo-Abraham, kan in karah hian midang tumah ka duh belh lo ania" inla naute zet chuan ka ti a, ka biang ah rawn piai in "keipawn ka hmangaih che , midang ka mamawh belh lo" tiin ka hmui ah a rawn fawp zui a.


............A TAWP TA.........


(Nizan ka awl na chhan chu a tawp tawh dawn sia, nuamlo ka ti ve deuh a, ka awl tawp anihkha, in comment te pawh kha ka rawn chhang duhlo chu a, tun a a tawp danah pawh hian in lung a awi vaklo mai thei a, a ho pawh inti mai thei mahse A tawp thleng a minlo chhiarsak tute zawng zawng chungah lawmthu ka sawi tak meuh meuh ani.... Thawnthu thar nen lo let leh vat ka tum ang.. Chuan he thwwnthu hi ka beisei phak bakin min ngaihhlut sak a, ka lawm takzet ani, hetiang hi ka beisei lo hrim hrim zawk a, ka lawm lutuk hi ani ringawt. Malsawmna tam tak lo dawng ula, ka rilru leh ngaihtuahna te tha zawk a thawnthu ziahnan a ka hman theihnan minlo tawngtaipui ve thin dawnnia, ka lo let leh hma zawng chu in mangtha rih phawt ang u aw... 🥰🥰)


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Show post links
Top