Zo Abraham BY Pie Sangtei (Completed)

[Ngaia]

13
Zing a ka harh chuan alo awm tawhlo a, nizan khan engmah kan sawi chhunzawm tawh lo bawk , vawiin chu thui tur ka ngah tawh si a, in thui ka duh avangin ka in phihfai sawk sawk a, inhnuai lam ah chhukin Rinhlui eirawngbawl ka pui a, min han hnial ve thin tak na in ka damtha tawh a, engmag tilo a awm ka duh biklo ani.




Thingpui ka in laiin Ab-a arawn lut hlawl a, a lan danah chuan exer ala anih hmel, ka bul lawk a rawn thut pah chuan "thingpui chu" ati a, a phone a khawih nghal melh melh bawk. Hmanhmawh deuhin ka siam sak a, a thlum hian a in ngai lova, a sen hang hian a duh ber an chhungkua hi chu anni hrim hrim a sen hang hi an duh lutuk


"Han inbual vat la, chaw ei a hun dawn ania" thingpui a in zawh chuan ka ti a,sana chu en zeuhin "ka kal dawn hleinem" ati a , a phone ringawt chu a en bawk si a, ka ngei leh tawh viau " enga ti" ka tih lahin min chhanglo in a ngawi leh reng tawh a, hepa hi ka be tawh lo chiang ngawt ang.



Chaw ei na ka tihfel laiin "han insiam rawh" a rawn ti leh ringawt a, ka tih ngaihna hrelo lutuk chuan Rinhluii zawk chu ka en ringawt a, biak zui turin amah lah chu a kalsawn nghal daih bawk si, a mizia mak thei lutuk hi ka hrethiam thlawtlo "han chho vat rawh a hmanhmawh hmel emai" Rinhluii pawh chuan alo ti ve a, ka ngaih ati tha lo lek lek zawk ani.



Pindan ka luh rual chuan "in chei vak pawh ngailo i dam kawr si, i haklai nen pawh khan kal mai rawh" alo ti leh nghal zat a, "Ab khawi a min hruai nge i tum a" ti a ka zawh chuan "hmun nuam deuh ah" ati ringawt a, in chei angailo ati bawk si "chutiang te chu in chei ve deuh angai ang chu" ka tih lahin "a ngailo" ati leh tawp a, engmah ka zawt peih tawh biklo "vawiin chu ka in thui ang ka ti sin le" ka tih leh chuan "nidang ah i inthu dawnnia" ati a, ka chhang zui duh tawhlo, engpawh sawi ila, a duh chu a ti tlang dawn tho tho.




Kan chhuah dawn chuan Rinhlui'n "thil minlo hawn rawh aw" ati a, ka chhuah hi chuan thil hawn hi alo beisei ve ngei ngei thin a, a naupang chhia tak tak ani.


"Khawiah nge min hruai itum a" car a ka thut luh rual chuan ka ti leh ngat a, kalna tur hrelo a han chhuah ve ringawt chu a ho deuh ani "i hre mai ang" ati leh ringawt avangin ka ngawi ta daih a, ka thinrim ve deuh tawh ani.



"Hetah enge kan tih dawn, enge awmzia" ka pa in lam kan pan avang chuan mak ka ti deuh a, ani lah chu a ngawi reng a "Ab, ka pa in ah kan kal dawn ami" beisei ngam chiah silo chuan ka ti leh hram a, "umm" tun tum(trum) chu min chhang ve ta alawm, ka beisei loh lutuk hmun a min hruai avang chuan "i van fel tak" ka ti ringawt a, ani pawh a nui leh tawh.



Ei tur vel kan lei hnuah ka pa in pan na step ah chuan kan chhuk thla dun a, min surprise chiang lutuk ringawt a tir te khan sawi tha ve mai se ka lawm dawn tehlul nen hian tunah ka lawmlo e tihna nilo in a chungah te khan ka lo thinrim ve ringawt a, ka inthiamlo leh hnuhnawh deuh ani.



"A awmlo anih khu" Ab-an a tih chuan ka pa in lam chu ka hawi thui a, tun ang hunah khawiah nge maw a kal dawn ni , ka phone chu la chhuakin ka pa chu ka phone nghal a, a chhang tawh dawnlo emaw ka tih hnuah "aw bawihte" arawn ti ve hram a, "pa Ab-a nen kan lo kal a, ilo awm silo a" ka tih chuan "Ka chhuak daih a sin, chahbi ka dah kha lo lut mai rawh u, ka lo haw har lovang, vawk damdawi vel ka ngaihtuah a" ati a, a vawk chuan a nun a tihlim ve hle mai.


In chhungah chuan kan in zui lut a, sawi tur lah chu a vang leh tawh kher mai "thingpui i duh em" kan ti thla ve leh ringawt a, a duh rihloh thu in minlo chhang tak na in ka lum sak ta tho.



A hma khan chaw ei turin kan kal tawh a, Ab-a leh ka pa pawh an inkawm nel viau a, ka pa pawn a sawisel lo bawk a, tha a ti anih ka ring.



"I pa chuan vawk anei ami" kan ngawih reng hnu a atih chuan "ka nei atia lawm, vawk pawh a ti phallo ka fanu ati" ka tih chuan Ab-a chu a nui deuh hawk a, keipawh ka nuih aza ve tho "vawk vulh ve hi a chakawm" ati leh a, ani hian engtin nge maw vawk te a vulh ang le "i thiam ve dawn ami" ka lo tih chuan "a har lo e, chaw pek ani mai a" ati leh a, a ngai awlsam lutuk chu ka nuih aza zawk "chutiang ringawt anilo a hautak lutuk" ka lo tih chuan a hmelah chuan a awih vaklo tih ka hre thei a,awlsam deuhah ngai ve reng reng se la, vulh ve chhin rawh se.



Ka pa lo thlen hnu chuan ei tur te ka siam a, ka pa bulah vawk vulh dan chu chik zet hian a zawt a, a tum ve tak tak nge mawni a zawt uluk bawk si a, ka pa lah chuan vawkpui vulh te chu ala sawi hmuh leh ta deuh deuh a, Ab-a pawn a chak ve hmel emem mai leh nghal a, a rilruah a awm tut tut anga, a vulh ve duh tak tak ang.


.Nilengin ka pa in ah kan awm a, an pahnih lah chuan thil chi hrang hrang an sawi dun a, sawi ve tur hre heklo an bulah chuan thu in phone ka khawih melh melh a, a chang leh youtube lamah movie recap te ka en thul mahse ka pa hlim hmel ka hmuh hian ka hlim a,hlim reng se ka duh bawk.



"I fanu kha a hmeltha" kan haw lam chuan ati a, i pa fanu ati kher chu ka nuih alo za deuh a, "i duh ve ami" ka lo tih chuan "duh e, mahse i pa fanu ang nilo" alo ti a, a sawi awmzia ka hria , ani hian pâ nih alo chak ve reng tawh tihna ani a, keilah thla 6 lai ka awm ala ngai bawk si "kan contrac kha kan pawt tawi mai dawn mi" ka tih chuan min rawn en zeuh a , hma lam bawk chu en leh in "i duh ami" ati a, ka duh em ka hrelo mahse duh tiin chhang ta ila ka chhuahsan angai dawn si a, ka zeplo ka huphurh ani "fanu i duh tawh sia" ka ti ta daih a, duh ti a chhan ka duhlo ang bawkin duhlo ti a chhan ka duh chuanglo




"A dik alawm" ati a, kan ngawi leh reng tawh , kei hian fa neih hi ka ngaihtuah ngai lova, tu mipa nen mah ka la ngaihtuah chhin ngailoh avangin awh ngaihna ka hrelo hrim hrim a, Ab-an fanu a awh thu a sawi khan kei hian ka lo ti khawtlai mai mai tih ka hrechhuak a, awt pawh nise a kum a tam tawh a fapa neihchhun anih avangin fa neih vat vat chu atan pawn a tha zawk dawn reng ani.




In kan thlen chuan choka ah ka tlang nghal mai a, Ab- erawh in chungah a chho zui nghal a, kan inbe leh tawhlo hrim hrim a, a lungawi lo nge ka hrelo .


"Enge minlo hawn" Rinhlui'n min hmuh rual a alo tih chuan lolipop ka lo phawrh a, a that ve na emem chu engpawh hawn ila a alawm thiam emem zel a, thil hawn hrim hrim hi nuam atih vang ani.




"Khawiah nge in va kal a" Rinhlui'i bawk chuan hriat chak hmel deuh hian ati leh a, ka pa in a kan kal thu leh vawk vulh a tum thu te chu ka hrilh ve a, anuih erawh aza ngang mai "a zei dawnloh tehlul nen a tum pawh a tum chhin peih e a, ka buai leh na tur vek" ati a, a sawi dik ve reng , vawk vulh tur la ngawt se a enkawl hman der mai dawn silo a, a buai tur chu ka nu leh Rinhlui bawk anni.



"Lo sawi hmuh miah suh" ati leh a, vawk vulh chu a hlau viau anih hmel "lungngai suh a vulh lovang, hun a neih loh hi" ka lo tih chuan "a dik chiah, hun anei thlawt lo tunah pawh kan hmu hman manglo ania, vawk vulh phei se chu a thlâ bak hmuh tur kan nei lovang" ati leh a, amah lah chu a nui uarh uarh a, anuih azat tawh hi chuan a nui ring thei ania.



Tlai chaw ei laiin ka pa in "fa neih hi inla duh vak lo ami" ati a, ahma kha chuan ka nu khan a sawi thin a, ka pa meuhin a sawi chuan nuamlo ka tih a zual a , chhan ngaihna pawh ka hrelo "harsatna innei em" ka pa bawk chuan ati leh a, keimah min en lo hlauh a, min en phei se chu ka talbuai viau maithei ani "in hriatchian angai alawm kan inneih dan in hriat kha" Ab-an alo tih chuan ka thaw huai a, kei phei chuan khatiang a chhan kha ka ngaihtuah thleng phaklo hrim hrim "a tha lutuk a, fa inneih chuan inin pawh phah zawk dawn tih in hre reng dawn nia" ati leh a, chu erawh chhan en ah a enlo nge Ab-a chu a ngawi reng a, kei lahin chhan dan tur ka hre silo a ke ah ka va rah sak zeuh a, a thil ei lai a hak hman thelh ani" atha alawm" ati leh ringawt a, ava in chhang thinlo tak.




Ka pa te an inkhawm a, Rinhluii nen TV ah korean serial kan en a, a awmzia min hrilh pah zeuh zeuh bawk, ka en tam ve lem lo a, korean mipa te hi ka hrelo lutuk Rinhluii erawh chuan a hre teuh a, chhelo tih a ngah em em leh nghal.




Dorbell a rawn ri a, Rinhlui thawh tum chu "lo en rawh " tiin ka tho zui a, a nghakhlel ve thin si a, a khawngaihthlak , zai rat rat chung chuan kawngkapui lam chu ka pan a, ka va hawn nak chuan ka rinloh deuh mai hian nui sangin min lo en kar a, "i dam em" tih leh in chhung a luh a rual a, a hawikual ruai bawk "i rawn lan teh thut a" ka ti a, ani lah tak a, nidangah a rawn kal ngai silo a, tun ang zanah alo lang leh thut bawk si a, mak ka ti deuh ani "Ab-a a awmlo ami" atih leh chuan a awm thu in ka lo chhang mai a, diktak chuan a len chhuah zan ni zawk se ka ti takzet ani.



"A room ah ami" tiin min rawn en leh a, a room ati kher te chu ka lo la na deuh "Baby, tunge lo kal a" Rinhluiin sitting room atangin a rawn ti lang lang a, a hming ka lo theihnghilh leh tawh avangin chhang ta mai lo chuan "aw...kan room ah" ka ti kher a, ka ngei ve deuh ani, he in hi ata emaw ati deuh hrim hrimin ka hria



"Ka han chho ange" a nui sang bawk si a, ka rap lek lek ani, "i duh leh han chho la nimai lawm" ka tih leh chuan mak tih hmel deuh tak hian min en a, mahse reilo té tak tak ani, chutah rawn nui leh in "min thik tiraw" ati anihchu henu han zahloh reuh zia hi "engvang ngawtin nge ka thik ang che" ka lo tih chuan "min thikloh chuan a that chu, thik pawh ni la awmzia awm vak lovang" tih leh kal a rual a, ka ngei lutuk chu ka insiam chhiat khum vak ringawt




Rinhluii bulah chuan phei in sofa ah chuan ka thu thla hnawk a, ka awmdan teh hrep hi ka hrethiam lo ani "tunge lo kal a" Rinhlui'in a tih pawh chuan chhan pawh chhang peihlo in ka ngawi reng a, TV ngawt chu ka en bawk "ava mak, Baby tunge lo kal kha" tiin min rawn sawi a, "hmanni a lo kal kha , chaw rawn ei kha" ka tih chuan "Sangzuali kha maw" phawk fe hian ati a, "ka hrelo a hming ka hre hleinem" ka lo tih chuan "Sangzuali nihchu ava han zaklo tak, khawnge tunah a awm a" tiin a hawi kual nghal a, "i U Ab-a room ah a chho" ka tih chuan "engmaw" ati deuh vak a, "bengchheng suh an hria ang" ka lo ti vat a, zawi deuh zawkin "ava han zaklo tak henu hi chu aw" ati leh a, engmah erawh ka sawi zawm peih tawhlo.




Rin ai takin an awm rei phian a, ka mut a chhuak tawh bawk si, Rinhlui lah min ngaihtuah vangin a mu duh bik bawk silo a, ka thinrim lek lek tawh "i roomah ka mu ve mai ang" tih leh thawh ka rual a, tun ang chen chen a awmpui chu ka lawm hlawl lo , ka nu te hnenah erawh engmah ka sawi duhlo a, Rinhluii sawi tum pawh ka lo khap zawk hial ani.



"Mahse Baby" ati pawh chu engah mah ngailo in "Mahse hi ka hua" ka ti a, Rinhluii room lam chu ka pan zui nghal.Ani pawn minlo zui ve nghal thuai a, a ngaih erawh a that hmel chiah lo "khumah hian mu dun mai ang aw" ka tih chuan a lû alo bu nghat a, duh lo mahse mutna tur dang a awm chuanglo bawk.



Khumah chuan ka mu meng kar a, Rinhluii pawh chuti tho "U Ab-a chu avan tiawm anglo tak" ati leh thin a, an awm dan tur ni a ka rin ka ngaihtuah a, ka thaw leh halh thin "dar 10 a ri mai dawn" Rinhluii bawk chuan ati leh a, "mutthilh tum rawh ka mut a chhuak lutuk" ka ti ringawt a, ka mut erawh a chhuaklo nasa ani.



Thawm ka hriat chuan ka meng nghal zawk a, midang an mu tawh tih te an hre ve lo a mawn le Sangzuali lah chu a tawng ri lung lung a, kan hriat loh a hlau pawh ani mahna ka mit chu chhingin thildang ngaihtuah ka tum ngial a mahse ka theilo an mahni bawk chu ka mitthlah anlo lang nghal zel a, tih ngaihna ka hrelo chu ka thu chhuak hlawl a, thawk ka la vak bawk "i muhil thei nange" Rinhlui'in alo tih chuan ka phu deuh zawk a, a muhil tawh khan ka hre sia "i muhil tawh ani lawm ni" ka ti a, ani lah chuan nui chung hian "ka ti der anihkha" alo ti a, ava han hahthlak thin tak



"A haw tawhin ka hria" a tih leh chuan keipawh ka ngaihdan ve tho anih avangin ka mu tha leh a, eng pawh thleng se zanin chu hetah hian ka riak tho tho dawn "a haw emaw haw lo emaw awmzia awmlo, muttui" ka ti a, sir lam chu hawiin ka maimitchhing leh a, ngaihtuah na ka kawm melh melh laiin room kawngkhar chu a rawn in kik karh karh a, Ab-a anih ka rin avangin ka in lukhup nghal hmak bawk.



"U Ab-a aniang a" Rinhluii pawh chuan alo ti ve bawk a, alam chu hawiin hawn sak lo turin ka ti a, a thla erawh a muan hmel loh khawp mai , rei pawh a rawn kik ta chuanglo a, kan muhil tawh emaw ati anih ka ring.



Zingah ka harh chuan kan pindanah ka lo mu leh daih tawh a, ka chhoh lai ka hre bawk silo a, mak ka ti deuh a, Ab-a ka zawng tak na in ka hmu lo a, a tho leh tawh anih ka ring.


Hmanhmawh deuhin inhnuai ah ka tlan thla , choka ka luh chuan ka nu alo awm ve avangin Rinhluii chu engmah ka zawt ngam ta lova "Baby, iva hmanhmawh hmel ve" ka nu in min hmuh rual chuan alo ti vat a, kei lah pek chu ka tlan lut rawih kha ani bawk si a, a zawhna min zawh pawh chu a awmlo hranlo "nia, thawh ka hai alawm mawle" ka tih chuan "hai loh hi ala hma lawm" alo ti vat a, ka hmanhmawh chhan erawh thil dang daih anih avangin engmah ka sawi duh ta lo.




Hmarcha ka rawt laiin choka ah Ab-a rawn dakin "minlo zui lawk teh" arawn ti a, ka nu chu awmlo se ka zui lo chiang ngawt ang, peihlo deuh chung chuan ka zui ve mai bawk a, tukin a tak a ka nu pawh chu choka lam a a awm ve tlat te chu ka ngei viau ru viau bawk.



Pindan kan luh rual chuan "sawi duh i nei em" ati a, amah zawkin sawi duh aneih vang a zui tur a min ti ani reng sia "nangmah zawk khan inei lo ami" ka lo tih chuan a nui a,"ka neilo, i nei em" ati leh a, rum zet a melh chung hian "i neih loh te chuan min hruai chhoh ve kher angai ami, buai nak alaiin" ka ti a, ka insum peih tawh biklo "i neih ka rin vang mawle" a rinthu mai mai vang a ka hmarcha rawt lai min hruai chho chu ka thinrim leh tlat tawh "i rinthu anihchu, i thu i duh si, sawi tur ka neih i rin vang ringawtin min hruai chho a, awm anglo lutuk in entir rawh i chianglo anihkha" ka ti duah a, kan pindan a ka lo mu leh daih pawh hi ka mutthilh hlanin min pawm chho anih ka ring tawh, ka thu chuan ka chho dawnlo nasa lutuk tlat



"In sum teh" ati leh ringawt a, a hmelah erawh nuihzatna hlir ka hmu thung "i duhtawk in nui rawh" tih leh chhuah ka rual a, kawngka pawh na zetin ka khar a, a phu ve zawk ang chu



In hnuaiah bawk chuan chhuk leh in choka lam chu ka pan leh nghal a, vanneihthlak takin ka nu alo awm tawhlo hlauh a, Rinhluii biakna hun ka neih theih tawh avang chuan ka lawm kher mai "Rinhlu, enge awmzia" ka ti ringawt a, anih lah chu a bo hmel emem mai leh nghal "kan pindanah ka lo mut daih na chhan kha" ka tih takah chuan nui chung hian "U Ab-an alo hruai chho che anihkha, engmah i hre nange" tiin min zawt let a, engmah ka hrelo thei chu keipawn mak ka inti "ka hrelo, ka harh a, kan pindanah ka lo awm a , chu zawng chu" ka tih leh chuan "avan mak emem i mutui awm hle mai" ati leh a,ka mutui aniang min sawn lai pawh ka hrelo thei ania.



Kan chhungte hna an kal fel chuan Rinhluii bulah "vawiin chu kwn va chhuak harh ve dawn mi" ka ti a, a duh ring chiahlo mah ila sawm ve hrim hrim chu ka duh ani. "Iti tak tak ami" atih chuan ka lû ka bu nghat a, "athat chu lei ngai ka nei nual a" ka rinloh lutuk a atih avang chuan amah chu ka en vat a, "tihtur dang ho hi kan ti hmasa phawt ange" atih leh chuan a tullo thleng thleng a khawih leh ka hlauh avangin "engmah tih ngai a awmloh hi haw hunah kan ti dawnnia" ka ti a, nitin in kan tifai a, engma hi bal a awm hmanlo, a inthlahrung hian a tullo thleng thleng hian a thawk a, a inti hah maimai "mahse" alo la tih talh avangin a room lam ah nawr phei pahin "inthlak la, ka han insiam ve ang" ka ti a, min hnial vak ngaihna a hre tawh biklo aniang a nui ve ta tawp mai.




Jeans leh tshirt ka ha a, sneakers ka bun leh tawp bawk, ka hmai ka chei leh thuak thuak a, ka hman chu a ni nghal mai , chhuah ka chak vang hrim hrim anilo a, Rinhluii hi hruai chhuah a, boruak dang hip tir ve hi ka chak ani, hetiang reng ringawt te chu a tan pawh a thawpik thlak thin in ka ring.



"I hman tawh em" a room kawngka kik pah chuan ka ti a, "aw ka hman tep" atih hnuah pawh minutes 15 lai ka nghak leh tawh , eng emem nge maw a tih bik ni "Rinhlu i rei lutuk" ka tih leh rualin a rawn chhuak ve ta nge nge a,a in chei hi chuan a hmel hi a tha takzet ani.A hnathawh in zir deuh phei se chuan mipa te hian an chhuah phal ka ringlo ve tlat.



Taxi in bazar lam kan pan a, Rinhluiin lei ngai neuh neuh a chhungte a thawn tur a nei nual a, chuti nilo se chuan ka vahkual pui hrep ang ka tih nen .Bazar kan thlen takah chuan a rem em a tiin puanthan vel ka en kual leh a, ka la leh teuh bawk.



Rinhlui chuan a chhungte tan Toothpaste thlengin a lei sak a, a chhungte hian Rinhluii hi an chhawr ve viauin ka ring awmlo se chuan an buai zawk mai thei ani.



"Kan thawn nghal law law mai dawn mi" inthlahrun hmel deuh tak chuan ati a, atan thawn tur a chhuah that leh kha a buaithlak mai mai ka rin avangin thawn nghal chu a that zawk ka rin thu ka hrilh chuan a nui sâng a, a lawm hmel vur vur thei ania.


An counter a kan thawn zawh hnuah ka thiannu te dawrah ka puanthan lei vel chu dahin kan vak kual dun a, Rinhluii pawh a hlim ve viauin ka hria.



Thil ei turin thingpui dawr pakhaah kan lut dun leh a, kan ei tur vel kan en mawlh mawlh lai chuan "thiannu" ti a, ka dar a min rawn khawih tu an awm avangin ka hawi chhuak nghal vat a, ka mihring hmuh avang chuan ka ding ngil nghat at a, ani kher kher hi chu hmuh ka inbeisei lo ani "minla hria maw" atih leh chuan "ka hre lutuk che lawm, chuan ka tihpalh bawk, ka rawn ti buai hrep che a" ka ti ve ta hram a, chutah a âw thian kharhin "minti buai hleinem mahse minti mangang" atih leh erawh chuan za lo deuh hian ka nui ringawt a, tunge maw mangang lo tehlul ang ni "in ei dawn chiah ami" ati a, mi biang biak a thiam hmel bik khawp mai "aw, lo thu ve ta che, hei ka thiannu Rinhluii anihhi" inla zei deuh chuan ka ti a, mahse hepa hi a hming ka la hre ve reng reng lo



"Chuan Baby Lalrosangi ka nia, i hming pawh ka hrelo" tiin ka nui zui a, kan in tawn dan kha a rum rum thil bawk si a, hming han inhrilhna hun kha a awmlo hrim hrim bawk nen ka nuih aza deuh ani "Lalhriattluanga ka nia, in duh dan berin min au thei ang, ka lo join tak tak dawn chu asin" atih zawm zat a, "tehreng mai, lo thu rawh" ka lo tih chuan nui chung hian a thu ve mai bawk a, misual anih ka ringlo a,ka rinai daihin a bul a awm pawh a hahdamthlak dawn viauin ka hria.




"Ka lo treat ang che u" atih erawh chu ka lo hnial vat a, "ka ti buai che sia, keiman ka lo pe zawk ang, i duh duh ei rawh" ka lo ti vat a, Rinhlui lah chu a zak deuh nge a ngawi reng a, tui a in tluk tluk ringawt "a that chu leh pekah chuan keiman ka pe tawh ang" ati a, min puih avang khan engtikah emaw a in a va kal leh kha chu ka tum ngei a, Zabilha in nen a inhnaih bakah ala hlimchhawn si a, ka la kal duhlo kha ania, hetia kan inhmu fuh a, ei tur ka lei sak thei erawh ka thawveng ta huaiin ka hria.


Thil ei pah chuan kan ti ti a, Rinhluii erawh a mize danglam ta deuh chu ka hmuh hmaih lo nasa enge maw a hriat tehreng ni "Baby, i number min pe reng reng teh" atih chuan ka lo pe ve mai a, hetiang mipa hi chu thian atan an tha a, a rintlak viauin ka ring bawk , "ka lo bia ang che, chuan ka kal angai, ka tlai dawn tlat, ka thawhsan mai ang che u" ati leh a,nidang a inhmu leh tur chuan kan inthlahliam ta rih a, a kalliam ta maw tih ah "enge i hriat a, tawng ve reng reng itum loh" lungawi loh hmel deuh chuan Rinhluii bulah chuan ka ti a, ani erawh alo nui tawi tak ringawt a , a mizia a inthlak thut ka ti mai ka sawithiamlo "tawng ve tur che ania" ka tih leh chuan "sawi tur ka hrelo alawm, kan in hre ngai ve silo a " ati mai a, dik erawh ka ti leh viau tho .




Kan ei man pek kan tun chu Hriattluanga khan alo pe vek chu niin kan hawi hai hman lek lek alawm, be turin a number ka nei ve bawk silo a, a number te ka lo la ve lo chu ka inchhir viau bawk.

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top

[Ngaia]

14
Ka thiannu te dawr a ka puanthan lei kan lam hnu ah taxi in kan haw leh a, Rinhluii tawng tlem ta lutuk chu a pawi ka sawi anih ka ring bur tawh, a hma ang kha ani tawhlo a diklo amah hi, ka be lui hram hram a, mahse a rul tawk te bakin min chhang ngai silo a, tih ngaihna tak pawh ka hre tawhlo.



In kan thlen chuan thingpui ka duh leh duhloh min zawt a, choka lam a pan zui nghal chu zui ve nghal zatin tui chu a in nghal khawlh kawlh a, "ka thaw ve thei chiah" ala tizui , ahma zawng khan alo thawlo nge mawni dawn ni "i thawlo char char ami" ka tih lahin "thaw teh nang, a rapthlak lutuk" ati leh mai a, chutia mihring thawlo a awm char char thei te chu a rapawm lek lek zawk alawm le , awihlo viau mah ila "i thi tep anihchu" ka ti leh hram a, ani pawn a thih teuh zia a asawi a , kan pahnih chuan kan nui dun leh ta nghek mai.



Inthlak turin kan pindan lamah ka chhoh san , ka pa kawr tur ka lei sak te chu en in pek hlan ka nghakhlel tawh hle bawk.


Ka inbual zawh chuan khumah ka mu zangthal a, ava han nuam tak, ka chau ve deuh aniang, bakah ka kawng hi ana ve khanglang a, mut zal chu anuam in hah a dam sawng sawng mai.



Kan pindan ka ti a , Ab-a hi keimah ai mah hian a chefel a, tihfel tur tlem thin viau mahse a sawisel ngai a awm ka duhloh avangin ka chhuat nawt te hi ka uluk thin viau a, a mit a tlung zo aniang engmah a sawi sel ngai lova, "chumi chu tirawh" pawh a ti ngai chuanglo a, a awm ve tawp animai.



Kawr zai sa ka neih tho avangin in thui turin U Mapui room hlui lam chu ka pan a, chau viau mah ila kawr pakhat lek pawh ka lo thui hman khan a tha hrim hrim bakah rawngbawl a hun dawn tawh a , pakhat pawh ka zo hman dawn chuanglo nachungin tlem tal thui kha ka duh ani.



Zabilha pawh hmanzan a rawn kal atang kha a reh ta vang vang a, biak zui tur a awmlo a ti ringawt ila biak ka tum tawhlo hrim hrim bawk nen a reh tlawk tlawk ani ber.Ka pasal nen kan inthen hunah chuan nuthlawi ka ni tawh anga, ka tan pasal zawn a harsa tawh dawn tih ka hria a, Zabilha nen a kan inkar lah ti hi alo ni leh tawh bawk si a, ka plan angin engmah a awmlo ti zawk teh ang.Ka nu chung a phuba lak ka tumna lam ah ka nun zawk ka tichhe vek dawn niin ka hre leh hnuhnawh tawh a, engkim ka hma a lo thleng a piang pawm a, dawnsawn dan ka thiam a ngai dawn ani mai.




Ka in thui laklawh laiin ka pa hnen atangin call ka dawng a, hlim deuhin ka chhang thuai a, mahse ka pa erawh a hlim ve reng reng lo "mambawih, ka vawk kha hei tlai chaw pek ka tum a, alo thi ringawt mai" arawn ti a, a hlimpui ve tehlul nen "engtin nge a thih ngawt theih a" ka tih chuan "ka hrelo le, a chhan tur pawh ka hre thiamlo, zinglam ah kha chuan ala harh tha fu a sin mawle" ati leh a, a âw atang ringawt pawn a la na hle tih ka hrethei, tunlai ah vawk man a to tawh chu thuhran nise ka pa chuan a neih zawng zawngin a lei ve dawn tih ka hriat avangin ka lainat takzet ani.


"Pa , i thenawm ami te ho khan an hrai hlum anilo maw" thinrim zet chuan ka ti a, ka pa in awmna hi dinthar veng mawng lam anih avangin a thenawm ah hian chhungkaw khat mize maktak mai nei an awm a, chumi te chu annih ka ring bur "ani em bik lovang, kan chan tur a ruat anilo zawk ania nge" dam diai hian a ti leh a, ka pa in a hlimpui zia ka hria a, ka pa a hlim chuan in khatah awm dun lo mah ila thla a muang thin "Pa , a dang kan lei leh dawnnia, ka rawn leh ang che aw" tih leh kan inbiakna chu ka ti tawp zui nghal a.


Hmanhmawh deuhin Zo-Abraham-a ka call a, alo la har hrep leh nghal a, ka thinrim tun(trun) tawh , a chhang dawnlo emaw ka tih hnuah "Baby, meeting" atih lai chu lo pawt chatin "Vawk lei tur lo ngaihtuah teh, vawiin ah pawh a pawilo, vawiin a nih loh pawn naktuk, a tuk leh ah pawh animai" ka ti nghal tawn tawn a, an hrai hlum peih chhung chu kan lei char char ang, puk chawp pawh ngai se ka in puk ral thak mai ang.



"Engati teh thut nge" mak tih hmel deuh tak chuan alo ti a, chung te hlei hlei chuan ka thin a ti rim zual "ka duh animai, ka thinrim teh mai ania, min chhang vak suh" ka tih chuan alo nui hawk a, mimah thinrim nak alai a alo la nui zui chu ka bulah chuan awm se ka kek hrep duh ang "a chhan sawi la" tha deuh chuan a ti ve leh mai a , a chhan sawi a ngaih kher nachhan hrelo mah ila "ka pa vawk Liansangkima leh a chhungten anlo hrai hlum sak alawm"thinrim deuh a ka tih chuan " a thi tihna ami" ala rawn ti anihchu "an hrai hlum chuan a thi tihna animai alawm nangpawh in awkhlum la i thilo bik dawn ami" ka ti a, lehlam ami chu a gawi vang vang a"tawng ta che" ka tih leh takah chuan "ava zialo ve, an hrai hlum tih i chiang ami" ati leh kher a, kan pafa a kan rilru nat na min tawmpui ve lo ah ka ngai "aw... Anni bak ni tur an awmlo i va tan ve, Liansangkima te chhungkua chu i hmangaih anihkha niru niru bye" tiin call chu ka off nghal a, biak tlak pawh va ni nghal lo chuan ka thinrim a ti zual mai mai ani.



Liansangkima te chhungkua hian min hal ve hrim hrim a, ka pa chu an be tha a, kei erawh min ngei ngawih ngawih ka timai , vawikhat pawh an fanu Liansangzeli nen kan insual tawh a, khata tang khan min mil hlawllo a, keipawn a ka mil hlawl biklo.




Khami tum a kan intihbuai pawn ka pa chuan thu lâi a la a, Liansangkima te chhungkua erawh an tang ho tlat a, ka sual zia leh ka rilru chhiat zia veng chhung mite hnenah an tlangau pui a, an fanu dik loh na chu pawm duhlo in an tan tlat a, ka pa lah ka lam a tang duh bawk silo ka tah teuh zia kha mahse in a kan haw hnu in ka pa in "ka rinloh vang che anilo a, eng ang pawn thiam zawk mah la, buaina i siam a, i thiam tawh lo sa hrim hrim mahse inbuaina bikah kha chuan ka fanu i ni a ka ring che a ka hre chiang bawk che " ati a, tap purin "ngati nge min chhan ve siloh " ka tih chuan "chutiang ringawt tur ani hleinem" tiin min kuah ringawt a, engmah a sawi zawm tawhlo tun thlengin kha thil kha ka sawi chhuah apiangin ka pa chungah ka la thinrim ziah bawk.



Ka pa ka call a, ka pâ vawk lak a thih thu leh a in lam a riah phei ka duh thu ka hrilh a, riak turin min ti mahse "i nû hrilh ve hrim hrim la aw" ati a, an chhungkua hi an in vengtawn vek ka ti mai nge an in dah pawimawh thiam zawk.


Ka nu ka biak erawh chuan" inpa alo riak ve dawnlo ami" ati a, a riah ve na chhan tur ka hre map hleinem "riak lovang hna khawih tur ka ngah atia" tii dawt var ka sawi ve hmiah mai vân êm a thlenglo turah ngai ang.



Hmanhmawh deuhin ka insiam a, karkhat vel pawh riah thut a ngaih tak pawh a buailo turin ka thuamhnaw chu ka bag ah ka khung mawlh mawlh a, ka phone rawn ri pawh ka chhang hman tawhlo Liansangkima te chhungkaw chung a ka tihdan tur hlir chu ka ngaihtuah a , kal vat vat chu ka duh ber mai.




Rinhlui hnenah chanchin ka hrilh hnuah kawt thleng min rawn thlah a, "lo haw har i van tum hmel" taxi kan chân lâi chuan a ti a, "ka hrelo , karkhat daih chu ka in keng" ka ti ringawt a, dawt anilo bawk a, zep pawh ka tum chuanglo bawk "u Ab-a nen inin hau ami" atih leh chuan "engtin nge chutiang ngaihdan te ineih thiam zawk" ka lo ti ve vat a, ani nen khan in hauhna chhan tur kan neilo kan inkarah engmah a awmlo miau ani.




Ka pa in ka then chuan amah reng reng alo awm leh tawhlo a, kawngka lah chu a in hawng huau bawk si a, Liansangkima te chhungkua bawk khan anlo hrai hlum ve chu ka hlau a, ka awrawl tawp tawp in ka au ani ber, hah hmel deuh hian step ah alo chho a, ka va hmuh rual chuan ka thaw huai thei "ngati nge ilo kal" thaw hlawp hlawp chung chuan ati a, keilah in a kalna ka lo zawt ve bawk "kawmthlang deuhah khuan ka phum e ka tia, ka vur zawh hma in min rawn au leh sia" ati a, ni a sa bawk nen a hah hmel em avang chuan in chhung a lut turin ka ti a, thuawih deuh chuan a lut ve mai bawk a.




Ka pa hmazawnah tak thutthleng hniam dahin ka thut nghal a, ka dâwp dawn hi ani tawp "pâ, tun hi in chhan hun anilo ania , tûrin an hrai em" ka tih chuan ka pa chu a meng buai deuh nak a, a hrethiam chhunzawm leh nghal aniang "Tûr hrai ninang, enge maw a huat zawng deuh pek tel ka nei aniang" ati leh mai a, tui a in zui nghal zat bawk "anihchuan Vawkchaw ah khan an telh anih ka ring" ka ti leh a, ka pa erawh chuan "Bawihi mite hi kan ringchhe ngawt tur ani ngailo, eng ang mi pawh nise thatna lai nei vek an ni a, nangpawh tiamin chutiang tih duh tur an nilo" ati a, kei erawh ka lungawi zân lo ani.



"Ka rawn riak dawn ka veng dawn che" ka ti ta tawp a, ka pa zawk anlo hrai ve loh nan ka veng duh ani "i pasal a chhungten an hria em" ngaihthat loh hmel deuh chuan ati leh a, an hriat vek thu ka lo hrilh chuan hahdam hmel deuh hian "ka ngai tawh hrim hrim che a" ati leh mai a, a rilru tak chuan ka riak tur chu alawm ve viauah ka ngai.



Tlaiah chuan ka pa fanu thlanah chuan ka zuk kal ve a, Vawk mah nise ka hnuk a ulh lek lek mai ka pa hlimna ve ber hetiang a a thi mai hi ka hrethiamlo a, a dang ngaihtuah sak vat vat chu ka duh bawk.Zabilha hi chuan lakna tur hi chu a hriat nghal mai ka ring a, ka be duh bawk silo a, ka rilru a buai ang reng viau mai!



Eirawng ka bawl laiin Ab-an minlo call a, ahma a ka thinrim ve na te kha chu a reh leh vek tawh "hello" ka tih rual chuan a thaw halh a eng boruak tak chu rawn keng leh ang maw ka rih rilruk laiin "ilo awmlo a" arawn ti chuai raih a, a thusawi avang erawh chuan mak tiin "engtin maw" ka lo ti ve vat a, min thawng ve em ani "khawiah maw ka awmloh" ka ti leh ngat a, ani hi in a ka awmloh avangin min rawn phone te hi anilo maw "in ah" ati ringawt a, ka nuih erawh a za ngang mai



"Nia, ka awmlo" ka ti a, kan han ngawi dun leh vang vang phawt a ka lai ve lek lek in ka hria "i va haw hma awm ve" ka tihchuan rang zet hian "nia, dawt var tlem ka sawi a" ati leh mai a, eng dawt var tak chu sawi ang maw "anih tinge minlo call a" ka tih chuan "ka hre biklo" ati leh tawh "min ngai ami" fiamthu chuan ka ti a, "anih ka ring" alo tih chuan chhan dan tur ka hre leh tawhlo hepa hian min thawng thut thut reng mai dawn anihhi



"Englo ania" atih leh chuan "engmaw" ka lo ti vat a, "ka lo kal ve mai dawn mi" ati pek anihchu , ka nui chhuak hawk a,enge maw a hriatni "enge ilo tih ve anga" ka ti a, min chhan dan tur chu ka hre chak tawh viau a mahse "ka hrelo" tih bawkin min chhang leh tawh ka beisei ang chhanna anihloh avangin "i hriat loh te chuan rawn kal angailo mahse karkhat vel ka awm rih dawn ania" ti a ka tum dan ka sawi chuan "ngati nge karkhat" ati hluai a, "enga ti zawk nge" ka lo ti ve vat bawk "a rei dawn lutuk naktukah lo haw rawh hna banah ka rawn hruai ang che" ati leh a, ka phone ken lai chu ka en reng ringawt "ka nu te ka be vek tawh an phal vek" ka tih leh chuan "ka nu chu i pasal ania mi, keimah alawm i pasal" ati a, a rawn inla pasal vel lutuk chu ka ei thlawt lo



"Ka pasal pawh ni mah la ka cham rih dawn tho tho" tih leh call chu ka hmet tawp nghal a, hepa biak hi chu atawpah thinrimna tur hi a awmziah a, ama thiamloh nge ka thiamloh zawk pawh ka hre tawhlo.



Ka message tone alo rik avangin ka en nghal thuai a, Ab-a bawk ani *kan inkarah hian Vawk hi awmlo hram rawh se* tih ani, reply pawh ka reply peihlo , a thurawn khel hi a ho ka tih zawng tak ani.



Zanriah kan ei kham chuan "pâ , Pu Liansangkima te in ah chuan ka va kal chhin dawn" ka ti a, an hrai nge hrailo tal zawh ka duh ani " enge i va tih ang" TV en reng chung chuan ati a, "an hrai leh hrai loh ka va zawt ang" ka tih chuan min rawn en zawk a "a ho maimai, khi comedian khi en ve rawh an thiam hlawm ania" tih pah chuan a nui a, ka beidawng ngawih ngawih peihlo deuh chuan ka en ve ta reng a, rinai takin ka hlimpui ta phian a, comedian search en in dar 11 kan thleng zak mai, nidangin ka en ngailo a, en ve ziah tawh tur anihhi Rinhluii pawh en ve tir tawh ila atha ang.





Zing ka harh ruallin ka phone ka ban vat a, enge ka beisei erawh ka hrelo tu message nge lo awm se ka tih lah ka hrelo a, beisei erawh chu ka nei ani.



Nilengin ka pa nen a inbul vel kan thlo fai a, vawk pawh a dang laksak leh tho ka tum avangin a vawkin bul vel zawng zawng pawh chu ka thlo nghal ta vek a, Ab-an lak tur hrelo mahse ka nu erawh chuan a hriat ka ring tlat ani.




Zanah chuan ka pa nen comedian search bawk chu kan en leh a, a hlui mah nise kan hlimpui leh emem tho , Dar 9 a pelh hretin Ab-a hnen atangin message ka dawng leh a *kawngpuiah ka awm* tih zawng hi ani, *lut mai ta che* ka ti a, kawngpui a a awm thu te min rawn hrilh reng reng in chhungah luh ve mai awm ania *ka ngamlo alawm, lo chho lawk teh* arawn tih leh takah chuan a rawn kal tih ka hrethiam chiah a *lo chhuk mai la* ka tih lahin a duh bik tlat bawk silo chhuanlam siamin ka pa chu ka chu ka chhuahsan ta nge nge a, *reilo la* min tih avangin han hmuh zuai chu ka tum ani.




Kawngpui ka thlen rualin a motor chu ka hmu ve nghal zat a, ka va pan hnaih chuan a rawn chhuak ve mai bawk a " lo chhuk ve mai tur che lawm" ka tih chuan "a zahthlak ve a" ati a, zak tak tak te pawh a ang alawm le "tunge i zah ber a, ka pa nen chiah kan awm a, kei lah min ko chhuak leh tho sia" ka tih chuan a nui ringawt a, ka en reng lai chuan "lut lawk la" ati a, "ka rei hmanlo nagmah kha lo chhuk ve zawk rawh" ka tih chuan "hna khawih tur ka la nei a, a reilo ang" atih tak tlat avangin a motor ah chuan ka lut ve leh ta nge nge a.

.
Driver seat ah chuan rawn lut ve nghalin kan thu ngawi dun ta reng a, boruak lah chu a lum emem mai leh nghal a, ka sa deuh pup pup in ka hria "Vawk kha" atih chuan a sawi zawh hma in "i hmu tawh ami" ka lo ti vat a, "kan office ami hian anei a, a chi tha atiin ka hria" atih chuan ka lawm lutuk chu ka au chhuak lo chauh ani "ka van lawm tak engtikah nge a man theih ang" ka lo ti thuai a, "an vulh tur a an tih ania" atih leh erawh chuan ka lawmna te an chuai nghal vek a, ka pa lawm hmel te ka mitthla in ka hmu hman vek a sin le "anihchu a dang a awmleh mai ang" ka ti a, "mahse min lei tir thei dawn alawm ka thusawi hi ngaithla zo hmasa phawt thin la" ati a, ka nui leh sâng tawh "ka van lawmtak naktukah min lakpui rawh aw" ka tih chuan "lakpui ang mahse lo haw rawh" ati leh a,"naktukah maw" ka tih chuan "ummm" alo ti nghut a, "a tuk leh ah zawk ti ila" ka ti ve deuh tlat a, kan in thlem tlu thei hram ani.



"Chhuk tawh la, i pâ in alo ngaihtuah tawh ang che" atih leh takah chuan min chhuk tir a tum hma ka ti leh deuh bawk si a, "ngaihtuah lovang" ka ti ta ringawt a, sawi tur emem pawh hrelo chuan kan thu ngawi dun leh ta reng a,boruak danglam bik riau hi a awm a, nidang ah hetiang boruak danglam hi ala awm ngai silo a, awmdan ka thiam chiah lo ani.


"ka kal tawh mai ang" ka ti leh ta ringawt a, sawi tur kan hrelo dun si a, anuam chiah lo ani "nia keipawh ka haw nghal ang" ati a, min thlah a tum a, "rawn chhuk pawh i duhloh kha min thlah a ngailo" ka ti deuh tlat a, mahse min thlah leh ta tho a, mak deuh mai chu step a kan chhuk thlak laiin ka kutah a kai a, nghet takin a vuan bawk engthil dang mah a sawi chuanglo a, ka pa in kan thlen dawnah "helai thleng hi ani mai, tui deuhin i mu dawn nia" ati a, "nangpawh muttui le" ka tih hnuah ka kut a vawn na lam chu a kut leh lamin a beng thek thek a, "ka kal" ati leh a, mak ti deuhin amah chu ka en reng a, a chevel chu a hmuhnawm ka ti tlat ani "anih aw" tiin a kal zui a, zanin zet chu mize thar hlak nen alo kal leh tawh a, mahse tun tum(trum) a a mizia erawh ka duhzawng tak ani thung.




Mut hmunah chuan ka pasal dp chu ka en a, ka nui tawp kan inneih thlalak a hmang a, a awmdan hi ka hrethiam lo takzet ani "i dp chu enge awmzia" ka va ti ta nge nge a, a hma te chuan dp a nei ngailo hrim hrim a, ka hriat theih chinah tun hi dp a neih ka hmuh vawikhatna ani.



"Hmang ve rawh" arawn ti a, "ka duhlo e a" tih chu ka thawn ve vat a, alo blue tick nghal avang chuan ka nui leh ringawt tawh "heihi hmang rawh" tiin kan selfie dunna chu arawn thawn a, phone thar a neih tum(trum)in camera a that leh that loh ka test sak a, "la dun ang" ka tih tlat avangin peihloh hmel deuh hian alo lang ve a, chu ngei mai chu minlo thawn ani "ka chhe si ka duhlo" ka ti leh a, engtin nge a tih reng ka hre chak ani, a seen a mahse min reply tawh lo, a online reng a, min reply a tum tak siloh ah chuan ka hmang ve ta nge nge a, kei ngei pawh hi ka in hrethiam tawh biklo e a.



Ka dp ka thlak ve leh minlo be leh ta ngei a "thlak tawh suh" tih te mai hi ani, eng eng emaw sawiin kan inbe chhunzawm ta reng a, ka duh aia rei mah ka men phah leh nghal.


Zingah chuan ka pa tawng thawm in min ti harh a, "tubauh kan la lawk ange" tih vel te ani nuaih in ka hria , ka room kawngka lo in hawngah chuan ka harh chiang thei chauh a, Ab-a arawn lut ka hmuh rual chuan ka mumang emaw tiin ka mit ka nuai vak a, amah lah chu a nui sang a, ka khumah chuan rawn thu in "tho harnu" ati a, "nangmah vang vek anihhi" ka lo tih chuan "tho rawh le, i unaunu thar alo thleng ania" ati leh a, a sawi awmzia chu hria in "animaw, ilo dah ami" ka ti a, a lû bu nghat pahin "i hnâr bawrh bawrh lai khan ka vir kual zak zak tawh" ati a, ka nui tawp ringawt.




In hnuai lamah kan in zui thla dun a, "Bawihi , Akimi ai khan a hmeltha zawk iti em"ka pa in alo atih chuan ka bo hman lek lek a, a vawk kha hming alo phuah hman thlap anih hmel " hmeltha zawk anihkha" ka lo ti ve mai a, ka pa pawh a hlim hmel leh tawh takzet ani.



Vawk chaw vel ka pa in a pek fel hnuah in lam ah kan pa thum chuan kan in zui chho leh a, "Ab chaw ei ve nghal rawh aw" ka pa in atih chuan "nidang ah Baby nen kan lo la ei leh zawk ang, hna kal leh ka ngai dawn si a" Ab-an alo tih chuan "nia pa, naktukah ka haw dawn a,minlo hruai pah in chaw ei ve nghal mai rawh se" ka lo ti ve thuai a, ka haw tur thu ka sawi avang chuan Ab-a pawh a hlim sawt ten ka hria ka ngaihbel zawk pawh ani maithei.




Ab-a haw hnuah rawng ka bawl tan ve chiah a, nizan a kan inbiak dan vel te chu ka ngaihtuah let pah neuh neuh a, ka nui leh var var thin kei hian ani hi ka duh ani thei mai angem?




Ka pa nen chuan ka unaunu thar, ka pa fanu thar chu kan bual dun a, a fai tha ser sawr ngawt ang, a hming atan Afaki kan phuah ve leh nghal a, "unaunu i nei thut sia , i awm thiamlo em" ka pa in atih chuan nui chung hian "ka awm thiamlo tep, min duatloh phah daih ang tih ka hlau" ka lo ti a, ka pa hi chuan alak a ka pangchan te hian nuam ati thin a, tun thleng hian ka pasal neih ni ah tak ngial pawh a kal ve lo khan ka rilru ala tina thin a lem mah nise ka pa tan chuan a lem a nive dawn silo a, a zân mut hmun ah te a ngaihtuah chhuak ve fo in ka ring.




A tuk tlaiah chuan min hruai turin Ab-a chu alo kal ta ngei a, tlaiah chaw ei nghalin rei deuh thleng kan awm ta reng a, ka pa nen hian an in kawm tawk emem a, ka pa bulah chuan titi tur a hria a, ka bulah ve chuan sawi tur a hrelo hle thung si.



Zan dar 11 pelh hret ah kan haw a, ka pa amah chauh a ka kalsan leh tur chuan ka hnuk a ti ulh lek lek mai.


"I ril a tam em" in lam pan a kan tlan mek lai chuan ati a, chaw kha kan ei hma ang reng viau nachungin ka ei hnem em a, ka pum in ala paitawih zolo anih ka ring"tamlo chaw ka ei hnem em kha" ka tih chuan "ei hnem khawp mai" alo ti a,a zialo thei "min hrilh lo in riak chhuak tawh suh aw" atih leh chuan amah chu ka en vat a, "engati maw" ka tih chuan "a khawhar thlak" ati ringawt a, hrilh pawh ni ila a khawharthlak loh phah awm tawp silo a.




In kan thlen chuan kan chhungte chu anlo mu vek tawh a, zân a rei ve leh tawh em ani , kan pindan lamah kan in zui chho a,pindan kan luh rual chuan "ka inbual lawk dawn ania" ati a, keipawh chuan inbual vat turin ka lo ti ve bawk a, zan a rei tawh si a, khua a vawt tan tawh bawk nen a dam loh phah ka hlau ve deuh ani.



Bathroom a a luh ve leh ka in thlak ve nghal a, ka pa phone in kan thlen tawh thu ka hrilh a, a tlai tawh avangin rei pawh kan inbe lo.



Khumah chuan mu in youtube ah movie recap bawk chu ka en leh a, ka rinai takin Ab-a pawh chu a inbual rei phian mai a damloh vaih chuan ka thiamloh ani tawhlo ang, inbual reilo turin ka hrilh vek a, naupang thil hrilh ang mai thuawih lo thei lutuk.



(Comment lamah tan minlo lak sak ve hram hram ru aw )


Show post links
Top

[Ngaia]

15

A inbual zo alo chhuah chuan thawm a nei rak rak reng a, a inthlak anih ka ring , mahse a reh tak vang vang hnu chuan ka va en a, a hna bawk alo khawih leh tawh a, hna khawih tur aneih chuan sawi se la tha tur ania, kan haw hma anga a menrei te pawh a ngaihloh phah anga,sawi tur hi a sawilo a, sawiloh tur lah hi a sawi ang chut chut zel bawk si a, a buaithlak anihhi.





Ka pum a min rawn kuah tu an awm avangin ka muhil lai chu ka harh a, ka kawr chu hlimin ka pum ah bawk chuan a kut chu a dah leh a, ka lo chhin hman sek avang chuan alo mut lai pawh ka hrelo reng reng.


Ka pum zawn a a kut chu a ti che leh ralh ralh thin a, tunah chuan ka harhchiang tawh hle bawk "Ab" ka tih chuan "umm" alo ti nghut a, a awmdan hi ka hriatthiam loh avangin "enge awmzia" ka ti ta ringawt a, "awmzia awmlo mutthilh tum rawh" tiin ka lu ah chuan a fawp zeuh a, ka hnial lo a, nuamlo erawh ka tiru ve deuh ani.



Zingah chuan Ab-a aiin ka harh hma ve teh tlat a, sana ka en chuan dar 6 chauh alo la rik avangin ka tho peih rih lawk biklo a, ka bul a ka pasal tui tak a muhil chu ka thlir reng a, a hnar, a hmui, a mit, a engkim mai hi a in vuah rem em avangin anih hi alo hmelthat emem Pathian pawh hian ani hi chu siam fuh a inti ve thin ngawtin ka ring.



Nizan lam a alo mut hun tak kha ka hrelo a, a awmdan erawh kha chu chiang takin ka la hre thung tunlai kan awm dan hi nupa tak tak kan ni mai hian ka hre tawh.




Harh reng chung a mut luih reng pawh thil nuam tak ani bik chuanglo tiin inhnuai lamah ka chhuk a, choka a thawm alo awm avang chuan Rinhlui anih ringin dim tê in choka lam chu ka pan a, barakhaih ve reng reng ka duh ani.



Choka luh dawnah chuan "Barakhaih" ka ti thut a, mahse choka a lo awm ka hmuh rual chuan ka inchhir takzet ani "Pa, ka tihpalh lutuk" ka ti nghal thuai a, ka pa in tuilum in alo tum zawk hi alo ni a, Rinhluii chu hla tak ani , "iva tho hma ve" nui sang hian lo ti mahse nuam ka la ti chuanglo a phu nasa ve em ani "nia, nizan lamah ka muhil hma a" ka ti a, ka awm dan hi dulî pawn lei min dil se ka hralh phal "in pa hi nizan hna a khawih leh em ni" atih leh chuan kan haw hnu a hna a khawih leh reng thu te ka hrilh a, tui lum in reng pah chuan"i pa chu a damtha maw" ati leh a, a damthat thu leh vawk thar kan lak leh tawh thu te ka hrilh chuan a lawm ve hmel khawp mai.




Rinhluii nen rawng kan bawl laiin choka ah Ab-a a rawn lut hlawl a, a in siam sa vek avang chuan "hna i kal dawn mi" ka lo ti vat a, sana ka en chuan dar 8 alo la ri bawk silo a, hna hmanhmawh thlak a nei leh tawh a nih ka lo ring ve tawp "umm.. Kal angai, min kai tho dawn maw ka tia" lungawi loh hmel deuh chuan ati a, mahse thinrim hmel erawh a pu lo thung "i sawi si lo a" ka lo tih chuan "ni ve tho, ka kal dawn ania" ati a, "awle " ka tih hnu pawh chuan a dinna ngaiah chuan a ding reng a, "ka kal aw" min en reng chung chuan a ti leh a, ka hrethiam ve chiah "ka lo thlah ang che" ka ti a, pawn lamah chuan ka in zui chhuak a.A chet dan naupang chhia lutuk chu ka nuih aza ru viau bawk.




A motor a a thut luh hnuah "ka buai viau loh chuan i pa ka tlawh kawi mai thei i duh leh lo va phei ve la, kan haw rual dawnnia" ati a, ka chak lutuk mahse nizanah ka haw ve chiah a thil tih chi ni a ka hriat loh avangin "tihtur ka ngah lutuk i thuamhnaw te khi suk ka ngai a " ka tih chuan alo nui ve suk a, vawi khat a hak tawh chu suk zel angai a, hei vang hian suk tur hi anei ve deuh reng zel.




Ka nu leh pa te hna an kal hnuah inchungah chho in ka insu a, Ab-a thuamhnaw bik hi chu kut ngeiin ka suk sak thin a, a chhan pawh suk ngun a ngaih avangin khawl a nuai tir kha ka ui deuh ani, a thuamhnaw ho ve hi chu ka hak ngamloh man tur vek hi anni hlawm a, keini in 500 man pawh to kan tih emem laiin T-shirt pakhat ringawt pawh 3000 ten an lei ta mai thin a, ka dam chhungin ka lei ve ngam ngai dawnlo kei chuan 50 man te hi ka inhmeh tawk chauh a,a man tlawmah hian ka duhzawng a tam ber bawk.



In suk zawh lamah ka in thui ve a, dar khat velah Rinhlui'n thingpui minlo pe a, a fel ve thin ania, ka thil thui lai ka laklawh em avangin rawng pawh ka bawl pui ta hman lo a, thim dawn thleng chuan ka in thui a,zung tur a ka chhuak bak ka in thui nileng thak ani.



Ab-a'n min rawn be lova, ka pa in ah chuan a kal ta anih ka ring a rawn haw tlai danah , ka nu te erawh anlo haw tawh a, Rinhlui'n eirawng a bawl peih vek tawh avangin Ab-a chauh chu kan nghak tawh a, chanchin hriat nan tiin ka phone ta vat a, ka tum ai hma a alo lak avangin ka phu deuh zawk leh nghal "Ab, ilo haw dawn tawh em" ka tih chuan "lo haw mek, ka lo thleng tep" ati ve mai a, ka pa in a a kal leh kalloh zawh ka tum laiin hmeichhe dang tawng ka hre ta tlat mai chunu chuan "tunge a" alo ti a, Ab-a erawh a ngawi reng thung.




"Awle, chaw ei ah kan nghak che a" a bulah midang an awm ve tih hrelo ang hmakin ka ti a, lo haw vat vat se ka ti ka thla a muang hlawllo "minlo ei san mai dawn mi" in thlahrun hmel deuh chuan ati a, ka ngawi reng a, sawi tur ber pawh ka hre leh tawhlo "Baby" arawn tih leh takah chuan "umm, kan lo ei ang, ilo haw har dawn em" ka ti leh ngat a, alo thlen tep tawh thu a sawi a, tunah chaw ei san turin min ti leh a, a bulah hmeichhe dang an awm vang ani a ngem?



"Ka hrelo le" ati chuai raih a, ngati nge engmah hi a hriat theihloh "ka hrelo " ti a min chhan hi a tam tawh lutuk "athat chu" tih leh call chu ka hmet tawp nghal a, engtin emaw tak hian ka awm a, ka awmdan hi ka hrethiamlo khanu kha ka thikin ka hria a ni.




Inhnuaiah chhukin ka nu te hnenah "alo tlai deuh dawn a, minlo ei san mai rawh u ati, kan ei mai dawn mi" ka ti a, ka rilru ah Ab-a te ringawt an awm bawk "anihchu ei san mai ang u" ka nu in atih chuan chaw ei siam turin choka lam ka pan ve nghal a, "ei san ang" tih pahin chaw ei chu ka siam nghal mawlh mawlh a, Rinhlui'n minlo pui ve vat bawk.




Chaw ei laiin ka pa in Rinhluii chu a chhungte chungchang a zawt nual a, "i haw duh em" ka pa in atih chuan Rinhluii chu ka en vat a, a mitmeng atangin a haw chak tih ka hria a, ka lawmpui takzet , haw ve se ka duh a, a chhungte a ngaih zia leh a thlakhleh zia hre tu pawh ka ni mahse Rinhluii tello a he in a awm chu ka peihlo takzet thung.




"In buai ve tho sia" inthlahrun hmel deuh tak a Rinhlui'n atih chuan "buai loh tak tak pawh hi a awm thei chuanglo a, i duh hun hun ah i haw dawnnia" ka pa in atih leh chuan "ka lawm e" tiin alo chhang a, a hmel atang chuan a lawm takzet tih pawh a hriattheih a, ka lawmpui lutuk a, keimah zawk pawh hi kal ve daih mai te ka duh hial ani.



Chaw ei na kan tihfel laiin "haw ngei ngei rawh, hahchawlh nan hun han hmang la, helam chu rawn ngaihtuah reng reng suh, ilo haw duh hunah ka rawn hruai thlap ang che" ka tih chuan a nui vak vak a, a englai ber khan nge a nuih tiza erawh ka hre hauhlo "nui vak vak ringawt suh" ka ti leh ringawt a, ani lah chu a nuih aza ting mai si a, thil nuihzatthlak ka sawiloh tehlul nen "enge i nuih" ka ti ta nge nge a, pum dawm meuh a nui chung hian "aza ve tawp" ati ringawt a, chutia za na na na te chu ka nuih ai pawh hi nui zo vek mahse pawi ka tilo tunah tak hi chuan ka nui chak lo ve em ani.




"Lo kal ve la" ati a, ka chak zia hria se chuan min sawm duhlo zawk ang "a tih chi nang" ka tih chuan "nia, pasal inei tak e" ati leh kher a, ka ngei riau min intihtheih khum a tum tlatin ka hria "Baby" atih leh chuan amah chu ka en vat a, a thusawi hun chu ka nghak bawk "sawi la" a ngawih leh daih avang chuan ka ti a, "ka sawi leh duhlo" atih avang chuan ka hre chak zual sauh a, sawi turin ka ti char char a, atawpah chuan "hmanni ami kha" ati a, engtik hmanni ber kha ni ang maw ka tih rilruk laiin "restaurant ami kha" atih chuan Lalhriattluanga kha ka mitthla ah alo lang nghal zawk a, mahse ani kha chu a sawi tum ber ani a ka rin loh avangin "tu kha nge " ka lo ti vat a, hrehhmel deuh hian "i thianpa kha" ati leh a, ka nui tawp "Hriattluanga kha maw, ngati nge" ka tih leh chuan "alo be tawh che em" mi pawh enlo chuan ati a, nidangah hetiang lam a sawi ngailoh avangin mak ka ti deuh "be miahlo ngati nge" ka tih chuan "ka hre duh mai mai" ati leh ringawt a, "hmeltha iti animaw" ka tih chuan a pha ve nasa lutuk mahse ka hrethiam ve vek sia,kan sawi chhuah takah chuan Lalhriattluanga pawh kha min biak tur thu sawi siiin ala reh char char a, a number te kha lo la ve zawk ila tha tur ania.





Khumah chuan ngawi rengin ka thu a, zan dar 9 a ri tawh a, Ab-a erawh rawn haw chu sawi loh tlai a kan inbiak bak kha a reh ta char char a, ka rilru in thil tamtak a ngaihtuah a, ni e, khanu kha ka thik ani, va biak mai ka duh a, ka ngam silo, pawi ta ber zawk chu eng ang pawn thik ila , alak ah ka thikthu ka ti lang ngam silo a, ngawi reng a tawrh mai loh chu tih theih ka neilo ani.




Mutthilh ka tum a, a harsa phian mai leh nghal movie recap chu ka en leh a, mahse ka rilruah erawh a lut thei thaklo enge an tih ang tih ngaihtuah reng reng in ka buai a, a hahthlak takzet ani.




Number hriat loh atangin call ka dawng a, chhan loh ka tum zet a, Ab-a alo nih palh takin tih thuah ka chhang leh ta zawk a, ka rin loh deuhin Hriattluanga alo la ni zui,a chanchin kan sawi te kha a hrethei hial amawn le ka ti rum rum mai "ka buai lutuk a " tiin min rawn biak lawk loh avang chuan thupha te arawn chawi a, mi in thlahrung chi tak anih ka ring "a ho lutuk eng hna nge i thawh ber a" tiin ka zawt a, mi hi an hnathawh zawh vel hi ka duh viau lo thin a, mahse chuti taka buai chu a hnathawh ka hre chak deuh ani "hna chhe te mawle" ati a, sawi a hreh ni ah ngaiin engmah ka zawt zui duh ta lo.



Eng eng emaw te sawiin kan titi dun a, Zabilha chanchin min zawh ka rin tehlul nen engmah min zawt ta lo a,ka tan sawi a nuam dawnlo tih a hrethiam ve anih ka ring bawk "in pa awmlo ami" ka pasal chung chang erawh chu min zawt a, tun ang zan rei ve lam tawh a, call ka la hmang reng chu mak ati ve anih ka ring a "hna a ngah lutuk a ani pawh hi" ka tih chuan "awle2, remchang ah la inhmu leh ang u aw, i thiannu tel khan" arawn tih leh takah chuan Rinhlui'n a chanchin min zawh vel kha ka hrechhuak thut a, hemi te pahnih hi tihpui ila a tha dawn riauin ka hria "tehreng mai, ka thiannu kha a fel teh mai ania aw" ka tih chuan a nui hak hak a, "fel ang, a hriat mai alawm" alo tih chuan ka phur viau tawh mahse engmah ka sawi duh rihlo a, bialnu a lo nei anih chuan Rinhlui tan ka phal chuanglo bawk a rilru ana mai mai dawn si a.



Remchang hmasa ber a inhmu tur chuan kan inthlah a, Hriattluanga hi mipa fel leh fing tak anih ka ring vawi hnih chauh la hmu mah ila amah ah hian thil danglam engmah hmuh ka neilo a, mi langtlang ve tak anih ka ring bawk.



Movie recap bawk en leh ka tumlaiin Ab-a arawn lut hlawl a, sofa ah chuan a thu thla hnawk a, a rui viau aniang a rim pawh ana emai.Khum atang chuan chhukin ka va pan ve thuai a, sofa bulah chuan dingin amah chu ka en reng a, eng thil nge a tawn a heti emem a arawn ruih mai ni "Ab" ka tih chuan a ngawi reng a, eng ang pawn rui se chahthlakna hun ala awm lo hrim hrim "Abraham" ka tih pawh chuan chet chu sawilo a thawri bak hriat tur a awmlo "i duh leh tikhan mu la nimai lawm ka buaina tur anilo " ti a kal mai ka tum chu ka banah vuanin min pawt thu lawp a, ka thut rual chuan ka darah a lu nghatin "reilo te" ati ringawt a, engthil tak chu va tawng ang maw?



Nizan lam leh nimin lam a a mizia zawng zawng te kha an bo leh vek tawh a, tun a ka bul a awm mek hi chu midang daih anih leh tawh avangin engtiang a han dawn sawn tur nge ka hrethiamlo bakah hetiang tak hian vawikhat mah a rawn rui haw ngai silova, ka rin dan ber chuan tlai a kan inbiak lai a a bul a lo awm ve hmeichhia nen khan an in tithiamlo a nga, zu a in phah ta vak aniang ti te in ka ngaihtuah a, kan ngaihtuah na han chak dan emem hi reilo te chhung pawn thil tamtak kan ngaihtuah hman a, hmeichhe tam tak chuan kan ngaihtuahna kan kawm nasa a, a chang phei chuan thui tak tak zeldin kualin kan nat phah fo thin tih hre mah ila, tun a ka ngaihdan hi chu thil thleng tak tak anih ka ring bur ani.




Ka dar a alû nghat reng chung chuan a thaw ri sat sat reng a, a muhil nghal daih anih chuan a ho viau ang, "Ab" ka tih chuan a ngawi leh reng tawh a, "Zodinsang" ka tih leh takah chuan a hma ang a ngawi reng tawh biklo in "umm, va mu tawh rawh" arawn ti a, chetsawn a tum chuang bawk silo"inthlak hmasa la" ka tih chuan "ummm" ati leh tawp a, "naktuk hna kal i ngaih kha inti harh la, inthlak la mu rawh" ka tih leh pawh chuan "ummm" ati leh a, mahse a kut lehlam chuan ka hnung lamah rawn zen pheiin lehlam zawk chuan hmalam atangin min kuah bawk a, a lû chu ka awm zawnah dahin a thaw chhuak ham ham a, ka awmdan lah chu a diklo reng reng ka thin a phu dup dup a, ka sa pup pup a, a lum emem bawk pakhat lah chuan engmah a hre ve der mai silo.



Ngawi reng chuan a duhdan in ka awmpui ta reng a, engmah a sawi zui tawhlo a, sawi zui vak ngaihna ka hre bik bawk silo inthlak tur a ka tih lah in "umm" ati ringawt a, chet a tum chuang silo a, ti hian a peih chen chen awm se ani mai, anih loh pawn a mutthilh chian hunah ka mutsan ve daih ang.




Ka pang kham vek vang chuan ka harh a, sofa ah chuan in si rialin kan lo mu dun chu niin a kawngah chuan ka lo kuah tlat bawk a, engtik laiin nge ka mutthilh ka hrelo reng reng ka kut leh lam lah chu ka delhna avangin a mu chur chur a, chetsawn ka tum chu minlo la kuah tha sauh sauh a kan mutna hi a tê si a , heti hi chuan ka rawl vek thei ang.



"Zodin, khumah ka mu duh ania, a hrehawm" maimitchhing tlat mahse a muhil lo tih ka hria a mahse min chhanglo a, a chelo a, a awm ngaiin a awm char char a, hetiang a biak a hre reng a, hrelo ang mai a a awm hian ka ngei ngawih ngawih thin inlak pâ na emaw ati amawnle ka ti hial tawh



"Ka ban te hi a na vek tawh a, min thlah teh ka insawn dawn" ti a thawh ka tum chu a che thut a, min bawh ta run mai! Ka mitah chiang zetin min en a, hawisawn duh biklo in ka lo melh ve kar bawk, a maimitchhing leh vang vang a, thawk la hakin a rawn meng leh a, a kut chuan ka hmuiah a rawn khawih in a chil a lem rual a a rawk bawk che ralh chu ka hmuh hmaihlo "Baby" arawn ti thawp sat a , ka chhang lo a mahse amah ngawt chu ka en thung



"Ka fawp dawn che ania" ati leh a ,engtin mah ka la chhang chuanglo a, ka awmdan a tang hian ka hnar biklo tih hrethiam se ka duh ani, keimah tak pawh hi ka in hrethiam tawh biklo Abraham Zodinsanga hi ka duh anih ngat chuan ka chan tur ka hria a, mahse ka thinlung hi ka thunun phak ani tlat si.



Zawi muangin min fawp a,(helai vel hi chu ka ziak thiam ve vaklo tikhan lo ngaihtuah chhunzawm ve tawh mai rawh u, a ngaihtuah thiam thiam te tan ani mai huhu)


Min fawhna a thlah hnuah "ka chakna a rei tawh" ati a, ka lai lek lek zawk ani , ka hmui ah bawk chuan a rawn fawp leh zeuh a, "va mu tawh rawh le" ati a, lo mut ve a tum loh hmel em avang chuan "awle" tiin ka tho zui a, khum lam ka pan nghal a, mahse khum a ka lawn hma chiah chuan min rawn pawm kang nawlh a, "Ab, enge i hriat a " ka ti thawt a, a rui bawk si a, chhuatah chuan min thlauh mai ka hlau ani , min la pawm reng chung chuan ka hmuiah bawk chuan a fawp leh a, tunah tak hi chuan a dang pawh min dil se ka phal mai ka ring ani.




A awmdan engkim mai hi ka duh hluah hluah ni berin ka hria a, Zabilha lak a ka neih ngailoh thil tam tak ka neiin ka hre bawk "lo mu ve se minti em" tiin zawhna chhan zahthlak tak min zawt leh tawh a, min zawt kher zel lo hian mu ve tawp mai se ka ti a, chutih rualin a lo mut ve loh ka hlauh em avangin zak chung chung in "aw" ka ti a, ka zak tih pawh hi a hre ve tawp lo ang "tha lutuk" tih leh khum ah min dah thla a, ka bulah chuan lo mu ve nghalin a ban bawk chu min khâm tir leh a, a kawngah chuan ka lo kuah ve vat bawk .



"Zodin"min chhan pawh ka rin loh tehlul nen" umm" alo ti ve ngei a,"tun tum chu min chhang ve ta alawm" ka tih chuan a mit mengin min rawn en a "engmaw" mak tih hmel deuh hian ala ti zui "engmah anilo khawiah nge i kal a" ka ti a, a kalna ka hriat chak em avang a zawt pawh ka nilo a bul a hmeichhe awm kha tunge anih ka hriat duh vang ani ber "khawiah emaw " ati a, a maimitchhing leh tlat tawh "nangmah in maw" ka tih chuan ka hlauh ang ngeiin "Sangzuali nen " ati a, a sawi awlsam mai si a,engtin emaw tak hian ka la awm zui "anihchu rinai daih khan ilo haw har leh sia chuvang mai mai, muttui" tiin ka in lehlam chu ka hawi ta daih a, ka zep lo Abraham Zodinsanga hi ka duh ani..Engtik lai atangin nge alo thlen a, engvang a duh nge ka nih engmah ka hrelo , alo thleng ve tawp a, ka in ring hman lo ani.



Sangzuali ka thik tih hrethiam ve heklo ka lamah chuan lo tawlh pheiin min rawn kuah leh a, ka duh tih hi hre ta se engtin nge min ngaih ang ka hrelo a , tun a ka bul a a mut ang hian a mu duh tawh kher pawhin ka ringlo keini ang te chu kawitin ah an awm a, kan Abraham Zodinsanga te chuan melh en ah pawh an en ve silo.





Zing ka harh rualin ka bul a tui tak a muhil mek chu ka hmu hmasa ber a, a hmeltha tak mai hi khang hun chhung zawng a ka lo hmulo thin kha mak ka inti takzet ani.



Rinhluii pawh choka ah alo awm leh tawh a, inrinni anih avangin bazar a ngai thin a, tuk dang aiin a tho hma ziah thin "iva tho hma ve" min hmuh rual chuan alo ti vat a "ka lo bazar pui ang che" ka tih chuan a ngaihloh thu bawk alo sawi leh a, "khati khan ti ziah suh tih tur dang ka nei chuanglo ka pen parh mai ang che" ka tih chuan a nui ta ringawt a, "anih chuan kha heihi keng ve rawh" tiin bazar bag lian lutuk lo chu min pe a, phur zetin kan in zui chhuak leh ta nge nge a.




Chawhmeh vel kan lei zawh chuan kawngsir a thingpui anlo siam te chu kan in dun a, an paratha kan thar vat vat hmeh pah a kan ti ti lai chuan "tak a Baby, u Ab-an thil min zawt a " a rawn ti thut a, ka phu nasa lutuk chu a hnungah te chuan ka beng leh rih a, titi laklawh lai a hetiang a tih thut thut hi a ching lutuk a, ngaiah ka la nei thei thlawt lo



"Engthil nge a zawh che" ka thin zawn la dawm reng chung chuan ka ti a, ka thawk te hi pangngai lo vekin ka hria "Hriattluanga chung chang kha mawle" ka rinloh lutuk a alo tih avang chuan ka thingpui in lai pawh chu ka phuh hman lek lek ani "engvangin engtin nge a zawh che" ka lo ti vat a, "ka hrelo Restaurant a kan chawlh vel kha minlo hmu mawnle ka tia, ka chiang biklo " ati leh a, thil hi chiang deuh a hriat hi a nei ngailo ani pawh hi a u Ab-a chiah chiah anihhi "ka hrelo" tih nen a in ang reng




"Enge a zawhna chhan che ni ta ber a i rin" tiin ka zawt a, hetia tih deuh loh chuan a bo leh vak mai ang "ka hre nang, tute nen nge in kal atia" ati leh mai a, a sawi zawm dawn emaw tiin amah chu ka en reng a "pi, paratha pakhat minlo pe leh teh" ati daih a, a hahthlak thin ania "chuan sawi zo vek rawh a tir atang a a tawp thlengin" ka ti ta tawp a, a bul atang hian tihian sawi tawp se engmah lo zawt buailo bawk ila a sawithiam ber zawk.



"Eng em em mah min zawtlo" ati leh daih bawk si, "a that chu eng emem mah a zawh loh che chuan" ka ti ta ringawt a, ka zawt buai vel peih tawhlo e a "Hriattluanga khan alo bia che anga, in in hauh phah emaw ka tia, chuvang alawm alo biak leh biakloh che ka zawh che" ati leh a, ka hrechiang chak si, han zawt chiang dawn ila a buai leh deuh nuaih dawn bawk si a "anihchu kan inhau lo hrim hrim" ka tih chuan "ava han lawmawm a thinrim hmel reuh lutuk a, a hmel kha ka sawi thiamlo a rum ûl a, ka hlauthawng hman lutuk alawm" ati leh a, a thinrim hmel atih chu ka lo la fuh khawp mai "a thinrim hmel maw" ka tih leh chuan "niang chu , ramhuai ni awm ani, ka rindan chuan U Hriatuanga kha a thikin ka hria " ati leh mai a, chu erawh ka awih tawhlo hulhual thung.




In kan thlen chuan ka nu pawh alo tho ve tawh a, a pangpar vel singsak a duh avangin nizan pawh a muthma tak kha mawle "thingpui ka lo siam ang che aw" ka tih chuan a in zawh chiah thu alo sawi a, phur deuh hian "ka fate chaw tha ka va pe vat zawk ange" tiin a kal zui a, a pangpar ho hi "ka fate " ati mai zel a, Ab-a phei chuan "pangpar nen min tehkhin suh" te hi a ti leh ringawt zel a, a tehkhin emem pawh kan hre ngai chuanglo.


(Comment kha aw..... Like te hi an tlem bik lutuk a.. Nuam ka tilo reng reng ka down tep)


Show post links
Top

[Ngaia]

16
"Ka pum ana " Rinhlui'n atih chuan mak ka ti deuh a, nidangah nâ a sawi ngai silo a "animaw va inthiar tum chhin la" ka tih chuan nui chung hian "a reh ve leh mai ang" ati a, ngaihthat loh na emem pawh ka nei chuanglo zing a kan thil ei vel vang kha a nih ka ring deuh a, paratha ah khan hmarcha kha a roll a, a ei tuam tuam a, a pum in a zolo anih ka ring.




Ka ngaihbel nge nidang ang in chaw te chu a ei thalo riauin ka hria a, mahse engmah ka sawi duh chuanglo a chaw ei kham lam ah ka zawt ang ka ti deuh kha ania Ab-a chhuahna tur aneih avangin kan pindan lamah kan in zui chho leh ta si a, engmah zawh na hun pawh a awm ta lo.




"Ka rei mai thei ania" Bathroom atang a rawn chhuah pah chuan ati a, a kalna tur ka zawt lova enge a tih dawn lah ka zawt heklo tul atih chuan min hrilh mai turah ka ngai "umm.. Chanchin minlo hrilh ve dawnnia" ka ti a, kawr a ha bawk silo a, en pawh ka en tha ngamlo "ka kawr hak tur ila chhuak tawh em" atih chuan "engtin maw" ka ti deuh ha a, nidangah a thuamhnaw hak tur ka thlan sak ngai lova, a duh duh hi a hak mai thin avangin thlansak en ah pawh ka enlo hrim hrim "i kalna tur ka hre silo a" ka ti a, a kalna tur mil in a thuamhnaw hak tur pawh a thlang mai zel a, lo thlansak ve ringawt dawn ila a kalna tur ka hriat loh avangin thlanthiam chu a har ve khawp ang.



"Hna thilah Reiekah kan kal lawk dawn a" ati leh mai a, hna thil mah nise kamiz nen a in thuam deuh ap chu a hrehawm ve deuh mai thei "ka thlang thiamlo nangman i duh ber ha mai rawh" ka tih chuan a nui a, a drawer lam chu pan in a hawng a "nidangah chuan i thlan sa hlir ka ha tawh ang, vawiin nilengin lo in zir ang che" fiamthu deuh hian ati a, tunge maw nileng leng a in zir peih se atih ni "ateuhlo mai ah ka hmanlo hrim hrim" ka lo tih chuan "i pasal ka nihhi" ati leh ringawt a, a thawk a phit hian ka pasal a nih thu hi a sawi ziah leh nghal.



"Vawiin chu ka buai dawn lutuk Rinhluii a nuam sam silo a " ka tih leh chuan "anuam lo maw" alo ti ve vat a, Rinhluii hi rinai tak hian a ngaihsak a, rorum deuh ang hian lang thin mahse a chhungril erawh a nem hle thung"aww, , a pum a nuam chiahlo a" tiin zing a kan thil ei vel te chu ka sawi a"chuvang anihchu" ati leh mai a, keipawn a hmarcha ei vang anih kha ka ring ber "ei leh in hi finkhur tur ania" ati leh a, ani ang in ei tur leh ei loh tur kan thliar hrang ve lova a remchang a piang kan tui tihzawng anihchuan kan ei mai zel "i la hmanlo ami" ka ti ta daih a, a in siam muang si a, Rinhluii kha ka ngaihtuah deuh tlat tawh




"Ka hman tep" tiin min rawn hnaih nghal ruak a, ka kawngah dawmin alam ah min pawt hnai a, "min ngai a ngem" atih chuan ka chhanglo "sawi rawh" ka hmuiah chuan a rawn fawp zeuh a, ka ngai che ti ta ila engtin nge min ngaih ang ka hrelo a, amah ka duh thu hi a hria anih chuan min hlat mai ka hlau ani "min ngai dawn itih na ah ka ngai mai ang" tiin min thlah a, darthlalangah chuan in en in a sam chu a siam tha leh mawlh mawlh a,a hmeltha tihhi chu a in hre chiang ve viauin ka hria.




Kawt thleng ka thlah a, khua a duai avangin fimkhur tur chuan ka chah mawlh mawlh a, "awle" tih aiin "Reiek aieng ka lo hawn ang che" ati daih a, hetiang hi chu ka tawn fo tawh avangin ngaiah ka nei tawh



Choka ah chuan Rinhluii a awmloh avangin ka zawng nghal thuai a, a room a ka va luh chuan a khumah chuan alo mu kawm ngiai a, "ehe Rinhlu, i tha em" ka tih chuan a rawn meng a "natchhawkna minlo lak lawk mai teh a" na tih hmel zet hian ati a, a room ah natchhawkna ka hmuh mai loh avangin choka lam bawk chu ka pan leh a, tui nen la in Rinhluii room lam chu ka pan a, ka nu in minlo au mahse ka chhang hman tawhlo




"i thu thei angem" ka tih chuan a lû a lo bu zeuh a, ka thil ken chu dawhkanah dahin a thu tur chu ka lo pui vat bawk chutia kan lo inbuaipui lai mek chuan ka nu alo lut ve bawk a "awi enge thil awmzia" tiin a rawn phul leh nghal hlut a "a pum a na a" ka lo tih chuan "Rinhlu i pum ana ami" tiin Rinhluii zawk chu a be ta daih a, a ngaihtuah hmel takzet bawk "ana ve deuh mai mai anihhi" Rinhlui'n atih chuan "na ve deuh ani lovang a na tak tak anihkha i hmelah pawh a hriat vek alawm damdawiin ah kal ang u" ati leh a, hlauthawng chi anni ka tih tawh kha "damdawi hi ka ei anga a dam mai ang" Rinhlui'n a tih pawh chuan "a dam mai ka ringlo na inei ngai silo a, na nei ngailo ho hi an nat chhun in an la na thei lutuk" ati leh talh a, Rinhlui lah chuan beidawn hmel deuh hian min rawn en a, "kha damdawi hi ei phawt rawh" tiin ka pe a, ka nu pawn "nia han ei phawt mai teh huiham" ati a, a tawp a huiham a ti tel kher chuan ka nuih ati za leh tlat tawh




"Damdawiin kal chu tul iti lo ami "ti a Rinhluii a zawh leh chuan " ka hmarcha ei vang ania, a reh mai ang" alo ti leh mai a, kan ngaihdan a in ang chiah a hmarcha ei vang bak kha anih ka ringlo "anihchuan mu hahchawl rawh Baby, lo ngaihven reng rawh aw" tiin min chhuahsan zui a, ka nu hlauthawng thei lutuk hi chu lung thalo ka neih phah lek lek zawkin ka hria ani.



"Mu rih rawh aw, in chhung chet vel chu engmah ngaihtuah angailo ania" ka nu chhuah hnu chuan ka ti a, a rilru in a tih tur hmabak zawng zawng a ngaihtuah leh anga na chung chungin tih leh talh a tum dawn tih ka hriat avangin "bakah engmah tih ngai pawh a awml tlai a ei rawngbawl ani mai" ka tih leh chuan a nui a, a pum erawh ala na aniang a dawm reng a, ka khawngaih reuh tak tak ani.




Rinhluii room atang a ka chhuah chuan ka pa nen kan in tawk a, "enge a an tawh a" min hmuh rual a a tih chuan "mutthilh tum rawh ka tia, rinaiin na ati nek mai" ka ti a, Rinhluii room lam chu hawiin a en vang vang a "i nu nen chhuah kan ngai sia" atih leh chuan "ka awm alawm ngaihtuah suh u bakah zingah khan hmarcha a ei vak a, a pumin a zolo anih ka ring serious lutuk pawh anilo" ka tih takah chuan a hahdam hmel ve ta deuh "thil thleng a awm chuan minlo be vat ula, keini hi kan chin kan hre silo a, chaw kan ei nghal mai thei" ati leh a Rinhluii nen chauh a min chhuahsan chu a inthiam chiahlo anih ka ring tuk dang anglo takin Rinhluii lah alo nuamlo ve bawk nen "umm ... Eng em kan ti lovang natchhawkna a ei a, a chhawk vat ka ring" ka tih chuan "inpa hi a kal tawh ami" ati a, a kal tawh thu leh ani pawh a chin tur a hriat lawk loh thu ka lo hrilh ve vat a "i patea te nupa nen inhmuh kan lo in tiam laklawh tawh si a" in thlahrun hmel deuh chuan ati leh a "a pawilo ngaihtha deuh khan va kal rawh u ka awm alawm" zang vah hian ka ti a, min ring se ka ti takzet bawk.




An kal chhuah dawn chuan ka nu in Doctor number thenkhat min pe nual a,engmah sawilo chuan ka la vek a, biak vek sen pawh anni lo"kal teh kan tlai zo dawn" ka pa in tilo phei se chuan minla pek belh teuhin ka ring.



Rinhluii a muhil a, a mutthilh chhung hian a theih ang atam tih ka duh avangin ka inthlak hmasa te te a, bathroom a insuk lai mek chu tih hmasakah ka nei in in chhung vel ka tifai leh a, abak han tihtur emem a awm loh avangin ka nu pangpar ho chu tui ka pe leh a, an par an han chhuah tak tak hi chuan an mawiin hmuh an nuam thin a, hah an ti dam ve sawng sawng thei.




Tlailam ah a pum bawk chu na ati leh a, ahma ang tho in natchhawkna chu ka pe leh vat a, a room ah mut tirin muhil turin ka ti a, duhlo viau mahse ka kalhkhum tlat avangin a muhil ta aniang a thawm a reh emai.



Eirawng ka bawl laiin Ab-an minlo call ve teh mial a, hna thil a a chhuah hian min rawn be ngailo a, min rawn biak na chhan tur anei lo a , a bat pawh anilo mahse hetia minlo biak hian a nuam ka ti a, a nupui tak tak ni te in ka hre hial mai "Zân ah daih kan rawn haw dawn anihmel" chauh hmel deuh hian ati a, Reiek hi ka la kal lova, engtiang chiah a hla nge anih pawh ka hrelo thenkhat sawi danah hi chuan Aizawl atangin a hla lo anti thin a kei erawh chuan Aizawl a pelh tawh hrim hrim hi chuan a hla vek mai hian ka hre thung



"I va chau tawh awm ve" ka lo ti vat a,a chauh te hi hlau ve viau mah ila awmzia lah chu a nei der mai silo "chau ve tho mai, ka lo haw chak tawh" ati leh a, a aw atang ringawt pawh chuan lo haw a hahchawlh a chak tih a hriat theih avangin "ilo haw ve leh ka massage dawn che nia" ka ti pek a, ani lah chu alo phur khawp mai "ka hre reng dawn ania , lo haw nghal mai ka duh" ati a, eng vang a massage chu sawi ri nge ka nih pawh ka in hrelo khawi lam massage mah ka thiamlo lehnghal "Rinhlui pum hi ana deuh reng a, tunah pawh damdawi ka pe a ka mut tir a" tiin thudang chu ka sawi ta daih a, Rinhluii chungchang anih avangin a ngaihven ka rin vang ani pakhat "na ati viau ami" a rawn tih chuan "ti ve viau e, ka khawngaih ania" ka ti leh a, ka khawngaih tak tak bawk "umm.. Ka lo haw har lovang" ati leh a, tunah chuan a thutak hmel viau mai "lo haw vat rawh" ka lo tih chuan "min ngai ami" ati leh daih a, a thutak reilo lutuk chu ka nuih aza zawk.




Ka pa ten chaw an ei chhuah tak avangin Rinhluii nen chauh chuan chaw kan ei a, "ka ei peihlo" ti mahse ei luih tir hrim hrim ka duh ani, ka nu damlo ka awmpui tum(trum) khan a chauh em avangin drip khai turin ka dil a, mahse nurse te khan "chaw lo pe hram hram rawh u , fian khat lek pawh ei se drip khai ai chuan ala tha zawk tho tho" antih kha ka hre reng a chuvang a Rinhluii pawh ei luih tir ka ni "ei luih hram hram tum rawh aw" ka tih chuan "awle ka nu" alo ti ve vat a, kan pahnih chuan kan han nui dun leh rih a, a awmlo ang tih ka hlau ani, awmlo se chuan hrehawm ka ti dawn lutuk tlat.





"Baby, ka tilui thei thlawt lo" tih leh thawh a rual a, bathroom ah tlan lutin ava uak tuarh tuarh a, tih tur ber pawh ka hrelo a hmarcha ei vang ringawt chu a nih ka ring tawh lova damdawiin a kal bak ka rilruah a awm tawhlo.



"I tha em" tiin a hnungah ka chul a, engtia han tih chi nge ni ang ka hrethiamlo ani "tikhan lo awm rawh aw, taxi ka zuk ko ang" tih leh tlanchhuah ka rual a, duhlo eng ang mahse ka hruai dawn tho tho hi ani tawp.

Taxi stand hi kan hlat deuh avangin a tlan lai hi kan hmuh fuh chian kan lo phar mai thin a, hmuh fuh lah chu a harin zanah phei chuan a vang viau mai hmanhmawh deuhin taxi stand lam chu ka pan , ka tlan ani zawk mah ka rei lutuk chuan Rinhluii alo mangan viau ka hlau ani.



Taxi hman tur alo awm hlauh avangin kan in lam pan chuan kan tlan let leh a, kan in kawt a a din rual chian "ka pu minlo nghak lawk rawh ka han hruai lawk ang" tih leh chhuk ka rual a, bathroom ah alo la awm reng ka rin laiin alo awm bawk silo ka au tuarh tuarh a, choka lam atangin min lo chhan avangin ka va lut chu kan chaw ei na vel alo tifai anihchu "dah rawh kal ang" rum zet hian ka melh a, lo mut ve mai tur ania "khawiah maw" ati a, na lo ang a lan a tum te chu ka ngei tlat "damdawiin ah, ka purse ka han la lawk ang pawnah sawn taxi in min nghak tawh ania" ka tih chuan "a ngailo ka tha lawm" alo la ti talh a, "i thil tihlai kha dah zawk rawh hmanhmawh angai" ka ti leh a, a thusawi pawh ngaithla duh tawh lo in inchunglam ka pansan nghal a.




Taxi-ah chuan ngawi rengin kan chuang dun a, a awmdan atang chuan a pum chu ana hle tih ka hre thei "ka pu, i tlanchak deuh thei angem" ka ti ta ringawt a, Taxi driver lah chu a ngawi reng a, tlanchak pawh a tum chuang bawk silo scooty te khan lo kal ta law law zawk ila kan thleng hma zawk ang mawle.



Casualty kawtah chuan a ding a, pawisa ka pek fel hnu ah chhuakin Rinhluii lo chhuak tur chu ka pui vat a, din pawh a ding ngil thei tawhlo ania heti chuang hian "ka tha" ala ti zui a, a hnungzang ah chuan ka beng kawrh zawk dawn mawnle.




Mi anlo tam em avangin Nurse pakhat hian lo nghak lawk turin min ti a, kan hming te kan ziah hnuah thutna awl laiah chuan thuin kan lo nghak a, kan Lalrinhluii na lo ang a lan tum tlat chuan ka bei a ti dawng ngawih ngawih "ana anihchuan sawi rawh na lo ang a awm kha angailo ania, doctor bulah te khan anihna tak sawi ang che i that thu i sawi reng chuan damdawi nilo deuhin an enkawl che anga, i thatloh phah zawk ang" ka ti a, naupangchhe thil hrilh tak a hrilh a ngai a a buaithlak tlat.




A pum dawmin a kun a, min rawn koh har tawh em avang chuan ka thinrim hlur tawh a, Lalrinhluii vang vek hi alawm na lo ang deuhin lan talh a tum a, kan va thlen tirh pawn a nat ang ang khan langchhuak mai se min enkawl daih tawh ang.



"Enteh , nâ ati bawk sia, natchhawkna talin min chiu mai rawh u" tiin nurse bulah chuan ka va sawi ta tawp a, "animaw, a natna a rei tawh reng reng em" ti a min zawh chuan zinglam a anat tan dan leh tun hun thleng chuan ka sawi ta vek a, "anihchuan lo nghak lawk rawh u aw, a reilo ang, kan rawn chiu dawnnia" ati a, chutia nurse nen a kan inbiak lai mek chuan "Baby" ti a min rawn au tu lam chu ka hawi vat a, ka rinloh lutuk in Lalhriattluanga ka hmu leh thut mai doctor kawr var sar ala ha zui a, a hnathawh hna chhete atih kha doctor hna hi tihna ani maw?Hepa zet hi chuh




"Enge inlo tih" kan lam pan chuan a rawn kal a, "Rinhlui ka lo kalpui mawle a pum ana char char a" ka tihchuan "ava zialo ve, khawnge amah" tiin ka bul vel chu a thlek kual a, "pawnah sawn" ka tihrual in pawn lam pan chuan kan kal nghal a, Rinhluii lo thu kun ngiai lam chu panin a en vang vang a "lo luh pui rawh hmanhmawh ula" tiin min luhsan leh nghal a.



Rinhluii chu kuahin ka luh pui nghal a, Nurse pakhat hian 'lo kal rawh u helamah" min hmuh rual chuan alo ti vat a, ngawi rengin kan zui a , Hriattluanga lo awm hlauh chu ka lawm takzet ani.



"A rawn na tawp ami" Hriattluanga'n atih chuan zing lam a a hmarcha ei vel chu ka sawi a, "hlauthawnawm anilo anga mahse enkawl deuh chu a ngai dawn anihhi" ati a, "engtia en kawl maw" ka lo tih chuan "ka admit phawt ang chu hmarcha ei vang ringawt hi hetiangin pum ana theilo a pumpui ulcer hnathawh pawh ani mai thei a, a rilphir lam pawh ani mai thei ultrasound te kan ti anga a chiang mai ang" ati leh a, Admit a sawi avang chuan ka hlauthawng hle thung.



"A serious lo iti sia" ka tih leh chuan "Serious lo e, mahse a pum nat chhan hi kan hriatchian angai alawm, zû te i in ngai em" tiin Rinhluii chu a be ta daih a, "ateuhlo mai" ani lah chuan alo ti vat bawk a, Hriattluanga pawh a nui tawp


"Heihi natchhawkna ania,kan pe phawt che anga, i zia awm deuh hunah ward lamah in in sawn chho dawn nia" ati leh a, natchhawkna an pek tho chuan admit kher kan ngaih ka ringlo a sin mawle mahse doctor ten ti tur a min tih hi chu ti ve zel mai phawt ila a him nge nge in ka hria.





Daml dang an tam avangin Hriattluanga chuan min kalsan leh thuai a, "Baby, Admit kher a ngai dawn ami in lam an buai lutuk ang" Rinhlui'n atih chuan "in lam chu an awm ve thei mai ang ngaihtuah duh suh" ka ti a, keipawn admit kher ngailo se ka ti "A dam vat ka ring tho a mahse , ka hlauthawng tho bawk si a" ati leh a, kan ngaihdan a in an chiah avang chuan chhang duh tawh lo in "ka nu te kan bia ange" ka ti ta zawk a, min admit dawn te chuan engmah kan in keng lawk silo a, min rawn pek te pawh a ngai ang chu mawle




"Aw Baby kan lo haw tep" ka call a chhan rual chuan alo ti a, an thawm atang chuan an hlim hmel hle mai "nû englo ania, Rinhlui kha an admit a" ka ti nghal tawp a, ka nu nilo in ka pa zawk ka lo phone lo chu ka inchhir leh hnuhnawh "awi enge awmzia, ana leh ami, ava han pawi tak kan lo haw nghal ang mahse in ah in awmlo tiraw?khawi damdawiin ah nge in awm" ati leh hluai a,a phi buai vek zel tih ka lo theihnghilh hman pek ani "Civil Hospital-ah ania, mutbu vel engmah kan keng silo a" ka tih leh chuan "i pa hi khawnge" ati a, a ri zui nghal nawk nawk a, ka pa awmna ka hriat loh avangin ka ngawi reng thung bakah min be chiah pawh niin ka hrelo


"Rinhlui an admit anihchu kan haw nghal angai" ati leh a, ka pa chu a hmu ta anih ka ring "aw Baby , i pa nen kan lo haw ang, ken ngai vel chu in lamah kan la anga, kan rawn kal ve nghal dawnnia, in pa i hrilh tawh em, nge alo haw tawh zawk" ati leh nghal zat a, ka la hrilhloh thu ka sawi chuan "han hrilh rang rawh awi a pawi emai, engtin tak nge Rinhluii chu a awm" atih chuan "a pum ana a, Ulcer hnathawh nge a rilphir hnathawh kan la hrelo a" ka tih chuan "A rilphir anih chuan a zai a ngai dawn animaw" ati leh ringawt a, doctor khan zai a ngaih tur thu a sawi loh lai a ka nu in alo sawi daih chu a rilruah enge awm ang aw ka ti "aw.. Hei tunah chuan a zia rih a, inlo kal dawnah minlo phone dawnnia, Ab-a chu kan be ve ange" ka ti ta tawp a, ka nu hi ka biak reng chuan ka buai ve vek dawnin ka hria ani.





Ab-a ka call chuan a chhang thei mai lova mahse a hnu lawkah minlo call in "ka lo haw mek a" arawn ti a, a chauh dawn tehlul nen ka thusawi tur chu ka sawi hreh leh deuh a mahse , sawi tur tho tho tiin Rinhluii an admit dan vel chu ka sawi a, ngawi rengin alo ngaithla a" khawnge in awm" ka sawi zawh rual a alo tih chuan "khawiah vak nge kan awm ang, damdawiin ah" ka lo ti a, hei pawh hi a nû ang chiah aniin ka hria "khawi damdawiin berah" atih leh chuan "Civil ah " ka ti a, a mizia chu a dang leh riau tawhin ka hria "ka rawn tlang dawn nia" ati leh a, call chu a dah zui nghal hmak bawk engtak chu hria nimaw!?





"Enge i an tawh a ziawm deuh tawh em" Rinhluii bulah chuan thu in a kut te chu ka hmehsak a, nui chung hian "a zia tawh lutuk kan riak lo mai dawn mi" ati leh a, a inthlahrung lutuk hian minti hrehawm zawk "Hriattluanga sawi ang khan hmarcha vang ringawt chu ani theilo alawm ultrasound kan ti anga engkim a chiang vek dawn a, dam tluk a hlu a awmlo" ka tih chuan a ngawi ta reng a, a rilru in thiltam tak a ngaihtuah pawh ani mahna. A chhel zawk hi ka ti lutuk a, tunah tak hian a chhungte a bulah awm se a ti rilru ve vawng vawng mai thei ani.


Ward ah min dah lut a, ka nu te hnenah kan chanchin ka hrilh chuan anlo kal mek thuin min chhang a, min admit ka ringlo chu thuhran nise in rinlawkna chang ka hre tawhlo hrim hrim ani.

"I chhungte i hrilh ve dawn em" ka tih chuan a lu chu thingin "an rilru ka tibuai mai mai zawk ang" ati a, ka lainat lutuk ringawt a chhungte hi hmangaihna diktakin a hmangaih niin ka hre bawk.

Ka nu te anlo thlen chuan Rinhluii alo muhil tawh a , ka nû pawh ka pâ in bengchheng lo tur a atih avangin a zia pawh a thup ve ta deuh "a chhungte in hrilh em" ka pa in atih chuan hrilh a duhloh thu te ka lo sawi ve nghal thuai a, "athat chu natna hlauhawm tak anilo bawk a, hrilh loh mai pawh kha a pawilo zawk ang" ka pa in atih chuan "kan awm alawm kan enkawl ang chu" ka nu in alo ti ve vat bawk a, Rinhluii an hmangaih zia leh an ngaihsak zia ka hria a, ka lawm takzet ani.

"Inpa hi alo va haw har ve" ka nu in atih leh takah chuan "ka biak kha chuan alo haw mek thu kha a sawi a" ka ti mai a, alo thlen ve vat pawh ka ring "a that chu zanin chu riahpui la, ka lo riahpui zawk dawn mi in pa a chau awm si a " ka nu bawk chuan ati leh a chu erawh ka lo hnial thung.

An haw dawn chuan pawn thleng ka va thlah a, "chanchin minlo hrilh ve vat zel dawnnia" an kal dawn a ka nu in atih chuan "hrilh ang eng em kan tilo turah ngai ila" ka tih chuan "ilo awm hlauh chu a vanneihthlak takzet ani" ati leh a, ka chhang tawhlo thung.

An motor dahna kan pan lai chuan Ab-a leh Sangzuali rawn in zui chuan ka mit ala nghal zak a, ka nu in a hmuh hlau takin hliah ka tum zet na a, alo hmu hman aniang chu "Mama" tiin a au a, Ab-an kan lam rawn hawi a ka nu leh pa a hmu tel chu amah ah danglam na engmah a awmlo a, kei erawh Sangzuali nen a ka hmuh dun avangin ka danglam chiang ani.

"In haw dawn chiah ami" Ab-an atih chuan "aw haw kan lo tuk chiah anihhi, Mama enge awmzia" tiin Sangzuali chu a en a, nuamlo ka lo ti u zawk hial ani "engmaw" Ab-a lah chuan alo tih sak bawk si a, zawt tawhlo se ka ti takzet ani "Aw.. Hei Sangzuali nen inlo kal rual sia" ati ta nge nge a, Ab-a chuan min rawn en zawkin "hna kan khawih ho alawm" ati tha mai a, ka thik tih hrethiam nise helai hmunah hian alo hruai angem le?

"Pâ-a mama rual hian kan haw zawk mai dawn ami" tiin ka pa chu a en a, henu bul a a fapa dah hi a thla hi a muang thlawtlo niin alang "ka chau riau asin" ka pa lah chuan alo tihsak bawk si a, ngaihtha lo deuh chung chuan "Baby, in pa kha a riah ve theih dawn chuan riak ve mai rawh se dil chhin rawh aw" tiin min chah zui a, a zialo thin hle mai "awle" ka ti ta ringawt a, Ab-a te lam chu hawi pawh ka hawi ngam tawh meuh lo.


(Dah loh ka tum zet a, ka lo dah leh si zawk anihhi in comment te avangin 🥰)


Show post links
Top

[Ngaia]

17

Ka nû te an tlanliam hnu chuan "a luh theih angem" Ab-a chuan ati a, ka hriat bikloh thu a ka lo chhan chuan "enge a an tawh reng reng"a ti leh a" tunah chuan a muhil rih a" ka lo ti vat a, Sangzuali erawh a ngawi reng thung "athat chu nang enge i an" tiin min zawt ve ta daih a, "ka thalo i bul ami hi ka thik" han tih chi lah anisilo chhan tum a ka kâ ka ang zuai tawh tih ah "Baby" Hriattluanga'n alo ti hlauh a, a hun tak a alo lan avangin ka lawm takzet ani.



Nui hmel pu sâng chung hian kan lam a rawn pan a keipawn ka lo nuih let ve bawk "pawnah te ka hmu teh daih che a" kan bul a alo thlen rual a a tih chuan "nia hei Ab-a te anlo kal a" ka ti tha ve mai a, Sangzuali hi awmlo se chuan ka pasal ka ti ngei ang "e i pasal kha animaw, Hriattluanga ka nia" tiin a kut chu a phar chhuak a, Ab-a chuan lo vuanin "Ab-a, hetah i thawk ami" tha deuh chuan ati a, boruak erawh a ruk takin a sosang viauin ka hria nge keimah hi ka sosang pawh ka hrethiam tawhlo



"Umm thawk ve animai, Rinhlui vang ami ilo kal nge innu hi i ngai tawh zawk" tiin Hriattluanga chuan a zawt leh a, a zawhna chu tullo ti viau mah ila a chhanna erawh ka hre chak viau thung si "ani ve ve" tiin an nui zui a, Sangzuali ka en chuan ka ngaihbel nge alo tum lian viau mai leh nghal "a luh ve theih awm silo a" tiin thudang sawi chu ka lo tum a, haw vat se ka duh ani zawk mah "nia, amah ber a mutthilh si chuan awmzia a awm vak lovang" Ab-a chuan alo ti vat a, abul a mi chu en in "i chau em" ati leh a, Sangzuali chuan alu alo bu nghat a, a bialnu a duat lutuk te chuan ka boruak a ti sosang zual vek"Baby, zingah ka lo kal ang" tiin min rawn en a, a bialnu chau chu a care viau mai "aw.. Lo kal kher pawh ngailo naupang pawh kan ni tawh hleinem" Sangzuali vengthawng deuh chuan ka ti a, Ab-a hmel ah erawh lawm hmel reng reng hmuh tur a awmlo thung




"Kan lut dawn mi" Hriattluanga chuan kan boruak a hrethiam nge pawh ka hrelo "nia, alo harh hman palh ang" ka lo ti vat a, Ab-a erawh ka en ngam tawhlo hrim hrim "Anih thianpa, kan inhmu leh vat dawnnia" Hriattluanga bawk chuan ati leh a, "nia, tha deuhin lo enkawl rawh" Ab-an atih pawh chuan ka en duh tawhlo "kal ang le" Hriattluanga'n atih rualin ka zui ve nghal a, ka hawi let lova , ka hawilet duhlo bawk khanu nen a hmuh dun reng kha nuam ka tilo a, ka thin hi alo puakchhuak mai dawnin ka hria ani.



Rinhluii mutna kan tlen chuan ka thaw chhuak ve chiahin ka hria "alo la muhil anihhi" engmah thlenglo thei tur ang ber a zangkhai chuan ka ti a, Hriattluanga hi mi â anilo a a hriatthiam tho chu ring mah ila a hmuh lai a nat nawn leh ka duh tawhlo ani "a damdawiah khan mutna a tel hrim hrim a, zaninah chuan alo harh tawh kherlo mai thei bawk nangmah zawk kha i muhil thei angem" atih chuan rang zet hian "thei tehreng mai, mut te chu ka duh lutuk ringawt" ka ti a, a nui ve suk mai "ka kal ang, tui deuhin in mu dawn nia, harsatna inneih chuan minlo call la" ati a, "ka rawn ri reng mai thei" ka tih chuan nui sukin "a pawilo" ati sap a, min chhuahsan zui nghal.



Ka mutna tur ka siam zawhah ka in phih fai a, ala tlai chhiat lutuk loh avangin ka pa chu ka call leh a, kan chanchin te ka hrilh a kan inbiak zawh leh meuh chuan alo tlai ve leh ta duai mai a hlimpui ber a vawk chungchang ka sawi pui a nuam atiin sawitur a ngah ve khawp a, rinaiin kan lo inbe rei anihhi.



Mut pahin whatzapp ah ka lut a, number hriat loh atangin message ka dawng a, en lo in status te chu ka en kual ta zawk a, ka online reng avang chuan number ngai atang bawk chuan message chu ka dawng leh a "en vat ta che mawli" tihte anih nuaih avangin ka chhiar zo duhlo mahse, a thlalak rawn thawn erawh chu ka en chak tlat avangin ka download a, mahse ka hmuh duhloh ber thil ani tlat hmeichhe pakhat dar a ka pasal tui tak a a muhil lai hi alo ni a, ka zoom a hmeichhia zawk chu tunge anih ka hre mai lo a hmel alang lo bawk nen ngaihtuah ngaihna pawh la hrelo



"I pasal hi ka ta anihhi" tih chu minlo thawn leh a, chhang lo in ka out a, ka pasal chu call ka tum uk uk a mahse, call kher ngai a ka hriat loh avangin whatzapp ah bawk chuan ka lut leh a, "i va han mawl tak, i pasal hi tunah ka bulah a awm mek" arawn ti leh a, ka ning lutuk chuan "anihchu mawle, kan chhungte dang pawh hi hrilh ve nghal lawlaw mai rawh" tiin ka nu leh pa leh Rinhluii number chu ka thawn a, rang zet hian a typing a, engtak chu rawn sawi leh ang maw ka tih rilruk laiin "i pasal hi ka ta anihhi ilo hre ve mai mai dawnnia" tih bawk chu a rawn sawi nawn leh a "a tha lawm, zanin ah i bulah awm mahse i ta pawh ni mahse a nupui bulah a haw leh ngei ngei dawn a chuan a nupui chu i hriat angin keimah ka ni, ka pasal chu alo haw ve leh ka lo hrilh ang" ka ti a, rang zet hian "engmaw ilo hrilh ang" arawn ti a, "eng vak mah , ngaihzawng a nei dawn anih pawhin nangmah kher lo midang nei turin mawle, ka pasal hi i phu thlawtlo i thing reuh tlat" ka ti a, ka block zui nghal hmak bawk a sa ve ngawt ang, min rawn reply sawmsarih mahse a onetick char char tawh awm sia, tikhan lo in hrosa zankhua se la animai.




Mut hmunah chuan ka in let ka in let a, mutthilh lam chu har tak ani, khanu kha Sangzuali anih chu ka ring silo a, tunge anih ang tih ringawt mai chu ka ngaihtuah a, Sangzuali lo ni zawk ta law law se ka zia deuh mai thei ani.



Zinglam ah chuan ka lo muhil ve sek aniang thawm ri leh rak thin avang chuan ka harh a, tho anlo awm leh der tawh chu niin hmanhmawh deuh chuan ka tho chhuak ve a, khum a Rinhluii na tih hmel deuh a lo mu kawm ngiai ka hmuh chuan "i tha em" ka ti vat a, tun tum(trum) ah erawh chuan a nat thu a sawi chhuak ve ta alawm "lo nghak lawk rawh aw, nurse kan ko ange" tiin duty room lam chu ka pan nghal a, ka mangang takzet ani.



Natchhawkna an pek hnu reilo te ah Ultrasound ti turin kan in hruai chhuak a, thil a ei thei silo a, a pum ruak bawk nen rilru a buai duh takzet ani.



Result nghah angaih avangin kan khum lam bawk chu kan pan leh a, tunah chuan natchhawkna in a chhawk avangin a zia leh viau tawh a, "enge maw tal ei la" ka tih lah in a uak nghal zel bawk si a, a buaithlak takzet ani.



Ka nu leh pa pawh hma deuhin anlo kal a, "va haw ve lawk rawh" min ti a, haw chu ka duh a mahse ka hreh ani "thuamhnaw thlakna tur tak ngial pawh kan lo keng silo a, Rinhluii tan pawh a hrehawm lutuk ang" ka pa in atih takah chuan phur lo deuh chung chuan ka haw san a.



Taxi ka chan laiin Zabilha nen kan in hmu hlawl a , kan inhmuhna hmunin a zir lo nge mangan hmel deuh hian "i tha em? I enge na" ati nghal thuai a, ka that thu leh Rinhluii zawk ka awmpui thu ka hrilh chuan thaw huaiin "athat chu" ati ringawt a, "a that loh chu Rinhluii phei chu a serious teh mai ania" ka tih chuan inthiamloh hmel deuh hian "azialo hle mai, nangmah i tha kha ka lawm alawm" ati a, a sawi tum hre tho mah ila khatiang a tih kha ka chak ve hrim hrim vang zawk ani.



"Khawiah nge i kal dawn zing zingah" ka tih chuan min en vung vung a "ka nû damdawi tur ka lei dawn ka hmu che a a hming ka theihnghilh daih" tih leh a phone phawrh a rual a, a nû chu call in "damdawi hming ka theihnghilh" ati nghal tawng a, lehlam ami chuan theihnghilh hma ati deuh nge Zabilha chuan "aww..Angel thla neilo ka hmuh vang alawm le" ati a, ka lo nui tawp "Zâtê , ka kalsan dawn che sin, ka hmanhmawh deuh a" ka tih chuan call chu a hmet tawp a, a phone chu a kekawr ipte ah bawk chuan ak zuiin "thlah i ngai em" ati a, a ngai loh thu ka sawi lai mek in "i pasalin a duat che em" ati leh a, nui chung hian "duat e" ka tive mai a,hmeichhe dangin an thlalak min thawn tih te chu ka sawi ri ngamlo hrim hrim, inla pa deuh hian "a duat che chuan a that chu a duat loh vaih che chuan a thal nghal tawp animai" ati a, ka nuih aza lutuk ringawt "nui ringawt suh" atih chuan "min duat loh chuan ka lo hrilh vat ang che" ka ti a, taxi ka chuan thleng chuan "min rawn hrilh ngei ngei ang che" ati zui a, Zabilha bul a awm hi chu anuam thin ania, ka rilru hahna pawh ka lo theihnghilh leh hman daih alawm le .




In ka thlen chuan Rinhluii room lam panin a thuamhnaw hak thlak tur vel ka siam nghal mawlh mawlh a, Ab-a erawh in ah a awm ka ringlo hrim hrim kawngka pawh hi ka nu ten in ah a awm an rin avangin an kalh lo aniang ka ring, nizan s ka message dawn ngaihtuah chuan in a awm chi zia zang anilo.


Kan thei lei te pawh a ei nasa ber pahnih kan awm dawn loh avangin damdawiin lam a ken turin ka siam a,engtia rei nge kan awm dawn ka hre silo a, a chhiat leh mai mai ka hlau ani.



Engmah ka la ei loh avangin ka ril lah chu a tam(tram) emem mai leh nghal a, zing ka thawh hma hi chuan ka ril hi a tam hma ve thin hrim hrim



Ka thuamhnaw siam ve turin inchungah ka chho a, kan pindan ka thlen chuan thawk ka la hak a, enge maw ti tak hian ka lut hreh riau ani , kawngka chu ka hawng riai riai a , Sofa a ka pasal leh Sangzuali lo mu dun ka hmuh chuan kawngka chu ka khar leh vat a, ka ring lo nilo ka ring phallo ani.



Ka dinna ngaiah chuan ngawi rengin ka ding a, ka ngaihtuahna ah "nupui ka neih chhung chu bialnu ka neilo ang" atih te chu alo rinawn leh a, kan inneihna hi a lem mah nise a thusawi kha ka ring a, hetiang a a awm hi ka lo beiseilo ani, ni e.. Atan chuan kumkhat te chu a rei dawn lutuk minlo ning tawh viau ani tih lo hrethiam hma ila hetiang a an awm hi ka hmuh a ngailo mai tur ania kei ngei pawh hi a nupui tak takah in ngaiin alakah thikthu neilo ila chuan tun a an awmdan ka hmuh pawh hian engtin mah ka awmlo mai tur engkim hi a pawi zo vek tawh ani.




Tawng thawm ka hriat avangin hmanhmawh deuh chuan inhnuai lam ka pan a, ka ke chu rap sualin step ah chuan ka la tlu zui a, din leh nghal mai ka tum chu ka ke veilam chu ka rap ngam ta tlatlo, anlo chhuah hman ka hlau bawk si leh ka ke na bawk si chu ka mittui a tling pam thei engati nge maw ka vanduai emem mai le!


Kan pindan kawngka a in hawn rual chuan ka hawi chho ve vat a, ka pasal ngei mai chu boxer chiah ha in alo chhuak a, min hmuh rual chuan a che phut a, ka lam pan a alo kal chu ka kut lo pharin "lo kal suh" ka ti tak na in awmzia erawh a neilo chiang kher mai "i tlu ami" ka bul alo thlen rual a atih te chuan ka tah a chhuak ut ut a, Sangzuali awm ve kherlo se chuan ka ke nat vang hrim hrim pawh hian ka tap hialin ka ring.



Ka ke khawih a tum chu "khawih suh ana lutuk" ka lo ti tiau(triau) a, a kut chu la sawnin "a tliak amawnle" atih chuan amah chu ka en vat a, ka ke ruh a tliak anih vaih chuan he in ah hian ka awm leh rih angai anga, Ab-a nun khua ka ti buai leh vek dawn si "engtin emaw han ti teh" ka ti ta ringawt a, Doctor anilo a, ruh siam thiam lah ani heklo mahse ka ke hi engtin mah awmlo se ka duh ani.


"Ab, engthil nge thleng a" Sangzuali chu rawn chhuakin kan nupa a kan chetla lai chu thinrim hmel deuh hian min en reng a, thinrim mahse pawi pawh ka tilo ka chhuahsan vat dawn tho a, chumi tur chuan ka ke hi a nat loh angai "Pa Kima va siam tir ang"Sangzuali pawh chu a chhang chuanglo a, han chhang ve tal se ka tih teh reng nen " A siam thiam ami" ka tih chuan "siam ve thin" ati ringawt a, siam ngailo tawp ai chuan ala beisei awm deuh alawm.



Dim tê in min pawm a, kal thei ila chu pawm kher ka ngailo tur "Ab, engtin nge ka awm ve dawn" kan chhuak tur chu Sangzuali chuan a rawn au zui a, han tih vak ngaihna ka hre silo a rukin hrehawm ka ti emem ringawt "haw rawh" Ab-a lah chuan a ti hmak mai bawk si, Sangzuali pawh chu a phun hluk a, enge a sawi erawh ka hrethei tawhlo.



"Ab"
"Umm"

"Min dahthla teh"

"Maw" mak tih hmel deuh tak hian ati a, mahse ka tawng leh hmain "i kal theihloh kha ti khan awm maimai rawh " ti leh mahse "ka chhuk duh alawm" ka ti a, ding meuh hian "i rap khawlo zawk ang" min ngaihtuah hmel deuh tak hian ati a, mahse "I ngawng leh i âwm a, lipstick kai nen hi chuan ka kalpui duhlo che" ka tih takah chuan thei leh theilo in a awm chu en a tum a, "i âwmah chuan a awm vaklo i nghawngah khan a tam lutuk min dahthla phawt teh" ka tih leh pawh chuan min la pawm kang reng a, enge a ngaihtuah hriat ka chak takzet ani "Khawngaihin " ka tih takah chuan muang chang hian min dahthla a,kan sir a bang chu rinchhanin ka ke dinglam hmang chuan ka ding a "va inti fai hmasa rawh" ka thinrim lo a, alakah hian thinrimna chhan tur ka nei heklo mahse maw Sangzuali kha ka thik takzet ani.




"Lo kal sawn miah suh ka rei lovang" tiin kan in lam bawk pan chuan a tlan phei nghal a, a tlan pah te chuan a nghawng chu a tuai zui mawlh mawlh a.Pa Kima te in hi kan in atang hian a hla lova, inthenawm mai kan nih avangin kopang rinchhan tho si chuan ka bai phei a, anat dan chu sawi fiah thiam pawh anilo ka thawkna lam thleng hian a nghawng vek theiin ka hria.



Thei leh thei lovin Pa Kima te in chu ka thleng ve hram a, kawngka ka kik rualin Atei inkhawm tur chuan alo hawng ve chiah a"awi ve teh mial che chuan " ati hlut a, nidangah an in ah ka kal ngai emem silo a, mak a ti deuh ani mahna "Pa Kima a awm em" ka tih chuan "awm e, ngati nge i ke kha" ati a, ka ban leh lam chu vuanin an in chhungah chuan min luh pui a "step ah ka tlu pek mawle" Sofa a min thut tir hnu a ka tih chuan "Pa, Baby ke hi lo en sak teh" tiin a pâ chu a au zui a, hna kal an ngai tawh si a, ka inthlahrung viau tawh.





Pa Kima'n ka ke a khawih lai chuan eng eng emaw min zawt a, ana bawk si chhan zel a ngai bawk si a, a hrehawm takzet ani "Ruhtliak chu anilo a, i bilh ve deuh anih kha, a dam ve vat mai ang" atih chuan ka lawm lutuk chu au vak mai ka duh a, Ab-a alo thleng ve chiah bawk nen "a tliak lo" ka lo ti vat a, ani pawh hahdam huai hmel a pu in ka hria "Pa Kim, na ati riau a" Ab-an a tih chuan "ana ve duh alawm ni hnih vel han mu se la , a dam vat mai ang" ti a alo chhan chuan "engtia enkawl chi nge niang" ka lo ti ve bawk a, dam vat vat se tih bak a duh ka neilo "Zodinsang innu hi duat hle rawh" Atei chuan alo ti ve bawk a, Ab-a pawh a nui ve suk mai.





Khumah min mut tir a, min pawm haw avangin a ban te chu anat leh vek ka hlau viau na in na ti ang pawhin a awm chuanglo "ka nu te kan hrilh ange" tiin a phone chu a hmet nghal neuh neuh a, Rinhluii damloh lai tak a ka ke ka lo tina ve leh zel chu a zialo takzet ani.



Ka nû nen a an in biakna chu ka lo ngaithla ve reng a, an in biak zawh ve leh chuan "engtin nge atih"min hrilh hun pawh nghaklo in ka lo ti vat a " Ka lo awmpui mai ang ati" ati ringawt a, "a thinrim lo ami" ka tih leh chuan "enga tinge a thinrim ang" min en ngur chung chuan ati a, "buai lai tak a buaina ka lo nih ve avangin" amah pawh en lo chuan ka ti a, khumah chuan rawn thu in "a ngaihtuah lutuk zawk che , a thinrimlo ngaihtha deuhin awm rawh" ati a, min thlamuan a tum ve lutuk a ka awihlo zo vek.



Natchhawkna min pek hnuah inhnuaiah min chhuk san a, ti hian mahni chauh a awm hi nuam ka ti daih zawk , nizan chung chang engmah a sawilo , Sangzuali chung chang phei chu a sawi ka ringlo hrim hrim eng hi nge ka beisei ka hrelo a, in sawifiah ve se ka ti ni berin ka hria mahse, in sawifiah turin a engmah ka nisilo a, ngawi reng a tawrh mai loh chu tih theih dang vak ka neilo a duh hmasa tu ka ni a, ka thiamloh anih avangin ka tawrh mai angai ani.



Ei tur keng chung chuan alo lut leh hlawl a, engmah siam sa a awmloh avangin mak ka ti deuh chuan "i siam ami" ka lo ti vat a, engmah a siam ngailo a thingpui in tur tak ngial pawh a siam ngailoh avangin thildang siam phei chu a thiam ka ringlo hrim hrim "kan pahnih chauhin kan awm hi" a siam anih zia a sawi naah ka ngai a, "i va lo in thup thei ve" ka tih chuan intihtheih hmel deuh hian "thiamloh ka neilo" alo ti vat a, anih ka ring hepa hian thiamloh tak tak pawh a neilo anihhi.



A thilsiam chu kan ei dun a, rinai takin a siam thiam phian leh nghal a, ei mawlh mawlh pah chuan ka fak reng bawk a, a hmelah nuam atih zia pawh a lang ve in ka hria.Kum khat tlinnan thla hnih chauh awm tawh mahse atan chuan hun rei tak ani leh dawn tih ka hria a, a bula awm hi la chak viau mah ila ka kalsan a ngai tur hi hrehawm ka ti takzet ani.



Sangzuali nen a an chungchang pawh zawh duh viau mah ila ka ngam thlawtlo a, Hnawksak nih hlau a , ka ngaihthah derna phen a ka ngaihsak ruk em em na te hi la hrethiam ve ang maw! Hrethiam se ka tih rualin a tan hnawksak ka nih ka hlau si a, ka tih ve theih chhun chu hetia a ruk a amah ngaihsak a, duh emem bak hi ani silo.



"Pipi" ti lung lung ri ka hria a, ka bengchhe ri anih ringin ka thil ei lai chu ka ei chhunzawm mawlh mawlh a, Gabriel-a te unau pawh ka hmu khat lutuk a ka beng ah min au ri a chamah ka ngai a mahse "Gebtea te a anlo kal animaw" Ab-an atih takah chuan ka bengchhe ri anilo tih ka hrethiam ve chiah "animaw, au ve te che" ka ti nghal thuai a , kan Zo-Abrahama lah chuan "pipi ka ni hleinem" alo ti duh lek chauh a mahse, pindan atang a chhuakin ava hruai ve leh ta tho a , ka hmu khat bawk a ka ngai ve takzet tawh ani.



"Awi... Chanchin ka hriat rualin ka rawn kal nghal a" U Mapui chuan kan pindan a lo luh rual chuan ati a, ka ke kan tuam lûk chu en in "ana viau em" ati leh a, min ngaihtuah ve thin lutuk a, chanchin te hi minlo zawt ve reng thin "na lo e, natchhawkna te ka ei a, Pa Kima khan nihnih vel ka mut chuan a dam mai a ring bawk a" ka tih chuan a âwm chu dawmin "athat hlauh chu a manganthlak ngei mai Rinhluii alo dam lo bawk nen" ati leh a, keipawn a manganthlak ka ti "nia, keichu ka dam vat dawn lawm, khawnge naupang ho chu" anlo lut ve mai dawn emaw ka tih laiin an reh zui vang vang a, U Mapui hian alo hau zawk nge ni dawn ni "a putea khan dawrah a kalpui aniang" atih chuan ka nui ta ringawt a, a tu te pahnih hi chu a ngai in an thu a awih bik lutuk a, tuman kan tirh ngamloh laiin a tu te pahnih hi chuan an tir kawi char char thei.



"Mama hi a fel em" tiin min zawt leh ta daih a, a fel thu ka lo sawi ve nghal thuai bawk "athat chu naute hi nei ula chu in inkar pawh hi a nghet sauh tur hi ania" atih erawh chhan vak ngaihna ka hriat loh avangin ka ngawi ta reng a, nuamlo ka ti tih a hrethiam aniang "mahse a hunah tak innei mai ang, in tuarchhel zawk ngawt alawm" ati leh a, Ab-a te anlo lut zui nen engmah kha ti lam thil kan sawi dun leh ta lova Jordan- a leh Gabriela te ninhlei tur Ab-an a veng char char a, ka bul a lo kal an duh si, an harh ve si a ka kê an tih palh a hlau si chu a vir kual zak zak a, hetiang tak a a awm hi ka la hmuh ngai loh avangin ka tan chuan thil hmuhnawm leh en nuam tak ani.



Ka sir leh sirah chuan an mu a, phone ah an duh zawng ka en pui a, an mut a chhuak deuh nge an awm tha duh phian mai leh nghal , Ab-a lah chuan "Gebtea chu min ti hrilhhai lek lek alawm" atih loh leh "Zawrte tun ami kha nangmah inilo" alo ti chhen a, U Mapui lah chuan "Zawrte ti ziah suh midangin an ko ve ang tih a hlauhawm" alo ti ve bawk a, a tute pahnih a koh duat dan hi a nalh lo ve em bawk ani, keipawh ni ila ka duh miahlo ang.



Ka thawh theih miau loh avangin U Mapui'n eirawng a bawl a,ka pasal te Jordan-a te unau erawh kan pindan ah an awm ve nileng a, ka mut chhuak viau mahse mutthilh erawh ka duh biklo an chetla lai hi hmuh nuam ka ti a, minti hlim viau bawk.


"Zodin , natchhawkna kha minlo pe leh lawk mai" ka tih chuan hmanhmawh deuh hian a thutna ata a tho vat a, "ana viau em" ti a damdawi nen a ka lam alo pan chuan amah chu ka lo en reng a, a nat loh thusawi mah ila a awih dawn chuanglo damdawi ka dil miau ani "na ve tep" ka ti a, a ner sâwng a, "i hmelchhe lutuk" ka lo tih chuan then thaw chung hian "kei aia hmeltha hi ila hmu lo" alo ti a, a sawi dik eng ang pawn in siam chhia se a hmelthatna a reh phah tlatlo ani.



"Pipi, i kê hi ka lo hmeh sak ang che" Jordan-a zawkin atih chuan a putea'n "ateuhlo Zawrte khawih hlek suh" atih rualin khumah alo lawn fel der tawh a, a putea chuan a pawm tho nawlh a sofa a nghah chawrh pah chuan "helai chin hi pel suh u" atih lai chuan an unau chuan a putea chu an enkar a, engah vak an ngaih hmel loh lutuk chu ka nuih alo za.


Show post links
Top

[Ngaia]

18

Chaw ei hun tepah an muhil a, "an mengrei leh awm sia ka van peihlo tak" U Mapui chuan ati nuah nuah a, Zodinsanga thiamloh vek ani an mut a chhuah laiin a chhaih char char a, hun lo deuhah an mut phah "Rinhluii pawh a harh tha tawh atia" U Mapui bawk chuan ati leh a, nichin deuh mai Rinhluii nen a kan inbiak avangin "Nia, a lawmawm tak tak ani" ka lo ti vat a,"Abrahama'n chaw a va pe a, ka pa alo hruai haw nghal anga, anlo thlen ve leh kan ei ve nghal dawnnia" ati leh a, U Mapui hian "Ab" ati ve ngai lova "Abraham" ati tluan deuh zak zak zel avang hian a tir phei chuan nuam lo ka lo ti zawk a, mizo ka hriatah ka pasal chiah hi Abrahama hmingpu ka la hria a, han auh deuh lawl lawl hi nuam ka ti chiahlo thin.





Ka pa in min lo phone a,ka kê ka tihnat thu engmah ka hrilh lo chung pawh a alo hre thei chu mak ka ti viau dawn a "inpa in min hrilh a" atih avang chuan engmah ka zawt zui duh ta biklo "i fanu chu chaw ala duh reng em" ka tih chuan "duh e, artui leh dâlin ka chawm a, nangai pawn a thau tawh" ati chu ka awih chiahlo "ka kê adam ve leh kan lo kal ang" ka ti a,ani pawh a phur ve hmel khawp mai.



In hnuai a chaw ei turin Ab-an min pawm thla a, ka pa a awm ve tawh si a, kan pindan a ei daih kha nuam ka ti bik chiahlo ani, Ab-a chuan min hnial ve viau na in min hnial hneh tak loh avang a min pawm thla ani a , a tum bur a, naupang titau pawh a ang lek lek mai.




Jordan-a te unau hi ninhleiin harh viau thin mahse chaw ei lai hi chuan an nungchang hi a dang leh daih thin a, mihran hlak ang mai hian nungchang tha deuh hian an awm thin.



"Kima maw in siam tir" ka pa in atih chuan "aw, a dam vat ang ati"tiin ka lo chhang thuai a " Kima berin a dam vat ang atih chuan hlauhthawnawm anih dawn loh chu " ka pa bawk chuan ati leh a, "nia , a dam vat ka beisei" ka tih laiin Ab-a erawh chuan "drip khai a duh a" alo ti pek anihchu, ka pa chuan min lo en zawk a, a hmel atangin mak a ti tih ka hre thei chutah "kulikawn hospital ah min admit ru atia , ka dang char char zawk a lawm" ati leh a, ka nuih pawh aza lo ka thinrim lutuk hi ani tawp "i dawheh lutuk" ka lo tih chuan"itih reng kha aw" alo ti tlat bawk si a, keimah zawk chu dawtsawiah min chhuah daih alawm le "drip te chu a khai theih reng alawm Mapui ithiam anilawm ni" ka pa in atih leh chuan Abrahama chu ka melh rum viau tawh "Mapui te chu a ring teuhlo mai Nurse thuam famkim in bel ngei lo te chu a ringlo" Ab-a bawk chuan ati leh a, engmah sawi ve tur pawh ka hre tawhlo ka zak ngawih ngawih hi ani tawp



"Duhtawk teh, awi" tiin U Mapui chu a rawn nui chhuak a, ka pa leh Ab-a ka en chuan anlo nui char char tawh chu niin Ab-a banah chuan nghawk zeuhin "mawla" ka ti a, ka mangan hman zia chu hria se a nui miahlo ang mawle.



U Mapui te an haw hnu chuan kan in chhung chu a reh nghal vek a, riak ve se ka tih rualin pasal nei anih tawh si a, ka sawm ngam lo zawk ani.Ka pa erawh a inkhawm a,keimah vangin vawiin lam a inkhawm ta silo a a zialo tak tak ani.



Khumah chuan mu in Rinhluii nen kan in video call a, ka nu lah chu a lo tawng ve apiangin "khawnge in pa" atih loh leh "a leng em? A ngaihsak che em?" ati reng a, Ab-a pawn a ning ta deuh aniang headphone vuahin balcony ah min kalsan ta daih a , a leng chhuak chak ngawtin ka ring "Hriattluanga kha a fel lutuk a" Rinhlui'n atih chuan "animaw?a number ka lo pe ang che aw, harsatna ineih chuan amah kha in be tawp dawn nia" a biak ngam chu ka ring chiah chuanglo "aw.. Lo thawn ve hrim hrim la" ka rinloh deuh a alo tih chuan ka phur leh hluai tawh a, Hriattluanga nen hian in ngaizawng se ka ti a, hma lak ngei pawh ka tum mahse , zawi muangin chet ka la anga, anni pawh an in pawh a, an innel hmasak theihnan hma ka la hmasa phawt ang.




Ka phone riin min ti harh a, khua alo en vek tawh avangin thawh ka hai emaw ka ti hman a, sana ka en chuan alo la hma khawp mai ka rin ang ngeiin ka nu alo ni a , ka chhan rual chuan "Baby, nizan i mu thei em" arawn ti nghal var a, a tho hma aniang a âw pawh a zangkhai vah mai "muhil thei e, ka mutui lutuk ringawt in mu thei zawk em" ka tih chuan rang zet hian "mu thei e, Rinhluii pawh a tha tawh lutuk naktuk velah chuan kan lo chhuah theih ka ring" ati a, anlo chhuah vat tur thu ka hriat chuan ka lawm takzet ani.



Ka nu nen kan inbiak zawh hnu lawkah Ab-a arawn lut ve leh a, "rawng ka bawl zo tawh" min en reng chung chuan ati a, ala hma si a, engvang a hma tak a rawngbawl nge anih ka hrethiamlo "iva tho hma awm ve ala hma si" ka lo tih chuan "ka hrelo" ati leh tawp a, sofa ah chuan thatchhe zetin a thu zui a, thil ngaihtuah niawm fahran hian chunglam chu a melh kar bawk "chaw ei i duh tawh ami" ka tih chuan "nope" ati leh nghut a, biak a chakawm leh tawh thlawtlo.



Kan ngawih dun reng takah chuan "i pa in chaw alo ei dawn a, ka nu te chaw va pek pahin ka rawn lam kawi nghal ang" ati a, a thusawi chu ka hresual anih ringin "engtin maw" ka lo ti deuh ha a, "Rinhluii a awm silo a, nuamlo itih ka hlau a " atih leh pawh chuan ka la ring thei mai lo "ka pa alo kal dawn maw" ka ti leh kher a, chutah chiang zet a min rawn en in "dawnlo" ati nihchu mahse , ka hlim tho tho ka pa alo kal chuan Ab-a nen a kan inkar zawng zawng hi ka hrilh vek anga, ka pa atang a thurawn lak a, tha atih ang a awm chu ka tum ani.




Ab-a kal hnu lawkah kan pindan ah ka pa a rawn kal a, "enge i an i ziaawm deuh tawh em" dam deuh hian a rawn ti a, ka pa hmel hmuh hi chuan a hahdam thlak thin ani "aw ka tha tawh lutuk , office i kal tawh dawn ami" zang khai thei tur ang ber a ka tih chuan "aw i nû te ka va tlawh ve leh phawt loh chuan " ati a, ka nu nen a an awm hran a ngai hi hrehawm ka ti takzet ani "ei chak te i neih chuan sawi la ka lo hawn ang" ati leh a, ei pawh ka ei thei a, han ei chak bik ka neih loh avangin "engmah ei chak pawh ka neilo chaw hi ani mai" ka tih chuan a nui a, a fapa nen an in ang takzet ani.



Ab-a pawh alo thleng tawh a, a sawi ang ngeiin ka pa a rawn hruai bawk , kan pindan ah chuan kan pa thumin kan awm a, ka pa in ka ke a en chuan rilru na hmel a put avangin "pâ, a na lo ania" ka ti thuai a, ka bul ah chuan rawn thu in "ana lo tak tak maw" a tih chuan rang zetin a nat loh thu bawk chu ka lo sawi leh a, a nui ve leh thei ta hram ani.


Ka la kal that theih loh avangin ka pa in inhnuai lamah min kuah thla a, ka pasalin chaw ei alo siam mek ka hmuh chuan ka nui chhuak lo chauh ani a zeilo pawh anilo a buai lutuk a, mahse a langtha daih zawk a a in hmeh phian leh nghal.



Chaw ei laiin vawk chung chang bawk an sawi dun leh a, titi dang vak hi an nei ve lem lo a, vawk vang liau liau in sawi tur te pawh anneih phah ve a, a lawmawm viau zawk ani.



A hmeichhia ber ka chet theih tak loh ah chuan mipa pahnih te chuan kan chaw ei na vel chu an ti fai a, sofa ah thu in an tihfai zawh hun ka lo nghak ve thung a, a nuam hranpa ve hrim hrim.


"Chhuah lawk na tur ka nei a, ka lo let har lovang" khum a min muttir pah chuan ati a, a inthlahrun hmel em em mai leh nghal "a pawilo, va chhuak rawh ka pa a awm tho a" zangkhai deuh chuan ka ti a, ani erawh a ngawi leh reng tawh a, ka mitah chiang zet a min en in "ka reilo ang" ati leh tawp a, ka pasal tak tak emaw ka lo ti hman leh thin.



Ab-a chhuah hnuah ka pa nen chuan ka naupanlai chanchin te sawiin kan hlim dun hle a, ka pasal neih dan chanchin hrilh erawh ka huphurh takzet ani Ab-a nen pawh an in nel in an in kawm chho ve tan chiah ani si a, a fanu in then ka duh tih hre ta se engtiang chiahin nge a awm ang ka hrelo a, chu ai mah chuan contrac hmang a inneih kan ni tih a hriat a mak a tih dan tur leh a hrilhhai dan tur ka ngaihtuah hian hrehawm ka ti takzet ani.


"Pâ, thuruk lo nei ta ila, chu ka thuruk chuan zahna thlen che in min dem viau ta la, i fanu ka la ni reng a ngem?'" tiin ka zawt tawp a, ka pa chuan min en vang vangin heti hian min chhang a "ka fanu inih na hi engmah in a dal dawnlo a, hun harsa ber i paltlang avang a thuruk lian tham tak ka lakah zep pawh ni la keichuan ka hmangaih reng ang che" ka pa chu ka en reng a, a thutakin a thusawi pawh a tih mai mai loh zia a mit meng atangin ka hria a, ka thlamuan pui hliah hliah ani chutih rualin ka pasal ka then tur erawh duhlo viau mah ila heilo duh thlan tur dang ka neih miau loh avang leh nakin lawk a inthen tho kan ngaih leh dawn tho avangin ka tih tlang erawh a tulin ka hria a, Ab-a tan pawh a nun chep lutuk ata a zalen hma theihna tur anih avangin harsa mahse ka then ngei a ngai si ani.


"Ka lawm e pa, ka hre reng ang" in hum ruh teuh chung chuan ka ti a, ka pa engkim hrilh vek ka tum kha ani a, tunah rih chuan ka thei thlawtlo ani, Ab-a nen kan inthenna kan tihfel hnuah ka pa in ka pan anga, chutah chuan engkim ka hrilh zawk mai ang, tunah chuan a hlim rih em a, a hlimna hi tuh chhiatsak ka duhlo ani.



Ka pa haw tur chu ka ui hle a, Ab-a nghak tur a ka tih lah in "keimah in ka haw thei alawm" ati tlat bawk si , chelh tum viau mah ila amah ber vawk chhuanlam a haw a tum tlat avangin remchang hmasa ber a inhmu leh turin kan in thlah liam a, a rual a haw ve mai te chu ka duh rum rum tawh.



Rinhlui in minlo call a, a that tawh thu te rawn sawiin ka chanchin min zawt nghal zat bawk a, tawng ve na hun pawh ka chang meuhlo ani "Baby, i pa alo haw tlai dawn ania" ka nu in a lo ti ve bawk a, an hlim hmel emem mai leh nghal engtak chu hria nimaw?


Zan dar 7 a rik pawh chuan Ab-a alo la haw lo a, tlai lam a Rinhluii nen a kan inbiak zawh a ka call lahin a chhang thei bawk silo a, hna lam ah a buai rih ni ah ngaiin ngaihthat loh na emem pawh ka nei hranlo.


Dar 8 a rik leh meuh chuan ka awm hle hle thei tawhlo ka pa alo la haw lo bawk nen mahni chauh a he in lian zet a awm chu a nawmloh mai bakah Ab-a chu ka ngaihtuah takzet ani.


A buai thu tal hriat beiseiin ka call leh ta nge nge a, tun tum erawh alo picup nghal thuai a mahse, ka pasal âw ani ta hauhlo "Hello" midang daihin an rawn tih avang chuan "khawnge Abraham-a" ka ti nghal vat a, lehlam ami chuan "pawr ve " ati a, hmeichhe nui ri nen an nih nawk avang chuan ka ngaih chu a tha tawh hlawllo "A rui ve deuh a, kan buaipui mek bro, lo hlauthawng suh" thawveng zet chuan ati leh a, bro te minti vel a, khawiah mah a bro kha ka ni lul lovang" tunge inih khawiah nge in awm" ka tih chuan "my name is Murcus Lalremruatas" ati leh kher a "eee.. Lalremruatas tunah khan kawiah nge in awm a" ka tih chuan min chhan ka beisei loh tehlul nen "Kan in ah" ati ta reuh a, lawmawm viau mahse an in awmna ka hriat loh avang chuan "in in awmna pawh ka hre silo a" beisei nei deuh chuan ka ti leh a "ava buaithlak tak hetah Chanmari west kawipui bul chiah building hring ah kawngpui chhak chiah" ati leh a, a rui viau aniang zawhna a chhang tha duh emai.

Pawn a minlo chang tur a ka tih hnu ah call chu ka dah zui a, in ha lum sawk sawkin thei leh theilo chuan step ah chuan ka chhuk thla a, ka ke a la dam chiang bawk silo nen kal chak chu har tak ani.


Kan in kawtah taxi ka chang a, a vân chu sawiloh motor rawn tlan phe fua pawh hmuh tur a awmlo Rinhluii kha chu awmse tu emaw a call anga , an rawn kal leh daih tawh ang.


Rei fe ka din hnuah ka vanneih a siamin taxi pakhat chu a rawn tlan ve ta hram a, ka lo phar nghal vat a, a ding dawn emaw ka tih laiin minla tlan pel daih zui a beidawnthlak ngawih ngawih.



"Ka pi" arawn tih avang chuan ka hawi let vat a, tun lawk a taxi rawn tlan bawk kha ani ka lawm lutuk chu tlan thei ila chuan ka tlan chiang ngawt ang.

Bai sawih sawih chungin alam chu ka pan vat a, taxi driver lah chuan min en vung vung a, engtak chu ngaihtuah ve ang maw!?


"Khawiah nge i kal dawn" a bul ka thlen rual a alo tih chuan "chanmari west ah kal ka ngai a" ka tih chuan min en leh vung vung tawh a, chutah "haw ka tum tawh a sin mawle" arawn ti ta hram a, beisei bo mai ani "khawngaih takin " ka tih leh takah chuan hmeichhia a kara kebai chu min khawngaih ve aniang chu "lo lut rawh" ati ta nge nge a, a rilru a thlak leh hlau in hmanhmawh deuh chuan ka lut nghal vat bawk.


"Chanmari west khawilai ah nge" atih chuan "kawipui bulah khan" ka lo ti ve vat a, a kawipui a tak pawh chu ka la hrelo hrim hrim a, hria angin ka awm ve hmiah mai.



"Helai hi anihhi kawipui chu" a din dat rual a a tih chuan "engzat tur nge" ka lo ti ve vat a, pawisa te ka pek fel hnuah muang changin ka chhuk a, ka lut tur ka hmanhnawh tehreng nen ka chhuk tur erawh ka in rah sual ka hlauh avangin ka hmanhmawh duhlo ani.


Ka chuanna taxi a tlan liam rual chuan kawngchhak lam chu hawiin buildung hring chu ka zawng a, khapa sawi ang ngei khan alo awm tak tak ngei alawm.

Mahse a khawi ber ah hian nge an awm ka lo zawt lo erawh pawi ka ti viau a, ka call lah in a chhang leh thei tawh bawk silo, lut mai lo in pawnah chuan ka ding ta reng a, ka pasal hruai haw ngei ka duh avangin hetah hian nghak ila lo chhuah hun chu a neih ka ring tlat ani.



Rei pawh ka awm hma in mipa pakhat hi alo chhuak a, meizial pak khu laih laih pah chuan a hawi kual ralh ralh bawk a, nichin lawk a ka biakpa kha anih beisei ngam chiah silo in "Murcus" ka awmna hmun atang a ka tih chuan min rawn hmu ta chiah a, a tukhum chu tuai vutin ka lam pan chuan a rawn kal a, "pawr deuh kha mi inih" teh tawp a, ka pawr viau a ka hriat loh tehreng nen phone ah chuan ka lo pawr viau nge mawni "aniang ka hre biklo" ka tih chuan hahthlak tih hmel zet hian thawk ala hak a, "ilo lut dawn nge ka luhsan dawn che" atih leh chuan "Abraham- a ala awm em" ka lo ti ve thung a, min melh chhuk run chung hian "awm e" a ti bung nghut a, min ning hmel tawh takzet bawk.


Ka thutna atang a ka thawh rual chuan in herin hma lam pan chuan a kal nghal vut a, a kal chak si ka ke nat avangin ka um thei silo "ding teh" ka ti leh ta ringawt a, muang chang a rawn hawi letin "enge ni leh ta" nin hmel deuh chuan ati a, alam ah chuan bâi phei leh in "i kal chak lutuk a" ka ti tha ve mai a, chik zet a min en chung hian "kebai chungin enge ilo tih ve dawn" ati a, a hmel atang chuan mak min ti tih ka hre thei a, rngmah erawh ka sawi duh lem lo.


"Ke bai tan hmun a awmlo em ni" melh chho hâ chung chuan ka ti a, tih vak ngaihna a hrelo nge hma lam pan bawk chuan a kal leh a, ahma ang emem a chak erawh chuan a kal tawh bik lova a zia viau mai "hey, Pawri ka paw mai ang che" a din dat rual chuan a ti a, min auh dan erawh ka lawm teh chiamlo "a ngailo ka kal thei alawm" ka tih lahin "khati te chuan engtikah mah kan thleng lovang" ati leh a, in puak tir erawh ka tum lo nasa


A tawp a tawpah chuan kan thleng ve ta hram a, in chhung kan luh hma deuh chuan "engthil dang mah tih ka duhlo ania, Abraham-a ka rawn hruai dawn a, min pui rawh aw" tiin khawngaih ka dil ta tawp a, ka ke hi na lo se chuan a puih ka ngai kherlo tur hi ania "tunge inih a" mak ti hmel a pu a mahse rei erawh anilo thung "a nupui ka nia" ka tih leh takah chuan "ava ho e aw" tiin a tukhum chu a tuai leh puat a, a chevel chu chiang zetin ka lo en thung "buaina awm ami" ka tih lahin "nangmah kha buaina inihkha" ati leh mai a, buaina ka nih chhan erawh ka hrelo thung "lut phawt ang" atih avangin huphurh ru teuh chung chuan kan in zui lut a..


Mi an lo tam ngang mai ka rinloh leh beisei loh dan vek anih avang chuan mak pawh ka ti a, mi tam tak karah chuan ka pasal ka zawmg ru reng thung.


"Ab-a ilo hmu em" tiin kan tawh te apiang chu a zawt zel a, chung ho lah chuan an hmuh loh thu in anlo chhang zel bawk si a, alo haw daih tawh anih te ka ring rum run tawh.


"Hetah hian lo thu phawt rawh" tiin a ka zâi ngai deuh chung si chuan kan hmalam pan chuan a kal zel a "enteh thianpa thu hman pawh ka nilo Ab-a ka hruai haw angai ania" ti chung chuan ka zui ve zel a, amah bak hriat ka nei silo a , a buaithlak takzet ani.


"Ka hria lawm hetah hian lo awm la, i ke ana bawk si a, ka va zawng ang" ti a kawngka a hawng chu sofa a ka pasal leh hmeichhe pakhat lo in fawp ngawih ngawih chu hmuh loh pawh tum mah ila a hmuh lo theih loh min hruaitupa lah chuan kawngka chu a pawt khar leh nghal a, amah chu en in "thu turin min tih kha hawng leh rawh ka lut dawn" ka ti a, ka awm dan erawh ka sawithiam phak bak ani "mahse" atih rual chuan amah bawk chu ka melh leh kar a, nuamlo a ti tih ka hre reng ani ai hian kei hian nuamlo ka ti fe zawk.


Mahse , kawngka chu a hawn leh hmain chhung lam atang chuan a rawn in hawng a, ka pasal leh Sangzuali te ngei mai chu an rawn in kuah chhuak a,nilo ka pasal rui lutuk Sangzuali'n a kuah a ni zawk mah engpawh chu nise Sangzuali zawkin kuah pawh nise a in ang vek tho.

Kawngka bul mai a ka ding pawh min rawn hmu nghal chat a, ka pasal mitmeng ah erawh mak tihna ka hmu a, mahse rei ani hauhlo a awm ngaiin a awm chhunzawm leh nghal a, Sangzuali lâwmah a tla nge nui sâng hian "haw kan lo tum chiah a" tiin min rawn en a, ka luak a ti chhuak zawk e a, ka pasal nen hian khum in tawmlo mah ila ka duh tawh miau avangin hetiang a hmeichhe dang bul a a awm ka hmuh hian ka na a, hmeichhe dang bul a a awm chu sawi loh bialnu nei tur a ka ngaihtuah ringawt pawh hian hrehawm ka ti thin.Mahse, ka mit hmuh ah ngei ka hlauh emem chu a thleng ta si a, ka vawi hnih tawnna ani tawh a, ahma aia nasa in ka na zawk si , a chhan erawh ka hriatthiam phak bak anih ka ring ani.


"Keiman ka lo hruai haw mai ang" tiin ka pan hnai a, Ab-a ban a kuah ka tum chu "ka hruai haw thei Murcus, Baby hi lo thlah mai la" thunei tu zawk ang mai chuan ati a, ka tlawm vawng vawng hi ani tawp engvang a helai hmun a kal ve ringawt nge ka nih pawh hi ka hrelo thil tullo leh atthlak tak zawng ava ni chiang em! Kei a nupui lem lakah te chuan a bialnu duhtak te chu ka lang lel lel dawn tih ka hresa ve reng si a, mi â tak zawng ka lo nihhi.


"Min thlah mai la, apawi iti em" Murcus-a be reng chung chuan ka pasal rui zet chu ka en reng a, Murcus-a hi in thlah tir tak tak ka tum pawh anilo helai hmun a buaina hi kalsan ka duh ani, ka tel ve miah loh na tur hmunah ka awm tih ka hria a, ka dam chhungin ka kal tawh ngai hek lovang.


"Aaaa.. Awww... Nia, thlah e" ati bah nawk a, a aw atang ringawt pawh chuan a peih loh zia ka hre thei "kal ila, ka lawm ngawt ang" ka tih chuan ka pasal chuan min rawn en ve leh chiah a,rei erawh en duhlo in ka in her nghak vat thung.

"Anih aw Baby, rawn ngaihtuah suh a nat ka phal lo a, a himna tur bak ka ngaihtuah lo" ka kal tur chu ala rawn ti leh hram a, engmah sawilo in min kalliam tir mai mai se tha mai tur hi ania hetia a tih hian ka dinhmun hniam zia ka hrechhuak thar leh thin a, ka zak hle bawk.

Mahse, ka rin loh deuhin Ab-an "kal suh" ati a, rang zet in ka hawi let a Sangzuali chuan kuah betin "khawiah mah ka kalsan dawn hleinem che" ati a, beiseina tlem te ka la neih ve pawh boruakah an zâm ral zo tawh.


"Tah khan lo awm rawh motor kan la lawk ang , ka harh fim vek alawm le" atih zawm zat a, ka nuih ati za reuh lutuk chu nui sang chung hian amah chu ka en a "enge" alo la ti bak hlur zui "thlah ka ngai tak tak lo , heti hian chanmari ah ka chho anga, taxi in ka haw ang, han lut leh tawh rawh" tih pah chuan ka hawi kual ruai a, taxi lo tlan mai a awm loh avang a chanmari kawn lam a chhoh tum ka ni "a teuhlo , Zodinsanga khan min that duh mai ang" atih chuan amah chu ka en vat a "engvangin nge a thah ngawt ang che , a tan engmah ka ni hleinem theinghilh rawh , ka kal dawn ania, thlah ka ngailo tak tak" ti a kal mai ka tum chu ka ban ah alo vuan chat a, min melh chhuk run chung hian "a rei dawnlo bakah drugs edict an tam lutuk an man daih mai ang che" atih chuan ka hlau ve leh deuh tho bawk si a, kal lam pawh khan kawn vel ah kha chuan ka hmuh nual avangin "anih chuan ava lawmawm dawn ve" ka tih leh ta ringawt a, nui suk chung hian "a reilo ang" tiin a kal zui nghal a.


Zân a rei tawh avangin vei vak an awm lova, motor tlan pawh hmuh tur a awm tawhlo Murcus-a a kal sawn chiah chu a reh zia ka hre chiah a, alo let leh dawn tih hre chiang viau mah ila ka hlau ta tho mai min sawi thaih vang nge pawh ka hrelo.

Reilo ah alo let leh ta ngei a, ka hlauh deuh avang chuan ka bul a alo din rual chuan ka lut nghal thuai a, chhuanlam ah a vawt ka tih thu ka sawi luam a, boruak a vawh ve tan tawh avangin a awihloh ka ring hranlo ani.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Show post links
Top