KUMKHUA IN BY Judy Chhak Chhuak (Completed)

[Ngaia]

Chapter-7

FIONA NUNHLIMPUII POV


College camp pawh tluang takin kan zo a,in ka thlen veleh uTete'in uMuan'in nau apai tih min hrilh khan mak kati lutuk,naute pa nên pawh anlo inru ve ngei nitur ani,kapa in "ka peih tawhlo atia a tukah arawn haw leh" atih phei chuan ka nui nasa lutuk,palai pawh an rawn kal ngei a mahse inneih an duhlo ve ve sia,sawn man an rawn pe ta ringawt kha ania,a bialpa ani reng sia eng vanga nei duhlo tlat nge maw anih le.




"UMuan ipum hi avan la te em em,thla engzat nge ni tawh a" ka tih chuan min en run run a,thil ei tuam tuam pahin "thla hnih" ati sam et mai,ahma camp ka luh hmaa a mizia inthlak te kha nau alo pai vang lek chu niin,kapa te a hrilh ngam lawk silo khan uNo'i a hrilh hmasa ber nitur ani.




"Muani hei aw damdawi" tih pahin dawhkan ah damdawi bur lian deuh kapa in arawn dah a,kapa leh uMuan'i hi in ngeih lo hmel viau mahse an in ngaina a kapa pawn kan unau zîngah a duat ber.




"Mate enge in camp chu i hlawk pui em," kapa in atih chuan ka nui tet tet a, "hlawk pui ang,nakinah a lang chhuak ve mai ang" ka tih chuan anui ve tawp.




Chaw eikham ah uNo'in thleng a sil a,keiin eina vel ka tifel thung,kapa in uMuani awl tura min tih vâng ani,keipawn nau apai tih ka hriat aṭang hian ka duat zual a,ani pawh a thinchhiat a zia zawkin ka hria,mi chu nau an pai in an thin a chhe ṭhin ania.




RAMSANGZUALA POV


"Ka sawi tawh,Mercy min sawi nawn tir reng suh,i naupai kha ka fa anilo,vawikhat mah kala khawih lo che,Arina fa ani tih nangpawn i pawm a,a nupui a ṭhen theihloh avâng che in pawisa ape che,ila tho ani lâwm ni,nu leh pa ila nei a tikhan pai tlang ang che," ka tih chuan kanu pawn min en tawp.




"Enge thil awmzia,mama Mercy'in nau apai tihna emni,chuan Arina fate i tiin ka hria," kanu in atih chuan Mercy chuan hreawm atih hmel khawp mai,mahse in thiamloh na ka nei hauhlo.




"Mercy,iva ti mak ve ka fapa nen in in ngaihzawn lai rengin a ṭhianpa fa ipai ania," kanu in atih ve chuan kalo khap vat,kanu hi thil man hma chi ania thil te hi a hrethiam zung zung zêl bawk sia,Mercy chu kan en reng vang nge inhnit feih feih in room aṭang a tlanchhuak a.




"Nu hahdam i mamawh ania," ka tih chuan amu thla ve dawt "inlo innei hmanlo chu ava lawmawm tak,khatiang Hmeichhe ler lutuk mai" ala ti hlak hlak thung.




In kan hun a zawh tawh avang in damdawiin aṭang ka chhuak vat a,kan veng lama ka inkhalh phei chuan Marina'i leh Fiona'i ka tawk hlawl mai,a kawr hak lah chu alian ṭha nelh nawlh bawk sia,apa ta niâwm tak ani.




"Sir Sangzuala" a hmui phun a Fiona'in atih chuan ka nui suk,henu tereuh hi ka lawm reuh riau mai,a ṭhiannu pakhat zawk chuan min wish vat a,Fiona'i ka en chuan ading reng.




FIONA NUNHLIMPUII POV


Sir Sangzuala mai mai chuh,min va hmu timing lo tak,ka kawr hak alian bawk si ka wish hreh ve ting tang tawh bawk sia,min en vang vang hnuah a bike tinung in a tlanchhuak a,ka thaw huai thei.




"Awi ngatinge i wish ve loh a," ka hnunga ben dawt pahin Marina'in ati hluai a, "a ninawm a ho emai a,kan sir tak tak pawh anilo a,anu aia rawn kal mai ania,ka wish buai peih lo,kapa in rei min ti tawh ang ka haw tlang nghal ang," kati sawk sawk a, "i hlau lo ami,a clas ah a hrem mai tur che sin" atih chuan ka lu ka thing vut.




"Min hrem ringawt chhan tur anei lo ve chiang e" kati hluai a, Marina'i te in kan thlen chuan kapa te pawh anlo la titi tui khawp mai,kanu te unau hi pathum an nia,kanu hi a milai ani bawk, Marina'i nu hi an unau zîngah ate ber ania,an upa ber erawh mipa a nithung,putea te erawh Lunglei ah ahna avâng in an awm thung.




"Mate haw lam kan hnaih tawh mai dâwn ami,i nite tlawh kawi leh kan duh bawk sia," kapa in atih chuan ka hnial lemlo,kapa te unau hi panga an nia,an upa ber erawh a boral tawh.



Kapa nen bike in ka nite inlam panin kan tlan a,kan thlen chuan kapi leh pute pawh anlo awm,tlawh kawi a tih chhan pawh uMuani nau pai thu kapa nu leh pa te'n anlo hre ve a,chanchin an zâwt chian duh vang aniang,an tar chak tawhlo a kani te inhnuai chiah ah hian ka pa nau chiah te nên an awm thung.




"Fiona i dam maw,kan va inhmu khat ve" nuisâng in ka niin minlo chhawn vat a, "aw dam e,in dam zawk maw" ka tilet ve vat,an fate pawn min melh leh zuk zuk tawh,a unaunu nen an inhrilh ru leh sar sar ṭhin a,hei vang hi nia ka ni fate ka nel loh em em,hmeichhia ve ve an ni bawk sia,ka kal te hian min rel nasa thei ngawt ang.



Ka uMuani nau pai thu lo sawi darh tu pawh kha an mahni bawk hi ani sia,kan hrelo amaw anti aniang an ṭawngthei dun ropui si,khami ni ang em em a kapa thinrim kha kala hrelo,ka ni fate kha ang khum pawp pawp mai kha aduh in ania ka rin,mahse kapa hi mi puitling tak ania a ngaidam hram zawk a,ka nite erawh in khatiang chanchin kha engmah an hre velo aniang.



Rei pawh awm lemlo in kan inkhalh haw leh vat a,kan in ngei kan thlen chuan ka thaw huai thei,mahni inlum nge nge alo nuam ṭhin e,kanu awm leh chiah phei sela chuan anuam zual viau in ka ring.



"Bawihte,ilo ṭha em" uMuani bula ṭhutthlak pahin kapa in ati sup a, "imm ka ṭha lutuk pa" uMuani pawn alo tivat,uMuan'in nau apai tih an hriat tirh khan kapa rilru ana hle nitur ani,uTetei min hrilh nasa emai.



Ka room lamah pheiin ka inthlak zung zung a,ka phone arawn rik chuan ka envat a,number lawng aṭang ani, "aw hello" kati zawi sep a, "Fiona keimah Eric'a ka nia,imu tawh em" atih chuan ka mut loh thu in ka chhang ve vat a,eng vanga sir call lo beisei ve ringawt nge maw ka nih le,ka van zaklo tak ani te chuan bialnu anei reng alawm mawle.




"I chhan na kala nghâk reng ania," atih chuan ka thaw hak a,Eric'a hi duhlo tawp chu ka nilo mahse ka thinlung in a thlan mipa ani lo tlat a hriatna ka nei, "Eric englo ania,ka duhlo che chu anilo,mahse bialpa neih kala duh rihlo a" ka tih chuan a ngawi vang vang a, "ka hrethiam e mahse kalo la nghak reng tho ang che," atih chuan kalo aw ṭha ve mai a,ka khawngaih ang reng.



Eric'a nen kan inbe zo chu ka thawl deuh hawk in ka hria, Whatsapp ah lutin sir dp chu en ka tum a,alo awm tawh miahlo,ka number a delete amaw ka ti hman hial,dp a nei tawhlo zawk pawh ani maithei.



"Mate,tho tawh rawh le,class i tlai dâwn ania" kapa in atih ri ka hriat chuan ka meng ve siar siar a,nizan khan kalo muhil daih ani ngei ang.



"Pa dar engzat nge a," ka tih chuan "dar kua ati ṭep" ati ta mai!! chawhma lam class ka nei bawk si,hmanhmawh deuhin ka insiam sawk sawk a,uMuani pawn min en tawp,class tlai ka hlauh theih theih nen "mate thingpui tal in phawt la," uNo'in atih pawn chuan ka in hmanloh thu hrilh in ka tlanchhuak nghal a,ka scooty a chhiat lai ani bawk si taxi lah chu mamawh hunah an vang hrep leh nghal a.



Obed'a ka call chuan amah anglo takin an thlen kim vek tawh thu ala sawi zui,ka rilru a hah ru takzet,taxi lo tlân hmasa ber chu phar in ka chuang lut vat a,kan college awmna hrilh in a tlanchhuak ve mai bawk.



Kan college kawt a a din rualin pawisa pe in chhuah mai ka tum a, "Mami" arawn tih avang chuan ka hawi phei vat, "kha pawisa hi la leh rawh a ngailo" atih chuan ka hawi hu hu mai, "taxi ka nilo a mahse ka kalna tur lam tho ania ka thlah nghal che animai," tih paha pawisa minlo pêk leh chuan lawmthu hrilh in ka chhuak vat a,ka chuan na ka enchian chuan a sawi ang tak tak in taxi alo ni miahlo,ka van zak tak.




Kan class lam panin ka tlanchho hlawk hlawk a,kan class ka thlen dawn ṭep ah kala tlu bawkkhup pawp zui,ana lutuk ka hah bawk si ka thin zawn ana vawng vawng thei, "ana em" tih ri ka hriat chuan ka hawichhuak vat a,sir Sangzuala alo din reng.




Thaw hlawp hlawp in ka tho zui ve vat a, "i tlai chiang khawp mai,mahse ka hrethiam hrâm ang che lut rawh" atih takah chuan nui ver ver in ka lut a, Marina'i bul ka thlen chuan zîng a ka taxi chuan dan vel ka hrilh chamchi a,ani lah alo la nui ang kur kur zui a.




"Taxi leh car ila hre hrang nange," kan hmaa din paha sir in atih chuan ka zak ve lutuk,class chu pangai in kan la nghal mawlh mawlh a,chawhnu lam class ka neih loh avâng in ka haw hma thei bawk, "karleh aṭang test kan nei dâwn a,lo in buatsaih ang che u," sir in atih chuan ṭek in min deng dawt maiin ka hria.



"Omg" mipa ho in an ti hlawm sap sap a,an peihlo ang bawkin keipawn ka peihlo,mahse keiai Marina'i a thiamlo veleh chhâwng a,lehkha ka thiam theilo a zir erawh ka zir nasa ve ṭhin, Marina'i pawh a thiam thei em em bik chuanglo a,azir vak ngailo thung hriatthiam tumin a bei ngar ngar a,a onward pawp pawp zel.



"Test na a full Mark ka subject bik a hmu ho chu lâwmman ṭha deuh ka siam sak ang,pass Mark chin erawh in an hmu dawnlo thung,fail in awm chuan kan inhrem na viau ang aw" tih pahin min rawn melh deuh kher a,ka ngei tak tak ani.



Bell arawn rik chuan hlim zetin ka au chhuak lo chauh, "Fiona heihi minlo kenpui teh," dawhkan a paper awm nuai en paha atih chuan peihlo ru takin ka tho ve ṭhem ṭhem a,office lam pana kan inzui laite chuan ka in chhuih leh khut khut ṭhin.



Office corridor ah a ding thut a,kan dinna lai athim deuh bawk nen min ti hlau ṭep ani, "chawhma chiah class inei tiro" sir in atih chuan kabu nghat a.



"Class bânah motor parking naah minlo nghak ang che," ka lam rawn hawi paha atih chuan kalo enve vat, "ngatinge" hlauthawng ru takin kati sep a, "minlo nghak la animai," tih pahin ka lu ah pen in arawn khawng fawk a,ka paper ken chu rawn la in "i phei thei ang" atih chuan kan class lamah ka phei ve vat.



Class ban velah ka chhuak nghal a,ka ṭhian te erawh chawhnu lam class anla nei thung,sir in parking Lot ah minlo nghak rawh atih avâng in ka chhuk thla ve vat a,sir alo ding reng tawh.



"Sir" zawi te a ka tih chuan a phone enlai dah in min rawn envat a, "lo phei teh" atih chuan ka phei ve mai bawk,a bike tinung in "chuang rawh" ati leh deuh tawp a,ka hnial ngam bawk silo hreh tak chungin ka chuang leh ta nge nge a.




Marina'i te veng lama a tlân chuan an inah min hruai atum anih ka ring ve tawp, "enge heti lamah kan tih dâwn" ka chhuk rualin kati nghal thawr a,ka zak duh tawh biklo.



"Tihian kan inru" atih chuan ka meng bial kawk kawk in ania ka rin, "ivan zaklo tak" ka tivin ṭhat a,ala nui mai mai zui,min rawn kaiin an inlam niâwm takah chuan min kai lût a,inchhung chu areh duk mai.



Step a min chho pui laite chuan inchhung chu ka enkual zel a,room pakhat ah kan lut hlawl mai, "sir hetah enge kan tih dâwn" aw khur deuh dar dar in kati a,a room daih daih a min hruai chu amak kati.



"Hlau suh,eng thil sual mah kan ti dâwn lo" tih pahin a kawr haklai a phelh zui mawlh mawlh a, t-shirt pangai tak a ha zui nghal bawk.



Sir hi eng vanga hetia awm nge anih ka hrelo,ngatinge hetah min hruai a enge ka lakah hian aduh.



Ka awmna lama arawn phei te chuan ka che ngam tawhlo hrim hrim,ka kawngah rawn kuah in a lamah min pawt hnai a,asang angreng bawk sia ka chho en kar mai.



"Sir" aw ṭial ruaia ka tih chuan ṭhuthleng awmna kanlo thleng der tawh, "lo ṭhu rawh" ati thum dut a,a khum lamah pheiin meizial a ṭan a,a zu khu nghal hlat hlat mai,mak tak maiin sir in min khawih khan keimah a awm ngai reng reng lo zamna leh nuam tihna ten arawn in pawlh nuk a,ka ṭhian mipa ten eng ang pawn min kuah mahse engtin mah ka awm ngailo ania.



Ka hmaiah meizial arawn tih khuk chuan ka harh zawk mai,ka hmaah arawn in nem khalh run a,min la en reng zui "enge heta min hruai chhan," ka tih chuan tho vut in a dawhkan lamah a phei a,ka dairy rei tak ka hmuh tawh loh ngei mai ka hmaa arawn dah chuan ka meng kawk.



"Engtin nge i kawl theih a" ka ti hluai a, "in college a ka rawn thawh hma khan kanu ka rawn thlah a,he dairy hi i thlauh palh a," atih chuan ka lawm lutuk.




"Ka lawm lutuk aw" kati hluai a, "lâwmman ah enge min pêk ang" a meizial nawr hlum paha atih chuan ka envat a, "pawisa iduh ami" ka tih chuan anui suk a,rawn kûn hniam in ka hmuiah arawn fâwp ta mai!! Ka ṭek chhuai in ka hria,rei nilo mahse ka danglam hneh takzet.



"Khatiang kha," atih chuan ka chil lem khalh in ka en reng a,ka hmaiah akut lum thur thur in a khuap run a,ka hmuia arawn fawh leh chuan kalo chhang let lo theilo.



Duhthawh zeta min fawp in ka tukhum ah adawm a,kawngka kik ri kan hriat chuan kan inthlah vat, "u i haw tawh em,i awm em kalo lut dawn ania" Eric'an aw in atih chuan sir chu ka envat a,minlo en ve reng "min hmu dun tûrin ka duhlo" ka ti tham chhâl a, "lo la lut suh,ka inthlak kala hmanlo" sir in atih hnuah min pawm tho nawlh in ka bag ah lai ṭhuthleng ah adah a,a khum a min nghah thlâk dat chuan kalo envat.




"Hmeichhia ka tawmpui amaw ati anga,a chhuak vat mai ang" atih hnuah puan in min rawn khuh a,ka bulah arawn mu thla ve nghal,min kuah run bawk sia a rimtui bawk nen anuam ka ti rilru takzet.



"Lo lût rawh" sir in ati thum dut a,Eric'a pawh arawn lût niâwm tak ani, "ehe!" ati deuh hluai a, "enge iduh mamawh ineih loh chuan chhuak vat rawh,i hmuh ang hian kan laklawh khawp mai" tih pahin ka kawngah arawn hmer salh a,ka ip chawih mai.



"A ngai rihlo mai,min pui lawk thei angem ka tia,mahse a ngai lehlo" atih hnuah kawngka inkhâr dawt ri ka hriat chuan ka thaw huai thei.



Ka inlukhup na puan chu sir in arawn keu dek dek a,kalo melh chho ve kar, "kava haw tawh ange" tih paha ka tho chu min pawt mu leh vat a,ka chungah arawn bawk titih deuh a.



Kawngka lama thawm arawn awm leh chuan inlukhup vatin ka hmuiah arawn fâwp leh nghal zât mai,sir awmdan hian minti hamhaih a,awm dân tûr mai ka hre ṭhin lo,eng vanga hetia awm nge anih.



Ka kut rawn la a nghawng ah min suih tîr a,kawngka a inkhâr rik leh dawt pawh chuan minla thlah lo hrim hrim,min chawi kâng nawlh in minla fawh chhunzawm reng a,keimah zawk chu a chungah ka bawk run mai,ka kawng a hmer leh salh ṭhin te chuan keimah ah nasa takin danglam asiam a,min khawih na piang chu a za zêl nimai in ka hria.



Min thlah rual chuan "sir" kati deuh sep a,ka sam tla hnawk nuai chu ka bengah arawn zep zeuh, "ṭhu teh" atih chuan mak ti deuhin ka en run a,nui suk a a mitko arawn san zeuh chuan amah aṭang a chhuk lemlo in ka chhuk ve mai a,hnuailam in min rawn do run tih ka hriat chuan ka phu zawk thei,sir chu anui deuh suk a rang takin khum aṭang ka chhuk vat.



"Sir kava haw tawh ange," ka tih chuan minlo hnial vat a, "ka thlah ang che" atih chuan ka hnial bik em em hranlo,a room aṭang a kan chhuah chuan ala reh duk mai,Eric'a arawn haw tawh in ka hre sia,khawilai ber nge a room tih erawh ka hrelo thung.



Sir chuan kan in thleng min thlah a,a mit a en ka zak deuh tlat tawh, "va lût rawh" ka lu a rawn tuai zauh paha atih chuan engmah sawi tawhlo in ka lut ve mai a,inchhung ka lut chu areh duk mai,ngatinge tûmah an awm loh le...


Show post links
Top

[Ngaia]

Chapter-8

FIONA NUNHLIMPUII POV


"Pa" ka tih chuan a reh duk a,ala hma deuh bawk nen an rawn la haw lo anih hmel,mahse uNo'in dawr a hawng bawk siloa,room chhung ka lut te chu areh duk a,ka chhûngte hmuh tur an awmlo.




Ka intifai sawk sawk a,eirawng bâwl ahun veleh der tawh,choka lamah pheiin chawhmeh siam tûr ka enkual zung zung a,ka phone arawn rik chuan ka envat, "nunthawveng pâwnah ka awm,kawngka lo hâwng teh" Obed'an ka lak rualin arawn ti sup a,keipawh ka phei ve vat.




Kawngka ka hawng chu Obed'a leh Andy'a te an rawn inzui lût vat a,an hmai a thi deuh hnuang bawk sia mak ti deuhin ka en reng, "ngatinge a" ṭhuthleng a an ṭhu hnawk en pahin kati sep a.




"Sawtah minlo chang alawm, damdawi minlo peteh," atih chuan choka lama med kit chu kava la a,kapa hi pharmacist anih vangin damdawi a kawl ve ruih a,kan damloh pawn damdawiin lamah kan kal ngai em em lo, uTete'i nurse alo ni leh zel bawk nen drip khai leh adang velah pawh kan buai ngailo.




"Kha athi nasa ropui si,engtin nge anlo tih che u,ngatinge anlo sawisak ve ringawt che u a," kati ve hlak hlak a,ka lungawi vak biklo.




"Ka hre biklo,minlo chang a an tam sia pahnih chiah kan ni bawk sia," atih chuan a lu ka tih fai sak zung zung a, Andy'a phei chu a ṭhuchhuak peih tawh meuhlo,alu ka tuam sak hnuah Nachhâwkna ka pe a,an chhungte an hrilh leh ngam dâwn der siloa, Andy'a bek bek vel ka tih fai sak hnu chuan an muhîl tui khawp mai.




Eirawng ka bâwl zawh vek hnuah ka chhûngte an rawn haw a,an lo lengchhuak ve ngei niâwm tak ani, "enge hemi te pahnih chu enge awmzia,an lu te ber bur chu" kapa in atih chuan thil awmzia kalo hrilh vat a.




"Ava mak thei e aw.." kapa in ati ve vawng vawng mai,Obeda leh Andy'a chaw ka chhum kep tho bawk a,chaw eikham ah kapa in va thlah ve ve mai se aṭha ang.




"Damdawi te ipe em," kapa in atih chuan kalo aw vat a, "tihian mu se an harh hunah chaw eive mai rawh se,zanin inkhawm ka duh sia,chaw ei hma ang u" kapa in atih takah chuan chaw ei kan siam zung zung a.




UMuan'in huat anei lemlo bawk a a chaw ei atui sawt zawkin ka hria,chaw eina vel ka tifel zo deuh chiah tih ah ka phone arawn rik chuan ka envat, Obed'a nu tih ka hmuh chuan ka hlauthawng ve ringawt,Obed lah ala muttui mai bawk sia.




"Aw nu Parte" phone lâk rualin kati hluai a, "Fiona Obeda i hmu em,arawn haw har tawh em a,call in ala thei bawk siloa,a awm na i hre mial lo maw" ati sep a.




"Kan inah a awm,nu Parte lo ngaihtuah duh suh,hei chaw eiah kan sâwm a,ka rawn hrilh theihnghilh daih che anih kha" ka tih chuan a thaw hawk ri ka hre pha, "awi kan hlauthawng hman lutuk a,rawn call lawk nachang che kalo hrelo a,a ṭhat chu chaw eikham veleh rawn phei rawh se" atih hnuah call adah nghal a.




Kapa leh uNo'i inkhawm tûrin an kal a, uTete'i erawh a duty zan ania,a kal tawh thung uMuani lah roomah a awm daih bawk sia, "Obed Andy tho tawh ula,chaw ei phawt rawh u" ka tih chuan "dar engzat nge" Obed'an alo ti tham chhâl a.




"Dar ruk ari tawh," ka tih chuan arawn tho kang ve ṭiah ṭiah a,Andy'a erawh ala mu thung, "ilu chu enge a an" ka tih chuan a zia tawh thu in min chhang vat a,ka khawngaih reuh angreng "chhan awmlo in ngatinge an rawn sawisak ve ringawt chu a" thawk la hak in kati a.




"Ka hre biklo,min haw ve hrim hrim aniang" atih chuan ka awilo lutuk,Obeda hi mi pawisawi hlau tak ania,chhan awmlo in tuman an tibuai ngawt lo ang,an haw ve ringawt te anih loh chuan.




"Chaw ei ka siam ang che u," ka tih chuan min hnial lemlo,an chaw eilai in tv kalo en mai mai a, doorbell arawn rik ral ral chuan ka tho vat, "aw ka rawn hawng" tih lang lang pahin ka phei a,kawngka a sir lo ding reng ka hmuh chuan ka phu zawk ṭep.




"Enge" kati mawl deuh tawp a, "kalo leng dâwn" atih takah chuan kawng kalo kian ve vat,Obeda leh Andy'a pawh chaw an bar lian puk pûk khawp mai.




Ka ṭhiante pahnih a hmuh chuan ading dat a,Obeda pawh a chaw bar tur ṭhulh ṭhak in arawn hawi, "an va bar lian ve" nuih insum hmel zetin ati a,ka ṭhiante pahnih hi mipa tih takah an chaw lâk ana a,an dam loh lai pawn chaw an thlah chuanglo,an pahnih chauh pawn no nga an ei thei ang tih tur vel ani,an thau em em hran chuang bawk siloa,an tha ah akal aniang ti dâwn ila han chak em em an ni leh chuang bawk silo a,an kezungpui leh an lu ah hian akal berin ka hria,kum tin an kezungpui aṭhang maiin ka hria.




"Lo ṭhu rawh,thingpui kan lum ange" ka tih chuan anui huk a,a ngaihna hrelo zetin ka en reng "haw hma turin min va duh awm ve," ati hluk a "chutiang ka sawi loh kha,thingpui kava lum ange ka ti anih kha" ka tih chuan "ka ṭhut fel hma hma in thingpui lum itum ania," atih takah chuan a ep chiah a ṭhut ka tum a,minlo pawt vatin a bulah min pawt ṭhu dawt mai.




"Ka ngai lutuk che," tih paha ka kawng arawn hmer salh chuan a ngaih na ka hrelo takzet, "sir i bialnu te in ah ngatinge i len zawk loh a" ka tih chuan min vawn na a kut a thlah riai riai a, "ka bialnu aiin ka duh zawk che tihna animai alawm," tih paha a meizial a phawrh chuan ka en tawp.




"Fiona kan eikham a,sil turah kan dah tawp ania," tih pahin ka ṭhian te pahnih kan ep chiah ah an ṭhu a,tv an on nghal zât "in haw dawnlo ami,Obed inu in chaw eikham veleh rawn haw rawh se ati che ania,Andy nangpawh ipu engmah chanchin i hrilh siloa,an ngaihtuah tawh ngawt ang che" ka tih chuan an nui mai mai.



"Hetiang a in tuam bur bur hian kan haw ngam iring ami," Andy'a zawkin arawn ti a,a mit te chu avung tel in ka hria,men a harsat hmel lutuk.



"Ngatinge i ṭhiante pahnih chu,cho loh val an tawng animo," sir in fiamthu deuhin ati a, "an cho rêng,rawn khawih tute lam kha an tam em a,anni pahnih chiah anni bawk sia" tiin kalo sawi thiam sak ve nghal char char a.



"Thingpui chu kava lum ang," ka tih chuan min hnial tawh lemlo,ka rin ang ngeiin chaw bêl sil tûrin thleng silna ah leng leh leng lo in anlo hnawh a,hemi pahnih em em hi chu an sang hlur ringawt a,thluak te hi an nei thlawt lo amawni.



Thingpui nen a kava let leh chuan Obeda leh Andy'a anlo awm tawhlo,an haw tawh anih ka ring ve tawp an haw dawn te chuan min hrilh ziah ṭhin sia.



"Khawnge a" sir hmaa thingpui dah thlâk pahin kati ve hrim hrim a, "pawn lamah an chhuak," atih chuan anla haw lo anih ka ring an bag vel ala awm tlat, "he thil hi ka khumah alo awm a," tih paha ka bengbeh khing arawn khai var var chuan a awmna lamah ka phei vat,tuna ka bengbeh beh lai kher hi chu kapa min leisak hmasa ber ania,ka ro ve lutuk.



Bengbeh lâk mai ka tum chuan alo dahsawn vat a, "hemi hi iduh chuan a man ipek angai ang," ati leh tawh "sir kha chu kapa min leisak ania,dawrah aman kan pe fel vek tawh," tih paha ban ka tum chuan alo dahsawn leh vat.




"Dawra in lei ania,a man te chu in pe ve bawk ang chu,ka rawn pêk vang vang man che hi angai ang" atih chuan ning zetin ka purse ka phawrh a,a ngaihna hriatloh hmel deuhin min en reng.



"Engzat nge iduh" kati deuh hlak a, "pawisa ka duhlo," ati vei hmuk anih chu.



"Anih chuan enge iduh a," ning zetin kati hluai a,a hmui a kawh zeuh chuan ka meng kawk, "ka duh teuhlo,room ah ka u ala awm zui," ka tih chuan "anih i bengbeh hi tihian ka kawl ve reng aniang chu" atih chuan ka ding hluai mai.



"Sir khawngaih in min lo pe,kapa min leisak hmasa ber ania," tih pahin a bengbeh kenna lamah chuan ka phei a,ka bânah rawn vuan in a mal chungah min pawt ṭhu nawlh mai,zanin chu tarmit a vuah vang nge ka hmu hmelṭha lutuk.




Ka tukhum ah rawn dâwm in ahmui in ka hmui arawn khâr chilh nghal a,a awmah kalo nam deuh dat dat a,mahse a chak lutuk ringawt, "thil i theihnghilh a ka rawn pêk che chuan hetiang hian aman min pek ve zêl angai ang," atih chuan ka sen ṭawn ṭawn in ania ka rin.



"Mate" tih paha uMuani room aṭang a arawn chhuah chuan thawh vat ka tum a,sir lah chuan min vuan nghet mai bawk si,ka ngei ber ṭum ala ni ngei ang.



"Ehe!i bialpa alaw" ati hluai a,ka chhan hma hma chuan "aw" sir in ala tizui,ka lungphu te chu an chawl duk nimaiin ka hria.



"Ka rawn tibuai che u animo,tui lâk lawk ka tum a chhunzawm rawh u" nui kar kar a tih pahin uMuani room lamah a lût zui leh nghal.



"I van zaklo ve tak,sir ka u in ka bialpa ini amaw ati vek tawh dawn anih kha," kati chhuak halh a,ka ṭah te a chhuak in ka hria.



"A ho e,ka bialnu ini ṭep tawh tho alawm" ka khabe a rawn dawm pahin ati a,awilo lutuk in ka melh ngawt ngawt.



Sir chu aleng ve deuh reng a,Obeda te chhuak lah chu rawn let tih reng reng awm bawk silo,anu lah in min rawn call sek tawh bawk si,dawt sawi tur pawh ka hre zozai tawhlo,hemi te pahnih hi an zu insual leh te anilo maw,call an la thei bawk silo.




Sir haw hnu pawh chuan kala ṭhu reng a,kapa te pawh an rawn haw na ala rei vaklo, "pa" ṭi dek a ka tih chuan minlo envat a, "enge mate" ati sup.



.
"Obed'a te kha in chhuah hnu lawk khan an chhuak a,in ah an haw bawk siloa,ka be tlang thei bawk silo,nu Parte-i leh Andy'a chhungten min rawn call reng bawk sia," ka ti hap a "ava buaithlâk thei ve aw..an chhuah chuan an kalna tur an sawi em," atih chuan kalu ka thing vut a.



"Partei te inah chuan kava phei ve hrim hrim ange,in lo nghak ula in unau in Obeda te pawh chu inlo ngaichâng dâwn nia,tlangval pui si an nun an uluk lo lutuk a,tiang te chuan nupui pawh an hmu zo dâwn ami" kapa in ati niah niah a,inthlak pawh inthlak lemlo in nu Parte-i te in lamah a phei ve nghal.




Marina'i call in chanchin ka hrilh ve hrim hrim a,tih ngaihna a hre vak biklo,an kalna awm tûr kan phone kual lah in an awmlo anti zel mai bawk sia.



RAMSANGZUALA POV

"Nu leh pa nei tawhlo ang maia i awm a," kan in a Mercy inti neitu zeta lo ṭhu ka hmuh chuan ka ti hrawk a, "Sangzuala i tello a awm hi hreawm kati,khawngaih in min ngaidam thei mailo ami" atih chuan kalu ka thing vut a.



"Paih chhuah i duh loh chuan chhuak vat rawh," vin taka ka tih hrawk chuan aphu ve zawk mai, "Sangzual ka nu leh pa tak tak an nilo tih i hriat kha,ka nutei te hian hreawm takin min siam a,an fate bak an duat lo,ka naute hi an tina ang tih ka hlau êm ani,ka naute pa lah ka sawichhuak ngam siloa" ṭap ṭiau a atih chuan ka lu ka tuai vut a,a sawi hi dawt ani hauhlo mahse ka buaina tur a awm tawhlo.



"Chutah chuan ka buaina tur a awm hauhlo,in chhungkaw buaina anih chu,mahni fa pawh venghim theilo khawp a hmeichhe chaklo inih chuan inep hle tihna anih chu," ka tih chuan ka ke bulah arawn ṭhingṭhi a.



"Khawngaihtakin naute hian tu pawi mah a sawilo,in inah min awm tîr hram rawh u,naute a pian hun thleng chauh tal,a pian veleh ka chhuak ang tih ka tiam a che,naute hi ka hmangaih a,inneih vat ka duh chhan pawh kha kan in saw hreawm ka ti em ani,ka nu leh pa ka hre bawk silo," atih chuan ka khawngaih ve reuh khawp mai,thil sual ti tur anilo bawk a kan in a awm ringawt chu apawi na a awmlo turah ka ngai,room ruak a tam tho bawk a.



"Naute a pian hun thleng chauh ani ang," ka tih chuan nui var var in minlo en a, "ka lawm e,Sangzual ka lawm lutuk" tih paha min rawn kuah mai atum chuan kalo awm sawn vat.



Ka mut hmun ah pawh chuan Fiona'i ringawt ka ngaihtuah a,a ṭhiante lah kha an fing vak siloa.



FIONA NUNHLIMPUII POV

"Khawiah maw an awm!" Ka ti hluai a, "Civil ah rawn chho vat rawh u," an tih chuan kan chho nghal tur thu hrilh in kapa,Nu Parte-i leh Pa Mahminga te nên kan inkhalh chhuak a.



Damdawiin kan thlen chuan emergency ah kan lut vat,Obed'a leh Andy'a te bike in anlo chesual leh hman ani awm e,hemi te pahnih min tih buai zia hi chu aw.



Mante'a leh Marina'i pawh an rawn thleng harlo, doctor arawn chhuah chuan kan pan vat a, "serious em em an nilo,an lu kha an sawh ve deuh a nimai,an rawn harh vat ang" atih chuan ka thaw huai thei.



Ward pangai a an sawn chuan an lu an tuam bur a,an khum pawh a inhnaih hle,nu Parte-in Obeda a riah pui a,Andy'a pawh anau in a riah pui ani awm e.



In kan thlen chuan ka ke sil fai sawk sawk in ka mu nghal a,ka mut a chhuak ve deuh aniang khum a ka mu chiah chu ka muhil zui nghal bawrh bawrh mai.


***************

Zingah kapa in kan college thleng min thlah ve ngei a,Marina'i leh Mante'a pawh anlo thleng der tawh,Obeda leh Andy'a erawh an damloh avâng in an rawn kal theilo thung,tlai lamah kan han kan leh mai ang.



Class chhûng kan lut chu "awi a zaklo emai,nu pawh nei tawhlo a zak miahlo amawni,engtin nge sir Sangzuala te alo star ve ngam zawk a,a thawveng ropui si sir in aduh awmlo emai,Fiona'i te ang hmeichhia chu tuin nge duh ang" Dinthar'in atih ri ka hriat chuan ka sa phat mai.



"Laldinthar engmaw i sawi a,nu nei tawhlo te min tia law,ka duh vanga neilo ka nia mi,vai fanu ve tête in khatia minlo sawi,i zak miah nange,inu kha enge anih bik sum duh vangin vai pasal ah anei a,sir Sangzuala ka star te ilo tive ringawt alaw,ka star teuhlo mai nang ang in ka ler velo" kati phiar phiar a ka mood off zing alo ni kher bawk nen liah hrep ania ka duh.



"Kapa hi vai ani rere lo," tih pahin arawn dingchhuak a,a hmel aṭang rere pawn vai fanu tih hai rual anilo,a hnar ala verh ve khanglang zui,a hmel ati ṭawp vek.



"Enge inih vak bik," tih pahin a lehkhabu a min rawn vawm chuan ka insum na a kehchhe vek nimaiin ka hria,a samah ka kek dâk deuh awrh a,alo inring lo bawk nen a rak ve ṭhat mai.


Show post links
Top

[Ngaia]

Chapter-9

FIONA NUNHLIMPUII POV


Laldinpui'in min rawn keh ve chuan ka kek na zual sauh a, Marina'in min ṭhelh atum pawh chuan min pawt sawn mai theilo,ka hnunglam aṭang tu in emaw Dini kut chu arawn man bet a,remchang ah la in dini chu ka theihtawp a na in ka kek a,min kek let ve thei bawk silo a thinrim hmel chu a nuihzahthlâk zawk, "a tawk" tih ṭhawt pahin sir Sangzual'an Dinpuii arawn pawt sawn nawlh a,ka hnunga ding ka en chuan Eric'a lek.




"Sir..ka lu ana vek,ka kek hmasa tawp siloa,keh pawh ka kek ve theilo hrim hrim,ka kut an lo manbet daih a," tih pahin sir awmah a bei a,a ṭap zui nghal hliam hliam "iva zaklo ve a,lehkhabu in min vawm hmasa anih kha" tih paha ka pan phei chu sir Sangzual'an min nam sawn dawrh mai, "a tawk Fiona" ati vin ṭhawt a, "ka thusawi aiin khanu thusawi kha i awi zawk a maw," mittui tling pam in kati sep a,sir in keiai a ṭan zawk tih ka hriatna chuan ka rilru ati na lutuk.




Ka bânah Eric'an rawn vuan in a awmah min kuah bei thlawp a,ka mittui arawn sûr zung zung nimaiin ka hria, "Eric heta ṭang hian min hruai bo daih rawh," kati ṭial ruai a,ka bag Marina'in rawn la in kan pathum in kan inzui chhuak vat.




"Fiona Nunhlimpui class kal i ṭhulh phah ringawt theilo ang,in test a hnai tawh lutuk," tih pahin sir in min kuai her deuh sawk a, "sir Dinpuii saw,a hnar athi nasa lutuk" Dinpuii ṭhian ten an tih chuan sir pawh classroom chhûngah a tlan let leh vat.




"Kal ang," tih pahin Eric'an ka kutah arawn vuan a, "keimah vangin class kallo ve ringawt suh u," Eric'a leh Marina'i te en paha ka tih chuan minlo hnial vat a, "chutiang sawi suh,nangmah lo te chu kawm tur ka nei hleinem,Obeda te lah damdawiin ah an awm daih bawk sia,i tello chuan class ka la peih teuhlo mai," Marina'in alo ti sawk sawk a,ka hnunglam aṭang a Eric'an min rawn pawm nawlh chuan ka phu zawk, "awi minti hlau,min dah thla rawh keimah in ka kal thei" ka tih pawh chuan a pen pawk pawk a,a bike dahna kan thlen veleh min dah thla ve chauh.




"Fiona,Eric'a nên hian lo va kal hmasa rawh u,in awmna minlo hrilh dawn nia,damdawiin ah Obeda te ka han kan ve lawk ang," Marina'in atih hnuah ka chhan hma hma in a tlân nghal a,taxi a a luh thleng chuan kan en reng ringawt.




"Khawiah nge kan kal ang," Eric'an a helmet khum ṭhat mawlh mawlh paha atih chuan, "ka hrelo" kati zawi sep a,ka rilru ana ve ringawt hi a chhan ka hrelo,sir Sangzuala hi ka duh tihna ami,keimah nilo hmeichhe dang a ngaihsak tih ka hriat na chuan ka rilru ati na takzet.




"Hey i ṭah chuan ka vel che maw anti ange," ka hmai bul set a rawn kûn hniam pahin Eric'an ati sup a, "lo chuang rawh,kalna tur ka hria" atih takah chuan ka chuang ve vat,ka lu lei chu ana ringawt,ka sam a pawt ṭil ve nual in ka hria,keiphei chuan a sam kha ka pawt ṭil nasa hman lutuk,ka kutah asam akai nuai anih kha.




Eric'a min hruai na teh daih chu ka vawikhat kalna, "khawilai nge a," tih pahin ka en vang vang a, "kan ṭhian ho awmna ṭhin ber ania,a hmun hi anuam reuh ania,lut ila" atih chuan kabu ve nghat a,Gate lian vaklo chhe ve tawh deuh ah hian kan lut a,a bul vel ah chuan hnim a ṭo fur a,kan chho zel takah chuan in lian vaklo assamtype a sak awmna lamah ka chho zel a,a bul vel chu ka rinai takin anuam,in alang tuar a thli arawn thaw heuh heuh bawk nen anuam lutuk ringawt.




"Sawtah sawn lo ṭhu rawh,kalo phei ang" atih hnuah in lo ding ah chuan alut a,ṭhutna awmna lamah chuan ka phei vat,ka ṭhu deuh vang vang a sir Sangzuala bawk rilru ah alo lang leh tawh,keimah aiin Dinpuii thusawi a awi zawk mai bakah a ṭan zawk a.




"Ilo ṭap leh hman tawh ami," tih paha Eric'a ka bula arawn ṭhut chuan ka ṭah nuih hak, "enge a" tih pahin a thil rawn ken chu ka en a, "beer anih hi ka ṭhian te ho dah ania,beer hi chu ka in ve zeuh zeuh ṭhin," atih chuan mak kati reuh lutuk,ruihtheihthil engmah a tilo khan ka hre sia,kalo hresual deuh ani.




"I in ve duh em," tih paha min rawn pêk chuan kalo ban ve mai a,ka rilru na min chhâwk ka ring deuh tlat a,ka in ve chak em avang in tlem ka tem chhin a,atui phian mai.




"Hetah hian in kal nitin ami,engtin nge inah sâwn hetiang intur tam deuh hi a awm theih a," tih pahin Eric'a ka en a,kan hma a in ding thluah chu athlir vang vang, "kal nitin lemlo,ka ṭhian te hi zanah an kal zeuh zeuh a," tih pahin a thil inlai a lem zeuh a.




"Avan tui reuh em em,adang minlo pe leh" ka tih chuan min rawn enve vat, "ila in ngai loh chuan a ruih ve theih ania,i doss a hniam hmel ropui sia" atih pawh chuan ka dil ṭalh avâng in min peve leh mai a.




Titi pahin kan in zêl a,anuam ka ti tulh tulh ta mai,thli in min rawn chhêm leh hak ṭhin a,ka lu ahai deuh tih mai loh chu ka awmdan anuam reuh takzet.




"Minlo pe leh," Eric'a ngheng rial a ṭhut pahin kati a, "a tawk tawh,i rui lutuk tawh i in hnem tawh mah mah" atih chuan ka ding hluai a,ka pai khut chu minlo vuan vat.




"Khawngaih takin,cane khat leh chiah" ka tih leh ṭalh chuan min en vang vang hnuah min peve leh ta nge nge a,kalu ahai deuh chhulh tawh avang in ka inzo theilo thung.




"Eric ivan cute em em" tih paha abiang ka piai chuan ka kut alo vuan vat a, "ṭhu rawh irui mah mah,i haw theilo ang" tih pahin min pawt ṭhu nawlh a,a awmah ka bei kak mai.




Eric'a POV

"Alum bawk si,thlifim ka dawng lawk dawn," tih pahin a kawrlum haklai a phelh a,a hnuaia a kawr hak apan in a bul ropui mai bawk sia,midang an awm ve lo hlauh a,thingkung lian deuh awmna lama a phei chuan ka zui vat a.




"Minlo en rawh aw,hemi thingkung ah hian ka lawn thei hrim hrim" atih chuan tih ngaihna hrelo zetin ka en tawp,a biang atai hlar a,a rui tawh tih a mitmeng aṭang sawn hai rual anilo,a doss a hniam ti dâwn ila a inhnem ve em ani.




Ka u thil tih danah khan ka lawm vak biklo,Fiona'i hian ka u hi aduh tih a chezia aṭang ka hriat na arei tawh,khatia hmeichhe dang a buaipui kher kha keipawn ka huat pui khawp mai.




A thingkung lawn tum chuan nuih ati za khawp mai, "Eric ka lawn thei siloa,hemi nen hian thla minlo la mai," atih leh takah chuan nui suk in ka phone ka phawrh ve nghal a,ala in pose ṭha duh phian leh nghal a.




"Fiona," tih paha a lama ka phei chuan minlo enve vat a, "ka duh che tih i hria em," ka tih chuan ka awmna lamah arawn phei ve a,ka phone kenlai chu min lâksak in ala in selfie leh ta nghal a.




"Eric ka hnar biklo che,mipa fel tak inia kei ai ṭha iphu,min en la neih engmah ka neih loh hi,nu ka nei tawhlo a mi hausa tak chhungkua kan ni heklo,tûnah phei chuan kala rui leh ta nghal a," tih pahin min kuah chial a,ading ngil hleithei tawh meuhlo.




"Ka tan chuan iṭha ber,inti harh rawh" tih pahin ka pawm nawlh a,in lam panin ka phei pui nghal pawk pawk a,a chungah thil ṭhalo engmah tih ka tum lemlo thung.




Khumah chuan ka muttir a,a thlan nasa ropui si,kan ṭhian ho weekend-ah hian hemi inah hian kan riak zeuh zêl a,ka ṭhianpa Hmangaihsanga te ram ania,midang pawn chawlh nan an hmang ve zeuh zel.




"Alum lutuk," tih pahin a kawr hak awmchhun a phelh chuan a taksa nalh tak chu alang chiang takzet,mipa hrisel ṭha tak tan chuan insum a har khawp mai.




Choka lamah pheiin tui vâwt ka la chhuak a, "Fiona tui hi in rawh," tih paha ka pêk chuan hriat tur awm manglo hian a rak nawk nawk a,ka bula puan chu tihuh in a taksa leh a hmai thlan nasa lutuk zual pui tih reh nân ka hru thuak thuak a,bra nen chiah a awm bawk sia,ka insum theilo lek lek ani.




Khumah muttîr leh vatin puan pante ka sintîr a,amah hnungchhawn zawng in ka ding zui nghal,ka thawk dan a mumal lo takzet.




Ka u chet dan ka ngaihtuah naah arawn lang leh zâwk a,ka lungawi pui thei meuhlo,ka phone phawrh chhuak in Fiona'i tui ti taka mu chu thla ka lâksak a,ti darh erawh ka tumlo bur thung, Fiona'i ka hmeichhe duh leh hmangaih tak ania,ka u hmuh tir atân chauh a ka lak ani,a hmuh huna a hmel awmdan tur ka hre chak tawh takzet.




"Avan nuamlo," tih pahin Fiona'i arawn dingchhuak hluai a, "i inbual duh em," ka tih chuan ka lamah rawn pheiin anui sen sen a,a hmel hi chu a chhelo chiang mawle,mipa dang chu nise an khawih chhe tawh ngeiin ka ring,mahse keichuan ka thei ve tlatlo,ka hmangaih a min huat theih na tur thil tih ka duhlo ani.




Min rawn en in a dingdihlip ak ak a,ka bianga arawn fawh zeuh chuan a kawngah kalo vuan vat a,a hmuiah dimte in ka fawp a,min hnar biklo tih ka hriat chuan ka uar sauh,nghet zetin a kawngah ka kuah a khum ah dimte in ka nghat thla a,a chungah ka bawk zui nghal.




A nghawng ah fawp thla zêlin a awmbawr ka ṭham salh chuan alo thaw hak mai,hnuailam pawn kan thil tih lai chu alo hre rang khawp mai, "Fiona" ka tih chuan min chhanglo,a chung aṭang tho vut in bathroom lamah ka phei a,tui vâwt zet chuan ka inphuh tîr sar sar a,ka harh hawk in ka hria.




Towel veng chungin bathroom aṭang ka chhuak a, Fiona'i chu pawm nawlh in bathroom lamah ka hruai ve nghal a,a harh na chu a harh chiang manglo,tui bucket ah dawh in alu aṭang a ka leih bur chuan arawn thaw ve kawk mai, "awi" tih pahin arawn meng kawk a, "inti harh rawh,inbual law law la towel hetah hian a awm a,pâwnah kalo nghâk ang che" ka tih hnuah ka chhuahsan zui nghal a,ka thawmhnaw khum a awm chu banin ka in ha ṭha zui nghal mawlh mawlh.




FIONA NUNHLIMPUII POV


Ka inbual chu ka harh kawk in ka hria,Eric'an tui a min leih bak kha engmah ka hre zuilo kha ania,engtin nge thawmhnaw pawh kalo hak loh theih,Eric'a hi mipa ṭha tak ani tih ka hre kiau a,ka chungah thil ṭhalo ati duh dawnlo tih pawh ka hria,thil ṭhalo tise chuan keimah ah chiang takin ka hria ang.




Towel a ka intuam hnuah ka chhuak a,ka sam a huh deuh hnuk bawk sia,ka kekawr a huh bawk nen engtin nge ka haw dawn ni, "i kekawr lei i englo haklai kha rawn la rawh,kan chhêm ro tîr dâwn nia" arawn tih chuan ka peve mai a,thawmhnaw engmah ka ha tawh siloa,a nuamlo ang reng.




"I panty leh bra pawh kha," atih chuan "keimah kalo chhêm ro tîr mai ang," kati vat a, "arei deuh dâwn a,chhêm ro tîr na a va dah animai,ka spin phawt anga" atih deuh tlat avang in zak deuh ṭut chungin ka peve mai a.




Ka thawmhnaw tih ro tîr tura a phei laiin ka phone ka en a,sir Sangzuala Message leh call alo tam khawp mai, "khawnge i awm,call i chhan loh chuan apawi viau ang,Eric'a nên khawnge in kal" tih vel te ani nuk adang pawh atam mai,ka chhiar lemlo thung.




Ka sawi lai mekin a call arawn lût leh zat a,kalu ana deuh ut ut bawk sia,kala chiang vaklo, "Nunhlimpui khawnge i awm," sir in vin deuh ṭhawt in arawn ti a, "ka awm na ah lo buai suh," ka tive deuh hmak.




"I awmna min hrilh lo mahla ka rawn zawng chhuak tho ang che," sehchilh zetin ati a, "eng ang pawn tun mahla min hmu chuanglo ang," nui hak a ka tih chuan "ngawi hmak rawh,Police station aṭang a call dâwn i duh loh chuan," atih chuan awilo lutuk in ka nui hak a,call ka dah zui nghal daih.




"Kha hei eirawh,luna damdawi anih kha," tih paha Eric'an damdawi minlo pêk chu kalo ban ve vat, "i thawmhnaw nghah ro pahin iduh chuan lo mu rawh," atih chuan kalu ka thing vat a, "ka mut a chhuak tawhlo,ka zia deuh tawh" tih paha bottle kava pêk chuan min hnial lemlo.




Sana ka en chuan dar hnih chiah ala ni,ka rinai ala hma "kha hei hian intuam zawk rawh," tih paha puan pangai deuh tak minlo pêk chuan kalo la ve vat.




Ka phone arawn rik chuan ning zetin ka en a, Marina'i tih screen a alo lan chuan ka thaw huai, "khawnge in awm a,Fiona sir in a zawng nasa lutuk che u,in inah kan awm mek" arawn ti zawi sep a, "ngatinge min zawn ve vak,kapa te an awm em" ka tih chuan uMuani chiah a awm thu asawi chuan ka thaw huai thei.




"Lo la awm rawh,kan rawn haw ṭep" ka tive ta nge nge a,ka kekawr aro hma chi alo ni hlauh zawk a azia,ka thawmhnaw ha sawk sawk in kan in lam panin kan inkhalh chhuak a,a tlanchak bawk a kan thleng har lemlo.




Eric'a nen inchhung kan lut chu uMuani, Marina'i leh sir anlo ṭhu ṭhap a,sir tih thinrim nan hrim hrim Eric'a kutah ka kai a,an bul kan thlen chuan minlo envat,kan in kaih na kut ah chuan a mit a tawp chawt a.




"Enge intih a," ka tih rual deuh thaw in sir arawn ding vut a,Eric'a nên kan in kaih na kut chu rawn thing thla nawlh in pawm lamah min kai chhuak nghal dawr dawr.




"Engah nge i in ngaih a,ivan zaklo ve" min vawn na kut paih thlâk pawp paha ka tih chuan anui hak, "zaklo a mipa dang in duh duh dan a an khawih theih lai che in ka khawih ve theilo ang che maw!," tih pahin ka darah arawn vuan a,min thing nawk mai kawng kal chuan min en duh takzet.




"Hmeichhe duhlo chung tih luih aṭha lo ania," tih paha Eric'an min rawn pawt sawn nawlh chuan sir mitmeng a thinrim na langchhuak chu ka hmuh hmaih hauhlo.




"Ramdinsang lo in rawlh suh," ti hrawk in ka bânah na zetin arawn hmer a, "lut rawh" tih pahin motor ah min nam lut rawk rawk mai,sir te hi an khawsak a harsa lo tih chu ka hria,mahse hetiang ang em em chuan an hausa ang tih rin ngaih na ka neilo,motor te hi ata ani ngei awm sia.




"Min chhuah tîr vat loh chuan i motor tukverh hi ka chhu keh ang," thinrim zetin kati fiak ṭhat a, "i theih phawt chuan i chhu keh dâwn nia," tih pahin seatbelt min rawn hrên tir a,remchang ah la in a kut na zeta ka seh chuan a phun hluk,a seatbelt min rawn hrên tir chu phelh leh in min pawm nawlh a,ka kawng ah ahmer zui salh.




"I awm ṭhalo anih chuan mi zawng zawng hmuh laiin ka fawp ang che," atih chuan awilo lutuk in ka nui hak,a tih ngam chuan amak viau ang.




"I ngam chuan iti dâwn nia," tih pahin ka tal laih a,a motor kawngka hawng in min chhuah pui chuan kalo en mawl tawp, "ka ngam loh iring ami," tih pahin a motor chungah min hlang nawlh a,ka hmuiah arawn fâwh chuan namsawn ka ṭum ṭang ṭang a,a chak lutuk ringawt mi lah chuan min en duh em em leh nghal a.




Min thlah thut in a motor ah bawk min dah lut leh a,che lo in ka ṭhu hle hle tawh, tumah ṭawng lo in an in lam panin min tlân pui zêl a, "khawnge Eric'a nên khân in kal" atih chuan ka chhanglo.




An in kawt kan thlen rualin a chhuk vat a,ka awmna lam kawngka arawn hâwn chuan ka muhil der tlat, "irawn chhuah duh loh leh midang hmuh laiin ka pawm leh che nga nimai lawm," atih chuan chhuak rang tak kani.




Ka kutah kaiin inchhung ah min luh pui a, "Sangzual" tih paha a bialnu Mercy atih nu arawn phei chuan ka kut laksawn vat ka tum a,rum nghut in arawn vuan nghet sauh.




"Mamawh inei ami," rum deuha melh pahin ati ram hmak a, "neilo e naute thawmhnaw lei ka tum deuh a,min kalpui thei angem ka tia" atih chuan ka nghing lawih thei,a bialnu nge a nupui in nau apai laiin keihi an inah ngei min hruai lût a,madam Ropui'in hria se a thinrim viau ang,ka zak lutuk ringawt.




Sir Sangzual'an min vawn na kut laksawn ka tum chuan ka kut avawn na amah zawk in a thlah a,ka kawngah arawn vuan leh nghal zât.




A room lama min hruai chho te chuan ka hawi let hram a,a bialnu khan rilru nat hmel zetin minlo en reng.




"Mipa tenawm tak ini,inah i nupui nge i bialnu nau paiin nghakhlel takin alo hmuak che a,nang in hmeichhe dang i ngaihsak san ania," ka ti phiar phiar a.




"Khatah khan ilo buaina tur a awmlo," tih paha min rawn pan phei chuan ka bula thil awm in ka vawm chawrh a,a lu aṭang a thisen arawn chhuak ṭhem ṭhem tih ka hmuh chuan ka hlauthawng leh nghal vek,ka vawm na ka en chuan thlalak frame ani tih ka hre chawpchilh nghal.


Show post links
Top

[Ngaia]

Chapter-10

FIONA NUNHLIMPUII POV


"Ka...ka tihpalh," kati deuh sep a,ka bul arawn thlen rual deuh thaw in ka kawngah arawn vuan a,min kuah nghal vawng vawng.




"Sir" ka tih chuan che tawhlo tûra min tih avang chuan ka tal lui tawh biklo,rei deuh min kuah hnuah a awm hrang ve hram a, "ana em" tih paha a chal ka han khawih dede chuan ka kut arawn vuan vat a, "mipa dang nen a ka hmuh dun che hian heti lai hi ana zawk," tih pahin a thin zâwnah ka kut a dah vang vang a.




Tuna kan awmdan hi ka hrethiam lo, "mahse i tan engmah ka ni hleinem,nang te chuan bialnu inei a,i nupui la nimai tur ani awm sia" ka tih chuan alu a thing nghut a.




"Mercy khu ka nupui tur ani hauhlo,tuna a fai pai saw ka ṭhianpa fa ania,mahse an innei thei siloa,a têt laiin a nu leh pa in an boral san a,a nute'i ten an enkawl zui a,mahse a nutei fa te nên an in milh vak bawk siloa,an awm ho thei lo a hetah nau aneih hma chu arawn awm ve rih ang," atih chuan mak tak maiin ka thawveng ve hawk ringawt.




"Ilu kha kalo tih fai sak ang che," ka tih chuan min hnial zui lemlo a, "inhnuai lamah damdawi a awm a," atih chuan inhnuai lamah kan inzui thla vat a,Mercy pawh ṭhuthleng a ṭhu awn duai duai chungin phone alo khawih.




"Ehe!!ngatinge i chal chu,iṭha em Sangzual" tih pahin min rawn pan phei vat a,sir ka en chuan ngaihsak lo tih hriat zetin ka kutah a kai a,choka lamah min phei pui nghal daih.




"U ilo haw tawh alaw,kanu pawh doctor in naktuk lamah a chhuak thei ang atia,in lamah kan in enkawl dâwn anih hmel," sir Sangzuala nau niâwm tak hmeichhe hmelṭha vur mai hian nui sang in alo ti a. "A ṭhat chu," atih hnuah chhuar hâwng in damdawi bâwm arawn la chhuak a, "ngatinge ilu chu," anau in atih chuan "ka inti palh," tih zawng in a chhang.




Ṭhutkhawm na pindan lamah phei leh in ṭhuthleng ah a ṭhu nghal thak a,Mercy pawn min en deuh reng,a bula ṭhut na a ben thak thak chuan ka ṭhuthla ve vat a,kapa leh uTetei medical line lama tui anni bawk a,mi pem leh hliam enkawl vel chu keipawn ka hnehsawh lutuk.




"Anat chuan i sawi dawn nia," tih pahin a thisen luang chu ka hru fai hmasa phawt a,a mit a chhing daih bawk sia ana a tih leh tih loh ka hre theilo,a kut ka kawngah arawn rawlh lût a,damdawi ka hnawih rual chuan ka kawng a hmer deuh salh a, "ana ami" hlauthawng ru zeta ka tih chuan alu a thing ve vat.




"Ka zo" ka tih rual deuh thaw in arawn meng chhuak a,a la phu deuh zuk zui "Malsawmkim,i mawl ami enge khatiang anga hnaiah min rawn en a," atih deuh hluk chuan ka hnunglam ka hawi ve vat a,ka thlarau a thlawk chhuak lo chauh,anau arawn kun hnai lutuk,engtin nge thawm nei miahlo a a din reng theih zawk.




"Ka en ve duh alawm," thil ei tuam tuam pahin ati a,a duhawm reuh zek mai,keiai pawn anau daih ang ka ring,alo berah kum sawmpariat bak anih ka ringlo.




"U uMercy nge i bula ṭhu zawk hi i bialnu diktak" au beng bula a tih chuan ka hre pha tho sia,ka nuih aza angreng,sir chhan na nghakhlel takin ka beng ka lo chhi ve kar a.




"Tu zâwk nge u atân iduh," atih chuan ka hnual rawih thei, "ka hrethiam lo,sawi ṭha mai mai teh" atih takah chuan min rawn en zawk a,ka kawngah bawk rawn kuah leh in amah si chet in min pawt hnai a, "heihi Fiona'i anih hi,tun aṭang chuan i u tur ani tawh ang," sir in thum dut a a tih chuan kalo hlim ve veng veng thei.




"Va mu rawh," anau lu tuai zeuh pahin ati sup a, "ka room ah chho lawk ang," min rawn en paha atih chuan ka hnial lemlo,ka bag vel a roomah ka dah daih a,lâk tho angai dawn.




"Ka mut a chhuak hleinem," anau in alo tive thuai a, "imut a chhuah loh leh tv en rawh," atih hnuah a room lam panin min phei pui nghal, "phone ala neilo ami," room lama kan chho lai chuan kati sep a.




"Nei tawh e,a khawih vak ngailo tunlai a lar deuh ho blackpink atih loh leh blackpink ah chuan bts-a kha ka duh ber tih vel bak sawi tûr a hrelo,a bula kan awm rei deuh chuan khatiang ho kha a sawi leh duah dawn a," atih chuan ka nui kur kur mai,a thil hrelo lutuk chuan nuih ati za,sawifiah erawh ka tum hranlo,a tan a ṭangkai lo ve bawk em ani, blackpink member ah bts-a an awmlo hrim hrim.




A room kan thlen chuan ka bag ka ban vat a, "kava haw tawh ang," ka tih chuan minlo envat, "ka thlah ang che,ṭhu phawt rawh ala tlai em em loh hi" atih chuan sana ka en zeuh a, "awi tlai tawh lutuk,dar li ari tawh alawm" tih paha kal ka tum chuan ka ban rek ah arawn vuan vat a.




"Vawiin khan class i kal siloa,test tur vel kan inhrilh thuak thuak a,hrilh che ka tum mawle" atih takah chuan ka phei veleh mai a.



Paper minlo pêk chu kalo ban ve vat a, "heihi a pawimawh zual ania,midang chu tiang thlap thlap hian kape lemlo a," atih chuan a lam ka hawi vat a, "anih te chuan anuam biklo,a fair lo emai" kati deuh hap.



"Khatiang ang tho kha ka pe a,mahse paper tiang thlap khan ka pelo ka tihna nih kha," atih chuan ka hahdam huai, "anih chuan ka haw duh tawh" ka tih takah chuan min hnial zui tawh biklo,inhnuai lama kan chhuk chuan Eric'a pawh alo haw chiah anih hmel.



Min hmuh rualin anui deuh sang a,nuamlo ka ti angreng, "Bawiha Sawmkimi maths lo chawh pui rawh aw,ka rawn haw veleh ka rawn thlâk ang che" Sir in atih chuan Eric'a pawn a hnial biklo.



Kan in thleng bike in min thlah a,a let leh dâwn chuan "test tur kha zir ṭha ang che,i fail chuan ka hrem tel ve dâwn che ania" ati sup a,ka nui ve var var mai.



Inchhung ka lut chu ka chhûngte anlo haw vek tawh anih hmel,nuamlo kati reuh takzet, Marina'i pawh alo awm tawhlo.



"Iva rawn haw har ve mate,zanin ah i ṭhian te kan in tum ani lâwm ni," kapa in alo tivat a Marina'i khan Obeda te kan asawi tak e.



"Nia ka theihnghilh daih alawm,kan han kan ve ang,test tur te pawh hi hrilh nghal ila aṭha ang," ka tih chuan min hnial em em hranlo.



Chaw ei zung zung in ka insiam a,ka insiam mawlh mawlh laiin ka phone arawn rik chuan ka envat, "aw Nana" ka hmai a thil hnawih mawlh mawlh pahin kati a.



"Obeda te kha an chhuak tawh a,vawiin khan ka rawn hrilh theihnghilh leh daih che a,mahse a pawilo kan kan tho dâwn nia,Andy'a te veng erawh ahla deuh sia,ani chu naktuk class bânah kan kan mai dâwn nia," atih chuan ka hnial lemlo,a u Dennis'an arawn thlah ve ngei dâwn aniang,ve deuh thut a.



"Pa ka kal dawn ania," ka tih chuan "hetah lo kal lawk teh," atih avâng chuan ka phei veleh mai a, "fimkhur deuhin han kal ula, Marina'i nen in nih dawn tho chuan thlah in ngaih ka ring lemlo a,bialpa inei anih pawn fimkhur hle rawh aw,sex hman pui tlat che an tum anih chuan ṭhen hreh miah suh aw mate,i uMuani hi enla ani pawh tihian pasal neilo in fa a enkawl dâwn ania,a harsa viau bawk ang a fa hmasa ber tur ania,i chhuak anih pawn fimkhur rawh aw" ati duah a,kapa hi ka hrethiam khawp mai min ngaihtuah a,a hlauthawng ani tih ka hrethiam.




"Va kal rawh le,rawn haw hma la" ka hnung a ben thak paha atih chuan ka tho ve vat a,Obeda te an chhuak tawh tih erawh ka hrilh hranlo,kan inbul lawk ani bawk a Marina'i pawh arawn thleng har vakin ka ringlo.



Obeda te in ka thlen chuan nu Parte-in minlo chhawn vat a, "Obeda te an chhuak tawh ami," tih pahin ka phei a, "aw vawiin chawhnu lamah kan chhuak a,a lawmawm tak tak ani,na em em anei tawhlo a Adam tawh mah mah zawk a,kan in khap theilo ṭep ani,in in a rawn len a chak zek zek lutuk a,irawn kal hlauh chu ava tih zia tak" alo ti zung zung a.




"Nia kar thar aṭang kan test dawn sia,test tur te rawn hrilh ka duh a," ka tih chuan anui sang a, "a roomah a awm va phei rawh mate," atih takah chuan ka phei ve mai a.



Obeda room ka thlen chuan "Obed" ka tih deuh ṭhat avâng chuan arawn hawi zawk a,a phu nasa khawp mai "Nunthawveng mawl lutuk," ati deuh hluk a.



"Enge tih itum a,hrui nen" phâwk deuh a en pahin kati hluai a,tukverh aṭang chhuah rûk atum tih ka man thiam ve nghal mai, "pipu ka suih dâwn" ati deuh hmuk a.



"Iho e a,ṭhu rawh karthar aṭang kan test dawn ania," ka tih chuan a mu awn duai duai a, "ka va peihlo ve" ati sup.



"Taka test zawh ah chawlh kan nei ṭhin tho a,Andya pi te khuaah chuan va zin ila aṭha ang,in tih thawven nan" atih chuan ka nui hak a, "intih thawven angai ami,inti thawveng lo pawn i thawveng sa reng alawm," ka ti hluai a.



"Na ila nei em," tih paha kava pan phei chuan min pawt nawlh a,khumah min paih thla zui pawp mai,hepa damlo ve hi Adam leh mah mah a,a hlauhawm zawk mihi a dimlo thei ropui si.



"Ana ania,Obed kalsawn teh" thei leh theilo in kati ṭial ruai a,arit si mih bawhbet run bawk sia, "ehe!hepa hi i damlo amaw ka tia," room kawngka rawn in hâwn paha tih ri kan hriat chuan min thlah ve vat a,Marina'i leh uDennis'a pawh an rawn lut ve nghal.




"Enge in rawn tih dâwn," ka dara kuah hlun pahin Obed'an ati hluai a, "imawl ami kan rawn kan ve che anih hi," tih pahin alu ah nalo te in Marina'in abeng a.



"I uDennisa zawk saw ania,rawn kal ve hlawl" atih chuan a hmel awmdan chuan nuih ati za lutuk, "aw a piangthar ve tawh a,fel azir ve mek anih saw,tunlai bialnu anei fuh a a control hneh khawp a,aṭha khawp mai a bialnu lah nise kṭp leh khawtlang ah a inhmang sia,mo atân a îtawm hliah hliah" atih chuan kalo lawmpui ve lutuk ringawt.



"Test tur chu ziak vat rawh," Obeda hnungah nalo te a ben paha ka tih chuan arawn bih ve zuai a, "aho mai mai ka onward mai ang" ati sam et,hepa hian onward dan a hre dawnlo lutuk,nakinah min dil leh tho ang.




"Enge in ei duh ang,mate spicy chhum tur pawh a awm ania," nu Parte-in atih chuan kan in en zeuh a, "nu nakinah kha chu keimah niin kan rawn siam mai ang,va mu tawh rawh" Obed'an ati sup a.




"Awle anih kan mu phawt ange aw,zan kan meng rim thei sia,mit a hah emai Mate choka lamah eitur dahna i hriat kha" tih pahin a chhuak zui nghal.



"Andy'a enge a an,azia ve deuh tawh em tunlai chu Mante'a te nên pawh kan inbe khat,kan inhmu khât si" ka ti duah a, "keiai aṭha tawh zâwk,naktuk ah pawh class kan kal thei ang,chawhnu lamah pawh khan Mante'a te chu arawn la kal reng alawm," atih takah chuan ka nui leh sang tawh.




"UDennis hetah lo ṭhu ve la," uDennis'a phone lo khawih mual mual en paha ka tih chuan minlo en ve zawk a, "heti lai hi anuam zawk" ati thum dut.




RAMSANGZUALA POV


"Sawmkim,i thluak ah hian enge awm,hei ringawt pawh hi kan zir rei tawh,ngatinge ila hriatthiam theih loh," kati khur khur a ka lungawi vak tawhlo.




"Aw ahar ve em alawm ka tan te chuan,ka thluak ṭha tur zawng zawng uRic'a nen inla vek a,ka piang hnuhnung ber a,lehkha mai bakah thil dang ah pawh ka rilru a chaklo,in thiamloh anih hi," ati ṭiau mai.



"Va mu phawt teh,naktuk ah kan zir ṭha leh dawn nia" ka hmai tuai puak in ka tita ringawt a, "lehkha zir hi ka ning,nangmah ni ang tal te hian thiam ila chuan ka zir peih ve deuh mahna" ti ve khâr khâr in a lehkha bu ken chu ala a,a chho zui nghal.




Nau rilru chaklo deuh neih hi chu ava buaithlâk tak,a naupang ber leh hmeichhe neihchhun tih takah kanlo duat ve bawk sia,titauh te hi ahrat khawp mai.




FIONA NUNHLIMPUII POV


"Ivan mawl tak,chuan engtin nge an tih leh che" hre chak zetin ka tisep a, "min rawn sual rawn an tum amaw ka tia,pakhat phei chu a awmbawr ka ṭham sak hman," atih chuan mawl ka ti takzet,nurse te lo hlauh reng reng.




Kapa in min rawn call deuh sek takah chuan kan haw ve vat a,in ka thlen chuan kapa in minlo la nghal reng.



"Naktuk class ikal dâwn sia,irei lutuk a ka rawn call tawp mai che anih kha," atih chuan ka nui seih a, "ka hria pa kamu nghal mai dâwn asin,nangpawh mu rawh" ka tih chuan "aw nangpawh tui deuhin va murawh," alo tive vat a room ka luh dawn chuan uMuani uak tuar tuar ri ka hria a,tih theih vak ka nei siloa tunlai a raino hian huat a ngah khawp mai.



Zanin chu atawi deuh a minlo hrethiam hrâm mai dâwn nia, programme neuh neuh alo awm ve zel sia,naktuk zan awl zan ani bawk e aw thawhṭan zan chu hei ai tih sei kan tum ang


Show post links
Top

[Ngaia]

Chapter-11

FIONA NUNHLIMPUII POV


Obeda leh Andy'a pawh an dam var tawh a,test pawh tluang takin kan zo thei,ka ti ṭha ve phian chuan ka hria,test laia ang em em a sir strict kha kala hrelo,min duh thu min hrilh fo mahse kei erawh in engtin mah ka chhang ngai lemlo a,college lamah erawh engmah a tilang ngailo thung,a student dang te ang in min hau nasa thei hle,keilah awmṭha duh chi ka ni vak siloa.





"Henu hi biak a hrelo rere mawle," tih paha Obed'an ka hnunga arawn ben pawp chuan ka thaw kawk, "mawl lutuk,ka hnang dâwn alawm" er ngawng ngawng pahin kati a.





"Zin tur chungchang vel kan sawi chu,ilo kal velo tawp mai tur ania," ati hluk hluk a "zing dar ruk velah kan chhuak ang,ka cousin in a car hman a phal a,ka ṭhianpa kha chu a car alo chhe leh hmanhmawh sia,zin rei em em turah in ngailo phawt ila,Fiona ipa zanin ah lo dil rawh aw" Andy'an atih chuan kalo aw ve vat.




Marina'i akal dawn a kal a phal em em ang,kan thil ei man kan pek hnuah restaurant ṭang kan chhuak a, "khawnge kan kal leh ang," Obed'an atih chuan kan en haw mai, "ve ngei a che,haw tawh ang" Marina'in ati sep a.




"Ehe!!saw saw sir kha anilo ami," Andy'an ring deuha atih chuan a hawi na lam kan hawi ve vat a,a sawi ring bawk a kan bula mite pawn min en hrek hrek.




"Anih saw," Mante'an ati ve sup a,Mante'a pawh tunlai chu bialnu anei ve deuh amawni,makeup te pawh a hmang tawh ngailo,a che pa tawh khawp mai,awlsam taka a inthlak thei chu a lawmawm,a chhungten an zilh nasa ve thei em bawk ani.




"Tunge a bul ami saw," Andy'a bawkin ati leh a,hepa thil hre chak thei lutuk hi chu, "anau anih saw,Sawmkimi" ka tih chuan min en ṭhap mai, "enge" kati deuh hluai a, "iva hre ve" Obed'an atih chuan ka chhang tawhlo.




Naktip a zin kan tum avâng in rei lenglo in kan haw vat a,kapa chanchin vel ka hrilh chuan min en vung vung a, "nula ini tawh a,ka dang dawnlo che,mahse fimkhur deuhin kal ula,mahni in veng thei rual ini tawh a,mi inah in thleng dawn leh nghal a,va awm hawr hawr lo ula," kapa in ati dap dap a,ka u te pawn min en ve reng.




"Ka hria lawm pa,kava insiam ange" ka tih takah chuan uMuani leh uNo'i anlo tho ve vat a,uTetei erawh ala rawn haw lo anih hmel.



"Khawiah maw in zin dawn a," room a ka luh rualin uNo'in ati sep a, "Andy'a te khuaah,a nute'i te kan va tlawh pui lawk ang," kati ṭha ve mai a.



"Enge a khaw hming," uMuan'in alo tive vat, "phaizâwl a tiin ka hria," tih pahin ka zin bag kala chhuak a,ka u te pahnih in min insiam pui ve mawlh mawlh a,ka thawmhnaw neih ṭhat ṭhat leh ka u te thawmhnaw lum nalh deuh deuh ho an rawn khung ve a, "avawt vaklo ang" ka tih pawn "phaizâwl anih chuan avawt ang" anti deuh tlat a,keipawn ka hnial duh biklo.



Ka insiam zawh veleh ka inti fai zung zung a,chaw ei tûrin kan unau in kan inzui chhuak nghal.



RAMSANGZUALA POV

"Mama,hei Mercy hi tihian a awm ve reng a,ṭhenawm khawveng ten in in ngaizawng tih hria an awm ve fur sia,in in ru amaw lo ti tawk an awm ve nuk a,nakinah ila buai phah ange," kapa in atih chuan ka thaw hak.



"A haw dun mang bawk siloa," ka ti sup a, "hetiang lam lo deuh hian puih theih dan a awm alâwm,amah a inluah a hreh loh te chuan a in luah man kan chawi sak anga,in lian vaklo luah se nau a neih hma chu a awm thei ang chu," kapa in atih chuan ṭha ka ti phian mai.




"Lo hrilh la,keipawn ṭha deuh in kalo kawm ve hrim hrim anga," atih leh chuan pawi kati lo khawp mai, "a in luah man chu keimah kalo tum sak ange,Eric'a internship atih nan pawisa i in seng hnem dawn sia,chu mai bakah kanu in enkawl na senso nen Mercy leh Sawmkimi te mamawh chu keiman ka tum sak vek ang,Mercy hi ka bialnu hlui ania kapa i chawm ve ringawt tur anilo e,ani pawh hna te a thawk anga,a in luah man chawi sak reng angai tawhlo anga,a tîr te ah kan pui ve anga anau pai ala lian lo bawk a,hna a hmu em em ang a naupai hi ka fa anilo a,ka buaina tur awm miahlo mahse ka bialnu hlui anih na ang in ka pui mai dawn chauh ani,pawisa ah buaina ineih chuan min dil hreh lo la" kati duah a.




"Aṭha e mama,pawisa lamah chuan buaina ka neilo,Pathian zarah inu pawh Adam vat anga,tluang takin an zai thei a,a dam ve vat mai ang" atih chuan ka bu nghut,kapa hlawh hi a tlêm hranlo a a tlangval lai phei chuan a sum vanga ngaizawng dertu pawh an tam viau ani awm e,kanu nên pawh an kum a inthlau khawp mai,kanu nên erawh in hmangaih taka innei anni thung.



Kapa room aṭang a ka chhuah chuan Eric'a nên kan intawk hlawl mai,ka rawn haw har ang kha ati sia ka roomah pheiin naupang ho paper ka check zung zung a,Fiona'i pawh ka rinai takin ati ṭha,fail erawh an tam hle thung,an ṭhian ho chu an pass vek a,full Mark erawh an class aṭang mi panga chiah in an hmu thung,chumi zingah chuan Fiona'i ngei em em Dinpuii pawh atel ve,an in hal reuh sia Dinpuii chu a inti thei leh dâwn mange.



College luh veleh a sem tûrin ka dawhkan hnuaiah ka dah a, naktip lamah ka ṭhianpa zinpui a ngai a ka peihlo reuh khawp mai,kal tûrin min ti ve tlat sia khaw hmuh zau nan pawh a pawi ka ti hran tawhlo,mahse Fiona'i te kha ka ngai dawn reuh hle mai.



"Sangzual kalo lut thei angem," kawngka rawn kik karh karh paha Mercy'in atih chuan lut tûrin kati ve vat a, "vawiin kha ka lawm lutuk aw,naute thawmhnaw leh puan vel avâng khân" atih chuan kabu nghut,vawiin lamah ka nau ho in naute thil tur kan va en a,ka leisak ve ṭeuh kha ania.




"Mercy" kal atum chu ka koh na vang chuan arawn hawi let vat a, "lo ṭhu teh" ka tih chuan alo ṭhu ve vat, "karleh velah inluah tur kan en dâwn nia,heta i awm hi apawi ka tilo,mahse ṭhenawm khawveng ten kan in ngaizawng ṭhin tih an hria a,kan inru titawk an awm nuk a,chuvang chuan karleh velah i chhuah mai angai ang,in luah man vel chu ka pêk sak vek ang che,in dawr ah i thawk tawhlo tih ka hria,ka ṭhiante kalo biak sak che anga,an dawr velah thawh na tur a awm mai ang,chutah chuan nangpawh i thawk anga," ka tih chuan uluk takin a ngaithla tih ka hria.




"Imm,awle" ati zawi deuh sep a,a hmel erawh a ngui bam thung,ka room aṭang a chhuak in kanu te room lamah ka phei leh a,kanu pawh aṭha chak khawp mai,a hna thawh erawh kapa in a chhunzawm a phal sak tawhlo thung.



FIONA NUNHLIMPUII POV

UMuan'in min rawn sawi dat dat chuan peihlo deuhin ka meng siar siar a,khawvawt inṭan tir ani bawk nen ka inkhuh ṭha sat sat, "mate Nunpui'a pawnah a ding a,kapa ten an hriat ka hlau sia,a kawrlum kha rawn la rawh ka tia,heihi zu pe lawk mai ta che" atih chuan peihlo deuhin ka tho ve mai a,ka kawrlum ka hak ṭhat hnuah sana ka en zeuh a,zinglam dar nga chiah ala ni,a kawr kenlai chu la vatin room aṭang ka chhuak a,inchhung aṭang ka chhuak chiah chu ka mengkawk mai,avawt lutuk chhûm azing nasa bawk si.



"UNunpui kha i kawrlum," tih pahin kava pe a,alo ban ve mai bawk a,kal leh mai ka tum chuan "i u enge a an" atih takah chuan alam hawiin ka ding ṭha tête a,ka ngei deuh tlat.




"Aṭha lutuk,a naupai chu nau apai hma aiin a hmelṭha zual a,avun a mam bawk sia,nizan ah pawh ṭhenawm a awm thar te fapa in arawn rim nghal a,nau apai tih kan hrilh hnu pawn a pawilo atia,a chhûngte an fel a,uMuani an duhpui bawk sia,an innei thut maithei ani" ka ti duah a,a hmel chu a inthlak ve hlawk mai,a lungawi chiah lo tih a hmelah a lang thei.



"Ka awilo" ati deuh hmuk a, "i awi ani reng alawm,i awi duhloh leh an inneih hunah chaw i ei ṭeuh dâwn nia," ka tih takah chuan a scooty awmna lamah pheiin a tinung a,a tlanchhuak chu ka thlir reng.



UMuani leh uNunpuia vang vek ka mutchhuak a reh vek,ka mutchhuak a reh bawk nen exer lak pahin tiin ka kal mai mai a,exer la ho pawh hmuh tur an awm ve nuk mai,ka phone phawrh pahin uMuani exer ka lak daih thu message in ka hrilh a,ka phone ak ṭha in muangchang chuan ka tlân ve a.



Ka scooty kapa in vawiin a lam theih thu nizan ah a sawi tak,a siam man a pe vek tawh a,an siam rei bawk a a ṭha ngawt ang,Mante'a vengah kan cousin ten motor chhe siam na an neih vang ania,zuk lam nghal ka rilrûk ani,tlân pahin ka kal zêl a,an in hâwng hma thei bawk a an inhawng tawh ka ring.



"Fiona" tih ri ka hriat na lam ka hawi chuan Eric'a nui vur vur chungin ka lamah arawn phei a, "enge itih a,heti lam daih daih ah" ati sup a,ka hawikual chuan Mante'a te veng ka thleng ve ṭep tawh tih ka hre thei,ka kalna tur chiah kalo en ve bawk ani.



"Ka tlan a," nuih sen sen pahin kati a, "exer ila tih na maw" atih chuan ka bu nghat,keiai pawh chu ka tlân a han tih deuh tawp.



"I slide alaw" a thil ken en pahin kati sep a, "aw ka skate ve zeuh zeuh a" atih chuan ka hmui ka seh zeuh,ngatinge maw tukin zing chu ka hriat reng pawh ka lam dik theih rere loh ni.



"Aw anih chu....kan kal leh tawh ange" tih paha kal mai ka tum chuan "ka kalna tur lam tho ania,ka rawn phei ve ang," atih chuan ka bu nghat a.



Chapal ka bun bawk sia,exer kala ka tive laklawh tawh bawk sia,mak ati ru ngawt ang "ka scooty lam pahin exer kala ve mai mai a,ka scooty siam zuk lam ka tum a" kati ṭha leh a.



"Anih chu,exer la i anglo ka ti rêng ah" arawn ti ta chiah a, "i skate ve duh em" atih chuan kalu ka thing vat,ka thiamlo hrim hrim.



"Tive chhin la anuam asin," atih pawh chuan kala duhlo ve ngat ngat a,ka rilru chuan ka tichhin chak reng,mahse ka chetsual ka hlau ve tawh ani.



Workshop lamah ka tlang thla nghal a,Eric'a lah chuan min rawn la zui zel a, "i haw dawnlo ami" a lam hawi meuh a ka tih chuan anui suk.



"Ka rawn kalpui law law ang che," tih pahin min en chhuk run a, workshop chhûngah kan inzui lût nghal, "pa Mawi ka scooty ka rawn lam dawn a," ka tih chuan alo ding ve vat a, "mate iva rawn bei zing ve,a chhia atam reuh lutuk a siam chhûng pawh hun aduh rei khawp mai,ka fanu ini bawk a ka tlawm duai che anih kha" atih chuan ka lawm tak tak ani.



"Ka van lawm tak," ka tive sep a rei awmlo in ka scooty kala chhuak vat a,a ṭhat tawh hmel khawp mai,ka ngai hman reuh lutuk.



"Pa mawi,kan phei leh nghal mai ang aw,kan lawm lutuk ania" ka tih chuan "awle awle," alo tive vat a Eric'a lo chuang tura ka tih chuan alo chuang ve mai a, "sawti lai deuh ah sâwn kalo chhuk ang,kalna tur ka nei a" atih takah chuan ka ding ve vat,khalh pawh ahma ai chuan anuam sawt tawh.



Eric'a kal hnuah Mante'a te in lama kal a remchang em avang in ka pengkawi a, doorbell ka hmeh rik ral ral chuan anu in arawn hawng vat a, "e...Fiona nang ini maw,rawn lut rawh iva rawn kal zing ve" ati zung zung a,nu te lampang ania a hmel pawh aṭha reuh khawp mai,Mante'a pawn a chhun viau.



"Nia ka scooty lam pahin rawn pengkawi arem em a,Mante'a atho tawh em" kati mawi ve a,a thawh erawh kala ringlo thung.



"Tho teh nang,va kaitho rawh" atih takah chuan a room lamah ka phei vat a,a mangchhe khawp mai "Mante" a beng bulah ka ti sar sar a,ala harh chuanglo.



"Mante" sawi dat dat paha ka tih leh chuan arawn ṭhuchhuak thut a,boxer nen chiah ala muzui,apa ve tak tak tawh aniang ahma chuan thawmhnaw a phelh duh ngailo ania a mut pawn.



"Fiona nang maw," ati ṭial ruai a mak atih hmel khawp mai, "aw enge ka bial ka rawn fang anih hi," ka tih chuan vâwt ati deuh aniang a inkhuh ṭha ve sat sat.



"I bial azau thei si,enge irawn tih dâwn" atih chuan a bulah ka ṭhuthla vat a, "bial ka rawn fang,engdang vang anilo nangmah vang ani,i pianthar loh hi ka hlau em asin" ka tih chuan a ner nang nang mai.



"Naktuk ah kan zin dawn kha i insiam tawh em," tih pahin ka hawikual a, "siam tawh siam tawh,saw en rawh ka bag a khah pum tawh saw," atih chuan ka nui ve hak.



"Mu leh mai rawh,i thinchhe emai kava phei ange,in vengah scooty ka rawn lam a,a remchang em a ka rawn pengkawi mai mai mawle," ka tih chuan a bula a kawr chu aha mawlh mawlh a,pawn thleng min thlah ve ngei a.



"I scooty chu a hma ai chuan a ṭhat tawh hmel kha," zawi deuh a din paha atih chuan ka nui ve ver ver,kan veng lam panin ka inkhalh phei a,motor anla tam lo bawk a ka tlanmuang vak lemlo.



Ka rilṭam deuh avâng in dawr kawtah ka ding dat a,thingpui emaw tal a inhnawh puar ka duh, restaurant lian vaklo chhûngah chuan ka lut a,thingpui leh chhangban ngei mai chu ka chah a, vânneihthlâk takin nimin lama ka kawrlum hak ka hachhuak leh a,ka purse alo awm hlauh a,zanga chiah a awm thung.



Eitur chah arawn thlen chuan ka ei dawn chiah tih ah pawnlam aṭang, "Taite" ring deuha an rawn tih chuan ka phu nasa lutuk,dawr chhûng a awm ho chu phulo an awm manglo,kawngka lamah kan hawi phei ṭhup a,zin tur inhnawh puar ho an awm nual a,sumo driver ni ngei tûr ani.



"I fridge chah alo thleng," atih leh takah chuan hmeichhe pakhat hi choka aṭang hmanhmawh deuhin arawn tlân phei a,ala rawn in chhuih phei khut khut zui "khawnge khawnge," fiahlo ruai hian ati phei a,kawngka lam ka en reng lai chuan sir leh mipa pakhat an rawn inzui lût hlawl mai,kawngka bul seta ṭhu kani bawk a,ading ve dat.



"Thana tah hian ṭhu ang," tih pahin ka hma zâwnah tak an ṭhu a,a ṭhianpa pawh chuan mak ati tih a hmel aṭang alang reng.



"I tho hma ve ngei a," tih pahin sir in min en kar a,ka thil ei aban si ka zak ve reng, "aw tho hma" kati zawi sep,ka thawh hma leh hma loh a hre der siloa.



Eitur an chah alo thlen rualin an ei ve nghal mawlh mawlh a, "i biangah i chhangban ei akai," a ṭhianpa lah chuan arawn la ti ta deuh deuh a,mi mah zah tawh mah nak laia.



Ka hmaa tisue paper chu ban vatin ka biang han hruk ka tum a,ka kut aban bawk si nen ka berh vêkin ka hria,chhangban chhum te han zawrh reng reng,a kan an rawn dah dâwn amaw tih vangin ka chah ve em em a.



"Khawi keiman," a ṭhianpa in tih paha min rawn puih atum chuan sir in alo tih khalh vat a,ka thil ei ka ei chhunzawm lo chiang khawp mai,bialpa te emaw star deuh te bula chhangban ei chu ka sim,ka tan engmah nilo mahse sir hi ka duh ve deuh vang aniang ka zak tlat,ka ṭhiante hmaah nise ka zah dawnloh nen.



"Ka kal phawt ange," tih pahin ka ding vat a,ka kut ka sil fai hnuah pawisa ka pe a,dawr aṭang a ka chhuah hnu rei vaklo ah sir te anlo chhuak ve a,an eizo hman amawni,ka inkhalh chhuak tur chiah chu "Fiona" atih vang chuan ka hawi phei veleh mai a.



"Thana bike hi lo va khalh haw lawk mai rawh,nakinah ka rawn lam ang" atih hnuah ka lamah arawn phei a, "enge" kalo ti deuh hmuk,ka bula an rawn ṭhut avâng khân ka lawm vaklo.



"Chhuk teh" atih takah chuan ka chhuk ve mai a,ka scooty ah chuan a chuang vut a, "lo ṭhu rawh" atih chuan hnial lemlo in ka chuang veleh mai a.



An in lama min kalpui daih chuan ka hrethiam lo,ni pawh a chhuak ṭan tawh,sana ka en a dar ruk leh a chanve vel ari ve tawh.



An in kan thlen rualin scooty a park ṭha a,inchhung ah min kailut nghal,Eric'a ala haw lo ani ngei ang,anu leh pa te pawh ka hmu miahlo,an la tho lo te pawh aniang,an lo thawh thut phei chuan ka zak viau ang,anu lah ka hrechiang mai sia.



A room lama kan chho te chuan ka hawichhuak vak ngamlo,a room kan thlen rualin kawngka a kalh nghal hmak a, "enge itih dâwn" ka tih chuan ka hnunglam aṭang min rawn kuah hlun a.



"Ka zin san dâwn che sia,min ngai angem" ka beng bulah ati sup, "ka bialpa emaw ka pasal pawh inilo a,ka ngaih ngawt chhan tur che ka hrelo" kalo tive sep.



A lamah min kuai her in min pawm nawlh a,khuma min nghah thlâk dat chuan phâwk fe in ka en a, "avawt emai,mu lawk ang" tih pahin puan in min rawn khuh hlun a, ka bulah arawn inthawlh zui ve nghal.



"Hey ivan zaklo tak," tih paha alam ka hawi chuan ka hmuiah arawn fâwp chawt a,chhanlet loh theih loh a rilin ani min fawh ni.



Ka taksa ah akut a vahkual tîr ruai a,a taksa chu alum nuam takzet,tho kang in ka chungah a inbeng khalh run a, "i hmelṭha lutuk" atih chuan ka lai ve reuh lutuk.



Ka lu kham hnuaiah akut arawn zen lût rawk rawk a,bâwm lian vaklo min pêk chuan a ngaihna hrelo zetin ka en reng a, "enge a" tih paha hâwn ka tum chuan minlo dang vat, "in a i haw hunah i hawng dawn nia" ati deuh tlat a, "i pass lawm na anih kha," atih chuan ka nui ve seih.



"Mahse fullmark hmu ho chiah ipe dâwn in ka hre sia" ka tih chuan alu a thing vut a, "nang chu i danglam bik a,test naah full Mark hmulo mahla ka thinlung ah erawh full Mark hmu ang reng ini," tih pahin ka biangah arawn fawp zauh.



"Ka lawm e" a thil min pêk lek kan zeuh paha ka tih chuan ka hmuiah arawn fâwp zeuh a, "lawmthu sawina ah ka ngai ang" ati sup.



Kan in thleng min thlah atum viau na chu ka duhlo tlat a, scooty ka keng bawk nen ke a a haw angai dawn sia,a hah lutuk palh ang in ka thlen velah a thil min pêk chu ka hawng a,sana manto tih hriat tak nalh zet mai hi alo awm reng.



"Avan pawi tak,sana ka bun theilo asin le" en vawng vawng pahin kati sep a,ka vein hian sana a milh velo a,ka bun chuan athi zêl.



"Mate Nunpuia chu ipe em" uMuan'in room aṭang a ka chhuah chuan ati sar sar a, "imm pe" kati sep "mate exer ila ve ngei a," kapa choka aṭang a rawn chhuah pahin ati sup a.



"Aw ka harh laklawh em a, scooty ka zu lam daih" ka tih chuan a "a ṭhat chu," alo tive mai a kan in doorbell arawn rik ral ral chuan kava hawng vat a,uDennis'a alo ding run mai.


Show post links
Top

[Ngaia]

Chapter-12

FIONA NUNHLIMPUII POV


"Enge irawn tih dâwn," tawlh sawn deuh pahin kati sep a,min chhang lo in inchhung ah a lut tlang nghal,uDennis'a nên hi chuan kan in ngeih lo ve mawle,tunlai chu a piangthar ve tak tak amawni,a inkhawm kal tur pawh ka hmu ve zeuh zeuh a,an veng kohhran upa te nên pawh an kal ho ve zeuh zeuh zêl.




"Dennis zingkar kar ah enge nita,lo ṭhu rawh" kapa pawn alo tivat a, "englo ania pa Biak nizan ka mumang lamah Fiona'i ṭawngṭai sak angai tih thu ka dawng hlauh mai a,ka thawh veleh ka rawn phei nghal anih hi," atih chuan ka mengphawk khawp mai.




"Tuin maw ṭawngṭai sak ngai minlo ti a,i mumang ah chuan khawi aṭang maw i dâwn," din hluah pahin kati a "pûng pûng ṭhin a che,mate ṭhu phawt teh" tih pahin kapa in min pawt ṭhu leh nawlh a,hepa pianthar dan hi min vei ve deuh tihna ami,min huat vang hrim hrim ah ka ngai nghet hmiah tawh kei chuan.




"Chuan engtin maw han sawi zêl teh,Dennis ka fanu hi ṭawngṭai sak a ngai amaw,ṭawngṭai sak a ngaih chhan te a awm em," kapa in ati dam thlup a.




"Fiona'i hi chutin a sual kati em em hranlo,mahse ṭawngṭai sak ka duh tlat mai a,a rem chuan" ati vel duai a,ka eilo lutuk ka lungawi lo bawk si chu a hreawm takzet.




"Keilo midang ṭawngṭai sak ngai an tam lutuk,min haw ve hrim hrim anih kha!" ka ti ta thlawt a.




"Mate ṭawngṭai ringawt te chu apawi hleinem,aṭha ting animai alawm,lo ṭhu teh in ṭawngṭai tir phawt mai teh," atih takah chuan thawk la hak in ka ṭhu veleh mai a.




"I duh leh ṭawngṭai la,mit ka chhing awm hlei lo" ka tih chuan kapa in min nghawk sawk a,uMuani leh ka u te pahnih pawh anlo tho phak ve chhap mai.




"Ka fate zawng zawng hi ṭawngṭai sak law law la,kan chhûngkaw tân hian bawihte lo ṭhu teh u" kapa in atih chuan anlo ṭhu ve mai a,uDennis'a rawn dingchhuak in ka lu chungah kher kut nghah ala tum zui.




"Dennis tihian ding chungin kan chhûngkua tan min ṭawngṭai sak maila,pawi iti em" kapa in atih chuan pawi ati vaklo aniang chu,ka hmaah a ding a,kapa in mit chhing tura min tih chuan insehruh deuh ṭunin ka mit ka chhing a,a hreawm khawp mai thawk ka lak vak pawh chuan awmzia a awm tam vaklo.




A ṭawngṭai zawh chuan thingpui te kan han in leh tête phawt a,tukin zingkar a ka mood a on nen,arawn ti chhe vek Marina'i ka hrilh dawn chiang lutuk.




Eirawng bawl pahin Marina'i ka call a, "i u inla piangthar lutuk hi,zingah arawn phei a ṭawngṭai sak i ngai min tia," kava ti nghal pawng pawng a,ala nui uar uar zui.




"A tho hma ka ti rêng ah,a piangthar ve tak tak ania,khatiang khan lo ti miah suh i sual zia a hriat vang aniang," ala ti ta deuh deuh, "ka sual na ka hre hranlo" kati deuh sap a, "ka fiam mai mai che anih kha,ka u piangthar hian ṭawngṭai sak tur a zawng kual reng a,amah haw tute pawn an haw tak tak thei tawhlo" atih chuan ka nui ve deuh hak a,rei fe kan in biak hnuah kan dah ve thei hram.




Naktuk maiah kan zin dawn avâng in invel uMuani nen kan tifel thuak thuak a,dawr lamah pawh kapa amah in akal mai ṭhin a,uMuani nau apai avâng in kapa in kal a phal tawhlo ani.




"Nau neih ana anti sia,ka huphurh tawp" uMuan'in atih chuan ka enzawk a, "uNunpuia hi tinge i neih duh loh a,a sual em em in ka hre siloa" ka tih chuan a thaw deuh hak a.




"Ka nei duhlo em em pawh anilo,an mahni lam hi ania,diktak chuan maw anu nen kan inmilh theilo a,kan in ngaihzawn tirh aṭang min duhlo,kava mo anih ngat phei chuan buaina a chhuak reng dâwn tih ka hria,kapa ka hrilh duhlo anih kha" atih chuan ka khawngaih reuh angreng.




"Anu vang mai mai a nei duhlo inih chuan avan mak,uNunpuia pawn pawi ati hran miahlo tihna ania,a hmangaih miahlo che tihna ami," ka ti phiar phiar a ka lungawi pui vaklo,ṭhenawm khawveng ten uMuani naupai thu an hre ve hlawm tawh a,an sawi sep sep tih pawh ka hria,pasal neise ka duhpui em ani.




"I hrelo anih kha,mate Nunpuia hian anu a ṭan lutuk,an fapa neihchhun alo nibawk nen an duat ve em a,a u lah anu ang chiah ania,an ṭhenawm khawveng te pawn an milh theilo,Nunpuia kalo tawng hi ka inchhir ve ngawih ngawih asin,hetiang tûr hi ani tih hria ila nau ka pai duh bik miahlo ang,mahse tûnah ka pum chhûngah naute hi a insiam ve mek a,ka hmangaih lutuk bawk alo pian hunah chuan theihtawp ka chhuah ang,kapa leh unau kala nei che u a ka lungngai lo,nakinah Pathian in rem atih te chuan Nunpuia nên pawh kanla innei ve mahna," ati sep sep a ka khawngaih hle na chu a sawi diklo hranlo.




"Nia keipawh vet doctor thla thar aṭang chuan try ve kan tum chhin anga,engpawh ti dâwn ila pawisa angai zel bawk sia," kati ve hap a kan unau in ahma chuan hetiang ang em em hian kan inkawm theilo,a naupai aṭang hian a inthlahrung ve deuh a,keipawh engtin mah minti ngam tawhlo niber in ka hria.




Ka tette aṭang veterinarian doctor nih ka chak em em a,thla thar aṭang ka zir ve thei dâwn a ka phur ve hle, Marina'i erawh nurse zir atum a,ka ṭhian mipa te ho chu ka hre lemlo,anni hi chu an nung ve tawp niber in ka hria.




Ka phone arawn rik chuan ka envat a,kapa alo ni "aw pa" ka lak rualin kati sep a, "mate dawrah in thawmhnaw leh Eitur vel ka leisak chu a rawn lam lawk ta che," atih chuan ka aw ve vat a,kapa hian a khat tawk in thawmhnaw thar min lei ve reng a,eitur pawh kan eichak kan sawi chuan min leisak ngei ngei atum ṭhin.




"Eitur leh thawmhnaw kava lam lawk ang," scooty chahbi leh helmet lâk pahin kati a,uNo'i pawh a buai khawp mai,tunlai chu customer a ngah khawp a,zanah pawh a inhawng rei thei hle,kan inhnuai lawk ani bawk a keipawh ka chhuk zeuh zeuh zêl.




A buai em avang in be lemlo in ka inkhalh chhuak a,kapa dawr ka thlen chuan midang an lo awm vak rihlo, "kha hengho hi ania,chuan Heta ka dah hran hi i uNo'i puanthan tur ania,ipe nghal dawn nia" atih chuan ka bu ve nghat nghat.




"Kapu hemi damdawi hi innei em," tih ri ah chuan kan hawi vat a,Mercy ka hmuh chuan ka mengkawk mai,a damdawi rawn lei tum lah chu nau tih tlak na atân an hmang ṭhin tih ka hrechiang nasa mai sia, "Mercy" ka tih chuan min la hre ve tih a hmel inthlak hlawk dan aṭang ka hre thei.




"I ṭhiannu ami mate," kapa in atih chuan kalu ka thing vat a, "Mami hetiang damdawi hi keini chuan kan zuar lo,kan pe chhuak ve theilo" kapa in atih chuan Mercy pawh akal vat a, "ka hmelhriat mai mai" kapa in min en reng takah chuan ka tisep a.



Rei awmlo in inlam ah ka let leh vat,Mercy hian a naupai kha tih tlak atum amawni tih ringawt ka rilru ah a awm,sir hian a hreve angem.



Inchhung ka lut chu ṭhuthleng a lo ṭhu awn duai ka hmuh vang chuan ka ding chawt, "sir" ka ti zawi sep a, "mate ilo thleng tawh animo,a nghak reng che a" ka uMuan'in atih chuan ka thil kenlai pe vatin ka phei a.



"Enge ilo tih dâwn a," tih paha sir ka en chuan min melh run a,a lungawi loh hmel lutuk vawiin chu ka hmu chhelo riau leh nghal a, "min rawn zui rawh" ti nghut in ading a,a chhuak zui nghal nal nal.



"UMuan thil kha lo ei mai rawh aw,chuan uNo'i puanthan tur polythene dum-ah khan a awm a,lo pe mai" ka sawi zo chiah tih ah sir in ka bânah arawn pawt dawrh a,inchhung aṭang step ah min kal thlâk pui nghal hlawk hlawk.



"Enge i hriat a," kati vin deuh ṭhat a,engmah sawilo in min kai dawr dawr a a motor dahna kan thlen rualin "lût rawh," ati leh hmuk a midang an awm avâng in ka hnial zui bik lemlo.



A tlân na lampang chu ka hriat loh lâm daih ani,kawng erawh anuam phian a,a motor a tih din dat chuan a lam ka hawi vat a.



"Enge hetah kan tih dâwn," kati zawi sep engmah sawilo in ka kutah thlalak arawn hmeh bel chawt chawt a,ka en chuan zingkar a Eric'a nen kan inphur lai leh kan in nui lai thlalak vel mai mai.



"Heihi enga tan nge," tih pahin sir kava en a, "in in ngaizawng em" ati deuh hmuk, "lo in ngaizawng ta pawh ni ila enge a ho e.." runluih ka chak hrim hrim vangin kati a.



Motor aṭang a chhuak vut a,ka awmna lam arawn hâwn chuan ka chhuak duh bik mailo, "i rawn chhuah loh chuan ka pawt chhuak ang che," rum ul a atih takah chuan ka chhuak ve zal zal a,kan awmna lai areh ropui si motor rawn tlan hmuh tur pakhat mah a awmlo leh nghal a.



Kawngsir lam deuh ah chuan min kaiphei dawr dawr a, "ana ania" ka tih pawh chuan a hrelo der hmak,min hmer na ka kut lah chu ana em em leh nghal a.



"Nunhlimpui ka thin tih rim tum miah suh,vawikhat ka zawt nawn leh ang che ka nau nen hian in in ngaizawng em," ka mit a en kal pahin ati a,hawisawn ka tum chuan ka samah rawn ṭham in min kuai dâk awrh a,hetiang hian a awm ngai siloa mak kati.



"Ngaizawng lo" thei leh theilo in kati ṭawk ṭawk a, "aṭha ka zin hlan in i ngam chuan bialpa ilo nei dâwn nia,tupawh ngaizawng la ka nau pawh nise ka zuah hauhlo ang,hre rawh vawiin aṭang chuan kata chiah inia," tih pahin ka hmuiah arawn fâwp deuh nawk a,ka chhang let lo hrim hrim.



Ahma in hetiang hian a awm ngai siloa,mak ti takin ka en deuh reng a, "keimah nilo mipa dang hnaih lo la ka duh ani," nem deuh zawkin arawn tinawn sup a.



A ipte aṭang meizial leh liter la chhuak in meizial a zu khu luih luih a, "ngatinge hetiang hian i awm," ka tih chuan min chhang lawk lo, "mipa dang i hnaih ka duhlo animai,ka duh che a keimah lo chu pasal atân pawh inei heklo ang," atih chuan ka nui hul hak a,ka nuih azat vang erawh anilo.




"Ivan thu em em,ka hma hun tur te i sawi lawk vek thei a,van lampang khi i chhûngte ami," ka tih chuan min en ve reng a, "ka duh duh pasal ah ka nei ang,keite chuan Pastor alawm pasal atân neih ka tum," ka tih chuan ka samah aṭham leh nawk a.



"Ngai hmak rawh,keimah nilo midang inei anih pawn in hlim rei ring suh u,ka tibuai zêl tho ang chu i pasal tur chu a nun hahdam in a hmang hauhlo ang," atih chuan ka nui sak a.



Min chawi nawlh in a motor dahna lamah bawk min phei pui leh a,motor chhûng a kan luh rualin chak deuh in a tlân vut a,a tlân chak lutuk chu ka ruilo chauh,ka hlau bawk si "sir" ka tih pawh chuan hmalam a melh ngur a,a hrelo der hmak.



A phone lah chu a ri deuh sek a,Mercy damdawi lei chungchang vel kha hrilh duh viau mah ila hrilh na hun remchang anih ka ringlo,kan inkawt ah motor a ti ding dat a.



"Ka sawi kha hre reng ang che,ka zin hlan in mipa dang ilo melh ani tih ka hriat vaih chuan chupa chuan a nun a hmang nuam hauhlo ang," atih chuan rapthlâk ti lutuk in ka melh tlawk tlawk.



Step a ka chho dâwn chuan ka hawi let hram a,mit la sawn leklo in minlo la en reng,min melh dan lah chu min thah a hreh loh hmel ropui si,inchhung ka lut chiah chu ka thaw kawk kawk a.



"Awi kanu!!min ti hlau alâwm mate," uMuan'in alo tive hluai, "ngatinge a i bialpa kha keichu ka hlauh zawng tak,alo luh tawh hi chuan ka che ṭha ngam ngailo,a hmel te renrun kha" ati hluai a,a hmel awmdan zawng zawng nên nuih ati za zawk.



"Iho emai a,thil chu ilo ei tawh êm" tih pahin choka lamah ka phei a, "aw ei tawh eive mai rawh kha atui lutuk," ati sep a ka en chuan momo,rice leh chow tih vel alo ni.



Naktuk maiah kan kal tawh dawn avâng in ka thawmhnaw khung vel ka enfel leh thuak thuak a,ka ṭhiante pawh an buai viau aniang an rawn inlâr lo emai,nidang ah te chuan nise leng ang u anti leh reng ang mawle.



Tlai eirawng kan bâwl laiin uTete'i arawn haw a, "awi ka chau lutuk,kan hna hi chu kan rim ve mawle,tunlai phei chu kan buai azual a" dawhkan bawh pahin ati ngui ruih a,ka khawngaih ang reng hei vang hi ania inchhung chet velah pawh kan phût ngailo,uNo'i pawh phut em em lo mah ila min tih pui zêl tho a.



"U thingpui iduh em," ka tih chuan alu alo thing vat, "kamu dawn ania,chaw minlo eisan mai ru aw,nihnih vel ka chawl thei dâwn a,azia" atih chuan kanlo aw ve vat.



"Mate kanu kha i ngai ve ṭhin em," uMuan'in bai chawh rak rak paha atih chuan ka envat, "ngati teh thut nge" kati sep a.



"Nau ka pai aṭang phei hi chuan kanu ka ngaihtuah chhuak fo a,awm ve se ka fa hi min duatpui ve awm sia,a tute tal hmu hman se ka ti asin le..kapa pawh hi ka khawngaih a lung aleng tih ka hre thei,dawr ah te hian a hawi leh vual vual zêl a,kanu hming te hi arawn lam chhuak leh nawlh zel" atih chuan chhan mai dân tûr ka hrelo,kanu kha ka hre ve vak hmanlo a,mahse ka ngai ve thei lutuk tho kapa lunglen tur zia ka hria.




"Bathroom ah kava kal lawk ange,chawhmeh hi lo en lawk rawh aw,a hmun chuan lo off la eirawng kan bâwl zo animai" atih chuan kalo aw ve mai a,sana ka en chuan dar nga ari ve ṭep,thlasik inṭan tir ani bawk a ni pawh a rei tawhlo.



UMuan'i bai siam chu tui tak ani,a hmin tawh avang in ka off vat a,kapa pawh arawn haw ve chiah,chaw kan ei laiin kapa in min zilh leh mawlh mawlh a,keimah min zilh ani deuh ber,kan zin tur min ngaihtuah thu ngawt asawi a,a chang leh ṭha deuh a awm turin min ti thul.



Ka mut dâwn ah Obed'an min rawn call a, "naktuk zingah min rawn lam dawn a,in in lamah ka rawn phei hma ang," tih te asawi hnuah call adah leh nghal,hepa hi chu a duh chin a sawi a adah hmak zêl.



Sir Message lo awm chu ka hawng a,min vo na bawk ani,ngatinge maw a zin dawn avâng a bialpa ka neih ringawt ang ni.



Kan ṭhian ho group ah ka lut thuak thuak a,an rak nasa leh tawh khawp mai,an ken tur ah ani an buai ni,an buaina hi aho ve thei ngawt mai.



"Mate mu hma rawh aw," kapa in ka room kawngka a rawn dah paha atih chuan kalo aw ve vat a,keipawh ka phone lukham hnuaiah dah in ka muhil zui nghal.


Khawngaih in ADS kha minlo click sak ve zeuh aw


Show post links
Top