UIRE FANU BY Tluangpuii Cck (Completed)

[Ngaia]

College ah chuan Mimii leh Zaipuii te nen kanin zui chawt a ,a chang chuan Zaipuii nen chauh a kanin kawm rak rak chang pawh a tam , Mimii chu ngaihzawng nei lai kha a ni miau a . Tunah pawh Zaipuii nen thing a thutna an siam ah chuan kan thu dun a ,Mimii chu Davida nen thil ei turin an in zui a lo va tel ve chhen kha nuam kan tilo bawk nen kanlo nghak a .


" Rosangzuala nen hian thian satliah in ang lo" ka hmuhdan chu ka hrilh tlang tawp a ,a nuih leh vak vak ka rin laiin a ngawi rauh rauh a a thaw chhuak hak bawk a . A wwmdan chu ka hrethiam chiahlo , rilru hah hmel a pu a thil tam tak ngaihtuah ang maiin a kan hma lam chu a thlir dauh dauh a


" Dik tak chuan ka duh alawm " min chhan dan vang chuan ka en vat a , " i sawi ngai silo a " ka tih chuan a lu thingin kan thian thum a kan awm chuan ka thawveng a ,khatiang a awm kha a nuam ka tia ,ka rilru nawm lohna tih lan ka hreh a lawm" a ti hap a ,kan thiannu harsatna kan hriatpui miahloh leh a harsatna pawh min hrilh hreh chuan ka awm a ti nuamlo ru deuh riau a


Rosangzuala chuan bialnu nghet deuh a nei a , a duh viau bawk khan an sawi a , keipawn vawikhat chu ka hmu ve tawh a . Dawr ah naupang pahnih leh a nu nen ka hmu a ,a ngaihzawng an sawi kha a nih ka ring a ,alo ni reng bawk a . Mahse mak deuhin Rosangzuala khan nuam tihna a neilo in ka hria a ,min hmuh khan nuamlo ti hmel a lang bawk in ka hria .. Ka thiannu chu ka en a Rosangzuala chuan a duhlet ka ringlo a ,ka khawngaih a ni . Rosangzuala ang a nuthlawi zun a tang laklawh hi chuan chhuah leh mai an harsat tawh thin tih ka hre ve tlat a.



" Min fawp asin " ka rawn ti sar sar a , ka en phawk khawp mai . " A duh che ami?" ka tih chuan a lu a thing a " ka hrelo le , mahse maw a awmdan a danglam tawh lutuk .. Hman ni ah pawh a rualin ka haw duhlo a , Erica rualin ka haw a zanah thinrim deuhin pawnah minlo nghak a . Ka chhuah hma kha chu a haw duhlo a ,ka chhuak ru tawp a lawm .



Mahse maw Rosangzuala te ang hi chu hnaih vak chi an nilo , Uhriati hian a hauh bur a ,college a kanin phur thin pawh hi a duh vaklo a .. Chuan maw , Rosangzuala chuan min ngaihtuah thu a sawi a " a nui pah deuh a mahse a reilo ,hnual rawih hmel hi a pu reuh a ka hrethiam chiahlo . An in duh chuan an inkawp mai turah ka ngai a ,a duh anih chuan a ngaihzawng hlui chu ngaihmawh viau tham a nih ka hrelo a ,duh pawh nise a nunhlui chu a thlak danglam sak thei dawn silo a .




Tawng leh mai ka tum laiin kan piah deuh atang Mimii a rawn ri chul a , " star tu che ka hria , i no ka pe ania " a rawn ti thawr a . Ka lo nuihpui laiin a thutak khawp mai ,tunge tih ka zawh lahin nakinah a ti deuh tlat a . Zaipuii ril a tam vangin canteen lamah kanin zui a ,dik tak chuan keipawh ka ril a tam tawh viau a , Mimii erawh kan bulah thu in kan table piah chiah a thu kan Cr Hlimpuia leh a thianpa thu dun chu a va hnial leh zauh zel a . Ka thil ei ngawt kalo ngaihtuah a ka thil ei zo ka hawi chhuah leh chuan anlo in hnial nasa tawh khawp mai.


" Eng ang a tha pawh nise rul sa kher ka eilo ang " Hlima pui chuan a ti bul bul a , " i la tawrh ve loh vang a nih chu , tuar ve ngat la chuan e i lam chul mai ang" Mimii chuan a ti ve tlat thung a , eng chungchang nge an sawi ka hre lo reng reng . " Rannung seh ah rul sa a tha tih mai mai , tha ni se khawvel huap a mi thiam leh scientist rual te hian nga tan nge damdawi siam se i tih , tha se zawng rim tak a damdawi siam chhuak lo in rul an zawng khawm rui ang chu" Hlima lah chuan a ti ve tlat a , an thawm a ring nasa mai.


" Ramhmul damdawi leh Mizo damdawi engmah i hrelo" Mimii'n a tih leh laiin " mizo te chu a zir a zir chhuak doctor ai in tualchher doctor kan pan a , a nih loh pawn mahni kanin doctor zel alawm . Rul sa a that chuan sum seng a damdawi in pan lo in rul sa ei nghek nghek mai tur alawm" a ti leh bul bul a . An ngawi mai tawh dawn emaw ka tih laiin " in duh leh ei ula keichuan rul sa kher chu ka eilo tawp ang ... Zothanpui ,i damloh hunah rul sa in kalo kan ang che " a ti zui hram a ,kan thiannu chu a meng thip khawp mai. Nuih za si nui ngam silo in Zaipuii nen kanlo in petruh fan fan .



Chawhnu lamah Zomuana alo lang ve hlawl a hmeichhe pakhat hmel fai ving veng te hian a lo zui bawk a , a hmel lan dang ang bawkin a aw pawh a sin tliang tha khawp mai. Rosangzuala leh Zaipuii in phur chhuak chu an in hmeh thar riau hian ka hre mai a , chu erawh ka ngaihbel tih lah a chiang reng . Davida bike hnung atangin Mimii'n " kanin thlen hma deuh ah minlo nghak ang che , i rual a ka haw loh chuan a chiloh ania " a rawn ti tak tawk tawk a . Ka awm ve tih pawh hrelo ang maiin Zomuana chu a khawsa a , hmeichhia kha ' Ruthi' tiin an ko a ka hmuh lai rengin an in phur chhuak a , Henry nen tumah phur lo ve ve in kan zui ve mai bwwk a .



Zan ah chuan lehkha zir tum in ka inchhawp ve ran a ,exam a hnai tawh a theihtawp chhuah ka duh viau lai in ka thei mang derlo a . No hlang atang a message ka dawn chu ka chhiar nawn ka chhiar nawn a , " Mimii sawi kha ka nia , i no hi ka dil a " tih angreng a rawn sawi nual a , vawin a mi kha anih ka ring hmiah bawk . "Lz Chhangte " tih zawng a whatsapp name ah a hmang a ,ka hmuh awm pawh ka hrelo 2nd semester vel ami a nih ka ring.


Henrya nen kanin be leh zauh zel a ti ila min rawn be nasa thin khawp. Thian tha ang chauh a ka en lai in a rawn thutak thin khawp a , ka awm a ti nuamlo dawn dawn thin . Ka nu in min koh avangin ka va chhuak phei thuai a , kan thutkhawm na ah chuan Davida leh Zomuana alo thu run a , ka hmu thut chu ka hamhaih khawp a , an ni pahnih lah chuan min melh duh eih lo . " Enge in lo tih?" tih pahin an ep chiah ah chuan ka thu thla ve nghal zat a , ka nu erawh tihtur a neih chhuanlam in room ah a lut zui a ,ka nau te pahnih chu an room ah lehkha an zir a, chutia lehkha zir hun lutuk lai a anlo lang chu a mak em bawk a .


" Kan lo leng satliah miahlo, nula kan rawn rim anih hi" Davida chuan a ti hlak a , " a nih thingpui in duh em?" ka ti leh tawp a , sawi mai tur kha ka hre miaulo ani. " Thingpui in na khua a tlai hleinem" Zomuana chuan a lo ti fahran a , ka nui tawi tak ringawt a . Rei pawh an thut hma chuan Davida chuan " ka va kal lawk ang" tih leh thawh a rual a , a kal chhuak nghal nul nul a . " Enge a tih dawn?" tia Zomuana lam ka va hawi chuan ner sawk pah hian " hmeichhe thuhnuai ah a kun leh dun dun dawn anih kha " anti hluk a ,a sawi awmzia chu ka hria mahse a tawngkam chu ka ngei khawp mai . Ka thiannu hian Davida a duh zia leh a ngaih pawimawh zia ka hrechiang ve em ani.



" Chutiang a nilo... I tawngkam fimkhur rawh , hmeichhia hi dah hniam viau suh, i nelawm loh hmek hmuk si hmeichhia pawn an hlau vek ang che . Nupui neih te i tum ve ngai a nih chuan in siamtha vat rawh " kalo ti zat zat a .


" Nangin min hlau chuang em ni? "

tiin min melh ngur a , " hlau lo " ka ti pawr hlur a . Lo nui hawkin " a that chu" a ti leh ringawt a.

." A thu hrim ah lehkha te zir ve la , i graduate theihloh chuan a pawi khawp ang" ka ti leh kha kha a, min chhang mai lo.
" Min ngai theilo pang pang emai ka dawn , naktukah ka zin dawn sia kalo tlawh ve che anih hi" a ti bul bul a .

" Khawiah?

Aizawlah" tih a min chhan pahin a tho zui tual tual a , " thingpui chu i in dawnlo ami?" ka ti leh hram a . A tihdan chu in leng hnar te pawh ka ang lek lek .

" Zandangah ka la in fo awm sia , zan in chuan lum buailo mai rawh" a ti duh lek chauh a .

A kal chu ka en zui reng a kawngkhar ah a chhuak tep tih ah a kut in minlo hui leh rih a , ka pan phei ve thuai bawk a . " Lo kal teh " tih pah a min pawh mai a tum chuan " i zaklo " ka lo ti vat a . " I hahthlak mang e " a ti bung leh nghut tawh . Chutia kawngka bul a kan ding dun ringawt pawh chu ka nun min hmuh ka hlau khawp mai. Kal mai tum lo in a ding ve reng bawk nen veranda ah chuan ka chhuak zui a , minlo zui ve zat bawk a . Ka tawng ve hma hauhin


" Henry-a i duh em ni?" alo ti khauh a . Min zawh chhan ka hrelo a mahse fiam kual ka chak tlat a , " i hriat ve a tul kher em ni?" a aw ki ang chiah chuan ka ti ve ngat a . Enge a sawi leh ang tih ka ngaihtuah lai mekin

" ringworm a nei a nia, kai chhawn awlsam chi ang kha " a ti hmuk a . " Maw .., Khawi ah?" ka ti vat a , " hetah hian " tih pahin ka kawr nghawng hnung lamah tawi te a zen lut a ,a ban kalo vai per sawk a. " thinchhe e " tiin min melh zuk zuk a, " i ngaihzawn leh i kai ve nga ni mai" tiin a nui ruh ruh a , hlau tho mahila chutia mi harsatna a nuih pui chu ka ngei tak tak.


" I duh chuan ka rualin college i lo kal thei ang" a ti leh tawh a , ka chhan hma in " muttui " tih pahin a kal zui nul nul a , min hlat zawng a a kal chu a lan theih chhung zawng ka thlir ta reng a .


" Enge kalo hawn ang che ?" tiin Zomuana'n minlo be ve teh mial a , mut hmunah ka nui ka nui mai. " Engmah a ngailo" tiin ka chhang let thuai a , " Aizawl atang a kalo let hunah kalo hmu thei che ngem?" a rawn tih chuan ka in ngaihtuah nasa hle a , eng rilru pu a min zawt nge tih erawh ka la hrethiam chuanglo . " Theih loh chhan tur a awm em ni?" ka tih chuan " Nula leh tlangval ang in " a ti khauh a, chhan mai dan tur ka hrelo .


Min rawn call zui a rang deuh chuan ka la leh ang lawi a , " min chhang lo a " a rawn ti nghal thawr a . " I sawi awmzia ka hrelo" ka ti tawl a, a nui in ka hria . " Ka duh che a ,ka ngaizawng che tihna anih chu" a ti leh hmuk a ,chhan dan tur pawh ka hrelo . Ka duh ngei a ,mahse a mize maksak lutuk hian min mawlh a ,thuthlukna siam mai harsa ka ti tlat.



" Ka bialnu i ni duh em?" a tih leh chuan ka ngwwi rauh rauh a , aw han pawh nghal ngawt kha ka hre riau a . " Zomuan

umm" .


" Kalo in ngaihtuah ang a , hun min pe la " ka tih chuan a ngawi vung vung a , a hnu fe ah " Apui"

"umm" min kohdan atang chuan a thutak tih ka hrethei bawk.


" Min hmudan dik tak sawi rawh" a ti khawl a , sawitur ka ngah mahse sawi mai tur ka hrelo. " In ngaihtuah nawn tluk tluk mahla tun a i rilru ang bak i pu chuanglo ang .. Tun a min hnar a , i in ngaihtuah zawh hun a min pawm leh si chuan i thinlungin a pawmpui hauhlo ang che .. Ka hmeltha i ti emaw , ka nundang vang a min atchilh viau ang kha ka sawi miahlo. I hmeltha ka ti a,ka ngaina che a ka mit ka chhin apiangin i hmel ka hmuh ziah a ,keimah ah danglamna nasa tak i thlen a chu chuan min ti hlim thin.


Chutiang chiah chuan i bul a ka awm chang a i danglam a ,keimah vang a nun nuam i tih a min hlimpui viau thin a nih chuan tih lam daih a nia ka sawi" a ti kual nuai a , ka hrethiam chiah pawn ka hrelo .


ka ngawi reng a , " a tha alawm .. I lo in ngaihtuah dawn nia ,mahse kei chuan a chhan na tur ka hmu lawk tawh " tiin a dah zui a ,a thinrim nge a lungawi tih pawh ka hrethiamlo.
" Ani kha i duh viau em ni?" tia min zawt tu awm se zawng " aw " tiin ka chhang ngei ang.


Show post links
Top

[Ngaia]

Uire Nu Fanu - 8




Kartluanin college ka kal a Zomuana erawh a reh hmiah thung a , a ngaihna ka hrelo hle .. Aizawl atang a lo let tawh tih ka hria a, ka chhan na nghak ang a insawi si khan chhan na hun min siamsak hauhlo thung a ,chutiang na na na han biak hmasak chu ka hreh ve riau a engpawh nise , chan engmah ka neilo a ngai ka awh chauh zawk alawm le , tiin mahni ka in hnem chawp ta ngawt a .


Zirtawp ni a ni a ka zing tho chu ka ham bai bai reng a ,dawhkan kil a thingpui ka lo in mek laiin Mimii a rawn lang hlawl a , eng a lo tih dawn tih ka zawh chuan " U Sangzuali'n second bale a hawng thar teuh mai , en ve ang a tha thei lutuk a ti tlawm bawk sia " a ti a ,ka phur lemlo bakah thawmhnaw chu ka nei tha a . Kar hmasa lawk pawh khan ka pa in thawmhnaw leh ka mamawh thenkhat minlo thawn nual a , eitur chi hrang hrang leh noodles chhum tur tam tham zet alo thawn bawk a . Thawmhnaw pawh a nalhin a tunlai viau a ,kan Ruatfeli thlan a nih ka ring a man pawh a to talh ang chu.


" Thawmhnaw ka nei tha viau asin " ka tih chuan " ka nei tha lo lutuk a ,bakah khua a vawt leh tep tawh alawm.. Serthlum rah a hun dawn a huan kal na a hak tur te kan thing teuh dawn nia , thawmhnaw tha nen a ram kal chu a uihawm emai" a tih zawm zat a . " Serthlum huan in nei ve tho em ni?" ka tih chuan nui hakin " ai.. in huanah kan kal ang chu!" a ti heu mai.. Serthlum huan zau deuh kan nei a thlah tu te atang a kanin rochun a ni awm e , ka nu min hrilh dan chuan a pu te hun lai atang tawh a an lo enkawl tawh a ni a , serthlum rah hunlai chuan cheng tam fe an la lut ve thin bawk .



Ka nu in " han kal rawh u " a lo ti ve bawk nen Mimii nen Sangzuali a tih te in lampan chuan kan kal dun a , " kan thleng " a tih rual chuan ka en vat a " Zomuana te in a nih hi " ka tih chuan " Zomuana u a lawm " tih leh pen luh a rual a . " Nu Mapui., U Sangzuali thawmhnaw lak thar ho chu lo en kan tum a " tiin thutna lam a pan zat a , chuti lai chuan choka lam atangin Zomuana alo lang ve hlawl a ,ka rin ai daihin a tho hma .. " Bawiha i u chu va kaitho la " anu in a tih chuan mak ka ti deuh a , tlangval zawk pawh a thawh tawh lai a nula zawk la mu chu mak ti ani .



Tha takin a va kaitho mai dawn emaw ka tih laiin room kawngkhar beng dawt dawt pahin " Nula Senior Sangzuali tho rawh se " a ti lung lung a . " Kha tin i u tih ziah suh " anu in a rawn tih chuan chu pa pui chuan " U Sangtei te ang hi chu an chang tawh a , rum nuai an ngai tawh dim hliak hliak rual an ni tawhlo" a tih zawm zat a . Ka bul a thu ka thiannu chu a nuih a za viau a kei erawh thildang ngaihtuah in ka ngawi rauh rauh a , min hmuh vang a a danglam ve miahloh leh min hre lo ang mai a a khwwsa chu ka run ngang mai.



Rei vaklo hnu ah Usangzuali pawh rawn tho in thawmhnaw chu kan en a ,alo tha viau tak tak a Mimii chuan " hei ka hauh " tih pahin a dah hrang zel a ,a lei vek a nih chuan a in seng hnem ve khawp ang. " Panga chinah ka tlawm ang che u " a zuartu nu lah chuan a ti sauh sauh a , " ka money lo lutuk a " nui hak pah a ka tih chuan " i duh chuan la rawh , kan chhinchhiah mai dawn alawm nakinah a hranin a man chu ka khawn leh thin a " a tih zawm zat a , bat chu ka hreh riau a ka la dawn a nih rau rau chuan bat ka duh hauhlo.


" U Sangzuali chuan bat ral pawh a phal vek ania " a nau chuan a lo ti leh hmanhmawh a , U Sangzuali chuan a melh rum ngang mai . " A nih reng kha , Pi Thapuii pawn a bat ral che kha " a ti leh hram a . " Ka bat ral tir ani aw kawnglo , ba a ngaihsak lo lutuk a i zah loh phawt chuan a thlawnin nei rawh ka tia ,a zaklo a niang tun thleng a min pek loh .. A kawr bat ber kher lah kha a ha zing sia ,ka ngei a nia ka hmu pangai tawhlo hrim hrim " a ti hlak a ,a rilru tur chu ka hrethiam ve ruak a rinawm lo hi chu keipawn ka tei thei thaklo.


Kan haw dawn chuan kawtah Zomuana a lo thu a biak tumna ka neilo ,a ni pawn min be lo . An thenawm te in zawn ka thlen chuan an thenawmpa ni ngei tur hian an thlai chin ho chu a lo enkual a ,kawt kai mai a mi mah nise a tha phian a an hung vei thlap a ,lei chu chhun belh nual a nih ka ring kawng pangai ai in a sang a . " Pu Thang thlai i va nei tha ve " ka thiannu'n a tih zauh chuan kan lam a lo hawi thuai a .


" A tha theilo zawk ngawt alawm ka uluk tehreng nen kut hlei tak tak hi an tam a ,thenawm te lah hian ball an pet per ziah a naupangchhia pawh an awm tawh mang silo" tih pahin Zomuana te in lam chu a melh rulh a ,ka hawi ve chuan Zomuana kawt a thu chu a lo ner nawng a ,ka hawisawn leh vat a .



Pu Thanga chuan eng emaw hi a sawi zawm leh mual mual a , a thusawi ka ngaithla chiang chu ka nuih a za zawk " ka serthlum huan leh fu huan zawng zawng te hi e ,ka kutkawih a ka din vek ania ... Congress hun lai a NLUP cheng khat mah dawng lo , MNF hunlai pawh a SEDP sum cheng khat pawh tello a ka neih, ka thawh rah liau liau a nia ka chhuang ve em" a ti nuah nuah a ,zawhloh thleng thleng a a sawi kual duah chu a peih ka lo ti hmanhmawh a sawi erawh ka sawichhuak lemlo.



" Pu Thang ,i in fak ar ek zo ang e " kan piah atang a Zomuana'n a rawn ti lung lung chuan kan bul a mi chu a meng rum ul a , " dawt ka sawi reng reng hleinem , ZPM pawh hi sawrhkar chiah se sawhthing chinglo hian ka in tungnung zo em em ang " a ti leh nghut nghut a , Mimii leh Zomuana chu an nui thaw reng mai. A duhtawk mai dawn emaw ka tih laiin " Rosangzuala te ho nen kawtah ball pet in ching a , ka thlai zawng zawng pawh a chhiat vek tawh hi .Ramthianghlima fapa lah khi a dak thei zawt zawt si " a tih laiin Mimii a nui tha a , ka beng bulah " Davida anih chu a sawi " a rawn ti sar sar a .



" Inthiamlohna hi sawi ve ila Sangzuali hian a tan thum che u a , zahna kal pel tawh chin tih takah mi lo liak erh zel lehnghal " a la ti bul bul a , a zia ve reng a nih ka ring . Ka thiannu chuan a nuih kur kur reng a ,a tawngkam na tak tak pawh chu eng ah vak an ngailo a niang ,Zomuana pawh chuan a thinrim ti zual tur tingin a lo chhaih zuk zuk a ,Pu Thanga lah chu ngawih mai a tum hmel loh khawp mai.



" thiannu i va nei hmeltha ve " Pu Thanga'n a tih hluk chuan ka lo nui var var a , hmeltha in tih hi chu fak derna ah pawh a lawmawm dangdai ve hrim hrim ka ti . " Nu Mahriati fanu a nih hi , Lizzyi ania Aizawl atang a lo awm ania " ka thiannu chuan a ti duah a . " Mahriati nulat lai pawh i chhun khawp alawm , i pa pawh kha a hmeltha tho in ka hria tun hma i nu nen a an in neih lai khan an lo kal ve fo a ,ka hmu ve zauh zauh tawh a" pangai deuhin a ti ve tehmial a . A tawng leh lai mekin " uakkkk" uar fahran hian kan piah a mi pui chuan a rawn ti tuar a ,kan hawi phei rual hlawm ngei mai.



" Lal Puthang a nu i ngaihzawn vang mai a han biak that viau, Nu Mahriati i ngaihzawn kha in nu ka hrilh a nuthlawi hre reuh lutuk mai " Zomuana'n a ti leh chiah chu Pu Thanga chu a in her vut a .. " Aw aw aw ,, he nau tawngtheih dan zut zut hi chu kan beng teh ang che " tih pahin Pu Thanga chuan a pan phei vut a ,pakhat lah chu rang lutuk in inchhung lamah a tlan zui nghal zat bawk a ,thenawm ve si an khawsak dan chu a mak ka ti zawkk.



Kan haw kawngah Mimii bul a " hetia bat ringawt chu a zialo e " tih pahin kan thawmhnaw pawm chu ka thlek zauh a , ka thiannu chuan a enghelh hmel loh khawp mai. " Ti khan a duh duhin an la a ,nakinah ba a khawn leh mai zel alawm " a ti sam et a . " Pawisa ava mamawh awmlo ve " ka tih chuan a ner nang nang a " zirtirtu ania hlawh a nei a ,nuam a tih vangin a zuar ve mai mai aniang . A taima sia a hausa ngawt ang , mahse a senior ve tawh a hrawn a harsa ngawt ang " tih pahin a nui zui uar uar a ,sawizawm zel pui chi a ni pawhin ka hrelo.



College lampanin Mimii nen bawk kanin phur chhuak leh a exam a hnai tawh bawk nen ka serious viau tawh a , mahse ka thiannu hi chuan eng ah teh ual a ngai ve lehpek lo a nih hmel . Class lampan a kan kal lai chuan corridor ah kan senior Rosyi alo ding a , min hmuh rual chuan minlo pan vat a . A piah deuh ah chuan a thiante pawh an lo awm ve nghe nghe , " ka be lawk thei che ngem ?" a rawn tih chuan ngaihthat lohna nei lem lo in ka lo bu nghat a . ..


" Mi inkarah chuan in rawlh loh tur asin " nuisang a a tih chuan a mah chu ka en vat a , " i sawi awmzia ka van hrelo ve " ka tih chuan a meng kual ralh a . " Lzi nen in lo in be nasa viau ani awm a , aw... Lo be buai tawh suh " a sawi awmzia ka hre chuanglo reng reng .. " Tu Lzi maw ?" ka tih chuan min din hnaih sauh a , hrelo der suh .. Engkim ka hre vek , kan college a mi te zawng zawng pawh hian Lzi nen a kanin kar an hre vek chuvang chuan lo inrawlh lo law law la tiraw ?" a tih chuan chhan mai dan tur ka hrelo.


" Lizzy hian a be hmasa hlawllo , Lianzuali khan a lo ngaih melh a nih zawk kha .. Bakah Lizzy hian a duhlo ,i bialnu ka tih i bialpa emaw ni khan alo be ziah aw " Mimii'n a lo tih kha kha chuan ka thu hriat chuan min deng sawk ani ber a , ka mang duk mai. " Lo ngawi hmak rawh , kan be lo che " tih pahin Mimii nen chuan min su lui sawkin a kal sawn nal nal a , a thiante chuan min nui tet tet pahin min kalsan zui ve zat bawk a .


" Hmeichhia maw ?" tiin ka nui sak a , a zat vang erawh a nilo Mimii hmel ka en chuan a inthiamloh ve deuhin ka hria .


Ka thutna a ka thut thleng chuan Mimii chuan min melh hrek hrek a , " Rosy nen khan an in kawp na a rei tawh a mahse Lzi zawk khan kanin then a tia , hmeltha a ti lutuk che a min dil nasat em vangin i no ka pe ringawt a. Lizzy tak takin khatiang a thlen ka ring miahlo a " a tih sap sap chuan ka nui hak a , " a ho lutuk .. Lza emaw ka tia " tiin ka nui ve a , a tawp ah chuan kan nui dun leh ta ngawt a .


Mak ka tihna erawh a reh theilo, Lza tih a no ka save kha Lzi zawk alo nia engtin nge mipa a nilo tih ka hriat miahloh le ?... Rosy chu ka ngaihtuah leh a hmeichhe hmeltha leh nu zen a nia , make up a hman ngai pawh ka hrelo a nungchang a that thin mai bakah a nui sang reng a , lehkha pawh a thiam viau ni in an sawi a ,nichin mai a ka chung a a chetdan leh a anpui nen a inkawp nghet tak an ni tih chu ka awilo tep a lawm le .



" In be lawk ang ?"


class lak lai a ka message dawn chu ka en nawn leh thin a , " Lza college " tih chuan mak deuhin ka nuih a ti za tlat a , a tawp ah phei chuan " Lzi Junior " tihin ka save tha ta ngawt a . Chhuanlam ka siam ngial hnu ah pawh minlo nghah tur thu a sawi ve tlat a , Mimii ka rawn chuan " a inthiamloh ve aniang , i tan pawh insawifiahna remchang a ni mai a thian pel a i en ngailoh thu te hrilh na remchang a ni mai " a tih vangin ka remti ve hram a .



Tlai ban hma deuhin Lzi minlo nghahna Nss park lam pan chuan ka kal a , Mimii chuan min kalpui a tum na in ka hnial ve tlat a , Zaipuii class a kal loh avangin a mah in minlo nghak a , Lzi bul ka thlen hnu pawh chuan parking ah kan lam hawiin Mimii chu alo la ding reng a .



" Enge ni ta ?" Nuisang a ka tih chuan Lzi chu a lo hawi vat a . A landan chu mipa tam tak ai pawhin a pa hliah hliah a , a hmeltha tel bawk chu a in hmeh viau mai. " Rosy chetdan kalo hria a , a zia lo hle mai " a tih chuan a aw mawlh chu kalo ngaithla uluk viau a ,mipa tur diktak hmeichhia a piang a nih ka ring hmiah. " A pawilo .. In inkar kalo hriatloh vang zawk ania " tiin ka chhang ve thuai a . " I ngaih ang inzawmna kha kan nei tawh lo " a tih chuan min melh pah zauh a , beisei nei tlat a hriatna ka nei a . ..


" Thian ang takin ka en che a tun hnu ah pawh thian nih zel ka duh a , a bak erawh beiseilo ve ve ila " ka sawi zawh hma chuan kan lam pan a Zomuana lo pen chho hmawk hmawk chu ka hmu zui a , ka lo en reng lai chuan kan bul a rawn thleng chawpchilh a . Kalo en reng lai chuan eng sawi set set lo in min pawt tho lawp a , ka banah chelhin min hnuk kal dawt dawt a a chetdan chu ka beisei lo lutuk a , lo tan vak ngaihna pawh ka hrelo.



Zawl kan thlen thlak rual chuan " min thlah rawh " tih pahin ka ban ka vai lawp a ,min thlah ve mai bawk . " Enge i hriat a ?" ka tih lai mekin kan lam panin Mimii alo phei hlawk hlawk a , thil awmzia a hrelo tih a hmel ah chuan a lang reng . " Enge ni ?. " ka tih leh that chuan engmah sawilo in a rum nghut a , in her a kal leh mai ka tum laiin " i hmeichhe pui anih khi , khitiang hmeichhe in la pa satliah khi i pan a " tih leh min thin nawk a rual a ,ka lo inring lo bawk nen ka khek that a .


" Zomuansang thlah rawh , an en thup che hi " Mimii'n a rawn tih chuan a en vut a , thinrim meng sen rum chung a Mimii chu panin " nang mihring nu hian Lalawmpuii hi a hmeichhiat pui kawp turin i hrilh em ni ?" a ti khur khur a ,a tawng ringlo na in a chiang khawp mai. " Teuhlo mai " Mimii chuan a ti vin hlar a , ka hawichhuah chuan kan senior ho chuan minlo en deuh thap a ka zak kher mai.


" Min zui rawh" tih pah a min kaih mai a tum chuan kalo hnial vat a , " teuhlo " ner sak pah a ka tih chuan thaw hawkin a hmai a tuai puat a , " ka rin i ang lo hle mai " a ti chhuak sup a a sawi awmzia ka hrelo .


" Bawiha enge buaina ?" Lzi aw ka hriat chuan ka en vat a , a lo chhuk lai reng reng ka hmulo . Zomuana chuan a chhang tha mai dawn emaw tih lai in " thlawk bo rawh " tih pahin a ban a vai sawk a , Lzi hmai ah chuan a fuh ngei in ka hria hlauthawng deuh a ka en chuan a lo nui suk , a hmel chu a tha lutuk tak tak . Zomuana pui chu kalsawn nghal nul nulin a bike dahna lam a pan a ,mak ti tak a lo en tu te chu hmaizah leh hmu ang pawn a awm hauhlo a , a bike ti nungin chakzetin a tlanchhuak zui nghal a , kha kha engthil nge ?.



ka zak lutuk chu ka sa pup pup thei hial a hawi kual ngamlo mahila min en thup in ka ring , Lzi ka bul a alo din rual chuan ka hmel ka en vat a ,a hmelah engmah a lang lo reng reng . Mahse ani pawh hi hnaih loh ka duh , misual a nilo tih ka hria mahse ngaihzawng nei lai a nia ,a bialnu in min ngaina lo bawk . " Ka tha " nui lui zet a ti chungin Mimii chu ka melh zauh a ,min hrethiam a niang chu min rawn zui vatin ka scooty lam kan pan dun a ,min en hrek hrek tu te chu ka en let ve ngam hauhlo. Kan tlanchhuah thleng chuan hmalam chauh ka en ngar a , college campus kan chhuahsan chuan ka thawveng huai mai. Zomuana chetdan mawlh mai khan ka thin a tirim a ,ka in humruh teuh reng mai.




Mut hmunah pawh ka in ngaihtuah nasa viau a Zomuana message ka chang pah reng bawk a , mahse min biak a tum hauhlo. Va biak chu ka hreh ve tum hrang bawk a mahse vawin a chetdan vang a ka lawmloh zia tih lan ka duh a , ka biak dan tur ka ngaihtuah rauh rauh a engmah lah chu ka ngaihtuah chhuak thei derlo a.


" A duh che a nih kha " Lzi message chu chhang let thuai in " tu in maw ?" ka tih chuan " Zomuana " tih ringawtin min chhang a ka awilo lutuk chu ka nui chhuak hak a ,min duh nise khatiang khan ka chungah a a che dawn em maw ni le ? .


Zaipuii lah chuan " kan inkawp atang hian ka hmaizah tlat a nih chu ! " tih angreng a rawn sawi reng a , " hmaizah a ngailo i awm ngai khan awm tawp rawh " ka ti thawr a ,a duhkhawp lo khawp mai. Rosangzuala nen chuan an in kawp ta nge nge a ,thian in pawh deuh si kha Zaipuii hian awmdan a thiam tlat lo pek a , in ngaizawng an nihna chuan a mah ah danglamna a thlen nasa viau a , a hmaizah thar riau pawh chu ka dem hran chuanglo. Rosangzuala erawh a nunphung ngai rengin a awm a , niminah pawh Zaipuii ding hle hle lai a mawng a bensak pahin " i va khal ve " a ti thwwr a , Zaipuii zak leh lai bawk si chu a sen tan tan mai a lawm.



Zomuansanga ka va be ta nge nge a ka rin loh deuhin minlo chhang khauh a , ka biak zawm tawhlo kher asin . " I chetdan kha a mawilo hle mai " ka va tih chuan " kan lo inbum thui hman thelh a nih kha " a rawn ti nghat a , ka hrethiamlo dawn dawn a min demna aw ka ani tih erawh ka hria a ,a sawitum tak erawh ka hrethiam pha derlo a zawh fiah chu ka tlawm la ve tlat thung a , chhan loh ah ka tlak ta ngawt kha nia .




Zomuana lak a ka beiseina a chuai a ,bul kan tan hma hauhin kan tawp a beisei leh chuang tur a awmlo tih ka hria , a ti chiang turin kan senior ami Zonuni nen anin zui ka hmu nitin a ,ka haider a biak hmasak leh hria ang a awm chu ka duh thak lo. Lzi nen erawh kanin be tha reng a ,ngaihzawng ang nilo in thiantha ang a min en thu a sawi ve bawk a , thian tha tak pawh a ni in ka hria . Ka thiante bul a Zomuana ka hmuhdan kalo hrilh hmanlo kha ka lawm zawk hial a , lo hrilh ni ila chuan min khawngaih awm sia chu chuan mi chaklo takah min siam ka hlau ani.



Exam a hnai tawh a lehkha ka zir ngawrh viau a kan tih tawh chinah chuan ka ti tha ve khat a , rilru a hahdam ve deuh . Vawinah exam kan zo dawn a ka thiannu ve lah hi chhang tha in ti silo hian a thawveng em em a , a bialpa Davida nen lah hian hanin hmuh fal leh in ngaihsak em em pawh an nei lo a , an inkawp tawhlo emaw ka tih lai hian an in mil vei thlup bawk sia , Mimii bul a ka sawi chuan " kan ngaih a tha alawm , kanin hrechiang tawh a .. In ngaihzawn tirh te chuan kanin duat ve heuh heuh tho alawm " a ti sam mai a , keichuan an in kal pah vel mai mai ni in ka hre tho.



Exam kan zo tawh bawk a thawveng in ti zetin tv hma ah ka thu dar dar a , ka chhang tha ve khat bawk nen han enghleh viau ngai pawhin ka hrelo. Ka naute pahnih erawh lehkha zir in an room lamah an tawm ve ran a , ka nu in a khat tawkin a va thutpui leh zauh thin bawk a , putea pawh a room lamah a awm ni in ka hria .



Dar 7 a ri awr tih ah sawi lawk miahlo in Rosangzuala a lo lang nawlh a , a rilru lah chu a hah hmel em em lehnghal a , kalo melh reng lai chuan ka bulah a rawn thu thawr a , a hmai a tuai leh puat bawk a . " Enge ?" ka lo ti hluk chuan a nui suk thung a . " Zaipuii te inah va leng rawh " ka lo tu hmanhmawh a " a thinrim a " a tih chuan kalo chek tlak a " thlem ta che " ka tih chuan min melh rulh in " min thlem pui rawh " a thilsawi vang chuan kalo nui hak a amah chu ka melh leh thuai bawk.


" Nui suh a serious riau " a tih takah chuan " tinge a?" ka ti tha leh te te a ,a sawi hreh hmel lutuk chu ka ngaih a tha chiah tawhlo. " College atang a kan haw kha kan leng kawi a , haw dawnah dawrpui phei ah chawhmeh vel lei in kan peng kawi a .. Duatpuii kha i hria em , Hriati fanu naupang zawk kha ?" a tih chuan ka bu nghat a , " kan hmu a a pi nen , Zaii pawh khan nuisangin a bia a ,Duatpuii pawh kha a eitur ken te kha a pe ve a ,a thinrim lo emaw ka ti hman a mahse alo thinrim reng a min be duhlo " a tih chuan a ho ka ti a a sawi ang tak tak a nih phei chuan Zaipuii chu a thiamlo zawk in ka hria .


" Thinrimna tur a awm loh chu an duh leh dawr ah te chuan an kal ve ang chu " ka tih leh chuan " aa englo.. Apa min tia " a ti zawm leh a a awki atang chuan nuamlo a la tihzia pawh a hriat theih. " Duatpuii chuan apa alo ti che maw ?" ka tih chuan a lu a bu nghat a , ka nuih a za kher mai. " I tel ve aniang chu !" ka tih hluai chuan " ka hner chawrh mai ang che " a ti leh hluk a ,ka nuih a za tlat tawh. " Zaipuii tan chuan a serious ve em anih chu " ka tih chuan a lo bu nghat nghat a . Mimiin tihdan a hriat ka rin thu ka sawi dek dek chuan " a tul lo Zothansangi chu ka ring hlawllo a lo sawichhuak ang " a ti bak hlur bawk si, a thutak tehreng nen ka nuih lah chu a za tulh tulh .




A haw hnu pawh chuan mahni in ka nui kar kar reng a , Zaipuii ka biaksak erawh chuan a lo la thutak em em a ,an pahnih in sawi fel se a that ber ka ring.



Class kan la tan lo a inah ka tawm chawt zel a , vawinah pawh inchhung tifel pahin story ka ngaithla a , ka hming a min ko tu an awm vangin kalo chhawn vat a . " I hre tawh ami?" mimii chuan min en chungin a ti thawr a " eng maw ?" ka tih chuan " Lalzaipuii leh Rosangzuala an in ru " a tih chuan ka phu dawr in ka hria . " Engtikah ?" ka tih chuan " nizanah " a lo ti vat a ,mak ka ti khawp mai. " Tuk in zing khan Zaipuii nu thinrim in va hnuhchhuah a tum a ,mahse Rosangzuala pa khan a duhlo chung hruai haw kha a lo phal tlat lo a , amah khan haw a lo duhlo ve bawk nen beidawngin an letsan an tia " a ti zui duah a.



Zaipuii nu rilru tur ka ngaihtuah chuan awm ka tih pui khawp mai, nu leh pa ten naupang chhe chei tak a an chei kha zankhat thil thu ah an han bo ringawt thin hi chu hrilh te lam lam a hai dawn hian ka hre lutuk.Mimii'n min sawm nasat em vangin chawhnu lamah Rosangzuala te in lamah kan han leng ve ngei a, an pahnih chuan an lo awm ngei a midang chu an chhuah lawk lai a nih hmel.Chhuak lo pawh nise ri luih luih tham an nilo hrim hrim a ,Rosangzuala u Sangpuia chu an hna chhunzawm turin ka thawhna khaw lamah a kal leh tawh a ,an upa ber Rosangliana lah sipai ania a awm khat a , U Sangliana chuan nupui leh fapa pakhat a nei tih ka hria a mahse ka hmu khat lutuk, Nu Rami dawr a leng thin ho chuan an monu chu an chhuah chhe thin khawp a , ka hmuh ve chinah pawh hmeichhe ngainatawm leh zuan zang tak kan tih ang chi kha chu anih hmel loh ka ti.




Thingpui in kan tum avangin Rosangzuala chu a hmeh lei turin a chhuak a ,a chhuak ta maw tih ah Zaipuii ban bulah chuan ka beng zawt a " engtia awm nge i tum ?" ka ti hlak a . A nui tawi tak mai " min hrilh lawk ta che , a awm ang lo emai " ka tih chuan awmzia a awm tawhlo tih ka hria mahse an hmalam hun ka ngaihtuahpui em a ka rilru a hah ani. " phone ka kenglo a " a tih leh lek phei chuan ka melh rum viau tawh a ,a chhugten an rawn biak a hlauh vang ni in a sawi bawk . Mimii'n thingpui a lum a ,a bul dawhkan kil chuan kanlo ti ti mawlh mawlh thung a " in hahthlak emai" ka tih chuan " kan tum lawk pawh a ni biklo.. Kanin hau kha min thlem a ,ka lungawi duh mai bik lo a .Zanlai ah pawnah min lo nghak tlat a a haw duh silo a ,darkar hnih dawn a din hnu khan ka khawngaih a ka va chhuak a ,in be lawk ang a tia kan inphur chhuak kha an in ah min hruai ringawt alawm " a ti sap sap a .



" I duh ve vang hrim hrim anih chu, duhlo la chu i tang thei lutuk " Mimii'n a tih chuan " duh chu duh a ,mahse inruk kher chu ka ngaihtuah lawk biklo .Ka zirna laklawh zia pawh in hriat kha chuvang a nia palai lo tirh a tum pawn ka hnial ni , mahse a nih nih kan ni tawh a ka phatsan lo ang " a tih sap sap chuan ka pawm khawp mai.


" A chhungte an fel em?" ka tih chuan a bu nghat a " U Sangpuia chuan phone atangin a nau a fiam zuk zuk a , a pui no hruai lai ila lut dawn emaw tih lai in a tia " tiin a ner zui nang nang a , " U Thanpuii pawh a fel lutuk " a ti leh a , U Sangliana nupui ania Thanpuii chu keini ai a a upat na a tam vak pawn ka hrelo.



Kan thutak viau laiin Mimii chuan " Lalzaipui nizanah in ti em ?" a rawn ti thawr a , " eng maw ?" Zaipuii'n a rawn tih chuan " hrelo der vel suh , i rawl thum em ?" te chu a ti tak deuh deuh a a mak thin ania . A zawt chiang bawk si a sawi peih bawk si a tawpah phei chuan Zaipuii chuan a lu a bu ta ngawt a .Rosangzuala alo haw tak vangin thildang kan sawi a , an awmdan ka hmuh chuan lehlam takah chuan an awhawm ka tia , tun a an hlim ang hian hlim reng se ka duh bawk .




" Rosangzuala nizanah i che na viau ani maw ?" nui ruh ruh pah a Mimii'n a tih chuan Zaipuii'n alo nghawk zauh a pakhat lah chuan " chaw bel bul a tamchhawl te chu kan duh bik nang " a lo ti sam mai a, Zaipuii chu a meng no lo thin khawp mai.



Thingpui in zawh chuan keini pawh kan haw zui a ,remchang a leng leh tur leh a tuk tlai a chww ei turin min sawm zui bawk a , chaw eikhawm an ti a ni awm e .


Show post links
Top

[Ngaia]

Uire Nu Fanu - 9



Zanriah kan ei dawn chuan Lawmtea'n chaw vil a chuh tlat a, " chaw tuilo lai hlir min khwwrh thin " a ti mauh mai. Chaw a duhtui lutuk hi a buaithlak thin khawp ,chaw lo chhum fuhloh palh phei chuan a sir nem zawng zawng a paih vek zel a ,a buaithlak thin khawp mai.


School chanchin sawi in ka nau tawng kan ngaithla a ni ber a , an school a thilthleng leh lar deuh hlek a sawi chuan kalo nuihpui leh thin a . " Kan school kal lai a lar ber i hre ve duh em?" putea'n alo ti khauh a , " enge ni?" ka lo khalh vat a. " Eleee , Sangzuali leh Rosangliana " tiin a nui vur vur a ." Sawi takah chuan an mak ve ngawt mai, innei tur ah vek kan ngai tawh kha nia ,khuanu ruat loh hi chu" ka nu chuan a lo ti ve khauh a ka hrechiang chak khawp mai.

" Ti nge an in neihloh ?" ka tih chuan ' ka hrelo le " ti in min chhang a . " An tleirawl chhuah hlim hlawt atang khan anin kawp ve chawt a , an hmel kha a tha dun sia unau emaw thian inkawm ngeih deuh kha an ang ber a ,hun a kal a kal a Sangliana zawk khan Lalthanpuii nei ta daih a , tinge maw Sangzuali hi pasal neih reng reng a tum ve loh ni. Mi lah hian Sangliana vang a pasal nei theilo ang ten an chhuah a , kawng a in tawh chang a pangai tak a an in biak pawn thenkhat chuan ngaihkawih tur an lo hmu thei zel a " a ti leh duah a .


Rosangzuala leh Zomuansanga ka ngaihtuah a an u te pahnih nunhlui hre ve awm pawhin an awm ngailo.


Tlai lam a chaw kan eikhwwm tur thu ka sawi chuan alo remti viau a ,Zaipuii chanchin pawh kan sawi zui ve duah a a inchhir mai a hlauhpui ve viau in ka hria . Mimii alo leng phei a a khat tawkin anu chuan tukverh a dakin a rawn ko leh thin a ,ka thiannu chu haw pawh a tum chuanglo . Kanin hnaih bawk a anu ang leh hlak hlak thin pawh kan hre phak reng .


Dar 2 velah Rosangzuala te in a kal tur chuan kan chhuak a ,Nu Rami dawr ah thil lei in kan peng kawi leh rih a .Jojoa leh an thenawmnu an lo awm tel ve a ,Nu Rami chuan minlo be sawk sawk a ,an thenawm nu erawh a la tawng reng tho a. " An nu hi a duh leh lutuk a a thu a kawi a ngil hian a zawm duan duan a ,khawngaih ai mah hian ngeiawm lamah a kal a " a ti hlak hlak a . " Ni chiah mai kei ka hlauh zawng tak ani, harsa tak hian fa te kan enkawl puitling te te a nga nupui tha lo deuh an nei anga ,nu leh pa ngaihsak lek lo hian an khawsa ang a . Hmeichhe tha lo zawng an buaithlak emai" Nu Rami chuan alo ti ve bawk a . A nu bul a thu Jojoa chuan nui suk suk pah hian " kan dam anga chutiang te chu kan nei bik nang tiraw ka u Ram " tih pahin a nu hnung ah a beng thuk thuk a , nu Rami chuan a melh rum viau a a fapa lah chuan ngai pawimawh lo zetin a chhuahsan nghal nul nul a .



Kan thlen chuan Zomuansanga te thian ho an lo kim thap mai ,an tel ve ang tih reng reng kalo ngaihtuah chang miahlo. Ar an lo puah mek a an buai ve khawp mai, Zaipuii chu an tir kual sek a , tui lo suak teh an tihloh leh zial an lam a kan hmel an hmuh rual chuan " nula mawng zangah kuhva zu lei teh " Mimii en chungin Davida'n a lo ti hmanhmawh a ,ka thiannu chuan a hnial ka rin lai in thuawi deuhin a kal zui ve mai bawk a .


Zanin ah Zaipuii chu a chhungten lo hruai an tum ani awm e , a haw phawt ang a palai nen an umzui tur thu Zaipuii chuan min hrilh leh sap sap a ,sawipui vak dan a vang khawp mai. Eirawng bawlna bul a ka thut ve reng lai chuan Mimii kuhva lei pawh alo let a ,Davida a pe mai dawn emaw ka tih laiin a semkual a ,an ei vek avang chuan ka ban ve ta ngawt a .Kuhva ka thial mawlh mawlh lai chuan Lzi'n minlo video call tehmial a ,kanin kawm nasat tawh avangin min ngaina ve riau a. Call ka lak rual chuan a rawn nui nghal var var a , a sam half cut leh a ha var nalh lutuk mawlh mai hi a in hmeh ani.


An kal na hmun min lo entir a a nawm hmel lutuk, mit tlin tawk a hmuh tur serthlum kung a awm a ,a rah nasa viau bawk. December kan chuangkai tep a serthlum rah chu a hun ve tawh reng , a hmun a zawl bawk sia a fai bawk nen ka kal chakna zawng tak ani. Serthlum rah te chu lo si lo hian a han khawih vel a , " tinge min hruai ve loh " ka tih laiin " Lianzual khang lai ah te enge i tih ve ?" mimii'n a lo ti a , " ka vlog" tiin a nui vur vur a. " Minlo hawn ve rawh " ka tih chuan a phur khawp mai , " tlai ah ilo lam dawn nia , ka unau ten an hmu ve chak che " a tih chuan ka lam tur thu ka sawi ve mai bawk a .


" In bengchheng sawtah va be ru" Zomuansanga'n a rawn tih hluk chuan ka melh rawm rawm a , kalsawn lo in kanin biakna chu ka ti tawp ta zawk a .Mipa ho chuan rawngbawl an chuh tlat a an phur sur sur bawk a rin ai tak chuan an laktlak . Tukverh a ka dah lai chuan nula leh tlangval ni ngei tur hi bike ah an rawn inphur a ,ka en chian chuan putea te an ni tlat in ka hria . " Putea a ni in ka hria " ka tih chuan ka bul lawk a ding Zaipuii chuan " Rdi anih kha hmeichhia kha " a lo ti ve mai bawk a.

Ka chaw ei chu ka puar viau a chaw ei na kan seng fel hnu chuan inchhung lamah an la ri laih laih a , bathlar thlanglam kawngpui lan theihna lamah chuan boruak thiang dawng turin ka chhuak ta daih a .Boruak chu alo dai nuam viau tak tak a thlang lam kawngpui chu ka thlir dauh dauh a , he hmun a nunbul ka tan ve ta mai hian mak tihna min la neihtir fo a , chutih rualin ka pa huatna ka nei tawhlo a ka ngaituah viau bawk. Hun harsa tawkin enge maw harsatna nei palh se a nupui leh fa chhawm khan an ngaihsak in ka ring miahlo.Kha inchhung a a thisen zawmpui awmchhun khan ka kal bo san tak avang hian hreawm a ti viau angem ,a nupui leh fanu khan an hmusit phah mai lawng maw ? Chuthil chu thiltha lo ber ani ngei ang.



" Lianzuali ka hriat lai a i biak leh chuan a pawi viau ang " rawn ti sup tu chu ka en vat a , ka bul a alo din lai reng ka hrelo. " Engtin nge i tih ang a ?" tia ka zawh leh chuan ka rin loh dan daihin min chhang a " ka hnek ang" a ti chhang deuh bawl a " a pa lo e " ka tih chuan a ner sawk a . " Ka pa em chu " tiin a nui leh suk suk a ,nuihpui ve chi pawh ni nghal lo chuan.


Ka hnung lam atang a min rawn kuah chuan ka hamhaih viau a , tal chhuah mai ka tum chuan min kuah nghet sauh a, " minlo hmu ang e " ka tih chuan hria ang pawn a awm lo. Remlo deuh a ka va hawilet chuan eng in min chhun pha lo a mahse kan hmuh theih tho chuan ka hria, tukverh zawn a kan awmloh vang erawh chuan min hmuh maitheih ka ring biklo.

" i puar em?" ka beng bul a rawn kun hniam in a ti sup a , a tawng zawng a ka nghawng lum hak chu ka hre rang hle a , ka beng zawn a a rawn tawng danah a rawn kun hniam viau a nih ka ring. " Hetia awm hi nuam i ti em ?" a rawn tih leh chuan ka en chho vat a , " ka bialpa ni la chuan nuam ka tih ka ring " ka ti sap a ka zak ru angreng, alo dawnsawn dan tur ka hre miaulo a. " Ka hmeichhia nih i duh em ni ?" alo ti khauh a , kha maw hmeichhia zawk in tan ka la ani hawt alawm.


" Duh miahlo " ka tih chuan ka chhip ah a khabe nghat in a rum nghut a , " timaw ? ti hian ka kuah ziah thei dawn che asin " a tih leh chuan ka in humruh viau a . " Mi ngaihzawng ka chuhpui ngailo " ka sawi zawh rual chuan college a Zonuni nen an in zui te ,an inphur laite ka ngaihtuah nghal a ka thinrim teuh mai. " ngaihzawng ka nei miahlo " a tih chuan ka ner nak a " ka bul ah chuan i neilo ani mahna " ka ti hap a . " I ngaih ang a mipa ler ka ni miahlo " a tih lai mekin " ngawi teh , in sawithiam nachhan tur a awmlo ania " tiin ka in la hrang vut a , Mimii min ko thawm ka hriat vangin ka luhsan thuai bawk.


Haw mai an rawt a zan lamah inleng an neih dawn vangin awm ve reng chi a ni silo a, kan vai in kanin zui chhuak a Zaipuii te pahnih chuan pawm thleng min thlah a ,a thiante chuan Rosangzuala chu an fiam zuk zuk a " hawihil dawn hle mai, ilo tem vir ve tawh ting tang sia " an tih chuan a nui ve suk suk mai.


Henrya chuan " nula ka rim dawn " tiin min pensan vut a , " ha pawh ila nawhloh kha " ti a Davida'n a auh lung lung pawh chuan a lo hawi let duh derlo. Ka bul a mi te erawh chuan an nuih kur kur a ,kawn kan thlen chuan putea leh tlai a hmeichhia bawk kha ka hmu leh a min hmu ve lo a nih hmel.An inphurh chhuah thleng chuan ka en reng a " U Rinsanga khan kanin then tawh a ti ve sia " Mimii'n a lo ti ve chiah bawk a . Dawr ah Mimiin leh Davida an peng a pawnah dingin kan lo nghak a , Lzi message chu ka chhiar pah a serthlum chu minlo hawn tak tak pawh ka ring miahlo ania. Minlo hawn a tlaiah kan in ah a lo dah thlap tawh a ni awm e . Lawmthu sawina ka thawn let lai mekin " serthlum i duhte chuan ka pe ve thei reng che " a rawn ti sup a .



" Zomuansang , nge ka phone ilo en " ka tih chuan " nge ka hmuh theih ah i ken " a ti ve hmuk a . " A mawilo " ka tih chuan ka ner sak a " i thinlung kha serthlum nen chuan thleng lul suh ang che " a ti fahran a , chhan ka tum mek laiin " in neih a in ang chiah tih hre bawk ang che " a ti leh kher a, ka chhang buai peih tawhlo.


Mimii te lo chhuah hnu chuan peng kawi tawhlo in in ah kan haw zui a , inchhung ka luh chuan alo reh thap a . Ka nu room a luh mai ka tum lai chuan a tawng thawm vangin ka ding dat a , khumah thu in thawmnaw a thlep pah a a phone hman chu speaker a on bawk a ,a mi biak chu ka pa ni tlat in ka hre bawk a . Min hnungchhawn zawng a a thut vang chuan min hmuh ka ringlo , room a lut lo in pawn lam bang hrul ah ka ding zui a ,mawilo viau mahse ka ngaithla ta reng a .


" Uire ti a kawh rawn ka tawh lai ka mualpho lai ber khan ka bul ah awmin min nuih sawh ani lawm ni" a tih ri chuan engtin maw tak hian ka awm a ti nuamlo a ,ka rilru ana veng veng mai. Speker ah a dah tawhlo nge ni lehlam tawng chu ka hre thei tawhlo a , " hmangaih vangin ka neilo che em ni ?" a tih leh chuan lehlam a mi thusawi chu ka hre chak viau mai.


" An pa i nia lawm , nang lo i fa te hian pa an nei hleinem " a tih lai a a aw ki chu a dam leh viau lawi a . " In be fo lo teh ang , in nu lakah a inthlahrun awm" ka nu in a tih leh chuan ngaihthlak zel chi ni in ka hrelo a thawm dim zetin ka room lam ka pansan ta zawk a .


Show post links
Top

[Ngaia]

Uire Nu Fanu - 10


"Ka nu leh pa chu anlo in be reng thin em maw ni aw " tiin mut hmun thleng chuan ka ngaihtuah zawm zel a , thil ni thei ani chuan ka hre silo. Zaipuii message ka chhiar rual chuan ka thu chhuak hlawl a , " ka nu chuan a mah ber alo haw tawh a tikhan a tawk ,class kal zawm se inthlah rih se an la naupang a " min ti a , a tih chuan ngaihdan ka nei thiam lo a ,an nufa inkar ani tawh in ka hria . " Nau ka pai thu ka hrilh a " a tih chuan " nau i pai em ni ?" ka ti vat a , " pai lo" a ti bawk si ,a rilru tur ka hriatthiampui ruak tho na in dawt sawi chu a dik berin ka hre theilo ani.


Nau an pai tawh ber a hnu ti in remti an sawi lo thei ta biklo a , an hmanhmawh ta chuk chuk a ni ber a . In neih hun atan thla thar chawlhkar hmasa ber an ruat nghe nghe a ni awm e . Inbuatsaihna hun a tam lo bawk nen Mimii nen Zaipuii te in lam ah kan va phar buai ve viau thin a , Zaipuii nu chuan a khat tawk hian " in thiannu ve hi zawng a laktlak loh lutuk a " a tih loh leh " in va fel tak " a ti leh hluai thin a , a inthlahrung viau bawkin ka hria ..


Putea Aizawl ah a zin a kan nufo ho in kan khawsa rih a ,cham rei a tum vak loh avangin thawmhnaw pawh a keng tlem angreng a ,a duh ai reng cham a ngai leh si chu a ral atangin a rawn phun leh nuah nuah thin a , a zia lo tak tak ani. " I nu Matluangi te nufa an chhuak a ni awm e , i pa'n minlo hrilh a " tukthuan ei lai a ka nun a tih chuan mak ka ti viau a , ka pa chu mahni chauh a awm tur chuan ka ngaihtuah riau a , nu Matluangi te nufa chu ko haw leh mahse pawi ka ti lemlo.


" Nu Matluangi te nufa chu ko leh mai se " ka tih laiin " a an buai na kha a lian tham ve deuh a ni awm e , i nu chuan a fanu tan i pa pension a beisei a " a tih chuan ka ngaihtuah loh lam tak ani. Ka pa chuan kum 5 lai service a la nei a , pension vel a lo buai chuk hun a la ni chiah pawn ka hrelo. " I pa chuan a remti lo a , in leh lo nise fa pa ka nei a a ti ve tlat a . Matluangi fanu tan a dawr siam sak a tum lahin dawr chauh chu am lungawi pui thei nganglo a " a tih leh zet chuan ka thinrum lutuk chu ka in humruh teuh a , ka sa pup pup thei hial mai. Ka lo rinlawk ang ngei in hmangaihna vang nilo in ,pawisa leh nawmsakna chauh an lo um a nih pek chu.



Tlai lamah putea alo thleng a a hmel a dik zanlo in ka hria , ka zawh chuan a nui mai a , ka ngaih erawh a tha thei hauhlo thung. Zanriah ei laiin ka nu bulah " Zuali khan nau alo pai tak tak alawm " a ti nghut a , " a ang ka ti reng ani , kan training tum a ka hmuh khan ka ringhlel a ,mahse an reh zui ta mai sia ... A fa pai na pa nen chuan an in nei em ?" ka nun a tih leh chuan putea'n a bowl dah deuh sawkin "ka u , midang fa a ni hleinem " a ti leh khawl a , chutia a sawi chu mak ka ti hranlo kan chhungkua chuan thuruk kan nei ngailo a , ka nu pawhin hau kan ngaih chuan tlang takin min hau mai thin.


" Enge awmzia ?" a ti leh he haw a ...


" Mipa naupang chu kum thum ani tawh " a tih leh chuan ka nu chuan a en rang hle a , an sawi ka hrethiam hauhlo. " mi pa naupang ,kum thum " tih vel an sawi chuan min ti bangbo hle tawh.. " In lo ti ve ngei a ni maw ?" Hruaia'n a lo ti ve khauh a " ngawi rawh ,chutiang te naupang sawi awm pawh a nia mi?" ka nu chuan a lo ti hlak a . " Thlahthlam ka tum miahlo " putea'n a tih leh fak chuan ka hrethiam ve deuh kuar kuar tawh a , mahse tunge Zuali chu ?.


Putea chhuah hnu a ka nu ka zawh chian chuan a sawi tha duh leh khawp mai , " kan thawhpui thin a nia ,Zuali chu i putea nen khan an lo in hmel duh khawp a mahse Zuali te kha an awm thei a , kha tia thingtlang a awm tir reng kha an phal lo a ,kum khat lek a thawh hnu in khawpui lamah an sawn leh thuai a ,i putea pawh a rawn be pawp tawhlo a ni awm e . Nau a pai kan ring a ,ka rinhlel ti zual tur tingin Aizawl ka kal khan ka hmu a , a pum puar rihlo mahse nau pai a ang ka tia mahse engmah chanchin an rawn nei silo a , ka hriatsual emaw midang fa anih ka ring ta a . I putea lah khan a tlawm la ve a , a biak zawm duh tawh ta biklo a . Hei kum thum nge kum li lai chu a liam ve tawh a , engtin nge an zuk in hmuh chhuah leh dawn ni.



Kan sawi takah chuan palai tirh te pawh a ngai ve dawn a , an rem thei hlauh anih chuan rial rei chi a ni dawnlo a , naupang fahrah tir hi a tha lo emai" a ti leh duah a , ka nu hi chu thil zawh a manhla thei nia ,min hrilh leh teuh zel mai.



Karleh lamah an zuk leng nghal rum rum dawn a , kan palai tur te pawh ka nu chuan a hrilh hre tawh a ,ka nu putea leh Ruata an kal dawn a , a remchan chuan kan thenawm ami Pu Siama'n a zui ve dawn bawk a ,in chhungkhat ni lemlo mahila kanin ti tha viau a ,chhungkhat lo chhungkhat ah kanin siam ka nu chuan a ti mai a , a mah Pu Siama tak pawh hi a fel ka ti thin .


Zingkar a Mimii lo kal chu a phur leh tawh khawp mai a , " khaw thenawm ah Nu Rami sangha va peksak lawk ang " a ti mauh mai. " A tam lo ,in sawm velah bak pek a ngailo . 300 ve ve ka pe ang che u a ti " a tih chuan " a hla lo ami?" kalo ti vat a , " hla nang khaw thenawm te chu km 1 leh a chanve chauh a lawm " a tih chuan ka hnial duh ta biklo a , tih tur em em ka neihloh vang chuan ka nu pawn a sawisel hranlo .


Putea chu ka chik ru viau a phur hmel leh hlim hmel a pu hran miahlo a , chutih rualin zantin a leng chhuak a Rdi te in lamah a kal thin tih pawh ka hria a , a khat tawkin phone hmangin tu emaw a be thin bawk a . Rdi lakah a inthiamlo a mahse a fapa leh a nu lakah mawhphurna lak ngei a duh a , chu chuan a rilru a tibuai ni berin ka hria . Ngun tak a a ngaihtuah hnu ah chauh thuthlukna siam se ka duh a , tawngtai tam se , a hmalam hun a tan theihtawpin Pathian rawn se ka ti a , keipawn ka tawngtaipui fo a , achang chuan Zuali zawk chu ka dem lek lek fo a , putea rilru a tibuai lutuk chu ka ngaihdan a nilo thin. Ka rilru lehlam erawh chuan eng harsatna nge a tawh ang tiin ka ngaihtuah nasa thin.


Chaw eikhamah ka scooty in Mimii nen kanin phur chhuak a , khaw thenawm chu a lo hla vaklo tak tak a , Mimii chuan hmelhriat a ngah khawp mai, kan sangha pek na te nen pawh in pawh tak in an in be thei zel a ,a kal zing viau tawh a nih ka ring . In pahnih vel chauh sem tur kan nei tawh avangin dawr ah kan thu chawl a , a nghak tu nu lah chu a tawng duh em em lehnghal a , kan ti ti mawlh mawlh laiin Mimii phone a lo ri a , a kalsawn deuh avangin ka ngaihsak zawmlo. A lo let leh chuan a hmel a dik zanlo a " Lizzy , u Sangpuia a boral " a rawn ti thawr a , " maw " kalo ti hluai a a sawi erawh ka hrechiang viau.


" Zaipuii'n minlo be zo chiah a , a hnathawhna hmun atang a ruang alo la thlenglo " a tih leh chuan ka rilru ah Rosangzuala alo lang hmasa ber a , mipa mah nise ka ngaihtuah takzet .Dawr nghak tu in thil awmzia min zawh chuan chhan mai dan tur ka hrelo , engtia boral nge anih takngial pawh kan hrelo. " In sangha kha chu dawr ah hian dah mai ula , naupang tirh tur ka lo zawng mai ang " dawr neitu chuan a lo ti hlauh a . " Nia kan dah mai ang, haw vat kan ngai a kan thianpa u ania , a damloh pawh ka hre silo a a mak ngawt mai. U Sangpuia chu ka van khawngaih tak ,mak ka ti bawk sia hnung lam a sa barh ang mai alawm " Mimii'n a ti hap a .


" Uii a , Bawihi hnung lam a sa barh te chu thil lawmawm lampang sawina alawm " dawr neitu chuan a lo ti zauh a , ka nuih a za khawp mai. Awm khawmuang tawhlo in kan haw zui nghal a , in kan thlen chuan ka nu pawh a lo awm tawh a . " Han chho ve vat rawh u , veng chhung a ni bawk sia a tul tul han ti ve bawrh bawrh ula " a lo ti sawk sawk a . " Nu Mahriat eng na nge a ?" ka thiannu chuan a lo ti hmahmawh a , " tukin zing khan a pum a na a , pum na satliah emaw an tih laiin chaw eikham pawn a zia theilo a , a thiannu in a awmpui a a nat zual deuh vang khan damdawi in pan an rawt a , damdawi in a thlen atang a rei vaklo ah a chat zui mai an ti , a khawngaihthlak emai.


Chhungkhat awmlohna a hna a thawk a , nu leh pa unaute dawm hlum takngial pawh a hlawh silo , a nu leh pa chu an kal a mahse an thleng hman lo a , a thiannu buaipui tu lah khan a tuar an ti viau mai" a tih leh chuan ngaihtuah a thui khawp mai.

Rosangzuala te in kan han thlen chuan pawnah Zaipuii'n minlo nghak a , a tap nasa aniang a mit a sen ram a ka khanwgaih viau laiin " awii, i tap ve ringawt alaw ? i u pawh a la nih chian loh kha " Mimii chuan a ti sur sur a . " I ninawm ,an tap vek a tah loh bik a nuam hleinem "pakhat lah chuan a lo ti hlak a .Inchhung ah chuan an zai tawh a , tihtur tul ang pawh an lo ti vek tawh a , a in thlahrun awm viau . Thingpui lumna lamah kan phei a , Zaipuii erawh Rosangzuala a ngaihtuah vangin a lut leh thuai a keini pahnih chu kekawr kan hak vangin lut ve lo in thingpui lumna ah kan va puih ve zawk a , eirawng bawl te pawh a ngaih ka ring. Thim rual velin ruang pawh a lo thlen hman an beisei a,YMA member a nih angin yma member ten pawndum nen a lo hmuah tur an tih vangin Mimii nen chuan hawn leh phawt a , ruang thlen hun a kal leh kan tum ta zawk a .


Ngawi reng a haw tawp ai ah tiin inchhung ah kanin zui lut leh hnu hnawh a , Zaipuii emaw Rosangzuala hmel pawh ka hmulo . Mimii kalna lamah ka kal ve zel a , room ah kanin zui lut a , Zaipuii te pahnih bakah Zomuana leh Davida leh Henrya an lo awm a , Rosangzuala chu a meng sen rum a tah em zawng a tap lo in la hria . Ngawi rengin an bulah chuan kan thu ve ren rawn a , ka sana bun lai ka bih zauh chuan a lo tlai tawh viau mai.


Rosangzuala bathroom luh lai chuan Zomuana chuan Davida melh zauhin " ruang a lo thleng tep tawh ang , duh leh Mimii nen hian zu haw ula tlaivar turin inlo insiam nghal ang a ,inlo let hnu ah Lizzy nen kan inthlak ve ang a , kan haw rual diak chuan a tha lo ang " a ti charh charh a . Hnial en ah tuman kan en lo , Mimii leh Davida chu an in zui chhuak a , Henrya pawh chuan a zui ve bawk a , Zaipuii te nen kan pathum chuan kan thu ngawi ran a . Rosangzuala lo chhuah leh chuan a tlai ve angreng tawh a , ril erawh a tam thei meuhlo.


Ka nu phone in chanchin ka hrilh a ,min ngaihtuah lo turin ka ti bawk a . Chaw ei zawk tur in min chah ngun viau a , ka haw zuai tur thu ka hrilh ve mai bawk a . Mimii te pahnih lo let hnu chuan muangchang tawhlo in Zomuana nen kanin zui chhuak a , mi an lo thahnem viau mai. Zomuana bike in kanin phur a ,kan ngawi dun rauh rauh a side glass atang a min melh leh zauh thin pawh chu ka hrereng. Kanin kawt ah min drop a , minlo lam leh tur thu sawiin a kal leh thuai bawk a .


Chaw chu tlem te tak tak chauh ka ei a , a tlai deuh tawh avangin ka insiam zui mawlh mawlh a .Ka nu lah chuan min zui kual sekin mitthi in a awmdan tur min hrilh mawlh mawlh a ,mihran daih boral chu nise ka nuih nasa ngawtin ka ring .


Zomuana'n minlo lam leh chuan khua a thim ruai tawh a ,U Sangpuia pawh an lo thlenpui dawn tawhin ka ring. Rosangzuala te in peng kan thlen dawn lai chuan motor rawn in zui duah duah kan hma zawn a tlan chu ka han hmu a , kan nghah ngei chu an nih ka ring. Kawng sir rem laiah bike chu dahin ke in kan chho a , kan hma a motor tlan te pawh kha an lo ding tawh a ,an in hi compound hran a neih avangin compound a tlan lut lo in kawng sir zau laiah lirtheih a ding nual a , kan hma a motor ding atang chuan U Sangpuia rwwn zuitu te pawh an lo chhuak tak tak a , an hnung deuh atang chuan Zomuana nen kanlo thlir ve reng a .



Kuang chu zawnin an in lam an panpui a ,a hnung ah mi thahnem takin an zui a . Kan kal chho ve zel a, kan hma daih a Rosangzuala nu tap rawng rawng thawm chu hla deuh mahse a chiang viau thung a ,YMA member pawndum nen a lo ding te pawh chu an in hru leh zauh thin a . " Ka fapa, Sangpui , i thiante hi en teh an lo hmuak che nia , an zahawm i ti lo em ni ?" .. Bawiha in kan thleng tawh a nia , i nau in alo hmuah che hi .. Sangzual , i u Mama a awm tawhlo " a tih ri te chuan min fan rawih rawih a , ka chanah ka dah a a nat dan tur chu ka ngaihtuah thiamlo. Ka awmdan chu a hrethiam a ni ngei ang Zomuana chuan ka kutah a lo chelh vat a , a pangtilum ka tawh rual chuan ka hahdam hliah hliah mai.


Zan dar 12 tlang ah pawh nula leh tlangval te chu an zai thap thap a , chutih lai mekin Rosangzuala nu chu a tap leh hawm hawm thin a , awmngaihna a hre lo ani ber e . A fapa hmai dang bel tawh chu a khawih a , a chul leh thuak thuak thin a . Rosangzuala pawh a mit a sen vek a, a thaw chhuak leh hawk thin. Sangpuia thiannu ti a an sawi nula chu ka lo en leh zauh thin a , a mittui a hru leh thin a . Sangpuia nu ang in tap ve hwwm hawm lo mahse a mittui hul lai reng ka hrelo, ka en apiangin a lo luang leh ngiai ngiai thin.


Zomuana te thian ho leh kei ni thian dun chuan Rosangzuala kan thutpui a ,Zaipuii erawh an monu chei deuh bawk nen keini ai in a thut hnai lehzual a ,a hmuchiang viau in ka ring. Ka hawi kual thuak chuan kan ep chiah a thutna lamah chuan Zomuana u Sangzuali kha ka va hmu a , minlo en ve chiah avang chuan ka nuih ta ngawt a ,a ni pawh alo kiai ve sak a , ka hawisawn zui thuai bawk a . Zing dar 3 leh a chanve bawr velah pawn lamah thawm a rawn awm a , ka va hawichhuah chuan mi panga vel leh Rosangzuala pa rawn in zui lut ka hmu a , an hnung ah midang in an rawn zui bawk a .


" In sawn ang u " Zomuana'n a tih chuan thutna hnunglamah chuan kan thiante nen chuan kanin sawn a , kan langsar vak tawhlo a " tute nge a ?" tia Zomuana ka zawh chuan " U Sangliana a nih saw " tih pahin hmalam a en ngur a ka en ve chuan kan lam pan a lo kal mek , palian leh hmeltha vur mai chu ka hmu zat a , U Sangliana chu a ni tih ka hrethiam nghal . Hriatchhuah ka neih vangin U Sangzuali chu ka va en vat a , U Sangliana hmel chu a lo en vang vang a nih chu !


" A va hmeltha ve " ka tih sap chuan ka bul a mi chu lo kun hniam in " ler suh , mi pa anih hi " a ti sup a . A sawi takah chuan U Sangliana nupui U Thani kha ka hmu miahlo , an fapa pawh ka hmu loh vang chuan nau a mutpui a nih ka ring. Midang lo lut thar ve ho chu an cousin te Aizawl lam a mi an ni awm a , USangliana an nghah vang a lo tlai an ni awm e .



" Mama , Sangpui .. Tho teh , i U a lo haw nia, tho rawh.. Lo lawm ta che , i u i ti hrilhhai emai" tiin Sangpuia nu chu a tawp hawm hawm a , a bul a nula thu ve kha alo in sut hlawp hlawp bawk a . U Sangliana chu a nau kuang bulah chuan thingthi in a hmai ah a khawih a , " Bawiha " tiin a phun sup a . Tawng zawm theilo in a ngawi reng a " Sangpui " a tih leh chuan chhang tu tur awm tawh heklo , a nau chu engmah hrelo in a awm ngaiin a awm reng a .


" Bawiha , kalo haw hi " ti in a thaw chhuak hrawi a , hmuh hreawm ka tih em vang chuan ka bul a thu Zomuana chu ka ngheng deuh rawk rawk a , " Sangpui tho ta che .. Min ngai lo em ni ? I u ka lo haw hi " tiin a mittui a luang pap a . A nu chu a tap uar sauh a , " ka fapa , engtin nge niang ? tho tawh teh ... Ka mang a ang emai, Sanglian i nau hian min kalsan tak tak a tum a niang " tiin Sangliana chu a tah khum hawm hawm a , an bul a Rosangzuala mittui far zung zung ka hmuh leh phei chuan awmdan ka thiamlo a , awm ve dangte pawh an mittui a tla deuh vek tawh.



" Mama tho rawh " tiin U Sangliana chuan a nau chu a sawi leh nawk thin a , awmzia erawh a nei lemlo thung. " Khaw eng a lang dawn Bawiha , ka fapa duat tho rawh ... I tello chuan engtin nge ka awm ang le ? ka dam zo lo ang , engtin nge ka tih ang ? .. Ka fapa hian min chhang theilo , ka biak mawlh mawlh pawn min chhang duhlo U Tluang engtin nge kan tih ang ?" tiin a pasal chu a va melh leh thin a . Pa Tluanga U Sangpuia pa pwwh a in ti pachang thei meuhlo.


Khua a lo var a ,lusun chhungte tan erawh an hreawmna tizual tu chauh ani.



Chawi eikham a kan han kal leh pawh chuan an chhung zing a mi chuan tuman chaw an ei duhlo a ,Zaipuii pawh ngaihtuah hlawm viau mahse a chhungte chuan an hruai haw thei biklo.


" Khawvel hrewwmna leh natna te a tawrh ve phal tawhlo in , a rin Pathian chuan a hnen a awmturin kan fapa Rosangpuia hi a hruai hmasa ani. Vui thei kan nilo a , rethei ,riangvai ,chanhai te Lalpa ,lei leh van siam tu leh engkim chung a thunei tu chuan kan fapa hi a ma rawngbawl tawh turin , natna a tawhlohna hmunah kan fapa hi a hruai hmasa ni " ti a Rosangzuala pa thusawi chuan min hneh viau a , mahse chuti chung pawh chuan thihna chu ka nel phah der chuanglo.



Kuang an chhin dawn meuh chuan an tap uar sauh a , " ka fapa ... Ka la phal lo " anu in a tih vawng vawng karah chuan " Bawiha , Sangpui .. Ka nau " ti a U Sangpuia an ko thawm te chu ka hre tel bawk a . Mittui tling piau a ka en chuan a boral ta U Sangpuia ai a an tawrh a nep na ka hre miahlo , U Sangpuia nu bulah thu nula tap hlawp hlawp chu ka en reng a , kuang an chhin chu phal lo ni awm tak hian a hmaiah a dawn a , a chal in a chal a sik leh leh thin a tu mitmei mah veng duh tawhlo in a hmui ah a fawp pah bawk a . Nizan atang a a insum nasat zia ka hmu a, tun a kehchhe vek pawh hi mak tihna ka neilo a . A duh ang tak a atap chhuak thei chu ka lo hahdam pui zawk hial a .



" Tho tawh la , Sangpui.. I tel lo chuan engtin nge ka awm ang le ? .. Na ka ti emai " tiin a in sup hlawp hlawp a ,a hmai a hup a ,hup rei theilo in nunna nei tawhlo a mu reng U Sangpuia chu a zuk en leh thin a . " I hmel hmu leh tawh miahlo a awm chu ka thei dawn em ni?" tiin a hmui ah bawk a zu fawp leh thin a . Ka ngai dawn emai che " a tih loh leh a hmai ah khuap in " i hmeltha lutuk " a ti leh sap thin a . A hmel chu tha a ti takzet a ,a luangliam viau bawk ni in ka hria .


Zomuana'n " hahdam rawh " a rawn tih sup chuan ka in thlahdul vat a , Zomuana kut chu kalo hmer ngar ngar chu ni in .


" I awmna hmun ah khan minlo nghak reng rawh aw , ka lo kal ve hunah chuan min kalsan nawn leh ka phal tawh miahlo ang che .. Ka ngai dawn che emai, engtin nge i tello hian ka awm ang le ? I tello in khawvel ah hian engthil nge tihtur ka neih .. Duata , Sangpui ' ka hmangaih lutuk che , i hmeltha lutuk.. Vanah chuan i hmelthat ber ka ring , khawvel ah pawh hian nang ai a hmeltha an awm miahlo ania .. Minlo nghak reng ang che " tiin nula chu a phun sap sap a , ngaithla ngun viau lo ila chuan ka hre pha pawhin ka ring lo.



Thlanah pawh chuan an tap thawm leh lungchhe hmel ka hmuh theih tawh ngangloh avangin ,haw mai ka duh a Mimii ka hmuh mailoh vangin Zomuana nen kan haw dun ta ngawt a , Zomuana' n min zui chawt tih ka hre ve chiah a , Mimii chu Zaipuii bulah a awm ka ring.In ka thlen chuan ka chau hnawk thei, reilo te tal mu turin Zomuana chuan min chah in a haw zui a , ani pawh a chauh ve viau ka ring.


Ka muhil ka harh leh chuan khua a lo tlai ruih tawh a ,tho chhuakin ka inbual harh a ,Lawmtea chauh alo awm a midang chu enge an tih pawh ka zawt buai duh hranlo. You tube ah story a lo ngaithla a , a tawp leh chut thin a a tawpah ka ning deuh chuan " play tha ta che " ka va ti thawr a , " signal a chhia lawm le , engmah hre mang silo . " a lo ti hluk a ,vin khur khur mahse a thinrim lo tih ka hrechiang viau a ka chhang duh tawhlo.


Zanriah ei laiin putea chuan Zuali chungchang bawk a sawi leh a , in hruai tawp an duh thu a sawi laiin ka nu chuan a lo remti ikhaw lo mai a , " biakin ah in in vuan ve ang chu , vawk pawh Pi Thangi te ta kan lei zawk hi talh rual a ni ve tawh a , mi te ang bung bungin ti theilo mahila kan phak tawkin kan ti ve ang chu le .. " a ti sap sap a , " inneihna hi chu a ropui asin , nang hi pawh kum tam a liam tawh a dan khat na a inneih in duh pawn kohhran ah re - marriage lisence pawh adil thei a " a sawi lai mekin " fa neih tawh hnu ah te chuan a zahthlak " putea'n alo ti hlak a , ka hrethiam khawp mai.



Zan lamah YMA hun a la nih vangin khawhar in a kal tur bawkin ka insiam leh a , Mimii sawm phei ka rilruk bawk a putea pawh kal ve dawn tho mahse putea zui tawp chu nuam ka tilo a.



Room a ka insiam lai chuan ka nu in min rawn ko a , ka thianten min nghah thu a sawi chuan hmanhmawh deuhin ka va phei a ,Zomuana lo thu chu ka va hmu rang hle bawk. Sawi buai na chi ni hek lo le kanin zui ve leh ta pauh a , ka nu pawh tha deuhin min thlah nghe nghe .


Mimii chu Davida rualin a lo kal daih tawh a ni awm a , engmah sawilo a alo kal daih chu ka ngei dawn dawn a mahse a ngaihzawng ania a thlahlel ve anih chu ka ring tho bawk a .


Show post links
Top

[Ngaia]

Uire Nu Fanu - 11



" Cigarette ka lei theihnghilh daih a lawm le .. Rosangzuala'n min chah a " kan din rual chuan a ti thum deuh dut a . Kan hma ve viau emaw ka tih laiin an lo tan der tawh a , thalai zai rual thup thup chu chhiat tawh vang mah nise a ngaihnawm riau a .

" Khulai dawr ah khan kan zu kal lawk mai dawn mi?" a tih chuan ka melh zawk a , " tah hian kalo nghak zawk mai dawn che em maw ni ?" rawn pah deuh a ka tih chuan min hnial hranlo. Hmanhmawh deuhin a let thla leh vut a a kal chu ka thlir reng a , min ngaihsak hranlo a ka hriat laiin kei chuan ka ngaihven ru viau mai. Kawng lai tak a din chu ka hreh deuh a ka piah deuh a garage lam chu ka pan a , garage kawt thim deuh lai a lo nghah chu ka rilruk a .


Ka thlen phei dawn hnai ah chuan tawng thawm ni awm tak hi ka hre leh thin a , ka hawikual ngial pawn tumah ka hmu hauhlo. Ngaihthat lohna em em pawh neilo in ka pan ta tho a , garage kawt a ding chuan phone ka khawih pah mawlh mawlh a . " Tiang hian awm lo teh , i nupui leh i fapa tan pa tha tak i nih a ngai " ti a tawng thawm ka hriat leh chuan ka bengkhawn rang viau a , ka hriatsual loh chuan U Sangzuali aw ani . Garage chhung ah hian a tawng ngei bawk..


" Nang lo hmangaih ka neilo" mipa aw chuan a ti nghut a , a aw chu ka hriat than anilo mahse rindan ka nei thiam thung. Kalsawn ka duh mahse ka thei tlatlo ,mak deuhin midangin an thawm an rawn hriat a an mualpho ka lo hlauhpui ve em em a . " Nangmah ang deuh hi ka zawng a an vang lutuk a " ti sap tu chu tu dang nilo in USangzuali ani. " Ka nupui then tur a min duh chuan ka ti ang " mipa chuan a ti leh khawl a , U Sangliana a ni tih ka ringhlel tawh miahlo , a mah ngei a ni tih ka chiang em ani.


" Sam sei i inhmeh zawk anih hi " a tih zawm leh daih a , " ka zuahna a rei ve tawh , kum hnih tha kanin hmu tawhlo a i tan thil thar ala nih vang mai anih dawn kha " USangzuali chuan a ti leh charh charh a , kalsawn chu a hun viau tawh mahse kei lo midangin an rawn phawk ka hlau a ,ka veng a ni ta berin ka hria .

" Ka lo kuah lawk ang che chu , ka ngai thin lutuk che a " mipa bawk chuan a ti leh a , U Sangzuali tawng thawm ka hre ve tawhlo. Hmeichhe in sut faih faih thawm ka hre leh a a tap ni ngei tur ani , " keipawn ka ngai lutuk che a , ngaihtuah chhuah loh lai che ka nei mang ngailo " U Sangzuali'n a tih chuan ka lainat a , demna pawh ka nei miahlo anih chu.


" Tap suh.. Hreawm ka ti ania , " Sangte , i duh duh sawi rawh i hlim nan chuan ka ti vek ang " U Sangliana chuan a ti leh a , u Sangzuali chhan dan tur ka lo ngaihchang ran a , hriat hmaih ka hlau takzet tawh.. " I bul a awm ka duh ... Mahse nang chu Thanpuii pasal leh Puipuia pa i nia , min ngaihtuah miah suh .. Hetiang reng chuan ka awm bik lo ang, pasal chhia a tha te pawh ka la duh ve ang a " a sawi laklawh lai mek chuan " mi nupui ni tur ang in ka la ngaihtuah chhin ngailo che " U Sangliana chuan a lo ti rum ul a .

" I nupui ka nih loh hi ka ring ngailo... Mahse , hei tun a kan dinhmun chu heti hi ania , thudang nei thei kan nihloh hi.. En teh , Sanglian hetia ka lo awm ve reng chuan mi te hian in nupa inthen hun chang ang ten min chhuah a , hmai a uanglo thin khawp mai . Hun dangah chuan hetiang lo zawng a in hmuh kan tum tawh dawn nia " Usangzuali'n a tih leh chuan ka lo pawm khawp mai. A thu hrimin U Sangliana pawn nupui a nei a U Sangzuali pasal neih a phal lo ringawt chu a duham ka ti ngawt mai. Inkawp leh se ka duh hranlo a , uire leh mi pa ngaizawng kha an ni mai dawn a mahse , an vanduai lutuk leh in hmangaih em em chung a an awmdun theilo chu ka lo natpui a , engtikah emaw chuan hlim dun ve se tih thlengin a ni ka ngaihtuah ni.


" Ka nupui in sawi a nei em ni?"


' neilo e , bakah i nupui hlau rual ka nih tawhloh hi.. Kan thenawmpa Pu Thanga phei chuan a senior tawh lutuk a zah em em pawh a nei tawhlo Zomuana bulah minlo tia , min sawisa hneh thin khawp mai " tiin a nui hak a . A nui ri te chu a lem ngawih ngawih mai in ka hre leh pek , kalo ngaihbel nghal zung zung zel ani mah zawk.


" Ka bulah lo kal ve ta che " tih ri ka hriat chuan ka insiam rem leh thuai a . " teuhlo... Nupui nei lai i nih hi , i nupui i hmangaih loh pawn i fapa ngaihtuah rawh " USangzuali chuan a ti hlak a . " Ka ta i nih loh hian i mawi zawk " a tih zawm zat bawk a .

" Ka fa a nilo in ka hria "

A thusawi chu mak ka ti takzet , " enge maw i sawi le ?. Usangzuali pawh chuan mak a ti ve ngei a nih ka ring. " Lalthanpuii fa chauh ka thisen a tel miahlo " a tih leh chuan mak ka ti lutuk chu ka tawlh hnung hret a , a thim deuh bawk si hnunglam ka lo ngaihtuah lo nen enge maw hi ka su dawt a , ka tlu mai dawn in ka hria in ring hmanlo a ka ka ka an rual chuan tu maw hian ka ka hupin min pawmsawn dawr a , chumi pah chuan garage lam hawiin a khuh lui deuh kharh kharh a a chezia chu ka hrethiamlo nasa .


Min dahthlak rual chuan ka kal phei hlawk hlawk a min lo zui thuai bawk . " Mi thusawi ngaihthlak ruk dek dek loh tur " a ti nghut a , Zomuansanga chu ka melh rum ringawt a . A u te pahnih thusawi kha alo hre ve vek em maw ni ? , a hmel lah chu a rum ul a biak ngam chi pawh anilo.

Kan zai laklawh laite chuan USangzuali chu ka mitin ka zawngkual leh thin a , U Sangliana chu a nupui nen an thu dun a a rei deuh hnu ah phei chuan room lam an pan ta daih a . Kan ban dawn hnaih ah chuan U Sangzuali chu hmeichhe thenkhat nen chhak lampang kil ah an lo thu ka han hmu a , ka hahdam huai mai.

" Vanramah chuan enge maw i han tih chuan ang le .. Kan kiangah awm in min la uap ve la , kan tan i hlu zawk tur " ti a Rosangzuala status update chuan ka ngaihtuah a ti thui khawp mai. Thihna chu sawiloh chhan dang vang a chhungkaw in then darh pawh a hreawm naklai a , damchhung a tawng leh tawhlo tur a in then zawng a tawp chiang em ani.


Ka hawichhuah leh chuan USangzuali chuan minlo en reng tih ka va hmuh zawm zat a , a mawiah tak tak ka va nuih a a tihdan thin ngai bawkin a lo kiai ve sak a .


Kan ban chuan Mimii ka zawng rilru a rei vaklo ah Davida nen ka va hmu ve mai bawk a , " Lizzy , Zomuana rual in i haw hreh em ?" alo ti var a . An awmdan atang chuan haw rual leh an tum tih ka hrethiam nghal mai bawk , " a pawi hleinem " ka tih chuan a thaw huai in ka hria .

Zomuana nen bawk kanin zui haw leh a ,bike a keng ve in ka hre sia mahse ke in kanin zui thla hnak hnak a " bike i keng lo ami?" ka tih chuan " umm " a ti mai a . " Kal lam khan "..

" Rosangzuala bike a nih kha , ka dah nghal daih alawm.. Bike ah i chuang chak em ni?" a tih zawm zat a , " teuhlo .. Hetia haw hi a nuam zawk " ka lo ti vat a ." Inchhungah khan Lzi i hmu em?" tiin ka zawt a , a kal ve tur thu kanin biakin a sawi a ka hmuh awm ka hre miahlo a . " A kal i ring ami?.. A laklawh zo vek alawm, puan bih a duh dawnlo a kekawr hakna chi ni bawk silo" a hluk hluk a ,ka lo sawi kher kher chu ka inchhir khawp mai.


" Ka bul a awm hi nuam i ti em?" a ti leh khauh a , " a hreawm hranlo " ti a ka chhan chuan a duh khwwp loh hmel ngang mai. " Tinge .. A hma khan ka rilru puthmang min zawt a " minlo en reng avang chuan ka ngawi leh rih a , street light eng a nih vang chuan a hmel chu ka hmu chiang thei viau mai. " Tunah zawt leh ta che ila" a tih chuan ka chil ka lem khalh a , " i duh duh a i tih kual tur ka ni em ni?" min en vung vung a , " i nih loh vang alawm zawldawh tak a ka biak thin che " a ti bul hmuk a ,ka chhang duh tawhlo.

Kal mai ka tum lai chuan " buaina kan neilo a maw ka tia , ti hian kan tha mai lo em ni?" a tih leh chuan ka en vang vang a , engtin nge ka sawifiah dawn ni?.. " Enge i sawi awmzia ?" ka tih chuan ka en ai a chiang mahin min en a " ka duh che tih i hria a , min hnar biklo a chu chauh chu kan pahnih kar sawifiah nan a tawk viau amaw ka lo tia sin.. " a ti nghat a . " I hrethiam lo ani" ka ti hap a , " i hrethiam lo zawk ani in ka hria " a ti leh nghut a , kanin sawi pawp thei pawhin ka ring chiahlo.


" ka sawi awmzia i hrelo a nih kha .. Kanin duh tawn vang chauh a inkawp zui kha a diklo alawm., tiang ringawt te chuan engtin nge niang ? ,. In hriatthiam na te in ngaih pawimawhna te kan mamawh alawm , chuloh reng ah hetia chiang lo tak a i ngaihzawng ka nih chuan engtin nge ka duhdan te ka sawichhuah ve theih ang, thikthu thleng pawn ka tilang ve ngam dawn miah hleinem" ka ti ta duah a , ka sawi chhuak thei chu ka lawm ru viau , min delh rit ve em bawk ani.

A nui suk a " ka ngai pawimawh ber ang che , i duhdan ka zahsak che nga , hmeichhe dang vang a i nat ka phal lo bur ang , mahse i thik dawn chuan ka runluih zauh zauh ang che" a ti mauh mai. A thutak ve viau a ka hlim hman tawh nen " i thik chuan min duh tak tak hi ka hre thei dawn a " a tih leh chuan " hmm" tih pahin a ban a na lo te in ka chum dat a ," a na lo e " tih pahin a nui hawk a . " Lianzuali kawm phalsak i ni tawh lo nghal " a tih chuan ka melh haw a , alo thik tak tak emaw ni ?.


" I lo tel ta sa sa duh hun hun a ban phal a nilo a nia , kei tel tu leh ban tu mahse i thu zawk dawn nia " a tih chuan nui var var chungin ka lo bu nghat a .. " thu i awi chuan i thu zawk char char ang, thu i awiloh ve thung chuan ka thu zawk ang . Promise " tih pahin a kut zungte a rawn ti pir anih chu! . Ka lo nui hak a , ka kut ka phar chhuak ve chiah tih ah bike a rawn tlan a ka dahthla leh rang khawp mai. " Chance in nei pah a ni maw ?" Kan bul a rawn din pahin Davida'n a rawn ti lung lung a , " in nei zawk a niang chu " ka tih chuan a lo nui suk a . Kei ni ai in an haw hmasa a , bike an la hmang bawk a hei tunah minlo um pha ve chiah a nih hi.


Mimii ka en chuan a lo nui tha a ,a mitmeng atang chuan enge maw min hrilh tur a nei leh tawh tih ka hrethiam mai. Min tlanpelh leh hnu chuan kan pahnih bawkin kanin zui leh a , sawi mai tur ka van riau tawh. Zomuana nen a kanin kal hnaih deuh chuan a rim ka hre leh thin a , a rimtui ka ti. Ka bialpa a mi mai chu mak ka ti a , awii ka thil ngaihtuah chhuah chu " Zonuni kha " ka ti thawr a . " Ka thiannu a nih kha " tih hluk pahin ka dar ah a rawn kuah a min kalpui nghal dawr dawr anih chu.....!


Kanin zawn kan thlen chuan " ilo lut duh em ? " tiin ka zawt a . " Zandangah zawk , nula ka lo rim ang " tiin ka chal ah a fawp a , " thil min tihsak ta che " a ti zawi ruih a . " sawi la " ka tih chuan " zanin a i thil hriat kha zep turin ka duh che " a ti fiah fak a . " Chumi vang a ka rilru hneh hmasa i ni em?" tiin ka zawt let thuai a , a lo alo thing vat a . " Ni miahlo, ka duh tak tak vang zawk che anih kha " a tih chuan ka lo bu leh ve nghat a . " Hrelo ang hmiahin ka awm ang" ka ti ta tawp a , rilru ah erawh U Sangzuali te pahnih thusawi ngawt chu a awm thung a .


" Ka lo bia ang che " a tih lai chuan " muttui aw " kalo ti a .. " Kanin biak leh dawn kha , kan muthilh dawn a sawi ah kei chuan ka khek" a ti leh khauh a, ka beisei loh dan hlir in a awm nghal der mai.

Minlo biak chuan ka chhang vat a , a tlai deuh bawk nen ka tawng zawi khawp mai." i va rei ve " ka ti thawr a , " U Sangzuali nen thil kan sawidun lawk a " a ti tha mai a , an sawitur awm ang ka hre mai. An sawi chu hre chak viau mahila a zawng zawng hriat ve tum chu a dik ber loh vangin engmah ka sawi ta lo. " A tlai tawh muthilh tum ang , call hi dah suh ti hian muhil ang" a tih vangin call ti tawp lo chuan muthilh ka tum a , hei pawh ka tan chuan thil thar hlak a ni.Ka harh leh chuan khua a lo var uar tawh a , ka phone ka en rang khawp mai. Call pawh chu alo tawp tawh chiang kher asin.


Putea te in neih ni tur pawh an ruat fel tawh a , an hmanhmawh rum rum khawp mai. Zaipuii te erawh an pa te chhiat tawh vangin hmanhmawh theih ni heklo le an rial rih deuh dawn a , an la naupang a an ne ne chhungin an rilru a lo danglam zawh hman ka hlau ru viau a . Hmeichhia chu hmeichhia ngang kan nia ka thiannu hmalam hun chu ka ngaihtuah ve a , an in nei leh silo a nih chuan ka thiannu chuan " nuthlawi" tih chauh a hlawh kumkhua tawh mai dawn a . Nuthlawi hi ka ngainep hranlo a , chhan tha tak vang ni lo chuan ka hmeichhe puite hi an nuthlawi lo tih ka chiang viau , mahse kan mizo mipa te bawk hian zu zuam thin a mawle !


Kan mak ve ngawt mai , nula leng rei deuh lah " pasal nei ve tawh rawh" kan ti thla zen a ." Pasal hmu zolo " te kan ti leh ngawt thin a , tumah hian pasal an ti bo lo a sin mawle . Pa tel lo a fate tulpui ngam ngat hmeichhia pawh fuih a hnekin an zuam leh lawi a , thenkhat lahin " i fa a la tet lai hian pasal nei leh vat rawh , a hriatthiam hunah hreawm a ti ang " te kan la ti tak tawk tawk a . Thahnemngaih pui leh duhsak ai mah chuan mi nunah kan buai ni hian ka hre thin. Nunhlui neilo leh mi famkim kan awm loh vei nen , a dik asin " vaivut kailo lung man tam tu in nge laichhuak ngai , siamthat ngailo mihring kan awmlo " .


Putea te inneih pawh a hnai viau tawh a kanin buatsaih ve laih laih reng a ,kan buai thin viau laiin Lawmtea erawh inah hmuh tur a awm hman meuhlo. Vawinah pawh Mimii leh Zaipuii te nen buh kan thap dawn a kan ti puitling thei ngut a nge maw ? .

" U Rinsang ,min duhlo hi chu a pawi maw le " Mimii chuan putea nuih vur vur pahin a ti a . Putea lah chuan " Zothansang, nang ni ang hi chu a dozen pawn awm ula ka duhlo che " a lo ti let zek a , " aa ka ui tlat che " ka thiannu in a tih leh chuan putea pawh a nui tawp tawh.

Mimii chuan putea hnenah inneih ni a kan thian ho kawr in ang hak tur leina pawisa a dil leh tlat a , putea a nuih laiin a ti tak em em khawp a ." I tan a ka thawhrim zia hi , Nu Rami pawn kuhva rah kheh ah lo in hlawh rawh atia , i tan liau liau ka lo hnar asin pawisa neihloh naklaiin " a la ti tan tan a . " Kheh sak tawh miah suh , a rah chhia paih nachang i hre silo Nu Rami lah in a telh vek zel a " a ti ta daih a . " Ni chiah a rah uih pawh a tel thin , zuar hlun a nih vang hian an dawr ve mai mai zel" ka thiannu pawh chuan a tihzawm daih a, nu Rami an rel ani ringawt.


Ka thiante haw hnu chuan putea chuan a thiannu venglai ami a biak tawh thu leh kawr a thui hman tur thu min hrilh a , Mimii leh Zaipuii pawh a tihsak ve dawn ani awm a , ka thiannu ka hrilh chuan a lo lawm khawp mai. Kha leh chen anlo in thenawm tawh a ,a tlangnel viau pawh chu a awm ka tihpui khawp mai. Zomuana message lo awm chu ka chhiar vat a , Davida te nen U Sangpuia thlan an siam na ah an kal ve ani awm a , tu fa leh makpa ho in an siam tawh a mahse lung phun vat a duh dawn vangin uluk deuh hlekin an va thual leh dawn ani awm e . " Kan haw velah ka lo bia ang che " a ti ve thlap a ka lung a awi khawp mai.


Zanah chuan a lo leng a , a lo kal dawnah minlo hrilh hmasa thlap a ,pawn a lo nghah te ka rilru tut tut hman tih ah a lo thleng ve ta hram a . Chhunah enge ka tih min zawh chuan buh kan thap thu te , tlai lamah Mimii leh Zaipuii nen kawr kan thui tir thu ka hrilh a , kan kawr design leh thlalak ka phone ami chu ka entir ve ngei a ,a chal a chuar nang ringawt a.


" Muana ilo leng ani maw ?" ka nu chuan room a tang a rawn chhuah pahin a lo ti ve zat a . " Umm leng ve hlawl" tiin a lo chhang vat a , " leng reng rawh aw ,paper check tur ka la nei nual a ,lo in kawm rawh u " tiin a lut leh mai a ,a room kawngkhar chu a khar duh tawh hauhlo lehnghal. Tunge lo leng tih hriat tumin a rawn mitmei tih ka hrethiam reng.


Kanin thut hnaih sa avang chuan ka kut a hum vang vang a " i chau em?" ka lo ti vat a . "chau vaklo " a ti thum dut a ,a mitmeng chu a dul ve deuhin ka hria ." Thingpui kan chhuang nge aw " tih pah a ka thawh chuan rang deuhin min pawt let thuai a zawhna mitmeng a ka en chuan " thingpui hang ka in ngailo" a ti sup a ." Tinge ka tih chuan " a thlum chauh ka in thin " a ti leh ngawt a . A bul ah thu thla leh in " tlangval chuan thingpui hang an ngaina viau thin a lawm" ka tih chuan a lu a thing a " a thum lo emai" a ti hmuk anih chu.


" A thlum in ka siam ang che " ka tih chuan min en vut a " ngailo , a zahthlak " a ti ve ngei a , zak hmel erawh a pu hranlo. A man a duh ta silo a thingpui pawh ka siam ta lo ,thil ho te te sawiin kan ti ti ve mial mial a ka nui ka nui mai. Dar 9 a rik chuan haw a duh thu a sawi a , a dingchhuak chu ka zui ve thuai bawk a .


Pawn kan thlen chuan " muttui aw " ka ti a, " good night kiss " tih pahin beisei net zetin a hmui a ti pawrh kual vel a , kalo nuih chuan a ner kual vel a a hmuhnawm ka ti.Mit te a chhing a ,a rawn kun hniam leh thin a a beisei chu ka hria mahse .A hmui sir ah chuan dim te in ka fawh sak a ka in lak hran leh rual chuan a rawn che thut a , ka kawng ah kuahin min fawp nghal thawr a ,a duhthawh khawp mai. Ka chhan leh ve takah phei chuan ka kawng a kuah na chu thlah in ka biang tawn tawnah a kut chuan a chelh a , duat tak leh lungchim lutuk a min fawh chuan ka danglam chiang kher asin.

A fawh chu nuam ka ti .. Min ngaihsak zia leh min duhna a ti lang tel tlat a , thu in a sawifiah zawhloh chinah chetzia in kan rilru puthmang kan lantir a , ka thlir na atang phei chuan a chiang viau tawh zawk. Ka mipa fawh hmasak ber ania , ka tan chuan a special em em bawk a , duhna ,ngaihsak na engpawh hmangaihna pawh huam telin a keng tel vek ni mai in ka hria .


A in lak hran hnu chuan ka hmui huh hliam chu a kutzungpui in a rawn tawk zauh a , " ngaihawm nu " tiin min melh zauh a, ka sa deuh pap pap thei hial mai.

A kal liam hnu ah pawh chuan ka hmui chu khawihin ka nui leh tet tet thin a , ka ngaihtuah let chuan a hunlai ang kham ka feel thei ta miahlo thung a . Chu tak chu ani ka tan a special na , min fawh lai kha chuan ka danglam vek a , thlawk delh delh ang hial ah ka in chan kha nia tunah chuan an bo leh duak thung a . Ka hrethiam ta ruak mai a bulah kha chuan ka hlim a ka famkim hliah hliah a , min kalsan chiah khan ka ruak ta huai a.


Ka ngaihtuahna leh kan awmdan zawng zawng te ka hlimpui ai mah khan , amah tak tak ka khawih theih leh hmuh thei kha ka hlimpui zawk a , min fawh dan ai chuan min fawh khan min ti danglam zawk ani.













"


Show post links
Top

[Ngaia]

Uire Nu Fanu - 12



Mipa naupang ngo ving veng leh hmeltha zet chu ka tlir a , a pa ang chiahin a sam a kir chhap bawk a . Vung rawng ah chuan a nu a chhun a ni ngei ang , hmelah erawh a pa a chhun tih hairual a nilo a ,han rinhlelh chi ziazang a nilo. Ni e , naupang fel leh lawmawm tak a ni reuh a , tu tan pawh a duat phu ngawih ngawih hian a khawsa reuh a , putea tan phei chuan hmangaih loh phal chi rual a nilo.A tan chuan a fapa neihchhun " Malsawmhlua " a ni miau a .


Putea te inneih atangin karkhat lai a vei leh tawh a , Pitei chu a inthlahrung riau hian ka hria a , Sawmtea ninhlei tlankual te chu a lo khap leh vat thin a , kan mitmeng veng reng reng hian a khawsa ni berin ka hria . " A duh dan danin awm ang hmiang" putea'n a tih te pawh chuan nuam a tih hmel chuang lo, a nundan chu a hahdamlo mange ka ti thin.

Ka nau te pahnih lah chuan an duat em em a , Lawmtea phei chu naupang ngai na tak a ni bawk nen a Sawmtea pawn a ngaina viau a , Hruaia erawh hi chuan a ti ve hur ngai lem lo. A chhuak tur apiang hi min ngen a , kanin lenpui leh lawp lawp thin a , midang zawng chu Au min tia Mimii pawh Au Mimii a tih laiin Zomuana lo leng thin chu " Apa Zomuana" a tih mauh mai a , Zomuana lah chuan eng ah he hu a ngai lem lo .

Ngai kan awh viau laiin Rosangzuala erawh a lusun na in a nghawng na viau a , a zia thei meuhlo. Zaipuii bulah USangpuia thawhna khua ah karkhat vel cham a zin a duh thu a lo sawi a , USangpuia in luah kha ala ruak lo bawk nen a lunglen hawi thawven nan a duh niin a sawi a , Zaipuii chuan zui a tum viau bawk. Henry leh Davida pawn an thianpa mahni a tlat fal tir chu an tum lo bur a , Mimii pawh a kal ve ka ring mahse keichu thuthlukna ka siam thei derlo mai. Riak chhuak meuh a kalchhuah chu ka chhungte ka dil hreh a ni ber a , an phal chiah pawhin ka ringlo.


Zomuana bula ka sawi chuan kal a tumloh thu in min chhang a , ka tum lui tlat duh ta biklo. Thawhtan tlai lamah kan thian te chu an chhuak a Rosangzuala hmel ka hmuh chuan ka in thiam zanlo a , ka chhungte ka lo dil ve ta mailo chu nuamlo ka ti hnuhnawh viau . Zanriah eikham a kan thut khawm laiin " Bawihi Aizawl lamah i thiante sawm ve la ,serthlum huan a kal chu nuam an ti dawn sin. An kal ngai awm silo a " ka nu in a tih chuan " thian ka nei hleinem " ka lo ti hliai a , an vai chuan mak min tih hmel khawp mai.


" thian i nei miahlo maw ?" a ti leh ngat a , " nei miah nang.. Ti ila hmelhriat chu ka nei nual a , thian ka neih pawh ka hrelo " a ti leh tawp a . " a va mak bawk ve " a ti ta ngawt a . " I thianpa chu i zui ve lo nia , Mimii te pawh an kal vek sia a khawngaihthlak reuh nen " putea'n a tih chuan ka melh vat a " in phal ka ring hleinem " ka tih chuan ka nu zawk chuan " he heu mai mai chu phal nang, mahse Rosangzuala chu a lainatawm em a, an in ngaina unau bawk sia " a ti ve duah a . Chutiang tih hriat a lo kal ve daih tur a nia.



Mut hmunah Zaipuii nen kanin bia a , a thilsawi chu awi tur a ni em pawh ka hrethiam lo . " Kan thlen hlim khan kawngka in kalh tha thlap si kha a chhung kha a hnawk lutuk a " tih angreng a sawi a , chungte chu a pum na an buaipui na lam a an sulhnu a nih ka rin thu ka sawi a . " Tlai lam atang tawh khan min en rengtu awm ang tlat hian ka hria " a tih leh chuan " i hlau em ni?" ka ti vat a . " Hlau nang mahse thil danglam a awm lawm , thawm danglam hi ka hre leh thin alawm . Phun sar sar thawm te a ni in ka hria , ka beng chhe ri a ni miahlo" a tih leh chuan ka ngaihtuahna a tibuai riau a , Mimii ka biak ve lahin a khawthleng a rem thu te , a boruak nawm zia mawlh ha hipin a sawi a , engmah diklo a awm in a hre ve lo a ni phawt chu ania .


A tuk zan a Zomuana lo leng chu Zaipuii nen a kanin biak dan ka lo hrilh a ,engtin mah min chhang lo a a ngaihtuah zawng a ni em tih pawh ka hre chiahlo. A phone khawih lai ka en en pui chuan Davida nen an lo in be mek a , " diklo a awm .

I hrethiam em ? .. Boruak hi a dang tlat alawm , thil inthup a awm ngei ngei ang " tih angreng Davida chuan a rawn sawi a , mak ti lutuk in an in biak tawhna chu eng sawi set setin ka thai thla a ,ka en vut a . " Sangpuia kha pum na thut ang khan an sawi a , mahse a nat na a rei tawhin ka ring tlat. Damdawi a kawl hnem lutuk , a bawlhhlawh bawm ah pawh a kawr a awm nual alawm " tih angreng a sawi a . " Room a kan luh khan purfume rim ka hria asin , a dam lai mi nise chuan a nam tawh lo ang kan kal hma in lut an awm a nih ka ring" tih te a sawi nawk a , ka ngaihtuahna a tibuai riau .


Zomuana haw hnu pawh chuan ka ngaihtuah rauh rauh a an sawi ang a nih tak tak chuan va kal ve pawh chu a tih chi chiah dawn emaw ni ?.. Ka thiannu lah chuan a thilsawi chu a ti tak mai bawk si, Zomuana lah khan min tawng thlamuan pawh a tum eih silo. Ka mamawh tur ka khung fel mek lai pawh chuan ngaihtuahna a kal ding duh khawp mai. Zomuana'n minlo biak chuan dar 11 a ri hnai tawh a ,a ni pawh a thawmhnaw leh mamawh vel a siam zawh tawh thu alo sawi var a , hlauthawng lo tur pawn min ti ve ngei a thlamuanpui tur chi a ni em pawh ka hrelo.


Zing hma takah tho chhuakin ka in phih fai hnu ah kawt ka phiat leh a rawng ka bawl lai mek a ka nu a rawn thawh avangin nu Rami dawr a kal turin ka chhuak zui a . Kawng lak a ei tur chips leh thildang ka lei nual a, ka let leh chuan Sawmtea te nufa pawh an lo tho tawh a ka thil lei thenkhat ka pek ve chuan a lawm ngang mai. Ka kalna apiang ah min zui kawi a " au " min ti sek sek reng a , ka ei seng meuhlo chu a ni.

Zomuana'n min rawn lam chuan dar 10 a ri thuak tawh a , ka nu a chhuah tawh avangin pitei chuan fimkhur turin min chah ngun khawp mai. Duh ai a kan tlai avangin kan chhuak zui thuai a , rin ai tak in ni a sa lo a a nuam viau dawn in ka hria .

.Khua kan pelh a tang chuan a tlan chak si ,ka thu nuam thei meuhlo. Zinkawng nuam tak a ni dawn a kalo hriatna kha a bo vek tawh. Min ngaihsak ang a a awm miahlo te chu ka thinrim hlur tawh a , eng sawi set set lo a a hnung a chum awk te chu ka dum rum rum tawh. Min biak ve te pawh chuan enge a sawi pawh ka hre theilo, ka tum bur tawh a hria ang pawn a la awm duh derlo . " Tlan muang rawh" ka tih chuan a tlan muang ve mai dawn emaw ka tia " a khalh tu ka nih hi" a ti leh tlat tawh.


A kawr ipte a a phone ah lai chu a lo ri leh thin a ,a ngaihsak hranlo . Vawi 5 vel zet a rik hnu chuan phun hluk chungin a in dap ruk ruk a ka puih ve zat bawk a , screen a Zonuni hming lang ka hmuh chuan chhan awm lo in ka thinrim zual et et mai. Chhang ta mai lo chuan a ip te ah bawk a khung leh a , " chhang ta che " kalo tih hlak chuan a phu deuh zawk hian ka hre lehnghal. " Enge diklo?" tia min zawh chuan pawr fe hian " enge zawk" kalo ti hlar a , a rawn nui hawk hawk mai.


" a common lo thei emai" a ti zui duh lek a.

Khua kan thlen leh hmasak ber ah ka riltam em tih angreng min zawt a , " tam lo" ka ti hmak a . Eitur leh energy drink lampang a lei nual bawk a , kan tlanchhuah leh hnu chuan kan ngawi dun leh rauh rauh tawh. " Kan thleng tep tawh em?" ka tih chuan " dar 3 leh a chanve velah chuan kan thleng hman mai in ka ring" a lo ti tha ve mai a . Ngahloh dawr ah chawhmeh leiin kan ding kawi leh tihloh chu kan ding chawl tawhlo , U Sangpuia thawhna khua kan luh chuan a sawi ang takin dar thum leh a chanve a pel awr chauh a , khawlai leng hmuh tur pawh an awm nual mai.


Kan tlan zel a ka rin ai thui daih kan tlan hnu ah dingin a hawi kual thuak a , chutih lai chuan kan piah dawr te atang a Mimii leh Davida'n ban anlo vai chu ka va hmu thuai bawk . Kan lam panin an lo phei zui thuai a , " tlan leh hlek la kawng peng ah khan in tlan chho ang a , in mal din compound nei hran mahse lian lutuk lo tah khan in tlan lut dawn nia , bike pawh a dah theih " Davida'n a rawn ti nghal sawk sawk a . " Min lo zui dawn lo ami?" ka tih chuan " lo han kal hmasa rawh u, thil tih lawk tur kan nei a " Mimii'n a lo ti var a . Rei ding tawhlo in kan tlansan zui thuai a .


Kan thlen chhoh chuan Zaipuii leh Rosangzuala chauh an lo awm a , Henry awmna ka zawh chuan " nula ka rim dawn a ti" Zaipuii' n nui pat pat chungin a lo ti a, tui lum a lo nei sa bawk nen muangchang lo in ka inbual zui thuai a ,ka inbual zo ka chhuah leh lai chuan Davida leh Mimii pawh inkhai bawr teuh chungin an lo lut ve chiah a , wai wai leh chips tih vel a tam khawp mai.


Zomuana inbual lai in eirawng kan bawl a Mimii chuan nuam a tih thu a sawi nasa mai a , tawnhriat in ang theuh theuh Zaipuii nen chuan sawi tur an in ngah hleih thin khawp mai. Tihtur vak a awm tawhloh avangin pawn ah ka hawikual mai mai a , compound chin an hung na pal chu vuanin thlang lam a in awm thliah te chu ka thlir kual vel a , kan awmna hi a tlangsang deuh bawk nen a vawt var tawh . Khua a thim tan tawh a in thenkhat ah chuan light an eng far tawh ,chutih lai a ka bul a lo ding chu ka lo en vat a ,a inbual zo rim chu a tui khawp mai.


" I lungawi loh chhan han sawi teh " tih pahin ka kawngah hnung lam atangin min rawn kuah hlun a , ka lo tal ve chu ngaithei lo zetin min kuah nghet sauh bawk a . " Ka lungawina tur thu chhakchhuah tur pakhat te pawh i nei ami?" ka ti hlar a . " umm " alo tih nghat chuan " eng maw?" ka lo ti zat a , " ka la virgin " ...

"hah... eng maw i sawi ..

ka la thianghlim tih ka sawina aw " tiin a nui ruh ruh a , kei erawh ka lawm lo viau tawh.
" tinge Zonuni call kha i chhan duhloh ?

'Bike ka khalh laklawh a '
hmm" engmah sawi zawm lo in ka ngawi reng a , " bike ka khalh chak vang a thinrim emaw i nih ka tia " a tih chuan ka lo nui tawp.

" Zomuan , Henrya han call ve teh khua a thim dawn tawh a , call a chhang thei silo " Zaipuii'n a lo ti lang lang a . " Va lut rawh a tlai tawh, Henry chu kan be lawk ang e " a tih vangin ka kalsan zui a . " Nula ringawt buaipui mai, a ril te pawh a tam ve em em lo emaw ni ?" Zaipuii chuan a la ti hlak hlak a , " a len na te pawn chaw ei an duh tawh ang" Mimii'n alo tih leh chuan ka lo nui mai a , mahse chung chen chen len chu a awmlo ka ti ve deuh.

Zomuana lo lut chuan a call a chhan theih bik loh thu a rawn sawi a ,ka sawilang lo na in ka rilru a nuamlo tlat a nih chu ! . " Kan zu ngaihven dawn ami?" tiin Davida'n Zomuana a rawn melh zawk a , an in zui chhuak nghal a . Rosangzuala leh Zaipuii chu in ngheng chialin an thu dun a , Mimii nen an ep chiah ah kan thu ve bawk a tumah kan tawng loh danah kan ngaihtuahna a kal ding viau a nih ka ring. Ka phone ka en chuan ka nu message a lo awm vang tawh a , kan thlen tirh khan message in ka va hrilh a , ka message a hmuh velah min rawn chhang leh nghal thuai a nih ka ring.


Ngawi reng a kan lo ngaihchan lai mekin pawn lamah thawm a lo awm a , kawngka lam kan melh deuh thap laiin Henrya leh patling pakhat hi an lo in zui lut hlawl a, kan lo en thap vang chu nge ni " engeee ?" a rawn ti pawr hlur a ,kan lo ka hau mai. " Tlangval hawklak thenkhat nen buaina an nei deuh a ,ka rawn thlah lawk a nih hi " tiin patling khan a sawi a a hmanhmawh thusawi in a chhuak leh nghal a .

Davida te chu an lo thleng chho har lo ang ,chaw ei lo siam ang u " an tih vangin chaw ei an siam zui a. Kei erawh Zomuana biak tumin ka buai khawp mai, vawithum ka call na ah chuan a rawn chhang ve hram a " lo haw ru , Henrya alo haw tawh " ka ti mawl tawp a . Anlo haw mek thusawi in a dah zui nghal zat a .

Chaw ei kan siam zawh rual velin an lo thleng ve mai a ,chaw kan ei zawm ta nghal bawk nen engmah kan sawi zuilo. Zanriah eikham ah kan thukhawm a " Henry han sawichiang deuh teh , Sangpuii nau tleirawlte khan an in tibuai a ti mai che u a " a lo ti khauh a . " Zawng ho khan a huho lo chuan min ngam teuhlo , Rinsanga an tih phei kha chu thiante zar a pawr ve mai mai . An ni ang zurui hneh lo tur in ka pianglo " a ti pung pung a , an zawhna tak erawh a chhang lo . " Kan fimkhur deuh ngai in ka hria " Zomuana'n a tih chuan ka pawm khawp mai.


Mipa ho chu pawn ah zial zu in an thuchhuak ta daih a ,rei vaklo ah Henrya bawk chuan a guiter a rawn la a an zai dawn a nih hmel e . " Guiter hi keng ve ziah zaithiam lo bawk si , nizan phei chuan a ti ri reng a a thiamlo si ka ning a nia " ti a nui pat pat chungin Mimii'n a zui chhuak ve zat a. Ka bulah Zaipuii a rawn in thawlh sat sat a , " ka nu hian ka haw hun tur min zawt reng a , Rsa hian haw a la tum mai hmel siloh " a tih chuan a mah chu ka melh zauh a , thawchhuak hluai in " ka rilru a buai a nia .. Ka nu chuan palai hmel ka hmu leh mai silo a sawn man thin a in thlah hmak a duh thu te a sawi a " a ti leh siam siam a., " Rsa sawipui la a that ka ring" ka tih chuan a bu nghat nghat a ,ngaihtuahna an tibuai ve khawp mai.


Rei vaklo ah kan thiante pawh turin kanin zui chhuak ve a ,pawn kan va chhuah chuan Rsa a lo zai a tuman kan thawm an hrelo a niang an lo hawilo reng reng. Zaipuii a din leh rih vang chuan ngawi rengin ka ding ve a , Rsa zai chu a ngaithla a nih ka ring

" lungphang suh duhlai ,
chun leh zua hrang mahse,
lengdang ka chhai dawnlo, min hnawl siloh chuan .
kumtluang di atan ka thlang tawh che a , thlamuang takin awm la ,
lanu te khum tu thlawi lunglai kuai thiam " ka thiannu chu a kal phei mawp mawp a , an pa zai tui lai chu a lu ah a va bengsawk a ,an hamhaih hmel hlawm khawp mai.

" Engvangin nge khatiang hla kha i sak ve ziah a ,i rilru a awm pawh ka hria i sak chhan a nih kha " a ti hlak hlak a . Midang chu an lo nui suk suk a , Zaipuii erawh a thutak ngang mai. " Lo kal teh " tih pah a Rsa'n a lo ban chuan tawlh hnung datin in lam a pan nghal nal nal a nih chu !.. " Nui minlo nghak " uang deuh tak a tichungin Rsa chuan a zui nghal vut a , sawi mai tur hrelo in kan lo khi tha mai.


" Henry , vawin khan Rinsanga te thian ho kha kan rawn tawk a an lawm lo khawp mai.Mikhual zwwk te kan ni sia fimkhur deuh a tha ania , kan boruak a kal dikloh chuan a buaithlak dawn tlat " Davida'n a ti charh charh a ,keipawh ka awm a nuam zanlo .. Kan Lal Henrya pui hi chu a tawng pung pung zel a ,buaina kan tawh mai ka hlau.

" In leng an awm ngai em ? Khawchhung mi lo chuangkai an awm thin em ?" ka kawng ah kuahin ka dar ah a lu a nghat a ,Zomuana zawhna vang chuan a mah chu remlo deuh hian ka thlek deuh ha a . " Awm hranlo ti ila kan thlen hlim kha chuan YMA hruaitu leh Vc member thenkhat an lo leng lut a , nu Tluangi te a thlang deuh ah khuan an awm leh a , U Sangpuia nen khan an in ti tha viau ni in an sawi a , chawhmeh ilo pawh min pe nasa ,a fel khawp mai " Davida'n a tih laiin " bai siam a thiam lutuk " Mimii pawhin a lo ti ve zauh bawk.


" Ka bulah mu la " Zomuana chuan an thusawi ngaihsak lo zet hian a rawn ti sup a , " eng a ?" ka lo tih haw chuan " i hriat kha " a lo ti leh zauh a . " Nih leh keimah i bulah ka lp mu mai ang, ka bulah i mut duhloh chuan " a ti hmuk a . " I mawl em ni ?" ka tih hluai chuan min lo en thap hlawm mai, zah zelah ka mu dawn " tih pahin ka kalsawn ta daih a . Inchhung ka va luh chuan Zaipuii te pahnih kha ka hmu hauhlo a , koh mai la tum laiin room lamah thawm a lo awm a ka pan phei ta zawk a .

Kawngkhar ka vuan tep tih ah chuan " a chiloh e , an lo lut tep tawh ang" ka thiannu chuan a ti sar sar a , an pa chuan a chhang lo emaw ni a tawng ka hre ve lo. " Kan thawm an hria ang " a tih laiin Rsa chu a nuichhuak hawk a " rak vak vak i tum em ni ?" alo ti zauh a . " A ang ve alawm" ka thiannu in nui kar kar chung a a tih leh lai chuan zo zet hian ka hnunglam atang min rawn pawm sawn lawp a ,thei leh theilo hian min pawmtu chu ka han melh a , Zomuana chu a nui suk suk mai. " Mi chance nei laite bihthlak i tum" tiin pawn kan thlen chuan min nghat dawt a , min puh dan chu ka duhlo reng reng.


" kalsawn ka tum ve reng kha " ka tih laiin " an thaw ri leh an tawngkam te khan i tha te a ti khur dar dar lo ami? " a tih chuan ka en phawk viau a ,an thaw ri pawh ka hre ve hauh hleinem . " I thinte phu dup dup in i mur deuh chuai em?" a rawn tih leh chuan " hura " kalo ti thawt a , " i lum deuh pup pup hman em ?" tiin a nui leh suk suk a , hepa hian enge a ngaihtuah hi ?. Ka hawichhuah leh rualin ka hmui ah a lo fawp nghal chawt a , " vawin nilengin ka fawp chak tawh che " ti in min fawp tawn tawn a , ka lo chhan leh ve chuan a tiphur sauh a ni ngei ang a uar thiam khawp mai. Ka awmbawr a rawn tawh rual chuan ka lo in la hrang vat a , kan piah deuh a ka thiante chu ka va melh thuai bawk a min hnungchhawn zawngin an thu a , Mimii leh Henrya chu an zai uar khawp mai.


" Rosangzuala te chu an zo tawh a ngem aw?" a ti bul bul a ,ka lo nui kar kar chu " hrethiam viau suh " a ti hmuk a ka nuih a za telh telh. Dar 10 dawnah kan mu a mipa ho chu long chair ah an mu a, hmeichhe ho zawng khum ah kan mu thung. Ka mutui lai chu eng thawm emaw hian min ti harh hlawl a , bang chu an rawn vawm ri thuai a ang ka ti ber . A reh vang vang hnu ah " a awm hrim hrim ang , hun kan ngah tawhlo a nia " tih a phun sup sup thwwm ka hre leh a , an tawng ring hranlo mahse ka mutna lehlam bang phen a tawng ni in ka hria .. Bang hrul ah ka mu miau a ,in bang hi tile a ni bwk, ka ngaihthlak chian chuan a reh leh vung vung tawh .

Ka beng chhe ri ni chuan ka hre silo mahse tun ang hunah, ka lukham hnuai a ka phone chu hmet engin dar zat ka en a ,dar 11 leh a chanve a lo pel va va tawh. Pawn lam thawm erawh a reh hmiah tawh a ,Zomuana call harh te ka ngaihtuah hman rum rum a mahse ka mumang a tak emaw ka ti a nih te ka ring leh hnuhnawh a, ka harhfim viau a chutiang chu ni thei chiah pawn ka hrelo..



( Kan ti hluai teh ang... Ka type khawl ve e ka tia hei ka reh rei ta hle a ,minlo hlutsak a min lo chhiar sak tu te in hmaizahawm thin mang e .. Exam ka zo tawh bawk a kan regular tawh turah ngai ila ,chuan update a piang a chung a lang thei turin siam rawh thenkhat khan an tia ,mahse ka thiamlo ta ani .. Engpawh nise kan in zir zel ang aw .)


Show post links
Top