Zo Abraham BY Pie Sangtei (Completed)

[Ngaia]

Chapter-1


"Nu , heilo hi kawng dang a awm lo ami" beidawng zet chuan ka ti a, ka nu hian a thuthlukna lo siam tawh hi thulh leh se ka ti tak zet ani.


"Awmlo, i pa bul a i awm hian i nun a zalen lutuk kan bulah i awm duh silo a, hei bak hi chu duhthlan tur dang min siam sak lo ani" min en lo a motor chu khalhin hma lam ringawt chu a en a, vawikhat chiah min en nise chuan a fanu mit atang a mittui tla pawh hi a hmu ngei ang.



"Nu , khawngaih takin" ka beidawng takzet tawh a tawp nan ka nu khawngaihna ka dil leh a mahse awmzia erawh a neilo aniang "Lalrosang ngawi reng khan thu rawh" ati a, luhlul chhuahin min biak hunah pawh ka chhang tawhlo ang tiin keimah leh keimah chu ka infuih a, ka rilru hi ana takzet ani.



Ka pa nen an inthen a, a bulah ka la awm ve reng laiin pasal dang anei a, a bulah awm duh tawhlo in ka pa min hringtu bulah awm in rethei hle mah ila ka nu bul a awm aiin nuam ka ti a, ka pa chuan ka mimal zalenna min ngaihhlut sakin min zah thiam sak a, rui thle reng thin mahse min ngaihtuah emem a, rual ka awh hlauin a theih ang tawkin min tuam mawi thin chuchu ka nu chuan duhlo in pasal min neih luih tir atum a, a lo thu ber mai anihhi.



A pasal fanau te nen a an in kan thlen chuan ngawi rengin ka chhuk a, in chhung ka luhrual a ka nu pasal in minlo biak chuan amah chu ka en ringawt a, hepa hi lo lang lo se chuan ka nu nen hlim takin kan awm anga, pasal pawh ka neih angailo mai tur hi ania.




"Lalrosang, i pa in a biak che kha" ka nu in atih pawh chu ngaihsak duhlo in sitting room lam chu ka pan a, ngawi rengin ka thu a, min bia pawh nise tumah ka chhang lo ang ka tih rilruk lai mekin ka nu leh a pasal fanu chu ka bulah lo kalin "a û" min rawn ti chhen a, chhan loh tum mah ila min auh zel avangin "enge" ka ti ta nge nge a, "lo riak rawh aw" ka mit a en reng chung chuan ati a, "ka hrelo , i nu te bulah va kal rawh" ka tih chuan a kal ve mai bawk.




"Baby, i ril atam tawh em" ti a ka nu pasal in min rawn zawh chuan ahma ang bawkin chhan loh chu ka tum leh ngial a mahse ka theilo,a hmel a inthlahrunna lo lang te, ka sawi thiam lo enge maw tak hi amah ah hian a awm chu chu ka hmu thei lo a, hei vang hian ka haw emem bawk.



"Tam lo, engmah ka ei peihlo" ka lo ti bul hmuk a, chutah nui chung hian "atawp a tawp ah chuan min chhang ve ta alawm" ati a, a hlim hmel phian leh nghal.



Ka phone chu khawih in ka bialpa Zabilha nen chuan kan inbia a, a hming hi a mawi lo ve chiang ania, vawikhat pian ve man a Zabilha han nih tawp mai chu ka khawngaih ve thin viau a mahse a hmelthat em avang hian a hming te hi a in hmeh zo vek tawhin ka hria.



Ka nu min rawn hruai dan vel chu kim chang lo deuh chuan ka hrilh a , pasal min neih tir a tum phei kha chu ka sawi lang duhlo hrim hrim.



"Au Baby chaw kan ei dawn" ka nau in arawn tih chuan "ka ril a tamlo"ka lo ti vat a , phone ka khawih chhunzawm leh nghal.



*ka rawn leng dawn* tih Zabilha messange ka chhiar lai takin ka nu in " chaw rawn ei rawh" chang fak hian arawn ti a, ngainatawm takin rawn sawilo mahse ka nu min rawn auh hun kha ka nghak zawk ani.


Tum bur chung chuan ka thu a, ka nu pasalin tawngtaina a hman hnuah chaw kan ei ve chauh a, ka pa in ah erawh kan ei mawl tawp thin.



"Zân in ah anlo kal dawn a, tha deuhin lo awm ang che, i awm that duhloh vaih chuan i pa awmna hmun ram saw ka hming a awm ania, ka chhuahtir nghal ani mai" ka nu in atih chuan mittui tling pam chung chuan amah chu ka en tlawk tlawk a, he mihring hi ka nu anih ka ring thei thlawt lo heti emem a mihring sual leh lainatna neilo lutuk alo nita hi tunge dem tur pawh ka hrelo.



"I rapthlak hle mai" ka ti chhuak ve hram a, a chaw bar mawlh mawlh pah chuan "ka thu i awihloh chuan ka la rapthlak dawn choh, kum hnih chhung ka enkawl na hnuai nilo ah i awm a, i mizia, i nungchang leh i thian te zawng zawng hi engmah hi ngainat ka neilo thlah vek ang che" atih leh phei chuan ka nu nilo in setana ka bia ah ka ngai.



"Kum hnih chhung i bulah ka awmlo a, Setana cousin ilo ni hman anihhi" ka ti ve ta sak a, a thinrim ka rin laiin engmah a sawi tawhlo thung.



Chaw pawh ei chhunzawm duh tawhlo chuan ka kham san a, engmah ka eilo zawkin ka hria, room ah ka awm reng a, chhuah tumna ka neilo bawk, aduh leh amah chuan pasal chu nei leh se animai alawm.




Zabilha nen chuan kan inbe leh a, ka nu in min hauh leh hauhloh te min zawt a, a hming hi thing viau mahse min ngaihtuah ve thin ania.


Zan dar 8 alo rik chuan ka nu message ka dawng a, *rawn chhuak rawh, anlo thleng, i pa kha hre reng la* tihhi ani, ka thinrim lutuk chu ka phone ka vawm hman lek lek a, Zabilha call chu dawnglo ila chuan ka vawm hman ngeiin ka ring.



"Aw, enge a" ka ti deuh tawp a, ka mood a fuh chiahlo nen alo call hun chu a fuh lo vel vek ani, "message i chhang har lutuk a" atih chuan "ka tihpalh lutuk, ka buai deuh a nakin ah kan inbe dawn nia aw" ka ti a, engkim a that vek leh that vek loh min zawh chuan a that vek thu in ka lo chhang thuai a, ngaihtha deuh chuan call pawh chu a dah ve mai bawk.



Peih lo deuh chuan room atang chuan ka chhuak a, sitting room lam a, ka nu nui ri te chuan ka thin ati rim ngawih ngawih thei nia mawle.



Ka pa, saw titak a dinhmun chhia a awm pawh tihchhiat vek a duh anih chuan ka pa tan liau liau pasal chu ka nei khawp ang, a tang hma a hai avang a a fanu nun hi a ti chhe vek ani tih a hriat hun ah kei chuan ka kalsan ve thung tawh ang.



An bulah chuan ngawi rengin ka va thu a, ka melh ngai ka melh reng avang chuan ka mit te chu a thip thum(thrum) leh nghal.



"Ab, heihi anihhi ka fanu Baby Lalrosangi chu" hlim hmel taka ka nu in atih chuan hma lam chu ka hawi chhuak ve ta nge nge a, kan hma zawn a patling pakhat leh tlangval ni ngei tur lo thu ka hmuh chuan ka nu tihzah nan hrim hrim "tu zawk hi nge ka pasal tur chu" ka ti a, patlingpa zawk chu a mitmeng a buai nak mai, "a fiamthu maimai anihkha" tihpahin ka nu chuan min rawn sik zeuh a, engah mah ka ngailo thung.



"Ka pu , nangmah ami ka pasal tur chu" tiin putar zawk chu ka en deuh bik a, a bul a thu lo nui suk pawh ka mit sirin ka hmu a, ka hmulo lui tlat thung, a nuih dan kha min eilo nuih tih ka hre reng.



"Nilo e, hei ka fapa zawk hi ania, Ab-a anih hi, Abraham Zodinsanga anih hi" atih chuan za lo deuh chuan ka nui a, chupa Ab-a a tih pa chu en in "Abrahama'n mizo hming alo nei animaw" tiin ka kut beng chung chuan ka nui a, ka nuih zat vang nilo in ka nu tih thinrim ka duh vang ani.



"Mahse a hmel hi ava Abrahama lo ve" ka tih leh chuan "atawk" ka nu in alo ti vat a, mahse ka la nui lui ngat ngat tho.



"Fiamthu hi a duh ve lutuk a, Ab-a nen pawh an in mil phian ang, tak a ram hralh tur kan nei asin, hralhna tur hi in hre mial lo maw" ka nu bawk chuan ati leh a, a thusawi vang erawh chuan ka nui tawp chiang hle.



"Bawihi , thingpui va lum ta che" tiin min rawn en zui a, tunah tak hian puakkeh thei chu ni ila ka nû hma ah ngei hian ka puakkeh chiang viau ang.



Thinrim tun(trun) chung chuan choka lam chu ka pan a, an thingpui in tur hi thak tawk in ka siam sak dawn mawnle ka tih laiin nimbu chu ka hmu a, atui hi ka sawr anga ka telh khawp ang.



Ka thil tih hre ru ran chung chuan sitting room lam pan chuan ka kal a, in leng te pek hmasak tur tih chu ka hre ve ngei alawm, pek pah chuan "Lemon tea ang chi deuhin ka siam a, a mizo tawng tak chuan Lemon zothingpui anih kha" ka ti a, putarpa chu a ala hlim hmel emem zui lehnghal a, a in hun ah chuan a hak ve bawrh bawrh mai thei ani.



Ka duh reng vang a hetiang thil hi ti ka ni bik lo a, ka nu ramsa ang mai lo nita tih thinrim ka duh vang mai choh ani, nakin ah remchang ah khawiah emaw kan la inhmu leh te anih chuan Putara hi chu ngaihdam ka la dil leh ngei ang.



"Thingpui lum iva thiam ve" tiin nui sâng hian Putara chuan min rawn en a, ka hamhaih lek lek ani, a bul chiah a thu kan zo Abrahama ve thung chuan a hnim a hnim a, tur ka telh a ring te pawh ani mahna.


"Ka van lawm ve, i monu ka la ni vat dawn a, ka la siam sak ziah dawn che nia" ka tih chuan zo Abrahama chu a khuh bawrh bawrh a, ka nu chu tho vat in a hnungah chuan a chum sak a, tawng pawh tawng hleithei lo chuan a kutzung chal chuan thingpui no chu a kawk vu a, a sawi tum chu hrethiam tho mah ila saw ti êm êm a a hâk saw ka siam lai khan ka ring bik miah lo.Amah lah chu a sen tun(trun) bawk sia, ka inchhir hman thelh ani.


"A la sat deuh avangin a in sual ve anih kha" Putara'n alo tih chuan ka nu chu ka en vat a, thinrim hmel a put loh avang chuan keimah zawk chu ka ngaih atha leh tawh lo.



Zo Abraham'n tui a in lai te chuan amah chu ka en reng a, a hmel chu chhia ani hauhlo a, mizo mipa ah chuan a hmel chu atha mah mah ani, sawi hmaih theihloh a hmui hnuai dinglam a a khuavang chu a nalh in a sexy takzet a, vawikhat mah mipa dang hmui ah ka la hmu ngailo bawk.



A chhip atang a a ke ler thleng mai chuan a uluk hle tih a hriat a, mipa in vawng fai tak leh hriselna ngaina mi anih ka ring bawk.Ka nu sawi danah kha chuan Advocate ani khan a sawi a, a mah leh a hna pawh a inhmeh viauin ka hria mahse ka mipa duhzawng ani hauhlo . Kei chuan Zabilha bak duh ka neilo thung, ka tan chuang engkim ah a tha famkim vek ani.



Kan inleng te an haw hnu chuan room ah ka lut nghal a, a chhan pawh ka nu in sawi duh anei tih a hmel atang a ka hriat vang ani, room ah chuan ka inkalh khum tlat a, khumah chuan mu in rizai in ka in vur hlun bawk.


Kawngka rawn chum dawt dawt in hawng turin min ti a, ka awm na atang hian chetsawn ka tum hauhlo thung.



"Lalrosang, an thingpui in turah khan enge i pawlh" tih leh kawngka chum a rual a, ka thil pawlh a hriat duh chuan a thingpui tur a ka siam kha in ve mai se , min zawh ngailo in a hre mai tur ania.



"Naktuk zingah i be dawn nia" a pasalin a tih pawh chuan engah mah a ngai duhlo a, ka nu lo rapthlak zia hi a pasal pawh sawn engtin nge a neih peih le?



"Kawngka hi ka chum tlaivar dawn ania" arawn tih leh chuan ka thu chhuak hlawl a, ati leh duh taktak dawn tih ka hriat vang ani, ka nu hi ka lo chhun fuh ber anihhi keimah ang tho in a luhlul a, a fanu ka nih miau avangin a chak leh ta.


Kawngka ka va hawn sak rual chuan rawn luh a rual a, "tha tê tê in awm ang, i awm that duh phawt chuan i pa lakah engmah ka ti dawn biklo, i pa ania, chenna neilo a a awm ka duh bik lo, a bulpui berah chuan nangmah i pawimawh ber" ati a, chhang lo in ka ngawi reng a, sawi tur ka hriat loh vang nilo in ka chhan buai peihloh vang zawk ani.



"I pa hi i hmangaih tih ka hria a, mi bathlar ah riak thin se itih ka ringlo ania" ati leh chuan "chhuak rawh" ka lo ti a, henu hi ka nu nilo in ramhuai anih hi ramhuai , "tikhan kan in rem ni rawhse" atih leh chuan "chhuak rawh" a au in ka au ani ber a bul a minute khat lek awm pawh hi ka peih lo amah ang ah hian ka chhuah ve mai ka hlau ani.




Mu pahin Zabilha nen kan inbia a, ka pa lo en thlithlai thin turin ka hrilh a, a kut a ka pa ka dah tawp thu ka hrilh tel bawk "engtik ah nge ilo haw ang" atih erawh chhan har ka ti kher mai "ka hrelo le, ala rei deuh mai thei" ka tih chuan "anihchuan thlamuang deuhin awmla, i pa chu ka lo ngaihven reng anga tichuan ilo haw vat dawn nia" ati leh a, ka mittui a ko chhuak mai dawn a ka hriat avangin "muttui phawt aw" ka ti ta ringawt a, call chu ka dah zui nghal.




Zingah chuan ka tho hma khawp mai a, nizan lam ka muhil pawhin ka hrelo, tumah anla thawh loh avang chuan ka pa bul a haw leh daih mai chu ka duh a, mahse ka nu thilsawi zawng zawng te ka ngaihtuah let a, keimah avang a ka pa in hrehawm a tuar ka phal bawk silo, ka pa kha zu ngawlvei nimahse a bulah kha chuan ka hlim a, nun nuam tak ka hmang asin mawle.




"Karleh khian in innei ang" chaw ei lai a ka nu in atih chuan keimah ai mah chuan a pasal chuan mak ati tih a hmel atangin ka hre thei a, "ava hma awm tut tut ve" a ti ta ngei bawk, kei erawh engmah sawi ve ka tumlo a, sawi pawh ni ila engah mah a ngai dawn chuan loh avangin a duh duh dan chuan tikual vel tehse.



Zanah chuan number hriat loh atangin messange ka dawng a inhmuh a duhthu arawn sawi ani, a dp ah engmah a dah loh avangin tunge anih ka hrelo a, ka chhang buai peihlo bawk.



"I online reng te chuan min reply ta che" arawn ti leh a, a message chu ka delet nghal vek, mimah thinrim sa nak alai in mood a ti uih zo vek.



A hnu rei vak lo ah a rawn call leh a, zak theilo ka tih lutuk avangin hauh hrep tumin call chu ka chhang a "i in duhtawk ve hle mai" call ka chhan rual rual chuan arawn la ti zui leh nghal a , ani koh chhuah maimai theih ka ni lul love.


"I zak na nge, ka hmelhriat pawh inia mi, i message ka reply loh chuan ka be peihlo che tihna animai lawm enge i buai vak" thinrim deuh chuan ka ti a, lehlam ami chu rawn nui hakin "i beisei sang mah mah ani" arawn ti leh a"i lak atang khan engmah beisei ka neilo min rawn be tawh lo la kan tha tlang animai" tih leh dah ka rual a, a number chu ka block nghal bawk, zak theilo lutuk mai ka report hial dawn mawnle.




Mut hmunah Zabilha nen kan inbe leh a, ka pa in â chaw a ei thu min hrilh chuan ka lo lawm ve emem a, awm ve phei ila chuan anuam ngawt in ka ring.


A tukah chuan in ah ka inkhung a, chhuah an phal miau loh avangin in a awm mai loh chu tihtur dang nei hek lo a hneawm in ka ning takzet ani.



Kawngka in kik karh karh avang chuan "tunge " tih pahin ka va hawn sak a, kan Zo Abrahama chu nui sangin alo ding reng chu niin "enge i duh" ka tih chuan "thil tam tak" tih leh luh a rual a, sitting room lam a pan lai chuan a phone a rawn ri a, a hmet tawp nghal hmak bawk.



A hma zawnah tak chuan thu in "sawi rawh" ka ti ringawt a "thil i hrethiam thei riau mai" atih chuan nin hmel zet hian ka thaw halh a, ngeiawm deuh a a nui suk chu ka hmu hman hram.



"Ka sawi tawp ang, neih che hi ka duhlo" atih chuan "ka duh biklo" ka lo ti vat a, min en reng chung chuan "ka hmeichhe duhzawng inilo a" atih leh rual chuan "ka mipa duhzawng ini biklo" ka lo ti ve nghal thuai a, "kan in mil dawn riau" tiin a phur hmel tawh hle a, engvang a phur hmel emem nge anih erawh khuanu chauhin a hria ang.



"Inneih kan duhlo ve ve a" min la en reng chung chuan ati leh a, mahse kei erawh chuan "nia, neih che hi thih thlukin ka hreh mahse a pawi khawp mai ka neih che angai" ka tih chuan a phurna zawng zawng te an bo ta aniang a hmel chu a rum deuh ûl a, a thut dan chu siam remin a bawp a khawkherh a, thutthleng nghenchhan chu nghengin a in kuangkuah than bawk, a inlak pa ve dan anih chuan keichuan a cute ka ti.




"Sum vang em ni" rum zet a min melh chung a atih chuan "i sum kha ka mamawh niin i hria em ni" ka ti let sak a, alu ala bu nghat zui "ka mamawh lo aw, i sum tello in hei chen hi nun hlimawm tak ka hmang" ka tih leh chuan a ban phar meuh hian "anih si chuan engvangin nge min neih i duh" ati a, chhan dan tur ka hre tawhlo.


"Haw tawh rawh" ka ti ta ringawt a, za lo deuh a nui chung hian "sum vang bak anilo ang" ati leh a, "haw rawh" ka tih leh chuan "insum rawh, neih che hi duhlo viau mah ila ka neih tho tho che angai ve tho a, inrem siam ang" ati a, ka beng a verh zar mai.



"Eng in rem siam na nge" ka tih chuan "awlsam lutuk kumkhat chhung i pasal ka ni anga, ka nupui ini bawk ang, chuan kumkhat hnuah kan inthen ang" atih chuan ka nu ka bum let ve dawn tihna ania nga, atha phian dawn in ka hria.



"Min bum em" phur ang deuh a lan ka duhloh avang chuan ka ti a, ka phur ve tih a hriat chuan a hlim dawn bik tlat.


"Titeh, Advocate -in mi an bum ngailo" ati a, a hna chu a chhuan hmel takzet "anih chuan mimal nun lam te" Zabilha hre reng chung chuan ka ti a "lungngaihna tur a awmlo, min tibuai rawh pawh tila ka tibuai lovang che" atih leh chuan ka lo ner khum a, a nui chhuak hawk mai, ka nu tum dan ni miahlo in thil ka ti ve dawn a ka phur riau ani.



"Pangngai deuhin contract ka lo siam anga, i hming i sign anga, a fel ani mai" tih leh thawh a rual a, "khawiah nge i kal dawn" ka lo tih chuan min mel run a "ka haw ang, cham hlen turin min ti tan der tawh animaw" ngeiawm zet a nui chung chuan a ti a, a mizia hi tlangval sual deuh leh hehéu deuh a ang ka ti "i beisei sang mah mah" ka tih chuan a hmui hnuai lam chu a liak zeuh a, a nui nghal suk bawk.



"Contract chu tunah siam ila, i office ah ka lo zui ang che" ka tih mai loh chuan chhuah ka chak ve tawh tho a, a office ah chuan reilo tê ka awm anga, Zabilha leh ka pa hmu turin ka kal nghal ang.



Ngawi reng chuan min en deuh vang vang a "inthlak hmasa phawt rawh" atih chuan ka thuamhnaw hak lai chu ka en vat a, hetiang a kal pawh hi pawi ka ti ve lem lo a mahse ka inthlak tur thu hrilhin ka room lam ka pan a"smart ve deuh khan aw" arawn tih leh kher avang chuan ka inchei tum dan erawh ka thlak chiang hle.



Ka sam ngil siau chu ka herh kâwi zuai zuai a, kâwi deuh ka duh lem loh avangin tih chhung pawh a rei ngailo ka che rang a, ka ti zung zung zel.Zabilha tshirt tie-die ka kawl sak chu ka ha a, a fual tha hnalh hnalh khawp leh nghal, kekawrbul dum ha in sneakers ka bun leh tawp a, ka hmel erawh ka cheilo thung.Ka inchei dan tur kha rawn sawi lang kherlo se chu smart deuh ten ka in chei ve tur ania.



Room atang a ka chhuah chuan minlo en reng a, a thinrim ka rin tehreng nen engmah a sawilo a, thinrim hmel pawh a pu lo, ngawirengin pawnah a chhuak a, ka zui ve nghal zat.


Advocate meuh chuan Car te a rawn ken ve ka rin teh reng nen Bike a rawn keng pek a, ka thuamhnaw hak nen chuan bike a chuan chu ka huphurh kher mai mahse ka tilang duh lo thung.



"Advocate bike khalh maw" abul ka thlen rual a ka tih chuan a nui leh suk tawh.A enge maw zawng tak chuan ala inhmeh phian zel leh nghal a.



Him dam tak chuan an office building chu kan in khalh thleng ve hram a, ngawi rengin a hnungah ka zui a, mihring kan tawh apiang te mai chuan min en zuilo ti ila ka sawi sual ngei ka ring.


A private Office kan luh rual chuan ka thaw huai thei boruak sosang lutuk khan min ti chau hman thelh ani.


"Hetah hian i duh dan lo ziak la, ka lo en leh ang" tiin blank paper leh pen min rawn pe a, a office ah chuan a thu ve hmel khawp mai, eng ang pawn hausa se ka Zabilha bak keichuan duh ka neilo.




"I zo tawh em" a vawili nan a rawn ti leh a, ka la ziahzawh loh avangin chhan pawh ka chhang buai peih tawh lo "Baby" arawn tih leh chuan "ka zo tep i mak" ka lo ti bak hlur a, thluak hman ngai bawk nen minlo be chhen a minti buai vek alawm.



Darkar chanve lai ka ziah hnu ah ka zo ve thei hram a, ka thluak hi ka hmang khat lutuk a, a chak tawhlo reng reng.



Ka thilziahna lehkha en reng chung chuan thawk ala leh hak thin a, tam ati nge tullo ati pawh ka hrethiam lo e a, 20 vellai kha chu ka ziak a, tam ati deuh pawh ani maithei.



"Toothbrush in tawm loh tur tihte hi ziah lan kher angai ami" arawn tih chuan "nia, kha kha chu thai chhe mai rawh" ka lo ti vat a, "samkhuih hran ve ve hman tur" arawn ti leh a, kei erawh ka lo ngawi reng thung.



"Keiman ka lo siam rem mai ang, i hahthlak" ati deuh sup a, "anihchuan ka kal thei tihna ami" ka lo ti vat ka pa leh Zabilha hmuh hlan mawlh chu ka nghakhlel tawh ani, "kal rawh" atih thum dut rual chuan ka tho phut a, "anih aw ka pasal hual" tiin ka chhuansan zui nghal a, amah in a nui ve ver ver in ania ka rin ni.



Taxi la in ka pa in lam ka pan nghal a, Zabilha hnenah ka pa în a ka kal tur thu leh chu ta inhmu mai tur chuan ka ti a, ani pawh alo lawm ve khawp mai.



Ka va thlen chuan ka rinloh deuhin ka pa chuan inbul leh a vel alo thlo fai a, a ruilo niin ka hre bawk, ka va hmuh rual chuan "pa" tiin ka au a, ka lam rawn hawi chungin nui sang hian "Bawihte ilo kal amaw, engmah min hrilh silo a" ati a, ka va thawn thut avang chuan a hamhaih ve deuh anih ka ring.



"Nia, ka tum loh deuhin ka lo kal anih hi" ka tih chuan "i nû in a hria em" alo ti vat a, ka nû in a hriat a hlau anih hmel "hre mahse a pawi hleinem , lut ang ei tur te ka lo keng ania" ka ti a, inchhungah chuan hlim deuhin kan in kuah lut a.




"Zabilha pawh alo kal dawn a, nghak deuh lawk ang aw, alo thleng har lovang" ka tih chuan "umm.. Zabilha hi alo fel khawp mai" ati ve ngei a, ka pa in fel atih tawh chuan a fel animai.


Show post links
Top

[Ngaia]

Zo Abraham

Chapter-2



Rei pawh kan nghah hmain alo thleng ve thuai a, min hmu chu a lai ve deuhin ka hria a, tih mai tur hrelo chuan inchhungah te chuan a vei kual chhen a, ka nuih alo za ru ang reng.



Ka thil ken te kan ei ho hnu ah Zabilha nen ka pa chu hlo te kan thlawh pui a, kan pathum chauh pawh hian kan hlim emem ani tih hrelo in ka nu ve chuan pasal min neih luih tir a tum chu ani si a.



Ka pa in "i nû in a ngaihtuah tawh ang che" a tih tlat avangin ka haw hma a, Zabilha'n min thlah a tum viau na in ka nu in alo hmuh ka hlau a, ka inthlah tir duh ta lo.


Remchang hmasa ber a inhmu leh turin kan in vai liam a,Zabilha erawh ka pa bul a tlai chaw ei atum a, ka awm ve chak takzet ani.



In ka thlen chuan ka nu pawh in ah alo awm leh tawh a, ka kalna min zawh chuan "Zo Abrahama te office ah" ka ti mai a, ani erawh chuan mak tih hmel deuhin min en reng thung.



"I pa kha tlawh tam suh ang che" atih chuan ka ding chawt a, ka pa ka tlawh tih alo hre leh vek tawh animaw "i buaina tur anilo" ka tih chuan "Lalrosang" arawn ti deuh thak(thrak) a," i duh ang ngei in pasal ka nei dawn a, lawm ta che, ka pa ka hmuhna tur hi min dan tum tawh suh" ka ti ve ngat a, pasal ka nei vat tawh dawn a, ka hnial ve ziah tawh dawn.



Room ah chuan lutin khumah chuan ka thu reng a, tun a ka nun hman mek hi ka ning a, ka kham takzet tawh, tlanchhiatsan ka duh a mahse ka thei bawk silo.




Zingah chaw ei laiin "vawiin ah mokawr tur vel en angai dawn a, chawhnu lam ah ka hman ang" mi pawh rawn lem lo chuan ati a, a duh duh dan in ro a rel a, a rorel ngei hi kumkhat hnuah a chhe vek dawn tih reng a hre silo.



"Atha lawm" ka lo tih chuan "hmun dang a kal tum miah suh ang che" ati leh kher chu ka ngei leh viau tawh.



A sawi ang ngeiin chawhnu lam ah kan chhuak a, mo kawr en pawh ka phur lo, ka hak chhin hmasak ber chu ka thlang a, Zabilha nen innei dawn ila chu ka thlang uluk viauin ka ring.



Zanah chuan number hriatloh atangin call ka dawng leh a, chhan loh ka tum zet a, ka pa alo nih phalh tak thutin tiin ka chhang leh ta zawk a, mahse ka pa chu kahase "ka number min block avangin ka simcard ka thlak phah" arawn tih chuan tunge anih hrilh ka ngailo chiang kher mai.



"Enge i duh" mood a fuhlo bawk nen ka be chak hlawl lo ani , "contract kha rawn sign rawh , inneih hma a sign fel vek angai"arawn tih phei chuan ka mood a off zual vek thei nia mawle.


" atha lawm naktuk ah ka rawn kal ang" ka tih chuan lehlam ami chu a rawn nui a, engati nge maw a nuih reng mai le, thil nuihzatthlak ka sawi pawh ani tawp silo a.




Zingah ka nu hnen ah "Zo Abrahama office ah ka kal dawn ania" ka tih chuan "Baby, Zo Abrahama ti ziah suh" ati ve ngei a, "Baby" ti a min auh loh na chin pawh ka hre tawh lo e a.A thusawi erawh ka chhan chak zawng ani lem lo bawk a, ka chhang buai peihlo.



Zo Abraham-a Office ka va thlen chuan ka hma ah Paper hi a rawn dah a, ka chhiar chuan ka thil ziah ve te kha chu engmah alo awm tawh lo a, a duh dan ang hlir a ziak a, pa thum chiah lehnghal.


"Room khat ah kan awm ang tihhi khum kan intawm dawn tihna ami" ka tih chuan "i duh loh chuan sofa ah i mu thei ang" alo ti duh lek choh.


"Mimal nun ah buailoh tur tihhi chu ka pawm a, fa kan nei lovang tihhi" ka tih leh chuan "fa neih i duh tih ka lo hre lova" ati a, anui leh tawh."ka duhlo, kan nei dun dawnlo tih a hriat reng a, ziah lan kher angai em ni" ka ti a, a hmui chu pet sawi zeuhin "sign maimai teh" alo ti a, pawm loh emem ka neih bikloh avangin ka sign ve ta nge nge a, tikha chuan inneih a, inthen leh vat bak hmabak kan nei tawh lo.



Zabilha chuan kumkhat chhung chu min nghah theih ka ring a, inneih ka duh dan pawh Zo Abraham-a hnenah chiang deuhin ka sawi tawh a, a pawm zawk tak alo ni ve aniang chu "atam berah mi 20 bak anni lovang" ati a, min an hriat vak loh chuan kan inthen hunah pawh ka tan thil pawi lutuk ani dawn biklo a, Nupa nun kan hmang dawn lo bawk a, Zabilha tan pawh pawm harsa tak ka ni bik lovang.



Nilengin in ah ka tawm thin a, ka nu in chhuah a phalloh miau avangin khawiah mah kal tumna ka neilo bawk a chang chuan ka thawpik lutuk hi Zo Abrahama office ah ka va thu nileng ve leh ringawt zel a, ka rin ang emem a mihring tawhkhirh leh sual anilo bawk a, min en liam ve mai zel.



Ka nu hian Zo Abraham-a nen kan inhmuh dawn chuan khawi hmunah pawh kal a phal thin a, chuvang a Zo Abrahama office a va thu nileng ve zak zak zel ka ni.A haw rualin ka haw a, mahse min thlah ngailo thung.


Naktuk mai hi kan inneih anih tawh avang nge zanin chu Zabilha ka ngai thar emem a, inbiak te chu ka kham khawplo a, hmuh ka chak takzet a mahse a rem silo ani.


Zankhuain ka in ngaihtuah a, ka nu duh dan vek a thil a thlen bikloh nan ka tawngtai hial ani.Ka chung a a chet dan hi nakinah chuan ala inchhir ve ngei ka ring a, a inchhirlo anih ngat chuan ka nû anihna ka theihnghilh tawh ang.


Inneihna ka lo ngaihtuah thin ang ni hauhlo in pasal ka nei a, pasal ka neihni ah chuan mi tamtak lo kalin min lawmpui thu an sawi anga ti a ka lo ngaihtuah thin te chu engmah lo mai ah an chang zo a, mipui tam tak chu sawiloh atam berah mi 20 bak an ni dawn lova, chupawh an tling kher lo mai thei.



Biakin chhungah chuan mo neitu thianpa chuan min kai lut a, mi tlem té tak tak biakin chhungah chuan an awm ani.Ka nu leh a pasal ka hmu chiang emem a, ka chhungte dang erawh tumah ka hmu ve lo te chuan ka hnuk a ti ulh teuh (treuh) a, ka pa tal awm ve se kan kim deuh tur.


Pastor hma a kan din lai chuan ka bul ami chu a thaw leh hak thin a, a zâm ve anih ringin ka nuih aza ru ang reng viau mai.


Inneih thutiam kan chham zawh chuan pawn lamah kan inzui chhuak a, mipui tlem tê zing a Zabilha lo awm ve chuan ka mit ala kher mai, a hmel a mak tih na lo lang chhuak pawh chu ka hmuh hmaih hauh lova, tih ngaihna ka hre der mai silo.




Thla kan lak zawh pawh chuan Zabilha chu ka zawng ru reng a, mahse ka hmu tawhlo, engtin nge helai hmunah hian alo awm ve ringawt dan ka hrelo a, ka beisei lo takzet bawk.Zo Abraham-a te nen hian an inchhung anih ka ring a, atir khan engkim lo hre sa vek ila tha tur hi ania, engtin nge Zabilha hnenah ka insawi fiah tak ang.


Kan in lam ah haw tawh lovin Zo Abraham-a te in lam ah kan tlang dawn a, chaw pawh kan ei nghal dawn ani.Motor a kan chuan lai te chuan Zabilha ngawt chu ka rilru ah a awm a, ka pa pawn pasal ka nei ani tihhi a hre vatin ka ring bawk.



Zabilha chu ka call thin a, a chhang theilo mai nilo in a switchoff hmak tawh avangin ka rilru a buai takzet a, Zo Abraham-a hi zawh mai ka duh a, mahse Zabilha nen a kan inkar a hriat chuan thil a pawi zo vek ka hlau bawk si a engmah ka zawt ngam bawk silo.



Zo Abraham-a te in kan thlen chuan engkim chu dân ang thlap chuan kan ti ve vek a, hunserh an hman zawh hnuah kan room tur lam ah kan kal a, ka thian pakhat tal awm ve nise chu ka hahdam ve deuh tur hi ania.


Thian a ka hman lah hi tunge anih ka hre ngai bawk silo, thian ka nei dawn tih ka hrelo hrim hrim zawk a, ka nu ruahmanna vek anih ka ring.



"Baby, hetah hian i thuamhnaw hak tur a awm" thian a ka hmannu chuan tiin ka thuamhnaw dahna trolley chu min khawhhmuh a, ka hriatsa tho anih avangin "awle" ka ti ringawt a bak a han chhan dan vak ka hre biklo ani.


"Khawi mi nge inih" ka ti ta ringawt a, min hriat hmel sia, ka hre ve bawk silo a, bakah ka tan a hun pui ber pasal ka neihni ah ka bulah a ding a, hriat ve chu ka phu alawm.



"Pa Ramtea û fanu Zothani ka nia" ati a, Pa Ramtea atih chu ka nu pasal ani. "Anih chu ka lawm e aw" ka ti a, ka nu ruahmanna nimahse vawiin a ka bul a alo din ve avangin ka lawm ve hrim hrim.



"Riahpui i duh em" atih leh chuan amah chu ka en deuh hâ a, ka rinai daihin a fel reuh phian mai nge a fel der zawk.



"Duh pawh ni ila ka nu in a phal teuhlo mai" ka lo tih chuan anui deuh hak a, "pasal tur i thlang thiam khawp alawm, i number min pe la, ka lo bia ang che, harsatna inei anihchuan minlo hrilh thin dawn nia, i nû chu engmah ka hrilh lovang" ati leh a, amah lah chu Zo Abrahama ang mai anui deuh sen sen reng a, ngaih te pawh a thalo rum rum mai dawn alawm mawle.


Ka number chu ka pe a, a number pawh chu ka la ve bawk, biak nachhan tur neilo viauin in hre mah ila mamawh hun ala awm ve mial mahna.



Chaw eikham ah ka nu te an haw a, a mawi ah kawngka thleng chu ka va thlah ve khah, Zo Abrahama pawh fapa fel tak nih a tlin in tihtur hrilh chawp ngailo in a ti zung zung a, ka nu lah a be thiamin ka nu lung pawh a dum khawp mai.


"Baby, han hahchawl rawh u in chau ang"ka nu in (Zo Abraham-a nû hi ka nu tihin kan ziak tawh ang)atih chuan amah Zo Abraham-a chu ka va en a, alo nui leh suk tawh engmah nuihzatthlak a awm loh tehlul nen.


" kan han chho ange, min rawn tibuai lo ula" Zo Abrahama'n atih chuan ka thutna atangin ka lo ding ve vat a, kan room thar tur lam pan a kal chu ka zui ve nghal thuai bawk.


Room ka luh ve meuh chuan a kawr a lo phelh fel der tawh a, Zabilha kawr ha lo ka hmuh fo tawh avangin engah mah ka ngai hranlo.


"Ka inti fai hmasa anga chuan" tiin min rawn en a, "enge " ka lo tih chuan "a rual zawk in mi" ati leh a, "i mumang anih chu" ka lo tih chuan a nui suk a, bathroom lam a pan zui nghal.



Bathroom a a awmchhung chuan hmanhmawh deuhin ka lo inthlak a, a mut fel hma chu ka inbual duhloh avangin ka inbual zawh hunah ka inthlak tha leh mai ang.


Zabilha call ka tum leh a, alo la switchoff tlat avangin ka pa zawk chu ka call ta tawp a, alo chhang rang kher mai "enge ni bawihi" arawn tih chuan "pa, Zabilha alo kal em" ka ti a, kal hram se ka ti takzet ani, ka pa bulah a awm chuan ka thla a muang ve thei dawn a."A lo kal miah lo inin hau em ni?" hrilhhai hmel zet chuan arawn ti a "hau lo e, ka be tlang theilo a, pa , alo kal thut chuan min rawn hrilh rawh aw" ka ti a, min lo hrilh tur thu a sawi hnu ah call chu ka dah leh a, ka pa bulah a kal si loh chuan khawiah tak kal ang maw.?..


Zo Abraham-a pawh a inbual zo bathroom atang a rawn chhuah pah chuan a rawn zai vel rat rat a, a chhung te bulah erawh a inla mitak in fapa fel tak ang maiin a awm thin.



"Inbual ve la nû-i" atih chuan ka lo uak der a, a tih fo dan angin a nui leh tawh , saw a nui hmel te saw ka hmu tha zo vek tep in ka hria ani.


"Tinge nuihzatthlak loh deuh deuh ah hian i nuih hu hu zel a " ka tih chuan a ngai te bawkin a nui leh a, "za lo se ka nui dawn ami" atih chuan "nuihna âwmah i nuilo a, nuih lohna tur ah i nui ang vur vur a" ka tih leh chuan "mahni nun choh ngaihtuah tur kan ti khan ka hria" tiin a faifuk rat rat a, ka rilru a hah tehlul nen a ni zawng a hlim bik kher mai.



"Vawiin a lo kal te kha in chhungte vek ami? Ka tih awmzia chu Biakin a lo inkhawm zawng zawng kha" ka tih chuan min rawn en vat a, "i chhungte lo zawng kha ka chhungte anni mai lawm enge i buai vak" min ti let erh reuh a,zawh pawh ka zawt nawn peih tawh lo.


Ka mutna tur chu ka siam mawlh mawlh a, kum khat chhung sofa a mut chu ka thei em em ang thil harsa tak ani lo hrim hrim a, ka duh ber zawk chu hun hi liam vat vat se, hepa nen a inthen vat hi ka chak tawh ani.



Mut pah chuan Zabilha bawk chu ka call leh a, ala in switchoff tlat avangin ka hlauthawng takzet tawh a tlai tawh si a, tawh sual te lo tawk palh ta se keimah vang ani dawn a, engtikah mah ka inthiam thei ngai lovang.



"Nichin atang khan vei nei hmel i pu tunge biak itum char char a, i bialpa ami" Zo Abrahama'n arawn tih chuan amah pawh en lo hian "ummm " ka ti ringawt a "a hmelchhe ngawt ang" atih zui hlak avang chuan "i chhe fe zawk" ka ti vin ve hlar a, engmah a sawi tawhloh avang chuan a nui leh tawh a nih ka ring.


Zo Abrahm-a mutthilh hnu a inbual ka tum tehlul nen "hna khawih tur ka nei a, muhil hmasa rawh ka lo veng ang che" ati ve ngei bawk si a, inbualna hun pawh ka la nei ve lo, ka ban deuh chuap a, a hrehawm ve reng.



Hepa hi ka rin ai daihin a fel a, keihi min duhna chhete mah neilo in nupui ah min nei a, ka chung a sual chhuah leh ngeiawm tak tak a chet a nei ngailo, a office a nileng a ka va awm ve pawhin ei chak ka neih leh neihloh te min zawt a, chu mai anilo len chhuah ka duh leh duhloh thlengin min zawt thin, min ngaihsak lua lo mahse min hnungchhawn bik lova, ka chuangah a fel lutuk tih tur nilo mahse a sual hauhlo thung.



"Mu tawh rawh mo tharin thawh i hai ange" arawn tih chuan dar zat ka en nghal thuai a , zinglam dar 2 lai alo ri der tawh, mut hma tiin Zabilha chu ka call leh hram a angai te bawkin Switchoff alo la inti reng mai, zing alo nia nga, engkim a fel vek mai ang tiin ka in hnem chawp a, ka beisei ang ngeiin thleng se ka ti takzet bawk.



Zing dar 5 pelh hretin ka harh a, nizan ka inbual lo bawk nen ala hma tho avangin ka inbual hmasa a, kan Zo Abraham-a tih harh erawh ka hlau hle thung.



Ka inbual zawh pawh chuan alo la harh lo a, lungkham neilo a a muhil lai chu ka thlir a, a muttui hmel emem mai leh nghal, puan te chu sin that tirin khum sir ah chuan ka thu ve ta reng a, kan room hi inchungah a awm avangin mahni chauh a inhnuai a chhuk chu ka hreh a, Zo Abraham-a lah ala muttui ropui mai sia, nizan lam ah a men chen ka hre silo a han kaihthawh ngawt lah ka inthlahrung ve deuh ani.


Rei ngial ka thut hnuah khum atang a tho a kal mai ka tum chu ka ban ah min rawn man thut a, ka phu nasa lutuk chu ka zuang vakin ka hria , amah lah chuan "ka tihpalh" ala ti zui a, a inthiamloh hmel emem leh nghal , khatiang khan amah pawh hi ti ila a phu ve nasa ngawt ang.



"Khatiang khan i phu vak dawn tih ka hrelo a" ati leh a, apawi loh thu hrilhin inhnuai a chhuk pui ah chuan ka sawm nghal a, "engmah tihtur a awmlo, mu maimai rawh" alo ti duh lek choh a, "ka tan a nuamlo alawm" ka tih pawn "nizan lam hun hmang nasa deuh angin awm la, a dik ani mai" tiin a bawkkhup a, min chhuk pui chu a tum loh hmel nasa.


"Tak takin a nuamlo ania Zo Abraham" ka tih chuan a rawn in beng kang ur ur a, phak chual a min rawn en chung hian "khati khan min ko suh" ati a, a hmai phum in a bawkkhup leh nghal.



"Pawilo keimah in ka chhuk mai ang" ka tih leh chuan "va mu mai mai rawh engmah tih tur a awmlo" a hmai la phum reng chung chuan ati a, mipa ho hi chuan engmah hi an hrethiam ve tak tak ngailo.




Hreh deuh chung chuan inhnuai ah chuan ka chhuk a, choka lam ah thawm a awm avangin ka pan phei ve nghal thuai a, "ka nu i va tho hma ve" tiin Zo Abraham-a nu chu ka ti ve ngei a, ka khur velin ka hria.



"Iva tho hma zawk ve, in pa ala tho lo ami" zangkhai zet hian alo ti a, ala mut thu a ka chhan hnu ah "han mu ve rih rawh, in chau ang" ati leh a, han chauh vakna tur engthil mah ka tih loh avangin "rawng ka lo bawl ve zawk ang" ka ti a, bakah mo thar te ka ni ve a, engmah tilo a awm ringawt chu ka tan pawh a anuam lo, hna ka nei bik bawk silo a, awm tawp a ei leh tawp chu ka duh bik reng reng lo.



"A thing vel a rin theih nual dawn a, Rinhlui pawh alo tho tep ang, thingpui i duh em" atih lai takin Zo Abraham-a chu choka ah alo lut ve hlawl a, kei ai mah chuan a nû hian mak a tih hmel "ehe bawiha" ati ringawt a, thildang engmah a sawi zui chuanglo.


Ka bulah chuan rawn thu in zâwi té si hian " mut ve mai mai tur che nia" ati a, ala hâm bûi bûi zui , min ngaihtuah avangin alo tho ve anih hmel a, ka lawm rual rualin ka nuih aza ang reng viau mai.


In hre ngai miahlo a innei ni mah ila, phone kal tlang a kan inbiak mai piah lam ah a office a ka va len thin avang khan rinai takin kan innel phian a, amah hi neih hrehawm leh sual tak anilo ka tih tawh kha, zankhat choh la ni mahse misual anih ka ringlo a, a mizia tak tak ala chhuah lo anih pawhin hun in ala hril ang chu!



"Nu, thingpui min siam kep em" atih chuan "i in ngailo a ni lawm ni" a nû lah chuan alo tih sak a, "ka in ngai tawh dawn , ka duh ve, min siam kep ve rawh" naupang chhia deuh hian a ti a, amah pawh chu a nuih aza aniang a nui khur char char mai.



Thingpui in pah chuan kan pathum chuan kan ti ti a, Zo Abraham-a nû hi kan inneih hma khan vawi hnih choh ka hmu a, ani pawh hi rinai takin a fel a, nu sual tak ani pawhin ka hrelo a mahse "nau pai vat intum dawn nia" atih chuan ka thingpui in lai chu ka hak a, ka khuh bawrh bawrh mai, a tir khan engmah ka lo ngaihtuah lo a, tû neih an chak dawn tih te chu lo hriat ve tur hi ania.



"Keimahni pawh kan la in hre chiang lova, kan in hriat chian hmasak phawt angai alawm" Zo Abraham'n alo tih chuan chhang thiam ka tiin ka pawm zawk tak ani a, in rem siamlo in innei reng tur pawh ni ila ka pawm thlap ani.



"Hmanhmawh ve tho chu a ngai alawm" ka nu bawk chuan ati leh a, an ngaih danah chuan thil awmlo pawh anilo "kan la nei ve ang chu, i hmanhmawh anihkha" Zo Abraham'n atih takah chuan "nei vat vat ang chu" ati leh a , kan nui ta dar dar mai ka rinai takin an bul a awm chu thil hrehawm tak ani dawn in ka hre ta lo, an hausa in an rilru a that hmel a, mi hausa ka lo hriat thin ang an ni hauhlo , an in la lo a, an nun hi a tlawm emem zawkin ka hria, inla hausa ho ang anni lo.





"Chaw ei dawnah min lo ko ru aw, hna ka la kal dawn lo ania" tiin ka ban ah min kai a, "ngati nge" ka lo tih deuh hû avang chuan "chho ang" ati leh a , "mahse" ka lo tih chuan "minlo zui tawp rawh ka nû in tû neih a chak tawh kha" fiamthu deuh hian ati a, ka nu ka en chuan alo nui pût pût mai "han chho rawh u, engmah pawh tih tur a awmlo" atih takah chuan ngaihtha zân lo chuan ka thutna atang chuan ka tho a, room lam a min kaih chhoh lai te chuan ka hawi let zuk zuk reng a, chaw ei dawn a han chhuk choh chu nuam ka tilo ani.


"Tikhan va mû la, nakin deuhah kan chhuk leh dawn nia, nizan i mutha lo tih ka hre reng" atih chuan "min en thla animaw" ka lo ti a, za lo deuh a nui chung hian "room khatah kan awm hi" atih chuan chhang zui tawh lem lo in sofa lam chu ka pan a, thawh vek tawh hnu a, mutthilh han tum that leh chu thil harsa ve tak ani bakah ka peihlo hrim hrim.



Trolley-a ka thuamhnaw vel chu rem fel atha zawkin ka hria, ka tih leh tur tho tho ania, kumkhat lai kan cheng dun dawn a, trolley a in dah reng te chu ka peih bik reng reng lo.



Earphone in hla ka ngaithla a, thuamhnaw rem fel pah chuan khum a Zo Abraham-a mu chu ka en leh zeuh zel a, engtin nge a mutthilh leh mai theih zawk le, a vannei hle mai.



Thuamhnaw rem tur ka ngah loh avangin reilo ah ka zo nghal thuai a, tih tur ka hriat tawh loh avangin sofa ah chuan mu in movie recap ka en maimai a,ka lo muhil hman aniang ka harh leh meuh chuan kan room ah chuan keimah choh in ka lo awm tawh a, dar zat ka en chuan dar 11 lai alo ri der tawh, "Zo Abraham-a pawh hi min kaihthawh ve tur hi ania" ti nuah nuah chungin ka tho nghal vat a, amah lah chu khawiah nge maw a awm ni?


Bathroom ah a awm ringin bathroom lam ka pan a, kawngka alo in kalh loh avang chuan a awm ring lo deuh chung chuan ka hawng ta tho a, khawiah nge maw alo kal hman bik le?



Inhnuai lamah a awm anih ka ring, chaw minlo ei san vek tawh phei chuan keimahin ka ei ngam dawn der mai silo a, mahni choh a chaw ei ai chuan nileng a nghei pawh ka thlang zawk.



Room chhungah chuan ka vei kual sek a, inhnuai a ka chhuk hreh lutuk chu damloh der mai ka duh tawh.



Kan room kawngka rawn in hawng riai riai lam chu ka en vat a, tu tak lo lut ang maw tih nak alaiin Zo Abraham-a ngei mai chu phone khawih chung chuan muang chang hian a rawn lut a, "hey" ka ti chu a phu zuk mai.


"Ngati nge min kaihthawh loh a" ka tih leh chuan "khati khawp a mutui te chu khaihthawh chi pawh ini hleinem" alo ti a, eng ang pawn mutui ila min kaihthawh tho tur hi ania "chu pawh nise, engtin nge ka tih tak ang" ka tih leh chuan "engmaw" alo la ti deuh hû a, engmah lah hi a hrethiam ve der mai silo.



"Enge ni vak anga" amah pawh en lo chuan ka ti a, a chhungte hian mak minti ngawt ang, mo thar tuk atangin an rualin chaw ka eilo nghal ringawt ania.


"Enge i ngaihtuah" khum a thu pah a a tih chuan "ka ngaihtuah" ka lo ti ringawt a, "i ngaihtuah chu lawm ka zawh che" ngeiawm zet a alo tih leh chuan "engmah" ka ti a, biak pawh hi ka be chak nek tawh lo.Ani te chu an in ania, tho tlai mahse engmah pawina a awmlo keipawh ka pa bula ka awm lai te chuan ka duh hun hun ah ka tho a min hau ngailo a, nuamlo tihna pawh ka nei ngailo.


Show post links
Top

[Ngaia]

Zo Abraham

Chapter-3


"Ka chhungte vang ami?buaina tur a awmlo an chhuak vek tawh" atih chuan amah chu ka en vat a "tak tak ami " ka tih chuan "advocate dawtsawi i hre ngai ami" ati leh kher a, hetia a tih hian a hna a chhuan vang nilo in dawt a sawi loh zia entirna atan a a hman ve nimai in ka hre tawh.




"Ka thawveng huai mai mahse Zo Abraham" ka tih leh chuan rang zet hian "khati khan min ko ziah suh" alo ti a, ka thilsawi tum pawh sawi thei lawk lo in ka nui leh rih a, Zo Abraham-a nih chu a duh bik vak lo aniang.


"Aww.. Eng Abraham-a pawh nila " ka tih leh chuan alo meng rum khawp mai "zingah an rualin chaw ka ei bawk silo a, enge maw sawi an nei em" ka ti a, min chhan that duh vak ringlo mah ila zawh ve hrim hrim chu ka duh ani.


"Neilo niang, chaw ka la ei biklo" ati liam leh puat a, "ila eilo maw" ka ti deuh ha a "ka nupui rual a chaw ei ka duh a, ka lo nghak che" ati ve mai a, nupui a ti vel kher chu ka ngei viau dawn a, minlo nghah ve hrim hrim avangin ka lawm a ka hnial duh ta biklo.


"Keimah vangin an rual pawn chaw i ei silo a" ka tih leh chuan "buai buai suh i ninawm" minti reuh a, ka rilru hi engmah a hrethiam ve lo anihhi hepa hian"buai loh theih pawh ani mi? An fa neih chhun liau liau ini ve a, anuamlo lawm" ka tih takah chuan "nuamlo tihna tur a awmlo, keimah choh hi an fa ka nilo bawk a chuan zinglam ah hi chuan chaw kan ei rual ngailo hrim hrim" ati ve duah a, amah choh hi fa annei emaw tih nak alaiin unau dang alo nei reng amaw?, "Anih leh unau engzah nge innih a" ti a ka zawh chuan "dawrzan khat" alo ti vat a, ava han ngeiawm tak "min chhang tha ve mai la, mithar ka nihhi, thil hrelo leh lutuk a awm te anuam lo ve a" ka tih chuan min rawn en a, min chhang tawh dawnlo emaw ka tih hnu ah "û ka nei, hmeichhia, pasal anei tawh, fa pawh pa 2 an nei tawh, i zawhna ka chhang kim em?" ati a, engmah pawh ka zawt zui peih tawhlo athinchhe emai.



Chaw kan ei kham chuan in chungah bawk kan in zui chho leh a, tih tur han van zia mai chu e sawi pawh ka sawi peihlo "tinge hna i kal loh a" ka tih chuan thil hrechhuak thut ang mai hian "ehe" ati hluai a, laptop chu la in a hmet mial mial a, "tinge hna i kalloh" ka ti tha leh ngat a, "inneih chawlh, minlo be suh hna ka thawk" ati leh a, ka be chak bik tawp hleinem "inhnuai ah ka chhuk ania" ka ti leh kher a, min chhang tawh lem lo in a thil tihlai chu a tih chhunzawm mawlh mawlh "Zo Abraham in hnuaiah ka chhuk ania" ka tih leh chuan a thiltih lai chawl meuhin min rawn en a, tih thinrim ka chak vang hrim hrim ani, "kal ta che" ati a, ka chhuah dawn thlengin min rawn en tawh lo.



Inhnuai ka chhuk chuan choka lam ah Rinhlui'n min lo au vat a, "mamawh inei ami"ka luh rual a alo tih chuan ka neihloh thu ka hrilh vat a "tih tur avang lutuk a, enge ka lo tih ve ang" ka tih erawh chuan "engmah tih angailo tikhan lo awm mai mai rawh" ati deuh tlat a, awm mai mai ka peih loh vang a tih tur zawt ka nih ve tho sia.



"Awm maimai chu a nuamlo, ka ning" ka tih chuan "u Ab-an ilo chhuk tih a hria em" ati leh a, "ngati nge" ka lo tih chuan "ka zawt mai mai che, nizan ah a leng em" hriat chak hmel deuh tak chuan ati a, a len loh thu ka sawi ka chuan "ava tha ve" ati leh mai a, eng a hria chu ni maw!



"Chhuat hi ka lo nawt ve ang" ka tih deuh tlat avangin "u Ab-a khan alo hmuh che chuan" ati ve ngei a, kan Zo Abraham-a chuan ka chhuat nawh leh nawh loh te chu engah mah a ngai dawn loh tehlul nen, "aho lutuk, kan in ah pawh ka ti ziah alawm" ka ti a, a rilru nawm nan "kan in ah ka chhuat nawt lai a hmu fo alawm" ka ti leh a, tlém chuan a ngaih a that ve hmel ta deuh.




Nilengin kan Zo Abraham-a pawh room ah a tawm a, hna a thawh avangin ei tur ka han pek bak chu ka la chho leh lo hrim hrim a, tihbuai kha a duhlo em a, tihbuai luih ka tum bik lo.


Tlai eirawng kan bawl laiin ka nu a rawn haw a min hmuh rual a "i nuam deuh tawh ami" atih chuan a ngaihna ka hrelo kher mai "tukin khan bawiha khan i nawmloh thu a sawi a" atih leh takah chuan ka mut rei thup nan dawt var alo hrilh tih ka hrethiam nghal mai a, "aw ka tha tawh engmah tham anilo" ka ti ve mai a, "athat chu, khawnge amah hi a awm a" tiin a hawi kual a, "room ah a awm, hna a thawk a" ka tih leh chuan "vawiin te chu chawlh ve tur alawm" ati a, an room ah a lut zui nghal.Thawk khat chu a veng ta huai mai, putara kha ka hmu hreh emem a, ka pa alo nih tak atangin ka la hmu leh lo ti ila nimin lam chu thuhran lo ni ta se, an in a ka riah ve tak atangin ka la hmu miah lo a, a thingpui in tur a nimbu ka telh avang khan tunah hian ka inchhir tak zet a, kha vang khan hmuh ka hreh phah ngawih ngawih ani.




Khua a thim tep tih ah kan Putara tun a ka pa lo ni ta chu alo haw ve ta ngei a "i tha maw" amah ka hmuh rual a ka lo tih chuan "khaa, eirawngte ilo bawl pui ve animaw" ati a, "nia tih tur a awmlo lutuk a " ka lo tih chuan "i ti tha lutuk alawm, i nu alo haw tawh em" atih zawm leh nghal zat a, a lo haw tawh thu ka hrilh hnu ah an pindan lam panin a kal zui ve nghal a ka thawhuai thei.



Tlai chaw ei dawnah Zo Abraham-a ko turin kan pindan lam ah ka kal a, ka lut tih pawh hre lek lo in hna alo la thawk reng a, a tarmit vuah lah chu a inhmeh phian mai, a sam a pawr ang reng sia, naupang te pawh a ang alawm le.



Ahma ah chuan va thu in "chaw kan ei dawn" ka ti ringawt a, ka thusawi pawh chu hria ang pawn a awm lo "hey Zo" ka tih rualin "kal ila" ati a, a tho nghal vut mai, Zo Abraham ka tih leh a hlau aniang.



Ka pa in tawngtaina a hman hnuah chaw kan ei a, an ngawih reng avangin chaw ei laiin an tawng ngailo anih ka ring, ka pa nen kha chuan chaw ei lai ten kan nui dun bawk bawk thin a, kan hlim thin hle kha ania.


"Bawiha , naktuk i office dawn tiraw" ka nu in arawn tih chuan an tawng ve thin tho anihhi ka lo ti rilru a, sawi tur vak an hrelo ve hrim hrim ah ka ngai.



"Kal ang, in lamah hna khawih tho ka ngai a" pakhat zawk chuan alo ti a, "karkhat tal chawl la ka ti sin le" ka nu bawk chuan alo ti leh a "engvang" Zo Abraham'n a tih chuan "Baby-i hian nuamlo a tih ka hlau deuh mawle, bakah in hriat chian kha in duh sia" ati leh mai a, a sawi awmzia chu ka hrethiam .



Kan chaw ei na kan tih fel laiin Rinhlui'n "chaw eikham hian ka pu hian thingpui sen hang a duh thin a, kan lum sak lawk ang, thleng kha chu ka rawn sil ang" ati a, kan in a anlo len tum a ka thingpui lum sak chu ngaihtuah chhuakin "keiman ka lo lum sak dawn mi" ka ti a , "ka ti thei alawm" ti tlat mahse keimah ngeiin lum sak chu ka duh ani.



"Amah chauh nge" ka tih chuan "an duh vek ang" ati leh mai a, kei hi ka la naupan vang nge thingpui hi ka ngaina teh chiam lova, chaw eikham a an in leh thei mai hi mak tih chang ka nei thin.



Thutkhawmna pindan lam ah an chhungkua in an awm a, an chhungkhua han ti ila ka awm ve hma a an chhungkua, tray chawi chung chuan ka va phei ve a, "thingpui sen hang aw" ka tih chuan Zo Abraham-a hmel chu ka sawi thiam lo a ngaih a that hmel chiah lo ani.



Ka pâ pek pah a "heihi chu a pangngai" ka tih chuan a nui a, thingpui thur a in kha a hrechhuak ve ani mahna mahse kan Zo Abraham-a erawh chuan a hnim a hnim leh tawh.


"Baby, lo thu ve lawk teh" a tih avangin ka pasal bulah chuan ka thu ve a, a thingpui in tur a hnim reng avang chuan ka va nghawk zeuh a "engmah ka telh lo" ka tih hnuah a in ve choh leh nghal.


"Nitin hnathawkin kan chhuak ziah dawn sia, i khua a har thin viau dawn a, i thiante pawh leng turin sawm ve thin la" atih chuan leng a sawm tur thian ka neilo tih ka in hrechhuak a, chupawh ka nû vang bawk ani, tumah kawm phal tawh hek lo.


" Rinhlui a awm a, kan inkawm thei khawp mai" ka ti a, Rinhlui nen hian kan inrual khat viau a, a kum zat tak la hre lo mah ila, kei aia a upat erawh ka ringlo thung.


"Athat chu Rinhlui hi a fel ve khawp ania" ati leh a, chhan dan tur ka hre leh tawh tlat lo "nia" ka ti ta ringawt a, "nakin ah Rinhlui nen in enkawl turin dawr te kan siam anga" atih chuan ka nu in "atih chi nang , nau te pawh anla pai ve anga, an enkawl hman tak tak lovang" alo ti thuai a, ka nu hi naupai ringawt a rilruah a awm anih hmel a ka dem hran lo an chhungkua hi anlo tlem ve em a, naupang awm se chu an nun a tihlim ve dawn em ani.




Kan pindan a kan chhoh hnuah hna bawk a khawih leh a , kei erawh Zabilha ala biak theihloh reng avang chuan ka rilru a buai khawp mai tih ngaihna vak ka hre bawk silo a, aman minlo biak hun nghah tawp mai loh chu tih ngaihna dang pawh ka hre tawh lo.



Thawm a awm deuh reng avang chuan ka meng diar diar a, khum lam ka va en chuan Zo Abraham-a a awm loh avangin ka tho vat a, kan pindan chhung ka en kual lai takin bathroom atangin kawr ha lo hian alo chhuak a, a inbual zo chiah anih hmel min hmuh rual chuan "morning" nui sang chung hian ati a, tun ang hunah tumah an in morning ngailo.



A mu mai dawn emaw ka tih laiin a in ha mawlh mawlh a , "khawiah nge i kal dawn" zan dar 11:30 a rik tep tawh avang chuan thil thalo a thleng emaw ka ti hman tep ani "ka chhuak lawk dawn" alo ti tha ve mai a, a tlai tawh em avangin a pawimawh viau aniang chu.



"Khumah khan mu rawh sofa ah khan ka lo mu tawh ang" atih leh chuan "iti tak tak ami" ka ti a, "advo" ati hman chiah tih ah "ka hria , ka hria, ka bulah i lo mu leh si ange" ka ti a , ka ringhlel deuh ani, "lungngai suh , lo mu rawh pawh ti la ka mu lo ang" nui reng chung chuan ati a, enga tinge maw saw tia a nuih reng zel mai le?



"Ka kal dawn ania" a insiam zawh hnu a a tih chuan "ilo haw har angem" ka lo ti vat a, "minlo nghaklo phawt mai rawh, muttui le, ka nupui duhlai" ati a, a chhuak zui nghal a, thawm a dim ve viau aniang, step a a kal ri tak ngial pawh hriattur a awm lo.



Zing ka harh chuan sofa lam ka en nghal thuai a, tui deuh a Zo Abraham-a lo muhil ka hmuh chuan tho vatin "hey, hna kal i ngaih kha tho tawh rawh" ka ti a, ka sawi pah bawk.


Phak chualin "dar engzat nge" ati a, "dar sarih" ka lo tih chuan "ala hma em chu 8:30 ah minlo kai tho rawh" ati leh a, nizan a chhuak tlai sia, alo haw leh har anih ka ring ka tibuai lui lo mai ang.



Inhnuai ah chhukin Rinhlui'n eirawng alo bawl mek a, "ka nu te anla tho lo ami" ka tih chuan "tawngtai turin an kal a, anlo la hawlo, an leng kawi animai thei" ati a, ka thiam ang ang chuan ka bawl pui ve nghal a, "vawiin chu tih tur a awmlo leh dawn hle mai" nui pah a ka tih chuan "va leng chhuak ve la, u Ab-an a phallo ami" ati leh reuh a, Zo Abraham-a hi a veng thawng thin viau anihmel.



"Phalloh pawh ka hrelo a, lenchhuah hi ka peih ve vaklo a" ka ti leh mai a, ka pa in ah chuan ka la kal leh tho ang mahse karkhat vel han awm ve phawt ila ka nu te in ah erawh chuan kal ka tumlo bur.



"Kan in ang chiah anihchu, kan khua a ka awm pawhin ka chhuak ngai lo reng reng" ati a, a bai siam chawh mawlh mawlh pah chuan "nizan ah a leng chhuak leh tiraw" atih chuan "engtin nge i hriat a" ka lo ti vat a, "a thawm kha ka hria a" tawng rin hlau tak si chuan ati a, kan Zo Abraham-a chuan thawm a dim viau emaw ati ngei awm sia.



"Zan a a chhuah hun leh zinglam a alo haw hun hi chu ka hre lutuk" atih chuan a vawi hnih khat chhuahna chu anilo tih ka hrethiam mai a "a chhuak fo thin ami" ka tih chuan "aaa, chhuak fo chuang love, ka ti ve maimai anihkha" ati leh daih a, a nupui ka ni tih a hrechhuak leh thut aniang "aho lutuk engah mah ka ngai chuanglo, dam se chu chu ka duh ber" ka lo tih chuan "a tlangval lai chuan zantin a chhuak thin a, mahse lo haw loh anei ngailo a, ka pi te pawh hian a chhuak thin tih an hrelo hrim hrim" ati leh a, zantin a chhuak ziah anihchuan enge atih thin ang, ka buaina tur anilo, ka pasal tak tak pawh ani chuang lo.


Dar 8 velin ka pasal pawh a rawn tho chhuak ve a, rawn tho lo se chu ka kaitho ang ka ti sin le, min hmuh rual a "morning" atih chuan "good afternoon" ka lo ti a, a sana en nghal vatin a nui leh tawh.



Chaw eikham in "minlo insiam pui teh" atih tlat avangin kan eina pawh sengfel lo chuan kan pindan lamah kan in zui chho a, "in siam pui vak i ngai ami" pindan a kan luh rual a ka tih chuan "tikhan lo awm ve rawh, bakah thil tih ve vak tum duh suh ka nupui inih kha, a lem mah nise ka nupui inihkha" ati a, a nupui ka nih avang a ka awm mai mai nachhan tur ka hrelo thung.



"Engmah tilo a awm ve ringawt te chu a nuam hleinem bakah nizan ah khawiah nge i kal a" ka tih chuan "ka chhuak lawk mai mai" alo ti vat a, a kalna chu ka hre chak tlat pek anihchu "thawm i dim famkim lo ania, Rinhlui'n alo hria a" ka tih leh chuan nui pah hian "amah chauhin a hria alawm" ati leh mai a, ani hi bialnu anei anga, ava hmu ve ngei tihna amawn le, ka dawp chak tlat "bialnu inei ami" ka tih lah in "nope" ati ringawt a, "inei chiang mai chuti nilo se zan rei ah chhuakin zinglamah ilo haw miahlo ang" ka tih chuan "ka nei lo, ohh ka nei thin, mahse hei nupui te ka lo nei ve tawh a, bialnu nei chi ka ni tawh hleinem a lem mah nise ka nupui inih chhung chu bialnu ka nei lovang" ati ve ngei a, lawm tur nge tah tur pawh ka hrelo e a, a mah lah chu a thutak hmel emem mai leh nghal.



"Anihchuan a that chu" amah enreng chung chuan ka ti a, a nui leh tawh a lai ve deuh nge mawni "necktie i suih thiam em" atih chuan "thiam ta ila enge" ka lo ti a, "aw min suih sak ve ang chu i pasal te ka ni ve a" atih chuan "kal mai teh" ka lo ti a , a nui chhuak hawk mai.




A hna kal tur chu pawn thleng ka va thlah a "minlo ngai vak lo la, ka buai nileng dawn sia" ati leh kher a, ka lo melh rum vak thung "thil minlo hawn rawh aw" ka tih chuan "eng thil" helmet khum pah chuan ati a, "ka hrelo jelebi animai" ka tih chuan nui pah hian "ber kher a" ati hluk a, a tlanchhuak zui nghal.



Ka hna ber ni tur a ka hriat tak chu eitui leh mut ani ber mai in ka hria, an chhungkua an rual lo a, tih tur vak a awm ngailo hrim hrim a, zing leh tlai eirawngbawl bak hna lian tham vak a awmlo.




Tlai ni vat vat se Zo Abraham-a lo haw hun chu ka nghakhlel takzet ani, a awmloh chuan inchhung chu a reh duk a, ka khua a har ve lek lek mai.



"U Ab-a alo haw" kan eirawngbawl lai a Rinhlui'n atih chuan pawn lam chu ka en a, amah alo nih tak tak avangin pawn ah chhuakin kawngka bulah chuan ka lo nghak a, min rawn hmuh ve chuan a helmet chhan atang pawn a nui tih ka hre thei.



"Min va ngai awm ve" ka bul a lo thlen rual a a tih chuan "ngai mai thei" ka lo ti a, kan pahnih chuan kan nui dun ta ringawt.



Pindan kan luh rual chuan "i inbual dawn em?" ka ti a, "nupui neih hi a nuam chho tan dawn riauin ka hria " atih chuan "sawi vat mai teh" ka lo ti a, "inbual dawn ta ila min bual dawn mi" atih leh chuan ka lo ner khum ringawt a, uan hun pawh hi a hrelo.



Zan rei lam ah chuan chhuak leh turin a i siam leh mawlh mawlh tawh a, "enge inva tih ber thin a" ti a ka zawh chuan "i hriat ten a chi nang" nui chung hian a ti a, ka zawt zui duh tawh lem lo.


Ka pasal chhuah hnuah Zabilha chu ka call leh a, switchoff alo la intih reng avangin a thi anih te ka ring rum rum tawh , tlai tawh viau mahse ka pa chu ka call leh ta nge nge a "pa , Zâtê-a hi ka be thei lo reng reng" call alo chhan rual a ka tih chuan "nimin kha chuan alo kal zuai a, rei pawh a awm chuanglo" alo tih chuan ka beng a verh kher mai "alo kal maw, engtik hunah" ka ti vat a "dar hnih vel aniin ka hria, chaw ei nghal turin ka tia, a duh lo a" ati leh mai a, "ngati nge minlo biak tir loh" ka tihchuan "aaa.. Aww kha kha, be tur che in ka tia, haw hunah ati tlat a, alo be lo che mi" atih leh chuan min biak thu in ka lo chhang mai a, "a tlai tawh mambawih mu tawh rawh" atih takah chuan "muttui le pa, remchang hmasa berah ka lo tlawh ang che" ka ti a, "awle , muttui le mambawih" atih chuan call chu ka dah nghal a, Zabilha bawk chu ka call leh a, a ngai tho switchoff.




Zing ka harh chuan ka khum bulah dingin Zo Abraham-a chuan minlo nuih vur vur a, ka phu zawk lo choh ani, "i â mi" ka tih chuan "tho la, minlo thlah rawh, hna ka kal angai" ati a, dar zat ka zawh chuan "8:30" alo ti vat a, "tinge i va kal hma dawn ve" tho pah a ka tih chuan, "kal hma angai a, ka lo haw har lovang" ati leh a, lo haw har dawnlo mahse a tello a zing chaw ei ka huphurh ani.



"I insiam vek tawh elaw" amah en chung chuan ka ti a, a kawng dawm chung hian a lu a bu ve nghat mai "ilo haw har em" ka ti ta daih a, zanah a chhuak ziah a, alo haw har theih tehreng nen hetiang a harhvang tak a ala awm thei hi amak ka ti hial zawk, "Nope" tiin a helmet chu ala a, a chhuak tur chu zui ve nghalin "chaw i ei tawh em" ka tih chuan "office ah ka ei mai ang" ati a, a helmet chu min rawn pe in a kamiz ban chu a thlep mawlh mawlh a "vawiin chu hna a tam deuh dawn a" ati chu ka khawngaih ve deuh ani "tiffin ka lo pe dawn che mi" ka tih chuan ding meuh hian min en a , chutah nui chung hian "ngailo mai rawh se" ati a, a helmet ka pawm chu la in a kal zui leh nghal.




Pawn a kan inzui chhuak tur chu ka nu in "bawiha i kal dawn ami" arawn ti lang lang a, "ni hman nuam" ka pasal chuan ati ringawt a, a zawhna erawh a chhang hauhlo.



Bike a chuan pah chuan "jelebi kha i ei zo tawh em" ati a, nimin khan jelebi kha minlo hawn tak tak a, ka ei chak vang a chah pawh ka nilo ka chah tur hriatloh lutuk vang a chah ka nia, ka la ei mang lo hrim hrim.



"Ka la ngah mai" ka lo tih chuan "thildang min chah dawn em" min en reng chung chuan ati leh a chah tur mai ka lo hre biklo nen "Zarda" ka ti chu a ner nasa khawp mai "kum sang rorelah pawh ka rawn hawn lovang che" helmet khum pah chuan ati a, Gudkha products hrim hrim hi a ei ngai lova, zu a in thin em ka hrelo a meizial hi a zu ve leh zeuh zel tih loh chu engthil dang mah a tih awm ka hrelo, sahdah leh tuibur phei hi chu a ten ngawih ngawih "a nih chuan i rilru a lo lang hmasa ber minlo hawn mai rawh" ka ti a, a in ngaihtuah vung vung hnuah a tlanchhuak ve nghal a, ka sawi hmaih daih kan inneih hma a minlo be tu ka block tak daih kha Zo Abraham-a hi alo nia, kan inneih zan khan ka unblock ve chiah alawm.



Nilengin tihtur emem a awm loh avang chuan pawn te chu ka phiat fai a, thil dang tih tur ka ngaihtuah ngial pawhin vang thei tak ani, chhuat ka nawt leh tawp a, kan room ka tihfel chuan dar 11:00am choh alo la ni a, hun hi a ding emaw ka hial ani.


Tlai lamah rawng kan bawl leh tawp a, chubak chu han tih tur dang a awmlo leh a, mut ani leh deuh tawp mai.


"Enge kan siam ang" choka a luh pah a ka tih chuan "zanin tlai chu nilaithawhtan ania, bawngsa ka siam ang chu ka lo tia" atih chuan "nilaithawhtan ah bawngsa an ei thin ami" mak tih hmel deuh tak a ka tih chuan "ei thin chuang love , u Ab-a hian kharkhat ah vawikhat tal ei a duh thin a, nilaithawhtan ah hian ka siam tlangpui zel" atih chuan siam ka chak ta tlat a , "siam duh dan bik a nei em" ka tih leh chuan "nei hran love bawngsa hi chu a duh ve hrim hrim a" atih leh rualin "tun tum chu keiman ka lo siam ang, bawngsa chu keipawn ka duh ber ania, ka siam thiam lutuk" ka ti a, "umm .. Siam sak ve reng reng rawh , u Ab-a pawh a lawm ngawt ang" ati ve ngei a, a lawm leh lawm loh ah buailo mah ila ka siam sak chak tlat ani.



"Fridge ah ami?" tih pahin fridge chu ka hawng a, bawngsa lo awm chu la chhuak in ka silfai hmasa a, "a chan na tur vel hi" ka ti a, thil awmna vel hi ka la hrelo lutuk a, ka la zawt zel anihhi "lawk aw ka rawn la ang" tiin choka atangin a chhuak zui a, reilo té ah rawn let leh nghalin "a hriam teh mai ania aw i in zai palh hlauh ange" tih pah chuan min rawn pe a.



A ti hlang ani bawk a, chan a nuam a ruh a tel tawh hi chuan tih vak ngaihna hi ka hrelo thin ani.Ka chan zo tep tihah chuan ka kut chu a rawn thip zawk a, thisen a rawn far nghal bawk ka hup a, thlengsilna lam pan in tap chu ka kutzung tangin ka herhhaw a , ka phuh tir nghal, a reh ve mai dawn maw ka tih laiin thisen bawk chu a rawn chhuak zel a ka kut ka la hup reng avangin a thuk nge thuklo pawh ka hrelo.


"Rinhlu, lo kal lawk teh ka kut ka zai tel palh a, ana ve reuh lutuk" ka ti ta ringawt a, ani pawh a thutna atang a lo tho in "avan zialo tak engtin nge kan tih ang, a thuk em" ati nghal zung zung a, "tui kha" ka tih chuan alo off ve nghal thuai a, ka en ngam loh avangin Rinhlui hi en tir ka tum ani.


Show post links
Top

[Ngaia]

Zo Abraham

Chapter-4


"A thuk leh thukloh pawh ka hrelo, ana ve reuh lutuk a, ka kut hi ka la sawn anga, lo en chhin teh aw ka en ngamlo a" ka tih chuan "thisen hi a chhuak hnem sia, a thuk viau anih ka ring" alo ti a, ka hlauthawng ve ta deuh a ana zual sauh bawkin ka hria.



Ka kut chu ka phelh riai riai a, thisen chhuah nasat vang aniang a ban deuh chap leh nghal "ehe a uai ania" arawn tih chuan ka au tuarh a, lehlam ka hawi nghal , a uai tur ka mitthla ah alo lang a ka tim(trim) ur ur thei.


"A thih hma in damdawiin ah kal ang" Rinhlui lah chuan alo ti chul a, engtin tak nge a uai lah ka hre bawk silo minti hlauthawng zo vek tawh "mahse engtin nge kan kal ang" ka tih chuan "taxi kan la dawn nia, kal ang" ati a, a hlauhthawn hmel em avangin ka hlauthawng ve zo vek a, ka tap lo choh tawh.



Kawtah chuan taxi kan chang a, a vang phian leh nghal, rei ngial kan nghah hnuah taxi pakhat chu alo kal ve ta hram a, luh pah a "damdawiin hmasa berah animai" Rinhlui'n a tih te chuan ka tap chhuak lo choh tawh.



LRM kawt ah taxi a din rualin kan chhuk a, taxi driver lah chuan "chuan man inla pe lo" arawn ti lang lang a, pawisa engmah ka ken loh avangin Rinhlui chu ka en vat a, ani pawn min lo en ve chiah bawk.A hmel atang chuan engmah a keng biklo tih ka hre thiam a "ka pu tah hian minlo nghak la, kan in thleng kha min dah let leh la, min nghah man zawng zawng nen kan pe ang che" ka tih chuan a thinrim hmel kher mai mahse "ka kut hi sa chan na in ka hlâwi a, a thih hma a thui tir vat angai a, kan reilo ang" ka tih takah chuan "va kal vat rawh u" nelawm fahran loh chuan ati a, hmanhmawh deuhin LRM ah chuan kan lut nghal.




Thisen a chhuah hnem vang nge ka hlauh vang pawh ka hrelo ka lu te hi a hai muai muai a, ka khawhmuh te hi a phe ruaiin ka hre tawh.



Doctor in en a tum lai chuan ka thisen leh ka kut chu alo in char titih tawh avangin enge maw a hnawih hmasa leh phawt a, enge anih pawh ka hrelo.


Lehlam hawi chung chuan ka vawn na kut chu ka phelh a, ka en ngamlo hrim hrim , a khawih vel phei chuan na tak ani."Thui(thrui) angai ve dawn anihhi, engtin nge itih reng reng a" atih chuan sa ka chan thu in ka lo chhang vat a, thildang pawh a sawi teuh mai anat em avangin engmah ka chhang thei tawhlo.



"Ehe u Ab-a nihhi kan chhang lawk ang" tiin Rinhlui lah chu a chhuak daih a, a lo awm ve khan ka na tawrh hi a zia deuh ten ka hria.


"Pasal inei tawh em" doctor pa bawk chuan alo ti leh a "aw nei tawh e hmanni khan" ka tih chuan "anawm chhoh hunlai tak ani dawn animaw?" atih leh a, a tawng peih bawk si, ana bawk si ka thlan te a tla hial in ka hria.


"I pasal chu a fel em? " atih leh rualin "kan zo e" atih chhunzawm leh nghal zat a, "nasa lutuk anilo, hmun thum ah ka chilh ve mai mai anih kha, damdawi hnawih tur vel hi lei ula, uluk deuhin inpa nen in enkawl dawnnia" ati a, ka kut chu ka en vang vang a, hmun thum lek a thui ngai si, ava han na emem ve mawle.



"Aw hei, in zo ami" Rinhlui'n a rawn ti lut a "aw zo, kan haw thei tawh" ka lo tih chuan "u Ab, lo kal duhlo mai rawh hei kan lo haw dawn" tiin phone bawk chu a biak chhunzawm leh nghal zat a, Zo Abraham-a pawh alo haw tawh anih ka ring tukin a kal dawn khan alo haw hma tur thu a sawi tak kha mawle a zialo hle mai.


"Baby, engtin nge a man vel hi kan tih dawn" atih chuan pawisa kan keng lo tih ka hrechhuak leh chiah "ka... Kan hmanhmawh lutuk a pawisa engmah kan rawn kenglo" Doctor pa bula ka tih chuan alo nui ringawt a "a gpay theih em" ka tih leh chuan "pawnah khan han zawt chhin teh u, an thei angem" alo tih avang chuan ngaihtha deuh chuan kan chhuahsan a, mahse ka phone ka keng reng reng lo.


"Rin, ka phone ka keng reng reng lo i gpay em ka rul leh ang che" ka tih chuan rang zet hian "ka gpay ka hmang theilo lawm, pawisa chu ka dawng thei a, ka transfer theilo a" alo ti a, ava han beidawn thlak tak "u Ab-a ka phone mai dawn mi" atih lah in tihbuai ka duh loh avangin phone lo turin ka ti bawk si a"taxi driver khan minlo la nghak em le ka va en lawk" tih leh tlan chhuah a rual a, minlo nghak pawh nise kawngro a sut vak ka ringlo ani.



Reilo te ah a rawn tlan lut leh a, "khawi damdawi lehkha kha" tih leh reception lam chu a pan a, ka lo en deuh tawp ringawt.



"Iva ti fel thei ami?" Alo phei leh hnu chuan ka ti a, a nui vur vur leh nghal "thei hram ani" atih chuan "engtin nge itih a" ka lo ti vat a , a gpay theihloh thu kha a sawi sia engtin nge atih ka hre chak ani damdawi zawng zawng a rawn lei bawk sia.



"Taxi driver pawisa kha ka va puk tawp alawm" atih chuan "animaw? Alo phal ve mai ami a" chutia a hmelhriat ngai pawh nilo pawisa a puk tir phal chu mak ka ti deuh ani.



"A phal aniang min pe ve mai a, mahse a lungawi hmel chiah lo" ati leh a, a motor a chuan pawh a inthlahrunawm tawh alawm le.


Taxi a kan chuan luh rual rualin a tlan chhuak nghal a, a tawng lo a, ngawi rengin a khalh a, trafic lah chu a zâm nasa mai si a, eirawng kan la bawl zo bawk si lo, rilru a hmanhmawh duh takzet.




Kan in kawt kan thlen chuan kan chhuk nghal thuai a, Rinhlui'n "minlo nghak leh lawk rawh aw, pawisa kan han la lawk ang" ati a, taxi driver lo phun hluk chu ka hrethei a, enge a sawi tak erawh ka hrelo ani, vawiin chu a tum ang in a hman bik ka ringlo a, a damchhung sawi a tling ve tawh mai thei ani.



In chhung kan luh chuan sitting room lam kan pan nghal a, sofa a mitmeng dur khup chung a Zo Abraham-a lo thu ka hmuh chuan nuamlo tihna in ka khat a mahse Rinhlui'n "u Ab- lo kal lawk lawk teh" atih avangin engmah a sawi hmanlo a, pawn ah chuan an in zui chhuak nghal bawk.



Ka nu chuan minlo bia in "ana em, Rinhlui khan a uai thla vek kha ati mai sia minti hlauthawng hman alawm" alo ti nghal chul a , "chutiang emem anilo, a sir tlem hi animai, hmun thum ah an thui a" ka tih chuan "a nasa hle anihchu hmun thum lai a an thui te chuan" alo tih avangin a nasa ani tih ka hre chiah "engmah lo ti ve tawh suh azialo emai" atih leh laiin ka pa ve thung chuan "in a awm reng ringawt te chu ninawm ve deuh tur ania" alo ti a, ka dinhmun hrethiam tu pakhat tal an awm avangin kei erawh ka hlim hle thung.



"Inpa pawh iti mangang alawm , inlo thleng thei lawk bawk silo, bawngsa lah chu a paih vek bawk a" ka nu in atih leh rualin inchhung anlo lut ve leh chiah a,a hmel erawh kan thlen hlim ang emem in a nelawm loh tawh lo a, engtin tak taxi driver nen chuan inbia ang maw?


"Chaw kan ei dawn mi" ka bul a lo thut pah a ka pasal in atih chuan ka kut vang ni miahlo in ka ei chak hlawl lo a, thisen vang te pawh aniang chaw chakna reng reng ka neilo "ka ei peih rihlo ka ni deuh hlui mai" ka tih chuan "ni e hahdam rawh, hmun thum lai a thui te chu ana dawn emai, i awm danah kahhikna an hman hmel bawk silo a" ka nu bawk chuan alo ti leh a, ka pasal chuan lainat hmel deuh a minlo en chung hian "kan ei rual dawnnia" ati ringawt a, keimah avang a chaw a nghei ka duh reng reng lo, engtikah nge ka ei dawn pawh ahriat loh "lo va ei phawt rawh" ka tih deuh tlat avangin chaw ei tur chuan choka lam ah a phei ve mai a, thu lah hi a awih phian zel reuh a, amak ania.



Story ka chhiar fo thin a, ka nu in pasal min neih tir atum tih ka hriat rual a ka rilru alo lang chu ka story chhiar tam tak an duhlo chung nupui /pasal an neih luih tir a, lo in hmangaih chho ta te ka hrechhuak a, fa te neiin hlim takin awm thin mahse tun a ka pasal nen hi chuan chung thil chu ka beisei lo a, a thlen ka ringlo hrim hrim bawk.A mizia zawng zawng hre turin kan inneihna ala rei lo a, tunah rih hi chuan ka chungah a tha in sawiselna tur engmah ka hrelo ani.



Kan inneih hma kha chuan ka story chhiar ami te angin sual leh khirh tak mai, bialnu nghet nei anih ve ka ring ringawt a, ka rinloh lam daih alo nih avangin keipawn a bul a awm hi nuam ka ti a, ka nu bul a awm aiin nuam ka ti zawk bawk.



An chaw ei chhung chu sitting room ah thu in ka lo nghak ve reng a, lo han chho mai turin min ti tak na a ka inthlahrung ve deuh bawk nen ka chho duh ta biklo.



Kan pa tak hi chaw a ei rei ve ngailo a, midangin an ei rei thin ka tihna anilo in a ei reilo bik hrim hrim a, nghah rei pawh angailo .


A chaw ei kham hnu ah kan pindan lam ah kan in zui chho a, ka nu in "nakin deuhah damdawi vel kha ka rawn hnawih sak ang che" ati a, ka lawm takzet ani, ka nu diktak nilo mahse min ngaihsak ve hle in ka hria a, la in hrawn reilo viau mah ila ka ngaina ve telh telh mai.



Khumah chuan kan thu dun a , sawi tur a vang duh khawp mai "chaw kha tlem tal i ei lo a, damdawi ei ngai inei anih hi" ka damdawi lehkha en pah chuan ati a, "nia" ka lo ti ringawt han chhan vak dan tur ka hre bik lo ani.


Kan ngawih leh reng hnuah "mu mai rawh" ati leh ringwt a, sawi tur chu hrelo dun ve tak kan ni, in en in kan nui dun ta ringawt a, "engmah ti ve tawh suh aw, ilo awm ve hma pawn Rinhlui hlirin a ti vek zel a, a tlin lutuk" ati leh a, min ngaihtuah ve zia ka hria a , ka hnial talh duh bik lo a mahse "anuam lo ve a, kan inneih hma a ka dawr thawhna ah khan ka thawk leh mai dawn mawnle" ka ti ta zawk a, phal ve hram se ka ti takzet ani, heti ringawt chuan ka pawisa neih sa hian min daih seng dawn lo a, ka pa pek ka ngai ve thin bawk sia, a buaithlak ve deuh tlat ani.


"Aho mai mai" alo ti duh lek choh a, engmah lah hi a hrethiam ve der mai silo "aho miahlo ania, pawisa ka mamawh ve tho alawm" ka tih chuan "ka pe ang che ka thawk chhuak alawm, kumkhat chhung i pasal ka ni dawn a, ka mawhphurhna ini, i duh apiang min dil la, ka neih zawng leh ka tih theih zawng anih chuan ka pe che in ka tihsak zel ang che" ati ve leh duah a, engtin tak in hrilhfiah ang i maw? "Chulam pawh anilo, inkhawl ve ka ngai a, bakah in ah engmah tilo in ka awm nileng thak thak ngai silo a, keimah hian natna ka neih phah zawk ang tih ka hlau alawm" ka ti leh a, phal hram se ka ti takzet tawh "i leng thei alawm thiante kawm la, i nû te in ah te leng la" ati leh mai a, "kumkhat chhung nitin a len reng ringawt te chu i chhungte pawn mak min ti anga sin, bakah mimal nunah in rawlhloh tur kan tih kha" ka tih leh chuan a nui leh suk tawh a, sawi dik minti anih ka ring.



"Eng hna nge i thawh thin a" ati ta nge nge a, mimal nun a in rawlh loh ti mah ila, hnathawh a phal miau loh chuan thawh luih talh kha nuam ka ti bik chiahlo a bakah ka chungah a tha si a, ka ti thinrim ang tih ka hlau.



"Puan thuina ah " ka lo tih chuan "kawr vel tihna nge puan in thui" atih chuan amah chu ka en a, a fiamthu pawhin ka hrelo "kawr ani mai lawm puan an thui ngai ami" ka ti a, a hrelo hrim hrim nge a hrelo der zawk "chu chu nia ka zawh chhan che puanthuina i ti ringawt a" ati leh a, fiamthu hmel a put loh avang chuan a hrelo tak tak anih ka ring tawh "sunday kawr kan thui tlangpui zel a" tha deuh chuan ka ti leh mai a, a lu alo bu ve nghat nghat mai.




"Athat chu khawl lei ila, dawr a va thawh kher ngailo in private in i thui thei ang chu" ati leh hluai a, a ngaih ang a awlsam hi nise ka ti, "chutiang ringawt anilo, coustomer an awm loh chuan engmah thui tur ka nei chuang nang" ka lo tih chuan "kha lam ah kha chuan lungngaihna tur a awmlo, ka û leh ka nutei te, ka nî te ho an awm alawm, an duhna ah chuan an tawngthei hlawm lutuk kan sawi pun tir dawnnia" ati leh a, a thawven hmel emem mai leh nghal.


"Chutiang a in nghahna tlak loh emai a tih chi loh" ka lo ti leh chuan "a tih chi ber zawk i rinai daihin coustomer i ngah ang, i thui senglo zawk hial ang, kan room piah a room ruak saw in thui nan chuan i hmang dawnnia, ka û room hlui ania" ati leh zung zung a, keimah ai mahin a phur hmel tawh zawk.



"I û chu kan inneih khan alo kal em" ka ti ta daih a, ka hriat chak tak ania, ka hmuh awm ka la hrelo a, heta ka awm hnu in alo la leng bawk silo a kei phei chuan unau dang a neilo hrim hrim emaw ka ti kha ania, "kallo e, a damlo a, phai ah a awm rih alo haw tep tawh ang" ati a, min chhang tha duh khawp mai "ava zialo ve , i ngai em" ka lo tih chuan "naktuk ah khawl chu lei nghal ang aw, ka rualin i chhuak dawn nia, eng ang chi nge i duh" ati leh daih a, min chhang tha rei peihlo ngei mai, an chhungkaw chung chang sawi hi chuan min chhang tha duh ngai miah lo a duhtawk chin a sawi hi chuan zawt leh mah ila min chhang duh tawh ngailo.


"Ke khawl ka duh a, khawl choh a pawimawh lo a, a lock na te lei tel angai dawn a, i nei daih dawn mi" ka tih chuan nui chung hian "daih loh leh ram kan hralh mai dawn nia" ati fiamthu a, kan pahnih choh pawn kan hlim phian mai.



"I leng chhuak dawn lo ami" ka tih chuan sana a en zeuh a "ala hma alawm mahse ka chhuah ka ringlo zanin chu" ati ve mai, engvak mah ti dun dawn lo mah ila a chhuak lo tur chu ka lawm hle thung.



"Tui lum chi al hian hru ila a dam vat mai ang" kan room a luh pah a ka nu in arawn tih chuan kan pa chu a ding hluai a, "a na dawn sin" alo ti vat bawk.


"Mahse ala hlim chhawn riau a, a tih chi vaklo mai thei" ka nu bawkin a tih leh chuan ka lo pawm khawp mai "nia, naktuk zan velah kan ti dawn nia, damdawi pawh hi a tuam hmain a hnawih vek a, ala reilo sia hnawih kher a ngaih pawh ka ringlo" ka lo ti ve vat a, tuilum ringawt chu nise a zia anga, chî a tel avang chuan ka tuar ngam chiahlo deuh ani.



"Anih chuan naktuk zan lam ah kan ti mai dawn nia, mu hma rawh u" ati a, a chhuak zui leh nghal a, kan nupa chuan kan in en a kan nui ringawt.



Damdawi ei ngai pakhat hi alo awm ve ngei a, chaw ei lo mah ila ka ei ta tho, natchhawkna ka ei tel bawk a, natchhawkna tello phei chuan ka tuar hleithei der lo, ana ve reuh em ani.


Khumah chuan mu in youtube ah movie recap ka en leh a, ka pasal erawh hna a thawk leh tawh thung a, zan in a chhuak dawnlo bawk a, ka mu nui ver ver mai.



Kan pindan kawngka in chum ri bur bur chuan minti harh a, a tlai tawh viau ring a sana ka en chuan zan dar 9 choh alo la ri a, tunge maw ni dawn ni?


Ka pasalin kawngka a va hawn rual chuan Zabilha chu a rawn tlan lut nghal a, khum a ka lo thu mek lam chu rawn pan in amah lah chu a huh hnuang a, ruah a sur cherh cherh a, a rawn do anih ka ring.



Ka dar tawn tawnah chuan vuan in "Baby, hengthil zawng zawng hi dawt vek ani tiraw" ati a, min thing nawk a, kei erawh ka hamhaihin ka mumang emaw ka ti a, keimah leh keimah chu in sik in na ka hriat theih avangin ka mumang anilo tih ka hre ve chiah.



"Min hrilh rawh, hepa hi engvang a nei nge inih engvangin nge ani kher hi ineih" ati a, a tap pur mai, amah lah chu zu rim a nam huam a, min rawn thawn(thrawn) thut avangin sawi tur mai pawh hrelo chuan ka ngawi reng a, amah chu ka en tlawk tlawk mai ani.



"Min bum ani, nang hian min bum ani, ka pawm ve lo, in inneihna hi ka ti chhe vek dawn" ati leh a, a au in a au ani ber mai , kha chen kha biak ka tum a a biak theih miahloh a tunah a rawn lang leh hlawl a, a rawn lan thut dan lah ka hrelo ka hrelo takzet ani.



"Engvangin nge hepa kher hi ineih" atih leh takah chuan "in bengdai rawh, engkim ka hrilh fiah vek ang che" ka lo ti ve thuai a, mahse awm zia awmlo kher mai "ka pawm lo ka tih kha, Baby , amak ka ti , ka na, he lai hi ana" ka kut chu chelhin a thin zawn chu min khawih tir a, hetiang tak a Zabilha a awm hi vawikhat mah ka la hmu ngai lo a, keimah vang ani tih ka hriatin ka inthiamlo a, hrehawm ka ti a, engkim hi siamthat vek theih se ka ti.



"Min hmangaih ani lawm ni tinge pasal dang ineih kan in hmangaih em kha" atih leh chuan ka tap lo choh tawh "ka room ah buaina rawm siam in ka nupui i hmangaih thu i rawn sawi ngam amaw" ti tu ka pasal chu ka en vat a, Zabilha erawh chuan keimah ngawt min en thung.


"Baby, ka hruai haw ang che aw, min hmangaih tih ka hria alawm haw ang aw, i pa te nen kan awm ho dawn nia" ati a, min kal pui a tum ta mai chutah ka pasal bawk chuan "thlah rawh" a rawn ti chang fak a, Zabilha erawh chuan engah mah ngailo tih hriat zet hian "ka bialnu anih hi lo inrawlh suh" ati a, ka kut chu a hum nghet sauh bawk.

"Ka nupui anih kha" Zo Abrahama'n atih leh rual chuan Zabilha chu a che phutin "zawnga" tih leh hnek a rual a,alo in ring biklo aniang chhuatah chuan a thu thla hnawk a, a hmui chu tuai in a tih fo thin dan angin a nui leh suk a, a hmui sir tlem lo thi ka hmuh rual a ka pasal bul a kal ka tum chu Zabilha'n alamah min pawt let dawrh a, en ringawt mai loh chu tih theih dang pawh ka neilo.


Ka pasal chu rawn tho chhuakin "a tawp nan ka sawi leh ang,ka nupui kut kha thlah la, chhuak rawh" ati leh a, a mitmeng rum tak phenah sawn thinrimna tam tak a awm tel ngeiin ka ring. Za lo deuh a nui chung hian Zabilha chuan min rawn en a "kal ang aw, keiman i pa nen ka enkawl vek ang che u" ati leh a, keihian Zabilha hi zui ka duh tak tak em ka hre ta hauh lo mai.


Min kal pui mai atum chu ka ke ka pen ve thei ta tlat lo chutah min rawn en leh in "baby" ati ringawt a, min pawh luih a tum rualin ka pasal chuan a rawn hnek ve leh pawp mai ka in ring hmanlo bawk nen ka lo au tuarh a, chhuat a Zabilha tlu buai pui ka tum chu "khawih suh" tiin alamah min pawt phei leh dawr a, tun a kan thil tawn mek hi ka mumang nise ka van ti tehlul em!


"Vawi khat pawh ka hmuh theihah rawn in lan tawh suh ang che" ka pasal in ati leh lai takin ka nu leh pa kan pindan ah an rawn lut a, Zabilha lah chu a ruih vang nge zo Abraham-a khan a hnek nat vang zawk tho thei lawk lo in chhuat ah chuan a thu reng a, a lu a hai sa dawn tehreng nen a hnek luhai leh zo vek anih ka ring.



"Engthil nge thleng a, Zâté engtikin nge ilo kal a" ka nu in atih chuan "inlo in sual leh tawh em ni" ka pa in alo tih chhunzawm leh nghal a, hemi te hi an insual thin em ni? Engmah hi ka hrethiam tawh lo.


Zabilha chu a tawng chhuah mai ka hlau a, kan inkar hi ka nu leh pa bulah a sawi anih chuan ka tan helai hmun a awm ve reng hian awmzia a nei dawn lo engtin tak nge ka pasal te nen hian an in chhun hrelo mah ila an in hlat vak ka ring lo ani.Mahse ngati nge kan inkar hi a sawi chhuah ka hlauh emem nachhan? Ka pasal nen kan inthen anih chuan hlim tur zawk ka nih laiin tinge kan inthen chu ka hlauh emem si? Engmah hi ka hrethiam tawh lo.


"Hruai chhuak rawh u" ka pasal chuan ati leh nghut a, ala thinrim hmel em avang chuan engmah pawh ka sawi ve duh ta lo , ka ban ah chuan min kaiin bathroom lam min pan pui a, enge kan tih dawn hrelo mah ila ka zui mawl ve tawp mai ani.


Bathroom chhungah chuan ngawi rengin kan ding dun reng a, tawng hmasak atum lo a, keilah in sawi tur ka lo hre bik bawk silo , amah zawk hian sawi tur aneih ka ring a, ka nghak tawp mai.


Rei ngial bathroom chhung a kan in khung hnu ah ngawi rengin a chhuak a,a amah ber a awm tawhloh phei chuan tih tur nei tawh heklo ka va chhuak ve chuan alo in thlak leh der tawh a, chhuah leh a tum anih ka ring a engmah ka zawt duh ta biklo.


Ka rin ang ngeiin a chhuak leh ta ngei reng a, khumah chuan mu in thil tam tak ka ngaihtuahna ah alo lut zut zut a, Zabilha ka ngaihtuah chhuah rual erawh chuan ka thaw a pik takzet ani.Biak ka tum lova, biak chakna pawh ka nei rih meuhlo.


Zinglam dar hnih a rik pawh chuan alo la haw lo a, call ka tum zet na in thlah zalen rih chu atha zawkin ka hre leh a, engtiang chiahin nge Zabilha nen a an inkar hi a awm ka hrelo a, ka pa thusawi dan atang kha chuan an in ngeih lo in an insual fo anih ka ring ringawt a, ka ring sual lo mai thei bawk.



Zing ka harh rualin sofa lam chu ka en nghal vat a, ka pasal tui tak a alo mu ka hmuh chuan ka thaw huai thei, thawm dim takin ka tho a, bathroom ah lutin ka in phih fai hnuah inhnuai ah ka chhuk san leh nghal a, ka mood erawh a fuh chiah lo hle a, ka nu leh pa hmuh ka hre emem bawk , nizan chung chang min zawh hunah engtin nge ka chhan tak ang ka rilru a buai takzet ani.



An zing tawngtai inkhawm bang chu choka lam ah lut lo in an pindan lam an pan zui nghal a, ka chungah an thinrim anih ka rin avangin ka awm chu a nuamlo leh hle tawh.

Rinhlui hian Zabilha hi a hre ve reng reng a ngem le? Ka zawt tawp mai dawn mawnle ka tih rilruk laiin "Baby in pa ala mu ami" ka nu in arawn ti a, "aw nakin deuhah ka han kaitho ang" ka lo tih chuan "nizan khan enge thleng a, Zâtêa lah kha engmah sawilo in a chhuak nghal daih bawk sia, an in sual leh em ni" atih chuan sawi hmasak tur ber pawh hrelo chuan ka ngawi reng a.


Show post links
Top

[Ngaia]

Zo Abraham

Chapter-5



"Insual emem pawh anilo" bah deuh a ka lo tih chuan "hemi te unau in ngeih thei reng reng lo hi chu engtia han ti chi nge mawni" ati leh a, an in ngeihloh chhan leh unau an nih dan ka hriat chian chak em avangin ka zawt ta tawp a "i pâ û fa bik hi ania, ahma te chuan an inkawm nasa leh lutuk a kan hau a, tunah lah an insual reng a, an awm dun tawh chuan buaina a chhuak ngei ngei a buaithlak tak tak ani" ati a, a rilru chu a hah ve hmel khawp mai , han tih zui vak dan ka hriat tawh loh avangin "Ab-a ka lo be chhin dawn nia" ka ti ve ringawt a, ka biak avang a tha thei anih erawh keimah ber hian ka ringlo hle thung.



Dar 8 velah kan pa alo tho chhuak a, tho chhuak ti ila hna a kal dawn ani zawk mah ,ka thil tih lai dah in a chhuak tur chu ngawi rengin ka zui chhuak ve a, min be lo a, min en hek lo keimah zawk hian biak hmasak ka duh a, ka ngam thlawt lo ani.


A kal liam lai ka thlir mek laiin ka nu a rawn chhuak ve a "a kal nghal alaw" atih chuan ka lu ka lo bu nghat a, "chaw tal hi ei ve thin tur ania" ati leh niah niah a, a fapa chaw eilo a hna a a kal chu a ngaihtuah ve hle anih hmel.



"Rinhlu, Zabilha hi alo kal ngai em" chhun thil kan ei lai a ka tih chuan "kal ngai lo , kum hnih bak ka la awm bik lova, ahma chuan an inkawm thin ati ringawt a ka pi khan" ati a, ka hriat chin ve tho a hria a nih hmel.



Ka thil ei lai ei chhunzawm reng pah chuan phone chu ka khawih a, Zo Abraham-a lo online ve vut ka hmuh chuan va biak ka tum leh uk uk tawh a, mahse ka ngam leh ngang lo ani.



"Bialnu an in tawm te kha an tiin ka hria " Rinhlui'n arawn tih leh takah chuan ka phone chu ka dah vat a, hre chak deuh hian "an ti maw" ka lo ti vat a, "aw sawi chu a awm a, ka hre chiang chiah bik lo" atih leh si avangin "han ngaihtuah chiang leh deuh teh" ka ti a, min ti vir tawk lek a, ka awm thiamlo ani "englo u Ab-a bialnu leh u Zâtêa hi an lo in ngaizawng ve a, tiang vel chuan an sawi thuak a, ka awm tirh vel anih avangin ka lo ngaihsak vak lo a " ati leh a, tak tak anih chuan ka pasal chuan Zabilha chu a ngei viau mai thei ani.



"Chunu pawh chu avan ti mak ve" ka tih chuan "nia nive tho mahse keichu U Zâtêa ka dem daih zawk hmeichhe dang an tam teh reng nen" ati leh a, hriat belh chak viau mah ila thu tam a hriat bik loh avangin ka zawt zui duh tawh lem lo.




Tlai lam dar hnih vel ah number hriat loh a tangin call ka dawng a, Zabilha anih ka rin avangin ka chhang duh lo a, a hnenah sawi tur engmah ka neih rih loh vang ani.


Call ka dawn atang a reilo tê ah doorbell a rawn ri ral ral a, ka va hawn nak chuan "in thil tur alo thleng a" mipa pakhat chuan alo ti a, a ngaihna hrelo zet a an thil rawn ken ka en lai mek in Zo Abraham-a hnen atangin call ka dawng ve leh nghal a, nizan a kan thilsawi avang khan puanthui khawl hi min lei sak anih ka ring.


"Aw hello" ka tih rualin "anlo dah tawh em" arawn ti a, anlo dah chiah thu ka sawi chuan "athat chu , ka room sawiah khan dah tir nghal rawh aw" ati a , call lah chu a dah zui nghal daih.



"Lo lut rawh u , lo kal ru" ka tih chuan ka khawl thar tur chu an rawn zawn lut a, puih ka tum ve zet a, an tih theih thu minlo hrilh avangin ka pui leh ta lo.


Room ruak a an dah hnuah a man zat tur ka zawt a, pek ngai dawn ta se pek tur ka neilo hrim hrim "a pe tawh alawm, kan kal leh nghal mai ang, minlo dawr a kan lawm lutuk ania" pakhat zawk chuan ati leh a,a mawiah thingpui in tur te chuan ka sawm ve ngei a,"deliver ngai kan la nei nual a " tiin min chhuahsan zui nghal.






"Chaw hi kan ei tawh mai dawn mi" choka a kan awm laiin ka nu in a rawn ti a, ka pasal alo la haw ve loh avangin "kan pa alo la haw silo a" ka lo ti vat a, lo nghah mai pawh pawi ka tilo khawp mai "alo la hawlo maw" ka nu chuan mak tih hmel deuh tak hian ati leh a "aw... In duh chuan lo ei ula, ka lo nghak ang" ka tih leh chuan "ava mak awm ve, nichin lawk khan a rawn haw sia" atih chuan keimah zawkin "alo haw maw" ka ti leh a, engtin nge ka hriat miah loh theih zawk.



Kan room lam ah ka tlan chho a, room ka luh chuan thutthlengha thu in hna alo thawk mawlh mawlh a, engtik laiin nge alo thlen ka hre miahlo a, a bike ri tak ngial pawh ka hrelo. Ka va luh chuan minlo en ve vat a, engmah sawi lo chuan a hna bawk chu ka thawh chhunzawm leh nghal "chaw kan ei tawh dawn a" tiin a bulah chuan ka ding a, min chhang mai dawn emaw ka tih laiin a ngawi ta reng a nuam ka ti leh chiah tawhlo "ka lo nghak mai ang che, lo ei hmasa turin ka zuk hrilh ange" ti a kal mai ka tum chu "kal ang" arawn ti a, thu dang engmah a sawi chhunzawm chuanglo in a kal zui nghal daih a, nizan avang khan ala lungawi chiahlo amawnle.




Zanriah kan ei laiin "Baby-i hian hna thawh ve a duh a" kan pasalin a tih chuan "enghna maw ?naute innei anga, chawlh leh tho a ngai dawn sin" ka nu in alo ti vat a, "in ah ka û room hlui ah khian a rem rem a thui anga, nangpawn lo sawi pung leh vak vak rawh" fiamthu tihtak deuh chuan ka pasal chuan ati leh mai a , "kei aiin i nî te leh i nutei te ho in thil sawi pun chu an thiam daih zawk" ka nu bawk chuan lo ti leh in kan nui ta dar dar a, rinai takin kan hlim leh phian mai.



Chaw eikham thingpui hâng an in zawhah kan room ah kan in zui chho leh a, "i khawl thar chu a tha em" ti a min zawh chuan "a tha lutuk ka lawm lutuk a sawi ngaihna pawh ka hrelo zawk" ka lo tih chuan a nui vei suk a, "hna laklawh deuh ka nei a, ka thawh leh nghal angai" tiin a hnathawhna bik dawhkan lam chu a pan a,ka phone alo ri ve chiah bawk nen ka chhuansan leh rih a, minlo call tu ka hmuh chuan room ruak ah chuan ka lut a, "hello" tawng rin hlau tak chung chuan ka ti a, "lo haw rawh Baby, midang tan ka phallo che ania" rui tih hriat zet a Zabilh an alo tih chuan "i â mi, khawiah nge i awm a" ka lo ti vat a, a awmna tur chu hre lawk tho mah ila ka zawt ve duh hrim hrim ani.




"Baby Lalrosang, ka ngai che ania"ka zawhna pawh chhang lem lo chuan arawn ti leh a, " Zâtê i harhfim hunah kan inbe leh dawn nia" ka ti ta ringawt a,call chu ka dah zui nghal, ka pasalin alo hriat ka hlau ve tho bawk nen biak rihloh chu atha zawkin ka hria ani.



Tihtur engmah awm ta lo chu khumah chuan mu in Movie ka en ve ta reng a, Sana ka en chuan dar 11:00 alo rik chiah avangin ka pasal hnathawhna lam chu ka va hawi dek dek a, alo awm tawh loh avangin a leng leh tawh anih ka ring , hetia zan rei a a chhuah hian enge ava tih thin ang le?



Movie bawk chu ka en chhunzawm dawn lai takin kan pindan ah chuan a run lut hlawl a, a chhuah lai ka hre miah lo "ehe i leng nange" ka lo tih chuan "ka hmanlo a zanin chu" ati tha ve mai a, a len loh chuan thlamuang deuhin ka muhil ve thei dawn a ka hlim ru khawp mai.


Zâtê-a nen a kan inkar hi engvang a ka pasal hriat hlau emem nge ka nih ka in hre bik lo a,ka chung a a that em avang te pawh anih ka ring.



Bazar ah chhuakin puanthan vel ka va lei nual a, ka tuina zawng tak anih avangin keipawh ka phur ve hle ani.Ka pa tlawh kawi ka tum a, Zabilha hmuh hrim hrim ka duh vang pakhat ani bawk.



Ka pa in ka thlen chuan alo reh thiap a, ka phone lawk loh avangin ka kal dawn tih a hrelo a, khawiah emaw a chhuak lawk anih ka ring.



Thutthlengah chuan mu in Zabilha nen a kan thlalak te chu ka en kual a, tun a ka rilru put dan hi ka hre thiam lo a, ahma ang kha ani tawhlo tih erawh ka hre thung si.



"Bawihi" ka ngaihtuahna ka kawm lai mek in ka pa in arawn ti a, chu mi rual deuh thawh chuan Zabilha'n min rawn pan in "Baby, ilo haw tawh maw, ilo haw leh kha ka ring reng ani" ati a, sawi ve tur pawh ka hrelo.



"Zabilha hnen atangin chanchin ka lo hria a" ka pa in atih chuan "pa, nangmah vang emaw thildang vang anilo ania" ka lo ti vat a, ka pa erawh a lungawi hmel chiah lo "i nu vang tiraw? a kal thui deuh mah mah ani" atih leh chuan "nilo e, tu vang mah anilo ka duhthlanna alawm" ka tih chuan "i duh thlanna maw? Khapa kha i duh maw" Zabilha bawk chuan alo ti leh a , "nakinah ka hrilhfiah ang che" ka ti ta ringawt a, ka kut vuanin ka bulah a thu a , mit khap lek lo in min en bawk.



"Sawi dun tur inneih ka ring, lo sawi dun ula thenawmah ka va kal lawk ang e" tih leh thawh a rual a, nidang ang lo takin a hlim loh hmelin a lungngaih hmel emem a, a hriat miah loh a a fanu neihchhunin pasal ka neih vang anih loh hram ka beisei a chhan chu ka pa lungngaihna thlen tu nih ka duhlo ani.




"Baby" Zabilha'n a tih chuan "engmaw ka ti deuh ha a" ka mit ah tak en chungin "khapa bulah khan kal tawh suh aw, ka phallo ania" ati a, "nakinah ka lo let leh ang minlo nghak rawh a rei dawn lo tunah chuan a theih rih loh a, lo nghak rawh aw" kum khat a ral hunah a kiangah leh ka pa hnenah ka let leh dawn avangin ka thusawi hi hrethiam se ka ti takzet.



"Engvangin nge tunah a theihloh nachhan khapa nen a room khat a in awm dun tih ka ngaihtuah ringawt pawh hian ka thaw te hi a chham mai dawnin ka hre thin ka kal tir theilo che" beidawn hmel tak a a tih chuan thawk la hakin "tunah chuan nilo" ka ti a,"engvangin nge ani kher" ati chuai leh raih a, ani kher kha ka thlan ani biklo engkim hi mumang emaw thawnthu ziak thiam takin a a thawnthu ziah lai nimai hian ka hria.




"Anihchuan ka lo nghak ang che mahse rei suh aw" kan ngawih vang vang hnu a arawn tih leh chuan "iti tak tak em" ka lo ti vat a, a lu chu bu nghatin "ka ring che alawm" ati a, min kuah in "nangnen anih dawn phawt chuan hremhmun pawh nise ka zui zel ang che, ka nghah chhuah dawn phawt che chuan engtia rei pawh nise ka nghak zel ang che , i tel ve loh na hringnun chu thlaler a tuifinriat zawn ang ani" ati a,a thutak hmel hle bawk.



Zabilha'n min thlah a, kan in kawt kan thlen chuan "hei lo hi kawng dang a awm miah lo ami" tiin kan in lam chu a en vang vang a, "kan sawi fel vek tawh kha" ka lo tih chuan "atha lawm va lut tawh rawh" min rawn en in a nui suk a, a nuih erawh a za lo hle tih ka hria.



In chhung ka luh rual chuan "i van lei hnem em em, kawr min thui ve rawh aw" Rinhlui'n alo ti vat a , "thui chiang viau ang" ka tih chuan "khawi keiman ka han dah chho ang" tiin ka thil khai lai chu min laksak a, a phur hmel em em mai leh nghal.



Choka ah chuan lutin tuivawt ka in nghal khawlh kawlh a, vawiin lam a Zabilha thusawi te chu ngaihtuah chhuakin minlo hmangaih zia ka hre bawk.


He in ah hian ka ta ti a sawi tur engmah neih ka neilo a , ka pasal ngei pawh hi a hming choh a ka pasal ani a, engpawh thleng dawn se Zabilha hi ka pa tih loh a min hmangaihtu anih avangin kalsan thei ka nilo.



Ka pasal hi ka chungah a tha em a, hrehawm ka tih a hlauh avang hian min ngaihsak ni berin ka hria , ka story chhiar a a changtunu te dinhmun rapthlak zia te ka ngaihtuah hian a tak ngei a tawng tu ka ni a, vannei ka inti takzet a, a chungah hian tha hle tur ka niin ka in hre bawk.




Ka kut ala dam loh avangin engmah ka la thui thei rih chuang lo a, ka pa ka tlawh zeuh zeuh ang a , a rilru na te thawi dam nan hun ka hmang mai aniang chu.


Zanriah kan ei laiin nizan chung chang ka pa in alo sawi chhuak a, ka pasal a ngawih tak reng avangin chhan mai dan tur ka hre bawk silo chu ka bing mup mup thei "englo ania" ka tih lai takin "buaina ngai" ka pasal chuan alo ti deuh nghut a, buiaina ngai atih chu engthil tak ni ang maw?


"Mama tha deuh a awm tum ve ula, unau in nihkha" ka nu in dam deuh zawk a alo tih chuan "nia" tih ringawtin alo chhang leh a, sawi tur ka hre bawk silo , keimah vang ani tih ka hre chiang bawk si, nuamlo ka ti lutuk chu ka kham san ta ringawt a, ka kut ka sil zawh rual rualin bathroom lam ka pan a, ka in kalh khum ta tawp.




Rei ngial ka awm hnuah pum nuamlo ang deuh chuan bathroom atangin ka chhuak a, in kuangkuah chung a ka pasal lo ding reng ka hmuh chuan ka phu nasa lutuk a ka ding ngil nghal at mai "minlo zui rawh" tiin kan room lam chu a pan leh nghal a, zui ve nghal ta mai lo chuan choka ah lutin "Rinhlu zanin chu min hrethiam lawk mai rawh aw" ka tih chuan "ngati maw?"alo ti deuh ha a, " engmah ka tihfel pui silo che a" inthlahrung ru tak si a ka tih takah chuan "awi a ho lutuk hetiang te chu ka tih reng thin alawm" nui sang hian alo ti a, ngaihtha deuh chuan kan room lam chu ka pan ve nghal.




Room ka luh chuan khumah hian ngawi rengin alo thu a, a en ngai a en ngar ngar bawk va pan hnaiin "i nuamlo ami" ka ti teh tawp a, a nawm loh pawh ka ring chuang lo sawi hmasak ber tur ka hrelo ani.



"Zabilha nen inin hmu ami?" ka mitah tak min en chung chuan ati a, engtin nge alo hriat leh hman ni "aw, buaina a awm em" ka tih chuan "buaina chu amah kha ani?" ati chang leh fak a, chutia Zabilha buaina ati ringawt chu ka lawm teh chiam lo.



"Enge buaina anih na bik awm a?" ka ti dek dek a "vawi khat mah hmu tawh suh ang che" ka mit a en reng chungin a ti a , hepa awm dan hian minti hrilhhai lek lek ani. "mimal nunah in rawlhloh kan ti khan ka hria" ka lo ti ve vat a, "mipa dang tupawh ngaizawng rawh khapa kher lo kha" tiin a chhuak zui nghal a, khumah chuan thu in ka thawk te hi a chham mai dawnin ka hria engvang a Zabilha chu duhlo emem nge anih ka hrelo a, an inkar buaina vang kha anih chuan kei in engmah tihsual ka nei hleinem.




Zankhua in a rawn haw tawh lo a, keipawh ka rilru hah lutuk avangin ka muhil thei thak lo, engtin nge ka awm ang tih ngaihtuah in ka tlaivar ani deuh ber mai.



Pathianni zing anih avangin ka tho hma hle a, Zo Abraham-a pawh zinglam ah khan a rawn haw ve choh a, tunah pawh hian ala mutui viauin ka ring, ka pa in chaw ei siam tawh tur a min tih avangin hreh deuh chung chuan kan pindan lam chu ka pan a, kaihthawh ngai lovin lo harh tawh hram se ka ti hle bawk.




Pindan ka luh chuan ka hlauh ang ngeiin alo la mutui khawp mai a, kaitho tu nih pawh a inthlahrunawm lek lek ani, nizan kan boruak a diklo bawk nen min lo vin hrep ang tih ka hlau "ka hmeltha viau ami" a mit meng miah silo chuan a rawn ti a, engtin nge ka en char char tih a hriattheih zawk ni "i hmelchhia, mahse chaw kan ei dawn kan nghak che" ka tih chuan "dar engzat nge" alo ti ve vat a, a âw atang chuan a mut ala chhuak hle tih pawh a hriattheih "riat leh chanve chiah chiah" ka tih leh chuan "okay, ka lo chhuk ang" tiin a tho zui ve nghal a, sofa ah chuan thu in "Zabilha kha then ang che" ati leh tawh engah mah ngai duhlo luiin ka chhuahsan a, ka chungah tha viau thinlo se chuan a inrawlhloh na tur lam tak anih avangin ka an khum hrep duh hial ang.




Rinhlui nen inkhawm turin kan kal rual a, biakin lamah hmelhriat ka la neih loh avangin ka zui deuh chawt mai ani, ani erawh keimah ang lo takin hmelhriat a ngah a, kawi tin ah be tu anei a, ani lah chuan nui sangin a chhang thei zel a, ka tluklo takzet ani.



Chawhnu inkhawm kan tum lem loh avangin inkhawm ban ve leh haw nghal mai kan tum a, a thiante nen a an inbiak lai takin Zo Abraham-a kan bulah alo kal a, "chawhnu inkhawm i tum em" ti a min zawh chuan ka tumloh thu in ka lo chhang vat a, "athat chu ka thiante anlo kal dawn a" tiin a thiante ni ngei tur lam chu a melh zeuh a, "chuan" ka lo tih chuan "i thilsiam kan ei chak a" ati a ka nui chhuak hawk , a inthlahrun ve hmel lutuk chuan ka nuih ati za ani, ani lah chuan mak tih hmel deuh tak a min en chung hian " sawisual ka nei em" ati deuh ha a, ka lu chu thingin " ka siam sak ang che u, lungngai lo la" ka ti a, a thaw huai theiin ka hria.



"Ab, nupui i nei hmeltha hle mai a" hmeichhe pakhat kan lam rawn pan phei mekin a tih chuan "ka hria lawm" kan Zo Abramham-a chuan alo ti a, minti zak lutuk ringawt khatiang a han chhan reng reng , "mo thar lawmna chaw eikhawm lam te kan neih ngei angai anih hi" tiin min rawn en a, a mitmeng lah chu a hriamin ka ngainat chi ani ta hauhlo mai "kan nei daih tawh" Zo Abraham-a bawk chuan alo ti leh a, engtik laiin nge chaw an eikhawm ka hre lo reng reng ka tello in an ei anih ngawt loh chuan engmah ka hriatpui lo, a tawng dan atang chuan biak chhunzawm a chakawm loh khawp mai a mahse kan nula-i chuan "ka tello in maw? Ka pawm ve lo remchang hmasa berah nei leh ang u" ngenngawl deuh chuan ati leh a, henu hi tunge anih ka hrelo a, ka pasal thiante zing ami anih ka rin ve ringawt avangin "kan la nei dawn nia" ka lo ti ve a, ka pasal erawh a lawm hmel loh nasa, "kal tawh ru, kan lo kal har lovang" ati ta daih a, Rinhlui chu ko in kan haw zui nghal.



A thiante chu anlo kal dawnah ngaiin kan nghak a, ei tur lah chu kan siam hnuk a, tlai lam dar 2 ah pawh chuan an rawn lang thei reng reng lo ka phone thin a, ala thei bawk silo chu ka thinrim ru teuh(treuh) tawh, tlai lam eirawngbawl thlengin an rawn lang ta lo reng bawk a, thinrim tun(trun)in eirawng ka bawl a, an rawn kal theih dawn loh te chuan rawn sawi ve tur ania, Zabilha nen pawh inhmuh kan tum ve reng a,a thiante anlo len dawn avangin ka thulh phah leh nghal a, ka ngei takzet ani.



Zanriah ei laiin a rawn haw a, tumah pawh min be lo chuan pindan lam a pan zui nghal a, a thil tih dan vel hi ka lawm zawng ani hauhlo.



Chaw ei kham hnu chuan kan pindan lamah chho duhlo in Rinhlui bulah chuan ka awm ve ta reng a, an khaw chanchin te min hrilh a, a nuam tih zawng kan sawi nge a tawng siam siam a, an khua chu a chhuan ve hmel takzet.


Dar 9 velah Zo Abrahama chu a rawn chhuk thla a, a chhuah lawk tur thu a sawi hnuah a chhuak zui nghal a, vawiin a awm dan vel chu ka hriatthiam zawng ani leh ta hauhlo, tihtauh ka tum ve tehlul nen rilru nuamlo deuhin min awm tir zawk dawn anihhi.



Zankhua in a rawn haw lo a, ka pasal diktak anilo a, ka duhlo a, ka hmangaih heklo ka ngaihsak a ka ngaihtuah reng nachhan tur ka hre biklo, a duh dan in nung se keipawh ka duhdan takin ka nun ka hmang ang.



Zabilha nen kan inhmuh dawn avangin ka in siam mawlh mawlh a, minlo lam tur thu sawi mahse a hmun a inhmuh ka duh zawk thu ka lo hrilh ve bawk a, a lungngawilo viau dawn a, ka tihluih tlat avangin "awle" atih leh ta tho, hengte avang hian alawm Zabilha hi ka duh emem nachhan min hmangaih takzet ani.




Kan inhmuhna tur ka va thlen chuan dawr kawtah alo ding vang tawh a, kal hma ka in tih ve tehlul nen minlo thlen khalh leh ta tho anihhi.



He restaurant a an thilsiam hi tui ka ti a, ka ei teuh (treuh) zel avang hian Zabilha hian min hruai fo thin a, a thawk tu te pawh hian min hria in kan kal tawh chuan minlo be ve siam siam zel..


"I ei chak apiang kha chah tawp rawh, regular coustomer tan discount a awm a" menu ka en lai a a tih chuan "tak tak maw" ka lo ti deuh ha a, "umm.. Minlo hrilh a" ati leh mai a, "anihchuan ei teuh (treuh) ang aw" tiin chi li vel chu ka order a, "enge i ei ve dawn" ka tih chuan "ka en che hian ka puar alawm" min en reng chung chuan ati a, ka lai ve lek lek alawm le.



"Ka chah teuh alawm kan ei dun dawnnia" ka ti ringawt a, nidang a kan inhmuh thin anglo takin sawi tur lah chu avang phian lrh nghal.



"Kumkhat chu engtikah nge a ral ang" min en reng chung chuan ati a, "ka hrelo a ral har lovang" ka tih chuan "vawiin hian ral tawh mai se" ati chuai raih a, ka khawngaih ve takzet ani.



"Minlo nghak hram hram la, i thei ta lo anih pawhin ka dem lovang che" ka tih leh chuan "ka nghak dawn che, engtiang a rei pawh nise a tawpah ka nei dawn che tih ka hriat tlat avangin engtiang a rei pawh ni rawhse ka nghak ang che" ati a, a hmel landan a tang chuan a ti takzet tih pawh a hriat theih a, inthlahrung viau mah ila ka lawm hle thung.



Kan thil chah alo thlen chuan kan ei mial mial a, ka pa chung chang te sawi dunin kan hlim phian mai, keimah choh min hmangaih lo in ka pa thleng hian min hmangaih pui a, chu chuan minti lawm hle bawk.




"Kan inneih hunah chuan i pa in ah sawn kan awm anga kan sa tha vek dawn nia" a thil chah ei mawlh mawlh pah chuan ati a, inneih thlengin alo ngaihtuah tih ka hriat chuan ka inthiamlo takzet ani.



"Ab , inhmuh ava khat ve" tih ri ka hriat avangin Zabilha pawh chu ka chhang ta lo a, Zo Abrahama a awm ve anih ringlo deuh chung a ka hawi chhuah chuan ka pasal chuan mit tla lek lo in minlo en reng a,tih hmasak ber tur ka hrelo a, sawi tur phei chu ka hrelo hulhual ani.



"Engah mah ngai suh" Zabilha'n ti mahse engahmah ngailoh chu harsa tak ani, ka thil ei tuina zawng zawng a bo vek a, engmah ka ei chhunzawm thei tawhlo a, ka hawi chhuak ngam tawhlo bawk.


Show post links
Top

[Ngaia]

Zo Abraham

6


Kan lam pan a alo kalloh nan tawngtai ru char char mah ila min chhanglo chiang kher mai "haw ang" rawn ti nghut tu chu tudang nilo in kan Zo Abraham-a ngei ani, amah en chuan ka dak chho ha a, amah chu hmu thut ang thei tur ber chuan "ehe, enge hetah i tih ve a" ka tih chuan "tho rawh" ati leh ringawt a, sawi tur pawh ka hre leh tawh lo, ka ban a min kaithawh mai atum chu "thlah rawh" Zabilha chuan alo ti vat a, kan Zo Abrahama erawh chuan eng ah te vak a ngaih hmel loh khawp mai, a nui suk duh lek choh ani.


"Ka bialnu kut kha thlah rawh" ngainatawm fahran loh a Zabilha'n alo tih leh takah chuan "i bialnu hi ka nupui anihhi" Zo Abrahama'n alo ti ve leh bawk a, boruak so sang lutuk ti ziaawm nan chuan "Ab , Zatêa nen hian kan lo haw mai ang, thil hmanhmawhthlak tihtur ineih chuan min kalsan mai rawh" ka ti ta tawp a, ahma ai mah in Ab-a chu a thinrim hmel tawh zawk, ka banrek lah chu ala hmer nghet emem mai leh nghal a, a na lam mah ani.



"Zodinsang" Zabilha'n atih leh rual chuan "Ab , ava mak tehthut ve, heihi in nu chu mi" hmeichhe pakhat hian a rawn ti a, kan bulah mipa pakhat nen chuan rawn dingin chiang zetin min en a, ka lai lek lek ani.



"Anihhi, haw kan tum chiah " ti a min kalpui mai atum chu "lawk lawk lawk, a mak thei emai Zodinsang, Zawri ka nia, hei Marcus-a " tiin a bul ami chu a kawk zeuh a, boruak chu a ngam ve hmel khawp mai mahse anlo lan hun hi a fuh thlawt, lo lang lo tase eng buaina emaw ber chu a thleng leh ngei ang.



"Aw , Baby Lalrosangi ka nia" ka lo ti ve vat a, "Ab-a hi lo duat rawh aw, a chi a hut tep tawh ania" Zawri chuan alo ti leh a, Kan Zo-Abrahama ka en chuan alo tum lian khawp mai.


"Ummm... Ka lo duat dawn nia" ka tih rualin "ehe Zâtê enge hetah itih ve a" Zawri bawk chuan ati leh a , Zabilha ka en chuan a thutna ngaiah ngawi rengin alo thu a, min en lo a, Zawri te pawh chu a en chuanglo thil dang daih ngaihtuah a ang.



"Ka unaupa nupui thar hi thil ka ei pui lawk mai mai , kal ka lo tum chiah a" tiin a tho zui nghal a, tuman an be tawh lo a, tumah a be bik chuanglo , a kalliam lai chu ka en zui reng a, atan a a hrehawm tur zia te ka ngaihtuah a, tun a ka ka dinhmun hi engtia tih chi nge pawh ka hrethiam tawhlo.


"Baby, remchangah kan lo la leng dawnnia" Zawri bawk chuan ati leh a, "nia, lo leng ngei ngei rawh u" ka tih chuan min nuih ver ver a, Ab-a erawh a ngawi reng thung.



"I then thei thlawtlo ami" in lam pan a kan tlan mek laiin Ab'an ati a, ka then theihloh thu sawi ta ila, engtin nge a awm anga enge a tih ang ka hriat loh avangin ka ngawi reng a, diktak chuan Zabilha bak hi in nghahna dang ka neilo a, ka hlimna ber alo nih atang khan vawikhat mah kalsan hi ka tum ngailo.



"I tawng theilo ami" nelawm loh zet a a rawn tih leh pawh chuan ka tawng theih thu tak ngial pawh ka sawi ngamlo a,kha leh chen kha ka tawngthei tih a hriat avangin sawi ngaiah ka ruat loh ve hrim hrim.



"Baby Lalrosang" arawn tih leh chuan ka lo ip chawih thei engpawh chu nise vawiin ni ah hian engkim hi sawifel dun zawk law law ila a that ka ring.


"Ab, engkim hi sawi fel law law ang" ka tih chuan motor ala khalh laklawh em avangin "eng ber" mi pawh enlo chuan ati nghal zat a, engtin ber nge ka sawi chhunzawm ang pawh ka hre lo.




"Zabilha nen kan chungchang chu i hre vek a, nangnen a kan in tawn hma a ka tan a engkim huam thin mipa , ka mipa hmangaih leh ka pa tihloh a min hmangaih tu awm chhun ani"Zabilha nen a kan inkar hi hrethiam ngei se ka tih avangin ka sawi duah a, a tirte atang a ka sawilo anih chuan a hriatthiam ka ring lo ani.


"Chuan" alo tih rual deuh thaw in "ka then theilo" ka lo ti ve vat a, sawi chhunzawm leh in "kan inrem siam tirh khan mimal nunah in rawlloh kha kan ti tawh a, khami tum pawh khan Zabilha chungchang engmah kan sawilo a, ka ngaihzawn theihloh thu pawh i sawi chuanglo, chuvang chuan khawngaihin kan inkar hi min pawm sak mai rawh ka ngen takzet che ani" ka ti a, engmah a sawilo a, ngawi rengin motor a khalh tawp a, enge maw tal sawi se a zia zawk ka ring.



"Kum hnih lai kan in zui ve tawh a, chuti mai a inthen a theih biklo a, bakah kan contrac hi a tawp hunah Zabilha hnenah lo kalna tur dang ka neilo mahse i" ka sawi laklawh laiin min lo pawt chat a "chuan i then theilo, nilo i then dawnlo tihna maw" ati a, inthlahrung tak chung siin "aw" ka tih chuan a nui chhuak hawk a, "min dem suh ang che, i cho chhuah natna chuan a hmuak mek che" atih leh chuan hrethiam lo zetin "eng maw" ka lo ti ha a, ani erawh ngeiawm zet a nui chung hian min rawn en a, engmah a sawi chhunzawm tawhlo.



In be tawhlo in in chu kan thleng ve hram a, in chhung kan luhrual a ka nu in "bawiha iva lo haw hma ve" atih pawh chu chhanglo in kan pindan lam a pan zui nghal a, ka nu ngaihtha lo chuan "in in hau em ni" a ti ta ngei reng a, "enge maw maimai ah kan inhnial ve deuh a, a tha leh vat mai ang" ka lo tih chuan thaw huaiin "a that hlauh chu, Baby, engtin emaw han nawmloh na riau te hi i nei em ka sawithiam lo luak chhuak emaw" atih leh chuan a beisei chu ka hrethiam leh nghal mai a, naupai se minti si, a fapa nen a kan inkar a hre silo hi a hrehawm ka tih ber te zing ami ani hial ang "neilo e, ka tha vek alawm" ka lo tih chuan "in entir mai teh u" ati leh ringawt a, in entir eng ang mah ila a fapa nen hian rai theihna tur thil engmah kan tih loh avangin awmzia erawh a nei thui hauhlo ang.


"A hun ah tak alo lang chhuak ve vat mai ang" ka tih chuan "ni e, Khuanu remruat hi chu a muang fan raih zel anihhi" ati chuai raih a, kei lo mo aneih hunah a awh em em hi chû an mo chuan a pek theih ngei ka beisei.


Inthlak pawh ka chak lo ka chaklo nilo in kan pindan a luh a , Ab-a nen a awm kha ka chak thlawtloh avangin choka lam ah Rinhlui puih ka thlang ta zawk a, min hmuh rual a "iva lo haw hma ve" atih chuan "hma ami, vawiin tlai lam enge siam i rilruk a" ka tih chuan a chawhmeh siam tum ho chu min hrilh diat diat a, han inthlak a, chawl hahdam turin minti viau mahse ka pui ta zawk a, an khua a a first love chanchin te min hrilh a, Rinhluii bul a awm hi chu a hahdamthlakin a nuam phian zel.




"Ehe, U Ab, engtik laiin nge ilo luh a, minti phu alawm" Rinhlui'n a tih chuan ka hawichhuak nghal vat a, choka a ngawireng a lo ding chu en in ka nuih tlawn a, mahse awmzia erawh a nei vaklo anih hmel a hma ai mahin a hmel chu a rum zualin ka hria.


"Rin, i pi va zawng lawk teh" keimah min enreng chung chuan Rinhlui chu a bia a, "aa.. Awww..Baby bai hi lo chawk lawk mai" tiin choka atang chuan a chhuak zui nghal a , ka thutna atang a tho in Rinhlui bai siam lai chu ka chawk nghal mawlh mawlh a, ka hnung lam ami chuan enge asawi ang, engtin nge mintih ang tih ringawt ka ngaihtuah thung.



"Tun chiah hi ka zawt leh ang che, i then theilo maw" thinrim aw ka hrelo a, lawmlo aw pawh ani pawhin ka hrelo mahse ka sawithiam lo a hlauhawm tlat "aw" ka tih chuan "athat chu, ka sawi kha i hre reng dawn nia" ati leh a, ka en ngamlo a, ka bai chawh lai ka chawh mawlh mawlh lai chuan thil tla ri hria in ka hawi let vat a, Ka nu plate rauh lutuk chhuat a lo tla keh vek ka hmuh chuan a bul chiah a ding Ab-a chu ka en vat a, "i na em" ti a pan hnaih ka tum chu a kut lo vai thuakin "i cho chhuah liau liau hei choh loh pawh hi ilo thlir zel dawnnia" tiin mit min siai khum a, a thusawi awmzia ka hriat loh avangin amah chu ka en deuh ha a, a mual bo in ka bo takzet ani.



"Awi engthil nge, enge thleng a, ani theilo ka plate"ka nu choka a rawn lut chuan tiin chhuat a plate keh chu chhar a tum a, chu ve leh Ab-a chuan lo dangin "i kut iti thi ang" atih chuan "engtin nge a keh theih a, i nutei in dubai atang a minlo hawn kha anihhi, engatinge hei kher hi a keh theih a" ati chul a, chhan ka tum lai takin "Baby tihkeh anihkha, a tihpalh ve anihhi" Ab-an a tih chuan hamhaih zet hian amah chu ka en reng a, ka tih keh maw, engtin nge chawp leh chilhin dawt a sawi theih zawk.


"Nilo, nu"

"Mawi atia, en chhin a tum a, nakinah a dang ka lei leh ang che, tihpalh ve anih kha" tiin a nu chu choka atangin a hruai chhuak nghal a, kei erawh ka thiltawn vang a mak tiin ka ding reng a, kha thil kha em ni i cho chhuah atih kha, Zabilha ka then theihloh vang a ka hremna chu kha thil kha maw? Thlir zel turin min ti a, thil dang pawh ala awm tihna em ni? Engthil nge ka tawn tak mai le!




"Baby, engtin nge i tih keh theih a, khawih lo turin ka tih mawlh mawlh che kha" Rinhlui'n alo tih te chuan ka tah a chhuak lutuk ka tap chhuak lo choh tawh "ka nilo" tih chiah ka sawi thei, ka nihloh dan leh thil thlen dan sawi chhuah ka tum a ka theilo, awmzia a neilo hei aia rapthlak pawh tuar tur a ka intih chak zawk angai ani.



Ab-a a chhuak a,kan pindan ah chuan awm in Zabilha nen kan inbia a, vawiin a thil thleng vel kha sawi ka tum lah in "a pawilo ka hrethiam vek che" ati tlat a, thupha chawina hun takngial pawh min siam lo mahse ka thlamuan phah emem thung.


Tlailam a ka chaw ei tlem lutuk vang nge ka ril a tam deuh riai riai reng a, thil ei tur a inhnuai a chhuk ka peih bawk silo chu tui ka in vak ringawt a, ka zung ka zung leh reuh sia, a zialo tak tak ani.



Zabilha mut hnu ah kawr dezine vel ka ziak leh mai mai a, naktuk atang chuan ka kut a dam tawh tho bawk a ka in thui ve char char tawh ang, ka coustomer hlui te ka bia anga, an mahni atangin bul tan ila a that ka ring a, heta ka awm man tal hi ka thawhchhuah ve theih nan theihtawp ka chhuah angai ani.




Zing ka harh pawh chuan kan pindan ah chuan keimah choh in ka lo la awm a, nizanah a rawn hawlo anih ka ring a, a duh duh danin awm sela, sawisel ka tum lo a, keipawh in Zabilha ka then theihloh avangin a awm ang ang a enliam mai chu tha in ka hria ani.




Choka ka luh rualin "U Ab-a nen in in hau ami" Rinhlui'n alo ti nghal a, mak ti deuh tak a amah ka en chuan "tunah khan hmanhmawh deuhin hna kal turin a chhuak chiah a" atih chuan nizanah alo haw tihna ania nga, a thawm engmah ka hrelo thei chu mak ka inti hial zawk ka muttui hle anih ka ring "hau lo e, hna laklawh anei a, a kal hma anihkha" ka lo tih chuan a awih ve mai bawk aniang, "u Ab-a hi chu hna tha tak anei a, a hmeltha in pian a thiam emem a, chhungkaw tha tak atang in a seilian a, nula te lah hian a hnunglam ah an um zui reng a, heti chung hian sual lam kawng a zawh hauhlo a, amah hi a smart in a zahawm emem reng mai a, amak ka ti thin, ka pi leh pu pawh hian chhuang awm reng anni, ka fapa chu nise ka kalna apiangah a chanchin hi ka sawi thin ang mawle" tiin kan Zo Abrahama chanchin chu a sawi ve siam siam a, ka nuih alo za ru ang reng, heti taka ngaisang leh zah tu anei hi kan Zo Abraham-a hian hria se a lawm ve angem le?



"Enge kan siam ang" ka ti ta daih a, ka pasal mah nise a chanchin sawi tur ka hrelo ve em a, kan inneih dan hre tho mahse anuamlo ka ti ve deuh ani.



"A thing(thring) vel kan ring mai mai dawn nia, U Ab-a a awm chuanglo a" ati leh a, a u Ab-a chu a ngai pawimawh ve hle mai.





Nimin lam thil thleng vang khan ka nu lakah inthlahrunna hlirin ka khat a, "tihsual palh te chu a awm ve thei alawm" ati tak na in, a ui zia ka hriat a ka inthiam thei thlawt lo amah hmuh te hi ka hreh phah vek tawh.



"Nu, i measurement vel la ila, vawiin atangin ka in thui ve tawh dawn a, i kawr tur ka lo thui hmasa ber ang" chaw ei lai a ka tih chuan a lawm hmel viau a, amah ka tlawn vang lam nilo in a tir atang a ka tum sa hrim hrim "ava lawmawm dawn ve, Pathianni ah ka ha anga, khawi mi nge an ti leh sup sup mai ang" ka nu in a tih chuan "i nu hi chu a model raih mai a, a ha lar chak leh ngawt ang" tiin ka pa in alo fiam zui ve a, rinai takin kan boruak pawh a zang phian mai.




Hna a kal hma in ka nu measurement chu ka la a, ka puan than neih sa atangin a duh ka thlan tir a, a thui dan tur erawh chu "i duh dan dan khan lo thui rawh design vak hi ka hre ve lo" atih avangin nu valai ho hak duh chi tak chu ka hriat ve zawng tak ania ka phur ang reng viau mai.



Rinhlui in vel ka tih fel pui sawk sawk hnuah kan pindan ka tifel leh a, mahni ta ta neih kan tih deuh avang hian hnawk pawh a hnawk ngai meuhlo zawk ani.



Nileng chuan ka in thui ta char char a, tlai lamah ka nu kawr tur ka zo a , Rinhlui kawr tur ka zai lawk leh vek a, zan a thui ah ka tih vang ani, nikhatah hian kawr pathum tak hi chu ka khawih hman lo a, ka tihfuh tum leh a thui a hautak vakloh chuan a pathumna tur zai sa theih chang erawh ka nei ve zeuh zeuh.



Rinhlui kawr tur ka zai zawh in inhnuaiah ka chhuk a, thingpui in pah in hmarcha ka rawt a, "Puan rem tur ka neilo reng reng Baby" Rinhlui'n a tih chuan "engmaw" ka lo ti deuh ha a, hrethiam chhunzawm leh nghal vat in "puan ka ngah alawm, i duh duh i bih dawnnia"ka ti a, ani lah tak a, ka pasal neih dawj khan ka nu in a mak a mak atam min lei sak tak alawm, kei phei chuan bih ber tur pawh ka hrelo zawk.


" puan hi ka neilo lutuk a, ngaihtuah ve deuh tawh chu ka ngai ani" Rinhlui bawkin a tih leh chuan "A ho lutuk, ka puan khi i duh duh i bih thin dawnnia, ka bih seng hleinem , puan aia mamawh dang i neih chuan chumi atan chuan hmang zawk rawh" ka ti leh hram a, pawisa hi in daih tihhi a awm theilo a, Rinhlui tan leh lek phei hi chuan a chhungte thla tin a thawn alo ngai thin bawk nen in daih ni reng reng a awm thei ngai pawhin ka ringlo.



"Ka la mamawh ve hrim hrim dawn a" ati deuh talh a, "lei hun ala awm ang chu mahse chumi hma chu ka puan i bih dawnnia, inthlahrunna tur engmah a awmlo ania" a inthlahrung deuh ni in ka hria a, keimah zawk hian nuamlo ka ti lek lek ani.



Ka nu leh pa hna bang pawh anlo haw tawh a, ka nu kawr tur ka thui chu vanneihthlak deuhin alo ha tawk chiah a, a lawm thiam ve khawp mai, ka nutei te ho a video call a, min fak nasa leh lutuk a a nuamlo zawk lek lek.Ka nu min fak zarah naktuk ah pawh thui tur ka nei nghal der a, a lawmawm lamah ngai tawh mai ang.



Khaw thim tep in Ab-a alo haw a, a chauh hmel em avang chuan kan pindan lamah ka zui chho ve nghal a, khumah a thuamhnaw pawh thlaklo in alo bawkkhup a, hetiang a a awm hi ka la hmu ngailo a, a chau hle ah ka ngai.


"Ab, inthlak hmasa la,khatiang a mut te chu a hrehawm awm emai" khum bulah chuan ding in ka en reng a, a che lo a, a thawri bak hriat tur a awmlo.



Engmah sawi tawhlo in inhnuaiah ka chhuksan a, inkhawm zan anih avangin ka pa in chaw ei a lo rawt a, "in pa kha alo haw tiraw" atih chuan "a chau deuh a, nakinah a ei mai ang" ka lo ti thuai a, "athat chu, tunlai chu an hna a har deuh pawh ani mai thei" ati ve ngei a, a fapa rangkachak hi a chhuangin a ring tawk ve hle ani."Nia , ti khian chawlhahdam rih se la, nakinah a rualin ka ei mai ang" ka ti ve tak na in, "engtikah nge alo harh ang pawh a hriat hleihnem , ei ve nghal rawh" min ti deuh tlat a, ka ril alo tam ve tawh tho bawk nen ka hnial lui duh ta biklo.Bakah kan pahnih choh a chaw ei dun kha nuam ka ti dawnlo hrim hrim a, han ei san lah chu nuam ka ti chuanglo a tuilairap in ka awm ani deuh ber mai.


"I nu te in lamah te va leng phei ve ula" chaw ei lai a ka pa in atih chuan a ngaih loh thu in ka lo chhang a, ka nu in mak tih hmel deuh tak a min en ka hmuh chuan ka inthiam leh chiahlo chu "an buai ve thin bawk sia, chhunah phei chuan in ah an awm ngailo hrim hrim a" ka ti leh ta ringawt a, mak erawh ala tih hmel tho mai "Zan lamah te pawh in pa nen in kal thei reng alawm, ilo inthlahrung te hi anilo maw" ka pa bawk chuan ati leh a "inthlahrunglo e , nakin ah remchangah ka la leng dawnnia, kan inneihna a la rei silo a, minla ngai hmanlo ang" tiin ka nui der vel a, ka fiamthu ah ngaiin an ni pawh an nui ve leh ta tho.




"Ka chhuak lawk dawn ania" choka a rawn dak pah a Ab-an alo tih chuan ka phu deuh zawk a, ka chhuksan dawn khan thi ang derin a mu a, a chauh hmel emem a, tunah lah chau hmel pawh a pu leh tawh chuang bawk silo. "Khawiah nge i kal dawn" ka nu in alo tih chuan "hna thilah, ka rawn tlai ang aw Baby" tiin min rawn en a, "aaa.. Aww.. Ka lo thlah ang che" ti a thawh mai ka tum chu "a ngailo tui deuhin ei rawh, ka kal ania" atih chhunzawm leh nghal zat a, engmah sawi ve na hun pawh min siam lo, mahni pasal te ngaihsak loh hmel lutuk ang a ka lan avang chuan ka inthlahrung leh viau tawh a , ka thlah tal kha duh se ka mark pawh a tha deuh tur hi ania "an hna a laklawh chang hi chuan in ah pawh hian a awm tha hman meuh thinlo a, a hna hi a hmangaih si a, i hriatthiam hram hram angai ania aw baby" ka nu zawkin a rawn tih chuan "maw" ka lo ti deuh ha a, "awww.. Nia, ka hrethiam alawm" ka ti bah deuh nawk a, hahthlak thin ngei mai, hemi te nupa hi ka chungah heti khawp hian an tha a, keilah chuan kum khat chhung ka bum dawn chu ani si a.



Zanah Rinhlui kawr tur ka thui a, ka bulah awm in a ti ti leh siam siam tawh a, ka nuih pui nasa thin khawp mai, kan kum in rual chiah mahse kei ai mahin a puitling daih a, û ang hial in en pawh ni ila ka tisual lo khawp ang.



Kan thui zawh meuh chuan dar 10 lai alo ri tawh a, a lawmthiam in Pathianni inkhawm a chak tawh thu hahip in a sawi a, a thui sak tu tan ber hian a lawmawm letling phian zawk.


"Ka hmelhriat te ho ka lo hrilh vak vak ang" ati ve ngei a, hmelhriat a ngah tih ka hriat avangin ka lawm ru ang reng.



In hnuaiah bawk in zui thla in thingpui kan in dun a, a nû damloh thu leh an khuaah rannung seh a len nasat thu te a sawi a, anu damloh chhan pawh rannung seh a nih ngei arin thu te leh helamah lo chho a in entir se aduh thu te a sawi a, "lo chho tir ngei ngei rawh, in enkawl hma tluk a awmlo ania" ka lo tih chuan "keipawn chu chu ka ngaihdan ania, mahse an duh tlat lova, midang pawh an dam leh vat a, kan dam ve vat mai ang, an ti tlat a" ati a, a rilru a hah ve hmel khawp mai "Pathian zarah eng em an ti bik nang, midang pawh an dam chuan, i nu pawh a dam ve vat mai ang, lungngailo la, hahdam deuh in i muhil dawn nia, ka han chho ange" ka tih chuan "ka lo thlah dawn che mi" ati reuh a, kan han nui dun leh rih "tui deuh a mut tum rawh aw, thil ngaihtuah vak vak lo la" ka tih leh takah chuan "awle, ka lawm e, muttui le" ati a, kan pindan lam pan in ka kalsan a.




Pindan ka luh chuan Ab-a alo awm avang chuan ka phu deuh zawk a, a room zawk nimahse a awm ka rinloh lutuk vang ani ber "engtik laiin nge ilo haw a" ka tih chuan min en ringawt a, min chhan tum hmel pawh a pu lo "i chhuak leh dawn ami" a awmdan atang chuan chhuah tum a ang ka tih em avangin ka zawt ve a "i buai na tur anilo" bung nghut a alo tih chuan ka zawt kher kher chu ka inchhir ru takzet.


Chhang duh tawh biklo in bathroom ah chuan ka luhsan ta daih a, a kal hma chu chhuah ka tum tawhlo hrim hrim , ani nen khan eng thu mah kan sawi dun thei dawn lo a, ahma a Zo Abrahama ni thin kha tunah chuan midang daih ani tawh si.




Rei fe ka awm hnu ah ka chhuak a, ka rin ang ngeiin alo chhuak fel leh der tawh a, ka lawm daih zawk bawk, mahse hetiang reng a kan inkar boruak anih si chuan kum khat chhung chu ka hrawn ala ngai dawn si a, a huphurhawm dawn khawp mai.




Zabilha nen reilo te kan inbia a, min ngai der ve thin tak na in a tan hian hun ka neilo thin lutuk erawh nuam ka tiloh chang ka ngah a, min nghah tur thu sawi mahse inthlahrunna tam tak ka nei bawk, kei ni ila ka thei kher angem tih ka ngaihtuah fo a, chung te chuan min hmangaih zia min hriatnawn tir fo a, kalsan ka phallo a, midang tan ka phallo ani.





Zing ka harh rualin ka phone ka en nghal vat a, thil nghah nei ang tlat a in hriatna ka nei a, Zabilha message pawh ani mai thei, vawiin lam a kan inhmuh dawn avangin phur deuhin ka tho chhuak vat a, Ab-a a awm loh avangin ka thaw huai tak na in khawiah nge a riah anga, enge a tih ang tih bak ka rilru ah a awmlo thung.




"Ilo tho ve tawh maw, U Ab-a khan nizan a mutha lo ati che a" choka ka luhrual a Rinhlui'n alo tih chuan mak ka ti fu a, nizan alo haw awm ka hre silo a, hna thawk turin a kal leh daih tawh tihna amawnle? "Umm nia, a kal leh tawh ami" ka tih chuan "umm, hna laklawh anei aniang, i mut that theih nan a kaitho duhlo chr anih ka ring" min vengthawng zet chuan ati a, venthawn ka ngaih loh tehlul nen.


Show post links
Top