Zo Abraham BY Pie Sangtei (Completed)

[Ngaia]

7


Ka pa in a kal turin ka insiam a, Zabilha'n min rawn hruai tum viau mahse ka hnar hram a, then theilo mah ila ual au tak a in zui erawh ka duh hauhlo thung.



"Rinhlu, ka chhuak lawk dawn ania aw, ka pa ka va tlawh lawk teh ang" thutkhawmna pindan alo tihfel mek lai chuan ka ti a, "va kal rawh, ilo haw har a ngem" atih chuan ka hriat bikloh thu leh ka tlai vak ka rinloh thu ka lo hrilh a, "a that chu" ati ve mai bawk a, a khua a har ve viau maithei ani, nileng a he in lian zet a mahni choh a awm chu tunge khawhar lo tehlul ang.




Taxi la in ka pa in lam ka pan a, Zabilha hnen atangin a thlen tawh thu ka dawng a, ka pa in a a awm leh awm loh ka zawh chuan "chaw alo ei mek a" ati a, ka nui sak mai, thawh a hai ani ngei ang.




Trafic jam vangin ka duh ai tlaiah ka thleng a, ka pa tan chawhmeh ka lei sak nual bawk a, a ring rei leh ngawt ang.



"Bawihi, thingpui sen hang kha han lum nghal teh, chaw ei kham thingpui pawh kan la in hleinem" ka pa in atih chuan ka lum sak nghal vat a, flash te hi lei sak ila atha ang, a hranpa a lum reng ngailo hian ka awm lai kha chuan a duh hunah ka lum sak mai zel a, ka ngainat ve lem loh avangin flash pawh ka ngaihsak lo a, tunah erawh a in chak chang apiang a lum sak tu tur fanu a nei tawh silo a, atan thingpui han lum reng kha ninawm ani ve thei tlat.




"Pa, chaw i ei tha lo ami, i cher riauin ka hria ania" thingpui pek pah a ka tih chuan "ka ei that lai tak zawk alawm" alo ti mai a, ka hmuh tum aiin a cher tak tak a, ani hi zu te hi alo in leh vak zawk nge mawni "zu i in nasa ami" ka tih leh chuan "in lo e, tak deuh deuh chuan" ati a, Zabilha nen chuan an pa hnih in an nui a, kei erawh ka nuih aza lo chiang hle.




"In pahnih khan inkawm rawh u" tiin room ah ka luhsan a, ka pa, ni e, kei mi riangvai tak hian ka pa hi ka neih rohlu ber ani a, zu vang a ka chan hi ka hlau a, ka pa hian min kalsan anih ngat chuan he khawvelah hian hlutna neilo mihring ka ni anga, ka tan nun hian awmzia anei tawh dawn lo, a bulah chengin enkawl thei rihlo mah ila ka hmangaihna leh ka tan a a hlutna a reh phah silo.



Zu avang a nunna chan tam tak ka hmu a, zu avang a nupa in then te, zu avang a an duhthlan leh duhdan ni miahlo a fahrah lo ni ta te thlengin ka hmu a, an nundan ka sawisel theilo a, ka sawi phak pawh annilo mahse ka bul hnaih a awm te erawh ka theih chin ah an thatna tur anih chuan sawisel leh hauh ka hrehlo thung.



"Bawihi" inthlahrun hmel tak a ka pa in arawn tih chuan chhanglo in amah chu ka en ringawt a, midang pa te angin hausa in sum in vur ve lo mahse he khawvel a ka tan a hlu ber ani ve tlat ani "ka in tawh ngai hleinem, ka nghei tumna lamah ka chaw ei a tui chiah lo deuh a, tunah chuan ka ei leh teuh teuh tawh a, ka thau leh vat mai ang" ka bul a lo thu in min hnem atum a, zu ka huat zia leh in lo se ka tihzia hre tu ka pa hian hmangaihna tawp chin neilo in min hmangaih a, ka tan a a hlut tluk zetin a tan ka hlu tih ka hre bawk.



"Zu tello hian kha leh chen kha ilo awm tawh a, zu nen a in nun chho tanna pawh hun rei tak ani tawh tih ka hria a, nghei chu a har ang tih ka hria mahse pa nghei tluan rawh aw, rei tak kan awmdun theihnan, i tello in ka awm theilo ania" ka tih chuan min rawn kuah a, ka hnung ah chulin "ka tum dawn alawm, i tan tal pawh ka tum ang" ati a, nghet zet a kuahin "ka lo tlawh ziah theihloh che pawn lo in tawh suh aw" ka ti leh hram a, tun a a nghei tluanlo anihchuan a tan nghei a harsa leh zual tawh dawn tih ka hriatchian vang ani.




"In tawh lovang , i awmna te chu anuam em, an duat che em" ati a, i awmna ati chu ka nuih aza tlat pek a, ka pa hian pasal nei ah pawh min ngai chiah lo anih ber mai hi "umm, an fel lutuk" ka tih chuan "athat chu, hlim deuhin awm i tum hram hram dawnnia , i nu pawhin i tan a tha tur ber a ngaihtuah ang tih ring la, inthen te kha ngaihtuah reng reng suh" atih chuan mak ka ti deuh a "pa , Zabilha ka nei reng alawm" ka ti a, a mitah tak ka en kalh bawk "inla hrethiam ve mai ang" ati ringawt a, Zabilha nen a kan inkar a hre vek a, Ab-a nen a kan thil tum erawh engmah a hrelo thung.



"Pa, Zabilha hi ka kalsan thei hleinem" ka tih leh chuan a thaw halh a, "bawihte, fa te inei anga, fahrah nun hrehawm zia leh rapthlak zia hre tu ini a, i tawn ang hi i fate tawn atan phal ngailo la, chutih hunah chuan engkim i hrethiam tawh ang" ati leh a , Ab-a nen a fa kan neih a rin vang a hetiang thil hi sawi ani tih ka hrethiam mai a, insawifiah leh thil nihdan engmah ka sawi duh bik lova ka sawi anih chuan min dan a tum ngei dawn tih ka hria a, nakin ah a hunah a hre ve mai turah ngai ang.



"Inpa pawh hi lo la hruai ve la atha ang" atih leh chuan chhan dan tur mai hrelo chuan ka ngawi reng a, "i duhloh pawn a pawilo ania" ka pa bawk chuan alo ti leh a, ka hruai hreh vang leh ka pa hmuhtir ka hreh vang ah a ngaih ka hlauh avangin "a hna lamah a buai thei lutuk a, tunlai phei chu an buai zual a, a hunawl neih hun hun ah ka rawn hruai dawn nia, chaw ei turin" ka tih chuan a lawm hmel viau a, ka pa tan tak pawh a makpa hmuh chu a chakawm ve viau ta ve ang.



"Room a awm reng zawng atha lo, Zâtê-a hrilh a hai lutuk ange" tiin min kuah chhuak a, thuthleng sei a Zabilha lo thu chuan min hmuh ve leh a ding hluai a, ka pa nen chuan kan en ta ringawt a, kan boruak in a zirlo nge Zabilha awm dan phung kan hlauh tir ringawt alawm le.



"Lo in be ru, thenawmpa huan siam ka va en pui lawk ange" tiin min chhuahsan a tum a "pa, rei suh aw, ka awm rei vak theilo ania" ka tih chuan "ka lo let leh vat ang" ati ve mai a "thu la" ka pa kal hnu a ka tih chuan a nui suk a, "ka din na chhan pawh ka hrelo" ati ve nuah nuah a, ka nuih aza ru viau a, mahse ka nui chhuak duhlo thung.



"I bulah ka lo thu dawn" a tih chuan rang zetin amah chu ka en vat a, vawiin a awm dan chu a diklo riauin ka hria "ngati nge min dil kher a" ka ti a, ani lah tak a, nidangin min dil ngai silo a, amah hi ka sawithiamlo a khawr ka ti mai "ka hre biklo" tih pahin ka lam alo pan a, ka bulah rawn thu in "ka hmangaih che" ati leh ringawt a, ka lo nuih ringawt Zabilha hian min hmangaih tih ka hria a mahse ka hmangaih ve em ka hrelo thung.Ka duhna hi hmangaihna anih loh chuan ani teuh viau ta ve ang.



"Karleh atangin hna ka join leh tawh dawn a" atih chuan ka lo phur viau a "ava lawmawm ve, ivan in zep thei" ka ti a, hna a join leh tur chu ka lawm takzet ani "mahse in ah ka let tawh lovang, keimah in in ka luah ang" atih leh chuan "ngati maw" ka lo ti vat a, an in ah ngei let leh se, a chhungte nen pawh tha deuhin awm se ka duh takzet ani "ka hrelo, ka chak tawhlo" ati awlsam leh et a, han sawi zui pui vak ngaihna pawh ka hre tawhlo a hna a zawm leh thei tur ringawt pawh hi a lawmawm lutuk tlat amah tan tak pawh hian a pawimawh a, a nun kaihruai tu tur atan a tha ka ti hrim hrim ani.



" ka lo inkhawl anga, i tan , in lian deuh ka la lei sak ang che engtik ni ah emaw chuthil chu ala thleng ngei ang" ati leh a, chu erawh chhan ngaihna ka hre leh tawhlo a ti duh tak tak dawn tih hre mah ila keimah ah hian diklo deuh a awm tlat ani.



"In luah tur i hmu tawh ami" ka ti ta zawk a, "hmu chu animai, Aizawl khawpui chhungah hian inluah tur avang tih i hria em, mahse keichu duhthlan tur te ka nei mawle" intithei zet hian ati leh a, kan pa hnih chuan kan nui ta ringawt.


A bul a awm hi a hahdam thlak a, lungngaihna nei ve thin mah ila a bul a ka awm lai na na na hi chuan chung lungngaihna te chuan hmun an chang ngai lova, ka thla a muangin chawlhhahdamnan ka hmang thin.




Haw har vak ka duhlo avangin rei pawh awmlo in ka hawsan a, hawsan han ti ila Zabilha'n min thlah a, ka pa erawh ka mangtha leh ta rih ani, "i bul a ka awm ve theih hun ah chuan ka duat dawn che tih i hria tiraw" kan in kawt a a din rual chuan ati a, he in a min luh tir hi a hreh ngawih ngawih niin ka hre tawh "umm hria e, min ngaihtuah suh aw, ngaihtuah ka ngailo ania, nangmah kha hlim deuh a awm tum rawh" ka tih chuan ka kut chelhin a hum vang vang a, "Zâte" ka tih chuan "ka hria lawm ka nghak thei che, kal tawh rawh le" ati a, a nui zui sak bawk.He nui hmel phenah hian lungngaihna ka hmuh hmaih ho lo chu erawh chu keimah vang anihloh hram ka beisei.




"Ilo va let leh hma si ve" in chhung ka luh rualin Rinhlui'n alo ti a, a hlim hmel phia leh nghal "nia, enge ilo tih a" ka tih chuan "ka pi thingpui ka siam sak dawn , a nuamlo deuh a arawn haw a" atih chuan "animaw, alo haw naa rei tawh em" ka ti nghal vat a, ka chhuah ni ber kher a lo haw hma chu a zialp takzet ani, "reilo, nuamlo lutuk pawh ani chuanglo, ka lu ana deuh ati ringawt a" atih leh chuan "thingpui chu ka lo pe ang" ka ti a, ka nu hrisel tha tak nawmloh pawh sai zen zen ngailo ani a, a hna kalsan meuh a arawn haw anihchuan a na viau anih ka ring.



Ka pasal te chhungkua hi an hnathawh a in anglo theuh a, mahse an hna ah hian an zawng zawng pe chi leh hmangaih bur chi anni a, an tlun hluah hluah te anih loh chuan hna an thulh ngailo.



Thingpui chawi chung chuan ka nu te pindan lam chu ka pan a,ka luh chuan an khum ah alo mu bam a, "nu i tha em" ka tih chuan a mit chu lo mengin "ilo haw tawh aninaw, Rinhlui'n alo phone che ami" alo ti a, "phone lo e, ka chhuak hma alawm" ka tih chuan "a that chu, i pa chu alo damtha em" ati leh a, a damthat thu a ka chhan hnuah "damdawi te i ei em" ka ti a, a lu lo bu nghat in "thingpui chu ami" tiin ka no ken chu a melh zeuh a, "aw" ka lo tih takah chuan "thingpui kha ka in leh anga, ka zia mai ang, ka lu ana deuh mai mai mawle, i pa leh bawiha chu hrilh kher angailo ania" ati leh a, ka hrilh loh tur thu ka sawi hnuah "ilo lan atang hian bawiha pawh hi a hlim hmel hmuh tur hi a awm ve fo tawh ania, i chungah hian ka lawm takzet ani, ahma te chuan hna a thawk tawp a, kan thu a hnial ngailo a, fapa tha tak angin a awm tawp a, mahse nu tan a hai theih hauhlo a chhungril ah hlimlohna tak anei tih ka hria a, siamthat dan ka hre silo a, mahse hei ilo lan atang chuan a danglam ve tawh lutuk ania" ati leh a, ka awih lem loh avangin ka lo nui ringawt a, ka awihloh thu sawi pawh ka duh chuanglo nuamlo chung chungin min min hrilh ve a, ka awihlo lo tih kha awihlo viau mah ila ka duh tlat lo.




"Chawhmeh hi ei chak te inei em, ka siam sak ang che" ka tih chuan a lu lo thingin "engmah ka ei chak lo, in siam ang ang kha animai" ati leh a, han biak vak ngaihna ka hriat tawh loh avangin mu hahdam tur a tiin ka chhuahsan ve nghal a, ka nu meuh a damloh chuan awm a nuam tehchiam lo ani.




"Enge a an" choka ka luh rualin Rinhlui"n alo ti vat a, "aaaa, a chau ve viau in ka hria ama tawkah" ka tih chuan "chu chu lawm, a damlo khat sia, damloh chhun a la na vak chi anih ka ring" atih chuan tiang hi an awm theih avangin ka lo pawm viau a, ka nu pawh kha ani thin reng a, tlang hrileng te hi ala ve mai mai ngai lova a lak fuh tum(trum) erawh chuan a mut pui ngei ngei thin.




"Ka pa leh , Ab-a hrilh lo turin min ti a" ka tih leh chuan "an rilru tihhah a duhloh vang anihchu" Rinhlui'n alo ti vat a, thawk la hak in "enge kan siam ang, chawhmeh duhzawng bik riau te a nei em" ka ti a, a ei duhzawng tak siam sak ila chaw ei teuh se damloh lai chuan chaw hi a tha ber tih ka hre ve tlat ani "nei lem lo ka pi hi chu, ka siam ang ang hi tui ti takin a ei mai zel a, duhloh aneih ka hrelo a, duh bik aneih pawh ka hrelo" atih chuan mihring duh bik neilo ka hriat vawikhatna anih avangin mak ka ti deuh a, nu phunchiarlo leh zaidam tak ani ka tilo theilo.A aw vin hi tunthlengin ka la hrelo reng reng a pasal fanau te a hmangaih a, an tan chuan englai pawn thih a in huam reng ang ka nu anglo takin.



Ka pasal neih hnuah vawiin khan minlo phone a, ka lo silent avangin ka lo hrelo bawk nen ka la lo a, rawn call leh ta nge pawh ti chuanglo in a reh ta vang vang a, min ngaihtuahna chhete mah hi anei ve lo reng reng, ka pa khan ka tan a tha tur atan a a tih vek anih thu kha min hrilh a, keichuan ka ring hauhlo ama hlawkna tur bakin engmah atih ka ringlo.




"Ka han inthlak lawk anga, ka rawn pui ang che" ti a chhoh mai ka tum chu "Baby, nangmah pawh kha i chauh hmel lutuk ania, lo han mu hahdam zawk rawh , engmah tihpui ka ngailo ania" ati a, vawiin khawlum lutuk khan min ti zawi vek vang zawk ani "chaulo e, khawlum vang vek hi lawm" ka tih chuan "i hmel kha a diklo hrim hrim lo han hahdam rawh" ati deuh talh a, mut hahdam chu tum lem lo mah ila "awle ka pi, i thuber a lawm" ka tih chuan a nuih aza ngang mai.




Ka inbual zo bathroom atang a ka chhuah chuan ka pone ri pawh alo tawp ve chiah a, kan en nak chuan kan Zo-Abraham-a alo ni ve teh tlat a, mak ti ru deuh chung a ka call back lah chuan a busy leh tlat bawk sia, minlo call leh a tum anih ringin ka nghak leh rih a, a reh hian a reh nghal hmak mai, a pawimawh anih chuan min rawn call leh emem ang tiin ka inthlak san a, ka inthlak zawh hnu a min rawn la call leh tak loh ah chuan a tisual anih te ka ring rum rum tawh.



Inhnuai a chhuk ta mai lo chuan ka mu zal a, rawngbawl nan ala hma deuh bawk nen han mut zal ve rih pawh chu a pawi tehchiam ka ring hranlo.



Mut pahin Zabilha ka call a, alo chhang rang khawp mai "hello" a thaw nghal hlawp hlawp a "thil diklo a awm em" ka tih chuan "awmlo e, step ah ka kal a" nui pah hian alo ti leh mai a, ka pa a damlo anga tih vel daih ka rilru a alo awm avang chuan keipawh chu ka thawhuai mai "thil thalo deuh alo thleng dawn emaw ka ti hman alawm" ka tih chuan "he khawvelah hian engthil tha mah a awmlo, nang tihloh chu, i tha ber" awlsam zet hian alo ti a, phone atang pawn ka lai mai dawn alawm le "khati khan ti vak zel suh" ti mah ila, hetiang a mintih chang hian nuam ka ti ru viau lawi thin "i lai animaw , hei Baby, ka buai lawk a, nakinah ka lo call ang che aw" ati leh a, engthil nge maw atih ve reng reng ni "awle fimkhur la" te chu ka ti ve tak na in engthilah nge fimkhur se ka tih pawh ka hre chuang hauhlo "awle, anih ka dah aw" ati a , phone chu ka en tawp, a buai ve hmel lutuk chu kan Zabilha pawh a ang lo tep tep alawm le.


Ka pa call ve leh ka tum zuk a, a lung ka tih len zual ka hlauh avangin ka call duh ta lo, min ngai ve thin si a, a khat mawi tawk hian bia ila, atha ta berin ka hria.




Ka thuamhnaw vel ka rem fel zawh hnu in inhnuaiah ka chhuk thla a, Rinhlui lo buai lutuk chu "enge awmzia" ka ti hluai a, "awiii, u Ab-an chaw ei tur aneih thu a rawn sawi a, a rawn sawi har ang reng sia, engmah ka lo inring lawk silo a, engkim hi siam thar vek angai ang, chaw ei kan neih dawn hi chuan a thing(thring) engmah kan ring ngai lova , u Ab-a hian a ngaitheilo" a ti bawrh bawrh a,minlo call nachhan kha chaw ei tur kan neih vang anih dawn hi "engzah nge lo ei dawn a, enge ka lo tih ang" ka tih chuan "pakhat lek chu ania, mahse pakhat pawh hi sawm nen danglamna a awm chuanglo, behlawi kha lo mal la" tiin dawhkan a behlawi chu a melh zeuh a, "umm, mahse ngati nge khati tak a i chetbuai a" ka tih leh chuan a thil tih lai chu dah in "ka hrelo, u Ab-an minlo hrilh thut vang kha aniang" ati a, kan Zo-Abrahama a hlau lutuk hi ka khawngaih zawk "muangchang khan che rawh, ala hma em hi" ka ti a, mi pangngai tan tunah rawngbawl hun pawh ala nilo reng ani "nia, hahdam rawh Lalrinhlu" tiin thawk te chu a la lleh rih a, a chetdan phung hi a nuihzatthlak thei ania.




Ti ti pahin rawng kan bawl a, ka nu ka thlithlai pah reng bawk, a muhil a, tihharh kan hlauh em avangin thawm pawh kan dim dun viau bawk.


"U Ab-a hi zan a a chhuah hian khawiah nge a kal thin ang le" Rinhlui'n atih chuan ka hriat bikloh thu in ka lo chhang thuai a "hna thil anih emem hi chu ka ring tawhlo" ati leh mai a, nia , Kan Zo-Abraham-a zanrei ah hian khawiah tak kal thin ang maw? Tumah lah chuan kan hre der mai silo a, alo haw lo emaw tih laiin alo haw a, a thawm kan hre ngai silo, a hre ber thin Rinhlui lah in a kalna chin a hre bik bawk silo.




"a pawihmawh aniang" ka lo tih chuan "ni maithei, pawimawh lo se a chhuak kherlo ang" ati leh a, a ngaihtuhna erawh a kal thui hmel viau "i nu chu enge a an a" ka ti ta daih a, ka pasal chanchin hi sawi vak tur ka hre thlawtlo ani "kan tha an ti tawp zel a, kan awmna a in hlat sia, dawt nge thudik an sawi pawh ka hre lo e a" ati a, a lungngawi loh hmel khawp leh nghal "Aizawlah lo chho ru itih an hlau aniang" ka lo tih chuan "keipawh chu chu ka rindan chiah anihchu, an mak ania" ati leh a, a nu leh pa a chhungte a ngaihtuah lutuk te hi fakawm ka ti thin.




Ka pa lo haw hma hretin ka nu alo tho chhuak a, thingpui bawk chu a in leh a, a damthat laiin a in vak ngai silo a, a chhawl a hal anih ka ring "nu, i khuasik nge engtin ber nge i awm a" ka tih chuan "ka luna mai mai mawle, khawlum nen ka zolo anihhi" ati mai a, vawiin khua kha chu a lum ve em a, damloh tawp na khawp in lawm le a lum le "anihchuan chaw te i ei anga, i zia ve mai ang" ka ti a, a lu lo bu nghat nghat in a en ngai a en char char a, Rinhlui ka va melh chuan alo nui suk ringawt.




"Rinhlu, rawng iva bawl nasat hmel ve, ka nawmloh vang ami" ka nu in atih chuan "ni tho a, u Ab-a khan chaw ei kan neih dawn thu a sawi a, chuvang mawle" tiin Rinhlui'n alo chhang a "aww.. Engzat nge annih dawn a" ka nu in a ti leh a "an tam chuanglo, pakhat lek chu ania a sawi dan kha chuan" Rinhlui'n ati leh a "a hna lam aniang a" ka nu bawk chuan lo ti leh in ka pa alo thlen avangin a thutna atang a tho pah chuan "i pa leh bawiha hrilh suh u aw" tiin an pindan lam a pan zui a.



"Baby nangpawh han in bual ve tawh rawh , engmah pawh tih tur a awm tawh loh hi" Rinhlui'n a tih chuan ka inbual tawh thu in ka lo chhang mai a, mahse zan a thui turin kawr pakhat chu zai leh ka duh avangin inchungah chuan ka chhoh san a.




Ka nu in a kawr ka thui sak ka nutei a hmuh a, chuta tang chuan vawiin lamah min rawn be ve ngei a, a puan rawng duh ang sawiin a measurement min rawn thawn a, ani pawh ka nu ang tho "ka inhmeh tur a i rin ang khan lo thui tawp mai rawh" ati a, an duh dan an sawi loh hian a awlsam ka ti, duhdan bik anneih hi chuan tlemte pawh ti diklo ila sawisel kan hlawh hma thin si a.



Hla ngaithla pahin ka thui dan tur ka ziak a, nutling ho thuamhnaw thui sak hi a awlsam phian a, nula ho kawr thu aiin nuam ka ti zawk.


Ka ziah zawh ah chanchinbu ah ka zai a, vawi tamtak thuiin zai fo mah ila chanchinbu a zai hmasak loh hi chuan ka thiamlo tihsual palh ka hlauh lutuk vang pawh ani maithei.


Ka zai zawh ah, ala hma deuh avang leh Ab-a te anlo la thlen loh avangin ka thui hman ang ang thui chu tha ka ti a,mahse rei pawh ka thui hmanlo Rinhlui'n minlo call avangin ka chhang a, "hei anlo thleng a, U Ab-a chu room-ah khan alo chho mek" atih chuan rang zet chu call chu ka off a, in bengfai thuak thuakin ka thil thuina pindan atang chuan ka chhuak nghal a, Ab-a step tawp rawn thleng chho chiah nen kan in tawk chiah bawk.


"I chau em" min en reng avang chuan ka ti a, bakah biak ka duh a, sawi tur dang ka hriatloh vang ani pakhat "minlo zui teh" tiin kan pindan ah a lut zui nghal a, ka zawhna ve te kha chu chhan en ah a enlo hrim hrim.



Hmanhmawh deuhin pindanah chuan ka zui lut a, kut kuangkuah chung in ka lut lai chu minlo en leh reng tawh a, engthil tak sawi leh dawn ang maw ka tih rilruk laiin envelop hi min pe a "engthil nge " ka lo tih chuan "ka nupui inih man i hlawh" a ti a, minla enreng bawk "ka duhlo ka tih kha, hethilah hian nangmah hian min chhawr bik lova ka duhthlanna ani ve tho alawm" ka tih chuan ner sawkin "mi nupui hual nilai ka nupui ilo ni ta si a, hlawh ka pek che angai alawm" tiin min rawn pan hnai a, ka hmai bul chetah rawn kun hniam in "a dik em" ati leh sup a,tawlh sawn ka tum chu ka kawngah min rawn kuahin alamah min pawt hnai dawrh a, kan in hnaih tak em avang chuan a thawri mai nilo a thinphu thlengin ka hre thei hialin ka hria.



"Zabilha chuan hetiang hian a ti thin che em" tiin ka ngawngah a rawn fawp a, ka kut leh lam a hnungkhirh avangin lehlam chuan ka lo in nemkhalh ve tang tang a, tha ah ka hnehlo bawk nen awmzia erawh a nei tehchiamlo.



(Comment lam a that chuan zan khat ah episode hnih loh dah pawh hi ka in huam ania...Chuan like mawlh kha aw... Min han share sak ve chhuai chhuai teh u 🥰in tan regu loh hi ka hlauh ber ani )


Show post links
Top

[Ngaia]

8


"Sawi rawh, hetiang hian a ti thin che em" ti leh in ka nghawng atangin a rawn fawp chho a, a sam ah ka tham(thram) a, ka pawt ani zawk mah, na ti awm ang pawn a awmlo a, a thiltihlai chu a tih chhunzawm a , a thaw lum ham ham bawk.



"Ab, duhtawk teh" ka tih chuan a rum nghut a, ka awm bawrah na zet a rawn thamin "hei hi tu ta nge" tiin ngeiawm zetin a nui zui a, mintih dan tehhrep hian ka rilru ati na takzet ani.


"A nâ ania, min thlah teh" ka tih leh chuan ka mitah chiang zetin min rawn en a, a mitmeng atang chuan a duh ka hria a, mahse ka la thaw ve anih chhung chuan chu thil chu ka thlen tir ngai lo ang.


"Ab, khawngaih takin min kal tir rawh" a mah en reng chuang chuan ka ti a, ka kut a hnungkhirhna chu phelhin ka biang lehlam lehlam ah chuan vuan in chiang zetin min en a,"Ab" ka tih chuan che phutin min rawn kuah a "heti hian awm lawk ang" tiin thawk ala ham ham a, vawiin tlai a awm dan chu a mak in a mize inthlak thut thut chu ka hrethiam lo takzet ani.



"Harsatna i tawk ami" an hna lam ah buaina deuh annei anih ka ring a, min hrilh se amah pawh a thawl ve huai beisei a zawt ka ni mahse "Shhhh" alo ti leh avangin ngawi reng a awm chu a duhzawkah ka ngai a engmah ka zawt zui duh tawhlo.



Hmeichhe dang tam tak chu nise tun a ka chung a a tih dan kha an thinrim ngei anga, a then te phei chu pawngsual ang hialah in ngai in an tap mai thei bawk mahse keichu ka ni hauhlo mipa dang chu nise ka hrelo a, ka pasal hi ka hrechiang chu ka ti hauhlo na in khatiang khan vawikhatmah ala awm ngailo a, enge maw buaina tak anei anih ka ring ani, min it aniang a tih turin ka lakah mitmei anei ngailo a, minlo it thin anih erawh chuan mipa ania inkhatah pindan khatah kan awm a, a hmingin a nupui ka ni bawk a, thil awmlo pawh ani pawhin ka hrelo thung. Thil pawi tak a thleng anih loh chuan keichuan mipa anih na angin ka hrethiam ani.Hetiang hun hi alo la thlen ka ring bawk a, amah hi a fel em a, him dam tak a ka la awm nachhan pawh hi ama fel vang bawk ani.




"Ab" tih ri ka hria a, ka nu emaw Rinhlui annih loh avangin inleng anei anih ka ring a, "chu inleng inei aniang" ka tih pawh chuan minla kuah reng a, namsawn ka tum thin a, min kuah ngheh em avangin chu erawh thil theihloh ani.




"Ab" tih ri chu alo hnai zel a, min kuah tu lah chet a tum bawk silo kan inkuahlai hi min hmu ang tih ka hlau bawk si chu ka buai ru tawh takzet.


Ka hlauh ang ngeiin kan pindan kawngka a rawn in kik karh karh a, "Ab, i awm em" pawn ami in a rawn tih pawh chuan min la kuah reng a, min kuah nghet sauh emaw tih mai tur ani.



"Ka lo lut dawn ania" atih takah chuan min kuahna chu a thlah ve ta nge nge a, ka thawk a chham hman lek lek alawm mawle , mi pawh be tawh chuanglo chuan kawngka lam chu a pan zui a, pindan kawrkhar a hawn rual a "iva rei ve" pawn lam ami in alo tih pawh chuan chhanglo in a chhuak zui nghal a, kawngka a khar leh rual chuan chhuatah chuan ka thu thla hnawk a, tun mai a thil thleng te kha mak tih avangin ka ngaihtuah let a, a rui anih te ka ring rum rum tawh , harsatna a nei anih ring mah ila khatiang tehhrep khan a che bawk si a , ka ngaihtuahna a tibuai vek thei alawm mawle.





Kan pindanah rei fe ka awm hnuin inhnuai lamah ka chhuk thla a, ka rinloh deuhin Ab-a alo awmloh avangin choka ah ka lut tlang nghal a "khawnge" Rinhlui bulah chuan ka ti nghal thawr a, ani pawh chuan lo hrethiamin "pawnah thlifim an dawng lawk anihkha" alo tih chuan "chaw ei a hun viau tawh asin mawle , kan au anga, chaw kan ei dawnnia" ka ti a, engvang a auh tum ringawt nge ka nih ka hrelo a, khanu kha hmuh ka chak zek zek ani ber mai.



Pawn ka chhuah chuan khua alo thim thet thet tawh a, ka en kual ngial pawhin ka hmu zolo dawr velah an kal anih ringin in chhungah bawk chuan luh leh ka tum a , tawngri ka hriat avangin ri lo chhuahna lam pan chuan ka kal leh ta zawk a, in hnung huan lam aniin ka hria.



"I hmangaih em" hmeichhaw aw, nichin lawk a Ab-a rawn au tunu aw ngei maiin a ti ri ka hre chhunzawm a, thawm dim tak chung siin ka kal hnaih zel a, tu chanchin nge an sawi hrelo mah ila ka in ngaihbel ve deuh tawp avangin an thusawi hriatchian ka chak ani.



"Min chhang la" chunu bawk chuan ati leh a, chutia mimal nun lutuk a zawh avang chuan an pahnih bak midang tumah an awm ve lo anih ka ring.


"Anihchuan, i nupui nge kei" chu zawhna avang chuan ka ding chawt a, keima chung chang an sawi ka lo in ngaihbel chu ka tisual love.


"Ab, min chhang teh" a hma aia ring zawk mah chuan ati leh a kan Zo-Abrahama chuan a chhang tha duh vaklo anih hmel.



An ngawi tak reng vang nge zawi te te in an inbia tih hriattum in ka bihrukna atang chuan ka va bihthla dek dek a mahse ka tumloh lutuk thil ka va hmuh avang chuan ka in chhuih palh a, vanneihthlak takin ka biru leh hman hram ani "engthil nge a, a hrang anilo maw" hmeichhia in atih chuan "hnahthel tla ri mai mai anih chu" Ab-an alo ti vat a, ka thawhuai thei mahse anih chuan Ab-a leh henu hi an in ngaizawng tihna ani maw? Khati khawp a in dut nasa te chu in ngaizawng anihhih loh chuan thian choh an ni thei lo hrim hrim.




"Baby" ti a Rinhlui min au lung lung ri avang chuan "tunge Baby" chunu bawk chuan ati leh a , Ab-a erawhin "ka nupui duhlai" ati kher anihchu duhlai atih avang chuan ka lawm hman viau a, "i hmangaih loh i nupui maw? Baby-i maw a hming, anihchuan nangpawn Baby iti thin animaw" chunu bawk chuan ati leh duah a ka awm hmunah ka lo ner vak ringawt , zawhna angah em avangin a enthla tu zawk mah ni ila ka lo ning zawk.



"A hming ani miau sia" Ab-an a tih leh chuan "ka va thik ve" ati pek anihchu mi hming ve te han thik reng reng he khawvelah hian keimah lo hi midang tam tak Baby tih hmingpu an awm teuh a, chutia a thik te chuan Baby-i nih pawh chu ava chakawm tawhlo ve.



"Pitar a nih hunah pawh Baby-i ani reng dawn anihchu, a inhmehlo ngawt ang" tiin a nui kar kar reng a, kei erawh ka awmhmun atangin ka lo thinrim ve emem ringawt.



"Baby" Rinhlui bawk ani, ka bo emaw ati amawnle ka ti hial, hemi te hi an kalsawn hma loh chu ka awmna hmun atang hian ka chhuak thei silo a, minti khaihlak vek tawh.



"Kal ang, chaw ei an duh tawh aniang" Ab-an atih chuan chunu chu a kal duhlo nge mawni "kal ang ka tih chu" ati leh deuh nghut a, "mahse i nu leh pa te" a ti dek dek a, "i duh chuan i haw leh thei ang, i thu thu" tiin a kalsan zui nghal daih a, a bialnu lakah chuan inla pa ve tiah tiah(triah) khawp mai.



"Minlo nghak rawh" tiin a um zui leh tho sia, a tir a kal ang atih lai khan a rual khan kal ve mai awm hi ania, inla engemaw vel atum a, a theng a thawngah alo thawk tawp silo a, ka nuihza lutuk chu ka hmui hupin ka nui dir char char a, kal tawh mahse min rinhlelh ka hlauh avangin an kal hnu deuhah ka kal ang.



"Lo chhuak rawh" ka hnung lam ka hawi chuan light engzet ka hmu hmasa ber a, light keng tu hi tunge anih pawh ka hrelo ka hmai ah tak min en tlat a, men pawh ka meng tha hleitheilo "tunge i inih a" ka tih chuan light chu off in "rawn chhuak teh" ati leh a, Ab-a aniin ka hria a, ka ring ngam chiah bawk silo.




"Zo Abraham" ka tih leh chuan phun hlukin light bawk chu a rawn hmet eng leh a, ka mitah bawk min en leh a, meng ngaihna awmlo chu ka lo maimitchhing tawp.



"Lo kal teh le" dam diai a a rawn tih chuan ka meng vat a, Zo Abrahama ngei ani, hetah hian ka awm tih engtin nge a hriat theih zawk, minlo hmu ru reng zawk tihna em ni?



"Enge hetah itih" a bul ka thlen rual chuan a ti a, chhuanlam tur ka ngaihtuah mek laiin "lut ang" ati leh ringawt a, thu tam hi ava han pailo ve chiang tak "englo Ab" ka tih chuan a ding dat a , sawi chhunzawm tur hre map lo a ka biak avang chuan ka in sik ru mawlh mawlh.


"Sawi ta che" ati leh nghut a, mahni lo mah a zâm ve nak alaiin "engmah nilo kal rawh" ka ti ta ringawt a, ani pawh a kal zui ve mai bawk.An thusawi ka ngaithla ani tih a hriat loh hram ka beisei.



In chhung ka luh rualin ka nu in "awiha i tha em? Khawiah nge ilo kal deih a, minti hlauthawng hman alawm" alo ti chul a, kei erawh ka hamhaih hle thung "i tha maw" ka pa in alo tih ve leh lek phei chuan ka bangbo viau tawh "enge awmzia , ka tha lawm" ka tih chuan "i bo emaw kan ti a " Rinhlui'n alo ti ve bawk a, ka tumloh deuhin ka nui chhuak hawk mai, awm anglo lutuk min ru bo te anih loh chuan Aizawl khawpuiah hian ka bo lul lovang.



"Bo lo e, dawrah ka kal lawk a" ka tih chuan "U Ab-a te au tur khan i chhuak sia, chaw ei te kha i sawi nuai bawk sia, ilo let lawk lo bawk nen U Ab-a te anlo let tawh bawk sia" Rinhlui'n inthlahrun hmel deuh tak chuan ati leh a , ka nu leh pa te hi hlauthawng hma chi leh ri hluai chi anni a , Rinhlui pawh hian a kai ve tawh a nih ka ring.



"Dawrah ka kal deih alawm, ka zawng ta lo, ei chak ka nei thut a" ka tih chuan Zo Abraham-a lo nui suk chu ka va hmu hman hram a, store room hnuai a ka biru lai minlo hmuh avang khan ka zak leh viau tawh amah choh hian dawt ka sawi tih a hrethiam anga, bakah an mahni zawng turin ka chhuak tih a hre vek tawh anga, ka zak takzet ani.



"I kalna tur i sawi nilo ah kal deih tawh suh aw, minti hlauthawng hman lutuk" ka nu bawk chuan alo ti leh a, a daml bawk nen a hlauthawng duh ngawt ang a dam that lai pawn hlauthawng reng rengin hun a hmang ania.



"Chaw ei ang u, hei a tlai mai dawn" ka pa in a tih takah chuan chaw ei siam turin choka lam panin Rinhlui ka zui lut a, midang erawh an thutna ngaiah thu in kan siam zawh hun an nghak thung.



"Min tih hlauhthawn zia kha" Choka kan luh rual a Rinhlui'n a tih leh chuan ka lo nuih vak a , nula chu ka ni chiah tawhlo na in nula than kin tawh , darkar em pawh chhuak tlinglo ka bo ang a an ngai chu ka nuih aza letling ani.


"Nui uar uar rawh, U Ab-a pawh iti hlauthawng lutuk alawm" atih leh takah chuan ka nui tawp chiang kher mai "a hlauthawng maw" ka ti deuh ha a, mak ka ti em ani "hlauthawng ang chu mawle, light ala a a rawn zawng nghal che anih kha, nang lah chu dawrah ilo awm daih leh nghal a" atih chuan ka meng kual ralh ralh tawh, dawr a kal ang a ka in sawi vang vek ani.



"Nia, ka zawng leh peihlo thut a" ka ti ta ringawt a, mahse min zawng tur a, Ab-a hlauthawng tak chung a alo kal tih ka hriat chuan ka hlim ru veng veng thei.



"Kan mikhualnu lah saw a inla no si" ati leh a, a eiloh chu a pe na ve viau maithei ani he nau hian " engtin nge a awm a" ka hriat chak ve tho avang chuan ka ti a "U Ab-a zawng tur che a alo kal dawn khan 'i rei angem' tiin hlauh hmel deuh ten a awm vel a" ati leh a, "inla no tihna pawh anih loh chu" ka lo tih chuan "i hmuh ve loh vang anih kha" ati deuh hmak a, ka nui aza ru viau mai.



Chaw ei laiin "Sangzual, helamah i awm leh tawh dawn em ni" tiin ka nu in kan mikhualnu chu a zawt a, Rinhlui nen erawh kan ngawi reng a , kan hawi chhuak pawhin ka hrelo "awm tawh ang , Ab-a te office ah hian hna ka join ve tawh ang ka ring" tiin felfai deuhin alo chhang a, a chhelo a, a mah chu a in rintawk hmel viau bawk.



"Bawiha te office lo ah hna dang a tam lo ami" ka nu in a tih leh chuan ka pa alo khuh kharh kharh a "hna kan thawh reng rengin rim tak a thawh tur ania, ka lawmpui a che" atih chhunzawm a, ka nu erawh a ngawi ta reng mai, engthil emaw diklo deuh chu a awm ani enge a nih erawh ka hrelo thung.



"Bawiha, in nu khan bawngsa hi a hlat lutuk anih kha han suah sak teh" kan ngawih vang vang hnu a ka nu in alo tih leh chuan ka phu deuh zawk a, vawiin chu ka nu hian min thawng deuh reng mai anihhi.



Kan Zo Abrahama lah chuan engmah pawh sawi tawh chuanglo in minlo suah ve mai bawk a , ka nu awm dan mawlh mai chuan ka awm a tih nawmloh tawh sa nak alaiin "bawiha leh Baby-i hi chu khuanu ruat anni chiang ani, Bawngsa an han duh dun dan emem te hi" ati leh a, kan pahnih choh lo pawh hian mizoram chhungah bawngsa duh tam tak an awm a, khuanu ruat anni tihna ani tawp silo, ka nu hian enge maw tum ruk a nei zawk nge mawni.


Ka tih ngaihna hrelo lutuk chu ka nui ta ringawt a, ka nuih erawh a za lo lutuk a ka nuih aza zawk.



"Ab, min thlah hman ang tiraw" thutkhawmna pindan lam a kan thut laiin Sangzuali chuan ati a, chaw eikham hnu khan kan ei na te mintih fel pui se ka ti hauhlo na in a mawi ah "ka lo ti ve dawn mi, enge tih ngai" te han ti se keini chuan "a ngailo e lo va thu rawh" kan ti duai duai awm sia, inla no tawkin Zo Abraham-a bulah a thu ve reng a, pangrem ang mai.



"Ka thlah dawn che nia" a tih rualin ka nu in "aw hello , pi Kimte" alo ti ve chiah a, ka nu anih avangin eng chung changah nge alo phone ang tih ka lo ngaihtuah daih thung.


"Ani maw, ava zialo ve , Baby te nupa maw, aw awm e, anlo kal dawn nia, hei chaw kan eikham tawh a, engmah tih tur annei tawh hleinem" ka nu bawk chuan a ti leh duah a, engthil nge maw thleng ta le" athat chu kan hrilh anga, rawn tlanphei nghal rawh se" tiin phone chu a dah zui a, a thilsawi tur hre chak chuan amah chu ka en reng a, Zo Abraham-a pawh chuti tho.



"Baby-i nu a damlo anihchu , zân in ah va kal rawh u, a na viau anih hmel" ka nu in atih chuan ka nu kha a damlo anih chuan ana viau zel a, a damlo ve mai mai ngailoh avangin a damloh tawh chuan na tak ani thin.Ka ding hluai a "keimah in ka kal thei tho alawm" ka ti a, ka inthlahrung ve deuh ani, in leng kan neih lai alo ni bawk nen bakah inleng satliah nilo in Ab-a bialnu lai te ani ve a, an hun tha tak hi ka nu damloh vang a an chan anih chuan kan Zo Abraham-a hian min ngei leh dawn lutuk tlat ani.



"Bawiha nen kal rawh u, in inneih hnuin vawikhatmah inla leng phei lova, lenna chance ani mai " ka nu bawk chuan a ti leh a, "a ngailo ka kal thei alawm taxi ka la mai ang, ngaihtuahawm emem pawh anilo ang" ka tih leh pawh chuan "a ngailo, bawiha" tiin a fapa chu a en a, awm dan tur ber pawh ka hre thiam tawhlo e a.


"A ngailo tak tak" ka tih leh laiin "han in siam rawh" Ab-a chuan alo ti nghut a, a insiamtu nih pawh a chakawm loh lutuk tlat "a ngailo , hna i ngah thin sia, lo khawih zawk rawh bakah Sangzuali thlah i ngaih kha" ka tih leh chuan hrechhuak thut ni mai awm hian a in ngaihtuah vung vung a, chutah tho thurhin "kan han in siam lawk ang" tiin ka kutah a kai a, kan pindan lam min pan pui nghal a, Sangzuali awm ve reng lai a chutiang a a awm chu keimah zawk hian nuamlo ka ti lutuk ka nu lah chuan "Ka fapa te nupa han in hmeh zia hi" alo ti tel leh kher bawk nen ka nu Kimtei pawh chu damlo hunlo lutuk mai naktuk tlaiah te damloh zawk tur hi ania.




"Keimah in ka kal thei reng ania" pindan kan luh hnu pawh chuan ka la ti leh hram a, hahthlak tih hmel zet a thawhakin" buai viau thin teh suh, Sangzuali kan thlah anga, i nu te in ah chuan kan tlang nghal dawnnia" ati a, han chhan leh ngamna chi a ni tawhlo hrim hrim.



"Anihchuan ka inthlak dawn lo va chhuak rawh" ka tih chuan a nui chhuak ve hawk a, chutah chiang zet a min rawn en in "ka hmu vek tawh zak duh suh" ati anih chu awihawmloh lutuk "i dawheh" ka ti vin hlar a, ani lah chu a nuih aza zual sauh emaw tih mai tur ani "lo va chhuak rawh tak tak in" ka tih leh chuan "ka room anihhi" inla neitu zet chuan ati leh a, chhan pawh ka chhang buai peih tawh lo e a.



Ka thuamhnaw hak tur chu la in room leh lam ah in thlak mai ka tum a, ka chhuak tur chu ka ban ah rawn vuanin "thlamuang deuh khan inthlak rawh minute 2 " ati a, amah zawk chu a chhuak zui nghal a, a tir te khan chhuah ve mai tur ania ngeiawm thiam thei lutuk mai.



Pindan kawngka a rawn kik leh karh karh thin a, a ngeiawm ania minute 2 pawh ala liam lo ang "i ninawm ka zo tep" ka tih chuan a hma ai mah in a kik uar a, chhang lo ila a reh a nimai.


Ka inthlak zawh tawh hnu chuan sofa ah chuan thu in alo luh hun chu ka nghak a, ka inthlak zawh tawh thu ka sawi duh biklo amah choh hi a ngeiawm thiam bik lova, keimah a nupui ngei pawh hi ka duh chuan ngeiawm thiam ve tak ka ni.



Minute 10 dawn aliam hnu chuan "Baby kan tlai ange" arawn ti a, kawngka chu a kik leh karh karh thin kei lahin engmah ka sawi duh bik silo a, mahni té in ka nui ka nui mai.



A hnu deuhah chuan "i va rei" tih pahin kawngka chu a rawn hawng a, "surprise" tiin ka ban ka lo phar a, a tumloh dan lutuk a minlo hmuh avang chuan a nui vei suk a, sawtiang a a nui saw chu keimah pawh hian ka ngaina a, hmuh nuam pawh ka ti.



"Ilo lut har ka ti ang reng lutuk a" ka tih chuan a kut zungpuiin a hmui sir chu a tuai zeuh a, a lai ve hle ni ah ka ngai hmiah.


"Anih chuan minlo ngai ami" tiin min rawn pan hnai a, ani hi ka thusawi ala kawi anih hmel "chutiang lam pawh anilo" ka lo tih chuan "anih englam nge" ati a, ka lo tlanchhiat avangin kan han in um leh rih a "i lo lut har ka tih avang khan ngai kawi suh" tlanchhe pah chuan ka ti a, min man thei bik mai silo chu a ding thut a, "kal ang" tiin a chhuak zui nghal daih a, kei erawh ka lo nui uarh uarh thung ani pawh hi a tukhum choh ka hmu thei a, saw a tukhum phenah sawn a nui ve sak in ka ring.



Ka hah lutuk chu ka thlan hluam a, in hrufai mawlh mawlhin ka chhuak zui ve nghal a, Ab-a ka hmuh mai loh avangin inhnuailam ah a chhuk thla nghal anih ringin hmanhmawh deuhin inhnuai lam pan chuan ka chhuk ve nghal a.



"A rei ve leh tawh" ka nu in alo ti chiah a, chu ve leh Ab-a chuan a phone phawrhin a hmet mial mial a, a bengah dahin a ngaithla reng a, mi phone a tum anih hmel.


Ka va thlen phei ve chuan "khawnge" hmui phunin ka ti a, "a haw a" ka nu bawk chuan hmui phun bawkin alo ti ve a, ka inthlak zawh ve leh khan lo hrilh ila chu Sangzuali kha a haw awm silo a, ava han zialo thin tak a nghak tu tan chuan a ninawm ve dawn em a, bakah a bialpa leh a nupui inthlak lawk tur a kal kha kan rei ta phian si a, a tan chuan thil nuam tak ani hauhlo ang.



"Kal ila" a be theilo nge mawni a hmel chu a dur riauin ka hria, ka nu in zaizir in kal turin minlo ti ve vat bawk a, inthlahrung ru tak chung siin ka zuilo thei bawk silo ka nu lo damlo lo chu nise an in ah te lengin ngaihdam te pawh a dil thei awm si a, an inkar hi keimah vang a a buai anihchuan siam that leh ngei pawh ka tum tur ani.




Motor ah chuan ngawi rengin kan chuang dun a, sawi tur chu vang ve tak ani, a bo hian a bo zo vek a, pakhat lah hi a ngaihtuahna chu hmun dang daih ah a awm tih ka hre reu ve reng bawk si.



Rei ve kan tlan hnuah "ei tur vel kan lei dawn em" arawn ti a, keilah chu alo tawng thut avang chuan "maw" ka lo ti deuh hu a, "thil eng emaw kan ken ve loh chuan " tiin a faifuk leh rat rat lawi si a, a mizia leh a awmdan in thlak danglam thut thut zel hi amak ka ti, hei chen ka dam ve tawh a amah ang hi ka la tawng ngailo.




"Lo awm rawh ka va lei lawk ang" tiin motor atang chuan a chhuk zui a, "nau inei tiraw" atih leh chuan "aw nei ve e" ka lo ti vat a, "engzah nge" atih chuan "pa thum mahse pakhat chiah a awm" ka ti a, naupang lawm lei a tum ve ngei anih hmel.



Minute 5 vel lai ava thang a, a rawn lei hnem leh lutuk chu "enga tan nge itih emem a" ka lo ti a, "tuh chi anni silo a, kan ei mai aniang chu" ati then a, a hlim hmel viau bawk si chu ka hrethiamlo nasa ani.




Ka nu te in kan thlen chuan luh chu ka hreh ru viau a, ka nu damlam tawh vang vek ani ahma te kha chuan ka ngai a, ka nu kha ka engkim ani thin tunah erawh a danglam zo tawh.



In chhung kan luh chuan alo reh thiap a, ka nu te room lam kan pan laiin ka kut ah vuanin min din pui a "ngati nge" amah enreng chung chuan ka ti a "ka luh ve a chi ami" atih chuan ka nui a, "damlo kãn tur a kal kan nihhi a chiloh na a awmlo" tiin amah zawk chu ka kai a, a zâm ve deuh nge maw ni a thaw leh hak thin.




Ka nu te room kan luh chuan an khumah alo mu bâm a, ka chungah sual viau lo se chuan ka duat dawn tehlul nen hian "inlo kal tak tak pawh ka ring lova" min hmuh rual chuan alo ti a, a bulah a fanu a muhil mek bawk.


"Lo thu rawh u Ab" ti a thawh a tum chu a lu a hai deuh nge ni a dawm leh vang vang phawt a, puih ka duh a, mahse ka thei tlatlo.


"Mu rawh, thawh kher a ngailo" ka tih chuan nui chung hian "in vawi khat lo kalna te ania, mu chungin ka lo welcome thei nang che u" ati leh mai a, na lo ang a lan tum viau mahse a na tih ka hrethei a fanu kha ka la ni ve miau alawm.


Show post links
Top

[Ngaia]

9
"I khuasik nge" Ab-an atih chuan "tlang hri leng mai mai anihhi ka la na fal thei lutuk a, a reh ve leh mai ang" alo ti vat a, in entir pawh sawi ila a duh leh dawn chuan loh avangin ka sawi buai peihlo tunlai phei chu rannung seh leh dengue natna a hluar emem a, in enkawl vat loh emaw natna dang lo neih phei chuan a hlauhawmin thihpui te pawh an awm hial ani.



"Naktuk lamah in entir ula, Baby nen pawh kan kalpui thei ang che" atih leh chuan Ab-a chu ka en vat a, a duh leh a amah hian kalpui mai se enge min sawi tel ve ngawt "ka hman reng reng lo" ka lo tih chuan nur nang hian minlo melh a, "thil te i ei thei em" Ab-a zawhna ngah lutuk chu ka nu a ngaihtuah vang nge a sawi tur hrelo lai kual vel pawh ka hrethiam tawhlo e a.



"Ka ei e, ka tha , ngaihtuahawm ka nilo mahse zân in chu riak ve ru aw, i nu bulah pawh khan ka sawi tawh tho a, Baby-i pa a zin lai ani bawk sia" ati ve duah a, a thlaphang ve deuh nge mawni?


"Nia, naktuk Office chawlh ani tho a, tiraw Baby" Ab-an atih chuan ka lu ka lo bu nghat ringawt "ei chak te inei em" a mizia a danglam tak em avang chuan ka nem leh titih tawh a, nu te hi zawng alo huat reng theih bikloh anihhi.



"Nei love, inlo kal a, ka dam sawng sawng mai" tiin a nui deuh var var reng a, a lawm tak tak te pawh aniang a hunlai kha chuan min duatin min hmangaih thin viau a, engtik atang emaw khan nu tawhkhirh takah alo chang a, kan inkar ahla in a kiang a awm ka thlakhlelna a bo a, a bulah anih loh phawt chuan khawilai hmun pawh nuam ka ti thin.




"Bawihi, thingpui lo va lum la, Ab-a nen hian kan lo ti ti dun lawk ang" ka nu in a tih leh chuan "enge sawi itum a " ka lo ti vat a, ka chhan dan avang chuan Ab-an mak atih ka hlauh avangin "rei su" tiin ka chhuahsan zui nghal a, ka duhloh deuh thil alo sawi anih vaih chuan vawi khat mah ka be leh tawh ngai lovang.



An pahnih choh a intur ka lum sak a, a so hma ang reng bawk sia, ti ti na hun anneih loh ka hlauh avangin nghah rih deuh ka duh a, ka nu(Ab-a nu) in minlo call chiah bawk nen chiar ah chuan thu in "aw nu" ka ti nghal thawr a "Baby, in thleng tawh em" arawn ti a, "aw thleng tawh e thingpui ka lum mek a, ka nu leh Ab-a chu room lamah an inbia" ka ti leh chuan thawhuaiin "a that nasat chu in riak dawn ta em" ati leh a, riah tak hi chu ka duh dan nilo mahse Ab-a khan riah a tih hmel ang reng bawk si a, "ka hrelo" ka ti ta ringawt,ka nu chu ngaihtuah ru viau mah ila riahloh theih chuan riahloh hram ka duh ani.



"Riak rawh u, in nupa pawn hun thawl te pawh in mamawh ve alawm" ati leh a, eng hun thawl mah kan mamawh pawhin ka hrelo "nia, enge i an tawh a, i tha tawh ami" ka ti ta daih a, minlo call lai khan zawh tumsa ka ni a, thildang a sawi nghal daih bawk sia zawhna hun pawh a awmlo "tha e, keite chu ngaihtuah ka ngailo hrim hrim tlaiah pawh chaw ka ei teuh kha" ati ve ngei a, ka rinhlelh a hlau lutuk chu ka nuih ati za viau mai.



"Anihchuan a that chu damlo miah suh, i damloh chuan anuamlo"tiin ka rilru diktak ka sawi a, k nu a damloh chuan in chhung a nuamlo tak tak ani " animaw, anihchuan ka damlo tawh lovang" a nui zui kar kar a, nuam a ti viau aniang "iva rei ve" ka hnunglam atangin Ab-an a rawn ti thum dut a, ka phu nasa lutuk ringawt "thawm te rawn nei ve ta che minti phu alawm" ka tih chuan "tunge i biak" tiin ka phone chu rawn lak mai a tum a, kei lah in ka lo phal biklo nasa kan in chuh leh rih a, a tawp a tawpah mipa zawk na na na chuan min chhuhsak ta nge nge a " tun ang zanah" tih pah a ka phone a en chuan a tumloh lutuk ka lo bia nge a ngawi ta reng a, "khawi minlo pe rawh" ka tih chuan rang zet a phone chu min rawn pe in chair awl ah chuan a thu a , ka ngeiawm chhuahin ka phone speaker chu ka on a "aw nu, Ab-an mipa ka bia emaw atia, phone kan in chuh a" ka tih chuan ka nu chu alo nui uar uar a, Ab-a erawh a thu ngawi reng thung.




"Ka fapa hi chu a thikthu te hi a chhe ve teh mai ania" ati leh rualin "naktukah in in be dawn nia" tiin call chu a rawn hmet tawp daih a, "hey" ka lo tih chuan "thingpui kan in duh tawh" ti a in her vut in choka atang chuan a chhuak nghal a, zanin chu a che fuh hleithei thlawt lo a lawmawm reuh bawk si.




Thingpui ka va pek hnuah hna chungchang te sawiin ka nu leh Ab-a chu an in be ta reng a, ka pasal bulah thu in games ka khel a, an inbiak kar lakah ka phone khawih lai chu alo bih leh zuk zuk thin a, ka nuih ati za ru viau mai.



Mut hmain natchhawkna ka ei tir a, a khua la sik chiahlo mahse khawsik vang a a harh ai chuan ei tir mai kha tha ka ti zawk ani hetiang hian ka ti fo thin a, tam takah a chhawk ve viau bawk.



Choka ah thu dun in "kan riak dawn tak tak ami" ka ti a, anih lah chu a lu lo bu nghatin "khawiah nge kan mut dawn ka chau viau ania" alo ti awlsam leh et a, riah a duh tlat hi amak ka ti ani.


"Ka roomah animai" ka ti a, room dang pawh duh ila a dang a awm tawhlo hrim hrim.


Ka room thin lianlo te ah chuan kan in zui lut a, amah alian in a sang bawk nen a hma ai mah in ka room te chu a te zualin ka hria "khum chu ava" atih chuan lo pawt chatin "chhuatah hian mutna ka phah anga ka mu mai ang, i room angin mutna tur sofa a awm ve silo a" ka ti nghal thuai a, mutbu erawh ka nu te room ah daih a awm avangin va lak leh angai dawn ani.



"Ka va la lawk ang lo mu rawh" tiin ka chhuahsan a, ka nu te room lam ka pan lai chuan chhuahlam tur ka ngaihtuah ngial a, khawlum lai alo ni bawk si nen mutbu han lak belh chu min rinhlelh ka hlau bawk si a, a buaithlak takzet.



"I muhil tawh em" room pawn atang chuan ka ti a, "muhil lo e lo lut rawh" rang zet hian alo ti a, a mutthilh kha ka la ringlo reng ani "aw hei, Baby lo kal a lawk aw" tiin phone chu a dah hla a, "enge ni" ka nu in atih chuan "engmah anilo ka phone ka theihnghilh emaw ka tia" ka ti ta ringawt a, mutbu phei chu ka sawi lang ngamlo hrim hrim.



"Ka va hmu lo ve" ka nu in atih leh chuan "choka ah anih ka ring ka va en chhin ange, muhil hma rawh" tiin ka chhuahsan ve leh a, kawngka ka khar rualin ka thaw chhuak ham ham bawk, ka nu laka heti tak a mihrang ang mai a ka awm hi ka in hrethiam biklo.



Ka room a ka luh chuan ka khumah Ab-a alo mu tlawn zar a, min hmuh rual chuan "khawnge " alo ti vat a, "min rinhlelh ka hlau a ka la ngamlo" ka tih chuan "ava buaithlak" ati hluk a, keitak hian ania buaithlak ti chu "anih chuan " ati dek dek a "a teuhlo tah hian ka ding tlaivar mai ang" ka lo ti nghal thuai a, mut dun maw a teuhlo lutuk.




"Anihchuan din tlaivar tui, ka chau riau mai kan muhil ange, light kha lo off mai" tiin a mu tha sauh sauh a, nangmah zawk mu rawh tih te chu khawilam bakah ka khum hi pahnih mutna chi anilo hrim hrim a, ka leng tawk chiah a kan siam anih avangin Ab-a chauh pawh hi ka hmu tawt vek.




Bang kil a ding pah in games bawk chu ka khel a, a har reuh phian bawk nen ka thu ta ringawt a, thu chung pawn a awl phah chuang reng reng lo.


"Hey, lo mu ve rawh" thum dut hian a rawn ti deuh reng a, a chang leh "phone kha hmet eng reng suh a hrehawm" a ti thul, amah hnungchhawn zawng chuan ka thu leh a, "Baby Lalrosang" ka hmingpum meuhin min rawn au a "muhil maimai rawh hlauh tur engmah a awmlo" ka lo ti rualin light a rawn eng a, ka bulah alo ding reng chu niin "khati khan zankhuain i awm thei dawnlo rawn mu rawh engtin mah ka ti dawnlo che" min chhuk en run chung chuan a ti thum dut dut a "a teuhlo nangmah chauh pawn i tawt kha" ka lo tih chuan "kan nupa khum aiin a lian daih zawk" alo ti pek anihchu kan nupa khum a ti kher vang chuan "kal teh" ka lo ti vat a, ka games khelhlai bawk chu ka khelh chhunzawm a, a kal mai dawn emaw ka tih laiin ka phone chu a rawn la thut a, ka banah vuanin khum lam bawk chu min pan pui a "mu rawh , ka lo ding zawk ang" ala ti tlat zui.




Chutia mu tur a min duh na na na chu tiin ka mu a, rawn thu hniamin "muttui aw ka nupui duhlai" tiin ka chalah a rawn fawp thut a, a dinna tur lam a pan mai dawn emaw tih laiin khum chu a hel kual a, khumah chuan rawn in thawlhin min si chet chuan a mu a, nuamlo ka tih avangin ka tawlh phei det a, ka tawlh phei leh anih chuan ka tla ani nghal mai "engtin mah ka ti dawn lo che hlauthawng suh" ti mah se Zabilha ka hrechhuak lo thei silo a, alakah ka inthiamlo ani uire ang mai ah ka in ngai a nuam ka ti thlawt lo bakah ka awm dan hrim hrim hi amak lutuk Zabilha bul a ka awm in Ab-a lakah inthiamloh na ka nei a, Ab-a nen a kan awmdun lah in Zabilha lakah ka inthiam lo a, ka hrethiam lo amak lutuk.




Ka tukhum zawnah a thaw lum ham ham reng a, kei erawh ka thaw tha ngam tawk tawk(trawk) ani, ka tang tung a, hetiang reng reng a awm ai chuan bangkil a va din pawh kha a nawm zawk ka ring.



"Baby" zawi sap hian a rawn ti a, "umm" ka lo tih chuan "hahdam deuhin awm rawh, engtin mah ka ti dawnlo che ka tih kha" ati leh a, ni e, ka ring engtin mah minti lovang mahse keimah hi ka khawr tung(trung) a, awmdan ka thiam chiah lo ani.




"Lo hawi teh" te chu ala ti ta deuh deuh a, ka ngam teuhlo mai "Baby" arawn tih leh pawh chuan thi ang derin ka mu lui tlat a, "i tla ang" tih pah chuan alamah min kuai her a, a ban rawn rawlh pheiin min kham tir a, a kut leh lamin min kuah bawk , ka lu ah a khabe a nghat a, thaw ham ham in "tui deuhin mu rawh" ati leh ringawt a, kei erawh ka mit ka chhing tlat a, thim vek mahse ka meng ngam tawh lo.



Rei fe kan mut hnuah a lum em avang chuan ka thlan hluam tawh a, chutih rualin ka hahdam hle thung hetiang a Ab-a bul a mut hi ka suangtuah ngai lova mahse ka rinai daihin alo nuam anihhi heti hi chuan nupa tak tak te pawh kan ang ve viau alawm le.






Zing ka harh chuan keimah chauhin ka lo mu tawh a, sana ka en chuan dar 7 rik nan minute tam a ngai tawh lo , hmanhmawh deuhin ka tho a, nizan lamah than harh eih pawh ka neihloh avangin ka nu ka ngaihtuah deuh ani, ka tum dan chuan ka than harh apiangin ka va kal ang ka ti ve kha ania bakah kan muttirh te kha chuan ka mutthilh kha ka ringlo hrim hrim zawk a.




Room atang a ka chhuak chiah chu Ab-a nen kan in tawk hlawl a "i muttui em" min hmuh rual a alo tih chuan ka lai ve ringawt nia mawle "tui aniang" ka lo tih chuan "ka bul a mut i zawngchhang loh hram ka beisei" tiin min kal pel a, room ah chuan lut zui in a zai vel rat rat a, a ngeiawm thiam thin ka tih tawh kha.



Ka rin loh deuhin thutkawmna pindan ah ka nu alo thu a, khumah a mu ang chu tih nak alaiin "enge i an tawh a" ka tih chuan min rawn en vat a chutah nui sang hian "i hmuh ang hian ka tha e, lo thu teh" a ti a, sawi duh a nei leh tawh aniang ka pa chung chang a sawi vaih chuan ka in sum tawh miahlo ang.



"Ab-a hi i lakah a tha em" a bul a ka thut rual a a tih chuan "aw" ka lo ti ringawt a , "ava lawmawm ve, a fel dawn tih ka hriat vang a neih tir che ka nia" ati a, min bia pawh a ang lo "i duh em" a ti leh a, a zawhna teh tawp chu a pehhel lo ve kawp mai mahse ka chhang thei tlat lo, aw tiin ka chhang thei lova aih pawh la ti thei chuanglo "nakin ah i la duh ve mai ang" ka ngawih tak rengah chuan ati leh ta ringawt a, han sawi zui vak tur lah chu a vang si "kan haw mai ang, lo damtha zel rawh" tiin ka tho a, amak lutuk ka nu hi hnaih ka tum apiang a ka sawi thiamlo a hla leh tlat thin engtin minti lo mahse keima lam dikloh vang zawk pawh hi ani maithei "chaw te pawh in ei ve ang che , Ab-a khan rawng a bawl vek a, ei lo a haw chi ani nang" atih chuan "a bawl amaw" ka lo ti deuh ha a, an in ah ve lem a thingpui in tur tak ngial pawh a lum ngai si lova rawng a lo bawl thiam reng te chu mak ka ti lutuk ringawt.




"Awww.. A tho hma alawm, damdawiin a min hruai talh a tum a, chaw ei hma ila kan in entir dawnnia atia nihkha" atih leh phei chuan ka nu pasal zawk emaw ka ti hman hial ani, makpa tha ber angin awm mahse nuam ka ti lo "kan pahnih in kan kal dawnnia Ab-a tihbuai kher angai lo" ka tih chuan "in entir hrim hrim kha ka duh hleinem inpa in minti lui talh lo se chu in entir pawh ka tum reng reng hleinem" ati leh a, ava han buaithlak thin tak "anih chuan in pahnih in va kal rawh u" ka ti a, ka nu erawh alo nui ringawt thung.




Chaw kan ei dawn tak si ah chuan room lam bawk chu ka pan leh a, khumah chuan thatchhe zetin ka mu a, Sangzuali ka mitthla ah a rawn lang ngha zawk bawk, nizan lamah an in biak awm ka hre silo a, an tha ta nge ta lo pawh ka hrelo keimah vang a haw ani bawk si a, Ab-a tal hi ka sawipui angai in ka hria vawiin lamah ka nu a in entir pui leh anih chuan Sangzuali lung a awilo zual dawn lutuk tlat ani.




Ab-a sawi pui dawn pawh ni ila han sawi tan dan turah bawk chuan ka buai leh a, ka tawngkam thiamlo lutuk hi chu thawnthu ziah ka ngai ang tih te ania ka hlauh ni.




Zabilha nen kan inbe zuai a, Ab-a ka chung a a that lai ani bawk nen rei pawh ka be ngamlo, a nuamlo ka ti, biak loh tawp lah nuam ka ti bawk silo, ani pawh a in luah ah a awm tawh a, remchang hmasa ber a min hruai tur thu a sawi bawk a, a hlim ve hmel khawp mai, mahse ka nu damloh thu leh a in a kan riah thu erawh ka hrilh duhlo a, a hria anih chuan a rawn kal ve duh mai ka hlau ani.





Youtube movie recap ka en a, en laklawh lai neih hi chuan ka chang ve reng zel mahse an rawn dah regu lo thin lutuk erawh ka thinrim viau a, a then te phei hi chu chhunzawm loh pawh a tam kan lo en laklawh ve thin tawh si a, ka ngei thin tak zet ani.



"Au Baby, chaw kan ei tawh dawn" pindan a rawn luh pah in ka nau in arawn ti a, a tho ve chiah aniang a sam te chu a pheng emem zui "i tho ve chiah ami a" ka lo tih chuan a lu a bu ve nghat a, "cute lutuk mai, school i kal dawn em" ti a ka zawh chuan "a nu a damlo bawk sia" ati ve niah niah a, ka nu damloh vang ai mah chuan a kal peihloh vang zawk anih ka ring a, ka nuih tawp ringawt.




Choka lamah kan in zui phei a, Sofia-i a tawng lang lang a, riak tur bawkin min sawm leh ani mahse tha deuhin kan riah theih tawhloh thu ka hrilh chuan a hrethiam ve mai a, min ngai ve thin tih ka hria a, ka nu avang hian ka nau te ho thleng hian ka be tha duhlo a, û ber nihhi ka tlinlo hle ani.



"Chaw ei tawh ang aw Sofia" Ab-an alo ti ve ngei a, naupang a biak ka vawi khat hmuhna ani, rinai takin Sofia-i lah chuan a ngainat hmel viau a, chaw ei chhung zawng a bia a, ka nu nen kan hau deuh reng a, awmzia erawh a nei teh chiamlo ani.




"Kan kal nghal mai dawn mi" Ab-a chuan ati a, ka nu erawh in "ka tha tawh viau a sin, va haw phawt ula, ka khawsik a rawn awm leh tak leh ka lo hrilh dawn chu nia" ati a, in entir a hreh thin lutuk hian ka thin a tirim ziah "iti leh bawk sia, zingah te khan sawi ve tur che lawm" ka lo ti vat a, Ab-a erawhin "itih tlat chuan mahse minlo hrilh ngei ngei rawh aw" ati ve thung a, ka nu hlim hmel chu hmuh hmaih pawh tum ila a theih loh a makpa in a duat derna hian a ti hlim pawh ani mahna le.


"Kal ang, tikhan amah in a tuar char char anga, a tuar ral leh thak mai ang" ka lo tih leh chuan ka nu chu a nui a, min rawn en in "hahdam deuhin awm rawh, ka dam tawh dawn alawm" ati a, ka lungawi chiahlo bawk nen ka hmui lo ti pawrhin ka hawi sawn nghal hmak a, a na anih chuan sawi mai se, ka tha a ti ve ziah a, a na leh ziah tho sia ka ngei tlat alawm.


"I pa pawh alo thleng tep tawh ang, min ngaihtuah suh u" atih leh chuan "anihchuan kan kal ang" ka lo ti thuai a, khapa kha ka hmu chak hlawl lo ani "au Baby zanah inlo kal leh dawn em" Sofia in atih chuan "kal mai thei, i nu hi lo duat la" ka ti a , a mitmeng ah min la thlahlel hle tih alang a, nizan ah lah a mut hnu ah daih kan va kal bawk si a, a khawngaihthlak reuh ania, "ka duat ziah alawm" alo ti ve ngei a, Ab-a pawh a nui tawp mai.




Ngawi rengin motor ah kan chuang a, kan pahnih chauh a kan awm phei hi chuan sawi tur hi a awm hlawl lo ani "ka ban hi a na riau mai" a rawn ti a, kei lahin eng ah vak ka lo ngailo ka tih nat pawh ni hleilo "lu lian deuhin a delh zankhua a" atih leh chuan alam chu ka hawi vat a, hma lam en chungin alo nui vur vur nia mawle "ka duh vang a delh pawh ka nilo a, nangman min delh tir anihkha" ka lo tih chuan "apawi chuanglo a, ana ka ti mai alawm" tiin min rawn melh zeuh a, ka lo tum bur a hmuh chuan a inthiamlo deuh nge "ka fiamthu anihkha, ka ban i delh khan anuam" ati leh ringawt a, ani pawh hi tawngkam hi chu a thiam vak biklo ani.




"A nawm leh ka kham ziah anga ni mai lawm" ka tih zawh rual chuan ka thusawi chu ka hrechhuak leh nghal a, a lum nghal pup pup thei "i kham ziah duh te chuan i ta vek alawm" tiin a nui leh a, a lawm nge a nui der zawk.



"Ka tawng sual anihkha" thutak deuh a ka tih chuan "tawngsual a awm theilo" alo ti ve nghut a, "awm thei e, entirnan kan sawi tum ni miahlo kan sawi ang te hi kan tawngsual tihna alawm" ka tih leh chuan "sawi tum nilo pui a sawi theihloh" a ti deuh talh a, "a sawi theih" rang zet chuan ka ti a,ani erawhin nui chungin "kal chakna inei em ka hruai ang che" ati ta daih a, ka rilru ah ka pa alo lang vang vang a, he hun hi hun remchang tak ni mahse han sawi tawp chu ka hreh deuh ani.




"Inei chiang sawi tawp rawh" atih leh chuan "englo ania" ka ti ringawt a, ka sawi ang nge sawilo ang tih ka in ngaihtuah mek laiin "eng englo maw" alo ti reuh a, a hriat chak hmel lutuk vang chuan "engmah" tiin amah chu ka nuih vak vak a, ka nuih azat emem nachhan pawh chu sawi dawn ila sawi tur ka hre leh tawp nang mawle.



"I neilo maw" ati leh chuan "diktak a sawi chuan ka nu pasal saw ka pa dik tak ani lova" ka ti a, engtin nge min ngaih ang hrelo mah ila ka pa lak a ka thutiam ka tih hlawhtlin theih nan ka sawi ngei a ngai si ani, ka nu erawh a hmuhsit ka phal lova kan inkar thalo mahse ka nu anih chhung tu tumah in an hmuhsit ka phallo.



"Chuan" alo tih ringawt avang chuan "engtin maw" ka ti deuh ha a, "i pa anilo a engtin" atih leh chuan "mak iti lo ami" ka ti ta ringawt a, mak ati lo lutuk hi kemah zawk hian mak ka ti "ka hre tawh a lawm i sawi tum kha sawi chhunzawm rawh" a tih leh phei chuan mak ti tak ka ni tawh "engtik khan" ka ti vat a, a hria anih si chuan ka pa chungchang min zawt ngai miahlo a, nge min zawt duhlo zawk " kan inneih hma khan, zawhna ka chhang peih tawhlo, sawi chhunzawm rawh" ati leh a, engtin nge a hriat ang, ka nu in a hrilh anih ka ring silo a, hepa hi min chhui ru te hi anilo maw?



"Min chhui ru ani maw" ka tih chuan a nui chhuak hawk a, "chutiang tih nan hun ka neilo" alo tih chuan ka ngei leh viau tawh "sawi zawm la" ati leh tawh thil lah hi a hre chak thin si a "ka pa in ah i remchan hunah chaw ei ila , min sawm ve a" a duh dawn em hrelo mah ila beidan nan tal pawh sawi ve hrim hrim ka duh ka pa lak a ka inthiam ve nan tal pawh "engtikin nge min sawm a" alo ti ta daih a, enge maw a hriat ni "enge i hriat duh nachhan" tiin ka lo zawt let ve thung a, a peihloh chuan ka peihlo te ti tha ve mai se tha tur ania "i zawhna ka chhamg char char che" ati leh ringawt a, chhan loh theih pawh anilo "hmanni deuh khan" ka ti a, nimin ah Zabilha te nen kan inhmu ho tih a hriat vaih chuan ka chhe vek animai.



"Chuti si, i va sawi har si ve" ati leh a, ka ning deuh tawh "awwww.. I ei peihloh chuan sawi mai la, didideidei ti lo khan" ka ti a, ka mood a ti off vek alawm "didideidei ka tih loh kha" alo ti let ve kher a, "iti ka tilo" ka lo tih chuan "itih kha, didideidei ti lo khan iti" alo ti ve leh bawk a, inhnial a thei lutuk hi a amak ka ti zawk "ti lo khan ka ti ringawt alawm, iti ka tih telloh chu" ka ti leh a, min chhan dan tur a hre tawhlo nge "ka tlawm e, ka hman hun ka hrilh dawn che nia" ati a, ka thu hriat tumloh lutuk ka hriat avang chuan ka au chhuak lo choh ani "lal mifelpa" ka tih chuan a nui a, ka mood off pawh a in on leh tawh.




In kan luh rualin ka nu a lo phul leh hlut tawh a, "enge in an, in va mu tha thei maw" atih te chuan nizan a kan mut dan chu rilru ah alo lang nghal a, ka zak ru viau bawk "ka ban ana" tih leh kal a rual a, keimah chauh a hmachhawn tur a min kalsan chu ka ngei tak zet "aww.. Mu tha thei a, anuam khawp mai" Ab-a awmloh hnuah chuan ka ti a, a awm lai a , kan mut that theih thu sawi kha ka duh bik teuhlo.



(Kumthar chibai vek ule.... 2024 zinglam dar 2:30 ari mek a... kohhran lam ah hun ka hman zawh hnu in kan thian 3 in ar te kan han ei ve leh a, ka rawn dah hma theilo ani... Chuan 2024 hian i tan malsawmna kum ni sela, lo hrisel em em ang che, engkimah hausa pawh ni ila hrisel loh chuan engmah hi a nuam thei lo, kei ni pawh chrismass kha damdawiin ah kan hmang a, a khawharthlak takzet ani... Chuan ka bonus chu a, next chapter chhiar nghal tur a awm bawk aw... Hlim deuhin le.. Ka thawnthu ziah ve teh mai ilo chhiar avang hian ka lawm lutuk ania...


Show post links
Top

[Ngaia]

10
"Harsatna a awm em" atih leh chuan ka hrethiam lo deuh a, "engat ti nge" ka lo tih chuan "engmah engmah, i nu chu a tha maw" ati leh daih a, ka nu thusawi tum hi ka man hlawl lo " tha e, ngaihtuah a ngailo, nang i tha zel amaw" ka tih chuan "tawng ring suh i pa ten an hria ang, engtin mah ka awm chhunzawm lo" zâwi té in midang hriat hlau tak chuan ati a, a sawi zawh chuan amah zawk chu a nui vur vur a, eng a hria chu nimaw "ka han in thlak ve lawk ang" ka ti ta ringawt a, ka nu boruak ken hi ka man hlawllo ani.




Pindan ka luh rual a ka thil hmuh avang chuan "enge itih a" ka ti a, Ab-a lah chu alo phu deuh uih leh nghal thil tisual ang mai "i hre mai ang" ati leh ringawt a , "ka bakcheh te kha i ti bil vek ange" ka tih leh takah chuan bakcheh chu a en vang vang a, "puan chehna tur a siam alawm" ati a, a thil tihlai bawk chu a chhunzawm leh a, "heng hi enga tan nge i cheh nawi vek a" abul a kal hnai in ka zawt tha leh a, "ka zo e" ati a, eng a tan tak ti ang maw?



Ka lamah chuan a ban dinglam chu a rawn phar a "enge a " ka lo tih chuan "heng ho hian tawn(trawn) rawh, ana" inla naute deuh te chuan ati vel a , "zan khat lek i ban ka kham ve a, ana iti ania, ka rinai daihin ilo nep" ka ti chu nep nih a duh biklo nge "ka dahsual alawm le, ka nep vang anilo" alo ti nghut a, ka kham sak vang chu ni tho mahse Ab-a hi khamnat ang hi a nei nasa a, nileng a in a a awm chang pawn a ke te hi a khamnat leh ringawt zel a, a taksa chakloh vang anih ka ring.



Ka tuam sak zawh hnu chuan khumah a mu a, "reilo te kan muhil lawk teh ang" ati a, ka chhang zui duh tawhlo a peih chen chen muhil rawh se.



Ka inthlak laiin kan pindan kawngka alo in kik karh karh a, "lawk aw" ka laklawh em avang chuan ka ti a, ka va hawn nak chuan ka nu bawk ani, a nui vur vur bawk sia eng tak chu sawi leh ang maw "i nutei alo kal a, kawr rawn lam atum, i thui sak zo tawh em" atih chuan ka hrechhuak ve leh chiah "ka zai vek tawh a, ka la thui reng reng lo" ka lo ti vat a, "apawilo kawr a ngah lutuk" ti mahse "ka zai vek tawh a, thui chhung a rei lovang ka rawn chhuk ang" ka ti a, "thui sak chuk chuk kher pawh a ngailo" ati leh a, mahse thui ngei ka duh avangin "ka thui dawn, kan inthlak zo lawk ang" ka ti a, mahse ka nu awm dan bawk chuan ka ngaih ati tha leh chiah tawhlo kan pindan chhunglam chu a melh deuh vang vang a , lo luh a chak anih ringin "lo lut la" ka ti a, "a ngailo , ka chhuk dawn i nutei in min nghak alawm, hmanhmawh suh" tih leh kal a rual a, a rilru a awm hi hriat ka chak ani.




Kekawrbul leh t-shirt lian hnelhhnawlh ka ha a, in thui dawn chuan hetiang thuamhnaw hak hi a nuam ber ani.


Ka inthlak zo chu inhnuaiah ka nutei hmu turin ka chhuk a "Baby, be lawk lo che in ka lo kal ringawt a" min hmuh rual chuan alo ti vat a, "a pawilo thui chhung a rei chuanglo a, ilo leng pah ve animai, ka han thui lawk ang" ka tih chuan "a hmanhmawh thlak tut tut chuanglo a sin mawle" ati a, a inthlahrung ve deuhah ka ngai a, engpawh sawi se ka thui dawn tho tho avangin engah vak ka ngailo thung.



Thui chhung tak hi chu ka beirei ngai lova, a zai lai tak hi a buaithlak ber lai anih avangin ka huphurh hranlo bakah design harsa tak anilo bawk nen ka zo har vak dawnlo hrim hrim a, a len chhungin ka zo vek hman ang.



Hla ngai thla pahin ka in thui a, tunlai chu hla nalh tih fal tak ka neilo a, a rem chang apiang ka ngaithla mai thin, duh zawng leh nalh tih zawng ka neih erawh hi chuan ka ngaithla tlut tlut zel.




"Baby ka lo lut law" tih leh rawn luh a rual a, "ka ti buai hle mai che" inthlahrung tak chuan a rawn ti a, min tihbuai loh thu leh nuam ka tih zawk thu ka lo sawi chuan "thingpui te i duh em? Ka lo siam dawn che ami" ati leh a, "aaa.. Angailo, in thlahrung duhsuh" ka ti teh tawp a, a inthlahrung lutuk a keimah zawk hian nuamlo ka ti leh der tawh zawk "ka zo har dawnlo hei, a ban vuah chiah a ngai tawh hrim hrim a, i duh leh minlo nghak la" ka tih chuan phur hmel fe hian "Animaw? I chhohna ala reiloh te reng nen" a bul a chair chu la in ka bul hnaih ah chuan a rawn thu a, ka thil thui lai chu ngun tak hian alo en ve kar a, a chetdan chu a nuihzatthlak letling zawk.



"Ka zo e, han ha chhin teh diklo a awm chuan kan siam tha leh nghal dawnnia" ka tih chuan a phur ve khawp mai, "ava han mawi tak" tiin a thlek vang vang phawt a, a hak dawn lai takin "ka boxer ho kha khawiah nge i dah vek a" tih pahin Ab-a alo lut ve a, ka nutei a hmuh tel ve avang chuan a lai deuh nge "inva tam ve" ati ringawt a, pahnih chiah kan ni sia tam ti a sawi tur kan nilo hrim hrim "drawer pink ah khan ka sawn vek" ka lo tih chuan a khuh kharh kharh a, a thulo a a boxer awmna ka lo sawn chu mak ati deuh pawh ani mahna "ka va en ange" ti a kal mai atum chu "Bawiha , la kal teh suh, ka kawt thar hi ka inhmeh leh hmehloh min han en ve phawt teh" ka nutei'n alo ti a, "awi analh zia hi, a zak te ti a dik thlap mai, ka in hmeh em" tiin kan lam chu a rawn hawi a, ka rinai daihin a inhmeh lehnghal a, a thui tu tan tak hian a nuam thin.




"I inhmeh lutuk a rawng khan a kap hrim hrim che anihkha" ka ti a, Ab-a erawhin "i ngai reng" alo ti nghut a, "awi, ka ngai reng loh hi Baby sawi ang chiahin a rawng hian min kap alawm ka inhmeh tur rawng hi chu ka thlang thiam ania" ati a, a hlim hmel khawp mai "Bawiha, min han en tha leh chhin teh" ati leh a, A fapa hian fak ve se ati anih ka ring "ahh.. Khawnge alo kal hman a" atih chuan Ab-a dinna lam chu ka hawi ve vat a, alo awm tawh reng reng lo, hepa tak hi chu awww!



In hnuaiah kan in zui thla a, "Mami, a nalh asin, a rawng hian min kap a, ka thlang thiam a sin" ati chul a, ka nu lahin "anih kha, i rawng tur dik tak i thlang anihkha, a thui dan zawng zawng nen i inhmeh kher mai" alo ti ve bawk a, an pahnih chuan an in on dun ka ti mai "ka kawr kha ka va ha ve chhin ang aw" ka nu in atih chuan ka nutei chuan "va ha ve chhin teh" alo ti vat a, an pahnih bawk chuan ka nu te room lam an pan dun a, ka nute unau hi an pahnih chauh hian hmeichhia an awm a, an in kawm ngeihin an in duhsak hle tih ka hria a, unau mai nilo thian ang tak tak hian an inkawm nimai hian ka hria





Sofa ah chuan thu in anlo chhuah hun chu ka nghak a , "Rin Official intur chu" tih pah a Ab-a ka bul a lo thu chu ka lo en vat a, "ngati nge ka boxer ilo khawih a" ka mitah tak min rawn en a, "khata dah kha a awlsam zawk alawm i tan pawh" ka lo tih chuan "thildang a awm em" ati reuh a, a rilru hmul lutuk vang chuan a darah ka beng pawp a,hepa hi min chhaih zuk zuk hi a ching thar riau mai "hna khawih tur ineilo ami" ka tih chuan " i nu in alo be tawh che em" ati daih a, ka zawhna te kha chhan hmasak ve awm ania "be lo " ka ti deuh hmuk a, "a tha turah ngai ang, Rin Official" tiin Rinhlui a au nghal lung lung a, Rinhlui lah choka atang a lo chhuah pah in "ka hre reng i ninawm" a rawn ti chhuak a, hemi te pahnih pawh hi ka awm tirh atangin hetiang a innel tak a an inbia hi ka vawikhat hmuhna ani.




"Baby, i duh zawng ani ve ngem ka hrelo" tiin min rawn pe ve a, "enge a " ka lo tih chuan "U Ab-a hian a in thin a, ama pualin ka lo khilai ve ang che" atih leh chuan Ab-a chu ka en vat a, ani erawh kan thilsawi chu hrelo ang mai in a awm thung



Ka rinai takin alo tui phian leh nghal a, khawlum nen a in hmeh phian mai "avan tui ve , enge a hming" ka tih chuan "Baby" ati ringawt a, "enge " ka lo tih chuan min rawn en vat a, "Baby" ati leh a, "enge i â mi" ka tih chuan "nilo, a hming chu Baby" ati leh a, ava han awihawm loh lulai tak e aw "fiamthu reng suh" ka ti a, ani erawh a nui suk duh chauh "ka duh zawng tak ani" ka nu te pahnih chu an room atang a rawn chhuah pah chuan an rawn la ti a, puan an bih a, pheikhawk thlengin an bun vek a, an ti mah mah deuh chuan ka hria ani , Ab-an a hmuh chuan a thil in lai chu a hak a, a khuh nghal bawrh bawrh mai



"In inkhawm dawn ami" ati a, ka nu te erawh chuan "nang chu lo in rawlh suh, engmah i hrethiam ve lo" an lo ti a, "Baby, ka puan bih lai nen hian a in rem viau lo maw" ka nutei chuan inhmeh intih hmel deuh tak chuan ati a "aww.. A inhmeh khawp mai, i thlang thiam riau mai" ka tih chuan "tun sunday chu i puan hi ka bih dawn ania" ka nu bulah chuan ati nghal a, ka nu in "i rawn dah leh vat dawn te chuan" alo ti ve bawk a, an pahnih chauh pawh chuah an hlim lutuk a, tihbuai chi anni pawh in ka hrelo.




Ka nutei a haw meuh chuan tlai rawngbawl a hun leh der tawh ti ila Rinhlui chuan a bawl tan na a rei leh tawh inkhawm zan ah hi chuan kan bawl hma thin viau ani.



"Enge siam hmabak" ka tih chuan "vawiin tlai chu ka lo awl ang che" ati leh tawh a, engmah tilo a tlai chaw ei hun nghah tawp chu ka peih bik chiahlo ani "enge maw tal ka ti duh ka ning ve deuh alawm" ka tih takah chuan "hmarcha kha lo rawt mai rawh" bai chawh mawlh mawlh pah chuan ati a, hmarcha rawt tur chu la chhuakin ka thian mawlh mawlh a, "enteh Rinhlu, mi mak tih tur reng reng in zanin chu va inkhawm ve ila" ka ti a, in a awm reng chu tih tur avang thin si a, inkhawm ila a zia deuh ka ring ani "i peih ami" atih chuan "i peih zawk em" ka ti ve vat a "aaa.. I peih te chuan peih tho e" atih leh chuan ka nui a, "anihchuan inkhawm ang aw" ka ti a, "kan inkhawm anga animai lawm" tiin a nui har har a, ani pawh in a awm reng a ning ve deuh aniang a chhuak ngai bawk silo a.





Chaw ei na thleng ka sil zawh ve leh pindan lamah ka chho a, ka insiam mawlh mawlh laiin Ab-a a rawn lut a, ka in chei lai min hmuh chuan "kalna tur inei ami" a rawn ti a, "aw.. Rinhlui nen kan inkhawm dawn" ka tih chuan "i damtha maw" alo ti teh daih a, "ka damthat vang alawm inkhawm ka tum" ka tih leh chuan "nidang ah i inkhawm ngai silo a " ati a, sofa ah chuan thu in ka in chei lai chu ngun thluk zet hian min en a, "i inchei chuan i chhelo ve tep anihkha" atih kher avang chuan ka in veng hmanlo "i bialnu pawh kha a hmaiphih se a chhe ve tho ang" ka ti pek anih chu mahse "tunge ka bialnu" ati thum dut ringawt a, a thinrim ka rin tehlul nen "Sangzuali" ka tih chuan "nope" ati leh ringawt a, a sawi tum pawh ka hrelo e a.



Ka inthlakna tur chu la in bathroom ah ka lut a, ka inthlak zo ka va chhuak chu a in thuam dan avang chuan "khawiah nge i kal dawn" ka ti a, min en vung vung chungin "nangpawh" ati a, nichin lawk khan ka kalna tur te chu ka hrilh chiang viau sia ka inchei dan atang te hian hriatthiam ve mai awm "i hre reng" tiin ka kal pel a, a nui tih ka mit sir in ka hmu hman hram




Inhnuai ka chhuk chuan Rinhlui ka au a, "ka pi te rualin kan kal mai dawn mi" thutkhawmna pindan lam atang chuan arawn ti a, va pan hnaiin "i tih dan dan animai" tiin a bulah chuan ka thu a, "an va in siam rei reuh ve"ka ti a, nidangah te chuan an kal a hun daih tawh an in siam rei ngai lova bakah ka pa hi tlai hlau chi anih avangin dar a rik rual hian an kal nghal mai zel " nia, an kal tawh zawk nge mawnle" ati reuh a, "enge awmzia" ka tih chuan "an kal tawh aniang a" ati leh a, henu hi an kal tawh leh tawhloh hre lo in minlo nghahpui char char anih hmel" ka va en chhin ang" tih leh thawh ka rual a, ka nu te room ka va hawn chuan tumah an lo awm reng reng lo kan Lalrinhlui thin tak hi chu awww!




"An kal daih tawh lawm" ka tih chuan "ka ring rengah " amah zawk chuan alo ti a, huiham a ngaihna awm hlawl lo "kal ang kan tlai vek tawh alawm a zahthlak" ka tih chuan a thutna atang a tho in "an kal lai ka hre miahlo" alo la ti hram a, a room ah a insiam daih a, an kal lai chu a hrelo tawp ang.



Dar nawn rik hma chuan Biakin kan thleng hman hram a, dar nawn hman se chuan ka haw leh ngei ngei ang


Thusawi tu in a sawi tan dawn chiah ti ah "u Ab-a saw" Rinhlui'n a rawn ti ru ser ser a, "engmaw" ti a mipa lam ka va hawi chu alo thu ve vuah chu niin eng a hria chu nimaw "a tho â mawnle" ka tih chuan "anih ka ring" alo ti ve bawk a, mak ti deuh chuan Ab-a chu ka en leh thin a kalna tur ka zawh lai khan sawi tha mai se tha tur ania.




Inkhawm ban chuan min chibai tu an awm ve reng a, a inkhawm khat thlak lutuk a a zahthlak lam mah ani "Ab-a nupui kha tiraw inih" min ti tawk lah bo lo, mahse in chhuang takin "aw ni e" ka lo ti ve zel bawk a, Ab-a hi an ngaisang tih ka hre ve tlat ani.



"In hman tawh em" Rinhlui thiante ho nen a kan inbiak lai chuan Ab-an a rawn ti a, Rinhlui chuan min rawn en rang khawp mai keipawh chuti tho "aww.. Hman e" ka tih chuan "kal dawn mi" ati leh a, a awmdan vel chu pasal tak tak pawh a ang alawm le "kan kal mai ang, rawn thui tir ve ngei ngei ru" Rinhlui chuan ala ti hram a, thahnem a ngai lutuk chu kan nui tawp ringawt



"In kal dawn ami" tiin a thiante chuan minlo be leh a, "kal mai ang" Ab-an alo tih chuan "thingpui in tur pawn min sawm duh silo" an ti ve niah niah a, ka tawng hun takah ngaiin "lo in rawh u, a khawhar thlak thei lutuk a, lo leng ru" ka lo ti ve vat a, mahse kan Zo Abraham-a erawh chuan "len len angailo, thingpui te chu an in ah pawh an in ve thei reng" alo ti pek anihchu a thiante lah chu anlo nui mai mai thung a, an in pawh ve hle te pawh ani mahna



"Thil kan lei lawk ang minlo nghak lawk" tih leh dawr a luh ka rual a, waiwai bawl tur vel ka lei nual a, ka ei khat riau a tunlai chu ka ei chak ve riau ani.


Dawr atang a ka chhuah leh hnu chuan Ab-a chu a kal nul nul a, Rinhlui nen chuan kan in melh deuh chhen tawh "Ab" ka tih chuan ding in a rawn leh hawi thuai a "khawnge motor" ka ti ta ringawt a, ani hi ke a arawn kal chu ka ring chiah silo a, a rawn kal anih chuan a mak viau ang "ka keng hleinem" ati ta reuh a, "ke in ilo kal maw" ka tih chuan "kal nang" ati leh ang lawi a, a biak tlak leh vak dawn a ka hriat loh avangin engmah ka sawi zawm peih tawhlo.



Kan pathum chuan kan haw ho a, Rinhlui'n a tleirawl chhuah at lai a bialpa aneih thin lai vel a sawi a, kan hlimpui phian mai Ab-a pawh a nui ve suk suk reng a, za tak a kan nuih uarh uarh ang a a nui hi ka la hmu ngailo a, a nuih suk suk tawh hi chuan aza ve hle ah ka ngai.



Kawng a kan tawh te lah chuan "innu chu mi" an tih loh leh "i nau ami" anlo ti thin a, i nau ami an tih chang phei chuan "ni mai mai lo, ka nupui" ati ve ngei zel a, Rinhlui nen kan lo nui dir char char zel



Kan inkar boruak atha , a nuam a, hetiang reng hi nise ka ti chutih rualin Zabilha ka ngaihtuah chhuak lo thei thin silo a, nuamlo tih chang ka ngah thin ka sawi tawh ang khan Ab-a nen a in ngeih taka kan awm hian nuam viau thin mahse Zabilha lakah ka inthiamlo a, Zabilha bul a ka awmin Ab-a lak ah ka inthiamlo leh tlat thin bawk a, helai tak hi ka hrethiam lo a, an pahnih a ka ven thawn vang mai mai anih ka ring thin a chhan chu pakhat hei leh chen ka lo zui tawh ka bialpa ani a, pakhat lah ka pasal, a hming chauh a ka pasal ni mahse ka tan a tha a, a fel a, hengte avang hian anih ka ring amah ka venthawn thin.



Zabilha chung chang a sawi ngai tawh lova , ka then thei dawnlo tih a hriat chian em vang zawk pawh anih mahna! Ka chungah a tha tluang zel a, min ngaihsakna a ti lang fo a, Zan chhuah zeuh zeuh chang ala nei tih loh ah chuan kan tha rih ani, a zan chhuah chhan te hi hriat ka chak a, vawi khat phei chu Rinhlui nen zui ruk kan tum a, taxi pawh tlailam ah kan be fel vek tawh a, mahse thui pawh kan zui hma in min man chhuak a, amah pawh chu leng ta biklo in Rinhlui nen chuan min hruai haw a, hruai haw han ti ila min len kual pui phawt a, restaurant ah te thil min ei pui a, hmeichhe pahnih chuan nuam kan ti viau a, Ab-a erawh a ngawi reng a, kan hlimna tur in a che mai thin.




Thla ruk lai chu he in ah hian awm in Abraham Zodinsanga nupui ka lo ni ve reng tawh a, tun atang a thla ruk a ral leh meuh chuan he in a ka nihna zawng zawng hlip in ka bungrua nen ka la chhuahsan dawn ani, a tir kha chuan kum khat chhung kha a rei ka ti a, tunah erawh chuan hun hi a kal chak mah mah in ka hre tawh.



U Mapui (Ab-a û) te pawh anlo haw tawh a, an dam that theih loh avangin an cham rei phah a, tun ah pawh hian lo haw tawh mahse an la in enkawl reng a, ka theih ang tawk in puih ve ka duh avangin ka leng phei deuh reng thin , Ab-a office bangin minlo lam leh mai zel ani, an buai deuh chang phei chuan riah chang te ka nei fo a, an mut that lohna a rei tawh a, zan khat ka riah avang a an mut that theih dawn chuan riah pui ka hnial ngailo U Mapui hi a fel em a, kan chung a tha te chungah chuan theihtawp a that chhuah ka duh thin.






Jordan-a zawk hi buaipui ala ngai ber a, ala naupan deuh bik vang te pawh aniang, rinai takin min ngaina a, Jordan-a tal ka lo lakchhawk ve theih khan U Mapui tan chuan a hlu ve lutuk a, Vawiin pawh va len phei a, chawhnu lamah Zabilha inluah lam a kal ka rilruk bawk nen zingah in suk ngai zawng zawng ka su a, thil tul dang tih tur vak a awm hranlo bawk nen thlamuang deuhin ka leng ve thei ang.





Ab-a rualin ka kal a, ka kal duh chang chuan tihian min thlah kawi mai zel a, haw hma ka duh changin ka lo va haw hmasa a, chuti anih loh chuan min lo lam leh thin ka tih tawh kha "Jordan-a chu a harh si" Motor khalh reng chung chuan ati ringawt a, a harh ve lah tak a, a awm mai mai theilo hi kan buaina ber pawh ani "a damtha tihna alawm" ka lo tih chuan "nia" ati ve leh mai a, ka phei ve deuh reng bawk sia, Jordan-a alo harh bawk nen a inthlahrung ve deuh pawh ani mai thei "nileng a in a awm ai chuan nuam ka ti zawk alawm" ka ti a, ka tih zawk tak tak bawk naupang hi ka lawm a, rinai tak hian naupang pawh hian min ngaina ve leh mai zel "a that chu" ati leh ringawt a, a lawmthu sawina ah ka ngaih sak hmiah.





"Tlaiah lam i ngaih chuan minlo hrilh hma la" Motor din rual chuan ati a, " ngailo ang, ka haw hma ka ring" ka tih mai loh chuan Zabilha hmuh ka tum thu ka sawi lang ngam reng reng lo "okay... " tih leh tlanchhuah a rual a, a tlai ka lo hlauhpui ve emem ringawt tuk dang aiin kan tlai tlat a, Ab-a lah hna tlai hlau emem ani bawk si a, min thlahlo mai tur a ka tih lah in a duh bik tlat lo a, a tlai phah leh ama thiamloh ani tawh mai.




In chhung ka luh rualin Jordan-a ka lam panin alo tlan nghal a, a pitei tur ka nih avangin pipi min tih teh deuh tlat a tunah pawh "Pipi" atih leh chul tawh hi "engmah ka lo hawnlo che ania aw, ka theihnghilh daih a" tiin ka fiam a, thil in hawn te hi nuam ati thin khawp mai a, a lawmthiam thin ania "nang chu i sual e" ati ve niah niah a, thil ka hawn alo beisei bawk nen a tum ve bar mai "khawnge a û te an awm " tiin ka pawm a, la tum deuh bar chung hian "room ah" ati a, a putea a ang khawp mai




"Ilo thleng tawh maw, ka van lawm tak" U Mapuii'n min hmuh rual chuan alo ti ve bawk a, "nizan in mu thei em" ka tih chuan "nizan tak chu kan mu tha khawp mai" zang vah hian ati a, amah pawh nidang aiin a hmel hmuh te pawh a nuam deuhin ka hria "ava lawmawm ve , vawiin chu ka nileng hmanlo kalna tur ka nei a, ka lo tlawh zuai che u" ka tih chuan "min ngaihtuah lutuk anihkha, rawn kal kher angaihloh nen i tih tur thulh phah khawp chuan lo kal a ngailo a sin" ati a, a inthlahrun hmel hle bawk "a hmanhmawh thlak chuang loh a, bakah nikhat lek hmuh loh pawh hi a hrehawm" tiin Jordan-a biangah chuan ka piai a, an in a ka kal tawh hi chuan min si reng a, min sik loh chuan nilengin a harh thin.




"Nizan chu i bul a kal a ngen tlat a" nui var var chung chuan ati a, "minlo hrilh lo anih chu" ka tih chuan "a reh ve leh mai ka ring a, a sawi ta reng sia, a pâ nen khan an in pawm chhuak a, an va in thlem aniang, anlo luh leh chuan a muhil tawh" ati a, a fapa chung chang sawi hi chu nuam ati thin ania "e taka, Baby, naupai lam hi in la ngaihtuahlo hrim hrim nge harsatna a awm zawk" atih chuan ka chil ka hak hman thelh ani "aaa.. Ka hrelo" ka ti ringawt a, ka hrelo ti a chhan pawh chu ka duhdan pawh a ni biklo "Doctor in pan tawh em" atih chuan ka lu ka lo thing vat a, "pan ula tha ka van ti ve" atih leh chuan "Kan la pan ang, tunah rih chuan kan inneih dan lah kha ani teh thut bawk sia, kan nupa a in hriatchianna hun tak ngial pawh kan nei hman ta silo a, nghah rih deuh pawh hi pawi ka ti chiahlo a" ka ti a, a mit ah pawh ka en ngamlo "a dik ve reng, kei chu ni ila ka thei kher lo ang mahse Baby, ka nau hi chuan a duh takzet che in ka hria" ati a, a thusawi awihawm loh lutuk vang nge ka rinloh lutuk vang zawk "a teuhlo lutuk" ka ti chhuak thut a.




(Ilo chhiar avangin ka lawm e 🥰)kumthar chibai ...


Show post links
Top

[Ngaia]

11
U mapui lah chuan mak tih hmel deuh tak a min en chung hian "ngati maw? Nang chuan i hrethiamlo aniang mahse hei chen ka lo chen pui tawh ka nau awm dan atang hian ka hria alawm" ati leh a, rin tur nge rin loh tur pawh ka hrethiam tawhlo keimah chuan Abraham Zodinsanga hian min duhlo min duhna chhan tur aneilo tihhi ka hre chiang hle a ani mai "Baby, nangin i duh ve tawh reng reng em? Englo ania, i tan chuan a harsa ngawt ang tih chu ka hria a, amah hi duhna tlem te tal inei ve em" he zawhna hi engtin nge ka chhan ang, ka duh pawh a ka hriat loh hi ka duhlo tiin ka chhang thei lo a, chutiang bawkin ka duh tiin ka chhang thei chuang bawk si lo "ka hrelo" ka chhan hun a nghah reng avang chuan ka ti a, ni e , ka hrelo tak tak alawm "duh ve deuh anih chu" tiin a nui zui kar kar a, ka hrelo ti a ka chhan avang a duh ve deuh a min ngai chu mak ka ti "ngati nge" ka ti leh ta ringawt a, "aww.. I hre miaulo a, i hriat loh chuan i duh tihna animai lawm" ala ti ta deuh deuh a, ka awm a ti nuamlo zo vek dawn a ka hriat avangin "Bathroom -ah ka va kal lawk ang" tiin ka chhuahsan a, kei hian Abraham-a hi ka duh amaw?





Bathroom darthlalangah chuan in en in U Mapui thusawi bawk chu ka bengah a ri nawn chhen a, thil theih anilo Zodinsanga hian min duh lo a, keipawn ka duhlo chu chu kan inkar dik tak chu ani, tun atang a thla 6 aliam leh hunah kan in then anga, kan kawng tur ve ve lam pan in kan kal tawh ang.


Jordan-a ka bual fai a, ei tur ka pek zawh hnuah ka ti mu leh a, a mutthilh lai a ka kalsan loh chuan min ngen leh anga, a tap hi hmuh a hrehawm thin si a, "ka kal tawh mai ang" tiin U Mapui chu ka en a, minlo hui zeuhin room atang chuan kan chhuak a , sitting room kan thlen chuan "Baby, ka lawm lutuk ania aw, ka inthiamlo tho bawk si" ati a, "U Mapui, ka tih ve theih tawk anihhi inthlahrung reng reng suh i nau neihchhun nupui ka nia i duh hun hunah minlo be thin dawnnia in thlahrung reng reng suh" ka tih leh takah chuan a nui var var a, ka hun tlem tê la neih te hi a tha thei ang ber a hman ka duh ani.




Taxi la in Zabilha inluah lam ka pan a, in ah a awm dawn tho avangin ka kal tur pawh ka hrilh lawk lo a, nizan lamah a damloh thu a sawi avangin kawng lakah chuan ei tur te ka lei sak ve nual bawk.


Zabilha te veng kan thlen hma deuhin hmeichhei pakhat hian ka chuanna taxi chu alo phar a, driver chuan "min hmang a" chunu zawn a din det pah chuan ati a, taxi avan hmel si a, thutna tur ala tam tho avangin "khawi vengah nge i kal dawn" ka lo ti ve vat a, driver pa hi a in thlahrung deuh anih ka ring a kal duhna a sawi chuan "ka kal na tur tho alawm lo lut ve rawh" ka lo ti vat a, nui var var chung hian a rawn lut a, a hnungah ka thut avangin ani pawh ka bulah alo thu a, min en in "ka lawm lutuk , taxi hi avang thei lutuk a, ka hmanhmawh tawh bawk si" ati a, ala nuih reng avang chuan a lawm hle ah ka ngai


"Anih chu , enge itih dawn reng reng a" ti a ka zawh chuan "ka bialpa mawle, a damlo a, ka va awm lawk ange" tiin a nui har har a, kan thil tih tum a in an em avang chuan keipawh chu ka nui ta ringawt.




"Kha tah khan ka lo chhuk ang" ka chuan pui nu in atih chuan "keipawh ka chhuk dawn lawm" ka lo ti vat a, pawisa ka pek fel lai chuan "ka kalsan mai ang che, ka lawm lutuk ania" arawn ti leh a,a hmanhmawh hmel bawk sia "awle, anih aw" tih pahin pawisa kir chu ka la a, ka chhiar leh phawt a, cheng 50 lai a min kir tam avangin ka pe let leh a, taxi driver pa pawh a lawm hmel khawp mai.




Zabilha in luah lam pan chuan ka kal a, a inluah lai hi chhawng thum ani a, chhawng khat hi pa hnih zel a luah theihin an siam thung a, Zabilha luahlai bul chiah pawh hi mipa pakhat hian a luah ve a, Zabilha sawi dan in doctor ati in ka hria



Chhawng hnihna a a awm avangin step ah chuan ka chho a, call ka tum zet a, ka bawr em avangin ka call duh ta lo, a lo muhil anih pawn ka nghak mai ang.




Step ka rap leh tur chiah chu phone hi alo awm a, midangin an thlauh anih ka ring phone tihbo hi chu a pawi duh em avangin kawl ila , nakinah anlo phone hunah ka pe let leh ang ti a chhar ka tum chu "ka phone anih kha" hmeichhe aw hian a rawn ti tuarh a, ka hawichhuah chuan taxi a ka chuanpuinu bawk kha alo ni "ehe nangmah leh bawk" tiin a nui leh sang tawh a "ka thlauh tih ka hre chiah alawm" a phone chhar pah chuan ati a, "i bialpa chu alo awm em" ti a ka zawh chuan " kan la inhmu lo, ka phone ka zawng phawt a, ka che buai vek alawm, ka lawm lutuk aw" tiin a kal zui leh nghal a, hmeichhe harh vang ve tak chu anih dawn kha kei ang lo takin




Zabilha kawngka bulah chuan khanu bawk kha alo awm leh a, phone hmangin "lo chhuak phawt rawh, min kuah hma chu ka lut theilo tih i hriat kha" ati a, mak tihna hlirin ka khat tawh sawnu bialpa chu Zabilha hi maw? A awihawm loh lutuk thil ni thei anilo hrim hrim mahse ka beisei loh leh ka rin phak miah loh in Zabilha chu arawn chhuak a, khanu khan lo kuah nghal vatin a hmui ah a fawp zeuh bawk , engthil nge ka hmuh hi, a bialpa damlo mek chu Zabilha hi maw lo ni a.



Zabilha chuan min kuah dan thin in nghet takin a kuah a, an mahni thlir chuan che lo in ka ding reng bawk, min phatsan duh hi ka ring ngailo a, ka ring phallo hrim hrim , ka na em ka hrelo a, mak erawh ka ti ani.


Ka hamhaih a, tih ber tur ka hrelo a, awm dan tur ka thiam heklo , kalsawn tur pawhin chakna ka neilo a, ka mitsulh nimai hian ka hria , ka thil khai lai ka thlauh a, chu ve leh ka hma a mi te pahnih chu rawn hawiin Zabilha'n min hmuh rual chuan mak ati tih ka hre thei ka lam pan a rawn kal mai atum chu ka kut lo phar in "ka tha e, puih ka ngailo" ka lo ti vat a, ka thil thlauh chu ka chhar a, taxi a ka chhuanpuinu chu rawn kal in "thiannu nangmah leh bawk maw, kan va in tawng zing ve, i kalna tur chu helai hi mi" tiin ka bul mai a kawngka chu a kawk va a "aw.. A muhil aniag, ka kal mai ang" ti a kal mai ka tum chu "helai thleng ilo thleng tawh a, let leh daih te chu a" tih leh kawngka kik a rual a, a chum bur bur a, dan ngaihna ka hrelo a bulah chuan ka ding mawl tawp




Kawngka a chum rik bur bur takah chuan a chhung ami chuan a rawn hawng ta nge nge a, "i muhil a, a kai tho ngamlo che a" chunu bawk chuan ati leh a, kei erawh ka hawichhuak ngam lo hrim hrim "ibialpa nge i thianpa" ka bengbulah rawn ti mahse a tawng rin em avangin kawngpui a kal mek te pawhin an hre thei ang chu mawle "lo kal ka tum a, ka call i chhang thei silo a" ka zahtheihloh na zawng zawng sawm khawmin ka ti ta ringawt a, kan hma a ding mek mipa chuan mak tih hmel deuh tak a min en chungin "animaw" ati ringawt a, Zabilha kan lam panin alo kal tawh bawk si "lut ang" ti a ka lut tur chu "baby" arawn tih avangin ka ding dat a, mahse "aw, ka lo kal" khanu bawk khan ati leh a,engvang a lo ding leh kher kher nge ka nih



Inchhungah chuan lutin "kawngka kha i kalh thei angem" ka ti zui a, Zabilha alo kal ka hlau ani , engmah sawilo chuan kawngka chu a kalh ve mai bawk a, thutthlengah chuan thu in ka thin zawn chu ka dawm vang vang a, hetiang reng reng a ka thin a phut nasat hi ka la hre ngailo



He khawvel mi zawng zawng hian min phatsan in min ensan vek mahse Zabilha chuan min kalsan ve ngailo ang ka lo ti thin a, engtiang a rei pawh min nghah theih thu sawi tu khan min phatsan leh si a, nat tur nge nuih tur ka hrelo ani.




"I tha em" in nei tupa in atih chuan "ka hrelo" tiin ka lo chhang a, ni e, ka that leh that loh hi ka hrelo reng ani "i tha lo anihkha" in nei tupa bawk chuan lo ti leh in "puih theihna che ka neih chuan i sawi dawnnia" ati leh a, ka lu ka lo bu nghat ringawt




Ka hma zawnah chuan ngawi rengin a thu a, engmah a sawilo a, ka awmdan chu min en reng a, mi pangngai tan chuan ka thil tawn mek hi chu a hriatthiam mai ka rin avang a engmah sawilo ka ni, sawi atan pawh a zahthlak alawm le.



"Tui i duh em" atih rual deuh thaw in kawngka chu a rawn in chum leh bur bur a, Zabilha anih avang chuan "hawng suh" ka lo ti vat bawk , ka hmingin min au a, kawngka bawk chu a chum bur bur reng a,hawnsak hma chu a tih reng dawn avangin ka thutna atang chuan ka tho a, ka va hawn sak rual chuan a rawn lut nghal a




Ka dar tawn tawnah vuanin "Baby, ka tihpalh, i hmuh ang kha engmah anilo ania" ati a, a mangan hmel takzet ani, mahse ka mit a ka hmuh te kha thil tak tak ani a, lemchang an ang tlat lo ani "min thlah teh ana ania" ka tih chuan min thlah ve mai bawk


"Baby, inbia ang" atih leh chuan "haw ka duh" ka lo ti ringawt a, haw a khum a mut a, mutthilh daih ka duh ani, ka chau lutuk "ka thlah ang che aw" ati leh a, a mitah en in "awle" ka ti a, mak ati deuh nge "tak tak maw, ka lawm e, chahbi ka va la lawk ang minlo nghak rawh aw" atih chuan "awle" ka lo ti leh vat a, "lo awm ngei ngei rawh, khawiah mah lo kal sawn suh" ti a hmanhmawh deuh a a thlanchhuah rual chuan "ka kal dawn ania, ka lawm e aw" inneitupa bulah chuan ka ti a, "tunah maw" alo tih chuan "umm, min rawn hmuh hma in ka kal dwwn, nakinah ka la rul let ang che" ti a ka tlanchhuak tur chu "scooty i khalh thiam em" a zawhna chu ava han hunlo tak hmanhmawh tawh nak alaiin "thiam e enge" ka tih chuan enge maw hi a rawn vawm phei a, ka en chuan chahbi alo ni "i ke kha chuan a rawn um phak vat ang che, Ntorq sen dawr bulah khan ka dah" ati leh a, "kal ta che , a rawn let tep ang" ka en reng avang chuan ati leh a, "ka rul leh ngei ngei ngei ang che" tih leh tlanchhuah ka rual a



A sawi ang ngeiin dawr bulah chuan Ntorq sen chu alo awm ngei a, mahse khalh ta lo chuan a bul a step ah chuan ka tlan thla ta zawk a, khawi lam zawk zawk pawh pan ila ka kalna lam zawkah khan alo kal ve a min rawn um phak leh si chuan a pawi dawn emai helai step ah hian ka chhuk ang tih a ring phak lovang a chhan chu step kal ka nin zia hre chiang ber tu ani tlat ani.




Step thui takah chuan ka tlan thla zel a, khawilai vengah nge ka chhuah dawn ka hrelo a, Aizawl khawpui chhungah hian bo mah ila ka hming ka hriat chhung chuan ka bo rei hauhlo ang.




Kawngpui ka thlen chuan ka hah lutuk chu ka thaw a chham lek lek ani, thawk kalak te te hnuah ka vei lampang kawng pan chuan ka kal leh a, ka pheikawk bun avang chuan ka ke lah chu a na deuh ngut ngut a, taxi phar dawnin a vang mai si a, scooty a rawn tlan zeuh zeuh tih mai loh chu lirthei rawn tlan pawh a awmlo



Thui fe ka kal hnuah thlanmual ka thleng a,school naupang anlo awm a, an tlanbo anih ka ring min hmuh rual chuan an hnunglam ah an kut an dah sap sap hlawm a, enge maw tih ruk chu annei chiang ani.



Ka kal leh zel hnuah kawngpui bawk ka pawh leh a, chhuk zawng zelin ka kal chhunzawm a, chho zawng phei chuan ka kal thei tawhlo khapa in ah lah khan ka bag leh ka phone ka theihnghilh daih a, a scootu chahbi zawng chu ka ken animai, hman tangkaina tur lah chu avang emem mai lehnghal a



Thui fe ka kal hnuah Ebenezer hospital ka pawh thla a,a kawt velah chuan mi anlo tam khawp mai, Ebener ka thleng thla anih chuan ka awmna chu hla tak ani tawh a, mahse Dinthar veng atang chuan ala hnaih tho avangin kal chhunzawm leh zel ka tum a, ka thei tawh thlawtlo ka ke ana lutuk a, ka chau tawh bawk nen tui ka in chak a, lei na tur pawisa ka nei bawk silo ka phone tal lo keng chhuak ila chuan tih dan dan te pawh ala awm zawk a.




Thutna an siamah chuan damlo kân tur la lut theilo ho anlo thu thap a, hetah hian thu ve tawp ila min hmuh leh min hmu ani tawh mai ka kal chhunzawm thei tawh thlawt lo.



Ngawi rengin ka thu a, ka bul a thu ve te ho ti ti ka ngaithla ti ila an thusawi ri chu ka hria a, enge an sawi erawh ka hrelo thung.



Zabilha leh khanu vang khan ka na chiah em ka hrelo a, ngaihtuah zui ngaihna pawh ka hrelo a, ka ngaihtuah thiamlo ani.



Khaw thim thlengin chulai hmunah chuan ka awm a, engtiang a hmachhawn tur nge tih ka ngaihtuah a, ka hrelo ani, ka na em hrelo mah ila ala hlimchhawn em avangin ka hamhaih a, nat ngaihna ka hrelo te pawh ani mahna nakin hun erawh ka sawi lawk theih piah lam ani.



Ruah lah chu a sur nasa emem mai leh nghla a, tap rawh minti aniag chu tiin ka tap nghek a, ka ngaihtuahna te pawh a fim phah ve deuh a lawm



Engtik lai pawn ka kiangah a awm reng a, ka lungngaih changin min hnem a, ka hlim in min hlimpui a, ka mangan in min thlamuan thin khang zawng zawng te kha tunah chuan an bo vek tawh anga, ka nu nen kan in hauh changin kalna tur ka nei tawh dawn silo , ka ta ni reng thin kha midang ta ani thut a,ka tan awm reng se ka lo duh thin a, keimah ka in hmangaih vang ani tih chu ka hria mahse a kiangah khan hlimna tam tak ka nei ni.



"Baby" ti ri ka hriatna lam chu ka hawi vat a, kawngpui ah chuan bike hi a ding ran a, a khaltupa erawh a inthuam phu mai bakah ruah a sur bawk si a, tunge anih ka hre thei mai lo, Zabilha anih loh hrim hrim avang erawh chuan ka lawm hle thung.



Chupa chu a bike atang chuan a rawn chhuk a, ka lam lo pan zelin ka bulah tak chuan a ding a, a helmet a phel chuan mak ti deuhin ka en reng a, "nangpa hi ila dam amaw" ka ti hluai a, ka highschhol kal pui thin Msa lek chu lo niin "ka la thilo chu anihhi, enge hetah itih" chu zawhna chu min zawh ka ring reng ani "i hmuh ang hian ka thu" ka tih rual deuh thawin a rawn kun hniam a , chiang kek kawk a min en in "i tap ani maw" atih leh chuan a hmaiah ka lo nam sawn a, "ila thawveng reng anihhi" ka ti a, hman ang tho khan ala thawveng tak tak anihhi



"Nang angin rilru ti hah tu nei ve heklo, a tlai tawh ka thlah haw ang che" ati leh nghal daih a, han duhlo viau dawn mah ila ka dinhmun in a zir tlad silo a, "mahse raincoat ka neilo ania" inthlahrung dak a a tih chuan "apawilo ruah do ka chak zawk" ka lo ti thuai a, ka chak zawng reng bawk, in do harh te pawh ka mamawh alawm.





Kan veng awmna ka hrilh hnuah kan in phur chhuak a, ruah lah chu a sur hnem emem mai leh nghal a, a zawr hian ka zawr vek nghal vek thei.



"Chawlh i duh em" atih chuan ka duhloh thu in ka lo chhang vat a, chawlh kual buai vel kha a vawt mai mai



Kan inkawtah a ding a, "i number la tur pawh a sur nasa sia, remchangah ka lo la leng zawk mai ang" ati a, a ngailo lo tih nachi ani tawhlo hrim hrim a, ka pasal te in ani tih ka sawilo a, pasal ka neih hi ka ring bik pawh in ka ringlo a, ka sawi duh chuanglo bawk a, alo len hunah a hre ve mai ang.




A tlan chhuah leh rualin in lam panin ka tlan ve nghal a, in chhung luh hma in thawk te ka han la leh te te phawt a, vawt ka tih tawh deuh avangin ka khur ve deuh ten ka hria.



Ka chhungten engtin nge minlo tih dawn ka hrelo a, min hau hrep mai thei ani , kawngka chu hawngin ka lut nghal thuai a, alo reh thiap a, tumah reng hmuh tur an awmlo


Vawt ka tih tawh em avangin in chungah ah chho thuai a, kan pindanah lut tlang nghalin Ab-a pawh alo awm chuang lo a, hmanhmawh deuhin ka thuamhnaw ka phelh sawk sawk a, ka inthlakna tur la in bathroom lam ka pan nghal a, vawt ti viau mah ila in tleuh zuai loh chuan a tih chi loh tlat ani bakah ruah do hi nuam viau mahse a do tirh lai chiah anuam zanin phei kha chu a buak hian a baw zawih zawih nimai in ka hria




Ka inthlak fel vek hnuah bathroom atangin ka chhuak a, ka thuamhnaw huh ho lah chu chhuatah a ngai ngaiin ka lo kalsan a, chhuat pawh a huh nual mai , bathroom ah bawk ka dah a, naktuk ah ka su mai ang, chhuat huh vel ka hruk laiin pawn lamah thawm ka hria a, ka chhungte annih ka ring



Hmanhmawh deuh chuan ka va chhuak ve a, mahse tumah anlo awmlo, zawi muangin inhnuai lamah ka chhuk thla a, ka pasal te chhungkua lo thu thap chuan ka thawm hria in min rawn en vat a, na hamhaih deuh nge min en tlawk tlawk ringawt



"Baby, engtik lai khan nge i rawn haw a" Rinhlui'n arawn tih takah chuan ka chhungte ho pawh chu an lo tawng ve nghal thuai a, ka nu in "minti mangang lutuk" atih loh leh "i thih loh hi ka ring tawhlo" ati thul, ka phone tal ka bulah awm se chuan chanchin te pawh ka hrilh thei tur ania, midang phone hmansak ngawt dawnin an number ka hre bawk silo a, eng dang anilo ka thiamlo chhia va ani.



"I û te kan call ange, a ngaihtuah lutuk che lawm" ka nu bawk chuan ati leh a, ka inthiamlo hle tawh "ka tihpalh lutuk" ka ti ringawt a, abak sawi tur dang ka hre ngang lo ani.


Ab-a erawh a ngawi reng a, min rawn hmuh tirh a min en bak kha ka lam hawiin vawi khat pawh a rawn hawi leh tawh lo "chaw i ei tawh em" ka pa in ati ve thung a, "eilo a, mahse ka ei chak lo" tiin ka lo chhang thuai a, mahse Ab-a erawh a tho a, a kal nghal nal nal, ka chungah a lawmlo viau anih ka ring.



"Han zui vat rawh, a ngaihtuah lutuk che a, a zawng nasa lutuk che" ka nu in atih chuan mak ka ti deuh a, "min zawng maw" ka tih chuan "zawng e, police ah kan report hman tep alawm kan sawi ho lai mekin i rawn lang leh thut bawk sia" ka nu bawk chuan a ti leh a, sawi tur chu hrelo tawh tak ka ni Rinhlui'n min lo sih zeuh takah chuan "anih chuan ka han chho ange muttui u aw" ka ti ta ringawt a, "a thinrim mai thei ania, chhang duh miah suh" ka nu chuan thahnem ngai tak chuan a ti leh a, kan nupa inkar hi a that loh a hlau emem reng a, kan inkar diktak hi hria nise ana ngawtin ka ring thin.




Pindan ah chuan inthlahrung ru tak siin ka lut a, thawm pawh ka dim viau mai , Ab-a chu khum bul sofa ah chuan alo thu ngawi reng a, biak tan dan tur hrelo viau mah ila "min zawng ami" ka ti ta ringawt a, a kâ ngei atang hian hriat ka duh vang ani pakhat bawk, chiang zetin min rawn en a, chutah "zawng hmel che ka pu ami" ati anihchu , ka lo zawt ta kher kher chu ka inchhir viau rualin ka nu in min zawn thu min hrilh vek tawh a, pha kual eng ang mahse ka awih chuanglo bawk.


"Min ngaihtuah vang ami min zawn" ka ti leh kher a, han chhaih ve deuh chu ka chak ani phone rawn vawm phei pah hian "mawl lutuk mai" ati a, ka nuih aza viau na chu ka nui duh lem lo "engtin nge" ka ti ringawt a, ka phone hi engtin nge a lo kawl daih theih ka hrelo ani "engtin mah, mu lum rawh i damlo ang" ati duh lek chauh a, thu pawimawh tak tak zawh hian min chhang tha duhlo a, pawimawh lo ah a tawng leh zuah zuah zel tho sia.



"Ka damlo ve mai mai ngailo" ka tih chuan "anih ka ring i hmel atang khan a hriat mai" alo ti leh a, ka ngei viau tawh "anih tak chu ah luthira i an an nen" ka tih chuan min en leh ngur ngur tawh a, Luthira nih chu a duh vaklo aniang "mu rawh" tih leh thawh a rual a , pindan a tang a a chhuak tur chu "khawnge i kal dawn" ka ti leh hram a, ani erawh a ban dinglam chu chunglamah phar zeuhin "i buaina chiah ngaihtuah rawh" ati a, a chhuak zui nghal , a ngeiawm a chhuah hi chuan ngeiawm ve thei tak ani mahse ti lang lo mahse min ngaihtuah ve tih ka hria a, tihlan a duhlo nge a thiamlo zawk engoawh chu nise ka lawm vek mai.




Khumah chuan mu in ka phone chu ka khawih a, Zabilha call leh message alo tam khawp mai leh nghal a, chhan erawh ka tum lo a, block kher pawh ngaiin ka hrelo , ti hian kan tawp ani mai, kan inkarah hian sawi leh tur chuang a awm in ka hre tawh lo a, awm pawh nise sawi kher ngaiah ka ruatlo bawk mahse a tan atha ber ka duhsak a, mitha tak tawngin hlim takin awm se ka la duh ber tho.



A tello a awm pawh ka thiam chho ve zel turah ka ngai a, chunglam ami khian sual viau mah ila minla hre ve reng anihchuan mi tha tak minla pek ve ngei ka ring bawk ani.




Vawt ka tih em avangin ka harh a, ka pang ka khawih chu ka khua alo sik ve reng mai, ka ruah do vang anih ka ring, khum atang a tho chhuakin damdawi ka zawng a, ka hmuh zawh loh avangin inhnuai ah damdawi la turin ka chhuk a, choka a tawng thawm avang chuan ka ding a, a tawng zawi bawk si a, enge a sawi ka hre theilo a, phone hmang mek tu pawh ka pasal ngei ani tih ka hre bawk , ka âw chu thian kharh in choka lam bawk chu ka pan leh a, min hmuh rual chuan a phone chu a hmet zeuh a, dawhkanah a dah zui nghal daih bawk.


Show post links
Top

[Ngaia]

12

"I muhil theilo nge" alo ti ve ngei a, ka biak hmasak a ngai leh dawn emaw tih nak alai a minlo be hmasa zawk chu mak ka ti deuh ani "thei a ka harh a, khawnge damdawi hi" ka tih zawm zat a, kan dahna thin ah khan alo awm leh tawh silo a, Rinhlui'n alo dah sawn nge ni dawn ni "ngati nge i damlo ami" ati leh a, "ka khuasik ve deuh aniang" ka tih chuan a thutna atang chuan a tho vat a, "helai ah hian kan dah thin sia" tih pah in ka bul a drawer chu a hawng a, ka en vek tawh a a awm loh avang a zawt ka ni reng sia




"Heta hi nihhi" tih leh dawhkan a dah a rual a, ka lu ana ngut ngut bawk si a, ka awm dan chu a hrehawm ang reng viau mai "ava lawmawm ve" ka ti a, ka lawm tak tak bawk kan hmu zolo ang tih mawlh mai kha ka hlau ani, tui min lak sak a, a fel vel lutuk chuan ka ngaih ati thalo lek lek tawh "tun ang ruahsur te an do ngai ami mawl lutuk" tiin a phun zui a, engmah erawh ka sawi duhlo min ngaihtuah vangah ka ngai hmiah mai



"Ka chho dawn ania" ka tih chuan min en vung vung a, "tikhan min en vung vung zel suh i mawl hmel lutuk" ka lo tih chuan a nui chhuak hawk a, a mawl hmel tak tak lo tih a inhria pawh ani maithei "ka rawn chho ang" atih takah chuan ka kalsan a, reilo tê din pawh a hrehawm ka ti


Pindan ka luh rual chuan khumah bawk chuan ka mu leh nghal a, puan ka sin hlun a, ka vawt tih ala reh thei bawk silo ka lu ana ngut ngut bawk si a, Zabilha leh ka pa ka ngai takzet bawk.


Pindan kawngka in hawng ri ka hrita rual chuan ka maimitchhing thuai a, a pen ri atangin khum lam alo pan tih ka hre thei bawk , ka zawn a then chuan ading dat a, ka chal rawn khawihin a dawm vang vang a, hepa hian min ngaihtuah ve tak tak anih ka ring mahse a nuam ka ti .




Ka chal a dawm vang vang hnuah a kal sawn a, thawm a nei rak rak reng a, a inthlak vel anih ka ring chutah ka lam bawk chu a rawn pan leh a, khumah chuan rawn lawn in ka bulah a rawn mu a, ka kawngah a nghet zet a kuahin alam ah min pawt hnai dawrh bawk, saisir a ka mut avangin a hmel ka hmu thei lo a, hmu thei pawh ni ila ka meng ngam dawnlo hrim hrim



Ka lu chu ti kangin a ban bawk chu min kham tir leh a, nuam viau mahse a tuk ah "ana" ati leh tur ka ngaihtuah erawh chuan khamloh zawk chu ka duh a, ka muhil der laklawh bawk si, awm ngaihna pawh ka hrelo ka tha tha ngam tawk tawk ani.




A thaw ham ham reng a, a muhil tawh anih ringin min kuahna chu phelh ka tum ve ringawt a, a hma aia nghetin min kuah a, ava han beidawnthlak tak "ka muhil lo, tikhan awm mai mai rawh" thatchhe zet hian ati a, chhan loh ka tum viau na in "a lum ka ti tawh alawm" ka tih chuan a tho hluai a, khumah chuan a thu in kan puan sin lai chu a hlim a, puan nuam mai mai min sin tirin "a lum ka ti lutuk"ka bulah bawk chuan a rawn mu a, a lum lutuk amah lah chuan ala ti zui a,lum ti reng si te chu ka bulah mut loh mai tur ania " i khumah i mu dawnlo mi a" ka tih chuan muhil ang mai hian a thaw ri nghal suk suk a,a awihawm loh lutuk chu ka nui ta ringawt




Khumah chuan ka mu meng kar a, vawiin lam bawk chu ka mitthla ah a lang a, han tih vak ngaihna ka hre silo ka thaw leh hak thin"Baby" ka bul ami chuan arawn ti ta nge nge a, tih harh ka hlauh tehreng nen ka tiharh ta tho anihhi "umm" ka lo tihchuan "mutthilh tum rawh khua avar tep tawh " ati a, tum eng ang mah ila ka theih dawnloh avangin amah zawk hi tui deuhin muhil se ka duh a "umm,muttui le Zo-Abraham" ka ti a, mainitchhing reng chung chuan rawn nui suk in "muttui le" ati ve ngei a, a awmdan vel avang chuan keipawh ka mu nui ver ver mai lawm.




Khawvar dawn in ka khua a sik leh a, Ab-an damdawi min pe a, ahma ang bawkin ka bulah mu in min kuah leh a, ka hun tawn mek pawh ka theihnghilh hman thelh ani.




Ka harh ve meuh chuan zing dar 10 alo pel fel der tawh a, ka lu anat em avangin tho chhuak lo in khumah chuan ka mu ta reng a, tunlai hri ka la ve anih ka ring.




Ka nu phone call ka dawn a vangin peihlo zet chuan ka chhang a, "enge i an a" min ngaihtuah ve hmel deuh chuan a rawn ti a, "ka tha " ka lo tih chuan "Baby a hma ang khan kan awm leh thei reng ania, naupang ini tawh lova, ka fanu inia, i nu ka ni bawk a, in hmuh sakhi reng hi nuam iti ami" arawn ti leh duah a, ka chhan chak zawng anih loh avangin "ka chau deuh a, nihphawt le" tiin call chu ka dah zui a, tunah rih hi chuan ka be chak thlawt lo ani.




In hnuaiah chuan muang changin ka chhuk a, ka chhungte pawh hna an kal vek aga, Rinhlui bak a awm dawn loh avangin ka mu lui ve deuh kha ania, ka rin ang ngeiin Rinhlui chauh alo awm a, min hmuh rual chuan "an ngaihtuah hlawm lutuk che a, zingah ka pi rawn chhoh atum a, u Ab-an a phallo a, a tih harh che a hlauh vangin" nui sang hian alo ti a, a thusawi tin mai te chuan chakna min pek belh ni mai hian ka hria



"Enge i an tawh" atih chhunzawm leh a, "ka tha lutuk" ka tih rualin "chaw i ei duh em, ka lo siam ang" ati nghal zung zung a, ka ril chu tam viau mahse chaw kher chu ka chaklo "a ngailo thildang ka ei mai ang" ka tih chuan "u Ab-an ilo harh ve leh chaw lo pe tur che in min ti lawm" ati deuh tlat a, rawn siam mahse ka ei peih dawnloh avangin ka lo hnial ve ngar ngar bawk "anih chuan i duh duh ei rawh" ati ta nge nge a, inni ve em ka hrelo ka damloh ve hi chuan thil thak hi ka ei chak huam huam zel a, tunah pawh Spicy Noodles ka chak takzet ani.



Lei sa alo awmloh avangin dawr a kal ka tum a, Rinhlui'n alo phallo nasa ka kal ai min kal sak thlap hnuah a siam leh vek a, "ava in thlahrunawm ve" ka ei dawn a ka tih chuan "ei mai mai rawh" ati deuh hmuk a, chaw ka ei duhloh a vang khan a titau deuh anih hmel.Spicy hi chu tui ka ti ve em a, 2x na na na hi chu ka ei thei ve phian Rinhlui lah chu ei ve tur a ka sawm lah in a duh miahlo leh nghal a, "thak ka tilo a mahse ka ei lo ang" ati deuh ngei a, thak a ngam lo tih ka hre ve reng sia.



Nilengin ka khuasik chhunzawm tawh lova, ka luna erawh ala awm reng thung, phone pawh ka en tha ngam meuhlo ani.


Chawhnu lamah mu turin kan pindan lamah ka chhoh san a, ka muhil tep ti ah Ab-a arawn lut hlawl a, an ban ala hun loh avangin mak ka ti deuh , ani lah chuan "hna kan nei tawh lo a" ati awlsam et a, keimah avang a rawn haw hma anih loh hram ka beisei a hna a ngaih pawimawh zia hre tu ka ni tlat ani.




"Ab, nizan ka lo haw khan scooty chahbi ilo hmu em" a inthlak lai chuan ka ti a, min rawn en zeuh a, "ka pe tawh" ati leh ringawt a, kha chahbi kha ka hmang tangkai lo lutuk kha ka nuih aza zawk "engtikin engtin nge i pek theih" ka tih leh chuan a ngawi leh ta reng a, rin dan erawh ka nei thiam thung.



A inthlak zawhah ka bulah lo kal in "khawsik ila nei em" ati a, min ngaihtuah ve hmel hle bawk "nei tawh lo, ka tha" ka ti a, ka lunat thu erawh ka sawi duhlo thung "doctor kan ko mai dawn mi" atih leh chuan a ngaih loh thu in ka lo chhang thuai a,a kekawr ipte zen chung a min en reng chung chuan "na nei i ang" ati leh ringawt a, min rinhlelh hmel emem mai leh nghal "ka neilo, ka chau deuh mai mai alawm, nizan ka khawsik san lutuk vang anih ka ring" ka tihchuan a awih ve hmel ta deuh a, engmah a sawi zui tawhlo.



Inhnuai a a chhuk hlan in natchhawkna chu ka ei leh ta tho a, nizan ka mutthat loh avangin ka mut a chhuak hle bawk.



Ka mit ka meng diar diar a, khua alo thim vek tawh a, kan room pawh chu a reh thiap mai, ka damdawi ei zo kha ka muhil chhunzawm a, a chhuak bawk aniang tunah zan dar 7 lai alo ri leh tawh a, ka muttui tak zet anih hmel



Tawng thawm ka hriat rualin kan pindan kawngka a in hawng ve nghal a, ka hmuh tum loh lutuk ka hmu avang chuan ka thu chhuak ve vat a, min en reng chungin ka lam alo pan a, ka khum bul a chair chu la in a thut zui nghal bawk, a chevel chu ka en reng a, a mitmeng a sen ram a, a rui tih ka hre bawk "Baby" zawi te hian a ti a, a chauh hmelin ani pawh nizan lamah a mu tha vaklo anih ka ring "ngati nge hetah ilo kal a" dam deuh chuan ka ti a, a chungah hian ka thinrim lo a, ka hrethiam lo a mah hi ka khawngaih let zawk ani "khanu kha" atih lai chuan lo pawt chatin "Zâtê , engmah sawi angai tawhlo, tunah hian ka thinrim lova, chuan ka dem lo bawk che ania, ka hrethiam lutuk che mahse let tur chuan min sawm suh aw, a chhanchu ka thei dawn silo a,i rilru tihnat ka duhlo ani" he thu ka sawi lai hian min en reng a, a na ati tih hre reng mah ila ka let thei tawh lo, ni e, ka dem lo a, ka hrethiam lutuk a bialnu ka ni a, pasal nei lai ka ni bawk atan chuan a tlawm thlak anga, hrehawm tih chang pawh anei thin ang, chungte avang chuan Zabilha hi ka dem reng reng lo, mahse khatiang zawng zawng hmu vek tawh chung hian ka let thei tawh lo ani.




"Baby, khawngaihin"ka kut a rawn vuan a, a mitmeng a beiseina awm te ka hmuh hmaih lo mahse ka thei tawh silo, tihpalh pawh nise min kawp duhna anei hrim hrim kha kha tah khan keichu ka tawp tawh zawk ani.


"min hrethiam rawh" ka ti a, amah chu a ngui ngiai a, hmuh a hrehawm takzet ani "Umm.. I rilru i siam fel vek tawh chuan tih theih ka nei tawhlo Baby, ka ngai dawn che" ati a, tap lo turin ka in sum char char ani, Zabilha hian min hre chiang a, thuthlukna ka siam tawh anihchuan chu ka thuthlukna chu ka tan a thalo tur pawh nise ka kaltlang pui tlat thin tunah pawh engtikah mah ka rilru ka thlak dawnlo tih a hriat avang a tih theih aneih tawhlo thu sawi ani reng bawk.




"I tan a tha ber ka duhsak che ania, hlim reng rawh aw, chunglam ami khian ka tawngtaina hi a chhang ve duh anihchuan i tan ka tawngtai dawn ania" ka tih chuan za lo tih hriat zet hian a nui a, ka mitah pawh min en loin hnuai lam ngawt chu a en a,ka kut erawh ala vuan reng thung.


"Ka kuah thei che a ngem?" zangkhai tak chuan ati a, "tehreng mai " tih pah chuan keimah zawk chuan ka kuah a, nghet zet a min kuah letin "awmzia awm tawh dawnlo mahse ka tihpalh ani, ka in chhir a, ka damchhung in ka inchhir tawh ang, nangpawh lo hlim la, kan piangnawn leh anih chuan ka rah na leilungah piang ve lo mahla he khawvel kil tinah hian ka rawn zawng ang che" ati a, ka mittui ka dang thei ta lo, kan inkar zawng zawng a danglam tawh tur hi hrehawm ka ti ani.



"Baby"


"Ummm"

"Kha aia nghet khan minlo kuah teh" ati a, nghet zet a kuahin "a nghet tawh em" ka ti let a, a nui ri pawh ka hre leh thei ta alawm "ka kal ang" ti a min kuahna a phelh rualin Ab-a alo lut a, a thinrim ka rin tehreng nen engtin mah minti lo a, Zabilha chungah a thinrim heklo " nang aiin ka tawng hmasa zawk a, i chang bik dawn ta anihhi lo duat ang che, a tap anih vaih chuan ka rawn hruai nghal dawn ania" Zabilha chuan ati a, ani pawh thinrim a sawi a ang tlat lo hemi te unau awm dan hian minti hrilhhai takzet mahse ka lawm tho bawk si.



Zabilha kal hnu chuan kan nupa chauh chuan room ah kan awm leh tawh a, ka nu lah hi nidang zawng zawngin alo kal ziah a, tunah tak te hian rawn kal tur ania, a zei hlawllo "i riltam tawh em" min be hmasa tu zawkah chuan a atawng leh ta nge nge a, ka ril erawh a tam thlawt lo ani "tam lo e, an ei vek tawh ami" ka tih chuan "umm" ati leh ringawt tawh a, a phone ah chuan thil hnuhnawm tak a awm anih hmel a en ngar ngar mai



"In hnuaiah ka chhuk dawn ania" ka tih leh chuan "ummm" mi pawh enlo bawk chuan ati leh a, a duh a sawi zawh hi chuan lungtum biak ang mai hi ani thin.



Ka nu te room ah ka kal a, ka pa nen min hmuh rual chuan anlo nui sang a, "mama khan rawn kal a phal lova" ka nu in alo tih chuan mak ka ti deuh a, engvang a kal lo phallo ngawt nge maw anih "nizan ka mu tha vak lo a" ka tih leh takah chuan "ka hria alawm chuvang alawm ka rawn kal loh" ati leh mai a, a inthlahrun vang anih dawn hi a lo langlo ka ti reng ani.



"I nuam deuh tawh em ni" ka pa in alo ti ve chuan "ka tha tawh lutuk, ka ruah do vang mai mai kha ania" ka lo ti vat a, ka pa hi a tawng tlem emem a, mahse a nelawm ver thung "a that chu ruah do tawh miah suh" ati leh a, a thusawi dan chu a naupang chhia ka ti reuh lutuk "ka rawn kal mai mai anihhi, Rinhlui ka va hmu lawk ang" ti a chhuah mai ka tum chu ka pa bawkin "Baby , la kallo lawk teh" atih avangin ka ding leh rih a, "lo thu la" tiin thutna min kawhhmuh mahse "ka ding thei alawm" ka ti ve deuh tlat a, ka inthlahrun deuh vang ani pakhat "awi thu mai mai teh, i taksa a chauh awm tehlul nen" ka nu in alo ti vat a, inthlahrung deuhin ka thu leh ta nge nge a.




"Ka heihi la rawh" tiin paper hi min rawn pe a, enge anih hrelo in ka la ve ringawt a, kan en nak chuan "pa, hetiang hi chu ka duhlo ka la thei lovang" ti a pek let leh ka tum a, a kut lo vai zeuhin "engmah kan la tihsak ve lo che a, in inneih lawmpui naah i ngai dawn nia, i hriat ngai miahloh kan fapa pasal a i neih avang a ka lawmthusawi na pawh a ni tel tho" ati leh a, han hnial vak ngaihna ka hre bawk silo "mahse hei kher hi chu ka la thei lovang" ka tih pawh chuan "i lak loh chuan i pa ang ah min ngailo ah ka ngai dawn ania" atih chuan "anih chuan ka lawm e" ka ti ta ringawt a, hetiang ram beisei vang a pasal nei ka nih loh avangin ka chhuah dawnah pek let leh tho chu ka tum ani.



Rinhlui'n thingpui min siam a, TV en pah a kan in dun lai mekin Ab-a a rawn kal a, kan TV en lai chu a rawn hmetsawn nghal ringawt nihchu "ka va han ngei tak" ka bengbulah ka hriat tur tawk lek chuan ati a, zan tin a chang ve ziah a, a tan chuan a ngeiawm viau ang "Rin official thingpui chu" TV en reng chung chuan ala ti zui a, Rinhlui ngei tawk a tling emem a, "i duh leh va in siam ve mai rawh" ati deuh hmak a, "i bialpa ka hria ania" Ab-a bawkin a tih pawh chuan "ka nei leuh" alo ti leh vat a, a in khing tawk lutuk chu ka nuih te lam lam an ti za, "ka thianpa i star ka hre vek ka hrilh ani mai" atih chuan "i va han hmelchhe tak" tih leh thawh a rual a , thingpui chu ava siam dawb aniang choka lam a pan nghal nal nal mai, Ab-a lah chua anui vur vur bawk a, tu a thianpa nge maw kan Lalrinhluii chuan alo star pek ni mahse a tha ve hrim hrim star neih te hi chu anuam dang dai ve em a.



"Engmah i en tha peih chuanglo, in room a mi kha han en rawh" tih pahin thungpui chu a rawn pe a, hemi te hi an mak ka ti a changin Rinhluii hian a hlauh hmel emem a, tunah lah an in nel leh emem a, ka hrethiam lo zanin ah khan Zabilha rawn kal te kha a thinrim miah bawk silo a, awmzia annei tlawt lo thluak an ti buai



Ka pa call ka dawn avangin pawn lamah ka chhuah san a, ka pa nen hian kan inbe khat leh riau tawh a , ka ngai ve thin " aw pa" zangkhai zet chuan ka ti a, ka pa biak hi chu a hahdam thlak thin ania "bawihi i tha em" min ngaihtuah hmel zet chuan arawn ti a, a tawng danah Zabilha nen a kan in kar hi a hria anih ka ring "ka tha lawm pa, nang i tha zawk em" ka ti a, Zabilha chung chang sawilo se ka duh ani "ka tha alawm tunlai chu ka chaw ei a tui lutuk a" tiin a nui hak hak a, a chaw ei a tui tih ka hriat chuan ka lawm takzet ani "avan lawmawm i thang awk awk dawn nihchu" tiin ka lo fiam ve bawk a, "e taka bawihi, fanu thar ka nei a" a thusawi chu a sawisual anih ringin "engtin maw" ka ti vat a, "fanu thar duhawm deuh ka nei a" ati leh a, ka pa hian sâwn thla ka ring silo "enge awmzia" ka tih leh chuan hlim hmel deuh hian "vawkte thar ka la a, a pui tur" atih chuan ka nui hawk a, ava han buaithlak thin tak



"Anihchuan pa,i fanu thar chu a hmelth em" ka thawveng huai mai, fanu tak tak a nei emaw ka ti hman alawm le "hmeltha e, a tluk tep che" fiamthu deuh hian a ti a, "naaa, vawk aiin ka tha fe zawk" ka lo tihchuan " i tha ber, tunlai chu minlo be khat sia, ka lo be mai mai che anihhi, in pa chu a damtha maw" ati leh a, Zabilha chung chang ala sawi loh avang chuan ka lawm ru viau bawk



"Aw damtha e,tunlai chu buai thei lutuk a" ka ti leh tawp a, a buai leh buai loh pawh ka hre chuang tawp silo "anihchu, remchang ah lo leng rawh u aw" ati leh a, kan len tur thu ka sawi hnuah kan inbiakna chu kan ti tawp a, ka pa fin zia ka hre thar leh ta, Zabilha nen kan chung chang hre sa vekin min rawn phone a, ka that leh that loh a hriat duh vangin mahse Zabilha chung chang erawh a sawi lang duh bik miah lo a, a thluak ve thin riau alawm.



"I pa chu a tha maw" ka hnung lam atangin Ab-an a rawn ti thum dut a,ka phu dawrh lo chauh ani "ngati nge ilo ngaihthlak ruk a" ka tih lahin "ka awm na tur tak ah i awm sia lawm" ati mai a, chhan ngaihna pawh ka hre leh tawh lo , "a nihchuan awm char char raawh" ti a kal ka tum chu "la kal suh" ati ringawt a, a mah ka en lah chuan chiang zet hian min lo en ve reng a, ka lai lek lek alawm le "enge a" ka tih chuan "awm ve rih rawh" atih leh tawp a, ava hahthlak thin tak "anihchuan kha tah khan thu ang" tiin thutthleng awmna lamah chuan ka nawr phei a, keimah zawk chu a hmuh lohin ka nui vur vur mai.


"I bialnu i ngai ami" ngawi reng a kan thut takah chuan ka ti tawp a, tawng hmasak tum heklo le "bialnu ka nei ami" atih chuan "ineilo ami" ka ti leh a, a inla bialnu neilo vel lutuk a ka ngei deuh tlat "ka nei lo ami" nui pah deuh chuan ati a"a ho emai ka lut dawn ania" ka tih lahin a phal chuang bawk silo, sawi tur lah chu a hrelo ropui si ka ning lek lek tawh


"Reiekah chhungte innei em" a zawhna ber kher chu "ka hrelo ngati nge" ka tih chuan "chhungte kan nei a" ati leh mai a, ka nuih erawh aza viau, sawi tur a ngaihtuah chiam hnu a a hriatchhuah hmasak ber ani awm sia "anihchu avan lawmawm ve" ka ti ve leh tawp a, han tih vak ngaihna a vang ve em ani "nia lawmawm" atih leh chuan "sawi tur i hre thlawtlo" ka ti ta nge nge a, ani lah pek chuan "nang aiin ka hre zawk lo ami" alo ti nihchu "enteh Ab, i ho reuh" ka tih chuan a nui leh suk tawh a, thla eng hnuaiah chuan a hmel chu chiang zetin ka hmu thei a, nidang zawng aiin ka hmu hmeltha bawk


"Englo ania" ati leh hluai a, sawi zawm ta mai lo chuan a ngawi leh reng a, a ngahhlelh awm thei ania "sawi la" ka ti leh ta nge nge a, "ngaih loh lamah ngailo la, khumah khan ka mu ve duh" ati a, a sawi hreh hmel emem mai leh nghal "chutiang te sawi hreh vak tur ami? I khum ania, i duh hun hunah i mu thei alawm, bakah thla 6 lai ka mu tawh a, i mu ve tawh dawnnia" ka tih chuan a che thut a, ka lam lo hawiin "anilo" ati a, min en reng bawk "engmaw nilo" ka tih lah in "anilo " ati leh ringawt a, hepa hi a chiang chiahlo anihhi "Ab i chianglo tlat zanin chu" ka ti a, a chian thu a minlo chhan chuan "i chianglo alawm , i chiang hlawl lo, i chianglo ruai" ka ti leh a, a nui leh tawh a mizia hi a inthlak thut thut thin ka tih tawh kha mize chi hrang hrang a ngah lutuk



"Ka sawi awmzia chu khumah khan i mu anga, ka mu ve tho anga" ati leh a, tun ah erawh keimah zawkin ka en reng a, sawi tur minti hrelo leh tawh, aw nge aih tihin ka chhan ang ka hrelo ani "Hey, Baby" a tih chuan "ka sawi tawh kha i khum ania, i thu thu lawm" ka ti ta tawp a, "a that chu lut ang ka mut a chhuak" ati leh daih a, in chhungah minla luhsan daih zui



Rinhluii a mut tawh avangin kawngka ka kalh fel a, phur tho si, nuamlo ti ru deuh chung siin kan pindan lam chu ka pan a,pindan kawngka hawng a ka luh chuan Ab-a alo awmloh avangin khumah chuan ka mu nghal vat a, bathroom ah a awm anih ka ring , rizai a in lukhup tlat chung chuan ka mu meng kar a, a lo mu ve ang nge mu ve lo ang tih ngawt ka ngaihtuah bawk.




Ka rin loh ang nge ka beisei ang zawkin khumah chuan alo mu ve ta ngei a, mahse nizan a a mut dan ang erawh chuan a mulo thung, khum sir leh sirah chuan kan mu a, mutthilh erawh a har phian mai, lehlam ami sawn rilru a luah tlat ani.



Ka che ngam tawh bawk silo a, ani lah chu a thaw ri bak hriat tur a awm tawh lo a, a muhil tawh anih ringin ka in khuhna rizai chu ka hawng riai riai a, leh lam zawk a mu en ka va tum chu chiang emem in minlo en reng a, "ka zun a chhuak" ka lai lutuk chuan ka ti ra ringawt a, hmanhmawh deuhin bathroom lam panin ka tlan zui nghal a.




Ka zah zia kha, a muhil lo anih te chuan thawm te nei ve se, eng vang a muhil ang deuh a awm kher nge anih ka ngei lutuk ringawt


Rei deuh tak bathroom a ka in khung hnuah chhuah ve leh tho chu a ngai si a, peihlo deuh chuan ka chhuak a, Ab-a erawh a ban pahnih chu khamin alo mu a, ala mutthilh loh avangin "sawi duh ila nei ami" ka ti leh ta ringawt a, sawi duh nei hi a ang thin tlat ani.



"Ka hrelo" ati a , sawi tur a neih leh neih loh pawh han hriat loh "anihchuan muttui aw" tiin ka mutha nghal sawt sawt a.


Show post links
Top