KUMKHUA IN BY Judy Chhak Chhuak (Completed)

[Ngaia]

Fiona Lalnunhlimi leh Ramsangzuala te story prologue ka ziak dawn lemlo aw, Christmas leh kum thar boruak nen kan buai dâwn sia kum thar ah a rang lama rawn dah ka tum ang aw kan regu dâwn bawk aw,Pathian ni tih loh zantin ka dah dâwn e

Fiona nunhlimpuii POV


"Pa au saw..min chhan teh," kapa hnunga bih rûk zuk zuk paha ka tih chuan ka u in min rawn la kek chhuak hram, "Nunhlimpui min ti buai tawh suh kati em," ati vin ve hrawk, "Muani thlah teh,amak thei emai" kapa in ka u pawh sawn paha atih chuan ka thaw huai thei.




"Pa keimah zawk min hau zêl a,Nunhlimpuii thiam loh saw ani ve tho asin," ka u Muan'in ṭap deuh pûrin ati a, "in va han bengchheng thei tak," ka u Te'in bathroom aṭang a rawn chhuah pahin arawn ti bak hlar mai,kan unau hi chu kan zaidam lo tlang mawle.




"I nau te pahnih hi,an in ti thiamlo leh tawh anih hi," kapa in a laptop hmaa ṭhutthlak pahin ati a,kapa bulah ka ṭhu ve vat, "a hrim hrim in pa nangpawh an intih buai hian Muani ringawt i hau ṭhin a,Fiona'i hi a thiamlo ve ṭhin tho asin,ate ber anih vang hian i duat leh lutuk a," ute'in ati dam dap a.




"Ni e, Fiona nangpawh i u te thu awi tawhla," kapa in atih chuan ka chhang tawhlo,uMuan'i intithei hmel ka hmuh chuan ka rilru ati na.




Kan unau hi pali kan ni a,hmeichhia vek kan ni bawk,kanu hian kum hnih ka nih in min boral san a,ka u te chu an lian tawh,kapa hian nupui dang nei tawhlo in kan unau in min ṭulpui ṭhak a,kapa kan hmangaih a kan ngainat chhan em em pawh ani,kan unau bikah Ngurmuankimi(uMuani) nen hian kan in ngeih lo zual hle a,in chhang bung chiah kan nih vang te pawh aniang,kan upa ber hi Lalrinsiami(utete'i) niin a dawt chiah hi Elena Zonunsangi(nuno-i) ani a,uNuno-i hi chu nunnem leh zaidam em em mai ania,naupang pawn an nel hma bik hle,thil kan tih sual pawn min hau ngailo ang tluk ani,uTete'i hi a upa ber tih takah a puitling a,min hauh tawh chuan tuman kan chhang ngam ngailo.




Kapa hi pharmacist ania pharmacy dawr ka u Muani nen an nghak ṭhin a,uTete'i nurse niin tunah Civil hospital ah a thawk mek,uNuno'i erawh in nghak tu ber ania kan inhnuai lawk ah hian puan ṭhui na dawr lian vaklo anei ve a,keihi tûnah college kala kal mek.




"Chaw ei siam rawh u bawihte i u duty zan ania," kapa in atih chuan kan che ve sawk sawk,uMuani nen hian in ngeih lo viau mah ila kan awm hran chuan kan in ngai ber zêl.




Chaw uMuani nen kan siam zung zung a,chaw eilai a ka phone arawn rik chuan ka tho zawk mai,ka phone dahna lamah hmanhmawh takin ka phei a,ka phone ka en chuan ka ṭhiannu Marina'i alo ni.




"Aw hello nana" ka lak rualin kati nghal lang lang a, "Fiona naktuk chu min riahpui leh angai dawn ania,anu te an zin chhuak dawn a," ati ve lang lang a,kan ṭhian ho hi chu kan ṭawng zawi thiam meuhlo,thleng asil pah aniang ari rak rak mai.




"Apa kalo dil phawt ang,ka rawn beleh ang che chaw kan ei" ti zung zung in call ka dah a, "mate Nana'in riahpui ah a sâwm leh tawh che ami," chaw ka bar dawn chiah tih ah uTete'in arawn tih chuan ka melh zawk a, "aw apa te an zinchhuak leh dâwn a" ka tih chuan a ner nang mai.




"Nana'i te hi chu a nu leh pate hian an ngaihsak lo ve ngawt mai,an zinchhuah san reng a,hausa viau mahse ka awt miahlo,Dennis'a lah saw arui reng a,a awm ve tho anu leh pa in an ngaihsak lo ve em bawk a," ati niah niah a,amah leh amah a inbia niber in ka hria,Marina'i kanu nau fanu ania,ka cousin tihna anih chu kan pianni leh thla thleng in a in ang a,kan in kawm ngeih hle bawk, birthday pawh kan lawm dun mai ṭhin.




"Va riahpui kher lo in hetah amah rawn riak phei ṭhin mai se ṭha tur ania," kapa in atih chuan "nuamlo ati ve aniang chu,ka u te lakah pawh a inthlahrung ve ṭhin aniang chu," a thlavang hauh takin kalo tive a, "Marina'i a inthlahrun chuan amak ve ang," uMuan'in alo ti hluai a,a sawi uar khawp mai.




"In ho emai,ei mai mai teh u iva riahpui dâwn nia,Obed'a te sâwm leh la,hmeichhe hlang ringawt a riah chu a ṭhalo," kapa in atih chuan kalo bu nghat.




Thleng ka sil mawlh mawlh laiin kapa in "mate i ṭhian te anlo kal," atih vangin ka thil tih lai dah in ka phei a,ka ṭhiante pathum kawngka bulah anlo ding tlar ṭhap mai.




"Ngatinge rawn lut rawh u,apa in a hau che u ami" apa en paha ka tih chuan alo nui sawng mai, "ka haulo,an ding ve hrim hrim anih kha" apa in alo tive vat,ka ṭhiante an rawn kal avâng in uMuan'in thleng a sil chhunzawm a,a lungawi loh hmel chuan nuih ati za.




"Naktuk chu Marvin'a riahpui leh angai dawn ania" ka tih chuan an phur khawp mai, "naktuk class bânah kan phei nghal ang keini chu," Obed'an alo tivat.




"Enge in rawn tih dâwn rere a," Mante'a en pahin kati a, "aw....kan rawn leng ve anih hi,enteh Fiona naktuk ah i compact paw deuh chi kha rawn pai rawh aw," ati no leh duai tawh,Mante'a hi pa vaklo chi ania,pa vaklo tih ah khan mipui tamna ah chuan a awm no duai duai ngai biklo,ka ṭhian ho bulah hian a inla no a nimai.




"Enteh u,college chawlh ah kapi te khuaah zin ang u,kapa car ka keng thei ang,a hmanloh chuan" Andy'an phur deuhin ati a,hepa hi chu engpawh ti dâwn se a phur thei hrim hrim.




"Nia Christmas zawh velah kan kal dawn nia," ka tih chuan an ner nasa mai, "Christmas ala hla emai,tûnah October thla chiah ala nia,duh leh college chawl in kan zu kal dawn nia,an khua anuam lutuk" atih chuan ka hnial tawh biklo.




Dar kua vel thleng an awm a,Andy'a â deuh huang chi ani sia,kan hlimpui thei khawp mai "pa ka mu dâwn ania," tih pahin min chhan na pawh nghak lemlo in ka room ah ka phei a.




Mu nghal mailo chuan khumah mu chungin phone ka khawih mai mai a,Marina'i Message lo awm va va ka hmuh chuan ka en vat, "naktuk ah kalo sâwm hma ang che,thawh hma tum la" tih te mai hi alo ni,a sawi ho thei si.




"Mate mu har suh aw,naktuk aṭang college in ṭan leh tawh dawn kha," kapa in ka room kawngka a rawn dah pahin ati a,keipawn thuawi takin kalo aw ve vat.




Ka phone ah alarm set in mut tumin ka insiam ṭha sat sat a,ka u Nuno'i leh uTete'i room lian berah an awm a,room an inṭawm bawk kei leh uMuan'i erawh in room kan nei hrang thung,ka room opposite chiah ah uMuan'i room a awm a,ka u te room chu kapa room nen a in pindang chiah.


************

"Hey,Nunhlimpui harh rawh,alarm te hi i set ve khanglang ṭhin a,i harh leh ngai mang siloa,ka room aṭang pawn aring lutuk" uMuan'i aw vin zetin arawn tih chuan ka meng ve riai riai.




"A ninawm,zingkar aṭang au vak vak zel suh" ka puan sin theh hlim pawp pahin khum aṭang ka tho a,thinrim zetin room aṭang ka chhuak nghal,sana ka en chuan ala hma khawp mai,dar sarih ala ri lo deuh.




"I hria em,vawikhat mah alarm set tawh suh,mut pawh a tui theilo" uMuan'in dawhkan a tui thlit chhuah pahin ati vin leh khar khâr a,a lam hawia ka lei ka chhuah khum zauh chuan min rawn hmu hman ani ngei ang,a chapal arawn thlawk fua mai,ka hmai a fuhlo chiah chiah.




"Ngurmuankim,kut hi min thlâk ziah suh," thinrim zetin ka ti vin ṭhat a, "ka hmingpum ten min koh ngam alaw,min va zahlo ve" arawn ti leh ve ṭhat.




"Zah tlak in awm heklo che," ka tileh chiah phei chu arawn thleng rang lutuk,ka samah arawn kek dawrh a,keipawn ka kek let ve ṭang ṭang.




"Zingkar aṭang enge in au leh tak chiam chiam a," kapa aw ri kan hriat pawh chuan kan inthlah lâwk lo,ka taksa a kang zawk a a awmhran dawrh danah kapa in min rawn pawt sawn nawlh tih ka hre thei.





"Nula ve uaih tawh si,khatiang a awm tur kha ania mi,mite an rawn lut thut anga sin zahthlâk lutuk," kapa in ati khur khur a,thingpui tur gas ah a chhuang kai nghal.





"Fiona va insiam rawh,ilo chhuah leh hunah thingpui i in dawn nia,i insiam chhûng arei leh dâwn si," kapa in arawn tih leh takah chuan tho vut in room lamah ka phei a.




Ka thawmhnaw bâwm ka hâwn rual chiah a ka phone arawn rik chuan phei vatin ka la a,ka en chuan Marina'i bawk henu hneawm zia hi!min belo hian a awm thei thlawt lo.




Phone ka lak rualin, "i tho tawh em," arawn ti lang lang a, "tho taw e..." kalo ti vin hlar thung, "awi awi awi,nunthawveng enteh min rawn sâwm hma rawh aw,tukin zing dar nga ah dawr ah ka kal amaw,mipa chhelo tawk ka hmu a awi a chhiat loh zia chu,class ah ka hrilh chhunzawm ang che," ati zung zung a call adah nghal,henu mit han ler zia hi chu!bialpa pawh a thlâk zung zung zêl.




Kapa in min rawn koh leh hma in ka insiam zung zung a,room aṭang a ka chhuah chuan uMuan'in tv alo en mek, "pa vawiin chu ka van kal leh peihlo tak,ai kal lâk maite ka duh,vawiin chu dawr kalo nghah pui mai dâwn che ami," kapa bula ṭhutthlak pahin thingpui no ka dawm vat a.




"Iti awm anglo emai,chutiang ah tuman ai kal an la ngailo,engmah i thiam dawnlo asin,va kal hrâm hrâm rawh dawr lam kha chu ilo ngaihtuah ve angailo ania,i uMuan'i nên kan awm hi," atih chuan ka chhang tawhlo.




"Scooty i khalh pawn fimkhur rawh aw,tlân vut vut lo la scooty khu a break a ṭha vaklo leh nghal a,vawiin chu i khalh chhuak lo law law mai dâwn amawni," atih chuan kalo hnial vat.




"Pa bus leh taxi chan kual vel kha ka peihlo, Marina'i sâwm phei leh a ngai leh nghal a," ka ti niah niah a,kapa pawn min hnial bik em em hranlo.




"Fimkhur viau rawh aw,mate" in aṭang a ka chhuah dawn chuan kapa in arawn ti lang lang a,keipawh ṭha deuhin kalo aw ve mai.




Ka scooty parking Lot aṭang a la chhuak a tlanchhuah mai ka tum chu "Fiona" tih ri avâng chuan ka hawivat a,nu parte-i alo ni,nu parte-i te nên hian kan tetlai aṭang a in ṭhenawm reng kan nia,ka ṭhianpa Obed'a nu ani bawk,keipawn nu ang chiah in ka en a,min duat thei hle,"Obed'a i rawn sâwm dâwn nange,kal hma iva tum ve" ka bula rawn din pahin ati zung zung a,a ṭawng rang thei lutuk hi a chhungten bawrhsaibe a duh em vang aniang an tia,bawrhsaibe an lei tawh ngailo an tia,mahse keichuan ka awi em em hranlo.




"Kal mai ang, Obed'a rawn sâwm in awmzia a neilo,ka kaitho zo leh dâwn chuanglo a,bakah min tlânsan leh fua fua tho ang," ka tih chuan anui ve hak hak mai.




"Anih chuan kal tawh rawh,keipawh dawrah kan kal lawk ange," ka hnungah na lo te a rawn ben pahin ati a,keipawh Marina'i te in lam panin ka inkhalh chhuak nghal.




Marina'i te in ka thlen rualin ka scooty ka park ṭha a,inchhung ka lut chu areh nghal duk mai,an in hi alian ve reuh sia,an chhûngkua an tlem ropui sia,a hreawm thei lutuk nula an ngah hlauh a azia.




"Marina'i a hman tawh êm," uKimi eirawng lo bâwl lama phei pahin kati a, "ka hre miahlo,han enchhin la" atih chuan ka bu nghat, Marin'a room lama ka phei dâwn chuan au Dennis'an minlo melh run mai,zingkar aṭang a ṭhu bu leh luk luk tawh,a mit asen rum bawk sia,a hmel hi chu a chhe mawlh lo mahse a rui reng a,nilo se chuan a luck zual ngawt ang.




"Enge min en reng a,Fiona zu in min ei chhia se thi ila min ti animo min melh dan kha," atih chuan ka nuichhuak hawk mai,a ngaihtuah na pawh hi a fim tawh meuhlo anih hi.




"E nunthawveng'i chu ilo thleng tawh alaw,hawh kal nghal ang" tih pahin Marin'a in min rawn kuah a,amah hi thawveng zawk ani reng sia,kan kal dawn chuan udennis'an "Marina" arawn tih avang chuan kan ding dat a.




"Enge" Nana'in ṭha deuhin ati ve mai a, "chaw ei minlo siam teh," atih chuan Marina'i athaw hak a, "uKimi te an awm saw lo insiam tîr mai rawh,kan tlai dâwn" tih pahin min rawn kai a,kan chhuak nghal.




"Ka ning tlat alawm,Roengmawia hi chu" ati hlak hlak a,ka ngaihsak lemlo ka sawipui chuan a insawi thinrim leh mai mai palh ang, "khawnge Obed'a te tinge inlo kal rual loh a," atih chuan ka ner nang nang a, "a thawh theih iring ami,ka kai tho peihlo bakah bike an keng ve ṭhin tho a,kan tlan rual thei chuanglo,an tlanchak thei si" ka tih chuan min chhang tawh bik lemlo.




Ka scooty tinung in college lam panin kan inkhalh chhuak a,gate a kan luh dawn chuan ka scooty khalh ka buai ta tlat,kapa khan a break a ṭha vaklo atia khavang te pawh khan aniang,ka control ṭha hleithei tlatlo, "Fiona nunthawveng awi ka duhlo,saw en rawh mi i su dâwn," ka hnunga rawn chum dawt dawt pahin Nana'in ati vak vak a,minti buai ka timai kan hmaa mipa bike aṭang a rawn chhuk chiah pa chu ka su ta pawp mai,keimah ni pawh kan thal chiang lutuk.




"Awi ka tihpalh lutuk,ana em ṭhianpa," Nana'i tho vatin a lamah a phei a,kan lama thawm arawn awm deuh hak chuan ka hawichhuak vat a, Obed'a te anlo thleng ve chiah anih hmel, "ngatinge a" tih pahin an rawn buaipui zung zung a, "a thi ami" tih paha ka va en chuan alo kûn tlawk tlawk mai,a na ati hle aniang a hmai pawh a sen pap pap thei,arawn hawi chhuah rum deuhin min melh a, "awi sir!!" Mante'an a ti hluai mai.


Chapter-1 hi chu atawi deuh ang aw.in duhzawng anih chuan inlo sawi dawn nia

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top

[Ngaia]

Chapter-2

Fiona Nunhlimpuii POV


"Sir ana em,awi ava han pawi a silai mu a keh em," Obed'an tih pahin ava buaipui zung zung a, "kehlo a fuhlo chiah chiah," chupa chuan alo ti rum ul mai, "Mante ngatinge nichin khan sir itih a," Obed'a te kal en vang vang pahin ka ti sar sar a.




"Awi henu hi i News viau amaw ka tia,kan group ah an post kha i enlo ami,madam Ropuii fapa Ramsangzuala anih saw,anu a dam ṭha siloa a ai awh in arawn kal dawn anih hmel,lehkha a thiam zia te an sawi nasat êm kha" ati hluai a,ka va han huphurh tak college kan luh leh hmasak na berah sir silai mu ka su keh ṭep ania,ka va han zak chiang tak!!




"Lût ang u,sir silai mu ah han su la chuan class pawh ala theilo ang mawle," Andy'an atih chuan a hnungah ka beng pawp,mi mah zah tawh mah nak laiin chutiang te alo sawi,silai mu an tih ve ziah hi mipa ho chi thlah na atân a thil pawimawh tak ania,keipawn ka hriatna ala reilo,ka ṭhian te ṭanga ka hriat vek ani.




Ka scooty kan dah ṭhat hnuah kan inzui lût hnak hnak a,midang pawh anlo thleng nual tawh, Marina'i nên kan seat a kan ṭhutthlak rual deuh thaw in Bell arawn ri ve chiah.




"Awi ka mood a off vek ka ning e..." Ka pen dawhkan a khawng kauh kauh pahin kati a, Marina'in minlo nuih ṭut ṭut mai.




Proffessor arawn luh takah chuan kan awm ṭha vat a,mahse zînga sir Ramsangzuala ngei mai kha arawn lût ta!! Marina'i kawrah ka ṭham vak a,sir pawh chuan minlo melh zeuh.




"Ṭhu rawh u," atih rual deuh thaw in kan ṭhuthla vat a,a aw a pa takzet, "in hriat ṭheuh ang in madam Ropuii a damṭha lo a,a ai awh in ka rawn kal tawh dawn ani,a hmasa in in hmelhriat tîr na kan nei phawt ang," tih pahin a hawi kual thuak thuak a.




"A hnung ber aṭang kan ṭan ang," tih pahin kan awmna lam a pen ken in arawn kawk va a,a hnung ber dawt ah kan ṭhu bawk sia,ka thinphu chu rang zaih zaih tak ani ngatinge madam Ropuii pawh chu alo damloh rere ni.




"Ding ta che,nunthawveng" min rawn kheuh zeuh paha Marina'in atih chuan ka ding ve vat a,sir ka en chuan a mitko arawn san ak, "Fiona nunhlimpuii" ka tih zawh rual deuh thaw in Marina'i alo ding ve vat a.




Introduction vel kan neih zawh hnuah class kan la zui nghal mawlh mawlh a,ka rinai in a explain thiam a ṭawngfiah kalh kalh bawk sia hriat a nuam khawp mai.




"Marina a ninawm e...hawh games khel ang," ka tih chuan minlo en rang khawp mai, "ka duh tawhlo,sir in min man palh ang,ahma pawn madam Ropuii min hrem tawh kha,an in ang nufa hmel ropui sia a fapa pawh saw amit a var ngawt ang" atih chuan ka nui kur kur mai.




"Lungngai suh keiman ka tuar vek mai ang,bakah kan ṭhu hnung sia a dinna ngaiah a ding reng a,min man awmlo emai" ka tih chuan a pawm ve ta nge nge a.




Ka bag a ka phone dah chu aruk te a phawrh in sound a down thei ang berah ka dah a,caroom board chu ka hmetchhuak nghal zât.




"Ivan thiamlo,a hma in ka hneh theilo che a" ka tih chuan min chhang lemlo,keimah in zawi tête in ka ṭawng sar sar a, Marina'in min rawn sik leh zeuh ṭhin chu ka ning khawp mai.




"Amak e,i kut hi dah hle hle teh," ka ti pawr hlar a,ka ṭawng ring ngam em em biklo thung, "a sen kha tilut rawh," mipa aw thum dut in atih chuan ka phu zawk mai.




"Sir" ṭi dekin kati sep a, "class lâk laiin ngatinge thil dang inlo tih,ding rawh u" a hmawlh ken a kan dawhkan vuak rik ṭhuai pahin ati a,ka phu zawk thei.




"School naupang in ni tawhlo,college lai in rap ve tawh a hetiang anga awm mai mai rual in ni tawhlo,phone kha min rawn pe teh" a kut ka lama rawn dah hnaih pahin ati rum ul a, Marina'i ka en chuan a lungawi loh hmel khawp mai,ka phone chu ka pe ṭha veleh mai a, "naktuk aṭang chuan a hmasa berah in ṭhu tawh ang,in te si ka rawn hmu phâlo che u" atih hnuah ka phone chu a kekawr ipte ah a ak a, "ṭhu rawh u vawiin ka first day anih vangin ka hremlo ang che u," atih hnuah a explain chhunzawm leh mial mial.




"Ngatinge minlo chhan miah loh a," Marina'i beng bulah kati sar sar a, "chhan tlak ini in ka hrelo,chawh lutuk ka khel peihlo an mit avar si ka tih char char kha," lungawi lo deuhin ati niah niah a,keipawh ka lawm bik teh chiamlo.




Bell arawn rik chuan lawm tak kani, "Nunhlimpui i phone hi class bânah irawn lam thei chauh ang," atih hnuah sir Ramsangzuala chu a chhuak zui nghal nal nal.




"E...ava teuh ther ther ve Fiona," kan bulah Obed'a te rawn din pahin an ti hluai a,min rawn kuah nghal thuak thuak.




"Ka mood a ti off vek,ka ning ania kal teh u" tum bur a ṭhut pahin kati a, "enteh idea ṭha deuh ka hria ania," Andy'an atih chuan kan en vat a.




"Chawhnu thleng class i kal angai dawn tih ania,i phone ala kawl reng chuan chawhnu lamah sualkawng zawh te kan tum sia,break lai hian i phone kan va la ru dawn ami," atih chuan hahthlâk ti zetin ka thaw hak.




"Lal Andy i mawl ami,break lai te chuan office ah an awm vek zâwk ang chu," chek tlak tlak in kati a, "a nive tho bawk sia,tih dan ka hria,sir Ramsangzuala subj ah hriatthiam loh kan nei ang in kan insawi anga,chutih lai chuan dawhkan a i phone adah chu ilo la zeuh mai dâwn alawm," atih chuan ka lu ka thing nar nar a.




"Ka ngam teuhlo mai,a hlauhawm ren run si hrechhuak phei se chuan min pawt sâwm vek duh ang," ka tih chuan Marina'i leh Mante'an min thlawp hmel takin anlo bu nghat nghat.




"In va han dawi tak,anih chuan chawhnu class i kal angai animai," atih chuan ka ner nang nang mai, "in ṭhiannu hi min kalsan dâwn amaw," Obed'a va melh zeuh pahin kati a,alo hrelo der hmak.




"Keichuan ka kalsan lo ang che,ka awmpui mai ang che" Andy'an inla fel tawkin ati a,Obeda amah chauh chuan a kal peih dawnlo tih kan hre chiang em a,Bell arawn ri chhunzawm bawk nen kan ṭhutna ah kan ṭhu ṭha nghal sap sap.



Nileng a class kal vak ngailo ho pawh class a zawh ṭhak a kan awm meuh chuan min en ha ha hlawm mai,last period a zawh veleh kan chhuak vat a,office lamah ka phone lam turin kan inzui phei nghal.



"Pâwnah kanlo nghak ang che,va lût rawh" ka ṭhian ten an tih chuan hlau ru deuh chungin ka lut ve zal zal a, teacher dang lo awm tho mahse min ngaihsak em em hranlo.



"Sir ka phone ka rawn lam dawn a," sir Ramsangzuala hmaah tak din pahin kati zawi sep a,minlo melh chho ve kar mai,a tarmit vuah ka vawikhat hmuh na ani bawk sia a inhmeh reuh lutuk,lehkha a chhiar dâwn in a vuah zeuh zêl anih hmel.



"Naktuk ah class lâk laiin i phone khawih ka man leh che anih chuan ka hrem tawh ang che,a chiang em" rum ul a atih chuan pawn lam ka melh zeuh a,ka ṭhiante kawngka a lo dâk dek dek ka hmuh chuan ka nui khur char char,an hmelchhe hlawm reuh lutuk.




"Nuihzatthlâk ka sawi emni,Nunhlimpui" sir in atih leh deuh ṭhawt chuan midang pawh an rawn hawi ṭhup mai,miss Amuan'in sir Ramsangzuala chu no fahran in a melh a,a lo duh leh tawh ani ngei ang mithar apiang hi alo duh ve hman ziah,miss Amuani hi chu a ler mai bakah ala thinchhe tel zui leh nghal a,mi inah pawh han mo se a ang lut nghal pap pap thei ang.



"Fiona Nunhlimpui zawhna ka zawt che emaw,ka bia che anih chuan ka mitah tak min en ṭhin ang che," sir in atih chuan ka bu nghat.



"Ngatinge kha i sam te chhep chhup kha ṭawn ṭha ang che,naupangchhia ini tawhlo class ah i muthlu animo," atih chuan ka lei ka chhuah têt a,Mante'a vang vek ka sam hi a sei sia khawih nuam ati thei lutuk a,a khawih phîr vek zel.




"Kha i phone hi la la,haw tlang nghal ang che missed call atam ropui si," atih chuan ka ban vat a,lawmthu hrilh in ka tlanchhuak nghal.



"Awi ka thawk a chham lo chauh,sir bula ka awm chhûng zawng khan ka thaw lo reng reng,a bul vel a awm kha hremhmun a awm tluk ah ka ngai,a bialnu nih a hreawm viau ang,a bulah hlau ang deuhin ka awm a ka hlau der siloa," ka ṭhian te en pahin uar zetin kati hluai a.



Mante'an ka hnunglam a kawh zeuh chuan ka hawi ve mai a,ka phu nasa lutuk ringawt "awi sir silai mu," tih pahin ka theihtawp a chak in ka tlân a,ka ṭhian te ka ngaihsak hman tawhlo hrim hrim step ah te chuan ka tlanthla hlawk hlawk a,ka scooty awmna ka thlen chuan ka thaw hle hle.



Awi khatiang ang em em khan ka tlanchak tih ka hrelo hrim hrim,ka phone noti a rawn rik khep chuan ka envat a,ka star em em Lalhmingmawia(Mapuia) ka Message thawn arawn reply chu niin,ka â lo chauh kan kum inthlau viau mahse ka duh ve tlat sia,ka hmangaih hial te in ka hria mahse ka duh thu erawh ka hrilh ngam derlo.




"Awi Nunthawveng khatiang vak vak a i tlân a," Marina'in arawn tisep a, "sir kha Engtin nge a awm,awi min ṭham nawk duh hmel a put kha,ngatinge khawiah pawh a awm mai le ka vawiin hun hman a tinuam lo vek," ka tih chuan anlo nui sawng mai.



"Sir silai mu iti sia,a kekawr a enthla vat alawm," Obed'an ati thum dut a,ka ning lutuk vawiin chu ka unlucky day ani ringawt.




"A tlai ve tawh tho sia,haw hma ang u Marina'i riahpui angai dawn sia," ka tih chuan an pawm khawp mai,ka scooty chhe zet chuan inlam panin kan inkhalh haw ve hna hna a, Marina'i pawh kan in lamah arawn pengkawi nghal.



"Pa pa..." Inchhung luh rualin ka ti vak vak a, "enge i au chiam chiam zêl,kapa arawn la haw lo" uMuan'in alo tivin hlar mai.



"Marina'i te in a riak tûrin ka phei nghal dawn ania,lo hrilh mai rawh ka inthlak anga," tih pahin roomah kan inzui lût a, "inthlak na keng vak vak duh suh,naktuk a i hak tur kha keng la atawk mai,ka thawmhnaw i ring thei tho," Marina'in atih chuan kalo aw ve vat.



Inthlak vat vat in ka bag te ah thawmhnaw tam vaklo ka keng a,lehkhabu tlem ka keng tel bawk,ka chhiar awm der siloa.



"Kan kal ania," ka tih chuan ka u pawn ṭha deuhin alo aw ve mai a,amah a anglo zawk ka scooty a ṭhat vak tawhloh avâng in taxi in kan kal mai aniang chu.



"Mate i kal tawh dawn ami," uNo'in dawr aṭang a arawn tih chuan ka inher ve vat a, "aw khaw thim hma in kan va kal ange," ka tih chuan min hnial bik lemlo,taxi fair tur min pêk chu pawisa nei tho mah ila kala ve leh ta tho a.




Taxi in Marina'i te inlam panin kan phei a,kan thlen chuan kawtah Obed'a leh midang ho pawh anlo awm leh der tawh.



Inchhung a kan inzui luh chuan au Dennis'a pawh hmuh tur alo awm tawhlo,zu zawng in a vakchhuak leh tawh aniang chu,kan ṭhian te pawh hian zu an in zeuh zeuh a,eng ang pawn zu ṭhat loh zia han hrilh ve mah ila engah mah min ngai mang siloa.



"Zanin chu tih tur avan vang leh dawn tak, vacation ah chuan kapi te khaw lamah chuan zîn tak tak ang u aw," Obed'an atih chuan kan uksak lemlo.



"Keichu tihian class ka kal ve mai mai niin ka hria,tuina tak tak pawh ka neilo,zu te hi zuar ila la hlawk zawk daih in ania ka rin" Andy'an atih chuan a sawidik ve reng,engmah tuina tak tak a nei mang siloa,keini pawh kan bang bik chuanglo,kan in ang vek tho na chu.



"E taka enteh Marina mapuia khan min rawn reply asin," phur zeta ka tih chuan alo ngai ho ang reng khawp mai, "keichu sir kha a chhelo ka ti tawp," Mante'an alo ti no duai a,kan ngaihtuah zawng te hi a in ang lo ṭhin teh e.



"Ala hma sia,eitur kan zu lei lawk dawn ami,beer ka rawn keng hnem teh mai ania," Obed'an atih chuan tuman kan hnial lemlo,in ve ngailo mah ila ka ṭhiante an phur hi chuan kalo phur ve em em ringawt zel.



"Fiona min zu kalpui rawh," Obed'an a kawrlum hak ṭhat mawlh mawlh paha atih chuan keipawh ka ding ve vat a, "rei lutuk lo ula aw," Nana'in ati sep a "ka kal ve duh ania," Andy'an atih chuan "Lal Andy" Marina'in alo ti hluai a,a pawt ṭhu leh nghat vat.



Obed'a nen a bike in dawr lam panin kan inkhalh chhuak a,biak in bul a dawr lian ve pangai tak lo inhawng kan hmuh chuan kan ding dat a,dawr chhûngah kan inzui nghal "enge kan lei ang," Obed'a kawrlum ipte ah ka kut avawh em avang in zen luh pahin kati sep a.



Intur sprite leh chips hrang hrang kan lei zo kan chhuak chiah chu sir nên kan intawk hlawl mai, "enge hetah in tih," mit ti zim sun a min melh pahin ati hmuk a,enge hetah a tih zawk ni a chhelo reuh em em leh nghal a.




"Sir hei eitur kan lei lawk a," Obed'a zawkin ati vat a "anih chu hemi vengah tho hian ami in awm," Sir in atih chuan lu kan thing vat, "chuti si enge hetah daih daih in rawn tih," sir in atih leh chuan "Marina kan riahpui dâwn a," Obed'a bawkin alo tivat.



"Obed lo ngawi la,Fiona in min chhang rawh se," sir in atih chuan ka thaw sek sek tawh,hming te lah chu a hre thei phian a.



"Obed'a sawi ang khan Marina kan riahpui dâwn a,a chhûngte an zin daih sia" ka tih chuan a kut pakhat in a kawng a dâwm a,lehlam in helmet a keng run thung.



"Sangzual inu chu enge a an a," dawr chhûng aṭang dawr neitu nu in arawn tih takah chuan kal mai kan tum a, "lo la ding ru" sir in atih avâng chuan kan ding leh dat.



"Azia viau tawh e,chaw pe tûrin ka han kal zuai a," atih hnuah dawr chhûngah a lût a,meizial a lei hnuah a rawn chhuak leh nghal.



"Kava phei phawt ange,kala inti fai bawk siloa," dawr neitu nu en zeuh pahin ati a,kan dinna lam panin arawn phei leh nghal.



"Obed va haw rawh,Fiona'i hi chu ka rawn thlah mai ang, Marina'i te in pawh chu hriat ve hrim hrim ka duh," sir in atih chuan Obed'a ka han en a,min ngaihtuah hmel zetin minlo en ve reng.



"Sir englo ania,Obeda te nên hian kan riak ho dawn a," ka tih chuan a hmel a inthlak zawk in ka hria,ka ngaihtuah na mai mai te pawh aniang.



"A nih chuan a ṭhat chu," atih hnuah a meizial ṭan in a bike awmna lamah a phei a,a tlanchhuah thleng chuan kan thlir zui reng.


Show post links
Top

[Ngaia]

Chapter-3

FIONA NUNHLIMPUII POV
Marina'i te in kan thlen chuan khumah anlo mu dul mai, "mipa ho chhuat ah in mu mai dâwn nia aw," Nana'in alo tivat.




"Awi enteh Nana sir te nên in veng awmna a in ang tih i hre miahlo ami," ka tih chuan mak atih hmel khawp mai, "chutiang ka hrelo hrim hrim," alo ti deuh hlar a.




"Dawr kawtah kan intawk a," ka tih leh chuan a ngaihsak tawh lemlo,mipa ho in an thil rawn ken vel an in kiah kiah a,Nana'i nen erawh khumah mu chungin phone kan khawih mai mai thung.




"Awi keichu kan awmdan hi aho kati ve chiang e,tihian class kan kal nitin ve zel a engmah tuina tak tak kan nei bawk silo,chhungte pawisa hmang in kan awm mawl ve tawp chu ania," ka tih chuan dik an ti ve aniang tuman min hnial lo.




"E idea ṭha deuh ka nei," ṭhut chhuah hluai pahin kati a,minlo en ve vat "hawh Nana model nih tum ang,naktuk zing aṭang exer kan la anga,kan in diet anga" ka tih chuan kan mipa te anlo ner nasa khawp mai.




"Iho e a i rilru a awm awm sawichhuak tawp zel suh,han en rere che hian model tur hmel ipu lo,i te ve reuh sia" Nana'in ati hluai a,khatiang a han intih kher a duhloh leh keimah in kala anga nimai lawm.


*************

"Fiona harh teh,khawnge i phone ari reng ania,la teh" Nana'in atih chuan ka phone ka dap ve rak rak a,thim tham ah phei chuan ka ringtone hi a rapawm reuh sia,keipawh ka phu leh zâwk zêl.




"Aw hello" caller id pawh en manglo in ka ti ṭial ruai a,ka mut ala chhuak takzet "mate tho tawh rawh u,class in tlai palh hlauh ange" kapa aw in arawn ti thum dut a,ani pawh a thawh na ala rei vaklo aniang.




"Imm ka hria,pa ka tho mek alawm hei" ka tih chuan thil asawi duah a,a sawi erawh ka hre mumal lo call adah hnuah keipawh mu tawh lemlo in ka ṭhuchhuak a.




Obed'a te ka zu en chuan puan phah ah pawh an mu tawhlo,mut ah hi chuan harsatna an neilo ve mawle,khawlaiah pawh mu tawp mahse an mut atui tho ang.




Anla muttui hlawm em avang in kaitho duh lemlo in room aṭang ka chhuak a, udennis'a nên kan insu teuh khawp mai, "fimkhur ta che," ati vin hlur a zingkar aṭang arui leh tawh ani ngei ang,ṭha tête hian a inbiak pui theih ngailoh reng reng,pawr thei lutuk.




"Enge nangmah zawk anih kha,irawn lang thut a" ka tih chuan min melh rum khawp mai,engmah sawi tawhlo in inhnuai lamah ka chhuksan ta daih a,kapa hian zingah min kaitho hma thei lutuk a ngaiah ka nei tawh in ka hria.




Ka ril aṭam deuh avâng in choka lamah ka phei a,an nula te anlo la tho lo anih hmel,areh duk mai eitur chhuar velah ka dap rawk rawk a,eitur te chu an ngah khawp mai.




Pawn lama motor thawm arawn awm chuan ka chhuak vat a,Nana'i nu motor aṭang arawn chhuak ve chiah, "Fiona Nana'i i riahpui animo," min hmuh rualin ati thuai a.




"Aw kan ṭhian ho in kan riahpui a," kati ve vat "a ṭhat chu,ka inthlak anga hna lamah kal leh nghal ka ngai dawn a,i putea chu a tlang nghal,thil kan lo hâwn che u pawh nakinah kan inpe mai dâwn nia aw" ati zung zung a,an buai thei lutuk hi chu ka u sawi ang tak tak in an fate ngaihsak hmanlo lekin an buai a.




Inchhung ah lutin room lamah ka phei a,insiam a hun tawh avang in ka ṭhian te ka kaitho nghal zung zung a,chaw pawh kan ei leh hman dawnlo anih hi.




"Obed Malsawmtluang tho rawh,i thawh vat loh chuan inu bulah zu i in tih hi ka hrilh dawn ania,ka hrilh ngei ngei ang" ka tih chuan rawn inlet thut in min kuai tlu pawp anih chu,hepa han at theih zia hi chuh.




"I ngam chuan hrilh la," tih pahin min kuah run a, "i ninawm kal teh,ka buaipui peihlo che ka tho dâwn" ka tih chuan ṭha deuhin min thlah ve mai a, "awi Mante nizan ah i hmai i phih lo animo,i makeup a chhe vek" nuih kar kar pahin kati a,a zing tho hmel te hi a mak thei ania.




"Fiona ka kawr kha minlo pass lawk teh," Obed'an atih chuan ning zetin kava vawm phei a,ala insiam chhe kher zui ava han hmelchhe mai mai tak.



college kal tûrin kan insiam zung zung a,ka sawi ang ngeiin chaw kan ei leh hmanlo, "Obed min phur rawh aw," ka tih chuan alo aw ve mai a,ka ṭhian dangte pawn min thik ngai lemlo,anni erawh taxi in an kal dawn anih hmel,kal lamah hi chuan taxi vel ka chang peih ngailo tih an hre miau a.



"Ka biak che chu i hria em," Obed'an vin deuh taka atih chuan ka phu zawk, "awi enge,ka hrelo reng reng" va kuah pahin kati a,min chhang duh tawh miahlo zui a.



Bike a tih ding dat chuan ka hawichhuak vat a,college kanlo thleng der tawh Obeda chu a chhuk vut a,a bike chahbi leh helmet keng in a kal nal nal anih chu,hepa han titauh peih dan em em hi chu.



"Obed minlo nghak teh," a hnunga um dawt dawt pahin kati a,kan room kan thlen dawn ṭep ah sir leh hmeichhe pakhat rawn inphur ka hmuh chuan ka ding dat,ka en vang vang a a hmeichhe phurh chu a chhelo takzet,mak tak maiin ka awm a nuamlo ve ringawt anih chu.



"Kal ang" tih pahin Obed'an min pawt dawrh a,room chhung ah chuan kan ṭhian te anlo la thlen loh avâng in kan pahnih in kan ṭhu reng a,midang pawh anlo thleng nual tawh.



"Fiona kan department SU Eric-a sawn a star che asin," ring deuh taka Tête'an arawn tih vak chuan ka uksak lemlo,Eric'a atih hi sang leh hmelṭha deuh mai ania,kan class aṭang pawh hian star tu a ngah takzet,a fel in a in ngaitlawm em em a,keitak phei chuan ka be ṭha ngam ngailo,a zahawm khup khup em a.




"In ho emai a kal mai mai teh u," Obed'an ati hluk a,anni pawh an kal veleh mai.



RAMSANGZUALA POV
"First period ka nei a,heta ṭang hian in dawr a hla vak tawh lemlo bawk a,nangmah in zu kal mai ta che" Mercy en paha ka tih chuan min hnial bik lemlo, "awle i ban veleh minlo hrilh la," atih chuan a chal ah ka fawp zeuh a,anui ve ver ver mai.



Mercy nên hian kum hnih lai kan inngaizawng ve tawh a,kan chhungte pawn an hre vek tawh,inneih erawh kanu a dam ṭhat vak loh avâng in kan ṭhulh leh ta tawp kha ania,pawi ka ti vak lemlo.



Office ka thlen dawn chuan Fiona'i ṭhiante nen kan intawk hlawl mai, Fiona'i te kha ka zawng ru deuh a,ka hmu mailo.



"Good morning sir" an tih chuan ka wish let ve vat a,mak tak maiin Fiona'i hmel ka hmuh hian ka hahdam sawng sawng a,a mizia te hi ka lawm reuh tlat.



"Sir chu nimin lamah i thlen hma nen vawiin chu ka thlen khalh che animo," miss Muante'in nui sang in ati a,chhang lemlo in ka nui suk ringawt.



"Coffee emaw thingpui i in duh em,canteen ah ka zu laksak dâwn che ami," atih leh chuan a ngaih loh thu in kalo chhang vat.



"Sir Sangzuala bialnu iva nei chhelo ve a,zînga in rawn in phur phei kha kalo en reng che u a," sir Dinpui'an atih chuan ka nui ve hawk mai.



Muante'i hmai sen ṭawn ṭawn chu ka hmuh hmaih hauhlo,ka engah mah a thawk lemlo bawk nen,ka thiam loh engmah a awmlo a,in thiam loh vak angai in ka hrelo.



Bell arawn rik takah chuan ka lehkhabu keng in ka chhuak vat a, Fiona'i te room ka thlen chuan anlo la bengchheng khawp mai,an ṭhian dun pawh ka sawi ang ngeiin a hmasa berah an ṭhu tawh a,a hmel duhawm tak ka hmu chiang thei leh ta sawt.



Lehkhabu keng in nimin lama ka explain zawh loh ho ka explain chhunzawm mial mial a, "avan boring tak" a sam mawi tak a thlah suau a lu chung lama hui pap pahin Fiona'in ati hluai a.



"Nunhlimpui engmaw i sawi,avan boring tak ini alaw" ka tih chuan alu a thing nar nar a, "ding teh" rum lam lek lek a ka tih chuan muangchang in a ding ve riai riai a.



"Tuna ka explain zawh chiah kha han sawi teh le," a din na lama phei pahin kati a,a ngawi dâk mai.



"Zawhna ka zawt lo che ami," an dawhkan vuak rik pawp paha ka tih chuan aphu nasa lutuk, "sir englo i sawi chu .." tih paha a ṭhiannu ava en chuan "i ṭhiannu en suh," ka ti hluk a.



"Sir keiman ka hria," an class a inhnawih paw deuh nu in arawn tih chuan ka melh hrawk a, "Fiona'i ini ami,nangmah ami ka zawh che" ka tih chuan a kûn zal zal.



"Fiona rawn chhuak teh,nimin ah khan warning ka pe tawh che in ka hre sia" ka tih chuan arawn chhuak ve vat a.



"A boring iti bawk a,a boring loh nan i zai dawn ami" ka mitko san ak a ka tih chuan a kut a khal niap niap a.



"Zai rawh le," ka tih pawh chuan ala ṭawng chuanglo, min rawn melh zeuh a, "enge i zai duhlo ami," ka tih chuan rinloh deuhin 'kan ta tur nilo' tih hla kha arawn zai ta mai,a aw ṭial ruai te chuan nuih ati za takzet,an class ho pawh chu nuilo an awm manglo.



"Ngawi rawh u,in zai ve duh te anih loh chuan" dawhkan vuak rik pawp paha ka tih chuan an ngawi hmak hlawm mai, "va ṭhu rawh last warning tak tak ni rawh se,class ah i in concentrate lo tih ka hriat leh chuan kha aia nasa khan ka hrem tawh ang che," ka tih chuan abu ve nghat reuh a.



Explain leh mai ka tum chuan pawn lam aṭang a sir Dinpui'an min rawn koh chuan ka envat a, "heihi puan tur aw," tih pahin paper pakhat min rawn pêk chuan kalo ban ve vat a,nizan lama group a an sawi kha ani,college camp chungchang kha ania,amak kati reuh tak tak hetiang an neih ngai awm ka hre siloa.



"Kar thar thawhṭan aṭang hian college camp kan nei dâwn a,naupang zawng zawng tel vek tur ani,mimal lama harsatna nei te kan nih lemloh chuan,tel duh loh vanga chhuanlam siam an awm a kan hrechhuak leh anih chuan an Mark cut ani ang,hetah hian rawn kal vek in tum dawn nia," ka tih chuan an ner nang nang hlawm a,ni hnih leh zan thum kan hmang dâwn anih hmel.



"Sir keichu luh ka ngailo ang,ka piangthar ṭha lutuk" Fiona'in arawn ti leh zeuh hman, "aṭhat chu chutiang anih te chuan short sermon te pawh inei thei dâwn anih chu," ka tih chuan anui lai atawp chawt mai.



FIONA NUNHLIMPUII POV
"Awi keichu ka ning e...sir Ramsangzuala arawn thawh aṭang hian ka nun hi a hreawm,class ah lah nise midang keimah lo pawh an ṭawng ve ṭhin tho sia,keimah hlir min hau bik zêl a" ka tih chuan ka ṭhiante anlo nui sawng hlawm mai.



"Camp chu kan lut tak tak anga nimai lawm, Mante'a pawh hian hmeichhe ngaihzawn dan te pawh a zirchhuak maithei asin," Andy'an atih chuan Mante'a a ner nang mai,kan ṭhian ho hi chuan eng ang pawn fiam bawrh bawrh mah ila a haw ngai em em hranlo.



Obed'a nen Marina te inah kan thawmhnaw kan la zuai a,kan haw tlang nghal midang ho nen kan veng a in ang lemlo a haw rual theih pawh anilo,Obeda nên hian kan veng a in ang a nimai.



"Mate ilo haw tawh animo," inchhung ka luh rualin kapa in alo ti thuai a,heihi in haw nuam ka tih chhan ania,ka pa hian min hmangaih tih ka hria a kan haw tawh chuan minlo lawm vat zêl.



"Awi pa enteh,kar thar aṭang kan camp dâwn a,ka peihlo e ka damlo der anga kan teacher te min hrilh sak mai la," ka tih chuan anui hawk hawk a.



"Iho emai a mate,kal ngei ngei chi anih chu," kapa in ati dam thluam a,kan in kawngka arawn in nam hawng pawp chuan kapa nen kan hawi dawrh mai.



UMuan'i lungawi loh hmel deuhin kan ep chiah ah aṭhu a, "ngatinge bawihte,ilo va haw hma ve" kapa in alo tivat.



"Ka thinrim lutuk,vawiin ah rawn haw pahin dawr ah ka pengkawi a,hmeichhe pakhat nen kan duh kha alo in ang sia,ka la hmasa zâwk reng a min rawn lâksak kher a kan va insual hrep anih kha," ati hlak hlak a,a sam a thur bam bawk sia ava insual pui tak tak amawni.



"Aw....ka fate hi chu in va hahthlâk tak,a hrim hrim in Muani pawh i kut a ram lutuk a,ṭawngkam ṭha a chinfel tum hmasa phawt zêl rawh ka tih kha,kut i thawh nghal zêl a" kapa in atih chuan a chhang tawhlo,a phone keng in charger awmna lamah a phei a,a phone a charge lawk theilo nge ni charger a seh leh vak vak tawh.



"Mate va inthlak phawt teh," kapa in atih chuan ka ding ve vat a,kapa leh uMuan'in eirawng an bawl avâng in uNo'i dawr lamah ka chhuk a.



"U puih i ngai em," ka tih chuan minlo en zawk a, "ngailo e,puan lah i ṭhui ngam siloa," atih chuan ka nui ve hak,a khawl hi electric khawl ani sia ka hlau tlat alawm.



"Tikhan lo ṭhu ve mai mai rawh," atih chuan a kawr cheh na bulah kalo ṭhu ve ta reng a, uTete'i pawh zanin a Night loh zan ania,arawn haw ve ṭep tawh ang.



"U anu hian eng ang hmel nge aput ka van hre chak," ka tih chuan a thil tih lai dah meuhin min rawn en a, "mate kanu kha hmeichhe hmelṭha tak leh zaidam tak ania," atih hnuah a ngawi vang vang a,kanu hi vawikhat mah a hmel kala hmu velo,a chhan pawh kapa in a thlalak phawrh chhuah a duhloh vang ania,a rilru a thar leh ṭhin te pawh ani mahna.



"Sam sei tak mai,hmai bial lampang ania a damlai khan kan sam hi tan a phal ngailo,a chhan pawh hmeichhia chu sam sei hian amawi ber ati ṭhin a,kanu leh pa te in hmangaih dan kha a nasa bik ka ti mai ṭhin,engtik lai pawn an inzui chawt a," tih pahin min rawn nuih sang a.



"U nakinah a thlalak min hmuh vela,mawh ka hmu ve chak emai," ka tih chuan ka sam arawn tuai zauh a, "ngatinge tun a taka i hmuh chak thut a,ahma zawng in min zâwt ngai siloa," atih chuan nui sen sen pahin "vawiin ah nutei ka hmuh khan maw,nu neih ve ka chak lutuk,Min buaipui hmanlo pawh nise nu neih ve hrim hrim ka chak a," ka tih chuan anui sen sen a, "nia keipawn nu neih ka chak ve ṭhin alawm,kanu kha la dam se chuan chhungkaw hlim tak kan ni ngei ang,tûnah pawh kan hlim loh phahlo a,kapa hi duat taka enkawl angai animai,kanu a ngai thei lutuk tih i hriat kha,pawisa lamah hausa lo mah ila kan thinglung a hausak phawt chuan a tawk lutuk,Pathian bel tlat la nakinah te pawh pasal ila nei ang harsatna i tawk anih pawn Pathian ah i in nghat tlat dawn nia,ani chuan a tlai deuh anih pawn a puilo ngailo ang che," atih chuan ka bu ve nghat.


Show post links
Top

[Ngaia]

Chapter-4

FIONA NUNHLIMPUII POV


"No'i ila inkhâr nange," uTete'in arawn tih chuan kan envat a,dawr chhûngah arawn lût ve nghal, "aw kala laklawh lutuk a,han chho rawh u ka zawh veleh keipawh kalo chho mai ang," atih chuan ka ding vat a, uTete'in erawh ala ṭhu reng.




"Mate nutei te anlo haw tawh ami," uTete'in atih chuan ka bu nghat a,dawr aṭang ka chhuak nghal,inchhung ka lut chu eirawng an bawl zo tawh anih hmel.




"Mate va inbual fai ta che," min hmuh rualin kapa in ati nghal a, "a ngailo nakinah mut dawnah ka inti fai thuak thuak anga nimai," ka tih chuan anui sang a.




UTetei leh uNo'i pawh anlo lût ve chiah, "Muani a ril aṭam deuh a,inthlak zung zung ula chaw kan ei dawn nia," kapa in ka u te pahnih en pahin ati a.




"Mate camp ah chuan ken ngai tur vel an sawi em," ka bula chair pawhchhuah pahin ati a, "chutiang pawh anla sawi chuanglo,group ah an sawi dawn aniang," ka phone thai kual thuak thuak pahin kati a.




"Aṭha chu harsatna inei lo bawk a lut ngei ngei ang che,i ṭhiante pawh lut vek rawh se" atih chuan ka chhang tawh lemlo.




UTete'i hman veleh chaw kan ei nghal a, uTete'i a chauh deuh avâng in chaw ei kham aṭang amu nghal a,uMuani nen chaw eina vel kan tifel thung.




Thleng ka sil zo chiah tih ah ka phone arawn ri a,ka en chuan Andy'a lek "aw LalAndy" ring lam lek lek a ka tih chuan lehlam ami pawh arawn ṭawng ring leh tawh khawp mai.




"Enteh,damdawiin ah min han kal pui lawk teh,kapu an admit a ipa ka hrilh sak mai ang che," atih chuan kapa te awmna lam kava melh zeuh a,a phone ah Youtube ring deuhin alo en.




"Pa kha Andy'an abe duh che," ka tih chuan alo ban ve vat a,ka room a ka lut tur chu uMuan'i room aṭang ṭap thawm ang deuh ka hriat chuan ka ding vang vang a,a room a lock lem loh avâng in ka hawng ve tawp a,khumah alo mu hlun mai.




"UMuan" a beng bulah kava ti sar sar a, earphone a vuah vangin ka lut tih a hrelo ani ngei ang, "awi kanu Nunhlimpui min ti phu nasa lutuk,enge iduh" ati vin leh hlar tawh.




"I kawrlum var kha minlo hak tir teh,Andy'a damdawiin ah ka kalpui lawk dawn a," ka tih chuan rawn tho in ava la ve mai a,ka u dangte nên kan haktawk a in ang chiah lo a,UMuan'i erawh kan hak a size leh pheikhawk size thleng in a in ang vek.




UMuan'i chu ka chhuah dawn chuan ka en leh vang vang a,ṭap zo hlim tih hriat takin a mit a sen ram a,a lungawi loh hmel em avang in engmah ka zawt lemlo.




"Fiona lo phei teh," kapa in arawn tih chuan ka phei ve vat a, "hmeichhe zan chhuah hi ka phal vaklo a,mahse chhiat tawh thil te ani sia han kal rawh u,lo haw leh vat ula,Obeda pawh a kal dawn kha" atih chuan ka aw ve vat a,ka phone banin room lamah insiam tûrin ka phei nghal.




"Fiona'i awm em," Obed'an pawm lama atih ri ka hriat chuan ka inha vel mek,ka hmaiah thil ka hnawih thuak thuak a,uTetei te room lamah ka phei zawk a.




"Mate iva in chei ve khawnge i kal dawn," uNo'in alo tivat,uTetei erawh a muhîl tawh, "khitah Andy'a pu a damlo a an admit a ka han kalpui lawk ang," ka tih chuan alo ding ve vat.




Andy'a hi a nu leh pa an inṭhen tawh a,apu leh pi te bulah a awm a,a tette ṭang a pu hi apa ang chiah a a en ve kha ania,a tan chuan a hlu lutuk ringawt.




"Han kal rawh u,Obed fimkhur deuhin tlân rawh u aw," kapa in bike a kan chuan thleng in ati zui lawm lawm a,pawisa min pai thlap bawk.




"Andy'a te an chho tawh a,damdawiin kawtah minlo nghak ang,Marina'i a rawn kal ve thei dawnlo a,Mante'a nên anlo awm ang" Obed'an ati lang lang a.




"Ngatinge Marina'i chu" ka tih chuan a hmanloh thu asawi ati ve mai a,damdawiin pawh kan thleng har lemlo.




"Ngatinge ipu chu an admit a,Andy" apu an admit na room lam pana phei pahin kati sep a, "tlaiah khan chaw a ei hnem lutuk a,a zolo aniang" atih chuan ka nui hak mai.




Apu dahna room kan thlen chuan Andy'a nau in a lo awmpui a, "u apu hi lo awmpui lawk ru aw,awmpui reng angai a thil ka zu eive lawk ang," atih chuan alo aw ve vat.




"Pu i englai na" Andy'a atih chuan chau tih hriat zet hian apu arawn hawichhuak a, "nalo lai mang pawh ka neilo," alo ti zawi sup.




"Pu kalo hmet dâwn che ami," Andy'an ati ve ngei a, "va haw hma rawh u,ka ṭhat tawh em hi i ṭhiante thlah angai awm sia," Andy'a pu in atih chuan kan in melh ralh a,anau pawh alo lut ve chiah.



"Nau'i kan va haw phawt ange,tih theih vak kan nei chuang siloa," Andy'an atih chuan kan ding ve vat a,damdawiin kawt ah kan ṭhian ho in kan ding deuh vang vang a.



"Kan va haw hma leh dâwn,aho reuh mange" Obed'an ati hluai mai, "awi enteh u,saw saw sir avan ang ve," Mante'an atih chuan a kawhna lam kan hawi ve vat a,kan awmna in hlat deuh mahse sir ani tih chiang takin ka va hmu thei,ngatinge khawiah pawh a awm zêl ni.



Kan awm na ṭang sir chezia chu kan thlir vang vang a,tukin zînga a hmeichhe phurh ngei mai kha dawr aṭang arawn chhuak a,a in khai bawr nasa mai.



"A bialnu ani ngei ngei ang," Mante'a bawkin ati a,keipawn a bialnu anih ka ring nghet hmiah.



"Kal ang u," helmet khum ṭhat pahin Obed'an ati hluai a,keini pawn kan hnial zui tawh biklo.



RAMSANGZUALA POV
"I mamawh i lam kim em," Mercy ka lama nui sang a rawn phei en pahin kati sup a, "imm lam kim e,nangman i lei zêl a inu eitur te chu keiman leisak ve ka duh asin," atih chuan a samah ka tuai zauh a,a hmel te hi chu a chhelo ve chiang mawle,hmeichhe fel tak ani bawk mahse ka hmangaih thei tlat lo hi keimah zawk in thiam loh chang te ka nei lek lek zêl.



Damdawiin lam panin kan inkhalh chho a, Fiona'i ang deuh ka hmuh chuan ka bike ka tiding dat,ka en zui vawng vawng a amah ani ngeiin ka hria,enge damdawiin ah te an tih ni.



"Ngatinge a,i bike a nung theilo ami" ka kawnga rawn kuah paha Mercy'in atih chuan ka lu ka thing ringawt,kanu awmna ward kan thlen chuan kan lut vat a,min hmuh rualin alo nui sang mai,ka nau Eric'a,kapa leh ka nau te an in awm chhâwk ṭhin a.



"Mercy chu ilo kal ve a,iva fel ve" kanu in alo tivat a,kanu damdawiin awm chhan ber hi hnute cancer ania,thla thar velah hian an zai theih mai chu kan ring a.



"Sangzual,ipa te enge an tih a," ka kut rawn vawn paha kanu in atih chuan ka nuih sang a, "ngaihtuah duh suh,aṭha lutuk ania naktuk ah Eric'a alo thlâk ang," ka tih chuan anui ve suk a.



"Kanu na inei em," Mercy'in atih chuan alu a thing nghat,Mercy pawh hian nu ati ve mai zel a,keipawn pawi ka ti vak lemlo.



"Ka ṭha tawh lutuk,na ka neilo ipa te hi an hlauthawng a damdawiin a awm anti mai mai mawle," kanu in alo tivat.



"Nu eitur kan rawn ken hi ei ngei ngei rawh aw,kan zu haw phawt ang Mercy thlah a ngai dawn sia,kan tlai lutuk palh ang,ka hman veleh ka rawn kal leh ang," ka tih chuan alo aw ve vat a.



"Sangzual innei tûnah ka duh chu ka tilo a,mahse inu dam veleh a theih veleh innei ila," Mercy'in atih chuan ka ding chawt a,ka enthlak chuan minlo melh ve reng.




"Kanu hi dam phawt se,inneih lam chu a hmanhmawh thlâk loh," ka tih chuan a lungawi chiahlo tih ka hre thei,mahse engmah a sawi bik lemlo.



FIONA NUNHLIMPUII POV
"LalAndy i mawl ami,keimah ka nih hi" a kut lakthlak tumin ka ban a,ala vuan nghet ve khanglang a.



"Fiona ava mak i sam asei ka ti rêng ah enge khatah ilo awm,sawtah va ding rawh ka tih kha," vin zetin ati a ka hnung ari nghal dawm mai.



"Tunge keh i tum hrim hrim a mawl lutuk,awi ka hnung" tih pahin ka er ngawng ngawng mai,kawng lakah serṭawk kûng kan hmu hlauh a,Mante'a hian lawh ati tlat pek a,tuta nge pawh a hriat loh.



"Awi bawihte serṭawk in a tlak che alâw,a hnuaiah awm suh ka tih ka tih kha," Mante'an ati hluai a.



Obed'a thingkung aṭang arawn chhuk chiah tih ah kan ser lawh na te ui niawm tak arawn bauh ta vak mai,kan ṭhian ho hi chu kan va han buai thei tak,Marina awm se chuan a hlau leh viau ang.



"Tlân rawh u tlân rawh u," Andy'an ati pawr hlar a,serṭawk pakhat ka keng bawk sia a buaithlâk tak tak ani.



"Fiona" Obeda aw ka hriat rual deuh thaw in ka leng lawp mai,ka serṭawk ken mawlh chu a thlawk daih, "awi ana em Fiona" Mante'an tih pahin min rawn buaipui vat a.



"Iṭha em," tih paha min rawn tung tho nawlh tu ka en chuan Sir Sangzuala lek, "awi ṭhiannu iṭha em," a hmeichhe phurh khan alo tive vat a,na em em chu ka neilo mahse ka kut ka chet ṭha thei hauhlo mai.



"Khawnge ka serṭawk kha," hawikual thuak thuak pahin kati a,ka zak reuh takzet bawk "i nunna aiin serṭawk i ngai pawimawh zâwk dâwn ava ang ve," Sir in atih chuan ka en ngam tawh derlo.



"Na inei em," tih pahin Obed'a ka bulah arawn ṭhu thla a, "ka kut ka ti che ṭha theilo," ka ti zawi sep a.



"Damdawiin kan hlat chuanglo a,kan han chho leh lawk mai dâwn ami," Andy'an alo tive vat a,min su tu kha sir hi ani ngei ngei ang,ka taksa a khawih pawi vaih chuan pawisa ka chawi hnem tîr viau ang.



"Irawn tlân thut sia," in thiamloh hmel deuhin a hmeichhe rawn hruai chuan ati sep a,ka ban lah chu ana tulh tulh maiin ka hria.



"Khawi kalo pawm ang che," tih paha Obed'an min pawm atum chuan sir a che vut a,min pawm tho nawlh mai.



"Ka ke ana lo,ka kal thei ka kut hi animai," ka tih chuan a bike ah ka ṭhu der tawh, "Mercy taxi in lo zu haw thla lawk mai ta che,ka sut ani bawk sia mawhphurh na ka lak ngei angai ang," sir in atih chuan a bialnu pawh chuan alo pawm ve mai a.



"Kal hmasa rawh u,in hnungah kanlo tlân ang" Obed'an atih chuan kan tlanchhuak der tawh,thil kan rûk vang vek ani,kapa in min ngaihtuah tawh viau ang.



Emergency ah min luhpui a,ka kut chu a vung ve lâk mai, "doctor bike in ka su a,minlo buaipui sak vat thei angem," sir in ati zung zung a, doctor pawh chuan min buaipui vat.



A ruh a pelh anih hi,hlauhawm êm êm anilo e kan tuam anga a dam leh vat mai ang," tih pahin damdawi a hnawih a min tuam sak nghal zung zung.



"Na dang inei em," sir in ka beng bulah arawn ti thum dup a,kan in hnaih ropui sia a lum vung vung thei ka kut pawh chu.



"Neilo" tih pahin ka kut an tuam chu ka en a,ka kawr ban pawh ka titla thei dawnlo anih hi,an tuam lian ropui si.



A man ka ṭhian ten pêk an tum chuan sir in alo pe fel diam tawh, "ka thlah ang che," sir in atih tlat avang in min thlah leh ta nge nge a,a inthiam lo lutuk chu hreawm ka ti lek lek zawk.



In kan thlen pawh chuan arawn chho ve ta zel a, "enge irawn tih dâwn," tih pahin ka en ha mai, "ka thlah dâwn che," tih pahin min en ve kal a,engmah sawi tawhlo in ka lut ve nghal a.



"Mate iva rawn haw tlai reuh ve," kapa in min hmuh rualin ati a,ka kut a hmuh chuan a ding hluai mai,sana ka en chuan dar riak ari thuak.



"Ngatinge mate," tih pahin ka kut arawn thlek thuak thuak a, "i hmai pawh apem anih hi," atih chuan darthlalang ah ka envat a,nasa lo te in alo pilh ve.



"Pa bike in min su palh a,hei sir hian min rawn hruai haw" ka tih chuan a envat a,ka ṭhian te pawh an rawn lut rawk rawk mai,serṭawk chu Mante'an a khai bawr ṭun a.



"Kan va lawm ve mama,kan fanu ve hi chu a fimkhur lo lutuk a," kapa in ati zung zung a,uNoi rawn chhuak in min hmuh chuan mak ati khawp mai.



"Kava haw phawt ange," tih pahin sir ading hluai a,kapa in pawn thleng a thlah a,lawmthu a hrilh nghal mawlh mawlh bawk,ka ṭhian te nên kan inmelh ralh talh a,kapa in min hau leh dâwn chiang lutuk,uNoi pawh kan hmaah ading ran mai.




"Nunhlimpui" kapa in arawn tih chuan ka ding vat a, "pa ka tihpalh lutuk,ka thiam loh ani" ka tih chuan kut kuangkuah at in min en a, "iva fimkhur awmlo ve engtin nge bike in asut theih che,tunge a sutu che in hria em" kapa in thinrim zetin ati khur khur a, "Obed Andy Mante va haw rawh u,a tlai tawh" atih chuan ka ṭhiante an chhuak ve sap sap.



"Pa ka hrelo min sutu kha a tlantlang leh nghal daih a,bakah keima thiamloh ania ka tlân thut a," kati zawi sep a, "i harh zik zêk em alawm,college pawh engtin nge tikhan i kal ang,i kut dinglam anilo hlauh a,va mu rawh" tih paha a ṭhut hnawk chuan ka tho ve ṭiam ṭiam a,uNo'in minlo zui vat.


Naktuk zan chu awl zan aw


Show post links
Top

[Ngaia]

Chapter-5

FIONA NUNHLIMPUII POV


Ni aliam ve zel a,keini pawh college camp ah naktuk lawk ah kan lut dawn a,ka kut la dam chiang vaklo mahse tuam a ngai hran tawhlo,sir pawn min ngaihsak khawp mai ama min sut anih vang aniang.




"Mate in in pack kim maw,khawi kava thlah ang che," kapa in ka room a rawn luh paha atih chuan ka ding vat a,ka u te pahnih pawh anlo ding ve vat,uMuani erawh tunlai a awmdan a dang riau,roomah a in khung chawt chawt a,a chhuak harh peih meuhlo.




"Mate ṭha takin va awm rawh aw," uTete'in atih chuan ka bu ve nghat,kapa in kan camp na tur thleng min thlah a,ka ṭhian te pawh anlo thleng vek tawh.




"Nunthawveng lo phei rawh," Marina'in arawn ti lang lang a, "pa ka kal dawn aw," ka tih chuan bu nghut in ka kutah pawisa min rawn pek chuan ka en vang vang a,kapa hian khawiah pawh kal dawn ila pawisa min pai ziah a,achang chuan nuamlo ka ti ve ṭhin,kapa mah nise kan tân theihtawp in a chhuah a,keiin kalo ei ral mai mai a.





"Kal ta che,i ṭhian ten an nghah reng che saw," kapa in atih leh chuan nui sang in ka ṭhian te awmna lamah ka phei a, "ikut chu enge a an," Mante'an alo tivat.




"A dam vek tawh," thawveng zetin kati a ka bag erawh Obed'an min khai sak thung, "ngatinge a" hawi hu hu chungin Marina'in ati a,ala hrelo pawh hi a awmlo hranlo,kar khat vel anu ten an zinna ah an hruai ve a,kei erawh ka kut nat ni tûk bak kha ka chawl lo thung.




"Khawvel anawr alawm," Andy'an atih chuan ka nui ṭhaw mai, "van fimkhur lo thei tak," ati hluk a.




Kan awmna tûr kan thlen tâk avâng in kan ding dat,mipa leh hmeichhia kan riak hrang dawn a,zanin aṭang kan inkhawm dâwn anih hmel,thawmhnaw pawh ka u ten a ṭha ṭha min kentir.




"Fiona,hrilh tur che ka nei a pawimawh lutuk" tih pahin kan class ami Rinpui-in minlo pan chuan kalo enve vat, "lo phei lawk la," ka bana vawn paha atih tlat chuan Marina'i kava en zeuh a,minlo melh ve reng.





Marina'i ṭhian bikah hian a thikthu a chhe over a,keimah ah hian ani bik,kan ṭhian mipa ah te pawh nitho mahse keimah lo chu min kawm em em ngailo a,midang pawn ṭhian ah a thikthu chhiat zia an hre deuh fur ang.




"Marina a reilo ang," Rinpui-in atih takah chuan abu ve nghat a,ka hmui phun in "nakinah ka hrilh leh ang che," ka tih chuan anui sang tawh.




Rinpui-in min kai a min phei pui pawk pawk mai bawk sia,ka balance ka hlauh lek lek ani, "Eric'a sawn a hmu duh che a,arawn lût ngam siloa,va phei lawk rawh" atih chuan ka phei ve mai a,mahse a zawn ka thlen chuan ka zam ve lek lek.




A ṭhian te a signal zeuh chuan an kalbo dual a, "Fiona ka hmuh duh chhan che chu englo ania,ka duhna che arei ve tawh a,a tlai hma a hrilh vat che ka duh a," atih chuan Tetea sawi kha adik ngei ani tih chiang takin ka hre tawh.




"Immm" hnuailam melh ngur pahin kati zawi sep a, "tun tut tut ah min chhang theilo mahla kalo nghâk reng ang che," atih hnuah a phone a lek kang zeuh a, "nakinah kalo bia ang che," atih hnuah a kal zui nghal daih.




"Awi engtin nge nita,inni em" phur zetin Rinpui-in ati a, "teuhlo mai a,kan phulo" ka tih chuan aner nang nang mai,Rinpuii kan class ah Marina'i alo kal loh chuan ka kawm ve ber ania,mahse Marina'i vang hian min kawm vak duhlo niber in ka hria.




"Enteh Fiona diktak chuan maw i hmel hi mizo a anglo kati,Mizo chu ini tho a mahse nangmah hi Thai i ang," atih chuan awilo lutuk in ka nui hak hak.




"Eric'a pawh chu min va duh pui awm ve a," ka tih chuan abu nghat nghat a, "duh pui rapthlâk,afel si a hmelṭha si i duh ang takin ala sang tel kher zui,a mah saw a fresh bawk sia Pastor nise a inhmeh viau ang," ati luam a ka nui tawp.




Kan room awmna kan thlen chuan a ṭhiante awmna lamah a phei vat a,kan mutna tur Marina'in alo phah fel diam tawh,kan mu tlar dun dâwn anih hmel,mahse anuam daih zawk.




"Enge Rinpuii chuan asawi a," a bula ka ṭhutthlak rualin alo tivat a, "Eric'an min hmu duh a,Rinpuii min rawn koh tîr aniang," ka tih chuan anui ve mai a,a thinrim lo chu ka lawm angreng.




"Kan insiam dâwn ami,inkhawm tûrin" Nana'in atih chuan kalo aw ve mai a,chaw eisa diam a kan kal chu a ṭha angreng,kan inti fel hma thei a.




"Eric'a chuan ngatinge hmuh aduh che a," puan ka bih mawlh mawlh laiin Nana'i bawkin ati a, "englo ania min duh thu asawi a,chuan a chhan na chu i inpeih hun hun ah min hrilh dawn nia ati," ka tih chuan anui ve ṭut ṭut mai.




"Loks aw Obed'an minlo call anih hi," a tih takah chuan Rinpuii te awmna lamah ka phei a,a ṭhiante pawn minlo nuih sang mai,kan class bik kan class ah kan riak khawm a,mipa ho erawh room dangah an riak thung.




"Iva chhelo tawh bik ve a, Eric'a bialnu tur chu," Rinpui-in atih chuan kalo khap vat,duhlo pawh ka ni em em lo mahse chhan nghal ka duh rihlo ani,bialpa pakhat bak kala neilo a,neih ve hrim hrim ka duh bakah Eric'a hi ka sawi tawh ang in mipa fel tak ka duhzawng tak ania,aman min duh tih ka chiang tawh bawk a,keipawn ka hnar hranlo.



"Fiona Obeda ten minlo nghak a,kal ila" Marina'i arawn ti lang lang a,kan teacher ten kal rual tur anti lemlo bawk a Marina'i nên kan kal hmasa a,pawn ah Obeda leh Andy'a te ho anlo ding reng tawh.



"Assembly hall ah an tih kha aw," Obed'an atih ri kan hriat chuan call a hmang tih kan hre chawpchilh ve nghal mai, "bialpa neih tum te kan awm a," Nana'in atih zeuh chuan Andy'a a hawi phâwk leh pek khawp mai.




Assembly hall lam panin kan ṭhian ho in kan inzui chho hnak hnak a,midang pawh an kal nual tawh, "Fiona" chhak lam aṭang deuh a tih ri kan hriat chuan kan hawi vat a,Eric'a ṭhiante anlo ding reng.



"In kal tawh dawn alaw," pakhat in atih chuan kalo aw ṭha ve mai a,Eric'a pawh thim tham aṭang arawn chhuak chiah,min hmuh chuan anui leh sang tawh a,keipawn ka nuih let ve sak.



"Eis...enge awmzia" Mante'an min rawn nek ṭaih ṭaih in ati leh tawh,alo phur ve hlur ringawt zel a hei lah hi.



"Bialpa ka neih khalh ṭep che," ka tih chuan aner leh nang nang tho sia, Assembly hall kan thlen chuan midang pawh anlo awm ve nual mai,keini pawh thil dang ti khawtlai lo in kan lut ve vat a,kan teacher te pawn nuam anti aniang min ngaihsak hman meuhlo,sir pawh aṭhu ve vang mai.



Kan lut lai chu uluk zetin min en reng a,ka kut a en niber in ka hria,thusawi leh in hmelhriat tîr na vel ania a ninawm khawp mai,ka mut a chhuak tawh lutuk ringawt.



"Marina minlo hliah teh,ka mut a chhuak emai" ka tih chuan anui seih a, "mut hi chu iduh ve sia,biak in ah em em hi chuan insum ve ta che," atih chuan ka ner nawk.



Andy'an kan lama thosi rawn thlawk arawn ben hlum chuan ka phu zawk,a bula mi lah chuan "ngatinge i ben hlum a,biakin ah thosi an beng ngai ami," ati thum dut mai,a mawl deuh amawni ka hmuh ngai awm pawh ka hrelo,kan department ami chu anilo tih ka hrechiang.




"Aho emai," Andy'an ati hluk a ka meng hleithei tawh meuhlo,ka chhir diar diar a ka meng leh thut ṭhin.



RAMSANGZUALA POV
Fiona'i muthlu luk luk chuan nuih ati za khawp mai,engtin vak mah awmlo mahse henu hian nuih ati za ve thei reuh lutuk,a kut pawh Adam tawh hle ani ngei ang.




Thusawi chu rinai takin arei zêk mai,dar kua velah kan bang ve thei chauh,inkhawm vak ngailo mah ila college thil te ani sia,riahluh vek angai a inkhawm loh anuam bik silo tih vanga inkhawm ve mai mai kani.



Inkhawm bânah thingpui vel kan in khawtlai leh a,naupang ho erawh haw hma tur a an tih avang in an haw duak tawh, "sir Sangzual" Ahma-in arawn tih chuan ning zetin ka thingpui in na no chu dustbin ah ka paih thla a.



"Kan phei rual dâwn ami,phei i tum uk uk tawh in ka hria" atih chuan a in chei dan chu ka enthla dan dan a,naupang ho mai bakah midang hmuh atân chuan a sexy lam lek lek ani,biak in a hak ah pawh hian a mawi tawk te hi a awm ve a,a awm a lang zau mah mah a a hnung pawh alang huau mai,a hnute a khuh ṭawk ṭawk ani.



Vawiin a Fiona'i rawn inchei dan erawh a zahawm khep khup khawp mai, "kala phei hmanlo deuh a,kan kal na tur a in ang chuanglo a,lo va phei hmasa mai ta che" ka tih chuan a lungawi chiah lo tih ka hre thei,mahse ka engah mah a thawklo.



Ka phone rawn ri chu ka envat a,Mercy tih screen ah a lang kuau mai, "aw bawihte" Ahma'i hriat phak tur tawk lekin kati sup a,che changlo in ading reng.



"Inkhawm chu in bang tawh ami,min rawn be miahlo a" atih chuan kan ban chiah thu ka hrilh ṭha ve mai a, "anih chu englo ih...Sangzual,inneih" atih chuan kalo pawtchat vat.



"Ka sawi tawh kha Mercy inneih hmanhmawh suh,kanu pawh dam ve phawt se," ka tih chuan a ngawi deuh vang vang a, "sawi tûr i neih loh chuan ka dah dâwn ania," ka tih chuan "a ngailo,ka tihpalh ka sawi tawh miahlo ang" ati zung zung a.



"Ka buai rih,nakinah kalo call ang che" a chhan na pawh nghak tawh lemlo in ka dah nghal a,engtin pawn ti ila a lungawi lo ngamlo tih ka hrechiang a,in ngaizawng mah ila ka duh em em hran tawh in ka hrelo,Fiona ka hmuh phei chuan ka hrechhuak tawh ngai meuhlo.




Ka sir lam ka hawi chuan Ahma'i alo la ding ve reng,mipa pakhat nen anlo inbe mek a,remchang ah la in ka kalsawn vat.



Kan riah na room tur kan thlen dawn chuan ṭawng ri sur sur ka hriat chuan ka ding dat,ka ngaithla chiang a thlang lam aṭang ani ngei tih ka hre thei.



Ka phone light on in ka zu en a,min hnungchhawn zawnga an awm avâng in an hmel ka hmu theilo,mipa leh hmeichhia anni ngei tih erawh ka hre thung, "hey" ring deuha ka tih chuan an phu ve dawrh mai.



FIONA NUNHLIMPUII POV
"Hey" chhak lam aṭang an rawn tih chuan ka phu nasa lutuk ringawt,Obeda te zu in duh vang vek mawle,Eric'a te pawh kan bulah an awm ve reng a,a ṭhian te leh Obeda te ho in thlang lam deuh ah zu an in a,Eric'a nen chhak lamah kanlo nghak thung.



Kan awmna chhak lam kan hawi chuan sir Sangzuala alo ding run mai,ka hlau bawk si ka phu nasa bawk si chu Eric'a lamah ka phei rak rak.



Ka ṭhian te a man hlau takin ka bula lung chu chhar in ka zu vawm ṭhin a,an hre thei mang silo "Eric Fiona khatah khan enge intih a," tih pahin step ah arawn chhuk a.



"Sir englo ania ih,ka pheikhawk khing kan zawng a," Eric'a en paha ka tih chuan alo nui sawng mai,ngatinge maw a hlauh ve miah loh ni.



"Eric dawt sawi suh u,enge intih" tih pahin min melh tawn zak zak a, "u engti lo e,hei room a luh hma in kan inkawm ve lawk anih hi," Eric'an ati zo deuh chiah tih ah thlanglam aṭang "inva reh ve,enge intih naute in siam ami," Andy'an ring deuh takin ati a,sir pawh a hawi zawk mai,lalAndy'a ka ngei ber ṭum ala ni ngei ang,chuan Eric'a hian sir hi u ati in ka hria,unau anni tihna emni.




"Tute nge awm," tih pahin keimah zawk chu min en run a,chhuanlam siam tûr avâng tawh takzet,a phone light on in thlang lamah a pen thla pâwk pawk a,Eric'a ka en chuan a hmelah engmah a langlo.




"Engtin nge kan tih ang,min man tawh chu animai a, principal bulah a thlen vaih chuan keimah ni nen thleng in min suspend vek animai,a nih loh pawn min hnawtchhuak ang,nang phei chu awi" ka tih chuan ka samah arawn tuai zauh a.



Sir leh kan ṭhian te rawn inzui chho dam dam chu kanlo en reng,tûnah tak hian sir hi chhût thlûk pawp a engmah hrelo tura dawi ka chak lutuk.



"In vaiin min rawn zui ru," atih hnuah a kal hlawk hlawk a, principal bulah min hruai dâwn anih ka ring nghet hmiah tawh.



"Hlauthawng lutuk suh," Eric'a lah chuan ala tizui,au anih vang pawh nise engtin nge ka hlauhthawn loh theih ang,lo haw tlang mai mai ila ṭha mai tur ania.



"Awi ka rilru hah e..." Tih pahin Marina'in minlo kai a, "ka rui zawng zawng pawh areh vek," Mante'an atih chuan ka melh rawm rawm mai.



Zanin chu inlo mai ru ka ti ka tia,kan chiri dawn an tih tlat vanga khawngaih mai chauh ka nia,ka thinrim bawk si ka rilru hah bawk si.



"Lût rawh u," atih chuan kan kalna chu ka enkual a,room luah tawh loh a hrang an tih vanga an luah tak loh room kha ani tih ka hre chawpchilh nghal,a hrang an tih tak chu an sawi vel mai mai anih ka ring deuh a,mahse room hi engvang a luah lo nge an nih ka hrelo lemlo thung.



Room chhung a kan luh rualin sir pawh arawn lût vat a, "inkhawm bang chiah inni tih in inhria em,eng vanga college compound a zu in nge innih," dawhkan ben pawp pahin sir in ati hrawk a,hetiang em em a a thinrim hi kala hmulo.



"Principal in hmu duh em," atih leh chuan kanlo aih rual ṭhap a, "tûnah hian suspend emaw hnawhchhuah tawk thei reng inni asin,nula tlangval inni tawh a, control rual inni tawhlo zu in in duh anih pawn college compound ah a theih reng" atih leh hrawk chuan kalo ip chawih mai.



"Ho e a," Eric'a ṭhianpa in atih chuan a hre pha ani chêk ang chu, "engtin maw isawi," tih pahin sir in a pan phei nghal ruak a, "ka hmaah ngei hian han sawi ṭha leh teh," ati leh hrawk a a thinrim hle aniang a hmai pawh asen ṭawn ṭawn mai,a bek a thisen zam pawh chu chiang takin alang tawh,a in seh ruh nasa takzet.




"Min zah lo ngam ve ami,i ṭhianpa u ka nih vang animo" atih chuan chupa zurui lah chu lo inla ngêng ve khanglang bawk sia,arawn tho a anuih suk chuan ahmai a ri nghal ṭhuai mai.



Sir in mi kut a thlâk ka vawikhat hmuh na,a hnek chiang bawk a aṭhu thla hnawk mai.



"In vaiin principal office ah lo phei ang che u,ka chhinchhiah vek chu ania," atih hnuah a chhuak nghal a,ka thin phu chu arang leh zaih zaih tawh,ka hlau lutuk chu ka lettawp lo chauh,Marina'i,Eric'a leh keimah tih loh chu an in vek sia.




Principal office a kan luh chuan teacher dangte pawh anlo awm ṭhap,sir pawh Principal bulah alo ṭhu run mai,a hmel a thinrim na pawh chu ala bo chuanglo.


Show post links
Top

[Ngaia]

Chapter-6

FIONA NUNHLIMPUII POV



Principal office ah chuan kan ṭhu ta reng a,kan in melh leh zeuh zêl bawk, "sir Sangzual tu ber hian maw zu lo in a," principal in atih chuan ka thin aphu dut dut, "in sawi ta che u," sir in atih deuh khur khur pawh chuan anla ngawi dâk mai.




"Fiona, Eric'a leh Marina'i va chhuak rawh u,in telve lo" sir in atih pawh chuan ka thawveng chuanglo,ka ṭhiante an tel ve miau sia,midang in min melh deuh reng takah chuan hreh deuh chungin kan inzui chhuak a.




"Lo va phei hmasa rawh u,ka ṭhian te kalo nghâk ange" Eric'an atih chuan kalu kan thing vat, "kan ṭhian te kan nghak ve ang," ka tih takah chuan min hnial bik lemlo.




Sana kan en leh zeuh ṭhin a,an awm rei tawh khawp mai,ka awm anuamlo takzet,rei fe kan nghah hnuah anlo chhuak ve thei hram a,chanchin kanlo zawt vat "principal kha chuan min suspend a tum uk uk a,sir khan min chhan hlauh zawk a," intithei zeta tih pahin Andy'a a kal fua fua mai.




Nichin khan sir kha a thinrim hle sia,amak ka ti angreng khawp mai,hetiang hi ani dawn tih ahriat vâng ami Eric'a kha alo hahdam em em.




"I ṭhian ten an kalsan vek che saw," ka hnunglam aṭang sir aw ri ka hriat chuan ka hawi vat a,min din hnaih lutuk ringawt.




"Fiona in vânnei hle mai,sir Sangzuala hi awm lo sela chuan an suspend ngei ngei ang che u," miss Ahma'in arawn tih chuan ka ner nang nang mai.




"A tawk Hmangaihzual sawi sawi angai tawhlo,hethil hi midang in an hre tur anilo tih kan sawi kha,chuan Fiona'i hi a tel velo,sawi luh ṭalh tum suh" Sir in ati ve duah a,mak kati ang reng a hmingpum a a koh ka vawikhat hriatna.




"Va phei rawh," min rawn en a atih deuh sup takah chuan bu nghat in ka phei ve vat a,pengkawi tawh lo in room lamah ka lut ve nghal.




"Tinge min nghah loh a,sir in miss Ahma'i ahau hrep mawle," Marina'i bula ṭhutthlak pahin kati sep a,alo nui mai thung.




Inthlak vat vat in Marina'i bulah ka mu thla a,kapa message pawh alo awm leh vang tawh,ka reply zo deuh ah tih ah number lawng aṭang Message arawn lût hlawl mai.




"Online lo in mu tawh rawh zanin a thil thleng kha thleng nawn tawhlo se ka duh bawk," tih hi alo ni,tutak ni ang maw ka rilru ah erawh sir Sangzuala arawn lang hmasa ber.




"Ka tel ve loh kha," tunge anih hre lemlo mah ila kati ve a, "telve lo mahla,midang in nakin ah anla hria anga,dawt an sawi tel bawk ang,i hming alang ve dâwn hrim hrim a," atih chuan asawi dik ve reng mai,thil thlen dan rawn hrelo mahse midang sawi kha an awi zawk tawh tho dâwn sia.



Min rawn reply tak loh ah chuan "tunge aw" tih Message kava thawn a, "a pawimawh lo" tih zawng arawn thawn,sir Ramsangzuala anih ka ring nghet hmiah tawh,zanin chungchang a hriat danah te khan a number chu ka save ve ta ringawt a,a dp pawh ka hmu thei tawh mahse a bialnu nen a an thlalak dunna kha a hmang a,an hmel lang chiang em em lo mahse an mahni ngei ani tih a hriat theih,ni tla tur thlir dun ang deuh hian an ding a,sir in hnunglam aṭang a kuah vel ngei anih hi,mak tak maiin ka rilru alo na ve ringawt.



Ka phone dah in ka in khuh ṭha sat sat a,ka muhil zui nghal.


RAMSANGZUALA POV

Zingah ka phone ri ka hriat chuan peihlo zetin ka ban a,Mercy alo ni henu hi ka ning lek lek tawh, "aw enge" kati chang deuh fak a.



"Sangzual,vawiin chu ka rawn kal ve dâwn amawni ka tia,inkhawm ka rawn ṭawiawm ve ang chu" atih chuan ka phun hluk.



"A ngailo,college camp bik ania min rawn ṭawiawm a ngailo ang," ka tih chuan a thaw hak ri pawh chu ka hre chiang lutuk.



"Sangzual,tunlai i mizia hi a danglam riau mai,a hreawm kati min ning ami" atih chuan ka phun hluk mai,ka mutna ṭang ka thochhuak nghal a,midang chu anla muttui khawp mai.



"Sangzual" atih hnuah a ngawi leh dat a, "sawi tûr i hriat loh chuan ka dah dâwn ania," ka tih chuan a in hnit feih ri ka hria, "tihsual ka nei ami" ati ṭiau a a ṭahbelh lutuk hi damdawi leisak mai ka duh.



"I ngaihdan mai mai anih chu,ka rawn chhuah veleh damdawiin ah kan kal dawn nia," ka tih chuan anui hak a, "kan in ngaihzawn tirh aṭang keimah bik hi min ngaihsak ngai miahlo,dawr a min thlah ṭhin chhan pawh in college kalkawng anih vang,damdawiin ah inu min kan pui loh leh inah te min hmuh pui thul," atih chuan ka rum nghut.



"Kanu chu ining tihna ami," ka tih chuan a ngawi vang vang a, "ka ning ka tih loh kha," ati leh ṭiau tawh, "ka buai deuh a ka dah rih ania," ka tih hnuah call ka dah zui nghal.



Mercy hi a hmel leh a pian chu a chhe mawlh lo,kan in ngaihzawn aṭang sex kanla hmang miahlo bawk,chak ve ṭhin viau mah ila khawih chhiat ka duhlo ani,a thianghlim leh thianghlim loh chiang lo mah ila amah ngeiin kala virgin ati ve tlat sia,sex hmang lo mah ila kan awmdun a kan insum theih loh lek lek chang chuan amah zawk hian rawn dap leh rûk ruk aching a,la virgin si ah chuan mak tih chang ka ngah viau zel,mahse engmah ka sawi ngai lemlo.



"Sangzuala chu iva tho hma ve a," Muan'an atih chuan ka nuih suk ringawt, bathroom lamah pheiin ka inphih fai a,zing chaw eikham aṭang a inkhawm angai chu a peihawm loh reuh khawp mai.



Inkhawm vak ngailo mah ila zu hi chu ka piantirh ata vawikhat mah kala inlo,kanu hi kan tetlai aṭang zirtirtu tih takah min enkawl ṭha em em a,a strict thei hle bawk.



"Chaw ei khu lamah an siam in ka hria,hawh Sangzual kan zu eilawk dâwn ami," Muan'an atih chuan ka phone la in ka zui ve mai a,kan thlen thlâk chuan naupang ho pawn anlo dawh zo thuak tawh, Fiona'i te ṭhian ho pawh dawhkan hmasa berah an ṭhu a,a ṭawng veleh zat zat mai,kut zaizir meuh a a ṭawng ṭhin hi lawm ka lawm em em.



"Sir good morning," naupang ṭhenkhat in anlo ti leh zeuh a ka bu nghut ringawt,sa an siam chikim reuh khawp mai, principal te nên hian kan inchhung a mahse kan in chhun dan erawh a hla thung.



FIONA NUNHLIMPUII POV
"awii!!LalAndy ivan zaklo tak,nizan a i ruih zia kha aw vawikhat mah zu in tawh suh u,in chiri dawn anih leh chapal in hmuam Tut anga nimai," kati phiar phiar a ala nui mai mai thung.



"Vawksa te kha ei ei suh,inkhawm naah i muthlu leh lup lup mai ang,i nawi thei ropui si" Marina'in alo tive khâr khâr mai.



Sir Sangzuala te rawn phei chu ka en reng a,min melh ve kar mai,an chawh dawh lai te chuan kala enzui reng,hmeichhe dang ho pawh chuan an enzui reng a,kan senior te phei chuan an koh zuk zuk mai,an va zaklo mai mai tak.



"Saw Eric'a alo kal," tih paha Mante'an minlo nek ṭaih ṭaih chuan ka melh vak, "a ninawm" kati deuh hluk a Eric'a hi nizan vang nge ka duhloh phah vêkin ka hria,sir nau ani tih ka hriat vang te pawh ani mahna.



Chaw eikham ah inkhawm tûrin kan insiam zung zung a,kawng lakah sir te nên bawk kan intawk leh, "Fiona nizan chu in va rui awm hlawm ve a," sir Muan'an atih chuan ka envat a,sir Sangzuala hmel ah erawh engmah a langlo.



"Kan ruilo hrim hrim," vin deuh lam lek lek in kati a,sir mah nise khatiang a sawi kher kha ka ngei deuh tlat,kêl a an an nen nupui a hmuh zawh loh chhan pawh ani ngei ngei ang,mipa ve si han ṭawngtheih.



"Sir in veng tlangval ah chuan i senior ber an tiin ka hria," ka tih chuan anui tawp hmak mai, "aho mai mai," ati deuh hluk a a duh bik tawp siloa.



Hall kan thlen takah chuan kan lut zui vat a,thusawi laiin Andy'an min rawn kheuh leh zeuh zêl a,ning zetin a lama kava hawi chuan "i compact minlo hawh lawk teh," atih chuan ka hawi ha mai,hepa hi tuai ve atum ami.



"Ngatan nge itih," ka ti sar sar a, "ka star nu ka bulah aṭhu a,ka in hnawih paw ve deuh duh," ati leh tawh star te hi a ngah thei siah,a bula hmeichhia an ṭhut tawh hi chuan a star ngei ngei zel.



Ka compact chu ka pe ṭha ve mai a,kan ṭhut na tlar hmasa lamah Ate'i te an ṭawng sat sat reng bawk sia,a ninawm lek lek sir chanchin bawk ani an sawi ni,an ṭawng ring tih an inhre lo amawni.



"Awi kumkhua in thu asawi dâwn aniang,ka mawng te hi amu vek tawh,ka halleluiah pawp zâwk dâwn amawni," Marina'in ati leh ṭhin a,a ning ve tawh hle aniang Obeda leh Mante'a erawh luh tirh aṭang phone anla khawih char char.



Nileng deuh thaw in kan inkhawm a,lengkhawm zan lamah an ti leh bawk sia,milar pawh an sâwm nual mai, refreshment erawh aṭha hle thung.



Riak lût kher lo in in aṭang a inkhawm te ti maise ṭha tur ania,mahse naktuk bak angai tawh dawnlo a azia, Whatsapp ah lutin Message ka en thuak thuak a, "ehe hei enteh u,asst.Principal in college naupang ho pawn lamah mamawh lam khâwm in a chhuah zawk theih ang,mahse arei theihloh thung ati anih hi" Mante'an ati duai a,ka enve vat.



"Leitur neilo mah ila chhuak ve mai mai ang u," Obed'an atih chuan kan pawm tlang khawp mai,kan thawmhnaw pawh thlâk lemlo in kan kal tlang nghal a,kan ṭhian ṭhenkhat te nên pawh kan in tawk nulh nulh mai.



"Khawnge kan kal dawn," taxi a kan luh tak avâng chuan kati sep a, "kan down zuai ang chu" Obed'an atih chuan ka mengphawk khawp mai.



"Ka duh teuhlo,sawi ve ta che kanlo kallo mai dâwn alawm,nizan a thil thleng kha i theihnghilh tawh ami" ka ti phiar phiar a, "ka ti mai mai anih kha,sawtah kan kal lawk dawn nia" atih chuan ka chhang tawhlo.



Taxi pakhat ah leng vek lo mah ila kan inhnawh leng hrâm hrâm zêl a,traffic awmna ah chuan keimah hi min bih rûk tîr ve ziah.



RAMSANGZUALA POV
"Lo kal suh ka ti ka ti ani lâwm ni," ka hmaa Mercy ding en pahin kati chang fak a, "ka tihpalh mahse ka ngai lutuk che a," ati sep a a mittui a tling leh pam tawh,tunlai a rilru na hma lutuk hi a chhan ka hrelo.



"Lo kal rawh," tih pahin ka bike awmna lamah ka kai phei dawr dawr a, "khawnge kan kal dawn" atih chuan ka chhang lemlo.



Ka bike awmna bul kan thlen chuan "lo chuang rawh" tih pahin helmet ka khum mawlh mawlh a,a din reng takah chuan horn ka hmet vak a,a phu zawk mai.



A rawn chuan rualin damdawiin lamah ka tlanchho pui a,kanu kan pahin in entir se aṭha ang,a ṭahbelh emai ka ban a sana chu ka en zeuh a,in kan hun ala pello.




Traffic jam loh lai tak ani bawk nen kan thleng hma viau mai, "hetah bawk maw" a chhuk rualin ati nang nang a,a hmel pawh a pe chhe khawp mai.



"Aw nangmah kha in entir ingai," tih pahin ka kai a,a hlauthawng hmel chuan nuih ati za zawk, "ka duhlo" tih ṭhat pahin ka vawn na kut chu arawn thing thla deuh pawp a,eng vanga in entir hlau êm em nge anih.



"In entir ka ngailo,ṭhat lohna ka neilo" atih pawh chuan ka pawt lui ve ṭang ṭang a,a duh naah chuan a chak khawp mai,pawm nawlh in damdawiin chhûngah ka luhpui a,ala tal ve ṭang ṭang.



FIONA NUNHLIMPUII POV

Ka ṭhiante an tlan vek takah chuan ka tlân ve ta ringawt a,an tlanchak phian bawk sia, "awi minlo nghak teh u,ka hah lutuk" tih pahin ka tlân ve ta zel tho a.



"Ngatinge ilo tlân ve ringawt a," ka hmaa mipa thaw lawp lawp a ding en pahin kati a,keipawh ka banglo ka hah lutuk chu ka thaw hlawp hlawp mai,ka dang aro vek.



Ka ṭhiante pawh kan bulah an ding ve reng a,an hah hmel ve hlawm khawp mai, "ka hrelo,min um sia ka tlân ve tawp," atih chuan Obed'an alu ah a beng fawk mai, "mawla keimah i ṭhianpa Obed'a min hre tawhlo ami,ka koh ka koh che kha enge khatia vaka i tlanchhiat a," atih chuan a mengphawk khawp mai,college lamah kan let phei leh tawh a,nichin lo tlânchhe vak pa pawh kha Obeda ṭhianpa kan college a lut tho hi alo nia, Ramhluna kan department ami ve tho ani bawk,hmu ṭhin mah ila Obeda ṭhianpa ani tih reng kalo hrelo,kanlo um ve vak a..



RAMSANGZUALA POV


A duhlo chung Mercy ka in entir a, doctor in nau apai tih asawi khan min ṭhawng a mak pawh kati lutuk,ka bialnu in ka virgin ti reng chung siin nau apai a,chutah ka fa anilo tih lah achiang bawk si.




"Tu fa nge ka tih chu," ka lehkha ken hum ngar ngar pahin kati a, "i ṭhianpa Arina" atih chuan ka nui hul hak,ka ring vel reng ah an inmelh dan ṭhin aṭang khan ka hrethiam ve nual.



Ka ṭhianpa leh ka bialnu ngeiin minlo bum a,minlo kawp reng chu ani sia,a mak khawp mai "pai tlang ang che,Arina pawh chu hrilh rawh,a nupui ka khawngaih khawp mai,vawiin aṭang min rawn biak angai tawhlo ang" ka tih chuan amen pur mai.



"Ka tihpalh" ati sep a,a rilru no thar lutuk te kha anau pai vang lek alo nia,Arina pawh chuan ati mak khawp mai,a nupui leh fate an khawngaihthlak,an mualpho dun viau bawk in ka ring,nakinah midang in anla hre vat anga.


Show post links
Top