UIRE FANU BY Tluangpuii Cck (Completed)

[Ngaia]

" Way Back Home"

" Tu emaw i hmangaih vang a nat vawng vawng chang i nei thin em? . I ngaih luat vang a zan mu thei leklo a i ngaihtuahna tibuai thin tu,mahni in hlauh thak khawp a siam tu che chu i hmangaih ani dawn lawm ni?

CHAPTER : 1





Ka ban ka vai sawk rual chuan ka bul ami chu a te nghal chel chul a , chhut a no tla keh nuai chu en en in ka khi sak a ka bul ami erawh chuan rum zetin minlo melh ngar thung a . A hmel ka en leh pawh chuan a ngai te bawkin minlo la melh thip ngar a , ka ngai pawimawh duhlo .



" Engthil nge ni?" tih pahin ka pa leh a nupui an rawn in zui lut thuai a ,an hmel a hmuh rual chuan Ruatfeli chu a in sut nghal hlawp hlawp a . Ka pa en kiau chung chuan " pa , au hi thingpui pek ka tum a alo thinrim rigawt a " tiin a men tiau a ,kei erawh ka awm ngaiin ka awm reng a ,Nu Kimtei ka va en chuan a mitmengah danglamna ka hmulo mahse a chhungrilah min huatna a in mung alh hluah hluah in ka ring.



" Engvang a ti nge i tih?" ka pa min zawhna chu chhang lo in Ruatfelin mittui tling pam chu ka melh ngawt ngawt a ,heng mittui zozai te hi khawi atangin nge maw a luan tir zung zung theih bik thin ni?... " Pa , a phone hmang lai kalo hre fuh palh a ,a thinrim ringawt a ..Au Apui, ka tihluih a nilo tak tak i riltam ka hlau a thingpui lo pek che ka tum rigaawt" ka pa nen a min melh tawn zak zak pah chuan a ti leh a . Ka thinrim tawh kher mai ka nu ka biak thu ka pa hnen a hriattir a duh vang tih lah chiang reng a ,ka sawi ang tak takin " i nu i bia em ni?" chhang lo chuan ka ngawi reng a ,thinrim vang a a thawchhuak hwwk pawh chu ka hre chiang hle.





" I nu be tawhlo turin ka hrilh che ,i biak a piang hian i zia a dang ziah,i nu hian a fuih khawlo zo tawh che anih hi" min tih leh chuan ka sa phat a ,chhan tum a ka ka an zuau laiin nu Kimtei zawkin minlo tawng khalhin " duhtawk teh ang u,a thu hrimin Ruatfeli pawh i u duhloh danin i khawsa thin a , a dam thalo a tibuai twwh suh" ka pa melh ralh pah chuan a ti a ,ka pa pwwh a tawng zui tawhlo . An in zui chhuak fel awrh tihah ka bul a ding hmeichhe lei li hriam zet chuan ner sak pahin , " i pills hmawm hnem lutuk hi i taksa in a zo lo anih hi" a rawn tih leh chuan ka insum theihna min phehsak chiang kher mai.



A in rin ve hma hawtin a samah ka phih thuai a chhuatah a tlu hlawm nawk a ,a te ring kher mai. Rei nghah pawh ngailo in ka pa a rawn tlan lut thuai a ,a hnungah a nupui in a rawn zui bawk a kan lo awm dan teh nuai a hmuh chuan ka pa hmel chu a sen awp awp a ,min melh dan vang chuan ka zam takzet . Ruatfeli tlu chu a nu chuan a buaipui sawk sawk a , ka lung a la awi thei lo.



' ka chungchang emaw ka nu chungchang emaw sawi tawh hauh suh" tih pah a pan leh mai ka tum chu ka samah ka pa chuan a rawn phih hrawk a ,chutiang a a chet chu ka ring biklo nen ka kat dawr a ,ka tlu lo chauh ani. " Tinge keimah chauh min hauh bik? , kut ka thlak chuan ka chhan a awm ani mai. Engvangin nge ka lamah i tan ve ngailoh" ka sawi zawh hma chuan ka biang a ri sawk a ,min beng tih ka hria . Ka hmai sa hat hat ai mah chuan Ruatfeli vang a kut min thlak chu ka rilru a na takzet. Ka phone min chhuhsak zuiin an pathum chuan an in zui chhuak dial a ,kei chu hnungchhawn ka ni leh ta !





Zanriah ei lo in ka room ah ka tawm bo tlat a ,ka rilru a na em ani. Class 8 ka nih atangin Aizawl khawpawn ah hostelah ka awm a ,boarding a ni bawk nen an strict viau . Visiting day a piangin ka chhungten min lo tlawh ziah a ,min haw san leh chang a ka lunglen theih zia kha aw. Class 10 ka nih atangin visiting day ah ka chhungte anlo lang tawh ngailo a , zawi zawi in min thlahthlam ni maiin ka hria . Kan zirtir tu te leh ka pa an in hmelhriat that avangin kan zirtirtu hnen atangin anlo kal theihloh chhan te chu ka hre ve leh hnuhnawh thin. Naupang thenkhat an chhungte hmel an hmuh avang a hlim em em leh an eitur lo kensak te an ei lai hmuh chuan lung a chhe rum rum zel.




Class 10 ka zawh kum chuan kum dang anglo takin tuman minlo hruai lo a ,ka pa in kan principal alo biak lawk avangin min buaipui vek a sumo in ka haw nghe nghe . In ka thlen chuan alo ruak huai a ,ka pa hmel cher riak leh pawr phang chauh hmuh tur a awm a ,ka nu hmel hmuh tur awm lo leh ka naute pahnih hmel hmuhtur awmlo chu ka hrilhhai viau a ,in ka thlakhlehna pawh a bo chiang kher mai. Kum tluanin hostelah ka awm a ka chhungte hmuh hlan ka nghahhleh vei nen.



Ka nu ngaihzawng neih vang a inthen an nih thu leh bungrua thleng a anlo lak vek tawh thu ka hre zui a ,ka thil hriat chuan min thawng hle . Ka nu hmel ka mitthla a ka naute pahnih ka ngaihtuah bawk a ,thil fel hlel a awm ka ring a ka nu chuan min uire san theih ka ring tlat lo ani. Hostel ka awm lai atang tawhin thil fel lo a awm tih ka hria mahse khatiang em kha chu kalo beisei pha lo ani.



A ngai te bawkin hostelah ka lut leh a nuam tihna ka nei tawhlo,in a awm pawh nuam ka tilo a school kal te phei chu ka phurlo zual hle. Kan hostelah hian ka nu te khaw lam mi an awm ve nual thin a ,mahse kum lai hawlah an chhuak ru dial a pahnih thum vel chu an la wwm ve a ,mahse ka nu chanchin ka zawt ngam lo thung.



Kum pawh a vei hmanlo summer vocation nei a ka haw leh chuan kan inah Ruatfeli leh a nu anlo awm a ,ka pa nupui thar neih pawh ka tan thil thar tho ani leh a ,ka hun tawnin a zirlo em a ka in siamrem thiam nganglo ani. Hostel a ka luh leh hnu pawhin visiting ah ka chhugte hmel hmuh ka in beisei ngailo a amahse ka pa alo lang leh nawlh thin. Kum hnih zet hostel a ka awm leh hnu in inah ka haw a ,ka hahdam lo kher asin. Ka buaina a in tan dawn chauh a ,nitin buai na chinfel tur ka nei a chhugkaw tibuai tu ti a hriat ka ni ngei bawk a .




Hostel a ka awm bo chhungin ka pa poisa chen in duh duh in leh ei theihin an awm a ,Ruatfeli te nufa ka ngaitheilo hi ka pa chuan a hrethiamlo a . Ka pa bulah leh ka bul a an khawsak dan chu a dang em ani, ka chan ai zawng zawng min chhuhsak bakah elhsen na taawngkam chhe tak tak ka dawng a ka pa ve lah hian a fanu dinhmun hi a hmu thiamlo a ni chek ang chu. Thil dang zawng chu ka tuar thei mahse Ruatfelin ' uire nu fanu' min ti kher thin hi chuan ka in sum theihna min phehsak chiang thin khawp mai.



Ka nu ka huat phah a rei ngial chu ka be duhlo nghe nghe mahse naupang chhia ka nilo a thil fel lo ka hmuthiam a ,ka ni hnen atangin chanchin eng eng emaw ka awmloh lai a thil tleng te ka hre ve zel a ,ka nu thiamloh a nih rinna ka nei tawhlo . Ka pa chuan ka nu biak min phalsak lo a ,ka nu hian min fuih khawlo ni in a ngai tlat a mahse ka nu chuan Nu Kimte chu nu ang a en tur leh ka pa thuawi tur in min hrilh thin .




Ka room a ka pa lo lut chu a in thlahrun hmel khawp a ,ka lo en tha duh hauhlo. Ruatfeli vang a kut min thlak kha ka rilu a na em ani. Ka khumah a thu a min en vang vangin " naktuk zingah Lunglei ah kal ka ngai a ,mamawh i nei em?" a tih chuan ka chhanglo. " Bawihi, i nu thu lo awi la i nau pawh ka hauh tawh kha .. Pawisa i mamawh chuan i nu ilo dil dawn nia" a tih chuan ka melh ve hram a . " Nu Kimtei dilchawp a ngaih chuan ka mamwwh lo ni mai rawh se " ka ti ve ngat a ,a thaw chhuak hawk a thinrim leh mai dawn emaw ka tih laiin a jacket ipte atangin cheng 500 note pali ngawt phawrh chhuakin min pe a ka hnar duh biklo.




Thla tin ka account ah poisa a dah thin a ka mamawh hun a hman tur ka neilo a ni biklo , mahse ka dinhmun ka hria a hmangaihtu ka neihloh zia thlengin in venna ka mamwwh in ka hria a ka kum ngaihtuah chuan ka khawl hnem ve viau tawh.



Ka harh chuan dar 8 a lo ri twwh a inbual harhin ka sam te ka tih ro fel chuan a lo tlai duai tawh a ,class kal tur in ka insiam zui a . Inhnuai a ka chhuk chuan Ruatfeli pawh alo nalh leh tawh kher mai,thawhchhuah nei silo hian thawmhnaw man to tak tak a in bel a ka pa nupui nei hi chu a in chawibelh ve chiang ngawt mai. Ka pa chu a kal tawh aniang a hmel ka hmu lo ,choka a ka va luh chuan Ruatfeli alo tawng zat zat a nu Kimtei chuan minlo melh leh zak zak thin.




" Pui .. Tluanga'n Apuii nu kha a uire tiraw atia ka zak lutuk a ka chhang tha ngam hleinem ,lo sawi ve chiam ila i bialpa a ni bawk sia .. Minlo be ve ziah lehnghal" a ner zui nang a ,a nu chuan mitmei in alo khap zui thuai bawk a . " ngawi hmak rawh" alo meng nur kual vek chu ka melh rum hrak a ,alo khi sak thung a . Min kal pelh pah a " uire nu fanu" min tih leh hram chuan leh hawi in a samah ka tham sawk a ,a ral chelchul a . Nu Kimtein min thelh tumin minlo ban a ,Ruatfeli te chul chulin kan ni nuai a ka thlah duh bik silo nen kan buai zo a ni ber a. ..



Kan duhtawk hnu chuan keipawh ka pawr phung a Ruatfeli phei chu a kamsir a thi ser ser a,a then leh sak sak thin. Kan college a lo kal ve vang buaina ka twwh hnem nen in lamah lehzel chuan ka tan hnawksak in awmlo se ka duh nen min zar buai ve chhen zel. " I pa awm ve vangin engtin mah ka ti ngailo che a,ka fanu thlavang pawh hauh thei lek lo in ka awm a i ti mah mah tawh ani" nu Kimtei'n a tih chuan ngaihsak duhlo in " khawnge ka scooty chahbi?" tiin Ruatfelin ka melh a ,a nu zawk chuan lo tawng khalh in " i pa'n a dahtha " kalo chek tlak a . Ka pa pawh hi a ka phone min chhuhsak bakah ka scooty lehzel pawh hemi te nufa lak a tlawm nawn awn awn tur hian min duh emaw ni ?..




Ruatfeli pawh a room ah a lut zui a keipawh ka room ah bawk ka tawm leh chawt a ,class kal pawh rilru ah a lang meuhlo . Ka in ngaihtuah a ,Ruatfeli min tihdan te a mah vang a ka pan kut min thlak te Nu Kimtei'n ka nu dinhmun a luandan te engkim chuan ka lung a ti awi theilo a ,ka rilru a na ani . Ka pa' n kut min thlak kher kha pawm zam harsa ka ti hle bawk.



Ka rilru na lutuk chu ka tap chhuak hial a ,Ruatfeli te nufa in an hriat hlau takin ka ka ka hup thuai bawk a . Air bag lian vak lo chu la in ka thawmhnaw ka ngainat deuh ho chu ka khung sawk sawk a ,ka make up hman duh bik tlem a zaawng leh ka atm card te ka pawisa kawl sa te kengin ka room ka chhuahsan a ,ka mamawh zualpui ka khung bawk a ka room pawh kalhin chahbi ka keng zui hmiah a ,ka awm loh lai a Ruatfeli a lo luh leh dek dek ka hlau ani.




Nu Kimtei'n minlo hmuh chuan zawhna mitmengin minlo melh a engmah ka sawi zui lo thung a ,ka pa a hrilh leh nghal chul ang chu. Hmanhmawh lo zetin ka kal zel a taxi ka hmuh hmasak ber lo phar in sumo counter ka pan mawl tawp a ,ka nu bak pan tur ka neilo . Ka ni bulah pawh ka kal thei a mahse ka pan min rawn hruai leh nghal dawn tih ka hria a ka duhlo ani. Counter ah chuan ka nu te khaw sumo dar 12 a chhuak tur pahnih lai a lo la awm a ka lawm kher mai, driver lah chu biak a lo nuam phian a kuhva ei sen suah suah chungin ka bag te chu minlo hlansak min be luam bawk a ..



Ka nu te hi thingtlang a awm an nia ,an khua ah chuan khawsak zia awm pawl an ni ve . In thar an luahluh na pawh ala reilo a ,an in thar ah chuan ka la kal lo a phone ka neilo bawk nen zawn buai ve fe chu ka ngaih ka ring . Ka chhuak tur nu Kimtein min hmu bawk nen ka hlauthawng deuh a ,sowl panin ka lu ka khuh tlat a ka hawi kual leh zak zak thin . Passenger an kim a kan tlanchhuah meuh chuan dar 12 minute 20 laiin a pel tawh a ,seat hmasa ber tukverh bulah ka thu a ka hahdam huai mai.




" Bawihi tu maw i chhungte i sawi kha?" ka hnung a thu in alo tih chuan ka hawi let zauh a " ka nu chu Mahriati ania middle school teacher" ka tih chuan " ee Ruatsanga u kha maw?" kan bul chiah a nula chuan alo ti var a ,chhang lo in ka bu nghat a . " Pu Sanga hi a damtha vaklo a ,kawnah ka drop mai ang che u aw " driver in a tih leh chuan tuman an sawi nawilo a damlo a tih ber erawh ka hmu ve hauhlo.



Tukverh ah ka hawi kual a ,kan ep a tlang hring dup leh thing hmuh te chu ka thlir dauh dauh a ,boruak vawtin min tham leh thin pawh chu ka hria . Ka nu engmah ka hrilh lawk lo a ,ka thawng viau ang a hamhaih viau pawh ka ring,a fanu in rilru na leh beidawng tak a ka pan hi engtin nge alo ngaih ve ang le?




Ka pa leh Ruatfeli te nufa te ka ngaihtuah kual zel a ,a khat tawk a ka chuan pui te nui leh dar dar thin pawh chu ka hria . Ram ngaw hring zau pui te chu hmu mahila ka ngaihtuahna a kuai her mawh khawp mai, kawngah zun ram thiar a kan din pawh chuan ka chhuk ve peihlo a ,ka ngaihtuahna zing mup chuan chhum chhah tak ang maiin min hual vel tup tup a ip pik zetin thawk ka la leh hluai zel a. Ka ngaihtuahna ka kawm ngawt ngawt vang nge ni kaawng chu a tawi ka ti viau a ,ka hawichhuah chuan ni a lo tla tep tawh thung a . Khawchhung kan tlan luh lai chuan light an chhi fur tawh a ,ka kal ve thin lai nen chuan a lo danglam tawh viau thung.




He hmun a nun bul tan that leh pawh ka tan chuan zirlai thar ani a ,ka thiam theilo viau a nih phei chuan ka hlawhchham nawn leh lo ang tih pawh ka sawi theilo . Hostel a ka awm lai khan mimi leh mipa thenkhat chu he khua ami hi ka hre ve a ,mahse min la hre ve em tih pawh ka hrelo a beisei chi an ni pawn ka hrelo. Kan chuan na sumo a din nghawr dawt rual chuan ka harh zawk a,kawn an tih lai chu a ni ngei ang . Dawr a lo awm ve nual a mi pawh ka rin ai takin an thahnem a ,khua a thim chhawlh tawh chung pawhin an la tam viau mai .




Sumo a tang a chhukin ka ding vang vang a pan lam tur ber ka hrelo ani. Driver lah chu Pu Sanga te in lam nia an sawi vengchhak lampan in a tlanchhuak vut a ,ka lo inngaihtuah buai lai mekin ka bul a thu nula kha ka bulah alo ding a , " nagmahin i kal ngam em a tlai deuh tawh a ,i nu te in a la hla ve deuh sia" tiin min rawn be sar sar a , " a ka hrelo" kalo ti nawi niai a .



" Lawk... Zomuan" tiin a au zui a ,ka piah deuh a tlangval chu alo hawivut a ,alo phei zui ve mai bawk a . Kan bul a lo thlen chuan a bal viau tih ka hmu thei a ,ball a pawm ran bawk a ain khel a nih hmel. " Hei nu Mahriati te inah chu thlah lawk la ,a la chuanglo" tiin a hrilh zui a . " Hruaia kha a awm tawhlo ami zui mai se " a lo ti bul bul a , hnunglam hawi vutin " David khawnge Hruaitlunga " kha tiin a au zui a . " A haw tawh" tih zawngin anlo chhang a .



. " Zomuana hi zui rawh aw ,kan veng a in ang silo a " tiin nula khan min nuih var var a ,ka nu tawi khawp mai. Khua a thim chhulh tawh a,kawng ka hrelo a ka hmelhriat ngai pawh nilo tun lawk a ka hmuh hlim hlawt zui chu ka thla a muanglo riau a . Nula chu a kalsawn zui mai bawk nen duhthlan tur dang ka neilo ani. " lo kal rawh" ti hmuk tu chu hreh zetin a hnungah ka zui ve dat dat a ,ka kal hnaih chuan kanin san hleih hle bawk a 5.4 ft lai ka ni ve chung pawhin ka chen lo khawp mai. Ka be ngamlo a min biak a tum lo bawk nen ngawi rengin kan kal mawp mawp a ,a la kal chak em em zui a mawl ka tih zawng tak ani.




end of chapter : 1


Show post links
Top

[Ngaia]

Ka hma a mi chu ka zui ve zel a khua a thim ruai tawh a boruak a vawt ve deuh bawk nen in thlen vat ka chak tawh kher maj. Kan kal thui zel a ngaihtuah a tam tulh tulh a ,ka nu chuan pasal alo nei tawh ngem? minlo lawm kher angem tih te ka ngaihtuah zel a ,ka beisei ang thil ka hmu lo a nih chuan ka chan tur ka chiang viau a ,ka in hum ruh ngar ngar ani hawt mai.




" Hahthlak ee" ti hluk tu chu ka en vat a , minlo en in a ner sawk a " i beng a tha em?" a tih chuan ka en hau a , rawn kun hniam in " Nu Mahriati fanu i ni em?" alo ti sup a . Ka lo buk sawk sawk rual chuan ka dar ah kuahin min kalpui dawr dawr a ,ka kal muang a ti anih chuan sawi that ve mai tur ania .. Kawng atang thui vaklo step in dawh thla chu min zawh pui a ,an in awm na chu a bing deuh bawk nen compound a nei zau viau a pangpar chi hrang hrang a tam bakah a felfai khawp mai. Kan kal zel a kan thleng tawh ah ngaiin ka bag chu ka vuan nghet sauh sauh a ,ka thaw dep dep a engthil nge kan hmachhawn ang tih ka hriatlohna chuan min ti zam ani.





Kawtzawl a kan kal mek lai chuan nula la ni ngei tur hi kawngkhar ah alo lang hlawl a , light a eng bawk nen min hmu rang khawp mai. Min en reng lai chuan ka bul a mi chuan " Senior ,nupui ka rawn ru anih hi" alo ti zauh a hmeichhia chu a ka hau mai. Ka bul a mi chu a nuisang a kei chu ka bangbo tulh tulh a ,ka kalpui pa chuan ka nu a hriatsual a nih ka ring hial mai. A kawt hmawrah ka pawt zauh a a hre mai lo tim deuh takin " Zomuan" ka ti thawr a ,minlo melh rang khawp mai. " Ka nu chu Mahriati ania , ihh.. Rinsanga te kha " ka riat nawi khawp mai. Alo bu nghut a min chhang lo te hlei hlei chuan min ti bangbo.




" Zomuansang tunge i hruai haw ve rigawt a " nula bawk khan alo ti leh lang lang a a tawng ri bawk nen a chhungte pawh anlo dak sap sap a , zawhna an ngah tih hriatreng. " U Rinsanga te mikhual tur anih hi ,ka zu thlah lawk ang" tih pahin a ball kha a theh thla a , " U Mahriati fanu ami i nih?" nula khan alo ti leh khauh a ka lo bu nghat a , " fanu a nei an ti khan ka hre reng ah" a ti zui a ka chhang tawh lemlo thung.



Compound atang a kanin zui chhuah leh lai chuan ka in thlah dul ve thei chauh a , " kha kha in in ami?" ka tih chuan " umm" a lo ti thum dut a . " Tinge min kalpui kher !" ka ti leh hram a ,a tul ka ti lo em ani. " Ball ka dah a nih kha" a ti hmuk a ,a chhungte bulah lem a nui sang a a nelawm viau anih kha , tun atak a a tawng leh hmuk hmuk chu ka hrethiam chiahlo. Ka nu hian pasal alo nei tawh reng anga min hrilh duhlo a ni mai ang ah tiin ngaihtuahna mawlmang lutuk te ka nei thul.



.
" Mimii tih hming pu hriat i nei mial em?" ka tih chuan min rawn en vut a , a hmel pawh ka hmu chiang thei tawhlo. " EMRS ah kan lut ho thin a " ka ti leh a ,sawi tur kan hriat loh dun em vang a sawi ka ni mah zawk a ngwi dun chawt chawt kha chu boruak a uap churh a . " Serchhip maw?" a tih chuan ka lo aw rang kher mai . " I hria em ni?" ka tih chuan ka tih chuan a thle buk a " Pi Mahriati te thenawm ah thawveng deuhin a nuih huat huat zel kha " tih zawngin min chhang a ka zawt zui tawhlo, tumah hmelhriat pawh ka neilo a ka hriatchhun te pawh min hrilh tha duhlo chu ka ngei deuh tlat a .




Ka hma a kal a din takah chuan ka ding thuai a ,kan thleng ami ka tih chuan min chhang lo in kan hma a in lam chu a pan a ,ka zui ve zel a . " Nu Mahriat mikhual nula chhelo deuh in nei a nia" tiin a au lawng lawng a , mi sawi dan kher chu ka lo helh leh hmanhmawh a . Kawngka a kan pen luh rual chuan choka lam atang a ka nu lo phei nen kanin en fuh chat a a hmel buai nak leh chiai hmel chu ka hmu chiang kher mai, " Nu..." ka ti sap a , in thing harh thuaiin minlo pan vat a ,ka bag chu min laksak thuaiin " engmah ilo sawi lo a " tih pahin ka kutah a chelh zui thuai a ka lo nui tawi tak thung a , a mitmeng a zawhna tamtak chu ka hmu bawk a a in thunun viau tih pawh ka hre thei.





" Ka chho leh mai dawn sin kalo thlah lawk a " ti tu chu a awm ve tih pawh kalo theihnghilh hman a , ka nu pawh chuan hrechhuak leh chauh ni awm takin a en ve thuai a . " I lo thlah a alawmawm tak tak , chaw ei ve nghal rawh ti dawn ila i ila in ti fai silo a .. In bang tlai thei sia Hruaia pawh a inbual chauh alawm" a ti sawk sawk a , ka nu chuan kawngka thleng a va thlah a " chaw ei tui" an in tih ri pwwh chu ka hre pha reng a ,ka ngaihsak zui tawhlo.



Ka nu lo lut leh chuan tawi te in min nuih a engmah min zawt hauhlo. " Lawmte " tiin a au zui a ,room atang chuan ka nau Lawma aw ngei mai chuan " ka peihlo" a rawn ti pawr hlur a . " A hahthlak thin a nia ,ka tir dawn lo che " a tih leh pawh chuan a rawn chhang zui tawhlo. Bathroom atang a Hruaia lo chhuak in min hmuh chuan mak min ti hmel khawp mai , " i u hi a ril a tam ang , chaw ei ang u i nau kha rawn ko nghal rawh " tiin ka nu in a hrilh a chhang lo chuan room lam a pan a Lawma nen a an in be thawm pawh ka hre pha reng ..




Chaw kan ei lai chuan ka nu in " zanin chu ka bulah mu la " a tih chuan kalo pawi ka tihloh thu in ka chhang ve mai a , " room kan tih fel hunah room kanin tawm dawn nia" Lawmtean a lo tih chuan ka nu alo inrawlh vat a " zanah i hnar ring si muthilh lai a rum i ching si a hlau ang che " a lo ti zauh a ka nuih a za angreng , chaw ei chhung an in hnial a tih theih a Hruaia chu a tawng ve meuhlo. Putea chu a thiante nen ui talhin chaw an eikhawm a nih hmel a ,zanah pawh a len tlang daih an rin thu an sawi sap sap a ngaihzawng nghet a nei ve a ni awm e .




Chaw eina seng fel pui ka tum chuan an lo phal lo bur a ,Lawmtean a seng fel a hmun te chu a phiat nghal vek a inbual turin bathroom lam ka pan thung a . Ka inbual zo ka chhuah leh lai chuan Hruaian thleng alo sil thung a ,an fel ka ti tak tak ani." I len dawnloh chuan i kawrlum kalo ha " Hruaia'n a tih chuan Lawmtea chuan rang fe in " Hruaia leng lo ang , Au alo haw ve chauh hi" a lo hlur a , Hruaia chuan a chhang lo mahse a ngai pawimawh hranlo a niang dar 7:30 velah a chhuak ta tho a .




Lawmtea zawk chu ka bulah a tap chawt reng a ka nu in i thiante an va reh ve a tih pawh chuan " an lo kal pawn ka leng peihlo" a ti sam mai a ,ka nu in uang deuh tak a " Hazeli a lo hawihai a nge " a tih zauh chuan ka nau chu a teu hlur mai. Rei vaklo ah pawnah thawm a rawn awm a inchhung an rawn luh hma pawh chuan an bengchheng khawp mai, " thingpui sen hang" tih pahin an rawn nui lut dar dar a an thawm a len vei nen an hmel ka hmuh chuan ka nui chhuaklo chauh. Kan naupang ber Lawmtea rual vel tur lek an nia ,alo berah kum 16 aiin an upa lo hrim hrim panga lai an ni a an thawm chu na tak ani.




Min hmuh chuan an tim ve deuh a min melh zak zak a ,ka nu chuan " Zuala kha Lawmtea u chu alo zin kha in hmu chak ani lawm ni?" alo ti var a ,an lai ve deuh emaw ni an thawm a reh dak a ka nuih an ti za khawp mai. A hnu deuh ah a ngai te bawkin an ri leh ham ham a " leng ang u" an tih pawh chuan ka nau chu an sawm chhuak thei der lo a ,inah chuan an awm ve ta reng a an thilsawi chu ka lo nuihpui leh hak thin a rei vaklo hnu ah chuan min be bawrh bawrh a ,an tlangnel leh viau tawh. EMRS a ka luh thin thu ka sawi te phei chuan min zawt nasa viau a " U Mimi'n a sawi uar theih nen a van ho " Puitea an tih chuan alo ti khauh a , a thianpa pakhat chuan " i mawl ami Mimii te chuan a sawi uar ziah a awi tur chin hriat a ngai alawm" alo ti khauh a .




" Mimii in hria ami?" ka tih chuan an hriat thu an lo sawi sap sap a , kan thenawm chiah chu an in a nih hmel e . " Kan va ko dawn mi ? i thiannu a lo zin kan tia nga " an tih chuan kalo hnial tlat thung a , minlo hriat that duhloh ka hlau a ni . Ka naute thian ho chuan thingpuisen hang te zu in ve tak tak chuan !




Putea lo haw chuan " i chau em? .. Lo sawi lawk la chu kan lo hmuak tur che ania" a ti ve luam a ka nu in phone in a hrilh tawh bawk mak ti hmel a pu lo . Kan bulah chuan a thu ve ta reng a ka nau te thian ho chuan pute tiin an ko ve vek a mahse an rualpui kawm hmiah hmiah a ,putean a bawl deuh te chuan bawl let ve tal an tum a a fiam leh uang deuh takin anlo chhang ve zel a an in pawh hmel khawp mai.




Kan mut chuan dar 10 a ri tawh a ka nu nen kan mu tlang a zawhna min zawt mawlh mawlh a ,thil thleng chu uar deuh takin ka hrilh a a hmelah danglam ka hmulo. Ka pan kut min thlak ka tih chuan mak a ti viau a ,a chhan ka sawi leh lek phei chuan a hmel a dur deuh a awmlo a ti ve deuh a nih ka ring. Ka beisei loh deuhin ka pa zah tur leh a thuawi turin min hrilh zui leh a han vui viau theih pawh a nilo.



." Au hi haw tir tawhlo ila kan bulah awm ve tawh se " i nau in a ti a tih chuan kalo nui mai a ,chuti tak a minlo ngai chuan ka lung a ti chhe dawn dawn a ka pa ka huat phah hle bawk .




Zing a ka harh chuan ka nu alo tho tawh a thawh ve mai ka tum laiin sitting room lam a tawng thawm ka hre zui a ,a la hma bawk nen thawm dang a awm lo atawng pawh ka hrechiang thei viau. " Haw se chu a tha ,khu lamah chuan zirna pawh a tha a bakah a nupui leh a fanu khuan a pa an hmangaih dawnlo a ,Bawihi bak ngaihsak tu a neilo" ti tu chu ka nu a ni. " Hreawm ti takin a rawn pan che a hww tir leh ka remti lo,a zirna senso pawh kan tum thei . College pawh a duh phawt chuan he tah zawm rawh se ,migration pawh ka buaipui vek mai ang . A chetdan tenawm tawh tehreng nen a Bawihi lehzel hetia a ti hi ka lawmlo a tul chuan court thlen hial pawh ka pwwi tilo" ti nghet charh tu chu ka putea a ni.





College zawm chungchang chu kalo ngaihtuah hauhlo tih ka hre ve chiah . Putea hi tlangval a la ni a ,a hmeltha ve angreng tunah hian private school ah a thawk ve mek a hna nghet zawk pawh a zawng ve mek bawk. Tlangval naupangte mah nise a rilru a puitling a kan unau min ngaihsak viau bawk a ,ka nu te unau hi pathum ni in ka nutei te nupa in inpui an nghak a ,an bul a awm ai in ka nu bul a awm a duh zawk avangin ti hian ka naute leh ka nu te nen an cheng ho a ni awm e .


Show post links
Top

[Ngaia]

Chhun ah chuan keimahin ka awm chawrh chawrh a a reh viau na in hreawm ka ti hranlo. Ka nu in an school a kal ve turin min sawm ngial a mahse ka hnial a ,putea sawmna pawh ka hnial ta kha ania . Pawnah ka chhuak meuhlo a inchhung ah pawh tihtul tul tilo in tv ka en vel mai mai a , tun thleng a ka pa reh vung vung chuan ka ngaih a ti tha lo hle tawh. Ruatfeli te nufa in diklo tak a ka chungchang sawiin min ngaihsak lo turin an hmin fel der tawh a nih ka ring.




Dar khat velah Lawmtea school bang a lo haw nawlh a a thiante pali lai in an rawn zui haw nghe nghe . Tleirawl awmkhawm tih takah an ri leh dar dar zel a ,thingpui lum an rawt a chhunah engmah ka eilo tih ka hre ve chiah. " Saka thingpui va lum rawh" tiin an zing a ngo ber chu an tir sap sap a , " keiman kalo lum ang" ka tih chuan " a ngailo, thingpui lum tu anih hi" an ti teh tlat a an thianpa pawh chuan sawi buai lo in a lum zui ve mai bawk a .




" A hmeh kalo lei dawn mi?" ka tih chuan rin loh takin an lo phur khawp a ,an duh an sawi sap sap a enge a nih lah chu ka hre hlawm der lo. " Ka lo kalpui ang che " pakhatin a tih chuan kalo bu ve nghat a kan kal chhuak zui a , kan awmna lai hi kawng dungah deuh vek kan awm a mit tlin tawk in a awm phei a ,kawmthlang huan an nei tha hlawm angreng . Thenawm lawk a dawr ah chuan kan va kal a dawr a tet ngaihtuah chuan thil an nei chikim ve angreng a , chhang lei tum khan noodles kan lei ta zawk a .




Dawr nei tu nu chuan min be luam a ka nu hnen atang minlo hre tawh a nih hmel e . " Ka fapa te nen pawh inin kawm rual khawp ang ,lo leng fo rawh tihtur i neihloh chuan " tiin min thlah ve thlap a ,len tumna erawh ka nei chuanglo .



Thil kan ei zawh meuh chuan min nel tawh khawp mai ,an ti ti ah pawh min vengthawng lo khawp mai. An thianpa dawr a min kalpui tu ber kha a tawng zat zat reng a ,zial a pak leh zauh zauh thin bawk a . ' Lawma hian a zu ve lo ania ,kan thian ah chuan keimah chauhin ka zu in lo ringhlel ve ringawt ang e " min la ti pang pang zui a ,min ti dang lel a lom. " A hma deuh khan Hriathlua te kawm lo ila chu ka zu miahlo ang mawle" te a ti leh thul pawi ti deuh hmel a pu bawk a ,ka nuih te a ti za zawk .




" Hman ni ah pawh Hriathlua te i kawm a kan in atang rilru na deuhin ka thlir che u" ka lo nui hak a ,rilru natna tur a awm ka hre miau lo ani. " Remsangpui engtik laiin?" Hlutea chuan a ti kha kha a , pakhat lah chu a diau duh bik lo " kawn ah ka hmu vek che u ka mit nat vangin ka chhuak theilo a " a tih leh lai mekin an lo nui huk a , " Hriathlua min hnek na ti ve mai la' tiin an thianpa chu an fiam sap sap a ,pakhat lah chuan a lo duh ikhaw lo a a tang nasa ve pang pang khawp mai.




Chhuatah an thu nuai a keipawh sofa ah ka thu duhdah khawp mai, ka naute thian ho lah chu a khat tawkin an in tlawh loh leh an in chum leh tawk thin a ka nui ka nui mai. An reh thep thawp lai chuan " kan khua ah hian misual rawn kal thut se mi that vek dawn ta se ,khawiah nge in tlanchhiat ang?" a ti teh daih a . I sawi ho emai an tih laiin a thutak viau thung a , " minute 20 vel in saseng na hun min pe se " a la ti deuh deuh a . An ngaihdan sawiin an ri leh mar mar tawh a " keichu ei tur bag ah ka ak teuh a nga ka tlan char char ang a ,kawmtlang kawr hi ka zawh zel a nga a mat ka pawh ka nga ka chho leh zel nga highway ka pawh velah motor ka chang a nga lunglei lamah ka kal daih ang" Puitea'n a tih chuan an hnial sap sap a ,a harsat thu ha hip in an sawi bawk a thleng tak tak tur te pawh a ang dawn dawn mai.





" Keichu ka mamawh tur ka khung sawk sawk a nga ,a changtunu ka han lam phawt a nga " Hlutea'n a tih leh chuan ka nuih a za tawh kher mai. Pawn lamah thawm a rawn awm a kan ngaihchan thap laiin mimi alo lang hlawl mai. " I lo kal tih ka hre chiah ,i nu ka hmu a zingah ka class kal hma in" a tih chuan ka nui ringawt a chhan mai dan tur ka haihchham viau a ,helai ka thlen thleng kha chuan ka la hrereng mahse ka lo ngaihtuah zawm tawh miahlo tih ka hre ve chiah.





" Awii ... Lal Lizzy i van thau reuh mahse i inhmeh" a tih zui leh a kalo ner nang nang a , " hostel hming ka chhawm duh tawhlo ania " ka tih chuan ka bulah rawn thu thla in a nui zui hak hak a . Hostelah khan ka luh hma chiah kum khan Lizzy tih hming pu a lo lut ve thin a ni awm a ,ka kal ve kumah khan ani chu school dangah a kal ni in an sawi a mahse kan in ang deuh aniang kan teacher pakhat khan Lizzy emaw min tia , Lizzy ti in min ko a ka nilo tih a hriat khan a nuih a za angreng a mahse min koh zawm ta zel tho a .




School naupang leh zirtirtu thenkhat pawn in ang min tih thu an sawi leh zauh thin a , office a school computer a thlalak kan en tumin Lizzy chu ka hmu ve tawh a kan pian leh kan hmel fang chu a lo in ang reuh lutuk tak tak a , ka sam a dum hlap laiin a ni chu a buang lam a pawl mah a a pian pui sam ni in an sawi bawk ,uniform a hak phei chuan kanin ang ka ti ve reng computer ah chuan a thlalak a tam khawp a hostel ah chuan a mikhual lo hle a nih ka ring , teacher te rengin a hre em a. A takah hmuh ka chak ru thin khawp a mahse hmuifang khua daih a ni nghe nghe .





" Ka ngai che e " ka thiannu chuan a ati leh ringawt a ,hostel awm lai sawiin kan nui dun hak hak a . " Zomuana leh Rosangzuala i hmu tawh em?" a tih chuan ka bangbo angreng . " I hre tawhlo ami? hostel a awm ve thin te kha " a tih chuan ka hre ruai ruai a mahse ka chiang ngamlo . " Zolawmsanga te kha .. Bawktlang keite kha"a tih leh a ka thil hriatchhuah vang chuan ka nui nasa viau a . Ka la hrereng mai zankhat Zolawmsanga te sneak out kha sir in a man chhuak a ,Warden in a warning a a hrem bawk a Zolawmsanga lungawilo kha a phun bul bul reng a, a khat tawkin " Bawktlang keite ka nih hi" a ti leh thin a . Nidangah pawh uang thuang deuhin Bawktlang keite a in ti fo a ,a in lak huai ve na tawngkam a nia tuman kan ngai thutak ngailo a kan nuih pui mai thin.




Kha mi zan kher kha chu a lungawilo ve bawk nen a thinrim a in hrosa reng kha Rosangzuala ning lutuk khan " Bawktlang keite i nilo,Bawktlang saphu i nih kha" a ti hlak a midang kan nuih a zat viau laiin lo thinrim sa Zolawmsanga ngaihdan a pel a an in sual phah ringawt a ,tun thleng hian ka nuih a la za reng.




Ka hriat tawhloh thil Mimii chuan sawitur a hre phian a ,a sawichhuah takah chuan ka hrechhuak ve leh ang lawi kan nui nasa kher mai. Ka naute thian ho lah chuan an ngaihthla uluk em em lehnghal a , chutia hun kal tawh sawi thar leh takah chuan lung a leng thar viau a a hun lai ang maiin a hlimawm a ,hostel ngai a ka lung a len ka ring ngailo kha nia nunhlui an lo chan zawh takah chuan kha hun leh hmun te ,kha hmun a ka zir pui thin te engtik ah nge ka tawn leh ang tih pawh ka hriat loh te kha ka ngai thar ve veng veng mai.





Hreh takin mahni in chhuahsan in hostel ah kan awm a ,dinhmun in ang lo leh khawsak in ang lo tak tak kan awm khawm a in an na lai kan neih awmchhun chu kan haw chak vek kha ani awm e ... Hmelhriat ngai loh leh mang lam ah pawh kan la tawn ngailoh te nen chhungkhat ang maiin kan khawsa ho a , a tir a hmelhriat loh ti a kan sawi thinte bulah ngei khan kan harsatna te kanin hrilh tawn ta thin a . Hun a kal ve zel a in lam a kan haw theih hun a thleng a ,in lam ngai viau thin e tilo khan in a awm meuh chuan hostel a kan thiante bawk kan ngai leh a ,kumthar ah kanin hmuh leh meuh chuan hahip a sawitur kan nei tawh thin a . In ngai viau e ti lo chuan kan in hmuh leh chuan in lam bawk kan ngai leh ta thin a , tunah chuan a kum a kum tel kan lo khawsak pui thin te kha khawiah nge an awm a enge an tih ve thin ang tih pawh ngaihtuah tham tak a ni tawh .



Engtikah emaw tawn leh hun an awm leh ang a tun hma ang a thil tam tak sawidun na hun kan nei tawh kherlo ang ,puitling kanin ti tawn theu ang a hun leh ni tam a liam tawh vangin kan kar a hla duk tawh hlawm ang a ,rilru a vei nei tun si khan kan phawrh chhuak tawh awm silo a . Ngaihtuahna kalthui chang a min ngaihtuah chhuak ve zawk chang an neih ve ka ring a chung hun a min sawi dan tur chu ka hre chak thin ,min hmuh dan dik tak a ni awm si a . Thawk leh khat a a rual a ka tawn a rual a kiang leh duak thin te an ni satliah lo a ka thiante tiin ka sawi fo tawh dawn zawk ani.





Mimii pawh chu a awm ve ta reng a ka naute thian ho erawh an in zui chhuak a ,dar 3 vel a putea lo haw chuan Mimii chu a be ve luam a an in nel viau a nih hmel. Mimiin len harhpui min sawm chuan Putea chuan " va leng harh rawh u, eirawngbawl a ngailo" a lo ti khauh a hnial biklo in kanin zui chhuak a an inah kan peng zuai a kan rei lemlo,thenawm mai chu an in alo ni tak tak a ,nizan a min thlah tu pa in " thenawmah a nuih uar uar kha" a tih kha ka hrechhuak zawk mai.





Mimii nen chuan in kaichungin kan kal zel a kawng dung zel kan zawh a ,dawr ah thil a lei zawk bak chu hmundangah kan penglo. Vengpui a tih lai chu a lun ve phian a chawhmeh te pawh an zuar ve thin a nih ka ring, mipa pahnih kan tawh chuan an in be luam a min hmelhriat tir ve bawk a Davida leh Henrya chuan min nuihsang a ,an fel hmel khawp mai.



" Zomuana in lo hmu em?" Davida zawk khan alo ti a kan hmuhloh thu Mimii chuan a hrilh ve mai bawk a . Kan piah dawr a tang a nutling pakhatin a lo koh chuan an kal lawk tur thu sawijn an in zui nghal a , " Davida kha ka bialpa a nih kha " ka thiannu chuan a rawn ti sar sar a ka va melh deuh kawk a alo nui heu mai. Davida a tih chu a hmel chhe lo a a palian viau bawk ,a hmel a nelawm viau a ka kawm duh tur chi tak mipa a ni bawkin ka hria .




" Zomuana te chu naktuk Aizawl kal a tumin ka hre sia " ka thiannu chuan a ti niah niah a ,an mi sawi chu ka hriatzawng a nilo bawk nen ka chhang zui lemlo.



Kawngtluanin an khua a college kal turin min sawm a keipawn a that zawk ka ring , ka nu leh Putea sawipui ka rilruk bawk. In ka thlen chuan ka nu alo awm tawh a " i pa chuan helamah zirna chhunzawm turin a ti che anih chu" a tih lai a a hmelah chuan diklo ka hmu tel tlatin ka hria mahse engmah ka zawtlo . Zep loh ah chuan ka rilru a na ani,hostel a ka awmchhung zawng pawh a ka pa poisa Ruatfeli te nufa in an chen mah tih tawh a thingtlang a i he lo a awm tur a min ti hmiah chu ka ngei khawp mai.





Kan ruahman dan chuan naktukah zankhat riakin Aizawl ah ka chhuk ang a ,migration leh a tul dang dang ka buaipui ang . Putea'n min kalpui a tum viau a mahse ka hnial a keima a kal ka hreh loh chuan pawi a tilo zawk a ni awm e ,tunlai chawlh a la zing a a thawhpuite lakah a in thlahrung deuh a .Ka nu chu phut buai chi a nilo bakah ka ni a awm avangin min ngaihtuah vaklo a thu hrim ah mahni a kal kha ka duh zawk hrim hrim a . Zanah pawh hma takah ka mu a zingah thawh ka hai palh pawh a min kaitho turin ka nu ka chah mawlh mawlh a ,min kaih thawh tur thu a sawi ve mai bawk a .




end of chapter


Link:
BBcode:
HTML:
Top

[Ngaia]

Mahni a Aizawl lam ka pan ta chu ka zam leh hnuhnawh khawp mai a ,Putea emaw ka nu emaw ka lo inzui tir lo chu ka inchhir dawn dawn a ,ka pa leh a nupui te nufa in minlo dawnsawn dan tur ka hre lawk miau lo a . Sumo a kal ka ni bawk nen ka chuan pui te chu an ri leh hlut thin a ka rilru kal ding lutuk tur pawh an la peng leh thin a ,a tih zia phian.




Kan tlan rei deuh hnu chuan ka dik hleithei meuhlo a ka pum a nuam vaklo zui bawk nen ka rui ti tih der a , tukverh bulah ka lo thu hlauh a pawn lam thlir in in tih harh hram hram ka tum a mahse a nuamlo khawp mai. Kawngchhe deuh lai a kan tlan nghawr deuh te chuan ka luak a chhuak tun a ,ka awmdan nuamlo lutuk chu thup tum viau mahila a harsa angreng. Mahni tawk a hreawm ka lo tih viau lai chuan ka bul mai a thu nutling chuan " Mami tukverh bulah khan kalo thu ve lawk mai teh ang ,ka rui deuh tlat" a rawn ti ta mai a .



Ka awm alo nuam vak lo nen tukverh bul han ken chu hreh tak te hian ka hreh a ,a hmel ka en chuan hnial chi a ni in ka hre bawk silo . Tukverh bul a ka thu lo chiah phei chu ka lu te a hai muai muai ni mai hian ka hria ,boruak a uap churh a ka mualpho chhe nasa dawn in ka hre tawh . Vanneih thlak lutuk in zunram thiar a din an rawt a ,kan din rual rual chuan ka chhuak vat a mitmei ven si se na hun awm tawh heklo a piah deuh ah chuan ka va uak ta that that a . Ka hun tawn teh hrep chuan ka awm a ti nuamlo hle a ka zak ru et et tawh.




Tuman min ngaihven lo emaw ka tih laiin driver chuan " i rui em ni?" tia min lo zawh pahin tui minlo pe vat a ,kalo ban ve mai bawk a ka zawi ngawih ngawih . Tui pwwh chu ka in tuilo khawp mai , zingkar a chhuak kan ni bawk nen pum ruak deuh a motor ka chuan vang a nih ka ring ber tawh . Kan kal leh tur te chu ka hreh tawh khawp a ka tawi khawmuang chak kher mai , ka seat a thu nutling lah chu a inthlahrung khawp mai a ,han tlawmngai viau dawn pawh nise a lo rui ve nasa mai bawk si .Ani phei chu kan tlan laklawh lai pawh khan tukverh ah dakin a uak tuar tuar reng kha a nia .




" Noi hi a lo rui ve bawk sia ,nilo se chu kan thutna ah hian a thut theih tur ania" kan hnung a thu chuan naupang pawm chungin a lo ti ve charh charh a , midang han melh kual pawh chuan kum upa lam deuh te an ni fur a ,a thalai berin tukverh bul chuh luih tlat chu a dik in ka hre silo ka rilru chu a buai khawp mai. " Kan hnungah khian Zomuana a lo kal asin pakhat chu a phur thei ang che u mahse bike in a nia" driver khan alo ti leh khauh a . " Keimah kalo chhuk mai dawn ami?" ka seat a thu bawk chuan a lo ti leh a a hmel chu ka en nawn leh ngat a ,bike ah chuan a chuang nuam thei pawn ka ring ngut lo .



" Bawihi nang bike ah chuan chuang mai la ,i hreh em?" min en chungin driver chuan a rawn ti leh khauh a chhan mai ngaihna pawh ka hrelo. Hmelhriat loh kiang a kawngtluan a chuan chu ka hreh viau na a sumo a han chuan leh pawh chu ka hreh tawh angreng . Chutia kanlo din mek lai chuan kan bulah bike a rawn ding dat a , ka lo en vat a " Zoa , hei kan nula hi phur mai ta che a rui deuh a " driver in a tih chuan kalo nui tawi tak a ka ruih thu a sawi tel kher chu ka ngei tak tak.




Tlangval chuan engtin nge a chhan ang tih kalo ngaihtuah lai mekin " nula phur te chu a zia a lawm" tiin a nui pah suk a , kan driver pawh chu a nui ve hui mai. Chutia kan in phur ta chu a bike hnung a sang bawk si ka thu nuam thei der lo a ,han hnaih viau kha ka hreh bawk si ka hahdam lo zual sawt mai hian ka hria . Min be lo a han biak dan vak ka hre bik silo chu kan ngawi dun rauh rauh a , lawmthu sawi te pawh ka duh mahse bultan dan tur ka hrelo ani. Kan hma a sumo tlan hmu phak reng chuan kan tlan a chu chuan ka thla a ti muang ve em em a.





" Lizzy , hostel ah khan i awm ve tiraw?" min biakna avang chuan a mah chu ka en vat a ,a tukhum bak ka hmu thei der lo . " Min hria maw?" ka tih chuan a ngawi zui daih a , sawi leh mai tur ka ngaihtuah lai chuan " umm" a ti leh ringawt a. " i awm ve em ni?" ka tih chuan " awm ve thin e " a ti leh mai a . " Ka hre ve miahlo che , Mimii leh Rosangzuala chu ka hria a .. Cynic atang a lo in sawn kha chuan " cynic atang a lo insawn kha chu keimah zawk" alo ti sup a . " Ehee... Zomuansanga kha nangmah maw ?" ka ti deuh hluai a , a nui in ka hria .




" Hman zan a min thlah tu pawh kha nangmah tiraw ?" ka zawhna chu a awm anglo hle mai. Min chhan hma chuan " a thim deuh tawh sia " ka ti nawi vel mai mai tawh ani. " Ka lawm lutuk ania , min thlah vang leh tun a min phurh vang hian " ka tih leh chuan min chhang tawhlo reng reng .




Hotel ah tukthuan kan ei a ka motor rui kha a reh tawh bawk nen ka ril a tam viau a ka ei ve nual mai, kan chhungte bul a kan thlen chin hrilh tur takngial pawn phone ka nei silo a ka chhungte chuan min ngaihtuah ngawtin ka ring . Ka thlen velah phone lei turin min hrilh nasa a ka nu in pawisa pawh min pe thlap bawk, min pe tam angreng bawk nen ka duhthusam ang zan a tha ka lei theih ka ring.





Kan tlan leh hnu chuan kawng a tha tawh bawk nen a tlanchak thei viau a engmah lah ka sawi ve ngam derlo a ,kalo ip leh chawi chawi zel. A khat tawkin kanin be ve leh zauh thin a in nel lo leh in hmelhriat tha lutuk ni ta lo chu sawitur a vang thin khawp mai. " Kan khua ah i lo dawn emaw ka tia " a tih chuan kalo bu nghat a , " umm.. Awm dawn e thil tihfel tur kala nei nual a ka zawh ah ka let leh ang" ka ti tha ve mai a . " Hostel ah khan Mimii leh Rosangzuala ka kawm nasat nen ka hrechiang ve thei miahlo che " ka tih chuan a nui mai a , " Andrew ka kawm thin " a tih chuan " Lengpui khua kha ami?" kalo ti vat a lo bu nghat a . Sawizawm a duh ka rinloh vangin ka ngawi ta reng a Andrew chu hostel kan awm laiin warning vawi hnih a dawn hnu ah hnawhchhuah ania , luhlul in tihmawh viau mahse Sir Maruata pawhin a chhuah dawn tak tak ah chuan a lainat thu a sawi a ngaihdam dawnin warning a dawng zing ve bawk em ani.




Keipawn Andrew chu ka khawngaih a hmeichhia tuman an ngaihnat loh laiin a mizia kha ka ngaina a , thian tha ang takin min en ve bawkin ka hria . In sual a hrat a hostel atang a chhuak ru fo bawk a ,vawi thum lai an man nghe nghe a chhuah hma zanah hnawhchhuah a nih thu a hria a , chutiang thu a chhungte'n an hriat a ngaih vang a hreawm a tih thu min hrilh a ,a nu a lainat thu leh a pa a hmuh hreh thu min hrilh lai a ka lainat zia kha aw ..




Mipa mize mak tak a ni in ka hria ,a thiam thu a sawi ngailo a a nunchang vang a ngaina lo ber thin Sir Maruata pawhin a awmloh hnu ah a chanchin a chhe zawngin a sawi zui ngailo a ,mahse mak deuh maiin Andrew chu a ngaihtuah zui thin thu a sawi mauh a a chhan erawh a sawilo . A chhuah hma zan khan rei tak a falin a bia a eng emaw tak hriat a nei a nih ka ring. Hostel a naupang dangte chuan a chanchin an sawi a ngaihdan hrang hrang an nei bawk a mahse keichuan ka sawi zui ngailo,Andrew kha ka khawngaih a ka bul a thusawi tawi te kha midang bulah sawi ve se tuman an rel zui duh bikin ka ringlo.





Aizawl kan luh chuan dar 1 a lo ri der tawh a , sumo stand ah chuan a ding a chhuk mai ka tum laiin " khawi vengah nge in awm?" alo ti leh khauh a . Min thlah dawn a nih ka ring , " sumo ah khan i bungrua i dah ami?" a tih chuan ka lu ka lo thing vat a ka bag ah lai bak bungrua ka neilo tih ka sawi chuan mak a ti deuhin ka hria . " Kan inah thawmhnaw hak thlak ka la nei nual tho a " ka tih chuan a hrethiam a niang emah min zawt zuilo.




Taxi lak leh kual ai chuan min thlah se pawi ka ti lo a ,kanin phur chhuak leh ta chu a nia . Ka ni te inah kal hmasak ka duh a mahse min thlah tu pa hriat lai a mahni in pan hmasa ngamlo nih ka hreh a ,kan in lam ah ka tlan tir ta zawk a . Kanin kawt a ka chhuk lai chuan alo la ding ve reng a ka lut mai hreh deuh tlat. Gate bulah chuan tawi muangin ka thlir reng a eng thil in nge minlo hmuak ang tih chu ka ngaihtuah thiam derlo lehnghal.



" Lut ta che?" lo ti tu chu ka en vat a " lo lut ve la ,thingpui te lo in rawh" ka tih chuan min en vung vung a ,a helmet a phel tawh bawk nen a hmel chu ka hmu chiang tawh kher mai . Min en reng vang chuan ka hawisawn thuai a rinloh lutuk in a bike atang a rawn chhukin ka hnung ah min nam kal dat dat a a chetdan chu mak ka ti ." Phone lei ka ngai a ka en hmasa mai dawn mi le ?" ka tih chuan ka tawng hria ang pawn a awmlo . Kan in a nia lawm ti a in ti paukhauh chungin kawngkhar chu ka pawt hawng thuai a ,tumah hmuh tur an awmlo reng reng. " In awm em?" ka tawng chhuah dan chuh ! Tunah khan mihrang in a leng lut ang maiin a alwm ka tawng le .



" Pa .. " a reh vung vung a ka pen lut zui nghal a ka bul a mi
pawh chuan minlo zui ve zel bawk a . Inchung lam atangin thawm alo awm a Ruatfeli hmel ka hmu zawm zat a ,ka hmel a hmu chu a phawk hra mai. Kailawnah chuan a rawn pen thla chhat chhat a ka dinna ngai a ding chung chuan kalo en reng a , " enge ilo tih dawn?" ka lo nui hak a ka nuih erawh a za lo ka thinrim lutuk chu ka sa nghal pup pup thei . Ka awmdan a ka tih lan vak pawh ka hriat loh laiin ka bul a mi chuan ka kut a rawn hum vat a ,a awm ve tih pawh kalo hre tawhlo reng reng .




A chetdan chuan min thawng viau a a kut lum thar thar pawh chu ka hrechiang viau. " Hmeichhia zawkin pasal i rawn ru elaw?" a ner deuh nang nang a , ka bul a mi chuan ka kut a rawn hum nghet sauh a . A hmel ka en chuan a mitmeng chu ka hrethiamlo ,a mit a en chung chuan ka bu ta ringawt a min thlah dul ve mai bawk a . " Enge ka tih dawn tunge kalo hruai haw tih vel lo ngaihven ve vak suh" tih pahin ka kal pel a ,choka ka luh rualin ka thawchhuak hawk a . Zomuana hi awm velo se chuan kut ka thawh tawh ngei ang.




" Hahdam rawh" rawn ti tu avang chuan ka phu chiam lehnghal..



" Thingpui nge juice " ka tih chuan " khawnge i pa ?" alo ti daih a " office ah aniang" tih zawngin ka chhang. Thutkhawmna lam a Ruatfeli tawng lang lang chu ka hre zawm a ,phone hmangin tu emaw a bia ani awm e .. " Aw .. Mipa te lo hruai " a tih leh chuan ka inthunun leh thei derlo , tunge awm ka pawisa tawhlo ka pan phei thuai a . A sam a keh pah chuan " ka nunah buai suh ka ti che , ka thian ka lo hruai chu engvang a lo helh viau nge i nih? .. I thiante i kawi khawm duah a ,i riah chhuah dun dun pawn ka sawisel ngailo che ka nunah lo inrawlh ve tei vet suh" ka tih chuan a sam ka tham na kut chu a lo phih ve sawk sawk a ka thlah mai duhlo.




Zomuana lah chuan min lo en ve reng bawk a dik tak chuan ka zak ,kut thawh hmasa tu ka ni bawk nen hreawm ka ti mahse insum hi a har em ani. A tir atang a kan boruak hrelo tu chuan min dem ang mahse ka dinhmun a ding ve te chuan ka tih ang tho hian an tih ve vek ka ring. " Khawge ka pa ?" ka tih chuan " office ah " a ti chul a " khawnge i nu?" ka tih leh chuan a " thiante nen an leng chhuak" alo ti leh vat a ka lo ner nak thung. " Ka pa sum hmang a nuam tawl nufa ve mai mai hi a " ka tih lai a mitmeng chu a thip khawp mai.




" Uire nu fanu mai mai i nih ve tho kha " a rawn tih leh chuan a sam ka kehna chu ka ti nghet sauh ," a na ania " tiin a rak chel chul a ka thlah ve ta hram a . Ka thlah chiah chu min rawn vau nghal buan buan hi a ni hawt a ka hmaiah a rawn vai fuh bawk nen a ri sawk mai,thinrim lutuk a pan leh mai ka tum laiin ka hnunglam atangin hneh zetin min pawt sawn dawr a ,a awm ah nghet zetin min kuah bet nghal hmiah bawk a . Zomuana chetdan chu ka rinloh lutuk dan a ni bawk nen ka awmdan ngaiin ka awm reng a Ruatfeli erawh tap pur chungin a room lamah a kalzui a " ka nu lo haw hunah i chaklo ang" min la ti zui hram a .



" Hahdam rawh " tih pahin ka hnungah a chul zui hauh hauh a ,chutiang a ngaihsak tu ka neih lohna chu a rei tawh em a tah ka chak lutuk.



Pawnah min hruaichhuak a a bike hnungah bawk chuan ka lawn kai kanin phur chhuak leh ta ngawt a . Ruatfeli vang mai mai a rilru tihnat ka duhlo a mahse ka dinhmun leh ka chan ai min chhuhsak hneh lutuk hian min ti na ani. Zangkhai thei ang ber chuan " bazar ah min dah mai rawh , phone en ka duh a " tiin ka hrilh zui a . Min ngaihtuah deuh a niang phone te chu min en pui zel a a nei tu tur pwwh ni mang silo chu a duhkhirh viau a , dawr pathum lai a kan luh hnu ah kan duh kan hmu ve hram ani.




Eitur te min leisak a thil kan ei leh hnu phei chuan ka hlim leh viau tawh , Ruatfeli chuan ka rilru a luah meuh tawhlo .A hma atang hrim hrim in an nufa hi chu a mihring tak hian ka eng helh lo hrim hrim a ,Ruatfeli tak phei hi chu tharum zawng pawh hian ka ngam ve em a , ka pa lak a ka dinhmun min luahlan hneh em avang hian ka rilru a na ve deuh tih mai loh chu buaina dang ka nei ngailo.




Ka pa te office kawtah kan ding dun a min letsan tur a ka tih pawn ka bulah a awm ve reng a , ka pa office bang nen a kanin phurh chhuah rualin a tlanchhuak ve chauh a ,a awmna veng hming leh eng ti tur a kal nge anih pawh zawhna chang kalo hre ve reng reng lo tih ka hrechiah ani.




Ka pa leh Ruatfeli nu chuan pangai takin min bia a engmah min sawipuilo, ka nu bulah ka thlen thu te ka hrilh hnu ah ka room ah ngei ka mu leh ta a , hah a dam sawng sawng mai . He in nilo ka room chhungah na na na hi chuan ka hahdam ve thin asin mawle .


Show post links
Top

[Ngaia]

Uire Nu Fanu - 5

" Bawihi " ka room kawngka kik pah a ka pa aw ka hriat chuan ka thu chhuak vat a ,alo lut fel der tawh. Ka khumah a rawn thut kai rual chuan a hmel chu ka lo en vat a ,hnual rawih hmel a pu in ka hria .

" Ka ngaihsak tawk lo hle mai che ... " a hmel en chu ka hreh deuh tlat a ,a in thiamlo tawngkam pawh chuan ka awm a tinuam miahlo . " I nu i ngai ve thin ang tih ka lo ngaihtuah miahlo a , ni e ... Han kal la mahse ka fanu ve tho i nia ,kut ka thlak vang che kha chuan min haw reng biklo a niang chu .. Thla tin pawisa leh i mamawh ka lo thawn thin ang che " chhang mai lo in ka ngawi reng a .


" I unaunu nen ve zawng inin mil thei ngang silo a , chuvang a awm hran erawh a ngai kherlo na in i nu bulah i awm chuan ka awm a nuam zawk a .. I nu hi nu tha deuh mai hi a nia , i naute pawh ka hmangaih vek a ,nang chu ka chenpui reng reng thin i nia ka ngai ngawt ang che " a ti leh chuar chuar a a hmel leh a tawngkam chu a in hmeh ka ti lo tak tak ani. A rilru zawng zawng a sawi a ni tih chu a hmelah leh che zia ah a hmuh theih a ,kalsan chu ka hreh leh hnuhnawh viau a mahse ka ti tawh ta sa sa ka thu sut leh hne hne thei dinhmunah ka ding tawhlo.



Ruatfela te nufa nen chauh a kalsan chu ngaih that zanlohna ka nei a ,a chhan erawh ka hrelo thung. Ka pa kalo hmangaih zia leh ka thlakhlel zia ka hriatchian phah sauh bawk. " Ruatfeli pawisa lo pe ham ham suh ang che ,in ah hian nuam tawl te alo tum ngawt a nge " ka ti kha kha a ka pa erawh a lo nui mai thung a .



Lukham bul a ka phone dah chu a lo ban vut a " i nu lei che em ni?" alo ti khauh a , ka lo bu nghat a . Mak deuh mai in ka pa hmel ah chuan lungngaihna ka hmu a , lungleng tak hmel te pawh a pu in ka hria . A jacket ipte atangin ka phone hlui kha a rawn phawrh a , " a la tha tho a i naute pawn an hmang duh ang " a tih leh chuan ka lo ban vat a .


" Scooty ka keng dawn ania , he ta a awm chuan Ruatfeli ilo hmantir mai mai ang tih ka hlau" ka ti pang pang a ,a ngawi rauh rauh mai. " Sumo chuan chho leh phawt la ,nakinah Tevala emaw ka lo dahtir mai dawn em ni , mahni chuan i ngaihtuah awm dawn emai" a ti leh dap dap a ,ka huphurh loh tehlul nen aw .



Ka pa chhuah hnu chuan dar 10 a lo ri tep tawh a , eng eng emaw sawiin kan ti ti tui phian a ,ka pa chu ka khawngaih riau tawh. Rilru thlak a a kiang a khawsak leh chu ka duh rum rum hial a mahse nem leh tlawm nghal mai kha ka tlawm la riau ani.



Ka muhil tep tih ah whatsapp message a rawn lut a number lawng chauh a nih vangin ka hawng thuai a , " naktuk chawhnu lamah ka chhuak chauh ang, ka rualin ilo kal duh em?" tih te mai hi a lo awm a . A whatsapp name ka en chuan " Sakawrbaknei" tih alo awm kulh a ,hahthlak hian . About ah chuan chhun det tlawng a dah a ,dp chu kutphah thlalak ringawt a la ni zui... Ka no a neih dan ka ngaihtuah a vawin a phone min leipui khan alo la a nih dawn hi.



" Zomuana ami?" ka tih chuan a chhiar ve thlap a mahse min chhang tawhlo , ka ngaichang reng a mahse dar 12 rik dawn thleng pawh chuan min chhanglo a ,a tawpah phei chuan message thawn sual a nih ka ring rum rum zawk. A hmel ka hmuh dan ka ngaihtuah let a , kei ai chuan a sang viau a a ngo hran miahlo ka kut a vawn lai a taksa lum na kha ka la feel thei a , a chetdan ai mah chuan a pangtilum ka tawh khan min thunun zawk ni hial ten ka hria nia maw le ..


Zingkar a ka harh pawh chuan min la chhang ta chuanglo a kan ' sakawrbaknei ' chu induh thiam ngat ngat khawp mai. Chawhma lamah ka pa nen kan college lamah migration leh thil dang kan va tifel a ,rin ai in alo awlsam a kan zo hma angreng. Hmelhriat thenkhat leh han kawm tam deuh te pawh ka nei a mahse min ui fal deuh tu thian ka neilo reng reng. Bazar lamah ka mamawh leh ka naute thil tur leiin kan bazar dun leh a mipa tihtakah a inren lo khawp mai. Mimii tan tshirt mawi deuh pakhat chu ka la tel a ,ka nau te tan pawh ka pa chu a duhthawh ngang mai.




In lam a kan let leh hnu chuan ka scooty ka hru fai hliau hliau a ,a khat tawk chuan ka pa chuan minlo thlek pui leh vut in " a tih chi dawn em ni aw ?" a rawn ti leh vang vang zel a ,ka lo nuih laiin a thutak thin khawp mai. Kan pafa a scooty kan lo buaipui lai chuan kan gate bulah bike thawm a lo awm a ,ka hawi phei rual chuan Zomuana ka va hmu zui a . Helmet pawm chung a gate a alo luh lai chuan ka pa pawn a lo en vung vung tawh .



" Ka rualin i haw leh dawn em" a ti nghal zat a ,ka pa chuan minlo en thuai bawk a . Nuisangin " scooty hian ka kal ang" ka lo ti a " hmm" tiin a hawi sawn nghal hmak a nih chu. " Zomuana anih hi ,ka thianpa kal lamah pawh khan kanlo inphur a " tiin ka pa chu ka hrilhfiah zui a ,a hrethiam ta a niang a bu ve nghat nghat a .


" Naktuk zing lamah kal ula tha mai tur ania , chawhnu vut vut a chhuah i duh tlat sia " a ti bul bul a , " class thulh reng a chiloh a lawm kum laklawh ah ka insawn bawk si ka hnufual lutuk a nga sin" ka ti ve tlat . A ni tak tak a ,thiante tlukloh ka duh bik lo ani. " Nih leh thingpui te in phawt ang u .. Zoa lo lut rih rawh u khai " tiin a kal zui a ," khai " a ti tel kher chu kalo nui hmanhmawh a .



" Puitling ho hian ka hming a thing lai berin Zoa min ti ziah" tiin ka bul a mi chu a phun nuah nuah a ka nuih a ti za angreng. Kanin ei puar hnu chuan ka pa chuan lung dam zan lo in min thlir liam a ni hawt a ,Zomuana bulah " han ngaihsak viau ang che chak deuh deuh a tlan te kha tih miahlo tur , a hnung zawk ah tlan la han chhawm chho char char ang che .. Hmeichhia a nih hi aw " tiin kan tlanchhuah thleng chuan a au zui tak tawk tawk a .




Kan tlanchhuah leh hnu chuan ka hnim ruih mai ,kha leh chen pa hmangaihna hnuaiah ka khawsa a nu hmangaihna dawn chak leh thlahlel reng reng in hun ka hmang a ,tunah nu hmangaihna hnuai a khawsa turin ka tum ram ka pan mek a mahse ka rilru luahtu chu ka pa a ni leh daih a , nu thlazar hnuai emaw pa uaplumna hnuai emaw a awm ai chuan nu leh pa kar a khawsak ka mamawh ber tih ka hrethiam chiah ,kei ang bawkin ka nau te pahnih pawh hian.




Kan tlan rei tak hnu ah chuan a nuam phian a ,ka hnung a mi chu a rawn tlanchak thin bawk nen kan khaw sumo pawh kan tlan pelh na a rei tawh . Ka scooty ah kher hi chuan ka confi ve em a ,ka hnung a mi chu tlanchak viau thin mahse ka lo tlanchak ve mai a kanin um kual hi a ang berin ka hria . Khua kan thlen chuan a thim leh ruai tawh a kawnah a din avang chuan ka din ve ran a , ka lam lo panin " i khalh thiam khawp mai" a rawn ti a ,ka chhan leh hma in dwwr lamah a kal zui a ka zui ve nghal thuai bawk a . In tur a lei dawn a nih hmel minlo en leh vutin a mit ko a san ralh a , kaduh min zawt a ni hmiang " coke " kalo ti zauh a .. Ka intur min pek pah chuan kan lirthei dahna lam kan pan leh a kawng ka hriat tho vangin kan veng lamah kan tlan leh nghal a ,an in zawnah chuan ding lo in a tlan tlang a min ti bangbo angreng .




Kanin kawt a ka din rual chuan ka sir ah rawn ding ve zat in " chaw ei tui aw " tih pahin min nuih a , pawn light an on vangin a hmel chu chiang deuhin ka hmu thei a ,a hmel chu tha ka ti tak tak. " Nang pawh le " ka tih rual chuan chak deuhin a tlanchhuak zui nghal a ,keipawh in khai bawr teuhin inchhung lampan in ka kal zui nghal a .



Ka nu'n minlo hmuh chuan min puih thuai a , " ilo tluang em ? i pa',n scooty a ilo haw thu a sawi a ka ngaihtuah lutuk che alawm" a ti siam siam a , hah a dam sawng sawng thei mai. Kan thawm a hriat rualin Lawmtea alo lang ve zat bawk a . A tlai tawh bawk nen chaw ei an rawt zui a ,keipawh ka ril a tam tawh bawk nen chaw eikham lam a inbual mai tha zawkin ka hria .



Ka chhungte chuan nimin leh vawin lamah room an lo siam tha a , inhnuai ah room pahnih a awm a putea leh Hruaia',n an hmang dawn a ,Lawmtea chu a mahin riak ngamlo mahse a room tur an tifel ve tho thu ka nu in a sawi a , " room chhak berah ami chu ka nu in ka room turin alo tifel thlap a khum pawh a lo pha sa vek a ,Lawmtea dawi deuh an tih vangin a laiah an dah thung a ,ka nu nen kan kan kar cheh a ,room te ber chu mikhual room turah anlo dah bawk a , an lo tifel vek hman chu mak ka ti khawp mai.


" Mahni roomah theuh mut tur " tiin putea leh Hruaia chu an nui leh thin a ,a chhan erawh ka hrelo . Ka phone hlui zawk Lawmtea hman ka phal thu ka sawi chuan " a tihzia hlauh chu , zirlai ala nia a thar te chu lei a ngai teuhlo .. A leng hrat lutuk koh haw nan a tha khawp mai" ka nu in alo ti ve bawk a . Putea pawn " hmang tak rawh se , kan daily quato pawh a tlo deuh ang" a lo ti ve hlut bawk a. Lawmtea pawh a lawm ngang mai ka phone chu a la tha ve em bawk ani, ka nau chu nilo se keipawn hman ka phal miahlo ang.



Ka inbual zawhah Mimii alo lang ve hlawl a , college kaldan tur ngawt min sawipui a a phur tawh ngang mai . A thiante min hmelhriattir tur pawh pali nga lai a sawi tawh nghe nge. Ka kawr hawnsak ka pek leh phei chuan a khek rawi rawi a ,ka nu pawh a lo nui nasa mai. Scooty a ka phurh theih tur thu ka sawi chuan a phur tawh lutuk ringawt.



Mimii haw hnu ah ka thil hawn ka phawrh a ,ka nu pawh ka thil leisak ang chuan a lawm thiam kher mai. Putea a len leh tawh avangin ka thil hawnsak chu a khumah ka dahsak a , school ah a thawk bawk nen ka thawmhnaw hawnsak chu a zahpuiawm loh hle in ka hria a, school a a hak a ka leisak rilruk kha ania .. Ka naute pahnih tan a ka pa thil lei ka phawrh chuan ka nu chuan " i pa em em thin hi chu aw ,a in seng ve hle dawn a nih hi" a ti vang vang a . Lawmtea erawh a lawm viau a , thawmhnaw thar a neih nual bakah phone mawlh chu a buaipui a .



Ka room ah pawh minlo zui zelin ka khumah a mu ve a , " i thil duh ho sawi rawh kalo send ang che , phne hi reset ka duh " a ti reng a , a duh ang a intihfel meuh chuan dar 11 alo ri tawh a .. Ka biak mawlh mawlh chuan min chhang mailo a ka va en chuan alo mutui tawh lutuk , hei vang chiah hi a nih dawn hi putea leh Hruaia khan " mahni roomah theuh riah tur " an lo tih.. A mangchhe em em lehnghal a min rawn khan bet leh thin a ,keilah in kalo ngaithei lo bawk nen ka hah vek tawh. A chang leh a rum leh tuah tuah thin a ka thin a rim bur tawh. Zing a ka harh lah chuan a phone ah youtube en in a lo nui kur kur tawh a ,a tho hma viau anih ka ring..



Class kal tur a ka insiam mawlh mawlh laiin Mimii pawh a lo lang ve zat a , kawng ka hrelo bawk nen kanin phur chhuah rual chuan a sawi zat zat a. College kawng chu a tha viau a mahse khawchhung atang chuan duh ai in a hla ani, lirthei a tam ka ti viau bawk.. Lirthei keng an tam bawk nen bus a thawl viau in ka ring, rin ai daihin an khawsak a sang bawkin ka hria .


Professor chuan ka insawn chhan te min zawt ve luam a ,class a awm ve ho lah chuan mi thar ka nih vang chuan min en duh thin khawp. College tha tak atang a thingtlang a college ka kal duh chu mak an tih thu an sawi ka hre leh zauh thin bawk a ,ka beng tha leh lutuk hi chu aw .


Class lak zawh chuan Mimi'n min kai thla dawr dawr a , " ka thiannu nghak lawk ang ,alo kal mek" a tih vangin ka zui ve mai bawk a . Parking kan thleng phei tep tih ah gate ah chuan mipa leh hmeichhia bike a in phur hi an lo tlan lut mek a ,hmeichhia chu a rak chul mai. " Mawla .. Rosangzual hmela " tihte a ri nawk a ,kan hma a bike adin hrawk rual chuan a hmeichhe phurh chu a rawn thum thla rang kher mai.



" Rosangzual mawla" a ti leh hram a ..


Mipa chuan a helmet phelin bike atang a lo chhuk a ,ka hmel a hmuh chuan " uii ka nu " alo ti hluk a . Kei ang tho in mak a ti ve a nih hmel " mawlmuk" ka tih rual chuan " Lizzy " tih zawng sawiin ka biak leh hma in a kal nul nul a , midang khan minlo en ve bawk nen a ti zialo ka ti.


" Lizzy hei ka thiannu Zaitluangpuii aw , Zaipui tihin i ko mai dawn nia " Mimi'n a tih chuan ka lo nuih leh sang a . Ka hming sawi ve ka tum laiin " hei Lizzy" a lo ti leh zat a ,ka ner nang nang laiin Zaipuii a tih chuan kan kut ve ve rawn vuanin " bff... Best Friend Forever huhh" an ti ngawt a ,a thutak bawk sia nuih loh chu hak tak ani.


Nileng chuan kanin zui a duh ai chuan an nui ring thei deuh ani ,class lak loh karah chuan cafetaria ah ngawt min awmpui a ,thil ei lo a lo va thut hnawk ka hreh viau lai in an ngai pawimawh lo khawp mai.


Tlai ban a kan haw chuan kawng kawi lai ah mipa rual an lo awm khawm a , tlan tlang ka tum laiin mimii chuan " ding rawh " a ti chul a ka ding is ve mai bawk a . Kan hnung a Zaipuii leh Rosangzuala lo tlan pawh chu an ding ve zat a , Mimii chu a chhuk tharh a . Zaipuii te pahnih pawh chu an chhuk thuai a ,mipa awm khawm zingah chuan Mimii bialpa Davida kha ka va hmu a , an lo hawi phei takah phei chuan Zomuana leh Henrya te pawh kha ka va hmu zui zat a ,college ah khan hmulo mahila zirlai tho an la nih ve hmel e...


End of chapter


‌


Show post links
Top

[Ngaia]

Kan kal mai dawn emaw ka tih laiin ka thiante chu an thu nghet viau a , kan mipa ho lah chuan zial an zu khu luih luih a an ti ti lah chuh !. " Bike chu lak i tum em?" Davida'n Henry a lam hawi a a tih chuan a lo bu nghat a .. " A chhiar to ve khawp mai mahse a la thar ve em a " a ti ve mai a .


" Pu Thangdinga a scoooty nei thar ang chauh hi i ni ve nge " Zomuansanga pui chuan alo ti ve khauh a ,an nui huk huk hlawm a nuih na tur pawh ka hre ve lo. Chupa pui chu min hria ang pawn a awm ve lo a ,a tihdan chu ka ngei zawng tak ani.


ni
" A tha ve lawm ,bike thla i lakpui nga instagram a i post hunah caption ah ' i am bike ' i ti ve nga " tiin Davida a nui hawk a ,Mimii pawh chu a nui uar mah mah ani. Ka bul a Zaipuii ding chu ka va bekbawr sar sar a , " enge an nuih a ?" tia ka zawh chuan " Zomuana te thenawmpa ania Pu Thangdinga chu nikumah scooty a lei a ,facebook ah a thlalak a post a caption ah ' i am scooty' a tia ,Zomuana pek sawn a lo hre fuh alawm" a tih chuan Zomuana chu ka va en vat a ,min lo melh ve chiah bawk nen ka hawisan rang asin aw .



" Hman ni ah pawh Pu Thanga chuan nizan ruah sur kha nupa nun kan hman lai tak ania ,parda kanlo zar silo a kawl a phet khan kan lang chiang sia ka nuih a za ru khawp a ,nuih chi lah chu a ni mang silo a " a ti bul bul alawm ,Zomuansanga chuan a la ti tak deuh deuh a . A thiante lah chuan an la fuh viau aniang an thum hak reng a ,kan awm ve na chi ni chiah pawn ka hrelo.


In lam pan a kan haw lai in Mimii bulah " Zomuana kha min hria ang in a awm duhlo reng reng " ka tih chuan a lo nui hak a , " eng ah mah ngai suh..Dave hi a thiantha ber ania chuti chung chuan keipawh min mil reng reng hleinem , thiante bialnu pawh ngaitheilo a ti hlak hlak a ". Zomuana mizia chu ka hrethiam ta chiahlo a ,ngaihdan pawh ka nei thiamlo. " Hman ni ah pawh Dave bulah hmeichhia ngawt buaipui mai ,ka kawm tawhlo ang che u chatuan pawhin , te alo tia a tuk lawkah an in kawm leh tho sia , ' chatuantawia ' a ni ringawt " a ti zat zat a .


" David ti ve mai che " ka tih chuan " mawli bialpa te chu koh duat ve an ngai alawm" a tih zawm zat a , " Zomuana hi hmeltha i ti em?" a tih leh chuan " a hmelchhe hleienm " kalo ti mai a .. " Ni e.. Nagpawh Zomuana nen in in ngaihzawng hlauh a nih chuan ' Jo ' tiin ko ngei ngei ang che " a tih leh chuan kalo ner nang a ,a ti awm anglo ngawt mai. " Mahse ka duhpui lo che " te a ti leh ang lawi a.



Rosangzuala leh Zaipuii chu an in ngaizawng em ka tih chuan " teh nang , Rosangzuala chuan vengchhakah bialnu a nei ,nuthlawi a nia fa pahnih a nei tawh" a tih zawm zat a . Ka nuih mai laiin " a duh lutuk ,a fa te pawn Apa an tia lawm.. Hman ni ah pawh U Hriati inkhawm tur chhelo deuhin a rawn kal a ,Rosangzuala leh a faten a hnungah an zui dat dat alawm . U Sangpuia phei chuan a nuih nasa thei lutuk Rosangzuala u ania" a tih leh chuan Rosangzuala hmel ka mitthla a inhmeh lo ka ti.


In ka thlen chuan Lawmtea chauh a lo awm a " khawnge putea ?" ka tih chuan ' missing' a ti then a , midang awmna ka zawh pawn a ngai tho in min chhang zel a . Eirawngbawl in ka buai zui viau a ,ka nau chu ka tirh apiang in " ka hmanlo inkhelh ka zir" a ti zel a , phone a en reng tho bawk si ka lungawilo viau tawh.. Midang lo haw thleng pawh chuan ka tir thei lo reng reng , a thiltih ka va en chuan phone ah football games a lo khel chu ni in " dream league ami?" ti a ka zawh chuan " world cup" a ti hmuk a ,a tihdan chu ka ngei tak tak ani.



Zanriah eikham a Lawmtea room a ka va luh chuan a lukham hnuai vel haiin eng emaw hi alo zawng kual vut vut a , a thil zawn ka zawh lah chuan a sawi duh derlo a a awmdan chu ka hrethiam chiahlo. Zandang ang bawkin putea leh Hruaia chu an leng leh tawh a , ka nu leh ka nau nen tv en in kan thu thap a . Lawmtea chu tv hma a thu in phone a khawih daih a ,ka nu nen kan ti ti karah chuan rim danglam deuh hi ka hre leh thin a , " shikhar in ei ami?" ka tih chiah chu ka nu a rawn meng thip hlar a ,keimah min melh miahlo . Ka bul a ka nau thu chu a melh ngar a , pakhat lah chuan " ka eilo" a lo ti vat a .



" Ka sawitam tawh .. Tun bak ka sawi tawhlo ang , mipa in a shikhar ka eilo e lo tih' a ti zek a . Mak ka ti chu ka ka hau mai , " shikhar hi lo ei ziah mai ,ka hauh nasat tawh nen kam hlei lutuk" a tih zawm zat a . Ka nu tawng mawlh mawlh lai chuan nutei pasal leh a fanu anlo lut hlawl a , nutei fanu hi ka nau Lawmtea nen an inrual vel a class 9 an zir ve ve a ,Hruaia erawh class 12 a ni tawh thung. Nutei hian fa 5 lai a nei a a naupang lam chu an la berh ve angreng . A upa lam pathum hi chu a fa bik te an ni nghe nghe , Mami hi a upa lam atang a chhiar a pathum na ania ,a u te mipa pahnih hi an zia a in ang lo ve a ,an upa ber Ramtea hi school a kal tawhlo a kohhran leh khawtlang lam a a mikhual loh viau laiin a nau chiah Duatpuia hi chu khawlaiah pawh a tual lim lo khawp mai.


Mami hian a pa hi a ngaina viau a a pa pawn a fa tak te ai mahin a duat bik emaw tih tur ania , thisen inzawm an nih lohna a hriat miahlo. Zo chhang kan minlo sawm a lo ania , an sawichhuah takah chuan ka ei chak khawp mai. Zantir chauh ala ni bawk nen Lawmtea nen chuan kan kal ve a,ka nu erawh paper check tur ka neih a tih vangin a lo kal ve lo thung.



Patea ho in kanin zui phei a zan a la tlai lo bawk nen khawlai leng tawh tur an awm leh zauh thin a ,kan mi tawh te apiang lah chuan min be zui zel a ka kal pui te chuan an chhang uang thin khawp mai. Kan hmazawn a tawng thawm chu ka hre leh thin a ,enge an sawi erawh ka hre theilo. Ka lo hriat lawk ang ngei chuan kan hma ah mipa rual an lo ding thap a ,an thu a in hmu fuh vaklo a nih hmel. Kawngchhak lama sub centre kawtah chuan mipa panga vel an ding a ,an bul leia Zomuana thu tung pawh chu ka hmuh zawm zat a . A thlang mai kawngpui sirah chuan mipa chutiang zat vel tho chu a ding khawm bawk a, street light a awm bawk nen an hmel chu ka hmuchiang thei hlawm viau mai.



" Mipa leh mipa fair a in cho phawt chuan " ti lang lang tu chu kan thenawm nu Rami fapa naupang zawk ' Johana' aw ni in ka hria . Thawm a reh thap a keini pawh patea ho chuan kan ding ve thap a ,kan hma a mi te chu kan en reng a . " A ngam chuan min rawn hnek ula , one vs one in kanti dawn nia " kawngpui a ding zing a pkhat chuan a ti leh lung lung a ,a pen hma deuh bawk nen a hmel ka hmu chiang viau a ka hmelhriat erawh a ni ve lemlo thung.



Kan lo en reng lai chuan Zomuansanga thu chu a rawn tho chhuak a,muangchangin kawngpui chu a rawn pan thla thinrim hmel a pulo reng reng. Engmah sawi set set lo chuan a hma a mipa chu a rawn hnek nghal thuai a nih chu! .A chetdan chuan min ti hamhaih angreng , a hnek zawh chiah pa rawn chet ve rual chuan an insual chu a ni nghal der a , " pate thelh ta che an insual saw " ka ti chul a , an thiante pawh chuan thelh an tum miahlo . " A hmuhnawm dawn e " patea lah chuan a ti sauh sauh a , a phur hmel riau lenghal.



Rei pawh an la insual hmanlo tih ah kan thlang lam atang chuan patling pahnih hi an lo chho a ,chu velah rang deuhin patea pui chuan " in thlah ru .. Zomuan, Lawmpui tunlaiah ar pawh an insual duh tawh hleinem " tiin a va pawt then chawt chawt a ,a tihdan chu ka nuih a za viau a ka naute pahnih pawh an lo nui tha mai. In kan thlen thlengin ka naute chuan an sawi zui a , nutei'n a zawh chian lai te chuan sawitur an hre khawp a ka awm ve reng na in sawichhawn tur ka hre ve lo reng reng , an sawidan atang erawh Zomuana chu a che tha zawk a nih hmel e .




Kan haw leh meuh chuan dar 9 a pel tawh a , sub centre kan kal lam a anlo intih buaina kha kan thleng tep tih a ka nau chuan a thiante a hmu leh rih a, " nangmahin va haw mai rawh " min ti mauh mai . Mahni a haw chu ka hreh viau a" min thlah phawt rawh " ka tih lahin " Anu'n kal a phal tawh dawnlo" a ti ve tlat a . " Zan a leng rual pawh ila nilo" ka tih chuan ' ka rei dawnlo" a ti tlat bawk si , " i rei dawnloh chuan ka lo kal ve mai ang" ka tih leh chuan " hmeichhe kalna chi a nilo " a ti bur bawk si.


" Nangmahin ka haw mai rawh ,a hlat loh em hi ..Bakah a hlauhawm loh , misual an awmlo" a thianpa Hlutea khan alo ti zat zat a , " ngawi mai teh ,meizial i heh heh nen " ka ti hlak a , " ka nghei daih tawh" a ti leh hram a ka chhang zui tawhlo. " Ka nu ka phone anga ka in hruai tir dawn" ka tih leh chuan " aa , u in ti no viau lo teh" ka nau chuan a lo ti hlak a . Thinrum ru deuh chungin keimah chuan ka kal zui hnak hnak a , ka hlauh ang ngeiin sub centre kawtah chuan mipa ho an lo awm a , ka en chiang vaklo na in pathum an ni in ka hria.



Kal pelh mai ka tum laiin " Lizzy " ti a min ko thawm ka hria a ,ding meuh a ka lehhawi chuan ka lam pan a Zomuana lo kal ka hmu zui zat a , ka bul a lo thlen rual chuan " i haw dawn ami?" tiin min zawt zui a , ka haw tur thu ka hrilh ve mai bwwk a . " Haw rual ila " a tih chuan kalo aw ve mai bawk a . Kan haw kawng a in ang bawk nen kan kal dun zel a , tun ang zan a mipa nen a midangin minlo hmuh chu ka hlau ru viau thung.



" Khawnge i kal a ?


Nutei te inah chhang kan kang a "



kanin chhang tawk thin khawp mai , sawitur lah chu kan van em em khawp a ,a zialo ka ti tak tak.

" Tinge in in sual a ?" ka tih chuan a ,a nui suk a " a ngam chuan min hnek rawh u" a tih kha ,a ti mai aa lak thutak hmel tehchiamloh . An in zawn kan thlen pawh chuan lut lo in minlo zui ve zel a , kanin thleng min thlah dawn a nih ka ring . " Naktuk class i kal a ngem?"


" umm"


Min chhang bul lutuk a ,sawi zawm tur ka hre leh tawh hauhlo.


" Ka rualin i kal duh em?" a tih chuan a mah chu ka en vat a , duh tih ngam na chi a ni pawn ka hrelo . " Mimii ka phur dawn a " ka ti ta ringawt a . Ka thil hriatchhuah vang chuan a mah chu ka melh chho leh vut a .


" Heyy .. Zomuansang , tinge vawinah khan min hriat duh miahlo a " ka ti kha kha a . " Bakah Mimii pawh i ngai theilo tih ka hre vek , i thianpa bialnu a nih hi aw ..Midang hnawk i tih viau chuan nakinah nangmah chauhin i chuang lel mai tur asin" ka ti ta zek a , tawng leh mai ka tum lai tak in ,


" Sawi tawh suh, ka ngaithla ngam tawh lo , min phawrh mualpho zo takngial dawn ... " a ti vei ham ham a ,sawi leh tur hrelo in ka dang zawk lel a lawm le.



Kanin zawn kan thlen hma deuh chuan " let tawh rawh ..Ka lawm lutuk a nia " ka ti zui a , kal mai ka tum chuan min ko ding leh rih a . Min lo din hnaih deuh chuan a rim chu ka hrechiang hle a ,a rimtui ka ti. Ka bul a mipa lah chuan uluk zetin minlo thlir dauh dauh a , sawitur nei hmel pawh a pu lo.


Kal sawn ka tum chuan ka kutah a lo vuan zat a , a lum leh vung vung tawh .. " Lo len i phal em?" a tih chuan " a tlai tawh em hi" kalo ti vat a . " Ka lo biak che a rem em?" a ti leh zat a , ka lo buk nghat chuan hnai fe ah min en dauh dauh a " ka lo bia ang che " a ti sup a , a aw ri chuan min fan raih raih mai.Ka hmai zawn a rawn kun hniam chuan tih ngaihna hrelo lutuk in ka melh ruai a, engthil nge a tih dawn ti a ka lo ngaihtuah lai mekin ka sam chu ka beng ah a rawn zep a , kalo thaw huai a , min fawp dawn emaw ka lo ti tak tak a .



" Va lut tawh rawh " a tih chuan a mah pawh ngaichang tawhlo in ka kal zui a ,inchhung ka luh chuan ka nu pawh ko tawhlo in room ah ka lut zui a ,ka nu pawh a mu tawh a nih ka ring.



Mu meng kar chungin ka phone ka bih khat tawk reng a , ka beisei ang message chu ka dawng hauhlo. Dar 11 dawn ah Zomuana message chu ka dawng ve hram a phur deuh a ka en chuan " Lizzy" tih zawng hi a lo nia .


" umm"


ka chhan rualin a lo seen nghal a ,thinphu dep dep a kalo ngaihthlak laiin

" muttui le " tih zawng a rawn sawi a ,ka lo beisei sang lutuk nge ni ka lawm lo dawn dawn a ,chutiang taka a biak ka thlahlel chu a chhan pawh ka hretiam chiahlo.


Zomuana lak a ka rilru puthmang chu a diklo riau hian ka hria a ,dik tak chuan tun mai pawh khan ka beisei ang ka dawnloh vangin ka lawmlo a ,ka na tel deuh bawkin ka hria .

Ka ngaihtuah chian lehzual phei chuan zanin a a chetdan te ,ka ngai kawilo theilo a bakah mipa satliah ang chauh chuan ka enlo a ni. Dik tak chuan zanin pawh khan min fawh ka beisei a nih kha , atthlak lutuk ! ..


End of chapter


Show post links
Top